sI ti dz+nyA na kirti sa gsar du bsgyur te bshad cing gtan la phab pa'o// / rgya gar skad du/ ShA ko tang sha/ bod skad du dbang ma bstan pa/ dpal rdo rje sems dpa' la phyag 'tshal lo// zla ba bzang pos gsol pa// stor pa dbang bskur rnam bdun dang // rnam gsum de bzhin bla na med// 'jig rten 'das pa'i dngos grub phyir/ / mdor bsdus pa yis bdag la gsungs// bcom ldan 'das kyis bka' stsal pa// nyon cig zla bzang dbang bskur don// rnam pa bdun dang rnam gsum mchog/ rtsa yi kun spyod rtsol ba ni/ / mdor bstan pa yis khyod la bshad// rgyud du mdor bstan rnam gsum dang // rgyas par bshad pa rnam gsum 'gyur// rab tu mdor bstan mdor bstan che/ / rab tu rgyas par bshad pa gzhan// mdor bstan rgyas par bshad pa nyid// rgyud yang dag par bsdus par brjod// rab tu mdor bstan rgyas bshad pa// bka' 'grel tshig ni 'byed pa'o/ / mdor bstan chen po rgyas bshad pa// 'grel ba bang thams cad don ston byed// de ni mngon shes thob rnams kyis// bya yi mkhas rnams kyis min nyid// de ltar mtha' drug rnams kyis dag/ rdo rje rnal 'byor rnam pa zhi dang // rdzogs pa'i byang chub bzhi rnams dang // phung khams skye mched rigs drug rnams// dag pa 'jig rten khams la sos/ le'u lngar ni 'dod rnams kyis// bden gnyis dang po'i sangs rgyas 'gyur// dus kyi 'khor lo mngon rjod byed// dang por dbang bskur bdun po gang // byis pa rnams ni gzhug pa'i phyir// rnam gsum 'jig rten kun rdzob kyis// dam pa'i don gyis bzhi pa'o// bden pa gnyis kyi chos rnams kyi// rdo rje can dag gis bstar ba// 'jig rten kun rdzob bden pa dang // dam pa'i dor gyi bder pas so// chu dang cod pan dar dbyangs dang // rdo rje'i dril bu btul zhugs che// ming dang rjes gnang yang dag ldan// dbang bskur rnam bdur lo yi bdag/ lus ngag/ sems ni legs dag pa// mngon par dbang bskur gnyis gnyis so// rjes gnang ye shes yang dag dag/ gzhan pa khams sogs dag pa las// chu ni khams kyi dag pa ste// cod pan phung po rnam sbyong byed/ / dar dpyangs pha rol phyin pa dag/ rdo rje dril bu mi 'gyur che// sangs rgyas skad rgyun ma 'chad pa// nyi zla gcig tu dag par byed// yul dang dbang po legs dag pa/ 'pho med rdo rje'i brtul zhugs 'gyur// ming ni byams sogs yang dag dag/ rjes gnang sangs rgyas nyid dag byed// dbang bskur bdun po 'di rnams ni// dkyil 'khor bzhengs nas sbyin par bum pa gsang ba'i dbang bskur dang / / shes rab ye shes mngon rjod pa// slar yang shes rab chen po nyid// de yi ye shes mngon rjod byed// 'gyur dang 'gyur dang de nas 'dzag/ de ras gzhan yang mi 'dzag pa'o/ / lus ngag sems ni legs dag pas// dbang bskur gsum po rim pa yis// bzhi pa ye shes yang dag dag/ lus ngag sems ni dag par byed// byis pa dar ma de nas rgar/ / bzhi pa skye dgu'i bdag po'o// shes rab nu mar yan lag ni// reg pas byang chub sems 'pho'i bde// 'o ma 'dzin pas dbang bskur ba// gang las bde thob de byis pa'o/ / yun ring gsang bar spros las skyes// byang chub sems ni 'pho ba'i bde// gsang ba'i dbang bskur gsang ba ni// gang las bde thob de dar ma// yun ring gsang bar spros las skyes/ / rdo rje'i rtse mor g.yo ba'i bde// shes rab ye shes dbang bskur ba// gang las g.yo