/ rgya gar skad du/ b+ha ga bAn badz+ra pA Ni gu h+ya a b+hi de sha tan+t+ra rA dza nA ma/ bod skad du/ bcom ldan 'das phyag na rdo rje gsang ba mngon par bstan pa'i rgyud kyi rgyal po zhes bya ba/ dpal gsang ba'i bdag po phyag na rdo rje la phyag la 'tshal lo// 'di skad bdag gis thos pa dus gcig na/ bcom ldan 'das lcang lo can gyi pho brang na/ sangs rgyas gang+gA'i klung gi bye ma dang mnyam pa'i tshogs dang / byams pa la sogs pa byang chub sems dpa'i tshogs dang / rig pa'i khro bo'i tshogs dpag tu med pa dang / lha ma yin gyi tshogs dang / gnod sbyin lnga brgya dang bcas te thabs cig tu bzhugs so// de'i tshe bcom ldan 'das bdud thams cad 'joms pa zhes bya ba'i ting nge 'dzin la snyom par zhugs so/ / de nas byang chub sems dpa' lag ni rdo rjes bla gos phrag pa gcig la gzar te/ phyag 'tshal nas 'di skad ces gsol to// kye ma gsang ba'i rdo rje 'dzin// ting 'dzin rgyal po mi g.yo las/ / cig car bzhengs te gsang ba'i mchog/ ye shes lnga yi spyod yul gyi// sku gsung thugs kyis gsang ba mchog/ ji ltar sgrub pa'i rim pa dang // las kyi bya ba mdor bsdus te/ / gang zag ji lta bus sgrub cing // rig pa'i rgyal po mchog gyur pa// bcom ldan 'das kyis legs par gsungs// zhes zhus pa dang / bcom ldan 'das mnyam par gzhag pa las langs te/ thugs kar ye shes lnga mi byed pa'i rdo rje lan gsum du gsor bas 'jig rten gyi khams thams cad 'gul ba dang ldeg pa la sogs pa kun tu 'khrugs te/ gdug pa can 'dul ba zhes bya ba'i 'od zer bkye nas slar thugs kar thim pa las/ rdo rje lte ba nas yum dpa' mo rje rje bde ma zhes bya ba byung ste rang gi ston pa la g.yas phyogs su bskor ba lan gsum byas nas/ phyag byas thal mo sbyar te 'di skad ces gsol to// khyod kyi sku gsung thugs kyi ni// gsang ba dam pa gang yin pa// rdo rje 'dzin pas legs par gsungs// 'di ni rnyed dka' rgyud chen te/ rin chen lta bur 'dod 'byung ba// grangs med tshogs las byung ba 'di// thugs rje'i rang bzhin ston pa las// bcom ldan khyed kyis bshad du gsol// zhes zhus pa dang / zhal 'dzum pa mdzad nas byams pa rnam par 'phrul pa zhes bya ba'i 'od zer gyis 'jig rten gyi khams khyab par byas te/ tshur 'dus nas rang gi zhal du thim pa dang / dpa' mo rdo rje bde ma khyod// stong pa'i rang bzhin bdag med mas/ / ji ltar zhus bzhin bshad par bya// gus par nyon la legs par zung // rdo rje 'chang gi sku gsung thugs// mi phyed stong pa'i rang bzhin las// thugs rje sna tshogs thabs tshul te// 'di ni rab tu rtogs dka' bas// 'das dang da ltar bzhugs pa dang // ma 'ongs sangs rgyas spyod yul yin// bsam gyis mi khyab rnam par dag/ brjod med mi g.yo 'dus ma byas// nam mkha' dri med chos kyi sku/ / dus gsum dus med rtogs pa'i mchog/ 'di la ji ltar bstan du yod// 'on kyang snying rje'i rang bzhin pas// thabs dang shes rab rang bzhin ni// gnyis med gnyis kyi thabs tshul rig/ 'di ni gsang ba dam pa ste// de nyid gzhan la mngon bstan pas// gdul bya tshim 'gyur rgyal po bzhin// rang 'dod 'bras bu 'byung 'gyur bas// gsang ba mngon par bstan pa yi// rgyud chen rgyal po bshad par bya// e ma ho/ mi phyed rdo rje gsang ba'i mchog/ e ma ho/ thabs dang shes rab gnyis med pa'i// sna tshogs nor bu rgyud chen 'di// rang gi gsang ba dam pa yin/ / bcom ldan 'das phyag na rdo rje gsang ba mngon par bstan pa'i rgyud kyi rgyal po las/ rab tu dga' ba'i gleng gzhi'i le'u ste dang po'o// dpa' mo rdo rje bde mas gsol pa/ bcom ldan 'das rdo rje 'chang chen po khyod sgrub pa'i gang zag ji lta bu lags/ bcom ldan 'das kyis bka' sprul pa// mdzes ma khyod kyis zhus pa legs// zag med bde ba'i rgyu 'byung ma/ / bdag med shes rab ma yi mchog/ khyod la bshad kyis legs par nyon// nga nyid sgrub pa'i gang zag ni// snying rje ldan zhing shes rab che// bzod ldan brtson 'grus phun sum tshogs/ bslab pa gsum ldan dad pas brgyan// dpa' zhing gsang ba'i spyod pa shes// gus shing g.yo med skyabs gnas gsum// rtag tu mchod cing yengs pa med// lhag pa'i lha la yid ches shing // phyi nang gsang ba'i dbang thob la/ / dam tshig brda do na nges par 'dzin// de ltos sgrub pa byas gyur na// yun mi ring ba rang nyid kyis// gsung gsum la ni mkhas 'gyur te// 'bang bas thob pa'i 'bras bu ni/ a ldan de yi snying la gnas/ / zhes gsungs so// bcom ldan 'das phyag na rdo rje gsang ba mngon par bstan pa'i rgyud kyi rgyal po las// sgrub pa po'i gang zag bstan pa'i le'u ste gnyis pa'o// dpa' mo rdo rje bde mas gsol pa/ bcom ldan 'das rdo rje 'chang khyod sgrub pa'i gnas ji lta bu lags/ bcom ldan 'das kyis bka' stsal pa/ mdzes ma khyod kyis zhus pa legs// bag/ med bde ba'i rgyu 'byung ma// bdag med shes rab ma yi mchog/ khyod la bshad kyis legs par nyon// nga nyid sgrub pa'i gnas mchog ni// dur khrod brgyad dam nye ba'i gnas// dur khrod nags kyi nang du ni/ / ri rtse brag ri sngon po'i mdog/ khros pa'i gzugs 'dra byang lta ba// me tog sngon pos mdzes pa dang // ne'u gsing dang ut+pal nags// dben zhing yid 'ong nyams dga' ba// bkra shis dpal 'phel dbang yang 'dzin/ / lhung lo can dang ming 'thun pa// sna tshogs sgrub pa'i gnas su shis// tshwa sgo chu med u ma'i gnas// rgyal po'i pho brang tshong dus dang // nyan thos la sogs 'dug gnas su// nga nyid bsgrub par mi bya'o// smin pa'i gang zag rnams la ni// gnas sogs brtags pas ci zhig bya// thams cad bde chen sangs rgyas kyis// zhing khams rol pas gnas pa yin// bde bas rigs kyis brtag par bya/ / bcom ldan 'das phyag na rdo rje gsang ba mngon par bstan pa'i rgyud kyi rgyal po las/ sgrub pa'i gnas bstan pa zhes bya ba'i le'u ste gsum pa'o// / dpa' mo rdo bde mas gsol pa/ bcom ldan 'das rdo rje 'chang khyod sgrub pa'i thabs ji lta bu lags/ bcom ldan 'das kyis bka' stsal pa/ mdzes ma khyod kyis zhus pa legs// zag med bde ba'i rgyu 'byung ma// bdag med shwe rab ma yi mchog/ khyod la bshad kyis legs par nyon// nga nyid sgrub pa'i rim pa ni// snying rje chen po sngon 'gro zhing // gzhan gyi don la bslab par bya// nam mkhar rdo rje can dmigs la/ / bde ba chen pos rnam par mchod// rgyud sbyang sangs rgyas tshogs dag la// 'gyod pa spangs te rjes yi rang // mya ngan 'da' la gsol bar bya// dam pa'i don la bskul bya zhing / rigs kyi sa bon cher bskyed la// kun la khyab byed gzhan don sgrub// bdag gi sdug bsngal mi blta zhing // gzhan dag bde la dgod par bya// me 'obs lta bur gnas pa yi// sems can kun la snying rje sgom/ / spros bral gnyis 'dzin spangs pa yi// tshul la yang dag bslab par bya// sangs rgyas sems can gnyis med cing // dpa' bos stong zhing bdag dang bral// snang zhing srid pa'i chos rnams kun/ / ngo bo nyid kyis rnam par dag/ mtha' bral mkha' 'dra dbu ma'i don// de lta bu'i yi chos nyid la// sems kyi rang bzhin gnyis su med// ma rtogs log pa'i sems can la// sdug bsngal kun dang bral ba'i phyir/ / snying rje chen po bsgom par bya// rang gi sems nyid yi ge hUM// sangs rgyas thams cad bskyed pa'i ma// chu skyes thabs dang shes rab ldan// mtha' gnyis spangs pa gdan dang bcas/ / gnyis med rdo rje'i rang bzhin te// snying rjes sbyangs nas gsum pa rdzogs// sku mdog nag po zhal gcig pa// phyag gnyis g.yas pa rdo rje 'dzin// bsnun pa'i stobs can rdo rje 'bar/ g.yon pas dril bu dkur brten te// sgeg pa'i tshul can nam mkhar gdengs// rin chen chu 'dzin rgyan dang ldan// stag lpags dar gyis sku la brgyan// g.yas bskum g.yon brkyang bdud la brdzis// spyan gsum gdug pa'i mche ba gtsigs/ / bskal pa'i me 'od nang du bzhugs// yi ge gsum gyis gnas gsum po// lhar byas skye mched byin gyis brlab// gnas su khro bo'i yig 'bru bskyed// sprul pa dpag med phyogs bcur 'gyed/ / yi ge bzhi yis ye shes dbab// rigs bdag la sogs sangs rgyas kyis// dbang bskur byin brlabs cod pan bsam// de yi ting nge 'dzin 'byung ba'i rgyu// cho ga gsum pa'i sems dpa' yis// gzhan don rgyun mi 'chad par sgom// yang na gsung gi yig 'brus mtshan// 'phrin las thogs med rnal 'byor bzlas// 'di ni rnam dag rig pa ste// / rtag tu ma nyams 'bras bur ldan// bcom ldan 'das phyag na rdo rje gsang ba mngon par bstan pa'i rgyud kyi rgyal po las/ dpa' bo gcig ba sgrub pa'i le'u ste bzhi pa'o// dpa' mo rdo rje bde mas gsol pa/ bcom ldan 'das rdo rje 'chang gi dkyil 'khor sgom pa'i thabs ji lta bu lags/ bcom ldan 'das kyis bka' stsal pa/ mdzes ma khyod kyis zhus pa legs/ / zag med bde ba'i rgyu 'byung ma// bdag med shes rab ma yi mchog/ khyod la bshad kyis legs par nyon// skad cig ma yis lngar bsams nas// snying khar nyi ma'i rig pa hU~M/ 'od kyis rang bzhin snod bcud rnams// sbyangs te sangs rgyas sa la gzhag/ 'od zer gnyis pas sangs rgyas dang // byang sems dkyil 'khor dgug bya ste// phyag rgya hU~M las lha ma bsam/ / me tog la sogs pas mchod la// tha dad pa yi mchod pa che// de 'od dpag med lha mo yis// reg bya tha mi dad pas mchod// sdig bshags rjes su yi rang dang // gsol zhing skyabs 'gro bdag lus dbul/ / sems bskyed dge ba bsngo bar bya// de rjes dang po byams pa ste// gnyis pa snying rje gsum pa dga'// kun gyi mtha' la btang snyoms so// sbyang gzhi sngags kyis phyi nang kun/ / stong par byas te rang lus kyang // dbang po'i gzhu 'dra srid 'dzin gyi// gnas su hUM bsam de 'od bcas// tsam las byung ba'i 'khor lo ste// rtsibs bcu la ni nyi ma bsam/ / dbus su hUM las gnod mdzes bskyed// de las hUM 'phros khro bcu yang // rang rang sa la gsal bar bskyed// sngags pas bgegs med gyis shig par// de la bka' lcang bsgo bar bya/ / zhal bzhi'i gsang sngags dran pa yis// mthe bong sdigs mdzub sbyar nas ni// phyogs bcur brda ni bstan par bya// oM sum+b+ha ni sum+b+ha ni hUM hUM phaT/ oM gr-ih+Na gr-ih+Na hUM hUM phaT/ gr-ih+NA pa ya gr-ih+NA pa ya hUM hUM phaT/ oM A na ya ho b+ha g+ha wAM bi d+yA rA dzA ya hUM hUM phaT/ sngags kyi rgyal po 'di brjod pas// lus ngag sems las byung ba yi// bgegs kun gyi ni mgo stangs su/ rdo rje phur ba gzugs par bya// oM g+ha g+ha g+hA ta ya g+hA ta ya sar+b+ba duSh+TAM big+h+nAn hUM hUM phaT/ kI la ya kI la ya/ sar+b+ba