skad gsar bcad kyis bcos nas gtan la phab pa'o// // rgya gar skad du/ sarba ta thA ga ta mA ta ni tra rA bi shwa karma b+ha ba tan+t+ra nA ma/ bod skad du/ de bzhin gshegs pa thams cad kyi yum sgrol ma las sna tshogs 'byung ba zhes bya ba'i rgyud/ 'phag pa 'jam dpal la phyag 'tshal lo// 'di skad bdag gis thos pa dus gcig na/ bcom ldan 'das dga' ldan gyi gnas na bzhugs te/ byang chub sems dpa' byams pa dang / 'jam dpal la sogs pa dpag tu med pa dang / ku ru kul+le dang / ri khrod ma lo ma can la sogs pa dang / tshangs pa dang / brgya byin la sogs pa dpag tu med pa dag gis lha rdzas kyi me tog pad+ma dang / ku mud dang / man da ra ba la sogs pa lha rdzas kyi me tog dpag tu med pa dag dang / dung dang / pi wang dang / rnga dang / rdza rnga dang / dgu po rgyud mangs la sogs pa lha'i rol mo dpag tu med pa dang / lha'i gdugs dang / rgyal mtshan dang / ba dan la sog pa dpag tu med pa thogs te/ bcom ldan 'das la g.yas phyogs nas bskor te mchod pa sna tshogs kyi mchod pa'i sprin gyis mchod do// de nas bcom ldan 'das kyis pha rol gyi sde rab tu 'joms pa rdo rje lta bu zhes bya ba'i ting nge 'dzin la mnyam par bzhag ste/ bzhag ma thag tu yangs chen po g.yos/ bdud kyi dkyil 'khor yang 'pham par byas te 'od kyi snang ba chen po'ang bkye'o/ / de'ang 'di lta ste/ dkar po dang / dmar po dang / ser po dang / ljang khu dang / mthing kha dang / 'dres pa ste/ 'od sna tshogs bkye ste/ sdug bsngal dang bcas pa rnams sbyangs te/ sangs rgyas thams cad kyi yum sgrol ma ku ru kul+le'i gtsug tu nub par gyur to// gtsug tu nub ma thag tu mchod pa'i sprin gyi char pa'ang bab par gyur to// de nas lha mo de dper na sprin dang bral ba'i nyi ma'i dkyil 'khor lta bur gyur to/ / de'i tshe bstod pa'i tshogs su bcad pa 'dis bstod pa/ zhing khams thams cad yongs su dag pa la// rin chen me tog mang po char du phab/ / dus gsum sangs rgyas thams cad bskyed pa'i yum// yum gyur sgrol ma khyod la phyag 'tshal bstod// ces gsungs so// de'i tshe byang chub sems dpa' 'jam dpal gzhon nur gyur pa bla gos phrag pa gcig tu gzar nas/ / pus mo g.yas pa'i lha nga sa la btsugs te// bcom ldan 'das la gsol pa/ bcom ldan 'das dus gsum gyi sangs rgyas thams cad zab pa'i phyir ci'i phyir bskyed/ gang gis na yum zhe na/ bcom ldan 'das kyis gsungs pa/ 'jam dpal bden mod kyi/ dus gsum gyi sangs rgyas thams cad kyang ma skyes pa/ ma 'gags pa/ dri ma med pa/ dri ma dang bral ba med pa/ 'grib pa med pa/ 'phel ba med pa/ rang bzhin gyis mya ngan las 'das pa'o// de'i phyir chos thams cad kyi rang bzhin ni de'o/ / byang chub sems dpa' 'jam dpal gzhon nur gyur pas smras pa/ bcom ldan 'das dus gsum gyi sangs rgyas ni ma skyes pa/ ma 'gags pa/ dri ma med pa/ dri ma dang bral ba med pa/ 'grib pa med pa/ 'phel ba med pa/ rang bzhin gyis mya ngan las 'das pa de ji ltar skye bar 'gyur/ bcom ldan 'das kyis gsungs pa/ 'jam dpal mya ngan las 'das pa zhes bya ba ni don dam pa'o/ / mya ngan las 'das pa zhes bya ba ni chos kyi dbyings so// yang dag pa'i mtha'i tshig bla dgas so// snying rje chen po'o// / kun rdzob ngo bo 'khor ba'i tshig bla dgas so// de las 'das pa ni dus gsum gyi sangs rgyas skyed pa'i yum mo// de'i phyir 'khor ba dang mya ngan las 'das pa'o// 'jam dpal de ltar na yum du yid la bya'o/ / bcom ldan 'das kyis gsungs pa/ 'jam dpal de bas na chos rnams kyi de kho na nyid shes pas 'di bsgom par bya'o// gzungs sngags 'di brjod par bya'o// nan tan du bsgrub par bya'o/ / 'di'i yon tan shes par bya'o// 'di mchod par bya'o// lung nod par bya'o// the tshom med par bya'o// las la nan tan du bya'o// 'di'i bsngags pa yid la bya'o// so so'i sgo nas bsgrub par bya'o/ / de skad ces byang chub sems dpa' 'jam dpal gzhon nu la bstan to// des ni gleng gzhi'i le'u bstan pa ste le'u dang po'o// // de nas byang chub sems dpa' 'jam dpal gzhon nur gyur pas/ bcom ldan 'das la gsol ba/ bcom ldan 'das 'di ji ltar bsgom par bya/ 'di la ji ltar nan tan du bgyi zhes gsol ba dang / bcom ldan 'das kyis gsungs pa/ 'jam dpal 'di ltar yid la bya'o// 'jam dpal chos thams cad ni ma skyes pa'o// chos thams cad ni ma 'gags pa'o// chos thams cad ni dri ma dang bral ba'o// chos thams cad na mya ngan las 'das shing rang bzhin gyis rnam par dag par bsgom pa skyo/ / 'jam dpal de'i phyir sngags 'di brjod par bya'o// oM swa b+hA ba bi shud+d+ho/ sarba d+harmA swa b+hA ba shud+d+hohaM/ zhes brjod par bya'o// yang bcom ldan 'das kyis gsungs pa/ mngal nas skyes pa dang / sgo nga las skyes pa dang / drod gsher las skyes pa dang / rdzus te skyes pa dag la bltas te byams pa bsgom par bya'o/ / skyes pa dang / rgas pa dang / na ba dang / 'chi ba la snying rje chen po bskyed par bya'o// stong pa nyid dang / mtshan ma med pa dang / smon pa med pa dang / rang bzhin gyis 'dus ma byas pa la dga' ba dang btang snyoms bsgom par bya'o/ / 'jam dpal de lta bas na rgyu ni tshad med pa bzhi'o// des bskyed pa ni byang chub kyi sems so// de'i phyir de la nan tan du yid la bya'o// 'jam dpal de'i phyir sngags 'di brjod par bya'o// oM bo d+hi tsit+ta uta pA da ya a haM/ zhes brjod par bya'o// yang bcom ldan 'das kyis gsungs pa/ mchod pa 'di rnams kyis mchod par bya'o/ / gang yang phyogs bcu'i 'jig rten khams bzhugs pa'i/ sangs rgyas rnams kyis byin gyis brlabs pa yi// phye ma phur ma bdug pa'i bye brag rnams// rgyal ba skyed pa'i yum la mchod par bya'o/ / gang yang phyogs bcu'i 'jig rten khams bzhugs pa'i// de bzhin gshegs pa'i yum mchog sangs rgyas spyan// me tog sil ma 'phreng ba'i bye brag rnams// rgyal ba skyed pa'i yum la mchod par bgyi/ / gang yang phyogs bcu'i 'jig rten khams bzhugs pa'i// de bzhin gshegs pa'i yum mchog rin po che// rin chen mar me 'phreng ba'i bye brag rnams// rgyal bskyed pa'i yum la mchod par bgyi// gang yang phyogs bcu'i 'jig rten khams bzhugs pa'i// de bzhin gshegs pa'i yum mchog na bza' dkar// dri zhim chu gtsang spos ngad ldan pa'i chu/ / rgyal ba skyed pa'i yum la mchod par bgyi// gang yang phyogs bcu'i 'jig rten khams bzhugs pa'i// rgyal ba skyed pa'i yum mchog 'phrin las ldan// bza' dang bca' ba la sogs zhal zas rnams// rgyal ba skyed pa'i yum la mchod par bgyi// sdug bsngal thams cad zhi bar mdzad pa yi// klu dang rol mo sel snyan bcas pa'i sgra// gdugs dang rgyal mtshan ba dan 'phan gdugs bcas// phyogs bcu kun nas sprin bzhin gtibs gyur cig/ dpag bsam gyi ni shing dag dang // ljon pa'i shing dang shing dag gis// dri zhim lo 'dab bcas pa'i shing // phyogs bcu kun nas gtibs gyur cig/ spos kyi ngad dang ldan pa'i char// 'bru dang me tog la sogs pa'i// yid du 'ong ba'i dri zhim char// nges par kun tu 'bab par shog/ 'bab chu steng ka lu ma dang // mtsho dang rdzing bu dag dang ni// ro brgya dag dang ldan pa'i mtsho// ngang pa la sogs bcas pa yi// rin chen khang pa yid 'ong ba'i// dra ba dra ba phyed pa dang // shar nub 'od bcas nyi zla dag dang ni// khang pa shin tu yid du 'ong ba rnams// rgyal ba skyed pa'i yum la mchod par bya'o// 'jam dpal de'i phyir mchod pa'i sngags 'di brjod par bya'o/ / oM sarba ta thA ga ta d+hU pe pU dza me g+ha sa mu dra s+pha ra Na sa ma ye hUM/ oM sarba ta thA ga ta puSh+pa pU dza me g+ha sa mu dra s+pha ra Na sa ma ye hUM/ oM sarba ta thA ta ga ta A lo ka pU dza me g+ha sa mu dra s+pha ra Na sa ma ye hUM/ oM sarba ta thA ga ta gan+d+ha pU dza me g+ha sa mu dra s+pha ra Na sa ma ye hUM/ oM sarba ta thA ga ta nai wi d+ye pU dza me g+ha sa mu dra s+pha ra Na sa ma ye hUM/ oM sarba ta thA gta shap+da pU dza me g+ha sa mu dra s+pha ra Na sa ma ye hUM/ zhes brjod par bya'o// mchod pa'i le'u ste gnyis pa'o// / de nas yang 'jam dpal gzhon nur gyur pa la gsungs pa/ 'jam dpal yum 'di ni dus gsum gyi sangs rgyas thams cad kyi yum mo// 'jam dpal de'i phyir dus gsum gyi sangs rgyas thams cad kyis bstod pa 'di 'jam dpal khyod kyis yid la gyis shig/ de nas bcom ldan 'das kyis bstod pa'i gzungs sngags gsungs pa/ na maHsarba ta thA ga tA nAM/ tad+ya thA/ oM na maHsU ka saM na maHtA ra ye tA ra mi tA/ na masta re tu re/ bI re/ k+Sha nai ra d+yu ti ni b+he k+Sha Ne/ trai lo kya nA thA na bak+ta a ba dza/ bi ka sata ke sha rod b+ha be/ na maHsha ta sha rats+tsha na dra/ saM pUr+N+Na ta pa Ta lA na Ne/ tA rA sa ha sra ni ka ra/ pra ha sa ta ki ra No a dz+wa le/ na maHka na ka nI la a ba dza/ pA Ni pad+ma bi b+hu Shi te/ dA na bIr+ya ta paHshAn ti/ ti ti k+Sha d+h+yA na go tsa re/ na ma sta thA ga toSh+NI Sha b+hi dza yA na na ta tsA ri NI/ a sheSha bA ra mi tA prAp+ta/ dzin pu tra ni se baM te/ na mas+t+yat+tA ra hUM ka ra/ pU ri tA sha di gan ta re/ sab+ta lo ka kra mA krAn ti/ a sheSh+Ta kaR+She Nak+Sha me/ na maHsha kra a na laM brah+ma/ ma rung bi shwe shwa ra a ran+ti te/ b+hu ta be tA la gan d+harma ga Na yak+Sha pU ra s+thi te/ na mastA Di ti phaT kA ra/ pa ra yan tra bA ma ra da ni/ pra t+yA lI D+ha ba da n+ya se/ shi khi dzA lA ku le k+Sha Ne/ na mastu re ma hA g+ho raM/ mA ra bI ra bi nA shA ni/ b+h+ri ku TI kri ta bAk+Sha a ba dza/ sarba sha tru ni sU da ni/ na maHtri rat+na mu d+h+waM ka/ prid+hA gu li bi b+hu Shi te/ b+hu Shi tA sheSh+Ta di ka tsakra/ ni ka ra swa ka rA ku le/ na maHpra mu di tA To pa mu ku Ta/ k+Ship+ta mA li ni/ ha sar+b+ba ha sat+tut+tA re/ mA ra lo ka ba shang+ga ri/ na maHsa maM ta b+hU pA la/ pa Ta lA kaR+Sha Ne k+Sha me/ tsa la da b+hI ku Ti hUM ka ra sarbA pa da bi mo tsa ni/ na maHshi khaN+Da/ khaN+Den du/ mu ku TA b+ha ra Nodz+dza le/ a mi tA b+ha dza Ta b+ha ra/ b+ha su re ki ra/ No D+hA be/ na ma/ kalpAn+ta hU ta b+hu ga/ dzA lA mA lAn ta ras+thi te/ a lI D+ha mu di tA bo d+ha/ ri pu tsakra bi nA shA ni/ na maHka ra ta lA g+ha ta/ tsa ra na ha ta b+hu le/ d+hi ku r+thi/ kr-i ta hUM ka ra/ sab+ta pA tA la b+he di ni/ na maHni thaM shu b+he shAn te/ shAn ta nir+d+haH go tsa re sAH/ oM pra Na ba saM lu ka te/ ma hA pA ta ka nA sha ni/ na maHla mu ti ta ban u0f7f/ ri pra gA pa tra pra b+he de ni/ da shAk+Sha ka ra ba dkyus/ bid+ha hUM ka ra dI piti/ na maHsU re bA dA rbA ta/ bru~M kA ra kA ra bI dza~MH/ me ru man dA ra kaM yA sa/ b+hu ba na tra la tsA li ni/ na maHsu ra sa rA kA ra/ ha ri NAM ka ka ras+thi te/ tA rA dI ru ta sU Ta kA ra/ a she Sha bi Sha nA sha ni/ na maHsu ra ga NA d+hak+Sha/ sur kin+da da sa te/ A baM d+ha mu di tA b+ho ga ka li/ duHswap+na nA sha ni/ na maHtsan dra arka saM bur+d+ha/ na ya na d+h+ya ti b+hA su re/ ha ra de ru ka tut+tA re/ bi Sha ma dza ra nA sha ni/ na mas+t+ri ta tra bi mA sa/ shi ba sha ka ma nI te/ gra ha be ta Ta ya k+Shau g+ha/ nA sha ni pra ba re tu re/ man tra mu la mi daM sto taM/ na maska raM ki baM sha kaM/ yaHba thi ta pra yat+ma d+hI maM/ de byA b+hik+ta sa man pa tri/ sha yam+ma b+he ta rud thA pA yaH/ sma reta sarbA b+ha ya pra daM/ sarba pA pa pra sha ma ni/ sarba durga ti nA shi naM/ a b+hi Shi ka to b+ha be ta tA ra n+taM/ sap+ta b+ha ri dzi na kro Ti b+hiHa smin ma hA tra mA sA d+ya/ soR+Shan te bod b+haM pa de pra dze ta/ bi Sha na ta s+ya ma hA g+ho raM/ s+thA pa ra ma ba tha dza ga maM/ smAsma drar+N+Na ta pra la yaM yA ti/ khA hi taM bi tA me ba bA/ gra ha dz+wa ra ba ShA rat+na naM/ pa ra ma rat+ti bi nA sha naM/ a n+yeShAM tse ba satwA nAM/ dwi s+t+ri sap+ta b+hi ba ratI naM/ pu tra kA mo la b+he ta pu traM/ d+ha na kA mo la b+he ta d+ha naM/ sarba kA mA na bA pa no to// na big+b+h+yAMHpra ti ha n+ye te/ ta ra g+ha ba ga ba tai ya su tra/ samya ka saM bud+d+ha ba she traM sarba ka ra/ sa ma yA u la ka ra ye/ bud+d+ha ni tsa/ d+harma Ni tsa/ saM g+ha ni tsa tA ra ye swAhA/ 'jam dpal gzangs 'di ni dus gsum gyi sangs rgyas thams cad kyis byin gyis brlabs shing / dus gsum gyi sangs rgyas thams cad skyed pa'i yum sgrol ma la ma rungs pa 'joms pa'i sgo nas bstod pa ste/ phan yon ni bsam gyis mi khyab bo// 'jam dpal de'i phyir brjod par bya'o// gzungs 'di brjod pa'i gang zag ni sems can dmyal ba dang / yi dgas dang / dud 'gro la sogs pa'i gnas su nam yang skye bar mi 'gyur ro// yul mtha' 'khob dang / kla klo dang / dbang po ma tshang ba la sogs par nam yang skye bar mi 'gyur ro// rims dang / 'brum bu dang / nad 'go ba la sogs pa'i nad kyis 'jigs pa thams cad las grol zhing nad kyis 'jigs pa mi 'byung ngo // 'jigs pa chen po brgyad la sogs pa las grol bar 'gyur ro// / 'jam dpal dus gsum gyi sangs rgyas thams cad kyis bstod pa 'di 'dzin pa'i gang zag de ni dus gsum gyi sangs rgyas thams cad la mchod pa byas par 'gyur ro// 'di 'dzin pa'i gang zag de ni mtshams med pa la sogs pa'i sdig pa ma lus pa byang bar 'gyur ro/ / sangs rgyas thams cad mthong bar 'gyur ro// dus ma yin pa'i 'chi ba mi 'byung zhing nam 'chi ba'i tshe dus gsum gyi sangs rgyas thams cad skyed pa'i yum sgrol ma mthong bar 'gyur ro/ / 'di 'dzin pa'i gang zag de ni yid la ci bsam pa thams cad 'grub par 'gyur ro// gzugs phun sum tshogs pa dang / kha dog phun sum tshogs pa la sogs pa thams cad 'thob par 'gyur ro// rmi lam ngan pa dang / sdang ba dang / mi ma yin pa'i bar du gcod pa thams cad zhi bar 'gyur ro/ / dus gsum gyi bden pa'ang mthong bar 'gyur ro// yum sgrol ma'i sku dngos su mthong bar 'gyur ro// na maHsarba ta thA ga ta sa myaka saM bud+d+hA traM ya te tra tetra ra te tu tA ra/ zhes brjod par bya'o// bstod pa'i le'u ste gsum pa'o// / de nas byang chub sems dpa' 'jam dpal gzhon nus/ bcom ldan 'das la gsol pa/ gzungs sngags 'di gang la brten nas yid la nan tan du bya zhes smras pa dang / bcom ldan 'das kyis bka' stsal pa/ sdug bsngal las grol bar 'dod cing zab mo'i don la mos pas nan tan du bya'o/ / de nas taM las byung ba'i 'od zer las steng 'og thams cad du rdo rjer gyur te/ 'jam dpal sngags 'di brjod par bya'o// oM badz+ra dz+wa la badz+ra ta na hUM phaT/ ces brjod par bya'o// de nas taM las byung ba'i yi ge a dkar po bsgom par bya'o// de'i steng du baM sngon po bsgom par bya'o// de'i steng du laM ser po bsgom par bya'o// de'i steng du yaM ljang khu bsgom par bya'o/ / de'i steng du raM dmar po bsgom par bya'o// de rnams kyi 'od 'od zer 'phro ba dang bsdu ba byas te/ oM d+harma d+hA tu bi shud+d+ha hUM/ oM A d+hA tu bi shuHhUM/ oM sa man+ta shud+d+ha hUM/ oM bAk+Sha bi shud+d+ha hUM/ oM k+Sha ta bu thA na bi shud+d+ha hUM/ oM na maHsarba ta thA ga ta maN+Da la sa man+ta bi shud+d+ha hUM/ 'jam dpal de ltar sngags de brjod pas dkyil 'khor khang pa bskyed par bya ste/ pad+ma 'dab bzhi kha dog sna tshogs pa la rdo rje ra bas