ba'i bgrod de rgar// phyag rgya chen po rjes chags las/ / skyes pa g.yo med bde ba ni// shes rab chen po'i dbang bskur ba// gang las g.yo med rtogs pa de// skye dgu'i bdag por rnam shes bya// skyob pa thams cad skyed mdzad pa/ rdo rje sems dpa' sems dpa' che// byang sems gnyis med mi 'gyur ba// 'di ni dam tshig sems dpar 'gyur// rdo rje rnal 'byor rnam pa bzhi// dus kyi 'khor lo 'dir bshad pa/ rnal 'byor pa yi thar ster byed// 'di nyid kyi ni bsgrub pa bya// rab gsal bsam gyis mi khyab pa'i// du sogs mtshan ma de rnams kyis// shes rab gzugs brnyan nam mkha' mnyam/ / yod dang med las rnam par 'das// rang gi sems kyi rkyen gyi don// rdul phran las skyes tshogs pa rnams// kun nas yongs su dor ba yis// du ba sdig rgyu mkha' snang dang / / sgron ma 'bar ba zla nyi ma// mum can cha dang thig le che// sna tshogs gzugs brnyan 'od gsal ba// bka' dang ma bkab mig dag gis// stong par 'di ni rjes bcas min/ / rmi lam bzhin du gzugs mthong 'gyur// rtag tu gzugs de bsgom par bya// dngos med gzugs la sgom pa de// rnal 'byor pa yi sgom ma yin// ngoso bo dngos med sems kyi min/ / stong par ma brtags mthong phyir ro// ji ltar pra bab me long la// gzhon nu mas mthong dngos med skyes// de bzhin 'das dang ma 'ongs chos// mkha' la de nyid rnal 'byor pas/ / 'di la dngos po dngos med 'gyur// dngos po stong pa'i don mthong phyir// dngos po dngos med don yod pa// sgyu ma rmi lam mig 'khrul bzhin / med pa'i chos can dag la chos// skye ba 'di ni rab tu mthong // yid bzhin nor ltar mtha' yas pa'i// sems can bsam pa yongs rdzogs byed// pra phab pa yi gzhon nu mas// ma mthong ba yi rkur po mthong / / nyi tshe bo yi mig dag gis// song nas sgrub pa po yis mthong // gal te yod pa'i gzugs mthong na// rang gi gdod pa cis mi mthong // gal te med pa gzugs mthong na/ / ri bong rA ni ji ltar min// gzhan gyi mig gis mi mthong zhing // rang gi mig gis mthong min pa// skye ba med pa mthong ba ni// gzhon nu ma yi bu ji bzhin// gzugs brnyan mthong na de nas ni/ / bar ma chad par srog rtsol bya// steng 'og rtsa gsum po rnams la// lus ngag sems ni 'gog pa las// zla nyid sgra gcan bshang gci dang // khu ba 'bab pa'i lam rnams su/ / chu me stong pa sa rlung dang // ye shes khams rnams skyes rnams la// gang zhig zla nyi mun car dang // bshang gci khu ba 'bab ma rnams// srog dang thur sel rim pa las/ / lus ngag sems kyi rtsa rnams so// zla ba thabs kyi sku yin te// nyin mor byed pa shes rab gsung // shes rab sku ni bshang ba'i rtsa/ gci ba 'bab ma gtso bo'i gsung // steng 'og zugs kyi rtsa gnyis dag/ mun can khu ba 'bab ma'o// thabs kyi thugs ni mun pa can// khu ba 'bab ma shes rab kyi// steng 'og rigs drug 'di rnams ni/ / sku gsung thugs kyi rnal 'byor las// shes rab thabs dngos yan lag gis// lus can kun la yang dag gnas// 'chi ltas lus ngag rtsa ngag la/ / steng 'og lhag pa'i drung rnams kyis// mun can khu ba 'bab ma la// skye ba dang ni 'chi ba gnas// skye dang 'amingang 'khrig pa yi// dus su khu ba 'bab pa'o// mun can ma yang steng du 'bab// nyi ma'i 'pho ba mnyam pa las// dus sbyor 'char ba'i mngon mtshams