thod kyi lo tso ba chos kyi brtson 'grus kyis bsgyur ba rdzogs so// rgya gar skad du/ shrI badz+ra tsit+ta gu h+ya tan+t+ra ut+tar/ bod skad du/ dpal rdo rje gtum po thugs gsang ba'i rgyud phyi ma/ dpal rdo rje gtum po la phyag 'tshal lo// de nas brgya byin lha'i dbang pos gsol pa/ kye bcom ldan 'das nyid kyi sku gsung thugs kyi gsang ba'i bstan pa dam pa'i dbang ji lta ba'i gsang ba dam pa mdzad du gsol/ de skad ces gsol pa dang / chos kyi dbyings rnam par dag pa'i dang khas ma hA tsaN+Da kro d+hi hUM zhes gsungs pas/ g.yon du khro mo gtum chen mo// mthing nag chen mo 'jigs tshul can// dbu skra kham pa gyen brdzes ma// spyan dmar sdang mig bgrang ba'i tshul// mche gtsigs khro gnyer spyan gsum ma/ / phyag g.yas dril 'dzin gtso la 'khyud// g.yon pa thod khrag gtso la stob// zhabs gnyis gtso la dgyes tshul 'khril// hi hi dgyes dang ha la'i sgras// thams cad g.yo zhing rlag por byed/ / dur khrod rgyan ldan me dpung nang // sku la 'khrol ba'i tshul du bzhugs// de nas bcom ldan dgyes chen po// dgyes pa'i ting 'dzin la gnas pas// nyid kyi mkha' la hUM oM ldan// nor bu dang ni rdo rjer ldan// rdo rje'i rtse mo'i sgrub mar phaT// yum gyi gsang bar pa tra ldan// pad+ma dang ni ze 'brur ldan// ma las nyi ma'i dkyil 'khor lo// dpal rdo rje gtum po thugs gsang ba'i rgyud phyi ma las yum rnam par 'phrul pa dang mkha' gsang rab tu ldan pa'i le'u ste dang po'o/ / de nas lha'i dbang pos gsol pa/ bcom ldan 'das bde rdzogs gang lags bshad du gsol zhes zhus pas/ bcom ldan 'das pade rdzogs chen po'i ting nge 'dzin la snyoms par zhugs nas/ 'khor lo bde rdzogs zhes bya ba bka' stsal pa/ nyon cig lha yi dbang po mchog/ bde skyong 'khor lo sum cu gnyis/ / dung dang kun da lta bur gnas// mi shigs hUM ni kha 'og bltas// mgror chen longs spyod 'dab bcu drug/ dbus na gser zhun lta bu ma// ya ba ra la sogs pa kha dog bzhi// phyogs bzhi 'dab ma bzhin gnas/ / chos kyi 'khor lo 'dab brgyad de// hUM muM dbus te phyogs mtshams ni// oM kro d+hau ha maM laM paM taM/ sprul pa'i 'khor lo drug cu bzhi// dbus na oM dkar de bzhin du'o// me yi 'khor lo gru gsum raM// rlung ni gzhu 'dra ba dan can// dza nya phaT dang ro ldan pa'o// dbab dang bsgril ba'i sbyor ba yis// shin tu snod ldan dam pa la// srin ma theb lces blang dbugs kyis drang // byin brlabs byas pa'i shes rab ma/ / rang lus thabs ldan gtad pa dang // bde ba dang ni bde ba che// shin tu bde chen bde mchog yin// dpal rdo rje gtum po thugs gsang ba'i rgyud phyi ma las 'khor lo bde rdzogs kyi le'u ste gnyis pa'o/ / / de nas lha'i dbang pos gsol pa/ bcom ldan 'das/ sems can don du byin rlabs mthu// sngags kyi mthu rnams bka' stsol cig/ ces gsol pa/ nyon cig lha'i dbang po sngon chad dang la de bzhin gshegs pa thams cad kyis gsang ba'i mdzod 'dzin par dbang bskur te/ da ltar ngas khyod la bshad bya'os/ 'di ni klu thams cad 'joms par bya'o// nyi ma sa sra la naM/ nA ga kun zhi/ tsit+ta mu ling naM/ bzlog byer/ nA ga shig/ nA ga bzlog/ nA ga byer/ nA ga da ha da ha mA ra/ ya phaT/ nA ga ha na ha na/ mA ra ya phaT/ gsang ba'i gsang ba'i mdzod 'dzin pa'i// sngags des klu rnams rlag par