bstan pa'i bya ba yid bzhin 'grub pa dang // mthar thug 'jam pa'i rdo rje nyid gyur cig// rgya gar skad du/ shrI b+ha ga bAn a ka dza Ta ma hA tan+ta rA nAm/ bod skad du/ dpal bcom ldan 'das ral pa gcig pa'i rgyud kyi rgyal po chen po zhes bya ba/ bcom ldan 'das ral pa gcig pa la phyag 'tshal lo// 'di skad bdag gis thos pa dus gcig na bcom ldan 'das lcang lo can gyi gnas rdo rje'i ri bo'i zom na bzhugs te/ byang chub sems dpa' phyag na rdo rje dang / 'jigs byed rgyal po dang / klu'i dbang po dang / nyi ma dang zla ba'i gdong can dang / ye shes bkod pa'i phyag rgya la sogs pa byang chub sems dpa' sems dpa' chen po gsang ba'i de kho na nyid shin tu sbas pa'i mdzod la mnga' brnyas pa/ de bzhin gshegs pa thams cad kyi dkyil 'khor du yang dag par nges pa/ rigs dang / tshogs dang / dam tshig dang / brtul zhugs chen po phyag rgya rgya mtsho lta bu'i tshul la gnas pa/ gsang ba bas kyang ches gsang ba'i bde ba chen po la rnam par rol pa/ thabs shes rab bla na med pa'i kha sbyor las nges par 'byung ba'i ye shes can/ 'gro ba thams cad kyi kun nas ldang ba dang bag la zhal 'joms pa la mkhas pa dpag tu med pa dang thabs cig tu bzhugs so/ / de nas byang chub sems dpa' phyag na rdo rje stan las langs te pus mo g.yas pa'i lha nga sa la btsugs nas thal mo sbyar te/ bcom ldan 'das la 'di skad ces gsol to/ / rdo rje dbang phyug rdo rje che// rdo rje'i rgyal po kun bdag po// sangs rgyas thams cad skyed mdzad yab// bde chen 'khor lo bdag la gsungs// srid gsum thibs po sel mdzad cing / / mya ngan 'das la mi gnas pa// lus can kun skyob brtse chen po// 'dren pa khyod lam bstan du gsol// blo gros snying rje brtan ldan pas// thabs ni gang zhig mngon bsgoms na// sku lnga phyag rgya 'grub 'gyur pa// gtso bo de ni 'dir bshad gsol// rdo rje dkyil 'khor cher 'byung ba// 'bum phrag rgyud chen las gsungs pa// ral pa gcig 'phreng dkyil 'khor gtso/ sbas pa gang lags brtse bas gsungs// zhes gsol pa dang / bcom ldan 'das rdo rje dkyil 'khor ma lus pa'i bdag po rab tu dgyes pas 'dzum pa mdzad do// zhal gyi sgo nas 'od zer kha dog lnga phyung ste/ 'jig rten gyi khams thams cad snang bar byas te slar 'dus pas 'khor gyi dkyil 'khor yongs su sbyangs te/ bcom ldan pa das nyid la bskor ba lan gsum byas nas spyi gtsug tu nub par gyur to/ / de nas yang dbu' gtsug tor gyi nor bu las zla ba dang kun da lta bu'i 'od zer dkar po byang ste/ dbu' steng du dkyil 'khor chen po mngon par 'gyur ba'i rnam par bkod pa mngon sum du mdzad do/ / de nas bcom ldan 'das kyis/ byang chub sems dpa' sems dpa' chen po phyag na rdo rje la 'di skad ces bka' stsal to// snying rje chen po khyod sems can thams cad la sman pa dang bde ba'i phyir// de bzhin gshegs pa thams cad kyi dkyil 'khor mngon par 'byung ba'i mdzod rdo rje sgeg pa chen po ral pa gcig pa'i gsang ba mchog zhus pa legs so legs so/ / rdo rje 'chang 'di ni khyod kyi dus yin zhing 'di ni khyod kyi snang bar byed pa yin no// nga yang sngon rdo rje ri bo'i zom 'di nyid du byang chub sems dpa' skar ma la dga' ba zhes bya bar gyur pa na/ de bzhin gshegs pa thams cad dang ye shes ral pa gcig pa'i gsang ba lhan cig tu rnam par rol pas sems can dpag tu med pa smin par byas pa rjes su dran no/ / de bas na khyod kyis snying rje chen po dang thabs la mkhas pas gsang sngags kyi nges par 'byung ba'i rtog pa 'di legs par nyon la yid la zung zhig dang ngas khyod la bshad do// byang chub sems dpa' phyag na rdo rje bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// oM AHhUM/ oM