thod kyi lo tsa ba ban de chos kyi dbang phyug grags kyis bsgyur cing zhus te gtan la phab pa'o// @/ rgya gar skad du/ shrI badz+re tsaN+Da tsit+ta gu h+ya tan+t+ra/ bod skad du/ dpal rdo rje gtum po thugs gsang ba'i rgyud/ dpal gtum po phyag na rdo rje la phyag 'tshal lo// 'di skad bdag gis thos pa'i dus gcig na/ 'og min gyi gnas lcang lo can gyi pho brang na sku dang / gsung dang / thugs dang / yon tan dang / 'phrin las la gzigs pa'i bde bar gshegs pa thams cad kyi chos kyi sku las longs spyod rdzogs pa'i sku dang / sprul pa'i sku dang / rdo rje'i sku dang / mngon par byang chub pa'i skus 'gro ba'i don mdzad do// brjod med don gyi gsung dang / dgongs pa brda'i gsung dang / tshangs pa dbyangs kyi gsung dang / dbyer mi phyed pa'i gsung dang / rig pa'i byin gyi rlabs kyi gsung gis 'gro ba'i don mdzad do// chos kyi dbyings kyi thugs dang // me long lta bu'i thugs dang / mnyam pa nyid kyi thugs dang / so sor kun rtog gi thugs dang / bya ba grub pa'i thugs kyis 'gro ba'i don mdzad do// gnas dang / gdan khro dang / 'khor dang / 'dul ba'i zhing dang sku 'od zer bsam gyis mi khyab pas 'gro ba'i don mdzad do/ / zhi ba dang / rgyas pa dang / dbang dang / drag po dang / lhun gyis grub pa'i 'phrin las kyis 'gro ba'i don mdzad do// de'i mod dus na bcom ldan 'das rigs lnga dang rigs gsum la sogs pa'i sangs rgyas kyis sems can 'dul ba'i dus la bab par gzigs nas/ ma chags pa'i thugs rjes rnam pa sna tshogs pa'i sprul pas 'gro ba'i don mdzad pa'o/ / de'i tshe na lha ma srin shin tu dregs pa dang dregs pa'i ru tha zhen chags kyi 'dam na gnas pa/ nga rgyal gyi ri rab la gnas pa/ phrag dog gi rlung sems la 'chub pa/ gti mug mun pa'i g.yung drung na gnas pa/ de lta bu dag 'dul ba'i dus la bab par gzigs nas/ de bzhin gshegs pa thams cad thugs gcig tu gyur te/ mi gnas pa'i ye shes chen po las rdo rje'i rigs dang / bud+d+ha'i rigs dang / rin po che'i rigs dang / pad+ma'i rigs dang / las kyi rigs su gyur te so so'i yum dang chas nas bzhugs te/ thugs 'dus pa'i byin gyi rlabs las thams cad kyi rigs kyi sangs rgyas sku bai DUR+Ya'i rang bzhin ltar sngo ba/ sngon por snang ba/ sngo bar gyur pa/ rin po che in+d+ra nI la ljang khu lta bu'i kha dog tu snang ba/ lcang lo can gyi cha byad phyag na rdo rje bsnams nas thugs kar brtan pa byung ngo / / byung bar gyur to// de'i mthu dang stobs kyis 'jigs rten na gnas pa'i dregs pa can btul te dam la btags nas byang chub mchog tu sems bskyed do/ / dpal rdo rje gtum po thams cad gsang ba'i rgyud las/ gleng gzhi'i le'u ste dang po'o// / yang de'i tshe na nyon mongs pa la gnas pa'i sems can zhi bas mi 'dul bar gyur pa dag gnas pa las/ rigs lnga'i bcom ldan 'das rnams kyis gsang ba'i bdag po la bka' bsgo ba ste/ kye gsang sngags dang / rig sngags dang / gzungs sngags kun gyi bdag po zhi bas mi 'dul ba'i sems can la thams cad khros pa'i tshul gyis gdul du gsol zhes bka' stsal to/ / oM badz+ra pA Ni kro d+ha kro d+ha hUM hUM/ zhes ched du brjod pa lan gsum ched du brjod pas/ gnod sbyin gyi sde dpon chen po lag na rdo rje gos sngon po can mche ba gtsigs shing 'tsham pa/ mig me mdag gi phung po ltar 'bar ba/ dbugs dur khrod kyi me ltar 'bar ba/ 'jigs pa'i nga ro bskal pa'i dus mtha' ltar sgrog pa/ lag pa dang rkang pa klu'i rgyal po nor bu dang nor rgyas kyi bus brgyan pa/ klu'i rgyal po nag po dang nye gnag pos se ral khar brgyan pa/ klu'i rgyal po dga' bo dang nye dga' bo 'bar bas rna tsha byas pa/ sbrul gdug pa 'bar ba za ba/ bzhin rgyas pa/ smin ma sar nag dpral ba la bsdus pa/ gshin rje'i cha byad can/ lce glog ltar 'gyu ba/ gsus pa che sbrul za ba/ lag pa'i thal mo brdabs pa'i sgras 'jigs par byed pa/ klu'i rgyal po 'dab bzang ska rags su bcings pa/ a la la zhes 'jigs par byed pa/ smug par byed pa/ rgya mtsho'i zabs su dpag tshad brgyad khri yod pa rkang pa'i pus mo tsam du phyin pa/ dbang po dang nyi ma phrag pa la khur ba/ klu thams cad rlag par byed pa/ ha la'i gang rgyangs chen pos dgod bas kun tu 'khrug par byed pa/ khams gsum 'jigs shing skrag par byed pa/ klu rnams 'chi bar byed pa zhig byung ste/ rang gi gzungs sngags 'di ched du brjod do// tad+ya thA/ b+ho b+ho ban nA ga a d+hi pa ta me/ mad nI la m+ba rad+hA ra shA dAr/ badz+rA pA Ni hr-id lA~M/ yar+tha samA ti kram thA/ ut+pa s+yA da na b+ha bish+tsa ti/ tad+ya thA/ bud+d+ha bud+d+ha/ bi bud+d+ha bi bud+d+ha/ mahe prA byAt+ta/ ha ra ha ra nA kAn+d+ha/ pra har prahA/ ra nA gAn+d+ha/ ts+tshin+dats+tshin+da nA ga hr-id ya na~M/ b+hin+da b+hin+da nA ga dA mA ni/ b+hi She maN+Da nA ga sha rI raM/ thi s+pho Tha ya nA ga na yan/ tad+yathA/ hUM phaT/ nag bo dA ra Na sa phaT/ nA gota mA mA la phaT/ ne zha bas mA ma la/ a tha tin ta bi la bI rA kra mA ya phaT/ kr-i tan+t+ra ma phaT/ kr-i tan ta nu pA ya phaT/ ro Sha N+DA la phaT/ trA sa nA la phaT/ kuM b+hUr+N+Na ud sAd nA la phaT/ pre tA bi shA n+ya binA sha ka rA ya paT/ yak+Sha a da mA ra dzin sha ka rA ya phaT/ ha sa ha sa/ d+ha ra d+ha ra/ mA raM ya mA ra ya/ nA sha ya nA sha ya/ sarba big+h+nAM bi nA sha ka rA ye phaT/ sarba shatrU~M sa~M g+ha be nA sha karA ya phaT/ nAM lAM bar d+ha ra badz+ra pA N+Di rA dz+nyA pa ya ti sar+b+ba/ de skad ces bka' stsal ma thag tu dregs pa can phal pa dag ri mo bzhin g.yo ba med par gyur te brgya la/ rab tu brgyal ba las phyir dran pa sangs nas 'di skad ces gsol to// kye gsang ba'i bdag po khyod ni thugs rje'i mnga' bdag kun gyi mgon dang skyabs su gyur pa lags na/ bdag cag gi sdug bsngal 'di las thar bar mdzad du gsol zhes gsol to// de nas dregs pa can de dag dam la btags te dbang bskur/ dam tshig phog nas byang chub tu sems bskyed do// dpal rdo rje gtum po thams cad gsang ba'i rgyud las/ dregs pa can phal pa btul ba'i le'u ste gnyis pa'o// de nas 'jig rten gyi dregs pa can dag shin tu'ang dregs par gyur pa dag klu rgyal rigs kyi rgyal po rgya mtsho zhes bya ba dang / rje'u rigs kyi rgyal po kun nas gdugs zhes bya ba dang / bram ze'i rigs kyi rgyal po chu lha zhes bya ba dang / gdol pa'i rgyal po shI la pu ka ra zhes bya ba dang / bdud kyi rgyal po skos rje brang dkar dang / gza' rgod chen po dang / dkar po dung gi thor tsugs can dang / btsan gyi rgyal po dmar po srog len dang / gshin rje'i rgyal po dmigs pa dang / ma mo'i rgyal mo mkha' dbyings kyi yum ga shin rje'i sring mo phung byed re ba ti la sogs pa dang / shin tu dregs pa can gyis 'jig rten phung bar byed pa dag ma thul ba las longs spyod rdzogs pa'i sku lngas/ kye gsang ba'i bdag po dregs pa pho mo dag thul bar ma gyur te/ thams cad kyi thabs kyis dregs pa nyon mongs pa gdul bar bya'o zhes bka' stsal to// dus gsum gyi sangs rgyas thams cad kyang gsang ba'i bdag po la 'di skad ces gsung ngo // / 'jig rten gyi dregs pa 'di dag 'dod chags la gnas pas sems can la rnam par 'tshe'i/ kun gyi lus dang srog ma rungs par byed pas khyod kyis thams cad khros pa'i tshul gyis thul cig ces bsgo'o/ / phyogs bcu'i zhing khams rnam par dag pa na bzhugs pa'i sangs