byed// rdzas su bstan pa 'di lta ste// rtsa ba dang ni skyobs su bcas// lde pog nag po rgya tshil dang / / mgo gnyis I da ma gA d+ha// sa yi dri dang rnam lnga'o// gdug pa thams cad 'jil bar byed// shu dag tshil chen rA gzhob dang // dri chen dri chu rma bya'i mdongs// byug dang bdug par bya ba'o// / mu zi gra rtsi dri chen dang // zhun chen dri chu sbyar ba rnams// lhor gtang gdon rnams rang bzhir 'gyur// 'dis ni rang nyid srung bar byed// nA ga sha ti dun jibs// nA ga tsit+ta nAM/ nA ga nir rlung / shUn ting sharu rtsubs/ / nA ga a ro lig shams/ nA ga dun du na/ gyen gyen/ nA ga sha ti ya ya/ tshubs tshubs du sha rbud/ dpal rdo rje gtum po thugs gsang ba'i rgyud phyi ma las/ klu thams cad rlag par byed pa'i le'u ste gsum pa'o/ / / de nas bcom ldan 'das 'jig rten gsum rnam par 'ching bar byed pa'i ting nge 'dzin la snyoms par zhugs nas/ 'jig rten 'ching byed kyi sngags gsungs pa oM aM ka ya ma/ he ka ya ma/ hri ma ya ma/ sa rtsa tsit+ta gzir thum pi ga naM/ zhes gsungs ma thag tu srid pa'i rtse mo nas mnar med pa la thug pa yan chad/ sems rnam par myogs te/ lus ri mo bzhin du g.yo ba med par bcings par gyur to/ / de nas dpung rnam par bzlog pa zhes bya ba'i ting nge 'dzin la snyoms par zhugs te/ dpung zlog byed kyi gsang sngags gsungs pa/ oM e ka ya ma he dun rag sha he dun/ hUM dza hUM/ ya ma tsi ti sha ma/ sha trUMShA ba yan d+h+r-i ka rbad/ ces gsungs pas 'jig rten gyi khams tham cad 'khrugs shing dregra pa can tham cang rdzam khan gyis 'khor lo bskor ba bzhin gyur te myos par gyur to/ / dpal rdo rje gtum po thugs gsang ba'i rgyud phyi ma las/ 'jig rten bcing bzlog gi le'u ste bzhi pa'o// // de nas bcom ldan 'das khyud rnam par spro ba zhes bya ba'i ting nge 'dzin la snyoms par zhugs nas/ khyud las la gzud pa zhes bya ba'i gsang sngags gsungs pa/ grang ti tig tig/ grA ta brag shi ta ta ya ta tsa le he du hUM phaT/ de nas yang sha tAM b+ha shig pa gsad pa thun mong ma yin pa'i ting nge 'dzin la snyoms par zhugs te/ rdo rje drag po thog 'bab ces bya ba'i sngags gsungs pa/ oM mA ra Na sod sod/ mA ra Na bying bying/ mA raH rmugs rmu gas/ mA ra Na ha la hA la/ mA ra Na dun du na/ myogs myogs/ bying bying thum ri li li rbang dza dza/ nA ga la sogs sha trUM sbyar zhes gsungs so// dpal rdo rje gtum po thugs gsang ba'i rgyud ma las/ gsad pa sngags kyi le'u ste lnga pa'o// / de nas yang lha'i dbang pos gsol pa/ gdug pa can tshar gcad pa'i las khyad par can bka' stsal du gsol zhes gsol pas kye bcom ldan 'das khyung sgros byed gsang ba zhes bya ba'i ting nge 'dzin la snyoms par zhugs nas/ rab tu gsang sngags bka' stsal pa/ oM tad+ya thA/ oM Ta ki tsa ti la g+hu li/ mi li sha sha g+h+rA g+h+ya/ shad ti/ bai ri ti/ hUM ya hUM ya/ hUM tu te swA hA/ 'bras dang saM ba nas nag dang // a ru ra rnams zhib btags te// dgu dang bcu gcig bsgrub par bya// mkha' lding / sgo nga sngags kyis bskor// 'brim du bzhag la bsgrub par bya// mA ra Na sod sod/ mA ra Na bying bying / mA ra Na mugs mugs/ mA ra Na ha na ha na/ mA ra Na dun du na/ ha la ha la/ myos myos/ bying bying / thum ri li li dza dza/ de nas gtor ma dbul bar bya/ ba ling ta khA hi khA hi/ gr-ih+Na gr-ih+Na/ ma hA rag si pa to/ sa ma ya swAhA/ gsol ba gdab cing 'phrin las bcol// gla rtsi shing kun sha chen dang // lce pog nag po sha ri ra/ / byi ku stag gi sder mo rnams// ras su gtums nas lus la bcang // oM nyi mas swa nAM/ g+hu ni ni tsi te g+hu li nAM/ tsit+ta mu dra log byed/ tsit+ta g+hu li nAM/ ya khra nA ga bzlog/ nA ga shig/ nAg mgo la nAM/ ha ba sa khri/ rtag tu stom 'changs gtor mas mchod// zhi bas drug dbyung byud kyang dgrol// rtsa ba'i dkyil 'khor phyogs bzhi ru// nA ga'i gzugs bris dug can gzhag/ tshon skud sbrul bsgoms bcings pa de/ / spu gri 'bar bas gtubs shing dbye// ri rab chen po'i phyogs bzhi ni// dug bzhi las skyes rigs bzhi'i klu// sa chu me rlung dug bzhi'i bdag/ bcings pa dgrol cing dug dbyung phyir/ / dug thub sgrol khyung bsam phyir// dug bya ba rang rang gnas su gtang // bden pa bdar zhing ting 'dzin gas la/ dpal rdo rje gtum po thugs gsang ba'i rgyud phyi ma las// rang tu gsang ba'i le'u ste drug pa'o/ / / de nas bcom ldan 'das bdud rtsi 'byung ba zhes bya ba'i ting nge 'dzin la snyoms par zhugs nas bdud rtsi mchog bka' stsal pa/ rin chen bum pa tshad ldan la// dri yi rgyal po la sogs lngas// byugs la poka nag dud pas bdug/ rtsi ldan 'o ma 'bras dang nas// til dkar dang ni a ru ra// ba ru ra dang skyu ru ra// mngar gsum klu sman sna tshogs dang / / tsan dan la sogs drir sbyar ba'i// chu dga' lcug ma 'o ma can// kha brgyan byas te mgul pa yang // dar ras sngon pos bcings byas la// maN+Dal gtsang ma'i steng du gzhag/ lha yi nga rgyal ldan pa yi// gri lcags sbu gur mchu btsugs te// dbugs ma shor bar rab tu bsnag/ seng ldeng phur pa sor brgyad dang // sngags kyi mda' mchog la yang bsnag/ bum pa la sngags 'bum tshar re// 'thon nas snying rje'i yul la bkru// khong du btang na grol bar 'gyur// dpal rdo rje gtum po thugs gsang ba'i rgyud phyi ma las/ bdud rtsi bum khrus kyi le'u ste bdun pa'o/ / de nas yang bdud rtsi bum pa khrol bu la sgrub pa gsungs pa/ nyon cig lha yi dbang po gtso// ting 'dzin gsang bar sgrub pa ni/ dzA ti pa la nas sngon mo// 'bras dang so ba ma gi ta// ting 'dzin bzhu brtul byas te sgrub// de la rtags byung phye mar sgrub// byugs nas dri chus skyo mar sbyar// zhun chen sbyar te/ khong du gtang // bum pa'i chu la lcags sdug bsngag/ mchod dang ting 'dzin brtson par bya// bum chus khrus bye lde gus byug/ skyo ba zhun chen khong du gtang // dpal rdo rje gtum po thugs gsang ba'i rgyud phyi ma las/ bum pa khrol bu phye ma dang / lde gu dang / khong du gtang ba'i le'u ste brgyad pa'o// / de nas yang lha'i dbang po la bka' stsal pa/ nyon cig lha yi dbang po dag/ gdug pa'i dug la rnam mang yang // bsdus na rnam pa gnyis yod de// mngon sum dug dang rku dug ste// rkun thabs drug ni bzlog par dka'// gdug can nyon mongs gsum ldan te/ te' gti mug che bas byol song rigs// 'dod chags che bas dpral bar dka'// shin tu zhe sdang che bas kyang // dug ni rkun thabs dag tu gtong // de phyir slar yang ldog par byed// phrag dog che bas rang rten la/ / gzhan gyis gtses na gzhan la gnod// rkun thabs drug gi mtshan nyid kyang // thabs shing