lo tsa ba dge slong chos kyi bzang pos bsgyur ba'o// // / rgya gar skad du/ ru dra tri tan+ta gu h+ya bi wa ra ti bI na ya nA ma/ bod skad du/ gsang ba'i rgyud rnams kyi rnam par 'byed pa drag po gsum 'dul zhes bya ba/ 'jam pa'i rdo rje la phyag 'tshal lo// de nas phyag na rdo rje yis// gsang ba'i don 'di yang dag zhus// sgrub dang gnas dang mtshan nyid gang / / rdzogs sangs rgyas kyis bka' stsal pa// shes rab snying rje gsang dbang ldan// lcags 'dri'i ri dang bya skyibs dang // nags tshal 'thug dang mchod rten nang // zhal gsum phyag drug 'jigs pa cheb mche ba gtsigs pa nag po ste/ / dkar po g.yas te khros pa'i mdog/ hUM sgrogs ma lce 'bar ba'i dbugs// dmar ser g.yon te bzhad pa'i zhal// spyan dmar me dpung dang 'dra ba// zla ba rgyas pa lta bu'i zhal/ / nor rgyas dung skyong ser pos dbu// dga' bo nye dga' snyan cha dmar// dpung pa pad+ma chu lha dkar// se ral 'dab bzang rigs ldan gnag/ tsham rngam rdo rje sdigs mdzub dang // thal mos bdud 'joms sbrul nag 'dzin// zhal gsum pa ste 'jigs pa che// sku gsum dag gis rab tu mtshan// pho nya gsum gyis gdug pa 'dul// klu yi gnyen po'i gnod sbyin bdag/ bdud 'dul tshangs pa'i pho nya ni/ / zla dang nyi ma dag gi steng // glang chen kar ka gser gyi gdan// brgya byin ser po rdo rje 'dzin// tshangs pa ral gri pad+ma 'dzin// klu 'dul sbrul nag 'dzin pa'o// bdud 'dul dbang po nyi ma'i steng / / gnod sbyin zla dang stobs kyi sde// klu 'dul ri steng rgya mtsho'i nang // sbrul nag 'khyil ba stobs ldan te// mkha' dang ri bos mnan pa'i steng // gsar mdog stobs ldan gnyis kyi gdan/ / brgyad khrir zhabs bzhag ri rab mnan// me dpung sku la 'khrugs pa'i 'od// khams gsum khyab mdzad khro bo 'phro// sangs rgyas 'dus pa'i sku la phyag 'tshal lo// de nas gsang ba'i dkyil 'khor nis rdo rje me dpung 'od dang ldan/ / de nyid mkha' dang 'byung ba las// dur khrod brgyad dang ldan pa'i gnas// bdag po'i sa bon las byung ba// bla nyi thod pa rdo rje las// drug po'i rtags/ ldan gtso bo che// mdzes ldan sku la yang dag 'khril// drag chen 'dul mdzad dri za'i gtso// mdog dkar rtse gsum 'bar ba 'dzin// 'od 'phro dkar mo sku la 'khril// 'joms mdzad spu gri 'bar ba 'dzin// mgon po gzi brjid gshin rje'i bdag/ mdog ser dbyug tos gshin rje 'dul// mdangs ldan ser mo sku la 'khril// 'ja' 'dra ba yi zangs gri bsnams// 'brug sgra sgrog pa'i klu yi gtso// mdog dmar kla 'dul sbrul gyi zhags/ / sgra yi lha mo sku la 'khril// mdog dmar gcod pa'i ste'u bsnams// 'phrin las khro bo gnod sbyin bdag/ ljang nag be con gnod sbyin 'dul// rlung 'byin ljang khu sku la 'khril// 'bar ba'i 'khor lo phyag na bsnams// 'gugs pa lcags kyu lcags kyu ste// sdud pa zhags pa zhags pa'i bdag/ sdom pa lcags sgrog lcags sgrog ste// zhi mdzad dril bu dril bu zhi// kha sbyor ba de dang longs spyod dang / / chos dang sprul