rgya gar skad du/ A TA nA nI ya ma sU tra na nA ma ma hA sU traM/ bod skad du/ mdo chen po kun tu rgyu ba dang / kun tu rgyu ba ma yin pa dang mthun pa'i mdo zhes bya ba/ dkon mchog gsum la phyag 'tshal lo/ / 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de nas rgyal po chen po rnam thos kyi bu kha dog 'phags pa/ g.yog 'khor gnod sbyin du ma dang / g.yog 'khor gnod sbyin brgya phrag du ma dang / g.yog 'khor gnod sbyin stong phrag du ma dang / g.yog 'khor gnod sbyin 'bum phrag du ma dang ldan pa nam sros pa dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go// de'i tshe rgyal po chen po rnam thos kyi bu'i kha dog gi mthus rgyal bu rgyal byed kyi tshal thams cad snang ba chen pos gsal bar gyur to/ / rgyal po chen po rnam thos kyis bu phyogs gcig tu 'dug nas/ de'i tshe tshigs su bcad pa 'di dag gsol to/ / rkang gnyis dam pa rdzogs sangs rgyas// blo ldan khyod kyis gang mkhyen pa// lha rnams kyis ni de ma 'tshal// dpa' chen khyod la phyag 'tshal lo// sangs rgyas gang dag 'das pa dang / / da ltar byung dang ma byon pa// thams cad lani bgra phyag 'tshal// khyod la'ang bdag ni skyabs su mchi// btsun pa bcom ldan 'das kyi nyan thos dge slong dang / dge slong ma dang dge bsnyen dang / dge bsnyen ma gang dag gnas mal dgon pa dag dang / nags 'dab dag dang / bas mtha' dag na gnas pa dag kyang mchis la/ de nas gnod sbyin dang mi ma lags pa gdug pa gnyug mar gnas pa gang dag/ bcom ldan 'das kyi gsung rab la mngon par dad pa dag dang / mngon par ma dad pa dag kyang mchis te/ gnod sbyin dang mi ma lags pa gdug pa gnyug mar gnas pa gang dag/ bcom ldan 'das kyi gsung rab la mngon par dad pa de dag ni shin tu nyung la/ gnod sbyin dang mi ma lags pa gdug pa gnyug mar gnas pa gang dag/ bcom ldan 'das kyi gsung rab la mngon par ma dad pa de dag ni ches mang lags te/ btsun pa bcom ldan 'das kyi nyan thos dge slong rnams dang / dge slong ma rnams dang / dge bsnyen rnams dang / dge bsnyen ma rnams 'di ltar bdag nyid bsrung ba dang / bskyab pa dang / bde ba la reg par gnas par bgyi ba dang / gnod sbyin dang mi ma lags pa gdug pa gnyug mar gnas pa mngon par ma dad pa dag mngon par dad par bgyi ba dang / mngon par dad pa rnams kyang slar zhing 'phel bar bgyi ba'i slad du kun tu rgyu ba dang / kun tu rgyu ba ma lags pa dang mthun pa'i mdo// rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher 'dzin cing kun chub par bgyid na legs so legs so zhes gsol pa dang / bcom ldan 'das kyis/ rgyal po chen po rnam thos kyi bu la cang mi gsung bar gnang bar mdzad do/ / de nas rgyal po chen po rnam thos kyi bus/ bcom ldan 'das kyis cang myi gsung bas gnang bar rig nas/ bcom ldan 'das kyi zhabs la mgo bos phyag 'tshal te de'i tshe bcom ldan 'das kyi spyan sngar kun tu rgyu ba dang / kun tu rgyu ba ma yin pa dang mthun pa'i mdo// rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher gsol to/ / skye bo gang dag gtong bod cing // bla ma ma mchis ser sna bral// gang dag sangs rgyas skyabs mchis pa// mi de rnams kyi rnyed pa lags// gang gi char la brten nas ni// des na nyin mor brjod pa yi/ / nyi ma chen po dkyil 'khor can// nyi gdugs gang nas 'char 'gyur ba'i// phyogs de mngon par skyong bgyid pa// rgyal chen grags dang ldan pa ni// dri za'i bdag po rgyal po ste/ ming ni yul 'khor srung zhes bgyi// de ni nye du lhan cig tu// glu dang gar gyis rtag tu rtse// dri za rnams kyis yongs bskor cing // dri ba rnams kyis mdun gyis bltas// de la bu ni mang mchis te/ brgyad cu dang ni bcu dang gcig/ de dag ming mthun grags pa ni// dbang po zhes bgyi stobs po che// lha dang lha min g.yul 'gyed pa// kun tu gzhan gyis mi thub lags// de dag rnams kyis rdzogs sangs rgyas/ / sangs rgyas nyi ma'i gnyen mthong nas// skyes bu cang shes khyod la 'dud// skyes mchog khyod la phyag 'tshal zhes// mi yis phyag bgyis khyod la ni// rgyang ring gnas shing phyag 'tshal lags/ / bdag la dge bas gzigs su gsol// khyod la mi min phyag 'tshal ba// de skad yang dang yang du thog/ de skad bdag ni 'di skad ces// 'dren pa rgyal la phyag tshol cig/ go'u ta ma rgyal la phyag tshol cig/ sangs rgyas rig dang zhabs ldan pa// mya ngan 'das la phyag tshol mchi// de ltar shar gyi phyogs de ni// bzang ba lags shes skye bo mchi// phyogs de mngon par skyong bgyid pa// rgyal chen gragra dang ldan pa lags/ / gang na yi dgas zhes bgyi ba// rgyab kyi sha 'tshal phra ma can// srog gcod bgyid pa ma rungs pa// 'jungs shing mi snyan smra bgyid pa'i// phyogs de mngon par skyong bgyid pa/ / rgyal chen grags dang ldan pa ni// grul bum bdag po rgyal po ste// ming ni 'phags skyes po zhes bgyi// de ni nye du lhan cig tu// glu dang gar gyis rtag tu rtse// grul bum rnams kyis yongs bskor cing / / grul bum rnams kyis mdun gyis bltas// de la bu ni mang mchis te// brgyad cu dang ni bcu dang gcig/ de dag ming mthun grags pa ni// dbang po zhes bgyi stobs po che// lha dang lha min g.yul 'gyed pa/ / kun tu gzhan gyis mi thub lags// de dag rnams kyis rdzogs sangs rgyas// sangs rgyas nyi ma'i gnyen mthong nas// skyes bu cang shes khyod la 'dud// skyes mchog khyod la phyag 'tshal zhes/ / mi yis phyag bgyis khyod la ni// rgyang ring gnas shing phyag 'tshal lags// bdag la dge bas gzigs su gsol// khyod la mi min phyag 'tshal ba// de skad yang dang yang du thos// de slad bdag ni 'di skad ces/ / 'dren pa rgyal la phyag tshol cig/ go'u ta ma rgyal la phyag tshol cig/ sangs rgyas rig dang zhabs ldan pa// mya ngan 'das la phyag tshol mchi// de ltar lho yi phyogs de ni// bzang ba lags shes skye bo mchi/ / phyogs de mngon par skyong bgyid pa// rgyal chen grags dang ldan pa lags// gang zhig nub pa kho na las// des na mtshan mor brjod pa ni// nyi ma chen po dkyil 'khor can// nyi