@rgya gar skad du/ badz+ra a mr-i ta tan+t+ra/ bod skad du/ rdo rje bdud rtsi'i rgyud/ dpal rdo rje sems dpa' la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs kyi snying po rdo rje bdud rtsi gsang ba'i pad+ma la bzhugs so// gzhal yas brtsegs pa'i khang pa na// mA ma kI dang thabs cig tu/ / bcom ldan rdo rje car rol te// de nas lha mos de zhus pa// gsang chen zhes bya cher gnas pa'i// rdo rje bdud rtsi rgyud kyi mchog/ sngon du lha khyod kyis gsungs pa/ bdud rtsi yi ri sgrub pa'i thabs// bde ba chen pos bka' stsal 'tshal// de nas bcom ldan rdo rjes bshad// rdo rje bdud rtsi bde chen po// bsam med zas med phra mo ste// don yod dbang po las 'das pa/ / dam pa ni ba rnam dag pa// rdo rje bdud rtsi brjod pa yin// de nas bcom ldan rdo rje yis// mA ma kI chags dang ldan nas// rdo rje bdud rtsi'i ting 'dzin gyis// gsang chen mngon sum du ni mdzad/ / rgyud rnams kun la gsang ba yi// ye shes rdo rje bdud rtsi mchog/ de ni bdag gis bshad par bya// brtan por 'khyud dang 'o byed dang // dga' ba'i rol pas mnyam sbyor dang // dbyangs dang sil snyan gar rnams kyis// rdo rje bdud rtsi rgyud kyi mchog/ de ltar myur du 'grub par 'gyur// bdud rtsi khu ba zhes gsungs te// 'gro ba gsum rini des bskyed do/ / khyod la dga' ma zhal bzang ma// de yi sgrub pa bdag gis bshad// nyon cig de yi sems kyi chog/ mdor bsdus nas ni bshad par bya// sems can don du phar dor du// sbyor ba'i rdo rje bdud rtsi mchog/ rnal 'byor gang gis shes gyur na// 'khor ba'i bcings las myur bar grol// bstan du med cing ye shes che// dngos grub 'jig rten gsum bsgrub bo// sku gsung thugs kyi bsgrub don du// sgrub pa pos ni bde ba spyod// rdo rje pad+ma mnyam sbyor bas// rdo rje bdud rtsi phyung bar bya// b+ha ga'i pad+mar 'o bta ba ste// rdo rje pad zer mA ma kI si// 'obatab rdo rje bdud rtsi bde ba che// bcom ldan rdo rjes de gsungs so// b+ha ga'i pad+mar 'o btab pas// de tshe dga' ba'i lha mo des// rdo rje bdud rtsi las byung ba'i// nyams dga' gsang ba'i dkyil 'khor zhus/ / cho ga'i rim pa gang gis ni// mchod pa dkyil 'khor brtsam par bya// 'dir ni mchod pa ji ltar te// de bzhin dkyil 'khor ji ltar lags// dga' ba chen po thob dka' ba/ / rab tu dgyes nas bka' stsal 'tshal// de nas bcom ldan rdo rje yis// rdo rje bdud rtsi bde ba che// 'o btab pas ni dgar 'gyur te// bzhad nas 'di skad bka' rtsal/ te/ sku gsung thugs kyi bsgrub don dang // 'khor ba'i rgya mtsho bsgral ba'i phyir// dga' ba chen po sbyor ba yis// mA ma kI sa ni 'dir dris pa// zur gsum dkyil 'khor bris nas su// gsang ba'i pad+ma mA ma kI// nang du snying po dang ldan pa'i// pad+ma 'dab brgyad pa ni bya// de dbus gsang chen rig ma dang // gtso bo zhal gsum phyag drug pa// dang po'i zhal ni nag po ste// g.yas pa la ni dkar po 'dod// g.yon du dmar por rab gsungs te// lha yi rgyan gyi sa brgyan byas pa// lha yi na bza' me tog 'phreng // lha yi dri yis byug byed pa// lha yi dngos grub byed zhig sku gsung thugs kyi rdo rje can/ phyi rol du ni dkyil 'khor yang // sgo bzhi pa ni rab tu brtags// shar du khro gnyer ma bzhag ste// lho na 'jigs par 'jigs byed ma// rub na rta yi gzugs can ma/ / byang du tshogs kyi 'dren ma mo// mkhas pas pad+ma 'dab brgyad la// rig ma brgyad ni mnyam par bri// mdzes pa mo dang zhi ba'i zhal// zla mo dang ni dung can mo// ri bong 'dzin dang dkyil 'khor mo/ / ri bor 'dzin ri mo yid dga'// yid la bde bar byed ma dag/ rig ma brgyad dang dge ma brgyad// thams cad zhal gsum phyag drug pa// sna tshogs gzugs ni yang dga' ma/ / phyogs rnams dang ni mtshams dag la// rtag pa ru ni bri bar bya// mchod pa pi wang rnga de bzhin// de bzhin spros dang me tog sogs// dbyangs dang gar dang mdor pa ni/ / dga' pha rol pa sbyor ba yis// rdo rje bdud rtsi bde ba che// gsang ba'i 'khor lo bsgrub par bya// ma dang bran mo bu mo dang // sring mo gnyen mo de bzhin te// rdo rje bdud rtsi de dag las/ / blangs nas gsang ba'i dkyil 'khor mchod// ma las bdud rtsi blangs pas ni// rdo rje bdud rtsi dang mnyam 'gyur// sring mo nad med na so gzhon// bu mo yi ni 'dod kur sbyin// bran zer mo'i ni don yod grub/ / gsang ba'i dkyil 'khor la 'dod byas// lce ni dril bar byas nas su// kha yis pad+mar blang bar bya// rdo rje bdud rtsi bde ba che// de nas myur bar dngos grub bo// bung brtse ba'i tshul gyis ni/ / bud med thams cad 'dod pa spyod// 'dus dang grub mo dang brkyang ba// yar bteg zer ni shin tu brkyang // byed pa'i bcing ba sbyor ba yis// sa gsum dag ni bsgrub par bya/ / sha chen dang mi zag chen gyis// de bzhin bshang gci khu ba dag/ de dag rdo rje bdud rtsi lnga// nyin dang nyin du bsgrub par bya// rdo rje bdud rtsi bde ba che// gal te dngos grub bdag ba'adod na/ / de yis don rnams thams cad ni// sgrub pa pos ni mchog tu bsgrub// dbang dgug pa dang 'thab pa dang // gsong dang bskrad pa la sogs pa// rdo rje bdud rtsi bde chen pos/ bya ba thams cad kun tu bya// rdo rje bdud rtsi bde chen po// bcom ldan rdo rjes de gsungs so// de bzhin gshegs pa thams cad kyi sku dang / gsung dang / thugs kyi rdo rje can