rgyas dang / byang chub sems dpa' dang / rigs so sor kun nas 'dus pa rnams kyang gsung gcig gi nga ros 'di skad ces gsung ngo / / gsang ba'i bdag po khyod shin tu khros pa'i tshul gyis ston lam 'phyis pa'i stobs kyis dregs pa can thul cig ces bsgo'o// gzhan yang rig sngags dang / gsang sngags dang gzungs sngags kyi bdag po thams cad 'dus te/ rigs kyi bdag po dang / rigs kyi yum dang / rigs kyi khro bo dang / rigs kyi sprul pa dang / rigs kyi pho nya mo la sogs pa thams cad 'dus nas mgrin gcig tu bka' stsal pa/ gsang ba'i bdag po gdul bya'i zhing 'di dag zhi ba'i cha byad kyis mi 'dul bas/ zhe sdang dang gdug sems su bcas pa/ nyon mongs pa rang dga' mar spyod pa/ 'dod pa'i skom gyis gdungs pa 'di dag khyod kyi mthu'i stobs kyis shin tu khros pa'i cha byad ston la ma 'phyi bar myur bar rab tu thul cig ces bka' bsgo'o// de nas sku mi snang ba ye shes chen po'i ngang la bzhugs so/ / dpal rdo rje gtum po thugs gsang ba'i rgyud las/ khro bor bka' bsgo ba'i le'u ste gsum pa'o// / de nas rigs lnga yab yum gnyis su med pa'i mkha' las thugs rje khros pa'i sa bon hUM mthing nag ha la nag po'i mdog lta bu 'od zer sna tshogs 'bar ba/ rab tu 'bar ba/ kun tu rab tu 'bar ba dag byung ste/ de'i byin gyis rlabs las thugs rje'i byin gyi rlabs las e mthing nag dang / yaM sngo skya dang / raM khaM dmar nag dang / su ser nag dang / raM dmar nag dang / ko dkar skya dang / sna tshogs pa'i bruM 'phros par gyur to// de dag gi 'phro 'du las gru gsum mthing nag nam mkha' dang / sngo skya rlung zla gam dang / dmar nag rak+Sha'i rgya mtsho dang / ser nag zhing chen sa gzhi dang / dkar skya keng rus ri rab dang / sna tshogs rin po che'i gzhal yas khang mthing nag rdo rje rgya gram las lhun gyis grub pa'i dkyil 'khor du gyur to// chos nyid mi 'gyur lhun gyis grub pa'i lte ba'i mthing nag zlum po 'phrin las rnam pa bzhis lhun gyis grub pa'i rgya gram gyi rtse mo phyogs bcur 'phro ba/ bar mtshams rin po che sna bzhi las lhun gyis grub pa/ gru chang rin po che ljang khur snang ba/ sgra bzhi rin po che sna bzhi tshad med pa bzhi'i 'phrin las su snang ba/ sna tshogs kyi rgyan rang bzhin du snang ba/ rang byung bar gyur to// de nas hUM mthing nag khro bo'i sa bon de las sna tshogs rdo rje phra mo'i 'od tsha tsha ltar 'phros/ rdo rje phra mo'i 'od zer la rdo rje lcags kyu phra mo bsam gyis mi khyab pas 'jig rten gyi dregs pa can kun dang / srog la rngam pa'i srin po pho mo sna tshogs pa bkug ste/ gzhal yas khang gi phyi rol tu shing rtsa ba nas bsgyel ba bzhin du gyur te ri mo bzhin g.yo ba med par gyur to/ / mthu'i byin gyis rlabs kyis 'khor lo'i lte dbus su rdo ba bsgyur ba bzhin du gyur to// de bzhin gshegs pa thams cad kyis kyang stir baM zhes brjod pas srin po pho mo dran pa rnyeng de mdun du gyur to/ / dpal rdo rje gtum po thugs gsang ba'i rgyud las/ gzhal yas khang lhun gyis grub pa'i le'u ste bzhi pa'o/ / de nas thugs rje khros pa'i hUM mthing nag 'od 'bar ba las de bzhin gshegs pa kun gsung gcig gis a b+hi ro Sha Na hUM zhes gsungs pa las khro gnyer bsdus/ shing zhal bgrang bas dug gsum rtsad nas gcod pa'i mche ba zur gsum gtsigs pa/ de ltar 'bar ba'i cha byad du snang ba zhig byung ste/ 'jig rten gyi khams chen po gsum g.yos/ rab tu g.yos/ kun tu g.yos/ kun tu rab tu g.yos par gyur to// dpal rdo rje gtum po thams cad gsang ba'i rgyud las/ 'bar ba'i khro bo khros pa'i tshul du bskyed pa'i le'u ste lnga pa'o// / de'i tshe de'i dus na dus gsum gyi theg pa'i bdag po thams cad 'dus te/ ye shes kyi mkha' gsang ba'i bum pas 'bar ba'i khro bo de'i lus kun bkrus te ye shes kyi bum pa'i chu rgyun gyis dbang bskur ro/ / dag par 'khru bar byed pa'i nye shing pa dang / sgrib pa sbyong zhing kun tu skyob par byed pa'i phur mong gi thal ba dang / chos nyid kyi rtsi dang / ye shes kyi bcud mar la sogs pas 'gro ba rnams kyi tshul dang ldan pa'i phyir dbang bskur ro/ / ye shes kyi khro bo de lus la sim zhing rgyas te bde ba skyes par gyur te/ de nas rigs thams cad kyi bdag po sangs rgyas lnga yum dang bcas pas bde ba la snyoms par zhugs te/ gnyis su med pa'i mkha' las ye shes kyi yig 'bru khri mthing kha dang / khri dkar po dang / khri ser po dang / khri dmar po dang / waM ljang khu da / khri sna tshogs kyi mdog tu snang ba dag 'thon te/ gsung gcig gis bskyed bskul gyi sngags bka' stsal pa/ hUM e yaM raM khaM su raM ke bruM/ a b+hi ro ShaNahUM/ oM nyi ma sa swA/ la nAM ga ru Da tsa le tsa le hUM phaT/ ces gsungs pa las ye shes las sprul pa khyung mthing kha dang / dkar po dang / ser po dang / dmar po dang / ljang khu dang / so so nas sna tshogs pa 'dus pa'i khyung lus dkar ba/ gshog pa sngo ba/ rA ye shes spu gri 'bar ba/ gdug pa can 'dren cing za ba/ 'bar ba'i khro bo'i thugs rje la gnas par gyur to// lus kha dog lnga la/ mchu gnam lcags kyi rdo rje las grub pa/ gshog pa nam mkha'i mtha' ma khebs pa/ mig gser zhun ma bzhin du snang ba/ gdug pa'i sbrul rigs bzhi so sor za ba dag spyi gtsug dang / dpral ba dang / rna ltag g.yas g.yon dang / dbu'i ltag khung la sogs par gnas so// rigs so sor phyag mtshan so sos dbang bskur te/ de bzhin gshegs pa'i rigs kyi bdag pos 'khor lo spyi gtsug tu / byin te/ oM sarba ta thA ga ta kA ya badz+ra swa b+hA ba At+ma kohaM/ zhes gsung zhing 'khor lo byin no// gsung gi rigs kyi bdage bos kyang / aHsarba ta thA ga ta bA ka badz+ra swa b+hA ba At+ma kohaM/ zhes gsu zhing chos kyi 'khor lo mgrin par gzhag go/ / thugs kyi rigs kyi bdag pos kyang / hUM sarba ta thA ga ta ma hA tsit+ta badz+ra swa b+hA ba At+ma kon+daH/ zhes thugs kar rdo rje gzhag go// yon tan gyi rigs kyi bdag bos kyang / swA sarba ta thA ga ta rat+na gu h+ya a b+hi Shiny+tsa mAM/ zhes rgya gram dang lte bar rin po che 'bar ba gzhag go/ las kyi rigs kyi bdag pos kyang / hA sarba ta thA ga ta karma gu h+ya a b+hi Shiny+tsamAM/ ye shes kyi khro chung sku chung la spyan che ba/ rdo rje dang sdigs mdzub 'dzin pa/ dkar po dang / dmar po dang / ser po dang / ljang khu dang / mthing kha la sogs te sna tshogs pa'i khro chung 'thon to// 'thon par gyur to// de dag gi byin gyi rlabs kyis sa chen po 'di rnam pa drug tu g.yos/ rab tu g.yos/ kun tu rab tu g.yos par gyur to// sreg pa'i bskal pa'i sgra tsam yang drug par gyur to/ / de dag tshur 'dus shing nam mkha' la babs nas 'khor lo 'bar ba'i lte dbus su gnas pa las de bzhin gshegs pa thams cad kyi gsung cig gis/ ro sha Na yak+Sha gr-ih+Na gr-ih+Na phaT/ ces gsungs pa las ye shes kyi khro bo// sku dug ha la nag po'i mdog ltar 'tsher ba/ ye shes rngam pa'i spyan gsum bskal pa'i glog ltar 'khyug cing gdug pa nyi ma'i 'od zer bzhin gang la bltas pa brlag nus shing tsha ba/ smin ma rngam pa'i glog drag po bzhin ser nag tu 'bar bas gti mug dang nyon mongs pa'i mun pa sel bar byed pa/ smar ser nag la ye shes kyi me 'bar ba/ nyon mongs pa'i bag chags sreg pa/ nyon mongs pa gti mug 'joms par byed pa'i glang po che'i ko rlon gsol ba/ nyon mongs pa'i zhe sdang 'dul ba'i rtags su/ gcan gzan gyi rgyal po stag gi sham thabs bgos pa/ nyon mongs pa phrag dog 'dul bar byed pa'i rtags su gzig gi mgo dos brgyan pa/ nyon mongs pa'i 'khor ba ma spangs pas zhing chen gyi g.yang gzhi gsol ba/ sbrul dkar khras dbu brgyan pa/ ser khras mgur chu byas pa/ dmar khras phyag gdub byas pa/ ljang khras rked bcings byas pa/ nag khras zhabs gdub byas pa/ dug gsum ngang gis mi spong bar nyon mongs pa'i sha khrag gsol ba/ sku dang / gsung dang / thugs dang ldan pa'i thod pa skam po dang / rlon pa dang / ne 'phreng gis sku la brgyan pa/ chos nyid skye ba med pa'i don dang ldan zhing / 'khor ba khrag zhag dang 'dra ba la thugs rjes gzigs pa'i phyir zhag gi tho ris kyis sku la brgyan pa/ theg pa chen po'i dbang gis thams cad 'dul ba'i phyir thal chen gyi tshom bus sku la brgyan pa/ chos nyid skye ba med pa'i don dang ldan zhing dbu 'bar ba'i cha byad du snang ste/ dbu skra sngo nag la ral pa'i cod pan gyis bsgyings pa/ zhabs g.yas pa brjid pa'i tshul gyis bskum nas gnas pa/ zhabs g.yon pa drag po'i tshul gyis bgrad nas gnas pa/ srog la rngam pa'i srin po pho mo brdzis pa/ phyag g.yas pa na rdo rje rtse lnga pa rdeg pa'i tshul du 'dzin pa/ g.yon pa na sdigs pa'i mdzub mo phyar ba dag tu snang ba zhes rgya gram dang / ral gri 'bar bas yan lag bzhi la las kyi byed pa por dbang bskur ro// dam rdzas bdud rtsi rnam lngas dbang bskur nas 'phrin las thams cad kyi byed pa por dbang bskur te/ de yang gnyis su med pa'i rol pas so// dpal rdo rje gtum po thugs gsang ba'i rgyud las/ de bzhin gshegs/ pa thams cad kyis 'bar ba'i khro bo la dbang bskur ba'i le'u ste drug pa'o// / de nas dpal rdo rje gtum po lag na rdo rjes sdigs mdzub ni bsgreng / rdo rje ni spar nas 'bar ba'i khro bo'i lta bas kun tu bltas te/ spyan ni bzlog/ zhal ni bgrang nas rngam pa'i sgra skad ni ha ha/ hUM hUM/ a la la/ aM aM/ d+hi d+hi/ ho ho/ zhes pa'i byin rlabs las phrag pa gnyis rab tu/ 'bar te/ rdo rje khro bo dkar ba/ rnam par dkar ba dag mtha' yas pa 'thon to// dpral ba rnam par 'bar ba las khro bo mthing kha sna tshogs pa 'thon to// mgrin pa rab tu 'bar ba las khro bo dmar po rnam par dmar ba dag 'thon to/ / thugs ka rab tu 'bar ba las rdo rje khro bo nag po rab tu 'bar ba sna tshogs pa 'thon to// sku lte ba rab tu 'bar ba las khro bo ljang khu rab tu 'bar ba bdag 'thon to// 'bar ba'i khro bo de dag kyang 'bar ba/ rab tu 'bar ba/ kun tu rab tu 'bar ba/ me lce lta bu ste/ shin tu rngam pa/ shin tu 'jigs pa/ dgod pa'i mdog tu snang ba/ log sred can dag la gshe ba'i mdog tu snang ba/ thams cad thugs rje chen pos kun la khyab pa/ thugs zhi ba dang / rgyas pa dang / dbang dang / drag po dang / 'phrin las bzhi yis sku'i dngos po shin tu bsgyur te 'gro ba'i don mdzad do// zhal nas rngam pa'i sgra sgrog pa de dag kun kyang khro bo'i stang stabs dang / mchongs pa dang / 'gying ba dang / rtse ba dang / spyan bgrad pa dang / mche ba gtsigs pa dang / khro gnyer mi bzang pa gtsigs pa shin tu mi bzad pa'i khro bor sprul te/ rtsi mchog gi rgyal po ma g+ha d+ha'i drir ldan pas gdug pa can kun gyi snying rab tu rul bar byed pa/ de lta bu'i 'bar ba'i khro bo de dag sprul rab / tu sprul par gyur to// de nas rnam pa'i gsung gis drag po'i sngags bka' stsal pa/ oM badz+ra tsaN+Da/ oM bi pu le/ oM badz+ra tsaN+Da pra ba ra nA ga/ oM badz+ra tsaN+Da ma hA nA go hr-i da ya/ A brte/ dz+wAdz+wa la dz+wA la/ sarba nA ga hr-i da yA ni/ A brte dz+wA la/ sarba nA ga hr-i da yA ni/ ki mi ki mi/ nA ga ku lan bi d+h+waM sa ni/ ha na ha na/ sarba nA ga duSh+TaM/ hr-i da yA ni/ da ha da ha/ sarba duSh+TA na nA ga ba na ni pa tsa pa ts+ya/ pA tsa ya pA tsa ya/ sarba duSh+TAM nA gA nAM/ a kra ma/ a kra ma sU tra ma sa ka ra bi ma li/ bi kra maM/ ma hA nA ga te dza ba re swA hA/ zhes pas de dag thams cad yur yur por gyur to// stong gsum gyi stong chen po'i 'jig rten gyi khams rnam pa drug tu g.yos/ rab tu g.yos/ kun tu rab tu g.yos par gyur to// dpal rdo rje gtum po thugs gsang ba'i rgyud las/ dbang du bsdus pa'i le'u ste bdun pa'o/ / / de nas dregs pa can de dag zil gyis mnan pa'i phyir rdo rje nam mkha' la gsor bas/ dregs pa can de dag shing lo rlung rgyal gyis bskyod pa ba'i mamo// de nas pa'i gsung dang brjid pa'i sku las 'di skad gsungs so/ / khro ba'i rgyal po nga nyid kyis// srid pa gsum na gnas pa yang // thams cad ma lus zil gyis mnam// rigs pa'i klu rgyal 'khor dang bcas/ gzi byin drag pos mnan par bya// nga ni mthu stobs bdag po ste// rngam pa'i gsung dang brjid pa'i sku// phyag rgya drag pos zil gyis mnan// zhes ched du brjod pa ched du brjod nas brjid gnon gyi phyag rgya zhes bya ba bcas te/ phyag sor mo bsnol te mthe bong gnyis dang mthe'u chung gnyis so sor rtse sprad nas brkyang ngo // phyag gi mthil 'khor lo can yang thur du bstan te shin tu mi bzad pa'i sngags bka' stsal/ pa.oM badz+ra tsaN+Da badz+ra pA Ni/ hUM hUM/ ga ru Da b+hak+She/ hUM hUM/ dze mA la ba ri tsi/ sri tsa hUM phaT/ ces ched du brjod pas dregs pa can dang klu thams cad myos rab tu myos nas bka' bzhin bgyi'o zhes gsol to// de dag thams cad kyang myos pa'i chu drag po 'thungs pa lta bu 'am/ skyes bu gnyis kyis gdungs pa lta bu ste/ de dag thams cad kyis mgrin gcig tu gsol pa/ kye mgasang ba'i bdag po bcom ldan 'das/ rig sngags bdag po khro bo'i rgyal/ / khyod kyi rig sngags dmod pa yis// shin tu mi bzang rab tu myos// 'bangs su mchi zhing bka' bzhin 'tshal// thugs rje can gyis bdag cag la// rab tu dgongs shing 'bang su mchi/ / spang ma rnams la 'tshe mi bgyid// ces dam bcas so// dpal rdo rje gtum po thugs gsang ba'i rgyud las/ dregs pa can zil gyis mnan pa'i le'u ste brgyad pa'o// de nas sum cu rtsa gsum gyi lha'i sde dpon chen po brgya byin zhes bya ba ga la ba der 'ongs te/ mchod pa'i yo byad rnam pa sna tshogs pas mchod nas rdo rje khro bo de la 'di skad ces gsol to// kye khro bo'i bdag po chen po dregs pa gdug pa can 'di dag ni shin tu ma rungs par gyur na/ 'di dag brid nas bstan pa gnas pa'i thabs kyi spro ba mdzad du gsol zhes gsol pa las/ lha'i dbang po nyon cig klu rnams kyi rdzas sna tshogs pa bsags la/ bdag nyid kyi lus dag cing gtsang bar byas la/ longs ma spyad pa'i ras dkar po bgos te/ mngar ba dang gsung ba'i dri zhim po dang ldan pa'i thig les lus byugs la bu ram dang / sha ka ra dang / sbrang rtsi mur bar byas/ zhag bdun nam dgu'i gong nas kha zas ngan pa spang bar bya'o// lus kyi rnam pa la rma bya'i sgro lnga btsugs te shes rab can gyis bya'o// klu'i sman sna tshogs pa dang 'jam pa'i 'bru bsres pa'i phye ma mngar ba'i chus spras te ri lu sha rtug gi 'bru tsam brgya rtsa brgyad bya'o/ / klu sman rnam pa tha dad pa'ang blags te dkar gsum la sogs pa dang ldan par bya'o// de nas thugs rje chen pos gzigs te/ klu yi rgyal po 'khor dang bcas// dga' dang gus pas spyan 'dren gyis// brtse zhing gdungs pas tshur shog cig/ dga' zhing gus pas mngan mi sems// kun kyang brtse bas tshur shog cig/ ces bka' sprul pas/ de dag kun gyi dbang po kun