khams pa lo tsab dge slong ba ris bgyur cing lus te gtan la phab pa// 6/ rgyag shad du/ sar+b+ba ta thA ga yA nA ma d+hA ra Ni kalpa/ bod skad du/ de bzhin gshegs pa thams cad kyi gtsug tor rnam par rgyal ma'i gzungs zhes bya ba'i rtog pa/ gtsug tor rnam par rgyal ma la phyag 'tshal lo/ / 'di skad bdag gis thos pa dus gcig na/ bcom ldan 'das bde ba can na bzhugs so// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas tshe dpag med chos yang dag par sdud pa'i phug chen po'i khang bzang gi tshal bde ba la nye bar bzhugs nas/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to/ / rigs kyi bu sems can sdug bsngal dang nad sna tshogs kyis yongs su gzir cing tshe thung ba dag yod de/ de rnams kyi don du tshe ring banye bar bsgrub par bya ba'i phyir de bzhin gshegs pa thams cad kyi gtsug tor rnam par rgyal ma zhes bya ba'i gzungs 'di gzung bar bya/ gzhan rnams la rgya cher yang dag par bstan par bya'o// de nas byang chub sems dpa' sems dpa' chen po 'phags pa spyan ras gzigs dbang phyug stan las langs te thal mo sbyar bar gyur pas/ bcom ldan 'das la 'di skad ces gsol to// bcom ldan 'das de bzhin gshegs pa thams cad kyi gtsug tor rnam par rgyal ma zhes bya ba'i gzungs bstan du gsol/ bde bar gshegs pa bstan du gsol// de nas bcom ldan 'das kyis thams cad dang ldan pa'i 'khor gyi dkyil 'khor la gzigs te/ kun tu snang ba'i dpal zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi gtsug tor rnam par rgyal ma zhes bya ba'i gzungs 'di bka' stsal to/ / oM na mo d+hag sa te sar+b+ba trai makya pra ti bi shrISh+Thaya/ bum+b+has te na maHtad+yA dz+nyA many+dzu d+hUn+tu/ sho d+ha ya sho d+ham/ bi sho d+ha bi sho d+ha ya/ a sa ma sa man+ta sa bad+hA sa s+pha ra Na ga ti/ ga ga na swa b+hA ba bi shud+d+he/ a b+hi Shin+da n+tu maM/ sarba ta thA ga tA/ su ga ta ba ra ba tsan+ta mr-i tA b+hi She kerma hA mu dr-i min+d+ra pa de/ A ha ra A hA ra/ ma mas yuHsan+d+ha ra Ni sho d+ha ya sho d+ha ya/ bi sho d+h+ya ya bi sho d+ha ya/ ga ga ne swa b+hA ba be shud+d+he/ uSh+NI Sha bi dza ya pa ri shud+d+he/ sa ha sa rasmi sa tso di taM/ sarba ta tha ga ta a ba lo ki ni/ Shan+na ra mi tA pa ri pU ra Ni/ sarbe ta thA ga ta mA te/ da sha b+hU mi pra tiSh+ThI tAM/ sarba ta thA ga to prad yA d+hiSh+ThA nad+d+hiSh+NI te/ oM mu dre mu dre/ mag+na mu dre badz+ra kA ya saM ha ta na pa ri shud+d+he/ sarba karma A wA ra Na bi shud+d+he/ me pra ti ni bar+N+Na yA yurbi shud+d+he/ sarba ta thA ga ta sa ma yA d+hiSh+ThA na d+hiSh+NI tAM/ oM mu ni mu ni/ ma hA mr-i ni/ bi mu ni/ bi mu nI/ ma hA bi mu ni/ ma ti ma ti/ ma hA ma ta~M/ ma ma ti/ ma hA ma ma ti/ su ma ti/ su ma ti/ ma hA su ma ti/ ta thA teb+hU ta Te bi ri shud+d+he/ bi dUT bud+d+hi shud+d+he/ mo ha he dza ma dzas/ bi dza ya bi dza ya/ swa ra s+pha ra/ Ar swa ra/ sA ra ya s+phA ra ya/ sarba bad+hA d+hi rA N+Dits+tshite/ oM mr-id+hi TaH/ bud+d+he bud+d+he/ badz+re badz+re ma hA badz+re su badz+re badz+re gar+b+he dza ya gar+b+he/ bi dza ya gar+b+he/ badz+ra dz+wa lA gan+d+he dz+red+ha She/ badz+ra sa b+ha be badz+re badz+ri Ni badz+ra swA ba tu me sha ri ra sarba satwAd+haSh+Ta/ kA pa ri shud+d+hid+b+ha ba tu me sa dA/ sarba ga ti pa ri shud+d+hi sh+tsa/ sarba ta thA ga tAsh+tsa mAM sa mA shA sa yan+tu/ oM bud+d+ha buN+ye b+h+yo d+h+ye bo d+ha ba bo d+ha ya/ bi bo d+ha ya bi bo d+ha ya/ mo tsa ya mo tsa ya/ bi mo tsa ya bi mo tsa ya sho d+ha ya sho d+ha ya/ bi sho d+ha ya bi sho d+ha ya/ sa man+ta tsa ya mo tsa ya sa man+ta rasmi pa ri shud+d+ho/ sarba ta thA ga ta hr-i da yA d+hiSh+ThA nA d+hiSh+NI te/ oM mu dre mu dre ma hA mu dre ma hA mu dra man+ta pa daiHsA hA/ rigs kyi bu gang 'di de bzhin gshegs pa thams cad kyi gtsug tor rnam par rgyal ma zhes bya ba'i gzungs/ 'chi ba'i dbyug po chen po 'dzin pa/ sdig pa zhi bar byed pa'i dag byed do// gang su dag tshe ring bar 'dod pas 'chad par 'gyur ba'i rim pas bklag par bya'o/ / sa phyogs yangs pa kha cig tu sa dang ba byung gis nye bar byugs la/ dri bzang gi chab kyis chag chag gdab par bya'o// steng du bla bres kyis bres shing 'phyang du bcug nas/ de'i dbus su rdul tshon dkar pos 'khor lo rtsibs brgyad pa shin tu brgyan par gdab par bya'o// gang de'i dbus su rang bzhin gyi snying po 'byung ba'i gtsug tor ro/ / de ltar rim pa ji lta bar shar la sogs pa'i rtsibs rnams su nam mkha' ltar 'dus pa'i bza' ston 'byung ba'i gtsug tor dang / sa'i snying po 'byung ba'i gtsug tor dang nor bu'i snying po 'byung ba'i gtsug tor dang / ro bcud kyi snying po 'byung ba'i gtsug tor dang / snying po dpag med 'byung ba'i gtsug tor dang / gzi brjid snying po 'byung ba'i gtsug tor dang / rnga'i sgra dbyangs 'byung ba'i gtsug tor dang / ser du 'byung ba'i gtsug tor te/ de bzhin gshegs pa rnams bzhugs su gsol lo// de'i yang phyi rol nyid du pad+ma 'dab ma bcu drug pa legs par bri bar bya'o/ / 'dab ma so so re rer rim pa ji lta bar thig le bcu drug las byung ba'i de bzhin gshegs pa rnams bzhugs su gsol lo// nang stong pa nyid 'byung ba'i gtsug tor dang phyi stong pa nyid 'byung ba'i gtsug tor dang / phyi nang stong pa nyid 'byung ba'i gtsug tor dang / stong pa nyid stong pa nyid 'byung ba'i gtsug tor dang / don dam pa stong pa nyid 'byung ba'i gtsug tor dang / 'dus byas stong pa nyid 'byung ba'i gtsug tor dang / 'dus ma byas stong pa nyid 'byung ba'i gtsug tor dang / thog ma dang tha ma med pa stong pa nyid 'byung ba'i gtsug tor dang / dor ba med pa stong pa nyid 'byung ba'i gtsug tor dang / rang bzhin stong pa nyid 'byung ba'i gtsug tor dang / chos thams cad stong pa nyid 'byung ba'i gtsug tor dang / rang gi mtshan nyid stong pa nyid 'byung ba'i gtsug tor dang / mi