rgya gar skad du/ shrI rak+ta ya mA raM tan+t+ra rA dza nA ma/ bod skad du/ dpal gshin rje gshed dmar po zhes bya ba'i rgyud kyi rgyal po/ dpal gshin rje gshed dmar po la phyag 'tshal lo/ / 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje btsun mo'i b+ha ga rnams la bzhugs so// der bcom ldan 'das kyis gsungs pa/ de bzhin gshegs pa thams cad kyi sku dang / gsung dang / thugs kyi snying po gsang ba las shin tu gsang ba'i mchog/ e ma'o// phyag na rdo rje legs so/ legs so// snying rje chen po byang chub sems dpa' chen po'i rdo rje zhe sdang rdo rje byang chub sems dpa' sems dpa' chen po'i snying po gshin rje gshed dmar po'i sku nyon cag/ phyag na rdo rjes gsol pa/ gshin rje 'joms ma po rnams ji snyed lags pa 'dir bshad du gsol// gti mug rdo rje gshin rje gshed dang // phra ma rdo rje gshin rje gshed dang / 'dod chags rdo rje gshini rje gshed dang / phrag dog rdo rje gshin rje gshed dang / zhes pa ste/ rdo rje tsartsi ka dang / rdo rje phag mo dang / rdo rje dbyangs can ma dang / rdo rje kau ri'i yang ngo // zur du bum pa bzhi rnams so// de ltar rab tu bskor ba'i gshin rje gshed kyi tshogs chen po rnams so/ / de nas nges par bcom ldan 'das phyag na rdo rje/ rdo rje sems dpa' de bzhin gshegs pa thams cad kyi bdag pos bos par gyur to// de nas nges par bcom ldan 'das de bzhin gshegs ba thams cad kyi mnga' ba dag/ bdud thams cad nges par 'joms pa rdo rje zhes bya ba'i ting nge 'dzin gcig nyid kyi sku dang / gsung dang / thugs rdo rje rnams la nges par phyung bar gyur to// sngags kyis dgug dang dbang chen dang / de bzhin nus pa rnam mang ngo po// ral gri sgrub thabs rgyal srid dang // pha rol sde ni rnam 'joms dang // mi snang mig sman bcud nyid dang // nges par grib la 'phrog par mkhas/ / ro langs gnod sbyin sgrub pa dang // sbrul dang gdug pa'i tshogs bsrung dang // sbyin sreg dkyil 'khor las rnams dang // byang chub sems ni rnam spyod dang // nyer mkho thams cad spyod pa dang // pha rol grong du rab 'jug pa'o// 'od zer lnga ni mnyam 'khrigs pa'i// rdo rje srung ba'i don bsgom bya// sa yi cha yang rdo rje yis// de bzhin ra ba dang ni gur// de nas bcom ldan 'das de bzhin gshegs pa thams cad bskyed pa po bdud thams cad rnam par 'joms pa'i rdo rje zhes bya ba'i ting nge 'dzin la snyoms par zhugs te/ gti mug gshin rje gshed la sogs pa 'di thams cad kyi sa bon nyid kyi sku dang / gsung dang / thugs rnams las nges par phyung ba/ dbus su ya'o// k+She ma me da yats+tsha ni ra dza sa de ru Na yo na ra ya yig la sogs pa gshin rje 'joms par 'gyur ro// gti mupa k+She yig la brjod bya// phra ma nyid brjod ma yig la'o/ / 'dod chags nyid kyang me yig la// da yig la yang phrag dog yin// lnga rnams gshin rje 'joms par spags// dza yig tsu rtsi ka rab brjod// sa yig la ni phag mo ste// dbyangs can ma brjod do yig la/ ru yi ga la ni go rirang 'dod// yo nai ra bung bzhi ru// mi yi thod pa ban rnams so// de nas nges par bcom ldan 'das de bzhin gshegs pa thams cad kyi mnga' bdag gshin rje rdo rje zhes bya ba'i ting 'dzin la snyoms par zhugs te/ zhe sdang chen po'i rigs 'di sgom pa'i rnal 'byor 'di gsungs so// sbyin pa tshul khrims bzod par ldan// blo bzang sems can don dang gcig/ byams sogs yon tan yang dag rdzogs/ / dad dang thos pas rnam par brgyan// brtse ba'i bdag nyid can snga dro/ thog mar kha sogs dag byas te// skye bos dben phyog dur khrod sogs// bde ba'i stan la rang brtsam bya// rang nyid pad+mar ma la/ / rnam bkod shin tu gsal bar blta// de 'og rnams kyis sems can don// phun tshogs byas nas spyan drangs te// bla ma rdzogs sangs rgyas bsgom bya// ma lus mkha' dkyil rnams khyab pa/ dmigs te de rnams la ni phyag/ lus kyi tshogs kyis rnam par brtson// tsar tsi ka sogs rnams kyis mchod// de nas sdig pa rab bshags bya// lus ngag yid kyis yang dag sdig/ byas dang byed 'gyur de bzhin du/ / gang yang rjes su yi rang ba// mgon po dus gsum byas de gshegs// rdzogs sangs rgyas dang mtshungs rnams kyi// bsod nams tshogs la rjes yi rang // rdzogs pa'i sangs rgyas dam chos bcas/ / tshogs mchog rnams la skyabs su mchi// yon tan rgya mtsho khyod rnams slar// rang lus dag ni dbul bar bgyi// dam chos thams cad ston mdzad cing // shin tu mthar thug mdzes par zhugs/ / yang dag rdzogs sangs rgyas ram chos// de nyid sbyin sogs rang bzhin la// sku gsum ye shes thob phyir du// rab tu dang bas gnas par bgyi// sems can rnams kyi don sgrub phyir// rdzogs pa'i byang chub sems bskyed bgyi/ / bsod nams yang dag nyer sgrub gang // rdzogs pa'i byang chub tu yongs bsngo// dpal ldan gshin rje mthar byed du// gyur nas bdag gis 'gro phan bgyi/ / smon lam 'di ni btab byas te// de dang de rnams blos gshegs bya// brtse bas cho ga bzhin bltas te// sna tshogs stong par rnam bsam bya// sbyor ba bral ba'i rang bzhin te// / sgyu nyid kyis dang mtshan ma med// rnam par rtog dang bral nyid phyir// smon pa rnam par spangs pa'o// oM shU n+ya tA dz+nyA na badz+ra swa b+hA wa At+ma kohaM/ yaM raM baM laM dkyil 'khor bzhi// bsdus pa'i b+h+rUM yig las skyes pa'i/ / khang pa brtsegs pa bsgom par bya// gru bzhi pa la sgo bzhi pa// rta babs bzhi yis brgyan pa ste// do shal de shal phyed pas spras// lha dang lha mos legs par mdzes// sna tshogs / rtse mo rlung bskyod pa'i// ba dan dril bu mnyam par ldan// de yi dbus gnas paM yig gis// sna tshogs pad+ma rnam bsam bya// der ni lte ba'i dbus gnas pa'i// sna tshogs rdo rje dbyug par bcas// mtshan ma mtha' dag yongs gyur nas// zhe sdang bdag nyid rnam par sgom// pad+ma nyim mnyam mnan cing // ma he dmar po'i steng bzhugs pa// g.yon brkyang ba yi zhabs kyis ni// bdud rnams thams can nges 'joms pa/ / nyi ma bye bir 'od ldan lnga// ro langs ma yis mgrin 'khyud cing // dpa' bo zhal gcig phyag gnyis pa// klu ni brgyad kyis rnam par brgyan// spyan gsum dmar po 'jigs pa ste/ / khrag ldan mgo pa'i 'greng ba can// g.yas na rdo rje dbyug pa dang // g.yon na thod pa 'dzin pa mo// khro bo zhal dang mnyam ldan zhing / sngags 'dril mche ba gtsigs pa can/ khro gzer ldan zhing rba rgyas pa/ / stag gi pags pas rked pa g.yogs// thung zhing gsus 'phyang 'jigs par byed// dri med dag pa'i 'od zer 'bar// ro langs ma yi g.yas pa na// gri gug g.yon na thod pa can// spyan gsum ldan zhing skra grol ba// phyag rgya lngas ni rnam par brgyan// mgo yi 'phreng ba mnyam ldan zhing // gtso bo'i mchu la myang ba mo// shar gyi 'dab ma la gti mug rdo rje dkar po rdo rje tsar tsi kA dang snyoms par zhugs so/ / lho'i 'dab ma la phra ma gshin rje gshed ser po rdo rje phag mo dang snyoms par zhugs pa'o// nub kyi 'dab ma la 'dod chags gshin rje gshed dmar po rdo rje dbyangs can ma dang snyoms par zhugs pa'o/ / byang gi 'dab ma la phrag dog gshin rje gshed ljang khu rdo rje gau rI dang snyoms par zhugs pa'o// tsar rtsi kA na ga mo/ phag mo ser mo/ dbyangs can ma dkar mo/ gau rI ljang sa/ g.yon na thod pa g.yas na gri gug ste// phyag dang / zhal dang / dbyibs ni dpa' bo ji lta bzhin no// me'i zur du mu men gyi bum pa bzhi mnyam gyis gang ba'o// bden bral du gser gyi bum pa gla rtsis gang ba'o/ / rlung du byu ru'i bum pa sih+las gang ba'o// dbang ldan du dngul gyi bum pa ga pur gyis gang ba ste thod pas kha bcad pa rnam par sgom pa'o// khro bo 'ching ba'i sngags gsungs pa gtso bo dpa' po'i ni/ oM hrIHSh+T+rIHwi kr-i tA na na hUM hUM phaT phaT swAhA/ snying po'i sngags so// oM rbaM k+ShiM k+Sha ya ka rA ya/ gr-ih+Na gr-ih+Na hUM hUM phaT phaT swA hA/ nye ba'i snying po'i sngags so// oM ma / hA yak+Sha se nA d+hi pa ta ye ma hA dur dAn ta ma kA ya/ nA sha ya nA shA ya/ bi dA pa yo ba dA pa ya/ hUM hUM phaT phaT swA hA/ 'phreng ba'i sngags so// oM dwe Sha ra ti nu da nu da/ tru Ta tru Ta hUM dzaHrje btsun ma'i sngags so// oM mo ha an ta kr-ita hUM hUM phaT/ oM pi shu naM an+ta kr-i te hUM hUM phaT/ oM rA ga an ta kr-ita hUM hUM phaT/ oM Ir Sh+ya an+ta kr-ita hUM hUM phaT/ dpa' bo bzhi'i sngags so// oM mo ha ra ti hUM dzaH/ oM pi shu na ra ti pU dzaH/ oM rA ga ra ti pU dzaH/ oM I raSh+Ta ra ti hUM dzaHdpa' bo'i dbang phyug ma bzhi'i sngags so// oM marme marmA bi g+ha te/ oM badz+ra tsartsa ke/ sa ra gar/ puk+ka mA ra ya/ a mu kA ya dzaHoM g+ho na Ne/ su k+ko Na/ bar+tha mA ma kI/ b+ha ra b+ha ra/ saM b+ha ra saM b+ha ra hU dzaHoM marme marma k+Sho b+ha Ni badz+ra sa ra swa ti/ da ra da ra/ tha ra tha ra/ pa ra pa ra/ kaM pa kaM pa/ d+hu na rbu na/ hUM a mu kaM dzaH/ oM gaM b+hi re/ bar+Na karti ke g+ha g+ha rak+ta sho Nita pri ye gau rI ye a mu kaM dzaH/ gdengs can mtha' yas sngon po yis// sgra bcings shin tu 'jigs par mdzad// klu ni 'jog po dmar po yis// rna bar drag pos rna brgyan byas// rigs ldan sna tshogs dpung po'i rgyan/ / gdengs can ser po dung skyong ni// lag gdub dag tu 'dzin pa ste// pad+ma dkar lo do shal mdzes// karko Ta ni sngo bsangs kyang // mchod phyir thogs pas mdzes pa ste// gdengs can nor rgyas bdud rtsi yi// kha dog lta bu'i ska rags byas// pad rtsa lta bur dkar ba'i mdog/ pad+ma chen pos rkang gdub byas// thams cad phud kyi rnam pa sgrog/ lce gnyis 'phreng ba'i mche ba can// zhes pa 'khor ba myang 'das kyi// gzugs can gshin rje gsod pa ste/ / rnam rtog thams cad gnom pa'i phyir// sngags kyis yang dag byin brlabs bya// rang nyid sa bon lcags kyus dgug/ zhal nas zhugs te thams cad du// mkha' khyab rdzogs pa'i sangs rgyas kun/ / zhal nas zhugs pa snying khar zhu// der ni sa bon phyung byas te// rdo rje'i lam nas zhu ba ste// rang 'od pad+ma'i nang gnas pa// sa bon rang bzhin can blta bya// sa bon de rnams kyis byin brlabs// 'od zer mi bzad 'phro ba ni// mkhas pas cho ga bzhin bsgom bya// bltas te snying khar zhu byas la// rdo rje'i lam nas nges phyung ste// rang gi rig ma'i pad+ma yi// ze 'brur lha mo'i tshogs bltas bya// me tog sna tshogs nyer spyod sogs/ / lag pa'i yal gas gzung ba dang // yid 'phrog glu yi mchod pa dang // sna tshogs gang gi rang bzhin nyid// bde ba chen po rab ster ba// rol bcas de rnams kyis mchod bya// kye kye gshin rje gshed dmar po/ / bla ma srin po'i gzugs rang bzhin// khyod mthong kho bo rnam par 'jigs// bla ma khro bo'i rang bzhin spongs/ khyod kyis gar mdzad sa stangs dang // sa bla dang ni sa 'og g.yo/ chags pas brgyan pa'i khro bo yid/ / gar mdzad khyod ni ro langs lags// sku ni dmar zhing thung ba ste// rnam pa sna tshogs gzugs sprul pa// rdo rje dbyangs can mas btud che// gar mdzad khyod ni bde ba che// hrIHSh+T+rI gsang sngags dag gis khyod/ / sa gsum po yi 'khrul pa sel// snying rje'i khro mo rje btsun khyod// gar mdzad 'gro ba rnams la gzigs// oM sarba ta thA ga ta pu dza badz+ra swa thA la At+ma ka2 sgra yi tshogs rnams thams cad ni/ / sgra brnyan dang mtshungs rnam par blta// 'khor lo'i gtso la bstod byas te// de yis de rnams de lta bzhin// gti mug rdo rje'i rang bzhin khyod// shin tu 'jigs pa gshin rje gshed/ / ston pa sangs rgyas kun rang bzhin// sku yi rdo rje khyod phyag 'tshal// phra ma rdo rje'i rang bzhin khyod// shin tu 'jigs pa'i gshin rje gshed// thugs kyi rdo rje rab gsal ba// rin chen rdo rje khyod phyag 'tshal/ / 'dod chags rdo rje'i rang bzhin khyod// khyab bdag chags pa'i chos 'byung gnas// dbyangs mchog kun gyi mchog gi mchog/ gsung gi rdo rje khyod phyag 'tshal// phrag dog rdo rje'i rang bzhin khyod// las kun byed pa'i gshin rje gshed/ / sku yi rdo rje rab gsal ba// phyag na ral gri khyod phyag 'tshal// sangs rgyas kun gyi rang bzhin khyod// sangs rgyas thams cad gcig bsdus pa// sangs rgyas kun rab mchog gi mchog/ dkyil 'khor dbang phyug khyod phyag 'tshal// aHyig las skyes pad+ma'i snod// mi mgo gsum gyi steng gnas pa// dag par rnam par bskyed byas te// der ni 'og tu ma dkyil 'khor// zur gsum raM yig las byung ba'o/ / der ni 'og tu rlung dkyil 'khor// sngon po g.yo ba gzhu lta bu// ba dan gyis mtshon yaM las byung // der ni de'i ming dang po las// bskyed de rnam snang la sogs pa/ buM yig sogs las yang dag byung / / glang po che la sogs pa lngas// hUM skye rdo rje'i kha chod kyis// bka' ba mkhas pas bsgom par bya// me la rlung gis bskyod pa na// der ni zhu ba rnam bsam bya// rdo rje'iri ro mnas dag gyur cing / / shin tu dri ma med bltas te// hUM yig 'od kyis sangs rgyas rnams// spyan drangs ye shes rang bzhin can// sngags kyi gzugs kyis rab gzhug cing // mchog gi bdud rtsi lngar bltas nas de nyid gsum gyis byin brlabs bya/ / dkyil 'khor bdag po tshim bya ste// lce la rdo rje gtsang ma nyid// hUM yig yang dag byung blta der// de 'od sbu gu'i rnam pa la// yang dag bkug pa de yis kyang // rdzogs sangs rgyas kun sna tshogs gnas// dkyil 'khor ba rnams de bzhin gzhan// ye shes 'od kyis snying khar bkug/ kun tu rtog pa thams cad spangs// thog ma tha ma dbus dbye bas// der yang gzung ba gcig yod min/ / de nyid kyis ni 'khrul gzugs med// gang la 'khrul pa gnyis la gnas// thams cad tshen sems 'khrul med// lus ni spro dang sdud pa'o// de bzhin bshags pa thams cad kyi sku dang / gsung dang / thugs gshin rje gshed dmar po'i rgyud las/ mngon par rtogs pa'i le'u ste dang po'o// // de nas bcom ldan 'das de bzhin gshegs pa thams cad kyis/ / bcom ldan 'das rdo rje 'chang chen po la bstod pa'i rgyal po 'dis gsol ba btab pa/ las kyi dbye dang rab dbye las// ji ltar sems can rab tu 'jug/ rdo rje chen pos bshad du gsol/ shes rgya mtsho rnams nyan 'tshal// de nas rdo rje 'chang rgyal po// nyes pa thams cad gsol ba'i bdag/ las kun rab tu sgrub pa pos// gsung ni 'di dag bka' stsal to// de nas bcom/ ldan 'das de bzhin gshegs pa thams cad kyi thugs rdo rje'i mthu mnga' ba la mchod pa byas te phyag 'tshal bas/ bcom ldan 'das la lan gsum bskor ba byas te yang dang yang du phyag 'tshal zhing // bcom ldan 'das kyi gsung mnyan to/ / de nas rdo rje 'chang rgyal pos// dbang byed 'khrul 'khor rab gsal byed// gshin rje gshed nag 'khrul 'khor rnams// ma byung 'byung bar mi 'gyur ro// bud med dbang byed phyir de bzhin/ / bsrung