bcom ldan 'das kyis gsungs pa la mngon par bstod do// 'phags pa tshogs kyi bdag po'i snying po rdzogs so// rgya gar skad du ma hA ga Na pa ti tan+t+ra nA ma/ bod skad du/ tshogs kyi bdag po chen po'i rgyud ces bya ba/ 'jig rten dbang phyug la phyag 'tshal lo// de nas dpal ldan tshogs pa dag che// phyag 'tshal dpal ldan tshogs bdag dgyes/ / gzugs ba rAn maN+Dal gru bzhir gzhag/ zla ba drug tu mchod par bya// lha yi 'khor los sgyur ba dang // tshe 'di nyid la skal ba mnyam// bsod nams chen po thob par 'gyur// longs spyod lha dang mnyam pa dang / / tshe yang ring ba'i mchog tu 'gyur// mi la sogs pa dbang du 'gyur// lha yi bu yang bran bzhin 'gyur// bdag gis bsgo ba nyan par 'gyur// klu yang de yis bsgo ba nyan// bran bzhi ni las rnams/ byed par 'gyur// lha yi longs spyod mnga' ris las// 'dod pa'i longs spyod 'byung bar 'gyur// dngos grub sgrub pa'i skal ba can// gdul bya dbang gis sku sprul pa// lha chen tshogs bdag chen pos bya// dngos grub dam pa mchog sgrub na/ / mthu stobs phun sum tshogs ldan zhing // longs spyod yid bzhin 'phel bar byed// 'jigs rten phan mdzad lha yi lha// gang gis mchod pa dngos grub yin// lha chen tshogs kyi bdag po'i rgyud las/ dngos grub 'byung ba zhes bya ba'i le'u ste dang po'o// // de nas dben pa'i gnas su ni// dkyil 'khor gru bzhi dag bya ste// ba yi lci bas legs par byugs// 'jam zhing mnyen la dbus mtho ba'i/ / dbus su tshogs bdag sku gzugs bzhugs// me tog dkar pos de la gtor// bdag nyid gcer bur byung byas te// log 'dren gzugs kyis yang dag mchod// ba ra ta ka zla ba drug/ nyin re bzhin du dus gsum du/ / gsang sngags brgya ni rtsa brgyad bzlas// yid la re ba thams cad rdzogs// bsam pa thams cad 'grub par 'gyur// oM ni bkra shis dpal dang ldan// gsang sngags mgo la gzhag par bya/ / yid bzhin nor bu lta bu yi// dngos grub ster byed yi ge yang // de 'og gral la gzhag par bya// nyi ma lta bu'i yi ge yang // de yi rjes la bklag par bya// de bzhin gshegs pa'i mtshan dang po// yi ge'i mchog ni blang bar bya// gsal byed yi ge dang po yang // de yi mjug tu brjod par bya// rin chen yi ge swA zhes bya// las kyi yi ge hA zhes bya// dngos grub 'dod pas gsang sngags bzlas// lha chen dngos grub sgrub pa'i rgyud las/ lha'i dngos grub kyi gsang sngags bstan pa'i le'u ste gnyis pa'o// de nas tshogs kyi bdag po bshad// tshogs kyi bdag po sku mdog dkar// glang po che yi mgo bi can/ / mche ba ya gcig chag pa dang // phyag g.yas la phug bsnams pa dang // byi ba'i gdan la bcibs pa dang // rin po che yis sku brgyan pa// zla ba tshes pas dbu brgyan pa// 'od gsal ba/ 'od zer 'phro ba/ mdog bzang ba/ kha dog bzang ba/ gsus pa che ba/ rgyun gyis spud pa'o// dngos grub sgrub pa'i rgyud las/ tshogs kyi bdag po bstan pa'i le'u ste gsum pa'o// de nas skar ma rgyal gyi nyin par me tog dkar po blangs te tshogs kyi bdag po'i sku gzugs bris te/ kha dog dkar po glang po che'i dbu can phyag g.yas na la phug bsnams pa/ g.yon pa na rin po che'i nor bu bsnams pa/ gsus pa che ba/ rgyan thams cad kyis brgyan pa/ zla ba dang byi ba'i khril