/ rgya kar skad du/ Ar+ya da sha d+hU mi kan nA ma ma hA yA na sU tra/ bod skad du/ 'phags pas bcu po zhes bya ba theg pa chen po'i mdo// / bam po dang po// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mngon par rdzogs par sangs rgyas nas ring po ma lon te/ zhag bdun pa gnyis pa'i tshe/ gzhan 'phrul dbang byed kyi lha rnams kyi nang na/ lha'i dbang po dbang sgyur gyi gzhal med khang nor bu rin po che'i snying po'i khang pa na/ byang chub sems dpa'i tshogs chen po thams cad kyang 'di lta ste/ bla na med pa yang dag par rdzogs pa'i byang chub las phyir mi ldog pa skye ba gcig gis thogs pa/ 'jig rten gyi khams gzhan dang / gzhan dag nas 'dus pa sha stag ste/ thams cad kyang byang chub sems dpa' thams cad kyi ye shes kyi spyod yul rab tu thob pa'i gnas pas gnas pa/ de bzhin gshegs pa thams cad kyi ye shes kyi yul rtog pa la dran pa rgyun mi gcod pa'i spyod yul ba/ 'gro ba thams cad yongs su smin par bya ba dang / gdul bar bya ba'i dus bzhin dpyad pa'i byin rlabs bya ba thams cad yang dag par ston pa la mkhas pa/ byang chub sems dpa' thams cad kyi spyod lam mngon par bsgrub pa rgyun mi gcod cing bskal pa dang dus dang / zhing dang / spyod pa la gnas pa/ byang chub sems dpa' thams cad kyi 'byor pa'i tshogs bsod nams dang / ye shes kyis 'gro ba thams cad nye bar 'tsho ba shin tu yongs su rdzogs pa mi zad pa la zhugs pa/ byang chub sems dpa' thams cad kyi shes rab dang / thabs dam pa mchog thob pa/ 'khor ba dang / mya ngan las 'das pa'i sgo yang dag par ston pa/ byang chub sems dpa'i spyod pa rgyun mi gcod pa/ byang chub sems dpa' thams cad kyi bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa dang / ye shes kyis mngon par shes pa'i bya ba thams cad yang dag par ston pa la mkhas pa/ byang chub sems dpa' thams cad kyi rdzu 'phrul gyi stobs la dbang thob pa/ mngon par 'du bya ba med par sems kyi skad cig gis/ de bzhin gshegs pa thams cad kyi 'khor gyi dkyil 'khor du 'gro ba la mngon du 'dren pa'i gtam gyi skyes bur gyur pa/ de bzhin gshegs pa thams cad kyi chos kyi 'khor lo yang dag par gzung ba dang / sangs rgyas la mchod pa dang / rim gro rgya chen po bya ba la mngon par brtson pa/ byang chub sems dpa' thams cad kyi las yang dag par blang ba mnyam pa nyid kyi sbyor bas 'jig rten gyi khams thams cad du lus rab tu snang bar byed pa thob pa/ chos thams cad kyi dbyings la thogs pa med pa'i dbyangs sgrogs pas khyab par byed pas dus gsum thams cad la chags pa med pa'i sems kyi ye shes kyi spyod yul rgyas par 'gengs pa/ byang chub sems d pa' thams cad kyi sde snod kyi yon tan bsgrubs pa shin tu yongs su rdzogs pa bskal pa brjod du med par byin gyi rlabs kyis rab tu bstan pas yon tan bsngags pa'i bstan pa zang mi shes pa sha stag la 'di lta ste/ byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po rin po che'i snying po dang / byang chub sems dpa' sems dpa' chen po pad+ma'i snying po dang / byang chub sems dpa' sems dpa' chen po dpal gyi snying po dang / byang chub sems dpa' sems dpa' chen po pad+ma dpal gyi snying po dang byang chub sems dpa' sems dpa' chen po nyi ma'i snying po dang / byang chub sems dpa' sems dpa' chen po gtsang snang byed snying po dang / byang chub sems dpa' sems dpa' chen po sa'i snying po dang / byang chub sems dpa' sems dpa' chen po zla ba dri ma med pa'i snying po dang / byang chub sems dpa' sems dpa' chen po rgyan bkod pa thams cad snang bar ston pa'i snying po dang / byang chub sems dpa' sems dpa' chen po ye shes rnam par snang ba'i snying po dang / byang chub sems dpa' sems dpa' chen po dpal mdzes pa'i snying po dang / byang chub sems dpa' sems dpa' chen po tsan dan dpal gyi snying po dang / byang chub sems dpa' sems dpa' chen po me tog dpal gyi snying po dang / byang chub sems dpa' sems dpa' chen po me tog rgyas pa'i dpal gyi snying po dang / byang chub sems dpa' sems dpa' chen po ut+pa la dpal gyi snying po dang / byang chub sems dpa' sems dpa' chen po lha'i dpal gyi snying po dang / byang chub sems dpa' sems dpa' chen po bsod nams dpal gyi snying po dang / byang chub sems dpa' sems dpa' chen po sgrib pa med pa'i ye shes rnam par dag pa'i snying po dang / byang chub sems dpa' sems dpa' chen po yon tan dpal gyi snying po dang / byang chub sems dpa' sems dpa' chen po sred med kyi bu'i dpal gyi snying po dang / byang chub sems dpa' sems dpa' chen po dri ma med pa'i snying po dang / byang chub sems dpa' sems dpa' chen po dri ma dang bral ba'i snying po dang / byang chub sems dpa' sems dpa' chen po spobs pa sna tshogs kyi rgyan gyi snying po dang / byang chub sems dpa' sems dpa' chen po 'od gzer gyi dra ba chen po snang ba'i snying po dang / byang chub sems dpa' sems dpa' chen po 'od dri ma med pa'i dpal gyi gzi brjid mdzes pa'i snying po dang / byang chub sems dpa' sems dpa' chen po gser 'khrigs pa bsags pa yangs shing bzang pab gzi brjid mdzes pa'i snying po dang / byang chub sems dpa' sems dpa' chen po mtshan thams cad kyis rab tu brgyan pas rnam par dag pa'i dpal gyi snying po dang / byang chub sems dpa' sems dpa' chen po rdo rje 'od 'phro dpal be'u rgyan gyi snying po dang / byang chub sems dpa' sems dpa' chen po 'od 'bar zhing 'phro ba dri ma med pa'i dpal gyi snying po dang / byang chub sems dpa' sems dpa' chen po skar ma'i rgyal po snang ba'i snying po dang / byang chub sems dpa' sems dpa' chen po nam mkha'i mdzod ye shes sgribs pa med pa'i snying po dang / byang chub sems dpa' sems dpa' chen po dbyangs kyi dkyil 'khor sgrib pa med cing nga ro snyan pa'i snying po dang / byang chub sems dpa' sems dpa' chen po gzungs kyi sgo 'gro ba thams cad kyi smon lam yang dag par 'dzin pa'i snying po dang / byang chub sems dpa' sems dpa' chen po rgya mtsho bkod pa'i snying po dang / byang chub sems dpa' sems dpa' chen po lhun po dpal gyi snying po dang / byang chub sems dpa' sems dpa' chen po yon tan thams cad yang dag par ston pa rnam par dag pa'i snying po dang / byang chub sems dpa' sems dpa' chen po de bzhin gshegs pa'i snying po dang byang chub sems dpa' sems dpa' chen po sangs rgyas dpal gyi snying po dang / byang chub sems dpa' sems dpa' chen po rnam par grol ba'i zla ba dang / de dag/ la sogs pa byang chub sems dpa' sems dpa' chen po/ tshad med pa/ dpag tu med pa/ grangs med pa/ bsam gyis mi khyab pa/ mtshungs pa med pa/ gzhal du med pa/ kun tu mtha' yas pa/ mu med pa/ sa mtshams med pa/ brjod du med pa'i yang brjod du med pa rnams dang thabs gcig tu bzhugs te/ byang chub sems dpa' rdo rje'i snying po la sogs pa sangs rgyas kyi zhing sna tshogs nas 'dus pa rnams dang thabs cig go/ / de nas de'i tshe byang chub sems dpa' sems dpa' chen po/ rdo rje'i snying po sangs rgyas kyi mthus byang chub sems dpa'i ting nge 'dzin theg pa chen po rab tu snang ba zhes bya ba la snyoms par zhugs so/ / byang chub sems dpa' rdo rje'i snying po byang chub sems dpa'i ting nge 'dzin theg pa chen po r ab tu snang ba de la snyoms par zhugs ma thag tu de nas de'i tshe phyogs bcu'i 'jig rten gyi khams sangs rgyas kyi zhing bye ba phrag bcu'i rdul phra rab kyi rdul snyed kyi pha rol nas de bzhin gshegs pa sangs rgyas kyi zhing bye ba phrag bcu'i rdul phra rab kyi rdul snyed kun kyang mtshan rdo rje'i snying po zhes bya bar mthun pa sha stag gis zhal mngon par bstan te/ sangs rgyas bcom ldan 'das de dag gis de la 'di skad ces bka' stsal to/ / kye rgyal ba'i bu khyod byang chub sems dpa'i ting nge 'dzin theg pa chen po rab tu snang ba 'di la snyoms par zhugs pa legs so legs s o 'di ltar rigs kyi bu khyod la phyogs bcu'i de bzhin gshegs pa sangs rgyas kyi zhing bye ba phrag bcu'i rdul phra rab kyi rdul snyed kun kyang mtshan rdo rje'i snying po zhes bya bar mthun pa sha stag gis bcom ldan 'das rnam par snang mdzad 'di nyid kyi sngon gyi smon lam dang / byin gyi rlabs kyis byang chub sems dpa' thams cad sangs rgyas kyi chos bsam gyis mi khyab pa snang bar brjod pa ye shes kyi sa la 'jug par bya ba dang / dge ba'i rtsa ba thams cad yang dag par bsdu ba dang / sangs rgyas kyi chos thams cad rab tu dbye ba la mkhas par bya ba dang / chos la ye shes shin tu rgyas par bya ba dang / legs par gnas pa'i chos bstan pa dang / ye shes tha mi dad pa rnam par sbyang ba dang / 'jig rten gyi chos thams cad kyis mi gos par bya ba dang / 'jig rten las 'das pa'i chos dge ba'i rtsa ba yongs su dag par bya ba dang / ye shes bsam gyis mi khyab pa yul khong du chud par bya ba nas/ thams cad mkhyen pa'i ye shes kyi yul gyi bar du khong du chud par bya ba dang / gang 'di byang chub sems dpa'i sa bcu po dag brtsams pas rab tu thob par bya ba dang / byang chub sems dpa'i sa ji lta ba bzhin du rnam par bgod pa la mkhas pas bstan par bya ba dang / sangs rgyas kyi chos thams cad la lhag par dmigs par bya ba dang / zag pa med pa'i chos rab tu rnam par 'byed pas rnam par gzhig/ pa dang / rnam par 'byed pas shin tu rnam par phye ba shes rab chen po snang ba la mkhas par bya ba dang / shin tu brtags pa'i ye shes kyi sgo la 'jug par bya ba dang / gnas gzhan ci rig su rab tu brjod pa la bag 'chums pa med cing spobs pas snang bar bya ba dang / so so yang dag par rig pa chen po'i sa shin tu rtogs par bya ba dang / byang chub kyi sems brjed pa med par bya ba dang / sems can gyi khams thams cad yongs su smin par bya ba dang / thams cad la rnam par nges par thob par bya ba'i phyir byin gyis brlabs pa mdzad do// rigs kyi bu khyod kyis chos rnams kyi sgo rab tu dbye ba la mkhas par 'gyur ba'i chos kyi rnam grangs 'di la/ sangs rgyas kyi mthu dang / de bzhin gshegs pa'i ye shes snang ba'i byin gyi rlabs dang / rang gi dge ba'i rtsa ba yongs su dag par byed pa dang / chos kyi dbyings yongs su sbyong ba dang / sems can gyi khams la phan 'dogs pa dang / chos kyi sku'i ye shes kyi sku dang / sangs rgyas thams cad kyis dbang bskur ba yang dag par nod pa dang / 'jig rten thams cad las mngon par 'phags pa'i lus 'byung ba dang / 'jig rten gyi 'gro ba thams cad las yang dag par 'da' ba dang / 'jig rten las 'das pa'i chos kyi rgyud yongs su dag par byed pa dang / thams cad mkhyen pa'i ye shes yongs su rdzogs par byed pas spobs par gyis shig/ de nas sangs rgyas bcom ldan 'das de dag gis/ byang chub sems dpa' rdo rje'i snying po la zil gyis mi non pa'i lus nye bar bsgrub pa mdzad de/ thogs pa med pa'i spobs pa ston pa dang / shin tu sbyangs pa'i ye shes kyis rnam par phye ba la 'jug pa dang / brjed pa med pa'i byin gyi rlabs dang / shin tu nges pa la blo gros mkhas pa dang / thams cad kyi rjes su song ba'i blo mi 'dor ba dang / yang dag par rdzogs pa'i sangs rgyas kyi stobs rdzi ba med pa dang / de bzhin gshegs pa'i mi 'jigs pa zhum pa med pa dang / thams cad mkhyen pa'i ye shes so so yang dag par rig pa'i rnam par 'byed pas chos kyi tshul la rtog pa dang / de bzhin gshegs pa'i sku dang / gsung dang thugs kyi rgyan rab tu rnam par phye ba thams cad mngon par bsgrub pa nye bar bsgrub pa mdzad do/ / de ci'i phyir zhe na/ 'di ltar ting nge 'dzin 'di nyid kyi chos nyid thob pa dang / sngon gyi smon lam gyis mngon par bsgrubs pa dang / lhag pa'i bsam pa shin tu yongs su sbyangs pa dang / ye shes kyi dkyil 'khor shin tu sbyangs pa dang / tshogs shin tu bsags pa dang / yongs su sbyangs pa shin tu byas pa dang / dran pa tshad med pa'i snod dang / mos pa 'od gsal ba rnam par sbyangs pa dang / gzungs kyi sgo zla mi dad pa shin tu thob pa dang / chos kyi dbyings shes pa'i phyag rgyas shin tu btab pa'i phyir ro// de nas sangs rgyas bcom ldan 'das de dag gis/ de dag nyid na bzhugs bzhin du rdzu 'phrul gyi mthus phyag g.yas pa rnams brkyang ste/ byang chub sems dpa' rdo rje'i snying po'i mgo la byug pa mdzad do/ / sangs rgyas bcom ldan 'das de dag gis/ byang chub sems dpa' rdo rje'i snying po la reg ma thag tu de nas de'i mod la ting nge 'dzin de las langs nas/ byang chub sems dpa' de dag la smras pa/ / kye rgyal ba'i sras dag/ byang chub sems dpa'i smon lam 'di ni shin tu rnam par nges pa ste/ tha mi dad pa/ bltar med pa/ chos kyi dbyings shin tu rgyas pa/ na mkha'i khams kyi mthas gtugs pa/ phyi ma'i mtha'i mur thug pa/ sems can gyi khams thams cad kyi dpung gnyen yin te// kye rgyal ba'i sras dag des ni byang chub sems dpa' sems dpa' chen po rnams 'das pa'i sangs rgyas bcom ldan 'das rnams kyi ye shes kyi sa la 'jug par 'gyur ro// ma byon pa'i sangs rgyas bcom ldan 'das rnams kyi ye shes kyi sa la 'jug par 'gyur ro/ / da ltar byung ba'i sangs rgyas bcom ldan 'das rnams kyi ye shes kyi sa la 'jug par 'gyur ro// kye rgyal ba'i sras dag de la byang chub sems dpa'i sa bcu shin tu yongs su rdzogs nas byang chub sems dpa' dag sangs rgyas bcom ldan 'das rnams kyi ye shes kyi sa la 'jug par 'gyur / kye rgyal ba'i sras dag gang la bsams nas/ bdag gis de skad smras pa'i byang chub sems dpa' rnams kyis bcu po de dag ni/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ / gsung ngo // gsung bar 'gyur ro// bcu gang zhe na/ 'di lta ste/ byang chub sems dpa'i sa rab tu dag ba zhes bya ba dang / dri ma med pa zhes bya ba dang / 'od byed pa zhes bya ba dang / 'od 'phro ba can zhes bya ba dang / shin tu sbyang dka' ba zhes bya ba dang / mngon du gyur ces bya ba dang ring du song zhes bya ba dang / mi g.yo ba zhes bya ba dang / legs pa'i blo gros can zhes bya ba dang / byang chub sems dpa'i sa chos kyi sprin ces bya ba ste/ kye rgyal ba'i sra dag de rnams ni byang chub sems dpa'i sa bcu ste/ de dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so// gsung ngo // gsung bar 'gyur ro// kye rgyal ba'i sras ngag gang na de bzhin gshegs pa rnams byang chub sems dpa'i sa bcu po 'di dag ni mi gsung ba'i sangs rgyas kyi zhing rab 'byams de bdag gis ma mthong ngo / / de ci'i phyir zhe na/ kye rgyal ba'i sras dag byang chub sems dpa' sems dpa' chen po rnams kyi byang chub sems dpa'i lam yongs su spyo ba chos kyi sgo snang ba 'di ni yang dag phul yin te/ gang 'dis rnam par dbye ba rnam par gzhag pa'o// kye rgyal ba'i sras dag gang 'dis rnam par dgod pa shes pa zhes bya ba'i gnas 'di ni/ bsam gyis mi khyab pa'o// de nas byang chub sems dpa' rdo rje'i snying pos byang chub sems dpa'i sa bcu po de dag gi ming tsam zhig brjod de/ cang mi zer bar 'dug nas de las rab tu phye ste ma bshad pa dang / de nas byang chub sems dpa'i 'khor de dag thams cad/ byang chub sems dpa'i sa bcu po de dag gi ming tsam zhig thos la/ sa rnam par phye ste ma brjod pas skom par gyur nas/ de dag 'di snyam du sems te/ 'di ltar byang chub sems dpa' rdo rje'i snying pos byang chub sems dpa'i sa bcu po de dag gi ming tsam zhig brjod de cang mi zer bar 'dug nas de las rab tu phye ste mi ston pa de la rgyu ni gang / rkyen ni ci zhig yod snyam pa dang / de'i tshe byang chub sems dpa'i 'khor 'dus pa de na/ byang chub sems dpa' sems dpa' chen po rnam par grol ba'i zla ba zhes bya ba 'dus shing 'dug ste/ / de nas byang chub sems dpa' rnam par grol ba'i zla bas/ byang chub sems dpa'i 'khor de dag gi sems kyi rtog pa sems kyis yongs su shes nas/ tshigs su bcad pa'i dbyangs kyis/ byang chub sems dpa' rdo rje'i snying po la dris pa/ kun tu rtog pa dag gyur pa// ngan dang ye shes yon tan ldan// sa mchog brjod nas ci yi phyir/ / 'byor pa rab tu bshad mi bgyi// 'di kun rnam par nges pa ste// byang chub sems dpa' grags chen ldan// ci phyir khyod kyis sa brjod nas// rnam par dbye ba bshad mi bgyi/ / rgyal ba'i sras po 'di dag kun// nyan par 'dod pa 'jigs pa med// sa rnams kyis ni don gyi tshul// yang dag phye ste bshad pa mdzod// 'khor 'di shin tu rnam dag ste// le lo med cing dge dang ldan/ / dag pa snying por rab gnas pa// yon tan ye shes shin tu ldan// thams cad gus dang bcas gnas shing // phan tshun gcig la gcig lta ste// sbrang ma'i sbrang rtsi bdud rtsi 'dra/ spang bar bya min 'dod pa bzhin// shes rab chen po 'jigs med pa// rdo rje'i snying pos de thob nas// 'khor rnams dga' bar bya ba'i phyir// bde bar gshegs pa'i sras la smras/ 'di ni dka' ba dam pa rmad du byung // byang chub sems dpa'i spyod pa rab bstan pa// sa rgyu rnam par dbye ba mchog yin te// de las sangs rgyas dngos po yang dag thob// phra zhing blta dka' rnam par/ rtogs pa spangs// sems kyis dang bral bas bsgrub par dka'// mkhas pa rnams kyis zag med spyod yul te// 'gro ba rnams kyis de thos mos par 'gyur// rdo rje lta bur bsam pa bzhag byas nas/ / sangs rgyas ye shes mchog la lhag mos shing // sems kyi sa la bdag med rig nas ni// ye shes shin tu phra ba 'di mnyan nus// ji ltar bar snang tshon ris bri ba dang / / ji ltar nam mkha'i dbyings la rlung gnas pa// de ltar 'di yang bcom ldan 'das rnams kyi// ye shes zag med rnam phye blta bar dka'// de la bdag gi blo ni 'di snyam du// 'gro ba gang gis 'dir rtog 'gyur ba dang // mchog 'dir su zhig dad pa'ang dkon snyam nas// de yi phyir na 'di bshad spro ba med// de skad ces smras pa dang / byang chub sems dpa' rnam par grol ba'i zla bas/ / byang chub sems dpa' rdo rje'i snying po la 'di skad ces smras so// kye rgyal ba'i sras kye ma 'khor 'di ni shin tu yongs su dag pa ste/ byang chub sems dpa'i lhag pa'i bsam pa shin tu yongs su sbyangs pa/ kun tu rtog pa shin tu yongs su sbyangs pa/ spyad par bya ba shin tu spyad pa/ sangs rgyas bye ba phrag mang po la bsnyen bkur byas pa/ tshogs shin tu bsags pa yon tan dpag tu med pa dang ldan pa/ yid gnyis dang nem nur dang bral ba/ nyon mongs pa med pa/ lhag pa'i bsam pa dang / mos pa la rab tu gnas pa/ sangs rgyas kyi chos 'ang dag la gzhan gyi dring mi 'jog pa sha stag tshogs pa ste/ de bas na kye rgyal ba'i sras byang chub sems dpa' 'di dag ni gnas 'di la mngon sum du gnas pa sha stag yin gyis/ legs par bshad pa mdzod cig/ rdo rje'i snying pos smras pa/ kye rgyal ba'i sras 'khor 'di ni byang chub sems dpa' shin tu yongs su dag pa ste/ lhag pa'i bsam pa shin tu yongs su sbyangs pa// kun tu rtog pa shin tu yongs su sbyangs pa/ spyad par bya ba shin tu spyad pa/ sangs rgyas bye ba phrag mang po la bsnyen bkur byas pa/ tshogs shin tu bsags pa/ yon tan dpag tu med pa dang ldan pa/ yid gnyis dang nem nur dang bral ba/ nyon mongs pa med pa/ lhag pa'i bsam pa dang / mos pa la rab tu gnas pa/ sangs rgyas kyis chos 'di dag la gzhan gyi dring mi 'jog pa sha stag 'dus mod kyi/ 'on kyang gzhan dag bsam gyis mi khyab pa'i gnas 'di lta bu 'di thos par gyur la thos nas kyang yid gnyis dang / nem nur skye bar gyur na/ de ni de dag la yun ring por phan pa med pa dang / gnod pa dang / yid mi bde bar 'gyur te/ 'di lta bu zhig tu snying brtse bas de'i phyir bdag ni cang mi zer bar 'dug pa nyid du mos so// de nas byang chub sems dpa' rnam par grol ba'i tha bas byang chub sems dpa'i rdo rje'i snying po la don de nyid kyi phyir yang gsol ba btab pa/ kye rgyal ba'i sras don de nyid legs par bshad pa mdzad cig dang / de bzhin gshegs pa'i mthus bsam gyis mi khyab pa'i gnas 'di lta bu 'di dag shin tu bsrungs pa dang / yid ches par 'gyur ro// de ci'i phyir zhe na/ kye rgyal ba'i sras 'di ni/ thog mar spyad pa ste/ 'di ni sangs rgyas kyi chos rnams yang dag par thob pa'o// kye rgyal ba'i sras 'di lta ste/ dper na yi ge'i 'bru dang / yi ge dang / grangs bstan pa dang thams cad kyi mngon du 'gro ba yang yi ge'i phyi mo yin la/ mthar 'byin pa yang yi ge'i phyi mo yin te/ yi ge'i 'bru dang / yi ge dang / grangs bstan pa gang yin pa de ni/ yi ge'i phyi mo med par bstan pa med do// kye rgyal ba'i sras de bzhin du sangs rgyas kyi chos thams cad ni spyod pas 'grub pas/ sa de ni sngon du 'gro ba'o/ / rang 'byung gi ye shes kyi mthar thug par 'gyur bas sa de ni mthar 'byin pa'o// de bas na kye rgyal ba'i sras shod cig dang / de bzhin gshegs pa dgra bcom pa yang dag par rdzog pa'i sangs rgyas rnams kyang yongs su bsrung ba'i phyir byin gyis rlobs pa mdzad do/ / de nas byang chub sems dpa' de dag thams cad kyis dbyangs kyi nga ro gcig gis tshigs su bcad// pa'i dbyangs kyis/ byang chub sems dpa' rdo rje'i snying po la don de nyid kyi phyir/ de'i tshe gsol ba btab pa/ rab mchog dam pa dri ma med pa'i blo// brjod pa legs brjod spobs pa mtha' yas pa/ / snyan cing mchog tu byung ba'i gsungs dbyangs kyis// dam pa'i don dang ldan par bshad pa mdzod// dran dang dga' dang blo ni rnam dag pa// stobs bcu'i stobs thob bsam pa rnam dag pa/ / so so yang dag rig don rnam 'byed pa// sa bcu phul du byung ba bshad pa mdzod// zhi ba dul ba mi g.yeng dge ba'i yid// rgyags dang nga rgyal lta ba'i nyon mongs spangs/ / 'khor 'di the tsom bral bar gyur pa ste// khyod kyis legs par bshad pa 'dod cing 'khod// skom par gyur pa chu grang 'dod pa dang // bkres pa zas dang nad pa sman mchog dang / / brang ba'i tshogs rnams sbrang rtsi 'dod pa ltar// de bzhin 'khor rnams khyod kyi tshig la sdod// de bas bde gshegs bgrod pa stobs bcu ldan// chags pa med pa rab tu/ bstan pa'i phyir// dri ma med pa'i sa yi khyad par ni// rdul med ma lus legs par bshad pa mdzod// de nas de'i tshe bcom ldan 'das shAkya thub pa'i mdzod spu nas/ byang chub sems dpa'i stobs snang ba zhes bya ba'i 'od gzer 'khor gyi 'od gzer grangs med pa'i yang grangs med pa dang ldan pa byung ste/ des phyogs bcu thams cad kyi 'jig rten gyi khams rab 'byams thams cad snang bar byas nas/ ngan song gyi sdug bsngal thams cad rgyun bcad de/ bdud kyi khyim thams cad mog mog por byas nas/ sangs rgyas kyi 'khor gyi dkyil 'khor dpag tu med pa dag snang bar byas te/ sangs rgyas kyi yul gyi rnam pa'i mthu'i rdzu 'phrul gyi rnam par 'phrul pa bsam gyis mi khyab pa bstan nas/ phyogs bcu thams cad kyi 'jig rten gyi khams rab 'byams thams c ad du de bzhin gshegs pa thams cad kyi 'khor gyi dkyil 'khor rnams su chos bstan pa'i byin gyi rlabs kyis byin gyis brlabs pa'i byang chub sems dpa' snang bar byas te steng gi bar snang la 'od gzer stug po'i sprin gyi dra ba'i khang pa brtsegs pa chen po byas nas 'dug go/ / de bzhin du sangs rgyas bcom ldan 'das de dag gis mdzod spu dag nas kyang / byang chub sem dpa'i stobs snang ba zhes bya ba'i 'od gzer 'khor gyi 'od gzer grangs med pa'i yang / grangs med pa dang ldan pa dag byung bar gyur te/ de dag gis kyang phyogs bcu thams cad kyi 'jig rten gyi khams rab 'byams thams cad snang bar byas nas/ ngan song gi sdug bsngal thams cad rgyun bcad de/ bdud kyi khyim thams cad mog mog por byas nas/ sangs rgyas kyi 'khor gyi dkyil 'khor dpag tu med pa dag snang bar byas te/ sangs rgyas kyi yul gyi rnam pa'i mthu'i rdzu 'phrul gyi rnam par 'phrul pa bsam gyis mi khyab pa bstan nas/ phyogs bcu thams cad kyi 'jig rten gyi khams rab 'byams thams cad du de bzhin gshegs pa thams cad kyi 'khor gyi dkyil 'khor rnams su chos bstan pa'i byin gyi rlabs kyis byin gyis brlabs pa'i byang chub sems dpa' snang bar byas nas/ steng gi bar snang la 'od zer stug po'i sprin gyi dra ba'i khang pa brtsegs pa chen po byas te 'dug go/ / bcom ldan 'das shAkya thub pa'i mdzod spu nas byung ba'i 'od zer de dag gis 'jig rten gyi khams de dag dang sangs rgyas kyi 'khor gyi dkyil 'khor rnams dang / byang chub sems dpa' de dag gi lus dang / stan rnams gsal bar snang bar kun tu snang ngo // 'jig rten gyi khams tshad med pa'i sangs rgyas bcom/ ldan 'das de dag gis mdzod spu dag nas byung ba'i 'od gzer de dag gis stong gsum gyi stong chen po 'jig rten gyi khams 'di dang / bcom ldan 'das shAkya grub pa'i 'khor gyi dkyil 'khor 'di dang / byang chub sems dpa' rdo rje'i snying po'i lus dang / stan yang gsal bar snang bar kun tu snang ngo // de nas sangs rgyas kyi mthus sprin stug po'i dri ba'i khang pa brtsegs pa chen po de las 'di lta bu'i sgra 'di byung ngo / / mi mnyam mnyam pa nam mkha' mnyam pa dag/ stobs bcu'i khyu mchog tshogs rab mtha' yas pa// lha dang mi yi nang na mchog rnams kyi// shAkya'i rigs skyes chos la byin rlob mdzad/ / bde bar gshegs pa rnams kyi mthus// chos kyi rgyal po rnams kyi mdzod// spyod pa dam pa rgya chen dang // ye shes sa rab phye bshod// chos kyi rnam grangs gtso bo 'di// gang rnams rna las grag de dag/ bde gshegs rnams kyis byin gyis brlabs// byang chub sems dpa' rnams kyis bzung // sa bcu rdul dang rnam bral ba// mthar gyis rdzogs par byas nas ni/ / stobs bcu dag kyang thob gyur nas// rgyal ba nyid du 'gyur ba yin// the tsom med par gyur pa rnams// rgya mtsho'i chu nang gnas gyur tam// bsreg pa'i bskal che 'phos na yang / @chos kyi rnam grangs 'di thos 'gyur// ye shes sa yi lam gyi mchog/ 'jug dang gnas dpa'abar ba dang // spyong pa nyid kyi yul rnams ni// go mas bzhinan/ legs par shod// de nas byang chub sems dpa' rdo rje'i snying pos phyogs bcur rnam par bltas nas/ 'khor rnams dad pa rgya cher bskyod pa'i phyir tshigs su bcad pa 'di dag smras so// phra zhing shes dka' drang srong chen po'i lam// brtag med rtog bral shin tu reg par dka'// gsal ba rig pa mkhas pas rtogs pa ste// rang bzhin zhi ba'i 'gog min 'byung ma yin// rang bzhin stong yod gnyis min zad mi shes// grol las rnam grol mnyam brnyes mya ngan 'das// mtha' dang dpung min tshig gis brjod du med// dus gsum rnams las grol ba nam mkha' mnyam/ / zhi zhing rab zhi bde bar gshegs pas mkhyen// smra ba'i lam rnams kun gyis brjod par dka'// sa dang spyod pa rnams kyang de 'dra ste// smra bar dka' na mnyan par ga la nus// de ni bsam dang sems kyi lam rnams kyang // ye shes mngon sgrub thub pa'i dbang pos mkhyen// phung po skye mched khams kyis bskyed ma yin// sems kyis mi shes yid kyis bsam ma yin/ / ji ltar bar snang bya rjes mkhas rnams kyis// brjod par nus ma yin zhing mi mthong ba// de ltar rgyal ba'i sras kyis kun kyang // brjod mi nus na mnyan par ga la nus// 'on kyang byangs dang byung 'aman pas cis/ mangs byags pa ma rim pa 'dul bzhin// bcang byang sas byasnyas parnams kyis ma// bsam pang badzini ma shes rdzogs cad/ yul de 'dra blta dka' ba// de ni rang sems gnas kyang brjod mi nus// 'on kyang rgyal ba'i mthus ni rab brjod kyis// thams cad nyon la mthun par dgus bcas kyis// 'di yis 'jug bya ye shes de 'dra ba/ / de ni bskal par brjod par mi nus te// chos don yang dag ma lus ji bzhin gnas// mdo tsam bdag gis bshad kyis mnyan par gyis// gus dang bcas par sta gon gyis / shig dang // rgyal ba'i mthu yis bdag gis legs par bshad// dpe ldan 'thad la yi ge mnyam pa yis// chos kyi dam pa'i sgras ni bshad par bya// de ni tshig gis shin tu brjod dka'/ yang / bde bar gshegs mthu dpag med gang yin pa// 'od gzer lus can de ni bdag la zhugs// de yi mthus ni bdag gis bshad par nus// kye rgyal ba'i sras ngag de la sems can dge ba'i rtsa ba shin tu bsags pa/ tshogs shin tu bsags pa/ spyod pa shin tu spyad pa/ sangs rgyas byung ba la shin tu bsnyen bkur byas pa/ chos dkar po la shin tu bsdus pa dge ba'i bshes gnyen shin tu bzung ba/ bsam pa shin tu rnam par dag pa/ lhag pa'i bsam pa rgya chen po can/ mos brgya chen po dang ldan pa/ snying brtse ba dang snying rje mngon du gyur pa rnams sangs rgyas kyi ye shes la mngon par 'dod par bya ba dang / stobs bcu'i stobs thob par bya ba dang / mi 'jigs pa chen po thob par bya ba dang / sangs rgyas kyi chos mnyam pa nyid thob par bya ba dang / 'gro ba thams cad yongs su bskyabs par bya ba dang / snying brtse ba dang / snying rje chen po rnam par dag par bya ba dang / phyogs bcu ma lus par shes pa thob par byang dang sangs rgyas kyi zhing thams cad la chags pa med pa yongs su sbyang bar bya ba dang / dus gsum skad cig gcig gis khong du chud par bya ba dang / chos kyi 'khor lo chen po rab tu bskor ba la 'jigs pa med par bya ba'i phyir byang chub sems dpa' rnams kyi sems snying rje chen po sngon du 'gro ba dang / shes rab dang / ye shes kyi dbang du gyur pa dang / thabs mkhas pas yongs su bzung ba dang / bsam pa dang / lhag pa'i bsam pas rab tu brtan pa dang / de bzhin gshegs pa'i stobs dpag tu med pa dang ldan pa dang / snying stobs kyi stobs dang / blo'i stobs kyis shin tu rnam par phye ba rnam par 'byed pa dang / rang byung gi ye shes dang mthun pa dang / sangs rgyas kyi chos thams cad la shes rab dang / ye shes kyi gdams ngag yang dag par blangs pa dang / chos kyi dbyings kyis klas pa dang / nam mkha'i khams kyi mthas gtugs shing / phyi ma'i mtha'i mur thug pa de skye bar 'gyur te/ sems bskyed pa de bskyed ma thag tu byang chub sems dpa' byis pa so so'i skye bo'i sa las shin tu 'das pa yin/ byang chub sems dpa'i skyon med par zhugs pa yin/ de bzhin gshegs pa'i rigs su skyes pa yin/ rigs brjod pas kha na ma tho ba med pa yin/ 'jig rten gyi 'gro ba thams cad las phyir ldog pa yin/ 'jig rten las 'das pa'i 'gro bar zhugs pa yin/ byang chub sems dpa'i chos nyid la gnas pa yin/ byang chub sems dpa'i gnas la rab tu gnas pa yin/ dus gsum mnyam pa nyid du rtogs pa yin/ de bzhin gshegs pa'i rigs su nges shing rdzogs pa'i byang chub la gzhol ba yin te// kye rgyal ba'i sras dag chos 'di lta bu la gnas pa'i byang chub sems dpa' ni byang chub sems dpa'i sa rab tu dga' ba la mi g.yo ba'i tshul gyis rab tu gnas pa yin no/ / kye rgyal ba'i sas ngag de byang chub sems dpa'i sa rab tu dga' ba la gnas pa'i byang chub sems dpa' ni mchog tu dga' ba mang ba yin/ dang ba mang ba yin/ dga' ba mang ba yin/ rangs pa mang ba yin/ mgub mang ba yin/ dga' rlabs mang ba yin/ spro ba mang ba yin/ mi 'khrugs pa mang ba yin/ rnam par 'tshe ba med pa mang ba yin/ khro ba med pa mang ba yin no// kye rgyal ba'i sras dag de ltar byang chub sems dpa'i sa rab tu dga' ba la gnas pa'i byang chub sems dpa' ni sangs rgyas bcom ldan 'das rnams dang / sangs rgyas kyi chos rnams dang / byang chub sems dpa' rnams dang / byang chub sems dpa'i spyod pa rnams dang / pha rol tu phyin pa rnams dang / byang chub sems dpa'i sa'i khyad par dang / byang chub sem dpa'i mi 'phrog pa dang / de bzhin gshegs pa'i gdams ngag dang / rjes su bstan pa dang / sems can gyi don rab tu thob par byed pa dang / de bzhin gshegs pa'i ye shes la 'jug pa'i sbyor ba rjes su dran zhing rab tu dga' ba yin no/ / phyir zhing mchog tu dga' ba dang ldan pa yin te/ bdag ni 'gro ba thams cad kyi yul las phyir log go// bdag ni sangs rgyas dang nye bar gyur to/ / bdag ni byis pa so so'i skye bo'i sa las ring du gyur to// bdag ni ye shes kyi sa dang nye bar gyur to// bdag ni ngan song ngan 'gro rnam par ltung ba thams cad kyi rgyun chad pa'o// bdag ni sems can thams cad kyi ston par gyur to/ / bdag ni de bzhin gshegs pa rnams mthong ba dang nye bar gyur to// bdag ni sangs rgyas kyi yul la yang dag par byung ngo // bdag ni byang chub sems dpa' thams cad kyi mnyam pa nyid dang ldan par gyur to/ / bdag ni 'jigs pa dang / sdang ba dang / bag tsha ba dang bral lo zhes mchog tu dga' ba skyed do// de ci'i phyir zhe na/ kye rgyal ba'i sras ngag byang chub sems dpas byang chub sems dpa'i sa rab tu dga' ba 'di thob ma thag tu 'jigs pa gang dag 'di lta ste/ 'tsho ba med pas 'jigs pa 'am/ tshigs su bcad pa med pas 'jigs pa 'am/ 'chi bas 'jigs pa 'am/ ngan 'gros 'jigs pa 'am/ 'khor gyi nang du bag tsha bas 'jigs pa de dag thams cad de la med pa yin no// de ci'i phyir zhe na/ 'di ltar de ni bdag gi 'du shes dang bral bas/ bdag 'phangs par sems pa'ang med pa yin na/ yo byad thams cad 'phangs par sems pa lta ga la yod/ de'i phyir de la 'tsho ba med pas/ 'jigs pa med pa yin no// de ni su las rim gror bya ba cung zad tsam yang re ba med kyi gzhan du na bdag nyid kyis sems can de dag la yo byad mang po thams cad kyis bsdu bar bya'o snyam du sems te/ de'i phyir de la tshigs su bcad pa med pas/ 'jigs pa med pa yin no// de bdag tu lta ba dang bral bas bdag gis 'du shes med de/ de'i phyir de la 'chi bas 'jigs pa med pa yin no/ / bdag shi nas kyang gdon mi za bar sangs rgyas dang / byang chub sems dpa' dag dang mi 'bral bar 'gyur ro snyam ste/ de'i phyir de la ngan 'gros 'jigs pa med pa yin no/ / bdag gi bsam pa dang mtshungs pa yang 'jig rten na su yang med na/ lhag pa lta ga la yod snyam ste/ de'i phyir de la 'khor gyi nang du bag tsha ba'i 'jigs pa med pa yin no// kye rgyal ba'i sras dag de ltar 'jigs pa dang / sdang ba dang / bag cha ba dang / spu zing zhes byed pa med pa'i byang chub sems dpa' ni snying rje chen po sngon du 'gro ba'i phyir/ lhag pa'i bsam pa ma nyams pa dang / mi dma' bas dge ba'i rtsa ba thams cad yang dag par bsdu ba'i phyir shin tu brtson par byed de/ de dad pa'i dbang dang / dang ba mang ba dang / mos pa rnam par dag pa dang / yid ches pa mang ba dang / snying brtse ba dang / snying rje mngon par sgrub pa dang / byams pa chen po dang ldan pa dang / yid yongs su mi skyo ba dang / ngo tsha shes shing khrel yod pa'i rgyan dang / nges pa dang ldan pa dang / de bzhin gshegs pa dgra bcom pa yang dag par rdzogs pa'i sangs rgyas kyi bstan pa la gus pa dang / rim gro byed pa dang nyin mtshan du dge ba'i rtsa ba gsogs pas mi ngoms pa dang / dge ba'i bshes gnyen la bsten pa dang / chos kyi kun dga' la dga' ba dang / mang du thos pa tshol ba la ngoms mi myong ba dang / ji skad thos pa'i chos la tshul bzhin rtog pa dang / gnas med pa'i yid dang / rnyed pa dang / bkur sti dang / tshigs su bcad pa la chags pa med pa dang / yo byad la 'phangs par sems shing mngon par dga' ba med pa dang / sems bskyed pa rin po che lta bus ngoms pa med mngon par sgrub pa dang / thams cad mkhyen pa'i sa la mngon par 'dod pa dang / de bzhin gshegs pa'i stobs dang / mi 'jig pa dang / sangs rgyas kyi chos ma 'dres pa dag la lhag par dmigs pa dang / pha rol tu phyin pa chags pa med pa yongs su tshol ba dang / sgyu dang g.yo yongs su spangs pa dang / ji skad smras pa de ltar byed pa dang / rtag tu rgyun mi 'chad par bden pa'i tshig lhur len pa dang / de bzhin gshegs pa'i rigs sun par mi byed pa dang / byang chub sems dpa'i bslab pa mi gtong ba dang / ri'i dbang po'i/ rgyal po chen po ltar thams cad mkhyen pa nyid kyi sems mi bskul ba dang / 'jig rten pa'i bya ba thams cad kyang mi 'dor la/ 'jig rten las 'das pa'i lam dang yang ldan pa dang / byang chub kyi yan lag gi tshogs gsogs pa la chog mi shes pa dang / rtag tu rgyun mi 'chad par gong nas gong du khyad du 'phags pa yongs su tshol ba dang / kye rgyal ba'i sras dag sa yongs su sbyong ba'i chos kyi rnam pa 'di lta bu dag dang ldan pa'i byang chub sems dpa' ni/ byang chub sems dpa'i sa rab tu dga' ba la rab tu gnas pa yin te/ de byang chub sems dpa'i sa rab tu dga' ba de la gnas shing smon lam chen po rnam pa 'di lta bu 'di dag dang / brtson pa chen po dang / mngon par sgrub pa chen po mngon pa sgrub bo// 'di lta ste/ sangs rgyas ma lus pa la mchod pa dang / rim gro lhag ma med pa mtha' dag bya ba'i phyir/ rnam pa thams cad kyi mchog dang ldan pa mos pa rgya chen po rnam par dag pa/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par sangs rgyas 'byung ba bgrangs pa thams cad la mchod pa dang / rim gro chen po bya ba rgyun mi 'chang ba'i smon lam chen po dang po mngon par sgrub bo/ / 'di lta ste/ de bzhin gshegs pa thams cad kyis gsungs pa'i chos kyi tshul yang dag par gzung ba dang / sangs rgyas thams cad kyi byang chub yang dag par yongs su bzung ba dang / yang dag par rdzogs pa'i sangs rgyas thams cad kyi bstan pa yongs su bsrung ba'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i myur thug pa/ bskal pa bgrangs par sangs rgyas 'byung ba bgrangs pa thams cad kyi dam pa'i chos yongs su gzung brgyan mi 'chad pa'i smon lam chen po gnyis pa mngon par sgrub bo/ / 'di lta ste/ 'jig rten gyi khams rab 'byams ma lus pa thams cad du/ sangs rgyas 'byung ba thams cad kyi dga' ldan gyi pho brang na bzhugs pa thog mar mdzad de/ 'pho ba dang / gshegs pa dang / lhums na bzhugs pa dang / bltams pa dang / gzhon nu rol pa dang / btsun mo'i 'khor gyi nang na bzhugs pa dang / mngon par 'byung ba dang / dka' ba spyod pa dang / byang chub kyi snying por gshegs pa dang / bdud 'dul ba dang / mngon par rdzogs par byang chub pa dang / chos kyi 'khor lo bskor bar bskul ba dang / yongs su mya ngan las 'das pa chen po ston pa'i drung du 'gro zhing mchod pa dang / chos kyis yang dag par bsdu ba'i sbyor ba sngon du 'gro ba thams cad dus gcig tu bsgrub pa'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par sangs rgyas 'byung ba bgrangs pa thams cad kyi gan du 'gro ba rgyun mi 'chang ba'i smon lam chen po gsum pa mngon par sgrub bo/ / 'di lta ste/ byang chub sems dpa'i spyod pa thams cad shin tu rgyas pa che ba/ tshad med pa/ tha mi dad pa/ pha rol tu phyin pa thams cad kyis bsdus pa sa yongs su sbyong ba/ yan lag dang nye ba'i yan lag tu bcas pa sgrub pa dang / mtshan nyid 'dra ba dang / mtshan nyid mi 'dra ba dang / bsdu ba dang / rgyas pa dang bcas pa/ byang chub sems dpa'i spyod par gyur pa'i sa'i lam thams cad ji lta ba bzhin du ston pas/ pha rol tu phyin pa yongs su sbyang ba bya ba'i gdams ngag dang rjes su bstan pa rab tu sbyin pas brtan pa'i sems bskyed pa mngon par sgrub pa'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par spyod pa bgrangs pa thams cad du rgyun mi 'chad pa mngon par sgrub pa'i smon lam chen po bzhi pa mngon par sgrub bo/ / 'di lta ste/ sems can gyi khams ma lus pa thams cad gzugs can dang / gzugs med pa dang / 'du shes can dang / 'du shes med pa dang / 'du shes med 'du shes med min dang / sgo nga las skyes pa dang / mngal nas skyes pa dang / drod gsher las skyes pa dang / rdzus te skyes pa dang / khams gsum du gtogs pa/ 'gro ba drug tu 'dus pa/ skye ba thams cad du gtogs pa/ ming dang gzugs kyis bsdus pa'i sems can ma lus pa thams cad yongs su/ smin par bya bar sangs rgyas kyi chos la gzung pa dang / 'gro ba bgrangs pa thams cad rnam par gcad pa dang / thams cad mkhyen pa'i ye shes la rab tu dgod pa'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par sems can gyi khams bgrangs pa thams cad yongs su smin par bya ba rgyun mi 'chang pa'i smon lam chen po lnga pa mngon par sgrub bo/ / 'di lta ste/ 'jig rten gyi khams shin tu rgyas pa dang / thag gru che ba dang / tshad med pa dang / phra ba dang / rags pa dang / sbrel zhi dang / spyi'u tshugs ngos phyal ba dang / 'jug pa'i khyim can dang / mig 'phrul ltar rnam par 'byed pa dang / tshogs bcu rnam pa tha dad pa rnam par 'byed pa la 'jug pa/ ma lus pa ye shes kyis khong du chud par mngon sum du 'gyur bar bya ba'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par 'jig rten gyi khams bgrangs pa thams cad du 'jug pa rgyun mi 'chad pa'i smon lam chen po drug pa mngon par sgrub bo/ / 'di lta ste/ zhing thams cad kyi ning gcig dang zhing thams cad zhing gcig tu yang dag par gzhol bar bya ba yongs su sbyong ba dang / sangs rgyas kyi zhing tshad med pa dag 'od rnam par bkod pa'i rgyan gyis rab tu brgyan pa dang / yongs su dag pa'i lam dang ldan pas nyon mongs pa thams cad bsal ba dang / sems can ye shes kyi 'byung gnas tshad med pas rab tu