ba'i don du bya ba nyid// ge'u wang gzung bya zhi ba la// gro ga de bzhin smug shun la// 'khor lo gnyis ni mngon bris te// na maHming ni nang du spel// nag po rtsa ba sogs spangs te/ / kham por gnyis ni kha sbyar la// mar dang sbrang rtsi'i dbus bzhag ste// srad bu dkar pos dkri bar bya// me tog dkar pos thun gsum du// shar du kha bltas mchod par bya// gshin rje mthar byed zla shel 'od/ / bdag nyid bsams te 'du 'bod bya// bsgrub bya zla ba'i dkyil 'khor la// zhen pa bltas te dbang bskur bya// bum pa dkar po zla 'dra ba// bdud rtsi lnga yis gang rnams la/ / rdzogs pa'i sangs rgyas khrus byed pa// bltas nas bzlas pa brtsam par bya// oM hrIHd+d+hi wi kr-i tA na na hUM hUM phaT phaT na maHlha sbyin gyi shAn ti ku ru na maHzhi ba'i dam tshig gsungs pa'o// skyes pa rnams kyi zhi ba la// gur kum gyis bri rgyas pa la'ang // kha che rnams kyi 'khor lo gnyis// sAhA ming gi nang du spel// bsgrub bya'i ming ni blangs nas ni// mar dang sbrang rtsi'i dbus bzhag nas/ / kham por kha sbyar du bzhag ste// srad bu ser pos dkri bar bya// me tog ser pos thun gsum du// byang du kha bltas mchod par bya// gshin rje 'joms pa sku mdog sar// bdag nyid nges par blta bar bya/ / bsgrub bya ser po zla bar gnas// bum pa ser pos dbang bskur bya// dbang bskur ba ni bsgoms nas su// rgyas par byed 'dod yang dag bzlas// a hrIHSh+T+rIHwi kr-i tA na na hUM hUM / phaT phaT swA hA/ lha sbyin gyi puSh+TiM ku ru swA hA/ bau ShaT/ oM hrIHSh+T+rIHwi kr-i tA nA na d+hU hUM phaT phaT swA hA/ bau ShaT/ lha sbyin gyi puSh+TiM ku ru bau ShaT/ ces pa gsungs te/ bcom ldan 'das kyi rgyas pa'i dam tshig go/ / gro ga 'am yang na ra sa la yang // rgya skyugs khu ba 'am tsan dan dmar// ming med khrag dang bsres pa yis// 'khor lo gnyis ni mnyam bris te// hoHyig gsi ni nang du spel// nag po la sogs spangs 'khrul 'khor/ / kham por gnyis ni kha sbyar te/ mar dang sbrang rtsis yongs gang bar// srad bu dmar pos dkri bar bya// nub tu mngon par phyogs byas te// me tog dmar pos mchod par bya// bdag nyid gshin rje 'joms pa po/ / sku mdog dmar po cher 'bar ba// bsgrub bya zla ba dmar po la// zhon pa nyid kyang rnam bsam bya// rang lus las 'phros 'od zer ni// dmar po lcags kyu'i dbyibs rnams kyis// bsgrub bya bkug par bsam nas ni/ / spro ba'i sngags ni khri bzlas bya// de yis bsgrub bya brgyal 'gyur zhing // rkang pa dag la de bzhin bgyel// gos dang bral ba'i sgra grol ba// bsam te bzlas pa brtsam par bya/ / gal te dbang du ma gyur na// dud med seng ldeng ma la ni// mar sogs dor bcas brtul zhugs can// 'khor lo re ni gdung bar bya// oM hrIHSh+T+rIHwi kr-i tA na na d+hU sU phaT phaT/ hoHlha sbyin gyi mchod sbyin pa shIng ku ru hoH/ oM hrIHSh+T+rIHmi kr-i tA na na hUM hUM phaT phaT ba~M ShaT/ lha sbyin gyi pa shA mA na mchod sbyin po ShaT/ ces pa gsungs te/ bcom ldan 'das kyi dbang du bya ba'i dam tshig go// dur khrod ras sam yang na ni/ / rang byung bskus pa'i ras dag la// rgya skyegs lnga rlon khrag bsres pas// 'khor lo gnyis ni mnyam bris te// dzaHyig dang ni hriHyig gis// bsgrub bya'i ming ni nang spel bya// btsun mo'i pad+ma'i snod du ni/ / kha sbyar bzhag ste mchod par bya// srad bu dmar pos dkris nas ni// me tog dmar pos mchod par bya// bdag nyid gshin rje gshed po ni// 'tshams kyi nyi ma ltar 'bar ba// lcags kyu kha dog dmar po yis/ / bsgrub bya bkug pa nyid bsgom bya// lcags kyu rnams kyis snying phug cing // zhags pas rked pa la bcings te// rlung gi dkyil 'khor sbyor ba las// seng ge dmar po mnyam zhon pa// rdzas lnga yis ni gsang bya ste/ / de ni 'ong bar rnam bsam bya// gal te bsgrub bya ma 'ongs na// seng ldeng shing me 'bar ba la// 'khrul 'khor de bsros brtul zhugs can// der ni bzlas pa yang dag brtsam// oM hrIHhrI i kr-i kA na na parba laT hrIM/ A mu ka A kaR+Sha ya hrIHa rmAHtI li kr-i tA na na rmA hUM phaT phaTaN/ lga sbyin A ka ya9/ zhes pa gsungs te/ bcom ldan 'das kyi bkug pa'i dam tshig go// tho ldan dur khrod ras mas yung ba yi ni khu ba yis/ / 'khor lo gnyis ni mnyam bris te// l-i yig gis ni nang du spel// bsgrub byor ming ni yang dag blang // kham phor kha sbyar du bzhag ste// kham por ser po steng bzhag nas// der ni mkhas bas ri mo bris/ / dang por ri mo bzhi bcu bdun// mnyam par bzhag ste mnyam bri bya// lcog brgyad du grags ri rab ni// de yi steng du yang dag bri// hUM yig dang ni baM yig ste// de yis ri rab nang du spel// de yi nang / dulaM yig gis// dbang chen dkyil 'khor dgod par bya// sna tshogs rdo rjes mnan pa la// srad bu ser pos dkri bar bya// bdag nyid gshin rje gshed po ni// sku mdog ser po rnam bsam bya/ lho ru mngon phyogs rnal 'byor pas/ / dbang chen dkyil 'khor dang ldan pa'i// bsgrub bya ser po rnam bsam nas// ri rab kyis mnan myur dgod bya// sna tshogs rdo rje mnyam mnan la// dbang chen dkyil 'khor las 'og tu/ man / dar sogs 'jigs rung ri// gangs ri g.yo med mtshungs rnams kyis// bsgrub bya mnan pa bsgom bya ste// de nyid bzlas pa bya ba nyid// oM hrIHSh+T+rIHwi kr-i tA na na hUM hUM phaT phaT/ l-i lha sbyin sa s+thA na staM b+ha ya laM swA hA/ zhes gsungs te/ bcom ldan 'das kyi rengs pa chen po'i dam tshig go/ ngag ni rengs par 'dod pa yis// rang bzhin 'khor lo gnyis bris nas// bsgrub phyir ming rnams nang spel te// de nas spos shing sngags bzlas bya/ / oM hrIHSh+T+rIHwi kr-i tA na na d+hU hUM phaT phaT laM/ lga sbyin ya thA pra thA kAr+ya s+ya kri te/ taM ni ba ra ya to bi rU pa kaM/ ba ra ta ya to bi rU ba kaM ba ra ta ya dz+nyA data s+ya nA ga sta b+ha na ku ru ma zhes pa gsungs te/ / bcom ldan 'das kyi ngag rengs pa'i dam tshig go// de lta dgongs pa gsungs pa 'di// nang du shin tu legs sbas pas// gshin rje gshed dmar rab sbyor las// nyi ma gcig gis 'grub par 'gyur/ / dur khrod ras la 'khor lo gnyis// sngar bzhin bri bya brtul zhugs can// ske tshe dang ni lan tshwas kyang // dug dang ni ma pa yis kyang ste// de bzhin lan tshwa tsha ba gsum// dur khrod sol ba nyid dang ni// smyo byed 'dab ma'i khu ba dang / / de bzhin gtum pa'i sa bon nyid// mdzub mo'i khrag ni blang byas te// tsi tra ka yi khu ba 'am/ tsha sgo can gyi sa blangs te// gdol pa'i rdza ma'i dreg pa dang // ltogs pa can gyi sbu gu yis// gdug pa'i sems kyis bcu bzhi la// nyi phyed na bri brtul zhugs can// ma rungs pa rnams bsad rgyu yi// sna tshogs sems can rnam 'joms pa'i// hUM yig gis ni rnam spel bya// lho ru mngon phyogs rnal 'byor pa/ / bdag nyid gshin rje gshed po ni// gtum po chen po khro bo'i gzugs// thod pa'i dum bus rnam par brgyan// ma he la bzhugs ljags 'gyur ba// gsus pa che zhing 'jigs su rung / / gtsigs shing gyen du 'bar ba'i skra// de bzhin sma ra smin ma ser// g.yas pa rdo rje'i dbyug pa che// g.yon pa thod pa nyid kyang ste// rnam 'gyur mche ba gtsigs pa'i zhal// bskal pa'i me ltar yang dag mtshungs/ / de ltar bdag nyid rnam bsams te// de mdun bsgrub bya myur dgod bya// dri ldan rims gzir nad rnams kyis// gdug pa'i lus la gzir ba dang // gos dang bral bas 'dar ba dang // nyam chung lus ni rma dang ldan// 'bras kyi 'phreng bas yan lag bskor// mtshon cha yis ni gzir bar bya// grang ba'i rlung gis nye bar gtses// me yi dbus su yang dag gnas// ma he dag dang stag dang ni/ / khyi dang mchu rings can rnams kyis// sangs rgyas sde ni rnam 'joms pa'i// ma rungs chen po za byed cing // mthar byed lto ba'i nang na gnas// tsher ma rnams kyis lus gang ba// gangs dang sgrog gis rkang par bsdams/ / de bzhin dum bu dum bur byas// spags pa med par byas bsams te// ske tshe dang ni lan tshwas byug/ sId yig brjod pas bsam par bya// de yi lus kyi srung ba sogs// bcad nas bdag mdun dgod par bya// de yi go cha bgos byas te// stong pa'i lus bzhin bsgom par byas// bdag lus las byung gshin rje gshed// khro bos bdag nyid sku rnams kyis// de ni gdung bar bsgom bya zhing / / zhag dang tshil dag 'thung bar byed// de mdun gshin rje bsam bya ste// lag na dbyug pa stobs po che// gdug pa de yis gdungs pa ni// ma rungs de la rnam bsgom bya// de yi nang khrol blangs bya ste/ / bya rgod kyis khyer mkha' dkyil 'gro// klu rnams kyis ni sa 'og 'gugs// dran med la sogs rnam par gzir// de ltar bsgrub bya rnam bsams te// sems ni snying rje nges 'khyud pas// 'khor ba las ni bton byas te// sangs rgyas zhing rnams su skye 'gyur// de nas bcom ldan 'das de bzhin gshegs pa thams cad thugs rab tu dgyes te tshig 'di gsungs so// e ma'o gsod pa 'di ni bzang / / gsod pa gsod pa ma yin te// ji srid sdig pa las grol ba'i// 'chi ba 'chi ba nyid ma yin// sdig pa stong phrag rnams byas nas// mnar med sogs par gnas 'gyur ba// e ma'o sangs rgyas bdag nyid che/ / gsod pa byang chub thob par mdzad// slar yang snying rje rnam mdzad nas// gsad 'os sems can gsod par mdzad// e ma snying rje mchog gi stobs// snying rje dman pas mi 'grub bo/ / oM hrIHSh+T+rIHwi kr-i tA na na hUM hUM phaT phaT/ pU de ba dat+ta mA ra ya hUM/ oM hrIHSh+T+rIHwi kr-i tA na na hUM hUM phaT phaT hUM phaT/ de ba dat+taM mA ra ya hUM phaT/ ces pa gsungs te/ bcom ldan 'das kyi rnam par / rtog pa chen po gsod pa'i rdo rje/ 'khrul 'khor sngags dang rgyud kyi gsod pa la sogs pa'i dam tshig go// de nas 'khor lo gnyis bris te// phaT kyi yi ge rnam spel bya// bsgrub bya'i ming ni blangs byas te// thod pa kha sbyar du dgod bya// srad bu nag pos yang dag dkri// sdang ba'i sems kyis nyin phyed na// dur khrod rnams su sba bar bya// gshin rje mthar byed du yang dmigs// mdun du bsgrub bya dgod par bya// rta dang ma he mnam zhon pa// lag na mtshon thogs de nyid dang // khro bo 'dus pa rnams kyis bskor// gnyis ka'i phyogs su rnam bsam bya// khro bos dkris pa yi sems kyis// gnyis po de dag dbyug 'byed par/ / bsgom bya 'thab mo'i bsam pa can// bsgoms te bzlas pa brtsam par bya// oM hrIHSh+T+rIHwi kr-i tA na na hUM hUM phaT phaT/ de ba dat+ta ya dz+nyA dat+taM bi dwe ShA ya phaT/ ces gsungs te/ bcom ldan / 'das kyi dbye ba chen po'i dam tshig go// sngar bzhin cho ga de nyid kyis// 'khor lo gnyis ni br-i bya ste// hUM dang phaT kyi rnam spel bas// thod pa kha sbyar du bkod de// srad bu nag pos yang dag dkris/ ma mo'i tshal rnams su swa bya/ / gshin rje gshed kyi rnal 'byor gzung // mdun du bsgrub bya rnam bsgom bya// yaM byung rlung gi dkyil 'khor ni// nag po gzhu yi rnam pa la/ rnga mo chen po mdog sngon po// de yi steng du rnam sgom bya/ / de la ma rungs che bskyon te// lho yi phyogs su de khyer la// khro tshogs rnams kyis brdungs pas na// nges par sangs rgyas rnams kyang skrod// oM hrIHSh+T+rI u0f7fwi kr-i tA na na hUM hUM phaT phaH de ba dat+ta uts+tsha Ta ya hUM phaT/ ces pa gsungs te/ bcom ldan 'das kyi bskrad pa chen po'i dam tshig go// khros pa gshi ni rjer bltas rnal 'byor// khrag bcas ro bsregs thal ba dang / dug dang lan cha ske tshe dang / / til mar smyo byed 'dab de bzhin// dur khrod ras la 'khor lo gnyis// de ltar rim pas bri bar bya// gshin rje'i lus gnas gsad pa la// rta dang ma he dag las dbye// rnga mo'i lus gnas bskad pa la/ / zhi ba zla ba'i dkyil 'khor la// rgyas pa zla ba ser po la// btsun mo'i snying khar dbang du byed// lkugs pa ra yi lus la gnas// lhun po'i dbus su rengs pa ste// seng ge shar b+ha gnas dgug/ de ltar gzhan rnams las mtshon bya// gi ru wa nga rgya skyegs nyid dang ni// kha che yi ni bye brag gis// gro ga'i 'dab ma la bris dbang // 'dir ni 'grub 'gyur the tsom med/ / kham por kha sbyar du gzhag ste// dge ba'i sems kyis yang dag bzung // bya rog sgro yi sbu gu yis// nyi ma'i gung la nges par brtsam// ro bsregs pad+ma kha sbyar la// gshin rje gshed bdag rnal 'byor las/ / oM hrIHSh+T+rIHsogs kyi sngags brjod cing // lho ru gnas pa'i tshar gcod bya// zhi la mtha' yi yi ge ya// dbye ba ni gnyis kyis kyang ngo // phyi nas dbus kyi ya yig gis/ / lhag ma'i yi ge ci bde ba'o// sngon du bsnyen pa khri bzlas te/ las 'dir rab tu sgrub pa ni// gshin rje gshed dmar rab sbyor las// ye shes rdo rje yis bya ste// drag po chen po'i 'khor lo 'di/ / bris pa gang du gnas pa dang // yi ge bris pa'i khyim du yang // rtag tu 'thab mo 'byung bar 'gyur// de bzhin gshegs pa thams cad kyi sku dang // gsung dang / thugs gshin rje gshed dmar po'i rgyud las/ / 'khrul 'khor gyi dbang du byas pa'i le'u ste gnyis pa'o// // ri bo skye bos dben phyogs dang // legs sbas yid dga' khyim rnams so// thang sku bkram ste rnal 'byor bdag/ sngags kyis dbug pa yang dag brtsam// zhal gcig phyag gnyis sku mdog dkar// gri gug thod pa 'dzin pa mo// khrag 'gugs pa yi rab sbyor la// tsartsi ka sgom rnal 'byor pas/ / de nas bcom ldan 'das gshin rje chen po 'joms pa'i rdo rje khrag 'gugs pa zhes bya ba'i ting nge 'dzin la snyoms par zhugs te// rdo rje tsartsi ka'i sngags 'di dag gsungs so// / oM badz+ra tsar kri sid d+hen+na nI la hA ri Ni rat+na tra ya/ a pa ka ri No ru d+hi raM A kaR+Sha ya dzaH/ kha ni rab tu gdang bya ste// sngags 'di rjes su dran par bya// khams gsum pa yi khrag chen po// 'dir ni 'gugs par the tsom med/ / de nas bcom ldan 'das rdo rje gshin rje gshed pos chang dgug pa'i rdo rje zhes bya ba'i ting nge 'dzin la snyoms par zhugs te/ rdo rje phag mos chang dgug pa'i dam pa 'di gsungs so/ / oM g+ho Ne su g+ho Ne badz+ra mA ma kI/ d+ha ra d+ha ra/ sam+b+ha ra sam+b+ha ra/ t+ye d+hA tu ka ma t+ya A kaR+Sha ya dzaH/ rdza mkhan lag pa phyis pa'i sas// bum pa byas te kun nas bsgribs// rkun po'i skra yi gzhir bzhag ste/ / sngags ni rjes su dran par bya// pa ta ni yi mchod rten du// sngags 'di bdag nyid che ba blta// 'bad pas brtan par dmigs byas nas// chang dgug pa ni rab tu 'grub// / de nas bcom ldan 'das gshin rje chen po 'joms par rdo rje shes rab kyi pha rol tu phyin ma zhes bya ba'i ting nge 'dzin la snyoms par zhugs te// dbyangs can ma'i sngags 'di gsungs so// oM pi tsu pi tsu pradz+nyA badz+rA na/ dza la dza la/ mi d+hA bar+d+ha ni/ d+hi ri d+hi raM/ bud d+hi badz+ra naM swA hA/ gzung nas dza srid tshes gcig nas// kun nas zla ba rdzogs pa'i bar// legs