gdugs gang du nub 'gyur ba/ / de na mtsho chen zab mo ni// shin tu 'da' ba dka' ba ste// de ni chu sngon rgya mtsho zhes// skye bos rtogs pa mchis pa yi// phyogs de mngon par skyong bgyid pa// rgyal chen grags dang ldan pa ni// klu ma bdag po rgyal po ste/ / ming ni mig mi bzang zhes bgyi// de ni nye du lhan cig tu// glu dang gar gyis rtag tu rtse// klu rnams kyis ni yongs bskor cing // klu rnams kyis ni mdun gyis bltas// de la bu ni mang marmi te/ / brgyad bcu dang ni bcu dang gcig/ de dag ming mthun grags pa ni// dbang po zhes bgyi stobs po che// lha dang lha min g.yul 'gyed pa// kun tu gzhan gyis mi thub lags// de dag rnams kyis rdzogs sangs rgyas/ / sangs rgyas nyi ma'i gnyen mthong nas// skyes bu cang shes khyod la 'dud// skyes mchog khyod la phyag 'tshal zhes// mi yis phyag bgyis khyod la ni// rgyang ring gnas shing phyag 'tshal lags// bdag la dge bas gzigs su gsol// khyod la mi min phyag 'tshal ba// de skad yang dang yang du thos// de slad bdag ni 'di skad ces// 'dren pa rgyal la phyag tshol cig/ go'u ta ma rgyal la phyag tshol cig/ sangs rgyas rig dang zhabs ldan pa// mya ngan 'das la phyag tshol mchi// de ltar nub kyi phyogs de ni// bzang ba legs shes skye bo mchi// phyogs de mngon par skyong bgyid pa// rgyal chen grags dang ldan pa lags/ gang na byang gi sgra mi snyan// dga' zhing lhun chen blta mdzes dang // gang na mi rnams tshe lo ni// brgya phrag bcu ba skye 'gyur zhing // de dag mi rmo mo 'debs la// gshol yang 'cha' bar mi bgyid cing // tshe ring mdog dang ldan pa dang / / nges par yongs su spyod bgyid cing // zas su sA lu kha dog dang // dri dang ro dang ldan pa dang // dri bda' me tog tshogs 'dra zhing // lha yi bdud rtsi 'dra ba 'tshal// na li ke ra bskol bgyis nas/ / tshod mar de 'tshal srang tshod min// gang na me lce'i rtse 'dra ba'i// sman dag 'khrung bar 'gyur ba yin// phyogs de mngon par skyong bgyid pa// rgyal chen grags dang ldan pa ni// gnod/ sbyin bdag po rgyal po ste// ming ni lus ngan po zhes bgyi// de ni nye du lhan cig tu// glu dang gar gyis rtag tu rtse// gnod sbyin rnams kyis yongs bskor cing // gnod sbyin rnams kyis mdun gyi si bltas// de la bu ni mang mchis te// brgyad cu dang ni bcu dang gcig/ de dag ming mthun grags pa ni// dbang po zhes bgyi stobs po che// lha dang lha min g.yul 'gyed pa// kun tu gzhan gyis mi thub lags// de dag rnams kyis rdzogs sangs rgyas/ / sangs rgyas nyi ma'i gnyen mthong nas// skyes bu cang shes khyod la 'dud// skyes mchog khyod la phyag 'tshal zhes// mi yis phyag bgyis khyod la ni// rgyang ring gnas sha'i phyag 'tshal lags/ / bdag la dge bas gzigs su gsol// khyod la mi min phyag 'tshal ba// de skad yang dang yang du thos// de slad bdag ni 'di skad ces// 'dren pa rgyal la phyag tshol cig/ go'u ta ma khyod la phyag tshol cig/ sangs rgyas rig dang zhabs ldan pa// mya ngan 'das la phyag tshol mchi// de ltar byang gi phyogs de ni// bzang ba lags shes skye bo mchi// phyogs de mngon par skyong bgyid pa/ rgyal chen grags dang ldan pa lags// shar phyogs na ni yul 'khor srung // lho phyogs na ni 'phags skyes po// nub phyogs na ni mig mi bzang // byang phyogs na ni lus ngan po// rgyal po chen po sde bzhi dag/ 'jig rten skyong ba grags dang ldan/ / rdzu 'phrul chen po stobs po che// phyogs bzhi dag ni skyong bar bgyid// rgyal po dag gi mngag gzhug pa// gnod sbyin 'dod dgur mchi ba rnams// de dag glang po che 'tshal zhing // phyogs phyogs dag tu rnam par rgyu// de dag ni chi bas rta dang / rnga mo dang / khyu mchog dang / ma he dang / ra dang / lug dang / sbrul dang / bya dang / skyes pa dang / bud med dang / gzhon nu dang / gzhon nu ma la 'tshal zhing // phyogs phyogs dag tu'ang mchi lags so// glang po che gcig gis shing rta drangs shing / phyogs phyogs dag tu'ang mchi lags so// chi bas rta dang / rnga mo dang / khyu mchog dang / ma he dang / ra dang / lug dang / sbrul dang / bya dang / skyes pa dang / bud med dang / gzhon nu dang / gzhon nu ma gcig gis shing rta drangs shing / phyogs phyogs dag tu'ang mchi lags so// / rdzu 'phrul chen po stobs po che'i// gnod sbyin 'dod dgur mchi ba rnams// bzhon pa de dag 'tshal nas ni// phyogs bzhi dag ni skyong bar bgyid// rgyal po dag gi grong khyer dag/ sna tshogs mkha' la rgyu ba mchis/ / 'di lta ste/ kun tu rgyu ba dang / kun tu rgyu ba ma lags pa dang / sa la kun tu rgyu ba ma lags pa dang / gar bcas sa stengs kun tu rgyu ba dang / sbubs can dang / grong khyer sbubs can zhes bgyi ba dag lags so/ / byang phyogs na mtsho ka bing ka zhes bgyi ba'ang mchis lags so// nub phyogs na grong khyer sar pa gsar ldan dang / gos can dang / gos mchog can dang / pad+ma can dang / pad+ma bzang po can dang / sa gzhi can zhes bgyi ba dag kyang mchis lags so// chab rgyun mang po'i gnas gyur pa// 'dzin pa zhes bgyi'i mtsho mchis te// chab rgyun tha dad de las 'byung / / de las dgung char 'bab par 'gyur// btsun pa grong khyer u shi ra'i sbubs kyi pha rol na/ lus gnas dang ni gnas yangs dang // de bas gnas yangs rgyun lugs can// rgyun lugs mang dang de bas mang / / bar snang mkha' la bya ltar gda'// btsun pa grong khyer sbubs can gyi// pha rol byang gi phyogs chan// 'dun sa bya dkar can zhes bgyi ba de mchis te/ der ni gnod sbyin rnams 'du zhing gnas lags so/ / rkang mi sdug la mchu 'phyangs dang // 'jigs rung lho spu can dag mchis// de na ljon shing 'bras bu rtag/ rma bya khrung khru sgra snyan dang // khu byug sgra skad chen po dang // shang shang te'u dag sgra 'byin cing / / rma bya rnams kyi sgra dag dang // ko'u kum pa dang chun lag dang // bya rnams sna tshogs skad 'byin cing // me tog sbrang rtsi'i rol dga'// lus ngan po de glu gar gyis// pad+ma can dang lhan cig rtse/ btsun pa grong khyer