su// dbu ma nas ni mnyam pa 'bab// rkang pa dang bcas lnga bcu drug/ 'byung ba 'jug pa'o ma yi byangag/ / bduman+t+ra rtsa lnga lhag pa yi// drug brgya nyin dang mtshan la'o// drug brgya rnams kyis lhag pa yi// stong phrag nyi shu rtsa gcig go// 'di yis dman pa de rnams/ / g.yon dang g.yas pa'i rtsar 'bab bo// phyogs gsum dang bcas lo gsum rnams// lo brgyarnams las dbu ma'o// steng du g.yon g.yas blasim// brgyang lug dang ser skya gzhan/ / chu dang me yi rlung bzhin can// pad+ma rin chen 'dzin 'dod pa// 'og tu bshang gci 'bab pa dgra/ sa dang rlung gi rang bzhin can// dbu ma'i rtsa dang g.yon pa yang / / 'khor lo ral gri 'dzin par 'dod// steng dang 'og tu dbu ma g.yas// sgra gcan khu ba rab 'bab pa// stong pa ye shes rang bzhin can// rdo rje rdo rje 'dzin par 'dod zla ba'i lam gyis bshang ba'i rtsa/ / nyi mas gci ba 'bab pa ste// skye 'chi mnyam pa chags pa la// sgra gcan khu ba rab tu 'bab// lte ba'i steng du kun 'dar ma// gang de yid bzang mun pa 'bab/ / 'og tu khu ba 'bab gang de// mkha' 'gro gdong dang dung can ma// lte ba'i chu skyes snying mgrin dang // dpral ba gtsug tor 'dam skyes la// sa chu me rlung stong pa rnams// rab tu 'bab pa sdud pa yis// 'byung 'gyur de ni 'jug pa dag/ bskyed pas 'jug ste sa la'o// lte ba nas ni lte ba'i dbus// a ba d+hA tIr 'gro dang 'ong // lce gsang nor bu'i chu skyes la/ / lus ngag sems rnams 'bab pa ni// 'byung dang de ni 'jug pa dag/ sdud dang skyed pa'i rang bzhin can// dung can skye bo thams cad kyi// thur sel rlung ni 'bab pa'o// 'di rnams bud med bde ba las// khu ba khrag 'bab dus dag tu// shes rab thabs dngos yan lag gis// steng du g.yas dang g.yon dag dang // 'og tu bshang gci 'bab pa dang / / rdul dang khu ba 'bab pa dag/ rdul 'bab phyir de gtum mo ste// khu ba 'bad phyir mkha' 'gro gdong // steng du brjod dus bud med kyis// g.yung me skyes bu'i kun 'dar ma/ / rnam shes la sogs dkyil 'khor lnga// rtag tu g.yon pa'i rtsa la'o// sa sogs g.yas pa'i rdul ste// dbus su drug pa 'bab pa'o// tsA ba'i pad+ma'i 'dab ma la/ / dkyil 'khor drug cu rnams rim bzhin// g.yon dang g.yas pa'i dus sbyor ni// lug sogs glang la sogs pa la// rtsa ba g.yon dang de nas g.yas// steng dang dbus su rim pas rlung // sa sogs dkyil 'khor re re zhing // dbyug gus sna bug dag la'o// rim pas chu tshed 'bab pa ni// drug cu dang bcas sum brgya'i dbug/ brgya phrag bco brgyad dbugs de rnams// chu tshod lngar ni 'bab pa'o// chu tshod drug cu nyin mtshan du// lus la dkyil 'khor rnams zhes pa'o// 'dang ma'i dbus dang de nas sha ra/ / g.yas g.yon gzhan du rim pa yis// g.yon par rtag tu nam mkha' sogs// g.yas par sa sogs gzhan las so// g.yon par rnam shes sogs 'byung ba/ / g.yas par sa sogs sdud pa'o// nub dang shar du 'dzin ma rlung // phan tshun shes rab thabs yin te// mthe bong ming med dag gis ni// gang phyir kha la dbang bslu ba/ / g.yas dang g.yon du me dang chu// phan tshun shes rab thabs yin te// gung mo mdzub mo gnyis dag gis// gang phyir ral grir 'gyur ba'o// zla phyed rnam pa'i phyag rgya ni// mche ba gri gug mthe'u chung ste/ / stong pa mi 'gyur