sbyar byed 'dod brtsam bya ste/ ji srid zla ba'i rjes 'jug las// ngag gi dbang phyug 'grub par 'gyur// de na tshigs bcad brgya byed cing // khams gsum pa ni ma lus pa// ma lus lus pa med par 'khrugs/ / de nas bcom ldan 'das mthar byed chen po 'joms pa'i rdo rje'i khu ba 'gugs pa'i rdo rje zhes bya ba'i ting nge 'dzin la snyoms par zhugs te// khu ba 'gugs pa gau r-I'i sngags 'di gsungs so/ / oM a kaR+Sha ni a kaR+Sha ni/ gau r-I dzaHhrIHduSh+Ta s+ya duSh+ThA ya/ shu kr-i A kaR+Sha ya dza dzaHhUM swA hA/ mkha' sgo rdo rje lam dang rlung // dral bu lcags kyu'i sbyor ba las// bzlas dang sgom par rab sbyor las/ khu ba'i tshogs rnams 'gugs par byed// dben pa'i nags khrod rnams su yang // las 'di rab tu bsgrub bya ste// mtshan mo bdun gyi rab sbyor gyis// 'dir ni 'grub par the tsom med// de nas bcom ldan 'das gshin rje gshed chen po dus 'jigs pa zhes bya ba'i ting nge 'dzin la snyoms par zhugs te/ / dbang bskur ba mchog gi dam tshig 'di nyid kyi sku gsung thugs rdo rje rnams las nges par phyung bar gyur to// u dum pa ra man+da ra// pa ri dzA ta kaM mA li ka/ kar ni ka ra'i 'phreng ba yang // bu khyod zung la byin gyis rlobs// khams gsum pa yi ral gri che// sangs rgyas thams cad phyag mdzad pa// bzung nas bdud las rgyal bar 'gyur/ / las kyi ral gri dang mtshungs mchog/ shes rab thabs kyi rang bzhin ni// rdo rje dral bu'ang sgrub pa'i phyir// mnye zhing gsang ba'i rdo rje zung / khyod ni slob ma bsdu bar gyis// 'di ni btung ba rin chen te// 'grub pa'i lus ni rab sgrub byed// skyes bu byung ba'i chu 'thungs shig/ mnyes shing kun tu ye shes nyid// slob ma'i kha yis btung bya ste// gshin rje gshed ni rab sgrub phyir// rdo rje slob ma bdag nyid che// sems ni shin tu dga' bar mdzod// de bzhin gshegs pa thams cad kyi sku dang / gsung dang / thugs gshin rje gshed dmar po'i rgyud las/ sngags kyi dgug pa'i rab tu sbyor ba'i le'u ste gsum pa'o/ / / de nas dpal ldan rdo rje 'chang // ral gri'i sgrub thabs bshad par bya// khab len lcags kyi rang bzhin las// ral gri yang na dngul chu yis/ phyed byas khru gang tshad kyis ni// ral gri rnam bsam brtul zhugs can// bcu bzhi yang na brgyad pa la// dur khrod dbus su gzung bar bya// bdud rtsi lnga dang yang dag ldan// thun gsum khri phrag bzlas par bya/ / bla ba so so'i bcu bzhi la// gtor ma mchod pa sngon 'gro bar// zla ba gcig gis 'bum phrag bzlas// 'bum phrag lngas ni 'grub par 'gyur// sgrub nas ral gri rab tu 'bar// snang ba chen po'i 'od zer lnga/ / de ni gzung bya 'grub par 'gyur// 'jig rten gsum las rnam rgyal mi// 'jigs byed gshin rje gshed sbyor las// gang tshe ral gri grub rnal 'byor// rtsed mongs ni grub byed de'i/ g.yul du de yi bzod par dka'// rkang pa gnyis dang rkang bzhi dang // blta phyir phyogs bcu rnams su 'gro// lha dang lha min rnams mi bzod// mi yi 'jig rten smos ci dgos// rgya mtsho'i 'jim pa blang byas te/ / zla ba gcig gis yang dag sgrub// oM phuH'i yi ge snying khar dgod// hrIHSh+T+rIHla sogs sngags bzlas bya// char pa mi 'bab dus rnams su// khri phrag bzlas pas 'grub par 'gyur/ / sbrul nag dag gi sha rnams dang // nim pa'i lo ma bsras byas te// de yis ri lur byas nas ni// rgya mtshor zhugs byas brtul zhugs can// khri phrag tsam zhig rab bzlas pas// chu rlabs rengs pa'i mchog yin no/ / gtum po sa bon brgya blangs te// sra ma 'bras dang bsres pa ni/ 'bum phrag bdun du rab bzlas pas// lha ni sbyin sreg las gzis 'gyur// dur khrod kyi ni gso ma blangs// gzugs brnyan bya ba brtul zhugs can/ / smyo byed khu bas byug pa yis// khri phrag gcig gis 'gugs par byed// 'bum phrag bzhi ni bzlas pa yis// don grub sa bon kun bsags pas// gnyid log langs te bya pab dang / / tshor bas yang ni the tshom mod// rgyun lam gyi ni sa blangs te// sngags ni 'bum phrag bzlas pa las// spyi bor rab tu byugs tsam gyis// spyi bo'i nad ni rnam par 'joms// lan bdun mngon par bsngags byas te/ / lag pas spyi bor mnye bar bya// nad kyis nyams pa med 'gyur te// 'dir ni the tsom yod ma yin// bram ze yi ni sha dag dang // dur khrod thal ba sa de ni// gshin rje gshed kyi sku gzugs bya/ / phyag gnyis dang ni zhabs gcig pa// g.yas pa rdo rje chen po ste// de bzhin g.yon na mi mgo'o// sku mdog dkar po 'jigs byed che// de yis ma rungs 'joms par byed// ka dang bdud lA mas ni/ / rnam mo sa ga/ ma dbul// zhag tu gsol bkab rnal 'byor pa// bdag gi dgra po 'joms par mdzod/ ces pa marjod dem tshan mogs// btsun po rangs 'chi bar 'gyur// mngan nas/ 'gyur ba ste// myos pa la sogs kun tu 'khrug/ dgra bo'i rnam snang blang byas te// si ya~M rkang ni rab bkang bya// 'bum phrag bzlas pas rdzogs nas ni// shing gi rtse mor sbyang bya nyid// rtag tu yi dgas tshal du bskor/ / rnal 'byor dbang phyug mnyes na bde// de nas gzhan yang rab bshad bya// ro langs chen po'i sgrub thabs so// thams cad 'grub par byed pa'i mchog/ sna tshogs bya ba rab sgrub pa'o// de bzhin gshegs pathams cad kyi sku dang / gsung dang / thugs gshin rje gshed dmar po'i rgyud las/ 'jigs byed ces bya ba'i le ru ste pan pa // / de nas rgyal srid sgrub thabs mchog/ 'di las yang dag rab bshad bya// 'phyang ba'i shing ni gzung bya ste// ma nyams de bzhin rma med pa// blangs la gdung bar byas te yang // bzlas pa'i 'phreng bar rab bsgrub bya// zla ba zla ba'i bcu pan la/ / sha lnga yis ni byug par bya// bdud rtsi lnga dang yang dag ldan// bzlas pa 'grub par byed pa'i mchog/ 'di yis 'bum phrag bzlas pa yis// nges par rgyal srid 'grub par 'gyur// am sngags kyi nus pa ni/ / gzhir log sma ni sgrog par byed// gshin rje gshed kyi sbyor ldan pas// skad cig kyang ni 'jigs mi bya// gang gang 'dod pa'i rnal 'byor de// de dag thams cad thob par 'gyur/ ma he dang ni chu srin dang // stag dang de bzhin gnan rnams kyang // dom dang ce spyang dag dang ni// spre'u yang ni bye brag las// sre tshe lan tshwa de bzhin du// sha ba dzan tsha ba gsum// 'di yis sku gzugs yang dag sgrub/ / 'jigs pa'i gzugs can gshin rje gshed// de la gsol btab rnal 'byor pa// hrIHSh+T+rIHla sogs sngags bzlas te// rgyal po che ge bsad nas ni// bdag re rengs par sbyar bar bya/ / bye ba bzlas pa sa 'jub 'gyur te// bden zhing bden par the tsom med// de nas gzhan yang / rgyal gyi zla bi'i dkar phyogs dang // nyi mar bsgrubs la yang dag sbyar// rdul ldan gos ni yang dag blang / / thang sku mchog ni bri bar bya// bri bya bkra shis mchog snag tsha// chen po yang dag ldan rnams kyi// sku mdog dkar po drag shul che// phyag gnyis dang ni zhal gcig mchog/ g.yas pa rdo rje 'bar ba ste/ / g.yon pas 'dzag pa'i mgo bo 'dzin// zhabs ni g.yon brkyang rnam 'gyur dang // rin chen cod pan rnam par brgyan// rin chen rgyan rnams yongs su rdzogs// 'od zer 'phreng bas kun tu 'khrigs/ / gsod pa'i bsam pa'i rgyal po ni// 'og gi cha la nges par sbyar// thun mong kha dog yang dag ldan// ji lta'i dbyibs ni rnam par gnas// 'dus byas lhas ni bsgrub par bya// ji ltar 'byor pa'i tshad la ni// de yi mdun du sbyin sreg bya// nges par zur gsum dkyil 'khor la'o// sbyin sreg 'bum gyis re rgyal srid// thob 'gyur 'di ni the tsom med// de nas gzhan yang / zla ba gzas zin dus su ste/ / gal te nyi ma la blta bya// dur khrod thal ba yang dag blangs// gzugs brnyan bya ba brtul zhugs can// shrI kI rA dzi sha lnga dang // nim pa d+ha du ra lo mas// mkhas pa cho ga 'di yis gcig tu byas te gzugs brnyan bya/ / sku mdog sngon po drag shul che// phyag gnyis dang ni zhal gcig pa// ma he la bzhugs rnam 'gyur zhal// rdo rje dang ni thod pa 'dzin// bsgrubs te sku gzugs rang bzhin la/ / mchod pa byas na slar yang ni// rgyun du hrIHSh+T+rIHla sogs sngags// 'bum phrag bzlas te mnyes par bya// sde bcas g.yog 'khor bcas pa yi// rgyal po che ge gzhom bya ste// bzlas par bum gyi bdag rnal 'byor/ / byas nas 'bum phrag khyad par las// mchod pa'i las ni yang dag ldan// bzlas pas sbyin sreg cho ga 'dis// sems can don mchog blo dang ldan// rgyal srid thob 'gyur the tsom med/ / de nas gzhan yang bkra shis kyi ras la rdo ba'i nam mkha'i chu yis zla mtshan gyi gos bkrus te/ thang sku mngon par bri bar bya'o// zhal gcig pa dang phyag gnyis pa// sku mdog nag po 'jigs rung ba/ / dbu skra 'bur ba yang dag ldan// mgo bos 'phreng ba rab tu 'byang // gri gug dang ni thod pa phyag/ ma he'i steng du bri bar bya// de ni sgom pa brtsam byas te// dgra yi mdun du rnam par sgom/ / gri gug gis ni gcad byas te// tshil dang zhag rnams 'thung ba dang // rgyu ma rnams dang 'jim pa dang // khrag ni mang po 'thung bar byed// 'bum phrag tsam gyis bkur bar 'gyur// yang na rma yis snying khar gzir// de nas gzhan yang mi'i rus pa sor bzhi pa blangs la/ hrIHSh+T+rIHla sogs pa'i sngags nang du spel ba dgra bo'i sgor mnan pa byas na/ gal te brgya byin dang mtshungs pa'ang 'khor dang bcas pa skrod par 'gyur ro/ / gcig pu skye bos dben par 'dug ste/ rje btsun gyi thang sku bkram nas// phyogs bcu na bzhugs pa'i sangs rgyas dang byang chub sems dpa' rnams mdun du byas nas/ me'i rus pa bcad pa'i khrag chen po dang bsres pa'i bya rog gi khrag gas sor bcu gnyis pa'i tshad/ rtsibs bcu gnyis pa'i 'khor lo las sa bon bcu gnyis dang de nyid du dgra bo'i ming dbus su spel la/ tsheg drag dang bcas pa'i kha sbyar ba tha yig gsum gyis phyi rol du bskor ba bya rog gi mgrin par btags te/ gal te 'bab chu la bsgyur na de'i tshe 'khrug par 'gyur ro/ / de kho na ltar sa bon bcu gnyis bri bar bya ste/ phaT phaT hUM hA na na tA kr-i bi Sh+T+rIHhrIHoM/ ji ltar 'byor pas phud mchod nas// stobs po che yi bdug pa phul// gal te 'bab chu la bsgyur na de'i tshe 'khrug par 'gyur ro/ / gal te ma gyur na bya rog gi gsheg pa la lan bdun mngon par bsngags pa byas nas/ dgra bo'i sgo nang du ming dang spel ba ni 'phral du 'khor dang bcas pa skrod par byed do// de kho na ltar / rtsibs bcu gnyis pa'i 'khor lo'i dbus su tsha ba gsum dang / dug dang / ske tshe rnams rus pa chen po'i 'dri smug gis me'i sa bon gyi dbus su tsheg drag dang bcas pa'i g+haHyig gnyis kha sbyar ba'i tha yig gsum gyis phyi rol du bskor ba'i me'i bud shing gi me la gdung bar bya ste/ de'i skad cig la bu dang / chung ma dang / g.yog 'khor dang bcas pa 'chi bar 'gyur ro// de bzhin gshegs pa thams cad kyi sku dang / gsung dang / thugs gshin rje gshed dmar po'i rgyud las/ rgyal srid kyi le'u ste lnga pa'o// / de nas pha rol sde rnams 'joms// 'di las yang dag rab bshad bya// bram ze ma yi rdul gos la/ / rgyal dang nyims yang dag brtsam/ ma he'i zhal gyi thang sku bri// brgya phrag phyag ni rab gsal ba// de ni phyag mtshon rnon po ba rnams// thams cad du ni bri bar bya// thang sku dkar po bri bya ste// pad+ma dkar pos mchod par bya/ / sngags kyi bzlas pa 'bum phrag rnams// byas te de bzhin pad+ma slar// thang sku bkram pa mngon phyogs par// ba dan steng du 'dzin pa ni// rkang gnyis rkang bzhi la sogs pa// skye bo rnam kyis mthong 'gyur gang / / de nas thams cad gdong gzhan 'gro// seng ge mthong ba'i glang po bzhin// de nas gzhan yang / tshangs pa'i sa bon mar khu che// ku dA ra ts+tshin gyis ldan pa// rnga mo'i gcin gyis yang dag ldan/ / ril bu bya'o brtul zhugs can// rang sde gdong par thig le byas// pha rol sde rnams rnam par 'joms// a Sha ka shing rtsar song ste// brgyad pa'am yang na bcu bzhi la// thun gsum du ni zla ba gcig / sngon bsnyen 'bum phrag gcig byar 'gyur// oM sid+d+hi a nan ta na la hA ri Ni pa ra s+ye n+ya bi nA sha ni hrIHswA hA/ 'di nyid kyis ni 'grub par 'gyur// mthong ba las pha rol gyi sde rnam par 'joms shing gang la bltas pa de 'bros par 'gyur ro/ / de nas gzhan yang / shing gcig rtsa bar phyin nas ni// mchog gi ro la 'dug byas te// g.yas na ral gri 'dzin pa dang // g.yon brkyang ba yi zhal gyis ni// hrIHSh+T+rIHla sogs pa'i sngags mtshan mo mtha' dag bzlas par bya ste/ de'i tshe ral gri yongs su 'phro zhing de'i tshe pha rol gyi sde rnams srung ngo // de bzhin gshegs pa thams cad kyi sku dang // gsung dang // thug gshin rje gshed dmar po'i rgyud las/ pha rol gyi sde rnam par 'joms pa'i le'u ste drug pa'o// / de nas rdo rje 'dzin rgyal pos// mi snang 'grub par rab gsal mdzad// thog mar mi snang ba sgrub pa'i don du/ rnal 'byor pas rgyal dang nyi ma'i nyin mo brtsams shing sngon du yang dag par brtags la 'bum phrag bzlas par bya ste/ de'i drod 'byung bar 'gyur ro// gzas bzung ba'i dus nas paM DA ka ri'i rtsa ba dang / / ro dang / khaM g+ha ri dang / e ra ba Ti'i rtsa ba thams cad gcig tu byas te ri lu byas nas khar bcug na mi mthong bar 'gyur ro// de bzhin du gzhan yang khro dro dang / dzi skri dang / dzi yan ti dang / br-id+d+ha ra ka'i rtsa ba dang thams cad mnyam por gcig tu byas te/ bre ga'i gcin la nyi ma gsum bsgos la ril bu byas nas khar bcang bar bya ste/ mi mthong bar 'gyur ro// de nas gzhan yang gzas bzung ba'i dus na/ ul+lI'i mchu dang / ro dang / d+hu d+hu ra ka na ka hA ya nyid ba Da b+hi'i gcin gcig la yang dag par gzhag ste/ ril bu byas nas khar bcug na mi snang ba'i mchog go/ de nas gnan yang byi ba'i mig dang / / bya rgod kyi mig dang / sa 'og rkyang bas kyang cha mnyam por gcig tu byas pa'i ril bu bshang lam du gzhug par bya ste/ skad cig de las de mi mthong bar 'gro bar byed do// de nas gzhan yang nyi ma'i res la byi ba'i mig rab tu blangs te/ tsi tra ka sngon po'i rtsa ba dang lhan cig bya rgod kyi khrag gis btag par byas te mi snang ba mchog go/ de nas gzhan yang pA shI mAn sa dang / ba la mAn sa dang / ba dur pa la bsnyams te dar gos kyis dkris nas bram ze'i thod pa la me lce'i dreg pa 'chags par bya'o/ / de'i mig sman gyis mig gnyis la byugs na mi mthong bar 'gyur ro// de nas gzhan yang gdol pa'i me tog/ dang / shA tA ba d+ha dang / 'dab bzangs kyi mig rnams ril bu byas te khar bcug na de mis mi mthong bar 'gyur ro// de nas gzhan yang 'dab bzangs blangs la nyi ma bdun gyi bar du dngul chu ma shA ka gcig byas te bza' bar bya'o/ / des blun du gyur pa gang yin pa de dang lhan cig bdag nyid kyi khu bas thig le byas