lcang lo can gyi pha rol na/ rgyal po dpa' bo zhes bgyi ba yul 'khor mu khyud na mchis lags so// bdag gang na mchis pa'i 'dunas de ni khyu mchog can zhes bgyi ste/ bdag gi ming ni rnam thos kyi bu zhes bgyi lags so/ / de la gsang sngags kyi tshig ni 'di dag lags so// tad+ya thA/ i li mi li/ i li mi li/ ke TI mU le/ hi li ki Ti mU le/ hu du me/ hu dur du me/ gau ri/ gnad+hA ri/ go do ha ni/ oM ke mo ke swA hA/ btsun pa bcom ldan 'das kyi spyan sngar bdag gis dri za rnams dang / dri za chen po rnams dang / dri zo'i sde dpon rnams dang / dmag dpon rnams kyi ming brjod par bgyi lags so// 'di lta ste/ 'dod myos dga' bas myos pa dang / / klu yis myos pa spun dang ni// 'phreng bas myos dang sbrang rtsis myos// me tog myos pa spun rnams dang // rtag tu myos dang dpal gyis myos// nor gyis myos dang dga' byed dang // ut+pal pad+ma zla ba dang // rnga 'dzin dang ni khu byug sgra// tum bu ru dang gtsug lnga dang // gser spyod bu mo gser can dang // pa wa sangs dang phur bu dag/ 'gro gnas ji snyed rgyal po lags// de dag ni bdag gi spun legs te/ de dag la bdag dri za 'di ni bdag la 'tshe'o// dri za 'di ni bdag mi gtong ngo zhes mchi zhing / de dag la go bar bgyid lags so// bdag la 'tshe ba'i dri za dang // bdag mi gtong ba'i dri za yis/ legs par smras pa 'di thos nas// ardza ka yi dog pa bzhin// de mgo tshal ba bdun du 'gas// de la gsang sngags kyi tshig ni 'di lags so// tad+ya thA/ kun+d+ha le kun+d+ha le/ kun+d+ha le/ kun+d+ha le/ e he a hi/ sAd+ha ma tika/ sA d+ha b+ha Na Di ni ka/ tiSh+Tha duShA bA to si swA hA/ btsun pa bcom ldan 'das kyi rgan thos dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo/ / rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te dri za 'am/ dri za mo 'am/ dri za rgad po 'am/ dri za rgan mo 'am/ dri za'i bu pho 'am/ dri za'i bu mo 'am/ dri za'i 'khor pho 'am/ dri za'i 'khor mo 'am/ dri za'i mngag gzhug pa'am/ dri za'i mngag gzhug ma 'tshe bar bgyid pa glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la/ dri za rnams kyis dri za 'du ba'i nang du mchir mi chud cing / / rgyal po'i pho brang lcang lo can du'ang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so// btsun pa bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te sha za 'am/ sha za mo 'am/ sha za rgad po 'am/ sha za rgan mo 'am/ sha za'i bu pho 'am/ sha za'i bu mo 'am/ sha za'i 'khor pho 'am/ sha za'i 'khor mo 'am/ sha za'i mngag gzhug pa 'am/ sha za'i mngag gzhug ma 'tshe bar bgyid pa/ glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis/ par gyur na/ glags mi rnyed cing gnas mi rnyed la/ sha za rnams kyis sha za 'du ba'i nang du mchir mi chud cing / rgyal po'i pho brang lcang lo can du'ang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so/ / de la gsang sngags kyi tshig ni 'di dag lags so// tad+ya thA/ hU me hA me/ hU mi li/ hU mi lA/ ba tI ye swA hA/ btsun pa bcom ldan 'das kyi spyan sngar bdag gis grul bum rnams dang / grul bum chen po rnams dang / grul bum gyi sde dpon rnams dang / dmag dpon gyi ming brjod par bgyi lags so// 'di lta ste/ byin dang nye byini kri mi sha// rtsib logs che dang gsus po che/ / lag bcu dang ni sa la rgyu// g.yon phyogs nag po dmar po dang // sprin mdog dang ni dri med dang // rna ba ring dang 'brug sgra sgrog/ ral pa can dang stobs bcu dang // srid smrab dang ni 'dod dgur mchi/ / 'jog po dang ni bya ba sbed// la ba bzang ldan gsum po dang // tshon kun dang ni mig bkrab bo// 'gro gnas ji snyed mchis pa lags// de dag ni bdag gi spun lags te/ de la bdag grul bum 'di ni bdag la 'tshe'o/ / grul bum 'di ni bdag mi gtong ngo zhes mchi zhing / de dag la go bar bgyid lags so// bdag la 'tshe ba'i grul bum dang // bdag mi gtong ba'i grul bum gyis// legs par smras pa 'di thos na/ / ardza ka yi dog pa bzhin// de yi mgo tshal bdun du 'gas// de la gsang sngags kyi tshig ni 'di dag lags so// tad+ya thA/ si ra bi si re/ si re bi sa re/ si re bi sa re/ kriSh+Na tsa ga le/ kA rA Di/ baM ga le swA hA/ btsun pa bcom ldan 'das kyi nyan thos dge slong ngam/ dge slong ma'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te grul bu ma ma ma grul bum mo 'am/ grul bum rgad po 'am/ grul bum rgan mo 'am/ grul bum gyi bu pho 'am/ grul bum gyi bu mo 'am/ grul bum gyi 'khor pho 'am/ grul bum gyi 'khor mo 'am/ grul bum gyi mngag gzhug pa dang / grul bum gyi mngag gzhug ma 'tshe bar byed pa/ glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la/ grul bum rnams kyis grul bum 'du ba'i nang du mchir mi chud cing / rgyal po'i pho brang lcang lo can du'ang gnas mi 'thob ste/ de'i mgo ardza ka'i dog pa bzhin tshal pa bdun du 'gas lags so/ / btsun pa bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te yi dgas sam/ yi dgas mo 'am/ yi dgas rgad po 'am/ yi dgas rgan mo 'am/ yi dwags kyi bu pho 'am/ yi dgas kyi bu mo 'am/ yi dgas kyi 'khor pho 'am/ yi dgas kyi 'khor mo 'am/ yi dgas kyi mngag gzhug pa 'am/ yi dgas kyi mngag gzhug ma 'tshe bar bgyid pa/ glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la/ yi dgas rnams kyis yi dgas 'du ba'i nang du mchir mi chud cing / rgyal po'i pho brang lcang lo can du'ang gnas mi 'thob ste/ de'i mgo ardza ka'i dog pa bzhin tshal pa bdun du 'gas lags so// de la gsang sngags kyi tshig ni 'di dag lags so/ / tad+ya thA/ yu mi yu mi/ yu mi le/ yu mi la ba tre ye swA hA/ btsun pa bcom ldan 'das kyi spyan sngar bdag gis klu rnams dang / klu chen po rnams dang / klu'i sde dpon rnams dang / dmag dpon rnams kyi ming brjod par bgyi lags so/ / 'di lta ste/ dga' dang nye dga' kun dga' dang // nor rgyas dang ni 'dzam bu bzang // ser po dang ni zho rna dang // dbang po'i lag dang bkra shis dang / mya ngan med dang mya ngan bral/ / rab