rgya gar skad du/ shrI gu h+ya sa ma dza ma hA tan+t+ra rA dza nA ma/ bod skad du/ dpal gsang ba 'dus pa zhes bya ba rgyud kyi rgyal po chen po/ dpal rdo rje sems dpa' la phyag 'tshal lo/ / 'di skad bdag gis thos pa dus gcig na/ bcom ldan 'das de @bzhin gshegs pa thams cad kyi sku dang / gsung dang / thugs kyi snying po rdo rje btsun mo'i b+ha ga la bzhugs so/ / brjod kyis mi lang ba'i yang brjod kyis mi lang ba'i sangs rgyas kyi zhing gi rdul phra rab snyed kyi byang chub sems dpa' sems dpa' chen po la/ 'di lta ste/ byang chub sems dpa' sems dpa' chen po dam tshig rdo rje dang / byang chub sems dpa' sems dpa' chen po sku rdo rje dang / byang chub sems dpa' sems dpa' chen po gsung rdo rje dang / byang chub sems dpa' sems dpa' chen po thugs rdo rje dang / byang chub sems dpa' sems dpa' chen po ting nge 'dzin rdo rje dang / byang chub sems dpa' sems dpa' chen po rgyal ba rdo rje dang / byang chub sems dpa' sems dpa' chen po sa rdo rje dang / byang chub sems dpa' sems dpa' cher po chu rdo rje dang / byang chub sems dpa' sems dpa' chen po me rdo rje dang / byang chub sems dpa' sems dpa' chen po rla rdo rje dang / byang chub sems dpa' sems dpa' chen po nam mkha' rdo rje dang / byang chub sems dpa' sems dpa' chen po gzugs rdo rje dang / byang chub sems dpa' sems dpa' chen po sgra rdo rje dang / byang chub sems dpa' sems dpa' chen po dri rdo rje dang / byang chub sems dpa' sems dpa' chen po ro rdo rje dang / byang chub sems dpa' sems dpa' chen po reg bya rdo rje dang / byang chub sems dpa' sems dpa' chen po chos kyi dbyings kyi ngo bo nyid rdo rje dang / de dag la sogs pa'i byang chub sems dpa' sems dpa' chen po brjod kyis mi lang ba'i yang brjod kyis mi yang ba'i sangs rgyas kyi zhing gi rdul phra rab snyed rnams dang / de bzhin gshegs pa nam mkha'i dbyings dang mnyam pa la/ 'di lta ste/ de bzhin gshegs pa rdo rje mi bskyod pa dang / de bzhin gshegs pa rdo rje rnam par snang mdzad dang / de bzhin gshegs pa rdo rje rin chen dpal dang / de bzhin gshegs pa rdo rje 'od dpag tu med pa dang / de bzhin gshegs pa rdo rje gdon mi za ba dang / de dag la sogs pa nam mkha'i dbyings thams cad dang mnyam pa'i de bzhin gshegs pa rnams dang thabs cig tu bzhugs pa ni/ 'di lta ste/ dper na/ til gyi gang bu bzhin du/ de bzhin gshegs pa thams cad kyis nam mkha'i dbyings thams cad shin tu gang bar snang bar gyur to// de nas bcom ldan 'das de bzhin gshegs pa rdo rje rnam par snang mdzad chen po/ de bzhin gshegs pa thams cad kyi 'dod chags chen po'i tshul zhes bya ba'i ting nge 'dzin la snyoms par zhugs nas/ de bzhin gshegs pa'i bkod pa de dag thams cad nyid kyi sku la zhugs par mdzad do// de nas de bzhin gshegs pa de dag thams cad kyis/ bcom ldan 'das de bzhin gshegs pa thams cad kyi sku dang gsung dang thugs kyi bdag po yongs su mnyes par bya ba'i phyir/ nyid kyi sku bud med kyi gzugs su mngon par sprul nas/ bcom ldan 'das rnam par snang mdzad chen po'i sku las mngon par byung bar gyur to/ / de la la la ni sangs rgyas spyan lta bu/ la la ni mA sa kI lta bu/ la la ni gos dkar mo lta bu/ la la ni dam tshig sgrol ma lta bu/ la la ni gzugs kyi ngo bo lta bu/ la la ni sgra'i ngo bo lta bu/ la la ni dri'i ngo bo lta bu/ la la ni ro'i ngo bo lta bu/ la la ni reg gi ngo bo lta ba der yang dag par gnas par gyur to/ / de nas de bzhin gshegs pa mi bskyod pas/ de bzhin gshegs pa thams cad kyi sku dang / gsung dang / thugs kyi snying po rdo rje btsun mo'i b+ha ga la dam tshig chen po'i dkyil 'khor rdul med pa gru bzhir byin gyis brlabs pa ni/ gsal ba de yi ngo bo nyid// sna tshogs gzugs kyis kun tu rgyas// sangs rgyas sprin gyis kun tu khyab/ / 'od zer 'phro ba mang po 'khrug/ gsal ba la sogs dkyil 'khor ldan// de bzhin gshegs pa kun gyi gnas// de nas bcom ldan 'das de bzhin gshegs pa thams cad kyi sku dang / gsung dang / thugs rdo rje'i bdag po de/ de bzhin gshegs pa thams cad kyi dkyil 'khor chen po'i dbus su bzhag par gyur to// de nas de bzhin gshegs pa mi bskyod pa dang / de bzhin gshegs pa rin chen dpal dang / de bzhin gshegs pa tshe dpag tu med pa dang / de bzhin gshegs pa gdon mi za bar grub pa dang / de bzhin gshegs pa rnam par snang mdzad rnams/ de bzhin gshegs pa byang chub kyi sems rdo rje'i thugs la zhugs so// de nas bcom ldan 'das de bzhin gshegs pa byang chub kyi sems rdo rje / de bzhin gshegs pa thams cad zil gyis gnon pa rdo rje zhes bya ba'i ting nge 'dzin la snyoms par zhugs so/ / bcom ldan 'das de bzhin gshegs pa thams cad kyi bdag po snyoms par zhugs ma thag tu/ de nas nam mkha'i sgyu 'phrul chen po don sgrub pa/ / sgyu 'phrul chen po dga' bas dga'// sgyu 'phrul chen po mag 'phrul can// sbyin bdag chen po gtso bo ste// tshul khrims chen po 'chang ba'i mchog/ bzong chen 'chang ba bstan pa ste/ / brtson 'grus chen po pha rol gnon// bsam gtan chen po ting 'dzin gnas// shes rab chen po lus 'chang ba// stobs po che la thabs che ba// smon lam ye shes rgya mtsho ste// byams chen rang bzhin dpag tu med/ / snying rje chen po blo yi mchog/ shes rab chen po blo chen ldan// thabs chen byed pa chen po ste// rdzu 'phrul chen po stobs dang ldan// shugs chen mgyogs pa chen po ste// rdzu 'phrul chen po cher grags pa/ stobs chen pha rol gnon pa po// srid pa'i ri bo chen po 'joms// mkhregs shing rdo rje chen po 'chang // drag po chen po drag shul che// 'jigs chen 'jigs par byed pa po// mgon po rigs mchog chen po ste/ bla ma gsang sngags che ba mchog/ theg pa chen po'i tshul la gnas// theg pa chen po'i tshul gyi mchog/ sangs rgyas rnam par snang mdzad che// thub pa chen po thub chen ldan// gsang sngags tshul chen las 'byung ba/ / gsang sngags chen po bdag nyid can// pha rol phyin bcu thob pa ste// pha rol phyin pa bcu la gnas// pha rol byin bcu dag pa ste// pha rol phyin pa bcu yi tshul// sa bcu'i dbang phyug mgon pa ste/ / sa bcu la ni rab tu gnas// shes bcu rnam dag bdag nyid can// shes bcu rnam dga'achang ba po// rnam pa bcu po don bcu'i don// thub dbang stobs bcu khyab pa'i bdag/ kun gyi don nim lus byed na nyid kyi dam tshig rin po che'i sprin gyis yang dag par mchod de/ phyag 'tshal nas 'di skad ces gsol to// 'dus pa gsang ba las byung ba// de bzhin gshegs pa kun gyi gsang / / rdo rje snying po 'dus pa yi// de nyid bcom ldan bshad du gsol// de nas bcom ldan 'das de bzhin gshegs pa byang chub kyi sems rdo rjes de bzhin gshegs pa thams cad la 'di skad ces bka' stsal to/ / bcom ldan 'das de bzhin gshegs pa thams cad legs so legs so// 'on kyang 'di ni de bzhin gshegs pa thams cad kyang the tshom skye bar byed pa yin na/ byang chub sems dpa' gzhan rnams lta ci smos/ de nas bcom ldan 'das de bzhin gshegs pa thams cad ngo mtshar du gyur/ rmad du gyur te/ the tshom thams cad gcod par mdzad pa/ bcom ldan 'das de bzhin gshegs pa thams cad kyi bdag po la 'di skad ces gsol to// gang bcom ldan 'das 'di lta bu'i yon tan khyad par can du gyur pa'ang de bzhin gshegs pa thams cad kyi 'khor du/ de bzhin gshegs pa thams cad kyi sku dang / gsung dang / thugs kyi gsang ba ston par mi spro ba de/ bcom ldan 'das de bzhin gshes pa thams cad la byin gyis brlab pa mdzad de/ de bzhin gshegs pa thams cad kyi rdo rje dam tshig 'byung ba'i tshig gis/ de bzhin gshegs pa thams cad kyi bde ba dang yid pa myong ba dgyi ba nas/ de bzhin gshegs pa thams cad kyi ye shes dang / mngon par shes pa'i 'bras bu thob par bgyi ba'i bar gyi phyir yang dag par bstan du gsol/ de nas bcom ldan 'das de bzhin gshegs pa thams cad kyi sku dang / gsung dang / thugs rdo rje de bzhin gshegs pa/ de bzhin gshegs pa thams cad kyis gsol ba btab pa de mkhyen nas/ ye shes kyi sgron ma rdo rje zhes bya ba'i ting nge 'dzin la snyoms par zhugs te/ zhe sdang gi rigs kyi sngags mchog gi snying po'i snying po 'di nyid kyi sku dang / gsung dang / thugs rdo rje las phyung ngo // badz+ra d+h+r-i ka/ de nas 'di phyung ma thag tu/ bcom ldan 'das de bzhin gshegs pa thams cad kyi sku dang / gsung dang / thugs kyi rig pa'i skyes bu de nyid mi bskyod pa'i phyag rgya chen por sbyor ba'i thab nag po dkar po dmar po'i tshul du de bzhin gshegs pa thams cad kyi sku dang / gsung dang / thugs rdo rje la bzhugs so// de nas bcom ldan 'das de bzhin gshegs pa thams cad kyi dam tshig 'byung ba rdo rje zhes bya ba'i ting nge 'dzin la snyoms par zhugs te/ gti mug gi rigs kyi mchog snying po'i snying po 'di/ nyid kyi sku dang / gsung dang / thugs rdo rje las phyung podzi na dzI ka/ de nas 'di phyung ma thag tu/ bcom ldan 'das de bzhin gshegs pa thams cad kyi sku dang / gsung dang / thugs kyi rig pa'i skyes bu rnam par snang mdzad kyi sbyor ba'i thabs kyis/ dmar po nag po dkar po'i tshul du de bzhin gshegs pa thams cad kyi sku dang / gsung dang / thugs rdo rje'i rgyab tu bzhugs so// de nas bcom ldan 'das de bzhin gshegs pa thams cad kyi grub pa gdon mi za ba'i mchog dam tshig 'byung ba'i rdo rje zhes bya ba'i ting nge 'dzin la snyoms par zhugs te/ dam tshig 'gugs pa'i rigs kyi mchog gi snying po'i snying po 'di nyid kyi sku dang / gsung dang / thugs rdo rje las phyung ngo // pradz+nyA d+h+r-ika/ de nas 'di phyung ma thag tu/ bcom ldan 'das de bzhin gshegs pa thams cad kyi sku dang / gsung dang / thugs kyi rig pa'i skyes bu grub pa gdon mi za ba'i phyag rgya chen por sbyor ba'i thabs kyis ljang khu dang / nag po dang / dkar po'i tshul du de bzhin gshegs pa thams cad kyi sku dang gsung dang / thugs rdo rje'i byang phyogs su bzhugs so// zhe sdang gti mug 'dod chags dang // yid bzhin nor bu dam tshig ste// rigs lngar gtogs pa 'di rnams kyis// 'did dang thar pa rab sgrub pa'o/ / de nas yang bcom ldan 'das de bzhin gshegs pa thams cad kyi rdo rje 'dzin rjes su mnyes par byed pa'i dam tshig ces bya ba'i ting nge 'dzin la snyoms par zhugs nas rdo rje 'dzin thams cad kyi btsun mo'i mchog 'di/ nyid kyi sku dang / gsung dang / thugs rdo rje las phyung ngo // dwe Sha ra ti/ de nas 'di phyung ma thag tu/ bcom phyag rgya chen por sbyor ba'i thabs kyis/ dkar po nag po dmar po'i tshul du de bzhin gshegs pa thams cad kyi sku dang / gsung dang / thugs rdo rje'i spyan sngar bzhu so/ / de nas bcom ldan 'das de bzhin gshegs pa thams cad kyi rin po che 'byung ba'i rdo rje dpal zhes bya ba'i ting nge 'dzin la snyoms par zhugs te/ yid bzhin gyi nor bu'i rigs kyi mchog gi snying po'i snying po 'di/ nyid kyi sku dang / gsung dang / thugs rdo rje las phyung ngo // rat+na d+h+r-ika/ de nas 'di phyung ma thag tu/ bcom ldan 'das de bzhin gshegs pa thams cad kyi sku dang / gsung dang / thugs kyi rig pa'i skyes bu rin chen dpal gyi phyag rgya chen por sbyor bas nam mkha'i gnas kyis ser po nag po dkar po'i tshul du de bzhin gshegs pa thams cad kyi / sku dang / gsung dang / thugs rdo rje'i lho phyogs su bzhugs so// de nas bcom ldan 'das de bzhin gshegs pa thams cad kyi 'dod chags chen po'i rgyun 'byung ba rdo rje zhes bya ba'i ting nge 'dzin la snyoms par zhugs nas/ 'dod chags kyi rigs kyi mchog gi snying po'i snying po 'di/ nyid kyi sku dang / gsung dang / thugs rdo rje las phyung ngo // a ro l-ika/ de nas 'di phyung ma thag tu/ bcom ldan 'das de bzhin gshegs pa thams cad kyi sku dang / gsung dang / thugs kyi rig pa'i skyes bu de nyid/ 'jig rten dbang phyug gi rig pa'i bdag po'i phyag rgya chen po ldan 'das de bzhin gshegs pa thams cad kyi sku dang / gsung dang / thugs kyi rig pa'i skyes bu de nyid bud med kyi gzugs 'dzin par gyur te/ shar phyogs kyi sgrar bzhugs so/ / de nas bcom ldan 'das de bzhin gshegs pa thams cad rjes su mnyes par byed pa'i rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi btsun mo'i mchog 'di/ nyid kyi sku dang / gsung dang / thugs rdo rje las phyung ngo // mo ha ra ti/ de nas 'di phyung ma thag tu/ bcom ldan 'das de bzhin gshegs pa thams cad kyi sku dang / gsung dang / thugs kyi rig pa'i skyes bu de nyid bud med kyi gzugs 'dzin par gyur te/ lho phyogs kyi grwar bzhugs so// de nas bcom ldan 'das de bzhin gshegs pa thams cad kyi 'dod chags 'dzin pa rjes su chags pa byed pa'i rdo rje zhes bya ba'i ting nge 'dzin la snyoms par zhugs te/ de bzhin gshegs pa thams cad kyi 'dod chags 'dzin pa'i btsun mo'i mchog 'di/ nyid kyi sku dang / gsung dang / thugs rdo rje las phyung ngo // rA ga ra ti/ de nas 'di phyung ma thag tu/ bcom ldan 'das de bzhin gshegs pa thams cad kyi sku dang / gsung dang / thugs kyi rig pa'i skyes bu de nyid bud med kyi gzugs 'dzin par gyur te/ nub phyogs kyi grwar bzhugs so// de nas bcom ldan 'das de bzhin gshegs pa thams cad kyi sku dang / gsung dang / thugs sru ba rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi shes rab 'chang ba'i btsun mo'i mchog 'di/ nyid kyi sku dang / gsung dang / thugs rdo rje las phyung ngo // badz+ra ra ti/ de nas 'di phyung ma thag tu/ bcom ldan 'das de bzhin gshegs pa thams cad kyi sku dang / gsung dang / thugs kyi rig pa'i skyes bu de nyi dbud med kyi gzugs 'dzin par gyur te/ byang phyogs kyi grwar bzhugs so// de bzhin gshegs pa thams cad kyi btsun mo'i mchog dam tshig phun sum tshogs pa'o/ / de nas bcom ldan 'das rnam par snang mdzad rdo rje 'khor lo zhes bya ba'i ting nge 'dzin la snyoms par zhugs nas// de bzhin gshegs pa thams cad kyi dkyil 'khor byin gyis rlob pa zhes bya ba'i khro bo chen po 'di nyid kyi sku dang / gsung dang / thugs rdo rje las phyung ngo // ya man+ta kr-i ta/ de nas 'di phyung ma thag tu/ bcom ldan 'das de bzhin gshegs pa thams cad kyi sku dang / gsung dang / thugs kyi rig pa'i skyes bu de nyid/ de bzhin gshegs pa thams cad bsnyungs par byed pa'i tshul du shar phyogs kyi sgor bzhugs so/ / de nas bcom ldan 'das de bzhin gshegs pa thams cad kyi mngon par byang chub pa rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi dkyil 'khor byin gyis rlob pa'i khro bo chen po 'di nyid kyi sku dang / gsung dang / thugs rdo rje las phyung ngo // pradz+nyAn+ta kr-i ta/ de nas 'di phyung ma thag tu/ bcom ldan 'das de bzhin gshegs pa thams cad kyi sku dang / gsung dang / thugs kyi rig pa'i skyes bu de nyid/ rdo rje'i dam tshig bsnyengs ba'i tshul du lho phyogs kyi sgor bzhugs so/ / de nas bcom ldan 'das de bzhin gshegs pa thams cad kyi chos rin po che 'byung gnas rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi 'dod chags 'tshang ba'i dkyil 'khor byin gyis rlob pa zhes bya ba'i khro bo chen po 'di/ nyid kyi sku dang / gsung dang / thugs rdo rje las phyung ngo // pad+man kr-i ta/ de nas 'di phyung ma thag tu/ bcom ldan 'das de bzhin gshegs pa thams cad kyi sku dang / gsung dang / thugs kyi rig pa'i skyes bu de nyid/ de bzhin gshegs pa thams cad kyi gsung gi tshul du nub phyogs kyi sgor bzhugs so/ / de nas bcom ldan 'das de bzhin gshegs pa thams cad kyi sku dang / gsung dang / thugs rdo rje zhes bya ba'i ting nge 'dzin la snyoms bar zhugs nas/ de bzhin gshegs pa thams cad kyi sku dang / gsung dang / thugs kyi dkyil 'khor byin gyis rlob pa zhes bya ba'i khro bo chen po 'di nyid kyi sku dang / gsung dang thugs rdo rje las phyung ngo / / big+h+nAn+ta kr-ita/ de nas 'di phyung ma thag tu/ bcom ldan 'das de bzhin gshegs pa thams cad kyi sku dang / gsung dang / thugs kyi rig pa'i skyes bu de nyid de bzhin gshegs pa thams cad kyi sku dang / gsung dang / thugs kyi tshul du byang phyogs kyi sgor bzhugs so// de bzhin gshegs pa thams cad kyi sku dang / gsung dang / thugs mnyes par byed pa dang / dkyil 'khor gyi dam tshig sems dpa' rnams so// de bzhin gshegs pa thams cad kyi sku dang / gsung dang / thugs kyi gsang ba gsang ba 'dus pa las de bzhin gshegs pa thams cad kyi ting nge 'dzin gyi dkyil 'khor byin gyis rlob pa zhes bya ba'i le'u ste dang po'o/ / // de nas bcom ldan 'das de bzhin gshegs pa thams cad kyi sku dang / gsung dang / thugs kyi bdag po la/ bcom ldan 'das de bzhin gshegs pa thams cad kyis mchod pa byas te/ phyag 'tshal nas 'di skad ces gsol to// sku dang gsung dang thugs kyi mchog/ de bzhin gshegs pa kun gyi gsang // bla na med pa'i byang chub sems// bcom ldan snying po bshad du gsol// de nas bcom ldan 'das de bzhin gshegs pa thams cad kyi sku dang / gsung dang / thugs rdo rje'i bdag pos de bzhin gshegs pa thams cad kyis gsol ba btab pa mkhyen cing / byang chub sems dpa' thams cad kyi sems kyis yongs su rtog pa'ang thugs kyis mkhyen nas/ byang chub sems dpa' de dag la 'di skad ces bka' stsal to// khyed kyis sems lus lta bu dang / lus sems lta bu dang / sems tshig tu brjod pa lta bur skyed cig/ de nas byang chub sems dpa' sems dpa' chen po de dag gis/ de bzhin gshegs pa thams cad kyi sku dang / gsung dang / thugs nam mkha' lta bur sbyar nas/ ched du brjod pa 'di ched du brjod do// e ma'o kun tu bzang po yi// sku dang gsung thugs rdo rje can// skye ba med pa'i tshul gyis su// skye ba 'di ni rab tu bsgrags/ / de nas bcom ldan 'das de bzhin gshegs pa thams cad kyi sku dang / gsung dang / thugs rdo rje de bzhin gshegs pa/ de bzhin gshegs pa thams cad kyi mngon par rdzogs par byang chub pa'i tshul rdo rje zhes bya ba'i ting nge 'dzin la snyoms par zhugs te/ byang chub kyi sems 'di gsungs so// dngos po med pas sgom pa med// bsgom par bya ba sgom pa min/ de ltar dngos po dngos med pas// sgom pa dmigs su med pa'o// zhes bcom ldan 'das de bzhin gshegs pa thams cad kyi sku dang / gsung dang / thugs rdo rje de bzhin gshegs pas gsungs so/ / de nas bcom ldan 'das de bzhin gshegs pa rnam par snang mdzad de bzhin gshegs pa thams cad kyi mngon par rtogs pa rdo rje zhes bya ba'i ting nge 'dzin la snyoms par zhugs te/ byang chub kyi sems 'di gsungs so// dngos po thams cad dang bral ba// phung po khams dang skye mched dang // gzung dang 'dzin pa rnams spangs pa// chos bdag med pa mnyam nyid pas// rang sems gdod nas ma skyes pa// stong pa nyid kyi rang bzhin no// zhes bcom ldan 'das de bzhin gshegs pa rnam par snang mdzad kyis gsungs so// de nas bcom ldan 'das de bzhin gshegs ba rdo rje mi bskyod pa de bzhin gshegs pa thams cad kyi mi zad pa'i rdo rje zhes bya ba'i ting nge 'dzin la snyoms par zhugs te/ byang chub kyi sems 'di gsungs so// dngos po 'di rnams ma smras pa/ chos dang chos nyid med pa ste// nam mkha' lta bur bdag med pa// byang chub tshul 'di brtan pa'o// zhes bcom ldan 'das de bzhin gshegs pa mi bskyod pas gsungs so// de nas bcom ldan 'das de bzhin gshegs pa rin chen dpal de bzhin gshegs pa thams cad kyi bdag med pa rdo rje zhes bya ba'i ting nge 'dzin la snyoms par zhugs te/ byang chub kyi sems 'di gsungs so// chos rnams thams cad dngos med cing / / chos kyi mtshan nyid rnam par spangs// bdag med chos las kun tu byung // byang chub tshul 'di brtan pa'o// zhes bcom ldan 'das de bzhin gshegs pa rin chen dpal gyis gsungs so/ / de nas bcom ldan 'das de bzhin gshegs pa tshe dpag tu med pa 'od zer 'bar ba rdo rje sgron ma zhes bya ba'i ting nge 'dzin la snyoms par zhugs te/ byang chub kyi sems 'di gsungs so// ma skyes pa yi chos rnams la// ngo bo med de sgom pa'ang med// nam mkha'i tshul du sbyor ba yis// dngos po dag tu rab tu bsgrags// zhes bcom ldan 'das de bzhin gshegs pa tshe dpag tu med pas gsungs so/ / de nas bcom ldan 'das de bzhin gshegs pa grub pa gdon mi za ba de bzhin gshegs pa thams cad zil gyis gnon pa rdo rje zhes bya ba'i ting nge 'dzin la snyoms par zhugs te/ byang chub kyi sems 'di gsungs so// chos rnams rang bzhin 'od gsal ba// gdod nas dag pa nam mkha' bzhin// byang chub med cing mngon rtogs med/ byang chub tshul 'di brtan pa'o// zhes bcom ldan 'das de bzhin gshegs pa grub pa gdon mi za bas gsungs so// de nas byams pa la sogs pa byang chub sems dpa' sems dpa' chen po rnams/ de bzhin gshegs pa thams cad kyi sku dang / gsung dang / thugs kyi gsang ba'i chos kyi de kho na nyid kyi yi ge thos nas ngo mtsha du gyur/ rmad du gyur te/ ched du brjod pa 'di ched du brjod do/ / e ma 'o sangs rgyas e ma'o chos// chos bshad pa ni ngo mtshar che// yang dag don ni dag pa'i don// byang chub sems la phyag 'tshal lo// bdag med ba yi chos las byung / / sangs rgyas byang chub rdzogs mdzad pa// rnam par mi rtog dmigs su med// byang chub sems la phyag 'tshal lo// kun tu bzang po thams cad don// byang chub sems ni rab bskor ba/ / byang chub spyod pa rdo rje che// byang chub sems la phyag 'tshal lo// dag pa de bzhin gshegs pa'i thugs// sku dang gsung thugs rdo rje 'dzin// sangs rgyas byang chub rab ston pa/ / byang chub sems la phyag 'tshal lo// de bzhin gshegs pa thams cad kyi sku dang / gsung dang / thugs kyi gsang ba gsang ba 'dus pa las/ byang chub sems kyi le'u ste gnyis pa'o/ / // de nas bcom ldan 'das de bzhin gshegs pa thams cad kyi sku dang / gsung dang / thugs rdo rje de bzhin gshegs pa/ de bzhin gshegs pa thams cad kyi 'phro ba'i sprin bkod pa rdo rje zhes bya ba'i ting nge 'dzin la snyoms par zhugs te/ rdo rje dkod pa zhes bya ba'i ting nge 'dzin gyi le'u 'di gsungs so// oM shU n+ya tA dz+nyA na badz+ra swa b+hA ba At+ma kohaM/ nam mkha'i dbyings kyi dbus gnas par// sangs rgyas dkyil 'khor bsgom pa ni// 'od zer sprin gyi bkod pa che// sangs rgyas 'bar ba'i 'od dang mnyam/ / 'od zer sna lngas kun tu khyab// kun nas yongs su zlum po ste// 'dod pa'i yon tan lnga yis khyab// mchod pa rnam pa lngas brgyan pa// mdor na de ltar bsgom nas su/ / gzugs ni dbus su bsgom par bya// rnam par snang mdzad phyag rgya che// sku gsung thugs kyis mtshan pa'o// sku gsung thugs ni rdo rje yi// phyag rgya chen po bsgom par bya// tshogs gnyis dang ni ldan pa yis// bsdus dang gcig tu sbyor ba yis// mi bskyod pa yi rgya mchog dang // dkon mchog dpal gyi rgya chen dang // tshe dpag med pa'i 'od byed dang / / thogs med grub pa'i rgya chen rnams// sangs rgyas dkyil 'khor bsgom par bya// sku gsung thugs kyi rdo rje can// in+d+ra nI la'i kha dog 'dra// rab 'bar phyag na rdo rje bsnams/ / rnam par gtsigs la 'jigs 'jigs lta// shel dang zla ba'i 'od 'dra ba// thor tsugs cod pan gyis brgyan pa// rab 'bar phyag na 'khor lo bsnams/ sna tshogs rgyan gyis mdzes par brgyan// 'dzam bu chu bo'i gser 'od 'dra// sangs rgyas sprin gyis kun tu 'khrigs// de yi phyag na rdo rje che// rtse mo dgu pa rnam par sgom// marka ta yi 'od 'dra ba/ / rdo rje 'bar bas rnam par brgyan// kun tu 'bar ba'i sprin gyis khyab// phyag na rin chen bsnams par sgoms// pad+ma rA ga'i mdog 'dra ba// gtso bo 'dod chags 'bar ba mangs rab 'bar phyug na pad+ma bsnams/ / 'dod chags rdo rje can bsgom bya// 'od zer sna lnga'i 'od 'dra'i sku// gdon mi za ba rdo rje can// zhi ba phyag na ral gri bsdams// sangs rgyas dkyil 'khor bsgom par bya/ / de nas bcom ldan 'das de bzhin gshegs pa thams cad kyi sku dang / gsung dang / thugs rdo rje de bzhin gshegs pa chos kyi dbyings kyi ngo bo nyid rdo rje zhes bya ba'i ting nge 'dzin la snyoms par zhugs te/ sku dang / gsung dang / thugs byin gyis rlob pa'i sngags 'di gsungs so// oM d+harmA d+hA tu swa b+hA ba At+ma kohaM/ rin chen chen po kha dog lnga/ / yungs kar gyi ni 'bru tshad tsam// sna yi rtse mor nan tan du// rnal 'byor gyis ni rtag tu sgom// rin chen brtan par gyur nas spro// brtan par ma gyur yong mi spro// sangs rgyas 'bar ba 'dra ba'i 'od// mchog rab sprin rnams spro bar bya// 'khor lo rdo rje rin chen dang // pad+ma ral gri mtshon chen 'dzin// byang chub sems dpa'i sprin chen rnams/ spro ba'i bdag nyid can gyis spro// nam mkha'i dbyings kyi dbus gnas par// zla ba'i dkyil 'khor bri bar bya// gsal ba'i dkyil 'khor dbus gnas par// 'khor lo'i dkyil 'khor bsgom par bya/ / pad+ma'i dkyil 'khor 'dra bar ni// pad+ma sgom pas bsgom par bya// rin chen dkyil 'khor 'dra bar ni// rin chen brtson pas bsgom par bya// sbyor ba'i dkyil 'khor las byung ba/ / nam mkha' 'dra bar bri bar bya// 'di dag sangs rgyas rab kyi mchog/ sku gsung thugs ni bsgoms pa yis// dkyil 'khor rdo rje las byung ba// thams cad mkhyen pa'i tshul 'thob pa'o/ / de bzhin gshegs pa thams cad kyi sku dang / gsung dang / thugs kyi gsang ba gsang ba 'dus pa las/ rdo rje bkod pa zhes bya ba'i ting nge 'dzin gyi le'u ste gsum pa'o// // de nas bcom ldan 'das de bzhin gshegs pa thams cad yang 'dus nas/ bcom ldan 'das de bzhin gshegs pa thams cad kyi sku dang / gsung dang / thugs kyi bdag po la bstod pa'i rgyal po 'dis gsol ba btab bo/ / de bzhin gshegs pa kun zhi ba// de bzhin gshegs pa kun gyi gnas// chos kun bdag med pa yi mchog/ dkyil 'khor dam pa bshad du gsol/ / mtshan rnams thams cad yang dag rdzogs// mtshan min thams cad yang dag spangs// kun tu bzang po sku yi mchog/ dkyil 'khor dam pa bshad du gsol// zhi ba'i chos ni mchog las byung / / ye shes spyod pa rnam sbyong ba// kun tu bzang po gsung gi mchog/ dkyil 'khor dam pa bshad du gsol// sems can kun gyi sems chen po// rang bzhin dag cing dri ma med kun bzang thugs mchog kha lo sgyur/ / dkyil 'khor dam pa bshad du gsol// de nas ston pa rdo rje 'dzin// 'jig rten gsum pa khams gsum pa// 'jig rten gsum mchog rdo rje gtso// 'jig rten gsum mchog ston pa po// de bzhin gshegs pa kun gyi gnas// de bzhin gshegs pa kun gyi thugs// dkyil 'khor dkyil 'khor rab 'dra bar// dkyil 'khor rab tu nyams dga' bshad/ / de nas thugs kyi dkyil 'khor mchog/ thugs kyi rdo rje rab 'dra ba// sku dang gsung dang thugs rnams kyi// dkyil 'khor rab tu bshad par bya// lus ngag sems ni bsgoms pa yis/ shes rab can gyis thig gdab pa// thig skud gsar pa legs bkal ba// tshad ma rab tu mdzes pa yis// thugs kyi dkyil 'khor dam pa ste// khru ni bcu gnyis tshad du bya// ngos bzhi dang ni grwa bzhir ldan/ / sgo bzhi par ni rab tu brtag/ de yi dbus su 'khor lo ni// rab tu zlum po bri bar bya// de nas las kyi cho ga ni// mthong bas phyag rgya dgod par bya// de'i dbus rdo rje bri ba ni// in+d+ra nI la'i kha dog 'dra// 'bar ba chen po rtse lnga pa// 'jigs pa dag kyang rab 'jigs byed// 'khor lo chen po shar phyogs su// rdo rje 'bar bas rnam par brgyan// rin chen chen po lho phyogs su 'od zer mang pos rab tu 'khrigs/ / pad+ma chen po nub phyogs su// pad+ma rA ga'i kha dog 'dra// ral gri chen po byang phyogs su// 'od zer mang pos rab tu 'khrigs// dbus su sprin dang 'dra ba'i 'od/ / spyan ni shar gyi grwa ru bri// mA ma kI yi rigs 'byung ba'i// rdo rje de bzhin lho phyogs su// pad+ma kha bye sdong bur bcas// nub phyogs su ni bri bar bya// ut+pal mdzes pa byang phyogs su/ / mthing kha sprin dang 'dra bar bri// tho ba 'bar ba 'od gsal ba// shar phyogs sgor ni bri bar bya// rdo rje 'bar sogs 'od bzang ba// be con lho yi phyogs su bri// pad+ma 'bar ba 'od byed pa/ / nub kyi phyogs su bri bar bya// rdo rje 'khyil pa rdo rje can// byang gi phyogs su rdo rje bri// thugs kyi dkyil 'khor dam pa de// yongs su gsal bar shes byas nas// lus dang ngag sems mchod pa yis/ / nan tan du ni mchod par bya// bud med rab tu mdangs bzang ba// lo grangs bcu drug lon pa ni// dri dang me tog 'phreng brgyan te// yon tan ska rags mA ma kIr// shes rab can gyis byin brlabs la// de yi dbus su mnyes par bya// sangs rgyas zhi ba'i gnas spros pas// nam mkha'i dbyings ni rab tu brgyan// bshang gci khu ba khrag la sogs/ / lha rnams la ni dbul bar bya// de ltar byas nas sangs rgyas dang // byang chub sems dpa' grags chen mnyes// de bzhin gshegs pa thams cad kyi sku dang gsung dang / thugs kyi gsang ba gsang ba 'dus pa las de bzhin gshegs pa thams cad kyi thugs kyi dkyil 'khor gyi le'u ste bzhi pa'o// // de nas de bzhin gshegs pa ni/ / kun gyi sku dang gsung thugs kyi// rdo rje 'chang ba'i rgyal po ni// gnas kyi dbang 'phyug kun mchog gis// spyod pa kun mchog chos kyi don// spyod pa'i mtshan nyid bka' stsal to// rnam par mi rtog don las byung // 'dod chags zhe sdang gti mug rigs// theg pa mchog ni bla med pa'i// dngos grub rab mchog sgrub par byed// rigs ngan smig ma mkhan la sogs// gsod don don gnyer sems pa rnams/ / theg chen bla na med pa yi// theg mchog 'di la 'grub par 'gyur// sems can mtshams med la sogs pa'i// sdig pa chen po byed pa yang // rdo rje theg pa rgya mtsho che/ / theg pa mchog ni 'di la 'grub// snying nas slob dpon spod pa dag/ bsgrubs kyang 'grub par yong mi 'gyur// srog gcod pa yi sems can gang // brdzun du sprul dga' ba dang / / gzhan gyi nor la chags pa dang // rtag tu 'dod pa spyod gang dang // bshang gci zas su za ba ste// de dag sgrub pa'i snod du 'gyur// ma dang sring mo bu mo la// 'dod pa/ bas ni mnyes byas na// theg chen mchog gi chos nyid kyi// dngos grub rgya che des 'thob bo// sangs rgyas gtso bo'i yum dag la// rnam par mi rtog blo can gyis// mnyes par byas kyang mi gos te/ / de ni sangs rgyas 'grub par 'gyur// de nas sgrib pa thams cad rnam par sel ba la sogs pa byang chub sems dpa' sems dpa' chen po rnams ngo mtshar du gyur/ rmad du gyur te/ bcom ldan 'das de bzhin gshegs pa thams cad kyi bdag po/ ci'i slad du de bzhin gshegs pa thams cad kyi 'khor gyi nang du 'di lta bu'i tshig ngan pa gsungs zhes gsol to// de nas de bzhin gshegs pa thams cad kyis/ sgrib pa thams cad rnam par sel ba la sogs pa'i byang chub sems dpa' sems dpa' chen po rnams kyi tshig gsan nas/ byang chub sems dpa' de dag la 'di skad ces bka' stsal to/ / rigs kyi bu rnams thong de skad ma zer cig/ snying po ye shes can rnams kyi// sangs rgyas chos nyid dag pa 'di// snying po chos kyi don las byung // byang chub spyod pa'i gnas 'di yin/ / de nas yang brjod kyis mi lang ba'i yang brjod kyis mi lang ba'i sangs rgyas kyi zhing ri rab la sogs pa'i rdul phra mo snyed kyi byang chub sems dpa' 'jigs skrag nas brgyal bar gyur to/ / de nas bcom ldan 'das de bzhin gshegs pa thams cad kyis/ byang chub sems dpa' de dag brgyal bar gyur pa gzigs nas/ bcom ldan 'das de bzhin gshegs pa thams cad kyi sku dang / gsung dang / thugs kyi bdag po la 'di skad ces gsol to// bcom ldan 'das byang chub sems dpa' sems dpa' chen po 'di dag bslang bar gsol/ de nas bcom ldan 'das de bzhin gshegs pa thams cad kyi sku dang / gsung dang / thugs rdo rje de bzhin gshegs pa nam mkha' dang mnyam pa gnyis su med pa'i rdo rje zhes bya ba'i ting nge 'dzin la snyoms par zhugs so/ / snyoms par zhugs ma thag tu bcom ldan 'das kyi sku dang / gsung dang / thugs rdo rje'i bdag po'i 'od kyis reg pa tsam gyis/ de nas byang chub sems dpa' sems dpa' chen po de dag rang rang gi stan la gnas par gyur to/ / de nas de bzhin gshegs pa thams cad ngo mtshar du gyur/ rmad du gyur/ dgyes pas khyab par gyur nas/ chos kyi dbyings 'di skad ces gsungs so/ / e ma'o chos e ma'o chos// e ma'o chos kyi don 'byung ba// chos don dag pa bdag med pa// rdo rje rgyal po phyag 'tshal 'dud// sku dang gsung thugs rab tu dag/ nam mkha' dang ni mnyam nyid gnas/ / rnam par mi 'gyur snang ba med// rdo rje'i sku la phyag 'tshal 'dud// thugs ni de bzhin gshegs pa'i gtso// dus gsum dag gi lam du byung // nam mkha' chen po dbyings gyur pa/ / nam mkha'i lam la phyag 'tshal 'dud// nam mkha'i sku las yang dag byung // nam mkha'i lam la gnas pa po// nam mkha'i thugs te chos kyi mchog/ spyod pa'i gnas la phyag 'tshal 'dud/ / de bzhin gshegs pa thams cad kyi sku dang / gsung dang / thugs kyi gsang ba gsang ba 'dus pa las/ kun tu spyod pa mchog gi le'u ste lnga pa'o// de nas de bzhin gshegs pa rdo rje mi bskyod pa/ de bzhin gshegs pa thams cad kyi sku dang / gsung dang / thugs kyi gsang ba rdo rje zhes bya ba'i ting nge 'dzin la snyoms par zhugs te / thugs byin gyis rlob pa'i sngags 'di gsungs so// oM sarba ta thA ga ta tsit+ta badz+ra swa b+hA ba At+ma kohaM/ de nas bcom ldan 'das de bzhin gshegs pa rdo rje rnam par snang mdzad/ rdul / dang bral ba'i gnas rdo rje zhes bya ba'i ting nge 'dzin la snyoms par zhugs te/ sku byin gyis rlob pa'i sngags 'di gsungs so// oM sarba ta thA ga ta yA badz+ra swa b+hA ba At+ma kohaM/ de nas bcom ldan 'das de bzhin gshegs pa tshe dpag tu med pa/ mnyam