/ // rgya gar skad du/ tA ra de bI nA ma aSh+Ta sha ta ka na/ bod skad du/ lha mo sgrol ma'i mtshan brgya rtsa brgyad pa/ lha mo chen mo sgrol ma rnam par rgyal ba'i nor bu rnam pa sna tshogs kyi do shal dang / na bza' dang / sham thabs kyi gshal kas 'jig rten gyi khams chen po'i bla re byas pa la phyag 'tshal lo// de nas lha mo sgrol mas de'i tshe sngon ma mthong ma thos pa'i gzungs kyi mchog brjod pa/ oM trai lo kya bi dza ya/ a tsit+ta dzA ya/ a ni ra tsi dza tA ya/ su dza ya/ bi dza ya/ ma hA dza ya/ bi dza ya/ dza ya dza ya/ he he/ sma ra sma/ ba ra ba ra/ ba ra da/ ma hA da bi/ bi la sa/ bi la sa/ bi la sa ba dza a mo ta ka ri bi dza ya de bi hI hI/ ki na ki na bi la ma ba se/ smar smar/ ma ya pradz+nyA a ni ba ta/ badz+ra ma hA kA ru Ni ka/ bA gi ni hUM hUM/ s+phu ta s+phu ta/ s+pho to spa ta/ a be sha ya/ a be sha ya/ d+hu na d+hu na/ bi d+hu na bi d+hu na/ kam+ba kam+ba/ kam+ba ya/ su ra b+hi gan d+ha/ a ti si ta/ mu khe ha la da ba la/ saM ga rA dzA na bi ma bi gi/ bi nA sha ya/ bi nA sha ya/ he b+ha ga ba ti/ san tra sa ya/ bi ga nA na/ ba ri ba lA ya/ asma kaM asma kaM/ mA da ni mA da ni/ saM bo d+ha ya saM bo d+ha ya/ ha ra ha ra/ hi ri hi ri/ hu ru hu ru/ bi ta ra ka ba ra dza/ haM haM/ tro tA ya haM haM/ san tri tA ya/ san tro ya/ man+ta man+ta/ marda marba/ tsa ra tsa ra/ saM tsa ra saM tsa ra/ be ga be ga be ga ba ti/ na mo na mo na ma swA hA/ de nas lA dang lha min tshogs/ / srin po gnod sbyin mi 'am ci// lto 'phye chen po'i tshogs rnams dang // 'byung po dri za log 'dren rnams// 'jig rten gsum du grags pa'i mchog/ gsang sngags chen po 'di thos nas/ / skrag cing mgo bo smad gyur te// lag pa chen po yongs bskyod nas// gang gis 'di nas sa gsum 'di// mtshan dag khyab par bya ba'i phyir// 'dod par lha yi ngag zlog pa/ / sgrol ma spyan yangs phyag 'tshal lo// spyan ras gzigs kyi rig smos pa// che ba nyid kyi grags pa'o// spyan yangs khyod ni sems can rnams// phan bzhed slad du 'byung ba lags/ / de nas dbang phyug la sogs pa// lha dang lha min 'dus kun dang // rig sngags 'chang gi bdag po dang // de bzhin rig sngags 'chang ba rnams// bla gos phrag pa gcig gzar te// bskor pab mchog ni byas nas kyang / / pus mo'i lha nga sa steng du// gtsugs nas tshig ni 'di skad smras// sgrol ma 'od 'bar de la ni// phyag 'tshal phyag 'tshal phyag 'tshal lo// ming brgya rtsa brgyad dam pa yi// dpe med ming ni brjod par bgyi// bkra shis rnam rgyal dpal bzang ba// skye dgu'i dbang phyug mngon shes myur// dbang phyug rab dga' 'jigs la drag/ rgod bag med cing dregs pa med// pad+ma'i spyan dang pad+ma'i zhal/ / pad+ma'i lte ba rab gtsang sbyin// spyan bzang spyan ni yangs pa ste// sngo ba ut+pal sngon po'i 'od// skyob pa skyabs 'os bde ba sbyin// de bzhin stobs sbyin gzugs sbyin pa// mgon po mgon mdzad drag mo ste// dkon mchog gsum po rgyal mdzad ma// sgros dmar sen mo dmar ba ste// spyan rtsa dmar pos gzigs par mdzad// dga' mdzad dga' stobs pad+ma lags/ / pad+ma'i mdog can par mdog dgyes// 'jig rten gsum 'dul zhi ba ste// 'jigs pa'i cha lugs stobs mo che// 'dul du 'jug ma 'dul mdzad ma// bstod ldan mi mchog dam pa lags/ / rab gsal 'dul ba rdo rje can// rnam par rgyal ba 'od gsal ba// byang chub rdul med dri ma med// zla ba lha mchog rnams kyi rje// sred bya dang ni sred bya'i bar// rgyu zhing gshegs la 'od zer mdzes// chu lnga g.yul 'gyed 'gying bag can// skyes mchog rang bzhin yid 'phros rgyas// gtsug bud gsum po lho tshil gsum// spyan gsum dri ma gsum