gang ba dang / sangs rgyas kyi yul rgya chen po la yang dag par gzhol ba dang / sems can gyi bsam pa ji lta ba bzhin du yang dag par bstan cing shin tu tshim par bya ba'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa bskal pa bgrangs par sangs rgyas kyi zhing bgrangs pa thams cad yongs su sbyong ba rgyun mi 'chad pa'i smon lam chen po bdun pa mngon par sgrub bo/ / 'di lta ste/ byang chub sems dpa' thams cad bsam pa dang / sbyor ba gcig par bya ba dang / 'gran zla med pa'i dge ba'i rtsa ba bsags par bya ba dang / byang chub sems dpa' thams cad dang / dmigs pa gcig pas mnyam pa nyid du bya ba dang / rtag tu rgyun mi 'chad par byang chub sems dpa' dang 'grogs shing mi 'bral bar bya ba dang / sangs rgyas 'byung ba ci dgar bstan par bya ba dang / rang gi sems bskyed pas/ de bzhin gshegs pa'i mthu ye shes kyis khong du chud bar bya ba dang / ma nyams shing rjes su 'gro ba'i mngon par shes pa thob par bya ba dang / 'jig rten gyi khams thams cad du rnam par rgyu bar bya ba dang / 'khor gyi dkyil 'khor thams cad du snang ba thob par bya ba dang / skye ba thams cad du rang gi lus rjes su 'gro bar bya ba dang / theg pa chen po bsam gyis mi khyab pa dang ldan par bya ba dang / byang chub sems dpa'i spyod pa spyad par bya ba'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par spyod pa bgrangs pa thams cad du theg pa chen po la 'dzud pa/ rgyan mi 'chad pa'i smon lam chen po brgyad pa mngon par sgrub bo// 'di lta ste/ phyir mi ldog pa'i 'khor lo la yang dag par gnas pa'i byang chub sems dpa'i spyod pa spyad par bya ba dang / lus dang ngag dang / yid kyi las don yod par bya ba dang / mthong ma thag tu sangs rgyas kyi chos nges par thob par bya ba dang / dbyangs brjod ma thag tu ye shes khong du chud par bya ba dang / dad par gyur ma thag tu nyon mongs pa ldog par bya ba dang / sman gyi rgyal po chen po lta bu'i lus thob par bya ba dang / yid bzhin gyi nor bu/ lta bu'i lus thob par bya ba dang / byang chub sems dpa' chen po'i spyod pa spyad pa'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par spyod pa bgrangs pa thams cad don yod pa rgyun mi 'chang pa'i smon lam chen po dgu pa mngon par sgrub bo// 'di lta ste/ 'jig rten gyi khams thams cad du/ bla na med pa yang dag par rdzogs pa'i byang chub mngon par rdzogs par 'tshang rgya bar bya ba dang / byis pa'i lam gcig dang tha mi dad par byis pa'i lam thams cad du cher skye ba dang / byang chub kyi snying por gshegs pa dang / chos kyi 'khor lo bskor ba dang / yongs su mya ngan las 'das pa chen po bstan par bya ba dang / sangs rgyas kyi yul chen po mthu dang ye shes kyi rjes su 'gro bas/ sems can gyi khams thams cad kyi bsam pa ji lta ba bzhin du sangs rgyas 'byung bar ngal bdal ba la rtogs par byed/ zhi bar byed/ thob par byed cing bstan par bya ba dang / gcig mngon du yang dag par rtogs pas/ chos kyi dbyings thams cad mya ngan las 'das pas rgyas par bya ba dang / dbyangs gcig brjod pas sems can thams cad kyi sems tshim par bya ba dang / yongs su mya ngan las 'das pa chen po bstan kyang spyod pa'i stobs rgyun mi gcod pa dang / ye shes chen pos chos thams cad 'byung bar byed pa bstan par bya ba dang / chos shes pa dang / rdzu 'phrul dang / sgyu ma'i mngon par shes pas 'jig rten gyi khams thams cad rgyas par bya ba'i phyir/ chos kyi dbyings kyis klas par rgya che ba/ nam mkha'i khams kyi mthas gtugs pa/ phyi ma'i mtha'i mur thug pa/ bskal pa bgrangs par mngon par rdzogs par byang chub pa bgrangs pa thams cad du theg pa chen po mngon par sgrub pa rgyun mi 'chad pa'i smon lam chen po bcu pa mngon par sgrub bo/ / kye rgyal ba'i sras dag de ltar na rnam pa 'di lta bu'i smon lam chen po dang / brtson 'grus chen po dang / mngon par sgrub pare/ po'i smon lam gyi sgo bcu po 'di dag la sogs pa smon lam brgya stong grangs med pa phrag bcu tshang ba de dag byang chub sems dpa'i sa rab tu dga' ba la gnas pa'i byang chub sems dpas mngon par sgrub bo/ / smon lam de dag kyang mthar thug pa'i gnas bcus mngon par sgrub ste/ bcu gang zhe na/ 'di lta ste/ sems can gyi khams kyi mthar thug pa dang / 'jig rten gyi khams kyi mthar thug pa dang / nam mkha'i khams kyi mthar thug pa dang / chos kyi khams kyi mthar thug pa dang / mya ngan las 'das pa'i khams kyi mthar thug pa dang / sangs rgyas 'byung ba'i khams kyi mthar thug pa dang / de bzhin gshegs pa'i ye shes kyi sangs rgyas 'byung ba'i khams kyi mthar thug pa dang / sems kyi dmigs pa'i khams kyi mthar thug pa dang / sangs rgyas kyi yul ye shes la 'jug pa'i khams kyi mthar thug pa dang / 'jig rten gyi rgyud dang / chos kyi rgyud dang / ye shes kyi rgyud kyi khams kyi mthar thug pa dag go// de ltar bdag gi smon lam chen po 'di dag sems can gyi khams kyi mthar gang du thug pa de'i mthar thug par gyur cig/ bdag gi smon lam chen po 'di dag ye shes kyi rgyud kyi khams kyi bar dag gi mtha' gang du thug pa de'i mthar thug par gyur cig/ de ltar sems can gyi khams kyi mthar thug pa med pa ltar bdag gi dge ba'i rtsa ba 'di dag kyang mthar thug pa med par gyur cig/ ye shes kyi rgyud kyi khams kyi bar dag gi mtha' mthar thug pa med pa ltar/ bdag gi dge ba'i rtsa ba 'di dag kyang mthar thug pa med par gyur cig ces de de ltar smon lam shin tu bsgrubs te las su rung ba'i sems dang / mnyen pa'i sems su gyur pas/ dad pa dang ldan pa yin te/ de ni de bzhin gshegs pa dgra bcom pa yang dag par rdzogs pa'i sangs rgyas rnams kyi sngon gyi mtha'i spyod pa la 'jug pa dang / pha rol tu phyin pa yang dag par sdud pa dang / sa yongs su 'grub pa dang / mi 'jigs pa yongs su rdzogs pa dang / stobs dang / sangs rgyas kyi chos ma 'dres pa mi 'phrogs pa dang / sangs rgyas kyi chos bsam gyis mi khyab pa dang / de bzhin gshegs pa'i yul mtha' dang dpung med pa mngon par sgrub pa dang / de bzhin gshegs pa'i spyod yul tshad med pa'i rjes su song bar 'jug pa dang / 'bras bu yongs su 'grub pa la yid ches pa yin te/ mdor bsdu na/ byang chub sems dpa'i spyod pa thams cad nas/ de bzhin gshegs pa'i sa'i bar du bstan pa dang / byin gyi rlabs la mngon/ par yid ches pa yin no// // 'phags pa sa bcu pa/ bam po gnyis pa// de 'di snyam du sems te/ sangs rgyas kyi chos 'di dag ni 'di ltar zab/ 'di ltar dben/ 'di ltar zhi/ 'di ltar stong / 'di ltar mtshan ma med/ 'di ltar smon pa med/ 'di ltar goms pa med/ 'di ltar tshad med cing 'di ltar rgya che la/ sangs rgyas kyi chos 'di dag ni 'di ltar bsgrub dka' na/ 'on kyang byis pa so so'i skye bo 'di dag lta ba ngan par lhung ba'i rgyud dang / ma rig pa'i mun pas kun nas khebs pa'i yid dang / nga rgyal gyi rgyal mtshan shin tu bsgreng ba'i kun tu rtog pa dang / srid pa'i dra bas mngon par 'dod pa yid la byed pa dang / sgyu dang g.yo thibs po'i rjes su song ba'i bsam pa dang / phrag dog dang / ser sna dang rab tu ldan par 'gro bas skye bar sbyor ba dang / 'dod chags dang / zhe sdang dang / gti mug la 'dris pa'i la sogs pa dang / khro ba dang / khon du 'dzin pa 'bar bar byas pa'i sems kyi me lce dang / phyin ci log dang rab tu ldan pa las bya ba mngon par bsgrubs pa dang / 'dod pa dang / srid pa dang / ma rig pa'i zag pa dang 'brel pa'i sems dang / yid dang / rnam par shes pa'i sa bon gyis khams gsum du gang 'di ming dang / gzugs dang lhan cig byung ba mi 'bral ba yang srid pa'i myu gu mngon par 'grub par byed do// ming dang gzugs de rnam par 'phel nas skye mched drug gi grong 'byung bar 'gyur ro/ / skye mched rnams byung nas phan tshun reg ste/ phrad pas tshor ba 'byung bar 'gyur ro// tshor ba de nyid la phyi phyir zhing mngon par dga' ba'i sred pa dang / len pa rnam par 'phel lo// rnam par 'phel nas srid pa 'byung ngo // byung nas skye ba dang / rga shi dang / mya ngan dang / smre sngags 'don pa dang // sdug bsngal zhing yid mi bde ba dang / 'khrug pa rnams 'byung bar 'gyur te/ de ltar sems can de dag gi sdug bsngal gyi phung po bdag dang bdag gi med pa/ gsong gsog/ stong pa g.yob med pa/ byed pa med pa/ bems po rtswa dang / rtsig pa dang / mig yor lta bu mngon par 'grub kyang 'di khong du mi chud ngo zhes des sems can sdug bsngal gyi phung po las ma thar pa de lta bu dag mthong nas/ de'i phyir de'i snying rje chen po rgyas par 'byung ste/ sems can 'di dag ni bdag gis yongs su dgrol ba dag go// shin tu bde ba'i mya ngan las 'das pa la rab tu dgod par bya ba dag go snyam ste/ de'i phyir de'i byams pa chen po rgyas par 'byung ngo // kye rgyal ba'i sras dag de ltar byang chub sems dpa' snying rje dang / byams pa dang ldan pa'i lhag pa'i bsam pa'i sa dang po la gnas pa'i tshe/ dngos po thams cad la 'phangs par sems pa'i sems yongs su spangs nas/ sangs rgyas kyi ye shes la re ba dang / 'dod brlabs po che'i blos gtong ba chen po la rab tu brtson par byed do/ / gtang bar bya ba ni 'di dag ste/ 'di ltar nor dang / 'bru dang / mdzod dang / bang ba yongs su gtang ba 'am/ gser dang / nor bu dang / mu tig dang / bai DUR+Ya dang / man shel dang / byi ru dang / dngul dang / sa le sbrum yongs su gtang ba 'am/ rin po che'i rgyan dang / lhab lbub yongs su gtang ba 'am/ rta dang / glang po che dang shing rta'i bzhon pa yongs su gtang ba 'am/ bskyed mos tshal dang dka' thub kyi nags tshal dang / gtsug lag khang yongs su gtang ba 'am/ bran po dang / bran mo yongs su gtang ba 'am/ grong dang / grong khyer dang / grong rdal dang / pho brang 'khor dang / yul 'khor yongs su gtang ba 'am/ chung ma dang / bu dang / bu mo yongs su gtang ba 'am/ sdug cing yid du 'ong ba'i dngos po thams cad yongs su gtang ba 'am/ mgo dang / lag pa dang / rkang pa dang / mig dang yan lag gi dam pa dang / lus thams cad yongs su gtang ba 'am dngos po de dag thams cad la de 'phangs par sems pa med par byas nas/ sangs rgyas kyi ye shes la re ba dang / 'dod pa rlabs po che'i blos yongs su gtong ste/ de ltar byang chub sems dpa'i sa dang po la gnas pa de gtong ba chen por 'gyur ro/ / de de ltar na snying rje dang / byams pa dang / gtong ba'i bsam par gyur nas sems can thams cad yongs su bsgrub pa'i phyir/ phyi phyir zhing 'jig rten pa dang / 'jig rten las 'das pa'i don yongs su tshol zhing don du gnyer ro// de yongs su tshol zhing don du gnyer ba'i tshe/ yongs su skyo ba'i sems mi skye ste/ de ltar de yongs su mi skyo bar 'gyur ro/ / yongs su skyo ba med pas bstan bcos thams cad la 'jigs pa med pa yin no// de'i phyir de'i bstan bcos shes par gyur te/ de ltar na bstan bcos dang ldan pas// bya ba dang bya ba ma yin pa la rnam par brtags pa'i blos/ sems can tha ma dang 'bring dang / mchog rnams la ni ci nus ci 'os su de bzhin nyid du sgrub bo// de'i phyir de'i 'jig rten shes pa yin/ te/ 'jig rten shes pas dus dang / tshod dang / ran par spyod cing ngo tsha shes pa dang / khrel yod pas shin tu brgyan pa rgyud kyis bdag gi don dang gzhan gyi don la rab tu brtson par byed de/ de'i phyir de ngo tsha shes pa dang khrel yod pa yin/ sbyor ba de dag la mngon par 'byung bar spyod pa yin/ phyir mi ldog cing mi zlog pa'i stobs bskyed pa yang thob pa yin te/ de ltar de'i dga' ba'i stobs bskyed pa kun tu skyes pa yin te/ dga' ba'i stobs bskyed pa thob pas de bzhin gshegs pa la mchod pa dang / rim gro bya bar brtson zhing bstan pa la yang nan tan byed do// de ltar de'i sa bcu po de dag yongs su sbyong ba'i chos 'di lta ste/ dang pa dang snying rje dang / byams pa dang / gtong ba dang / skyo ba bag la zha bar byed pa dang / bstar bcos shes pa dang / 'jig rten shes pa dang / ngo tsha shes pa dang / khrel yod pa dang / dga' ba'i stobs bskyed pa dang / de bzhin gshegs pa la mchod pa dang / rim gro bya ba kun tu skyes pa yin no// byang chub sems dpa'i sa rab tu dga' ba 'di la gnas pa de la mthong ba rgya chen po dang / smor lam gyi stobs kyis sangs rgyas mang po snang bar 'gyur te/ mthong ba rgya chen po dang smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas khrag khrig brgya stong phrag mang po dang sangs rgyas bye ba phrag mang po dang / sangs rgyas bye ba brgya phrag mang po dang / sangs rgyas bye ba stong phrag mang po dang / sangs rgyas bye ba brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro/ / des de bzhin gshegs pa dgra bcom pa yang dag par rdzogs pa'i sangs rgyas de dag mthong nas lhag pa'i bsam pa rgya chen pos bsti stang byed do// btsun par byed do// ri mor byed do// mchod par byed do// na bza' dang / zhal zas dang / gzims cha dang / snyun gsos sman dang / yo byad dag kyang 'bul zhing byang chub sems dpa'i bde bar sbyar ba yang nye bar sgrub bo/ / dge 'dun gyi tshogs la yang dag par rim gro byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do/ / des sangs rgyas bcom ldan 'das de dag la mchod pas sems can yongs su smin par bya ba kun tu skyes pa yin te/ de bsdu ba'i dngos po sbyin pa dang / snyan par smra bas sems can rnams yongs su smin par byed do/ / de'i mos pa'i stobs kyis bsdu ba'i dngos po 'og ma gnyis kyang rab tu skye bar 'gyur te/ ye shes kyis ma lus par rtogs nas thob pa ni ma yin no// pha/ rol tu phyin pa bcu po dag las de'i sbyin pa'i pha rol tu phyin pa shas che ba yin te/ lhag ma rnams kyang ci nus ci tshul du yang dag par mi sgrub pa ni ma yin no// de ji lta ji ltar sangs rgyas bcom ldan 'das rnams la mchod pa byed cing sems can yongs su smin par bya ba la brtson pa dang / sa yongs su sbyong ba'i chos 'di dag yang dag par blangs te/ gnas pa de de ltar de'i dge ba'i rtsa ba thams cad mkhyen pa nyid du yongs su bsngos pa de dag de bas kyang shas cher rab tu byang ba dang / yongs su dag pa dang / ci dgar las su rung bar 'gyur ro// kye rgyal ba'i sras dag 'di lta ste dper na/ mgar ba mkhas pas gser gyis le sbram ji lta ji ltar mes bsregs pa de lta de ltar rab tu byang ba dang / yongs su dag pa dang / ci dgar las su rung bar 'gyur ro// kye rgyal ba'i sras dag de bzhin du byang chub sems dpa' rnams ji lta ji ltar/ sangs rgyas bcom ldan 'das rnams la mchod pa byed pa dang / sems can yongs su smin par bya ba la brtson par byed pa dang / sa yongs su sbyang ba'i chos 'di dag yang dag par blangs te gnas pa de lta de ltar dge ba'i rtsa ba thams cad mkhyen pa nyid du yongs su bsngos pa de dag shin/ bya// tu byang ba dang / yongs su dag pa dang / ci dgar las su rung bar 'gyur ro// kye rgyal ba'i sras dag gzhan yang / byang chub sems dpa'i sa dang po 'di la gnas pa'i byang chub sems dpas byang chub sems dpa'i sa dang po nyid kyi rnam pa dang / thob par bya ba dang / rgyu mthun pa dag sangs rgyas dang / byang chub sems dpa' dang / dge ba'i bshes gnyen rnams las yongs su btsal bar bya/ yongs su dri bar bya'o// sa'i yan lag yongs su bsgrub pa'i phyir yang ngoms mi shes par bya ba ste/ sa gnyis pa nas byang chub sems dpa'i sa bcu pa'i bar du yang de bzhin no/ / de des sa'i mi mthun pa'i phyogs dang gnyen po la mkhas par bya'o// sa 'jig pa dang / 'grub pa la mkhas pa dang / sa'i rnam pa dang / rgyu mthun pa la mkhas pa dang / sa thob par bya ba rnam par dpyod pa la mkhas pa dang / sa'i yan lag yongs su sbyang ba la mkhas pa dang / sa nas sar 'phar ba la mkhas pa dang / sa dang sa la gnas pa la mkhas pa dang / sa dang sa'i khyad par shes pa la mkhas pa dang / sa dang sa thob nas phyir mi ldog pa la mkhas pa dang / byang chub sems dpa'i sa thams cad yongs su sbyangs pas de bzhin gshegs pa'i sa gnon pa la mkhas par bya'o/ / kye rgyal ba'i sras ngag de ltar byang chub sems dpa'i sa'i rnam pa mngon par bsgrub pa la mkhas pa ni sa dang po las gyen tu ma bskyod par sa bcu'i bar du gnas shing thob par bya ba la thogs pa med de/ thogs pa med par 'gro ba dang / sa'i ye shes snang bas sangs rgyas/ kyi ye shes snang ba yang thob bo// kye rgyal ba'i sras dag 'di lta ste/ dper na/ ded dpon mkhas pa 'gron po phal po che yongs su gdon pa'i bsam pa dang ldan pa grong khyer chen bor phyin par bya bar 'dod pa ni thog ma nyid nas lam gyi yon tan dang / lam gol ba'i nyes pa dang / lam gyi bar gnas kyi khyad pa dang / lam gyi bar gnas las gol ba'i nyes pa dang / lam rgyags dang / bya ba dang / bya ba ma yin pa rnams yongs su tshol zhing kun tu 'dri'o// lam gyi bar gnas thog ma nyid nas ma 'phags pa nas/ grong khyer chen por phyin gyi bar la shin tu mkhas pa yin te/ lam gyi bar gnas thog ma nyid nas ma 'phags par shes pas rnam par brtags pa'i blo dang / rgyags kyi tshogs chen po phun sum tshogs pa 'gron po phal po che rnams dang lhan cig tu mthar gyis grong khyer chen po'i bar du phyin par byed de/ 'brog dgon pa'i nyes pa rnams kyis bdag dang 'gron po rnams la gnod par mi 'gyur bar byed do// kye rgyal ba'i sras ngag de bzhin du/ byang chub sems dpa' ded dpon mkhas pa yang gang gi tshe/ byang chub sems dpa'i sa dang po la gnas shing sa'i mi mthun pa'i phyogs dang / gnyen po la mkhas pa dang / 'jig pa dang / 'grub pa la mkhas pa dang / sa'i rnam pa dang / rgyu mthun pa la mkhas pa dang / sa thob par bya ba rnam par dpyod pa la mkhas pa dang / sa'i yan lag yongs su sbyang ba la mkhas pa dang / sa nas sar 'phar ba la mkhas pa dang / sa dang sa la gnas pa la mkhas pa dang / sa dang sa'i khyad par shes pa la mkhas pa dang / sa dang sa thob nas phyir mi ldog pa la mkhas pa dang / byang chub sems dpa'i sa thams cad yongasu sbyangs pas de bzhin gshegs pa'i sa gnon pa la mkhas par 'gyur ba de'i tshebasod nams dang / ye shes kyi tshogs chen po'i rgyags yongs su bzung ba dang / ye shes kyi tshogs chen po la rnam par phye ba shin tu byas pa dang sems can gyi 'gron pa phal po che yongs su gdon pa'i bsam pa dang ldan pas thams cad mkhyen pa nyid kyi grong khyer chen por phyin par bya bar 'dod cing thog ma nyid nas sa'i lam gyi yon tan dang / sa'i lam gol ba'i nyes pa dang / sa'i lam gyi bar gnas pa'i khyad par dang / sa'i lam gyi bar gnas kyi gol ba'i nyes pa dang / bsod nams kyi tshogs chen po'i rgyags bshams shing gsog pa dag kyang sangs rgyas dang / byang chub sems dpa' dang / dge ba'i bshes gnyen dag las yongs su tshol zhing yongs su 'dri ste/ de lam gyi bar gnas dang po nas gyen tu ma bskyod par thams cad mkhyen pa nyid kyi grong khyer chen por phyin par bya pa'i bar la mkhas pa yin no/ / de de ltar ye shes kyis rnam par brtags pa blo dang / bsod nams dang / ye shes kyis tshogs chen po'i rgyugs phun sum tshogs pas sems can gyi 'gron po phal po che ji ltar yongs su smin pa bzhin du mthar gyis 'khor ba'i 'brog dgon pa dang / mya ngan las bsgral te thams cad mkhyen pa nyid kyi ye shes kyi grong khyer chen po'i bar du phyin par byed cing 'khor ba'i 'brog dgon pa'i nyes pa rnams kyis sems can gyi 'gron po 'am/ bdag la gnod par yang mi 'gyur bar byed do// kye rgyal ba'i sras dag de lta bas na/ byang chub sems dpas yongs su mi skyo bar yongs su sbyang ba'i khyad par la brtson par bya'o/ / kye rgyal ba'i sras dag 'di ni byang chub sems dpa' rnams kyi byang chub sems dpa'i sa rab tu dga' ba'i sgor 'jug pa mdor bstan pa'o/ / rgya cher ni bskal pa mtha' yas pa bstan pa'i mthar thug par khong du chud par bya'o// de la gnas pa'i byang chub sems dpa' ni phal cher 'dzam bu gling gi dbang por 'gyur zhing dbang phyug chen po la dbang rab tu thob pa dang / chos rjes su srung ba dang / gtong ba chen pos sems can rnams sdud pa'i gtso bor gyur cing sems can rnams kyi ser sna'i rim bzlog pa la mkhas pa yin/ gtong ba chen po rtsom pa yongs su dub par mi 'gyur ba yin no// sbyin pa dang / snyan par smra ba'am/ don spyod pa 'am don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sem/ dpa' yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur// rnam par 'dren par 'gyur/ yongs su 'dren par 'gyur ba nas/ rnam pa thams cad kyi mchog dang ldan pa'i thams cad mkhyen pa'i ye shes la rton pa'i bar du 'gyur snyam du sems so// 'dod na brtson 'grus rtsom pa rnam pa ji lta bus khyim dang / chung ma dang / longs spyod thams cad spangs te/ de bzhin gshegs pa'i bstan pa la rab tu 'byung ba dang / rab tu byung nas kyang skad cig thang cig yud tsam gcig la ting nge 'dzin brgya rab tu thob cing snyoms par yang 'jug pa dang / sangs rgyas nga rgya mthong ba dang / de dag gi byin gyi rlabs kyang yang dag par shes pa dang / 'jig rten gyi khams brgya g.yo bar byed pa dang / zhing brgyar 'gro ba dang / 'jig rten gyi khams brgya snang bar byed pa dang / sems can brgya yongs su smin par byed pa dang / bskal pa brgyar gnas par byed pa dang / bskal pa brgya la sngon gyi mtha' dang / phyi ma'i mthar rab tu 'jug pa dang / chos kyi sgo brgya rnam par 'byed pa dang / lus brgya kun tu ston pa dang / lus re re la yang byang chub sems dpa'i 'khor brgya brgya kun tu ston pa'i brtson 'grus rnam pa de lta bu rtsom mo/ / de yan chad byang chub sems dpa' smon lam gyi stobs can rnams smon lam khyad par can gyis rnam par 'phrul te/ de dag gi lus sam/ 'od ngam/ rdzu 'phrul lam/ mig gam/ spyod yul lam/ dbyangs sam/ spyod pa'am/ bkod pa 'am/ byin gyi rlabs sam/ mos pa'am/ mngon par 'du byed pa ngag kyang bskal pa bye ba khrag khrig brgya stong phrag ji snyed pa de snyed du yang brjod par slab ma yin no/ / byang chub sems dpa'i sa dang po rab tu dga' ba zhes bya'o// kye rgyal ba'i sras dag byang chub sems dpa'i sa dang po la legs par yongs su sbyang ba byas pa'i/ byang chub sems dpa' de byang chub sems dpa'i sa gnyis pa mngon par 'dod pa yin te/ de'i sems kyi bsam pa bcu 'byung ngo // bcu gang zhe na/ 'di lta ste/ drang po'i bsam pa dang / 'jam pa'i bsam pa dang / las su rung ba'i bsam pa dang / dul ba'i bsam pa dang / zhi ba'i bsam pa dang / dge pa'i bsam pa dang / ma 'dres pa'i bsam pa dang / mi ltos pa'i bsam pa dang / rlabs po che'i bsam pa dang / che ba nyid kyi bsam pa dang / sems kyi bsam pa po 'di dag 'byung ste/ de nas byang chub sems dpa'i sa gnyis pa dri ma med pa la gnas pa yin no// kye rgyal ba'i sras dag de la byang chub sems dpa'i sa dri ma med pa la gnas pa'i byang chub sems dpa' ni rang bzhin gyis dge ba bcu'i las kyi lam rnams dang ldan pa yin no/ / bcu gang zhen/ 'di lta ste/ srog gcod pa spangs pa yin te/ dbyig pa spangs mtshon cha spangs/ khon du 'dzin pa spangs nas 'dzem pa dang ldan zhing snying rje la zhugs pas srog chags 'byung po thams cad la phan pa dang / bde ba dang / snying brtse ba dang / byams pa'i sems dang ldan te/ de kun tu rtog pa tsam gyis kyang srog chags la rnam par 'tshe bar mi byed na/ sems can gang la sems can du 'du shes shing ched du bsams te/ lus kyis rnam par 'tshe ba chen po bya ba lta ci smos/ ma byin par len pa spangs pa yang yin te/ bdag gi longs spyod kyis chog shes shing snying brtse ba dang ldan te/ gzhan gyi longs spyod la bag byed pas/ de gzhan gyis yongs su bzung ba'i dngos po dag las gzhan gyis yongs su bzung bar 'du shes shing rku sems nye bar bzhag ste/ tha na rtswa dang / lo ma yang ma byin par mi len na/ 'tsho ba'i yo byad gzhan dag lta ci smos 'dod pa la log par g.yem pa spangs pa yang yin te/ bdag gi chung mas chog shes shing gzhan gyi chung ma la 'dod pa med pas de gzhan gyis yongs su bzung ba'i bud med gzhan gyi chung ma rus dang mtshan ma dang / chos kyis bsrungs pa rnams la chags sems kyang mi skye na yan lag ma yin pa'i rnam par rig byed dam gnyis kyi dbang po gnyis spong pa lta ci smos/ brdzun du smras pa spangs pa yang yin te/ bden par smra zhing dag par smra la dus su smra ste/ de tha na rmi lam na yang lta ba dang / bzod pa dang / 'dod pa dang / rab tu rtog pa bsgyur te/ bslu ba'i bsam pas brdzun gyi tshig mi smra na ched du bsams te rjod pa lta ci smos/ phra ma'i cho ga spangs pa yang yin te/ sems can rnams la dbyen mi byed cing rnam par mi 'tshe ba la zhugs pas/ des de dag dbye ba'i phyir chu gyi las thos nas pha gir snyod pa ma yin te/ de dag dbye ba'i phyir/ pha gi las thos nas tshu gir snyod pa ma yin la/ 'dum pa rnams mi 'byed cing bye ba rnams la yang mi rnon te/ mi 'dum pa la dga' zhing mi 'dum pa la mos pa ma yin pas bden nam/ brdzun yang rung mi 'dum par bya ba'i tshig mi smra'o// tshig rtsub po spangs pa yang yin te/ zher 'debs pa dang / brlang ba dang / gzhan la gnod pa dang / gzhan gyi mtshang 'dru ba dang / grong mi'i tshig dang / ma rabs kyi tshig ngor rjod pa dang / ngor rjod pa la gzhol ba dang / brdzun dang / rnar mi snyan pa dang / khro zhing ga ba las byung ba dang / mi snyan pa dang / yid du mi 'ong bas spring na bar byed cing gdung bar byed pa dang / bdag gi rgyud dang / gzhan gyi rgyung ma rung bar byed pa'i tshig rnam/ pa de lta bu spangs te/ gang 'di mnyen pa dang / yid du 'ong ba dang / brdzun ma yin pa dang / rnar sman pa dang / snying du sdug pa dang / grong khyer ba dang / skye bo mang po'i yid du 'ong ba dang / yid dga' bar byed pa dang / yid tshim par byed pa dang / bdag gi rgyud dang / gzhan gyi rgyud dang bar byed pa'i tshig rnam pa de lta bu dag rjod do// tshig kyal pa spangs pa yang yin te/ lan legs bar glon pa'i tshig dang / dus su sdu ba dang / yang dag par smrab dang / chos smra ba dang / rigs pa smra ba dang / 'dul ba sgrub dang / g.yeng ba med pa dang ldan pa dang / dus dang / dang bcas pa'i tshig smra ba yin te/ de tha na bzhad gang du bya ba'i tshig yongs su spong bar bya ba yang yongs su spong na/ tshig gi rnam par g.yeng ba lta ci smos/ brnab sems med pa yang yin te/ gzhan gyi nor dang / gzhan gyi 'dod pa dang / gzhan gyi rdzas dang / yo byad gzhan gyis yongs su bzung ba la brnab sems mi skyed la 'dod par mi byed cing mi smon te/ chags pa'i sems mi skyed la gnod sems med pa yang yin te/ sems can thams cad la byams pa'i sems dang / phan pa'i sems dang / bde ba'i sems dang / 'jam pa'i sems dang / skye bo thams cad la phan gdags pa'i sems dang ldan pas/ gang 'di khro ba dang / khon du 'dzin pa dang / tha ba dang / dri ma dang / gnod sems dang / khong khro ba sngon du 'gro ba de dag spangs te/ gang 'di byams pa dang ldan/ par de dag la rtog pa yin no// yang dag pa'i lta ba dang ldan zhing ngo mtshar dang / bkra shis rnam pa tha dad pa dang / tshul khrims ngan pa'i lta ba dang bral ba yin te/ lta ba drang zhing g.yo med la sgyu med pas/ sangs rgyas dang / chos dang / dge 'dun la bsam pa nges pa yin no// de dge ba bcu'i las kyi lam 'di dag rtag tu rgyun mi 'chad par srung zhing 'di ltar sems kyi bsam pa ngon par bsgrub ste/ sems can rnams kyi ngan song dang / ngan 'gro dang / rnam par ltung ba yod pa gang yang rung ste/ de dag thams cad mi dge ba bcu'i las kyi lam rnams yang dag par blangs pa'i rgyu las byung gis/ bdag gis ni 'di ltar bdag nyid yang dag par sgrub pa la gnas te/ gzhan yang dag par sgrub pa la dgod par bya'o// de ci'i phyir zhe na/ 'di ni gnas ma yin zhing go skabs med de/ gang bdag log par sgrub pa la gnas shing gzhan yang dag par sgrub pa la dgod par bya ba 'di ni gnas med do snyam nas yang de 'di ltar dpyod de/ mi dge ba bcu'i lam 'di dag yang dag par blangs pa'i rgyus sems can dmyal ba dang / dud 'gro'i skye gnas dang / gshin rje'i 'jig rten gyi 'gro ba rnams yod par gyur to// dge ba bcu'i las kyi lam rnams yang dag par blangs pa'i rgyus ni lha dang mir skye ba la sogs pa srid pa'i rtse mo'i bar du skye ba yod par gyur to/ / de'i gong du dge ba bcu'i las kyi lam 'di dag nyi tshe ba'i sems dang khams// gsum pas sgrog pa'i yid dang / snying rje chen po med pa dang / gzhan las thos pa'i rjes su 'gro ste/ sgra'i rjes su 'brang bas shes rab kyi rnam pas yongs su bsgoms na nyan thos kyi theg pa sgrub bo/ / de'i gong du gzhan gyi dring mi 'jog pa dang / rang mngon par rdzogs par 'tshang rgya ba dang / snying rje chen po dang / thabs mkhas pa med pa dang / zab mo rkyen 'di khong du chud pas yongs su sbyangs na/ rang sangs rgyas kyi theg pa sgrub bo// de'i gong du shin tu rgyas shing tshad med pa'i sems dang / snying brtse ba dang / snying rje dang ldan pa dang / thabs mkhas pas bsdus pa dang / smon lam chen po shin tu btab pa dang / sems can thams cad yongs su mi gtong ba dang / sangs rgyas kyi ye shes shin tu rgyas pa la dmigs pas yongs su spangs na/ byang chub sems dpa'i sa yongs su dag pa dang / pha rol tu phyin pa rnam par dag pa'i sbyor pa rgya chen po sgrub bo// de'i gong du rnam pa thams cad yongs su sbyangs pas stobs bcu'i stobs dang / sangs rgyas kyi chos thams cad yang dag par 'grub pa'i bar du sgrub bo/ / de lta bas na bdag gis mngon par sgrub tu 'dra ba la/ rnam pa thams cad yongs su sbyang zhing mngon par sgrub pa nyid la brtson par bya'o zhes de de bas kyang 'di ltar yang dag par slob ste mi dge ba bcu'i las kyi lam 'di dag bsten pa dang / bsgoms pa dang mang du byas pa'i shas che bas ni/ sems can dmyal ba'i rgyur 'gyur ro/ / 'bring gis ni dud 'gro'i skye gnas kyi rgyur 'gyur ro// chung ngus ni gshin rje'i 'jig rten gyi rgyur 'gyur te// de la srog gcod pas ni sems can dmyal bar khrid do// dud 'gro'i skye gnas su khrid do/ / gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ tshe thung ba dang / nad mang bar 'gyur ba'o/ / ma byin par len pas ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ longs spyod chung ba dang / thun mong gi longs spyod du 'gyur ba'o// 'dod pa la log par g.yem pas ni sems can dmyal bar khrid do// dud 'gro'i skye gnas su khrid ngo / / gshin rje'i 'jig rten du khrid ngo // de nas gal te mi rnams kyi nang du skyes na yang rnam par smin pa gnyis mngon par smra ba ste/ g.yog 'khor brtan du mi rung ba dang / 'gran blang bcas pa'i chung mar 'gyur ba'o/ / brdzun du smra bas ni sems can dmyal bar khrid do// dud 'gro'o skye gnas su khring ngo // gshin rje'i 'jig rten du khring ngo // de nas gal te mi rnams kyi nang du skyes na yang rnam par smin pa gnyis mngon par sgrub ste/ skur pa mang ba dang / gzhan gyis bslu bar 'gyur ba'o// phra mas ni sems can dmyal bar khring ngo // dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ g.yog 'khor mi 'dum pa dang / g.yog 'khor ngan par 'gyur ba'o// tshig rtsub pos ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khring ngo // de nas gal te mi rnams kyi nang du skyes na yang rnam par smin pa gnyis mngon par sgrub ste/ yid du mi 'ong ba thos pa dang 'thang mo'i tshig tu 'gyur ba'o// tshig kyal pas ni sems can dmyal bar khrid do// dung 'gro'i skye gnas su khrid do/ / gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ gzung bar 'os pa'i tshig ma yin/ pa dang / ma nges pa'i spobs par 'gyur ba'o// brnab sems kyis ni sems can dmyal bar zhing ngo // dung 'gro'i skye gnas su khrid ngo // gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ chog mi shes pa dang / 'dod pa che bar 'gyur ba'o// gnod sems kyis ni sems can dmyal bar khrid do// / dud 'gro'i skye gnas su khrid do// gshin rje'i 'jig rten du khrid do// de nas gal te mi rnams kyi nang du skyes na yang rnam par smin pa gnyis mngon par sgrub ste/ phan pa mi tshol ba dang / gzhan gyis gnod pa bya bar 'gyur ba'o// log par lta bas ni sems can dmyal bar khrid do// dud 'gro'i skye gnas su khrid do// gshin rje'i 'jig rten du khrid ngo // de las gal te mi rnams kyi nang du skyes na yang rnam par smin pa gnyis mngon par sgrub ste/ lta ba ngan par ltung ba dang / g.yo rgyu can du 'gyur ba'o// de ltar na mi dge ba bcu'i las kyi lam 'di dag ni sdug bsngal gyi phung po chen po tshad med pa sdud par 'gyur gyis/ mi dge ba bcu'i las kyi lam 'di dag bdag gis spangs te/ chos kyi kun dga' la dga' bas dga' bar gnas par bya'o snyam nas de mi dge ba bcu'i las kyi lam 'di dag spangs te/ dge ba bcu'i las kyi lam la gnas shing gzhan rnams kyang de dag nyid la rab tu dgod do// de sems can rnams la de bas kyang shas cher phan pa'i sems dang / bde ba'i sems dang / byams pa'i sems dang / snying brtse ba'i sems dang / snying rje'i sems dang / phan gdags pa'i sems dang / kun tu bsrung ba'i sems dang / mnyan pa'i sems dang / slob dpon gyi sems dang / ston pa'i sems bskyed cing de 'di snyam du sems te/ kye ma sems can 'di dag ni lta ba ngan par lhung ba blo gros mi mnyam zhing bsam pa mi mnyam pa/ log pa'i lam thibs por rgyu ba yin gyis de dag bdag gis ma nor ba'i lam yang dag par lta ba'i lam ji lta ba de bzhin nyid la rab tu dgod par bya'o/ / kye ma sems can 'di dag ni rigs mi 'phrod pa mi mthun par 'dzin cing rtsod pa la zhugs pa rtag tu rgyun mi 'chad par khro ba dang / khon du 'dzin pas 'bar bar gyur pa yin gyis/ de dag bdag gis bla na med pa'i byams pa chen po nye bar bsgrub pa la rab tu dgod par bya'o// kye ma sems can 'di dag ni ngoms mi myong zhing gzhan gyi nor la mngon par 'dod pa can yang ba'i 'tsho bas rjes su spyod pa yin gyis/ de dag bdag gis lus dang ngag dang / yid kyi las kyi mtha' yongs su dag pas 'tsho ba la rab tu dgod par bya'o// kye ma sems can 'di dag ni 'dod chags dang / zhe sdang dang gti mug gi gzhi dang ldan pa nyon mongs pa sna tshogs kyi me lce rtag tu rgyun mi 'chad par kun tu 'bar bar gyur kyang de las 'byung ba'i thabs yongs su mi tshol ba yin gyis/ de dag bdag gis nyon mongs pa thams cad rab tu zhi ba 'tshe ba med pa'i mya ngan las 'das pa la rab tu dgod par bya'o// kye ma sems can 'di dag ni gti mug gi mun pa'i rab rib dang / ling thog dang / mun nag gis bsgribs pa mun nag chen po'i thibs por zhugs pas shes rab kyi snang ba dang / ring du gyur pa'i mun nag chen po'i nang na 'thom pa/ lta ba'i mya ngan du zhugs pa yin gyis de dag bdag gis ci nas kyang chos thams cad kyi ji lta ba de bzhin nyid la gzhan gyi dring mi 'jog pa thob par 'gyur bar shes rab kyi mig sgrib pa med par rnam par sbyang bar bya'o/ / kye ma sems can 'di dag ni 'khor ba'i mya ngan gyi lam du zhugs pas sems can dmyal ba dang / dud 'gro'i skye gnas dang / gshin rje'i 'jig rten gyi g.yang sa la mngon du phyogs pa/ lta ba ngan pa'i rgyu nyam nga bar zhugs pa/ gti mug thibs pos kun nas yog pa'i lam du zhugs pa/ ldongs par gyur pa/ yongs su 'dren pa med pa/ 'byung ba ma yin pa la 'byung bar lta ba/ bdud kyi lam gyi chom pos zin pa/ bdud kyi bsam pa thibs por zhugs pa/ sangs rgyas kyi bsam pa las ring du gyur pa yin gyis/ de dag bdag gis rnam pa de lta bu'i 'khor ba'i 'brog dgon pa bgrod par dka' ba las bsgral bar bya/ 'jigs pa med pa'i gnas thams cad mkhyen pa'i grong khyer chen por rab tu dgod par bya'o// kye ma sem can 'di dag ni dba' rlabs chen po'i nang du bying ba/ 'dod pa dang / srid pa dang / ma rig pa dang lta ba'i chu bor zhugs pa/ 'khor ba'i rgyun gyis 'das pa srid pa'i klung du zhugs pa/ shugs drag pos bdas te/ blta ba'i mthu med pa/ 'dod pa dang / gnod sems dang / rnam par 'tshe ba'i rnam par rtog pa mang po'i rjes su zhugs pa/ 'jig tshogs la lta ba'i chu'i srin pos zin pa 'dod pa'i thibs po'i glong du zhugs pa/ dka' ba can dang / 'dod chags kyi dkyil du kun tu thogs pa/ nga'o snyam pa'i nga rgyal gyi thang la 'khyams pa/ dpung gnyen med pa/ skye mched kyi grong nas ma 'phags pa/ sgrol ba la mkhas pa dang bral ba yin gyis de dag bdag gis snying rje chen po dang / dge ba'i rtsa ba'i stobs kyis gton te/ thams cad mkhyen pa nyid kyi gling 'tshe ba med pa/ rdul med par 'jigs pa dang / skrag pa thams cad med pa la rab tu dgod par bya'o// kye ma sems can 'di dag ni 'khor ba'i btson rang bcug pa/ sdug bsngal dang / yid mi bde ba dang / 'khrug pa mang po mang ba dang / sdug pa dang / mi sdug par 'brel pa/ mya ngan dang / smre sngags 'don pa dang bcas pa'i rjes su rgyu ba/ srid pa'i sgrog tu bcug pa/ khams gsum pa'i ma rig pa'i thibs pos kun nas khebs pa yin gyis/ de dag bdag gis khams gsum pa'i gnas thams cad las dben pa mya ngan las 'das pa la rab tu dgod par bya'o// kye ma sems can 'di dag ni bdag tu mngon par zhen pa/ phung po'i gnas las ma 'phags pa/ phyin ci log bzhir 'gro ba/ skye mched drug gi grong stong pa na gnas pa/ 'byung ba chen po bzhi'i sbrul gyis gtses pa phung po'i gshed ma'i chom pos bcom pa/ sdug bsngal dpag tu med pa myong bar gyur pa yin gyis/ de dag bdag gis gnas pa thams cad dang bral ba 'di lta ste/ sgrib pa thams cad spangs pa'i mya ngan las 'das pa la rab tu dgod par bya'o/ / kye ma sems can 'di dag ni mos pa chung bas/ zhum zhing zhan pa thams cad mkhyen pa'i ye shes mchog gi sems mi bdog pas/ theg pa chen por 'byung ba yod kyang nyan thos dang / rang sangs rgyas kyi theg par ltung ba yin gyis/ de dag bdag gis sangs rgyas kyi chos rgya chen po blos gros rnam par rgyas pas dmigs pa la rab tu dgod par bya'o// snyam mo// kye rgyal ba'i sras dag de ltar tshul khrims kyi stobs bskyed pa de lta bu dang ldan pa bya ba mngon par sgrub pa la mkhas pa'i byang chub sems dpa'/ byang chub sems dpa'i sa dri ma med pa la gnas pa de la mthong ba rgya chen po dang / smon lam gyi stobs kyis sangs rgyas mang po snang bar 'gyur te/ mthong ba rgya chen po dang / smon lam gyi stobs kyis sangs rgyas brgya phrag mang po dang sangs rgyas stong phrag mang po dang / sangs rgyas brgya stong phrag mang po dang / sangs rgyas khrag khrig brgya stong phrag mang po dang / sangs rgyas bye ba phrag mang po dang / sangs rgyas bye ba brgya phrag mang po dang / sangs rgyas bye ba stong phrag mang po dang / sangs rgyas bye ba brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro// des de bzhin gshegs pa dgra bcom pa yang dag par rdzogs pa'i sangs rgyas de dag mthong nas bsam pa rgya chen pos bsti stang byed do/ / btsun par byed do// ri mor byed do// mchod par byed do// na bza' dang / zhal zas dang / gzims cha dang / spyan gyi gsos sman dang / yo byad dag kyang dbul zhing byang chub sems dpa'i bde ba sbyar ba yang nye bar 'grub bo// dge 'dun gyi tshogs la yang yang dag par ri mo byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do// de bzhin gshegs pa dgra bcom pa yang dag par rdzogs pa'i sangs rgyas de dag las dge ba bcu'i las kyi lam 'di dag nyid kyang gus pa dang / rim gros rab tu 'dzin te ji ltar bzung ba de yang bar ma dor chud zos par mi byed do// de bskal pa du ma dang bskal pa brgya phrag du ma dang / bskal pa stong phrag du ma dang / bskal pa bye ba phrag du ma dang / bskal pa bye ba brgya phrag du ma dang / bskal pa bye ba stong phrag du ma dang / bskal pa bye ba brgya stong phrag du ma dang / bskal pa bye ba khrag khrig brgya stong phrag du mar ser sna dang / 'chal pa'i tshul khrims kyi dri ma bsal bas gtong ba dang / tshul khrims rnam par dag pa yang dag par 'grub bo/ / kye rgyal ba'i sras dag 'di lta ste dper na/ gser gyi sa le sbram de nyid nag tshur du bcug na de bas kyang dri ma thams cad dang bral bar 'gyur ro// kye rgyal ba'i sras dag de bzhin du byang chub sems dpa'i sa dri ma med pa 'di la gnas pa'i byang chub sems dpa' yang bskal pa du ma nas/ bskal pa bye ba khrag khrig brgya stong du ma'i bar ser sna dang / 'chal pa'i tshul khrims kyi dri ma bsal bas gtong ba dang / tshul khrims rnam par dag pa yang dag par 'grub bo// de'i bsdu ba'i dngos po bzhi po dag las snyan par smra ba'i shas che ba yin/ pha rol tu phyin pa bcu po dag las tshul khrims kyi pha rol tu phyin pa shas