bzhugs pa mkhas pas bya'o// de la dkyil 'khor gyi dbus su bdag la zhal phyogs par bzhag la/ bdag nyid log 'dzin gyi gzugs kyis yang dag par mchod do/ / tshogs kyi bdag po zhal gcig phyag bzhi pa sgrub pa'i le'u ste bzhi pa'o// / de nas dbang ldan gyi mtshams su tshogs kyi bdag po dkar po glang po che'i mgo can/ byi ba la zhon pa/ mig gsum pa/ zla ba phyed pa 'dzin pa/ g.yas na la phug dang dgra sta 'dzin pa/ g.yon pa tri shU la dang thod pa 'dzin pa/ lag pa g.yon pa khu tshur bcangs pa'i mdzub mo dang gung mo brkyang la mdzub mo bkug la gung mo'i tshigs su gzung bar bya ba ni tshogs kyi bdag po'i phyag rgya'o/ / tshogs kyi bdag po'i phyag rgya bstan pa'i le'u ste lnga pa'o// / de nas gsang sngags bstan pa ni/ / oM ni dpal ldan mgo la gzhag/ de nas yid bzhin nor bu ni// rin po che yi yi ge bri// sde tshan gsal byed dang po yang // de yi rjes su bri bar bya// de bzhin gshegs pa'i mtshan dang po// dbyangs yig brgyad pas mdzes par bya// gsal byed dang po yi ge yang // blo yis blangs te yid kyis bri// sde tshan gsum pa'i gsum pa la// dang po'i bzhi pa sbyar bar bya// sde tshan bdun pa'i gsum pa la/ / gsum pa'i dang po sa 'og tu sbyar// yid bzhin nor bu'i yi ge la// bzhi pa'i lnga pa zla ba gzhag/ dbyangs yig gsum pas brgyan par bya// bzhi pa'i gsum pas de nas brjod// dngos grub sgrub pa'i yi ge ni/ / de yi rjes la bri bar bya// gsang sngags drag po'i yi ge yang // kun gyi mthar ni brjod par bya// gsang sngags 'di yi dngos grub ni// 'jig rten dbang phyug nyid kyis byin/ dgos pa thams cad 'grub par 'gyur// tshogs bdag chen po'i gsang sngags bstan pa'i le'u ste drug pa'o// de nas gzhan yang gsungs pa ni// dngos grub thams cad sgrub pa yi/ mtshan gyi gsang sngags zhes bya ba'i// dngos grub sgrub pa'i snying po ni// dpal dang yaM gi yi ge ste// oM zhes bya ba mgo la gzhag/ yid bzhin nor bu'i yi ge las// nyi ma'i yi ge 'og tu spras// dbyangs yig drug pa'i 'og tu sbyar/ / thig le nA das brgyan par bya// mtshan gyi dang po'i yi ge ni// de yi rjes la brjod par bya// bzhi pa'i lnga pa de nas sbyar// lnga pa'i dang po bri bar bya// de bzhin gshegs pa'i mtshan dang po/ 'byung ba rlung gi yi ge yang // dbyangs yig brgyad pas brgyan pa ni// de yi rjes la bri bar bya// zhi ba'i yig 'bru gnyis pa yang // kun gyi mthar ni brjod par bya// mtshan gyi gsang sngags zhes bya ba// 'dod pa thams cad grub byed yin/ / mtshan gyi gsang sngags bstan pa'i le'u ste bdun pa'o// / de nas gzhan yang bshad par bya// skar ma rgyal gyi nyin par ni// me tog dkar po'i rtsa ba blangs// tsan dan dkar po dag las ni/ / tshogs kyi bdag po'i sku gzugs ni// mthe bong gi ni tshad tsam bya// gsus pa che la phyag bzhi pa// mkhas pas byas te legs par bya// rin po che yi snod du gzhug/ dkar chen mngon par gsal ba'i tshe/ / nang gi cha ris sku khrus gsol// gsal zhing dang la yid du 'ong // dri dang ldan pa'i bum pa yis// me tog dkar po'i dri yis ni// bdag tshal ldan pas khrus bya'o// de nas de ma thag tu ni// dkyil 'khor dbus su spyan drangs la// me tog dkar po dbul bar bya// la phug