grol dang ni rgyal ba'i bdag/ ngos yangs po dang ngos bkra dang // yangs pa can dang bkra bdud rgyal// gdengs ka che dang skar dga' dang // nag po che dang lag 'gro dang // ra skyong dang ni 'jog po dang / / g.yon phyogs de bzhin nag po dang // sngo bsangs dkar dang bgrogs pa ni// 'gro gnas ji snyed mchis pa lags// de dag ni bdag gi spun lags te/ de dag la bdag klu 'di ni bdag @la 'tshe'o/ / klu 'di ni bdag mi gtong ngo zhes mchi zhing / de dag la go bar bgyid lags so// bdag la 'tshe ba'i klu dag dang // bdag mi gtong ba'i klu rnams kyis// legs par smras pa 'di thos na/ / ardza ka yi dog pa bzhin// de'i mgo tshal pa bdun du 'gas// de la gsang sngags kyi tshig ni 'di dag lags so// tad+ya thA/ tsi le bi tsi le/ tsi li bi tsi li// gau ri ga na d+ha ri/ ma to ki/ tsaN+Da li swA hA/ btsun pa bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te klu 'am/ klu mo dang / klu rgad po 'am/ klurgan mo 'am/ klu'i bu pho 'am/ klu'i bu mo 'am/ klu'i 'khor po 'am/ klu'i 'khor mo 'am/ klu'i mngag gzhug pa 'am/ klu'i mngag gzhug ma 'tshe bar bgyid pa/ glags lta zhing glags tshol pa la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la/ klu rnams kyis klu 'du ba'i nang du mchir mi chud cing / rgyal po'i pho brang lhung lo can du'ang gnas mi 'thob ste/ de'i mgo ardza ka'i dog pa bzhin tshal ba bdun du 'gas lags so// btsun pa bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid ba de la/ ga la te lus srul po 'am/ lus srul mo 'am/ lus srul rgad po 'am/ lus srul rgan mo 'am/ lus srul po'i bu pho 'am/ lus srul po'i bu mo 'am/ lus srul po'i 'khor pho 'am/ lus srul po'i 'khor mo 'am/ lus srul po'i mngag gzhug pa 'am/ lus srul po'i mngag gzhug ma 'tshe bar bgyid pa// glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la/ lus srul po rnams kyis lus srul po 'du ba'i nang du mchir mi chud cing / rgyal po'i pho brang lcang lo can du'ang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so/ / de la gsang sngags kyi tshig ni 'di dag lags so// tad+ya thA/ A pe ba ha ni/ ma hA na pa tri ye swA hA/ btsun pa bcom ldan 'das kyi spyan sngar bdag gis gnod sbyin rnams dang / gnod sbyin chen po rnams dang / gnod sbyin gyi sde dpon rnams dang / dmag dpon rnams kyi ming brjod par bgyi lags so// 'di lta ste/ dbang po zla ba chu lha dang // ba ra tra tsa skye dgu'i bdag/ dbang ldan tsan dan 'dod gtso dang // mgrin ngan dang ni 'gul nges dang // stobs ldan nor bu nor spyod dang // sgra rab dang ni nya lnga dang // ri mnyam gser can gang po dang // seng ldeng ba dang g.yon can dang // gnod sbyin pa skyong 'brog gnas dang // rgyal ba khyu mchog mi rgyal po// dri ba sna tshogs sde dang ni// lcags mdung ring dang ma ldan dang // tshig lnga ser po yid dga' dang // gnod sbyin ring po 'khor dang bcas/ / 'bras bu gsum dang mgul gsum pa// 'gro gnas ji snyed mchis pa lags// de dag ni bdag gi spun lags te/ de dag la bdag gnod sbyin 'di ni bdag la 'tshe'o// gnod sbyin 'di ni bdag mi gtong ngo zhes mchi zhing / / de dag la go bar bgyid lags so// bdag la 'tshe ba'i gnod sbyin dang // bdag mi gtong ba'i gnod sbyin gyis// legs par smras pa 'di thos na// ardza ka yi dog pa bzhin// de'i mgo tshal pa bdun du 'gas// de la gsang sngags kyi tshig ni 'di dag lags so// tad+ya thA/ hi li mi li/ hi le me le/ kIrti mU le/ hi li krIrti mU le/ oM tum+be tum+be/ oM tum+ba tum+be/ oM g+he mo ge/ go do haM/ TI ga re/ ri She set+ta me swA hA/ btsun pa bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pab dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te gnod sbyin nam/ gnod sbyin mo 'am/ gnod sbyin rgad po 'am/ gnod sbyin rgan mo 'am/ gnod sbyin gyi bu pho 'am/ gnod sbyin gyi bu mo 'am/ gnod sbyin gyi 'khor po 'am/ gnod sbyin gyi 'khor mo 'am/ gnod sbyin gyi mangs gzhug pa 'am/ gnod sbyin gyi mngag gzhug ma 'tshe bar bgyid pa/ glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la/ gnod sbyin rnams kyis gnod sbyin 'du ba'i nang du mchir mi chud cing / rgyal po'i pho brang lcang lo can du'ang gnas mi 'thob ste/ de'i mgo ardza ka'i dog pa bzhin tshal pa bdun du 'gas lags so/ / btsun pa bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te srin po 'am/ srin mo 'am/ srin po rgad po 'am/ srin mo rgan mo 'am/ srin po'i bu pho 'am/ srin po'i bu mo 'am/ srin po'i 'khor pho 'am/ srin po'i 'khor mo 'am/ srin po'i mngag gzhug pa 'am/ srin po'i mngag gzhug ma 'tshe bar bgyid pa/ glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la/ srin po rnams kyis srin po 'du ba'i nang du mchir mi chud cing / rgyal po'i pho brang lcang lo can du'ang gnas mi 'thob ste/ de'i mgo ardza ka'i dog pa bzhin du tshal ba bdun du 'gas lags so// de la gsang sngags kyi tshig ni 'di dag lags so// tad+ya thA/ hi li hi li/ hU lu hU lu/ yu me yu me li/ yu mI la ba tri ye swA hA/ de nas rgyal po chen po rnam thos kyi bus/ bcom ldan 'das kyi spyan sngar kun tu rgyu ba dang / kun tu rgyu ba ma yin pa dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher brjod nas/ bcom ldan 'das kyi zhabs la mgo bos phyag 'tshal te/ de nyid du mi snang bar gyur to// de nas bcom ldan 'das de nyid kyi mtshan mo 'das pa dang / dge slong gi dge 'dun gyi gtso la gdan bshams pa de nyid la bzhugs so// bzhugs nas kyang bcom ldan 'das kyis// dge slong rnams la bka' stsal pa/ dge slong dag ma dang rgyal po chen po rnam thos kyi bu kha dog 'phags pa/ g.yog 'khor gnod sbyin du ma dang / g.yog 'khor gnod sbyin brgya phrag du ma dang / g.yog 'khor gnod sbyin stong phrag du ma dang / g.yog 'khor gnod sbyin 'bum phrag du ma dang ldan pa nam sros pa dang / nga ga la ba der 'ongs te phyin nas/ nga'i zhabs la mgo bos phyag 'tshal te phyogs gcig tu 'dug go/ de'i tshe rgyal po chen