/ @rgya gar skad du/ Ar+ya ma hA d+hA ra NI/ bod skad du/ 'phags pa gzungs chen mo/ sangs rgyas dang byang chub sems dpa' thams cad la phyag 'tshal lo/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi 'tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang thabs cig tu bzhugs te/ de'i tshe/ tshe dang ldan pa kun dga' bo grong khyer gnas bcas su dbyar gnas nas dbyar zla ba gsum 'das pa dang chos gos byas te/ chos gos zin nas lhung bzed dang chos gos thogs te/ bcom ldan 'das ga la ba der song nas phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'dug go/ phyogs gcig tu 'dug nas/ bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo khyod kyis sems can thams cad kyi don dang / phan pa dang / bde ba dang / stobs dang / gzi brjid kyi phyir gzungs chen po'i gsang sngags kyi gzhi 'di dag zung zhig/ chongs shig/ long zhig/ lhogs shig/ kun chub par gyis shig/ yid la zung zhig/ de ci'i phyir zhe na/ kun dga' bo gzungs chen po'i gsang sngags kyi gzhi rnams ni rnyed par dka' zhing / de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung ba'ang rnyed par dka' ba'i phyir te/ dper na u dum ba ra'i me tog lta bu yin gyis/ zung zhig/ chongs shig/ long zhig/ lhogs shig/ yid la zung zhig/ kun chub par gyis shig/ kun dga' bo dad pa'i rigs kyi bu 'am/ rigs kyi bu mo gang la la gzungs chen po'i gsang sngags kyi gzhi 'di 'chang ngam/ 'dzin tam/ klog gam/ yid la 'dzin tam/ kun chub par byed na/ de mtshon gyis 'chi ba'i dus byed par mi 'gyur/ dug gis ma yin/ mes ma yin/ chus ma yin/ rgyal po'i chad pas ma yin te/ dus ma yin par 'chi ba'i dus byed par mi 'gyur ro/ / de lha dang / lha ma yin dang / klu dang / rlung lha dang / nam mkha' lding dang / dri za dang / mi 'am ci dang / lto 'phye chen po dang / gnod sbyin dang / srin po dang / yi dgas dang / sha za dang / grul bum dang / srul po dang / lus srul po dang / byung po dang / brjed byed dang / smyo byed dang / gnon po dang / grib gnon dang / gshed byed dang / gnod byed dang / byad kyis mi tshugs/ de la mi dang mi ma yin pa rnam kyis mi tshugs/ de la rig pa'i las dang / ngag gi las dang / yid kyi las kyis mi tshugs/ de la rims nyin gcig pa dang nyin gnyis pa dang / nyin gsum pa dang / nyin bzhi pa dang / rtag pa'i rims dang / 'byung po'i rims dang / yud tsam dang / rlung las gyur pa dang / mkhris pa las gyur pa dang / bang kan las gyur pa dang / 'dus pa las gyur pas mi tshugs par 'gyur ro// de la gzungs chen po'i gsang sngags kyi gzhi ni 'di rnams yin no// tad+ya thA/ dzA le/ ma hA dzA le/ dz+wa la ne/ ma hA dzA la ne/ tA pa ni/ ma hA tA pa ne/ dzA la te/ uk+ke/ pu k+ke/ saM b+ha de/ ma hA saM b+ha de/ tsakre/ ma hA tsakre/ bdag dang sems can thams cad 'jigs pa thams cad dang / gnod pa dang / nang 'go ba thams cad las srungs shig srungs shig swA hA/ kun dga' bo gzungs chen po'i gsang sngags kyi gzhi 'di dag ni yang dag par rdzogs pa'i sangs rgyas bye ba phrag bdun cu rtsa bdun gyis gsungs te/ nga'ang da ltar 'chad cing rjes su yi rang ngo // kun dga' bo dang pa'i rigs kyi bu 'am/ rigs kyi bu mo gang la la gzungs chen po'i gsang sngags kyi gzhi 'di ngag 'dzin tam/ 'chang ngam/ klog gam/ yid la byed dam/ kun chub par byed na/ de tshe rabs bdun gyi bar du tshe rabs dran par 'gyur ro// de byang chub kyi sems las mi ldog par 'gyur ro/ / de la gzungs chen po'i gnas gsang sngags kyi gzhi ni 'di rnams yin no// tad+ya thA/ an+te/ ban+te/ kA me/ k+Sha ma me/ d+hA na se/ bad ne/ ang ne/ a da na/ hu le/ ma hA le/ ka re gaM b+hi raM/ dusmras te/ bdag dang sems can thams cad 'jigs pa thams cad dang / gnod pa dang / nad 'go ba thams cad las srungs shig srungs shig sA hA/ kun dga' bo gzungs chen po'i gsang sngags kyi gzhi 'di dag ni yang dag par rdzogs pa'i sangs rgyas bye ba phrag brgyad cu rtsa brgyad kyis gsungs te/ nga'ang da lta na 'chad cing rjes su yi rang ngo // kun dga' bo dang pa'i rigs kyi bu 'am/ rigs kyi bu mo gang la la gzungs chen po'i gsang sngags kyi gzhi 'di 'chang ngam/ 'dzin tam/ klog gam/ yid la byed dam/ kun chub par byed na/ de tshe rabs bcu bzhi'i bar du tshe rabs dran par 'gyur ro// de byang chub kyi sems las mi ldog par 'gyur