sel ba/ / sred pa sel mdzad khong dge ba// tshig ldan mar yang de bzhin grags// rgyal ba sbyin pa bsod nams sbyin// sdig pa 'joms ma 'jigs pa med// nor sbyin mdog sbyin zhi ba ma/ / gzugs bzang phyal bzang nu ma bzang // sgyu 'phrul sgyu 'phrul ldan zhing 'dul// dul ba srung ba rdul sel ba// 'phreng ba thogs ma rgyags mdzad ma// rgyags pa sbyin ma dregs spong ma/ / drag mo lags te gzi bskyed ma// dkar mo zhi mdzad bde ba mo// skye dgu'i bdag mo tshangs par ldan// tshangs sbyin dbang phyug dam pa lags// zla ba'i 'od can zla ba'i zhal// zla ba'i gzi ni 'phrog par mdzad// nyi ma'i gzi 'phrog dgyes pa mo// yid 'ong bzang zhing zhim mo// bde ma bde ldan mu dang stegs// bkra shis bgegs rnams sel mdzad ma// nor spel bsod nams rnam par rgyal/ / 'dzam bu'i chu bo'i gser dngul 'od// 'jigs pa sel ba 'jigs med sbyin// sgrol ma lags te zla ba'i zhal// sems can kun la med mi 'gyur/ / mchod gnas phyag gnas dga' mdzad ma// cha lugs sngo ba cha lugs bzang // rgyan dmar rgyan du thogs pa ste// na bza' gser mnabs gang+gA ma// dkar mo 'bar ba rnam par 'jigs/ / gi'u wang gi thig le spos// 'khor ldan rdo rje chu lha nyid// dkyil 'khor mchog mnga' 'jigs mdzad ma// tshems dkar bzhad cing tshems dkar 'dzum// dpung rgyan snyan cha gdub kor thogs/ / do shal 'bar ba'i chun po can// 'og pag bzang ldan zhal bzang ma// grog ni nim pa'i lo ma thogs// nor bu'i cod pan nor bu 'chang // nor bu'i rgyan rnams rgyan du thogs/ / nor bu'i 'od zer snang ba can// nor bu'i dkyil 'khor rgyan mnga' ba// 'bar ba'i mdog mnga' rdo rje can// skyes pa bud med sad par mdzad// zhi ba dbyigs thogs mche ba can/ / tshangs pa'i zhugs can rlung dang ldan// bud med lags te mkha' las gshegs// lha mo mchog gi 'od 'phro ma// 'od dang ldan pa 'dod pas 'dul// 'dod pa'i khro bo rab 'joms ma/ / drag po thor tsugs gtsug bud can// tshangs pa tshangs pa'i gsung ldan rgyal// ping ka'i skad 'dra pheg bzang ma// 'jig rten dbang phyug rigs mchog skye// dbyig pa'i shing lo rdo rje thogs// drag mo rin chen 'od kyis brgyan// gshegs na snyan cha dri med g.yo// gshin rje ba yi yid la 'jug/ rig sngags 'chang ma gzugs 'chang ma// stobs lnga stobs dang ldan par mdzad// stobs dang stobs med mnga' ba ste// shes rab mtshon gyis gcod par mdzad// sgyu rtsal lags te sgyu rtsal ldan// de bzhin brjod dang sma ba lags/ / steng nas khyams dang khyams bza' tshul// tsam pa ka yi chun pos gsal// ser mo cen pa legs pa'i rten// drag mo phyag na chun po thogs// skal ba bzang mo gshal ka can/ / de bzhin shin tu shas cher dgyes// rigs mtshan shin tu stobs dang ldan// rdo rje khro bo dga' mdzad ma// bde ldan blo ldan rdo rje'i thogs// blo mdzad shes rab skyed par mdzad/ / lha mo lam me cod pan can// lha rnams kun la tshul lhag ma// sred med bu mo sdig pa sel// bkra shis ngo tsha shes dang dgyes// rab tu dga' ma 'grogs na dga'// spyod tshul dga' la dga' dang ldan// dga' ma dga' bar mdzad pa ste// chos rnams kun gyi legs pa'i rten// sangs rgyas sprul pa sprul mdzad ma// nga rgyal sel bar mdzad pa ste// las dang nyon mongs rab 'joms shing / / 'dod pa'i sde rnams rab 'joms ma// shes pa bcu mnga' sangs rgyas pa// pha rol phyin pa bcu la gnas// sa bcu dag la mnga' brnyes pa// stobs rnams bcu pos cher gsal ma/ / rdo rje cod pan rdo rje 'chang // rdo rje phra mo lnga min sel// dus kyi rdo rje rab tu rgyags// rdo rje lpags gru bde ba dpal// rdo rje zhags ba zhags pa bzang // sgeg mo rdo rje phyag na bsnams// yid 'ong yid la tshims par mdzad// pha