steng 'og tu// phan tshun thabs dang shes rab bo// dkyil 'khor bcu po yang dag sbyor// sor mo rnams ni phan tshun du// mgo bor lag mthil sbyar ba la/ / gri gug dang bcas rtse gcig go// dbu ma'i rtsa la mnyam pa de// skyed dang sdud pa'i byed pa po// phung po khams dang rdo rje gsum// gcig nyid dbu mar son pa na'o// zla ba nyi ma'i rtsa 'gags na// bshang ba gci ba'i rtsa 'gag go// sgra gcan rtswa ni 'gags pa na// 'og tu khu ba 'bab 'gag 'gyur// sbed dang sdud pa'i byed pa can// 'di rnams grol na grol bar 'gyur/ / srog dang thur sel lam gsum gyis// 'di ni rtsa yi kun spyod do// g.yon pa 'am ni g.yas pa la// mtshan mo gcig dang de bzhin lngar// lhag pa'i rlung ni rab 'bab pa/ / de las lo gsum na 'chi'o// g.yas pa nyi ma'i 'chi ltas la// lnga dang phyogs tshes nyi shu dang // de nyid gcig lhag gzhan rim pas// nyin zhag sum cu gsum rgyu na/ / gsum gnyis gcig lo zla ba ni// drug gsum zung zla nyin zhag tshes// phyogs lnga yon tan gnyis gcig gis// lus can rnams kyi tshe 'gro bo// rtsa ba nas gcig lag pa yis/ g.yon par dra ba'i rgyu bar 'gyur// nyi zla nyi ma nag zla ba drug/ nyin zhag gsum rnams thu ba gsum// nyin+da la 'chi ltas zla bar dge/ 'phel 'grib de nas 'di dag la/ dbu ma'i 'chi ba'i rgyu ba ni// lo brgya yongs su rdzogs pa yis// mnyam dang mi mnyam nyin zhag rnams// skye bar skyes pa'i dkyil 'khor gyis// de rgyu g.yas dang g.yon la yang // phyogs gnyis rnam par nyams pa las// gzhan du 'chi bar mi 'gyur te// phyogs gnyis yang dag gnas pa na// g.yas dang g.yon pa'i kun spyod dang // dkyil 'khor lnga rnams 'bab/ pa'i phyir// 'chi ltas mtshan nyid shes nas ni// srog ni thig ler gzhug par bya// a ba d+hU tI'i zhabs brten nas// mchog tu mi 'gyur bsgom par bya// rtag tu rdo rje bslang bar bya// zla nyi'i bgrod pa 'joms pa las// gzhan du kun 'dar yan lag la// srog gi rlung ni 'jug pa med// 'og tu'ang dung can ma thur sel// de ma zhugs las 'chi ba'o// 'chi ltas slu ba rnal 'byor pa'i/ / 'di ni dga' ba rnams kyis 'gyur// mgo bo'i pad+mar gtsug tor las// khu ba 'ongs pa dga' ba ste// mgrin pa snying khar mchog dga' 'o// dga' bral dga' ba de nas 'gyur/ / sna tshogs dga' ba lte ba dang // gsang ba'i pad+mar gang 'ongs pa'o// gsang nas rdo rje nor bu'i bar// lhan cig skyes dga' mi 'pho ba// rab gnas/ / mya ngan 'das pa min// chags chen mi 'gyur khyab bdag po// 'dod chags bral las 'pho med bde// de ni mya ngan 'das rab gnas// khu ba zla 'char gtsug tor du// rdzogs pa'i gsang ba'i mtsho skyes la/ / bcu drug cha gang de nor bu'i// pad+mar rdo rje'i rtse mor gnas// de steng 'pho ba'i dus su 'gyur// nag po'i tshes gcig 'ongs pa na// 'dod chags bral bas gnam stong la/ / nyi ma mdzod spu'i gnas su 'gro// de yi cha shas bcu drug la// gtsug tor pad+mar son pa'o// zla ba nyams pa zhes brjod do// chags pa'i bde la chags bral phyir/ lus can thams cad 'chi ba na// zla ba bdud rtsi'i 'og tu 'gro// steng du zhim rdul sgra gcan// rnam shes dngos po'i mtshan nyid la// de phyir zla ba bdud rtsi ni// steng du bgrod bya mi yi bdag/ 'og tu nyi ma rdul sgra gcan// rnam shes 'gyur med bde ba la// sangs