che ba yin te/ lhag ma rnams kyang ci nus ci tshul du yang dag par mi sgrub pa ni ma yin/ no// kye rgyal ba'i sras dag 'di ni byang chub sems dpa' rnams kyi byang chub sems dpa'i sa gnyis pa dri ma med pa zhes bya ba mdor bstan pa'o// sa de la gnas pa'i byang chub sems dpa' ni phal cher gling bzhi la dbang ba'i 'khor los sgyur ba'i rgyal por te/ chos kyi dbang byed pa thob pa dang / rin po che sna bdun dang ldan pa dang / sems can rnams kyi 'chal pa'i tshul khrims kyi dri ma bzlog pa'i gtso bor gyur cing / sems can rnams dge ba bcu'i las kyi lam rnams la dgod par bya ba la shin tu mkhas pa yin no// sbyin pa 'am/ snyan par smra ba 'am/ don spyod pa 'am/ don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya// pa dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas/ rnam pa thams cad kyi mchog dang ldan pa'i thams cad mkhyen pa'i ye shes la rton pa'i bar du 'gyur snyam du sems so/ / 'dod na brtson 'grus rtsom pa rnam pa ji lta bus khyim dang / chung ma dang / longs spyod thams cad spangs te/ de bzhin gshegs pa'i bstan pa la rab tu 'byung/ ba dang / rab tu byung nas kyang skad cig thang cig yud tsam gcig la ting nge 'dzin stong rab tu thob cing snyoms par yang 'jug pa dang / sangs rgyas stong mthong ba dang / de dag gi byin gyi rlabs kyang yang dag par shes pa dang / 'jig rten gyi khams stong g.yo bar byed pa dang / zhing stong du 'gro ba dang / 'jig rten gyi khams stong snang bar byed pa dang / sems can stong yongs su smin par byed pa dang / bskal pa stong du gnas par byed pa dang / bskal pa stong la sngon gyi mtha' dang / phyi ma'i mthar rab tu 'jug pa dang / chos kyi sgo stong rnam par 'byed pa dang / lus stong kun tu ston pa dang / lus re re la yang byang chub sems dpa'i 'khor stong stong kun tu ston pa'i brtson 'grus rnam pa de lta bu rtsom mo// de yan chad byang chub sems dpa'i smon lam gyi stobs can rnams smon lam khyad pa can gyis rnam par 'phrul te/ de dag gi lus sam/ 'od dam/ rdzu 'phrul lam/ mig gas/ spyod yul lam/ dbyangs sam/ spyod pa 'am/ bkod pa 'am/ byin gyi rlabs sam/ mos pa'am/ mngon par 'du byed pa dag kyang bskal pa bye ba khrag khrig brgya stong phrag ji snyed pa de snyed du'ang brjod par sla ba ma yin no// byang chub sems dpa'i sa gnyis pa dri ma med pa zhes bya'o// kye rgyal ba'i sras dag byang chub sems dpa'i sa gnyis pa la lhag pa'i bsam pa shin tu yongs su sbyangs pa'i byang chub sems dpa' de byang chub sems dpa'i sa gsum pa gnon te/ sems kyi bsam pa yid la byed pa rnam pa bcus gnon te/ bcu gang zhe na/ 'di lta ste/ dag pa'i sems kyi bsam pa yid la byed pa dang brtan pa'i sems kyi bsam pa yid la byed pa dang / skyo ba'i sems kyi bsam pa yid la byed pa dang / 'dod chags dang bral ba'i sems kyi bsam pa yid la byed pa dang / phyir mi ldog pa'i sems kyi bsam pa yid la byed pa dang / sra ba'i sems kyi bsam pa yid la byed pa dang / sbyangs pa'i sems kyi bsam pa yid la byed pa dang / rloms pa'i sems kyi bsam pa yid la byed pa dang rlabs bca'i sems kyi bsam pa yid la byed pa dang / che nyid kyi sams kyi bsam pa yid la byed pa ste/ sems kyi bsam pa yid la byed pa bcu po 'di gagis banon/ kye rgyal ba'i sras dag/ byang chub sems dpa'i sa gsum pa la gnas pa'i byang chub sems dpa' nge 'du byed du gyur pa thams cad la mi rtag par rab tu rtog go// sdug bsngal ba dang / mi sdug pa dang / yid brtan du mi rung ba dang / rnam par 'jig pa dang / ring du mi gnas pa dang / skad cig la 'byung zhing 'gag pa dang / sngon gyi mthar ma byung ba dang / ma'i mthar 'pho ba med pa dang / da ltar byung ba la mi gnas par rab tu rtog go// de 'du byed du gyur pa de lta bu thams cad la yang dag par rtog pa'i tshe/ mngon du gzhol bar bya ba ma yin pa dang / gsol ba'i gnas med pa dang / mya ngan dang bcas pa dang / smre sngags 'don pa dang bcas pa dang / 'khrug pa dang bcas pa dang / sdug pa dang / mi sdug par 'brel pa dang / sdug bsngal dang / yid mi bde ba dang / 'khrug pa mang po mang ba dang / bsags pa med par gyur pa dang / 'dod chags dang / zhe sdang dang / gti mug gi me rab tu 'bar ba dang / nang du ma rnam par 'phel ba'i lus mthong nas de 'du byed du gyur pa thams cad las de bas kyang shas cher sems bskyed cing de bzhin gshegs pa'i ye shes la rab tu gtong ngo / / des de bzhin gshegs pa'i ye shes bas gyis mi khyab pa yang dag par mthong ste/ mtshungs pa med pa dang / dpag tu med pa dang / rnyed dka' ba dang / ma dres pa dang / gnod pa med pa dang / 'khrug pa med pa dang / 'jigs pa med pa'i grong khyer du 'gro ba dang / phyir mi ldog pa dang / skye bo mang po yongs su skyob pa yang dag par rjes su mthong ngo // des de bzhin gshegs pa'i ye shes de ltar tshad med pa yang dag par rjes su mthong ste/ 'du byed du gyur pa de ltar gnod pa mang po dang ldan par rtog pa na/ sems can rnams la de bas kyang shas cher sems kyi bsam pa bcu nye bar 'jog ste/ bcu gang zhe na 'di lta ste/ mgon med pa dang / rton pa med pa'i sems kyi bsam pa dang / rtag tu dbul ba'i sems kyis bsam pa dang / 'dod chags dang / zhe sdang dang / gti mug gi me rab tu 'bar ba'i sems kyi bsan pa dang / srid pa'i btson rar chud pa'i sems kyi bsam pa dang / rtag par rgyun du nyon mongs pa thibs pos bsgribs pa'i sems kyi bsam pa dang / blta ba'i mthu med pa'i sems kyi bsam pa dang / dge ba'i chos la 'dun pa dang bral ba'i sems kyi bsam pa dang / sangs rgyas kyi chos chud gson pa'i sems kyi bsam pa dang / 'khor ba'i rgyun gyis bdab pa'i bsam pa dang / thar pa'i thabs chud gzon pa'i sems kyi bsam pa dang / sems kyi bsam pa bcu po 'di dag nye bar 'jog go// des de ltar sems can gyi khams gnod mang po can mthong nas/ brtson 'grus 'di ltar rtsom ste/ sems can 'di dag ni bdag gis yongs su bskyab par bya ba/ yongs su dgrol bar bya ba/ yongs su sbyang bar bya ba/ gdon par bya ba/ rab tu gnas par// bya ba/ rab tu dgod par bya ba/ yongs su tshim par bya ba/ gnas su phyin par bya ba/ rnam par gdul bar bya ba/ yongs su mya ngan las 'da' bar bya ba yin no snyam nas/ de de ltar 'du byed du gyur pa thams cad la yid byung ba'i rjes su song / sems can thams cad la lta ba'i rjes su song / thams cad mkhyen pa'i ye shes la phan yon gyi rjes su song zhing de bzhin gshegs pa'i ye shes la rtog pas sems can thams cad la yongs su bskyab par bya ba la brtson zhing 'di ltar yongs su rtog ste/ lam gang gis 'di ltar sdug bsngal ba dang / nye ba'i nyon mongs pa mang por lhung ba'i sems can 'di dag mngon par gdon pa dang / mya ngan las 'das pa shin tu bde ba la rab tu dgod par nus snyam nas/ de la byang chub sems dpa' 'di snyam du sems te/ sgrib pa med pa'i ye shes rnam par thar pa la gnas pa ma gtogs par gzhan gyis ma yin no// sgrib pa med pa'i ye shes rnam par thar pa la gnas pa de yang chos thams cad ji lta ba bzhin du khong du chud pa ma gtogs par gzhan gyis ma yin no/ / chos thams cad ji lta ba bzhin du khong du chud pa de yang rgyu ba med cing / skye ba med pa la spyod pa'i shes rab ma gtogs par gzhan gyis ma yin no/ / shes rab kyis snang ba de yang bsam gtan la mkhas shing rnam par nges pas blo la rab tu rtog pa ma gtogs par gzhan gyis ma yin no// bsam gtan la mkhas shing rnam par nges pas blo la rab tu rtog pa de yang thos pa la mkhas pa ma gtogs par gzhan gyis ma yin no snyam mo/ / de de ltar shin tu brtags pa'i shes pa dang ldan pas de bas kyang shas cher dam pa'i chos yongs su tshol ba la mngon par brtson par gnas pa dang / nyin mtshan du chos mnyan pa don du gnyer ba dang / chos 'dod pa dang / chos la dga' dang / chos la rten pa dang / chos la gzhol ba dang / chos la 'bab pa dang / chos la phyogs pa dang / chos la gnas su 'dzin pa dang / chos la skyabs su 'dzin pa dang / chos kyi rjes su mthun pa'i chos spyod pa yin no// 'phags pa sa bcu pa// / bam po gsum pa// sangs rgyas kyi chos yongs su tshol ba la mngon par brtson pa de rdzas kyis rnam pa'am/ nor dang / 'bru dang / mdzod dang / bang ba'i rnam pa yongs su mi gtong ba de cung zad kyang med de/ de la bya dka' bar 'du shes pa ma yin gyi/ gzhan du ni chos smra ba'i gang zag de la bya dka' ba'i 'du shes su gyur pa ni ma gtogs so// phyi rol gyi dngos po nye bar bzung ba yongs su mi gtong ba de gang cung zad kyang med do// nang gi dngos po mi gtong ba de gang cung zad kyang med do/ / bla ma'i yongs su spyod pa dang / rim gror bya ba nyams su mi len pa de gang cung zad kyang med do// nga rgyal dang lhag pa'i nga rgyal spangs te/ nga rgyal med par nye bar spyad par bya ba de ci yang rung ste/ nyams su mi len pa de gang yang med do// lus kyi gnod pa ci yang rung ste/ nyams su mi len pa de gang yang med do// de ma thos pa'i chos thos pa nor che bar 'dzin gyi stong gsum gyi stong chen po'i 'jig rten gyi khams snyed kyi rin po che'i phung po rnyed pas ni ma yin no// de legs par bshad pa'i tshigs su bcad pa gcig thos pa nor che bar 'dzin gyi/ 'khor los sgyur ba'i rgyal srid thob pas ni ma yin no// de byang chub sems dpa'i spyod pa yongs su sbyong ba'i chos ma thos pa thos pa ni nor che bar 'dzin gyi brgya byin dang / tshangs pa rab tu thob pas/ bskal pa brgya stong mang po'i mthar thug pas ni ma yin no// gal te la la zhig de la 'di skad ces zer te/ gal te khyod kyis me'i 'obs chen po kun tu 'bar ba rab tu 'bar ba/ kun tu rab tu mched cing 'bar ba/ me lce gcig tu gyur pa'i nang du bdag bor te/ sdug bsngal gyi tshor ba chen po rang gi lus kyis nyams su blang blta na ngas khyod la chos kyi tshig yang dag par rdzogs pa'i sangs rgyas kyis bstan pa/ byang chub sems dpa'i spyod pa yongs su sbyong ba 'di bshad par bya'o zhe na yang de 'di snyam du sems te/ yang dag par rdzogs pa'i sangs rgyas kyis bstan pa/ byang chub sems dpa'i spyod pa yongs su sbyong ba'i chos kyi tshig gcig gi don du yang stong gsum gyi stong chen po'i 'jig rten gyi khamasams gang bar tshangs pa'i 'jig rten nas bdag gis bdag dor bar mos na/ me'i 'obs tha mal par bdag dor ba lta ci smos/ sems can dmyal ba'i sdug bsngal thams cad nyams su bab kyang bdag gis chos btsal bar byan/ me'i sdug bsngal dang 'grogs pa lta ci smos snyam nas/ de rnam pa de lta bu'i brtson 'grus rtsom pas chos yongs su tshol zhing ji skad du thos pa'i chos rnams la yang tshul bzhin du rab tu rtog pa rang bzhin can yin te/ des chos de dag thos nas kyang rang gi sems la nges par rtog pas gcig pu dben par song ste 'di ltar dpyod do// chos kyi rjes su mthun pa'i chos sgrub pas sangs rgyas kyi chos 'di dag khong du chud par bya/ / tshig gi las yongs su dag pa 'ba' shig gis ni ma yin no snyam ste/ byang chub sems dpa'i sa 'od byed pa 'di la gnas pa'i byang chub sems dpa' de chos kyi rjes su mthun pa'i chos sgrub pa'i rgyur 'dod pa rnams las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde bcan bsam gtan dang po rdzogs par byas te gnas so// de rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas/ rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas so// de dga' ba'i 'dod chags dang bral bas btang snyoms la gnas shing dran pa dang shes bzhin can yin te/ bde ba lus kyis myong ba 'phags pa rnams kyis gang de dran pa dang ldan pa bde ba la gnas pa btang snyoms pa'o zhes brjod pa ste/ dga' ba med pa bsam gtan gsum pa rdzogs par byas te gnas so// de bde ba yang spangs te snga nas sdug bsngal yang spangs shing yid bde ba dang / yid mi bde ba yang nub pas bde ba yang ma yin/ sdug bsngal ba yang ma yin pa/ btang snyoms dang dran pa yongs su dag pa/ bsam gtan bzhi pa rdzogs par byas te gnas so// de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par 'gyur cing / sna tshogs kyi 'du shes rnams yid la mi byed pas nam mkha' mtha' yas so snyam nas/ nam mkha' mtha' yas skye mched rdzogs par byas te gnas so/ / de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched rdzogs par byas te gnas so/ / de rnam pa thams cad du rnam shes mtha' yas skye mched las yang dag par 'das te/ ci yang med do snyam nas/ ci yang med pa'i skye mched rdzogs par byas te gnas so/ / de rnam pa thams cad du ci yang med pa'i skye mched las yang dag par 'das nas/ 'du shes med 'du shes med pa ma yin no snyam ste/ 'du shes med 'du shes med min skye mched rdzogs par byas nas gnas so/ / chos kyi rjes su mthun pa'i chos sgrub pa ma gtogs par de yang mngon par dga' ba'i gnas dang / rten ma yin pas de byams pa dang ldan pa'i sems yangs pa rgya chen por gyur pa/ mi gnyis pa tshad med pa/ kho na med pa/ 'gran zla med pa/ sgrib pa med pa/ gnod pa med pa/ thams cad du khyab pas chos kyi dbyings kyis klas pa nam mkha'i khams kyi mthas gtugs pa thams cad dang ldan pa'i 'jig rten khyab par byas nas rdzogs par byas te gnas so/ / de bzhin du snying rje dang ldan pa/ dga' ba dang ldan pa/ btang snyoms dang ldan pa'i sems yangs pa rgya chen por gyur pa/ mi gnyis pa/ tshad med pa/ khon med pa/ 'gran zla med pa/ sgrib pa med pa/ gnod pa med pa/ thams cad du khyab pas chos kyi dbyings kyis klas pa/ nam mkha'i khams kyi mthas gtugs pa thams cad dang ldan pa'i 'jig rten khyab par byas nas rdzogs par byas te gnas so// de rdzu 'phrul gyi bya ba rnam pa du ma myong bar byed de/ sa yang g.yo bar byed do// gcig tu gyur nas mang por 'gyur ro// mang por gyur nas gcig tu 'gyur ro// snang bar gyur cing mi snang bar 'gyur ro// rtsig pa la yang thang kar 'gro/ ra ba las kyang thad kar 'gro'o// ril yang mi thogs par 'gro ste/ dper na nam mkha' la bya ba bzhin no// nam mkha' la yang skyil mo krung gis 'gro ste dper na 'dab chags bya bzhin no/ / sa la yang steng du byung ba dang / byi'u zul byed de dper na/ chu la bya ba bzhin no// chu la yang mi nub par 'gro ste/ dper na sa la bya ba bzhin no// du bar 'phrul par yang byed 'bar bar yang byed de/ dper na me'i phung po chen po bzhin no// bdag gi lus las chu'i rgyun chen po 'byin te/ dper na sprin chen po bzhin no// chu'i rgyun de dag gis stong gsum gyi stong chen po'i 'jig rten gyi khams 'di bsregs shing 'tshig ste mes rab tu 'bar zhing 'bar ba gcig tu gyur pa zhi bar byed do/ / zla ba dang / nyi ma 'di ltar rdzu 'phrul che ba 'di ltar mthu che ba 'di gnyis la yang lag pas 'dzin cing kun tu nyug par byed do/ / tshangs pa'i 'jig rten gyi bar du yang lus kyis dbang sgyur ro// de lha'i rna ba'i khams rnam par dag pa mi'i las 'das pas lha dang mi gnyis ka'i sgra yang thos so/ / gang dag ring yang rung nyi yang rung / tha na sbrang bu dang / sha sbrang dang / bung ba dang / srin bu rnams kyi sgra yang thos so// de sem can gzhan dag dang / gang zag gzhan rnams kyi sems kyang sems kyis yang dag pa ji lta ba bzhin du rab tu shes te/ 'dod chags dang bcas pa'i sems la yang / 'dod chags dang bcas pa'i sems su yang dag pa ji lta ba bzhin du rab tu shes so/ / 'dod chags bral ba'i sems la yang 'dod chags dang bral ba'i sems su yang dag pa ji lta ba bzhin du rab tu shes// / so// de bzhin du zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / nyon mongs pa dang bcas pa dang / nyon mongs pa med pa dang chung ba dang / yangs pa dang / chen por gyur pa dang / tshad med pa dang / bsdus pa dang / spros pa dang / mnyam par gzhag pa dang / mnyam par ma gzhag pa dang / rnam par grol ba dang / rnam par ma grol ba dang / skyon can dang / skyon med pa dang / sems rags pa la yang sems rags pa'o zhes yang dag pa ji lta ba bzhin du rab tu shes so// sems rags pa ma yin pa la yang sems rags pa ma yin pa'o zhes yang dag pa ji lta ba bzhin du rab tu shes so/ / de ltar na sems can gzhan dag dang / gang zag gzhan rnams kyi sems sems kyis yang dag pa ji lta ba bzhin du rab tu shes so/ / de sngon gyi gnas rnam pa du ma rjes su dran te/ tshe rabs gcig kyang rjes su dran no// tshe rabs gnyis dang / gsum dang / bzhi dang lnga dang bcu dang / nyi shu dang / sum cu dang / bzhi bcu dang / lnga bcu dang brgya yang rjes su dran ro// tshe rabs brgya phrag dra ma dang / tshe rabs stong phrag du ma dang / 'jig pa'i bskal pad chags pa'i bskal pa dang / 'jig pa dang / chags pa'i bskal pa du ma yang rjes su dran no// bskal pa brgya yang rjes su dran no// bskal pa stong yang rjes su dran no// bskal pa brgya stong dang / bskal pa bye ba dang / bskal pa bye ba brgya dang / bskal pa bye ba stong dang / bskal pa bye ba brgya stong nas/ bskal pa bye ba khrag khrig brgya stong du ma'i bar du rjes su dran no/ / che ge mo zhig na bdag ming ni 'di zhes bya bar gyur/ rigs ni 'di zhes bya/ rus ni 'di zhes bya/ zas ni 'di lta bu zhig za za/ bde ba dang / sdug bsngal ba ni 'di lta bu zhig myong myong / yun ni 'di sri gcig gnas gnas/ tshe ni 'di tsam zhig thub/ de nas shi 'phos nas/ che ge mo zhig tu skyes/ de nas shi 'phos nas yang 'di skyes so zhes rnam pa dang bcas/ ngan rtags dang bcas/ rgyu mtshan dang bcas par sngon gyi gnas rnam pa du ma rjes su dran no// des lha'i mig rnam par dag pa mi las 'das pas sems can 'chi 'pho ba dang / skye ba dang / mdog sdug pa dang / mdog mi sdug pa dang / bde bar song ba dang / ngan par song ba dang / bzang po dang / ngan pa rnams mthong ngo // las ji lta ba bzhin du nye bar 'gro ba'i sems can rnams yang dag pa ji lta ba bzhin du rab tu shes so/ / kye ma sems can 'di dag ni lus kyis nyes par spyod pa dang ldan pa/ ngag gis nyes par spyod pa dang ldan pa/ yid kyis nyes par spyod pa dang ldan pa/ 'phags pa rnams la skur pa 'debs pa/ log par lta ba can dag ste/ log par lta ba'i las yang dag par blangs pa'i rgyus lus zhig ste shi ba'i 'og tu ngan song ngan 'gro rnam par ltung ba'i sems can dmyal ba rnams su skye'o zhes bya ba dang / kye ma sems can 'di dag ni lus kyis legs par spyod pa dang ldan pa/ ngag gis legs par spyod pa dang ldan pa/ yid kyis legs par spyod pa dang ldan pa/ 'phags pa rnams la skur pa mi 'debs pa/ yang dag pa'i lta ba can dag ste/ yang dag par lta ba'i las yang dag par blangs pa'i rgyus lus zhig ste/ shi ba'i 'og tu bde 'gro mtho ris kyi 'jig rten du lha rnams kyi nang du skye'o zhes bya bar rab tu shes te/ de ltar na lha'i mig rnam par dag pa mi'i las 'das pas sems can 'chi 'pho ba dang / skye ba dang / mdog sdug pa dang / mdog mi sdug pa dang / bde bar song ba dang / ngan par song ba dang / bzang po dang / ngan pa thams cad rnam pa dang bcas/ dan rtags dang bcas/ rgyu mtshan dang bcas par mthong ste/ las ji lta ba bzhin du nye bar 'gro ba'i sems can rnams kyang rab tu shes so// de bsam gtan dang / rnam par thar pa dang / ting nge 'dzin dang / snyoms par 'jug pa 'di dag la snyoms par 'jug cing rnam par sdang yang gang du byang chub kyi yan lag yongs su rdzogs par 'gyur bar mthong ba der ched du bsams te/ smon lam btab pa'i dbang gis skye ba ma gtogs par de dag gi dbang gis mi skye'o/ / de ci'i phyir zhe na/ 'di ltar byang chub sems dpa' de thabs mkhas pa mngon par bsgrubs pa'i sems kyi rgyud dang ldan pa'i phyir ro// byang chub sems dpa'i sa 'od byed pa 'di la gnas pa'i byang chub sems dpa' de la mthong ba rgya chen po de dang / smon lam gyi stobs kyis sangs rgyas mang po snang bar 'gyur te/ mthong ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas khrag khrig brgya stong phrag mang po dang sangs rgyas bye ba phrag mang po dang / sangs rgyas bye ba brgya phrag mang po dang / sangs rgyas bye ba stong phrag mang po dang / sangs rgyas bye ba brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro/ / des de bzhin gshegs pa dgra bcom pa yang dag par rdzogs pa'i sangs rgyas de dag mthong nas lhag pa'i bsam pa rgya chen pos bsti stang byed do// btsun par byed do// ri mor byed do// mchod pa byed do// na bza' dang / zhal zas dang / gzims cha dang / snyan gsos sman dang / yo byad dag kyang 'bul zhing byang chub sems dpa'i bde bar sbyar ba yang nye bar sgrub bo/ / dge 'dun gyi tshogs la yang yang dag par ri mor byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do// de bzhin gshegs pa dgra bcom pa yang dag par rdzogs pa'i sangs rgyas de dag la bsnyen bkur byed cing / de dag gi chos bstan pa yang bsti stang du byed de nyan no// len no// 'dzin to// thos nas kyang ci tshul du nan tan gyis yang dag par sgrub bo/ / de chos thams cad 'pho ba med pa dang / rnam par 'jig pa med pa dang / rkyen la rten par rtog pas de/ de bas kyang shas cher 'dod pa'i bcings pa thams cad bsrabs par 'gyur ro/ / gzugs kyi bcings pa thams cad dang / srid pa'i bcings pa thams cad dang / ma rig pa'i bcings pa thams cad bsrabs par 'gyur ro// de'i lta bar gyur pa'i bcings pa rnams ni snga nas kyang spangs pa yin no/ / byang chub sems dpa'i sa 'od byed pa 'di la gnas pa'i byang chub sems dpa' de ni bskal pa brgya phrag du ma dang / bskal pa stong phrag du ma dang bskal pa brgya stong phrag du ma dang / bskal pa khrag khrig brgya stong phrag du ma dang / bskal pa bye ba phrag du ma dang / bskal pa bye ba brgya phrag du ma dang / bskal pa bye ba stong phrag du ma dang / bskal pa bye ba brgya stong phrag du ma dang / bskal pa bye ba khrag khrig brgya stong phrag du mar log pa'i 'dod chags 'grib par bya ba ma yin pa spong bar 'gyur ro// log pa'i zhe sdang 'grib par bya ba ma yin pa dang / log pa'i gti mug 'grib par bya ba ma yin pa spong bar 'gyur ro// de'i dge ba'i rtsa ba de dag kyang shin tu byang ba dang / yongs su dag pa dang / yongs su rung bar 'gyur ro// kye rgyal ba'i sras dag 'di lta ste dper na/ gser gyi sa le sbram de nying mgar ba mkhas pa'i lag na srel na srang grangs kyi tshang bzhin du 'dug go// kye rgyal ba'i sras dag de bzhin du byang chub sems dpa'i sa 'od byed pa 'di la gnas pa'i byang chub sems dpa' yang bskal pa brgya phrag du ma nas/ bskal pa bye ba khrag khrig brgya stong phrag du ma'i bar du log pa'i 'dod chags 'grib par bya ba ma yin pa spong bar 'gyur ro/ / log pa'i zhe sdang dang / log pa'i gti mug kyang 'grib par bya ba ma yin par spong bar 'gyur ro// de'i dge ba'i rtsa ba de dag kyang shin tu byang ba dang // yongs su dag pa dang / las su rung bar 'gyur ro// de'i bzod pa dang / nges pa'i bsam pa yang de bas shas cher yongs su dag par 'gyur te/ mnyen zhing 'jam pa'i bsam pa dang / mi 'khrugs pa'i bsam pa dang / glong ba med pa'i bsam pa dang / rnyog pa med pa'i bsam pa dang / mtho dman med pa'i bsam pa dang / sems can gyis byas pa la re ba med pa'i bsam pa dang / byas pa la phyir byed par re ba med pa'i bsam pa dang / g.yo med cing sgyu med pa'i bsam pa dang / thibs pa med pa'i bsam pa yongs su dag par 'gyur ro// de'i bsdu ba'i dngos po bzhi po dag las don spyad pa'i shas che ba yin/ pha rol tu phyin pa bcu po dag las bzod pa'i pha rol tu phyin pa shas che ba yin te/ lhag ma rnams kyang ci nus ci tshul du yang dag par mi sgrub pa ni ma yin no// kye rgyal ba'i sras dag 'di ni byang chub sems dpa' rnams kyi byang chub sems dpa'i sa gsum pa 'od byed pa zhes bya ba mdor bstan pa'o/ / de la gnas pa'i byang chub sems dpa' ni phal cher lha'i rgyal po dbang por 'gyur te/ byed pa dang ldan zhing sems can rnams kyi 'dod pa la 'dod chags rnam par bzlog pa'i thabs bsgrub pa'i gtso bor gyur pa/ sems can rnams 'dod pa'i 'angam nas 'don pa la mkhas pa yin/ no// sbyin pa'am/ snyan par smra ba'am/ don spyod pa'am/ don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas/ rnam pa thams cad kyi mchog dang ldan pa'i thams cad mkhyen pa'i ye shes la rten pa'i bar du 'gyur snyam du sems so// 'dod na brtson 'grus rtsom pa rnam pa ji lta bus skad cig thang cig yud tsam gcig la ting nge 'dzin brgya stong rab tu thob cing snyoms par yang 'jug pa dang / sangs rgyas brgya stong mthong ba dang de dag gis byin gyi brlabs kyang yang dag par shes pa dang / 'jig rten gyi khams brgya stong g.yo bar byed pa dang / zhing brgya stong du 'gro ba dang / 'jig rten gyi khams brgya stong par byed pa dang / sems can brgya stong yongs su smin par byed pa dang / bskal pa brgya stong du gnas par byed pa dang / bskal pa brgya stong la mngon gyi mtha' dang / phyi ma'i mtha' dang / phyi ma'i mtha' dag tu 'jug pa dang / chos kyi sgo brgya stong rnam par 'byed pa dang / lus brgya stong kun tu ston pa dang / lus re re la yang byang chub sems dpa'i 'khor brgya stong kun ston pa'i brtson 'grus rnam pa de lta bu rtsom mo// de yan chang byang chub sems dpa' smon lam gyi stobs can rnams smon lam khyad par can gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa 'am/ bkod pa 'am/ byin gyi rlabs sam/ mos pa 'am/ mngon par 'du byed pa dag kyang bskal pa bye ba khrag khrig brgya stong phrag ji snyed pa de snyed du yang brjod par sla ba yin no/ / byang chub sems dpa'i sa gsum pa 'od byed pa zhes bya'o// kye rgyal ba'i sras dag byang chub sems dpa' sa gsum pa la snang ba shin tu yongs su dag pa'i byang chub sems dpa' de byang chub sems dpa'i sa bzhi pa gnon te/ de chos la snang ba 'jug pa bcus gnon no// bcu gang zhe na/ 'di lta ste/ sems can gyi khams rnam par dpyad pa la snang ba 'jug pa dang / 'jig rten gyi khams rnam par dpyad pa la snang ba 'jug pa dang / chos kyi dbyings rnam par dpyad pa la snang ba 'jug pa dang / nam mkha'i khams rnam par dpyad pa la snang ba 'jug pa dang / rnam par shes pa'i khams rnam par dpyad pa la snang ba 'jug pa dang / 'dod pa'i khams rnam par dpyad pa la snang ba 'jug pa dang / gzugs kyi khams rnam par dpyad pa la snang ba 'jug pa dang / gzugs med pa'i khams rnam par dpyad pa la snang ba 'jug pa dang / bsam brlabs po che'i mos pa'i khams rnam par dpyad pa la snang ba 'jug pa dang / che ba nyid kyi bsam pa mos pa'i khams rnam par dpyad pa la snang ba 'jug pa ste/ chos la snang ba 'jug pa bcu po 'di dag gis gnon no// kye rgyal ba'i sras dag de la byang chub sems dpa'i sa 'od 'phro ba can thob ma thag tu byang chub sems dpa' de de bzhin gshegs pa'i rigs su de'i bdag nyid kyi chos rab tu thob pa'i phyir/ ye shes yongs su smin par byed pa'i chos bcus yang dag par grub pa yin no// bcu gang zhe na 'di lta ste/ phyir mi ldog pa'i bsam pa dang / dkon mchog gsum la dad pa mi byed pa'i mthar thug par 'gro ba dang / 'du byed kyi skye ba dang 'jug pa la rnam par 'jig pa dang / rang bzhin gyis ma skyes par rnam par 'jig pa dang / 'jig rten la 'byung ba la rnam par 'jig pa dang / las kyis srid par skye ba la rnam par 'jig pa dang / 'khor ba dang / mya ngan las 'das pa la rnam par 'jig pa dang // zhing du las kyis sems can la rnam par 'jig pa dang / sngon gyi mtha' dang phyi ma'i mtha' la rnam par 'jig pa dang / dngos po med pa dang zad pa med par rnam par 'jig pa ste/ kye rgyal ba'i sras ngag ye shes yongs su smin par byed pa'i chos bcu po 'di dag dang ldan pa'i byang chub sems dpa' de/ de bzhin gshegs pa'i rigs su de bdag nyid kyi chos rab tu thob pa'i phyir yang dag par grub pa yin no// kye rgyal ba'i sras dag byang chub sems dpa'i sa 'od 'phro ba can 'di la gnas pa'i byang chub sems dpa' ni rten pa dang / shes bzhin dang / dran pa dang ldan par gyur nas 'jig rten gyi brnab sems dang / yid mi bde ba rnam par spangs te/ nang gis lus la lus kyi rjes su lta zhing gnas so// rtun pa dang / shes bzhin dang / dran pa dang ldan par gyur nas 'jig rten gyi brnab sems dang / yid mi bde ba rnam par spangs te/ phyi'i lus la lus kyi rjes su lta zhing gnas so// rtun pa dang / shes bzhin dang / dran pa dang ldan par gyur nas 'jig rten gyi brnab sems dang / yid mi bde ba rnam par spangs te/ nang dang / phyi'i lus la lus kyi rjes su lta zhing gnas so// de bzhin du rtun pa dang / shes bzhin dang / dran pa dang ldan par gyur nas 'jig rten gyi brnab sems dang / yid mi bde ba rnam par spangs te/ nang dang phyi'i lus la lus kyi rjes su lta zhing gnas so// de bzhin du rtun pa dang / shes bzhin dang / dran pa dang ldan par gyur nas 'jig rten gyi brnab sems dang / yid mi bde ba rnam par spangs te/ nang gi tshor ba rnams dang / phyi'i tshor ba rnams dang / nang dang phyi'i tshor ba rnams dang / de bzhin du nang gi sems dang / phyi'i sems dang / nang dang phyi'i sems dang / de bzhin du nang gi chos rnams dang phyi'i chos rnams dang / nang dang phyi'i chos rnams la chos kyi rjes su lta zhing gnas so// de sdig pa mi dge ba'i chos ma skyes pa rnams mi bskyed pa'i phyir 'dun pa bskyed do// 'bad do// brtson 'grus rtsom mo/ / sems rab tu 'dzin to// yang dag par rab tu 'jog go// sdig pa mi dge ba'i chos skyes pa rnams spang ba'i phyir 'dun pa bskyed do// 'bad do// brtson 'grus rtsom mo// sems rab tu 'dzin to/ / yang dag par rab tu 'jog go// dge ba'i chos ma skyes pa rnams bskyes pa'i phyir 'dun pa bskyed do// 'bad ngo // brtson 'grus rtsom mo// sems rab tu 'dzin to// yang dag par rab tu 'jug/ dge ba'i chos skyes pa rnams gnas pa dang / mi nyams pa dang / rgyas par 'gyur ba dang / phyir zhing 'byung ba dang / rab tu rtogs par bya ba'i phyir 'dun pa bskyed do// 'bad do// brtson 'grus rtsom// sems rab tu 'dzin to// yang dag par rab tu 'jog go// de 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong ba yongs su bsgyur ba sgom mo// brtson 'grus kyi ting nge 'dzin spang ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// sems kyi ting nge 'dzin spang ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bsgom mo// dpyod pa'i ting nge 'dzin spang ba'i 'du byed dang ldan pa'i rdzu 'phrul gyi rkang pa dben pa la gnas pa 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bsgom mo// de dad pa'i dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bsgom mo// brtson 'grus kyi dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// dran pa'i dbang po dben pa la gnas pa/ 'dod chags dang bral ba la gnas pa/ 'gog/ pa la gnas pa/ rnam par spong bas yongs su bsgyur bsgom mo// ting nge 'dzin gyi dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo/ / shes rab kyi dbang po dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba/ sgom mo// de dad pa'i stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// brtson 'grus kyi stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// dran pa'i stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// ting nge 'dzin gyi stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// shes rab kyi stobs dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bsgom mo/ / dran pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas yongs su bsgyur bsgom mo/ / chos rnam par 'byed pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bsgom mo/ / brtson 'grus yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// dga' ba yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo/ / shin tu sbyangs pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo/ / ting nge 'dzin yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo/ / btang snyoms yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo/ / yang dag pa'i lta ba dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// yang dag pa'i rtog pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// yang dag pa'i ngag dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// yang dag pa'i las kyi mtha' dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// yang dag pa'i 'tsho ba dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo/ / yang dag pa'i rtsol ba dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bsgom mo// yang dag pa'i dran pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur bsgom mo// yang dag pa'i ting nge 'dzin dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba sgom mo// de dag kyang sems can thams cad la lta ba dang bcas pa dang / sngon smon lam mngon par bsgrubs pas nye bar brtan pa dang / snying rje chen po sngon du 'gro ba dang / byams pa chen po dang ldan pa dang / thams cad mkhyen pa'i ye shes la lhag par dmigs pa dang / sangs rgyas kyi zhing gyi rgyar rnam par bsgrubs pa mngon par bsgrub pa dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang / mtshan dang dpe byad bzang po dang / gsung dbyangs phun sum tshogs pa mngon par bsgrub pa dang / gong nas gong du khyad par can gyi lam yongs su tshol ba dang / sangs rgyas kyi chos zab mo rnam pa thar pa nyan pa'i rjes su 'gro ba dang / thabs la mkhas pa chen pos rnam par spyod pas so// kye rgyal ba'i sras dag byang chub sems dpa'i sa 'od 'phro ba can 'di la gnas pa'i byang chub sems dpa' de 'jig tshogs la lta ba sngon du 'gro ba'i ngadag dang / sems can dang / srog dang / gso ba dang / skyes bu dang / gang zag dang / phung po dang / khams dang / skye mched la mngon par zhen pas/ kun nas bslang ba'i brkyang ba dang / bcum pa dang / rnam par bsams pa dang / rnam par brtags pa dang / rnam par dpyad pa dang / byi dor byas par 'dzin pa dang / bdag gir 'dzin pa dang / nor du 'dzin pa dang / brten pa'i gnas gang yin pa thams cad dang de bral ba yin no// de bya ba'i cha ma yin pa yang dag par rdzogs pa'i sangs rgyas kyis spang pa/ kun nas nyon mod pa dang ldan pa gang yin pa de dag thams cad kyi thams cad du spong ngo / / las gang dag bya bar 'os pa byang chub sems dpa'i lam gyi tshogs dang mthun pa de bzhin gshegs pas bsngags pa de dag gang yang dag par blangs te gnas so/ / de de bas kyang ji lta ji ltar thabs dang shes rab kyis mngon par bsgrubs pa'i lam yang dag par bsgrub pa'i phyir/ lam gyi yan lag rnams sgom pa de lta de ltar 'jam pa'i sems dang ldan pa yin/ mnyen pa'i sems dang ldan pa yin/ las su rung ba'i sems dang ldan pa yin/ phan pa dang bde ba bskyed pa'i sems dang ldan pa yin/ yongs su nyon mongs pa can ma yin pa'i sems dang ldan pa yin/ gong nas gong du khyad par yongs su tshol ba'i sems dang ldan pa yin/ ye shes kyi khyad par 'dod pa'i sems dang ldan pa yin/ 'gro ba thams cad yongs su skyob pa'i sems dang ldan pa yin/ bla ma la gus pa dang mthun pa'i sems dang ldan pa yin/ ji skad thos pa'i chos bsgrub pa'i sems dang ldan pa yin no// de byas pa ga ba yin/ byas pa tshor ba dang / nges pa dang / 'grogs na bde ba dang / drang ba dang / mnyen pa dang / thibs po med pas spyod pa dang / sgyu med pa dang / nga rgyal med pa dang / bka' blo bde ba dang / mthun par 'dzin pa yin no// de de ltar dul ba dang ldan/ de ltar zhi ba dang ldan te/ de ltar dul ba dang / zhi ba dang ldan pas sa gong ma rnams yongs su sbyong bar byed pa'i lam gyi yan lag rnams yid la byed cing yang dag par spyod pas rgyun mi gcod pa'i brtson 'grus dang ldan pa yin/ yongs su nyon mongs pa can ma yin pa'i brtson 'grus dang ldan pa yin/ phyir mi ldog pa'i brtson 'grus dang ldan pa yin/ shin tu byang ba'i brtson 'grus dang ldan pa yin/ mtshungs pa med pa'i brtson 'grus dang ldan pa yin/ mi 'phrogs pa'i brtson 'grus dang ldan pa yin/ sems can tham / cad yongs su smin par byed pa'i brtson 'grus dang ldan pa yin/ tshul dang tshul ma yin pa rnam par 'byed pa'i brtson 'grus dang ldan pa yin te/ phyir zhing de'i bsam pa'i khams shin tu yongs su dag par 'gyur ro/ / lhag pa'i bsam pa'i khams dang mi 'bral lo// mos pa'i khams shin tu byang bar 'gyur ro// dge ba'i rtsa ba rnam par 'phel ba yang kun tu skye'o// 'jig rten gyi dri ma'i nag nog dang yang bral bar 'gyur ro/ / the tsom dang / yid gnyis dang / nem nu ma yang rgyun chad par 'gyur ro// som nyi med pa mngon du 'gyur ba yang yongs su rdzogs par 'gyur ba'o// dga' ba dang shin tu sbyangs pa yang yang dag par 'grub bo// de bzhin gshegs pa'i byin gyi rlabs kyang mngon sum du 'gyur ro// sems kyi bsam pa tshad med pa yang yang dag par 'grub bo// byang chub sems dpa'i sa 'od 'phro ba can 'di la gnas pa'i byang chub sems dpa' de la mthong ba rgya chen po dang / smon lam gyi stobs kyis sangs rgyas mang po snang bar 'gyur te/ smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas khrag khrig brgya stong phrag mang po dang / sangs rgyas bye ba phrag mang po dang sangs rgyas bye ba brgya phrag mang po dang / sangs rgyas bye ba stong phrag mang po dang / sangs rgyas bye ba brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro/ / des de bzhin gshegs pa dgra bcom pa yang dag par rdzogs pa'i sangs rgyas de dag mthong nas/ lhag pa'i bsam pa rgya chen pos bsti stang byed do/ / btsun par byed do// ri mo byed do// mchod pa byed do// na bza' dang / zhal zas dang / gzims cha dang / snyan gsos sman dang / yo byad dag kyang 'bul zhing byang chub sems dpa'i bde bar sbyar ba yang nye bar sgrub bo/ / dge 'dun gyi tshogs la yang yang dag par ri mo byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do/ / de bzhin gshegs pa dgra bcom pa yang dag par rdzogs pa'i sangs rgyas de dag la bsnyen bkur byed cing de dag gi chos bstan pa yang bsti stang du byed de nyan to// len to// 'dzin to// / thos nas kyang ci tshul du nan tan gyis yang dag par sgrub bo// de dag las phal cher de bzhin gshegs pa de dag gi bstan pa la rab tu 'byung ste/ phyir zhing de'i bsam pa dang / lhag pa'i bsam pa dang / mos pa'i mnyam pa nyid rnam par dag par 'gyur ro// byang chub sems dpa'i sa 'od 'phro ba can 'di la gnas pa'i byang chub sems dpa' de bskal pa du ma nas bskal pa bye ba khrag khrig brgya stong phrag du ma'i bar du bsam pa dang / lhag pa'i bsam pa dang / mos pa mnyam pa nyid shin tu rnam par dag par 'gyur ro// de'i dge ba'i rtsa ba de dag thams cad kyang shin tu byang ba dang / yongs su dag pa dang / shin tu 'od gsal bar 'gyur ro// kye rgyal ba'i sras ngag 'di lta ste dper na/ gser gyi sa le sbram de nyid mgar ba mkhas pas rgyan du byas pa ni de ma yin pa'i gser gyi sa le sbram rgyan du ma byas pa rnams kyis mi 'phrogs pa yin no/ / kye rgyal ba'i sras dag de bzhin du byang chub sems dpa'i sa 'od 'phro ba can 'di la byang chub sems dpa'i dge ba'i rtsa ba yang de ma yin pa'i byang chub sems dpa'i sa 'og ma la gnas pa'i byang chub sems dpa' rnams kyi dge ba'i rtsa ba rnams kyis mi 'phrogs pa yin no/ / kye rgyal ba'i sras ngag 'di lta ste dper na/ nor bu rin po che 'od gzer gyis dkyil 'khor yongs su dag pa can snang ba rab tu gtong ba ni rin po che'i rnam pa 'od yongs su dag pa gzhan dag gis mi 'phrogs shing / rlung mar langs pa dang / chu dang char bab pas kyang 'od mi chod pa yin no/ / kye rgyal ba'i sras dag de bzhin du/ byang chub sems dpa'i sa 'od 'phro ba can 'di la gnas pa'i byang chub sems dpa' yang de ma yin pa'i sa 'og ma la gnas pa'i byang chub sems dpa' rnams kyis mi 'phrogs pa yin/ bdud dang / nyon mongs pa kun tu spyod pa rnams kyis ye shes mi chod pa yin no// de'i bsdu ba'i dngos po bzhi po dag las don mthun pa'i shas che ba yin/ pha rol tu phyin pa bcu po dag las brtson 'grus kyi pha rol tu phyin pa'i shes che ba yin te/ lhag ma rnams kyang ci nus kyi tshul du yang dag par mi sgrub pa ni ma yin no// kye rgyal ba'i sras dag 'di ni byang chub sems dpa' rnams kyi byang chub sems dpa'i sa bzhi pa 'od 'phro ba can zhes pa mdor ston pa'o/ / de la gnas pa'i byang chub sems dpa' ni phal cher lha'i rgyal po rab 'brab bral du 'gyur te/ byed pa dang ldan zhing sems can rnams kyi 'jig tshogs la lta ba yang dag par 'joms pa'i gtso bor gyur pa dang / sems can rnams yang dag pa'i lta ba la rab