na mi mthong bar 'gyur ro// 'di ni mi snang ba'i rab tu byed pa'o// // mig sman bshad par bya ste/ thog ma re zhig mig sman gyi don du bcom ldan 'das kyi sngags 'bum phrag lnga yongs su bzlas te mig sman bsgrub pa brtsam par bya'o// dung dang / bya rgod dang / kur ra rnams kyi mig blangs te bsnyams nas sa 'og gi sbrang rtsi'i khu bas dang gos kyi sdong bus dreg pa 'chags par 'gyur ro/ / gang gis 'dis mig sman byugs pa tsam gyis sa'i bu ga mthong bar 'gyur ro// skar ma lag la b+hI ha ti dkar po'i rtsa ba dang / dza yan+ti nag po'i rtsa ba dang / ce spyang gi mig bsnyams te sbrang rtsis lhan cig btags nas thig le byas na sa'i bu ga mthong bar 'gyur ro// b+hU ma la ti'i til mar dang bi shang ka ri'i rtsa ba'i khu ba ra dza dang bcas pas/ dar gos la gzhon nu mas byas pa'i srad bus dkris nas sdong bu byas te/ mi'i thod pa la dreg pa 'chags par byas la/ mig sman byas na nges par gter mthong bar 'gyur ro/ / de nas gzhan yang rgyal gyi zla ba dang skar ma snrubs la zla mtshan gyi gos blangs te/ brgyad pa 'am bcu bzhi pa la rdo rje tsartsi kA'i thang sku mngon par bris la/ mchod pa chen po byas nas mtshan mo 'bum phrag gcig bzlas na nges par rmi lam gyi gter mthong bar 'gyur ro/ / de nas gzhan yang shing nim pa'i rtser song ste/ brgyad pa 'am bcu bzhi pa la zang sku'i mdun du tsartsi kA bsams nas/ ce spyang gi mgo'i steng du khri phrag bzlas na tsartsi kA drung du longs nas bdag gis ci bya 'dri bar 'gyur zhing / sgrub pa pos bdag la mig sman gyi grub pa rab tu stsol ces pa dang / bdag la ro'i bcud len bas ces brjod par bya'o/ / ge'u wang dang / ce spyang gi mig dang / dngul chu dang / shing ta la'i khu ba dang / sbrang rtsi mnyam pa rnams mkhas pas ril bu bya'o// 'dis mig sman byas pa'i mig ni sa'i bu ga mthong bar 'gyur ro/ / ce spyang gi mig dang / bya rog gi mig dang / ku ra ri'i ni de kho na ltar g.yon pas g.yon pa dang / g.yas pas g.yas pa bzung ste/ til mar chen pos dreg pa 'chags par bya'o// 'dis mig sman byas pa'i mig ni sa'i bu ga mthong bar 'gyur ro// de nas gnan yang gi'u wang dang / mi'i mkhris pa dang // ka bur gyi dngul dang / de bzhin du ba rang byin nas btag par bya'o// 'dis mig sman byas na sa'i bu ga mthong bar 'gyur ro/ / de nas gzhan yang / grub pa sna tshogs gnas kyi don// nor dang 'bru sogs phun sum tshogs// lcags brgyad 'joms shing nam mkha' la// spyod pa nyid kyang ster bar 'gyur/ / sngon du bsnyen pa'i don du sngags 'bum phrag gcig bzlas nas dngul chu'i sgrub thabs brtsam par bya'o// thog mar dngul chu blangs te/ tsi tra ka dmar po'i khu bas bsgyur bar bya'o/ / de'i rjes la zangs kyi phye ma dang gser gyi phye ma byin nas/ Sha DA ka'i khu bas bzhi cha tshad kyi nor bu bya'o// glang po che'i sha dang ldong ros kyis mnyam por btags te kong bu kha sbyar gyi nang du radza byin nas bsro bar bya'o/ / gong bur gyur pa phye mar byas nas/ ra ti'i tshad kyis zangs 'joms shing gser dang mtshungs par 'gyur ro// ro 'di dag til mar chen pos bsnur nas/ lgang tsher dang mu zis til mar chen po nyi ma gsum btso bar bya ste/ ji srid slar gong bur gyur gyi bar du'o// sbrang rtsi dang lhan cig cung zad zos pa las skyes bu lo stong phrag tu 'tsho bar 'gyur la/ dngul bcos nas gser du 'gyur ro/ / gzhan yang swA hA sa'i khu ba byin nas 'dul chu bsnur bar bya ste/ jidzaM srid gong bur gyur gyi bar du'o// shwa tA la dang / 'dzam b+hi'i ri'i khu ba dang / shA kha~M rdza ka'i 'bras bu'i shun pa so sor mnyam por byin nas kong bu'i nang du bana' ste/ de nyid kyis rab tu byug par bya zhing bskams la byi nas kong bur bsreg par bya ste/ myur du gong bu'i tshad du 'gyur ro// gnyis kyi tshad kyis nyi ma nyi shu rtsa gcig ji srid par lo ma dang skyur po spangs shing thams cad du bud med bsten pa'ang spang bar bya ste/ skyes bu lo stong phrag bcu gnyis su 'tsho zhing mkha' la spyod pa nyid thob par 'gyur ro/ / ba gaM bcom nas dngul chur 'gyur ro// de nas gzhan yang ran dzA ni la'i khubs su ba hA mA kI dang paSh+Ti sA ra ta'i rtsa ba mnye bar bya ste/ lgang tsher dang / na ra Sho Ni'i khu ba so gong du bya'o/ / kong bu'i nang du bzhag nas pa ri'i tal mar la sbyar nas mnye bar bya ste/ zla ba drug gis gong bur 'gyur zhing / byugs na lcags brgyad rnams nges par gser du 'gyur la/ bos pas mkha' la spyod pa nyid thob par 'gyur ro/ / mthong ba dang reg pa tsam gyis lo lnga brgya rnams su 'tsho bar 'gyur ro// de nas gzhan yang dngul chu ku ma ri'i khu bas bskur bar bya ste/ so ma la ta dang / pa lA shi'i rtsa ba dang / nA gA ke sha ri'i shun pa dang / btsag dang / ka b+hI ni nyid dang / de bzhin du slar ba Di'i 'o ma dang mnyam pos bsro bar bya ste// thun gnyis kyis gong bur 'gyur ro// cung zad zos pa tsam gyi nges par sa gsum du 'gro bar byed cing / ra ti tsam gyis nges par zangs srang gser du 'gyur ro// de nas gzhan yang dngul chu shI kha Na Ta so dz+ra'i 'o mas cung zad mnyes te/ mu zi dang zangs kyi snod du 'dzam b+ha ra'i khu bas mnye zhing zhi 'od la bskam par bya'o/ / gong bur gyur pa kong bu'i nang du bzhag ste/ thun gnyis su bsro bar bya'o// su ki ti'i kong bur bcug la ra ti'i tshad kyis dbug par bya ste/ zangs bcom nas gser du 'gyur ro// lus kyi yang gnyer ma dang skra dkar spong zhing phan par 'gyur ro// de nas gzhan yang dngul chu ba la'i rtsa bar bskur bar bya zhing / slar yang gdol pa'i me tos gi khu bas bsnur bar bya'o/ / slar yang skan tsa ka dang ba ha ri'i khu ba la bsnur bar bya'o// de'i rjes la ra ti'i tshad kyi gser gyi phye ma byin nas gong bur bya'o// 'dab ma bdun pa'i kong bu'i nang du kun dzA ri'i rkang pa'i tshad kyi dum du byin na gong bur 'gyur ro/ / de blangs te ra ti'i tshad kyis mangs 'joms shing gser du 'gyur ro// lus la'ang ra ti'i tshad kyis skyon gsum 'phrog par 'gyur ro/ / gcong nang la'ang 'tsho ba dang rnal 'byor pa chen por 'gyur ro// zos pa tsam gyis rgyang grangs su 'gro bar byed do// de nas gzhan yang dngul chu snod du bzhag ste/ rdo ba'i gzhi la bsnur zhing / tri hr-i'i rtsa ba dang / ka ran dza dang / pA tha'i rtsa bas bsgyur bar byA/ grong bu byas nas kong su'i nang du bzhag ste mtshan mo mtha' dag par bsro bar bya'o// de nas rdzogs par 'dus byas te/ ra ti'i tshad kyis cho ga la zangs 'joms pa dang / bos na ra ti'i tshod kyis skra dkar dang gnyer ma spong bar 'gyur ro// zla ba drug gi rab tu sbyor ba las/ lo stong phrag rnams su 'tsho bar 'gyur ro/ / de nas gzhan yang rab tu sbyor ba nyid de/ dngul chu srang gcig blangs nas shring ga be ra'i khu bas bsnur bar bya'o// lgang tsher dang gser cung zad dang ldan/ pa shring gi dmar po dang mnyam pos ga DA ya'i khu ba blangs te/ nges par zhag bcu gnyis rnams so// de'i rjes la kong bu'i nang du bzhag ste bsro bar bya'o// kun+di'i rka ma'i tshad las de nas blangs ter ti'i tshad kyis yang dag par blangs la gzhug par bya ste/ zangs ma lus bcom nas nges par gser du 'gyur ro// zos na mkha' la spyod pa nyid thob cing ring du 'tsho bar the tsom med do// gnod sbyin dang mi'am ci'i bdag po rnams kyis bsten cing gshin rje'i 'jig rten rnams su 'gro bar mi 'gyur ro/ / de nas gzhan yang lgang tsher nag po srang gcig dang / b+ha ka dang / par+N+Na dang / dngul chu dang ldan pa rnams kyis zla ba phyed du sbyar te/ rtsi bo che dang ro mnyam du byas pa za ba'i tshad kyis chu grang mo dang yang dag par ldan par bza' bar bya ste/ zla ba sbyor ba'i rnal 'byor pas bdag nyid rgas pa dang 'chi ba med par 'gyur ro/ / de nas gzhan yang lcags tsam srang gang blangs te/ ra gan phye mar byas te/ ka shi'i khu bas mnyam par ldan pa me lce'i 'od zer la bskam par bya'o// dngul chu dang mu zi rnams der bzhi cha'i tshad sbyar b.las/ kak+ko la dang yi shi bya ma rnams phyed dang gnyis snga ma'i tshad las te/ thams cad gcig tu byas la rdo ba'i gzhi la lcags bskur bar bya'o// gsar kong bur bzhag nas bsro bar bya'o// de nas grangs te lcags chen po zla ba'i tshad kyis bza' bar bya ste/ skra dkar dang gnyer ma rnams 'joms shing rgas pa dang 'chi ba med par byed do// de bzhin gshegs pa thams cad kyi sku dang / gsung dang / thugs gshin rje gshed dmar po'i rgyud las/ mi snang ba la sogs kyi le'u bdun pa'o// // de nas rdo rje 'dzin rgyal po/ grib ma 'phrog pa'i rab tu dbye ba gsungs pa/ rkang gnyis dang rkang bzhi pa rnams kyi dgra bo cher gcod pa'i phyir rab tu sbyor ba 'di brjod par bya'o/ / thog mar re zhig sems can thams cad rmongs par bya ba'i phyir dpa' bo bshin rje gshed bsgom par bya ste/ rang khyim rnams sam mtshan mo'i dus/ stag lpags gdan la 'dug byas te/ / zhal gcig dmar po mi bzad pa// zhags pa dang ni lcags kyu 'dzin// rol bzhugs pa drag shul che// spyan gsum shin tu 'jigs rung ba// thams cad rmongs par byed pa'i lha// mi bzad pa yin stag 'phro/ / 'di ltar bsams nas 'bum phrag bzlas// phyi nas cho ga kun spyod pa// ka na bI ra dkar rtsa ba// de bzhin nan Da dmar rtsa ba// sbal pa'i khrag gis bskur byas te// thig le bcang bya brtul zhugs can// gang kaM grib ma 'phrog byed pa/ / rkang pa de yang rmongs pas 'thob// rkang gnyis rkang bzhi thams cad ni/ rmongs par 'gyur bar the tsom med// nyam rengs dang dkar phyogs la// srin bu lto ba nas skyugs pa// rab tu 'bad pas de blang ste/ / ra co yos ni thig le bya// dpral bar thig le byin byas pa// gang gi grib ma 'phrog par byed// nges par rmongs pa thob par 'gyur// 'o ma rnams kyis rab bkrus dge/ dan tA ro ha u dai ra b+h+rUM'i// rtsa ba 'di rnams skam mnyam par/ / bya rob khrag gis bsgyur nas ni// thig le bya'o brtul zhugs can// thig le 'di yi byin rlabs kyis// lga yang rab tu spyod par byed// nges par som 'i mi bya ste// bya ba la yang rmongs par 'gyur/ / de bzhin rab tu sbyor ba gzhan yang ra sa shrI ga~M ku thA ri// maNI na ga pa tINI de bzhin// 'di rnams kun gyi sha bcas pa// ril bu bya'o brtul zhugs can// nam mkhar rdo ba'i chu nyid kyis// spyi bor thig le bcang bar bya/ / nges par reg ste gdong bltas na// mi ni khrag tu skyug par byed// kA ka mi rtsi sbrang rtsi dkar// khu byug dkar po'i mig gis ni// nam mkha' chu dang mnyam par ldan// spyi bo la ni thig le bya// thig le 'di yi byin rlabs kyis// dgra bo rnams ni dbang du 'gyur// gang du phyag ni 'tshal byed pa// de rnams nges par rmongs par 'gyur// de nas gzhan yang rab tu sbyor ba yin te// sbrul nag po yi lce dang ni// de bzhin sre mo'i lce nyid dang / / byi ba'i mkhris pa yang dag bsres// khri phrag lnga yi ril bu rnams// thig le 'di yi byin rlabs kyis// dgra bo bran du byed par 'gyur// ma rungs 'khor dang bcas pa yi// rgyal po rmongs par byed par 'gyur/ / de nas gzhan yang rab tu sbyar ba yin te/ 'chi med rtsa ba'i sA ti ka/ de bzhin pa gu DA pa la// 'di rnams mnyam po'i cha yis kyang // ril bu bya'o mkhas pa yis// thig le 'di yis yang dag bzung / / 'jig rten gsum po rmongs par 'gyur// kha yis bdud rtsi blang byas te// g.yon pa'i ming med kyis kyang ni// 'di ni ril bu byin gyis brlab pa'i sngags te/ oM ma hA yak+Sha se na a d+hi pa / taye ma hA dur dan+ta da ma kA ya/ nA sha ya nA sha ya/ bi drA pa ya bi drA pa ya/ hUM hUM sarba duSh+TA na phaT/ de bzhin gshegs pa thams cad kyi sku dang / gsung dang / thugs gshin rje gshed dmar po'i rgyud las le'u ste / brgyad pa'o// / 'di ni bcom ldan 'das kyis ro langs la sogs pa'i sgrub thabs gsungs te/ oM hrIHdza a pa rA dzi taH/ oM hUM dzAHa dzaM ta/ oM hU dzaHpu ra NaH/ oM hUM dzaHoM pU ra Na / oM shu dzaSh+pa sa na a d+hi pa ti/ oM ru dzaHku le shwa ra/ oM du dzaHbud+d+he shwa raH/ oM aM dzaHki ka ra uSh+ka maHzhes pa 'di rnams 'byung po'o bdag po chen po rnams so// gzhan gyis mi thub pa'i sgrub thabs ni/ dpal rdo rje dbyug pa 'dzin pa'i mdun du 'bum phrag bzlas par bya ste/ mngon du bsnyen par 'gyur ro// de nas zla ba nyal mchod pa chen po byas nas/ zho dang / bu ram dang / 'o ma sbyar ba'i zas dkar po rnams kyis ji ltar gsungs pa'i mchod pa bya'o/ / gu gul gyi dud pa byin nas mtshan mo mtha' dag bzlas par bya'o// nges par tho rangs 'ong bar 'gyur te/ gal te 'ong bar ma gyur na skad cig de la 'chi bar 'gyur ro// 'ongs nas kyang bdag gis ci bya zhes stsal du gsol/ sgrub pa pos bdag gi bran du mdzod ces smra bar bya'o// de nas brtsams te ci bya ba'i las rnams bya ste/ rig pa 'dzin pa'i rgyal srid kyang ster ba dang / dgra rnams tshar gcod par byed do// lha mo ri bong can blangs te ster bar byed cing rgyab tu khur te lha'i 'jig rten du 'gro ba dang / brgya byin nyid ster bar byed do// bskal pa bdun du 'tsho bar byed par 'gyur ro// de nas mi thub pa'i sgrub thabs 'di yin te/ mtshan mo mchod rten gyi mdun du 'dug ste/ zhag bdun du stong phrag brgyad bzlas par bya'o// zhag brgyad pa la mchod pa chen po byas nas gtor ma phul te gu gul gyi dud pa dbul zhing bzlas par bya'o// bzlas pa na nges par 'ong bar 'gyur ro// kye sgrub pa po bdag gis ci bya zhes so// sgrub pa po bdag gis ci bya ba khyod mkhyen no zhes smra bar bya'o// de nas brtsams nas ci bya ba'i las rnams byed do// slar yang rgyal srid ster ro/ / lo stong phrag tu 'tsho bar 'gyur ro// ji srid 'tsho ba'i bar du ci bya ba'i las rnams byed do// che ge 'tsho bar gyis shig ces pa dang / che ge 'chi bar gyis ces pa thams cad byed do// de nas gsang ba'i sgrub thabs yin te/ rdo rje 'dzin pa khang par song ste/ nyi ma bdun du stong phrag brgyad bzlas par bya'o// nyi ma brgyad pa la mchod pa chen po byas nas zan zho dkar po ji ltar gsungs pa / dbul bar bya'o// mtshan phyed pa de ji srid pa de srid du bzlas par bya'o// ji srid mtshan phyed pa de nas rang nyid 'ong bar 'gyur ro// me tog gi mchod yon dbul bar bya ste/ mnyes par gyur na rgyal srid ster zhing bsam pa thams cad yongs su rdzogs par byed do/ / de nas kun tu gsang ba'i sgrub thabs yin te/ gdung dang bcas pa'i mchod rten gyi drung du khri phrag bzlas par bya ste/ sngon du bsnyen par 'gyur ro/ / de nas zla ba nye ba la ji ltar 'byor pa'i mchod pa byas nas mtshan phyed pa ji srid pa de srid du bzlas par bya'o// de nas mtshan phyed