/ rgya gar skad du/ mahA man+ta a nud+hA ri sU tra/ bod skad du/ gsang sngags chen po rjes su 'dzin pa'i mdo/ dkon mchog gsum la phyag 'tshal lo/ / sangs rgyas la phyag 'tshal lo// chos la phyag 'tshal lo// dge 'dun la phyag 'tshal lo// yang dag par rdzogs pa'i sangs rgyas 'dun nyan thos dang bcas pa/ yang dag par song ba yang dag par zhugs pa rnams la phyag 'tshal lo/ / de rnams la phyag 'tshal nas/ rig sngags 'di ni don du sgrub// rig sngags 'di dag grub gyur cig/ gang phyir don du sgrub pa yi// don de yang ni grub par shog 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe ma mjed kyi bdag po tshangs pa tshangs ris kyi lha rnams dang bcas pa dang / lha'i dbang po brgya byin sum cu rtsa gsum pa'i lha rnams dang bcas pa dang / rgyal po chen po bzhi rgyal chen bzhi'i ris kyi lha rnams dang bcas pa dang / gnod sprin gyi sde dpon chen po nyi shu rtsa brgyad dang / 'phrog ma bu dang bcas pa g.yog 'khor dang bcas pa rnams bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do/ / phyogs gcig tu 'khod nas mi mjed kyi bdag po tshangs pas/ bcom ldan 'das ga la ba de logs su thal mo sbar ba btud de// bcom ldan 'das la 'di skad ces gsol to// @#btsun pa bcom ldan 'das bdag ni stong gi 'jig rten gyi khams rnams su dbang phyug la dbang bgyid pa lags te/ btsun pa bcom ldan 'das bdag ni 'tshal na/ stong gi 'jig rten gyi khams rnams su srung ba dang yongs su skyob par bgyid/ yongs su gzung ba dang / zhi ba dang / bde legs su 'gyur bar bgyid lags so// btsun pa bde bar gshegs pa chos kyi mnga' bdag bcom ldan 'das ni stong gsum gyi stong chen po'i 'jig rten gyi khams rnams su dbang phyug la mnga' mdzad pa lags te/ bcom ldan 'das kyang bzhed na stong gsum gyi stong chen po'i 'jig rten gyi khams rnams su srung ba dag yongs su skyob pa dang / yongs su gzung ba dang / zhi ba dang / bde legs su 'gyur bar mdzad pa lags na/ btsun pa bcom ldan 'das stong gsum gi stong chen po'i 'jig rten gyi khams rnams su bsrung ba dang / yongs su bskyab pa dang / yongs su gzung ba dang / zhi ba dang / bde legs su 'gyur bar mdzad du gsol/ de nas bcom ldan 'das kyis/ mi mjed kyi bdag po tshangs pa la cad mi gsung bar gnang ngo / / de nas mi mjed kyi bdag po tshangs pas/ bcom ldan 'das kyis cang mi gsung bas gnang bar rig nas nga nyid du mi snang bar gyur to// de nas bcom ldan 'das kyis/ dag slong rnams la bka' stsal pa/ dge slong dag mngang sum mi mjed kyi bdag po tshangs pa tshangs ris kyi lha rnams dang bcas pa dang / lha'i dbang po brgya byin sum cu rtsa gsum pa'i lha rnams dang bcas pa dang / rgyal po chen po bzhi rgyal chen bzhi'i ris kyi lha rnams dang bcas pa dang / gnod sbyin gyi sde dpon chen po nyi shu rtsa brgyad dang / 'phrog ma bu dang bcas g.yog 'khor dang bcas pa rnams ga la ba der lhags te 'ongs nas/ mi mjed kyi bdag po tshangs pas nga la 'di skad ces smras so// btsun pa bcom ldan 'das bdag ni stong gi 'jig rten gyi khams rnams su dbang phyug la dbang bgyid pa lags te/ btsun pa bcom ldan 'das bdag ni 'tshal na stong gi 'jig rten gyi khams rnams su srung bar bgyid/ yongs su skyob par bgyid/ yongs su gzung ba dang // zhi ba dang / bde legs su 'gyur