pa nyid mi gnyis pa'i rdo rje zhes bya ba'i ting nge 'dzin la snyoms par zhugs te/ gsung byin gyis rlob pa'i sngags 'di gsungs so/ / oM sarba ta thA ga ta bA ka badz+ra swa b+hA ba At+ma kohaM/ rdo rje gsum po de bzhin gshegs pa'i gsang // gnas ni gnas kyi rnam par bsgom par bya/ / sngags kyi mtshan gyis shin tu mtshan byas la// mchog rab 'di yis bsgrub pa nyid du bya// de nas bcom ldan 'das de bzhin gshegs pa dkon mchog dpal/ / ye shes sgron ma rdo rje zhes bya ba'i ting nge 'dzin la snyoms par zhugs te/ sngags 'di gsungs so// oM sarba ta thA ga ta a nu rA ga Na badz+ra sa b+hA ba At+ma kohaM/ de nas bcom ldan 'das de bzhin gshegs pa grub pa rdo rje gdon mi za ba/ rdo rje gdon mi za ba zhes bya ba'i ting nge 'dzin la snyoms par zhugs te/ sngags 'di gsungs so// oM sarba ta thA ga ta / pU dza badz+ra swa b+hA ba At+ma kohaM/ rtag tu 'dod pa'i yon tan lngas// sangs rgyas tshul bzhin mchod par bya// mchod pa rnam pa lnga rnams kyis// myur du sangs rgyas nyid thob 'gyur// zhes bcom ldan 'das de bzhin gshegs pa thams cad kyi sku dang / gsung dang / thugs kyi bdag po rdo rje 'chang bas gsungs so// de nas bcom ldan 'das de bzhin gshegs pa thams cad kyi sku dang / gsung dang / thugs kyi bdag po rdo rje 'dzin gyis/ de bzhin gshegs pa thams cad kyi sngags kyi gsang ba 'di gsungs so// sngags la dmigs pa'i lus dang ni// ngag dang yid kyis bskul nas su/ / yid ni dga' zhing mgu ba yis// dngos grub rab mchog bsgrub par bya// sems la dmigs pa bdag med pa// ngag dang lus kyang rnam par sgom// nam mkha' bzhin du mnyam pa'i gnas/ / sbyor ba rnam gsum bsgrub par bya// lus dang ngag dang sems dmigs na// ngo bo nyid ni dmigs su med// sngags kyi lus su sbyor ba la// byang chub med cing sgom pa'ang med/ / sku gsung thugs kyi mtshan nyid ni// 'di ni mdor na rnam dpyad nas// sngags kyis partag pa'i ting nge 'dzin// byang chub sbyor ba bsgom par bya// de nas dpal ldan rdo rje 'dzin/ de bzhin gshegs pa kun gyis mchod// sangs rgyas kun mchog kun mkhyen gyis// bsgom pa'i mchog ni bka' stsal to// nam mkha'i dbyings kyi dbus gnas par// zla ba'i dkyil 'khor bsgom par bya/ / sangs rgyas gzugs ni rab bsgoms nas// phra mo'i sbyor ba kun tu brtsam// sna yi rtse mor yungs kar bsam// 'gro dang mi 'gro yungs kar la// ye shes gnas ni nyams dga' ba/ / gsang ba'i ye shes kyis brtags sgom/ nam mkha'i dbyings kyi dbus gnas par// nyi ma'i dkyil 'khor bsgom par bya// sangs rgyas sku yi gnas bsgoms te/ / de yi steng du gnas gzhag go// hUM nam mkha'i dbyings kyi dbus gnas par// gsal ba'i dkyil 'khor bsgom par bya// spyan gyi tshul du sbyor ba la/ rdo rje pad+ma rnam par sgom// nam mkha'i dbyings kyi dbus gnas par// rin chen dkyil 'khor bsgom par bya// mchog gi sbyor ba nan tan gyis// de yi steng du yongs su / sgom// nam mkha'i dbyings kyi dbus gnas par// 'od kyi dkyil 'khor bsgom par bya// sangs rgyas tshul ni zhi ba spro// 'khor yang khyad par dag tu spro// ut+pal mthing kha'i mdog 'dra ba/ / rtse mo lnga pa khyad par du// nas kyi 'bru tsam nan tan gyis// sna yi rtse mor rnam par bsam// tsa na ka yi 'bru tsam la// 'dab ma brgyad pa ge sar bcas// sna yi rtse mor 'di shis te/ / bsgoms pas byang chub gzhol bar 'gyur// 'khor lo la sogs khyad par du// sgom pa der ni brtag par bya// dngos grub thams cad yon tan gnas// nyams dga' byang chub gnas 'grub 'gyur/ / sangs rgyas byang chub gnas rnams ni// de ru mdor na spro bar bya// sku gsung thugs kyis mtshan ma yi// chos kyi tshig rnams rab tu brjod// de nas dpal ldan rdo rje 'dzin/ / de nyid don kun ston pa po// spyod pa kun mchog legs dag pa// gsang ba'i dam pa bka' stsal to// gzugs dang sgra dang ror ldan pa// shes rab can gyis zla drug sgom// gsang ba'i de nyid mchod chen gyis/ / legs par mchod nas bsgom par bya// dngos grub 'bras bu 'dod pa yis// zas su bshang gci zos na ni// sangs rgyas byang chub skyon med pa// yang dag bla med grub par 'gyur/ / zas su sha rnams za ba dang // sha chen dag ni rab brtags na// sku dang gsung thugs gsang ba yis// dngos grub thams cad 'grub par 'gyur// glang po'i sha dang rta yi sha/ de bzhin dam pa khyi yi sha// zas kyi phyir ni bza' bar bya// zas gzhan dag ni ma zos na// byang chub sems dpa' blo can dang // sangs rgyas rnams ni mnyes par 'gyur// 'di lta bu yi sbyor ba yis/ / myur du sangs rgyas nyid thob 'gyur// 'dod khams dbang phyug 'jig rten na// go 'phang las ni byed par 'gyur// gtso bo gzi can stobs dang ldan// mdangs bzang mthong na yid du 'ong / / mthong ba tsam gyis skul med par// 'jig rten 'di dag dbang du 'gyur// 'di ni sangs rgyas thams cad kyi// gsang ba byang chub dam pa ste// yang dag sngags kyi gsang ba 'di/ / lus ngag sems las 'da' ba'o// de bzhin gshegs pa thams cad kyi sku dang / gsung dang / thugs kyi gsang ba gsang ba 'dus pa las/ sku dang / gsung dang / thugs byin gyis rlob pa'i le'u ste drug pa'o// // de nas bcom ldan 'das de bzhin gshegs pa thams cad kyi sku dang / gsung dang / thugs kyi bdag pos/ dam tshig chen po'i de kho na nyid sngags kyi spyod pa'i mchog mngon par rdzogs par byang chub pa'i le'u 'di gsungs so/ / 'dod pa'i longs spyod thams cad la// ji ltar 'dod par bsten na ni// 'di lta bu yi sbyor ba yis// sangs rgyas myur du thob par 'gyur// 'dod pa'i longs spyod thams cad ni// ji ltar 'dod par bsten bya ste// rang gi lha yi sbyor ba yis// bdag dang gzhan la mchod par bya/ / bka' thub sdom pa mi bzad pas// bsten kyang 'grub par mi 'gyur gyi// 'dod pa'i longs spyod thams cad la// bsten na myur du 'grub par 'gyur// slongs mo tha zhing mi bzla ste/ / slong la'ang dga' bar mi bya'o// 'dod pa kun la longs spyod cing // sngags kyi yan lag ma nyams bzlas// lus dang ngag dang sems rnams ni// bde bar gnas na byang chub 'thob/ / gzhan du dus min 'chi ba dang // dmyal bar nges par sreg par 'gyur// sangs rgyas byang chub sems dpa' dang // sngags kyi spyod pa mchog spyod rnams// chos mchog mi g.yo brnyas pa yang / 'dod pa thams cad bsten pas so// chags can ye shes 'dod pa yis// rtag tu 'dod yon lnga rnams bsten// byang chub sems dpa' mnyes par bya// byang chub nyi ma chags par bya// gzugs la rnam gsum shes byas nas/ / mchod par byed pas mchod par bya// de nyid bcom ldan sna tshogs pa// sangs rgyas rnam par snang mdzad gzhi// sgra la rnam gsum shes byas nas// lha rnams la ni dbul bar bya/ / de nyid bcom ldan sna tshogs pa// sangs rgyas rin chen 'thung gnas gtso// dril rnam gsum shes byas nas// sangs rgyas sogs la dbul bar bya// de nyid bcom ldan sna tshogs pa/ 'dod chags chos kyi 'byung gnas gtso// ro la rnam gsum shes byas nas// lha rnams la ni dbul bar bya// de nyid sangs rgyas sna tshogs pa// sangs rgyas thogs med rdo rje 'dzin// reg la rnam gsum shes byas nas/ / bdag gi rigs la dbul bar bya// de nyid bcom ldan rdo rje can// mi bskyod pa yi tshul brnyes pa'o// gzugs sgra ro la sogs pa la// rtag tu sems ni sbyar bapar bya/ / 'di de sangs rgyas thams cad kyi// gsang ba'i snying po btus pa'o// gzugs sgra dri sogs sngags pa yis// lha nyid du ni rtag tu bsgom// yang na de la bsgom pa ni// rigs kyi tshul du rnam par sgom/ / sangs rgyas rjes su dran par sbyor// chos ni rjes su dran sgom pa// rdo rje rjes su dran sgom pa// sku dang gsung dang thugs rnams sgom// rigs ni rjes su dran par sbyor// khro bo rjes su dran sgom pa// lha ni rjes su dran par sbyor// bsgoms na byang chub thob par 'gyur// bud med gzugs ldan mdangs bzang ba// lo grangs bcu drug lon pa la// byin gyis brlabs kyi gnas gsum gyis/ / dben par mchod pa rab tu brtsam// de bzhin gshegs pa'i btsun mo'i mchog/ spyan la sogs par bsgom par bya// dbang po gnyis ni mnyam sbyar bas// sangs rgyas dngos grub thob par 'gyur/ / yi ge hUM dang oM dag dang // aHdang phaT kyang rab brtag bya// 'od zer rnam lngas khyab pa yi// pad+mo rdo rje bsgom par bya// 'bar bcas zla 'od bzhin du dkar// yid du 'ong ba bsgom par bya/ / sangs rgyas rjes dran sbyor la sogs// byang chub 'dod pas bsgom par bya// de la sangs rgyas rjes su dran pa ji ltar sgom zhe na/ b+ha ga la ni ling ga gzhag sangs rgyas gzugs ni bsgom par bya/ / ba spu rnams kyi bu ga nas// mkhas pas sangs rgyas sprin rnams spro// de la chos rjes su dran pa ji ltar sgom zhe na/ thA ga la ni ling ga gzhag/ rdo rje chos ni bsgom par bya/ / ba spu rnams kyi bu ga nas// mkhas pas chos kyi sprin rnams spro// de la rdo rje rjes su dran pa ji ltar sgom zhe na/ b+ha ga la ni ling ga gzhag/ rdo rje sems dpa' rnam par sgom/ ba spu rnams kyi bu ga nas// rdo rje sprin rnams spro bar bya// de la rigs rjes su dran pa ji ltar sgom zhe na/ b+ha ga la ni ling ga gzhag/ sangs rgyas gzugs ni rab tu sgom// ba spu rnams kyi bu ga nas/ mkhas pas rigs kyi sprin rnams spro// de la khro bo rjes su dran pa ji ltar sgom zhe na/ b+ha ga la ni ling ga gzhag/ khro bo'i dbang po rab tu sgom// ba spu rnams kyi bu ga nas// mkhas pas khro bo'i sprin rnams spro/ / de la dam tshig rjes su dran pa ji ltar sgom zhe na/ bdag gi rdo rje pad+mar ldan// dbang po gnyis ni mnyam sbyar te// rang gi khu ba'i thig pa yis// sangs rgyas rdo rje sems dpa' mchod/ / de la dkyil 'khor rjes su dran pa ji ltar sgom zhe na/ dbang po gnyis ni mnyam bzhag ste// mkhas pas rang gi khu ba dag/ rnal 'byor pas ni rtag tu dbyung // dkyil 'khor dkyil 'khor tshul du bya/ / de la sku rjes su dran pa ji ltar sgom zhe na/ sangs rgyas kun gyi sku gang yin// phung po lnga yis rab tu rgyas// sangs rgyas sku yi rang bzhin gyis// bdag kyang de dang 'drar gyur cig/ de la gsung rjes su dran pa ji ltar sgom zhe na/ rdo rje chos kyi gsung gang yin// gsung de nges tshig phun sum tshogs// bdag gi tshigs kyang de 'dra ste// chos 'dzin pa dang 'drar gyur cig/ de la thugs rjes su dran pa ji ltar sgom zhe na/ gsang ba'i bdag po blo ldan pa// kun tu bzang po'i thugs gang yin// rdo rje 'dzin pa lta bur ni// bdag gi sems kyang de 'drar gyur// de la sems can rjes su dran pa ji ltar sgom zhe na/ sems can kun gyi sems gang yin// sku dang gsung dang thugs kyi mtshan// de ni sangs rgyas thams cad kyi// mkha' dang mtshungs par spyod gyur cig/ de la sngags thams cad kyi gzugs dang / sku dang / gsung dang / thugs rjes su dran pa ji ltar sgom zhe na/ sngags kyi rdo rje sku gang yin// gsung gis sku yang rnam sgom pa/ bdag kyang rtag tu de 'dra bar// sngags 'dzin pa dang mnyam gyur cig/ de la das tshig rjes su dran pa ji ltar sgom zhe na/ dam tshig khu phyung cho ga bzhon// 'bras bu 'dod pas btung bar bya// de bzhin gshegs pa'i tshogs bsad na/ / dngos grub rab tu 'thob par 'gyur// de la shes rab kyi pha rol tu phyin pa'i dam tshig rjes su dran par ji ltar sgom zhe na/ rang bzhin gyis ni 'od gsal ba/ thams cad ma skyes zag pa med// byang chub med cing mngon rtogs med// khams kyang med cing 'byung ba'ang med// de la ma skyes pa rjes su dran pa ji ltar sgom zhe na/ thams cad rang bzhin 'od gsal ba/ / mtshan med mi 'gyur nam mkha' bzhin// gnyis med gnyis su med min zhi// shin tu dri med nam mkha' bzhin// de la zhe sdang gi rigs la sogs pa'i mchod pa rjes su dran pa ji ltar sgom zhe na/ bud med sems ni rab brtan pa// lo grangs bcu gnyis lon rnyed pa// rigs kyi sbyor bas rab bsgoms te// bdag gi khu bas mchod par bya// 'dis ni de bzhin gshegs pa'i sku/ / rdo rje 'dzin pa'i thugs dang ni// chos 'dzin mchog gi gsung dag kyang // tshe 'di nyid la thob par 'gyur// sku dang gsung dang thugs kyang 'grub// gang gzhan phra mor bshad pa rnams/ / rdo rje mi phyed gsum bsgoms te// bzlas pa tsam gyis de 'grub 'gyur// de bzhin gshegs pa thams cad kyi/ sku dang / gsung dang / thugs kyi gsang ba gsang ba 'dus pa las/ sngags kyi spyod pa mchog gi le'u ste bdun pa'o// / de nas bcom ldan 'das de bzhin gshegs pa rdo rje dkon mchog dpal gyis/ bcom ldan 'das bzhin gshegs pa thams cad kyi bdag po/ dbang phyug dam pa rdo rje 'dzin pa chen po la bstod pa'i rgyal po 'dis gsol ba btab bo// rdo rje sems dpa' theg pa che// nam mkha'i spyod pa rnam sbyong ba/ / kun tu bzang po'i spyod pa mchog/ rgyal mchog mchod pa bshad du gsol// 'dod chags zhe sdang gti mug che// rdo rje theg par rab ston pa// nam mkha'i dbyings dang mtshungs pa'i mchog/ rgyal bzhi mchod pa bshad du gsol// thar pa'i lam ni rab ston pa// theg pa gsum gyi lam la gnas// sangs rgyas skal mchog dag pa'i bdag/ mi mchog mchod pa bshad du gsol/ / byang chub sems ni rgyas pa'i spyan// chos kyi 'khor lo rab bskor ba// sku dang gsung thugs shin tu dag/ phyag 'tshal rdo rje theg pa la'o// de nas rgyal po rdo rje 'dzin// thams cad nam mkha' mi 'gyur che/ / thams cad dbang bskur kun gyi don// kun dbang rdo rje rin chen 'dzin// de bzhin gshegs pa'i mchod pa'i mchog/ rdo rje mi phyed gsum gnas pa// sku dang gsung dang thugs skal mchog/ rgyal ba 'byung bar 'gyur ba bshad// na chung gzhon nu mig yangs pa// gzugs bzang gzhon pas brgyan pa ni// lo grangs nyi shu lnga lon rnyed// byol song las kyang rab tu brtag/ sa phyogs gtsang zhing rnam par dben pa 'am// rgyal nyid skyes zhi zhi ba'i gnas rnams su// bshang gci chu la sogs pas byug pa 'am// rgyal ba mchod phyir rtag par rab tu bya// nu ma'i dbus par spyi gtsug mtha' yi bar// cho ga shes pas yang na rkang pa'i bar// lte ba rked pa gsang bar rgyal ba'i sras// rigs lnga rnams ni dgod par rab tu bya// nam mkha'i dbyings kyi dbus gnas par/ / ye shes rgya mtsho bsgom par bya// bdag nyid zla ba'i dbus gnas par// mkhas pas snying khar bsgom par bya// zhi ba rdo rje 'dzin 'dod na// bsdu ba dag kyang rab tu bya/ / rin chen sna bzhi'i mchod rten la// 'od zer 'phreng bas rnam par brgyan// ye shes rgya mtsho dus gsum gyi// gnas de yin par rnam par bsam// bdag gi ba spu'i bu gnas// mkhas pas mchod pa'i sprin rnams spro/ / mkhas pas ut+pa la dag dang // pad+ma rnam pa lngar shes bya// dzA ti rnam gsum shes byas nas// lha rnams la ni dbul bar bya// me tog kar+t+ti kA ra dang / mawi kA dang yU thi kA// me tog ka ra bI ra bsam// mchod pa thams cad rab tu brtag/ dpag tshad brgya yi khyon tsam du// 'khor lo'i dkyil 'khor bsgoms byas la// rnam par mkhas pas rtag par ni/ / rigs rnams rab tu dgod par bya// de bzhin pad+mo rdo rje dang // ral gri ut+pal mkhas pas bsgom// dpag tshad bye ba'i khyon tsam du// gru bzhi shin tu mdzes pa yi// mchod rten rin chen sna bzhi pa/ / gsal zhing rang bzhin dri ma med// rigs rnams thams cad mchod pa'i phyir// shes rab can gyis gnas su bsgom// 'dod pa'i yon tan lnga rnams kyis// de la mchod ba rgya mtsho brtsam/ / rin chen na bza' la sogs pas// byang chub 'dod pas rtag tu mchod// mchod pa rnam lnga mchog rnams kyis/ rtag tu lha rnams mnyes par bya// rin chen 'byung gnas na chung mchog/ rin chen sna tshogs mchog gis brgyan// sgrub tshe rab tu 'grub pa'i phyir// sangs rgyas kun la dbul bar bya// zhing 'di rin chen sna bdun gyis// mkhas pa dag gis yongs bkang la// dngos grub 'dod pas sbyin pa'i phyir/ / nyin re shes rab can gyis dbul// bdag po'i phyag rgyas mnyam gzhag la// sangs rgyas dkyil 'khor dbus dag tu// 'dod chags blo can sangs rgyas la// reg pa'i sbyor ba dbul bar bya// nam mkha'i dbyings kyi dbus gnas par// dkyil 'khor bkod pa bsgom par bya// de bzhin gshegs pa bdag gi lus// bla ma bshang dang gci bas mchod// bzhin bzang shin tu mdzes pa yi/ / na chung skal ba mchog ldan pa// byin gyis brlabs kyi gnas bsams te// sangs rgyas mchod pa rab tu brtag/ mig bzang brtan pa'i blo ldan pas// khu ba blangs nas bza' bar bya/ / 'di ni sngags rnams thams cad kyi// sku gsung thugs kyi mchod pa ste// ye shes rdo rje can gyi gsang // sngags rnams dngos grub byed par gsungs// de bzhin gshegs pa thams cad kyi sku dang / gsung dang / thugs kyi gsang ba gsang ba 'dus pa las/ bshang gci'i dam tshig gi le'u ste brgyad pa'o// / de nas rgyal po rdo rje 'dzin// thams cad nam mkha' mi 'gyur che/ / thams cad dbang bskur spyod pa'i mchog/ dbang phyug dam pa kun don gyis// sku gsung thugs la longs spyod pa// rdo rje mi phyed gsum dkyil 'khor// sangs rgyas ye shes can gyi gsang / / nyams dga' mchog ni rab tu bshad// nam mkha'i dbyings kyi dbus gnas par// sangs rgyas dkyil 'khor bsgom par bya// rdo rje mi bskyod rab bsgoms nas/ / lag tu rdo rje bsgom par bya// 'od 'phro mang po 'bar ba dang // 'od zer sna lngas rab tu gang // dus gsum pa yi sangs rgyas rnams// bsgoms nas rdo rjes phye mar brlag/ sku gsung thugs kyi longs spyod ni/ / rdo rjes phyer brlags med gyur pa// bsam gtan mchog de bsgoms na ni// thugs kyi dngos grub thob par 'gyur// rdo rje gsang ba 'di lta bus// sems can thams cad bsad na ni/ / mi bskyod sangs rgyas zhing dag tu// rgyal ba'i sras su skye bar 'gyur// 'di ni zhe sdang gi rigs kyi dam tshig gi de kho na ste/ rigs thams cad kyi rgya mtsho yin par bya'o// de nas rgyal po rdo rje 'dzin/ / mi shes thar pa rab sgrub pa// ngo bo nyid dag gos pa med// byang chub spyod pa rab ston pas// sangs rgyas byang chub sgrub pa yi// yang dag dam tshig bka' stsal to// nam mkha'i dbyings kyi dbus gnas par/ / 'khor lo'i dkyil 'khor bsgom par bya// rnam par snang mdzad rab bsgoms te// sangs rgyas thams cad rnam par sgom// rin chen kun gyi sbyor ba yis// rdo rje'i gzugs ni rab tu brtag/ nor rnams thams cad phrogs nas su// rdo rje gsum du rnam bsgoms na// nor gyi rgya mtshos gang ba yi// yid bzhin nor bu 'dra bar 'gyur// sangs rgyas kun gyi sras rnams dang / thub pa'i skyes bu mchog tu 'gyur// 'di ni rigs kyi rgya mtsho thams cad las// gti mug gi rigs kyi dam tshig yang dag pa nyid du shes par bya'o// de nas rgyal po rdo rje 'dzin// 'dod chags thar ba rab sgrub pa/ / gsang ba dag pa dmigs med pas// dkyil 'khor rab tu bka' stsal to// nam mkha'i dbyings kyi dbus gnas par// pad+ma'i dkyil 'khor bsgom par bya// dpag med che ni rab bsgoms te/ / sangs rgyas rnams kyis thams cad dgang // bud med lta bur sgyur ba ni// dam tshig bzhi yi sbyor ba yis// thams cad de ru bsgom par bya// 'di ni rdo rje'i tshul mchog go/ dbang po gnyis ni mnyam sbyor bas// de dag thams cad nye bar spyad// 'di ni rdo rje thams cad kyi// mi phyed sku gsum sgom pa'o// 'di ni 'dod chags kyi rigs yang dag pa'i dam tshig ste/ sngags pa rnams kyis bsgom par bya'o// de nas rgyal po rdo rje 'dzin// rdo rje sngags kyi don sgrub pa// bdag med ye shes las byung bas// gsung ni 'di skad bka' stsal to// nam mkha'i dbyings kyi dbus gnas par/ / sangs rgyas dkyil 'khor bsgom par bya// rdo rje thogs med rab bsgoms te// sangs rgyas thams cad bsgom par bya// thams cad gzugs su rnam bsgoms nas rdo rje tshig gi brdzun smra bas/ / rgyal ba kun gyi gnas rnams dang // rgyal ba thams cad bslu bar bya// 'di ni sangs rgyas thams cad kyi// nam mkha'i gsung ste dri med pa// ye shes blo can kun gyi gsang / / sngags kyi dngos grub thob par bshad// 'di ni dam tshig 'gugs pa'i rigs kyi dam tshig gi de kho na nyid de/ don ji lta ba bzhin du spro bar bya'o// de nas rgyal po rdo rje 'dzin/ / rdo rje mi phyed gsum rgyal gnas// rdo rje dngos grub rab ston pas// gsung ni 'di skad bka' stsal to// nam mkha'i dbyings kyi dbus gnas par// dam tshig dkyil 'khor bsgom par bya// dkon mchog dpal ni rab bsgoms te// gzugs rnams kun gyis 'di dag dgang // rtsub pa'i ngag la sogs pa ni// bstan na ye shes thob par 'gyur// bcom ldan 'das de bzhin gshegs pa thams cad kyi rdo rje bkod pas de skad ces bka' stsal to/ / de nas yang de bzhin gshegs pa thams cad kyi dam tshig gi rdo rje dpal la sogs pa'i byang chub sems dpa' sems dpa' chen po rnams ngo mtshar du gyur cing / rmad du gyur nas rdo rje'i tshig 'di skad ces smras so// bcom ldan 'das de bzhin gshegs pa thams cad kyi bdag po/ khams gsum las 'das shing 'jig rten thams cad las 'das pas/ de bzhin gshegs pa thams cad dang / byang chub sems dpa' thams cad kyi 'khor gyi nang du/ 'di lta bu'i yang dag pa ma yin pa'i tshig gi lam rdo rje'i tshig 'di ci'i slad du gsung / de nas bcom ldan 'das de bzhin gshegs pa thams cad kyis brjod kyis mi lang ba'i yang brjod kyis mi lang ba'i sangs rgyas kyi zhing gi ri rab kyi rdul phra mo snyed kyi/ de bzhin gshegs pa thams cad kyi dam tshig gi rdo rje dpal la sogs pa'i byang chub sems dpa' sems dpa' chen po de dag la 'di skad ces bka' stsal to/ / rigs kyi bu dman pa'i 'du shes dang / smad pa'i 'du shes de lta bu'ang ma skyed cig/ de ci'i phyir zhe na/ rigs kyi bu 'di lta ste/ sngags kyi spyod pa ni spyod pa'i mchog go// 'di lta ste/ sngags kyi spyod pa ni de bzhin gshegs pa'i spyod pa'o// rigs kyi bu 'di lta ste/ dper na nam mkha' ni thams cad kyi rjes su song ba ste/ chos thams cad kyang nam mkha'i khongs su gtogs pa'o// chos de dag thams cad kyang 'dod pa'i khams na mi gnas/ gzugs kyi khams na mi gnas/ gzugs med pa'i khams na mi gnas/ 'byung ba chen po bzhi la'ang mi gnas so// rigs kyi bu chos thams cad kyang de ltar rjes su rig par bya'o// de bzhin gshegs pa rnams ni don gyi dbang de lta bu mkhyen cing / sems can rnams kyi bsam pa mkhyen nas chos 'chad par mdzad do// rigs kyi bu de ltar nam mkha'i tshig nges par brjod pas/ de bzhin gshegs pa'i dam tshig de dag rjes su rig par bya'o/ / rigs kyi bu 'di lta ste/ dper na gtsub shing dang / gtsub stan dang / mi'i lag pa bskyod pa'i rkyen gyis du ba 'byung bar 'gyur mod kyi/ me de'ang gtsub shing la'ang mi gnas/ gtsub stan la'ang mi gnas/ mi'i lag pa bskyod pa la'ang mi gnas so// rigs kyi bu de bzhin du de bzhin gshegs pa thams cad kyi rdo rje'i dam tshig 'gro ba dang 'ong ba la sogs pa rjes su rig par bya'o/ / de nas byang chub sems dpa' de dag ngo mtshar du gyur/ rmad du gyur nas/ ngam zhing mig gdangs te tshig 'di skad ces smras so// rmad byung chen po'i chos rnams ni// nam mkha' dang ni mtshungs pa dang // rnam par mi rtog dag pa las// kun rdzob tu yang bshad pa mtshar// de bzhin gshegs pa thams cad kyi sku dang / gsung dang // thugs kyi gsang ba gsang ba 'dus pa las/ don dam pa'i dag pa de kho na nyid kyi don gyi dam tshig gi le'u ste dgu pa'o// // de nas bcom ldan 'das de bzhin gshegs pa thams cad yang 'dus te/ bcom ldan 'das dam tshig chen po'i rdo rje de kho na nyid mngon par rdzogs par byang chub pa sku dang / gsung dang / thugs gsang ba de bzhin gshegs pa la phyag 'tshal te/ 'di skad ces gsol to// de nyid sngags snying kun bsdus pa// sku dang gsung thugs gsang bar bsgrags// dngos grub chen po'i tshul gyi mchog/ yang dag bcom ldan bshad du gsol/ de nas rgyal po rdo rje 'dzin// nyon mongs kun gyi rgya mtsho gtso// 'bar ba drag po spyan yangs pas// gsung ni 'di skad bka' stsal to// lus dang ngag dang sems rnams ni// rnam par mi rtog mi dmigs pa/ / gang na'ang mi gnas mnyam pa nyid// sku gsung thugs kyi rdo rjer sgom// de nas bcom ldan 'das de bzhin gshegs pa rang bzhin gyis dag pa pha rol tu phyin pa sngags kyi tshul rdo rje zhes bya ba'i ting nge 'dzin la snyoms par zhugs nas/ de bzhin gshegs pa de dag thams cad la 'di skad ces bka' stsal to// bcom ldan 'das de bzhin gshegs pa thams cad/ mi bskyod pa la sogs pa de bzhin gshegs pa thams cad rig pa bye ba khrag khrig brgya stong du ma dang thabs cig tu/ sems can thams cad kyi don bya ba la rol pa ston par mdzad de/ phyogs bcu'i 'jig rten gyi khams mthas klas pa/ 'dod pa'i yon tan lnga rnams kyis rol cing dgyes par yongs su spyod pa yod kyang / de dag sngags spyod pa la mngon par brtson pa rnams la kye ma 'di dag ni de bzhin gshegs pa thams cad kyi sngags kyi spyod pa'i tshul gyi chos rdzogs par gyur to snyam nas spyan ras kyis mi 'tsho ste/ de bas na skyes bu dam pa de dag la spyan ras kyis btso ba'i phyir/ de bzhin gshegs pa thams cad kyi sku dang / gsung dang / thugs rdo rje'i gsang ba sngags thams cad kyi snying po kun tu skul bar byed pa zhes bya ba/ rab tu gsang ba de bzhin gshegs pa thams cad kyi sku dang / gsung dang / thugs kyi dam tshig la dmigs pa/ rdo rje 'dzin thams cad kyi sku dang / gsung dang / thugs kyi dam tshig la dmigs pa/ chos 'dzin pa thams cad kyi sku dang / gsung dang / thugs kyi dam tshig la dmigs pa 'di/ nyid kyi sku dang / gsung dang / thugs rdo rje las tshig gi lam nges par brjod pas sngags sdug pa 'di lta bu gsungs so/ / oM AHhUM/ de nas 'di ni gsungs tsam gyis// sangs rgyas sras dang bcas pa kun/ rab tu 'dar zhing brgyal bar gyur// rdo rje sems dpa' rjes su dran// de nas phyag na rdo rje de bzhin gshegs pa thams cad kyi bdag pos dam tshig 'di gsungs so// nam mkha'i dbyings kyi dbus gnas par/ / dkod pa'i dkyil 'khor bsgom par bya// de yi dbus gnas yi ge hUM// rang gi gzugs su rab tu brtag/ rdo rje'i 'od zer cher 'bar ba// rnam par 'phro ba bsam par bya/ / sangs rgyas kyi ni sku gsung thugs// drangs par de yis rnam bsgoms na// de ma thag tu de 'gyur ba// sku gsung thugs kyi rdo rje 'dzin// rdo rje sems dpa' rgyal po che/ / kun gyi gtso bo dbang phyug mchog/ rang gi dkyil 'khor rang rdo rjes// skyed par byed pa'i tshul du 'gyur// 'di ni sangs rgyas thams cad kyi// snying po rdo rje bsdus pa yin// rang sngags skyes bur bsgoms nas ni/ / gnas bzhi rnams su gzugs kyi tshul// zhal gsum lta bu'i sbyor ba yis// kha dog gsum du rab tu sgom// bcom ldan 'das rdo rje dam tshig gis de skad ces bka' stsal to/ / de la 'di ni rdo rje mchog gi gsang ba'o// snying kha'i dbus su phra mo yi// dkyil 'khor rnams ni bsam par bya// yi ge mchog tu gyur pa'i tshig/ de yi dbus su bsam par bya/ / rdo rje chen po rtse lnga pa// rtag tu sbyor bas bsgom par bya// rdo rje kyo ba'i sbyor ba yis// rdo rje gsum rnams bsgom par bya// de yis snying khar gdab byas te/ lha rnams ji snyed bskul bar bya// 'di ni rdo rje thams cad kyi// sangs rgyas byang chub rab sgrub pa'o// rdo rje pad+mo'i rigs la sogs// rdo rje kyo ba rnam sgom zhing / snying kha ru ni bskul bar bshad/ / 'di ni rol mo'i 'byung ba ste// rdo rje yi ni tshul mchog 'di// zhag bdun bar du byas na ni// ye shes rdo rje can gyi gsung // sku dang gsung thugs 'grub par 'gyur/ / mchog stsol ba dag rnam par gzigs// yid ni 'dzegs shing skrag gyur nas// yid la mgu zhing dga' gyur pa'i// dngos grub rgya chen ster bar 'gyur// sangs rgyas byang chub sems dpa' rnams/ / sngags kyi spyod pa'i mchog sgrub pas// rmongs pas 'da' bar byas na ni// de yi srog ni der zad 'gyur// de nas rgyal po rdo rje 'dzin// rdo rje gsum gyi ston pa mchog/ 'jig rten gsum mchog rdo rje gtsos// gsung ni 'di skad bka' stsal to// sngags kyi skyes bu ji snyed pa// rdo rje gsum gyi ye shes rdzogs// dbang po gnyis kyi sbyor ba yis/ / dngos po thams cad brtag par bya// 'di ni sangs rgyas thams cad kyi// sngags kyi dam tshig sgom pa'o// rig ma'i dbang phyug zhugs pa la// rdo rje'i sbyor ba rab sgom zhing / / chags la chags pas blta bar bya// 'di ni dam tshig dkyil 'khor ro// de nas rgyal po rdo rje 'dzin// de bzhin gshegs pa kun gyi sras// thams cad dbang bskur sangs rgyas gtsos// gsung ni 'di skad bka' stsal to// 'jig rten khams ni thams cad na// bud med ji snyed yod pa kun// phyag rgya che sogs sbyor ba yis/ de dag thams cad nye bar spyad// bye ba grangs med rdo rje 'dzin// sangs rgyas gnas ni der spro bya// bcom ldan 'das byang chub kyi dam tshig gis de skad ces bka' stsal to// rdo rje gsum po mkha' 'dra ba'i// byang chub 'di yis thob par 'gyur// byang chub sems dpa' rgyal rgya mtsho// rdo rje sems dpa'i tshe des 'thob// de bzhin gshegs pa thams cad kyi sku dang / gsung dang / thugs kyi gsang ba gsang ba 'dus pa las/ de bzhin gshegs pa thams cad kyi snying po bskul ba zhes bya ba'i le'u ste bcu pa'o// de nas bcom ldan 'das sku dang / gsung dang / thugs rdo rje de bzhin gshegs pa/ de bzhin gshegs pa thams cad kyi rdo rje'i sngags kyi skyes bu mchog ces bya ba'i ting nge 'dzin la snyoms par zhugs te/ de bzhin gshegs pa thams cad kyi sngags kyi rdo rje rig pa'i skyes bu'i le'u 'di gsungs so// rdo rje gsum yig sngags kyi mchog/ phyag rgya chen po rnam smos pa/ / byang chub thams cad thob bya'i phyir// ye shes rdo rje dag gis bya// oM ni ye shes snying po ste// rdo rje'i sku ni thob byed pa'o// AHni byang chub bdag med pa// rdo rje gsung ni thob byed pa'o/ / hUM ni sku gsung thugs nyid de// rdo rje mi phyed gsum thob pa'o// bcom ldan 'das de bzhin gshegs pa thams cad kyi sku dang / gsung dang / thugs kyi sngags kyi skyes bus de skad ces bka' stsal to/ / nam mkha' rdo rje'i dbus gnas par// dkyil 'khor rdo rje kun skyes bsam// rdo rje sprin ni 'phro bskyed pa// de ru yi ge b+h+rUM bsam mo// de la 'di ni ye shes rdo rje'i snying pa'o// b+h+rUM rdo rje'i dkyil 'khor dbus gnas par// hUM zhes bya ba rab tu sgom// gsal ba'i dkyil 'khor dbus gnas par// yi ge oM ni rnam par bsam// chos kyi dkyil 'khor dbus gnas par/ yi ge AHni rab tu sgom// yi ge b+h+rUM gyis gnas bsgoms te// rdo rje gsum 'byung bsgom par bya// snying po dus gsum sangs rgyas kyi// sku gsung thugs ni mnyes byed pa// oM ni sangs rgyas su yi mchog/ oM AHni sangs rgyas gsung gi lam// AHhUM ni ye shes thugs kyi 'jing // hUM byang chub tshul mchog 'di yin te// 'di ni sangs rgyas thams cad kyi// sangs rgyas byang chub rab sgrub pa// ye shes rdo rje sprul pa ste// sangs rgyas rgyu dang 'bras bu 'byung // 'di dag sangs rgyas skyes bu ste// sngags kyi rig pa zhes kyang bsgrags// rdo rje mi phyed gsum bsgom pa'i// dam tshig dag gis rdzogs par 'gyur/ / de bzhin gshegs pa thams cad kyi sku dang / gsung dang / thug kyi dam tshag de kho na nyid kyi ye shes rdo rje byin gyis rlob pa'i dpal zhes bya ba'i ting nge 'dzin to// dben zhing rab tu nyams dga' bar/ / sbyor ba 'di ni kun brtsams na// rdo rje sku dang gsung dang thugs// zla ba phyed kyis nges par 'grub// gsal ba'i dkyil 'khor dam pa ni// nam mkha' rdo rje'i dbus bsams te/ rang gi sngags kyi dam tshig bskyed// yi ge oM ni snying khar gzhag/ 'od zer lnga yi sprin chen po// rnam par snang mdzad mchog tu sgom// 'di yis sangs rgyas rnams kyi sku// rdo rje rnam snang rgya mtshor 'gyur/ / ye shes lnga ldan bsten na ni// sangs rgyas sku ni 'dra ba'i mdog/ rdo rje bskal pa gsum du gnas// zla ba phyed kyis 'grub par 'gyur// bcom ldan 'das sku rdo rje gsang bas de skad ces bka' stsal to/ / de bzhin gshegs pa thams cad kyi sku rdo rje'i 'od zer bkod pa zhes bya ba'i ting nge 'dzin to// chos kyi dkyil 'khor dam pa ni// nam mkha' rdo rje'i dbus su bsam// rang gi sngags kyis skyes bu bskyed/ / AHni ngag gi lam bzhag ste// kha dog lnga yis pad+ma che// 'jig rten dbang mchog bsgoms pa yis// dam tshig ye shes rdzogs byas te// tshig gi dam tshig lnga yi mchog/ chos kyi tshig gi lam gnas pa/ / rdo rje chos dang mtshungs par 'gyur// ye shes lnga ldan bsten na ni// rdo rje bskal pa gsum du gnas// bcom ldan 'das rdo rje'i gsung gsang bas de skad ces bka' stsal to// de bzhin gshegs pa thams cad kyi gsung rdo rje'i dam tshig 'byung ba zhes bya ba'i ting nge 'dzin to/ / rdo rje'i dkyil 'khor dam pa ni// nam mkha' rdo rje'i dbus su bsam// rang sngags skyes bu rdzogs byas la/ sems la yi ge hUM gnas pa// dam tshig chen po'i de nyid ni// kha dog rnam lngar bsgom par bya// rdo rje kun dang rgyal ba'i gnas// ye shes rdo rje dag gis bya// ston pa rdo rje'i thugs 'dra ba/ ye shes yon tan rgya mtshor 'gyur// ye shes lnga ldan bsten na ni// rdo rje bskal pa gsum du gnas// bcom ldan 'das rdo rje'i thugs gsang bas de skad ces bka' stsal to// de bzhin gshegs pa thams cad kyi sku dang / gsung dang / thugs kyi dam tshig rdo rje zhes bya ba'i ting nge 'dzin to// ye shes dkyil 'khor dbus su ni// rdo rje chen po bsgom par bya/ lus rnams kun la khams dmigs na// rdo rje ye shes mkha' mnyam 'gyur// khaMsangs rgyas byang chub sems dpa' yis// yang dang yang du mchod pa dang // bskal pa gsum du dam tshig gnas/ / sangs rgyas kyis kyang gzigs mi 'gyur// bcom ldan 'das nam mkha' rdo rje dam tshig gis de skad ces bka' stsal to// sku dang / gsung dang / thugs mi snang ba 'byung ba bkod