tu 'god pa la mkhas pa yin no/ / sbyin pa'am/ snyan par smra ba 'am/ don spyod pa 'am/ don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang dge 'dun yid la bya ba dang / byang chub sems dpa'i yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas/ rnam pa thams cad kyi mchog dang ldan pa'i thams cad mkhyen pa'i ye shes la rten pa'i bar du 'gyur snyam du sems so// 'dod na brtson 'grus rtsom pa rnam pa ji lta bus smad cig thang cig sud tsam gcig sa ting nge 'dzin bye ba rab tu thob cing snyoms par 'jug pa dang / sangs rgyas bye ba mthong ba dang / de dag ga kyi/ gyi rlabs kyang yang dag par shes pa dang / 'jig rten gyi khams bye ba g.yo bar byed pa dang / zhing bye bar 'gro ba dang / 'jig rten gyi khams bye ba snang bar byed pa dang / sems can bye ba yongs su smin par byed pa dang / bskal pa bye bar gnas par byed pa dang / bskal pa bye ba la sngon gyi mtha' dang / phyi ma'i mtha' rab tu 'jug pa dang / chos kyi sgo bye ba rnam par 'byed pa dang / lus bye ba kun tu ston pa dang / lus re re la yang byang chub sems dpa'i 'khor bye ba kun tu ston pa'i brtson 'grus rnam pa de lta ba rtsom mo// de yan chad byang chub sems dpa' smon lam gyi stobs can rnams smon lam khyad par can gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa'am/ bkod pa 'am byin gyi rlabs sam/ mos pa'am/ mngon par 'du byed pa dag kyang bskal pa bye ba khrag khrig brgya stong phrag ji snyed pa de snyed du'ang brjod par sla ba ma yin no// byang chub sems dpa'i sa bzhi pa 'od 'phro ba can zhes bya'o/ / kye rgyal ba'i sras dag byang chub sems dpa'i sa bzhi pa la lam yongs su rdzogs par byas pa'i byang chub sems dpa' de byang chub sems dpa'i sa lnga pa la 'jug ste/ de rnam par dag pa la sems kyi bsam pa mnyam pa nyid bcus 'jug go// bcu gang zhe na/ 'di lta ste/ 'das pa'i sangs rgyas kyi chos rnam par dag pa la bsam pa mnyam pa nyid dang ma byon pa'i sangs rgyas kyi chos rnam par dag pa la bsam pa mnyam pa nyid dang / da ltar byung ba'i sangs rgyas kyi chos rnam par dag pa la bsam pa mnyam pa nyid dang / tshul khrims rnam par dag pa la bsam pa mnyam pa nyid dang / sems rnam par dag pa la bsam pa mnyam pa nyid dang / lta ba dang / som nyi dang / yid gnyis dang / 'gyod pa sel ba rnam par dag pa la bsam pa mnyam pa nyid dang / lam dang lam ma yin pa shes pa rnam par dag pa la bsam pa mnyam pa nyid dang / lam shes pa rnam par dag pa la bsam pa mnyam pa nyid dang / byang chub kyi phyogs kyi chos thams cad gong nas gong du rnam par 'jigs pa rnam par dag pa la bsam pa mnyam pa nyid dang / sems can thams cad yongs su smin par byed pa rnam par dag pa la bsam pa mnyam pa nyid de/ kye rgyal ba'i sras dag byang chub sems dpa' rnam par dag pa la sems kyi bsam pa mnyam pa nyid bcu po 'di dag gis 'jug go/ / kye rgyal ba'i sras dag byang chub sems dpa'i sa lnga pa thob pa'i byang chub sems dpa'i lam gyi yan lag byang chub kyi phyogs de dag nyid yongs su sbyang ba shin tu byas shing / lhag pa'i bsam pa shin tu yongs su sbyangs pas yang de'i gong du lam gyi khyad par tshol zhing de bzhin nyid kyi rjes su zhugs pa dang sngon lam gyi stobs bskyed pa dang / sring brtse ba dang / byams pas sems can thams cad yongs su mi gdong ba dang / bsod rabs dang ye shes kyi tshogs bsags pa dang rgyun ma bcad pa dang / thabs la mkhas pa mngon par bsgrubs pa dang / gong nas gong du sa'i snang ba la lta ba dang / de bzhin gshegs pa'i byin gyi rlabs yang dag par blangs pa dang / dran pa dang blo gros dang / rtogs pa'i stobs bskyed pas yid la bya ba phyir mi ldog par gyur nas 'di ni sdug bsngal 'phags pa'i bden pa'o zhes yang dag pa ji lta ba bzhin du rab tu shes so// 'di ni sdug bsngal kun 'byung ba'o/ / 'di ni sdug bsngal 'gog pa'o// 'di ni sdug bsngal 'gog par 'gro ba'i lam 'phags pa'i bden pa'o zhes yang dag pa ji lta ba bzhin du rab tu shes so// de kun rdzob kyi bden pa la mkhas pa yin/ don dam pa'i bden pa la mkhas pa yin/ mtshan nyid kyi bden pa la mkhas pa yin/ rnam par dbye ba'i bden pa la mkhas pa yin/ phye ste rtog pa'i bden pa la mkhas pa yin/ dngos po'i bden pa la mkhas pa yin/ rab tu skye ba'i bden pa la mkhas pa yin/ zad pa dang mi skye ba shes pa'i bden pa la mkhas pa yin/ lam shes pa la 'jug pa'i bden pa la mkhas pa yin/ byang chub sem dpa'i go rims thams cad kyi mtshams sbyor ba bsgrub pa nas de bzhin gshegs pa'i ye shes yang dag par 'byung ba'i bar gyi bden pa la mkhas pa yin no/ / de sems can gzhan dag gi bsam pa ji lta ba bzhin du tshim par byed pas kun rdzob kyi bden pa rab tu shes so/ / bgrod pa gcig pu la yang dag par gzhol bas don dam pa'i bden pa rab tu shes so// rang dang spyi'i mtshar nyid rtogs pas mtshan nyid kyi bden pa rab tu shes so/ / chos rnam par dbye ba rnam par gzhag pa rtogs pas rnam par dbye ba'i bden pa rab tu shes so// phung po dang / khams dang / skye mched rnam par gzhag pa rtogs pas phye ste rtog pa'i bden pa rab tu shes so/ / lus dang sems la gnod pa nyams su 'bab pas dngos po'i bden pa rab tu shes so// 'gro bar mtshams sbyor ba rtogs pas rab tu skye ba'i bden pa rab tu shes so// rims nad kyis yongs su gdung ba thams cad shin tu zhi bas zad pa dang / mi skye ba shes pa'i bden pa rab tu shes so// mi gnyis pa mngon par bsgrubs pas lam shes pa la 'jug pa'i bden pa rab tu shes so// rnam pa thams cad mngon par rdzogs par khong du chud pas/ byang chub sems dpa'i sa'i go rims thams cad kyis mtshams sbyar ba bsgrub pa nas/ de bzhin gshegs pa'i ye shes yang dag par 'byung ba'i bar gyi bden pa rab tu shes te/ de yang mos pa shes pa'i stobs bskyed pas shes kyi ma lus par shes pa ni ma yin no// de de ltar bden pa la mkhas pa mngon par bsgrubs pa'i blos 'dus byas thams cad brdzun pa dang / bslu ba'i chos can dang / rku byed pa dang / byis pa 'drid par yang dag pa ji lta ba bzhin du rab tu shes te/ de de bas kyang shas cher snying rje chen po mngon du gyur zhing byams pa chen po'i snang ba yang rab tu 'byung ngo / / de de ltar ye shes kyi stobs bskyed pa thob ste/ sems can thams cad la lta ba dang bcas par gyur nas/ sangs rgyas kyi ye shes mngon par 'dod pas/ 'du byed du gyur pa thams cad kyi mngon gyi mtha' dang / phyi ma'i mtha' la rnam par rtog ste/ ji ltar sngon gyi mtha' ma rig pa dang / sred pa las byung ba'i sems can 'khor ba'i rgyun gyi rjes su zhugs pa/ phung po'i gnas las ma bskyed pa rnams kyi sdug bsngal gyi phung po bdag med pa/ sems can med pa/ srog med pa/ gso ba med pa/ gang zag med pa/ bdag dang bdag gi dang bral ba/ rnam par 'phel ba de yang dag pa ji lta ba bzhin du rab tu shes so// ji ltar ma 'ongs pa'i med pa la rmongs pa dang / mngon par 'dod pa de rgyun chad pa dang / mthar 'gyur ba dang / 'byung ba dang med pa dang / yod pa de yang yang dag pa ji lta ba bzhin du rab tu shes so// de 'di snyam du sems te/ kye ma byis pa so so'i skye bo 'di dag ni mi shes pas rmongs pa dag ste/ de dag gi lus grangs med pa/ 'gags la 'gag par 'gyur zhing 'gag bzhin te/ de ltar 'chi yang lus la yid byung ba mi skyed cing / sdug bsngal gyi 'khrul 'khor je bas je 'phel du byed/ 'khor ba'i rgyud las mi ldog phung po'i gnas mi 'dor/ khams kyi sbrul dag gis skyo bar mi 'gyur/ nga rgyal dang lta ba'i zug rngu mi 'byin/ 'dod chags dang / zhe sdang dang / gti mug gi me lce 'bar ba zhi par mi byed/ ma rig pa'i mun pa mi sel/ sred pa'i rgya mtsho mi skyem/ stobs bcu'i deng dpon yongs su mi tshol ming bdud kyi bsam pa thibs pa'i rjes su song ste/ 'khor ba'i rgya mtsho rnam par rtog pa rnam pa sna tshogs kyi chu srin 'dzin khris dkrugs pas yongs su g.yengs pa ngo mtshar ches/ byis pa so so'i skye bo de dag de ltar mi shes shing rmongs pa ni ngo mtshar ches/ ma la bdag gis sems can de ltar sdug bsngal gyis nyam thag pa/ mgon med pa/ dpung gnyen med pa/ skyabs med pa/ gnas med pa/ gzhi med pa/ rten med pa/ long bar gyur pa/ ma rig pa'i sgo nga'i sbubs dang / pris yog pa mun pas zil gyis gnon pa de dag gi don du gcig pu gnyis su med par gyur nas/ bsod nams dang ye shes kyi tshogs bsags par bya ba rnam pa ji lta bus sems can de dag shin tu rnam par dag pa thob par 'gyur nas/ stobs bcu'i stobs kyi ye shes chags pa med pa'i bar gyi mthar thug pa thob par 'gyur ba rnam pa de lta bu'i bsod nams dang / ye shes kyi tshogs bsags par bya'o snyam ste/ de de ltar shin tu brtags pa'i ye shes kyis mngon par bsgrubs pa'i blos dge ba'i rtsa ba gang ci rtsom yang de dag kun sems can thams cad yongs su bskyab pa'i phyir rtsom mo/ / sems can thams cad yongs su bskyab pa dang / sems can thams cad la phan pa 'dod pa dang / sems can thams cad la bde ba 'dod pa dang / sems can thams cad la snying brtse ba dang / sems can thams cad la gtse ba med pa dang sems can thams cad yongs su dgrol ba dang / sems can thams cad drang ba dang / sems can thams cad dang bar bya ba dang / sems can thams cad gdul ba dang sems can thams cad mya ngan las bzla ba'i phyir rtsom ste/ byang chub sems dpa'i sa lnga pa shin tu sbyang dka' ba 'di la gnas pa'i byang chub sems dpa' de ni de bas kyang brjed ngas par mi 'gyur ba'i chos nyid kyis dran pa dang ldan pa yin/ shin tu nges pa'i ye shes kyi blo gros dang ldan pa yin/ de'i tshul dgongs te gsungs pa khong du chud pas rtogs pa dang ldan pa yin/ bdag dang gzhan rjes su srung bas dga' ba dang ldan pa yin/ sdom pa'i cho ga mi 'dor bas dga' ba dang ldan pa yin/ gnas dang gnas ma yin pa la mkhas shing rnam par dpyad pas blo dang ldan pa yin/ don dang don ma yin pa dang / tshig dang 'dres pa la mkhas pas shes rab dang ldan pa yin/ bsgom pa mngon par bsgrub pa la mkhas pas/ mngon par shes pa mngon par bsgrub pa thob pa yin/ 'jig rten dang mthun par 'jug pas thabs la mkhas pa yin/ bsod nams kyi tshogs bsags pas ngoms ma shes pa yin/ ye shes kyi tshogs yongs su tshol bas brtson 'grus rgyun mi 'chad pa yin/ byams pa dang / snying rje chen po'i tshigs bsags pas yongs su mi skyo ba'i bsam pa dang ldan pa yin/ de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa yongs su tshol bas snyoms las med par yongs su tshol ba la brtson pa yin/ sangs rgyas kyi zhing gi rgyan rnam par bsgrub pa mngon par bsgrub pa yid la byed pa dang ldan pa yin/ mtshan dang dpe byad bzang po yang dag par bsgrub pas dge ba sna tshogs bya ba la brtson pa yin/ de bzhin gshegs pa'i sku dang / gsung dang / thugs kyi rgyan yongs su tshol bas rtag par rgyun tu shin tu mngon par brtson pa yin/ byang chub sems dpa' dang chos smra ba thams cad la rim gro byed pas bsnyen bkur dang / sri zhu chen po'i ngang tshul can yin/ byang chub kyi sems dang thabs mkhas pa chen pos 'jig rten du mtshams sbyor bar 'jug pas/ smon lam shin tu btab pa'i sems dang ldan pa yin/ sems can thams cad yongs su smin par byed pa la brtson pas nyin mtshan du sems gzhan yongs su spangs pa yin te/ de de ltar mngon par brtson pas sbyin pas kyang sems can yongs su smin par byed do/ / snyan par smra ba dang / don spyod pa dang / don mthun pa dang / gzugs kyi lus kun tu bstan pa dang / chos bshad pa dang / byang chub sems spyod par brjod pa dang / de bzhin gshegs pa'i che ba nyid smos pa dang / 'khor ba'i nyes pa bstan pa dang / sangs rgyas kyi ye shes kyi phan yon yongs su bsnyad pa dang / rdzu 'phrul gyi rnam par 'phrul pa chen po mngon par bsgrub pas tshul gyis bya ba la sbyor ba rnams kyis kyang sems can yongs su smin par byed do/ / de de ltar sems can yongs su smin par bya ba la mngon par brtson par sangs rgyas kyi ye shes kyi rjes su song ba'i sems kyi rgyu dang ldan cing dge ba'i rtsa ba la sbyor ba phyir mi ldog pa yin te/ khyad par can gyi chos yongs su bcal ba la mngon par brtson pas 'jig rten na yi ge dang / bstan bcos dang / brtsis dang rgyu dang / shod thab la sogs pa gang dag yod pa de dag mngon par sgrub bo// nor bsgyur ba'i dpyad dang / gso ba'i dpyad skem pa dang / brjed byed dang / 'byung po'i gdon bsal ba dang dug dang ro langs kyi sbyor ba bsal ba dang / snyan dngags dang / gar thabs dang / gtam rgyud dang / rol mo dang / sngon byung bas rab tu dga' ba dang / grong dang / grong khyer dang / skyed mos tshal dang / 'bab chu dang / mtsho dang / mtshe'u dang / rdzing dang / me tog dang / 'bras bu dang / sman dang / nags tshal mngon par bsgrub pa dang / gser dang / dngul dang / nor bu dang mu tig dang / bai DUR+Ya dang / dung dang / man shel dang / byi ru dang / rin po che'i 'byung khung bstan pa dang / zla ba dang / nyi ma dang / gza' dang / skar ma dang / rgyu skar dang / sa g.yo ba dang / ri dgas dang / bya dang / rmis ltas mthong bas 'jug pa dang / yan lag thams cad kyi mtshan gyis sbyor ba dang / sdom pa'i cho ga la gnas pa dang / bsam gtan dang / mngon par shes pa dang / tshad med pa dang / gzugs med pa'i gnas rnams dang / gzhan yang gang 'tshe ba med pa dang ldan pa dang / sems can thams cad la phan pa dang / bde bar 'gyur ba de dag snying rje dang ldan pas mthar gyi sangs rgyas kyi chos la rab tu dgod pa'i phyir mngon par sgrub bo/ / 'phags pas bcu pa// bam po bzhi pa/ byang chub sems dpa'i sa shin tu sbyang dka' ba 'di la gnas pa'i byang chub sems dpa' de la mthong ba rgya chen po dang / smon lam gyi stobs kyis sangs rgyas mang po snang bar 'gyur te/ mthong ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas khrag khrig brgya stong phrag mang po dang / sangs rgyas bye ba phrag ma po dang / sangs rgyas bye ba brgya phrag mang po dang / sangs rgyas bye ba stong phrag mang po dang / sangs rgyas bye ba brgya stong phrag mang po dang / sangs rgyas bye ba khrag khrig brgya stong phrag mang po snang bar 'gyur ro/ / des de bzhin gshegs pa dgra bcom pa yang dag par rdzogs pa'i sangs rgyas de dag mthong nas/ lhag pa'i bsam pa rgya chen pos/ bsti stang byed do// btsun par byed do// ri mo byed ngodo/ / mchod pa byed do// na bza' dang / zhab zas dang / gzims cha dang / snyun gsos sman dang / yo byad rnams kyang 'bul zhing / byang chub sems dpa'i bde bar sbyar ba yang nye bar sgrub bo/ / dge 'dun gyi tshogs la yang / yang dag par ri mo byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do// de bzhin gshegs pa dgra bcom pa yang dag par rdzogs pa'i sangs rgyas de dag la bsnyen bkur byed cing / de dag la gus pa dang / zhes dang / bsti stang byas te chos bstan pa nyan no// len no/ / 'dzin to// thos nas kyang ci tshul du nan tan gyis yang dag par sgrub bo// de dag las phal cher de bzhin gshegs pa de dag gi bstan pa la rab tu 'byung ste/ rab tu byung nas kyang de de bas shas cher thos pa'i rnam pa 'dzin pa'i gzungs rab tu thob pa'i chos smra bar 'gyur ro/ / byang chub sems dpa'i sa shin tu sbyang dka' ba 'di la gnas pa'i byang chub sems dpa' de'i dge ba'i rtsa ba de dag bskal pa du mar ches rab tu sbyangs pa dang / yongs su dag pa dang / shin tu 'od gsal bar 'gyur te/ de'i dge ba'i rtsa ba de dag bskal pa brgya phrag du ma dang / bskal pa stong phrag du ma dang bska pa brgya stong phrag du ma dang / bskal pa khrag khrig brgya stong phrag du ma dang / bskal pa bye ba phrag du ma dang / bskal pa bye ba brgya phrag du pa dang / bskal pa bye ba stong phrag du ma dang / bskal pa bye ba brgya stong phrag du ma dang / bskal pa bye ba khrag khrig brgya stong phrag du mar ches rab tu sbyangs pa dang / yongs su dag pa dang / shin tu 'od gsal bar 'gyur ro// kye rgyal ba'i sras ngag 'di lta ste/ dper na gser gyis le sbra ma de ni sdug gis phyis na de bas kyang ches rab tu dang ba dang / yongs su dag pa dang / shin tu 'od gsal bar 'gyur ro// kye rgyal ba'i sras dag de bzhin du/ byang chub sems dpa'i sa shin tu sbyang dka' ba 'di la gnas pa'i byang chub sems dpa' de'i dge ba'i rtsa ba thabs dang shes rab kyis rnam par dpyad pa de dag kyang ches rab tu byang ba dang / yongs su dag pa dang / shin tu 'od gsal ba yin no// ye shes la sbyor ba'i yon tan bsgrubs nas mi 'phrogs shing rnam par brtags pa yin no// kye rgyal ba'i sras dag 'di lta ste dper na/ nyi ma dang / zla ba dang gza' dang / skar ma dang / rgyu skar rnams kyi gzhal med khang gi 'od snang ba ni rlung gi dkyil 'khor rnams kyis mi 'phrogs shing rlung mar dang blun mong ma yin no// kye rgyal ba'i sras dag de bzhin du byang chub sems dpa'i sa shin tu sbyang dka' ba 'di la gnas pa'i byang chub sems dpa'i dge ba'i rtsa ba thabs dang / shes rab dang / ye shes kyi sems kyis rnam par dpyad pa dang ldan pa de dag kyang nyan thos dang / rang sangs rgyas thams cad kyis mi 'phrogs shing / 'jig rten pa rnams dang thun mong ma yin no// de'i pha rol tu phyin pa bcu po dag las/ bsam gtan gyi pha rol tu phyin pa'i shas che ba yin te/ lhag ma rnams kyang ci nus ci tshul du yang dag par mi sgrub pa ni ma yin no// kye rgyal ba'i sras dag 'di ni byang chub sems dpa' rnams kyi byang chub sems dpa'i sa lnga pa shin tu spang dka' ba zhes bya ba mdor bstan pa'o/ / de la gnas pa'i byang chub sems dpa' ni phal cher lnga'i rgyal po yongs su dga' ldan du 'gyur te/ byed pa dang ldan zhing sems can rnams mu stegs can gyi gnas thams cad las rnam par bzlog pa'i gtso bar gyur pa dang / sems can rnams bden pa dag la rab tu 'god pa la mkhas pa yin no// sbyin pa 'am/ sman par smra ba 'am/ dad spyod pa 'am don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yod la bya ba dang / byang chub sems dpa' yid la bya dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa ying la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas/ rnam pa thams cad kyi mchog dang ldan pa'i thams cad mkhyen pa'i ye shes la rten pa'i bar du 'gyur snyam du sems so// 'dod na brtson 'grus rtsom pa rnam pa ji lta bus skad cig thang tshig lung tsam gcig la ting nge 'dzin bye ba phrag stong thob cing stoms par yang 'jug pa dang / sangs rgyas bye ba phrag stong mthong ba dang / de dag gi byin gyi rlabs kyang yang dag par shes pa dang / 'jig rten gyi khams bye ba phrag stong g.yo bar byed pa dang / zhing bye ba phrag stong du 'gro ba dang / 'jig rten gyi khams bye ba phrag stong snang bar byed pa dang / sems can bye ba phrag stong yongs su smin par byed pa dang / bskal pa bye ba phrag stong du gnas par byed pa dang / bskal pa bye ba phrag stong la sngon gyi mtha' dang / phyi ma'i mthar rab tu 'jug pa dang / chos kyi sgo bye ba phrag stong rnam par 'byed pa dang / lus bye ba phrag stong kun tu ston pa dang / lus re re la yang byang chub sems dpa'i 'khor bye ba phrag stong stong kun tu ston pa'i brtson 'grus rnam pa de lta bu rtsom mo// de yan chad byang chub sems dpa' smon lam gyi stobs can rnams smon lam khyad par can gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ stsol yul lam/ dbyangs sam/ spyod pa'am/ bkod pa 'am/ byin gyi rlabs sam/ mos pa'am/ mngon par 'du byed pa dag kyang bskal pa bye ba khrag khrig brgya stong ji snyed pa de snyed du yang brjod par sla ba ma yin no// byang chub sems dpa'i sa lnga pa shin tu sbyang dka' ba zhes bya ba'o/ / kye rgyal ba'i sras dag byang chub sems dpa'i sa lnga pa la lam shin tu yongs su rdzogs pa'i byang chub sems dpa' de byang chub sems dpa'i sa drug pa la 'jug ste/ de chos mnyam ba nyid bcus 'jug go/ / bcu gang zhe na/ 'di lta ste/ chos thams cad mtshan ma med par mnyam pa nyid dang / chos thams cad mtshan nyid med par mnyam pa nyid dang / chos thams cad 'byung ba med par mnyam pa nyid dang / chos thams cad skye ba med par mnyam pa nyid dang / chos thams cad dben par mnyam pa nyid dang / chos thams cad gzod ma nas rnam par dag par mnyam pa nyid dang / chos thams cad spros pa med par mnyam pa nyid dang / chos thams cad blang ba med pa dang dor ba med par mnyam pa nyid dang / chos thams cad sgyu ma dang / rmi lam dang / mig yor dang brag cha dang / gzugs brnyan dang / sprul pa lta bur mnyam pa nyid dang / chos thams cad dngos po dang dngos po med pa gnyis su med par mnyam pa nyid de/ kye rgyal ba'i sras ngag chos mnyam pa nyid bcu po 'di dag gis byang chub sems dpa'i sa drug pa la 'jug go/ / de chos thams cad kyi rang bzhin de ltar rab tu rtog pa na/ rno zhing rjes su mthun pa'i bzod pas byi dor byed mthun par byed de/ mi mthun par mi byed pa byang chub sems dpa'i sa drug pa mngon du gyur pa rjes su thob ste/ de tsam gyis mi skye ba'i chos la bzod pa'i sgo rjes su thob pa ni ma yin no// de chos thams cad kyi rang bzhin de ltar rtog pa na de de bas kyang snying rje chen po sngon du 'gro ba dang / snying rje chen po la dbang byed pa dang / snying rje chen po yongs su rdzogs par bya ba'i phyir 'jig rten gyi 'byung ba dang / 'jig pa la rnam par lta'o// nge 'jig rten gyi 'byung ba dang / 'jig pa la rnam par lta ba'i tshe 'di snyam du sems te/ 'jig rten du 'dogs pa 'byung ba ci snyed pa de dag thams cad ni bdag tu mngon par zhen pa las byung ste/ bdag tu mngon par zhen pa dang bral na/ 'jig rten du 'dogs pa 'byung ba yang med par 'gyur ro snyam mo// de 'di snyam du sems te/ byis pa'i blo can bdag tu mngon par zhen pa/ mi shes pa'i rab rib kyis bsgribs pa yod pa dang med pa la mngon par 'dod pa/ tshul bzhin ma yin pa yid la byed pa las byung ba/ yang dag pa ma yin par song ba/ log pa'i rjes su 'brang ba de dag ni bsod nams dang / bsod nams ma yin pa'i 'du byed ba sogs te/ 'du byed de dag gis yongs su bsgos pa'i sems kyi sa bon zag pa dang bcas pa/ nye bar len pa dang bcas pa ni phyi ma la skyes pa dang / rga shi'i yang srid pa mngon par 'grub pa 'byung bar nye bar 'gro ba yin te/ lus kyi zhing gi gzhi dang / ma rig pa'i mun pa dang / sred pa'i rlan dang / nga'o snyam pa'i nga rgyal gyis brlan pa lta bur gyur pa'i dra ba rab tu 'phel bas ming dang gzugs kyi myu gu 'byung ste/ byung nas rnam par 'phel lo// ming dang gzugs kyi myu gu rnam par 'phel nas dbang po lnga 'byung bar 'gyur ro// dbang po lnga byung nas phan tshun 'dus pas reg par 'gyur ro/ / reg pa 'dus pas tshor ba 'byung ngo // tshor nas de'i gong du mngon par dga' bas sred pa 'byung ngo // sred pa ni len pa rnam par 'phel bar byed do// len pa rnam par 'phel bas srid pa 'byung bar 'gyur ro/ / srid pa byung nas phung po lnga 'byung bar 'gyur te/ phung po lnga byung nas 'gro ba lngar rim gyis dengs par 'gyur ro// dengs nas 'bral bar 'gyur ro// dengs shing bral nas/ rims nad kyis yongs su gdung bar 'gyur ro// rims nad kyis yongs su gdungs pa las mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa thams cad 'byung bar 'gyur yang de dag la su yang 'byung bar byed pa med do// rang bzhin dang / brtsal ba med par 'jig par 'gyur yang de dag la 'jig par byed pa su yang med do zhes/ de ltar byang chub sems dpa' lugs su 'byung ba'i rnam par rten cing 'brel par 'byung ba la rab tu rtog go// de 'di snyam du sems te/ bden pa rnams mi shes pa ni don dam par ma rig pa'o// ma rig pas byas pa'i las kyi rnam par smin pa ni 'du byed rnams so// 'du byed la rten pa'i sems dang po ni rnam par shes pa'o// rnam par shes pa dang lhan cig skyes te/ len pa'i phung po bzhi ming dang gzugs so/ / ming dang gzugs rnam par 'phel ba ni skye mched drug go// dbang po dang / yul dang / rnam par shes par sum phrad pa zag pa dang bcas pa ni reg pa'o// reg pa dang lhan cig skyes pa ni tshor ba'o/ / tshor ba la chags pa ni sred pa'o// sred pa rnam par 'phel ba ni len pa'o// len pa las byung ba'i las zag pa dang bcas pa ni srid pa'o// las kyi rgyu mthun pa ni skye ba ste/ phung po 'byung ba'o/ / phung po yongs su smin pa ni rga ba'o// rgas nas phung po 'jig pa ni 'chi ba'o// 'chi zhing 'bral ba'i tshe myos shing chags par gyur pas sems yongs su gdung ba ni mya ngan no// mya ngan las byung ba'i tshig tu rjod pa ni smre sngags 'don pa'o/ / dbang po lnga'i nyams su bab pa ni sdug bsngal lo// yid kyis lta ba'i nyams su bab pa ni yid mi bde ba'o// sdug bsngal dang yid mi bde ba mang po byung ba ni 'khrug pa ste/ de ltar na sdug bsngal gyi ljon pa byed pa po med pa 'ba' shig po mngon par 'grub par 'gyur ro snyam mo// 'di ji snyam du sems te/ byed pa po la mngon par zhen pas las rnams yod par gyur to/ / gang na byed pa po med pa de na don dam par las kyang mi dmigs so snyam mo// de 'di snyam du sems te/ 'di ltar khams gsum pa 'di ni sems tsam ste/ srid pa'i yan lag bcu gnyis po gang dag de bzhin gshegs pas rab tu phye ste bka' stsal pa/ de dag thams cad kyang sems gcig la gnas pa dag go// de ci'i phyir zhe na/ gzhi gang la 'dod chags dang ldan pa'i sems skyes pa de ni rnam par shes pa'o/ / gzhi ni 'du byed rnams so// 'du byed la kun rmongs pa gang yin pa de ni ma rig pa'o// ma rig pa'i sems dang lhan cig skyes pa de ni ming dang gzugs so// ming dang gzugs rnam par 'phel ba ni skye mched drug go/ / skye mched drug gi cha dang mthun pa ni reg pa'o// reg pa dang lhan cig skyes pa ni tshor ba'o// tshor ba la mi ngoms pa ni sred pa'o// sred pas g.yen spyos nas sdud cing yongs su mi gtong ba ni len pa'o/ / srid pa'i yan lag 'di dag 'byung ba ni srid pa'o// srid pa 'byung ba ni skye ba'o// skye ba yongs su smin pa ni rga ba'o// rga ba yongs su 'gyur ba ni 'chi ba'o/ / de la ma rig pa ni bya ba gnyis su nye bar gnas pa yin te/ sems can rnams kyang dmigs pa la rmongs par byed pa dang / 'du byed mngon par 'grub pa'i rgyu yang 'byin pa'o/ / 'du byed rnams kyang bya ba gnyis su nye bar gnas pa yin te/ ma 'ongs pa'i rnam par smin pa yang mngon par 'grub par byed pa dang / rnam par shes pa mngon par 'grub pa'i rgyu yang 'byin pa'o/ / rnam par shes pa yang bya ba gnyis su nye bar gnas pa yin te/ srid pa'i nying mtshams sbyor bar yang byed pa dang / ming dang gzugs mngon par 'grub pa'i rgyu yang 'byin pa'o// ming dang gzugs kyang bya ba gnyis su nye bar gnas pa yin te/ phan tshun rten par yang byed pa dang / skye mched drug mngon par 'grub pa'i rgyu yang 'byin pa'o// skye mched drug kyang bya ba gnyis su nye bar gnas pa yin te/ rang gi yul rnam par phye ba yang ston pa dang / reg pa mngon par 'grub pa'i rgyu yang 'byin pa'o// reg pa yang bya ba gnyis su nye bar gnas pa yin te/ dmigs pa la reg par yang byed pa dang / tshor ba mngon par 'grub pa'i rgyu yang 'byin pa'o// tshor ba yang bya ba gnyis su nye bar gnas pa yin te/ yid du 'ong ba dang / yid du mi 'ong ba dang / gnyis ka las rnam par grol ba myong bar yang byed pa dang / sred pa mngon par 'grub pa'i rgyu yang 'byin pa'o// sred pa yang bya ba gnyis sunye par gnas pa yin te/ chags par 'gyur ba'i dngos po la kun tu chags par yang byed pa dang / len pa mngon par 'grub pa'i rgyu yang 'byin pa'o// len pa yang bya ba gnyis su nye bar gnas pa yin te/ kun nas nyon mongs pa dang 'brel par yang byed pa dang / srid pa mngon par 'grub/ pa'i rgyu yang 'byin pa'o// srid pa yang bya ba gnyis su nye bar gnas pa yin te/ srid pa'i rgyu gzhan yang gnas par byed pa dang / skye ba mngon par 'grub pa'i rgyu yang 'byin pa'o// skye ba yang bya/ ba gnyis su nye bar gnas pa yin te/ phung po 'byung bar yang byed pa dang / rga ba mngon par 'grub pa'i rgyu yang 'byin pa'o// rga ba yang bya ba gnyis su nye bar gnas pa yin te/ dbang po yongs su 'gyur bar byed pa dang / 'chi ba dang phrad pa mngon par 'grub pa'i rgyu yang 'byin pa'o// 'chi ba yang bya ba gnyis su nye bar gnas pa yin te/ 'du byed 'jig par yang byed pa dang / yongs su mi shes pa rgyun mi 'chad pa'i rgyu yang 'byin pa'o/ / de la ma rig pa'i rkyen gyis 'du byed rnams so zhes bya ba ni ma rig pa'i rkyen gyis 'du byed rnams rgyun mi 'chad pa dang rten pa'o// 'du byed kyi rkyen gyis rnam par shes pa'o zhes bya ba ni 'du byed kyi rkyen gyis rnam par shes pa rgyun mi 'chad pa dang rten pa'o/ / rnam par shes pa'i rkyen gyis ming dang gzugs zhes bya ba ni rnam par shes pa'i rkyen gyis ming dang gzugs rgyun mi 'chang ba dang rten pa'o// ming dang gzugs kyi rkyen gyis skye mched drug ces bya ba ni/ ming dang gzugs kyi rkyen gyis skye mched drug rgyun mi 'chad pa dang rten pa'o// skye mched drug gi rkyen gyis reg pa'o zhes bya ba ni skye mched drug gi rkyen gyis reg pa rgyur mi 'chad pa dang rten pa'o/ / reg pa'i rkyen gyis tshor ba'o zhes bya ba ni reg pa'i rkyen gyis tshor ba rgyun mi 'chad pa dang rton pa'o// tshor ba'i rkyen gyis sred pa'o// zhes bya ba ni tshor ba'i rkyen gyis sred pa rgyun mi 'chad pa dang rten pa'o// sred pa'i rkyen gyis len pa'o zhes bya ba ni sred pa'i rkyen gyis len pa rgyun mi 'chad pa dang rten pa'o// len pa'i rkyen gyis srid pa'o zhes bya ba ni len pa'i rkyen gyis srid pa rgyun mi 'chad pa dang rten pa'o/ / srid pa'i rkyen gyis skye ba'o zhes bya ba ni srid pa'i rkyen gyis skye ba rgyun mi 'chad ba dang rten pa'o// skye ba'i rkyen gyis rga shi'o zhes bya ba ni skye ba'i rkyen gyis rga shi rgyun mi 'chad pa dang rten pa'o/ / ma rig pa 'gags pas 'du byed rnams 'gag go zhes bya ba ni ma rig pa 'i rkyen med pas 'du byed rnams nye bar zhi zhing rten pa med pa'o// 'du byed 'gags pas rnam par shes pa 'gag go zhes bya ba ni 'du byed kyi rkyen med pas rnam par shes pa nye bar zhi zhing rten pa med pa'o/ / rnam par shes pa 'gags pas ming dang gzugs 'gag go zhes bya ba ni rnam par shes pa'i rkyen med pas ming dang gzugs nye bar zhi zhing rten pa med pa'o/ / ming dang gzugs 'gags pas skye mched drug 'gag go zhes bya ba ni ming dang gzugs rkyen med pas skye mched drug nye bar zhi zhing rten pa med pa'o/ / skye mched drug 'gags pas reg pa 'gag go zhes bya ba ni skye mched drug gi rkyen med pas reg pa nye bar zhi zhing rten pa med pa'o// reg pa 'gags pas tshor ba 'gag go zhes bya ba ni reg pa'i rkyen med pas tshor ba nye bar zhi zhing rten pa med pa'o/ / tshor ba 'gags pas sred pa 'gag go zhes bya ba ni tshor ba'i rkyen med pas sred pa nye bar zhi zhing rten pa med pa'o/ / sred pa 'gags pas len pa 'gag go zhes bya ba ni sred pa'i rkyen med pas len pa nye bar zhi zhing rten pa med pa'o// len pa 'gags pas srid pa 'gag go zhes bya ba ni len pa'i rkyen med pas srid pa nye bar zhi zhing rten pa med pa'o/ / srid pa 'gags pas skye ba 'gag go zhes bya ba ni srid pa'i rkyen med pas skye ba nye bar zhi zhing rten pa med pa'o// skye ba 'gags pas rga shi 'gag go zhes bya ba ni skye ba'i rkyen med pas rga shi nye bar zhi zhing rten pa med pa'o/ / de la ma rig pa dang sred pa dang len pa ni nyon mongs pa med pa'i lam gyi rgyun mi 'chad pa'o// 'du byed dang srid pa ni las kyi lam gyi rgyun mi 'chad pa'o/ / lhag ma rnams ni sdug bsngal gyi lam gyi rgyun mi 'chad par rab tu rnam par phye ba'o// sngon gyi mtha' dang / phyi ma'i mtha' 'gags pas na lam gyi rgyun mi 'chang ngo // de ltar lam 'di gsum ni bdag med pa/ bdag dang bdag gi dang bral ba/ 'byung zhing 'jig pa ste rang bzhin gyis mdung khyim lta bu'o// yang ma rig pa'i rkyen gyis 'du byed rnams zhes bya ba gang yin pa ni sngon gyi mtha' bltas pa'o/ / rnam par shes pa nas tshor ba'i bar de ni da ltar byung ba la ltas pa'o// sred pa nas srid pa zhes bya ba'i bar de ni phyi ma'i mtha' la ltas pa ste/ de ban chad du yang de dag rab tu 'byung ngo / / ma rig pa 'gags pas 'du byed rnams 'gag ces bya ba de ni ltas pa rgyun 'chad pa ste/ lhag ma rnams kyang de bzhin no// yang srid pa'i yan lag bcu gnyis po dag gi rgyus sdug bsngal nyid gsum 'byung ste/ de la ma rig pa'i rkyen gyis 'du byed rnams zhes bya ba nas skye mched drug ces bya ba'i bar de ni/ 'du byed kyi sdug bsngal ba nyid do// reg pa dang / tshor ba zhes bya ba de ni sdug bsngal gyi sdug bsngal nyid do/ / srid pa'i yan lag lhag ma de dag ni 'gyur ba'i sdug bsngal nyid do// ma rig pa 'gags pas 'du byed 'gag ces bya ba de ni sdug bsngal ba gsum gyi rgyun chad pa'o/ / ma rig pa'i rkyen gyis 'du byed rnams zhes bya ba ni 'du byed rnams rgyu gang las 'byung ba ste/ lhag ma rnams kyang de bzhin no// ma rig pa 'gags pas 'du byed 'gag ces bya ba ni 'du byed rnams med pa ste/ lhag ma rnams kyang de bzhin no// ma rig pa'i rkyen gyis 'du byed rnams zhes bya ba de ni skye ba dang 'brel pa ste/ lhag ma rnams kyang de bzhin no// ma rig pa 'gags pas 'du byed 'gag ces bya ba de ni 'jig pa dang 'brel pa ste/ lhag ma rnams kyang de bzhin no// ma rig pa'i rkyen gyis 'du byed rnams zhes bya ba de ni srid pa'i lugs dang mthun par yongs su brtag pa ste/ lhag ma rnams kyang de bzhin no// ma rig pa 'gags pas 'du byed 'gag ces bya ba de ni zad pa'i lugs dang mthun par yongs su brtag pa ste/ lhag ma rnams kyang de bzhin no// de 'di ltar rten cing 'brel bar 'byung ba la lugs dang mthun pa dang / lugs dang mthun pa ma yin par rab tu rtog pa ste/ 'di ltar srid pa'i yan lag rjes su 'brel ba dang / sems gcig tu yang dag/ par 'du ba dang / rang gi las ma 'dres pa dang / tha dad pa ma yin pa dang / lam gsum gyi rgyud du 'brang ba dang / sngon gyi mtha' dang / da ltar byung ba dang / phyi ma'i mtha' la ltas pa dang / sdug bsngal gsum kun tu 'byung ba dang / rgyu dang rkyen las 'byung ba dang / skye ba dang / 'jig pa dang / 'brel pa dang / med pas zad par rab tu rtog pa'o// de de ltar rten cing 'brel par 'byung ba la rnam pa bcur rab tu rtog cing / bdag med pa dang / srog med pa dang / gang zag med pa dang / ngo bo nyid kyis stong pa dang / byed pa po dang / tshor ba po med par rab tu rtog pa'i tshe// / stong pa nyid kyi rnam par thar pa'i sgo skyes pa yin no// de srid pa'i yan lag 'di dag gi rang bzhin 'gags shing rnam par thar pa la shin tu nye bar gnas pas chos kyi mtshan ma gang yang mi skye ste/ des de'i mtshan ma med pa'i rnam par thar pa'i sgo skyes pa yin no// de de ltar stong pa nyid dang / mtshan ma med pa la zhugs pas snying rje chen po sngon du gtong zhing sems can yongs su smin par bya ba ma gtogs par 'dod pa gang yang mi skye ste/ des de'i smon pa med pa'i rnam par thar pa'i sgo skyes pa yin no// de rnam par thar pa'i sgo gsum po 'di dag sgom pas bdag dang gzhan gyi 'du shes pa bral ba dang / byed pa po dang / tshor ba po'i 'du shes dang bral ba dang / yod pa dang / med pa'i 'du shes dang bral bas de byang chub kyi yan lag yongs su ma grub pa rnams yongs su grub par bya ba'i phyir/ snying rje chen po sngon tu btang ste/ de bas kyang shin tu brtson par byed do// de 'di snyam du sems te/ 'du ba las ni 'dus byas 'byung ngo // 'bral ba las ni 'dus byas mi 'byung ngo / / tshogs pa las ni 'dus byas 'byung ngo // ma tshogs pa las ni mi 'byung ngo // de ltas bdag gis 'dus byas nyes pa mang po'i skyon chags pa de lta bu 'di shes par byas la 'du bya ba 'di dang tshogs pa 'di'i rgyun gcad par yang bya'o/ / sems can yongs su smin par bya ba'i phyir 'du byed rnams shin tu zhi bar bya ba thob par yang mi bya'o snyam mo// kye rgyal ba'i sras dag de de ltar 'du byed du gyur pa nyes pa mang po'i skyon chags shing ngo bo nyid med pa dang / ma skyes ma 'gags par so sor rtog pa ni snying rje chen po mngon par sgrub pa dang / sems can gyi chogs yongs su mi gtong bas chags pa med pa'i ye shes la mngon par phyogs pa zhes bya ba shes rab kyi pha rol tu phyin pa la gnas pa snang ba'i tshul gyis mngon sum du 'gyur ro/ / de ye shes de lta bu dang ldan zhing shes rab kyi pha rol tu phyin pa la gnas pa la snang bar gyur nas/ byang chub kyi yan lag sdud pa'i rkyen nye bar sgrub kyang 'dus byas dang 'grogs par yang mi gnas so// 'du byed thams cad la rang bzhin gyis zhi bar rab tu rtog kyang byang chub kyi yan lag yongs su ma rdzogs pa'i phyir de la mi gnas te/ byang chub sems dpa'i sa mngon du gyur pa 'di la gnas pa'i byang chub sems dpa' de la 'jug pa stong pa nyid ces bya ba'i ting nge 'dzin skye bar 'gyur ro/ / rang bzhin stong pa nyid dang / don dam pa stong pa nyid dang / chen po stong pa nyid dang / mtshungs par ldan pa stong pa nyid dang / mngon par sgrub pa stong pa nyid dang / ji lta ba bzhin du rnam par mi rtog pa stong pa nyid dang / lta ba dang bcas pa stong pa nyid dang bral ba dang / ma bral ba stong pa nyid kyi sgo'i ting nge 'dzin skye bar 'gyur te/ de la sogs pa stong pa nyid kyi sgo'i ting nge 'dzin brgya stong phrag bcu mngon du 'gyur ro/ / de bzhin du mtshan ma med pa'i sgo'i ting nge 'dzin brgya stong phrag bcu dang / smon pa med pa'i sgo'i ting nge 'dzin brgya stong phrag bcu mngon du 'gyur ro/ / byang chub sems dpa'i sa mngon du gyur pa 'di la gnas pa'i byang chub sems dpa' de de bas kyang mi phyed pa'i bsam pa yongs su rdzogs par 'gyur/ nges pa'i bsam pa dang / dge ba'i bsam pa dang / zab pa'i bsam pa dang / phyir mi ldog pa'i bsam pa dang / rgyun mi gcod pa'i bsam pa dang / dri ma med pa'i bsam pa dang / mtha' yas pa'i bsam pa dang / ye shes la mngon par 'dod pa'i bsam pa dang / thabs dang shes rab rab tu ldan pa'i bsam pa yongs su rdzogs par 'gyur te/ byang chub sems dpa' de'i bsam pa de dag ni de bzhin gshegs pa'i byang chub la shin tu song ba yin no/ / las kyi rgol ba thams cad kyis phyir mi ldog pa'i brtson 'grus dang ldan pa yin/ ye shes kyi sa la yang dag par zhugs pa yin/ nyan thos dang / rang sangs rgyas kyi sa rnams las phyir log pa yin/ sangs rgyas kyi ye shes la mngon du phyogs par gcig tu nges pa yin/ bdud dang / nyon mongs pa kun tu 'byung ba thams cad kyis mi 'phrogs pa yin/ byang chub sems dpa'i ye shes kyi snang ba la shin tu gnas pa yin/ stong pa nyid dang / mtshan pa med pa dang / smon pa med pa'i chos spyad pa rnams shin tu yongs su bsgoms pa yin/ thabs dang shes rab kyis rnam par dpyad pa rnams dang ldan pa yin/ byang chub kyi phyogs kyi chos rnams mngon par bsgrubs pas rnam par thob pa yin no// byang chub sems dpa'i sa mngon du gyur pa 'di la gnas pa'i byang chub sems dpa' de chos de dag la ji lta ba bzhin du mthun par byed cing mi mthun par mi byed pas/ shes rab kyi pha rol tu phyin pa la gnas pa shes che zhing rjes su mthun pa'i bzod pa rnon po gnyis pa skyes pa yin no/ / byang chub sems dpa'i sa mngon du gyur pa 'di la gnas pa'i byang chub sems dpa' de la mthong ba rgya chen po dang / smon lam gyi stobs kyis sangs rgyas mang po snang bar 'gyur te/ mthong ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas khrag khrig brgya stong phrag mang po dang / sangs rgyas bye ba phrag mang po dang / sangs rgyas bye ba brgya phrag mang po dang / sangs rgyas bye ba stong phrag mang po/ dang / sangs rgyas bye ba brgya stong phrag mang po dang / sangs rgyas bye ba khrag khrig brgya stong phrag mang po snang ba 'gyur ro// des de bzhin gshegs pa dgra bcom pa yang dag par rdzogs pa'i sangs rgyas de dag mthong nas lhag pa'i bsam pa rgya chen pos bsti stang byed do/ / btsun par byed do// ri mor byed do// mchod pa byed do// na bza' dang / zhal zas dang / gzims cha dang / snyun gsos sman dang / yo byad rnams kyang 'bul zhing / byang chub sems dpa'i bde bar sbyar ba yang nye bar sgrub bo// dge 'dun gyi tshogs la yang yang dag par ri mo byed do// dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do// de bzhin gshegs pa dgra bcom pa yang dag par rdzogs pa'i sangs rgyas de dag la bsnyen bkur byed cing de dag la gus pa dang / zhe sa dang / bsti stang byas te chos bstan