saM puHnA ma mahA tan+ta/ bod skad du/ yang dag par sbyor ba zhes bya ba'i rgyud chen po/ rdo rje mkha' 'gro la phyag 'tshal lo// 'di skad bdag gis thos pa dus gcig na/ bcom ldan 'das dpa gshegs pa thams cad kyi sku dang / gsung dang / thugs kyi snying po rdo rje btsun mo'i b+ha ga la bzhugs so// de nas yang bcom ldan 'das kyis rnal 'byor gyi dbang phyug bye ba phrag brgyad cu'i nang nas rdo rje snying bo la gzigs te 'dzum pa mdzad do/ / 'dzum pa mdzad ma thag tu de'i tshe rdo rje snying po stan las langs te/ bla gos phrag pa gcig tu byas nas/ pus mo g.yas pa'i lha nga sa la btsugs te/ thal mo sbyar ba byas nas/ bcom ldan 'das la 'di skad ces gsol to// ye shes kyi dbang po rgyud thams cad kyi gleng gzhi'i gsang ba yang dag par sbyor ba las byung ba'i mtshan nyid nyan par 'tshal lo// e ma'o/ / rdo rje snying po legs so legs so// snying rje chen po legs so legs so// byang chub sems dpa' chen po yon tan gyi phung po legs so legs so// gang zhig rgyud thams cad du gsang ba de thams cad 'dod pas zhus shig/ de nas rdo rje snying po la sogs pa'i byang chub sems dpa' chen po de rnams rab tu 'dzum zhing mig phye bas phyag btsal te/ rang gi the tshom yang dang yang du zhus pa/ rgyud ni thams cad ci zhes brjod/ / gleng gzhi yang ni ji ltar lags// 'di la gsang ba ci zhes gsungs// ji ltar yang dag sbyor byung ming // de la mtshan nyid ji ltar lags// bcom ldan 'das kyis bka' stsal pa/ rgyud thams cad ni rgyud thams cad do/ / rgyud thams cad kyi sgras ni 'dus pa la sogs pa'o// de rnams kyi gleng gzhi ni byung bar nges pa zhes bya ba'i don to// khyab 'jug dang / dbang phyug chen po dang / tshangs pa dang / nyan thos dang / rang sangs rgyas rnams kyi spyod yul ma yin pa'i phyir gsang ba'o// yang dag par sbyor ba ni thabs dang shes rab kyi bdag nyid can no// de las byung ba ni yang dag par sbyor ba'i ting nge 'dzin ces bya ba'i don to/ / 'byung ba ni skye ba ste/ de ltar gnas pa dang g.yo ba'i dngos po'i rang bzhin gyi bdag nyid can du gyur pa'o// mtshan nyid ces bya ba ni 'dis mtshon par byed pa'o// yang na rgyud thams cad kyi gleng gzhi yang dag par sbyor ba las byung ba zhes bya ba'i sgras ni rdo rje sems dpar gsungs so/ / gsong ba zhes bya ba 'di ni man ngag can gyi sngags btu ba dang / dkyil 'khor gyi lha la sogs pa'i mtshan nyid do/ / thabs dang shes rab bdag nyid rgyud// de ni nga yis bshad kyis nyon// dang por stong nyid bsams pas ni// lus can rnams kyi dri ma bkru// gzugs kyi khams ni stong pa yi/ / sgra la de nyid kyis ni bya// dri yi khams ni stong pa yis// rol de nyid kyis ni bya// reg bya'i khams ni stong pa yi// yid la de nyid kyis ni bya// rdo rje snying pos gsol pa/ mig gi rang bzhin stong pa yi/ / nang du rnam shes ji ltar lags// rna ba'i rang bzhin stong pa yi// nang du rnam shes ji ltar lags// sna yi rang bzhin stong pa yi// nang du rnam shes ji ltar lags// lce yi rang bzhin stong pa yi/ / nang du rnam shes ji ltar lags// lus kyi rang bzhin stong pa yi// nang du rnam shes ji ltar lags// yid kyi rang bzhin stong pa yi// dbus su rnam shes ji ltar lags// de phyir gzugs med lta ba med/ / sgra med thos pa po yang med// dri med snom pa po yang med// ro med myong ba po yang med// reg med reg pa po yang med// sems med sems las byung ba'ang med// bcom ldan 'das kyi/ bka' stsal pa/ gnyis med gnyis ni rnam spangs pa'i// de nyid lam ni ji bzhin nyon// rtog ge med cing rnam shes med// de bzhin rtog ge pas mi rtogs// sangs rgyas kun gyi gsang ba ni/ / nam mkha' lta bur mnyam pa nyid// nyan thos rnams kyis mi shes te// mi shes pa yi mun pas bsgribs// bag chags sad pa'i ye shes gang // rang rgyal rnams kyi sprul pa'o// sa ba sangs rgyas spyod yul nyid/ / de rnams kun gyis mi shes so// 'khor ba'i rgya mtsho'i 'jigs pa las// rgal bar 'gro ba'i sems kyis ni// lus kyi dbus su bskor ba yi// rgal ba mtshon par gsung ba ste/ / rnam shes ye shes sems kyis ni// mtshan nyid mtshan gzhi mtshon par byed// ye shes kyis ni shes bya ba lta// shes bya rnams kyis 'gro ba brtag/ 'gro ba brtag pa'i sems kyis ni// ji ltar rang 'dod la sogs 'gro// 'gro bar sngon gyi skye ba ni// stong phrag du ma dag tu 'gro// yo gis sngar gsungs mtshan nyid kyis// mnyam nyid stong par bsam nas ni// lus kyi stong pa'i zhing sogs la/ / blo dang ldan pas sa bon gdab// rtsa yi mdzes spyi las byung ba// de ni rdul bral rab tu grags// dag pa'i shel gyi 'od dang mnyam// byang chub sems ni 'od gsal ba// ye shes lnga yi dngos de nyid/ / yungs kar gyi ni sbom phra tsam// de yi nang du gnas pa'i lha// mi gsal gsal ba'i rang bzhin can// ma mo phyed pa mchog tu phra// thig le'i gzugs ni yid kyi dngos// snying gi dbus su rtag gnas shing / / 'od zer ldan zhing gzi brjid che// bcu gnyis mtha' dang dgu yi mthar// rkang mthil mgo bo med par ni// thag pa gcig ni rnam phyung nas// lte ba'i dbus su rnam par gnas/ / cha ni lnga pa tsam nyid ni// klu dbang dbyibs su rgyas pa la// de yi cha yang phyed nas ni// rdo rje'i dbus su rnam phyung ste// skye gnas dbus su sa bon gnas// chos dbyings khu bar byas nas ni/ / sgo ni dgu po thams cad du// de ni rim pas 'pho bar 'gyur// de bzhin me ni tshangs pa'i dngos// sa yi sa bon gnyis kyis ni// mig la de nyid sbyar bar bya// rlung gi sbyong sogs sa bon gyi/ / sems kyis sna dang rna ba sogs// bdud rtsi chu yi sa bon lce// dbang por gtso bo dbang phyug nyid// mgrin par gti mug sa bon te// lag par nyon mongs de bzhin no// g.yo ba snying gi gnas rnams su// phyugs bdag lte ba'i rtsa bar ni// yan lag brgyad kyi sa bon gyis// yan lag brgyad kyi tsho gas 'dzin// brtan sogs g.yo bar bcas pa yi// 'gro ku/ khyab par byed pas khyab// tshangs sogs lha dang lha min ni// de yi gdan du gyur pa yi// gang la gtso bo spyod gyur pa'i// khyim ni b+ha ga zhes su gsungs// ji srid lus la rnam gnas pa// de yi lwa dang las min 'gyur/ / dge dang mi dge'i las cung zad// byas pa'i las ni thams cad byed// rnal 'byor mnyam pa nyid du gsungs// rab tu sbyor ba sgom pa yin// gang tshe las kyis lus bcom pa/ da ltar lha ru 'gyur ba yin// gang gis brtan dang g.yo khyab pa// des ni de tshe rang gis nus// nam mkha' lta bur mnyam nyid ni// de yi kha dog shes par bya// mya ngan 'das gnas dpa' bo ni/ / gos pa med cing dri ma spangs// ma dang sring mo nyid dang yang // bu mo de bzhin gnyen mo dang // bram ze mo dang rgyal rigs dang // rje'u mo de bzhin dmangs mo dang gar ma chos ma g.yung mo dang / / de bzhin du ni gdol pa mo// thabs dang shes rab cho ga yis// de nyid sdug pas mchod par bya// ji ltar bye bar mi 'gyur bar// rab tu 'bad pas sten par bya/ ma gsang sbrul dang chom rkun sogs// sa la spyod pa sdug bsngal byed// rigs kyi dbye bas phye nas ni// phyag rgya rnam pa lngar ni gsungs// bram ze skye gnyis rigs skyes ma// de bzhin gshe// pa nyid du gsungs// rgyal rigs ma ni rgyal po'i rus// rma bya zla sogs rigs las skyes// rdo rje bdud rtsi zhes byar grags// rje'u mo ba glang skyong ba ste// las kyi rigs las skyes par gsungs/ / dmangs mo yang ni zan mo ste// rnam par snang mdzad chen por gsungs// gar ma pad+ma'i rigs nyid de// chos ma de bzhin las kyi rigs// g.yung mo rdo rje'i rigs su bshad// rin chen gdol pa mor shes bya// phyag rgya lngar ni rnam par nges// 'di rnams de bzhin gshegs pa'i rigs// mdor bsdus pas ni brjod par bya// dpal ldan de bzhin nyid gshegs shing de bzhin slar yang gshegs pa nyid/ / 'dis ni shes rab rig pas ni// de bzhin gshegs par mngon par brjod// rigs ni rnam pa lnga ru gsungs// rigs ni brgya dang mtha' yas dang // sku gsung thugs kyi dasnre yis/ / phyi nas rnam pa gsum du 'gyur// rigs dang 'byung ba lnga rnams dang // phung po lnga yi rang bzhin gyis// rdo rje rin chen pad nor bu// 'dzin pa'i rim pa'i rigs rnam so/ / sgom pa po med bsgom bya med// sngags med lha yang yod ma yin// spros pa med pa'i rang bzhin las// sngags dang lhar ni yang dag gnas// rnam snang mi bskyod don yod dang // rin chen dpag med sems dpa' 'o/ / tshangs pa khyab 'jug zhi ba dang // thams cad sangs rgyas de nyid brjod// tshangs pa sgrib bral sangs rgyas nyid// 'jug phyir khyab 'jug brjod par bya// zhi ba rtag tu dge ba ste/ / thams cad kun gyi bdag nyid gnas// dam pa'i bde bas de nyid de// dga' ba rtogs phyir rnam sangs rgyas// gang phyir lus las byung ba'i phyir// lha zhes mngon par brjod par bya/ / 'dri la b+ha ga mnga' ba'i phyir// bcom ldan 'das zhes brjod par bya// b+ha ga rnam pa drug tu brjod// dbang phyug la sogs yon tan kun// yang na nyon mongs la sogs pa/ 'joms pa'i phyir ni bcom ldan 'das// gang phyir skye 'gro bskyed pa'i phyir// shes rab ma zhes brjod par bya// gang phyir bskal ba ston pa'i phyir// shes rab de nyid sring mo nyid// shes rab chos mar brjod pa ni/ / sems can thams cad 'tshed pa'i phyir// btso blag ma zhes de bzhin brjod// yon tan 'jo bar gsungs pa'i phyir// shes rab bu mor brjod par bya// snyi rje chen pos g.yo ba'i phyir/ / shes rab gar mar brjod par bya// gang phyir bcom ldan mi reg pa// de phyir g.yung mor brjod par bya// A li kA li rab smras pas// bzlas pa smra bar yang dag bshad/ / rkang pa'i rjes ni dkyil 'khor yin// nyed phyir dkyil 'khor brjod par bya// lag pa bsgyur ba phyag rgya yin// sor mo nyed pa'ang de bzhin no// gang phyir rnam sems bsam gtan ni gang sems de ni bsam gtan ni/ / pha las bde ba gang thob pa// de yi bde ba rang gis brdal// bde ba gang gis 'ching ba 'dir// de yi bde ba bsam gtan brjod// brjod par bya ba dang rjod par byed pa'i byang chub kyi sems bskyed pa la sogs pa'i sgom pa'i de kho na'i rab tu byed pa ste dang po'o/ / / de nas byang chub kyi phyogs kyi chos sum cu rtsa bdun bshad par bya'o// nang gi lus dang / phyi'i lus dang / phyi nang gnyis ka'i lus la lus kyi rjes su lta zhing gnas pa'i phyir yang dag par rab tu shes te/ ma rig pa la sogs pas yid gnyis su gyur pa'i 'dul ba'i 'jig rten la dran pa dang ldan pa'o/ / nang gi tshor ba dang // phyi'i tshor ba dang / phyi nang gnyis ka'i tshor ba rnams la tshor ba'i rjes su lta zhing gnas pa'i phyir yang dag par rab tu shes te/ ma rig pa la sogs pabs yid gnyis su gyur pa'i 'dul ba'i 'jig rten la dran pa dang ldan pa'o/ / nang gi chos rnams dang / phyi'i chos rnams dang / phyi nang gnyis kyi chos rnams la chos kyi rjes su lta zhing gnas pa'i phyir yang dag par rab tu shes te ma rig pa la sogs pas yid gnyis su gyur pa'i 'dul ba'i 'jig rten la dran pa dang ldan pa'o/ / nang gi sems dang / phyi'i sems dang / phyi nang gnyis kyi sems la sems kyi rjes su lta zhing gnas pa'i phyir yang dag par rab tu shes te/ ma rig pa la sogs pas yid gnyis su gyur pa'i 'dul ba'i 'jig rten la dran pa dang ldan pa de 'di rnams ni dran pa nye bar gzhag pa bzhi'o/ / sdig pa mi dge ba'i chos ma skyes pa rnams mi skyed pa'i phyir 'dun pa skyed do// 'bad do// brtson 'grus rtsom mo// sems rab tu 'jug go// smon lam yang dag par 'debs so// sdig pa mi dge ba'i chos skyes pa rnams spang ba'i phyir 'dun pa skyed do// 'bad do// brtson 'grus rtsom mo// sems rab tu 'jug go/ smon lam yang dag par 'debs so/ / dge ba'i chos ma skyes pa rnams bskyed pa'i phyir 'dun pa skyed do// 'bad do// brtson 'grus rtsom mo// sems rab tu 'jog go// smon lam yang dag par 'debs so/ de ltar dge ba'i chos skyes pa rnams gnas par bya ba'i phyir/ thabs tshad med pa bsgoms pas yongs su gang ba'i phyir/ yongs su gang bar gyur pas bsgom pa dam pa 'phel bar bya ba'i phyir/ 'dun pa skyed do// 'bad do// brtson 'grus rlom mo// sems rab tu 'jog go// smon lam yang dag par 'debs so// 'di rnams ni yang dag par spong ba bzhi'o// 'dun pa'i ting nge/ 'dzin spong ba'i 'du byed dang ldan pa'i rdzu 'phrul gyi rkang pa bsgom par bya ste/ bye brag byed pas nges par 'byung ba dang / 'dod chags dang bral bas nges par 'byung ba dang / 'gog pas nges par 'byung ba dang / rnam par byang bar gyur pas bdag gi 'dun pa nub par 'gyur zhing shin tu rab tu 'jog pa ma yin pa'o/ / brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa bsgom par bya ste/ bye brag phyed pas nges par 'byung ba dang / 'dod chags dang bral bas nges par 'byung ba dang / 'gog pas nges par 'byung ba dang / rnam par byang bar gyur pas bdag gi brtson 'grus nub par gyur cing shin tu rab tu 'jog pa ma yin pa'o/ / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa bsgom par bya ste/ bye brag phyed pas nges par 'byung ba dang / 'dod chags dang bral bas nges par 'byung ba dang / 'gog pa nges par 'byung ba dang / rnam par byang bar gyur pas bdag gi dpyod pa nub par 'gyur zhing / shin tu rab tu 'jog pa ma yin pa'o// sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa bsgom par bya ste/ bye brag phyed pas nges par 'byung ba dang / 'dod chags dang bral bar nges par 'byung ba dang / 'gog pas nges par 'byung ba dang / rnam par byang bas nges par 'byung bas bdag gi sems nub par 'gyur zhing shin tu rab tu 'jog pa ma yin pa'o/ / 'di rnams ni rdzu 'phrul gyi rkang pa bzhi ste/ 'dod par spyod pa dang bcas pa'o// 'jig rten pa'i yang dag pa'i lta ba la dad par byed de/ rang gi las kyi rnam par smin pa la so sor yid ches par gyur pa gang zhig de ltar las byed par 'gyur ba dge ba 'am/ sdig pa de dang de'i las kyi rnam par smin par so sor nyams su myong bar 'gyur ba'i phyir de ni 'tsho ba'i rgyur yang sdi pa'i las mngon par 'du mi byed pa'o/ / 'di ni dad pa'i dbang por gsungs so// gang zhig chos rnams la dad pa'i dbang pos rab tu 'jog par byed pa'i chos rnams la brtson 'grus kyi dbang pos shes par byed do/ / 'di ni brtson 'grus kyi dbang por gsungs so// gang zhig chos rnams la brtson 'grus kyi dbang pos shes pa de'i chos rnams ni dran pa'i dbang pos rab tu 'jog par byed do// 'di ni dran pa'i dbang por gsungs so/ / gang zhig chos rnams la dran pa'i dbang pos rab tu 'jig par mi byed pa de'i chos rnams ni ting nge 'dzin gyi dbang pos rtse gcig tu byed pa'o// 'di ni ting nge 'dzin gyi dbang por gsungs so/ gang zhig chos rnams la ting nge 'dzin gyi dbang pos rtse gcig tu byed pa de'i chos rnams ni shes rab kyi dbang pos so sor rig pa ste/ de ni chos de dang de rnams la so sor rtog pa skye bar 'gyur ro// 'di mi shes rab dbang por gsungs so/ / dbang po lnga po 'di rnams 'phel ba ni stobs lngar 'gyur te/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stong / 'di rnams ni stobs lnga'o// de la byang chub kyi yan lag bdun gang zhe na/ 'di lta ste/ dran pa yang dag byang chub kyi yan lag dang / chos rab tu rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lags btang snyoms yang dag byang chub kyi yan lag ste/ bye brag phyed pas nges par 'byung ba dang / 'dod chags dang bral bas nges par 'byung ba dang / 'gog pas nges par 'byung ba dang / kun nas nyon mongs pa dang bral ba dang / chos rab tu 'byed pa ni byang chub kyi yan lag bdun la sogs pa bsgom pa'o// de la 'phags pa'i lam yan lag brgyad pa gang zhe na/ yang dag pa'i lta ba ni/ gang zhig 'jig rten la 'das pa ste/ bdag tu lta ba kun nas bslang ba gang yin pa dang / sems can med pa dang / 'tsho ba med pa dang / gso ba med pa dang / skyes bu med pa dang / gang zag med pa dang / shed las skyes med pa/ dang / shed bu med pa dang / byed pa po med pa dang / tshor ba po med pa'i lta ba kun nas bslang ba chad pa ma yin pa dang / rtag par lta bas kun nas bslang ba ma yin pa dang / srid pa dang bral ba'i lta bas kun nas bslang ba dang / rigs su lung bstan pa'i lta ba kun nas bslang ba dang / ji srid 'khor ba ma yin zhing mya ngan las 'das pa'ang ma yin pa'i lta ba kun nas bslang ba ste/ 'di ni yang dag pa'i lta bar gsungs so// / gang zhig yang dag pa'i rtog pa ni/ 'dod chags dang / zhe sdang dang / gti mug dang / nyon mongs pas kun nas spong ba de'i yang dag pa'i rtog pa ni yang dag pa'i rtog par mi 'gyur ro// yang dag pa'i rtog pa gang zhig/ tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung pos kun nas slong ba de'i yang dag pa'i rtog pa ni yang da// / ba'i rtog par 'gyur te/ 'di ni yang dag pa'i rtog par gsungs so// gang zhig tshig gis bdag la mi bya zhing gzhan la gdung bar mi bya bar gsungs pa dang / bdag la mi bya zhing gzhan dag la nyon mongs par mi bya ba dang / bdag la mi bya zhing gzhan dag la'ang dpya bar mi bya ste/ de mnyam par bzhag pa dang ldan pas tshig dang ldan par 'gyur zhing / gang gi tshig gis yang dag pa'i 'phags par 'jug par 'gyur ba 'di ni yang dag pa'i ngag ces gsungs so/ / gang zhig las nag po dang / nag po'i nag po'i rnam par smin pa de'i las mngon par 'du mi byed pa dang / gang zhig las dkar po dkar po'i rnam par smin pa de'i las mngon par 'du byed pa dang / gang zhig las dkar po dang nag po'i rnam par smin pa de'i las mngon par 'du mi byed pa dang / gang zhig las dkar po dang / nag po dang / dkar po'i rnam par smin pa dang / nag po zad par bya ba'i phyir yang dag par spyod cing / de'i de las mngon par 'du byed de/ dam pa'i las lta bur 'gyur ba ni yang dag pa'i las kyi mtha' ste/ 'di ni yang dag pa'i las kyi mthar gsungs so// gang gi tshe 'phags pa lta bur dul ba dang / yon tan yang dag pa'i chas zhum zhing dul ba dang / kha gsag med pa dang / mang du smra ba dang / gtam la mi dga' ba dang / rang gi spyod pa'i tshul khrims dang / 'jig rten pha rol gyi dbang phyug dang ldan pa dang / bdag gi rnyed pa kha na ma tho ba med pas bdag chog par 'dzin pa dang / 'phags pa'i bka'i gnang bas 'tsho ba ste/ 'di ni yang dag pa'i 'tsho bar gsungs so// rtsol ba ni gang zhig badz+ra/ dang / 'phags pas ma gnang ba'i 'dod chags dang / zhe sdang dang / gti mug dang / nyon mongs pa sten par mi 'dod pa ni rtsol ba ste/ rtsol ba gang zhig yang dag pa'i 'phags pa'i lam gyi bden par 'jug cing mya ngan 'das par 'gro ba dang / so so'i gnas su skyed par byed pa de ni rtsol ba yang dag par rjes su 'brang ba ste/ 'di ni yang dag pa'i rtsol bar gsungs so// gang la nye bar gnas pa de ni rab tu mi g.yo ba dang / lus drang pos 'khyog po ma yin pa 'khor ba'i skyon sna tshogs pa la sogs pa dbang du byed pa ston pa/ mya ngan las 'das pa'i gnas 'dod pa'i dran pa ni ma brjed pa ste/ 'di ni 'phags pa'i lam yang dag pa'i lam la sbyor ba'o/ / 'di ni yang dag pa'i dran par gsungs so// yang dag pa'i ting nge 'dzin ni ting nge 'dzin gang la gnas nas sems can thams cad rnam par thar par bya ba'i phyir yang dag par gnas te/ mya ngan la 'das pa mnan pa'o/ / 'di ni yang dag pa'i ting nge 'dzin du gsungs so// de nyid yang dag par bshad pa ni/ dga' ba la sogs sa rnams de// dbang po la sogs rang bzhin gyi// byang chub sems dpa' rnams kyi gnas/ / phung po la sogs byang bar gyi// sangs rgyas thams cad kyi gnas// sangs rgyas byang chub sems dpa' yi// sangs rgyas nyid ni mchog tu 'bab// byang sems sum cu rtsa gnyis kyi// gang tshe 'dir ni gang 'gyur ba/ / dbang po phung po 'byung ba yi// sangs rgyas de yi de ma thag/ rang lus nyid las sangs rgyas nyid// gzhan ni gang du'ang mi gnas so// lus las gzhan du sangs rgyas nyid// mi shes pa yis/ bsgribs par brjod// ye shes chen po rang lus gnas// rtog pa thams cad yang dag spangs// dngos po kun la khyab pa po// lus gnas lus las ma skyes pa'o// rdo rje snying pos gsol pa/ lus la rtsa du lags/ bcom ldan 'das kyi bka' stsal pa/ 'khor lo bzhi yi rab dbye bas// brgya phrag gcig dang nyi shu lhag/ byang chub sems kyi rang bzhin gyis// rtsa rnams sum cu rtsa gnyis mchog/ gsungs pa 'di lta ste/ mi phyed ma zhes brjed pa dang / phra gzugs ma dang / rtse ba ma dang / g.yon pa ma dang / thung ngu ma dang / rus sbal skyes ma dang / sgom pa ma dang / dbang ma dang / skyon ma dang / 'jug ma dang / ma mo dang mtshan mo dang / bsil sbyin ma dang / tsha ba ma dang / brkyang ma dang / ro ma dang / kun dar ma dang / 'bab pa ma dang / rangs ma dang / gzug can ma dang / spyi ma dang / rgyu sbyin ma dang / sbyor bral ma dang / sbu gu ma dang grub ma dang / 'tshed ma dang / de bzhin du yid bzangs ma dang / gsum skor ma dang / 'dod ma dang / khyim ma dang / gtum mo dang / bdud 'dral ma'o// bcom ldan 'das rtse 'di dag ji lta bu lags/ srid pa gsum yongs su gyur pa ste/ gzung ba dang 'dzin pa thams cad yongs su spangs pa'o// dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa'i mthar thug pa la sogs pa'i rnam par 'grel pa byang chub kyi sems la 'jug pa zhes bya ba ste/ rab tu byed pa gnyis pa'o// / de nas bcom ldan 'das la de bzhin gshegs pa thams cad kyi mchod pa byas nas phyag 'tshal te/ 'di skad ces gsol to/ / gsang ba'i ye shes bla med pa// snying po bcom ldan bshad du gsol// de nas bcom ldan 'das kyis de bzhin gshegs pa thams cad kyis gsol ba btab par mkhyen nas rgyud thams cad kyi snying po'i ye shes mar me rdo rje zhes bya ba'i ting nge 'dzin la snyoms par zhugs te/ rgyud thams cad kyi gsang ba 'di bka' stsal pa/ gsang ba mchog gi dgyes pa nas// thams cad bdag nyid rtag tu bzhugs/ / sangs rgyas kun dngos sems dpa' ni// rdo rje sems dpa' bde ba'i mchog/ 'di ni bcom ldan rnal 'byor te// brtan pa brtag pa mchog tu yang // yid srub so sor skyes pa nyid// rtag tu rang bzhin gnan dka' ba/ / sna tshogs las kyi rnal 'byor gyis// sna tshogs cho ga 'dod pa yi// sangs rgyas rdo rje 'dzin sogs rnams// sems can rnams ni 'dul bar brjod// sangs rgyas kun sog brtan dang g.yo/ / thams cad dngos po sring ba 'di// sangs rgyas kun dang mnyam sbyor ba// mkha' 'gro ma yi dra ba'i sdom// 'dis ni sgyu ma'i rnal 'byor gyis// thams cad las ni sna tshogs mchog sangs rgyas sogs pas 'dul ba'i phyir/ / dngos grub sems can kun don mchog/ rang gi ngo bo yongs bsgyur bas// bud med kun gyi sgyu ma grub// sna tshogs sgyu ma'i phyag rgya 'di// mkha' 'gro ma nes ma glo'i skad/ / DoM bai ha la sa 'gro bar// skad dbyings 'dir ni rnam par brtag/ nam mkha' kun tu spyod grub po// mkha' 'gro ma zhes rab tu grags// kun las sna tshogs phyag rgya ste// kun las sna tshogs sdom pa yi/ rdo rje rdo rje 'dzin pa nyid// pad+ma de bzhin pad+ma 'dzin// nor bu nor bu 'dzin pa nyid// 'di rnams kyi ni rigs rnams yin// de nas de bzhin gshegs pa thams cad zil gyi gnon pa rdul dang bral ba'i gnas zhes bya ba'i ting nge 'dzin la snyoms par zhugs te/ byang chub kyi sems 'di bka' stsal pa/ stong min stong pa min pa'ang min// dbu mar dmigs par mi 'gyur te// shes rab pha rol phyin sbyor ba// thabs ni snying rje bdag nyid de/ / de nas mdzes pa'i snying rje'i thabs// shes rab pha rol phyin gsal ba// rnam rtog med pa'i chos rnams la// dngos po med cing bsgom pa'ang med// rnam rtog med par lhag mos la'ang // brgya pa kun gyis brtag par bya/ / rnam rtog med pa'i chos rnams la// sems can don ni yongs su brtag/ de bzhin gshegs pa kun bdag chos// chos can med cing chos nyid med// sgra brnyan lta bur mnyam pa nyid de nas 'di ni chos dag byung / / de nas theg pa chen po las byung ba'i bsgoms pas yon tan rgyas pa rnams kyis dus gsum gyi de bzhin gshegs pa thams cad kyis bstod pa'i rgyal po 'dis yang dag par bstod pa/ / rnal 'byor gyi bdag po sems can grol bar mdzad pa la bstod cing phyag 'tshal lo// sems can bdag nyid skyes pa gcig par mdzad pa la bstod cing phyag 'tshal lo// 'khor ba'i rgya mtsho'i gti mug gcod par mdzad pa la bstod cing phyag 'tshal lo/ / de kho na thams cad kyi ye shes gcig tu ston par mdzad pa la bstod cing phyag 'tshal te/ bdag rtag tu phyag 'tshal lo// yang mchod pa byas nas phyag 'tshal te 'di skad ces gsol to/ / chos rnams thams cad gcig pa'i sku// snying po bcom ldan bshad du gsol// bcom ldan 'das kyi bka' stsal pa// dbang po gang dang gang lam nyid// de dang de yi rang bzhin las// mnyam par ma bzhag rnal 'byor gyis// rtag par shin tu mnyam bzhag nyid// gang phyir thams cad bdag nyid kyi// rnam shes phung por gnas pa ni// skyes pa tha ma sems rmongs pa/ / la las so sor rtogs mi nus// sems dang sems byung sems kyi tshul// ye shes shes bya rang bzhin can// 'bras bu rnams la byed pa nyid// chos rnams chos can bsgom pa'i gang phyir chos ni du mas mi/ / chu bo'i rgyun ni rgya mtsho ltar// thar pa nyid ni gcig pu nyid// mang po dmigs par mi 'gyur ro// ji ltar mang du rnam gnas pa// bla ma'i zhal nas rnyed par 'gyur/ de kho na nyid mdor bstan pa ste/ rab tu byed pa gsum pa'o// / de nas rgyung rngams thams cad du// gtan la phab par bshad bya// sems can kun la mnyam pa'i phyir// gru gsum rgya chen gzugs can nyid/ / tshangs sogs lha dang lha min bcas// de rnams kyi ni gnas su 'gyur// de nyid shes rab pha rol phyin// kun rdzob rnam pa'i gzugs can ma// de nyid yul las rnam par 'das srog chags kun gyi snying la gnas/ / de phyir de rgyas ci nig b+ha// mdor bsdus pas ni sangs rgyas cing // bsal pa bye ba grangs med pas// ji srid sangs rgyas gang thob pa// gang gis dam pa'i bde bas khyod/ / skye ba 'dir ni thob par 'gyur// yang na rdo rje 'dzin pa nyid// yang na 'khor los sgyur ba 'am// 'dris ni dngos grub chen po brgyud// gzhan yang yid la 'dod pa thob// gti mug chags pa nga rgyal dang / / phrag dog dang ni nyon mongs lngas// sems can so sor bcings pa gang // rang gi yan lag nyid kyis 'joms// 'dis ni 'gro drug sems can bcings// 'khor bar 'khor zhing skye ba nyid// nyon mongs pas ni rmongs gyur pas// sdig pa du ma byed par 'gyur// de phyir 'di bcom cad mkhyen nyid// sangs rgyas kyis sbrul rigs pas ni// 'khor ba'i rgya mtshor lhung ba yi// sbyor bral sdug bsnga mthong nas ni/ / thabs dang shes rab sprul pa'i rgyus// nyon mongs rnams ni yid ches 'gyur// mtshon pa 'di ni 'bras bur gyur// khams gsum du ni dri med snang // gang dang gang gis gnas gyur te// / de ni de yi ngo bo can// bud shing sreg pa'i rigs pas ni// dgyes pa'i rgyal ba gar mkhan mchog/ phung po khams dang skye mched rnams// 'di nyid rnam dag mtshon pa 'di// ji lta dgra bo nus pa la/ / dgra bo nus pas de bsnun pa// gti mug dag pas gti mug ste// zhe sdang dag pas zhe sdang nyid// 'dod chags dag pas 'dod chags te// nga rgyal dag pas nga rgyal che// phrag dog dag pas phrag dog nyid// thams cad rnam dag rdor 'dzin mgon// de yi ngo bo rnam dag pa// nyon mongs lnga ni mnyam par 'gyur// de ltar rigs ni lnga rnams dang // ye shes lnga dang sangs rgyas lnga/ / 'di las rdo rje snying po dang // khro bo khams gsum sems can skye// nang gi dbye ba 'di nyid ni// bla ma'i zhal las rnyed par 'gyur// bla ma dman pa'i sems can rnams// sngags dang phyag rgya rnyed mi 'gyur/ / gang zhig shin tu gsal bas ni// 'dzam gling der 'dar sangs rgyas bsngags// gru gsum pa dag e yi dbyibs// dbus su dgyes pa'i e baM yin// grug su dkyil 'khor nyams dga' bar/ / rdo rje ra li rnam par byung // btsun mo'i b+ha ga zhes kyang bya// chos kyi 'byung gnas zhes byar bshad// de yi nang song pad+ma ni// bdab ma brgyad pa snying por bcas// de la A li kA li 'dres/ / sde mtshan brgyad ni rnam par gnas// sngags kyi gzugs kyis lus can gyi// las kyi tshogs ni byed par 'gyur// yi ge rnams ni lnga bcu nyid// rig byed rnams la nges par gnas sngags rnams nyid dang rgyud rnams dang / / phyi rol tshul gyi bstan bcos kyi// rdo rje snying po rang bzhin 'di// gzhan du 'di las cung zad med// a ka tsa Ta ta pa ya sha/ sde tshan dga' ba lnga bcu yang // mnyam pa dag tu sprul pa rnams/ / rdo rje ra li pad+mar son// 'dab brgyad so sor phyogs dang ni// mtshams rnams su ni 'di rnams rig/ de rnams dbus su ze 'brul// dam pa'i dbang phyug ma yod de// sde tshan brgyad pa rnams kyis ni/ / yi ge dam pa yongs su bskor// a ni yig 'bru kun gyi mchog/ don chen sde tshan gtso bo ni// lus can rnams kyi sngags kun ni// de nyid las ni yang dag byung // gang zhig ral gri dang / mig sman dang / rkang byug dang / ri lu dang / rkang 'og dang / gnod sbyin mo'i yan lag dang / 'jig rten gsum gyi khongs su rgyu ba dngul chu'i las kyi rjes su 'brang ba gang zhig thams cad du mthu che ba rang gi khyim du lnga bcu 'dod pa dang ldan pas 'grub bo/ / de ni sde tshan brgyad nang son// dbyangs mchog sde tshan bdag nyid 'byin// skye bo rnams kyi tshig rgyas pa// gang zhig cung zad rtogs bya ba// de kun sngags kyi gzugs kyis ni/ / de phyir rab tu skye bar 'gyur// lus can rnams ni thams cad kyi// sgra ni sngags zhes brjod par bya// sna tshogs 'dud pa'i gnas chen las// chos kyi ra li rnam par 'byung dngos grub rdzu 'phrul rnam gnas pa'i/ / sngags dang nges pa gang yang med// rang bzhin gyis ni ma skyes pa'i// sngags kyi yig 'bru dbang phyug mchog/ yang dag sbyor 'byung mtshan nyid ni// de nas mchog tu/ rab bshad bya// e ni sa ru shes par bya// las kyi phyag rgya spyan ma nyid// snying rje chen mo thabs chen mo// rang bzhin sna tshogs spyod yul ma// lte bar sna tshogs 'dam skyes la/ sprul pa'i 'khor lor rnam par gnas// waM ni chu ru shes par bya// chos kyi phyag rgya mA mo kI// byams pa dang ni smon lam tshul// lha mo rdo rje'i rigs gtsem// snying khar chu skyes 'dab brgyad la// chos kyi 'khor lo yang dag gnas/ / ma ni me ru brjod pa ste// phyag rgya chen mo gos dkar mo// dga' dang stobs kyi rnal 'byor gyis// lha mo pad+ma'i rigs byung ma// lkog mar chu skyes 'dab brgyad gnyis// longs spyod 'khor lor yang dag gnas/ / yA ni rlung gi rang bzhin te// nyon mongs thams cad rab 'joms byed// dam tshig phyag rgya chen mor nges// lha mo las kyi rigs gcom// btang snyoms ye shes rnal 'byor gyis// sgrol ma 'khor ba sgrol ba mo// 'dam skyes 'dab ma sum cu gnyis// bde chen 'khor lo chen por gnas// es ni shes rab brjod par bya// waM ni thabs dang ldan pa nyid// baM gyis rnam par brgyan ma nyid e ni nges par mdzes par gyur/ / thabs dang shes rab rang bzhin gyis// steng dang 'og tu snyoms par 'jug/ e nyid dang ni waM nyid dag/ gnyis gnyis su ni brjod pa nyid// 'di skad ces bya ba'i tshig gi phrang ni de skad ces gsungs nas zhes bya ba'i mthar thug pa'i rgyud kyi tshogs la bsnyegs so zhes brjod do/ / bdag gis thos pa zhes bya ba ni de skad du 'dod chags chen po 'di la rtag tu gnas pa'o/ sh+tsa zhes bya ba ni 'dzag par gsungs so// ta zhes bya ba ni gang yang bde ba chen po'i mgon po'o// bdag gis thos pa zhes bya ba ni bdag nyid kyis thos pa'i phyir rna ba'i ye shes kyis thos pa yin gyi/ rtogs pa ni ma yin no// bcom ldan 'das rtogs pa'i skyon gang lags/ bcom ldan 'das kyis bka' stsal pa/ sdud par byed pa dang 'chad pa po dag dbyer med par 'gyur ro// yang na rtogs pa nyid ni gdul bya'i skye bo'i dbang du byas nas 'chad pa po nyid sdud par byed pa yin te/ 'chang pa po nga chos kyang nga // rang gi tshigs ldan nyan pa nga // de dag ji ltar 'tshal bar bgyi// gang du bde ba chen po'i mgon po gar mdzad pa'i tshe gcig nyid gcig dang du ma'i ro zhes bya ba'i tshig gis rol par mdzad pa'o/ / rigs kyi bu bcom ldan 'das kyis gang cung zad gsungs pa de bdag gis gcig na zhes bya ba ni dus gcig nyid la'o/ / gcig na zhes bya ba ni skad cig gcig la'o// thos pa zhes bya ba ni lhag par son pa ste/ 'dis bsam gyis mi khyab pa la lhag par mos pa'i ting nge 'dzin rnyed do zhes bya bar bsnyegs so/ / dus zhes bya ba ni dus chod ces bya bar gsungs so// dus ni rnam pasum du brjod// bde ba'i dus dang sdug bsngal dus// bsam gyis mi khyab dus nyid do// 'o ma'i rgyun ltar sna bug tu/ / 'ong ba bde ba'i dus su gsungs// me yi gzugs kyis 'gro ba nyid// sdug bsngal dus dang de gcig grags// gcig ni lhan cig med pa yini// dus ni bsam gyis mi khyab 'gyur 'dod chags med cing chags bral med/ / dbu mar dmigs par mi 'gyur ro// de la 'dod chags nus tshad nyid// 'dod chags bral ba 'gog par gsungs// 'di bral dbu mar mi rtog pas/ / 'di gsum dmigs par mi 'gyur ro// 'dod chags nyid dang chag thal nyid/ 'dres par gyur pa rnyog pa med// de bzhin 'dod chags chags bral las// ro mnyam gcig pu'i skad cig ma dngos po kun gyi ro mnyam pa/ / bsgom pa'i dus ni gcig tu gsungs// 'di lta ste/ dbang phyug dang / gzugs dang / grags pa dang / dpal dang / ye shes dang / brtson 'grus phun sum tshogs pa ste/ b+ha ga drug ces gsungs so// de 'di la mnga' ba'i phyir bcom ldan 'das so// yang na gang zhig mi mthun pa'i phyogs kyi chos de rnams bcom pa'i phyir bcom ldan 'das so// de bzhin gshegs pa thams cad kyi sku dang / gsung dang / thugs rnams dang / de rnams nyid kyi snying po dang / de nyid kyi rdo rje dang / de nyid kyi btsun mo dang / de'i b+ha ga de la bzhugs so// kye bcom ldan 'das bzhugs so zhes bya bas ci gsungs pa lags/ bcom ldan 'das kyis bka' stsal pa/ de bzhin gshegs pa thams cad kyi ro gcig pa thabs sna tshogs kyis 'dul ba'i skye bo yid 'phrog pa dang ldan pa zhes bya ba'i don to/ / de bzhin gshegs pa thams cad kyi sku dang / gsung dang / thugs kyi snying po rdo rje'i rab bzhin gang gis chos kyi 'byung gnas la/ gang gi tshe bcom ldan 'das bzhugs pa de'i tshe bdag gis thos pa'o/ / 'di lta ste/ shes rab gang gis nyon mongs pa dang / nye ba'i nyon mongs pa 'joms pa de'i phyir shes rab b+ha gar gsungs te/ b+ha kA der de bzhin gshegs pa thams cad darang sun mo ldan cis tu bzhugs so/ / e ma sangs rgyas thams cad kyi// kun mkhyen ye shes bla na med// de bzhin gshegs pa'i bde don gang // btsun mo nye bar mdzad pa'o// rigs kyi bu 'di skad bdag gis thos pa zhes bya ba'i yig 'bru ni chos kyi thog mar rtag tu yang dag par gnas pa ste/ dag pa dang / yang dag par rdzogs pa'i sangs rgyas kyi dngos grub skyed par byed pa'o// lag na rdo rjes ma bshad pa de rjes khyod la bshad do// yig 'bru 'di rnams kyis sems can rnams 'khor ba las pha rol tu shin tu ring bar 'gro ba mngon du mtshon par mdzad pa dang / mngon du ma mdzad pa de nub pa'i sems kyis skye ba 'dir sangs rgyas nyid dam/ rdo rje sems dpa' thob par 'gyur te/ gang dag bsam gyis mi khyab pa'i gnas ma thob pa da ni bde bar gshegs pa ste sangs rgyas yin no// mtshan gzhi mtshon par byed pa ni sems dpa' yang dag par gsungs te/ sdang bas bstan pa tsam gyis mnar med par rab tu ltung bar 'gyur bas na/ kun nas nyon mongs pa can gyi sems kyis ro spang bar bya'o// kun nas nyon mongs pa can gyi srid pa'i 'jig pa la 'das pa'i sgrub pa po dpal dang ldan pas dag pa'i yem sgom par byed na/ thabs dang shes rab kyi sbyor ba 'dis ji ltar yang dag pa thob pa dag pa'i yang dag par rig pa'i bdag nyid can gyi mtshan gzhi thabs dang shes rab kyi nus pas nam mkha' dang mnyam zhing gnas gsum du snang ba ste/ de'i mtshan gzhi ni mtshon par dka' ba dang / thams cad du son zhing rgyu dang rkyen spangs pas yid bzhin gyi nor lta bur 'jig rten gyi rang dang gzhan gyi don byed de/ dngos grub thams cad kyi mchog go/ rgyud thams cad kyi gleng gzhi gsang ba dpal yang dag par sbyor ba las byung ba'i brtag pa'i rgyal po ste dang po rdzogs so / de nas yang dag rab bshad bya// sgrub pa po la phan don du// gang gis slob ma dbang bskur ba'i// cho ga yang ni bshad par bya// dang po lha yi bdag nyid kyi// rnal 'byor pa/ ni nor 'dzin sbyangs// 'bad pas