shud ke grags pa rgyal mtshan gyis dpal sa skya'i gtsug lag khang chen por bsgyur ba'o// // / rgya gar skad du/ An+ya tA ra ku ru ku wi kar+tha/ bong mdas/ 'phags ma sgrol ma ku ru gu la'o rtog pa/ b.lags pa 'jam dpal gzhon nur gyur pa la phyag 'tshal lo// ba phags ma lha mo sgrol la la phyag 'tshal lo/ sgrol ma 'byung ba'i rnal 'byor rgya mtsho'i rgyud// gzhung dang rtog pa nyams shing nub par gyur nas kyang // sgrol ma 'byung ba'i ting 'dzin zhes bya rgyud kyi gtso// de yang nub par gyur nas rtog pa 'di yang 'byung / / sems can mang po'i don du rnal 'byor pa// rgyas par bstan pa'i rgyud las bsdus byas nas// rtog pa 'di ni 'jig rten dbang phyug gsungs// byang chub sems dpa' thams cad mnyan par gyis// 'jig rten skyabs med gyur la rnam bltas nas// 'gro kun don byed pa yi tshul 'di ni// sdug bsngal gsum gyis sdug bsngal gyur bltas nas// gus pa chen pos khyed kyis blang bar bya'o// 'jig rten rnam rtog zhi bar bya phyir rtog pa 'di// sangs rgyas thams cad kyis ni rab tu gsungs// dpal ldan gru 'dzin ri la 'jam dpal dang // pad+ma bsnams dang rgyal bar byed pa dang // sgrib pa rnam sel blo gros rgya mtsho dang // byams pa la sogs tshogs rnams thams cad kyis// gang yang chos kyi tshig 'di thos gyur nas// rjes su yi rang spyi bos gus phyag byas/ / rgyal ba'i sras kyis mnga' byas bstod pa 'am// yang na glu dang dbyangs dag byas pa yis// sna tshogs gar gyis 'di ni mchod pa byas// gnod sbyin srin po yi dgas 'jig rten dang / / sna tshogs bu mo dang ni rgyu skar dang // sa yoM dbang dang lag na rdo rje dang // rlabs rnams sna tshogs can gang gnas pa yi// klu yi bu mo zur gyis lta bas blta ba dang // sa 'og skyong dang lha dbang grub pa'i bu mos mchod/ / dri za'i rgyal mo nu ma shin tu rgyas pa dang // rig pa 'dzin dang mi 'am ci yi chung ma dang // gnod sbyin chung ma ri yi bu mo'i bu dag ni// gang yin bdag cag skyabs med/ ces ni 'di skad smra// gang phyir skyabs med skyabs gyur sangs rgyas bstan pa 'dir// mgon med mgon gyur 'jig rten mgon po khyed// bde ba bskyed cing ngo mtshar cher gyur gang // mgon po tshogs kyi tshig dbang 'di thos nas/ / nyid kyis dbang du byed pa'i gsang sngags gsungs// sngags kyi rgyal po bud med kun thos pas// mthar thug sangs rgyas bde ba du ma 'byung // rdo rje reg pas khams kyang 'dzag par 'gyur/ / zur gyis lta bar byed pas lta byed cing // rkang pa dag kyang sa la gya tsom 'dor// 'dod chags shin tu bde bas khu 'bab tshe// 'di ltar mthong nas lha yi bu mo la/ / 'gro ba dbang byed ku ru kul+le'i sngags// ras ris bris dang gsang sngags sgrub pa'i phyir// dus la bab pa'i tshig 'di mgo na smos zhes// de ltar bcom ldan 'jig rten mgon pos gsungs/ / de tshe 'jig rten dbang phyug las rnams rab tu gsungs// ku ru kul+le'i ri mo'i lugs// gang zhig bris pa tsam gyis ni// sgrub pa po yis 'bras thob pa// de nas yang dag bshad par bya// ri mo mkhan ni gang zhig gis// chos grangs gang dang dus gang la// sgrol ma 'byung las bshad pa'i bzhin// de ni bdag gis bshad par bya// ri mo mkhan ni gang zhig gis// gang gi mig ni dmar 'gyur zhing / / lag pa de bzhin rkang pa dmar// bya yi mig can e n+ya'i rkang // des ni sgrol ma bri bar bya// dpyid kyi zla ba dang po yi// mya ngan med pa'i tshes brgyad nyin// zun ni phyed dang gnyis pa la/ / sgrol ma'i mig ni bri bar bya// mngar gsum bza' zhing nya la sogs// sha dang chang yang spang bar bya// dmar po'i gos kyang rtag tu bgo/ dmar po dri yis rtag tu byug/ byams pa'i sems ni bskyed byas la/ / tho rangs khrus byas bsangs nas su// lan gsum gos ni brjes nas su// dbang du byed ma yang dag bri// zhal gcig mig ni yangs pa dang // phyag bzhi ma la gur kum mdog/ bcu drug lo lon sgeg bcas 'dra// bud meng sgyu ma rgyags pa bri// gzhon nu ma dmar ser mos byas pa'i skud pa las ras byas la/ de dang thags mkhan gnyis ka zan dang 'o ma bza' bar bya zhing / de nas pad+ma'i gdan la stod g.yogs dmar po'i gos dang bcas par rin po che'i rna cha dang / rin po che'i cod pan dang / g.yas mi 'jigs pa sbyin pa dang / gnyis pas mda' rna rtser 'gengs pa/ g.yon pas gzhu 'dzin pa dang / ut+pa la dmar po gnyis pa na bsnams pa dang / 'od dpag med cod pan na bzhugs pa ri'i phug na gnas pa'i ku ru kul+le'o/ / ku ru kul+le'i 'og tu ni sgra gcan 'dzin no// de'i steng du 'dod pa'i dbang phyug chung ma dang bcas pa'o// 'dod pa'i lha'i steng du zla ba'i dkyil 'khor ro// de la pad+ma dmar po'i gdan no/ / de la gnas pa'i sna tshogs pa'i cha byad can gyi bcom ldan 'das ma bris la/ ras ris rab tu gnas pa bya'o// de'i mdun du mchod pa rnam pa bco brgyad byas la yar gyi ngo tshas brgyad// zla ba nya'i bar du bzlas pa bya'o// sgrol ma'i snying po ni 'di yin te/ oM ku ru kul+le hrIHhUM swA hA/ zhes bya ba'i sngags so// de nas sngon du bsnyen pa 'bum tsam byas la/ yang ston zla tha chung nga/ dpyid zla 'bring po 'am/ dbyar zla 'bring po'i sangs rgyas la mchod pa'i dus tshogs kyi nyin par tho rangs kyi khrus byas la gso sbyong bzung nas mchod pa thams cad kyis mchod la/ nyan thos kyi dge 'dun la mchod ston gsol/ de nas theg pa chen po gsang sngags pa'i tshogs la mchod ston byas nas yon phul la/ pus mo g.yas pa'i lhungs la btsugs nas/ bla gos phrag pa gcig tu gzar nas ji ltar 'dod pa'i dngos grub blang bar bya'o/ / nyan thos kyi dge 'dun gang na bzhugs pa dang / theg pa chen po la dga' ba'i tshogs rnams la phyag byas nas bzod par gsol te/ gang na bcom ldan 'das ma'i ras ris bkram pa'i phyogs der nye bar song na/ dngos grub gang 'dod pa'i don du rig pa 'dzin pas bsam gtan dang ldan par gnas la yi ge grangs kyi 'bum bzlas pa bya'o/ / cha gcig gis ni shes rab 'phel// cha gnyis kyis ni dbang du byed// gang zhig cha ni gsum pa yis// mis ni dug kyang 'gugs par 'gyur// myos shing 'gyings pa'i bud med rnams dang ni// 'jig rten thams cad kyis ni mchod par 'gyur// sbyor ba goms pas lha mo mdzes rnams la// sngags 'chang des ni ji ltar 'dod par spyod/ / de min tsam gyis mtshungs med dug can 'bros// gdengs ka'i gtso bo'i 'od kyis dpal ldan dag kyang