rgyas kun gyi mdzod spu yi// pad+mar zla ba bdud rtsi nya// nyi rdul gnam stong gsang bar te// gtsug tor nor bur de dag go/ / zhes pa ston pa'i rdo rje'i tshig/ lus can kun gyi phyin ci log/ rab gnas mya ngan 'das pa min// khams rnams phyin ci log tu 'gyur// nor bur thugs dang gsang bar gsung / / lte bar su ste bde cher las// chos dang longs spyod rdzogs sprul pa// 'di rnams dag pa'i sku las spro// thabs kyi 'og tu rgyal po'i dbang // shes rab kyi ni steng du 'gyur// 'dri yi dpral bar sku rdo rje/ / mgrin snying lte ba'i 'dam skyes la// gsung thugs ye shes rdo rje rnams// sprul pa la sogs 'di rnams s+ho// phung po khams sogs spro ba ni/ / sgrib pa med pa'i bde ba las// las kyi phyag rgya'i snyoms 'jug dang // ye shes phyag rgya'i dmigs pa dang // phyag rgya chen po gcig sbyor bas// mi 'gyur ba de 'phel bar 'gyur// 'phel ba'i 'phel bar 'gyur ba med// nyams pa'i nyams pa nyid kyang med// nub pa de yi nub pa med// 'char ba yi na 'char ba med// rab tu gsal ba'i rab gsal med// bkab pa'i bkab pa yang med do// skye ba'i skye bar 'gyur nying med// 'chi ba'i 'chi ba yang med do// grol ba'i grol bar 'gyur ba'ang med// mi gnas pa yi mi gnas med// dngos po med pa'i dngos med med/ / dngos po'i dngos po nyid kyang med// 'gyur ba'i 'gyur bar 'gyur ba'ang med// mi 'gyur ba'i yang mi 'gyur med// rang bzhin med pa'i chos rnams kyi// skye 'jig sgyu ma de bzhin no/ / 'byung rnams 'jig par 'gyur min te// rang bzhin nyid kyis skye mi 'gyur// sna tshogs 'di ni rang bzhin med// dngos po dngos med mtshan nyid gcig/ rang gi shes rab la 'khrud sems/ / rdo rje nor bu'i pad+mar son// der son zla ba g.yo ba dang // mi g.yo ba dang mi 'gyur sgom// lus ngag sems kyi rtsa rnams su// sku gsung thugs rnams sgom pa ste/ / rdo rje gsum rnams legs bsdus pa// ye shes dung can mar sgom pa'o// shes rab chags pas zhu ba yi// thig le rim pas mgo bo las// rdzogs pa'i gnas su zhugs rnams kyang / / 'ching ba dam pa'i don gyis so// ji ltar zla shar rim pa yis// cha rnams kyis ni rdzogs par 'gyur// grib ma nyams pa rdzogs pa ste// zla ba chang dang rdzogs pa min/ / de bzhin ye shes shar rim pas// sa rnams kyis ni rdzogs par 'gyur// nyon mongs la sogs nyams pa rdzogs// ye shes chad dang rdzogs pa min// ji ltar ri bong mtshan mas dbus/ / rdzogs par ri bong can mi gnas// de bzhin 'gyur med bde bar sems// 'khor ba'i bag chags mtshan ma yis// bskyed dang rab tu nyams pa'i phyogs/ / dkar po nag po rab tu gnas// de dag dbus su rdzogs pa gang // de ni rdzogs par mi gnas so// skad cig gcig mngon rdzogs sangs rgyas// rdzogs pa la ni g.yo mi 'gyur/ / gang tshe rdo rje nor bur sems// de ni skad cig thams cad rdzogs// dkar po'i phyogs la 'di mi gnas// res 'ga' dkar min la mi 'gro// phyogs gnyis po yi dbus gnas pa/ / rdzogs pa la gnas gnyis su med// gtsug tor las ni shar ba de'i// rdo rje nor bur rdzogs par 'gyur// de chags bral las cha nyams pa// rdo rje nas nyams la rab rdzogs/ / swar+ya yang gtsug tor du shar ba// slar yang rdo rje nor bur rdzogs// de chags bral las ma nyams pa// lus can ye shes nyams pa min// 'jo