la dur bcas pa yi// gtor ma chen po'ang de nas dbul// spos dang dri dang mar me dang // lha bshos dag gis mchod par bya// gsang sngags 'dis la phug dang / la du dang / chu dang / dkar gsum gyi gtor mas tshogs kyi bdag po la phul te/ spos dang me tog rnams kyang dbul/ de ltar byas na phyis bgegs byed par mi nus so// tshog kyi bdag po'i mchod pa'i le'u ste brgyad pa'o/ / / de nas la phug ces bya ba// ro brgyad ldan pa'i nyung ma ste// zas rnams kun gyi mchog kyang yin// ro mchog brgyad dang ldan pa yi// kha dang sbyar dang bska ba dang / / mngar dang tsha dang lan tshwa'i ro// bzhun dang bro mchog che ba yang // nad sna brgyad kyi gnyen po yin// mkhris pa bad kan 'dus pa dang // khrag dang chu ser ma zhu ba// rlung dang rims nad kun la phan/ / 'di 'dra byung ba'i kha zas med// lha rnams kun gyi mchu yang 'gul// dngos grub 'grub pa'i zhal zas yin// tshogs kyi bdag po mchod par bya// la ru zhes bya'i zhal zas ni// mngar gsum 'bras bu gsum pa ni/ / de bzhin zhim pa'i spos kyis bran// bag zan gyi ni ril bu bya// 'o ma mar du bcos byas la// tshogs pa'i gtor ma chen po bya// mar dang 'khur ba mngar gsum dang // mthun pa'i nal bas sna tshogs kyis/ / tshogs bdag chen po mchod par bya// de ltar tshogs kyi bdag po la'o// tshogs kyi bdag po'i sku gzugs lag pagayas pa'i mthil du bzhugs la/ sems gzhan du ma yengs par bzlas brjod 'bum bya ste/ la phug la sngags kyis btab ste tshogs kyi bdag po mchod na/ tshe 'di nyid la 'khor lo sgyur ba'i rgyal po dang bsod nams mnyam par 'gyur ro// me tog dkar pos mchod na rgyal po la sogs pa pham par mi 'gyur ro/ / rgyal po la sogs pa sgrub par 'gyur ro// rgyal po dang blon po la sogs pa bdag gi dbang du 'dus par 'gyur ro// dngos grub sgrub pa'i zhal zas bstan pa'i le'u ste dgu pa'o/ / / de nas cho ga bshad par bya// dngul zhes bya ba'i rin chen la// tshogs bdag chen po'i gzugs byas te// yid bzhin nor bu lag na thogs// dkyil 'khor chen po khru gang tshad/ / rin chen me tog dkar po bkram// gsang sngags pa bum du bzlas byas pas// nad dang sdug bsngal zhi bar 'gyur// shel dang dung lnga tshogs bdag sku// mkhas pas ji ltar 'byor par bya// sdug bsngal thams cad sel bar 'gyur// rin chen shel las tshogs bdag sku// mthe bong gi ni tshad tsam bya// se na pra zhes bya ba'i sngags// rig pa 'bum du bzlas byas te// shel gyi sku de khrus byas nas// skar ma rgyal gyi nyin par ni/ / bdag nyid shar du kha bltas nas// gos dkar gyon te khrus byas la// thal sbyar yid kyis gsol ba gdab// bdag la gnod pa'i bgegs gang yin// shel gyi sku de me long ste// mi g.yo mi 'gul rab tu bzhugs/ / bdag nyid khrus byas shar du blta// dza ra ba dang rkun ma ni// gang yin me long nang du 'byung // de tshe de yi sa ngos zin 'gyur// tshogs bdag shel gyi sku de ni// mchod pa rab gsal legs byas la/ nAr+tha ku r+yezhes byung 'i// rig pa 'bum du bzlas byas na// nAd dang sdug bsngal gyis zhen pa// sku de bstan pa tsam gyis ni// nad rnams thams cad sos par 'gyur// sdug bsngal las kyang thar par 'gyur/ zhi ba chen po'i cho ga yin// rin chen gser zhes