hUM las rdo rje can// byas te phyi nas dkyil 'khor bri// tshal dang skye bo med gnas dang // byang chub sems dpa'i khyim dang yang // khang stong dang ni khyim nang du// dkyil 'bor dam pa bzhengs par bya/ / rdul tshon dam pa nyid dang ni// yang na 'bring po nyid kyis te// rin chen lnga yi bdag nyid phyes// yang na 'bras la sogs pas bri// dkyil 'khor khru gsum bya ba dang / mthe bong gsum yang lhag par bya// der ni rigs lnga las byung ba'i// rig ma bzang po bzhug par bya// sngags kyi lam gyi rjes btsal bas// gang tshe mkhas pas dbang bskur ba/ sangs rgyas kun gyi mngon gsum du/ / dkyil 'khor bde bar gshegs gnas su// 'jig rten khams ni mtha' yas bdag/ blo dang ldan pas de bzhin zang // rang byin brlab pa'i gnas thob pas// dam tshis nyams pas 'jigs pa yis/ / rdzogs sangs rgyas kyis don dam las// sngags kyi lam ni de bzhin gsungs// rdo rje sems dpa' la sogs lha'i// dam tshig rim pa shin tu ring // de phyir don kun la 'bad pas/ / dbang don rgyal ba'i bdag nyid skyes// rdo rje slo dpon yon tan mtsho// ji bzhin sbyor bas gsol ba gdab// yang na ma dang sring thu mo// bu mo sring mo'i bu mo nyid// 'di rang gang de ji ltar bar/ / rnyed nas bsgrub pa nyid du gyis// yang na mngon du 'di med na// kun mkhyen gyis bsngags rig ma ni// sangs rgyas rnams kyis khyad mdzad pa// de ni de phyir gzung bar bya// skye ba gnyis kyi bu mo dang / / yang na btso blag ma dang // yang na gdol pa mau dang / g.yung mo dang / rigs las skyes ma dang / yang na rgyal mo dang / gar mkhan gyi bu mo dang / bzo mo dang / yang na ri dgas kyi mig ma dang / rked pa phra ba dang / ro smad rgya sA pa dang / nu ma mtho ba dang / b+ha ga bzung ba dang / dam tshi spyod pa la shin tu dam pa dang / de kho na la gnas pa dang / sngags dang rgyud shes pa ste/ sgrub pa po'i dbang po la gnas gsum du che ba'i bu mo 'di dag bshad do// rigs kyi rim pa nyid kyis 'di rnams kyis thams cad 'grub par 'gyur ro// ma rnyed ji ltar gang rnyed de// de bzhin ba drug lon pa nyid/ / dang po'i lang tsho phun sum tshogs// mig mdzes phyag rgya rnyed nas ni// rig ma de nyid blang nas ni// skyabs su 'gro ba'i rim pas ni// sbyangs nas de nyid gsang ba dang // sngags dang rgyud kyi rim kun bsgrags// sgra 'am 'og gi lam du lces// de nyid de bzhin steng du gtsug/ kun gyi cha rig sna tshogs byed// rim pa nyid kyis rna cha dang // ska rags cha dang se mo do/ / lag gdub dang ni rkang gdub ldan// de ltar dngos grub dam pa ster// gang zhig sbyangs pa'i rig ma kun// nye bar 'tshe ba med gnas su// rig pa 'dzin pa 'khor mang po// de nas tsan dan gos 'phreng sogs/ / rnam par brgyan nas dbul bar bya// dri dang 'phreng sogs rim gro yis// 'o ma'i mchog sogs rgyas pas ni// phyag rgya thabs gcig sgrub pa pos// gus par 'bad pas yang dag mchod/ / slob mas pus mo'i lha nga ni// sal dud pas btsugs nas ni// thal mo sbyar nas bstod pa 'dis// ston pa la ma~M'u bar bya// stong pa'i snying po phyag 'tshal bstod/ rtog pa thams cad yang dag spangs// thams cad mkhyen pa'i ye shes tshogs// ye shes sku la phyag 'tshal bstod// 'gro ba'i mi shes gcod pa can// dag pa'i de nyid don ston mdzad// bdag med chos las byung ba yi/ / rdo rje sems dpa' phyag 'tshal bstod// rdzogs sangs rgyas dang byang chub sems// pha rol phyin pa'i yon tan rnams// mgon po las ni tagaH byung // byang chub sems la phyag 'tshal bstod/ / dkon mchog gsum dang theg chen dang // de bzhin bstan dang 'gro ba dang // khams gsum po ni 'di dag kun// 'gro ba'i dpa' bo phyag 'tshal bstod// yid bzhin nor bu ltar gyur pa'i/ / 'gro ba'i 'dod pa'i don grub phyir// dpal ldan bde gshegs bka' bzhin mdzad// sangs rgyas sras po phyag 'tshal bstod// de nyid bla med bdag 'tshal pa yon tan mtsho khyod bka' drin las/ / kun mkhyen rdo rje dbang gis ni// da lta nyid du bka' drin skyobs// sangs rgyas kun gyi gsang ba ni// ji ltar dpal thugs rdo rje yis// rdo rje chos can la gsungs pa/ / de bzhin mgon pos bdag grub mdzod// bcom ldan zhabs pad spangs nas ni// gzhan du bdag la 'gro ma mchis// 'khor ba'i 'gro las nges rgyal bar// de phyir mgon/ pos thugs rje mdzod// de nas rdo rje slo dpon dpal// rjes su brtse bcas phan sems kyis// slob la snying rje bskyed nas ni// tshogs kyi dkyil 'khor dgug pa dang // 'dod yon lnga yis gang ba dang / / bla res bres pas nye bar 'bar// rnal 'byor ma dang sbyor ldan zhing // dril bu sil sil sgra dang ni// me tog bdug 'khyil nyams dga' ba// lha yi dri 'phreng bde ba'i mchog/ dpal ldan rdo rje sems sogs lha'i/ / dkyil 'khor mchog tu ngo mtshar bar// slob dpon skal ba bzang po mchog/ de nas phyag rgya sbyor byas nas// rgyal ba'i bdag skyes byang chub sems// pad+ma'i snod du gzhag par bya/ / rdza yab g.yob cing gdugs dang ni// bkra shis tshigs bcad gru rnams kyis// phyag rgya ldan pas slob ma do// 'gro ba'i gtso bos dbang bskur bya// slo dpon mchog gi dbang phyug gis// dbang ni rin chen mchog byin nas// bzang po'i rang bzhin legs sbyangs pa'i// dam tshig yid 'ong nges par sbyin// khrag chen dang ni ga pur bcas// tsan dan dmar po sbyar ba dang rigs kyi bdag po'i chu ldan zhing / / lnga pa sems las yang dag byung // 'di rnams dam tshig yang dag par// sangs rgyas rnams kyis nye bar gsungs// bzang po rtag tu bskyang bar gyis// sdom pa yang ni da lta nyon// srog chags gsang pAr mi bya zhing // bu me da rin chen yong mi spang // des ni slob dpon spang mi bya// sdom pa shin tu dpyad par dka'// gong du gsungs pa'i rig ma 'am/ yang na bdag gi rnal 'byor ma// dag cing sprul pa'i rig ma ni// si h+la ga pur bsgos pa ni// ji srid khu ba ldan 'gyur// de srid phyag rgya bsten par bya// phyag rgya'i gdong yang bcing ba dang // thabs kyi gdong yang de bzhin te/ / bstan pas yang dag gang byung ba// slob ma'i kha ru btung bar bya// ro mnyam slob ma'i spyod yul nyid// de nyid la ni bya bar bya// rang rig ye shes nyid du 'gyur// rang gzhan yang dag rig pa spangs/ / mkha' mnyam rdul bral stong pa nyid// dngos dang dngos med bdag nyid mchog/ thabs dang shes rab rnam par 'dres// 'dod chags 'dod chags bral bas 'dres// de nyid srog chags rnams kyi srog/ de nyid yi ge dam pa nyid// de nyid 'di ni kun khyab byed// de nyid sangs rgyas ye shes can// he ru ka dpal zhes byar brjod// gzhan rnams gang rnams de rnams dang // dngos dang dngos med de las byung // dga' ba dang po dpa' bo ste// mchog tu dga' ba rnal 'byor ma// shin tu bde dga' thams cad nges// de bde thabs las thams cad rig/ dang po dga' ba tsam nyid de/ / mchog tu dga' ba gnyis pa'i grangs// gsum pa dga' bral dga' bar bshad// bzhi pa lhan cig skyes par brjod// de yang dbang ni rnam pa bzhi// dang po la ni bum pa'i dbang // gnyis pa la ni gsang ba'i dbang // gsum pa shes rab ye shes te// bzhi pa de yang de bzhin no// byang chub sems kyi dbang gis ni// slob ma sdig pa bral ba yin// sangs rgyas grong khyer mchog sngon du/ / de nas de la gnang ba sbyin// byang chub snying po'i bar du ni// phyogs kun tu ni 'khor lo ni// chos kyi 'khor lo bla na med// kun tu mchog tu rab tu bskor// thabs dang shes rab rang bzhin bdag/ yid bzhin nor bu lhur mthong bas// sbyor med bral zhing ma zhum pas// sems can don ni de ltar gyis// dbang dang bkas gnang thob nas ni// bya ba byas pas rab 'dzum zhing / / 'gro ba dga' bar byed pa yi// shin tu snyan pa'i tshig 'di brjod// deng bdag skye ba 'bras bur bcas// bdag gi 'tsho ba 'bras bur bcas// de ring sangs rgyas rigs su skyes/ / de ni sangs rgyas rigs su 'gyur// bskal pa rgya mtshor 'jigs chen por// mnar med skye ba yang dag 'khrugs// nyon mongs 'dam dpag rgal dka' las// bdag ni mgon po khyod kyis bsgral/ / khyod kyi zhabs kyi bka' drin las// theg pa rdzogs pa lta bur bdag/ bag chags thams cad bral bas nu// bdag la byang chub 'tshal ma mchis/ / rangs shing mig ni phye ba yis// zhabs la 'jus nas gus par bya// gang dang gang zhig sdug pa'i rdzas// re ba med pa'i sems kyis ni// de dang de nyid dbul bar bya// bla ma'ang snying rje ldan pas ni// slob ma bsdu ba'i bsam pa'i phyir// de la phan pa'i bsam pas gzung // de nas phyag 'tshal mchod nas ni// bla ma la ni yon rnams dbul// gser ni sto phrag brgya dang ni/ / rin chen rnam pa sna tshogs dang // gos ni zung 'gyur brgya nyid dang // glang po rta dang yul 'khor cing // rna cha dang ni rkang gdub dang // nor bu dang ni sor gdub mchog/ gser las byas pa'i mchod phyir thogs/ / rang gi chung ma bu mo dang // bran pho zan mo sring mo nyid// phyag 'tshal nas ni dbul bar bya// bdag gis dngos po thams cad kyis// blo dang ldan pas bla ma dbul// de ring tshun chad bdag bran du/ / khyod la bdag ni 'bul lags zhes// de ltar nub byas gyur pas// mngon par 'dod pa'i gnas thob nas// nga ni sangs rgyas thams cad kyis// bdag la bka' drin legs par skyobs/ / ji ltar bla med byang chub de// byin gyis brlabs kyis bdag gis bsgrubs// bla na med pa'i byang chub gnas// kun mchog bskyed pa yang dag mchod// sems can gnas gsu/ 'khor ba rnams// de nyid la ni gzhag par bgyi// dbang cho ga 'dis sbyin par bya zhing / slob ma'i lhag par mos pa dang / zab pa dang rgya che ba rig pas lhag par mos pa'i yid kyis shes par byas nas tshig nyid kyis dbang rin po che sbyin par bya'o/ / gang thob dbang rab mchog ni rigs kyi bdag por bzung bar rnyed par dka' zhing mtshungs pa med par gdams// longs spyod rdzogs pa'i zhing gi dpal dgra blang bar byas pas byang chub sems dpa' chen po'i dbang bskur ba/ / bka' yi gnang ba rnyed nas 'jig rten gsum gyi dgra bo las rgyal rtsom pa'i go bgos pa yi blos// byang chub dag la dgod pa'i sangs rgyas 'dir ni de nyid rnal 'byor pas ni dri ma med par spyod/ / byang chub kyi sems kyi dbang gnyis pa las rab tu byed pa dang po'o// // de nas thabs dang shes rab don// bsgom pa yang dag rab bshad bya/ / pha rol don brtson brtson 'grus kyi// sgrub pa po la phan pa'i phyir// 'khor ba'i rgya mtsho'i 'jig pa las// bsgral dka' gang zhig rnam bsgom pas// rnal 'byor pas ni rang don du/ / mya ngan 'das par gnas mi 'gyur// gang gis khyed 'phags mthar thug par// sangs rgyas dri med ngo mtshar rmad// 'grib dang 'phel las rnam par grol// byang chub bla med thob par 'gyur/ / phung po lnga sogs chos rnams dang // theg gsum shin tu spang mi bya// chos dbyings shin tu mnyam pa nyid// chu shing lta bur yongs su gzung // stong pa bsgom par mi bya ste// sdong min// bsgom par mi bya'o// stong pa mi spang rnal 'byor pas// stong min yongs su mi spong ngo // stong dang stong min bzung ba las// rtog pa nyung min skye bar 'gyur// yongs su spangs na kun rtog ste/ / de phyir de gnyis yongs su spang // gnyis kyi gzung ba yongs spangs pas// rnam grol gnas dang bral ba ste// nga zhes bya ba'i kun rtog 'di// de phyir 'di ni yang dag spangs// rnam pa med cing dogs med pa/ / 'dod pa med cing sdig pa bral// thog ma tha ma'i rtog las grol// nam mkha' lta bur mkhas pas bsgom// snying rje ldan pas sems can la// rgyab kyi sa phyogs par mi bya zhing / / sems can yod dang yod min zhes// de ltar yongs su brtag mi bya// spros pa med pa'i rang bzhin nyid// shes rab ces ni rab tu grags// yid bzhin nor ltar ma lus pa'i// thams cad don byed snying rje nyid/ / dmigs med gnas su shes rab dang // dmigs med snying rje chen po nyid// blo dang lhan cig gcig 'gyur ba/ nam mkhar nam mkha'i ji lta go gang la sgom pa po yang med// gang yang rnam par sgom pa'ang med/ / bsgom bya nyid kyang yong min pa// de yi de nyid bsgom par brjod// gang yang bya ba yod min 'dir// bza' bya nyid kyang yod ma yin// byed po bza' las rnam par grol don dam rnam par bsgom pas ni/ / 'di la sgrub po gang yang med// gang yang stong par byed pa med// dor ba cung zad med par brjod// blang ba'ang cung zad yong ma yin// dri za'i grong khyer lta bu dang // sgyu ma smig rgyu 'dra ba dang // 'phrog pa zla ba'i grong khyer mtshungs// rmi lam rtse ba lta bur blta// sgyu ma ji bzhin thams cad du// blta ba nyid dang reg par bya// 'gro ba thams cad gnas pa ni// gang yang rnyed par mi 'gyur te/ / sbyor ba'i 'dus par bsam mi khyab/ rmi lam sad pa lta bu ni// ji ltar gzhon nu'i gzugs kyis ni// dbang po gnyis ni 'dus pa yis// b+ha gar ling ga bzhag nas ni// sangs rgyas rjes su dran pa bsgom// ye shes ci zhig skye zhe na// thog ma dbus mtha' dri ma med// rang gis rig pa'i ye shes de// gzhan du smra bar mi nus so// gzugs rnams thams cad blta ba da / sgra rnams nyid kyang nyan pa dang // smra ba dang ni rgod pa dang // sna tshogs rero ni za ba dang // las rnams thams cad byed pa na// gzhan du sems ni mi 'gro bas// de nyid rig pa'i rnal 'byor pa'i// rnal 'byor rtag tu skye bar 'gyur/ / 'di ni gnyis su med par brjod// 'di ni byang chub sems mchog nyid// rdo rje rdo rje sems dpa'i dpal// rdzogs pa'i sangs rgyas byang chub nyid// 'di ni shes rab pha rol phyin/ / pha rol phyin pa kun gyi dngos// mnyam nyid bsam bya nyid du gsungs// sangs rgyas kun mchog bsgom bya nyid// 'gro ba brtan dang g.yo ba'i bdag/ byang chub sems dpa' mtha' yas dang rdzogs sangs rgyas dang nyan thos sogs/ / de nyid las ni thams cad skyes// dngos dang dngos med sbyor bral ba// rnal 'byor pas ni de nyid bsgom// dngos dang dngos med rnam grol ba// bsgoms na myur du 'grub par 'gyur/ / ma lus skyon la sdang ba dang // kun nas nyon mongs rgyab phyogs nges// dpal ldan pa de gshegs yon tan rnams// mtha' yas de las skye bar 'gyur// kun rtog/ mang po'i mun pas khyab gyur pa'i// rab tu 'joms pas spro zhing glog 'gyu ba// chags sogs dgag dka'i dri mas gos gyur pa'i// sems ni rdo rje can gyis 'khor bar gsungs// rang bzhin bod gsal rtog las rnam par grol/ / 'dod chags la sogs dri mas gos bral ba'i// gzung ba dang ni 'dzin med sems dpa' mchog/ de nyid mya ngan 'das pa mchog tu gsungs// sdug bsngal phung po du ma'i mtshan gyur pab/ / 'di las gzhan du cung zad yod ma yin// bde ba mtha' yas 'byung ba'i rgyur gyur pa// de las gzhan du grol ba'ang yod ma yin// sdug bsngal ma lus zad par 'dod pa dang // rdzogs sangs rgyas kyi bde mchog thob 'dod pas/ / sems ni brtan par byas nas 'bad pas dpyad// de yi rang bzhin dngos po med par byed// ji srid rtog pa'i mun pa'i yul stug po// skye dgu'i yid bsgribs sdug bsngal mtha' ya pa/ ji srid de nas de ni bral yin pas// de srid bde ba rgya chen tha dad min// mnyam pa nyid kyi mthar thug 'phags dgyes pa'i// de yi zang phyir rang gi bya ba yang // rgyas pa de yi yan lag 'gro ba blta/ / de ltar de kho na nyid kyi rnal 'byor pas rnal 'byor gyi nges pa byas nas bka'i gnang ba dang // rang gi dam tshig la gnas pas sgom par byed na/ lag pa'i phyag rgya dang / sngags dang / sku gzugs kyi nga rgyal sgom pa dang / dam tshig gis thun mong gi dngos grub skyed par byed pa yin no zhes bya bas ci zhig bya// sangs rgyas nyid kyis byin gyis brlabs pa'i mtshon pa mngon du rang gi lha'i rnal 'byor yin te bskyed pa dang / de mtshon pa na gnas gsum po nam mkha' lta bur 'gyur ro// gzhung thams cad spangs nas thob pa'i gnas kyi bsam gtan gyi rnal 'byor de la brtson pas rang rig pa tsam la spro bas nyin dang mtshan du goms par bya'o/ / ri'i rtse mo dang / zhi ba'i gnas dang / pad+ma'i tshal dang / rgyal po'i tshal dang / dben pa dang / thams cad mkhyen pa'i gnas dang / rang gi khyim mam/ sems la mngon par 'dod pa thams cad mkhyen pas bsngags pa 'di'i nang du gang dang gang gi gnas der gnas shing sngags shes pas spro ba dang ldan pas de sgom par byed de/ thabs dang shes rab ma gtogs par sangs rgyas nyid mngon du thob par mi 'gyur ro/ / de'i phyir shes rab ma dngos su yang dag par rdzogs pa'i byang chub sbyin par byed pa bzang mo spang bar mi bya ste/ phyag rgya re re dang ldan pa 'di ma gtogs par dngos grub ster bar mi 'gyur ro/ / de phyir ye shes bskyed pa yi// phyag rgya bzhi ni sbyar bar bya// gti mug dam tshig phyag rgya ste// zhe sdang phyag rgya chen por brjod// phra dog las kyi phyag rgya ste// 'dod chags chos kyi phyag rgya bdag/ yo gis phyag rgya sna tshogs 'di// bskyed nas rig ma bza' bar bya// de la gnyis ka'ang lha'i gzugs su mngon du bsams nas gti mug las zhi ba dang / khro bo las ma rungs/ ba dang // 'dod chags las chags pas las rnams byed pa'o// de'i don du rab tu byed pa lnga po 'di rnams kyis rgyal ba rnams yin no// snga dro dang / nyi ma'i mtha' dang / nyi ma phyed dang / nam phyed kyi dus su'ang phyag rgya'i rnal 'byor bya'o// mnyam par sbyor ba las gzhan du ni 'grub par mi 'gyur ro// bstan pa la smod pa'i 'jigs pa dang / skye bo gdug pa'i nang du gnas pa'i rnal 'byor pas rang gi sems 'ba' zhig de bsams pas sems la lhog par mos pa mngon du bya'o/ / gang zhig yang rnal 'byor pa brtson pa grus kyi 'bad pas rnal 'byor 'di bsgrub par bya'o// shes rab mngon du ma rnyed na byol song dag la'ang rtag tu goms par bya'o// de ltar gang zhig rnal 'byor pas gal te pad+ma 'dzin pa la mngon du nyi ma re re'am/ zla ba so so 'am/ lo la reg par mi byed nadam tshig nyams par 'gyur ro/ / dam tshig nyams pas rnal 'byor pa bag med par skye bar 'gyur te/ byang chub sems dpa'i dam tshig blang bar byas nas yang mi byed par sdom par gzung bar bya ste/ de'i phyir kun gyis sdom pa dang ldan zhing de kho na la gnas pas phyag rgya'i rnal 'byor bya'o/ / gsang ba'i nye ba'i rdzas dang / sngags dang / rgyud nyid kyis 'di skad yang dag par rdzogs pa'i sangs rgyas yang dag par sbyor ba'i rnal 'byor gyis rtag tu nye bar 'dug ste/ bsam gyis mi khyab pa'i gnas su gnas gsum po rtse gcig pa'i tshul gyis bsgom par bya'o// thabs dang shes rab kyi don sgom pa zhes bya ba gnyis pa las rab tu byed pa gnyis pa'o/ / / de nas 'khor lo thams cad kyi// rnam par 'phrul pa yang dag bshad// dpal ldan rdo rje sems sogs lha'i// thams cad las ni sna tshogs mchog/ gsang ba mchog gi dgyes pa na// thams cad bdag nyid 'di la sgrub// rnam par bral dang gnas su yang // rang gi tshal sogs rnams su yang // kun las sna tshogs phyag rgya ste// kun las sna tshogs sdom pas ni/ / kun las sna tshogs bya ba rnams// ji ltar bde bar bsgrub par bya// bde gshegs kun gyi dkyil 'khor ni// stong pa nyid kyi ye shes nyid// khro bo'i sgrub thabs thams cad dang // zhi ba rnams kyi lha rnams la// ci zhig nga yis bshad par bya// bsam gyis mi khyab sangs rgyas gar// sgom pa lha'i rnal 'byor dang // sngags kyi bzlas pa'i cho ga rim dang // bris sku 'am ni sku gzug kyang / / sems kyis thams cad sprul pa ste// sems can rnams la phan 'dod phyir// nga yis rgyud du bsgrags pa yin// stong nyid gcig las rdo rje can// rigs ni rnam pa lnga ru gsungs// rdo rje snying bri gsol pa/ bskyed pa'i yig 'bru gzugs dang ni// phyag rgya dbyibs kyi cho ga rim dang // sngags kyi bzlas pa'i cho ga yang // gang gis sgrub pos 'grub 'gyur ba// gtso bo shin tu dga' chen pos/ bka' drin gyis ni bskyab tu gsol// bcom ldan 'das kyis bka' stsal pa// dang por byams pa bsgom par bya// gnyis par snying rje rnam par bsgom// gsum par dga' ba bsgom pa dang // kun gyi tha mar btang snyoms so/ / yang ni stong pa'i byang chub sems// gnyis pa la ni sa bon bsdu// gsum pa la ni gzugs brnyan rdzogs// bzhi pa la ni yig 'bru dgod// re phas nyi ma sngon durnam bsgoms nas/ / nyi der hUM byung sna tshogs rdo rje skye// rdo rje de nyid kyis ni rab dang // gur yang cho ga bzhin du bsgom par bya// dang por ro ni bsgom par bya// chos kyi dbyings kyi bdag nyid brjod// de skang rnal 'byor pa gnas nas/ / he ru ka nyid rnam par bsgom// rang gi snying kha ra re pha bsgom// de las byung ba'i nyi dkyil 'khor// der na hUM gi dbyibs nyid ni// thabs dang shes rab bdag nyid can// kha dog nag po 'jigs chen po/ / hUM las byung ba'i rdo rje nyid// rdo rje lte ba'i dbus gnas par// yang ni hUM gi de nyid bsgom// de nyid yongs su gyur bltas nas// zhe sdang bdag nyid rnam par bsgom rdorje skye ba dpa' bo che/ / 'dam spyi sngon po 'dra ba'am// yang na sngo dang nyi ma ltar// dad pas nges par bsgom par bya// nam mkhar rje btsun bltas nas ni// rdo rje skye ba snying rje na// rgyan rnams thams cad badzin pa yi/ / lha mo brgyad kyis mchod par bya// dkar mo ri dgas mtshan pa 'dzin// chom rkun bdud las rgyal ba'i snod// ro langs ma ni chu lag ma// g+hasma ri ni sman 'dzin cing // puk+ka sI ni rdo rje lag/ de bzhin ri khrod ma ro 'dzin// gdol pa mo ni cang te'u rdung // g.yung mos skul 'khyud pa ste// mchod pa'i cho ga rgyas pa yis// 'di rnams kyis ni gtso bo mchod// de nas gnas la rnam grol ba'i/ / chos rnams kun gyi bdag nyid 'gyur// a li zla ba kA li nyi// sa bon nang du son rig pa// de nyid sems dpa' zhes byar brjod// mchog tu dga' ba'i rang bzhin can// nam man dkyil 'khor khyab pa yi/ / rang gi lus mtshungs rnam par spro// bsdus nas snying khar dgug pa na// yo gi zhe sdang bdag nyid 'gyur// nam mkha'i khams kyi nang son par// de nas nyi ma'i dkyil 'khor bsam/ / hUM skyes sngo dang nyi ma ltar// rgyan rnams kun gyis rnam par brgyan// phyag gnyis pa la zhal gcig pa// spyan gsum skra ni gyen du ser// sdang mig brgyad gnyis lo yi dbyibs/ / 'jigs byed mnan cing g.yon pa na// rdo rje kha T+wAM ga nyid dang // thod pa yang ni g.yon pa na// g.yas na rdo rje nag po nyid// hUM ni 'don par byed pa'i bdag/ lha mo brgyad kyis bskor nas ni/ / dur khrod du ni mgon po rol// de ltar rnal 'byor pas ni bsgom// rnal 'byor bdud rtsi sdom pa kun// de nyid bcom ldan rnal 'byor te// rdo rje sems dpa' de bzhin gshegs khro bo'i gzugs ni 'dzin gyur pa/ / phyag bzhi yis ni rnam par brgyan// bdud bzhi rnam par dag pa ni// dga' ba bzhi yi rang bzhin no// sdug gsungs dkyil 'khor 'khor lor gnas// hUM gi sa bon las byung ba'i/ / g.yon na thod pa lha dang ni// lha min khrag gis bkang ba dang // g.yas na rdo rje me lta bus// 'jigs pa yang ni 'jigs par mdzad// gzhan pa yi ni phyag drag gis/ / lus la yang dag 'khyud pa nyid// shes rang rdo rje phag mo ni// bcom ldan 'das kyi gzugs su bsgom// dang por stong pa bsgom bya zhing // ze 'bru la ni cha bral nyid/ / zla ba'i dkyil 'khor dbus gnas par// hU~M ni der ni bsgom par bya// de bzhin zhal gsum phyag drug par// lha yi gzugs su bsgom par bya// dang po'i zhal ni dkar min zhing g.yas pa dkar zhing zhi ba nyid/ / g.yon pa dmar po lta bu ste// spyan gsum bzang po'i gzugs can nyid// rgyun rnams kun gyis yang dag gang // thod pa'i gdan la yang dag gnas// bshang gci khu ba khrag rnams kyi// thod pa phyag gis bzung ba dang // gzhu dang mda' ni 'dzin pa nyid// de bzhin rdo rje dril bu nyid// dang po rdo rje 'bar ba nyid// gsum par de bzhin rtse gsum pa/ dpal ldan shes rab 'khyud pa dang // ral pa'i cod pan brgyan pa ste// sprin gyi 'od 'bar du ma ni// sangs rgyas dam tshig spro bar bya// b+ha ga'i dbus su sgrub pa pos// der ni bdag nyid bsgom pa bya/ lha mo lhan cig ldan par ni// de nas phyag rgya bsgom par bya// thod pa'i stan la gnas par ni// 'dab mar lha mo bri bar bya// sna tshogs gzugs ma yid 'ong ma// zhal gcig ma la phyag bzhi ma dang por rim pa bri bar bya/ / gzhu dang mda' ni 'dzin ma mdzes// thod pa khu bas gang ba dang // lcags kyu lag pas 'dzin pa mo// gnyis pa rtse gsum lag pa dang // khrag gis gang ba'i thod pa dang // rdo rje de bzhin zhags pa nyid// gsum pa lag par ral gri dang // zod pa chu yi gang ba dang // de bzhin rdo rje dril bu nyid// bzhi pa kha T+wAM ga lag ma// g.yon pa'i lag pas thod pa nyid/ mu suN+ye dang ba dan gsum/ / lnga pa zhags pa'i lag pa dang // thod pa lag pas bzung ba dang // de bzhin ut+pal cang te'u nyid// drag pa'i lag pas pad+ma dang // thod pa tshal gyis gang ba dang // de bzhin me long dgra sta nyid/ / bdun pa'i 'phang mdung lag pa dang // dung dang 'khor lo'i mtshon cha 'dzin// thod pa khrag gis gang bar ni// khru gang tsam du yang dag bri// brgyad pa bum pa'i lag pa dang // de bzhin rdo rje dril bu nyid/ / thod pa skyes pa'i pags pa yis// bkab pa rdzas kyis gang ba ni// ze 'brur bde ba chen po dang // 'dab mar lha mo bri bar bya// rol mo rnam pa sna tshogs rnams// gsang ba'i / dkyil 'khor bri bar bya// lha mo rdo rje lcags kyu dang // rdo rje zhags pa lcags sgrog dang // de bzhin rdo rje dril bu nyid// sgo yi skyong ba yang dag bri// b+ha ga'i dbus su bsgom bya zhing // phyis ni bzlas pa yang dag brtsam/ / hUM ni rdo rje sems dpa' yi// oM ni dbyangs kyi dbye ba nyid// a ni ngag dang yang dag ldan// shel ni dag pa lta bu nyid// hri ni de la yang dag sbyar// de bzhin du yang swA hA nyid/ / sngags kyi bzlas par yang dag gsungs// bsam gtan yi ge gcig pu nyid// lha mo rnams kyi hrIHnyid ni// 'dab ma rnams la de nas dgod// mchod pa bzhi yi rang bzhin gyis/ / sa bon bzhi dang yang dag ldan// sgo yi skyong ba thams cad du// dang po dbyangs yig la sogs ldan// b+ha ga nyid du sgrub pa pos// de nas rdo rje gzhug par bya/ hriHyi rnam pa nyid dang yang // de la hUM ni brjod par bya// zla mtshan dus su khrag bcas pa'i// khu ba kha yis bza' bar bya// bdag nyid dang ni b+ha ga la// me tog dri yis mchod par bya// gal te sgrub po sgrub 'dod na/ / de nyid la ni bzlas pa bya// rdo rje drag mo de bzhin gcig/ de bzhin rdo rje gzugs brnyan nyid// gsum pa rdo rje 'dod chags ma// bzhi pa rdo rje zhi ba ma// lnga pa rdo rje gnod sbyin madrug pa rdo rje mkha' 'gro ma/ / bdun pa sgra yi rdo rje ma// de bzhin brgyad pa rdo rje sa// gnyis pa la sra rab tu byed pa gsum pa'o// / 'khor lo sgrub pa'i khyad par gyi// rim pa ji bzhin rdo rje nyon// zhi dang rgyas dang dbang dang ni// bsrung dang de bzhin mngon spyod nyid// re'u mig dgu sogs 'khor lo yi// phyi rol mu khyud nyid du bya// 'khor lo las kyi kha dog sogs/ / mkhas pas rnam par bsgom par bya// oM tA re tut+tA re tu re swA hA/ 'di yi so bon thams cad kyi// phyag 'tshal sreg blug tha ma ni// dbus su ming ni sbyar bar bya// bsrung ba'i tshig kyang rnam par bya/ / mnyam nyid ye shes stong pas ni// bdag nyid kyi ni gzugs su bya// mnyam nyid thams cad rig pa'i gnas// bsrung ba'i 'khor lo sbyar bar bya// bsrung ba ye shes can gyi bsgom/ / 'jigs pa thams cad ring du byed// sems can dngos po med nA ni// rnal 'byor dngos po bsgom par bya// zla ba'i dkyil 'khor dbus gnas par// pad+ma'i gdun ni bsam par bya// / dngos grub thams cad rab ster mar// bdag gi lus ni bsgom par bya// oM tA re swA hA/ mgo bo la'o// oM tu re swA hA/ mig dag la'o// oM tut+tA re swA hA/ mig dag la'o// oM tA re swA hA/ sna dag/ / la'o// oM tu re swA hA/ rna ba dag la'o// oM re swA hA/ lce la'o// oM tA re nI swA hAM/ snying kar ro// yan lag drug ni rtag tu bzung // 'phags ma sgrol ma bsam par bya// phyag gnyis sems dpa skyil mo krung / / rgyan rnams kun gyis rnam par brgyan// kun la skyabs sbyin lag pa dang // g.yon pa ut+pa lta bu mchog/ sngags kyi rgyal po sa bskul ba yis// lha rnams thams cad bsgrub par bya oM ku ru kul+le hrIHswA hA/ las thams cad pa'i sngags so// dgra dang rgyal pos bcings pa dang // 'gro ba'i shin tu 'jigs pa'i dug/ yan lag rims ni sna tshogs dang // dug sogs dus min 'chi ba yi 'jigs pa'i gnas ni gang gang lags/ / de dang de la rab sbyar bya// shes rab chung ba blo ldan par// bsrung ba bres nas gzung bar bya// bsrung ba bzang po 'di nyid ni// 'jigs pa thams cad du ni spangs// bsrung ba 'di ni thams cad las/ / rnal 'byor de nyid gong na med// 'bar ba'i 'od zer lta bu yi// nyi ma'i dkyil 'khor bsams nas ni// de yi dbus su hrIHnyid ni// kha dog dmar po lta bu'i 'od// de nas bdag nyid bsam par bya/ / zhal gcig ma la phyag bzhi ma// mnga' dang gzhu yi lag pa ma// ut+pal dang lcags kyu badzin// 'di ni bsgoms pa tsam gyis ni// 'jig rten gsum po dbang du byed 'bum phrag gcig gis rgyal po rnams/ / khri yis 'jig rten phal ba nyid// bye bas phyugs dang gnod sbyin sogs// 'bum phrag bdun gyis lha ma yin// ba bum phrag gnyis kyis lha rnams nyid// brgya phrag gcig gis sngags pa nyid// 'khor lo 'dab ma brgyad pa 'di// kha dog dkar po shin tu mdzes// mnyam nyid gzugs su bsams nas ni// khams gsum gyi ni rang bzhin las// sngar gsungs mtshan nyid yang dag ldan/ / gong du gsungs pas bsgrub par bya// shes rab 'bar ba'i las rnams ni// 'di yi 'khor lo bsgom par bya// oM pra dz+nyA ma hA dra dz+nye hUM swAhA/ dngos po'i rdo zas bsgom par bya/ / 'od zer 'bar ba du ma yi// zla ba'i dkyil 'khor dbus gnas par// shes rab bdag nyid rnam par sprul// phyag gnyis sems dpa'i skyil mo krung // rgyan rnams kun gyis rnam par brgyan/ / kha dog dkar mo 'od gsal ma// shes rab bdag nyid gzung bar bya// 'di yi sa bon bzlas nas ni// shes rab 'dab ma lta bu 'phel// gu pa bam blo ni dman pa yi// shes rab 'phel ba'i rnal 'byor ro/ / zla ba'i dkyil 'khor dbus gnas par// yi ge de la dgod par bya// thod pa'i gdan gyi dbus gnas par// zhal gcig pa la phyag bzhi pa// zhi ba'i 'khor lo dril bu 'dzin// thod pa dang ni zhags pa nyid/ / de bzhin 'bar ba'i 'phreng 'khrug par// kun tu rnam par spro bar bya// 'dis ni rnal 'byor rim pas ni// rin chen 'byung gnas bsgom par bya// bcom gser gyi mdog lta bu/ sku mdog ser po gzi brjid che// thod pa'i gdan gyi dbus bzhugs pa// zhal gcig pa la phyag bzhi pa// dpa' bo rin chen lcag kyu 'dzin// thod pa de bzhin zhags pa nyid// 'dir ni rnal 'byor rim pas ni/ / pad+ma rdo rje 'chang ba bsgom// zhal gcig pa la phyag bzhi pa// pad+ma rA ga lta bu'i 'od// dpa' bo mda' dang gzhu 'dzin cing // thod pa'i gdan la yang dag bzhugs// pad+ma zhags pa 'dzin pa nyid/ / rgyan rnams kun gyis rnam par brgyan// 'dis ni rim pa'i rnal 'byor gyis// don yod phyag na ral gri 'dzin// thod pa'i gdan gyi dbus bzhugs pa// zhal gcig pa la phyag bzhi pa// thod pa rdo rje dril bu dang // lcags kyu dag ni g.yas pa 'phyar// bai DUR+Ya ltar ljang ku ste// rgyan rnams kyis ni rnam par brgyan// nam mkha'i khams kyi dbus son par// zla ba'i dkyil 'khor bsam par bya/ / de yi nang son sa bon ni// bruM las spun gyi dbyibs su ni// thod pa'i gdan gyi dbus gnas par// phyag ni brgyad kyis rnam par brgyan// 'khor lo'i lag pa mda' dang gzhu// de bzhin rdo rje dril bu nyid/ / zhags pa ral gri thod pa nyid// spyan gsum pa la zhal gcig ma// rgyan rnams kun gyis yang dag gang // do shal dang ni rkang gdub brgyan// kha dog dkar mo shin tu mar+tha/ de bzhin thod pa'i dbu rgyun nyid// nam mkha'i khams kyi dbus son pa// zla ba'i dkyil 'khor yongs gang ba// de yi nang son bsam par bya// hUM las mA ma kI yi dbyibs// thod pa'i gdan gyi dbus gnas par// kha dog sngon mo 'bar chen mo// spyan gsum pa la zhal gcig ma// thod pa'i 'phreng bas rnam par brgyan// mda' dang gzhu ni 'dzin pa nyid// lcags su dang ni ral gri nyid/ / zhags pa rdo rje de bzhin du// dril bu dang ni thod pa'o// 'khor lo rin chen pad+ma dang // kha T+wAM ga dang bcu gnyis ni// gsang ba'i dkyil 'khor bri bar bya// rgyan rnams kun gyis rnam par brgyan b+ha ga'i dbus su yongs gang ba'i/ / zla ba'i dkyil 'khor bsgom par bya// der ni hrIHni bsam bya zhing // gos dkar zhes bya rnam par sgom// thod pa'i gdan gyi dbus gnas par// kha dog dmar mo 'bar chen mo/ / rgyan rnams kun gyis yongs gang ba// phyag brgyad kyis ni rnam par brgyan// gzhu dang mda' ni 'dzin pa dang // pad+ma'i lag par ral gri dang // thod pa rdo rje dril bu dang / zhags pa de bzhin rin chen nyid// do shal dang ni rkang gdub sgra// rgyan rnams kun gyis rnam par brgyan// rnal 'byor pas ni 'di bsgom na// myur du sangs rgyas thob par 'gyur// nam mkha dbus su yongs gang ba'i/ / zla ba'i dkyil 'khor bsgom par bya// de yi nang son tAM nyid ni// sgrol ma'i dbyibs su bsam par bya// thod pa'i gdan gyi dbus gnas par// phyag ni brgyad kyis rnam par brgyan/ / ral gri phyag na chags bcas ma// ut+pal de bzhin lcags kyu dang // thod pa khrag gis gang ba dang // zhag pa de bzhin 'khor lo dang // gzhu dang mda' ni 'dzin pa nyid// zhal gcig/ ma ni yang dag bri// kha dog ljang ku spyan gsum ma// rgyar rnams kun gyis rnam par brgyan// de ltar rnal 'byor pas bsgoms pas// rdo rje sems dpa' mnyam par 'gyur// rgyud thams cad kyi gleng gzhi'i gsang ba dpal yang dag par sbyor ba byung ba'i brtag pa'i rgyal po gnyis pa'o/ / // he ru ka dang dag med ma'i// bskyed pa'o sgrub dang de bzhin nyon// gang gis gdug pa drag po yi/ / sems can 'dul bar 'gyur ba yi// mkha' 'gro mkha' 'gro mas mdzad pa'i// de dag thams cad khyod la bshad// rdo rje sems dpa' gyur nas kyang // rdo rje can nyid rdo rje dbang// 'bar ba'i 'phreng 'khrugs drag po ni// kun tu rnam par spro bar bya// zla ba'i dkyil 'khor dbus gnas par// sa bon 'phreng ba de nas dgod// de nas rdo rje chags chen las// rig mar bcas pa khu bar gyur/ / sna tshogs glu yi mchod pa las// de nas rig mas bskul bar bya// rje btsun snying rje'i yid bzhengs shig/ puk+ka sI ni bdag la skyobs// stong pa'i rang bzhin nyid spongs la/ / bdag la bde chen sbyor bzhid mdzad// khyod med na ni bdag 'gum pas// kye yi rdo rje khyod bzhengs shig/ stong pa'i rang bzhin nyid spongs la// ri khrod ma 'bras grub par mdzod// dga' gtso 'jig rten mgron gnyer ba// stong pa nyid la bzhugs sam ci// khyod med phyogs ni mi 'tshal bas// gdol ba mo bdag zhu ba bgyid// bdag gi khyod kyi thugs 'tshal gyis/ / mig 'phrul mnga' ba khyod bzhengs shig/ g.yung mo bdag nyid dran nyams pas// snying rje rgyun chad ma mdzad cig/ aM dang hUM las rdo rje che// khu ba'i gzugs las bzhengs nas ni/ zhabs rnams sa la brjeb pa dang / lhad lha min bsdig par mdzad// gaM tsaM baM g+haM paM shaM tse laM DaM/ 'di yis sa bon dbyung bar bya// bdag po dga' ma'i sa bon las// aM hUM sngon po 'bar ba brtsig pas/ / ma mo'i 'khor lo grangs nyams dgar// gtso bo 'di ltar bsgom par bya// zhal brgyud pa la zhabs bzhi pa// phyag ni bcu drug dag gis brgyan// bdud bzhi mnyam par mnan pa nyid 'jigs pa yang ni 'jigs pa po/ / sgeg cing dpa' bo mi sdug pa// rgod cing drag shul 'jigs su rung // snying rje rngam dang zhi ba yi// gar dgu'i ro dang ldan pa nyid// mgo yi 'phreng bas do shal mdzad/ / nyi mar bzhugs shing rol mor bcas// kha dog gnag pa 'jigs pa'o// sna tshogs rdo rje spyi bor 'dzin// nyid kyi zhal nas hUM spro zhing // thal bas sku la byugs pa nyid// bdag med lhan cig mnyam sbyor zhing / / dga' ba gnyis gnyis snyoms 'jug pas// dba' rlabs med pa'i rang bzhin can// rtsa ba'i gzhal ni bzhad cing gnag/ g.yas pa'i zhal ni kun dar mtshung g.yon pa dmar zhing cher 'jigs pa/ / steng ma'i zhal ni rnam par gtsigs// spyan ni nyi shu rtsa bzhis che// lhag ma'i zhal ni bung ba mtshungs// rdo rje ral gri 'dzin pa dang // mda' dang de bzhin 'khor lo nyid/ / de bzhin gshor dang dbyib pa dang // rtse gsum pa dang lcags kyu nyid// g.yon par dril bu pad+mar bcas// gzhu dang kha T+wAM ga phyar zhing // thod pa dang ni rin chen nyid/ / sdigs mdzub zhag pa de bzhin no// sangs rgyas sprin gyi 'od zer ltar// kun tu rnam par spro bar bya// de ltar cho ga sna tshogs kyis// de kar mo la sogs de rnams dgod/ / dkar mo kha dog