pa'i 'phreng ba zhes bya ba'i ting nge 'dzin to/ / rdo rje'i dkyil 'khor dbus su ni// rang sngags skyes bu rab bsams nas// snying khar rdo rje haM zhes pa// gzhag ste 'od zer rnam par sgom/ haM 'jam dpal dam tshig longs spyod la// sku gsung thugs kyi rdo rje can// sa bcu dag la gnas pa yi// byang chub sems dpar de 'gyur ro// byang chub sems dpa'i ye shes kyi dam tshig rdo rje zla ba zhes bya ba'i ting nge 'dzin to/ / 'od zer 'bar ba'i yi ge b+hI// nam mkha'i dbyings kyi dbus su bsam// mtshan mchog rdo rje'i lus dag gis// rdo rje'i sku dang 'dra bar 'gyur/ / b+h+rUMHnam mkha' rdo rje'i dam tshig gi bkod pa'i gnas zhes bya ba'i ting nge 'dzin to// sangs rgyas mngon shes dam tshig mchog/ rdo rje 'chang dang 'dra bar 'gyur// 'din dngos grub thams cad kyi/ / sangs rgyas mngon shes mchog sgrub pa'o// nam mkha'i dbyings kyi dbus gnas par// sangs rgyas dkyil 'khor dam pa bsam// rdo rje sems dpa' rab bsgoms la// ye shes oM ni bsgom par bya/ / oM rdo rje dam tshig gsum bsgoms pas// mi bskyod rdo rje gsum 'drar 'gyur// bcom ldan 'das rdo rje mi bskyod pas de skad ces bka' stsal to// mi bskyod pa yi sku 'dra dang // gsung dang thugs mchog 'dra ba 'dzin// 'jig rten khams rnams thams cad du// mi bskyod rdo rjes mchod par 'gyur// bcom ldan 'das mi bskyod pa'i sku dang mnyam par mngon par 'byung ba'i dam tshig / rdo rje zhes bya ba'i ting nge 'dzin to// nam mkha'i dbyings kyi dbus su ni// sangs rgyas dkyil 'khor 'od bzang bsam// nam mkha'i rdo rje rab bsgoms la// rin chen oM ni bsam par bya// oM rdo rje dam tshig gsum bsgoms pas// rdo rje gsum dpag med 'drar 'gyur// lus dang ngag sems rdo rje yis// dkon mchog dpal gyi 'od dang 'dra// de ni bdag med byang chub dang // ye shes gsang ba 'dir gnas 'gyur/ bcom ldan 'das de bzhin gshegs pa rdo rje dkon mchog dpal gyis de skad ces bka' stsal to// rin po che'i dam tshig longs spyod pa rdo rje'i tshul zhes bya ba'i ting nge 'dzin to/ / nam mkha'i dbyings kyi dbus su ni// sangs rgyas dkyil 'khor dam pa bsam// 'jig rten dbang phyug rab bsgoms la// chos kyi oM ni bsgom par bya// oM rdo rje dam tshig gsum bsgoms pas/ / rdo rje gsum dpag med 'drar 'gyur// lus dang ngag sems rdo rje yis// 'od dpag med dang 'dra bar 'gyur// de ni sems can thams cad kyi// theg chen lam ni 'byung bar 'gyur/ / bcom ldan 'das rdo rje tshe dpag tu med pas de skad ces bka' stsal to// yon tan dpag tu med pa rdo rje 'od kyi dpal zhes bya ba'i ting nge 'dzin to// nam mkha'i dbyings kyi dbus su ni/ / sangs rgyas dkyil 'khor dam pa bsam// rdo rje pad+ma la bsgoms la// dam tshig oM ni rab tu sgom// oM rdo rje dam tshig gsum bsgoms pas// rdo rje gdon mi za ba 'gyur/ / lus dang ngag sems rdo rje yis// rdo rje thogs med 'dra ba'i 'od// de ni dpal ldan ye shes mtsho// sems can kun don 'byung bar 'gyur// bcom ldan 'das rdo rje gdon mi za bas de skad ces bka' stsal to/ / gdon mi za ba'i dam tshig 'od zer gyi ye shes kyi mchog 'byung ba zhes bya ba'i ting nge 'dzin to// nam mkha'i dbyings kyi dbus su ni// sangs rgyas dkyil 'khor dam pa bsam/ / rdo rje snang mdzad rab bsgoms la// sku gsum oM ni rab tu sgom// oM rdo rje dam tshig gsum bsgoms pas// rnam par snang mdzad mnyam par 'gyur// lus dang ngag yid rdo rje yi// rnam par snang mdzad 'dra ba'i 'od// de ni ye shes rdzogs byang chub// sku gsum mi phyed sgrub byed 'gyur// bcom ldan 'das rdo rje rnam par snang mdzad kyis de skad ces bka' stsal to/ / lus dang / ngag dang / yid dmigs pa mngon par byang chub pa rdo rje zhes bya ba'i ting nge 'dzin to// rnam par dben pa'i ri bo dang // klung dang 'bab chu rnams dang ni// dur gyi khrod la sogs par yang / / bsam gtan bsdus pa 'di dag sgom// mi bskyod ye shes dag la sogs// rdo rje nam mkha'i dkyil du bsam// mngon shes lnga po'i sbyor ba yis// sangs rgyas mchog gi gnas su sgom/ / bcom ldan 'das dam tshig chen po'i rdo rje mngon par mkhyen pas de skad ces bka' stsal to// rdo rje chen po rtse lnga pa// 'bar ba lnga yis rnam par brgyan// gnas lnga dag tu sbyor ba yis// rdo rje mngon shes 'dra bar 'gyur// me stag mang po 'khrug pa yi// rang sngags 'khor lo bsgom par bya// rdo rje lnga yi sbyor ba yis// rdo rje mngon shes 'dra bar 'gyur// rdo rje nam mkha'i dkyil nyid du// 'khor lo sangs rgyas 'bar 'od 'dra// sangs rgyas 'jug pa rab bsgoms na// sangs rgyas gnas dang 'dra bar 'gyur// sangs rgyas dkyil 'khor dbus gnas par/ / bdag gi lus la snang mdzad gzhag/ snying khar yi ge oM bsams la// sngags la rnam par shes pa sgom// 'gog pa'i rdo rje sems nyid du// gang tshe de la skye 'gyur na// sangs rgyas kun gyi mchog 'dzin pa/ / yid bzhin dpal ldan lta bur 'gyur// sangs rgyas dkyil 'khor dbus gnas par// rdo rje mi bskyod rab tu sgom// snying khar yi ge hUM bsgoms nas// sems ni thig ler gyur par bzhag/ sangs rgyas dkyil 'khor dbus gnas par// tshe dpag med pa rab tu sgom// snying khar yi ge AHbsams te// rdo rje thig ler gyur par bzhag/ 'di ni dam tshig mchog gi mchog/ rdo rje mi phyed gsum sgom pa// 'gog pa'i dam tshig ye shes te// sangs rgyas dngos grub thob 'gyur ba// rdo rje nam mkha'i dbyings gnas par// gsal ba'i dkyil 'khor bsgom par bya/ / lus ngag sems la yi ge oM// bsams na de ni bskal par gnas// rdo rje nam mkha'i dbyings gnas par// chos kyi dkyil 'khor bsgom par bya// lus ngag sems la yi ge AH/ / bsams na de ni bskal par gnas// rdo rje nam mkha'i dbyings gnas par// rdo rje'i dkyil 'khor bsgom par bya// lus ngag sems la yi ge hUM// bsams na de ni bskal par gnas/ / bcom ldan 'das rdo rje gsum gyi rtog pa'i dam tshig gis de skad ces bka' stsal to// sku dang gsung thugs rdo rje yi// rnal 'byor 'dir gyur phyin chad ni/ klog gam yang na sems kyang rung // de yang rdo rje 'dzin 'drar 'gyur// de bzhin gshegs pa thams cad kyi sku dang / gsung dang / thugs kyi gsang ba gsang ba 'dus pa las/ de bzhin gshegs pa thams cad kyi sngags kyi dam tshig de kho na nyid rdo rje'i rig pa'i skyes bu mchog gi le'u ste bcu gcig pa'o/ / // de nas ston pa rdo rje 'dzin// bskyed pa ye shes mchog sgrub pa/ / dam tshig de nyid rdo rje gsum// rdo rje gsung gis bka' stsal pa// mkha' dang mtshungs par mnyam gyur pa// rnam par mi rtog ngo bo nyid// chos rnams rang bzhin dag pa las/ / rol mo 'di dag rab tu sgom// dgon pa chen po'i sa phyogs su// me tog 'bras bu sogs kyis brgyan// ri bo dben pa'i sa phyogs su// dngos grub thams cad bsdus pa sgrub/ / maM lus dang ngag sems rdo rje la// rdo rje 'jam pa rab tu sgom// lus dang ngag sems la spros pas// rdo rje 'jam pa 'dra bar 'gyur// dpag tshad brgya yi khyon tsam du// rdo rje 'bar pa'i 'od dag gis/ / rgyan rnams kun gyi brgyan pa yi// dag pa'i bdag nyid snang bar 'gyur// tshangs pa drag po la sogs lhas// nams kyang mthong bar mi nus so// rdo rje 'jab pa mchog gi dam tshig mi snang ba zhes bya ba'i ting nge 'dzin to/ / rdo rje mi phyed gsum las byung // bshang gci dam tshig lnga rnams ni// lcags gsum las byung ldan byas te// khar bcug nas ni bsgom par bya// sangs rgyas kun gyis mi phyed pa'i/ / thugs ni de ru rab bsgoms na// rdo rje 'jam pa'i 'od 'dra bar// de ma thag tu de 'gyur ro// 'khor lo 'od 'phro mdangs mchog can// rang gi sngags kyis rab bsgoms nas/ / sangs rgyas thams cad bzhugs pa'i gnas// bsgoms na sangs rgyas 'dra bar 'gyur// ri rab sum cu rtsa drug gi/ rdul phran ji snyed yod pa yi// rdo rje 'dzin dang 'dra ba kun// de yi rjes su 'brang bar 'gyur/ / 'khor lo'i dam tshig ces bya ba'i ting nge 'dzin to// rdo rje chen po rang sngags kyis// dkyil 'khor dbus su rab bsgoms nas// rdo rje kun gyi gnas yin par// bsams na rdo rje 'dra bar 'gyur/ / ri rab sum cu rtsa drug gi/ rdul phran ji snyed yod pa yin// de snyed kyis ni bud med rnams// yon tan can gyi gnas su 'gyur// drag po dag gis phyag byas pa// khams gsum rdo rje chen por 'gyur/ / rdo rje dam tshig ces bya ba'i ting nge 'dzin to// pad+ma chen po 'dab brgyad la// rang sngags rdo rje bsams nas su// chos rnams kun gyi gnas yin par// bsams na chos dang 'dra bar 'gyur/ / ri rab sum cu rtsa drug gi/ rdul phran ji snyed yod pa yi// sangs rgyas mchod mchog dkyil 'khor du// dag pa'i bdag nyid 'jog par byed// pad+mo mnyam pa nyid ces bya ba'i ting nge 'dzin/ ye shes lnga ldan rab bsten na// bskal pa gsum du yun du gnas// phyogs bcu'i sangs rgyas thams cad kyi// gsang ba gsum la bsnyen bkur byed// 'od zer lnga yi mdog 'dra'i 'od/ / rang gi sngags kyi ral gri sgom// mig yangs lag na thogs na ni// rdo rje gsum rig 'dzin par 'gyur// khams gsum kun gyis rab mchod cing // tshangs dbang lha min phyag byas pa stong gsum na ni gcig pu pa/ / mi mchog gsang ba 'dzin par 'gyur// gang rnams 'dod dang bsam pa dag/ sku gsung thugs kyi rdo rje 'dzin// rdo rje'i thugs las rab tu byung // de lta bu yi dngos grub ster/ / ral gri thams cad kyi dam pa zhes bya ba'i ting nge 'dzin to// oM ni ril bu tsa na ka'i// 'bru tshad tsam du bsams nas ni// dbus su rang gi lha yi gzugs// bsams te khar bcug rnam bsgoms na// de ni de ma thag tu yang // byang chub sems dpa'i 'od 'drar 'gyur// nyi ma shar ba'i 'od 'dra zhing // 'dzam+bu chu bo'i gser gyi mdog/ AHni ril bu tsa na ka'i// 'bru tshad tsam du bsams nas ni// dbus su rang gi lha yi gzugs/ / bsams te khar bcug rnam bsgoms na// de ni de ma thag tu yang // byang chub ye shes 'od 'drar 'gyur// nyi ma shar ba'i 'od 'dra zhing // 'dzam+b+ha chu bo'i gser gyi mdog/ hUM ni ril pu tsa na ka'i// 'bru tshad tsam du bsams nas ni// dbus su rang gi lha yi gzugs// bsams te khar bcug rnam bsgoms// de ni de ma thag tu yang // rdo rje'i sku dang 'od 'drar 'gyur// mkha' dbyings gsal ba'i dbus gnas par// rnam par snang mdzad rab tu sgom// lag tu 'khor lo rab bsgoms na// 'khor lo'i rig pa 'dzin par 'gyur// 'khor lo chen po'i rigs bsgoms te/ sangs rgyas skur ni rab sbyor zhing // ye shes 'di ni rab sgrub pa// ye shes rdo rje dag gis bya// mkha' dbyings rdo rje'i dbus gnas par// ye shes mi bskyod rab bsgoms te// lag tu rdo rje rab bsgoms na/ / rdo rje'i rig pa 'dzin par 'gyur// rdo rje chen po'i rigs bsgoms te// rdo rje'i sku ni rab sbyor zhing // rdo rje'i mchog 'di sgrub pa ni// ye shes rdo rje dag gis bya// mkha' dbyings rin chen dbus gnas par/ / rin chen rdo rje rab tu sgom// lag tu rin chen rab bsgoms na// rin chen rig pa 'dzin par 'gyur// rin po che'i rigs bsgoms nas// rin chen skur ni rab sbyor zhing // rin chen mchog 'di sgrub pa ni// rdo rje ye shes dag gis bya// mkha' dbyings chos kyi dbus gnas par// tshe dpag med pa rab tu sgom// lag tu pad+mo rab bsgoms na// pad+mo'i rig pa 'dzin par 'gyur// pad+mo'i rigs chen bsgoms nas su// chos kyi skur ni rab sbyor zhing // pad+mo'i mchog 'di sgrub pa ni// ye shes rdo rje dag gis bya// mkha' dbyings dam tshig dbus gnas par// gdon mi za ba'i ye shes sgom/ / lag tu ral gri rab bsgoms na// ral gri'i rig pa 'dzin par 'gyur// dam tshig chen po'i rigs bsgoms nas// thogs med dam tshig rab sbyor zhing // dam tshig mchog 'di sgrub pa ni// ye shes rdo rje dag gis bya// rtse gsum ye shes lcags kyu sogs// rdo rje khyad par gyis bsgrubs na// sku gsung thugs kyi sgrub pa yi// bsam gtan des ni 'grub par 'gyur// bcom ldan 'das dam tshig chen po'i dngos grub rdo rjes de skad ces bka' stsal to// lam gyi bzhi mdo'am shing gcig drung // mtshan ma gcig dang zhi gnas su// rdo rje dgug pa'i khyad par gyis// sgrub pa/ bos ni rtag tu sgrub// sbyor gsum rdo rje can rnams kyi// sbyor gsum sngags kyi skyes bu bsam// sangs rgyas ye shes blo ldan gyis// sku gsung thugs kyi kyo ba btang // rlung gi dkyil 'khor mchog gnas pa/ sangs rgyas dgug pa dam pa yin// dam tshig las byung phyogs bcu pa// rdo rjes bkug nas nye bar spyod// nam mkha'i dbyings kyi rdo rje dam tshig dgug pa'i cho ga'o// rnam par snang mdzad 'khor lo che/ rdo rje pad+mo la sogs pas// rgyal gnas lcags kyu bsams nas ni// dam tshig dgug mchog kyo bas bya// khams gsum gyi dam tshig dgug pa'o// rnam pa'i mchog rnams kun ldan pa'i// sangs rgyas sku ni/ rnam bsgoms la// lag tu sku dang gsung thugs kyi// kyo ba la sogs rab tu sgom// 'di dag lta bu'i sbyor ba yis// de ni gnas las byed par 'gyur// rnam pa'i mchog rnams kun ldan pa'i// rdo rje'i / sku ni rnam bsgoms la// rdo rje'i sbyor bas lce bsgoms na// rdo rje'i gsung dang 'dra bar 'gyur// rnam pa'i mchog rnams kun ldan pa'i// sangs rgyas skur ni rnam bsgoms la// lag tu bsgrub bya bsams na ni// rdo rje dang ni 'dra bar 'gyur/ / gsang gsum dam tshig mchod pa'i mchog/ mchod pas mchod nas rab tu sgrub// 'di ni sangs rgyas thams cad kyi// gsang ba'i snying po bsdus pa yin// bcom ldan 'das gsang ba chen po'i ngam tshig gis de skad ces gsungs so/ / sha chen dam tshig mchog gis ni// rdo rje gsum mchog bsgrub par bya// bshang gci dam tshig mchog gis ni// rig pa 'dzin pa'i gtso bor 'gyur// glang po'i sha yi dam tshig gis/ / mngon shes lnga dag thob par 'gyur// rta sha dag gi dam tshig gis// mi snang ba yi bdag por 'gyur// khyi sha dag gi dam tshig gis// dngos grub thams cad 'grub par 'gyur/ / ba lang sha yi dam tshig gis// rdo rje dgug pa'i mchog tu 'gyur// sha rnams thams cad med na yang // thams cad bsam pas rnam par brtag/ rdo rje sbyor ba 'di byas na/ sangs rgyas thams cad byin gyis rlob// rnam pa'i mchog rnams kun ldan pa// sku gsung thugs ni rdo rje can// snying khar ye shes dam tshig dang // dbu rgyan rdo rje mchog 'dzin pa// sangs rgyas thams cad mnyes gyur pa/ / dam tshig mchog gis bya ba ni// dngos grub thams cad 'grub pa'i mchog/ dam tshig mchog gis rab tu bya// dam tshig thams cad ye shes rdo rjer gyur pa zhes bya ba'i ting nge 'dzin to/ / lce yi dam tshig rdo rje mchog/ rdo rje can gyis hUM bsgoms te// bdud rtsi lnga yi sbyor ba yis// zos na rdo rje gsum thob 'gyur// AHdang oM gyi dam tshig kyang // 'di ni rdo rje'i tshul mchog ste/ / 'di lta bu yi sbyor ba yis// rdo rje mi phyed 'dra bar 'gyur// rdo rje'i dam tshig bdud rtsi 'phreng ba zhes bya ba'i ting nge 'dzin to// rdo rje dam tshig dngos grub mchog/ sku gsung rdo rje can du 'gyur// phyogs bcu'i sems can thams cad kyi// nor bu yid bzhin rgya mtshor 'gyur// 'jig rten khams ni thams cad du// rdo rje'i bdag nyid snang bar byed// 'khor lo'i dam tshig grub pa'i mchog/ sangs rgyas sku dang 'dra bar 'gyur// gang+gA'i bye snyed thams cad du// grub pa kun tu rnam par spyod// dam tshig dam pa thams cad kyi// rig pa 'dzin pa'i gtso bor 'gyur// rdo rje'i sku ni rab bsgoms pas// thams cad dam tshig mchog tu 'grub// mi snang gyur pa thams cad la// stong khams dag ni snang bar byed// sangs rgyas kun las 'phrog pa dang // lha yi bu mo mchog la spyod/ / gang+gA'i bye snyed sangs rgyas rnams// rdo rje gsum gyi gnas bzhugs pa// rang lag skyu ru ra bzhag bzhin// rdo rje mig gis mthong bar 'gyur/ gang+gA'i bye snyed zhing rnams na/ sgra bsgrags pa ni ji snyed pa// mngon shes rna bas thos pa ni// rna ba'i drung na 'khod pa bzhin// gang+gA'i bye snyed zhing dag gi/ sems can kun gyi sems rnams ni// sku gsung thugs kyis mtshan pa yi/ / rol mo las byung sems rig 'gyur// bskal pa gang+gA'i bye snyed du// 'khor ba dag na gnas pa yi// sngon gyi gnas kyi gtan tshigs rnams// zhag gsum lon pa bzhin du dran// gang+gA'i bye ma snyed kyi lus// sangs rgyas srin la sogs brgyan pa// bskal pa gang+gA'i bye snyed du// rdo rje rdzu 'phrul mchog gis 'gengs// bcom ldan 'das dam tshig mngon par mkhyen pas de skad ces bka' stsal to/ / de la mngon par shes pa lnga ni// rdo rje'i spyan dang / rdo rje'i snyan dang / rdo rje'i thugs dang / rdo rje'i gnas dang / rdo rje'i rdzu 'phrul lo// sangs rgyas mngon shes lnga don 'grub/ / sangs rgyas sku dang 'dra bar 'gyur// gang+gA'i bye snyed grangs med pa'i// 'khor gyis yongs su bskor nas su// rdo rje'i sku dang gsung thugs kyis// 'jig rten khams kun bgrod par 'gyur/ / bsnyen pa'i dam tshig sbyor ba dang // nye bar sgrub pa 'byung ba dang // sgrub pa'i don gyi dam tshig dang // sgrub pa chen po dag dang bzhi// rdo rje'i bye brag shes byas la// de nas las rnams bsgrub par bya/ / bsnyen pa'i ting 'dzin rab sbyor ba// byang chub mchog ni bsgom par bya// nye bar sgrub pa grub mchog la// rdo rje skye mched rnam par spyad// sngags kyi bdag po bsgoms pa yis/ sgrub pa'i tshe na bskul bar gsungs// sgrub pa chen po byed pa'i tshe// rang sngags rdo rje can gyi gzugs// dbu rgyan la ni bdag po bsam// ye shes rdo rje 'grub par 'gyur// bsnyen pa'i ye shes bdud rtsi dag/ thams cad du ni brtag par bya// 'di ni sngags rnams thams cad kyi// sngags kyi de nyid don sgrub pa'o// dgon pa chen po'i sa phyogs dang // rab tu rnam par dben pa dang // ngo bo nags 'dab chu ngogs su/ / rtag tu dngos grub thob par 'gyur// bcom ldan 'das rdo rje sgrub pa chen pos de skad ces bka' sprul to// yang na rdo rje bzhi dag gis// brtul zhugs brdan pas bsnyen pa bya/ / sku gsum mnyam pa nyid gyur pa// bsgoms na dngos grub thob par 'gyur// dus bzhi dag tu rab sbyor bas// blo dang ldan pas gnas lngar ni// ye shes rdo rje yi ge oM/ bsgoms na sdom pa yin par bshad// zhag bdun dang ni zla phyed dang // zla gcig zla ba phyed dang gnyis// rdo rje dam tshig bsgrubs na ni// dngos grub myur du thob par 'gyur// zhag grangs bye brag rab bskul ba/ / nga yis rgyas par rab tu bstan// gsang ba mchog las byung ba la// zla ba phyed kyis 'grub par gsungs// de la 'di ni nye bar sgrub pa'i sdom pa'i yul lo// sangs rgyas sku 'dzin dpal dang ldan/ / rdo rje mi phyed gsum 'byed pa// byin gyis brlabs kyi gnas byas te// rdo rje sku dang ldan par bya// mi phyed rdo rje gsum bsgoms pas// phyogs bcur bzhugs pa'i sangs rgyas rnams/ / de la sku yis mtshan pa yi// byin gyis brlabs kyis gnas mdzad do// de la 'di ni sgrub pa'i sdom pa'i yul lo// chos kyi gsung lam dpal dang ldan// rdo rje mi phyed gsum 'byed pa/ byin gyis brlabs kyis gnas byas te// rdo rje gsang dang ldan par bya// rdo rje mi phyed gsum bsgoms pas// phyogs bcu na bzhugs sangs rgyas rnams// de la gsung las byung ba yi/ byin gyis brlabs kyis gnas mdzad do// de la 'di ni sgrub pa chen pa'i sdom pa'i yul lo// rdo rje'i thugs 'dzin dpal dang ldan// rdo rje mi phyed gsum 'byed pa// byin gyis brlabs kyi gnas byas te/ / rdo rje thugs dang ldan par bya// rdo rje mi phyed gsum bsgoms pas// phyogs bcun bzhugs sangs rgyas rnams// de la thugs las byung ba yis// byin gyis brlabs kyis gnas mdzad do/ / sangs rgyas rdo rje sems dpa' 'am// yang na chos kyi sems dpa' nga rung // rmongs pas 'da' bar byed na ni// tshal par 'gas par gdon mi za// de bzhin gshegs pa thams cad kyi sku dang / gsung dang / thugs kyi gsang ba gsang ba 'dus pa las/ de bzhin gshegs pa thams cad kyi rdo rje'i sbyor ba'i dam tshig sgrub pa'i mchog bstan pa'i le'u ste bcu gnyis pa'o/ / // de nas bcom ldan pade gshegs kun// ye shes rdo rje mchog 'dzin pa// sems can kun don yang dag 'byung // byang chub sems dpa' blo ldan gyis// / thub pa don kun rdo rje can// ston pa che la phyag 'tshal nas// dam tshig de nyid mkhyen pa la// mchod de rdo rje'i dbyangs 'di gsungs// e ma 'o sangs rgyas tshul re bzang // e ma 'o byang chub tshul gyi mchog e ma'o chos kyi tshul re zhi/ / e ma 'o sngags kyi tshul re brtan// ma skyes pa yi chos rnams ni// ngo bo nyid kyis khyad par can// rnam par mi rtog yang dag rig/ ye shes 'byung ba rab tu bshad// yid 'ong sngags rnams kun bsdus pa/ / rdo rje bzlas pa ye shes che// sku gsum mi phyed dkyil 'khor dang // sangs rgyas ye shes thob 'gyur ba// rdo rje mi phyed gsum bsgoms pa'i/ rdo rje bzlas pa'i sbyor ba yis// sangs rgyas kun gyis byin gyis rlob// rigs dang gsang sngags thams cad kyi// sku dang gsung dang thugs kyi mtshan// gsang sngags zlos pa de ring gsungs/ ye shes rgya mtsho gsan pa dang // sku gsung thugs kyi rdo rje can// sangs rgyas dus gsum las byung rnams// rdo rje sngags ni rab bsgoms pas// ye shes mnyam med thob 'gyur ba// bcom ldan 'das kyis bshad du gsol/ / de nas ston pa rdo rje 'dzin// nam mkha' rdo rje ye shes 'byung // byed skyed dam pa mchog gi gtsos// rdo rje bzlas pa 'di gsungs so// sngags kyi don kun bzlas pa ni/ / rdo rje mi phyed gsum gyis mtshan// rdo rje dbye ba gsum gyi mthar// bkod pa rdo rje gsum zhes bya// sku gsung thugs kyi gnas rnams su// spro ba rnam pa gsum dag bya// rdo rje bzlas pa 'di yis ni/ / rdo rje gsum gyi thugs 'drar 'gyur// sangs rgyas rnams kyi sku gsung thugs// bsgoms nas mchod pa'i mchog brtag pa// ye shes rdo rjes byas na ni// rdo rje gsum gyi thugs 'drar 'gyur// sangs rgyas rnams kyi sku gsung thugs// bsams nas mchod pa'i mchog brtag pa// ye shes rdo rjes rab tu bya// 'di ni byang chub mchog thob pa'o// yang na dbye ba rnam gsum gyis// so so dag tu spro bar bya/ / sku dang gsung thugs bdag med pa// ye shes sems kyis yang dag spro// brjod nas rdo rje spro ba ni// rdzogs nas rab tu bsdu bar bya// 'di ni ye shes spyan phye ba'i// sangs rgyas rnams ni kun gyi yin/ / sku yi rdo rje rdzogs byang chub// dngos dang dngos med rnam dpyad pa// sangs rgyas sku zhes bya bar bshad// de ni sku yi bzlas par bshad// gsung gi dam tshig rdzogs byang chub/ / sgra dang sgra min rnam dpyad pa// gsung gi rdo rje zhes bshad de// de ni gsung gi bzlas par bshad// thugs kyi dam tshig rdzogs byang chub// gnas pa'i rdo rje rnam dpyad pa// thugs kyi rdo rje zhes bya ste/ / de ni thugs kyi bzlas par bshad// don gyi rjes 'gro bzlas pa ni// ngo bo nyid med bzang po yis// dus gsum sangs rgyas rnam dpyad pa// de ni rin chen bzlas par bshad/ / sangs rgyas zhing rnams thams cad du// sku yi sprin rnams spro ba dang // bzhud cing byon pa rdo rje'i don// de ni thog med bzlas par bshad// khro bo'i dam tshig ye shes kyis// rang gi rdo rje'i dkyil 'khor grags/ / sngags kyi yi ge'i tshig thos pa// de ni khro bo'i bzlas par bshad// 'dod pa'i don gyis myos gyur pa// kun tu skyob cing phan par dga'// sems can gti mug gnas la 'jog/ de ni gti mug bzlas par bshad// 'dod chags rdo rje las byung tshig/ lus dang ngag sems la gnas pa'i// sems can 'dod chags mtshor gnas bzhag/ de ni 'dod chags bzlas par bshad/ / zhe sdang rdo rje las byung sems// lus dang ngag sems la gnas pa'i// sems can zhe sdang gnas la bzhag/ de ni zhe sdang bzlas par bshad// dam tshig de nyid rdo rje gsum/ / dbu ma dam tshig rdo rje can// de nyid dam tshig rdo rje yi// bzlas pa ma ning zhes bya'o// 'dod chags de nyid don sgom pa// rdo rje bdag po thams cad ni// sems can kun la phan 'dod pa'i/ / 'dod chags byang chub rdzogs par mdzad// rig pa chen mo spyan la sogs// rtag tu 'dod pa'i don brtson pa// 'dod pa'i longs spyod dag gis ni// ji ltar 'dod pa bsten na 'grub// gti mug dam tshig las byung ba// rig pa'i rgyal po rdo rje can// ma ning dag gi gnas grub pa// dngos grub dam pa rab tu ster// khro bo zhe sdang gnas las skyes// gsod la rtag tu brtson pa dag/ sgrub pa mchog gi chos can la// gsod pa'i don gyis 'grub par 'gyur// bcom ldan 'das skyes bu chen po'i dam tshig gis de skad ces bka' stsal to// ye shes 'khor lo can rnams kyi// 'khor lo snying kha'i dbus su sgom/ / gsal ba'i dkyil 'khor dbus gnas par// dbus su 'khor lo'i don skom mo// ye shes rdo rje can rnams kyi// rdo rje snying kha'i dbus su sgom// rdo rje'i dkyil 'khor dbus gnas par/ / rdo rje'i sngags don bsgom par bya// rin chen ye shes can rnams kyi// rin chen snying kha'i dbus su sgom// rin chen dkyil 'khor dbus gnas par// rin chen sngags don bsgom par bya// pad+mo ye shes can rnams kyi/ / pad+mo snying kha'i dbus su sgom// chos kyi dkyil 'khor dbus gnas par// pad+mo'i sngags don bsgom par bya// ral gri ye shes can rnams kyi// ral gri snying kha'i dbus su sgom// dam tshig dkyil 'khor dbus gnas par/ / ral gri'i sngags don bsgom par bya// dkyil 'khor kun gyi ngos rnams su// sangs rgyas lnga rnams dgod par bya// 'od zer lnga yi bye brag gis// spron byang chub thob bapar 'gyur/ / sngags rnams thams cad spro ba ni// bye brag rnam pa gnyis su bsgrags// sku gsum rdo rje bye brag gis// spro ba dang ni bsdu ba bya// lus kyis sku yi ngo bo nyid// sems kyis thugs kyi ngo bo nyid/ / ngag gis gsung gi ngo bo nyid// mchod nas mchod pa'i gnas su 'gyur// dkyil 'khor chen po'i 'khor lo yis// rdo rje lnga rnams bsgom par bya// dbus su bdag po bsams nas ni// sku gsung rdo rje rang gi gzugs// rang sngags rdo rje'i gzugs dag gis// dkyil 'khor rnam pa bzhi dag tu// kha dog rnam bzhir kun brtags la// snying khar sngags kyi don bsgoms na// rdo rje rnam pa bzhi yi las/ / bsam gtan rdo rje can dag byed// 'di ni sngags rnams thams cad kyi// gsang ba rab tu bzang po yin// zhi ba la ni spyan gyi tshul// rgyas la rdo rje pad+mo can// dbang la rnam par snang mdzad gnas/ rdo rje khro bo mngon spyod la// 'di ni rdo rje thams cad kyi// gsang ba sku gsum las byung ba// sngags rnams kun ni sprul pa ste// bya ba'i rol mos mtshan pa'o// ma dang smra ba'i sems can dang // rdo rje slob dpon smod pa dang / / gdug pa'i sems can gzhan rnams la'ang // rab tu bskul ba 'di bya'o// bcom ldan 'das ye shes chen po'i 'khor lo rdo rjes de skad ces bka' stsal to// khams gsum gnas pa'i sems can rnams/ / sangs rgyas skur ni rnam bsgoms la// dgra bos bsad par bsams nas su// de nas las rnams brtsam par bya// nam mkha'i dbyings kyi dbus gnas par// rdorje rtse lnga kha bzhi pa// rnam pa'i mchog rnams kun dang ldan// rdo rje sems dpar rnam par sgom// dus gsum dam tshig las byung ba// sangs rgyas 'khor lo rnam bsgoms la// sangs rgyas 'khor lo stobs po che/ / lag pa g.yas pas 'di bya'o// phyogs bcu nas byung sems can rnams// sangs rgyas sku yi bye brag gis// bsdus te gong bu'i tshul gyis su// rang gis lus la de dag gzung // sangs rgyas ye shes 'khor lo can// slar yang spro bar rab tu bya// khro bas 'khrug pa'i khro bo rnams// mi sdug 'jigs su rung ba'i gzugs// mtshon cha sna tshogs mchog 'dzin pa// gsod pa'i don gyis don sems pa/ / rdo rje sems dpa' rang nyid dam// gdug pa chen po gsod par byed// sangs rgyas sku gsum mchog stsol ba'o// rdo rje gsum gyi dkyil 'khor gnas// nyi ma bdun du 'di byas na/ / sangs rgyas dngos grub ster bar 'gyur// rmongs pas grub pa mi ster na// 'chi bar 'di ni gdon mi za// rdo rje'i dam tshig ye shes kyi bka'i 'khor lo zhes bya ba'i ting nge 'dzin to// nam mkhan dbyings kyi dbus su ni/ / 'khor lo rdo rje 'bar bas brgyan// rnam pa'i mchog ni kun dang ldan// rnam par snang mdzad rab tu sgom// dus gsum dam tshig las byung ba// rdo rje sems dpa' grags chen ni rdo rje me stag 'phro ba can/ / de yi phyag na bsnams par bsgoms// phyogs bcu nas byung sems can rnams// rdo rje sku yi khyad par gyis// 'od zer tshul gyis bsdus nas ni// de dag bdag gi lus la gzung // spro ba rdo rje thams cad kyi// ye shes mchog gi gnyen gyis bya// sku gsung thugs kyi sbyor ba can// sangs rgyas thams cad bdag la gson// bdag ni dpal ldan rdo rje 'dzin// bka' yi 'khor lo rab sbyor ba/ / gal te dam tshig las 'das na// rdo rje rab tu 'bar ba yis// sku gsum las byung dgas par bgyi// zhig par 'gyur bar gdon mi 'tshal// 'khor lo'i dam tshig ye shes rdo rje zhes bya ba'i ting nge 'dzin to/ / sangs rgyas dkyil 'khor rdo rje can// nam mkha' rdo rje'i dbus su bsam// gshin rje'i gshed kyi 'khor lo che// rang gi rdo rje yin par brtag/ dus gsum sangs rgyas sems dpa' rnams/ / sku gsum dkyil 'khor bzhugs pa dag/ gshin rje'i gshed kyi mdog 'dra ba// slar yang sangs rgyas spro bar bya// dus gsum la bzhugs sems can dang // gdug sems can gyi dgra bo rnams/ / khros pas thams cad gsod par sgom// 'di ni rdo rje bka'i dkyil 'khor dam tshig thams cad las byung ba gshin rje gshed kyi sku gsum gyi ye shes rdo rje zhes bya ba'i ting nge 'dzin to/ / sku gsung thugs kyi rdo rje'am// rang sngags don gyi yon tan nam// yang na gtsug tor dam tshig gis// bka' yi 'khor lo sbyar bar bya// sngags kun srung phyir ye shes mchog/ rdo rje can gyis bya ba ste// 'di ni rdo rje thams cad kyi// byang chub bsrung ba'i don chen bya// bcom ldan 'das rdo rjes de skad ces bka' stsal to// nam mkha' rdo rje'i dbus gnas par/ / chos kyi snang mdzad sku mchog las/ byung ba'i sku gsum dam tshig dag/ mkha' dbyings rdo rje'i dbus gnas par// bsams nas gdan du de rab brtag/ mkha' dbyings sangs rgyas thams cad kyis/ / yongs su gang bar rnam par sgom// rang sngags yi ge'i gnas ye shes// thugs kyi rnam par bsgom par bya// sangs rgyas rnams ni sems tsam du// bsgoms nas slar yang rab tu bsdu/ / thugs kyi rdo rjer byas pa'i phyir// sku gsum la ni de dag gzud// rdo rje'i sngags rin po che rab tu snang bar byed pa zhes bya ba'i ting nge 'dzin to// rnam pa'i mchog rnams kun ldan pa'i/ / rdo rje sems dpa' rab tu sgom// sangs rgyas rim bzhin bkod nas ni// chu yi steng du bcag par bya// rkang pa mnyam gzhag sbyor ba yis// spyi bo'i steng du rkang pa sgom// bcom ldan 'das ngo bo nyid dag pas de skad ces bka' stsal to/ / rdo rje rgya mtsho rkang pas gnon pa zhes bya ba'i ting nge 'dzin to// dbang chen dkyil 'khor bsgoms nas ni// dbus su khro bo rnam bzhag la// las kyi rdo rje rkang pa yis// de yi spyi bor gnon par sgom// mu stegs can dang phas kyi rgol ba thams cad kyi 'khrul 'khor gnon pa zhes bya ba'i ting nge 'dzin to// rdo rje gsum mchog khro bo'i tshul/ / ge sar ser po'i mchog 'dra ba// thams cad ri yi rgyal po ltar// bsams nas spyi bor rab tu sgom// sangs rgyas dpung yang gnon byed na// mi dbang la ni dogs pa med// bcom ldan 'das de bzhin gshegs pa thams cad kyi sku dang / gsung dang / thugs las byung bas de skad ces bka' stsal to// dpung thams cad gnon pa zhes bya ba'i ting nge 'dzin to// dgra bo skrag pa'i dam tshig gi/ bsam gtan rab tu brtag pa 'di// sangs rgyas dag gis 'das na yang // 'gas par 'gyur par gdon mi za// bcom ldan 'das rdo rje gsum gyi dam tshig gis de skad gsungs so/ / hUM las phur bu bsams pa ni// rtse lnga pa yi tshad du ste// rdo rje phur bu de yis ni// snying khar de ni rab bsgoms na// khros pas sangs rgyas dpung dag kyang // 'jig par 'gyur ba gdon mi za/ / dgra rmongs par byed pa zhes bya ba'i ting nge 'dzin to// grong ngam yang na grong khyer ram// ljongs dag tu ni rab sbyor ba// nad kun spong ba'i zhi ba yang // 'dis ni rtag tu sbyar bar bya// rdo rje rtse mo lnga pa ni// bar snang dag la rab tu sgom// sreg pa'i bskal pa ltar bsams na// slar yang rab tu bsdu bar bya// spro ba dag kyang de nas bya// rin chen yid bzhin nor bu'i 'od// chos kyi sprin ni bsgoms nas kyang / / dbang bskur ba ni yang dag bya// rdo rje'i bsam gtan 'di yis ni// dgang dka' ba yang rab tu 'gengs// sbyin pa'i rdo rje rab tu sgom// yid bzhin nor bu dpal ldan 'gyur/ / sangs rgyas sprin dang chos chen dang // rdo rje sems dpa' der spro bya// bskal pa gsum gyi yun gnas shing // sangs rgyas thams cad byin gyis rlob// 'di ni sangs rgyas thams cad kyi/ / gsang ba'i sku ste skyon med pa'o// nad thams cad med par byed pa rdo rje 'byung ba zhes bya ba'i ting nge 'dzin to// bsams gnas las byung dam bcas pas// gnas gang du ni yang dag spyad/ / bsam gtan sbyor ba 'di yis ni// gnas na sangs rgyas byin gyis rlob// rdo rje bdud rtsi rgyal po che// rdo rje phur bu rab tu sgom// me stag 'bar ba 'dra ba yis// phyogs bcu'i dkyil 'khor gdab par bya/ / 'gro ba 'dul bzhi pa rdo rje zhes bya ba'i ting nge 'dzin to// zhi ba'i dkyil 'khor dam pa ni// nam mkha'i dbyings kyi dbus su bsams// rnam par snang mdzad gzugs bsams nas// rang gi thugs kar 'dod pa gzhag/ spyan la sogs pa mchog rnams kyis// mkha' dbyings yongs su gang bar sgom// bsdus nas 'od kyi gong bu yis// nad pa la ni dbab par bya/ kha spu'i bu ga nas sangs rgyas/ / sprin rnams brtul zhugs can gyis spro// sangs rgyas sprin rnams de yi tshe// de la dbang bskur rab tu stsol// nad pa rdo rje dam tshig gis// skad cig gis ni dpal ldan 'gyur// sangs rgyas kyi dam tshig dkod pa'i sprin zhes bya ba'i ting nge 'dzin to/ / zla ba'i