A tsAr+ya rin chen mchog gis skad gsar bcad kyis bcos nas gtan la phab pa/ @rgya gar skad du/ sarba durga ti pa ri sho d+ha na te dzo rA dza s+ya ta thA ga ta s+ya aH te sa myag saM bud+d+ha s+ya kalpa e ka da sha nA ma/ bod skad du/ de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba gzi brjid kyi rgyal po'i brtag pa phyogs gcig pa zhes bya ba/ bcom ldan 'das dpal shAkya seng ge la phyag 'tshal lo// 'di skad bdag gis thos pa dus gcig na/ bcom ldan 'das lha thams cad kyi mchog dga' ba'i tshal na bzhugs te/ nor bu dang gser gyi shing lo ma dang / yal ga dang / lcug mar bcas pa'i sdong po dang / shing gel ba dang / sman dang / me tog ka ma la dang / me tog ut+pa la dang / me tog kar ni ka dang // me tog ba ku la dang / me tog ti la ka dang / me tog a sho ka dang / me tog man dA ra ba dang / me tog man dA ra ba chen po la sogs pa me tog rnam pa sna tshogs pas nye bar mdzes pa dpag bsam gyi shing rnams kyis yang dag par brgyan pa/ rgyan sna tshogs kyis rnam par spras pa/ bya'i tshogs sna tshogs skad snyan pa 'byin pa/ rnga dang / dza mu kun da dang / gling bu dang / dza d+hi la sogs pa'i sgra sgrog pa/ brgya byin dang tshangs pa la sogs pa dang / lha'i bu rnam pa sna tshogs pa rnams rnam par rtse ba/ sangs rgyas dang byang chub sems dpa' thams cad kyis byin gyis brlabs pa na'o/ / brgya byin dang tshangs pa la sogs pa'i lha thams cad dang / rig pa 'dzin pa dang / lha'i bu mo 'khor bye ba khrag khrig brgya stong phrag brgya stong rnams dang / gnod sbyin dang / srin po dang / lha ma yin dang // nam mkha' lding dang / dri za dang / mi 'am ci dang / lto 'phye chen po dang / klu la sogs pa 'khor rnam pa sna tshogs du ma dang / byang chub sems dpa' sems dpa' chen po bye ba khrag khrig brgya stong phrag brgyad rnams la 'di lta ste/ byang chub sems dpa' sems dpa' chen po blo gros spobs pa dang / blo gros mi g.yo ba dang // blo gros yangs pa dang // kun tu blo gros dang / blo gros mtha' yas pa dang / kun nas legs pa'i blo gros dang / blo gros ka ma la dang / blo gros chen po dang / blo gros lha rdzas dang / blo gros sna tshogs pa dang / blo gros ma lu pa dang / / kun tu bzang po ste/ de dag la sogs pa phyir mi ldog pa'i byang chub sems dpa' sems dpa' chen po'i dge 'dun mtha' yas shing mu med pa rnams kyis bsti stang du byas/ bla mar byas/ mchod cing rjed par byas/ shin tu phul du byung bar byas te/ 'khor gyi tshogs chen po'i dbus su tshang ba chen po'i pad+ma'i gdan la bzhugs shing ngan song thams cad yongs su sbyong ba zhes bya ba'i ting nge 'dzin la snyoms par zhugs so/ / de ma thag nyid du ngan song gsum gyi rgyud rnam par grol bar byed pa zhes bya ba byang chub sems dpa' chen po'i 'od zer 'phro ba dang sdud pa du ma'i 'phreng ba rang gi mdzod spu nas phyung ste/ des stong gsum gyi stong chen po'i 'jig rten gyi khams kun tu snang bar byas so// kun tu snang bar byas pa des sems can thams cad kyi sems nyon mongs pa'i 'ching ba las bkrol te/ yang dag pa so so so sor thob pa thob par byas shing dga' ba'i tshal yang kun tu snang bar byas te/ mchod pa'i sprin sna tshogs pa rnams kyis mngon par mchod nas lan brgya phrag stong du bskor ba byas te mgo bos phyag 'tshal nas/ bcom ldan 'das kyi spyan sngar nor bu dri ma med pa'i steng du 'khod de 'di skad ces gsol to// e ma'o sangs rgyas e ma ho sangs rgyas chos// e ma ho sangs rgyas mdzad pa shin tu legs gang phyir bdag cag ngan song yongs su sbyangs/ / byang chub spyod pa nyid la rab tu bzhag/ de nas lha'i dbang pos bcom ldan 'das la lan brgya phrag stong du bskor ba byas te phyag 'tshal nas/ bcom ldan 'das la 'di skad ces gsol to/ / bcom ldan 'das gang gi slad du sangs rgyas kyi 'od zer kun tu snang bas ngan song kun las rnam par bkrol nas rnam par grol ba'i lam la rab tu bzhag pa ni/ bcom ldan 'das ngo mtshar che'o// bde bar gshegs pa ngo mtshar che'o// bcom ldan 'das kyis bka' stsal pa/ lha'i dbang po 'di ni ngo mtshar mi che ste/ sangs rgyas bcom ldan 'das rnams ni tshad med pa'i bsod nams kyi tshogs rnams legs par bsags pa'o/ / lha'i dbang po yang dag par rdzogs pa'i sangs rgyas rnams ni dpag tu med pa'i yon tan rin po che'i 'byung gnas su gyur pa'o// / lha'i dbang po yang dag par rdzogs pa'i sangs rgyas rnams ni tshad med pa'i thabs yongs su rdzogs pa'o// lha'i dbang po sangs rgyas bcom ldan 'das ni shes rab dpag tu med pa'o// sangs rgyas bcom ldan 'das rnams kyi spyod pa tshad med pa'o// sangs rgyas bcom ldan rnams kyis gdul bya'i skye bo tshad med pa rnams snod du gyur par mdzad pa'o// sangs rgyas bcom ldan 'das rnams ni mi mnyam pa rang mnyam pa'i ye shes gang yin pa'o/ / sangs rgyas bcom ldan 'das rnams ni mi mnyam pa dang mnyam pa'i rdzu 'phrul dang yang dag par ldan pa'o// sangs rgyas bcom ldan 'das rnams ni mi mnyam pa dang mnyam pa'i smon lam dang yang dag par ldan pa'o/ / lha'i dbang po de'i phyir sangs rgyas bcom ldan 'das rnams kyis snod ji lta ba de ltar sems can gyi don mdzad pa dang / gdul bya ji lta ba de ltar sems can rnams kyi don mdzad pa dang / mos pa ji lta ba bzhin du sems can rnams kyi don mdzad pa yin no zhes shes par bya ba 'di la 'dir the tshom dang / som nyi dang / yid gnyid mi bya'o// gang de bzhin gshegs pa rnams kyis 'dul bar mi 'gyur ba 'di ni gnas ma yin no/ / de nas lha'i dbang po rang gi stan las langs nas/ slar yang bcom ldan 'das la mchod pa rgya che zhing che ba byas te phyag 'tshal nas/ bcom ldan 'das la 'di skad ces gsol to// sems can thams cad la phan par bya ba'i phyir dang / rjes su brtse bar bya ba'i phyir dang / snying rje dang bcas par bya ba'i phyir dang / brtse ba chen po dang bca par bya ba'i phyir dang / bsam pa thams cad yongs su rdzogs par bgyi ba'i phyir/ bcom ldan 'das bdag spobs paskyed du gsol/ bde bar gshegs pa bdag spobs pa skyed du gsol/ bcom ldan 'das sum cu rtsa gsum pa'i rigs 'di nas lha'i bu nor bu dri ma med pa'i 'od ces bgyi ba zhig shi 'phos shing dus las 'das nas dgung bdun lon lags na/ bcom ldan 'das de gang du skyes shing / bde ba 'am sdug bsngal gang myong bar 'gyur ba de/ bcom ldan 'das lung bstan du gsol/ bde bar gshegs pa lung bstan du gsol/ bcom ldan 'das kyis bka' stsal pa/ lha'i dbang po de'i dus dang skabs su bab par shes na nyon cig/ lha'i dbang pos gsol pa/ bcom ldan 'das 'di ni dus lags so// bde bar gshegs pa 'di ni skabs su bab pa lags so/ / bcom ldan 'das kyis bka' stsal pa/ lha'i dbang po lha'i bu nor bu dri ma med pa'i 'od ces bya ba de 'di nas shi 'phos nas mnar med pa'i sems can dmyal ba chen por skyes te/ der lo stong phrag bcu gnyis su sdug bsngal drag cing mi bzod pa myong bar 'gyur ro// yang dmyal ba chung ngu rnams su lo stong phrag bcur sdug sngal myong bar 'gyur ro// slar yang byol song dang yi dgas rnams su skyes te lo stong phrag bcur sdug bsngal myong bar 'gyur ro/ / slar yang mtha' 'khob kyi skye bo'i gnas su skyes nas/ 'on pa dang / rig pa dang / lkugs pa'i rang bzhin can rnams su lo stong phrag drug cu myong bar 'gyur ro/ / slar yang lo stong phrag brgyad cu rtsa bzhir nad rnag khrag 'dzag pa dang / mdze dang po la mig gis gzir ba dang / skye bo mang pos smad pa dang / yongs kyis spangs pa dang / rigs dman par 'gyur zhing sdug bsngal nas sdug bsngal du brgyud pa rgyun mi 'chad par 'gyur te/ gzhan rnams la'ang gnod pa byed cing las kyi sgrib pa sna tshogs pa'ang rgyun mi 'chad par byed par 'gyur ro/ / slar yang sdug bsngal brgyud pa gzhan dang gzhan myong bar 'gyur ro// de nas brgya byin la sogs pa lha'i bu rnams de thos nas spangs shing skrag ste/ skyosmyoskyo nas kha sbub tu 'gyel to// yang langs nas 'di skad ces gsol to// bcom ldan 'das sdug bsngal rgyud ma de las ji ltar thar par 'gyur/ bde bar gshegs pa ji ltar thar par 'gyur/ bcom ldan 'das thabs gang gis sdug bsngal gyi phung po chen po de las grol bar 'gyur ba des yongs su skyobs mdzod/ bde bar gshegs pa yongs su skyobs mdzod/ bcom ldan 'das kyis bka' stsal pa/ lha'i dbang po sangs rgyas bye ba phrag brgyad cu rtsa bzhis bshad pa 'di ngas kyang bshad kyis nyon cig/ de nas lha'i dbang pos slar yang bcom ldan 'das la me tog man da ra ba dang / man da ra ba chen po dang / me tog rnam pa sna tshogs dang / rin po che'i dbu rgyan dang / phyag gdub dang / dpung rgyan dang / snyan rgyan dang / do shal dang / do shal phyed pa la sogs pa rgyan gyi khyad par du mas mngon par mchod de/ lan brgya stong phrag du mar bskor ba byas shing phyag 'tshal nas/ bcom ldan 'das legs so// bde bar gshegs pa legs so zhes bya ba legs so'i tshig gis mnyes par byas nas/ bcom ldan 'das lha dang bcas pa'i 'jig rten la phan pa dang bde bar bgyi ba dang / ma 'ongs pa'i sems can rnams ngan song gsum gyi rgyud las rnam par thar par bgyi ba'i slad du legs par bshad pa'i don du gsol ba 'debs lags so/ / de nas slar tshangs pa la sogs pa'i lha'i tshogs rnams kyis kyang 'di skad ces gsol to// bcom ldan 'das legs so// / bde bar gshegs pa legs so// gang gis ma 'ongs pa'i sems can rnams kyis mtshan tsam yang thos pa dang ldan na ngan song gsum gyi lam las rnam par grol zhing mtho ris lha'i 'jig rten nam/ mi'i 'jig rten du skyes nas kyang bla na med pa yang dag par rdzogs pa'i byang chub thob par bgyi ba'i slad du bshad du gsol/ de nas bcom ldan 'das kyis brgya byin dang tshangs pa la sogs pa lnga'i bu de rnams de bzhin gshegs pa thams cad kyi snying po 'dis byin gyis brlab pa'i don du don yod rdo rje'i byin rlabs zhes bya ba'i ting nge 'dzin la snyoms par zhugs so/ / oM badz+ra a d+hiSh+ThAn dz+nyA na sa ma ye hUM/ de ltar ting nge 'dzin la snyoms par zhugs nas zil gyis mi non pa rdo rje'i byin rlabs kyi byin gyis brlabs nas/ ngan song thams cad yongs su sbyong ba'i rgyal po zhes bya ba de bzhin gsheg pa'i snying po 'di phyung ngo / / oM sho d+ha nane sho d+ha na sarba pA paM bi sho d+ha ne shud d+he sarba karma A ba ra Na bi shud+d+he swAhA/ rig pa 'di gsungs ma thag nyid du sems can thams cad ngan song du mi ltung bar byas shing / dmyal ba dang / byol song dang / yi dgas kyi 'gro ba thams cad sbyangs te/ sdug bsngal mi bzad pa rnam par rab tu zhi zhing / skye bo mang po rnams bde ba dang ldan par gyur to// de nas gzhan yang srung ba'i snying po 'di gsungs so/ / oM sho d+ha ne sho d+ha ya sarba a pA yaM sarba sitwe b+h+yo hUM/ lha'i dbang po gzhan yang 'di ni de bzhin gshegs pa thams cad kyi snying po'o// oM sarba a pA ya bi d+ha ne hUM phaT/ lha'i dbang po gzhan yang 'di ni de bzhin gshegs pa thams cad kyi snying po'i nye ba'i snying po'o// oM trAT/ lha'i dbang po gzhan yang 'di ni ngan song thams cad yongs su sbyong ba'i snying po'o// hUMlha'i dbang po gzhan yang mdor na dran pa tsam gyis kyang bsod nams chung ba'i sems can rnams ngan song gi rgyud thams cad las bde blag tu rnam par grol bar byed pa 'di yin te/ na mo b+ha ga ba sarba durma ti pa ri sho d+ha ni rA dzA ya/ ta thA ga tA ya/ ar+ha te sa myag saM bud+d+hA ya/ dz+dza thA/ oM sho d+han sho d+ha ne/ bi so r+d+ha ne bi sho d+hi na/ sarba pA paM bi sho d+ha ne shud d+ha bi shud d+he/ sarba karma a ba ra Na bi shud d+he swAt+ma/ rtsa ba'i rig pa'o// oM sarba bid+ya sarba A ba ra Na bi sho d+ha na ya ha na hUM phaT/ oM sarba bid+ya swa hUM/ oM sarba bid+yA hU~M phaT/ oM sarba bid+yA aH/ oM sarba bid+yA tA Ta/ oM sarba bid+ya oM/ oM sarba bid+yA d+h+waM/ oM sarba bid+yA hUM/ oM sarba bidz+ra krI tAH/ oM sarba bid+ya mahA badz+ra ud b+ha ba dA na pa ra mi tA pU dze hUM/ sgeg mo'i sngags so// oM sarba bid+ya ma hA badz+ra ud b+ha ba shI la pA ra mi tA pU dza dzAM/ 'phreng ba ma'i sngags so/ / oM sarba bid+yA ma hA badz+ra ud b+ha ba k+Shan+ti pA ra mi tA pU dze hrIH/ glu ma'i sngags so// oM sarba bid+ya mahA badz+ra ud b+ha ba bIr+ya pA ra mi tA pU dze aH/ gar ma'i sngags so// oM sarba bid+ya sarba bi a pA ya bi sho d+ha ni d+ha ma d+ha ma d+hU pa ya d+h+yA na pA ra mi tA pU dze hUM hUM phaT/ bdug pa ma'i sngags so// oM sarba bid+ya swarba durga ti pa ri sho d+ha ne kle sha tsud ni puSh+pa bi lo ki ni pradz+nyA pA ra mi tA pU dze traM hUM phaT/ me tog ma'i sngags so// oM sarba bid+yA sarba a pA ya be sho d+ha ni dz+nyA na a lo ka kA ri pra Ni d+hi pA ra mi tA pU dze hrIHhUM phaT/ mar me ma'i sngags so// oM sarba bid+yA sarba a pA ya gan d+ha bi nA sha ni/ badz+ra gan d+ha u pA ya pA ra mi tA pU dze aH hUM phaT/ dri chab ma'i sngags so// oM sarba bid+ya sarba na ra ka ga ti A kaR+Sha Ni hUM dzaHphaT/ rdo rje lcags kyu'i sngags so// oM sarba bid+ya sarba na ra ka ud d+hA ra NI hUM hUM phaT/ rdo rje zhags pa'i sngags so// oM sarba br-idrA sarba a pA ya bar+d+ha na mo tsa ni hUM baM phaT/ rdo rje lcags sgrog gi sngags so// oM sarba bid+ya sarba a pA ya ga ti ga han bi sho d+ha ne hU~M ho phaT/ rdo rje 'bebs pa'i sngags so// oM mai tre ya ha ra NA ya swAhA/ byams pa'i 'o/ / oM a me g+ha a mo g+ha dar sha ni hUM/ mthong ba don yod kyi'o// oM sarba a pA ya dza ha sarba a pA ya bi sho d+ha ne hUM/ ngan song kun 'dren gyi'o// oM sarba sho ka ta mo nir g+ha ta na ma tit+taM/ mya ngan dang mun pa thams cad nges par 'joms pa'i blo gros kyi'o/ / oM ke d+ha hasta ni hUM/ spos kyi glang po'i'o// oM shu raM ga me ts+tsha/ dpa' bar 'gro ba'i'o// oM ga ga ne ga gan lo can ts+tsha/ nam mkha'i mdzod kyi'o// oM dz+nyA na ke d+ha dz+nyA ra ba ti d+hu/ ye shes tog pa'o// oM a mi ta pra d+ha a mi ta ba ten+da/ 'od dpag sed kyi'o// oM tsan+d+ra m+ba tsan+da bya ba ma ka ni ts+tshi swAt+ma/ rtswa bod kyi'o// oM r+d+had+ha ba d+hiH / ga / da'o// / ma sa/ oMts+tsha u0f7f ban na g+h+nA / rdzongs pa jigs pa'i 'o// myosas dzaH/ na tu yang ba'o// bskal pa babyung ba'i byung ba rims dpa' sems dpa' nan pa rna rnasapa 'di dag du ma rkyen nasus pa u nga rnye dus su bskyed pa'i sa pa sgom pazhin pas ldanapa khyor ti de 'dzin pam / mdzus sa spyo rdzu pa smra pos yang da na sas na yongs dza ma gas kyi ma/ rimam tsho/ gang ma ni mngasas can pa dang / bcad pa dang / klog pa dang / khringanas kyang na pas/ btsug grang das/ spang ba'ab/ masul par ba 'chang bar byed na/ nga'i tshe 'di zhing la dus ma yin par 'chi ba brgyad dang / 'chi ba dang 'bral ba'i rmi lam 'byung ba 'am/ ngan song dang 'brel ba'i mtshan ma de dag thams cad rmi lam tsam du'ang mi 'byung ngo // gang 'ga' zhig dkyil 'khor du'ang ji lta ba bzhin du zhugs nas dbang bskur te/ snying po'ang zlos shing sngags kyi don sgom par byed na lta smos kyang ci dgos te/ de dag la sdig pa gang cung zad kyang nye bar mi 'gyur zhing ngan song du 'gro bar mi 'gyur ro/ / skyes pa dang / bud med dang / lha dang / klu dang / gnod sbyin dang / srin po dang / byol song dang / yi dgas dang / dmyal ba la sogs pa gang yang rung ba shi ba'i lus rnams dkyil 'khor du bcug ste dbang bskur na/ de dmyal bar skyes na'ang de ma thag nyid du rnam par thar nas lha'i rigs su skye bar 'gyur ro// lha'i rigs der skyes par gyur nas de bzhin gshegs pa thams cad kyi chos nyid mngon sum du byed cing phyir mi ldog par yang 'gyur ro/ / rgyud nges pa can du'ang 'gyur zhing de bzhin gshegs pa thams cad kyi rigs su rab tu skye bar 'gyur ro// sgrib pa rnams rab tu spangs nas de bzhin gshegs pa thams cad kyi rigs sam/ lha'i rigs sam/ gzhan du'ang bde ba myong bar 'gyur ro// lha'i dbang po mdor na 'jig rten dang 'jig rten las 'das pa'i phan pa dang bde ba thams cad myong bar 'gyur ro/ / de mas lha'i dbang pos/ bcom ldan 'das la snga ma bzhin du bskor ba byas te/ phyag 'tshal nas 'di skad ces gsol to// bcom ldan 'das ngan song thams cad kyi dbang du gyur pa rnams la phan pa dang bde bar 'gyur ba dang / ji ltar sems can rnams ngan song thams cad la rgyab kyis phyogs par bgyi ba dang / tha nam mchis pa yang dag par rdzogs pa'i byang chub bde brag tu rtogs par bgyi ba'i slang du chos bshad du gsol/ de nas bcom ldan 'das shAkya thub pas ngan song thams cad yongs su skyong ba'i ye shes rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi ngan song thams cad yongs su sbyong ba gzi brjid kyi rgyal po zhes bya ba'i dkyil 'khor chen po gsungs te/ de mgon po shAkya thub pa nyid kyis gsungs pa ni/ dang po re zhig rnal 'byor pas skye bos dben pa'i yid dang rjes su mthun pa'i sa phyogs su 'jam zhing shin tu 'bol ba'i stan la 'dug ste/ dri bzang pos maN+Dal byas nas nye bar spyod pa lnga'i mchod pa bya'o// de nas chos thams cad bdag med par bsgoms la/ bdag nyid yi ge hUM gis rdo rje 'bar ba me nyi mar bsgoms te/ de'i mgrin par yi ge hrI las pad+ma dang / de'i steng du 'dab ma'i rtse mor yi ge a las zla ba'i dkyil 'khor dang / de'i steng du yi ge hUM las rdo rje rtse lnga pa dang / rdo rje de lce la thim par bya zhing badz+ra dzaT zhes bya'o/ / des rdo rje'i lcer 'gyur zhing sngags zlos pa nus par 'gyur ro// lag pa gnyis kyi dbus su yi ge a dkar po las zla ba'i dkyil 'khor dang / de'i steng du yi ge ts+tsha las rdo rje rtse lnga pa dang de gnyis lag pa'i mthil du thim par byas te/ rdo rje'i lag par 'gyur zhing phyag rgya 'ching bar nus par 'gyur ro// de nas srung ba'i 'khor lo bsgom par bya ste/ oM gr-ih+Na badz+ra sarba ya hUM baM/ zhes brjod cing khro bo ti rin ti ri bcing bar bya ste/ rdo rje bsdams pa nang byas nas// mthe bong rdo rje dam po yis// khro bos yid kyis dgab bya ba// khro bo ti rin ti ri bcing // de nas rdo rje byed pa'i gdan gyis 'dug pas rdo rje ti rin ti ri bcings la rdo rje 'phreng ba'i dbang bskur ba gzung bar bya ste/ oM badz+ra dz+wa la a na la arka hUM a b+hi Shiny+tsa hUM/ zhes pas so// rdo rje bsdams pa las mthe bong gnyis gshibs te bsgreng ba rdo rje bsdams pa'i steng du dgab pa'i tshul du gzung ba ni rdo rje ti rin ti ri'i 'o/ / oM TuM/ zhes bya ba'i yi ge gnyis po 'di'i go chas go cha bgos nas/ oM badz+ra dz+wa la a na lArka hUM/ zhes bya ba sgrog cing g.yon pa'i rdo rje khu tshur snying khar byas te/ g.yas pa'i rdo rje khu tshur gsor zhing bgegs thams cad la bsnun no// de nas rdo rje ma'i phyag rgya dang bcas pas bgegs bsreg par bya ste/ oM badz+ra dz+wa la a na la ha na da ha pa tsa ma tha b+hany+dza ra Na hUM phaT/ ces brjod cing rdo rje bsdams pa nang du bcings la sor mo rnams nang du 'bar ba la mthe bong rdo rje bsgreng ba 'di ni rdo rje ma'i phyag rgya'o/ / de'i rjes la/ badz+ra nai tre b+han d+ha sarba big+h+nAM/ zhes pa'i phyag rgya dang ldan pas bgegs thams cad bcing bar bya'o// rdo rje bsdams pa bcings la mthe bong gnyis brkyang ste mnyam la gzung ba ni rdo rje spyan gyi phyag rgya'o/ / rdo rje bsdams pa brkyang ba se la bzhag ste 'og bcing bar bya'o// oM badz+ra dri D+ho mo b+ha ba rak+Sha sadz+raM swAhA/ zhes bya'o// rdo rje 'jigs byed spyan gyi phyag rgya dang bcas pas steng bcing bar ba 9oM hu lu hu lu dz+wa phaT/ ces pa dang / rdorngo ma ma tshur gnyis bcings la mgal ma 'khor lo sbyar bskor nas man tha'i sring du bzung ba ni rdo rje 'jigs byed spyan gyi phyug rgya'o// 'og tu rdo rje gnod sbyin gyi phyag rgya dang bcas pas slar steng bcing bar bya ste/ oM badz+ra yak+Sha hU~M/ zhes pa 'di dang rdo rje thal mo mthe bong gnyis brkyang la mdzub mo gnyis mche ba lta bur byas pa ni rdo rje gnod sbyin phyag rgya'o/ / rdo rje gtsug tor gyi phyag rgya dang bcas pas shar phyogs bcing bar bya ste/ oM druM bi dz+ra ban d+han+tu/ zhes pa'o// druM/ zhes pa yang ngo // rdo rje khu tshur gnyis kyis mtho'u chung lu gu rgyud du spel la mdzub mo gnyis rtse sbyar la zlog nas spyi bor bzhag pa ni rdo rje gtsug tor gyi phyag rgya'o/ / yang rdo rje zhags pas shar de nyid bcing bar bya ste/ oM badz+ra pA sha hrIH/ zhes pa dang / rdo rje khu tshur gnyis kyis mkhrigs ma mdud pa byas pa ni rdo rje zhags pa'i phyag rgya'o/ / rdo rje ba dan gyis nub phyogs bcing bar bya ste/ oM badz+ra pa traM ke pa tAM ki nai raT/ zhes pa dang / rdo rje bsdams pa las mthe bong gnyis sems dpa'i skyil krung byas la mdzub mo gnyis mnyam por gshibs te phye la mthe'u chung ba ngang ltar byas pa ni rdo rje ba dan gyi'o/ / phyogs dang / mtshams dang / steng dang / 'og gi bgegs rnams tshar bcad par bya'o/ / rdo rje dus kyis byang phyogs bcings te/ dz+dzaHbadz+re kA la mi rung ma/ ces pa dang / rdo rje banid sbyin gyi phyab rgya snying lar bstan par byas pa ni rngon dus kyi'o// rdo rje rtse chos lnga bcings oM badz+ra shi kha re ru u0f7f maH/ ces bya ba dang / rdo rje khu tshur gnyis kyis ri bo 'degs pa'i tshul ni rdo rje rtse mo'i'o// rdo rje las kyi dkyil 'khor bcing bar byas la rab bya'o// hUM badz+ra karba/ zhes pa'o// yang rdo rje mdzad kyi nang du ra ba bya ste/ hUM hUM hUM/ zhes pa dang / rdo rje khu tshur gnyis bcings la rdo rje mkhrig ma gnyis bsnol te mthe'u chung gnyis lcags kyu sbrel la mdzub mo gnyis sdigs mdzub tu sgreng ba ni 'jig rten gsum las rnam par rgyal ba zhes bya ba rdo rje hUM mdzad kyi'o/ / 'di nyid las mdzub mo dang gung mo gnyis rdo rje ltar byas pa ni rdo rje las kyi'o// rdo rje bsdams pas rdo rje'i gur sbyin par bya ste/ badz+ra ban d+ha baM/ zhes pa 'dis so// de nas rdo rje 'khor lo'i phyag rgyas ngan song thams cad yongs su sbyong ba'i dkyil 'khor mdun du rdzogs par bya ste/ oM badz+ra bid+ya badz+ra tsakra hUM/ zhes bya'o// rdo rje khu tshur gnyis bcings nas// mdzub mo mthe'u chung rdo rje bcing / / rdo rje 'khor lo zhes grags pa// dkyil 'khor thams cad sgrub byed yin// 'dis phyogs thams cad du g.yas skor nyid kyis bskor ba las dkyil 'khor thams cad du sprul par 'gyur/ ro// 'di nyid khar bzhag nas nges par lha bzhin du rdo rje 'khor lo'i sngags lan brgyad bzlas so// de yis dkyil 'khor thams cad du zhugs par 'gyur ro// de nas mngon sum lta bur blos dmigs la me tog la sogs pas yang dag par mchod de/ phyogs thams cad du yan lag lnga pa dang 'dis phyag bya'o// oM sarba bi kA ya bkr-it+ta pra Na me na badz+ra ban d+ha naM ka ro mi/ zhes pa'o// de nas phyag bzhi bya ba ste/ 'di ltar sras thams cad kyis dang / rdo rje thal mo brkyang bas shar phyogs su phyag byas// oM sarba bid+ya pU dza u bas+thAn ya at+mA na~M nin+yA tA ya mi/ sarba ta thA ga ta badz+rA satra a d+haM g+h+nA nAM/ zhes pa 'dis so/ / de nas de bzhin du langs la rdo rje thal mo snying khar byas te/ lho phyogs su dpral ba sa la reg cing phyag byas te/ oM sarba bid+ya badz+ra a b+hi She kA ya/ At+ma naM nir+ya tA ya mi sarba ta thA ga ta badz+ra rat+na a b+hi Shiny+tsa maM/ zhes pa 'dis so// de nas de bzhin du langs la rdo rje thal mo spyi bor bzhag ste/ nung phyogs su kha sa la reg cing phyag bya ste/ oM sarba bid+ya pU dza pra brta nA ya At+ma naM nIr+yA ta yA mi sarba tra gta badz+ra d+harma pra brta ya mAM/ zhes bya ba 'dis so// de nas de bzhin du langs la rdo rje thal mo spyi bo nas phab sta snying khar byas la/ byang phyogs su spyi bo sa la reg cing phyag byas te/ oM sarba bid+ya pU dza karma At+ma naM nir+ya tra yA mi/ sarba ta thA ga ta badz+ra karma ku ru mAM/ shes pa 'dis so// de nas pus mo'i lha nga gnyis sa la bcugs te/ rdo rje thal mo snying khar byas la sdig pa thams cad so sor bshags par byas phyogs btsun sangs rgyas dang / byang chub sems dpa' thams cad dang / de bzhin gshegs pa dang / rdo rje dang / nor bu dang / pad+ma dang / las kyi rigs su bcugs pa thams cad dang / snying dang / phyag rgya dang / sngags dang / rig pa dang / lha thams cad bdag la dgongs su gsol/ bdag che ge mo zhes bya ba phyogs bcu'i sangs rgyas dang byang chub sems dpa' thams cad kyi spya snga dang / de bzhin gshegs pa dang / rdo rje dang / nor bu dang / pad+ma dang / las kyi rigs su bzhugs pa thams cad dang / snying po dang / phyag rgya dang / sngags dang / rig pa dang / sngags kyi rtsa thams cad kyi'ang spyan sngar sdig pa thams cad so sor bshags par bgyi'o/ / phyogs bcu nas 'das pa dang / ma 'ongs pa dang / da ltar byung ba'i sangs rgyas dang / byang chub sems dpa' thams cad dang / rang sangs rgyas dang / 'phags pa nyan thos yang dag par song ba dang / yang dag par zhugs pa rnams dang / sems can gyi rigs thams cad kyi bsod nams thams cad la rgya cher rjes su yi rang bar bgyi'o/ / phyogs bcu'i sangs rgyas bcom ldan 'das chos kyi 'khor lo mi bskor ba thams cad la chos kyi 'khor lo bskor bar bya ba'i phyir bskul bar bgyi'o// phyogs bcu'i sangs rgyas bcom ldan 'das yongs su mya ngan las 'da' bar bzhed pa thams cad la mya ngan las mi 'da' bar gsol ba 'debs so/ / de nas me tog gi phyag rgya bcings la 'di skad ces brjod do// oM sarba bid+ya puSh+pa pU dza me g+ha sa mu dra s+pha ra Na sa ma ye hUM/ zhes pa'o// bdug pa'i phyag rgya bcings la 'di skad ces brjod de/ oM sarba bid+yA d+hU pa pU dza me g+ha sa mu dra s+pha ra Na sa ma ye hUM/ zhes pa'o// mar me'i phyag rgya bcings la 'di skad ces brjod de/ oM sarba bidA dI paM pU dza me g+ha sa mu dra s+pha ra na sa ma ye hUM/ zhes pa'o// dri'i phyag rgya bcings la 'di skad ces brjod de/ oM sarba bid+yA gan+d+ha pU dza me g+has sa dra stA ra Nas ma ye d+d+ha/ zhes pa'o// thal mo rnam pa khod stong