pA paM A dz+nyA pa ya ti/ kA ya bA ka tsit+ta badz+ra kI la ya hUM phaT/ rdo rje tho bas brdung bya ste/ oM badz+ra mud ga ra badz+ra kI la ya a ko Ta ya hUM phaT/ spyi bor btab pas nges par brlag/ slar 'dus phyogs mtshams ma lus par// sa gzhi ra ba dra ba dang // gur bcing ba dang bra bre dang / mda' dang me yi 'od 'bar bsgom// oM badz+ra me de ni badz+ri b+ha ba badz+ra ban+d+ha ban+d+ha hUM/ oM badz+ra prA kA ra hUM baM hUM/ oM badz+ra paM dza ra hUM laM hUM/ oM badz+ra bi tA na hUM khaM hUM/ oM badz+ra sha raM dzA la traM saM traM/ oM badz+ra dz+wa la a nA larka hUM/ rim pas brjod la snying rje yis// bdag nyid gzhan la phan 'dod pa// smon lam las byung rdzu 'phrul mchog/ yaM las byung ba gzhu 'dra ba// sngon po ba dan ldan pa bsam// de stang raM byung rgod ma'i kha// gru gsum dmar po 'od 'bar ba// baM las skyes pa zlum po ste// dkar po 'khyil ba'i tshul du bsam// de las skyes pa dbang chen te/ / laM skyes ser po rdo rje'i rgyu// gru bzhi 'od zer 'bar ba bsam// de steng tsam las chos kyi 'khor// lte bar bruM las gzhal yas khang // gru bzhi sgo dang rta babs bcas/ / dra ba phyed dang dra bas brgyan// 'phreng ba rin chen rdo rje dang // mdzes pa'i ba dan bcas pa bsam// de nang paM las chu skyes ni// ge sar 'dab mar bcas pa'i steng // nyi ma kA li 'od 'bar tsha// steng du zla ba A li bsil// kha sbyar bar du hUM dang a// gnag cing dmar ba'i rnam pa la// de las pad+ma rdo rje bsam/ slar yang yi ges 'gro ba sbyang / / hUM gis mi bskyod thugs rnams bsdu// a yis 'od dpag gsung bsdus la// gnyis med zhu bas sprul pa bsdu// rdo rje las ni khro bo ste// pad+ma sa khro mo'i rnam par bskyed/ / khro bo mthing kha zhal gcig pa// rang 'od las byung phyag gnyis 'khyud// rdo rje dril bu thabs shes rab// g.yas dang g.yon du bsam par bya// dbu rgyan la sogs rin chen ldan// dbu skra kham ser gyen du 'bar// nag po sbrul lus klu chen brgyad// sku smad stag gi pags pas dkris// chos gos sngon pos skra stong dkris/ / mche ba gtsigs shing spyan gsum dmar// 'dod dgur bsgyur zhing brkyang bskum zhabs// mtha' gnyis spangs pa'i steng du bzhugs// de yum rdo rje bde ma khro/ / dmar ljang zhal gcig phyag gnyis ma// g.yas pa gri gug yab la 'khyud// g.yon pa thod pa bde ba ster// gnyis med g.yon gyi phyogs nas 'khril rdo rjes sbyor ba'i sgras bskul te/ / shar phyogs pad+mar nyi zla las/ hUM las khams gsum rnam par rgyal// dkar po zhal gcig phyag bzhi pa// g.yas pa rdo rje rtse gsum 'dzin/ / g.yon pa dril bu be con te// khro bo rgyan ldan bsams nas kyang // 'byung po'i nus pa 'joms par byed// lho phyogs nyi ma ro stengs su// hUM las byung ba'i legs ldan gnag/ g.yas pa gri gug g.yon thod pa// zhabs gnyis brkyang bskum thod 'phreng ldan// dgra bo gsod pa'i las la brtson// nub tu klu 'dul bdud rtsi 'khyil// ljang lu zhal gcig phyag bzhi khro/ / g.yas pa rdo rje bya khyung dang // g.yon pa dbyug to phur bu bsnams// sa 'og klu sogs zas su gsol// byang duk+Sha las rnam thos bu// zhal gcig phyag gnyis bum stengs su/ / mdog gser g.yas pa rgyal mtshan bsnams// g.yon pas nor 'dzin gzung ba ste// dbul ba sel ba'i don la brtson// sgo mtshams lha yi rang bzhin la/ ye shes spyan drangs mchod la gzhug/ de ni yi ge bzhi sbyor yin// lus ngag sems la yi ge yi// lha yi mtshan ma gdab par bya// skye mched lhar byas ting 'dzin gyi// nus pa mi shim lhar bltas la/ / ye shes lnga 'dus yi ge bsam// de yi 'od kyis spyan drangs pa'i// rigs lnga snyoms 'jug byin rlabs kyis// mi bskyod rdo rjes dbang bskur te// gsang ba shes rab ye shes kyis/ / rgyas btab rigs la bzhi pa yi// phyag rgya che la rigs med do// 'di ni gsang chen sku grub pa// rim gyis gsal zhing rnam par dag/ rdo rje 'dzin pa'i sku thob pa/ tshe gcig nyid la 'gyur ba yin// rtag tu goms pa'i sbyor ba yis// sa sogs 'jig rten ma lus kun// skad cig nyid la dbang du 'gyur// gtsug na rin chen la sogs pa'i/ gdug pa can rnams snying yang 'byin// dga' bo la sogs klu chen rnams// rtag tu de la 'dud par 'gyur// nad kyi rigs kun ma lus 'joms// gnod sbyin ma lus bka' nyan cing lha srin ma lus bran du 'gyur/ / 'di ni gsang ba dam pa ste// mdzes ma khyod la bshad pa yin// bcom ldan 'das phyag na rdo rje gsang ba mngon par bstan pa'i rgyud kyi rgyal po las// dkyil 'khor bskyed pa'i le'u ste lnga pa'o// / dpa' mo rdo rje bde mas gsol pa/ bcom ldan 'das rdo rje 'chang gi rig pa'i gsang sngags kyi don ji lta bu lags/ bcom ldan 'das kyis bka' stsal pa/ mdzes ma khyod kyis zhus pa legs// zag med bde ba'i rgyu 'byung ma// bdag med shes rab ma yi mchog/ khyod la bshad kyis legs par nyon/ / gsang ba mchog gi gsang ba ste// 'phrin las thams cad rdzogs byed cing // sdug bsngal kun las skyob byed pa'i// A li kA li mnyam sbyor las// thabs dang shes rab ma'am med pa'i/ / sngags kyi don ni rnam pa lnga// sku gsung thugs kyi rig pa dang // 'phrin las sna tshogs rig pa dang // 'khor gyi las kyi rig pa dang // 'byung po dgug dang gsang ba dang / / gtor ma gtang ba'i rig pa'o// oM badz+ra pA Ni hU~M phaT swAhA/ oM badz+ra kro d+ha nI lAM ba ra d+ha ra badz+ra pA NI hU~M phaTaswAH/ oM badz+ra tsar+thA sa hA roSha/ hU~M phaT swAhA/ r+tha thA b+ho b+ho ban+nA ga a d+hi pa ta ye/ i daM nI lAM ba ra d+ha ra sha rI rA Ni/ badz+ra pA Ni tri da ya/ yaHsa mA ti kra mtha/ mA ku la/ uta sA da nAM/ b+ha biSh+yan+ti/ tad+ya thA/ bud+d+ha bud+d+ha bud+d+ha bi bud+d+ha ma tI kra ma tha/ ha ra ha ra nA ga nAM/ pra ha ra pra ha ra nAg+na nAM/ ts+tshin+na ts+tshin+da nA gA hri da yA ni/ b+hin+da b+hin+da nA ga marmArti/ bi shIn+yar+d+hanA ga sha rIrA/ bi s+pho Ta sa nA ga na ya nA ni tad+ya thA/ oM AHhUM phaT/ nA ga bi dA ra NA ya hUM phaT/ nA go ta sA da nA ya hUM phaT/ nI la ba sa nA ya hUM phaT/ a pra ti ha ta ba la pa rA kra mA ya hUM phaT/ kr-i tAn tA rU pa ya phaT/ ro Sha NA ya phaT/ trA sa nA ya phaT/ kuSh+maN+Dota sA da nA ya phaT/ pra ta pi shA tsa bi nA sha ka rA ya phaT/ yak+Sha a pasmA ra bi nA sha ka rA ya phaT/ hA sa ha sa/ dA ra dA ra/ mA ra ya mA ra ya/ nA sha ya nA sha ya/ sar+b+ba big+h+nAn bi nA sha ka rA ya phaT/ sar+b+ba sha truM saM g+ha bi nA sha ka rA ya phaT/ nI lAM ba ra d+ha ra badz+ra pA Ni rA dz+nyA pa ya ti swA hA/ oM badz+ra trai lokyA bi dza ya hUM phaT/ oM bar+Na trai lo kya bi dza ya b+hasmi swA hA/ mA ra ya tsit+ta rbad rbad/ oM badz+ra kro d+ha ma hA kA lA ya hUM phaT/ oM ma hA kA lA gu Ni hr-i da ya hUM phaT/ tsit+te kro d+hi duny+dza dzaH/ oM badz+ra kro d+hi a mri ta nA ga hU oM a mr-i ta s+'uT li si khaM ku ru hu phaT/ mA ra sa ra k+Sha rdubs rdzas/ oM badz+ra kro d+ha ku ber rA dz+wa ma hU phaT/ oM a ts+ya b+ha la dza lonA ma rbu phaT/ nA ra ya ke tshomachom mthu bskur pa sod sod/ ma thun gsar sna dza/ ma mde 'i mA ma han tan/ ma hAs nu mAr la gtubs gtubs/ san grub sa myur la tiH(/ mtha la k+Sha wA ra sa d+hIHd+hI ma hA gan+d+harba mA ra ya khos khos/ ma hA ma ri Ni mA ra ya nAM/ ma hA nI lAM pa ra d+ha ra badz+ra pA Ni yak+Sha hUM/ mu ru ta mu ru ta hUM phaT/ mA ra Na sod sod/ mA ra Na bying bying/ mA ra Na rmugs rmugs/ mA ra Na ha la ha la/ mA ra Na myos myos/ mA ra Na myos bying/ mA ra Na thu ma ri la dzadza/ ka ka rak+Sha hUM hU staM b+h+yo dzA kha khA/ te she rak+Sha hUM hU staM b+h+yo dzA kha khA/ tsa pa rak+Sha hUM hUM staM b+h+yo dzA kha khA/ tsa ka rak+Sha hUM hU stAM b+h+yo dzA kha khA/ mun du rak+Sha hUM hUM staM b+h+yo dzA kha khA/ ka ka rak+Sha sa ma ya bud+d+ha ya s+phu ta ra/ te sha rak+Sha sa ma ya bud+d+ha ya smA ta ra/ tsa pa rak+Sha sa ma ya bud+d+ha ya smA ta re/ tsa ka rak+Sha sa ma ya bud+d+ha ya s+phu ta ra/ mun du rak+Sha sa ma ya bud+d+hA ya s+phu tar/ hUM hUM/ hril hri la/ de mi dim/ phob phob/ shar shar/ de ri di ri/ chang rbad/ kha thaM kha r+the/ thus thus/ dza re dza re b+h+yo/ has ha se/ te pa te pa/ kri ta ha kri ta ha/ kri khrig kri khug/ chal pa tshal ba/ rbad ling rbad leng / srog tshig nan rbad/ lus dul ma ra ya rbad/ raM raM dz+wa la dz+wA la shai shi/ rdul bun rbad sod/ nA ga mA ra ya hUM phaT/ dzaHhUM baM hoHd+har+m+ma ka ka ki ti ra/ d+har+m+ma te shas muny+dza/ d+har+m+ma te sha tsa ka ra/ d+har+m+ma te sha sa ma ya/ bud+d+hA ya s+phu ta ra/ te pa te pa kha wA raM/ te pa te pa ka tsa ri/ te ba te mun du ra~M/ te pa te pa pustaM ha ra/ te ba ti pa sa mun dza/ tsa ka ra muM du ra khe/ badz+ra tsa ma ran dzA dzA/ de sha ra~M/ mun du ne/ badz+ra dzu ru dzu ru ra/ dzu ru dzu ru sa mr-i dza dzaH/ badz+ra g+he ne khe dza/ badz+ra pUr khe dzaH/ badz+ra muN+Da re khe dza/ kha dza rA dzA muM du ra khe/ kha dza ra dza muM du ra sa mu khe/ pad+ma ra Ni kha dza rA dza muM du ra khe/ kha dza rA dza muM du ra sa muny+dza ra khe/ dzu dzu dza dza khA hi dza/ oM kA ya bAka tsit+ta i daM ba liM b+huny+dza dzaM g+ha phuwa/ d+hU ba mAM sa se sa khan+ti/ khur+t+ti pheT gA da/ oM a mr-i ta pra ti dza ka sa ka ru pU dza khA haM/ rak+ta bi pa ta/ ka se ru pU dza khA hi/ d+hU pe/ puSh+pe/ A lo ke/ gan+d+he/ / no bi d+ye/ ka sa ka ru pU dza khA hi/ oM a kA ro mu khaM sar+b+ba d+har+m+ma NAM/ A d+ya nuta pan na tAta/ oM AHhUM/ 'di ni rin chen sngags kyi ma chog/ ma lus dgos 'dod 'byung ba'i dpal/ / gzungs ma khyod la nyer bshad pas// 'di ni mi 'da'i dam tshig yin// bcom ldan 'das phyag na rdo rje gsang ba mngon par bstan pa'i rgyud kyi rgyal po las/ gsang sngags bstan pa'i le'u ste drug pa'o/ / dpa' mo rdo rje bde mas gsol pa/ bcom ldan 'das rdo rje 'chang gi 'khor ji lta bu lags/ bcom ldan 'das kyis bka' stsal pa/ / mdzes ma khyod kyis zhus pa legs// bag med bde ba'i rgyu 'byungs// bdag med shes rab ma yi mchog/ khyod la bshad kyis legs par nyon/ / nga yi 'khor ni bsam mi khyab// 'di tsam grangs ni sangs rgyas kyis// bskal par grangs kyang shes mi 'gyur// de bas nam mkha'i tshad dang mtshungs// mdor bsdus nas ni bshad par bya/ / sku yi 'khor ni khro bo bcu// rigs lnga'i