rgya gar skad du/ badz+ra suM kha kro d+ha tan+t+ra rA dza/ bod skad du/ rdo rje bde khros rgyud kyi rgyal po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das bdud les rnam par rgyal ba zhes bya ba 'og min gyi gnas gzhan 'phrul dbang byed kyi pho brang na bzhugs so// de'i tshe 'dus pa rnams kyi dang po sems dpa' chen po yid cher g.yos te/ gus pas bkur sti dang / rim gro dang / phud dud dang / bsti stang du byas te/ e ma 'o byams mgon thugs rje can// 'gro ba'i sems can thams cad kun// me yis tshig cing mtshon gyis phog/ mun par 'khyams nas ri yis non// rlung gis khyer ba snying re rje// skyabs kyi dam pa bka' stsal 'tshal// zhes zhus pas/ der ni mgon pos sku bstan te// zhal gyi pad+ma rab phye nas// spyan gyi gzi mdangs kun la gzigs// ljags kyi dkyil nas bka' stsal pa// skyob pa'i dam pa 'di yin gyis// rdo rje bde dang khros pa yis// dum bu gsum pa ngas bshad kyis/ / legs par nyon la yid la zung // zhes gsungs so// rdo rje bde khros kyi rgyud las/ gtam rgyud kyi rim pa bstan pa'i le'u ste dang po'o// / de nas mngon par bshad bya ba/ / bkra shis maN+Dal legs byas la// tshul dang 'thun pa'i bum pa dgod// de yang chu gtsang sna bdun blugs// gzhan yang shing thog 'bras bu dang // mngar gyi rnam pa dang / dri'i rnam pa dang / rin po che'i mchog dang / 'bru'i bye brag dang / sman rnams blugs so// bum pa de'i mgrin pa dang sngon pos bkris te/ steng du bla re phub la gzhag go// rdo rje bde ba'i rgyud las sgrub rdzas kyi le'u ste gnyis pa'o/ / de nas mngon par bshad bya ba// sgrub byed rang rgyud dag pa yis// bskyed tshul rgyas sam bsdus kyang rung // hUM las phyag na rdo rje ni// nga gsum mthing nag phyag bzhi mdzes/ / sku ni che zhing mtshungs pa med// zhabs kyis rgya mtsho'i nang du yang // chu srin sbal ba'i steng du brdzis// g.yas g.yon dang po'i phyag gnyis kyis/ / rdo rje gsor zhing dril chen rdung // mtha' gnyis drug pa zhal du 'dren// dbu gsum g.yas dkar rigs lngas brgyan// dbu g.yon dmar po sbrul gyis mdzes// zhal dbus mthing nag lcags mchu can/ / steng du mkha' lding tshangs pa sprul// dpa' bo gdug pa dpung po'i brgyan// rin chen lhun po'i ri rab la// stangs bcas zhum pa med par bzhugs// de ltar lha dang rab sbyar nas// de nyid bstan pa'i yan lag gis/ / rang lus tshigs su gzhug par gyis// rdo rje bde ba'i rgyud las/ lha sgom pa'i le'u ste gsum pa'o// / de nas mngon par bshad bya ba / sgo gsum sbyor ba shes pa yis// gsang ba'i snying po 'bum du bzlas// oM badz+ra tsaN+DA sarba duSh+TA ta ka ha na da ha pa tsa hUM phaT/ bco brgyad sngags kyi rgyal po 'di// ma 'byung mi 'byung 'byung mi 'gyur// 'di bzlas sngon du grub par 'gyur/ / rtag tu mtshan ma bzang po 'byung // gzhan gyi sbyor ba 'ong mi 'ong // rang la nges par ston par 'gyur// bsnyen pa'i rim par thub mi thub// 'bad pas legs par brtag par bya ba de nas gtor ma sbyin pa mi/ / oM AHhUM zhes rgyun du gtong ngo // rdo rje bde ba'i rgyud las/ gsang ba'i snying po dang mtshan lngas bstan pa'i le'u ste bzhi pa'o// de nas mngon par bshad bya ba/ / rten ni rdo rje'i 'od du nga// brten pa 'gro chatshang hU~M du 'bar// 'bar ba'i 'od byer kun tu 'gro// 'jig rten ma lus sbyangs nas kyang / slar lajig pa nyid la 'dus/ rtswa dang rnas ga / 'bar// brtan par gyur na spro bstsu bya// rdo rje 'de ba'i rgyud las/ me'i bsam gtan gyi le'u ste lnga pa'o// de nas mngon par bshang bya ba// mthing gi shog bu sngon po la// gser gyi 'khor lo bris pa'i snang / / bsrung ba'i snying po legs bkod de// gang ming rag sha sbyar bar gyis// de yang dri yis yongs bsgos te// sangs rgyas sems can nyid la stim// de nyid bum par legs