zhu chen gyi lo tsa bar dge slong chos rab kyis bsgyur cing zhus te gtan la phab pa'o// // rgya gar skad du/ yA thA la b+ha kha sa ma hA nam/ bod skad du/ ji bzhin brnyes pa nam mkha' dang mnyam pa zhes bya ba'i rgyud/ bcom ldan 'das rdo rje sems dpa' la phyag 'tshal lo// gang zhig sangs rgyas lnga li cod pan can/ sa gsum kun gyi snying po dang ldan pa// dpal ldan dang po'i sangs rgyas ngo bo mdzad// de ni mkha' dang mnyam par spyod pa'o// gal te de 'dra'i ngo bor sems dag pa// byis pa 'di ni don dam bsgom pa yin// sangs rgyas rnams kyi rang bzhin mthong min te// sangs rgyas dang ni rdo rje 'dzin pa dang // rin chen tog dang bad ldan 'jug pa ste// lha de rnams kyi rang bzhin yod ma yin// dang po'i sangs rgyas nam mkha'i rang bzhin no/ / dang po'i chos las de rnams 'byung ba ste// mkha' dang lhan cig sems can khams rnams kyang // bzhugs rnams su ni bstan bcos tshad mar byas// gdod nas dag pa'i go 'phang mkha' mnyam mtshungs// sangs rgyas lnga yi cod pan dang ldan yang / / gang zhig chos de nyid kyi rang bzhin can// sa gsum po yi chos ni 'byung 'gyur ba// rdo rje sems dpa' de la phyag 'tshal lo// rdo rje sems dpa' la ni phyag 'tshal ba'i// bsod nams kyang ni mtha' yas 'byung 'gyur zhing / / rdo rje sems dpa' de la phyag 'tshal bas// chos kyi bdag nyid chen po 'thob par 'gyur// sems can thams cad yongs su bsgom par yang // bya ba 'di ni thar pa'i rang bzhin no// dngos kun rdo rje sems dpar dag byas pa'i// thar pa chos kyi rang bzhin bya ba ste// chos 'di 'jigs pa med pa'i rang bzhin can// 'jig rten pas ni rang bzhin gzhan du byas// 'di ni mu dang gsung dang thugs dag ni// chos 'di yis ni dang po 'byung ba ste/ / rnal 'byor gnas ni lha mo skur byed la// der ni chos rnams 'byung bar 'gyur ba'o// der ni sngags rnams rdo rje gcig dngos bsgom// chos kyi rang bzhin rdo rje dngos dmigs bsams// ral pa'i thor tsugs kyis kyang rab brgyan cing // sku mdog kyang ni sngon po'i rang bzhin can// rdo rje sems dpa'i ting 'dzin dge ba ste// gcig pa'i rang bzhin nyid ni bsgom par bya// nyi ma'i dkyil 'khor gyi ni dbus gnas par/ / yi ge bskyed pa nyid du bsam par bya// yi ge'i gzugs ni yongs su gyur pa las// rdo rje rang bzhin nyid du bsam par bya// mchu yis mtha' ni sngags pas bsgom bya ba// rang gi ngo bo nyid kyi rang bzhin te/ / gnyis su med pa'i sku yi rang bzhin can// rdo rje sems dpar dmigs par bya'o// 'di ni sems nyid yongs su grub pa ste// rdo rje 'dzin pa yis ni gsungs pa yin// gang zhig bsgom pa 'di yis sgom byed pa/ / sems kyi rang bzhin nyid ni 'grub par 'gyur// 'di ni lha mo bzhi rnams ro gcig pa'o// ngo bos glus ni mkha' dang mnyam las bsgom// de lta'i chos byas sems kyi rang bzhin te// lha mo thar pa'i rang bzhin nyid du bsgom/ / rdo rje sems dpa' des mthong ba// chos rnams kun gyi rang bzhin can// rnal 'byor gnas dang rol pa ste// thams cad mnyam pa'i btsun mor bcas// bkod pa dag dang ldan par gnas/ / mkhas bcas dgos la byung nga la// rdo rje sems dpa' gang mthong bar// gzung ba sangs rgyas spro bsdu'o// bzhi yi ngo bo lha mo bzhi// dbus su nges par gnas pa ste// sgyu ma lta bu'i rang bzhin gyis/ / sa gsum la ni khyab pa'o// sgra yis der ni kha