sgra bsgyur gyi lo tsa ba dge slong bya'i gdong pa can gyis bsgyur ba'o// rgya gar skad du/ badz+ra b+hU mi tri rA dzA kalpa nA ma bod skad du/ rdo rjes gsum du rgyu ba zhes bya ba'i rtog pa'i rgyal po/ dpal rdo rje mkha' 'gro la phyag 'tshal lo// de nas gsang ba'i dbang phyug po// shAka thub kyi ni rigs khro bo/ / phyis kyi rtog pa las rgyal byed// rtog pa'i bla ma 'di mchog bshad// lha dang sngags dang sbyor ba yis// rtog pas rtog pa 'joms pa'i lam// rtog pa med pa'i rig pa yis/ / khro bo'i dbang phyug zhi ba brnyes// dang po phyag 'tshal de 'og tu// bzhi pa yi ni lnga pa la// dbyangs yig gsum pas mdzes par byas// drag po'i gsum pa blangs byas la/ / 'og tu dbyangs kyi gnyis pas brgyan// de la zla phyed dang thig le// lnga pa'i bzhi pa nyid dang ni// drug pa'i gnyis pa nyid dang yang // bzhi pa'i bzhi pa yang de bzhin/ / yang ni me yi sa bon dang // lnga pa yi ni gsum pa dang // gnyis pa yi ni gsum pa yi// 'og tu me yi sa bon no// lnga pa'i dang po nyid dang yang / / gsum pa'i sde pa lnga pa la// dbyangs yig gsum pas brgyan pa dang // de nas rdo rje sems dpa' dang // lag na rdo rje'i snying po'o// lnga pa yi ni gnyis pa la gsum pa'i dang po mthar gzhag pa/ / 'di rnams rigs sngags dbang byed pa// grang+gA klung bcu'i bye snyed kyi// sangs rgyas khro bo byang chub sems// 'byung por bcas pa 'gugs mdzad do/ / rig sngags rnams ni lha nyid de// stong dang snying rje 'dres pa yi// lha 'di snying kha'i sbyor ba ru// legs par bzhag pa bsam par bya// lugs su byung dang bzlog pa yi/ / sngags 'di bzlas dang bri bar bya// oM nI lAM ba ra d+ha ra badz+ra pA Ni hUM phaT/ rig sngags 'bum phrag bzlas pa dang // yi ge re la 'bum phrag dang / de las lhag pa'i sbyor ba yis// sgrub pa po yi bsam pa ni// zhi dang rgyas dang dbang dgug dang // bskrad dang dbye rengs gsad pa dang // las ni gang gang 'dod pa des// snying khar sbyor ba rim bzhin sgrub// lus rtsa snying rjer ldan pa yis// rang lus lha dang bla ma la// phyag sogs bya ba sngon 'gro bas// rig pa'i khro bo bsgom par bya/ / dang por stong nyid rnam bsams la// lus can rnams kyi dri ma bkru// rang gi snying khar dbyangs yig ni// dang po las byung zla ba la// hUM yig sngon po rnam par bsgom// rang gi 'dus 'dra'i 'od 'phros nas// sems can dri ma rnams bsal te// skur gyur snying po bsdu bar bya// hUM yang rdo rje sngon por 'gyur// sngon bzhin spro dang bsdu byas la// sku mdog sngon po cher 'bar ba// rab tu dregs pas khros pa'o// ri bong 'dzin pa'i steng du ni// bde bar g.yon brkyang gar gyis bzhugs// brgyad gnyis lon pa'i nyams tshul can/ drag cing khros pa'i ro dang ldan// brang 'gro brgyad pos sku la brgyan// gzhal gcig pa la phyag gnyis pa// rang gis rdo rje bsnams pa ni// bsnun pa'i tshul du 'dzin pa dang // g.yon pa bsdigs pa'i mdzub mo can// na