ngo bo sku gsung thugs// mi 'gyur gdug pa 'dul ba yin// thugs kyi 'khor ni rigs brgya ste/ mdor bsdus sprul pa'i khro bo bzhi// gsung gi 'khor ni dpag med kyang // rigs drug 'dul ba'i khyud chen yin// sna tshogs bsam gyis mi khyab po// gdul bya'i 'khor ni klu chen brgyad/ / gsung gis de rigs 'dul ba yin// gnod sbyin lag na rdo rje'i tshogs// lnga brgya rigs bsdus sku yis 'dul// thugs kyis lha srin gdug pa 'dul// byams pa'i ting nge 'dzin gyis 'dul// 'di la 'dis 'dul sprul pa'i tshogs// smon lam dbang gis byung ba ste// bsam gyis mi khyab des 'dul ba// rigs la brjod par ga la nus/ / mdor bsdus mdzes ma khyod la bstan// bcom ldan 'das phyag na rdo rje gsang ba mngon par bstan pa'i rgyud kyi rgyal po las// 'khor nges par bstan pa'i le'u ste bdun pa'o/ / / dpa' mo rdo rje bde mas gsol pa/ bcom ldan 'das rdo rje 'chang gi las sgrub pa'i rim pa ji lta bu lags/ bcom ldan 'das kyis/ bka' stsal pa// mdzes ma khyod kyis zhus pa legs// zag med bde ba'i rgyu 'byung ma// bdag med shes rab ma yi mchog/ khyod la bshad kyis legs par nyon// gdug pa'i klu rnams 'dul 'dod pas/ / rdo rje khyung chen stobs chen 'dul// nga yi gsung gi sprul pa ste// mche ba rno dpal drag po gtsigs// baM las rgya mtsho ri rab steng // yi ge hU~M las byung ba yi/ / dpa' bo klu 'dul bsgom par bya// sku mdog nag po zhal dgu ldan// rtsa zhal mthing nag g.yas pa dkar// g.yon pa dmar po de stang du// dbus dmar g.yas pa ltung ba ste/ / g.yon pa bcom gser dang 'dra// de steng dbus dkar g.yas pa gnag/ g.yon pa bai DUn+da lhur sngo// thams cad spyan gsum rdo rje'i mchu/ gtsug rin chen rdo rje'i rwa// phyag ni bco brgyad g.yas pa na// rdo rje ral gri dgra sta zhags// mdung dang lcags kyu mda'i dang ni// rtse gsum las kyi bya khyung bsnams// rim bzhi/ chu bdag mtha' yas dang // nor rgyas stobs rgyu dung skyong dang // pad+ma pad chen rigs ldan dang // 'jog po klu dgu ro stod lha// thal sbyar gcol rin chen stob/ mjug ma phyag la/ dkris mdzad de// kun kya dang 'dog 'dzin// sbrul go bdun pa sbyin bzhin ga sa/ gtsun pargyal bu con dang // 'khor lo rgyags so shA / sbrul gyi rgyal mtshan gzhu dang ni// gtum chung phur dang khyung phur ro// rim bzhin rlung 'byin dga' ma dang // mdzes ldan dpa' mo 'od byed ma// grub ma bstan ma dge ma dang // gsal byed rim bzhin yab dang 'dra/ / thal sbyar gtso la pad+ma dbul// gdengs ka gsum gyis 'dud byed ma// g.yon du rim bzhin bsam par bya// zhabs bzhi chu srin rus sbal dang // phag dang lto 'phye'i steng na bzhugs/ / gshog pa rigs bzhi'i rdo rje ste// mjug ma ral gri rigs bzhir ldan// sder chen lpags la me 'bar bas// rab tu gtum zhing sa bdag dang / klu rigs ma lus brlag mdzad pa// 'og min gnas su srab par bsam// de rjes gnas gsum yi ges brgyan// oM AHhUM dkar dmar dang gnag/ sprul pa go cha'i sngags bsam pa/ / oM hUM trAM hrIHA/ spyi bo mgrin pa snying kha dang // lte ba gsang gnas bsam par bya// e baM ma yA dpung pa dang // dpyi yi stengs su bsam par bya// hU~M sa hrIHa brang dang ni// sog dbrag ltong mo lte lkog bsam/ / dzaHhUM baM hoHsgo bzhir bsam// staM dza ya a sprul pa dang // yang sprul bsam gyis mi khyab bsam// de nas gsang ba'i sngags bstan pa// las kyi khyud chen drag po'i sngags/ / sangs rgyas kun gyi mthu bsdus pa// oM badz+ra khyung kar khyud kar badz+ra ga ru Ta tsa le tsa le hUM phaT/ sku yi gsang ba'i sngags su bstan// oM badz+ra ga ru Da hUM srog tshig ni rbang lus dul nA ga mA ra ya phaT/ r-i ra dza la dza la zhi zhi rdul bun rbad phaT/ gsung gi rig pa dam pa'o// oM badz+ra tsaN+Da gA ru Da hUM mA ra ya/ s+pho Ta ya s+pho Ta ya/ badz+ra pa ti ga ru Da be ge hUM dzaH ri dza pri dza hUM phaT/ thugs gsang rdo rje gtum po'i sngags// drag byed thams cad rlag par byed// klu rnams snying khrag 'thig pa yin// rdo rje 'dzin pa'i dam tshig 'di// rin chen bzhin du rnyed dka' bas/ / 'di la rtag tu 'bad par bya// mthun pa'i rdzas kyi gtor ma sbyin// de yi nang du gnod pa dgug/ oM badz+ra shrI ma ma nA ga sa bi ta chog khug maM laM d+hi swA hA/ 'dis ni bkug la lha la dbul// gal te gsad par 'dod pa na// sku gsung thugs kyi rig pa las// phur bu gnyis pa'i drag sngags dang // gsad pa spyi yi sham bur gdags/ / gzugs brnyan phur bus gdab par bya// tshangs pa yin yang nges par brlag/ oM badz+ra tsaN+Da ma hA ro Sha Na badz+ra kI la ya sar+b+ba big+h+nA na mud ga ra kI la ya A ko Ta ya hU~M phaT/ oM badz+ra tsaN+Da ga ru Ta kI li kI la ya sar+b+ba big+h+nAM mu ga ra kI la ya A ko Ta ya hUM phaT/ gtum chung phur bus gdab pa'i sngags// de rjes gzugs brnyan ma lus pa// drag po'i thab tu bsreg par bya/ / tsher ma can gyi me sngar la// khyung chen gtum po'i nga rgyal gyis// nA ga d+hA mi ba ti sar+b+ba kA ya bAka tsit+ta badz+ra nA yAn lan hUM/ ci rigs sngags kyis bsreg pa dang / / thal ba dkar gsum sbyar bya ste// rgya mtshor 'bab pa'i tshu la ngor// de ltar las kyi sbyor ba de// lan bdun byas par gyur na ni// klu chen drug gis snying la zin/ / nges par sos par 'gyur ba yin// gal te mi gtod kru chen gyi// lus dang khang par bcas pa la// me dang rdo rje'i char pa yis// skad cig nyid la tshig par 'gyur de bas dam tshig mi 'da' bas/ / las 'di myur bar mi bya'o// las kyi gtum po khyung sgrub pa// mdzes ma khyod la bstan pa yin// bcom ldan 'das phyag na rdo rje gsang ba mngon par bstan pa'i rgyud kyi rgyal po las/ las sgrub pa'i lha rdo rje gtum po khyung gi sgrub pa bstan pa'i le'u ste brgyad pa'o// / dpa' mo rdo rje bdems gsol pa/ bcom ldan 'das rdo rje 'chang gi sku'i sprul pa pho nya gnod sbyin nag po'i sgrub pa ji lta bu lags/ bcom ldan 'das kyis bka' stsal pa/ mdzes ma khyod kyis zhus pa legs// zag med bde ba'i rgyu 'byung ma bdag med shes rab ma yi mchog/ khyod la bshad kyis legs par nyon// de nyid gnod sbyin nag po 'di// bya ba'i las kun thogs pa meng // khyad par drag po'i 'phrin las 'grub/ dur khrod brag rdzong nags phug tu// nag po'i sa la dkyil 'khor bya// pad+ma 'dab brgyad sgo dang bcas// mthing nag gru gsum me 'od ldan// saM las ri rab steng du hUM// 'od zer 'phro 'dus rdo rjer bsam// de las gnod sbyin nag po ni/ / zhal gsum phyag drug zhabs gsum ldan// g.yas pa 'jigs pa stag gi zhal// g.yon pa stobs chen seng ge ste// phyag g.yas dang po rdo rje 'dzin// gnyis pa rtse gsum gsum pa phur/ / g.yon pa dril chen lcags kyu dang // thod pa khrag gis bkang ba yin// g.yas pa gtum pa'i bdud mo brdzis// g.yon pas bdud po nyid gdong mnan// phur zhabs dmar po me 'bar bas// gnod byed bgegs kyi mgo la btab// thod 'phreng mi yi pags pa gyon// dur khrod rus pa'i rgyan dang ldan// dbu skra dmar po thur du 'phyang // spyan gsum mche ba rab tu gtsigs// ha har dgod cing gdug pa 'dul/ / sprul pa'i gnod sbyin stong dang bcas// rdo rje 'chang gi bka' bzhin sgrub// de yis rig pa phul ba ni// oM badz+ra yak+Sha kA la tsaN+Da ni lAM bar d+ha ra sha rI raM hUM phaT/ rtsa ba'i gsang sngags 'bum du bzlas/ / grub par gyur nas gang dmigs la// rjes su tsha ba'i 'bru dang ni// tshwa las ling gar 'khor lo gzhug/ dmigs pa bstim la 'grub gnas gzhug/ de stengs yungs kar zi ra dang / / dug gi rigs kyis zab par bya// gsang ba drag po'i sngags 'di bzlas// oM badz+ra yak+Sha kA la tsaN+DA nI lAM ba ra d+ha ra sar+b+ba sha hUM bi dA ra ya phaT/ ha ra ha ra phaT/ pra ha ra pra ha ra phaT/ ts+tshin+da rIn+da phaT/ r+dz+nyA g+sa/ / d+hAk+Sha pa Sh+Ta wA gA / ma la 'du/ thu sa rigs mang thong ba gas// tsati bo'i 'og tu sba/ / steng du ri rab rdo rje yis// mnan pa byas pas nges par bzlog/ yang na gnod sbyin chen po de// dur khrod ras la bri byas la// de yi snying khar sngags 'di bri// e li nang du chud par ni/ / oM badz+ra yak+Sha kA la tsaN+Da sa ya ma nu sma ra sid+d+hi hUM/ phyag la yak+Sha pa ti li// zhabs la kaM maM b+ha ra bri// de nyid gtor ma chen po la// bcug ste sngon po'i dar gyis dga'// de steng ras sam lom pa gnod sbyin srog gi 'khor lo ni/ / lte ba rtsibs bcu mu khyud bcas// yang rtsibs bcu dang mu khyud ldan// me 'od ldan pa bris byas te// sngags kyi 'khrul 'khor bkod nas kyang // las kyi ming dang spel pa brithi'i 'di ni gnod sbyin srog yin te/ / mi 'da' bka' yi dam tshig yin// las rnams gang bcol sku yis byed// yang na rgyal rigs thod pa la// gnod sbyin bris la tsha ba'i mar// chang dang bsres la byug bya ste/ / nyin re gang 'dod las dang sbyar// me tog kha dog mthun pas brab// bsgo ba'i 'phrin las 'grub par 'gyur// chu dar sngon po'i gzhi ma la// gser gyi 'khor lo bri bar bya// lte brtsings brgyad mu khyud ldan/ / phyi ma re mig bcu drug par// sa bon sngags dang sbal bya ste// kun gyi mtha' ru 'phrin las sngags// bris pa mgul du btags pa yis// mi mthun phyogs rnams srung 'gyur te/ bung ba me la bya ba bzhin/ / khyi sha btags pa'i ril bu'i nang // dgra yi gzugs bris sngags dang spel// nyi nub bya rog la byin te// sngags pazlas phyir zhing lan grangs ni// brgya'am stong du byas gyur na// gang yin gar+tha/ nas bskrad par 'gyur// khyi 'brel spu la srad bu byas// mdud pa brgya rtsa brgyad byas te// sngags re zhing yang gnod sbyin re// 'bras kyi nang du bsgyur ba na// phub ma 'bral bar mi 'gyur ro// de bzhin khyim du bcangs pa na/ / mi phyugs la sogs 'khrug pa na// khyi dang 'dra bar 'brel bar 'gyur// khyi nag snying du gnod sbyin gyi// snying dang sku dang sngags bcu ga nas/ bcangs pa tsam gyis gnod sbyin nyid// lus dang grib mar 'dra bar 'gyur// skad cig tsam yang sgrub pa po// de yis gtong bar mi byed do// de la sogs pa'i las kyi rim// mdzes ma khyod la bshad pa yin// bcom ldan 'das phyag na rdo rje gsang ba mngon par bstan pa'i rgyud kyi rgyal po las gnod sbyin nag po sgrub pa'i le'u ste dag pa'o/ / / dpa' mo rdo rje bde mas gsol pa/ bcom ldan 'das rdo rje 'chang gi rnal 'byor bsam gyis mi khyab pa'i rdzogs pa'i rim pa ji lta bu lags/ bcom ldan 'das kyis bka' stsal pa// mdzes ma khyod kyis zhus pa legs// zag med bde ba'i