du gyur ba bcings la 'di skad ces brjod/ oM sarba d+hA da rat+na a lang kA ra pU ra ma b+has su s+pha ra u0f7fsa ma hUMzhes pa'o/ / oM sarba bid+yA hA s+ya la s+ya ra ti kri TA sau khyA a nut+ta ra pU dza me g+ha sa mu dra s+pha ra Na sa ma ye hUM/ zhes pa dang / oM sarba bid+yA a nud+ha ra bo d+hi a lang kAr bas+t+ra pU dza ma~M g+ha sa su dra s+pha ra Na sa ma yen+d+ra/ zhes pa'o// de nas 'khor ba'i sdug bsngal thams cad rjes su dran par byas nas/ bcom ldan 'das rdo rje sems dpa'i las kyi phyag rgya bcings la/ snying rje'i dbang gis sems can thams cad bsngal ba phyir byang chub kyi sems bskyed par bya ste/ ma bsgral ba rnams bsgral ba'i phyir dang / ma grol ba rnams grol bar bya ba'i phyir dang / dbugs ma phyin pa rnams dbugs dbyung ba'i phyir dang / yongs su mya ngan las ma 'das pa rnams yongs su mya ngan las bzla bar bya ba'i phyir dang / sems can gyi khams ma lus pa 'khor ba'i rgya mtsho las yang dag par bsgral ba'i phyir byang chub tu sem skyed par bgyi'o// oM sarba bid+ya badz+ra bo d+hi tsit+ta pU dza me b+ha sa mu dra s+pha ra Na sa ma ye hUM/ zhes pa'o// de nas sgeg mo'i phyag rgya bcings la 'di skad ces brjod de/ sems can thams cad yo byad thams cad dang yang dag par ldan cing dran sum tshogs pa rnams 'dod pa tsam la so sor 'byor par gyur cig/ oM sarba bid+yA mahA badz+ra ud b+ha ba dan pA ra mi ta pU dza me g+ha sa mu dra s+pha ra Na sa ma ye hUM/ 'phreng ba ma'i phyag rgya bcings la 'di skad ces brjod de/ sems can thams cad mi dge ba'i lus dang / ngag dang / yid kyi las kyi mtha' thams cad dang bral bar gyur cig/ dge ba'i lus dang / ngag dang / yid kyi las kyi mtha' thams / cad dang yang dag par ldan par gyur cig/ oM sarba bid+yA a nut+ta ra mahA bo b+haM ga a hA ra shI la pA ra mi ta pU dza me g+ha sa mu dra s+pha ra Na sa ma ye hUM/ glu ma'i phyag rgya bcings la 'di skad ces brjod de/ sems can thams cad mtshan dang dpe byad kyis yang dag par brgyan pa'i lus dang ldan pa dang / rtag tu phan tshun 'jigs pa med pa dang / zhes 'gras pa med par zhugs shing snying dang mig mngon par dga' ba dang / chos zab mo la bzod pa dang ldan par gyur cig/ oM sarba pi d+yA a nut+ta ra ma hA d+harma a ba bo d+ha ShAMn+ti pA ra mi tA pU dza me g+ha sa mu dra s+pha ra Na sa ma ye hUM/ zhes pa'o// ga ra ma'i phyag rgya bcings la 'di skad ces brjod de/ sems can thams cad byang chub kyi spyod pa dang mngon par ldan zhing / sangs rgyas nyid la mchog tu gzhol zhing 'khor ba yongs su mi spong ba'i brtson 'grus dang ldan par gyur cig/ oM sarba bid+ya saM sa rA pa ri t+yA ga a nut+ta ra bIr+ya pA ra mi ta pU dza me g+ha sa mu dra s+pha ra Na sa ma ye hUM/ zhes pa'o// me tog ma'i phyag rgya bcings la 'di skad ces brjod de/ sems can thams cad nyon mongs pa dang nye ba'i nyon mongs pa thams cad dang bral zhing bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa dang / rig pa dang / dbang thams cad phun sum tshogs par gyur cig/ oM sarba bid+yA a nut+ta ra sau khya bi hA ra d+hu na pA ra mi ta pU dza me g+ha sa mu dra s+pha ra Na sa ma ye hUM/ zhes pa'o// bdug pa ma'i phyag rgya bcings la 'di skad ces brjod de/ sems can thams cad 'jig rten dang 'jig rten las 'das pa'i shes rab dang / ye shes dang yang dag par ldan par gyur cig/ so so yang dag par rig pa bzhi yang dag par thob ste bzo dang bstan bcos thams cad shes shing / sgyu rtsal dang / sbyor ba dang / cho ga shes pa dang / de kho nyid mthong ba dang / nyon mongs pa dang shes bya'i sgrib pa thams cad yang dag par gcod pa'i ye shes thob par gyur cig/ oM sarba bid+yA a nut+ta ra kle sha ts+tshe da sarba d+harma sa man+ta dz+nyA na ma hA pradz+nyA pA ra mi tA pA dza me g+ha sa mu dra s+pha ra Na sa ma ye hUM/ zhes pa'o// mar me ma'i phyag rgya bcings la 'di skad ces brjod de/ sems can thams cad log par lhung ba thams cad dang bral bar gyur cig/ oM sarba bid+yA sarba a pA ya bi sho d+ha ni dz+nyA na A lo ka pra Ni d+hi pA ra mi tA pU dza me g+ha sa mu dra s+pha ra Na sa ma ye hUM/ zhes pa'o// dri chab ma'i phyag rgya bcings la 'di skad ces brjod de/ sems can thams cad mi shes pa dang bral bar gyur cig/ oM sarba bid+yA sarba a pA ya gan+d+ha bi na sa ni badz+ra ban+d+ha u pA ya pA ra mi tA pU dza me g+ha sa mu dra swa ra sa ma ye hUM/ zhes pa'o// lus kyi bsnyen bkur bya ba'i phyir bdag nyid phyogs bcu'i 'jig rten gyi khams ma lus pa'i de bzhin gshegs pa thams cad kyi zhabs kyi drung du phyin par lhag par mos par byas la/ oM sarba bid+ya kA ya nir+ya Na na pU dza me g+ha sa mu dra s+pha ra Na sa ma ye hUM/ zhes bya'o// thams cad lce brgya pa'i kha yis mnyam med mi g.yo zhes bya ba la sogs pa'i bstod pa nye bar spyod pa lhag par mos par byas la/ oM sarba bid+ya bAg ni rA ta na pU dza me g+ha sa mu dra s+pha ra Na sa ma ye hUM/ zhes bya'o// byang chub sems dpa' thams cad dgongs pa gcig pa'i sbyor ba nyid kyis chos mnyam pa nyid du lhag par mos par bya ste/ oM sarba bid+yA tsit+ta ni ta na pA dza me g+ha sa mu dra s+pha ra Na sa ma ye hUM/ zhes bya'o// chos thams cad ni dngos po med pa'i de bo nyid dang / stong pa nyid dang / mtshan ma med pa dang / smon pa med pa'i rnam pa'o zhes lhag par mos pa bas la/ oM sarba bid+yA gu h+ya pU dza me g+ha sa mu dra s+pha ra Na sa ma ye hUM/ zhes bya'o// de ltar mchod pa rnam pa nyi shus de bzhin gshegs pa thams cad yang dag par mchod la bdag nyid dbul bar bya ste/ sangs rgyas dang byang chub sems dpa' thams cad la bdag nyid dbul bar bgyi'o/ / bdag dus thams cad dang rnam pa thams cad du so sor bzhes su gsol lo// thugs rje chen po dang ldan pa'i mgon po khyed rnams kyis dam tshig chen po'i dngos grub bdag la stsal du gsol zhes bya'o/ / dge ba'i rtsa ba de'ang sems can thams cad dang thun mong du byas te/ dge ba'i rtsa ba 'di dag gis bdag dang sems can thams cad 'jig rten dang 'jig rten las 'das pa'i rgud pa thams cad dang bral bar gyur cig/ 'jig rten dang 'jig rten las 'das pa'i phun sum tshogs pa thams cad dang yang dag par ldan par gyur cig/ bde ba dang yid bde ba nyid kyis mi yi mchog sangs rgyas su tshe 'di nyid la gyur cig/ bdag gi dge ba'i las rnams 'di dag gis// 'jig rten du ni myur du sangs rgyas shog/ 'gro la phan phyir chos rnams ston bgyid cing / sems can sdug bsngal mang pos gzir las sgrol// zhes bya'o// bla na med pa yang dag par rdzogs pa'i byang chub tu sems yongs su bsngos la sdom pa gzung bar bya ste/ ji ltar dus gsum mgon po rnams/ byang chub tu ni nges mdzad pa// byang chub sems ni bla na med// dam pa bdag gis bskyed par bgyi// tshul khrims bslab pa rnam pa gsum// dge ba dang ni chos sdud dang // sems can don byed tshul khrims ni// bdag gis so sor brtan por gzung / sangs rgyas chos dang dge 'dun te// dkon mchog gsum mchog bla na med// sdom pa sangs rgyas rnal 'byor byung // deng nas brtsams te gzung bar bgyi// rdo rje chen po'i rigs bsdus la/ / rdo rje dril bu'i phyag rgya yang // de nyid kyis ni rab tu gzung // slob dpon dag kyang gzung bar bgyi// rin chen chen po'i rigs mchog gi/ dam tshig yid du 'ong ba la// nyin re bzhin du lan drug tu/ / sbyin pa rnam bzhi rab tu sbyin// pad+ma chen po'i rigs dag pa/ byang chub chen po 'byung ba la// phyi dang gsang ba theg pa gsum// dam chos so sor gzung bar bgyi// las chen rigs ni bsdus pa las/ / sdom pa thams cad yang dog ldan// mchod pa'i las ni ci nus bzhin// kun nas so sor gzung bar gyi// sems can kun gyi don bgyid phyir// byang chub sems ni bla med pa// dam pa yang da bskyang bgyis shing / / sdom pa ma lus bzung bgyis nas// ma bsgral ba rnams bsgral bar bgyi// ma grol ba rnams bdag gis dgrol// dbugs ma phyin pa dbugs dbyung bgyi// sems can mya ngan 'das la dgod/ ces bya'o// de nas nam mkha'i dkyil 'khor la lha la sogs pa rnams kyis mchod par lhag par mos te/ nye bar spyod pa lnga la sogs pas mchod par bya'o// yang dag par mchod nas ni bcom ldan 'das kyi yon tan bsngags par byed de/ e ma'o sangs rgyas e sangs rgyas// sangs rgyas mdzad pa mchog legs so// ngan song thams cad legs sbyangs nas// sems can byang chub thob mdzad phyir/ zhes pa'o// de nas badz+ra any+dza li zhes pa dang / rdo rje bsdams pa snying khar dral bar bya ste/ oM sarba bid+yA badz+ra ban d+ha trAH/ ces brjod bcing ngo // rdo rje 'bebs pa'i phyag rgya bcings la/ oM tiSh+Tha badz+ra dr-in+ta me b+ha ba shA shwa d+ha me b+ha ba hri da yaM me a d+hi tiSh+Tha sarba sid+d+him+me pra yats+tsha hUM/ ha ha ha haho/ zhes bya'o// oM badz+ra muSh+Ti baM/ sems ma rdo rje bcings nas oM sarba b+hi na sho d+ha ne sarba pA paM a na ya hUM/ rdo rje bsdams pa bstan bcings nas/ / rdo rje'i phyag rgya gnyis bar nas// myur du gyen du legs 'phen la// ltung ba spong bar byed pa'i mchog/ ces pa'o// oM sarba bid+yA sarba a pA ya bi sho d+ha ne hUM phaT/ sdig pa thams cad rnam par spyod pa'i sngags so/ / rdo rje bsdams pa brtan byas nas// gung mo dag ni kha sbyar te// mtha' ma bzhi po kha spras pa/ myur du sdig pa dral bar 'gyur// oM sarba bid+yA tAnahUM/ sems ma rdo rje bcings la/ oM sarba bid+ha sarba A ba ra Na bi sho d+ha ne mu ne hU~M phaT/ 'don pa'i mtshan nyid do// de nas de'i rjes la rnal 'byor pas snying pa'i dbus su yi ge a las zla ba'i dkyil 'khor dang steng du/ oM mu ne mu ne mahA mu na ye swAhA/ oM na maHsarba durga ti sho d+ha ne/ sho d+ha ne sarba pA paM bi sho d+ha ne/ shud d+he bi shud d+he/ sarba karma A ba ra Na bi shud d+heska/ de dag gis ngan song thams cad yongs su stong pa'i dkyil 'khor yongs su rdzogs par 'gyur ro/ / de nas rdo rje lcags kyu la sogs pas bkug nas bcug ste bcings nas dbang du byas nas/ nam mkha'i dkyil 'khor la gzhug ste/ dkyil 'khor gnyis kyis dkyil 'khor gcig tu 'gyur ro/ / rdzogs pa'i rnal 'byor du gyur pa las dam tshig gi dkyil 'khor gyi lha yongs su rdzogs par 'gyur ro// de la dkyil 'khor gyi dbus su bdag nyid kyi dngos po 'khor los sgyur ba'i gzugs shAkya seng ge sgom mo/ / de nas kya thub pa'i thugs yi ge a las zla ba'i dkyil 'khor sgom zhing / zla ba'i kyil 'khor gyi dbus su/ oM mu ne mu ne ma hA mun ye swAhA/ de nas rdo rje rgyu'i las kyi phyag rgyas dkyil 'khor sprul te/ oM sarba bid+yA badz+ra tsakra hUM/ zhes pas so// sems ma rdo rje bcings nas/ de nas de nyid kyi sor mo dbus ma gnyis kyis 'phreng ba thogs la/ sa ma ya hUM/ zhes pa 'dis yid kyis 'jug go/ 'phrang ba de'ang rang gi mgo bor bzhag ste/ pra tIts+tsha badz+ra hoHzhes pa 'dis so// de nas rang gi mgo bor bcings te/ oM pra ti gr-ih+Na s+t+waM i maM satwa mahA ba la/ zhes pa 'dis so// gdod pa bcings la yang 'dis dgrol lo/ / oM/ rdo rje sems dpa' rang nyid kyi// khyed kyi mig ni 'byed par brtson// rdo rje'i mig ni bla na med// thams cad mig ni bye bar 'gyur// zhes pa dang / he badz+ra pa shwa/ zhes pa'o// de nas dkyil 'khor chen por ji srid bcom ldan 'das shAkya thub pa de srid du blta'o// yang sems ma rdo rje bcings la thugs kar dgrol zhing rdo rjer byin gyis brlabs pa'i bum pa nas dbang bskur ba rdo rje khu tshur gyis sbyin pa'o/ / oM sarba bid+yA badz+ra a b+hi Shiny+tsa/ zhes pa'o// yang rdo rje dbyings kyi dbang phyug ma la sogs pa'i phyag rgyas rgyas gdab ste/ oM sarba bid+yA badz+ra d+ha ra tiSh+Tha badz+ra Ni hUM/ a b+hi Shiny+tsa maM/ oM sarba bid+yA rat+na badz+ri Ni hUM/ a b+hi Shiny+tsa maM/ oM sarba bid+yA d+har+m+ma badz+ri Ni hUM/ a b+hi Shiny+tsa mAM/ oM sarba bid+yA kar+m+ma badz+re Ni hUM/ a b+hi Shiny+tsa mAM/ oM TuM badz+ra du Sh+ya ho/ yi ge gnyis kyi go chas go bgos la/ de nas rang nyid rdo rje'i dbang bskur ba gzung bar bya ste/ sangs rgyas rnams kyi rdo rje yis// dbang gis de ring khyod dbang bskur// 'di ste sangs rgyas thams cad nyid// rdo rje rab tu grub phyir gzung // oM badz+ra a d+hi pa ti s+t+waM a b+hi ShaH mi tiSh+Tha badz+ra sa ma ya s+t+waM/ badz+ra nA ma a b+hi Sha ka ta/ oM badz+ra satwa s+t+waM a b+hi Shiny+tsa mAM/ 'di ste sangs rgyas thams cad nyid// rdo rje sems dpa'i phyag na gnas// khyod kyis kyang ni rtag tu gzung // phyag ni rdo rje'i brdal zhugs brtan/ / oM sarba ta thA ga ta sid+d+hi badz+ra sa ma ya tiSh+Tha e Sha s+t+rai d+hA ra yA mi badz+ra satwa hi hi hi hi hUM/ zhes pa'o// oM sarba bid+ya badz+ra a d+hiSh+ThA na sa ma ye hUM/ bdag nyid byin gyis brlab pa'i sngags so// rngos za chur gnyis bcings nas mthe bong dang / phung mo dang / mthe'u chung chen du bsgreng gyi kha rgyur nas mdzub mo dang ming med sems pa'i skyil grang byas pa na rdo rje'i phyag bya ste/ ming kha dang / mgrin pa dang / dpral ba dang / mdzod spu dang / smin mtshams dang / sna dang / rna ba dang / dku dang / pus mo dang / rkang pa dag dang / byin pa dang / mig gnyis dang / gsang bar byin gyis brlab pa'ang bya'o/ / de nas rang gi lus la/ sa ma ya aH/ yi ge a las zla ba'i dkyil 'khor sa bon las byung ba'i mtshan ma thams cad kyi snying po'i rgyal bskyed cing oM sarba dId+hA d+yA sh+ya dzaHd+hU sa ma ya s+t+wa~M/ sa ma ya hoH/ oM mu ne mu ne mad+hA mu na le swA/ zhes lan gsum brjod par bya'o// thun mong ba'ang ngo // de nas rang gi lus la rdo rje bsdu ba'i phyag rgya bcings te/ dzaHhUM ba~M hoH/ brjod cing gnas ji lta ba rnams su bkug nas bcug ste bcings la dbang du bya'o/ / rang gi thugs kar hU~M yig ni// sbyor bas rdo rje rtse lnga pa// shAkya seng ge'i dam tshig gi phyag rgya rab tu bshad par bya// dbus su ting 'dzin mchog gis ni/ / bzhugs pa dam tshig phyag rgyar bshad// rdo rje bcings pa dam byas la// gung mo gnyis kyi rtse mo sbyar// rdo rje phyag rgya ma bcas pa// rdo rje gtsug tor phyag rgya'o// de nyid gung mor chen dang / gung mo pad+ma'i rnam pa dang // de nyid gung mo rdo rje las// sor mo lhag ma 'bar byas nyid// sor mo de nyid 'bar byas la// gtsug tor gzi brjid phyag rgya'o// de nyid las ni srin lag dang // ma chung gnyis ni ma'am ste bsgreng / / mdzub mo pad+ma'i 'dab ma las// gung mo rdo rje bsgreng ba dang // de nyid mdun du bzhag nas ni// rdo rje dra ba'i tshul du bya// snying khar yang ni mthe bong mnyam// rab tu brkyang ba 'phreng ba ma/ / thal mo sbyar ba kha nas dbyung // gar byed spyi bor thal mo sbyar// rdo rje bsdams pa thur du sbyin// thal mo legs sbyar gyen du gtor// mthe bong mnyam ste rab tu bsdams// rab tu brkyang ba byug pa'o// rdo rje khu tshur gnyis bcings nas// mdzub mo mthe bong gung mo rnams// re re zhing yang phan tshun du// mngon du phyogs pa gzung bar bya// mdzub mo gcig ni cung zad bkug mthe bong gnyis ni mdud pa bcing / / mthe bong mdzub mo bsnol ba bcing // rdo rje khu tshur rtse mo bsdams// mgrin par pad zla'i dkyil 'khor du// chos kyi phyag rgya rnam par bsgom// sngar gyi 'byin pa'i sngags kyis ni/ / chos kyi phyag rgya yin par bshad// thugs kar sna tshogs rdo rje ni// bsams te las kyi phyag rgya bya// ji skad bshang ba'i chos 'khor lo// shAkya'i rgyal po'i phyag rgya'o// sa gnon mchog sbyin ring 'dzin dang / / mi 'jigs sbyin sogs rim pa bzhin// ting 'dzin mchog tu gnas pa ni// gtsug tor gzi brjid phyag rgya'o// g.yas pa'i lag ngar dbyug pa dang // g.yon pa snying khar ral gri 'phyar/ / g.yon pa sdigs mdzub bsgreng bya ste// g.yas pa bteg ste brkyang bar bya// lag pa gnyis ka gar bsdoms nas// gdugs kyi rnam par gzhag par bya// chos kyi phyag rgya'i cho ga gang // @rdzogs sangs rgyas skyob min pa'i yang // rdo rje bsgyings pa'i sbyor ba yis// brtags pa'i bsam pas mdud par bya// 'phreng ba bcing dang kha nas dbyung // bar gyis yongs su bskor ba nyid/ / rdo rje khu tshur sbyor ba yis// bdug pa la sogs de bzhin sbyar// mdzub mo lcags kyu bcing ba yis// mthe'u chung la ni lcags sgrog che// mkhrig ma mdud cing mdzub gnyis bsnol// rgyab dag kyang ni nges par bsdam/ / de nas de phyir go rims bzhin// byang chub sems dpa' bdag nyid che'i// las kyi phyag rgya 'chang ba yi// mtshan nyid yang dag rab tu bshad// rdo rje khu tshur gnyis bcings nas// phaT tshun lhan cig gshibs nas ni/ / mdzub mo dang ni gung mo dgug/ me tog rnam par gzung bar bya// byams pa'i phyag rgya'o// g.yon pa khu tshur dkur bzhag la// g.yas pa'i dpung pa'i thad kar ni// mdzub mo gung mo brkyang nas ni/ / mig gi tshul du gzhag par bya// mthong ba don yod kyi'o// rdo rje khu tshur gnyis bcings nas// mdzub mo dag ni brkyang nas su// g.yas pa lcags kyu legs bzhag pa// ngan song thams cad spong ba'i yin/ / g.yon pa khwa tshur dkur bzhag la// g.yas pa dbyig pa lta bur ni// gyen du bsgrengs la gzhag par bya// mya ngan mun pa kun 'joms kyi'o// g.yon pa khra tshur lte bar gzhag lag pa g.yas pa glang po che'i/ / sna yi tshul du bzhag pa ni// spos kyi glang po'i phyag rgya'o// g.yon pa khu tshur dkur gzhag ste// g.yas pa ral gri thogs pa yi// tshul du 'jog par byed pa ni/ dpa' bar 'gro ba'i phyag rgya yin/ / g.yon pa khu tshur snying khar gzhag/ g.yas pa steng bskor mkha' mdzod kyi// rdo rje khu tshur gnyis bcings pa// rgyal mtshan 'dzin pa lta bur ni// g.yas kyi logs su 'jog byed pa/ ye shes tog gi phyag rgya'o// lag pa gnyis kyis bum 'dzin ltar// bzhag pa 'od dpag med pa'i 'o// g.yon pa'i khu tshur brla stengs gzhag/ g.yas pa'i khu tshur gzhogs su ni// mthe bong mthe'u chung brkyang byas la/ / zla tshes rnam pa zla 'od kyi'o// lag pa gnyis ni snying kha ru// pad+ma'i rnam par rnam phye la// rtse mo phan tshun sbyar ba ni// bzang skyong gi ni phyag rgya yin// rdo rje khu tshur gnyis bcings la/ go cha 'dzin pa lta bur ni// nub ma gnyis su legs bzhag pa// dra ba can 'od phyag rgya yin// g.yon pa'i khu tshur dkur bzhag la// g.yas pa snying khar bzhag nas ni// sor mo dbus ma bsgrengs byas la/ / rdo rje snying po'i phyag rgya yin// g.yon pa khu tshur snying khar gzhag/ g.yas pa mi 'jigs sbyin rnams la// blo gros mi zad pa yi'o// g.yon pa'i khu tshur lte bar gzhag/ g.yas pa'i se gol gtogs pa ni/ / spobs pa brtsegs pa'i phyag rgya yin// g.yon pa'i khu tshur dkur bzhag ste// g.yas pa'i rin chen khu tshur bya// kun tu bzang po'i phyag rgya yin// mtshan ma dang bral cho ga yis/ / las kyi phyag rgyar bshad pa yin// snying khar rdo rje rtse lnga pa'i// gzugs can yang dag gzang bya zhing // 'byin pa rnams su ji ltar bzung // phyag rgya mtshan ma bsnams pa dag/ rdo rje dril bu bzung nas ni/ / thugs kar rdo rje 'dzin pa ni// phyag rgya che zhes byang chub gang // byang chub sems dpa' bdag nyid che'i// 'byin pa rnams su ji ltar bzung // phyag rgya mtshon cha bsnams/ parnams/ bdag nyid chen po gang gang gis// phyag rgya gang dang gang bcings nas// snying po don gyi bzlas pa dang // rang gi bdag nyid bsgom par bya// phyag rgya bzhi rnams sgrub byed pa// lha rnams thams cad rgyas btab dang / / kun mkhyen yon tan rdzogs pa dang // sems can kun gyi don bya'i phyir// ngan song thams cad legs sbyangs nas// sems can byang chub thob bya'i phyir// de nas sngags rab bshad bya ste/ ngan song kun sbyong dkyil 'khor du// phyag rgya sngags kyis rab sbyor gyis// bya ba thams cad nus par 'gyur// so so so sor rdo rje gar// byas nas sngags rnams brjod par bya// oM na mo b+ha ba ba ti// sarba durma ti pa ri sho d+ha no rA dzA ya/ ta thA ga ta ya/ ar+ha te samyaka saM bud+d+hA ya~M/ tad+ya thA/ oM sho d+ha ne sho d+ha na/ sarba pA paM bi sho d+ha ne/ shud+d+ha bi shud+d+he sarba karma A ba ra Na bi shud+d+he swAhA// g.yon pa'i rdo rje khu tshur gyis rdo rje dril bu blangs la/ lag pa g.yas pas rdo rje 'gying ba dang bcas pas rdo rje gsor zhing 'di skad ces brjod do// badz+ra bA tsan Tagyi hUM dzaHdzaHdza/ rang gi snying khar bsgreng ste gsal ba'i sbyor bas gzung zhing Tak+ki dzaHho/ zhes brjod de/ de nas yi ge brgya pas brtan par bya ste/ de dag gis byang chub sems dpa' sa bcu pa'i dbang phyug dang 'dra bar 'gyur ro// de rnams bltas la mchod pa thams cad kyis rab tu mchod do/ de nas de rnams kyis bstod pa rnams kyis yang dag par mchod par bya ste/ chos kyi 'khor lo bskor mdzad pa// khams gsum pa yi 'gro kun gyi// ngan song thams cad stong mdzad pa// shAkya seng ge khyod phyag 'tshal/ / chos kyi dbyings kyi rang bzhin las// sems can kun la phan pa'i phyir// rang gi de nyid ston mdzad pa// rdo rje gtsug tor khyod phyag 'tshal// mnyam nyid de nyid bsgoms pa yis/ khams gsum la gnas thams cad la// dbang bskur rab tu gsol mdzad pa// rin chen gtsug tor khyod phyag 'tshal// so sor kun rtog rang bzhin can// chos kyi bdud rtsi'i char 'bebs pas/ sems can dbugs 'byin mdzad pa po// pad+ma'i gtsug tor khyod phyag 'tshal// sems can sdug bsngal zhi bya'i phyir// bya ba rjes sgrub rang bzhin can// 'phrin las sna tshogs mdzad pa po// sna tshogs gtsug tor khyod phyag 'tshal// khams gsum 'od kyis gsal mdzad nas// sems can kun gyis 'phags pa yi// bden pa mthong bar mdzad pa po// gtsug tor gzi brjid khyod phyag 'tshal// yid bzhin nor bu'i rgyal mtshan bsnams// sbyin pas sems can thams cad kyi// bsam pa thams cad rdzogs mdzad pa// gtsug tor rgyal mtshan khyod phyag 'tshal// nyon mongs nye ba'i nyon mongs dag gcod cing bdud bzhi'i stobs bcom nas/ / sems can byang chub thob mdzad pa// gtsug tor rnon po khyod phyag 'tshal// khams gsum 'gro ba thams cad kyis// gdugs dkar gyis ni brgyan pa yi// chos kyi rgyal po thob mdzad pa// gtsug tor gdugs dkar khyod phyag 'tshal// sgeg mo 'phreng ba de bzhin rdza/ gar mkhan lha mo bzhi po dang // spos dang me tog mar me ma/ tri yi l+h+wa khyod phyag 'tshal/ / dad sogs ngo bo las byung ba// sgo bzhi'i dbus na gang bzhugs pa// lcags kyu zhags pa lcags sgrog dril// sgo skyong khyed rnams la phyag 'tshal// sgo bzhi yi ni logs dag na// khyams rnams su ni bzhugs mdzad pa/ / rab dga' la sogs bcu gnyis gnas// byang chub sems dpa' khyed phyag 'tshal// tshangs dbang drag po zla ba sogs// phyogs bzhir 'jig rten skyong ba rnams// me dang srin po rlung lnga dang / 'byung po'i bdag po khyed phyag 'tshal// bstod pa'i rgyal po 'di yis ni// dkyil 'khor mdun du kun bsdod nas// sngags pa rdo rje dril 'chang bas// bstod pa 'di dag yang dag brjod// phyi nas rang gi lus la ni/ / bdag nyid dkyil 'khor rab tu gzhug/ de ltar nges par sgom bzhin pa'i// dkyil 'khor dang po sbyor ba zhes bya ba'i ting nge 'dzin to// / de nas dkyil 'khor rgyal mchog ces bya ba rab tu bshad par bya ste/ / oM a kA ro mu khaM sarba d+harmA Na a d+ha nu pan+d+ha tAta/ de'i don ni rnam par thar pa las phyogs bcu'i 'jig rten gyi khams thams cad stong zhing bcu drug tu lhag par mos par bya ste/ ngar 'dzin pa'i bdag nyid stong pa nyid du blta'o/ / de nas yi ge hrI las rdzogs pa'i rdo rjes rlung gi dkyil 'khor dang / yi ger gyis me'i dkyil 'khor dang / de'i steng du yi ge baM las chu gtar chen po dang / de'i steng du yin kaM las gser gyi dkyil 'khor dang / de'i steng du dbus su hUM suM hUM zhes bya ba ste/ de las ri rab gru bzhi pa rin po che'i rang bzhin rin po che thams cad kyis brgyan pa bskyed la/ oM badz+ra dr-iT+Ta/ zhes pa la sogs pa dang rdo rje bsdams pas byin gyis brlab bo/ / de'i steng du rdo rje rgyu'i las kyi phyag rgyas yi ge b+h+rUM dkar po las byung ba'i rdo rje dang / nor bu dang / rin po che'i rtse mo can gzhal yas khang / gru bzhi pa la sgo bzhi pa// rta babs pa ni yis rnam par brgyan/ / grwa bzhi rnams ni thams cad du// sgo dang sgo khyud mtshams rnams su// zla ba mtshan ma rdo rjes spras// dra ba dra phyed kyis brgyan cing / thig le dang ni yang dag ldan// dar dang me tog 'phreng bas brgyan/ / nang gi dkyil 'khor ni 'khor lo rtsibs brgyad pa rdo rje 'phreng bas yongs su bskor ba'o// de'i lte ba'i steng du seng ge'i gdan no// de'i steng du zla ba'i dkyil 'khor ro// 'khor lo rtsibs brgyad pa'i nang rnams su zla ba'i dkyil 'khor te lha rnams kyi gnas so/ / phyi'i dkyil 'khor gyi lha rnams kyi gnas ni snams bu rnams la zla ba'i dkyil 'khor nyi shu rtsa brgyad blta'o// seng ge'i gdan gyi steng gi b+ha ba'i dkyil 'khor yi ge a la sogs pa dang / yi ge ka la sogs pa shes rab dang thabs kyi yi ge zhu bar gyur pa mkha' khyab kyi ting nge 'dzin la snyoms par zhugs pa/ byang chub kyi sems kyi rang bzhin rgyu sems can can gyi don gyi rgyu rdzogs pa'i sngags kyi gzungs su gyur te/ oM mu ne mu ne ma hA mu na ye swAhA/ sngags 'dis dpal shAkya'i rgyal po rdzogs par 'gyur te/ sgrib pa thams cad sel ba'i ting 'dzin la snyoms par zhugs pa'o/ / de nas ting nge 'dzin la snyoms par bzhugs pa'i sangs rgyas bcom ldan 'das de'i phyag rgya dang sngags bshad par bya ste/ rdo rje khu tshur gnyis bcings nas/ / rim gyis rnam par dbye bar bya// chos kyi 'khor lo'i phyag rgya ni// 'khor ba thams cad gcod byed yin// de yi dpe ni 'di lta ste// ji ltar pad+ma la chags pa'i// bung ba la sogs bsdams pa rnam/ pad+ma'i 'dab ma kha phye na// bcings pa'i sdug bsngal las thar byed// de bzhin 'khor ba'i sdug bsngal gyi// srid gsum 'khor bar bcings pa 'di// thugs rje'i bdag nyid shAkya yi// seng ges bcings pa las grol mdzad/ / de nas dpal shAkya thub pa'i thugs kar yi ge a las zla ba'i dkyil 'khor ro// de nas zla ba'i dkyil 'khor la sngags thams cad kyis bskyed par bya ste/ rdo rje gtsug tor