'phags pa byams pa'i mtshan brgya rtsa brgyad po gzungs sngags dang bcas pa/ byang chub sems dpa' sems dpa' chen po byams pa la phyag 'tshal lo// de nas byang chu ba sems dpa' byam sa pa sa rang gi snying po gsungs pa/ na ma s+t+rai pa d+hI kA nA na/ sarba ta thA ga tA nAn/ tad+ya thA/ oM sa ra sa ra/ su ru su ru/ d+ha ra d+ha ra/ ma hA d+ha rA/ tsau ra tsa ra/ ma hA tsa ra/ b+hA ra b+ha ra/ ma hA b+ha ra/ kam+ba kam+ba/ ma hA kam+ba hUM/ ma hA s+pha re Na/ d+harma a gra sA ga ra swA hA/ de nas de bzhin gshegs pa thams cad kyis 'di skad ces bka' stsal to// kye ma gzungs chen po ni yon tan che ba ste/ mtha' yas par khyab pa/ bskal pa bye ba phrag mang por yang shin tu thos par dka' ba/ sangs rgyas 'byung ba thams cad ston pa/ de bzhin gshegs pa grangs med pa 'jig rten gyi khams thams cad snyed kyis bsnyen bkur mdzad mdzad pa/ sgrib pa dang / sdug bsngal ba dang / 'khrug pa dang / rmi lam ngan pa dang / ltas ngan pa thams cad las thar bar byed pa'o/ / sems can gyi khams mtha' yas mu med pa yongs su thar par byed pa de shin tu dkon pa'o// de nas rdo rje dkyil 'khor gyi 'khor lha dang lha ma yin du bcas pas nor bu'i cod pan gyis bsgyings pa/ rgyan 'phreng rab tu g.yo ba rnams kyis spyi bor thal mo sbyar nas/ byang chub sems dpa'i mchog 'phags pa byams pa la mtshan brgya rtsa brgyad kyis mngon par bstod pa/ dpa' bo chen po thabs brnyes pa/ / rgyal tshab mi yi bdag po ste// 'jig rten bdag po rnam par gsal// da rab chen po mngon par rgyas// tshan chen stobs ldan che ba ste// de bzhin gshegs shing rdul dang bral// dbang chen brtse ldan 'ong ldan pa/ / sa yi dbang phyug rnam par gnon// rgyal chen mtshon cha brgya pa ste// mtshon cha chen po rdo rje'i mtshon// yon tan bong rgyas bsgyings pa ste// nor bu'i rna cha'i rgyan thogs pa/ / srid gsum dag na dpa' ba'i sku// rgya mtsho lta bu'i spyod yul can// lhun po zla 'byin ti se yi// rtse nas dkyil 'khor 'char ba po// dkyil 'khor chen po longs spyod pa// rab tu dga' ba de bzhin des/ / yongs su dga' ldan chen po'i lha// che ba lho rnams kun gyi mchog/ sangs rgyas gdung rgyad rgyas mdzad cing // sangs rgyas dkyil 'khor rgyan dang ldan// sangs rgyas longs spyod longs par spyod/ / sangs rgyas bstan pa ston pa po// ti sa zla 'byin bzhin du gnas// sa yi dbang phyug bde mdzad pa// rdo rje'i pad+ma legs par skyes// chos kyi longs spyod longs par spyod/ sadang mnyam pa thub par dka'// snang bar mdzes pa 'byung ba'o// srid gsum ye shes nyi ma lags// gtso bo chen po cher grags pa// seng ge chen po stobs po che// cha logs chen po zhal cheg skye bo ngan dang sdug bsngal 'dul/ / rdo rje byu ru be DUR+Ya// nor bu'i dbu thong rgyan du thogs// b+hu ru gser gyi gcal bkram la// sku chen zhabs kyi stabs kyis gshegs// zhal gdangs nyi ma du ma'i gzi/ / lcang lo cod pan dbu thod can// rig sngags 'chang brgyas zhabs la gtugs// rjed par bya ba rnams kyis mchod// nor bu rgyan 'gul 'od zer gyis// brang gi phyog rnams dag par byas/ / cod pan can te 'od 'tsher ba// nyi ma bye ba brgya 'od ldan// ran chen sna tshogs mchog bkram zhing // dri med dkyil 'khor rab tu 'phro// rlung gis ma lus bskyod pa yi/ / 'bar ba chen po'i lta ba