rgyu 'byung ma 'badag med shes rab ma yi mchog/ khyod la bshad kyis legs par nyon// bsam kyis me khyab rdzogs pa che// lha yi bya ba sngon song ste// bskyed la dmigs pa thob nas ni// snying khor mo shes sems dpa' bas ma/ / de yi rang bzhin skyeng nang du// pad+ma 'dab bzhi'i thig les brgyan// TI tha'i bar du rgya sran tshad// de yi nang du gnas pa'i srog/ ma sha mar me'i rtse ltar sgom/ / de la dmigs pa brtan pa dang // ci yang bsam par mi bya ste// bsam gyis mi khyab de bsams na// de las ye shes skye bar 'gyur// gsal zhing mi rtog rig pa'i sku// ye shes zhes ni de la bya/ / rten med rnam dag gsal ba yin// rtog parten can bsgom 'dod pas// sku yi gnas su 'khor lo ni// dkar po rtsa 'dab sum cu gnyis// mtshan gyi thabs kyis chas brgyan pa/ gsung gi gnas su rtsa 'dab ni// bcu drug dmar po shes rab ste// de la thabs kyis nges par brgyan// thugs kyi gnas su dus sbyor brgyad// gtso bo'i yi ge brgyad gnas pa// 'phrin las byas pa'i gnas dag tu/ / dbyug gu'i grangs kyi rtsa gnas pa// shes rab gnyis 'gyur kha dog dmar// de dbus gnyis med g.yas dang g.yon// thabs dang shes rab rnam par dbye// rtog pa sad pa'i 'khor lo ni/ / thabs la drug dang shes rab drug/ tha ma bde ba'i 'dzin pa'i sa// mi rtog dpa' bo gnas pa yin// yi ge bzhi yis brgyan mdzad do// bde 'dzin 'khor lor yi ge med/ brjod pa thams cad spangs pa ste// 'dus ma byas pa'i rang bzhin mchog/ khu ba khrag dang chu ser gnas// 'di ni lam gsum 'joms byed pa'o// skad cig rlung gi rta yis ni// thabs dang shes rab gnyis bskul nas/ / gnyis med ye shes skye bar 'gyur// ye shes kyis ni rtog pa sreg/ thal ba'ang dmigs par mi 'gyur bas// rtags lnga rim par 'byung bar 'gyur// de nas dpal gyi yon tan te// yang nas yang du goms par bya/ / sde pa bzhi yi longs spyod ni// gnas su yang dag skye bar 'gyur// gnyis med bde ba'i gnas thob nas// skye 'chi la sogs rgyud chad de// 'di ni rnam dag legs pa'i gnas// thob par 'gyur ba smos ci dgos/ / 'di ltar rnam par dag pa na// nyin mtshan cha yis dbye ba yis// dbyug gu chu tshod dus sbyor sogs// brtsi bas rnal 'byor ngal ba'i rgyu// thams cad gcig tu bsdoms gyur na mi rtog mnyam nyid nam mkhar dag/ 'bad med ye shes lhun gyis grub// dang po'i sangs rgyas ye shes che// khams gsum thams cad sgrol mdzad ma// shes rab yum la phyag 'tshal lo// mi gnas spros bral 'dus ma byas// legs rtogs bla ma mchog la 'dud// brjod par dka' ba'i rnal 'byor 'di// mdzes ma khyod la bshad pa yin// dpa' bo brtan par ma gyur na// yi ge hUM gi sbyor ba yis// 'jig rten khams kun 'jigs par 'gyur// me yis bud shing sreg mdzad de/ shing med ma yang ji ltar gnas// brtan g.yo nyams par gyur pa na// mi shigs yi ge rnam par dag/ 'di ni gsang ba dam pa ste// gsang ba tha na med pa 'di// bdag med rtogs pa khyod la bshad// gzhan du gang+gA'i bye ma dang // mnyam pa'i sangs rgyas rnams kyis kyang // brjod par nus pa ga la yod// bcom ldan 'das phyag na rdo rje gsang ba mngon par bstan pa'i rgyud kyi rgyal po las// bsam gyis mi khyab pa rdzogs pa'i rim pa bstan pa'i le bcu pa'o/ / / dpa' mo rdo rje bdems gsol pa/ bcom ldan 'das rdo rje 'chang gi rigs dag pa la dbang bskur ba ji lta bu lags/ bcom ldan 'das kyis bka' stsal pa/ mdzes ma khyod kyis zhus pa legs// zag med bde ba'i rgyu 'byung ma// bdag med shes rab ma yi mchog/ khyod la bshad kyis legs par nyon// dang por slob dpon mtshan nyid kyang // mdzes shing dul ba byams sems ldan/ / sngags dang rgyud kyi de nyid mkhas// snyan par smra zhing gtong la dga'// brtan zhing bden smra byams sems ldan// bsam pa shes shing gsong por smra// dam tshig ldan zhing sngags tshul mkhas/ / phyag rgya dkyil 'khor brda rnams mkhas// de nyid bcu shes snying rjer ldan// 'jig rten pa yis rnam spangs pa// mkhas pas de nyid shes nas kyang // de ni sangs rgyas kun rang bzhin/ / byang chub sems dang dgra bcom dang // nyan thos rang rgyal gong na med// de lta'i bla ma srog ltar bstan// gal te slob dpon smod pa la// dngos grub rmi lam du yang med// de bas bya ma mnyes byas la/ / bla gos phrag pa la g.yogs te// pus gcugs thal sbyar me tog thogs// dkyil 'khor bri bar gsol bar bya// grong dang tshong dus dur khrod dang // tshal dang lha khang grong khyer te byang shar dngos grub gzhan gnyis spangs/ / ro hi ta sogs zla ba yi// lto 'phye'i lto bar shes par yin// gzhan du nyes pa 'byung bar 'gyur// mkhas pas nyes pa med par bya// sa bslang ba dang brdag pa ni rim bzhin gtsug lag khang pa dang / / tshal dang rdo le ba khang bzangs te// kun la brtag pa spang bar bya// slob dpon smin pas slob ma rnams// phung po lnga po dag par bya// sa yi nyes pa kun bsal nas// laM las byung ba'i lha mo ni// rgyan ldan bum pa phyag na bsnams// de la mchod cing gsol bar bya// oM e h+ye hi ma hA de bi pri thi bI lo ka/ mA tri sar+b+ba rat+na saM pU ra ni/ di bya a laM kA ra b+hU Shi te/ ha ra nu pU ra nir g+ho She/ badz+ra satwa pra pU dzi ta gr-i hit+sa/ i daM arga a smin san+ni hi to b+ha ba/ hri hri hi hi swA hA/ gnang bas sa la slar thim bsam// slar sbyar srung zhing gtso bo la// dri yi gdan chen gru bzhi ste// 'khor la sum cha dor bas zlum// me tog sngon po'i gdan la bsam// rin po che 'am sa yang rung // bum pa nag po'i skyon spangs te// bya g+h+ri sang g+hi dbyig pa yi// ut+pal gzhan gyis mi thub pa/ ta sa de bas nad rnams sbyong // dngul dang mu tig mu men dang // b+hu ru gser gyis ye shes 'phel// nas gro til dang sran ma dang // mud ka yis ni lam lnga dag/ ga pur gur kum dzA ti dang // tsan dan a ka ru yis ni/ / gzhan don 'phrin las lnga 'grub bo// chu dang snying po lnga yis ni// rnal 'byor phun sum tshogs 'gyur bas// mgrin pa gos kyis dkris pa dang // 'bras ldan shing gis kha yang brgyan/ / ku sha la dug mtshan ma can// rang rang phyogs su gzhag par bya// bdug spros thogs la gsol ba gang ba// bcom ldan rdo rje 'dzin pa'i rgyal// bdag la dgongs nas gzigs su gsol/ / slob ma rnams kyi don phyir dang // khyed rnams la yang mchod pa yi// bdag ni dkyil 'khor 'dri bar 'tshal// rin po che yi mthu bzhin du// bka' drin rjes su gnang ba yis/ / sang ni byon par mdzad du gsol// lan gsum bar du gsol bar bya// slob ma rnams la rjes brtse bas// sdom gzung gsol zhing bsrung ba dang // slob dpon rdo rje can dmigs la// gang yang gsang sngags lha kun dang / / 'jig rten skyong ba ma lus pa// rdzogs pa'i byang chub la zhugs dang // sangs rgyas bstan dga'i 'byung po dang // gang dag rdo rje'i spyan ldan rnams// rdo rje 'chang gi dkyis 'khor mchog/ dang bdag 'dri bar 'gyur ba la// bdag dang skal ldan slob ma la// byin gyis brlab phyir srung bar mdzod/ srad bu ye shes lnga yi dngos// re re'ang rigs lnga rnam dag ste// chos kun ngo bo nyid med pas/ / phan tshun sngags bzlas bsgril bar bya// dkyus su 'khor lo'i nyis 'gyur la// sboms su sgo yi bcu gnyis tshad// hUM brjod bdud rtsi lngas byugs la// dza dza'i bzlas brjod babar gzung / / slar yang de bzhin ye shes kyi// thig chen nam mkhar gdab par bya// de bzhimacha ldan gnyis pa yis// gtsang zhing rdo rje 'dzin bsams te// tshangs pa'i thig chen gdab par bya/ gnyis pa zur thig la sogs pa// nub dang lhor ni slob dpon la// byang shar slob ma'i gnas sa ste// g.yas kyis bskor ba ma gtogs pa// g.yon du nam yang ma yin no// de ltar cha yis rnam par dbye// thig skung chang na bla ma 'chi// dman dang lhag pas nad du 'gyur// phyogs 'khrul na ni slob ma rmongs// de bas mkhas pas skyon med bya// rin chen lnga 'am 'bru yi phye// yang na 'byung khungs las byung ba// yige bcu yis byin brlabs te// rigs lnga rnam par dag pa las// dkar ser dmar ljang nag po dang // dbang ldan phyogs nas bri bar bya// gal te tshon rtsi mi mnyam zhing // yo dang dma' bar gyur na no// dngos grub med cing rtsod la gdung // sbom pas nad 'byung phra bas ni// nor nyams gal te chad pas ni// 'chi 'gyur g.yas bskor ma bris na// phur bus btab pa yin zhes bya// shar phyogs dkar la lho nub byang // ser dmar ljang khur bri bar bya// dbus ni bai DUR+Ya lta bu// pad+ma phyogs kyi rnam pa ste// mtshams ni mdzes mtshon bum pas brgyan// sgo la sogs pa'i rgyan rnams dang // dur khrod ra ba'i nang du bri// gtum drag la sogs phyogs mtshams dgod/ / dbus mtho shar dang byang gzhol zhing // mtho zhing ma 'dres drang bar bri// de nas rdo rje 'dzin dmigs la// gus pas me tog dang bcas nas// gsol ba 'di ltar gdab par bya/ / dpal ldan rdo rje 'dzin pa che// byang chub chen po'i tshul bstan pa// mgon po chen po bdag 'tshal lo// dam tshig de nyid bdag la gsol/ byang chub sems mchog bdag la gsol/ / sangs rgyas chos dang dge 'dun te// skyabs gsum dag kyang bdag la gsol// thar pa chen po'i grong mchog tu// mgon pos bdag ni gzhug par mdzod ces pa lan gsum bar du bya/ / bu tshur theg pa chen po yi// tshul tshon snod ni khyod yin te// gsang sngags spyod tshul cho ga mchog/ khyod la yang dag bshad par bya// rdo rje mi phyed mthu yis ni/ / mnyam med pa yi ye shes 'thob// de bas kun mkhyen thob 'dod pas// bu yis blo gros 'di gyis shig/ bla ma sangs rgyas kun mchod cing // rtsu ba yan lag nyes pa spong // ma grol 'khor ba'i sems can la/ / snying rje chen po rab bskyed nas// bsgral zhing grol ba'i lam la dgod// bde bar dbugs ni dbyung bar bya// de dag rim dang rim min pa// slob ma'i rim par rnam par brtag/ khrus byaso shing sbyin par bya/ / 'phrin las phyogs dang dngos grub kyi// rim pa rnam par brtag par bya// srung skud gdags dang ku sha sbyin// rmi lam brtags la ngan pa na// zhi ba'i me yis bzlog par bya/ gdong g.yogs bcings la ye shes dbab// dkyil 'khor dam par gzhug pa'i phyir// sngon bsags sdig pa ma lus las// dkyil 'khor mthong ba tsam gyis 'byung // bu khyod su yin ci dga' ba bdag ni skal bzang rigs yin pas/ / rdo rje 'dzin pa khyod la dga'// mig dbye dkyil 'khor lha yang bstan// dam tshig chu sbyin mna' yang bsgag/ me tog dor la lha ngo bstan// gang dang gang du badz+ra gyur pa'i/ / rigs