bza' sngon po'i sham thabs 'dzin// spyan mig dmar zhing mche ba gtsigs// dbu skra nyi ma'i 'od 'dra pa// steng du bcings dbus cod pan ldan/ / zhal nas ha hi'i gad rgyangs ldan// khro bo'i bdag po 'jigs par byed// log 'dzin la sogs 'joms mdzad pa// de 'drar bdag nyid rab bsgoms la// de nas bdag nyid snyoms 'jug pa/ / de yi snying khar nyi ma la// rang gi chos kyi yi ge las// khros pas yang yang spros mdzad cing // de dang lhan cig bsgo bar bya// sngags dang phyag rgya bcas pa yis/ / de bzhin du yang dbang blang zhing // rdo rje hUM mdzad ting 'dzin gnas// gdug pa'i sems can 'dzin byed cing // 'od zer 'byung ba sna tshogs kyis// rims dang gdon dang dug sogs gza'/ / rdo rje sa 'og tu rgyu ba las rtog pa dang po'o// // de nas spyan sogs skye mched la// hUM byung khro bo bsgom par bya// sku sogs gsum la rdo rje gsum/ / sgom pa 'di ni dbang byed pa'o// dang po zhi bas zhi bar bya// klu la sogs pa'i gzugs byas la// rang snying 'od kyis bkug la bstim// mchod sbyin bya ba snying rjes sbyin/ / 'jog po dang ni rig ldan dang // mtha' yas nor rgyas pad+ma dang // pad chen dung skyong stobs kyi rgyu// dug rnams snying rje'i sbyor bas sbyangs// nag po dkar po sngon po dang // rang gi gnas su sbyang bar bya// yang na zhi ba'i thab khung du// klu yi sdig pa zhi bar bya// shin tu gnag pa'i rigs de la// mngar gsum chu yis gso bar bya// gang zhig sdig can zhi mi 'dul/ / gnyis kyi sbyor bas rgyun gcod bya// khrag dang dug sogs rdzas dag la// rig pa bzlog pas bsgrubs nas ni// shin tu khros pa'i khro bo yis// dgug dang gzhug dang myos gsad dang / / cho gas gdug pa dbang byas la// sreg pa la sogs las bya'o// brgyad dang bcu bzhi'i dus kyi tshe// skya rengs shar dang dmar rengs cha/ nyin mtshan zad pa'i dus kyi tshe// skra bkrol bcud 'dzag gcer bu ni// byol song gnas su khrag skyug go/ lus dbus me 'bar bsgrub bya de// khro bo'i spu yi bu ga las// spros pa'i khro bo khros pa dang / / mngag gzhug rnams kyis drangs byas nas// rtog pas rtog pa bza' bar bya// sngar ni rdo rje sa 'og las// gdug pa bza' bar byas tshul du// gdug pa 'dir ni bza' bar bya/ / mang du smras pas ci zhig dgos// ma bcos pa yi sems can la// snying rje'i yid can rdo rje sems// til sogs rdzas dang sngags sbyor gyis// sdig pa zhi byed sbyin sreg bya/ / rig pa'i blo can kun bzang gis// zho la bsreg bya rgyas pa'o// mi rtag gyur pa'i gdul ba la// 'dod chags yid can bde chen gyis// bdag nyid dgos pa brtan bya'i phyir// ut+pal dmar sogs kyis sgrub pa'o// 'dir ni ma rung sdig pa byed// gtsor ni sbyangs phyir khro sems kyis// mngon spyod las ni rgyud kun las// bshad pa thams cad 'dir bya'o// rig sngags snying rje'i shugs kyis 'gro// las ngan rgyun gcod bcos ma yin// las ngan dag pa'i rang bzhin du// khros pas dmigs par mi 'gyur te// sbyor ba rnams