/ rgya gar skad du/ shrI dz+nyA na mA le tan+ta rA dza/ bod skad du/ dpal ye shes 'phreng ba'i rgyud kyi rgyal po/ dpal rdo rje sems dpa' la phyag 'tshal lo// kye lags gsang bdag rdo rje 'dzin// gsang ba bla na med pa yi// lta ba zhes pa gang zhig lags// spyod pa gang dang gang lags pa// gtso bos bdag la za shad du gsol// bcom ldan 'das kyis bka' stsal pa/ lta ba shes rab pha rol phyin// gdod nas spros bral lhun gyis grub// rang gis ye shes dbyings na gsal// ma rig mun pas bsgribs pa med// shes rab snying po rtser byung ba// lta ba kun gyi yang rtse yi// don dam rang rig ye shes la/ / blang ba med cing dor ba med// dman dang gya nom gnyis ka med// sgom pa po med bsgom bya med// dmigs med gnas su snying rje dang // dmigs med gnas su shes rab gnyis// blo dang lhan cig gcig gyur pa/ / nam mkha' nam mkha'i rang bzhin no// rang rig ye shes gang 'dod pas// mtshan ma'i rnam rtog sgom pa min// dman pa rnams la skur mi gdab// de nyid la yang sgro mi gdags// dang por bskal par bsgoms pa dang / / rang rig skad cig thob pa nyid// brgya stong la sogs char mi phod// dpe dang bgrang bar mi nus te// dper na mtsho dang rlabs rjes bzhin// dngos po bsgom pa sgom pa min// dngos dang dngos med ro mnyam na/ / ma bsgoms na yang sgom pa nyid// sgom dang mi sgom gnyis ka med// 'od gsal de la sems zin na// gzung 'dzin dgra yi dpung rnams 'joms// phyogs bcu 'jig rten khams bcas pa'i// dpa' bo mkha' 'gro mchod pa'i gnas/ / rab kyis mnyam gzhag rjes thob spang // 'bring gis rjes thob stong par blta// tha mas rjes thob sgyu mar blta// seng ge lta bu'i lha spyod ni// bzhi pa yin par nga sri gsungs/ / de nas spyod pa'i rgyal po bshad// spyod pa rnam pa gsum yin te// kun tu bzang po 'bu su ku// a ba d+hU tI gsum yin no// spyod pa'i dus dang gnas dang zas// gang zag dang ni dbye ba dang // ngo bo dang ni tshad dang yang / thabs dang dgongs pa dgongs pa dang // mkhas pas kun la sbyar bar bya// sangs rgyas rigs dang rdo rje'i 'ogs// rin chen rigs dang pad+ma'i rigs// las kyi rigs dang spyod pa lnga/ kun tu bzang po'i spyod pa yin// sdom pa gsum la gnas pa dang // dkon mchog gsum ni 'dzin pa dag/ sangs rgyas kyi ni mchog gi spyod// rdo rje dril bu phyag rgya 'dzin// bla ma 'dzin pa rdo rje'i spyod// dam tshig yid 'ong dus bzhi ru/ / sbyin pa rnam bzhi rin chen spyod// theg pa gsum dang dam chos 'dzin// pad+ma gar gyi spyod pa yin// dam tshig thams cad ldan pa dang // ma grol la sogs dgrol ba yin// rnga yi rgyal po'i spyod pa ni// za banya ba 'chag pa gsum/ / rnal 'byor chen pos gnas bya ste// g.yeng ba g.yeng ba spong ba ni// 'bu su ku yi spyod pa'o// rgyan 'chang ba dang bdud rtsi myang // phyag rgya bsten dang rnam pa gsum// a ba d+hU tI'i spyod pa ste// rgyan la drug ste phyag rgya lnga/ / bdud rtsi bcu ste mi gtsang bas// mi gtsang 'khrung pa'i spyod pa'o// gnas ni kha na mo tho med// phyi nang g.yeng med gnas yin no// rtog pa 'joms paslob pa'i dus// grub na rdzu 'phrul ston pa'i dus thabs ni gzhan gyis mthong ba dang / / sgro dang skur pa med pa'o// dgongs pa mnyen pa'i stobs yin te// rnyed dang bkur sti grags pa dang // zug rngu'i kha zas ma yin te// bla ma'i dus thabs legs bsten thang // kha zas rnam rtog chung ba yi// las dang po yis bya bar gsungs// dbye ba gsum dang bye brag ni// gong du gsungs pa kho na'o// ngo bo rtog med sems de nyid// gtsang sme 'gags dang sprul pa ston// 'di nyid grub pa'i tshad yin no/ / dgos pa la yang gnyis yod de// gtsang sme spangs pa'i dgos pa las// gos pa dngos la rnam pa bzhi// rang sems brtan g.yo brtag pa dang // phyag rgya khyad par 'chol ba dang // nges 'dul gang zag gzhug pa dang / / mi mos skur pa dag pa'o// gsang sngags rgyal po'i lha spyod kyis// 'khor gyi dpa' bo mkha' 'gro tshogs// dus dang brgyal dang 'gyel gyur pas// dbugs dbyung ba yi ting 'dzin gyis/ / thams cad dran pa slar rnyed nas// thams cad mgrin gcig 'ad skad gsol// dngos po ro mnyam gyur pa yi// lta ba 'di yang ngo mtshar che// g.yeng bas g.yeng ba spong ba yi// spyod pa 'di yang ngo mtshar che// chos rnams spong bar ro mnyam na// lha dang mi lhag la yod// gtsang sme bdud rtsi ro gcig la// spyod dang mi spyod ga la yod// dbang bskur ba dang rdo rje 'dzin/ / mnyam gzhag rjes thob ga la yod// thams cad sems kyi ngo bo la// gzung dang 'dzin pa ga la yod// 'jigs byed chen pos bka' stsal pa// 'khor ba thog ma med pa nas// @##// lhan cig skyes pa'i bsgribs g.yogs kyis// rin chen sems ni dra can byas// zla ba rab rib sel byed de// mig gis rang gi rdul ma mthong // sems kyi de nyid martogs par/ / tha dad gzung 'dzin sna tshogs 'dzin// de phyir lta ba'i rgyal po bstan// mi shes pa yi rab rib kyis// bdud rtsi'i de nyid ma shes te// gtsang dang mi gtsang la sogs brtags/ / de phyir spyod pa'i rgyal po bstan// gnas pa'i rkyen dang g.yeng ba'i rkyen// de phyir zung 'jug rgyal po bstan// rkyen dang dbang po rab 'bring gis// mnyam gzhag rjes thob rgyal po bstan/ / mi shes pa yi rab rib kyis// 'khrul pas gzung 'dzin gnyis su brtags// de phyir sems kyi rgyal po bstan// lha spyod 'di la nan tan gyis de nas thams cad dga' zhing mgu nas yi rangs te/ / phyi nang gi mchod pas mchod nas mi snang bar gyur to// dpal ye shes 'phreng brgyad kyi rgyal po lho spyod zung du 'jug pa rdzogs so/

CLOSE WINDOW