rdo rje bdud rtsi bdes chen po'i rdo rje bdud rtsi rgyud kyi rgyal po las/ gsang ba'i dkyil 'khor byed pa'i mngon tshul bstan pa'i le'u dang po'o// / de nas mgu ba'i lha mo de// pad+ma rgyas pa'i mA ma kI/ / brtan po 'khyud pa byas nas su// dbang po thams cad la 'o btab// ma mchu sos bzung 'o btab ste// sid sgra sngags ni brjod par bya// rdo rje bcings pas sku yang 'dzin// rdo rje can gyis gsang byas te// pad+mar rdo rje bcug nas su// chags na dga' ste 'dod par byas// sing sgra snyan po sgra rnams dang // ko ki la dang gling bu sogs// lha mo mA ma kI dang rtse// rdo rje bdud rtsi bde chen pos/ / nu ma zung la gzir byas te// sen mo re mos gdab par bya// de yang gos ni phud byas te// stang 'og la yang blta bar bya// rgyas pa'i pad+mar 'o btab nas// dga' ba'i tshig kyang brjod par bya/ / rgyas pa'i pad+ma mA ma kI// lha mo chen mo legs so legs// gtan du 'dod la chags pa yis// bdag gis khyod la dga' bar bya// gang zhig 'dod pa khyod kyis chus/ / khyod la bdag gis mchog tu sbyin// de nas lha mo mA ma kI// tshig 'di dag ni ched du gsol// bcom ldan nyid kyis de bzhin nyid// byang chub sems kyis rnam sprul pa// phra bas shin tu phra ba yis/ / zad med ye shes ji ltar rol// de 'dra lha yis dpyod pa ni// dbang po gnyis kyi snyoms 'jug pas// de dag the tsom 'byung bas na// bdag ni ngo mtshar dam par gyur/ / de nas bcom ldan rdo rje yis// rdo rje bdud rtsi bde chen bshad// nyon cig de nyid mA ma kI// ye shes sbyor ba 'bigs byed pa// shin tu phra ba gsang chen po/ ye shes shes bya ngo bo nyid// de ni bdag gis bshad bya ste// sangs rgyas byang chub rab sgrub pa// mi 'jigs zad med rtag pa ni// gdod ma med cing dbang po spongs// yod nyid dang ni med nyid kyang // dbang po dang bcas dbang po med// 'byung ba kun tu ma mthong ba// sbyor ba lam gyis mthong ba'o// sbyor ba rnam pa gnyis gsungs te// phyi dang nang du bcas pa'o// phyi ni gzugs kyi phung po sogs/ 'byung ba rnam pa kun rdzogs te// sna tshogs g.yo dang mi g.yo ba// khams gsum dang ni ma lus par// de gcig pus ni khyab pa ste// thams cad rnam shes kho na'o// ci phyir sems can bdag med rnams/ / rnam shes phung po rten pa yin// thun sems snyigs ma'i mi rnams kyis// 'ga' yang shes pa ma yin no// sems las ma byung sems kyi ngos// ye shes shes bya'i ngo bo nyid/ thams cad rnam shes gcig nyid do// gang tshe lus la rkyen nyid 'gyur// chos rnams dang ni chos gcig 'gyur// dngos po bdag ni de tshe 'gyur// ci l-i phyir na chos rnams kyi// mang po nyid du chos rnams kyang / / mu rgyun bzhin du rgya mtsho la// thar pa ni gcig kho na ste// mang po nyid du mi rnyed de// ji ltar nang du mer gnas pa// bla ma'i zhal kho na las thob// b+ha ga'i pad+mar nam mkha' gang / nam mkha' lnga yis brgyan pa ste// snying dang snying po rnam ldan zhing // 'dab ma brgyad kyis rnam par klubs// de dbus rdo rje can bzhugs te// byang sems bdud rtsi dang ldan pa// cha shas chas min rnam grol bar/ / thig le de yis rnam par spangs// de nas rtag tu zag pa ni// bdud rtsi byang chub sems kyi gzugs// khams rnams kun gyi gzhi yin pa// steng 'og tu yang rnam par khyab// des ni mthong ba thos pa yang / / mnams pa dang ni myang ba yang // reg dang bde ba'i longs spyod ni// zas dang me tog 'phreng ba dang // rgyan dang gos kyis brgyan pa ste// ngag gis sna tshogs grags pa yang // blangs pa dang ni bzung ba rnams// rol dang kun tu 'gro ba dang // 'dug dang de bzhin nyal ba dang // sad pa dang ni log pa dang // thams cad rmi lam mthong ba ste// bzhad dang de bzhin cho nge dang // shin tu yid 'phrog gar dang ni// rnga rnams dag kyang brdung ba ste// sna tshogs pa dag 'dir brjod pas// smyon pa dang ni myos pa'i gzugs// gti mug 'dod chags de de nyid// gzugs med mang po'i gzugs can de/ / pho dang mo dang ma ning rnams// du ma'i gzugs can kun gyi bdag/ sna tshogs gzugs ni nor bu bzhin// khyab pa'i dngos kyis khyab nas su// de nyid dam pa cher gnas so/ de bzhin nyid de mA ma kI// bzlas med 'dzin pa yang med de// bgrang 'phreng bya ba 'ga' yang med// zas spangs pa yang mi bya'o// b+ha ga'i pad+ma mchod byas te/ mkhas pas bdud rtsi bza' bar bya// rdo rje bdud rtsi bde ba che// de yis de nyid 'grub pa'o// gang de bdud rtsi 'bab pa'i rtsa// b+ha ga'i dbus su pad+ma ste// rtsa gzhan sum cu rtsa gnyis la// de giyi dbus su de gtso ste/ / de dag las gzhan shin su mchog/ rtsa dag dgu ni rnam par gnas// sgo dgu la gnas rigs pa dag/ sgrub pa pos ni mchod par bya// 'dod pa'i yon tan lnga lha mo// rtag tu rdo rje can mnyam blta// de bas de dag rab byed na// chags bral zhes gsungs kun rig pas// de dag gsang chen mchog rab ni// zhal bzang ma kye sbyor bar bshad// sna tshogs rnam snang mdzad sogs pa/ / de bzhin gshegs pas mi shes te// gtan du dga' ba'i yid bde ba// sbyor bas dam pa rab bstan to// gsang ba'i pad+ma mthong nas dang // shin tu rgyas pa'i mA ma kI/ / rdo rje bdud rtsi bde ba che// de nyid bdag gis bshad par bya// de bzhin gshegs pa thams cad kyi sku dang / gsung dang / thugs kyi rdo rje can rdo rje bdud rtsi bde ba chen