bskor ba gru chad bzhi dang ldan pas/ gru bzhir 'dug cing sgo bzhi ka ba brgyad dang ldan pa dra ba dra ba byed pa dang / rin po che'i chun 'phyang dang / tA ra Na la sogs pas mdzes pa'o/ / de ltar dkyil 'khor khang pa de 'dra ba de bskyed de/ dbus kyi ze 'bru la ni zla ba dang pad+ma'i steng du taM ljang khu las byung ba'i ut+pal taM dang bcas pas 'jig rten gyi khams tham cad du 'od kha dog sna tshogs pas 'jig rten thams cad sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur mthong ngo // de'i ut+pa la las byung ba'i sgrol ma'i sku ljang khu zhal gcig phyag gnyis pa/ phyag g.yas kyis mchog sbyin/ g.yon sdong bu dang bcas pa'i ut+pal 'dzin pa/ mdzes pa'i sku/ rin po che'i do shal dang / rna cha dang / dpung rgyan dang / rgyan rnam pa sna tshogs pas brgyan pa/ gzhon nu ma lang tsho la bab pa/ zhal 'dzum bag dang bcas pa/ mnyam pa'i skyil mo krung dang bcas pas zla ba dang pad+ma'i steng du bzhugs pa'o// shar du zla ba dang pad+ma'i steng du taM las bskyed pa'i ut+pa la mthing kha sa bon dang bcas pa las 'jig rten gyi khams thams cad du khyab ste/ 'od kha dog sna tshogs pas 'jig rten gyi khams thams cad sprul pa lta bu dang / sgyu ma dang / 'ja' mtshon dang / smig rgyu dang / chu zla dang / gzugs brnyan lta bur mthong ngo // de'i ut+pal las byung ba'i sgrol ma mthing kha phyag gnyis pa/ g.yas kyis tri shU la 'dzin pa/ phyag g.yon na sdong bu dang bcas pa'i ut+pal 'dzin pa/ mdzes pa'i sku rin po che'i do shal dang / snyan cha dang / dpung rgyan dang / rgyan rnam pa sna tshogs pas brgyan pa/ gzhon nu lang tsho la bab pa/ zhal 'dzum pa dang bcas pa/ mnyam pa'i skyil mo krung dang bcas pas/ zla ba dang pad+ma'i steng du bzhugs pa'o// lhor zla ba dang pad+ma'i steng du re las skyes pa'i ut+pa la ser po sa bon dang bcas pa las 'jig rten gyi khams thams cad du khyab ste/ 'od kha dog sna tshogs pas 'jig rten thams cad sprul pa lta bu dang / sgyu ma dang / 'ja' mtshon dang / smig rgyu dang / chu zla dang / gzugs brnyan lta bur mthong ngo // de'i ut+pa la las byung ba'i sgrol ma sku mdog gser bsregs pa lta bu phyag gnyis pa/ g.yas na ral gri 'dzin pa/ g.yon na sdong bu dang bcas pa'i ut+pa la 'dzin pa/ mdzes pa'i sku rin po che'i do shal dang / snyan cha dang / dpung rgyan dang / rgyan sna tshogs kyis brgyan pa/ gzhon nu lang tsho la bab pa/ zhal 'dzum bag dang bcas pa/ mnyam pa'i skyil mo krung dang bcas pa/ zla ba dang pad+ma'i steng du bzhugs pa'o// nub tu zla ba dang pad+ma'i steng du tu las byung ba'i ut+pa la dmar po sa bon dang bcas pa las 'jig rten gyi khams thams cad du khyab ste/ 'od kha dog sna tshogs dang bcas pas 'jig rten thams cad sprul pa lta bu dang / sgyu ma dang / 'ja' mtshon dang / smig rgyu dang / chu zla dang / gzugs brnyan lta bur mthong ngo / / de'i ut+pal las byung ba'i sgrol ma dmar mo phyag gnyis pa/ g.yas na 'khor lo 'dzin pa/ g.yon na sdong bu dang bcas pa'i ut+pal 'dzin pa/ mdzes pa'i sku rin po che'i do shal dang / snyan cha dang / dpung rgyan dang / rgyan sna tshogs kyis brgyan pa/ gzhon nu lang tsho la bab pa/ zhal 'dzum bag dang bcas pa/ mnyam pa'i skyil mo krung dang bcas pa zla ba dang pad+ma'i steng du bzhugs pa'o/ / byang du zla ba dang pad+ma'i steng du taM las byung ba'i ut+pal ljang khu sa bon dang bcas pa las 'jig rten gyi khams thams cad du khyab ste/ 'od kha dog sna tshogs pas 'jig rten thams cad sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur mthong ngo // de'i ut+pal las byung ba'i sgrol ma ljang khu phyag gnyis pa/ g.yas na gdugs 'dzin pa/ g.yon na sdong bu dang bcas pa'i ut+pa la 'dzin pa/ mdzes pa'i sku rin po che'i do shal dang / snyan cha dang / dpung rgyan dang / rgyan rnam pa sna tshogs pas brgyan pa/ gzhon nu lang tshol bab pa/ zhal 'dzum bag dang bcas pa/ mnyam pa'i skyil mo krung dang bcas pa/ gdan zla ba dang pad+ma'i steng du bzhugs pa'o/ / shar phyogs kyi sgor zla ba dang pad+ma'i steng na taM las byung ba'i ut+pa la sa bon dang bcas pas 'jig rten gyi khams thams cad du 'od kha dog sna tshogs pas 'jig rten gyi kham cad sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur mthong ngo // de'i ut+pal las byung ba'i sgrol ma lcags kyu ma/ sku mdog dkar mo phyag gnyis lcags kyu 'dzin pa/ khros pa'i sku rin po che'i do shal dang / snyan cha dang / dpung rgyan dang / rgyan rnam pa sna tshogs pas brgyan pa/ gzhon nu lang tshol bab pa/ cung zhig khros pa'i zhal dang bcas pa/ zhabs brkyang bskum du zla ba dang pad+ma'i steng na bzhugs pa'o// lho'i sgor pad+ma dang zla ba'i steng du re las byung ba'i ut+pa la sa bon dang bcas pas 'jig rten gyi khams thams cad du 'od kha dog sna tshogs pas 'jig rten gyi khams thams cad sprul pa lha bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur mthong ngo // de'i ut+pal las byung ba'i sgrol ma zhags pa ma sku mdog ser mo phyag gnyis zhags pa 'dzin pa/ khros pa'i sku rin po che'i do shal dang / snyan cha dang / dpung rgyan dang / rgyan rnam pa sna tshogs pas brgyan pa/ gzhon nu la ngatshol bab pa/ cung zhig khros pa'i zhal dang bcas pa/ zhabs brkyang bskum du zla ba dang pad+ma'i steng na bzhugs pa'o/ / nub kyi sgor zla ba dang pad+ma'i steng du tu las skyes pa'i ut+pa la sa bon dang bcas pas 'jig rten gyi khams thams cad du 'od kha dog sna tshogs pas 'jig rten gyi khams thams cad sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur mthong ngo // de'i ut+pal las byung ba'i sgrol ma khrugs sgrog ma sku mdog dmar mo phyag gnyis lcags sgrog 'dzin pa/ khros pa'i sku rin po che'i do shal dang / snyan cha dang / dpung rgyan dang / rgyan rnam pa sna tshogs pas brgyan pa/ gzhon nu lang tshol bab pa/ khros pa'i zhal dang bcas pa/ zhabs brkyang bskum du zla ba dang pad+ma'i steng na bzhugs pa'o// byang gi sgor zla ba dang pad+ma'i steng du re las byung ba'i ut+pa la sa bon dang bcas pas 'jig rten gyi khams thams cad du 'od kha dog sna tshogs pas 'jig rten gyi khams thams cad sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur mthong ngo // de'i ut+pal las byung ba'i sgrol ma dril bu ma sku mdog ljang khu ma phyag gnyin dril bu 'dzin pa/ khros po'i sku rin po che'i do shal dang / snyan cha dang / dpung rgyan dang / rgyan rnam pa sna tshogs pas brgyan pa/ gzhon nu lang tsho la bab pa/ khros pa'i zhal dang bcas pa/ zhabs brkyang bskum du zla ba dang pad+ma'i stang na bzhugs pa'o// 'jam dpal de ltar lha'i 'khor lo bsgom par bya'o// 'jam dpal gyis gsol pa bcom ldan 'das sprul pa la sogs pa rnams ni ji lta bu/ bcom ldan 'das kyis bka' stsal pa/ 'jam dpal 'gro ba drug po rnams kyi nyon mongs pa dang bcas pa'i khams so// de lta bas na sprul pa lta bu dang / sgyu ma dang / 'ja' tshon dang / smig rgyu dang / chu zla dang / gzugs brnyan lta bur rig par bya'o// lha'i le'u ste bzhi pa'o// / de nas 'jam dpal gyis zhus pa/ bcom ldan 'das lha des lha ji lta bus byin gyis brlab par bya/ bcom ldan 'das kyis bka' stsal pa/ 'jam dpal sprul pa lta bu dang / sgyu ma lta bu dang / 'ja' tshon lta bu dang / smig rgyu lta bu dang / chu zla lta bu dang / gzugs brnyan lta bus so// 'jam dpal gyis gsol pa/ bcom ldan 'das sprul pa zhes bya ba ji lta bu/ bcom ldan 'das kyis bka' stsal