nas brtsams te ji srid rdo rje 'bebs pa'i mthar thugs pa 'byung ba yin no/ / de nas sngags rnams 'byung ste/ oM na mo b+ha ga ba te/ sarba durga ti pa ri sho d+ha na rA dzA ya/ ta thA ga tA ya/ ar+ha te samya ka saM bud+d+hA ya/ tad+ya thA/ / sho d+ha ne sho d+ha ne/ sar+b+ba pA paM bi sho d+ha ne/ bi shud+d+he bi shud+d+he sar+b+ba karma a ba ra Na bi shud d+he swAhA/ sngags 'di nges par brjod do// de nas/ de'i phyir go rims bzhin yang dag/ rim bzhin yang dag rab bshad bya/ oM badz+ra hUM phaT/ kha yi sgo nas byung nas ni// kun nas 'od zer lnga par 'thon// kun nas phyogs bcur snang byas nas// sems can rnams ni thams cad kyi// sdug bsngal rnams ni thar mdzad de/ 'od zer rnams ni slar log nas// thugs kar zhugs te de rjes la// sngags dang 'od zer gnyis 'dres pa// las byung sku ni yongs rdzogs pa// nang gi dkyil 'khor 'khor lo'i rtsibs// shar phyogs pad+ma zla bar bzhugs/ / rdo rje gtsug tor de bzhin gshegs// sems can kun la phan don du// thugs ka las byung bzhugs pa ni// sku mdog dkar zhing 'od zer 'bar// sa non phyag rgya yang dag bzhugs/ de ltar 'od zer spro bsdu ni// sngar bshad pa yi thams cad kyang // spro dang bsdu ba'i sbyor ba yis// sngags dang 'od zer legs 'dres dang // sku ni bskyed cing yang dag rdzogs// ji bzhin gnas su bzhugs par bya/ / oM rata nota ta ma tAM/ zhes bya bas dbyung bar bya'o// lho yi rtsibs su yang dag bzhugs// pad+ma zla ba'i dbus su ni// rin chen gtsug tor de bzhin gshegs// thugs ka nas ni nges bton nas// sangs rgyas mtshan gyis yang dag brgyan// sku mdog sngo zhing shin tu mdzes// 'di yi phyag rgya mchog sbyin nyid// khams gsum pa ni ma lus pa'i// sems can kun la dbang bskur mdzod// sngar bzhin spro dang bsdu ba dang / / gzugs bskyed pa yi rim pa yis// oM pad mod ta ma hrIH/ zhes dbyung bar bya'o// de nas nub kyi rtsibs gnas pa'i// pad stengs zla ba'i dkyil 'khor la// sa bon 'od zer gyis rdzogs pa'i/ / pad stengs gtsug tor de bzhin gshegs// thugs ka las ni phyung gyur nas// rjes su sngon mdzad bzhugs pa ni// pad+ma rA ga'i 'od 'bar la// bsam gtan phyag rgyas rnam par bzhugs/ / maM bi sho d+ha ma aH/ zhes srung ngo // byang phyogs rtsibs gnas padam yi// steng du zla ba'i dkyil 'khor la// thugs gnas bton sangs rgyas nA~M// rdzos gtsug tor de bzhin gshegs/ / sgra mdog ljang khu 'od 'bar ba// 'di yi phyag rgyas mi 'jigs sbyin// phyag rgyas 'phrin las sna tshogs mdzad// sems can 'khor ba las sgrol ba'o// yi ge oM gyis sangs rgyas dbyung / / gtsug tor gzi brjid de bzhin gshegs// me yi mtshams gnas pad+mar gnaso// yang dag zla ba'i dkyil 'khor la// g.yas pa nyi ma yang dag snams// phyag g.yon pa ni dku la gnas/ sku mdog dkar dmar 'od kyis ni// khams gsum pa ni snang bar mdzad// hUM gi sa bon las byung ba// gtsug tor rgyal mtshan de bzhin gshegs// thugs ka las byung phyung nas ni// bden thal rtsibs la bzhugs nas ni/ / bad gnas zla ba'i gzugs la yang // sku mdog dmar zhing gnag pa la// yid bzhin nor bu'i rgyal mtshal bsnams// sems can ser sna skyong mdzad pa// hrIHyig sa bon las rdzogs pa'i/ / gtsug tor rnon po de bzhin gshegs// nyon mongs nye ba'i nyon mongs rnams// gcod mdzad rlung gi rtsibs su phyung // pad+ma zla ba la bzhugs shing // 'di yi phyag mtshan g.yas ral gri/ g.yon ma glegs bam bsnams pa ni// sku mdog mkha' ltar sngo ba'o// pad+ma la gnas zla bar bzhugs// kr-i yig sa bon las byung ba'i// gtsug tor gdugs dkar de bzhin gshegs// sems can rnams kyi chos kyi rje/ / dbang ldan rtsibs su dbyung bar bya// kun da lta bu'i mdog lta bu// 'di yi phyag mtshan gdugs bsdams pa// de kun sna tshogs pad+mar gnas// zla ba'i dkyil 'khor la bzhugs pa'i/ / oM traM hrIHaH/ sngags de rnams su brjod nas su// thugs ka nas ni dbyung ba dang // mtshams kyi gnas ni bzhi po ru// pad+ma zla ba'i dkyil 'khor la// sgeg mo la sogs lha mo bzhi// rigs kyi sku mdog 'dzin pa ste/ / dkar ser dmar po sna tshogs mdog/ de nas phyag rgya bcings pa ni// sngar bshad ji skad bshad bzhin du// bsngags pa nyid ni brjod nas su// thugs ka nas kyang dbyung bya ste// gdug pa la sogs lha mo bani/ / pad+ma la gnas zla ba yi// dkyil 'khor du ni mtshams bzhi'o// thams cad du yang sku mdog ni// rigs kyi rim pa nyid kyis so// oM sar+b+ba saM skA ra pa ri shud+ha d+har+m+ma te/ ga ga na sa mud ga te swa b+hA ba bi shud d+he ma hA na ya pa ri bA re swA hA/ sngags kyis dbyung ste shar gyi sgo'i// gzhogs gnyis dag tu gnas pa ni// byams pa la sogs gnas bzhi po// pad gnas zla ba'i dkyil 'khor la// thams cad sems dpa'i skyil gung can/ / phyag rgya sku mdog rim pa yang // byams pa thugs ni rnam dag pa// sku mdog ser po 'od zer bzang // g.yas pa klu shing me tog can// g.yon pas spyi blugs bsnams pa'o// gnyis pa mthong ba don yod ni// sku mdog ser po 'od zer 'bar// phyag g.yas pad+ma spyan can te// g.yon pa'i phyag ni dkur bzhag pa'o// byang chub sems dpa' gsum pa yang // mtshan ni ngan song spong 'jom pa/ sku mdog dkar po 'od 'bar zhing // phyag rgya lcags kyu bsnams pa can// bzhi pa mya ngan mun pa kun// nges 'joms blo gros de bzhin te// dkar ser 'dres pa'i mdog tu snang / de yi phyag rgya dbyug pa bsnams// g.yon pa khu tshur dkur bzhag cing // sems dpa'i skyil mo krung du bzhugs// byang chub sems dpa' ba'i rnams kyang // lho sgor rab tu bzhugs pa'o// dang po spos kyi zang po yang / dkar po sngo ba'i sku mdog can// 'di yi phyag rgya phyag g.yas na// dri yis dung ni rab tu bkang // g.yon pa khu tshur dkur bzhag la// sgrib pa thams cad rnam par sbyong // gnyis pa dpa' bar 'gro ba mchod// nyon mongs thams cad rab grol mdzad/ / shel gyi mdog can 'od bzang ba// 'di yi phyag rgya ral gri bsnams// g.yon pa'i phyag ni dkur bzhag nas// sems can sdug sngal zhi mdzad pa'o// gsum pa nas mkha' mdzod nyid de/ / rgyan ni thams cad kyis brgyan pa// dkar ser bsres pa'i sku mdog 'od// sgrib pa thams cad rnam par spangs// 'di yi phyag rgya phyag g.yas na// pad+ma la gnas chos kyi mdzod// g.yon pa'i phyag ni dkur bzhag la/ / nam mkha' nor kun 'chang ba po// bzhi pa yang ni ye shes tog/ bsam pa thams cad yongs rdzogs mdzad// sngon po'i mdog can yang dag gsal// yid bzhin nor bu'i rgyal mtshan bsnam/ g.yon pa khu tshur dkur 'jog cing // dbul ba'i sdug bsngal dgrol mdzad pa// nub sgo'i drung du pad+ma la// gnas pa'i zla ba'i dkyil 'khor du// dang po bdud rtsi 'od ces bya// khra ba'i mdog gis rnam par mdzes/ bdud rtsi'i bum pa legs par bsnams// cod pan rin chen phyag gis so// g.yon pa khu tshur dkur 'jog cing // rgya chen tshe ni stsol ba po// gnyis pa'i mtshan ni bla ba'i 'od// mi shes pa yi mun pa bsal/ sku mdog dkar po mdzes pa ni// phyag rgya g.yas pa'i phyag gnyis kyis// pad+mar gnas pa'i zla ba'i gzugs// g.yon pa khu tshur dkur bzhag pa'o// gsum pa bzang skyong zhes bya ba// dkar zhing dmar ba'i mdog can nyid// chos rnams thams cad rab gsal mdzad// phyag rgya phyag ni g.yas pa yis// rin chen 'bar ba yang dag bsnams// g.yon pa khu tshur dkur gnas pa'o// byang chub sems dpa' bzhi pa yang / / dra ba can gyi 'od mtshan can// sku mdog dmar po 'od 'bar ba// rdo rje'i gur ni bsnams pa can// byang sgo'i rtsa bar pad+ma la// gnas pa'i zla ba'i dkyil 'khor du/ sangs rgyas sras po dang po nyid// mtshan ni rdo rje snying po zhes// dkar zhing sngo ba'i mdog dang ldan// phyag rgya phyag ni g.yas pa yis// ut+pa la ni rdo rjer ldan// g.yon pa khu tshur dkur gnas pa'o// gnyis pa glo gros zhes pa yi// mi zad mthar yang yang dag ldan// kun tu zla ba'i mdog ltar gsal// phyag rgya phyag ni g.yas pa yis// ye shes bum pa yang dag bsnams// sems can thams cad rab tshim mdzad/ / sangs rgyas sras po gsum pa yang // spobs pa brtsegs pa'i tha snyad can// sku mdog dmar zhing 'od 'bar ba// phyag rgya phyag g.yas pad+ma la// gnas pa'i rin chen phung po nyid // g.yon pa la chur dkur gnas pa'o// rgyal ba'i sras po bzhi po ni// kun tu bzang po zhes bya ste// sku mdog ser zhing 'ong 'ab ga/ g.yas pa'i drug gi phyag d+ha ni// rin chen ma bsdams pa la/ / g.yon pa khu tshur dkur brten pa'o// de lta'i gzugs dang yang dag ldan// byang chub sems dpa' brtse bdag nyid// dkyil 'khor rgyal mchog ces bya ba'i ting nge 'dzin to// // oM mu ne mu ne ma hA mu na ye swA hA/ na maHsar+b+ba durga ti pa ri sho d+ha na rA dzA ya/ ta thA ga tA ya/ arba te samyaka saM bud+d+hA ya/ tad+ya thA/ oM sho d+ha ne sho d+ha ne/ sarba pA paM bi sho d+ha ne/ shud d+ha bi shud+d+he sarba kar+m+ma A ba ra Na bi shud+d+ha swAhA/ sngags 'dis shAkya'i rgyal po la sogs pa lha sum cu rtsa bdun yongs su rdzogs par bsgom mo// de nas de'i rjes la ye shes kyi dkyil 'khor spyan drang bar bya'o// sngags dang bya/ rgyamanyam ldan pas// sgo ni dbye bar byas nas su// rdo rje khu tshur gnyis bcings la// mdzub mo gnyis ni rab tu brkyang // mthe'u chung lu gu rgyud byas la// sgo dbye ba yi phyag rgya yis// oM sad+d+ha bid+yA d+har ud g+ha Ta ya hUM/ sgo dbye ba'i sngags dang phyag rgyas sgo dbye'o// rdo rje 'khor lo'i phyag rgyas dkyil 'khor yongs su bteg ste/ oM sar+b+ba bi d+ya badz+ra tsakra hUM/ lag ngar dag ni rdo rjer bcings// rdo rje sa gol rnam grol bas/ / shAkya'i rgyal po sbyor bdag dpal// sangs rgyas thams cad bsdu bar bya// g.yas pa se gol brdabs pa yis// mnyam par brdabs pas grub par 'gyur// g.yas pa yis kyang brdab par gsungs/ / gnyis ka yang ni sdud pa yin// oM badz+ra sa mA dza dzaHhUM baM hoH/ bka' bsgo ba 'di bsgrags tsam gyis// 'khor dang bcas pa'i 'khor lo'i tshogs// sangs rgyas tham cad byon 'gyur te/ / gzhan rnams rab 'jug lta ci smos// de nas mdun gyi nam mkhar dkyil 'khor gyi 'khor lo bltas la// rdo rje gnod sbyin gyi sngags kyis mchod yon gyi snod na gnas pa'i dri'i chus yang dag par bsangs te zhabs bsil dbul lo/ / de nas mchod yon gyi phyag rgyas mchod yon dbul lo// de nas zhal bsil gyi phyag rgyas zhal bsil dbul lo// de nas/ oM badz+ra puSh+pe hUM/ oM badz+ra d+hU pe hUM/ oM badz+ra dI pe hUM/ badz+ra gan+d+he hUM/ rdo rje gnod sbyin gyi phyag rgyas bgegs bskrad la dkyil 'khor du gzhug go/ de nas yang phyag rgya dang por sngar bshad pa'i phyag rgya'i tsho gas dam tshig gi phyag rgya rnams bcing ngo / / de nas sngar bshad pa'i sngags kyis chos kyi phyag rgya'i cho ga bya'o// de nas las kyi phyag rgya'i sngags kyis las kyi phyag rgya ba cing ngo // de nas phyag rgya chen po'i sngags kyis phyag rgya chen po bsgrub par bya'o/ / de nas rdo rje gtsug tor la sogs pa'i de bzhin gshegs pa rnams kyis sems ma rdo rje ma dang / rin chen rdo rje ma dang / chos kyi rdo rje ma dang / las kyi rdo rje ma rnams spros te/ dkyil 'khor dang bcas pa'i lnga dpal shAkya'i rgyal po nas brtsams pa'i rdo rje 'bebs pa'i mthar thug pa la dbang bskur ba sbyin par bya ste/ dbang bskur ba lnga dang / bdag po skye sa bcu'i mthar thug pa sbyin no// dbang bskur ma thag tu/ oM sar+b+ba ta thA ga tad+b+ha pU dza me g+ha sa mu rba swa ra Na sa ma ya hUM/ oM sar+b+ba ta thA ga da puSh+pa pU dza me sa mu dra s+pha ra Na sa ma ye r-I/ oM sarba ta thA ga ta dI pa pU dza me g+ha sa mu dra s+pha ra Na sa ma ye hUM/ oM sar+b+ba ta thA ga ta gan d+hi pU dza me g+ha sa surba s+pha ra Na sa ma ye hUM/ de nas sgeg mo la sogs pa bzhis mchod do/ / rdo rje gsor zhing rdo rje'i tshig yi ge brgya pa sngon du 'gro bas sngar bzhin du bstod pa bya'o// de nas/ mnyam med mi gi yo mnyam med snying po'i chos can ni// thugs rje'i bdag nyid can nyid 'gro ba'i sdug bsngal sel/ / yon tan dngos grub thams cad mtha' yas sbyin mdzad pa// dri med mi g.yo mnyam med mchog rab chos can rnams// yon tan mchog ni phra mo'i cha la'ang mtshams med do// nam mkha' dang mnyam dper gyur pa nyid yod ma yin// sems can khams la grub mchog stsol ba rnams la gsol// dngos grub mtha' yas rnams la dpe' dang rnam par bral// dri mang thugs rje brgya pa nyid kyi shugs las byung / / smon lam grub pa 'gag pa med pa'i chos nyid can// 'gro ba'i don sbub skur mdzad mtha' yas mnga' ba can// thugs rje chen po'i bdag nyid rtag tu rnam par snang // 'gag med nyid kyi thugs rje'i spyod pa mi g.yo ba/ / 'jig rten gsum la mchog gi dngos grub stsol ba 'jug/ dpag med dpag bral rnams la shin tu rdzogs nyid rdzogs/ bde ba'i gnas su gshegs kyang e ma'o chos nyid bzang / / rtag tu mchog sbyin nyid bde 'gro nyid du gshegs// mtha' dag 'jig rten gsum la dngos grub mchog ni stsol ba po// bde gshegs dus gsum bgrod nyid sgrib pa mi mnga' nyid// dam tshig gsum mchog dngos grub mchog sbyin bdag la stsol// ces pa dang / thams cad la lce brgya pa'i kha yis bstod pa nye bar spyod par mos te// rdo rje dang dril bu 'dzin pas bstod par bya'o// de nas phyogs bcur de bzhin gshegs pa dang / / byang chub sems dpa' thams cad dang / 'jig rten dang 'jig rten las 'das pa'i phyi rol gyi lha rnams la mchod pa thams cad dang gtor ma'i cho ga nye bar mkho ba dang bcas pa'i gtor ma dbul lo/ / dpung pa bzang po'i tshogs bcad brjod do// dang por se gol la sogs sgras// khams gsum rnam rgyal phyag rgya yis// sdig pa'i phung po dgug bya zhing // yi ge gsum sogs yang dag ldan/ / 'jig rten khams ni ma lus pa'i// sdig pa thams cad mnyam por spong // dgug dang gnod dang bcing ba rnam par gzhom// sngags bzhi po rnams legs par sbyar ba ni/ khadag sogs sngags te nyungs kAr dkar po brdeg/ shi ba'i rus pa gos la rab bkru ba// oM sho d+ha ne zhes sogs sngags kyis ni// srid gsum dri ma chu yis bkru bar bya// oM kaM ka ni zhes sog sngags kyis ni/ / ba yi rnam pa lnga yis bkru bar bya// oM rat+ne rat+ne zhes sogs sngags kyis ni// dri bzang rnams ni kun gyis bkru bar bya// oM a mo g+ha a ba ra Na sogs// sngags kyis ba yi 'o mas bkrab / oM a mi sa a mai te mes sogs// sngags kyis d+ma mchog gis kyang bkru bar bya/ oM ts+tsha sobs pa'i sngags kyis naM// bar dang bar du chu yis bkra bar bya// yang sa shis kyi gru blang zhing dbang bskur ro/ / lam sbyang ba bya'o// 'dug pa la sogs lha mo bzhi'i sngags so// de nas 'di yi thab khung mo// khru gang tsam la sbyin sreg bya// ngan 'gro kun tu gnas pa yi// sems can de rjes dran byas nas/ / dge ba'i rgyud phyir sdig pa dang // sgrib pazhi phyir bsreg bya ste// mar dang 'o ma dang sbrang rtsi dang // 'bras yos nyung kar bsres pa dang // til dang 'bru dang 'bras la sogs/ bung shing rnams su lag gnyis kyis// las rnams gzhan dang gzhan dag kyang // snga ma ji ltar de ltar gyis// de yis myur du sems can rnams// bde ba phun sum tshogs pa thob// las kyi rgyal po mchog ces pa'i ting nge 'dzin to/ / / de dag kyang sems can de la byas pa de nas de dmyal ba'i sdug bsngal las rnam par grol bar gyur te/ dga' ldan gyi gnas su sems can thams cad la phan par mdzad pa bde bar bshegs pa dang ldan par skyes so/ / de nas dbang po dang bcas pa'i lha rnams snyan grags dang bcas pas gar byed cing // sngags kyi mchod pa'i sprin mtha' yas pas skye ba 'di nyid la de bzhin gshegs pa la mchod pa'i phyir lha'i tshogs rnams mdun du byas te/ byang chub kyi sems bskyed nas snga rdzas kyi me tog dang / bdug pa dang / mar me dang / dri dang gdugs dang / rgyal mtshan dang / ba dan la sogs pa sna tshogs pa dang / rgyan du ma rnams kyis kyang mdzes shing / na bza' dang rin po che'i char la sogs pas kyang dga' ba'i tshal yongs su gang bar byas so// de nas ngo mtshar che pabar gyur to/ / de nas bcom ldan 'das byang chub sems dpa' sems dpa' chen po phyag na rdo rjes bcom ldan 'das kyis byin gyis brlabs kyi sngags kyi brtag pa'i rgyal po brtag pa phyi mar gsungs te/ dpa' bo gdan las bzhengs nas ni/ dgyes pas rdo rje gsor zhing shAkya'i bdag po dgyes pa thub pa'i dbang phyug la phyag 'tshal nas sgrib pa thams cad rnam par sbyong ba'i rdo rje zhes bya ba'i ting nge 'dzin la snyoms par zhugs nas/ ngan song thams cad yongs su skyong ba zhes bya ba'i snying po 'di nyid rang gi thugs ka nas phyung ngo // oM sar+b+ba pA pa da ha na badz+ra hUM phaT/ oM sar+b+ba a pa ya bi sho d+ha na badz+ra hUM phaT/ oM sar+b+ba kar+m+ma a dA ra Na ni b+hasmiM ku ru hUM phaT/ oM b+h+rUM bi na shA ya a dA ra NA ni badz+ra hUM phaT/ oM d+hU bi sho d+ha ya A ba ra Na ni hUM phaT/ oM dz+wa la dz+wA la d+ha ka d+ha kA ha na ha na A ba ra NA ni hUM phaT/ oM sr-i sa ra sa ra pras rA pra sa ra a ba ra NA ni hUM phaT/ oM hUM ha ra ha ra sar+b+ba A ba ra NA ni hUM phaT/ i hUM phaT sar+b+ba oM ba ra NA ni hUM phaT/ oM ts+tshatab+h+r-i ta sar+b+ba A ba raNA ni hU~M phaT// oM trA Ta trA Ta sarba A be ra NA ni hUM phaT/ oM ts+tshin da sprin dbi dra ba sar+b+ba A ba ra NA ni hUM phaT/ oM da sad tsasar+b+ba na ra ka ge tiHhUM hUM phaT/ oM pa tsa pa tsa sarba pre ti ga ti tsi hU~M hU~M phaT/ oM ma tha ma tha sar+b+ba tir lag ga ti hUM hU~M phaT/ de nas de dag gi nye bar mi rnams spyad de/ oM sar+b+ba ba pa bi sho d+ha ni d+ha ma d+ha mad+hA pa ya dz+nyA phaT/ oM sar+b+ba dun ti bi sho d+ha ni pun+da waM lo ki ni dz+nyA phaT/ oM sarba sa prA ya bi sho d+ha ni dz+nyA nA lo ka ka ri hU~M phaT/ oM sad+d+h+ya a hA ya ga ti gan+d+ha nA sha ni gan+d+ha ba ti hUM phaT/ oM sar+b+ba na ra ka ga ti a kaR+Sha Ni hU~M dza~M phaT/ oM sar+b+bA na ra ka ud+hA ra Ni hU~M phaT/ oM sar+b+ba a pA ya ban d+ha na bi mo tsa ni hUM baM phaT/ oM sar+b+ba a pA ya ga ti ga hanA bi nA u0f7f nihUM hoHphaT/ de nas dkyil 'khor bshad par bya ste/ nang gi dkyil 'khor 'khor lo ni// rtsibs brgyad pa yis shin tu mdzes// lte ba mu khyud yang dag ldan// nang gi rim pa bris nas ni// lha shAkya'i dbang po yi/ / bdag po thub pa bri bar bya// phyag na rdo rje stobs chen ni// dpa' bo de yi spyan sngar bri// rgyab tu 'khor lo sgyur ba yang // legs par mngon par bri bar bya// g.yas su rgyal ba'i gtsug tor bri/ / g.yon du rnam par rgyal ba bri// gzi brjid phung po yang ni mer// dbang ldan du ni gdugs dkar po// rnam par 'thor ba rlung nyid du// rnam par 'joms pa bden bral bri// de nas phyi rol yang dag bri// gru bzhi pa la sgo bzhi pa// rta babs bzhi pa shin tu mdzes// dpa' bo lcags kyu zhags pa dang // lcags sgrog dril bu brnyan rnams gzhag/ grwa yi phyogs ni thams cad du/ / bdug pa la sogs bri bar bya// de nas me tog 'phreng ba dang // dri sogs rang gi lus la byugs// slob dpon 'jug par bya ba ste// rba hUM ba~M hoH/ b+ha ga d+ha~M/ e h+ye hi mahA kA ru Ni ka dr-i rtsa zhes bya bas lha thams cad spyan drang ngo / / de bzhin du bcug ste dbang bskur na ngan song thams cad las rnam par grol te bde 'gro mtho ris kyi 'jig rten dang sa gong ma rnams su skye bar 'gyur ro// dngos grub thams cad kyang 'grub par 'gyur ro/ / yang dag par rdzogs pa'i sangs rgyas kyang gdon mi za bar thob par 'gyur ro// snga ma bzhin du las thams cad kyang byed cing thams cad la thogs pa med dang gyur ro/ / bya ba byas pas rims thams cad dang gdon la sogs pa rnams las thar par 'gyur ro// phyag na rdo rje hUM zhes bya bas las thams cad byed do// brtag pa gzhan gyi tsho gas kyang las thams cad 'grub par 'gyur ro/ / lha dang / klu dang / gnod sbyin dang / srin po la sogs pa ngan song gi dbang du gyur pa rnams 'gro ba thams cad kyi gzugs brnyan la sogs pa mngon par bris pa las bzlas pa dang / sbyin sreg dang / dbang bskur ba rnams kyi ngan song thams cad las yongs su 'grol bar 'gyur ro/ / de nas bcom ldan 'das rdo rje 'dzin pas seng ge'i lta stangs kyis bcom ldan 'das kyi zhal du bltas te/ phyag 'tshal nas 'di skad ces gsol to/ / bcom ldan 'das phyag rgya mchog gi mtshan nyid dam pa bshad par bya ste/ thugs rje'i gdung ba'i dbang du gyur pa'i sems kyi rgyal ba thams cad kyi byin gyis brlab par bya'o// ting nge 'dzin du gnas pas dpral bar thal mo sbyar te phyag 'tshal lo// sangs rgyal rnams kyi phyag 'tshal ba'i phyag rgya'o// rnal 'byor rig pas mgrin pa'i phyogs su thal mo kha bye ba pad+ma'i rnam par bya'o// thugs kar rdo rje thal mo byas sor mo dbus mu rtse mo sbyar ba 'di ni rdo rje rigs kyi dam tshig gi phyag rgya'o// lag pa g.yon pa gan rgyal du pang bar bzhag la/ de'i steng du g.yas pa bzlog sa bzhag la mthe bong gnyis sbyar te zhi ba'i lta bas blta'o/ / 'di ni de bzhin gshegs pa'i rigs kyi dam tshig gau ting nge 'dzin gyi phyag rgya'o// de nyid yongs su bskor te phan tshun sbyar te mthe' chung dag dang mthe bong ngag lu gu rgyud kyi rnam par bcings la snying khar gzhag go/ / 'di ni rdo rje rigs kyi dam tshig gi phyag rgya'o// thal mo gang bar sbyar nas mthe'u chung dang mthe bong sbyar te gzung zhing lhag ma rnams rab tu brkyang ba'o/ / 'di ni pad+ma rigs kyi pad+ma'i phyag rgya'o// rdo rje bsdams par brtan par byas nas gung mo gnyis rdo rje rtse mor byas la mthe'u chung dang mthe bong rab tu brkyang ba'o// 'di ni phyag na rdo rje'i phyag rgya'o// denyi kyis mthe'u chung dang mthe bong gnyis de bzhin du byas la mdzub mo dang ming med pad+ma'i 'dab ma'i rnam par bya'o/ / 'di ni ngan song thams cad yongs su sbyong ba'i rgyal po'i phyag rgya'o// de nyid kyi mdzub mo dang ming med dag rin po che'i rnam par bya'o/ / 'di ni dbang bskur ba'i phyag rgya'o// mthe'u chung dang mthe bong so sor sbyar nas lhag ma rnams rab tu brkyang ba ni mtshon cha thams cad kyi phyag rgya'o// lag pa g.yon pa de na bzhin du rab du 'jug pa ni las thams ca pa'i phyag rgya'o/ / snyim pa gyen du 'thor ba ni me tog gi phyag rgya'o// de nyid 'og nas 'thor ba ni bdug spos kyi phyag rgya'o// de nyid mthe bong gnyis gyen du bsnams la 'dzin pa ni mar me'i phyag rgya'o/ / de nyid dung 'dra bar byas pa ni dri'i phyag rgya'o// de nyid rab tu brkyang ste 'dzin pa ni gtor ma'i phyag rgya'o// de nyid gung mo rnams nang du bcug pa ni arga'i phyag rgya'o// rdo rje bcings pa las gung mo gnyis bsnyams te tshigs bar ma bcag nas sor mo thams cad brkyang ba 'di ni rnam par 'thor ba'i phyag rgya'o/ / de nyid mthe bong dang mthe'u chung gnyis bkug pa ni rnam par 'joms pa'i phyag rgya'o// de nyid kyi snyim pa 'od zer gyi rnam pa ni gzi brjid phung po'i phyag rgya'o// de nyid spyi bo'i gnas su bskor ba ni gdugs dkar po'i phyag rgya'o// rdo rje khu tshur gnyis kyis mthe bong dang mthe'u chung gnyis lu gu rgyud du bcings la bskor ba 'di ni 'khor lo'i phyag rgya'o/ / rdo rje bsdams pa las gung mo gnyis rdo rjer byas la mdzub mo gnyis rin po che ltar bya ste/ lhag ma 'od zer 'dra bar byas pa ni rgyal ba'i gtsug tor gyi phyag rgya'o/ / de bzhin du mdzub mo gnyis rdo rjer byas la sor mo lhag ma rnams bsdams nas rdo rje 'dra bar byas pa ni rnam par rgyal ba'i phyag rgya'o// g.yas pas mchog sbyin dang g.yon pa mi 'jigs pa sbyin pa ni de bzhin gshegs pa'i yin no/ / rdo rje bsdams pa las mdzub mo gnyis rdo rje 'dra bar byas pa ni rdo rje'i phyag rgya'o// de nyid las mdzub mo g.yas pa bkug pa ni lcags kyu'i phyag rgya'o// de nyid las rA 'dra bar byas pa ni mnga'i phyag rgya'o/ / denyid kyi phyag rgya dang mtho ngong rtsa spang pa ni blo gros legs pa'i'o// de nyid kyi tshigs par ma bcag pa ni rin po che'i'o// de ning sor mo rnams 'od zer 'dra ba ni gzi brjid kyi'o/ nyid spyi bor bzhag pa ni me tog gi phyag rgya'o// de nyid mdun du bzhag pa ni band pa'i 'o// de nyid pad+ma 'dra bar byas pa ni pad+ma'i 'o// de nyid krung mo dang mdzub mo bkug pa ni ral gyi 'o/ / de nyid gdu bu 'dra bar byas pa ni 'khor lo'i'o// de nyid pad+ma'i 'dab ma 'dra bar byas pa ni lce'i 'o// de nyid bskyed pa ni sna tshogs kyi'o// de nyid shin tu bskyed pa ni srung ba'i 'o// de rtse mo gnyis slar bkug pa ni gnod sbyin gyi'o/ / de nyid dam du bkug pa ni bsdams pa'i'o// de nyid mdzub mo gnyis pa ni lcags kyu'i'o// de nyid rtse mo gnyis spang pa mi nagaso pa'i'o// de nyid phan tshun mdud pa ni lcags sgrog pa'o/ / de nyid bskyod pa ni dril bu'i'o// de nas tshangs pa dang brgya byin la sogs pa lha'i bu rnams kyis/ bcom ldan 'das la 'di skad ces gsol to// bcom ldan 'das tshe thung ba dang skal ba chung ba rnams kyi don dang / / phan pa dang / bde ba dang / tshe ba sring ba'i slad du bshad du gsol/ bdag la gsang ba'i bdag po bshang du gsol/ de nas bcom ldan 'das byag na rdo rjes/ byin dang tshangs pa la sogs pa 'khor gyi dkyil 'khor chen po de dag la gcigs nas legs so zhes bya bas mgu bar byas te/ brgya byin la sogs pa lha'i grwa rnams gang khyed la 'di snya d+ha spobs pa yang dag par skyes pa de ni legs so legs so/ / legs par sgrubs shig dang bshad par bya'o// de nas bcom ldan 'das phyag na rdo rjes thams cad tshe dpag tu med par khyab par 'byung ba'i rdo rje zhes bya ba'i ting nge 'dzin la snyoms par zhugs nas/ tshe dang / bsod nams dang / ye shes kyi tshogs dpag tu med pa 'phel ba zhes bya ba de bzhin gshegs pa thams cad kyi snying po 'di rang gi thugs ka nas phyung ngo / / oM pu N+ye pu N+ye ma hA pu N+ye a pa ri mi ta A yuHpu N+ye dz+nyA na saM b+ha ro pa tsi te ya ka ri Ni swA hA/ de bzhin gshegs pa thams cad kyi snying po'i gzungs 'di bshad pa tsam gyis ngan song thams cad rab tu zhi ste/ sems can dmyal ba dang / yi dgas dang / byol song gi 'gro ba rnams su skyes pa'i sems can thams cad grol bar bdag nyid kyis rab tu shes so// 'jig rten