bar bgyid lags so// btsun pa bde bar gshegs pa chos kyi mnga' bdag bcom ldan 'das kyang stong gsum gyi stong chen po'i 'jig rten gyi khams rnams su dbang phyug la mnga' mdzad pa lags te/ bcom ldan 'das kyang bzhed na stong gsum gyi snong chen po'i 'jig rten gyi khams rnams su srung ba dang / yongs su skyob pa dang / yongs su gzung ba dang / zhi ba dang / bde legs su 'gyur bar mdzad lags na/ btsun pa bcom ldan 'das stong gsum gyi stong chen po'i 'jig rten gyi khams rnams su bsrung ba dang / yongs su bskyab pa dang / yongs su gzung ba dang / zhi ba dang / bde legs su 'gyur bar mdzad du gsol nas gsol to// dge slong dag ngas kyang mi mjed kyi bdag po tshangs pa la cang mi gsung bas gnang ngo / / de nas mi mjed kyi bdag po tshangs pa sangs cang mi gsung bas gnang bar rig nas de nyid du mi snang bar gyur to// dge slong dag rig sngags kyi rgyal mo gsang sngags chen mo rjes su 'dzin pa 'di ni/ 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsungs so// ma 'ongs pa'i de bzhin gshegs ba dgra bcom pa yang dag par rdzogs pa'i sangs rgyas rnams kyis kyang gsung bar 'gyur ro/ / de ltar byung ba na'ang 'di lta ste/ sangs rgyas kyi byang chub 'di nyid la phan par bya ba'i phyir/ da ltar nga nyid kyis bshad do/ de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis rig sngags kyi rgyal mo gsang sngags chen mo rjes su 'dzin pa 'di zung zhig/ chongs shig/ lhog shig/ shod cig/ kun chub par gyis shig/ kun dga' bo rig sngags kyi rgyal mo gsang sngags chen mo rjes su 'dzin pa 'di ni 'khor bzhi po rnams kyi don dang / phan pa dang / bde ba dang / bde bar gnas par 'gyur ro/ / tad+ya thA/ u bud+d+he/ ni bud+d+he/ ba hu bud+d+ha/ sam bud+d+ha/ bi shaSh+Ta bud+d+he/ I ha bud+d+ha/ tar+d+ha bud+d+he/ ni yaM ga mtsha bi la/ u pu la/ ta pu la/ ti la/ ta ma la/ mngag mngag/ ma nan i ma ma bid d+h+ya/ hu du me/ hu hu me/ pUr+ya pra ha ra/ kun dga' bo yun ring po nas spyad pa'i gsang sngags stobs dang mthu rtsal dang ldan pa 'di ni/ 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsungs so/ / ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsungs par 'gyur ro// da ltar byung ba na'ang 'di lta ste/ sangs rgyas kyi byang chub 'di nyid la phan par bya ba'i phyir da ltar nga nyid kyis bshad do// ngas rig sngags kyi rgyal mo gsang sngags chen mo rjes su 'dzin pa 'dis ming 'di zhes bya ba la bsrung bar bya'o/ / mtshams gcad do// shar phyogs su rgyang grags gcig tshun chad mtshams gcad do// phyogs dang phyogs mtshams thams cad kyi bar du'ang rgyang grags gcig tshun chad mtshams gcad do// tad+ya thA/ sa mu tsa/ bi mu tsA/ pa la mu tsa/ dza g+ha d+ha ra/ ma da s+tha la/ na la ka ma ka/ sa mu shra ba ti/ bi mug+ni/ yo ga/ hi na sa gam/ a rA Da mu la/ bi haM ga mi/ i di tsi ri/ di ti ma kha yo/ la ga bi d+ha ra nI/ pra ti pra yi ga/ a tsakra ba ti/ sam shra ba ti/ i la ya/ mi la ya/ ba zhu sa dad+ya/ an tam/ ar+tha ba ti/ ga rab te/ ti khi ni/ ti baM/ a kan ti/ sa kan ti/ sa mi dim/ ba su baTe/ aTe a Ta/ tad tra kha nu smin/ tha ru smin/ la ha tan/ la hu tan/ saM ba ra/ saM ba ra ba tI/ nar ta na/ ni ru ta na/ i la/ ta i la/ sar pa la/ bahu pha la/ sata ma