pa/ sprul pa zhes bya ba ni yang dag pa ma yin zhing gnyis ka 'khrul pa'o// sgyu ma ni gzhan 'khrul pa'o// 'ja' tshon ni stong pa'o// smig rgyu ni yul 'khrul cing stong pa'o// chuzla ni rgyu 'bras so/ / gzugs brnyan ni dri za'i gro khyer te/ 'jam dpal 'khrul pa ni de bzhin te nyon mongs pa dang bcas pa'i khams dang de bzhin no// 'jam dpal de lta bas na lhas lha la byin gyis brlabs pa'ang 'dra'o/ / 'jam dpal sprul pa dang / sgyu ma dang / 'ja' tshon dang / smig rgyu dang / chu zla dang / gzugs brnyan ni thogs pa med cing thogs pa dang bral ba'o// / tha dad pa med cing tha dad pa dang bral ba'o// 'jam dpal de'i phyir rang bzhin ni de dang 'dra bar yid la gyis shig/ de nas bcom ldan 'das kyis byin gyis brlabs pa mdzad pa ni lag ba thal mo sbyar te gung gnyis brkyang ste rtse sbyar nas mdzub mo gnyis dang srin lag gnyis gung mo la reg ste zur bcag nas/ mthe'u chung dang mtheb mo rtsa sprad nas nang sbyar ba ni rdo rje'i phyag/ go/ de'i sngags ni/ oM sarba ta thA ga ta taM badz+ra sta na sarba ta thA ga ta badz+ra ta na hUM/ zhes brjod par bya'o// de nas yang bcom ldan 'das kyis dbang bskur bar mdzad pa ni lag pa thal mo sbar te ma the'u chung dang srin lag phyir ba kan te gung mo bye sprad nas mthe bos mdzub mo gnyis mnan pa ni rin po che ri phyag rgyu ste/ mgo bori steng du bzhag nas sngags brjod pa ni/ oM sarba ta thA ga ta tsin+ta ma Ni dz+wa la ni sarba ta thA ga ta a haM shud+d+ha pa ri shud+d+ha ya swA hA/ zhes bya ba'i sngags 'dis phyogs bcu'i sangs rgyas thams cad kyis dbang bskur zhing byin gyis brlabs pa'o/ / de nas bcom ldan 'das kyis thugs kyi rigs thams cad kyi dam tshig gi phyag rgya ni lag pa gnyis thal mo sbyar te sor mo rnams phan tshun du so sor bsnol/ gung mo bsgreng ste/ mthe bong dang mthe'u chung yang gzhibs te bsgreng ba ni dam tshig gi phyag rgya ste/ sngags ni/ oM sarba ta ga ta badz+ra sa ma ya hUM/ zhes brjod par bya'o// dbang bskur ba'i le'u ste lnga pa'o// de nas byang chub sems dpa' 'jam dpal gzhon nus smras pa/ zla ba nyi ma'i su 'dra ba'i/ ljang khu'i mdog can 'gying bag can/ pad+ma zla ba'i steng na bzhugs/ / sangs rgyas thams cad skyed pa'i yum// sems can kun gyi skyabs gyur pa'i// ut+pal bsnams la phyag 'tshal bstod/ ces yum la bstod nas / smras pa/ bcom ldan 'das gsang sngags ni gang gis 'grub ces smras pa dang / bcom ldan 'das kyis bka' stsal pa/ 'di'i gzungs sngags ni 'di'o// oM na mo rat+na tra yA ya/ na ma s+yA d+hA sarba ta thA gad+hA nA/ na mastA rA yaM/ na mastA re tu re bI re/ k+Sha Na d+hU ti ni/ b+he k+Sha Ne/ trai lo kya na thA ba ka tA ba dzaM/ bi ka sata te sha rod b+ha be/ na maHsha ta sha rata tsan/ dra saM purna pa Ta lA na ne/ ta ra sa ha sra ni ka ra pra ha sa ta ka ri No dz+ha le na maH/ ka na kA nI lA ba dza pA Ni pad+ma bi b+hu Shi te/ dA na bId+ya ta ba/ sha na ti ti tik+Sha/ d+h+yA na go tsa re/ na maHsarba ta thA ga toSh+NI Sha/ bi dza yA nan+ta tsA ri Ni/ a she Sha pA / ra mi tA prAp+ta/ dzi na pu tra ni te tA re tut+tA re tu re swA hA/ zhes bzlas par bya'o// gzungs sngags ni 'di'o// snying po ni 'di'o// i tA re tut+tA re tu re swA hA/ zhes bzlas par bya'o// oM tut+tA re tu tA re swA hA/ pad+ma'i rigs kyi snying po'o/ / oM tA re tu re tu re swA hA/ rin po che'i rigs kyi snying po'o// oM tu re tut+tA re swA hA/ las kyi rigs kyi snying po'o// oM tA re tut+tA re ta re swA hA/ rdo rje rigs kyi snying po'o// oM tA re tut+tA re tu re swAhA/ las sna tshogs pa'i snying po'o// oM tut+tA re tA re hUM kA ra bu ri ta sha de gaM tsa re saM b+ha lo ka kra ma kran+ti/ a b+hi Sha ka ra sha nak+Sha mi hriH/ dbang du bsdu ba'i sngags so// oM tA re tA re tut+tA rai tu re hUM kA / rA pu re sha te gany+tsa ri sa b+ha lo ka kra ma kr-I ti a she Sha puSh+Ti ku ru ka ra sha na k+Sha mi ho/ rgyas pa'i sngags so// oM tA re tut+tA re tu hUM ka ra pu ri ta sha te gaM tsa ri sa b+hA/ lo ki kra ma kran+ti/ uSh+NI Sha a kaR+Sha ya ka rA shA na k+Sha mi phaT/ de ni las kyi sngags so// oM tA re tut+tA re tu re hUM kA ra pu ta sha de gaM tsa ri sap+ta lo ka kra ma krAn+ti a She Sha shAn+tiM ku ru ka ra sha na k+Sha mi swA hA/ klu zhi ba'i sngags so// oM tA ra tA re tu re tut+tA re sAsa?/ sha kra nI la brah+ma rod d+he she rtse sha rad tse ti/ b+hu ta be tA De gaM d+harba ga Na yak+Sha du She tri te ba ka ri pa ra na yan+d+ha pra marda ni pra te liT pa byas ne khi dza ya dza la/ ku li dza li ri ma hA g+ho re mA rA bI ra bi nA sha ni/ b+h+r-i ku Ti kr-i ta bak+Sha ba dza sarba sha tru ni su da ni rat+na mu tAM ka hri d+hu gu li bi b+hu Shi te b+hu Shi tra she Sha di ka tsakra ni ka ra swa ku le hUM hUM hUM phaT phaT phaT/ las sna tshogs pa'i sngags so// oM in+d+ra ya/ ya mA ya/ ba ru NA ya/ yak+Sha ya/ ag+na ye/ bA ya be/ nai ri ta ye/ rAk+Sha se/ oM in+d+ra pA lA ya/ sUr+ya tsan+na ye/ u ti a ya b+hu mi ye/ a kA ro mu khaM sarba d+harmA NAM/ A d+ya nud ban+na tA ta oM A hUM phaT swA hA/ zhes bya ba ni lwa thams cad grub pa'i sngags so/ / sngags kyi le'u ste drug pa'o// / 'jam dpal las ni 'di'o// spos kyi khang pa yid du 'ong bar dri zhim pa'i chag chag btab ste maN+Dal dkar po'i chus byugs pa la me tog sil ma gtor te/ bum pa rin po che las byas pa'i nang du rin po che lnga ni gser dang / mu tig dang / man shel dang / byu ru dang / mu men gzhug par bya'o// spos lnga ni tsan dan dang / a ka ru dang / du ru ka dang / ga pur dang / bu shel ci gzhug par bya'o// nas dang / gro dang / sran ma dang / 'bras dang / til mar gzhug par bya'o/ / bu ram dang / sbrang rtsi dang / mar dang / lan tshwa dang / til gzhug par bya'o/ gtsang ma'i ras kha tshar ma nyams pas dkris te dbus su gzhag go/ gang ba'i bum pa bzhi gzhag par bya'o// pog por bzhi dang / me tog la sogs pa bzhi'ang gzhag par bya'o// de ltar rdzogs pas 'di bsam gtan du bya'o// yi ge taM las byung ba'i brtson 'grus dang ldan pa'i yum sgrol ma dpa' mo rnal 'byor ma'i lus su bsgom pa ni/ pad+ma rgyas pa las byung zhing zla ba rgyas pa la bzhugs pa/ sku mdog ston ka'i zla ba ltar dkar ba/ gzhon nu lang tsho la bab pa lta bu'i sku/ do shal dang dpung rgyan rin po che'i chun 'phyang la sogs pas mdzes par brgyan pa/ pany+tsa li ka'i gos kyis smad dkris pa/ ka shi ka'i ras kyis stod g.yogs pa/ skyil krung phyed pa dang bcas pa/ zhal gcig phyag gnyis pa/ zhal 'dzum zhing spyan 'khrug pa/ phyag g.yas pa mchog sbyin mdzad pa/ g.yon pa ut+pal sdong bu dang bcas pa 'dzin pa/ sku la 'od zer 'phro zhing pad+ma dkar po ge sar dang bcas pa'i dkyil na bdud rtsi'i rgyun sku las 'od zer 'phro ba can du byang chub sems dpa' dpag tu med pa dang bcas pa bsams te bzlas par bya'o/ / oM tA re tut+tA re tu re swA hA/ zhes bzlas par bya'o// de nas las kyi sngags dang bcas pa ni gcig gam/ bdun nam/ nyi shu rtsa gcig gam/ brgya rtsa brgyad bzlas nas gsol ba btab na 'grub par 'gyur ro/ / 'jam dpal de'i phan yon ni mtshams med pa lnga dang / de dang nye ba dang / sdang ba dang / rmi lam ngan pa thams cad zhi bar 'gyur ro// 'jam dpal de'i phan yon ni ngan song gsum gyi sdug bsngal zhi bar 'gyur ro/ / mi khom pa brgyad du nam yang skye bar mi 'gyur ro// 'jam dpal de'i phan yon ni tshe rabs dran pa dang / dbang