ma bde ba che rang bzhin// rdzogs pa'i sgra mas brjod par bya// dngos po bar ma gzhan thams cad// 'thung dang spyang ba'i rgyu yin no// sring las mya ngan 'das par 'gro/ slar yang srid par 'ong // rang phyogs ngag las zla bzhin dang // brjod pa dag las snang byed bzhin// rdzogs par mi gA ya~M bA 'di ni// sa rnams kyis ni yongs rdzogs nyid// n-i khri gnyis brgya yi dazugs/ / 'gyur med skad cig zos rnams kyis// phyogs gnyis ying dag gnon pa ni// sa rnams kyis mi yongs su rdzogs// bder ngom rnam pa bcu gnyis pa/ bya bcu drug 'gyur ba med// a pa bcu ga'is su rnams kyis// rdzogs pa gnyis su med pa mchogacha shAs rnams kyis rdzogs pa'i sems// rnam pa bcu drug mi 'gyur ba/ don gcig gnyis su med pa chos// dam pa'i don te 'jigs pa med// rdzogs pa'i gnas skabs son pa'i sems// kun nas rab tu rdzogs pa'o// chags bral dang po chags rdo rje lus mer mi 'gyur che/ / yongs su rdzogs pa phyogs nyid kyi// bag chags rnams kyis ma 'khyud pa'o// ji ltar chu bo'i chu zhugs pa// de ni rgya mtsho'i chur mtshungs pa/ de bzhin dngos po'i tshogs 'di de// 'gyur ba med par 'gyur med mtshungs// ji ltar khams kyi tshogs pa 'di// zos pa las ni ro nyid 'gyur// sa bon rang bzhin sa bon gyis// 'bras bu'i dus su nga rgyal spangs// de ltar dngos po'i tshigs pa yang / mchog tu mi 'gyur zos pa yis// mchog tu mi 'gyur ba nyid 'gyur// rnam pa thams cad rang bzhin 'dzin// mche ba'i tshor ba sdug bsngal ni// dug rdzogs gnas skabs gyur pa na// rma la rig mir gzhan du min// yul rnams dbang po'i sgo rnams kyis// de bzhir rnal 'byor dam pa'i bde// sems rdzogs char gyur na rdo rje// nor bur rig min gzhan du min// yul rnams dbang po'i sgo rnams kyis// ji ltar ro chen lcags rnams kyi// phyogs gcig yang dag gnas pa ni// lcags la drag po'i mas gdungs na// kun nas kun tu 'bigs par byed// de bzhin nyid du 'gyur med bde// phyogs gcig yang dag gnas pa yang // sems la 'dod pa'i mes gdus na/ / kun nas kun tu 'bigs par byed// ji ltar phug pa'i lcags rnams ni// 'ga' zhig tu yang dri ma med// de bzhin du ni phug pa'i sems// 'ga' zhig tu yang bag chags med// lcags ni gser nyid du gyur pa// me yis dri ma med par 'gyur// / de bzhin yang dang yang du sems// 'dod chags me yis dri ma med// ji ltar / nor bu che reg las// rdo na rab tu 'bar bar 'gyur// de bzhin 'gyur med pang+ge reg las// sems ni bde ba nyid du 'gyur// 'dir ni mang po brjod pas 'jig rten kun rdzob bden pa yis/ / lcags rnams rab tu 'bugs byed pa// ro yi mthu ni brtag bya min// ci zhig slar yang don dam pas// glo bur dri mas g.yogs pa yis// sems ni rab tu 'bugs byed pa/ / ye shes mthu ni brtag bya min// sems la glo bur dri ma med// sems las yun ring dus can min// sems med par ni skye ba med// sems la mi zad gnas pa min/ / gal te 'di nyid glo bur ba// de tshe sngon du sems dri med// gal te sems las dus ring can// de tshe de ni ci las skyes// gal te sems med par skye na// de tshem mkha'i me tog mtshungs/ / gal te sems la rtag tu gnas// de tshe kun tu thar pa min// ji ltar zangs kyi dri ma ni// ro yi sbyor bas nyams par 'gyur// de yi yod nyid nyams pa med/ / dri med nyid