byaM/ rgya gar skad du/ ma hA kA ru Ni ka nA ma/ Ar+ya a ba lo ke te shA ra d+hA ra Ni/ a nu shaM sa sa ha ti sU traM ta saM gri hi ta/ bod skad du/ 'phags pa spyan ras gzigs dbang phyug thugs rje chen po'i gzungs pan yon mdor bsdus pa zhes bya ba/ 'phags pa spyan ras gzigs dbang phyugs thugs rje chen po la phyag 'tshal lo// 'di skad bdag gis thos pa dus gcig na/ bcom ldan 'das ri bo bo Ta la spyan ras gzigs dbang phyug gi gnas na/ byang chub sems dpa' grangs med dpag tu med pa'i 'khor gyis bskor nas/ de'i tshe 'phags pa spyan ras gzigs dbang phyug stan las langs nas thal mo sbyar zhing / bcom ldan 'das la 'di skad ces gsol to// ngal 'di lta bu'i gzungs yod// ming ni thugs rje chen po zhes zer/ sems can kun gyis mi dge ba'i sdig pa shin tu lci ba'i sgrib pa/ bdud dang 'jigs pa thams cad zhi bar byed pa/ 'dod pa thams cad rab tu tshim par byed pa'i phyir ngas bshad do// bcom ldan 'das la bshad pa'i gnang ba zhus nas/ de nas bcom ldan 'das kyis rigs kyi bu khyod kyis thugs rje chen po'i sgo nas gzungs bshad par 'dod pa'i dus la bab bo// myur bar bshad du gsol/ nga dang sangs rgyas thams cad kyis kyang rjes su yi rang ngo // byang chub sems dpa' 'phags pa spyan ras gzigs dbang phyug gis/ bcom ldan 'das la 'di skad ces gsol to// gal te dge slong ngam/ dge slong ma 'am/ dge bsnyen nam/ dge bsnyen ma'am/ khye'u 'am/ bu mos 'don pa dang 'chang bar 'dod pas/ sems can rnams kyi ched du thugs rje chen po'i sgo nas thog mar 'di lta bu'i sems bskyed par bya'o/ / spyan ras gzigs dbang thugs rje che la phyag 'tshal lo// bdag gis chos rnams thams cad myur du rtogs par shog/ spyan ras gzigs dbang thugs rje che la phyag 'tshal lo/ / bdag gis ye shes mig ni myur du thob par shog/ spyan ras gzigs dbang thugs rje che la phyag 'tshal lo// bdag gis sems can thas cad myur du sgrol bar shog/ spyan ras gzigs dbang thugs rje che la phyag 'tshal lo// bdag gis thabs mkhas pa dag myur du thob par shog/ spyan ras gzigs dbang thugs rje che la phyag 'tshal lo/ / bdag ni myur du shes rab gru yis sgrol bar shog/ spyan ras gzigs dbang thugs rje che la phyag 'tshal lo// bdag ni myur du sdug bsngal mtsho las 'da' bar shog/ spyan ras gzigs dbang thugs rje che la phyag 'tshal lo// bdag ni myur du tshul khrims rkang gis lam thob shog/ spyan ras gzigs dbang thugs rje che la phyag 'tshal lo// bdag ni myur du mya ngan 'da' ba'i ri 'dzeg shog/ spyan ras gzigs dpa' thugs rje che la phyag 'tshal lo// bdag ni myur du 'dus ma byas kyi khyim phyin shog/ spyan ras gzigs dbang thugs rje che la phyag 'tshal lo/ / bdag ni myur du chos nyid sku dang mtshungs par shog/ bdag ni rang gri'i ri 'dzeg na// ral gri ri ni rang snyil shog/ bdag ni chu tshan phrad gyur na// chu tshan me mur rang zhi shog/ sems can dmyal bar bdag song na// sems can dmyal ba rang bskams shog/ bdag ni yi dgas gnas song na// bkres skom dag ni 'grangs par shog/ bdag ni lha min gnas song na/ / ngan sems rang nyid dul bar shog/ bdag ni dud 'gro'i gnas song na// rang nyid shes rab che thob shog/ de skad