nya bzhin 'gyur// bzlas brjod ldan pas ngag gi dbang phyug byed 'gyur bas/ / rig pas 'gyings pa'i stobs can mkhas pa'ang lan med byed// rig pa 'dzin pa glang po rta yi rgyab tu zhon pa dang // rig ma mdzes pas legs par 'khyud cing mgul nas 'jus pa las/ / sngags rig pa yi gtso bo'i stobs kyis rgyal bar 'gyur// mthar gyur pa yi rgyal srid longs spyod dag la yid kyis spyod// 'dod pa'i lha las dga' ba'i bu la sogs pas ri khrod ma/ / de bzhin sred med bu las dpa' mo mi phyed pa las bde sogs dang // tshogs bdag las ni dri med dbyangs kyi dbang phyug dkar mo dang // sa 'dzin lha las phun sum tshogs ma' sngags kyis rnam rgyal byed/ / gsang sngags ldan par bcom ldan 'das ma gang zhig sgom byed pa// des ni sna tshogs gter dang gser dang dngul dang rna cha dang // gos la sogs pa'i nor rnams kun la ched du gang bsam pa/ / sems kyis thams cad ma lus kun nas longs spyod byed// rgyal po las ni rgyal srid dbang po'i yul 'das pa yi shing las 'bras bu dang // klu dang klu nung rgya mtsho rnam las chu rnams 'gugs/ / sngags dang ldan pas 'thung zhing zas la sngags kyis dag par byed// skye bo sngags med par ni longs spyod grub pa med// nags skyes glang po rta mchog ri dgas dang ldan pa/ / dug bcas gdengs ka can gyi sbrul mchog dang // chu srin chu glang stag dang bse dag dang // rang gi sngags kyi stobs kyis bkug nas ni// zhon yang ngo mtshar med par byas pa'i mig dag gis/ / blta bar gal te gsang sngags grub pa de yis mthong bar 'gyur// gal te snying rje'i lta bas 'jig rten 'di ltar sdug bsngal bas// rgud par gyur pa'i mi mnyam pa la sngags pa des/ / yid bzhin nor bu bzhin du 'jig rten la phan sgrol ma yin// 'jig rten ma lus sgrol mar byed cing zhi bar byed// bdud rnams bcom nas nor gyi char rgyun 'bebs par byed// dpag bsam shing du gyur nas 'gro rnams ci 'dod sbyin par byed/ / nor gyi dbang phyug ma lus pa yis nor rnams kun bkug nas// sems can ma lus kun la phan phyir sbyin par byed// de bzhin 'phongs pa'i 'jig rten rnams phyir gos ni gang dag dang / / stan dang khyim dang bla re dag tu sgrol ma dang // rgya mtsho'i gling du tshong pa'i gru zhig 'phongs pa la// gzings dang gru la sogs par sgrol ma 'gyur// sgrol ma de bsgoms rnal 'byor pa/ / dang po sdug bsngal gyur pa de// de spangs nas ni cung zhig na// mis ni ston mo rnyed par 'gyur// gnyis par gos ni rnyed par 'gyur// de bzhin btsun mo dang yang 'phrad// de nas so rtsi longs spyod 'gyur/ / mthangs par yang ci 'dod spyod// gal te tshangs spyod yin na yang // lha mchog bskyed pa'i bu mo spyod// sems can gsod la dga' ba yis/ bstan pa 'di la 'grub mi 'gyur// dge ba bcul dga' 'gyur zhing // theg pa che la sems gcig pas// rdo rje chos kyi bka' bzhin du// dngos grub mchog ni des spyod 'gyur// 'di ni ras ris la 'jug pa'i rtog pa ste dang po'o/ / // chos mchod pa yi sbyor ba yis// gang gis chos nyid brnyes gyur na// chos kyi dbyings su rang gyur pa// de nas yang dag bshad par bya// de'i rjes la dpag bsam shing gi sgrub pa 'byung bar 'gyur ro// brag gi yi ge las byung ba// dpag bsam shing ni rnam par bsgom// ut+pal yongs su gyur pa las// shing ni g.yon du bsgom par bya/ sna tshogs nor gyi char pa dag/ nam mkha'i dkyil nas 'bab pa yis// 'dod pa'i bsam pa rdzogs byed pa// de ltar bsgoms na nor bdag 'gyur// gling bzhi pa yi sems can rnams// sems kyi 'od zer gyis bkug nas/ / rtag tu rin chen bdun rang bzhin// de dag la ni rab sbyin bya// yongs kyi gtso bo rin chen dang // de bzhin rin chen rgya mtsho skyes// bud med rin chen rta rin chen// de bzhin ral gri rin chen dang / / glang po rin chen sogs rin chen// sangs rgyas rnams la yid kyis dbul// bud med rgyan gyis brgyan byas la// sna tshogs gzugs can 'gying ba rnams// sangs rgyas 'bras bu 'dod rnams kyis// sangs rgyas rnams la rtag tu dbul// 'dis ni sangs rgyas thams cad dang // rig pa 'dzin pa thob par 'gyur// rin po che ni yongs rgyas pa'i// yongs kyi gtso bo nar dbang phyug/ sangs rgyas 'bras bu 'dod pa yis// sangs rgyas rnams la dbul bar bya// de bzhin rin chen gzhan dag kyang // gus dang bcas pas yongs btang na// rdo rje chos su gyur nas ni/ / sems can kun gyi don byed 'gyur// 'di ni dpag bsam shing gi sgrub pa'i thabs so// sems nyid sangs rgyas thams cad do// sems nyid kyis ni rnam par grol// sems kyis 'ching ba rnams las thar// sems kyis grol ba dang ldan 'gyur// sems ma gtogs pa dngos don rnams// gzhan dag gzhan par ma mthong ste// sangs rgyas nyid dang dngos grub kun/ / gang phyir phun tshogs gzhan ma mthong // gang yang snod dang sems can rnams// 'byung dang 'byung las gyur pa dag/ zag med lhag par mthong ba yis// sems tsam yin zhes rab tu bsgrags/ / de bas 'bad pa thams cad kyis// sems kyi me long phyis byas na// rang bzhin glo bur ba yi skyon// rim gyis rab tu zad par 'gyur// dbyangs yig dang po las byung ba// ji med rdzogs pa'i zla ba ste// sems nyid zla bar bsgoms byas nas// de yi steng du sa bon dgod// dro ba rnams kyi bzhi pa ni// me yi mdog gi steng na gnas// yi ge i dang yang dag ldan// nam mkha' gnyis kyis rnam par brgyan// de yi sna tshogs 'od rnams kyis// 'gro ba dri ma med byas nas// stong gsum 'di sogs mkha' dbyings te// ku ru kul+le'i rigs zhugs pas/ / de yis sgrol ma bskul nas ni// bkug nas mdun du gnas par byed// de nas mkhas pas sa bon la// mchod pa chen po'i sprin rnams spro// me tog spos dang mar me dang / / de bzhin dri dang lha bshos sogs// phyag rgya 'phreng ba de bzhin du// gar dang glu yi mchod sogs mchod// dkon mchog gsum la skyabs su mchi// sdig pa thams cad so sor bshags/ / 'gro ba'i dge la rjes yi rang // sangs rgyas byang chub yid kyis gzung // sngags 'di lan gsum brjod nas ni// de nas gshegs su gsol bar bgyi// sems ni byams pas gnas byas la// slar yang der ni gzhag par bya// snying rje'i sems ni bskyed byas nas// rab dga'i sems kyang bskyed par bya// phyi nas thams cad btang snyoms la// sems tsam la ni mnyam par gzhag/ tha mal rnam par spang ba'i phyir// sems kyang slar yang stong par bya// yang srid len pa'i phung po