gyi khams thams cad snang bar byas shing / snang bar byas nas kyang sangs rgyas kyi mdzad pa bcu gnyis byas nas/ de bzhin gshegs pa thams cad kyi snying po'i chos kyi yi ge de nyid du zhugs par gyur to// de nas slar ying bcom ldan 'das kyis tshe dpag tu med pa'i rdo rje 'od byed pa zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi tshe dpag tu med pa'i rdo rje zhes bya / ba'i snying po'i gzungs 'di bshad do// oM a mai te a mi te/ a mi tong d+ha be/ a mi ta saM b+ha be/ a mi ta bi krAn+te/ a mi ta bi krAn+ta gA mi ni/ sar+b+ba kar+m+ma kle sha k+Sha yaM ka ri swAh+ma/ de nas 'di bshang pa tsam gyis de bzhin du sems can thams cad kyi sdug bsngal thams cad rab tu ni ba'o/ / de nas slar yang bcom ldan 'das kyis gdon mi za bar sgrib pa thams cad rnam par 'joms pa zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi sgrib pa gcod pa zhes bya ba'i snying po'i gzungs 'di rang gi thugs ka ras phyung ngo // oM kaM ka ni kaM ka na / ro tsa na ro tsa ni/ tro Ta ni tro tsa ni/ trA sa ni trA sa ni/ pra ti han pra ti sa ma sar+b+ba kar+m+ma pa raM pa ra Ni me sar+b+ba satwA nany+tsa swAhA/ 'di bshad pa tsam gyis tham cad de kho na bzhin du 'gyur ro// de nas slar yang bcom ldan 'das kyis sgrib pa thams cad dri ma med cing rnam par dag pa'i rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi sgrib pa ma lus pa rnam par 'joms pa zhes bya ba'i / snying po'i gzungs 'di rang gi thugs ka nas phyung ngo // oM rat+ne rat+ne/ mthar t+ne rat+na saM b+hA be/ rat+na ki ra Ni/ rat+na mA la bi shud+d+he sho d+ha ya/ sar+b+ba pA paM hUM trAr+tha/ de nas 'di bshang ma thag tu bdud kyi gnas thams cad bcom zhing rnam par bcom par gyur to/ / de nas slar yang bcom ldan 'das kyi gdon mi za bar mi choms par sgrib pa thams cad rnam par 'joms pa zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi snying po'i gzungs 'di rang gi thugs ka nas phyung ngo // oM a mo g+ha a pra ti sata sar+b+ba a ba ra Na bi sho d+ha ni ha ra ha ra hUM phaT/ 'di bshad ma thag tu 'jig rten gyi khams 'di thams cad g.yos/ rab tu g.yos/ yang dag par rab tu g.yos/ bskyod/ rab tu bskyod/ yang dag par rab tu bskyod/ bskul/ rab tu bskul/ yang dag par rab tu bskul cing ngo mtshar che zhing rmad du byung ba du ma 'jig rten du snang bar 'gyur ro/ / de nas de dag gi dkyil 'khor ni 'di yin te/ gru bzhi pa la sgo bzhi pa// logs bzhi dang yang yang dag ldan// rta babs pa'i dang kun tu ldan/ / kha khyer dang ni sgo khyud bcas// de yi dbus su 'khor lo yi// dkyil 'khor dam pa bri bar bya// rtsibs bzhi dang ni yang dag ldan// lte ba'i dkyil 'khor mchog yin no// de yi dbus su mgon po ni// phyag na rdo rje stobs che zhing // phyag na rdo rje dril bu can// zla ba rgyas zhal 'dzum pa bri// shar gyi rtsibs kyi dbus kyi char// gtso bo ma bskyod pa nyid bri// lhor ni rin chen dri zhing / nub tu chu skyes pad+ma ste// byang du gdon mi za zhes grags// dpa' bo stobs chen bri bar bya// de bzhin gshegs pa thams cad ni// 'khor los sgyur ba'i ma lugs mdzad// zla ba'i dkyil 'khor mdog 'dra zhing / / rgyan rnams kun gyis brgyan pa rnams// phyag na mchog sbyin mi 'jigs pa// rdo rje skyil krung bzhugs pa thi// zla yi cha rnams thams cad du// de bzhin bdug pa la sogs bri// sgo skyong rnams kyang khro bo dang / / mchog tu khro bar gzhol ba bri// de nas rnal 'byor rang nyid zhugs// sngags kyis lha rnams spyan drangs te// dzaHhUM baM hoH/ b+ha ga baM/ badz+ra e h+ye hi sa ma ya g+h+raM/ de nas mgon po byon pa la/ / mdor na mchod pa byas nas ni// 'chi bdag nyid dang sprul 'jigs pa'o// 'chi bdag gzhom phyir gzhug par bya// oM badz+ra sa ma ye hUM/ rdo rje ti rin ti ri bcing // lag na rin chen thogs pa gzhug/ yang na me tog 'phreng ldan pa// de dag dkyil 'khor nyid du dor// oM pra tIts+tsha badz+ran+tu/ de nas dam tshig sbyin te/ oM badz+ra sa ma ya n+tu/ de nas 'di gdong g.yogs dkrol bar bya'o// oM badz+ra r+thas+ya ud g+ha Ta ya hUM/ de nas 'dis brtan par bya'o// oM badz+ra dr-i sh+ya so// de nas dbang bskur ba sbyin te/ oM badz+re a b+hi Shiny+tsa hUM/ oM bu a b+hi Shiny+tsa oM/ oM rat+na a d+hi Shiny+tsaN+DaM/ oM pad+ma a d+hi Shi.Adz+dza/ oM kar+m+ma a b+hi Shiny+tsa aH/ de nas bum pa'i dbang skur byin te/ oM badz+ra ka la sha a b+hi Shiny+tsa hUM/ oM prad+d+ha ka la sha a b+hi Shiny+tsa oM/ oM rat+na ka la sha a b+hi Shiny+tsa d+h+waM/ oM pad+ma kA la sha a b+hi Shiny+tsa hrIH/ oM kamu ka la shA b+hiShi n+ya aH/ de nas 'phreng ba'i dbang bskur bar bya'o// oM rat+na mA la a b+hi Shiny+tsa trAM dz+dza dzAtrA~M d+de/ oM badz+ra pan+d+ha a ba laM ba na a b+hi Shiny+tsa trAM/ oM badz+ra mu dra a b+hi Shiny+tsa hUM/ oM bud+d+ha mu dra a d+hi Shits+tsha oM/ oM rat+na su dz+ra ar+g+ha Shiny+tsA traM/ oM pad+ma mu drA a b+hi Shits+tsha hrI/ oM kar+m+ma mu drA a b+hi Shiny+tsa aH/ oM badz+ra nA ma a d+hi Shiny+tsa trUM/ oM hUM trAM hrIHaH/ oM badz+ra karmA a b+hi Shiny+tsa hUM aH/ oM badz+ra tsakra a b+hiShiny+tsa hUM bruM/ oM badz+ra tsakra a d+hi pa d+his+thA a d+hI Shiny+tsa b+h+rUM hUM hUM/ oM a e trA~M dz+dzatAM/ hrIHhrIHhrIH/ aHaHaHoM badz+ra d+hA ra Ni a b+hi Shim+pA d+h+waM/ oM ti thAg ta d+hA ra Ni a dz+haiM Sha~Mr+g+haM oM/ oM rat+na d+hA ra Ni a b+hiShiny+tsa traM/ oM pid+mi d+hA ra Ni a d+hi ShiSh+Thad+hIH/ oM k+Sha d+hA ra Ni a b+hi Shiny+tsa aH/ oM sarba ta thA ga ta gu h+ya a b+hi Shiny+tsa oM/ oM badz+ra gu h+ya a b+hi Shiny+tsa hUM/ oM rat+na gu h+ya a b+hi Shiny+tsa traM/ oM pad+ma gu h+ya a b+hi Shiny+tsa hrIH/ oM kar+m+ma guh+ya a d+hi Sha~M k+Sha a/ oM dra dzI pA ya sa ma yo ga a b+hi Shi ny+tsa trUM aH/ de ltar dbang bskur nas tshe 'phel ba'i rig pa 'di yin no// oM badz+ra A yu She hUM a/ 'di'i sgrub pa ni 'di yin te/ bcom ldan 'das rdo rje tshe dpag med zla ba'i 'od can/ zla ba'i dkyil 'khor la bzhugs shing rgyan thams cad kyis brgyan pa/ phyag gnyis mi 'jigs pa dang mchog sbyin mdzad pa las bdud rtsi 'dzag pa bri'o// de'i 'og tu sgrub pa po lag pa thal mo sbyar ba brkyang ba gdong gyen du bcom ldan 'das la lta ba bris la/ mchod pa rnam pa lngas mchod pa byas te/ de'i spyan sngar stong phrag brgya bzlas so// de nas zla ba nya la mchod pa chen po byas la/ ba dmar ser gyi mar snod gsar par gtsug la g.yon pa'i rdo rjes mnan te/ bcom ldan 'das la rab tu sems shing mtshan thog thag bzlas pa bya'o// de nas dri bsnam zhing sngon ma byung ba'i dri'i ngad kyang ldang ngo // dro ba dang / du ba dang / me'ang 'byung ngo/ / 'od zer gyi snang ba rab tu 'phros te/ de la sogs pa'i mtshan ma byung na mar de mar gsar pa 'am/ til mar ram/ chu 'am/ 'o ma 'am/ 'o 'am/ chang ngam/ khrug gam/ zhan pas/ klad pa 'am/ sha 'am/ gang yang rung ba dang lhan cig tu rab tu bsgrubs te nang par sngar srung ba la sogs pa byas nas bdag nyid sbyangs te 'thungs sam zos na/ mtshan ma ji lta ba nyi ma ji srid pa'i tsher 'gyur zhing / rdo rje sems dpa'i tsher 'gyur ro/ / tha mas ni dngos grub tha mar 'gyur te 'di la the tshom med do// mtshan ma ma byung na'ang 'jig rten na nad med pa dang yid gzungs pa dang ldan zhing / skra dkar dang gnyer ma med pa dang lus brtan zhing tshe lo brgya par 'gyur ro/ / gzhan yang bzlas pa byas pa tsam gyis zhi ba dang / rgyas pa dang / dbang la sogs pa'i las rnams brtag mi dgos par 'grub ste the tshom med do// / de nas rgyal po chen po bzhis/ bcom ldan 'das phyag na rdo rje la phyag 'tshal nas 'di skad ces gsol to// bcom ldan 'das bdag cag kyang sems can thams cad kyi don dang / phan pa dang / bde ba'i slad du rang rang gi snying po bshad par 'tshal gyis/ bcom ldan 'das kyis bka' gnang bar zhu/ rdo rje 'dzin pas bka' gnang ba zhu/ rgyal po chen po dag legs so legs so shod cig dang / ngas rjes su yi rang zhing rang gi dam tshig gi byin gyis brlab par bya'o/ / de nas gnod sbyin gyi rgyal po ngal bso pos bcom ldan 'das kyis gnang zhing rjes su yi rang ste byin gyis brlabs pas rang gi snying po rang gi snying kha nas phyung la/ oM be/ de nas dri za'i rgyal po chen po yul 'khor srung gis de kho na bzhin rang gi snying po bshad pa/ oM d+hI/ de nas grul bum gyi rgyal po chen po 'phags skyes pos de kho na bzhin du rang gi snying po bshad pa/ oM bi/ de nas klu'i rgyal po chen po mig mi bzang gis de kho na bzhin du rang gi snying po bshad pa/ oM k+Sha/ de nas de dag gi dkyil 'khor bshad de/ gru bzhi pa la sgobazhi pa// dkyil 'khor lngas ni brgyan pa ste/ / de yi dbus su mgon po ni// phyag na rdo rje 'gyings bcas bri// de yi g.yon pa'i logs su ni// ngal bso dge ba lag pa na// be con dang ni ne'u le// rin po che yi rgyan gyis brgyan// sdom zhing seng ge'i gdan la bzhugs/ / gser mdog gzi brjid ldan pa bri// mkhas pas bum pa bzang la sogs// rin chen tshogs char 'bab pa bri// mdun du yul 'khor skyong nyid ni// pi wang sgrog par yang dag brtson/ rol cing kha dog ljang khu nyid// rgyan rnams kun gyis brgyan pa bri// g.yas su dpa' bo lus 'phags po// ral gri phyag na bsnams pa bri// nub tu yang ni mig mi bzang // rdo rje zhags pa 'dzin cing mchog/ sbrul mgo mdun gyis yongs su bskor// mig ni dmar zhing shin tu 'bur// sgo yi phyogs ni thams cad du// sgo skyong rnams kyang de bzhin no// de nas sngags pa rang nyid 'jug/ 'khor lo'i phyag rgya zhes grags pa'i/ / bcom ldan de nyid spyan drang zhing // de nas rgyal po spyan drang ngo // spyan drangs nas ni mkhas pas mchod// mchod yon zhabs bsil cho ga bzhin// de nas slob ma rgyal rigs sam rje'u rigs bram ze la sogs kyang / / me tog 'phreng bas rnam brgyan pa// sngags shes pa yi sngags 'di dang // rdo rje 'dzin ma'i phyag rgyas gzhug/ oM badz+ra sa ma ye hUM/ de nas me tog gam rin po che 'dis kyang dor bar bya'o/ / oM badz+ra pra tIts+tsha d+ha ma ho ta ta ma/ gang la lhung ba'i rgyal po de// 'di yis 'grub 'gyur gzhan du min// de nas gra na gnas pa yi// bum pa bzhis kyang dbang bskur te// lnga pa phyag na rdorje'i'o/ / phyag rgya nyid kyis dbang bskur bya// de la sogs pa'i go rims bzhin// dkyil 'khor bris nas dbang bskur bas// rgyal po ma yin rgyal por 'gyur// rgyal po yin na cher por 'gyur @'dzam bu gling dbang dpal dang ldan/ / gling bzhi po yi bdag po mchog/ lan bzhir dbang ni bskur ba dang // lan pazhir rab tu zhugan ni/ de la rdo rje 'dzin rgyas dag/ rang gi bu bzhin bskyang bar bya// bdag cag rgyal chen bzhi pos kyang / / 'bangs dang 'khor du bcas pa dang // yul 'khor pho brang bcas pa yi// rgyal pos rtag tu bskyang bgyi ste// de yi ma rungs pa rnams dang // de yi pha rol sde dang nad// 'chi bdag 'jigs pa mu ge dang // yams dang nyer 'tshe gzhom par bgyi// ngal bso pos ni rgyas par bgyid// yul 'khor srung gis zhi ba nyid// phyugs dang gnyen bcas dus min pa'i// 'chi bdag lus 'phags po yis 'joms/ / mig mi bzang gis bde bar byed// mu ge la sogs rnam par 'joms/ mdor na bdag gis de yi ni// re ba kun dang bsam pa kun// bgyi ste gal te ma nges na// phyag na rdo rje bslus pa yin/ / / de nas phyogs skyong bcus/ bcom ldan 'das la phyag 'tshal nas 'di skad ces gsol to// bcom ldan 'das bdag cag gis kyang sems can thams cad la phan pa dang bde ba'i slad du rang rang gi snying po rab tu dbul lo/ / 'jig rten skyong ba rnams legs so legs so// de legs par smros shig/ de nas 'byung po'i bdag po dbang ldan la sogs pas rang rang gi snying po rnams phul ba/ oM I/ oM i/ oM a/ oM ya/ oM ra~M/ oM baM/ oM yaM/ oM ku/ oM aM/ oM bA/ de nas de dag gi dkyil 'khor bshad de/ dkyil 'khor snga ma bzhin bris la// sagon po dbus su de bzhin bzhag/ phyogs skyong rang gi phyogs kyi char// gzhag bya spyan sngar rnam pa gnyis// nyi ma dang ni phag gi gzugs// sgo skyong rnams kyang de bzhin no// de nas de kun spyan drangs la// mcho pa kun gyis mchod par bya/ / de nas rang nyid zhugs nas kyang // slob ma rnams ni gzhug bya zhing // phyogs skyong la sogs sngags bzlas pa'i// bum pa rnams kyis dbang bskur ro// de nas phan par 'dod pa yis/ sgrub phyir snying po sbyin par bya// phyogs skong rang gi phyogs gnas rnams// brtag mi dgos par 'grub par 'gyur// de nas de dag mgu nas 'di skad ces gsol to// bcom ldan 'das gang su zhig/ rgyal po rgyal rigs spyi bor dbang bskur bas dkyil 'khor 'dir zhugs te dbang bskur ba 'dzin pa dang / gzhan yang rigs kyi bu 'am// rigs kyi bu mo dad pa de dag bcom ldan 'das bdag cag gis kun nas bsrung ba dang / bskyab pa dang / snga bar bgyi'o// pha rol gyi sde rnams gzhom par bgyi'o// dus dang dus su char dbab par bgyi'o// 'bru dang / me tog dang / 'bras bu rnams bskyed par bgyi'o// / de nas chos kyi rgyal po gshin rjes/ bcom ldan 'das la phyag 'tshal nas 'di skad ces gsol to// bcom ldan 'das bdag gis rgyal po chen po de'i tshe bsring bar bgyi'o// dus ma yin/ pa'i 'chi ba brgyad po so sor dgag par bgyi'o// / srin po rnams kyi bdag po chen po bden bral gyis 'di skad ces gsol to// bcom ldan 'das bdag gis rgyal po chen po de dang / rgyal po chen po'i bu dang / zam ze 'am/ rje'u rigs sam/ mi gzhan gang yang rung ba dag la nad med pa dang / yi dgas dang / 'dres 'jigs pa med pa dang / srin po la sogs pa'i 'jig pa med pa dang / dus ma yin par 'chi ba'i 'jigs pa med par bgyi'o// dus thams cad du bsrung ba dang / bskyab pa dang / sba bar bgyi'o// // de nas klu'i rgyal po chen po chu bdag gis 'di skad ces gsol to/ / bcom ldan 'das bdag gis dus thams cad du rgyal po re dang / yul thams cad kun nas so sor bskyang bar bgyi'o// kun tu bsrung bar bgyi'o// 'bru rnams kyang bskyed par bgyi'o// klu'i nyes pa rnams mi 'byung bar bgyi'o// dug dang thog kyang mi 'byung bar bgyi'o// me tog dang 'bras bu thams cad kyang yongs su rdzogs par bgyi'o// 'jigs pa thams cad kyang so sor dgag par bgyi'o/ / de nas rlung gi bdag pos 'di skad ces gsol to// bcom ldan 'das bdag gis kyang sems can chen po de dag la dus thams cad du rlung gi 'jigs pa mi 'byung bar bgyi/ dus ma lags pa'i rlung mi 'byung bar bgyi/ 'bru dang / me tog dang / 'bru thams cad kyang yongs su bskyed par bgyi'o// / de nas gnod sbyin gyi rgyal po chen po lus ngan pos/ bcom ldan 'das la phyag 'tshal nas 'di skad ces gsol to/ / bcom ldan 'das bdag gis gnod sbyin gyi sde dpon chen po brgyad cu dang lhan cig tu mchis te/ stobs dang ldan pas sems can chen po de la dus thams cad du 'jigs pa thams cad so sor dgag par bgyi'o/ / nor dang 'bru thams cad legs par 'byor par bgyi'o// rang gi skye bo dang / yongs kyi skye bo dang / yul dang / gnas dang / bran dang / snag gi gnyen dang / grogs dang / bu dang / bu mo dang / chung ma la sogs pa'ang bsrung bar bgyi'o// glang dang / ba dang / bong bu dang / rnga mo dang / lug dang / ma he dang / glang po che dang / rta dang / ra la sogs pa'ang bsrung bar bgyi'o/ / / de nas 'byung po thams cad kyi bdag po dbang ldan gyis/ bcom ldan 'das la phyag 'tshal nas 'di skad ces gsol to// bcom ldan 'das bdag gis rgyal po de dang rgyal po'i bu dang / rgyal rigs dang / bram ze rnams 'di dang pha rol tu yongs su bskyab pa dang / yongs su gzung ba dang / yongs su bskyang ba dang / zhi ba dang / bkra shis pa dang chad pa yongs su spangs pa dang / dug gzil ba dang / dug gzhom pa dang / mtshams bcings pa dang / sa bzhi bcing ba dang phyogs bcing ba dang / rdo rje'i ra ba dang / rdo rje'i phur bus gdab pa dang / rdo rje'i gur yang bgyi'o// dgos pa thams cad la nye bar gnas par bgyi'o/ / bya ba dang bya ba ma yin pa rnams kyi mtshan ma nye bar bstan par bgyi/ dge pa dang dge ba ma yin pa thams cad rmi lam du'ang bsgo bar bgyi/ grub pa thams cad la bgegs ma mchis par dngos grub thams cad kyang stsal bar bgyi'o/ / / de nas yang nam mkha' la sprod cing nam mala'al 'gro ba'i drag pos/ bcom ldan 'das la phyag 'tshal nas 'dis ces gsol to/ / bcom ldan 'das bdag gis dus thams cad du rgyal po dang / rgyal po'i bu dang / rgyal po'i blon po dang / bram ze dang / rgyal rigs lam la gnas pa thams cad la bdag nyid 'khor thams cad dang bcas pa mchis te bsrung ba dang / bskyab pa dang / sba ba kun nas bsgrub par bgyi'o// bgegs kyi gnas thams cad so sor bzlog par bgyi'o// nad thams cad bsal bar bgyi'o/ / dus thams cad du phyi bzhin du 'brang bar bgyi'o// / de nas sa'i 'og gi bdag po phag chen pos kyang / bcom ldan 'das la 'di skad ces gsol to// bcom ldan 'das bdag gis mi'i bdag po dang / / rje'u rigs dang / bram ze dang / dmangs rigs dang / gzhan yang rigs kyi bu dang / rigs kyi bu mo dad pa rnams kyi dus thams cad du don bsgrub par bgyi'o// 'jigs pa thams cad las kyang bsrung bar bgyi'o/ / gzhan yang yongs su bskyab par bgyi'o// / de nas gza' chen po brgyad 'khor rgyu skar dang bcas pa rnams kyis 'di skad ces gsol to// bcom ldan 'das bdag cag 'khor dang bcas pa rnams kyis kyang rang rang gi snying po rnams 'bul bar 'tshal na/ de la bcom ldan 'das kyis byin gyis brlab tu gsol/ legs so legs so// ngas byin gyis brlabs kyis/ gza' chen po rnams shod cig/ de nas nyi ma la sogs pa'i gza' chen po rnams kyis bcom ldan 'das la phyag 'tshal nas smras pa/ oM a/ oM so/ oM a oM bu/ oM bri/ oM shu/ oM sa/ oM rA/ de nas de dag gi dkyil 'khor 'byung ste/ dbus su bcom ldan 'das phyag na rdo rje nyid 'jig rten gsum las rnam par rgyal ba'i gzugs su bri'o// mtha' rnams su ni rgya mtsho chen po bzhi bri'o// de yi mdun du pa wa sangs// zla ba rgyab tu bri bar bya// g.yas su phur bu br-i bya zhing // g.yon du lhag pa bri bar bya// me yi gnas su mig dmar nyid rlung gi phyogs su nyi ma ste/ / dbang ldan du ni spen pa nyid// srin po'i phyogs su sgra gcan bri// dkyil 'khor phyi rol khor yug tu// rgyu skar thams cad bri bar bya// sgo sgor de bzhin sgo ba rnams// khros pa'i yid du bri bar bya/ / rdo rje 'dzin pas 'jug bya ste// rdo rje lcags kyu la sogs pas// thams cad kyang ni spyan drang ngo // de nas slob ma rnam gzhug ste// oM badz+ra ha na hU~M phaT/ oM badz+ra gra sa sa ma ya ts+tsha/ oM badz+ra gra sa pra tIts+tsha ts+tsha de nas gza' brgyad sngags ni bsngags pa yis/ / bum pa brgyad po rnams kyis dbang bskur ro// de nas rdo phyag rgyas dbang bskur te/ de nas gza' rnam tham cang bsgrub par bya'o// de nas gza' chen po de dag gis/ bcom ldan 'as phyophyag 'tshal nas 'di skad ces gsol to/ / bcom ldan 'das bdag cag gza' chen po brgyad kyis rgyal po chen po de dang / rgyal po'i bu la kun tu dus thams cad du de kho na bzhin du thams cad bgyi'o// de nas rgyu skar dang / skad cig dang / thang cig dang / yud tsam rnams so// tshes dang / sbyor ba dang / khyim dang / dus sbyor dang / 'jug phong la sogs pa'i dkyil 'khor gyi lha rnams kyis de bzhin du phyag 'tshal nas 'di skad ces gsol to/ / bcom ldan 'das bdag cag gis kyang dus thams cad du sems can chen po'i bka' mi bcag cing dpon po bzhin du bskyang bar bgyi'o// grong khyer dang / grong rdal dang / ljongs dang / yul 'khor dang / rgyal po'i pho brang gi gnas thams cad so sor bsgrub par bgyi'o// 'jigs pa chen po 'byung ba'i tshe na'ang nges bdag cog mchod na gdon mi 'tshal bar 'jigs pa de mi 'byung ngo / / de nas klu chen po brgyad kyis phud ces bya ba'i sbas bcom ldan 'das mnyes par byas te 'di skad ces gsol to// bcom ldan 'das bdag cag rnams kyi gsang ba'i snying po rnams 'bul lo/ / klu chen po rnams legs so legs so// gsang ba'i snying po rnams phul cig/ de nas de dag mgu nas bcom ldan 'das la phyag 'tshal nas 'di skad ces gsol ngo/ oM pu/ oM phu/ oM baM/ oM phuM/ oM bI/ oM paM/ oM dza/ oM pheM/ de nas de dag gi dkyil 'khor bshad de/ pad+ma chen po 'dab brgyad pa// kha dog dkar po legs par thi/ dkyil 'khor de yi dbus bzhugs pa// phyag na rdo rje rab tu nag/ sbrul mgo mtha' yas gdengs ka bdun// ltos 'gro chen po bsdigs pa bri// mtha' yas 'jog po de bzhin du// stobs kyi rgya dang rigs ldan dang / / nor rgyas bu dang dung skyong dang // pad+ma chu bdag de bzhin du// mdor na 'dab ma re re la// de dag sbrul mgo 'bar ba bri// sbrul mgo bdun bdun chung ma yis// mgul nas 'khyung dang bcas pa bri/ / bum brgyad rnams bzhag bya ste// gtor ma lha bshos mdzes pa dang // mar dang 'o ma sbrang rtsir bcas// bcos pa'i dbye ba rnams kyang ngo // rdo rje'i bdag nyid bzhugs pa ni// sbrul mgos sbrul mgo can rnams dgug/ phud ces bya ba lhan cig ste// dzaHhUM baM hoHzhes brjod do// de nas rgyal po 'am rgyal rigs ni// de dag thams cad bcug nas su// dug gi nyes skyon bsal ba'i phyir/ phud ces bya bas dbang bskur ro// de nas ming tsam bzung bas kyang // klu rnams de dag thams cad 'grub// de nas de dag kun mgu nas// bcom ldan 'das la phyag 'tshal te// spyan sngar thal mo sbyar 'khod nas/ smon lam rab tu 'debs par gyur// bcom ldan 'das bdag cag gis bcom ldan 'das kyi bstan pa la mngon par dga' ba gang dag dkyil 'khor 'dir zhugs pa de dag bsdus par gyur na/ de'i tshe bcom ldan 'das 'di nyid la bsdus par gyur cig/ de'i tshe bdag cag bye tshan gyis bsregs par gyur cig/ rdo rje kun tu 'bar bas bdag cag gi mgo 'gems par gyur cig/ rtag par dus thams cad du sems can chen po de bsrung ba dang / / bskyab pa dang / sba bar bgyi'o// gzi byin chen po dang / stobs dang / brtson 'grus bskyed par bgyi'o// de'i dug rnams dug ma mchis par bgyi'o// dus dang dus su char dbab par bgyi'o// me tog thams cad yongs su rdzogs par bgyi'o// pha rol gyi g.yul thams cad la dus dang dus ma yin pa'i char dbab par bgyi'o// 'jig rten pa thams cad bskyed par bgyi'o/ / rgyal ba'i bka' dang rdo rje 'dzin pa'i bka' rab tu bsgrub par bgyi'o// de nas sgrub pa bshad de/ lha rdzas 'od 'phro dkar po can// klu rnams 'dud pas gnas pa yis/ / rdo rje 'dzin gtso bsams nas ni// phud ces bya ba 'bum du bzlas// de nas dug gis zin pa la// phud ces bya ba'i dkyil 'khor ni// lha rdzas 'od zer 'phreng ba 'khrigs// bsams nas de la phung yig bsam/ / lag pa sbrul mgo nags 'dra dang // phud kyi rlung gis pakas pa sha// rus gnas phud kyi rnam pa'i dug/ mtha' dag drangs te gso bar bya// de nas las rnams kun byed cing / dug rims dug sbyar la sogs pa// khu tshur gyis kyang kun selan// sbrul mgo'i phyag rgyas smos ci dgos// de nas lto 'phye chen po'i bdag po 'jigs byed chen po'i ma mo chen po brgyad kyis bskor bas/ / bcom ldan 'das la phyag 'tshal nas 'di skad ces gsol to// bcom ldan 'das bdag cag gi 'jigs pa dang ma mo rnams kyi 'jigs pas/ lha dang klu la sogs pa kun tu skrag rnam par skrag ste kha sbub tu 'gyel nas gos dang bral te/ sems stor nas kun tu 'phyan pa dag la phan gdags pa'i slad du bdag cag gi snying po 'bul bar 'tshal gyis/ bcom ldan 'das kyis de legs par byin gyis brlab tu gsol/ / 'jigs byed chen po legs so legs so// rab tu 'jigs par byed pas rang nyid dang lha'i bu mo thams cad kyi snying po rnams shod cig/ de nas 'jigs byed chen pos 'jigs par byed pa'i sgra phyung nas 'di skad ces gsol to/ / oM b+hai ra ba b+hai ra swA hA/ oM b+ha swAr+tha/ oM b+hi swAH/ oM b+hu swAhA/ oM b+he swAhA/ oM b+he swAhA/ oM b+ha~M swAhA/ oM b+haM swAH/ oM b+haHswAhA/ bcom ldan 'jigs byed chen po ni/ / brgyad po de dag gdam ngag nyan// de nas de dag gi dkyil 'khor bshad de// 'khor lo chen po rtsibs brgyad bri// dbus su phyag na rdo rje ni// khro bo chen po 'jig rten gsum rnam par rgyal ba zhes bya gzhag/ de yi zhabs 'og ma rungs pa// 'jigs byed rnams kyi bdag po che// 'jigs byed pa dang bcas pa bri// rtsibs kyi nang rnams thams cad du// gzhan yang 'jigs byed brgyad po ni/ / ma mo rnams dang ldan pa ni// khros pa'i bzhin dang yid khros par// ci bde bar ni bri bar bya// 'dir ni sgo sgor de bzhin du// sgo ba shin tu khros ldan bri// de nas lcags klu la sogs pas/ / bkug ste mgo bo'i thod pa ni// khrag gis gang bas mchod nas su// sha chang gtor ma bzang po dang // snod rnams khrag gis bkang ba dang // mgo thod mgo yi dum bu dang khrag gam chang bkang bum pa brgyad/ / dkyil 'khor 'dir ni gzhag par bya// de nas 'jig rten gsum rnam rgyal// mchog gis slob ma rnams gzhug bya// thod pa dang ni bum pa yang // brgyad po rnams kyis dbang bskur ro/ / de nas las rnams sbyin par bya// ma mo'i khyim mam mtshan gcig par// 'jig rten gsum ni 'dul ba'i mchog/ tshul bzhin du ni mchod byas nas// 'bum phrag bzhir ni @bzlas par bya/ / de nas 'jigs par byed pa'i sgra// bdag nyid chen pos thos gyur te// mi 'jigs pa ni thod pa ru// khrag mchog bkang ba'i arga dbul// de nas khro bo 'jigs byed pa/ ma rungs yid can ma mo ni// tshogs kyis bskor cing 'jigs byed ni// brgyad kyis bskor ba mthong bar 'gyur// de mthong 'jigs pa med byas la// hUM zhes bya ba dran byed cing // sha'am yang nachang mchog gis/ / thod pa bkang ste dbul bar bya// de nas 'jigs byed ma rungs 'joms// mgu zhing rab tu 'grub gyur nas// ci 'dod spros shig ces bya ba// mgu ba'i yid kyis de sbyin byed/ sa rnams sbyin pa ma gtogs par/ ro dang bcud len rdzas dang ni// ral gri 'khor lo rtse gsum dang // mtho ris sa stang sa 'og dang // gling dang gling bzhi'i rgyal srid dang // brgya byin nyid dang gnod sbyin dbang / / srin po nyid dang rig 'dzin nyid// rig 'dzin 'khor los sgyur ba nyid// 'jig rten gsum gyi bdag po nyid// bka' nyan nyid kyang rang nyid