/ / rgya gar skad du/ Ar+ya pra ti t+ya sa mut+pA da ba ri hr-i da ya d+hA ra Ni/ bod skad du 'phags pa rten cing 'brel par 'byung ba'i snying po'i cho ga'i gzungs/ sangs rgyas dang byang chub sems dpa' thams cad la phyag 'tshal lo// chos gang rgyus byung de dag ni// rgyu la 'gog pa gang yin pa/ / de bzhin gshegs pas bka' stsal to// de skad gsung ba dge sbyong che// tshig 'di sgrub pa'i cho ga ni// sems can rnams la phan byed pa// las kun grub par byed pa'i phyir/ / de bzhin gshegs pas rab tu gsungs// rigs kyi bu dag gang gi phyir// dang por sangs rgyas bcom ldan la// gus shing dang ba'i sems bskyed nas// bcom ldan 'das kyis bka' stsal pa/ / rten 'brel zab mo cho ga bshad// thams cad las dang mthun par gsungs// dang po 'jug pa'i tshig gsungs pa// 'di ltar las dang nyon mongs yod gyur na/ / sems can rnams ni 'khor bar 'gro 'gyur la// las dang nyon mongs med na 'khor ba las kyang ldog/ bden pa 'di yis bdag gi bsam pa grub gyur cig/ sangs rgyas la phyag 'tshal lo// chos la phyag 'tshal lo// dge 'dun la phyag 'tshal lo// yang dag par rdzogs pa'i sangs rgyas gang+gA'i klung gi bye ma snyed bzhugs pa la phyag 'tshal lo// rang sangs rgyas rnams la phyag 'tshal lo/ / dgra bcom pa rnams la phyag 'tshal lo// rgyun du zhugs pa rnams la phyag 'tshal lo// 'phags pa byams pa la sogs pa'i byang chub sems dpa' rnams la phyag 'tshal lo/ / brtul zhugs grub pa rnams la phyag 'tshal lo// sems can rnams kyi sman pa rnams la phyag 'tshal lo// nor bu grub pa rnams la phyag 'tshal lo// / 'di lta ste/ na mo rat+na tra yA ya/ oM yaM d+harmA he tu pra b+ha bA he tun+te ShAn+ta thA ga to h+ya ba data/ te ShAny+tsa yo ni ro d+ha e baM bA dI ma hA shra ma NaHswA hA/ las rnams kun gyi cho ga la// tshigs su bcad pa 'di dag brjod/ / bsam rgyu rang gi lag mthil la// sangs rgyas bcom ldan 'das kyi sku// skyes bu chen po'i mtshan gyis brgyan// dpe byad bzang po brgyad cus spras// me yi khams la zhugs pa bsgoms/ / de ni lha dag rjes su dran// de ni sbyor ba'i las bshad de// rim po bzhin du so sor bstan// rims kyis btab nas na ba dang / klang pa na dang mig nang dang // khong nang la sogs nad rnams la/ / tshigs bcad 'di dang snying po 'di// mang por bzlas shing langs nas ni// lag pa g.yas pa'i khu tshur gyis// dbyung ba'i thabs su byab par bya// nad rnams thams cad sos par 'gyur// nyin gcig nyin gnyis nyin gsum dang // nyin bzhi rtag pa'i rims rnams la// bu mo gzhon nus bkal ba yi// skud pa dkar po sum bsgril la/ / bzlas brjod nyi shu brgyad bzlas nas// mgul du btags na bde bar 'tsho// nad la phan pa'i sman rnams la// gzungs sngags 'di dag bzlas shing gtang // snying nang rtsib logs na ba dang / / khong na nad rnams ci yod la// chu la sngags 'di mang bzlas nas// blung na phan zhing bde bar 'gyur// nad la phan pa'i sman rnams la// bzlas shing btang na 'tsho bar 'gyur/ / g.yan pa dang ni 'brum bu dang // phol mig dang ni rma