lnga// stong pa nyid kyi me yis bsreg/ oM shU n+ya tA dz+nyA na badz+ra sa b+hA ba At+ma kohaM/ yud tsam stong pa'i rnal 'byor nyid// byas nas sems ni ngal sos bya// sngon gyi dam bcas dran byas nas// sa bon tsam zhig yang dran bya// gcig pu mya ngan 'das pa yis/ / sems can bsdus par 'gyur ba'i phyir// srid pa'i rgya mtsho mtha' med las// bdag gis de dag ji ltar bsgral// 'di ltar bsams nas brtse ldan des// sems med pa yi stong pa yang / / chos kyi dbyings kyi rang bzhin sems// sems nyid kyis ni bskyed par bya// sangs rgyas byin rlabs las sa bon// de la ut+pal zhes byar 'gyur// ut+pal dkyil du zla ba'i gzugs// yi ge a las byung ba'o// slar yar zla ba der sa bon// de las 'od zer 'phros gyur pa// de yis ma lus 'jig rten khams// rnam par sbyangs par bsgom par bya// de yis sbyangs shing gsal/ byas nas// 'od zer kun gyis sangs rgyas tshogs// ut+pal la zhugs bsgom par bya// de las sgrol ma 'byung bar 'gyur// bstan 'dra'i lha mo btsod mdog can// rgyan rnams kun gyis rnam brgyan pa'i/ / dam tshig gzugs ni mnyam bskyed nas// ye shes 'khor lo yang dag bkug/ yud tsam gyis ni nges rdzogs pa'o// ye shes 'khor lo mdun gnas pa// dam tshig phyag rgya'i sbyor ba yis/ / kha yi lam nas gzhug par bya// lag pa thal mo sbyar byas nas// mthe'u chung gnyis ni bsgom par bya// gung mo gnyis ni rtse mor sbyar// rtse mo'i nang du ming med gzhug mdzub mo gnyis ni dbu mar sbyar/ / mthe bong gnyis ni 'og tu bkug/ dam tshig phyag rgya 'di bcings nas// 'khor lo bkug nas gzhug par bya// sangs rgyas rnams la tshigs bcang 'dis/ / dbang bskur bar ni gsol ba gdab// byang chub rdo rje sangs rgyas la// ji ltar mchod chen gsol mdzad pa// bdag kyang bsgrub pa'i don gyi phyir// nam mkha' rdo rje deng bdag stsol/ / rgyal ba'i dbang bskur zhes bya bas// spyan la sogs pa lnga pa'o// rgyal po'i me tog dbang bskur zhing // chen por gyur pa de gsol mdzod// rdo rje chen pos dbang bskur ba// khams gsum pa yis phyag byas pa// gsang ba gsum gyi gnas las byung // sangs rgyas kun gyis sbyin par bya// sangs rgyas sgrol ma dbang bskur bas// chos ni gtsug gi nor bur ra gyur// 'od zer dmar po sna tshogs kyis// 'gro ba gsum po snang bar byed// dbang bskur rin chen thob 'gyur na// dngos grub thams cad rab sgrub byed// ji ltar slar bstan no ga yis// lo phyed brtan par brtsams nas ni/ / gtor ma dus su gtang bar bya// sngags 'di yis ni khar ba 'am// khu ba la sogs cho ga yis// rmi lam mtshan ma thob par 'gyur// ral gri sa 'og dngos grub dang // mi snang ba dang bcud len dang / / mi mthong ba dang mkha' spyod nyid// de bzhin rkang byug mig sman dang // rmi lam mtshan ma ston 'gyur zhing // dngos grub rang nyid 'byung bar 'gyur// gal te de la dga' 'gyur na/ / grub pa phra mo sgrol mas grub// 'khor lo sgyur nas rgyal srid dang // dbang po'i long spyod thams cad byed// sgom dang bzlas par ldan pa la// rmi lam du yang rab grub byed// zla drug tham zla gcig go/ / mtshan gcig rangs par bzlas byas te// ut+pal phyag rgya bcings nas ni// bzlas nas phyag rgya yud kyis 'bar// phyag rgya 'di yi mthu yis ni// btsun mo dang bcas tshangs pa dang // dbang po dang ni nye dbang sogs// bkug nas dbang du 'gyur bar byed// de nas brtsams nas dngos grub kun// bdag 'khor 'ching ba las grol 'gyur// nu dang 'dam gyi skyon dag gis// pad+ma gos par mi 'gyur ltar// dngul chu reg nas du mar 'gyur// bsdus nas slar yang gcig tu 'gyur// thams cad mkhyen pa nyid 'gyur na// dngos grub thob pa'i sems de bzhin// grub pa'i dngul chus reg gyur ras/ / zangs ma gser du 'gyur ba bzhin// grub pa'i gsang sngags kyis reg nas// sngags pa sangs rgyas skur yang 'gyur// lha yi dbang phyug tu 'gyur zhing // kham gsum gyi ni dbang phyug 'gyur/ / sangs rgyas rigs su byung nas ni// 'khor lo bskor ba yang dag 'gyur// bltam dang rab tu 'byung mdzad pa// dka' ba spyod pa'i spyod mdzad cing // byang chub spyod/ pa'ang spyod mdzad pas// sangs rgyas nyid kyang dran par mdzad// lha las babs dang sprul pa dang // chos kyi 'khor lo bskor ba dang // mya ngan 'das pa chen po dang // dur khrod gshegs pa bzhin no/ / 'jig rten gsum du lus spangs nas// rgyal ba longs spyod rdzogs sku yis// gnas gtsang mar ni slar gshegs nas// sprul par byung ba'i sku yang ngo // glegs bam ras ris rim pa yis/ / chos kyi sku yang 'jug par mdzad// gang gis de yi grub pa'i sngags// sangs rgyas rnams kyis de nyid gsungs// de nas bcom ldan 'das de bzhin gshes/ pa thams cad kyis de nyid kyis nyid kyi thugs la rnam par brtags nas/ byang chub sems dpa' chen po lag na rdo rje la 'di skad ces bka' stsal to// lag na rdo rje ji ltar na sangs rgyas bcom ldan 'das kyis rdo rje'i sku chos kyi dbyings kyi sku sa'i phyogs gang du dus byed par 'gyur ba yin/ de nas lag na rdo rjes/ sangs rgyas dang byang chub sems dpa' de dag la 'di skad ces gsol to/ gang yang byang chub sems dpa' dag gis 'di skad du/ ji ltar na sangs rgyas bcom ldan 'das rdo rje'i sku/ chos kyi dbyings kyi sku/ mi phyed pa'i sku sa'i phyogs 'ga' zhig tu dus byed par 'gyur ba yin zhes smra/ de 'di skad nyon cig/ byang chub sems dpa' dag gang mya ngan las 'das pa zhes bya ba de ni bde ba can du 'gro ba'o// de nas byang chub sems dpa' rnams kyis smras pa/ ci lag na rdo rje sangs rgyas bcom ldan 'das rnams chos sku spangs nas bde ba can du 'gro 'am/ rigs kyi bu 'on te sprul pa'i sku spangs nas longs spyod rdzogs pa'i skus bde ba can du 'gro bar 'gyur/ lag na rdo rje chos kyi sku spangs nas 'gro bar 'gyur zhes bya ba de ji lta bu yin/ lag na rdo rjes smras pa/ ji ltar sgyu ma mkhan gyi skyes bu gang zhig gis dgos pa'i don sgrub pa'i/ phyir sgyu ma sprul nas dgos pa sgrub par byed do// de bzhin du/ gdod nas grub pa'i sangs rgyas rnams// sems can yongs su gzung ba'i phyir// 'khor lo sgyur ba 'angs gyur nas// skye ba yongs 'dzin par mdzad/ / gang tshe sangs rgyas 'das pa na// de tshe 'khor los sgyur ba 'byung // de gnyis med par 'jig rten 'dir// nam yang 'byung ba ma yin no// 'dul bya'i 'jig rten la brten nas// rkang gnyis mchog gis