dkar mo ste// gzhu dang mda' ni 'gengs me mchog/ thod pa khrag gis bkang ba dang // de bzhin rdo rje gri gug nyid// chom rkum ma ni kha dog dmar// 'khor lo lcags kyu 'dzin mar brjod/ / thod pa dang ni cang te'u nyid// gsal ba'i gzugs can dgod par bya/ mongs byed ma ni sku mdog gnag/ de bzhin thod pa dang ni gshor// sa la rlog pa nyid dang ni/ / g.yas pa rtse gsum 'phyar ba'o// ro langs ma ni dkar ser mtshungs// phyag dag na ni chung dang chu// ral gri dang ni thod pa nyid// mdzes ma'i gzugs can bsgom par bya// puk+ka si ni kha dog ser/ / dpag bsam shing gi lcug ma dang // sha yis gang ba'i thod pa dang // rin chen dang ni mchog sbyin nyid// gdol pa mo ni sngo mdog mtshungs// de bzhin rlung gi gos 'dzin ma// gzhan pa dag gis thod pa dang // de bzhin pad+ma dkar po nyid// g.yung mo sngo dang dkar ba'i mdog/ rdo rje dang ni lcags kyu 'dzin// g.yon pas thod pa 'dzin pa ste// gzhan pas rlung gi gos 'dzin ma/ / g+ha sa ma rI ni ljang ser mtshungs// rdo rje me thab dgra sta'i lag/ thod pa tshal bus yongs gang ba'i// g.yas pa mi 'jigs sbyin byed ma// ri khrod ma ni dkar mdog mtshungs// kha T+wAM ga dang thod pa'i lag/ rdo rje de bzhin zhags pa nyid// sna tshogs gzugs can bsgom par bya// ro hi ta dang phag nyid dang // rus sbal de bzhin lto 'phyo nyid// seng ge de bzhin stag nyid dang // wa dang dge slong nyid rnams dang / / de ltar dkar mo la sogs pa'i// thod pa brgyad du cho ga bzhin// rgyan rnams kun gyis rnam par brgyan// sgeg pa la sogs ro dang ldan// rta yi gzugs dang phag gi gdong // khyi gdong de bzhin seng ge ma/ zhal bzhi pa la phyag bzhi ma// sbrul gyi rgyan gyis rnam par brgyan// gling bu dang ni pi wa nga dang // mu kun dwa dang rdza rnga ste// phyag gnyis ma la zhal gcig ma// rgyan rnams kun gyis rnam par brgyan nag mo dkar ser lta bu dang / / de bzhin steng du rta gdong ljang // ser mo nag mo dkar mtshungs dang // de bzhin steng du bag gdong dmar// dmar zhing gnag dang dkar mtshungs shing // de bzhin steng du khyi gdong ser/ / ljang dang gnas dang dkar ba'i gdong // steng du 'bar ba'i seng ge gdong // thams cad sgra ni steng du ba bar// g.yon brkyang ba yis ro mnan cing // spyan gsum khro zhing sgeg pa dang // rgod pa'i bzhin ni bsgom par bya/ / he ru ka bskyed pa gsum pa las rab tu byed pa dang po'o// / ye shes mkha' 'gro sgrub thabs ni// rdo rje gtso bo rgyal po nyon// gnyis med ye shes chos ldan pa'i / gnyis kyi dngos po spangs pa yis// rnal 'byor kun sosas dang por ni// dag pa gsum ni gdon par bya// swa b+hA ba shud+d+haHsarba d+harmAHswa b+hA ba shud+d+hohaM/ badz+ra shud+d+haHsarba d+harmAHbadz+ra shud+d+hohaM/ yo ga shud+d+haHsarba d+harmaHyo ga shud+d+hohaM/ de ltar byas nas rnal 'byor pas// yang ni bsam gtan de nyid bya// yid dang rjes mthun gnas rnams su// de nas bsam gtan brtsam par bya// bla re yang ni bri ba nyid// sna tshogs gos ni 'phyang ba dang / / 'phan dang rgyal mtshan bsgreng ba dang // phyogs bcu'i gnas ni thams cad du// dri zhim me tog sna tshogs dang // de bzhin dri yi dkyil 'khor du// skad cig gcig pa'i rnal 'byor gyis// bdag gis lus ni bsam par bya// blo gros ldan pas sngar mchod nas// ye shes mkha' 'gro ma ni gzung // de ltar cho ga sna tshogs ni// nges par bsgom pa nyid du bya// ye shes mtsho yi ri bo'i mgor/ phyogs sogs kha dog bzhi ni bsam// de bzhin gser gyi rgyan byung dang // rin chen bdun gyis rnam par spras// g.yer ka 'bar ba'i 'phreng ba ni// 'dod pas kun tu rgyas par ni// gnas ni lnga ru seng ge yi// gdan ni bsgom pa nyid du bya// nyi ma'i dkyil 'khor bsam nas ni// gdugs ni dkar pos rnam par spras// bdag gi dbugs kyis phyung nas ni// dbus su ye shes mkha' 'gro ma// zhal gsum ma la phyag drug nyid/ / sems dpa'i skyil mo krung gis gnas// ma bcings sgra yis mdzes pa dang // sangs rgyas lnga yis rnam par brgyan// kha dog sngon mo 'jigs chen mo// sbrul gyi rgyan gyis rnam par brgyan/ / rgod dang khro ba sgeg pa dang // spyan gsum gsal ba'i gzugs can ma// sgra cher dgod dang 'jigs pa mo// gos ni dmar pos shin tu mdzes// steng du kha T+wAM ga nyid dang // gnyis pa la ni dgra sta nyid/ / gsum pa la ni rdo rje nyid// g.yon na de bzhin dril bu'i sgra// gnyis pa la ni lhung bzed nyid// gsum par de bzhin ral gri 'dzin// 'od zer 'bar ba du ma dang // dbus su mkhas pas bsgom par bya/ / ye shes mkha' 'gro'i mdun du ni// bdag gi dbugs kyis phyung nas ni// kha dog dkar mo shin tu mdzes// ma bcings pa yi sgra yis brgyan// sbrul gyi rgyan gyi sa brgyan pa dang / / sgeg pa'i ro dang ldan pa dang // shin tu mdzes pa'i gos kyi sa brgyan// phyag gnyis kyis ni rnam par spras// rnal 'byor lhung bzed kha T+wAM ga/ rdo rje mkha' 'gro mi bsgom bya// ye shes byang gi cha la ni/ / bdag gi dbugs las byung na sa ni// phyag gnyis sems dpa'i skyil mo krung // bcom gser gyi mdog lta bu// rnal 'byor lhung bzed kha T+wAM ga/ ma bcings skra yis rnam par brgyan/ / yan lag sbrul gyi rgyan dang ni// shin tu mdzes pa'i gos kyi sa brgyan// 'jigs pa'i mkha' 'gro zhes bya bsgom// ye shes nub kyi cha la ni// yang ni ro langs ma byung nas/ / phyag gnyis sems dpa'i skyil mo krung // kha dog sngon mo shin tu mdzes// rnal 'byor lhung bzed kha T+wAM ga/ ma bcings pa yi skra yis brgyan// lus la sbrul gyi rgyan gyi sa brgyan// shin tu mdzes pa'i gos kyi sa brgyan// ye shes lho yi cha la ni// gdol pa mo ni dmar mo ltar// rnal 'byor lhung bzed kha T+wAM ga/ ma bcings pa yi skra yis brgyan// phyag gnyis ma la zhal gcig ma/ / sna tshogs rgyan gyis rnam par brgyan// yongs gang gzugs dang gzi brjid ldan// 'di ni rnal 'byor pa yis bsgom// dbang ldan lha mo seng ge ma// gdong ni seng ger bsam par bya// dkar dang ser ba lta bur ni// klu dbang stan la g.yas brkyang gnas// rdo rje lcags kyu sdigs mdzub zhags// shin tu mdzes pa'i gos kyi sa brgyan// 'od zer 'bar ba du mas ni// lus ni 'bar bar bsgom pabar bya/ / mer ni sdug mo zhes bya ba// rin chen bdun po mchog gi gdan// phyag gnyis sngo dang dkar ba mtshungs// gos dang rgyan gyis brtan pa dang // 'bar ba'i rdo rje lcags kyu dang // de bzhin sdigs mdzub zhags pa nyid/ / 'od zer ba ba rab du mas ni/ lus ni 'bar bar bsgom par bya// bden bral lha mo wa gdong ma// sgra cher dgod dang 'jigs pa mo// ma he'i gdan dang yang dag ldan// dmar zhing gnag pa'i kha dog ma/ / lus la shin tu mdzes gos dang // phyag gnyis kyis ni rnam par sbas// lcags kyu zhags pa sdigs mdzub ma// sbrul gyi rgyan gyis brgyan pa'o// rlung ngu lha mo bug pa mo// ser dang dmar ba'i kha dog ma/ / klu yi gdan la gnas pa dang // de nyid rgyan ni rab tu brtag/ phyag gnyis sems dpa'i skyil krung gnas// lcags kyu zhags pa sdigs mdzub ma// 'od zer babang rab du ma yis/ / thams cad kyi ni thams cad 'bar// mkha' 'gro ma brgyad dbus su ste// phyi rol tu ni bzhi po rnams// de ltar dgod pa'i rim bltas nas// phyi nas gnas ni rab tu brtag/ shar du mkha' 'gro'i rgyal mo dbang / / phyag gnyis dang ni mdog dkar mo// yi dgas gdan la gnas pa dang // sbrul gyi rgyan gyis brgyan pa dang // sgra ni grol zhing drag mo dang // me ni 'bar ba'i 'od lta bu// khar ni lag pa bcug nas ni/ / sgra cher dgod dang de bzhin 'bar// byang du mar me rgyal mo dbang // kha dog ser mo drag shul ma// 'jigs pa'i gzugs can gtsigs pa can// shin tu mdzes pa'i gos kyis brgyan// rab tu song nga'i stan la gnas/ / 'bar ba'i me ni lta bu'i 'od// thal mo gnyis kyi lag pa ni// mgo bo'i steng du mar me bzhin// nub tu lha mo 'jib byed ma// kha dog dmar mo 'jigs pa mo// rab tu song ba'i stan la gnas/ / shin tu mdzes pa'i gos kyis brgyan// khrag gi srad du lag pa yi// snyim par khrag ni thung bar byed// mer ni 'bar ba'i 'od drag mo// lha mo gtso mo 'jib byed ma'o// lho ru g.yo ldan ma zhes bya/ kha dog nag mo lta bu'i 'od// rab tu song ba'i stan la gnas// macings pa yi sgra yis brgyan// go ni dmar pos shin tu mdzes// sbrul gyi rgyan gyis brgyan pa dang // sdigs mdzub dang ni gtun shing lag/ thams cad sems ni rmongs par byed// 'bar ba'i me yi 'od drag mo// thams cad rig pas thams cad bsgom// 'di rnams gzugs sogs mdun du ni// dam tshig de bzhin bstan par bya// rlung dang me yis bdun pa'i don/ / rdo rje'i sa bon gyis ni bskul// thig le sgras ni mnan pas ni// rgyun gyi char ni zhes byar gsungs// gsum pa las rab tu byed pa gnyis pa'o// / de nas bdang med sgrub pa ni/ / ci gsungs mdo ru bsdus nas bshad// nam mkha'i khams kyi dbus son par// nyi ma'i dkyil 'khor bsam par bya// 'khor lo sngon du ci rigs par// lha rnams ji ltar 'byung ba nyid 'khor lo sA dang chu ni sngon/ / go rim bzhin du byin pa dang // lha rnams kyi ni rlung chen dang // ji ltar sgom pa po 'byung ba// chos 'byung las skyes 'khor lo ni// 'phar ma gnyis dag skyon med pa// ze 'bru las ni gcig yin te/ / rdo rje can gyi sku gsum mchog/ bco lnga'i gdan dang ldan pa yi// ro ni nges par bsam par bya// de yi steng du zla ba yin// zla ba'i steng du sa bon nyid// phyi nas bdud las rgyal bas mnan/ / gnyis 'dus pa las bde chen po// A li zla ba'i gzugs kyis gnas// kA li'i gzugs kyis snang byed do// zla ba nyi ma gnyis 'dus pas// dkar mo la sogs rab tu grag zla ba me long ye shes ldan/ / de bzhin mnyam nyid ye shes nyid// rang lha'i sa bon phyag mtshan ni// so sor rtog par brjod par bya// thams cad gcig gyur nan tan nyid// gzugs brnyan rdzogs par dag pa'o/ / mkhas pas cho ga gsungs pas ni// rnam pa lnga po bsgom par bya// A li kA li mnyam sbyor ba// rdo rje sems dpa' nyid kyi gdan// yi ge las byung gong bu la/ hUM phaT rnam pa 'dod mi bya// sems dpa'i gzugs brnyan las byung ba// dkyil 'khor bdag po bsgom par bya// phyag mtshan zhal sogs gong ma bzhin// zla ba chu shel nor bu'i 'od// thabs dang shes rab rang bzhin las/ / de ltar thams cad rdzogs pa nyid// A li shes rab kA li thAbs// zla ba nyi ma'i rab dbye bas// gang phyir dkar mo la sogs pa// kha dog dbye bas so so yin// de phyir kun tu rab 'bad pas/ / dkyil 'khor pa yang rab tu brtag/ rnal 'byor ma lnga 'di dag ni// nang gi 'bar mar yang dag gnas// phung po lnga yi rang bzhin gyis// rnal 'byor rig pa snga rtag tu bsgom dbang por rdo rje gshin rje dkar/ / chu bdag chu yi rnal 'byor ma// lus ngan rdo rje mkha' 'gro ma// dbus su bdag med rnal 'byor ma// phyi rol 'apar mar dkar mo dang // chom rkun de bzhin ro langs ma g+hasma rI dang puk+ka sI/ / ri khrod ma dang gdol pa mo// brgyud pa g.yung mos gang ba'o// 'od ldan ma dang sdeng ldan nyid// mkha' spyongs spyod ma zhes brjod// srid dang zhi ba'i rang bzhin gyis// ngos su skyusbyar ma yang dag gnas/ / lha mo thams cad sna tshogs mdog/ drag chen phyag rgya lnga yis brgyan// zhal gcig ma la phyag bzhi ma// spyan gsum gsal ba'i gzugs can ma// 'khor lo rna cha mgur / rgyan dang // lag par gdu bu ska rags nyid// sangs rgyas lnga ni rnam dag pas// 'di lnga phyag rgya dag par gsungs// ji ltar bdag med rnal 'byor ma// de ltar thams cad rnam par bshad// g.yon pas/ rnal 'byor lhung bzed dang // de bzhin steng du ba T+wAM ga/ g.yas na rdo rje sngon po dang // de bzhin du yang gri gug nyid// ro la zhon zhing gzi brjid pa bar// spyan dmar de bzhin steng skyes ser// kha dog sngon mo / ches gsal ma// stag gi pags pas rnam dkris shing // 'jig pa'i me ni lta bur ni// gsal ba'i gzugs can ma de gnas// g.yas na dkar dang sngo ba ste// g.yon na margad sngo dang mtshungs// phyag gnyis ma la zhal gcig ma/ / rgyan rnams kun gyis rnam par brgyan// lag pa gcig ni thod pas brel// g.yas na gri gug 'dzin pa mo// rgod dang khro dang skrag pa dang // de ni mchod pa'i gzugs gnas pas/ / sangs rgyas sprin dang mnyam pa yi// 'od zer sna tshogs kun tu spro// de nyid gsum gyi rang bzhin bdag/ mkhas pas dbus su bsgom par bya// gsum pa las rab tu byed pa gsum pa'o// / de nas dkyil 'khor chen po mchog/ yang dag rab tu bshad par bya// rdo rje dbyings dang mnyam pa'i dbyibs// rdo rje dbyings zhes bya bar gsungs// dkyil 'khor gnas ni sbyangs nas ri/ phyag rgya chen por yongs su gzung // thams cad rnam par bltas nas ni// sngags pas 'di ni bsgrub par bya// gsar pa legs par bkal ba dang // shin tu tshad ma mdzes pas ni// srad bus thig gdab shes rab can/ / ji ltar nus par dkyil 'khor nyid// gru bzhi pa la sgo bzhi pa// rta babs rnams kyis shin tu mdzes// thig bzhi dang ni yang dag ldan// gos dang me tog baphreng bas brgyan/ / mtshams kyi cha rnams thams cad dang // sgo yi khyud kyi grwa rnams su// rdo rje rin chen rnams kyis spras// de yi 'khor lo so so'i skabs// nang du yang ni zhugs nas ni// rdo rje thig ni yongs bcug cing / / phyi rol dkyil 'khor thig gdab bya// ka ba brgyad kyis nye bar mdzes// rdo rje ka ba'i nang logs su// dkyil 'khor lnga yis rnam par brgyan// de nas dkyil 'khor nang du ni/ / sangs rgyas gzugs brnyan rnam par dgod// gsungs pa'i dkyil 'khor cho ga yi// bsgrub pa'ang khyod la bshad par bya// de la dang por lha nyid kyi// khyim du sngags pa zhugs nas ni// aHlas zla ba'i dkyil 'khor ni// bsams nas de steng rdo rje ni// dkar po rtse mo lnga pa nyid// cho gas bsam par byas nas ni// de bzhin gshegs pa kun sogs la// mchod nas phyag 'tshal 'di skad gsol/ / sangs rgyas byang chub sems dpa' kun// bdag la dgongs par mdzad du gsol// bdag ni che ge mo zhes bgyi// dus 'di nas ni bzung nas ni// ji srid byang chub snying po'i bar// ji ltar dus gsum mgon po rnams/ / byang chub tu ni nges mdzad pa'i// byang chub sems ni bla med mchog/ dam pa bdag gis bskyed par bgyi// dge ba'i chos ni sdud pa dang // sems can don byed tshul khrims dang / / tshul khrims bslab pa rnam pa gsum// so sor bdag gis brtan por gzung // sangs rgyas chos dang dge 'dun te// bla na med pa'i dkon mchog gsum// sangs rgyas rnal 'byor las skyes pa'i/ / sdom pa dring nas brtan por gzung // rdo rje rigs mchog chen po la// rdo rje dril bu phyag rgya yang // de nyid las ni so sor gzung // slob dpon dag kyang gzung bar bgyi// rin chen rigs mchog rnal 'byor gyi/ / dam tshig yid du 'ong ba la// nyi ma re re drug byas nas// sbyin pa rnam bzhi rtag tu sbyin// byang chub chen po las byung ba// pad+ma'i rigs mchog dag pa la// phyi dang gsang ba thag pa gsum/ / dam pa'i chos kyang so sor gzung // las kyi rigs mchog chen po la// sdom pa thams cad ldan par ni// thams cad so sor gzung bar bgyi// mchod pa'i las kyang ci nus bgyi// byang chub sems ni bla med pa// dam pa bdag gis bskyed par bgyi// sems can kun gyi don gyi phyir// sdom pa ma lus gzung bar bgyi// ma bsgral ba dag bsgral bar bgyi// ma grolnga bdag/ sgrol bar bgyi// dbugs ma phyin pa dbugs dbyung zhing // sems can mya ngan 'das la bzhag/ de nas bcom ldan 'das rdo rje 'dzin pa thams cad kyi rtse mo las byung ba zhes bya ba'i ting nge bzhi le snyoms par bzhugs te tshig 'di dag bka' stsal pa/ / de nas bsam gtan gnas 'dug nas// chos rnams thams cad bdag med par// yang dag rjes su blta bar bya// phyi dang nang gi bdag nyid can/ / 'di dag thams cad sems kyis brtags// sems las ma gtogs pa nyid ni// gzhan du yod pa ma yin no// chos kun rang bzhin 'od gsal ba/ chos kun dang por ma skyes phyir// yid kyis a nut+pan+d+ha brjod// de nas rang sems de nyid 'dis// rang bzhin gyis ni 'od gsal ba// 'dod pa'i sngags kyi bzlas pas ni// zla ba'i dkyil 'khor rnam par blta/ / oM tsit+ta pra ti be d+haM ka ro mi zhes// tshogs kyi dkyil 'khor ches dag pa// nam mkha' lta bur dri ma med// yid gnyis kun las rnam par grog mchog tu rnam par rtog pa 'joms// nyon mongs dri ma thams cad dag/ dang por zla ba ltar bltas nas// sangs rgyas kun gyi yon tan 'dir// a sogs gzugs kyis 'jug par 'gyur// a A i I u U r-i r-I l-i lAM e ai o o a aHbcom ldan zla ba'i dkyil 'khor gyi/ / yon tan khyad par ji ltar lags// bcom ldan 'das kyis bka' stsal pa// gru gsum rgya chen rang bzhin can// sangs rgyas kun gyi yon tan gnas// 'di ni a sogs gzugs kyis ni// sangs rgyas yon tan 'jug par 'gyur// shel dang zla ba lta bur ni// de yi steng du 'jug par 'gyur// sems ni rang bzhin 'od gsal bas// de nyid dga' bar byed pa'i rgyu/ / sngags pas 'di yi sngags kyis ni// byang chub sems ni skyed par byed// oM bo d+hi tsit+ta ut+pA da yA mi// byas pa'i rjes su rim byung ba// sems can rjes su 'dzin pa'o// dge ba'i chos kyis yang dag gang / / nyon mongs thams cad nges par gnon// zla ba'i dkyil 'khor dbus su ni// byang chub zla ba gnyis pa can// 'dir yang skar ma'i rnam pas ni// sangs rgyas yon tan ka/ / sogs kyi// gzugs kyi gzugs brnyan lta bu ra yi// rnal 'byor gyis ni 'jug par 'gyur// ka kha ga g+ha nga/ tsa tsha dza dz+ha nya/ Ta Sha Da D+ha Na/ ta tha da d+ha na/ pa pha ba b+ha ma/ ya ra la wa/ sha ShA sa ha k+ShaH/ 'di yi dkyil 'khor cho ga kun// rgyud ni gzhan du ma gsungs so// de la dbus su rtse lnga pa// 'od zer dkar po bcas pa nyid// kun tu bzang po'i sems bskyed pa// brtan par byed pa'i rgyu yi phyir// bdag nyid rdo rje'i gzugs brnyan du// 'di yi sngags kyis bsgom par bya// oM tiSh+Tha badz+ra/ byang chub spyod pa bla na med// de yis ni rtogs pa 'di// ye shes dag pa zag pa med// zla ba'i dkyil 'khor dbus su ni/ / rdo rje ngas par brtag par bya// nam mkha'i khams ni thams cad kyi// tshad du yang dag gang ba yi// rdo rje'i lus kyi bdag nyid du// sngags pas bsgom par bya ba'o// 'dis ni sngags kyi rnal 'byor gyis/ / spro ba dang ni bsdu bar bya// oM badz+ra At+ma kohaM/ sangs rgyas kun gyi sku gang ni// snang ba med cing gnas pa med// ma skyes ma byas dag pa nyid// dngos po med pa la sogs spangs/ gcad med dbyer med gzung du med// chos kyi sku ni gzugs med pa// rdo rje bdag med yang dag gyur// rdo rje'i sku ni gong na med// de ltar yang de ni rdo rjes mtshan pa bsgom par bya ba bcom ldan 'das de bzhin gshegs pa thams cad nyon cig/ yang ni rdo rje sems dpa' ni// rnam pa kun gyi mchog ldan pa// sangs rgyas rnams kyi gzugs brnyan ni// 'di yi sngags kyis bsgom par bya/ / oM ya thA sarba ta thA ga tA sta thA haM/ sku dang gsang ba de bzhin spyod// spyod yul de nyid rtogs pa ni// mngon par byang chub rnam pa lnga// sangs rgyas kun gyi bdag nyid dge/ de nas yang byang chub sems dpa' sems dpa' chen po rdo rje snying po la sogs pas bcom ldan 'das la 'di skad ces gsol to/ / bcom ldan pa das gsang ba'i rdo rje dang / pad+ma'i rigs kyi ming ci lag/ bcom ldan pa das kyis bkab stsal pa/ rdo rje de bzhin gshegs pa kun la gnas// pad+ma'i rigs ni lha mo chen mo ldan// de yi rdo rje pad+ma'i steng du gnas// de las de bzhin gshegs pa thams cad bton/ / de nas de ltar bdag nyid rnam par snang mdzad du bskyed nas steng dang 'og tu sngags kyi yi ge bkod de/ cho ga bzhin du ri rab dang / gru gsum rgya chen po bskyed par bya ste/ 'od zer sna tshogs kyi dkyil 'khor gyi sa brgyan pa las yang dag par byung ba'i mdzes pa'i gnas bsgoms nas/ der paM las byung ba'i sna tshogs pad+mar nyi ma'i dkyil 'khor ro// rlung dang me'i dkyil 'khor dang ldan pa/ ya ra la wa sa brgyan pa'o// de nas de yi stang du sngags kyis de bzhin gshegs pa thams cad kyis gsol ba btab cing bstod par rab tu bsngags pa nor bu rin po che chen bo 'od gsal ba dang / kha dog sna tshogs shing dril bu dbyangs pa dang / rlung gi swa bskyod pa'i gos dang / 'phan dang / me tog gi 'phreng ba dang / rdo shal dang / do shal phyed pa dang / zla bas nye bar/ mdzes par rdo rje nor bu'i rtse mor gzhal med khang bsam par bya'o// hUM gi sngags 'di rang gi snying khar zla ba'i dkyil 'khor du sngags 'di bkod de/ de nyid gyur pa las rdo rje rtse lnga pa bsgom par bya'o// yang sangs rgyas thams cad spro ba dang bsdu bar bya zhing / rdo rje de nyid yang yongs gyur pa las rdo rje sems dpa' rnam pa kun gyi mchog dang ldan pa zla ba'i kha dog gi 'od lta bu ste/ zla ba'i dkyil 'khor gyi steng na bzhugs shing rgyan thams cad kyis brgyan pa/ dbab bo shes rab dang dga' ba gcig pus mdzes pas rdo rje dang / dril bu dang / ral gri dang / lcags kyu nyid dang / thod pa dang / zhugs pa 'dzin pa nyid do/ / g.yas pa ni kha dog nag po'o// g.yon pa ni pad+ma rA ga'i 'od do// zhal gsum pa dang / phyag drug pa nyid dang / spyan gsum pa nyid dang / bzang po'i gzugs can te/ rang gi rig ma'i pad+ma la bzhugs pa/ dgyes pa'i dkyil 'khor bsgom par bya'o// rnam pa thams cad kyi mchog dang ldan par dkyil 'khor pa'ang rab tu brtag par bya'o// shar du ni rnam par snang mdzad do// lhor ni rin chen 'byung gnas so/ / nub tu ni 'od dpag tu med pa'o// byang du ni gdon mi za bar grub pa'o// dbang ldan du ni spyan no// mer ni mA ma kI'i// bden bral du ni gos dkar mo'o// rlung du ni sgrol ma'o// phyi rol gyi 'phar ma la drag shul ma ni kha dog dkar mo'o/ / lho ru ni rdo rje gzugs brnyan ma ni kha dog ser mo'o// nub tu ni 'dod chags rdo rje ma kha dog dmar mo'o// byang du ni rdo rje zhi ba mo kha dog ljang ku ma'o/ / dbang ldan du ni rdo rje gnod sbyin mo kha dog dkar ser ro// me ru ni rdo rje mkha' 'gro ma dmar ser lta bu'o// bden bral du ni sgra'i rdo rje ma ni sngon dmar lta bu'o// rlung du sa'i rdo rje ma ni kha dog ljang skya ma'o/ / phyi rol gyi 'bar ma la dbang ldan du ni gling bu ma'o// me ru ni pi wang ma'o// bden bral du ni mu kun dma'o// rlung du ni rdza rnga ma'o// gling bu ma la sogs pa ni phyag gnyis ma la zhal gcig ma'o// phyi rol gyi snam bu la me tog la sogs pa'i mtshan ma 'dzin pa'i rnal 'byor ma de gzhag par bya ste/ de bzhin du phyag gnyis ma'o// shar gyi sgo la lha mo rdo rje lcags kyu ma nam mkha' sngo bsangs ma'i mdog bri bar bya ste/ zhal g.yas pa dang / gzhan pa ni gnag pa dang / dkar ba'o// phyag g.yas pa'i dang po na ni lcags kyu'o// gnyis pa na ni ral gri phyar ba'o// gsum pa la ni 'khor lo'o// g.yon pa na ni zhags pa dang / sdigs mdzub dang / dril bu 'dzin pa ste phyag drug pa bri bar bya'o// lho'i sgor lha mo rdo rje zhags pa ma kha dog dkar ser te/ zhal g.yas pa dang / gzhan pa ni gnag pa dang dmar ba'o/ / g.yas pa ni zhags pa dang / rdo rje dang ral gri 'phyar ba'o// 'khor lo dang / dril bu dang / sdigs mdzub zhags pa can te phyag drug pa'o// nub kyi sgo la ni rdo rje lcags sgrog ma ste de bzhin du gzhan yang kha dog dmar zhing gzi brjid che ba ste/ zhal g.yas pa dang gzhan pa ni gnag pa dang dkar ba'o// phyag drug na lcags sgrogs dang / rdo rje dang / ral gri dang / 'khor lo dang dril bu dang / lcags kyu'o// byang gi sgo la ni rdo rje dril bu ma 'jigs mar byed pa ste/ zhal gsum ni ljang ku dang / nag mo dang / dkar mo'o// phyag drug na ni dril bu dang / rdo rje dang / ral gri dang / 'khor lo dang / lcags kyu dang / zhags pa'o// thams cad kyang skra steng du 'bar ba ste/ sna tshogs pad+mar nyi ma'i dkyil 'khor du gzhag par bya'o// me'i phyogs nas brtsams te me tog la sogs pa'i mtshan ma 'dzin pa'i rnal 'byor ma de gzhag par bya ste phyag gnyis mar gsungs so/ / sha ra la sogs pa'i sgo rnams su ni rnal 'byor ma lcags kyu ma dang / zhags pa ma dang / lcags sgrog ma dang / dril bu ma'i lag pa ste/ sgo srungs ma dang yang dag par ldan pa'o// dzaHhUM baM hoHzhes bya ba 'di rnams kyi snying po bstan pa ste the tsom mi za'o// de ltar bkod pa dang byas pa la sogs pa'i tshul gyis kyang mtshan ma dang phyag rgya dang ldan pa'i dpal rdo rje sems dpa'i phyi'i dkyil 'khor ro/ / gong ma lta bu'i de'i phyed kyis de'i nang du zla ba phyed pa'i dbyibs lta bu'i rlung gi dkyil 'khor dang 'dra ba ka ba brgyad kyis nye bar mdzes pa dang / phyi rol du ri mo bzhis yongs su bskor ba'o// lha mo thams cad kyi gnas su ji skad gsungs pa'i gdan rnams ni dkar mo la sogs par rab tu brtag par bya'o// de la dbus su ni hrI'i yi ge rnam par bsgom par bya'o/ / de'i shar gyi re'u mig la ni hri'o// lho ru ni ho'o// nub tu ni gi'o// byang du ni dzi'o// me ru ni haM ngo // bden bral du ni dza ngo rlung du ni ma~M ngo / / dbang ldan du na~M haM ngo // dkyil 'khor gyi phyi rol du bkod pa ni me'i mtshams su ni a~M ngo // bden bral du ni u'o// rlung du ni e'o// dbang ldan du ni aM dgod par bya'o// shar gyi sgo la dza'o// lho ru ni hUM ngo // nub tu ni bi mo// byang du ni so dgod par bya'o// phyi rol du dur khrod brgyad kyis yongs su bskor ba'i dkyil 'khor bsams te/ der dbang po la sogs pa'i 'byung po chen po brgyad po 'jig par byed pa dgod par bya'o/ / shar du ha ri pA sa la// lha yi tshogs ni yang dag dri// lho ru ts+tsha ta'i shing la ni// gshin rje'i gtso bo'i dbang phyug bri// nub tu a ka gnas su/ / sprin gyi rgyal der ni dgod// de bzhin byang du byang chub shing // gnod sbyin sde dpon mnyam par zhag/ de bzhin mar ni ka rany+dza ra// drang srong tshogs kyis yang dag khyab// bden thal la tA dza tar ni/ / srin po la sogs de nas dgod// rlung du b+ha li pa la ni// rlung gi bdag po yang dag bri// dbang ldan pa tas+thU lar ni// yi dgas tshogs ni yang dag bri// drag bcas dbang bcas nye dbang bcas/ / zla bcas nyi ma gshin rje'i cha// rgyas btab rmongs byas zos byas shing // thal ba'i dngos bcas patsho bar byed// thabs dang shes rab rnal 'byor gyis// g.yon par kha T+wAM brten gnas su/ / dril bu sil sil sgra sgrogs shing // khrag gis bkang ba'i thod pa bsnams// g.yas su rdo rje babar ba ste// bajigs pa yang ni 'jigs par mdzad// skyil krung phyed par byas nas ni/ / nyid kyi brla stengs g.yon pa mnan// tshangs pa la sogs mnan pa de// grags pa nye bar mi za ste// kun tu 'od zer sna tshogs kyi// sangs rgyas sprin dang mnyam pa 'dis spro ba yang ni sbyin par bya/ / de ltar rnal 'byor pas sgoms na// dngos grub myur du thob par 'gyur// dpal yang dag par sbyor ba las byung ba ste brtag pa'i rgyal po gsum pa'o// / bcom ldan rnal 'byor rnal 'byor ma'i// ngag gi phyag rgya'i mtshan nyid kyi// gsang ba nyan par 'a tshul lags na// thub po chen pos bshad du gsol// de nas bcom ldan 'das mkha' 'gro ma rnam par rgyal ba'i stobs zhes bya ba'i ting nge 'dzin la snyoms par zhugs nas mkha' 'gro ma'i dam tshig gi phyag rgya bka' sprul pa/ ko l+la i ro T+Thi a bo lA/ mum+bA ni re kak+ko lA/ g+ha na kri bi Ta ho bA dz+nyA i ka ru Ni ki a i na ro lA/ ta hi ba la khAdz+dza i/ g+ha Ta ma a NA bidz+dza i a i/ tsa laM kA biny+dza pa Ni a i/ du d+hA ra bIdz+nyA a ai/ tsa u sa ma kA nAM nI sih+la/ ka b+hA rA lA e A ai/ mA la in+d+ra na shA sa liny+dza/ ta hi b+ha mu bA mi a i/ bi kha Na le Ta ka rin+te/ shud+d+ha a shud+d+haHna mu Ni a ai/ ni r-i shu i gtsaT+Ta hI/ taM hi dza sa rA ba pa Ni a a~M/ ma le yai dza kun+d+he ru pra rbi i/ Di d+hi ma ta hiN+Da badz+ra maM ai/ muSh+paM/ g+ho g+hu/ g+hu g+hu/ mu g+hu/ lu g+hu/ diSh+Ta/ 'di rnams blta sa nas rnal 'byor pas mtshan ma gsungs pa zhes bya ba la spro bar bya'o// DA di/ pu su/ mA/ yo/ b+hI/ d+hi/ lu/ s+t+ri/ sa/ da/ phe/ phi/ b+ha/ b+hU/ gr-i b+h+yAM/ Tau/ ga/ tI/ ku/ kha dza/ b+hU/ sA/ pu/ dza/ o/ a/ go/ rU/ de/ myA/ ka/ o trI/ ko/ kA/ la/ kA/ hi/ pre/ waM/ sau/ su/ nA/ si/ ma/ ku/ de nas ngag gIn+do ma yi// rgyo sa'i rim pa bshad par bya/ / gang gis spun dang srin mor yang // the tshom med par shes bya ba// po tam gi dang / pre ti po taM gi dang / ga muM dang / lur+m+ma ba dang / ni ra ga dang / tsa n+yo go dang / hri da ya dang / kau ra ga dang / kar+t+ti ka dang / a li ka ran dang / b+ha rA ha dang / shra ba NaM dang / man+tha na dang / na raHdang / tI li kA dang / na ra ka dang / a mu ka dang / kA khi lA dang / swa sa na dang / pa ri d+hi dang / bi ra d+hi dang / kru ra dang an+ta dang / a li ka dang / b+ha gi ni dang / mu ta ka dang / gri hA nA dang / nu dra dang / dan+ta swa r+ra ne dzi hA dang / g+ha na bA hi ni dang / a ka ma na dang / s+tha ne ta dang / ki ra dang / lam po da ra dang / dan+ta dang / ni ro d+ha dang / bi dzA b+hi dang / b+hur+ya dang / d+hu mra bi ya dang / sa nu dang / sa rita dang / aM gu lA dang / ba da nA dang / ra dzi ka dang / ang+ga na dang / paM ka ti dang / tsA na dA ha dang / tsa la dang / mri ga pa ti dang / maN+Dal dang / swa saM dang / pho wu la dang / ma hA k+Sha ra dang / ts+tshan/ go ma b+hi ha dang / a phyag dang / s+tha dang / dan+ta/ swar+Yanan dang / mu kha sparba ne dang / he dang / trI kA dang / shu n+ya swana? ne dang / a nu swaR+sha na dang / steng dang 'og tu yod pa ni phyag rgya dang phyag rgya'i lan du gsungs so// yi ge dang ngag gi ts+tsho ma ste bzhi pa las rab tu byed pa dang po'o// // rdo rje snying po snying rje che// yid ni gcig tu gyur pas nyon/ / gzugs can ma dang 'o byed ma// lA ma yongs gyur byis bcas mo// mi ldog mo dang 'dod pa mo// 'di dag mkha' 'gro bdun du gsungs// mngon par zhen pas blta ba dang // smin ma yon por gang byed cing // sngon gyi gzugs ni sdud pa dang // phyis nas 'jigs par byed pa ni// de ni gzugs can ma zhes bya// dpa' bos gnyis med sten pa'o// sdug pa'am ga' te mi sdug pa'i/ / byis pa lta zhing 'o byed ni// de ni bo byed mar shes bya// mkha' 'gro mchog kyang de nyid yin// byol song lta sbyangs khro gnyer gdong // 'di ni smin sgyur bsdigs par byed// gzhan du dbugs kyi 'jigs byed ma// de ni lA mar rnam par bstan// phag dang lce spyad byi la dang // rta rnams thams cad 'jigs byed pa// de ni yongs gyur ma ru gsungs// rab tu dag zhing gsal bar dgod/ / song bar gyur nas mi ldog pa// de ni byis bcas mo ru gsungs// gang zhig skyo bas lag pa'am// bong ba 'am ni rkang pas sam// gos mtha' 'am yang na shing gis ni/ / des reg pa ni 'tsho mi 'gyur// de mi ldog mar shes bya// dgod dang sgra dang ngu ba dang // glo bur du ni khro 'gyur ba// de ni 'dod pa ma shes bya// mkha' 'gro rnal 'byor ma mor gsungs/ / thod pa dgra sta mche ba dang // chu srin rgyal mtshan ral gri dang // babang mdung dang ni bdun du gsungs// yang dag sbyor ba'i cho ga 'di// rnal 'byor rig pas rtag tu mtshon/ / lus srul mo'i mtshan ma dang phyag rgya ste bzhi pa las rab tu byed pa gnyis pa'o// / de nas lA ma'i mtshan nyid ni// yang dag rab tu bshad par bya// dmar zhing dkar ba'i bu med gang / / pad+ma'i 'dab ma lta bu'i 'od// dkar po'i go sa la rtag dga' zhing // tsan dan gsar pa'i dri dang ldan// bde gshegs 'dus pa nyid la dga'// chags shing mthong na rjes 'gro ma/ / khyim du pad+ma 'dri byed ma// pad+ma gar dbang rika sa las byung // smin ma'i dbus su rtse gsum son// lus ni sde bsangs skya ba dang // ut+pal sngon po'i dri dang mtshungs// khyim du rdo rje bri nas ni/ / rtag tu mchod pa byed pa ni// he ru ka dpal rigs byung ba// de ni mkha' 'gro mar sher bya// mig dmar dkar dang dmar ba dang // de bzhin rkang pa lag pa dmar// ra skyes khyim bya drag gis kyang / / rtag tu dga' bar gyur pa dang // de yi khyim du rdo rje ni// bris nas rtag tu mchod byed pa// he ru dka dpal rigs byung ba// mkha' 'gror 'di la the tshom med// 'khor lo gang gi dpral ba'am/ / lag par yang ni mthong 'gyur ba'i// ser zhing sngo bsangs bud med gang // rtag tu gos ser dga' ba nyid// me tog dkar po dri chen dang // skal bzang phun sum tshogs ma de/ / khyim du 'khor lo 'dri bar byed// de bzhin gshegs pa'i rigs rjes 'gro// gnag cing sngo bsangs bud med gang // so ni dkar zhing mtho ba dang // rtag tu gdug pa'i g.yon pa ni/ skra ni rtag tu grol ba yin// rtag tu khrus la dga' ba dang // spyod cing mang du smra ba dang // rdo rje khyim du bris nas ni// rtag tu mchod pa byed pa ni// rdo rje phag mo'i rigs las byung // dkar zhing gser dang mtshungs pa dang / / 'bar ba'i mig dang ba spu gang // rdo rje gang gi dpral ba'am// lag par yang ni mthong gyur pa// rtag tu rgyal srid dga' ba dang // snyems shing bden par smra ba dang / / ma li ka yi dri dang ldan// khyim du rdo rje bris nas ni// rtag tu mchod pa byed pa ni// dum skyes ma yi rigs las byung // rnal 'byor dbang chen mo ni mchog/ sha la dga' ba'i bud med gang / / mig sman nag po'i lta bu'i 'od// dpral bar mdung rtse'i rnam pa nyid// drag shul las la dga' ba gang // rtag tu dur khrod 'gro gang dang // 'jigs med skyug bro med pa dang // gang gi dpral bar bsdus nas ni/ / khyim du thod pa 'dri byed cing // rtag tu mchod pa byed pa ni// he ru ka yi rigs las byung // char sprin mdog 'dra'i bud med gang // si ni mi mnyam par gnas shing / / rtag tu drag shul las rnams dang // g.yon pa'i mche ba byung ba ni// khyim du dgra sta 'dre byed cing // rtag tu mchod pa byed pa ni// rnam par 'dren pa'i rigs byung ba// de ni mkha' 'gror the mtshem med/ / gang gi sgra ni li ba dang // bzhin ni yongs su zlum pa dang // rtag tu kha la sma ra dang // smin ma ring zhing ba spu dang // gos dkar gtsang zhing zhi ba dang // mi skyong bden par smra ba dang // rtag tu dam pa'i chos dga' ba// dpa' bo'i sring mor de shes bya// pad+ma'i phyag rgya sbyin par bya// yang na rus sbal phyag rgya bya// ril ba spyi blug mchod byed pa// phyag rgya'i lan du brjod par bya// de ni tshes bcu'i res dag la// khyim du pad+ma 'dri bar byed// ma mchu 'phyang zhing mig yangs ma// mig ni dmar zhing ser ba dang // che zhing skal bzang ror dang ldan ser zhing tsam pa lta bu nyid/ / ring zhing lag pa ring ba dang // sna tshogs gos la dga' ba dang // ri mo gsum ni dpral ba 'am// steng gi mtshams su nges par gnas// dgod pa dang ni dga' ba nyid/ / lam gyi rnam pa gnon cing gnas// g.yul du shi ba rnams kyi ni// gtam la rtag tu dga' ba nyid// de 'dra'i rab myos mthong nas ni// mdung rtse phyag rgya rab bstan bya// rkang pa g.yon pa bskums pa yi/ / gar nyid kyang ni rab bstan bya// g.yon gyis yongasu bskor ba ni// phyag rgya'i lan du brjod par bya// de yi bcu bzhi 'am brgyad pa la// de khyim mdung rtse bris shing mchod/ / 'jig rten dbang phyug mtshan nyid yin// dmar zhing dkar ba'i bud med gang // mig ni ldang zhing ser ba dang // de bzhin sgra ni 'khyil ba dang // dar dbyangs bcings pa / snang ba nyid// ri mo gcig par rab tu gnas// de bzhin steng du ring ba dang // rtag tu gos dmar la dga' zhing // rtag tu dgod cing glu len dang // glo bur du ni khro ba dang // khyad par du ni sems g.yo dang / / rtsod la rtag tu dga' ba nyid// de 'dra'i rab myos mthong nas ni// 'phang mdung phyag rgya rab bstan bya// gnyis pa yis kyang 'bad pa yis// dril bu'i phyag rgya rab tu sbyin// / g.yon nas yongs su bskor ba dang // phyag rgya'i lan du brjod par bya// thung zhing byin pa sbom pa dang // rtag tu gos ser dga' ba dang // mgrin pa na sa ni gos 'phyang ba// de 'dra'i rab myos mthong nas ni/ / 'khor lo'i phyag rgya rab bstan bya// gnyis pa'ang rab tu 'bad pas ni// dung gi phyag rgya sbyin par bya// de bzhin yongs su bskor ba nyid// de yi dus ni bcu bzhi la// khyim du rdo rje 'dri bar byed/ / yan lag kun la baspur bcas// mig ni gnag cing ser ba dang // gtsigs shing rnam 'gyur 'jigs pa dang // bzhin sbom kha ni sbom pa dang // ma mchu 'phyang zhing khung mig dang / / sna ni nyams par gyur pa dang // rtag tu dri za 'dod pa dang // sprin gyi kha dog lho phye ba// de 'dra'i rang myos mthong nas ni// klu yi phyag rgya rab sbyin bya// gnyis pa yang ni 'bad pa yis/ / 'phang mdung phyag rgya sbyin par bya// yongs su bskor ba gong ma bzhin// de ni bcu gcig tshes la ni// mche ba 'dri zhing rtag tu mchod// mtshan ma'i phyag rgya ste bzhi pa las rab tu byed pa gsum pa'o/ / de nas yan lag phyag rgya yi// mtshan nyid yang dag rab bshad bya// bud med gang zhig spyi gtsug reg/ spyi de yi rab bstan bya/ / gang zhig dpral ba ston pa la// mkhur tshes de yis rab sngan bya// gang zhig so ni ston pa la// lce ni de yis rab stan bya// gang zhig ma mchu ston pa la// kos sgo nga yis rab bstan bya/ / gang zhig mgrin par reg pa la// lto ba de yis rab bstan bya// gang zhig lto ba ston pa la// lte ba de yis rab bstan bya// gang zhig mjug ma ston pa la// sa ni de yis rab bsta/ bya// gang zhig gsang ba ston pa la// ling ga de yis rab bstan bya// gang zhig pus mo ston pa la// byin pa de la rab bstan bya// gang zhig lag pa ston pa la// dpung pa de yis rab bstan bya// gang zhig rkang pa ston pa la// rkang mthil de yis rab bstan bya// gang zhig sor mo ston pa la// sen mo do yis rab bstan bya// gang zhig sa ni ston pa la// nam mkha' de yis rab bstan bya// gang zhig nam mkha' ston pa la// nyi ma de yis rab stan bya// gang zhig chu bo ston pa la// rgya mtsho de yis rab bstan bya// gang zhig sor mo gcig ston pa// legs par 'ongs shes brjod pa yin// gang zhig sor mo gnyis ston pa// shin tu legs 'ongs brjod pa yin// g.yas pa'i smin ma sbyar tshul dang // g.yon pa'i smin sgyur tshul ston pa// slob dpon gnyis dang 'du ba ston// rgyud thams cad kyi gsang ba dpal yang dag par sbyor ba las byung ba rdo rje mkha' 'gro ma'i brda ste brtag pa'i rgyal po bzhi pa'o/ / de nas skye bo dam pa kun// 'du ba yang dag rab bshad bya/ / de la zas gcig bzab par bya// sna tshogs su yang ma lus brtson// kye bcom ldan 'das 'du ba'i gnas gang lags// bcom ldan 'das kyis bka' stsal pa// gnas dang nye ba'i gnas dang ni/ / zhing dang de bzhin nye ba'i zhing // tsAn+do nye ba'i tsAn+do dang // 'du ba de bzhin te 'du ba// dur khrod nye ba'i dur khrod dang // 'thung gcod nye ba'i 'thung gcod nyid// 'di rnams sa ni bcu gnyis te/ / sa bcu'i dbang phyug mgon po nyid// 'di ni gzhan gyis brjod mi bya// kye bcom ldan 'das gnas la sogs pa gang lags// de bzhin du sa bcu gnyis po rnams rgya chen po las byung ba bka drin gyis ni bskyab tu gsol/ bcom ldan 'das kyis bka' stsal pa/ gnas ni dzA lan+d+ha rar gsungs// de bzhin du ni u rgyan nyid// gnas ni ko la gi rI dang // de bzhin arbu ta nyid do// nye gan+da go da ba ri nyid/ / de bzhin dga' ba'i dbang phyug dang // de bzhin de wi ko Tar bshad// de bzhin mA la ba nyid dang // de bzhin kA ru par gsungs// o tre zhing ni nyid du gsungs// nye zhing tri sha ku ni dang / / de bzhin ko sha la nyid dang // ka la~M kar ni ci gsungs pa'o// de bzhin la ba ka nyid dang // kany+tsi kha ba'i gnas nyid ni// tsAn+dor yang dag gsungs pa dang // nye ba yi yang tsAn+do'o// pre ta a hi b+hA si dang / / de bzhin khyim gyi lha nyid dang // sau rAny+dza dang gser gling nyid// 'du ba de bzhin te 'dug/ nA ga ra dang sin+na ni// dur khrod nyid du brjod pa dang // ma ru dang ni ku lu ta/ / nye ba yi ni dur khrod nyid// snying rje de bzhin las kyi brang // ha ri ki la nyid dang ni/ lan tshwa rgya mtsho'i nang song dang // bin+d+ha gzhon nu'i grong khyer nyid// 'thung gcod nye ba'i 'thung gcod do// de dang nye ba'i dur khrod nyid// rab song dge 'dun rgya mtsho'i 'gram// skyed mos tshal gyi rdzing bu'i 'gram// nye ba'i dur khrod brjod par bya// de nas gnas la lhag par gnas pa'i cho ga bshad par bya ste// / rdul bral gnas su tsu ta gnas// kong ka nar ni zla ba'i snying // ka rany+dzar gnas tsa ri trar// aT+Ta ha sa ra ka dam pa// lha mo'i mkhar du b+ha Da gnas// ha ri ke la ra hA ri ga nas// u rgyan a shau ka ni / gnas// dzA lan+d+ha rar gser shing gnas// gnas ni rab tu dga' de'i sa// de bzhin nye gnas dri ma med// zhing ni 'od byed shes par bya// nye ba'i zhing ni bong 'phro can// ts+tshan+do mngon du gyur par nges/ / nye ba'i ts+tshin+do sbyang dka' ba// 'du ba ring du song ba ste// nye ba'i 'du ba mi g.yo ba// dur khrod legs pa'i blo gros nyid// nye ba'i dur khrod chos kyi sprin// pha rol phyin bcu'i sa rnams la/ rnal 'byor ma yi kla klo'i skad// pu la sogs pa ci gsungs pa// phyi dang nang du bsam par bya// rnal 'byor ma rnams legs 'du ba'i// nyin par nyid kyang legs bshad bya// yi dgas zla phyed bcu bzhi dang // brgyad pa la yang khyad par du// rgyal mtshan dang ni mtshon bsnun nyid// skye ba bdun pa khyad par du// 'bad pas snying rje bskyed nas ni// mkhas pas gsad par bya ba nyid/ / snying rje med na mi grub pas// de phyir snying rje yang dag bshad// ji ltar bdag gzhan sems can nyid// ji ltar sems can de bzhin bdag/ 'di ltar sems pa'i rnal 'byor ba dag/ dadro/ grub myur du thob par 'gyur// 'du ba'i gnas te lnga pa las rab tu byed pa dang po'o// // gsang ba'i pad+ma'i mtshan nyid ni// ye shes dbang po nyan par 'tshal// ye shes sems dnga'i dris pa yi/ / rdzogs pa'i byang chub rim pa ci// bcom ldan 'das kyis bka' stsal pa// gnas bzhi mnyam par gnas nas ni// rdzogs bya rim pa rdo rje 'dzin// mnam nyid sems ni bskyed nas ni/ / 'dod chags la sogs ring du spangs// yid dang mthun pa'i gnas su ni// bde ba'i stan la 'dug nas ni// brtan dang g.yo ba'i dngos po kun// snying rjes phan pa'i bsam par bya/ / spyi bo med pa'i spyi bo dang // sgra mtha' de bzhin gsang pad+ma// cha ni sna tshogs yig 'bru rnams// de bzhin du yang bstan rnams nyid// sku gsung thugs kyi rdo rje ni// chos kyi dbyings kyi rnam por byed/ / bsdus nas gong bu'i rnam 'byor gyis// rdo rje sems dpar rang nyid 'gyur// chu yi kham dang me yi khams// ro gcig mchog gi gnas su ni// thabs dang shes rab bdag nyid sbyor/ / sangs rgyas gzugs brnyan dbang po drug/ bstan bcos tshad ma slob dpon dang // lung gi rjes 'brangs de nyid shes// gsang don de nyid dngos po yang / / de nyid las ni gcig las gcig/ sngar gyi mtshan nyid thams cad kyi// stong sogs de nyid mtshan nyid kyis// lus kyi dri ma bkrus nas ni// rdzogs pa'i byang chub rim par sbyar/ zla ba'i dkyil 'khor dbus gnas par// ye shes sems dpa' bsam par bya// mdog dkar kun da zla ba yi// 'od zer rnam par spro ba ni// phyag gnyis sems dpa'i skyil mo gung // pad+ma gnas la yang dag bzhugs/ / rgyan rnams kun gyis rnam par brgyan// sangs rgyas lnga yis rnam par mtshon// phyag rgya chen po phyag gnyis kyis// snying gi gnas su gzir bar mdzad// gzugs dang gzi brjid yongs gang ba/ / ye shes sems dpar bsgom pa nyid// chu shing me tog lta bur ni// lte ba ru ni yang dag gnas// langs nas snying khar kun tu gnas// sngar gyi mtshan nyid yod gang bar/ / bton nas dang por pad+ma ni// 'dab ma brgyad pa shin tu mdzes// ze ba dang ni ze 'brur bcas// yi ge rnam dgod dgod par bya// dkyil 'khor dbus su gnas pa yi// phyag gnyis zhal gcig dkar po ni/ / bzang po dri med dbus su bsam// de yi dbus su rnam shes dang // ye shes de nyid sbyar bar bya// dang po shar gyi 'dab ma la// byams par ldan pa'i mi bskyod pa// lho yi sgor ni snying rje nyid/ / rin chen de nyid sa don gnas// nub kyi sgo yi 'dab ma la// 'od dpag med pa'i sa bon dgod// byang gi sgo yi gnas su ni// sems kyis don yod gtso bo nyid// dang po'i dbyangs sogs sa bon gyi/ / zla ba'i thig la ji bzhin rim// zla ba'i 'od zer dkar brgyan pa'i// yi ge bzhi ni dgod par bya// mtshams rnams su ni ma ning nyid// rnam pa bzhi po sngar gsu pa/ de yi dbus su de'i sems kyi// yi ge yis ni sbyar bar bya// sems la the tshom 'khrungs lags pas// bcom ldan pa dag la bshad du gsol// stong pa mtshon du med pa la// yi ge/ rnal 'byor la sogs ci// bcom ldan 'das kyis bka' stsal pa// de nyid ji ltar rdo rje nyon// mtshan gzhi mtshan nyid stong pa nyid// snying po med pa'i chu shing las// snying po bdud rtsi 'bras 'byung ltar/ / 'bras bu rnam shes ye shes ni// gzugs med pa las ye shes gzugs// ye shes sku ni skyon med pa// mtshan nyid mtshon du med pa nyid// dngos dang dngos med rnam par grol/ / yig 'bru med las yig 'bru'i gzugs// de dbus rdo za stong pa nyid// de nyid rnal 'byor pa yis gzung // ji ltar mtshan nyid shes kyang ni// mnyam nyid ye shes sems kyis ni// de yi rdzogs pa'i byang chub lam/ / myur ba nyid du mthong bar 'gyur// bla ma'i man ngag lam gyis ni// ye shes rnam shes jo bo las// mtshan nyid bstan bcos mdor bsdus pa// de nyid dpa' bo ston pa po/ / 'di yi sgom pa thams cad kyi// 'od zer dkar pos rnam par brgyan// lcags sgrog lnga po mchod rten gyi// bdud rtsi'i sa bon bsam nas ni// kha dog dkar po 'od gsal ba/ / bdud rtsi'i rgyun ni 'dzag par 'gyur// snying gi sa bon pad dbus su// mthe bong yongs kyi dkyil 'khor nyid// de yi dbus su sa bon ni// A li kA li yongs btus pa// kha dog dkar po shin tu mdzes/ / zla ba'i 'od zer 'phro ba ni// de yi dbus su sgo rnams kyi// thig le'i gzugs su rab tu grags// sgra yi rtse mo brgya stong char// phra rab gzugs su yang dag gnas// rnam par shes pa'i / rang bzhin las// ye shes can gyi mtshan nyid mtshon// go 'phang gnas kyi thig le ltos// sems kyi mtshan nyid thams cad shes// snying la tshangs pa'i sgo yis ni// thig le sgo yi lam las ni// bla ma'i man ngag brtson pa yi// rnam shes ye shes kyi yang blang // lam gyi pha rol bstan bcos kyang // ma yin ring bar gyur pa min// bstan bcos rnams ni rnyed sla yang // sbyor ba de la rnyed par dka'/ / rnal 'byor pa yi thabs kyis ni// bla ma gsol ba 'debs la brtson// bla ma'i man ngag lam gyis ni// rnam par mkhas pas mthong bar 'gyur// mnyam gzhag dngos po'i rang bzhin gyis/ / g.yo ba med cing 'tshe ba med// yid ni chos rnams sngon du 'gro// yid ni dag cing yid ltar mgyogs// yid kyi rgyal po'i bka' 'drin gyis// smra ba dag ni byed par 'gyur// de phyir yid kyis/ bdag nyid kun// yid las byung bar blo ldan pas// snying khar sems bsgom sdom pa ni// gal te 'dod na yo gIs bzlas// rgyu ru gyur pa'i sa bon te// de nyid dpyad pas ma yin no// 'bras bu rgyu yi sa bon te/ / de nyid mthong ba ma yin no// gzugs sogs srid pa'i longs spyod kyi// dmigs pa'i sa bon rnam pa lnga// spyi bo spyi med yang dag gnas// kun nas kun gyis 'bab par 'gyur/ / rtag tu rtsa ba'i sa bon gyi// ye shes rnam shes sa bon las// thig le sgra dang yang dag ldan// 'khor ba'i longs spyod 'don pa yis// yid kyi bzlas pa yang dag ldan// yi ge dag ni rnam par spangs/ / nges par rtag tu go 'phang gnas// rtag pa dang ni chos kyi dbyings// rtag tu phra zhing skyon med pa// ye shes la ni rnam shes nub// ye shes dngos pos rnam shes kyi// rdzogs pa'i byang chub rim mthong 'gyur// dang por mtshan ma thams cad kyi// mar me'i rnam par mthong bar 'gyur// gnyis par mtshan ma me khyer gyi// rnam pa'i rdul du mtshon par byed// rdul dka tsa nu ka dbyibs su/ / phyogs bcur de bzhin mthong bar 'gyur// gsum par nyon mongs bcom pa ni// rnal 'byor pa yis rnam par brtag/ lha yi longs spyod 'dod pa yang // bzhi par yang ni bstan pa'o/ / lha yi gzugs ni thams cad kyang // lnga par sems kyis brtag par bya// drug pa gzugs ni med pa'i tshe// bdun pa chos kyi dbyings nyid de// brgyad par rang 'dod rnal 'byor pa'i// sangs rgyas rnams kyi 'bras bu'i don/ / rdo rje sems dpa' snying rje che// yid ni gcig tu gyur pas nyon// nges par dngos po thams cad kyi// dag pa de bzhin nyid du brjod// phyis ni re rer dbye/ ba yis// lha rnams kyis ni brjod par bya// lus can rnams kyi phung po dang // khams rnams dang ni skye mched rnams// rang bzhin gyis ni rnam par dag/ nyon mongs mi shes sgrib sbyang bya// rang rig pas nyid dag pa nyid/ / dag pa gzhan gyis rnam grol min// yul gyis dngos po dag pa'i phyir// rang gis rig pa'i bde ba'i mchog/ gzugs la sogs pa'i yul gang dang // gzhan yang rnal 'byor pa snang ba/ de kun rang bzhin dag pa ste// de phyir sangs rgyas sna tshogs dngos/ kye bcom ldan 'das rnam par ma dag pa gang lags// bcom ldan 'das kyis bka' stsal pa/ gzugs la sogs pa'o// de ci'i slad du zhe na/ gzung ba dang 'dzin pa'i phyir ro// gsol pa// gzung ba dang 'dzin pa gang lags/ bcom ldan 'das kyis bka' stsal pa// mig gis gzugs ni gzung bar bya// sgra ni rna bas mnyan par bya/ dri ni sna yis tshor bar bya// lce yis ro ni rig par bya// lus kyis dngos po reg par bya// yid kyis bde sogs thob pa ni// dag pas dug med byas nas ni// bsten bya 'di dag bsten par bya/ gzugs ni sangs rgyas rnam snang mdzad// tshor ba rdo rje nam ste/ 'du shes pad+ma gar dbang phyug// de bzhin 'du byed rdo rje rgyal// rnam shes rdo rje sems dpa' nyid// kun gyi ngo bo he ru ka/ mig la ga mug rdo rjer bshad/ / zhe sdang rdo rje mngon thos pa// phrag dog rdo rje de bzhin sna// kha ni 'dod chags rdo rjer bshad// reg la ser sna rdo rje ma// khams dang skye mched thams cad ni// dam pa'i dbang phyug he ru ka/ sa yi khams ni ltung byed ma// chu khams gsod par byed mar brjod// me yi khams ni 'gugs byed ma// de bzhin chung ni gar dbang phyug/ nam mkha'i khams su brjod pa ni// pad+ma 'bar ba 'khyil pa nyid/ / 'di ltar lus can rnams kyi lus// phung po la sogs lha bdag nyid// bde dang sdug bsngal de bzhin las// nyon mongs la sogs des bskyed pa'i// bskyed pa'i cha la legs gnas pas/ / srid dang mya ngan 'das pa thob// phung po dang skye mched rnam par dag pa ste lnga pa las rab tu byed pa gnyis pa'o// // de nas spyod pas rtog pa rnams// 'jig par byed pa bshad par bya/ / chos rnams kun la mnyam byung ba// de nyid spyod pa gong na med// sangs rgyas sras la phan pa'i phyir// rdzogs pa'i byang chub rnam gnas pa// gang zhig yang ni de nyid las/ / rdo rje yan lag med pa yi// shes rab pha rol phyin pa mchog/ skye ba'i rgya mtsho 'jigs chen por// rga ba'i rlabs kyis 'khrugs pa las// sems can thams cad sgrol bar byed// tshong pa dge bar 'gro ba dang // myur du dngos grub gsal byed cing // snying po'i yon tan kun gyi gnas// sems kyi rin chen las byung ba// 'dod don rab tu sgrub par byed// rdo rje 'dzin pas rab bsngags pa'i/ / longs spyod rdzogs pa'i yon tan kun// lus byung 'di la ma gtogs par// dga' ba'i dngos grub 'byung mi 'gyur// mkhas mchog spyod pa mtshungs med 'di// grol bar 'dod pas spad par gyis// lha yi dgra dang brgya byin dang // grong khyer sum brtsegs dgra bo dang // nor sprin tshangs pa la sogs pas// zhabs kyi 'dam skyes mchod pa yi// sdig pa 'jig byed 'di la spyod/ / myur du de bzhin gshegs pa yi// gnas kyi mchog ni thob par 'gyur// dpal ldan rdo rje sems dpas ni// gang zhig 'gro la phan par ni// kun 'dar gyi ni spyod pa gsu// de ltar mchog tu bsam yas gnas// shin tu gsang ba yo gis bsgom// rtog pa thams cad bral bar ni// dam tshig la ni spyad par bya// rgyu mthun 'a bras bu rang bzhin las// dang po'i rtsom par yo gi gnas/ / de nas bsgom pas dub pa na// bsdus nas byis pa'i rtse ba bya// sna tshogs gdul bya'i 'jig rten la// 'jam pa'i gzugs can rang nyid bsgom// grub par grags pa ma lus pa/ cigasungs rnam pa sna tshogs pa'i// spyod pas bla na med pa yis// kun bzang mtshungs pa med 'grub pas// spyod pa nges rig rdo rje can// bcom ldan 'das kyis bka' stsal to// dpal ldan slob dpon rdo rje can/ / kun gyi mgon la phyag 'tshal lo// gsang ba'i spyod pas gnas nas ni// blo gros chen po bya ba byas// de nas rang gi 'dod sgyur bas// sbyor ba kun la kha phyir bltas// kun tu seng ge lha bur ni/ / de nyid ldan pas bdag gis spyod// ji ltar byung don yang dag rig/ 'gro ba 'don pa'i bsam pa yis// yang dag lta ba rab sgyur ba dag/ brtan pa'i sems ni gnas med pas// phung po khams sogs mtshan nyid ni/ / thams cad rmi lam sgyu ma ltar// khams gsum 'di dag thams cad ni// mdor bsdus nas ni 'dir shes bya// sgrib pa kun las rnam par grol// 'tshe bar dbang phyug 'du ba dang / / de bzhin 'jig rten chos brgyad ni// thams cad shin tu ring du spangs// rtag tu rtog pa med gyur pas// gnyis su med par nges byas nas// pha rol phyin drug rnal 'byor gyis// sangs rgyas dngos grub rab grub phyir/ / sems can don la legs nus kyang // sems can yongs su brtag mi bya// byang chub la ni sems bzhag nas// phyogs las rgyal ba'i spyod pa brtsam// thabs dang shes rab ldan pa'i bdag/ sbyor ba kun la rgyab kyis phyogs// de nyid goms par rab byas pas// skye ba 'dir ni 'grub par 'gyur// rtog pa kun las rnam par grolaM// sems can bsam pa'i khyad par las/ / sgyu ma ltar rtogs rnal 'byor gyis// thams cad nyid ni bza' bar bya// chos kyi dbyings las yang dag byung // mi mthun phyogs ni gang yang med// dogs pa med pa'i sems kyis ni/ / ji ltar 'dod par rab tu bza'// longs spyod rdzogs don 'di dag kun// khams gsum dag ni ma lus pa// sgrub pa po la phan pa'i phyir// rdo rje sems dpas rnam par sprul// ye she mtha' yas thob pa yis/ / de bzhin gshegs phyag mi byan// rtag tu sgom par ldan pa yis// dbang bskur med sogs smos ci dgos// byang chub sems kyi rang bzhin las/ / dngos po kun gyi rang bzhin 'di// de nyid bcom ldan rdo rje can// de phyir de nyid lha rnams 'di// dkyil 'khor bsrung ba mi bya zhing // phyag rgya mchod rten las mi bya// dpal ldan rdo rje mgon pos ni/ / gang yang gzhan du bstan pa rnams// lhag par mos pas gnas gang yang // de rnams kyis kyang de nyid rig/ ji ltar bdud rtsi don gnyer bas// snying po blangs nas dar ba spong / / de ltar chos kyi snying po ni// thob nas rtog pa thams cad spangs// rtog med gang tshe blo ldan pas// dogs pa spangs shing gnas med pa// thugs kyi rdo rje ci gsungs bzhin// de tshe 'grub 'gyur the tsom med// rtog pas dmyal bar 'gro 'gyur te// 'gro ba drug gi 'khor bar ni// 'khor ba ru ni 'khor bar 'gyur// rtog pa med na grol 'gyur zhing // gnas ni dri med zhi ba nyid/ / de phyir rtog pa'i dra gzhom phyir// dam tshig sangs rgyas mdzad pa gang // de ni rtag tu goms par bya// gang gis dam tshig gnas gyur pa// sngags shes bsam pa'i nus pas bya// dngos po kun la blta bar bya// nges par thams cad ma skyes pa'i// rnam pa yi ni rnal 'byor gyis// khyi dang bong bu rnga mo dang // glang po la sogs khrag 'thungs nas// sha yang rtag tu bza' babanyid/ / sha chen khrag gis gos pa ni// thams cad khyad par du ni blta// dman pa'i sha ni thams cad dang // srog chags 'bum phrag brgya ldan bza'// rnam snang shin tu rul ba yi// srin bu brgya phrag zi zir ldan/ / khyi dang mi skyugs bsres nas ni// shA ni rdo yi chu go ldan// rnal 'byor pas ni spro ba yi// rnam snang ba sres nas bza' bar bya// rdo rje'i chu ni btung bar bya// gang gi tshe sha'ang bza' bar ma gyur na/ / gzhan du rnam par rtog pa'i sha'i rang gi ngo bos bza' ba bza' bar bya ste// gang zhig gzhan pa'i 'jig rten za ba de bza' bar bya'o// de kho na'i sgrub pa po'i dbang po gang zhig bgrod par bya ba ma yin pa de la bgrod par bya ba dang / gang zhig bya ba ma yin pa de ni de'i bya ba dang / bgrod pa dang bgrod par bya ba ma yin pa rnam par rtog pa dang / bza' ba dang bza' bar bya ba ma yin pa dang / sdug pa dang mi sdug pa dang / btung ba dang btung ba ma yin par sngags pas mi bya ste/ sku dang / gsung dang / thugs mnyam par gzhag par gzhag par 'gyur ro// ji lta ji ltar yang sems 'khrul ba ma yin pa de ltar chang rnal 'byor pas rtag tu btung bar bya ba dang / dman pas shin tu sgeg pa dang / rigs dang bcas pa dang / rigs med pa dang / sdug cing 'phongs pa'i sems can thams cad la bu gcig pa'i tshul gyis rgyal ba lta bur blta ba dang / glegs bam bklags par gsungs pa mi bya ba dang / dkyil 'khor dang me tog bsdu bar mi bya ba dang / sngags kyi bzlas pa mi bya ba dang / lha dang dbang bskur ba la sogs pa la phyag mi bya ba dang / brdzun du smra ba dang / pha rol gyi bud med skal ba bzang mo bsten par bya ba dang / gdug pa can la byams pa mi bya bar gsungs pa dang / sangs rgyas dang srog chags gsad pa dang / rgyal bas mchod pa'i slob dpon dang / ye shes kyi dam tshig ni sems can te/ dam tshig rtag tu dngos grub sna tshogs sbyin par byed de/ blo dang ldan pa la phyogs bcur rnam par bzhugs pas mchod par byed do// gang gi phyir rdzogs pa'i sangs rgyas dang byang chub sems dpa'i bsod nams gang zhig slob dpon gyi ba spu'i khung du'i rtse mo la mthong ba de'i phyir/ byang chub sems dpas slob dpon la sangs rgyas kyis mchod pa byed pa mthong ngo // nges par rang gi dam tshig sangs rgyas 'dod pas dngos grub sbyin par byed pas bla ma dam pa la smad par mi bya ba dang / rdo rje spun la mi gus par mi bya ba dang / gang zhig byin pa de bzung nas mchod rten la phyag mi bya ba dang / spun dang / bu dang // pha dang / rgyal srid kyi longs spyod dang / gter dang / nor bu dang / 'bru thams cad la rtswa lta bur mthong nas khams gsum gyi rgyal po bsgrub par bya'o// 'khyud pa 'am spyod pa ste lnga pa las rab tu byed pa gsum pa'o/ / / de nas yang dag rab bshad bya// spyod pa pha rol phyin mtshan nyid// gang gis ring nas shes pa de// rdo rje yo gir the tshom med// mkha' 'gro ma sogs gtor ma ni/ / ji ltar rnyed dang bza' btung ni// de bzhin rnal 'byor pa yis bzab// ro yi dkris ma'i gos bzang dang // ro bsreg thal bas rnam par brgyan// phru chag shin tu gsang ba ni// mtshan mo'i dus su rgyu bar bya// bzhi mdo dang ni ri bo dang // shing gcig gam ni dur khrod dang // bzhir ni de nas sngags pa yis// sgom pa bzang po bya bar brjod// ma mo'i khyim dang mtshan mo dang / / yang na dben pa 'am pas mthar ni// cung zad drod ni thob pa yis// gal te spyod pa byed 'dod na// bdag nyid gal te 'grub 'dod pas// byis pa bzhin du spyad nas ni// sems can rjes su gzung ba'i rgyur/ / blo ldan chen pos rgyu bar bya// zhen pa med pa'i sems kyis ni// kha dog can gyis rtag sgrib pa// ba spu'i khung bu'i rtsa bug gnas// phyogs bcu rnams su dbyung bar bya/ / 'jam pa'i rdo rjer rang gyur nas// dkyil 'khor par ni rab tu brtag/ pad+ma'i tshal ni nyams dga' ba 'am// chu bo 'dus pa rnams su yang // der gnas rnal 'byor pas bsgoms na/ / dngos grub myur du thob par 'gyur// phug gAm ri yi rtse mor ni// shin tu mnyam par bzhag pas gnas// ji ltar rnyed pa bzhin du bza'// zos shing zos nas gtor ma sbyin// 'bras bu sna tshogs do shal sogs// 'ol ma zi sog de bzhin spras// srog chags yan lag gos gon zhing // bde don gter la bde ba sbyin// res 'ga' legs sbyar zur bcag ni// bzlog pa yis ni 'don par byed// bza' dang bza' min ci rnyed pa// smyon pa'i sbyor bas bza' bar bya// gzhan pa'i yul 'khor grub pa dang // ri yi phug dang tshang tshing dang // gdod nas grub pa'i dur khrod che// rgya mtsho chen po'i 'gram du yang // de gnas shes rab can gyis bsgom// skrag pa thams cad rnam spangs te// de ltar byas nas rnal 'byor pas// yang ni phyogs las rnam rgyal brtsam/ / sgrib pa kun las rnam par grol// phyogs bcur rnam par gnas pa yi// skye ba'i sgrib pas bsgribs pa yi// kun gyi bsam pa yongs su bgengs// gzung ba dang ni badzin pa kun// sgom pas spangs shing rnam par spangs// 'dis ni sgom pa thams cad kyis// phyogs las rnam rgyal mngon par brjod// de ltar re zhig gnas byas nas// de nyid mi shigs rnal 'byor pas// rig ma'i lha mo 'dod pa yi// shin tu gzugs can bsdus nas bya// chus byung yid 'ong rin chen dang // rig pa 'dzin pa'i nyams dga' ma// lha yi bu mo gnod sbyin mo/ / yang na klu mo rkang 'og tu// gnas pa dang ni lha min mo// 'di nang yo gi rig ma gcig/ rang gi sems la mngon 'dod pa// ljags kyu zhags pa'i rab 'byor pas// rnal 'byor pa yis bkug nas bsgrub/ / nye bar dgos pa rgyas pa kun// ma bslangs par ni lha yis ster// rga dang nad las rnam par grol// gnyis med gnas gsum sdig pa med// lus kyi sbyin pa byin nas ni/ / phyis ni spyod pa yang dag brtsam// skal dang skal min rnam dpyad pas// de phyir sbyin pa sbyin mi bya// bza' bcab de bzhin btung ba nyid// ji ltar rnyed pa bza' bar bya// yid 'ong mi 'ong rnam rtog phyir/ / zhen pa tsam du mi bya'o// bslab dang dbang las rnam par grol// de bzhin ngo tsha'i bya ba nyid// dngos po kun gyi rang bzhin gyis// yo gis rnam dpyad snying rje che// mchod sprin sbyin sreg dka' thub 'das/ / sngags dang bsam gtan rnam par spangs// dam tshig sdom las rnam par grol// shin tu rnal 'byor ldan spyod kyis// nges par sngon du lha min gang // brgya byin lta bu yin na yang / / de la 'jigs par mi bya ste// seng ge'i gzugs kyis rnam par rgyu// sems can kun gyi don gyi phyir// rtag tu snying rjes btung bar bya// rnal 'byor btung dga' rnal 'byor pa// gzhan pa'i btung bas bzi ba med// yang na dpal ldan rgyal tshab che// brtul zhugs spyod pa'ang bsgrags pa yang // gang gis dngos grub mthar 'gro ba// sems can kun gyi don gyi phyir// sgom pa po yis rnam gzung ba// rna ba dag la rna cha bzang // spyi bor 'khor lo rnam par 'dzin// lag pA dgra la lag gdub nyid// rked pa la ni sku rags nyid// rkang par de bzhin rkang gdub go/ dpung ba'i rtsa bar dpung rgyan nyid// mgrin pa la ni nor bu ste// bgo bstag gi pags pa nyid// bza' ba mi 'chi bcu phyed de// he ru ka sbyor skyes bu nyid// mnyam par gzhag pas gnas par bya// shin tu bzhin bzang mig yang ma/ / rang gis dbang bskur snying rje can// rdo rje bu mo 'di khyer nas// spyod pa'i brtul zhugs rtogs par bya// rdo rje'i rigs kyi dngos med na// gang zhig rang gi 'dod pa'i lha'i// rigs kyis kyang ni bya ba'o// yang na gzhan gyi rigs byung ba/ byang chub sa bon bcug pa yis// sbyang bar byas te khyer nas ni// gang tshe rdo rje mchog ldan par// de tshe glu ni thang bar bya/ / gang tshe dga' ba skyes pa na// thar pa'i rgyur ni gar bya ste// de tshe rdo rje rkang pas gar// rtag tu rnal 'byor pa yis bya// 'khor lo'i gzugs kyis mi skyod pa// rna cha'i bdag nyid 'od dpag med/ / mgul gyi 'phreng bar rin chen bdag/ lag par rnam par snang mdzad brjod// skra rags la ni don yod gnas// shes rab kha T+wAM ga gzugs can// thabs kyi gzugs kyi cang te'u/ / sman ni rnam par bza' bar bya// chu ni rtag tu btung bya ste// rga shi sa zil gyis mi non cing // kun tu bsrung bar gyur pa yin// rkun ma'i sgras byas cod pan can// de la hUM byung sbyar bar bya/ / sangs rgyas lnga yi thod pa rnams// rnal 'byor spyod pas rnam par 'dzin// sor lnga'i dum bur byas nas ni// cod pan la ni rnam par 'dzin// thabs dang shes rang bzhin las// sgo yis ska rags nyis skor nyid// thal ba spa yi mchod phyir thogs// rnal 'byor pa yi spyod pas 'dzin// cang te'u sgra ni bzlas paste// sems can thams cad mgron gnyer ba'o// kha T+wAM ga ni shre rab ste/ / rdo rje bzlas dang sgom pa yis// thod pa can du rang gyur pa// brkam dang rmongs dang de bzhin 'jigs// khro dang ngo tsha'i bya ba ni// rtag tu rnam par spang bar bya// he ru ka bdag rnal 'byor pa/ rigs lnga la ni gnas par bya// rigs lnga dag dang mnyam ldan par// rigs ni gcig tu rnam par brtag/ rigs gcig du ma nyid kyis ni// gang phyir dbye ba bskyed mi bya// bdag nyid kyis ni gnyis spangs nas/ / the tsom med par spyod par bya// dpal yang dag par sposbyor ba las byung ba las spyod pa'i brtag pa ste lnga pa'o// // lha logs mnyan par 'tshal lakra na/ rang byin brlab pa'i rim ci lags// gsang ba la sogs dgongs po ci// rdo rje sems dpa' snying rje che// yid ni gcig tu gyur pas nyon// thams cad rgyud kyi gtan phab pa// mdor bsdus nas ni bsgrag par bya// e yi rnam pa gang gsungs pa// gnas kyi mtshan nyid mi gsal bar// bgro dang rjes su 'ong ba nyid// khams dang sems kyi rtag 'gro ba'o// khams zhes bya ba'i sgra du lags// bcom ldan 'das kyis bka' stsal pa// 'di ltar gsang ba'i yi ge bcu drug brjod par bya ste/ rA yi rnam pa khrag gi khams// hA ni de bzhin reg bya nyid s+ye ni bad kan zhes byar gsungs/ / pa yi rnam pa sems nyid dang // ra yi rnam pas ro nyid de// mes ni de bzhin lto tshil dag/ ra ni me nyid du ni gsungs// me yi rnam pa sha ru gsung/ sa yi rnam pa bshang bar gsungs// rba yi rnam pas de bzhin tshil// tA ni pags pa nyid du gsungs// ni yi rnam pas rus pa nyid// sa ni gci ba nyid du gsungs// da yi rnam pas glo ba nyid// s+thi ni pad+ma nyid du gsungs// shin tu mdzes pa'i rdzas dang ldan// ta yi rnam pas khu ba ni// byang chub sems las byung ba yin// rtsa yi sgra yi rang bzhin las// de ltar lha mo bsgrags pa yin/ / byang chub sems kyi rang bzhin las// cha yi bdag nyid 'gyur ba nyid// ra ni me zhes bya bar gsungs// khrag las mkhris pa yang dag blangs// mtshan nyid gcig 'dod bad kan las/ / rdul dang chu rgyus yang dag byung // de yi mgon por brjod pa'i rlung // ha ni kun tu 'gro bar gsungs// rus pa'i mtshams ni 'di rnams su// sa bon lnga ni yang dag btab/ / rkan tu ra dang thams cad du// sa bon bzhi ni dam pa nyid// dang po'i re mig gnas der ni// sa bon lnga ni mdzes pa nyid// ha ni dbyangs kyi drug ldan pa// rnam par shes par / yongs su grags// ha yi rnam pas thams cad du// sangs rgyas kun dang mnyam par sbyor// sgra yi tshul las byung bton zhing // dam tshig spyod pa'i spyod yul nyid// 'jig rten gsum du rnyed dka' ba thog ma dbus mtha' yang dag gnas/ / srub dang srub byed sbyor ba las// ji lta ba ni de bzhin no// sngags bzlas bsam gtan la sogs ldan// rgyud las gsungs pa mnyan par gyis// rtsa gnyis skye gnas dbus su ni/ / g.yon dang g.yas su de bzhin du// g.yon du khu ba rnam shes bya// g.yas pa la ni khrag nyid de// de yi phan tshun bsdu ba yang // chos kyi dbyings ni sdud pa yin// snying stobs sku dang rdul dag bcas/ / mun pa sems kyi rang bzhin las// snying stobs khu ba rin chen rdul// mun pa skyed par byed pa nyid// rdo rje pad+mo mnyam sbyor bas// dngos dang dngos med ro gcig 'gyur// bshang ba gci ba bad kan dang // khrag dang lnga pa khu ba nyid// bdud rtsi lnga li gong bu dngos// de phyir rdo rje can du brjod// rus pa rkang dang khu ba ni// pha las skyes par de bzhin gsungs// pags pa dang ni sha dang khrag/ ma las skyes pa zhes byar bsgrags// gong bu'i bsdu ba rnams kyi yang // tshad ni 'di dag gsungs pa ste// gong bu gcig pu gnyis su 'gyur// gnyis su gyur pa du ma rnams// gcig pu du ma'i rang bzhin gyis// de phyir rdo rje can 'dir gsungs// rtsa yi spyod yul nyid gsungs pa// de yi sgo yang de gnyis la// de rnams 'du ba'i dus su ni// lha ni dmigs par 'gyur ba yin// steng gi sgo dang 'og nyid de// 'og gi sgo ni rnam par shes// steng gi sgo ni dbyings nyid do// rtsa ni thams cad mnyam sbyor bas// rnal 'byor pas ni 'jug par bsam// de yi lus kyi skyeng sgo la'ang / rdo rje can gyi rtag rgyun bzhugs// steng gi sgor ni sbyor ba gsum// sgo dgu rnams kyis yongs su bskor// kye bcom ldan 'das/ sbyor ba gsum ni ci zhes bshad// ji ltar gang gi rnam pa yis// sems kyi rtag tu 'gro ba lags// bcom ldan 'das kyis bka' stsal pa// gsum nyid sbyor ba sbyor ba gsum// rnam gsum dbye bas rnam par gnas// sku gsung thugs kyi rang bzhin gyis/ / tha ma 'bring po dam pa nyid// ka ba gcig dang sgo dgu pa// sbom po lnga ni lhag pa'i lha// bug pa dgur ni son pa'i sgo// dgu yi rnam par yongs su grags// tha ma'i sgo ni skur ldan pa/ / sbom po lha yi sprul pa'o// sems dang skyes bu skyes bu can// khyad par rnal 'byor pa yi don// rtag par kun tu dus su ni// 'gro dang 'ong ba'i khyad pas las// rkang med rkang gcig rkang gnyis dang / / rkang bzhi las ni sogs pa yi// rlung la sogs pas rab dbye bas// rtag tu 'gro ba rlung rnam bzhi// sems kyi gnas pa rnam pa gnyis// nub dang rab rgyu'i cho ga yis// rtag tu nub dang rab rgyu ba// sems can+da kun la 'gro ba'o// de ltar gang zhig mi rig pa// sems med skyes bu med pa dang // yid dang ldan pa med dang dang // rnal 'byor pa yi don med pa// me nyid gang dang rlung dang ni/ / dbang chen dang ni de bzhin chu// 'khor lor sems kyi kun spyod pa// steng dang ngos dang drang 'og 'gro// zla ba nyi ma'i rab dbye bas// gsum pa'i sgo ni yid dang bcas// rngub dang dbyung ba gnyis ka yang / / sgo yi dam pa nyid yin te// gtso bo dam pa yi ni sgo// stong dang 'og tu rab tu grags// 'og gi sgos ni rnam par shes// steng gi sgos ni dbyings nyid de// rnam snang la sogs sangs rgyas rnams/ / steng gi sgor ni g.yo zhing gnas// de rnams 'og tu rnam par gnas// steng gis gshegs su gsol ba nyid// dgug dang gshegs su gsol ba yi// tshul gyi sems kyis rtag tu 'gro/ / dus gsum sangs rgyas thams cad dang // mkha' 'gro rnal 'byor ma mo rnams// 'jug pa dang ni ldog pa la// yon tan skyon ni rab brjod pas// bde dang sdug bsngal rang bzhin gyis/ / lhan cig skyes pa grub pa'i gnas// rdo rje sems dpa' bde chen po// bcom ldan rdo rje can gyis gsungs// de nas bcom ldan lha mos ni// bo la kak+ki lar bcug ras// sems dpa' chen po mnyes byas te/ / tshig ni 'di dag yang dag gsol// dpyid ces bgyi ba ji ltar lags// thig le bgyi ba ji ltar lags// mi phyed ma sogs ji ltar gnas// de yi gnas ni ji ltar lags/ / pul+li ra sogs ci gsungs dang // 'khor lo bkod pa de bzhin gzhan// ji ltar rtsa yi rdzogs pa yi// de yi dbye ba bdag la gsungs// bcom ldan 'das kyis bka' stsal pa/ lha mo bshad par bya yi sa nyon// gsang ba las ni rjes gsang mchog/ rtswa yi rang bzhin dang / gnas la sogs pa dang / sa bcu dang / pha rol tu phyin pa'i sku dang / gsung dang thugs kyi 'khor la son pa gnas kyi nang gi rab tu dbye bas nyi shu rtsa bzhir gsungs pa/ spyi bo ma la ya yi yul// de bzhin spyi gtsug 'bar ba 'dzin// de bzhin du ni u rgyan nyid// rna ba g.yas pa nyid du brjod/ rtsib ma'i rgyab ni arbu ta// bzhi ni gnas zhes bya ba'o// rna ba g.yon pa'i rang bzhin ni// de bzhin go dra ba rir shes// dga' ba'i dbang phyug bshad pa ni// smin ma'i dbus gnas rab tu bskul/ / de bzhin mig dag lha mo'i mkhar// lag pa'i rtsa bar mA la ba// de ltar nye ba'i gnas nyid de// thugs kyi 'khor lor rnam par gnas// gnas kyi khyad par rang bzhin gyi// mkha' spyod / rnams kyi yang dag bshad// mchan khung kA ma ru pa nyid// nu ma o trer rab tu grags// 'di dag zhing du yang dag brjod// lte ba tri sha ku nir brjod// sA yi rtse mor ko shA lA// nye ba'i zhing du brjod pa'o/ / kha ni ka ling ka ru brjod// mgrin pe laM pa ka ru gsungs// tsAn+do ha zhes rnam par bshad// snying ni kany+tsir brjod pa ste// dbang po hi ma la ya nyid// nye ba yi ni tsAn+dor brjod// de ltar yul rnams thams cang du/ / gsung gi 'khor lor rnam par gnas// gnas kyi khyad par yul gyi ni// sa spyod rnams kyi yang dag bshad// rtags la yi dgas lhag par gnas// gsang ba la ni khyim gyi lha/ / 'di dag 'du bar brjod pa'o// bad+ma ni so rAny+dzar brjod// rje ngar gnyis ni gser gling gi/ rang gi ngo bor rnam par bshad// nye ba yi ni 'du ba nyid// sor mo na ga ra ru brjod// rkang pa'i rgyab ni sin+d+hur nges/ / dur khrod du ni yang dag brjod// mthe bong la ni ma ru zer// pus mo ku lu tA ru brjod// 'di dag nye ba'i dur khrod nyid// mkha' 'gro mar ni gsungs pa'o// 'di dag yul dang rang lus skyes/ / rang gi nang dang phyi rol gnas// sku gsung thugs kyi 'khor lo la// nyi shu rtsa bzhir bya ba yis// mkha' 'gro ma ni kun gyi gnas// thams cad du ni yang drug bshad// 'di rnams gnas su mkha' 'gro ma/ / rtsa yi gzugs kyis yang dag gnas// drug pa las rab tu byed pa dang po'o// // de nas gzhan yang dam pa'i de