gar skad du/ Ar+ya trar b+harba nA ma aSh+Ta sha ta ka/ bod skad du/ rje btsun ma 'phag ma sgrol ma'i mtshan brgya rtsa brgyad pa/ rje btsun ma 'phags ma sgrol ma la phyag 'tshal lo// dpal ldan yid 'ong po Ta la/ / sna tshogs khams kyis rnam par spras// sna tshogs ljon pas bkram pa ste// skye gnyis du ma sgra 'byin pa// 'bab chu sna tshogs ku co che// ri dgas sna tshogs 'khrugs pa ste// me tog sna tshogs rigs rnams kyis/ / kun tu dri yis bkang ba ste// sna tshogs yid 'ong 'bras bur ldan// rkang pa drug pa glu yi sgra// mi 'am ci yis glu snyan len// glang chen smyon pas yang dag khengs// rim 'dzin grub pa'i tshogs rnams dang / dri za rnams kyang glu len pa/ thub pa 'dod chags bral rnams dang // byang chub sems dpa'i tshogs gzhan dang // sa bcu'i dbang phyug rnams dang ni// / 'phags ma sgrol sogs lha mo rnams// rig pa'i rgyal mo stong rnams kyis// rtag tu legs par bsten pa'o// khro bo'i rgyal po tshogs gzhan dang // rta mgrin la sogs kyis bskor ba// sems can kun la phan par brtson// bcom ldan 'das ni spyan ras gzigs// bzhugs te de phyir dpal dang ldan// pad+ma'i snying po thub pa'i gdan// dka' thub chen po dang ldan pa// byams pa dang ni snying rje ldan/ / lha yi 'khor ni chen po la// chos gsung po ni yang dag bzhugs// de ru nyer 'dug yang dag langs// phyag na rdo rje stobs po che// mchog tu snying rje dang ldan pas// spun ras gzigs la zhus pa ste/ / rkun po sbrul dang seng ge dang // glang po stag dang chu 'jigs pas// zhi mdzad thub pas sems can rnams// 'khor ba'i rgya mtshor bying ba rnam// 'khor ba'i zhags pas bcings pa rnams// chags sdang gti mug dri ma las// gang gis sems can grol 'gyur ba// de gsungs bdag la thub chen po// de skad zhus nas bcom ldan 'das// 'jig rten mgon pos 'di skad gsungs// dpal ldan de ni spyan ras gzigs// phyag na rdo rje rab rtogs byed// snyan pa'i tshig ni 'di skad gsungs// nyon cig gsang ba'i rgyal dbang po// / skyob pa 'od dpag med pa yi// smon lam stobs kyis byung ba ste// nga yis 'jig rten ma ru shes// snying rje che dang ldan pa yis// 'gro ba 'don par brtson pa mo// nyi ma shar ba dang 'dra/ ba/ zla ba nya 'dra byad kyi 'od// lha bcas mi dang lha min dang // mi rnams thams cad gsal bar byed// 'jig rten gsum po g.yo bar byed// gnod sbyin srin po 'jig par byed// phyag na ut+pa kha sngon po ste/ / ma 'jigs ma 'jigs zhes brjod ma// khar snang du ni 'bar bar gnas// 'gro ba yang dag gzung don du// mtshon gyi bskal pa byung ba dang // 'jigs pa sna tshogs 'khrugs don du/ / rgyal ba rnams kyis bdag bskyed de// ming rnams dran pa nyid kyis ni// sems can thams cad bdag gis srung // sna tshogs 'jigs pa'i rgya mtsho las// sems can thams cad bdag gis bsgral/ / des na bdag la 'jig rten du// rgyal ba'i tshogs kyis sgrol mar bsgrags// thal mo sbyar ba byas nas ni// spyan sngar 'dug ste 'di skad gsol// gsung gcig mtshan brgya rtsa brgyad pa// sa bcu'i dbang phyug mgon rnams dang // byang chub sems dpa' ra ba dga' ba'i// sdig pa spong byed bsod nams dang // bkra shis grags pa 'phel bar byed/ / gter dang nor rnams 'phel byed nyid// nad rnams thams cad rlag par byed// dpal dang shis pa 'jog par byed// nad med tshe ni 'phel bar byed// sems can rnams la byams bsgoms la/ / de dag sgrogs shig thub chen po// spyan ras gzigs dbang rab tu bshad// mchog rnams rab tu rnam gzigs nas// 'di lta bu yi byams pa spro// phyag ni g.yas pas phyag thab mdzad/ / bsod nams mtshan nyid ldan pa yis// de gsungs shes rab shin tu che// legs so leg so dka' thub che// sems can kun la gcig tu brtse// bskal pa chen po mi rnams nyon// / mi rnams gang zhig 'di sgrog pa// nor gyi dbang phyug yang dag 'gyur/ nad rnam thams cad yang dag grol// dbang phyug kun dang yang dag ldan// dus min 'chi ba nges par bsregs// 'chi ba bde ba can 'gro ba/ / de rnams bdag gis bshad par bya// lha yi dge 'dun bdag la nyon// 'di la rjes su yi rang gis// legs par bsdams par 'gyur la bstod// oM dge ba can ni gzi brjid che// / 'jig rten