kyis de la spro bar bya// chu dang cod pan rdo rje de// dril bu ming gis dbang bskur te// rigs lnga'i bdag nyid ye shes lnga// brtul zhug lung bstan rjes gnang byin// dbugs dbyung rdo rje slob dpon sgrub/ gsang ba shes rab ye shes dang // bzhi pa brjod med dbang bskur ba// gsang ba mchog gi dkyil 'khor du// mchog tu rab zhugs mthong bas na// deng khyod sdig pa ma lus las// rnam grol rigs su skyes pas na/ / sangs rgyas kun dang mnyam gsungs pa'i// rjes su gnang bas dbugs phyin 'gyur// dngos grub rgyu yi dam tshig ni// bu yis rtag tu srung bar gyis// slob mas bla ma la btud nas// gtso bos ji ltar bka' stsal pa// de ltar bdag gis bsgrub par bgyi// bcom ldan 'das kyis bshad pa ltar// rgyan dang na bza' rin chen dang // rgyal srid bu dang chung ma dang // rang gi lus kyang bla ma la/ / bsnyen bkur tshim pa med par bya// deng du bdag tshe 'bras bu yod// bdag ni gson pa 'bras bu che// de ring sangs rgyas rigs su skyes// sangs rgyas sras su bdag gyur pas// sems can don ni ma'am med bya/ / zhi ba'i sbyin sreg dngos grub grogs// tshogs kyi 'khor lo dge 'dun mchod// nad pa'am mgon med 'phongs pa kun// kha zas kyis ni tshim par bya// zhing skyong gton/ mas mnyes byas la// rang 'dod 'bras bu gsol ba gang ba// rjes su dam tshig spyod pa dang // bskyed pa la sogs rgyun mi 'chad// rnal 'byor pas ni bsam par bya// 'di ni rig mchog dbang bskur bla na med// mdzes ma myod sdugs rdzus sgyu bye sta// gan du gas myed drug la dmas smrar sa// kying badzin ma ri sa pa nga gsus/ bcom na sa rdo rje gsang ba mngon par bstan pa'i rgyud kyi rgyal po las/ slob ma dbang bskur ba'i le'u ste bcu gcig pa'o// dpa' mo rdo rje bdems gsol pa/ bcom ldan 'das rdorje 'chang gi 'khor klu sgrub pa'i thabs ji lta bu lags bcom ldan 'das kyis bka' stsal pa/ / mdzes ma khyod kyis zhus pa legs// zag med bde ba'i rgyu 'byung ma// bdag med shes rab ma yi mchog/ khyod la bshad kyis legs par nyon// gdul bya'i rigs su skyes pa yi// gdug pa'i klu chen rnam pa brgyad// rigs bsdus chu bdag b.ru N+Da// dam tshig la gnas sog ma med/ / 'di dag sgrub par 'dod pas ni// mdzes pa'i dkyil 'khor rnam lngas byug/ pad+ma lha snam sgo dang bcas// sgo rgyan ltos 'gros rab tu mdzes// lte bar rdo rje 'dzin pa bsam/ mdun du las kyi bka' nyan bskyed// pad+ma brgyad la gru chen brgyad// gdengs ka bdun ldan thas sbyar bsami// lha snam rigs bzhi'i sa bdag ste// sgo dang gru chang rigs kyi rim// mchod rdzas klu yi rtsa sman bsam/ / de rjes rdo rje 'dzin bsams la// klu chen gnas nas spyan drangs te// e h+ye hi nA ga rA dza sa pa ri wA ra sa ma ya dza dzaHrang rang stan la gzhug par bya// pad+ma'i lte bar chub dag dang / dam tshig sog med dkar dang ser// thal sbyar sbrul gyi zhabs su 'khyil// gtso bo rdo rje 'chang la 'dud// shar phyogs mtha' yas sngon po ste// lho phyogs nor rgyas ser po che// nub phyogs 'jog po kha dog dmar// byang phyogs stobs rgyu nag po ste// shar lho pad+ma dung dang 'dra// lho nub pad chen ser ba ste// nub byang dung skyong btsod dang 'dra// byang shar rigs ldan dur ba'i mdog/ mjug ma 'khyil bas gtsol 'dud/ / sna tshogs gzugs ni rigs bzhi dang // sa bdag sna tshogs gzugs kyis bskor// de dag sngags kyi rim pa ni// oM badz+ra tsaN+Da ma hA ro Sha Na badz+ra pA Ni hri da yaM/ nA ga ya sa mA ti kra ma tha ud sA da naM b+ha bi Sh+yan+ti swA hA/ rdo rje 'chang gis klu dam tshig la gzhag pa'o// oM ba ru NA ya hU~M phuHswA hA/ oM sU Tu s+phu Ta ma hA nA ga rA dza kro d+hahUM/ sid+d+hi sid+d+hi s+pho Ta ya hUM phuHswAhA oM a nan ta hUM phuHswAhA/ oM ba su ki hUM phu swA hA/ oM tak+Sha ka hUM phuHswAhA/ oM kar ko Ta hUM phuHswA hA/ oM pad+mA hU~M phuHswAhA/ oM ma hA pad+ma hU~M phuHswAhA/ oM shaM kha pA la hU~M phuHswA hA/ oM ku li ka hUM phuHswAhA/ 'di dag klu'i rgyal po rnams kyi sngags so// rim pas mchod cing gsob bya// mdzes pa'i rgya mtsho'i gtor ma yis// klu rnams tshim pas gdug sems zhi// de rjes bstod pa brjod par bya/ / hUM chu bdag sprul pa'i dam tshig can// mtha' yas nor rgyas la sogs klu dbang rnams// rgya mtsho chu gter zab pa'i 'jing chen gnas// rin chen sna tshogs yid 'ong spras pa yi// gzhal las 'byor pa phun sum gnas na bzhugs/ / sbrul mgo'i gdengs ka rab 'bar rin chen gsal// yid 'ong nor bu 'dod pa kun sgrub pa// rang gzhan phun tshogs don rnams ster ba'i dpal/ / 'od 'bar sa 'og mun pa ma lus sel// du ma'i bskal par yon tan sbyangs pa yis// klu rgyal 'byor pa mchog la mnga' brnyes pa// bsam gyis mi khyab rdzu 'phrul mchog brnyes pa'i/ yon tan bsam gyis mi khyab khyed la bstod// sangs rgyas bka' thob dad pa'i stobs 'phel ba// sangs rgyas sar gnas grub la nan tan byed// thabs dang shes rab 'bral bas gzhan don mdzad// bdag gzhan don sgrub khyod la phyag 'tshal lo// bde gshegs spyan sngar khas blangs dam bcas te// bstan pa srung zhing 'gro rnams bskyang ba'i phyir// khas blangs mna' phul dam tshig dran gyis la/ / 'phrin las don gyis bdag gzhan don sgrub mdzod// gzhan yang 'jig rten pa rnams la/ oMmatha' yas dang ni 'jog po dang // stobs kyi rgyu dang rigs ldan dang / nor rgyas bu dang dung skyong dang // pad+ma dang ni chu lha dang // rgya mtsho rgya mtsho chen po dang // dpal gyi 'od dang 'ong po che// gzugs che lto 'phye sbrul chen po// klu chen 'khor dang bcas pa la// 'thun pa dam rdzas yid 'ong ba/ / dkar gsum mngar gsum gso ba'i sman// rin chen dar dang tha 'og dang // dpag bsam shing dang 'dod 'dze'i ba// sna tshogs khyed la phul ba yis// klu yi nang rnams med par mdzod/ / phyis kyang mi byed dam chos la// so so'i gnas su 'gro bar gyis// 'di ni rdo rje 'chang gi bka'// 'di las 'das na klu rgyal rnams// snying 'tshig mgo bo 'gas 'gyur te/ / lus la bskal pa'i me 'bar nas// sdug bsngal gyur na ma legs pas// dam las 'das par ma byed cig/ nA gA rA dza sa ma ya a b+hi Shiny+tsa badz+ra tsaN+Da ma hA ro Sha Na badz+ra pA Ni hUM phaT/ klu rnams dam tshig sgrub pa'o/ / de bzhin byas ni klu nad rnams// skad cig nyid la byang 'gyur te// sgrub po bde bar 'gyur ba yin// de bas 'di la brtson par gyis// mdzes ma khyod kyis zhus pa bzhin// gtan la phab pas rab tu bshad// bcom ldan 'das phyag na rdo rje gsang ba mngon par bstan pa'i rgyud kyi rgyal po las/ klu sgrub pa'i le'u ste bcu gnyis pa'o// / dpa' mo rdo rje bde mas gsol pa/ bcom ldan 'das rdo rje 'chang gi 'khor klu gdug pa can rnams kyi nad 'byung ba'i rtags ji lta bu lags/ bcom ldan 'das kyis bka' stsal pa/ mdzes ma khyod kyis zhus pa legs/ / zag med bde ba'i rgyu 'byung ma// bdag med shes rab ma yi mchog/ khyod la bshad kyis legs par nyon// klu la rigs drug la sogs pa// sna tshogs rigs su yod gyur kyang // 'byung ba lnga yi rang bzhin te// nor rgyas drang skyong rgyal rigs yin te mthong ba'i dug/ ser po sa la dbang ste lci 'thibs lus po sgo// sha 'bar ba bzhi la khyad par na ba yin// bco lnga nyin gung rgyu ba'i dus lan/ / nad kyi gnas ni spyi bor nges par 'bab// rlung rtsa babs la sha nus par du na// skra 'byi thung thabs na ste rna ba gro ba la// 'brel bas sha ro g+ho lu yin/ dga' bo rigs ldan bram ze yin te bsams pa'i dug/ dmar po me la dbang ste tsha zhing gdung // lus dmar spyi chung thang la mig rtsa lus po bskam// 'bring po babs sa nyi nub dgongs mon// gnas stong bco lnga rgyu ba'i dus te de la na/ / snying khar babs pas snying mi dga' zhing dran pa nyams// mjug tu mgo dang lus la babs te na tsha che// sha ro snying la 'ong bas lce yis ro mo tshor// pad+ma 'jog po rje rigs yin te kharlangs dug/ dkar po chu la dbang bas grang zhing bsil bar na// lus mdog dkar la pags pa'i spris ma 'chags// tha chung babs pa yin te tshes brgyad bco brgyad na// snga dro tho rangs mi bde ske dang dpung pa g.yas/ / brang na tha ma mchin pa babs pa'i sa yin no// po bas zas mi 'ju zhing mig gis gzugs mi 'dzin// sha sprul tshor ba med de cung zad sha lpags dam// pad chen stobs rgyu dmangs rigs reg pa'i dug/ nag po rlung la dbang bas yang zhing g.yo// lus 'dar sems rgod sha 'phar phu shus 'debs// yan lag tshogs bzhin zhing phol dang bad kan skye// sgregs dang ro stong na zhing sna khrag 'byung / / 'byang zhing lus ngal dgongs dang srong lan// tha chung zhag la 'bab ste tshes gsum bcu gsum na// 'di ni 'gong rigs rtsub pas spro 'bog btsan thabs gsod// tha ma mkhal mar 'bab ste rna bas sgra mi thos/ / khu chu nyams pas chu sri sor mo phra// chu lha dam tshig nam mkha' yin pas kun la khyab// gong ma ci rig 'byung zhing dus med shes pa zhum// lus kyi shed nyams bral te/ sna tshogs ston// 'di ni bcos par dka' ste gtan la phebs par bya// khyad par mcher pa na zhing gdong la sme ba 'byung // lus la shig mang ko dr-i ro gzhob mnam// thur sel rlung la rul ba'i dri mgro/ / 'di ni mcher bar 'bab ste tshul khrag kyang 'byung // so so'i rtags su mkhas pas shes par gyis// spyi ron lnga po gang zhugs kyang // rim pas 'di ltar 'byung bar 'gyur// ma dang grog po phugs rdugs dang / / ri phug dog pa'i sgo dang dong // lha khang 'dam rdzab mi sdug gzugs// dud 'gro'i tshogs dang mtsho ri gzar// snying mi dga' zhing 'tshig pa na// dang po 'byung bar shes par bya/ / glu len nub mo na dang shes pa lci// yan lag mi bde shu ba g.yan pa dang // bas ldogs 'brum chung dmar sib 'ong // 'khrug cing za 'khrug sha mdog nyams// me ris chu grangs blugs ltar grang / / grang sib tsha thig sha bkra che chung byed// sha 'phrig bem dang sbrid cing 'khol// mig zlum tsha shing smin ma 'byi// lag sor sen mo nyams pas phra// lus la dri nga chu bur dang / nya sgangs gnag chu rul dri mnam// stod gzer smad du 'khru bar byed// phyi yi sha skams mdog nyams dri ma bral// bug pa'i sgo yo bdud rtsi dus med pa// yang cig mdor bsdus/ bshad pa ni// dbang po gsal ba'i 'bras bu ni// mchin pa'i sgo yin mig la brtag/ rgyal mo 'khor lo ga yang ra yin// gnas pa rus pa'i 'bras bu ni// mdzes pa so yi mkhar yin pas/ kha dog rkang bu nus pa blta// nus pa chu