dkyil 'khor dbus su ni// dbang chen dkyil 'khor dam pa bsams// chos 'dzin pa yi gzugs bsams nas// snying khar 'dod pa gzhag par bya/ / mkha' dbyings gnas ni nyams dga' bar// dkar mo zhes byas rab tu dgang // 'od kyi gong bur bsdus nas ni// yid bzhin nor bu rin chen 'od// lus dang ngag dang sems gnas la/ / 'dod pa la de dbab par bya// ba spu'i bu ga nas rin chen// sprin rnams brtul zhugs can gyis spro// chos kyi sprin rnams bsgoms nas su// dbang bskur ba ni yang dag bya// rdo rje bsam gtan 'di yis ni/ / dgang dka' ba yang rab tu 'gengs// sbyin pa'i rdo rje sgrub pa de// yid bzhin nor bu dpal ldan 'gyur// chos kyi sprin gyi dam tshig bkod pa zhes bya ba'i ting nge 'dzin to/ nam mkha'i dbyings kyi dbus su ni// rdo rje'i zla gam dkyil 'khor bsams// rdo rje nam mkha' chos mdun gzugs// 'dod pa snying khar gzhag par bya// sangs rgyas byang chub sems dpa' yis/ / nam mkha'i dkyil 'khor yongs su gang // 'od zer lnga yi sbyor ba yis// de ni gzi brjid dbab par bya// de ni de ma thag tu yang // sangs rgyas kun gyi thugs su byon// 'jam dpal gyi ni mdog dang 'dra/ / gnas las byed par de 'gyur ro// dbang bskur ba ni dga' ston che// dgyes pa'i bdag nyid de stsol bas// bltas tsam skyed pa nyid kyis kyang // 'gro ba thams cad dbang du 'gyur// rin po che'i dam tshig gi sprin bkod pa zhes bya ba'i ting nge 'dzin to// nam mkha'i rdo rje srin po ni// drag cing khro la rab gtum dang // wa dang bya rog sna tshogs dang // bya rgod kyi yis gang bar sgom/ / me yi dkyil 'khor dbus gnas par// dgra bo rnams ni skrag par sgom// sangs rgyas kun la gnod byed pa// bsams nas rnal 'byor sbyar bar bya// mtshon cha sna tshogs thogs pas mnan/ / rgyu ma khrag dang rkang la sogs// thams cad drangs par rnam bsgoms te// bsgoms na dgra rnams 'chi bar 'gyur// gal te de ltar rab bsgoms na// sangs rgyas rdo rje 'dzin pa yang / / zla ba phyed ni tshun chad kyis// 'chi bar 'gyur bar gdon mi za// rdo rje dam tshig gi sprin bkod pa zhes bya ba'i ting nge 'dzin to// rnam par snang mdzad zhal gsum pa// ston ka'i sprin gyi mdog 'dra bsam/ / dkar po nag po rab tu dmar// thor tsugs dbu rgyan dag gis brgyan// rdo rje can ni zhal gsum bsam// nag po dkar po dmar po'i zhal// 'bar ba'i thor tsugs dbu rgyan can/ / 'jig rten khams rnams 'khrug byed pa'o// 'dod chags can ni zhal gsum bsam// dmar po nag po dkar po'i zhal// thor tsugs dbu rgyan longs spyod can// bsgoms na nges par 'grub par 'gyur// 'khor lo rdo rje pad+mo che// g.yas pa'i phyag tu bsnams par sgom// rdo rje phyag drug mtshon cha ni// bzang po sna tshogs bsnams par sgom// sems can kun la phan bzhed ma/ / spyan ni zhal gsum dag tu bsam// dkar po nag po rab dmar ba// mdzes pa'i gzugs su rab tu sgom// mkha' skyes spyan ni rgyal mo che// zhal gsum du ni rtag par sgom/ gnag dang dkar dang dmar ba'i tshul// mdzes pa'i gzugs su rnam par sgom// chu skyes spyan ni rgyal mo che// zhal gsum du ni rnam par sgom// dmar dang gnag dang dkar ba ste// kha dog mdzes par rnam par sgom/ / rig ma rdo rje ut+pal bsnams// zhal gsum rab tu gsal ba'i mdangs// ser dang gnag dang dkar ba'i zhal// bsgoms na ye shes thob par 'gyur// khro bo chen po gshin rje gshed/ / zhal gsum drag po'i 'od bzang ba// rnon po 'jigs pa'ang 'jigs par byed// kha dog nag po rab tu sgom// gzhan gyis mi thub khro bo che// drag tu bzhad pa'i sgra 'byin pa/ / zhal gsum 'od zer mang po dag/ rab tu 'phro ba rnam par bsam// khro bo chen po rta mgrin ni// bskal pa'i me bzhin rab tu 'bar// zhal gsum gdug pa zhabs kyis mnan/ / sbyor ba can gyis rtag tu sgom// rdo rje mi 'chi khro bo che// 'od zer 'phro ba rab tu 'khrug/ drag po 'khor lo 'bar ba 'dra// 'jigs pa dag kyang 'jigs par byed// 'dod pa'i ye shes khro bo che/ / zhal gsum pa ni 'jigs par byed// phyag bzhi 'jigs par byed pa'i mchog/ Dak+ki rgyal po rab tu sgom// stobs po che ni rdo rje che// 'jig rten gsum gyi mun sel ba// gdug pa thams cad 'joms par byed// zhal gsum par ni rtag par sgom// khro bo chen po dbyig sngon can// khams gsum dag ni 'jigs par byed// zhal gsum rdo rje gsum las byung / / 'bar ba rnon po can du sgom// rdo rje mi g.yo khro bo che// rdo rje las byung mi g.yo ba// zhi ba ral gri zhags pa bsnams// brtul zhugs can gyis zhal gsum sgom// gtsug tor chen po yi ge gcig/ 'od zer dag ni kun tu 'phro// zhal gsum 'bar ba 'khor lo can// bsam gtan dkyil 'khor bsgom par bya// gnod mdzes ye shes mchog 'dzin pa// 'jigs pa'i rgya mtsho yang dag byed/ / zhal gsum 'bar ba 'od 'phro can// bsam gtan dkyil 'khor bsgom par bya// gzi brjid phung po gtsug tor rgyal// gang gzhan sngags kyi 'khor lo can// dam tshig longs spyod 'di rnams kyis/ / so so dag tu bsgom par bya// ting nge 'dzin ni dpag med pa// sngags rnams kyi ni bshad pa yin// khro bo dag ni re re yang // nam mkha'i steng du shin tu 'phags// nam mkha'i dbyings kyi dbus gnas par// gsal ba'i dkyil 'khor dam pa bsams// sangs rgyas gzugs ni rab bsgoms la// rnam par snang mdzad rnam par bsam// gsal zhing zhi ba zla ba bzhin/ / 'od zer sna tshogs 'dra ba'i 'od// me long lta bur yang dag byung // khams gsum dag gi dkyil 'khor du// rgyan rnams kun gyis brgyan pa dag/ bsams na de yis byang chub mthong // bsam gtan rdo rje rab sgom pa// 'di yis sangs rgyas che ba'i bdag/ 'jig rten thams cad dbang byed pa// tshe 'di nyid kyis 'thob par 'gyur// rnam par snang mdzad kyi dam tshig 'byung ba mdzes pa'i rdo rje zhes bya ba'i ting nge 'dzin to/ / rdo rje'i dkyil 'khor dam pa ni// nam mkha'i dbyings kyi dbus su bsam// sangs rgyas gzugs ni rab bsgoms la// rdo rje sems dpa' rnam par bsam// khros pa gsal ba'i lus dang 'dra// 'bar pa sna tshogs mnyam pa'i 'od// rnam pa'i mchog rnams kun dang ldan// rgyan rnams kun gyis rnam par brgyan// zhi ba'i ye shes gnas bsgoms na// myur du rdo rje nyid thob 'gyur// bsam gtan rdo rje rab bskul ba// 'dis ni rdo rje'i bdag nyid che// sems can thams cad dbang byed pa// tshe 'di nyid la thob par 'gyur// dam tshig thams cad 'byung papa mdzes pa'i rdo rje zhes bya ba'i ting nge 'dzin to/ / chos kyi dkyil 'khor dam pa ni// nam mkha'i rdo rje'i dbus su bsam// sangs rgyas gzugs ni rab bsgoms la// chos kyi sems dpa' rnam par / sgom// gsal ba'i lus 'dzin zhi ba ni// rgyan rnams kun gyis rnam par brgyan// 'od zer sprin gyi 'khor lo che// rnam par 'phro ba rab tu sgom// 'di yis chos kyi bdag nyid che// sku gsum mi phyed las byung ba/ / ye shes rgya mtshos rnam par brgyan// tshe 'di nyid la thob par 'gyur// chos kyi sems dpa'i dam tshig 'byung ba'i rdo rje zhes bya ba'i ting nge 'dzin to// zla ba'i dkyil 'khor dam pa ni// nam mkha'i rdo rje'i dbus su bsam// sangs rgyas gzugs ni rab bsgoms la// spyan gyi mchog ni rnam par sgom// zhal bzang spyan ni rab tu yangs// sna tshogs rgyan gyis rnam par brgyan/ / mtshan rnams thams cad rab tu rdzogs// bud med sgyu ma'i mchog ldan pa// khams gsum dag ni dbang byed pa// ye shes thams cad grub par byed// 'khor lo yid bzhin nor bu ster/ / phyag tu 'khor lo bsgom par bya// spyan gyi dam tshig phyog gi mchog dang ldan pa zhes bya ba'i ting nge 'dzin to// rdo rje'i dkyil 'khor 'od mchog can// mkha' dbyings rdo rje'i dbus su bsam/ / sangs rgyas gzugs ni rab bsgoms nas// nam mkha'i rdo rje rab mchog sgom// zhal bzang spyan ni rab tu yangs// ut+pal mthing kha'i mdog 'dra ba// mtshan rnams thams cad rab tu rdzogs/ / nam mkha'i rdo rje mchog rab sgom// khams gsum dag gis phyag byas pa// sangs rgyas byang chub byed pa'i mchog/ dngos grub rdo rje can gyi gsang // ut+pal sngo dmar phyag na bsnams// nam mkha' yum gyi rin po che// 'od kyi sprin rdo rje tshim par byed pa zhes bya ba'i ting nge 'dzin to// chos kyi dkyil 'khor dam pa ni// nam mkha'i rdo rje'i dbus su bsam// sangs rgyas gzugs ni rab bsgoms la/ / rdo rje chos ma rab tu sgom// zhal bzang spun ni rab tu yangs// pad+ma rA ga'i mdog 'dra ba'i// sgyu mas mtshan pa'i mchog las byung // 'dod chags chags pa 'dzin sdug pa// mtshan nyid thams cad yongs rdzogs shing / / rgyan rnams kun gyis brgyan pa yi// sangs rgyas thams cad rab bsgoms pa// chos kyi ye shes 'byung gnas mchog/ dam tshig rdo rje can gyi gsang // ut+pal dmar po phyag na bsnams/ / chos kyi dam tshig de kho na nyid mngon par byang chub pa kun tu ston pa rdo rje zhes bya ba'i ting nge 'dzin to// dngos grub dkyil 'khor dam pa ni// nam mkha'i rdo rje'i dbus su bsam// sangs rgyas gzugs ni rab bsgoms la/ / sgrol ma'i mchog ni bsgom par bya// zhal bzang spyan ni rab tu yangs// sna tshogs rgyan gyis rnam par brgyan// kha dog ljang ser 'dra ba'i 'od// bud med sgyu ma rab tu myos/ / rdo rje ting nge 'dzin las byung // sems can kun gyis phyag byas pa// u t+pal ser po mdog 'dra ba'i// gsal ba phyag na bsnams par sgom// dam tshig sgrol ma mchog dong ldan pa zhes bya ba'i ting nge 'dzin to/ / nyi ma'i dkyil 'khor dam pa ni// nam mkha'i rdo rje'i dbus su bsam// sangs rgyas gzugs ni rab bsgoms la// gshin rje gshed mchog rnam par sgom/ / 'bar ba'i 'od zer mang po 'phro// 'jigs pa'i dkyil 'khor rab tu khros// spyan dmar mche ba rnam par gtsigs// phyag na ral gri bsnams par sgom// snang mdzad dbu rgyan rnam bsgoms na rdo rje can ni dgyes par 'gyur/ / 'di ni ye shes rdo rje can// khro bo kun gyi dam tshig yin// gshin rje gshed kyi spro ba'i snang ba bkod pa bsgom pa zhes bya ba'i ting nge 'dzin to// nyi ma'i dkyil 'khor dam pa ni/ / nam mkha'i rdo rje'i dbus su bsam// sangs rgyas gzugs ni rab bsgoms la// gzhan gyis mi thub rab sgom pa// 'bar ba'i 'od zer mang po can// sbrul gyis brgyan cing ska rags can// rdo rje dgyes pa 'jigs 'jigs lta// kha dog dkar po rab tu sgom// mi bskyod dam tshig dbu rgyan la// bsams na rdo rje can dag mnyes// 'di ni ye shes blo can gyi/ / khro bo kun gyi dam tshig go/ gzhan gyis mi thub pa'i rdo rje bkod pa zhes bya ba'i ting nge 'dzin to// nyi ma'i dkyil 'khor dam pa ni// nam mkha'i rdo rje'i dbus su bsam// sangs rgyas gzugs ni rab bsgoms la/ / rdo rje rta ni rab tu sgom// khro bo'i 'od zer mang po dag/ thams cad du ni rnam par 'phro// gdug pa thams cad zhabs kyis mnan// kha dog dmar po rnam par bsam/ rdzogs sangs dpag med dbu rgyan la// bsgoms na rdo rje can dag ma nyes// 'di ni rdo rje ye shes can// khro bo kun gyi dam tshig yin// rta skyed pa 'byung ba rnam par bkod pa zhes bya ba'i ting nge 'dzin to// nyi ma'i dkyil 'khor dam pa ni// nam mkha'i rdo rje'i dbus su bsam// sangs rgyas gzugs ni rab bsgoms la// rdo rje mi 'chi rab tu sgom// 'bar ba'i 'od zer mang po 'phro// rdo rje'i sprin rnams kun tu 'khrug/ khros shing khro bcas gnag pa dang // mche ba rnon po rab tu sgom// mi bskyod dam tshig dbu rgyan la// bsgoms na khro bo 'dzin mnyes 'gyur// 'di ni khro bo thams cad kyis// 'da' bar dka' ba'i dam tshig go/ mi 'chi ba'i dam tshig 'byung ba rdo rje zhes bya ba'i ting nge 'dzin to// nyi ma'i dkyil 'khor dam pa ni// nam mkha'i rdo rje'i dbus su bsam// sangs rgyas gzugs ni rab bsgoms lang Tak+ki rgyal po rab tu sgos/ / khro bo 'jigs pa'i cha lugs gtum// 'jigs pa dag kyang 'jigs par byed// rgyan rnams thams cad yongs su rdzogs// rdo rje 'od bzang bsgom par bya// mi bskyod dam tshig dbu rgyan la// bsgoms na rab tu mnyes par 'gyur// 'di ni khro bo thams cad kyi// 'da' bar dka' ba'i dam tshig go// bsam gtan rdo rje rdzogs par byang chub pa dga' ba zhes bya ba'i ting nge 'dzin to/ / nyi ma'i dkyil 'khor dam pa ni// nam mkha'i rdo rje'i dbus su bsam// sangs rgyas gzugs ni rab bsgoms la// stobs po che ni rab tu sgom// 'bar ba'i 'od zer mang po 'phro/ / rdo rje gsum gyi gnas dkyil 'khor// khros shing khros pa zhags pa 'dzin// rdo rje stobs chen bsgom par bya// mi bskyod dam tshig dbu rgyan la/ bsgoms na rab tu mnyes par 'gyur/ / 'di ni khro bo thams cad kyi// 'da' bar dka' ba'i dam tshig go// rdo rje gsum gyi stobs zhes bya ba'i ting te 'dzin to// nyi ma'i dkyil 'khor dam pa ni// nam mkha'i rdo rje'i dbus su bsam/ / sangs rgyas gzugs ni rab bsgoms la// rdo rje sngon po rnam par sgom// khro bo 'jigs pa'i cha lugs can// 'jigs pa dag kyang 'jigs par byed// gzugs ni rab tu gnag la no/ / rgya mtsho nag po skyed par byed// 'bar ba'i 'od zer mang po 'phro// rdo rje'i dbyig thogs bsgom par bya// mi bskyod dam tshig dbu rgyan la// bsgoms na rab tu mnyes par 'gyur/ / 'di ni khro bo thams cad kyi// 'da' bar dka' ba'i dam tshig go// rdo rje dbyig pa'i dam tshig mchog dang ldan pa zhes bya ba'i ting nge 'dzin to// nyi ma'i dkyil 'khor dam pa ni/ / nam mkha'i rdo rje'i dbus su bsam// sangs rgyas gzugs ni rab bsgoms la// mi g.yo mchog ni rnam par bsgom// khros shing 'jigs pa'i zur gyis lta// 'khrugs pa ral gri zhags pa bsnams// 'bar ba'i 'od zer mang po 'phro// mi g.yo rdo rje can du sgom// mi bskyod dam tshig dbu rgyan la// bsgoms na rab tu mnyes par 'gyur// 'di ni khro bo thams cad kyi// 'da' bar dka' ba'i dam tshig go// rdo rje nam mkha' dbyings kyi dam tshig zhabs kyis gnon pa zhes bya ba'i ting nge 'dzin to// nyi ma'i dkyil 'khor dam pa ni/ nam mkha'i rdo rje'i dbus su bsam// sangs rgyas gzugs ni rab bsgoms la// rig pa'i 'khor lo rab tu sgos// mtshan rnams thams cad yongs su rdzogs// 'khor lo 'bar bas yongs su bskor/ / gtsug tor 'khor lo sgyur dam tshig/ rnam par 'phro ba rab tu sgom// mi bskyod dam tshig dbu rgyan la// bsgoms na rab tu mnyes par 'gyur// 'di ni khro bo thams cad kyi/ 'da' bar dka' ba'i dam tshig go// gtsug tor gyi dam tshig rig pa'i stobs 'khor lo zhes bya ba'i ting nge 'dzin to// nyi ma'i dkyil 'khor dam pa ni// nam mkha'i rdo rje'i dbus su bsam/ / sangs rgyas gzugs ni rab bsgoms la// rdo rje sum+b+ha rab tu sgom// me lce rnon po 'bar ba'i sku// rdo rje'i sprin ni rab tu 'phro// phyag na rdo rje rab 'bar ba// bsgoms na dngos grub thob par 'gyur/ / mi bskyod dam tshig dbu rgyan la// bsgoms na rab tu mnyes par 'gyur// 'di ni khro bo thams cad kyi// 'da' bar dka' ba'i dam tshig go/ rdo rje'i dam tshig sum+b+ha rab tu 'byung ba zhes bya ba'i ting nge 'dzin to/ / 'gog pa khro bo'i 'khor lo ni// sangs rgyas 'khor lo bsten pa yis// ting 'dzin rdo rje ye shes rnams// rdo rje'i dkyil 'khor grub par 'gyur/ / de bzhin gshegs pa thams cad kyi sku dang / gsung dang / thugs kyi gsang ba gsang ba 'dus pa las/ dam tshig bkod pa de kho na nyid kyi don sgom pa mngon par byang chub pa zhes bya ba'i le'u ste bcu gsum pa'o/ / / de nas bcom ldan 'das de bzhin gshegs pa thams cad kyi dam tshig gi bdag po/ rdo rje 'dzin chen po zhi ba'i dam tshig gi mchog ces bya ba'i ting nge 'dzin la snyoms par zhugs nas/ de bzhin gshegs pa thams cad kyi btsun mo'i mchog 'di/ nyid kyi sku dang / gsung dang / thugs rdorje las phyung ngo / / oM ru ru s+phu ru dz+wa la tiSh+Tha sid+d+ha lo tsa ne sarba ar+tha sA d+ha ri swA hA/ de nas 'di ni gsungs tsam gyis// 'byor pa kun la dgyes pa rnams// mnyes shing rab tu dgyes gyur nas/ / sangs rgyas rdo rje rjes su dran// sangs rgyas rnams kyi zhi 'byung ba// las rnams thams cad rab bsgrub cing // rdo rje'i dam tshig bskul mdzad ma// shi ba sos par byed par gsungs/ / de nas bcom ldan 'das sku gsum gyi dam tshig rdo rje khro bo/ dngos po dang dngos po med pa'i dam tshig rdo rje zhes bya ba'i ting nge 'dzin la snyoms par zhugs nas/ rdo rje 'dzin thams cad kyi btsun mo'i mchog 'di/ nyid kyi sku dang / gsung dang / thugs rdo rje las phyung ngo // oM shaM kA re shAn+tiM ka re/ g+hun+tu g+hun+ya g+huT+Ti ni g+hA ta ya ni g+hA ta ya/ b+hur+thi ni swAhA/ de nas 'di ni gsungs tsam gyis/ / sku gsum dbyer med rdo rje can// mnyes pa'i spyan ni gdangs nas su// rdo rje'i thugs ni rjes su dran// rdo rje srung ba'i sbyor ba la// las rnams rtag tu rab sgrub pa// rdo rje chen po 'jigs nyen la/ / rtag tu stobs ni byed par bshad// de nas bcom ldan 'das 'dod chags chen po'i dam tshig la gzigs pa zhes bya ba'i ting nge 'dzin la snyoms par zhugs nas/ chos kyi sku'i btsun mo'i mchog 'di/ nyid kyi sku dang / gsung dang / thugs rdo rje las phyung ngo // oM ka Te bi ka Te ni ka Te ka TaM ka Te swA hA/ de nas 'di ni gsungs tsam gyis// rdo rje chos mchog 'dzin 'dzin pa rnams/ / mnyes nas bsam gtan thob gyur nas// rdo rje'i chos ni rjes su dran// rtag tu chos rgyas stobs mdzad pa// rtag tu mdzod po che dang ldan// rdo rje gsung gi bka' bzhin du/ bzlas pa tsam gyis byed par 'gyur// de nas bcom ldan 'das dam tshig kun las 'byung ba zhes bya ba'i ting nge 'dzin la snyoms par zhugs nas/ dam tshig sems dpa'i btsun mo'i mchog 'di/ nyid kyi sku dang / gsung dang / thugs rdo rje las phyung ngo // oM tA re tut+tA re tu re swA hA/ de nas 'di ni gsungs tsam gyis// sangs rgyas kun bdag che las skyes// mnyes shing ye shes thob gyur nas/ / rdo rje'i sku ni rjes su dran// sangs rgyas rdo rje sde chen dang // sems can khams ni ma lus pa// skad cig gis ni bran bzhin du// thams cad g.yo med dbang du byed// ces bcom ldan 'das kyis gsungs so/ / de nas bcom ldan 'das de bzhin gshegs pa thams cad kyi sku dang / gsung dang / thugs rdo rje de bzhin gshegs pa/ dri ma med pa'i 'od zer gyi sprin rdo rje zhes bya ba'i ting nge 'dzin la snyoms par zhugs nas/ rdo rje gshin rje'i gshed po chen po rdo rje khro bo 'di/ nyid kyi sku dang / gsung dang / thugs rdo rje las phyung ngo // na maHsa man+ta kA ya ka tsit+ta badz+ra NAM/ au kha kha khA hi khA hi/ sarba duSh+Ta satwa da ma ka/ a si mu sa la pa ra shu pA sha has+dza/ tsa tur b+hu dza/ tsa tur mu kha/ ShaT+ya ra Na/ A gats+tsha A gats+tsha/ sar+b+ba duSh+Ta prA na a pa hA ri Ne/ ma hA big+h+na g+ha ta ka/ bi kri ta A nan/ sar+b+ba b+hU ta/ d+ha yaM ka ra/ an+d+raT+TahA sa nA di ne/ b+ha g+h+ra tsar+m+ma ni ba sa na/ ku ru ku ru sarba kar+dz+dza Ni/ min+da tsin+da sar+b+ba man tAn/ b+hin+da bin+da ba ra mu dran/ A kaR+Sha ya A kaR+Sha ya sar+b+ba b+hu tAn/ ma tha ma tha/ nirma tha nirma tha sar+b+be duSh+TA na/ pra be sha ya pra be sha ya maN+Da la ma d+h+ye/ baM ba swa ti/ dzI bI tAn+ta ka ma ma sar+b+ba kar+yaM ku ru ku ru/ da ha da ha/ pa tsa ba tsa/ mA bi laM ba mA bi laM ba/ sa ma ya ma nu s+pha ra/ hUM hUM phaT phaT/ bi s+pho Ta ya bi s+pho Ta ya/ sar+b+bA shA ba ri pU ra ka sar+b+bA na nA shA ya ri pUn/ ka ra ka ra he he b+ha ga bAn/ kiny+tsi rA ya si/ ma ma sar+b+ba an+d+ra na/ sA d+ha ya swAhA/ de nas 'di ni gsungs tsam gyis// sangs rgyas grags pa chen po kun// 'jigs shing kun tu skrag gyur nas/ rdo rje sems dpa' rjes su dran// thod pa ma chag ma gas pa// gzugs mdzes yid 'ong rnyed pa la// rkang pas mnan pa'i tshul byas nas// sngags 'di rjes su dran par bya// mA ma kI 'am spyan yang rung / / rdo rje'i rigs chen las byung ba// lan gsum dag tu brjod na ni// de ma thag tu nges par 'gugs// bcom ldan 'das thugs rdo rjes de skad ces gsungs so// de nas bcom ldan 'das de bzhin gshegs pa rnam par snang mdzad/ dam tshig gi 'od zer stug po'i mchog ces bya ba'i ting nge 'dzin la snyoms par zhugs nas/ khro bo mi 'chi ba'i dam tshig 'di/ nyid kyi sku dang / gsung dang / thugs rdo rje las phyung ngo // na maHsa man+ta kA ya waka tsit+ta badz+rA NAM/ na mo badz+ra kro d+hA ya/ ma hA daMSh+To ta ka Ta b+hai ra bA ya/ a si mu sa la pA ra shu pa sha hastA ya oM a mri ta kuN+DA li/ kha kha khA hi khA hi/ tiSh+Tha tiSh+Tha/ b+han+ta b+han+ta/ ha na ha na/ da ha da ha/ gardza gardza/ bi s+pho Ta ya bi s+pho Ta ye/ sarba big+h+nAn/ bi nA ya kAn/ ma hA ga Na pa ti dzI bi tAn+ta ka/ rA ya swA hA/ de nas 'di ni gsungs tsam gyis// sangs rgyas grags pa chen po kun// brgyal zhing rab tu 'jigs gyur nas// rdo rje'i sku ni rjes su dran// sngags rnams kun gyi sbyor ba dang // rdo rje bskrad pa'i las rnams la// sangs rgyas nyid kyi dpung dag kyang // tshul bzhin byas na skrod par 'gyur// de nas bcom ldan 'das de bzhin gshegs pa rin chen tog/ sangs rgyas kyi 'od zer rdo rje zhes bya ba'i ting nge 'dzin la snyoms par zhugs nas/ rdo rje khro bo gzhan gyi mi thub pa 'di// nyid kyi sku dang / gsung dang / thugs rdo rje las phyung ngo // na maHsa man+ta kA ya wAka tsit+ta badz+rA NAM/ oM hUM dzi na ri TiT+Ta hUM hUM phaT phaT swAhA/ de nas 'di ni gsungs tsam gyis// sangs rgyas bdag nyid che skyes kun// 'jigs shing kun tu skrag gyur te// byang chub sems ni rjes su dran/ / srin po ma rungs gtum po dang // 'jigs pa chen po 'khrugs pa dang // rdo rje sems kyis rab sbyar na// las rnams cho ga bzhin du byed// de nas bcom ldan 'das de bzhin gshegs pa tshe dpag tu med pa/ dpag tu med pa rdo rje 'byung ba zhes bya ba'i ting nge 'dzin la snyoms par zhugs nas/ pad+mo 'byung ba rdo rje khro bo chen po 'di/ nyid kyi sku dang / gsung dang / thugs rdo rje las phyung ngo // na maHsa man+ta kA ya wAka tsit+ta badz+rA NAM/ oM hUM hUM hUM/ ta ru la/ bi ru la/ sarba bi Sha g+hA ta ka/ dz+wa li ta'i s+phu li gaM/ aT+TAn+da hA sa/ ke sa ri sarba a To ba mr-i kA ra/ badz+ra khA ra nirarA b+hU ta na tsa li ta ba sud+b+ha ta la/ ni shwA sa mA ru totak+Shi ba tad+hA ra NI d+ha ra/ b+h+r-i Sha Na an+tan+ta hA sa/ a pa ri mi ta ba la pa rA kra ma/ a r+ya ga Na b+h+ri ta b+h+ra ta gar+Na/ d+hA Shi ta/ b+h+yad+hab+hU d+ha/ ha ya shrI be/ khA da khA da/ ba ra man+tan/ tsin+d+ra tshiH/ b+hin+da b+hin+da/ pa ra mu dran/ sid+d+his me dza~M shaM/ A be sha ya/ sarba dz+wa ra pi shA tsa dIn/ sarba pra se Sh+Ta a pra ti ha tod+hab/ @ dr-iSh+Ta kiny+dza rA ya si/ i daM duSh+Ta gra hi duSh+Ta sarbaM dA/ d+hu na d+hu na/ ma tha ma tha/ mar dmar dA/ pA Ti ya pA ta ya/ sa Ta maT/ b+har+tha b+har+tha/ bud+d+ha d+harmA saM g+ha a nu dz+nyA taM karma ku ru shI g+b+h+yAM/ ha grI bA ya phaT/ badz+ra ya phaT/ badz+ra kA tA ye phaT/ badz+ra ne dz+wa ya pa Ta/ badz+ra Sh+Ta sa laT badz+ra wa na sa yaTaH/ badz+ra pur ner m+b+ha ta nA ya phaH/ pa ra man+t+ra b+hi nA sha nA ya phaT/ sarba trai lo kya b+ha yaM ka rA ya phaT/ sarba karme Shu e pra tiH tA ya phaT/ badz+ra ku la san trA sa na paT/ hUM hUM hUM phaT phaT phaT swAhA/ de nas 'di ni gsungs tsam gyis// chos kyi rdo rje che mchog spras// 'jigs shing rab tu brgyal bar 'gyur// ye shes rgyal po rjes su dran/ / mkha' dbyings drug gis yongs gang ba// rdo rje ha la ha la'i 'od// khro bo'i rgyal po bskul ba yis// drug rnams thams cad med par byed// de nas bcom ldan 'das de bzhin gshegs pa gdon mi za bar grub pa/ gdon mi za ba'i dam tshig 'byung ba dpal rdo rje zhes bya ba'i ting nge 'dzin la snyoms par zhugs nas/ rdo rje be con sngon po khro bo'i rgyal po 'di/ nyid kyi / sku dang / gsung dang / thugs rdo rje las phyung ngo // na maHsa man+ta kA ya waka tsit+ta badz+ra NAM/ oM e h+ye hi/ b+ha ga ban nI la badz+ra dar+dz+dza/ tu ru tu ru/ hu lu hu lu/ hA hA/ gu lu gu lu/ gu lA pa ya gu lA pa ya/ kra ma kra ma/ b+ha ga bAn/ bA yu be ge na/ b+hU tAn shI g+h+raM/ da ha da ha/ dar da ra/ ha na han/ pa tsa paH/ ma tha ma tha/ pA ta ya pA ta ya/ ma Ta ma Ta/ mo tsA pa ya mo nA pa ya/ sarba kar+m+ma Ni/ tshin+da tshin+da/ b+hak+Sha ya b+hak+Sha ya/ as+thi me dam a s+ya ru d+hi ra madz+nyA ma da ba sa madz+dza ru d+hi ra/ pri ya e h+ye hi b+ha ga bAn/ sarba big+h+nA ni/ sarba dIr+ya ni/ sarba man+ta ni/ sarba mU la karmA Ni/ kri tri ma Ni ShA dI ni/ sarba gra hA na/ ha na ha na/ b+hany+dza b+hany+dza/ mar da mar dwe/ i dam+ma kAR+ya sA d+ha ya/ hU ni lA ya ni lA ya/ nI la badz+ri dar+N+Na ya/ tu ru tu ru/ big+h+nAn bi nA ya kAn nA sha yaH sha ya/ hu ru hu ru/ dIp+ta tsaN+DA ya/ sarba sha trUM NAM hr-i da yA ni bI Da ya/ tshin+da tshin+da pa ra bid+hi nAM sned ka/ hUM bidrA nA ma shiSh+Tha ka/ sa ma sa nu s+pha ra/ badz+ra d+ha ra ba tsA nA tsiH/ marmA Ni ni kr-in+ta/ hUM san hUMs na/ da ha da ha/ pa tsa ba tsa/ ku ru ku ru/ tu ru tu ru/ hu ru hu ru/ phaT phaT/ hUM hUM kri tanA ya/ de ba ri Shi bi drA ba kA ya/ han han/ badz+radaN+Den sAhA/ de nas 'di ni gsungs tsam gyis/ / gdug pa'i mchog las byung ba kun// yid ni 'jigs shing rab skrag nas// sems dpa'i rdo rje rjes su dran// khro bo'i rgyal po grags chen 'di// brgya rtsa brgyad du bzlas pa dang / cho ga'i tshul bzhin bskul ba yis// gdug pa thams cad gsod par 'gyur// de nas bcom ldan 'das de bzhin gshegs pa mi bskyod pas/ kun nas sprin gyi dpal zhes bya ba'i ting nge 'dzin la snyoms par zhugs nas rdo rje stobs po che 'di/ nyid kyi sku dang / gsung dang / thugs rdo rje las phyung ngo // na maHsa man+ta kA ya wA ka tsit+ta badz+rA NAM/ oM hUM hUM hUM phaT phaT phaT/ u gra sh+tsa la pA Ni/ hU~M hUM hUM/ phaT phaT phaT/ oM dz+yo ti nir nA da/ nU nAM hU~M/ phaT phaT phaT/ oM ma hA ba lA ya swA hA/ de nas 'di ni gsungs ma thag/ stobs po che yis klu rnams kun// yid ni 'jigs shing rab skrag nas/ / sku gsum rdo rje rjes su dran// bzlas pa tsam gyi sbyor ba yis// las rnams thams cad sgrub par byed// than pa byung ba'i dus na yang // chu yi dkyil 'khor 'bebs par byed// de nas bcom ldan 'das kun tu 'joms pa rdo rje zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi Tak+ki'i rgyal po khro bo chen po 'di/ nyid kyi sku dang / gsung dang / thugs rdo rje las phyung ngo // na maHsa man+ta kA ya waka tsit+ta badz+ra NAM/ oM Tak+ki hUM dzaH/ de nas 'di ni gsungs tsam gyis// sangs rgyas bdag nyid chen po kun// 'jigs shing dam tshig ldan gyur nas/ / rdo rje sku gsum rjes su dran// rdo rje sems dpa'i sbyor ba yis// ling ga rkang pas g.yas pas mnan// rdo rje gsum gyi sngags dag gis// sngags rnams thams cad 'gugs pa'i mchog/ de nas bcom ldan 'das ye shes kyi 'phreng ba'i chu'i rdo rje zhes bya ba'i ting nge 'dzin la snyoms par zhugs nas/ mi g.yo ba'i rdo rje gtum po'i dam tshig 'di/ nyid kyi sku dang / gsung dang / thugs rdo rje las phyung ngo // na maHsa man+ta kA ya wAka tsit+ta badz+rA NAM/ a tsa la kA Na tsaN+Da/ na nA nan+ta/ man+t+ra ma n+sa/ mon+ta moT+Ta/ shar+b+ha shan+da/ tar+b+ha tan+ta/ ha na ha na/ da ha da ha/ mo ha mo ha/ mo hA ka ra/ has ha sa/ badz+re hA sa ku ru/ ha sa ha sa/ ma ra ma ra Ta ma ra ma raT/ kardza gardza/ han ha na/ b+han+d+ha b+han+ta/ tiSh+Tha teSh+Tha/ A ba~M sha A bi shre/ mahA man+t+ra/ pA la ka/ d+hun d+hun/ ti Ni ti Ni/ 3 khya da/ big+h+nAn mA ra ya mA ra ya/ duSh+TaM/ b+hak+Sha b+hak+Sha/ sarbaM ku ru ku ru/ ki ri ki ri/ ma hA bi Sha Na badz+ra/ s+pho Ta ya s+pho Ta ya/ hUM hUM hUM/ tri ba lI ta raM/ ga nar+ha ka/ AM AM AM/ hAM hAM hAM/ a tsa la tseH s+pho Ta ya s+pho u0f89u0fa4 ya/ hU~M hUM/ a sa man+ti ke trAT/ ma hA ba la shA ta sa/ sa ma ya ni/ g+ha ta ya s+pha ra sa ma ya san tra~M/ A A~M/ nAM hU~M ma~M/ shuts+tsha tu lo ka/ tu dz+ra tu badz+ri/ na mo s+tha A pra ti ha ta ba le d+ha/ nA la pa/ tra Ta a sa ha na na maHswahA/ de nas 'di ni gsungs tsam gyis// lha rnams 'khor du bcas pa kun// brgyal zhing yid ni rab skrag nas// rdo rje'i sku ni rjes su dran// khra bo chen po'i sngags 'di yis/ / lha chen dag la sogs pa'i lha// mthu chen dag kyang skrag gyur nas// kha sbyar lus su 'gugs par 'gyur// de nas bcom ldan 'das dam tshig rnam par 'phrul pa rdo rje zhes bya ba'i ting nge 'dzin la snyoms par zhugs nas/ rdo rje 'dzin thams cad kyi dam tshig khro bo gnod mdzes 'di/ nyid kyi sku dang / gsung dang / thugs rdo rje las phyung ngo // oM sum+b+ha ni sum+b+ha hUM/ grih+Na grih+Na hUM/ grih+NA pa ya grih+NA pa ya hUM/ a na ya ho b+ha ga wAM bi d+ya ra dzA hUM phaT/ de nas 'di ni gsungs tsam gyis// bu mo mthu chen thams cad ni// skra bshig gos dang bral gyur nas// rdo rje sems dpa' rjes su rban/ / rdo rje sems dpa'i zhabs kyis mnan// de bzhin gshegs pa kun bdag pa'o// rdo rje lcags kyu zhags pa yis// bu mo rnams ni 'gugs pa'i mchog/ de nas bcom ldan 'das dam tshig chen po'i de kho na nyid 'byung ba rdo rje zhes bya ba'i ting nge 'dzin la snyoms par zhugs nas/ dam tshig chen po'i rdo rje gsum gyi gsang ba gsung gi dam tshig gi de kho na nyid kyi gnas 'di/ nyid kyi sku dang / gsung dang / thugs rdo rje las phyung ngo // sangs rgyas rdo rje sku gsum la// rdo rje sems dpa' rnam par sgom// zhags pa rdo rje kyo ba 'dzin// sangs rgyas dgug pa dam pa'o// sangs rgyas sku gsung sbyor ba yis/ / 'khor lo chen po'i sbyor ba yis// rdo rje sems dpa' rgyal po che// rtag tu nges par khugs par 'gyur// mi phyed rdo rje gsum bsgoms pas// 'khor lo pad+mo rdo rje che// rdo rje kyo ba'i khyad par gyis/ / sngags rnams thams cad dgug pa'i mchog/ thams cad rdo rje'i dngos zhi ba// rang sngags skyes bu bsgoms nas ni// mi yi bu mo mchog rnams kyi// snying khar rdo rje kyo ba sbyor// rlung gi dkyil 'khor sbyor ba yis// nges par rtag tu 'gugs par 'gyur// zla ba'i dkyil 'khor dag la ni// rnam par snang mdzad gzugs chen sgom// de na sha tsi gnas par bsam// rdo rje mo 'chi'i sbyor ba yis/ / lan grangs lnga bcu brjod na ni// nges par rtag tu 'gugs par 'gyur// rdo rje kyo ba gzugs chen po// 'bar ba rdo rje 'dra ba'i 'od// rdo rje dkyil 'khor bsgoms na ni/ nam mkha'i bu mo 'gugs pa'i mchog/ khro bo rdo rje dam tshig ni// rdo rje sa 'og gnas pa dag/ shU la rdo rje kyo ba'i gnas// lha min bu mo 'gugs pa'i gnas// btsag gam rdo rgyus dag kyang rung / rdo rje kyo ba'i sbyor ba yis// zla ba gzas ni zin pa'i tshe// khar bcug nas ni bsgrub par bya// tshangs pa drag po la sogs lha// rang gi ming rnams bris nas ni// rdo rje gsung gi bka' bzhin du/ 'jigs shing skrag nas 'ong bar 'gyur// rnam pa'i mchog rnams kun ldan pa// rdo rje 'jam pa rab tu sgom// khro bo chen po gshin rje gshed// rdo rje kyo ba rnam par bsam// bskal pa'i srag pa'i 'khor lo che/ / bsgoms nas gnod sbyin mo dag spyad// kun gyi phyag rgya'i khyad par dang // yang gsungs pa/ gcer bur phud de sgra bshig la// 'jigs pa'i tshul du gtsigs shing 'gyur/ / rkang pas ling ga mnan na ni// nam mkha'i dbyings kyang 'jig par 'gyur// ma mo'i gnas sam dur khrod dam// khang stong dang ni bzhi mdo dang // mtshan gcig dang ni shing gcig drung / / mngon par spyod pa brtsam par bya// mi rus las byas phur bu ni// sor brgyad pa yi tshad dag la// brgya rtsa brgyad du bzlas byas te// dgra bo'i sgo khar sbas na ni/ / sangs rgyas sku gsum mchog sbyin pa// shes dang mi shes rnam spangs pa// zla ba phyed ni tshun chad kyis// bskams sam yang na 'chi bar 'gyur// yang na thod pa gang ba dag/ khyad par du ni mkhas pas btsal// der ni sngags kyi tshogs bris te// rdo rje'i tshig gis bzlas pa bya// dgra yi sgo 'am grong dag tu// sbas na nges par skrod par 'gyur// ta la'i lo ma 'am gzhan la'ang rung / / khro bo'i sngags ni kun bris la// dgra yi grong ngam sgo dag tu// sbas na 'chi 'am bskams par 'gyur// bcom ldan 'das dam tshig chen po'i dpal rdo rjes de skad ces bka' stsal to/ / de nas bcom ldan 'das de bzhin gshegs pa thams cad kyi sku dang / gsung dang / thugs nges par 'ching ba rdo rje zhes bya ba'i ting nge 'dzin la snyoms par zhugs nas/ rdo rje khams gsum pa thams cad kyi sku dang / gsung dang / thugs gnon pa zhes bya ba'i sngags 'di/ nyid kyi sku dang / gsung dang / thugs rdo rje las byung ngo // oM g+ha g+ha/ g+hA ta ya g+hA yaHsarba duSh+TAn phaT phaT/ kI la ya kI la ya/ sarba pA paM phaT phaT/ hUM hUM hUM/ badz+ra kI la ya/ badz+ra d+ha ro A dz+nyA pa ya ti/ kA ya wA ka tsit+ta badz+ra kI lA ya hU~M hU~Mn+d+ra phaT/ de nas 'di ni gsungs sa thag/ sangs rgyas rdzu 'phrul chen po kun// brgyal zhing rab tu 'jigs gyur nas// nam mkha' rdo rje thugs dran 'gyur// mi rus las byas phur bu 'am// yang na seng ldeng rtse las skyes// lcags las byas pa'i phur bu dag/ rdo rje sku gsum 'jig par byed// 'od 'phro 'khrug cing mdangs bzang ba'i// rdo rje sems dpa' mnyam bzhag la// rdo rje sku ni gsum gyi mthar// gzugs brnyan bsams nas sbyar bar bya/ / rnam par snang mdzad rgya chen nam// yang na 'dod chags rdo rje can// gshin rje gshed kyi rgya chen dag/ bsams na rdo rje gsum yang gnon// rdo rje bdud rtsi 'khyil pa yis// gdug cing khro ba tshar bcad la// sangs rgyas bdag nyid chen po yang // rdo rje'i sbyor bas bya ba yin// snying kha nas ni