po rnam thos kyi bu'i kha dog gi mthus rgyal bu rgyal byed kyi tshal thams cad snang ba chen pos gsal bar gyur to/ / rgyal po chen po rnam thos kyi bu phyogs gcig tu 'dug nas/ de'i tshe tshigs su bcad pa 'di dag gsol to// rkang gnyis dam pa rdzogs/ sangs rgyas// blo ldan khyod kyis gang mkhyen pa// lha rnams kyis ni de ma 'tshal// dpa' chen khyod la phyag 'tshal lo// sangs rgyas gang dag 'das pa dang // da ltar byung dang ma byon pa// thams cad la ni bdag phyag 'tshal/ / khyod la bdag ni skyabs su mchi// btsun pa bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma gang dag gnas mal dgon pa dag dang / nags 'dab dag dang / bas mtha' dag na gnas pa dag kyang mchis la/ de la gnod sbyin dang mi ma lags pa gdug pa gnyug mar gnas pa gang dag/ bcom ldan 'das kyi gsung rab la mngon par dad pa dag dang / mngon par ma da pa dag kyang mchis te/ gnod sbyin dang mi ma lags pa gdug pa gnyug mar gnas pa gang dag/ bcom ldan 'das kyi gsung rab la mngon par dad pa dag ni shin tu nyung la/ gnod sbyin dang mi ma lags pa gdug pa gnyug mar gnas pa gang dag/ bcom ldan 'das kyi gsung rab la mngon par ma dad pa de dag ni ches mang lags te/ btsun pa bcom ldan 'das kyi nyan thos dge slong rnams dang / dge slong ma rnams dang / dge bsnyen rnams dang / dge bsnyen ma rnams 'di ltar bdag nyid bsrung ba dang / bskyab pa dang / bde ba la reg par gnas par bgyi ba dang / gnod sbyin dang mi ma lags pa gdug pa gnyug mar gnas pa mngon par ma dad pa dag mngon par dad par bgyi ba dang / mngon par dad pa rnams kyang slar zhing 'phel bar bgyi ba'i slad du kun tu rgyu ba dang / kun tu rgyu ba ma lags pa dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher 'dzin cing kun chub par bgyid na legs so legs so zhes gsol pa dang / dge slong dag ngas rgyal po chen po rnam thos kyi bu la cang mi gsung bas gnang bar mdzad do/ / de nas rgyal po chen po rnam thos kyi bus/ ngas cang mi gsung bas gnang bar rig nas/ nga'i zhabs la mgo bos phyag 'tshal te/ nga'i spyan sngar kun tu rgyu ba dang / kun tu rgyu ba ma yin pa dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher gsol te/ skye bo gang dag gtong phod cing // phra ma mi mchi ser sna bral/ / gang dag sangs rgyas skyabs mchis pa// mi de rnams kyi rnyed pa lags// gang zhig 'char la brten nas ni// des na nyin mor brjod pa yi// nyi ma chen po'i dkyil 'khor can// nyi gdugs gang nas 'char 'gyur ba'i/ / phyogs de mngon par skyong bgyid pa// rgyal chen grags dang ldan pa ni// dri za'i bdag po rgyal po ste// ming ni yul 'khor srung zhes bgyi// de ni nye du lhan cig tu// glu dang gar gyis rtag tu rtse/ / dri za rnams kyis yongs bskor cing // dri za rnams kyis mdun gyis bltas// de la bu ni mang mchis te// brgyad cu dang ni bcu dang gcig/ de dag ming mthun grags pa ni// dbang po zhes bgyi stobs po che/ / lha dang lha min g.yul 'gyed pa// kun tu gzhan gyis mi thub lags// de dag rnams kyis rdzogs sangs rgyas// sangs rgyas nyi ma'i gnyen mthong nas// skyes bu cang shes khyod la 'dud/ / skyes mchog khyod la phyag 'tshal zhes// mi yis phyag bgyis khyod la ni// rgyang ring gnas shing phyag 'tshal lags// bdag la dge bas gzigs su gsol// khyod la mi min phyag 'tshal ba/ / de skad yang dang yang du thos// de slad bdag ni 'di skad ces// 'dren pa rgyal la phyag tshol cig/ go'u ta ma rgyal la phyag tshol cig/ sangs rgyas rig dang zhabs ldan pa// mya ngan 'das la phyag tshol mchi/ / de ltar shar gyi phyogs de ni// bzang ba lags shes skye bo mchi// phyogs de mngon par sbyong bgyid pa// rgyal chen grags dang ldan pa lags// gang na yi dgas zhes bgyi ba// rgyab kyi 'tshal phra ma can/ / srog gcod bgyid pa ma rungs pa// 'jungs shing mi snyan smra bgyid pa'i// phyogs de mngon par skyong bgyid pa// rgyal chen grags dang ldan pa ni// grul bum bdag po rgyal po ste/ ming ni 'phags skyes pa zhes bgyi// de ni nye du lhan cig tu// glu dang kar gyis rtag tu rtse// grul bum rnams kyis yongs bskor cing // grul bum rnams kyis mdun gyis ltas// de la bu ni mang mchis te/ / brgyad cu dang ni bcu dang gcig/ de dag ming mthun grags pa ni// dbang po zhes bgyi stobs po che// lha dang lha min g.yul 'gyed pa// kun tu gzhan gyis mi thub lags// de dag rnams kyis rdzogs sangs rgyas/ / sangs rgyas nyi ma'i gnyen mthong nas// skyes bu cang shes khyod la 'dud// skyes mchog khyod la phyag 'tshal zhes// mi yis phyag bgyis khyod la ni// rgyang ring gnas shing phyag 'tshal lags// bdag la dge bas gzigs su gsol// khyod la mi min phyag 'tshal ba// de skad yang dang yang du thos// de slad bdag ni 'di skad ces// 'dren pa rgyal la phyag tshol cig/ go'u ta ma rgyal la phyag tshol cig/ sangs rgyas rig dang zhabs ldan pa// mya ngan 'das la phyag tshol mchi// de ltar lho yi phyogs de ni// bzang ba lags shes skye bo mchi// phyogs de mngon par skyong bgyid pa/ / rgyal chen grags dang ldan pa lags// gang zhig nub pa kho na las// des na mtshan mor brjod pa yi// nyi ma chen po dkyil 'khor can// nyi gdugs gang du chub 'gyur ba// des na mtsho chen zab mo ni/ / shin tu 'da' bar dka' ba ste// de ni chu sngon rgya mtsho zhes// skye bo rtogs pa ma mchis pa'i// phyogs de mngon par skyong bgyid pa// rgyal chen grags dang ldan pa ni// klu yi bdag po rgyal po ste// ming ni mig mi bzang zhes bgyi// de ni nye du lhan cig tu// glu dang gar gyis rtag tu rtse// klu rnams kyis ni yongs bskor cing // klu rnams kyis ni mdun gyis bltas// de la bu ni mang mchis te// brgya cu dang ni bcu dang gcig/ de dag ming mthun grags pa ni// dbang po zhes bgyi stobs po che// lha dang lha min g.yul 'gyed pa// kun tu gzhan gyis mi thub lags// de dag rnams kyis rdzogs sangs rgyas// sangs rgyas nyi ma'i gnyen mthong nas// skyes bu cang shes khyod la 'dud// skyes mchog