gso byed snyan pa che// dbyangs can ma ni spyan yangs ma// shes rab dpal dang blo 'phel ma// gso byed ma dang rgyas 'debs ma// swA hA/ oM gyi rnam pa 'dod gzugs ma sems can kun la phan par brtson/ / g.yul las sgrol byed rgyal ba mo// lha mo shes rab pha rol phyin// 'phags ma sgrol ma yid 'ong ma// rdza rnga dung can rgyas pa mo// rig pa'i rgyal mo tshig snyan ma/ zla ba'i gdong can dkar mo che// mi pham gos ni ser mo can// sgyu ma chen mo dkar mo che// stobs po che la pha rol phyin// rtsub mo chen mo gtum chen mo// sdang ba'i sems kyis rlag byed ma// rab tu zhi ba zhi ba'i gzugs/ / rnam par rgyal ba 'bar ba'i 'od// glog gi 'phreng ba rgyal mtshan can// ral gri 'khor lo gzhu thogs mtshon// 'chol byed rengs byed nag mo ni// mtshan mo nag mo mtshan spyod ma/ / srung byed rmongs byed zhi ba mo// mdzes ma dge ma 'dra ba'i lding // tshangs pa mo dang rig byed mo// gsang ba mo ni brag phug gnas// bkra shis don byed zhi ba mo// skyes nas rig byed yid mgyogs ma/ / thod pa can ni shugs chen mo// tshangs ma bden ma gzhan mi rgyal// ded dpon chen mo snying rje gnas// chud zos pa la lam rab ston// mchog ster ster byed ston pa mo// bud med gzugs la dpag med gnon/ / ri khrod ma dang rnal 'byor mo// grub ma gtum ma bdud rtsim// des ma nor ma bsod nams ma// skal chen skal bzang mdzes ston ma// mthar byed skrag byed 'jig byed ma/ / drag dang brtul zhugs chen mo ma// 'gro la gcig tu phan par brtson// skyabs byed gus la gsong ba mo// ngag gi dbang phyug zhi phra ma// rtag ma kun 'gro rjes 'gro ma// don kun sgrub byed bzang mo ma/ / gsang byed gso byed nor ster ma// mi 'jigs bsod nams gau ta ma// spyan ras gzigs dbang bdag nyid skyes// mtshan brgya rtsa brgyad 'di dag ni// phan par byed par grags pa ste/ / mchog tu rmad byung gsang ba'o// lha yul na yang rnyed dka' ba// skal bzang skal ba dang ldan byed// dug ni thams cad nyams byed la// nad ni thams cad zhi byed ma// sems can kun la bde ster ma/ / blo ldan gang zhig lan gsum klog/ mnyam bzhag gtsang sbra byas pa yis// des ni dus mi ring ba ru// rgyal srid dpal yang thob par 'gyur// rtag tu sdug pa'ang bde bar 'gyur/ / bkren pa phyug por 'gyur ba'o// rmongs pa shes rab chen por 'gyur// yid gzhungs 'gyur ba the tshom med// bcings pa bcings las grol bar 'gyur// tha snyad las kyang rgyal bar 'gyur/ / dgra bo bshes por 'gyur ba ste// rwa can dang ni mche ba can// dog pa'i 'thab mo rgyal dka' dang // sna tshogs 'jigs pa 'khrug pa las// mtshan ni 'di rnams dran pa yis/ / 'jigs pa kun las sgrol bar byed// dus min 'chi las sgrol bar byed// skyes bu snyan pa thob par byed// mi ni smra ba don dang bcas// ngagacag pu yi phan yon gyis// gang zhig 'di na sngar langs nas/ / skyes bu gang zhig klog byed pa// de yi dus ring tshe dang ldan// mi ni dpal gyis dga' 'gyur te// lha dang klu dang gnod sbyin dang // dri za dang ni lus srul po 'byung po gshed byed srin po dang / / ma mo rtsub pa'i sems ldan pa// gnod sbyin mo dang yi dgas byed// spyo byed dang ni gdon chen rnams// grib gnon dang ni brjed byed dang // sha za la sogs rnams dang / / ro langs la sogs sna tshogs rnams// skul byed gzhan sems sdang ba rnams// grib ma yang ni 'gom mi 'gyur// ji ltar slar ni mchod par 'gyur// sdang ba'i sems can 'ching bar 'gyur/ / nad la sogs pas thebs mi 'gyur// phyug dang longs spyod yon tan ldan// bu dang tsha bo 'phel bar 'gyur// blo ldan skye ba dran par 'gyur// rigs dang ldan zhing mthong dgar 'gyur/ / gzi brjid ldan zhing tshig gsal ba// bstan bcos thams cad rig par 'gyur// dge ba shes bsnyen bkur yang dag bsten// byang chub sems kyis brgyan pa dang // gang dang gang du skyes pa der// rtag tu sangs rgyas kyis mi spong // dpal ldan 'phags pa spyan ras gzigs dbang phyug gis gsungs pa/ rje btsun ma 'phags ma sgrol ma'i mtshan brgya rtsa brgyad pa rdzogs so/ / // rgya gar skad du/ tA ra de bI nA ma aSh+Ta sha ta ka na/ bod skad du/ lha mo sgrol ma'i mtshan brgya rtsa brgyad pa/

CLOSE WINDOW