po'i rdo rje bdud rtsi'i rgyud chen po las/ de bzhin nyid sbyor ba ye shes bstan pa zhes bya ba'i le'u gnyis pa'o// // de nas mgu ba'i lha mo des// hA ra nu pur gyis brgyan te/ / 'di dag dbyangs ni blangs nas su// sems dpa' chen po dgyes par byed// phyung mdzad bde chen rdo rje las// bdag gis mchog gi yig 'bru 'tshal bar gyi// b+ha ga'i pad+mar bde ba chen po ste/ / rdo rje'i don de bde ba chen po lags// sa 'dzin pa dang skad phran dang // drug ldan la sogs mtha' 'khob tshul// sna tshogs thun mong rnam dag gi/ snyan pa'i sgra yis blang bar bya/ / de rnams dbyangs dag blangs nas su// dga' yid bde ba rnam sprul gyis// rdo rje bdud rtsi bde ba me// sangs rgyas byang chub bsgrub par bya// gsang ba'i dkyil 'khor bka' stsal pas/ / de bzhin nyid kyis the tsom bcad// rdo rje can khyod bka' drin gyis// rtag par ye shes bya ba bgyi// bcom ldan chags pa dang bral ba'i// rdo rje bdud rtsi 'byung ba 'di// rdo rje/ theg pa 'byung ba yi// sbyor ba bdag gis bstan par bgyis// da dung bdag la the tshom mchis// phyag rgya gnyis kyi rnam sprul pa// ji ltar phyag rgya yang dag 'byung // de dag gi sngags rje ltar lags/ / sngags rnams gang las skye ba lags// khyad par du ni lha rnams kyang // lA ni dri dag the tsom na// mdor bsdus nas ni bdag la gsungs// rdo rje bdud rtsi bde chen pos// bcom ldan rdo rje can 'di gsungs// phyog rgya thugs dpa 'byung bani// bag dang rten tshigs pa 'i// rgyag byams pa gsum shesas te// mu dang gsung dang thugs pas 'byung/ byas rgya mchog 'gyur te// gsudun phyag tu rtags kyi las// thugs kyi mtshan ma d+hAg d+hA nA~M// bya la gtan ma gnyis med gnas// rdorje bdu ba'i byugs sa bya/ / mtshan ma'i phyag sna ma ze'o// phyag tu mngon sam gzugs yin te// lhan d+ha mdzan med do// dang ba thams cad bde bcu// rna ga'i pad+ma mchod pa bang+gA pam b+h+yo shing / / las banas cang ni 'grub par bya/ m+b+ha gru pas ma shing na hU~M// rdul ga rgya drag stong can dang // sa dang gdung ba'i// su gyur ba badzin// de sngar bdud rtsi 'bab pa'i rtsa// sngags dang drug rgyu'i yum yin te// sngags 'di rnams kyi skye ba ni// thu ga'i dbus su gnas pa'o// de nas bcom ldan rdo/ can// rdo rje bdud rtsi bde chen poso// rdo rje bcug nas mA ma kI// nyon cig sngags rnams mtshan nyid ni// dang po rnam snang mdzad sbyor te// oM badz+ra a mr-i ta ma hA sa khwa/ sa byon ba'i dang mnyam ldan la/ / swA hA yi ge yang sbyor ro// rnam par snang mdzad yang 'bul te// yi ge gnyis dang bzhi pa ste// ngan po yos ni mnyam ldan pa// mA ma kI ya~M snying po'i mchog brgyad la kho na'o dbus ma gang / / brgyad la rgyan gyis rnam par brgyan// 'dab brgyad la ni sbyar byas te// lha mo sngags kyis sngags phyung ngo // sgo srungs dag gi sngags rnams ni/ nyon cig skal bzang mA ma kI// sde yi tha ma sngags phyung ste// sa bon brgyad ni sngags rig pas// stong pa'i lU yis gnon byas te// rnam par snang mdzad dang ldan la// swA hA yi ge/ mnyam por ldan// dngos grub thams cad rab sbyin rnams// bzhi ni sgo srungs kyi yin te// bzhi ni spos dang dung+ge sogs// ma ning yi ge ga bzhi la// swA hA rnam par snang mdzad kyang // mo gsang ba'i mA ma kI// rnga sogs kun gyis mchod par bya// rdo rje bdud rtsi bde chen po// bcom ldan rdo rjes de gsungs so// de bzhin gshegs pa thams cad kyi sku dang / gsung dang / thugs kyi rdo rje can rdo rje bdud rtsi bde ba chen po'i rdo rje bdud rtsi rgyud chen po las/ sngags phyung ba'i rim pa bstan pa zhes bya ba le'u gsum pa'o// / de nas sbyin sreg las dag gi/ cho ga'i rim pa bshad par bya// sbyor ba'i rgyud kyi cho ga yis// sku gsung thugs ni bsgrub pa yin// ni ba dang ni rgyas pa'i las// de bzhin dbang dang mngon spyod dang // 'thab dang / bskrad kyang de bzhin du// sngags dang phyag rgya'i bsgrub pa rnams// de kun bdag gis bshad par bya// rdo rje bdud rtsi 'byung ba'o// rdo rje sems dpa' 'gying byed pa// dgur brten bcas pas gnyis gnapa gargyan thams cad kyis brgyan byas te/ / slob dpon dkyil 'khor 'jug par bya// khams gsum rnam par rgyal gyur nas// rkang gnyis g.yas brkyang bya ba dang / g.yon brkyang bya ba yang byas te// rkang mnyam dang ni sa ga yis// sa ni skyong bar byed ma thag/ sa la reg na 'jam skye'o// de nas bgegs rnams bskrad nas su/ gzhal yas sprul pa la sogs pa// gong du bla mar phyag 'tshal lo// phyi nas sa yi lha mo dgug/ oM e h+ye hi lha mo che// sa yi brtan ma 'jig rten yum// rin chen thams cad rab rdzogs pa'o/ / lha yi rgyan gyis rgyan byed ma// ha ru Na pur sgra 'byin ma// rdo rje sems dpa' rab tu mchod// yon 'di dag ni bzhes nas su// sbyin sreg las ni 'grub par mdzod// hri hri hrih+na swA hA/ bshang gci khrag dang khu ba yis// dkyil 'khor sa la gtor bar bya// byin brlabs bya ba'i phyir spros ni// sha chen gyis ni dbul bar bya// de nas rig ma 'jug byas te// gdol pa ma dang sme sha ma/ / gar mkhan ma dang bram ze mo// de kho na bzhin rgyal mo dang // dmangs rigs mo dang rgyal rigs mo// dri dang spos kyis mchod byas te// lha yi rgyan gyis brgyan par bya// yan lag lnga la yi ge hrIH/ / b+ha ga'i dbus su yi ge bruM// spyan