khyod la phyag 'tshal zhes// mi yis phyag bgyis khyod la ni// rgyud ring gnas shing phyag 'tshal lags// bdag la dge bas gzigs su gsol/ / khyod la mi min phyag 'tshal ba// de skad yang dang yang du thos// de skad bdag ni 'di skad ces// 'dren pa rgyal la phyag tshol cig/ gol+la ta mo rgyal la phyag tshol cig/ sangs rgyas rig dang zhabs ldan pa/ / mya ngar 'das la phyag tshol mchi// de ltar nub kyi phyogs de ni// bzang ba lags shes skye bo mchi// phyogs de mngon par skyong bgyid pa// rgyal chen grags dang ldan pa lags/ / gang na byang gi sgra mi snyan// dga' zhing lhun chen lha mdzes dang // gang na mi rnams tshe lo ni// brgya phrag bcu po skye 'gyur zhing // de dag mi rmo mi 'debs la// gshol yang 'chang bar mi bgyid cing / / tshe ring mdog dang ldan pa dang // dris par yongs su spyod bgyid cing // zas su sA lu kha dog dang // dri dang ro dang ldan pa dang // dri dang me tog tshogs 'dra zhing // lha yi bdud rtsi 'dra ba 'tshal// na li ke ra bskol bgyis nas// tshod mar de 'tshal sran tshod min// gang na me lce rtse 'dra ba'i// sman dag 'khrung bar 'gyur ba yi// phyogs de mngon par skyong bgyid pa// rgyal chen grags dang ldan pa ni// gnod sbyin bdag po rgyal po ste// ming ni lus ngan po zhes bgyi// de ni nye du lhan cig tu// glu dang gar gyis rtag tu rtse// gnod sbyin rnams kyis yongs bskor cing // gnod sbyin rnams kyis mdun gyis bltas/ / de la bu ni mang mchis te// brgyad cu dang ni bcu dang gcig/ de dag ming mthun grags pa ni// dbang po zhes bgyi stobs po che// lha dang lha min g.yul 'gyed pa// kun tu gzhan gyis mi thub lag// de dag rnams kyis rdzogs sangs rgyas// sangs rgyas nyi ma'i gnyen mthong nas// skyes bu cang shes khyod la 'dud// skyes mchog khyod la phyag 'tshal zhes// mi yis phyag bgyis khyod la ni// rgyang ring gnas shing phyag 'tshal lags/ / bdag la dge bas gzigs su gsol// khyod la mi min phyag 'tshal ba// de skad yang dang yang du thos// de slad bdag ni 'di skad ces// 'dren pa rgyal la phyag tshol cig/ go'u tam rgyal la phyag tshol cig/ sangs rgyas rig dang zhabs ldan pa// mya ngan 'das la phyag tshol mchi// de ltar byang gi phyogs de ni// bzang ba lags shes skye bo mchi// phyogs de mngon par skyong bgyid pa/ / rgyal chen grags dang ldan pa lags// gar phyogs na ni yul 'khor srung // lho phyogs na ni 'phags skyes po// nub phyogs na ni mig mi bzang // byang phyogs na ni lus ngan po// rgyal po chen po de bzhi dag/ 'jig rten skyong ba grags dang ldan// rdzu 'phrul chen po stobs po che// phyogs bzhi dag ni skyong bar bgyid// rgyal po dag gi mngag gzhug pa// gnod sbyin 'dod dgur mchi ba rnams/ / de dag glang po che 'tshal zhing // phyogs phyogs dag tu rnam par rgyu// de dag ni chibs rta dang / rnga mo dang / khyu mchog dang / ma he dang / ra dang / lug dang / sbrul dang / bya dang / skyes pa dang / bud med dang / gzhon nu dang / gzhon nu ma la 'tshal zhing / phyogs phyogs dag tu'ang mchi lags so// glang po che gcig gis shing rta drangs shing / phyogs phyogs dag tu'ang mchi lags so// chibs rta dang / rnga mo dang / khyu mchog dang / ma he dang / ra dang / lug dang / sbrul dang / bya dang / skyes pa dang / bud med dang / gzhon nu dang / gzhon nu ma gcig gis shing rta drangs shing / phyogs phyogs dag tu'ang mchi lags so/ / rdzu 'phrul chen po stobs po che// gnod sbyin 'dod dgur mchi ba rnams// bzhon pa de dag 'tshal nas ni// phyogs bzhi dag ni skyong bar bgyid// rgyal po dag gi grong khyer dag/ sna tshogs mkha' la rgyu ba mchis/ / 'di lta ste/ kun tu rgyu ba dang / kun tu rgyu ba ma lags pa dang / sa la kun tu rgyung ma lags pa dang / gar bcas sa sdang kun tu rgyu ba dang / sbubs can dang / grong khyer sbubs can zhes bgyi ba dag lags so/ / byang phyogs na mtsho ka pi bing ka zhes bgyi ba'ang mchis lags so// nub phyogs na grong khyer sar pa gsar ldan dang / gos can dang / gos mchog can dang / pad+ma can dang / pad+ma bzang po can dang / sa gzhi can zhes bgyi ba dag kyang mchis lags so/ / chab rgyun mang po'i gnas gyur pa// 'dzin pa zhes bgyi'i mtsho mchis te// chab rgyun tha dad de las 'byung // de las dgung char 'bab par 'gyur// btsun pa grong khyer u shi ra'i sbubs kyi pha rol na/ / lus gnas dang ni gnas yangs dang // de bas gnas yangs rgyun lugs can// rgyun lugs mang dang de bas mang // bar snang mkha' la bya ltar mda'// btsun pa grong khyer sbu ba/ can gyi pha rol// byang phyogs na 'dun sa bya gar can zhes bgyi ba de mchis te/ der ni gnod sbyin rnams 'du zhing gnas lags so// rkang mi sdug la mchu 'phyangs dang // 'jigs rung lto spu can dag mchis// de na ljon shing 'bras bu rtag/ rma bya khrung khrung sgra snyan dang // khu byug sgra skad chen po dang // shang shang te'u dag sgra 'byin cing // rma bya rnams kyi sgra dag dang // ko'u dum pa dang chu lag dang // bya rnams sna tshogs skad 'byin cing / / me tog sbrang rtsi'i ro la dga'// lus ngan po de glu gar gyis// pad+ma can dang lhan cig rtse// btsun pa grong khyer lcang lo can gyi pha rol na// rgyal po dpa' bo zhes bgyi ba yul 'khor mu khyud na mchis lags so/ / bdag gang na mchis pa'i 'dun sa de ni khyu mchog can zhes bgyi ste/ bdag gi ming ni rnam thos kyi bu zhes bgyi lags so// de la gsang sngags kyi tshig ni 'di dag lags so/ / tad+ya thA/ i li mi li/ i ye mi la/ ki Ti mA le/ hi li ki Ti mU le/ hu du me/ hu dur du me/ gau ri gan d+ha ri/ gau do ha ni/ o ke mo ke swA hA/ btsun pa bcom ldan 'das kyi spun sngar bdag gis dri za rnams dang / dri za chen po rnams dang / dri za'i sde dpon rnams dang / dmag dpon rnams kyi ming brjod par bgyi lags so// 'di lta ste/ 'dod myos dga' bas myos pa dang // glu yis myos pa spun rnams dang / / 'phreng bas myos dang sbrang rtsis myos// me tog myos pa spun rnams dang // rtag tu