rol bgegs rnams sel mdzad ma// tshim mdzad shas cher bde ba ste// rol cing gar thabs ston par mdzad// chos can hal ha la'i 'od/ / chos sbyin rnam par gzigs pa lags// khyod ni rdo rje 'phro ba dang // bdud rtsi rdo rjer brjod pa ste// rdo rje 'bar ba stobs mo che// lha mo chen mo khyod phyag 'tshal// bdag cag rnams kyis bstod pa yi/ / mtshan brgya rtsa brgyad mchog 'di brjod// kye kye bcom ldan mchog nyid ni// smra ba rnams kyi mchog lags gsungs// de nas zla ba'i 'od 'dra zhing // 'bar la 'phro bar ldan pa yi/ / lha mo sgrol ma brjid bag can// 'dzum bzhin du ni rab smras pa// dbang phyug chen po la sogs kun// nga yi tshig ni mnyan par gyis// thams cad rtag tu 'thun par ni// stobs bcu dag la brtson par gyis/ / de bzhin gshegs pa'i tshul chen yang // dus kun tu ni srung bar gyis// zhi ba'i lam la dmigs pas ni// 'khor ba'i rgya mtsho mi bzad cing // 'jigs pa chen po'i gzhir gyur pa/ / rgal dka' khyed kyis rgal bar gyis// mya ngan 'das pa'i gro khyer la// dmigs nas brtson te 'jug par gyis// de nas nyi 'od 'bar ba yi// 'phreng ba lta bur mdzes pa'i zhal// de bzhin gshegs pa'i 'brug gi sgra// 'dra ba'i tshig ni bka' stsal pa// kye ma rig sngags sgrol ma'i mchog/ mun pa sel bar byed pa dang // mthu stobs rgya chen skyed byed pa// sgrib pa thams cad gcod byed pa/ / tshogs rnams bskyed pa'i gzi brjid kyis// dag par byas pa ma yin pas// shas cher dga' bar byed pa yi// gzungs 'di thos par mi 'gyur ro// sngon chad sangs rgyas brtson byas pa'i/ / brtan po gzi brjid dag rnams la// dam tshig chen po rig sngags kyi// dam tshig 'di ni 'byung bar 'gyur// nyon mongs mtha' dag rab 'joms shing // sdig pa thams cad sel byed pa/ / sems can thams cad rab 'byed pa'i// rdza sngags rdo rje mchog 'dzin dang // su zhig mnyam par bzhag pa yis// nyan tam 'chang ngam klog byed na// rang byung gis ni gsungs pa bzhin/ / de yi don kun 'grub par 'gyur// nyon mongs kun las rnam grol zhing // sems can kun las lhag pa'i mchog/ 'jig rten dag tu chos shes la// 'dzud pa'i de bzhin gshegs dang mtshungs// su zhig ming brgya rtsa brgyad 'di// 'don cing sgrol ma zla ba'i zhal// de bzhin bstod byed de dag ni// sangs rgyas nyid kyang thob par 'gyur// de yi don yang 'grub 'gyur zhing // rgyal po rnams dang stobs chen mi// gzhan yang sems can bgrang ba gang // thams cad de yi dbang du 'gyur// lha mo sgrol ma zhal bzang ba'i// ming brgya rtsa brgyad grags pa 'di/ / 'jig rten dag na rgyags pa dang // nyon mongs mi rigs kun sel ba'o// de nas bdud ris gyen du g.yos pa'i ri bo 'khrug byed pa// de bzhin gshegs pa'i ri bo mchog dang 'dra ba'i sku mnga' ba/ / 'od gsal lha dang mi rnams legs par sad par mdzad pa po// rgyal sras thu bo rnams kyis khyad par stobs kyis brten pa yis// gsung rab rtag tu tshogs chen brda sprod la/ / don chen grags shing phan phyir zhugs pa gang // rab des chos de dang ni sdud byed dang // de bzhin khyad par sems pa'i rim sel bas// bzod med nyon mongs sel ba dang / / zhi ba'i yid ni skyed pa'i tshig/ rgyal ba mchog gis bka' stsal nas// gzhes par gyur te mi gsung bzhugs// de nas sgrol mchog lha mos gtsor gyur dga' bar byed cing yid 'phrog la/ / dga' ba rgya chen skyed cing tshe dang bde sbyin bstan pa'i tshig thos pas// lha tshogs lha min tshogs bcas mtha' dag dka' ba rgyas shing rmad byung nas// rab tu dga' zhing spyi bos thal mo sbyar te smra ba zhi bar gyur/ / sgrol ma'i mchog ces bya ba'i gzungs te// lha mo sgrol ma'i mtshan brgya rtsa brgyad pa rdzogs so//

CLOSE WINDOW