du smon lam btab nas// sems rtse gcig tu bdag gi ming nas 'don cing rjes su dran par bgyi'o/ / gzhan yang bdag gi ston pa de bzhin gshegs pa 'od dpag med kyi mtshan 'don cing // de nas gzungs lan gcig gam lan bdun gyi bar du bton na/ / bskal pa 'bum phrag brgya stong ji snyed 'khor bar 'gyur ba'i kha na ma tho ba'i lci ba rnams bsal zhing 'byang bar 'gyur lags so// gal te thugs rje chen po 'di 'don cing 'chang na/ / 'chi ba'i dus kyi tshe phyogs bcu'i de bzhin gshegs pa rnams der gshegs nas/ phyag rkyong bar 'gyur bas bsams pa bzhin sangs rgyas kyi zhing gang dang gang du skye bar 'dod pa de dang der skye bar 'gyur lags so/ / bcom ldan 'das la yang 'di skad ces gsol to// bcom ldan 'das sems can gang la la zhig thugs rje chen po'i rig sngags 'di 'don cing yongs su 'dzin pa dag/ gal te ngan song gsum po dag tu lhung bar gyur na/ bdag nam yang mngon par rdzogs par sangs rgyas par mi bgyi'o// thugs rje chen po'i reg sngags 'di 'don cing yongs su 'dzin pa dag/ gal te ting nge 'dzin dang spobs pa tshad med pa ji snyed thob par ma gyur na/ bdag nam yang mngon par rdzogs par sangs rgyas par mi bgyi'o/ / thugs rje chen po'i rig sngags 'di 'don cing yongs su 'dzin pa dag/ gal te tshe 'di nyid la smon pa thams cad ji ltar smon pa bzhin du grub par ma gyur na thugs rje chen po'i sems kyi gzungs zhes mi bgyi lags te/ mi dge ba rnams dang sems rtse gcig tu ma bgyis pa ni ma gtogs lags so// bud med gang la la zhig bud med kyi lus la yongs su skyo nas skyes pa'i lus thob par 'tshal ba gang lags pa des/ thugs rje chen po'i sems kyi gzungs kyi tshig 'di 'don cing yongs su bzung bas/ gal te bud med kyi lus las yongs su gyur te skyes pa'i lus thob par ma gyur na/ bdag nam yang mngon par rdzogs par 'tshang rgya bar mi bgyi'o// the tsom gyi bsam pa cung zad cig bskyed par gyur na/ gdon mi za bar gang smon pa'i 'bras bu de mngon par 'grub par mi 'gyur lags so/ / de skad ces smras nas/ 'khor 'dus pa'i mdun du thal mo sbyar te drang por 'dug nas sems can rnams la thugs rje chen po'i sems bskyed de/ 'dzum pa'i mdangs kyis thogs pa mi mnga' ba'i thugs rje chen po'i sems rgya cher yongs su rdzogs pa zhes bya ba'i gzungs gya nom pa 'di dag smras so// snying po ni/ oM ma Ni pad+me hUM/ gzungs ni/ na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM sarba ban d+ha na/ ched na ka rA ya/ sarba pA pa sa mu dra uts+tshe Shan ka rA ya/ sarba byA d+hi pra shwa ma na ka rA ya/ sarba i d+ya u pa dra wa bi nA sha na ka rA ya/ serba b+ha ye Shu tra NA ya/ ta s+ya na ma s+thi taM i daM/ Ar+ya a wa lo ki te shwa ra ta wa ni la kaN+Da nA ma hri da yaM/ A wa ra ta yi Sh+ya mi sarba ar+tha sA d+ha na/ shu b+ha tsi ta na/ sarba satwa naM pA pa mArga bi sho d+ha ka/ tad+ya thA/ a wa lo ki/ lo ka ma ti/ lo ka ga ti/ e h+ye he/ ma hA bor+d+ha satwa/ he bo d+hi satwa/ he ma hA bo d+hi satwa/ he pri ya bo d+hi satwa/ he kA ru Ni ka sma ra hri da yaM/ e h+ye he/ ar+ya a ba lo ki te shwa ra ba ra ma mai tri tsit+ta ku ru Ni ka/ ku ru ku ru/ karmaM sA d+ha ya/ bi d+yAM