bzhin gshegs pa'i sku'i ji ltar gnas su son pa'i rtsa'i 'khor lo bshad par bya'o/ / snying gi nang son pad+ma ni// 'dab ma brgyad pa snying por bcas// de yi nang du son pa'i rtsa// mar me'i rang gi ngo bo can// chu shing gi ni me toH lhur/ / brkyang zhing kha ni 'og tu'o// de yi nang gnas dpa' bo ni// yungs kar gyi ni sbom phra tsam// mi shig hUM gi sa bon ni// kha ba lta bur 'dzag pa nyid// lus can rnams kyi snying dgra' ba// dpyid ces bya bar rnam par bshad/ / rgod ma'i me yi gzugs kyis ni// bdag med ma ni thig ler brjod// las kyi rlung gis bskul ba yis// lte ba'i dkyil 'khor du ni 'bar// dpyid thob pa yi chog shes pas/ / snyoms par 'jug pas rnam par gnas// dpa' bo shri ni he ru ka/ 'di ni dpyid kyi thig ler brjod// rnal 'byor ma yi gzugs 'dzin mA// rgyu dang mi rgyu bcas par gnas/ sku gsung thugs kyi dbye bas ni// sgo ni rnam gsum byung ba las// 'gro ba dang ni 'ong bar byed// 'di ni kun gyi lus la gnas// lte bar a yi gzugs kyis ni// thung ngu ru ni rab tu grags/ snying la yang ni hUM nyid ni// ring po ma mo gnyis dang gnas// mgrin par oM gyi gzugs kyi sa ni// ma mo gsum brjod pu lu ta// dpral bar hUM gi rnam pa 'di// sgra dang thig le mi shigs pa/ / 'khor lo bzhi ni rab dbye bas// sa sogs 'byung ba chen po dang // thun bzhir byin gyis brlabs pa dang // pad+ma bzhi las byung ba dang // dga' ba bzhi yi ngo bo yis// rnal 'byor bzhi ni mngon du'o/ / mchog tu dga' ba'i ngo bo yis// bya dang byed pa'i dngos po las// rdo rje sems dpa'i gzugs kyis ni// 'di ni ji ltar bde bar rol// 'dab ma rnams kyi gzhi la yang // 'byung bzhi bzhi yi rtsa rnams ni/ / mar me'i rang bzhin lta bur ni// phyogs bzhi la ni rnam par gnas// rtswa rnams bzhi yang mtshams rnams su// rnam par gnas shing der son pa'ang // bdud rtsi lnga ni 'bab pa ste/ / de mchod rang gi gzugs gnas pas// de yi dngos po'i ngo bo las// mchod pa bzhi ni rnam par bshad// lus kyi snying gi nang du ni// rtsa lnga rnams ni rnam par gnas// sku gsung thugs kyi dbye ba yis/ / nyi shu rtsa bzhir nye bar brjod// gnas sogs dbye ba lA gnas nas// gnas dang gnas la rnam par gnas// spyi bor yang dag byung ba yi// rtsa ni spyi bo skyes zhes brjod// dul dang snying stobs mun pa'i tshul/ / de yi nang nas gtso mo ni// pul+lI rar ni mi phyed ma// so dang sen mo 'bab par brjod// 'bar ba 'dzin pa phra gzugs ma// de bzhin sgra dang ba spu 'bab// u rgyan gnas ni chen po la/ / rtse ba ma ni rnam par gnas// rna ba g.yas par gnas nas ni// pags pa dri ma 'bab ma gnas// ar+tha dar ni g.yon pa ma// mkha' 'gro ma ni sha 'bab ma// gang zhig / chu rgyus 'bab pa'i rtsa// ba yi mchog sprin rnam par gnas// de ni sra ba'i tshul gyis gnas// thung ngu mar ni rnam par bshad// gang zhig dga' ba'i dbang phyug gnas// de bzhin rus sbal skyes mar grags/ / sra ba'i dngos pos gnas pa'i phyir// rus pa'i 'phreng ba 'khrugs par gnas// lha mo'i mkhar du gang zhig rtsa// 'jam pa sgom pa ma ru brjod// de ni rtag tu mchin pa babapa// thams cad lus la rtag par gnas/ / mA la wa ra ni dbang ma ni// rgyal ba'i dbang phyug snying la gnas// rtsa ni gang zhig mig 'bab ma// 'dod pa'i gzugs su rnam par gnas// gzugs ni mthong bar 'dod ba ste/ / skyon bral ma zhes rnam par bshad// o Tar mkhris pa 'bab pa'i rtsa// gang zhig 'jug ma chen mor brjod// tri sha ku ner byung ba ni// ma mo nges par glo bar bcas// ko sha lar ni mtshan mo nyid/ / rgyu ma'i 'phreng bzang khyab cing 'bab// ka ling kAr ni bsil sbyin ma// ngos kyi chu rgyus yang dag bshad// che ba mA ni lto gnas nges// laM pA kar ni rab tu grags// tshang ma ning ni kany+tsi gnas/ / thams cad du ni bshang ba 'bab// mtshams kyi mtha' yi nang du yang // kha ba'i gnas su rangs pa'i gdong // shin tu gzugs can bad kan ldan// yi dgas lhag gnas yang dag gam gang zhig rtag tu rnag 'bab pa/ / khyim gyi lhar ni yang dag gnas// mkha' 'gro dam pa'i dbang phyug ma// spyi ma nyid du rnam par bshad// sau raSh+Tar ni gang zhig rtsa// rgyu sbyin ma ni dmar po 'bab/ / rdul ni 'bab par gyur pa ni// gser gling du ni yang dag bshad// yan lag gzi brjid kun khyab ma// sbyor bral mar ni rab tu grags// na ga rarA ni sdu gum// tshil can sdom zhing myos byed 'bab/ / sin d+hur shin tu grub ma nyid// mya ngan mchi ma 'bab mar brjod// ma rur gnas ma lud skam 'bab// 'tshed pa ma zhes rnam par bstan// ku lu tar ni yid bzangs ma// sha dang snabs ni 'ab ma'o/ / drug pa las yul gyi dgod pa ste rab tu byed pa gnyis pa'o// / lha lags mnyan par 'tshal lags na// nang gi dkyil 'khor mchod pa las// sogs pa'i las ni ji ltar lags sbyin sreg las ni mi 'chal bas/ / bde ba chen pos bshad du gsol// bcom ldan 'das kyis bka' stsal pa// he ru ka la sogs pa'i lha// rtsa gzugs mdzes par yang dag byung // lus kyi dkyil 'a nyams dga' bar/ / sgo bzhir ji skad gsungs pa'o// rang gi yan lag brgyad byung bas// ka ba de yis bskor nas gnas// dngos po kun gyis mnyam pa'i phyir// gru bzhi par ni rab tu glags// sku gsung thugs kyi ngo bos ni/ / dkyil 'khor 'khor lor gcig tu gsungs// ri ni mgo bo'i ze 'bru la// ji ltar rtsom chen la sogs rim// bla ma'i dus thabs rim nyid kyis// de ni rdzogs pa'i dkyil 'khor gnas// rkang pa'i mthil du rtsom chen rlung // gzhu yi dbyibs su rnam par gnas// sum mdo yi ni gnas su ni// de bzhin gru gsum 'bar ba nyid// zlum po'i rnam pa'i gzugs kyis ni// chu ni lto bar rnam par gnas/ / snying kar yang ni sa nyid de// kun nas gru bzhi pa nyid do// sgal tshigs dbyug gu'i gzugs kyis ni// r-i ra ba ri rgyal de bzhin no// de ni spyi bo'i char gnas pa// 'dab skyes 'dab ma sum cu gnyis/ / dbyangs dang gsal byed mdzes par gnas// sum cu rtsa gnyis byang chub 'dod// pad+ma'i nang du son pa gang // de ni zla ba'i dkyil 'khor brjod// spyi bo'i nang du klad pa ni// gang zhig gnas pa de ru gsungs/ / de nang haM gi rnam pa nyid// thig le'i gzugs can mi shigs pa// 'jig rten kun gyi rtsa ba de// brtan pa'i bdag nyid g.yo ba'i bdag/ gsol dang mi gsal gzugs las ni// sa bon gzugs kyis rnam par gnas/ / lus can rnams ni kun gyi gzugs// de phyir gdod nas rdzogs pa nyid// bdud rtsi'i gzugs kyis 'dzag par ni// nyin dang mtshan du rnam par gnas// de nyid kyis ni sgra 'byed cing / / me ni dga' bar byed pa ste// des ni gang ba'i dkyil 'khor ni// yin pa nyid du the tsom med// de nyid dkyil 'khor zhes byar gsungs// dngos po rnams kyi snying po mchog/ de ni len cing gcod pa'i phyir/ / lus ni dkyil 'khor nyid du brjod// rtsa chen sum cu rtsa gnyis kyi// 'khor lor yang ni dkyil 'khor brjod// byang chub semra ni rin po che// dkyil 'khor de nyid dkyil 'khor nyid// phyi rol bcas pa'i nang gzugs kyis/ / sna tshogs khyab cing rnam par gnas// phyi rol gzugs dang sgra la sogs// dbang po thams cad 'jug pa'o// nang gi khu ba la sogs pa// grub pa'i rdzas ni rnam par gnas/ / phyi rol bcas pa'i nang nyid kyis// rdo rje can gyi byang chub sems// sbom dang phra ba'i rang bzhin gyis// 'gro ba'i gnyen gyis rang bzhin can// sangs rgyas byang chub sems dpa' yi/ / dam tshig don du gsungs pas ni// dkyil 'khor goms pas skye ba 'dir// sangs rgyas nyid ni thob par 'gyur// nyan thos rnams kyi sangs rgyas dang // de bzhin rang rgyal rnams kyi dang // tshangs la sogs lha rnams kyis// dkyil 'khor goms pas rdzogs po nyid// shes rab me ni cher 'bar bar// nang gi khu ba la sogs dang // de bzhin phyi rol gzugs sogs kyis// bsreg rdzas kyis ni sbyin sreg bya/ / skye mched drug dang khams rnams dang // phung po la sogs khyad par las// de rnams kyis ni gzugs can lha// de bzhin mkha' 'gro ma nyid ni// des ni de mchod gang gi phyir/ / rnal 'byor mchod par yang dag bshad// thod pa 'di ni mgo bo nyid// bsreg rdzas kyi ni snod du gsungs// blugs gzar ro mar bshad pa ste// snying gi 'khor lo brkyang ma dag/ dgang gzar zhes byar yang dag brjod/ / thab khung lte ba'i dkyil 'khor du// las kyi rlung gis bskyod pa yi// tshangs pa'i me ni sum mdor gnas// sgra ni sngags zhes brjod pa ste// bzlas pa 'khor bar byed pa yin sgom pa mtshungs par snang ba nyid/ / dkyil 'khor gnyis med rnal 'byor phyir// lhan cig skyes pa zhon pa 'di// de ni rgyal ba'i dkyil 'khor gsungs// dkyil 'khor bdag po'i gzugs kyi phyir// slob dpon sems kyi rgyal po nyid// de skad la sogs ci gsungs pa// rgyud ni thams cad rtogs par bya// da dung bdag la the tshom mchis// chos dang longs spyod sprul pa dang // bde ba chen po'i gzugs kyis ni/ / mgon po ji ltar rol par 'gyur// de rnams dbye ba mi 'tshal bas// bde ba chen pos bshad du gsol// bcom ldan 'ad kyis bka' stsal pa// spyi bo lter son 'khor lo ni/ e yi dbyibu su yang das gnas/ snying dang mgrin par yang dag gnas// waM gi rnam pa lta bur brjod// lte ba'i nang gnas pad+ma ni// 'dab ma drug cu rtsa bzhir ldan// bdab skyes 'dab ma sum cu gnyis// spyi bo'i nang du rnam par gnas// mgrin pa'i nang du son pa yang / / pad+ma lo ma bcu drug nyid// de yi snying ka'i gnas su ni// pad+ma 'dab ma brgyad du brjod// bde ba ma drug cu rtsa bzhi nyid// sprul pa la ni rab tu grags// pad+ma chen mo 'dabargyad par// chos kyi sku ni rab tu bskor// longs spyod rdzogs pa bcu drug rtsibs// de bzhin 'dra ba ma sum cu gnyis// bde chen ye shes chen po la// kun tu yang dag rnam par gnas// sprul pa'i 'khor lo'i dbus su ni/ / sde tshan brgyad kyis yongs su bskor// yig 'bru dang po'i ngo bo yis// 'di ni a ste yi ge mchog/ chos kyi 'khor lo rnams bshad pa// hUM ni mi zhig pa ru brjod// dbyangs lnga dang ni yang dag lnga ya ra la was rnam par brgyan/ / longs spyod 'khor lo'i nang gnas pa// oM ni yig 'bru gsal bar byed// cha ni rnam pa bzhi rnams kyis// kun tu yongs su bskor ba'o// bde chen 'khor lo chen po la/ / haM ni thig le'i gzugs can no// g.yon dang g.yas pa'i ngos dag la// zla ba nyi ma rnam par bshad// mgrin pa nas brtsams g.yon pa'i rtsa// longs spyod rdzogs pa'i sku can ma/ / lte ba'i nang du ngal sos shing // kha ni 'og tu myos byed 'bab// gang zhig lte ba las stengs rtsa// de bzhin kha ni steng du 'bab// mgrin pa'i nang du dral sos shing // khrag po bab par ni rab tu grags/ / myos byed zla ba zhes byar bshad// khrag ni nyi ma zhes byar gsungs// sgo gnyis mnyam par zhon nus ni// steng dang 'og tu mnyam gnas pa// 'di dag zla ba nyi ma gnyis// rtsa ni gnyis su rab tu grags/ / dpa' bo rnams dang mkha' 'gro ma'i// 'gro ba dang ni 'ong ba'i rgyur// nub pa dang ni 'char ba nyid// log dang sad pa lta bur gsungs// g.yon dang g.yas pa'i ngos la ni// dbyangs ni bcu gnyis yang drag gnas// kha ni steng du yang dag bshad// ka la sogs pa rnams kyis bskor// kha ni 'og gi gnas su gnas// lhag par byas nas sbyar ba nyid// k+Sha ni srin po nyid gsungs pa/ / 'og gi char ni rnam par gnas// gang che mgrin par chags chen gyi// gzugs kyi zla ba gnas pa na// sangs rgyas rnams kyi dam pa'i sku// de tshe longs spyod rdzogs par bshad/ / gang tshe rdo rje'i rtser gnas pa// de tshe der ni sna rtser ro// gang tshe longs spyod rdzogs sku yang // nub par gnas par 'gyur ba na// b+ha ga'i nang du son de yang // yungs kar tsam du rnam par gnas/ nyi ma'i gzugs su yang dag bshad// sprul pa'i skur ni brjod pa ste// sangs rgyas byang chub sems dpa' yi// spros pa de yis bskyed pa'o// pad+ma gar dbang rgyal po ni// 'dab ma byed pa'i spor ba can/ sprul pa'i sku yi gzugs su ni// der ni nyi ma nub pa na// gang tshe rdzogs pa'i byang chub sems// gong bur gyur pa rnyog pa med// 'khor ba'i lam ni rnam bcad cing // spros pa nyer ni dge ste/ gnyis med mchog tu dag pa nyi// dpal ldan rdo rje sems dpa'i gzugs// shrI ni he ru ka zhes bshad// rgyud ni srin bu'i gzugs can 'di// dgod dang lnga dang lag bcangs 'ang // rgyud ni de nyid rnam par gnas/ / 'dod chags nyid dang chags bral yang // zos nas srin bu gnas pa nyid// rtsa thams cad kyi mnyam par sbyor ba mkha' 'gro ma'i dra ba'i sdom pa sde drug pa las rab tu byed pa gsum pa'o/ / // de nas byang chub sems dpa' chen po rdo rje snying po la sogs pa dang // rnal 'byor ma bdag med ma la sogs pas 'di skad ces gsol to// 'khor lo'i sdom pa'i lam dang ni/ / lha rnams ji ltar 'byung ba dang // mkha' 'gro'i 'khor lo khyad par dang // dgongs pa'i skad kyi khyad par ni// bcom ldan 'das kyis sngar gsungs ma// sdom pa'ang bdag la bshad du gsol/ / bcom ldan 'das kyis bka' stsal pa// rnal 'byor ma lus dbus gnas par// aM gi rnam pa'i sdom pa'i gnas// ji ltar phyi rol de bzhin na/ sdom pa de nyid rab tu phye// bo la'i bde ba phyag rgya che// rdo rje skye mched thams cad nyid// 'dis ni gsang ba'i snyoms 'jug pas// phyi rol gnyis gnyis bstan pa med// sku gsum lus kyi nang du ni/ / 'khor lo'i gzugs kyis brjod par bya// sku gsum yongs su shes pa las// bde ba chen po'i 'khor lor brjod// chos dang longs spyod sprul pa dang // de bzhin bde ba chen po nyid/ / skye gnas mgrin gnyis dbus su ni// sku gsum po ni rnam par gnas// ma lus pa yi sems can gyi// skye ba gang la brjod bya ba// gang zhig sprul pa gnas brtan phyir// de la sprun pa'i sku nyid yin/ / chos ni sems kyi rang bzhin te// chos kyi 'khor lo snying khar yin// ro rnams drug gi gzugs can gyi// bza' ba nges par longs spyod brjod// chos rnams kun la brtan pa'i phyir/ / thams cad yod pa'i rang bzhin can// mgrin par longs spyod 'khor lo dang // bde ba chen po spyi bor gnas// I waM rnam pa rgyu mthun nyid// rnam smin chos kyi 'khor lo las/ / skye bu byed pa'ang longs spyod la// bde chen 'khor lor dri med nyid// rgyu mthun la sogs rab dbye bas// 'bras bu rnam pa bzhi zhes brjod// las kyi rlung gis bskul ba yis// las/ la bcom ldan shes rab brjod// gang zhig sprul pa gnas brtan phyir// sprul pa'i 'khor lo gnas brtan brjod// chos ni ngag las byung ba'i phyir// 'khor lor thams cad yod par smra// gang zhig mgrin pa kun bkur phyir/ / longs spyod 'khor lo kun bkur nyid// gang zhig bde chen mgor gnas phyir// bde chen 'khor lor dge 'dun tshe// sde bsku zhes brjod pa ste// lto ba gnas su brjod par bya/ / skye gnas 'dod chags bral ba nyid// mngal gyi phru ma chos gos te// de bzhin ma ni mkhan po nyid// mgo bor thal mo sbyar ba phyag/ 'gro ba'i bya ba khrims kyi gnas// de bzhin sngags bzlas a dang haM sngags 'don skyes pa dge slong nyid/ / gcer bu skra dang kha spu bregs// 'di rnams rkyen gyis sems can rnams// sangs rgyas nyid du the tsom med// zla ba bcu yang sa rnams te/ sems can sa bcu'i dbang phyug go// btsun mo'i b+ha ga bde can du// khu ba zhes bya rnam par gnas// de med pas na bde med 'gyur// bde ba spangs na de med 'gyur// nus pa med phyir ltos dang bcas lha yi rnal 'byor las bde ba/ / de phyir sangs rgyas dngos po min// de nyid dngos med tshul yang min// zhal phyag rnam pas gzugs can nyid// mchog tu bde bas gzugs med pa// de phyir 'gro kun lhan cig skyes/ / lhan cig skyes pa'i rang bzhin brjod// rnam dag rnam pa'i sems kyis ni// rang bzhin gyis ni mya ngan 'das// zhal phyag kha dog dbyibs las ni// lha yi gzugs kyis rnal 'dra ni/ skyes pa tsam gyis rnam par gnas// 'on kyang bags chags phal pas so// de skad lha mos bshad pa ni// rnal 'byor kun gyi gong na med// de nas rnal 'byor ma bdag med ma la sogs pa lha mo thams cad la 'di lta ste/ spyan ma dang / mA ma kI dang / gos dkar mo dang / sgrol ma dang / khro gnyer can dang / skul byed ma dang / ri khrod ma shing lo can dang / bog zhal ma dang / sdom pa ma dang / de dag la sogs pa ri rab kyi rdul phra rab dang mnyam pa'i rnal 'byor ma rnams mchog tu ngo mtshar bar gyur cing brgyal ba dang / skrag par gyur to// de nas mi bskyod pa la sogs pa'i de bzhin gshegs pa thams cad kyis 'di skad ces gsol to/ / rnal 'byor ma ni kun gyi tshogs// bcom ldan 'das kyis bslang du gsol// de nas bcom ldan 'das thams cad mkhyen pa rnam par rgyal ba'i rdo rje zhes bya ba'i ting nge 'dzin la snyoms par zhugs nas/ rnal 'byor ma thams cad bslang ba'i phyir 'di skad ces bka' stsal to// sems can rnams ni sangs rgyas nyid// 'on kyang glo bur dri mas bsgribs/ / de bsal bas ni sangs rgyas nyid// bcom ldan 'das de de bzhin no// rigs kyi bu/ gang zhig mi shes 'jig rten pa// btsan dug zos pas brgyal bar 'gyur// rmongs spangs de nyid yid kyis ni// de yi de nyid yongs su gcod// dug gi dum bu gang nyid kyis// skye bo thams cad 'chi bar 'gyur// dug gi de nyid shes pa des// dug gis dug ni 'bigs par byed/ ji ltar rlung gis zin de la// ma shwa'i bza' ba sbyin par bya// bzlog pa'i sman ni brtags pa las// rlung gis rlung ni bsnun par byed// so sor rtog las rnam rtog dang // srid pa nyid kyis srid dag byed/ / ji ltar rna bar chu zhugs pa// chu gzhan gyis ni dgug par bya// de bzhin dngos po'i rnam rtog kyang // rnam par nges pas sbyang bar bya// ji ltar 'tshed pas tshig pa la// yang ni me yis gdung bar bya/ / de bzhin 'dod chags mes tshig pa// 'dod chags ma yis gdung bar bya// skye bo mi bzad pa yi las// gang dang gang gis 'ching 'gyur ba// thabs dang bcas na de nyid kyis/ / srid pa'i 'ching ba las grol 'gyur// 'dod chags kyis ni 'jig rten 'ching // 'dod chags kyis ni rnam grol 'gyur// bzlog pa'i sgom pa 'di nyid ni// sangs rgyas mu stegs kyis mi shwe/ 'byung ba lnga yi rang bzhin las// kun tu ru la lnga ru 'gyur// dga' ba chen po gcig pu nyid// dbye bas lnga ru 'gro bar 'gyur// bo la kak+ko la sbyar bas// reg pa sra ba'i bag chags kyi// sra bi gti mug chos yin phyir// gti mug rnam par snang mdzad brjod// grang phyir byang sems gsher ba nyid// gsher ba chu yi khams su brjod// chu ni mi bskyod ngo bo'i phyir// zhe sdang 'dren pa mi bskyod pa/ / gnyis kyis bskyod pa'i sbyor ba las// rtag tu drod ni skye bar 'gyur// 'dod chags dpag med rdo rje yin// 'dod chags drod las 'byung bar 'gyur// kak+ko lar ni gang zhig sems/ / de ni rlung gi rang bzhin can// don yod rlung las 'byung ba'i phyir// phrag dog don yod grub pa yin// bde ba 'dod chags sems yin te// rin chem thag dang 'dod chags nyid/ / ser sna nam mkha' lngas byung ba// nam mkha' ser sna rdo rje yin// sems can chen po gcig nyid las// lnga yi gzugs kyis mtshon pa nyid// rigs ni lnga po skyes pa la/ / de la stong phrag du ma nyid// de phyir 'di dag rang bzhin gcig/ bde chen mchog tu phan pa nyid// 'dod chags la sogs sems lnga yis// dbye bas lnga ru 'gro bar 'gyur// gong+gA'i klung ni bcu yi bye ma snyed/ / rigs gcig la ni de bzhin gshegs pa'i tshogs// rigs chen lnga ni rigs ni du ma rnams// de rnams rigs las brgya phrag du ma rnams// de rnams la yang 'bum phrag rigs chen rnams/ / bye ba'i rigs la grangs ni med par 'gyur// de la rigs la grangs med rigs rnams nyid// mchog tu dga' ba'i rigs las byung ba rnams// zhes bka' stsal to// 'drir gsol pa/ ci gong bu'i gzugs tsam du'ang chung ba de snyed kyi rang bzhin du 'gyur ba ci lags/ bcom ldan 'ad kyis bka' stsal pa/ bye ma'i lam ni gcig pu la// sangs rgyas du ma dog min cing // gzir min stobs bcu mnga' ba'i lha/ / bzhengs shig bzhengs shig bdag gi ni// sdum par ston mo bzhes par 'tshal// rdzu 'phrul stobs kyis rigs kyi bu// yang dag byung ba bka' stsal pa// yang dag sbyor 'byung mtshan nyid ni/ / bshad par bya yi sa lha mo nyon// gsang ba la ni sa yi khams// mchog la de bzhin du ni chu// dgyes pa la ni me ru bshad// thams cad bdag nyid rlung la gnas// rtag tu bzhugs par 'dod pa 'di// sangs rgyas kun gyi sdom pa bdag/ yang na me long lta bu'i tshul// de bzhin du yang mnyam pa nyid// so sor rtog pa'i cho ga bzhin// de bzhin bya ba nan tan la// rtag tu bzhugs par brjod pa 'di/ / shin tu rnam dag rang bzhin can// de bzhin rnam par snang mdzad nyid// gzhan yang mi bskyod pa nyid dang // yang ni rin chen 'byung gnas la// yang na 'od dpag med pa yi/ / gang tshe rtag bzhugs don yod la// bdud rtsi lnga yi gong bu dngos// thig le'i gzugs te yid lta bu// shin tu rnam dag ye shes cher// lha mo kun gyi rang bzhin can// rdo rje sems dpa' zhes byar bshad/ / bde ba dam pa ru ni brjod// rang byung ngo bo 'di nyid ni// chos kyi skur ni rab tu grags// de yi shes rab lhan cig skyes// de phyir gnas pa'i gzugs can ma// las kyi rlung gis bskul ba yi/ / lte ba'i dkyil 'khor du ni 'bar// bdag med ma zhes rnam par bshad// dpyid kyi thig le nyid du brjod// sgra yi rtse mo brgya stong lus// glog gi zer ma mnyam pa'i bod// lha yi rnam 'byor dus su ni/ / ba spu'i khung bu'i rtse bug nas// phyogs bcur rnam par phyung nas ni// kun tu lha dang lha min bsdigs// snying kha chos kyi 'khor lor ni// bsregs nas longs spyod 'khor lor song // sna yi bu ga g.yas pa nas// thams cad du ni phyung nas ni// mdzod spur song bdag gis kyang // bug pas nges par phyogs bcu yi// sangs rgyas byang chub sems dpa' yi// kyi bu ga g.yon par ni// zhugs nas spyi gtsug 'khor lor ni// kun bsdigs rnam par phyung nas ni// sngar gsungs nyid kyi bug pa nas// yang ni spyi gtsug zhugs par bya// sangs rgyas rnams ni ba pa yi/ / dga' ba de nas bskyed par bya// lte ba'i dkyil 'khor phyin nas ni// snga ma bzhin du gnas par 'gyur// yang dag par sbyor ba las byung ba'i rgyud chen po las byung ba dpyid kyi thig le zhes bya ba'i brtag pa'i rgyal po ste drug pa'o/ / / ngag gi phyag rgya'i mtshan nyid ni// bcom ldan bdag ni nyan par 'tshal// dgongs pa'i skad ni ci zhes bgyi// rnal 'byor ma yi rtag dam tshig/ nyan thos la sogs mi shis pa// dgod dang lta ba dag gis kyang // 'khyud dang de bzhin gnyis gnyis sogs// rgyud kyang rnam pa bzhi rnams kyis// dgongs pa'i skad ni ma bsgrags pa// bcom ldan nges par gsung du gsol/ / dgongs pa'i skad ni skad chen por// dam tshig brda ni rgyas pa ru// rdo rje snying po nges bshad kyis// de nyid rtse gcig sems kyis nyon// ma da na chung ba la sha/ 'du ba ma la ya dza nyid// 'gro ba khe Da ro ni shrab// rus pa'i rgyan ni Ni raM su// 'ong ba phreM ka na ru brjod// cang te'u kri pi da ru brjod// skal med du du ra zhes bshad// skal ldan ka liny+dza rar brjod// rig min Di Di ma zhes brjod// thod pa pad+ma b+hA dza na// bza' ba tri pi ta zhes bya// tshod ma mA la tInad+ha naM// bshang ba tsa tu sa ma brjod// gci ba kra s+phA ri zhes brjod// rang byung si h+lar shes par bya/ bu ba ga pur brjod par bya// sha chen shA li dza zhes brjod// dbang po gnyis sbyor kun tu ru// rdo rje bo la zhes brjod do// pad+me kak+ko la zhes zer// mu li ser mo kha ru bcug pa ni// mkha' 'gro ma yi mtshan ma'o/ / g+ho glu thal mo spyi bor yang dag bzhag/ mar me ma yi mtshan ma'o// g+hu g+h+raM mthe bong rgan po bcangs pa ni/ 'jib byed ma yi mtshan ma'o// mu glu lag pas rna brdebs pa ni// g.yo ldan ma yi mtshan ma nyid/ / lu g+h+r-i sna rtser thal mo rdebs pa ni// dge ba'i gtam ni 'dri ba'o// draSh+Ta ri dag sa bog ston pa// rnal 'byor ma yi mtshan mar mtshon// ra zhes bya ba skyes bur nges// Di ni bud med de nas brjod/ / pu zhes bya bar rengs pa nyid// su ni de bzhin za ba nyid// ma zhes bya ba mem ru brjod// yo ni de bzhin chung mar nges// b+hi zhes bya ba sring mo nyid// d+hi zhes bya ba mdza' mor brjod// lu zhes bya ba bu mor nges/ / sti ni khrag tu shes par bya// sa ni zhi ba'i btung ba nyid// pheM zhes bya ba thug pa ste// phi zhes bya ba nges par bshad// b+ha zhes bya ba bza' bar brjod// b+hu zhes bya ba 'du ba nyid// pa zhes bya ba 'du ba nyid// bi zhes bya ba dur khrod nyid// b+hu zhes bya ba ro ru brjod// Di zhes bya ba rnal 'byor ma// ga ni de bzhin lA ma nyid// s+thi zhes bya ba gzugs can ma// ku zhes bya ba mkha' 'gro ma/ kha zhes bya ba dum skyes ma// dza zhes bya ba sbyin bzung // ga zhes bya ba lag pa gnyis// b+ha zhes bya ba gsong por smra// swa ni legs 'ongs bya ba yin/ 'di rnams ni yi ge re re zhing yang brda ste/ / dpa' bo dang sring mor des shes par bya'o// yi ge'i dam tshig gi phyag rgya'i ye shes so// / rdo rje snying pos gsol pa/ ngag gi brda ni mi 'tshal bas// bde ba chen pos bshad du gsol/ / bcom ldan 'das kyi bka' stsal pa// mdor bsdus nas ni bshad bya ba// de ni nga yis bshad kyis nyon// po te gI zhes bya ba ni phyag go/ pra ti po taM gi zhes bya ba ni phyag gi lan no// ga mu zhes bya ba ni 'gro ba zhes brjod par 'gyur ro/ / lum pa zhes bya ba ni 'ong ba nyid do// ni ga raM zhes bya ba ni byin cig ces brjod par 'gyur ro// tsun+d+ra ka zhes bya ba ni khyer cig ces brjod pa yin no// hri da ya zhes bya ba ni dpa' bo zhes bya ba yin no/ / kau ra ba zhes bya ba ni gsod pa zhes brjod pa yin no// kaN+Di ka zhes bya ba ni dril bu zhes brjod pa yin no// a li ka ra Na zhes bya ba ni spyi bo zhes brjod pa yin no// ba ra ha zhes bya ba ni skra zhes brjod pa yin no/ / shra ba na zhes bya ba ni rna ba'o// man+t+ra zhes bya ba ni bdud rtsi'o// na ra zhes bya ba ni mnyam par sbyor ba zhes brjod pa yin no// tA li kI zhes bya ba ni mkha' 'gro ma'o// na rak+Sha zhes bya ba ni dkyil 'khor ro/ / a mu kaM zhes bya ba ni dur khrod do// ka khi lA zhes bya ba ni sgo'o// swa san zhes bya ba ni bramo ze'o// pa ri d+hi ni rgyal rigs sau// bai ra ti ni rje'u rigs so// kru ra zhes bya ba ni dmangs rigs so/ / an+ta ni gdol pa'i khyim mo// a li ka li phyugs so// b+hi ka ni mkha' 'gro ma'o// mu da kaM ni tshil bu'o// gri ha na zhes bya ba ni phyag rgya'o// dan+na s+pharu tI dzI ha zhes bya ba ni bkres so zhes brjod pa yin no/ / g+h+nAn+da pA ti ni zhes bya ba ni sgo'o// sA sa NaM zhes bya ba ni sred pa'o// a kaM na zhes bya ba ni gan du'o// s+pha na ta na zhes bya ba ni che ge mor ro// ki ra No ni me tog go// le bo ni 'jig pa'o// dan+ta ni rgod pa zhes brjod pa yin no// ni ro d+ha ni char pa'o// bi dzA p+ti ni chog par 'dzin pa'o// d+humra ni sprin no// d+hu mra pri ya dang sa nu ni ri'o// sa ri ta ni chu bo'o/ a gu l+ya ni yan lag dang nying lag go// ba da na ni kha'o/ / ra dzi ka ni lce'o// An+da ni so'o// baM ka te ni rgyal mtshan no// tsAn+do ni 'phreng ba'o// tsa la ni rlung ngo // mri ga pa ti ni phyugs so// man+dA la ni mnyam pa'o// sA sa ni lam gyi bzhi mdo'o// phal+lu sha ni skye ba'o// ma hA kAr ni phyogs chen po'o// ts+tsha ni ra'o// na zhes bya ba ni skyes pa'o// go zhes bya ba ni ba glang ngo // me zhes bya ba ni ma he'o// b+hi zhes bya ba ni bza' ba'o// ha zhes bya ba ni rnam grangs so/ / a d+ya ka zhes bya ba ni rgyal po'i skye bu'o// s+tha zhes bya ba ni gnas so// mu kha s+phaR+sha na ni zos zhes bya ba'o// daR+sha smAR+Yan ni 'grangs so zhes bya'o// ho zhes bya ba ni gang yang rnam grangs so/ hi ka ni ngo tsha'o// shun+ya swarA na ni me thun gyis shig ces bya'o// u ru swaR+Ya ne ni nga lta de ltar gyis ces bya'o// ngag gi brda'i ye shes so// mnyam par drag shul dpral ba can// rtag tu ltung bar byed par brjod/ / dbang gi sgra stangs g.yon na gnas// g.yon pa nas ni gzugs brnyan gnyis// g.yas pa'i chal dgug pa nyid// gnyis ni steng du sbyar bar bya/ / dbu ma rengs pa'i lha stangs nyid// sna yi rtse mo'i dbus su gnyis// dud 'gro'i lta stangs gsad pa la// sna yi rtse mor gzugs brnyan gnyis// dbyung ba nyid kyis ltung bar byed// bum pa yis ni dbang du byed// dgang ba yi ni dgug pa nyid// zhi ba nyid kyis rengs par byed// rlon pa'i shing la ltung byed nyid// me tog la ni dbang du grags// rdo rje shing la dgug pa nyid// g.yo bcas rtswa la rengs byed nyid// zla drug goms pa'i rnal 'byor gyis// 'grub 'gyur 'di la the tsom med// 'di la 'khrul par mi bya ste// sangs rgyas rdzu 'phrul bsam mi khyab// slob dpon gnyis la phyag 'tshal nas/ / shin tu phyag 'tshal dpal ldan ni// rdo rje sems sogs rnal 'byor gyis// g.yas pa'i smin ma sbyar tshul gyis// nam mkhar 'gro ba'i bsgoms pas ni/ gang zhig gnas pas 'grub par 'gyur// g.yon pa'i smin sgyur pha rol gyis// sde las mchog tu rgyal bar 'gyur// bdud kyi dpung ni gzhom pa'i phyir// de nyid kyi ni rnal 'byor gyis/ / g.yon pa'i mig bskul zhes bya bas// dkar mo la sogs gzugs bsgoms pas// ngor ni rdzogs na 'grub par 'gyur// g.yas pa'i mig bskul zhes bya bas/ dpal ldan rdo rje sems sogs kyis// skyes bu'i gzugs ni rdzogs par 'gyur// ngag gi tha snyad ma gtogs par// 'jig rten rab tu grags pa yi// tha snyad du yang 'grub par 'gyur/ / de ltar yo gis 'jig rten dang // 'jig rten 'das par bsdus par 'grub// legs par bshad pa'i dngos grub bo// lta stangs kyi phyag rgya'i ye shes so// dpal ldan rdo rje sems sbyor zhing / / ji ltar dbyibs kyi sku ldan pas// 'dir ni mi yi thod par ni// yungs kar cho ga bzhin du gdab// bcos pa'i mar khu bza' byas shing // mgo bo 'bras bus de bzhin byugs// phyogs mtsha nam mkha' sa bcings pas/ / bsrung ba kun gyi gong na med// dpal ldan rdo rje sems sbyor zhing // tshems ni bsdams shing zhal btsums pas// dpal ldan g.yon pa bsgyings 'dzin tsam// g.yas par 'khor lo phyogs tshul gyis// gsal bar steng 'og byin gyis brlab// sa la rang gi phyag rgya bya// sangs rgyas kun dngos dngos grub sprin// skye ba gnyis pa'i thod par 'di btab nas// phyi nas mi yi zod par ro// de nas btus nas bud med dang // skyes pa dang / ma ning la sogs pa dang / khA dang / 'ug pa dang / bya rgod dang / mtshol ba'i dngos grub mchog sna tshogs byed do// 'ol mas dkar po sgrub pa'i tshogs kyang / / 'dod na glang po dang / rta'i gzugs 'dzin par 'gyur ba dang / 'dod na pa glang dang / ma he'i gzugs 'dzin par 'gyur ba dang / 'dod na khyi dang / byil dang / lce spyang gi gzugs 'dzin par 'gyur ba dang / 'dod na bud med dang / skyes pa'i gzugs 'dzin par 'gyur ro// ro'i kha'i bug pa nang du song ba ro bsregs pa'i mes bur nag po mar ngo'i 'byung po'i nyi ma la gdungs shing bdug pa byin na 'gro ba ma lus pa 'bebs par 'gyur ro/ / ka na ka'i 'bras bu dang / a l-i ka dang / ma tu lung ka dang / tsi tA ka dang / ba tsa dang / khyim bya'i sgo nga dang arga'i 'bras bu rnams thams cad bdug pa las rgyu ba dang mi rgya ba'i 'jig rten kun 'bebs par 'gyur ro/ / rnga gsod pa skya bo'i rtsa ba dang / nyi ma'i ljon shing dang / phe chag pa dang / sdig pa'i rnga ma dang / dug tu nges pa'i rgya'i cha dang ldan pa 'dis de rnams cha bsnyams te lag pa la byugs na ba glang gi snar 'gyur ro// di na ka ra'i 'o mas bA na ra nyi ma bdun du byugs nas nags kyi mi zhag bdun spangs te/ de bzhin du kha tri ka sa bris pa'i lag pa dag gis reg na klu'i dbang po'i dug 'byin par 'gyur ro// 'di'i phyir bzlog pa sbyin par bya ste/ mA la ya las byung ba dang nA ga ge srer dang / nad kyi dbang po dang / ma da na pha la dang / dzA gu'i yul dang / taM ka ra dang ldan par 'bras kyi chu dang ldan pas 'gro ba'i dug sna tshogs 'jig par byed do// de'i nyin par skyes pa'i byis pa'i ro tsan ta ka ra'i snying por gnas pa'i ril bu zos na lag na rdo rje lta bur ji ltar 'dod par dug btung bar bya'o/ / sbal ba dang sbrul gdong gnyis pa'i tshol bu bsdus la/ shweSh+ma'i shing gi 'bras bu 'dis lag pa la byugs pas reg na dug zhi bar byed do// ba'i mar dang / badz+ri dang / bA hri'i khrag dang / sbrul mgo gnyis pa'i sha dang / sgal tshigs kyi sa lag pa la byugs na gnas gsum gyi'ang dug med par byed do/ / gcer bu la sogs pa'i cho gas mnyam par gzhag pas bA la ka'i rtsa ba cha bdun du byas nas 'byung po'i nyi ma la lag pa la bcings na nyin bzhi pa 'jig par byed do/ / lto 'phye'i dbang po'i shun pa gsar pa dang / lho 'phye'i dgra'i gshog pa'i cha dang ldan par bdug pa dang ldan pa tsam gyis 'jig rten gsum po sdang bar byed do// yang na kA gnyis pa dang / nyin mo 'jig pa'i gshog pa dag cho ga bzhin du bdugs pas ni 'phrog byed ma smad kyang 'byed par 'byed do// gzhan du ma yin no// rta'i rmig pa'i khung bur sbrul gyi mgo bzhag cing / gnod sbyin smyon pa'i lce dang lhan cig dgra'i gnas kyi sgor sbas na nyi ma bdun gyis slod par 'gyur ro/ / ha li ni dang / phag gi rtug pa dang / ro'i mgo skyes dang / mgrin rings kyi rus pa rnams gnas gsum gyis sbyor ba'i mchog ste/ nyi ma bdun gyis yang dag par sprod par byed do// rta gsod pa dmar po'i me tog dang / bA l+lA ta ka dang / star bu rnams kyis me long bskus na rta dang / bong bu dang / rnga mo la sogs pa'i gzugs mthong bar 'gyur ro/ / rta dang / ba glang dang / phag dang / spre'u dang / bong bu dang / rnga mo'i lag skyes rnams kha sbyor du mes bsreg nas sbal pa'i tshil bus bsres pas de rnam kyi gzugs snga ma bzhin du mthong bar 'gyur ro/ / oM ko Ta ka'i sa bon gyi mar khu dang / ba'i 'o ma dang / mig sman gyi 'bras bus byugs nas gang zhig srid pa'i mtha'i gzugs rnams me long gi dbus su mig sman gyis byugs pa'i mig gis mthong bar 'gyur ro/ / ta ka ra'i 'bras bu dang / aM ko DA ka'i 'bras bu mar khu'i tshigs mas rang bzhin gyis gnas pa'i skyes bu bzang po mthong bar 'gyur te/ ta ka ra'i mig sman+da gyis mi mthong bar 'gyur ro// ri bong can gyi chu dang / dza lu ka dang / sbal pa'i mar khu dang / pA Ta li'i rtsa bas rkang pa'i mthil byugs na skyes bu ma ma mur gyi tshogs la 'gro bar 'gyur ro/ / shra ma ni ka dang / sbal ba'i tshil bu dang / dza lo'u ka dang / zla ba las byung ba dang ldan pas lag pa dang / rkang pa byugs na mi kha ba ltar bsil bar byed par 'gyur ro/ kha'i nang du dun du ba'i rin po che bcug ste chur zhugs na shAkya'i gnas kyi nang du zhugs pa lta bur blo dang ldan pas 'dod pas gnas so// so na ka'i sa bon gyis rkang pa'i lham zung byas na chu'i steng du skyes pa shin tu rnam par dag pa gru lta bur 'chag cing 'gro bar 'gyur ro/ / mar gsar dang / btsag skya bo dang / dri nga ba dang / nya'i mar khu tshigs mas bug pa thams cad byugs na skyes pa blo dang ldan bi chu srin lta bur rgyu bar 'gyur ro/ / sa bon dag dang / ka na ka'i drungs pa chen po'i srin bu'i phye ma dang ldan pa dang / kok+ki la rnams kyis skyes pa 'drar byed par 'gyur ro// bu ram dang / a ra na la dag gis ni phyir zlog par byed do/ / skye ba gnyis pa dang / byi la dang / spre'u dang / rang 'tshed pa dang / khwa'i dgra dang / sre mong gri spu rnams brdungs shing rtsar ma'i rtug pa'i phye mas 'jig rten pa thams cad spro bar byed do/ / ba glang tshe'i rnga ma dang / ka gnyis kyi gshog pa g.yas pa dang ldan pa mal du bcug na da ltar myur du dgra bo brjed byed kyis 'jigs par byed do// kA na ka'i 'bras bu dang / ma du lung ga dang / phug ron dang / rma bya dang / zangs kyi gtsug pud can gyis lan cig gis smyo bar byed cing blo gros dang bral bar byed do// skra'i las kyi mthas yin no// ka na ka'i 'bras bu blangs nas dam tshig chen po dang / srin bu'i phye ma dang bsres nas bza' ba dang btung ba la sbyar na de'i skad cig la smyo bar 'gyur te/ nyi ma bdun gyis 'chi bar 'gyur ro// tsha ba'i mar khus bi tsu marda'i shing la gtor zan gyi tshangs blangs te byugs nas lag pa de nyid kyis ma reg par dur khrod du shing bsregs pa'i thal ba blangs nas gang gi spyi bor byin pa de skrod par byed do/ / khwa dang bug pa'i gshog pa dag dang / bram ze dang gcer bu pa dag gi sgra gcig tu byas nas du ra'i shing la me sbar nas du ba med par bsregs te/ de'i thal ba blangs la skyes pa 'am bud med kyi gnas mal gyi 'og tu bcug na de'i skad cig la sdang bar 'gyur ro/ / rnam par shes pa dang ye shes so// yang na