oM hrI trAM hUM/ oM AHsarba ta thA ga to gar+b+he badz+ra ta tA sA rA dzA la hUM phaT swA hA/ oM AHsarba ta thA ga to mA traM badz+ra tra to pA ya sar ba hUM phaT swA hA/ oM AHbadz+redz+ra dz+nyA na hUM phaT/ oM AHbadz+re pA ya hUM phaT/ oM AHbadz+ra tsakra a hUM phaT swA hA/ oM AHbadz+raHrat+na i hUM/ phaT swA hA/ oM AHbadz+ra pad+ma u hUM phaT swA hA/ oM AHbadz+ra bi shwa a hUM phaT sA hA/ oM AHbadz+ra ha mo ha oM hUM phaT swA hA/ oM AHbadz+ra war+t+ta AM hUM phaT swA hA/ oM AHbadz+ra rA ga u hUM phaT swA hA oM AHbadz+ra dre ai hUM phaT swA hA/ oM AHbadz+ra s+thi ra oM hUM phaT swA hA/ oM AHbadz+ra yo ka oM hUM phaT swA hA/ oM AHbadz+ra dz+wa la AHhUM phaT swA hA/ oM AHbadz+ra ba la A hUM phaT swA hA/ oM AHbadz+ra ru pa Ni ke hUM phaT swA hA/ oM AHbadz+ra shab+da tsa hUM phaT sA hA/ oM AHbadz+ra ga~M d+hA Ta hUM phaT swA hA/ oM AHbadz+ra ra sa ta hUM phaT swA hA/ oM AHbadz+ra s+pha rA pa hUM phaT swA hA/ oM AHbadz+ra d+harmA ya hUM phaT swA hA/ oM AHbadz+ra k+She tra sha hUM phaT sA hA/ oM AHbadz+ra A mo ka k+Sha hUM phaT swA hA/ oM AHbadz+ra aHku Sha ra hUM phaT swA hA/ oM AHbadz+ra pA sha rI hUM paT swA hA/ oM AHbadz+ra bad+ha laM hUM phaT sA hA oM AHbadz+ra krAN+Dal-I hUM phaT sA hA/ oM sa b+hA wa shuSh+Ta sarbad+harmAHswa b+hA ba shunan/ oM badz+ra shud+d+ha/ sarbaHrmAHbadz+ra shud+d+horba/ oM ya ga shud+d+ha/ sarba d+harmAHyo ga shu d+hodzaH/ rdo rje mi bskyor ral pa gcig/ mi bskyod pa ni byang sems bcas// rdo rje sgron ma rdo rje dang // rdo rje zhags pa rnam par sgom// gti mug bag chags 'dod chags dang / zhe sdang rdo rje 'khor lor gnas/ ri rab nyi zla ba dan las// 'byung bzhi'i rdo rje de bzhin no// khyams bzhir me long pi wang dang // dri mchog zhal zas las byung ba// gzugs sgra dri ro rdo rje ma// mkhas pas rtag tu mnyam par gzhag/ phyogs thal na bza' chos 'byung dang // maN+Dal mar me las skyes pa// reg chos zhing dang snang ba yis// sgo bzhi lcags kyu zhags pa dang // lcags sgrog dral bu yongs gyur pas// rdo rje lcags kyu la sogs sgom/ / rang mtshan ka pA las rab mdzes// gtum drag tshang tshing 'khrig pa dang / 'u ra 'u ra 'bar bas khyab pa dang / keng rus 'jigs rung shar sogs kyi// phyogs su g.yon bskor gyis legs gnas/ / ha har dgod pa dbang ldan du// byin zar dpal gyi nags tshal lo// mun pa ma zad bden bral du// rlung du ki li ki lir sgrog/ mi mnyam med par zur bzhi yin// dran dang dbang po sgo bzhi ste/ / bsam gtan bzhi ni rnarta babs bzhi// rnam thar brgyad phyir ka ba brgyad// byang chub yan lag bdun dag phyir// dra ba dang ni dra ba phyed// phyogs bzhir tshad med bzhi yin te// pad+ma 'khor lo shes rab thabs// rnam par shes brgyad yongs dag pa// de ni dur khrod chen po brgyad// zla ba me long zhi mnyam nyid// sa bon mtshan ma kun tu rtog/ yongs gyur bya ba sgrub pa ste/ nyer rdzogs chos dbyings ye shes yin// lnga phung dang ni dri ma bzhi// chen po bzhi dang spyod yul brgyad// rnam bzhi tshor ba rnam dag lnga// ye shes bdag nyid 'khor lo'o// dgod dang phrad 'khyud 'khrig pa dag/ pU dzA au a go ra de ma/ ka o tr-i ko ka la ka hi/ pri gri sau su na si ma kun ha hi hu he do haM/ a i u e o aM/ rnam pa sna tshogs rnam par smin// rnam par 'joms dang rnam mtshan bral/ / dga' dang mchog dga' dga' bral dang // lhan cig skyes dga'i mtshan nyid do// dgod dang phrad 'khyud 'khrig pa dag/ bde chen dag phyir bum pa dang // gsang ba ye shes bde ba che/ / dbang bzhi rgyal po thob par 'gyur// dzaHsgrub so// dmigs pas du ba dang gzhan goms 'dod// rnam par mi