ma sgrol ma gos dkar ma// yid dga' ma bdag bsgom par bya// b+ha ga'i dbus su slob dpon gyis// me tog gtor ba kho nar bya/ denas sngags pas ho khung ni// tshad mar kun tu bri bya ste// zhi la zlum por bya ba ste// khru gang tsam du thig gdab bo// khru phyed sa la brkos nas su// dkar rtsi tshon gyis byug par bri// ku tu 'khor lo tshul ltar yang / / glo ru mnyam por bri ba'o// rgyas pa la ni khru do ste// de la khru gang brko bar bya// gru bzhi pa ni mtha' mnyam du// mugs dang btsag gis bri ba'o// mngon spyod la ni zur gsum ste/ / sor nyi shu ni yangs pa'i tshad// nyi shu phyed ni brko byas na// dbus su rdo rje rgyu gram yang // 'bar ba 'phreng gis 'khrugs pa bri// de bzhin dbang dang dgug pa la// zla gam yang dag bri ba'o/ / ho khung yang dag ston nas su// phyogs kyi cha yang bstan par bya// byang du mngon du kha bsgyur te// sngags pas zhi ba brtsam par bya// rgyas pa la ni shar du yang // mngon spyod la ni lho na ste/ / dbang ni nub tu kho na bshad// dgug dang bskrad kyang de bzhin no// mngon spyod rtag par nag po ste// tshen lnga yis ni dbang sogs bya// 'bras dang til dang 'o ma dang // mar dang sbrang rtsi lhan cig par/ / bdud rtsi lnga dang ldan pa yis// zhi ba rgyas pa sbyin sreg bya// sreg shing rnams kyang thams cad la// dri zhim 'o ma can shing ngo // sna tshogs zas sam gto ma yang / / 'byung po thams cad sbyin par bya// gtor ma gang yang sgrub pa pos// khrag 'thung phyag rgya chen pos sbyin// gang zhig yid kyis 'dod pa ni// rtag tu rnal 'byor pa yis 'grub/ dbyar gyi dus ni zhi ba ste// rgyas pa de bzhin dgun gyi dus// dpyid ka mngon spyod las rnams ni// sgrub pa pos ni thams cad bya// shar dus zhi ba rab tu gsungs// rgyas pa de bzhin srod la ste/ nyin phyed la 'am nam phyed la// rtag par mngon spyod bya ba'o// ho khung dbus su yi dam lha// yi ge hUM gis bskyed nas su// zhal ni gdangs pa bsam byas te/ sbyin sreg de la dbul bar bya// sbyir sreg 'bum phrag 'bul 'gyur na// mdun du mngon sum kho nar 'gyur// dang po me ni dgug bya ba// lha thams cad kyis mchod pa'i gnas// 'od zer 'phreng 'khrugs drag po'i lha/ / sangs rgyas byang chub 'grub pa'o// oM e h+ye hi/ 'dir gshegs gdon mi za bar khyod// me lha mngon sum dngos grub sbyin// drag po khams gsum gyi mchod pa/ / khyab 'jug tshangs pas phyag 'tshal ba// 'di dag yon yang bzhes nas su// zhabs g.yon brjes kyang rdo rje can// oM hUM hUM hUM phaT phaT phaT swA hA/ dang po la ni lon 'bul te/ / phyi nas lha bshos me tog 'bul// oM/ lha yi me tog shin tu dmar// dri zhi ma shin tu mdzes pa ni// me tog de ring bzhes nas su// 'di la byin gyis brlab par gsol// hUM ma tog gi sngags so/ / oM/ mar me 'od zer 'bar ba ni// ngan 'gro 'jigs pa 'joms byed pa// lha yi mig byed bkra shis pas// mar ma khyod kyis bzhes su gsol// hUM mar me'i sngags so/ / oM tsan dan ga pur dang bcas pa'i// dri zhim spos me dge ba ni// mthu dang bcas par bya ba 'di// bzhes nas byin gyis brlab tu gsol// hUM spos kyi sngags so// oM/ sna tshogs lha yi dri zhim pa/ / sna tshogs ga pur rnam brgyan pas// sna tshogs yi ge hUM las byung // dri 'di 'bul te bzhes su gsol// hUM dri'i sngags so// dang por mchod pa'i cho ga ni// the tsom med/ par me la bya// phyi nas rang gi yi dam lha'i// bzlas sngags rig par brjod par bya// dbyangs dang gar dang zas rnams kyis// rnam pa du mar rol byas te// rig ma dang ni sgrub pa pos// tshogs la mchod pas mnyes par bya/ / gal te dngos grub dag 'dod na// sku gsung thugs ni 'grub pa'o// bla ma me lha rdo rje 'dzin// mchod par byas nas rdzogs par bya// oM me lha las ni grub par mdzad/ / sems can thams cad bde ba 'dren// sku gsung thugs dngos grub don du// lha rnams las ni rjes su skyobs// me lha zhi bar gshegs nas su// sa gzhi zhi bar mdzad mdzod cig/ rgyu dang mi rgyu bcas pa yis// sgrub pa po dang thams cad dang // bdag gi bsod nams 'bras 'gyur dang // sngags kyi dngos grub rab sbyin cig/ a A/ i I/ u U/ ri r-I/ lo lA/ e ai/ oM oM/ aM a/ hUM swA hA/ rdo rje bdud rtsi bde ba che// bcom ldan rdo rjes de gsungs so// de bzhin gshegs pa thams cad kyi sku dang / gsung dang / thugs kyi rdo rje can rdo rje bdud rtsi bde ba chen po rdo rje bdud rtsi rgyud chen po las/ sbyin sreg gi cho ga bstan pa zhes bya ba'i le'u bzhi pa'o// khyod la mig sman bshad par bya// tshol chen gyi ni snying po yi/ / ban da la ni dud pa blangs// 'ug pa'i mgo bo bsregs nas su// khrag chen dang ni bsres par bya// mtshan mo la ni btags nas su// zhib mor phye mar kho nar bya/ / bya rgod rje ngar bkang nas su// mi yi rus pa'i thur mang gis// mig la bskus nas gzugs kun gyi// rtag tu rnal 'byor pa yis byed// rdo rje bdud rtsi las byung ba'i// mig sman dngos grub sbyor ba ni// nag po'i tshes brgyad bcu bzhi la// b+ha ga'i dbus su bsgrub par bya// zhi ba dang ni rgyas pa dang // de bzhin dbang 'gugs las byed do// sna tshogs drag po'i gdon rnams dang / / zhag bzhi pa yi rims dang dug/ thams cad med par byed lha mo// dga' ma khyod la bden par bshad// rgyal po'i khab na chen por mchod// dgra bo rnams kyang zad byed