bzhi pa'i// lha tshogs rdo rje nyid yin no// de la sangs rgyas rnam kyi ni// rnal 'phrul thams cad 'di yi'o// ji lta ji ltar/ sems can rnams// skye bar 'gyur ba lan nyid de// sangs rgyas rnams kyi rnam 'phrul ni// sna tshogs rdo rje yin par 'gyur// de las gang byung lha kun kyang // rdo rje sems dpa'i rnam 'phrul yin// sems can rnams ni chos kyi ngo bor lnga/ / sa gsum thams cad gcig pa'i ngo bo nyid// rol pa mdzad pa sangs rgyas kyis gzigs shing // de yis rnal 'byor dbang phyug ma kun mthong // lha'i dam tshig gi le'u ste dang po'o/ / / rtag tu mchog ldan khyod kyi ni// dam tshig lha mo thams cad kyi// mchog tu gyur pa'i lha mo ni// du mchis bdag cag zhu bar 'tshal// de la glu bzhi gsungs pa ste// steng dang dbyer med byas pa'i chos mnyam rang snang ma// zhi la thar pa ma dang mchog mnyam mnyam bye ma// gang phyir sgyu ma'i mdzad pas sangs rgyas rnams dang mnyam// mkha' mnyam thams cad rol bzhi pa med pa'o/ / ru lu ru su b+h+yo ru d+ha// mkha' dang mnyam pa'i chos rnams kun tu rol pa ste// sgyu ma'i rang bzhin dang ni sgra brnyan chos mnyam snang // lhan cig gnas min cha ste'ang nyid pi wang mtshungs// byis pa'i snang ba dang ni mnyam par gyur pa'o/ / gang zhig chos rnams snang ba nam mkha' dang mnyam pa// der ni rdo rje mdzad pa gzugs can lta bu ste// rdo rje theg pa der ni gzugs sogs 'dod yon gyi// bde ba mi zad sna tshogs dang mnyam stsol mdzad pa'o/ / rnal 'byor gnas ni du ma'i rdo rje'i tshul 'di ni// du ma'i gzugs 'dzin der ni rdo rje dang mnyam zhing // nyid dang mnyam pa'i sems dpa' rnams ni spro mdzad pa'i// rdo rje dbyings dang lhan cig mchog stsol mdzad// rang bdag mkha' mnyam bzhugs la bskul ba ni// gang zhig rtse gcig sems kyis 'di nyan cing // brjod bcas sems kyis glu 'di 'dzin pa'o// glu 'di nam mkha' dang ni mnyam pa ste// der ni gzugs bcas rdo rje len pa'i phyir// rdo rje'i bdag nyid thugs ni sad byed cing // rang bzhin gcig pa'i phyir ni rgyud kyang len par 'gyur// 'di ni rdo rje'i tshig ste rdo rje gzhan rang bzhin/ / sngags pas thugs chung dkyil 'khor kun bsgoms shing // chos kyi dkyil 'khor dbus gnas pad mchog der bsgoms pa// dkyil 'khor dbus gnas chos ni hUM gi dbye ba can/ / gzugs rnams thams cad sgyu ma'i ngo bor nges par brtag/ thugs kyi ngo bor gcig bsam rdo rje theg pa'o// sems ni mkha' mnyam sems kyi theg pa rang bzhin med// gnyis ka'i rang bzhin yang ni lus can ma yin te/ / der ni rdo rje la ni med pa yis// rdo rje sems dpa' khyod ni gcig pa'i rang bzhin te// 'jig rten pa la sgyu ma'i rang bzhin nyid du mdzad// sems can 'dul ba'i rang bzhin du ni sad mdzad pa/ / kye lags rdo rje sems dpa' khyod ni gcig pa'i dngos// lha mo bzhis smras rdo rje kun tu spangs pa ste// nang du gnas pa rdo rje rol par ldan pa dang // thugs kyi ngo bo nyid kyi der ni rab tu gnas/ / thugs kyi gsang ba'i chos ni rnam par 'byung ba'o// nam mkha'i rang bzhin can gyis rdo rje spro bya zhing // spros pa'i rdo rje slar yang bsdu byas te// sems kyi rang / bzhin du ni gcig phyir ro// sems ni 'gog par gyur pa na// kun kyang mnyam zhing mtshungs par mthong // yang dang yang du sngags bsdus pas// gcig pa'i rnam par bya ba'o// thugs kyi dkyil 'khor