bya ba la// tshogs bdag chen po'i sku byas te// rgyal gyi nyin par mig phye nas// mchod dang rab tu gnas pa bya// ba ra zhes bya ba'i gsang sngags ni// 'bum phrag gcig tu bzlas pa yis/ / sku gzugs bzhugs pa'i khyim der ni// nor rnams thams cad 'phel bar 'gyur// gser gyi tshogs bdag mthong ba yis// bgegs rnams thams cad nor 'bul 'gyur// bgegs kyis gnod pa mi nus te// rgyal po bzhin du mchod par 'gyur// gser gyi tshogs bdag gnas pa yis// sa phyogs rin chen char pa 'bebs// gser gyi tshogs kyi bdag po la// bgegs kyi rgyal po thams cad kyis/ / nor rnams thams cad 'bul ba yin// bdag nyid phun sum tshogs par 'gyur// tshogs kyi bdag po'i sku gzugs mchog/ byas pa'i yon tan rnams la ni// gnod sbyin rnams kyis gter kha 'byed/ / skye ba 'di dang phyi ma la// rtag tu yo byad 'phel bar 'gyur// nor gyi bdag po rnam thos bus// rgyal bu bzhin du bsnyen bkur byed// de nas dpal ldan tshogs bdag gi/ sku gzugs dkyil 'khor chu bzhir gzhag/ b+ha ga zhes bya'i gsang sngags ni// bzlas pa 'bum du byas pa yis// tshe de nyid la dngos grub ni// ci 'dod pa ni sbyin par mdzad// lha yi rgyal po'i mnga' thang ni// sgrub pa po la stsol bar mdzad/ / shin tu thugs rje'i bdag nyid pas// dpal ldan tshogs bdag thugs rje can// thugs rje'i phung pos dbul ba skyob// nor lha chen po'i bdag nyid 'di// dar dmar ras la legs bris te/ / rgyal gyi nyin par spyan phye nas// gang gi khyim du bzhugs pa de'i// sa phyogs de ni bkra shis 'gyur// zangs la tshogs bdag chen po'i sku// mkhas pas legs par bzo byas te// tsan dan dmar pos byugs pa'i sar/ / maN+Dal steng du legs par gzhag/ ban du ka yi me tog dang // pad+ma rA ga rin chen dang // me tog dmar po kun gyis mchod// bruM zhes bya ba'i rig sngags bzlas// rgyal po'i bu mo dbang du 'gyur/ / lha yi bu mo klu mo dang // mi 'am ci yi bu mo dang // bram ze'i bu mo mtshan ldan mo// mchog tu gzugs bzang gus par 'gyur// bran mo bzhin du bsgo ba nyan// de la sogs pa mtha' yas mchog/ sku gzugs dag la brten nas grub// mchod pa tsam gyis 'byung ba yin// gzhan yang tshogs bdag chen po'i sku// rin po che yi rgyu las byas// dkyil 'khor steng du bzhugs byas te// rat+na sid+d+hi zhes bya ba'i// rig pa 'bum du bzlas pa bya/ / sa 'og gter rnams ston par 'gyur// ci dga' bar yang sprod par 'gyur// tshogs bdag chen po'i rgyud las// rgyal po la sogs pa sgrub pa'i le'u ste bcu pa'o// de nas dpal ldan tshogs bdag che// drag po chen po drag shul can// sangs rgyas thugs la byol song dbu// glang chen gzhon nus zhal brgyan pa// spyan gsum mche ba bzhi dang ldan// phyag bzhi zhabs bzhi klu chen gdam// dbang po mche ba dkar po 'dzin// de 'og zhags pa g.yon pa na// dgra stag kha T+wAM rtse gsum 'dzin// mthing kha gsus pa che ba'o// de lta bu yi tshogs bdag sku// 'khar ba khro chu dag la bya// rgyal gyi nyin par rab tu gnas// des ni sgom zhing sgrub pa ni// dkyil 'khor bya ba'i sa brtags pa// le'u tshe dgu pa'i dkyil 'khor bri// sgo dang sgo khyud ldan par bya// dbus su pad+ma 'dab brgyad la// tshogs bdag chen pos bsgrub bya mnan// zla ba'i gdamal yum dang ni/ / gnyis su med par dgod par bya// de'i ming a rtsi ka re ste// rdo rje phag gdong ma zhes bya// dgra sta ba na da lag na thogs// khrag gis gang ba gtso la stob// shar phyogs kyi le'u tshe ser po la khams gsum gyi bdag po la phug dang gri 'dzin pa'o/ / lho phyogs kyi le'u tshe sngon po la gnod sbyin chen po rdo rje mchu ma sA de ba'i gde ba can dbyug to da 'tho ba 'dzin pa nag po'o// nub phyogs kyi le'u tshe dmar po la gnod sbyin gyi bdag po sprin gyi bdag ces bya ba dmar po chus gang ba'i sprin phung dang zhags pa 'dzin pa'o/ / byang phyogs kyi le'u tshe ljang khu la gnod sbyin gyi bdag po nor gnas zhes bya ba ljang khu dbyug to dang rin po che'i kha T+wAM ga thogs pa'o// byang shar gyi le'u che dkar po la bgegs kyi rgyal po bin ya ka glang po che'i gdong mdung rtse gsum pa dang la phug thogs pa nag po'o/ / shar lho'i le'u tshe dmar po la yi dgas kyi rgyal po drag po zhes bya ba dgra sta dang thod pa ril po thogs pa nas po'o// lho nub kyi le'u che nag po la sprin phung gi sgron ma zhes bya ba sprin phur dang glog gi 'od du bcas pa lag pa gnyis kyis thogs pa'o// byang chub kyi le'u tshe nag po la bgegs kyi rgyal po log 'dren sna yon zhes bya ba glang po che'i sna can rtse gsum dang thod pa skam po'i nang du la phug dang shas bkang ba thogs pa'o/ / lha rnams la klu'i rgyal po brgyad bka' nyan pa ni klu'i rgyal po a ba la dang / ba ru Na dang / dung skyong dang / 'jog po dang / rigs ldan dang / mtha' yas dang / pad+ma dang / pad+ma chen po rnams so// shar gyi sgor rgyal po chen po yul 'khor srung / lho sgror 'phags skyes po/ nub sgor spyan mi bzang / byang sgor rnam thos sras rnams sku mdog dkar ba dang / sngo ba dang / dmar ba dang / ljang khur shes par bya'o// lag na nor bu rin po che re re/ ral gri re re'o// 'di rnams kyi chung ma ni mi bri'o// 'di ltar bris pa'i byang shar du gsad pa'i dkyil 'khor gru gsum la/ de'i nang du dgra bo'i gzugs spra tshil las byas pa ring pa/ gnag pa/ skra zed pa/ til mar gyis byugs te/ snying khar ming rus bris la gzhug go/ de'i sker ro sgra las byas pa'i thag pa gdags so// de ltar byas nas gnod sbyin chen po brgyad la/ la du dang la phug dang bcas pa'i gtor ma dang / gnod sbyin chen po brgyad la nya sha dang sgog btsong du sbyar ba'i dmar gyi gtor ma re re bsham/ klu chen po brgyad la gtor ma che ba gcig dang / rgyal po chen po bzhi la re re bya/ gal te ma 'byor na che ba gcig bya/ lha bshos re re dbul bar bya'o// gzhan yang drag po'i rdzas spyang ki'i thod pa dang / zir nag po dang / ske tshe dang / chungs kar dang / nyungs nag gzhug par bya'o// tshogs bdag chen po'i dkyil 'khor gyi le'u ste bcugacig pa'o// de nas gzhan yang bshad bapar bya/ / sgom pa'i rim pa 'di lta bu// ma byung 'byung bar mi 'gyur bas// shin tu gsang ste bsgrub par bya// yi yi rang bzhin stong pa las// snang ba'i rang bzhin hUM dang ni// ya tshogs brgyad pa'i sa bon 'byung // ming gi sngags las rab tu bskyed/ / khro bo'i sprul pas stong gsum bkang // 'od bsdus thog ma'i hUM la 'dus// tshogs kyi bdag po chen po de// 'gro ba'i don