rgya gar skad du/ shrI badz+ra tsan+da tsit+ta gu h+ya tan+t+ra ut+tar ut+ta ra/ kar ka rar/ bod skad du/ dpal rdo rje gtum po thugs gsang pa'i rgyud phyi ma'i phyi ma/ bcom ldan 'das dpal rdo rje gtun po la phyag 'tshal lo/ / de nas 'khor de na gnod sbyin lag na rdo rje gtum po zhes bya ba 'khod pa stan las langs te/ pus mo g.yas pa'i lha ngas btsugs nas mig 'dzum dang bcas pas rang gi spyod pa las shin tu spa gong bar byas te/ bcom ldan 'das la 'di skad ces gsol to// kye bcom ldan 'das slad ma'i dus na/ gdug pa can gyi sems can la rnam par 'tshe zhing rnam pa gsum gyi sam can ma rung bar bgyid de/ reg pa'i dug gis kyang rab tu'ang gzir bar bgyid do// kha rlangs kyi dug gis ni rab tu myos shing shin tu'ang lci ba bgyid do/ / mthong ba'i dug gi ni za zhing 'phrug cing tsha bar byed do// 'phro ba kha rlangs kyi dug can dang / reg pa lus kyi dug rnams kyi gdung ba bsal ba'i slad du/ bcom ldan 'das kyis bshad du gsol zhes zhus pas/ bcom ldan 'das kyis bka' stsal pa/ nyon cig gnod sbyin gsang ba'i bdag/ dug gsum dug gi rtsa ba yang // dug gsum las ni byung ba yin// rtsa ba'i dug la rang bzhin med/ / de ni dug gso sman gyi mchog/ sman nyid rang byung gzhan las min// de nyid rang dang gzhan las grol// rtsa ba'i dug la rang grol na// dug gsum la sogs gzhan du med dug lnga las 'phros 'byung lnga'i dug/ kun rdzob tsam du 'byung ba 'joms// de dag rab tu gzhom pa'i phyir// rang bzhin rang grol bdud rtsi yis// rtsa ba'i dug sogs 'joms par byed/ b+hU yi sku dang sngags kyi mthu// ye shes 'byung ba chen po yis// las kyi 'byung ba 'joms par byed// rdzas kyis kyang ni de bzhin no// zhes gsungs so// dpal rdo rje gtum po thugs gus / ba'i rgyud phye ma'i phyi ma lA/ dug dang dug 'joms byed kyi le'u ste dang po'o// / de nas gnod sbyin gtum pos 'di skad ces gsol to// kye bcom ldan 'das dug chen po de ngag smin pa la/ gdon pa'i las dag gang gis bgyi// nan tan gyis ni bka' stsol cig/ ces gsol pas/ bcom ldan 'das kyis bka' stsal pa/ badz+ra sarba Sh+TA tsit+ta rbad nan/ ma hA kA la tsit+ta rbad nan/ sarba sha trUM mA ra ya rbad nan/ zhag grangs nyi shu gcig tu bya// nam langs nyi ma shar ka ru// stong tshar re ste de bzhin du// srod dang tho rangs nam gung la// mi khrag gsum dang dug sna dang / / drag po rdzas rnams dag gis brab// nA ga'i gzugs byas rdza yi nang // gzugs nad phu la sngags 'phreng bskor// rdza nang thal chen 'brub khung du'o// sngags par rtsa ba'i 'khor lo yis/ / kha chod sme gos nag po dgab// de nas drag po'i sbyin sreg bya// zhes gsungs so// dpal rdo rje gtum po thugs gsang ba'i rgyud phyi ma'i phyi ma las/ gdug pa srog gi 'khor lo'i le'u ste gnyis pa'o/ / / de nas yang gsungs pa/ nA ga'i gzugs la reg bya ni// sngags kyi 'bru bzhin sngags bkod do// klu rgyal bzhi gzugs mthar bzhag na/ gdug pa las kyi 'khor lo bskor// dang po'i zhi ba tha mar drag/ dang por drag la tha mar zhi// thog ma gnyis ka zhi dang drag/ oM nA ga rA dza sa ma ya/ a ba lA ya tsit+ta dz+wa la ya/ sa ma ya swA hA/ nyi shu gcig gis mthar dbyung ngo // zhes gsungs so// dpal rdo rje gtum po thugs gsang ba'i rgyud phyi ma'i phyi ma las/ dam tshig srog gi 'khor lo 'jam dang rtsub pa'i sngags kyi le'u ste gsum pa'o/ / / de nas yang gnod sbyin gtum pos gsol pa/ kye bcom ldan 'das slad ma'i dus na bstan pa la gnod pa dang / gdug pa can 'dul ba thun mong gi las bka' stsal du gsol zhes gsol bas/ bcom ldan 'das kyis bka' stsal pa/ thun mong phyi ru gsad 'dod na// 'phrin las mi 'gyur 'khor lo bskor// 'khor lo gzhug dang / gzugs la gdab// gsad pa'i 'khor lo lto sbyar du// gang dmigs gzugs de khrag tu bri// snying khar ming bri lte ba la// sha rI ra ste mgo bo la// b+han+d+ha ban+d+ha zhes pa dgod// yan lag bzhi la hA