de/ / de bzhin bgegs kyang 'gag par byed// mig sman ldan par bzla bar bya// oM 'dod pa'i gzugs can mig yangs ma// bshang gci khrag la dga' byed ma// zhal gsum phyag drug pa'i lha mo/ / drag po'i gzugs can mA ma kI// hUM hrIM hUM hUM/ oM aHa ha hUM swA hA/ dang po'i zhal ni nag po ste// de kho na bzhin g.yas ni dkar// g.yon ni dmar por de rig nas/ / g.yas phyogs ral gri 'khor lo can// g.yon du zhags pa dang lcags kyu// de bzhin rdo rje dril bu yang // b+ha ga'i dbus su bsgom byas te// de la mig sman bsgrub par bya/ / b+ha ga gur kum gyis bkang nas// phyi nas ling ga gzhug par bya// de la brjod par bya sngags ni// oM lig sku yig phye ba dang // badz+ra a mU ta zhes pa no// sgra sgrog sprir dang phaT yig go/ / bdud rtsi dang ni mnyam ldan pas// b+ha ga'i dbus nas dbyung bar bya// de la sngags 'bum bzlas nas su// de yis thig le kho nar bya// bud med kyis khyo 'khol 'gyur mdun nas don bcas rgyal po yang / / skyes pa gang gis de byas na// bud med gang la skal can 'gyur// rgyal po khab can chen por chod// dgra bo rnams ni zad byed do// dur du ra arka'i 'bras blangs te/ / bdud rtsi dang ni bsres byas na// zhal gsum drag po'i gzugs dang ni// gshin rje gshed khro bzlas nas su// sha chen dang ni ldan byas te// chang dang bsres la sbyin par bya/ / rtag tu myos nas 'khor nas su// mi ni bskams nas shi 'gyur ro// oM hrIMSh+T+rIHwi kr-i tA na na sarba sha trUM na sha ya/ stam b+ha ya/ mA ra ya hUM hUM phaT/ sngags pas gi'u wang blangs nas/ b+ha ga la ni yig 'bru bri// tsan dan gyis ni mnyam byugs nas// khyo dang lhan cig gnas par bya// gnas ma dag ni bde chen te// 'khor g.yog dngos par 'gyur bar ro// bshang gci gzugs brnyan byas nas su/ / sha chen gyis ni spos dbul te// dgra yi swa yis dkris byas nas// rus pa'i phye mas byug par bya// dgra sgor brkos nas sbas byas na// zhag bdun gyis ni shi 'gyur ro/ / bshang gci khrag dang bsres pa yi// sha chen gyis ni sbyin sreg bya// dur khrod kyi ni sreg shing yang // shing gcig pa dpal ma mngon/ oM som khung bris nas su// nyin phyed nam phyed sbyin sreg bya// khro chen gshin rje'i gshed po yi// sku la thal bas bsdus pas ni// bsgoms nas dgral cher gnon na// mngon mi za ba 'gyur ro/ / rdo rje bdud rtsi ba chen pos// bcom ldan rdo rjes de gsungs so// de bzhin gshegs pa thams cad kyi sku dang / gsung dang / thugs kyi rdo rjes mardo rje bdud rtsi bde ba chen po'i ngo bdud rtsi rgyud chen po las/ las chen po bstan pa zhes bya ba le'u lnga pa'o// rdo rje bdud rtsi rgyud rten las// dpal ldan rdo rje hUM mdzad kyi// sgrub pa mdor bsdus bshad / dkyil 'khor cho ga'i rim pa yang // de yi dkyil 'khor cho ga zhes// khams gsum nas rgyal las byung yin// grubazhi par ni thog gang ba ste// grA gang yang ni khru la// pra dkyil 'khor dang 'dra ba/ / 'od zer 'bar ba 'khrugs pa la// dpal ldan rdo rje hUM mdzad gzhag/ zhal gsum de bzhin phyug drug ste// rgyan thams cad kyis yongs rdzogs pa/ bya yis ni phyag brgyan pa/ / rig ma bani dang mnyam ldan pa// u ma'i sra ba'i nu mar bzhugs// cung zad mche ba gtsigs pa po// khro dang ldan par bzhad bye zhal// g.yas pa la ni mda' bris te/ / de kho na bzhin g.yon na gzhu// phyag bzhi pa ni bris pa la// phyag gnyis pas ni nu ma bsnams// rig ma thams cad zhal gsum ste// de bzhin sgo srungs lcags kyu dang // de bzhin me tog spos me ma/ / dri yang yang dag bri bar bya// sgeg mo 'phreng ba de bzhin dbyangs// gar mkhan ma yang phyag drug nyid// de bzhin gling bu ma bri ste// pi wang ma dang rnga chen ma// rdza ja ma dang sil snyan kun/ / dkyil 'khor la ni bri ba'o// rdo rje bdud rtsi rgyud chen las// skal ba bzang po yang bzhag ste// phyag gnyis pa la zhal gcig pa// bzang po de dag kho na'o// rgyan ni thams cad kyis brgyan pa// sgrub pa po yang mdun bri'o// bgrang 'phreng de bzhin rdo rje dang // dril bu 'dzin pa bri bar bya// gtor ma'i gtor ma mchod rdzas dang // chang skyems ro dang dga' ston mchod/ / nag po brgyad dang bcu bzhi la// dkyil 'khor la ni rdul tshon gdab// dbus su gru bzhi bri ba'o// gal te dngos grub mchog 'dod na// sngags yig gcig pa gtso bo ni/ / rdo rje hUM mdzad bsgrub par bya// phyi nas slob dpon la mchod pa// bdag gam rgyal srid dbang nyid dang // bran mo bu mo de bzhin du// ma dang sring mo dbul bar bya// sra gsung thugs kyi bsgrub pa yi/ / dngos grub gal te bdag 'dod na// khams gsum rnam rgyal las byung ni// sngags pas rtag tu bsgrub par bya// rdo rje sems dpa'i dkyil 'khor ni// kyi las Sh+TA / bdu kyi lda dang ma ldan pa/ so thams cad ma byed pa sa rlosastsogs byu rnam gyur pa da la 'byor ma'i/ / byang skyems rnam par sprul pa ga dus/ ldan gras dum rig sa da // dkyil 'kho du 'om bar bya// rtag pa dathus la rgya u0f7fso pa/ dpa' bo sngags laganas/ / bajam kha mas 'o byas nas// bdud ci lcag bonar byung // lhag pa yirnaMs sol// gnas de la ni Sh+Ta u0f7f/ ldang bar gyu na 'jig 'gyu sa/ yang 'jigs nA 'bras bu med// rig ma chen mos kyang phyung nas// rdo rje la yang 'o gdab bo// de'i sangs rgyas cing du 'brug/ khu ba'i gzugs can bdud can// rdo rje