pa'i 'khor lo la// sa bon rab tu 'bang ba yis// thabs dang shes rab bsreg gso mdzad// nyi ma zla ba'i 'phro 'du las// thig le'i rang bzhin mi shigs la// gsang ba'i rgyud kyi rnam par 'byed pa drag po gsum 'dul zhes bya ba las le'u dang po'o/ / / de nas yang dag bshad bya ba// gsang ba'i sngags ni khyod kyis zung // las rnams thams cad 'grub pa dang / / sdig pa dag ni zhi ba'i phyir// klu dang gnod sbyin bsdigs pa dang // bdud rnams ma lus zhi byed pa'i// dus gsum sangs rgyas byin brlabs pa'i// rdo rje can gyi sngags bshad byatad+ya thA/ b+ho b+ho pan nA ga a d+hi pa ta ye/ i dA nI lAm+ba ra d+ha rA sha rI raM/ badz+re pA Ni hr-i da yaM/ yaHsa mA ti kra mtha/ mA ku la uta sA da naM/ b+ha biSh+yat+ti/ tad+ya thA/ bud+d+ha bud+d+ha/ bi bud+d+ha bi bud+d+ha/ mA tI kra ma tha/ ha ra ha ra nA gAnAM/ pra ha ra pra ha ra nA gA nAM/ ts+tshin+d+re ts+tshin+da nA ga hr-i da yA ni/ b+hin+da b+hin+na nA ga marmA Ni bi shIr+yaM tu nA ga sha rI rA Ni/ bi s+pho Ta ya/ nA ga na ya nA ni/ tad+ya thA hUM phaT/ nA ga bi d+ha ra NA ya hUM phaT/ na gota sA da nA ya phaT/ nI la ba sa nA ya phaT/ a pra ti he ta ba la pa rA kra mA ya phaT/ kri tAM tA ya phaT/ kr-i tAM ta rU pA ya phaT/ ro Sha NA ya phaT/ trA sa nA ya phaT/ kusmr-i Do ta sA da nA ya phaT/ pre ta pi shA tsa bi nA sha ka rA ya phaT/ yak+Sha a pa sma ra bi nA sha ka rA ya phaT/ ha sa ha sa/ d+ha ra d+ha ra/ mA ra ya mA ra ya/ nA sha ya nA sha ya/ sar+b+ba big+h+na na bi nA sha ka rA ya phaT/ sar+b+ba sha tr-I saM g+ha bi nA sha ka rA ya phaT/ nI lAm+ba ra / d+ha ra badz+ra pA Ni rA dz+nyA pa ya ti swA hA/ zhes pa 'phreng ba'i gsang ba'i sngags so// sangs rgyas gang+gA'i klung gis gsungs pa'i rig sngag 'di ni/ sdig pa thams cad 'dag pa dang / ma rungs pa thams cad 'jom pa/ las thams cad 'grub pa yin te/ de'ang rig pa 'dzin pas sgrub ste dam tshig dang ldan pas so// de yang bla ma la gus shing // yi dam dkon mchog la dad cing // byang chub sems dang sdom pa dang // lha dang sngags la gus pa dang / / rgyun du rnal 'byor dang ldan te// rgyud don don la brtson ldan na// las rnams thams cad 'grub pa'o// byang chub sems dpa' phyag na rdo rjes bcom ldan 'das kyi bka' bzhin mdzad de/ bcom ldan 'das la zhus pa/ dam tshig dag las 'das na las rnams mi 'grub/ dag pa med don med dag ste las rnams mi 'grub/ 'bras bu gang du skye zhes zhus pas/ rdo rje dmyal ba'i nang du mi bzad pa'i 'bras bur 'gyur ro/ / bcom ldan 'das de'i tshe'i tshad ji tsam du sdug bsngal myong bar 'gyur zhes zhus pas/ byang chub sems dpa' sems dpa' chen po phyag na rdo rje khyod legs so/ / skrag par ma byed cig/ 'dis ni de bzhin gshegs pa thams cad kyi thugs bshig ste/ thugs dang 'gal bas rdo rje gdan zhig tsam na thar par 'gyur ro// bcom ldan 'das rdo rje'i gdan nam 'jig par 'gyur zhes zhus pa