ba'i 'bras bu ni// zangs mdog sen mo'i tshogs yin pas// skye lugs kha dog rtsa ba brtag/ mangs dang sha yi 'bras bu ni// khyab pa drag pa yin pas na// chags lugs kha dog 'gyur ba blta/ / drod rten khrag gi 'bras bu ni// bud med gsang sgo'i chu yin pas// kha dog ku ya gzugs la brtag/ rkang mar bcud kyi 'bras bu ni// rtsu ba gnas lugs skye sa brtag/ de rnams thams cad rtags ldan na/ / ngas kyang gso bar ga la nus// gsum bzhi lnga la sogs pa yi// rim pa rnams dang ldan pa na// sngags dang sman gyis gso bar bya// phyi nang 'brel ba'i babs sa yis// legs par brtags te gso bar bya// bcom ldan 'das phyag na rdo rje gsang ba mngon par bstan pa'i rgyud kyi rgyal po las/ klu'i nad zhugs pa'i le'u ste bcu gsum pa'o// dpa' mo rdo rje pade mas gsol pa/ bcom ldan 'das rdo rje 'chang gi klu nad gso ba'i cho ga ji lta bu lags/ bcom ldan 'das kyis bka' stsal pa// mdzes ma khyod kyis zhus pa legs// zag med pade rgyu 'byung ma/ / bdag med shes rab ma yi mchog/ khyod la bshad kyis legs par nyon// byol song klu yis zin pa la// 'tsho dang mi 'tsho gnyis yin te// nges pa'i rtags chen drug tshang na// de la mkhas pas ci byar yod/ / rnam smin las las byung ba yin// gzhan rnams gso bar 'dod pa la// dka' dang sla ba gnyis yin te// dang po sngags kyi rim pa yin// gnyis pa rdzas dang 'brel ba yin// dang po sngags kyi sbyor ba ni// dbang bskur tshogs bsags rgyud sbyangs la// rigs pa gsum gyis bsnyen pa bya// kha cig de tsam gyis kyang zhi// gal te nus pa che ba na// gsad pa drag po'i sham bu gdag// kha cig de yis 'tsho ba yin// gal te gnod tshabs che ba na// klu yi rang gshed bzlas pa tsam// nam mkha'i klu yis snying nas gzir// rig pa gnyis pa gsham du sbrel// rdo rje lte bar 'khor lo bri// de la dmigs te bsgrub par bya/ / dug rigs gsal bar gyur na ni// sa dug ngos zin rdo rje'i nang // dga' bo rigs ldan me yi sngags// bram ze'i 'khrul 'khor shis pa yin// me la chu yi 'khrul 'khor te// de yi sngags kyis gsang par bya/ / khang chen stobs rgyu rlung yin pas// sa yi 'khrul 'khor lte bar bca'// pad+ma 'jog po chu yin pas// rlung gi 'khor los gsang par bya// rang rang kha dog gshed du sbyar/ / bzhi snying sngags rnams dril la bzlas// gnyen po mi mthun rdzas dang sbyar// gnyen po gang yin lha yi gshed// man ngag bzhin du shes par bya// 'khrul 'khor rmed nas ma bden/ / rgyal po'i sdong zla dbye bar bya// dus tshod zhag grangs rim pa ni// rtags dang sbyar la shes par bya// rtags rjes rjes su log pa na// sbyin sreg ci rigs mkhas pas bya// byi rjes drag pos gcad pa dang // lha dang rdzas kyis gags kyis gcad// mnan pas las mtha' ba rtul par bya// zhi badrag po'i rim pa ni// ma khas pas rtags la brten pabapar bya/ / bcom ldan 'das phyag na rdo rje gsang ba mngon par bstan pa'i rgyud kyi rgyal po las/ klu'i nad bsal ba'i le'u ste bcu bzhi pa'o// / dpa' mo rdo rje bde mas gsol pabardo rje 'chang gi gtor ma bya ba'i rim pa ji lta bu lags/ bcom ldan 'das kyis bka' sprul pa// mdzes ma khyod kyis zhus pa legs// zag med bde ba'i rgyu 'byung ma// bdag med shes rab ma yi mchog/ khyod la bshad kyis legs par nyon// dkyil 'khor bri dang sbyin sreg dang // bzlas pa thun mtshams rab gnas dang // dbang bskur bskrad cing gsad pa dang // 'byung po khyung dang gnod sbyin dang klu dang gnas skyong mchod pa na/ / gtor ma med par gang spyad pa// las de 'bras bu med pa 'am// bar chad nye bar skye 'gyur bas// gter ma'i cho ga bstan par bya// lha yi rnal 'byor ldan pa yis/ / phun sum tshogs pa'i 'byor pa bsag/ gtor ma'i 'og tu rlung lha yi// sa bon las skyes kha dog sngo// g.yo ba'i rlung yab dang bcas pa// de stengs rgod ma'i kha bsams te// dmar po rlung las skyes pa bsam/ / gru gsum hUM las rdo rje gsum// sku gsung thugs kyis brtan por bya// de stengs a las pad+ma che// sangs la dkar zhing cung zad dmar// chos dbyings snod kyi gzhal yas yin de nas sbyang ba'i sa bon las/ / bruM aM dz+rIM khaM hUM bsam ste// slar yang sha lnga sbyangs pa las// maM laM paM taM baM bsams te// yum lnga'i ye shes rnam par dag/ bdud rtsi ye shes rnam dag 'di sbyang dang slar rtogs sbyor ba yi/ / yi ge gsum gyi sgra ldan pa// bde ba'i ro cher nyi mar gsal// 'char ba'i kha dog 'dra bar 'gyur// rdo rje las byung dngul chu'i mdog/ gnyis med thabs dang shes rab yin/ / sa bon las byung pad+ma'i gdan// yangs par rdo rje 'dzin pa dang // phyogs spyod la sogs bkug la bstim// mjug mdud gong mo rtse mo sbyor// mthe bong rdo rje brtan par gnas/ / rang 'dod dngos grub sar bzhag la// hUM sgra ldan pas sngags 'dis sbyin// oM in+da/ ya mdzal/ dzak+Sha b+hU ta bah+ni/ bA u/ rak+Sha/ tsan+da sUdz+dza/ mA da bap+pa/ ta la pA tA le.aT+TA sap+pa sA hA/ i daM ba li b+huM dza dzi g+ha phul+la/ d+hU pa/ mAM sa bi ga/ am+b+ha kadz+dzi/ sap+tA sA d+hu khaN+Di khu Ni pe Da gA da sneH/ oM a kA ro mu khaM sarba d+har+m+ma NAM/ A d+ya nuta pan+na twA/ oM Ar+tha paT swA hA/ 'khor rnams rtogs par bya ba'o// lhag par khyed chen mchod pa ni// nya shaM b+he gol du dang // 'o ma sbrul gyi sha yis mchod// gnod sbyin dag la sharlon dang // chang ni med du mi rung ngo // ra khrag shing thog rnams kyis so// klu la dkar gsum mngar gsum dang // rtsi sman dang zab sna tshogs mchod// rang gi rig pa phul byas la// bstod cing gsol ba gang yin bya// hUMr khyod kyis sems can don kun mdzad/ / rjes su 'thun pa'i dngos grub stsol// rang gi gnas su gshegs nas kyang // slar yang spyan drangs tshen spyon// oM badz+ra sa ma ya muHzhes brjod// mchod sbyin 'di dang ma bral na/ / zhi sogs grub pa brgyad gang yin// mchog gi 'bras bu thob par 'gyur// bcom ldan 'das phyag na rdo rje gsang ba mngon par bstan pa'i rgyud kyi rgyal po zhes bya ba las/ gtor mo'i cho ga bstan pa'i le'u ste bco lnga pa'o/ / / dpa' mo rdo rje bde mas gsol pa/ rdo rje 'chang la zhu ba gsol pa/ bdag gi cho ga ji lta bu lags/ bcom ldan 'das kyis bka' stsal pa/ mdzes ma khyod kyis zhus pa legs// zag med bde ba'i rgyu 'byung ma// bdag med shes rab ma yi mchog/ khyod la bshad kyis legs par nyon// dus gsum sangs rgyas bskyed pa'i ma// rdo rje bde chen stong pa nyid/ / khyod kyi sgrub pa bzang po ni// 'das pa'i sangs rgyas rnams kyis bshad// da ltar byung ba'ang de 'chad de// ma 'ongs rnams kyang 'chad 'gyur la// nga yis kyang ni 'dir bshad de/ / byang chub sems ldan gang zag gis// rab dben pa yis sa yi char// mchod cing bstan dga' bsnyen byas la// sangs rgyas rdo rje can mchod bya// rim pas tshangs pa'i gnas bzhi bsgom/ / oM swa b+hA ba shud+d+haHsarba d+har+m+mAHswa b+hA ba shud+d+hohaM/ rang bzhin rnam par dag pa bsgom// oM shU n+ya tA dz+nyA na badz+ra swa b+hA ba At+ma kohaM/ brjod med ye shes dag par bsgom// srung zhing gzhal yas khang pa der/ / mdzes pa'i pad+ma la gnas pa// chos 'byung rnam dag pho brang du// nyi ma zla ba rnam dag dpal// baM las byung ba'i lha mo ni// sku mdog dmar ljang zhal gcigs// phyag gnyis gri gug thod pa 'dzin/ / gar stabs rgyan gyis mdzes ma ste// thod pa skam po'i 'phreng bas brgyan// shar du mA ma kI bsam ste// sngon mo zhal gcig phyag gnyis ma// g.yas pa rdo rje g.yon thod pa/ / g.yas su sangs rgyas spyan ser te// zhal gcig phyag gnyis g.yas pa na// rin chen g.yon pas thod pa 'dzin// g.yon du dam tshig sgrol ma ljang // g.yas pa ut+pal thod pa 'dzin// rgyab tu gos dkar dmar ser te/ / pad+ma thod pa bsnams pa'i phyag/ kun kyang khro zhing gar stabs bzhugs// rus pa rin chen rgyan dang ldan// mchog sgrub nang rnams sbyang ba dang // srung zhing 'dod pa na rgyas dang / / rang gi srog 'dzin 'phrin las dbang // rtag tu ye shes pa yang mchod// rig pa nges par bstan pa ni// oM badz+ra su kA bud+d+ha sar+b+ba ba shiM ku ru su ra ka hU~M phaT swA hA/ oM shaM ka re shAM ti ka rer g+hu Ta g+hu Ta/ ti ni g+hA ta ya/ g+hu Ti ni swAhA/ oM ru ru s+phu ru dz+wa la tiSh+Tha sid+d+ha lo tsa ni/ sar+b+ba ar+tha sA d+ha ni sAhA/ oM a ka Te bi ka Te ni ka T+wA~M/ ka T+wAM ka Te ka ro TaM bIr+ya swAhA/ oM tA re tut+tA re tu re ma ma A yu She swA hA/ rang rang las dang 'brel ba ni// 'bum 'gyur sngags kyis 'grub par 'gyur// las gzhan dngos grub ma bsgrubs par// lha mo khyod kyis byed pa yin// 'od ni gsang ba dam pa ste// ches gsang bas kyang mchog yin no/ / de bas mdzes ma khyod la bshad// bcom ldan 'das phyag na rdo rje gsang ba mngon par bstan pa'i rgyud kyi rgyal po las/ yum sgrub pa rnam par phye ba'i le'u ste bcu drug pa'o/ / dpa' mo rdo rje bdems gsol pa/ rdo rje 'chang gi las sna tshogs pa sgrub pa ji lta bu lags/ bcom ldan 'das kyis bka' stsal pa// mdzes ma khyod kyis zhus pa legs/ zag med bde ba'i rgyu 'byung ma// bdag med shes rab ma yi mchog/ khyod la bshad kyis legs par nyon// sgrub po phun sum tshogs 'dod pas// nga nyid thog mar mnyes bya ste// 'dod pa'i rdzas la 'khor lo bri/ / de yi nang du chud pa yi// longs spyod ming dang sbal bris nas// bkug la bcug la sngags 'di bzlas// oM tsaN+Da ma hA ro Sha Na/ tad+ya thA/ oM tsa la pra tsa la/ la lA lu te yA/ de ba kam hA kA la an tsa ra ya bi sI swA hA/ khri bzlas pas rang ci 'dod pa 'ong bar 'gyur te/ gong bu dgug pa'o// rang nyid rdo rje 'dzin bsams la/ ta la'i lo ma la ri rab kyi 'khor lo byas te/ zur du hUM dang hrI'i bar du bsgrub bya'i ming bri'o/ / ste de sngags bri/ rtsings la'ang sngags bris te/ rkang pa g.yon pas mnan cing / oM nad+ha man ro// tsa mu d+hi d+hum ke shid+hI/ phan d+ha na d+hIH/ btsab tsahrI// de bdin me ngo mo ba sAH/ zhes khri bzlas pas rkang pa dgug pa'o// oM tsar+tha ma sngo/ dartag ga a rig ga bi ta ri swA hA/ sngags 'di ba zlas la kha bkrus la/ khyi mchog gi lci ba dang sdong ros bsres la rdo rje'i gzugs byas te/ lte bar 'khrul 'khor bcug la dgra'i sgor sbas na 'chi bar 'gyur ro// bklags pas 'grub 'gyur nus pa 'di// rdo rje 'dzin par rab zhugs nas// rdza mkhan lag pa'i 'dag pa la// rdo rje'i rnam par 'khrul 'khor bcar/ / oM tsaN+Da ma hA ro/ daN che ge mo mu