na ste/ mA ra ya/ brla gnyis dang ni mtshan ma la'o// dmigs pa sa nas zag pa'i rdzas// blangs te bong bu'i chus smras la// sha trUM gzugs bya yig 'bru rnams// gnas su bkod de sngon dmar babacing / / dug rdzas gtum pa'i rdzas kyis gtum// btson khang bskur te thun rnams dpab// rdza ba gcig tu gnag par bya// bdun bdun ba skor bya bar bar du// mchod pa'i las bya mtshan thun dbab/ sreg dang mnan pas mtha' brtul bya// zhes gsungs so// dpal rdo rje gtum po thugs gsang ba'i rgyud phyi ma'i phyi ma las/ 'phrin las mi 'gyur ba'i 'khor lo'i le'u ste bzhi pa'o// / de nas yang gnod sbyin gtum pos gsol pa/ kye bcom ldan 'das slad ma'i dus na/ gdul dka' ba'i gdol pa can rnams kyi lo tog 'joms pa'i thabs bka' stsal du gsol zhes gsol pa dang / bcom ldan 'das kyis bka' stsal pa/ lo tog 'joms pa'i las bya na// nA ga gzir te gzhom par bya// zhes stobs kyi yi ge 'bru bzhi dang // mi 'gyur ba'i yi ge 'bru gsum gsungs pa oM hUM badz+ra ma hA ba la/ zhes gtum po stobs chen po'i sngags gsungs so// nA ga tsit+tarbad nan/ zhes klu'i snying gzer drug pa gsungs so// sarba duSh+TAn/ zhes thams cad dbang du sdud pa gsungs so// / po shar shar pho ba/ ces chu 'khyags kyi snying po gsungs so// gcig tu dril zhing brdeg par bya// nA ga'i gzugs bcas sngags bkod nas// yungs kar brdeg cing phur pas gdab// mdze thod nang du klu gzugs gzhug/ khrag chen btsan dug gla ba'i khrag/ yungs kar yungs nag bsngags shing brdeg/ klu gzugs nim pa'i chu nas dbyung // dang po cho 'phrul che bar 'dod// nyam thag pa na dbab las bya// bsad cing ro ru 'dug pa na/ / dus las yol te phabs mi 'gyur// rtags dang ldan par gyur pa na// bdag nyid ting 'dzin ldan pa yis// drag po'i sngags kyis klu gzugs gtum// rdzas dang thod pa chu mig mnan// drag po rgyu ba'i dus dang sbyar// 'jig rten ldog par the tshom med// zhes gsungs so// dpal rdo rje gtum po thugs gsang ba'i rgyud phyi ma'i phyi ma las/ chu lakhyags lo 'joms byed kyi le'u ste lta pa'o/ / / de nas dregs pa thams cad shin tu'ang yi rang bar gyur/ ljon shing la dus kyi rlung drag pos bskyod pa bzhin 'dar bzhin du 'khod pa/ bka' bzhin du bgyid do zhes 'dzer cing spyan sngar 'khod pa las/ gnod sbyin gtum pos gsol pa/ kye bcom ldan 'das slad ma'i dus kyi bstan pa la gnas pa'i slang du las gnang la dbab tu gsol zhes gsol pas/ bcom ldan 'das kyis bka' stsal pa/ bdud rnams las la gzhug pa ni// kha rag nag po khra mA ya ni mA ra dza khug dzaH/ btsan rnams las la gzhug pa ni/ A bi shu rag shA tshal pa tshal pa anr-i tra dza dzaH/ klu ba can las la gzhug pa ni// nA ga rA dza shA sa a/ trA~M dzaHdzaHmA ra ya nr-i lo song / rgyal po las la gzhug pa ni/ troHni tro ta ni/ trapa tra/ shU la shU la/ b+ha sha dri ba mA ra ya nA~M dzaHdzaHrbad/ klu rnams las la gzhug pa ni/ nA ga gur ling / snying khrag bam rul/ nA ga ra ra hwes tang rbangapu du ma shri kha la rag gzhan las la gzhug pa ni/ u ta kha khang ra seng ga rag sha kha la ni dun mA ra Na dun rbang dzaH/ de dag gi phyag brnyan las la gzud pa ni/ dza la dza li ha na NA~M ma dum/ sIng kha la ni dza dzadza ni r+tha pu kha la rag sha rbad/ ling ga byad gzhug re bas gril// rta nag thod par bcug nas kyang // nub kyi phyogs kyi brag nag rtsar// 'thun pa'i rdzas dang ming byang brab// rta nag lug nag snying dag dang // lug nag mthing nag dar gyis brgyan// rta nag thod bcug brag rtsar gtad// 'thun pa'i ming bris dug gis brab// mthing nag dar gril mdze thod gzhug/ ba dmar rta dmar snying dung gzugs// thod par bshos cha dmar po gzhug/ chu mig brag gi rtsa ba na// rtse na brag dmar yod par gtad// ming rus bris la za 'og gril// 'dzin mo spre'u'i mgo co ru// rta dang bya dang lug dkar snying / / spyan gzigs dkor 'bru za 'og gril// thod par bcug ste lha