du bzhengs pa ni// khro bo chen po 'jigs pa'i gzugs// yum dang 'khor yang rdzogs par bskyed/ / phu brgyad klu brgya de sems dpa'i tshul// rgyal po de bzhin khro bo'i tshul// yi ge b+he dang ming las bskyed// 'od zer tshul gyis spyan drangs la// dza dang dza yi 'phro 'du dang // hUM dang hUM gi gsang sngags dang / / lcags kyu'i phyag rgyas spyan drangs la// nus pa'i mthu dang ldan par bya// mchod dang gtor ma btab par bya// ba liM gr-ih+Na khA yi sngags// snying po dag dang spel bar bya// sgom pa'i rim pa'i le'u ste bcu gnyis pa'o// / de nas gsang sngags rgyal po ni// dbyangs yig gsal byed dag las btu// dang po bzhi pa de rjes bri// bzhi pa'i lnga pa gral la gzhag/ yid bzhin nor bu'i yi ge dang // de yi rjes su bsam par bya// de bzhin gshegs pa'i mtshan dang po/ / de yi rjes su brjod par bya// de la dbyangs yig brgyad pas brgyan// dgu pa'i yi ge dag dang ni// 'byung ba rlung gi yi ge la// dbyangs yig gnyis pa sbyar ba yis// rgyal ba'i rgyal po zhes bya'o// / yid bzhin nor bu'i yi ge la// dbyangs yig gnyis pa sbyar bar bya// nyi ma yi ni yi ge dang // bzhi pa'i lnga pa de nas bri// de la dbyangs yig brgyad pas brgyan// nyis pa'i bzhi pa'i yi ge la// dbyangs yig bzhi pas brgyan par bya/ / lnga pa'i bzhi pa'i yi ge la// gsum pa'i lnga pa sbyar bar bya// bzhi pa'i dang po'i yi ge la// dbyangs yi ga bzhi pas brgyan par bya// 'byung ba rlung gi yi ge la// de yi 'og tu sbyar bar bya// rin po che yi yi ge dang / / las kyi yi ge mtha' mar brjod// tshogs bdag chen po'i rtsa ba'i sngags// 'dod pa thams cad sgrub byed yin// gnod sbyin brgyad kyi gsang sngags ni// ya zhes bya ba la sogs pa// ya ya zhes bya la sogs dang // baM zhes bya ba la sogs dang // bi na ya ka zhes bya ba la sogs pa dang / b+hai ra zhes bya ba la sogs pa dang / hUM zhes bya ba dang / tri zhes bya ba ste/ brgyad po la hUM dang phaT kyis mtha' rten pas srog gi snying po'o// klu yi sngags ni ming las bskyed/ / oM dang hUM phaT dang ldan par bya// rgyal po chen po'i gsang sngags ni// b+he zhes bya ba dang / b+hi zhes bya ba dang / b+ha zhes bya ba'i sngags su 'gyur ro// gnod sbyin chen po rnams kyi gsang sngags 'byung ba'i le'u ste bcu gsum pa'o/ / / bsgrub bya dgug pa'i sngags ni/ ya dang k+Sha dang ka dang la// ma dang sA dang b+he ra b+he// tri dang ra dang tsa dag gis// sha dz+nyA nI dza ni dza zhes// lan grangs mang du bzlas par bya'o/ / gnod sbyin brgyad kyi gsang sngags kyis// dam pa'i bla rdo blang bar bya// de nas bla rdo bsreg par bya// de nas bla rdo mnan par bya// rbad pa'i gsang sngags rgyal po ni// ya dang kA dang ka dang la// ma dang hA nga b+he ra be/ / de ba yak+Sha ya ma dang // nA ga nA ga thum ril yang // che ge mo dgra bo thum ri la ya// ya ya zhes kyang bskul bar bya// de nas gsad pa'i gsang sngags ni// ma dang hA dang b+he ra be// yak+Sha la sogs gong dang mthun/ de'i rjes 'di skad brjod par bya// nA sha yan lan gnyis so// sha ya ts+tshaN+Da tsUr+Na tha la ya// nA ga ya ka tra mA ra ya// han tsakra rim pa gnyis// bin+d+rA ya ka dzi b+hin d+ha// tan+da