rkang pa'i mthar// rdo rje phur bu rnam par sgom// gong du'ang dam tshig de nyid bya// 'di ni phur bu'i rnam 'phrul yin// bsam gtan rdo rje'i sbyor ba yis// sangs rgyas dag kyang nges par 'bebs// rdo rje sems dpa' rgyal po che// phur bus btab na myur du 'chi// de nas bcom ldan 'das rnam par snang mdzad chen po/ / sku rnam par 'phrul pa zhes bya ba'i ting nge 'dzin la snyoms par zhugs nas/ sku'i dam tshig tsham rngam gyis gnon pa zhes bya ba'i sngags 'di/ nyid kyi sku dang / gsung dang / thugs rdo rje las phyung ngo // oM badz+ra tshin+da tshin+da/ ha na ha na/ da ha da ha/ dip+ta badz+ra tsakra hUM phaT/ phan tshun dkri ba'i tshul du bya// mthe bong gzhi ni rab tu bsdam// rnam par snang mdzad tshul gnas te// rdo rje phur bus nges par gdab// btab ma thag tu sems dpa' che// rdo rje sku gsum las byung ba// dam tshig mchog gis ldang bar 'gyur// yang na 'chi ba'i gnas su 'gyur/ / de nas bcom ldan 'das 'jig rten dbang phyug/ gsung rnam par 'phrul pa rdo rje zhes bya ba'i ting nge 'dzin la snyoms par zhugs nas/ gsung gi dam tshig tsham rngam gnon pa rdo rje'i sngags 'di/ nyid kyi sku dang / gsung dang / thugs rdo rje las phyung ngo // oM hrIHb+hur b+hu baHye shes pad+mo kha bye ba// rdo rje sor mo nges par bzhag/ 'dod chags rdo rje'i tshul gnas te/ / rdo rje'i phur bu nges par 'debs// btab ma thag tu rdo rje che// sku gsum dri med las byung ba// btab pa tsam gyis ldang bar 'gyur// yang na 'chi ba'i gnas su 'gyur/ / de nas bcom ldan 'das rdo rje 'dzin chen po/ thugs rnam par 'phrul pa rdo rje zhes bya ba'i ting nge 'dzin la snyoms par zhugs nas/ thugs kyi dam tshig tsham rngam gyis gnon ba'i sngags 'di/ nyid kyi sku dang / gsung dang / thugs rdo rje las phyung ngo // oM badz+ra rA dza hUM/ rtse mo lnga par bcings nas ni// 'od 'phro mang po 'khrigs par sgom// rdo rje thugs kyi tshul gnas te/ rdo rje phur bus nges par gdab// btab pa tsam gyis rdo rje che// rdo rje dri med gsum las byung // btab ma thag tu ldang bar 'gyur// yang na 'chi ba'i gnas su 'gyur// sku gsung thugs kyi sbyor ba yis/ / cho ga legs par byas nas ni// mkha' dbyings rdo rje mthas klas par// phur bus 'debs par gdon mi za// bcom ldan 'das rdo rje phur bu chen pos de skad ces bka' stsal toHde nas sangs rgyas sku gsum mchog/ sems can khams la phan mdzad pa// mnyes shing rab tu dgyes gyur nas// gsung ni 'di skad bka' stsal to// e ma'o gsang ba'i gnas kyi mchog/ e ma'o snying po kun bsdus pa// e ma'o chos kyi gnas zhi ba// e ma'o rdo rje rnam par 'joms// phur 'debs sangs rgyas thams cad dang // byang chub sems dpa' grags chen te// sku gsung thugs kyi rdo rje rnams/ / phur bus gdab pa yang dag bshad// 'di ni sngags rnams thams cad kyi// phur gdab de nyid las byung ba// sku gsung thugs ni mchog sbyin pa'i// sngags kyi de nyid don bsdus pa'o/ / de bzhin gshegs pa thams cad kyi sku dang / gsung dang / thugs kyi gsang ba gsang ba 'dus pa las/ sku dang / gsung dang / thugs rmad du byung ba'i sngags kyis 'gugs pa'i rnam par 'phrul pa'i rgyal po zhes bya ba'i le'u ste bcu bzhi pa'o/ / // de nas rgyal po rdo rje 'dzin// thams cad nam mkha' mi 'gyur te/ thams cad dbang bskur kun mkhyen pas// rdo rje'i gsung ni bka' stsal pa// sme sha can gyi bdag nyid che// bu mo lo grangs bcu gnyis pa// dben pa'i gnas su khyad par du// sgrub pa pos ni rtag tu sgrub/ / bshang gci dam tshig la sogs pa// de ru cho ga bzhin du ni// dkyil 'khor gru bzhi lham par bya// rdo rje'i dkyil 'khor sgom pa yis// mtshan nyid thams cad yongs su dag/ rab tu bzang la bzhin yang mdzes// rgyan rnams thams cad yongs rdzogs pa// pang bar bzhag nas rnam par sgom// dkyil 'khor lnga yi 'khor lo yis// sangs rgyas rnams su rnam par sgom/ / sngags kyi 'khor lo can gyi gsang // mchod pa'i gnas ni nyams dga' sgom// sku gsung thugs ni rdo rje can// rnam par snang mdzad sku chen po// bsam gtan sngags kyi sbyor pa yis/ / sangs rgyas kyi ni 'od 'drar 'gyur// rdo rje sems dpa'i sbyor ba yis// btso brag mkhan ni bdag nyid che// bu mo ut+pal mthing kha'i mdog/ 'dra ba dag ni rtag tu sgrub// sbyor ba'i cho ga de nyid ni// byas nas las rnams brtsam par bya// 'di ni sngags rnams thams cad kyi// dam tshig shin tu 'da' dka' ba'o// de ni de ma thag tu yang // rdo rje sems dpa'i 'od 'drar 'gyur/ / rgyal po chos rnams kun dang mtshungs// 'dong dang thar pa rab sgrub pa// rdo rje chos ni rnam bsgoms pas// gar mkhan bu mo rab mdzes shing // bzhin bzang mig ni dkyus ring ba/ / sgrub pa pos ni rtag tu sgrub// de ni rdo rje chos kyi bdag/ sa bcu la ni gnas par 'gyur// rgyal po gsung gi dam tshig 'dzin// mnga' bdag dam pa kun gyi mchog/ bram ze rgyal rigs rje'u'i rigs/ / dmangs rigs las byung bu mo ni// rdo rje chos bdag bsgrub par bya// 'di ni gsang ba thos byed pa'o// rdo rje nyi ma nub nas ni// sgrub pa kun tu brtsam par bya// skya rengs 'char ba'i dus su ni/ / sgom pa'i mchog gis 'grub par 'gyur// rgyan rnams thams cad yongs su rdzogs// spos dang me tog rnams kyis brgyan// rdo rje sems dpa' mchog bsgoms na// grub pa myur du 'thob par 'gyur/ / 'di ni sku gsum mchog sbyin pa// sangs rgyas mtshan gyis mtshan par gyur// dpag tshad brgya yi khyon tsam du// de yi 'od kyang snang bar byed// dbang po gnyis ni sbyor ba yis/ / sbyor ba thams cad brtsam par bya// 'di ni dngos grub thams cad kyi// dam tshig shin tu 'da' dka' ba'o// rdo rje can gyi grub 'dod na// bshang gci'i dam tshig bza' bar bya// 'di ni dngos grub thams cad kyi// dam tshig shin tu 'da' dka' ba'o// bshang gci'i dam tshig la sogs pas// dbang po gnyis kyi sbyor ba yis// sangs rgyas byang chub gnas zhi ba// de nyid bla na med pa 'grub/ / bcom ldan 'das 'dod pa dang thar pa'i dam tshig rdo rjes de skad ces bka' stsal to// de nas bcom ldan 'das dam tshig chen po'i rdo rje khro bo zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi rdo rje kun tu skrag par byed pa'i rdo rje khro bo 'di/ nyid kyi sku dang / gsung dang / thugs rdo rje las phyung ngo // oM hrIHSh+Ti wi kri ta A na na// sarba sha trun nA sha ya s+t+waM ba ya hUM hUM phaT phaT swAhA/ dug ni khrag dang kun tu sbyar// lan tshwa ske tshe yungs mar te// khro zhing tsher ma'i ma la bsreg/ bu mo'i ming dang tshig tu bcas/ / nyi ma gung ngam nam phyed na// 'di ni yong ye rab tu shis// shes rab can gyis gru gsum du// stong rtsa brgyad ni tshul bzhin bsreg/ bu mo dag gi don gyi phyir// 'di ni nyi ma gsum du bya/ / bskal pa grangs med gsum du yang // de yis rtag tu gnon par 'gyur// sangs rgyas sam ni chos 'dzin pa 'am// yang na rdo rje sems dpa' yang rung // gal te rmongs pas 'das na ni// de yi tshe ni der zad 'gyur// bcu bzhi 'am yang na tshes brgyad la// dur khrod sol ba blangs nas ni// cho ga bzhin du sngags btab na// de ni rtag tu ster bar 'gyur// sngags shes pa yis gang rung ba'i/ / dgra yi gzugs brnyan byas nas su// bsam gtan dag gis bris na ni// 'chi bar 'gyur bar gdon mi za// tho ba bsam gtan sbyor ba yis// phab na nges par ltung bar 'gyur// / hUM ni rab tu 'bar dang bcas// rdo rje 'bar ba rab tu skos// phyag na rdo rje'i rigs dran te// gdug pa thams cad 'jigs par byed// rdo rgyus sol ba la sogs pas// skyes pa 'am bud med gzugs bris la/ / lag par sta re bsams nas su// med pa bcad par rnam par sgom// sangs rgyas sku gsum rin chen mchog/ sems can kun la phan 'dod pa// 'di yis snad par 'gyur ba 'am/ / shi bar 'gyur bar gdon mi za// las kyi rdo rje rab 'bar ba// me stag mang po 'khrigs pa can// dbus su rdo rje bsams na ni// chu rnams mnan pa'i mcho yin no/ / dkyil 'khor dag ni 'dri ba na// rlung la sogs pa byung na ni// mche ba'i phyag rgya bcings nas su// gdug pa'i dgra ni dran par bya// sangs rgyas byang chub sems dpa' yis// gang zhig sprul par gyur pa yang // mthong ba tsam gyis 'gag 'gyur te// gzhan du byas na 'jig par 'gyur// sangs rgyas byang chub sems dpa' dang // skye bo gdug pa gzhan dag kyang / / sngags 'dis skrag par byas na ni// 'chi bar 'gyur bar gdon mi za// de la 'di ni sngags thams cad kyi gsang ba'i snying po'o// phaTaye shes sems dpa'i sbyor ba yis// dbus su gzugs ni bsgom par bya// sngags shes pa yis gnas bzhi ru// bud med rtag tu gzhag par bya// rgyan rnams thams cad yongs su rdzogs// mtshan rnams thams cad kyis mtshan cing / / pad+mo rab tu rgyus byas nas// sngags 'di rnam par bsgom par bya// hUM/ 'od zer lnga ni rab 'bar ba'i// rdo rje can gyi sbyor ba sgom// rang lus ngag sems rdo rje la/ / phab na byang chub thob par 'gyur// de ni de ma thag tu yang // rnam par snang mdzad 'od 'dra zhing // rdo rje sems dpa' rgyal po che// sangs rgyas sku gsum rdo rje 'dzin// sems dpa' thams cad bskyed pa rdo rje zhes bya ba'i ting nge 'dzin to/ / bzhin bzang phan par 'dod pa yi// bud med rnyed na cho ga bzhin// dben par mchod pa brtsam par bya// gsang ba blangs nas bza' bar bya/ / de ni de ma thag tu yang // 'jam dpal dang ni gzi brjid mnyam// mi snang bdag po dpal dang ldan// dzam+bu gser gyi mdangs 'drar 'gyur// bshang ba'am yang na bza' ba 'am/ sha dag kyang ni gzhug par bya// cho ga bzhin du bsngags nas ni// zos na sangs rgyas kyis mi mthong // zhes bcom ldan 'das rdo rje 'chang chen pos de skad ces bka' stsal to// bshang ba cho ga bzhin blangs nas/ / kham por sbyar mar gzhag par bya// brgya rtsa brgyad du bskul na ni// sangs rgyas nyi mas mi mthong ngo // khyi yi sha dang rta sha dang // sha chen dag ni cho ga bzhin// blangs nas sbyor ba'i thabs kyis ni/ / zos na de yis mi mthong ngo // bshang dang lhan cig sbyar ba yi// ril bu lcags gsum gyis dkris pa// dbang po gnyis kyi sbyor ba yis// sangs rgyas kun gyis mi mthong ngokhyi yi sha dang sbyar ba yi/ / ril bu lcags gsum gyis dkris pa// dbang po gnyis kyi sbyor ba yis// sangs rgyas kun gyis mi mthong ngo // sha chen dang ni sbyar ba yi// ril bu lcags gsum gyis dkris pa/ dbang po gnyis kyi sbyor ba yis// sangs rgyas kun gyis mi mthong ngo // pa lang sha dang sbyar ba yi// ril bu lcags gsum gyis dkris pa// dbang po gnyis kyi sbyor ba yis// sangs rgyas kun gyis mi mthong ngo / / bshang ba las byung srog chags las// brtul zhugs can gyis ril bu bya// dbang po gnyis kyi sbyor ba yis// sangs rgyas kun gyis mi mthong ngo // ga pur tsan dan sbyar ba yis/ / ril bu lcags gsum gyis dkris pa// dbang po gnyis kyi sbyor ba yis// sangs rgyas kun gyis mi mthong ngo // gi waM a ka ru sbyar ba'i// ril bu lcags gsum gyis dkris pa/ dbang po gnyis kyi sbyor ba yis// rdo rje stobs po cher 'gyur ro// ga pur gur kum sbyar ba yi// ril bu lcags gsum gyis dkris pa// dbang po gnyis kyi sbyor ba yis// sangs rgyas kun gyis mi mthong ngo rdo rje 'dzin pa gang yang rung / / phyag rgya chen por byin brlabs nas// de ni de 'dri'i dpal ldan pa'i// stobs chen pha rol gnon par 'gyur// dpag tshad bye ba rdzogs pa yi// steng du rdo rje 'dra bar 'gyur/ / stong gsum bgrod pa'i dpal ldan pa// sangs rgyas 'od dang 'dra bar 'gyur// 'dod khams gnas pa'i bu mo dang // lha yi longs spyod rig brtul zhugs// yang na gzugs khams gnas ba la/ / stobs chen gyis ni 'dod pa spyad// bcom ldan 'das dam tshig mi snang ba'i rdo rje chen pos de skad ces bka' stsal to// de nas sangs rgyas rab dgyes bdag/ sems 'khrul yid la dbang ba rnams/ / ngo mtshar gyur cing spyan gdangs nas// gsung ni 'di skad bka' spel to// e ma'o 'di rab ngo mtshar che// e ma 'ogasang gnas mi 'gyur ba// a mthongo bo te kyis dag/ e ma'o shin tu dri med chos// de nas ston pa rdo rje 'dzin// skyed pa byed pa mi 'gyur che// sangs rgyas rdo rje chos chen pos// rdo rje'i gsung du bka' stsal pa// sems dpa' rdo rje'i sbyor ba yis// rdo rje 'dzin rnams mnyes par 'gyur// sangs rgyas byang chub rab dbye ba// sangs rgyas rdo rje can mnyes 'gyur// rdo rje can gyi gzugs la sogs// gtsug tor 'jog par byed par bshad// khro bo'i nang na de mchog ste// sangs rgyas rdo rje rab sgom pa'o// rig pa'i rgyal mo chos mchog rnams// dkon mchog dpal ni rnam par sgom// rig pa'i rgyal mo sbyor ba la// tshe dpag med pa rab tu sgom/ / thams cad las byed sngags rnams la// gdon mi za ba'i ye shes sgom// sngags rnams thams cad nyid la ni// rdo rje sems dpa' rnam par sgom// zhes gsungs so// gnod sbyin mo yis sngags rgyud la// gshin rje gshed ni brtag par bya// sngags rnams thams cad nyid la ni// spyi bo nas ni bskul ba shis// bcom ldan 'das dam tshig chen pos de skad ces ces bka' stsal to/ / bsam gtan 'khor lo de yis ni// sngags mnyes pa yi dkyil 'khor dag/ dam tshig chen po sgrub byed pa// sgrub pa po la phan par gsungs// de nas ston pa rdo rje 'dzin// gtso bo chos rnams kun dbang phyug/ sku dang gsung thugs yongs dag pas// ye shes rdo rje bka' stsal to// ri rtse nyams ni dga' ba dang // nags tshal rab tu dben par ni// bsam gtan rdo rje rab bya ba/ / bzlas dang sngags kyi sbyor bas so// rdo rje sems dpa' la sogs kun// sngags kyi bsam gtan gyis bskul bas// gsung gi las kyi bka' bzhin du// las rnams sna tshogs byed par 'gyur/ / rdo rje chos kyi gzugs chen po// pad+ma rA ga'i 'od 'dra ba// sku gsung thugs kyi rdo rje la// gnas gsum du ni rigs brtag go/ dbab pa'i cho ga thams cad ni// byas na gdon mi za bar 'grub/ / bskul dang rengs dang lha chen po// 'phags lam bzhi po dag kyang ni// rdo rje grub pa dag gis bya// de ltar byas na rtag par 'grub// bu mo lo grangs bcu gnyis ma 'am/ khye'u lo grangs bcu gnyis pa// mtshan nyid thams cad yongs rdzogs pa// bzung nas dbab pa rab tu brtag/ cho ga thams cad byas nas ni// las rnams rab tu bsgrub par bya// rnam pa gzhan du byas na ni// khams gsum skye bos dpyas par 'gyur// de la snying po'i sngags kyi yi ge'i tshig 'di rnams so// hUM haHAHdz+nye/ nam mkha'i khams ni sems med cing // rtog pa thams cad rnam spangs dang / rdo rje sems dpa' bdag nyid kyang // cho ga bzhin du byas na 'bab// hUM ni rdo rje sems dpa'i bdag/ hAHni sku yi rdo rje can// AHni chos 'dzin rgyal po ste// 'di ni gsang tshig bstan pa'o/ / dz+nyA ni skul bar byed par bshad// 'gul ba dang ni g.yo ba yin// 'di ni skul ba thams cad kyi// gsang ba yin par 'di rab bshad// khru gang tsam mam khru do 'am// khru brgyad tsam mam lnga tsam du/ / rdo rje sems dpa' rab bskul na// 'jigs shing skrag nas 'phar bar 'gyur// snga ma bzhin du thams cad 'gyur// 'di ni gsang ba thob pa'o// de nas rgyal po rdo rje 'dzin// de bzhin gshegs pa kun gyi bdag/ sku gsum gnas ni yongs dag pas// gsung ni 'di skad bka' stsal to// rtse gcig ma gyur pa yis kyang // brtul zhugs brtan pas 'di dag bya// sbyor ba/ gzhan min pas bya ba// gdug pa thams cad rnam gzhig pa'o// dur khrod sol dang phub sogs las// dgra yi gzugs brnyan byas nas ni// sgra bshig gcer bur byung nas ni// khams gsum dag kyang 'jig par byed/ / dur khrod ro bsregs thal ba yis// dgra yi gzugs brnyan byas nas ni// rtong rtsa brgyad du bzlas pas kyang // 'chi bar 'gyur bar gdon mi za// dkyil 'khor gru gsum byas pa la/ / ba lang sha 'am rta yi sha/ khyi yi sha 'am sna tshogs kyis// rdo rje'ang gdon mi za bar 'jig/ sha chen gyis ni thams cad kyi// rdo rje las byung 'jigs par bshad// 'di ni dgra rnams thams cad kyi/ / 'jig pa shin tu mi bzad yin// dgra yi gzugs brnyan byas nas ni// bshang gci dag gi chos mchog can// tsher ma'i me la khros nas bsregs// sangs rgyas dag kyang nges par 'jig/ chu bo'i 'gram gnyis sa yis kyang // dgra yi gzugs brnyan byas nas ni// til 'bru tsam gyis yan lag kun// dug las byung ba'i tsher ma yis// bskul ba'i tshig dang bcas pas dgang / / sangs rgyas dag kyang nges par 'jig/ ske tshe lan tshwa 'bru mar dang // dug dang da du ra dag ni// sangs rgyas thams cad gsad pa la// 'di dag mchog tu gyur par bshad// sol khus gsher ba'i gos dag ni/ / gyon te sems ni khros nas su// rkang pas ling ga mnan na ni// srin pos 'khyer bar gdon mi za// rus phye khrag dang dug rnams kyis// gzugs brnyan rab tu byas na ni/ / rdo rje sems dpa' drag po yang // myur ba dag tu 'khyer bar 'gyur// ske tshe bshang gci sbyar ba yis// ling ga yongs su gang bar ni// blugs la rkang pas rab mnan na// tsha ba chen pos btab par 'gyur// de la 'di ni de bzhin gshegs pa thams cad kyi dam tshig chen po'i rdo rje khro bo'i snying po'o// na maHsam+b+ha kA ya wA ka tsit+ta badz+ra NAM/ oM hu lu hu lu/ tiSh+Tha tiSh+Tha/ ban d+ha ban d+ha/ ha na ha na/ da ha da ha/ pa tsa pa tsa/ gardza gardza/ pi s+pho Ta ya bi s+pho Ta ya/ sarba big+h+nan bi nA ya kA na/ ma hA ga na pa ti dzI bi tAn+ta ka rA ya hUM phaT/ sbyin sreg ya nra bsam gtan dag/ lus dang ngag sems 'jig pa ste// ma yengs pa yi sems kyis bya// 'di ni gsod pa'i mchog yin no// rdo rje sems dpa' khro bo che// rnam par bgrad pa 'jigs 'jigs lta/ / sta re tho ba phyag na bsnams// bsams nas bsam gtan rab tu bya// de la 'di ni drag po chen po'i khro bo'i dam tshig go// mkha' dbyings thams cad sangs rgyas kyis/ / yongs su gang bar rab tu sgom// gdug pa de yis bsad par ni// bsams na de ma thag tu 'chi// sangs rgyas byang chub sems dpa' yis// yongs su gang bar bsgoms nas ni// gdug pa'i sems dpas bsad na ni// rdo rje 'dzin pa nyid kyang 'chi// sangs rgyas gnod byed dgra rnams la// skrag cing 'jigs pas dkrug par ni// sngags mkhan gyis ni mdun bsams na// 'chi bar 'gyur bar gdon mi za// srin po khro bo sna tshogs pa// gtum zhing khro bo mi bzad pas// der ni skrag par byas bsams na// rdo rje 'dzin pa nyid kyang 'chi// 'ug pa khwa dang bya rgod dang / / chu ring ba dang wa rnams te// de yis zos par bsams na ni// sangs rgyas dag kyang nges par 'jig/ sbrul nag rab tu khro ba ni// 'jigs pa dag kyang nges par 'jig/ dug gi mchog gi dam tshig ni/ / dpral bar bsams na khyad 'phags pa'i// sbrul des zos par bsams na ni// sangs rgyas dag kyang nges par 'jig/ phyogs bcu'i sems can thams cad la/ yams sam gnod par byed pa rnams// 'jigs pa nges par 'bebs pa'i mchog/ 'di ni bskul ba'i mchog yin no// tho ba rab tu drag po yis// brtul zhugs can gyis snying khar brdeg/ rdo rje 'dzin pa'i bka' bzhin du/ / dgra bo'i srog ni med par 'gyur// rdo rje sta re la sogs pas// gshag cing gtub par bsams na ni// sku gsum gyi ni mchog sbyin pa// rdo rje sems dpa' drag po'ang 'chi// srung ba la sogs sngags rnams dang // lha rnams kyang ni phur bus gdab// 'di ni gsod par byed pa'i mchog/ dam tshig shin tu 'da' dka' ba'o// rdo rje phung pos ji tsam du// sems can dkyil 'khor gnas pa la/ / bsang bdag nyid gtogs bsams na ni// mnyes par 'gyur te gzhan du min// ston pa sangs rgyas rdo rje 'dzin// rdo rje chos dang rdo rje can// rdo rje thugs kyi bka' bzhin du/ bsam gtan sbyor bas 'chi bar 'gyur// bcom ldan 'das khro bo chen po'i dam tshig khro bos de skad ces bka' stsal to// de nas rgyal po rdo rje 'dzin// thams cad nam mkha' thub chen po/ thams cad dbang bskur rdzogs sangs rgyas// ye shes rdo rjes bka' sprul pa// e ma'o ngo bo nyid kyis dag/ rdo rje theg pa bla na med// ma skyes pa yi chos rnams la// rgyal ba rnams kyi skye bar bstan/ / de la 'di ni las phran tshegs kyi rdo rje gsang ba'o// sbrul ni mi sdug 'jigs byed pa// nag po 'bar ba 'khrug cing khro// lce gnyis mche ba'i 'phreng can ni// rdo rgyus dag gam sol bas bri/ / de la 'di ni klu khro bo bskul ba'i snying po'o// khaMr mi bzad par ni 'gyur ba'i dug/ rdo rje'i dbus na 'dug par bsam// dug ni ha la ha la mtshungs// sreg pa'i me yi kha dog bzhin/ / bsgoms na 'gul bar gdon mi za// de la 'di ni dug thams cad 'byin pa'i snying po'o// hrIHrnam pa sna tshogs las byug dug/ khams gsum na ni gnas pa kun// de yis khyer bar bsgoms nas ni/ / 'bab par gyur par rnam par bsam// de ni de ma thag tu yang // mi bzad dug gi rgya mtshor 'gyur// reg ma thag tu skye bo kun// 'jig pa 'di la the tshom med// sdig pa rus sbal la sogs dang / / sbrul rnams sna tshogs pa dag kyang // sbyor ba 'byung ba'i mtshan nyid kyis// cho ga bzhin du rab tu bya// de la 'di ni dug thams cad 'pho ba'i snying po'o// oM lta ba rdo rje'i dug la sogs/ / gzhan yang mi bzad pa yi dug/ nam mkha' rdo rje'i dkyil 'khor du// bsams na ye shes rdo rjes 'dren// bcom ldan 'das dug gi dam tshig chen po rdo rjes de skad ces bka' stsal to// de la 'di ni dug gso ba'i dam tshig rdo rje snying po'o// hUM rdo rje chen po'i snying po 'di// kha dog dkar por rnam par bsam// 'od kyi sprin ni shin tu 'bar// zla ba'i 'od zer bzhin du bsil// gnas bzhi dag tu sbyor ba yis/ / de ma thag tu 'byung bar 'gyur// lan gsum legs par sgom pa ni// skyugs pa dag tu rnam bsams na// nam mkha'i khams kun gang ba yang // de ma thag tu dug med 'gyur// zhes de skad bka' stsal to// de la 'di ni nye ba'i dug thams cad drang ba'i snying po'o// AH'bras dang po la mig 'brum bu dang // gang gzhan nang du bshad pa rnams// phyag na rdo rje'i bka' bzhin du/ bsams pa tsam gyis med par 'gyur// pad+ma chen po 'dab ma brgyad// zla ba bzhin du dri ma med// de yi dbus na 'dug bsam pa// 'od zer lnga ni rdzogs pa'o// sdud pa na ni dam tshig gnag/ bskul ba na ni dkar po 'dra/ / bsam gtan gnas ni gsang ba 'di// ye shes dri med gsang chen yin// de la 'di ni phyi nang gi nad rnams gso ba'i rdo rje snying po'i sngags kyi yi ge'i tshig rnams so// dzi na dzi ka/ A li ka/ badz+ra d+h+ri ka/ nad kyi rdo rje bskul ba yis// yi ge'i tshig ni gang 'dod pa// dad pas yon tan thob 'gyur ba// de 'dra'i gzugs ni bsgom par bya// dam tshig spre'u dang 'dra ba 'am// yang na khyi las byung ba'ang rung / / rang gi lus ngag sems gnas las// byung ba dag tu rnam par bsam// 'khor lo 'am ni rdo rje'ang rung // bsgoms na rdo rje'i go 'phang gnas// lus dang ngag sems dam tshig rnams// des ni phye mar brlag par sgom// de nas brtsams te rdzogs sangs rgyas// byang chub sems dpa' grags chen rnams// byin rlabs go 'phang dam pa dag/ dgyes pa'i spyan gyis rab tu stsol// 'di skad ces kyang bka' stsal to/ / rang lus ngag sems rdo rje la// sangs rgyas sprin dag rnam par bsam// rdo rje rgyal po sprin chen po// nad las thar par rnam par sgom// phyogs bcu'i sangs rgyas thams cad dang / blo ldan byang chub sems dpa' dag/ de la khros par bsams na ni// 'chi bar byed pa dam pa yin// bsam gtan sbyor ba 'di dag gis// las skyes su yang gang grags pa/ brgya rtsa brgyad bzlas sbyor ba yis// nyi ma bdun gyis 'jig par 'gyur// yang na bdag gis sngags rgyal gyis// rdo rje'i bsam gtan cho ga bsam// 'di ni nad rnams thams cad kyi// dam tshig shin tu 'da' dka' ba'o/ / de nas rgyal po rdo rje 'dzin// ye shes kyo ba 'od po che// 'dod dang thar pa rdo rje ches// gsung ni 'di skad bka' stsal to// chos rnams rmi lam lta bu ste// ngo bo nyid kyis ma skyes shing / / rang bzhin dag pa de nyid la// 'khrul pa'i rdo rje rab tu gsung // bsam gtan bzlas pa don brtson pa'i// sgrub pa pos ni rtag tu mthong // sangs rgyas byang chub sems dpa' rnams// dbye ba rnam pa gnyis su mthong / / de la 'di ni rmi lam chen po'i dam tshig gi gnas te// byang chub ye shes mchog thob pas// sangs rgyas 'od ni bzang por mthong // sangs rgyas rdzogs longs spyod pa yi// skur yang bdag nyid myur du mthong / / sems can chen po khams gsum pas// mchod pa byed par des mthong ngo // ye shes chen po'i 'od 'dra'i gzugs// sangs rgyas byang chub sems dpa' yis// 'dod pa'i yon tan lnga rnams kyis/ / rtag tu mchod pa byed par mthong // rdo rje sems dpa'i gzugs chen dang // grags pa chen po rdo rje chos// gsang ba rdo rje grags pa cher// rmi lam dag na rang gzugs mthong // byang chub sems dpa' rdo rje can// sangs rgyas chen po phyag 'tshal ba'i// rmi lam 'di 'dra mthong gyur pa// sku gsung thugs kyi dngos grub ste// rgyan rnams thams cad yangs rdzogs pa'o// lha yi bu mo yid 'ong dang // khye'u dang bu mo dag mthong na// de ni dngos grub 'thob par 'gyur// phyogs bcu'i sangs rgyas thams cad kyang // zhing na bzhugs par nges par mthong // thugs ni dgyes par gyur nas kyang // chos mdzod yid du 'ong ba stsol// chos kyi 'khor lo sgyur ba'i lus// sangs rgyas kun gyis yongs bskor ba// bsam gtan rdo rje la gnas pa'i// dam tshig sbyor bas mthong bar 'gyur// kun dga' ra ba skyed mos tshal// lha yi bu mo sogs pas brgyan// sangs rgyas kun gyis byin brlabs pas// bsam gtan dam tshig can gyis mthong // sangs rgyas byang chub sems dpa' yis// de ni mngon par dbang bskur mthong // rig 'dzin rgyal po chen po yis// mchod pa byas par nges mthong ngo // yang gsungs pa/ rdo rje las byung sna tshogs pa'i/ / rmi lam dri ma med mthong na// sku gsung thugs kyi rdo rje las// skyes pa bla med 'grub par 'gyur// gdol pa khyi yi sbyor la sogs// gal te rdo rje thos mthong na// blo ldan rdo rje sems dpa' yi/ / sems kyi gnas ni 'grub par 'gyur// de la 'di ni rmi lam rnam par dpyad pa'i dam tshig gi snying po'o// rang sems rnams ni dmigs pa la/ chos rnams thams cad rab tu gnas// nam mkha' rdo rje'i gnas sems 'di/ / chos med chos nyid med pa'o// de nas bcom ldan 'das de bzhin gshegs pa thams cad ngo mtshar du gyur/ rmad du gyur nas/ de bzhin gshes pa thams cad kyi sku dang / gsung dang / thugs kyi dam tshig gi the tsom gcod pa rdo rje sems dpa' la zhus pa/ bcom ldan 'das 'di ci zhig lags// chos rnams ngo bo med pa la// chos kyi de nyid kun bshad pa/ / e ma'o ngo mtshar las byung ba// nam mkha' la ni nam mkha' sgos// de nas bcom ldan 'das de bzhin gshegs pa thams cad kyi sku dang / gsung dang / thugs phyug na rdo rje de bzhin gshegs pas/ de bzhin gshegs pa thams cad la 'di skad ces gsungs so// bcom ldan 'das de bzhin gshegs pa thams cad/ nam mkha' ni chos gang dang yang mi ldan te/ mi ldan pa'ang ma yin no// nam mkha' de'ang ni chos thams cad du gtogs la/ thams cad kyi rjes su blta'o snyam du'ang mi sems so// de bzhin du bcom ldan 'das de bzhin gshegs pa thams cad mi lam lta bu dang / rmi lam gyi dam tshig las byung bar rjes su rtogs par bya'o/ / bcom ldan 'das de bzhin gshegs pa thams cad/ 'di lta ste/ dper na nam mkha' brtag tu med cing bltar mi snang ba thob pa med pa de bzhin du/ bcom ldan 'das de bzhin gshegs pa thams cad chos thams cad kyang rjes sa rtogs par bya'o// bcom ldan 'das de bzhin gshegs pa thams cad 'di lta ste/ dper na lus dang / ngag dang / sems dang / chos thams cad rdo rje'i gnas kyi dam tshig ni/ thams cad kyi rjes su song ba ngo bo nyid gcig pa'i phyir te/ 'di lta ste/ sems kyi ngo bo nyid do// lus dang / ngag dang / sems kyi khams gang yin pa dang / nam mkha'i khams de dag gnyis su med cing gnyis su byar med do// bcom ldan 'das de bzhin gshegs pa thams cad/ 'di lta ste/ dper na sems can thams cad nam mkha'i 'am la gnas te/ nam mkha'i khams de'ang 'dod pa'i khams na gnas pa'ang ma yin// gzugs kyi khams na gnas pa'ang ma yin/ gzugs med pa'i khams na gnas pa'ang ma yin te/ chos gang khams gsum na mi gnas pa de ni skye ba med do/ / gang la skye ba med pa 'di ni chos gang gis kyang brtag par mi nus so// de bas na bcom ldan 'das de bzhin gshegs pa thams cad/ chos thams cad ngo bo nyid med pa'o/ / kye bcom ldan 'das de bzhin gshegs pa thams cad/ 'di lta ste/ dper na byang chub kyi sems kyi de bzhin gshegs pa thams cad kyi ye shes 'byung ba rdo rje'i gnas byed pa ste/ byang chub kyi sems de'ang lus la mi gnas/ ngag la mi gnas/ sems la mi gnas so// chos gang khams gsum na mi gnas pa de la skye ba med do// 'di ni ye shes 'byung ba rdo rje'i gnas yin no/ / kye bcom ldan 'das de bzhin gshegs pa thams cad/ rmi lam de ni bdag gis khams gsum du rmi lam mthong bar ba'o sam nga mi sems so// mi'ang bdag gis rmi lam mthong ngo snyam du mi sems so/ / khams gsum gyi bya ba de rnams kyang rmi lam lta bu/ rmi lam dang 'dra ba/ rmi lam las byung ba'o// de bzhin du bcom ldan 'das de bzhin gshegs pa thams cad phyogs bcu'i 'jig rten gyi khams kyi sangs rgyas dang byang chub sems dpa' ji snyed pa rnams dang / sems can ji snyed pa thams cad kyang rmi lam bdag med pa'i gnas su rjes su rtogs par bya'o/ / bcom ldan 'das de bzhin gshegs pa thams cad/ 'di lta ste/ dper na yid bzhin gyi nor bu rin po che ni/ rin po che thams cad kyi gtso bo yon tan thams cad dang ldan pa ste/ rin po che thams cad kyi gtso bo yon tan thams cad dang ldan pa gang yin pa de la/ sems can gang dag gis gser ram/ rin po che 'am/ dngul yang rung ste/ gang bslangs pa de dag thams cad bsams pa tsam gyis 'byor par byed de/ rin po che la sogs pa de dag kyang sems la'ang mi gnas/ yid bzhin gyi nor bu la'ang gnas pa ma yin no// de bzhin du bcom ldan 'das de bzhin gshegs pa thams cad chos thams cad dang / sangs rgyas kyi chos thams cad kyang rjes su rtogs par bya'o// de nas bcom ldan 'das de bzhin gshegs pa de dag thams cad rab tu dgyes pa'i spyan gdangs nas/ / de bzhin gshegs pa thams cad kyi sku dang / gsung dang / thugs rdo rje de bzhin gshegs pa la 'di skad ces gsol to// bcom ldan 'das gang nam mkha'i khams kyi rjes su 'brang ba'i chos thams cad la sangs rgyas kyi chos rnams rjes su 'brang ba de ngo mtshar to/ / de nas sangs rgyas dang byang chub sems dpa' de dag thams cad kyis/ bcom ldan 'das phyag na rdo rje de bzhin gshegs pa'i zhabs gnyis la phyag 'tshal nas 'di skad ces gsol to/ / gang bcom ldan 'das khyed kyis sngags thams cad kyi rdo rje'i dngos grub mdor bsdus te gsungs pa/ sngags thams cad kyi rdo rje mdor bsdus pa'i dngos grub de dag gang la gnas/ de nas phyag na rdo rjes de bzhin gshegs pa thams cad dang / byang chub sems dpa' de dag thams cad la legs so zhes bya ba byin nas/ de bzhin gshegs pa thams cad la 'di skad ces gsungs so// bcom ldan 'das de bzhin gshegs pa thams cad sngags kyi dngos grub thams cad ni/ sku dang / gsung dang / thugs la mi gnas so/ / de ci'i phyir zhe na/ 'on kyang bcom ldan 'das de bzhin gshegs pa thams cad sngags kyi dngos grub thams cad dang / sangs rgyas kyi chos thams cad ni bdag gi lus dang / ngag dang / sems rdo rje la ni gnas so// lus dang / ngag dang / sems rdo rje de dag kyang 'dod pa'i khams na mi gnas/ gzugs kyi khams na mi gnas/ gzugs med pa'i khams na mi gnas/ sems kyang lus la mi gnas/ lus kyang sems la mi gnas/ ngag kyang sems la mi gnas/ sems kyang ngag la mi gnas so// de ci'i phyir zhe na/ nam mkha' ltar ngo bo nyid dag pa'i phyir ro// de nas de bzhin gshegs pa thams cad kyi sku dang / gsung dang / thugs rdo rje la 'di skad ces gsol to// bcom ldan 'das de bzhin gshegs pa thams cad kyi chos gang la gnas gnas byung / dpal rdo rje sems dpas bka' stsal pa/ rang gi lus dang / ngag dang / sems las byung ngo // bcom ldan 'das de bzhin gshegs pa thams cad kyis gsol pa/ sems gang na gnas/ bka' stsal pa/ gsol pa/ nam mkha' gang na gnas/ bka' stsal pa/ gang na'ang mi gnas so// de nas sangs rgyas dang byang chub sems dpa' de dag ngo mtshar du gyur/ rmad du gyur nas/ rang gi sems kyi chos nyid la gnas nas sems shing cang mi smra bar 'khod par gyur to// de bzhin gshegs pa thams cad kyi sku dang gsung dang / thugs kyi gsang ba gsang ba 'dus pa las/ sems can thams cad kyi dam tshig gi snying po'i rdo rje 'byung ba zhes bya ba'i le'u ste bco lnga pa'o// / de nas bcom ldan 'das de bzhin gshegs pa thams cad yang 'dus par gyur nas/ bcom ldan 'das de bzhin gshegs pa thams cad kyi sku dang / gsung dang / thugs rdo rje de bzhin gshegs ba la/ de bzhin gshegs pa thams cad kyi sku dang / gsung dang / thugs kyi dam tshig gis gsol ba btab nas/ de bzhin gshegs pa thams cad kyi rdo rje rin chen gyi mchod pa'i tshogs kyis mchod pa byas so/ / de nas bcom ldan 'das phyag na rdo rje de bzhin gshegs pa/ rdo rje thams cad kyi dkyil 'khor seng ge'i dam tshig gi rgyal po zhes bya ba'i ting nge 'dzin la snyoms par zhugs nas/ rdo rje'i sku'i dkyil 'khor 'di sangs rgyas thams cad kyi sku dang / gsung dang / thugs rdo rje las phyung ngo // de nas su yi dkyil 'khor mchog/ thus kyi dkyil 'khor rab 'thab// dkyil 'khor rnams na kun gyi mchog/ legs par rab tu bshad par bya// khru ni bcu drug tshad du bya// gru bzhi lham pa rab tu mdzes// sangs rgyas kun gyi dkyil 'khor te// sku yi rdo rje rab tu gnas// de yi