brtul nas ni// lo ni brgyad cur bzhugs mdzad de// sangs rgyas rgyal ba'i gnas su gshegs// sangs rgyas sgyu ma spangs nas ni// rgyal ba'i pho brang bde can du// rab zhi bde ba chen po la/ / kun tu dga' ba'i gzugs kyis bzhugs// byed po rtag pa gcig pus bzhugs// yin snyam drang srong rnams sems te// de lta'i ngo bo de min zhes// de ni skad cig bsdoms par 'dod/ / bdag tu 'dzin pas 'khrul pa rnams// rtag tu rtag pa'i don 'dod pa// mi rtag nyid la 'jug bya'i phyir// rgyal ba rnams kyi sku gtong mdzad// dngos po kun gyi dngos bdag nyid/ thugs kyis thams cad mkhyen te bdag/ 'di gnas 'di gnas ma yin zhes// byas pa'i nges pa yod ma yin// kun rdzob bden pa la brten nas// stong gsum 'di sogs gdul bya la// sangs rgyas rnams kyis chos bstan pa/ / nam mkha' mnyam par rab tu 'jug/ sangs rgyas 'byung ba de nyid min// sangs rgyas 'gag pa'ang de bzhin te// thams cad ro gcig gyur pa yi// 'byung dang 'jig pa'i rang bzhin no/ / de ni chos dbyings gzugs gcig tu// sgrib pa lnga po spangs pa'o// zab cing rgya ni che ba'i gzugs// de nyid ngo bor de nyid bzhugs// gnyis ka/ yod pa ma yin phyir// gdod nas yod pa ma yin no// de ni gdod nas ma skyes pas// skye ba ma yin 'gag ma yin// byang chub sems dpa' rnams kyis smras pa/ lag na rdo rje sangs rgyas bcom ldan 'das khams gsum la rjes su ston pa mdzad pa/ skye ba med pa/ 'gag pa med pa ji lta bu yin/ smras pa/ kye byang chub sems dpa' rnams de ji snyam du sems/ gang sangs rgyas ji snyed pa de gang zhig yod pa yin nam/ 'on te med pa zhig yin/ byang chub sems dpa' rnams kyis smras pa/ lag na rdo rje sangs rgyas rnams ni yod pa'ang ma yin med pa'ang ma yin no// lag na rdo rjes smras pa ma skyes pa ni skye ba yin/ / skyes pa phyir yang skye mi 'gyur// don dam nyid du dpyad na ni// de phyir gdod nas ma skyes pa// de bzhin 'chi ba 'chi mi 'gyur// 'chi ba med pa 'chi ba min// mi gnas pa la gan+da/ pa med// gnas pa de la gnas mi dgos// gal te ma skyes nyams 'gyur zhing // ma skyes pa nyid skyes 'gyur na// ri bong gi ni rwa nyid kyang // skye ba dang ni 'gag par 'gyur// gang tshe yod pa skye 'gyur na/ / skyes pa slar yang skye bar 'gyur// gal te med pa skye na yang // mo gsham bu yang skye bar 'gyur// de phyir thams cad ma rig pa// 'du byed gsum gyi mtshan nyid yin// phung po lnga ldan 'gro ba rnams/ / snang ba tsam du rnam par shes// re zhig rigs pa 'dis byang chub sems dpa' rnams sangs rgyas bcom ldan 'das rnams kyi mya ngan 'das pa shes par bya'o// byang chub sems dpa' rnams kyis smras pa/ / thams cad bskyed pa med pa'i phyir// sngags 'di ji ltar rgyud ji ltar// dkyil 'khor bsgom pa ji lta bu// dngos grub de ni ji ltar 'grub// lag na rdo rjes smras pa/ rten cing 'brel par 'byung ba ni// dngos po rnams ni 'byung ba ltar// sngags dang phyag rgya sogs brten nas// dngos grub rnams ni 'byung bar 'gyur// dngos grub rnams ni/ kun rdzob pa// sangs rgyas pha rol phyin pa yang // sangs rgyas rdo rje sems dpa' nyid// kun rdzob nyid du rab sgrub 'gyur// rtog pa gnyis pa'o// // sngags bzlas pa yi cho ga'i rim/ / de nas yang dag bshad bya ba// gang zhig shes pa tsam gyis ni// sgrub pos dngos grub 'gyur bas so// byu ru yis ni dbang du byed// pus kar gos ni dug zhi byed// she gyis shes rab 'phel bar byed/ / las gsum la ni sbyar bar bya// skye gnas kyi rnam par dag pa a shAt+tha'i 'dab ma'i rnam pa lta bu'i thab khung byas la/ mya ngan med pa'i shing la me sbar nas/ ga bzhin du ut+pal dmar po brgya rtsa brgyad sbyin sreg byas te/ gar mkhan gyi khyim nas me blangs la mngar gsum gyis bsgos nas rtsa ba'i sngags dang bya ba yin no// byis nas 'khrul 'khor bya ba yin te/ zla mtshan gyis gos pa'i ras la dkyil 'khor gru gsum bris nas dkyil 'khor du bsgrub bya dang / sgrub pa po'i ming dang bcas pa'i bskul ba'i tshig dang bcas par bris te che ge mo bdag gi dbang du gyur cig byas nas/ de nas rtsa ba'i sngags kyis spel nas rgya skyegs kyi khu ba dang / lag pa g.yon pa'i srin lag gi khrag dang / ga pur dang / gur kum dang / gla rtsi rnams kyi tshon rtsis bri bar bya'o// shes rab 'phel bar 'dod na thab khung de nyid du arka' ma ka ra wI ra'i shing la bram ze'i sbyin sreg gi me blangs la sbar la/ a ta ru ka'i sha'i khyi'i ma 'am shu thag gi sbyin sreg khri bya'o/ / dug zhi bar byed na thab khung de nyid du tsan dan gyi shing la me sbar la/ pin ta ka ra'i me tog gi sbyin sreg bya'o// des ni dug thams cad zhi bar 'gugs par 'gyur ro/ / sna tshogs kyi zug gzer rnams med par byed cing zhi bar byed do// mkha' lding gi rig pa'i rgyud kyi cho ga'o// khams gsum pa yi lam gnas pa'i// btsun mor grags pa ji snyed pa// sbyin sreg 'khrul 'khor sbyor ba yis// de kun bkug nas spyod par byed// byams pa chags pa'i lta ba yis// sems de yis ni dbang du byed// 'gro ba thams cad dbang byas nas// sangs rgyas byang chub nges par spyod/ / 'di ni dbang du bya ba'i cho ga'o// rnam pa kun mkhyen zhes bya ba// shes rab med par thob mi 'gyur// de phyir de thob 'dod pa gang // shes rab rnon po sgrub par bya// bzlas dang sbyin sreg sbyor ba yis// chos rnams kun la spyod pa'o// blo ni dag gsal dri ma med// de nyid shes rab pha rol phyin// rnal 'byor pa ni grol bar 'gyur// gri ha pi da'i lo ma dang // ti dang ni shing mngar dang // bram ze mo dang ma ga ta// sbrang dang bcas pa bza' bar bya// shes rab 'phel bar bya ba'i cho ga'o// dug rjes sbrang rtsi mar dang bcas// 'khor lo bzang rtsa de bzhin te/ / mche ba'i dug gis bzung ba la// bskus dang 'thungs pas zhi bar mdzad// dug gzhil ba'i sman no// dza ri tsaN+Da li dag dang // nad pa'i sde ni mar khur bcas// lus kyi srin bu shi ba'i ro/ / zos nas dbang du 'gyur ba yin// dbang du bya ba'i sman no// dug 'gugs pas ni 'gro ba bzhin// shes rab 'phel bas sangs rgyas nyid// chos kyi 'khor lo bskor ba ni/ / skad cig gis ni dbang byed 'gyur// bdag gzhan don rab bsgrub pa la// theg pa chen por thabs gzhan med// rig pa lan cig bsgrubs pa yis// 'phral du yid ches byed pa yim// hrIHyig myos pa'i snod bsam na// bud med rnams ni 'dzag par 