gyi le'u ste gnyis pa'o/ / // bram ze dang ni gdol pa gcig pa'i rang bzhin du// chos rnams kyi ni rang bzhin sangs rgyas kyis gsungs pa'o// gcig gi rang bzhin la gnas pa/ yi dngos po ste// de la rdo rje can gyis mnyam pa'i ngo bor gsungs// bram ze dang ni khyim bdag gcig pa'i dngos yin zhing // rus pa'i rgyan rnams kyang ni sgyu ma'i rang bzhin te// rdo rje'i go 'phang de la len pa'i rang bzhin no/ / rnal 'byor de la mnyam pa'i ngo bor nges mthong ste// de dang mnyam pa'i rang bzhin sems can rnams la sbas// de yi rnal 'byor rang bzhin lha mos gsungs pa ni// lha mo thams cad der ni gcig papa'i rang bzhin te/ / gtso bo dang bcas mdzes ma gcig pu 'byung 'gyur khyod// mnyam pa'i rang bzhin de ni sngags pa gcig pu ste// rdo rje rnam par sad par byed pa gcig pu nyid// der ni zhe sdang rang bzhin dag ni zhig pa ste/ / yan lag phyed pa'i chos ni 'byung bar 'gyur ba yin// der ni rdo rje'i btsun mo gcig rang bzhin// gang tshe rdo rje la ni dbyangs kyis bstod pa'i tshe// lha yi g.yon gyi phyed dang gcig 'gyur par lta/ / lung nyid tshad mar byas nas rdo rje sems dpa' de bsgom bya// gsung gi dkyil 'khor gyi le'u ste gsum pa'o// glang po dang ni rta dang mi dang b+hi/ dang ni// ba glang sha ste thams cad ma lus gyur pa rnams// dam tshig de nyid gcig pa'i rang bzhin nyid yin te// mkha' mnyam rang bzhin can gyi rnal 'byor pas bza' ba'i// dam tshig 'di ni lha mo bzhi pos gsungs pa'o/ / rnal 'byor pa la sgom pa'i sems dang ldan 'gyur zhing // sems gcig pa ni rdo rje 'chang nyid 'grub 'gyur te// dngos po nyid dang bcas pa'i thugs ni skye bar 'gyur// rdo rje'i dngos mdzad zhi ba ma gsungs snying po ste// 'di ltar chos rnams mnyam pa nyid du rtogs bya zhing // de ltar mkha' dang mnyam par rnam par dpyad par bya// lha 'di rnam snang lha mo lnga rnams de'i bdag nyid/ / rdo rje theg pa la ni mnyam pa'i rang bzhin te// skul byed mas ni srid pa'i rang bzhin yin phyir ro// gcig pa'i dang po rdo rje sems te sur mthong ba// rdo rje'i theg par 'dod rnams lha mos 'di skad gsungs/ / bde ba bskyed pa 'di ni rnam snang lha mos gsungs// 'di ni zla ba'i dbus gnas sgom pa rdo rje'i gsang sngags te// de ni sems gcig pa yis rdo rje rnam bsgoms pa// rab tu 'bar ba'i rdo rje rtse gsum pa nyid do/ / rnal 'byor gnas kyi dbus gnas rdo rje'i rang bzhin sgom// ngas ni rdo rje theg par 'di skad du// chos rnams gcig pa'i rang bzhin nyid du bstan// sku'i dkyil 'khor gyi le'u rtse bzhi pa'o/ / / dngos med mi rtag pa las dngos bcas lus sgom min// lha mos skul ba byed pa'i dngos po ste// de ltar chos las nges par brtags byas pas/ / sems ni nam mapar sna bu'i mtshan nyid dang // dngos po theg pa med pa'i dngos por bya// dngos po'i rang bzhin la ni theg pa med pa rtse// sems ni nam mkha' nyid dang mnyam pa rang bzhin can/ / s+thA mA ji bzhin sems ni rnam par sbyar bar bya// ji ltar de ni dngos por bya ba ste// dngos po 'di ni theg par 'grub par mi 'gyur te// sems can nam mkha' lta bu'i mtshan nyi dang / / dbus su tshig ni chos la nges rtogs par// sems las dngos po nyid du bya ba ste// rnam pa du ma'i tshul gyi rang bzhin gyi// rdo rje sems dpa' bskyed par bya ba'o// ji ltar dang zhing rnyog