ni bcos mar 'gyur/ / byang chub bcos med 'bad spangs pa'o// rdo rjes 'og tu rgyu ba las rtog pa gnyis pa'o// / de nas khams gsum rnam rgyal po// sngar ni sprul pa drug pos/ / rtog pa bcu phrag dang bzhi yang // gnyis kyis rig ma 'joms byed 'dir// sprul pa brgyad du bsdus pa dang // bdag nyid gcig pu bsgom pa'ang gsungs// nam mkha'i khams su 'byung bzhi bsam/ / ri rab lhun po'i hrI yig las// pad+ma 'dab grangs lta ba la// zla ba'i dkyil 'khor rdzogs pa'o// hUM las byung ba'i khro bo ni// zhal gcig phyag bzhin bza' sngo/ / rdo rje dril bu mda' gzhu 'gengs// sbrul dang mi sdug mgos brgyan cing // stag lpags smad dkris 'jigs sel ba// khro bo rnam rgyal bsgom par bya// thugs ka'i hUM gi sbyor ba yis// shar la sogs pa'i phyogs mtshams su// 'jig rten gsum snang rdo rje dang // 'jig rten gsum 'dul rin chen dang // 'jig rten gsum 'ching pad+ma dang / / 'jig rten gsum 'jig las nyid dag/ g.yas rnams rang ming mtshan ma la// g.yon rnams gdug pa bsdig pa'o// bdud rtsi 'khyil dang dbyug sngon dang // mi gso ba dang rta mgrin khro/ / rdo rje dang ni dbyug pa dang // ral gri pad+ma g.yas rnams so// g.yon pa gdug pa bsdigs pa'o// brgyad kyi dbus na khro bo bdag/ 'jig rten gsum gyi 'khrul pa sbyong / / dbyug pa nag sogs pho nya bzhi// sku mdog mtshan mas brgyan pa khros// lcags kyu la sogs sgor gnas pa// khro bo'i 'khor lo 'jigs sel bsgom/ / gtso bcas rig pa'i khro bo kun// rgyu ma'i ba phreng bas do shal byas// gos sngon can la stag lpag dkris// gdug pa sel ba'i lam du bsgom// de nas khams gsum rnam rgyal gtso/ / khro bo'i mtshan nyid sngags bcas bshad// dkon mchog gsum la phyag 'tshal lo// gnod spyan gyi sde dpon chen po lag na rdo rje gos sngon po can sangs rgyas gang+gA'i klung gi bye ma snyed kyis rjes su gnang ba/ mche ba gtsigs pa dang 'tsham pa// mig me mdag gi phung po 'dra ba/ dbugs me lce ltar 'bar ba// 'jigs pa'i nga ro can/ lag pa dang rkang pa klu nor rgyas kyi bus brgyan pa/ klu nag pose ral khar thogs pa/ klu dga' bo dang nye dga' bo 'bar bas rna cha byas pa/ sbrul 'bar ba rin po che'i cod pan thogs pa/ sbrul gdug pa 'bar ba za ba/ bzhin rgyas pa/ smin ma dang dpral ba bsdus pa/ ya sos ma mchu mnan pa/ gshin rje'i cha byad can/ lha glog ltar 'gyu ba/ gsus po che sbrul za ba/ lag pa brdabs pa'i sgras 'jigs par byed pa/ klu'i rgyal po 'dab bzang ska rags su bcings pa/ a la la zhes sgrog par byed pa/ rgya mtsho'i zabs su dpag tshad brgyad khri bzhi stong yod pa rkang pa'i pus mor phyin pa/ dbang po dang nyi ma phrag la khur ba/ klu thams cad rlag par byed pa/ gang rgyangs chen po dgod pas kun tu 'khrug par byed pa/ gshin rje'i gzugs can khams gsum pa 'jig par byed pa/ klu thams cad rlag par byed pa la phyag 'tshal lo// de nas sangs rgyas bcom ldan 'das gang+gA'i klung gi bye ma snyed