'gyur// lce snying dkyil du hrI de nyid// bsams na blo rnams skye bar byed// mche bas bzung ba las bsgoms pa// chos kyi yi ge mdzes pa yis// yi ge dag ni dugazhi byed// sgrol ma'i snying po khams gsum las// rgyal ba len par brtse ba can gyis rnam shes bya// ngag gi skyon rnam zad pas dug sel sems kyi skyon spangs pas/ / shes rab 'phel 'gyur lus kyi skyon rnams zad pas dbang du byed// de phyir 'gro ba 'di dag mi dge ba la zhen pas dngos grub thob mi 'gyur/ / de phyir rgyal ba'i sras kyis phan phyir mi dge ba rnams spang bar bya phyir bgyi// phyag rgya bcings pa'i khyad par gyis ni nges par lus kyi skyon rnams zad par 'gyur// sngags kyis lce yi tshogs kyi skyon rnams gang yin sems kyi skyon/ / bsam gtan dga' ba'i sems kyis dga' bar 'gyur bar dad pa dri med kyis// lus kyi yid rnams g.yo ba med pa de tshe sangs rgyas byin gyis rlob// sdig me mig gis sdig lta zhing ni snying rje ldan pa 'jig rten gsum gyi rgyal por 'gyur/ / sbyin pas bsod nams stobs lhag gyur par sa steng gtso bo sbyin bdag brtson 'grus ldan par 'gyur// le lo spang pas mkhas pas dmyal ba'i sdug bsngal cung zad kyang mi myong / / de phyir sangs rgyas sras kyi snying rje'i nor dang brtson 'grus spyod pa dag la brten// nam mkha'i dkyil du sangs rgyas rnam bltas bsam gtan spobs kyis sangs rgyas rnams la sems/ / rmi lam na'ang rtag tu bdag nyid sangs rgyas rnams kyis bskor ba mthong // mkhas pas 'chi ba'i tshe yang ri rab rtser gshegs dang / bzhon pa sna tshogs zhon pa'i sangs rgyas rnams// snying rje'i bdag nyid can gyis mthong gyur pa// sdig pa byas pas dmyal ba'i grong khyer mthong bar 'gyur// de rnams rnam par dag pa'i rgyud yin te// blo yang der ni gnas par 'gyur// de yi phyir na ci nas kyang // gos dkar dag gis btsun mor 'dod// de nyid dug ni zhi byed pas// rta mgrin gyi ni go 'phang gnas// 'dod chags rdo rje'i tshig 'thung ba/ / 'gro ba gsum po dbang du byed// 'dod chags kyi rigs kyi rgyud sgrub pa'o// / de nas sbyor ba gzhan 'byung bar 'gyur te/ dkyil 'khor gru gsum byas nas ni// slar yang gru gsum gzhan zhig go/ dbang po phyogs nas brtsams nas ni// oM la sogs pa mkhas pas bri// mtshams drug tu ni sa bon drug/ chos kyi sa bon dkyil du'o// yi ge phu yi nang byas pa/ de ni sgo yi ma them bri// sbrul bskrad pa'i rgyud do// de nas bud med skal ba dang ldan par bya ba'i phyir/ sbyor ba gzhan bshad par bya ste/ 'dab ma bdun pa'i ut+pa la byas la de la yi ge bdun sbyar bar bya'o/ / de'i lte ba la hrIHgnyis kyis brten pa'i bsgrub bya'i ming dbang du bya ba'i cho ga bzhin du gro ga 'am/ yang na me tog dang bcas pa'i ras la bris la ri lu byas nas dpung pa la gdags par bya'o// bdag po bud med bran du 'gyur// rgyal po'ang zhabs 'bring nyid du 'gyur// shin tu dag cing gtsang ma yis// sngags 'di btu bar bya ba yin// dbang du bya ba'i cho ga'o// srung ba'i don du 'khrul 'khor 'byung bar 'gyur te/ ut+pal 'dab bzhi byas nas ni// de la dbus su zla ba bri// shar du mda' ni bri bar bya// lho nyid du ni gzhu bri'o// mi 'jigs lag pa nub tu'o// byang du ut+pal bri bar bya/ / dbus kyi zla bar bsrung bya ste// sa bon bdun gyis bskor ba'o// 'khor lo'i phyi yi rim pa la// ut+pal 'phreng bas brgyan pa'o// 'di ni gro ga la bris la// rang gi dpung la gdags par bya/ / gzhan yang byis pa rgan po dar la bab// 'khrul 'khor gyis ni rang srung 'grub// gal te dbang phyug thob par bya 'dod na// sa bon gyi grong khyer bris la de'i dkyil du gzhu bri bar bya'o/ / gzhu'i dkyil du rin po che'i rnam pa lta bu'i ut+pal gyi myu gu bri bar bya'o// ut+pal snying po'i dbus su yi ge hUM la yi ge bdun gyis bskor ba'o// sa le sbram gyi byang bu la mngon par bris la khyim gyi steng du nges par gzhag par bya'o/ / phyi rol nas ut+pa la'i 'phreng bas mngon par bskor bar byas la/ tshes bcu gnyis sam brgyad la rin po che lnga dang ldan pa'i bum pa gang bas phab la khrus byas nas mchod nas bzlas pa brgya rtsa brgyad byas na/ lo gcig gis nor 'dzin dang mtshungs par 'gyur ro// de lta bu'i rigs pa'i ril bu yang dag par gdags par bya'o// de nas sbyor ba'ang 'byung bar 'gyur te/ mig dmar la bab pa na 'gron bu gan kyal du gnas pa rnyed na lag pa'i mthil du bzhag nas/ sngags 'bum phrag gcig brgya bzlas na rgyal po 'di tha pa na pha rol po las rgyal bar 'gyur ro/ / 'gron bu de blangs la ku ru kul+le'i sngags brgya rtsa brgyad bzlas nas/ tshes bcu gnyis sam brkyang la khrus byas nas mchod la dar gyi nang du gtums nA dpung pa la btags na/ 'dis nor gyi dbang phyug chen por 'gyur ro// 'gron bu de snod du bcug pa'i nang du sba ba byas na nyin re re kar sha pa Na re re rnyed par 'gyur ro// don sgrub pa dang / rgyal srid sbru ba dang / rgyan po rnyed pa dang / 'bras bu sgrub pa'i rgyud do// rtog pa gsum pa rdzogs so// // gang gis rdul tshon mthong tsam gyis// sangs rgyas myur du thob bar byed// dkyil 'khor mthong ba'i rim pa bzhin// de nas yang dag bshad bya ba// gru bzhi pa la sgo bzhi pa// rta babs bzhi yis nye bar brgyan// de yi dkyil du lha mo dgod// b+ha ga'i rnam pa kha dog legs// mda' ni shar du bri bar bya// gzhu ni lho la phyogs su'o// mi 'jigs lag pa nub tu ste// byang du de bzhin ut+pa la'o// mtshams dkyil cha ni thams cad du'o// rdo rje 'khor lo sogs de bzhin/ gos dmar po yi stod g.yogs bgos// dar dmar pos gdong bkab pa'i slob ma gzhug par bya'o// 'dis sems ma rdo rje ma'i phyag rgya bcings la 'khor lor me tog bsgyur bar byas te/ pra badz+ra ho zhes bya'o/ / g.yogs pa bkrol la dkyil 'khor bstan par bya'o// dkyil du bab na ni dbang du bya ba'i las la dbang bar 'gyur ro// mi 'jigs pa sbyin pa la babs na ni dug 'gugs pa la bslab par bya'o/ / ut+pal la babs na ni shes rab 'phel ba la bslab par bya'o// gzhul bab na ni thams cad mkhyen pa'i ye shes la bslab par bya'o// 'jug pa'i dus su 'di skad sme bar bya'o// sa g+sa na su du nas na bya zhing / / bden pa min pa yang mi smra// ma byin par yang blang mi bya// gzhan gyi chung ma bsten mi bya// lus kyi las ni rnam gsum dang // ngag gi rnam pa bzhi dag dang / yid kyi rnam gsum po/ / mi