kha ti thA ti sa/ g+ha tshan tI/ g+hA da ti/ ma~M g+hA la~M g+h+raM/ mu tra mu rI She NaM che ge mo b+han+d+ha mi swAhA/ sngags 'di khri bzlas khang par mnan/ nges par gshegs las rgyal bar 'gyur/ / oM badz+ra tsaN+Da ma hA ro Sha Na ma ni kha be rA ya/ tsi ri tsi ri/ ka ta ru tu be na mu Shi/ tuM te baM d+ha si ri kha li swA hA/ rdo rje la ni khrag gis bri/ gang gi phyogs mtshams sbas pa na/ / byi ba kha ni 'ching ba yin// oM tsaN+Da ma hA ro Sha Na naM tu na te si ri si ri/ kha li khi li swA hA/ stag gi pags pa la bris te// gang la btags pa'i spyang ki srung // oM tsaN+Da ma hA ro Sha Na ma rak+Sha to/ nA sha ka rA ya swA hA/ shing thog la bzlas ra bar sbas// spre'u gnod pa bzlog par 'gyur// oM tsaN+Da ma hA ro Sha Na sar+b+ba staM b+ha ya duM b+he swA hA/ sbrang rtsi bu ram khu ba la// 'di bzlas byugs pas dom 'bros so/ / oM tsaN+Da ma hA ro Sha Na bA rA ha d+hi naM druM druM d+he swA hA/ dug dang lan tshwa ske tshe dang // yungs kar la phugs bon dang // da du ra dang ka la bi dang / ma he phag dang lce spyang khrag sbrus la rdo rje brgyad byas la/ / phyogs mtshams sbas na gnod pa zhi// mtshams gcad pa yi dam pa yin// oM badz+ra tsaN+Da ma hA ro Sha Na b+hi d+ha hi ni kaM b+he swA hA/ sngags ni brgya rtsa brgyad bzlas na/ srung ba'i yang mtshams bcad pa yin// oM ba~M ti ben n+d+raHb+h+rUM bai Tub Nad+hu dz+nyA swAH/ sngags 'di gang yin slebs// bcas tes te byung ba'in// rlung bcug 'o/ brlag par 'gyur// gser me la ma reg pa/ g.yu mig ma phug pa/ mu tig/ mu me na/ gser gyis bris pa'i khro ma/ ba p+la/ mu zi/ btsan dug/ gu gul/ gi'u wang / spre'u'i spus gtums la/ oM badz+ra tsaN+Da ma hA ro Sha Na ga ru Da tsa le bdud tra mA ra ya/ badz+ra b+ha ti ga ru Da ba ga hUM ri dza bri dza nA ga ra dza mA ra ya hUM phaT/ sngags khri bzlas taM lus la bcangs na klu thams cad 'bros par 'gyur ro// oM pad+ma k+Sha pad+ma k+Sha ba ru Ne hUM phaT swA hA/ chu gtsang ma la bzlas te mig bkrus na mig nad thams cad 'byang bar 'gyur ro// sug smel dang / dzA ti dang / nag ge sar dang / a sho ta ka'i 'bras bu rnams la sdug 'di bzlas te dpral bar shu kras thig le byas na kun gyi yid du 'ong bar 'gyur ro/ / oM badz+ra tsaN+Da ma hA ro Sha Na dzaM b+he ma he hri swA hA/ brgya rtsa brgyad bzlas so// byis pa gsar btsas srung ba na// kham phor nang du rdo rgyus kyis/ / rdo rje rgya gram lte ba'i nang // oM badz+ra tsaN+Da mA hA ro Sha Na che ge mo la rak+Sha rak+Sha swA hA/ hUM bcu bris te lha bstim la// mchod sbyin gtor ma sbyin byas te// de yi steng du sbyang bar bya// lus la gu kum chus bris pa'i/ / 'khor lo gnyis pas bsrung bar bya// oM badz+ra tsaN+Da ma hA ro/ Sha Na ba sa ha de lI lI swA hA/ mdo yA sA ba tsin mo ha yi swA hA/ e sa ba dzi hA yi na ma ta li swA hA/ sngags 'di me tog dang / gos dang / zas dang / rgyan la mngon par bsngags te byin na dbang du 'gyur ro// oM badz+rA tsaN+Da ma hA ro Sha Na na ma sa ra nA mA/ tad+ya thA/ d+ha rA ma hA d+hi d+ha d+he du Te de swAhA/ bye ma dang thal chen la bsngags te/ zhing la gtor na srog chags kyis za bar mi 'gyur ro/ / oM badz+ra su kha de bi shud+d+ha al+lI ba ra tsu li tsi ra sa ga gan+d+ha sA pa mi ha pan+d+ha li swA hA/ sngags 'di rdo rje'i shing dang / da la si dang / arga gsum la lan bdun bdun bzlas te/ rna ba'i 'og tu bcug na rtswa ra ba thams cad kyis gnod par bya bar mi nus so/ / mi rus la byas phur bu ni// bgegs kyi lus can zhal gcig pa// phyag bzhi tho ba zhags pa dang // dgra sta rtse gsum bsnams pa ste// dug khrag lan tshwa ske tshe dang / / rgya tshwa mar nag nang du btso// stobs chen sngags bris ras mas gtums// khyim sgor sbas na 'chi bar 'gyur// oM badz+ra kro d+ha ma hA ba la ha na da ha pa tsa bi d+hA na sa ya ud sA da ya mA ra ya hUM phaT/ sbrul mgo gnyis pa'i thod par khyi smyon pa'i lce la dgra'i ling ga bris te rta'i deg pa'i 'og tu bcug la sngags 'di bzlas nas gang gi sgor spras na bskrad pa'am smyo bar 'gyur ro// oM badz+ra tsaN+Da ma hA ro Na che ge mo mu pa ta ya phaT/ ces khri bzlas so// shing li dang stag pa la rdo rje'i rnam par byas la lte bar las kyi rig pa bcug/ dpa' bo g.yul du shi ba'i sgo'i the gus rked par btags la klad la bskor na bgegs 'bros par 'gyur ro/ / gro ga'i 'dab ma la rdo rje'i nang du chud pa'i lte bar sku gsung thugs kyi sngags dang bsrung bya bri// de'i mtha' mar las rab 'byam bri/ de'i nye bar bstan pa'i 'tsha gyi sngags bri/ de'i mtha' mar shes rab kyi sngags bri/ de'i mtha' mar me'i tshogs bris te dril la lus la bcangs na gdon thams cad kyis grags mi rnyed do// byi khung shar bltas sa dang ni/ / 'ug chung rus pa lang ka'i rtsa// sgo lcags khung bur thugs byas te// oM badz+ra tsaN+Da ma hA ro Sha Na kur tri sa nA karti nums dang puT puT swAhA/ sngags de brgya dang brgyad bzlas na// spyug mas sang gang dkrog pa ni/ / sgo lpags 'bye bar the tshom med// dur khrod sol bas bsregs pas na// slar yang snga ma dag tu 'gyur// rgya gram nang du chung pa mo// dmag gi gtso bo bri bya ste// sngags dang spel nas snying kha ru/ / seng ldeng phur ba btab pa ni// nges par de nyid rengs par 'gyur// byi ba nag po'i rtug pa dang // sha can ra yi rA dang ni// khyi nag spu dag bsregs gyur na// 'bru yi rnam par 'phel par 'gyur/ / de sogs las kyi rim pa ni// bsam gyis mi khyab ji snyed pa// khyod la bstan par mi nus pas// sngags grub de yis rtogs par 'gyur// bcom ldan 'das phyag na rdo rje gsang ba mngon par bstan/ pa'i rgyud kyi rgyal po las/ las sna tshogs bstan pa'i le'u ste bcu dun pa'o// dpa' mo rdo rje bdems gsol ba/ rdo rje 'chang gi che ra dbab pa'i cho ga ji lta bu lags/ ba na 'das kyis dka' stsal pa/ / mdzes ma khyod gyis zhus pa legs// zag med bde ba'i rgyu 'byung ma// bdag med shes rab ma yi mchog/ khyod la bshad kyis legs par nyon// chu bdag gnas pa'i sa yi char/ / dkyil 'khor pad+ma brgyad pa la// sgo dang rta babs sbrul gyis brgyan// me tog mchod pas mnyes bya ba/ khram ze'i thod pa gtsang ma gnyis// chu bdag dam tshig klu yi gzugs// gur kum bzang bos bri bar bya/ / kha sbyar bar du rdo rje 'dzin// zhal bzhi pa la phyag brgya pa// bai DUR+Ya ltar gnas pa ni// chu dar yang na ras la bri// rtsa ba khro bo g.yas g.yon rgyab// dkar dmar de bzhin ljang khu ste// rtsa ba khyung chen zil gyis gnon/ / g.yas kyi phyag na rim pa ltar// rdo rje 'khor lo ral gri dang // lcags kyu rigs ldan pad+ma dang // pad chen dung skyong yum dang bcas// g.yon pa dril bu rtse gsum dang // phur bu sprin gyi zhags pa ste/ mtha' yas nor rgyas 'jog po dang // stobs rgyu yum gyis bcings pa ni// thams cad gtso la thal sbyar te// sbrul mgo sprin chen bzhin du gtibs// 'dab mar klu chen brgyad bskyed la// spyan drangs mchod pa byas nas kyang / / char gyi rgyun chen 'bab par bsam// klu chen rtsa ba'i sngags rnams la// b+ha ri sha ya btags te bzlas// nges par char rgyun 'bab par 'gyur// gal te 'bab par ma gyur na/ gu gul dung pas gzir byas nas// 'phrin las sngags kyis srog kyang gso// gal te ma bab na rdo rje 'dzin pa phyung la tsha ba'i mar nag gis blugs la sngags bzlas na 'bab par 'gyur ro// yang na kham phor la sbrul mgo gnyis pa'i khrag dang shas lngar ltar byas la skyer ba'i sol ba'i me la sngar ltar bso bar bya ste/ des nges par 'bab par 'gyur ro// yang na gtum pa'i 'bras bu la// sngag kyis btab ste/ grwa li khyis/ sbyin theg byas pas 'bab par 'gyur// des kyang 'bab par ma gyur na// yungs ka na che sna nod dang // gra ma'i matog skye mar byas// nga'i 'oms ri la dz+ra b+hu ra/ thAgs bzlas mtsho'am chu mig tu/ / brgya dang brgyad du bsgyur na 'bab// des kyang 'bab par ma gyur na// rta ru'i khu bas ril bu byas// mtshor bsgyur nges par 'bab pa yin// gal te des kyang ma baban// pad+ma u t+pal sngon po dang / / yungs kar zangs phyeb bla dang // dbang po lag pa rgya skyegs shing // bu ram ra yi 'o mas bsdus// rgya shug 'bru tsam ril bu la// lan bdun bsngags te mtshor bsgyur na// char rgyun mtshungs pa med par 'brag/ mi 'bebs klu rnams mgogs te// lus ni bskams te 'tshig par 'gyur// nga yi bka' las gang 'da' ba// skad cig nyid la brlag par 'gyur// bcom ldan 'das phyag na rdo rje gsang ba mngon par bstan pa'i rgyud kyi rgyal po las/ char dbab pa'i le'u ste bco brgyad pa'o// / dpa' mo rdo rje bde mas gsol pa// rdo rje 'chang gi sbyin sreg gi cho ga ji lta bu lags/ bcom ldan 'das kyis bka' stsal pa/ / mdzes ma khyod kyis zhus pa legs// zag med bde ba'i rgyu 'byung ma// bdag med shes rab ma yi mchog/ khyod la bshad kyis legs par nyon// thabs dang rdzas dang lha dang ni// sngags kyi rim pa phan yon rnams/ / rim pas mdzes ma khyod la bstan// sbyang ba'i las ni sngon 'gro bas// sor ni nyi shu brgyad pa dang // bcu drug bcu bzhi bcu gnyis dang // bcu dang brgyad las chung ba spang // rim bzhin nad rnam ni zhing nor 'phel dang / / rims rnams zhi zhing zhing las 'grub// dbang du bsdu dang rgyas pa dang // gsod pa'i thabs su shes par bya// thur brko sum gnyis kha khyer brgyurgyad chamatho/ rim bzhin phyed phyed rdo rjes mtshan// dkar se dmar nag ljang khu ste/ / las dang 'brel bar shes par bya// mchod pa'i rdzas dang yam shing dang // dur ba la sogs bsreg pa'i rdzas// g.yas dang g.yon gyi rim pa yin// rang nyid rdo rje 'dzin par bskyed rgyas la dga' dang zhi la zhi/ / dbang la chags pa khro la gsad// gzhan rtsub bskrad pa la sogs yin// dmar ba me phyogs gdug pa'i las// bskrad pa rlung ste mnan pa ni// bden bral dbang dang dgug pa yang lho yi phyogs su blta ba yin/ / gsad dang dbye ba'ang de bzhin te// shar zhi byang phyogs rgyas pa yin// hUM las bskyed pa kha dog dmar// mdzes pa'i zhal gdangs cung zad gnag/ dbyug gu ril ba blugs dang / / bgrang 'phreng g.yon dang g.yas su bsam// ral pa'i cod pan gsus pa che// rgyan dang ldan pa bsams la bstim// bsang gtor 'thor 'thung mchod yon dang // zhabs bsil la sogs dbul bar byang me tog la sogs rim pa ste/ / gzar bu gnyis