kyis gsungs pa'i rig sngags 'di brjod par bya'o/ / tad+ya thA/ b+ho b+ho paM nA ga a d+hi pa ta ya/ i dan nI lAM ba ra d+ha ra sha rI raM/ badz+ra pA Ni hr-i da yaM ya sa mA ti kra ma tha mA ku lota sA da naM/ b+haM bi Sh+ya ti/ tad+ya thA/ bud+d+ha bud+d+ha/ bi bud d+ha bi bud d+ha/ ma hI prAp+ta ta ra ha ra na ga nAn/ ts+tshin+da tsIn+da/ nA ga hri da yA ni/ b+hin+da b+hin+da nA ga da ma ni/ b+hi Shir+yan+tu nA ga sha rI rA Ni/ bi s+pho TA ya/ nA ga nA ya ni hUM hUM phaT/ tad+ya thA/ nA ga bi dA ra NA ya hUM phaT/ nA go ta sA da nA ya hUM phaT/ nI laM ba san ya hUM phaT/ a pra ti ha ta ba la ba ra kra mA ya hUM phaT/ kr-i tan+ta ya hUM phaT/ kr-i tAn+ta rU pa ya phaT/ ro Sha nA ya hUM phaT/ trA sa nA ya hUM phaT kuM b+hAN+Da/ uta sA da nA ya hUM baT/ pre ta pi shA tsa bi nA sha ka rA ya hUM phaT/ yak+Sha a pasmA ra bi nA sha ka rI ya hUM phaT/ ha sa ha sa/ d+ha ra d+ha ra/ mA ra ya mA ra ya/ nA sha ya nA sha ya/ sarba big+h+nan bi nA sha ka rA ya hUM phaT/ sarba sha hUM saM brta bi nA sha ka rA ya hUM phaT/ oM nI lAM ba ra d+ha ra badz+ra pA Ni rA dz+nyA pa ya ti swA hA/ de'i cho ga la gnod sbyin gyis zin pa chu la sngags kyis btab sta gtar na btang / bar 'gyur ro// klu bzlog par 'dod na smug shad kyi lcug ma 'am bal po se'u'i lcug mas bya'o// yi dgas dang brjed byed rnams la ni skud pa sngon pos bya'o// rims nad med par bya ba dang / yi ge 'chus pa la ni skud pa sngon pos bya'o// nor 'dod na zhag gcig smyung bar gnas te pog gis bdugs na rmi lam du dge ba dang mi dge ba'i don thams cad ston par 'gyur la/ gser gyi dong tshe bdun stong ster bar 'gyur ro/ / rgyas btab pa dgrol bar 'dod na thal bas bya'o// sgo lcags dbye bar 'dod na yungs kar gyis bya'o// 'jigs pa thams cad bsrung ba la ni mar rnying pa 'am/ thal ba 'am/ yungs kar gyis bya'o// nad kyis 'jigs pa thams cad la ni skud pa sngon po la srung ba'i mdud pa byas te mgul du btags na srung ba'i mchog tu 'gyur ro/ / byis pa gdon gyis nyen pa la ni tshon sna lnga'i skud pa mgul du btags na srung ba'i mchog tu 'gyur ro// chom rkun bzlog par 'dod na sas bya'o// dug la ni rtswa ku shas bya ba par bya'o/ / bdag srung ba la ni yid kyis sam chus bya'o// gzhan srung ba la ni skud pa sngon pos bya'o// las de dag thams cad la sngags brjod pa ni lan gsum mam/ bdun nam/ bcu bzhi 'am/ nyi shu rtsa gcig gam/ brgya rtsa brgyad brjod par bya'o// de ltar byas na 'grub par 'gyur ro// rdo rje sa 'og tu rgyu ba las rtog pa gsum pa'o// / rtog pa 'di dag dbang byed pa// lag na rdo rje khros pa las// bdud rtsi 'khyil ba'i rnal 'byor gyis// bran g.yog rnams ni bskul bar bya// oM a mr-i ta kuN+Da li ha na ha na hUM phaT/ 'di ni bka' tsam nges bsgrags cing // bai yig sum cu rtsa gnyis brjod// snying kha'i 'od kyis dbang bya zhing // gu gul dud pas drod