pa nyan no// 'dzin to// thos nas kyang ji lta ba bzhin du snyoms par 'jug pa dang / shes rab dang ye shes kyi snang bas rab tu sbyor ro/ / nan tan gyis kyang rab tu 'dzin te/ de de bas kyang de bzhin gshegs pa'i chos kyi mdzod thob pa yin no// byang chub sems dpa'i sa mngon du gyur pa 'di la gnas pa'i byang chub sems dpa' de'i dge ba'i rtsa ba de dag de bas kyang shas cher bskal pa du mar rab tu sbyangs pa dang / yongs su dag pa dang / shin tu 'od gsal bar 'gyur te/ de'i dge ba'i rtsa ba de dag de bas kyang shas cher bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa khrag khrig brgya stong phrag du ma dang / bskal pa bye ba phrag du ma dang / bskal pa bye ba rgya phrag du ma dang / bskal pa bye ba stong phrag du ma dang / bskal pa bye ba brgya stong phrag du ma dang / bskal pa bye ba khrag khrig brgya stong phrag du mar rab tu sbyangs pa dang yongs su dag pa dang / shin tu 'od gsal bar 'gyur ro// kye rgyal ba'i sras dag 'di lta ste dper na/ gser gyis le sbram de nyid bai DUR+Yas phyis na de bas kyang rab tu byang ba dang / yongs su dag pa dang / shin tu 'od gsal bar 'gyur ro// kye rgyal ba'i sras dag de bzhin du byang chub sems dpa' rnams kyi byang chub sems dpa'i sa mngon du gyur pa 'di la gnas pa'i byang chub sems dpa'i de'i dge ba'i rtsa ba thabs dang / shes rab dang / ye shes kyis rnam par dpyad pa de dag de bas kyang shas cher rab tu sbyangs pa dang / yongs su dag pa dang / shin tu 'od gsal bar 'gyur ro/ / phyi phyir zhing rab tu zhi bas mi 'phrogs par 'gyur ro// kye rgyal ba'i sras dag 'di lta ste dper na/ zla ba'i 'od ni sems can gyi lus rnams kyang sim par byed la rlung gi dkyil 'khor bzhis kyang mi 'phrogs pa yin no/ / ce rgyal ba'i sras dag de bzhin du/ byang chub sems dpa' rnams kyi byang chub sems dpa'i sa mngon du gyur pa 'di la gnas pa'i byang chub sems dpa' de'i dge ba'i rtsa ba de dag kyang sems can bye ba khrag khrig brgya stong phrag du ma'i nyon mongs pa 'bar ba rnams kyang rab tu zhi bar byed cing sim par byed la/ 'dud bzhi'i lam gyi spyod pa ngan pa dag gis kyang mi 'phrogs pa yin no/ / de'i pha rol tu phyin pa bcu po dag las/ shes rab kyi pha rol tu phyin pa shas che ba yin te/ lhag ma rnams kyang ci nus ci tshul du yang dag par mi sgrub pa ni ma yin no/ / kye rgyal ba'i sras dag 'di ni byang chub sems dpa' rnams kyi byang chub sems dpa'i sa drug pa mngon du gyur ces bya ba mdor bstan pa'o// de la gnas pa'i byang chub sems dpa' ni phal cher lha'i rgyal po rab 'phrul du 'gyur te/ byed pa dang ldan zhing sems can rnams kyi mngon pa'i nga rgyal rgyun gcod pa'i gtso bor gyur pa dang / nyan thos kyi yongs su dri ba thams cad kyis mi 'phrogs pa dang / sems can rnams rten cing 'brel par 'byung ba la 'dzud par mkhas pa yin no// sbyin pa 'am/ snyan par smra ba 'am/ don spyod pa 'am/ don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas/ rnam pa thams cad kyi mchog dang ldan pa'i thams cad mkhyen pa'i ye shes la rten pa'i bar du 'gyur ro snyam du sems so// 'dod na brtson 'grus rtsom pa rnam pa ji lta bus skad cig thang cig yud tsam gcig la ting nge 'dzin bye ba brgya stong thob cing / snyoms par yang 'jug pa dang / sangs rgyas bye ba brgya stong mthong ba dang de dag gi byin gyi rlabs kyang yang dag par shes pa dang / 'jig rten gyi khams bye ba brgya stong g.yo bar byed pa dang / zhing bye ba brgya stong du 'gro ba dang / 'jig rten gyi khams bye ba brgya stong snang bar byed pa dang / sems can bye ba brgya stong smin par byed pa dang / bskal pa bye ba brgya stong du gnas par byed pa dang / bskal pa bye ba brgya stong la sngon gyi mtha' dang / phyi ma'i mthar rab tu 'jug pa dang / chos kyi sgo bye ba brgya stong rnam par 'byed pa dang / lus bye ba brgya stong kun tu ston pa dang / lus re re la yang byang chub sems dpa'i 'khor bye ba brgya stong kun tu ston pa'i brtson 'grus rnam pa delta bu rtsom mo/ / de yan chad byang chub sems dpa'i smon lam gyi stobs can rnams/ smon lam khyad par can gyi rnam par 'phrul te/ de dag gi lus sam/ 'od dam/ rdzu 'phrul pam/ mig gam/ spyod yul lam/ dbyangs sam/ spyod pa'am/ bkod pa 'am/ byin gyi rlabs sam/ mos pa 'am/ mngon par 'du byed pa dag kyang bskal pa bye ba zag khrig brgya stong ji snyed pa de skad du yang brjod pa sla ba ma yin no/ / byang chub sems dpa'i sa drug pa mngon du gyur ces bya ba'o// kye rgyal ba'i sras dag byang chub sems dpa'i sa drug pa la lam shin tu yongs su rdzogs pa'i byang chub sems dpa'i de byang chub sems dpa'i sa bdun pa gnon te/ de thabs dang shes rab kyis mngon par bsgrub pa'i lam gzhan brtsam pa'i khyad par bcus gnon to/ / bcu gang zhe na/ 'di lta ste/ stong pa nyid dang / mtshan ma med pa dang / smon pa med pa shin tu bsgoms pa'i yid dang ldan la/ bsod nams kyi tshogs chen po bsog pa yang bsogs pa yin/ bdag med pa dang / srog med pa dang / gang zag med pa'i chos rnams la yang 'jug la tshad med pa bzhi mngon par bsgrub pa yang mi gtong ba yin// bsod napas kyi tshogs pha rol tu phyin pa mngon par 'du bya ba yang mngon par 'du byed la chos gang la yang mngon par zhen pa med pa yin/ khams gsum pa thams cad las dben par gyur pa yang thob la/ khams gsum pa'i rgyan rnam par bsgrub pa mngon par bsgrub pa yang mngon par bsgrub pa yin/ nyon mongs pa 'bar ba thams cad dang bral bas shin tu zhi zhing nye bar zhi ba yang yin la/ sems can thams cad kyi 'dod chags dang / zhe sdang dang / gti mug gi nyon mongs pa'i me lce rab tu zhi bar bya ba mngon par bsgrub pa yang mngon par bsgrub pa yin/ sgyu ma dang / rmi lam dang / mig yor dang / chu zla dang / gzugs brnyan dang / sprul pa'i rang bzhin lta bur gnyis su med par yang khong du chud la/ las dang bya ba rnam par phye ba tshar med pa'i bsam pa yang mngon par bsgrub pa yin/ zhing gi thag zu nam mkha' dang mnyam par shin tu bsgoms pa'i yid dang yang ldan la/ sangs rgyas kyi zhing gyi rgyan rnam par bsgrub pa yang mngon par bsgrub pa yin/ sangs rgyas thams cad kyi sku'i rang bzhin du yang 'jug la/ gzugs dang / mtshan dang / dpe byad bzang po rnam par sgrub pa'i rgyan mngon par bsgrub pa yang mngon par bsgrub pa yin/ de bzhin gshegs pa'i gsung brjod du med cing sgra dbyangs dang bral te rang bzhin gyis zhi bar yang mos la/ dbyangs kyi yan lag thams cad rnam par phye ba rnam par dag pa'i rgyan mngon par bsgrub pa yang mngon par bsgrub pa yin/ sangs rgyas bcom ldan 'das rnams kyis dus gsum mtshan nyid gcig tu thugs su chud par yang 'jug la/ sems can gyi bsam pa brjod pa'i phyir/ bskal pa 'grangs par mtshan nyid tha dad pa shes pa la yang 'jug pa yin te/ kye rgyal ba'i sras dag thabs dang shes rab kyis mngon par bsgrubs pa'i lam gzhan brtsam pa'i khyad par bcu po 'di dag gis byang chub sems dpa' byang chub sems dpa'i sa drug pa nas byang chub sems dpa'i sa bdun pa gnon to/ / kye rgyal ba'i s ras dag byang chub sems dpa' de thabs dang shes rab kyi mngon par bsgrub pa'i lam gzhan brtsam pa'i khyad par bcu snang bar gyur pa 'di dag mngon par sgrub pas byang chub sems dpa'i sa bdun pa non zhes bya ste/ byang chub sems dpa'i sa bdun pa la gnas pa'i byang chub sems dpa' de sems can gyi khams tshad med pa la yang 'jug la/ sangs rgyas bcom ldan 'das rnams kyis sems can yongs su smin par mdzad pa dang / 'dul ba'i 'phrin las tshad med pa la yang 'jug go// 'jig rten gyi khams mang po tshad med pa la yang 'jug la/ sangs rgyas bcom ldan 'das rnams kyi sangs rgyas kyi zhing yongs su dag pa la yang 'jug go/ / chos tha dad pa tshad med pa la yang 'jug la/ sangs rgyas bcom ldan 'das rnams kyi ye shes mngon par rdzogs par thugs su chud pa tshad med pa la yang 'jug go/ / bskal pa bgrangs pa tshad med pa rtogs pa la yang 'jug la/ sangs rgyas bcom ldan 'das rnams kyi dus gsum thugs su chud pa tshad med pa la yang 'jug go/ / sems can gyi mos pa tha dad pa'i khyad par tshad med pa la yang 'jug la/ sangs rgyas bcom ldan 'das rnams kyi ming dang gzugs kyi sku tha dad pa bstan pa/ tshad med pa la yang 'jug go// sems can rnams kyi bsam pas dbang po tha dad pa tshad med pa la yang 'jug la/ sangs rgyas bcom ldan 'das rnams kyi gsung brjod pas sems can gzhan tshim par mdzad pa tshad med pa la yang 'jug go/ / sems can rnams kyi sems kyi spyod pa tha dad pa tshad med pa la yang 'jug la/ sangs rgyas bcom ldan 'das rnams kyi ye shes rab 'byams rjes su rtogs pa la 'jug go/ / nyan thos kyi theg pa nges par 'byung ba la mos pa tshad med pa la yang 'jug la/ sangs rgyas bcom ldan 'das rnams kyi lam bstan pa tshad med pa la 'jug pa la yang mos so/ / rang sangs rgyas kyi theg pa yang dag par bsgrub pa 'grub pa tshad med pa la yang 'jug la/ sangs rgyas bcom ldan 'das rnams kyi ye shes zab mo'i sgor 'jug pa bstan pa tshad med pa la yang 'jug go/ / byang chub sems dpa' rnams kyi byang chub sems dpa'i spyod pa la spyod pa tshad med pa la yang 'jug la// sangs rgyas bcom ldan 'das rnams kyi theg pa chen po yang dag par bsgrub pa la 'jug pa bstan pa tshad med pa la yang 'jug go/ / de 'di snyam du sems te/ de bzhin gshegs pa dgra bcom pa yang dag par rdzogs pa'i sangs rgyas rnams kyi yul ni de ltar tshad med pa ste/ de ni bskal pa bye ba khrag khrig brgya stong ji snyed pa de snyed kyis kyang bgrang bar sla ba ma yin te/ sangs rgyas bcom ldan 'das rnams kyi yul de dag gis yang dag par bskyed par bya'o/ / rtog pa med pa dang / rnam par rtog pa med pas lhun gyis grub par yongs su rdzogs par bya'o// de ltar brtags pa'i ye shes dang / mngon par shes pa dang ldan zhing rtag par rgyun tu mngon par brtson pa de thabs dang shes rab kyis yongs su bsgoms pa'i lam gzhan brtsam pa'i khyad par rnams la mi g.yo ba'i tshul gyis gnas pa yin no/ / de skad cig gcig la yang lam mngon par bsgrub cing mi ldang ste/ de 'gro 'am/ 'greng ngam/ 'dug gam/ nyal lam/ rmi lam na yang ye shes de lta bu la mngon par brtson pa yin/ sgrib pa med pas spyod lam thams cad la gnas shing / rnam pa 'di lta bu'i 'du shes yid la bya ba dang mi 'bral ba yin no// de'i sems bskyed pa re re la yang byang chub sems dpa'i pha rol tu phyin pa bcu yang / yang dag par bsgrub pa yang dag par 'grub bo// de ci'i phyir zhe na/ 'di ltar byang chub sems dpa' ni snying rje chen po sngon du btang pa'i sems bskyed pa 'byung ba re re thams cad kyang sangs rgyas kyi chos yang dag par bsgrub pa dang / de bzhin gshegs pa'i ye shes su yongs su bsngo ba'i phyir te/ de la sangs rgyas kyi ye shes yongs su tshol zhing sems can rnams la dge ba'i rtsa ba gtong ba gang yin pa de ni de'i sbyin pa'i pha rol tu phyin pa'o/ / nyon mongs pa'i yongs su gdung ba thams cad rab tu zhi ba gang yin pa de ni de'i rdul khrims kyi pha rol tu phyin pa'o/ / snying rje dang byams pa sngon du 'gro bas sems can thams cad la gnod pa mi byed pa gang yin pa de ni de'i bzod pa'i pha rol tu phyin pa'o/ / gong nas gong du com pas dge ba'i chos kyis mi ngoms pa gang yin pa de ni de'i brtson 'grus kyis pha rol tu phyin pa'o// thams cad mkhyen pa'i ye shes mngon sum du bya ba'i lam las mi 'phyir ba gang yin pa de ni de'i bsam gtan gyi pha rol tu phyin pa'o/ / rang bzhin gyis skye ba med pa mngon sum du bya bar bzod pa gang yin pa de ni de'i shes rab kyi pha rol tu phyin pa'o// ye shes kyis tshad med par mngon par sgrub pa gang yin pa de ni de'i thabs mkhas pa'i pha rol tu phyin pa'o// ye shes kyi gong nas gong du mngon par sgrub pa gang yin pa de ni de'i smon lam gyi pha rol tu phyin pa'o/ / phas kyi rgol ba dang / 'dud kyi tshogs thams cad kyis lam gyi rgyun mi gcod pa gang yin pa de ni de'i stobs kyi pha rol tu phyin pa'o// chos thams cad la ji lta ba bzhin du nges par rtogs pa gang yin pa de ni de'i ye shes kyi pha rol tu phyin pa'o/ / kye rgyal ba'i sras dag de ltar na byang chub sems dpa'i sa ring du song ba la gnas pa'i byang chub sems dpa' de'i pha rol tu phyin pa de dag skad cig re re la yongs su rdzogs par 'gyur ro/ / bsdu ba'i dngos po bzhi yang yongs su rdzogs par 'gyur ro// gnas bzhi dang / byang chub kyi phyogs kyi chos sum cu rtsa bdun dang rnam par thar pa'i sgo gsum yang yongs su rdzogs par 'gyur te/ mdor na byang chub kyi yan lag gi chos thams cad skad cig re re la yongs su rdzogs par 'gyur ro// de skad ces smras pa dang / byang chub sems dpa' rnam par grol ba'i zla bas byang chub sems dpa' rdo rje'i snying po la 'di skad ces smras so// kye rgyal ba'i sras ci byang chub sems dpa' byang chub sems dpa'i sa bdun pa 'di la gnas pa 'di nyid kyi byang chub kyi yan lag thams cad skad cig re re la yongs su rdzogs par 'gyur ram/ 'on te sa bcu po thams cad la yang de bzhin du yongs su rdzogs par 'gyur/ byang chub sems dpa' rdo rje'i snying pos smras pa/ kye rgyal ba'i sras byang chub sems dpa'i sa bcu po thams cad la yang byang chub sems dpa'i byang chub kyi yan lag yongs su rdzogs par lta 'gyur te/ byang chub sems dpa'i sa bdun pa 'di la lhag par yongs su rdzogs par 'gyur ro// de ci'i phyir zhe na/ kye rgyal ba'i sras byang chub sems dpa' rnams kyi sa 'di ni sbyor ba can gyi spyod pa yongs su rdzogs par byed pas ye shes dang / mngon par shes pa'i spyod pa yongs su gnon pa'o// the rgyal ba'i sras byang chub sems dpa'i sa dang po la ni smon lam thams cad la lhag par dmigs pas/ byang chub sa yan lag rnams yongs su rdzogs par 'gyur ro// gnyis pa la ni sems kyi dri ma bsal bas so// gsum pa la ni smon lam rnam par 'phel ba dang / chos kyi snang ba thos pas so// bzhi pa la ni lam la zhugs pas so// lnga pa la ni 'jig rten gyi bya ba dang mthun par 'jug pas so// drug pa la ni chos zab mo'i sgor 'jug pas so/ / byang chub sems dpa'i sa bdun pa 'di la ni sangs rgyas kyi chos thams cad yang dag par skyed pa/ byang chub kyi yan lag rnams yongs su rdzogs par 'gyur ro// de ci'i phyir zhe na/ byang chub sems dpa'i sa dang po nas bzung ste/ byang chub sems dpa'i sa 'dun pa'i bar du/ byang chub sems dpa' sa ye shes mngon par sgrub pa la spyod pa'i yan lag dag mngon par bsgrubs pa gang yin pa de dag ni/ byang chub sems dpa'i sa brgyad pa yan chad lhun gyis grub par yongs su 'grub bo// kye rgyal ba'i sras 'di lta ste dper na/ kun nas nyon mongs la rnam par dag pa'i 'jig rten gyi khams dang / shin tu yongs su dag pa'i 'jig rten gyi khams dag gi 'jig rten gyi khams kyi bar ni mngon par shes pa'i stobs bskyed pa chen po ma gtogs par gya chom du 'da' bar mi nus so/ / kye rgyal ba'i sras de bzhin du byang chub sems dpa'i spyod pa 'dres la yongs su dag pa yang smon lam dang / thabs dang shes rab dang / mngon par shes pa'i stobs bskyed pa chen po ma gtogs par gya chom du 'da' bar mi nus so/ / byang chub sems dpa' rnam par grol ba'i zla bas smras pa/ kye rgyal ba'i sras ci byang chub sems dpa'i sa bdun pa la byang chub sems dpa'i spyod pa nyon mongs pa'i spyod pas/ kun nas nyon mongs par shes par bya ba yin nam/ byang chub sems dpa' rdo rje snying pos smras pa/ kye rgyal ba'i sras byang chub sems dpa'i sa dang po nas bzung ste/ byang chub sems dpa'i spyod pa thams cad byang chub tu yongs su bsngos pa'i dbang dang ji ltar mthun pa'i lam mtshungs pa nyid kyis nyon mongs pa dang 'dres pa med par shes par bya ste/ de tsam gyis sa bdun po rnams la nyon mongs pa'i spyod pa las shin tu 'das zhes ni mi bya'o// kye rgyal ba'i sras 'di lta ste dper na/ 'khor los sbyar ba'i rgyal po ni/ lha'i glang po rin po che la zhon zhing gling bzhi dag tu'ang 'gro'o// mi'i sdug bsngal dang / dbul ba dang / kun nas nyon mongs pa rnams kyang rab tu shes te nyes pa de dag gis gos pa yang ma yin mod kyi/ de tsam gyis mi'i lus las shin tu 'das pa yang ma yin te/ nam mo'i lus spangs nas tshangs pa'i 'jig rten du skyes par gyur pa de'i tshangs pa'i gzhal med khang na gnas te/ stong gi 'jig rten gyi khams kyang mthong zhing rnam par rgyu la tshangs par snang ba yang ston te/ mi zhes kyang mi brjod do// kye rgyal ba'i sras de bzhin du byang chub sems dpa'i sa dang po nas bzung ste/ byang chub sems dpa'i pha rol tu phyin pa'i theg pa la zhon zhing 'gro ba thams cad du rgyu ba'i tshe/ kun nas nyon mongs pa'i nyes pa rnams kyang rab tu shes te/ yang dag pa'i lam du zhugs pas kun nas nyon mongs pa de dag gis kyang mi gos mod kyi/ 'on kyang de tsam gyi sa bdun po rnams la nyon mongs pa'i nyes pa rnams las yang dag par 'das zhes ni mi bya ste/ nam sbyor ba can gyi spyod pa spangs nas sa bdun pa nas brgyad pa non par gyur pa de'i tshe/ byang chub sems dpa'i theg pa rnam par dag pa la zhon te/ 'gro ba thams cad du rgyu zhing kun nas nyon mongs pa'i nyes pa rnams kyang rab tu shes te/ shin tu 'das pas de dag gis gos par gyur zhes mi bya'o// kye rgyal ba'i sras byang chub sems dpa'i sa bdun pa 'di la gnas pa'i byang chub sems dpa' ni 'dod chags la sogs pa nyon mongs pa'i tshogs thams cad las kyang shin tu 'das te/ byang chub sems dpa'i sa ring tu song ba 'di la spyod pa'i byang chub sems dpa' de ni nyon mongs pa dang bcas pa zhes kyang mi bya/ nyon mongs pa med pa zhes kyang mi bya'o// de ci'i phyir zhe na/ nyon mongs pa rnams kun tu mi 'byung bas nyon mongs pa dang bcas pa zhes mi bya'o/ / de bzhin gshegs pa'i ye shes mngon par 'dod pa dang / bsam pa yongs su ma rdzogs pas nyon mongs pa med pa zhes kyang mi bya'o/ / byang chub sems dpa'i sa bdun pa 'di la gnas pa'i byang chub sems dpa' de ni lhag pa'i bsam pa yongs su dag pa'i lus kyi las dang ldan pa yin/ lhag pa'i bsam pa yongs su dag pa'i ngag gi las dang ldan pa yin/ lhag pa'i bsam pa yongs su dag pa'i yid kyi las dang ldan pa yin no// de mi dge ba'i las kyi lam gang dag de bzhin gshegs pas smad pa de dag las thams cad kyi thams cad du shin tu 'das pa yin/ dge ba'i las kyi lam gang dag yang dag par rdzogs pa'i sangs rgyas kyis bka' stsal pa/ de dag la rtag par rgyun du rjes su 'ju pa yin no/ / sa lnga pa la 'jig rten pa'i bzo'i gnas dang / las kyi gnas gang dag mngon par bsgrubs pa de dag thams cad kyang 'dir lhun gyis grub pa nyid du rab tu 'byung ngo // de ni stong/ gsum gyi stong chen po'i 'jig rten gyi khams na slob dpon du bya ba yin te/ de bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa'i sa brgyad pa yan chad la gnas pa'i byang chub sems dpa' rnams ma gtogs par stong gsum gyi stong chen po'i 'jig rten gyi khams su slob dpon du grags pa yin te/ de dag bsam pa 'am/ sbyor bas mnyam pa su yang med do/ / bsam gtan rnams dang / ting nge 'dzin rnams dang / snyoms par 'jug pa rnams dang / mngon par shes pa rnams dang / rnam par thar pa rnams gang dag yin pa de dag kyang bsgom pa'i sgo'i tshul gyis thams cad kyi thams cad du de la mngon du 'gyur ro/ / 'on kyang de tsam gyis byang chub sems dpa'i sa brgyad pa la ji lta ba bzhin du rnam par smin pa yongs su grub pa ni ma yin no/ / de ltar byang chub sems dpa'i sa bdun pa 'di la gnas pa'i byang chub sems dpa' de'i sems bskyed pa thams cad la shes rab dang thabs bsgom pa'i stobs yongs su rdzogs par 'gyur te/ de bas kyang shas cher byang chub kyi yan lag thams cad yongs su rdzogs pa rab tu thob bo// de byang chub sems dpa'i sa bdun pa 'di la gnas pa'i tshe/ byang chub sems dpa'i ting nge 'dzin rnam par 'byed pas shin tu rnam par phye ba zhes bya ba la snyoms par 'jug ste/ byang chub sems dpa'i ting nge 'dzin don shin tu bsams pa zhes bya ba dang / khyad par gyi blo gros zhes bya ba dang / rab tu phye ba'i don gyi mdzod ces bya ba dang / don ji lta ba bzhin du rnam par 'byed pa zhes bya ba dang / rtsa ba shin tu gnas pas brtan pa zhes bya ba dang / ye shes dang / mngon par shes pa'i sgo zhes bya ba dang / chos kyi dbyings yongs su sbyong bar byed pa zhes bya ba dang / de bzhin gshegs pa'i phan yon zhes bya ba dang / byang chub sems dpa'i ting nge 'dzin don sna tshogs kyi mdzod 'khor ba dang mya ngan las 'das pa'i sgo zhes bya ba la yang snyoms par 'jug ste/ de dag la sogs pa ye shes dang / mngon par shes pa chen po'i sgo'i ting nge 'dzin sa yongs su sbyong bar byed pa brgya stong phrag bcu tshang ba la snyoms par 'jug go// de thabs dang shes rab kyis yongs su sbyangs pa'i ting nge 'dzin de dag rab tu thob nas snying brtse ba dang / snying rje'i stobs kyis nyan thos dang / rang sangs rgyas kyi sa las shin tu 'das pa yin no// shes rab dang ye shes kyis rnam par dpyad pa'i sa mngon du gyur pa yin no/ / byang chub sems dpa'i sa bdun pa 'di la gnas pa'i byang chub sems dpa' de'i lus kyi las tshad med pa mtshan ma dang bral ba rab tu 'byung / ngag gi las tshad med pa mtshan ma dang bral ba rab tu 'byung / yid kyi las tshad med pa mtshan ma dang bral ba shin tu yongs su sbyangs pa mi skye ba'i chos la bzod pas snang bar gyur pa rab tu 'byung ngo // byang chub sems dpa' rnam par grol ba'i zla bas smras pa/ kye rgyal ba'i sras byang chub sems dpa'i sa dang po la gnas pa'i byang chub sems dpa'i lus dang / ngag dang / yid kyi las tshad med pa yang nyan thos dang / rang sangs rgyas thams cad kyi spyod pa las shin tu 'das pa ma yin nam/ byang chub sems dpa' rdo rje'i snying pos smras pa/ kye rgyal ba'i sras de ltar yang yin te/ de ni sangs rgyas kyi chos la lhag par dmigs pa'i che ba nyid kyis gyur tu zad kyi/ rang gi blos rnam par dpyad pas ni ma yin no// byang chub sems dpa'i sa bdun pa 'di la ni rang gi zlam spyod yul rnam par dpyod pa rab tu thob pas nyan thos dang / rang sangs rgyas thams cad kyis mi 'phrogs pa yin no// kye rgyal ba'i sras 'di lta ste dper na/ rgyal po'i rigs su skyes pa'i rgyal po'i mtshan dang ldan pa ni/ rgyal po'i byin gyis blon po'i tshogs thams cad zil gyis gnon gyi/ rang gi blos rnam par dpyad pas ni ma yin no// nam de nar son par gyur pa de'i tshe rang gi blo'i stobs bskyed pas/ blon po thams cad kyi bya ba las shin tu 'das pa yin no// kye rgyal ba'i sras de bzhin du/ byang chub sems dpa' yang sems bskyed ma thag tu lhag pa'i bsam pa'i che ba nyid kyis nyan thos dang / rang sangs rgyas thams cad zil gyis gnon gyi/ rang gi blos rnam par dpyad pas ni ma yin no// byang chub sems dpa'i sa bdun pa 'di la gnas pa'i byang chub sems dpa' ni rang gi yul gyi ye shes la gnas pas nyan thos dang / rang sangs rgyas thams cad kyi bya ba las shin tu 'das so// kye rgyal ba'i sras byang chub sems dpa' byang chub sems dpa'i sa bdun pa 'di la gnas pa'i tshe/ lus dang ngag dang / yid kyi las zab cing dben pa rgyu ba med pa yang thob pa yin te/ gong du yongs su tshol ba'i brtson pa yang mi gtong ngo // byang chub sems dpa' rnam par grol ba'i zla bas smras pa/ kye rgyal ba'i sras byang chub sems dpa'i sa gang yan chad byang chub sems dpa' 'gog pa la snyoms par 'jug/ byang chub sems dpa'// / rdo rje'i snying pos smras pa/ kye rgyal ba'i sras byang chub sems dpa' sa drug pa yan chad byang chub sems dpa' 'gog pa la snyoms par 'jug ste/ byang chub sems dpa'i sa bdun pa 'di la gnas pa'i byang chub sems dpa' ni sems kyi skad cig sems kyi skad cig la yang 'gog pa la snyoms par 'jug ste/ 'gog pa mngon sum du byas zhes ni mi bya'o// des na 'di ni bsam gyis mi khyab pa'i lus dang / ngag dang / yid kyi las dang ldan pa zhes bya'o// kye rgyal ba'i sras de ltar byang chub sems dpa' yang dag pa'i mtha' la gnas pas kyang gnas la 'gog pa yang mngon sum du mi byed do/ / kye rgyal ba'i sras 'di lta ste dper na/ mi zhag rgya mtsho chen po'i gru chen por zhugs te/ rgal ba'i thabs la mabs shing rlung la mkhas pa dang / chu la mkhas pa ni rgya mtsho chen po'i chu'i nyes pas mi gos so/ / kye rgyal ba'i sras de bzhin du byang chub sems dpa'/ byang chub sems dpa'i sa bdun pa 'di la gnas shing pha rol tu phyin pa'i theg pa'i grur zhugs pa yang yang dag pa'i mtha' la gnas pas kyang gnas la/ 'gog pa yang mngon sum du mi byed do// de ltar ye shes thob pa de ting nge 'dzin dang ye shes kyi stobs bsgom pa mngon par bsgrubs pa'i blo dang / thabs dang shes rab kyi stobs bskyed pa chen pos 'khor ba'i sgo yang ston la bsam pa mya ngan las 'das pa la gnas pa yang yin/ 'khor mang pos kun nas bskor bar yang snang la rtag par rgyun du shin tu dben pa'i sems rab tu thob pa yang yin/ smon lam gyi dbang gis khams gsum du skye ba yang mngon par sgrub la/ 'jig rten gyi nyes pas kyang mi gos pa yin/ zhi zhing rab tu zhi ba yang yin la/ thabs kyis kyang rab tu 'bar te 'bar yang tshig par mi 'gyur ba yin/ sangs rgyas kyi ye shes la yang 'jug la nyan thos dang / rang sangs rgyas kyi sa dag las kyang ldog pa yin/ sangs rgyas kyi yul gyi mthil du yang son la/ bdud kyi yul na 'dug par snang ba yang yin/ bdud bzhi'i lam las kyang shin tu 'das la/ bdud kyi spyod yul yang ston pa yin/ mu stegs can gyi gnas thams cad na 'dug par yang snang la/ sangs rgyas kyi mu stegs can gyi gnas mi 'dor ba'i bsam pa dang ldan pa yang yin// 'jig rten gyi bya ba thams cad dang ldan par yang snang la/ 'jig rten las 'das pa'i chos kyi tshul la yang yang dag par gzhol ba yin/ lha dang klu dang / gnod sbyin dang / dri za dang lha ma yin dang / nam mkha' lding dang / mi 'am ci dang / mi dang mi ma yin pa dang / brgya byin dang / tshangs pa dang / 'jig rten skyong ba thams cad las lhag pa'i bkod pa rnam par bsgrub pa yang thob la/ chos la dga' ba yid la bya ba yang mi spong ba yin no// de ltar de lta bu'i ye shes dang ldan par byang chub sems dpa'i sa ring du song ba 'di la gnas pa'i byang chub sems dpa' de la mthong brgya chen po dang / smon lam gyi stobs kyis sangs rgyas mang po snang bar 'gyur te/ mthong ba rgya chen po dang / smon lam gyi stobs kyis sangs rgyas brgya phrag mang po dang / sangs rgyas stong phrag mang po dang / sangs rgyas brgya stong phrag mang po dang / sangs rgyas khrag khrig brgya stong phrag mang po dang / sangs rgyas bye ba phrag mang po dang / sangs rgyas bye ba brgya phrag mang po dang / sangs rgyas bye ba stong phrag mang po dang / sangs rgyas bye ba brgya stong phrag mang po dang / sangs rgyas bye ba khrag khrig brgya stong mang po snang bar 'gyur ro// des de bzhin gshegs pa dgra bcom pa yang dag par rdzogs pa'i sangs rgyas de dag mthong nas lhag pa'i bsam pa rgya chen pos bsti stang byed/ btsun par byed/ ri mor byed/ mchod pa byed/ na bza' dang / zhal zas dang / gzims cha dang / snyun gsos sman dang / yo byad rnams kyang 'bul zhing / byang chub sems dpa'i bde bar sbyar ba yang nye bar sgrub bo// dge 'dun gyi tshogs la yang yang dag par ri mo byed de/ dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do// de bzhin gshegs pa dgra bcom pa yang dag par rdzogs pa'i sangs rgyas de dag la bsnyen bkur byed cing / de dag la gus pa dang / zhes dang / bsti stang byas te chos bstan pa nyan to// len to// 'dzin to// thos nas kyang lta ba bzhin du snyoms par 'jug pa dang / shes rab dang / ye shes kyi snang bas rab tu sbyor ro// nan tan gyis 'dzin par yang byed do// sangs rgyas bcom ldan 'das de dag gi bstan pa 'dzin par yang 'gyur ro/ / nyan thos dang / rang sangs rgyas thams cad kyi mngon par rtogs pa yongs su dri ba rnams kyis mi 'phrogs par 'gyur ro// de de bas kyang ches sems can la phan 'dogs pas chos kyi bzod pa rnam par dag par 'gyur ro/ / byang chub sems dpa'i sa ring du song ba 'di la gnas pa'i byang chub sems dpa' 'di'i dge ba'i rtsa ba de dag bskal pa du mar rab tu sbyangs pa dang / yongs su dag pa dang / las su rung ba dang / yongs su byang bar gyur te/ de'i dge ba'i rtsa ba de dag bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa khrag khrig brgya stong phrag du ma dang / bskal pa bye ba phrag du ma dang / bskal pa bye ba brgya phrag du ma dang / bskal pa bye ba stong phrag du ma dang / bskal pa bye ba brgya stong phrag du ma dang / bskal pa bye ba khrag khrig brgya stong phrag du mar rab tu sbyangs pa dang / yongs su dag pa dang / las su rung ba dang / yongs su byang bar 'gyur ro// kye rgyal ba'i sras dag 'di lta ste dper na/ gser gyi sa le sbram de nyid rin po che thams cad kyis spras na de bas ches shin tu bzang zhing 'od gsal bar 'gyur te/ de ma yin pa'i rgyan gyi rnam pa gzhan dag gis mi 'phrogs par 'gyur ro/ / kye rgyal ba'i sras dag de bzhin du byang chub sems dpa' rnams kyi byang chub sems dpa'i sa ring du song ba 'di la gnas pa'i byang chub sems dpa' de'i dge ba'i rtsa ba thabs dang / shes rab dang ye shes kyis mngon par bsgrubs pa de dag kyang de bas ches shin tu rab tu sbyangs pa dang / shin tu 'od gsal bar 'gyur te/ nyan thos dang / rang sangs rgyas thams cad kyis shin tu mi 'phrogs par 'gyur ro/ / kye rgyal ba'i sras dag 'di lta ste dper na/ nyi ma'i 'od ni skar ma'i tshogs thams cad dang / zla ba'i 'od rnams kyis mi 'phrogs shing 'dzam bu'i gling na/ rlan gyi bag yod pa thams cad kyang shin tu yongs su skam par byed do/ / kye rgyal ba'i sras dag de bzhin du/ byang chub sems dpa' rnams kyi byang chub sems dpa'i sa ring du song ba 'di la gnas pa'i byang chub sems dpa' de'i dge ba'i rtsa ba de dag kyang nyan thos dang / rang sangs rgyas thams cad kyis mi 'phrogs shing sems can thams cad kyi nyon mongs pa'i rnyog pa yang yongs su skems so// 'phags pa sa bcu pa/ / / bam po lnga pa// de'i pha rol tu phyin pa bcu po dag las thabs kyi pha rol tu phyin pa shas che ba yin te/ lhag ma rnams kyang ci nus ci tshul du yang dag par mi sgrub pa ni ma yin no/ / kye rgyal ba'i sras dag 'di ni byang chub sems dpa' rnams kyi byang chub sems dpa'i sa bdun pa ring du song ba zhes bya ba mdor bstan pa'o/ / de la gnas pa'i byang chu sems dpa' ni phal cher lha'i rgyal po dbang sgyur du 'gyur te/ byed pa dang ldan zhing sems can rnams la mngon par rtogs pa'i ye shes nye bar sgrub pa'i gtso bor gyur pa dang / sems can rnams skyon med pa la 'dzud mkhas pa yin no// sbyin pa 'am/ snyan par smra ba 'am/ don spyod pa 'am/ don mthun pa'i las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ sral du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas rnam pa thams cad kyi mchog dang ldan pa'i thams cad mkhyen pa'i ye shes la rten pa'i bar du 'gyur snyam du sems so/ / 'dod na brtson 'grus rtsom pa rnam pa ji lta bus skad cig thang cig sud tsam gcig la ting nge 'dzin bye ba khrag khrig brgya stong thob cing snyoms par 'jug pa dang / sangs rgyas bye ba khrag khrig brgya stong mthong ba dang / de dag gi byin gyi rlabs kyang yang dag par shes pa dang 'jig rten gyi khams bye ba khrag khrig brgya stong g.yo bar byed pa dang / zhing bye ba khrag khrig brgya stong du 'gro ba dang / 'jig rten gyi khams bye ba khrag khrig brgya stong snang bar byed pa dang / sems can bye ba khrag khrig brgya stong yongs su smin par byed pa dang / bskal pa bye ba khrag khrig brgya stong du gnas par byed pa dang / bskal pa bye ba khrag khrig brgya stong la sngon gyi mtha' dang / phyi ma'i mtha' rab tu 'jug pa dang / chos kyi sgo bye ba khrag khrig brgya stong rnam par 'byed pa dang / lus bye ba khrag khrig brgya stong kun tu ston pa dang / lus re re la yang byang chub sems dpa'i 'khor bye ba khrag khrig brgya stong kun tu ston pa'i brtson 'grus rnam pa de lta bu rtsom mo/ / de yan chad byang chub sems dpa' smon lam gyi stobs can rnams/ smon lam khyad par can gyis rnam par 'phrul te/ de dag gi lus sam/ 'o dam rdzu 'phrul lam/ mig gam/ spyod yul lam/ dbyangs sam/ spyod pa'am/ bkod pa'am/ byin brlabs sam/ mos pa'am/ mngon par 'du byed pa dag kyang bskal pa bye ba khrag khrig brgya stong ji snyed pa de snyed du yang brjod par slab ma yin no/ / byang chub sems dpa'i sa bdun pa ring du song ba zhes bya ba'o// kye rgyal ba'i sras ngag de la byung / chub sems dpa' sems dpa' chen po byang chub sems dpa'i sa bdun po dag la rnam par dbye ba shin tu byas pa/ shes rab dang / thabs kyis lam shin tu yongs su sbyangs pa/ tshogs shin tu bsags pa smon lam chen po shin tu btab pa'i stobs dang shugs can/ de bzhin gshegs pa'i byin gyis shin tu byin gyis brlabs pa/ rang gi dge ba'i rtsa ba'i stobs bskyed pa rjes su thob pa/ de bzhin gshegs pa'i stobs dang mi 'jigs pa dang / sangs rgyas kyi chos ma 'dres pa yid la bya ba dang ldan pa lhag pa'i bsam pa'i brnag pa shin tu yongs su sbyangs pa/ bsod nams dang / ye shes kyi stobs kyis mngon par 'phags pa/ snying rje chen po dang / snying brtse bas sems can thams cad la sbyor ba mi gtong ba dang / ye shes kyi lam tshad med pa dang ldan pa de chos thams cad bzod ma nas ma byung ba nyid la 'jug go/ / ma skyes pa dang / mtshan nyid med pa dang / skye ba med pa dang / 'jug pa med pa dang / thug pa med pa dang / mi rgyu ba dang / mi ldog pa dang / dngos po med pa'i rang bzhin dang / thog ma dang / dpung dang / tha ma mnyam pa nyid dang / de bzhin nyid rnam par mi rtog pa la thams cad mkhyen pa'i ye shes 'jug pa la 'jug ste/ de rnam pa thams cad du sems dang / yid dang rnam par shes pa'i rnam par rtog pa'i 'du shes dang bral zhing thogs pa med la/ nam mkha' dang 'dra zhing bla gab med pa'i rang bzhin du khong du chud pas mi skye ba'i chos la bzod pa thob pa zhes bya'o// kye rgyal ba'i sras de la bzod pa de lta bu dang ldan pa'i byang chub sems dpa' ni/ byang chub sems dpa'i sa mi g.yo ba thob ma thag tu byang chub sems dpa'i gnas zab mo shes par dka' ba tha mi dad pa mtshan ma thams cad dang bral ba/ 'du shes kyi 'dzin pa thams cad las phyir log pa/ tshad med pa dang / nyan thos dang / rang sangs rgyas thams cad kyis mi 'phrogs pa/ dben pa thams cad las dben pa/ mngon du gyur pa shin tu thob pa yin no// kye rgyal ba'i sras 'di lta ste dper na/ dge slong rdzu 'phrul dang ldan pa/ sems kyi dbang mchog thob pa/ mthar gyis dgu pa 'gog pa la snyoms par zhugs pa ni rgyu ba dang / sems pa dang / g.yo ba dang / rlom sems thams cad dang bral ba yin no// kye rgyal ba'i sras de bzhin du/ byang chub sems dpa' yang byang chub sems dpa'i sa brgyad pa mi g.yo ba 'di thob ma thag tu 'bad pa thams cad dang bral te/ lhun gyis grub pa'i chos nyid thob cing lus dang ngag dang / sems kyi rtsol ba dang bral nas/ rnam par smin pa la gnas pa yin no// kye rgyal ba'i sras 'di lta ste dper na/ mi zhig gnyid kyis log pa'i rmi lam na/ bdag chu bo chen pos khyer ba snyam byed la/ de de nas ci byin tu 'bad cing rtsol ba chen po rtsol rtsol ba las de 'bad cing rtsol ba chen po de nyid kyis sang na sad ma thag tu 'bad cing rtsol ba thams cad dang bral bar 'gyur ro/ / kye rgyal ba'i sras/ de bzhin du byang chub sems dpa' yang sems can gyi tshogs chu bo chen po bzhis khyer bar shes nas 'bad cing rtsol ba chen po rtsom mo// de brtson 'grus chen po brtsams pas/ byang chub sems dpa'i sa mi g.yo ba thob ma thag tu 'bad pa thams cad dang bral ba yin te/ de'i gnyis kun tu 'byung ba dang / mtshan ma kun tu 'byung ba thams cad kyi thams cad du mi snang bar 'gyur ro// kye rgyal ba'i sras 'di lta ste dper na/ tshangs pa'i 'jig rten du skyes shing gnas pa la ni 'dod pa na spyod pa'i nyon mongs pa rnams kun tu mi 'byung ngo // kye rgyal ba'i sras de bzhin du byang chub sems dpa'i sa mi g.yo ba la gnas pa'i byang chub sems dpa' la yang sems dang / yid dang / rnam par shes pa'i kun tu 'byung ba kun tu mi 'byung ste/ de sangs rgyas la kun tu 'byung ba 'am/ byang chub la kun tu 'byung ba 'am/ byang chub sems dpa' la kun tu 'byung ba 'am/ nyan thos la kun tu 'byung ba'am/ mya ngan las 'das pa la kun tu 'byung ba 'am/ dgra bcom pa la kun tu 'byung ba 'am/ phyir mi 'ong ba la kun tu 'byung ba'am/ lan cig phyir 'ong ba la kun tu 'byung ba'am/ rgyun du zhugs pa la kun tu 'byung ba'ang kun tu mi 'byung na/ 'jig rten pa'i kun tu 'byung ba rnams lta smos kyang ci dgos/ kye rgyal ba'i sras de ltar byang chub sems dpa'i sa mi g.yo ba 'di la gnas pa'i byang chub sems dpa' sngon gyi smon lam gyi stobs bskyed pa dang / chos kyi sgo'i rgyun de la gnas pa de la sangs rgyas bcom ldan 'das rnams de bzhin gshegs pa'i ye shes nye bar sgrub pa mdzad de/ de la 'di skad ces kyang bka' stsal to// rigs kyi bu legs so legs so// sangs rgyas kyi chos rjes su rtogs par bya ba la 'di ni don dam pa'i bzod pa yang yin na/ 'on kyang gang nged kyi stobs bcu dang / mi 'jigs pa bzhi la sogs pa sangs rgyas kyi chos phun sum tshogs pa de khyod la med kyis sangs rgyas kyi chos phun sum tshogs pa de yongs su btsal ba'i phyir/ brtson 'grus rtsoms shig/ bzod pa'i sgo 'di nyid kyang ma dor cig/ rigs kyi bu khyod kyis de ltar zhi ba'i rnam par thar pa thob kyang byi pa so so'i skye bo ma zhi ba rab tu ma zhi ba/ nyon mongs pa sna tshogs kun tu 'byung bar 'gyur ba/ rnam par rtog pa rnam pa sna tshogs kyis g.yen spro ba 'di dag la soms shig/ yang rigs kyi bu sngon gyi smon lam dang sems can gyis don thob par bya ba dang / ye shes kyi sgo bsam gyis mi khyab pa dran par gyis shig/ yang rigs kyi bu 'di ni chos rnams kyis chos nyid de/ de bzhin gshegs pa rnams byung yang rung / ma byung yang rung chos kyi dbyings 'di ni gnas pa nyid de/ 'dis ni de bzhin gshegs pa rnams nyid tshe rab tu dbye bar bya ba ma yin gyi/ nyan thos dang / rang sangs rgyas thams cad kyang rnam par mi rtog pa'i chos nyid 'di thob bo/ / yang rigs kyi bu nged kyi lus chad med pa dang / ye shes tshad med pa dang / sangs rgyas kyi zhing chad med pa dang / 9/ shes mngon par sgrub pa tshad med pa dang / 'od kyi dkyil 'khor tshad med pa dang / dbyangs kyi yan lag tshad med pa la ltos te/ khyod kyis kyang de bzhin du mngon par sgrub pa skyed cig/ yang rigs kyi bu gang khyod kyi chos thams cad la rnam par mi rtog pa'i snang ba 'di ni snang ba gcig pur zad do/ / rigs kyi bu de bzhin gshegs pa rnams la ni chos snang ba 'di 'dra ba mtha' yas par gyur te/ mdzad pa mtha' yas shing 'brel pa mtha' yas pa yin gyis/ de dag thob par bya ba'i phyir mngon par sgrub pa skyed cig/ rigs kyi bu phyogs bcu'i zhing tshad med pa dang / sems can tshad med pa dang / chos rnam par phye ba tshad med pa la ltos te ci lta ba bzhin du 'brang bar gyis shig ces de skad ces bka' stsal to// kye rgyal ba'i sras de ltar de lta bu'i ye shes dang ldan pa'i byang chub sems dpa' la/ sangs rgyas bcom ldan 'das de dag ye shes mngon par sgrub pa'i sgo tshad med pa de dag la sogs pa gang dag gis byang chub sems dpa' ye shes rnam par bye ba tshad med pa mngon par bsgrub pa'i las mngon par bsgrub pa dag nye bar bsgrub par mdzad do/ / kyai rgyal ba'i sras khyod mos par bya'o// khyod kyi khong du chud par bya'o// gal te sangs rgyas bcom ldan 'das de dag gis byang chub sems dpa' de la mngon par bsgrub pa'i sgo rnams su zhugs pa ma mdzad du zin na/ de ni de nyid du yongs su mya ngan las 'das par 'gyur te/ sems can thams cad kyi bya ba yang rgyun bcad par 'gyur ro/ / yang sangs rgyas bcom ldan 'das de dag ni byang chub sems dpa' de la skad cig gcig la ye shes kyi las gang mngon par bsgrubs pa la dang po sems bskyed pa nas bzung ste/ sa bdun la gnas pa dang ldan pa'i bar gyi rtsom pa snga ma des brgya'i char yang nye bar mi 'gro// stong gi cha dang / brgya stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi char yang nye bar mi 'gro// grangs dang / cha dang / bgrang