gdug pa'i dug klod kyang // bar bar skabs su ldang bar byed// de bzlog thabs ni shin tu'ang dka'/ / de yi bzlog thabs dam pa 'di// ngas bstan pa la the tshom du// gang zhig byed par gyur pa de// nam yang grub par mi 'gyur te// grub kyang yal bar gyur pa yin// de nas lha yi dbang po dag/ the tshom med par nges par byos// tsan dan dmar pos gtsor byas te// na ga ge sar ma gi ta// rgya che la rgya mtsho'i lbu ba dang // phag rgod dag gi sha dag ste// yang na rgya tshil ma g+hi ta// phag rgod sha dang sbyar byas te/ / lcags snod nang du lcags kyis phur// 'bum phrag gsum du bsnyen byas nas// sgrub pas dkar gsum gzhan mi rten// 'o ma sol chus lus bkrus te// nya la gnas drug thig le bya// mkhur tshos gnyis dang dpral ba dang // snying kha lkog ma lag mthil gnyis// thig le mtshon gang ba ra bya// lte ba pus mo gsang gnas su// ma g+hi ta nyid 'ba' zhig byug/ thig le re la nyi shu gcig/ de ltar lo gcig bar du bya// gangs ri la ni nyi ma bzhin// dpal rdo rje gtum po thugs gsang ba'i rgyud phyi ma las/ rkun thabs kyi dug bzlog pa'i le'u ste dgu pa'o// / / de nas lha'i dbang pos gsol pa/ kye ma khro bdag rdo rje 'dzin// gdug pa'i dug gi mtshan nyid gang // bzlog dang mi bzlog ji lta bu// khro bdag chen pos bshad du gsol/ zhes gsol pas/ bcom ldan 'das kyis bka' stsal pa/ nyon cig lha yi dbang po dag/ bsnyen dang sgrub pa rtags dang gnod pa rtags// lcags zangs mi dang gcer bu bum pa thogs// ba glang nya lcibs za ba dang / me chen 'bar dang zam pa 'dzugs// bskyed shing 'dzugs dang nyi ma shar// bzang ba'i rtags su shes par bya// nyi ma nub dang nam sos thur la babs// btson du bzung nas mi theg khur bskur dang // sgrub pa gnan gyi phul du 'gro ba ngan pa'i rtags/ / lung ba dang ni skum nas chu byung dang // nya sbrulas rlung gsod dang 'tshod ba dung // ring dang skems pa de dag khri la 'dug/ gcer bu spyi bcings tshogs kyis sems can gsol ba mthong / / 'jigs pa'i chu mig bskams dang rtag tu nor bu rgyad// sbal sbrul zas su za dang khyi spyang gsod la sogs// bzang ba'i ltas su yang dag shes par bya// chu nang chud dang sngal sbrul lus la 'jug/ de dag phyi bzhin du ni 'brang byed cing // sbrang bu mchu rings la sogs lus la za// pa glang ma he'i tshogs kyis brdungs nas 'dod pa dang // khyi spyang tshogs kyis gzugs dang 'dam du tshuchudapa 'bag seng bu chung la sogs ston pa ngan/ / gnod rtags gting ring grog po mi shong phyin dang slar mi thar// ri brag dog mo lung pa phugs rdugs dang // lha khang ga nas khang hrul por mi shong sgo la 'dzul nas slar mi 'thon/ / chu ngan mtsho dang lu ma nya sbrul sogs// phag pa ba glang ma he la sogs te// shin tu yid du mi 'ong gzugs mang ston// ri gzar mi thar pa dang ce spyang tshogs kyis 'dod// de dag gnod rtags lus kyi nyams myong yang / / nub dang ni glu dang chang la dga'// nad dang nyams lI yan lag na// sha ni 'gul 'phrig shu ba g.yan pa sha bkra dang // ngo lhog sha ro skabs su zug gzer che// de dag gnod pa'i rtags su shes par bya// dpal rdo rje gtum po thugs gsang ba'i rgyud phyi ma las/ bsnyen sgrub kyi ltas dang gnod rtags bstan pa'i le'u ste bcu pa'o// / de nas lha'i dbang pos