rengs la// grog tshang sa la snying po 'di// mang du bzlas te btab na 'tshe// gzhang 'brum gzhang nad za gu dang / / pho mtshan skrangs shing na ba la// skyer ba'i kha d+ha'i ril bu 'am// byang chub sems dpa'i ril bu la// nyi shu bzlas shing bskus na phan// nad kyi rnam pa gang na yang / nad tshabs che chung tshod brtags nas// tshigs su bcad pa'i bzlas brjod la// mang nyung nad dang sbyar nas su// lus la byab cing bzlas na phan// 'khru ba ga nad kyis btab pa la// sman nam ril bu kha zas la// bdun nam nyi shu bzlas nas kyang // khong du btang na phan par 'gyur// de yi bzlas brjod snga ma ste// 'di dag rab tu bzlas par bya/ na mo rat+na tra yA ya/ oM ya d+harmA he tu pra b+ha bA he tun+te ShAn+ta thA ga to h+ya ba data/ te ShAny+tsa yo ni ro d+ha e baM bA dI ma hA shra ma NaHswA hA/ de dag bzlas na nang rnams 'tsho// de ni nang rnams 'tshe ba'o/ / de nas lang ni bka' stsal pa// nas dang gro dang sran ma dang // 'bras dang sran chung mon sran dang // shing thog rkun 'brum a ru ra// de dag kun la za ba yi// srin bu sngur bu phye ma leb/ / bye'u dang byi ba ne tse dang // lo tog za ba kha bcing na// zhing gi khyon dang sbyar nas kyang // bye ma sa dang thal ba la// bzlas brjod brgya ni rtsa brgyad bzlas// zhing dang shing thog gtor byas na/ / de dag kun kyang kha bcings 'gyur// ha cang char pa ches pa na// bcom ldan 'das la phul ba yi// me tog dman ma re re la// bzlas brjod nyi shu rtsa gcig bya// gtsang zhing bde ba'i gnas dag tu// dkyil 'khor chen po'i dbus dag tu// bum pa gang ba'i steng dag tu// kham phor gtsang ma'i nang du yang // me tog gtsang ma bzlas pa de// bsregs na char pa chad par 'gyur/ / ser ba drag po 'ong ba na// se ba nyid phrag lcug ma la// bzlas brjod brgya ni rtsa brgyad bzlas// gser ba gang nas g.yo ngos su// klang la bskor zhing byabs na 'chang// yang na thal chen yungs kar la// bzlas brjod brgya ni rtsa brgyad bya// thum po byas te lcug ma la/ btags te btsugs na ser ba 'chad// 'byung po sha za yi dgas dang // brjed byed gdon gyis zin pa la/ / dkyil 'khor 'dom gang gru bzhi la// bum pa gtsang ma lnga bzhag ste// gu gul dud pas bdugs nas kyang // yungs kar ga pur tsan dan dang // gla rtsi la sogs sman sbyar te/ / bzlas brjod brgya ni rtsa brgyad bzlas// gos dang zas ni dkar po sbyar// dkyil 'khor de yi nang du bzhug/ bum pa'i chu yis bkru bar bya// sangs rgyas sku bsil byas pa'i chus/ / bkru zhing brung na rab tu phan// nang dang gnod pa kun las thar// 'byung po brjed byed sha za yis// glags kyang rnyed par mi 'gyur ro// bus pa gdon gyis 'jigs pa la/ gi'u wang la ni sngags bzlas nas// snying po stobs chen 'di bris gdags// oM badz+ra kro d+ha ma hA ba la// ha na da ha pa tsa bi d+ha na sa ya dza Ti/ laM po da ra/ uts+tshaSh+ma kro d+ha hUM phaT swA hA/ gtsang sbra byas te mgul par gdags// de bzhin yungs kar dag la yang // bzlas brjod byas te gtums la gdags// mkha' 'gro'i