ba dang / bskrun pa dang / rgyur yang nye bar mi 'gro ba nas/ dpe'i bar du yang mi bzod pa de snyed du tshad med pa'i ye shes mngon par sgrub pa'i las nye bar sgrub pa mdzad do// de ci'i phyir zhe na/ kye rgyal ba'i sras 'di ltar sngon chad mi lus gcig gis mngon par bsgrags pas spyod pa mngon par sgrub par gyur gyi/ sa 'di la gnas pa'i byang chub sems dpa' ni lus rnam par phye ba tshad med pa dang / dbyangs mngon par sgrub pa tshad med pa dang / ye shes mngon par sgrub pa tshad med pa dang / skye ba mngon par bsgrub pa tshad med pa dang / zhing yongs su sbyong ba tshad med pa dang / sems can yongs su smin par bya ba tshad med pa dang / sangs rgyas la mchod pa dang / rim gro bya ba tshad med pa dang / chos kyi tshul khong du chud pa tshad med pa dang / chos mngon par shes pa mngon par bsgrub pa'i stobs bskyed pa tshad med pa dang / 'khor gyi dkyil 'khor rnam par phye ba tshad med pas byang chub sems dpa'i spyod pa'i stobs yang dag par sgrub pa ste/ tshad med pa dang ldan pa'i lus dang / ngag dang / yid kyi las kyis byang chub sems dpa'i spyod pa thams cad kyi stobs mi g.yo ba'i tshul gyis yang dag par sgrub bo// kye rgyal ba'i sras 'di lta ste dper na/ rgya mtsho chen por 'gro ba'i gru bo che ni rgya mtsho chen po la ma thug gi bar du ched du bskyod cing 'gro bar yang bya ba yin te/ rgya mtsho chen po la zhen ma thag tu rlung gi dkyil 'khor gyis bskyod nas ched du bskyod mi dgos par 'gro ste/ des rgya mtsho chen po la nyin gcig gis ci chod pa de ni sngon gyi ched du bskyod cing 'gro bas lo brgyar yang de srid du tshad med par phyin par mi nus so// kye rgyal ba'i sras de bzhin du byung chub sems dpa' sems dpa' chen po dge ba'i rtsa ba'i tshogs shin tu bsags pa/ theg pa chen po yang dag par sgrub pa yang byang chub sems dpa'i spyod pa'i rgya mtshor phyin nas/ lhun gyis grub pa'i ye shes kyis yud tsam gcig la thams cad mkhyen pa'i ye shes ci tsam gnon pa de ni sngon gyi ched du bya ba'i las kyis bskal pa brgya stong du yang de snying du dpag tu med pa gnon par mi nus so/ / rgyal ba'i sras byang chub sems dpa'i sa brgyad pa 'di thob pa'i byang chub sems dpa' de ni thabs mkhas pa'i ye shes kyis mngon par bsgrub pa lhun gyis grub pa la zhugs pa'i byang chub sems dpa'i thos thams cad mkhyen pa'i ye shes la rnam par dpyod cing 'jig rten gyi khams 'byung ba la yang rnam par dpyod do/ / 'jig rten gyi khams 'jig pa la yang rnam par dpyod do// de 'jig rten ji ltar 'jig pa de yang rab tu shes so/ / 'jig rten ji ltar chags pa de yang rab tu shes so// las gsog pa gang gis 'jig rten 'jig pa de yang rab tu shes so// las zad pa gang gis 'jig rten chags pa de yang rab tu shes so/ / dus ji srid du 'jig rten 'jig pa de yang rab tu shes so// dus ji srid du 'jig rten chags pa de yang rab tu shes so// 'jig rten zhig nas dus ji srid cig tu gnas pa de yang rab tu shes so/ / 'jig rten chags nas dus ji srid cig tu gnas pa de yang rab tu shes so// de sa'i khams chung ba yang rab tu shes so// che ba dang / chang med pa dang / rnam par phye ba yang rab tu shes so// de chu'i khams chung ba yang rab tu shes so// che ba dang / tshad med pa dang / rnam par bye ba yang rab tu shes so// de me'i khams chung ba yang rab tu shes so/ / che ba dang / tshad med pa dang / rnam par phye ba yang rab tu shes so// de rlung gi khams chung ba yang rab tu shes so// che ba dang / tshad med pa dang / rnam par phye ba yang rab tu shes so/ / de rdul phral rab kyi rdul phra rab yang rab tu shes so// rnam par phye ba yang rab tu shes so// 'jig rten gyi khams gang na sa'i khams kyi rdul phra rab kyi rdul ji snyed yod pa de dag kyang rab tu shes so/ / de bzhin du chu'i khams dang / me'i khams dang / rlung gi khams kyi rdul phra rab kyi rdul ji snyed yod pa de dag kyang rab tu shes so// sems can gyi lus la rdul phra rab kyi rdul ji snyed yod pa de dag kyang rab tu shes so/ / zhing gi tshogs la rdul phra rab kyi rdul ji snyed yod pa de dag kyang rab tu shes so// de sems can gyi lus rags pa dang / lus phra ba dang / lus rnam par phye ba yang rab tu shes so// sems can dmyal ba pa'i lus kyi gnas rdul phra rab kyi rdul ji snyed cig las byung ba de dag kyang rab tu shes so// dud 'grol skye gnas pa dang / gshin rje'i 'jig rten pa dang / lha ma yin dang / lha dang mi'i lus kyi gnas kyi rdul phra rab kyi rdul de dag kyang rab tu shes so// de ltar rdul phra rab kyi rdul rab tu dbye ba shes pa la zhugs pa de 'dod pa'i khams 'jig pa yang rab tu shes so/ / gzugs kyi khams 'jig pa dang / gzugs med pa'i khams 'jig pa yang rab tu shes so// 'dod pa khams chags pa dang / gzugs kyi khams chags pa dang / gzugs med pa'i khams chags pa yang rab tu shes so// 'dod pa'i khams chung ba yang rab tu shes so// che ba dang / tshad med pa dang / rnam par phye ba yang rab tu shes so// gzugs kyi khams dang / gzugs med pa'i khams chung ba yang rab tu shes so// che ba dang / tshad med pa dang / rnam par phye ba yang rab tu shes so/ / de khams gsum pa rnam par dpyad pa'i ye shes khong du chud pa mngon par bsgrub pa'i ye shes kyi snang ba dang ldan zhing sems can rnams kyi lus rab tu dbye ba'i ye shes la mkhas la lus rnam par dbye ba'i ye shes la mkhas pas skye ba mngon par bsgrub pa rnams la blo gtong ste/ de sems can yongs su smin par bya ba'i phyir/ sems can rnams kyi skye ba dang / lus yang dag par 'grub pa ci 'dra ba de lta bur rang gi lus byin gyis rlob bo/ / de stong gsum gyi stong chen po'i 'jig rten gyi khams gcig rgyas par bkang nas/ sems can gyi mos pa ji lta ba/ bzhin du snang bar shes pa'i rjes su 'gro bas rang gi lus rnam par dbye ba skye bar mngon par sgrub bo// stong gsum gyi stong chen po'i 'jig rten gyi khams/ gnyis sam/ gsum mam/ bzhi'am/ lnga 'am/ bcu'am/ nyi shu 'am/ sum cu 'am/ bzhi bcu'am/ lnga bcu nas brjod du med pa'i yang brjod du med pa'i bar dag rgyas par bkang ste/ sems can gyis mos pa ji lta ba bzhin du snang bar shes pa'i rjes su 'gro bas rang gi lus skye bar mngon par sgrub bo/ / de ye shes de lta bu dang ldan pas/ sangs rgyas kyi zhing gcig nas kyang mi g.yo la sangs rgyas kyi zhing brjod du med pa rnams dang / 'khor gyi dkyim 'dor rnams na yang snang bar phyin pa yin no// de sems can rnams kyi lus rnam par phye ba dang mos pa dang / lhag pa'i bsam pa ji lta ba bzhin du sangs rgyas kyi zhing de dang de dag dang / 'khor gyi dkyil 'khor de dang de dag tu de lnga de ltar rang gi lus ston to// de dge sbyong gi 'khor gyi dkyil 'khor rnams su dge sbyong gi kha dog dang gzugs ston to/ / bram ze'i 'khor gyi dkyil 'khor rnams su bram ze'i kha dog dang gzugs ston to// rgyal rigs kyi 'khor gyi dkyil 'khor rnams su rgyal rigs kyi kha dog dang gzugs ston to/ / rje'u rigs kyi 'khor gyi dkyil 'khor rnams rje'u rigs kyi kha dog dang gzugs ston to// khyim bdag gis 'khor gyi dkyil 'khor rnams su khyim bdag gi kha dog dang gzugs ston to/ / rgyal chen bzhi'i rigs kyi 'khor gyi dkyil 'khor rnams su rgyal chen bzhi'i ris kyi kha dog dang gzugs ston te/ sum cu rtsa gsum pa'i 'khor gyi dkyil 'khor rnams su sum cu rtsa gsum pa'i kha dog dang gzugs ston to/ / de bzhin du 'thab bral gyi 'khor gyi dkyil 'khor rnams dang / dga' ldan gyi 'khor gyi dkyil 'khor rnams dang / 'phrul dga'i 'khor gyi dkyil 'khor rnams dang / gzhan 'phrul dbang byed kyi 'khor gyi dkyil 'khor rnams dang / tshangs pa'i 'khor gyi dkyil 'khor rnams su tshangs pa'i kha dog dang gzugs ston to// de nyan thos kyis 'dul ba'i sems can rnams la nyan thos kyi lus dang kha dog dang gzugs ston to/ / rang sangs rgyas kyis 'dul ba'i sems can rnams la rang sangs rgyas kyi lus dpa kha dog dang gzugs ston to// byang chub sems rabs 'dul ba'i sems can rnams la byang chub sems dpa'i lus dang kha dog dang gzugs ston to/ / de bzhin gshegs pas 'dul ba'i sems can rnams la de bzhin gshegs pa'i sgra dang kha sapa gzugs son to/ / kyi rgyal ba'i sras de ltar sangs rgyas kyi ming brjod du med pa de dag gi sems can rnams kyi mos pa rab 'byams rnams su de ltar rang gi lus rnam par byed sngon to// dbus su rnam par rtog pa thams cad dang bral zhing lus mjam pa'i thob pas/ de sems can gyi lus kyang rab tu shes so// zhing gi lus dang / las rnam par smin pa'i lus dang / nas kyi lus dang/ rang sangs rgyas kyi lus dang / byang chub sems dpa'i lus dang / de bzhin gshegs pa'i sku dang / shes pa'i lus dang / chos kyi lus dang / nam mkha'i lus kyang rab tu so/ / de sems can rnams kyi sems dang / bsam pa mngon par bsgrub pa kun tu shes pas 'dod na sems can gyi lus rang gi lus su byin gyis rlob bo// de bzhin du ning gi lus dang / las rnam par smin pa'i lus dang / nyan thos kyi lus dang / rang sangs rgyas kyi lus dang / byang chub sems dpa'i lus dang / de bzhin gshegs pa'i sgra dang / shes pa'i lus dang / chos kyi lus dang nam mkha'i lus kyang rab tu shes so/ / de sems can rnams kyi sems dang bsam pa mngon par sgrub pa kun tu shes pas 'dod na sems can gyi lus su rang gi lus byin gyis rlob bo/ / de bzhin du zhing gi lus dang / las rnam par smin pa'i lus dang / nyan thos kyi lus dang / rang sangs rgyas kyi lus dang / byang chub sems dpa'i lus dang / de bzhin gshegs pa'i sku dang / shes pa'i lus dang / chos kyi lus dang / nam mkha'i lus su rang gi lus byin gyis rlob bo// de sems can gyi lus rnams kyi las kyi lus kyang rab tu shes so// rnam par smin pa'i lus dang / nyon mongs pa'i lus dang / gzugs kyi lus dang / gzugs med pa'i lus kyang rab tu shes so// zhing gi lus rnams kyi chung ngu yang rab tu shes so// che ba dang tshad med pa dang / kun nas nyon mongs pa dang / rnam par dag pa dang / snrel zhi dang / spyi'u tshugs ngos phyal ba dang 'jug pa'i khyim can dang / phyogs kyi dra ba rnam par dbye ba yang rab tu shes so/ / las rnam par smin pa'i lus rnams kyi rnam par phye ba dang / brda yang rab tu shes so// nyan thos dang / rang sangs rgyas dang / byang chub sems dpa'i lus rnams kyi rnam par phye ba dang / brda yang rab tu shes so// de bzhin gshegs pa'i sku rnams kyi mngon par rdzogs par byang chub pa'i sku yang rab tu shes so// smon lam gyi sku dang / sprul pa'i sku dang / byin gyi rlabs kyi sku dang / gzugs dang / mtshan dang / dpe byad bzang po'i rgyan gyi sku dang / 'od kyi sku dang / yid kyi sku dang / bsod nams kyi sku dang chos kyi sku dang / ye shes kyi sku yang rab tu shes so// shes pa'i lus rnams kyi shin tu dpyad pa nyid kyang rab tu shes so// ji lta ba bzhin du rdog pa dang / 'bras bu'i sbyor bas bsdus pa dang / 'jig rten pa dang / 'jig rten las 'das pa rnam par dbye ba dang / theg pa gsum rnam par dgod pa dang / thun mong dang / thun mong ma yin pa dang / nges par 'byung ba dang / nges par 'byung ba ma yin pa dang / slob pa dang / mi slob pa yang rab tu shes so// chos kyi lus rnams kyi mnyam pa nyid kyang rab tu shes so// mi 'khrugs pa dang / rim pa dang / brda kun rdzob tu rnam par gzhag pa dang / sems can dang / sems can ma yin pa'i chos rnam par gzhag pa dang / sangs rgyas dang / chos dang / 'phags pa'i dge 'dun gyi chos rnam par gzhag pa yang rab tu shes so/ / nam mkha'i lus rnams kyi tshad med pa yang rab tu shes so// thams cad du song ba dang / lus med pa dang / nor pa med pa dang / gzugs kyi lus mngon par gsal bar byed pa yang rab tu shes so/ / des lus kyi shes pa mngon par bsgrub pa de lta bu thob pas bskal pa brjod du med par tshe byin gyis rlob pa'i phyir/ tshe la dbang ba rab tu thob bo// ting nge 'dzin nges par sems pa dpag tu med pa grangs med pa'i ye shes kyis 'jug pas/ sems la dbang ba rab tu thob bo// 'jig rten gyi khams thams cad rgyan bkod pa dums rab tu brgyan pa'i byin gyi rlabs kun tu ston pas yo byad la dbang ba rab tu thob bo/ / las kyi rnam par smin pa'i byin gyi rlabs dus ji lta ba bzhin du ston pas las la dbang ba rab tu thob bo// 'jig rten gyi khams thams cad du skye ba kun tu ston pas skye ba la dbang ba rab tu thob bo/ / sangs rgyas kyi zhing dang / dus gang du ci dga' bar mngon par rdzogs par byang chub par kun tu ston pas smon lam la dbang ba rab tu thob bo/ / 'jig rten gyi khams thams cad sangs rgyas kyis rab tu gang ba kun tu ston pas mos pa la dbang ba rab tu thob bo// sangs rgyas kyi zhing thams cad du rdzu 'phrul gyi rnam par 'phrul pa kun tu ston pas rdzu 'phrul la dbang ba rab tu thob bo/ / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa dang mtshan dang / dpe byad bzang po dang / mngon par rdzogs par byang chub pa kun tu ston pas ye shes la dbang ba rab tu thob bo// mtha' dang dpung med pa'i chos kyi sgo snang ba kun tu ston pas chos la dbang ba rab tu thob bo/ / de byang chub sems dpa'i dbang bcu po de dag thob ma thag nas ye shes bsam gyi mi khyab pa dang ldan pa yin/ ye shes dpag tu med pa dang / ye shes rgyas pa dang / lags sa 'gas pa dang ldar payino// dI/ rnas sa na grus spya du / sum kyil sa ng+ya ma rdzab ma pa gar tu 'byung bas tu 'byu / ngagags pas lan mthab shin tu med kun tu 'byung b.rab tu 'byung / med kyilas brnam thas shi tu med pa la shes sbyin du 'gran ra shes kyi rjes su 'thung ba rol tu d+ha pas dang byed pa yid rje chen po sngon da sa thabs ma khas pas shin rnam par byab/ sgron lam rgyas shing du mngon par bsgrubs pa/ de bzhin gshegs par tshu gyi rnas sa N+Di b+h+ya kyi rla mas kyi sa byur ba rgyum brnya pa/ 'jig rten gyi khams mthams pa rnam por gyi ba tu po bas tu 'byung b.rab tu 'byung kyi rgyus pa'i sras ma dang byang chub sems dpa' sa mi g.yo ba'ang thob pa'i byang chub sems dpa'i sras dang ngag dang / mid kyi las ni sangs rgyas kyi chos thams cad yang dag par tha bar bya ba'i phyir/ kun tu 'byung ba rab tu 'byung ngo // de de ltar byang chub sems dpa'i sa mi g.yo ba 'di thob pas/ nyon mongs pa'i kun tu 'byung ba thams cad dang bral ba'i phyir bsam pa'i stongs shin tu brtan pa yin/ lam dang mi bral ba'i phyir lhag pa'i bsam pa'i stobs shin tu brtan pa yin/ sems can gyi don mi gtong ba'i byor zhing chen po'i spobs shin bta ma'i 'gro ba thams cad yongs su skyob pa'i phyir byams pa chen po'i stobs shin tu brtun pa yin/ brjod pa med pa'i chos dang ldan pa'i phyir gzungs kyi stobs shin tu brtan pa yin/ sangs rgyas kyi chos thams cad rab tu rnam par 'byed pa'i bye brag la mkhas pa'i phyir spobs pa'i stobs shin tu brtan pa yin/ 'jig rten gyi khams mtha' yas pa'i spyod pa rnam par dbye ba la mkhas pa'i phyir mngon par shes pa'i stobs shin tu brtan pa yin/ byang chub sems dpa'i bya ba thams cad mi gtong ba'i phyir smon lam gyi stobs shin tu brtan pa yin/ sangs rgyas kyi chos thams cad yang dag par sdud pa'i phyir pha rol tu phyin pa'i stobs shin tu brtan pa yin/ rnam pa thams cad kun mkhyen pa'i ye shes mngon du gyur pa'i phyir de bzhin gshegs pa'i byin rlabs kyi stobs shin tu brtan pa yin te/ de de lta bu'i stobs bskyed pa thob pas bya ba thams cad kyang kun tu ston la bya ba thams cad la yang kha na ma tho ba med pa yin no// kye rgyal ba'i sras byang chub sems dpa'i ye shes kyi sa 'di ni mi 'phrogs pa'i phyir mi g.yo ba zhes bya'o// ye shes kyis mi bzlog pa'i phyir/ phyir mi ldog pa'i sa zhes bya'o// 'a ba thams cad kyis shes par dka' ba'i phyir bsnyen par dka' ba'i sa zhes bya'o/ / kha na ma tho ba med pa'i phyir gzhon nu'i sa zhes bya'o// bsam pa ji lta ba bzhin du dbang byed pa'i phyir skye ba'i sa zhes bya'o/ / yang bya ba med pa'i phyir yongs su sgrub pa'i sa zhes bya'o// ye shes kyis rnam par dbye ba shin tu byas pa'i phyir mthar thug pa'i sa zhes bya'o// sngon lam shin tu mngon par bsgrub pa'i phyir mya ngan las 'das pa'i sa zhes bya'o/ / gzhan gyis rnam par mi 'khrugs pa'i phyir byin gyi rlabs kyis zhes bya'o// sngon gyi mthar mngon par bsgrubs pa'i phyir lhun gyis grub pa'i sa zhes bya'o/ / kye rgyal ba'i sras de ltar byang chub sems dpa' ye shes de lta bu mngon par bsgrubs pa dang ldan zhing sangs rgyas kyi rigs kyi rjes su song ba/ sangs rgyas kyi yon tan shin tu snang bar gyur pa/ de bzhin gshegs pa'i spyod lam dang spyod pa'i tshul gyis rjes su song ba/ sangs rgyas kyi yul mngon du gyur pa de ni rtag par rgyun du de bzhin gshegs pa'i byin gyis rlabs kyis shin tu byin gyis brlabs pa yin/ brgya byin dang / tshangs pa dang / 'jig rten skyong bas bsu ba yin/ lag na rdo rje rtag par phyi bzhin 'brang ba yin/ ting nge 'dzin gyi stobs ma btang ba yin/ lus rnam par phye ba tshad med pa mngon par bsgrubs pa yin/ lus kyi spyod pa'i stobs thams cad dang ldan pa yin/ mngon par shes pa chen po'i rnam par smin pa yongs su grub pa yin/ ting nge 'dzin mtha' yas pa la dbang byed pa yin/ lung bstan pa tshad med pa yang dag par nod pa yin/ 'gro ba ji ltar yongs su smin pa bzhin du mngon par rdzogs par byang chub pa ston pa yin te/ de lta bu dang ldan zhing theg pa chen po'i dkyil 'khor du zhugs pa shin tu rnam par dpyad pa'i ye shes dang / mngon par shes pa chen po dang ldan pa/ rtag par rgyun du shes rab kyi snang ba'i 'od zer rab tu gtong ba/ chos kyi dbyings chags pa med pa'i lam du zhugs pa/ 'jig rten gyi khams kyi lam rnam par dbye ba la mkhas pa/ yon tan gyi rnam pa thams cad yang dag par ston pa rang gi sems bskyed pa la dbang byed pa/ sngon gyi mtha' dang / phyi ma'i mtha' shin tu rtogs pa'i ye shes can/ bdud kyi las thams cad 'jug pa dang ldog pa'i ye shes dang ldan pa/ de bzhin gshegs pa'i yul dang spyod yul thams cad kyi rjes su zhugs pa de ni 'jig rten gyi khams rab 'byams mu med pa dag na/ byang chub sems dpa'i spyod pa phyir mi ldog pa'i tshul gyis spyod pas de'i phyir/ byang chub sems dpa' de ni byang chub sems dpa'i sa mi g.yo ba thob pa zhes bya'o// kye rgyal ba'i sras dag byang chub sems dpa'i sa mi g.yo ba thob pa'i byang chub sems dpa' de ni/ ting nge 'dzin gyi stobs kyis mngon par bsgrubs pas rtag tu rgyun mi 'chad par de bzhin gshegs pa mtha' yas pa mthong ba dang mi 'dral ba yin/ sangs rgyas rgya cher yang mthong zhing mchod pa dang rim gro bya ba mi gtong ste/ de dag bskal pa re re dang / 'jig rten gyi khams re re dag tu sangs rgyas du ma dang / sangs rgyas brgya phrag du ma dang / sangs rgyas stong phrag du ma dang / sangs rgyas khrag khrig brgya stong phrag du ma dang / sangs rgyas bye ba phrag du ma dang / sangs rgyas bye ba brgya phrag du ma dang / sangs rgyas bye ba stong phrag du ma da sangs rgyas bye ba brgya stong phrag du ma dang / sangs rgyas bye ba khrag khrig brgya stong phrag du ma la bsti stang byed/ btsun par byed/ ri mor byed/ mchod pa byed do// mchod pa mngon par sgrub pa'i rnam pa thams cad kyang nye bar sgrub bo/ / de bzhin gshegs pa de dag la bsnyen bkur byed cing 'jig rten gyi khams rnam par dbye ba sngon du 'gro ba'i chos snang ba nye bar bsgrubs pa yang dag par len to/ / de de bas kyang shas cher de bzhin gshegs pa'i chos kyi mdzod thob pas 'jig rten gyi khams rnam par phye ba yongs su dris pa bstan pas mi 'phrogs pa yin no// de'i dge ba'i/ rtsa ba de dag kyang bskal pa du mar rab tu sbyangs pa dang / yongs su dag pa dang / shin tu 'od gsal bar 'gyur te/ de'i dge ba'i rtsa ba de dag de bas kyang shas cher bskal pa brgya phrag du ma dang bskal pa stong phrag du ma dang / bskal pa brgya stong phrag du ma dang / bskal pa khrag khrig brgya stong phrag du ma dang / bskal pa bye ba phrag du ma dang / bskal pa bye ba brgya phrag du ma dang / bskal bye ba stong phrag du ma dang / bskal pa bye ba brgya phrag du ma dang / bskal pa bye ba khrag khrig brgya stong phrag du mar rab tu sbyangs pa dang / yongs su dag pa dang / shin tu 'od gsal bar 'gyur ro// kye rgyal ba'i sras 'di lta ste dper na/ gser gyi sa le snum de nyid mgar bamabs pas zin par byas te/ 'dzam bu'i gling gi bdag po'i mgul lamams la btags na 'dzam bu gling ba'i sems can thams cad kyi rgyan gyi rnam pa rnams kyis mi 'phrogs pa yin no/ / kye rgyal ba'i sras de bzhin du byang chub sems dpa'i sa mi g.yo ba 'di la gnas pa'i byang chub sems dpa' de'i dge ba'i rtsa ba de dag kyang nyan thos dang rang sangs rgyas thams cad nas/ byang chub sems dpa'i sa bdun pa la gnas pa'i bar dag gis mi 'bregs pa yin no// sa 'di dang ldan pa'i byang chub sems dpa'i ye shes kyi 'od chen po ni ye shes shin tu rnam par phye ba'i sgo mngon par sgrub pas/ sems can rnams kyi nyon mongs pa'i mun pa rab tu sel lo// kye rgyal ba'i sras 'di lta ste dper na/ stong la dbang ba'i tshangs pa chen po ni/ stong gi 'jig rten gyi khams byams pas khyab par byas nas 'od kyi snang bar byed do// kye rgyal ba'i sras de bzhin du byang chub sems dpa'i sa mi g.yo ba 'di la gnas pa'i byang chub sems dpa' yang sangs rgyas kyi zhing brgya stong phrag bcu'i rdul phra rab kyi rdul snyed kyi bar gyi 'jig rten gyi khams snang bas khyab par byas nas/ sems can rnams kyi nyon mongs pa'i yongs su gdung ba mthar gyi zhi bar byed do/ / lus kyang rab tu sim par byed do// de'i pha rol tu phyin pa bcu po dag las smon lam gyi pha rol tu phyin pa'i shas che ba yin te/ lhag ma rnams kyang ci nus ci tshul du yang dag par sgrub pa ni ma yin no/ / kye rgyal ba'i sras 'di ni byang chub sem dpa' rnams kyi byang chub sems dpa yis brgyad pa mi gso ba zhes bya ba mdor bstan rgya cher ni bskal pa mu med pas bstan pa'i mthar thug par shes par bya'o/ / de la gnas pa'i byang chub sems dpa' ni phal cher stong gi bdag po tshangs pa chen po'i stobs dang mthu chen po thob cing zil gyis gnon pa'i zil gyis mi gnon pa dang / don mthong zhing dbang thob par 'gyur te/ byed pa dang ldan zhing sems can rnams la nyan thos dang / rang sangs rgyas dang byang chub sems dpa'i pha rol tu phyin pa stong pa'i gtso bor gyur pa yin/ 'jig rten gyi khams rnam par phye ba yongs su dris pa bstan pas mi 'phrogs pa yin no// sbyin pa 'am/ snyan par smra ba 'am/ don spyod pa 'am/ don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'dzan pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas/ rnam pa thams cad kyi mchog dang ldan pa'i thams cad mkhyen pa'i ye shes la ston pa'i bar du 'gyur snyam du sems so/ / 'dod na brtson 'grus rtsom pa rnam pa ji lta bus skad cig thang cig yud tsam gcig la/ stong gsum brgya stong phrag bcu'i rdul phra rab kyi rdul snyed kyi ting nge 'dzin thob cing snyoms par yang 'jug pa dang / stong gsum brgya stong phrag bcu'i rdul phra rab kyi rdul snyed kyi sangs rgyas mthong ba dang / de dag gi byin gyi rlabs kyang yang dag par shes pa dang / stong gsum brgya stong phrag bcu'i rdul phra rab kyi rdul snyed kyi 'jig rten gyi khams g.yo bar byed pa dang / stong gsum brgya stong phrag bcu'i rdul phra rab kyi rdul snyed kyi zhing du 'gro ba dang / stong gsum brgya stong phrag bcu'i rdul phra rab kyi rdul snyed kyi 'jig rten gyi khams snang bar byed pa dang / stong gsum brgya stong phrag bcu'i rdul phra rab kyi rdul snyed kyi sems can yongs su smin par byed par dang / stong gsum brgya stong phrag bcu'i rdul phra rab kyi rdul snyed kyi bskal par gnas par byed pa dang / stong gsum brgya stong phrag bcu'i rdul phra rab kyi rdul snyed kyi bskal pa la sngon gyi mtha' dang / phyi ma'i mtha rab tu 'jug pa dang / stong gsum brgya stong phrag bcu'i rdul phra rab kyi rdul snyed kyi chos kyi sgo rnam par 'byed pa dang / stong gsum brgya stong phrag bcu'i rdul phra rab kyi rdul snyed kyi lus kram ston pa dang / lus re re la yang byang chub sems dpa'i 'khor stong gsum brgya stong phrag bcu'i rdul phra rab kyi rdul snyed kun tu ston pa'i brtson 'grus rnam pa de lta bu rtsom mo// de yan chad byang chub sems dpa' smon lam gyi stobs can rnams smon lam khyad par can gyis rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam spyod pa'am/ bkod pa 'am/ byin gyi rlabs sam/ mos pa'am/ mngon par 'du byed pa dag kyang bskal pa byed khrag khrig brgya stong ji snyed pa de snyed du yang rjod par sla ba ma yin no// byang chub sems dpa'i sa brgyad pa mi g.yo ba zhes bya ba'o/ / kye rgyal ba'i sras byang chub sems dpa' de ltar ye shes tshad med pas rnam par dpyad pa'i blos yang gong du rnam par thar pa zhi bar shes par byed pa dang / yang gong du de bzhin gshegs pa'i ye shes ma rdzogs pa la rnam par spyod pa dang / de bzhin gshegs pa'i gsang ba'i rjes su 'jug par bya ba la 'jug pa dang / ye shes bsam gyis mi khyab pa'i che ba nyid la rnam par dpyod pa dang / gzungs dang / ting nge 'dzin gyis rab tu rnam par 'byed pa yongs su sbyong ba dang / mngon par shes pa rgya chen po mngon par sgrub pa dang 'jig rten gyi khams rnam par dbye ba shes par byed pa dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa mi 'phrogs pa yongs su sbyong ba dang / de bzhin gshegs pa'i chos kyi 'khor lo bskor ba dang / khyu mchog tu gyur pa'i rjes su 'jug pa dang / snying rje chen po'i byin gyi rlabs rab tu thob pas byang chub sems dpa'i sa dgu pa gnon te/ byang chub sems dpa'i sa 'di la gnas pa de dge ba dang / mi dge ba dang / lung du mi ston pa'i chos mngon par 'du bya ba yang yang dag pa ji lta ba bzhin du rab tu shes te/ zag pa dang bcas pa dang / zag pa med pa'i chos mngon par 'du bya ba dang / 'jig rten pa dang 'jig rten las 'das pa'i chos mngon par 'du bya ba dang / bsam gyis mi khyab pa dang / bsam gyis mi khyab ba'i chos mngon par 'du bya ba dang / nges pa dang / ma nges pa'i chos mngon par 'du bya ba dang / nyan thos dang / rang sangs rgyas kyi chos mngon par 'du bya ba dang / byang chub sems dpa spyod pa'i chos mngon par 'du bya ba dang / de bzhin gshegs pa'i chos mngon par 'du bya ba dang / 'dus byas kyi chos mngon par 'du bya ba dang / 'dus ma byas kyi chos mngon par 'du bya ba yang yang dag pa ji lta ba bzhin du rab tu shes so/ / de ye shes de lta bu dang ldan pa'i blos sems can gyi sems thibs po rgyu ba yang dag pa ji lta ba bzhin du rab tu shes te/ nyon mongs pa thibs po rgyu ba dang / las thibs po rgyu ba dang / dbang po thibs po rgyu ba dang / mos pa thibs po rgyu ba dang / khams thibs po rgyu ba dang / bsam pa dang / bag la nyal ba thibs po pab dang / skye ba thibs po rgyu ba dang / bag chags kyi mtshams sbyor ba thibs po rgyu ba dang / phung po gsum du rnam par gnas pa thibs po rgyu ba yang yang dag pa ji lta ba bzhin du rab tu shes so// de sems can rnams kyi sems rnam pa tha dad pa yang dag pa ji lta ba bzhin du rab tu shes te/ sems rnam pa sna tshogs dang / sems skad cig tu myur du 'gyur ba dang / 'jig pa dang / 'jig pa dang / sems lus med pa dang / sems mtha' yas shing thams cad du dbang byed pa dang / sems 'od gsal ba dang / sems nyon mongs pa dang bcas pa dang / nyon mong pa med pa dang / sems bcings pa dang / rnam par thar pa dang / sems sgyu ma lta bu rnam par sgrub pa dang / sems 'gro ba ji lta ba bzhin du nye bar gnas pa nas sems tha dad pa brgya stong du ma'i bar dag kyang yang dag pa ji lta ba bzhin du rab tu shes so/ / de nyon mongs pa rnams ring du song ba yang yang dag pa ji lta ba bzhin du rab tu shes so// sbyor ba mtha' yas pa dang / ldan cig tu skyes shing tha mi dad pa dang bag la zhal gyi kun nas ldan pa dang / don gcig pa dang / sems de mtshungs par ldan pa dang / mtshungs par ldan pa ma yin pa dang / skye ba mtshams sbyor ba'i 'gro ba ji lta ba bzhin du nye bar gnas pa dang / khams gsum par bye ba dang / sred pa dang / ma rig pa dang / lta ba'i zug thub na ma tho ba chen po dang / 4 rnam pa gsum gyi gzhi rgyun mi 'chad pa nas/ mdor snga na nyon mongs pa'i spyod pa tha dad pa brgyad khri bzhi stong gi rjes su 'jug pa'i bar du yang yang dag pa ji lta ba bzhin du rab tu shes so// de la dge ba dang / mi dge ba dang / lung mi ston pa yang yang dag pa ji lta ba bzhin du rab tu shes te/ rnam par rig byed dang / rnam par rig byed ma yin pa dang / sems dang lhan cig skyes shing tha mi dad pa dang / rang gi ngang gis skad cig tu rgyu 'jig cing 'phel bas 'bras bu chud mi za bar mtshams sbyor ba dang / rnam par smin pa dang bcas pa dang / rnam par smin pa med pa dang / nag po dang dkar po dang / mi gnag mi dkar ba phyogs gcig gi las yang dag par len pa rnam pa tha dad pa dang / las kyi zhing tshad med pa dang / 'phags pa dang / 'jig rten pa rab tu rnam par phye ba dang / tshe 'di dang / skyes pa dang / lan grangs gzhan la myong bar 'gyur ba dang / theg pa dang theg pa ma yin pa la nges pa dang / ma nges pa nas las tha dad pa stong phrag du ma'i bar dag kyang yang dag pa ji lta ba bzhin du rab tu shes so/ / de dbang po tha ma dang / 'bring dang / rab rnams kyang yang dag pa ji lta ba bzhin du rab tu shes te/ sngon gyi mtha' dang / phyi ma'i mtha' tha dad pa dang / tha dad pa ma yin pa dang / rlabs po che dang / 'bring dang / tha ma dang / nyon mongs pa dang / lhan cig skyes shing tha mi dad pa dang / theg pa dang / theg pa ma yin pa la nges pa dang / ma nges pa dang / yongs su smin par nges pa dang / ma nges pa dang / dbang po'i dra ba'i rjes su 'brang ba dang / myur du 'jig pa dang / mtshan mar 'dzin pa dang / dbang po'i dbang gis mi rdzib dang / dbang po bzlog tu rung ba dang / bzlog tu mi rung ba rab tu rnam par dbye ba dang / ring du song ba dang / lhan cig skyes pa rnam pa sna tshogs tha dad pa nas mdor bsdu na dbang po tha dad pa stong phrag du ma'i bar dag kyang yang dag pa ji lta ba bzhin du rab tu shes so/ / de mos pa tha ma dang / 'bring dang rab rnams kyang yang dag pa ji lta ba bzhin du rab tu shes nas/ mos pa tha dad pa stong phrag du ma'i bar dag kyang yang dag pa ji lta ba bzhin du rab tu shes so// de khams tha ma dang / 'bring dang / rab rnams kyang yang dag pa ji lta ba bzhin du rab tu shes pa nas khams tha dad pa stong phrag du ma'i bar dag kyang yang dag pa ji lta ba bzhin du rab tu shes so/ / de bsam pa tha ma dang / 'bring dang rab rnams kyang yang dag pa ji lta ba bzhin du rab tu shes pa nas// bsam pa tha dad pa stong phrag du ma'i bar dag kyang yang dag pa ji lta ba bzhin du rab tu shes so// de bag la nyal bsam pa dang lhan cig skyes pa dang / sems dang lhan cig skyes pa yang yang dag pa ji lta ba bzhin du rab tu shes te/ sems dang mtshungs par ldan pa dang / mtshungs par ldan pa ma yin pa dang / ring nas rjes su zhugs pa dang / thog ma med pa'i dus nas ma bsal ba dang / bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa thams cad kyi mi mdzad pa dang / khams gsum pa'i mtshams sbyor bas shin tu sbrel ba dang / thog ma med pa'i dus nas sems can bcings par kun tu 'byung ba dang / skye mched kyi sgo nas rnam par rig pa 'byung ba dang / nyen po thob pa rdzas su gyur ba dang / sa dang skye mched du phrad pa dang / mi 'phrad pa dang / 'phags pa'i lam las gzhan ma yin pas bsal ba yang yang dag pa ji lta ba bzhin du rab tu shes so// de skye ba tha dad pa rnams kyang yang dag pa ji lta ba bzhin du rab tu shes te las ji lta ba bzhin du skye ba dang / sems can dmyal ba dang / dud 'gro dang / yi dgas dang / lha ma yin dang / mi dang lnga'i gnas dang / gzug yod pa dang / gzugs med par skye ba dang / 'du shes yod pa dang / 'du shes med par skye ba dang / las kyi zhing dang / srid pa'i rlan dang / ma rig pa'i mun par gyur pa'i rnam par shes pa'i sa bon gyis yang srid par rab tu 'byung ba dang / ming dang gzugs lhan cig skyes shing tha mi dad pa dang / srid pa las rmongs pa dang / sred pas mngon par 'dod pas mtshams sbyor ba dang spyod par 'dod pa dang / skye bar 'dod pa dang / sems can la dga' ba dang / thog ma dang / tha ma med par khams gsum pa 'dzin pa dang / 'du shes sel ba yang yang dag pa ji lta ba bzhin du rab tu shes so/ / de bag chags nye bar btags pa dang / nye bar btags pa ma yin pa yang yang dag pa ji lta ba bzhin du rab tu shes te/ 'gro bar gnas pa ji lta ba bzhin du bsgos pa dang / sems can gyi spyod pa ji lta ba bzhin du spyad pas bsgos pa dang / ji ltar las kyis nyon mongs pa goms par byas pa bzhin du bsgos pa dang / dge ba dang / mi dge ba dang / lung du mi ston pa'i chos goms par byas pas bsgos pa dang / yang srid par 'gro bas bsgos pa dang / mthar gyis bsgos pa dang / ring du song bas rgyun mi 'chad de nyon mongs pa 'grib par byed pas bsgos rdzas su gyur pa dang / rdzas su ma gyur pas bsgos pa dang / nyan thos dang / rang sangs rgyas dang / byang chub sems dpa' dang / de bzhin gshegs pa mthong ba dang / thos pa dang / 'grogs pas bsgos pa yang yang dag pa ji lta ba bzhin du rab tu shes so// de sems can gyi phung po yang dag pa nyid du nges pa dang / log pa nyid du nges pa dang / gnyis ka la ma nges pa rnams kyang yang dag pa ji lta ba bzhin du rab tu shes te/ yang dag pa'i lta bas yang dag pa la nges pa dang / log par lta bas log pa la nges pa dang / gnyis ka dang bral bas nges pa med pa yang yang dag pa ji lta ba bzhin du rab tu shes so/ / mtshams med pa lnga las gang yang rung bas log pa la nges pa dang / dbang po lngas yang dag pa la nges pa dang gnyis ka dang bral bas nges pa med pa dang / log pa brgyad kyis log pa la nges pa dang / yang dag pas yang dag pa la nges pa dang / yang byar med pa dang / de gnyis ka dang bral bas nges pa med pa dang / ser sna dang / phrag dog dang / snying mi brtse ba la nye bar spyod pa ma zlog pas log pa la nges pa dang / 'phags pa bla na med pa'i lam bsgom pa nye bar bsgrub pas yang dag pa la nges pa dang / gnyis ka dang bral bas nges pa med pa'i phung po la lung da bog pa yang yang dag pa ji lta ba bzhin du rab tu shes so// kye rgyal ba'i sras de ltar byang chub sems dpa' ye shes de lta bu dang ldan pa ni byang chub sems dpa'i sa legs pa'i blo gros can la gnas pa zhes bya ste/ byang chub sems dpa'i sa legs pa'i blo gros can 'di la gnas pa'i byang chub sems dpa' de ni sems can gyi spyod pa rnam pa tha dad pa de lta bu dag shes nas/ de bzhin du thar pa nye bar bsgrub pa nye bar sgrub bo// sems can yongs su smin pa yang yang dag pa ji lta ba bzhin du rab tu shes te// sems can gdul ba dang / nyan thos kyi theg pa bstan pa dang / rang sangs rgyas kyi theg pa bstan pa dang / byang chub sems dpa'i theg pa bstan pa dang / de bzhin gshegs pa'i sa bstan pa yang yang dag pa ji lta ba bzhin du rab tu shes so/ / des de ltar shes nas sems can rnams la de kho na bzhin du chos ston to// bsam pa rnam par dbye ba ji lta ba dang / bag la nyal rnam par dbye ba ji lta ba dang / dbang po rnam par dbye ba ji lta ba dang / mos pa rnam par dbye ba ji lta ba dang / spyod yul rnam par dbye bas shes pa nye bar sgrub pa ji lta ba dang / spyod yul thams cad shes pa khong du chud par bya ba dang / khams thibs po ji lta ba bzhin du nye bar spyod pa khong du chud par bya ba dang / skye bar nyon mongs pa dang / las kyi bag chags ji lta ba bzhin du rjes su 'jug pa dang / phung po ji lta bu la gnas pa khong du chud par bya ba dang / theg pa ji lta bu la mos pas rnam par grol ba thob par bya bas chos ston to// 'phags pa sa bcu pa// / bam po drug pa// byang chub sems dpa'i sa legs pa'i blo gros can 'di la gnas pa'i byang chub sems dpa' de ni chos sla ba'i chen po byed cing / de bzhin gshegs pa'i chos kyi mdzod srung ngo / / de chos smra ba'i tshul dang ldan te/ ye shes la mkhas pa/ tshad med pa dang ldan pas/ so so yang dag par rig pa bzhis mngon par bsgrubs pa'i byang chub sems dpa'i tshig gis chos ston to/ / de la byang chub sems dpa'i so so yang dag par rig pa bzhi ma 'dres pa 'di lta ste/ chos so so yang dag par rig pa dang / don so so yang dag par rig pa dang nges pa'i tshig so so yang dag par rig pa dang / spobs pa so so yang dag par rig pa rtag par rgyun du 'byung ngo // de chos so so yang dag par rig pas chos rnams kyi rang gi mtshan nyid rab tu shes so/ / don so so yang dag par rig pas chos rnams kyi rnam par dbye ba rab tu shes so// nges pa'i tshigs so so yang dag par rig pas chos rnams ma 'dres par bstan pa rab tu shes so/ / spobs pa so so yang dag par rig pas chos rnams kyi mthun pa'i rgyun/ rgyun mi 'chad par rab tu shes so// gzhan yang chos yang dag par rig pas chos rnams kyi dngos po med pa'i dus rab tu shes so/ / don so so yang dag par rig pas chos rnams kyi 'byung ba dang / 'jig pa rab tu shes so// nges pa'i tshig so so yang dag par rig pas chos thams cad kyi btags pa'i rgyun chad pa med par chos ston to/ / spobs pa so so yang dag par rig pas ji ltar btags pa bzhin du 'khrugs pa med par mtha' yas par chos ston to// gzhan yang chos so/ so yang dag par rig pas da ltar byung ba'i chos rnams kyi rnam par dbye ba rab tu shes so// don so so yang dag par rig pas 'das pa dang / ma 'ongs pa'i chos rnams kyis rnam par dbye ba rab tu shes so/ / nges pa'i tshig so so yang dag par rig pas 'das pa dang / ma 'ongs pa'i chos rnams dang / da ltar byung ba ma 'dres par chos ston to// spobs pa so so yang dag par rig pas dus re re zhing chos kyi snang ba mu med pas chos ston to/ / gzhan yang chos so so yang dag par rig pas chos rab tu dbye ba rab tu shes so// don so so yang dag par rig pa don rab tu dbye ba rab tu shes so// nges pa'i tshig so so yang dag par rig pas sgra ji lta ba bzhin du bstan pas chos ston to// spobs pa so so yang dag par rig pas bsam pa ji lta ba bzhin du shes pas chos ston to// gzhan yang chos so so yang dag par rig pas chos shes pas rnam par dbye ba ma 'dres pa la mkhas pa rab tu shes so// don so so yang dag par rig pas rjes su rtog pa'i shes pas de bzhin du rnam par bzhag pa rab tu shes so/ / nges pa'i tshig so so yang dag par rig pas kun rdzob shes pas bstan pas ston to// spobs pa so so yang dag par rig pas don dam pa shes pa la mkhas pas chos ston to/ / gzhan yang chos so so yang dag par rig pas chos tshul gcig pa mi 'khrug pa rab tu shes so// don so so yang dag par rig pas/ phung po dang / khams dang / skye mched dang / bden pa dang / rten cing 'brel par 'byung ba la mkhas pa khong du chud par bya ba la 'jug go// nges pa'i tshig so so yang dag par rig pas 'gro ba thams cad smon pa'i sgra dbyangs shin tu snyan pa'i yi ge rnams kyis chos ston to/ / spobs pa so so yang dag par rig pas phyi phyir snang ba mu med pas chos ston to// gzhan yang chos so so yang dag par rig pas theg pa gcig la yang dag par gzhol ba tha dad pa med pa rab tu shes so/ / don so so yang dag par rig pas theg pa rab tu rnam par dbye ba rnam pa tha dad pa rab tu shes so/ / nges pa'i tshig so so yang dag par rig pas theg pa thams cad tha mi dad par ston to// spobs pa so so yang dag par rig pas theg pa re re la yang chos kyi snang ba mu med pas ston te/ gzhan yang chos so so yang dag par rig pas/ byang chub sems dpa'i spyod pa dang / ye shes kyi spyod pa dang / chos kyi spyod pa dang / chos kyi spyod pa ye shes kyis khong du chud par bya ba la 'jug go/ / don so so yang dag par rig pas sa bcu rnam par dgod pa dang / bstan pa rab tu rnam par dbye ba la 'jug go// nges pa'i tshig so so yang dag par rig pas ji ltar sa'i lam mebar bsgrub pa ma 'dres par ston to/ / spobs pa so so yang dag par rig pas sa re re la yang rnam pa mu med pas ston to// gzhan yang chos so so yang dag par rig pas de bzhin gshegs pa thams cad