ta/ dash+tsi ma ta/ kun dga' bo sran ring po nas spyad pa'i gsang sngags stobs dang mthurtsal dang ldan pa 'di dag ni/ 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsungs so// ma 'ong pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsung bar 'gyur ro/ / da ltar byung ba na'angangs bshad do// mi mjed kyi bdag po tshangs pas kyang bshad do// lha dbang po brgya byin gyis kyang bshad do/ / rgyal po chen po bzhis kyang bshad do// gnod sbyin gyi sdeng don chen po nyi shu rtsa brgyad kyis kyang bshad do// 'phrog ma bu dang bcas g.yog 'khor dang bcas pas kyang bshad do/ / kun dga' bo dge slong ngam/ dge slong ma'am/ dge bsnyen nam/ dge bsnyen mo gang la la zhig rig sngags kyi rgyal mo gsang sngags rjes su 'dzin pa 'di bzung nas ji ltar bstan pa dang / ji ltar kun chub par byas pa de bzhin du shes sam/ mthong ngam/ las su byed pa de la ni ji srid 'tshe'i bar du bsrung ba dang / yongs su bskyab pa dang / yongs su bzung ba dang / zhi ba dang / bde legs su gyur pa byas par 'gyur ro/ / kun dga' bo 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi bkas rig sngags kyi rgyal mo gsang sngags chen po rjes su 'dzin pa 'dis ming 'di zhes bya ba la bsrung bar bya'o/ / yongs su bskyab pa dang / yongs su gzung bar bya'o// yongs su zhi ba dang bde legs su 'gyur bar bya'o// mtshams gcad do// shar phyogs su rgyang grags gcig tshun chad mtshams gcad do/ / de bzhin du nub phyogs su rgya grags gcig tshun chad mtshams bcad do// lho phyogs su rgyang grabs gcig tshun chang mtshams gcad do// byang phyogs su rgyang grags gcig tshun chang mtshams gcad do/ / phyogs dang phyogs mtshams thams cad du rgyang grags gcig tshun chad mtshams gcad de// kun dga' bo rgyal po chen po bzhi'i lam dang lam ma yin pa na gnas pa bzhi yod de/ de dag gang zhe na/ 'di lta ste/ bkra shin ldan dang / kun bshes dang / gang po dang / dga' ba'i dpal rnams te/ gang de dag gi ming shes pa dang / rus shes pa de la ni rgyal po chen po'i 'jigs pa mi 'byung ngo / / chom rkun gyi 'jigs pa dang / chu'i 'jigs pa dang / me'i 'jigs pa dang / mi'i 'jigs pa dang / mi ma yin pa'i 'jigs pa mi 'byung ngo // kun dga' bo lag na rdo rje'i phu bo lag myur zhes bya ba grong khyer khor yug ces bya ba na gnas pa yod do/ / gang de'i ming shes pa dang / rus shes pa de la ni des srung bar byed/ yongs su skyob par byed/ yongs su 'dzin par byed/ chad pa zlog par byed// zhi ba dang bde legs su 'gyur bar byed do// ming 'di zhes bya ba'i phyir lag na rdo rje'i phu be lag myur la gsol lo// gsol ba 'debs so// 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi bkas gang ming 'di zhes bya ba la skabs tshol ba dang / glags lta ba'i gnod sbyin nam/ srin po 'am/ yi dgas sam/ sha za 'am/ grul bum 'am/ srul po 'am/ lus srul po rnams kyis bdag la glags rnyed par ma gyur cig/ bdag la klan ka rnyed par ma gyur cig/ kun dga' bo srin mo chen mo bcu bzhi yod de/ de dag ni byang chub sems dpa' yum gyi lhums na bzhugs pa na'ang srung srung / bltams pa'i tshe na'ang srung srung / bltams zin pa'i 'og tu bang srung srung / sku 'drungs pa na'ang srung srung ste/ bcu bzhi gang zhe na/ 'di lta ste/ stobs ldan dang / dri