na myur du 'ong zhing / 'ongs nas mdun du gnas te/ kye mnyes gshin ci byed ces smra bar byed do// sgrub pa pos bdag gis ci bya ba khyod mkhyen ces brjod par bya'o// de nas brtsams te ci bya ba'i las rnams byed do// gnod sbyin gyi bu mo mchog bkug nas ster bar byed do/ / 'dod ldan gyi mchog ston mo ster bar byed do// nyi ma so sor bza' ba dang / gos zung dang / dI nA ri lnga rnams rab tu ster ro// lo lnga brgya rnams 'tsho bar byed do// de nas dur khrod bdag po'i sgrub thabs yin te/ mtshan mo dur khrod du song nas nyi ma bdun du stong phrag brgyad bzlas par byed do// nyi ma brgyad pa la nya dang / sha dang / til dang / dzam bu li ka dang / zan dkar po dang / zho dang / bu ram dang / bdug pa dang / 'bras bu ji ltar gsungs pa'i nye bar mkho ba rnams kyi gtor ma dbul bar bya'o// gu gul gyi bdug pa dbul bar bya'o// mtshan phyed pa srid pa de srid du bzlas pa bya'o/ / de nas mtshan phyed nas ha ha'i sgra thos par byed de/ de la 'jigs par mi bya'o// 'khor dang bcas pa tshogs kyis yongs su bskor nas 'ong bar 'gyur ro// 'ongs pa na mchod pa dbul zhing mnyes par gyur na/ 'byung po thams cad bran du 'gyur ro// nyi ma nyi mar rI nA ra brgyad rnams rab tu skar bar byed do// dgra thams cad 'joms par 'gyur ro// lo stong phrag 'tsho bar 'gyur ro/ / de nas rigs kyi dbang phyug gi sgrub thabs yin te/ lha'i gnas su song ste/ dri dang ldan pa'i me tog dmar po dang gu gul gyi bdug pa byin nas khri phrag bzlas par bya ste/ sngon du bsnyen par 'gyur ro// nag po'i phyogs la mtshan mor nya dang / sha dang / til dang / 'dzam bu li ka dang / bza' ba dmar po'i cho ga gtor ma bzhin dbul bar bya'o// tu ru ka'i bdug pa byin nas ji srid mtshan phyed kyi bar du bzlas par bya'o/ / de nas 'bar ba chen po zab cing 'jigs pa'i gzugs kyis 'ong bar 'gyur te/ de la 'jigs par mi bya'o// mnyes gshin ci byed ces smra bar byed do/ / sgrub pa pos bdag gis ci bya ba khyod mkhyen ces pa brjod par bya'o// de nas ji srid 'tsho'i bar du ci bya ba'i las rnams byed do// nyi ma nyi mar thun gsum du dAM nA ra lnga ster ro// 'dod pa'i lha rdzas kyi ston mo ster ro// lo lnga brgya 'tsho bar byed do// de nas 'byung po dbang phyug gyi sgrub thabs yin te/ mtshan ma gcig par song ste/ gcig pus zhag gsum du mtshan mor bza' ba kha zas dmar po dang / nya sha dang / til dang / 'dzam bu li ka'i gtor ma dbul bar bya'o// nyi ma gsum pa la rang nyid myur du 'ong zhing mdun du gnas so// de 'di ltar bdag gis ci bya zhes smra'o// sgrub pa pos bdag gis ci bya ba khyod mkhyen ces brjod par bya'o/ / rtag tu rjes su 'breng bar 'gyur te/ nges par lha mo blangs nas ster bar byed do// rang nyid kyis bza' ba dang gos blangs te rnam pa kun tu byed do// lo stong phrag gnyis rnams 'tsho bar byed do/ / de nas po nya mchog gi sgrub thabs yin no// rdo rje 'dzin pa khang par song nas nag po'i bcu bzhi la bzlas pa khri bya'o// nyi ma bdun rnams su sngon du bsnyen par bya'o// de nas sgrub thabs brtsam par bya ste/ / tsan dan gyi maN+Dal byas nas gu gul gyi bdug pa byin la/ zho dang mar dkar po sbyar ba'i zas dang / ku shi'i chun po la nye bar 'dug pas mar gyi mar me rab tu sbar te mtshan mor ji srid mtshan phyed gyur pa de srid bzlas par bya ste/ rang nyid po nya mchog tu 'ong bar 'gyur ro// 'ongs pa na tsan dan gyi chu'i mchod yon sbyin par bya'o// mnyes par gyur na bdag gis ci bya zhes dri'o// sgrub pa pos bdag gis ci bya ba khyod mkhyen ces brjod par bya'o/ / de nas brtsam te ci bya ba'i las rnams byed do// 'dod pa'i 'bras bu thams cad rab tu ster ro// yid la 'dod pa phun sum tshogs par byed do// de nas 'dod pa'i dbang phyug ma sgrub pa ni/ gro ga'i 'dab ma la gi'u wang gis gzugs brnyan bris te/ gcig pu stan la 'dug nas bzlas pa stong phrag bya'o// de nas zla ba'i mthar mchod pa chen po byas nas mar gyi sgron me rab tu sbar te mi smra bar bzlas par bya'o/ / de nas mtshan phyed nas nges par 'ong bar 'gyur ro// 'ongs pa na 'dod pa byas te chung mar 'gyur ro// lha rdzas kyi rgyan dang bza' ba la sogs pa gdan la bzhag ste/ 'gro'o// bud med dang 'grogs pa dor bar bya ste/ gzhan du rnam par 'joms par byed do// de nas ka nas ka ma ti'i sgrub thabs yin te// shing ba Da'i rtsa bar song nas nya dang sha'i gtor mchogs dbul bar byo'o// bdag nyid kyang 'thungs te lhag mas mchod yon sbyin par bya'o// stong phrag gcig bzlas par bya ste/ 'di ltar zhag bdun gyi mtshan mo rang nyid 'ong bar 'gyur ro// rgyan tham cad kyis brgyan pa'i 'khor brgya phrag gsum dang mnyam du 'di rnams mtshan phyed nas nges par 'ong bar 'gyur ro/ / 'ongs pa na 'dod pa byas te chung mar 'gyur ro// skye ba bcu gnyis rnams kyi gos dang / rgyan dang / bza' ba rnams ster ro/ / nyi ma so sor dI nA ra brgyad rnams rab tu ster ro// de nas dga' ma'i sgrub thabs yin te/ ri mo mkhan la gtad la thang sku bri bar bya'o// gser gyi mdog can rgyan thams cad kyis brgyan pa phyag g.yas na ut+pa la can/ dzA ti'i me tog gis mchod par bya'o// gu gul gyi bdug pa byin pa stong phrag brgyad bzlas par bya'o// bzlas pa'i mthar ji ltar 'byor pa'i mchod pa byas nas/ mar gyi sgron me rab tu sbar te/ ji srid mtshan phyed de srid par bzlas pa bya ste/ rang zhid 'ong bar 'gyur ro// 'ongs nas mi smra bar 'dod pa byas te chung mar 'gyur ro// sgrub pa po'i 'khor rnams skyong zhing / lha rdzas kyi 'dod pa dang / ston mo rnams dang / dngul chu'i bcud len rnams ster bar byed do// dI nA ra nyi shu rtsa lnga ster bar byed do// de nas pad+ma ma ni'i sgrub thabs yin te/ rang gi khyim du spyi bo'i gnas su tsan dan gyi maN+Dal byas te/ gu gul gyi bdug pa byin nas stong phrag gcig tshad bzlas par bya'o/ / de nas zla ba nya la ji ltar 'byor pa'i mchod pa byas nas/ ji srid mtshan phyed pa de srid du bzlas pa bya ste nges par 'ong bar 'gyur ro// 'ongs pa na 'dod pa byas te chung mar 'gyur ro/ / lha rdzas kyi 'dod pa rab tu ster zhing / dngul tshur bcur len dang grub pa yis kyang ster bar byed do// de nas ral gcig ma'i sgrub thabs// 'di las yang dag rab bshad bya// gnod sbyin mo rnams bsgrub dus su/ / ral gcig ma ni rnam bsgom bya// zhal gcig phyag ni gnyis pa ste// gri gug thod pa 'dzin pa mo// sku mdog sngon mo 'jigs byed che// b+ha ga'i dkyil 'khor la bsgom bya// shar du 'dzam+b+ha la/ bsam bya// nor 'dzin yang ni lho ru ste// chu dbang nub tu dgod par bya// byang du pi tsi kudz+wA la/ e la sogs pa'i zur du yang // gnod sbyin mo bzhi rnam sgom pa// kuN+Da la ba tI nI ro ha~M/ mdzes mchogs dgod par de nas sgo skyong bsam bya ste/ / dbyug pa la sogs mtha' dag las// ji ltar snga ma'i 'khor lo mthong // de ltar kha dog rab sbyar bya// thams cad gtso bo'i mtshan ma 'dzin// slar yang phyi nas sngags bzlas oM e ka dza Ti ba su sA d+ha nI swA hA/ de nas puk+ka sI'i sgrub thabs// 'di las yang dag rab bshad bya// skad cig gang gis bsgoms tsam gyis// 'jig rten gsum po puk+ka sIr// sku mdog sar skya zhal bzhi pa/ / phyag bzhi bong bu la zhon pa// bsgom bya puk+ka sI yi la// bya rog tho ba mnga' dang ni// gzhu rnams bsgom bya brtul zhugs can// sngabs bzlas par bya ste/ oM puk+ka sI oM/ de nas 'di la 'jam dpal rdo rje yis/ / sgrub thabs yang dag rab bshad bya// 'jam pa'i rdo rje'i dkyil 'khor sgrub pa las skad cig las mi mthong bar 'gyur ro// de bzhin gshegs pa thams cad kyi sku dang / gsung dang / thugs rdo rje gshin rje gshed dmar po'i rgyud las/ gnod sbyin mo sgrub pa'i thabs kyi le'u ste dgu pa'o// / de nas rdo rje 'dzin rgyal pos// zhal ba slong bar byed pa dang sbrul gyis so btab la sogs pa/ / srung ba'i gsang sngags la gsungs pa// 'bum phrag bzhi ni bzlas pa yis// don grub sa bon bsags rnams kyis// nyal ba slong bar byed pa dang / / 'tsho bar yang ni the tsom med// zhi ba gshin rje gshed dkar po// rtag tu rnal 'byor rig rnams sbom// phyag tu don grub sa bon rnams// 'bum phrag bzhir ni bzlas par bya// sos btab yang dang kha bltas te/ / zhungs kar gyis ni brab par bya// gal te gang gis bzung ba yang // the tsom med par ldang bar 'gyur// hUM yig kha dog dkar po ni// bsgrub bya'i snying khar bsam bya ste// hrIHSh+T+rIHla sogs sngags bzlas shing / / 'od zer rnams kyis dug dgug bya// phyag g.yas de bzhin g.yon pa la// 'dab brgyad pad+ma dgod par bya// de dbus su yang hUM yig gi/ 'od zer rnams kyis bdud rtsi 'dzag de nyid kyis ni spyi bor spang / / 'od dkar dkyil 'khor la dbus su// mkhas pas ha yig bsam par bya// de nas hrIHSh+T+r-iHla sogs sngags// byugs pas dug ni dgug par bya// oM hrIHphaHhUMH puphuHyig/ sngags kyis spyi bo nas brtsams te// rkang mthar bya ba bya sngags bzlas kyis// bdud rtsi char pa bsgom bya ste// 'tsho bar yang ni the tshom med// sa bon yi ga rdzogs pa ni// 'dzin pa bcings pa'i mchog yin no/ / kha dog ser po yang dag byung // sos btab gnas la nges par sgom// oM yig dang po tsheg drag mtha'// cho ga nges sbyar ba tha dag/ dug gi bya bas bcings pa la// sbyor ba rnams kyis bcings pa la/ / spyi bor gser 'joms legs par rtogs// de ltar gzhan rnams kyang g.yan pa dang / phol mig dang / dmu chu la sogs pa gos pa legs par char gcod pa'i rab tu sbyor ba mang pos kyang ngo / / de nas rdo rje 'dzin rgyal pos// srung ba'i 'khor lo rab sbyor mdzad// bgegs dang log 'dren gdug pa rnams/ dgug pa'i don phyir yang gsungs pa// bdag ni dpal ldan rdo rje 'dzin/ / srung ba'i 'khor lo rab sbyor las// 'bar ba'i sku dang dbyug pa yis// lus gsum las skyes dgas par bya// skyob pa sangs rgyas rnams kun gyi// lha mo khyod ni dbang por gyur// slob dpon gshin rje 'joms dkyil 'khor// bdag ni dkyil 'khor bri bar bgyi// gos kyis gdong pa bcings nas ni// dkyil 'khor khang pa'i nang bzhag nas// kye khyod su zhes brjod bya ste/ bdag skal bzang zhes smra bar bya// blo bzang yol ba nad byas nas// bla ma mchog la gsol btab bya// dbang bskur don du gus chen gyis// mgon po'i rjes su gsum brjod bya// ji ltar sangs rgyas chos chen gyis/ / rdo rje sems dpa' dbang skur las// bdag la mgon pos yang dag dbang // mchog kyang bdag la stsal du gsol// gru dang rol mo de bzhin mchod// mchod yon zhabs bsil de bzhin nyid/ / slob mas mchod pa la dbul bya// yang na der ni bstod pa bya// de nas rdo rje 'dzin rgyal po// stong nyid yang dag gsung bar mdzad// oM shU n+ya tA dz+nyA na badz+ra swa b+hA ba At+ma kohaM/ oM pUr+Na badz+ra swa b+hA ba At+ma kohaM/ oM d+harma d+hA tu swa b+hA ba At+ma koha/ de nas sbyin sreg rab bshad bya// zhi ba la sogs rab dbye las// gang gis sbyin sreg gis 'grub 'gyur/ las kun ra/ tu sgrub pa po'i// zhi ba'i sems kyis zhi ba la// rgyas pa'i sems kyis rgyas pa la// rab dga'i sems kyis dbang la nyid// drag po yis ni gsod pa la'o// zlum po rnam pa zhi ba ste// rdzing bu rnam pa rgyas pa la'o// dbang la zla ba phyed par brjod// mkha' khams mdog can gsad pa la'o// zhi ba la ni khru gang yin// de bzhin khru gnyis rgyas pa la'o// ji ltar rgyas pa de bzhin dbang // sor mo nyi shu gsad pa la'o// khru phyed brtsigs pa zhi ba la/ / rgyas pa la ni khru gang ngo // lnga gnyis gsad pa la bya ste// ji ltar dgug pa de bzhin dbang // zhi ba'i sbyin sreg tshes gcig la// zla ba nya kha rgyas pa ste// bcu bzhi pa la mngon spyod do// brgyad pa la ni dbang gi las// shel dang nya phyis zhi ba la// mu tig 'bras bu rab bsngags te// dung dang po de tsi ta dang // nad med pa la mi rus so// tsan dan dmar pos bsgos pa yis/ byu ru yis ni khyad par las/ / drag mig lus thang de bzhin du/ ma rus nA ga pa tsi yi// brgya phrag gcig ni zhi ba la// de bzhin brgyad lhag rgyas pa la// dbang dang dgug pa nyi shu lnga// drug cu rtsa bzhi mngon spyod la'o// brgya phyed sngags kyis bsgrub pa la'o/ / ril bu brgyu bar bya sngags la// 'breng ba rnams ni thams cad kyi// de bzhin lhun po gnyis brgyu bya// zhi ba mdzub mo la bzhag ste// gung mo la ni rgyas pa'o// dbang dang dgug pa ming med la/ / tshar bcad pa ni mthe'u chung la'o// kha dog dkar po zhi ba la// kha dog ser po rgyas pa la// dbang la dmar po rtag bsam bya// nges par gsod la nag po 'dod// de bzhin gshegs pa thams cad kyi sku dang / gsung dang / thugs rdo rje gshin rje gshed dmar po'i rgyud las/ sbyin sreg gi cho gi'i le'u ste bcu pa'o// / rnal 'byor bzhi dang ldan pa'i rnal 'byor pa'i sna tshogs pa'i bza' ba dang / ston mo dang / myang ba dang / bldag pa dang / btung ba la sogs pa yang dag par ldan pa'i dri dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / dril bu dang / ba dan la sogs papa rnams kyis yang dag par gang ba'i rol mo'i sgra chen po lnga bsgom par bya ste/ mdun du gtor ma'i snod sgyogs sam zangs gnong gi nang du bza' ba tsam dang bcas pa'i chu khyor ba gsum ji ltar rnyed pa'i dam tshig gi rdzas dang ldan pa bzhag la/ de rab tu gsal bar drung du bzhag la bsgom pa brtsam par bya'o// nam mkha'i dbyings su pad+ma 'dab ma brgyad pa ze ba dang bcas pa bsgom par bya'o// ze 'bru la yaM yi ges rlung gi dkyil 'khor kha dog sngon po gzhu'i dbyibs can/ mtha' gnyis su g.yo ba'i ba dan dang rgyal mtshan brgyad kyis brgyan pa'o// de'i steng du ra yig dmar po las skyes pa'i me'i dkyil 'khor gru gsum pa dmar po zur gsum la raM yi ga gis mtshan pa'o/ / de'i steng du ru yig gsum yongs su gyur pa las/ mgo bo gsum gyi sgyed bu la gnas pa'i aHyig dmar po las skyes pa'i pad+ma'i snod phyi dkar la nang dmar ba'o// der pad+ma 'dab ma brgyad pa'i rnam pa bsam par bya'o// de la shar la sogs pa'i 'dab ma la/ pU a dz+ri khaM hUM gi yi ges rnam par snang mdzad la sogs pa'i rang bzhin rnams dang / de bzhin du me la sogs pa'i phur du/ lAM mAM pA tAM bAM gi yi ges spyan ma la sogs pa'i rang bzhin rnams bsam par bya zhing // yi ge bcu po 'di rnams yongs su gyur pa las go ku da ha na rnams dang / bI ra shu mA mu zhes pa 'di rnams kyi yi ge rnams kyis mtshan pa'i dam tshig gi rdzas bcu po 'di rnams pad+ma'i snod du blta bar bya'o/ / de'i steng du oM yig kha dog dkar po des pa kab pa'i rang bzhin bsam la/ oM yig las skas pa'i zla ba'i dkyil 'khor ro/ / de'i steng du hUM yig dkar po las