mtshan nyid gcig tu khong du chud par bya ba la 'jug go/ / don so so yang dag par rig pas dus dang / dngos po dang / mtshan ma rnam par dbye ba tha dad pa khong du chud par bya ba rab tu shes so/ / nges pa'i tshig so so yang dag par rig pas ji ltar mngon par rdzogs par thugs su chud ba rnam par dbye ba ston to// spobs pa so so yang dag par rig pas chos kyi chog re la yang bskal pa mtha' yas par rgyun mi 'chad par ston to/ / gzhan yang chos so so yang dag par rig pas/ de bzhin gshegs pa thams cad kyi gsung dang / stobs dang / mi 'jigs pa dang / sangs rgyas kyi chos dang / thugs rje chen po dang / so so yang dag par rig pas sbyor ba dang / chos kyi 'khor lo bskor bas thams cad mkhyen pa'i ye shes khong du chud par bya ba rab tu shes so// don so so yang dag par rig pas sems can gyi spyod pa brgyad khri bzhi stong dang / bsam pa ji lta ba dang / dbang po ji lta ba dang / mos pa ji lta ba bzhin du de bzhin gshegs pa'i gsung rab tu shes so/ / nges pa'i tshig so so yang dag par rig pas sems can thams cad kyi spyod pa ma 'dres pa'i de bzhin gshegs pa'i gsung rjes su bsgrags pas ston to// spobs pa so so yang dag par rig pas de bzhin gshegs pa'i ye shes kyis snang ba spyod pa'i dkyil 'khor la mos pas chos ston to/ / kye rgyal ba'i sras byang chub sems dpa' so so yang dag par rig pa'i ye shes de lta bu la mkhas pa/ byang chub sems dpa'i sa dgu pa thob pa/ de bzhin gshegs pa'i chos kyi mdzod thob pa/ chos smra ba chen po byed pa ni don dang ldan pa'i gzungs rab tu thob pa yin te/ chos dang ldan pa'i gzungs dang / ye shes mngon par bsgrub pa dang ldan pa'i gzungs dang / snang ba dang ldan pa'i gzungs dang / blo gros bzang po dang ldan pa'i gzungs dang / nor dang ldan pa'i gzungs dang / gzi brjid dang ldan pa'i gzungs dang / chags pa med pa'i sgo'i gzungs dang / mtha' yas pa dang ldan pa'i gzungs dang / don sna tshogs dang ldan pa'i gzungs rab tu thob pa yin no/ / de gzungs de dag la sogs pa/ gzungs kyi sgo grangs med pa brgyad stong phrag bcu tshang ba thob ste/ gzungs kyi sgo grangs med pa brgya stong phrag bcu dang ldan pa'i dbyangs kyi yan lag la mkhas pas de snyed du tshad med pa dang ldan pa'i spobs pa rnam par phye ba'i sgos chos ston to/ / de de ltar gzungs kyi sgo grangs med pa brgya stong tshad med pa dag gis sangs rgyas bcom ldan 'das dpag tu med pa dag las chos nyan cing thos nas kyang brjed par mi byed de/ ji skad thos pa yang tshad med par rnam par phye nas ston to// de de bzhin gshegs pa gcig las gzungs kyi sgo grangs med pa brgya stong phrag bcus chos kun chub par byed de/ de bzhin gshegs pa gcig las ji lta ba bzhin du de bzhin gshegs pa mtha' yas pa dag las kyang de bzhin mo// de smon pa tsam gyis yang dag par rdzogs pa'i sangs rgyas las chos kyi sgo snang ba ches mang du yang dag par 'dzin gyi/ nyan thos shin tu mang du thos pa dang ldan pa thos pa 'dzin pa'i gzungs rab tu thob pas ni/ bskal pa brgya stong du bzung ba'i byin gyi rlabs kyis de ltar mi zin to// de de lta bu'i gzungs thob pas chos kyi gtam bya ba'i phyir 'dug na/ stong gsum gyi stong chen po'i 'jig rten gyi khams thams cad rgyas par bkang ste/ chos kyi stan la 'dug cing bsam pa ji lta ba bzhin du rnam par bye ste/ sems can rnams la chos ston to// de'i chos kyi stan nI da bzhin gshegs pa dag dang / byang chub sems dpa'i dbang bskur ba'i sa thob pa rnams ma gtogs par thams cad las 'phags pa snang ba tshad med pa dang ldan pa yin no// de'i chos kyi stan la 'dug nas 'dod na dbyangs gcig gis 'khor thams cad kyi go bar byed do/ / 'dod na sgra tha dad pa dang / dbyangs kyi yan lag tha dad pa rnam par phye ba rnams kyis go bar byed do// 'dod na 'od zer gyi sgo nye bar bsgrub pa las chos kyi sgo rnams 'byung bar byed do/ / 'dod na spu'i khung bu rnam par dbye ba thams cad nas dbyangs 'byung bar byed do// 'dod na stong gsum gyi stong chen po'i 'jig rten gyi khams na gzugs su snang ba ji snyed yod pa'i gzugs su snang ba de dag thams cad las chos kyi sgra 'byung bar byed do/ / 'dod na sgra skad gcig gi chos kyi dbyings thams cad go bar byed do/ / 'dod na sgra skad thams cad chos kyi sgrar byin gyis rlob bo// 'dod na 'jig rten gyi khams thams cad na yod pa'i klu dang / rol mo'i sgra dang / sil snyan gyi sgra thams cad las chos kyi sgra 'byung bar byed do/ / 'dod na yi ge gcig gi sgra las tshig thams cad rab tu phye ba'i sgra 'byung bar byed do// 'dod na 'jig rten gyi khams brjod du med pa'i sa @dang / chu dang me dang rlung gi phung po tshad med pa'i rdul phra rab phye ba'i rdul dra rab kyi rdul re re las chos kyi sgo brjod du med pa 'byung bar byed do// gal te stong gi 'jig rter gyi khams su gtogs pa'i sems can rnams lpags te/ de la skad cig thang cig yud tsam gcig la dri ba yongs su 'dri zhing de dag kyang re res kyang sgra rnam pa tha dad pa tshad med pas yongs su dris la gcig gis gang dris pa de gnyis pas ma yin na yang / byang chub sems dpa' des skad cig thang cig yud tsam gcig nyid la thams cad bzung ste/ tshig gcig brjod pas thams cad go bar byed do/ / gal te stong gnyis su gtogs pa dang / stong gsum du gtogs pa nas stong gsum gyi stong chen po'i 'jig rten gyi khams brjod du med par gtogs pa'i sems can rnams lhag te/ skad cig thang cig yud tsam gcig la dri ba yongs su 'dri zhing de dag re res kyang sgra rnam pa tha dad pa tshad med pas yongs su dris la gcig gis gang dris pa de gnyis pas ma yin na yang / byang chub sems dpa' des skad cig thang cig yud tsam gcig nyid la thams cad gzung ste/ tshig gcig brjod pas thams cad go bar byed do// chos kyi gtam gyi phyir 'dug nas kyang de bzhin gshegs ba'i byin gyi rlabs len cing sangs rgyas kyi mdzad pa mtha' dag gis sems can thams cad la nye bar gnas pa yin no/ / de de bas kyang ye shes kyi snang ba 'di lta bu rab tu 'dzin par rtsom ste/ de gal te sgra'i rtse mo'i go gcig la 'jig rten gyi khams brjod du med pa'i rdul phra rab kyi rdul ji snyed pa de snyed kyi de bzhin gshegs pa bzhugs la/ de snyed du tshad med pa'i 'khor gyi dkyil 'khor na chos ston cing de bzhin gshegs pa de dag re res kyang de snyed du tshad med pa'i sems can rnams la chos tha dad pa ston la/ sems can gyi bsam pa'i rgyud re re la yang de snyed du tshad med pa'i chos nye bar bsgrub pa nye bar bsgrub ste/ de bzhin gshegs pa gcig gis ji lta ba bzhin du de bzhin gshegs pa thams cad kyang de bzhin la skra'i rtse mo'i go gcig la ji lta ba de bzhin du/ chos kyi dbyings thams cad na yang de thams cad zin par 'gyur na/ 'jig rten gyi khams de tsam dag gi sems can rnams la lta smos kyang ci dgos/ de ltar byang chub sems dpa'i sa legs pa'i blo gros can 'di thob pa'i byang chub sems dpa' de ni de bas kyang nyin mtshan du yid la byed pa gzhan med par sangs rgyas kyi spyod yul la zhugs pas/ de bzhin gshegs pa dang 'grogs pa thob cing byang chub sems dpa'i rnam ba thar pa zab mo thob pa yin no/ / byang chub sems dpa'i ye shes de lta bu dang ldan pa de mnyam par gzhag kyang de bzhin gshegs pa la lta ba mi gtong ste/ bskal pa re re la yang sangs rgyas du ma nas sangs rgyas bye ba khrag khrig brgya stong du ma'i bar dag la lta zhing mthong nas kyang bsti stang byed/ btsun par byed/ ri mo byed/ mchod par byed do// sangs rgyas rgya cher yang mthong zhing mchod pa dang / rim gro bya ba mi gtong ngo // de bzhin gshegs pa de dag la yongs su zhu ba byed de/ chos kyi gzungs bstan pa las nges par byung ba yin no// de'i dge ba'i rtsa ba dengs kyang de bas ches rab tu sbyangs pa dang mi 'phrogs par 'gyur ro/ / kye rgyal ba'i sras 'di lta ste dper na/ gser gyi sa le sbram de nyid la mgar ba mkhas pas rgyan du byas te yongs su zin pa 'khor los sgyur ba'i rgyal po'i yan lag gi dam pa mgo 'am mgul du btags na/ khams kyi rgyal po thams cad dang / gling gzhi pa'i sems can thams cad kyi rgyan gyi rnam pa rnams kyis mi 'phrogs pa yin no/ / kye rgyal ba'i sras de bzhin du byang chub sems dpa'i sa legs pa'i blo gros can 'di la gnas pa'i byang chub sems dpa' de'i dge ba'i rtsa ba ye shes kyi snang ba chen pos shin du rnam par phye ba de dag kyang rab tu sbyangs pa yin te/ nyan thos dang / rang sangs rgyas dang / sa 'og ma la gnas pa'i byang chub sems dpa' thams cad kyis mi 'phrogs par 'gyur ro/ / de'i dge ba'i rtsa ba'i snang ba des sems can rnams kyi nyon mongs pa dang / sems kyis thabs pa snang bar byas te/ de nyid nas phyir ldog go// kye rgyal ba'i sras 'di lta ste dpen na/ stong gnyis la dbang ba'i tshangs pa chen po ni stong gnyis kyi 'jig rten gyi khams thams cad kyi thibs po dma' bar gzhol ba rnams snang bar byed do// kye rgyal ba'i sras de bzhin/ du byang chub sems dpa'i sa legs pa'i blo gros can 'di la gnas pa'i byang chub sems dpa' de'i dge ba'i rtsa ba'i snang ba de yang sems can rnams kyi nyon mongs pa dang / sems kyi thibs po snang bar byas te de nyid nas phyir ldog go/ / de'i pha rol tu phyin pa bcu po dag las stobs kyi pha rol tu phyin pa'i shas che ba yin te/ lhag ma rnams kyang ci rus ci tshul du yang dag par mi sgrub pa ni ma yin no/ / kye rgyal ba'i sras 'di ni byang chub sems dpa' rnams kyi byang chub sems dpa'i sa dgu pa legs pa'i blo gros can zhes bya ba mdor bstan pa'o// rgya cher ni bskal pa mu med pas bstan pa'i mthar thug par shes par bya'o// de la gnas pa'i byang chub sems dpa' ni phal cher stong gnyis kyi bdag po tshangs pa chen po stobs dang mthu chen po thob cing zil gyis gnon la zil gyis mi non pa dang / don mthong zhing dbang thob par 'gyur te/ byed pa dang ldan zhing sems can rnams la nyan thos dang / rang sangs rgyas dang / byang chub sems dpa'i pha rol tu phyin pa thams cad ston pa'i gtso bor gyur pa yin/ sems can gyi bsam pa yongs su dris pa bstan pas mi 'phrogs pa yin no// sbyin pa 'am/ snyan par smra ba 'am/ don dpyod pa 'am/ don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa' yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas/ rnam pa thams cad kyi mchog dang ldan par thams cad mkhyen pa'i ye shes kyi bar du yid la bya ba dang mi 'bral bar 'gyur te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas rnam pa thams cad kyi mchog dang ldan pa'i thams cad mkhyen pa'i ye shes la rten pa'i bar du 'gyur snyam du sems so/ / 'dod na brtson 'grus rtsom pa rnam pa ji lta bus skad cig thang cig yud tsam gcig la/ sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi ting nge 'dzin thob cing snyoms par yang 'jug pa dang / sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi sangs rgyas mthong ba dang / de dag gi byin gyi rlabs kyang yang dag par shes pa dang / sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi 'jig rten gyi khams g.yo bar byed pa dang / sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi sangs rgyas kyi zhing du 'gro ba dang / sangs rgyas kyi zhing grangs med pa stong phrag bcu tshang ba'i rdul phra rab kyi rdul snyed kyi 'jig rten gyi khams snang bar byed pa dang / sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi sems can yongs su smin par byed pa dang / sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi bskal par gnas par byed pa dang / sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi bskal pa la sngon gyi mtha' dang / phyi ma'i mthar rab tu 'jug pa dang / sangs rgyas kyi zhing grangs med pa rgya stong phrag bcu tshang ba'i rdul phra rab kyi rdul snyed kyi chos kyi sgo rnam par byed pa dang / sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kyi lus kun tu ston pa dang / lus re re la yang byang chub sems dpa'i 'khor sangs rgyas kyi zhing grangs med pa brgya stong phrag bcu tshang ba'i rdul phra rab kyi rdul snyed kun tu ston pa'i brtson 'grus rnam pa de lta bu rtsom mo/ / de yan tshad byang chub sems dpa' smon lam gyi stobs can rnams smon lam khyad par can gyis rnam par 'phrul te/ de dag gis lus sam/ 'od ngam/ rdzu 'phrul lam/ mig gam/ spyod yul lam/ dbyangs sam/ spyod pa 'am/ bkod pa 'am/ byin gyi rlabs sam/ mos pa 'am/ mngon par 'du byed pa dag kyang bskal pa bye ba khrag khrig brgya stong ji snyed pa de snyed du yang dag par brjod par sla ba ma yin no/ / byang chub sems dpa'i sa dgu pa legs pa'i blo gros can zhes bya ba'o// kye rgyal ba'i sras byang chub sems dpa' de ltar sa dgu pa'i bar du shes bya tshad med pa la rnam par brtags pa'i blos rnam par 'byed pas shin tu rnam par bya ba/ chos dkar po shin tu yongs su rdzogs pa/ tshogs bsags par bya ba/ mtha' yas pa shin tu bsags pa/ bsod nams dang ye shes kyi tshogs chen po shin tu yongs su bzung ba/ snying rje chen po shin tu yangs pa thob pa/ 'jig rten gyi khams rnam par phye ba/ rnam pa tha dad pa la mkhas pa/ sems can gyi khams thibs po rgyu ba la zhugs pa/ de bzhin gshegs pa'i spyod yul la 'jug par bya ba dang mthun par song ba'i 'du shes dang yid la byed pa can stobs dang mi 'jigs pa dang / sangs rgyas kyi chos ma 'dres pa la lhag par dmigs pa dang ldan pa ni rnam pa thams cad du thams cad mkhyen pa'i ye shes la dbang bskur ba'i sa thob pa zhes bya'o/ / kye rgyal ba'i sras byang chub sems dpa' ye shes de lta bu dang ldan zhing dbang bskur ba'i sa thob pa de la byang chub sems dpa' ting nge 'dzin dri ma med pa zhes bya ba mngon sum du 'gyur ro/ / chos kyi dbyings rnam par dbye ba la 'jug pa zhes bya ba dang / byang chub kyi snying po'i rgyan bkod pa zhes bya ba dang / 'od zer rnam pa thams cad kyi me tog ces bya ba dang / rgya mtsho'i snying po lta bu zhes bya ba dang / rgya mtsho ltar 'byor pa zhes bya ba dang / nam mkha'i khams ltar rgyas pa zhes bya ba dang / chos thams cad kyi ngo bo nyid rnam par dbye ba zhes bya ba dang / sems can thams cad kyi sems kyi spyod pa'i rjes su song ba zhes bya ba dang / byang chub sems dpa'i ting nge 'dzin da ltar byung ba'i sangs rgyas thams cad mngon sum du bzhugs pa zhes bya ba mngon sum 'gyur te/ de dag la sogs pa'i ting nge 'dzin grangs med pa brgya stong phrag bcu de la mngon du 'gyur ro// de ting nge 'dzin de dag thams cad la snyoms par 'jug cing ldang ngo / / ting nge 'dzin la mkhas pa yang yin te/ ting nge 'dzin gyi bya ba ji snyed pa de dag thams cad kyang rab tu myong ngo // de la ting nge 'dzin grangs med pa brgya stong phrag bcu ji snyed pa'i tha ma la/ byang chub sems dpa'i ting nge 'dzin thams cad mkhyen pa'i ye shes dang khyad par med par dbang bskur ba dang ldan pa zhes bya ba mngon du 'gyur te/ de mngon du gyur ma thag tu stong gsum brgya stong phrag bcu'i gtos dang mnyam pa'i rin po che chen po'i rgyal po'i pad+ma rin po che'i rnam pa thams cad kyis spras pa/ 'jig rten gyi yul thams cad las shin tu 'das pa/ 'jig rten las 'das pa'i dge ba'i rtsa ba las byung ba/ sgyu ma'i rang bzhin gyi spyod yul du yongs su grub pa/ chos kyi dbyings la shin tu gnas par snang ba/ lha'i yul las shin tu 'das pa/ nor bu rin po che bai DUR+Ya chen po'i chu ba can/ tsan dan gyi rgyal po mtshungs pa med pa'i snying po can/ rdo'i snying po chen po'i za ba can/ 'dzam bu'i chu bo'i gser ltar snang ba'i lo ma can/ 'od gzer dpag tu med pas rgyas pa'i lus can/ rin po che thams cad kyis nang rab tu spras pa/ rin po che'i dra ba bu med pas kun nas yog pa/ stong gsum brgya stong phrag bcur tshang ba'i rdul phra rab kyi rdul snyed kyi pad+ma'i 'khor dang ldan pa 'byung bar 'gyur te/ byang chub sems dpa' de'i lus kyang de dang 'tsham zhing de'i rkyen du bab par gnas so/ / thams cad mkhyen pa'i ye shes dang khyad par med par dbang bskur ba dang ldan pa'i ting nge 'dzin thob ma thag tu/ rin po che chen po'i rgyal po'i pad+ma'i stan de la 'dug par kun tu snang ngo / / byang chub sems dpa' de rin po che chen po'i rgyal po'i pad+ma de la 'dug ma thag tu/ de nas rin po che chen po'i rgyal po'i pad+ma'i 'khor pad+ma ji snyed byung ba de snyed kyi byang chub sems dpas byang chub sems dpa' de bskor nas/ pad+ma de dag la 'khor bar snang ste/ byang chub sems dpa' de nyid la lta zhing de dag re re yang ting nge 'dzin stong phrag bcu la snyoms par 'jug go// byang chub sems dpa' de dang byang chub sems dpa' de dag gis mnyam par gzhag ma thag tu 'jig rten gyi khams thams cad yongs su ma lus par g.yo bar 'gyur ro// ngan song thams cad rgyun chad par 'gyur ro/ / chos kyi dbyings thams cad snang bas rgyas par 'gyur ro// 'jig rten gyi khams thams cad yongs su dag par 'gyur ro// zhing thams cad du sangs rgyas kyi sgra grags par 'gyur ro/ / spyod pa mthun pa'i byang chub sems dpa' thams cad 'du bar 'gyur ro// 'jig rten gyi khams thams cad kyi lnga dang / mi'i rol mo dang / glu dang rol mo'i sgra dang / sil snyan gyi sgra 'byung bar 'gyur ro// sems can thams cad kyi bde ba skye bar 'gyur ro// yang dag par rdzogs pa'i sangs rgyas thams cad la mchod pa dang / rim gro bya ba bsam gyi mi khyab pa byed pa 'byung bar 'gyur ro/ / de bzhin gshegs pa thams cad kyi 'khor gyi dkyil 'khor gyis kyang rnam par rig par 'gyur ro// de ci'i phyir zhe na// kye rgyal ba'i sras 'di ltar byang chub sems dpa' de rin po che chen po'i rgyal po'i pad+ma'i stan de la 'dug ma thag tu/ rkang pa'i mthil gnyis kyi 'og nas 'od gzer grangs med pa brgya stong phrag bcu 'byung ste/ byung nas kyang phyogs bcu'i sems can dmyal ba chen po mnar med pa yan chad snang bar byas nas sdug bsngal rnams kyang rab tu zhi bar byed do// pus mo gnyis nas 'od gzer grangs med pa brgya stong phrag bcu 'byung ste/ byung nas kyang phyogs bcu'i dud 'gro'i skye gnas pa'i gnas thams cad snang bar byas nas sdug bsngal rnams kyang rab tu zhi bar byed do// lte ba'i khung nas 'od gzer grangs med pa brgya stong phrag bcu 'byung ste/ byung nas kyang phyogs bcu'i gshin rje'i 'jig rten pa'i gnas thams cad snang bar byas nas sdug bsngal rnams kyang rab tu zhi bar byed do/ / rtsib logs g.yas g.yon nas 'od gzer grangs med pa brgya stong phrag bcu 'byung ste/ byung nas kyang phyogs bcu'i mi'i gnas rnams snang bar byas nas sdug bsngal rnams kyang rab tu zhi bar byed do/ / lag pa'i mthil gnyis nas 'od gzer grangs med pa brgya stong phrag bcu 'byung ste/ byung nas kyang phyogs bcu'i lnga dang lha ma yin gyi gnas rnams snang bar byas nas sdug bsngal rnams kyang rab tu zhi bar byed do/ / phrag pa gnyis nas kyang 'od gzer grangs med pa brgya stong phrag bcu 'byung ste/ byung nas kyang phyogs bcu'i nyan thos kyi theg pa rnams kyi gnas rnams snang bar byas nas chos snang ba'i sgo nye bar bsgrub bo/ / rgya ba dang mgul nas 'od gzer grangs med pa brgya stong phrag bcu 'byung ste/ byung nas kyang phyogs bcu'i rang sangs rgyas kyi gnas rnams snang bar byas nas zhi ba'i ting nge 'dzin gyi sgo'i tshul yang nye bar sgrub bo/ / kha'i sgo nas 'od gzer grangs med pa brgya stong phrag bcu 'byung ste/ byung nas kyang phyogs bcu'i byang chub sems dpa' sems dang po bskyed pa yan chad sa dgu pa thob pa'i bar dag snang bar byas nas shes rab dang thabs mkhas pa'i tshul yang nye bar sgrub bo/ / smin mtshams kyi mdzod spu nas 'od gzer grangs/ med pa brgya stong phrag bcu 'byung ste/ byung nas kyang phyogs bcu'i bdud kyi gnas thams cad mog mog por byas nas/ dbang bskur ba thob pa'i byang chub sems dpa' rnams snang bar byas te/ dag gi lus su nub par byed do// steng gi yan lag gi dam pa mgo las stong gsum grangs med pa brgya phrag bcur tshang ba'i rdul phra rab kyi rdul snyed kyi 'od gzer 'byung ste/ byung nas kyang phyogs bcu'i de bzhin gshegs pa'i 'khor gyi dkyil 'khor thams cad snang bar byas te/ 'jig rten la lan bcur bskor ba byas nas steng gi bar snang la 'dug ste/ 'od gzer gyi dra ba'i dkyil 'khor chen por byas nas/ de bzhin gshegs pa la mchod pa dang / rim gro bya ba 'od shin tu gsal ba zhes bya ba rab tu byed de/ mchod pa dang rim gro bya ba de la sems dang po bskyed pa yan chad sa dgu pa thob pa'i bar dag gis de bzhin gshegs pa la mchod pa dang / rim gro byas pas brgya'i char yang nye bar mi 'gro/ stong gi cha dang / brgya stong gyi cha dang / bye ba'i cha dang / bye ba brgya'i cha dang bye ba stong gi cha dang / bye ba brgya stong gi cha dang / bye ba khrag khrig brgya stong gi char yang nye bar mi 'gro ste/ grangs dang cha dang bgrang ba dang rgyur yang nye bar mi 'gro ba nas dpe'i bar du yang mi bzod do/ / 'od gzer gyi dra ba'i dkyil 'khor chen po de las phyogs bcun me tog du gdags pa dang / spos dang / bdug pa dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / rin po che'i rgyan dang / nor bu rin po cher gdags pa ji snyed pa de dag thams cad pas lhag cing 'jig rten gyi yul thams cad las shin tu 'das pa/ 'jig rten las 'das pa'i dge ba'i rtsa ba'i dbang gis grub pa dag sprin chen po'i char bzhin du mngon par 'bab bo// mchod pa de dag sems can gang dag gis shes pa de dag thams cad kyang bla na med pa yang dag par rdzogs pa'i byang chub tu nges par 'gyur ro/ / mchod pa dang / rim gro bya ba de lta bu byas nas kyang 'od gzer de dag gis de bzhin gshegs pa'i 'khor gyi dkyil 'khor thams cad snang bar byas te/ 'jig rten la lan bcur bskor ba byas nas/ de bzhin gshegs pa dgra bcom pa yang dag par rdzogs pa'i sangs rgyas rnams kyi zhabs kyi mthil gyi 'og tu nub par 'gyur te/ de nas de bzhin gshegs pa de dag dang / byang chub sems dpa' de dag gis 'jig rten gyi khams rab 'byams che ge mo zhig na/ byang chu sems dpa' spyod pa de lta bu dang ldan pa zhig dbang bskur ba'i dus la bab par thugs su chud par 'gyur ro// kye rgyal ba'i sras de la byang chub sems dpa'i sa dgu pa la rab tu gnas pa'i bar gyi byang chub sems dpa' mtha' yas pa dag phyogs bcu nas der lhags nas/ byang chub sems dpa' de la kun nas bskor te/ mchod pa chen po byas nas/ byang chub sems dpa' de nyid la lta zhing ting nge 'dzin stong phrag bcu bcu la snyoms par 'jug go/ / byang chub sems dpa' dbang bskur ba'i sa thob pa rnams kyi dpal be'u dang / rdo rje dang / bkra shis las bdud kyi dgra las rnam par rgyal ba zhes bya ba'i 'od gzer chen po gcig 'od gzer gyi 'khor grangs med pa brgya stong phrag bcu 'byung ste/ byung nas kyang phyogs bcu snang bar byas nas/ cho 'phrul mu med pa yang dag par bstan te/ byang chub sems dpa'i dpal be'u dang / rdo rje dang bkra shis su nub par 'gyur ro// 'od gzer de dag der nub ma thag tu byang chub sems dpa' de'i stobs dang mthu yang brgya stong du gyur pas kyang lhag par mngon par 'phel bar snang ngo / / kye rgyal ba'i sras de nas de bzhin gshegs pa dgra bcom pa yang dag par rdzogs pa'i sangs rgyas de dag gi mdzod spu dag nas/ thams cad mkhyen pa nyid kyi mngon par shes pa dang ldan pa zhes bya ba'i 'od gzer 'khor 'od gzer grangs med pa brgya stong phrag bcu 'byung ste/ de dag gis phyogs bcu thams cad kyi 'jig rten gyi khams thams cad ma lus par snang bar byas nas/ 'jig rten la lan bcur bskor ba byas te/ de bzhin gshegs pa'i rnam par 'phrul pa chen po rnams bstan rgya chags sna rgyag rgya song rgyag gang / s+ya s+yAm+b+ha na ga 'grums rnams da rnam pa rnyag tu brgyad/ @ thams cad kyi 'chi 'bo dang / / 'gro bar skye ba rab tu zhi bar byas/ bdud kyi gnas thams cad mog mog par byas/ de bzhin gshegs pa thams cad mngon par rdzogs par byang chub pa ma bar sangs rgyas pa'i sangs rgyas kyi gdan kun tu bstan/ sangs rgyas thams cad kyi 'khor gyi dkyil 'khor bkod pa'i ma rab tu bstan/ 'jig rten gyi khams ches kyi dbyings kyis klas pa rnam pa pa'i khams kyi mthas gtugs pa thams cad snang bar byas nas/ byi log ste byang chub sems dpa'i 'khor gyi dkyil 'khor thams cad kyi steng nas bskor ba byas nas bkod pa chen po sa 'odag rde de dag drung chub sems dpa' de'i yan lag gi dam par nub par 'gyur ro/ / de'i gakhor gyi 'od gzed rnams ni da ltar 'dus pa'i byang chub sems dpa' rnams kyi mgor rung ba 'gyur te/ 'od gzer de dag gis 'og ma thag tu/ byang chub sems dpa' de dag gis sngon ma thob pa'i ting nge 'dzin stong phrag bcu bcu rab tu thob bo// 'od gzer de dag kyang dus gcig tu byang chub sems dpa' de'i yan lag gi dam pa la 'bab par 'gyur te/ byang chub sems dpa' de yang yang dag par rdzogs pa'i sangs rgyas kyi yul la mngon par dbang bskur ba zhes bya'o// stobs bcu yongs su rdzogs nas ni/ yang dag par rdzogs pa'i sangs rgyas su bgrang ba yang thob par 'gyur ro// kye rgyal ba'i sras 'di lta ste dper na/ 'khor los sgyur ba'i rgyal po'i bu thu bo/ / gzhon nu btsun mo dam pa las btsas pa/ rgyal po'i mtshan dang ldan par gyur pa de 'khor los sgyur ba'i rgyal pos lnga'i glang po che las gser gyi khri bzang po'i steng du bzhags ste/ steng nas bla re bres shing / gdugs dang / rgyal mtshan dang / ba dan dang / rol mo'i bkod pa rgya chen po byas te/ rgya mtsho chen po bzhi las chu blangs pa gser gyi bum pas bcus te/ chu ngas gzhon nu'i spyi bo nas dbang bskur na de dbang bskur ma thag tu/ rgyal po rgyal rigs spyi bo nas dbang bskur ba zhes bya ba'i grangs su 'gro ste/ dge ba bcu'i las kyi lam yongs su rdzogs nas ni 'khor los sbyar ba zhes bya ba'i ming thob bo/ / kye rgyal ba'i sras de bzhin du byang chub sems dpa' yang sangs rgyas bcom ldan 'das de dag gis dbang bskur ma thag tu ye shes kyi dbang bskur bas dbang bskur baM zhes bya ste/ stobs bcu yongs su rdzogs nas ni/ yang dag par rdzogs pa'i sangs rgyas kyi grangs su 'gro'o// kye rgyal ba'i sras 'di ni gang gi don du byang chub sems dpa' bya dka' ba brgya stong du ma rtsom pa'i byang chub sems dpa'i ye shes chen por dbang bskur ba'o/ / de ltar dbang bskur zhing yon tan dang ye shes tshad med pa rnam par 'phel ba de ni/ byang chub sems dpa'i sa chos kyi sprin la gnas pa zhes bya'o/ / kye rgyal ba'i sras byang chub sems dpa'i sa chos kyi sprin 'di la gnas pa'i byang chub sems dpa' ni chos kyi khams yang dag par 'grub pa yang dag pa ji lta ba bzhin du rab tu shes te/ 'dod pa'i khams yang dag par 'grub pa dang / gzugs kyi khams yang dag par 'grub pa dang / gzugs med pa'i khams yang dag par 'grub pa dang / sems kyi khams yang dag par 'grub pa dang / rnam par shes pa'i khams yang dag par 'grub pa dang / 'dus byas dang / 'dus ma byas kyi khams yang dag par 'grub pa dang / nam mkha'i khams yang dag par 'grub pa dang / yang dag pa dang yang dag pa ma yin pa bstan pa'i khams yang dag par 'grub pa dang / mya ngan las 'das pa'i khams yang dag par 'grub pa dang / lta bar gyur pa'i nyon mongs pa yang dag par 'grub pa yang yang dag pa ji lta ba bzhin du rab tu shes so// 'jig rten gyi khams 'jig pa dang / chags pa yang dag par 'grub pa dang nyan thos kyi spyod pa yang dag par 'grub pa dang / rang sangs rgyas kyi spyod pa yang dag par 'grub pa dang / byang chub sems dpa'i spyod pa yang dag par 'grub pa dang / de bzhin gshegs pa'i stobs dang / mi 'jigs pa dang / sangs rgyas kyi chos dang / gzugs kyi sku dang / chos kyi sku yang dag par 'grub pa dang / rnam pa thams cad du thams cad mkhyen pa'i ye shes yang dag par 'grub pa dang / mngon par rdzogs par 'tshang rgya ba dang / chos kyi 'khor lo bskor ba dang / mya ngan las 'das pa kun tu bstan pa yang dag par 'grub pa dang / mdor na chos thams cad la 'jug cing rnam par dbye bas brtag pa yang dag par 'grub pa yang yang dag pa ji lta ba bzhin du rab tu shes so/ / de ye shes de lta bu dang ldan pa'i blos gong du sems can du sprul pa'i las yang dag par ji lta ba bzhin du rab tu shes te/ nyon mongs par sprul pa dang / lta bar gyur par sprul pa dang / 'jig rten gyi khams su sprul pa dang / chos kyi dbyings su sprul pa dang / nyan thos su sprul pa dang rang sangs rgyas su sprul pa dang / byang chub sems dpar sprul pa dang / de bzhin gshegs par sprul pa dang / sprul pa thams cad la rtog pa med rtog pa med par yang dag par ji lta ba bzhin du rab tu shes so/ / de sangs rgyas su byin gyis brlab pa yang yang dag par ji lta ba bzhin du rab tu shes te/ chos su byin gyis brlab pa dang / dge 'dun du byin gyis brlab pa dang las su byin gyis brlab pa dang / nyon mongs par byin gyis brlab pa dang / dus byin gyis brlab pa dang / smon lam du byin gyis brlab pa dang / mchod pa byin gyis brlab pa dang / spyod pa byin gyis brlab pa dang / bskal pa byin gyis brlab pa dang / ye shes su byin gyis brlab pa yang yang dag pa ji lta ba bzhin du rab tu shes so// de de bzhin gshegs pa dgra bcom pa yang dag par rdzogs pa'i sangs rgyas rnams kyi phra ba la 'jug pa'i mkhyen pa gang 'di dag yang dag pa ji lta ba bzhin du rab tu shes te/ 'di ltar spyod pa la za ba la 'jug pa'i mkhyen pa dang / 'chi 'pho ba dang / skye ba la phra ba la 'jug pa'i mkhyen pa dang / bltams pa la phra ba la 'jug pa'i mkhyen pa dang / rnam par sprul pa phra ba la 'jug pa'i mkhyen pa dang / mngon par 'byung ba la phra ba la 'jug pa'i mkhyen pa dang / mngon par rdzogs par byang chub la phra ba la 'jug pa'i mkhyen pa dang / chos kyi 'khor lo bskor ba la phra ba la 'jug pa'i mkhyen pa dang / tshe'i tshad byin gyis brlab pa la phra ba la 'jug pa'i mkhyen pa dang / yongs su mya ngan las 'das pa la phra ba la 'jug pa'i mkhyen pa dang / bstan pa la gnas pa la 'jug pa'i mkhyen pa de dag kyang yang dag pa ji lta ba bzhin du rab tu shes so/ / de de bzhin gshegs pa dgra bcom pa yang dag par rdzogs pa'i sangs rgyas rnams kyi gsang ba'i gnas gang 'di yang dag pa ji lta ba bzhin du rab tu shes te/ 'di ltar sku'i gsang ba dang / gsung gi gsang ba dang / thugs kyi gsang ba dang / dus dang dus ma yin pa rnam par dbye ba gsang ba dang / byang chub sems dpa' lung bstan pa gsang ba dang / sems can bsdu ba dang / tshar bcad pa gsang ba dang / theg pa tha dad pa gsang ba dang / sems can gyi spyod pa dang / dbang po rnam par dbye ba gsang ba dang / las dang bya ba la 'jug pa gsang ba dang / spyod pa dang mngon par rdzogs par byang chub pa dang / rang bzhin thugs su chud pa gsang ba de dag kyang / yang dag pa ji lta ba bzhin du rab tu shes so// de bskal pa la 'jug pa gang 'di dag 'di lta ste/ bskal pa gcig la bskal pa grangs med par yang dag par gzhol ba dang / bskal pa grangs med pa la bskal pa gcig tu yang dag par gzhol ba dang / bskal pa grangs med pa la bskal pa grangs med par yang dag par gzhol ba dang skad cig la bskal pa dang bsgral pa la skad cig tu yang dag par gzhol ba dang / bskal pa la bskal pa ma yin pa dang bskal pa ma yin pa la bskal par yang dag gzhol ba dang / sangs rgyas dang bcas pa'i bskal pa la sangs rgyas med pa'i bskal par yang dag par gzhol ba dang / sangs rgyas med pa'i bskal pa la sangs rgyas dang bcas pa'i bskal par yang dag par gzhol ba dang / 'das pa dang ma 'ongs pa la da ltar byung ba dang / da ltar byung ba dang 'das pa la ma 'ongs pa dang / ma 'ongs pa dang 'das pa la da ltar byung ba'i bskal par yang dag par gzhol ba dang / bskal pa ring po la bskal pa thung ngur yang dag par gzhol ba dang / bskal pa thung ngu la bskal pa ring por yang dag par gzhol ba dang / bskal pa thams cad la ming du btags par yang dag par gzhol ba de dag yang dag pa ji lta ba bzhin du rab tu shes so// de bzhin gshegs pa dgra bcom pa yang dag par rdzogs pa'i sangs rgyas rnams kyi gzud pa mkhyen pa gang 'di dag 'di lta ste/ byis pa'i lam gyis gzud pa mkhyen pa dang / rdul phra rab kyi rdul gyis gzung ba mkhyen pa dang / zhing gi tshogs mngon par rdzogs par thugs su chud pa'i gzud pa mkhyen pa dang / sems can gyi tshogs kyi sems mngon par rdzogs par thugs su chud pas gzud pa mkhyen pa dang / thams cad kyi rjes su song ba mngon par rdzogs par thugs su chud pas gzud pa mkhyen pa dang / snrel zhi'o'i spyod pa kun tu bstan pas gzud pa mkhyen pa dang / mthun pa'i spyod pa kun tu bstan pas gzung pa mkhyen pa dang / mi mthun pa'i spyod pa kun tu bstan pas gzud pa mkhyen pa dang / 'jig rten gyis rnam par shes par bya ba'i spyod pa bsam gyis mi khyab pa dang / bsam gyis mi khyab pa kun tu bstan pas gzud pa mkhyen pa dang / nyan thos kyis rnam par shes par bya ba dang / rang sangs rgyas kyis rnam par shes par bya ba dang / byang chub sems dpas rnam par shes par bya ba dang / de bzhin gshegs pa rnam par mkhyen par bya ba'i spyod pa kun tu bstan pas gzung ba mkhyen pa de dag yang dag pa ji lta ba bzhin du rab tu shes te/ kye rgyal ba'i sras de ltar na sangs rgyas bcom ldan 'das rnams kyi mkhyen pa yangs shing tshad med pas sa 'di la gnas pa'i byang chub sems dpa' gzung pa mkhyen pa yang tshad med do// kye rgyal ba'i sras de ltar byang chub sems dpa'i sa 'di dang ldan pa'i byang chub sems dpa' de byang chub sems dpa'i rnam par thar pa bsam gyis mi khyab pa zhes bya ba rab tu thob bo// sgrib pa med pa zhes bya ba dang / rnam par 'byed pa rnam par dag pa zhes bya ba dang / sgo kun tu snang ba zhes bya ba dang / de bzhin gshegs pa'i mdzod ces bya ba dang / 'khor lo thogs pa med pa dang ldan pa zhes bya ba dang / dus gsum gyi rjes su song ba zhes bya ba dang / chos kyi dbyings kyi snying po zhes bya ba dang / rnam par grol ba'i dkyil 'khor snang ba zhes bya ba dang / yul ma lus pa zhes bya/ ba'i byang chub sems dpa'i rnam par thar pa rab tu thob ste/ kye rgyal ba'i sras de ltar byang chub sems dpa'i sa bcu pa 'di la gnas pa'i byang chub sems dpa' byang chub sems dpa'i rnam par thar pa'i sgo bcu po de dag la sogs pa rnam par thar pa'i sgo brgya stong grangs med dpag tu med pa rab tu thob bo/ / de bzhin du ting nge 'dzin brgya stong dang / gzungs brgya stong dang mngon par shes pa mngon par bsgrub pa brgya stong gi bar du rab tu thob bo/ / de ye shes de lta bu dang ldan pa'i blo dang / tshad med pa'i rjes su song ba'i dran pa la mkhas pa dang ldan pa yin / daphyogs pacu'i sangs rgyas bcom ldan 'das dpag tu med pa las skad cig thang cig smad na ma gcig la chos kyi snang ba chen po dang / chos kyi klas pa pa chen po dang / kyi sprin chen po tshad med pa bzod do// yang dag par len to// bdag gir byed do// yang dag par 'dzin to// kye rgyal ba'i sras 'di lta ste dper na/ rgya mtsho'i sprin las chu'i phung po 'bab pa ni rgya mtsho chen po ma gtogs pa'i sa'i phyogs gzhan gyis bzod pa 'am/ yang dag par blang ba 'am/ bdag gir bya ba 'am/ yang dag par gzung bar sla ba ma yin no// kye rgyal ba'i sras de bzhin du de bzhin gshegs pa rnams kyi de bzhin gshegs pa'i gsang ba la 'jug pa 'di lta ste/ chos kyi snang ba chen po dang / chos kyi gsal ba chen po dang / chos kyi sprin chen po de dag ni sems can thams cad dang nyan thos dang rang sangs rgyas thams cad dang / sa dang po nas bzung ste sa dgu pa'i bar la gnas pa'i byang chub sems dpa' rnams kyis kyang bzod pa 'am/ yang dag par blang ba 'am/ bdag gir bya ba 'am/ yang dag par bzung bar sla ba ma yin te/ byang chub sems dpa'i sa chos kyi sprin 'di la gnas pa'i byang chub sems dpa' ni de dag thams cad bzod do/ / yang dag par len to// bdag gir byed do// yang dag par 'dzin to// kye rgyal ba'i sras 'di lta ste dper na// rgya mtsho chen po ni klu'i dbang po chen po gcig gi sprin chen po yang bzod do/ / yang dag par len to// bdag gir byed do// yang dag par 'dzin to// klu'i dbang po chen po gnyis dang / gsum nas dpag tu med pa'i bar dag gi sprin chen po dag kyang skad cig thang cig yud tsam gcig la bzod do/ / yang dag par len to// bdag gir byed do// yang dag par 'dzin to// de cig phyir zhe na/ rgya mtsho chen po tshad med par yangs shing rgya che ba'i phyir ro// kye rgyal ba'i sras de bzhin du byang chub sems dpa'i sa chos kyi sprin 'di la gnas pa'i byang chub sems dpa' yang skad cig thang cig yud tsam gcig la de bzhin gshegs pa gcig gi chos kyi snang ba chen po dang / chos kyi gsal ba chen po dang / chos kyi sprin chen po rnams kyang bzod do// yang dag par len to/ / bdag gir byed do// yang dag par 'dzin to// skad cig thang cig yud tsam gcig la de bzhin gshegs pa gnyis dang gsum nas tshad med pa'i bar dag gi chos kyi snang ba chen po dang / chos kyi gsal ba chen po dang / chos kyi sprin chen po tshad med pa rnams kyang bzod do// yang dag par len/ bdag gir byed/ yang dag par 'dzin te/ de'i phyir nas 'di chos kyi sprin zhes bya'o// 'phags pa sa bcu pa// / bam po bdun pa ste tha ma'o// byang chub sems dpa' rnam par grol ba'i zla bas smras pa/ kye rgyal ba'i sras byang chub sems dpa' skad cig thang cig yud tsam gcig la de bzhin gshegs pa ji snyed gcig las chos kyi snang ba chen po dang / chos kyi gsal ba chen po dang / chos kyi sprin chen po bzod par byed pa dang / yang dag par len pa dang / bdag gir byed pa dang / yang dag par 'dzin pa dag bgrang par nus sam/ byang chub sems dpa' rdo rje'i snying pos smras pa/ kye rgyal ba'i sras byang chub sems dpa' skad cig thang cig yud tsam gcig la de bzhin gshegs pa 'di snyed cig las chos kyi snang ba chen po dang / chos kyi gsal ba chen po dang / chos kyi sprin chen po bzod yang dag par len/ bdag gir byed/ yang dag par 'dzin to zhes grangs kyis bstan pa'i tshul gyis bgrang bar sla ba ma yin te/ 'on kyang dpe bstan par bya'o// kye rgyal ba'i sras 'di lta ste dper na/ phyogs bcu'i 'jig rten gyi khams sangs rgyas kyi zhing brjod du med pa bye ba khrag khrig b rgya stong phrag bcu'i rdul phra rab kyi rdul snyed na sems can gyi khams ma lus pa'i tshul du ji snyed cig yod pa de dag las sems can gcig cig thos pa 'dzin pa'i gzungs rab tu thob par gyur la/ 'di lta ste dper na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rdo rje'i pad+ma'i bla ma'i dge slong rnam par rgyal ba chen po zhes bya ba bzhin du/ de bzhin gshegs pa rnams kyi zham ring ba nyan thos chen po thos pa 'dzin pa'i mchog tu phyin par gyur te/ de ltar sems can gcig po de thos pa la mkhas pa'i stobs bskyed pa dang ldan par gyur la sems can gcig po de ci 'dra bar 'jig rten gyi khams ma lus pa thams cad kyi sems can de dag thams cad kyang de bzhin du ldan par gyur la/ gcig gis gang gzung ba de gnyis pas ma bzung na/ kye rgyal ba'i sras 'di ji snyam du sems sems can de dag gis thos pa la mkhas par gyur pa de dag tshad med cing mang ba ma yin nam/ byang chub sems dpa' rnam par grol ba'i zla bas smras pa/ kye rgyal ba'i sras sems can de dag gi thos pa la mkhas pa de dag ni mang ste/ tshad med do// byang chub sems dpa' rdo rje'i snying pos smras pa/ kye rgyal ba'i sras khyod mos par bya'o/ / khyod khong du chud par bya'o// byang chub sems dpa'i sa chos kyi sprin 'di la gnas pa'i byang chub sems dpa' ni skad cig thang cig yud tsam gcig la de bzhin gshegs pa gcig las chos kyi snang ba dang gsal ba dang / sprin chen po chos kyi dbyings dus gsum gyi mdzod ces bya ba bzod/ yang dag par len/ bdag gir byed/ yang dag par 'dzin te/ chos kyi snang ba dang / gsal ba dang / sprin chen po yang dag par 'dzin pa la mkhra ba de la thos pa la mkhwab snga ma des brgya'i char yang nye bar mi 'gro/ stong gi cha dang / brgya phrag stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang bgrang ba dang / dpe dang rgyur yang nye bar mi 'gro ba nas bsnun pa tsam gyi bar du yang mi bzod do// de bzhin gshegs pa gcig las ji lta ba de bzhin du phyogs bcu'i 'jig rten gyi khams snga ma dag na rdul phra rab kyi rdul de dag ji snyed yod pa de snyed kyi yang dag par rdzogs pa'i sangs rgyas rnams dang / de dag