med dang / sgra chen dang @rab mnyen dang / 'jigs byed ma dang / 'dzam bu'i mgrin dang / mchog len dang / bla ma dang / grags ma dang / rmad grags dang / 'thab dga' dang / rtsed mo dga' dang / sa 'dzin dang / 'thab 'jug rnams te/ gang de dag gi ming shes pa dang / rus shes pa de la ni de dag gis srung bar byed/ yongs su skyob par byed/ yongs su 'dzin par byed// zhi ba dang bde legs su 'gyur bar byed do/ / kun dga' bo srin mo brgyad yod de/ de dag ni skyes pa dang bud med gnyid log kyang rung / ma log kyang rung ste/ gzi byin 'phrog par byed do// de dag gang zhe na/ 'di lta ste/ rA dang / thub med dang / ngan slob dang / phra ma can dang / bran mo dmar mo dang / rab chen dang / mig bzang dang / brgyad pa ste 'jigs byed do// gang de dag gi ming shes pa dang / rus shes pa de la na de dag gis srung bar byed do// yongs su skyob pa dang / yongs su 'dzin pa dang / zhi ba dang / bde legs su 'gyur ba dang / chad pa zlog par byed do// kun dga' bo srin mo bdun yod de/ de dag ni khrag gi dri tsher na dpag tshad brgyar yang rgyug go/ de dag gang zhe na/ 'di lta ste/ gzi brjid mchog dang / dga' brtsegs dang / sna tshogs sbyin spong dang / bran mo dkar mo bzang dang / 'jug 'dod dang / grong khyer khor yug dang / bdun paste ri srung ngo / / gang de dag gi ming shes pa dang / rus shes pa de la ni de dag gis srung bar byed do// yongs su skyob pa dang / yongs su 'dzin pa dang / zhi ba dang / bde legs su 'gyur ba dang / chang bzlog bar byed do/ / kun dga' bo srin mo nag mo chen mo zhes bya ba bu stong yod pa rgya mtsho'i 'gram na gnas pa mtshan gcig gis dpag tshad brgyad zhir byin pa zhig yod de/ gang de'i ming shes pa dang / rus shes pa de la ni des srung bar byed/ / yongs su skyob pa dang / yongs su 'dzin pa dang / zhi ba dang / bde legs su 'gyur ba dang / chad pa zlog par byed do// kun dga' bo srin mo chen mo lnga gnod sbyin 'bum phrag bdun cu rtsa bdun dang lhan cig tu 'dzam bu'i gling gi mi rnams srung zhing skyob par byed/ de dag kyang gang zhe na/ 'di lta ste/ rtag tu myos dang / rjes su myos dang / stobs kyis rgyags dang / 'od ma'i sbubs dang / lnga pa ste 'byor ldan no/ / gang de dag gi ming shes pa dang / rus shes pa de la ni de dag gis srung bar byed/ yongs su skyob pa dang / yongs su 'dzin pa dang / zhi ba dang / bde legs su 'gyur ba dang / chad pazlog par byed do// de bas na bdag gis ming 'di zhes bya ba'i phyir/ srin mo lnga gnod sbyin 'bum phrag bdun cu rtsa bdun dang bcas pa de dag la gsol lo// gsol ba 'debs so// 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi bkas ming 'di zhes bya ba la bsrung ba gyis shig/ yongs su bskyab pa dang / yongs su gzung ba dang / zhi ba dang / bde legs su 'gyur ba dang / chad pa zlog bar gyis shig/ tad+ya thA/ bi mud/ bid ti de/ bi tsa ri ti/ bi ka ra ti/ kar bi ra/ swa ri/ ma d+hur rmo / sha ta ha nita/ b+hU shi ke/ aH// na/ bi ka Di ti/ bi ku Di ti/ ngi rig shu b+hi te/ kun dga' bo rig sngags kyi rgyal mo gsang sngags chen po rjes su 'dzin pa 'dis gang la bsrung ba byas pa dang / snga ba byas pa dang / yongs su bsgrub pa byas pa dang / yongs su bzung ba byas pa dang / zhi ba dang / bde legs su 