bdu rtsi bden bcom ldan rdo rdzas de gsungs so/ / de bzhin ga shegs pa sems cad kyi sku dang / gasma dang / thas gyir rkyen rdorje bdud rtsi bdebachen po 'ardo rje bad+ma kyi rgyums/ badzad kyi sgrub pa bstan pa zhes bya ba len drug pa'o// de nas m+ba mA nA mA Sh+Ta// dpa' rlom pa'i cher bzugs pas// thal po zhes byag byas nas// da bdi dag ni ched du 'arjod/ / dpa' bo chu myos ldan po'i bu// dpa' bo gzhan gyis yongs mnor zhing // phyag rgya mo tshogs mnyam ldan pa'i/ rdo rje bdun kyi bdag phyag 'tshal/ A nam mkha' dang 'dra ba/ nga ro bung ba sgra sgrog ltar// brgal bar bzhugs bskal bzang ba// rdo rje bdud rtsi bdag phyag 'tshal// thams cad mkhyen pa thams cad mdzes// yang dag dbang po las gyis ni/ / rdo rje bdud rtsi bdag phyag 'tshal// ma lus pa yi khams gsum la// rdo rje bdud rtsi dpe med pas// nyi shu rtsa bzhi rigs chen mo// shin tu chags pas dga' byed pa// sen mo rjes dang bcas pa'i sku// rdo rje bdud rtsi bdag phyag 'tshal// ut+pal sngon po'i 'dab ma lta bur phyag sngo ba// sangs rgyas de bzhin gshegs pa rdo rje khyod kyis bdag dang ni/ shin tu dga' ba'i rjes su chags pas longs spyod cig/ khams gsum la ni bsgrub par bya ba'i don gyi phyir// khyod ni skyon med dam pa'i stong pa las// yig 'brus rdo rjes gyur pa'i mgon po khyod/ / rgyu dang mi rgyu gang gis khyod mthong nas// de dag 'khor ba ru ni ga la 'gro// de ltar dbyangs ni blangs nas su// rdo rje gar ni rnam par byed// rked pa dang ni rkang pa dang // dpung pa dang ni mgo bo'i gar/ / gar gyi gzhung gi mtshan nyid do// rjes thabs rjes su rim pa bstod pa dang ni 'gying bag ste// rgyas dang 'dud dang gsal po ru// rgyas pa dang ni smin bskyod ga lag pa'i phyag rgya sbyor ba yis/ / stobs brgyad kyis ni gar byed bya// rgyas pa'i pad+ma mA ma kI// gar byas nas ni lha mo des// rdo rje bcing gis rdo rje ni// rdo rje be con po btang byed// de nas bcom ldan rdo rjes kyang / / 'o btab mA ma kI pad+mar// nyon cig lha mo pad+ma ni// de la mchod pa brtsam par bya// bzhugs shig mi g.yo bar rig mo// bdud rtsi bsam gtan brtsam par bgyi/ / de bzhin nyid mchog brtsam pa ni// bdud rtsi thig le'i gzugs can te// mkha' yi dbus su zla ba 'dra// stong pa de nyid ched du brjod// 'jigs med zad med/ phra mo ni// rdo rje sems dpa' 'joms byed pa// lte ba'i dbus su gnas lha mo// snying po gsang ba'i spyod yul la// khu ba'i gzugs kyis zags nas su// b+ha ga ling ga'i dkyil du gnas// 'di ni srog chags rnams kyi srog/ rnam par shes pa'i phung po brten// sangs rgyas de bzhin rdo rje 'dzin// tshangs pa khyab 'jug dbang phyug che// sa dang chu dang de bzhin me// rlung dang nam mkha' lo na yang / / g.yo dang mi g.yo sna tshogs pa'i// khams gsum la ni ma lus par// de ni bdag gis rtag tu bsam// de las bskyed de bdag dang khyod// tshangs pa lha dbang khyab 'jug sogs// byang chub sems dpa' de bzhin gshegs/ / shes bya shes pa'i bdag nyid gtso// de nyid dam pa de bsam mo// skye ba dang ni shi ba dang // thams cad de la 'dus pa yin// skyed pa byed pa po de gcig/ rang bdag gyur pa lhan cig pa// thams cad mkhyen pa kun nas kun// zhi nas zhi ba khyab pa po// ci phyir khang pa de bkang bas// de bas skyes bur bshad pa yin// lus la gnas phyir lus can te// shes byed phyir na shes par 'dod// bdag la bdag gis rig pa'i lha// de phyir lha zhes 'dod pa yin// 'jug las khyab 'jug ces gsungs te// ngag gis rdo rje 'dzin du 'gyur// ston du med pa gsang ba 'di/ / nan tan du ni gsang bar bya// skyon can min dang g.yon can min// dam tshig la ni mi sdang ba// chad par lta ba med pa la// bla ma la chags 'dul ba can// phrag dog chags pa spong byed pa// dkyil 'khor la ni zhugs pa dang // rdo rje bstan pa'i slob ma dag/ de la rgyas pa'i bstan pa 'di// de bzhin nyid mchog bshad par bya// slob dpon rig ma dang ldan nas// de la dbang bskur sbyin par bya// rdorje bdud rtsi bde chen po// bcom ldan rdo rjes de gsungs so// de bzhin gshegs pa thams cad kyi sku dang / gsung dang / thugs kyi rdo rje can rdo rje bdud rtsi bde ba chen po'i rdo rje tu kyi rgyud chen po las dbyangs dang / gar dang / dbang bskur ba dang / de bzhin nyid cher dmigs pa dag bstan pa zhes bya ba le'u bdun pa'o// // de nas lha mo yang langs nas/ bzhad nas 'di dag zhu ba ste/ / bcom ldan 'di la the tsom zos// dam pa'i ngo mtshar bdag bskyed de// zhi gzugs rdo rje can de las// khro bo'i gzugs ni ji ltar 'gyur// de nas bcom ldan rdo rje can// rdo rje bdud rtsi bde chen pos/ / rdo rje pad+ma mnyam sbyor te// khro bo'i gzugs ni rnam par phyung // 'bar ba'i 'phreng 'khrugs drag po can// 'jigs byed la yang 'jigs par byed// zhal bzhi la ni phyag brgyad de/ / thod pa'i dbu rgyan 'jigs par brgyan// kha T+wAM ga dang mgo bsnams te// thod pa dang ni khrag dga' ba// gtum po rgyu ma'i 'phreng 'khrugs pa// rig ma brgyad kyis yong su bskor/ / dur khrod chen po bzhir bzhugs pa// phaT yig sngags kyi nga ro can// 'byung po ro langs tshogs pa dang // dur khrod la ni rol mdzad pas// de 'og dbang dang bcas pa'i lha// tshangs pa khyab 'jug dbang phyug che// bza' byed rdo rje