dam// ma mo'i tshogs rnams ster bar 'gyur/ dngos grub gang yang rung ba ni// ji ltar 'dod pa blang bar bya// hUM gi rnam par mngon phyogs shing // byin nas dgod cing 'gro bar byed// skrag na de ma thag du gsod// de nas tshangs pa la sogs pa lha chen po rnams kyis/ / bcom ldan 'das la phyag 'tshal nas 'di skad ces gsol to// bcom ldan 'das bdag cag gis kyang bcom ldan 'das kyis bka' gnang na rang gi rtog pa bshad par 'tshal gyis/ de nas bcom ldan 'das kyis thugs brtse bar dgongs te byin gyis brlab par gsol// de nas tshangs pa la sogs pa lha rnams kyis rang rang gi snying po rnams bshad do// oM a/ oM bi/ oM ru/ oM i/ oM kaM/ oM ga/ oM bri/ oM ka/ de nas de dag gi dkyil 'khor bshad de// dkyil 'khor snga ma bzhin bris la/ dbus su 'jig rten gsum 'dul ba/ de yi mdun du dpa' bo ni// dbang phyug lag na rtse gsum bri// rgyab tu tshangs pa'i rnam par bri// g.yon du lag na 'khor lo bri// g.yas na dbang po rang nyid kyi// phyag rgya'i mtshan ma lag thogs bri/ sgo sbyong rang bzhin 'dir de rnams// chung ma rang gi dkyil 'khor du// bum pa bum pa bkang ba yang // phyi rol dkyil 'khor du ni bzhag/ stobs bzang la sogs mthu chen yang // de nas 'jug bya lnga rnams yin/ / mkhas pas kun nas spyan drangs shing // dzaHhUM dzaM hos lha thams cad// pho brang dam par 'jug par mdzod// de nas de rnams gshegs bltas nas// dga' ba chen po mchod par bya/ / de nas rdo rje 'dzin pa yis// phyag rgya slob ma rnams gzhug ste// oM pra tits+tsha d+h+waM mahA satraM badz+ra d+ha ra a dz+nyA ya hUM ha ha ha ha ho/ me tog ji lta bzhin du dor// mig phye nas ni bstan par bya/ de nas mngon par bsngags pa yi/ / bum pa'i chu yis dbang bskur ro// de nas lha rnams gang 'dod pa// dngos grub rab tu sbyin par bya// 'bum phrag gcig gam 'bum phrag gnyis// sngon du bsnyen pa byas nas ni/ dbang phyug la sogs lha mchog ni// de rnams sgrub pa po yis 'grub// mtshan ma gcig pa la sogs su 'am// yang na phyag na rdo rje'i gnas// de bzhin gshegs ba'i pho brang ngam/ / ring bsrel ldan pa'i mchod rten du// lha rnams thams cad cho ga bzhin// sgrub pa po yis rtag tu sgrub// de nas nam byed na ni lha// 'ongs nas khyod kyi 'dod pa ci// ji ltar bde zhing phan pa ni/ / sbyin zhing nges par go bar byed// bzang po myur du sems te spros// gang phyir mchog ni khyod la sbyin// de nas sngags shes dngos grub dang // mchog gi lha la gsol ba gdag/ lha rdzas bcud dang bcud len dang / / mi snang ba dang mkha' 'gro dang // ril bu rgyal srid rdzas la sogs// yid 'dod tshad med gsol ba gdag// de nas dbang phyug chen po la sogs pas bcom ldan 'das la phyag 'tshal nas 'di skad ces gsol to/ / bcom ldan 'das gang dag 'jig rten dang 'jig rten las 'das pa'i dkyil 'khor du zhugs pa de dag gis bcom ldan 'das bdag cag lha rnams kyi sgrib pa thams cad rnam par sbyang ngo / / mtho ris kyi lam bstan par bgyi'o// bde 'gro'i lam bstan par bgyi'o// dam pa'i chos kyi lam bstan par bgyi'o// sgrib pa ma mchis pa'i lam bstan par bgyi'o/ / rnam par 'byed pa'i lam bstan par bgyi'o// nges par 'byung ba'i lam bstan par bgyi'o// mya ngan las 'das pa'i lam bstan par bgyi'o// spong ba'i lam bstan par bgyi'o/ / nyon mongs pa med pa'i lam bstan par bgyi'o// sangs rgyas nyid du 'grub pa'i lam bstan par bgyi'o// byang chub sems dpa' nyid du 'grub pa'i lam bstan par bgyi'o// rdo rje 'dzin pa nyid du 'grub pa'i lam bstan par bgyi'o// dus thams cad du 'jigs pa thams cad las bsrung ba dang // bskyab pa dang / sba bar bgyi'o// grong khyer dang / grong rdal dang / ljongs dang / / yul 'khor dang / rgyal po'i pho brang 'khor rnams bsrung bar bgyi'o// yul dang / phyogs dang / grong 'khor rnams kyang bsrung bar bgyi'o// rgyal po'ang stsal bar bgyi'o// rgyal po thob pa'i rgyal po che bar bgyi'o/ / gling gcig dang / gling gnyis dang / gling gsum dang / gling bzhi pa dang / bde 'gro dang / sa stengs dang / sa 'og gi 'khor los sgyur ba'i rgyal po rnams sprul par bgyi'o/ / mdor na brgya byin nyid dang / tshangs pa nyid dang / khyab 'jug nyid dang / dbang phyug chen po nyid kyang stsal bar bgyi'o// // de nas bcom ldan 'das phyag na rdo rjes slar yang nyid kyi 'khor gyi dkyil 'khor la gzigs nas mdzum pa mdzad do/ / de nas 'khor gyi dkyil 'khor de dag g.yos/ rab tu g.yos/ yang dag par rab tu g.yos/ 'gul rab tu 'gul/ yang dag par rab tu 'gul/ 'bar/ rab tu 'bar/ yang dag par rab tu 'bar/ dga'/ rab tu dga'/ yang dag par rab tu dga'/ rtse/ rab tu rtse/ yang dag par rab tu rtse zhing ngo mtshar rmad du byung ba yang dag par rab tu mthong ngo / / de nas tshangs pa la sogs pa'i lha rnams shin tu ya mtshan skyes nas/ bcom ldan 'das la phyag 'tshal nas 'di skad ces gsol to/ / bcom ldan 'das 'dzum pa mdzad pa 'di'i rgyu gang lags/ sangs rgyas bcom ldan 'das dang byang chub sems dpa' rnams ni rgyu ma mchis par 'dzum pa mi mdzad do/ / bcom ldan 'das de'i phyir 'dzum pa mdzad pa'i rgyu lung bstan du gsol// de nas bcom ldan 'das phyag na rdo rjes lha rnams kyis gsol ba'i tshig gsan nas 'di skad ces bka' stsal to/ / tshangs pa la sogs pa lha rnams gang sngon sangs rgyas thams cad kyis bshad pa 'chi bdag zhi bar byed pa'i rig pa dang / dus ma yin par 'chi ba 'joms par byed pa'i rig pa'i rdzag gzi brjid chen po nyon cig/ de nas bcom ldan 'das phyag na rdo rje la/ tshangs pa la sogs pa'i lha rnams kun tu dga' zhing ba spu langs shing phyag 'tshal nas legs so zhes bya ba rab tu phul te/ bcom ldan 'das legs so legs so// rdo rje 'dzin pa legs so legs so// gang gis tshe thung ba'i sems can rnams tshe ring bar 'gyur ba dang / dus ma yin pa'i 'chi bdag gis zin pa rnams dus ma yin par 'chi ba las rnam par grol ba dang / ngan song du skyes pa'i sems can rnams ngan song las ji ltar grol ba dang / 'khor ba'i 'jigs pas skrag pa'i sems can rnams bde ba'i thabs kyi 'khor ba las rgyab kyis phyogs par 'gyur zhing / myur ba nyid du bla na ma mchis pa yang dag par rdzogs pa'i byang chub tu mngon par rdzogs par 'tshang rgya bar 'gyur ba gzi brjid / che zhing stobs che ba pha rol gnon pa'i rig pa bshad du gsol/ de nas bcom ldan 'das phyag na rdo rjes tshangs pa la sogs pa lha rnams kyis gsol ba 'debs pa'i tshig gsan nas/ de bzhin / gsheg pa thams cad kyi snying po rig pa 'di rang gi sku gsung thugs rdo rje las phyung ngo // oM pu N+ye pu N+ye ma hA pu N+ye a pa ri mi ta A yuHpu N+ye dz+nyA na saM b+ha ro pa tsi te swA hA/ snying po'i rig pa'o// oM badz+ri swAhA/ nye ba'i snying po'i rig pa'o// oM b+h+rUM swA hA/ snying po'i nye ba'i snying po'i rig pa'o// oM tAM swAhA/ snying po yang dag par bskul ba'i rig pa'o// oM trAM swA hA/ snying po dam pa'o// oM hrIH swAhA/ / gsang ba'i snying po'o// de nas de dag gi dkyil 'khor bshad de/ dkyil 'khor rtsibs bzhi par byas la/ de'i dbus su de bzhin gshegs pa tshe dang / bsod nams dang / ye shes kyi tshogs dpag tu med pa gzi brjid kyi rgyal po zhes bya ba gzhag ste/ b+h+rUM/ zhes bya ba'i snying po'o// de'i spyan sngar phyag na rdo rje ste/ badz+rI/ zhes bya ba'i snying po'o// g.yon du ni khro bo ste/ zhes bya ba stong pa'o// g.yas su ni nam mkha'i rnying bste/ zhes bya bani phung po'o// rgyab tu 'bogs pa spyan ras gzigs dbang phyug mi 'jigs pa'i sbyin pa zhes bya ba ste/ zhes bya ba'i snying po'o// de bzhin gshegs pa'i 'od kyi dkyil 'khor la reg par bri'o// bum pa lnga dang brgyad 'khor los sgyur ba'i sngags kyis btab la gzhag go/ las thams cad pas mngon par bsngags pa yang ngo // bdug pa la sogs gzhag go// mchod pa'i dang po can sgo skyong thams cad nyid kyang ngo // de nas sngags pa yang dag par 'jug pa'i phyir bde bar gshegs pa dam pa sras dang bcas pa 'khor gyi tshogs kyis bskor ba rig pa dang lhan cig spya drang ngo / / rig pa'ang bde bar gshegs pa'i g.yon gyi logs su dri'o// de nas bdag nyid dbang bskur te skyil mo klung gis 'dug la stong phrag brgyar bzlas so/ / de bzhin gshegs pa mngon sum du mthong bar 'gyur zhing rdo rje 'dzin pa'am/ 'phags pa spyan rus gzigs dbang phyug gam/ ji ltar 'dod po'i mdo/ so sor thob bo// gang gi tshe mnyam par bzhag pa de'i tshe yid kyis las thams cad nus par 'gyur ro// de nas slob ma rnams gzhug ste rdo rje 'dzin pa'i phyag rgyas nga rgyal 'di bskyed par bya ste/ badz+ra d+ha ra/ rat+na d+ha ra/ pad+ma d+ha ra/ bi shwa d+ha ra/ ta thA ga ta sa ma ya a na ti kra ma/ ta thA ga ta sa ma ya d+hA ra kohaM/ zhes pa'o// de nas 'dis me tog dor bar bya'o// oM sar+b+ba ta thA ga ta pra drits+tsha ho sa ma yas+t+wa~M/ de nas 'phreng ba de mgo la bcings la dbang bskur/ oM sarba ta thA ga ta a b+hi Shiny+tsad+hA ra e dz+nyA pa yan+dun+tu/ oM badz+ra a b+hi Shiny+tsa trUM dz+dza/ oM rat+na a b+hi Shiny+tsa hU~M trAM/ oM badz+ra paH a b+hi Shiny+tsa hUM hrIH/ oM karma a b+hi Shiny+tsa hUM aH/ de nas dam tshig dang bka'i dbang bskur ba sbyin no// de la dam tshig ni/ dkon mchog gsum dang byang chub sems// bla ma dam pa yod mi spang // srog chags rnams ni gsad mi bya/ / ma byin par yang mi blang nyid// brdzun yang smra bar mi bya'o// pha rol bud med spyad mi bya// bla ma smad par mi bya zhing // grib ma'ang bgom par mi bya'o// slob dpon ma yin mi gzung zhing / / mtshan ma slob dpon spangs pa yang // sngags dang phyag rgya mi smad de// lha rnams la yang ga la zhig/ gal te rmongs pas smad na ni// nad kyis nges par 'chi bar 'gyur// mchod rnying lha yi/ grib ma dang // 'jig rten 'jig rten las 'das pa'i// phyag rgya yi ge mtshan ma yang // gom pas bgom par mi bya'o// blun po dkon mchog gsum sogs dang // sangs rgyas bstan la gnod byed dang / bla ma smod la brtson pa rnams// mkhas pas bsgrims te gsad par bya// chos mi ldan dang sreg pa dag/ rtag tu sems can gnod brtson dang // dam tshig ldang rnams snying bcu bas/ / sngags pas sngags kyis gzhom par bya// 'jungs pa'i nor yang yang dag blang // sems can sdug bsngal can la sbyin// bla ma mchod pa'i rgyu mtshan dang // de bzhin dam tshig sgrub pa dang // dkyil 'khor don dang rgyal sras la// mchod pa'i don phyir bsams pa yis// nor 'phrog 'jungs pa'i nor yang 'ong // sems can rnams la phan dga' bas// dam tshig dang ni bla ma'i rdzas/ sems can rnams kyi srog smyung phyir// rtag tu brdzun ni smra bar bya// sangs rgyas rnams ni mnyes bya dang // dam tshig rnams ni srung ba dang // sngags rig pa yis grub pa'i phyir/ gzhan gyi bud med kyang bsten bya// rdo rje sems dpa'i gnas 'dug pas// thams cad spyod cing kun byas kyang // 'grub 'gyur zhes par mi 'gyur na// snying rje ldan pas spos ni dgos// de nas 'dis bka' yi dbang bskur ro/ / oM sarba ta thA ga ta Adz+nyA dadA s+ya mi gr-ih+Na badz+ra su sid d+ha ye/ oM badz+ra tiSh+Tha hUM/ 'dis rdo rje lag tu byin la 'phrin las kyi dbang bskur sbyin no// oM sarba karmA Ni ku ru bud d+hA nA~M hUM/ de nas/ bla ma tha mar bya ba'i phyir// khyod kyi lus mchog sbyin par bya// rdzas dang nor dang 'bru rnams dang // rta dang bzhon pa nyid dang ni// bran gyi mchog dang khang pa dang // rgyal srid dbang phyug de bzhin te/ bu dang bu mo chung ma dang // ma dang sring mo tsha mo dang // gzhan yang ci bzhed thams cad ni// phan pa'i bsam pas bla mar dbul// de nas dngos grub sangs rgyas dang // byang chub sgrub dang gzhan yang ni/ 'jig rten pa yi mthu chen rnams// ji ltar 'dod pas gsol ba gdab// de nas bu la phan pa'i phyir// sngags rigs ser sna med sems dang // dad pas dad pa'i sems ldan pa// dngos grub rngam/ ni sbyin par bya// chos rnams rang bzhin med par ni// sems kyis bsgom par byas nas kyang // a las zla ba'i dkyil 'khor bsam// rang gi sa bon de dbus su// bsams nas dam tshig phyag rgya yang / bsams bzhin de bzhin de nyid kyang // lha yi rnam pa'i rnal 'byor du// sgrub pa po yis yongs su 'gyur// de nas rang gi sa bon dang // phyag rgyas phyag rgya de byin brlab// gong 'og go/ rims ji bzhin du// sangs rgyas rnams kyis dbang bskur ro// de ltar nga rgyal bskyed nas ni// mkhas pa yis ni bsgrub bya ste// de bzhin gshegs kyang 'grub 'gyur na// dngos grub gzhan lta smos ci dgos/ / // de nas tshangs pa la sogs pa lha chen po rnams kyis/ bcom ldan 'das la phyag 'tshal nas 'di skad ces gsol to// bcom ldan 'das rgyal po dang / rgyal po'i bu dang / rgyal po'i blon po dang / rgyal rigs dang / bram ze dang / rje'u rigs dang / dmangs rigs dang / gzhan yang dman pa phyag bdar ba dang / mtha' 'khob kyi skye bo'i gnas dang / skye bo'i gnas kyi rigs su skyes pa dkyil 'khor gyi rgyal po 'dir zhugs pa de dag gi rnam par smin pa ji lta bur 'gyur/ / bcom ldan 'das kyis bka' stsal pa// tshangs pa la sogs pa lha'i tshogs rnams gang ma 'ongs pa'i sems can rnams la phan pa'i phyir zhus pa ni legs so legs so/ / lha'i tshogs rnams dkyil 'khor gyi rgyal po 'dir zhugs shing dbang bskur ba dang / bris pa dang / 'drir bcug pa dang rjes su yi rang ba dang / phyag byas pa dang / mchod pa byas pa'i 'bras bu rnam par smin pa nyon cig/ lha'i bu rnams mdor na nga la'ang de'i phan yon bshad par spro ba med de/ gang nga la bsod nams kyi phung po de brgya phrag stong du mar bsgyur yang / grangs su'ang / bgrang bar yang / dper yang mi bzod de/ de bzhin gshegs pa thams cad la bsod nams kyi phung po'i bar gyis kyang mi bzod do/ / gang dkyil 'khor du zhugs pa'i sems can rnams kyi 'bras bu rnam par smin pa 'di ni bcom ldan 'das ngo mtshar che'o// rdo rje 'dzin pa ngo mtshar che'o// bcom ldan 'das bdag cag rdo rje 'dzin pa'i dkyil 'khor la sogs par zhugs pa spro'o/ / bcom ldan 'das rdo rje 'dzin pa spro'o// de nas lnga de dag gis de bzhin du phyag 'tshal nas 'di skad ces gsol to// bcom ldan 'das 'dzam bu'i gling pa'i sems can rnams bsod nams chung zhing tshe thung ba dang / ngan song gi rgyud dang ldan pa dang / dmyal ba dang / yi dgas dang / byol song rnams su skyes pa dag kyang mchis na/ bcom ldan 'das de dag la bdag gis ji ltar bsgrub par bya// kye lha'i bu de dag ni dkyil 'khor 'di nyid du chug cig/ bcug nas kyang dbang bskur cig/ chos kyi yi/ ge'ang zlos su chug cig/ de nas sems can de dag tshe ring bar 'gyur/ bsod nams dang bral ba bsod nams dang ldan par 'gyur/ ngan song las rnam par grol bar 'gyur ro// lha'i bu ra gang ngan song du skyes pa de dag gi ming la dbang bskur ba mdzod cig/ gzugs brnyan la'ang dbang bskur bar byos shig/ rang gi lha'i sku la'ang dbang bskur bar byos shig/ tha na de dang rigs mthun pa dang / de'i bu dang / de dang rus mthun pa dang / de'i ming 'dzin pa dang / bran la'ang dbang bskur cig/ zhag bdun lan bdun dkyil 'khor du bcug ste dbang bskur bas/ nges par ngan song gi sgrib pa las rnam par grol bar 'gyur ro/ / lha'i bu rnams de'i ming nas smos te 'bum phrag gnyis dang / 'bum phrag gsum dang / 'bum phrag bzhi dang / 'bum phrag brgya stong gi bar du bzlas na mtshams med pa lnga byas pa'ang rnam par grol bar 'gyur na/ sdig pa chung ngu byas pa rnams lta ci smos/ lha'i bu rnams zhi ba'i thab khung zlum po tha ma dang / bar ma dang / mchog khru gang ngam/ khru do 'am/ khru bzhi pa byas nas/ de'i ming gis nyungs kar dkar po rnams brgya phrag stong du bsregs te ngan song kun las thar par 'gyur ro/ / de'i sha dang / rus pa dang / skra dang / thal ba la sogs pa la cho ga de nyid kyis sdig pa kun las rnam par grol bar 'gyur ro/ / de yi dbus su 'khor lo ni// rtsibs brgyad dkar po 'od zer 'bar// khor yug rdo rje rtse lnga pa// 'od zer dkar po dang ldan bri// de nas sna tshogs rdo rje bya// rdo rje rin chen chu skyes mchog de nas sdig pa gzhom pa'i phyir/ / phyag rgya rnam pa sna tshogs bya// phyi rol rdo rje rigs rnams kyi// phyag rgya rnams ni phyi rol bri// gza' dang skar ma'i mtshan ma dang // de ltar 'jig rten 'khor rnams kyang // gtso bo'i ro mo lugs ma dang // rdo rje can dang lhan cig gzhag/ bum pa bum pa gang ba dang // gtor ma lnga bshos shin tu dkar// mdor na thig ni btab nas kyang // cho ga bzhin du bri bar bya// dkar po'i gos ni gyon nas su/ / sangs rgyas gzugs can mi 'jigs pas// ngan song 'gro bar gnas pa yi// sems can de rjes dran byed cing // sdig pa sgrib ba zhi pa'i phyir// rgyud dag pa yis sprin sreg ni/ / mar dang 'o ma sbrang rtsir bcas// 'bras yos nyung kar bsres pa dang // de yi rus pa sha la sogs// yang na ming tsam gyis kyang ni// de nas bde 'gror skyes nas su// mkhas pas rgyas par bya ba ni/ / khru do pa 'am khru bzhi pa// de bzhin mchog ni khru brgyad par// byas nas thab khung khru bzhi pa// kun tu mu ran dang ldan pa// de dbus pad+ma rin ches can// 'od zer ser po can bri zhing // lor yug tu ni rin chen dang / mu ran la ni chu skyes bri// phyi rol ta ni rigs lnga yi// dbye bas phyag rgya bri bar bya// de bzhin phyi yi lha rnams dang // lcags kyu la sogs bri bar bya// na bza' ser po gyon byas nas/ mtho ris gnas pa rjes dran zhing // de la phan phyir rgyas pa yi// don du rgyas pa'i las byas nas// lus can de yi tshe dang dpal// gzi brjid skal ba bzang po 'phel// de nas de la phan pa yi// dbang du bya ba'i las bya ste/ / thab khung gzhu yi dbyibs 'dra ba// khru gang pa 'am khru do pa// khru bzhi byas la de dbus su// chu skyes dmar po yang dag bri// de yi dbus su mdar bcas pa'i// gzhu nyid kyang ni bri bar bya/ / khor yug tu ni mngar ba yi// gzhu ni kha dog dmar po bri// sngags 'dzin pa yis rtag par yang // phyi rol de yi lha yi bya// sems can de ni dran byas la// na bza' dmar pos brgyan pa yi/ me tog dmar zhing pad+ma yang // 'bras bu dmar dang khams bcas pa// mar dang gur kum bsres pa dang // tsan dan dmar po'i phye ma dang // sbyin sreg byas nas lha la sogs// thams cad de yi dbang du 'gyur/ / de yi gdon rnams rnam gzhom phyir// mngon spyod yang dag brtsam par bya// khru do phyed bcas khru gsum mam// de bzhin mchog ni khru dgu pa// zur gsum dang ni ldan par bya// dbus su rdo rje rtse dgu pa/ / rtse gsum pa yi mu ran bya// sna tshogs rdo rje yang byas la// dbyug pa mgo dang rtse gsum rnams// rdo rje dgra sta rtse gcig gis// phyi rol du yang mtshan par bya// rig pa gsum pa sngar bzhin brgyan/ / bum pa gtor ma bum pa yang // zhal zas mang po gzhag par bya// sha dang khrag gis bkang ba yi// thod pa rnams kyang kun tu yang // de nas gos nag bgos shing khros// rang nyid 'jig rten gsum rnam rgyal/ / lus can de yi sdig la sogs// de nas de yi sdig bcom zhing // bgegs dang bral te ci bde bar// mtho ris 'jig rten mi rnams nyid// ji snyed khams gsum 'jig rten spyod/ / myur du go rims 'di nyid kyis// tshe 'dir gnas pa rnams la bya// de nas gang gi phyir byas pa// de yi phyir ni de bzhin 'gyur// gzhan dag kyang ni las rnams kyang // snga ma ji bzhin de bzhin bya/ / de ni sems can rnams la yang // myur du bde ba sgyid 'grub par 'gyur/ de nas tshangs pa la sogs pa'i lha rnams yang dag par dga' bas bcom ldan 'das la bya 'tshal te 'di skad ces gsol to/ / bcom ldan 'das gang ngan song du skyes pa'i sems can rnams kyi don dang / phan yon dang / bde ba'i slad du brtag pa'i rgyal po 'di 'dri ba dang 'drir 'jug pa'i rigs kyi bu 'am/ rigs kyi bu mo de bdag cag tshangs pa la sogs pa lha rnams kyis bu bzhin du yongs su bskyang bar bgyi ste/ yang ji ltar bshad pa ma tshang ba med par bgyid pa lta ci smos/ gang yang rgyal po dang / rgyal po'i bu dang / rgyal po'i blon po ji ltar gsungs pa'i sngags rjes su slob pa de'i rgyal srid 'phel bar bgyi'o// yul dang / phyogs dang / skye bo'i gnas dang / 'khor gyi skye bo'i lo tog la sogs pa'ang bsrung bar bgyi'o// nor dang 'bru rnams mang du 'byor par bgyi'o// bud med dang / skyes pa dang / khye'u dang / bu mo rnams phun sum tshogs par yang bgyi'o// 'byor pa dang / rgyas pa dang / lo legs pa dang / bde bar bgyi'o// gang zhig brtag pa'i rgyal po 'di la dad pas rgyal mtshan gyi rtse mo la btags te grong dang grong khyer la sogs par 'jug pa bdag nyid kyis bsdu bar yang bgyi'o/ / glang po che'i steng du bzhag la grong dang grong khyer la sogs pa thams cad du bskor bar bya ste/ dus ma yin par 'chi ba dang / nye bar 'tshe ba thams cad zhi bar 'gyur ro// sems can chen po de'i drung na bdag cag bran gyi tshul lam bu'i tshul du gnas pa shes par bgyi'o/ / gang na 'di rab tu spyod pa de na bcom ldan 'das phyag na rdo rje rang nyid longs spyod rdzogs pa'i skus rdo rje sems dpa'i skur bzhugs par 'tshal bar bgyi'o/ / bcom 'das rdo rje sems dpa' kun tu bzang po re ba thams cad yongs su skong ba de nyid brtag pa'i rgyal po'i gzugs su bzhugs par 'tshal bar bgyi'o// sa phyogs de rang mchod rten du gyur par 'tshal bar bgyi ste/ mchod par bgyi/ phyag 'tshal bar bgyi'o// kun tu bsrung bar bgyi'o// gang yang brtag pa'i rgyal po 'di rab tu spyod pa'i rdo rje slob dpon dka' thub chen po la bdag cag tshangs pa la sogs pa'i lha rnams kyis g.yog bgyi'o/ / bran gyi tshul du gnas par bgyi'o// mngag gzhug pa nyid du gnas par bgyi'o// bsgo ba thams cad mnyan par bgyi'o/ / phan pa dang bde ba thams cad bgyi'o// dngos grub thams cad stsal bar bgyi sde/ bcom ldan 'das mdor na de'i rkang pa'i rdul mgo bos gzung bar bgyi'o// bcom ldan 'das la phyag 'tshal bar bgyi'o/ / de'i phyi bzhin du rjes su 'brang bar bgyi'o// bcom ldan 'das gang dkyil 'khor du ruk+sha te dbang bskur ba de kho bo cag gi mnga' ba dag tu 'tshal bar 'gyi'o// phyag na rdo rje lags par 'tshal bar gyi'o// rdo rje sems dpa' lags par 'tshal bar bgyi'o// bde ba chen po kun tu bzang po lags par 'tshal bar bgyi'o// de bzhin gshegs pa lags par 'tshal bar bgyi'o/ / de nas bcom ldan 'das phyag na rdo rjes/ tshangs pa la sogs pa'i lha rnams la 'di skad ces bka' stsal to// tshangs pa la sogs pa lha rnams gang chos la rim gro gcig gnyis byas pas de ltar yang dag pa'i dam bca' ni legs so legs par sgrubs shig/ / de nas bcom ldan 'das phyag na rdo rje sngags dang / rig pa dang / sring po thams cad brtan par bya ba'i phyir rang gi snying po 'di bshad do/ / oM b+h+rUM druM badz+ra pA Ni dr-i D+ha tiSh+Thats+tsha/ oM hU~M AH/ oM badz+ra hUM phaT/ oM dri D+ha badz+redz+dza/ oM badz+ra hUM sa/ oM badz+ra hUM aH de nas de dag gi dkyil 'khor bshad de/ dkyil 'khor snga ma be zhen bris// dbus su rdo rje bri bar bya// yang na rdo rje sems dpa' 'am// kun tu bzang po bde ba che// spyan sngar phyag na rdo rje nyid// g.yas su phyag na rin chen spyan/ / phyag na pad+ma nub phyogs bri// byang du phyag na sna tshogs bri// phyi rol du ni zlum por bskor// sangs rgyas thams cad dgod par bya// de yi phyi rol sems dpa' rnams// go rims bzhin du bri bar bya// de yi phyi rol sems dpa' yang / / byams pa la sogs mchog chen bri// de phyir de bzhin dge slong ni// kun dga' bo sogs thub pa bri// rang gi chung ma bus bskor ba'i// tshangs pa la sogs phyi rol bri// gza' dang rgyu skar nyi ma dang / rgyal po bzhi po rnams dang ni// phyogs skyong 'jig rten skyong ba rnams// dkyil 'khor 'dir ni yang dag bri// phyi rol du ni dmyal ba sogs// klu la sogs pa dud 'gro'i dpe// sgo dang sgor ni de bzhin du/ / sgo skyongs stobs kyi dam pa rnams// dkar po 'dod pa'i nyi ma la// rab tu 'bad pas dkyil 'khor bri// gang bsngags nag po'i phyogs la yang // dkyil 'khor 'gal ba ma yin no// lnga pa de rjes bdun pa dang / / nya gang ba ni khyad par ni// bsngags te phyag na pad+ma yi// dkyil 'khor bya ba'i cho ga la'o// gang yang drag po'i las rnams la// de ni nag po la yang bri// khro bo rnams kyi dkyil 'khor yang / / zla ba nye ba khyad par du// rgyal ba rnams kyis dkyil 'khor bsngags// gzhan yang rang gis 'dus byas pa'i// dkyil 'khor la brtson gdab bya zhing // shar nas 'char ba'i dbang bya ste/ phyogs kyi cha ni brtag par bya// de nas dkyil 'khor dgod pa ni// yid kyis yongs su brtag par bya// sngags dang rgyud ni dang por byas// 'jam zhing sngags gzugs dge zhing zhi// rjes mthun rang gi slob nyid kyi/ / slob ma lhan cig tsam gyis spyad// de nas nang par rab sngar langs// legs bkrus gos dkar 'chang zhing gtsang // blo ldan bla ma slob mar bcas// dkyil 'khor drung du kun nas 'gro// dkyil 'khor phyogs nyid shin tu yang // nye bar byugs shing legs par mnyed// khro bo chen po bzlas pa yi// dri yi chu yis bsams pa yis// dbus su rigs rnams snying po yis// lhag par gnas par bya ba nyid/ / dkyil 'khor gyi ni gtso bo yi// sngags kyi las rnams thams cad bya// sa la sor ni bcu gnyis pa'i// dkyil 'khor dri yis byas nas su// dkyil 'khor rig pas las bdun du/ lhag pa de nas bzlas par bya// de rjes lha rnams nyid kyi yang // byang chub chen po zhes bya ba'i// snying pos skal ba ji lta bar// dri dang me tog sogs mchod pa// byas ras gtor ma dbul bya zhing / mngon par bsngags pa'i spos kyang ngo // de nas tsan ngan la sogs pa// bsres pa'i chu la mngon par bsngags// de la dbul ba'i me tog dang // bdug pa la yang cho ga bzhin// so shing u dum ba ra dang / / a shwad tha sogs rma med cing // shin tu phra min sbom pa min// sor mo bcu gnyis tshad tsam ni// dri yi chu yis rab bskus shing // me tog 'phreng ba yis kyang bcings// dri bzang la sogs byugs shing bdug/ lag pas reg na snying po ni// mang po yang ni bzlas bya zhing // rigs nyid kyis ni lan bdun nam// slob ma rnams