'gyur ba dang / chad pa bzlog par byas pa de la ni lha dang bcas pa'i 'jig rten dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu dang / lha dang mir bcas pa dang / mi'am ci dang / lto 'phye chen po dang bcas pa'i 'jig rten na mi'am/ mi ma yin pa 'am/ gnod sbyin nam/ srin po 'am/ lha ma yin nam/ dri za 'amar klu 'am/ nam mkha' lding ngam/ gsang ba pa 'am/ yi dgas sam/ sha za'am/ ro langs sam/ byad stems sam/ gshed byed dam/ srul po 'am/ lus srul po 'am/ smyo byed dam brjed byed glags lta ba dang / klan ka tshol ba rnams kyis glags rnyed pa dang / glags rnyed pa'i sems can gang na'ang med la/ ngas yang dag par ma mthong ste/ de ni gnas med do// las kyi rnam par smin pa ni ma gtogs so/ / de bas na ngas 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi bkas rig sngags kyi rgyal mo gsang sngags chen mo rjes su 'dzin pa 'dis mi 'am/ mi ma yin pa'am/ gnod sbyin nam/ srin mo 'am/ sha za 'am/ lha ma yin nam/ dri za'am/ klu'am/ nam mkha' lding ngam/ gsang ba pa 'am/ yi dgas sam/ sha za 'am/ ro langs saman byad stems sam/ gshed byed dam/ srul po 'am/ lus srul po 'am/ smyo byed dam/ brjed byed rnams las ming 'di zhes bya ba la bsrung bar bya'o// yongs su bskyab pa dang / yongs su gzung ba dang / sba ba dang / zhi ba dang / bde legs su 'gyur ba dang / chad pa bzlog par bya'o// dug med par bya'o// rig sngags kyi rgyal mo gsang sngags chen po rjes su 'dzin pa 'dis sdang bar sems pa thams cad dang / gnod par sems pa thams cad dang / mi phan par sems pa thams cad dang / rab tu sdang bar sems pa thams cad dang / bdud thams cad dang / gsel ba lam srung ba thams cad dang / la gcan srung ba thams cad dang / sho gam gyi gnas srung ba de dag thams cad myos par bya'o/ / rnam par myos par bya'o// rengs pa dang / rmugs pa dang / lag pa gzung ba dang / rkang pa gzung ba dang / sems gzung ba dang / lce gzung bar bya'o// rig sngags kyi rgyal mo gsang sngags chen mo rjes su 'dzin pa 'dis ni gang dang gang du'ang thar par 'gyur ro/ / kye ma bram ze mya ngan 'das// 'jig rten dag na sred las brgal// khon dang 'jigs pa kun 'das pa// / ring po zhig nas gzod mthong ngo // bzod pa dka' thub mchog ste bzod pa ni// mya ngan 'das pa mchog ces sangs rgyas gsungs// rab tu byung ba gzhan la gnod pa ni// gzhan la 'tshe ba dge sbyong ma yin no// yang na mig dang ldan pa dag/ mthu rtsal dag kyang yod pa bzhin// mkhas pas 'tsho ba'i 'jig rten 'dir// sdig pa dag ni yongs su spang // da ltar byung dang 'das pa dang // ma byon sangs rgyas gang yin pa// thams cad la yang bdag phyag 'tshal/ / de dag kun la skyabs su mchi// 'jig rten dgra bcom bde gshegs la// zla ba skyabs su mchi lags kyis// sangs rgyas 'jig rten thugs brtse rnams/ / zla ba thar mdzod sgra gcan las// sgra gcan zla ba mun sel ba// nam mkha' dag la 'od byed cing // lham mer 'dug pa dkar ba dang // rnam par dag pa'i 'od ldan pa// bar snang dag la ma bzung bar/ skye dgu'i sgron de myur du thong // de nas rings bzhin sgra gcan de// lus kyang rdul cing skrag gyur la// nad pa bzhin du brtad pa yis// zla ba rnam par gtong bar byed// ci yi phyir na sgra gcan khyod// lus kyang rdul zhing skrag gyur la/ / nang