byung ba'i dbyug pa de'i sa bon gyis mtshan pa blta bar bya'o// de nas slar pad+ma'i snod las 'og gi spyad bu la/ oM AHhUM lan bdun bzlas shing brjod la bsgoms te/ snga ma par ma chad par rlung gi dkyil 'khor bskyod de/ me'i dkyil 'khor rab tu 'bar bas gdungs shing bskol te sbar bas 'bar ba'i gong bu la sogs pa dam tshig gi rdzas bcu'i rang bzhin mtha' dag zhu bas/ rdo rje'i dbyug pas dkrug pa blta bar bya'o// de nas slar rdo rje'i dbyug pa zhu bar gyur te/ bdud rtsi nyi ma 'char ka'i mdog lta bu dngul chu'i rnam pa bsam par bya'o// de las slar oM a hUM gi yi ge gsum las 'thon pa'i 'od zer gyi tshogs rnams kyis khams gsum ma lus pa na gnas pa'i bdud rtsi shin tu mang bar blangs par sgom zhing / de nyid rab tu gzhug par bya'o// de nyid rab tu bcud pal mkhor rnam pa shin tu gsal ba'i tshogs bsil ba'i sbrang rtsi 'dus pa'i gzugs su brtan par bya zhing / phyi nas yi ge gsum gyis byin gyis brlab par bya'o// kha dog dri ro phun sum tshogs// dri med ston ka'i zla ba'i 'od/ / ye shes bdud rtsir rab sbyor gyis// 'bad nas gtor ma rdzogs byas te// gshin rje gshed kyi gzugs 'dzin pa'i sngags pa khro bo phyag na zhags pa dang lcags kyu 'dzin pa spros nas// phyogs skyong rnams kyi snying la khrugs kyus bug cing / mgul pa la zhags pas bcings te bkug par bsam par bya'o// de nas oM hrIHSh+T+rIHwi kr-i tA na na hUM hUM phaT phaT duSh+Ta in+d+ra sa pa ri wA ra A kaR+Sha ya dza/ sngags 'dis mig stong pa dkar ser glang po che dkar po'i gdan la g.yas pa dang cig shos na rdo rje dang sdigs mdzub mdzad pa bkug ste shar du gzhag par bya'o// sngags de nyid kyis nye dbang mkha' lding gi gdan la/ rin po che'i cod pan can g.yas na khe con dang 'khor lo 'dzin pa/ g.yon na dung dang kau s+thA b+ha 'dzin pa/ de nyid kyi g.yon du ha cang mi ring bar gzhag par bya'o// yang de nyid kyis gshin rje ma he la zhon pa dbyug pa 'dzin pa lho ru gzhag par bya'o/ / yang de nyid kyis chu lga kha dog dkar po brang 'grol zhon pa/ phyag na klu'i zhags pa can nub tu gzhag par bya'o// yang de nyid kyis lus ngan ser po gter la gnas pa phyag na bI dza pu ra dang na ku li tsan byang du gzhag par bya'o/ / de nyid kyis glang sna dkar po byi ba la gnas pa/ g.yas na bgrang 'phreng dang dgra sta 'dzin pa/ g.yon na la phug dang la du 'dzin pa dbang ldan du'o/ / de nyid kyis dbang phyug dkar po khyu mchog la zhon pa/ ral pa 'dzin pa phyag na rtse gsum dang thod pa can/ phyag gnyis dkar mo la 'khyud ba dbang ldan du gzhag par bya'o/ / yang de nyid kyis me lha dmar po ra la gnas pa phyag na bgrang 'phreng dang spu blugs can mar gzhag par bya'o// yang de nyid kyis srin po ro la zhon pa phyag na gri gug dang thod pa can// sngon po mi sdug pa khro ba dang bcas pa bden bral du gzhag par bya'o// yang de nyid kyis rlung lnga du ba'i mdog can ri dgas ser po la gnas pa rlung du gzhag par bya'o// yang de nyid kyis nyi ma dmar po phyag gnyis kyis pad+ma 'dzin pa rta bdun la gnas pa steng du gzhag par bya'o/ / yang de nyid kyis zla ba dkar po phyag gnyis kyis kum da 'dzin pa shing rta la gnas pa steng du gzhag par bya'o// yang de nyid kyis tshangs pa ser po zhal bzhi pa spyi blugs dang / mi 'jigs pa dang / dbyug pa dang / bgrang 'phreng 'dzin pa ral pas brgyan pa/ ngang pa la gnas pa steng du gzhag par bya'o// yang de nyid kyis sa'i lha mo pad+ma la gnas pa g.yon na bum pa 'dzin pa/ phyag g.yas na dam bcas khas len pa 'og tu gzhag par bya'o// yang de nyid kyis thags bzangs ris sngon po shing rta la gnas pa/ g.yas pa dang cig shos na ral gri dang sdigs mdzub 'dzin pa de nyid du gzhag par bya'o/ / de nas khro bo gshin rje gshed kyi gzugs phyag na phur pa 'dzin pa rnams la/ khro bo mgrin pa 'phyang ba nyid thugs kir sa bon gyis bkug ste/ de rnams kyi snying kha dang / mgrin pa dang / spyi bo rnams su rkang pa'i mthar yang sngags 'dis bur pa gdab par bya'o// oM hrIHSh+T+r-iHwi kr-i tA na na hUM hUM phaT phaT/ sarba in+d+ra A di ni kI la ya hUM phaT/ ces pa'i phur pa btab pa'i mthar grub pa'i bcud bsdus la lha de rnams thams cad kyang / gshin rje mthar byed kyi rnam par bskyed par bya ste/ byang chub kyi sems kyi khu bas sam/ yang na de'i tshe sa bon dang mtshan ma'i rim pas bskyed par bya'o/ / de las sa bon hrIHyog las rdzogs pa dbang po'o// sa bon Sh+T+rIHlas rdzogs pa gshin rje'o// sa bon bi yig las rdzogs pa chu lba'o// sa bon kr-i yig las rdzogs pa lus ngan no// sa bon ta yig las rdzogs pa dbang ldan no// sa bon a yig las rdzogs pa me lba'o// sa bon na yig las rdzogs pa bden bral lo// sa bon na yig las rdzogs pa rlung lha'o// sa bon hUM yig las rdzogs pa zla ba'o/ / sa bon hUM yig las rdzogs pa nyi ma'o// sa bon phaT yig las rdzogs pa tshangs pa'o// sa bon phaT yig las rdzogs pa nor 'dzin ma'o// sa bon sA yig las rdzogs pa thags bzangs ris so/ / sa bon hA yig las rdzogs pa 'byung po thams cad ces pa'o// de ltar bskyed de rnam par bsams nas/ de rnams kyi mig la sogs pa rnams la gnas ji lta bar mig la sogs pa bskyed cing / lus la sogs pa rnams la sku rdo rje la sogs pa rnams dang / dbang bskur ba bzhin du gshin rje mthar byed kyi cod pan nyid dang / dang por mchod yon bsang gtor dang zhabs bsil la sogs pa phul/ phyi nas gtor ma yo byad bdud rtsi sgrub pa'i rim pas sngon du ste/ de nyid gsum gis mngon par bsngags cing / slar de rnams kyi ljags kyi rab tu sbyor ba rnam par bsams la/ bya nas sngags 'dis 'dra rtsi dbul bar bya'o/ / oM rak+ta mu ku TA ya/ rak+ta dza Ta ya/ rak+ta mu khA ya/ rak+ta sha ri rA ya/ rak+ta b+hu dzA ya/ rak+ta muN+Da mA lA mA ra NA ya/ rak+ta ra tha sa mA ru d+hA ya/ rak+ta pad+ma A sa nA ya/ rak+ta b+ha ra Na b+hU ShaN+Da ya/ i daM bi laM gr-ih+Na grasta/ ma ma big+h+nAM ha ra ha ra/ tsa tur mA rA na ni bA ra ya ni bA ra ya/ trA sa ya trA sa ya/ b+h+ra ma ya b+h+ra ma ya/ ts+tshin+dats+tshin+da/ b+hin+da b+hin+da/ nA sha ya nA sha ye/ sho Sha ya sho Sha ya/ ts+tshe dats+tshe da/ b+he da dz+ro da/ rUdz+dza paphaT phaT swA hA/ phyi nas yan lag so sos dbul bar bya ste/ oM in+d+ra ya na maHhrIH/ ya mA ya na maHSh+TIHba ru ShA ya na maHbi/ ku be rA ya na maHkr-i/ I shwa nA ya na maH/ ag+na ye na maHA/ nai r-i t+ya ye na ma na/ bA ya be na maHna/ tsan+da ya na maHhUM/ ar+thA ya na maHhUM/ brah+ma Ne ya na ma phaT/ ba sun d+ha rA ye na ma phaT/ bi ma tsi tri te na maHsA/ sarba b+hU te b+h+yo na maHsA/ hA hA hA/ hI hI dI/ dUr+m+ma hUM/ pheM bi pheM/ spyinas me tog dang / bdug pa dang / mar me dang / lha bshos la sogs pa dbul bar bya'o// de rnams la sgrub pa pos phul ba'i bcud thams cad gsol zhing nye bar longs spyod par mdzad do// der gnas pa rnams la rdo rje gsor la 'gyings pa dang bcas par dril bu 'khrol zhing bstod pa byas te/ gti mug dag ma la sogs pas mngon par 'dod pas gsol ba gdab cing / bzhad pa rnam pa brgyad kyi sngags brjod par bya'o// de la sngags 'di yin te/ ha he ge he do na nA hUM/ gshegs par bya ste/ oM AHmuH/ zhes pa 'dis kyang ngo // phyi nas sgrub pa po'i mngon par 'dod pa'ang mdzad do// khyod kyis sems can thams cad don// ji lta'i rjes mthun grub pa stsol/ / sangs rgyas yul du gshegs mdzad de// slad nas kyang ni byon par mdzod// de bzhin gshegs pa thams cad kyi sku dang / gsung dang / thugs rdo rje gshin rje gshed dmar po'i rgyud las/ gtor ma'i le'u ste bcu gcig pa'o// // de nas nges par bcom ldan 'das de bzhin gshegs pa thams cad kyis// bcom ldan 'das sems dpa' chen po la bstod pa// ba mug rdo rje'i rang bzhin khyod/ / shin tu 'jigs rung gshin rje gshed// ston pa sangs rgyas kun rang bzhin// sku yi rdo rje phyag 'tshal lo// phra ma rdo rje'i rang bzhin khyod// shin tu 'jigs rung gshin rje gshed// thugs kyi rdo rje rab gsal ba// rini chen rdo rje khyod phyag 'tshal// 'dod chags rdo rje'i rang bzhin khyod// 'dod chags chos kyi 'byung gnas gtso// dbyangs mchog kun gyi mchog gi mchog/ gsung gi rdo rje khyod phyag 'tshal/ / phrag dog rdo rje'i rang bzhin khyod// las kun byed pa'i gshin rje gshed// sku yi rdo rje rab gsal ba// phyag na ral gri khyod phyag 'tshal// sangs rgyas kun gyi rang bzhin khyod// sangs rgyas thams cad gcig bsdus pa// sangs rgyas kun rab mchog gi mchog/ dkyil 'khor dbang phyug khyod phyag 'tshal// rdo rje spyan dang / rdo rje sman dang / rdo rje shangs dang / rdo rje ljags dang / rdo rje sku dang / rdo rje thugs zhes pa'o// zhes pa bcom ldan 'das kyi rdo rje spyan la sogs pa byin gyis brlab pa'i dam tshig go// de nas drag shul gshin rje gshed// dkyil 'khor 'di las rab bshad bya/ / gshin rje gshed po rab gsal ba// 'dod pa'i don kun sgrub par byed// gsar pa legs par bkal ba dang // legs pa'i tshad ldan gtsang ma yi// srad bus thog gdab shes rab can/ gshin rje 'joms pa'i dkyil 'khor ni// mtshan nyid thams cad yang dag rdzogs// sdig pa thams cad rnam par 'joms// zhi ba la sogs rab ston pa// zlum po'i dbyibs kyi dkyil 'khor te// der ni kun nas rtse lnga pa/ / las kyi rdo rje bri bar bya// rdo rje 'bar bas yang dag 'khrigs// de yi dbus su rdo rje bri// rdo rje 'od zer yang dag 'khrigs// 'khor lo shar rtser bri bar bya// 'od zer 'phreng bas yang dag 'khrigs/ / rin chen lho ru zi bar bya// pad+ma rA ga'i 'od 'phro ba// sprin gyi mdog dang mtshungs pa'i 'od// ral gri byang du bri bar bya// 'khor lo shar gyi zur du bri// lho ru rdo rje bri bar bya// nub tu pad+ma bri bya ste/ / kha khyer ze'u 'brur bcas pa'o// 'od zer lnga dang yang dag ldan// ral gri byang du bri bar bya// shar gyi sgo ru tho ba ste// lho ru rdo rje'i dbyug pa yang // 'dam skyes nub kyi sgo ru'o// byang du ral gri rdo rje can/ / dkyil 'khor rdzogs par shes bya ste// mchod pa'i khyad par rnams bya'o// 'dod yon lnga yis sangs rgyas rnams// som ni med par mchod par bya// de bzhin gshegs pa thams cad kyi sku dang / gsung dang / thugs rdo rje gshin rje gshed dmar po'i rgyud las/ dkyil 'khor chen po'i le'u ste bcu gnyis pa'o// / de nas bcom ldan 'das de bzhin gshegs pa thams cad kyis/ bcom ldan 'das de bzhin gshegs pa'i bdag po rdo rje 'dzin pa chen po la bstod pa'i rgyal po 'dis gsol ba 'debs par mdzad de/ gang gis rdo rje can mnyes pa/ phyag rgya'i rab tu sbyor ba gsungs// rdo rje'i phyag rgya'i phyag rgya rnams// slar yang 'grub par mdzad du gsol// de nas rdo rje 'dzin rgyal po// tshig 'di dag ni gsung bar mdzad// dkyil 'khor ba rnams thams cad kyi/ / spyi bor gshin rje gshed bsgom bya// rtag tu dkyil 'khor bri bya zhing // rtag tu sbyin sreg gis mchod bya// rtag tu dam tshig bsgrub bya ste// sdom pa gzung bar bya de nas/ thog mar cod pan dbang yin te// gnyis pa ral gri sbyin par bya// gsum pa rdo rje dril bu yang // bzhi pa zla ba bza' ba'o// 'di rnams dbang bskur chen po bzhi// dmar po'i zhal nas 'byung ba ste/ / dbang bskur 'di dag byin rlabs kyis// rgyal ba'i sras 'gyur byang chub thob// de nas 'byung po thams cad kyi// gtor ma bya ba sngar rab bshad// sngags chen brjod par gyur pa na// 'byung po thams cad rab tu 'dar// hrIHSh+T+rIHsogs sngags sa bon dang // swA hA mtha' yis nges par sbyar// bshang gtso chu dang bsres pa yis// maN+Dal gru gsum byas nas ni// lha rnam/ tshom byas rnal 'byor pa// hA hI'i rnam pa slar dran bya// dkyil 'khor gsum ni byas nas ni// brgyad dang bcu gnyis bcu drug rnams// mkhas pas cho gas yang dag bri/ / sngags rnams thams cad dgod bya ste// grub pa'i sngags rnams brtul zhugs can// re mig bcu gnyis la dgod bya// mi rgyu rgyu bcas 'jig rten gsum// ma lus lhag ma med par 'grub/ ya ma rA dza sa do ma ya/ ya me do ru Na yo da ya// ya da yo ni ra ya k+She ya/ yak+She yats+tsha ni ra ma ya/ ya dbus shar du k+She dgod bya// lho ru 'jam pa'i rdo rje ste// me yig nub tu bri bar bya// byang du da yig dag byed do/ / bsgrub bya'i mingon blang bya zhing // phyogs bral stong pa la gzung bya// hUM dag gis ni nang spel bya// las rnams thams cad bsgrub par bya// yats+tsha ni rA dza sa do ru// Na yo ni ra zhes phyi rol/ / thams cad don phyir sgrub pa la// g.yon nas brtsams te yang dag bris// re mig rim pa gsum pa yi// mdun du gcig dor re mig la// hrIHSh+T+rIHzhes sogs sngags rnams kyis// shar nas brtsams te bri bar bya/ / de mthar dor ba'i re mig la'ang // re mig brgyad po yang dag bri// a mu kaM ku ru mA ra ya uts+tsha Ta ya bi shI ku ru/ bi dwe ShA ya/ shAn taM ku ru/ puSh+TiM ku ru/ zhes pa de lta bu la sogs pa las kyi rjes su mthun pa las/ dang po oM yig mthar na maH// mthar ni pa kha Ta bau ShaT// hUM phaT yi ge ldan sa bon// zhi ba rgyas pa dbang mthar byed// de bzhin gshegs pa thams cad kyi sku dang / gsung dang / thugs rdo rje gshin rje gshed dmar po'i rgyud las/ 'khor lo snang ba zhes bya ba'i dbang bskur ba'i le'u ste bcu gsum pa'o// / thugs rje mngar ba bcom ldan 'das/ zhe sdang/ gshin rje gshed sku mchog/ zhe sdang gis mnan 'gro ma zigs nas// zhe sdang thams cad zad par mdzad// thugs rje mnga' ba bcom ldan 'das// gta mug gshin rje gshed sku mchog/ gti mug gis mnan 'gro gzigs nas/ / gti mug thams cad zad par mdzad// thugs rje mnga' ba bcom ldan 'das// phra ma gshin rje gshed sku mchog/ phra mas mnan pa'i 'gro gzigs nas// phra ma thams cad zad par mdzad// thugs rje mngar pa bcom ldan 'das/ / 'dod chags gshin rje gshed sku mchog/ 'dod chags kyis mnan 'gro gzigs nas// 'dod chags thams cad zad par mdzad// thugs rje mnga' ba bcom ldan 'das// phrag dog gshin rje gshed sku mchog/ phrag dog gis mnan 'gro gzigs nas// phrag dog thams cad zad par mdzad// byams pa tsar tsi kA rab brjod// de bzhin snying rje phag mo'o// dga' ba dbyangs can ma rab grags// btang snyoms go r-I gzugs can ma/ / bdag nyid dngos po thams cad kyi// rdzogs gyur dkyil 'khor rnal 'byor pa// snying kha'i sa bon las spro bya// 'dir ni 'grub 'gyur the tsom med// de nas spyod pa'i mtshan nyid mchog/ 'di las yang dag rab bshad bya// 'jigs byed gshin rje gshed gzugs kyi// sku gsung thugs kyi dngos grub phyir// dgon pa chen po'i sa phyogs su// ma he mchog la zhon bya zhing // sbrul rnams