bzhugs la mchod cing bzlas brjod gsol ba gdab/ / de nas tshes pa'i dus bzang la// rang ngam gzhan la btags gyur na// bar chad thams cad nyer zhi nas// tshe dpal bsod nams rgyas par 'gyur/ / rdo rje bde ba'i rgyud las/ srung ba'i le'u ste drug pa'o// / de nas mngon par bshad bya ba// 'gro ba dug gis gdungs pa la// gdug pa'i dbang chen la sogs pa// 'tshe ba 'di ltar 'byung bar 'gyur// mi dga' sems 'phyo 'gro snying 'dod// nyam chung 'thibs dang ltas kyang ngan// yang yang na zhing bsnyams snol 'ong // de ni klu yi gnod pa ste// tshor nas legs par bcos na bzlog/ sa srin mi la 'di ltar gnod// lus sbrid sha 'phrig sha ro 'byung // sha bkra thor bu ngo yang 'gyur// de nas tshor nas bcos na bzlog/ sa bdag gnod na 'di ltar 'gyur// gdong yang shin tu ldog 'gyur che/ / na ma'i zug rngu drag por 'gyur// res 'ga' bde ba ltar yang byed// skabs su thig le kho na na// de yang bcos bka' shes pas thog/ gnyan gnod pa 'di yin te/ / shin tu na tsha'i tshabs kyang che// rkang lag na 'khums dri ma ldog/ sha khrag lus nas mig kyang sreng // kha so sna yo chu ser ba// kha yang mi thub gnod pa za// chu bur byung na mtshang yang che/ / tshor bas mi chog sgrim pa gces// gdon tshogs gzhan yang yun mi rtag/ pha mo tsam la sogs pa zlog/ kun la bsgrims te btsos na 'tsho// rdo rje bde ba'i rgyud las/ gzhan gyi / gnod pa brtag pa'i le'u ste bdun pa'o// / de nas mngon par bshad bya ba// dbang chel sogs thams cad la// mchod dang gtor mas mgu bar bya// ci 'dong pa yi rdzas rnams sbyin/ / rten yod gnas su legs par sba// snyan pa'i tshig gis bsgo byas la// bum par nor bu rin chen gzhug/ mdzes pa'i dar sna 'bru yi mdzod// gang gi rten la sbas gyur na// gnod pa rags pa zhi bar 'gyur// rdo rje bde ba khros pa'i rgyud las/ zhi byed mchod thabs kyi le'u ste brgyad pa'o// de nas mngon par bshad bya ba// btsun dug gu gul gA rtsi dang / / shu dag shing kun mu bi drug/ gsang sngags btab ste lus la byug/ gu gul nyam khris gla rtsi dang // sgog pa shu dag dri chen rnams// bdug pa byas te yang na bkru// gserag yu b+hu ru mig ma phug/ btsan dug rma bya'i mkhris par bcas// bcangs na bsrung ba'i mchog tu 'gyur// rdo rje bde ba'i rgyud las/ rten 'brel rdzas kyi le'u ste dgu pa'o// rdo rje bde ba'i rgyud las dum bu dang po bstan pa'o/ / de nas mngon par bshad bya ba// gdug pa thams cad 'dul ba'i phyir// drag sngags 'di dag brjod par bya'o// oM mA ra Na song sod/ mA ra / bying bying / mA ra Na rmugs rmugs/ mA ra Na ha la ha la/ mA ra Na dun dun/ mA ra Na myos myos/ mA ra Na myos bying thum ri la dzaH/ mi tshig spangs te drag sngags 'di// dbugs ma shor bar sgrub nas drang / bum par bstis nas rtags thob nas/ / 'thungs sam dkrus na dngos grub thob// sngags la gang ming sbyar byas nas// yungs kar gdug pa'i phur pa la// brjod de las la sbyar gyur na// gang la bzlas pa brlag bar 'gyur/ / ma bsgrubs lan cig brjod pas kyang // dngos grub thams cad thob par 'gyur// ma 'byung mi 'byung 'byung mi 'gyur// rdo rje bde ba'i rgyud las/ drag sngags khros pa'i le'u ste bcu pa'o/ / / de nas mngon par bshad bya ba// rdzas bsag lha bskyed drag sngags bzlas// dgos pa tshang ba'i bum pa ste// mi dmigs paM las rin po che'i// bum pa tshul dang 'thun par bsam// de nas baM dang laM las ni// chu dang sa yi dkyil 'khor bas ma// lha bsgoms khyad par bum pa 'dzin// mchu ni rdo rje'i sbu gu ste// de nas sngags kyi 'od zer 'phros/ phyir 'phros gdug pa ma lus sreg/ 'od zer lcags kyi sgrub mar drang // bum par khro chu khol mar gyur// de 'thungs bkrus pas gang gnod pa// rdul du drag ste dag par bsam/ brtsams pa'i las la the tsom med// rdo rje