dge ba dag spang bar gyis// chos dang de bzhin zang zing dang // byams dang mi 'jigs zhes bya bzhi// sbyin pa khyod kyis rtag tu byin// med na bsam gtan las kyis bsdu ba'i dngos po bzhi dag kyang / / khyod kyis rtag tu bsten par bya// pha rol phyin pa'i sku dag dang // stobs rnams dang ni dbang dag dang // bud med 'gro ba brlas mi ba/ sol ma'i mi can khyad par du/ / gsang sngags spyod pa'i khyim pas kyang // bud med de ni blang mi bya// grong khyer sgo dang grong dag dang // yul gang du ni sgrol ma ni// sgo ldang ba ni mad rtsig ngas dang // sum mang/ dag tu khyad par du// gnas pa'i gnas der rtag phyag bya// bstod cing mchod pa chen po bya// gnas der gnas pa byas nas ni// sngags la sogs pa bsgrub par bya// sgrol ma'i ming can bud med gang / / kha dog dmar ser mig legs ma// de mthong rnal 'byor gus pa yis// yid kyis phyag ni bya ba yin// ban d+hu ze'u 'bru'i me tog dang // de bzhin ka ra mri ra 'dzin// gzhan la me tog dmar po la/ / bsgrub pa pos ni 'gom mi bya// de ltar sdom pa byin pas ni// gtsang zhing dag pa'i lha rdzas chu// bum pa bzhin gnas pa'i chus// slob ma sngags chus dag par bya// slob dpon gyis ni rim pa bzhin/ / mda' gzhu sogs kyi phyag rgya bkru// dang por mda' can bum pa ste// gnyis pa gzhu dang ldan pas so// gsum pa mi 'jigs pa lag ste/ ut+pal gyis ni bzhi par ro// ji ltar sangs rgyas shAkya yi// seng ge sras bcas rdo rje 'dzin// rgyal srid chen por dbang bskur ltar// de bzhin bdag gis khyod dbang bskur// khyod kyis sangs rgyas thams cad nyid/ / de nyid dkyil 'khor 'di ru rnyed// rdul tshon 'di gzigs sangs rgyas rnams// rab tu dgyes par gyur pa yin// 'di ni 'chi med nad med kyang // mya ngan med cing 'phongs pa med// theg pa chen po gtsang ma 'dis/ / khyod kyis rdzogs pa'i byang chub thob// mda' sogs bzhi yis dbang bskur bas// dam chos snod du byas nas ni// slob ma la ni gsang ba dag/ cho ga bzhin du sbyin par bya/ / de la re zhig dang por klu la bsdigs pa la bslab par bya'o// na mo rat+na tra yA ya/ na mo bud+d+ha bo d+hi sa twe b+h+yo/ na mo as+tha ma hA a n+ya r+ya pra ka la yaM/ na mo ba ba te b+h+ye/ bud+d+ha ko Ti b+h+yaHtad+ya thA/ ai d+hIHsIHhrIHsarba nA gA nAM/ a nan ta ku lA nAM/ ba su ki ku lA nAM/ shaM kha pA la ku lA nAM/ kar ko Te ku lA nAM/ pad+ma ku lA nAM/ ku li ka ku lA nAM/ sun da ri ka ku lA nAM/ ga na ka ku lA nAM/ me ka ku lA nAM/ dza la da ku lA nAM/ dza la d+ha ra ku lA nAM/ badz+rI mu ta ku lA nAM/ saM brta ku lA nAM/ e sa brta ku lA nAM/ ku mu da ku lA nAM/ ka ha ra ku lA nAM/ sau gan+d+he ku lA nAM/ ha na ha na/ sha ra Na/ ban+d+ha ban+d+ha tsa ba na/ Da ya tA Da ya/ ut+pa le na/ brta na/ a b+ha ya na/ de hi de hi/ pra la ya/ ka le badz+ra la da ra/ ma b+ha ta ra ya na/ ba ra shAn+ta nA ga na ba shi/ ku ru/ ku ru/ ku ru ku ru/ pu ku ru ba ya ku ru/ ba ya/ phu phu oM ku ru gul+le hrIHhUM swA hA phaT/ sngags 'dis dgon pa'i lci ba las dkyil 'khor byas la/ cho ga bzhin du tsan dan gyi pad+ma 'dab ma brgyad pa bris la/ shar la sogs pa'i 'das ma la dga' bo la sogs pa'i klu brgyad bzhag nas/ sha kha ra dang gu gul rgyu skar snar ma la bab pa'i tshe brgya rtsa brgyad bzlas nas/ klu rnams la bdug pa byin nas de nas mchod pa'o// gal he cha 'bab par mi 'gyur na/ chang gis khrus byas la seng ldeng gi mes gdung bar bya'o// de ltar byas na char 'bab par 'gyur ro// gal te char 'bebs par mi byed na mdzes thebs par 'gyur ro// reg pa 'dzin pa de dag bya ba'i zas dang ldan par bya ba yin no/ / phyi nas nye bar bsdus la chu bo chen por dor bar bya'o// lha yang dus su char 'bebs shing // la tog phun sum tshogs par sheg/ 'jig sen mtha dag skyid pa dang / / rgyal po chos dang ldan gyur cig/ ces yongs su bsngo ba'ang bya'o// char shin tu ches pa gcad 'dod na/ sbrul 'dul ba'i mi las sprul gcig blangs la nas 'o ma blud par bya zhing / sngags 'di lan bdun bsngags pa byas pa'i bum pa dmar po ma tshos pa'i nang du bcug la phyag rgya chen pos rgyas btab nas/ bum pa bcag par gyur na de ma thag char pa gcod par byed do/ / phyis nas tshogs kyi ston mo bya// yang na nyan thos dge 'dun mchod// khye'u dang bu mo la'ang zas skom sbyin// de ltar byas na klu rnams dga'// char ni 'bab par gyur pa'i tshe// gal te 'di ltar mi byed na// klu rnams dga' bar ma byas pas// mdze yis thebs par gyur pa yin// rgyal po'i bu dang btsun mo'i 'khor dang bcas pa khrus byas la phyir bzlog pa'i chos lnga la/ phyir ldog pa'i rtsa ba btsal nas 'o ma'am yang na mar dang sbyar te/ dngul gyi snod du blugs la btung zhing dge slong la gsol bar byas na/ le gcig gi bar du sgral gyi 'jigs pa 'byung bar mi 'gyur ro/ / de la mi dge ba'i las kyis gal te sbrul gyis bzung na sbrul de nyid 'chi bar 'gyur te/ lan mdun mngon par bsngags pa 'grub par 'gyur ro// yang mdza nad sos par 'dod na/ sngags 'di nyid kyis dug med par byas nas zos na mdza nad sos par 'gyur ro// rtsa ba'i sngags kyis chu la bsngags la sbrul gyis bzung ba'i rma la bskus na dug med par 'gyur ro/ / yang klu mthong bar 'dod na/ ut+pal dmar po'i 'dab ma la yi ge'i grangs kyis 'bum bzlas nas/ klu gnas shing byin gyis brlabs pa mtshe'u la sogs par btab na/ de'i rjes la klu'i rlung ma 'dar bar 'gyur ro/ / sgrub pa po la kye bcom ldan 'das ci zhig bgyi zhes bka' lung nod par byed do// sngags pas kyang 'dod pa de bslang bar bya'o// rtog pa bzhi pa'o// / / de nas gzhon nu zla gcan 'dzin bzang pos gang gi tshe bsod snyoms la rgyal po'i khab tu zhugs nas/ yang 'od ma'i tshal du zhugs te lhung bzed bkru ba'i phyir rdzing bu ring por zhugs pa na/ grags 'dzin ma'i bu dge slong dkar po dang 'khrul nas rdzing bur drangs pa dang / de'i tshe gzhon nu sgra gcan 'dzin bzang pos rig pa 'di bzlas so// bzlas pa tsam gyis ji ltar 'ga' zhig rang gi khyim nas byung ba bzhin du sgra gcan 'dzin bzang po yang de bzhin du bcom ldan 'das kyi thad du song ngo / / nye bar song nas bcom ldan 'das la 'di skad ces gsol to// yang lags khyed kyis bdag la gsang sngags gang stsal ba'i mthu de bdag gis mthong lags so/ / bcom ldan 