kyis ni brgyan byas nas/ / ljags kyi rdo rje bsgom bya ste// gyen 'greng khyad 'phags la sogs pa// dbu skra dmar ser dag tu bya// spyi bor cod pan rnams kyis bskor// sma ra ser po dag byas la/ / hrIHSh+T+rIHla sogs sngags brjod cing // rdo rje dbyug pa yang dag gsor// de nas seng ge'i sgra byas te// gshin rje gshed dmar rab sbyar las// cung zad nus pa thob pa ni// rol cing grong du 'jug par bya// bskal pa bzang po gar bya zhing // drug las skyes sogs glu blang bya// de nas rgyal mtshan khyams bltas te// de ni 'o ma rab sbyar bya// 'o ma goms pa'i sems gcig gis// phyag rgya chen po rab sgrub bya// phag mo'i gzugs su bsam bya zhing / / btsun mo kun la 'dod pa bya// seng ge ltar spyod rnal 'byor sa// 'dod don thams cad grub par byed// de nas phyag rgyar sgrub pa'i thabs// 'di las yang dag rab bshad bya/ sngags chen yi ge gcig pu ste// de yi bzlas pas rab bstan bya// hrIHSh+T+rIHsogs sa bon yang dag byung // ma he'i gdong ni rnam par sgom// rdo rje dkyil 'khor mnyam zhugs pa// ma he'i steng du bsgom par bya/ / gang su sa la 'bigs byed pa'i// sna tshogs mtshon cha'i rang bzhin can// ma he'i gdong ni sgrub pa la// blo ldan phyag rnams las bsgom bya// de nas rdo rje dbyug pa yi// sgrub thabs 'di las rab bshad bya/ / hrIHyig sngags ni chen po ste// ma he chen po la zhon pa'o// 'bum gnyis yang dag rdzogs pa'i phyag/ thal ba'i rdul gyis byugs pa'i sku// ri rab lhun po dang mnyam pa// sa yi 'og tu mnan po'o// de nas phye ba'i phyag sgrub thabs// 'di las yang dag rab bshad bya// sngags chen pi bi tAn na// gtso mo hUM yig las byung ba// a pa kr-i tA na na sA hA ts+tshanA hU hUM gzhog go swA hA/ dgos pa thams cad rab sgrub phyir/ 'di las dam tshig sgrub thabs bshad// sngags kyi dub pa'i bza' ba ni// bzang por rnyed par dga' ba'i zas// she chen dang ni rta nyid dang // glang po che'i khyad par nyid dang // ba glang rang bzhin khyi nyid dang // bong bu rnga mo ces spyang zhid// mar khu chen pos lus la byung// sngon po bsres pa btso bor bya// 'di ni lus la byugs tsam gyis// 'gro ba thams cad dbang du byed// ke'u wang rgyam tshwa' khu ba dang // de bzhin bsil ba'i lo ma zhing / / so ga phye ma byed bcas pa'am// gser shing lo ma'i khums kyang // 'di yi lus la dril byis bya// de bzhin rdo rje bdud rtsi che// 'di ni rnal 'byor mchog rtse'o// rang krung me tog tu babar ldan/ / de bzhin gshegs pa thams cad kyi sku dang / gsung dang / thugs rdo rje gshin rje gshed dmar po'i rgyud las/ spyod pa dang dam tshig bsgrub pa'i le'u ste bcu bzhi pa'o// de nas bcom ldan 'das skyes bu chen po'i dam tshig car tsi kA'i rnam pa'i ting nge 'dzin la snyoms par zhugs pa dang / rdo rje phag mo'i rnam pa'i ting nge 'dzin la snyoms par zhugs pa dang / dbyangs can ma'i rnam pa'i ting nge 'dzin la sgoms par zhugs pa dang / / gau rI'i rnam pa'i ting nge 'dzin la snyoms par zhugs te/ mchod pa'i glu 'di brjod par mdzad// kye kye gshin rje gshed dmar po// bla ma srin po'i gzugs rang bzhin/ khyod mthong kho bo rnam par 'jigs// bla ma khro bo'i rang bzhin spongs// khyod kyis gar mdzad sa steng dang // sa p+pa dag dang sa 'og g.yo// chags pas brgyan pa'i khro bor yid// gar mdzad khyod ni ro langs lags// sku ni dmar zhing thung ba ste// rnam pa sna tshogs gzugs sprul pa// rdo rje dbyangs can mas btud che// gar mdzad bde ba chen po khyod// hrIHSh+T+rIHgsang sngags dag gis khyod/ / sa gsum po yi 'khrul pa sel// snying rje'i khro bo rje btsun khyod// gar mdzad 'gro ba rnams la gzigs// de nas bzlas pa'i mtshan nyid mchog/ 'di las yang dag rab bshad bya// gang gis bzlas pa'i rab 'byor gyis/ / rgya chen dngos grub thob par 'gyur// myur ba ma ya ni bul ba min// ring po ma yin thung ngu min// sngags ni cung zad thos pa ste// gshin rje'i slob dpon mi yi mchog/ ma he dang ni glang po che/ / ba lang de bzhin rta nyid dang // bong bu rnga mo'i rus pa bzung // bzlas pa'i 'phreng ba rab bsgrub bya// zla ba zla ba'i bcu bzhi la// sha lnga yis ni byug bya zhing // bdud rtsi lnga dang yang dag ldan// / mchog gi dngos grub rgyur bzlas te// tshes gcig ril bu rnal 'byor pa// mkhas pa gshin rje gshed bsgom bya// yang na mi yi mgo bo ni// khrag dang ldan par rnam bsgom bya// khri phrag tsam gyis 'byung po rnams/ / mkha' 'gro ma rnams stong phrag gis// gshin rje gshed kyi rab sbyor las// yi dgas tshogs rnams gsad par bya// bzlas pa 'bum gyis rnal 'byor bdag/ de ni las kun byed pa yin// bye ba bzlas pas 'grub 'gyur te// bye ba lnga yis smos ci dgos// nyin re zla ba so so 'am// yang na lo rnams so so la// dbyug gu drug cu rtsa bzhir mkhas// gtor ma drug cu rtsa bzhi sbyin// rtag tu cung zad za ba gang / / de bzhin cung zad gang 'thung ba// gzhan yang bza' ba thams cad kyi// phud ni gshin rje gshed la dbul// de nas bla mar yon dbul bas// 'di las yang dag rab bshad bya// bdag nyid zhi ba nyid phyir dang / / las kun grub pa'i phyir du yang // 'phangs pa med par dbul byas te// bdag nyid dngul gyi rna rgyan dang // gser dang nor dang ma ma dang // de bzhin bu dang chung ma dang // skyed byed sring mo bu mo dang // rnam pa sna tshogs na bza' nyid// gdugs dang rnga yab mdzes pa nyid// khang pa khri dang dri bzang dang // de bzhin glu dang rol mo nyid// ral gri dang ni rgyan nyid kyang / tha mar rab dbul brtul zhugs can/ / de bzhin gshegs pa thams cad kyi sku dang / gsung dang / thugs rdo rje gshin rje gshed dmar po'i rgyud las/ nye bar mkho ba thams cad sgrub thabs kyi le'u ste bco lnga pa'o/ / // de nas sems can thams cad kyi bdud 'joms pa'i don du/ dmar ba nyid ni 'dod chags la sogs pa'i nyon mongs pa 'joms pa'i don to// spyan gsum ni 'das pa dang / ma 'ongs pa dang / da ltar byung ba'i dus gsum mo// phyag gnyis ni dngos po dang dngos po med pa'i rnam par rtog pa 'joms pa'i phyir ro// shes rab dang 'khyud pa na stong pa dang snying rje dbyer med pa'i sbyor ba las so/ / klu brgyad ni rnam par shes pa brgyad mtshon pa'i phyir ro// mgo bo'i 'phreng ba brgya phyed ni yi ge lnga bcu'i sbyor ba las so// g.yon na thozod pa ni ye shes lnga'i bdud rtsi'i ro yongs su rdzogs pa stong pa nyid kyi rang bzhin no/ / g.yas na dbyug pa ni phung po dang / nyon mongs pa dang / lha'i bu dang / 'chi bdag gi bdud bzhi rnam par 'joms pa snying rje'i rang bzhin no/ / g.yon brkyang ba ni khams gsum pa rab tu rtogs pa'i phyir ro// lha mo'i phyag g.yon na bdud bzhi'i khrag dang bcud len gyi ro du ma myang ba'i phyir thod pa'o// g.yas pa na dngos po dang dngos po med pa'i rnam par rtog pa gcod pa'i phyir gri gug go/ / ma rungs pa 'dul ba'i phyir khro bo'i gzugs dang gsus pa 'phyang ba nyid do// mya ngan las mi 'da' ba nyid las dbu skra ser po gyen du 'greng nyid do/ / gru bzhi ni sdug bsngal ba dang / kun 'byung ba dang / 'gog pa dang / lam gyi bden pa bzhi rab tu rtogs pa'i phyir ro// sgo bzhi ni bdud bzhi kun tu skrag par byed pa'i phyir ro// zur bzhi ni tshangs pa'i gnas bzhi yongs su rdzogs pa'i phyir ro/ / ka ba brgyad ni rmi lam dang / dri za'i grong khyer dang / brag cha dang / sgyu ma dang / sprul pa dang / smig rgyu dang / me long gi gzugs brnyan dang / chu'i zla ba lta bu brgyad kyi rang bzhin nyid las nam mkha' ltar dngos po dang dngos po med pa'i nyon mongs pa 'joms pa'i don no/ / gang gis skye ba rab tu 'joms pa nyid las dra ba byed pa rnams so// rta babs bzhi ni sbyin pa dang / snyan par smra ba dang // don spyod pa dang / don mthun pa nyid dang / yang dag par spong ba bzhi rnam par dag pa'i phyir ro// de nas rdo rje mkha' 'gro ma'i// sgrub thabs 'di las rab bshad bya// mkha' dbyings dbus su gnas pa yi/ / nyi ma'i dkyil 'khor mchog bsam bya// phyag tu rdo rje rnams bsgoms nas// lhag ma phyag gzhan rnam dgod bya// shar du sangs rgyas mkha' 'gro ma// phyag drug gti mug yang dag mtshungs/ / phyag na 'khor lo 'jigs byed che// rnal 'byor dkyil 'khor la bsgom bya// lho ru rin chen mkha' 'gro ma// phyag drug phra ma yang dag mtshungs// phyag na rin chen 'jigs byed che// nyi ma'i dkyil 'khor la bsgom bya/ / nub tu pad+ma mkha' 'gro ma// phyag drug pad+ma 'dzin pa'o// byang du las kyi mkha' 'gro ma// dkyil 'khor snying po ral gri ma'o// me la sogs por zur bzhi ru// lha mo rnams bsgom brtul zhugs can/ / sgeg mo 'phreng ba gar de bzhin// glu ma dag gi khyad par nyid// de nas sgo skyong bsam par bya// las kyi cho ga mthong ba yi// dang po tho ba dbyug pa dang // pad+ma de bzhin ral gri'o// oM bud+d+ha DA ki nA~M/ oM badz+ra Ta ki nI/ oM rat+na Ta ki nI/ oM pad+ma DA ki nI/ oM karma DA ki nI/ laM man ga/ zung ngu'o// oM mud ga ra dzaH/ oM dar+d+ha hUM/ oM pad+ma ba~M/ oM khang+ga hoH/ zhes gsungs bcom ldan rdo rje cas/ / rdo rje mapar 'gro mo'i sgrub thabs/ dzang pa nas mas grub don du// rdo rje mkhara' 'grom bsgom bya// de lta rab tu 'grub pa'i sngags kyi tshig tu gyur pa ni/ oM a kA sha tsar 'adz+ra Ta gan sa de nas rab tu bshad bya gnan/ / rdo rjes 'og sgrub pa'i thabs// sa 'og zug pa sgrub don du// gnod mdzes rdo rje bsgom par bya// phyag drug sku mdog sngon po mdangs// phyag tu gtun shing dgod par bya/ / dkyil 'khor snying po'i dbus su ni// 'di dgod rab tu bsgom par bya// shar du spyan ma dgod bya ste// de bzhin lho ru mA ma kI/ nub tu lha mo gos dkar mo// byang du sgrol ma dgod par bya/ me tog bdug pa mar me dri// me la sogs pa rnams su dgod// tho ba la sogs sgo rnams la// sbrul gyi rgyan dang ska rags te// las kyi cho ga mthong ba yis// 'khor lo 'di ltar bsgom par bya// rdo rjes 'og rnal 'byor ldan/ / bug pa rmi lam du shes 'gyur// de nas rgyal po bdud dkyil 'khor// 'di las yang dag rab bshad bya// mkha' la spyod nyid sgrub don du// rta mchog rab tu bsgrub par bya// phyag gnyis pa dang zhal gcig pa/ / sku mdog ljang khu 'jigs rung ba// nyi ma'i steng du yang dag bzhugs// shin tu 'jigs byed rta yi zhal// g.yas pa ral gri khu tshur te// g.yon pa'i phyag na thod pa ste/ oM pu pu hi hi/ sngags 'di bzlas bya shes rab can// rta mchog rab tu grub pa'i phyir// shar du rdo rje ma rnams bsams// lho phyogs su yang myur 'gro ma// nub tu rgyal po bdun pa ste// byang du rta mchog dgod par bya/ / gtso bo'i zhal dang phyag dag gis// thams cad g.yas kyi bsgom bya zhing // sngags 'di yis ni thams cad nyid// spro ba dag tu rab tu grags// gling bu pi wang rdza rnga dang // rnga zlum yang ni zur du'o/ / ba lang rna ba glang chen sna// bzhin bzang bzhin ngan de bzhin du// gtun shing dang ni dgra sta dang // lcags kyu zhags pa nyid kyang ste// gar la sogs tshul rnal 'byor las// sgo bzhir rtag tu bsam par bya/ / g.yon du ya ba si bsam bya// de bzhin g.yas su rang rtags so// na mchog sngags ni ji lta ba// rdo rje sa 'og g.yo bar byed// rta mchog bsgom pa'i rnal 'byor las/ khams gsum mkha' la yongs su bskor// de bzhin gshegs pa thams cad kyi sku dang // gsung dang / thugs rdo rje gshin rje gshed dmar po'i rgyud las// rnam par dag pa dang rdo rje mkha' 'gro ma la sogs pa'i sgrub thabs kyi le'u ste bcu drug pa'o/ / / de nas 'di la thig gdab pa'i dam tshig las/ a kA ro mu kha~M sarba d+harmAH/ An+ya nud pan na thAH/ slob ma rnam snang du byas te/ / gshin rje mthar byed dpal gzugs kyis// ye shes srad bu rtse gzung mchog/ legs par mnyam bzhag gdab par bya// de la 'di ni dkyil 'khor chen por 'jug pa'i dam tshig go/ oM A hUM/ ring ba dkyil 'khor zhis 'gyur la// sgro mi ni shu cha dag ste// pa yi rnam sngas yang dag byug/ srang bu gnyis ni yang dag brtag/ de la 'di ni rdo rje chen po la gsol pa btab pa'i dam tshig go// e ma sangs rgyas slob dpon che/ / e mchis dang tshogs kyi gtso// bdag la dam tshig le nyid gsol// byang chub sems kyang bdag la gsol// de yang 'dzin sa chen po yongs su bzung por dam tshig go/ @#rdo rje sa'i wa mo spyan drangs te/ slob pa sangs rgyas thams cad kyi// spyar pa'i tshul dang khyad par dang // sa dang pha rol rkyen rnams la// sgom khyod ni dbang du gyur// dkyil 'khor ni brgyad cha sgo/ / shes bya bdag nyid cha rnams kyis// khyams chen dag ni dor bya ste// yid du 'ong ba leg par spras// sgo mnyam sgo khyud shes bya ste// de phyed lnga yi snam bu'o// rdo rje lha mo yang dab ldan/ glu gar rol mo sogs rnams kyis// sgo yi phyed kyi 'gram dang logs// zhes pa dra brda phyed kyang // zhi zla me tog 'phreng snam bu// de yi phyed kyi rdul tshon sa// de bzhin dkyil 'khar phyi rol thig del 'di ni snying po che/ / bdag nyid dkyil 'khor mkha' la dgod// de nas phyag rgyar bcas pa bsten// dam tshig gi ni yi ge gzhug/ de ltar dkyil 'khor rab tu sgrub// shar phyogs su ni dka po che/ / lhor ni ser po yang dag ldan// nub kyi cha ni dmar po ste// ljang khu byang du yang dag ldan// 'od 'bar in+d+ra nI la'i tshul// dbus kyi sa gzhi yang dag bris// de nas phyag rgya dgod par bya/ / las kyi cho ga mthong ba yis// dbus su rdo rje yang dag bri// 'khor lo shar du mnyam par bri// de bzhin lho ru rin chen te// nub kyi phyogs su pad+ma'o// ral gri de bzhin byang du dgod// de ltar sgyu ma mkhan mtshungs pa/ / rtag tu phyag rgya blta bar bya// de la 'di ni dgang gzar dang // blugs gzar yu bi'i tshad bya'o// kun nas khru gang tshad dag gis// de phyed dkyil 'khor bya ba ste// sor mo bzhi yi tshad dang ldan/ / zabs ni sor mo gnyis pa la// phyi rol tshad ni sor gsum mo// dma' ba mthe bo'i lto gang ste// rgyar ni sor mo gnyis pa'o// pad 'dab rnam pa'i blugs gzar gang / tshad ldan rgyud du rab tu bsngags// dkyil 'khor rab tu ma zhugs shing // mtshams med lnga ni byas pa dang // gang zhig srog chags gsod pa dang // nya dang sha la sogs pa za// chang dang 'dod pa dag la chags/ / yod pa min pa'i brtul zhugs 'dzin// mi gang mngon par dbang ma bskur// gang zhig rtsed mo du ma byed// grong pa'i skye bor dga' ba mang // gshin rje gshed rgyud pha rol bgrod// ji ltar dmar po'i gsung bzhin du// som nyi med par 'grub par 'gyur// de nas byams pa la sogs pa rdo rje chen po'i byang chub sems dpa' thams cad kyi gtso bo rdo rje 'dzin pa chen po'i tshig