de hi de hi me/ a raM ga maM ga ma/ bi ga ma hA sid d+ha yo gi shwa ra/ du hu du hu/ bir+yan+te/ ma hA bir+yan+te/ d+ha ra d+ha ra/ d+ha ra ni shwa ra/ dz+wa la dz+wa la/ bi ma la a ma la/ murti Ar+ya a wa lo ki te shwa ra kr-iSh+Ta a dzi na/ dza Ta ma ku Ta a laM kri ta sha rI ra/ laM b+ha/ pra laM b+ha/ bi laM b+ha/ ma hA sid d+ha/ shud d+ha d+ha ra/ ba la ba la/ ma hA ba la/ ma la ma la/ ma hA ma la/ dz+wa la dzA la/ ma hA dz+wa la/ kr-iSh+Ta pak+Sha kr-iSh+Ta warna kr-iSh+Na pa sha nir g+ha ta na/ he pad+ma hasta/ dza ya ka ra ni/ shA tsa ri shA ra/ kr-iSh+Ta sarba kr-i tA yadz+nyo pa wa ti/ e h+ye hi/ ba ra ha mu kha tri pu ra/ da ha ni shwa ra nA ya na/ pa la ru pa be sha d+ha ri/ he nI la kaN+Da he ma hA ha la ha la/ bi Sha nir dzi ta lo ka s+ya/ rA ga pi Sha nA sha na/ dwe sha bi Sha nA sha na/ mo hA bi Sha nA sha na/ nir mo k+Sha na hu lu hu lu/ muny+tsa muny+tsa/ mu hu lu/ mu hu lu/ ha la ha la/ ma hA pad+ma na b+ha/ sa ra sa ra/ si ri si ri/ su ru su ru/ bu d+h+ya bu d+h+ya/ bo d+ha ya bo d+ha ya/ bo d+h+ya mi ta ba/ nI la kaN+Tha e h+ye hi/ nI la kaN+Tha e h+ye hi/ bA mas+thi ta/ saM ha mu kha/ ha sa ha sa/ muny+tsa muny+tsa/ ma hA a Ta Ta hAs ni ra na di ni/ e h+ye hi/ b+ho b+ho ma hA sid d+ha yo ki shwa ra/ b+han na b+han d+ha/ wa tsam sA na ya/ sAHya/ bi d+h+waM swa rasma ra tAM/ he b+ha ga wan/ lo ka bi lo kA s+t+wa~M/ ta thA ga tA da dA hi me dar shA nAM/ pra sa twA ya mi swA hA/ sid d+hA ya swAhA/ ma hA ming na ya sAhA/ sid d+ha yo ki shwa rA ya sAhA/ nI la kaN+Da ya swA hA/ ba ra ha mu khA ya swA hA/ siM ha mu khA ya sAhA/ ma hA na ra sa~M ha mu khA ya swA hA/ sid d+ha badre d+ha rA ya sA d+ha/ pad+ma hastA ya sAH/ mahA bad+ma hastA swAH/ badz+ra hastA ya swaH/ mthu badz+rag stA yA swAH/ loSh+Thasarba kr-i ta la dro ba yai tA ya sA hA/ ma hA kA la ma g+ha Ta d+ha rA ya swAH/ tsal A thA/ d+ha nAr ma sAH/ sha la sha ldan panA pan kA na ya swA hA/ banan ka rA ya swA hA/ bi ma skan+d+ha de shas+t+raM ta kr-iSh+Na e dzi nA ya swA hA/ ba ma hasta bAm+ba tsa ra mi na wa sa nA ya swA hA/ lo ki shwa rA ya swA hA/ ma hA lo ki shwa rA ya swA hA/ sarba sid d+ha shwa rA ya swA hA/ rak+Sha rak+Sha mAM swA hA/ ku ru ra/ k+Sha/ murti nA~M swA hA/ ni mo b+ha ga la te Ar+ya a wa lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni ka ya/ sid d+ha nu me man+t+ra pA da ni swA hA/ de nas byang chub sems dpa' spyan ras gzigs dbang phyug gis gzungs 'di bstan zin nas/ gzungs 'di 'don cing yongs su 'dzin pa dag gi ched du gnod pa dang bgegs yongs su bsal ba'i phyir/ shin tu dang ba'i tshigs su bcad pa 'di dag smras so/ / gang zhig ri dang 'brog dgon song ba las// stag dang spyang ki gcan gzan gtum po dang // rtsangs pa sbrul dang 'dre srin phrad gur kyang // gzungs 'di 'don pa thos na gnod mi nus/ / gang zhig chu bo rgya mtshor zhugs pa las// gdug pa'i klu dang chu srin ma rungs dang // gnod sbyin srin po nya dang rus sbal dag/ gzungs 'di thos nas so sor 'byer bar 'gyur/ / gang zhig g.yul sprad dgra yis bskor ba 'am// chom