kyang shin tu dngangs par gyur nas sha ring la sbrang ma 'dus pa lta bu ste/ kun kyang dga' ba'i mdangs dang chas nas gang na ba der 'khod do// sngags bka' sprul pa/ nA ga rA dza sa ma ya swA hA/ zhes bka' stsal pas/ kun kyang tshim par gyur to// de dag kun gyis kyang mgrin gcig gis dam tshig gi rim pa phul ba/ dpa' bo chen po khro bo'i bdag/ khyod kyi bka' las 'das gyur na/ / bdag cag rnams kyi mgo lus snying // dum bu rags nas rul bar shog/ tud+ya thA/ oM tsa TA tsan+da/ bi tsa Ta/ sha tha sha thA/ sA tsa rA tsi te swA hA/ zhes gsol to// dpal rdo rje gtum po thugs gsang ba'i rgyud las/ gdug pa can bka' la btags pa'i le'u ste dgu pa'o// / de nas yang lha'i dbang po chen pos gsol pa/ kye rdo rje khro bo dag dregs pa can 'di dag shin tu ma rungs par gyur na/ la la dag ni rus pa chag cing grugs/ la la dag ni tshe'i 'du byed mtha' la gtugs su nye/ la la dag ni nam mkha' lding dbu'i gtsug tor na gnas pas len pa'i sdug bsngal gyis gzir/ la la dag ni khrag bskams/ la la drag ni sen mo dang yan lag chag/ la la dag ni gti mug gi gnyid log pas byang chub kyi snying po mi shes la la ngag ni rtsa dang rgyus pa chad de nad rnam pa sna tshogs kyis gdungs/ la la ngag ni lus kun tsha ba'i nad kyis nyam thag/ la la dag ni rtsi shing yang mi grag/ la la dag ni nyon mongs pa rgyas te sngon sems bskyed pa rjes su mi dran/ la la dag ni sems bskyed pa rjes su dran yang de bzhin gshegs pa'i zhal mi mthong / la la dag ni yi dgas kyi khams lta bu ste kha zas kyi skal ba dang mi ldan na/ 'di dag gso ba'i thabs bka' stsal du gsol zhes gsol ba las/ lha'i dbang po dag dbang po'i lag pas ni lag pa chad pa sos par 'gyur ro// chu srin sder mos ni sen mo chag pa sos par 'gyur ro/ / nA ga ge sar gyis ni byang chub kyi sems bskyed pa rjes su dran par 'gyur ro// na ga puSh+pa sa ni klu'i gnas me tog gi nags tshal du 'gyur ro// gu gul gyi dri chen pos ni de ma yin pa thams cad bsregs nas/ klu'i sna la bsnams pa tsam gyis sngon byang chub mchog tu sems bskyed pa dran par 'gyur ro// 'bras yos kyis ni klu'i nad thams cad 'tsho bar 'gyur ro// thang ka bya rgyus pu shel gyis ni rtsa rgyus chad pa sos par 'gyur ro/ / ga pur gyis ni rtsa ba'i nad sos nas lus kyi bcud kun tshim par byed do// dar le brgan gyis ni kA ru Nas 'jigs pa las skyob par byed do// mtshan dang / bye tshan dang / gcer bu dang / rgyal po'i chad pa dang / sa g.yo ba dang / gzhan gyi rig sngags kyis gnas 'gul ba dang / phur bus 'debs pa las thar par byed do// mtshal gyis khrag bskams pa sos par byed do/ / dung gis rus pa chag pa sos par byed do// ras skung dmar pos ni srog 'gags pa tshangs pa'i tshe dang ldan par byed do// dkar dang mngar gyis zhal zas ro mchog brgya dang ldan par byed do/ / de dag kun kyang rin po che'i bum pa 'am/ kham por lta bu mchu lnga par blugs nas sbas na gang nyams pa de sos par 'gyur ro// dpal rdo rje gtum po thugs gsang ba'i rgyud las// klu gso ba'i le'u ste bcu pa'o/ / / de nas lha'i dbang pos gsol pa/ kye rdo rje khro bo chen po/ 'di dag bsdigs na ji ltar bsdigs// gags dag gcad pa ji lta bu/ brlag par bya ba ji lta bu// rdo rje khro bos bka' stsal pa// nyon cig dbang po rnam par rgyal// bsdigs par bya ba 'di dag go/ shin tu khros bcas mgo bstan la// mkha' lding kA ru sprul par bya// rdo rje khro bo tshol pa gdon// phyogs bcur rdo rje spro bar bya// hUM hUM hUM/ badz+ra tsaN+Da oM AHnA ga pra tha pra tha/ hUM nA ga nA sha ya phaT/ ces bka' stsal pas dregs pa can de dag lus la gcod gtubs kyi sdug bsngal byung gis dogs te/ 'phral nyid du gdug pa can de dag shin tu bred par gyur te bka' bzhin du nyan no// shin tu 'jigs spangs nas bcom ldan 'das thugs rjes gzigs su gsol zhes bka' nyan no/ / de nas gags gcad par 'dod na bsreg bzhin las bya'o// gang na ba der cha bsnyams la// nag po dri dang ldan par byug/ zur gsum sum brtsegs thur du brko// kha khyer thams cad rdo rje gnag/ dbus su gzhal yas rgya gram bri// sa skyer gdug pa'i shing dag la// zur gsum khru do'i tshad du rtsig/ logs la rak+ta tshar tshar gtang // tsher can nag po zur gsum shag zag nag skyes pa'i tshe nag shug/ sor ni bdun bdun tshad du bya// ma du zur gsum sor gsum tshad// 'bru chan nag po nag ltar sbyar// ming bya sbyin sreg rab tu s+phar// brgya rtsa brgyad de nyi shu gcig/ dmigs pa che ge'i ling ga ni// dri ma khu chu khrag dag dang // skra dang rkang rjes gos la sogs// tshogs par sogs la a mo ka/ de la dzaHhUM ba hos dgug/ yi dgas gang gnas/ mtshon pa bla// sbrul gadrug dmigs pa'i gzugs su bya// gnon par byed pa mtshon byas dzA// snying khar bris la gan kyal mdun// thun brab gang ba dgas bskor bcas dbul// mA ra ya dang bcas pa'o/ / nag po'i chas bgo re stan sa// stod g.yogs sngon po phu rung gnag/ g.yang gzhi srid pa'i spyi blugs bgo// dgang blugs mchog chen gzar bus bya// kham skyong zur gsum rdzas rnams bsag/ mchod spyon nga dang mgon byed la'o// ma yi lha yang nga nyid do// mA ra ya phaT/ suM b+ha ni suM b+ha hUM/ sbyin sreg byas pa'i thal ba la// nga yi gdung du bsgrub par bya// nang du dgro bo'i brda yang gzhug/ sa yang / seng ldeng phur bus gzung // mtshams kyang sna lnga'i tshon gyis dbye// de nas de la dmigs pas so// oM badz+ra tsaN+Da swa b+hA ba d+har+m+ma d+hA tu a/ oM badz+ra rat+na pany+tsa traM/ oM badz+ra a mri ta pA Ni swA hA/ oM badz+ra A ko Ta ya mung ga ra badz+ra ha na hA na hUM/ oM badz+ra tsaN+Da badz+ra b+ha ba ye swA hA/ oM badz+ra a ra dze bi ra dz+re swA hA/ oM badz+ra a mri te a yu She swA hA/ oM badz+ra tsaN+Da ma hA ro Sha Na hUM phaT/ bruM swa ni swa/ oM badz+ra d+harmA te swAhA oM badz+ra tsaN+Da pra ma ta na ye swAhA/ tsaN+Da puSh+pe swA hA/ dag pa chen po bde ba'i mchog/ ye shes rdo rje tho bas brdung // de las byin brlabs de la blugs// ye she thob nyon mongs brdung // dmigs pa dzaHdmar dag gis dgug/ ma gtun rdo rje rgya gram nyid// gnas nyid lha yi gzhal yas khang // thams cad lha yin bza' ldan// de gzhug bdud dang nyon mongs mnan// nga nyid du yang gyur par bsam// tsaN+Da puSh+pa ye swA hA/ mtshan dang dpe byad rgyun mi 'chad// dang por sbyor bas mchod par bya// ba yis bkru bya spos kyis byug/ shin tu gtsang ma dag gis phyi// zhes gsungs so// dpal rdo rje gtum po thugs gsang ba'i rgyud las/ dregs pa can tshar gcad pa'i le'u ste bcu gcig pa'o// / de nas lha'i dbang pos gsol pa/ kye ma gnod 'dul khro bo'i rgyal// dregs pa bsrung ba'i thabs ni gang / bsrung thabs rnam pa du dang ldan// gnod 'dul chen pos bka' stsol cig/ nyon cig dbang po kun gyi bdag/ sngags rdzas ting 'dzin nus pa bzhi// dngos te dgongs pa thams cad byed// rdo rje brag dang rin chen tshul// dug dang ma bzhin mtshon cha 'dra// dus min 'chi las rab tu bzlog/ sangs rgyas kun gyi mthu dang ldan// de 'chang dngos grub mchog chen 'thob// dal du kun tu zhugs dang mtshungs/ / sangs rgyas kun gyi sras su dgongs// gang zhig gsang sngags 'di 'chang ba// kun gyis nga dang 'dra bar mthong // gang zhig gsang sngags 'di 'chang ba// nga nyid rgyun du de