kyis tshad gzhal bar// so shing la sogs yang dag gzung // gcig la sogs pas go rims bzhin/ / rtse mo nyid nas bca' bar bya// de nas mkhas pas bdag nyid kyis// slob ma srung ba brtan byas nas// sbyin sreg las ni mar byugs pa'i// yam shing rnam ni mar dang bcas// sbrang rtsi mar dang bsres pa dang / / mar gyi sreg blugs bsreg bya zhing // zho zan gyi yang sbyin sreg bya// dang por bgegs ni zhi bya'i phyir// de nas thugs kyis rjes 'dzin phyir// de nas zhi ba'i sbyin sreg cing // sdig pa zhi bar bya phyir ram/ / de nas slob ma rnams brtags nas// cho ga yi ni lhag gnas bya// de yis ji ltar nus pa yis// de bzhin sdom pa gzung bar bya// de rnams cho ga 'di yin te// gtsang zhing dkar ba'i gos can ni/ / mdun du bltas te 'dug pa la// lhag par gnas pa brtsam par bya// bla mas dang por skyabs gsum sbyin// de yi rjes la byang chub sems// ma bskyed pa ni bskyed bya zhing // bskyed pa slar yang rjes dran bya/ / de nas khro bo mngon bzlas pa'i// chu yis spyi bor bsang gtor bya// mgo bor kun tu reg nas ni// mnyam par bzhag par lan bdun bzlas// rig pa'i rgyal po snying po ni/ lag pas dri bzang sbags pa las// 'jigs pa bzlog la mkhas pa yis// lan bdun rtag tu bzlas par bya// 'khor los sgyur ba rgyal po yis// rig pa'i rgyal po yi ge gcig/ rta mgrin nu skyes rigs la ni/ / rig pa'i rgyal po yi ge bcu// sum b+ha zhes bya rdo rje'i rigs// rig pa'i rgyal po rdzu 'phrul che// yi ge hUM bzhi rnams dang ldan// las kun rab tu spros pa la'o// rigs gsum rnams la thun mong ba/ / khro bo bdud rtsi 'khyil ba nyid// bgegs kun rnam par gzhom pa'i phyir// gsang ba pa yi bdag po gsungs// las ni thams cad pa yi sngags// spyi bor reg cing bzlas de nas// bsang gtor yang bya de nyid kyis// bdug pa yis kyang bdug par bya// dbang bskur ba ni bum pa bcas// 'bru la sogs pa thams cad ldan// cung zad cung zad gang du blugs// rig pa'i rgyal pos mngon par bsngags/ / cho ga bzhin du lhag gnas bya// dri yi chu yis mchod yon sbyin// me tog kyang ni gzhug par bya// bdug pa yis kyang bdug par bya// dbang bskur ba ni bum pa bcas// mkhas pas yang dag yongs su 'azlas/ / de yis dbang bskur bya ba yin// slar yang bzlas pa dkyil 'khor du// slob ma dam tshig can rnams ni// thal mo sbyar zhing mngon phyogs la// de nas so shing sbyin par bya/ / slob ma rnams ni go rims bzhin// bzung zhing shar du kha bltas te// phyi rol nyid du so shing bca'// ma gas par ni 'chos nas su// logs ma yin par dor bya ste/ / so shing mdun du dor byas pa// gang tshe mdun du rtse mo lhung // de tshe dngos grub mchog shes bya// gang zhig steng du bltas pa yang // de bzhin shar du rtse mo bstan// dngos grub 'bring du yongs su grags// byang du bltas na thad ka nyid// rig pa'i dngos grub 'jig rten pa// so shing dor ba brgya lam du// gang tshe 'on du kha bltas pa// de tshe sa 'og dngos grub ni// 'byung ba 'di la the tshom med// slob ma nye bar reg pa ni/ / snga ma bzhin du bzung byas la// thams cad las byed sngags kyis ni// bla mas dri bzang chu sbyin no// re re la yang btung ba'i phyir// khyor ba gsum ni sbyin par bya// de nas blo ldan langs nas su/ / 'di dag kun tu sprad par bya// de nas mchod pa yang byas nas// lag pas spos ni bteg nas su// blo ldan gus pas lha rnams la// gsol ba gdab cing gus gnas bya// dang por sngags ni snyan gsan dbab/ / de yi dkyil 'khor gang yin pa// de yi rim pa'i sbyin pa yis// lha rnams spyan 'dren pa yin no// bcom ldan che ge mo zhes bya// rig pa'i rgyal po khyod la 'dud// slob ma rnams la brtse phyir dang // khyed rnams la yang mchod pa'i phyir// nyid kyi dkyil 'khor thugs rje yi// bdag nyid kyang ni bri bar 'tshal// bcom ldan de ni bdag gus la// bka' drin mdzad pa rigs lags so/ / 'jig rten mgon po brtse ba can// sangs rgyas byang chub sems dpa' dang // dgra bcom gang gzhan sngags kyi lha// lha dang 'jig rten skyong rnams dang // 'byung po rdzu 'phrul che gang dang / / sangs rgyas bstan la mngon dga' rnams// bdag la yang dag dgongs su gsol// che ge mo zhes bya ba nga// che ge mo yi dkyil 'khor ni// rang nyid 'byung ba bgyid par 'tshal// ji ltar gus pa'i nyer spyod kyis// slob ma dang bcas bdag la ni// rjes su brtse bas nyer bzung nas// dkyil 'khor dang bcas thams cad ni// nye bar byon par mdzad par rigs// de skad smras te tshig gang zhig/ bcom ldan 'das la phyag 'tshal nas// bstod pa'i nyer spyod kyang byas nas// de dag gshegs su gsol bar bya// chags bral so so ldan pa yi// slob ma rnams la chos bshad bya// / tholdan shar du mgo bstan te// dge ba'i gnyid kyis nyal du gzhug/ de nas sngo dro nyid du ni// mtshan mo'i rmi lam mthong ba bri// gang tshe dge ba'am mi dge ba// ngogs med nyin par thos nas su/ sangs rgyas rdo rje 'dzin pas ni// rigs bdun rnams kyi dam tshig kyang // de nas bu khyod dam tshig dang // sdom pa rgyal ba yis gsungs pa// dad pas bla ma'i bka' yang bskyang // khyod kyis srog chags gsang mi bya/ / ma byin mi blang 'dod log dang // dngos grub 'dod pas mi bya'o// chang mi btung zhing sha la sogs// bza' ba nam yang ma yin nyid// sems can kun la gnod mi bya// dkon mchog gsum yang mi spangs zhing / / dus rnams kun tu byang chub sems// snying po sngags dang phyag rgya dang // bla ma lnga rnams de bzhin nyid// bla ma'i bka' las 'da' mi bya// gang las sdig 'gyur de las 'da'/ / de la phul ba'i rnying pa dang // grib ma la yang 'gom mi bya// phyag rgya'i rnam pa'ang de bzhin nyid// sngags dang lnga la mi smad cing // gdon gyi las rnams mi bya'o// mu stegs pa yang smang mi bya/ / mdor na bdag nyid the tshom dang // som nyi yid gnyis mi bya ste// rgyud dang lnga tshogs la de bzhin// dad pa brtan pas dam bcas nas// sarba bid kyis dbang de bzhin// mchog bras la soH mchog rnams kyis/ / dbang bskur bcu po 'dod ji bzhin// de nas lag tu rdo rje dang // dril bu sbyin bya de rjes su// 'khor lo la sogs rin chen bdun// bzung nas 'khor los sgyur ba yi// rgyal po dbang phyug thob phyir dang / / sdig pa gzhom phyir dbang bskur zhing // sngags sgrub 'dod pa'i slob ma la// rjes su gnang ba mnyan du gzhug/ de nas bstod pas mgo bo yis// phyag 'tshal ji ltar 'dod pa'i rdzas/ / bla ma la ni dbul bya ste// rin chen gter dang 'bru dang dbyig/ gser dang bzhon pa khyim dang gdan// bu dang bu mo skyes pa dang // bud med rnams ni dbul bya zhing // grong dang grong khyer ci bzhed rnams/ / rang gi sems ni rab dang bas// yon rnams nges par dbul bya zhing // dngos grub myur phyir bla ma la// mdor ma bdag nyid kyang 'bul bya/ tshe 'di'i 'deb ma lus dang // 'jig rten pha rol bde ba'i mchog/ sangs rgyas nyid kyang 'thob 'gyur te// lha yi bde ba lta ci smos// bla ma sangs rgyas kun dang mnyam// rdo rje slob dpon smod pa gang // de yis rtag tu sdug bsngal thob// de phyir slob dpon smad mi bya/ / rdo rje spun dang sring mo dang // gang yang smad par mi bya zhing // khon par yang ni mi bya'o// dkon mchog gsum la gnod byed dang // bla ma smod byed ma rungs rnams// dam tshig 'das la bzod mi bya/ / de lta bu sogs gnod byed la'ang // de lta nyid do de byas na// kun rig gis gsungs dngos grub 'thob// sems can kun la rjes brtse bas// dngos grub myur du 'byung ba 'thob/ / / de nas bcom ldan 'das kyis/ lha'i dbang po dang lha dang bcas pa la 'jig rten la phan pa dang bde ba'i don du sgrub pa'i cho ga gsungs te/ bri gzhi la bcom ldan 'das thams cad rig pa de kho na bzhin du bri zhing / / g.yas su de bzhin gshegs pa ngan song thams cad yongs su sbyong ba'i rgyal po dang / g.yon du shAkya thub pa dang / ngan song thams cad yongs su skyong ba'i rgyal po 'og tu 'phags pa spyan ras gzigs dbang phyug sku mdog zla ba lta bu phyag na pad+ma can dang / shAkya thub pa'i 'og na phyag na rdo rje dang / de dag gi dbus su sman pa'i rgyal po phyag gcig gis a ru ra'i 'bras bu bsnams shing / / de las gzhan ni mchog sbyin du bya'o// rta mgrin dang 'jig rten gsum las rnam par rgyal ba ma rungs pa 'joms pa la brtson pa dag ni rang gi lha la mngon par phyogs par bri zhing / de dag gi dbus su lo tsan+da dang / mA ma kI dang / gos dkar mo dang / sgrol ma dag phyag na rang gi mtshan ma can bri'o// de rnams kyi 'og tu rdzing bu chu srin dang / nya dang / rus sbal dang sbal pa dkar po la sogs pa dang bcas pa chu las skyes pa'i me tog du mas yongs su gang bar bri zhing / bdug pa dang / mar me dang / dri dang / 'phreng ba dang / zhal zas dang / me tog dang 'bras bu rnam pa sna tshogs bri bar bya'o/ / 'og nyid du sgrub pa po thal mo sbyar te rab tu 'dug cing 'dud par bri'o// de nas de rdzogs pa la byin gyis brlab pa dmigs par bya ste/ spyan dbye ba byas nas mchod pas mchod par bya'o/ / de nas gal te mtshan ma mthong na myur du 'grub bo// gal te ma mthong na ring mo zhig na 'grub pa'o// bzhad pa dang ni rnga sgra dang // dril bu'i sgra dang 'brug sgra nyid srong bram ze bu mo dang / / 'bras bu mthong na dngos grub ni// mchog 'bring tha ma myur du 'grub// de nas sku gzugs phyag rgya dang // sngags rnams kyis ni byin gyis brlabs// ji ltar bskyed pas thob bya zhing / / 'jig rten gsum ni rnam rgyal gyis// bdag srung la sogs byas nas su// bdag gi de nyid kyang bsgoms nas// ji srid dngos grub rtags 'byung ba// 'bum phrag gsum mam drug 'bum bzlas/ / de nas dben pa'i gnas su ni// sngags kyang chang lhag bkang bya ste// brgya phrag brgyad rnams bzlas par bya// de nas bzlas pa de yi mthar// dkyil 'khor snga ma bzhin bsams la/ mchod pa rgya chen yang byas nas// mtshan mo gcig ni bzlas par bya// de nas gal te gtso bo 'am// sras sam lha rnams mthong gyur na// de tshe snod 'dod ji lta bar// dngos grub mchog ni gsol ba gdab// lha rnam rtag tu dgyes pa yis/ / dngos grub 'bras bu de la stsol// phyag byas kyang ni dngos grub ni// mchog la sogs pa blang bar bya// bla ma dkon mchog gsum po la// rang rang skal ba phul nas ni// de nas rtag tu bdag nyid spyad/ de rnams med na shes rab can// blangs nas rang nyid spyad par bya// sems can kun la phan brtson zhing // bskal pa du mar gnas par 'gyur// legs par bsgrub na thams cad byed// gnod sbyin rgyu skar gdong la sogs/ / tshig tsam gyis ni bran bzhin du// zhi ba'i las la sogs pa ni// thams cad byed par 'gyur ba yin// // de nas bcom ldan 'das la/ lha'i dbang pos 'di skad ces gsol to/ / bcom ldan 'das sems can sdig pa bgyis pa dmyal ba la sogs pa'i dbang du gyur pa rnams kyis dmyal ba la sogs pa'i sdug bsngal rab tu spang ba'i phyir ji ltar rab tu bsgrub par bgyi// bcom ldan 'das kyis bka' stsal pa/ lha'i dbang po dmyal ba la sogs pa'i dbang du gyur pa'i sems can sdig pa chen po byed pa de rnams dmyal ba la sogs pa'i sdug bsngal rnams las tshegs med par grol bar 'gyur ba nyid de bzhin du nyon cig/ de bzhin dkyil 'khor bris nas ni// brgya rtsa brgyad ni bzlas pa yi// bum pa rnams ni snga ma bzhin// dbang bskur ba ni brtag par bya// de nas sngon gyi sdig byang zhing / / dmyal ba la sogs sdug bsngal ni// kun las myur du rnam grol 'gyur// sdig las rnam grol bdag nyid che// de yang gnas gtsang lhar skyes nas// rtag tu sangs rgyas chos bgro thos/ / phyir mi ldog pa'i sa la gnas// rim gyis byang chub mngon sum byed// de yi gzugs brnyan dang ni ming // bur kum gyis ni bris nas su// ngan song gsum gyi 'jigs chen las// sems can rnams ni thar pa'i phyir// sngags pa gzhan la phan brtson zhing // brtse bas mngon par dbang bskur ro// de nas rnal 'byor can gyis ni// sngags dang phyag rgyas dbang bskur te// lha yi gzugs su brtags nas su/ / mchod rten dbus su gzhag par bya// rang gzhan lha yi snying po ni// snying kha de yi phyogs bris nas// lha mnyam par ni sems bskyed de// khyim du yang ni gzhag par bya/ / de yi ming dang spel ba'i sngags// gur kum bzang pos bris nas ni// 'bum ni yongs su rdzogs bar du// mchod rten las ni rab tu bya// sdig chen sdig ni zad bya'i phyir// bye ba yang ni rdzogs par bya/ / de ltar byas na de nges par// dmyal ba las ni grol bar 'gyur// de bzhin yi dgas byol song las// grol te lha rigs rnams su skyes// de yi ming nas spel nas ni// ji ltar gsung/ pa'i sngags stong bzlas// gal te brgya phrag stong yang tshang // bye ba'i bar du rdzogs par bya// lha rigs rnams su skye bar 'gyur// de yi ming nas spel ba yi// mkhas pas 'bum phrag brgya 'am/ ni// yang na brgya phrag stong snyed du// sbyin sreg byas na dmyal ba ni// chen po'i sdig pa las grol 'gyur// ji srid mtshan ma 'bar ba yi// gnas su yang dag skye bar 'gyur// nyungs kar dkar po til dang 'bras/ / ra yi 'o ma yang dag ldan// de bskus yam shing de srid du// cho ga ji bzhin sbyin sreg bya// de nas de ni nges par yang // lnga rigs rnams su skyes pa yi// mtshan ma nye bar mthong bar 'gyur/ / gal te lha yi mchog skyes dang // yang na thab khung nang du ni// dkar po g.yas bskor 'bar ba dang // gyen du 'greng zhing dri ma med// 'phro ba sdoms bzhin 'bar ba dang // glog bzhin dri ma med 'od brtan/ / me rtags 'di rnams mthong bar 'gyur// yang na me lha bdag nyid ni// de bzhin kho nar ston 'gyur te// zla ba bzhin du dri ma med// dkar po bzhin mdog 'bar ba'o// mtshan/ ma 'di dag mthong ba la// de nas dmyal sogs rnam grol zhing // sdig pa bcom nas bde 'gror ni// skyes pa yin par shes par bya// khru bzhi pa yi tshad du ni// cho ga ji bzhin thab khung brko// rdo rjes mtha' ma bskor ba yi// 'khor lo dbus su bri bar bya// rigs lnga yi ni phyag rgya rnams// ji bzhin rang gi phyogs su bri// ji bzhin sems dpa' rnams dang ni// 'jig rten la sogs phyi nas bri/ / de nas bum pa gang ba dang // gtor mas sdod rnams bkang ba ni// brgyad dam bcu drug dag tu gzhag/ bza' dang bca' ba zhal bas dang // me tog 'phreng sogs de bzhin te/ sngar rgyal mtshan dar la sogs// gdug sogs rnams kyis legs par brgyan// de ltar sbyin sreg thab khung ni// mchog tu yang dag sbyin sreg bya// cho ga shes pas de bris napa/ lha yi tshogs ni spyan drangs te// sngags shes pas sngags phyag rgya yis// arka la sogs phul nas ni// mdor bsdus mchod par byas nas su// lha yi sbyor bas rab gnas la// ga pur gur kum la sog bas/ mar dang 'o ma til bsgos la// til dang nyungs kar 'bras rnams dang // dri yi chus ni legs bkang ste// 'bras chan spos dang la dug/ sbrang rtsi sha ka rar ldan la// brgya phrag du mar yongs su bzlas/ / yam shing la yang de bzhin te// rang gi sngags kyis btab pa'i shing // khung bu'i nang du gzhag par bya// lha dang klu dang gnod sbyin dang // dri za sogs su gnas pa yi// ro la sngags kyis btab nas su/ / mu mchog gis ni bkrus nas ni// sngags bzlas dri yis byugs par bya// gos dang rgyan gyis brgyan bya zhing // sngags kyis btab pa'i bdug pas bdug/ me tog 'phreng ba la sogs mchog/ gtsug pud dpung par de bzhin du// sngags bris nas ni gdags par bya// snying kha mgrin pa kha phyogs su// sarba bid+yas byin gyis brlabs// dpral ba mdzod spu rna ba gnyis// mgo bo spyi gtsug dpung pa gnyis// rna ba dgu dang pus mo bol// sna yi rtse mo long bu dang // mig gnyis dang ni gsang ba yau// dbang po rnams kyi gnas dang ni// de ltar gzhan du'ang gnas yi ge/ mchog tu dge ba de dag bzhag/ de dag ngan song yongs sbyang phyir// stan dang bcas te thab dbus gzhag/ de nas sngags pas sngags kyis ni// mngon par bsngags pa'i gos kyis g.yogs// de nas byin za yang dag rab spar la/ / me lce stong gis dkrigs shing 'bar ba'i lus// zla ba kun nga bzhin du zhi ba'i yid// dpag med kun la mchod yon yongs su brtag/ de bzhin ji ltar gsungs pa'i mchod pa bya// de nas dang po de yi sbyin sreg ni/ / rdzogs par byas shing 'bar ba nyid la ni// yongs brtags nas ni rgyal ba las// sogs pa rnams kyi brgyad ni lhag pa dang // bcas pa'i brgya ni yongs su brtag par bya// de nas sbyong ba'i sngags kyi rgyal po yang / / bsreg bya nyi shu rtsa gcig yongs su brtag/ de nas zhal ras dkar po spyan drangs la// yo byad rnams sam mchod yon sogs gsum mchod// phyag na rdo rje pad+ma zhags pa bsnams/ / rgyan rnams thams cad kyis ni rab brgyan cing // rdzogs pa'i sangs rgyas dbu rgyan can// bsam par bya zhing yang ni bri bar bya// de yi snying po brgya phrag stong dam ni// ji srid bya ba'i bar du/ sbyin sreg bya// yang na mtshan ma yang dag byung na ni// de bzhin sdig rgyun spangs par shes par bya// de nas thal bar 'gyur ba cho ga bzhin// rdo rje bsdu bas thal ba rus pa bsdu// rdo rje bdud rtsi'i dr-i chu dang / / ba yi rnam lnga dang bcas la// sbyong ba'i sngags ni 'bum bzlas te// gong bu byas nas ga pur drir// sa dang legs par bsres byas la// sku gzugs mchod rten lhar bsam zhing // lan cig gnyis gsum bzhi lnga 'am// yang na lan grang brgya rtsa brgyad// sngags dang phyag rgyas byin brlabs la// 'bum phrag gnyis ni bzlas par bya// de nas mchod rten 'bar gyur tam/ / yang na sku gzugs zhal 'dzum mam// dri spos ngang ldang 'od snang ngam// lha la sogs pa sna tshogs pa// rdzu 'phrul rnam par 'phrul pa dang // me tog la sogs 'dor ba dang / dung dang rnga dang gling bu dang // pi wang la sogs sgra thos 'gyur// gal te lha yi mtshan ma de// sdig mang nyid kyis ma mthong ba// de tshe 'bum phrag brgya stong bzlas// ji srid mtshan ma byung bar du/ / de bzhin gshegs pa mchod nas ni// mnyam par bzhag pas bzlas par bya// de mthar cho ga shes pa yis// mtshan gcig thog thag mi nyal bzlas// de nas de yi sdig pa ni// rnam dag bdag nyid nges par mthong // lha yi lus kyi gzugs dang ni// de yi rgyud du ngo shes 'gyur// mtshan ma 'di dag shes nas su// rnam par mi rtog sems kyis ni// byams dang snying rje ldan pa yis/ / las rnams thams cad rab tu bya// gal te de yang med gyur na// de tshe bzlas bsgom tshul gyi bya// de yi ming tsam bris nas su// mchod rten 'phreng ba bya ba dang // sku gzugs kyang ni byas nas su/ / sbyin sreg dbang bskur byas gyur na// gdon mi za bar de 'gror skye// thal ba nyung kar bye ma sogs// ming spel sngags ni mngon btang nas// rgya mtshor 'bab pa'i chu klung dor// de ltar byas na sdig pa can/ / yin yang ngan song rnams las ni// rnam par thar par gyur nas kyang // dge ba mchog gi sa bon ni// bskyed dang ldan pas sangs rgyas nyid// 'bras bur yang dag ldan pa yi// sbyin pa tshul khrims bzod pa dang / / brtson 'grus bsam gtan shes rab rgyu// rab tu bsgoms pa'i bsod nams ldan// 'jig rten ngan song bcom pa ni// 'di ltar lha yang ci zhig smos// 'di la the tshom med pa yin// gang yang dge ba'i rtsa ba ma bskyed pa dang / gang yang med pa'i lta ba can dang / gang byang chub kyi lam las rnam par 'das pas bstan pa la zhe sdang gis gnod pa byed pa dang / sdig pa'i rang bzhin mi shes pa pha dang ma la sems mi brtse ba dang / byang chub kyi sems la mi brten pa dang / 'dod chags dang bral ba bsad pa dang / lha dang / sangs rgyas dang / chos dang / dge 'dun dang / sngags dang / phyag rgya'i tshogs la sogs pa rnams la med pa nyid du lta ba la sogs pa'i sdig pa can rnams la de lta bu'i shes rab can dang thabs med na grol ba med do zhes pa/ bde bar gshegs pa rgyal ba rnams kyis gsungs so/ / de nas brgya byin la sogs pa spyan pad+ma rgyas pa rnams legs so zhes bya bas mnyes par mdzad do// mnyes par mdzad nas mchod pa mdzad do// brgya byin gzhan la phan par brtson pas kyang ji ltar bka' stsal pa bzhin du byos so/ / 'bras bu de bzhin du thob par gyur to// dbang ldan du mgrin pa sngon po glang khyu mchog la zhon pa/ sku mdog dkar po phyag bzhi ba/ / g.yas pa'i dang po gnyis pa rdo rje rtse gsum pa dang mchog sbyin du bcas pa/ g.yon pa'i gcig gis rtse gsum pa 'dzin cing gnyis pas ral gri 'dzin pa/ sbrul gyi mchod phyir thogs pa can bris te/ oM pa shu pa ti nI la kar+N+Na u ma pri ya swAhA/ zhes pa 'dis so// de nas phyag rgya 'di yin te/ lag pa rdo rje khu tshur byas la mthe'u chung mthe bong gis mnan te sor mo lhag ma rnams rdo rje'i mtshan nyid du byas shing ming med dang mdzub mo'ang rdo rje'i rnam par cung zad mdud par bya'o/ / 'di ni phyugs bdag gi phyag rgya'o// khyab 'jug lhung la zhon pa mdog nag po phyag bzhi pa/ phyag g.yas pa dag na dbyug to dang rdo rje 'dzin cing / g.yon pa dag na dung dang 'khor lo 'dzin pa'o// gser gyi rdo rje ma khyab 'jug lta bu gser gyi mdog can du shes par bya'o/ / rdo rje dril bu rma bya la zhon pa zhal drug pa dmar po g.yas pa dag na shag ti dang rdo rje/ g.yon pa dag na khyim bya dang dril bu 'dzin pa'o// rdo rje gzhon nu ma rdo rje dril bu lta bur shes par bya'o/ / mi smra ba rdo rje ngang pa la zhon pa/ gser mdog can zhal bzhi pa phyag bzhi pa/ phyag g.yas pa dag na rdo rje dang bgrang 'phreng 'dzin cing / g.yon pa dag na dbyug to dang bluthugs 'dzin pa'o/ / rdo rje'i ba ma tshangs pa lta bur shes par bya'o// rdo rje mtshor cha glang po che dkar po la zhon pa/ phyag g.yon pas rang gi rdo rje 'dzin cing / g.yas pas 'jig rten las 'das pa'i rdo rje 'dzin pa'o/ / rdo rje khu tshur ma rdo rje mtshon cha ltar shes par bya'o// rdo rje 'khyil pa khro bo'ang shing rta la zhon pa/ mdog dmar po/ g.yas pa dang g.yon pa na pad+ma dang nyi ma'i dkyil 'khor 'dzin pa'o/ / rdo rje bdud rtsi ma ni rdo rje 'khyil pa khro bo lta bu nyid do// rdo rje 'od zer khro bo dkar po ngang pa la zhon pa/ g.yas pas rdo rje 'dzin cing / g.yon pas pad+ma dang zla ba 'dzin pa'o/ / rdo rje 'od zer ma rdo rje khro bo lta bu'o// rdo rje dbyug pa khro bo rus sbal la zhon pa/ mdog sngon po/ phyag g.yas na rdo rje 'dzin cing / g.yon pas dbyug pa 'dzin pa'o// rdo rje mchog ma rdo rje dbyug pa khro bo lta bu'o// rdo rje dmar ser khro bo glang po che la zhon pa/ mdog dmar po/ phyag g.yas na rdo rje 'dzin cing / g.yon pas mi bzung nas za zhing gnas pa'o// rdo rje sku rags ma rdo rje dmar ser khro bo lta bu'o/ / rdo rje tshogs bdag glang sna glang po che zhon pa can/ phyag g.yas pas rdo rje 'dzin cing / g.yon pas gshol 'dzin cing gnas pa/ mdog dkar po'o// rdo rje 'dul ba ma rdo rje glang sna lta bu'o// 'di ni khyad par te/ gang zhe na/ phyag g.yon gyis kha T+wAM ga 'dzin pa'o// rdo rje 'phreng ba tshogs kyi bdag po mdog ljang khu/ bya ku li ka'i shing rta zhon pa phyag g.yas kyis rdo rje 'dzin pa/ g.yon pas me tog gi 'phreng ba 'dzin pa'o// rdo rje gdan ma rdo rje 'phreng ba lta bu'o// 'di ni khyad par te/ gang zhe na/ phyag g.yon gyis shag ti 'dzin pa'o// dbang can na tso'i shing rta lon pa/ mdog dkar ser/ phyag g.yas pas rdo rje 'dzin pa/ g.yon pas chu srin gyi rgyal mtshan bsdams pa'o// rdo rje dbang can ma rdo rje dbabacan ste/ 'di ni khyad par ro// gang zhe na/ mdog dmar po'o// rnam rgyal rdo rje tshogs kyi bdag po sbal bzhon pa/ mdog dkar po'o// phyag g.yas na rdo rje 'dzin pa/ g.yon pas ral gri 'dzin pa'o/ rdo rje gdengs pa ma rnam rgyal rdo rje lha dra'o// rdo rje gtun shing pho nya mo me tog gi shing rta'i khang bu zhon pa/ mdog dkar ser/ phyag g.yas pas rdo rje 'dzin pa/ g.yon pas gtun shing 'dzin pa'o// rdo rje gtun shing pho nya mo rdo rje gtun shing lta bu ste/ 'di ni khyad par ro// gang zhe na/ g.yon gyis kha T+wAM ga 'dzin pa'o// rdo rje rlung gi po nya mdog sngon po ri dgas non pa/ phyag g.yas pas rdo rje 'dzin pa/ / g.yon pas ngar 'dzin pa'o// mgyogs pa'i rdo rjes rdo rje rlung gi pho nya lta bu'o// rdo rje me'i pho nya mo ra skyes zhon pa/ mdog dmar po gyen du 'bar ba'i 'od rtse gsum pa 'bar ba'i phyag g.yas pa dag na rdo rje dang go cha 'dzin pa/ g.yon pa dag na dbyug pa dang spyi thugs 'dzin pa'o// rdo rje 'bar ba ma rdo rje me lta bu'o// rdo rje 'jigs byed po nya sngon po ro langs zhon pa/ phyag g.yas pas rdo rje 'dzin pa/ g.yon pas rtse gsum 'dzin pa'o// rdo rje gtsigs pa pho nya mo rdo rje 'jigs byed lta bu ste/ 'di ni khyad par ro// gang zhe na/ g.yon pas 'gas pa 'dzin pa'o// rdorje lcags kyu bran klu lhag pa la zhon pa/ sngon po phag gi gdong pa can/ g.yas pas rdo rje 'dzin pa/ g.yon pas lcags kyu 'dzin pa'o// rdo rje nag po bran mo ro langs kyi zhon pa can phyag g.yon// gyis kha T+wAM ga 'dzin pa/ phyag g.yas kyis rdo rje 'dzin pa mdog nag mo/ rdo rje log 'dren phran dra ba byi bzhon pa/ mdog dkar po glang po che'i gdong pa can/ phyag g.yas dag na rdo rje dang dgra sta 'dzin pa/ g.yon dag na rtse gsum dang dbyug pa 'dzin pa/ sbrul gyi mchod phyir thogs pa'o// rdo rje srul mo bran mo mdog sngon mo/ g.yas na rdo rje 'dzin pa/ g.yon pa phyags ma 'dzin pa/ bra ba byi bzhon pa'o// klu rdo rje'i chu srin la zhon pa/ gdengs ka brgyad pa mdog dkar po/ g.yas pas rdo rje 'dzin pa/ g.yon pas klu'i zhags pa 'dzin pa'o// rdo rje chu srin ma bran mo chu srin la zhon pa/ mdog dkar mo/ gdengs ka brgyad ma/ g.yas pas rdo rje 'dzin pa/ g.yon pas rdo rjes mtshan pa'i chu srin 'dzin pa'o// 'jigs mdog ma ldang khu g.yas pas rdo rje 'dzin cing / g.yon pas ral gri phe Ta ka 'dzin pa'o// dpal mo mdog dkar ser/ g.yas pas rdo rje 'dzin cing / g.yon pas pad+ma 'dzin pa'o// dbyangs can ma mdog dkar mo/ phyag g.yon pas rba dang / g.yas pas rdo rje ma'o// bgrod dka' mdog ljang khu seng+ge la zhon pa/ phyag g.yas pa dag na rdo rje dang 'khor lo 'dzin pa/ g.yon pa dag na lde men dang ral gri 'dzin pa'o/ / ma mo thams cad dang / drag po la sogs pa dang / chu bdag