dbang du bya bar 'dod na dga' ba dang bcas pa dkar mo'i snying po'i nus pa mda'i rma phye mar byas nas 'dod pa'i phye mas rang gi sa bon dang ldan pas rgyal la bdag po'i brtul zhugs ma'ang dbang du byed do/ / skyes ma bskal pa ngan pa bzung nas na ra'i shing gi yal ga'i tshigs mu dang / glang po che'i chang dang mnyam par bya me'i lag par bzhag na bskal pa bzang ba po steng du 'dren par byed do/ / b+hu ta ke shi dang / rudan+ti dang / daN+Da ut+pal dang / ha sa de ba dang / phyogs kyi chu dang / bdag nyid kyis myos byed dang btags pas skad cig gis brkyang ma dbang du byed do/ / bud+d+hany+dza ri dang / a bar+Na dang / du ba dang / daN+Da.ut+pal lhan cig btags pa'i phye ma dang / phyogs kyi chus sam/ reg pa nyid kyis 'gro ba'i yan lag ma dbang du byed do/ / biSh+Nu krAn+ta dang / pra bin+ta dang / la k+Sha Na dang / a bA nA tA dang / mig las byung ba dang / phyogs kyi chu lhan cig btags pas lha'i bdag po'i brkyang ma'ang skad cig gis dbang du byed do/ / de ni ka ra dkar po'i shing gi rtsa ba dang / many+dziSh+Tha dang / mchil pa dang / kuSh+Ta dang / rang gi yan lag gi rma las byung ba dang / dri ga te 'di rnams kyis gnas gsum po dbang du byed do/ / rA ma du ti dang / ru dan+ti dang / k+Shi ra d+hi dang / bdag gi myos byed dang bsres shing seng ldeng dang btags pa'i ril bu dang / so rtsi lhan cig pas rang byung gi brkyang ma'ang skad cig gi dbang du byed do/ / ma he la bcings pa'i sna thag dang / ka na ka'i shing gis ro bsregs pa'i thal ba dang / yan lag can shi ba'i ro bsregs pa'i me ma dag ka na ka'i khu bas bsad pa'i phye ma dang bdag gi myos byed kyis lha'i bdag po'i bu mo 'ang skad cig gis dbang du byed do/ / reg pa la sogs pas bdag gir byed pa'i ye shes so// shrI kha dang / mkha' 'gro'i bdag po'i 'khor lo dang / lha'i bdag po'i sbas pa dang / ba glang dang / ba glang gi gi wang dang / ldong roso dang ldan pas dpral bar thig le byas na skad cig gis dbang du byed do// durba dkar po dang / ri dgas kyi durba dang / ba glang gi gi wang dang lhan cig pas dpral bar thig le byas shing lhan cig mthong bas mi'i dbang po'ang dbang du byed do/ / nam mkha' lding gi bdag po'i 'khor lo dang / lha'i bdag po'i sbas pa dang / a pa na ta'i ral pa dang / du rin+ti dang / phyogs kyi chu dang btags pa'i phye mas mi'i bdag po'i brkyang mo'ang skad cig gis dbang du byed do// skyes pa bag ma gsar pa blangs pa shi ba'i me tog dang / dab phyug chen po la ban+d+ha ka'i mchod pa'i spyi bo'i me tog dang / skyes pa shi ba dang mtshungs par g.yon pa bsregs pa'i thal ba dang / bdag gi smos byed lhan cig pas bsnun pa'i bud med phyi nas rjes su 'dra/ bar 'gyur ro// biSh+Ti krAn+d+ha dang ldan pa'i bdag pos sbas pa dang / mtshan nyid dang / du ba dang / lto ba'i srin bu dang lhan cig nam mkha'i chu dang btags pa'i phye mas skad cig gis dbang du byed do// u grA dang / ts+tshin+da ru ha dkar po dang / paM se dang / ka na b+hi dang / in+d+ra ya ba mnyam pa 'di rnams dang ldan pas man ngag las thig le byas pas dbang du byed do// shrI sa ka la dang / a nur+Na dang / tsan dan dang / ri bong 'dzin pa 'di rnams kyis mnyam par shin tu sbyar ba dang / drang srong gi bu mkha' 'gro ma'i khrag gis byugs pa'i thig les 'gro ba dbang du byed do// dza yin dkar po'i sa bon dang / de bzhin du gi kaN+Di kA dkar po'i sa bon dang / lhan cig gi wang dang / dbang phag gi sos btags te/ rgyal la dpral bar thig le byas shing rgyal po'i dbang po la bltas na khro bar mi 'gyur ro/ / thig le 'byung bar byed pa'i ye shes so// yang na ril bu bya bar 'dod pas byi la nag po'i mig dang / bya rog nag po'i mig dang / phag nag po'i rna ba g.yon pa'i khrag gis mnye zhing bde bar gshegs pa'i gdung gi dngos po'i ril bu nyi ma dang / zla ba dang / me'i nang son par so sor dkris pa rgyal la sgrub cing rang 'dod pa'i lha'i sngags kyis bzlas pas 'grub par 'gyur te/ khar bcug na dpal dang ldan pa gnod sbyin ltar 'dod pa'i gzugs can du rnam par spyod do// yang na dang mo nag mi'i mig dang / bya rog dang / 'ug pa nag po'i mig nyid dang / khu byugs nag po'i mig nyid dang / bde bar gshegaso pa'i gdung du yid ches pa dang / badz+ra'i 'o mas ril bu byas pa nyi ma dang / zla ba dang / me'i nang du son par dkris nas khar bcug na mi snang bar byed do/ / yang na gdung gi dngos po'i ril bu skyes pa shi ba dang mtshungs par bud med bsregs pa'i thal ba dang / ka pad+mi yongs su smin pa'i phye ma dang / sa rdza'i khu ba dang / rdul dang / de yongs su btags pas bde bar gshegs pa'i gdung gi dngos po yid ches pa nyi ma dang / zla ba dang / me'i nang du son par de nyid kyis yongs su dkris nas rgyal la bsgrub cing ril bu khar bcug na gnod sbyin lta bur 'dod pa'i gzugs can du dpal dang ldan par gnas par 'gyur ro/ / yang na srod ka dang / ri bong gi mtshan ma'i tsher ma dang / sbrang rtsi dang / sbrang rtsi can dang / dang po'i me tog dang ldan pa dang / pad+ma gsar pa'i ga sar dang ldan pa'i ril bu lcags gsum gyi nang du gnas pas sbed par byed do// yang na a sho ka sngon po rab tu rgyas pa'i myu gu/ bud med kyi khrag gi sa lan bdun du byugs shing lcags gsum gyi nang du bcug pa khar bcug pas ni 'gro ba ma lus pa sbed par byed do/ / yang na ta ka ra'i byang phyogs kyi rtsa ba phyogs kyi gos kyis gtum zhing zla ba gzas zin pa na ril bu nyi ma dang / zla ba dang / me'i nang du bcug na kha'i nang du gnas pas mi snang bar byed do// ba glang gi gi wang dang / ing gu da'i shing gi me tog dang / 'gegs nas shi ba'i mig dang / tshil blangs shing khra gnyis pas zos pa'i lhag ma dang ldan pa'i ril bu 'di ni brtags pa'i brkyang ma zhes bya'o/ / yang na pa'i tshal du zla mtshan gyis myos pa'i bu mo mnyes pa'i rdzas dang / ba bla dang ldan pas dpral ba'i ngos kyi gnas su thig le byas na gnas gsum po'ang sbed par byed do/ / yang na a sho ka sngon po'i byang gi phyogs su khwa'i tshang gi myu gu dpral ba'i 'gram du thig le byas na rgyu ba dang / mi rgyu ba'i 'jig rten thams cad sbed par byed do/ / phu ron gyi khong par sro ta'i mig sman bcug nas// ro bsregs kyi me la bsregs te/ grub pa'i mig sman byi la dkar po ma yin pa'i khrag gis bsad pas sbed par byed do/ / yang na tir+dz+dza gsar pa'i tshogs kyis myu gus bteg pa'i sa dang / sar g+ha dang / ta la dang ldan pa rgyal la grub pas dpral ba'i ngos su thig le byas nas sbed par 'gyur ro/ / yang na ril bu mchog tu gyur pa ring bra dang / ba glang gi gi lgang 'di dag lhan cig gong gi bstan pa'i dgos pa'i ril bu mchog 'di sgrub pa'o// mi snang ba'i ye shes so// de nas mig sman gyi sbyar ba bshad par bya ste/ sha liM dza las byung ba'i mar khu dang lhan cig dur khrod kyi ras las byung ba'i sdong bu 'byung po'i nyi ma'i mtshan mo pha'i skyed mos tshal du skyes pa'i thod/ pa gsum gyi nang du mar khu dang bcas pa'i mar me bya'o// de'i steng du pad+ma'i 'dab ma bzhug nas rga ma'i thod pa las du ba blang bar bya'o// de nas nyin mo 'jigs pa'i mgo bo bsregs nas tsan dran dmar po dang mung du btags te/ de nyid kyi mtshan mo rdo'i gtan pa la zhib tu btags shing phye mar bya'o// gong du blangs pa'i du ba dang lhan cig gcig tu byas nas bya rgod kyi pags pa'i snod du bcing tebya rgod kyi rje ngar gyi rkang ngam/ gong gi mi'i rus pa'i thur mas so// de'i mig sman ji ltar bsgrub par bgyi/ bka' stsal pa/ b+ha ga'i nang du bsngags pas chogs bsgrub par bya'o// grub pa'i mig sman gyi sbyor ba'i ye shes so/ / de nas las kyi cho ga bshad// bzlas dang bsam gtan rtag dga' ba// gang gis sgrub po 'grub 'gyur ba'i// bcud kyi las kyi cho ga brjod// cho ga'i dngos po ma gang yang // / 'phongs pa'i sems can bde ba 'bab// ri dang rgya mtsho las skyes pa du ma dang / byas pa'i skyur po dang / bu dang / mdud pa dang / rdo'i gtan pa tshan te la yang dang yang mnyes nas sna hi dang / ri'i ze 'bru dang / rol dang / 'dab ma'i chu srings po dang bcas par zangs kyi snod du bskol bar bya'o// lcags blangs nas sbar bar bya zhing ba gu la dang / ut+pa la chen po'i cha dang ldan par ji srid du mer gsar byung ba de srid du mnye bar bya'o/ / de ma thag tu rdo rje can gyi 'o mas btags nas sin d+hu dang tshwa las khu bar 'gyur ba ste/ zangs dang dngul gyi cha dang gser lhan cig pa'i cha khyor bu kha sbyar bar zhu zhing / de nas dri'i rdob phyed tsam du sbyin par byas la gser phyed kyi tshad gzhug par bya'o/ / bcud kyi ye shes so// de nas bcud len bshad par bya// thams cad snying po kun bsdus pa// dus kyi 'ching bar gnas nas ni// rnam 'byor phyag rgya bsgrub par bya/ / bzhi mnyam nyid dang glu rtsi dang // tsan+da dan dmar po ga pur nyid// sA lu skyes dang si ha la dang // kun tu ru dang kak+ko la// de bzhin rkang gi snying po nyid// 'di rnams sman ni chen po nyid/ / dus ni drug tu 'od zer can// dpyid dang so ka nyid dang ni// de bzhin du ni dbyar nyid dang // ston gyi dus dang dgun stong dang // de bzhin gzhan yang dgun smad do// dpyid la cho ga nyi shar na/ / so ka mkhas pas nyin byed na// dbyar la nyi ma bsnur ba na// ston ni de bzhin nyi nub na// dgun stod la ni nam phyed na// dgun spyad lnga ni tho rangs so// dus kyi sbyor ba mchog 'di ni/ / zhal mchog ma ni khyod la bshad// dgun stod dus su nam phyed na// me tog tu ni gsungs pa nyid// dpyid la yang ni bzhi mnyam nyid// nyi shar de bzhin dngos grub ster// dbyer la nyi ma bskur ba ni// glu rtsi yid du 'ong ba nyid// so kar don kun grub pa pos// nyi ma phyed na rkang skyes nyid// ston ka pad+ma sdum pa nyid// srod la dngos grub byed pa nyid// dgun smad la ni tho rangs na/ / khyad par du ni ga pur nyid// rnal 'byor mchog rab 'di nyid ni// shin tu mnyam par gzhag par byed// rga dang 'chi las rnam grol bar// 'gyur ba 'di la the tsom med// bu dang gan d+ha ga nyid dang // mchog dang yang dag ldan par ni// mar gyis khyab par byas nas ni// las rnams kun la sbyar bar bya// rdzas ni bcu bzhi blangs na ni// rgu dang 'bad pas bza' bar bya/ / zla ba nyi ma'i rnam pa'i chas// ji ltar 'dod pa'i las rnams bya// nyi ma bdun phrag gsum gyis 'grub// so dang sen mo skra ltung shing // yang ni nye bar skye bar 'gyur// grub na mkhas rnams thams cad ni/ / gser gyi dngos por byed par 'gyur// de nas 'bru mar gyi cho ga bshad par bya ste/ pad+ma las skyes pa dang / bo le las skyes mar khu nyid dang / bzhi mnyam 'di dag mnyam pa ldan pa dang / yung ba dkar po ma yin pa'i tshigs ma dang / bo la'i chu dang bcas pa dang / gu DU tsi'i snying po blangs nas thams cad du ba glang gi 'o mas bya'o// de nas cha bshad par bya ste/ phye ma srang sum cu rtsa gnyis blangs nas chu nyis 'gyur dang / ji srid kham phor bzhi cha lus pa de srid du bskol bar bya'o// bo la gsum dang / ji ltar rjes su rim pas lan gsum du bsgrub par bya'o// 'bru mar bzhi 'gyur gyi 'o ma dang / gu DU tsi ta de'i phyed kyi tshig mar 'gyur ba dang / gong du gsungs pa'i rdzas dang lhan cig gcig tu byas nas zhen pas brtse bar bya'o// gal te 'di de'i tshe 'bring po la ni grun+du ci phyi rol tu gnas so/ / mgo byug pa las ni drag par gsungs te/ brtse ba gsum ni mchog tu 'dod do// snar thugs pa ni srung bcu'o// btung bya la ni brgyar gsungs so// byug pa la ni rnal 'byor pa shin tu mnyam par bzhag pas brgya rtsa brgyad du bya'o/ / snar blugs pas ni lo stong thub par 'gyur ro// btung ba la ni de bzhin du lnga brgya'o// mgo bo byug pa sum brgya'o// nga'i tshig la the tshom med de lha'i gzugs su 'gyur ba dang / dbyangs snyan par 'gyur ba dang / rtag tu sdug par 'gyur zhing bstan bcos thams cad rgyas par shes shing lus gsal zhing gzi brjid che ba dang / bgegs thams cad 'joms par byed do// bzhi mnyam blangs nas bskam par byas nas 'o ma dang lan mang du btags par bya'o// ba grang gi lci ba'i mes mi snang bar bsregs nas 'bru mar blangs te 'bru mar nag po gnyis dang / mar khu bcu gnyis dang / 'bru mar gyi nyis 'gyur gyi 'o ma dang lhan cig gcig tu byas nas cho ga bzhin du rnal 'byor pas brtse bar bya'o/ / gser bzhi dang / 'bras bu gsum dang / nri ba dang / tse ti dang / ta la dang / 'di rnams kyis rim pa 'phel ba'i tshig mar brjod pa dang / mtshan mo dang / ba ku tsi dkar po dang / ut+pa la'i snying po dang / lcags kyi dri ma dang / dri'i rdo dang / gu gul dang / sardza ra sa dang / ga bur dang / ri dgas las skyes pa'i chang dang / rdzas 'di rnams mar khus btsos pas nad med cing tshe ring bar byed do// mgo bo la byugs na gnyer ma dang skra dkar sel bar byed cing nad thams cad 'joms par 'gyur ba nyid du the tshom med do// de nas lus kyi byug pa'i 'bru mar gyi cho ga bshad par bya'o// de nyid kyi 'bru mar de 'on kyang khrag sel bar byed pa dang / gser gyi shing dang / brtan par rab tu skyes pa dang / sin+d+hu dA re dang lhan cig gong du gsungs pa'i tshogs sngags pas chu bsgrub par bya'o// de'i rjes su sh+tsa ma dang / pri ya dang / ke sha ri dang / ba ku la dang / rig pa 'dzin ma dang / nA ga dang / 'khor lo 'thag pa dang / mtshan mo rgyu ba dang / ka na ka dang / shi khi dang / pra ba ra dang / b+hu tri da dang / ba ba hrid dang bal+la b+hi dang / grol ba'i dang / lag pa'i rtsibs dang / man dza ri dang / gser shing dang / ba tsA dang / ba ku tsa dang / sprin gyi shing dang / yung ba dang / many+dzi dang / nad kyi dbang po dang / glang po'i / stobs 'di dag gis ni nad thams cad 'joms par byed do// tsan dan gnyis dang / ri dgas kyi chang dang / ga pur dang / shal ki dang / na kha dang / bu ram dang / mnyam par ldan pa'i bdug pa ni 'dod pa'i don thams cad sgrub par byed do/ / g.yan pa dang / shu ba dang / za 'brum dang / yan lag las skyes pa'i dug thams cad 'jig par byed do// lha mo ngas gsungs pa la the tshom mi bya'o// yung ba dang / srid pa'i rdul dang / sin+na ba ra dang / lha khang gi so phag gi rdul dang / ka na ka'i 'dab ma'i tshogs ma dang / gla rtsi dang / bzhi mnyam 'di dag mnyam pa dang / rkun ma dang / ko su dang lhan cig pas nad rnam pa sna tshogs pa srin bu dang / mdze dang / yan lag las skyes pa'i dug las byung ba'ang 'jig par byed na// yang bku rtsi dang lhan cig pa lta smos kyang ci dgos// lus la byug pa'i cho ga'o/ / de nas bska ba gsum dang bzhi mnyam lhan cig phye mar byas nas// gla rtsi grang mo dang lhan cig lo gcig tu brtul bzhugs can gyis btung bar bya'o// de ltar khong du song ba'i nad rnam pa sna tshogs pa bad kan la sogs pa lhung bar byed do/ / zhu na sngags pa'i sgra dkar po la sogs pa 'jig par byed de// gzhan du ni ma yin no// yang nu bzhi mnyam blangs nas zhib par phye mar byas nas 'bras bu gsum dang lhan cig mar dang sbrang rtsis brdzes nas zho gnyis bza' bar bya'o/ / de nas gzugs bzang por 'gyur zhing lo sum brgya 'tsho bar 'gyur ro// de ni rlon pas kyang yin mod kyi/ 'on kyang mar dang sbrang rtsi dang bral ba'o// yang na bska ba gsum blangs nas phye ma zhib mor bya'o// byi la'i rkang rjes tsam las rim pas 'phel bas gla rtsi 'bring po shin tu bsil bar byas nas rnal 'byor pas bdag gi nus pa nye bar brtags nas btung bar byas na rlung dang bad kan 'joms pa dang / skra dkar sel bar byed la/ dron pos ni skra dkar byed pa yin no/ / yang na 'bras bu gsum blangs nas 'o ma dang chur btso bar bya ste mgo bor bsku bar bya'o// dbang po'i stan dang / 'bras sA lu dmar po dang lhan cig btags par byas la khu ba byas te mar gyis bcos nas sbrang rtsi dang lhan cig bza' bar bya'o/ / de nas zla ba gsum na nad thams cad dang / khyad par du sgra dkar 'joms s+ho// zla ba drug tu sbyor ba goms pas rnal 'byor pa shin tu dbyangs snyan par 'gyur ba dang / tshol bu dang ldan par 'gyur ro// zla ba dgu na lus bzang po dang / yid ltar mgyogs pa dang / thos pa 'dzin par 'gyur ro// lo gcig na ni glang po'i stobs nyid dang lo sum brgya 'tsho bar 'gyur ro/ / yang nA na ga mu la dang / zhags pa dang / pa la sha dang / ku Sha cha gsum dang / ma ga d+ha bcu'i cha gcig dang cha mnyam pa'i phye ma dang / ba'i 'o ma dang phye ma zho gnyis bsres nas yang dag par brdzis te 'di nyi ma re re la rnal 'byor pas bza' bar bya'o/ / rnal 'byor pas lo brgyar brag stong pa la sogs par gnas na nges par shin tu yongs su tshim pa dang / bkres pa dang / skom pa las rnam par grol bar 'gyur bas sman 'di dang ldan pas brag stong pa la sogs pa la gnas par bya'o// sbyor ba gzhan na ni rgan po lta bur don med pa'o// sbyor ba med pas rnal brgyad pa kun rdzob kyi bden pa'i gnas brag 'bab chu dang bcas de'i gnas su bsgom par bya'o/ / dus kyi 'chi ba mi rig pa// gang zhig rnal 'byor par 'dod pa// mkha' la khu tshur bsnon pa dang // smig rgyu'i chu ni 'thung ba dang / / bkres phyir phub ma rdung ba ltar// de ni ngal ba don med cing // de nyid 'bras bu thob mi 'gyur// yo gi shin tu mnyam bzhag pa// de ltar cho ga nga yis bsngags// ye shes thams cad 'byung ba zhes bya ba'i tshe ring ba'i rig pa ste bdun pa las rab tu byed pa dang po'o/ / / bcom ldan bdag ni nyan par 'tshal// bzlas sogs sbyin sreg ji ltar lags// zhi rgyas dbang dang mngon spyod dang / / gtor ma mchod sogs ji ltar lags// sbyin sreg la sogs mtshan nyid ni// ji ltar de nyid rdo rje nyon// dang por bsngags pas 'bum bzlas bya// phyi nas las ni yang dag pa tsam// / g.yas brkyang ba dang g.yon brkyang nyid// mnyam skabs bi sho khi lo ni// de ltar byas nas rnal 'byor pas// yang ni phyi nas rig ma gzhug/ bram ze mo dang rgyal rigs nyid// rje'u rigs de bzhin dmangs mo ni/ / de ltar cho ga sna tshogs nyid// de tshe sbyin sreg yang dag brtsom// zhi bar thab khung zlum po nyid// khru gang tshad tsam thig gdab bya// btab nas khru phyed brkos nas ni// 'og tu sa la mtho gang khung / / tsan dan dkar pos ngos dag byug/ de yi phyi rol zlum por sa// sor bzhi pa yi mu ran yin// rgyas pa'i thab khung gru bzhi ste// khru gnyis tshad du rnam par rgyas// du khung bu khru gang ba// mu ran la ni sor brgyad nyid// me tog ser pos brgyan pa dang // dri ni ser pos rjes su byug/ mngon spyod thab khung khru gsum pa// rgyar ni sor mo nyi shu ste// 'og gi 'phangs su sor mo bcu/ / mu ran la ni sor mo gsum// dur khrod sol bas byug par bya// dbang dang dgug pa thun mongs ste// thab khung gcig pa'i mtshan nyid gsungs// dgug pa zla ba phyed pa'i dbyibs// thab tshad khung bu thab khung phyed/ / tshad gzugs mu ran byas nas ni// dri ni dmar pos byug par bya// zhi la kha dog dkar po yin// rgyas la de bzhin ser po nyid// gsod pa kha dog nag po ste// dbang la de bzhin/ dmar po yin// ji ltar dbang la de bzhin dgug/ ji ltar gsad la de bzhin sdang // phyogs kyi cha ni bshad par bya// shar gyi phyogs su zhi ba yin// lho yi phyogs su mngon spyod nyid// nu tu dbang dang dgug pa ste/ / byang du rgyas pa'i thab khung nyid// gong gi las la bltos nas ni// rdul tshon rnams ni bshad par bya// thab khung brkos pa'i bya ba'o// de nas 'bru sna tshogs kyi cho ga bshad bya ste/ 'bras sA lu dang / so ba dang / til dkar po dang / nas dang / 'bras bu dang / dur ba dang / 'o ma dang / mar dang / sbrang rtsi dang / lhan cig tu bdud rtsi lnga dang bsres la/ 'o ma can gyi shing lnga las skyes pa'i rlon pa'i shing yal ga dang bcas pa rtse mo'i char gnas pa 'di sbrang rtsi dang / 'o ma dang / mar la gnyis kyi rtse mo btags te sreg blugs bya'o// u dum wa ra dang / pa la sha las skyes pa'i me rab tu sbar la zhi bar 'dod pas dus gsum du kha shar du lta zhing gnas nas sreg blugs brgya rtsa brgyad bya'o/ / de la dkyil 'khor pa'ang zhi bar 'gyur ro// de nas rgyas par bya bar 'dod na til nag po dang / mo na sran gre'u dang / sa lu dmar po dang / nas la sogs pa dang / de nyid kyi yam shing du brjod pa ste/ 'on kyang khu tshur gyi tshad dang / khru gang tsam gyi tshad 'o ma dang mar la btags tegur kum gyi dri'i chus gtor nas mngar gsum dang / zho dang / zan mchog dang / sbrang rtsi dang / mar dang ldan pa dang / me tog brgya pa dang / bil ba'i 'bras bu dang / pad+ma dang / na ga ge sar dang 'bru rnams de nas u dum wa ra'i shing la me sbar la las kyi rjes su lha'i rnal 'byor dmigs te/ kha byang du bltas shing gnas nas thun gsum du shin tu mnyam par bzhag pas stong phrag gcig sreg blugs bya'o/ / nyi ma bdun gang ba na nor gyi bdag po chen por 'gyur ro// de nas dbang du bya bar 'dod na til dmar po dang / nag po dang / pri yang ku dang / na ga ge ser dang tsam pa ka dang / a sho ka dang / ba ku la dang / ba NA dang / me tog brgya pa rnams dri dang / mar me dang / sbrang rtsi dang sbyar zhing / lha'i shing dang / pa Ta dang / pi p+la li dang / u dum ba ra la sogs pa'i shing rnams las byung ba sor brgyud pa dang / shal+li ki dang / gu gul gyi shing dag dang / seng ldeng nyid dang / dri bzang po la sogs pa dang / de nas skye/ pa dang bud med kyi rdo rje'i chu dang lhan cig bsres pas gzugs dmar por dmigs nas kha nub tu bltas te gang gi ming nas sreg blugs byas pa de zhag bdun gyis dbang du byed do// dzi sr-i 'tsho'i bar du spong bar mi 'gyur ro/ / de nas mngon spyod bya bar 'dod pas til nag po dang / mon sran gre'u la sogs pa dang / ba la ta ka'i 'bras bu dang / nag por gyur pa dang / yungs kar gyi mar khus bskus nas khrag dang bsres pas lhan cig shing nag po dang 'khyog po las skyes pa'i tsher ma dang / tsha ba dang / kha ba la sogs pa'i shing thams cad las skyes pa sor bcu dang / skyes pa'i rus pa dang / rnam par snang mdzad dang / bong bu'i spungs dang / spu dang / khyi'i rtug pa dang / spu dang / sen mo dang bcas pa thams cad 'bru mar gyis yang dag par byugs nas ro bsregs po'i me la mnyam par bzhag pas kha lhor bltas te gang gi ming nas brgya rtsa brgyad sreg blugs byas na nyi ma gsum gyis 'chi bar 'gyur ro/ / ma shi na mtha' gcig tu gnas nas me'i thab khung gru gsum byas te/ gong du gsungs pa'i rdzas de nyid gdol pa'i me la sreg blugs byas na/ de nyid kyi rnal 'byor gyis mthar byed kyi gnas su khyer bar 'gyur te 'di la the tshom mi bya'o// yang na bskrang par bya bar 'dod pas yungs kar dang / khre dang / mon sran grebu dang / rkang rjes kyi rdul bsres nas khrag dang / yungs mar gyis bskus te de nyid la bya'o// gser gyi shing la khwa'i tshang dang lhan cig sbyar bas gang gi ming nas sreg blugs byas na skad cig la skrod par byed do/ / yang nakhwa'i shing dang / rnga mo'i rtug pa dang lhan cig chang dang ldan par skra grol zhing gcer bur gyur pas gang gi ming gis ro/ bsregs kyi me la sreg blugs byas na de'i skad cig la skrod par byed do// yang na rengs par 'dod pas nya dang sha la sogs pa'i rdzas dang / bag phye dang lhan cig 'bru dang / khrag dang / sbrang rtsi bskus nas khA'i gshog pa dang skur zhing / khwa'i khyim gyi shing la sogs pa dang / lhag ma dang / so shing lhan cig thab khung gru bzhi par gang gis ming nas sreg blugs byas na de bya ba kun la rengs par byed do/ yang na yung ba dang / ldong ros dang / ba bla dang / gi wang dang / lhan cig kha byang du bltas de gnas nas/ gang gi ming nas sreg blugs byas pa de rengs par 'gyur ro// khyi dang / khyim byi sha dang / rnga mo'i rtug pa byi la'i khrag gis byugs nas pi tsu marda'i shing gis me sbar la/ gang gi grong gi ming nas sreg blugs byas pa de grong stongs par 'gyur ro// dam tshig chen po chang gis byug pas ji srid brgya rtsa brgyad kyi bar du thun gsum gyi bar du sreg thugs byas na zla ba drug gis yul gyi bdag por 'gyur ro/ / wa'i sha'i bsreg rdzas kyi sreg blugs brgya byas na zla ba gsum lon nas dbul po skad cig gis 'jig par byed do/ / ba glang gi sha khrag gis bsgos pas sreg blugs stong byas na dbang du byed do// ji srid 'tsho'i bar du the tshom med do// de nyid kyi sha chang gis byugs nas lag pa g.yon pas sreg blugs stong byas na/ / sangs rgyas kyang dbang du byed na dman pa'i mi lta smos kyang ci dgos/ yang na niSh+Ta waN+Da so shing dang / de bzhin du rang gi lus dril ba dang / chang gis byugs pa'i sbyin sreg dag gis dbang du byed par the tshom med do// khyim gyi me tog zos nas skyugs pa dang / mi'i sgra dang ldan pa'i sbyin sreg gis rtag tu mchog tu 'gugs par byed pa yin no/ / khwa'i gshog pa nyungs mar gyis byugs nas d+ha du ra'i me la gang gi ming gis sreg blugs byas ni 'phral du skrod pa dang / gsod par byed do// lhag par grol ba dang / kuSh+mAN+Da dang / khre dang / mon sran gre'u dang / Sha na dang / skyugs pa dang / ske tshe dang / khyim gyi me tog dang 'dab ma lhan cig sbyin sreg byas na kha 'ching bar byed pa 'di la the tshom med do// khyi'i sha dang / rdo rje'i chu lhan cig gang gi ming nas sreg blugs byas na de nyi ma bdun gyis dbang du byed par 'gyur ro// rta'i sha dang lhan cig rnam par snang mdzad kyi sreg blugs byas na nyi ma bdun gyis mi'i bdas po dbang du byed do/ / glang po'i sha dang khu bas lhan cig sreg blugs byas na grong khyer dbang du byed do// nya dang / sha chang dang lhan cig ji srid du sreg blugs brgya rtsa brgyad byas na bud med thams cad dbang du byed do/ / yang na khwa'i sha baba' zhig gang gi ming nas ji srid stong du sreg blugs byas na nyi ma gsum gyis rdo rje sems dpa' yang 'bros na dman pa'i mi lta ci smos/ khwa dang / khra'i sha dag gang gi ming gri/ d+ha du ra'i shing gi me la sreg blugs byas na de skrod par byed do// sha chen dang / bya rgod kyi sha gang gi ming gis sreg blugs byas na smyo bar 'gyur ro// de rnams me la sreg blugs byas na sos par 'gyur ro// de ltar las rnams byas pa ni// nges par 'grub na bya ba nyid// gang yang dpyas par 'gyur ba ste// gang la'ang bye ba sbyin mi bya// bye bar gyur na mi 'grub cing // bde ba mi yis rnyed mi 'gyur// de phyir sngags pas gang la yang / / las skyes dang po gang bya min// gal te byed par 'dod na ni// de tshe gcig pu gnyis med bya// de tsha sngags pas las kun 'grub// bdun pa las sbyin sreg gi cho ga ste rab tu byed pa gnyis pa'o/ / / lha lags mnyan par 'tshal lags na// sngags btu'i cho ga ji ltar lags// de rnams dbye ba mi 'tshal bas// bde ba chen pos bshad du gsol// bcom ldan 'dra kyis bka' stsal pa/ / lha mo shes rab chen mo nyon// de yi sngags ni khyod la bshad// gru gsum dkyil 'khor nyams dga' bar// gsang ba'i pad+ma mA ma kI// pad+ma 'dab ma brgyud byas nas// lte ba sbas pa'i spyod yul du// 'dod pa'i don kun sgrub byed pa// der gnas dpa' bo btu bar bya// a la sogs pas rab dbye bas// sngags kyi sde tshan dbang phyug mchog/ dang po yi ni gnyis pa dang / / stong pas stong pa mnan pa nyid// bdun pa yi ni gsum pa la'ang // bco lnga zla ba phyes pas brgyan// byang chub sa bon de nas blang // bco lnga yis ni rnam par mchod// 'di dag snying por yang dag gsungs// nye snying khyod la bshad par bya// bdun pa yi ni gnyis pa ni// rdo rje mkha' 'gro ma dang ldan// nyis 'gyur uSh+ma rnams kyi ni// gsum pa blangs nas drug pa yi/ / gnyis ldan dbyangs kyi lnga pas ni// sbyar zhing gang zhig mthar gnas pa'i// gnyis par lnga pa stan du bya// gsum pa yi ni gsum pa la// nyi shu rtsa dgu pa yi gdan// gang zhig bdun pa'i gsum pa dang / / lnga pa yi ni dang po nyid// dbyangs kyi gsum pa sbyar bar bya// brgyad pa yi ni gnyis pa la// bcu gnyis pa yis stan du bya// sum cu rtsa gnyis blangs nas ni// dkar mo de la sbyar bar bya/ / gang zhig lnga pa'i gsum pa la// de nyid bzhi pa 'og tu sbyin// mthar gnas gsum pa blangs nas ni// g+hasma rI yis mchog tu mdzes// gsum pa'i dang po'i sa bon dang // lnga pa yi yang lnga pa dang / / chom rkum ma ni mchog tu 'dod// sangs rgyas rnams kyi zhi ba skyed// las rnams thams cad sgrub par byed// shi ba slong bar byed par gsungs// rdo rje dam tshig skul bar byed pa zhes bya ba'ang bka' stsal pa/ oM badz+ra bai ro tsa ni ye swA hA/ gnyis pa'i bzhi pa chu mas brgyan// de nas nye ba'i snying po bka' stsal pa/ uSh+ma'i dang po'i sa bon ni// mkha' spyod ma yis steng du brgyan// gnyis pa yi ni dang po dang / / bdun pa yi ni gnyis pa la// chom rkun ma yis de bzhin sbyar// brgyad pa yi ni dang po nyid// rdo rje ma ni mchog tu 'dod// yi ge nyi shu bzungs nas ni// lnga pa yis ni stan du bya// / dkar mo yis ni mdzes par gsungs// gnyis pa yi ni dang po dang // nyi shu rtsa bdun blangs nas ni// de nyid chom rkun ma yis brtag/ gnyis pa yi ni bzhi pa la// rdo rje mkha' 'gro ma yi stan// gsum pa'i dang po nyis 'gyur nyid/ / gang zhig gnyis pa'i bzhi pa ni// rdo rje mkha' 'gro ma yis sbyar// yi ge bcu gcig pa blangs nas// dbyangs kyi gsum pas phye ba nyid// lnga pa yi ni lnga pa la// de nyid la ni dkar mo sbyar/ / gnyis pa yi ni bzhi pa la// rdo rje ma yi snying po mchog/ bcu drug de nas blangs nas ni// de bzhin nyi shu rtsa drug nyid// nyis 'gyur dang ni gnyis pa yi// bzhi pa dbyangs kyi lnga pas brgyan/ / gang zhig bzhi pa'i dang po la// dkar mo lhan cig snyoms par 'jug/ lnga pa yi ni lnga pa la// de nyid la ni dkar mor sbyar// rdo rje srung ba'i sbyor ba la// rtag tu las ni rab tu sgrub/ rdo rje chen po 'jigs don du// de yi stobs ni byed par brjod// ces bka' stsal to// oM dz+wa la dz+wa la b+h+yo hUM hUM phaT swAsgra gnyis yi ni dang po dang // bzhi pa yi ni dang po la// chom rkun mas ni ma par gsungs/ / bdun pa yi ni bzhi pa la// steng du dkar mos brgyan pa nyid// gnyis pa yi ni dang po dang // bcu gcig pa ni de nas bzung // chom rkun mas ni spyi bor mdzes// lnga pa yi ni lnga pa la// dbyangs kyi gsum pas sbyar bar bya// gnyis pa yi ni dang po dang // gang zhig bzhi pa'i dang po la// chom rkun ma ni mchog tu 'dod// gnyis pa yi ni dang po dang // ba'i ba'i dang / por mkha' spyod ma// spyi bo ru ni rnam par mdzes// gnyis pa yi ni dang po dang // bcu gcig pa la chom rkun ma// lhan cig tu ni snyoms par zhugs// rtag tu chos ni rgyas pa'i stobs// de bzhin mdzod ni chen por gnas/ / gsung gi rdo rje gsung ba bzhin// sngags kyi bzlas pa byed par 'gyur// oM badz+ra d+harma hriHswA hA/ de nas bcu drug blangs nas ni// rdo rje mas ni mchog tu mdzes// mthar gnas pa yi gnyis pa nyid/ / de nyid la ni chom rkun sbyar// de nas lnga pa blangs nas ni// mkha' 'gro mas ni rgyas par brjod// de nas bcu drug pa bzung nas// lnga pa'i dang po stan du bya// rdo rje ma ni de la sbyar yi ge nyi shu bdun pa bzung / / chom rkun ma ni mnyam par bsgom// gang zhig lnga pa'i dang po la// mkha' 'gro 'og gi cha la sbyar// gang zhig bdun pa'i gnyis pa la// chom rkun snying po 'od gsal ba/ / sangs rgyas rdo rje sde chen dang // sems can khams ni thams cad gcig/ bran khol lta bur thams cad ni// nges par dbang du byed par 'gyur// de'i skad cig la bcom ldan 'das rdo rje/ 'dzin pa chen pos bka' stsal to// oM ni thams cad gsal bar byed// mthar ni swA hA sngags btu bya// de bzhin gshegs pas gsungs pa bzhin// 'dod pa'i dngos grub thams cad ster/ oM ka ra ka ra/ ku ru ku ru/ ban+d+ha ban+d+ha/ trA sa ya trA sa ya/ k+Sho d+ha ya k+Sho b+hU ya/ hU~M hU~M/ hraHhA ba~M ba~M/ phaT phaT/ da ha dA hA/ pa tsa pa tsa/ b+hUk+Sha b+hAk+ShA/ ba sa ru d+hi rA a nanA mA lA ba laM bi ne/ gr-ih+Na gr-ih+Na sar+b+ba pAt+pa la ga Na d+hAHng+ga sarba b+h+r-i r+dz+dza ya ter+dz+dza ya/ A kan+d+ha A kar+N+Na/ hrI/ d+h+r-idz+haiM/ k+Sh+mAMSh+TaM/ nAn+da/ d+h+r-i n+ti/ ts+tsha r+thaM/ ki si~M ki mi/ si la ma mi kyi la tsi li/ d+h-i mai d+hi li/ hUM hUM phaT phaT ba sa/ rig pa / rgyal po yi ni sngags// las rnams thams cad sgrub pa po// dang po rnam par snang mdzad sbyin// uSh+mA rnams kyi bzhi pa la// puk+ka sIs mdzes stong pas mnan// mthor ni swA hA sbyar bar bya// 'di ni 'bum du bzlas pas ni/ / 'gro ba rtag tu rengs par byed// dang por yig 'bru'i bdag po sbyin// de nis de rjes mkha' spyod ma// mthar ni swA hA sbyar byas pas// sangs rgyas rnams kyang dbang du byed/ / rig byed rnams kyi dang po sbyin// gnyis pa'i gnyis pa bzung nas ni// stong pos mnan cing mthar swA hA// sangs rgyas kyang spyod shes rab can// dang por rnam par snang mdzad sbyin gsum pa yi ni gsum pa la/ / ma ning dang ni chu ma sa brgyan// stong bcas mthar ni swA hA ni// sdang bar byed pa nyid du brjod// dang por yig 'bru'i dbang phyug sbyin// bdun pa yi ni bzhi pa la/ stong pa rdo rje mkha' 'gror ldan// mthar ni swA hA mngon spyod nyid// yang ni yig 'bru'i dbang phyug sbyin// hUM ni dmar po 'dra ba nyid// mthar ni swA hA thi ga le mchog/ dga' bzang la sogs 'gro rtag 'gugs/ / gti mug rigs ni dang por sbyin// g+hu ni yang dag rab tu sbyar// yang ni swA hA byas nas ni// lha dang mi ni gsod par byed// brgyad pa gnyis kyi nang du ni/ / brgyad kyi brgyad pas rnam par brgyan// gti mug rigs ni dang por sbyin// dri med mthar ni swA hA sbyar// las kyi sa bon de nas bzung // rnam snang mthar ni swA hA sbyar/ thams cad du ni sgo srungs la// ma ning bzhi ni sa bon dang // de bzhin dbyangs kyi lhag ma nyid// rig byed rnams kyi dang po sbyin// mthar ni swA hA gdon par bya// me tog mi dang bdug pa ma/ / dri dang de bzhin mar me nyid// gling bu ma dang pi wang ma// mu kun da dang rdza rnga ma// de ltar cho ga sna tshogs kyis// tshogs kyi dkyil 'khor brtag par bya// de nas lnga rnams kun byed pa'i/ / sgrol ma'i 'byung ba bshad par bya// ut+pa la ni kha bzhi dang // mtshams su rnam par gnas pa yin// tAM ni gsum gyi mtshan ma dang // de yi lte bar cho ga yis// kun nas zlum po'i rnam par ni// sngags pa yis ni bri bar bya// 'di lta ste/ oM pra san+na tA re/ a mri tA mu khi am+bi ta lo tsa ne/ sarbAr+tha sA d+ha ni/ sarba satwa ba shang+ka ri/ s+t+rI bA pu ru Sho bA/ rA dzA no pA ba shaM ku ru hi swA hA/ de'i dbus su 'khor lo rtsibs brgyad pa yi ge dang ldan par bya ba yin no// de'i lte ba la lnga pa'i dang po zla ba byed pas brgyan pa'o// de nas 'phreng ba'i dbyibs su bskor zhing mthar swA hA dang / ze 'bru la ni hriH'i nang du chud par bya'o// sngags pas 'khor lo gnyis cho ga bzhin du byas na nyi ma bdun gyis mi'i dbang po'ang dbang du byed do// yang na 'khor lo rtsibs bcu par pad+ma'i dbus su sngags kyi yi ge bcu rig pas lte ba la bsgrub bya nang du chud par byas na ji srid 'tsho'i bar du dbang du byed par the tshom mi za'o// 'khor lo rtsibs / drug pa bris nas sngags kyi yi ge drug rig pas dbus su hrIHpa shang+gu hrIHswA hA sbyar bar bya ste/ ba glang gi gi wang dang / a lak+ta dang / tsan dan dmar po dang / rang gi khrag lhan cig pas gro ga la bris nas gang zhig 'di 'dzin par byed pas lha la sogs pabang dbang du byed na yang dman pa'i me lta ci smos/ chu'i dkyil 'khor gyi dbus su rdo rje dkar po rtse gsum pa gdong bzhi pa bri bar bya'o/ de'i lte bar bsgrub bya'i ming nang du chud par bya ste/ kham phor gnyis su cho ga bzhin du kha tri ka yis bris na rengs par byed do// 'khor lo rtsibs brgyad pa pad+ma'i rnam par kun nas gyur pa la yi ge'i rnam par dgod par bya ste/ ga'i cho gas nang du chud par bya'o// pad+ma'i lte bar ga brgyad kyis brgyan te dbus su ga swA hA ga bsgrub bya nang du chud par byas nas yung ba'i khu bas rdo ba'i gtan pa la 'di dag bris nas khas phub ste bzhag par byas na shin tu rengs par 'gyur te/ gzhan du ma yin no// 'khor lo ni de nyid de 'on kyang hUM dang phaT nang du gzhug par