ro// de la gzungs chen po'i gsang sngags kyi gzhi ni 'di rnams yin no// tad+ya thA an+te/ ban+d+he/ ag+ne/ bar+the/ Shag+ne/ dzag+ma/ d+hA ke/ d+ha ra d+hAk+te/ Ta ke Ta ra ke/ a ka si/ sa ka si/ ma ka si/ i li mi li/ ti li mi li/ ro ra be/ ma hA ro ra be/ b+hA taM ga me b+hA tra pa ra ya Ne/ ti mi ma ga saM/ ma hA ti mis/ saM b+hA be/ ma hA saM b+hA be/ bdag dang sems can thams cad 'jigs pa thams cad dang / gnod pa thams cad dang / nang 'gro ba thams cad lasaM srungs shig srungs shig swA hA/ kun dga' bo gzungs chen po'i gsang sngags kyi gzhi 'di dag ni yang dag par rdzogs pa'i sangs rgyas bye ba phrag dgu bcu rtsa dgus gsungs te/ nga'ang nga ltan 'chang cing rjes su yi rang ngo / / kun dga' bo dad pa'i rigs kyi bu 'am/ rigs kyi bu mo gang la la gzungs chen po'i gsang sngags kyi gzhi 'di dag 'chang ba dang / 'dzin pa dang / klog pa dang / yid la byed pa dang / kun chub par byed pa de tshe rabs nyi shu rtsa gcig gi bar du tshe rabs dran par 'gyur ro// de byang chub kyi sems las phyir ldog par mi 'gyur ro// de la gzungs chen po'i gsang sngags kyi gzhi ni 'di rnams yin no/ / tad+ya thA/ ru le/ ma hA ru le/ he he ri/ mad ta ri/ dzaM b+ha ni/ staM b+ha ni/ kun dga' bo dang pa'i rigs kyi bu 'am/ rigs kyi bu mo gang la la gzungs chen po'i gsang sngags kyi gzhi 'di dag gis shing skam po bsrung ba 'am/ yongs su bskyab pa dang / yongs su gzung ba dang / yongs su bskyang ba dang / zhi ba dang / bde legs su 'gyur ba dang / chad pa spang ba dang / dug gzhil ba dang / dug gsad pa dang / mtshams gcad pa dang / nam mkha' bcing ba dang / sa bcing ba byas te/ de la srad bus bcings na de'i rtsa ba'ang skye bar 'gyur/ yal ga dang / lo ma dang / lcug ma dang / me tog dang / 'bras bu'ang skye bar 'gyur na/ rnam par shes pa dang bcas pa'i lus la lta smos kyang ci dgos te/ kun das bo sngon gyi las kyi rnam par sbyin pa ni ma gtogs so/ / kun dga' bo nyi zla 'di ltar rdzu 'phrul che ba/ 'di ltar mthu che ba/ 'di ltar dbang che bar grags pa 'di gnyis ni sa la ltung yang srid do/ / kun dga' bo ri'i rgyal po rib gnas nas g.yo'ang spring ngo // kun dga' bo rgya mtsho chen po 'di ltar zab pa/ 'di ltar rgya che la/ 'di ltar rdzu 'phrul che zhing mthu che ba bzhi po 'di dag ni bskams shing yongs su zad de mthar thug par 'gyur yang srid do/ / kun dga' bo sa chen po 'di ni rnam pa stong du 'gyes kyang srid/ chu ni gsher ba nyid 'dor yang srid/ me ni tsha ba 'dor yang srid/ rlung ni grang ba 'dor yang srid kyi/ gzungs chen po'i gsang sngags kyi gzhi 'di dag ni sku mi srid do// kun dga' bo lha 'am/ klu 'am/ lha ma yin nam/ nam mkha lding ngam/ rlung lha 'am/ dri za 'am/ mi 'am ci'am/ lto 'phye chen po 'am/ gnod sbyin nam/ srin po 'am/ yi dgas sam/ sha za 'am/ grul bu ma mam/ srul po 'am/ lus srul po 'am/ 'byung po'am/ bram ze 'am/ srin po 'am/ grib gnon nam/ mi dang mi ma yin pa gang la la zhig gam/ gzhan su'ang rung ba zhig gis gzungs chen po'i gsang sngags 'di dag las 'gal bar byed na/ tad+ya thA/ ar+g+ha le/ tsam+bi le/ bal le/ mal le/ oM d+ha ni/ mo hA ni/ dza~M b+ha ni/ s+t+waM d+ha ni/ bdag dang sems can thams cad las srungs shig srungs shig/ rgyal po chen po yul 'khor srung yang lcags kyi 'khor lo 'bar ba/ rab tu 'bar ba/ kun tu rab tu mched cing 'bar ba/ me lce gcig tu gyur pas de'i mgo tshal pa bdun du 'gems so/ / rgyal po chen po 'phags skyes po dang / mig mi bzang dang / rnam thos kyi bu'ang lcags kyi 'khor lo 'bar ba/ rab tu 'bar ba/ kun tu rab tu mched cing 'bar bame lce gcig tu gyur pas de'i mgo tshal pa bdun du 'gems so/ / lha'i dbang po brgya byin yang rdo rje 'phen to// gsang ba pa'i bdag po lag na rdo rje'ang rdo rje 'bar ba/ rab tu 'bar ba/ kun tu rab tu mched cing 'bar ba/ me lce gcig tu gyur pas de'i mgo tshal pa bdun du 'gems so// de rgyal po'i pho brang lcang lo can du gnas su mi dbang ste/ de'i mgo ardza ka'i dog pa bzhin du tshal pa bdun du 'gas so/ / bcom ldan 'das kyis de skad ces bka' stsal nas/ tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis bya la mngon par bstod do// 'phags pa gzungs chen po rdzogs so// // rgya gar gyi mkhan po dzi na mi tra dang / dA na shI la dang /

CLOSE WINDOW