can chen mo// dpal ldan khrag 'thung gzugs ni phyung // dang po'i rig ma 'jigs can ma// mi sdug gdol pa sme sha can// ser mo rigs can drag mo dang / / 'jigs par byed ma brgyad du 'dod// sngags 'di dag ni bzla byas te// gar yang byed nas dbyangs blang ngo // 'jigs byed chen po mche ba gtsigs// rgyu ma 'phreng gi rgyan skud brgyan// sha chen dag ni gsol byed pa// dpal ldan khrag 'thung bdag phyag 'tshal// sgrub pa po rnams phan byed phyir// bzlas pa'i sngags ni bshad par bya// gsum pa yi ni gsum pa la// bdun pa yi ni bzhi pa sbyor/ / bdun pa yi yang gsum pa ste// gnyis kyi tshig ni gnyis su sbyor// kun la de bzhin nyid ldan te// yi ge phyed kyis rnam par brgyan// drug pa'i bzhi pa byung byas te/ bdun pa'i dang pos gdan du bya// bcu gsum pa yis steng gnon pa'i// swA hA mthar bzhag sngags ni phyung // dang po rnam par snang mdzad dbul// khrag 'thung rtsa ba'i sngags yin no// sngags kyi rgyal po 'di nyid kyi/ / mthu chen nyon cig mA ra kI// lan cig tsam gyis sngags bzlas nas// skad cig 'jig rten gsum 'jig go// khams gsum ma lus pa rnams kyang // zos par byed par the tsom med/ / de yis 'dod pa thams cad sbyin// dpal ldan khrag 'thung mnyam 'gyur ro// rdo rje bdud rtsi bde chen po// bcom ldan rdo rjes de gsungs so// de bzhin gshegs pa thams cad kyi sku dang / gsung dang / thugs kyi rdo rje can rdo rje bdud rtsi bde ba chen po'i rdo rje bdud rtsi rgyud chen po las/ dpal ldan khrag 'thung bskyed pa bstan pa zhes bya ba le'u brgyad pa'o// / de nas bdud rtsi 'khyil ba yi// gzugs ni yang dag bshad par bya// zhal gsum pa la phyag drug ste// drag po nag po dud pa'i 'od// 'od zer 'phreng ba 'khrugs pa dang / gtun mos spyan ni dmar po can// dmar ba'i smin ma ag tshoms 'bar// drag chen po ni zil gyis gnon// phyag na dgra sta bsnams brtson pa// gtun shing rdo rje zhags pa dang / g.yon gyi phyag gi sdigs mdzub kyis// sdang ba thams cad bsdigs par byed// ral gri phyag mtshan bsgom par bya// rig ma brgyad dang mnyam ldan zhing // sgo srungs dang yang yang dag ldan/ gsang ba'i pad+ma bsgom byas te// 'dab mar rig ma brgyad ni bkod// bdud rtsi ma dang bdud rtsi zhal// bdud rtsi can dang bdud rtsi spyan// grangs med ma dang gzugs bzang ma// mdzes pa'i gzugs can bde grub ma/ / thams cad zhal gsum phyag drug ste// phyogs dang mtshams la dgod par bya// phyag gis pad+ma bsnams par brtson// de dag lha mo gar byed nas/ / sna tshogs gzugs rnams mchog sbyin ma// bzhad cing rol bar mdzad byed do// sngags kyi rgyal po dbyung bar bya// rnam par snang mdzad yang 'bul nas// tshig 'di yis ni yongs su dgang / / dang po yi ni gnyis pa ste// stong pa nyid ni gdan ldan pa// stong pas steng nas gnon pa'i sngags// mtha' nas swA hA sbyor byed do// gtan du shin tu dga' 'byor nas// bdud rtsi bdud rtsi phyung nas su/ / bdud rtsi bdud rtsi sbyor ba yis// bdud rtsi 'khyil ba bsgrub par bya// don kun dngos grub thams cad kyang // de yis myur bar sgrub par 'gyur// pho 'am gal te mo dag gis// bdud rtsi 'khyil ba dran byed na/ / rgyu dang mi rgyu'i 'jig rten gsum// de yi phyag mthil la kun gnas// rdo rje bdud rtsi bde chen po// dus rtag par ni bsgom par bya// de bzhin gshegs pa thams cad kyisku dang / gsung dang / thugs kyi rdo rje can rdo rje bdud rtsi bde ba chen po'i rdo rje bdud rtsi rgyud chen po las/ dpal bdud rtsi 'khyil ba 'byung ba zhes bya ba le'u dgu pa'o// de nas ro langs chen po yi// sgrub pa gzhan yang bshad par bya// nag po'i tshes brgyad bcu bzhi la// ling ga gcig dang lam mdo dang // shing gcig dang ni dur khrod dang // ri dang chu 'gram de rnams la// las thams cad ni bsgrub bya ste// de bzhin ro langs slong ba ni// 'gags nas shi ba mo rnams ni// mtshan thams cad ni kun rdzogs pa// gdol pa ma dang sme sha car// khyim chos ma rnams de dag ni// mdzes pa bzang ba rma med pa// sum cu rtsa gnyis bsngags pa ste// lo ni nyi shu rtsa lnga bskyed// bud med ro li sgra bzung ste// gtsang ba'i chu yis bkru bar bya// sngags dang sman gyi rdo leb la/ ga pur tsan dan dkar po yis/ / de la byug par bu byas te// sna tshogs me tog spos rnams kyis// mchod cing gtor ma dbul bar bya// mar khu chen pos bskus nas su// yung dkar ngo la brgyag par bya/ / khrag 'thung zhes bya'i sgrub pa pos// de la dkyil 'khor yang bri ste// thod pa zhes bya zla gam mam// gzhu yi tshul gyis bkang bar bya// thod pas nye bar rgyar byed cing // rim pa brgyad dang ldan par bya/ / sha yi khams can thod pa dbang // kha T+wAM thams cad kyis 'dzin te// zhal gsum pa la drag po'i gzugs// phyag drug ral gri phyag na 'dzin// dkyil 'khor de yi phyi rol du/ sgo srungs ma ni rab tu brtags// glang rna dang ni glang cher rna// zhal mdzes de bzhin zhal gdug ma// drag mo zhags pa lcags kyu 'dzin// mi sdug 'jigs pas 'jig byed rnams/ zhal gcig pa la phyag gnyis so// me tog mchod pa yang dag bri// rnam pa sna tshogs rim pa yang // dkyil 'khor la ni mchod pa bri// de nas dpa' bo sgrub pa pos// dung chen gyis ni brgyan byas pa/ / thod pa'i 'phreng thod bcings pa yi// khrag 'thung gzugs ni sgom byed pas// de