byas la// ser sna chen po sang ge la zhon pa dang / rmugs 'dzin dang / gangs pa bzang dang / nor bu bzang dang / ku be ra dang / yang dag shes dang / 'brog gnas dang / lngas rtsen dang / pi tsi kuN+Da li rnams la mkho ba sbyin par bya'o/ / 'di rnams rtal chibs pa la// 'od dang ldan zhing me long can// ras dkar gtsang mas gsal byas la// gsal snang kun ni bri bar bya// yang na kun kyang sbrul nag chibs/ / 'jigs pa'i mtshon cha phyag na bsnams// bskul ba dag par dbang byas na// mngon spyod las kun byed par 'gyur// drag po dgu dang nyi shu brgyad// sa gsum khyab pa spros nas ni// sngags grub stobs kyis bdag bran byed// dus tshod dus la mchod pa byed// de nas dbul bas 'jigs pa la// rmugs 'dzin sgrub pa yid 'o/ bshad// kun kyang gter rnams mnan pa la// rin chen 'bar bas khyim 'gengs pa// sbyor gang rdo rje chus 'grub 'gyur// pad+ma zla dang gter chen la// dzA las byung ba'i gnod sbyin dgu/ / bkug la rang rang gsang sngags kyis// chu dang bcas pa'i mchod sbyin dbul// 'di ni sngags kyi rkang pa rnams so// oM bai shra ba NA ya swA hA/ oM dzam+b+ha lA ya swA hA/ oM pur+Na b+ha drA ya swAhA/ oM ma Ni b+ha drA ya sAhA/ oM ku be rA ya sA hA/ oM saM pra dz+nyA nA ya swAhA/ oM gu h+ya d+ha nA ya swAhA/ oM pany+tsi kA ya sAH/ oM bitsi kuN+Da lA ya swA hA/ de nas yang dag spyod pa'i mchog/ lha yi brtul zhugs dag pa bshad// kun tu ras gtsang gos sngon byin gyis brlab bya zhing // bram ze'i rigs ltar dri can zas dang 'gro mgyogs sha las ring du 'dug/ smyung bar gnas shing chus bkrus dkar gsum gtsang ma'i zas za zhing // ngag gi rlung bsdams dang dang snying rjes yid brlan brtson par 'jug/ bsam gtan khang pa mdog ni sngo bsgyur ba yi lci ba dri zhim chu yis byugs// dkar dang sngo ba'i me tog bkram la sku gdung bla ma mdun bzhag la// cho rigs btsun pa'i sgrub pa pos ni gos dkar bgos la ku sha'i stan la 'dug/ snying rjes khros pa'i rig sngags dam pa mdzes par bzlas pa bya// ru rag sha yi bgrang 'phreng brgya phyed byin gyis brlabs la lag pa g.yas pas gzung / / ril bu re dang lha re sngags re bcas nas snying khur gzung // rnal 'byor 'di rnams spyad cing 'gro la 'jungs pa'i sems ldan pas// bdag dang gzhan la phan phyir rtog pa bshad pa yin/ / rdo rje sa 'og tu rgyu ba las rtog pa bzhi pa'o// // dbyar kha skyes pa'i rtsa dang nags tshal las byung me mched ltar/ rlung gi grogs byas bsregs nas thal ba'i lhag ma'ang ma lus bzhin// bskal pa dpag med skyes pa'i rtog pa'i dri ma'i rma rnams la// srung ba dad dang brtson 'grus sngags bzlas sems dag me yis sreg/ nyi ma'i snying po 'dzam gling dbus su rigs bzung ste// skyes dang bud med dbang po skyon med tshul khrims can// skye ba snga ma'i lam shugs dag dang bla ma'i lung thob pa/ / dad dang snying rje'i sems can gtong ba'i can blo des// rig pa'i khro bo bsgom dang