pa bzhin du brtad pa yis// rings par zla ba gtong bar byed// sangs rgyas tshig bcad 'di brjod pas// gal te zla ba ma btang na// bdag gi mgo bo tshal bdun 'gas// gson yang bde bar mi 'gyur ro/ / kye ma bden par gzigs pa yi// sangs rgyas rnams kyi 'byung ba rmad// de dag gis ni tshigs su bcad// brjod na sgra gcan zla ba gtong // bden pa dang bden pa'i tshig gang gis 'jig rten du sems can brjed ngas pa med pa'i chos can byung ba ni de bzhin gshegs pa'o/ / zhes yang dag par smra bas smra ba ni dus su yang dag par smra bas smra ba yin no zhes bya ba dang / kun dga' bo gzhan yang tshangs par spyod pa la phan pa'i phyir/ de bzhin gshegs pas tshigs su bcad pa gsungs pa gang yin pa de dag dang / kun dga' bo gzhan yang tshig de dag gis bya ba gang byed pa'i don dang / phan pa dang / bde ba'ang 'dis byed par 'gyur te/ s+yAd yA thA dan/ swasti/ ma ti/ bi lu ma ti/ prA ha ra ti/ ki shu man+d+hi/ nan+da ma ti/ bi ha gra h+Na/ bi du ma ti/ ed kritA/ ar+tha/ su driSh+Ta bud+d+hi/ bo d+hi ma ti/ shu'u du me/ a la ku ma/ a la mi ti/ hi ga ra/ sha ra a shu ha/ pra ga shi ni/ kun dga' bo sa bon gyi rtsa ba bcu dang / sa bon gyi rtsa ba'i tshig bcu de bzhin gshegs pas gsungs pa yod do/ / kun dga' bo tshig de dag de bzhin gshegs pas gsung bar 'gyur ba dang / ston par 'gyur ba'ang yod de/ de dag bstan pa 'di la zhugs pa'i mi rnams kyi khar brjod na/ gnod sbyin dang srin po rnams kyang bran bzhin du las byed par 'gyur ro/ / bden pa dang bden pa'i tshig gang gis phyir mi ldog pa'i sa'i tshig bden pa rnams la 'jig rten gyi tshig gi mchog dang / dge sbyong rnams kyi nang na dge sbyong skyid de ba zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas ni 'jigs pa mi mnga' ba bag tsha ba mi mnga' ba ste/ mi skrag mi 'bros la 'jigs pa med cing / 'jigs pa dang 'jigs par byed pa dang bral ba/ 'jigs pa dang 'jigs par byed pa spangs pa/ skyi bung zhes byed pa med pa'o// nas yang dag par smra bas smra ba ni dus su yang dag par smra bas smra ba yin te/ bden pa dang bden pa'i tshig des ming bdi zhes bya ba la bde legs su gyur cig/ bden pa dang bden pa'i tshig gang gis tshul khrims dang / brtul zhugs dang / dka' thub dang / tshangs par spyod pa gnas pa gang ci'ang rung ba de dag gi nang na ni 'phags pa dges pa'i tshul khrims mchog ces bya ste/ bden pa dang bden pa'i tshig des ming 'di zhes bya ba la bde legs su gyur cig/ gnas brtan rgyal po'i bu thu bo dang 'dra bar rab tu byung nas ring po ma lon pa tshangs par spyod pa mngon par spyod pa rnams kyi mchog 'di lta ste/ dge slong kun shes ko'u di n+ya dang // 'dod pa nyung ba dang sbyangs pa'i yon tanal gnas pa dang / chog shes pa rnams kyi mchog 'od srungs chen po dang / shes rab che ba dang spobs pa che ba rnams kyi mchog shA ra dwa ti'i bu dang // rdzu 'phrul che ba dang mthu che ba rnams kyi mchog mo'u 'gal gyi bu chen po dang / lha'i mig dang ldan pa rnams kyi mchog ma 'gags pa dang / mang du thos pa rnams kyi mchog kun dga' bo dang / 'dul ba 'dzin pa rnams kyi mchog nye ba 'khor dang / chos smra ba rnams kyi mchog byams ma'i bu gang po dang rnga bslab pa la gus pa rnams kyi mchog sgra gcan zin dang / mal cha