@rgya gar skad du/ Ar+ya sarba a b+ha ya pra tA na nA ma d+hA Ni/ bod skad du/ 'phags pa thams cad la mi 'jigs pa sbyin pa zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das yul ma ga d+ha nas yul rgyu zhing a mra'i tshal du gshegs te byon nas/ amra'i tshal lus 'phags ri'i dbang po'i brag phug na bzhugs so/ / de nas lha'i dbang po brgya byin bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig na 'dug go/ / phyogs gcig tu 'dug nas/ lha'i dbang po brgya byin gyis/ bcom ldan 'dasal 'di skad ces gsol to// bcom ldan 'das lha ma yin rnams ni rab tu gnod par bgyid pa ste/ bcom ldan 'das lha ma yin rnams ni bdag la yun ring por phyir rgol ba'i dgra lags na/ de las bcom ldan 'das kyis bdag la chos bstan du gsol/ de skad ces gsol pa dang / bcom ldan pa das kyis/ lha'i dbang po brgya byin la 'di skad ces bka' stsal to// lha'i dbang po khyod kyis thams cad la mi 'jigs pa sbyin pa'i rig sngags don thams cad byed pa/ 'jigs pa thams cad rab tu zhi bar byed pa// nad thams cad rab tu zhi bar byed pa// dug thams cad 'jil ba// mtshon thams cad rengs par byed pa rkang med dang / rkang gnyis dang / rkang bzhi pa thams cad rengs par byed pa/ dgra thams cad phung bar byed pa/ lha dang / nam mkha' lding dang / sbyin byed ma'i bu dang / sha za dang / brjed byed dang / smyo byed dang / bram ze'i srin po dang / 'byung po dang / ro langs dang / bya'i gdon dang / srul po dang / nam gru dang / gnon po'i gdon dang / gnon po dang brjed byed kyi gdon dang / lha'i gdon dang / klu'i gdon dang / gnod sbyin gyi gdon dang / dri za'i gdon dang / mi'am ci'i gdon dang / log 'dren gyi gdon dang / ma mo'i gdon phung bar byed pa/ mdangs 'phrog pa dang / zas su 'phreng ba za ba dang / zas su spos za ba dang / zas su me tog za ba dang / zas su bdug pa za ba dang / zas su khrag 'thung ba dang / zas su rnag 'thung ba dang / zas su mi gtsang ba za ba rnams dang / zas su gcin 'thung ba/ rab tu phung bar byed pa/ rims nad thams cad dang / rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa dang / 'gro ba drag shul spyod pa/ rab tu 'jigs par byed pa/ 'thab pa dang / rjod pa dang / 'gyed pa dang / mtshang 'dru ba thams cad rab tu zhi bar byed pa 'di zung zhig dang / thams cad la mi 'jigs pa sbyin pa'i rig sngags bshad par bya'o// tad+ya thA/ a ma T+Te pra me De/ gro le bo/ le bos se/ mo Te/ bran+te/ kha raNI/ kha ra Ne/ ga Ne gA Na/ ga Na pra gra Ne/ pra ti me NI/ kA li pra kA li tsaH/ ma hA tsaN+Da pra titsaN+Da/ be ge a ti be ga/ so nA/ gon/ mo hA/ pra mo hA/ pra moT/ nA sha ni/ pranA shwa ni/ d+hu ba ni/ pra d+ha ba ni/ ba la ga ni/ pra ba la ga ni/ nr-it+ya ni/ dra ni t+ya ni/ kro d+ha ni/ pra ti kro d+ha ni/ ha na ha na/ bi na bi ha na/ sarba duSh+Ta pra duSh+Ta na nA sha ya/ sarba a d+ha ya pra de/ bdag 'khor dang bcas pa 'jigs pa thams cad dang / gnod pa thams cad dang / nad 'go ba thams cad las srungs shig srungs shig/ gnas 'dir bdag gi don thams cad 'grub par gyur cig/ de lta bas na/ khi di khi di/ tsum be/ sarba sid+d+hi hi ni ra te/ na maHsarba bud+d+hA nAn sAhA/ lha'i dbang po thams cad la mi 'jigs pa sbyin pa'i rig sngags tshig bzhi bcu rtsa gcig po 'di skud pa la mdud de bcings sam/ sbal mdud pa po ra ram/ bzlas brjod byas sam/ yungs kar ram/ gi'u wang la lan cig bsngags te bskus sam/ go cha la bsngags na mtshon gyis mi tshugs// dug gis ma yin// rims nad kyis ma yin// nyin gcig pas ma yin/ nyin gnyis pas/ ma yin/ nyin gsum pas ma yin// nyin bzhi pas ma yin/ mes ma yin// gsang sngags kyis ma yin/ ro langs kyis ma yin// dug gis ma yin// nad kyis ma yin te/ chus 'chi ba'i dus byed par mi 'gyur ro/ / rig sngags dang gsang sngags sbyor bsgrub pa thams cad sbyor ba rnams kyis ma grub pa rnams grub par byed do// sbyar te grub pa rnams gzhan gyis mi tshugs par byed do/ / pha rol gyis bcings pa las grol bar byed do// gzhan gyi rig sngags gcod par byed do// bdag gi rig sngags 'phel bar byed do// gdon thams cad phung bar byed do/ / gdon gang gis mi gtong na'ang / de'i mgo sardza ka'i dog pa bzhin du tshol pa bdun du 'gas so// de nas lha'i dbang po brgya byin de nyid du mi snang bar gyur to// bcom ldan 'das kyis de skad ces bka' stsal nas/ lha'i dbang po brgya byin yi rangs te/ bcom ldan 'das kyis gsungs pa la mngon par bzod do// 'phags pa thams cad la mi 'jigs pa sbyin pa zhes bya ba'i gzungs rdzogs so/ / / rgya gar gyi mkhan po dzi na mi tra dang / dA na shI la dang / zhu chen gyi lo cob ban d+he ye shes sdes bsgyur cing zhus te/

CLOSE WINDOW