de rjes de ni bzlas 'bad na// bstod dang mchod mnyes bran g.yog lha min gsang ba brnyas med cing / / chu yi mchod sbyin 'khor lo gtor ma la brtson zhing // sbyin sreg rnams kyis lha dang bran g.yog mnyes byas na// ring por mi thogs sgrub pa pos des rtags dang phyag rgya 'byin par 'gyur/ / 'dir ni mang du smras mi dgos// sngar ni rdo rjes 'og tu// bshad pa'i mtshan ma ster bar 'gyur// zangs lcags bla ma'i gnang bya'o// lus sogs rigs pa'i dbang gyur nas// me dang rlung sogs 'byung ba dang // nad dang gdon dang byad rnams dang // bdud kyis glags ni rnyed mi 'gyur// me lce 'phreng ba'i rtog pa las// bshad pa'i 'chi ba'i sbyor byung na// ser na 'di ni pha rol 'phang // smon lam lam na sna brten nas// 'di 'og byang chub sems dpa' ni// 'gro ba smin pa'i bla mar 'gyur/ / yang na srid pa'i bar ma dor// sngags kyi rnams shes gzi bskyed nas// 'gro phan rig pa 'dzin 'gyur nas// de yi 'og tu sems pa'o// tha ma'ang lam la brten nas ni/ / rang 'dod dam pa'i lus rnyed nas// snga ma lam sel de 'og tu// dngos grub la ni rnam par gnas// lha dang sngags sogs rtogs pa des// rtog pa dman pa mnan pa yin/ / nam mkha' lta bur rtog med la// 'jig rten ngor ni rtog pas sprul// gdul bya sdang sogs sems 'khrugs la// nga ni snying rjes sdang bar mdzad// khro sogs gsal du med gyur na/ / khro bor da ni ci phyir 'gyur// dang po rnal 'byor 'tshe ba bcom// de phyir rig sngags sbyor ba rnams// rgyud kun tu ni gsung ba yin// 'tshe ba bcom nas dag pa ni// sems dag pa ni bde ba yin// gdug pa'i sbyor ba phrogs pas na// bde bar byang chub lam brten la// rdo rje sku nyid 'gyur med la// bdag gis rig pa'i ye shes de// lus can de yi 'bras bu'o/ / ji ltar shes ni 'dzam bu ka'i// me tog gis ni gzhan du snang // de bzhin rtog med rig pa yang // khro bo'i dbang phyug 'dir snang nas// ji ltar 'dul rgyur sprul pa yis/ rgyun mi 'chad par khro bor snang // snying rje med na 'bras bu nyams// 'gro la phan btags gnod bsal na// rang sems dag pas 'bras bu 'grub// rgyu dang 'bras bu'i sgrib pa rnams// / byang chub sems kyis ring du spang // 'dis ni 'khor ba 'jig par nges// brtan dang g.yo ba'i sgrib pa rnams// blo mnyam dus na gnyen po dang // mi mthun nam mkha' ltar yang pa// lhun gyis 'grub 'bras phye ma yin// ji srid rtog pa'i dri ma yod// de srid 'bad de rig pa bsgom// sems sbyong snga ma rig pa yis// rgyud nyid du ni 'dod pa yin// gang la sems ni dri med pa/ / rtog pa'i dri mas nag por byas// de la spang ba'i blo med pa// rtog pa'i blo can 'khor ba yin// de phyir shAkya'i rigs can rnams// sa 'og tu rgyu ba'i klu'i rtog pa la sogs pa tshar gcod pa'i phyir sbyor ba rnams la gus par bya'o/ / rdo rje sa gsum du rgyu ba las rtog pa lnga pa rdzogs so// // dbang phyug dam pa'i mnga' bdag khri srong sde btsan gyi bka' khrims su/

CLOSE WINDOW