na gnas// 'jig rten du ni bde ba 'byung // 'das nas sangs rgyas kun dang mtshungs// rtsibs bcu dbus dang bcu gcig la// yig 'bru khyams bcas brda bri'o// chu 'khyags dag la yungs kar ro// gru char la nis zhag mo/ / gzhan la srang bu sngon po la// mdud pa re la re re'o// chu'am ying ni rang la'o// sha ri dang mi g+hata// gser dang rma bya grum pa'i spu/ @ tshon sna lnga'i srad bu la/ / tsakra khris la mgul dang gtsug/ mo g.yon po g.yas bsrung bar bya// chus ni yams dang dug las thar// maM sa dr-i dang rak+ta dang // khub chu dag sbyar ram bza' sangs rgyas lnga yi dngos grub ste/ / kun gyis spyad par bya ba yin// mdze dang rlung gi gnod pa sel// tshe ring lus kyang rgyas pa dang // byang chub dkar dmar mdangs dang ldan// yams dang mi gtsang dngos po sel/ / dri yi chu yi yon tan ni// klang rkang po log grang ba sal// shin tu zab ste gsang ba'i mchog/ skal ldan rtogs pa rnams kyis spyad pa las// skal med blo dman rnams kyi ga la yin/ / zhes gsungs so// dpal rdo rje gtum po thugs gsang ba'i rgyud las/ bsrung ba'i 'khor lo'i le'u ste bcu gnyis pa'o// // de nas lha'i dbang pos 'di skad ces gsol to/ / slang ma'i tshe slad ma'i dus na sems can gdug pa can gyi dug bsal ba'i mtshan nyid dang zhugs sa bstan du gsol/ nyon cig dbang po chen po legs par rab tu ring la zung zhig/ mtshan nyid rnams ni 'di lta ste// rus pa sha dang pags pa dang // rtsa dang khrag dang nang khrol lo// bcud dang chus te lus kyi stobs// lus kyi rtsi dang mdog dang dbyibs// reg pa chu dang chu ser dang / / klad pa lba ba lus kun la// zhugs sa rnams ni bco brgyad de// 'on kyang gcig sogs grangs kyis brtag/ rus pa la zhugs pa ni lus skems pa dang / zug gzer che ba dang / na thang nge ba dang / thig ler na ba'o// sha la zhugs pa ni lus bems sa 'dug pa dang / lus lci se 'dug pa dang / mdog gnag pa dang / dri ma ngan pa sngar 'ong ba dang / sha ra 'byung ba'o/ / pags pa la zhugs pa ni sha 'phrig pa dang mdog skya ba'o// rtsa la zhugs pa ni lus sbrid ber ba dang / rtags de ni bzlog dka' ba'o// sbrid lug pa dang / sbrid lci ba dang / tsha ba 'dzag dang tsha rab pa/ tsha ker ba dang tsha breng ba// lus la sogs pa tsha thang ba// tsha bir ba dang yan lag pra// khrag la zhugs pa ni/ sna nas khrag kyang skabs su 'dzag/ tsha ber ba dang lci yor ba/ gdong pa stag tu dmar ba dang // 'o ma'i spris ma ltar 'ong ngo // nang khrol la zhugs pa ni/ glo snying mi bde skyug ting ngo nge// snying 'dar snying yang mi dga' ste// de nas bzlog par dka' ba'o// bcud la zhugs pa la bzhi ste/ sa bon mi 'byung / dbang po mi ldang / khu ba skyo ma'i mdog tu 'ong // khu ba dang sa snyigs phye nas 'ong // chu la zhugs pa ni gsum ste/ sbubs kyi chu rgya skyegs kyi khu ba ltar 'ong / sna chu rtag tu skya bor 'ong // mig gi chu yang rtag par 'dzag/ du ba ser bu byung tsam gyis// gzhan pas rab tu myar bar 'dzag/ lus kyi stobs la zhugs pa ni// sgyid lug pa dang skyi zhum pa/ lus kyi rgyu ba nyal nyal 'ong // lus kyi rtsi la zhugs pa ni// so rtsi la sogs te lus kyi dri bya'i pags pa bzhin sang gis 'gro ba'o// mdog la zhugs pa ni/ 9 ni btsod kyi mdog bzhin 'ong / / dbyibs la zhugs pa ni/ lus kyang gnyer rlung dag gis khengs// sor mo byi ba'i mjug ma 'dra// reg pa la zhugs pa ni/ sna rtse la sogs lag rtsa rnams/ / tsha yam tsha ber lus brtse ba// g.ya' bar 'ong ba dag yin no// chu ba la zhugs pa ni/ yan lag rengs shing na ba dang // sha 'bur ba dang grang sing sing // yan lag tshogs rnams khol ba'o/ / chu ser la zhugs pa ni chu ser la lnga ste/ za khol ko la/ za tsag tsag/ tsha lcibs lcibs/ lus la chu skangs yod pa'o// chu sgangs byung nas ring du mi lus la/ 'brum rjes sran ma 'dra'o/ / de ni bzlog par sla ba'o// klad pa la zhugs pa ni/ mgo bo phying phying skrangs pa dang / 'thom dang bem ma pa dag dang / skra rnams nul gyis byi ba la sogs pa'o// lha ba la zhugs pab ni/ gdong pa tsha lam lam 'ong ba dang / grung ser ser 'ong ba'o// de ni bzlog par sla ba'o// lus ring gdong yang thal skya'i mdog/ de ni bzlog par dka' ba'o// shin tu khro ba'i klu'i rnams ni/ / rtags dang mi ldan thugs kyis 'ong // bzlog dka' rma tshogs mi 'tshe rtags mi ldan// bzlog sla gzhan yang yan lag phra ba dang // sbom dang thung dang rengs la sogs// klu'i mtshan nyid du shes par bya'o/ / rtags ni de dag 'ga' zhig ni// nad gzhi gzhan ma las kyang 'byung // 'ga' ni klu yi gdon ma yin// las las 'byung ba dag kyang yod// de dag gi ni mtshan nyid ni/ / mkhas pas so sor shes par bya'o// nad gzhi las byung sman sogs dang // 'phrod pa'i zas ni phan pa yin// nad rnams gzhan ma yun mi rtag/ 'di 'dra'i mtshan nyid shes par bya/ / shes nas myur du brtson 'grus kyis// sna tshogs thabs la ma rmongs pas/ bzlog pa'i las la 'bad par bya// chu yi thigs pa phra mo yis// dus su byung bas rdo ba 'bigs// gdug pa'i dbang can zhi ring yang // le lo dang bral rtse gcig sems// rgyun du rdzas bsgom bzlas brjod kyis// gdug pa'i nad las thar par nges// rtsol ba che la som nyi bral// gang bsams de las mi 'grub med/ / 'khor ba zhes pa'i phung po srog bcas la// mngon sum nyid du mthong 'gyur gyis// brtson pa dor bar mi bya'o// zhes dpal gtum po chen pos gsungs so// dpal rdo rje gtum po thugs gsang ba'i rgyud las/ mtshan nyid brtag pa'i le'u ste bcu gsum pa'o// / de nas lha'i dbang pos 'di skad ces gsol to// bcom ldan 'das slad ma'i dus dag na/ / gdug pa can gyi yi dgas rnams// dug rnams dbyung na ji ltar dbyung // mchod pa'i las rnams ji ltar bya// chos kun bdag pos bka' stsol cig/ ces gsol to// bka' stsal pa lha'i dbang po nyon cig/ mchod pa'i las dag byed 'dod na// gnyis dgon gtsug lag chu mig 'gram// mtshe'u lteng ka khron pa'i steng // dbyar zla gsum la gnas par bya/ dbyibs legs ran mdzes byi dor bya// ba yi rnam lnga spos dang dri// thig le lnga dang ldan par bya// dbus su hUM bri gsal bar bya// oM phA pho pheM pau/ 'di dag gzhi las rdzogs par bskyed// klu yi rgyal po rgya mtsho ni/ / lus dkar rin chen sbrul mgo gsum// lag na rin chen sdong bu'o// klu yi rgyal po kun nas gdugs// sbrul mgo gnyis pa kha dog ser// rin chen 'bar ba lag na'o// chu lha mgo lnga kha dog dmar// lag na pad+ma 'bar ba'o// klu rgyal shing la pu ra ka/ lag na sprin phung kha dog ljang // rgyal dang rje dang bram ze dmangs// so so'i rigs kyi rgyal po ste// spra tshil zha nya bag zan la/ / gzugs su yang ni mdzes par bya// sems can 'khor gyis bskor bar bya// klu sman sna tshogs dkar dang dmar// tshogs par byas la mchod sbyin bya// kham phor sbu gu mchu lnga par/ blugs la kha bcad gnas su sba/ / gso bar bya ba'i las ni rab// spyan drangs gdan dang phyag skyabs bstod// smon lam la sogs rgya cher bya// bden pa bdar zhing bsdigs par bya// dug rnams dbyung ba'i las dag ni/ / raM yaM khaM las byung ba yi// 'khor lo rnam gsum me rlung chu// sreg gtor bkru bya stong nyid kyis// 'khor lo chen po gnas par bya// hUM las gyur par ldan par bya// bzang skyob pa dang dogs nyes dang / / mnyam dang ldan pas mchod pa bya// de nang de bzhengs