'das kyis bka' stsal pa/ gang du mthong / klu rnams kyi drung du'o// de lta bas na bcom ldan 'das srog chags gzhan dag bsrung ba'i slad du sngags 'di bcom ldan 'das kyis bstan du gsol/ de nas bcom ldan 'das kyis de'i tshe de'i dus su sngags 'di dang rtog pa 'di lag na rdo rje la bskur nas nyan thos rnams dang / byang chub sems dpa' rnams dang / dge slong dang / dge slong ma dang / dge bsnyen dang / dge bsnyen ma rnams la bka' drin gsal bar byas so/ / rigs kyi bu de'i phyir gsang sngags 'di dang rtog pa 'di tsan dan gyi dkyil 'khor byas nas klog par byed pa de'i lus la dug gi gnod pa mi 'byung // dug gis 'ani bar mi 'gyur/ shu ba'i 'jigs pa mi 'byung / gsan pa'i 'jigs pa mi 'byung / mdze nad kyi 'jigs pa mi 'byung / nad kyi 'jigs pa mi 'byung / klu'i 'jigs pa mi 'byung sbrul gyi 'jigs pa mi 'byung / stag dang gcan gzan gyi 'jigs pa mi 'byung / mtshon gyi 'jigs pa mi 'byung / dgra'i 'jigs pa mi 'byung / dbul ba'i 'jigs pa mi 'byung / dus ma yin par 'chi ba'i 'jigs pa mi 'byung bar 'gyur ro/ / de nas bcom ldan 'das kyis bstan pa bsrung ba'i phyir nag po chen po nyid kyi bsod snyoms kyis gsos pa'i srin mo 'phrog ma la byin no// de yang sngon gyi las mi dge ba la skal ba ngan par gyur pas nag po chen po dang rjes su 'thun pa ma yin pas gnas par mi byed/ rtse bar mi byed/ bstan pa srung bar yang mi byed do// de nas srin mo de yi mug par gyur pa dang / de la nag po chen po dbang du bya bar 'dod pas ku ru kul+la'i rtog pa 'di gsungs so// de nas bzung nas skal ba che zhing bzang ba dang ldan par gyur to// rigs kyi bu de'i phyir sems can dbang du bya bar 'dod pas gsang sngags 'di nyid dang rtog pa 'di nyid la goms par bya'o/ / gzhan yang shin tu dga' ba'i bu gzugs bzang zhing mdzes pa stobs che zhing mtshan dang ldan pa/ zhig skyes so// 'on kyang blo rtul bar gyur to// de nas shin tu dga' bas/ bcom ldan 'das la zhu ba zhus pa/ bcom ldan 'das bdag gi bu gzugs bzang zhing mdzes pa stobs che zhing mtshan dang / ldan pa zhig skyes par gyur na/ 'on kyang blo rtul bar gyur to// bcom ldan 'das de ji ltar na de'i shes rab 'phel bar 'gyur/ gal te bdag gi bu de'i yi ge dang bcas par gyur na/ de ldan khyod kyi bstan pa rjes su bsrung bar bgyi'o/ / de ltar gsan nas bcom ldan 'das kyis dran pa sngon du bzhugs nas rtog pa 'di dang gsang sngags 'di bka' stsal to// de bka' stsal gyis shin tu dga' ba'i bu gzhon nu snar ma zhes bya ba 'di shes rab dang ldan par 'gyur ro/ / lo bcu gnyis kyis bstan bcos thams cad 'jigs pa med pa dang / bzo'i gnas kyi thabs thams cad la mngon par shes pa dang ldan par gyur to/ / rigs kyi bu de'i phyir shes rab chen po 'phel bar bya ba'i phyir gsang sngags dang rtog pa 'di la bslab par bya ba yin no// de nas bcom ldan 'das kyis mkha' spyod kyi dngos grub bka' stsal pa/ ro yi skyon dang bral ba yi// dngul chu legs par blangs nas su// rdo rje rten gshong du byas nas// 'jig rten mgon dang btags par bya// slar yang chos sku dang btags la// bzhin 'dza' ba ti ki ti ka dang // byi na'i lo ma'i khu ba dang // nyi ma gsum du mnye bar bya// band ka ko la'i 'o ma dang // ha ka badz+ra'i 'o ma dang // rnam phug pa'i khu ba dang // ru ma'i 'o ma dang mcheg/ / dngul chu dang ni tsab mo yis// lan mdun par du bkru zhing man// lcags kyi snod du legs bcug nas// 'bri ha ra ka'i phan bcug btso// kan ka li me tog gong bu dang // 'og dang steng du nges par bskor/ / rtsa ba'i gsang sngags 'bum bzlas na// dngul nu de ni g.yas nas 'khor// mu zi nyi mas bsgos pa la// gsang sngags des ni bzlas byas nas/ / lcags snod me la bzhag pa la// phye ma'i sbyor ba cung zhig blugs// mu zi cung zad zhu gyur nas// nam mkha'i 'dab ma bcug nas bcu// phyi nas phyi ni sa le sbram// de la ma ki ki yang gzhag/ dngul dang zangs kyang de nas gzhug/ de bzhin lcags kyang lnga 'gyur ro// gzhan kun drug 'gyur ba zhu byas nas// nyi ma'i 'od dang mnyam par 'gyur// de yi ri this gzhan phung chen// mkhas par sgyur bar byed pa yin// man bcas phra zhing bsgyur nus na// dngul nu grub par shes par bya/ ma he rang dang bcas pa yi// spyi yi 'o mas rdo rje gsapa byi ba mchu rings khra dang ni/ / grub pa'i dngul chu nang du gzhug/ 'di dang dngul chu 'dres gyur na// mar ka ta la sogs pa'ang 'a ju// ku ru kul+le'i rnal 'byor pas// mig gi phyir ni mu tig bzhu// rtag tu gzigs ma rtsa zos ma// bud med brgya la 'dod pa spyod// mtshan bdun tsam zhig sbyor bas ni// brtul zhugs can ni mkha' spyod 'gyur// dngul chu mkha' spyod sgrub pa'i rgyud do// zha nyi'i ril bu byas nas ni/ / 'bang hu'i sa bon snod du ni// khrag 'dzag kan tsu'i snod bcug nas// sa snod dmar por bcug nas ni// dngul chu dang bcas zha nye de// 'chi bar 'gyur bar the tsom med// dedang dngul nu srang re bsres// phyi nas srang gcig drug cur bsre// rang dang mnyam par bsgrub byas nas// dngul gyi ril bu byed pa yin// sgrol mas dngul chu grub gyur nas// sems cad ngor byed nus par 'gyur/ / sems can don la bsod nams tshogs// tshogs las byang chub mchog tu 'gyur// dngul chu sgrub pa'i rgyud do// bstan pa'i kun te'o me tog sngo// ci tra ga ma zhes bya dang / / rnal 'byor pa yis zla gcig tu// 'o ma dar 'thungs lo stong 'tsho// sngags kyi bka' las nag po blang // 'od ma'i snod du bcug nas ni// tshes brgyad la sgrub rnal 'byor pas/ Sha'am gnas yang 'tsho// lung dpung dang 'dra rnyed nas// 'o ma dang mnyes 'thungs nas ni// tshangs pa mdun na 'don mnyam pa'i// tshe dang ldan 'gyur the tsom med// de bzhin shing chen 'bras sul/ chu shing 'bras bu 'dra rnyed nas// gang dang gang na gnas pa der// gal te gso sbyong la gnas pa// 'o ma dang mnyes 'thungs nas ni// skra dkar gnyer ma rengs par 'gyur// bcud kyi ler sgrub pa'i rgyud do/ / bu 'dod pas ni b+ha ga'i shing me tog/ brtul zhugs gnas pa'i 'o ma dang 'thungs nas// de yi chung ma gso sbyong ldan byas te// 'thungs nas skal bzang bu dang ldan par 'gyur// sngags 'i dag gi ni 'bras bu dag/ btags nas 'o ma dang ni bsre byas nas// gal te btsun mo dang yang gso sbyong ldan byas te// 'thungs na rgyal ba'i