rgya gar skad du/ Ar+ya nI lAm+ba ra d+hA ra badz+ra pA Ni kalpa nA ma d+hA ra Ni/ bod skad du/ 'phags pa lag na rdo rje gos sngon po can gyi cho ga zhes bya ba'i gzungs dkon mchog gsum la phyag 'tshal lo/ / gnod sbyin gyi sde dpon chen po lag na rdo rje gos sngon po can sangs rgyas gang+gA'i klung gi bye ma snyed kyis rjes su gnang ba/ mche ba gtsigs pa dang 'tsham pa/ mig me mngag gi phung po 'dra ba/ dbugs me lce ltar 'bar ba/ 'jigs pa'i nga ro can/ lag pa dang rkang pa klu nor rgyas kyi bus brgyan pa/ klu nag po se ral khar thogs pa/ klu dga' bo dang nye dga' bo 'bar bas rna cha byas pa/ sbrul 'bar ba rin po che'i cod pan thogs pa/ sbrul gdug pa 'bar bza ba/ bzhin rgyas pa/ smin ma dang dpral bapa bsdus pa/ ya sos ma mchu mnan pa/ gshin rje'i cha byad can/ lce glog ltar 'gyu ba/ gsus po che sbrul za ba/ lag pa brdabs pa'i sgras 'jigs par byed pa klu'i rgyal po 'dab bzang ska rags su bcings pa/ a la la zhes sgrog par byed pa/ rgya mtsho'i zabs su dpag tshad brgyad khri yod pas rkang pa'i pus mor phyin pa/ dbang po dang nyi ma phrag pa la khur ba/ klu thams cad rlag par byed pa/ gad rgyangs chen po dgod pas kun tu 'khrugs par byed pa/ gshin rje'i gzugs can khams gsum pa 'jig par byed pa/ klu rnams 'chi bar byed pa la phyag 'tshal lo// de nas sangs rgyas bcom ldan 'das gang+gA'i klung gi bye ma snyed kyis gsungs pa'i rig sngags 'di brjod par bya'o// tad+ya thA// b+ho b+h+yo paM nA ga a d+hi pa ta ye/ i dan nI lAM ba ra d+hA ra sha rI raM/ badz+ra pA Ni hr-i da yaM/ yaHsa mA ti kra ma tha mA ku lo ta sA da naM/ b+ha bi Sh+ya ti/ tad+ya thA/ bud+d+ha bud+d+ha/ bi bud+d+ha bi bud+d+ha/ mA ti krA ma tha ha ra ha ra nA gA nAn/ ts+tshin+da ts+tshin+da nA go hr-i da yA ni/ b+hin+da b+hin+da nA ga marma ni bi shAr+yan+tu nA gA sha rI rA Ni/ bi s+pho Ta ya/ nA ga na ya nA ni hUM phaT/ tad+ya thA/ nA ga bi dA rA NA ya/ hUM phaT/ nA go ta sA da nA ya hUM phaT/ nI lAM ba sa nA ya hU phaT/ a pra ti ha ta ba la pa ra kra mA ya hu phaT/ kr-i tAn+ta ya hUM phaT/ kri tAn+ta rU pA ya hUM phaT/ ro Sha NA ya hUM phaT/ trA sa nA a hUM pha Ta/ kuM b+haNA/ u ta sA da nA ya hUM phaT/ pre ta pi shA tsa bi nA sha ka rA ya hUM phaT/ yak+Sha a pasmA ra bi nA sha ka rA ya hUM phaT/ ha sa ha sa/ d+ha ra d+ha ra/ mA ra ya mA ra ya/ nA sha ya nA sha yi/ sarba big+h+na na bi nA sha ka rA ya hUM phaT/ sarba sha truM saM brta bi nA sha ka rA ya hUM phaT/ oM nI lAM ba ra d+ha ra badz+ra pA Ni rA dz+nyA pa ya ti swA hA/ de'i cho ga la gnod sbyin gyis zin pa la chu la sngags kyis btab ste gtor na btang bar 'gyur ro/ / klu bzlog par 'dod na spyag shad kyi lcug ma 'am bal po'i se'u'i lcug mas bya'o// yaM dgas dang brjed byed rnams la skud pas bya'o/ / rims nad med par bya ba dang / gzhogs byed na ba dang / yid dka' chus pa la ni smad pa sngon pos bya'o// nor 'dod na 'ag gcig/ smyung bar 'dug ste pog por gyis bdugs na rmi lam du dge ba dang mi dge ba'i don thams cad ston la/ gser gyi dong tshe bdun stong sbyin par byed do// rgyas btab pa dgrol bar 'dod na thal bas bya'o/ / sgo lcags dbye bar 'dod na yungs kar gyis bya'o// 'jigs pa thams cad srung ba la ni mar rnying pa 'am/ thal ba'am/ yungs kar gyis bya'o// nad kyis 'jigs pa thams cad la ni skud pa sngon po la srung ba'i mdud pa byas te mgul du btags na srung ba'i mchog tu 'gyur ro/ / byis pa gdon gyis nyen pa la ni tshon sna lnga'i skud pa la srung ba'i mdud pa byas te mgul du btags na srung ba'i mchog tu 'gyur ro/ / chom rkun bzlog par 'dod na sas bya'o// dug la ni rtsa ku shas byab par bya'o// bdag srung ba la ni yid kyis sam chus bya'o// gzhan srung ba la ni skud pa sngon pos bya'o// las de dag thams cad la sngags brjod pa ni lan gsum mam/ bdun nam/ bcu bzhi 'am/ nyi shu rtsa gcig gam/ brgya rtsa brgyad brjod par bya'o/ / de ltar byas na 'grub par 'gyur ro// mchod rten sku gdung dang ldan pa'i drung du me tog sngon pos mchod de/ sngags stong bzlas brjod byas na 'grub par 'gyur ro// 'phags pa lag na rdo rjegs sngon po can gyi cho ga zhes bya ba'i gzungs rdzogs so// / rgya gar gyi mkhan po d+hi pa~M kAr shrI dz+nyAn dang / bod kyi lo tsa brgya brtson 'grus/

CLOSE WINDOW