rtog de nyid sgom// rmi lam nam mkha' sbyar ba ni// nyin mtshan rtag tu rnam par gzhag/ spyi bo snying kha lte bar ni// zla ba pad+ma ni steng du// haM dang hUM dang a zhes pa// i gi bde gsal mi rtog rgyud// snying po 'pho dang thim dang gnas// 'gyur dang 'gul dang 'bar ba dang / / mda' bsnun bsdu dang 'gro 'ong sbar// lus med sems ni ci bder 'gro// bstim nas 'phro zhing 'bar bar byed// dbang du byed dang kha sbyar sgom// 'dun pas sgrub dang sa bon bsgyur/ / 'phen dran par dor don sgrub 'gyur/ tshe 'di yi ni de bzhin du// zhing mtshams sbyor dang srid mtshams yang // rnal 'byor rgyal po thabs ldan pas// bde chen sa gsum bde blag 'gro// srid bzhi dag dang nges pa dang // rten 'brel 'byung dang zlog dang gsad// zhi rgyas dbang dang zhi la sogs// 'di la the tshom mi bya'o// gnyis sbyor rgyun mi 'chad bde dang / / kun nas 'od gsal lhan cig skyes// bung bas me tog rtsi ltar ni// rnam pa kun tu sgrub pa'o// oM a kA ro mu kha~M sarba d+har+m+ma NAM Ad+ya nuta pan+na tAta sar+b+ba ni sA b+hA ba hUM/ bcom ldan 'das kyis de skad ces bka' stsal pa dang / / byang chub sems dpa' chen po phyag na rdo rje la sogs pa 'khor de dag thams cad rab tu yi rangs te/ tshigs su bcad pa 'di dag gis mngon par bstod cing mchod pa bsam gyis mi khyab pa thams cad kyis mchod pa la brtson par gyur te/ 'jig rten mgon po bcom ldan legs// 'gro ba nyon mongs paskya ba slad du// stong pa'i ting 'dzin spangs nas ni/ / khyod kyis byams chen skur bstan mdzad// thugs rje chen po bcom ldan legs// sems can sdug bsngal bsgral slad du// bzhi pa'i mtha' la mi gnas par/ brtse chen rnam par 'phrul bar mdzad// bde chen rgyal po bcom ldan legs// lus can bde don sgrub slad du// zag med dbyings thugs ma gzhol bar// dgyes chen kun tu snang mdzad lags/ / gtso bo rdo rje rgyal po legs// skye bo dub pa ngal ba so'i phyir// mtha' ci rgyun chad mi zhugs par// ma lus 'tshal ba sgrub pa rmad// de nas 'khor gyi tshogs phal po che de dag dang rdo rje rigs kyi byang chub sems dpa' chen po de dag thams cad kyang / bcom ldan 'das kyis 'di skad ces bka' stsal pa'i nges par gyur pa thabs dang shes rab bsam gyi mi khyab cing gzhal du med pa'i ting nge 'dzin la gnas bzhin du tham cad byin gyi rlabs kyis/ sems can thams cad la phan gdags pa'i don du cho 'phrul chen po du ma bstan to// bcom ldan 'das kyis yang bka' stsal pa/ gang la la zhig bcom ldan 'das rdo rje mi bskyod pa'i gsang ba chen po rgyud kyi rgyal po nyan pa dang / 'dzin pa dang / 'chang ba la sogs pa de dag ming dang rgyal ba thams cad kyis dgongs par 'gyur ro/ / rdo rje 'bar ba khrag 'thung gi dkyil 'khor lha bye ba khrag khrag mang po'ang ro'i phyi bzhin du 'brang bar 'gyur ro// dran pa tsam gyis tshe rabs thams cad du yi dam byed par 'gyur ro/ / mi 'am mi ma yin pa la sogs pa'i gnod pa thams cad dang / 'tshe ba dang / ya nga ba dang / bkra ma shis pa thams cad 'byung bar mi 'gyur ro// gang gi khyim na gnas pa de'ang mchod rten du bya bar 'gyur ro/ / rigs dang dngos grub thams cad kyi gter tshad med par 'gyur ro// bcom ldan 'das kyis de skad ces bka' stsal pa dang / byang chub sems dpa' de dag dang lha dang / mi dang / lha ma yin dang / dri bar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// dpal bcom ldan 'das ral pa gcig pa rtag pa rdo rje'i rgyud chen chen po za na med pa rdzogs so/ / / rnal 'byor gyi dbang phyug chen po shrI dza ga ta mi tra A nA dA'i bka' drin la brten nas/ rgya gar gyi biN+Di ta chen po badz+ra shrI kha la ru tra dang /

CLOSE WINDOW