la cang te'u brdungs nas su// gar byed cing ni khang par 'jug/ de yi snying khar mnan pa'i sngags/ / b+h+yo yig de la bzla bya ste// lha yi dkyil 'khor mchod nas su// khrag chen gyis ni gtor bar bya// dpal ldan khrag 'thung sngags chen ni// sgrub pa pos ni bzlas ma thag/ khro dang ldan pa'i ag btsar bya// ro langs kyis ni gang sgrogs byed// de tshe sngags pas mi 'jigs te// khrag 'thung sngags ni dran par bya// langs pa'i ro langs de yis kyang // sgrub pa po la 'di skad smras/ / dpa' chen po kye las gang yang // bdag la bka' stsol rdo rje can// ral gri mig sman sa 'og dang // mkha' la rgyu bar 'dod pa dag/ sgrub pa pos ni gang 'dod pa// las de dag ri grub par bgyi/ / de nas sgrub pa po la ni// yid la gang dang gang 'dod bslang // de ltar thams cad bsgrub bya ba// rgyas pa'i pad+ma mA ma kI// ro langs sgrub pa'i mchog gyur pa// rdo rje bdud rtsi las byung yin/ / sku gsung thugs kyi bsgrub don du// sgrub pa po yi bde yang 'dren// rdo rje bdud rtsi bde chen po// bcom ldan rdo rjes de gsungs so// de bzhin gshegs pa thams cad kyi sku dang gsung dang / thugs kyi rdo rje can rdo rje bdud rtsi bde ba chen po'i rdo rje bdud rtsi rgyud chen po las/ ro langs sgrub pa bstan pa zhes bya ba le'u bcu pa'o// / de nas bcom ldan rdo rje can/ / rdo rje bdud rtsi bde chen pos// rdo rje pad+ma mnyam sbyor te// cang mi gsung bar cher bzhugs so// dbugs dgag phyir nas mi g.yo nas// mi 'jigs pa dang mi gsung bar// ting 'dzin mchog la bzhugs pa la/ / mA ma kIs ni yang zhus te// bcom ldan rdo rje phra mo ni// sems can kun gyi yid la gnas// ji ltar rnam pa gang gis ni// de bzhin nyid de thob par bgyi// de nas bcom ldan rdo rje can/ / rdo rje bdud rtsi bde chen pos// bzhad pa mdzad nas gsung 'di ni// spyan yang phye nas bka' stsal pa// de nyid sngon bzhin bshad pa ste// bdud rtsi gzugs ni khu ba yin// bdud rtsi lnga dang ldan byas te/ / rtag par rgyun du myang bar bya// rdzas ni re re'i mthu dag ni// bshad pa nyon cig mA ma kI// ye shes shes bya sgrub byed pa'i// khu ba dngas par bza' bar bya// sku gsung thug kyi bsgrub don du/ / khrag chen rab tu bsgrub bya ste// gang zhe bud med rnams kyi 'am// bu mo yi ni rtag tu blang // khrag chen de ni mA ma kI// don ni thams cad byed pa po// drag shul shi pa rnyed na ni// sha chen po yang bza' bya ste// gsal shing btsugs dang 'gegs pa 'am// g.yul du bsad pa gang de ni// zab cing brtan pas za byed na// tshe dang nad med 'phel bar 'gyur// de bzhin 'dod/ pa'i bde ba dang // sangs rgyas byang chub grub pa dang // rdo rje sems dpa' bzhin du 'tsho// 'dod kun 'bras bu des sbyin no// rdo rje chu dang bshang gci ni// rang gis bza' bar rig par bya// phye ma zhib mor byas pa la// khrag chen gyis ni bsre bar bya// snga dro de bzhin nyin phyed dang // phyi dro la ni bza' bar bya// dus gsum zos nas rnal 'byor pas// de nas rdo rje chu ni btung / / nyin dang nyin du mA ma kI// sgrub pa po gang sgrub byed pa// lus la nad ni med 'gyur zhing // rgas pa'i nad kyang med par byed// skal bzang rgyas pa'i mdangs ldan pa// rgyal po'i sgor yang rgyal bar 'dren// des na 'dod pa kun sbyin pas// mchog rab de nyid thob pa yin// rnal 'byor de yang kun shes te// rdo rje sems dpa'i yon tan ldan// 'dod chags zhe sdang las grol nas/ / brkam pa phrag dog rnam spangs nas// rdo rje bdud rtsi bde chen po// de yis sgrub pa 'grub pa'o// rdo rje bdud rtsi rgyud 'di ni// don mang gsang ba'i rim pa can// ma lus rdo rje theg pa 'di/ / 'di las byung gyur lha mo kye// rgyas pa'i pad+ma mA ma kIs// 'dod chags kyi ni bde 'gyur bas// khyod la dam pa'i dngos bstan na// bdag gis gang la yang mi ston// 'di ni gsang chen dam pa yin/ / yid dag kun gyi bdag la gnas// byang chub sems dpa' ma shes te// gzugs med stong par mi 'gyur bas// de na de nyid rig chen po// rdo rje spyi gtsug nor bu 'dod// shin tu gsang nas gzungs lha mo// pha dang bu la'ang bstan mi bya// gal te dngos grub mchog 'dod na// gdan du gsang ba bstan pa dang // bla ma la chags brtul zhugs bstan// de la sbyin nas de nyid bstan/ / rdo rje bdud rtsi rgyud 'di ni// bde 'grub shin tu thob dka' ba// yang dag rdzogs pas skal bzang zhing // snying po ye shes 'dus pa yin// rdo rje bdud rtsi rgyud chen las/ sgrub pa po gang dbang bskur ba/ / sangs rgyas byang chub sems rnams kyi// de la kun gyis phyag byed de// phyag ni lan gsum byas nas su// rdo rje slob dpon skal bzang mchog/ de nyid sems can thams kyi/ / 'khor ba las 'dren gtso zhes gsungs// rdo rje bdud rtsi bde chen po// bcom ldan rdo rjes de gsungs so// rdo rje bdud rtsi rgyud chen po// ston pas dga' ma la bstan nas// phra mo'i gzugs su rdo rje can/ / de nas b+ha ga cher bzhugs so// de bzhin gshegs pa thams cad kyi sku dang / gsung dang / thugs kyi rdo rje can rdo rje bdud rtsi bde ba chen po'i rdo rje bdud rtsi rgyud chen po las/ bdud rtsi lnga sgrub pa'i thabs bstan pa zhes bya ba'i le'u ste bcu gcig pa rdzogs so/ / rdo rje bdud rtsi'i rgyud lo tsab gyi co d+hU ba'i 'od zer gyis bsgyur cing nus te gtan la phab pa'o//

CLOSE WINDOW