kyi dgang blugs dbul// oM ag+na ye swA hA/ de rjes me yi mtshan ma brtag/ mdog dang sgra dang dri dang ro// dbyibs dang kha dog blta bar bya// me ni rtse gcig 'bar gyur na/ / bsam pa thams cad 'grub par ston// gnyis 'bar rtse gsum mi g.yo na// 'bar ba'i 'bras bu thams cad 'dzin// rtse bzhi mnyam nyid brtan pa ste// rgyas// pa'i las la 'bras bu yod// zla 'dra snum la dri ma med// du ba med cing bai DUr 'dra// nad med rigs rnams rgyas par byed// chu shel nor bu spungs pa dang // pad+ma rAg gsal ba ni/ / sdig pa ma lus zad par 'gyur// dmar ser puN+Da ri ka dang // ban du kha dog gsal ba ni// rgyal srid dpal rnams 'byor pa yin// ut+pal ma li u sha'i dri// tsam pa ka dang sig kar dri/ / ga pur a ka ru yi dris// dge zhing tshe ring dpal gyi gnas// zab pa'i skad dang dung dang ni// rdza rnga pi wad Da ma ru// de yi sgras ni bde ba 'phel// dpal be'u bkra shis gzugs su 'char/ / rgyal mtshan rnga yab phyag mtshan rnams// rin chen gzugs kyi dbyibs su 'char// dge ba me yi dbyibs su bstan// ngan pa de la ci rigs bzlog/ de rjes rdzas kyi rim pa ni// oM ag+na ye a mu kAs+ya shAn+tiM ku ru swA hA/ sreg thugs so// oM bo d+hi prik+ShA sa swAH/ a shwad tha'i 'o// oM badz+ral tA ya swAhA/ p+lag sha'i 'o// oM badz+ra ku be rA ya swahA/ 'o ma can gyi snying gi'o// oM dz+ra shau dz+wa wA ya swAhA/ u dum pa ra'i'o// oM sar+b+ba pA pi da ha nA badz+ra swA hA/ til gyi'o// oM badz+ra pu khA ye swA hA/ 'bras so ba'i'o// oM badz+ras pa de swAhUM/ no dang zan gyi'o// oM badz+ra# She swAhA/ dur ba'i'o// oM badz+ra pra ti ha ta badz+ra ya swAhA/ ku sha'i'o// rdzas rnams rang sngags ci rigs dbul// bstod cing gsol ba'i las bya ste// me yi snong khar dkyil 'khor mchod// gas/ la sogs pa rim pa bzhin// sngar bstan pa las shes par bya// de rjes lhag mas ci rigs mchod// zhu ba la sogs rdzas rnams ni// lha yi zhal du mchod par bya// lam shing ku sha la sogs pa/ 'od la mchod par bya ba yin// phyag tu zhal zas 'thor 'thung dbul// me tog bdug pa dbu dang 'od// thig le snying kha bsang gtor yang // sku la phul te zhabs bsil zhabs// mar me la sogs rim bzhin gnas/ / dkyil 'khor bsdu gshegs rim pa rnams// mkhas pas nye bar brtags te bya// dkyil 'khor lhas ni mchog ster la// ma yis 'dod pa'i don sgrub byed// lag pan gyis ni bde ba 'byin/ / 'o ma sbrang rtsis rig pa 'phel// gro dang sran mas nad kun sel// dur bas srog ni 'dzin par byed// nas kyis brtson 'grus la dbang ste// stobs 'phel ma sha ka yin no// 'bru 'phel so ba'i las yin te/ / sdig pa 'dag pa til yin no// 'bras kyis nus pa 'phel byed pa// zhi la yungs kar ku shas bsrung // dpal bskyed pa ni bud shing ste// yam shing gzi byin ster bar byed// 'byor pa 'phel ba mar yin no// sbyin bdag bkra shis thab yin te// dngos grub kun ster mchod pa'i rdzas// thabs dang shes rab gzar bu ste// bdud rtsi mar gyis tshim byed pa// mchod pa gzhan gyis ci zhig bya/ / 'di ni mdzes ma'i yul yin gyis// gzhan gyis rtogs par ga la 'gyur// bcom ldan 'das phyag na rdo rje gsang ba mngon par bstan pa'i rgyud kyi rgyal po las/ sbyin sreg gi cho ga bstan pa'i le'u ste bcu dgu pa'o/ / / dpa' mo rdo rje bde mas gsol ba/ rdo rje 'chang khyod kyi gsang ba'i mtshan nyi shu gcig gi bstod pa ji lta bu lags/ bcom ldan 'das kyis bka' stsal pa/ / mdzes ma khyod kyis zhus pa legs// zag med bde ba'i rgyu 'byung ma// bdag med shes rab ma yi mchog/ khyod la bshad kyis legs par nyon// nga yi ming ni nyi shu gcig / dus gsum sangs rgyas rnams kyi gsang // mi 'gyur g.yung drung dbang bskur te// 'di dag mdzes ma khyod la bstan// na mo nI lAM ba ra d+ha ra badz+ra pA Ni tsaN+Da badz+ra/ na mo g+ha dza kaN+Do b+ho tsaN+Da badz+ra/ na maHsu d+hA Sha ni sa b+h+yo tsaN+Da badz+ra/ na mo rat+na kur+N+Na ka ra si tsaN+Da badz+ra/ na mo b+ha kr-i pradz+nye d+ha si ra tsar+N+Na badz+ra/ na maHAr+ya go Sha san+ni tsar+N+Na badz+ra/ na maHpra sa rA yi to sI tsaN+Da badz+ra/ na mo badz+ra la ar tsi shi sI tsaN+Da badz+ra/ na maHsa rU pa no / la tsaN+Da badz+ra/ na mo dur dAn ta da ma kam pa ra tsar+N+Na badz+ra/ na mo b+hai ra ba bi b+ha ta sa rU pa~M b+hiHtsat+ta badz+ra/ na mau gro mo kr-i d+ha ba~M gra ha rU pi b+hiHtsaN+Da badz+re/ na maHtsa tur s+phA n+d+ha ri Shi sin+na tsaN+Da badz+ra/ na mo ma hA ba la ra kra ma tsaN+Da badz+ra na mo na rA si ha na ra hA tsaN+Da badz+ra ni mo sa mo g+hu dza ga dang+gA bi ta tsat+ta badz+ra/ na mo shA~M ki bi shI ni mA NaM tsaN+Da badz+ra/ na mo ha hA sa twa so ni b+ho/ tsat+ta badz+ra/ na maHa tsa mo hU~M ka dang to tsits+tsha badz+ra/ namaHpa ny+dza rbad+ha t+yA ma su ku TaH na mo badz+ra ma hA be sha yud rod tsat+ta badz+ra/ rdorje gtum po'i mtshan nyi shu rtsa gcig po 'di 'dzin pa dang / 'chang ba dang / klog pa dang / yid la byed pa dang / 'dri ba dang / 'drir 'jug pa dang / glegs pas du byas te 'chang ba yin phyog bcu sangs rgyas thams cad kyis rjes su skyong bar 'gyur ro/ / srung bar 'gyur ro// sbed par 'gyur ro// skyob par 'gyur ro// mtshan 'di rnams 'dzin pa de mtshams med pa lnga byas pa'i sdig pa byang bar 'gyur ro// lan cig tsam brjod pas kyang bskal pa bye ba phrag dgu bcu'i bar du sems can dmyal ba rnams su mi skye'o// ngan 'gro gzhan yang spangs pa yin no// tshe rabs thams cad du skye ba dran par 'gyur ro// rdo rje 'chang lnga brgya'ang rtag tu mtshan 'dzin pa'i phyi bzhin rjes su 'brang ngo / / gdug pa can gyi klu rnams kyis mi 'tshe zhing slar longs spyod sna tshogs sbyin no// 'chi ba'i dus su'ang bai DUR+Ya lta bu'i sku lus bstan te rang gi gnas su khrid par 'gyur ro/ / mtshan 'di gnas pa'i sa de ni lcang lo can dang mtshungs pa yin no// mi ma yin pa gdug pa can rnams kyis nam yang gnod pa byed par mi 'gyur ro// grub pa brgyad dang sangs rgyas kyang ster bar byed na/ gzhan lta'ang ci smos te/ mtshan 'di dag rin po che dang 'dra bar blta bar bya'o// 'di ni dus gsum sangs rgyas kyis// ched du brjod pa rin po che// gdug pa thams cad 'joms par byed/ / dpal dang gzi brjid 'phel ba yin// 'phrin las sgo rnams thogs pa med// 'di ni rdo rje 'chang yin pas// nyin mtshan dus gsum klog pa yi// phyi bzhin rtag tu srung bar byed// nad dang gdon rnams kun las thar/ / sman chen nyes pa thams cad 'joms// 'byung po kun gyis bkur ba ste// mdzes ma khyod la bstan pa yin// 'di ni rnam dag legs pa'i lam// su 'chang lag na dpal gnas / rtag tu mtshan 'di brjod par gyis// bcom ldan 'das phyag na rdo rje gsang ba mngon par bstan pa'i rgyud kyi rgyal po las/ mtshan nyi shu rtsa gcig gis bstong pa'i le'u ste nyi shu pa'o/ / / dpa' mo rdo rje bde mas gsol pa/ rdo rje 'chang gi rgyud 'di bshad pa dang / sba ba dang / ji ltar gzung ba'i cho ga ji lta bu lags/ bcom ldan 'das kyis bka' stsal pa/ / mdzes ma khyod kyis zhus pa legs// zag med bde ba'i rgyu 'byung ma// bdag med shes rab ma yi mchog/ khyod la bshad kyis legs par nyon// phyi ma'i dus su nga yi rgyud// gsang bsku gsung thugs kyi gter/ / bla med rgyud rgyal rin chen 'di// byang chub sems ldan snying rje che// thos mang shes rab mchog tu gsal// dad pa che zhing lha la gus// bla ma bstan cing dbang bskur thob// dam tshig sdom pa ma lus ldan// brtson 'grus che la gzhan don dpa'// 'jig rten de la ma chags pas// rgyud 'di mnyan dang bshad par bya// de las bzlog pa'i gang zag la// ming tsam bstan par mi bya'o/ / gal te bstan par gyur pa na// sngags pa dam tshig nyams gyur te// nang gdon 'byung po ma lus pas// nye bar gtses te 'chi bar 'gyur// de nas mnar med sdug bsngal ni// grangs med 'das kyang thar mi 'gyur// de bas gsang ba sku gsung thugs// snying po dam pa 'di dag la// rgya yis btab ste mchod pa dang // bstod cing sba ba byas gyur na// yid la re ba kun rdzogs shing // 'jig rten thams cad bde bar 'gyur// glegs bam sor ni bcu drug la// rim bdun rgyu yis btab nas kyang // rtag tu spyi bo'i gtsug tu gzung // 'di dang bral bar ma gyur na// bsnyen pa de yin sgrub pa de/ sgrub pa chen po'ang de yin te// sngags kyang de yin lha yang de// bla ma de yin slob dpon yang // sangs rgyas chos dang dge 'dun yang // de yin bskyed dang rdzogs pa de// ma lus dbang yang de yin te/ / 'jig rten bya ba kun spangs nas// 'di la mchod par gyur pa ni// tshogs gzhan ci yin rmongs pa'i rgyu// ci phyir 'di la 'bad mi byed// ces bcom ldan 'das kyis gsungs te/ yum la rjes su gtad pa'i don bstan pa ni/ sangs rgyas kun gyi yum chen mo// rdo rje bde ma bde ster ma// rtog pa gcod mdzad yum khyod la// rgyud 'di gtad kyis legs par zung // gzungs ma yid 'ong rgyal ba'i sa/ / rnam dag mchod cing sdug bsngal 'joms// ma lus 'gro ba 'dren pa'i dpal// rdo rje bde ma phyag 'tshal lo// zhes bstod nas rgyud gtad do// de nas yum gyis rjes bzung ste/ / dus gsum bde gshegs ma lus pa'i// thugs kyi sras po sde dpon che// 'jig rten thams cad 'dul mdzad pa// dpa' bo khyod la phyag 'tshal lo// gtum po dpa' bo 'jig par byed/ / klu 'dul gzhan gyis mi thub pa// drag po 'jigs par byed pa'i lha// rdo rje gtum po khyod phyag 'tshal// zhes bstod nas phyag dang skor bas mnyes par byas nas/ slar yab kyi thugs ka'i rdo rje'i lte bar thim par gyur to/ / de nas 'khor thams cad kyis mchod pas mchod cing bstod de/ gsang ba mngon par bstan pa'i rgyud kyi rgyal po gsungs pa legs so legs so zhes mngon par mgrin gcig tu ched du brjod pa ched du brjod de/ rdo rje 'chang chen pos gsungs pa la mngon par dga' nas yi rangs te mngon par bstod par gyur to// bcom ldan 'das phyag na rdo rje gsang ba mngon par bstan pa'i rgyud kyi rgyal po las/ rgyud ji ltar bstan cing sba ba dang rjes su yi rang ba'i le'u ste nyi shu rtsa gcig pa'o// // bcom ldan 'das phyag na rdo rje gsang ba mngon par bstan pa'i rgyud kyi rgyal po zhes bya ba rdzogs so/ / / rgya gar gyi mkhan po wa la tsan+d+ra gu ru chen po dang / bod kyi lo tsa ba glan chung dar ma tshul khrims kyis byang phyogs sham b+ha la'i dpe dang bstan te bsgyur ba'o/

CLOSE WINDOW