khang gi// them pa'i 'og tu mnan par bya// sha trUM sbrul nag lto bar bri// glang dmar rA rur bcug la gril// rtsi sman 'bru dang rin po che/ / ba dmar glang rur blug nas kyang // nA ga gdug pa'i lag tu gtad// mdzo dri'i thod par ming byang gzhug/ chu rta'i gzugs dang rta sngon snying // thod par bcug ste rgya mtshor bsgyur/ tsar dmar po'i thod pa ru// sha tAM mi gzugs dar dmar gril// sngon dmar dog pas dam du bcing // bya dmar ra dmar snying dang gzugs// thod par bshos cha dmar po gzhug/ byang phyogs brag dmar rtsa ru mnan/ / brnag pa'i ming byang bris nas kyang // rtsa ra sngon mo'i thod par gzhug/ mdzo rtol ba grang dre'u'i yang // thod par bcug ste chu 'gram dang // shing gcig rtsa ru mnan par bya/ ting 'dzin sngags dang rdzas rnams kyis// rang gi bya ba nan tan byos// zhes gsungs so// dpal rdo rje gtum po thugs gsang ba'i rgyud phyi ma'i phyi ma las/ bstan pa la banod pa la dbab pa'i le'u sngags kyi phong bstan pa ste drug pa'o/ / // de nas gnod sbyin gtum pos gsol pa/ kye bcom ldan 'das slad ma'i dus na gdug pa can phyag brnyan bcas pa'i sbyor ba'i mthu bzlog pa'i thabs bka' stsal du gsol/ de skad ces gsol pa dang / bcom ldan 'das kyis bka' stsal pa/ de nas sbyor ba'i mthu bzlog ma// rang lus sbas te de dag gi/ mig gi 'bras bu bcar bar bya// rang lus sba bar bya ba ni// skye 'gro mi yi 'bras bu bcar// nag po khA ta'i 'bras bu dang // tsa ra rog po'i 'bras bu gnyis// mig langs te nor bu btsal/ / rnyed nas lus bcang ri khrod 'grim// de dag rnyed par ma gyur na// gser dang dngul rdo zha nye'i rdo// spra tshil dang ni a ru ra// ba ru ra dang pi pi ling // pho ba ril rnams bsnyams te/ bzhu ste rdzi dang rlangs la bzab// de dag gzhan gyi sbyor ba yis// bdag gam gzhan la tshe 'gyur na// dregs pa kun gyi 'bras bu bcar// lto 'phya'i sha dang sbal 'dra'i sha/ sa chu dag na gnas po'i mi// glang ma'i sgron shing 'bras bu dang // me ma gtang ba'i dra ba dang // lag gzi dri chen dang // sems pa chags pa'i ba rnams kan// legs par namangan byas bcas nas/ / 'jig rten pa yi lha rnams kyi// rnam par dag pas mthong mi 'gyur// gdug pa'i klu rnams de las 'gras pa'i gdon// de dag 'bras bur bcar ba ni// phag pho rog po'i don snying lnga/ lce pog nag po gser lum dang // tha nu'i thangs nyams rnyed gdung ste// lus la bcangs par gyur pa na// sha mig rnam par dag pa yi// klu chen brgyad kyis bltas gyur kyang // mthong bar 'gyur ba ma yin no/ / zhes gsungs so// dpal rdo rje gtum po thugs gsang ba'i rgyud phyi ma'i phyi ma las/ lus rnam par sba ba'i le'u ste bdun pa'o// / de nas lha'i dbang po dang / gnod sbyin gyi ded dpon lag na rdo rje gtum po dang / gnod sbyin gyi ded dpon lag na rdo rje gos sngon po can dang / gnod sbyin gyi ded dpon lag na rdo rje stobs po che dang / gnod sbyin gyi ded dpon lag na rdo rje gsang ba'i bdag po dang / de dag la sogs pa 'dus pa'i tshogs chen po rnams rab tu'ang yi rangs te/ lan brgya stong du mar mchod cing bskor nas mngon par bstod do// de nas lag na rdo rje bzhi la bka' stsal pa/ lag na rdo rje bzhi po dang / rgyud 'di dag gang na gnas par khyed kyang rjes su 'brangs la/ rgyud 'di 'chang ba dus gsum du mchod cing bskur bar gyis shig/ de'i dgos pa gang ci'ang rung ba ma lus par sgrubs shig/ phyi ma'i dus na o tri yul du rgyas par 'gyur gyis/ der srung bar byos shig ces gsungs nas chos kyi dbyings rnam par dag pa la bzhugs so// dpal rdo rje gtum po thugs gsang ba'i rgyud phyi ma'i phyi ma las/ yongs su gtang pa'i le'u ste brgyad pa'o// dpal rdo rje gtum po thugs gsang ba'i rgyud phyi ma'i phyi ma rdzogs so/ / / rgya gar gyi slob dpon a bi yu ga ti la dang / bod kyi lo tsa ba bra ban chos kyi brtson 'grus kyis zhus te bsgyur cing gtan la phab pa'o//

CLOSE WINDOW