kyis yang dag gnas// de bzhin sems kyi dri ma ni// sdong nyid sbyor bas rnam nyams 'gyur// de yi ye shes nyid nyams med// dri mang nyid kyis yang dag gnas// ji ltar bcud kyis phug pa'i lcags// lcags nyid du ni rjes 'gro min// de bzhin bde bas phug pa'i sems// sdug bsngal nyid du rjes 'gro min// chags bral las gzhan sdig pa med/ bde ba las gzhan bsod nams med// de phyir 'gyur med bde bar sems// mi bdag rtag tu gnas par bya// gzhon nu ma yi dga' ba ni// med par bde ba smra mi nus// lang tsho'i dga' ba thob pa na/ / bde ba chen po rang gis rig/ de bzhin ting 'dzin dang bral ba'i// bang ba smra bar nus ma yin// 'gyur med ting 'dzin thob pa na// rnal 'byor pa yis rang rig 'gyur/ / 'gyur med las skyes bde rig pa// thams cad mkhyen la'ang the tshom za// de lta na yang yid bang min// chags bral nyid du mi bya'o// 'phos pa las ni chags bral 'gyur/ / chags bral las ni sdug bsngal 'byung // sdug bsngal skyes bu'i khams zad byed// zad pa las ni 'chi bar brjod// shi nas slar yang de rnams kyi// srid pa'o srid las slar 'chi 'pho/ / de ltar sems can gyi sring ba// chags bral las 'byung gzhan du min// de phyir 'bad ba thams cad kyis// 'pho ba'i chags pa rnam par spang // gang gis 'gyur med bde bar 'gyur/ / rnal 'byor 'khor bar bcings pa yis// 'dod ldar yang ni chags bral bar// 'dod pa'i bstan bcos su mi 'dod// bdag gis brjod pa'i rgyung ngu slar/ / rnal 'byor bcis sdug bsngal 'dod// khu ba mi 'gyur rang bzhin gyis// mchog tu mi 'gyur bsgrub par bya// rten mi 'pho ba thob pa na// brten pa'i 'dobam bral ba nyid/ / rten dang brten pa legs rdzogs pa// ji srid 'gyur med nyid du 'gro// sems kyi 'gyur med nyid thob na// rten dang brten pa'i mtshan nyid med// 'gyur med las byung sku yi ni// mdzod spu'i 'khor lor son pa'i yang // A li kA li mnyam sbyor ba// hUM yig mi 'dod mi yi bdag/ stong pa las byung gzugs brnyan rgyu// mi 'gyur/ las skyes bde ba 'bras// rgyu ni 'bras bus rgyas btab pa// 'bras bu rgya yis btab pa'o// stong nyid gzugs brnyan 'dzin pa rgyu// snying rje 'gyur med 'dzin pa 'bras// stong zhing snying rje dbyer med pa/ / byang chub sems de mi 'pho ba'o// mya ngan 'das pa bral ba'i gzugs// 'khor ba las 'das mi 'gyur ba// de dag sbyor ba gnyis med mchog/ rtag dang cha las nges par grol/ / dngos med las byung mtshan nyid phyir// gzugs ni dngos po med pa min// dngos po las byung mtshan nyid phyir// 'gyur ba med pa dngos po min// dngos po dngos med yang dag sbyor/ / rdo rje'i rnal 'byor gnyis med mchog/ gzugs dang gzugs min rnam par grol// pra phab me long la bzhin ro// gzugs ni srid par mi 'ong ste// 'gyur med mya ngan 'das mi 'gro// phan tshun 'khyud pa zhi ba ste// ma ning gi ni go 'phang mchog/ shes rab rgyu las ma byung zhing // shes rab rgyu las byung ba 'bras// shes rab rgyu la ma skyes phyir/ / shes rab la skyes rgyu skyes min// de phyir ye shes rgyu skyes min// shes rab ye shes bla na med// 'bras bu rgyu yis gzhan dang gzhan// phan tshun du ni rgyas btab med// rgyu dang 'bras bu thams cad gang // de ni rten cing 'brel par 'byung // phan tshun rgya yis btab pa'i