myos dang dpal gyis myos// nor gyis myos dang dga' byed dang // ut+pal pad+ma zla ba dang / rngarje 'dzin dang ni khu brug sgra// tum bu ru dang gtsug lnga dang // gser spyod bu mo gser can dang // pa wa sangs dang phur bu dag/ 'gro gnas ji snyed rgyal po lags// de dag bdag gi spun lags te// de dag la bdag dri za 'di ni bdag la 'tshe'o/ / dri za 'di ni bdag mi gtong ngo zhes mchi zhing // de dag la go bar bgyid lags so// bdag la 'tshe ba'i dri za dang // bdag mi gtong ba'i dri za yis// legs par smras pa 'di thos nas// sardza kA yi dog pa bzhin// de'i mgo tshal ba bdun du 'gas// de la gsang sngags kyi tshig ni 'dri dag lags so// tad+ya thA/ ku du le/ ku tu le/ ku tu la/ ku tu le/ e hi e hi/ sA d+ha ma ti ke/ sA d+ha ma ti ke sA d+ha / b+had+d+hi ni ke/ tiSh+Tha duSh+Ta bA to si swA hA/ btsun pa bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo/ rig sdigs dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te dri za 'am/ dri za mo 'am/ dri za rgad po 'am dri za rgan mo 'am/ dri za'i bu pho 'am/ dri za'i bu mo 'am/ dri za'i 'khor po 'am/ dri za'i 'khor mo 'am/ dri za'i mngag gzhug pa 'am/ dri za'i mngag gzhug ma 'tshe bar bgyid pa/ glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la/ dri za rnams kyis dri za 'du ba'i nang du mchir mi chud cing / rgyal po'i pho brang lhung lo can du'ang gnas mi 'thob ste/ de'i mgo ardza ka'i dog pa bzhin du tshal ba bdun du 'gas lags so// btsun pa bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te sha za 'am/ sha za mo 'am/ sha za rgad po'am/ sha za rgan mo 'am/ sha za'i bu pho 'am/ sha za'i bu mo 'am/ sha za'i 'khor pho 'am/ sha za'i 'khor mo 'am/ sha za'i mngag gzhug pa 'am/ sha za'i mngag gzhug ma 'tshe bar bgyid pa/ glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la/ sha za rnams kyis sha za 'du ba'i nang du mchir mi chud cing / rgyal po'i pho brang lcang lo can du'ang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so// / de la gsang sngags kyi tshig ni 'di dag lags so// tad+ya thA/ hU me hU me/ hU mi le/ hU mi la/ ba tri ye swA hA/ btsun pa bcom ldan 'das kyi spyan sngar bdag gis grul bum rnams dang / grul bum chen po rnams dang grul bum gyi sde dpon rnams dang / / dmag dpon rnams kyi ming brjod par bgyi lags so// 'di lta ste/ byin dang nye byin kri mi sha/ rtsib logs che dang gsus po che// lag bcu dang ni sa la rgyu// g.yon phyogs nag po dmar po dang / / sprin mdog dang ni dri med dang // rna ba ring dang 'brug sgra sgrog/ ral pa can dang stobs bcu dang // srid sgrub dang ni 'dod dgur mchi// 'jog po dang ni bya ba sbed// la ba bzang ldan gsum po dang / / tshon kun dang ni mig bkrab bo// 'gro gnas ji snyed mchis pa lags// de dag ni bdag gi spun lags te/ de dag la bdag grul bum 'di ni bdag la 'tshe'o// grul bum 'di ni bdag mi gtong ngo zhes mchi zhing / de dag la go bar bgyid lags so// bdag la 'tshe ba'i grul bum dang // bdag mi gtong ba'i grul bum gyis// legs par smras pa 'di thos na// ardza ka yi dog pa bzhin// de yi mgo tshal bdun du 'gas// de la gsang sngags kyi tshig ni 'di dag lags so/ / tad+ya thA/ si re bi si re/ si re bi sa re/ si re bi sa re/ kr-iSh+Na tsha ka li/ ka raNi/ paM gi le swA hA/ btsun pa bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te grul bum mam/ grul bum mo 'am/ grul bum rgad po 'am/ grul bum rgan mo 'am/ grul bum gyi bu pho'am/ grul bum gyi bu mo 'am/ grul bum gyi 'khor pho 'am/ grul bum gyi 'khor mo 'am/ grul bum gyi mngag gzhug pa 'am/ grul bum gyi mngag gzhug ma 'tshe bar bgyid pa/ glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la/ grul bum rnams kyis grul bum 'du ba'i nang du mchir mi chud cing / rgyal po'i pho brang lhung le can du'ang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so/ / btsun pa bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te yi dgas sam/ yi dgas mo 'am/ yi dgas rgad po 'am/ yi dgas rgan mo 'am/ yi dgas kyi bu po 'am/ yi dgas kyi bu mo 'am/ yi dgas kyi 'khor pho 'am/ yi dgas kyi 'khor mo 'am/ yi dgas kyi mngag gzhug pa 'am/ yi dgas kyi mngag gzhug ma 'tshe bar bgyid pa/ glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na// glags mi rnyed cing gnas mi rnyed la/ yi dgas rnams kyis yi dgas 'du ba'i nang du mchir mi chud cing / rgyal po'i pho brang lhung lo can du'ang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so/ / de la gsang sngags kyi tshig ni 'di dag lags so// tad+ya thA/ yu me yu me/ yu mi li/ yu mi lA ba tri ye swA hA/ btsun pa bcom ldan 'das kyi spyan sngar bdag gis klu rnams dang / klu chen po rnams dang / klu'i sde dpon rnams dang / dmag dpon rnams kyi ming brjod par bgyi lags so// 'di lta ste/ dga' dang nye dga' kun dga' dang // nor rgyas dang ni 'dzam bu bzang / / ser po dang ni zho rna dang // dbang po lag dang bkra shis dang // mya ngan med dang mya ngan bral// rab grol dang rgyal po bdag/ ngos yangs po dang ngos bkra dang // yangs pa can dang bkra bdun rgyal/ / gdengs ka che dang skar dga' dang // nag po che dang lag 'gro dang // ra skyong dang ni 'dzeg po dang // g.yon phyogs de bzhin nag po dang // sngo bsangs dkar dang 'grogs pa ni// 'gro gnas ji snyed mchis pa lags// de dag ni bdag gi spun lags te/ de dag la bdag klu 'di ni bdag la 'tshe'o// klu 'di ni bdag mi gtong ngo zhes mchi zhing // de dag la go bar bgyid lags so// bdag la 'tshe ba'i klu dag dang / / bdag mi gtong ba'i klu rnams kyis// legs par smras pa 'di thos na// ardza ka yi dog pa bzhin// de'i mgo tshal pa bdun du 'gas// de la gsang sngags kyi tshig ni 'di dag lags so// tad+ya thA/ tsi le bi tsi le/ gau rI gen d+ha ri/ ma ta gi/ tsaN+Da li swA hA/ btsun pa bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma gang la la kun tu rgyu