mtshan nas brjod// nya stong dus mchod sri zhus bskor// des ni don rnams 'grub par 'gyur// dpal rdo rje gtum po thugs gsang ba'i rgyud las/ dug dbyung zhing mchod pa bstan pa'i le'u ste bcu bzhi pa'o// // de nas de bzhin gshegs pa thams cad kyi bdag pos bka' stsal pa/ dus ngan tha mar gyur pa'i tshe// sdig la mi 'dzem mi dge spyod/ / mtshams med byed cing chos dkor 'jig/ mdze dang shu ba g.yan pa dang // bskams dang zha grum gzhogs phyed na// de'i tshe nga yi bstan pa 'byung // nyon cig dbang po 'khor gyi mchog/ log sred gdul dka' gdol pa can// zhi bas mi 'dul gang zag gi/ gshed du 'khor lo 'di bskos so// kro d+ha rA dza'i gzungs bcas la// rdo rje rgya gram mtha' bskor rdo rje'i ra brtson 'grus bzhi ldan dbus dang lnga ru de'o/ / de las rgyas pa dag tu bskor 'dod na// de la khyad par khyams dang yi ge ni// bcu gcig ldan byas mtshon re'i ming rus gcar// khyams gcig hUM dang ming rus mang na sgrag/ dbus khyams sngags bri mngan de dag sgrag/ gcig la rdo rje hUM bar mang na gcar// rkang pa mos ma shigs na pho yi las// de ma byung na pho mo skrag pa'i las// bsod nams can gyi skal bzang ma thul na/ / srid pa'i gtong bzlog 'khor lo dkrugs te bskor// ro ras bri bya khA kha hu lu'i sgo// sbu gu byas la gdan nag yig sngon bri// dri dgod shing bsregs bong khrag bong dug sbyar/ dbus dang btson khang bzhi por rU bar gtsang / / dgos pa kun byed las rnams thams cad kyi// sngags 'di pho dang mor bri bar du gsang // oM badz+ra tsaN+Da ma hA ro ShaHhU~M phaT/ pho dang mo bskor rabs chang pho mor gzhug/ dbus kyi hUM btags srad bu tshangs bug dbyung // yak+Sha kha phaT phyogs bzhir gzhag par bya// rdo rje rab tu hU~M bar de bar gzhag/ drug sna khrag snas ga'u nag por byung gu gul rgya tshil tshil chen ra lug smang ka ni/ / khu ba nag pos bya ba rab tu shis// bong dri nag po'i rngog ma dri rgod shi skra dang // yugs sa mo yi skra shad skud pas dkri// yugs sa mo yi der rtas gril la snang pho mo'i thod pa steng 'og rgya gram bri/ / ri rab mnan byas mtha' gnyis dang po bzhi// bang rim sngags bris steng du rgya gram gdab// rgya gram 'og khung steng du khru do'i tshad// bang rim pa ni la sngags 'di sku gsung thugs/ / nga yi ri rab dag tu mtshon phyir bri// oM laM hUM laM staM b+ha nAM/ oM badz+ra tsad+d+hA nAM zhes gsungs so// dpal rdo rje gtum po thugs gsang ba'i rgyud las/ drag po 'khor lo'i le ste bci lnga pa'o/ / / de'i tshe de skad ces bka' stsal pa'i mthus 'jig rten gyi khams kyang g.yos/ rab tu g.yos so// 'jig rten gyi khams thams cad la la ni g.yas su 'khor ba'i tshul gyis 'khrugs so/ / la la ni g.yon du 'khor ba'i tshul gyis 'khrugs so// la la ni tha 'og dgye dgu'i tshul gyis 'khrugs so// la la ni mthon dman dang grum pa'i tshul gyis 'khrugs te/ de dag na gnas pa'i gdug pa can thams cad rab tu myos nas kha nas khrag ngan skyugs pa dag bskus te/ thams cad kyang ga na ba der thad du 'dus nas phyag 'tshal te mgrin gcig tu skad kyis 'di skad ces gsol to/ / kye ma snga pa ma mthong khro bdag 'jigs pa'i sku// rab tu grags pa ya mtshon e ma ho// thugs rjes dgongs shig bdag cag 'bangs su mchi// de las 'gal na dmyal bar ltung bar shog/ ces gsol zhing 'khod do// de nas bdud kyi rgyal po skos kyi bdag po bdud bye ba 'bum phrag dang bcas pas/ mgrin gcig gis srog gi snying po phul ba/ bcom ldan 'das bdag cag gi rig pa 'di pa zhes su gsol/ oM nag po tri Ta tri Ta tri ling tra ta ha ke Na/ bdag cag gi rig pa 'di gang na gnas pa der bdud kyis 'gal bar mi bgyid do// gang yid la dgos pa de grub par bgyid do/ / phas byang sngags dang sbyor ba btang ba'ang phyir bzlog go/ de nas gza' rgod chen por hu la 'khor gza' 'bum phrag dang bcas pas mgrin gcig gis rang rtags srog gi snying po phul ba/ shu shu rak+Sha tshal pa/ kro d+hi kro le shwa ra/ ra hu la/ tsa ti tsa ti/ bdag cag gi rig pa 'di gang na gnas pa der gza' rnams kyis 'gal bar mi bgyid do// phas btang ba'ang slar de nyid la mchi'o// 'di 'dzin pa la ci 'tshal ba'ang stsol bar bgyid do// de nas dkar po dung gi thor tsugs can la sogs pa'i rgyal po 'khor 'bum phrag dang bcas pa lhags nas mgrin gcig gis rang rtags srog gi snying po phul ba/ tha ma Na pu cig las bar+d+ha rA dzA/ d+ha na rak+Sha tsid+ha phyung tsit+ta rA byung / rA dzA tsi d+ha ga tubs/ bdag cag gi rig pa 'di gang na mchis pa der yul 'khor dang dpa tshad du 'galnga bar mi bgyid do/ / phas gtang ba'ang de nyid la slar mchi'o// de nas btsan dmar po srog len pa can 'bum phrag du ma dang bcas pas mgrin gcig gis rang rtags srog gi snying po phul ba/ AH shUshA rA drA tI la~M/ bdag cag 'khor dang bcas pa rnams 'di las 'da' bar mi bgyid do// phas btang bar gyur kyang slar de nyid la mchi'o// de nas gshin rje'i rgyal po sdigs pa zhes bya ba 'khor dang bcas pas mgrin gcig tu rang rtags srog gi snying po phul ba/ ya ma rA dza ya ma tsit+ta/ bdag gi rig pa spyod pa der bdag gi gnod pa mi spo bas lags te/ gnod pa'i rgyun spangs nas phas btang ba'ang slar de nyid la mchi'o/ / de nas ma mo'i rgyal mo mkha' dbyings kyi yum lnga dang / bdud kyi gshin rje'i sring mo srid pa'i phung byed re ba ti la sogs pa/ ma mo'i tshogs dpag tu med pa dag gis rang rtags srog gi snying po phul ba/ rag mo mA mA ru lu snying pa rag sha pA la ma ma b+h+yo b+h+yo/ bdag cag gi gsang ba'i sngags 'di spyod pa der bsrung ba dang bskyab pa bgyid do// 'khor dang bcas te bka' bzhin bgyid do// paphapas btang ba'ang slar de nyid la mchi'o// de nas klu 'khor dang bcas pas mgrin gcig tu rang rtags srog gi snying po phul ba/ nA ga rA dza nA ga ni/ gang na rig sngags kyi rgyal po spyod pa der/ bdag klu'i gnod pa'i rgyun spong ngo / / phas btang ba'ang slar de nyid la mchi'o zhes so so nas rang rtags srog gi snying po phul te dam bcas so// de nas dbang po chen pos khro bo'i bdag po chen po de la 'di skad ces gsol to// srid pa'i dbang po 'di rnams kun// 'khor los bzlog na ji ltar bzlog/ bzlog thabs khyad par bka' stsol cig/ bka' stsal pa/ nyon cig lha yi dbang po khyod// ma ra ya yi btsag dag las// so so'i man+ta 'khor bar bri/ khyad sngags phyir bzlog de la yang // sa ma ya dang bzlog btags so// mchu gsum snying lpags med pa'i thod pa dang // ro nye sbal shugs phag thod rnal gri mo// dri rgod skyang / ka thod chen nang dag tu// rab tu drag tu bskor te 'khor lo gzhug/ 'od 'gro 'grul srang rgya gram lam dag tu// a dong bru byas rgya sol mi kyi ra// rta khrag rme khrag nag pos sbyangs la bsku// dbus bcug mtha' bskor mnan po'i las dag bya/ / yang na thun du sbags la khros pas 'phang // zhes gsungs so// dpal rdo rje gtum po thugs gsang ba'i rgyud las/ dregs pas srog gi snying po phul ba dang / mngon spyod drag po'i las kyis bzlog pa'i le'u ste bcu drug pa'o/ / de nas lha'i dbang pos gsol pa/ kye bstan pa 'jig pa'i dus dag na// thun gyis tshar gcad bstan du gsol/ / bka' stsal pa/ lha'i dbang po nyon cig/ rdzas dang sngags bcas ting 'dzin gsum// khros pas zhe sdang bskyed par bya// zhe sdang dran pas gdug rdzas bsag/ yungs kar yungs