gi mthar thug pa rnams kyi dang / gang phyag g.yas su rdo rje gsungs pa de ni rdo rje rtse gsum par shes par bya'o/ / 'jig rten dang 'jig rten las 'das pa'i lha thams cad rnam par snang mdzad la mngon du bltas pa'o// de nas mthun mtshams kyi dus su rdo rje ti rin ti ris dag par bcings te/ me tog sngon po'i 'phreng ba bzung la dkyil 'khor du 'jug go// yi ge hUM bzhi pa brjod cing rdo rje rnam par snang mdzad la bskor ba bdun dang / dung dang dril bu'i sgra bsgrag par bya'o// dkyil 'khor thams cad kyi yang lhag pa dang chad pa'i nyes pa zhi bar bya ba'i nges par bltas te 'phreng ba bcom ldan 'das la phul nas/ rdo rje'i gar byas la blangs te yi ge hUM bzhi pa nyid kyis rang gi mgo bor bcing ngo / / ji ltar cho ga bzhin du yang // gang zhig chad pa yongs su bskang // mkhas pas lhag pa rnams spang phyir// rdo rje dril bu kun rtog bya// 'grub 'gyur nyes pa spang mi bya// zhes gsungs so/ / de nas 'dug par gyur pa yaM// rdo rje slob dpon mnyam gzhag pas/ rdo rje sgo ni bzhi po rnams// yid kyis dbye bar bya ba nyid// oM badz+ra ut+pa g+hA Ta ya sa ma ya pra be shaD+D+h+ya/ bya'o// phyag rgya'ang 'di yin te// rdo rje khu tshur gnyis gshibs te// mdzub mo gan rgyal yang dag bzung // legs par drag tu rnam par dbye/ sgo dbye ba yi cho ga yin// zhes pa'o// de nas lcags kyu la sogs pas las rnams byas la// rin po che bdun las byas pa'am// sa las byas pa'i bum pa nag po la sogs pa med pa/ mgrin pa ring ba/ mchu 'phyang ba/ lto ba che ba/ lha rdzas kyi dri'i chu dang / rin po che dang / sman thams cad dang / 'bru thams cad kyis yongs su rdzogs pa/ yal 'dab dang bcas pa/ mgrin pa la gos dam pas legs par bcings la bsrung ba byas pa/ phyi rol kun tu lha rdzas kyi dri rjes su byugs pa/ me tog gi 'phreng ba btags pa'i rdo rjes steng du mtshan pa/ rdo rje chen pos byin gyis brlabs pa/ khro bo ti rin ti ris yongs su bzung ba'i rdo rje dang me tog gi yal 'dab kyis/ oM badz+ra u da ka hUM/ zhes bya ba 'di stong rtsa brgyad mngon par bsngags pa'i yi ge hUM bzhi pa brgya rtsa brgyad mngon par bsngags pa byas la/ bcom ldan 'das rdo rje hUM mdzad kyi spyan sngar legs par gzhag go/ 'jug pa'i sgo la mngon par phyogs pa'i phyi rol du bum pa gnyis pa la yi ge hUM bzhi pa brgya rtsa brgyad bzlas pa gzhag go// de'i chus bdag nyid dang slob ma dbang bskur ba bya ste/ gzhug pa'i phyag rgya bcings nas sam bcings pa'ang ngo // byu ru de bzhin sa le sbra ma// dung dang de bzhin nor bu ni// rin chen kun te sing ha dang / / bya g+h+ri gi re be be re// sman kun til dang sran ma sha/ 'bras dang gro ni lnga pa ste// sman lnga 'bru kun sgras mtshon pa'o// de'i rjes la phyag bzhi la sogs pa sngon du 'gro ba'i sdom pa 'dzin du bcug nas/ rdo rje gnod sbyin gyi gos sngon po la'ang yongs su bzlas te/ sems dpa'i gtsug tor gyis sgo skyong gi gdong bcings pa dang / rdo rje go chas stong g.yogs dang / gtsug tor la sogs pa can gyi slob dpon gyis khro bo ti rin ti ris me tog sngon po'i 'phreng ba bzung nas/ oM badz+ra sa ma yaM pra be shA mi/ zhes brjod cing zhugs la/ de bzhin gshegs pa thams cad la gsol ba gda' ste/ bcom ldan 'das zhes bya ba la sogs pas so// de nas rdo rje'i chu 'thungs nas bdag nyid 'jug par byas la/ 'phreng ba de dkyil 'khor chen por dor la rang rang gi mgo la bcings te gdong bcings pa bkrol la/ ji lta ba bzhin du dkyil 'khor la bltas te/ tin+t+ra badz+ra/ zhes pa la sogs pas gzhug pa'i phyag rgya dgrol ba'ang byas la/ / chu'i dbang bskur ba dang / sangs rgyas lnga'i cod pan dang / dar nga dpyangs dang / rdo rje dang / 'phreng ba dang / bdag po la sogs pas dbang bskur ba dgu bcom ldan 'das kyi spyan snga nas bcom ldan 'das la phyag 'tshal nas blangs pa de kho na nyid dang / chos dang / dam tshig dang / dngos grub dang / rdo rje brtul zhugs kyang bzung la/ me tog la sogs pas kyang bdag nyid legs par mchod de tshigs su bcad pa lnga pas rjes su gnang ba dang / yi ge hUM gis gzengs bstod pa dang / lung bstan pa'ang smos la/ slar yang byin gyis brlabs pa la sogs pa byas la/ ji ltar mngon par 'dod pa'i bzlas pa yang ste/ hUM kA ra badz+ra hUM/ zhes pa'o// rang gi mtshan brjod par bya yis/ rnam par snang mdzad kyi phyag rgya chen po bcings la/ de'i sngags a rnam pa'i mtha' can gyi rnam par snang mdzad kyi gnas su de bzhin gshegs pa rdo rje'i bdag nyid dbab bo/ / badz+rohaM/ zhes bya ba rdo rje'i nga rgyal rnam par bsgoms la de rdo rje rnam par snang mdzad du bsgoms te/ badz+ra d+hA tu a haM/ zhes pa'o// de ltar rdo rje 'bebabs pa'i bar gyi phyag rgya chen po bcings la byang gi sgor de'i sngags aH'i rnam pa'i mtha' can gyi rnam par snang mdzad kyi rdo rje dril bu'i bdag nyid dbab pa'o/ / badz+ra g+hAN+DohaM/ zhes pa'i nga rgyal bskyed la de badz+ra A bai sha kro d+hohaM/ zhes bsgom mo// de lta bus rdo rjes bsgrubs pa yin no/ / de nas yang rdo rje slob dpon gyis sems dpa' rdo rje lcags kyus bcings la se gol legs par gtog pa byed cing sangs rgyas thams cad 'dus par bya ste/ oM badz+ra sa mA dza dzaHhUM baM hoHzhes pa lan nyi shu rtsa gcig rab tu brjod do// de nas myur du phyag rgya chen po dang rdo rje khro bo'i dam tshig brjod do// de ma thag tu mtshan rgya rtsa brgyad pa mchog go// de nas rdo rje lcags kyu la sogs pas rang gi sgo nas spyan drangs la bcug ste bcings nas dbang du byas la/ ji lta ba bzhin du yi ge hUM bzhi pas mchod yon phul te/ dpal rnam par snang mdzad la sogs pa'i dam tshig gi phyag rgya rnams dang / bskal pa bzang po'i mthar thug pa rnams bsgrubs te rang gi sngags brjod pa ji lta bur brjod cing / dzaHhUM baM hoHsa ma ya s+t+waM sa ma ya s+t+waM a haM/ de nas rang gi sngags brjod do// de lta bus 'grub par 'gyur ro// de nas dam tshig gi phyag rgya rnams dbyung ste/ rdo rje las gsang dam pa byung // dam tshig mchog rnams nyid du grags/ / khro bo'i bcing ba bla med pa// de rnams bcing bar rab bshad bya// lag ngar rdo rje kun tu bsnol// mthe'u chung lcags kyu bcing ba nyid// mdzub mo dag ni rab tu brkyang // 'jig rten gsum po rnam rgyal zhes// de bzhin mdzub mo kha spyad cing / / nor bu nyid ni bar ma bskum// bsnams la dbu ma pad+ma nyid// gung mo mdzub mo gnyis sdigs mdzub// sdig mdzub gnyis ni rdo rje yang // g.yas pa bkug pa lcags kyu'o// de dag nyid sbyar yi ge hUM/ / legs pa'i rnam pa de bzhin yang // mdzub gnyis logs gnas khro gnyer du// snying khar nyi ma mdzub gnyis zlum// lag pa mgo bor rab tu brkyang // mdzub mo kha ru dgod pa can/ mdzub mo sen mo kun tu rig/ g.yas pa mdzod kyi khu tshur yang // gung mo'i mgo bcas 'khor lo nyid// kha las rab mchog 'thon pa yi// 'dzub mo dbu ma rdo rje yang // mdzub mo mgrin pa bskor ba dang / / mdzub mo lhag ma mche ba che// rdo rje khu tshur mthe bong bsdams// sgeg mo la sogs pa rnams ni rdo rje dbyings su bshad pa bzhin du bya ba 'di lnga ste/ rdo rje bsdams pa bcings nas su/ stong khar yang na mthe bong bsdams// legs par rab brkyang 'phreng ba ma// thal mo sbyar mchog kha nas dbyung // gar las spyi bor thal mo sbyar// rdo rje bsdams pa thur du sbyin// thal mo legs sbyar gyen du gtor/ / mthe bong bsnams te nges par bsdams// rab tu brkyang ba byugs pa yi// mdzub mo gcig ni bkug pa dang // mthe bong gnyis ni mdud pa bcings// mthe bong mdzub mo bsnol bcing / / rdo rje khu tshur mchog bsdams nyid// ces pa'o// snying po'i dkyil 'khor la rdo rje rtse lnga pa rnam par bsams la hUM gi rnam pa nyid brjod cing phyag rgya thams cad bcing bar bya'o// de nas phyag rgya'i nges par 'byung ba ste/ rdo rje hUM mdzad kyi phyag rgya ni rnam par snang mdzad rdo rje hUM mdzad/ rin chen hUM mdzad/ chos kyi hUM mdzad/ las kyi hUM mdzad kyi gnas su'ang ngo // de nas rin chen hUM / mdzad la sogs pa rnams kyi sngags rnams 'byung ste/ oM badz+ra b+h+ri ku Ti kro d+ha A na ya sarba rat+na ni hrIHhUM phaT/ oM badz+ra hrIHSh+Ti kro d+ha duSh+Ta mA ra ya hUM phaT/ oM badz+ra bi shwa kro d+ha ku ru sarba bi shwa ru pa yA pa d+ha ya hUM phaT/ phyag rgya gzhan rnams ni sems dpa' rdo rje ma nas brtsams par blta'o// de nyid kyi phyir rig pa thams cad kyi mchog rnams kyi rnam par rgyal ba'i sngags su bshad do// rdo rje hU~M mdzad dang bcas pa'i phyag rgya bsdu bas yang bcom ldan 'das rdo rje hUM mdzad klog par bya'o/ / gzhan rnams rdo rje hUM mdzad du 'gyur ba rigs pa'ang ma yin te/ rgyud thams cad du hUM mdzad nges par bstan na da smras sa / sangs rgyas rdo rdzas/ dz+ha yis rdo rje'i snying po ya~M// hrIHyi rnam par rje'i rje'i// a ya~Mg rdo rje rgyams kyi// rje sems dpa' rdo rje mgo// rdo me rdo rdzama'o// b+h+rUM chos dzi pa maHlas kyi rdo rje ma'i/ trA~M dz+dza/ hrI/ yaHaHzhes bya'o// rdo rje sems dpa' la sogs pa dka' bo chen po la/ gzugs mdzes pa la/ ma bdeb la / mchod pa thams cad mad+g+ha/ rang ga' ba'i hUM/ rjes su bzod pa la / legs par ga'i mchog lan+d+ha yang mchog lan+d+ha/ // rdo rje nag mo la sogs pa nas rdo rje 'bebs pa'i mthar thug pa rnams kyi'o/ / de ma thag tu AM yi ge las snying khar sna tshogs rdo rje bskyed pa las kyi phyag rgyab cing ngo // de la khro bobo kha chur rnam pa gnyis byas la gzhan pa'i rdo rje sen mo g.yas pas bzung zhing bsgreng pa byang chub mchog ces bya ba'i phyag rgya 'di ni sangs rgyas kyi byang chub rab tu stor ro/ / gtses pa de dag gis 'greng ba dang bcas pas gsal bar byed pa na rdo rje hU~M mdzad dang / / rdo rje sems dpa' dang / sems dpa' rdo rjem rnams kyi'o// lhag tu 'dzin par yang dag gnas// mda' gsor ba yi sbyor ba dang // legs sa nas rgya snang bar gnas/ gnyis nyid dbang bskur ba// rin chen hUM mdzad dang / rdo rje khro gnyer dang / khro bo dang / rin chen rdo rje ma rnams kyi'o// snying khar nyi ma rab tu blta// g.yon gnas lag ngar dbyug pa dang // de bzhin 'di ni yongs su bzlog/ g.yas dang g.yas min rnam par bsnol/ chos kyi hUM mdzad dang / rdo rje chos dang / chos kyi rdo rje ma rnams kyi'o// snying khar nyi ma la ral gri'o// mgal me'i 'khor lo bskor ba nyid/ / rdo rje gnyis ni khar gnas shing // rdo rje'i gar ni bkrol bas ni// 'gram pa spyi gtsug yang ngag gnas// las kyi hUM mdzad dang / rdo rje las dang / las kyi rdo rje ma rnams kyi'o// go cha mthe'u chung mche ba mchog/ khu tshur gnyis ni nges par bcing // rdo rje 'gyings pa'i rab sbyor bas// bsam pa g.yos pas mdud par bya// 'phreng ba bcings te kha nas dbyung // gar las spyi bor thal mo sbyar// 'og tu 'chang da gyen du 'thor/ / mthe bong bsnyams te nges par gshibs// dri byug pa yi sbyor ba las// mchod pa'i phyag rgya rab tu grags// mdzub mo lcags kyu bcings pa yis// mthe'u chung las ni lcags kyu che// mkhrig ma mdud pa mchog dag bsnol// rgyab dag kyang ni nges par gshibs// zhes sgo skyong rnams kyi phyag rgya'o// las kyi phyag rgya thams cad kyang gar las 'byung ba yin no// de nas rnam par snang mdzad la sogs pa rnams kyi bcing bar bya'o/ / rdo rje sems dpa' dang / rin chen dang / chos dang / las kyi rdo rje ma rnams kyi'ang ste/ rdo rje dang po dang / mthar gnas pa'i skyes pa dang / bud med kyi gzugs 'dzin pa de rnams kyi bdag nyid chen po gang dang gang gi phyag rgya gang dang gang yin pa rnams bcing ngo / / thams cad kyi phyag rgya dam tshig phyag rgya'ang yin te/ g.yon pa de bzhin gshegs pa'i khu tshur gan rkyal du byas la lag pa g.yas pa'i mdzub mo dang / mthe bong dag dang / mthe'u chung nas brtsams te kha phye ba'i thal mo kha sbyar ba'o// 'di ni byams pa'i dam tshig gi phyag rgya'o// de rnams kyi rig pa ni sngar bshad pa nyid de/ de rnams kyi rig pa ljags rnams la dgod do// 'di ni de rnams kyi chos kyi phyag rgya'o// yi ge a las rang gi thugs kar sna tshogs rdo rje bskyed la/ de rnams 'dri bya'i phyir rjes su 'brangs nas phyag rgya chen po bcings pa ni las kyi phyag rgyar 'gyur ro/ / rang gi thugs kar rdo rje rtse lnga pa bsams la bri bya'i rjes su 'brangs pa nyid las de rnams kyi phyag rgya chen po bcing ngo // de nyid kyis yang rig pa'i thun mong ba'o/ / mthe'u chung dang mthe bong bcings nas kyang g.yon pa'i sor mo dbus ma gsum po rtse gsum pa la dbus ma rtse mo'ang rdo rje'i phyag rgya yongs su bzung zhing rdo rje'i rig pa mchog 'di ni rdo rje'i dpa' zhes grags so/ / de nas gzhan ni rab bshad bya// sgyu ma rdo rje sogs ming can// rdo rje bsdams pa brtan byas la// g.yon pa rdo rje yang bcings bya// rdo rje khu tshur zhes grags pa// rdo rje'i rigs rnams kun la 'di/ / rdo rje rnam gnyis dang yang byas// mtshan ma thams cad bkod pa ni// rdo rje'i rigs ni thams cad kyi// phyag rgya rnams ni'ang dgod par bya// mdun dang rgyab gnas rab tu brkyang / / mthe bong rgan po 'dzin pa chos// oM gyi rnam pa spyi bor gnas// rdo rje shugs kyis rab tu gnas// rig pa'i rgyal po 'am phyag rgya chen po'i tshogs so// lag pa'i mdun nyid rab tu brkyang // lag pa'i mdun yang de bzhin du/ / lag pa gnyis kyang khu tshur gnas// kha las yongs su bskor ba nyid// rdo rje khro bo'i phyag rgya'i tshogs so// g.yon pa'i mthe bong legs gnas kyang // 'phreng ba 'dzin pa nges rgyal nyid/ / g.yas pas nor ni sbyin pa dang // ral gri'i phyag rgya khu tshur son// tshogs kyi bdag po chen po'i phyag rgya'i tshogs so// g.yas pas gshol ni bzung ba dang // de bzhin lag pa rab tu brkyang // g.yas pa 'bar ba kun tu ston/ / rdo rje khu tshur rab tu 'dar// pho nya chen po'i phyag rgya'i tshogs so// bsnyems bcas kha dang mche ba rtse// byugs pas 'joms pa rab tu sbyor// lag ngar bskum pa sbyar ba dang // rdo rje g.yas pa/ 'phrog ma'o// bran gyi phyag rgya'i tshogs so// de nas u ma la sogs pa ma mo'i tshogs kyi phyag rgya 'byung ste/ g.yon pa rdo rje bsdams pa yis/ rtse gsum mtshan ma bcing bar bya// 'di bcings pa yis yang dag pa'i dngos grub rig pa mchog rang cing / / rdo rje'i rigs rnams thams cad kyi// g.yon pa rdo rje mchog bsrungs pa// cho ga ji bzhin dam tshig gi/ phyag rgya bcing ba rab bshad bya// 'khor lo thams cad mchog kun bsdam/ de bzhin bu yi phyag rgya dang // oM yig phyag rgya'ang de bzhin nyid// yi ge rna can yongs su gzung // phyag rgya mdzes pa can dang ni// 'bar ba yongs su gzung ba nyid// 'od zer bsdus pa kho na yang / @byug pa khu tshur bzung ba nyid// kha las yongs su bskor ba dang // ma tho'i dam tshig gdengs g.yis// phyag tu 'phreng ba rdo rje bcings// ming med spyi bor gnas pa'id// rtsibs can dkyil 'khor bzhin du bza'/ / 'od can rtsibs can dam tshig rnams// lag ngar bskum zhing kha phyogs dang // rgyab nas yongs su bskor ba nyid// 'od zer 'bar ba grol ba dang // mdun du dul bar gnas pa nyid// pho nya'i ngam tshig rnams so/ / gnyis mthar zhugs pa rtse mo sbyar// bcings pa nyid dang rab ltung byed// lag ngar bsnol dang ma bsnol dang // de bzhin stobs ni 'phrog pa'o// bran mo rnams kyi dam tshig yin no// de nas lha chen po la sogs pa'i ljags rnams la sngags bkod la/ yi ge a las rang gi snying khar de bzhin du rdo rje bskyed la de rnams kyi phyag rgya bcings te las kyi phyag rgyar 'gyur ro// rang gi snying khar rdo rje rtse lnga pa bsgoms la phyag rgya chen po bri bya'i rjes su 'brangs te bcing bar bya'o/ / de nas bcom ldan 'das rnam par snang mdzad dang / bskal pa bzang po pa dang / phyi rol rdo rje'i rigs rnams la rdo rje rin po che'i dbang bskur ma/ dpal rdo rje hUM mdzad la sogs sangs rgyas lnga'i cod pan dang / 'phreng ba dang / dar dbyangs kyis dbang bskur bas dbang bskur ro// de nas mchod yon phul la mchod pa bya'o// de nas rin po tsheche'i rang bzhin gyi bum pa sngar bshad pa'i mtshan nyid can rdo rje la sogs pa rang gi mtshan mas mtshan pa/ rnam par snang mdzad la sogs pa'i sngags brgya rtsa brgyad bzlas pa rnams phyir dkyil 'khor gyi phyi rol du ngan par bya'o/ / bum pa gang ba rnams dang / gos zung 'bum dang / stong phrag bcu dang / stong dang / rgya'am/ re re la re re 'am/ thun mong ba 'am/ rnam pa sna tshogs pa'i bla re dang / zur bzhir rnam par bkra ba'i ba dan bcings pa'i gdugs dang / rgyal mtshan dang / ba dan rnams kyang yi ge oM dang / dpal rdo rje hUM mdzad yongs su bzlas la/ badz+ra s+pha ra Na kha~M/ zhes pa 'dis lha thams cad la nges par dbul lo// me tog gi shing brgya dang bzhi 'am/ ljon shing rnams dang / me tog thams cad la rdo rje me'i phyag rgya dang bcas pa dang / oM badz+ra puSh+pe hUM/ zhes pas me tog gi phyag rgya mngon par bsngags go// dri thams cad dang / ngang gim pa rnams dang / dri ma med pa'i dri bzang po rnams la de kho na bzhin du rdo rje me dang / oM badz+ra gan d+he hUM/ zhes pa 'di dri'i phyag rgya dang bcas pas so// ga pur dang / a ka ru dang / du ru ka dang / tsan dan la sogs pa legs par bsres la/ de kho na bzhin du rdo rje me dang / oM badz+ra d+hU pe hUM/ zhes pa 'dis bdug pa'i phyag rgya dang bcas pas pog por 'bum dang / stong phrag bcu dang / stong dang / brgya'am/ ji ltar rnyed pa la'o/ / smon ma 'bum dang / stong phrag bcu dang / stong dang / brgya'am/ sgron ma thams cad sgron ma'i sdong bu 'bar ba dang ldan pa'i sgong bu stong dang / bcu'am/ bcu gcig la de kho na bzhin du me dang / rdo rje me dang / oM badz+ra A lo ke hUM/ zhes pa 'di mar me'i phyag rgya dang ldan pas yongs su bzlas la/ oM s+pha ra Na khaM/ zhes pa rjod cing dbul bar bya'o// gtor ma'i nye bar spyod pa 'bum dang stong phrag bcu dang / stong dang / brgya'am/ bcu'i grangs sam/ bkra shis can dang por bya ste/ rnam pa sna tshogs pa'i bza' ba rnams la de bzhin du rdo rje me yongs su bzlas te/ a kA ra su khaM sarba d+harma NAM a d+ya nuSha pan+d+ha twAd/ ces pa brjod cing dbul bar bya'o// rol mo bcu dang / stong dang / stong phrag bcu dang / rol mo 'bum yang rung ba la yi ge hUM dang / rol mo'i phyag rgya rdo rje khu tshur dag gi lag pa'i sor mo rnams kyis rol mo'i spang skabs rnam pa bcu bzhi 'di lta ste/ pi wang dang / gling bu dang / rnga mu ra dza dang / rnga mu kun da dang / 'khar rnga dang / dza b+ha ri dang / rnga pa Ta ha dang / rnga kun dza dang / dza tiH la'i skad stabs so/ / rol mo dang / zlos gar dang / gar dang / rna rgyan dang / cod pan la sogs pa'i mchod pa rnams kyang yi ge oM gyis mngon par bsngags te'o// de bzhin du dar dbyangs 'phyang bar bya zhing me tog gi 'phreng ba dang / rnga yab kyis rnam par brgyan pa dang / dra ba dang dra ba phyed pas spras pa dang / zla ba phyed pas nye bar mdzes pa dang / rta dang / glang po che dang / ba lang dang / shing rta rnams 'bul te/ brtags pa dang bcas pa yang ngo // rta babs nyams dga' ba'i dril bu dang bcas pa rnams kyang / badz+ra s+pha ra Na kha~M/ zhes pa 'dis so// oM badz+ra satwa su saM gra ha ta/ badz+ra rat+na ma nut+ta raM/ badz+ra d+harma gA ya te badz+ra karma ka rod+b+ha be/ zhes brjod cing gar byas la/ rdo rje sgeg mo la sogs pa mchod pa rnam pa brgyad po rnams kyis khro bo'i khu tshur gnyis dang ldan pa'i las kyi phyag rgya rnams kyi dkyil 'khor thams cad mchod par bya'o/ / rdo rje khu tshur gnyis bcings nas mdzub mo gnyis rab tu brkyang ba kho bo'i khu tshur gnyis yin no// slar rdo rje rigs kyi dkyil 'khor du bshad pa'i las kyi phyag rgya bcu drug pa rnams kyis kyang legs par mchod/ la/ khro bo'i rigs thams cad la gsol ba gdab par bya ste/ sems can thams cad kyi don du dngos grub thams cad 'grub par mdzad du gsol zhes pa'o// de nas phyi rol gyi mchod pa dbul te/ sgrub pa'i grogs mchog dkyil 'khor du bzhag la/ 'bras yos bcas shing til dang bcas// chu bcas zas bcas me tog bcas// sran chan bcas shing snum 'khur la// sogs pa'i bza' ba rnams la ni// yang a kA ro mu khaM/ zhes pa la sogs bzlas nas shar phyogs kyi cha nas brtsams te gsum gsum gtor bar byas te/ dri dang / me tog dang / bdug pa dang / mar me dang / mchod yon rnams kyang thog ma dang tha mar dbul bar bya'o/ / de la dang po re zhig maN+Dal rnams byed du gzhug par bya'o// de nas spyan drang ngo // de nas dam tshig bstan no// de nas mchod son yang phul te dri la sogs pas legs par mchod la gtor ma dbul lo/ / de nas gshegs su gsol lo// de la sngags dang phyag rgya ni 'di yin te/ shar phyogs su kha bltas te g.yas brkyang gi gom pas 'dug cing lag pa g.yon pas rdo rje bstan la g.yas pa dgu'i phyogs su bzhag ste g.yas pa'i mdzub mo lcags kyus spyan drang ngo / / de'i mdzub mo lcags kyu dang bral ba ni brgya byin gyi dam tshig gi phyag rgya'o// g.yon brkyang gi gom pas 'dug la spyan drang ba'i phyag rgya las mdzub mo brkyang ba ni gshegs su gsol ba'i phyag rgya'o/ / de nas de'i sngags ni/ na mo badz+ra s+ya di shi di shi badz+ra pA Ni rak+Sha rak+Sha sAhA/ me'i phyogs su bltas te lag pa g.yas pa'i mdzub ma zlum po'i rnam par bkug ste gung mo bsgreng ba'i tshigs gsum par btsugs la mthe bong lag mthil du bzhag pa ni me lha spyan drang ba'i phyag rgya'o/ / spyan drang ba'i phyag rgya las mthe bong mdzub mo'i gzhogs la bstan pa ni me lha'i dam tshig gi phyag rgya'o/ / phyag rgya de nyid lag pa'i dbus su mngon du phyogs te gcig tu sbyar ba ni gshegs su gsol ba'i phyag rgya'o// de'i sngags ni/ ag+na ye hi/ oM hi ka pI la dz+wa la dz+wa la ha ha shi khi ti la bi rU pak+Sha swA hA/ gshin rjer bltas te lag pa mdun du phyogs par byas la nang du rdo rje bsdams pa'i dbus su mthe bong gnyis dang phyi ru ming med gnyis sbyar zhing bsgreng ste slar nang du bzung ba nigashin rje spyan drang ba'i phyag rgya'o/ / srin lag gnyis kyang phyi rol du gzhibs te bsgrengs pa snying khar bzung ba ni dam tshig gi phyag rgya'o// de nyid las srin lag sgyur ba ni gshegs su gsol ba'i phyag rgya'o// de'i sngags ni/ ya mA ya swAhA/ bden bral du bltas te mnyam pa'i gom pas 'dug la lag pa g.yas pa'i khur tshur bcangs pa mdzub mo dang gung mo bkug ste bzung zhing gri'i rnam par bzhag la/ lag pa g.yon pa sta phur phyogs su g.yon pa'i mdzub mo bkug nas bzhag pa ni bden bral spyan drang ba'i phyag rgya'o/ / phyag rgya de nyid lag pa g.yon pa lta zur phyogs su gnas par ral gri'i phyag rgya ni bden bral gyi dam tshig gi phyag rgya'o// spyan drang ba'i phyag rgya las mdzub mo brkyang ba ni gshegs su gsol ba'i phyag rgya'o// de'i sngags ni/ sarba b+hu ta b+ha yaM ka ra ku ru ku ru swA hA/ chu lha'i phyogs su mnyam pa'i gom pas bdug la lag pa g.yas pa'i khu tshur bcangs nas mthe bong dang mdzub mo gcig tu sbyar te g.yon pa'i khu tshur snying khar bzhag la g.yon pa'i mdzub mo lcags kyus spyan drang ba ni chu bdag spyan drang ba'i phyag rgya'o/ / phyag rgya de nyid g.yon pa'i mdzub mo khu tshur la sbyar te bzung ba zhags pa'i phyag rgya chub dag gi dam tshig gi phyag rgya'o/ / spyan drang ba'i phyag rgya las mdzub mo brkyang ba ni gshegs su gsol ba'i phyag rgya'o// de'i sngags ni/ tri tri su Da tri tri shi khi to li bi rU pAk+Sha swA hA/ rlung lha'i phyogs su bltas te 'dug pa g.yon pa'i khu tshur bcangs te gung mo bsgreng ba'i tshigs gsum par mdzub mo bkug pa'i rtse mo btsugs la mngon du phyogs te brkyang ngo // lag pa g.yas pa'ang de bzhin du byas te sta zur logs su bzhag cing mthe bos bskul ba ni rlung lha spyan drang ba'i phyag rgya'o/ / de nyid mthe bong snga ma bzhin du bzhag pa ni rlung lha'i dam tshig gi phyag rgya'o// spyan drang ba'i phyag rgya las mthe bong brkyang ba ni gshegs su gsol ba'i phyag rgya'o/ / sngags ni/ oM swA sa khA kha khu kha swA hA/ ku be ra la mngon du bltas te 'dug nas lag pa gnyis kha sbyar la rdo rje bcing ba nang du byas la mthe'u chung gnyis gshibs te brkyang / de'i rgyab tu srin lag gnyis so sor bzhag nas gung mo dag bsgreng ba rdo rje'i mdud pa bya ba ni ku be ra spyan drang ba'i phyag rgya'o// phyog rgya de nyid kyis gung mo gnyis nang du rdo rje gung mo bcing ba'i sbyor bas bzhag pa ni ku be ra'i dam tshig gi phyag rgya'o/ / spyan drang ba'i phyag rgya las gung mo gnyis brkyang ba ni gshegs su gsol ba'i phyag rgya'o// de'i sngags ni oM ku be rA ya swA hA/ dbang ldan gyi phyogs su bltas te 'dug la lag pa dag gcig tu sbyar te thal mo sbyar ba bya ste/ srin lag dang mthe'u chung lag mthil du rdo rje bcing ba byas te mthe bong zung dag gzhan la brten cing nang du bkug sde bsnol la/ gung mo gshibs te bsgreng ba'i rgyab tu mdzub mo gnyis rdo rje'i rnam par bzhag la de nyid bkug ste seng du phan tshun sen mo sprad par bya ba ni dbang ldan spyan drang ba'i phyag rgya'o// nyid kyi mdzub mo sngar bzhin rdo rje'i rnam par bzung ba ni dbang ldan gyi dam tshig gi phyag rgya'o// spyan drang ba'i phyag rgya las mdzub mo gnyis brkyang ba ni gshegs su gsol ba'i phyag rgya'o// sngags ni/ dz+ra dz+ra shi ba swA hA/ g.yon brkyang ba'i gnas pas 'dug la lag pa thal mo khong stong du sbyar te bzhag la steng du bltas te mdzub mo gnyis kyi lcags kyu ni tshangs pa la sogs pa spyan drang ba'i phyag rgya'o// de nyid kyi mdzub mo gnyis snga ma ltar bzhag pa ni dam tshig gi phyag rgya'o/ / spyan drang ba'i phyag rgya las mdzub mo gnyis brkyang ba ni gshegs su gsol ba'i phyag rgya'o// de rnams kyi sngags ni/ U ra d+haM brah+ma Ne swAhA/ sUr+ya gra ha a d+hi pa ta ye swAhA/ oM tsan+da nak+Sha tra a d+hi pa ta ye swAhA/ mnyam pa'i gom pa'i gnas pas 'dug la lag pa gnyis gcig tu sbyar ba te sor mo'i rtse mo rnams bar mtshams