gzugs// skye min mya ngan 'das pa'ang min// shes rab kun nas mya ngan 'das/ / skye ba mchog tu 'gyur ba med// rgyu dang 'bras bu rnam ngas grol// phan tshun du ni rgyas btab med// ma skyes pa dang ma 'gags pa'i// shes bya gang zhig 'dir mthong pa/ / de ni rang sems gzhan ma yin// phyi yi shes bya rnam 'byed phyir// de phyir bdag gis bdag nyid la// 'gar yang rgyas gdab nus ma yin// ral gri chen po bdag nyid la// bdag nyid so yi gcod dam ci// mo gsham bu mo dang 'grogs pas// rmi lam du ni bde 'gyur ltar// nam mkha' las byung gzugs brnyan ni// bsten pas bdag la de bzhin no// shes rab ma yin thabs kyang min// 'di ni lhan skyes shes rab bcas// kun nas bde ba rdzogs pa las// sgrub pa thams cad spangs pa ste// nam mkha' bzhin du gos pa med// yul dang dbang po spangs pa ni/ / kun nas 'byung po kun la gnas// gcad du med pa dbye ba spangs// rang byung rdo rje sems dpa' 'di// don chen mchog tu mi 'gyur ba// 'dod chags chen po sems dpa' che/ / sems can thams cad dga' bar byed// byang chub sems dpa' zhe sdang che// nyon mongs zad pa dgra chen po// dam tshig sems dpa' ga mug che/ / gti mug blo ste gti mug sel// rdo rje'i rnal 'byor khro ba che// lha mi ni khro bo dgra chen po// dus kyi 'khor lo chags pa che// 'pho ba'i chags pa sel bar byed// rdo rje mi phyed ces par brjod/ / 'dir ni don chen bcom ldan 'das// sems dpa' srid gsum gcig pa nyid// mchog tu mi 'gyur brjod par bya// mchog tu mi 'gyur bde ba rdzogs// sa rnams yongs su rdzogs pa yis/ / 'dod chags chen po sems dpa' che// sems can thams cad dga' bar byed// byang chub la gnas sems dpa' ni// mi g.yod phyir byang chub sems// nyon mongs la sogs zhe sdang tshogs// zhe sdang chen po dgra che ba// dam tshig zla ba bdud rtsi yi// khu ba 'pho med de za ba// dam tshig sems dpa' 'o rigs pa 'dis// gti mug blo ste gti mug sel/ / rdo rje thams cad gcig pa nyid// shes rab sku dang mi 'gyur bcas// khro bo chen po dgra chen po// khro bo'i gzugs can bdud rnams kyis// 'gyur med bde ba che thabs las/ / nam yang sems can don mi 'dor// sems can grol nas chags chen po// 'gyur ba'i chags pa sel bar byed// 'di rnams rnam pa drug tu brjod// maM 'gyur ye shes tshor ba dang / / rnam shes gzugs dang 'du byed dang // 'du shes de rnams phung po'i rigs// ye shes me dang nam mkha' sa// rlung chu rnams kyi rim pa bzhir/ yid mig rna ba lus dang sna// lce rnams kyi yang de bzhin nyid// sgra ro chos kyi dbyings dang dri// reg bya kha dog rnams kyi yang // khro bo'i rgyal po gdong drug 'jigs// rigs drug rnams kyi yongs dag pa/ / lus ngag gsang ba dbang po sems// rtag tu dkyil 'khor rnam pa gsum/ shes rab thabs kyi rdo rje gsum// rdo rje sems dpa' nyid du 'gyur 'di ni dbang gi sgrub thabs te/ / mchog tu mi 'gyur sgrub pa'i thabs// rtsa dang rigs dang yang dag ldan// zla ba mdor bstar pa yis bshad// ces pa 'jig rten khams kyi le'ur le'u lnga pa'i mchog tu mi 'gyur ba'i dbang gi sgrub thabs mdor bstan pa rdzogs so/ / / 'di ni kha che'i paN+Di ta so ma nA tha dang / bod kyi lo tsa ba 'gro dge slong shes grags pas bsgyur cing zhus te gtan la phab pa las/

CLOSE WINDOW