skad gsar bcad kyis kyang bcos nas gtan la phab pa'o// // rgya gar skad du/ Ar+ya mA rI ts+yai nA ma d+hAr Ni/ bod skad du/ 'phags ma 'od zer can zhes bya ba'i gzungs/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po brgya phrag phyed dang bcu gsum dang / byang chub sems dpa' sems dpa' chen po mang po dag dang thabs cig tu bzhugs te/ de nas bcom ldan 'das kyis/ dge slong rnams la bka' stsal pa/ dge slong dag lha mo 'od zer can zhes bya ba zhig yod de/ de nyi ma dang zla ba'i mdun dang mdun nas 'gro ste/ de bltar med/ gzung du med/ bcing du med/ dgag tu med/ brgal du med/ rmongs par byar med/ chad pas gcad du med/ mgo breg tu med// gzhur med/ tshig par byar med// dgra'i dbang du mi 'gro'o// dge slong dag gang gis kyang lha mo 'od zer can de'i ming shes pa de'ang bltar med/ gzung du med/ bcing du med/ dgag tu med/ brgal du med/ rmongs par byar med/ chad pas gcad du med/ mgo breg tu med/ gzhur med/ chog par byar med/ de dgra'i dbang du 'gro bar mi 'gyur ro// de ltar bdag gis kyang lha mo 'od zer can gyi ming shes kyis/ bdag kyang bltar med par gyur cig/ gzung du med par gyur cig/ bcing du med par gyur cig/ dgag tu med par gyur cig/ brgal du med par gyur cig/ rmongs par byar med par gyur cig/ chad pas gcad du med par gyur cig/ mgo breg tu med par gyur cig/ gzhur med par gyur cig/ tshig par byar med par gyur cig/ dgra'i dbang du mi 'gro bar gyur cig/ de la gsang sngags kyi tshig ni 'di rnams yin no/ / tad+ya thA/ oM pa dA kra ma si/ ba rA kra ma si/ u da ya ma si nai ra ma si/ ar+k+ka ma si/ mar+k+ka ma si/ urma ma si/ ba na ma si/ gul+la ma si/ tsI ba rA ma si/ ma hA nI ba ra ma si/ aM ta ra d+hA na ma si swA hA/ oM lha mo 'od zer can bdag lam du skyobs shig/ bdag lam log pa las skyobs shig/ bdag skye bo'i 'jigs pa las skyobs shig/ bdag rgyal po'i 'jigs pa las skyobs shig/ bdag glang po che'i 'jigs pa las skyobs shig/ bdag chom rkun gyi 'jigs pa las skyobs shig/ bdag klu'i 'jigs pa las skyobs shig/ bdag seng ge'i 'jigs pa las skyobs shig/ bdag stag gi 'jigs pa las skyobs shig/ bdag me'i 'jigs pa las skyobs shig/ bdag cha'i 'jigs pa las skyobs shig/ bdag sbrul gyi 'jigs pa las skyobs shig/ bdag dug gi 'jigs pa las skyobs shig/ bdag phyir rgol ba dang dgra thams cad las skyobs shig/ 'khrugs pa dang / ma 'khrugs pa dang / nyams pa dang / ma nyams pa thams cad du'ang bdag seng ge las srungs shig/ bdag stag las srungs shig/ bdag klu las srungs shig/ bdag sbrul las srungs shig swA hA/ bdag 'jigs pa thams cad dang / gnod pa dang / nad 'go ba dang / 'khrugs pa thams cad las srungs shig srungs shig/ na mo rat+na tra yA ya/ tad+ya thA/ oM A lo/ tA lo/ kA lo/ sats+tsha lo/ sa ma pa mUr+d+ha rak+Sha rak+Sha mAM/ bdag dang sems can thams cad la 'tshe ba dang / 'jigs pa dang / nad thams cad las srungs shig swA hA/ dkon mchog gsum la phyag 'tshal lo// lha mo 'od zer can gyi snying po brjod par bya ste/ tad+ya thA/ oM bat+tA li/ ba dA li/ ba rA li/ ba rA ha mu khi/ sarba duSh+Ta/ pra duSh+TA naM/ tsak+Sha ra mu khaM/ ban d+ha ban d+ha ban d+ha mu khaM/ dza b+ha ya/ staM b+ha ya/ mo ha ya swA hA/ oM mA rI ts+yai swA hA/ oM ba rA li/ ba dA li/ bat+tA li/ ba rA ha mu khi/ sarba duSh+Ta pra duSh+TA nAM/ tsak+Sha ra mu khaM baM d+ha baM d+ha sAhA/ bcom ldan 'das kyis de skas ces bka' stsal nas/ dge slong de dag dang / byang chub sems dpa' de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bsod do/ / 'phags ma 'od zer can zhes bya ba'i gzungs rdzogs so// / paN+Dita a mo g+ha badz+ra dang / lo tsang dge slong ba ri rin chen grags pas bsgyur ba'o/

CLOSE WINDOW