po gsal ba dang / yid gzhungs par 'gyur ro// bzo'i gnas thams cad la mkhas par 'gyur ro// stobs dang / mdangs dang / gzi brjid phun sum tshogs par 'gyur ro// / 'jig rten skyong ba thams cad srung ba dang / skyob pa dang / sred pa dang / phan pa byed de/ gang du phyin pa thams cad du bkra shis par 'gyur ro// zhi ba'i las kyi le'u ste bdun pa'o/ / / 'jam dpal rgyas pa'i las ni 'di'o// spos kyi khang pa dri zhim po dang ldan pa'i gnas su ba ser skya'i rnam lngas skyang nul byas te dri zhim pos byugs pa'i maN+Dal bya'o/ / me tog gi chom bu'ang dgram par bya'o// rgyas pa las byung ba'i thang ka'ang dgram par bya'o// rin po che rnam pa lnga dang / 'bru dang / sman la sogs pa dag la ril bu nyi shu rtsa gcig byas te/ rin po che'i ga'ur bcug la maN+Dal gyi dbus su gzhag par bya'o// bog bor bzhi'ang gzhag par bya'o// me tog la sog pa'ang bzhag par byas nas bsam gtan bsgom par bya ste/ yi ge taM las skyes pa'i myur ba'i brtson 'grus dang ldan pa'i yum sgrol ma dpa' mo gcig ma rnal 'byor ma'i lus su bsgom pa ni/ pad+ma rgyas pa las byung zhing nyi zla'i steng du rgyas pa'i sku ston ka'i zla ba ltar gsal ba'i sprin dang bral ba'i nyi ma lta bur gzhon nu lang tshol bab pa lta bu'i sku mdog ser po do shal dang / dpung rgyan dang / rin po che'i chun 'phyang la sogs pas mdzes par brgyan pa/ pany+tsa li ka'i gos kyis smad dkris pa/ ka shi ka'i ras kyis stod g.yogs pa/ skyil krung byed pa dang bcas pa/ zhal gcig phyag gnyis pa/ zhal 'dzum zhing spyan 'khyug pa/ phyag g.yas pa mchog sbyin mdzad pa/ g.yon pa ut+pal sdong bu dang bcas pa 'dzin pa/ sku las 'od 'phro zhing pad+ma'i ge sar dang bcas pa'i dkyil na bdud rtsi'i rgyun sku las 'od 'phro ba lha'i tshogs dang / lha ma yin gyi tshogs dang / nam mkha' lding gi tshogs dang / mi 'am ci'i tshogs dang / dri za'i tshogs dang / lto 'phye chen po / tshogs dang / srin po'i tshogs kyi stobs zil gyis gnon pa'i byang chub sems dpa' dpag tu med pa dang bcas pa bsgoms te bzlas pa 'di bya'o// oM tA re tA re tut+tA re swA hA/ zhes bzlas par bya'o// de nas las kyi sngags dang bcas pas lan gcig gam/ bdun nam/ nyi shu rtsa gcig gam/ brgya rtsa brgyad brjod nas gsol ba btab na 'grub par 'gyur ro// 'jam dpal de'i phan yon ni lha'i tshogs/ dang / lha ma yin gyi tshogs dang / mi 'am ci'i tshogs dang / nam mkha' lding gi tshogs dang / mi'i tshogs dang / dri za'i tshogs dang / lto 'phye'i tshogs dang / srin po la sogs thams cad kyis de'i stobs thub par mi 'gyur la/ srung ba dang skyob pa'ang byed par 'gyur ro// dus ma yin pa'i 'chi ba dang / rtsod pa dang / rmi lam ngan pa dang / ltas ngan pa dang / rims dang / 'brum bu dang / g.yan pa la sogs pas mi tshugs so// nam 'chi ba'i tshe'ang stobs dang ldan par 'gyur ro// ngan song gsum du mi 'gyur ro// 'jam dpal las des yo byad dang / tshe dang / bkrag dang / stobs dang ldan par 'gyur ro// de bzhin gshegs pa mthong ba dang sto dang ldan par 'gyur ro// rgyas pa'i le'u ste brgyad pa'o// // 'jam dpal dbang du bsdu ba'i las ni 'di'o/ / dur khrod dam/ shing gcig gam/ chu chen po'i 'gram du'am/ gtsug lag khang du bya'o// khang pa der ba'i rnam lngas skyang nul byas te dri zhim pos byug pa'i maN+Dal la me tog sil ma dgram par bya'o/ / yum gyi sku gzugs kyang bzhugs te pog por dang me tog la sogs pa'ang bsham par bya'o// me tog dang 'bras bu nus pa dang ldan pa'i rdzas dag rin po che'i ga'ur bcug la maN+Dal gyi dbus su gzhag par bya'o/ / de nas bsam gtan sgom pa ni taM las byung ba'i myur ba'i brtson 'grus dang ldan pa'i yum sgrol ma dpa' mo rnal 'byor ma'i lus su bsgom pa ni/ pad+ma las byung zhing nyi ma'i steng na sku mdog ban du ka'i me tog ltar dmar ba/ gzhon nu lang tsho la bab pa lta bu'i sku/ do shal dang / dpung rgyan dang / rin po che'i chun 'phyang la sogs pas mdzes par brgyan pa/ pany+tsa li ka'i gos kyis smad dkris pa/ ka shi ka'i ras kyis stod g.yogs pa/ 'gying bag gi tshul gyis bzhengs pa/ zhal gcig phyag gnyis pa/ zhal bzhad cing cher bzhad pa/ spyan 'khyug pa/ phyag g.yas kyis thugs ka na 'dud pa/ g.yon na sdong bu dang bcas pa'i ut+pal 'dzin pa/ sku las 'od 'phro ba dang bcas pa las rang dang mthun pa'i 'od 'khrug pa dang bcas pa'i sku byang chub sems dpa' dpag tu med pa dang bcas pa bsams te bzlas pa 'di bya'o/ / oM tut+tA re tu re swA hA/ zhes bzlas par bya'o/ / de nas las kyi sngags dang bcas pa la lan gcig gam/ bdun nam/ nyi shu rtsa gcig gam/ brgya rtsa brgyad bzlas nas gsol ba btab na 'grub par 'gyur ro// 'jam dpal de'i phan yon ni sa bdag gi rgyal po la sogs pa 'jig rten gsum po thams cad dbang du 'gyur ro/ / thams cad khugs par 'gyur ro// dbang gi las kyi le'u zhes bya ste dgu pa'o// / 'jam dpal drag po'i las bya bar 'dod na/ gnas ni dur khrod dam/ shing gcig gam/ chu bo chen po'i 'gram ma ma/ gtsug lag khang du bya'o// khang pa der ba'i rnam lngas chag chag btab ste dri zhim po'i chus maN+Dal bya'o/ / sku gzugs la sogs pa'ang dgram par bya'o// gro ga 'am/ ras sam/ shing shun la rgyal po la sogs pa'i gzugs nim pa'i chus bris la maN+Dal gyi steng du kham pa'i ga'ur gzhag par bya'o/ / de nas maN+Dal gyi steng du gzhag par bya'o// pog por la sogs pa'i mchod pa'ang bsham par bya'o// de nas bsam gtan bsgom par bya ste/ yi ge taM las bskyed pa'i myur ba'i brtson 'grus dang ldan pa'i yum sgrolas dpa' mo rnal 'byor ma'i lus su bsgom pa ni/ pad+ma rgyas pa las byung zhing nyi zla'i steng na bzhugs pa/ sku mdog ljang khu kun nas gsal ba gzhon nu lang tshol bab pa'i sku/ do shal dang / dpung rgyan dang / rin po che'i chun 'phyang la sogs pas mdzes par brgyan pa/ pany+tsa li ka'i gos kyis smad dkris pa/ ka shi ka'i gos kyis stod g.yogs pa/ g.yas brkyang ba g.yon bskum pas bzhugs pa/ zhal gcig pa/ phyag gnyis pa/ zhal mche ba gtsigs pa/ spyan ni rab tu 'bar zhing dbu skra gyen du badzes pa/ dbu'i zla ba'i steng na a mi de ba dang bcas pa bskal pa'i me dpung na bzhugs pa/ phyag g.yas na 'khor lo 'dzin pa/ g.yon na sdigs mdzub dang bcas pa'i ut+pal 'dzin pa/ sku las khro bo 'phro ba khro mo dpag tu med pa dang lhan cig tu'o/ / de'i bzlas pa ni 'di'o// oM tu re tut+tA re tu re swA hA/ zhes bzlas par bya'o// de nas las kyi sngags dang bcas pas lan gcig gam/ bdun nam/ nyi shu rtsa gcig gam/ brgya rtsa brgyad bzlas shing / nyin lan gsum mtshan lan gsum bzlas nas gsol ba btab na 'grub par 'gyur ro// 'jam dpal 'di'i yon tan ni nyon mong pa dang / las dang / rnam par smin pa dang / ngan song la sogs pa thams cad 'joms pa'o// 'jam dpal ma rungs pa'i dgra dang / gdon dang / bgegs la sogs pa thams cad 'joms par 'gyur ro/ / drag po'i 'phrin las kyi le'u ste bcu pa'o// / 'jam dpal 'phrin las sna tshogs pa'i las ni 'di'o// dur khrod dam/ shing gcig gam/ mchod rten gyi mdun nam/ chu bo chen po'i 'gram du khas bya'o// khang pa der ba'i rnam lngas skya nul byas te dri zhim pos byugs pa'i maN+Dal kha me tog sil ma dgram par bya'o// yum gyi sku gzugs kyang bzhugs te/ spra tshil las byas pa'i gzugs kyi snying khar dur khrod kyi ras la sngags bcug dang / gsal ba'i yi ge gnyis dang bcas pa la ming gi yi ge mtha' dang bcas pa bcug ste/ maN+Dal gyi dbus su gzhag par bya'o// bopobogog por dang me tog la sogs pa'ang