dang stan bgo ba rnams kyi mchog gyad bu nor dang / seng ge'i sgra sgrog pa rnams kyi mchog b+ha ra d+h+wa dza bsod snyoms len dang / khyim pa dang pa skyed pa rnams kyi mchog nag po 'char ka dang / lha dang mis mchod pa rnams kyi mchog legs mthong gi bden pa dang bden pa'i tshig des ming 'di zhes bya ba la bsrung bar bya'o// yongs su bskyab pa dang / yongs su gzung ba dang / zhi ba dang / bde legs su 'gyur ba dang / chad pa bzlog par bya'o// rgyal po 'am/ chom rkun nam/ me 'am/ chu'am/ dgra'am/ mi mdza' ba 'am/ lam du 'gro ba 'am/ lam gol bar 'gro ba 'am/ gnyid log pa 'am/ ra ro ba 'am/ bag med pa las bsrung bar bya'o// bden pa dang bden pa'i tshig gang gis sems can rkang pa med pa'am/ rkang gnyis pa 'am/ rkang bzhi pa 'am/ rkang mangs sam/ gzugs can nam/ gzugs can ma yin pa 'am/ 'du shes can nam/ 'du shes can ma yin pa 'am/ 'du shes med 'du shes med min gyi sems can ji snyed yod pa de dag gi nang na ni de bzhin gshegs pa mchog ces bya ste/ bden pa dang bden pa'i tshig des ming 'di zhes bya ba la bsrung bar bya'o// yongs su bskyab pa dang / yongs su gzung ba dang / zhi ba dang / bde legs su 'gyur ba dang / chad pa bzlog par bya'o// bden pa dang bden pa'i tshig gang gis 'dus byas sam 'dus ma byas kyi chos gang ji snyed yod pa de dag gi nang na ni 'dod chags dang bral ba mchog ces bya ste/ bden pa dang bden pa'i tshig des ming 'di zhes bya ba la bsrung bar bya'o/ / yongs su bskyab pa dang / yongs su gzung ba dang / zhi ba dang / bde legs su 'gyur ba dang / chad pa bzlog par bya'o// bden pa dang bden pa'i tshig gang gis tshogs sam/ 'dus pa 'am/ mang po 'am/ 'khor ji snyed cig yod pa de dag gi nang na ni de bzhin gshegs pa'i nyan thos kyi dge 'dun mchog ces bya ste/ bden pa dang bden pa'i tshig des rgyal khams sam/ yul 'khor ram/ grong ngam/ grong rdal lam/ grong khyer ram/ khyim mam/ gnas sam/ zhing ngam/ nang pa 'di la bsrung bar bya'o// yongs @##/ su bsgrub pa dang / yongs su gzung ba dang / yongs su bskyang ba dang / zhi ba dang / bde legs su 'gyur ba dang / mtshams gcad par bya'o// 'byung po thams cad bzlog par bya'o// gzi byin 'phrog pa rnams bzlog par bya'o// bden pa dang bden pa'i tshig gang gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyasangs 'dod chags dang / zhe sdang dang / gti mug zad par bya ba'i phyir/ chos kyi phung po brgyad khri bzhi stong bstan pa dang / bshad pa dang / brjod pa'i bden pa dang bden pa'i tshig des ming 'di zhes bya ba'i nad bzhi brgya rtsa bzhi zad par gyur cig/ med par gyur cig/ bar gyur cig/ rab tu ni bar sgyur cig/ bcom ldan 'das kyis de nad ces bka' stsal nas/ tshod ldan pa kun dga' bo dang / mi mdzod kyi bdag pocings padad+ma/ wA dang / mingang ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// gsang sngags chen mo rjes su 'dzin pa'i mdo rdzogs so// / rgyugar gyim khan shA 'i n+d+ra bo d+hi dang / dz+nyAn si d+hi dang / shAkya pra b+ha dang / rkyen gyi lo ts+tshab ban rteste shes sdes zhus te ska gsar bcad kyis kyang bcos nas gtan la 'ab 'o// slar yang bu ston thams cad mkhyen pas rgyad be zhal mthun du bsags pa la gtugs nas hor khong cung zad las pa rnams bsgyur/

CLOSE WINDOW