bya'o// dug dang / khrag dang / ske tshe lhan cig tu mi'i rus pas thod pa la bris te dur khrod du bzhag na 'chi bar 'gyur ro// de nyid yin mod kyi oM nang du chud par byas nas gur kum gyis gro ga la bris te me tog ser pos mchod par bya'o/ / yang na mchod pa rnam pa lnga dang lhan cig pas nyi ma bdun gyis rgyas par 'gyur ro// de nyid kyi yi ge dang swA hA nang du chud par byas na bsrung bar 'gyur ro// sngags kyi yi ge bcu po de nyid rig pas a nang du chud par byas nas/ tsan dan dkar pos ming bris te/ kham phor la me tog dkar po dri bzang pos ji ltar nus pas mchod cing mchod pa bya sanA thun gsum du cho ga bzhin brgya rtsa brgyad bzlas na nyi ma bdun gyis zhi bar 'gyur ro/ / e'i dbus su a che ge mo zhes bri bar bya zhing / de'i steng dang / ngos dag dang / 'og tu hUM dang / mtshams su baM dang / phyi rol du ri mo gsum bskor nas ba glang gi gi lhung gis gro ga la bris te mar dang sbrang rtsi'i nang du bzhag par byas na nyi ma bdun gyis dbang du byed do// 'dab ma bzhi la hri dang ldan zhing dbu sahrIHsbyin zhes bya ba dang / phyi rol du de nas hUM bzhi bri bar bya ste/ tsan dan dmar pos kham phor so ma btang ba la ming bris na// khros pa zhi bar 'gyur te/ 'di la the tsom med do// gur kum dang / ba glang gi gi wang ngam/ yang na a le ka ta'i khu bas gro ga la 'khor lo gcig bris shing 'dzin par byed cing / 'khor lo gzhan mar dang sbrang rtsi'i nang du bcug ste/ gang la kha bltas pa de sdug par 'gyur ro/ / tha dad pa'i sngags ni/ oM sarba mo ha na tra re tut+tA re sarba duSh+TAM mo ha ya mo ha ya b+ha ga wa ti sarba duSh+TA na ban+d+ha ban+d+ha hUM hUM hUM phaT phaT phaT swA hA/ gos kyi mtha' ma la mdud pa byas nas lam / du 'gro ba na chom rkun gyis mi tshugs so// ut+pa la la la na bdun du mngon par bsngags pa byas nas gang la sbyin pa de dbang du 'gyur ro// ut+pa las mtshan pa'i 'khor lo'o// pad+ma 'dab ma brgyad par gyur pa las hrIHdang shrI mchog dang ldan zhing / lte ba la hrIHwA sbyin shrI/ ba glang gi gi wang gi gro ga la bris nas 'dzin par byed na thams cad du skal ba bzang por 'gyur ro// pad+ma 'dab ma brgyad pa byas nas gti mug gi rigs kyi sngags btu bar bya zhing phyi rol du ri mo yongs su zlum por bskor te/ rdo rje rtse gsum pa brgyad kyi bskor te/ de ltar tsho gas gur gum gyis bris nas dpung pa la bcings te gdags pa byas na thams cad du bsrung bar 'gyur ro/ / de'i 'khor lo ni de nyid de/ 'on kyang rdo rje dang bral lo// lte ba 'am yang na phyi rol du 'di lta ste/ oMn+d+ra n+d+ra bud+d+ha bud+d+ha/ khA da khAd/ ts+tshin+dats+tshin+da/ d+hun d+hu na/ mtha mtha/ bi d+ha bi d+ha/ a mu kaM a mu ke na/ sa ha bi dwe Sha ya hUM hUM phaT phaT swA hA/ sdang bar byed pa 'di ni na mgrin gyi'o// mngon spyod kyi rdzas ni ma he dang / rta'i rmig pa'i nang du bris na skad cig gis 'phrog pa dang / bgrod par dka' ba lhan cig pa'ang sdang bar byed na/ yang dman pa'i mi lta ci smos/ me'i dkyil 'khor gnyis bris nas steng dang 'og dang mtshams zung gi tshogs/ hUM ga ts+tsha hUM gaHhUM de rnams ni steng du'o// d+hU hUM hUM phaT 'og gi cha la'o// hUM gaHhUM hUM gaHhUM 'di dag phyi rol gyi spyi bor dris// dbus su ni hUM hUM gaHhUM ste/ dug dang / khrag dang / ske tshe dang / dur khrod kyi sol ba dang / nim pa'i lo ma'i khu ba dang rdo rje'i chus dur khrod kyi ras sam/ smon pa'i ras la bris naus stob po che'i sngags kyis bskor nas 'bar ba'i me'i nang du bzhag na dgra bo de rengs par byed do/ / dbang chen gyi dkyil 'khor du gnas pa'i oM gnas brgyad du bris pa'i dbus su pad+ma nges par bzha na a brgyad kyis brgyan no/ / lte ba'i nang du bsgrub bya gnas par bya la// hUM bzhi yis spras par kham por kha sbyar gyi nang du gnas pa'i spyi bor rdo rje 'dzin pas mnan cing skul bar byed pa'i sngags kyi rkang pa zlas shing bsgoms nas rdo rje'i skud pas kun tu dkris na/ 'dis mi thams cad dang / lha rnams dang / sku gsum las skyes pa rnams rengs par byed do// dbang chen gyi dkyil 'khor / du rdo rje rtse gsum pa brgyad kyis mtshan cing / de'i dbus su dkyil 'khor gru bzhi pa la 'di lta ste/ oM pA ta ni pA ta nI swA hA/ shar du'o// oM dzam+b+ha ni dzam+b+ha ni swA hA/ g.yas su'o// oM mo bani mo ha ni swA hA/ nub tu'o// oM staM b+ha ni staM b+ha ni swA hA/ byang du'o// yang dkyil 'khor gru bzhi pa de'i steng du dbang chen gyi dkyil 'khor gyi dbus su che ge mo rangs par mdzod cig ces bya ba 'di nyid kyi sngags gro ga la yung ba'i khu bas bris nas sbal pa'i khar bcug ste/ de'i kha smros byed kyi tsher mas phug nas sbal pa'i steng gi ya mkhal de yang spang leb la kha bog tu bzhag par byas na de'i skad cig gis pha rol gyi dpung rengs par byed do/ / 'khor lo zlum po'i rnam par gyur pa la rdo rje rtse lnga pa mtshams su rnam par gnas so// de'i rwa dbus ma'i steng gi mgo bo la hUM bzhi'o// de'i lte ba la yang sngags bri bar bya ba ni 'di lha ste/ oM pa tA kra mA si/ pa rA gra mA si/ u da ya mA si/ nai ra mA si/ arka mA si/ marka mA si/ urma mA si/ ba na mA si/ gul+la mA si/ tsI ba ra mA si/ ma hA tsI ba ra mA si/ ana?r+d+ha na mA si swA hA/ oM ni thams cad du'o// de'i dbus su rdo rje rtse gsum pa kha phyogs su gnas pa'o// oM ba dA li/ dbus kyi rtse mo la'o// ba rA li/ oM ba ra ha mu khi ba nA mA si/ de bzhin du g.yas dang g.yon du'o/ / de ltar rtse mo thams cad kyi mgor rim pas bri bar bya'o// oM mA ri ts+yai ni dbang ldan la sogs pa'i mtshams su'o// de ltar dbus su ni/ oM ba rA li/ oM ba rA li/ oM ba rAh+na mu li/ sarba duSh+TA Ta duSh+TAnA~M/ kA ya bA k+Shit+ta mu khaM/ dzam+b+ha ya/ swam+b+ha ya/ de'i dbus su mAM ngo // de'i dbus sum+b+ha sbyin rak+Sha ra k+Sha'o// phyi rol du ni mA ngo // oM mA rI ts+yailha sbyin zhes bya'o// 'a lo 'di gro ga la gur kum gyis bris nas bzung bar byas na thams cad bsrung bar 'gyur ro/ / skyes bu phyogs kyi gos can skra grol ba dang / rna bar rna cha gnyis dang / spyi gtsug gi steng du rdo rje rtse gsum pa gnas shing haM dang ldan pa dang / dpral ba'i steng du la laM dang / g.yas pa'i kos ko nas brtsams te/ gang zhig bdag gis sems la snun par byed pa de la ltung bar byed pab dang / rig sngags phyir zlog par mdzod cig/ de'i lte ba las steng du kha'i bar du mchod rten gyi dbyibs su bri bar bya'o// de'i steng du gnas par rdo rje rtse lnga pa bri bar bya zhing / mchod rten gyi snying po dang / g.yas pa dang / brang dang / g.yon pa dang / 'og gi bar ji snyed pa 'dir gnas te/ ye d+har+m+ma 'phreng ba'i dbyibs su bri bar bya'o// de'i mgrin par hUM kha 'og tu bltas pa'o// de'i dbu su rdo rje rtse lnga pa kha steng du bltas pa bri zhing ngos dag tu hUM bcu gnyis so/ / de nas mchod rten gyi bang rim la dbyangs ma ning dang bral ba'o// skyes bu'i snying par rig sngags phyir bzlog cing lhung bar byed pa gong ma bzhin du steng / 'on kyang tshar du'o// yang byin pa dang / pho mtshan dang / rtags la tshar du'o// puM yuM raM yan lag brgyad pa'o// taM ta rol pa dang bcas pa'i dbyig pa la'o// phreM raM rkang pa dag la'o/ / skar ma rgyal la dug dang / lan tshwa dang / ske tshe dang / nim pa'i lo ma dang / smyo byed kyi khu ba dang / dur khrod kyi sol ba dang lhan cig pas skyes bu 'di 'drir gzhug par bya'o// rdo rje'i lte ba'i dbus su tsan dan dkar pos lha sbyin nang du chud par bya zhing tsan dan dkar pos rje btsun mchod rten dang / gur gum gyis rdo rje'i lte bar rig par 'dzin par byed na/ de'i thams cad srung ba chen por 'gyur ro/ / ri rab zur brgyad pa rdo rje rtse gsum pas mtshan cing mtshams kyi nang du nang gis mtshan pa bri bar bya'o// hUM gnyis kyis bskor ba dang / a la ka tA ka pA pa mA saM gra/ gnyis kyi nang du dbang ldan gyi phyogs nas brtsams nas bri bar bya zhing / phyi rol du ri mo yongs su zlum pos bskor bar bya'o// de'i dbus su tshogs kyi bdag po bri bar bya ste/ gar gi dbang phyug gi tshul du la du'i snod dang / g.yas par bgrang 'phreng dang / g.yon na rdo rje rtse gsum dang / la phug lo ma dang bcas par byi ba la zhon zhing pad+ma la gnas pa dgod pa ru bya'o/ / hUM gaHhUM hUM ga gaHhUM br-iSh+Ti ku ru hUM gaHga hUM glang po'i dpral ba dang / snying kha dang / pho ba dang / lte bar steng du bri bar bya ste/ tsha ba gsum dang / srin lag gi khrag lhan cig pas kham phor so ma btang ba le 'di bris nas seng ldeng gi me la gdung bar byas na nges par char 'bab par 'gyur te/ gzhan du ma yin no// ldong ros kyis de nyid kyi gdong gi nang du bris nas me la gdungs na char 'chad par 'gyur/ / 'khor lo rtsibs brgyad pa bris nas gaHbrgyad kyis brgyan cing de'i dbus su chogs bsgrub bya nang du chud par bya ste/ dur khrod kyi ras sam mtshon gyis bsnun pa'i ras la lding ros dang / yung ba'i khu bas bri bar bya'o// sa lu btags pa la tshogs kyi bdag po byas nas de'i snying khar 'khor lo 'di bcug ste/ kham phor shin tu tshos pa kha sbyar du bzhag nas skud pa ser pos dkris shing / me tog ser pos man ngag ji lta bas mchod par bya'o// lha mo de ltar bshad pa ni rgyal po rengs par byed pa'i mchog go/ mAM gi nang du 'di nyid kyi sngags bri bar bya ste/ oM bat+tA li/ ba rA li/ ba rA ha mu khi sarba duSh+TAM pra duSh+TA naM mu khaM stam+b+ha ya/ yung ba'i khu bas so phag gnyis la yang dag par bris nas kha sbyar byas te/ legs pa'i 'khrul 'khor byas nas sbyor ba bya ste/ sa la sbas na gdug pa thams cad rengs par byed de/ gzhan du ni ma yin no// de nas sa la 'khrul 'khor bri bar bya ste/ b+hu ga'i nang du ling ga dang bcas pa der ming bri bar bya'o// gcig pu gnyis su med par bdag nyid gci ba byas na ji srid nyi ma bdun gyis gang zhig bud med 'dod pa de hrI'i zhags pas bskor ba'i cho gas 'gugs par byed do/ / zla ba'i dkyil 'khor gyi dbus su 'khor lo rtsibs brgyad pa gnas par bri bar bya ste/ rdo rje dang / rgyal mtshan dang / dgra sta dang / rtse gsum dang / zhags pa dang / sna tshogs rdo rje dang / kha T+wAM ga dang / de bzhin du lcags kyu nyid de ltar mdor bsdus na bri bar bya'o// de'i dbus su zla ba'i dkyil 'khor gang ba'i nang du che ge mo dang che ge mos bu rnyed par gyur cig ces bya ba 'khor lo'i lte bar sngags 'di bri bar bya ste/ 'di lta ste/ oM ma Ni d+ha ri badz+ri Ni ma hA pra ti sa re hUM hUM phaT phaT swA hA/ de nas zla ba'i dkyil 'khor gyi dbus su sngags 'di bri bar bya ste/ oM a mri ta bi lo ki ni/ gar+b+ha sa rak+Sha NI A kAR+Sha Ni hUM hUM phaT phaT swAhA/ skar ma rgyal la gur kum dang / ba glang gi gi wang gis gro ga la bris nas 'dzin par byed na bu rnyed par 'gyur ro/ / 'khor lo bum pa'i dbyibs su gyur pa'i mgrin pa ring po'i mgrin par yang u0f7fyaHde aHba yaHda yaHt+ta yaHmu yaHts+tsha yaHTa yaHya yaH de ltar cho gas bri bar bya ste/ dbang phyug gi gnas kyi rgyal mtshan gyi ras la khwa'i khrag gis gang gi ming nas mngon par brisan+da khwa gson pa'i mgrin pa la btags te rlung gi phyogs su btang na myur du skrod par byed do/ / nyi ma'i dkyil 'khor gyi dbus su gnas par 'khor lo rtsibs brgyad pa bri bar bya ste/ hUM gi de kho na nyid kyi sa bon snying por chud par byas nas rdo rjes mtshan pa rnam par bsams shing phyis bsgrub bya nang du chud par byas te/ gur kum dang ba glang gi gi wang gis gro ga la cho ga bzhin du bris nas 'dzin na rnal 'byor pa de'i thams cad rtag tu srung bar 'gyur ro/ / pad+ma 'dab ma nyi shu rtsa bzhi par gyur pa kun tu ri mo gsum par/ oM ts+tshi k+ShiM/ 'dis cho ga bzhin du skur ma rgyal la bris te/ de 'dzin pa'i lag pas reg na de'i bran bzhin du byed do// 'khor lo rdza rnga'i dbyibs su gyur pa rdo rje dang pad+mas mtshan pa/ sku rdo rje la sogs pa mdor bsdus nas phyi rol du ri mo gsum gyis bskor te/ las kyi rdo rje rab tu bsgoms pas dgra thams cad nges par gnon cing / las kyi cho ga mthong bas sngags kyis las thams cad byed par 'gyur ro// de'i sngags 'di bka' stsal pa/ oM suM b+ha ni suM b+ha hUM hUM phaT/ oM gr-i sta gr-ih+Nats+tsha hUM phaT/ oM gr-ih+NA pa ya gr-i h+NA ba ya ts+tsha hUM phaT/ oM An ya ho thA ga bAn bi d+yA rA dza ya hUM hUM phaT swAhA/ ya mtshan brgyad pa'i sa bon dang // de bzhin ma mo bcu gnyis kyi// yi ga bar ma phyi pa/ yan lag drug ni he ru ka/ dpa'i bo drug dang mnyam sbyor ba// yi ge re re yang dag gnas// snying kha ru ni dang po nyid// gnyis pa spyi bo ru ni brjod// gsum pa spyi gtsug sbyin par ba// bzhi pa go/ char gyur pa ste// mig la lnga par gyur pa yin// drug pa mtshon char brjod par bya// rdo rje phag mo mnyam sbyor ba// phyag bzhi yis ni rnam par spras// 'od zer ser pos gsal bar brgyan// dbu skyes zla ba phyed pas mdzad/ / rus pa'i 'phreng ba nar ba dang // kha T+wAM ga ni lag na gnas// bdag nyid he ru kar byas nas// he ru ka nyid des dran bya// ye shes sems dpa' snying bsams nas/ / rab phyogs su dgod par bya'o// khro bo 'bar 'khrugs bsams nas ni// mi bzad 'jigs pa'i rgyun gyis brgyan// bgegs bskrad phur pas btab nas ni// phyogs ni kun tu lha dang ni/ / lha min mi ni bsdigs par byed// de ltar go cha bgos pa ni// sum cu rtsa gsum pas mi shigs// de nas dkyil 'khor gru bzhi pa dang / sgo bzhi par yang dag par bri bar bya'o// de 'dab ma drug pa ge sar dang ldan pa gzhag par bya zhing / sngags pas mkha' 'gro ma'i 'khor lo'i nyis 'gyur du rnam par bri bar bya'o// lte ba la dpa' bo dgod par bya zhing / de bzhin du gzhan la mkha' 'gro ma'o/ / sgo kun tu rdo rje rtse gsum pa kha dog ser pos mtshan par bya ba dang / 'khor lo'i snying por pho nya mo dgod par bya zhing // sgo la'ang cho ga'i rim pa bzhin du'o// mchod pa chen po byas nas/ skar ma bzang po la brtul zhugs can gyis 'di 'dzin par byed na dus ma yin par 'chi ba dang / mtshon 'phog pa la sogs pa zlog par byed de/ lha mo ngas gsungs pa la the tshom mi bya'o/ / skyes bu dgra las rgyal ba zhes bya ba'i 'khor lo'o// yang na zangs kyi 'dab ma la skar ma rgyal la brko bar bya zhing / de nyid kyi sngags bsgrub bya nang du bcug cing sgo dang bral ba ste/ chur bzhag cing dus gsum mchod pa byas na de nas dgra thams cad rengs par byed do// sngags pas mnyam par bzhag pas cho ga bzhin du mtsho skam po med par bcug na zhi bar byed do// / de nas gzhan yang 'khor lor gyur pa gru bzhi pa dang / sgo bzhi pa dang / rig byed de bzhin du rdo rjes mtshan pa'o// sgo la rdo rje tho ba dang / rin chen dbyig to dang / pad+ma dang / de bzhin du rdo rje ral gri'o/ / mtshams su thod pa dkar po la gnas pa'i ut+pal dang lcags kyu'o// de bzhin du de'i dbus su pad+ma 'dab ma bcu pa la mkhas pas yi ge dgod par bya ba yin no// de'i lte ba la sngags kyi mchog 'di bri bar bya ste/ 'di lta ste/ oM pra san+na ta re/ a mri ta mu kha/ a mri ta lo tsa ne/ sarba ar+tha sAd+ha ni swA hA/ dbang gi sngags 'di bri bar bya'o// de nas gdug/ pa thams cad zlog par byed pa'i sngags 'di bka' stsal pa/ oM sarba mo he ni tA re tut+tA re sarba duSh+TA naM mo ha mo ha ya mo ha ya b+ha ga wa ti sarba duSh+TA naM/ ban+d+ha ban+d+ha hUM hUM phaT swA hA/ de'i dbus zla ba bya zhing / zla ba'i dbus su bzhi pa'i dang po za ba'i dbyibs su zlum po'i rnam pa bri bar bya'o// de'i dbus su rtsi bas drug pa de nas bya'o// de nas sngags rig pas yi ge drug hri'i cho gas nang du chud par byas na pha rol gyi dpung thams cad las rgyal ba sgrol ma 'byung ba zhes bya'o/ / 'di 'bum bzlas pas sa g.yo ba dang / rgya mtsho dang mtsho la sogs pa skam par 'gyur ba dang / dug bdud rtsir byed par 'gyur ba dang / bdud rtsi'ang dug tu byed par 'gyur ro// gyo mo la mngon par bsngags nas steng dang / 'og dang / phyogs dang / mtshams su gtor ba byas na lha thams cad dang // lham yin dang / gnod sbyin dang / srin po dang / dri za dang / mi 'am ci dang / lto 'phye chen po rnams bcings pa dang / mkha' 'gro ma thams cad kyi sbyor ba 'phrog pa dang / klu thams cad kyi dug 'phrog par 'gyur ro/ / gyi mo la yongs su bzlas nas chu bo la gtor na rgyun las bzlog nas 'bab par 'gyur ro// gyo mo de nyid kyis rba rlabs rengs par byed do// steng du bltas nas stong bzlas na char chen po zlog par byed do/ / pha rol gyi dpung la kha bltas nas spong bzlas pa byas nas g.yul du zhugs na mtshon brgya yis bsnun kyang na ba skye bar mi 'gyur te/ mtshon gyis chod par mi 'gyur zhing rdo rje'i lus su 'gyur ba dang / ngo mtshar du byed par 'gyur ba dang / sngags kyi rgyal pos bskul bas rtse bar 'gyur ro// bdun pa las rgyas pa'i 'khor lo 'byung ba zhes bya ba ste rab tu byed pa gsum pa'o/ / / rab gnas mtshan nyid bzang po ni// rim pa ji ltar bshad du gsol// bzlas dang bsam gtan mi 'tshal bas// sbyin sreg las cho ga ji ltar lags// bcom ldan rdo rje snying po bdag/ chos kun gcig tu bsdus pa yi// dgyes pa chen pos rnyed dka' bas// bka' drin gyis ni bskyab tu gsol// bcom ldan 'das kyis bka' stsal pa// bsam gtan las cho ga ji lta bar// bshad par bya yis lha mo nyon// bsam gtan tsam gyis sbyor bas ni// las rnams thams cad bsgrub par bya// de la dang por sa spang ba bshad par bya ba'i phyir bka' stsal pa/ rdo rje sems dpar bsnyems byas nas// khengs bcas gnyis med yang dag gnas// 'jig rten gsum rgyal gyur nas ni// bgegs rnams thams cad bsrang bar bya/ / rkang pa'i dgod pa cigasungs pa// de bzhin du ni lha rnams nyid// sbyin sreg las ni ci gsungs dang // thab khung gi ni mtshan nyid dang // de nas phyag rgya sbyor byas nas/ phyi nas dkyil 'khor bri bar bya// khro bo rnam par rgyal ba zhal gsum pa phyag drug par gyur pa bsgoms nas/ khro bo'i sprin phyung ste/ de nyid kyis phyogs bcu'i de bzhin gshegs pa thams cad 'khor dang bcas pa la khyed rnams kyis byin gyis brlab pa'i gnas su dgongs pa mdzad pa dang / slob dpon dang de'i slob ma rnams bsrung bar mdzad du gsol zhe bskul lo/ / de nas de bsdus nas nang du bcug ste/ rang gi snying khar zla ba la rigs kyi bdag po'i lte ba'i nang du hUM gnas par byas nas de yang rdo rje 'dzin pa'i gzugs rang gi rig ma dang / rnal 'byor ma dang / bcom ldan 'das lhan cig de bzhin gshegs pa thams cad dang gcig tu 'dres par gyur pas dang po'i yi ge gsum gyis byin gyis brlab cing / 'dod pas bskor bar byas nas lag pa g.yas pas rdo rje gsor bar bya'o/ / g.yon pas dril bu sgra snyan pa dkrol bar bya'o// rkang pa'i mthil du hUM las rdo rje 'bar ba dgod par bya zhing / khro bo hUM mdzad kyi nga rgyal gyis blo dang ldan pas dang por hUM brjod pas bskrad par bya'o/ / lha dang / lha ma yin dang / gsang ba pa gdug pa can thams cad la khro bo'i skur bsgoms pas tshig 'di dag brjod par bya ste/ gang yang lha dang lha ma yin dang / gnod sbyin dang / srin po dang / yi dgas dang / sha za dang / brjed byed dang / 'byung po dang / mkha' 'gro ma dang / lus srul po dang / mthu che zhing rdzu 'phrul che ba rjes su 'brang ba'i 'khor dang bcas pa dang / nam mkha' lding dang / mi 'am ci dang / rig sngags grub pa khyod song zhig/ sa'i phyogs 'dir slob dpon che ge mo zhes bya bas slob ma che ge mo zhes bya ba rdzog pa'i byang chub thob par bya ba'i don dang / sems can thams cad bla na med pa'i ye shes thob par bya ba'i phyir dkyil 'khor gyi rgyal po che ge mo zhes bya ba 'dri bas rdo rje 'dzin pa'i bka' thos nas de ngag myur ba nyid du song zhig/ gang zhig mi 'gro ba de dag lag na rdo rje hUM khros pa'i gdong rab tu 'bar kun tu 'bar zhing rab tu 'bar bas ye shes chen po'i rdo rje'i ye shes kyi rdo rjes mgo bo brgyar 'gems par 'gyur ro zhes lan gsum du brjod do/ / rdo rje chen po lag par bzung nas rang gi rdo rje las khro bo'i sku bton te/ rdo rje'i rkang pas dkyil 'khor gyis kun tu bskor zhing yongs su bcags pas gdug pa thams cad bskrad par bya'o/ / de ltar sa yongs su bzung ba yin no// de nas sa'i lha mo dgug pa'i sngags kyis byin gyis brlabs pa la sogs pa bya zhing / bla ma la phyag 'tshal nas sngags kyi mkhan po phyag 'tshal te/ phyis sa'i lha mo gser gyi kha dog can bum pa lag na thogs pa bkug cing bcug ste bcings nas dri zhim po la sogs pa'i mchod pa lnga po rnams kyis yang dag par mchod cing / lhag par gnas nas nye bar bya'o// de'i tshe dgug pa'i sngags bka' stsal pa/ oM e h+ye hi ma hA de bi pre thi bI lo ka mA ta re/ sarba rat+na saM pu r+Ne de b+hA la~M kA rab+hU Shi ta hA ra nU pUr ni r+g+hoSha/ badz+ra satwa pa pu dzi to// gr-ihI hwA i daM ar+g+ha ho ma karma su lA d+ha ye ta/ hrI hI hI hI hi swA hA/ sngags 'dis sta gon la gnas pa la sogs pa byas nas sa byug pa bya ba'i phyir bshang ba dang gci ba la sogs pa bsang gtor byas te byug par bya'o/ / de nas sha chen gyi bdug pas bdug par bya'o// bdugs ma thag tu mcho nas de la dbus su phyag rgya bzhag pa ni rig ma rab tu gzhug par bya'o/ / ci lags bcom ldan 'das dbang ma bskur ba dang / 'dus byas dang / ri mo sna tshogs dang / shing la sogs pa lnga byas pa'i rig ma'i lha mo gzhug par bgyi zhes gsungs sam/ bcom ldan 'das kyis bka' stsal pa/ gdol pa la sogs pa'i mi'i bu mo gzhug par bya'o// de'i dngos po med na gzhan phal/ pa mchog gi yan lag la hrI'i sngags dgod par bya'o// yan lag thams cad la zhes bya ba ni snying ka dang / smin mtshams dang / lkog ma dang / spyi bo rnams su hI dang / b+ha ga'i dbus su b+h+raM dgod par bya'o/ / ci bcom ldan 'das gang du de rnams kyi dbus su b+h+rUM dgod pa lags/ bcom ldan 'das kyis bka' stsal pa/ rigs kyi bu nyon cig/ dbus kyi sgras ni lte bar gsungs so// b+h+r-i dgod par bya'o// de ltar yi ge bkod nas spyan la sogs pa'i gzugs su bsgom par bya zhes bka' stsal to// spyan gyi dbyibs su bsgom par bya zhing / der bram ze mo 'am/ mangs mo zhi ba la spyan gyi rnam pa zhes bya ba kha dog dkar mo rgyan thams cad kyis brgyan par bsgom par bya'o/ / dbang la gdol pa mo sgrol ma kha dog dmar mo bsgom par bya'o// rgyas pa la gar ma dang rgyal rigs dag gos dkar mo kha dog ser mo'o/ / de ltar las kyi dbye bas mchod pa lngas mchod do// me tog gi snyim par gzhug par bya zhes bya ba ni de'i b+ha ga la me tog dang khu ba gzhug par bya'o// de ltar sbyin sreg gis sbyangs par byas pa yin no/ / dkyil 'khor gyi cho ga la'ang gzhan phal pa mchog gi bu mor rtogs par bya'o// dkyil 'khor gyi phyir sprin sreg gi tshe ga de nye bar bstan par bya ste/ gang la gsang ba chos kyi dkyil 'khor dang / phyi rol gyi dkyil 'khor la'ang cho ga 'dis thig gdab par bya zhing / rdul tshon gyi dkyil 'khor dang / gsang ba chos kyi dkyil 'khor ji snyed pa'i rang gi dam tshig ste/ 'di skad du rnal 'byor gyi gnas su gyur pa'i sa'i phyogs su thab khung bya'o zhes bka' stsal to// sna tshogs las ni rab bsgrub phyir// sprin sreg las ni rab bshad bya// lha yi kha ni me ru gsungs/ / sbyin sreg de nyid rnam par gnas// sbyin sreg gis ni sgra rnams tshim// tshim nas dngos grub rab tu stsol// gang zhig sngags kyi lkog chad dag/ sbyin sreg gis ni kun tu dgang / / sku gsum mchog gi rtse las skyes// de phyir sbyin sreg rab tu bsngags// gtsubs pa las ni byung ba'i mes// dge byed las ni byed par 'gyur// gdol pa'am dur khrod skyes pa ni// mi dge ba ni rab tu sgrub// zlum po dang ni gru bzhi dang // zla phyed dang ni gru gsum pa// rdo rje'i mtshan ma mu ran dang // dkyil 'khor grwar ni spro bar bya// thab khung dbus su gtsug tor dang / / chu skyes rdo rje rin chen dang // pad+ma gzhug par bya ba'o// sbyin sreg de nyid cho ga rim pas// rnal 'byor ji bzhin gnas nas ni// pus mo'i nang du lag pa nyid// blugs gzar mar khus khyab pas ni/ / de bzhin dgang gzar dgang thugs nyid// g.yas su sbyin sreg yo byad gzhag/ g.yon du chu yi snod nyid de// mdun du mchod yon snod nyid do// las kun byed pazlas pas ni// bas gtor dang ni 'thor 'thung bya/ / thab khung kun tu ku sha yi// rtse mo drang pos yongs su bskor// me ni 'bar bar rig nas ni/ me sgra spyan ni drang bar bya// sngags 'dis cho ga ji bzhin du// g.yas pa'i mthe bong dang 'jigs pa g.yo bas so/ / oM e h+ye hi ma hA b+hU ta dwe ba riShi dwi dza satwA ma/ gr-ih+Na tA A hU ti ma hA rasmin+na hi to b+ha ba/ oM ag+ne dwi bya dI shud+d+ha ma hA shri ye/ ha bya ka bya ba ha nA ya sA hA mchod pa lngal g.yon pa'i rdo rjes bsang gtor bya zhing / me'i phyogs nas bkug pa lto ba'i 'phyang zhing mig gsum pa dang / zhal bzhi pa dang / phyag bzhi pa dang / kha dog dmar zhing ral pa che po dang / me'i dkyil 'khor la gnas shing las kyi 'od zer gyis brgyan pa ste/ lag pa dang po ni mchog sbyin// gnyis pa na bgrang 'phreng / g.yon pa na ril ba spyi thugs nyid dang / gnyis pa na dbyig gu nyid/ kha dog dmar pos rnam par brgyan cing drang srong gi tshegs kyis yongs su bskor ba 'di lta bu'i gzugs su bsams nas thab khung gi dbus su gzhug par bya'o// de'i sbyin sreg thams cad la lan gsum gyi bar du sreg blugs sbyin te/ de nas 'thor 'thung byas nas 'bar ba'i rnam par thim par bya'o// rim pa'i sbyor ba 'dis lha rnams mkhas pas tshim par bya'o/ / tshim par byas nas bzod par gsol te/ dngos grub 'dod pas shes par bya ste/ gdugs dang / rgyal mtshan dang / rdo rje dang / bum pa dang / pad+ma dang / lcags kyu'i dbyibs dang / rtse gcig pa dang / rtse gnyis pa dang / rtse gsum pa dang / mchog dang / 'bring dang / tha ma dang / khyad par du g.yas su 'khyil ba dang / 'bar ba'i kha dog dkar po dang bzang po 'khyil ba mkhas pas brtag par bya ba dang / brgya byin gyi gzhu lta bur gtsang ba dang / snum pa dang / dbang po sbas pa lha bu'i 'od dang / ku sum+b+ha dang / bai DUR+Ya lta bu dang / dri zhim pa dang yid du 'ong ba dang / gser dang / dngul lta bu dang / du ba med pa dang / nyi ma lta bur 'bar ba dang / dri ma med pa dang / zhi ba la kha dog dkar po lta bu dang / rgyas pa la ni ser po lta bu dang / rjes su chags pa la ni dmar po mchog dang / mngon spyod la sngon po dang / nag po dang / me lce mang po dang / du ba dang / me stag thams cad yang dag par langs pa dang / chung ngu chung ngu 'chang pa dang / myur bar gzi brjid chung ba dang / nag po dang bcas pa dang / pa la sha'i mdog dang / rtse gsum pa dang / nyi ma lta bu nyid dang / de bzhin du ba glang gi ma lta bu nyid dang / ro'i dri dang / nya'i dri dang / bong bu dang / khyi'i dang / rnga mo ni bgegs dang / bgegs med pa'i 'bar ba'i mtshan mtshon par bya ba yin no// myur bar bzlas pa dang / / sgom pa la dga' bas de ltar 'grub par 'gyur ro// oM dang po dang / swAhA'i mthar 'gro ba'i sngags brjod do// zhi ba dang / rgyas pa dang / dbang la rgyun mi 'chad par dbyangs sbyar bar bya zhing / / zhi ba la zhi ba'i yid dang / rgyas pa la sogs pa la tshim pas mngon par 'phel bar 'gyur ba dang / dbang la dbang gi yid dang / myos byed kyi nang gis gus pa dang bcas pa dang / mngon spyod la hUM dang phaT kyis lus 'bar zhing 'bar ba dang / 'jig rten gsum bza' ba'i sem gyi cho gas gnas so// sngags kyi yi ge'i rkang pa yi// nang du chud pas bskul bas sbyar gang yang kha dang ldan pa'i lha/ / sna tshogs las kyis mchod par bya// sbyin sreg tshogs thams cad las// sngags kyi sgrub pos chog shes pas// dang por sreg blugs gang bar dbul// phyi nas las ni brtsam par bya// sbyin sreg de nyid kyis ni bskul// sbyin sreg cho ga'i rim pa 'di// zhi ba rgyas pa dbang la ni// khu ba srid pa'i sbyin sreg la// bshang gci khrag dang rkang dang ni// rus pa sha chen sbyin sreg gis/ / thams cad las ni kha bskang yin// de nas bcom ldan 'das rnam par snang mdzad chen po de bzhin gshegs pa'i rdo rje ye shes kyi 'khor lo sgrub pa'i ye shes rdo rje zhes bya ba'i ting nge 'dzin la snyoms par zhugs nas 'khor lo thams cad rab tu sgrub pa'i sbyor ba'i las rgyas pa phyi dang nang du gyur pa 'di bka' stsal pa/ gang gi gang yang lha'i 'khor lo'i dbus su bcug pa de'i mtshan du bstan par gyur pa'i rdo rje'i dkyil 'khor ni mkhas pas bsngags so/ / zhi ba dang / rgyas pa dang / dbang dang / mngon spyod kyi las rnams la bdag pos 'khor lo'i rgyal mo rnam par sgom par sbyor bar byed do/ / b+ha ga'i dbus su zla ba'i dkyil 'khor gang bsgom par bya ste/ taM las skyes pa'i lha mo sgrol ma mthu chen mo sgeg pa'i ros yang dag par gnas ma/ zhal brgyad ma|spyan gsum ma/ phyag bcu drug ma/ zhal 'dzum pa/ ma ra ka ta lta bu lang tsho phun sum tshogs ma/ na bza' sna tshogs man pas ma/ do shal dang / rkang gdub dang / nor bu lag gdub dang / dpung rgyan dang / rna rgyan dang / ska rags chen po dang / rgyan sna tshogs kyis brgyan ma/ ut+pa la yis spyi bo brgyan ma/ ya ba'i me tog lta bur mchog dang / g.yon brkyang bas gnas su bzhugs ma/ sum cu rtsa gsum gyi bdag po'ang 'jigs shing / skrag par mdzad cing / gzhan yang thal mo sbyor ba dang / 'od zer dmar mo nye bar 'bar zhing sangs rgyas kyi sprin gyis kun tu khyab par spro ba dang / sems can thams cad la ma lta bur sdug par rnal 'byor pas bsgoms par byas myur du sangs rgyas nyid thob par 'gyur ro// dang po ni ral gri'o/ / gnyis pa ni ut+pa la'o// gsum pa la ni mda' 'o// bzhi pa la ni rdo rje'o// lnga pa la ni lcags kyu'o// drug pa la ni dbyig pa'o// bdun pa la ni gri gug go/ brgyad pa la ni mi 'jigs pa'o/ / g.yon pa'i dang po na ni thod pa'o// gnyis pa la ni sdigs mdzub bo// gsum pa la ni gzhu'o// bzhi pa la ni kha TaM ga'o// lnga pa la ni zhags pa'o// drug pa la ni mi'i mgo bo'o/ / bdun pa la ni rin po che'o// brgyad pa la ni bum pa 'dzin pa'o// g.yas pa'i zhal dang po ni sngon po'o// gnyis pa ni ser po yang dag par 'bar ba'o// g.yon pa'i dang po ni dkar po'o/ / gnyis pa ni ljang ku dang / bai DUR+Ya lta bu'o// steng gi zhal ni rnam par gtsigs shing / du ba'i mdog dang / 'jigs pa chen po dang / khro gnyer shin tu 'jigs par byed pa dngos grub thams cad sbyin par byed pa/ de ltar lha mo bsgom par bya'o// de nas steng gi zhal bong bu'i rnam pa dang / 'dod pa'i gzugs can ma zhabs bzhi pa/ rtse gsum sbrul gyis bsko/ ba de bzhin du he ru ko'i bya ba dngos grub thams cad gsol ba bsgom par bya'o// b+ha ga'i dbus su yaM las rlung gi dkyil 'khor du ba'i rnam par bsam par bya'o// de'i steng du zla ba'i dbus su d+hI yongs su gyur pa las 'jam pa'i dbyangs kyi gzugs su bdag nyid bsams nas/ de'i snying khar a las nyi ma'i dkyil 'khor bsams te/ de nas nyi ma'i dkyil 'khor las 'od zer phyung ste cho ga bzhin du mchod par bya'o/ / de'i dbus su hUM 'od zer lnga dang ldan pa bsams nas/ de yongs su gyur pa las rdo rje 'jigs byed zhal dgu pa ma he'i gzugs dang / zhabs bcu drug pa/ phyag sum cu rtsa bzhi pa/ gcer bu/ sku mdog gnag cing gzi brjid chen po/ thod pa mchog gis brgyan par mdzad cing / 'jigs byed chen po'i steng gi ling ga dang / g.yon brkyang bas bzhugs shing / gsus pa che ba dang / sku che zhing steng du sgrub bar bas 'jigs pa'i rnam pa dang / thod pa'i 'phreng ba'i rgyan gyis brgyan pa dang / 'jigs pa chen po'i dus lta bur sgrogs pa dang / skyes pa'i pags pa dang / tshil dang / khrag dang / sha dang / lto ba'i tshil dang / rkang za ba dang / tshangs pa dang bcas pa dang / nye dbang dang / drag po la sogs pa'i 'jig rten gsum za ba dang / sgra cher bzhad cing lce snar ba dang / 'jigs pa'ang 'jigs par mdzad pa bsam par bya'o// dang po ni ma he'i gdong ngo // g.yas pa'i rwa'i zhal gsum ni sngon po dang / dmar po dang / ser po ste/ khro gnyer dang / zhal gtsigs pa'o// g.yon pa ni dkar po dang / du ba dang / nag po'o// de dag gi dbus su zhal shin tu dam rab khrag 'dzag pa'o/ / de'i steng du 'jam pa'i gzugs shin tu ser zhing cung zad khro ba dang / byis pa'i rgyan dang / gtsug pud lnga'i mchog dang gzhon nu ste/ de ltar brtan par byas nas shin tu mnyam par bzhag pas sngags pas bsgom par bya'o// de nas phyag g.yas pa'i dang po na ni gri gug go// gnyis pa na ni 'bigs byed skyong ba'o// gsum pa la ni gtun shing ngo // bzhi pa na ni chu gri'o// lnga pa na ni ka na ya'o// drug pa la ni sta re'o// bdun pa la ni mdung ngo // brgyad pa la ni mnga' 'o// dgu pa na ni lcags kyu'o// bcu pa na ni dbyig tho'o// bcu gcig pa na ni kha T+wAM ga'o// bcu gnyis pa na ni 'khor lo'o// bcu gsum pa na ni rdo rje'o// bcu bzhi pa na ni tho ba'o// bco lnga pa na ni ral gri'o// bcu drug pa na ni cang te'u phyag g.yon pa'i dang po na ni thod pa'o/ / gnyis pa na ni mi mgog/ gsum pa na ni phub bo// bzhi pa na ni rkang pa'o// lnga pa na ni zhags pa'o// drug pa la ni gzhu'o// bdun pa la ni rgyu ma'o// brgyad pa la ni dril bu'o// dgu pa la ni lag pa'o// bcu pa na ni dur khrod kyi ras so// bcu gcig pa na gsal shing gis phub pa'i skyes bu'o// bcu gnyis pa la ni me'i thab khung ngo // bcu gsum pa na ni thod pa'o/ / bcu bzhi pa la ni sdigs mdzub bo// bco lnga pa la ni ba dan lce gsum pa'o// bcu drug pa la ni rlung gi ras so// gnyis kyis ni glang po'i pags pa 'dzin pa'o// zha g.yas pa'i 'og tu ni mi dang / ma he dang / glang dang / bong bu dang / rnga mo dang / khyi dang / lug dang / lce spyang ngo // zhabs g.yon pa'i 'og tu ni bya rgod dang / 'ug pa dang / khwa dang / seng ge dang / khra dang / man tri dang / bya rgod chen po dang / bya long ngo // de ltar gyur pa'i rdo rje 'jigs byed bsam gtan nam 'drir gzhug par bya'o// de'i 'og tu dur khrod chen po'i srin po dang / zhing skyong ba dang ro langs dang ldan pa dang / gsal shing gis phug pa'i skyes bu dang / bsregs pa'i skyes bu dang / mdung gis phug pa dang / khA dang / bya du ma dang / khyi dang ldan par ha has kun tu khyab par byed pa de ltar cho gas rnal 'byor pas bsgom par bya'o/ / drag shul gyi las thams cad rab tu grub par byed pa zhes bya ba/ rdo rje 'jigs byed chen po 'di bcom ldan 'das kyis bka' stsal to// de nas maM las ye shes skyes/ / 'od zer can ni snang byed do// rta bdun dag gi shing rtar gnas// 'bar ba'i dkyil 'khor 'jigs byed ma// zhal gsum ma la spyan gsum ma// phyag drug gdong ni ser mo mtshungs/ / g.yas par sngon por gyur pa dang // g.yon pa kun da zla ba mtshungs// 'od zer du ma'i 'od gsal ma// phyogs bcu bsrung bar brtson pa mo// zhal ni rnam par 'dzum pa dang // sgeg cing shin tu lang tsho bab// sna tshogs gos la sogs pa dang // rgyan rnams kun gyis brgyan byas ma// dbu rgyan rdzogs pa'i sangs rgyas lnga// thor tsugs me tog dag gis spras// g.yas pa'i phyag na rdo rje ste// gnyis par khab ni skud pa can// gsum par mda' ni gsor bste// g.yon pa la ni sdigs mdzub zhags// a sho ka yi yal ga gnyis/ gsum pa la ni gzhu nyid do// kun tu 'od zer sna tshogs ni// sangs rgyas sprin dang 'dra ba spro// 'di ni bsgom pa tsam gyis ni// sems can rnams ni dbang du sdud// rdo rje sems dpa' de bzhin gshegs/ / bcom ldan rdo rje can gyis gsungs// nam mkha'i khams kyi nang son par// nyi ma'i dkyil 'khor nges bsam bya// paM las yongs gyur lha mo ni// kha dog ser mo cher 'bar ma/ zhal gsum ma la spyan gsum nyid// khro bcas zhal ni 'dzum pa dang // rgyan rnams kun gyis shin tu brgyan// phyag drug gsar pa'i lang tshe ma// g.yas pa'i phyag na rdo rje dang // gnyis pa na ni dgra sta nyid/ / gsum po na ni mda' sor ma// g.yon pa na ni sdigs mdzub zhags// gnyis par shing lo'i rnga yab dang // gsum par gzhu ni 'dzin pa nyid// me tog gis ni thor tsugs dkris/ pad+ma dkar po gnas pa dang // bong zer dmar pos brgyan byas ma/ khro bo 'bar bas kun skrag cing // bsregs shing skye dgu gzas rin gang // khro bo 'bar bas smod