dgram par bya'o// de nas bsam gtan bsgom pa ni taM las byung ba'i myur ba'i brtson 'grus dang ldan pa'i sku yum sgrol ma dpa' mo rnal 'byor ma'i lus su sgom pa ni/ pad+ma las byung zhing nyi zla'i steng na sku mdog nag po shin tu 'tsher ba gzhon nu lang tshol bab pa lta bu'i sku/ do shal dang / dbu brgyan dang / rin po che'i chu na 'phyang la sogs pas mdzes par byas pa/ pany+tsa li ka'i gos kyis smad dkris pa/ ka shi ka'i gos kyis stod g.yogs pa/ zhabs brkyang bskum du bzhugs pa/ zhal gcig phyag gnyis pa/ mche ba zla ba phyed pa lta bu gtsigs pa/ zhal khro gnyer hUM sgra dang bcas pa/ dbu skra dmar ser gyen du phyogs pa/ da bu la zla ba'i steng na a mi de ba bzhugs pa/ bskal pa'i me dbung dang bcas pa'i 'od las 'jigs pa brgyad las srung ba'i lha mo 'phro ba/ phyag gnyis ni g.yas na gri gug 'dzin cing / g.yon pa sdong bu dang bcas pa'i ut+pa la'i steng na me tog gis bkang ba'i bram ze'i thod pa can 'dzin pa/ khro bo'i tshogs dang bcas pa bsgom par bya'o// sngags ni 'di bzlas par bya'o// oM tA re tu re tut+tA re swA hA/ zhes bzlas par bya'o// de nas las kyi sngags dang bcas pa la lan gcig gam/ bdun nam/ nyi shu rtsa gcig gam/ brgya rtsa brgyad bzlas nas gsol ba btab na 'grub par 'gyur ro// 'jam dpal de'i phan yon ni 'phrin las bzhi 'grub par 'gyur ro// 'jigs pa las srung bar 'gyur ro// 'phrin las sna tshogs kyi le'u ste bcu gcig pa'o// // de nas yang bcom ldan 'das la sangs rgyas thams cad skyed pa'i yum ni rigs lnga'i bdag nyid kyi yum ji ltar lags/ bcom ldan 'das kyis bka' stsal pa/ 'jam dpal rdo rje'i rigs kyi yum ni zhal bzhi ma/ phyag brgyad ma/ dung gi mdog can/ gzhon nu lang tshol ba ba pa/ zhal dkar ba dang / gnag pa dang / dmar ba dang / ser ba'i zhal bzhi'o// rigs lngas dbu la mtshan pa/ spyan gsum pa'o// phyag brgyad ni rdo rje dang / mda' dang / mdung dang / tha ma la mchog sbyin gyi phyag rgya'o// ut+pa kha dang / gzhu dang / rdo rje lcags kyu dang / zhags padang / sdigs mdzub ni g.yon gyi phyag rgya'o// rdo rje skyil krung gis bzhugs shing chos sku'i rang bzhin can no/ / 'jam dpal de'i sngags ni 'di'o// na mo rat+na tra yA ya/ na ma Ar+ya d+hA na sA ga rA ya ak+Sho b+h+ya b+hU ha rA dzA ya/ ta thA ga tA ya/ ar+ha te/ samya ka saM bud+d+ha ya na mo Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni ka ya/ tad+ya thA/ oM tA re tu re tut+tA re swA hA/ zhes pas rdo rje'i rigs thams cad kyis me tog dang / mar me dang dri chab dang / ba shos gtsang gis mchod do// 'jam dpal de'i las ni 'di'o// spu tshil la gang bya ba'i gzugs byas te skrod pa'i rdzas ni bya rog dang hu lu'i sha ming dang bcas pa'i snying khar bcug nas sngags 'di brjod par bya'o/ / oM a mu kaM me sha ma na ya swAhA/ zhes brjod nas rlung gi phyogs su sbas na/ 'jam dpal 'thab cing 'bye bar 'gyur/ gzhan du 'bros par 'gyur ro// rdo rje'i rigs kyi yum gyi le'u ste bcu gnyis pa'o/ / / 'jam dpal pad+ma'i rigs kyi yum ni zhal bzhi phyag brgyad pa/ rtsa ba'i zhal ni dmar mo// ban du ka'i me tog gi mdog gi sku/ gzhon nu lang tsho la bab pa/ g.yas dkar po// g.yon gyi zhal nag po// rgyab kyi zhal ser po// rigs bzhis dbu la mtshan pa/ spyan gsum pa'o// phyag brgyad na pad+ma dang / mda' dang / mdung dang / tha ma mchog sbyin gyi phyag rgya'o/ / ut+pa la dang / gzhu dang / rdo rje lcags kyu dang / zhags pa dang / sdigs mdzub ni g.yon pa'i phyag rgya'o// rdo rje skyil mo krung gis bzhugs shing chos kyi sku'i rang bzhin can no// 'jam dpal de'i sngags ni 'di'o// na mo rat+na tA yA ya/ na ma Ar+ya dz+nyA na sA ga rA ya/ a mi ta de ba byA ha rA dzA ya/ ta thA ga tA ya/ ar+ha te/ samyaka saM bud+d+ha ya/ na ma Ar+ya a ba lo ki te shwa rA ya/ bo d+hi satwA ya/ ma hA sa twA ya/ ma hA kA ru Ni kA ya/ tad+ya thA/ oM tut+tA re tu re tu swA hA/ zhes brjod pas pad+ma'i rigs thams cad kyis me tog dang / bdug spos dang / mar me dang / dri chab dang / zhal zas kyis mchod do/ / 'jam dpal de'i las ni 'di'o// da du ra dang / nim pa dang / mya ngan 'tshang gi me tog btags te phye ma sbrang rtsi dang lde gu byas nas sngags 'di brjod par bya'o// oM a mu ka a mi ta naM/ ku mA ri ma hA mu dra ba he na da s+ya ba ti pa ya tsa tu hUM hrI/ zhes brjod nas lus la byugs na rang dbang med par khugs par 'gyur ro// pad+ma'i rigs kyi yum gyi le'u ste bcu gsum pa'o// 'jam dpal de bzhin gshegs pa'i yum ni zhal bzhi phyag brgyad pa/ ser mo gser bsregs pa lta bu'i sku/ gzhon nu lang tsho la bab pa/ rtsa ba'i zhal ser po/ g.yas dkar po/ g.yon dmar ba/ rgyab kyi zhal gnag pa/ rigs bzhis dbu la mtshan pa/ spyan gsum pa'o// phyag brgyad na 'khor lo dang / mda' dang / mdung dang / tha ma mchog sbyin mdzad pa'o// ut+pal dang / gzhu dang / rdo rje lcags kyu dang / zhags pa dang / sdigs mdzub dang bcas pa g.yon na 'dzin pa'o// rdo rje skyil mo krung gis bzhugs shing chos kyi sku'i rang bzhin can no// 'jam dpa la de'i sngags ni 'di'o/ / na mo rat+na tra yA ya/ na ma Ar+ya dz+nyA na sA ga rA ya bai ro tsa na b+hu ha rA dzA ya/ ta thA ga tA ya/ an te/ sa myaka saM bud+d+ha ya/ tad+ya thA/ oM tA re tut+tA re tu re swA hA/ zhes bya bas de bzhin gshegs pa'i rigs thams cad kyis mchod pa'i me tog dang / mar me dang / bdug pa dang / dri la sogs pas mchod do// 'jam dpal de'i las ni 'di'o// thal chen dang sa zhag la gzugs byas te snying khar gsal byed gnyis kyi yi ge'i mtha' can bcug la sngags 'di brjod par bya'o/ / oM mA ra ya mA ra ya/ kA ra ya kA ra ya/ staM b+ha ya stam+b+ha ya/ dzaM b+ha ya dzaM b+ha ya/ hUM hUM hUM/ laM laM laM laM laM/ zhes brjod nas lam rgya gram du sba bar bya'o// de bzhin gshegs pa thams cad kyi yum gyi le'u ste bcu bzhi pa'o// / 'jam dpal rin po che'i rigs kyi yum ni zhal bzhi phyag brgyad pa/ rtsa ba'i zhal ni mthing kha/ gzhon nu lang tsho la bab pa mthing kha'i sku/ zhal g.yas dkar po/ g.yon dmar ba/ rgyab kyi zhal ser ba/ rigs bzhis dbu la mtshan pa/ spyan gsum pa'o// phyag brgyad ni rin po che dang / mda' dang / mdung dang / tha ma mchog sbyin mdzad pa'o// ut+pa la dang / gzhu dang / rdo rje lcags kyu dang / zhag pa dang / sdigs mdzub g.yon pa na 'dzin pa'o// rdo rje'i skyil mo krung gis bzhugs shing chos kyi sku'i rang bzhin can no// 'jam dpal de'i sngags ni 'di'o// oM na mo rat+na tra yA ya/ na ma Ar+ya dz+nyA na sA ga rA ya/ rat+na saM b+ha ba byA ha rA dzA ya/ ta thA ga tA ya/ ar+ha te/ sa mya ka saM bud+d+hA ya/ na maHAr+ya a ba lo ki te shwa ra ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM tA re tA re tut+tA re tu re swA hA/ zhes brjod pas rin po che'i rigs thams cad kyis me tog dang / bdug pa dang / mar me dang / dri chab kyis mchod do// 'jam dpal de'i las ni 'di'o// stag pa'i rtsa ba rul pa dang / snying las skyes pa'i srin bu dang / sa bon gnyis su bsres pa kham pa'i ga'ur bcug nas sngags 'di brjod par bya'o// oM a mu ka i bi Da naM/ A kan+ta ya A kaR+Sha ya/ a mu ki ma ye ba se traM/ srab nan ka tha hUM hri/ zhes bzlas te ma la 'og tu sbas na yon tan shes shing mi phyed par 'gyur ro// rin po che'i rigs kyi yum gyi le'u ste bco lnga pa'o/ / / 'jam dpal las kyi rigs kyi yum ni zhal bzhi phyag brgyad pa/ rtsa ba'i zhal ni ljang khu/ gzhon nu khang tsho la bab pa/ g.yas dkar ba/ g.yon dmar po/ rgya ba ni ljang khu/ rigs bzhis dbu la mtshan pa/ spyan gsum pa'o// phyag brgyad pa ral gri dang / mda' dang / mdung dang / tha ma mchog sbyin pa'o/ / ut+pa la dang / gzhu dang / rdo rje lcags kyu dang / zhags pa dang / sdigs mdzub 'dzin pa g.yon pa'o// rdo rje skyil krung gis bzhugs shing chos kyi sku'i rang bzhin no// 'jam dpal de'i sngags ni 'di'o// na mo rat+na tra yA ya/ na ma Ar+ya dz+nyA na sA ga rA a mo g+ha sid+d+hi b+hU ha rA dzA ya/ ta tha ga tA ya/ ar+ha te/ sa myaka saM bud+d+ha ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni ka ya/ tad+ya thA/ oM tu re tut+tA re swAhA/ zhes brjod pas las kyi rigs thams cad kyis me tog dang / bdug spos dang / mar me dang / dri chab kyis mchod do/ 'jam dpal de'i las ni phrag dog med par mo thams cad 'gugs pa ni phug ron gyi mig dang / lce dang / snying dang / go ro tsa na dang / dngul rdo dang / de rnams nim pas ril bu byas te 'di brjod par bya'o/ / tsa la pra tsa la shI g+haM ga mi de ba dat+ta u tsa tA ya/ a mu khaM ba sa naM muk+taM ku ru na ya na ma hA ri had de hri/ zhes bzlas te byugs na mo thams cad khugs par 'gyur ro// dbang du 'gyur ro phrag dog med par 'gyur ro/ / las kyi rigs kyi yum gyi le'u ste bcu drug pa'o// // de ltar las kyi bye brag bstan nas 'jam dpal gzhon nur gyur pas las thams cad kun rdzogs par sbyin sreg ji ltar du bya zhes gsol pa dang / bcom ldan 'das kyis bka' stsal pa/ 'jam dpal 'di thams cad kyi tron du 'gro zhing so sor las sgrub pa'i phyir sbyin sreg bya'o// de las dang po zhi ba'i las bya ba ni tshes gsum pa'i zla ba la kha dog dang mthun pa'i khang bu byas te rdo rje dkar po dgod par bya'o// bud shing ni tsan dan dkar po'i shing la sogs pas bya'o// de la me slar te sku gzugs mdun du bzhag ste/ 'bras dang / khre dang / cu rtse dang / til dkar po la sngags gdab pa ni/ oM tA re tut+tA re tu re swA hA/ lan bdun nam nyi shu rtsa gcig tu bzlas te me'i nang du gtor bar bya'o/ / zho dang 'o ma la sngags btab ste/ shAn+ti ku ru dang bcas pas dbul bar bya'o// 'o ma can gyi shing dang mar dkar po la ni sarba pA paM dang bcas pas dbul lo// 'jam dpal me tog dkar po dang bcas pa'i me'i khang par tsan dan la sogs pa dri zhim po'i shing la me sbar te/ sku gzugs mdun du bzhag la chu dang yungs kar la bsngags te mer gtor ba'i sngags ni/ tad+ya thA/ oM sarba ta thA ga ta tA re tut+tA re tu re swA hA/ zhes bya ba'i sngags dang / sarba pA paM shAn+tiM ku ru swAhA/ zhes bya bas chu khyod ma brgya rtsa brgyad dbul bar bya'o// 'jam dpal de'i phan yon ni mtsham med pa la sogs pa'i sdig pa zhi bar 'gyur ro/ / nad 'go ba dang gdon la sogs pa thams cad zhi bar 'gyur ro// skye ba thams cad du tshe rabs dran par 'gyur ro// 'jam dpal ba'i rnam pa lngas byug pa byugs te/ me'i khang pa dri dang ldan pa'i khang par spa/ tshil la gzugs bris pa dang bcas pa sngags 'dis sreg go// oM tA re tut+tA re tu re swAhA/ zhes bya bas sreg na dbang du 'gyur zhing tshar bcad par yang 'gyur ro/ / sbyin sreg gi le'u ste bcu bdun pa'o// // de nas bcom ldan 'das kyis 'dzum pa mdzad de/ byang chub sems dpa' 'jam dpal gzhon nu la 'khor lo'i rim pa bka' stsal to/ / 'khor lo le tse dgu pa la oM dang hA gnyis dbus su che ge mo dang bcas pa bri/ rak+ShaHrak+ShaH/ zhes bya ba ni srung ba'o// phyogs mtshams su/ oM tA re tut+tA re tu re swA hA/ zhes bya ba bris te kun la swA hA'i bar bcug pa gro ga la gur kum gyis bris nas dpung pa la btags pa ni srung ba'i mchog go// zhi ba'i srung ba'i 'khor lo'i le'u ste bco brgyad pa'o/ / / de nas dbang gi srung ba ni 'khor le tse dgu pa oM dang ha gnyis dbus su che ge mo dang bcas pa bri/ rak+ShaHrak+ShaHzhes bya ba ni srung ba'o// phyogs mtshams su/ oM tA re tut+tA re tu re swA hA/ zhes bya ba bris te ku mu dang mu'i bar du sa bon no// de grog dmar po la rgya skyegs kyi khu bas bris te lte bar mi mngon par btags na srung ba'i mchog tu 'gyur zhing dbang du sdud do/ / dbang gi srung ba'i 'khor lo'i le'u ste bcu dgu pa'o// / de nas rgyas pa'i srung ba ni 'khor lo rtsibs brgyad pa byas te/ oM tA re tut+tA brgyad po dgod par bya'o/ / dbus su ni swA hA'i ming rak+ShaHrak+ShaHdang bcas pa gro ka la gur kum gyis bris pa dpung pa 'am mgul du btags na srung ba'i mchog tu 'gyur ro// rgyas pa'i srung ba'i 'khor lo'i le'u ste nyi shu pa'o/ / / de nas bar chod sel ba'i srung ba'i 'khor lo ni mu khyud gsum la tha ma le tse brgyad pa'o// dbus su ming gi mtha' can gyi swAhA rak+ShaHdang bcas pa'o/ / mu khyud nang ma la u A u u zhes bya ba dgod par bya'o// le tse brgyad pa phyi ma la ni/ oM tA re tu re tut+tA re/ zhes bya ba'i yig 'bru rnams u dang U'i bar du bcug ste bkod la gro ga'am shing shu na la gu ra kum gyis bris te spyi bo 'am/ mtshan khung du mis mi mthong bar btags na gnod pa thams cad las thar ro// sngags ni ci mang du grangs dang ldan par bzlas so/ / shin tu rgyas pa'i srung ba'i le'u ste nyi shu rtsa gcig pa'o// / de nas 'phrin las thams cad grub pa'i 'khor lo ni gro ga'am ras la le tse dgu pa'i 'khor lo la tsan dan dkar po'i chus bris te sngags dgod pa ni/ a A/ i I/ u U/ e AM/ o au/ raR+Sha/ mau lI/ aM aH/ zhes pa byi'i bu khrud la'o// nang gi mu khyud la ta re tut+tA re tu re swAhA/ oM dang ha'i bar du rak+ShaHshAn+ti ku ru/ zhes pa ni steng gi 'khor lo la'o// 'og gi 'khor lo la ni sngags bzlog pas so// phyi'i dbyangs yig kyang bzlog par shes par bya'o/ / dbus su ni/ oM dang ha'i bar du rak+Sha/ shUn+tiM ku rba/ bri bar bya'o// zhi ba chen po'i 'khrul 'khor gyi srung ba ste le'u nyi shu n+ya gnyis pa'o// / de nas 'phrin las bzhi'i las so so'i 'khor lo ni/ zhi ba ni kham pa la ga'u kha sbyor byas te mer bsregs la kha dog dkar po byug par bya'o// de'i nang du 'khor lo le tse dgu pa bris te/ sngags dgod pa ni/ au tA re tut+tA re tu re/ zhes bya ba re mig brgyad la'o// ru ru au ru ru/ ru ru tA ru ru/ ru ru re ru ru/ ru ru tuta ru ru/ ru ru tA ru ru/ ru pu re ru ru/ ru ru tu ru ru/ ru ru re ru ru/ zhes bri'o// dbus su ni/ ku ru shAn+ti ku ru/ zhes bris te ga 'ur sbyar te/ dbus su srad bu dkar po dang ldan pa'i ga'u maN+Dal thog tu bzhag la/ me tog dkar pos mchod cing mchod pa rnam pa lnga'ang dbul te dus gsum du mchod na zhi bar 'gyur ro/ / zhi ba'i 'khor lo'i le'u ste nyi shu rtsa gsum pa'o// / de nas zhi ba chen po'i las bya ba ni kham pa la ga lu kha sbyar byas te tsan dan dmar pos snag tsha byas la 'khor lo phyi nang bcas pa'i le tse dgu pa bri bar bya'o/ / sngags dgod pa ni/ swa shAn+ti ku ru hoH/ zhes bya ba dbus su bri'o// mu khyud nang ma la ni/ a a zhes bya ba brgyad dgod par bya'o// mu khyud phyi ma la ni/ a au a/ a tA a/ a re a/ a tuta a/ a tA a/ a re a/ a tu a/ a re a/ zhes bya ba bri bar bya'o// me tog gi 'phreng bas bcings te maN+Dal gyi steng du dus bzhir mchod cing zhag bdun du sngags ma nor bar bzlas na zhi ba chen po'i las 'grub par 'gyur ro/ / zhi ba chen po'i le'u ste nyi shu rtsa bzhi pa'o// / de nas rgyas pa'i las bya ba ni gur kum mam/ gi hang gis grog la 'khor lo'i phyi nang dang ldan pa'i la tse dgu pa bris te/ dbus su/ sarba puSh+Ti ku ru oM a/ zhes bya ba dgod par bya'o// le tse nang ma brgyad la oM brgyad bri bar bya'o// le tse phyi ma brgyad la/ oM oM au/ oM