thos nas cang mi smra bar gyur to/ / de la 'di ni rdo rje dbab po'i dam tshig go// de yang 'byung chen sa bon gyis// 'khor lo bzhi la rab bsgrub bya// gnas bzhes rab tu sbyor ba yis// nam mkha' la yang g.yo bar byed/ rkang par ya yig lte bar raM/ / snying khar laM yig spyi bor ba// gzhu yi rnam pa nag po che// gtum po 'jigs par byed pa'i rlung // gru gsum ba sregs pa'i me ltar 'bar// nyi ma'i 'od zer lta bur 'bar// gru bzhi ser po chen po ste/ / rdo rje'i sa bzhi 'dzin pas mnan// ri rab lhun pos mnan pa yi// nor 'dzin mar ni bsgom par bya// zlum zhibar khyil ba mdangs dkar po// sprin gnas kyis bzhin char pa'i rgyun/ / stong phrag yang dag rdzogs pa yi// g.yo ba med cing bsil ba'i gangs// gnas pa ni rab tu sbyor ba yis// slob ma rdo rje can bsgom bya// rdo rje snang mtha' rab sbyor las// mu ba ru ni 'bab par byed/ / de la 'di ni dri ba'i dam tshig ste// mgon po chen po rdo rje chos// snang ba mtha' yas bde ba che// dge dang mi dag gang dris pa// gsung zhing 'dod chags chos chen po// khru gang nas ni yang dag brtsams/ / ji srid khru ni stong gi bar// slob ma chen po 'phar bar 'gyur// 'di ni dbab pa'i dam tshig go// de nas sku gzugs ri mo yi// mtshan nyid 'di las yang dag bshad// snum pa'i 'jim pa blang bya ste/ sbyar bar bya'o brtul zhugs can// sran ma 'o ma de bzhin sha// bu ram tin ti DA la sogs// til mar nim pa lo ma dang // de bzhin na DA'i 'bras bu yis// thog mar ri mo bri de yang // dkar po kha dog gzhan yang ste/ / dkar rtsi dang ni btsag dag gis// sbyar ba rgya skyegs mdog tu 'gyur// yung ba dang ni rams dag gis// de bzhin kha dog ljang khur 'gyur// sngon po dag ni rams kyis te// de bzhin drag po nag po'o// ser skya ba sra ldong ros kyis// de bzhin dmar po mtshal gyis so// bil ba'i snying po lo ma sbyin// dman min de bzhin lhag pa'ang min// lhag pa nag po dag tu 'gyur// dman na skya bor 'gro bar 'gyur/ zhi ba khro bo rnam gnyis so/ / sgom pa'i mtshan nyid bshad par bya// zhi ba rol par rab tu gsungs// khro bo sbom thung zhes par thos// sor mo bzhi yi tshad kyis ni// dpral bshangs dang de bzhin zhal// sor mo bzhi yi tshad dag gis/ / mgrin pa mgul pa de bzhin brtag/ nyi shu rtsa bzhi'i khru gang ste// gyen du sor mo nyi shu skyes// phyag dang zhabs dang gdong ji bzhin// mig gi tshad ni mthe bong ste// rna bar sor mo gnyis rab gsungs/ / de bzhin sgo yi shubs la bzhi// mchu dang sor mo gnyis rab gsungs// lte ba'i thabs ni sor bzhi'o// zhal gyi cha ni lus la ste// mgrin pa'i rnam pa bor bar 'dod// ral pa dang ni zhal gyi tshad// sbyor ba sor mo cod pan drug/ de nas 'phags pa dzaM gu li'i// sgrub thabs 'di las rab bshad bya// gang gis bsgoms pa tsam gyis ni// chu yi steng du 'gro bar byed// zhal gsum phyag drug ser mo ste/ chu yi sa bon las byung ba/ / phyag na sbrul dang sku chen mo// rma byi'i bzhon pa dag la dgyes// shar du dgod bya rma bya dang // de bzhin lho ru khro gnyer can// nub tu ri khrod lo ma can// byang du rdo rje lcags sgrog ma// sgrosgo dang spyi blugs yal ga dang // lcags sgrog rnams kyang bsgom par bya// ser po dmar po de bzhin ldang // sngon po'i kha dog rab dbye las// de ltar bsgom bya shes rab can// de nas sngags kyang bzlas par bya/ / oM phur dza pur dza/ sgo ru tho sa sogs dgod cing // zur du me tog ma sogs dgod// 'phags ma dzaM gu li rnal 'byor// ldan pas rtag tu chu stengs 'gro// de nas ku ru kul+le yaM// sgrub thabs 'di las rab bshad bya/ / gang gis bsams pa tsam gyis ni// klu yi btsun mo 'gugs par byed// sku mdog dmar mo zhal bzhim// phyag brgyad dang ni yang dag ldan// hrIHyaMg sa bon las byang ma/ klu rnams 'gugs par byed pa mo// mtha' yas la sogs rigs brgyad kyu// phyag brgyad la ni dgod par bya// rgyan rnams thams cad brgyan pa'i lus// rang bzhin bsgom / bya brtul zhugs can// sngags ni/ ku ru kul+le hrIHpu swA hA/ de nas 'di la gsang ba bshad// mdor bsdus pa ste rgyas par min// gang gis rnam par shes tsam gyis/ lha yi bu mo 'gugs par byed/ phyag gnyis pa dang zhal gcig ste// phyag na mda' dang gzhu bsnams pa// sku mdog ser mo sku chen ma// lus med rnam par bsgom par bya// shar du dga' ma bsam bye ste// lho ru 'dod pa mdzes pa mo/ nub tu 'dod pa'i lha mo ste// byang du 'dod pa la spro ma'o// 'dod pa'i lha mo thams cad ni// phyag tu mda' gzhu bsgom par bya// ser po dmar po de bzhin ljang // dkar dmar dag ni bsgom par bya/ zur nyid du ni rtag tu yang // ma 'gags u ShA ba san taM// chu srin rgyal mtshan yang bsgom mo// cha la rab tu bshad par bya// kan dar pa kaM de bzhin du// dran pa dang ni 'tshams kyi bdag/ lha rnam dag ni thams cad kyi/ / spyi bor gshin rje gshed po bsgom// bud med bya rog gdong mthar gnas// rdo rje lus med rnam bsgom bya// shing yig sngags ni yang dag 'byung // kun nas rnam par spro ba ste/ / 'khrul cing 'khrug par bsam byas nas// 'dod yig bde ba la spro ba// gos dmar gyis ni rab dkris pa// rkang pa dag la ltung ba nyid// de la nges par sngags bzlas bya// oM yig dbyangs kyis phye ba la/ / swA hA yi ge de nas sbyin// shing yig sngag ni brjod par bya// che ge bdag gi dbang gyur cig/ zhag bdun du ni bsgom par bya// ji ltar dmar po'i gsung bzhin du// 'dod pa thob 'gyur rnal 'byor pa/ / de bzhin gshegs pa thams cad kyi sku dang / gsung dang / thugs rdo rje gshin rje gshed dmar po'i rgyud las/ lus med la sogs pa'i le'u ste bcu bdun pa'o// / de nas he ru ka chen gyi// sgrub thabs 'di las rab bshad bya// 'khor ba bcings la rnal 'byor pa// gang gis shes na myur grol 'gyur// zhal gcig phyag gnyis sku mdog sngo// gtum chen phyag tu rdo rje bsnams/ / gzhan la thod pa dgod par bya// spyan gsum dbu skra gyen du 'greng // phyag rgya lnga yis rnam par brgyan// g.yon gyi cha la kha tA ka/ rkang gdub chen pos brgyan pa'o// hUM yig sa bon las byung ba// rtag tu bzhad cing yi dgas gnas// sangs rgyas lnga yi rab sbyor las// spyi bor thod pa lnga rnams so// mi bskyod cod pan du bsams te// he ru kar brjod rnam bsgom bya/ / shar du chos kyi 'khor mo dgod// sangs rgyas byang chub lho ru'o// nub tu 'dod pa lnga rnyed de// he ru ka mtshungs byang du'o// sna tshogs gzugs can rnam par dgod// rgyan rnams kun gyis brgyan pa rnams/ / yi dgas la gnas mdzes pa'i gzugs// gti mug thams cad nges 'phrog pa'o// de bzhin chos kyi 'khor lo dgod// yid bzhin nor bu dpag bsam shing // bum bzang de bsgom lha mo yi/ / phyag g.yas chal rdo rje ste// mi yi thod pa g.yas min la// dkyil 'khor 'khor lo nges par bsgom// spyan ma mA ma kI sgrol ma// gos dkar shin / tu yid 'ong ba// me la sogs pa'i zur bzhi la// phyi rol dkyil 'khor gshin rje gshed// shes rab mthar byed rta mgrin dang // 'khyil bar bcas par bsgom par bya// 'khor lo can bsgom rnal 'byor pa/ / gru bzhi'i rab tu sbyor ba yis// 'khor lo can bskul rig par bya// tsa ra tsi ka sogs glu snyan gyi// rol mo drug rnams kyis klu blang // rje btsun snying rje'i khro bo bzhengs par mdzod jo bo bdud bzhi po 'di las rgyal ba/ / dgongs pa'i thugs kyis rje btsun bzhengs pa mdzod// 'jig rten mgron gnyer stong nyid bzhugs sam ci// rje btsun 'jig rten bsod nams dbang gis zhengs/ / 'jig rten byang chub rang bzhin mgron gnyer nas// khyod nid stong nyid sems shing bzhugs sam ci// ji ltar skar mda' 'phro ba ltar// byang chub sems la de nas bzhugs// snying chags pa'i sems kyis ni/ / rdo rje 'dzin pa rang nyid zhu// dang por rnal 'byor bsgom par bya// gnyis pa rjes su rnal 'byor te// shin tu rnal 'byor gsum pa yin// bzhi pa rnal 'byor chen po'o// rdo rje sems dpa' kun rdzogs pa// rnal 'byor ces par mngon par brjod// de yi rgyu mthun lha yi sku// rjes su rnal 'byor ces par bsgrags// 'khor lo thams cad rdzogs pa yis// shin tu rnam 'byor rnams bsgoms nas/ / lha yi spyan sogs sbyin rlabs dang // sku dang gsung dang thugs nyid dang // ye shes 'khor lo rab gzhug dang // bdud rtsi myang ba nyid dang ni// mchod chen bstod pa rnams kyang ste// de ni rnal 'byor chen po nyid// slob dpon nges par mi smad cing // bde gshegs bka' las 'da' mi bya// de bzhin khros pa'i spun rnams kyi// skyon nyid rab tu bskrag mi bya// sems can kun la byams pa'i sems/ / nam yang dor bar mi bya'o// byang sems spang bar mi bya zhing // rang gzhan chos la smad mi bya// yongs su ma smin sems can la// gsang ba rab tu bsgrag mi bya// bdag nyid phung po rnams mi smad/ / bcom ldan chos rnams sun mi dbyung // gdug pa'i byams brtag spangs shing // chos la tshad nyid mi bya'o// dad pa'i sems can su mi bya// dam tshig rnams ni rtag tu brten// shes rab rang bzhin bud med rnams/ / sun 'byin las dang skyon nyid do// slong mos mi rgyu rnal 'byor pa// rnal 'byor rnam par spang mi bya// rtag par rgyun du sngags bzlas shing // dam tshig la sogs rtag bsten bya// tha mar de ban// dam tshig don// gal te bag med las gyur na// de tshe dkyil 'khor nges bris te// bde gshegs rnams la zhes pa bshags// bla ma la dang dam tshig bsrung // rab tu ston min brtse ba can// nyes pa mtha' dag rnam spangs sems/ / bzlas pa mchog gnol bsam gtan can// skyes su de rtag bla mar bya// brtan zhing rnam dul snying rje yi// sems gcig dang dang dam tshig dang // bzod pa 'dzin pa rab bsngabs gshin rje gshed gus bla mang gus/ / slob ma la bshad yongs smin bya// de nas bcom ldan 'das de bzhin gshegs pa thams cad mchog tu dga' ba'i rang bzhin can rdo rje sems dpa gsung nye bar gsan nas cang mi smra bar 'khod do/ / 'di lta bu'i ched du brjod pa gsungs pa/ 'khrul 'khor mthar thug gshin rje gshed// brtul zhugs mthar thug thod pa che// rgyud rnams mthar thug 'dus pa/ ste// ma byung 'byung bar mi 'gyur ro// e ma zhi ba chen po ches// e ma drag po 'jigs su rung // e ma mya ngan 'das pa mchog/ e ma 'khor ba dag gi brgyud// e ma 'di ni shin tu mtshar// rang skyon do ni yon tan 'gyur/ / byang chub med cing mngon rtogs med// dngos po med cing bsgom pa'ang med// khams med rnam par shes pa'ang med// nam mkha' mnyam pa nyid du gnas// nam mkhar lta bur bdag med pas/ chos 'di bde ba chen po'o// sa med chu med me med cing // rlung med nam mkha' yod ma yin// rdo rje sems dpa'i rab sbyor las// skye ba 'di ni rab tu gnas// dngos po thams cad dngos med brjod// des ni rang bzhin med par brjod/ / rnal 'byor nyid ldan rnal 'byor pa// chad pa ma yin rtag pa min// phyag med zhal dang kha dog med// mchog tu dga' ba'i mtshan nyid do// nges par bden min dngos po kun/ thog ma bar dang mtha' ma spangs/ / de nas bcom ldan 'das tsar tsi kA chen mo la sogs pas ched du brjod pa 'di gsungs so// e ma mchog dga' dri med dag pa ste// bsod nams sdig dang yang dag ma 'brel pa/ / mgon po snying rje'i thugs kyis gnas pa 'di// kun tu snying rje'i gter chen gcig pu ste// mchog tu dga' ba 'di yi rang yanon ni// bde chen rang bzhin chos kyi che ba ste// de la skye dang 'gag pa yod ma yin/ / gzugs med bsod nams med cing sdig pa med// de bzhin gshegs pa thams cad kyi sku dang / gsung dang / thugs rdo rje gshin rje gshed dmar po'i rgyud las/ byang chub kyi sems nges par bshad pa'i le'u ste bco brgyad pa'o/ / // de nas gtam rgyud bshad par bya ste/ bcom ldan 'das thams cad sangs rgyas pa na/ dpa' bo 'jigs su rung ba du ma'i bdud kyi dpung gi tshogs rnams lpags te/ bcom ldan 'das thub pa chen po'i byang chub rnam par gzhom par 'dod pa de'i dus na bdud chen po las mchog tu rgyal ba zhes bya ba'i ting nge 'dzin la snyoms par zhugs te/ bcom ldan 'das nyid kyi sku dang / gsung dang / thugs rdo rje rnams las/ khro ba chen po gshin rje gshed 'di nges par phyung bar gyur to// nges par phyung nas phyag na rdo rje la/ bcom ldan 'das thub pa chen pos bka' stsal pa/ phyag na rdo rje khyod khro bo gshin rje gshed kyi gzugs 'di yang dag par zung la/ bdud rnams dang / klu rnams dang / lha ma yin rnams dang / gnod sbyin rnams dang / srin po rnams la skrag pa dang / 'jigs pa dang // bsad par gyis shig ces gsungs so// de'i dus na bcom ldan 'das las dngas su thos te/ skad cig gis blangs nas nges par bzung ste/ yang dag par bsdus la bsngags shing sems la yang legs par bskyod do/ / 'di gsungs pas/ gsang bdag chen po pha rol zong // 'jug phyir 'di ni rab gsal bya// 'gro dang 'ong bar 'dod pa de// mnyam par gzhag ste sngags bzlas bya// bye ba bzlas pas 'grub 'gyur te// bye ba lnga rnams kyi brjod cing // dang po'i rnal 'byor yang dag brtsam// bdag nyid nam mkha' dang mtshungs par/ log mar sgom pa'i dus su yang / / sems ni gcig par nges gzhug bya// ji ltar rmi lam rang bzhin sems// 'gro zhing slar yang 'ong bar byed// de bzhin skye bo nyid bya ste// pha rol tu ni 'gro zhing 'ong // ji ltar sems ni ring por 'gro// slar yang skad cig las zlog byed// bar med goms pa'i sbyor ba la// de bzhin nyid du rnam par gnas// ji lta'i rang bzhin gnas bya ste// gzhul mnga' bzhin brjod par bya/ / de ltar yid kyis gzhu 'di nyid// bar chad med par 'gro ba nyid// zla ba'am ni mi'i sbyor ba yang // sems ni rlung du nges gzhug bya/ lus dang rnam par bral ba yid// de nyid du ni 'ong bzhin 'gro/ / cung zad drod ni yang dag thob// gnang ba thob pa'i sgrub pa po// ji ltar lus kyi nang 'gro zhing // grong las pha rol 'gro bar 'gyur// sgra gcan dang phrad sbyor ba las// zla ba nyi ma za bas 'gro/ / rlung gi bgrod pa'i rnal 'byor pas// 'opho ba go 'phang kun bsgrubs te/ 'chi ltas mtshan nyid shes byas la// 'pho ba'i cho ga mtshon par byed// rgyu bcas mi rgyu ji ltar 'dod// sna tshogs rang tshad kyis skye 'gyur/ / zung sel bshang lam rtags kyi mthar// dor nas lte bar yang dag bsam// snong kha mgrin par son par srog/ sna bug la ni rnam par tu// de bzhin gshegs pa thams cad kyi sku dang / gsung dang / thugs rdo rje gshin rje gshed dmar po'i rgyud las/ pha rol gyi grong du rab tu 'jug pa'i le'u ste bcu dgu pa'o// / dpal gshin rje gshed dmar bo zhes bya ba'i rgyud kyi rgyal po rdzogs so/ / yon tan mtha' yas pa mnga' bar bla ma dam pa chos kyi rgyal po rin po che'i bka' lung gis/ dpon chen kun dga' bcang mos yon bdag byas pa'i dus na/

CLOSE WINDOW