dang / nam mkha'i khams kyi sems can thams cad sangs rgyas pa'i 'bras bu thob ste rdo rje gdan 'jig ste thar par 'gyur ro// bar ma do dang skye gnas 'jig pa dag yod do/ / de'i gsang ba'i sngags ni zla ba'i steng du yi ge a bkod de/ chos nyid dag pa'i sngags brjod do// na maHsa ma~M ta badz+rA NAM/ sar+b+ba d+harmA mri ta badz+ra satwa hUM/ zhes phyogs bcur kha bltas te rdo rje thal mo sbyar la ye shes kyi 'od kyis gsol ba btab la rdo rje sems dpa'i skur bya'o/ / oM badz+ra satwa hUM/ zhes pa 'bum brjod do// rtsa ba'i dam tshig nyams pa zhi bar 'gyur ro// rdo rje rdo rje 'jigs byed che// me long me long gsal ba'i sku// zhal gsum phyag drug 'jigs pa che// mtshon cha 'dzin la phyag 'tshal bstod// de bzhin gshegs pa de bzhin gshegs// chos dbyings// / chos dbyings rnam par dag/ zhal gsum phyag drug mtshon cha 'dzin// de bzhin gshegs la phyag 'tshal bstod// so sor kun rtog kun rtog bral// pad+ma dri med pad+ma'i bdag/ zhal gsum phyag drug mtshon cha 'dzin/ / rgya mtsho skyes sku phyag 'tshal bstod// rin chen bai DUr gzi brjid 'bar// mnyam pa mnyam nyid ye shes sku// zhal gsum phyag drug mtshon cha 'dzin// rin chen rgya mtsho phyag 'tshal bstod/ / las kyi sku ste 'phrin las mdzad// bya ba bya ba sgrub pa'i bdag/ zhal gsum phyag drug mtshon cha 'dzin// 'phrin las rgya mtsho phyag 'tshal bstod// oM a nan+ta pa ra swA hA/ oM sum+b+ha ni sum+b+ha hUM/ A kaR+Sha yai baM d+ha ya swA hA/ ha ya grI ba ban+d+ha sho ka ya swA hA/ oM a pa re a pa rA dzi tA swA hA/ ro Sha Na ye b+h+yaHphaT/ de nas lha'i gsang sngags brjod par bya'o// oM badz+ra kro d+ha trai / lo kya bi dza ya hUM phaT/ mA ra ya tsit+ta rbang rbang / oM badz+ra kro d+ha ma hI kA lA ya hUM phaT/ tsit+ta la kro d+hi duny+dza/ oM badz+ra kro d+ha nA ga hUM phaT/ mA ra ya rak+ta rngubs rngubs/ oM badz+ra kro d+ha a mri te hUM phaT/ mA ra ya sod song rbang / de nas lha ma srin sde brgyad kyis rig pa phul ba/ ma hA de ba mA ra ya song sod/ ma hA dak+Sha a su ra mA ra ya ha na ha na/ nA ga rA dza mA ra ya dzaHdzaHma hA ma ni mA ra ya ni mA ra ya rngubs rngubs ma hA b+h+yAM mA ra ya tiSh+Tha tiSh+Tha/ ma hA yak+Sha mA ra ya b+hin+na b+hin+da/ kharga mA ra ya khos khos/ ma hA ta brah+ma de ye phaT/ mA ra Na sod sod/ mA ra Na bying bying / mA ra Na mugs mugs/ mA ra Na ha la ha la/ mA ra Na d+h+yA na d+hu na/ mA ra Na myos myos/ mA ra Na bying bying / thum ri li li/ thum ri li li/ dza dza/ bum pa legs par ldan pa yis// sman gsum rtsi sman sna tshogs dang // kha dir yi lo 'dab bcas/ / lcags kyi rdo rje'i khong seng du// gsang ba'i sngags ni brjod par bya// gnas lcags mchu ni stong pa ru// sprin bral ser ba gcad pa'i phyir// gsang ba'i sngags 'di brjod par bya'o// / tad+ya thA/ oM Tak+ki tsa ti gu h+ya li mi Sha sha gu gu/ sha ti bi ti/ hu ya hu ya pU ra