ba dang kun tu rgyu ba ma lags pa dang mthun pa'i mdo/ / rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te klu 'am/ klu mo 'am/ klu rgad po 'am/ klu rgan mo 'am/ klu'i bu pho'am/ klu'i bu mo'am/ klu'i 'khor pho 'am/ klu'i 'khor mo 'am/ klu'i mngag gzhug pa 'am/ klu'i mngag gzhug ma 'tshe bar bgyid pa glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la/ klu rnams kyis klu 'du ba'i nang du mchir mi chud cing rgyal po'i pho brang lcang lo can du'ang gnas mi 'thob ste/ de'i mgo ardza ka'i dog pa bzhin du tshal ba bdun du 'gas lags so// btsun pa bcom ldan 'das kyi nyan thos dge slong ngam/ dge slong ma 'am/ dge snyan nam/ dge snyan ma gang la la kun tu rgyu ba dang / kun tu rgyu ba ma lags pa dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te lus srul po 'am/ lus srul mo 'am/ lus srul rgad po 'am/ lus srul rgan mo 'am/ lus srul po'i bu pho 'am/ lus srul po'i bu mo 'am/ lus srul po'i 'khor po 'am/ lus srul po'i 'khor mo 'am/ lus srul po'i mngag gzhug pa'am/ lus srul po'i mingag gzhug ma 'tshe bar bgyid pa glagrags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la/ lus srul po rnams kyis lus srul po 'du ba'i nang du mchir mi chud cing / rgyal po'i pho brang lcang lo can du'ang gnas mi 'thob ste/ de'i mgo ardza ka'i dog pa bzhin du tshal ba bdun du 'gas lags so// de la gsang sngags kyi tshig ni 'di dag lags so/ / tad+ya thA/ a pe/ ba ha ne/ ba hAn/ ba tI ye swA hA/ btsun pa bcom ldan 'das kyi spyan sngar bdag gis gnod sbyin rnams dang / gnod sbyin chen po rnams dang / gnod sbyin gyi sde dpon rnams dang / dmag dpon rnams kyi ming brjod par bgyi lags so// 'di lta ste/ dbang po zla ba chu lha dang // ba ra dwa tsa skye dgu'i bdag/ dbang ldan tsan dan 'dod gtso dang // mgrin ngan dang ni mgul nges dang / / stobs ldan nor bu nor spyod dang // sgra rab dang ni nye lnga dang // ri mnyam gser can glang po dang // seng ldeng ba dang g.yon can dang // gnod sbyin pa skyong 'brog gnas dang / rgyal ba khyu mchog mi rgyal po// dri za sna tshogs sde dang ni// lcags mdung ring dang ma ldan dang // tshig lnga ser po yid dga' dang // gnod sbyin ring po 'khor dang bcas// 'bras bu gsum dang mgul gsum pa/ / 'gro gnas ji snyed mchis pa lags// de dag ni bdag gi spun lags te/ de dag la bdag gnod sbyin 'di ni bdag la 'tshe'o// gnod sbyin 'di ni bdag mi gtong ngo zhes mchi zhing / de dag la go bar bgyid lags so/ / bdag la 'tshe ba'i gnod sbyin dang // bdag mi gtong ba'i gnod sbyin gyis// legs par smras pa 'di thos ni// ardza ka yi dog pa bzhin// de'i mgo tshal ba bdun du 'gas// de la gsang sngags kyi tshig ni dag lags so// tad+ya thA/ hi le mi le/ hi le mi le/ kI d+hi mU l-i/ hi le kI d+hi mA le/ au tu ma ba tu ma be/ au tu ma ba tum be/ o ge mo ga/ ga do hi/ b+hing g+ha re/ riSha sad t+ye me swA hA/ btsun pa bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo// rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te gnod sbyin nam/ gnod sbyin mo 'am/ gnod sbyin rgad po 'am/ gnod sbyin rgan mo 'am/ gnod sbyin gyi bu pho 'am/ gnod sbyin gyi bu mo 'am/ gnod sbyin gyi 'khor pho 'am/ gnod sbyin gyi 'khor mo 'am/ gnod sbyin gyi mngag gzhug pa 'am/ gnod sbyin gyi mngag gzhug ma 'tshe bar bgyid pa/ glags lta zhing glags tshol po la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la/ gnod sbyini rnams kyis gnod sbyin 'du ba'i nang du mchir mi chud cing / rgyal po'i pho brang lhung lo can du'ang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so/ / btsun pa bcom ldan 'das kyi nyan thos dge slong ngam/ dge slong ma 'am/ dge bsnyen nam/ dge bsnyen ma gang la la kun tu rgyu ba dang / kun tu rgyu ba ma lags pa dang mthun pa'i mdo/ rig sngags dang / srung ba dang / sug pa rkang pa la phyag 'tshal bar 'gyur ba 'di nyid rgya cher lung mnos shing 'don par bgyid pa de la/ gal te srin po 'am/ srin mo 'am srin po rgang po 'am/ srin mo rgan mo 'am/ srin po'i bu pho 'am/ srin po'i bu mo 'am/ srin po'i 'khor pho 'am/ srin po'i 'khor mo 'am/ srin po'i mngag gzhug pa 'am/ sran po'i mngag gzhug ma 'tshe bar bgyid pa/ glags lta zhing glags tshol ba la la zhig nye bar mchi zhing / nye bar 'greng ngam/ nye bar mchis par gyur na/ glags mi rnyed cing gnas mi rnyed la/ srin po rnams kyis srin po 'du ba'i nang du mchir mi chud cing / rgyal po'i pho brang lcang lo can du'ang gnas mi 'thob ste/ de'i mgo ardza ka'i dog pa bzhin du tshal pa bdun du 'gas lags so// de la gsang sngags kyi tshig ni 'di dag lags so/ / tad+ya thA/ hi le hi le/ hu lu hu lu/ yu me yu me le/ yu mi lA bi tri ye swA hA/ zhes rgya cher smras nas/ nga'i rkang pa la mgo bos phyag 'tshal te/ de nyid du mi snang bar gyur to/ / dge slong dag khyod kyis 'di ltar bdag nyid bsrung ba dang / bskyab pa dang / bde ba la reg par gnas par bya ba dang / gnod sbyin dang mi ma yin pa gdug pa gnyug mar gnas pa mngon par ma dad pa dag mngon par dad par bya ba dang / mngon par dad pa rnams kyang phyir zhing 'phel bar bya ba'i phyir kun tu rgyu ba dang / kun tu rgyu ba ma yin pa dang mthun pa'i mdo// rig sngags dang / srung ba dang / sug pa rkang pa la phyag 'tshal bar 'gyur ba 'di nyid long zhig/ zung zhig/ chongs shig/ lhogs shig/ bcom ldan 'das kyis de skad ces bka' stsal nas/ dge slong de dag yi rang ste/ bcom ldan 'das kyis gsungs pa la mngon par bstod do// / bar sdom ni/ i ki/ hu si/ yu tsi/ a hi hi/ gsang sngags kyi tshig rnam pa dgu smos pa dang / go rims bzhin du sbyar ro/ / mdo chen po kun tu chub dang / kun tu chub ma yin pa dang mthun pa'i mdo zhes bya ba rdzogs so// rgya gar gyi mkhan po dzin mi tri dang / pradz+nyA ba ma dang zhu chen gyi lo tsa ba ban d+he ye shes snga la sogs pas bsgyur cing zhus te gtan la phab pa/

CLOSE WINDOW