nag ske tshe til/ / gze ma skyer ba se ba'i tsher// thun sngags 'di bzlas brnags la brab// a mo kaM ni gtor ma 'am// mtshan ngan ka pA la ru gzhug/ oM badz+ra tsaN+Da ma hA ro/ Na hUM phaT/ mA ra ya thun phob/ dbang po la yang / srog la yang / tsit+ta la yang / go ro tsa na la yang / gzas pa'i mtshan smos rdo rje'i thog tu dbab// gang dmigs gzas pa'i mthu dang rdzu 'phrul rnams/ / bdag la bsdu byas rtog pa'i bag chags bkru// sngags 'dir rol cig brjod cing ba ling dgril// oM ba ling ta ba li pU dza arbaM pra tIts+tsha hoHbadz+ra kro d+ha tsaN+Da/ ba li khA hi khA hi/ badz+ra kro d+ha tsaN+Da ha ha ha/ he he he/ b+hai Ta swA hA/ sbrul dang sbal pa nya dang chu srin snying // sha chen khrag chen longs spyod rnam pa kun// shes rab mchog gi phyag rgya cher bsams la// yaM gtor raM srag khaM bkrus bdud rtsi'i mchog tu bsgyur/ / a mri ta dag sngags 'dis sbyang bar bya// oM AHhUM/ sarba pany+tsa a mri ta/ badz+ra a mr-i ta/ hUM hrI thA/ oM ma hA rak+ta dz+wa la raM khaM/ khA hi khA hi/ hUM hUM hUM/ hA hA hA/ phyi nang gsang ba'i mchod pa rgya mtsho'i tshogs/ / dngos su 'byor dang yid kyis sprul pa kun// phyogs bcu'i zhing khams gang bar rab dmigs la// skyo med dang bas nyin mtshan brtson par bya// mi dmigs mnyam gzhag ye shes rab ldan pa/ / sku gsung dus gsum sangs rgyas thams cad dang // sems dpa' sems ma khro bo khro mo'i tshogs// mchod pa chen po de mnyes sbyin bya'i sems can tshim// zhes gsungs so// dpal rdo rje gtum po thugs gsang ba'i rgyud las/ thun drag mchod sbyin gyi le'u ste bcu bdun pa'o// / de nas lha'i dbang po la sogs te/ ri rab dang bar snang la sogs pa la gnas pa'i lha thams cad kyis lha rdzas kyi me tog dang / 'phreng ba dang / spos dang / phye ma dang / lha'i na bza' dang / zhal zas dang / rkyen sna tshogs pa dang / bdug spos dang / sil snyan dang byug pa dang / sgra sna tshogs pa dang / spos sna tshogs pa thogs nas lhags so// 'jig rten pa de dag kyang rang rang gi mchod pa sna tshogs pa thogs nas lhags te/ zhes dang gus pa byas te thams cad kyang mgrin gcig gi nga ros gsol pa/ khro rgyal sku la dri ma mi mnga' yang // dkar chab mngar chab spos kyi chab// sman chab bdud rtsi'i chab la sogs// khyod kyi sku la khrus chab gsol// a ha ra hUM/ ga pur bzang drug sman gyi dri// a ka ru dang du ru ka/ gla rtsi spos kyi dri la sogs// 'gag pa med pa shangs la 'bul// d+hU pa pU dza me g+ha hUM/ rin chen lnga yi me tog dang // chu las skyes dang thang las skyes/ / yid kyis sprul pa'i me tog rnams// rdo rje 'dzin gyi dbu la 'bul// puSh+pa pU dza me g+hA hUM/ 'bru yi mar me rtsi yi mar// 'dam bu snang gsal rin chen sgron// spobs pa bcud lon sgron ma rnams/ / khro bo gtum po'i spyan la 'bul// A lo ke pU dza ma g+ha hUM/ rnam lnga'i spos dang sman lngar sbyar// ra sa ya dang a mri ta// rdo rje 'dzin la dri mchog 'bul// gan d+he pU dza ma g+ha hU~M/ ro mchog brgya ldan bdud rtsi mchog/ bde bar bzhes te dgyes par dgongs// a mri tA b+ha ta hUM/ kun tu grags pa'i sgra rnams ma lus dang // dam chos sgra sgrog sil snyan 'bul// s+pha ra/ khaM zhes mgrin gcig gis gsol nas de nyid du spro ba'i tshul gyis gnas par gyur to// dpal rdo rje gtum po thugs gsang ba'i rgyud las/ dregs pa'i 'khor dag gis sri zhu dang gus pas mchod pa'i le'u ste bco brgyad pa'o/ / // de nas rdo rje khro bo des dregs pa'i 'khor de dag la dam tshig ched du sprad pa 'di bka' stsal to// mi gnas mtha' las 'das pa sems nyid mchog/ sna tshogs cho 'phrul 'byung bas kun gyi gzhi/ / ma bcos rang bzhin rkyen gyis byas pa med// de la gnas na rang dam bsrungs pa yin// de bzhin gyur kyang 'od 'gyed ched du blang // nor bu 'bar ba ma mthong ston pa dpa' thugs rje'i byin gyi rlabs kyis gdung ba'i nad sel ba/ / bdud rtsi lta bu'i tshig gis tshim byed pa// kun gzhi'i yul du nus pa'i dbang pogs shing // thugs rjes skyob par mdzad pa'i mgon po de/ dus gsum sangs rgyas kun pas mnyan pa ste// snying bzhin skyo med rmi lam nang du bsgyur// ngag gi rdo rje chu bo'i rgyun bzhin drang // skyo med nyin mtshan dus su brtson par bya// rdo rje phrag par mi gsang bsdams la drang / nga brdzun med tshig gis dam pa de la bstod// bshad pa'i dbang rnams rab tu ma bstan na// rdo rje'i lce la bdud rtsi 'dzag gyur kyang // gzhan la zer thigs 'ga' yang spo mi bya// gsang 'os gnyer gtang sngas dang mtshan rnams gsang / / dus gsum 'gyur med rdo rje'i sku mchod de// na dang 'chi sogs las kyi rnam smin gang // sdug bsngal mi bzad nyam thag ci byung yang // lhag par dran pa bskyed de rjes su gzung / / 'gro nyal 'dug za spyod lam rnam pa bzhir// mi brjed shes rab dag gis rjes su gzung // slob dpon ma tshang dang gsang tshig yi dam lha// srog gi phyir yang rtag tu mi spong ngo // brda ba de bzhin de la de mi sems/ / dran pas rjes su de la gzung bar bya// smig chu rgyun bzhin brtul zhugs bya ba bskyed// de las 'gal ba'i brtul zhugs spyad// rdol zhing zag 'gyur dug can smad pa'i snod/ / mu tig bdud rtsi der mi blugs// thabs kyi spyod pas dbye bar bya// dpag tshad kun tu rnam par spang // de dag 'gal na rdo rje dmyal ba yi// sdug bsngal chu bo reg cing bzod dka' bar// dus gsum rnams dang nga yis brjod mi nus/ / gzhan nas gzhan 'phang thar du med// ma nyams rgal dkar gdon mi ba// nga dang dus gsum kun kyang de la dgongs// gang la dmigs pa'i 'bras bu chud mi ba/ phyogs skyong rnams kyis ngam spyod de la srung // zhes gsungs so// dpal rdo rje gtum po thugs gsang ba'i rgyud las/ sa ma ya bkod pa'i le'u ste bcu dgu pa'o// de nas 'khor de dag la ched du brjod pa ni brjod do/ / nyon cig 'dus pa'i 'khor rnams kun// don dam dbyer med phyogs cha kun dang bral// mi len mi gnas mi spong mi 'gog cing // rang bzhin gnas pa de chos su med/ / rtog pa'i gnas min phra ba'i spyod yul min// dngos por mi gnas mtshan ma kun dang bral// sgo dang skur bas de la dpag ming dpog/ stong pa ma yin tha snyad de las 'das/ / mi gnas mi rtog rkyen gyis bskyed pa med// dngos bral kun gyi mtha' 'das brjod du med// 'di zhes nges pa de la mtshon du med// dus gsum bdag po sangs rgyas thams cad kyi// yab yum shul dang kun gyi dngos po yin/ / sems can 'jig rten khams kyi rang bzhin dang // bud+d+ha 'jig rten khams kyi rang bzhin kun// gcig ste rnam grangs yongs kyis de las med// gang yang ma 'gags gcig tu nges pa med/ / tha snyad brjod bral sangs rgyas kun gyi dngos// de ltar grol ba rnal 'byor mchog gi lam// phra ba'i sgo mo rnams kyis rjes dpag dka'// de la spro dang bsdu ba'i dbang po med// gzugs dang kha dog rnam pa gang du yang / / de nyid ma grub de la gnyen po med// 'byung ba chen po nam mkha'i rang bzhin la// khu rlangs 'ja' tshon na bun sprin la sogs// than drag lhags rlung la sogs gang byung yang / nam mkha' chen po de la g.yo ba med// dang po byung yang de yi ngang las byung // tha mar zhi yang de yi ngang du zhi// de dag de yi nang du 'ub kyis chub// yangs so che'o nam mkha'i khog par gnas// khams gsum sems can dus gsum sangs rgyas rnams/ / don dam nga yi rang bzhin nga