gsol pa/ kye bcom ldan 'das sems can gyi lus la/ gdug pa'i dug lus la slab pa'i mtshan nyid bshad du gsol/ de skad ces gsol pas/ bcom ldan 'das kyis bka'/ stsal pa// sha mthangs bar du sleb pa'i dug/ rtag tu snying yang mi dga' zhing / sha rtsa za zhing 'gul dang 'phrig/ rtag tu 'phrug snying 'dod pa dang // sha yang 'o ma'i spris ma bzhin// sha mdog me lce 'dra ba'o/ / skabs su sha mthangs par dag na// chu grang blugs pa snyam byed dang // shu ba pa lhags sha bkra'o// gdug pa dug gis sha la sleb pa ni// 'phrig 'gul sha sbrid ber ba lta/ sha ni gnag cing dmar la bem// du ba mig tu song ba bzhin// mig gi mtha' ma chu yis gang // mig kyang zlum la smin ma grugs// smin ma byi zhing mig kyang 'gul// sor mo rnams ni byi mjug 'dra// rtsa dang chu la zhugs pa ni// lus la dri ma nga ba 'byung // chu bur dang ni chu sgangs dang // de ni rtsa yi me tog yin// chu ser mdog ni du khu 'dra// chu ser ko rul mnam pa dang // ko ba rul pa'i dri mnam pa'i/ / chu ser dag ni 'byung ba yin// ro stod mi bde blo yang 'degs// spyi yi mtshan nyid 'di dag dang // 'byung bar 'gyur ba dag kyang yod// me 'od tsha ba 'dra ba 'ong // tsher ma zug pa 'dra ba 'ong / / lus po tsha la 'brum pa 'ong // kor tshe shu ba 'byung ba dang // rma dang sar ka mi 'tsho ba// kor tshe tshor ba med pa 'byung // na tsha med pa'i shu ba 'byung // tsha la 'khums pa 'byung ba yod// lus kyi nyam stobs chung ba 'byung // glang shu ba dang sha bkra 'byung // sha ro sbal mig 'dra ba 'byung // sha sul thams cad 'gul 'phrig 'byung // dug gis rus par sleb gyur na/ phyi yi sha rnams kun bskams te// mdog ni sngo skya sha mdangs 'chor// gos kyi mdangs kyang 'chor ba ste// de ni thar par mi 'gyur yang // sngags dang rdzas dang ting 'dzin gyis// tshe ring skad gsang lus kyang bde/ / zhes gsungs so// dpal rdo rje gtum po thugs gsang ba'i rgyud phyi ma las/ gdug pa'i dug rus pa la sleb pa'i mtshan nyid bstan pa'i le'u ste bcu gcig pa'o// de nas lha'i dbang pos gsol pa/ kye ma bcom ldan 'das slad ma'i dus kyi 'gro ba la phan gdags pa'i phyir rdzas kyi khyad par bka' stsal du gsol zhes gsol pas/ bcom ldan 'das kyis bka' stsal pa/ nyon cig lha yi dbang po gtso// phyi ma'i dus kyi sems can rnams// gdug pa'i dug gis nyen pa na// phan pa'i sbyor ba 'di lta bu// kun kyang sngags kyis bsgrub par bya// me 'od 'dra na spyad dug gtung / / tsher ma zug pa lta bu la// ra dug dang ni re lcug go/ tshal 'brus pa byung ba ni// btsod dang spang spos gtang bar bya// sha ni kor rtse shu ba la// ra thug sre dang long btol gtang // rma dang srir ka mi 'tsho na/ / khong du sgrub pa'i ma g+hi ta// de nyid grags pa'i sngags kyis gdul// kor tshe tshor ba med pa la// stag sha gser gyi me tog dang // rgya tshwa sbyar te gtang bar bya// sha bu thal ba bdud rtsis gso// mu zi ba bla ldong ros dang // dri chu sbyar te bsku bar bya// na tsha med pa'i shu ba la// bong ril ti tsha mar dkar bsku// tsha 'khums lce po ga rA ru gzhob// tsha dang zhun chen sbyar bar bya// lus kyi nyam stobs chung ba na/ / bum pa'i chu dang ma gau ti// sbyar te bkru zhing btung bar bya// dri chu zhun chen gtang bar bya// sha