khros pa'i rgyud las/ bum pa khros pa'i le'u ste bcu gcig pa'o// / de nas mngon par bshad bya ba// rdzas bsag lha bsgoms 'khor lo bskor ro ras byi dug bya rog sgros/ / khru gang tsam gyi mtshan nyid la// 'chi bar byed pa'i snag tsha la// ltogs pa'i sgro rtsa g.yas pa yis// drag sngags mnyam pa'i re mig bri// de nas mtshan mar gang dmigs gzugs/ / kha dog rigs bzhi nyid du bya// de snying drag sngags re re dgod// maN+Dal gtsang ma dris byugs te// dkar dang dmar dang ser dang ldang // rma bya'i sgo yis brgyan byas te// lha sgom khyad par 'khor lo 'dzin/ / 'khor lo bskor ba'i rim pa ni// drag sngags mnyam pa'i 'khor lo bskor// sngags ni/ nA ga tsakra mA ra Na hUM phaT/ gang bsams 'di la the tsom med// rdo rje khros pa'i rgyud las/ 'khor lo khros pa'i le'u ste bcu gnyis pa'o// / de nas mngon par bshad bya ba// rdzas bsag lha bsgom phur pa ga ba// lcags sam seng ldeng dug shing la// sngags grangs mnyam pa'i phur pa bsham/ / 'khor lo'i mtha' ma bskor te dgod// lha bsgom khyad par phur ba 'dzin// drag sngags bzlas pa'i rim pa ni// nA ga badz+ra kI la ya mA ra Na hUM phaT/ sngags grangs ma'am pa'i phur pa bsham/ / brtsams pa'i las la the tshom med// rdo rje khros pa'i rgyud las/ phur pa khros pa'i le'u ste bcu gsum pa'o// / de nas mngon par bshad bya ba// rdzas bsag lnga bsgom sbyin sreg bya/ / gdug pa'i shing bu khru gang tshad// sngags kyi grangs kyang mnyam par bya// sngon dmar skud pas rim gsum dkri// bar der 'khor lo'i srog rtsa gcad// lag tu gri thogs drag sngags brjod// nA ga tik+Sh+mI che ge mo mA ra ya hUM phaT/ rim par bsgrangs te g.yang gzhi khud// byang shar mtshams su rnam par gzhag/ de nas maN+Dal dbus nyid du// hom khung brus te dug khrag byug/ nang du hom bu gzug par byas 'khor lo gris gtubs thogs nas ni/ / grangs dang mnyam par bsreg par bya// me de yugs sa'i khyim nas bslang // lha bsgom khyad par ma dpung 'dzin// gsang sngags bzlas pa'i rim pa 'di// nA ga tsit+ta dz+wa la ror mA ra ya phaT/ bsregs nas las brtsams 'grub par 'gyur// rdo rje bde ba khros pa'i rgyud las/ me dpung khros pa'i le'u ste bcu bzhi pa'o// de nas mngon par bshad bya ba// rdzas bsag lnga bsgom man sngag zug chu srin sram mamabe pa'i mgor/ / bsregs pa'i thal ba bsdus byas la// gang yin nyid kyi sbyor ba bcas// lha bsgom khyad par ri rab 'dzin// drag sngag bzlas pa'i rim pa ni// nA gsum b+ha ya nan/ / mnan byas chu srim pa ru bsgom// 'di byas gang la bzlas pa brlag/ 'di la the tshom mi bya'o// rdo rje khros pa'i rgyud las// ri rab khros pa'i le'u ste bco lnga pa'o// rdo rje khros pa'i rgyud las dum bu gnyis pa'o/ / / de nas mngon par bshad bya ba// glang po'i bags par 'brug bris nas/ gang ming bcug ste drag sngags bzlas// gnam lkugs bab pa bzlog par 'gyur/ / 'bru yi pad+ma 'dab brgyad la// klu yi gzugs rnams bris pa la// bstim nas drag sngags brgyab gyur na// gnam chu dus su phebs par 'gyur// thod par e bris sngags kyis bskor/ / gang yin bcug la bstim pa la// drag sngags gang yin bzlas byas na// myur du 'grub par gdon mi za// srog chags 'jigs par gyur pa la// 'chi ba'i chu yis drag sngags bri/ 'jigs byed bkug ste de la mchod// de nyid yungs kar thum por 'debs// gang la btags pa srung ba'i mchog/ rdo rje bde khros kyi rgyud las/ phra mo'i le'u ste bcu drug pa'o/ / / de nas de dag la 'khor rnams mngon par dga' ste/ bcom ldan 'das la mchod cing bstod nas rjes su yi rang ba phul te mi snang bar gyur to// mnyam pa chen po la gzhag pa'o/ / rdo rje bde khros kyi rgyud las/ rjes su yi rang ba'i le'u ste bcu bdun pa'o// rdo chos kyi rgyud las dus su gsum pa'o// rdzogs so//

CLOSE WINDOW