mtshan ldan bu thob 'gyur// lag sman zhes bya'i rtsa gang gi 'o ma dang / / khrus byas 'thungs na bu btsas 'gyur// don grub pa yi sku 'dra yongs su rdzogs pa'i gzugs// mtshon gyis mngon rnams kyis ni 'jigs pa med pa'i ni/ / 'dza' la she la rtsa ba nas bton nam// rtsa ba blangs nas lan bdun mngon bsngags te// ngo bo la ni nges par bcings byas nas// lo gcig rims ni med par byed pa yin// rnal 'byor pas ni gser shing rtsa ba dag/ blangs nas gang gi mgo la bcings byas na// de yi nyin bzhi pa yi gnod pa dag/ rims kyis zin pa rims med 'gyur// so phag dub chang dang rtsa ba mo dang / ra gnyis pa mi rgyal ba'i khu ba bcas// zangs ma'i snod du bud med 'o ma dang mnyes nas// mig la bskus na mig gi nad rnams sel// shing thog u tsa ta yi rtsa ba blangs nas ni// sngags 'di brgya phyed par du bzlas nas su// ji ltar 'dod pa'i 'o ma dang 'thungs na// dam pa'i mi dbang de'i mtshan la rung nas// na ga sa la zhes byar rab grags pa// de yi 'o ma dag dang ldan byas pa/ / de ni mtshan ma stobs bskyed bu 'phel bu tsha bskyed// sngags 'di brgya phyed bar du bzlas su'o// gi'u wa nga dang ni so ma skyes pa'i lce// mi yi dbang po'i rtsa ba rgyu skar bzang po la/ / de yi dpral bar thig le byas nas ni// thig le de mthong 'jig rten gsum dbang byed// shi ba'i ro yi mig dang snying dang lce dag dang // dpral ba dang ni de bzhin sna dag dang // blangs nas skar ma rgyal la ni// til mar la bcos skye bo dbang du byed// sbrul gyi dbang po'i mgo bo'i mig sman dang // mig ngan gcod dang me tog ces bya'i khrag/ mig sman de yis mig la bskus byas na/ / rgyal po'i btsun mo dbang du byed par 'gyur// sngags 'di brgya phyed rkang pa sar bzhag nas// sa yi nang na yod pa'i nor stsal na// rkang pa gang du bzhag pa g.yo 'gyur ba/ / de na gter dag yod par shes par bya// rkang pa'i bo la 'gul na ni nye bar 'gyur// rkang mthil 'gul na ring na gnas pa yin// gang na gter yod zer ba thos pa mngon byas nas// rig pa 'dzin pas nyin bzhin 'og tu blta/ / byis pa mchu rings phyi ma ni// gu gul bcas pa byugs tsam gyis// glang chen myos pas gsal zhing bde bar 'byung bar 'gyur// shin tu gnag pa'i khyi mo yi/ / 'o ma bsrubs nas mar gsar gyis// bskus nas rnga lpags lham gon nas// chu yi steng nas 'gro bar 'gyur// sa bkod tsha nya'i tsher ma dag/ bsdus nas tshang tshing khyim sbas nas// chang rnams brlag ste phyung nas su/ / bzang po nyid du 'gyur ba yin// rdza mkhan rdza ma bsregs pa'i me// thog gis bcag pa'i shing btsugs nas// de me 'bar bar mi 'gyur te// chang blugs na slar 'bar bar 'gyur/ / zong la gong bstan sngags bzlas nas// sngon sngags tshong pa rnams bstan na// rnal 'byor pa yi tshong 'grub cing // tshong pa rnams la khe cher rnyed// chang gi sa bon byed pa la// spre'u yi mig gtsa ma bcug nas/ / chang snod bcas pa rlag par 'gyur// ba gu las 'grus spyad du rung // ba gu la yi chus bkrus na// byis pa mams blangs nas ni// 'byung po sgra yis bdug byas nas/ / ngur smrig bskon pas sos par 'gyur// byis pa nu zho 'thungs skyugs na// rma byi'i sgro bsregs thal ba yis// mgul ba bcing ba byas nas ni// sbyor ba mchog gis slar sos 'gyur/ / pa dka ba ka ni tshig dang // ldan pa'i gte byang du bsgo byas nas// kha yi nang du bcug nas 'dug na ni// 'ching dang mtshon cha mi byams pa las thar// k+Sha ma ra ya yi ge rnams dang ldan/ yi ge kun kyang e yis brgyan pa la// yang dag ka ba ka li mtha' ma ni// skong ba ni dang tshang gsum gnyis gnyis sbyin// dan ti la ut+pa la sa ra pu ka dang // ni tshul dang 'gi ri kar ni chus// lan ban+d+ha/ thar du bkrus pa'i zha tsa'o// byang gul ni blo dang ldan pas bri// shing sgrog sngags sgrog khri dang g.yul ngo ru// mtshan cha'i char 'bab pa dang gzhan dag ni// ni snang ba dag nges par 'joms byed par/ rgyu rkyen dis ni 'grub par 'gyur bzhin// gdagis sngags kyi rgyal po thos nas ni// rig pa byas nas dpung ba la btags na/ de yi dbang drug nor sbyin pa dang mnyam par bgyur/ gzhan gyi gyi ga / / seM tham sa/ chung za ma nas gsanasas// sul gyi mug byung / khri ma thas ni med kyims chog/ sung ma ldang 'khrigs pa yis/ / khu ba'o ma dang bkrus bud med kyis 'thungs na// rang gi las kyis mngal blugs pa dag kyang // des ni nges par gnas par byed pa yin// ma ga d+ha li 'bras bu lnga tsam zhig/ btags nas bud med gang gi sa 'o ma 'thungs// gsang sngags 'di yi mthu rab che ba yi// de ni bde ba dang ldan btsa' bar 'gyur// nim pas ba du 'o ma ni btags nas// rdo rje ru dang bsregs byas nas/ / skyes pa'i tshe na mngal ni bsku byas na// bud med de ni bde bar bu btsar 'gyur// glang po ma ga na yi shu dag bcas// rta li dri dang ma he'i mar gsar bcas// ba la dang ldan sbyor ba byas nas ni// rum dag ni sgrub byed 'phel bar byed// bza' ba thams cad zos nas ni// sna nas chu ni 'thungs nas ni// mgo bo'i dus min skra dkar dag/ sngags kyi sbyor bas de med 'gyur// a ba shi yi rtsa ba dang / / ka ma tsa ka gser shing 'bras// ldan pa rag pur chus btags nas// lus mchog bskus bsrubs mdzub mo 'jigs// 'khrig pa'i tshe na mi 'dzag na// bdag po mi gus 'gro bar 'dod/ / 'ching ba yi ni sbyin par 'dod// de 'dzag bya phyir de yis bsku// mkhris pa sbyor tshe phag zhag las// mar me sbar bar byas nas ni// mi 'dod pa yang myur du 'byung // de yang mngal du yun rings gnas/ / rdo rje mi yis khyim tshig na// mi gang sngags kyi chang gis 'thor// me ni 'chi bar gyur to zhes// sbyor ba 'jig rten dbang phyug gsungs// sems can gang dag 'khor gnas dang // 'jig rten mgon pos de skad bsgrags// ri yi rgyal po po ta lar// bcom ldan gzhan sdug pas sdug pa// sangs rgyas ma gyur ci yang med// sems can don rnams sgrub pa'i phyir/ / sngar spyad ma yin ci yang med// nyams pa slar yang gso bar bsam// bcom ldan 'das 'phags pa spyan ras gzigs dbang phyug gis de skad ces bka' stsal nas thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags ma sgrol ma ku ru kul+le'i rtog pa rdzogs so// / rgya gar gyi mkhan po kr-iSh+Na paN+Di ta dang / lo tsa ba dge slong tshul khrims rgyal bas bsgyur cing zhus te gtan la phab pa/

CLOSE WINDOW