rkun ma rung nor rnams 'phrog pa'i tshe// rtse gcig thugs rje chen po'i gzungs bzlas na// de dag brtse sems skyes nas ldog par 'gyur// gang zhig rgyal po'i gyod la thogs pa dang // lcags sgrog khong sgril btson rar chud pa'i tshe// rtse gcig thugs rje chen po'i gzungs bzlas na/ / rgyal pos brtse sems kyis ni gtong bar 'gyur// gang zhig byed snyems dug ma'i khyim zhugs te// zas skom dug can gyis ni gsod pa'i tshe// rtse gcig thugs rje chen po'i gzungs bzlas na/ / dug ni zil mngar zas skom nyid du 'gyur// bud med sbru ma ma bu ni btsa' ba'i tshe// bdud kyis bgegs byas sdug bsngal mi bzod tshe// rtse gcig thugs rje chen po'i gzungs bzlas na/ / 'dre gdon byer nas bde bar btsa' bar 'gyur// klu gdon gtum pos gdug pa'i dbugs btang nas// tsha ba'i nad kyis nyen nas 'chir nye tshe// rtse gcig thugs rje chen po'i gzung bzlas na/ / rims nad bsal nas tshe ni ring bar 'gyur// klu gdon rgyu bas gtses te spangs pa dang // shu 'bras mi bzad rnag khrag 'dzag pa'i tshe// rtse gcig thugs rje chen po'i gzungs bzlas na/ / mchil ma lan gsum byugs pas skrangs pa zhi// sems can rnyog pa mi dge spyod pa na/ byad stems sngags dang dgra yis gtses pa'i tshe// rtse gcig thugs rje chen po'i gzungs bzlas na/ / byad stems gdon de gtong ba'i mi la 'dud// sdig 'phel snyigs ma dam chos 'jig pa'i tshe// 'dod pa'i me mched sems ni rmongs log pas// khyo shug so sor gzhan la 'dod zhen nas/ / nyin mtshan log bsam rgyun ni mi 'chad tshe// gang zhig thugs rje chen po'i gzungs bzlas na// 'dod pa'i me zhi khog pa'i sems bsal 'gyur// bdag gis gzungs 'di'i mthu stobs rgyas brjod na/ / bskal par brjod kyang mthar thug yong mi 'gyur// gal te thugs rje chen po'i gzungs 'di 'don cing yongs su 'dzin pa de dag chu klung ngam rgya mtshor zhugs te khrus byas pa las/ de na gnas pa'i sems can de dang de dag gis lus bkrus pa'i chus lus la reg par gyur na/ sdig pa'i las dang kha na ma tho ba'i lci ba thams cad yongs su byang nas/ zhing yongs su dag pa gzhan dag tu pad+ma la rdzus te skye bar 'gyur bas/ mngal dang / drod gsher dang / sgo nga las skyes pa'i lus len par mi 'gyur na/ kha ton du 'don pa dang 'chang ba la lta smos kyang ci dgos/ gzungs 'di 'don cing yongs su 'dzin pa de dag lam du zhugs nas 'gro ba'i tshe/ rlung chen po langs te gang zag de'i lus dang / spu dang / skra dang / gos la bus pa'i rlung gang yin pa de'i rjes phyogs su song ba'i sems can gzhan gyi lus la reg par gyur na/ de dag gi sgrib pa dang sdig pa'i las lci ba thams cad ma lus par yongs su 'byung bar 'gyur bas/ yang ngan 'gro gsum po dag gi rnam par smin pa myong bar mi 'gyur zhing / rtag par sangs rgyas kyi spyan sngar skye bar 'gyur bas na/ 'don pa dang yongs su 'dzin pade dag gis thob pa'i phan yon ni bsam gyis mi khyab par rig par bya'o/ / 'phags pa spyan ras gzigs dbang phyug thugs rje chen po'i gzungs phan yon dang bcas pa zhes bya ba mdo las bsdus pa rdzogs so/ / / dge slong shAkya ye shes kyis bsgyur ba'o// rgya gar skad du/ Ar+yA ba lo ki te shwa rA mA te nA ma d+hA ra Ni/

CLOSE WINDOW