med par phan tshun sbyar te mthe bong zlum por byas la/ 'og tu bltas te sa'i lha mo la sogs pa mdzub mo lcags kyus spyan drang ba ni 'og gi lha spyan drung ba'i phyag rgya'o// spyan drang ba'i phyag rgya las sngar bzhin du mdzub mo dag bzhag pa ni dam tshig gi phyag rgya'o// mdzub mo dag brkyang ba ni gshegs su gsol ba'i phyag rgya'o// sngags rnams ni/ a d+ho mr-i thi byai swAhA/ A su re d+hi swAH/ nA gi b+h+yaHswAhA/ de nas rang gi sngags kyis thams cad la 'thor 'thung phul la bdag dang slob ma'i tshogs su bcas pa la bgegs med par mdzod cig/ las kyi dngos grub kyang bdag la stsol cig ces brjod la thams cad gshegs su gsol lo// yang na dpung bzang gi ched du gsungs pa'i tshigs bcad rnams kyis gtor ma dbul te/ lha dang lha min gnod sbyin lto 'phye grul// nam mkha' lding dang 'dab bzang lus srul po// dri ma srin po gdon gyi tshogs rnams dang // gang du sa la gnas pa'i rdzu 'phrul can/ / bu smad bcas shing g.yog 'khor bcas pa la// bdag gi pus mo sa stengs 'dir btsugs nas/ thal mo sbyar nas khyod la gsol 'debs kyis// gsan nas phan gdags slad du 'dir spyon cig/ 'byung po gang dag ri rab steng gnas dang // dga' ba'i tshal dang lha yi gnas rnams dang // shar nub ri dang nyi zla'i khyim gnas dang // ri bo kun la gang dag gnas pa dang // chu bo kun dang chu bo'i mdo rnams dang / / rin chen gnas na lhag par gnas pa dang // mtsho dang rdzing bu lteng ga chu ngogs dang // g.ya chu sil ma can dang khron par gnas// grong dang phyugs lhas grong khyer stong pa dang // khang sdong dang ni lha yi khang par yang / / gtsug lag khang dang mchod rten gnas dag dang // dka' thub gnas dang grang chen bres dang ni// rgyal po'i dkor khang dag na gang gnas dang // lam srang bzhi mdo dag dang sum mdo dang / / gang dag lam po che dang shing gcig drung // dur khrod chen po nags tshal chen po dang // seng ge dred dang gcan gzan gnas ngag dang // 'brog chen 'jigs su rung bar gang gnas dang / / gang dag gling mchog dag na gnas pa dang // lhun po dur khrod dag na gang gnas rnams// dgyes shing mgu bas 'phreng ba byug pa dri// bdug pa gtor ma mar me bstod pa 'dis// gus 'bul snoms mdzod gsol mdzod 'thung mdzod cig/ las 'di rnams kyi 'bras bu mchis par mdzod// de ltar gdon la mchod byas nas/ rtse gcig yid kyis phyogs skyong mchod par bya// dbang po rdo rje can gyi lha tshogs 'khor dang bcas/ / gtor ma khyad 'phags 'di dag bzhes su gsol// me dang gshin rje bdan bral srin po'i bdag/ chub dag rlung bdag nor gyi bdag po dang // dbang ldan lha ste 'byung po'i bdag po dang / / steng gi nyi zla tshangs pa chen po dang // lha rnams kun dang sa yi klu rnams gang // ri yi lha dang gsang ba'i tshogs 'dus rnams// dpung bcas sde bcas bu dang bshes gnyen bcas// rang gi skye bo'i tshogs shing mnyes pa rnams/ / so sor so so'i thugs dgongs gcig mdzad nas// rang rang phyogs su legs par byon nas ni// rang gi bu smad mdza' bshes gnyen 'dun dang // nang mi dmag dang dpung bcas thabs cig tu/ / me tog dri dang byug pa mar me dang // zhal zas gtor ma 'di dag bzhes nas kyang // gsol mdzod snoms mdzod legs par 'thung mdzod cig/ las 'di rnams kyi 'bras bu mchis par mdzod/ / de la 'di ni phyi dang nang thams cad du gtor ma rab tu dbul ba'i sngags te/ a ka ro mu khaM sarba d+harmA NAM a d+ya nuta pan na tA ta/ ces pa'o// de nas nye reg bya ste shar sgor mngon par phyog te gnas pa la/ las thams cad pa'i thab khung gi dbus su dpal 'jig rten gsum las rnam par rgyal ba'i dkyil 'khor gyi lha thams cad kyi sngags brjod cing / me tog dmar po nges par bkod la sbyin / sreg gi tsho gas dpal rdo rje hUM mdzad kyi sngags kyi sa ba'i mar gyis sreg thugs brgya rtsa brgyad dbul lo// dpal rnam par snang mdzad la sogs pa'i sngags rdo rje 'bebs pa khro bo'i mthar thug par yang sreg blugs bdun bdun slar yang ngo / / de nas ji lta ba bzhin du thab khung gi rnam par snang mdzad la sogs pa rnams me tog kho nas spyan drangs la// rnam par snang mdzad la sogs pa'i sngags kyis bris pa'i dkyil 'khor gyi rang gi gnas su dgod do/ / de nas de bzhin gshegs pa thams cad la phyag byas la/ bdag ming che ge zhes bgyi ba'i// rdo rje slob dpon dka' thub che// sems can kun la phan pa'i phyir/ / slob ma rnams ni gzhug par bgyi// 'dir yang dkyil 'khor chen por 'jug pa la snod dang snod ma yin pa brtag par mi bya ste/ de ci'i slad du zhe na/ btsun pa bcom ldan 'das sems can kha cig ni sdig pa chen po bgyid pa de rdorje rbu mdzad kyi dkyil 'khor chen po 'di mthong ste zhugs nas ngan song thams cad dang bral bar 'gyur ro/ / bcom ldan 'das nor dang / @# baM dang / btung ba dang / 'dod pa'i yon tan thams cad la chags pa dang / dam tshig las mi 'da' ba dang / sngar spyod pa la sogs pa 'dod cing mi nus pa'i sems can dag mchis te/ de dag kyang 'dir ji ltar bya bar 'dod pa bya ba'i phyir zhugs pa rnams kyi bsam pa thams cad rdzogs par 'gyur ro/ / bcom ldan 'das sems can kha cig ni gar dang / glu dang / gad mo dang / rtsed mo dang / kha zas la spyod pa la dga' ba nyid kyis de bzhin gshegs pa thams cad kyi theg pa chen po chos nyid khong du ma chud pas lha'i rigs dang dkyil 'khor gzhan du 'jug par 'gyur gyi/ de bzhin du rigs thams cad kyi dkyil 'khor re ba thams cad yang dag par rdzogs par 'gyur ba bla na med pa'i dga' ba dang / mgu ba dang / rangs pa rnams 'byung bar mdzad pa der ni bslab pa'i gnas la 'jigs shing skrag nas mi 'jug pa dag kyang mchis te/ ngan song gi dkyil 'khor lam du ji ltar gnas pa'i bde ba'i bdag nyid kyi gnas skabs can de dag kyang dga' ba dang / mgu ba dam pa dang / bde ba dang / yid bde ba myong bar bgyi ba dang / ngan song gi rgyud thams cad du 'jug par kha bltas pa'i lam las bzlog par bgyi ba'i slad du rdo rje hUM mdzad kyi dkyil 'khor du 'jug tu rung ngo / / bcom ldan 'das chos ldan gyi sems can de bzhin gshegs pa thams cad kyi tshul khrims dang / ting nge 'dzin dang / shes rab dam pa 'grub pa'i thabs kyis sangs rgyas kyi byang chub tshol ba na/ bsam gtan dang rnam par thar pa la sogs pa dang / sa rnams la 'bad/ pas nyon mongs par 'gyur ba dag kyang mchis te/ de dag kyang rdo rje hUM mdzad kyi dkyil 'khor 'di nyid du zhugs ma thag tu de bzhin gshegs pa nyid thams cad kyang rnyed par dka' ba'ang ma lags na/ dngos grub gzhan lta smos kyang ci 'tshal zhes gsol bar bya'o// de nas slob ma gzhug par bya'o// de la bslab pa'i gzhi lnga yongs su bzung ba'i dge bsnyen nam/ dge sbyong ngam/ dge slong gi sdom pa yongs su bzung zhing slob dpon du dbang bskur bar 'os pa/ slob dpon gyi zhabs dag la phyag byas te 'di skad ces brjod de/ bdag gi ston pa dga' chen khyod// byang chub chen po'i tshul bstan pa/ / mgon po chen po bdag 'tshal lo// dam tshig de nyid bdag la stsol// byang chub sems kyang bdag la stsol// skyabs gsum dag kyang bdag la stsol// zhes pa'o// de nas slob ma la rdo rje gnod sbyin yongs su bzlas pa'i gos dmar po'i stod g.yogs smad g.yogs dang / rdo rje lcags kyu la sogs pa'i sgo skyong bzhi bzlas pa'i gdong g.yogs bcing bar byas la phyag bzhi byed du gzhug go// yang lag na me tog thogs pa'i slob mas slob dpon la phyag byas la/ lag na me tog thogs pa nyid kyis gshegs pa dang / rjes su yi rang ba dang / bskul ba dang / gsol ba gdab pa byas la 'di skad ces brjod @do/ gtso bo bdag la sdom pa stsol// thub pa'i nyi ma ma lus pa'i// sangs rgyas rnams ni bdag la dgongs// bdag ming che ge zhes bgyi ba// slob dpon dbang du gnas pa la// sangs rgyas rol mo 'byung ba yi/ / phyir mi ldog pa'i dge 'dun can// thar pa chen po'i grong khyer mchog/ gsang ba chen por 'jug par bgyi'o// gsang ba thams cad rigs bsdus pa// slob dpon bdag ni 'jug par mdzod// phyir mi ldog pa'i dbang bskur ba// skal ba chen po bdag la stsol// mtshan rnams rjes su gsol btab pa// dpe byad rnams dang yang dag ldan// sangs rgyas sku ni yid 'ong ba// slob dpon chen po bdag la stsol// dbang bskur ba ni rmad byung che// sems can kun gyi don bgyid phyir// bdag ni rtag tu slob dpon gyur// slob dpon chen po bdag la gsol// de nas slob dpon gyi rigs thams cad la gsol ba gdab par bya ste/ che ge zhes bya 'di nyid ni// byang chub sems ni yongs 'dzin pa// gsang ba yi ni 'khor lo 'dir// 'jug cing byang chub sdom pa 'tshal// de nas slob dpon gyis 'di skad ces brjod do// sangs rgyas chos dang dge 'dun te/ dkon mchog gsum la skyabs su song // 'di ni sangs rgyas rig dag pa'i// dam tshig sdom pa brtan por gyur// rdo rje dril bu phyag rgya yang // blo gros chen po khyod kyis zung // byang chub sems gang de rdo rje/ shes rab dril bu zhes bshad do// slob dpon dag kyang gzung bar gyis// bla ma sangs rgyas kun dang mnyam// 'di ni rdo rje rigs dag pa'i// sdom pa dam tshig yin par gsungs// rin chen rigs ni bsdus pa ni// nyin mo gsum dang mtshan mo gsum/ / zang zing mi 'jigs chos dang byams// sbyin pa rnam bzhi rab sbyin bya// phyi dang gsang ba theg pa gsum// dam chos khyod kyis gzung bar bya// 'di ni pad+ma'i rigs dag pa'i// dam tshig sdom pa yin par gsungs/ / las chen rigs ni bsdus pa la// sdom pa gsum po yang dag ldan// mchod pa'i las kyang ci nus bzhin// yang dag nyid du nges gzung gyis// de las gzhan pa bzhi po yang // 'di dag pas pham par ni bshad// mi spang dor bar yang mi bya/ / rtsa ba'i ltung bar 'di bshad do// nyin mo gsum dang mtshan gsum du// nyin re zhing ni brjod par bya// gang tshe nyams na rnal 'byor pa// lhung ba sbom po dag tu 'gyur// khyod kyis srog chags gsad mi bya// ma byin par yang mi blang ngo // 'dod pa log par mi spyad cing // brdzun yang smra bar mi bya'o// phung krol kun gyi rtsa ba yi// chang ni btung ba rnam par spang // sems can gdul phyir ma gtogs pa// bya ba ma yin thams cad spang // dam pa'i drung du gnas bya zhing // rnal 'byor pa rnams bsnyen bkur bya/ / lus kyi las ni rnam pa gsum// ngag gi rnam pa bzhi rnams dang // yid kyi rnam pa gsum dag ni// ci nus pas ni rjes su bskyang // theg pa dman la dga' mi bya// sems can don la rgyab phyogs min// 'khor ba dngag kyang yong mi spang / / rtag tu mya ngan 'das mi chags// lha dang lha min gsang ba pa// khyod kyis brnyas par mi bya zhing // phyag rgya bzhon pa mtshon cha dang // mtshan ma 'gom par yang mi bya// 'di dag dam tshig ces bshad do// de dag ni blo gros khyod kyi bsrung bar bya/ / des kyang 'di skad brjod par bya// slob dpon khyod ni bdag la gsom// gtso bo ji ltar bka' bsgo ba// de ltar bdag ni bgyid par mtshal// ji ltar dus gsum mgon po rnams// byang chub tu ni nges mdzad pa'i zhes pa nas/ sems can mya ngan 'das la 'god// ces bya ba'i bar du brjod par bya'o// gang zhig sdom pa mi 'dzin pa de la ni gzhug pa tsam sbyi ba bya zhing // deng khyod bya ba la sogs pa brjod par mi bya ste/ slob dpon/ du dbang bskur ba 'ang mi bya'o// de nas/ oM sarba yo ga tsit+taM ud pA da yA mi// zhes pa 'dis/ byang chub sems ni bla na med// dam pa bdag gis bskyed par bgyi// de yi snying khar snying pos ni// rdo rje rab tu gzhag par bya// su ra ta sa ma ya s+t+waM hoH/ badz+ra sid+d+hi ya thA su khaM/ zhes pa 'dis so// de nas rdo rje hUM mdzad du byin gyis brlabs la dri dang me tog la sogs pas mchod de me tog gi 'phreng ba gdags shing / gdong dri zhim pos byugs la yon gyi mchog bzung ste/ phyi rol na gnas pa la bum pa'i chus dbang bskur la/ oM grih+Na badz+ra sa ma ya hUM baM/ zhes pa 'dis khro bo ti rim ti ri rang nyid bcings la slob ma 'ching du gzhug go// rdo rje bsdams pa nang byas la// mthe bong rdo rje dam po yis// yid kyis khro bas dga' bya bas rnga khro bo ti rin ti ri dran/ / de nas de nyid kyi mthe bong dag gis me tog gi 'phreng ba 'dzin du bcug la snying po 'dis gzhug par bya ste/ badz+ra sa ma yaM pra ti sh+ya mi/ zhes pa'o// shar gyi sgor yang rdo rje lcags kyus de dgub cing / lhor zhags pas gzhug go/ / nub tu lcags sgrog gis bcing zhing / byang du rdo rje 'bebs pas dbab bo// yang shar gyi sgo nas de bzhin du bcug la 'di skad ces brjod do// deng khyod de bzhin gshegs pa thams cad kyi rdo rje'i rigs kyis deng nas ngas khyod la rdo rje'i ye shes bskyed par bya/ / ye shes gang gis de bzhin gshegs pa thams cad kyi dngos grub kyang thob par 'gyur na/ dngos grub gzhan rnams lta ci smos khyod kyis dkyil 'khor ma mthong ba rnams kyi mdun du smra bar mi bya'o/ / khyod dam tshig nyams par gyur ta re/ de nas rdo rje slob dpon rang nyid rba ba ta rin ti ri ba gyen du blta ba dang bcas pas bcings la/ rdo rje slob ma'i spyi bor bzhag ste 'di skad ces smras te/ 'din khyod kyi dam tshig gi rdo rje yin te/ gal te khyed 'ga' zhig la smras na spyi bo 'gems par 'gyur ro// de nas dam tshig gi phyag rgya de nyid dang / mona'i snying po lan cig bzlas pa'i chu rdo rje slob ma de 'thung ngu gzhug go/ / de la mna'i snying po 'di yin te/ rdo rje sems dpa' deng khyod kyi// snying la yang dag zhugs par mdzod// gal te tshul 'di smras na ni// de ma thag tu dral te gshegs// badz+ra ud ka thaH/ zhes bya'o// de nas slob ma la 'di skad ces smra'o/ / deng nas brtsams nas khyod kyi phyag na rdo rje nga yin gyis/ ngas 'di gyis shig ces gang bsgo ba de bya dgos so// khyod yang ba ma spangs par dus kyi bya ba byas nas dmyal bar lhung bar gyur ta re zhes pa'o// de'i rjes la rang gi snying khar yi ge a rdo rje'i 'od zer gyi 'phreng ba dang ldan par bsam mo/ / de nas slob ma'i snying kha dang / mdzod spu dang / mgrin pa dang / spyi bo rnams su zla ba'i dkyil 'khor la gnas pa'i rdo rje rtse lnga pa 'bar ba dang / rin po che dang / pad+ma dang / sna tshogs rdo rje bsams te/ oM trAM hrIHaHzhes pa 'di dag gis go rims bzhin du'o// sgo dbye ba'i phyag rgyas rang dang slob ma'i snying khar phye la/ rang gi snying kha'i yi ge yaM las yi ge phyung la// slob ma'i snying khar gnas pa'i rdo rje'i dbus su blos bcug la lus thams cad gang bar bsam mo/ / 'di skad ces brjod do// de bzhin gshegs pa thams cad kyis kyang byin gyis rlobs la/ rdo rje sems dpa' dag la dbab tu gsol zhes smos shig/ de nas myur du rdo rje slob dpon gyis khro bo ta rin ti ri bcings la 'di skad brjod par bya ste/ 'di ste dam tshig rdo rje yin// rdo rje sems dpa' zhes byar grags// rdo rje ye shes bla na med/ khyod la nyid 'bab gyur cig/ badz+ra A be sha a/ zhes pa bcu dang / nyi shu dang / sum cu dang / bzhi bcu dang / lnga bcu dang / drug cu dang / bdun nu dang / brgyad cu dang / dgu bcu dang / lan brgyar brjod de nges par 'bab par 'gyur ro// de nas rdo rje'i khu tshur bcings la sems ma rdo rje pa'i phyag rgya dral bar bya zhing 'di dag brjod de/ oM um+b+ha ni sud+d+ha rmA kr-iN+Ta kr-ing+ga hU~M/ oMd+hA pa ya gr-ih+NA pa ya hUM An ya po b+ha ga zhan badz+ra rAHhU~M phaT/ aHAHaHaHbcu dang nyi shu dang / sum cu dang / khazhi bcu dang / ShA dang drug cu dang / bdun cu dang / brgyad cu dang / dgu bcu dang / lan brgyar brjod par bya'o// bcom ldan 'das kyis kyang rdo rje rlung gi dkyil 'khor la rdo rje hUM gi rnam pa'i 'od zer gyi mdog dmar po 'bar ba gang bzhin par bsam mo// skar yang gal te 'bab par ma gyur na/ de'i tshe dril bu dang bcas pas rdo rje 'bebs pa'i dam tshig gi phyag rgya bcings la rkang pa g.yon pas de'i rkang pa mnan la/ steng gi nam mkha'i phyogs su rnam par snang mdzad dpal rdo rje hUM mdzad kyi steng du de nyid la dbab pa'i phyir khro bo hUM gi rnam pa'i 'od zer gyi tshogs kyis mnan bzhin pa dang / 'og nas kyang rdo rje rlung gi dkyil 'khor dang / hUM gi rnam pas gdeg bzhin pa dang / de bzhin du shar la sogs pa'i phyogs su bzhugs pa'i mi bskyod pa la sogs pa rnams kyis/ hUM trAM hrIHaH/ zhes bya ba rang gi sa bon gyi 'od zer gyi tshogs kyis yang dag par 'bebs par mdzad par bsam zhing de la dbab ste/ hUM badz+ra A be sha ya aH/ zhes rnam pa brgyar brjod par bya'o/ / gal te sdig pa mang ba nyid kyis 'bab par ma gyur na/ de'i tshe sdig pa dral ba'i phyag rgyas de'i sdig pa rnams yang dang yang du dral bar bya'o// yam shing 'jag ma rnams kyi me/ rab 'bar rdo rje khro bo yi// mnyam par bzhag pas dbul ba yis// de yi sdig pa thams cad ni// til gyi sbyin sreg des nges sreg/ oM sarba pA paM da han badz+rA ya swAhA/ zhes bya ba dang / lag pa g.yas pa'i mthil du til nag po las sdig pa'i gzugs brnyan byas la/ yi ge hUM dbus su bsams te/ mdzub mo dang mthe bong dag gis sbyin sreg bya'o// de nas sbyin sreg gi thab khung las 'byung ba'i 'bar ba'i 'phreng ba kun tu 'khrugs pa'i rdo rje rnams kyis de'i lus la sdig pa sreg bzhin par bsams la/ de nas yang rdo rje babs pa de kho na bzhin du bcings la dbab par bya ste/ nges par 'bebs par 'gyur ro// de lta bus kyang gang la bab par ma gyur pa de la dbang bskur bar mi bya'o/ / babs na skad cig ma de nyid de'i mngon par shes pa lnga la sogs par rdzogs par 'gyur ro// de nas yang dag par babs par shes nas yang / oM satwa su saM gra ha ta/ zhes pa la sogs pa'i glu brjod la/ khro bo'i khu tshur dang de bzhin gshegs pa rdo rje me'i phyag rgya dral bar bya'o// de phebs na rdo rje sems dpa' khro bo'i phyag rgya bcing bar bya'o// de'i tshe slob dpon gyis rdo rje khu tshur khro bo'i phyag rgyas bcing bar bya'o/ / de bzhin du ji srid du gyur na de'i tshe rdo rje bzhad pa'i phyag rgya bcing ngo // de'i tshe rdo rje chos khro bo'i phyag rgya bcing ngo // de lta bus nye bar byon cing dgongs par 'gyur ro// de nas de'i lce la rdo rje bsams te/ bru hi badz+ra/ zhes pa brjod do// de nas thams cad smra bar 'gyur/ de nas 'phreng ba de dkyil 'khor chen por dor te/ pra tIts+tsha hoH/ zhes bya'o// de nas gang du babs pa de 'dis 'grub bo// de nas/ oM pra ti gr-ih+Na trAM i maM satwa ma hA ba la/ zhes bya bas 'phreng ba de nyid kyi mgo bor bcing ngo // de nas/ oM/ de ring rdo rje sems dpa' rang // khyod kyi mig ni 'byed par brtson rdo rje'i mig ni bla na med/ / thams cad mig ni bye bar 'gyur// he badz+ra pa sh+ya/ zhes pa 'dis gdong g.yogs dgrol lo// de nas dkyil 'khor chen po'i rdo rje lcags kyu nas brtsams te ji srid rnam par snang mdzad kyi mthar thug par bstan no/ / de nas/ tiSh+Tha badz+ra/ zhes pa la sogs pas slob ma'i snying khar gzhug pa'i phyag rgya dgrol lo// de nas phyi rol gyi dkyil 'khor du 'am/ phyi rol du zla ba'i dkyil 'khor shar sgo la mngon par phyogs pa legs par bris la/ slob ma dpal rdo rje hUM mdzad kyi phyag rgya sems ma rdo rje ma la sogs pas kyang byin gyis brlabs la/ phyag rgya chen po de la bzhag ste dbang bskur ro// tri dang me tog la sogs pas mchod de mchod yon dbul/ gdugs dang / rgyal mtshan dang / ba dan la sogs pa dang / dung dang / rol mo la sogs pa'i sgra bsgrags pa dang / de nas bkra shis kyi tshigs bcad rnams kyis mngon par dga' bas dang po re zhig chu'i dbang bskur ba dang / cod pan dang / dar dpyangs dang / rdo rje dang / bdag po dang / ming gis dbang bskur ba dag gis dbang bskar la/ yang me tog la sogs pa dang / sgeg mo la sogs pa mchod pa rnam pa brgyad kyis mchod do// slob ma rnams kyis rdo rje thal mo sbyar bas slob dpon la rab tu btung la/ yon gyi mchog phul la me tog la sogs pa'i dbang bskur ba'ang gzung bar bya'o/ / slob dpon gyis dbang bskur ba ni dpal rdo rje hUM mdzad kyi phyag rgyas de kho na bzhin du ji ltar nges par bstan pa'i gnas su bzhag la/ dam tshig gi phyag rgya rnams kyis de'i lus la dpal rdo rje hUM mdzad la sogs pa bkod de slar yang / oM badz+ra a d+hi pa ti s+t+waM a b+hi Shiny+tsA mi dri D+ho me b+ha ba dzaHhUM baM hoHhUM phaT/ ces pa 'di rnam par rgyal ba'i bum pa la brgya rtsa brgyad dam stong yongs su bzlas pa byas la/ / de nas/ oM badz+ra a b+hi Shiny+tsa/ zhes pa 'di brjod cing rdo rje khu tshur gyis rnam par rgyal ba'i bum pa nas chu blangs nas chu'i dbang bskur ba sbyin no// 'di yang brjod de/ 'di ni khyod kyi dmyal ba'i chu/ / dam tshig 'das na sreg par byed// dam tshig bsrung na dngos grub ni// rdo rje bdud rtsi'i chus 'grub po// rdo rje dril bu'i phyag rgya yang // dkyil 'khor can min na mi smra// skye bo 'dus pa gnas pa ni// rgod dang ma dad pa la min/ / de nas cho ga thams cad nyams su blangs la mtshan brgya rtsa brgyad pas legs par bstod de/ tshigs bcad lngas rjes su gnang ba byin nas/ gzengs bstod pa dang lung bstan pas slob ma tham cad lung bstan no/ / de nas gsang ba'i dbang bskur ba 'byung ste/ slob dpon du dbang bskur bar 'os pa dkyil 'khor thams cad du bcug pa de ltar mdzod cig/ 'di yi las kyi dngos grub ni// ji ltar 'dod pa'i dngos grub kyang / / tha ma 'bring dang mchog rnams ni// ma lus nges par 'thob par 'gyur// mchog gi sa rnams bgegs med 'grub// dngos grub phran tshegs slar ci zhig sangs rgyas nyid kyang sems can nyid/ / rdo rje sems nyid rnyed mi dka'// gang la dngos grub nges 'byung dang // gang la sdig pa gdon chen dang // bgegs dang log 'dren rnams dang yang // 'chi bdag dang ni bdud sde rnams/ / 'jigs pa sna tshogs bstan bcos rno// dngos grub las 'joms de dag ni// bdag nyid chen po de la ni// mi 'byung skye bar mi 'gyur ro// sbyin sreg las kyi cho ga yis// nges par dngos grub myur rab 'byung / / lha rnams kyang ni cher mnyes shing // skad cig gis kyang rab rnyed 'gyur// yams dang nyer 'tshe skyon la sogs// ches lci nges par ring du 'gyur// de yi yul du nad dang gdom rims la sogs pa mi 'byung zhing / / mu ge ca co che rnams dang // pha rol dmag tshogs nyams par 'gyur// lha dang klu rnams spro chen gyis// bde bar yang ni skyong bar 'gyur// rgyal po chen po bzhi rnams dang / / 'jig rten skyong ba rgyu skar bcas// gnod sbyin rnams dang gza' la sogs// rdzu 'phrul chen po rnams kyis skyong // de nas brgya byin la sogs lhas// yang dang yang du phyag btsal nas// rin chen gdugs sogs mchog rnams ni/ / rnam pa sna tshogs mchod byas te// phyag na rdo rje rgyal dbang la// dag pa'i bsam pas yang dag bstod// sangs rgyas kun pas sngar sangs rgyas// mi shes dri ma kun bcom pa/ / rdo rje rdo rje 'dzin rgyal po// rdo rje rdo rje rdo rje 'dzin// rdo rje'i sku ste sku che ba// phyag na rdo rje phyag 'tshal 'dud// rdo rje yan lag rdo rje mchog/ rdo rje 'bar ba cher 'bar ba// rdo rje shugs te shugs che ba/ rdo rje mtshon cha rdo rje che/ / phyag na rdo rje phyag chen po// rdo rje mda' ste rab 'bigs pa// rdo rje rnon po rnon po che// che ba'i che ba rgya mtsho che// rdo rje pad+ma byang chub che// byang chub sangs rgyas rang byung ba// rdo rje rgya chen rgya chen che/ rdo rje sgyu ma rnam sbyong ba// rdo rje rgyu ste gnod sbyin che// rdo rje pad+ma rnam sbyong ba// rdo rje khro bo gtum po che// rdo rje dgra sdang 'joms pa'i gtso// rdo rje 'jigs byed srung ba che// rdo rje lcags kyu don yod byed// rdo rje langs ro langs che/ / rdo rje srin po za ba po// rdo rje gnod sbyin gnod sbyin che// rdo rje gdon te gdon gyi mchog/ 'jigs rung skrag byed ma rungs pa// drag po 'jigs byed rngam byed pa// sgrub dka' sgrub pa leg pa ste/ rdo rje legs pa dgyes mdzad pa// rdo rje dga' ba dga' ba che// dga' ba'i rdo rje dbang byed pa// rdo rje gzi brjid gzi brjid che// 'bar 'od gshin rje mthar byed pa// rdo rje drag po drag po che// 'od 'thug pa ni 'thug pa ste// nam mkha' dang ni mnyam pa yi// re ba thams cad rdzogs mdzad pa// rdo rje dbang bskur rin chen mchog/ rdo rje rgyal mtshan yon tan mtsho// rdo rje ye shes ye shes che// rig pa bye ba'i tshogs kyis mchod// ha la ha la nag po che// sgra che rnam par sgeg pa po// rdo rje 'dod pa 'dod pa che// snyigs ma'i rnyog ma 'joms pa po// dus kyi g.yo ba gcod pa'i mchog/ zhal ni ljags kyi glog 'phro ma/ / rdo rje me sde rab tu gtum// gtum pa'i rab snang 'joms pa po// nyi ma stong gi 'od zer zhal// spyan dmar 'jigs par mdzad pa po// khro bo du ma'i 'od 'phro ba/ / phyag ni du ma'i mtshon cha brgya// du ma'i zhal te sku yang stong // 'khyil cing sku yang 'khyil ba lags// thugs chos bdag nyid sku mi mnga'// rnam par rtog pa ma lus spangs// ma rig 'joms pa tshangs pa ste/ / 'dod chags zhe sdang dri mthar mdzad// sgyu ma khyab 'jug rdo rje can// mdung can rtse gsum 'chang 'phrog byed// 'dod chags zhe sdang gti mug che// srid dang srid min rnam sbyong ba/ zhi zhing dul la dag pa che// sangs rgyas sangs rgyas rab rtogs mdzad// sangs rgyas bdag nyid sangs rgyas sku// rdo rje lags skyes rdo rje sems// kun tu bzang po cher bzang ba// mtshan rnams kun gyis mtshan pa po/ / khams kun bdag nyid khyab pa po// thams cad rdo rje'i bdag nyid gtsang // gang gis 'di bris klog pa dang // rtag tu don ni 'chad byed dam// dran nam nyan par byed kyang rung // phyag na rdo rje mnyam par 'gyur/ / bcom ldan 'das kyis de skad ces bka' stsal pa dang / brgya byin dang tshangs pa la sogs pa lha'i 'khor dang bcas pa'i lha dang / mi dang / lha ma yin dang / dri za dang / gnod sbyin dang / srin po la sogs pa phan pa dang bde ba thob pa'i phyir bcom ldan 'das kyis gsungs pa la mngon par dga' 'o// de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba gzi brjid kyi rgyal po'i brtag pa phyogs gcig pa rdzogs so/ / / rgya bar gyi mkhan po bla ma rje btsun chen po re ben dra de ba'i zhabs dang / bla ma pa chen skyes bu chen po mA Ni ka shrI dz+nyAna'i/

CLOSE WINDOW