kA ra de nas brjod// che ge mo mA ra ya nas pa/ hUM hUM phaT phaT/ drag pos gsad pa sngags kyi le'u ste bcu bzhi pa'o// / de nas yang ni drag po'i sngags// oM big+h+nAM b+hi ba b+hi sarba bi d+yA bi nA sha ya hrid mi ta ya/ hUM tsi tu pa tu/ pra ma ru tA ya han ha na/ gr-ih+Na gr-ih+Na/ pa tsa pa tsa/ brah+ma brah+ma/ brah+ma ya brah+ma ya/ hUM hUM phaT phaT/ 'khar ba'am yang na zangs dag la// log 'dren cheni po'i gzugs byas la// de la rab gnas mchod pa bya// dgra bo'i gzugs brnyan 'og tu gzhug/ tshogs kyi bdag po'i stan du bye// dgra de 'chi bar the tshom med// yang ni sbyor ba'i las rnams ni// dgos pa chen po 'di gsungs so// tshogs kyi bdag po'i sku tsan dan nam rin po che la byas rab gnas byas la mchod pa phul te/ ser ba gcod par 'dod na/ ser ba'i bdag po rlang lha dang chu lha'i gzugs byas te/ sprin gyi gzugs dang / 'brag gi gzugs byas la tshogs kyi bdag po'i gdan du mnan par bya'o/ / bdag nyid kyis kyang mnan par bsams te/ hi ka tsan+d+ra zhes bya ba la sogs pa'i sngags bzlas na ser ba chod par 'gyur ro// yungs kar yang phyogs su gtor bar bya'o// ser ba 'bebs par 'dod na/ chu dang sprin gyi maN+Dal mngon par bris te/ tshogs bdag chen po 'brug la zhon par bsgoms te/ bdag gi bka' nyan par bsam/ gsang ba'i rdzas su bya ba la// lcags phye gser phye zangs phye rnams/ / gnam chu 'bras kyi phyes smras te// ser ba ji tsam 'dod pa'i dbyibs che chung byas la khrag gis byugs la bdun dang bdun phrag mang du byas te/ ka ka ki ku'i thod pa'i nang du blugs te/ sprin gyis dgab par bya'o/ / ka ka'i thod pa la sngags bri bir bya'o// rim pa gsum mo// rten gyi rdzas kyang gzhag par bya'o// bruM bruM b+ha ri sha ya zhes bya ba la sogs pa'i sngags 'bum phrag gcig bzlas pa dang / ka ka'i thod pa'i nang du ser ba dngos su gsum mam/ bdun nam/ brgyad byung ba dang / dgra'i yul du bskyal te/ sngags zlog nas bzlas pas 'bab bo// gal te ma bab na tshogs kyi bdag po'i sku dbu thur la bstan/ zhabs gyen la bstan pa dgra bo'i yul gyi dbus su sba'o/ / mod la ser pa 'bab ste/ bya ka lan ta ka'i sgo nga tsam dang / dbyibs dmar po sha ba'i rlig 'bras tsam pa yun ring po 'bab bo// lo tog 'joms pa'i sngags ni bruM zhes bya ba'o/ / de gcod par 'dod na ni sku dang ka ki ma phyung ba'i bar la nyi ma re rer 'bab pas dbyung bar bya'o// tshogs kyi bdag po'i sku la mchod pa dbul bar bya'o// gsang sngags kyang dbu zhabs ma nor bar rin po che'i 'phreng ba brgya rtsa brgyad bzlas par bya'o/ / sku khrus gsol ba bdag gi dkyil 'khor gyi dbus su bzhugs su gsol lo// de la sogs pa mtha' yas mchog/ tshogs kyi bdag pos byed pa yin// phyag 'tshal dpal ldan tshogs bdag dgyes// phyag 'tshal dpal ldan tshogs bdag ce// phyag 'tshal dpal ldan gi khrom// dngos grub 'byung ba'i rgyud las/ tshogs kyi bdag po la bstod pa'i lewaM ste bco lnga pa'o// tshogs kyi bdas pa rgya dngos grub 'byung ba zhes bya ba rdzogs so/ / / rgya gar gyi mkhan po dri paM ka ra shrI dz+nyA nas/ 'jig rten dngos grub ched du ni// rgya gar yul nas bsnams nas byon// rgyal ba'i 'byung gnas la btang nas/

CLOSE WINDOW