bkra gur kum phag tshil lo// gla shu 'dra ba byung ba na// gser gyi me tog mu zi dang // sngags kyi bya ba 'bad par bya/ / sha ro sbal mig 'byung ba dang // sha yi yul rnams mgul ba la// gla ba mu zi lce pog gnag/ sha mthangs bar gyi dug rnams la// sa yi dri dang ma g+hi ta// shu dag lce pog ru rta dang / / gu gul nag po dri ma dang // ro yi ro dang btsan dug dang // byi ku gcig skyes mi phag bcud// yang na btsan dug lde pog dang // ldong ros dang ni sa yi dri// zhun chen dri chus bsdus te bsku/ / gu gul shu dag shing kun dang // gla rtsi btsan dug ro yi ro// rus chen btags te zhun gyis bsdu// ril bu byas te bsregs nas kyang // yang dang yang du sna bug bdu// dug chen klu dang de las gram pa'i gdon rnams kyis/ / skye dgu 'tshe byed gdon rnams gang yin yang // gdug pa chen po'i dri 'di tshor ba yis// gdug pa can rnams klad pa rab tu 'gas// nyi ma'i 'od kyis mun pa ji bzhin no/ / sha la zhugs pa'i gdug pa'i dug rnams la// byung ba'i rdzas rnams phyi nas byug/ gdug pa can gyis rtag tu 'dug/ ma gi ta dang dri chu grang mor sbyar// bkra zhing khong du gtan du gtang bar bya/ / nad rnams 'byang zhing spu sogs byi ba skye// rtsa dang chub dag la gnas pa'i dug/ byug pa bdug pa chu ba'i gzhung bzhin du// khong du gtang ba'i rdzas ni 'di lta ste/ ma gi ta ni dri yi chus sbyangs te// a ru ra dang sbyar ba rgyun mi gcad// rtsa yi gnas su nad rnams dngas snyigs 'byed// dngas snyigs phyed pa'i nad ni phyi ru 'byung // gangs kyi ri la nyi ma lta bu'o// dug rnams rus pa dag la rgyas/ / khong du gtang ba'i rdzas ni rgyun tu gtang // zhes gsungs so// dpal rdo rje gtum po thugs gsang ba'i rgyud phyi ma las/ gdug pa'i dug rdzas kyis gdul ba'i le'u ste bcu gnyis pa'o/ / / de nas yang lha'i dbang pos gsol pa/ kye bcom ldan 'das gdug pa can shin tu yang tshar gcad pa'i thabs bka' stsal du gsol zhes gsal bas bcom ldan 'das kyis bka' stsal pa/ / nyon cig dbang po chen po'i lha// gdug pa shin tu tshar gcad na// bsreg pa'i las la shin tu brtson par bya// thab khung gru gsum sor brgyad pa// khrag dang dur khrod sol bas byug/ dkyil du rdo rje rtse gsum bri// zur du mchod rten gsum gzhag ste// de steng drag po'i snod bzhag la// nang du gru gsum rtse mo lho// gdug pa'i shing yang zur gsum brtsig/ dkyil 'khor chen po'i shar lhor bya// shing shun dag la sha tAM yang // brgya rtsa brgyad bya dug sna dang // tsha ba gsum dang bong bu'i chu// rnga mo bya rog brun yang bsag/ lha yi ting 'dzin mchod sngags kyis/ ting 'dzin gsar te lha la dbul// bsreg pa'i sngags ni 'dis bya'o// sarba big+h+nAn mA ra ya dz+wa la raM/ stong rtsa brgyad dang brgya rtsa brgyad// lan grangs mang du byas pa yi// thal ba chu chen gzhung la / bor thab khung 'og ma'i thal ba yang // khyi yi dri chen tsha ba gsum// bsregs te sha hU~M gzugs byas la// nA ga staM b+ha nan zhes rgya gram dkyil du mnan// zhes gsungs so// dpal rdo rje gtum po thugs gsang ba'i rgyud phyi ma las/ dregs pa can shin tu tshar gcad pa sreg pa drag po'i le'u ste bcu gsum pa'o// // de nas lha'i dbang pos gsol pa/ kye bcom ldan 'das/ mnan pa'i las su bgyi ba yi// shin tu tshar gcad ji ltar