dmigs pa stong pa nyid 'byung ba'i gtsug tor dang / dngos po med pa stong pa nyid 'byung ba'i gtsug tor dang / rang gi ngo bo nyid stong pa nyid 'byung ba'i gtsug tor dang / @##/ dngos po med pa'i rang gi ngo bo stong pa nyid 'byung ba'i gtsug tor dang / de bzhin gshegs pa bzhugs pa'i gdan gyi dkyil 'khor byas nas dus ji lta ba'i me tog gi rnam pa dbul bar bya'o/ / de'i phyed kyi steng du khri btsugs te chu'i snod du rnam par snang mdzad kyi snying po'i mchod rten gzhug par bya'o// shog pu'am lo ma la sngags kyi yi ge sgrub pa po'i ming can yang gzhug par bya'o// bum pa chus bkang ba'ang gzhag par bya'o/ / pad+ma'i phyi rol phyogs bzhir bum pa bzhi 'ang gzhag par bya'o// dar gyi lda ldi dang / gdugs dang / ba dan gyis nye bar mdzes par byas nas/ yang shar du bgegs rab tu 'joms pa'i gtsug tor rnam par rgyal ba'i lha mo dang / lhor 'chi ba rab tu 'joms pa'i gtsug tor rnam par rgyal ba'i lha mo dang / nub tu nyon mongs pa rab tu 'joms pa'i gtsug tor rnam par rgyal ba'i lha mo dang / byang du phung po'i nad rab tu 'joms pa'i gtsug tor rnam par rgyal ba'i lha mo dang / mer rdo rje 'phreng ba tshe sbyin ma dang / bden bral du sgyu ma chen mo dang / rlung du gser 'od ma dang / dbang ldan du gser gyi 'phreng ba can tshe sbyin ma'o// snod pa'i chu dri bzang dang bcas pas bkang ste/ me tog gi 'phreng ba 'phyang du gzhug par bya'o// 'di'i mthar re la gsum rdul chen gyis bri bar bya'o/ / 'phreng ba dang po la sbal sogs pa med pa'i 'jim pa rlon pa la byas pa'i sats+tsha stong phrag gcig bsgrig par bya'o// ma grub na brgya nges par gzhug par bya'o// phyogs bzhir bkur sti dang bsti stang chen po'i mchod pa byas nas/ tshig gzhan mi smra ba'i dam bca' 'dzin pa'i chos smra ba rnams kyis gzungs 'di bklag par bya'o// lan re re zhing mchod rten gyi dbur mchod cing rab tu gnas par bya'o/ / stong phrag gcig tu klog pas dbus kyi mchod rten gyi dbur lag pa bskyod cing mchod par bya'o// me tog dang / 'dug spos dang / mar me dang / dri chab dang / lba bshos la sogs pa mchod pa thams cad stong phrag so sor mchod rten gyi 'phreng ba'i rnam par byas nas mchod par bya'o/ / ji srid yongs su ma rdzogs pa de srid du mar me'i 'phreng ba rlung gis mi nyams pa sbar bar bya'o/ / mnyam par gzhag cing gtsang sbras rab tu 'jug par bya'o// de ltar byas na zhag bdun pa'i tshe lo bdun du 'tsho bar 'gyur ro// lo bdun pa'i tshe ni de ltar tshe mchog 'thob cing nang las rnam par grol nas lo brgyar 'tshe bar 'gyur ro/ / dus ma yin pa'i 'chi babang thams cad du rnyed par mi 'gyur ro// de lta bu'i nye bar spyod pa'i rim pa las gzhan du byas na de yis 'grub pa ma yin no// rang tu byed pa dang po'o/ / // rtog pa 'di yang dag pa'i dge ba'i bshes gnyen sdom brtson dam pa 'dul ba'i gtsug lag la zla med par smra ba ne'u mkhan po'i gsung bzhin du//

CLOSE WINDOW