nyid yin// kun kyang dge dang sdig sogs gang byas kyang // rang 'byung 'phrul ldan de la 'phel 'grib med// rang byung ye shes rgyu rkyen dngos po med/ / sems can sangs rgyas gnyis shes rtog gi bu// de la dbye dang ming dang yig tshogs med// ces gsungs so// dpal rdo rje gtum po thugs gsang ba'i rgyud las/ gzhi byang chub snying po'i rgyu'i le'u ste nyi shu pa'o/ / / de nas dregs pa'i 'khor de dag ngo mtshar du gyur nas mgrin gcig gis 'dzum pa'i mdangs kyis mngon par bstod pa/ e ma ho/ rdo rje sems dpa' sems dpa' che/ / rdo rje 'dzin pa kun gyi rgyal// rdo rje rdo rje 'dzin pa che// rdo rje sku ste che ba po// mi shes dri ma kun 'joms pa// sangs rgyas kun pas sngar sangs rgyas// 'gro ba'i mgon la phyag 'tshal bstod// / rdo rje lus te lus kyi mchog/ lus rnams tha dad rnam sprul cing // lus dman pa dag 'jigs par mdzad// lus kyi nges don gting dpag dka'// rdo rje'i sku la phyag 'tshal bstod// rdo rje 'bar ba cher 'bar ba/ / 'bar ba'i 'od kyis sdang ba 'joms// rdo rje shugs te shugs che ba// rdo rje'i mtshon chen phyag 'tshal bstod// phyag na rdo rje ye shes che// zhal gyi rdo rje sdang ba 'bigs// rdo rje mche ba rno ba che/ chetshecheb rgya mtsho gsung chen bstod// rdo rje pad+ma byang chub che// thugs nyid sangs rgyas rang byung ba// rdo rje che ba thugs kyi mchog/ rdo rje rnal 'byor thugs chen bstod// 'jigs byed drag po nag po che// rdo rje 'jigs byed sdang byed pa/ / sgrub dka' sgrub legs yon tan che// yon tan rdo rje mchog legs bstod// rdo rje khro bo drag po che// ha la ha la nag po che// rtogs pa'i dus ngan rnam par spyod// rdo rje sems #dpa'abyugyu' chas bskyod/ / su ma pa stod / rnagatam po rnags gas pa'i rgyu pas/ 'thor gyim mngon par brjod pa'i ledu tham sacin / / de nas lnga'i dbang pos 'di skad ces gsol to// kye rdo rje khro bo khyod// dus ngan bstan pa mi gnas tshe// 'jig rten khams su chu 'a khyags dbab pa'i thabs bka' stsal du gsol bka' stsa ya pa/ nyon cig dbang po chen po/ 'jig rten phung bar bya na nA ga'i chu 'khyags dbab// gsang ba'i las rab 'di ni rab tu gnag/ na mo bud+d+hA ya/ badz+ra tsaN+Da ma hA ro Sha Na hUM phaT/ oM badz+ra tsaN+Da/ ki li kI li/ tsuN+Da mo ri tsan/ tsaN+Da tsad+d+he/ nA ga ban+d+ha ya phaT/ swA hA/ sor brgyad seng ldeng phur bu gu gul dang // tshil chen sme khrag byug cing bdug/ rtsa gzir sngags gsham gdags pa bca'/ / thog ma'i gong nas grangs med bzlas pa'i mchog/ klu gnas btab na khyung gis mi thar 'ching // phyogs btab ldog 'gyur zhing btab 'bu srin za// ldum rarta bres gnag rar lug gnas/ btab nas mi sgye snyil chu yang ldog/ bal pa'i grong dang rgyal po'i pho zang sgor ba ba na// phal pa'i grong 'jig rgyal po'i 'khor gyi mi// 'byer zhing nad kyis thebs 'gyur phyung mthar// na gA'i gnas btab thams cad 'tshong bar 'gyur/ / nag po gnas su song la las 'di bya// byang bltas chu mig rdos dngangs skyibs gnag/ mgon rnon ga thegs pa chags pa yod// gnas dar oM nag 'das pa'i rtse mo / dkar nag rdzob grang dmar rwa skyed bya// skam po dum bzhir phyi rol khrag tu gnag/ ra kyi mi yi rak+ta bskol bya ting 'dzin bsam// ku ru'i sprul pa mang po shin tu gces// dkar nag dud pas dran bskyed dbang du bsdu/ / de nas khyung bskul ba zhes bya ba 'di gsungs so// hriHdpag bsam shing las bzhengs pa'i kA ru Na// ye shes gshog pa gser gyi mig/ rdo rje'i mchu sder thogs med lcags kyu can/ / ri rab rtse nas rgya mtsho'i gting du sleb// klu rgyal gdan du 'dings shing klu phrug zas su za// klu rnams bka' las ma 'da' chu 'khyags phob// brjid gnon man+t+ra mu tras zil gyis mnan/ / nA gA ra dza phuta ta/ stong bzlas gsham sbrel ban+d+ha chu mig brdab// klu gzugs sbrul mgo bdun sngon skyed kar tshig ste gzhag/ mgo la khrag byung 'di nyid rtsa brgyad bzlas/ nA ga nA ga la khrag nang mgo la phob// nA ga mgo la khrag thun rbad// rtsa brgyad brjod cing thab bya khrag lhag dang // thal 'jim b+han+d+ha chu mig nang du brdab// thog dang sar pa ji ltar 'dod bzhin 'ong / nA ga'i gzugs ni nag po gel chags che// mig nas glog 'gyu kha nas khrag ser 'bab// de ltar bsams na klu 'khrug ser ba 'bebs// dpal rdo rje gtum po thugs gsang ba'i rgyud las/ 'jig rten thog ser gyi le'u ste nyi shu ste rtsa gnyis pa'o/ / / de nas yang lha'i dbang pos zhus pa/ mthar thug drag po'i las kyis ji ltar dbab// rdzas dang sngags bcas drag po'i sbyar thabs gang dang sgra gnas dus tshod mdzes pa gang la bgyi/ / bsrung ba'i go rims bcas pa ji ltar lags// zhes zhus pa las/ bka' stsal pa/ nyon cig skal ldan lha dbang po/ rdzas dang sngags bcas drag po'i sbyor ba 'di'o// mdze sha mdze tshil thod pa tshil chen dud// gzho ba rnams blugs te smra ba'i ma dang sprad// yugs sa'i zhabs gril khar nag bcing byas la// chu mig 'gram sar seng ldeng phur pa gdab// ston zla ra 'bring gza' rgod rgyu dus gtad// skya rengs shar dang nyin phyed nya la gtad// rdzas mchog ma phyung chu 'khyags nyin re 'bab// de nas klu/ / rnams kun gyi gnyen po rak+Sha tsa mun ti zhes bya ba 'dis bskul bka' stsal to// hUMsku ni gnam lcags 'bar ba la// dmar ser me yi ral pa can// khams gsum srid gsum kha na khyerarngasrid pa gsum na lto na 'phyo/ / ya mkhal gnam la ma mkhal sa// nyi ma'i sman dang spyan nas 'char// zla ba'i sbyin tang zhal nas 'char// ri rab rtse dgu phyag na bsnams// mi bzad 'bar ma gtum chen mo/ / phyag na rdo rje'i bka' nyan ma// 'dul ba'i gnyen po klu 'dul ma// thugs dam klu yi ban+d+ha 'dren// zas su klu yi sha la za// klu yi gnas rig dbang du sdud// sngag bka' stsal pa/ oM nA ga zhung thun dz+wa la dz+wa la ts+tshin+dats+tshin+da/ b+hin+da b+hin+da/ phaT phaT swAhA/ las kyi go cha drug ni rab tu gces// log gnon gyi sngags bka' stsal pa/ nA ga li dum pa ya/ sa dom de bku ru cu/ dzangaHb+h+yo b+h+yo/ 'khor lo tshul du lus la'o zhes gsungs so// dpal rdo rje gtus po thugs gsang ba'i rgyud las/ mthar thug drag po'i las kyi le'u ste'i shum pa sa/ pa'o// / de nas 'khor de dag gis zhus pa/ bcom ldan 'das nyid kyi mtshams bcad ji ltar gzung bar bgyi zhes gsol pa dang / bka' stsal pa/ 'dul ba'i tshogs nyon cig/ nga'i rang bzhin ni dus gsum gyi bde bar gshegs par rtogs par byos shig/ nga'i rang bzhin ni skye ba med par rtogs par byos shig/ nga'i rang bzhin ni 'gag pa med par rtog par byos shig/ nga'i rang bzhin ni stong pa nyid du rtogs par byos shig/ nga gang yin pa de ni gsang ba'i bdag po'o// nga gang yin pa de ni rdo rje sems dpar rtogs par byos shig/ nga gang yin pa de ni khams gsum rnam par rgyal bar rtogs par byos shig/ nga gang yin pa de ni gtum po chen po nyid du rtogs par byos shig/ nga gang yin pa de ni chos so// chos kyi phung po'o zhes bka' stsal pas de bzhin gshegs pa thams cad dgyes dga' 'o/ / dpal rdo rje gtum po thugs gsang ba'i rgyud las/ yongs su gtang ba'i le'u ste nyi shu rtsa bzhi pa'o// / rgya gar gyi mkhan po a ba yug ta'i zhal snga nas zhus nas/ thod kyi lo tso ba chos kyi brtson 'grus kyis bsgyur ba rdzogs so// rgya gar skad du/ shrI badz+ra tsit+ta gu h+ya tan+t+ra ut+tar/

CLOSE WINDOW