nang du 'khor lo ni/ / rdo rje'i cho gas bri bar bya// sngags rnams kun gyi gsang ba mchog/ phyag rgya rdo rje'i gnas su bya// dbus su rnam par snang mdzad gnas// mi bskyod pa la sogs pa'ang bri// sku dang gsung thugs rdo rje mchog/ grwa rnams kun tu dgod par bya// stobs chen pha rol gnon pa yi// khro bo rnams kyang sgor bri'o// rdo rje gsang ba rab bsgoms pas// mchod pa sngags shes pa yis bya/ / 'di ni sngags rnams thams cad kyi// dam tshig shin tu 'da' dka' ba'o// bshang dang gci ba la sogs pa// bye brag tu ni nges par dbul// 'di ni sngags rnams thams cad kyi// sku yi rdo rje las dam tshig/ de bzhin gshegs pa thams cad kyi sku'i dkyil 'khor ro// de nas bcom ldan 'das phyag na rdo rje de bzhin gshegs pas gsung rdo rje thams cad kyi dam tshig gi sprin bkod pa zhes bya ba'i ting nge 'dzin la snyoms par zhugs nas/ gsung rdo rje'i dkyil 'khor 'di// nyid kyi sku dang / gsung dang / thugs rdo rje las byung ngo // de nas gsung gi dkyil 'khor mchog/ thugs kyi dkyil 'khor rab 'dra ba// dkyil 'khor rnams ni kun gyi mchog/ legs par rab tu bshad par bya// khru ni nyi shu'i tshad du bya// gru bzhi lham pa tshe ga bzhin/ / gru bzhi pa la sgo bzhi par// rdo rje bsgom pas thig gdab po// de dbus 'khor lo chen po ni// zlum por kun tu bri bar bya// mdo ru phyag rgya thams cad ni// cho ga bzhin du bri bar bya// tshe dpag med kyi phyag rgya che// de yi dbus su gzhag par bya// rdo rje gnas mchog de nyid du// thams cad yongs su dgod par bya// yongs su gsal bar cho ga bzhin// dkyil 'khor dam pa byas nas ni/ / de nas gsang ba'i mchod pa bya// 'on tang rdo rje can dag mnyes// bshang gci khu ba'i dam tshig gis// mchod na dngos grub thob par 'gyur// 'di ni sangs rgyas thams cad kyi// dam tshig shin tu 'da' dka' ba'o// de bzhin gshegs pa thams cad kyi gsung gi dkyil 'khor ro// de nas bcom ldan 'das phyag na rdo rje de bzhin gshegs pa kun nas sprin gyi tshogs rdo rje zhes bya ba'i ting nge 'dzin la snyoms par zhugs nas/ rab tu gsang ba'i dkyil 'khor gsang ba 'di/ nyid kyi sku dang / gsung dang / thugs rdo rje las phyung ngo // rdo rje 'dzin mchog gang yin pa'i// gzugs ni dbus su legs bris pa/ / de yi dkyil 'khor gan su 'gyur// sku gsung thugs kyi gsang las byung // 'di ni de bzhin gshegs pa thams cad kyi sku dang / gsung dang / thugs rdo rje'i gnas ye shes gsang ba yin te rab tu gsang ba'o/ / de nas phyag na rdo rje de bzhin gshegs pa dkyil 'khor thams cad kyi 'khor lo 'byung ba zhes bya ba'i ting nge 'dzin la snyoms par zhugs nas/ dkyil 'khor thams cad kyi sku dang / gsung dang / thugs rdo rje'i gsang ba 'di/ nyid kyi sku dang / gsung dang / thugs rdo rje las phyung ngo // de la 'di ni rdo rje'i dkyil 'khor gyi sngags kyi snying po'i thig gdab pa'i yi ge'i gnas rnams so/ / oM AHhUM/ rdo rje'i thig ni gdab pa dang // tshon rtsi dag ni dgye ba dag/ sngags kyi sems dpas mi bya ste// byas na byang chub red par dka' de bas dam tshig tshul shes pas/ / sngags kyi lha rnams phab nas su// byin gyis brlabs kyis gnas bsgoms la// dkyil 'khor rnams ni rnam par brtag/ rgyal chen rnam par sna mdzad dang // yang na spyan ni dpam par bya// sku yi dkyil 'khor gnas yid 'o // rdo rje sku yi yon tan 'thob// rdo rje chos ni rgyal po che// rang gi chos mas dbab par bya// 'di ni sngags rnams thams cad kyi// gsang ba rab tu brtag pa yin/ / rdo rje sems dpa' rgyal po che// mA ma kI yang dbab par bya// 'di ni sngags rnams thams cad kyi// gsang ba rmad du byung ba'o// de ltar byas na byin rlob cing // yid la dbang ba nyid gshegs te/ / rab tu dgyes par gyur nas ni// gsang ba dag gis mchog kyang stsol// 'di skad kyang gsungs so// sngags kyi sems dpas bya ba ni// rdo rje gsang ba rmang po che/ / khro bo'i rgyal pos bkug nas ni// sangs rgyas thams cad mchod par bya// rdo rje dri med gsum dag gi/ dam tshig mchod pa dus gsum pa// rdo rje gsum gyi sbyor bas bya// sngags kyi dngos grub thob par byed/ / 'di skad kyang gsungs so// sngags rnams thams cad nyid la yang // rmad du byung ba'i gtor ma dbul/ kha shang gci sha dang 'bru mar dang // sems las byung ba'i tsan ngan dang / / khu ba dag gis sngags rnams kun// tshim par 'gyur bar kun tu bshad// 'di ni dam tshig mchog yin te// sangs rgyas byang chub rdzogs byed pa'o// thig gdab pa yi cho ga 'di// bdag nyid gang tshe spyod pa na/ / rnam par snang mdzad bsgoms nas su// rdo rje sems dpa' rab tu sgom// yang na rdo rje mi 'chir grags// slob ma rdo rje 'od po che// sangs rgyas kun gyis bsten pa yi// las kyi go 'phang bsgom par bya/ / sangs rgyas rgyal chen lnga rnams na// rdo rje'i thig skud dag la dgod// 'di ni sangs rgyas thams cad kyi// gsang ba rab tu rmad byung ba'o// rnam pa nyi shu rtsa lngar ni// tshon rtsi dag kyang rnam par sgom/ / 'di ni sangs rgyas thams cad kyi// gsang ba byang chub dam pa yin// sngags rnams thams cad nyid la yang // rdo rje hUM ni bsgom par bya// sku dang gsung dang dam tshig mchog/ gnas lnga dag tu bsgom par bya// de ltar rtag tu byas na ni// rdo rje mi phyed gsum las skyes// rdo rje sems dpa' blo ldan pa// 'jigs shing skrag nas byin rlob mdzad// rdo rje bum pa bzhag pa ni// sngags rgyud bdag pos shes bya ste/ / rdo rje sems dpa'i ting 'dzin gnas// brtan po'i blos ni brtag par bya// dngos grub kun gyis 'bras 'dod pa'i// sngags shes pas ni sbyin sreg bya// bshang gci 'bru mar sha la sogs/ / sbyin sreg tu ni dbul bar bya// rdo rje mi phyed gsum dag la// rdo rje gsang ba'i sbyin sreg dbul// dbus su rang gi lha yi gzugs// bsams te zhal du dbab par bya// 'di skad kyang gsungs so// dbang po gnyis kyi dam tshig gis/ sbyin sreg brgya rtsa brgyad du bya// 'di ni sangs rgyas thams cad kyi// dam tshig shin tu 'da' dka' ba'o// rnam snang mdzad kyi sbyor ba yis/ / slob ma rdo rje gsum las byung // AHni lus dang ngag sems la// bsgoms nas rdo rje gzung bar bya// rgyal chen rdo rje sems dpa' dang // grags chen rnam par snang mdzad dag sku gsung thugs kyi dam tshig tu/ / byin gyis brlabs ni rab tu gsol// de la 'di ni dkyil 'khor chen por 'jug pa'i rdo rje'i dam tshig go/ AHkhaM bI ra hUM/ 'di ni dam tshig thams cad kyi lus dang / ngag dang / sems rdo rje'i snying po'o// de la 'di ni rdo rje chen po'i dbang bskur ba'i gsang ba'i ye shes gsang ba'o// sangs rgyas kun gyis nam mkha'i khams// yongs su gang ba rab tu sgom rdo rje'i rigs ni 'dzin pa yis/ / sil snyan dri yi sprin rnams sgom// 'di skad kyang gsungs so// rdo rje sku gsung sngags kyis ni// nyung kar dag gis brdeg par bya// de la de yi tshe na ni/ / bdag nyid dbang bskur rab tu stsol// rdo rje sems dpa'i ting 'dzin gyis// yang na sangs rgyas bsgom par bya// bum pa dam tshig mchog rnams kyis// bzung bar mkhas pa dag gis sgom/ / rdo rje rnam par snang mdzad bsam// slob ma rtag tu blo brtan la// lus dang ngag sems rdo rje can// sngags shes pas ni dgod par bya// de la 'di ni dbang bskur ba thams cad kyi gsang ba slob dpon thams cad kyi rdo rje'i tshig tu smra bar bya'o/ / sangs rgyas rnams ni thams cad kyi// rdo rje gsang ba gsum las byung // khams gsum dag gis phyag byas pa// rdo rje dbang bskur chen po sbyin/ / de la 'di ni slob ma thams cad kyis rdo rje chen po'i gsol ba bya ba'i cho ga gsang ba'o// byang chub rdo rjes sangs rgyas la// mchod chen ji ltar stsal ba bzhin// bdag kyang rab tu bsgral ba'i phyir/ / nam mkha'i rdo rje deng bdag stsol// de tshe de la dbang bskur ba// rab tu dgyes nas stsol bar mdzad// lha yi gzugs kyi sbyor ba yis// snying khar bdag po gzhag par bya// rdo rje slob ma blo ldan la// sngags kyi yi ge'i tshig byin la// dkyil 'khor dag ni brtan par bya// sangs rgyas kun gyis gsungs pa yi// dam tshig gsang ba bsgrag par bya// khyod kyis srog chags gsad par bya// brdzun gyi tshig kyang smra bar bya// ma byin par yang khyod kyis long // bud med dag kyang bstan bya// rje rje'i lam ni 'di dag gis// sems can thams cad bskul bar bya// 'di skad kyang gsungs te/ 'di ni sangs rgyas thams cad kyi// dam tshig mchog tu rtag pa'o// sngags kyis bskul ba smras pa yis// de la sngags kyang smin par bya// sngags kyi rgyal po'i ting 'dzin dang // gsang ba sbyin pa brtsam par bya/ / khu ba 'am yang na bshang ba'ang rung // cho ga bzhin du brgyus nas ni// rdo rje'i bros ni bza' bar bya// na tang dngos grub rnyed mi dka'// rnam pa 'di bzhi gsang chen te// rdo rje can ni kun gyi gsang / / sngags kyi 'khor lo bud med gzugs// sems can don spyod phyir gnas pa'o// de la 'di ni rdo rje'i dkyil 'khor thams cad kyi sngags kyis mnyes par bya ba gsang ba'o/ / glang po'i sha dang rta yi sha// sha chen dag kyang bza' bya zhing // sngags rnams kul la dbul bar bya// de ltar nas na mgon po mnyes// nyin re rdo rje slob ma la// mkhas pas dkyil 'khor bstan par bya/ / bshang gci sha yi bya ba dang // rdo rje gsang ba'i tshig dag gis// sngags rnams kun gyi yi ge e// bsgoms na de ma thag tu 'bar// bcom ldan 'das sngags kyi rig pa'i skyes bu chen pos de skad ces bka' stsal to/ / dngos grub thams cad bsgrub pa dang // dam tshig chen po bsgrub pa dang // sangs rgyas byang chub nyid dag kyang // nan tan du ni bsgrub par bya// mi snang stobs dang brtson 'grus dang // rdo rje dgug pa'i mchog dag kyang // rdo rje sku yi bka' bzhin du// dkyil 'khor dag gis thams cad 'grub// bshang gci dang ni sha chen rnams/ / cha ni mnyam par byas nas su// kham phor sbyar mar bzhag na ni// sangs rgyas kun dang lhan cig 'khod// 'di skad ces kyang gsungs te/ de la 'di ni gsang ba thams cad kyi rdo rje mngag gzhug par rab tu sgrub pa'i tshig gi mchog go/ / hriHni 'bar ba'i 'od bzang po// nam mkha' rdo rje'i dbus su bsam// sangs rgyas kun gyis nam mkha'i khams// yongs su gang bar rnam par sgom/ / de yi sku gsung thugs kyi gnas// der ni sngags kyis dbab par bya// de la 'di ni sku dang / gsung dang / thugs kyi sngags rdo rje byin gyis rlob pa'i snying po'o// aHkhaM d+hIH/ phyag na / rdo rje'i gzugs chen dang // phyag na pad+mo 'od chen dang // gzhan gyis mi thub gzugs chen dag/ bsgoms nas gsang ba'i gnas gzhag go// de la 'di ni rdo rje gsang ba'i gnas so// nyi ma'i dkyil 'khor dbus gnas par/ / mi bskyod pa ni rab tu brtag/ tshe dpag med pa'i 'khor lo che// rdo rje snang mdzad de bzhin te// 'od chen sdug bsngal chen po yis// thams cad snying pos bskul bar bya// de la 'di ni rdo rje'i snying po thams cad bskul ba'o// AMmadung rtse che dang rdo rje che// lcags kyu sna tshogs mchog rnams kyis// rdo rje cho ga bzhin bskul na// sangs rgyas byang chub rab tu 'grub// 'di skad ces kyang gsungs so/ / nyams dga' ba yi ri dag dang // chu gling rnam pa sna tshogs su// zla ba phyed ni tshun chad kyis// sangs rgyas thob pa gdon mi za// ri rab sum cu rtsa drug gi/ rdul phran ji snyed yod pa yis/ / de yi 'khor tshogs lhan cig tu// 'khor lo can gyi byang chub 'grub// phyogs bcu'i sangs rgyas thams cad kyi// sangs rgyas zhing du 'gro bar 'gyur// zab mo'i chos kyang thos 'gyur zhing / / sangs rgyas sa yang 'thob par 'gyur// bcom ldan 'das dam tshig rdo rje bzhad pas de skad ces bka' stsal to// de la 'di ni mngag gzhug pa thams cad kyi gsang pa'i rdo rje gsang ba'o/ / rdo rje sems dpa' ye shes che// de bzhin gsung gi rdo rje 'dzin// rdo rje sku yi dgod pa che// mngag gzhug pa dag brtag tu brtul// de la 'di ni rdo rje ye shes 'khor lo sngags kyi dam tshig gi gnas so/ / dam tshig bskul ba dang / dam tshig gtong ba dang // dam tshig bod pa dang / dam tshig bcing ba'o// mkha' dbyings rgya chen dag pa ni// chos rnams thams cad rnam par spangs// gong bu'i tshul gyis byed pa ni// rdo rje rmad byung gzugs can no// bcom ldan 'das sangs rgyas thams cad kyi bu gcig pa rdo rje sems dpa' chen pos de skad ces bka' stsal to// sangs rgyas rdo rje sems dpa' yang rung / / gal te dbang du bya 'dod na// rdo rje mchog gsum 'dzin pa che// gsang ba chen po 'di bsam mo// rdo rje 'jam pa stobs po che// nam mkha' rdo rje'i dbus su bsam// mda' lnga'i sbyor ba dag gis ni// dgra rgyan se mo yang dag s+ho// gnas lnga dag tu sngags shes pas// rdo rje cho bos rab tu dbyug// spangs shing brgyal bar nom pa ni// byis pa'i sngon grags can gyis// bas gtan 'di ni zla phyed du/ / gsang ba'i bskul ba dag gis bsgom// sngags rnams kun gyis rab gsang ba// rdo rje'i don gyis blo yis gsungs// sangs rgyas dkyil 'khor mchog dag ni// nam mkha' rdorje'i dbus bsam pa/ / sngags kyi rdo rje hU~M la sogs// rdo rje gsum la sogs par sgom// oM ni mig gi dbus bsams nas// 'di dag cho ga bzhin du bstan// sngags rnams kun gyi gzugs dag ni// sku gsung rdo rje can du mthong / bkres skom la sogs nyon mongs che// sbyor ba 'di ni rnam bsam na// rdo rje thugs kyi bka' bzhin du// sdug bsngal thams cad byang bar 'gyur// rnam par snang mdzad gzugs chen po/ / bsams na don rnams thams cad 'byor// ba ni kha yi nang du sgom// oM ni lce la 'dug par bsam// bza' bar bya ba kun gyis gnas// yid bzhin nor bus brgyan pa ste zhi ba sdug bsngal thams cad sel/ / ye shes rdo rje las byung ba'o// bcom ldan 'das yid bzhin gyi nor bus de skad ces bka' stsal to// de nas bcom ldan 'das phyag na rdo rje de bzhin gshes pa dpa' bo chen po rdo rje de bzhin gshegs pas rdo rje sgom pa'i tshig gi mchog rdo rje'i gsung las phyung ngo / / bI sangs rgyas dkyil 'khor 'od bzang po// nam mkha' rdo rje'i dbus su bsam// rdo rje sku gsum sbyor ba yis/ / bskyed de 'di ni rnam par bsam// rgyan rnams thams cad yongs rdzogs pa// cung zad ser ba rdo rje 'gying // zhi ba thor tsugs dbu rgyan can// bsams nas thams cad brtsam par bya// rdorje dpa' bo rlabs kyi 'phreng ba zhes bya ba'i ting nge 'dzin to// de nas bcom ldan 'das kun nas dbyangs rdo rje zhes bya ba'i ting nge 'dzin la snyoms par zhugs nas/ rdo rje chen po sgom pa'i tshig 'di nyid kyi sku dang / gsung dang / thugs rdo rje las phyung ngo // tsuM nyi ma'i dkyil 'khor dam pa ni// nam mkha' rdo rje'i dbus su bsam// sangs rgyas sprin gyi cho ga yis// rdo rje gsum gyi grags chen ni/ lus dang ngag dang sems la dbab// skal byed rdo rje ma sgom mo// rgyan rnams thams cad yongs rdzogs pa// kha dog dkar mor rab tu sgom// rdo rje sems dpa' rgyal po che// bsam la sngags kyi tshig dgod do/ / rdo rje'i dam tshig ye shes kyi 'od zer zhes bya ba'i ting nge 'dzin to// de nas bcom ldan 'das phyag na rdo rje de bzhin gshegs pa/ bsam pa thams cad rdo rje longs spyod pa zhes bya ba'i ting 'dzin la snyoms par zhugs nas/ ting nge 'dzin gyi 'khor lo'i tshul 'di/ nyid kyi sku dang / gsung dang / thugs rdo rje las byung ngo // dza sangs rgyas dkyil 'khor dam pa dag/ nam mkha' dbyings kyi dbus su bsam/ / sangs rgyas kun gyi cho ga yis// rdo rje bsgom pas dbab par bya// dzam+b+ha la ni nor sgrub pa// gnod sbyin chen po bskyed par bya// zhi ba gnod sbyin gzugs 'dzin pa/ thor tshugs dbu rgyan rdo rje can// sangs rgyas lnga yis cho ga yis// gnas lnga dag tu bsgom par bya// rdo rje bdud rtsi'i chu de yis// bsam gtan gnas la 'dug la dbul/ rdo rje sems dpa'i cho ga yis// dbu rgyan de la rnam par bsam// de ltar byas na gnod sbyin dbang // gnod gnas dbang po 'od chen gnyis// rdo rje dam tshig gi phyag rgya rdzas sgrub pa'i tog gi dpal zhes bya ba'i ting nge 'dzin to/ / de nas bcom ldan 'das phyag na rdo rje de bzhin gshegs pa rdo rje 'dod pa nye bar longs spyod pa'i dpal zhes bya ba'i ting nge 'dzin la snyoms par zhugs nas/ gnod sbyin mo'i rdo rje'i dam tshig gi 'di/ nyid kyi sku dang / gsung dang / thugs rdo rje las phyung ngo // k+ShiM mkha' dbyings rdo rje'i dbus gnas par// gru bzhi lham pa rab tu bzang // thams cad rin chen bzhi las byas// me tog spos kyis kun tu 'khrigs// gnod sbyin mo ni thams cad kyis// nam mkha'i dbyings ni gang bar bsams// gzugs kyi sprin dag rnam bsams la// rdo rje gsum gyi sbyor bas dbab// gzug ni gcig tu bsam par bya/ / lus gsum rdo rje bye brag gis// de yi bsam gtan bsgom par bya// rdo rje 'jam pa'i ting 'dzin gnas// dbu rgyan la ni khro bo sgom// snying khar sngags kyi tshig bsgom la/ rdo rje'i sbyor ba brtsam par bya// gnod sbyin mo thams cad dang mnyam pa nyid du gnas pa bsgom pa'i rdo rje zhes bya ba'i ting nge 'dzin to// de nas bcom ldan 'das phyag na rdo rje de bzhin gshegs pa/ rdo rje sngags thams cad kyi dngos grub kyi rnam par 'phrul pa rdo rje zhes bya ba'i ting nge 'dzin la snyoms par zhugs nas/ dngos grub phra mo 'di/ nyid kyi sku dang / gsung dang / thugs rdo rje las byung ngo // sku dang / gsung thugs yang dag 'grub// sangs rgyas gzugs 'dzin 'od bzang po// 'dzam bu chu bo'i gser 'od 'dra// dngos grub phra mo dag la gnas// mi snang la sogs yang dag grub// 'jam pa'i 'od dang 'dra bar 'gyur/ / gnod sbyin rgyal po grub pa che// rig 'dzin dag gi dbang por 'gyur// de la 'di ni rdo rje'i dngos grub thams cad kyi gzugs gsang ba'i dngos grub rnams so// sngags kyi dngos grub thob pa yi// mdzes pa'i gzugs rnams thams cad ni// 'jig rten khams ni thams cad du// mthong ba nyid kyis dga' bar 'gyur// gtsug tor thams cad grub pa ni// yid bzhin nor bu'i bdag por 'gyur// sangs rgyas byang chub byed pa'i mchog/ sangs rgyas rdo rje rab sgom pa'o// bcom ldan 'das bsam pa thams cad yongs su rdzogs par byed pa'i rdo rjes 'di skad ces bka' stsal to// de nas phyag na rdo rje de bzhin gshegs pa thams cad kyi bdag pos de bzhin gshegs pa thams cad kyi sku dang / gsung dang / thugs kyi rig pa'i brtul zhugs yang dag par len pa'i spyod pa 'di/ nyid kyi sku dang / gsung dang / thugs rdo rje las phyung ngo / / sku gsung thugs kyi rdo rje rnams// lus dang ngag sems sgom pa ni// rang tshul nyid kyis de byas te// de ltar dngos grub 'thob par 'gyur// de la 'di ni sku dang / gsung dang / thugs kyi rdo rje'i rig pa'i brtul zhugs so/ / thor tshugs dbu rgyan can gyi gzugs// chen po kha dog dkar po 'dra// sngags kyi sdom pas kun tu bsdams// cho ga bzhin du thams cad bya// lo grangs bcu drug lon pa ni/ / rgyan rnams kun gyis rnam par klubs// bzhin sdug mig gi dkyus ring ba// rnyed nas rig pa'i brtul zhugs spyad// spyan gyi go 'phang longs spyod cing // rdo rje'i mtshan mas bsgom par bya/ / phyag rgya sngags kyi cho ga shes// sngags kyi rgyud rnams legs par bslabs// de bzhin gshegs pa'i btsun mor bya// sangs rgyas byang chub la rab gnas// brtul zhugs chen po dus bzhir ni/ gsang ba'i mchod pa rab tu bya// sdong bu rtsa ba 'bras bu yi// bza' dang bca' ba spyad par bya// 'on tang myur du sangs rgyas 'gyur// bdag po ye shes rgya mtsho che// zla ba drug gis de dag kun// gdon mi za bar 'thob par 'gyur/ / rtag tu gzhan gyi nor rku zhing // bsad pa'ang rmad du byung ba dang // 'dod chags rdo rje'i gnas spyad pa// sdom pa 'dis ni kun tu bsdams// 'dod chags rdo rje lcags kyu mo// yon tan lug rgyud mA ma kI// gsung gi rdo rje thugs mchog la// 'di ni rnam pa kun tu rigs// bsam gtan yig gsum rdo rje can// rang gi phyag rgya sems kyi bsam// de ltar sangs rgyas kun mkhyen pa/ mnyes par 'gyur ba gdon mi za// sgrub pa po ni blo brtan pas// nags tshal dag tu bsod snyoms bslang // kha zas bzang po bstar ba dag/ de dag skrag nas ster bar 'gyur// rdo rje'i bdag nyid gsum 'das nas/ / rdo rje'i yi ge 'jig par 'gyur// lha mo klu mo gnod sbyin mo// lha ma yin nam mi mo'ang rung // rnyed nas rig pa'i brtul zhugs bya// rdo rje gsum gyi ye shes bsten// 'di ni sngags rnams thams cad kyi/ / de nyid gsang ba'i tshul chen yin// rdo rje gsum gyi ye shes 'byung // sangs rgyas byang chub rab 'jug pa'o// bcom ldan 'das de bzhin gshegs pa thams cad kyi rig pa'i brtul zhugs kyi dam tshig gi de kho na nyid kyi rdo rjes de skad ces bka' stsal to/ / de bzhin gshegs pa thams cad kyi sku dang / gsung dang / thugs kyi gsang ba gsang ba 'dus pa las/ dngos grub thams cad kyi dkyil 'khor rdo rje mngon par byang chub pa zhes bya ba'i le'u ste bcu drug pa'o/ / // de nas bcom ldan 'das de bzhin gshegs pa thams cad yang 'dus nas/ bcom ldan 'das de bzhin gshegs pa thams cad kyi sku dang / gsung dang / thugs rdo rje de bzhin gshegs pa la gsol ba btab pa/ mi bskyod rdo rje ye shes che// rdo rje dbyings ni mkhas pa che rdo rje gsum mchog dkyil 'khor gsum/ / gsang ba'i dbyangs la phyag 'tshal lo// rnam par snang mdzad dag pa che// rdo rje zhi ba dga' ba che// rang bzhin 'od gsal mchog gi mchog/ ston pa rdo rje phyag 'tshal lo// rin chen rgyal po rab tu zab// rdo rje nam mkha' dri ma med// rang bzhin dag pas gos pa med// rdo rje sku la phyag 'tshal lo// rdo rje dpag med rgyal po che// mi rtog nam mkha' @/ rdo rje 'dzin// 'dod chags pha rol phyin pa brnyes// rdo rje gsung la phyag 'tshal lo// don yod rdo rje rdzogs sangs rgyas// bsam pa thams cad rdzogs mdzad pa// dag pa ngo bo nyid las byung / / rdo rje sems dpa' phyag 'tshal lo// sangs rgyas kun gyis bskul ba yi// bstod tshig zhi ba 'di rnams kyis// rdo rje longs spyod bstod na ni// de yang sangs rgyas 'dra bar 'gyur// de nas ston pa rdo rje 'dzin/ / sangs rgyas kun la rjes brtse ba// rdo rje gsang ba gsung dag pa// rdo rje'i gsung ni bka' stsal to// e ma'o sangs rgyas thams cad kyi// chos kyi dbyings ni yi ge che// rang bzhin 'od gsal yongs su dag/ nam mkha'i dbyings bzhin dri ma med// de nas phyag na rdo rje de bzhin gshegs pa thams cad kyi bdag pos/ sangs rgyas thams cad kyi sku rdo rje'i dam tshig 'di/ nyid kyi sku dang gsung dang / thugs rdo rje la phyung ngo // sangs rgyas ye shes rgya mtsho yi// dam tshig bzhi ni bsrung bar bya// sha chen rtag tu bza' bar bya// 'di ni dam tshig mchog yin no// de nas phyag na rdo rje de bzhin gshegs pa thams cad kyi bdag pos/ sangs rgyas thams cad kyi gsung rdo rje'i dam tshig 'di/ nyid kyi sku dang / gsung dang / thugs rdo rje las phyung ngo // dam tshig bzhi po bsrung bar bya// gsung gi rdo rje yi ge che// bshang gci dag ni rtag tu bza'// 'di ni gsang ba rmad byung ba'o// de nas phyag na rdo rje de bzhin gshegs pa thams cad kyi bdag pos/ rdo rje 'dzin thams cad kyi dam chis 'di/ nyid kyi sku dang / gsung dang / thugs rdo rje las byung ngo // rdo rje sems dpa' rdzu 'phrul che// dam tshig bzhi po bsrung bar u0f7f// khrag dang khu bsgyung ba dag/ brgyal thugs ban pas rtag tu bza'/ / sku gsung thugs kyi rdo rje yis// dam tshig 'di ni mang po che// sangs rgyas kun gyi brtag pa 'dri// rdo rje 'dzin gyis bsrung bar bya// gang zhig dam tshig 'di srung ba// sems dpa' 'od po che// de yi sku gsung thugs rtogs pa'o// de ma thag tu sangs rgyas 'gyur// de nas phyag na rdo rje de bzhin gshegs pa thams cad kyi bdag pos/ rang sangs rgyas kyi don gyi dang tshig 'di/ nyid kyi sku dang / gsung dang / thugs rdo rje las phyung ngo // de yi lus kyi ston pa ni// rdo rje'i sku la rab tu gnas// sems can gzung ba'i ngang tshul te// dam tshig mchog tu rtag pa'o// de nas phyag na rdo rje de bzhin gshegs pa thams cad kyi bdag pos/ nyan thos kyi bsgrub pa'i dam tshig 'di/ nyid kyi sku dang / gsung dang / thugs rdo rje las phyung ba'o// dge ba bcu yi las kyi lam/ / byed pa ye shes spangs pa rnams// dman par mos pa thams cad kyi// dam tshig 'di ni rmad po che// de nas phyag na rdo rje de bzhin gshegs pa thams cad kyi bdag pos/ tshangs pa'i dam tshig 'di// nyid kyi sku dang / gsung dang / thugs rdo rje las phyung ngo // gti mug las kyi lam gang rnams// byed pa 'jigs shing mi sdug pa// sangs rgyas byang chub ston pa ste// sgra yi rdo rje nyid du 'gyur/ de nas phyag na rdo rje de bzhin gshegs pa thams cad kyi bdag pos/ drag po'i dam tshig 'di/ nyid kyi sku dang / gsung dang / thugs rdo rje las byung ngo // khams gsum dag na gnas pa yi/ / bud med rdo rje las byung rnams// sna tshogs dngos pos spyad pa ni// dam tshig mchog tu rmad byung ba'o// de nas phyag na rdo rje de bzhin gshegs pa thams cad kyi bdag pos/ khyab 'jug gi dam tshig 'di/ / nyid kyi sku dang / gsung dang / thugs rdo rje las phyung ngo // sems can las byung ji snyed pa// dbyer med sku gsum la gnas pa// rdo rje mkha' dbyings bdag nyid kyang / / bsam gtan rdo rjes gsad par bya// de nas phyag na rdo rje de bzhin gshegs pa thams cad kyi bdag pos/ rang gi dam tshig rdo rje 'di/ nyid kyi sku dang / gsung dang / thugs rdo rje las phyung ngo / / sku yi rdo rje tshangs par 'gyur// gsung gi rdo rje dbang phyug che// thugs kyi rgyal po rdo rje 'dzin// de nyid khyab 'jug rdzu 'phrul che// de nas phyag na rdo rje de bzhin gshegs pa thams cad kyi bdag pos/ gnod sbyin mo thams cad kyi dam tshig 'di/ nyid kyi sku dang / gsung dang / thugs rdo rje las phyung ngo // khrag dang sha ni za ba dang // rtag tu gzhan gyi bud med spyod/ dam tshig dga' ba 'di rnams kyis// rdo rje chen po mnyes par bya// de nas phyag na rdo rje de bzhin gshegs pa thams cad kyi bdag pos/ klu'i rgyal po thams cad kyi dam tshig 'di/ nyid kyi sku dang / gsung dang / thugs rdo rje las phyung ngo // 'o ma 'thung ba phra ma can// de dag 'dod dang dri la 'bad// dam tshig 'dis ni bsgrub par bya// gzhan du nges par nyon mongs 'gyur// de nas phyag na rdo rje de bzhin gshegs pa thams cad kyi bdag pos/ lha ma srin gyi bu mo'i dam tshig 'di/ nyid kyi sku dang / gsung dang / thugs rdo rje las phyung ngo // khro zhing nga rgyal gsod pas non// spos dang me tog spyod la dgyes/ / rdo rje sa 'og dam tshig ste// gdul dka' rdo rje 'jigs byed pa'o// de nas phyag na rdo rje de bzhin gshegs pa thams cad kyi bdag pos/ srin mo rnams kyi dam tshig 'di/ nyid kyi sku dang / gsung dang / thugs rdo rje las phyung ngo // thod rus gdug pa'i 'bru mar dang // zhag gis rab tu dga' bar 'gyur// 'byung po kun gyi dam tshig ste// dag byed 'di ni don chen byed// de nas phyag na rdo rje de bzhin gshegs pa thams cad kyi bdag pos/ rdo rje mkha' 'gro ma thams cad kyi dam tshig 'di/ nyid kyi sku dang / gsung dang / thugs rdo rje las phyung ngo // bshang gci dang ni khrag dag bza'/ / chang la sogs pa'ang rtag tu btung // rdo rje mkha' 'gro'i sbyor ba yis// gnas kyi mtshan nyid kyis gsad bya// ngo bo nyid kyis kun 'byung ba// khams gsum dag na rnam par spyod// sems can kun la phan 'dod pa'i// dam tshig ma lus spyad par bya// khams gsum pa thams cad kyi rdo rje'i dam tshig gi rjes su 'brang ba zhes bya ba'i ting nge 'dzin to// de nas phyag na rdo rje de bzhin gshegs pa thams cad kyi bdag pos/ lus kyi dngos grub kyi dam tshig 'di// nyid kyi sku dang / gsung dang / thugs rdo rje las byung ngo // lus kyi rnam gsum thams cad ni// rdo rje las ni byung bar bya/ / sems can khams ni thams cad du// rtag par sangs rgyas sku byed pa'o// de nas phyag na rdo rje de bzhin gshegs pa thams cad kyi bdag pos/ ngag gi dngos grub kyi dam tshig 'di/ nyid kyi/ sku dang / gsung dang / thugs rdo rje las phyung ngo // tshig gi las lam ma lus par// khams gsum dri med dkyil 'khor te// tshig gi dngos grub yid 'ong 'di// dam tshig shin tu 'da' dka' ba'o// de nas phyag na rdo rje de bzhin gshegs pa thams cad kyi bdag pos/ sems rdo rje'i dam tshig gi dngos grub 'di/ nyid kyi sku dang / gsung dang / thugs rdo rje las phyung ngo // yid kyi rdo rje'i rang bzhin kun/ rdorje brtan pa 'dzin pas sgom// rdo rje mi phyed gsum ldan gyi// dam tshig bshad pa 'di yin no// bcom ldan 'das kun tu mdzes dga' rdo rje sems dpas de skad ces bka' stsal to// de nas phyag na rdo rje de bzhin gshegs pa thams cad kyi bdag pos/ sngags thams cad kyi rdo rje'i snying po'i dam tshig 'di/ nyid kyi sku dang / gsung dang / thugs rdo rje las phyung ngo // sangs rgyas byang chub sems dpa' dang // rang rgyal nyan thos de bzhin te/ / sku gsung thugs su sbyor ba na// phyag 'tshal na nam rung 'gyur// de nas yang phyag na rdo rje de bzhin gshegs pa thams cad kyi bdag pos/ de bzhin gshegs pa thams cad kyi sku dang / gsung dang / thugs rdo rje'i bsam gtan gyi dam tshig 'di/ nyid kyi sku dang / gsung dang / thugs rdo rje las phyung ngo // kun tu rdo rje sems dpa' yi// sku gsung thugs kyi dkyil 'khor la// bsam gtan rdo rje gsum sbyor bas/ / sngags zlos pas ni bsam gtan bya// de nas phyag na rdo rje de bzhin gshegs pa thams cad kyi bdag pos/ sngags sgrub pa'i dam tshig dang sdom pa 'di/ nyid kyi sku dang / gsung dang / thugs rdo rje las phyung ngo // mdor na sems can khams rnams ni// bsam gtan rdo rjes bskul bar bya// rdo rje gsum gyi phyag 'tshal mchog/ dam tshig rdo rje las byung ba'o// de nas phyag na rdo rje de bzhin gshegs pa thams cad kyi bdag pos/ bstan pa dang / sgrub pa dang / nye bar sgrub pa dang / sgrub pa chen po'i sdom pa 'di/ nyid kyi sku dang / gsung dang / thugs rdo rje las phyung ngo // rdo rje bshang gaN+DI nam mkha'i dbyings/ yongs su gang bar rnam par bsam// dus gsum rdo rje dag la dbul// dam tshig rab tu rtag pa'o// de nas phyag na rdo rje de bzhin gshegs pa thams cad kyi bdag pos/ rdo rje mi snang ba thams cad kyi dam tshig 'di/ nyid kyi sku dang / gsung dang / thugs rdo rje las phyung ngo // dus bzhir ji ltar mchog bzhin du// rdo rje mo ni nyin re spyad// yang na rdzas kyang rtag tu dbrog/ dam tshig rdo rje rdzogs byed pa'o// de nas phyag na rdo rje bzhin gshegs pa thams cad kyi bdag pos/ nam mkha'i rig 'dzin gyi dam tshig 'di nyid kyi sku dang / gsung dang / thugs rdo rje las phyung ngo // sku gsung thugs kyi rdo rje ni// dadu rgyan dag la bsam gtan bsam/ / rdo rje gsum gyi dam tshig ste// khros pa rnams kyis mi thub bo// de nas phyag na rdo rje de bzhin gshegs pa thams cad kyi bdag pos/ sngags 'chang las dang po pa thams cad kyi dam tshig 'di/ nyid kyi sku dang / gsung dang / thugs rdo rje las phyung ngo // sku yi rdo rje kha zas la// phyi rol rdo rje 'dzin pa dang // mdo gdon cho ga'i bya ba la// rtag par rdo rje chos smra bya// bcom ldan 'das ngo bo nyid dag pa rdo rjes de skad ces bka' stsal to/ / de nas phyag na rdo rje de bzhin gshegs pa thams cad kyi bdag pos/ rdo rje 'dzin pa thams cad kyi sku dang / gsung dang / thugs kyi rdo rje mnyam pa nyid rnam par dgongs nas cang mi gsung bar gyur to/ / de nas yang brjod du med pa'i yang brjod du med pa'i sangs rgyas kyi zhing ri rab kyi rdul rab tu phra ba dang mnyam pa'i byang chub sems dpa' sems dpa' chen po rnams kyis/ de bzhin gshegs pa thams cad la phyag 'tshal nas 'di skad ces gsol to/ / bcom ldan 'das de bzhin gshegs pa thams cad kyi bdag po ci'i slad du/ de bzhin gshegs pa thams cad dang byang chub sems dpa'i 'khor gyi nang du cang mi gsungs par bzhugs so/ / de nas bcom ldan 'das de bzhin gshegs pa thams cad kyis/ byang chub sems dpa' de dag thams cad la 'di skad ces bka' stsal to// rigs kyi bu de bzhin gshegs pa thams cad kyi sku dang / gsung dang / thugs kyi bdag po 'di/ sku dang / gsung dang / thugs rdo rje'i ngo bo nyid dmigs su med pa'i yi ge'i tshig la/ ngo bo nyid med pa'i yi ge'i tshig brjod nas cang mi gsung bar bzhugs so// rigs kyi bu de bzhin gshegs pa thams cad kyi bdag po 'di sems pa ni 'di snyam du gyur to// sku ni mi 'gyur ma skyes pa// gsung dang thugs kyang mtshan ma med// nam mkha' rdo rje rtog las byung // log par gzung bas zin pa yin// de nas 'jam dpal la sogs pa'i byang chub sems dpa' sems dpa' chen po rnams kyis/ de bzhin gshegs pa de dag la 'di skad ces gsol to// bcom ldan 'das de bzhin gshegs pa thams cad/ gsung rdo rje'i tshig la phyin ci log kun 'byung bar mi brtag tu gsol/ de ci'i slad du zhe na/ de bzhin gshegs pa thams cad kyi bdag po 'di ni/ de bzhin gshegs pa thams cad kyi rdo rje dbyings kyi ngo bo nyid spyod par 'gyur ba gshegs pa dang byon pa'i rjes su 'gro'o// de ci'i slad du zhe na/ tshangs pa la sogs pa byang chub sems dpa' chen po/ mngon par shes pa chen po'i ye shes thob pa rnams chos thams cad kyi mtshan nyid kyi ngo bo nyid mi shes nas 'di snyam du rnam par rtog ste/ ci rdo rje'i bdag nyid 'di de bzhin gshegs pa thams cad kyi chos thams cad kyi rdo rje'i de kho na nyid yongs su ma shes nas/ gsang ba'i yi ge rnams 'chang ngam snyam du sems dpa'ang ma mchis so// de nas bcom ldan 'das de bzhin gshegs pa thams cad kyis/ byang chub sems dpa' de dag la 'di skad ces bka' stsal to/ / byang chub sems dpa' khyed rnams lta ci smos te/ nged de bzhin gshegs pa thams cad kyis sku dang / gsung dang / thugs rdo rje'i gsang ba mi 'gyur ba rnyed pa'ang spu dang / gsung dang / thugs kyi byang chub mi shes so// de ci'i phyir zhe na/ skye ba med pa'i rdo rje mngon par byang chub pa ni ngo bo nyid med pa mi 'gyur ba las byung ba'o// rigs kyi sems can chen po'i khongs su gtogs pa'i sems can ji snyed yod pa de dag thams cad byang chub la gnas pa sangs rgyas rdo rje'o/ / de ci'i phyir zhe na/ kye sa sems can de dag ni sku gsum rdo rje'i chos nyid kyi phyir/ sku dang / gsung dang / thugs rdo rje'i ye shes thob pa'o// de nas phyag na rdo rje de bzhin gshegs pa thams cad kyi sku dang / gsung dang / thugs rdo rje'i bdag pos/ de bzhin gshegs pa thams cad dang byang chub sems dpa' de dag la 'di skad ces gsungs so/ / rang bzhin dag cing bdag med pa// chos kyi dbyings kyi gnas med pa// rtog pa rdo rje las byung ba// smra bar byed pa smra ma yin/ de nas bcom ldan 'das de bzhin gshegs pa thams cad kyis/ bcom ldan 'das de bzhin gshegs pa phyag na rdo rje chen po la phyag 'tshal nas 'di skad ces gsol to// bcom ldan 'das de bzhin gshegs pa thams cad kyi sku dang / gsung dang / thugs rdo rje'i dngos grub ji ltar yang dag par 'jug/ gang na gnas/ de bzhin gshegs pa thams cad kyi bdag po rdo rje 'dzin pas gsungs pa/ bcom ldan 'das de bzhin gshegs pa thams cad kyi dngos grub thams cad dang / thams cad mkhyen pa dang / khams gsum ji snyed pa dag/ rang gi sku dang / gsung dang / thugs kyi rgyud kyi rdo rje la gnas so// de bzhin gshegs pa thams cad kyis slar gsol pa/ bcom ldan 'das de bzhin gshegs pa thams cad kyi sku dang / gsung dang / thugs rdo rje'i dngos grub dang khams gsum thams cad gang na gnas/ de bzhin gshegs pa thams cad kyi bdag po ye shes rdo rje'i bdag pos gsungs pa/ bcom ldan 'das de bzhin gshegs pa thams cad kyi sku dang / gsung dang / thugs kyi dngos grub dang khams gsum pa thams cad ni nam mkha' la gnas so/ / de bzhin gshegs pa thams cad kyis gsol pa/ nam mkha' gang na gnas/ de bzhin gshegs pa thams cad kyi bdag pos gsungs pa/ gang na'ang ma yin no// de nas byang chub sems dpa' de dag ngo mtshar du gyur/ rmad du gyur nas/ e ma'o rdo rje e rdo rje// e ma'o rdo rje yi bshad pa// gang du lus dang ngag sems med// de ru gzugs ni rnam par sgom// de nas ston pa rdo rje 'dzin/ / sangs rgyas kun gyis phyag byas nas// rdo rje gsum mchog chen po mchog/ rdo rje gsum gyi dbang phyug mchog/ rig pa'i skyes bu sgom pa yi// dngos grub kun ni bshad par mdzad// mkha' dbyings rdo rje'i dbus gnas par/ / sangs rgyas dkyil 'khor bsgom par bya// rdo rje'i sku ni rab bsgoms nas// spyi bor rdo rje rab tu sgom// zhal gsum sku gsum las byung ba// rnam par 'phro ba bsam par bya/ rdo rje 'khor lo 'dzin bsams na// byang chub myur du thob par 'gyur// thams cad rigs kyi bye brag gis// gsang ba 'di ni rnam par bsam// gzhan du rnam par bsgoms na ni// de dag dngos grub mchog mi 'gyur/ bcom ldan 'das rig pa'i skyes bu rdo rjes de skad ces bka' stsal to// khams gsum las byung rgyal mo che// mnyes par byed ma rnam bsams nas// rdo rje sku gsum gyis mtshan pa/ khru mchog des ni mnyes par 'gyur// gang zhig 'di dag sgom pa yi// byang chub sems dpa' grags chen rnams// zhag bdun gyis ni gzi che ba'i// sku gsum dngos grub thob par 'gyur// de nas yang bcom ldan 'das kyis sku dang / gsung dang / thugs rdo rje bsdus pa'i gsang ba 'di/ nyid kyi sku dang / gsung dang / thugs rdo rje las phyung ngo // sku gsung thugs kyi dam tshig ni// phyag rgya chen po'i don rtogs pa/ / cho ga bzhin du kun sgoms na// skad cig gis ni sangs rgyas 'thob// de nas phyag na rdo rjes sgrub pa po thams cad kyi lus dang / ngag dang / sems gsang ba 'di/ nyid kyi sku dang / gsung dang / thugs rdo rje las phyung ngo // gal te byang chub mchog 'dod na// lag pa'i phyag rgya mi bcing ngo // sngags rnams kun gyi dam tshig 'di// rgyal ba rnams kyang mi 'da' 'o// de nas yang phyag na rdo rjes sangs rgyas thams cad kyi dam tshig 'di/ nyid kyi sku dang / gsung dang / thugs rdo rje las phyung ngo // gshang gci khu ba khrag rnams ni// spang ba dag tu yod mi bya// cho ga bzhin du u0f7fu0f7f tu bza'/ / gsang 'di rdo rje gsum byung yin// de nas yang bcom ldan 'das phyag na rdo rjes gsung rdo rje'i dam tshig 'di/ nyid kyi sku dang / gsung dang / thugs rdo rje las phyung ngo // khams gsum dag gi lam mchog na/ / bud med ji snyed yod pa rnams// thams cad cho ga bzhin du spyad// gsung gi rdo rje mi smad do// de nas yang phyag na rdo rjes thugs kyi dam tshig 'di/ nyid kyi sku dang / gsung dang / thugs rdo rje la byung ngo / / rdo rje sku gsum la gnas pa// dam tshig ji snyed yod pa kun// rdo rje gsum gyi dam tshig gis// mgu zhing tshim pa dag tu bya// thugs kyi rdo rje mi smad do// bcom ldan 'das dam tshig chen po gsum gyi dam tshig gis de skad ces bka' stsal to/ / de nas yang phyag na rdo rje de bzhin gshegs pa thams cad kyi bdag pos/ de bzhin gshegs pa thams cad kyi gsang ba'i rdo rje 'di nyid kyi sku dang / gsung dang / thugs rdo rje las phyung ngo // mdor na phung po lnga rnams ni// sangs rgyas lngar ni rab tu bsgrags// rdo rje'i skye mched nyid dag kyang // byang chub sems dpa'i dkyil 'khor mchog/ de nas phyag na rdo rjes khams gsum gyi 'khor lo 'di/ nyid kyi sku dang / gsung dang / thugs rdo rje las phyung ngo // sa ni spyan zhes bya ba yin// chu yi khams ni mA ma kI// dkar dang sgrol ma zhes bya ba// me dang rlung du rab tu bsgrags/ / mkha' dbyings rdo rje dam tshig ni// rdo rje 'dzin pa de nyid yin// bcom ldan 'das de bzhin gshegs pa thams cad kyi gnas kyi dbang phyug rdo rje sems dpa' chen pos de skad ces bka' stsal to/ / de nas bcom ldan 'das de bzhin gshegs pa thams cad kyi sku dang / gsung dang / thugs rdo rje de bzhin gshegs pa/ de bzhin gshegs pa thams cad kyi mnyam pa nyid la gnas pa zhes bya pa'i ting nge 'dzin la snyoms par zhugs so/ / snyoms par zhugs nas kyang de bzhin gshegs pa thams cad kyi 'khor gyi dkyil 'khor la gzigs nas cang mi gsung bar gyur to// de nas yang byang chub sems dpa' sems dpa' chen po byams pas/ de bzhin gshegs pa thams cad la phyag 'tshal nas 'di skad ces gsol to// bcom ldan 'das de bzhin gshegs pa thams cad kyi sku dang / gsung dang / thugs rdo rje'i gsang ba gsang ba 'dus par mngon par dbang bskur ba'i slob dpon la/ de bzhin gshegs pa thams cad dang / byang chub sems dpa' thams cad kyis ji ltar blta bar bgyi/ rigs kyi bu de bzhin gshegs pa thams cad dang / byang chub sems dpa' rnams kyis byang chub kyi sems rdo rje bzhin du blta bar bya'o// de ci'i phyir zhe na/ slob dpon ni byang chub kyi sems dang mnyam zhing rnam pa gnyis su dbyer med do/ / rigs kyi bu mdor bstan na/ phyogs bcu'i 'jig rten gyi khams na sangs rgyas dang byang chub sems dpa' ji snyed 'khod cing 'tsho la skyong ba de dag thams cad dus gsum du byon nas/ slob dpon de la de bzhin gshegs pa thams cad kyi mchod pas yang dag par mchod nas/ sangs rgyas kyi zhi der yang 'gro zhing / ngag rdo rje'i yi ge'ang 'di skad du 'byin to/ / bdag cag de bzhin gshegs pa thams cad kyi pha'o// bdag cag de bzhin gshegs pa thams cad kyi ma'o zhes bya ba nas/ bdag cag de bzhin gshegs pa thams cad kyi ston pa'o/ zhes bya ba'i bar du'o// 'di lta ste/ dper na rigs kyi bu sangs rgyas bcom ldan 'das phyogs bcu na ji snyed bzhugs pa dang / sangs rgyas bcom ldan 'das de rnams kyi sku dang / gsung dang / thugs rdo rje las byung ba'i bsod nams kyi phung po ji snyed pa de bas kyang / slob dpon gyi ba spu'i bu ga gcig gi bsod nams khyad par du 'phags so// de ci'i phyir zhe na/ rigs kyi bu byang chub kyi sems ni sangs rgyas kyi ye shes kyi snying por gyur pa'o/ / skye ba'i gnas su gyur pa nas/ thams cad mkhyen pa'i ye shes kyi 'byung gnas yin pa'i bar du'o// de nas yang byang chub sems dpa' byams pa yid 'jigs shing skrag nas cang mi smra bar gyur to/ / de nas de bzhin gshegs pa mi bskyod pa dang / de bzhin gshegs pa dkon mchog dpal dang / de bzhin gshegs pa 'od dpag tu med pa dang / de bzhin gshegs pa gdon mi za bar grub pa dang / de bzhin gshegs pa rnam par snang mdzad rnams/ rdo rje 'dzin thams cad kyi dngos grub kyi dam tshig la dmigs pa rdo rje zhes bya ba'i ting nge 'dzin la snyoms par zhugs nas/ byang chub sems dpa' de dag thams cad la bka' stsal pa/ byang chub sems dpa' khyed rnams thams cad nyon cig/ gang yang phyogs bcu'i sangs rgyas bcom ldan 'das dus gsum gyi rdo rje'i ye shes las byung ba de rnams kyang / gsang ba 'dus pa'i slob dpon dang phrad na mchod pa byed cing phyag 'tshal lo// de ci'i phyir zhe na/ de nyid 'di skad ces gsol to/ / bcom ldan 'das dkyil 'khor chen po bshad du gsol/ bde bar gshegs pa bshad du gsol/ nam mkha'i dbyings kyi dbus bsam pa// gru bzhi lham pa rab tu mdzes sangs rgyas dkyil 'khor sbyor ba yi/ / bsam gtan rdo rje rab bskul bya// rdo rje dkyil 'khor bsam gtan gyis// 'khor lo can kun bzhugs par bya// mchod pa'i cho ga de nyid kyis// blo dang ldan pas rtag tu bya/ / slob dpon snying khar rab bsgoms nas// dbang bskur ba ni brtsam par bya// sangs rgyas kun gyis nam mkha'i dbyings// yongs su gang bar rnam bsgoms la// dbang bskur ba yi gnas gsum gyis/ / thams cad cho ga bzhin du dbab// sems can kun la phan 'dod pa'i// byang chub 'di yis 'bab 'gyur zhing // ngo mtshar chen po'i dngos grub kun// sku gsung thugs ni 'grub par 'gyur/ / sangs rgyas dang byang chub sems dpa' thams cad kyi dam tshig gi 'khor lo zhes bya ba bsam gyi dkyil 'khor ro// de nas yang phyag na rdo rjes de bzhin gshegs pa thams cad kyi sbyor ba zhes bya ba sku dang / gsung dang / thugs rdo rje'i gsang ba 'di/ nyid kyi sku dang / gsung dang / thugs rdo rje las phyung ngo // hUM hrI khaM/ sha rus la sogs dkyil 'khor ni// nam mkha'i dbyings kyi dbus su bsam sku dang gsung thugs gsum snying po/ / rdo rje sems dpa' bsgom par bya// drag po mi sdug khros pa ni// ut+pal sngon po'i kha dog 'dra// phyag bzhi pa yi cho ga yi// phyag na thod pa bsnams par sgom// 'o zer lnga rnams yang dag byung / / rang lce brtul zhugs can gyis skos// bsam gtan rje rje sbyor ba yis// wag drang ba ni mchog yin no// rtse gsum rdo rje dam tshig dang // phur bu drag / bo mchog dag gis// sangs rgyas nyid kyi sku dag kyang // rdo rje'i sbyor bas gdab par bya// de nas yang phyug na rdo rjes khams kyi dam tshig gi rtsa ba 'di/ nyid kyi sku dang / gsung dang / thugs rdo rje las phyung ngo / / bza' ba'am btung ba gang cung zad// brtul zhugs can gyis gang bza' ba// bshang gci sha yi sbyor ba yis// cho ga bzhin du yongs su brtag/ de nas yang phyag na rdo rjes de bzhin gshegs pa thams cad kyi sku dang / gsung dang / thugs rdo rje mchod pa'i mchog 'di/ nyid kyi sku dang / gsung dang / thugs rdo rje las phyung ngo // mchod pa'i yo byad mchog lnga yi// mchod pas de dag mchod par bya// 'di ni rdo rje thams cad kyi// dam tshig shin tu 'da' dka' ba'o// de nas yang phyag na rdo rjes de bzhin gshegs pa thams cad kyi sku dang / gsung dang / thugs kyi mchod pa gsang ba 'di/ nyid kyi sku dang gsung dang / thugs rdo rje las phyung ngo // dbang po gnyis kyi sbyor ba yis// bdag gi khu ba la sogs pa// cho ga bzhin du kun mchod na// sangs rgyas byang chub thob par 'gyur// de nas yang phyag na rdo rjes de bzhin gshegs pa thams cad kyi spyod pa lus dang / ngag dang / sems kyi sdom pa 'di/ nyid kyi sku dang / gsung dang / thugs rdo rje las phyung ngo // sems can khams rnams mtha' yas kyi// dam tshig 'dzin pa'i ma rnams la/ / dam tshig gsum gyi rdo rje spyad// sdom pa 'di ni rmang po che// de nas yang phyag na rdo rjes sgrub pa po thams cad kyi sdom pa'i rdo rje 'di/ nyid kyi sku dang / gsung dang / thugs rdo rje las/ phyung ngo // lus dang ngag sems longs spyod kyi// gsang ba gsum gnas rdo rje skyes// bzang po bdag gis bsgrub par bya// 'dir ni yong ye 'jig par 'gyur// de nas yang phyag na rdo rjes sgrub pa po thams cad kyi rdo rje sems dpa'i sdom pa 'di/ nyid kyi sku dang / gsung dang / thugs rdo rje las phyung ngo // mtho gang tsam gyi dpags par ni// spyi bor dkyil 'khor brtag par bya// oM ni dbus su gnas bsams nas/ / bdud rtsi lnga po dbab par bya// rdo rje'i sbyor ba 'di yis ni// skad cig dag gis gzi can 'gyur// lus dang ngag sems bder gnas par// 'gyur bar 'di ni dog pa med// de nas yang phyag na rdo rjes sngags 'dzin pa thams cad kyi lus dang / ngag dang / sems kyi gsang ba 'di/ nyid kyi sku dang / gsung dang / thugs rdo rje las phyung ngo // mchod rten dag gi yas mi bya// glegs bam bklag pa'ang mi bya zhing / / dkyil 'khor dag kyang yong mi bya// rdo rje gsum mchog phyag mi bya'o// de nas yang phyag na rdo rje de bzhin gshegs pa thams cad kyi bdag pos dug thams cad 'byin pa 'am gnon pa dang 'dren pa'i gsang ba 'di/ nyid kyi sku dang / gsung dang / thugs rdo rje las phyung ngo // oM/ 'od zer dkar po'i 'phrang ba can// 'khor lo'i dbus su chud par gzhag/ 'od zer ser po 'khrig pa ni// ser po lta bur bsgom par bya/ / rdor gsum 'od zer dam tshig gi/ sa bon gsang gsum las byung ba'o// de nus yang phyag na rdo rje de bzhin gshegs pa thams cad kyi bdag pos lus dang / ngag dang / sems bsrung ba'i 'khor lo'i sngags rdo rje dang ldan pa 'di/ nyid kyi sku dang / gsung dang / thugs rdo rje las byung ngo // oM hu lu hu lu/ tiSh+Tha tiSh+Tha/ ban+d+ha ban+d+ha/ da ha da hA a mr-i te hUM phaT/ gro ga la sogs 'khor lo ni// las kyi rdo rje la gnas par// haM ni dbus su bzhag nas su// ming ni dbus su bri bar bya// sngags kyi yi ge'i tshig rnams kyis// brgyan te rtag tu gzhag par bya/ / 'di ni sngags rnams thams cad kyi// gsang ba gsum gyi gnas bsdus pa'o// de nas yang phyag na rdo rje de bzhin gshegs pa thams cad kyi bdag pos rdo rje any+dza na'i dam tshig 'di/ nyid kyi sku dang / gsung dang / thugs rdo rje las phyung ngo // lam gyi bzhi mdo shing gcig drung // ma mo'i gnas sam zhi gnas su// de ru rdo rje any+dza na// thod par rtag tu dbab par bya// tshatshil chen po dang / khrag dang / bshang ba dang / pad+mo'i skud pa dang / arka'i skud pas me mar gyi snying po byas la tshes nyi shu dgu'i nam phyed na rdo rje any+dza na dbab par bya'o// de nyid la sngags ba rtsa brgyad btab na dngos grub rnam pa gsum du 'gyur ro/ / zhes bcom ldan 'das kun tu bzang pos gsungs so// de nas bcom ldan 'das de bzhin gshegs pa thams cad kyis/ phyag na rdo rje de bzhin gshegs pa thams cad kyi bdag po la 'di skad ces gsol to/ / bcom ldan 'das gsang ba'i yi ge du dang ldan na byang chub sems dpa' sems dpa' chen po de dag/ de bzhin gshegs pa thams cad kyi gsang ba'i dam tshig gi spyod pa'i rdo rje 'di la dad cing sgom par 'gyur/ de bzhin gshegs pa thams cad kyi bdag po phyag na rdo rjes/ de bzhin gshegs pa de dag la 'di skad ces gsungs so/ / bcom ldan 'das de bzhin gshegs pa thams cad gsang ba'i yi ge gsum dang ldan na/ byang chub sems dpa' de bzhin gshegs pa thams cad kyi spyod pa'i rdo rje gang yin pa de la dad cing sgom par 'gyur ro/ / de bzhin gshegs pa thams cad kyis gsol pa/ gsum po gang zhig lags/ rdo rje 'dzin pas bka' stsal pa/ de bzhin gshegs pa thams cad kyi sku rdo rje dang / de bzhin gshegs pa thams cad kyi gsung rdo rje dang / de bzhin gshegs pa tham cad kyi thugs rdo rje ste gsum mo// de nas de bzhin gshegs pa de dag thams cad kyis/ bcom ldan 'das phyag na rdo rje la phyag 'tshal nas cang mi gsung bar gyur to// de nas phyag na rdo rje de bzhin gshegs pa thams cad kyi bdag pos/ de bzhin gshes pa thams cad dang / byang chub sems dpa' de dag la bka' stsal pa/ bcom ldan 'das de bzhin gshegs pa thams cad/ sngon byung ba na brjod kyis mi lang ba'i yang brjod kyis mi lang ba'i sangs rgyas kyi zhing rdul rab tu phra ba dang mnyam pa'i bskal pa yang 'das nas/ gang bcom ldan 'das de bzhin gshegs pa dgra bcom pa yang dag par rdzogs pa'i sangs/ rgyas mar me mdzad 'das pa nas/ thub pa chen po 'od srungs mngon par sangs rgyas pa'i bar gyis kyang ma gsungs so// de ci'i phyir zhe na/ bcom ldan 'das gsang ba chen po'i gnas kyi don bshad pa de/ de'i tshe de'i dus na sems can rnams la skal ba med pa'i phyir ro// 'on kyang bcom ldan 'das de bzhin gshegs pa thams cad kyi gsang ba 'dus pa 'di la skad cig thang cig yud tsam gyis sangs rgyas kyi byang chub rdzogs par byed do/ / gang+gA'i klung gi bye ma du ma snyed kyi bskal par byang chub sems dpa' rnams kyis 'bad cing btsal yang byang chub thob par mi 'gyur pa de/ gsang ba 'dus pa la mngon par dga' ba'i byang chub sems dpa' tshe 'di nyid la de bzhin gshegs pa rnams kyi sangs rgyas zhes bya ba'i grangs su 'gro'o// de nas byang chub sems dpa' de dag gis gsung rdo rje'i yi ge'i tshig 'di thos nas rab tu ngus so// de nas de bzhin gshegs pa de dag thams cad kyis/ byang chub sems dpa' de rnams la 'di skad ces bka' stsal to/ / byang chub sems dpa' khyed rnams ma du zhig/ sdug bsngal gsum la ma sgom zhig/ de nas de bzhin gshegs pa thams cad la/ byang chub sems dpa' de rnams kyis de skad ces gsol to/ / bcom ldan 'das de bzhin gshegs pa thams cad ji ltar mi ngu bar bgyi/ ji ltar sdug bsngal gsum mi bsgom par bgyi/ de ci'i phyir zhe na/ gsang ba'i yi ge'i ming tsam thos pa'i skal ba'ang ma mchis so// de bzhin gshegs pa thams cad kyis bka' stsal pa/ de skad ma zer cig/ yi ge ni thun mong ste/ rigs kyi bu khyed rnams kyis ji ltar mi shes pa dang ma thos pa de bzhin du/ nged de bzhin gshegs pa thams cad dang / byang chub sems dpa' thams cad kyis kyang / rigs kyi bu gsang ba'i yi ge 'di dag ma thos shing mngon par sangs ma rgyas so/ / de ci'i phyir zhe na/ gsang ba'i yi ge rnam par dag pa'i phyir ro// de nas byang chub sems dpa' de dag thams cad cang mi smra bar gnas par gyur to/ / de nas bcom ldan 'das de bzhin gshegs pa thams cad/ de bzhin gshegs pa thams cad kyi sku dang / gsung dang / thugs rdo rje'i btsun mo'i b+ha ga la bzhugs so// de nas de bzhin gshegs pa thams cad kyi sku dang / gsung dang / thugs kyi btsun mos/ bcom ldan 'das de bzhin gshegs pa thams cad kyi bdag po rdo rje 'dzin chen po la dga' bas bskyod pasems can khams na gnas kyi dbang phyug khyod ni rdo rje'i thugs/ dga' ba yid 'ong don chen 'dod pas bdag la bskyab tu gsol/ mgon po gal te de ring bdag ni gson par mchis bzhed na/ sems can yab chen gnyen mchog bdag la dgyes par mdzad du gsol// de nas de bzhin gshegs pa thams cad kyi sku dang / gsung dang / thugs kyi btsun mo mA ma kIs/ bcom ldan 'das de bzhin gshegs pa thams cad kyi bdag po rdo rje 'dzin chen po la/ rdo rje 'dod pa'i dga' ba'i mchod pa'i mchog gi yi ge'i tshig 'dis yang dag par bstod do/ / rdo rje'i sku khyod bka' yi 'khor lo sems can kun la phan// sangs rgyas don du byang chub don dam rjes su phan ston pa/ mgon po gal te de ring bdag ni gson par mchis bzhengs 'dod chags dam tshig chags pas bdag la dgyes par mdzad du gsol/ / de nas bcom ldan 'das de bzhin gshegs pa thams cad kyi bdag po la/ 'jig rten gyi dbang phyug gi sku dang / gsung dang / thugs rdo rje'i spyan gyis/ rdo rje 'dzin pa chen po la 'dod pa la nye bar longs spyod pa'i dam tshig gis yang dag par bstod pa/ khyod ni rdo rje'i gsung ste kun la phan zhing thugs bcwa babang 'jig rten dag gi dgos pa'i don mdzad pa la rtag tu brtson/ / mgon po gal te de ring bdag ni gson par mchis bzhed na// rab dga'i spyod pa kun tu bzang po bdag la dgyes par mdzad du gsol/ / de nas de bzhin gshegs pa thams cad kyi sku dang / gsung dang / thugs kyi dam tshig rdo rje'i btsun mos/ bcom ldan 'das de bzhin gshegs pa thams cad kyi bdag po rdo rje 'dzin chen po la/ de bzhin gshegs pa thams cad kyi bde ba dang yid bde ba'i dga' ba 'dis bstod do// khyod ni rdo rje 'dod pa dam tshig mchog gi phan don che// yang dag rdzogs sangs rgyas kyi gdung mchog mnyam pa nyid gzigs pa/ / mgon po gal te de ring bdag ni gson par mchis bzhed na// yon tan rin chen mang po'i gter gyur bdag la dgyes par mdzad du gsol/ de nas bcom ldan 'das phyag na rdo rje de bzhin gshegs pa 'dod chags thams cad nye bar longs spyod pa'i rdo rje'i dpal zhes bya ba'i ting nge 'dzin la snyoms par zhugs nas/ de bzhin gshegs papa thams cad kyi btsun mo de dag la dam tshig gi 'khor los 'dod pa spyod cing cang mi gsung bar gyur to/ / de nas nam mkha'i dbyings 'di dag thams cad la de bzhin gshegs pa thams cad kyi sku dang / gsung dang / thugs rdo rje'i dam tshig gi khu bas yongs su gang ste/ bum pa rdo rje chus gang ba ltar gnas par gyur to// de nas rdo rje nam mkha'i dbyings 'di na gang sems can sku gsum gyi dam tshig las yang dag par byung ba de rnams rdo rje'i dpal gyis reg nas/ thams cad de bzhin gshegs pa dgra bcom pa yang dag par rdzogs pa'i sangs rgyas rdo rje gsum gyi ye shes can du gyur to/ / de nas brtsams te sems can thams cad kun tu bzang po kun tu bzang po zhes/ de bzhin gshegs pa thams cad kyi sku dang / gsung dang / thugs rdo rjes dbang bskur bar gyur to// de nas de bzhin gshegs pa phyag na rdo rjes/ de bzhin gshegs pa de dag thams cad la 'di skad ces bka' stsal to// bcom ldan 'das de bzhin gshegs pa thams cad chos thams cad kyi mnyam pa nyid mthong ngam/ de nas de bzhin gshegs pa thams cad kyis/ phyag na rdo rje de bzhin gshegs pa thams cad kyi bdag po la 'di skad ces gsol to// bcom ldan 'das de bzhi gshegs pa thams cad kyi rdo rje ye shes kyi spyod pa mthong lags so/ / bde bar gshegs pa mthong lags so// de nas bcom ldan 'das de bzhin gshegs pa thams cad/ de bzhin gshegs pa thams cad kyi btsun mo'i b+ha ga las mngon par byung nas/ bcom ldan 'das de bzhin gshegs pa phyag na rdo rje chen po la 'di skad ces gsol to// gang 'dod chags kyi yi ge'i tshig gis sangs rgya byang chub rjes su rtogs pa de ni bcom ldan 'das ngo mtshar to/ / bde bar gshegs pa ngo mtshar to// de nas phyag na rdo rje de bzhin gshegs pa thams cad kyi bdag thos/ de bzhin gshegs pa thams cad la 'di skad ces gsungs so/ / bcom ldan 'das de bzhin gshegs pa thams cad de skad ma zer cig/ de ci'i phyir zhe na/ chos thams cad ni nam mkha'i rdo rje'i dam tshig dang mtshungs pa'i phyir/ gzugs kyi phung po ma yin/ tshor ba'i phung se ma yin/ 'du shes kyi phung pos yin/ 'du byed kyi phung po ma yin/ rnam par shes pa'i phung pos yin/ khams ma yin/ rgya mched ma yin/ de bzhin du 'dir 'dod chags ma yin/ zhe sdang ma yin/ gti mug ma yin/ chos ma yin/ chos ma yin pa'ang ma yin no// de nas de bzhin gshegs pa de dag thams cad kyang mi gsung bar gyur to// de nas bcom ldan 'das de bzhin gshegs pa phyag na rdo rjes/ de bzhin gshegs pa thams cad dang / byang chub sems dpa' de rnams la bka' stsal pa/ khyed rnams kyis 'jig rten gyi khams thams cad du de bzhin gshegs pa thams cad kyi sku dang / gsung dang / thugs rdo rje 'di bsgo bar gyis shig/ de ci'i phyir zhe na/ phyogs bcu na gnas pa'i byang chub sems dpa' de rnams chos kyi rnam grangs 'di la skal ba yod pa'i phyir ro/ / de nas phyag na rdo rje de bzhin gshegs pa thams cad kyi bdag pos/ rdo rje chos la bka' stsal pa/ rigs kyi bu de bzhin gshegs pa thams cad kyi dam tshig gi de kho na nyid 'di zung zhig/ khyod kyang de bzhin gshegs pa thams cad kyis chos kyi dbang phyug rdo rje zhes dbang bskur ro// de nas byang chub sems dpa' sems dpa' chen po rdo rje chos kyis de bzhin du bgyi'o zhes gsol nas cang mi gsung bar gyur to/ / de nas de bzhin gshegs pa thams cad rdo rje sems dpa'i yi ge gsum la rang gi sku dang / gsung dang / thugs zhugs par gyur to// de nas de bzhin gshegs pa sku rdo rje rnam par snang mdzad khams gsum thams cad kyi lus rdo rje la gnas shing / de bzhin gshegs pa thams cad kyi sku mnyam pa nyid la dmigs nas cang mi gsung bar gyur to/ / de nas de bzhin gshegs pa gsung rdo rje khams gsum thams cad kyi ngag rdo rje la gnas shing / de bzhin gshegs pa tham cad kyi gsung mnyam pa nyid la dmigs nas cang mi gsung bar gyur to/ / de nas de bzhin gshegs pa phyag na rdo rje khams gsum thams cad kyi sems rdo rje la gnas shing / de bzhin gshegs pa thams cad kyi thugs mnyam pa nyid la dmigs nas cang mi gsung bar gyur to/ / de skad ces bka' stsal to// de bzhin gshegs pa thams cad kyi sku dang / gsung dang / thugs kyi gsang ba gsang ba 'dus pa las/ de bzhin gshegs pa thams cad kyi dam tshig dang sdom pa rdo rje'i byin gyi rlabs kyi rgyal po zhes bya ba'i le'u ste bcu bdun pa'o// / de bzhin gshegs pa thams cad kyi sku dang / gsung dang / thugs gsang zhing rab tu gsang ba zhes bya ba rtog pa chen po'i rgyal po rdzogs so// / rgya gar gyi mkhan po shrad+d+ha ka ra lam dang / zhu chen gyi yo tsab dge slong rin chen bzang pos bsgyur cing zhus te gtan la phab pa/ rgya gar gyi mkhan po shrI dz+nyAn kA ra bas bshad nas/ zhu chen gyi lo tsa ba 'phos lhas btsas kyis lus gtugs g.yar thal mtshal pa'o/ / 'dus pa'i sa brgyad la ma tshan gyis bskur ba mang du snga na'ang / 'gos kyis 'gyur ba chos mdzad pa srung bar snang la/ 'grel ba'i bshad pa 'gos 'gyur gyi steng nas byed pa sa kyi 'gog 'gyur gal che bar mthong nas bris pa'o/ / // de nas byams pa la sogs pa byang chub sems dpa' sems dpa' chen po rnams de bzhin gshegs pa thams cad kyi dbang bskur ba dang / sku dang / gsung dang / thugs kyi gsang ba bstan pa la dngos po thams cad kyis ji lta ba dang / dus ji lta ba bzhin du mthong zhing thos la khong du chud nas/ chos gzigs pa dang ldan pa'i de bzhin gshegs pa de dag thams cad la 'di skad ces gsol to/ / e ma'o kun tu bzang po yi// sku gsung thugs kyi nges pa dag/ rdo rje gsum gyis kun tu ni// / rdo rje gsum la kun tu bzhugs// sems can thams cad dus gsum gyi// rdo rje'i ngo bor yang dag byung // sangs rgyas rdo rje rdzu 'phrul che// byang chub rdo rje'i gnas thob pa'o// e ma'o 'di rab ngo mtshar che/ / e ma'o zhi ba dbang po 'das// e ma'o 'khor ba dag gi rgyun// e ma'o mchog tu mya ngan 'das// de nas de bzhin gshegs pa de dag thams cad kyis/ byang chub sems dpa' sems dpa' chen po de rnams la 'di skad ces gsol to/ / byang chub sems dpa' de de bzhin no// sems dpa' chen po de de bzhin no// de nas byang chub sems dpa' sems dpa' chen po de dag thams cad yang 'dus par gyur nas/ de bzhin gshegs pa de dag thams cad la gsang ba dang phyi'i mchod pa rnams kyis yang dag par mchod nas phyag byas te mgrin gcig tu 'di skad ces gsol to// e ma'o shin tu rnyed dka' ba// byang chub sgrub pa'i thabs 'di yin// rgyud kyi mchog gi mchog gyur pa// gsang ba 'dus pa zhes bya'i rgyud// sbas pa de ni rtogs phyir dang / / sems can rnams la phan 'dod pas// yang dag gsung bas gang bshad pa// mgon po khyed la gsol bar 'tshal// de nas de bzhin gshegs pa de dag thams cad kyis/ byang chub sems dpa' de rnams la ni 'di skad ces bka' stsal to/ / gang zhig sbas pa'i rgyud tshig de// de dag thams cad 'dri 'dod pa// sems dpa' chen po legs so legs// yon tan 'byung gnas legs so legs/ / de nas byang chub sems dpa' kun// rab tu dga' bas mig gdangs te// yang dang yang du phyag 'tshal nas// 'di yi som nyi zhus par gyur// gsang ba zhes 'di gang la bgyi/ / 'dus pa zhes ni gang la brjod// rgyud kyi 'grel pa ji lta bu// rnal 'byor rgyud 'dir ci la bgyi// de nyid rnam pa du ru bshad// de bzhin gsang ba rnam pa du// gsang chen zhes ni gang la bgyi/ / dam pa rnam pa du zhig mchis// byang chub sems zhes gang la bgyi// de bzhin rig pa'i skyes bu ci// badz+ra d+h+r-ika ces ci la bgyi// de bzhin dzi na dzika ni gang // de la rat+na d+h+r-i ka ni gang // de bzhin A ro li ka ni ci/ / pradz+nyA d+h+rika ces gang la bgyi// rigs 'dir de bzhin gang zhig lags// mo ha zhes ni gang la bgyi// dwe Sha zhes 'dir gang la bgyi// rA ga zhes ni tsi la bgyi// badz+ra sngags ni gang la bgyi/ / ra ti zhes 'dir gang la bgyi// phun sum tshogs pa gang zhig lags// ya mAn+ta krita don ni gang // de bzhin pradz+nyAn+ta krita tsi// pad+mAn+ta krita ming ji lta// de bzhin big+h+nAn+ta krita tsi/ kun tu spyod pa gang ci lags// de bzhin sngags kyi spyod pa gang // 'dir ni bzlas pa gang zhig lags// rgyas btab pa zhes gang la bgyi// chos 'byung ba ni ji ltar sgom// de bzhin sdom pa ji lta bu/ / zhe sdang gti mug 'dod chags ches// sems can don mdzad ji lta bu// dkyil 'khor zhes ni gang la bgyi// phyag rgya'i dgod pa ji ltar lags// 'dir ni me tog ci zhig lags// mchod rten zhes ni gang la bshad// ye shes 'khor lo ji ltar shes// 'dir ni gnas shes gang la bshad// mgon po bskul ba ji lta bu// gtong ba dag kyang ji lta bu// ji ltar de rnams spyan drang bgyi/ / bcing ba 'dir ni ji lta bu// dbang bskur ba ni ji ltar sprul// de bzhin rig pa'i brtul zhugs gang // bdud rtsi lnga rnams ji ltar bza'// de bzhin dpa' bo lnga gang lags// dngos grub tha mal ji lta bu/ / de bzhin mchog kyang ji lta bu// de la thabs ni rnam pa du// de bzhin thabs byung ji lta bu// rnal 'byor rdo rje can kun gyi// bka' ni ji ltar bsgo bar bgyi// las kyi mchog go/ tshogs rnams ni// sna tshogs ji ltar byed par 'gyur// de nas de bzhin gshegs pa de dag thams cad byang chub sems dpa' sems dpa' chen po de rnams kyis zhus pa'i tshig nye bar gsan nas/ byang chub sems dpa' chen po rdo rje 'dzin pa la dmigs par mdzad nas skad cig cang mi gsung bar gyur to/ / de nas byang chub sems dpa' che// snying rje'i bdag nyid rab dga' nas// rdzogs pa'i sangs rgyas bde bar gshegs/ / mgon la yang dang yang rab bskul// de nas de bzhin gshegs pa de dag thams cad kyis/ byang chub sems dpa' de rnams la 'di skad ces bka' stsal to// lus ngag yid ni rdo rje yis// sku gsung thugs kyi rdo rje yis// sku gsung thugs ni rdo rje la// bzhag nas byang chub sems dbang po// zhus pa rgya chen mnyan par gyis// de nas byang chub sems dpa' sems dpa' chen po de dag thams cad de bzhin gshegs pa de dag thams cad kyis rjes su gsungs pa'i bka' spyi bos rab tu mnos te/ bcom ldan 'das legs so legs so// bde bar gshegs pa legs so legs so// zhes gsol nas/ rang rang gi lus dang / ngag dang / yid rdo rjes byang chub sems dpa' chen po rdo rje 'dzin pa chen po'i sku dang / gsung dang / thugs rdo rje la dmigs te cang mi smra bar gyur to// de nas de bzhin gshegs pa de dag thams cad rang rang gi thugs rdo rje chen po la dmigs par byin gyis brlabs nas/ byang chub sems dpa' chen po de dag rnams la zhus pa de dag gsung gcig gis bka' stsal pa/ sku gsung thugs ni rnam pa gsum// gsang ba zhes ni bstan pa yin// sangs rgyas thams cad ces bya ba// tshogs pa 'dus pa yin par bshad/ / lnga pa dang ni dgu pa dang // bcu bdun pa dang bcu gsum pa// sangs rgyas byang chub sems rnams kyis// bstan pa dag ni sgrub chen yin// bzhi pa dang ni bcu drug pa// brgyad bapa de bzhin bcu gnyis pa/ / slob dpon spyi yis las dang ni// dngos grub brtul zhugs sdom pa yin// drug pa dang ni gnyis pa dang // bcu pa dang ni bcu bzhi pa// drag spyod rjes su chags pa dang / / nye bar sgrub pa'i sdom pa'o// bdun pa dang ni gsum pa dang // bcu gcig pa dang bco lnga pa// dngos grub zhing dang mtshan sa ni// bsnyen pa sgrub pa'i sdom pa'o// de bzhin gshegs pa kun gyi las/ / tshar gcod pan 'dogs spyod pa dag/ dul dang gdul dka' zhi ba yi// sems can rnams kyis 'jug pa'o// bskyed pa'i rim dang 'brel ba yi// bsnyen pa rdo rje cho ga bzhi// thun mong dngos grub 'brel ba yin/ / mchog tu gyur pa'i gzhung nyid do// dkyil 'khor brtul zhugs 'bral ba yi// gzhung ni slob dpon phun tshogs pa'o// bla mas sngags kyi lam gyis ni// slob ma yongs su smin bya ba/ / brtul zhugs bzang dang dbang bskur ba// rang gi slob ma bdag nyid che// sangs rgyas byang chub sems rnams kyi// ston pas yongs su grol ba yin// thabs dang shes rab snyoms 'jug pa/ / rnal 'byor zhes ni bshad pa yin// gang zhig dngos med shes rab ste// thabs ni dngos po'i mtshan nyid do// rgyud ni rgyun zhes bya bar grags// rgyun de rnam pa gsum 'gyur te// gzhi dang de bzhin rang bzhin dang // mi 'phrogs pa yis rab phye ba// gzhi dang rang