can// 'od zer mang pos phog pa yi// phan pa'i thabs ni rab ston pa// brjid pa'i tshul gyis bshad pa yi// 'od kyi zhal gsal rnga yab bskyod// dpung rgyan 'od zer spel bar bkod/ / tshon bris shin tu mdzes par 'tsher// lhun po phrad cing 'khrug pa ltar// ha ha zhes pa'i sgra chen sgrog/ rdo rje chen po'i rtse mo can// shin tu dga' mdzad bde sbyin pa/ / byams pa'i dkyil 'khor go char bgos// btsan pa kun las rnam par rgyal// snying rje'i stobs las byung ba ste// mtshon cha chen po shin tu 'bar/ byams pa byams pa'i rtog pa can// kun nas dpa' ba'i dkyil 'khor ba// ma pham thub med dam pa ste// sangs rgyas cha lugs mnyam meng che// byams pa'i snying po snying po che// byams pa'i pad+ma las byung ba// rdo rje 'chang chen rdo rje can// rdo rje'i bstan pa'i dkyil 'khor ba// rig sngags 'chang ba rnams kyis btud// de bzhin bstan cing bstod pa'o// grub pa chen po'i rig sngags grub/ / rdo rje'i dkyil 'khor mdzes par mdzad// thams cad grub mdzad grub pa'o// sangs rgyas gdung gi sdong chen lags// gsang sngags chen po'i rnam par nges// mdo sde'i bkod pa mdo sdud pa// nges gyur nges pa'i 'od sgron gyi// snang bas dri ma sel bar mdzad// 'bar ba rtsa mar 'od snang ba// dkyil 'khor dkar po che ba ste// gzhung dang mthun pa'i chos / dbyings dang // nye bar gyur cing shin tu nges// swA hA swA hA'i bdag po mchog/ 'od zer bde legs bde legs mdzad// stobs chen 'chang ba bkra shis pa// nyi ma 'dra ste snyoms pa lags// stobs byed rgyal ba'i longs spyod ldan/ / mkha' ltar dri med spyod yul can// dpa' bo rdo rjes 'joms par mdzad// rdo rje chen po rab sgrub pa// sgrub pa po ste rtsod pa med// dkyil 'khor ldan pa rdo rjes ston/ / rlung chen shugs kyis baspyod pa yis// g.yo dang 'brug sgrog snga ldan pa// sangs rgyas spyod yul bad+ma ste// de bzhin nyid kyi mtsho las skyes// mngon shes chen po mngon shes brnyes/ khyab bdag sangs rgyas kun dang mnyam// de nas sa yi dbang phyug po// byams pa'i dkyil 'khor byams pa la// bstod nas kun mkhyen gnod bral ba// thub pa'i nyi mas bka' stsal pa// kye ma ming brgya rtsa brgyad mchog/ ming gi yon tan 'od ldan la// bde dang phun sum tshogs sgrub pa// thabs chen bla na med pa ste// ming brgya rtsa brgyad 'di dag ni// 'jig rten kun gyi bde byed pa// 'di ni bton pa tsam gyis kyang / / sdig pa thams cad dag par 'gyur// sdig pa dag las rgyal ba yi// byams pa bstod pa'i gnas po la// ming brgya rtsa brgyad dam pa 'dis// mi ni la la gang bstod pa/ de la lha la sogs kun dang // lag na rdo rje stobs chen rnams// rtag pa nyid du sdug bsngal kun// gtan du bsal phyir brtson par byed// gang zhig ming brgya rtsa brgyad mchog/ myur du 'don pa'i mi de ni// sangs rgyas sa yang thob 'gyur te// 'di la the tsom yong med do// nang par mal nas langs nas ni// gang zhig byams pa'i sems kyis bstod// de la byams par rtog pa yi// byams pa bde legs byed par 'gyur/ / de phyir dri ma thams cad rnam par sel byed cing // sdig 'joms yon tan thams cad skyed pa dang // de bzhin 'jig rten sdug bsngal sel ba yi// ming brgya rtsa brgyad ched du dag par lhogs// 'phags pa byams pa'i mnan brgya rtsa brgyad pa gzungs sngags dang bcas pa rdzogs so// oM m+b+ha ma/

CLOSE WINDOW