ta swA hA/ oM badz+ra pA Ni badz+ra DA ki nI ga he he/ hu ya hu ya/ hu lu hu lu/ pu ru te pu ru te swA hA/ oM many+dzu shrI ya mAn+ta kA/ / e ka a pa ra hUM phaT/ oM ma Ni pad+me be sha pra be sha/ mA ma ru la be sha kha thun b+h+yo/ oM brah+ma swa ti/ puSh+Ti su ra kau shi ka/ ru dra I shwa ra/ biSh+Nu/ I sha ni/ ku mA ra shaM ka ra/ sma ra Sha dz+nyA swA hA/ au karkoT/ ku li sha/ pad+ma/ ma hA pad+ma/ a nan+ta/ tak+Sha ka/ bA su ki/ shaM kha pA la/ nA ga rA dza swAhA/ oM A di t+ya/ so ma aM ga ra bu taHbri hiM sA tiH/ shu kraHsha nai shwar/ kai tu swA hAM/ oM nak+Sha karti ka/ ro hi Ni/ mri ga shi raH/ ar+thaHpu narba suH/ pu Sh+yaHa shre ShaH/ ma g+hA/ pUrba phal gu NI/ uta ta ra phal gu NI/ hastA tsi tA sA ti/ bi shwa khA/ a nu rA d+h+wa dz+yeSh+Ta/ mU laM pUr+d+raShID+ha/ ut+ta rASh+Ta shra ba NaHa b+hi dzi da/ sha ta b+hi ShA d+ha niSh+Ta/ pUrba b+hA dra pA da/ ut+ta ra b+ha dra pA da/ rai ba tI a shrI nI b+ha ra NI swA hA/ oM in+d+ra ya/ oM ya ma ya/ ba ru Na/ ku be ra/ ag+ni/ rAk+Sha sa/ bA ya be/ I nA sUr+ya/ tsan+d+ra lo ka pA lA ya sA hA/ bai shra ba Na/ d+h+r-i ta rASh+Ta/ bi rU D+ha ka/ bi rU pAk+Sha swA hA/ oM dang nA ga rA dzI su ra gaM d+hArbaM sh+tsa/ ga ru Da/ kin+da ra/ ma ho ra ga/ kuM b+hUr+N+Na swAhA/ ha ra ha ra nA ga phuHts+tshin+na ts+tshin+da nA ga hr-i da yA ni phuH/ b+hin+da b+hin+da nA ga marmA Ni phuHbi shIr+yen+tu nA ga sha rI rA Ni puH/ bi s+pho Ta ya nA ga na ye nA ni phuHnA ga bi dA ra NA ya phuH/ nA go tA sA da nA ya pu swA hA/ yak+Sha bi dA ra Na ya hUM phaT/ yak+Sha krong+ga sA da nA ya hUM phaT/ yak+Sha nI la ba sa nA ye phaT swA hA/ yak+Sha a pra ti ha ta ba lA ya phaT/ yak+Sha pa rA kra mA ya phaT/ yak+Sha kri tI tA ya phaT/ yak+Sha kr-i tAn+ta rU pA ya phaT/ yak+Sha ro Sha NA ya phaT/ de skad ces bka' stsal nas thams cad dbang du 'dus par 'gyur ro/ / gsang ba'i rgyud kyi rnam par 'byed pa drag po gsum 'dul zhes bya ba las/ gsang ba'i sngags kyi le'u ste gnyis pa'o// / de nas cho ga yang dag bshad/ maN+Dal me tog bcas pa'i steng // mchod rten sku gdung ldan pa dang // bum pa sngon po mgul chings bcas// mchod pa rnam lnga dang ldan pas// sgrub po dag ni bsnyun ldan pas// rmi ltas rim pa gsal ba yis// nad pa dag la nyung sngags so// bcom ldan mgon po zhal gsum dmar// phyag drug rdo rje bsdigs pa g.yon// drag po'i thal mos 'jigs par byed// tha ma sbrul gdug ri rab mnan/ / 'khor du gnod sbyin chen po ste// sha za rab 'jigs ral pa can// gdong ser seng gdong gnod sbyin mo// bong bu'i rna brna ba 'phyang // ral pa gyen 'greng ral gri so// gnod sbyin 'khor de lnga brgyar bcas/ / yak+Sha bi dA ra NA ya hUM phaT/ yak+Sha kro d+ha sA d+ha nA ya hUM phaT/ yak+Sha nI la ba sa nA ya hUM phaT/ yak+Sha pra ti ha ta pA lA ya hUM phaT/ yak+Sha pa rA kra mA ya phaT/ yak+Sha