bzhin rgyu yin te// de bzhin mi 'phrogs 'bras bu'o// gzhi ni thabs zhes bya ba ste// gsum gyis rgyud kyi don bsdus pa'o// rigs ni lnga dang gsum dag dang // ngo bo nyid gcig rigs brgya'o// byang chub rdo rje bcas gsungs pa// de ni phyi ma'i rgyud du 'dod// de nyid rnam pa lnga ru bshad/ / gsang ba rnam pa gsum du bshad// lhag pa'i lha ni gsang chen te// dam pa'i rigs ni rnam pa brgya// thog ma tha ma med zhi ba// dngos dang dngos med mi zad gtso// stong nyid snying rje mi phyed pa/ / byang chub sems zhes bya ba yin// sku gsung thugs kyi rdo rje yis// mi phyed phye ba'i dngos po nyid// rig dang lhan cig ldan pas na// rig pa'i skyes bu zhes brjod do// rgyu lnga dang ni 'bras bu lnga/ / rdo rje zhes ni bshad pa yin// 'chang ba 'dzin zhes grags pa ste// rnam shes rdo rje 'dzin du 'dod// badz+ra d+h+r-ika ni rnam shes yin// yod dang med dang dbus las 'das// 'byung dang 'byung las gyur las byung / / sems can kun gyi lus yin te// skye las rgyal bas dzi na dzika/ don rnams thams cad 'byung bas na// sems ni rin po che zhes bya// tshor ba pos ni nges tshor bas// tshor ba rat+na d+h+r-ika tu brjod/ / mtshan gzhi mtshan nyid dngos po yis// kun la kun gyis thams cad du// dga' ba'i mtshan nyid mtshan gzhi ni// A ro lika ces bshad pa yin// rnam shes rab mthar phyin byed pa// gang yin de ni shes rab ste// 'du byed sems dpas 'dzin pas na// pradz+nyA d+h+r-ika ces bya bar bshad// rigs ni rgyud ces bya bar bshad// rgyud ni thog ma zhes brjod de// mi 'jig skye ba med gang yin// mgon po de ni yin par bshad// rgyu 'bras gnyis la sdang bas na// rnam shes zhe sdang yin par bshad// bems po bcings pa'i rang bzhin pas// gzugs ni gti mug ces byar bshad// bdag tu rlom pa'i ngo bo bas/ / tshor ba dregs pa yin par bshad// dngos la chags pa'i mtshan nyid can// 'du shes yang dag chags bdag nyid// rkyen gyis drangs pa'i bdag nyid can// 'du byed rtag tu phrag dog yin/ / byang chub sems kyi ngo bo nyid// srid pa kun 'byung thams cad du// 'dod chags zhe sdang rmongs ldan pa'i// sems ni 'dod pa zhes byar bshad// dam tshig sna tshogs 'dra ba yi mngon phyogs las las skyes 'bras bu/ / gnyis med ye shes chos rnams la// nga rgyal byed pa rmongs zhes bshad// de la phan tshun 'dzer ba ni// zhe sdang zhes ni bya bar bshad// mtshan nyid 'dod chags zhen pa yin/ / ye shes thabs ni rdo rjer bshad// dga' ba rdzogs pa'i longs spyod mchog/ bud med bde mchog phun sum tshogs// gti mug zhe sdang 'dod chags dang // rdo rje la dga' rtag par gnas/ / des na sangs rgyas rnams kyi thabs// rdo rje theg pa zhes bshad do// mi 'jigs bdag nyid chos rnams ni// ma skyes pa yi ngo bo nyid// dngos po kun gyi dam tshig ste/ de nyid gshin rje mthar byed do// rnam shes min bdag chos rnams ni// don dam mi 'gyur dag gyur nyid// sems kun gyi ni dam tshig ste// des na rgyal ba shes mthar byed// brjod med bdag nyid chos rnams ni// ming dang gzugs blo dngos po med// chos rnams kun gyi dam tshig ste// des na khyab bdag pad mthar byed// mi rtog bdag nyid chos rnams ni// rang bzhin gyis ni zhi ba'i dngos/ / rdo rje kun gyi dam tshig ste// des na gtso bo bgegs mthar byed// mi 'jig rnam par mi shes pa// brjod du med dang rtog bral ba// sangs rgyas byang chub ye shes 'di/ / shes na bde ba thob par 'gyur// gti mug gti mug longs spyod pas// gti mug zad phyir gshin rje gshed// des na lus mthar byed pa ste// des na shes bya mthar byed 'gyur// / nyes pa nyes pa longs spyod pas// nyes pa zad phyir shes mthar byed// des na sems ni mthar byed de// des na nyon mongs mthar byed 'gyur// 'dod chags 'dod chags longs spyod pas// 'dod chags zad pas pad mthar byed// des na 'dod chags mthar byed de// de bzhin snyoms 'jug mthar byed 'gyur// nyon mongs kun zad gang yin dang // de bzhin las ni thams cad zad/ / sgrib pa kun zad ye shes ni// bgegs mthar byed ces bya bar bshad// nyon mongs rdo rje sgrib dag na// las rnams thams cad rnam par dag/ las rnams thams cad rnam dag pas/ / las skyes 'bras bu rnam dag 'gyur// gzung dang chags pa nyid dang ni// rnam pa de bzhin mi g.yo dang // rgyu nyid 'bras bu nyid dag ste// drug las thugs ni kun tu 'byung // 'dod pa'i rgyal po la sogs drug/ khro bo'i dbang por rnam par grags// dam tshig rdo rje la sogs drug/ sa la sogs pa rnam pa lnga// 'byung dang 'byung las gyur par grags// rig pa'i rgyal po zhes bshad do/ / gzugs kyi rdo rje la sogs drug/ rdo rje bdag po zhes bshad do// sku gsung thugs kyi rdo rje las// bdag nyid chen po kun tu 'byung // thabs dang shes rab las byung ba'i// phung po khams dang skye mched gzugs// rdzogs pa'i rim pa'i sbyor ba yis// sngags pas sbyor ba nges byas la// thams cad dag par mos pa yis// 'jigs pa thams cad spangs nas su// / dogs pa med pa'i sems kyis ni// sngags pas seng ge bzhin du spyod// 'di la mi bya ci yang med// de bzhin mi bza' yod ma yin// smra bar mi bya cung zad med// rtag tu mi bsam ci yang med// / mnyam par ma gzhag sbyor ba yis// rtag pa nyid du mnyam par 'jog/ gang gis sems kun la spyod pa// kun tu spyod pa zhes bshad do// dbang po dang ni yul rnams kyi// rkyen gyis gang dang gang byung yid/ / yid de mAn zhes bya bar bshad// tra ni skyob par byed pa'i don// 'jig rten spyod las rnam grol bar// gang bshad dam tshig sdom pa ste// rdo rje kun gyis bsrungs pa ni// sngags kyi spyod pa zhes bshad do// rang rang gi ni ngo bo nyid// snying po yid kyis rnams bsams te// gsang sngags zlos pa'i dbye ba yis// zlos par byed cing spro zhing bsdu/ / sangs rgyas sna tshogs rdo rje bdag/ ye shes sa bon dag gis bsdu// byang chub bdag med sa bon gyis// brtul zhugs can gyis bdag med bzung // sna tshogs bzhin du sna tshogs spro/ / dus gsum sa bon dag gis bzla// bzlas pa smra bar grags pas na// ngag kun bzlas pa zhes bshad la// sngags kun 'bod pa zhes bshad de// de nyid bskul babar smra ba'o/ / ji ltar thugs sogs byin rlob pa// ting nge 'dzin kyang de bzhin no// de rnams spyi bor dbang bskur dang // de bzhin kun tu mchod pa'o// rdo rje 'chang ba gang yin pa'i/ / rig pa yod pa'i sbyor ba dang // bdag byin brlabs sogs de bzhin te// de yi longs spyod bzhir shes bya// dpa' bo rdo rje gcig pu yi// spyi bor dbang bskur re re ste// snying po phyag rgya sngags tsam dag/ rang rigs rim gyis rgyas gdab bo// 'bras bus rgyu ni rgyas gdab cing // rgyu yis 'bras bu rgyas gdab par// sgom gyis gzhan du dngos grub ni// bskal pa bye/ pabar 'byung mi 'gyur// longs spyod bzhi dang yang dag ldan// rig pa'i skyes bu rdo rje can// sku gsung thugs kyi dbye ba yis// gru gsum du ni rnam par sgom// kun nas ser ba'i 'khor lo ni// rtsibs bcu de dbus rnam par sgom/ / rtsibs kun la ni khro bo bcu// ye shes bdag nyid bcu las byung // 'gog pa'i rdo rjes bsgom bya zhing // mchog tu mdzes pa bsgrub par bya// rdo rje 'bar ba'i sprin spros pas/ mi g.yo ba dang mtshungs par 'khor// de ltar chos 'byung ye shes ni// rang bzhin dri ma med zhi ba// bsgoms pas skad cig nyid kyis ni// sangs rgyas spyan ni rab tu 'byung // rdo rje can gyis chos bstan pa nga rim pa gnyis la yang dag brten/ / bskyed pa yi ni rim nyid dang // de bzhin rdzogs pa'i rim pa'o// sgrub pa rang ni nan tan dang // dam tshig de bzhin sdom pa rnams// sngar ni de kun rgyas par ni// rim pa'i dbye bas phye ba yis// gzugs dang sgra sogs 'dod pa ni// bde sdug gnyis ka'i bdag nyid can// 'dod chags zhe sdang gti mug sogs// rtag tu snying las skye bar 'gyur// chags la 'dod chags rdo rje can/ / rdo rje 'dra bar rin chen 'byung // rin chen bzhin du dam tshig shes// 'dod pa de rnams dam tshig mtshungs// rnam bcas dang ni rnam pa med// kun 'gro yi ge gsum bdag nyid// bya ba dang ni dbrog pa dang // spro dang rang gi bzlas pa bya'o// de ltar zhe sdang gti mug dag/ sa gsum du ni bskyed par bya// gsang ba dag la rgyas gdab cing // rdo rje can gyi don byed do// zhe sdang sbyor ba'i rnal 'byor pas/ / zhe sdang 'khor lo bskyed nas su// rdo rje drag pos bcom nas ni// ye shes rdo rje can gyis bsdu// de ni spro bas bsdu byas la// de bzhin slar yang bsdu bar bya'o// 'di lta'i sbyor ba goms byas na/ / zhe sdang rdo rjer bdag nyid 'gyur// khams gsum po ni ma lus pa// gsad dang de bzhin gso ba dang // skad cig tsam gyis byed par ni// mngon du nus par the tsom med/ / gti mug sbyor ba'i rnal 'byor pas// gti mug 'khor lo bskyed nas ni// rgyan la sogs pa gang ci'ang rung // de dag thams cad rtag tu sku// gti mug sems kyi rgya mtsho sgom/ / rin chen kun gyis rab tu dgang // gti mug 'khor lo can kun gyis// sbyin pa'i cher ni rab tu 'bebs// rdzas rnams thams cad ma lus par// rab tu sbyin dang dbrog pa nyid// sems kyi rdo rje brtan po yis/ / skad cig tsam gyis byed par 'gyur// 'dod chags sbyor ba'i rnal 'byor pas// 'dod chags 'khor lo bskyed nas ni// lha mo thams cad phrogs nas su// 'dod pa'i sbyor bas 'dod pa spyod/ / dga' sdug bde ba rangs pa yis// 'dod pa'i rtsed mor rnam par 'phrul// de nas 'khor lo can kun la// lha mo rab tu dbul bar bya// khams gsum dag tu byung ba yi// lha dang lha min chung ma yang // skad cig tsam gyis 'dod spyod na// mi yi bud med smos ci dgos// dkyil 'khor dang ni dbang bskur dang // las mchog gi ni tshogs rnams dag/ nyams su len cing byin rlob pa// grub pa'i bgrod pa gzhan yin no/ / b+ha ga'i dkyil 'khor zhes grags dang // byang chub sems kyi dkyil 'khor dang // lus kyi dkyil 'khor zhes bshad pa// gsum po dkyil 'khor yin par gsungs// phung po skye mched khams rnams ni/ / sangs rgyas thams cad rgyas btab pa'o// de ni rtag par rgya dgod pa// dkyil 'khor zhes ni bstan pa yin// 'dod rgyal dbyig sngon stobs mi g.yo// lcags kyu dbyig pa rtse gsum dang / / ral gri mtshams su rnam par dgod// steng du 'khor lo 'og gnod mdzes// rig rgyal rdo rje can rnams kyi// 'khor lo sgyur ba drug gi rgya// sa la sogs pa'i sems dpa' yi/ / phyag rgya rang gi dkyil 'khor pa// me long pi wang dung dang ni// de bzhin snod dang sna tshogs ras// chos 'byung ba yi phyag rgya drug/ rdo rje'i bdag po rdo rje can// sangs rgyas byang chub sems dpa' dang / / khro rgyal rnams kyis rgyas gdab bo// de nas gzhan yang dpa' bo gcig/ rigs ni kha dog dag gis brtag/ lha mo dgu dang nam mkha'i khams// me tog ces ni bshad pa yin// sku gsung thugs kyi dbye ba yis/ / rigs kyi rim gyis dgod par bya// mchod rten sangs rgyas thams cad kyi// bzhugs gnas pho brang yin par bshad// ye shes sems dpas gang reg pa// ye shes 'khor lo zhes bshad do/ / mi 'gyur rdo rje gsum yi ge/ sa bon yi ge gnas zhes bshad// sku gsung thugs kyi de nyid ni// sad par byas pas bskul bar bshad// phyogs bcu'i 'jig rten khams rnams su// 'od zer 'gyed pa gtong ba'o// rdo rje can kun spyan 'dren pas// rdo rje can kun spyan drang ba'o// rdo rje can gyi gnas de yi// 'od zer gyis ni rdo rje kun// bsdus nas gong bu'i tshul gyis su// bcings pa bcing ba yin par bshad/ / sku gsung thugs kyi rdo rje yis// sku gsung thugs kyi dkyil 'khor du// sku gsung thugs kyis rgyas btab ste// ri mo'i dkyil 'khor brtag par bya/ / dbang bskur dbye ba rnam gsum du// rgyud 'di la ni rab tu brtag/ bum pa'i dbang bskur dang po ste// gnyis pa gsang ba'i dbang bskur ba// shes rab ye shes gsum pa ste// bzhi pa de yang de bzhin no// mig yangs sngags kyi snod du rung // me tog bcas shing sa bon byung // blangs nas gsang ba'i dbang bskur ba// sngags pas slob ma dag la sbyin// nam mkha'i dbyings kyi dbus gnas par/ / dri chu rkang dang yang dag ldan// rdo rje pad+mo'i sbyor ba yis// rdo rje can kun yang dag bsdu// sku gsung thugs kyi rdo rje yis// de dag thams cad snying khar bsdu// rdo rje'i lam nas byung nas su/ / slob ma'i khar ni dbab par bya// 'di ni gsang sngags de kun gyi// dbang bskur ba yi go 'phang mchog/ las mchog gi ni tshogs rnams dang // gsang sngags thams cad 'grub/ par 'gyur// mchog tu dad cing shes rab che// gzugs bzang sgrub pa po la dga'// sbyor ba gcig gis bya ba goms// dam tshig dag gi dam tshig can// bla ma la ni slob ma yis// yon rnams rab tu phul nas ni/ / bla mas de ni byin brlabs te// sgrub pa po la sbyin par bya// rmongs pas gti mug bdag nyid sbyor// gti mug dga' dang yang dag ldan// gti mug rgyan gyis dbang bskur na// gti mug rdo rjer bdag nyid 'gyur// zhe sdang sdang ba'i bdag nyid sbyor// zhe sdang dga' dang yang dag ldan// zhe sdang rgyun gyis dbang bskur na// zhe sdang rdo rjer bdag nyid 'gyur// chags la 'dod chags bdag nyid sbyor/ / 'dod chags dga' dang yang dag ldan// 'dod chags rgyun gyis dbang bskur na// 'dod chags rdo rjer bdag nyid 'gyur// shes rab ye shes bdag nyid sbyor// rdo rje dga' dang yang dag ldan// ye shes rgyun gyis dbang bskur na// shes rab ye shes bdag nyid 'gyur// rig pa'i lha mo de nyid ni// rdo rje can gyi slob mas blang // lag par lag pa bzhag nas ni/ / de bzhin gshegs rnams dbang byas la// slob ma'i mgo bor lag bzhag ste// bla ma rdo rje can gyis bsgo// thabs gzhan gyi ni 'tshang mi rgya// de bas rig pa 'di mchog yin// chos kun gnyis su med pa la// dngos po gnyis su btags pa yin// de bas 'khor ba rnam bral ba// rtag tu khyod kyis mi bya'o// 'di ni sangs rgyas thams cad kyi// rig pa'i brtul zhugs bla med pa'o/ / rmongs pa gang zhig 'das gyur na// de yi dngos grub mchog mi 'grub// tha mal lus kyi chos la ni// dri ma lnga rnams snang ba ni// ye shes lnga yis byin brlabs pas// bdud rtsi lnga zhes bya bar bshad// sbar dang de bzhin bsreg pa dang // snang bar bya dang gzugs snang ba// sngags kyi lus su rab sbyor bas// bdud rtsi lnga ni bza' bar bya// rdo rje hUM las byung ba ni// bar snang la gnas bsam par bya// AHlas byung ba'i pad+ma ni// de yi 'og tu bsgom par bya// oM gyis mtshan pa'i bdud rtsi ni// de yi dbus su gzhag par bya// rdo rje baH mnyam sbyor ba/ / 'bar bas rnal 'byor tshim par bya// shel dang mtshungs par snang gyur cing // ye shes nyi ma gnyis par 'gyur// phyogs bcu'i 'jig rten khams rnams kyi// mtshon cha mchog gis drangs nas ni/ / bdud rtsi de ru phab nas kyang // bza' ba'i sbyor bar bza' bar bya// bsgrub bya'i dngos grub cho ga yis// de bzhin dpa' bo lnga rnams bza'// yig gsum sa bon las bskyed bya/ / gzhan du de ni 'grub mi 'grub// mi snang la sogs dngos grub ni// tha mal pa zhes bshad pa yin// sangs rgyas nyid sgrub sangs rgyas kyis// dngos grub mchog ces gsungs pa yin// thabs ni rnam pa bzhi po dag/ byang chub rdo rje can gyis gsungs// rnal 'byor rgyud ni thams cad du// rnal 'byor pa yis rtag par bsngags// bsnyen pa'i cho ga dang po ste// nye bar sgrub pa gnyi pa yin/ / sgrub pa yang ni gsum pa yin// sgrub pa chen po bzhi pa'o// thun mong mchog gi bye brag gis// bsnyen pa rnam pa gnyis su 'gyur// rdo rje bzhi po thun mong ste// ye shes bdud rtse mchog/ yin no// dang po stong nyid byang chub ste// gnyis pa sa bon bsdus pa yin// gsum pa gzugs ni rdzogs pa ste// bzhi pa yi ge dgod pa'o// rdo rje rnam bzhi 'di dag gis// tha mal bsgrub la bsnyen pa bya/ / mchog ni ye shes bdud rtsi nyid// sbyor ba drug gis bya ba yin// bsnyen pa yan lag drug gis ni// byas pas sgrub pa mchog tu 'gyur// gzhan du bsgrubs par gyur na ni// dngos grub mchog ni 'byung mi 'gyur/ / so sor sdud dang bsam gtan dang // srog rtsol de bzhin 'dzin pa dang // rjes su dran dang ting 'dzin te// sbyor ba'i yan lag drug tu bshad// dbang po bcu po rnams kyi yang / / rang gi 'jug gnas thams cad du// 'dod pa so sor sdud pas na// so sor sdud pa zhes bshad do// 'dod pa lnga ni mdor bsdus nas// sangs rgyas lnga ru sbyor ba yis/ brtag pa bsam gtan zhes bshad de/ / bsam gtan de ni rnam lngar 'gyur// rtog dang dpyod dang dga' ba dang // de bzhin bde ba nyid dang yang // sems kyi rtse gcig nyid dag ste// lnga po der ni bsam gtan bsdu/ / gsang ba'i rgyud ni thams cad du// rnam pa du mar yongs bshad pa// gsang ba gsum byung rtog pa ste// de yi longs spyod dpyod pa'o// dga' dang 'dra ba gsum pa ste// bde bsdus pab ni bzhi pa'o/ / shes dang shes bya byung zad pa'i// rang sems lnga par shes par bya// sangs rgyas kun dngos zhi ba ni// 'dod pa kun la rab tu gnas// ye shes lnga yi rang bzhin dbugs// 'byung ba lnga yi ngo bo nyid// gong bu'i gzugs kyis phyung nas ni// sna yi rtse mor rab tu brtag/ rin chen kha dog sna lnga pa// srog dang rtsol ba zhes byar bshad// rang sngags snying khar bsams nas ni// srog ni thig ler gyur par gzhag/ rang dbang rin chen dgag pa yi// gzung ba 'dzin pa yin par bshad// sems ni 'gog pa rdo rjer gyur// mtshan ma nyer 'dzin 'byung bar 'gyur/ mtshan ma'i khams ni rnam pa lngar// byang chub rdo rjes gsungs pa yin// smig rgyu 'dra ba dang po ste// du ba lta bu gnyis pa yin// mkha' snang 'dra ba gsum pa ste// mar me ltar 'bar bzhi pa'o// sprin med nam mkha' lta bur ni// rtag tu snang ba lnga pa'o// brtan 'gyur rdo rje'i lam nas ni// nam mkha'i khams su spro bar bya// rjes dran gang zhig rnam sgom pa// de dang 'dra bar spro bar bya// rjes su dran pa zhes bshad de// so sor snang ba de la skye// thabs dang shes rab snyoms 'jug pas// dngos po thams cad mdor bsdus pa// gong bu'i tshul gyis bsdus nas ni// dbus su gzugs ni rnam par sgom/ / yid kyis ye shes rdzogs byed pa// ting nge 'dzin ces bya bar gnas// so sor sdud la snyoms 'jug na// sngags rnams thams cad byin gyis rlob// bsam gtan ye shes snyoms 'jug na/ / mngon shes lnga po thob par 'gyur// srog dang rtsol bas nges par ni// byang chub sems dpa' rnams kyi gzigs// rtag tu 'dzin pa'i stobs kyis ni// rdo rje sems dpa' yang dag 'jug/ rjes dran mnyam par sbyor ba yis// 'od kyi dkyil 'khor 'byung bar 'gyur// ting 'dzin dbang gyur tsam gyis ni// sgrib pa rnams dang bral bar 'gyur// snying po de ni thugs ka ru/ / zla ba rdo rje'i sbyor bas blta// mtshon cha mchog gis drangs nas ni// sems ni sngags kyi dngos bya ste// sngags kyi gzugs kyi tshul gyis ni// byang chub tshig bcad brjod par bya// cho ga yang dag sbyor sgom pas// rang gi dkyil 'khor la gnas te// sems de ye shes gzugs kyis ni// sgom pa nye bar sgrub pa'o// ji srid mthong ba de srid du// rnam gnyis zla ba drug tu sgom/ / 'dod pa kun la longs spyod pas// thams cad du ni rtag tu bya// gal te zla ba drug gis ni// ji skad gsungs pa ma mthong na// ji skad bshad pa'i cho ga dang // sdom pas lan gsum brtsam par bya/ / de ltar byas kyang sgrub pa pos// mthong ba 'byung bar ma gyur cing // gang tshe byang chub ma grub na// drag shul sbyor bas bsgrub par bya// de'i tshe de yi ye shes ni// 'grub pa nges par nye bar 'byung / / rigs kyi dbye ba'i sbyor bas ni// rdo rje phur bus phur bu gdab// de nas dbang du bya ba dang // bsrung ba'i sbyor ba dag kyang bya// 'dod chags chen po'i tshul gyis ni// ye shes 'khor lo can rnams bsdu/ / lha mo dgu ni spros nas su// bsgrub par bya ba'i lus la dgod// yongs su gyur las phyag rgya bzhi// dkyil 'khor der ni brtag par bya// bdag nyid dbus su gnas byas la/ / 'khor lo can kun bsdu bar bya// thams cad rdo rje'i dngos byas la// de 'og byang chub bsgom par bya// bskul ba'i glu dbyangs bzhi yis ni// lha mos snying po bskul ba yis// dus gsum rdo rje'i rang bzhin sems/ / ye shes lta bur lus sgom mo// bzhi yis kha dog rnam par dbye// de bzhin 'ams kyi snying po ste// dbang bskur bas ni rang gi rgyu// bzhi yis 'bras bu phye yin/ / sngags kyis chos ni byed 'gyur la// rig pa'ang chos kyi phyag rgyas so// 'khor lo sgyur ba'i rgyal po drug/ gtsug tor zhes ni rnam par grags// rdzu 'phrul chen po'i longs spyod bzhi// rig pa'i rgyal mo zhes byar grags/ / de bzhin rdo rje'i bdag po rnams// 'dod pa thams cad ces byar bshad// bsam gtan rdo rjes thams cad la// dbang bskur ba ni rab tu bsngags// cho ga'i sbyor ba 'di yis ni/ / ye shes lus dang lhan cig tu// sku gsung thugs ni rdo rje yis// gnyis su med par byed sgrub pa// sngar bshad pa yi rim gyis ni// rig pa'i skyes bu rdo rje can// bdag dang 'dra bar dkyil 'khor bskyed// sgrub pa chen po zhes bshad do// bsnyen pa'i dus su gtsug tor che// sbyor ba nyid kyi gzugs su dmigs// nye bar sgrub pa'i dus su ni// bdud rtsi 'khyil ba'i gzugs kyi bar/ / sngags pa cho ga shes pa yis// sgrub pa rang lha'i sbyor bas bya// sgrub pa chen po'i dus su ni// gtso bo sangs rgyas bdag po'i sku// 'di ni rdo rje can kun dang / rnal 'byor mchog gi gsang ba che// de lta'i rnam phyes shes byas nas// dngos grub mchog ni bsgrub par bya// gzhan du bskal pa bye bas ni// sangs rgyas skyob pa rnams kyis kyang // dngos grub mchog ni zhi ba dag/ nges par 'byung bar mi 'gyur ro// bsgrub bya sgrub par yang dag sbyor// gang yin de ni bsnyen par bshad// rdo rje pad+ma mnyam sbyor ba// nye bar sgrub pa zhes bshad do// yi ge hUM dang phaT ldan pa/ / bskyod pa sgrub pa zhes bshad la// ngo bo nyid ni zhi de ba// sgrub pa chen po zhes bshad do// bcom ldan sangs rgyas kun gyi bdag/ rdo rje 'chang ba chen po'i gnas// sangs rgyas kun gyi thabs las byung / / de nyid chos rnams chos nyid do// las dang rjes 'thun gang gang gis// rnal 'byor pa yis sbyor ba dmigs// dkyil 'khor de dang de bskyed nas// dam tshig mi zad bsgom par bya/ / sku gsung thugs kyi rdo rje yis// dam tshig dang po bsrung bar bya// de nas gtsug tor dam tshig ni// cho ga ji skad gsungs las byung // las dang gang gang ces 'thun pas// rang gi 'khor la bka' yang bsgo// bsgrub bya'i las gang yin pa la'ang // dkyil 'khor rnam par bsgoms nas su// de yi lus gnas 'khor lo la// de yi nyes pa bsgrag par bya// de nas de rnams de bcom nas/ / byung bar gyur par rnam par sgom// dngos po kun gyis rnam bsgoms nas// dngos po kun gyis drangs nas ni// de ni rang gi 'khor lor gzhug/ ji skad gsungs pa'i rdzas rnams kyis/ / de yi gzugs brnyan byas nas ni// khro bas khyab pa'i sems kyis ni// rkang pas mtshan ma mnan par bya// de nas bka' mnos khro bo ni// sna tshogs tshogs kyis bskor ba rnams// sgrub pa rdo rje can gyis ni// bsgrub bya gsad phyir gtang bar bya// khro za'i rgyal po des bskor nas// de ni bcings shing brdeg pa dang // de nas brdungs shing skrag gyur pa/ sgrub pa pos ni dgug par bya// rdo rje gsum gyi sngags kyis ni// de yi gzugs brnyan la phab nas// sngags pas rdo rje dag gis ni// spyi bo mgrin pa snying kha ru// phur bu'i sngags kyis phur bu gdab// yams dang nye bar 'tshe ba kun// sna tshogs yul las byung ba rnams// gzugs de la ni phab nas su// de rnams kyi ni phur bus gdab// de nas sbyor ba thams cad kyis// cho ga ji skad gsungs pa bzhin/ / 'khrul 'khor sngags kyi sbyor la sogs// las kyi dbye bas sbyar bar bya// mtshan ma mnan nas bzlas pa 'am// khro bo'i dkyil 'khor sbyin sreg gam// bsgoms pas gdug pa'i sems can ni/ / zos par gyur par rab tu brtag/ zhi la zhi ba'i sems kyis bya// rgyas la dga' ba'i yid kyis te// dbang la chags pa'i yid du bya// khro ba gtum pas rab tu bsgrub// ces pa'o// de nas bcom ldan 'das de bzhin gshegs pa de dag thams cad kyis/ byang chub sems dpa' sems dpa' chen po de rnams kyi the tsom thams cad bcad par mdzad nas/ the tsom thams cad gcod par mdzad pa sku dang / gsung dang / thugs rdo rje la zhugs te/ de nyid kyi sku dang / gsung dang / thugs la dmigs nas cang mi gsung bar bzhugs par gyur to// de nas byang chub sems dpa' sems dpa' chen po de dag thams cad kyis/ de bzhin gshegs pa de dag thams cad la bstod pa'i rgyal po 'dis bstod do// thams cad sku khyod phyag 'tshal lo// thams cad gsung la phyag 'tshal 'dud/ / thams cad thugs khyod phyag 'tshal lo// thams cad mdzad la phyag 'tshal 'dud// sku gsung thugs ni rdo rje yi// sku gsung thugs ni thob 'gyur bas// sems can sangs rgyas mi mnyam mnyam/ / bsgrub bya su yin sgrub po gang // sgrub pa'i dbang po bdag nyid che// sangs rgyas thams cad gsod pa yis// ji ltar sdig pas gos mi 'gyur// gal te gos 'gyur 'bras bu gang / / de nas de bzhin gshegs pa de dag thams cad kyis/ byang chub sems dpa' sems dpa' chen po de rnams la legs so legs so zhes bya ba byin te/ sems dpa' chen po legs so legs/ / bdag nyid chen po legs so legs// gsung dbyangs chen po legs so legs// mchod pa chen po legs so legs// slob dpon byang chub rdo rje can/ dpal ldan sangs rgyas kun gyi bdag/ dngos rnams thams cad sgyu ma bzhin// bskyed dang sdud par mdzad pa po// des na de yi sdig mi 'byung // bsod nams dag kyang de bzhin te// gang la sdig dang bsod nams med/ / de ni byang chub yin par gsungs// mgon po de yi bslu ba yis// lus can thams cad 'jig mdzad kyang // ngan 'gror skye bar mi 'gyur zhing // byang chub kyang ni rnyed mi dka'/ / sngon ni mi bzad las byas pas// gal te dmyal ba rnams su ni// skye bo skye 'gyur de rnams kyi// dmyal ba rnams kyi 'bras bu che// byang chub rdo rjes bsgrub bya 'di/ / ye shes kyis ni rgyas btab pas// sems can rnams kyis sbyor ba des// mchog tu phan btags shes par bya// tshar gcod pa dang rjes gzung las// bdag nyid chen po de yis bya/ / sgrub pa chen po'i mthar thug par// byas nas las rnams brtsam par bya// de nas byang chub sems dpa' sems dpa' chen po de rnams rdo rje can gyi thugs rje chen po'i tshul gyis chos thos pas dga' zhing rab tu dga' ba'i yid kyis legs so zhes gsol te/ mgon po chen po legs so legs// thub pa chen po legs so legs// chos rnams chen po legs so legs// thugs rje chen po legs so legs// e ma'o kun tu bzang po yi// thugs rje chen po dri ma med// gdug pa mi bzad las kyis kyang // sangs rgyas nyid kyi 'bras bu stsol// de nas de bzhin gshegs pa de dag thams cad kyis/ / byang chub sems dpa' sems dpa' chen po de rnams la 'di skad ces bka' stsal to// rigs kyi bu de lta bas na de bzhin gshegs pa thams cad kyis dbang bskur ba'i gsang ba 'dus par dbang bskur ba'i sngags pas 'jigs par mi bya zhing / skrag par yang mi bya'o// de ci'i phyir zhe na/ byang chub rdo rje las byung ba// zhe sdang rdo rje che la sogs// sngags kyi rgyud ni bsdus pa dag/ yongs su spang bar mi bya'o// de nas byang chub sems dpa' sems dpa' chen po de dag thams cad kyis/ de bzhin gshegs pa de dag thams cad la mgrin gcig tu tshigs su bcad pa 'dis mngon par bstod do/ / dus gsum rdo rje'i thugs yin srid dang thar gyur gang // zhi zhing sgrib med nam mkha' dag pa'i ngo bo nyid// sangs rgyas rnam rgyas byang chub dbang phyug rdo rje can/ / de la lus ngag yid kyis rtag tu phyag 'tshal lo// gang zhig gzugs dang tshor ba 'du shes 'du byed dang // rnam par shes dang skye mched dug dang dbang po drug/ sa chu ma dang rlung dang nam mkha' thams cad ni// byang chub sems 'dra rgya chen de la phyag 'tshal lo// gti mug nyes pa 'dod chags rdo rje chos bcas gang / rig pa'i sbyor ba las byung rtag tu rab 'brel bar// rnam pa sna tshogs dga' bas myos pa'i dngos gyur pa// byang chub sems 'dra rgya chen de la phyag 'tshal lo// spro dang dga' dang rnam pa de bzhin mi 'gyur dang / / rgyu dang 'bras bu'i rang bzhin sems su rjes thogs chos/ rmongs dang zhe sdang 'dod chags sgrib pa rdo rje ste// byang chub sems 'dra rgya chen de la phyag 'tshal lo// gang zhig thog med dngos po rnam dag 'di sgom pa// thabs dang shes rab las byung spros dang rnam par bral// gsang ba'i dbang bskur brtul zhugs dam tshig sbyor ba rtag/ byang chub rdo rje 'drar blta de la rtag phyag 'tshal/ / gang zhig dngos grub mchog gi thabs ni 'di sgom zhing // bsnyen pa'i cho ga nye bar sgrub dang sgrub pa dang // sgrub pa chen pos blo mi 'gyur ba'i sgrub dbang po/ / byang chub rdo rje 'drar blta de la rtag phyag 'tshal// gang zhig thun bzhi'i rdo rje dag ni sgrub byed pa// mi snang la sogs sna tshogs mchog dang dman 'grub cing // bla ma drin gyis 'di na ma nor lam rtogs pa/ / byang chub rdo rje 'drar blta de la rtag phyag 'tshal// gang zhig gsang 'dus pa'i rgyud 'di nyan pa dang // 'don par byed dang klog pa dang ni sems pa dang / / mchod par byed pa dang ni 'dri 'am 'drir 'jug pa// byang chub rdo rje 'drar blta de la rtag phyag 'tshal// gang du zhi sogs las tshegs shin tu brtags pa yis// 'khrul 'khor sngags kyi cho ga de bzhin rgyas 'debs pa'i/ / bsgrub bya 'di dang ldan pa'i sgrub pa'i dbang po ni// byang chub rdo rje 'drar blta de la rtag phyag 'tshal// gang gis gtso bo sgrub pa po mthong reg pa dang / / reg par dran dang ming tsam nges pas thos pa dang // dad par byed cing phyogs gcig tsam zhig 'dzin pa dag/ byang chub rdo rje 'drar blta de la rtag phyag 'tshal bstod pa'i tshig ni zhi ba 'dis/ / 'dren pa kun la bstod pa dang // byang chub sems dpa' mchod chen la// mgon po de dag rjes yi rang // 'dus pa gsang ba las byung ba// de bzhin gshegs pa kun gyi gsang / / rgyud kun bdag po'i dbang po yis// rgyud 'di legs par gsungs pa yin// de nas de bzhin gshegs pa de dag thams cad dang / byang chub sems dpa' de dag thams cad kyis de skad ces gsungs nas/ nyid kyi sku dang / gsung dang / thugs rdo rje la bzhugs te/ sku dang / gsung dang / thugs rdo rje'i sku dang / gsung dang / thugs rdo rje la dmigs te cang mi gsung bar gyur to/ / de bzhin gshegs pa thams cad kyi sku dang / gsung dang / thugs kyi gsang ba chen po gsang ba 'dus pa las/ gsang ba thams cad ston pa rdo rje'i ye shes kyis byin gyis rlob pa zhes bya ba le'u ste bco brgyad pa rdzogs so/ / / rgya gar gyi mkhan po A tsar+ya shrad+d+ha ka ra barma dang / zhu chen gyi lo tsa ba dge slong rin chen bzang pos bsgyur cing bcos te gtan la phab pa'o/ rdo rje gsum gyi gsang ba las// yang dag byang chub sems bshad ga/ le'u gnyis pa yin par bshad// de nas de nyid gsang rdo rje// gsum dang tshul gsum lam gsum mchog/ rnam thar gsum dang dkon mchog gsum// de bzhin gshegs pa kun bdag po// de bzhin gshegs pa kun bkod pa// 'phro ba'i sprin gyi rdo rje dang // ting nge 'dzin la snyoms zhugs te// de nas rdo rje 'dzin la gsungs// rdo rje dkod pa mchog 'di yi// le'u brtul zhugs bzang po nyon// 'di ni de bzhin gshegs pa kun// phra mo rnal 'byor / dag pa zhugs// oM ni gcig dang yang dag ldan// shU n+ya tA ni gnyis pa ste// dz+nyA na zhes ni gsum pa yin// badz+ra zhes bya bzhi pa'o// swa b+hA ba at+ma kaHlnga par grags// a haM zhes pa drug par brjod/ / de ltar bder gshegs drug pa ni// skye bo mchog la bstan pa yin// oM shU n+ya tA zung dang po'o// dz+nyA na badz+ra gnyis pa yin// swa b+hA ba At+ma kohaM gyur// de nyid gsum ni 'dir brtags pa'o/ / de nyid gsum ni gcig gyur par// mi gsal gsal ba'i ming can no// mkha' dbus sangs rgyas dkyil 'khor ni// 'od zer sprin gyi tshogs chen po// yi ge ma yin 'od kyis khyab// kun nas yongs su zlum po'o/ / 'dod yod lnga yis kun tu khyab// mchod pa rnam pa lngas brgyan pa// mdor na de ltar bsgoms nas su// dbus su gzugs ni bsgom par bya// rnam par snang mdzad phyag rgya mchog/ de nyid gsum gyi rdo rjes mtshan// yang na rdo rje gsum mgon gyi// phyag rgya yang ni rnam par bsgom// mi bskyod pa yi phyag rgya che// tshogs ni gnyis med sbyor ba dang // dkon mchog dpal gyi rgya chen dang / / tshe dpag med pa'i 'od byed dang // de bzhin don yod gzugs can rgya// sangs rgyas dkyil 'khor dag tu bsgom// rdo rje gsum gcig rdo rje can// in+d+ra nI la'i mdog 'dra ba// rab 'bar phyag na rdo rje bsnams/ / rnam par gcig pa 'jigs 'jigs lta// 'dzam bu chu bo'i gser 'od 'dra// sangs rgyas sprin gyis rab tu 'khrigs// da ni phyag na rdo rje che// rtse mo dgu pa rnam par bsgoms shel dang zla ba'i 'od 'dra ba/ / thor tsugs cod pan ngag gis brgyan// rab 'bar lag na 'khor lo bsnams// sna tshogs rgyan gyis rnam par brgyan// mar gad ta yi 'od 'dra ba// rdo rje 'bar bas rnam par brgyan/ / 'bar zhing 'bar ba'i tshogs kyis khyab// rin chen de la rnam par bsgoms// 'dod chags chen po rdo rje can// pad+ma rA ga'i mdog 'dra zhing // thor tsugs cod pan dag gis brgyan// phyag na pad+ma bsnams par bsgoms// sna tshogs rdo rje gdon mi za// 'od chen sna lnga'i 'od 'dra ba// zhi ba sangs rgyas dkyil 'khor du// phyag na ral gri bsnams par bsgoms// de ltar rnal 'byor bshad pa dag/ gsang ba'i bdag pos thos nas ni// phra mo'i rnal 'byor cha dag kyang // de bzhin gshegs bdag la zhus pa// phung po khams sogs sbyor ba yis// de bzhin gshegs pas bka' stsal na/

CLOSE WINDOW