bgyi// zhes gsol pas/ bcom ldan 'das kyis bka' stsal pa/ lha yi dbang po chen po nyon// rus sbal khog pa kha sbyar du// rgya mtsho lbu ba khre rgod dang / / nA ga ge sar cu gang dang // dkar gsum sha chen sha ri ra// ma g+hi ta yis gtso byas te// ru rta dang sbyar ro nye'i shubs// re bas gtums te sngon dmar dkri// sngags kyis mda' la sum stong bsngags/ / nA ga s+t+waM b+ha nan/ brgyad gsum dbus ma'i zla zer la// nub kyi rgya gram sum mdo 'am// yang na gnod pa'i sa phyogs su// shugs pa'i phur pas khru gang brko// der bcug g.yam pa rgya gram can// de steng mnan pa'i ri rab gzhag/ de dag byed tshe dman zas spang // kha zas dkar gsum mngar gyis bya// sha rul khrag rul rgya tshil dang // sngags mda' sngags dang ldan pa yis/ / rab gnas brten pa'i bar drug cang // thog nags bur sngags las bya// su gcig par du gnod mi 'gyur// dpal rdo rje satum po thugs gsang ba'i rgyud phyi ma las/ phyir mi ldog pa'i mnan pa'i le'u ste bcu bzhi pa'o// / de nas lha'i dbang pos yang gsol pa/ kye bcom ldan 'das gdug pa can de dag de nyid kho nar 'gro ba la rnam par 'tshe 'am/ de dag gzhan dang gzhan dag gis mthu'ang gnon par 'gyur/ gal te gzhan dag gi mthus kyang 'gro ba ma rungs par byed na/ de ji ltar yongs su bsal bar bgyi/ de skad ces gsol pa dang / bcom ldan 'das kyis bka' stsal pa/ nyon cig dbang po chen po lha// phyi ma'i dus kyi sems can la// gdug pa'i dug cig zhugs gyur na/ / pho nya tshogs kyis ma rungs byed// btsan dang rgyal po 'gong po dang // dngos grub 'tshe ba byed kun tu// de dag de nyid shes 'gyur na// de dag rang gshed rang gis byed// rA dza tsit+ta rbang nan tsa bur rnams dza m+bA ra ya rbad nan/ oM tri tsit+ta rbad nan/ tri tsit+ta rbad nan/ ha ba shrI tri tsat+ta rbad nan/ ru tri tsit+ta rbad nan/ rA dzA trig nan/ tsa hur thum dza mA ra ya rbad/ sde brgyad spyi gdul ba na oM AHhUM badz+ra sarba duSh+Ta~M tri ga nan/ e hur thum dza mA ra ya rbad/ gal te rgyal po'i gdug pa dag/ shin tu che bar gyur pa na// ku sha rtsa la brgya byin gzugs// 'dzin mo'i sog pa g.ya ba la 'khrag chen gyis bri snying khar rtsal/ / tri badz+ra aM ku sha dzaH/ lde pog gis bdug sngon dmar bcings// rtsa ba'i dkyil 'khor dbus dag tu// gru gsum nag por bcug byas la// lcags klu'i phyag rgya bcas la dgug/ tI badz+ra tri badz+ra/ ya shrASh+TA ta badz+ra aM ku sha dzaH/ kro d+hi/ kro d+hing kro la shwA/ rA dza sha tha ma ne/ rA dza sha trUM mA ra Na phaT/ rA dza a mo kam/ b+hak+Sha Ni grih+Na/ grih+Na/ grih+Na mar ya phaT/ phur pa gdab cing lcag gis brab// de nas bskor ba'i 'khor lo bca'// rtsa ba'i 'khor lo'i lte ba la// ku sha'i gzugs bzhag phyi rtsibs la// re mig bcu bzhi ldan pa la// rtsibs la gzugs bris bong khrag sbyar/ / re mig cha la bskor sngags dgod// du tri pa tri dkor ba khaM rbad/ ya tri dkor ba khaM rbad/ yungs kar khrag sna dug snas bra ba// yang na chu bo'i gzhung la bskur/ yang na bugs rdugs grog por mnan// de'i tshe zhing lhag drag tu bsnun// dpal rdo rje gtum po thugs gsang ba'i rgyud phyi ma las/ dpal rdo rje gtum po thugs gsang ba'i rgyud phyi ma rdzogs ngargya gar gyi slob dpon a bi yu ga ti la dang /

CLOSE WINDOW