gdon gyis zin pa na// yungs kar dang ni gu gul la/ / sngags gnyis lan ni bdun bdun bzlas// dud pas bdugs na 'tshe bar 'gyur// de la the tsom mi za'o// bus pa gdon dang nang las thar// bud med bu ni thogs gyur na/ / chu la bzlas brjod lnga bdun byas// blud na legs par btsa' bar 'gyur/ bud med mo gsham bu med la// sangs rgyas sku bsil byas pa'i chu// la bzlas brjod nyi shu bya// khrus byas lus ni gtsang ma la// chu de brud na bu tsha 'phan// rigs brgyad dag ni 'phel bar 'gyur// lam du zhugs te 'gro ba na// skud pa dang ni gos kyi gA ra/ bzlas brjod bdun bzlas mdud pa bdun// mdud cing bzlas te song ba na// bde bar 'gro zhing don yang 'grub// dgra dang nye zhe med par 'gyur// yid ni gzhungs par 'dod pa na/ / shu dag tshon gang tsam pa la// mar srang sum brgya drug cu la// bzlas brjod byas te bsres nas kyang // bum pa gcig tu blugs la dkrug/ nyi ma re re lo gcig tu/ shu dag gi ni dum re dang / / mar srang dag ni re re la// bzlas brjod re re bya zhing bza'// de ni yid gzhungs blo ldan 'gyur// de bzhin pa ni ser skya ma'i// mar dang 'o ma dag la yang // bzlas brjod brgya ni rtsa brgyad du/ / bzlas te 'o thug dkrug cing bza'// yid gzhungs pa yi mchog tu 'gyur// mi dang 'grogs shing mdza' 'dod na// gang dag yid dang 'thad pa la// me tog dang ni rtswa shing ngam/ / 'bras bu 'am ni 'ji ba dag/ lag pa g.yas pa'i chang par bcug/ bzlas brjod brgya ni rtsa gcig gdab// gang gi lag tu byin pa na// de dang rtag tu mdza' bar 'gyur/ / rta la sogs pa'i phrugs rnams kun// 'chi bar nye bar gnas pa na// chu dang yungs kar bcas pa la// bzlas brjod brgya ni rtsa brgyad bya// de la gtor na sos par 'gyur/ / yang na yungs kar brgya brgyad la// bzlas pa'i thum po mgul du gdags// de ni nad med bde bar 'gyur// mi rnams 'chi bas 'jigs gyur na// yungs kar la ni bzlas brjod bya/ / thum po byas te mgo la gdags// bzlas brjod pargyu stong 'bum yang bzlas// mi nad dang ni phyugs nang kun// ming yang med cing bde bar 'gyur// de dag kun gyi bzlas brjod ni// 'di dag kun tu rgya cher gsungs// na mo rat+na tra yA ya/ oM ye d+harmA he tu pra b+ha bA he tun+te ShAn+ta thA ga to d+ya ba data/ te ShAny+tsa yo ni ro d+ha e baM bA dI ma hA shra ma NaHswAhA/ rtag tu bzlas brjod byas na ni/ / bsam pa yongs su rdzogs par 'gyur// gnod pas cis kyang tshugs mi 'gyur// dam chos yongs su gzung bar 'gyur// tshigs su bcad 'di dag ni// mthu dang rdzu 'phrul bsam mi khyab/ / cho ga 'di dag thams cad ni// gang la dad pas yid ches na// 'grub par the tshom med par 'gyur// bzlas brjod 'bum ni byas gyur na// dgos pa thams cad 'grub par 'gyur/ / ston pa shAkya'i thugs rje 'di// dge slong ner ba na rak+Shi tas// tho gar yul nas rnyed pa ste// 'gro ba kun gyi dpal du shar// 'phags pa rten cing 'brel par 'byung ba'i snying po'i cho ga'i gzungs rdzogs so/ / rgya gar skad du/ Ar+ya pra tIt+ya sa mut+pAd nA ma ma hA yA na sU tra/ bod skad du/

CLOSE WINDOW