pa med pa'i chu/ / 'di 'dra'i sems ni myur ba'i ngo bor bsgrub// de ltar bstan du med pa 'di ni nga yis bstan// rdo rje sems dpa'i sku yi rang bzhin gyi// bzhi pa'i rnam pa'i ngo bor bya ba ste/ de la rdo rje'i chun yi dam lnga li rang bzhin can// thugs kyi ngo bo'i rnal 'byor pas bza' bya// chos dang dge 'dun dang ni rdo rje'i chu ste de rnams mnyam pa'i rang bzhin te// nag dang khrag sogs mchog mdzes pa rab bzhugs dngos po'i lus ni bsgyur bar bya/ / bza' ba dang bcas pa dang mal stan la sogs de rnams thams cad 'di'i rang bzhin// gang zhig ting nge 'dzin du nges par bstan pa'ang de dang gcig pa'i rang bzhin no/ / sangs rgyas kyis ni gsum char rdo rje ngo bo mdzad// chos rnams thams cad dngos po med pa'i rang bzhin te// rdo rje can gyi sgyu ma'i rang bzhin nyid du gsungs// de yi rang bzhin mkha' mnyam so sor snang bar 'gyur/ / sgyu ma'i ngo bor nges par bstan pa yis// rdo rje yi ni nges par 'jug par bya ba ste// sems can rang bzhin la ni theg par med// sems ni de la gnas pa'i snying po'o// de lta'i ngo bos thugs kyi bdag nyid kyi// sngags pa khyod ni 'grub par 'gyur ba ste// thugs dang spro dang slar yang bsdus bya ba// gsum char yang ni gcig pa'i rang bzhin no// sems ni ri rab hUM dang mnyam byas te/ / dag pa'i sangs rgyas su ni sems slar bskyed// sems du 'gyur na slar yang bsdu ba dag/ der ni sngags pas des brtag bsgom par bya// bsdus pa'i ngo bos slar yang sbyar bar bya// rdorje sems dpa' der ni sku g.yos mdzad// slar yang nam mkha'i ngo bos khro bas te// de ltar spros dang bsdus pa'i rang bzhin no// de la rdo rje sems dpa' gcig dngos grub pa'i phyir// de'i phyir spro ba'ang rdo rje 'chang du rigs/ / sngags pas brtan par gyur na spro// brtan par ma gyur 'dir spros pa// lus nyon mongs kyis 'bras mi byin// nges par 'grub 'gyur theg pa'i dngos// thams cad bden pa 'di rnams bstan/ / de lha'i chos ni sgom pa yin// dngos po rdo rje'i rang bzhin no// mkha' dang mnyam pa'i sems ni smad mi bya// gang yang dri ma cis kyang gos pa min// kye rnal 'byor pa/ bcom @##/ ldan 'das sum skul byung ma na dang pa'i rang bzhin d+ha/ rdod+hA bskyed par bsgom pas sangs rgyas bskyed mdzad pang/ lha mo rnams ni lha dang gcig pa'i rang bzhin te/ / rdo rje sems dpa' sangs rgyas 'byor ba bskyed mdzad pa'o// rjes su 'dzin pas sgom pa'i sems dang ni// yi ge hUM gis kyang ni de 'grub 'gyur// brgya dang rkang pa dang rnam rtog pa'i/ / rmongs pa yid la bya ba ma yin no// 'jig rten gsum gyi 'khor lo 'di nyid ni// rdo rje'i 'od zer gyis ni yang dag bcings// sngags pas nam mkha'i khams su khro bo lha/ / bye ba stong phrag dag ni spro bya ste// gcig pa'i ngo bor gyur pa'i rdo rjer ni// slar yang nges par bsdu bar bya ba ni// byang chub theg pa sems kyi rang bzhin te/ byang chub kyang ni sems kyi rang bzhin no// gnyis ka rang bzhin sems kyi theg pa ste// sems kyang mkha' dang mnyam pa'i rang bzhin no// rgyud gzhan dang thun mong ba'i le'u ste lnga pa'o/ / // ji bzhin brnyes pa nam mkha' dang mnyam pa'i rgyud rdzogs so// // rgya gar gyi mkhan po chen po k+Sha ka ga Na dang / lo tsa ba mang 'o dge slong byang chub shes rab kyis bsgyur cing nus te gtan la phab pa'o/

CLOSE WINDOW