pas kyang ches mang zhing tshad med pa'i de bzhin gshegs pa rnams las byang chub sems dpas skad cig thang cig yud tsam gcig la chos kyi snang ba dang gsal ba dang / sprin chen po chos kyi dbyings dus gsum gyi mdzod ces bya ba bzod/ yang dag par len/ bdag gir byed/ yang dag par 'dzin te/ de'i phyir na sa 'di chos kyi sprin zhes bya'o// kye rgyal ba'i sras gzhan yang byang chub sems dpa'i sa chos kyi sprin 'di la gnas pa'i byang chub sems dpa' ni rang gi smon lam gyi stobs bskyed pas snying brtse ba dang / snying rje chen po'i sprin chos kyi snang ba chen po bsgrag pa'i 'brug sgra sgrog pa/ mngon par shes pa dang / rig pa dang mi 'jigs pa'i glog 'gyub/ 'od zer chen po'i rlung gis shin tu bskyod pa/ bsod nams dang ye shes kyi sprin dra ba stug pos kun tu khebs pa lus rnam pa sna tshogs kyi sprin gyi glog 'khyil ba kun tu ston pa/ chos kyi sgra chen po rab tu sgrog pa/ bdud kyi phyogs shin tu tshar gcod pa kun nas bsdus te/ skad cig thang cig y ud tsam gcig la phyogs bcu'i 'jig rten gyi khams snga ma de dag na rdul phra rab kyi rdul ji snyed yod pa de snyed kyi 'jig rten gyi khams kyang bye ba khrag khrig brgya stong dang de dag pas kyang ches mang zhing tshad med pa'i 'jig rten gyi khams bye ba khrag khrig brgya stong rgyas par bkang ste/ dge ba'i bdud rtsi'i rgyun gyi char chen pos bsam pa ji lta ba bzhin du sems can rnams kyi mi shes pa las langs pa'i rdul dang me lce thams cad rab tu zhi bar byed de/ de'i phyir na sa 'di chos kyi sprin ces bya'o// kye rgyal ba'i sras byang chub sems dpa'i sa chos kyi sprin 'di la gnas pa'i byang chub sems dpa' ni 'jig rten gyi khams gcig na yang dga' ldan gyi pho brang na bzhugs pa nas gzung ste/ 'pho ba dang gshegs pa dang / lhums na bzhugs pa dang / bltams pa dang / mngon par 'byung ba dang / mngon par rdzogs par byang chub pa dang / bskul ba dang / chos kyi 'khor lo chen po bskor ba dang / yongs su mya ngan las 'das pa chen po'i sa zhes bya ba'i bar du de bzhin gshegs pa'i mdzad pa thams cad sems can rnams kyi bsam pa ji lta ba dang / 'dul ba ji lta ba bzhin du byin gyis rlob bo/ / de bzhin du gnyis nas 'jig rten gyi khams de dag na rdul phra rab kyi rdul de dag ji snyed yod pa de dag pas kyang ches mang ba'i 'jig rten gyi khams bye ba khrag khrig brgya stong dpag tu med pa'i bar dag na yang dga' ldan gyi pho brang na bzhugs pa nas bzung ste/ yongs su mya ngan las 'das pa chen po'i sa zhes bya ba'i bar du de bzhin gshegs pa'i mdzad pa thams cad sems can rnams kyi bsam pa ji lta ba dang / 'dul ba ji lta ba bzhin du byin gyis rlob bo// ye shes kyi dbang de lta bu thob cing shin tu rnam par brtags pa'i ye shes dang / mngon par shes pa dang ldan pa ste/ 'dod na 'jig rten gyi khams dog pa ni yangs par byin gyis rlob bo// 'jig rten gyi khams yangs pa ni dog par byin gyis rlob bo/ / de bzhin du thag gru che ba dang / cher gyur pa dang / tshad med pa dang / phra ba dang / rags pa dang / snrel zhi dang spyi'u tshugs ngos phyal ba la s ogs pa'i 'jig rten gyi khams thams cad kyang khyu mchog tu gyur pas mngon par bsgrub de dang der byin gyis rlob po 'dod na 'jig rten gyi khams kun nas nyon mongs pa can ni yongs su dag par byin gyis rlob bo/ / 'jig rten gyi khams yongs su dag pa ni kun nas nyon mongs pa can du byin gyis rlob bo// 'dod na rdul phra rab kyi rdul gcig la 'jig rten gyi khams khor yug gi 'obs dang bcas pa thams cad dang ldan pa gcig byin gyis rlob ste/ rdul phra rab kyi rdul de yang mi 'phel la/ bya ba de dag kyang kun tu ston to// rdul phra rab kyi rdul gcig la 'jig rten gyi khams gnyis dang / gsum dang / bzhi dang / lnga nas brjod du med pa'i bar du thams cad dang ldan pa'i 'khor yug gi mtha' skor dang bcas par byin gyis rlob ste/ rdul phra rab kyi rdul de yang mi 'phel la/ bya ba de dag kyang kun tu ston to// 'dod na 'jig rten gyi khams gcig tu 'jig rten gyi khams gnyis kyi bkod pa kun tu ston to/ / 'dod na 'jig rten gyi khams brjod du med pa'i bar gyi bkod pa kun tu ston to// 'dod na 'jig rten gyi khams gcig gi bkod pa 'jig rten gyi khams gnyisu kun tu ston to/ / 'dod na 'jig rten gyi khams brjod du med pa'i bar dag tu'ang kun tu ston to// 'dod na 'jig rten gyi khams brjod du med pa bdag na sems can gyi khams ji snyed yod pa de dag 'jig rten gyi khams gcig tu 'god de/ sems can rnams la gnod pa yang med do// 'dod na 'jig rten gyi khams gcig na sems can gyi khams ji snyed yod pa de dag 'jig rten gyi khams brjod du med pa dag tu 'god de/ sems can rnams la gnod pa yang med do// 'dod na 'jig rten gyi khams brjod du med pa dag na 'khod pa'i sems can rnams sgra tsam gyi khyon gcig la 'god de/ sems can rnams la gnod pa yang med do// 'dod na sgra tsam gyi khyon gcig la sangs rgyas thams cad kyi yul bkod pa gcig kun tu ston pa nas 'dod na sangs rgyas thams cad kyi yul bkod pa brjod du med pa'i bar dag kun tu ston to/ / 'dod na 'jig rten gyi khams brjod du med pa dag na rdul phra rab gyi rdul ji snyed yod pa de snyed kyi lus skad cig thang cig yud tsam gcig la sprul pa byed do/ / lus re re la yang de snyed kyi lag pa kun tu ston to// lag pa de dag gis kyang phyogs bcu'i sangs rgyas rnams la mchod pa byed de/ lag pa re res kyang me tog gi phur ma gang+gA'i klung gi bye ma snyed/ sangs rgyas bcom ldan 'das de dag la 'thor ro// me tog la ji lta bar spos dang / 'phreng ba dang / byug pa dang / na bza' dang / gdugs dang / rgyal mtshan dang / ba dan rnams kyang de bzhin no// bkod pa thams cad kyang de bzhin no// lus ra re la yang de snyed kyi mgo byin gyis rlob cing mgo re re la yang de snyed kyi lce byin gyis rlob ste/ lce de dag gis sangs rgyas bcom ldan 'das de dag gi bsngags pa brjod do// sems bskyed pa re re la yang phyogs bcu khyab par 'gro ste/ sems bskyed pa tsam gyis kyang mngon par rdzogs par byang chub pa tshad med pa nas yongs su mya ngan las 'das pa chen po'i bkod pa'i bar du byin gyi rlob bo/ / dus gsum gyi lus tshad med pa yang byin gyis rlob ste/ rang gi lus la sangs rgyas bcom ldan 'das tshad med pa rnams kyi sangs rgyas kyi zhing gi yon tan bkod pa tshad med pa byin gyis rlob bo/ / 'jig rten gyi khams 'jig pa dang / chags pa thams cad kyang rang gi lus la byin gyis rlob bo// rlung kyi dkyil 'khor thams cad kyang spu'i khung bu gcig nas 'byin te/ sems can rnams la gnod pa yang med do// 'dod na chu'i phung po yan chad 'jig rten gyi khams gcig byin gyis rlob bo// der yang pad+ma chen po byon gyis rlob bo/ / pad+ma chen po de'i 'od kyi bkod pas kyang 'jig rten gyi khams mu med pa rgyas par gang bar byed de/ de la yang byang chub kyi shing chen po kun tu ston pa nas rnam pa thams kyi mchog dang ldan pa'i thams cad mkhyen pa'i bar du yang kun tu ston to/ / rang gi lus la phyogs bcu'i nor bu dang / glog dang / zla ba dang / nyi ma'i 'od byin gyis rlob pa nas 'od dang snang ba thams cad kyi bar du byin gyis rlob bo/ / kha'i dbugs kyis kyang phyogs re re'i 'jig rten gyi khams mtha' yas pa g.yo bar byed de/ sems can rnams 'jigs par yang mi byed do/ / phyogs bcu rlung gis 'jig pa dang / mes 'jig pa dang / chus 'jig pa yang byin gyis rlob bo// 'dod na sems can thams cad la bsam pa bzhin du gzugs kyi lus kyi gnas brgyan par byin gyis rlob bo/ / rang gi lus de bzhin gshegs pa'i skur byin gyis rlob bo// de bzhin gshegs pa'i sku rang gi lus su byin gyis rlob bo/ / de bzhin gshegs pa'i sku la rang gi sangs rgyas kyi zhing byin gyis rlob bo// rang gis sangs rgyas kyi zhing du de bzhin gshegs pa'i sku byin gyis rlob bo/ / kye rgyal ba'i sras de ltar byang chub sems dpa'i sa chos kyi sprin la gnas pa'i byang chub sems dpa' ni rdzu 'phrul gyi rnam par 'phrul pa 'di dag dang / gzhan/ yang bye ba khrag khrig brgya stong dpag tu med pa dag kun tu ston to// 'dod na sems can gyi bsam pa bzhin du gzugs kyi lus kyi gnas brgyan par byin gyis rlob bo// de nas 'khor de'i byang chub sems dpa' kha cig dang lha dang klu dang gnod sbyin dang dri za dang / lha ma yin dang / brgya byin dang / tshangs pa dang / dbang phyug chen po dang / gnas gtsang ma kha cig 'di snyam du sems te/ 'di ltar byang chub sems dpa'i rdzu 'phrul mngon par 'du bya ba'i spyod yul yang de ltar tshad med na/ de bzhin gshegs pa'i rdzu 'phrul ci 'dra ba zhig yod snyam pa dang / de nas byang chub sems dpa' rnam par grol ba'i zla bas 'khor de'i sems kyi bsam pa'i rnam par rtog pa shes nas/ byang chub sems dpa'i rdo rje'i snying po la 'di skad ces smras so/ / kye rgyal ba'i sras kye ma 'khor 'di the tsom du gyur na de dag gi the tsom bcad pa'i phyir/ byang chub sems dpa'i rdzu 'phrul gyi bkod pa cung zad cig legs par bstan pa mdzod cig/ de nas byang chub sems dpa' rdo rje'i snying po de'i tshe/ byang chub sems dpa'i ting nge 'dzin sangs rgyas thams cad kyi zhing gi tshogs kyi rang bzhin kun tu ston pa zhes bya ba la snyoms par zhugs so/ / byang chub sems dpa' rdo rje'i snying po byang chub sems dpa'i ting nge 'dzin sangs rgyas kyi zhing thams cad kyi tshogs kyi rang bzhin kun tu ston pa la snyoms par zhugs ma thag tu de nas de nyid kyi tshe byang chub sems dpa' 'khor de dag thams cad dang / lha dang klu dang / gnod sbyin dang dri za dang / lha ma yin dang / brgya byin dang / tshangs pa dang / 'jig rten skyong ba dang / dbang phyug chen po dang / gnas gtsang ma'i 'khor thams cad byang chub sems dpa' rdo rje'i snying po'i lus kyi khong na 'khod par rang rang gis shes par gyur te/ der sangs rgyas kyi zhing mngon du grub par shes so// sangs rgyas kyi zhing de'i rnam pa dang bkod pa gang yin pa de dag kyang bskal pa khrag khrig tshang bas kyang brjod par sla ba ma yin no/ / der byang chub kyi shing stong gsum brgya stong phrag bcur khyab pa'i sdong / can stong gsum khrag khrig yongs su tshang ba tsam du shin tu rgyas pa tshad med pa'i yal ga can rtse mo shin tu mtho ba byung ste/ de dang rkyen du 'bab par byang chub kyi snying po de la seng ge'i khri rgya chen po byung nas/ de la de bzhin gshegs pa mngon par shes pa'i blo gros thams cad kyi rgyal po zhes bya ba byang chub kyi snying po dam par gshegs te bzhugs par mthong ngo / / de ltar de na bkod pa ji snyed snang bar gyur pa de dag ni bskal pa khrag khrig brgya stong tshang bas kyang brjod par sla ba ma yin no// des cho 'phrul chen po de bstan nas/ thams cad dang ldan pa'i byang chub sems dpa'i 'khor de dang / lha dang klu dang / gnod sbyin dang / dri za dang / lha ma yin dang / brgya byin dang / tshangs pa dang / 'jig rten skyong ba dang / dbang phyug chen po dang / gnas gtsang ma pa'i 'khor thams cad gnas ji lta ba bzhin du bkod pa dang / de nas thams cad dang ldan pa'i 'khor de ngo mtshar dang rmad du gyur nas/ cang mi smra bar byang chub sems dpa' rdo rje'i snying po de nyid la nges par sems shing 'khod par gyur to// de nas byang chub sems dpa' rnam par grol ba'i zla bas byang chub sems dpa' rdo rje'i snying po la 'di skad ces smras so/ / kye rgyal ba'i sras 'di ltar ting nge 'dzin 'di'i bkod pa'i mthu de ni ngo mtshar rmad du byung ba yin na/ kye rgyal ba'i sras ting nge 'dzin 'di'i ming ci zhes bya/ byang chub sems dpa' rdo rje'i snying pos smras pa/ kye rgyal ba'i sras ting nge 'dzin 'dzin sangs rgyas thams cad kyi zhing gi tshogs kyi rang bzhin kun tu ston pa zhes bya'o/ / byang chub sems dpa' rnam par grol ba'i zla bas smras pa/ kye rgyal ba'i sras ting nge 'dzin 'di'i spyod yul dang / yul gyi bkod pa ji lta bu/ byang chub sems dpa' rdo rje'i snying pos smras pa/ kye rgyal ba'i sras byang chub sems dpa'i ting nge 'dzin 'di la shin tu bsgoms pa ni 'dod na sangs rgyas kyi zhing 'di 'dra ba 'jig rten gyi khams gang+gA'i klung gi bye ma snyed kyi rdul phra rab kyi rdul snyed dam/ de bas kyang mang du rang gi lus las kun tu ston to/ / kye rgyal ba'i sras byang chub sems dpa'i sa chos kyi sprin la gnas pa'i byang chub sems dpas ni byang chub sems dpa'i ting nge 'dzin 'di 'dra ba brgya stong mang po rab tu thob te/ des na byang chub sems dpa' de'i lus sam/ lus kyi las ni byang chub sems dpa' rgyal tshab thob pa/ byang chub sems dpa'i sa legs pa'i blo gros can 'di la gnas pa dag gis kyang shes par sla ba ma yin no/ / ngag gam ngag gi las kyang shes par sla ba ma yin no// yid dam yid kyi las kyang shes par sla ba ma yin no/ / rdzu 'phrul yang shes par sla ba ma yin no// dus gsum la rnam par lta ba yang shes par sla ba ma yin no// ting nge 'dzin gyi spyod yul la 'jug pa yang shes par smra ba ma yin no/ / ye shes kyi yul yang shes par sla ba ma yin no// rnam par thar pas rnam par rol pa yang shes par sla ba ma yin no// sprul pa'i las sam/ byin gyi rlabs kyi las sam/ mthu'i las kyang shes par sla ba ma yin pa nas/ mdor bsdu na/ gom pa 'jog cing 'dreg pa'i las kyi bar du yang byang chub sems dpa' rgyal tshab thob pa/ byang chub sems dpa'i sa legs pa'i blo gros can la gnas pa dag gis kyang shes par sla ba ma yin te/ kye rgyal ba'i sras byang chub sems dpa'i sa chos kyi sprin 'di ni mdor bsdus te bstan na yang de ltar tshad med pa ste/ rgya cher ni bskal pa brgya stong grangs med pas bstan kyang mthur thug par mi 'gyur bar shes par bya'o// byang chub sems dpa' rnam par grol ba'i zla bas smras pa/ kye rgyal ba'i sras byang chub sems dpa' rnams kyi spyod pa'i yul dang / byin gyi rlabs 'di yang de ltar tshang med na/ de bzhin gshegs pa rnams kyi spyod yul dang / yul la 'jug pa ci 'dra/ byang chub sems dpa' rdo rje'i snying pos spras pa/ kye rgyal ba'i sras 'di lta ste dper na/ mi lal zhig gis gling bzhi pa'i 'jig rten gyi khams nas/ rde'u rgya shug gi tshig gu tsam gnyis sam/ gsum zhig blangs te/ 'di skad du 'jig rten gyi khams mtha' yas pa dag na san/ khams ji snyed cig yod/ rde'u 'di las ji tsam zhig gis lhag par 'phags shing lhag par tshad med ces zer ba zhig yod na/ kye rgyal ba'i sras de ltar khyod de bzhin gshegs pa dgra b com pa yang dag par rdzogs pa'i sangs rgyas ye shes tshad med pa mnga' ba rnams kyi chos nyid la byang chub sems dpa'i chos nyid kyis 'jal ba ni khyod kyi tshig 'di de dang 'dra bar bdag gis dpags so/ / kye rgyal ba'i sras ji ltar gling bzhi pa'i 'jig rten gyi khams nas gang blangs pa'i sa'i khams chung la lhag ma las pa tshad med pa de bzhin du/ kye rgyal ba'i sras byang chub sems dpa'i sa chos kyi sprin 'di kho na yang bskal pa dpag tu med par bstan kyang phyogs tsam zhig bstan du zad na de bzhin gshegs pa'i sa lta smos kyang ci dgos/ kye rgyal ba'i sras khyod mos par bya zhing khong du chud par bya'o/ / de bzhin gshegs pa 'di bdag gi mdun na dpang du bzhugs te/ kye rgyal ba'i sras gal te/ phyogs bcu'i phyogs re re'i sangs rgyas kyi zhing 'jig rten gyi khams mu med pa'i rdul phra rab kyi rdul snyed cigs 'di lta bu thob pa'i byang chub sems dpa' rnams kyis 'di lta ste dper na/ bu ram shing de tshal lam/ 'od ma'i tshal lam/ 'dam bu'i tshal lam/ til gyi tshul bzhin du yongs su gang bar gyur la/ byang chub sems dpa'i spyod pa mngon par b sgrub pa bskal pa dpag tu med par mngon par bsgrubs pa de dag na de bzhin gshegs pa'i ye shes skad cig gcig la byung ba'i de bzhin gshegs pa'i yul gyi brgya'i char yang nye bar mi 'gro/ / stong gi cha dang / brgya stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang / cha dang / bgrang ba dang / dpe dang rgyur yang nye bar mi 'gro ba nas bskrun pa tsam gyi bar du yang nye bar mi 'gro'o// kye rgyal ba'i sras de ltar byang chub sems dpa' ye shes de lta bu dang ldan pa/ de bzhin gshegs pa'i sku dang gsung dang thugs dang / gnyis su med pa ni byang chub sems dpa'i ting nge 'dzin gyi stobs kyang mi gtong la sangs rgyas la blta ba dang / mchod pa dang / rim gro yang rab tu byed de/ bskal pa re re la yang de bzhin gshegs pa mtha' yas pa la mchod pa rnam pa thams cad du mngon par bsgrub pa'i mchod pa rgya chen po dang ldan pas mchod pa byed do/ / sangs rgyas bcom ldan 'das de dag gi byin gyi rlabs kyi snang ba yang yang dag pa len to// de ni de bas kyang bskal pa du ma dang bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa khrag khrig brgya stong phrag du ma dang / bskal pa bye ba phrag du ma dang / bskal pa bye ba brgya phrag du ma dang / bskal pa bye ba stong phrag du ma dang / bskal pa bye ba brgya stong phrag du ma dang / bskal pa bye ba khrag khrig brgya stong phrag du mar chos kyi dbyings yongs su dris pa bstan pa la mi 'phrogs pa yin no/ / kye rgyal ba'i sras 'di lta ste dper na/ lha'i rgyan chen po'i rnam pa mkhan bzos ma byas pa nor bu rin po che chen pos sbas pa/ lha'i rgyal po dbang sgyur gyi yan lag gi dam pa mgo 'am/ mgul du btags na de ma yin pa'i lha dang mi'i rgyan lngab lbub dag gis mi 'phrogs pa yin no// kye rgyal ba'i sras de bzhin du byang chub sems dpa'i sa bcu pa chos kyi sprin 'di thob pa'i byang chub sems dpa'i ye shes kyi rgyud de dag kyang sems can thams cad dang / nyan thos dang rang sangs rgyas thams cad dang / byang chub sems dpa'i sa dang po yan chad byang chub sems dpa'i sa dgu po thob pa'i bar gyi byang chub sems dpa' rnams kyis kyang mi 'phrogs pa yin te/ byang chub sems dpa'i sa 'di la gnas pa'i byang chub sems dpa'i ye shes snang ba ni sems can rnams thams cad mkhyen pa'i ye shes la 'dzud par 'gyur bas de ma yin pa'i ye shes snang ba dag gis mi 'grogs so/ / kye rgyal ba'i sras 'di lta ste dper na/ lha'i rgyal po dbang phyug chen po'i 'od na skye ba'i gnas thams cad las shin tu 'das pa yin te/ sems can rnams kyi lus kyang sim par byed do// kye rgyal ba'i sras de bzhin du byang chub sems dpa'i sa bcu pa chos kyi sbyin 'di la gnas pa'i byang chub sems dpa'i ye shes snang ba yang nyan thos dang / rang sangs rgyas thams cad dang / byang chub sems dpa'i sa dang po yan chad byang chub sems dpa'i sa dgu pa thob pa'i bar gyi byang chub sems dpa' rnams kyis kyang mi 'phrogs pa yin te/ thams cad mkhyen pa nyid kyi bar la yang sems can rnams rab tu 'jog go// kye rgyal ba'i sras byang chub sems dpa' ye shes de lta bu dang ldan pa de la sangs rgyas bcom ldan 'das rnams bgrod pa gsum shes pa yang dag par ston te/ chos kyi dbyings rab tu dbye ba shes pa dang / 'jig rten gyi khams thams cad rgyas par dgang ba dang / 'jig rten gyi khams thams cad du snang ba'i byin gyi rlabs dang / sems can dang zhing dang / chos thams cad yongs su shes pa dang / mdor bsdun thams cad mkhyen pa'i ye shes thob par byed pa'i bar dag yang dag par ston to// de'i pha rol tu phyin pa bcu po dag las ye shes kyi pha rol tu byin pa'i shas che ba yin no/ / kye rgyal ba'i sras 'di ni byang chub sems dpa' rnams kyis chos kyi sprin ces bya ba byang chub sems dpa'i sa bcu pa mdor bstan pa'o// rgya cher ni bskal pa grangs med mu med pas bstan kyang thug pa med par shes par bya'o// de la gnas pa'i byang chub sems dpa' ni phal cher lha'i rgyal po dbang phyug chen por 'gyur/ sems can rnams la nyan thos dang / rang sangs rgyas dang / byang chub sems dpa'i pha rol tu phyin pa bsten pa'i byed pa can dang / gtso bor 'gyur te/ chos kyi dbyings rnam par phye ba yongs su dris pa bstan pas mi 'phrogs pa yin no/ / sbyin pa 'am/ snyan pa smra ba 'am/ don spyod pa 'am/ don mthun pas las gang ci rtsom yang rung ste/ de thams cad sangs rgyas yid la bya ba dang / chos yid la bya ba dang / dge 'dun yid la bya ba dang / byang chub sems dpa'i spyod pa yid la bya ba dang / pha rol tu phyin pa yid la bya ba dang / sa yid la bya ba dang / stobs yid la bya ba dang / mi 'jigs pa yid la bya ba dang / sangs rgyas kyi chos ma 'dres pa yid la bya ba nas rnam pa thams cad kyi mchog dang ldan pa'i thams cad mkhyen pa'i ye shes kyi bar du yid la bya ba dang mi 'bral ba yin te/ ji ltar na sems can thams cad kyi mchog tu 'gyur/ gtso bor 'gyur/ phul du 'gyur/ dam par 'gyur/ rab tu 'gyur/ gong mar 'gyur/ bla na med par 'gyur/ 'dren par 'gyur/ rnam par 'dren par 'gyur/ yongs su 'dren par 'gyur ba nas rnam pa thams cad kyi mchog dang ldan pa'i thams cad mkhyen pa'i ye shes la rten pa'i bar du 'gyur snyam du sems so/ / 'dod na rtson 'grus rtsom pa rnam pa ji lta bus skad cig thang cig yud tsam gcig la sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi ting nge 'dzin rab tu thob cing snyoms par yang 'jug pa dang / sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi sangs rgyas mthong ba dang / de dag gi byin gyi rlabs kyang yang dag pa shes pa dang / sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi 'jig rten gyi khams g.yo bar byed pa dang / sangs rgyas kyi zhing rjod du med pa bye ba khrag khrig brgya stong phrag bcu'i rdul phra rab kyi rdul snyed kyi sangs rgyas kyi zhing du 'gro ba dang / sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi 'jig rten gyi khams snang bar byed pa dang / sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi sems can yongs su smin par byed pa dang / sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi bskal par gnas par byed pa dang / sangs rgyas kyis zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi bskal pa la sngon gyi mtha' dang phyi ma'i mthar rab tu 'jug pa dang / sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyis chos kyi sgo rnam par 'byed pa dang / sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kyi lus kun tu ston pa dang / lus re re la yang byang chub sems dpa'i 'khor sangs rgyas kyi zhing brjod du med pa bye ba khrag khrig brgya stong phrag bcu'i rdul phra rab kyi rdul snyed kun tu ston pa'i brtson 'grus rnam pa de lta bu rtsom mo/ / de yan chad byang chub sems dpa' smon lam gyi stobs can rnams smon lam khyad par can gyi rnam par 'phrul te/ de dag gi lus sam/ 'od dam/ rdzu 'phrul lam/ mig gam/ spyod yul lam/ dbyangs sam/ spyod pa 'am/ bkod pa 'am/ byin gyi rlabs sam/ mos pa 'am/ mngon par 'du byed pa dag kyang bskal pa bye ba khrag khrig brgya stong phrag bcu'i ji skad pa de snyed du yang bgrang bar sla ba ma yin no/ / kye rgyal ba'i sras 'di dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gang dag gsungs pa dang gsung ba dang / gsung bar 'gyur ba/ byang chub sems dpa'i sa bcu po de dag mdor bshad pas bstan pa ste/ rgya cher ni bskal pa grangs med mu med pas bstan kyang thug pa med par shes par bya'o/ / kye rgyal ba'i sras byang chub sems dpa'i sa bcu po de dag ni rim gyis mngon du phyogs pas rnam pa thams cad du thams cad mkhyen pa'i ye shes kyi rjes su song bar blta'o/ / kye rgyal ba'i sras 'di lta ste dper na/ mtsho chen po ma dros pa las byung ba'i 'bab chu ni glang gi rgyun gyi sgo bzhi sa 'dzam bu'i gling kun tu ngoms par byas nas kyang mi zad la/ yang rnam par 'phel te/ sems can dpag tu med pa dag la phan par gyur cing / rgya mtsho chen po'i bar du zhen par 'gyur te/ chu de ni thog ma nas mtsho chen po las mngon du phyogs pa yin no/ / kye rgyal ba'i sras de bzhin du byang chub kyi sems kyi mtsho chen po las byung ba'i dge ba'i rtsa ba'i chu yang smon lam chen po'i 'bab chu'i rgyun gyi sgo bsdu ba'i dngos po bzhis sems can gyi khams kun tu ngoms par byas nas kyang mi zad la/ yang rnam par 'phel te/ sems can dpag tu med pa dag la phan par gyur cing / rnam pa thams cad du thams cad mkhyen pa'i ye shes kyi bar gyi rgya mtsho chen po la zhen par byed de/ dge ba'i rtsa ba'i chu de ni thog ma nas thams cad mkhyen pa nyid kyi rgya mtsho chen po la mngon du phyogs pa yin no/ / kye rgyal ba'i sras byang chub sems dpa'i sa bcu po de dag ni sangs rgyas kyi ye shes la brten nas yod par gyur te/ kye rgyal ba'i sras 'di lta ste dper na/ sa chen po la brten nas ri'i rgyal po chen po'i bcu yod par gyur 'di lta ste/ ri'i rgyal po chen po gangs ri dang / spos kyi ngad ldang dang / rnam par 'dal ba dang / drang srong ri dang / gnya' shing 'dzin dang rta rna ri dang / sa 'dzin dang / khor yug dang / rtog can dang / ri'i rgyal po chen po ri rab bo// kye rgyal ba'i sras de la 'di lta ste dper na/ ri'i rgyal po chen po gangs ri ni sman gyi rnam pa thams cad kyi 'byung gnas yin te/ sman gyi rnam pa thams cad blangs pas thug par 'gyur ba med do// kye rgyal ba'i sras de bzhin du byang chub sems dpa'i sa rab tu dga' ba la gnas pa'i byang chub sems dpa' yang 'jig rten pa'i snyan dang gas dang / bstan bcos dang / gsang sngags dang / rig pa thams cad kyi 'byung gnas yin te/ 'jig rten pa'i snyan dngags dang / bstan bcos dang / gsang sngags dang / rig pa thams cad 'don pas thug par 'gyur ba med do// kye rgyal ba'i sras 'di lta ste dper na ri'i rgyal po chen po spos kyi ngad ldang ni spos kyi rnam pa thams cad kyi 'byung gnas yin te/ spos kyi rnam pa thams cad blangs pas thug par 'gyur ba med do// kye rgyal ba'i sras de bzhin du byang chub sems dpa'i sa dri ma med pa la gnas pa'i byang chub sems dpa' yang byang chub sems dpa'i tshul khrims dang sdom pa dang / spyod pa thams cad kyi 'byung gnas yin te/ byang chub sems dpa'i tshul khrims dang sdom pa dang / spyod pa thams cad kyi spos kyi thug par 'gyur ba med do// kye rgyal ba'i sras 'di lta ste dper na ri'i rgyal po chen po rnam par 'dal ba ni dngos rin po che 'ba' shig yin zhing rin po che'i rnam pa thams cad kyi 'byung gnas yin te/ rin po che'i rnam pa thams cad blang bas thug par 'gyur ba med do/ / kye rgyal ba'i sras de bzhin du byang chub sems dpa'i sa 'od byed pa la gnas pa'i byang chub sems dpa' yang 'jig rten pa'i bsam gtan dang / mngon par shes pa dang rnam par thar pa dang / ting nge 'dzin dang / snyoms par 'jug pa thams cad kyi 'byung gnas yin te/ 'jig rten pa'i bsam gtan dang / mngon par shes pa dang / rnam par thar pa dang / ting nge 'dzin dang / snyoms par 'jug pa thams cad yongs su dris pa bstan pa rnams kyis thug par 'gyur ba med do// kye rgyal ba'i sras 'di lta ste dper na/ ri'i rgyal po chen po drang srong ri ni dngos rin po che 'ba' shig yin zhing drang srong mngon par shes pa lnga dang ldan pa rnams kyi 'byung gnas yin te/ drang srong mngon par shes pa lnga dang ldan pa rnams bgrang bas thug par 'gyur ba med do/ / kye rgyal ba'i sras de bzhin du byang chub sems dpa'i sa 'od 'gro ba can la gnas pa'i byang chub sems dpa' yang lam dang lam ma yin pa gzhan gyi khyad par thams cad shes pa'i 'byung gnas yin te/ lam dang lam ma yin pa gzhan gyi khyad par thams cad shes pa yongs su dris pa bstan pa rnams kyis thug par 'gyur ba med do/ / kye rgyal ba'i sras 'di lta ste dper na/ ri'i rgyal po chen po gnya' shing 'dzin ni dngos rin po che 'ba' shig yin ning gnod sbyin rdzu 'phrul chen po dang ldan pa rnams kyi 'byung gnas yin te/ gnod sbyin rdzu 'phrul chen po dang ldan pa bgrangs pas thug par 'gyur ba med do// kye rgyal ba'i sras de bzhin du byang chub sems dpa'i sa tu sbyang dka' la gnas pa'i byang chub sems dpa' yang mngon par shes pa'i rdzu 'phrul gyi rnam par 'phrul pa dang / cho 'phrul thams cad kyi 'byung gnas yin te/ mngon par shes pa'i rdza 'phrul gyi rnam par 'phrul pa dang / cho 'phrul thams cad yongs su dris pa bstan pa rnams kyis thug par 'gyur ba med do// kye rgyal ba'i sras 'di lta ste dper na/ ri'i rgyal po chen po rta rna ri ni dngos rin po che 'ba' shig yin zhing 'bras bu'i rnam pa thams cad kyi 'byung gnas yin te/ 'bras bu'i rnam pa thams cad blang bas thug par 'gyur ba med do// kye rgyal ba'i s ras de bzhin du byang chub sems dpa'i sa mngon du gyur pa la gnas pa'i byang chub sems dpa' yang rten cing 'brel bar 'byung ba la 'jug pa bstan pa'i 'byung gnas yin te/ nyan thos kyi 'bras bu dang / mngon par rtogs pa yongs su dris pa bstan pa rnams kyis thug par 'gyur ba med do// kye rgyal ba'i sras 'di lta ste dper na/ ri'i rgyal po chen po sa 'dzin ni dngos rin po che 'ba' shig yin zhing rdzu 'phrul chen po dang ldan pa thams cad kyi 'byung gnas yin te/ rdzu 'phrul chen po dang ldan pa thams cad bgrangs pas thug par 'gyur pa med do/ / kye rgyal ba'i sras de bzhin du byang chub sems dpa'i sa ring du song ba la gnas pa'i byang chub sems dpa' yang thabs dang shes rab bstan pa'i 'byung gnas yin te/ rang sangs rgyas kyi 'bras bu dang / mngon par rtogs pa yongs su dris pa bstan pa rnams kyis thug par 'gyur ba med do// kye rgyal ba'i sras 'di lta ste dper na/ ri'i rgyal po chen po khor yug ni dngos rin po che 'ba' shig yin zhing dbang du gyur pa rnams kyi 'byung gnas yin te/ dbang du gyur pa rnams bgrang bas thug par 'gyur ba med do// kye rgyal ba'i sras d e bzhin du byang chub sems dpa'i sa mi g.yo ba la gnas pa'i byang chub sems dpa' yang byang chub sems dpa'i dbang mngon par bsgrub pa yongs su dris pa bstan pa rnams kyi 'byung gnas yin te/ 'jig rten gyi khams rnam par dbye ba yongs su dris pa bstan pa rnams kyis thug par 'gyur ba med do// kye rgyal ba'i sras 'di lta ste dper na/ ri'i rgyal po chen rtog dang ldan pa ni dngos rin po che 'ba' shig yin zhing lha ma yin rdzu 'phrul chen po dang ldan pa rnams kyi 'byung gnas yin te/ lha ma yin rdzu 'phrul chen po dang ldan pa bgrangs pas thug par 'gyur ba med do/ / kye rgyal ba'i sras de bzhin du byang chub sems dpa'i sa legs pa'i blo gros can la gnas pa'i byang chub sems dpa' yang sems can gyi 'jug pa dang ldog pa thams cad shes pa'i spyod pa'i 'byung gnas yin te/ 'gro ba thams cad kyi 'byung ba dang / 'jig pa yongs su dris pa bstan pa rnams kyis thug par 'gyur ba med do// kye rgyal ba'i sras 'di lta ste dper na/ ri'i rgyal po chen po ri rab ni dngos rin po che 'ba' shig yin zhing lha rdzu 'phrul chen po dang ldan pa rnams kyi 'byung gnas yin te/ lha rdzu 'phrul chen po dang ldan pa bgrangs pas thug par 'gyur ba med do/ / kye rgyal ba'i sras de bzhin du byang chub sems dpa'i sa chos kyi sprin la gnas pa'i byang chub sems dpa' yang de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa rnams kyi 'byung gnas yin te/ sangs rgyas kyi 'phrin las yang dag par bstan pa yongs su dris pa bstan pa rnams kyis thug par 'gyur ba med do/ / kye rgyal ba'i sras 'di lta ste dper na/ rin po che'i ri de dag gis kyang rgya mtsho chen po smras la rgya mtsho chen pos kyang rab tu phye ba'o/ / kye rgyal ba'i sras de bzhin du byang chub sems dpa'i sa bcu po 'di dag gis kyang thams cad mkhyen pa nyid smos la/ thams cad mkhyen pa nyid kyis kyang rab tu phye ba'o/ / kye rgyal ba'i sras 'di lta ste dper na/ rgya mtsho chen po ni rnam pa bcus mi 'phrogs pa'i grangs su 'gro ste/ bcu gang zhe na/ 'di lta ste/ dgas kyis gzhol ba dang / shi ba'i ro dang mi gnas pa dang / chu gzhan gyi grangs spangs pa dang / ro gcig pa dang / rin po che mang ba dang / zab cing ting dpag dka' ba dang / yangs shing tshad med pa dang / 'byung po chen po'i gnas su gyur pa dang / dus chad pa las mi 'da' ba dang / sprin chen po'i char thams cad kun tu 'dzin pas mi ngoms pa'o// kye rgyal ba'i sras de bzhin du byang chub sems dpa'i spyod pa yang rnam pa bcus mi 'phrogs pa'i grangs su 'gro ste/ bcu gang zhe na/ 'di lta ste/ byang chub sems dpa'i sa rab tu dga' ba la smon lam chen po rims kyis mngon par bsgrubs pas gzhol ba dang / byang chub sems dpa'i sa dri ma med pa la 'chal pa'i tshul khrims kyi shi ba'i ro dang mi gnas pa dang / byang chub sems dpa'i sa 'od byed pa la 'jig rten pa'i gdags pa'i grangs spangs pa dang / byang chub sems dpa'i sa 'od 'gro can la sangs rgyas lad/ pa mi byed pa ro gcig pa dang / byang chub sems dpa'i sa shin tu sbyang dka' la thabs dang mngon par shes pa tshad med pas 'jig rten gyi bya ba mngon par bsgrub pa'i rin po che mang ba dang byang chub sems dpa'i sa mngon du gyur pa la rten cing 'brel par 'byung ba la rab tu rtogs pas zab pa dang / byang chub sems dpa'i sa ring du song ba la blos rab tu rnam par 'byed pa la mkhas pa yangs shing tshad med pa dang / byang chub sems dpa'i sa mi g.yo ba la bkod pa chen po mngon par bsgrub pa kun tu bstan pas 'byung po chen po'i gnas su gyur pa dang / byang chub sems dpa'i sa legs pa'i blo gros can la rnam par thar pa zab mos 'gro ba'i spyod pa ji lta ba bzhin du khong du chud pas dus chad pa las mi 'da' ba dang / byang chub sems dpa'i sa chos kyi sprin la de bzhin gshegs pa'i chos kyi snang ba'i sprin gyi char thams cad kun tu 'dzin pas mi ngoms pa'o// kye rgyal ba'i sras 'di lta ste dper na/ nor bu rin po che chen po gang gi tshe rin po che'i rigs bcu las shin tu 'das/ mngon par spags par gyur/ mgar ba mkhas pas legs @par bsregs/ legs par bac+doMs/ legs par sbyangs/ legs par byi dor byas te/ legs par phug cing / rin po che'i skud pas legs par btags la/ nor bu rin po chebai DUR+Ya'i rgyal mtshan gyi yu ba mthon po'i rtse mo la btags te/ thams cad 'od rab tu 'byung zhing rgyal pos bsngags par gyur pa de'i tshe sems can thams cad kyis rin po che thams cad bsdu bar bya bar nye bar gnas pa yin no/ / kye rgyal ba'i sras de bzhin du gang gi tshe/ byang chub sems dpa' rnams kyi thams cad mkhyen pa nyid kyi sems rin po che bskyed pa/ 'phags pa'i rigs bcu la sa shin tu 'das pa bskyed par gyur/ sbyangs pa'i yon tan dang / yo byad bsnyungs pa dang / tshul khrims dang / brtul zhugs dang / dka' thub kyis legs par bsregs/ bsam gtan dang / ting nge 'dzin dang / snyoms par 'jug pas legs par bcos lam gyi yan lag gi rnam pas legs par sbyangs/ thabs dang mngon par shes pas legs par byi dor byas te/ rten cing 'brel par 'byung bas legs par thug cing thabs dang shes rab rin po che sna tshogs kyi srad bus legs par btags la/ dbang gi nor bu rin po che chen po bai DUR+Ya'i rgyal mtshan gyi yu ba'i rtse mo la btags te/ sems can gyi spyod pa thams cad rab tu brtags pa dang / thos pa'i shes pa'i 'od rab tu 'byung bar gyur la/ de bzhin gshegs pa chos kyi rgyal pos yang dag par rdzogs pa'i sangs rgyas kyi ye shes dbang bskur bas dbang bskur bar gyur pa de'i tshe/ sems can thams cad kyis sangs rgyas kyi mdzad pa rin po che thams cad bsdu bar bya bar nye bar gnas pa yin te/ de'i tshe thams cad mkhyen pa zhes kyang bya'o// kye rgyal ba'i sras byang chub sems dpa' spyod pa yang dag par bsgrub pa rnam pa thams cad du thams cad mkhyen/ pa'i ye shes kyi yon tan bsogs pa'i chos kyi sgo'i le'u 'di ni sems can dge ba'i rtsa ba ma bskyed pa rnams kyi rna lam du grag par mi 'gyur ro// byang chub sems dpa' rnam par grol ba'i zla bas smras pa/ kye rgyal ba'i sras rnam pa thams cad du thams cad mkhyen pa'i ye shes kyi yon tan bsogs pa'i chos kyi sgo'i le'u 'di gang dag gi rna lam du grag par gyur pa de dag bsod nams kyi tshogs ji tsam zhig dang ldan par 'gyur/ byang chub sems dpa' rdo rje'i snying pos smras pa/ kye rgyal ba'i sras thams cad mkhyen pa'i ye shes kyis bsdus te/ dmigs pa'i bsod nams kyi tshogs ji snyed par rnam pa thams cad du thams cad mkhyen pa'i ye shes kyi yon tan bsogs pa'i chos kyi sgo'i le'u 'di'i bsod nam/ kyi cho gas mngon par phyogs pa yang de tsam du shes par bya'o// de ci'i phyir zhe na/ kye rgyal ba'i sras rnam pa thams cad du thams cad mkhyen pa'i ye shes kyi yon tan bsogs pa'i chos kyi sgo'i le'u 'di ni byang chub sems dpa' ma yin pas mnyan pa 'am/ mos par bya ba 'am/ gzung bar yang mi nus na bsgom pa'i rnam pa'i sbyor bas brtson par bya ba lta smos kyang ci dgos/ kye rgyal ba'i sras de bas na gang chos kyi sgo'i le'u 'di thos te/ thos nas kyang mos pa dang / mos nas kyang 'dzin pa dang / bsgom pa'i rnam pas sbyor ba de dag ni thams cad mkhyen pa'i ye shes kyi sgo dang ldan par shes par bya'o// de nas de'i tshe sangs rgyas kyi mthu dang / chos nyid thob pas phyogs bcu'i 'jig rten na sangs rgyas kyi zhing bye ba phrag bcu'i rdul rab kyi rdul snyed kyi 'jig rten gyi khams rnam pa drug dang / ltas chen po bco brgyad du g.yos/ rab tu g.yos/ kun tu rab tu g.yos so// 'gul rab tu 'gul/ kun tu rab tu 'gul to// ldeg rab tu ldeg/ kun tu rab tu ldeg go/ 'khrugs rab tu 'khrugs/ kun tu rab tu 'khrugs so/ / bur 'ur/ rab tu 'ur 'ur/ kun tu rab tu 'ur 'ur ro// chem chem/ rab tu chem chem/ kun tu rab tu chem mo// sangs rgyas kyi mthu dang / chos nyid thob pas lha'i me tog gi 'phreng ba'i sprin gyi char mngon par bab bo// lha'i gos kyi sprin dang / lha'i rin po che'i sprin dang / lha'i rgyan gyi sprin dang / lha'i gdugs kyi sprin dang / lha'i rgyal mtshan gyi sprin dang / lha'i ba dan gyi char mngon par bab bo// lha'i rol mo'i sprin dang / pheg rdob pa dang / glu dbyangs kyi sprin gyi char mngon par bab bo/ / lha'i las shin tu 'das pa thams cad mkhyen pa nyid kyi sa la mngon par stod pa'i glu dbyangs kyi sprin gyi sgra grag go// gling bzhi pa'i 'jig rten gyi khams gzhan 'phrul dbang byed kyi gnas su lha'i dbang po dbang sgyur gyi gzhal med khang gi nor bu rin po che'i snying po'i khang pa na ji lta ba bzhin du/ 'jig rten gyi khams thams cad du yang chos bstan pa 'di phyogs bcu mtha' yas par byung bar gyur to/ / sangs rgyas kyi mthus phyogs bcu nas byang chub sems dpa' sangs rgyas kyi zhing bye ba phrag bcu'i rdul phra rab kyi rdul snyed kyi phyogs bcu rgyas par 'gengs shing lhags te/ lhags nas kyang 'di skad ces kye rgyal ba'i sras de ltar khyod kyis byang chub sems dpa'i chos nyid brjod pa 'di legs so/ legs so// kye rgyal ba'i sras bdag cag kyang rdo rje'i snying po zhes bya bar mtshan mthun pa sha stag ste/ 'jig rten gyi khams rdo rje'i dpal zhes bya ba dag nas/ de bzhin gshegs pa'i mtshan rdo rje'i rgyal mtshan zhes bya ba dag gi drung nas 'dir lhags te/ 'jig rten gyi khams de dag thams cad na yang sangs rgyas kyi mthus 'khor rnam pa 'di 'dra bdag la tshig 'di dag nyid dang / yi ge 'di dag nyid dang / khong du chud par byed pa 'di dag nyid dang / don 'di dag brjod pa dag gis chos bstan pa 'di nyid lhag chad med par byung bar gyur to// kye rgyal ba'i sras bdag cag kyang dbang du gyur pa sha stag sangs rgyas kyi mthus 'khor 'dir phyin te/ kye rgyal ba'i sras 'jig rten gyi khams 'dir bdag cag ji ltar phyin pa bzhin du/ phyogs bcu'i ' jig rten gyi khams thams cad kyi gling bzhi pa 'jig rten gyi khams re re'i gzhan 'phrul dbang byed kyi gnas su lha'i rgyal po dbang sgyur gyi gzhal med khang gi nor bu rin po che'i snying po'i khang par yang sangs rgyas kyi zhing bye ba phrag bcu'i rdul phra rab kyi rdul snyed kyi byang chub sems dpa' phyin par gyur to zhes zer ro/ / de bzhin gshegs pas gnang ste/ byang chub sems dpa' sems dpa' chen po/ / rdo rje'i snying pos de skad ces smras nas// thams cad dang ldan pa'i byang chub sems dpa'i 'khor de dang / lha dang klu dang / gnod sbyin dang / lha ma yin dang / brgya byin dang / tshangs pa dang / 'jig rten skyong ba dang / dbang phyug chen po dang / gnas gtsang ma pa'i 'khor de dang / bcom ldan 'das mngon par rdzogs par sangs rgyas nas/ ring po ma lon pas zhag bdun pa gnyis pa'i tshe/ gzhan 'phrul dbang byed kyi lha'i nang na/ lha'i rgyal po dbang sgyur gyi gzhal med khang na nor bu rin po che'i snying po'i khang pa na bzhugs pa yang thugs mi rangs te/ byang chub sems dpa' sems dpa' chen po rdo rje'i snying pos bshad pa la mngon par bstod do// 'phags pa sa bcu pa zhes bya ba theg pa chen po'i mdo rdzogs so//

CLOSE WINDOW