kr-i tAn ta rU pA ya phaT/ yak+Sha ro Sha NA ya phaT/ ces brjod do// chu la bsngags shing gtor na gnod gyi gdon las thar ro// mchod rten sku gdung ldan pa'i drung // tshon sna lnga dang ldan pa yi// mchod pa lnga dang ldan pas mchod// sgrub po dag ni bstan ldan pas/ / rmi ltas rim pa gsal ba yis// nad pa dag la tshon snas bcing // bcom ldan 'das mgon zhal gsum ldan// phyag drug rdo rje bsdigs pa g.yon// drag po thal mos 'jigs par byed// tha me sbrul gdug ri rab mnan// mkha' la rdzu 'phrul dang ldan bdud// dga' rab dbang phyug thod 'phreng can// bum sma sen dgu sha za bdud// btsun mo me tog mdzes pa dang // 'od zer 'phrog dang mdangs 'phrog ma// / gdon rigs stong phrag brgyad cu'i 'khor// ma lus bcas pa'i sngags 'di ni// gnad la bor ba'i srog sngags so// pra ta pi shA tsa ka bi dA ra NA ya hUM phaT/ pre ta pi shA tsa kro d+ha sA da nA ya hUM phaT/ pre ta pi shA tsa nI ba sa nA ya hUM phaT/ pre ta pi shA tsa a pa ti ha ta ba lA ya phaT/ pre ta pi shA tsa pa ra kra mA ya phaT/ pre ta pi shA tsa kr-i tAn tA sa phaT/ pre ta pi shA tsa kr-i tAn ta rU pA ya phaT/ pre ta pi shA tsa ro Sha NA ya phaT/ nyi ma zla ba dag gi bar du rlung la bskyon te tshon sna lngas bcings te bskrad par bya'o/ / mchod rten sku gdung ldan pa'i drung // maN+Dal me tog bcas pa'i steng // smyung bas khyi yi sha la sgrub// rmi lhas rim pa ldan pas brtag/ brgyad khri zhabs nub 'jigs pa'i me/ / gad rgyangs bzhad mdzad zhal gsum pa// nag po zhabs gdub gdug pa 'dzin// stobs chen rab tu gau non pa po// klu chen ma rungs gdug pa can// nor rgyas dang ni dung skyong dang dga' bo dang ni 'jog po dang / / pad+ma pad+ma chen po'o// stobs kyi rgyu dang rigs ldan rnams// rgya mtsho dag la gnas pa yi// klu dang gnyen dang sa bdag gsum// sprul pa las la grub pa yi// / glen pa nga rgyal rdzu 'phrul can// sprul pa 'bum sde 'khor bcas pa'i// ma lus pa yi sngags 'di ni// gnad la bor ba'i rtsa sngags so// ha ra ha ra nA ga phu/ pra ha ra pra ha ra nA ga phu/ ts+tshin+da ts+tshin+da nA ga phu/ b+hin+da b+hin+da nA ga phu/ bi shIR+Shan+d+ha nA ga sha rI rA Ni phu/ bi s+pho Ta ya nA ga na ya nA ni phu/ nA ga bi dA ra NA ya phu/ nA ga kro d+ha sA da nA ya phu/ bal po se'u dag dang ni// smyug shad dag gi lcug mas bya ba// de ni klu bzlog pa'i cho ga'o/ / nA ga du na dus/ nA ga shon dus/ hi li hI li nA ga dus dus/ klu chen nA gi'i srog snying ste/ gnad la bor ba'i srog snying ngo // lto 'phye dag gi kha nas khar// bcom ldan sku ni gsal bas bzlas de nas rdo rje 'dzin la bka' stsal pa/ las rnams bzhi yis las rnams 'grub// sa gzhi dag ni so sor brtag/ zhi ba dkar zlum pad+ma can// rgyas ser gru bzhi'i 'khor lo yi// dbang dmar zla gam lcag kyu ste drag po mthing nag rtse gsum pa'o/ / zhi ba rgyus pa sor bzhi dang // khru dang khru do mnyam pa'o// dbang