tA oM/ oM re oM/ oM tuta oM/ oM tA oM/ oM re oM/ oM tu oM/ oM re oM/ zhes bya ba bris nas/ kham pa'i ga 'ur bcug ste me tog ser po na ga puSh+pa'i me tog dang mchod pa lngas dus bzhir zla ba rgyas pa nas bzung nas zhag bdun du mchod na tshe dang bsod nams thams cad rgyas par 'grub bo/ / rgyas pa'i 'khor lo'i le'u ste nyi shu rtsa lnga pa'o// de nas dbang du bsdu bar 'dod na kan da ka'i shun pa dang / seng ldeng gi shun pa dang / mdzo mo shing gi shun pa bskus pa'i khu bas gse gab ba ma ga'u la 'khor lo bri ba ni le tse dgu pa'o/ / sngags dgod pa ni/ dbus sa/ a swa tsa a moH a s+t+wa~MH/ zhes bza'o// tshe tse brgyad pa la ni/ a oM la/ a Sh+Ta a/ a re sa/ a hru / sat+pa a re a/ a tu a/ a re a/ zhes bris nas thod pa kha sbyor du bcug nas skud pa sngon pos dkris nas me tog dmar po dang / mchod pa lngas dus bzhir zla ba kham pa'i dus su mchod na thams cad dbang du 'du'o/ / dbang drag gi 'khor lo'i le'u ste nyi shu rtsa drug pa'o// / de nas dbang du 'du bar byed pa ni srin lag gi khrag dur khrod kyi sol ba dang kan da ka'i khu ba rnams kyis bris te/ dur khrod kyi sol pa dang mi shi ba'i gos la 'khor lo le tse dgu pa bri'o// dbus su/ a mo g+ha hrIHha/ zhes bya ba bri'o// rtsibs brgyad la/ oM de oM/ tA ba tA re da ta re/ tut+ta tu ta/ tA a tA/ re mo re/ tu g+ha tu re hriHre/ zhes bya ba bri'o// ga 'ur srin mgo dmar po dang / 'khor lo phral nas gtsang po phar 'gram tshur 'grum du sbas na 'bye zhing dbang du 'gyur ro// dbye zhing dbang du bsdu ba'i 'khor lo'i le'u ste nyi shu rtsa bdun pa'o// // de nas bskrad par 'dod na dug dang / khrag dang / rams rnams sbyar te dur khrod kyi ras la 'khor lo gnyis bris te/ le tse dgu pa'i dbus su/ ha sa u tsa ha ha ha/ bri bar bya'o// le tse brgya la/ Na oM ha/ ha ta ha/ ha re ha/ ha tuta ha/ hatwa ha/ ha re ha/ ha tu ha/ ha re ha/ zhes pa bris te/ kha sbyar ka bA lar bcug ste skud pa sngon pos bcings te dur khrod du sbas na bskrad par 'gyur ro/ / bslad pa'i 'khor lo'i le'u ste nyi shu rtsa brgyad pa'o// / de nas dbye ba'i 'khor lo ni dur khrod kyi sol ba dang / bya rog dang / 'ug pa'i khrag dang / dug mnyam por bsres pa'i snag tshas 'khor lo phyi nang dang bcas pa le tse dgu pa bris te/ dbus su/ phaT swA he ba rata ta ha phaT/ ces bya ba bri'o// le tse nang ma brgyad la/ phaT phaT phaT phaT phaT phaT phaT phaT/ ces pa zi'o// le tse phyi ma brgyad la/ phaT oM phaT/ phaT tA phaT/ phaT re phaT/ phaT tuH phaT/ phaT tA paT/ phaT re phaT/ phaT tu phaT/ phaT re phaT/ ces bya ba bris te/ bya rog dang 'ug pa'i sgo ngar bcug ste brag dang chu 'thab ser sgo nga sbas na 'bye bar 'gyur ro// dbye ba'i 'khor lo'i le'u ste nyi shu rtsa dgu pa'o/ / / de nas gsad pa'i 'khor lo ni dug dang / khrag dang / ske tshe rnams mnyam par sbyar bas le rtse dgu pa'i 'khor lo phyi nang dang bcas pa bris te/ dbus su/ hUM sA ma ra ya hA phaT/ ces bya ba bri'o// le tse nang ma la/ hUM phaT hUM/ phaT hUM phaT/ hUM phaT hUM/ phaT hUM phaT/ hUM phaT hUM/ phaT hUM phaT/ hUM phaT hUM phaT hUM phaT/ ces bya ba bri'o// le tse phyi ma la/ hUM oM phaT/ hUM tA phaT/ hUM re phaT/ hUM tuta phaT/ hUM tA phaT/ hUM re phaT/ hUM tu phaT/ hUM re phaT/ ces bya ba bris te/ rabs chad po mo thod pa la zis te sngags mang du bzlas nas dur khrod du sbas na 'chi bar 'gyur ro/ / gsad pa'i 'khor lo'i le'u ste sum cu pa'o// // myos pa'i 'khor lo ni da du ra'i chus ras sam shog shog la le tse dgu pa phyi nang dang bcas pa'i 'khor lo bris te/ dbus su/ ha ha de ba tad ta ha ha/ zhes pa bri'o// le tse na ma ya/ b+ha d+ha d+ha d+ha d+ha d+ha d+ha d+ha/ bri bar bya'o/ / phyi ma brgyad la ni/ d+ha oM d+ha/ b+ha tA d+ha/ d+ha re d+ha/ d+hA tuta d+ha/ b+ha tA b+hA/ b+ha re d+ha/ d+ha tu d+ha/ b+ha re d+ha/ zhes bya ba bris te/ rwa'i ga'ur bcug nas bzlas pa ci nas kyang myur bar byas te lam / rgya gram du dong dang bcas par sbas te da du ras spungs na myos par 'gyur ro// gson mar sbrang rtsi 'o mas ling ga bkrus na 'tshor bar 'gyur ro// myos byed kyi 'khor lo'i le'u ste sum cu rtsa gcig pa'o/ / / de nas mnan pa'i 'khor lo ni g.yam pa la le tse dgu pa'i 'khor lo zos te/ lung ba'i chus le tse dgu pa la/ dbus su/ ga swa staM b+ha ya ste rnal g+ha ha/ zhes bya ba bri bar bya'o// le tse brgyad pa la/ ga oM ga/ ga tA ga/ ga re ga/ ga tu rtag/ ga tA ga/ ga reg/ gtug/ ga reg/ zhes bya ba bris te/ 'khor lo kha sbyar nas lam rgya gram du sras na 'gul mi shes par 'gyur ro/ / mnan pa'i 'khor lo'i le'u ste sum cu rtsa gnyis pa'o// / de nas mnan pa chen po ni yung ba'i khu bas sdug tsha byas te kham pa'i ga'u'i nang du phyi nang le tse dgu pa'i 'khor lo bris la/ sngags dgod pa ni/ dbus su/ rga swa staM b+ha ya b+ha ya rka ha/ zhes bya ba zi'o// nang ma la/ ha ha ha ha/ ha ha ha ha/ zhes bya ba brgyad zi'o// de'i phyi rol gyi le tse dgu la ni/ rga.oM rka/ rga tArbA/ rka re na/ rga tatarga/ rga ta rga/ rka ra na/ rka turga/ rka re rka/ zhes bya ba bris te/ sgrub pa 'phags ma la byas la dgra kang nas 'ong ba'i phyogs su sbas na srung bar 'gyur zhing / dgra'i sgor sbas na mnan par 'gyur ro// dgra mnan pa'i 'khor lo'i le'u ste sum cu rtsa gsum pa'o// / de nas rig sngags kyi sbyor ba gnon par byed pa'i 'khor lo ni yung ba'i khu bas g.yam pa 'am/ lgang tsher gnyis gang yang rung ba la 'khor lo bris te/ le tse dgu pa la byin pa dang bcas pa bri bar bya'o/ / sngags dgod pa ni/ dbus su ni/ wa swa staM b+ha ba staM b+ha ba ha/ 'khor lo nang ma la/ la wal wa/ wa la wa wa/ zhes bya ba bri bar bya'o// ma la/ wa oM la/ la thA la/ la re la/ la tuta la/ la tra la/ la re la/ la tu la/ la re la/ zhes bya ba bris te/ phan tshun g.yas g.yon du 'khor lo re re zas na mnan par 'gyur ro// rig sngags kyi sbyor ba mnan pa'i le'u ste sum cu rtsa bzhi pa'o// / de nas bcom ldan 'dapal byang chub sems dpa' 'jam dpal gzhon nus// me tog man da ra ba dang / pad+ma dang / ku mu da la sogs pas bcom ldan 'das la gtor to// lha rdzas kyi rol mo'i sgra du ma'ang bsgrags so// de nas bcom ldan 'das la gsol pa/ dam tshig kyang ga gis 'grub par 'gyur zhes zhus pa dang / bcom ldan 'das kyis bka' stsal pa/ so so'i dam tshig sdom gnas te// lha yi 'khor lo dang ldan pas// srog chags dag ni gsad pa spang // ma byin pa dag mi blang zhing / / bud med mi bsten smad mi bya// brdzun ni rnam pa kun tu spang // myos gyur dag dang sha dag dang // dku zhing rnam pa rtag tu spang // mo rnams thams cad kun la ni// chags pa'i sems kun spang ba ste// ma bzhin du ni kun la ni// phan pa'i sems kyis kun la bkur// dam tshig sdom pa gnas pa yi// las rnams kun la mthu yod 'gyur// zhes bcom ldan 'das kyis gsungs so// dam tshig dang sdom pa bstan ba'i le'u ste sum cu rtsa lnga pa'o/ / / de nas lha'i dbang po brgya byin dang tshangs pa la sogs pa lha dpag tu med pa dang / byang chub sems dpa' 'jam dpal gzhon nu la sogs pa'i 'khor dpag tu med pa dag dang / lha dang / mi dang / lha ma yin dang bcas pa rjes su yi rangs te/ bcom ldan 'das kyis gsungs pa la mngon par bstod do// bcom ldan 'das ma sgrol ma'i rgyud las sna tshogs bstan pa zhes bya ba rdzogs so/ / // rgya gar gyi mkhan po d+harmA shrI mi tra dang / lo tsa ba dge slong chos kyi bzang pos bsgyur ba'o// /

CLOSE WINDOW