dang drag po sor gsum ste// khru do khru gang khru gsum khru// 'o ma can dang dri zhim zhing 'bras bu dang bcas zhi rgyas shing / / tsher ma dur khrod shing dag ni// kha dog dmar nag dbang drag la// ku sha dag kyang dgram byas te// las kyi bum pas bsang bar bya'o// zhi ba zho dang mar dang ni// 'o ma dri zhim me tog dkar/ / 'bras dang nas dang gro dang ni// zho yi cha dang bsres pa dbul// rgyas pa zho sbags dkar gsum ste// mngar gsum 'bras bu gsum dag ste// yam shing 'o ma lo 'dab bcas// til ni dkar po shis pa'o/ / khwa dang 'ug pa bya rog brun// ske tshe nim pa nyungs kar dang // khrag gis sbags pa'i rdzas kun te// yam shing tsher ma mar dag dang / sha dang tshil dang gzugs bcas pa// til ni nag po shis pa'o/ / shar du bltas na zhi ba ste// byang du bltas na rgyas pa'o// nub tu bltas na dbang du sdud// lho ru bltas te gsad par bya'o// sbyin sreg byas pas las kun 'grub// g.yas brkyang gar gyis gdug pa ste/ / g.yon brkyang bas ni gsad pa'o// bum pa kha dog sngon po ste// gnam lcags sor ni bcu drug tshad// sman lnga 'bru lnga rin po che// 'bras gsum 'bru gsum bcas pa ste// dri zhim lo 'dab bcas pa'i shing / / ba yi rnam lnga khru do tshad// gru bzhi khru gang zlum po ste// seng ldeng bzhi la byas pa yi// phur pa tshon sna dang bcas pa'i// dkar gsum mngar gsum bcas pa yi// gdengs ka can la dbul bar bya'o// grub pa khrus bya bsrung bar bya'o// 'bras chen bu ram hwags dang ni// 'bru yi chan dang dri zhim dang // dkar gsum mdur gsum chu dag dang // mdun du byas te phyogs rnams su// sha dang khrag dang rus / pa dang // nas dang 'bras dang gro la sogs// la phug sgog pa 'bru la sogs// chang dang bcas pa mdun du dbul// oM brah+ma/ oM biSh+Ti/ oM ru drA ya/ oM karti ka/ oM ga na pa ti/ oM in+d+ra ya oM ma hA kA la/ oM ma hA brah+ma ye/ ba li ta ta le/ ba li ta ta la swA hA/ stag dang khab len ti tsha dang // maN+Dal gru gsum stang du gzhag/ nag po'i thod pa gri gug can// srung dang ldan pas gsang / sngags sgrub// ma hA kA la ni rU pa NA/ oM shri gri bo bed dza dza dza ha ha/ sa ma ya gags sol/ lcags kyi snying phyung / zhes pas lcags bya'o// nad kyi srung ba dag la ni// byang chub sems dpa'i sku gsal la/ / snying kha'i sa bon me 'bar bas// nad kun ma lus bsreg par bya'o// oM bi dug lu ma pra ti bai ro swA hA/ 'bru dang sman dang khu ba dang // rin po che dang chang dang sha// rkang dang la du dkar gsum dang / / mngar gsum bcas pa'i gtor ma dang // chu yi 'gram mam rgya mtshor dbul// me tog bdug pa bcas pa dbul// na maHsar+b+ba ta thA ga ta a ba lo ki te sam+b+ha ra sam+b+ha ra hUM/ gsang ba'i rgyud rnam par 'byed pa drag po gsum 'dul zhes bya ba las/ las bstan pa'i le'u gsum pa rdzogs so// // rgya gar gyi mkhan po de ba pu N+ya ma ti dang / lo tsa ba dge slong chos kyi bzang pos bsgyur ba'o/

CLOSE WINDOW