pa dang // mi bskyod pa'i yis mgo bo mnan/ / dkar po rigs lnga'i sangs rgyas yang // bdud rtsi rab tu char 'bebs pa// sngar bzhin g.yas dang gzhan pa'i zhal// 'di 'dra sgyur ma kun gyi phyir// de ltar rnal 'byor pa yis bsgom/ / nang thams cad 'joms par byed pa ri khrod ma shing lo can zhes bya ba bcom ldan 'das de bzhin gshegs pa rdo rje chen pos bka' stsal to// rdo rje khro bo'i sgom pa ni/ lha mo skal ba chen mo nyon// khro bos skur ni blangs nas ni// khro bo'i rgyal po bsgom par bya// zhal bzhi pa la phyag bzhi pa// ji srid de bzhin phyag 'bum nyid// khro bo chen po lus dkar ba// de mdog mtshon cha 'dzin mar ni// rdo rje phag mo brtag par bya// dpa' bo thod pa'i 'phreng ba can// thal bas lus la byugs pa dang // phyag rgya lnga yis rnam par brgyan// mdung rtse'i ral pa'i cod pan mtshan/ / zhal gyi mche ba cung zad gtsigs// yi dgas chen po gdan mdzad pa// pad+ma chen po 'dab brgyad pa// kha dog dmar por mnyam 'ong du// rig ma bzhi dang mnyam par ldan sangs rgyas gzugs brnyan nye bar mdzes/ / rta yi gzugs sogs phyag bzhi ma// zhal bzhi dang ni sbrul gyis brgyan// yi ge yi ge yang dag ldan// thod par bzhugs shing sku mdog dkar/ / zhal bzhi yis ni rnam par spras// ya ral was rnam par brgyan// cho gas ji srid bsgrub bya brtsam// rlung sogs ji ltar rim pas ni// dub dmar dang ser dang dkar/ bsam gtan 'dis ni bltas tsam gyis// 'o ma'i shing ltar bud med rnams// 'ju bar 'gyur te gzhan du min// ra yi yi ge yang dag ldan// kha dog dmar po phyag bzhi ma// 'bar ba'i 'phreng khyab 'jigs ma ste// zhal bzhi wa yi gdong gis spras// hUM gis bkang ba nyid kyis ni// rdo rje phra mo rnams bsgoms pas// sna yi rtse mor rdzogs pa las/ / bsgrub bya'i lus la dgang bar bya// yan lag tshigs ni thams cad la// sna tshogs rdo rje nges sbyar ba// des ni rdo rje mtshon cha yis// 'bar ba dang ni khrag gi lus// kun tu 'jib par byed par ni/ / rdo rje mkha' 'gro ma ni bsgom// oM badz+ra DA ki nI a mu ka s+ya rak+taM a kaR+Sha ya hUM phaT/ 'dis ni rim pa'i rnal 'byor gyis// khrag ni 'gugs par byed pa'i mchog/ lha mo de ltar bshad pas ni// skabs par 'di la the tshom med// de nas de nyid kun rdzogs nas// ma he'i gzugs ni 'jigs pa po// sku mdog nag po 'jigs chen po// zhal bzhi pa dang 'jigs par mdzes/ / phyag brgyad pa dang zhabs bzhis spras// rdo rje gtun shing ral gri dang // 'khor lo de bzhin cang te'u nyid// g.yon na kha T+wAM ga dang ni// thod pa gzhu dang zhags pa nyid sna tshogs mtshon cha 'dzin pa yi/ / rdo rje khro bo yang ni sgo// yid kyis bsgrub bya'i bsrung ba ni// cho ga yis ni bkug nas ni// des ni bsgrub bya rnam par bsams// zhags pas bcings nas lho phyogs su/ / rdo rje khro bos drangs nas ni// rdo rje gzhan gyis brdeg pa dang // ral gri yis ni dral ba dang // rgyu mnar zhing myos pa nyid// oM badz+ra rarAk+Sha sa b+hak+Sha yi ti phaT/ de nas khyi yi gang byas nas/ / rdo rje srin po bsgom pa'o// oM hrISh+TiHwi kri tA na nan+tu hUM phaT phaT swA hA/ 'di ni ma he'i gdong gshin rje'i gzugs kyi sngags so// khwa dang wa dang bya rgod kyis// thams cad du ni yongs su bskor/ / des ni bza' ba ldan par ni// yid kyis bskul bas bsgom par bya// rlung gi dkyil 'khor mnyam zhon par// rdo rje mche ba rnam par bsam// de yi rgyab tu zhon par ni// bsgrub par bya ba yongs su brtags// rdo rje khro bos gzir nas ni// lho yi phyogs su khyer bar bya// rlung gi dkyil 'khor lo ma dang // de yi nges par rkang rjes sa// rdo rje mgo bo rkang par ni/ / de yi ming ni bzung bas sba// de ltar bsgoms pa'i sbyor bas ni// cho ga yis ni las rnams bya// brgya byin yang ni skrod byed na// sa yi skye bo'ang smos ci dgos// bram ze'i sgra dang dge sbyong spus/ / 'ug pa'i gshog pa dkris nas ni// de ming sngags kyi nang bcug ste// bris nas sa la sbas nas ni// rdo rje khro bo gnyis dag gis// 'thab pa ru ni rnam par bsam/ de ltar rnam bsams sbyor bas ni// ji ltar 'dod par sdang bar byed// tsa yi yi ge dang ldan pas// rta'i rnam pa'i gdong du byas pa ni chang 'gugs par byed pa la mchog ste/ sku mdog ldang ku dang / zhal bzhi pa dang / zhabs bzhi pa dang / phyag brgyad pa dang / rta mgrin gyi rgyal po chen po dam pa'i dbang phyug 'grub par 'gyur ro// dang po ni ljang ku la cung zad ser ba ste/ spyan gsum pa'o// zhal g.yas pa dang / gzhan pa ni nag po dang dkar po'o// de bzhin du steng ma ni rta gdong ste/ rnam par gtsigs shing ljang ku'o// g.yas pa ni ba ngan rnam par 'phyar ba'i tshul lo/ / gnyis na ni sna tshogs rdo rje'o// gsum pa la ni ral gri'o// bzhi pa na ni mnga' bo// g.yon pa na ni sna tshogs pad+ma'o// gnyis pa la ni 'phang mdung gsum pa la ni me long / bzhi pa la ni gzhu'o// g.yon brkyang bas nyi ma la bzhugs shing gar dang bcas pa dang / sred med kyi bu dang / dbang phyug chen po la sogs pa 'gyel bar 'gyur ba de ltar sngags pas rogs bsgom par bya'o/ / bsgrub bya'i lte bar yaM gi rnam pa bsgom par bya zhing / maM gi rnam pa gyur pa las chang lto bar bsgom par bya ste/ phyis skyugs par byed par bltas na chang skyug par 'gyur ro/ / rlung gi phyogs su song ste/ dkyil 'khor gru bzhi pa byas nas dri'i thig le bdun blo dang ldan pas bya zhing / kham phor gyis spo bar bya'o// der rab zur brgyad par brgyad kyis kun tu spras par sprul te/ sprul pa'i rdo rjes mnan nas ya'i rnam pa rlung bdun po kun gyi sa bon dbugs rngub pas nang du sbas te/ dbang chen laM gyis mtshan pas sba'o/ / de ltar sbyor bas bsgrub na 'jig pa lta bu'i rlung 'ching bar byed do// pad+ma 'dab ma brgyad pa bsgoms nas// de'i 'dab ma la klu brgyad dang / dbus su 'bar ba'i 'bar ba chen po can bkod nas rdo rje khro bo'i skus zhabs kyi mthil gyis gzir bar bya ba dang / lto 'phyes sprin gyi chu gtor bar byed pa dang / hUM gnyis kyis nang du bcug nas/ dbus kyi klu'i sa bon bcug ste/ gzir bar bya zhing hUM gi bzlas pa byas pas char 'bebs par 'gyur ro// 'jigs pa chen po byed pa'i nyi ma'i mdog gi 'od ltar shin tu 'bar bas kha gdangs nas nam mkha' la bzhugs pa dang / hUM 'bar ba'i ljags kyis sprin la bldag pa dang / rol mtshe bdun yongs su gang ba 'gugs pa dang / dbugs rngub pa dang / dbugs 'byin pas ras pal gyi bur ma ltar gtor ba dang / de nas rang gi phyag rgya'i tshogs 'bar ba bton pas skad cig gis 'dral ba dang / gcod pa dang / hUM gi rnam pas bsdigs par byed do// ston ka'i dus kyi nam mkha' lha bu'i me'i dkyil 'khor la gnas pa mi g.yo mgon dpral ba'i nang nas bton te/ rnam par snang mdzad kyi dbus su phyag drug na ral gri dang / sdigs mdzub dang / mnga' dang / zhags pa dang / gzhu dang / rdo rje ste/ char rab tu 'bebs shing khro bo grangs med pas yongs su bskor bas bdud las rnam par rgyal ba dang / bgegs thams cad bskrad pa dang / hUM gi sgras gang bas 'jig rten gsum gang ba'ang 'jig par byed do// skyes pa'i khrag dang / rkang rjes kyi sa la mi'i gzugs byas nas/ mig la rus pa'i phur bus 'od zer can gyi sngags lan nyi shur mngon par bsngags te gdab par bya'o/ / 'od zer can gyi sngags bzlas ma thag tu mig lan nyi shu mngon par bsngags so/ / 'od zer can gyi sngags bzlas ma thag tu de tshogs kyi bdag po'i bar bcug nas rgyab tu rdo rje gtun shing gis brdung bar bya ste/ oM sum+b+ha ni sum+b+ha hUM badz+ra mu kha le na tsuSh+Na ya big+h+nAM hUM phaT/ de ltar bsam gtan gyi las kyis skad cig gis skyes pa'i bgegs zlog par byed do// nam mkha' lding mig sman gyi kha dog lta bu klu brgya stong gi sa brgyan cing // lus la klu brgyad dang / brgya stong gi gdong dang / nam mkhar gnas pa'i bka' sprin de rnams kyis thos nas sprin gyi tshogs kyi char zlog par byed do// nam mkha' lding gi gshog pa'i mdog sngon po dang mchus bsnun pas chu bo'i mtshams skem par byed do/ / oM badz+ra nA rA ya Na ni drA ya bahrIn+da bA tsa bA me g+h+raM hUM/ nam mkha'i khams kyi nang son par// zhal gsum pa la spyan gsum pa// rgyan rnams kun gyis rnam par brgyan/ / stag gi pags pa mnabs pa dang // kha dog dmar po gzi brjid che// nyi ma shar ba'i 'od lta bu// ral gri nyid dang kha T+wAM ga/ gzhu dang de bzhin mda' nyid dang / / sha chen gyi ni thod pa dang // de bzhin du ni cang te'u nyid// zhags pa nyid dang lcags kyu dang // g.yon na ut+pal rnam par sbas// g.yon brkyang 'jigs pa chen po ni// nyi mar gnas shing gar dang ldan/ / dmar po 'bar zhing 'khyil ba dang // gos ni chen po'i tha ze dang // dur khrod du ni rab tu bya// hriM las byung ba'i lha mo ni// sgrol ma 'khor ba sgrol ba mo// de ltar bsgoms pa tsam gyis ni/ / yo gis sangs rgyas nyid thob na// dngos grub gzhan lta smos ci dgos// de nas dbang du bya bar 'dod pas// mya ngan med pa'i brgyad la mya ngan med pa'i 'og tu song ste/ gos dmar po bgos nas rgyan thams cad kyis brgyan cing sngags bzla bar bya'o// zhal gsum pa'i rnal 'byor la gnas nas bdag nyid kha dog dmar por bsams te/ phyi nas rang gi sku las phyag gnyis ma dmar mo lag pas lcags kyu dang zhags pa 'dzin ma dbyung bar bya'o/ / des bsgrub bya'i snying dang mgrin pa bcings nas dgug par bsams par bya zhing rang gi lus la lha mo de gzhug par bya'o/ / bsgrub bya myos par gyur nas de'i snying khar sngags kyi yi ge bcu kha dog dmar por dgod par bya ste/ yang na bsgrub bya dang ye shes kyi gzugs kyis yi ge de rnams la de zhugs pas de rnams lhan cig tu 'dres par gyur pa bsam par bya'o/ / bsam gtan gyi sbyor ba 'dis nyi ma bdun gyis 'khor lo sgyur ba'ang ji srid 'tsho'i bar du dbang du byed par the tshom mi za'o/ / de nas rdo rje'i bar chad bzlog pa'i don du bka' stsal pa/ dpal mchog dang po'i gzugs su bdag nyid zhal gsum pa/ zhal bzhi pa dang phyag bzhi pa dang / zhal dmar po'i 'od zer 'bar ba bsnyems ma la sogs pa'i lha mo bzhis yongs su bskor bar rnam par bsams nas rdo rje mtshon cha ma dang / rje ki li ki lA dang / rdo rje bdug pa ma dang // rdo rje bsnyems ma'i g.yas na rdo rje dang mda' 'gengs shing 'dzin pa'o// g.yon bsnyems shing rked par bzhag pa dang / gzhu 'dzin par bsams te/ de nas sems dpa' phyung ste/ sangs rgyas kyi mdzad pa'i sprin rnam pa thams cad kyis rnam par spras pa'i g.yas na mi 'jigs pa sbyin pa dang / dbang gi thod rin po che 'dzag pa nam mkhar son pas ni rdo rje zlog par byed do/ / oM ma hA su kha badz+re ti dza hUM/ de ltar shin tu dga' ba'i bcing ba byas na rnal 'byor bla na med par bshad do// gang zhig rnam par phye bas gsod par byed pa 'di bka' stsal pa/ zhi ba la ni mtha'i ya dang / ni gnyis dang / phyi na sa ya dbu ma phyi bas yig 'bru lhag mas ji ltar bde bas so// lha mo de ltar bshad pas ni las thams cad rab tu sgrub par byed do/ / rab tu myos ma dbang du bya bar 'dod pas yang brgyud pa la ku ru ku l+le'i rnal 'byor la gnas nas bsam gtan 'di bya'o// myos byed kyi 'bras bu bza' zhing / de nasaM ka kA ma tsi ka'i khu bas thig le byas nas sngags bzla bar bya'o/ / oM a mu kA me hrIHba shi b+ha ba tu/ grub na khri yis 'ong bar 'gyur ro// de nas dug gis zin pa bslang ba'i phyir rang / gi snying khar pad+ma 'dab ma brgyad pa bsam par bya'o// de'i steng du dbyangs kyi gsum pa 'dab ma brgyad la kha dog dkar po bsam par bya zhing / bdag nyid yang 'og gi klu'i gzugs kha dog dkar po i'i bdud rtsi 'dzag par bsam par bya'o/ / klu de'i mig las bdud rtsi byung bas der bsgrub par bya ba de'i lus la lhung ba bsam par bya'o// bsam gtan gyi sbyor ba 'dis khams gsum yongs su gang ba'i dug med par byed do/ / de nas zla ba dang nyi ma rnam par bzung bar 'dod pas sA lu btags pa'i bdag nyid las zla ba dang nyi ma byas te rdo rje'i chu la gzhug par bya zhing sngags bzla bar bya'o/ / oM badz+ra tsan+ta badz+ra arka mA tsa la tiSh+Tha he badz+rA ya swA hA/ bye ba phrag drug bzla bar bya ste/ phyi nas las 'di dag yang dag par brtsam par bya'o// zla ba dang nyi ma dag gnas shing nyin mtshan bye brag med par 'gyur ro/ / pha rol gyi sde rnam par gzhig pa'i phyir bsgrub par bya ste/ kha Ti ka dang / bdud rtsi lnga dang / kuSh+Ta ran+nin+na dang lhan cig btags la ril bu bya'o// oM badz+ra kar+ha ri he badz+ra ya swAhA/ dngos grub kyi don du bye ba bzlas shing de grub na bsgrub bya'i ril ba spyi thugs kyi mgrin pa bskor zhing bcag na dgra thams cad kyi mgo 'chad par 'gyur ro// lha dgas par 'dod pas thig lo bsgrub par bya ste/ rdo rje bcings pas rdo rje can gyi me tog bsgrubs te/ sta res bcad pa dang bsres nas nyi ma gzas zin pa dang mi bskyod pa dang btag par bya zhing / btags nas dgra sta d+ya / / de rdog pas mnan nas sngags 'azla bar bya'o// oM badz+ra kun+d+ha ra s+phA Ta ya phaT swA hA/ dngos grub kyi don du bye ba bzlas la/ phyi nas thig le byas na gang la phyag byas pa de 'a'ags so/ / de nas char gyi rab tu sbyor ba bshad par bya ste/ oM A phuH'i rnam pa'i cho ga ltar mtha' yas kyi gzugs brnyan byas la bdud rtsi lngas ni blugs par bya'o// me tog nag pos ni mchod par bya/ klu 'dul ba'i khu bas ni byug par bya/ glang po che'i chang gis ni mgo bo byug par bya// kham phor kha sbyar du ni gzhag par bya// ba nag mo'i 'o mas ni dgang bar bya/ gzhon nu ma nag mos bkal ba'i skud pas ni dkri bar bya/ rlung gi phyogs su rdzing bu byas nas der mtha' yas gzhag par bya// de'i 'gram du cho gas dkyil 'khor bzhengs par bya/ de'i dbus su mtha' yas gzhag par bya'o/ / mtha' yas mnan pa'i kye'i rdo rje bri bar bya ste/ zhal brgyad pa/ zhabs bzhi pa/ phyag bcu drug gis brgyan pa/ spyan nyi shu rtsa bzhi par bsgom par bya'o// phyis ni slob dpon nang bi ma rungs pa'i sems kyis dben pa'i gnas su sngags bzla bar bya'o/ / oM g+hu ru g+hu ru/ g+hu Da g+hu Da/ sa ma sa ma/ g+ha Ta g+huT/ g+ho Ta ya g+ho Ta ya/ a nan+ta k+Sho b+ha ka ra ya/ nA gA d+hi pa ta ye/ he ru ru kaM/ sap+ta pA tA la/ ga tanA gan+d+ha kaR+Sha ya/ baR+Sha ya/ gardza ya/ tardza yaM/ phuHphuHphuHphuHphuHphuHphuHphuHhUM hUM hUM phaT phaT phaT swA hA/ gal te char mi 'bab na de'i tshe sngags 'di bzlog la bzlas na char pa 'bab par 'gyur ro/ / gal te mi 'bab na de'i tshe mgo ardza ka'i dog pa lhar 'gas par 'gyur ro// sprin dral bar 'dod pas de'i tshe dur khrod kyi ras la sngags 'di bri bar bya'o/ / oM tardza ya tardza ya/ shA ma shA na pri yA ya phaT swA hA/ dpal yang dag par sbyor ba las byung ba'i rgyud kyi rgyal po chen po las las thams cad kyi bsam gtan 'byung ba zhes bya ba brtag pa'i rgyal po ste bdun pa'o/ / / gzhan du mtshan nyid mtshon pa ni// bcom ldan bdag ni nyan par 'tshal// de nyid bzhi ni mi 'tshal bas// bde ba chen pos bshad du gsol// 'khor ba sgrol ba'i mtshan nyid kyis// de ltar de nyid rdo rje nyon// dang por rdo rje'i dbang bskur bar// dril bu yang ni gnyis pa la// gsum pa la ni 'phreng ba nyid// bzhi par ye shes mtshan nyid do// rdo rje dril bu'i mtshan nyid ni// rdo rje 'dzin pa'i rgyal po nyon// shes rab dkrol ba'i de nyid ni// lha ni kun gyis thos par 'gyur// cha gsum bzung ba'i gnas gsal zhing // ska rags byas pa bzang po nyid/ / zhi ba ut+pal ku mu dA// rin chen pad+ma rnam par gnas// phyogs mtshams brgyad pa'i dbus su ni// dgu pa la ni sangs rgyas nyid// lha dgu la sogs rtse mo ni// lba rnams dgu yis byin gyis brlabs/ / chu srin kha las byung ba yi// rtse mo 'od zer zla bar gnas// rtse mo dgu pa rnam par bshad// ye shes rdo rje 'gro ba 'don// nam mkha'i khams gyi mthar thug par/ / byang chub snying por rnam par gnas// phyogs bcu thams cad rig pa'i gnas// 'jig rten khams ni mtha' yas par// phyogs ni brgyad ces bya bar ni/ / lha mo brgyad du rab tu grags// yi ge brgyad kyi sa bon ni// phyogs ni brgyad du rnam par dgod// shar dul+la mo sgrol ma ste// byang du yang ni gos dkar mo'o// nub kyi phyogs su mA ma kI/ / lho ru yang ni sangs rgyas spyan// gser dang sbrang rtsi gzi brjid ma// rdo rje 'phreng ba bzhi pa'o// nang gi gzugs ni nam mkha' ste// gzugs kyis gang ba gzi brjid can// pad+ma kha phye las byung ba// gzugs med srid pa'i gnas su ni// shes rab bdud rtsi bum pa ltar// ye shes bdud rtsi'i gnas su ni// de yi dbus su yid kyis ni// lha mo shes rab pha rol phyin/ / gzugs ni mdzes shing yon tan gnas// steng gi pad+ma rdo rje rnams// ji ltar gong mas bsam par bya// nang gi ye shes dbyug gu ni// thams cad sdud cing 'byor par byed// A li kA li dgos pa ni/ / gnas ni brgyad du bskyod par bya// A la~M kA li rab sbyar bas// 'khor ba thams cad gcod par byed// rdo rje dril bu thabs nyid de// thabs ni yang ni mang du nyid// de la lag gnyis rab tu brkyang / / rnam lnga 'dod pa'i bskor ba bya// g.yas par nyi ma yang dag bsam// g.yon par yang ni zla ba nyid// lus can rnams kyi thabs nyid de// rang 'dod lha ni bsam par bya/ / byang du rdo rje gsor nas ni// phyi nas blo ldan yang dag gdab// hUM gis klu yi rnam pa yis// sangs rgyas thams cad dgyes par byed// rdo rje gsor bas mdzes pa yis// rmongs pa sems can rnam par sgrol/ / chos kyi rnam thar 'bras bu nyid// rdo rje dgyes pa 'dzin pa ste// hUM hUM hUM hoHhoHhoHthabs dang shes rab sgra khrol zhing // thabs dang shes rab lag pa'i dngos// oM badz+ra / d+harmA ra Ni ta pra ra Ni ta saM pra ra Ni ta sarba bud+d+ha k+She tra pra tsA li ne/ pradz+nyA pA ra mi tA nA da swa b+ha bai badz+ra satwa hr-i da ya saM to Sha Ni hUM hUM hUM/ ho ho hoHswA hA/ oM sarba ta thA ga ta sid+d+hi badz+ra sa ma ye tiSh+Tha e Sha tun+d+ha ra yA mi hi hi hi hi/ hUM hUM hUM phaT swA hA/ thabs dang shes rab chos kyi sa ni// 'gro ba thams cad sred par byed// mi shes 'dam du bying ba yi// sems can sangs rgyas don du dkrol// rdo rje de nyid kyi ni gzung / / chos kyi dril bu dkrol bar bya// thabs dang shes rab cho ga yis// sems can don ni yo gis byed// de nyid med sems rnal 'byor pas// glang po dril bu 'khrol ba nyid// rnam 'byor de nyid mnan pa yi/ / rang gi dngos grub rab tu brtag/ brgyad pa las dril bu'i de kho na ste rab tu byed pa dang po'o// 'phreng ba la sogs mtshan nyid ni// yang dag ji ltar rnga rje nyon/ / gang gis yang dag cho ga yis// 'grub 'gyur 'di la the tshom med// shel dang nya phyis mu tig dang // khams ni dkar po la sogs gzhan// zhi ba'i las la khyad par du// 'phreng ba yi ni mtshan nyid do/ / gser dang dngul dang zangs ma dang // pad+ma'i sa bon khyad par du// rgyas pa la ni 'phreng ba nyid// rnam par mkhas pas bgrang bar bya// gur kum la sogs dri sogs kyis/ / dri ni thams cad khyad par du// bsgrub shing ril bu byas nas ni// dbang la yongs su rab tu grags// ru rak+Sha dang lung tang dang // de bzhin skyes pa'i rus pa nyid/ / drag po'i las la sbyar bar bya// mngon spyod la ni yongs su grags// zhi rgyas dbang dang mngon spyod la// bo de tshe ni las kun byed// sngags kyi bsgrub bya lnga bcu ste// dbang la de yi phyed nyid do/ / brgya phrag gcig ni zhi ba la// de bzhin rgyas la lhag par brgyad// mngon spyod la ni drug cu nyid// khyad par du ni las la sbyar// ji ltar las kyi bye brag gis// 'phreng ba la sogs bya ba'o/ / phyogs dang mtshams ni brgyad rnams kyis// dbus su dgug pa sangs rgyas kyi// lha ni dgu sogs srad bu la// lha dgus byin gyis brlab par bya// 'phreng ba kun ni dgra bcom pa/ mchod rten steng du rab tu brtag/ mchod rten chos kyi dbang po'i phyir// steng du yang ni chos kyi dbyings// lag mthil nyi ma bsams nas ni// dbyangs yig dang po la sogs pa/ lag pa'i dbus su rnal 'byor pa// bsgom zhing bdud rtsi'i yi ge nang // 'od zer 'phreng ba du ma dang // kha dog dkar po bsams nas ni// sor mo rdo rje rtse mo ste// g.yon pa pad+ma 'dab mar bsgom/ / pad+ma rdo rje snyoms 'jug pa'i// kha sbyar dbus su 'phreng bzhag la// kun gyi de nyid bsgom bya zhing // 'phreng ba byin gyis brlab par bya// sor mo la sogs bye brag lnga// phyis ni sngags pas bzlas pa bya// rdo rje gnyis med dngos po las// g.yon pa'i rdo rje can gyi dngos// zhi ba khro bor dgod par bya// rgyas la dbu ma'i de nyid la// srin lag la ni dbang du gsum kun gyi mtha' mar mngon spyod la/ / mthe bong rdo rje lcags kyu la// dngos po las ni dgug par bya// mnyam gzhag bzlas dang bsgom pa yis// 'grub 'gyur 'di la the tsom med// de nyid med pa'i rnal 'byor pa/ / de nyid med pa'i sngags zlos dang // rdo rje dril bu de nyid med// phyag rgya'i ngo nyid skye mi 'gyur// rnal 'byor pa yis de nyid dmigs// de nyid thams cad byed pa nyid// mi ge rnams kyi rgyud las ni/ / gzugs kyi snying po mdzes pa ste// sngags kyi snying po bgrang ba'i grangs// brdzun pas rnal 'byor ma snying 'grul// oM pa de pa de ma hA dz+nyA naM sarba bud+d+ha ma hUM b+ha be ta hUM hUM hUM/ dzaHhoHso a khaM swA hA/ sngags kyi 'phreng ba sbyangs nas ni// gang 'dod de nyid bsgrub par bya// de nyid las ni 'grub par 'gyur// kun tu gsal ba med na ring // ye shes de nyid khyad par du/ / ye shes chen po yang dag nyon// mnyam nyid sems kyi dbye ba las// mnyam par bzhag pas 'khor lo brtag/ zla ba'i dkyil 'khor dbus gnas par/ ye shes sa bon gyis ni sprul/ / sku mdog dkar po bsgom par bya// pad+ma'i gdan la bzhug par ni// phyag gnyis sems dpa'i skyil mo krung // rgyan rnams kun gyis rnam par brgyan/ / phyag rgya chen po phyag gnyis kyis// snying kha'i gnas su btsir ba nyid// sku mdog dkar po shin tu mdzes// 'phags pa rnam par snong mdzad gtso// kun tu 'od zer sna tshogs kyis// sangs rgyas dam tshig sprin gyis spro// zung ltar rim pa'i cho ga yis// sngags kyi bzlas par rab tu grags// g.yon dang g.yas pa'i lag gnyis kyis// bskor bas mkha' 'gro ma de bde/ A li kA li'i sa bon ni// hUM gis srad bu rgyu ba nyid// 'di yis sa bon rnal 'byor pas// bsgoms na myur du sangs rgyas thob // brgyad pa las sngags kyi bzlas pa dang sgom pa ste rab tu byed pa gnyis pa'o/ / 'pho ba'i rnal 'byor mtshan nyid kyi// de nyid ji ltar rdo rje nyon// bzang po'i lam du rnal 'byor pa'i// 'gro ba mdzes pa khyod la bstan// ye shes dbang po nyan par 'tshal/ / sgo rnams dgu ni ji ltar lags// ye shes sgo yi dbye bas ni// yon tan skyon ni ji ltar lags// dus su srog ni 'chad pa yi// yang dag rab tu sbyor ba nyon// legs pa'i lam ni mdzes pa'i gnas/ / ngan pa'i lam yang skyon rnams nyid// lte ba steng dang thig le dang // mig dang sna tshogs rna ba dang // btung dang btung ba min pa'i sgo// mtshan nyid lte bar 'dod pa can// mthu ris thig les gzugs lus can/ / steng ni steng du gnas pa yi// 'gro dang 'ong bar yongs su grags// sna las gnod sbyin dag tu 'gyur// rna ba dag las grub pa'i lha// gal te mig las shes 'gro na/ / mi rnams kyi ni rgyal por 'gyur// srid pa'i sgo las yi dgas te// gci las de bzhin byol song ngo // dmyal ba brgyad ni btung min pas// de ltar spang phyir rigs kyi bu// srid pa'i 'pho ba'i mtshan nyid ni/ / gang phyir sgo yi khyad par ni// 'khor ba'i dbye ba yang dag 'byung // de phyir sgo yi khyad par gyis// rnal 'byor pas ni mnyam bzhag pa// 'chi ba'i dus kyis thob pa ni// 'chi ba'i mtshan ma bstan pa nyid/ / rims la sogs pas ma phye ba'i// 'pho ba'i rnal 'byor dam pa nyid// bum pas dang por brtsams nas ni// sgro rnams thams cad rengs par byed// mchod rten rnams kyis lcags sgrog lnga/ sgo yi bug pa'i sgom pa ni// de bas dma' ba'i sgo nyid ni// sa bon chu ltar dkar po nyid// btung dang btung min me yi ni// de yi sa bon 'bar ba lhar// de yi dang po dbugs kyi yang // de la shin tu mnyam bzhag pas/ / dbugs ni bum pa can sgrom bya// lus kyi rlung gi kha dog dang // rlung gi dkyil 'khor sems kyis ni// rlung gi sa bon rtsa ba rnams// rlung ni mtha' yis rtsa ba can// thig le sgra dang ldan pa yis// sems kyi sa bon gyis ni drang // rdo rje can gyis sa bon gyis// 'jigs pa'i lcags kyu la sogs sbyar// gnas ni bcu dang nyi shu ni// rtsa bzhi'i gnas la 'jigs mas dgug/ go 'phang gnas ni go 'phang ster// bug pa dgu yi steng mas so// mdzod spur sku dkar sa bon gyis// yi ge phyed dang gnyis ni sbyar// drag po'i sgra yis brjod nas ni/ / brgyad kyi mtha' yi sa bon gyis// 'jigs dang 'jigs pa'i sde tshan gyis// dang po la sogs dang po yi// yi ge phyed pas sbyar nas ni// rlung gi sa bon 'og mo las// sgra ni sgra yis bskul bar bya/ / rlung gi sa bon ldan pa dang // rlung gi dkyil 'khor sems kyis ni// gnas ni nyi shu rtsa bzhir ni// de nas steng nas steng du mchog/ rnal 'byor pa yi skra dkar bas// steng gi yi ge bza' bar bya/ / bu ga dgu yi steng mchog nas// 'phral du yid kyis 'pho bar byed// nyin zhing bram ze gsod pa dang // mtshams med lnga ni byed pa dang // chom rkun las kyi longs spyod pa// 'di yi/ lam gyis grol 'gyur te// sdig pas gos par mi 'gyur zhing // srid pa'i skyon las shin tu 'grol// dper na 'ang ma las skyes pa yi// pad+ma gzi brjid dri ma med// de bzhin 'dam sogs lus kyis ni/ / ye shes sku ni rang 'dod pas// dus thob na yang 'pho bya ste// dus min lha ni gsod pa nyid// de phyir lus mtshan nyid shes nas// blo dang ldan pas rnal 'byor brtsam// rnal 'byor bsgrub byabyi'i khyad par las/ / ji ltar de nyid rdo rje nyon// mnyam nyid sems kyi dngos pos ni// sngar gyi mtshan nyid thams cad las// snying gi dkyil gyi dbus gnas par// sangs rgyas lnga yi sa bon rnams/ / 'di yi nyi ma'i 'od zer 'bar// ngo bo sems kyis mtshon par bya// sngar gsungs stong pa nyid kyis ni// sngar gyi mtshan nyid yang dag ldan// hUM la gnas pa'i sems kyis ni/ / gzugs la sogs pa thams cad gzhig/ zla ba'i dkyil 'khor dbus gnas par// sa bon gyis ni gzugs bskyed nas// pad+ma'i gdan la bzhugs par ni// ye shes mkha' 'gror bdag nyid bsam/ / zhal gsum pa la phyag drug nyid// spyan gsum dbu rgyan gyis ni brgyan// bzhad dang khro zhing sgeg pa dang // rgyan rnams kun gyis rnam par brgyan// kun da zla ba'i mdog lhar dkar/ / shin tu mdzes pa'i gos kyis brgyan// sangs rgyas sprin ni spro bar bya// sems dpa'i skyil mo krung du gnas// dang por mda' ni dgod par bya// de bzhin gnyis par lcags kyu nyid/ / gsum par rdo rje 'phyar ba'o// g.yon pa sdigs mdzub zhags pa nyid// gnyis par dpag bsam shing lcug ma// gsum par gzhu yi cho gas brgyan// 'od zer 'phreng ba du ma dang / / dbugs ni g.yo ba med par bsgom// sa bon brgyad la sogs pa yi// yi ge rnam dgod dgod par bya// A li kA li rab sbyor bas// ji ltar btus pa'i sa bon bzhin// thams cad kha dog dkar po rnams// sa bon zla ba'i 'od zer ldan// pad+ma chu shing me tog gis// snying la sgong skyes gzhag par bya// de yi dbus su ye shes dang // rnam par shes pa lhan cig pas/ / dngos pos ngo bos bsgom par bya// g.yo ba med cing 'tshe ba med// de nas phyi rol rnal 'byor rnams// rnam par mkhas pas gzung bar bya// gnas gnyis kyi ni sems dang ni/ / rlung gi dkyil 'khor sems kyis ni// de yi dbus su me nyid de// de yi stang du nyi ma der// A li kA li ldan pa yi// sa bon de nyid dmar po'o// rnal 'byor pa yi khyad par du/ / dbyung dang rngub pa'i bzlas pa bya// ye shes sa bon dbus su ni// 'byung ba yis ni bsnun bya zhing // brngubs pas snying ka'i ye shes ni// me tog lta bur bsnun par bya/ dbyung dang dbyung min bzlas pas ni// dbyung dang rngub pa'i rnal 'byor pa// bdag nyid phyi rol du ni byed// dbyung ba'i mtshan nyid mtshon pa dang // rngub pa'i mtshan nyid mtshan par bya// dbyung dang rngub pa'i rnal 'byor gyis/ / mnyam nyid de nyid bsgom pas ni// mnyam gzhag dngos po'i rang bzhin gyis// 'grub 'gyur 'di la the tsom med// de nas phyi rol rnams kyi lus// sgrub pa pos ni rnam par sprul/ / gzhan gyi sems kyi rjes su sems// rnam par mkhas pas shes par bya// sgom dang bzlas pa'i khyad par gyis// mnyam par bzhag pa'i sems kyis ni// legs pa'i lam ni bsam byas nas/ / 'grub 'gyur 'di la the tshom med// de nas ye shes gzugs 'gyur dang // de phyir mar me'i sems kyis ni// rnam par mkhas pas las rnams byed// nyan thos la sogs de nyid ni/ / legs par bshad pa bsgrags pa nyid// shel ltar sems ni brtan byas nas// mar me'i rnam pa'i sems kyis ni// spros pa thams cad dmigs nas ni// spros pa nyid ni spros med byed/ / rang bzhin rnal 'byor dmigs nas ni// 'di dag thams cad yongs su spang // kye bcom ldan 'das ye shes gang gis ye shes khyad par 'phags lags// bcom ldan 'das kyis bka' stsal pa/ / ye shes rnam pa lnga ru gsungs// gsang ba'i me long ye shes lha'i// khro bo'i ye shes lha ma yin// yi dgas ye shes nyi ma ste// dmyal ba'i 'jigs shing du ba nyid/ / gti mug ye shes byol song rnams// sems med brtan pa la sogs pa// mi la rnam shes khyad par ni// rnam pa lnga ru shes par bya// lnga yi dbye bas ye shes bsgrags// glen zhing lkugs pas khebs pa yi/ / byis pa'i shes pa'i shes pa can// ye shes de nyid khyad par can// rnal 'byor bstan bcos khyad par las// skye ba bye ba stong phrag tu// nga yi ye shes kyis bskul ba/ / mkhas pas rnal 'byor bstan bcos la// 'bad pas dang ba bskyed par bya// phyi rol bstan bcos sgra la sogs// dper na gar mkhan kha dog bzhin// rnal 'byor bstan bcwo rjes btsal bas/ / bza' dang grol ba'i gnas su bya// snying po las ni snying po mchog/ rnal 'byor zhal mchog khyed la bshad// brgyad pa las mu stegs kyi ye shes 'jig pa zhes bya ba ste rab tu byed pa gsum pa'o/ / / sngags rnams kyi ni mtshan nyid ni// rdo rje gtso ba rgyal po nyon// oM badz+ra a mr-i ta ma hA su kha haM swAhA/ snying po'o// oM AHtrA hUM swAH/ rdo rje sems dpa'i sngags so// oM AHsa hA swAt+ma/ drag ma 'gro// oM AHA~M hUM swAH/ rdo rje gzugs brnyan ma'i // A~M.A i ha~M swAng+ga/ 'dod chags rdo rje ma'in// oM A~MHiM hrI swA hA/ rdo rje zhi ba ma'i'o// oM AHu haM swA hA/ rdo rje gnod sbyin ma'o// oM AHmr-i ha~M swAhA/ rdo rje mkha' 'gro ma'i 'o// oM AHaM haM s+t+raid+d+ha/ sgra'i rdo rje ma'i'o// oM U/ aM haM swA hA/ sa'i rdo rje ma'i 'o// oM AHoM haM swA hA/ gling bu ma'i'o// oM AHoM hUM swA hA/ pi wang ma'i'o// oM AHoM haM swA hA/ mu kun da'i'o// oM aM AHai haM swAh+ma/ rdza rnga ma'i'o// oM AHdz+re ku shrI swAH/ rdo rje lcags kyu ma'i'o// oM AHbadz+ra pa she hUM haM swAH/ rdo rje zhags pa ma'i 'o// oM AHbadz+ra s+phoT+Ta rbaH swAhA/ rdo rje lcags sgrog ma'i'o// oM AHbadz+ra g+har+N+Na ma hA swaH rdorje dril bu ma'i'o/ / spyan la sogs pa'i sngags ni snga ma bzhin du sngags pas bzlas par bya'o// oM ra~M swA hA/ me tog ma'i'o// oM r-I swA hA/ bdug pa ma'i 'o// oM la~M swA hA/ dri ma'i'o// oM lI swA hA/ mar me ma'o// 'di dag ni rdo rje sems dpa'i 'o/ oM hriHswAhA/ he ru ka'i'o// oM badz+ra gu h+ye si d+ha pa ra ma yo gi shwa ri ka pa la mA la d+hA ri Ni/ ru d+hi ra pri ye shwa shA na bA si ni tsu phaT swA hA/ dkar mo'i 'o// oM badz+ra tsaN+Da shA ri kha T+wAM gI ma hA badz+rI NI ka pA la mA lA mu gu Te/ A kan+d+ha A kaD+D+h+ya sarba duSh+Ti hri da ya mA kan+d+ha ru lu ru lu N+yo hU~M phaT/ chom rkun ma'i 'o// oM badz+ra pa ra dzi ti pa ra ma gu h+ya ka pA la mA lA bi b+hu Shi te sarba duSh+TAM mo ha ni pri ye e h+ye hi b+he ga wa ti badz+ra gu h+ye shwa ri ba hu bi bid+ha be Sho d+hA ri Ni sarba duSh+TaM ni bA ra Ni hUM phaT/ ra ba tu rmongs ma'i 'o// oM badz+ra be tA li kha kha khA hi sarba duSh+Tan bi kri ta be Sha d+hA ri Ni bi kri tI laM kAM ra/ b+hU Shi te ha na ha na/ da ha da hA/ pa tsa pa tsa/ mA bi lam+ba mA bi lam+b+ha sa ma ya nu sma ra pra be sha ya maN+Da la ma d+h+ye ustU pa ya/ sarba hUM hUM phaT/ ro langs mo'i'o// oM e h+ye hi b+ha ga wa ti badz+ri gu h+ye shwa ri ba hUM bi bi d+ha be Sha d+ha ri Ni sarba ta thA ga ta duSh+Ta sa ma nu sma ra ha na ha na/ raM ga raM ga/ raM gA pa ya raM gAM pa ya/ pU ru ya pU ru ya/ A be sha yang A bi sha ya/ sarba b+hU tA na/ narta nar+ha/ nar+thA pa ya nan+t+ra pa ya ha/ ha ha ha ha hUM hU~M phaT/ puk+ka sI'i'o// oM badz+ra shu lA gr-i b+hin+na b+hin+na sarba duSh+TaM hri da yA kaR+Sha kaR+Sha ya ha na ha na/ da ha da ha/ nirma tha ni nirma tha/ mA re yai mA ra ya/ mA bi lam+b+ha mA bi laMm+ba sa ma ya nu sma ra hUM hU~M phaT/ gdol pa mo'i 'o// oM badz+ra ma he shA ri haM hi haM haM hi hiHru lu ru lu b+h+yo hUM hUM phaT/ b+hak+Sha ya sarba duSh+Ta~Mn+ti mtha hri da yaM hUM hUM phaT swAhA/ g+hasma rI'i 'o// oM ba sum+b+ha ni dip+ta sa ma ya badz+re hUM phaT/ he ru ka dang mtshungs pa'i 'o// oM badz+ra baM she hUM swA hA/ gling bu mo'i'o// oM badz+ra bI Ne hUM swA hA/ pi wang ma'i 'o// oM badz+ra mu kun+de hUM swAhA/ mu kun da'i 'o// oM badz+ra mr-i daM ge hUM swA hA/ rdza rnga ma'i 'o// oM badz+ra pa Da bA mu khi yo khI shwa ri hrI/ hi hi hi hi hUM dzaH gdong ma'i'o/ / oM badz+ra daMSh+Ta ba rA ha mu khi tAM ba t+taM hUM/ rdo rje phag gdong mtho'o// oM badz+ra tsan+d+ra sUr+ya hUM tra sing ha nir na de sa~M ha bak+She si ha ni naM Ta ni haM baM baM/ seng ge'i gdong ma'i 'o// oM badz+rA d+hA tu saM / dzI ba ni ma hA yak+Shi Ni shwa nA rU pi Ni ma hA pra la~M ya nirnA de kA ma rU pa Ni trAM traT ta Ta ho// khyi gdong mo'i'o// swA hA/ zhes bya ba ni thams cad du'o// 'di rnams ni dpal he ru ka 'khor dang bcas pa'i'o// / oM aM swA hA/ bdag med ma'i 'o// oM AM swA hA/ rdo rje ma'i 'o// oM IM swA hA/ dkar mo'i 'o// oM iM swA hA/ chu'i rnal 'byor ma'i 'o// oM uM swAhA/ rdo rje mkha' 'gro ma'i 'o// oM uM swA hA/ puk+ka swo'i'o// oM r-i s+yAn+d+ha/ ri khrod ma'i'o// oM r-I swAn+tu/ gdol pa mo'i'o// oM l+yaM swAhA/ g.yung mo'i'o// oM maM swAhA/ dkar mo'i'o// oM o swAh+ma/ chom rkun ma'i'o// oM au swAhA/ / ro langs ma'i'o// oM oM sUh+mA/ g+hAsmA rI'i'o// oM au swAh+ma/ sa spyod ma'i 'o// oM a~M swAh+ma/ mkha' spyod ma'i 'o// 'di rnams ni bdag med ma 'khor dang bcas pa'i'o// oM de ba pi tsu badz+ra bahUM hUM hUM phaT swAhA/ kye'i rdo rje'i snying pa Ta// oM trai lo kye k+Sha pa hU hrI hUM phaT swAhA/ phyag gnyis pa'i 'o// oM dz+wa la dz+wa la b+h+yo hUM hUM hUM phaT swAhA/ phyag bzhi pa'i 'o// oM ki Ti ki Ti badz+ra hUM hUM hUM phaT/ phyag drug pa'i 'o// oM na mo b+ha ga wa te bI re shA ya hUM hUM phaT/ oM ma hUM kalpAg+ni san+ni b+hA ya hUM hUM phaT/ oM dzi TA mu ku Tot+ka Ta ya hUM hUM phaT/ oM daMSh+T+rA ka rA lo gra la b+hi Sha Na mu khA ya hUM hUM hUM phaT/ oM sa ha sra b+hu dzi b+hU su rA yad hUM hUM phaT/ oM pa ra shu pA sha~M d+yata shu la ba T+wAM ga d+hA ri Ne hUM hUM phaT/ oM byA g+h+ra dzi nA mU ri d+ha rA ya hUM hUM phaT/ oM ma hA d+hA mAn+ta kA ra wa pu ShA ya hUM hUM phaT/ phyag 'bum pa'i'o/ / oM shrI de hi he ru ru kaM badz+ra DA ki nI dzA la saM ba ra hUM hUM phaT swA hA/ dur khrod la dgyes pa phyag gnyis pa'i 'o// oM shr-i he ru ka badz+ra sarba duSh+Ta sa mA ya mu drA pra b+hany+dza ka hUM hUM phaT swA hA/ drag po'i gdan can phyag gnyis pa'i 'o// oM hrIHha hUM hUM phaT swA hA/ rig pa'i rgyal po'i'o// 'di rnams ni he ru ka 'byung ba'i sngags so// oM badz+ra shA tsi bai ro tsa nI ye swAhA/ yi ge bcu po 'di rnams ni mkha' 'gro ma'i rtsa ba'i sngags so/ / oM mA rI ts+yai swAhA/ 'od zer can gyi snying po'o// oM mA ri tse bat+tA lI ba dA lI ba lA ba ra ha mu khe swAhA/ nye ba'i snying po'i sngags so// i shA tsi par+N+Na sha ba ri sarba mA ra pra sha ma ni hUM hUM ma ho da ri phaT/ ri khrod ma shing lo can gyi'o// oM badz+ra ku shA kaR+Sha ya hUM/ oM badz+ra pa'i sha ban+d+ha hUM/ oM badz+ra ki li tardza ya hUM/ oM badz+ra muSh+Ti gr-ih+Na hUM/ oM badz+ra ki li kI lA ya hUM/ oM badz+ra mud ga rA ko Ta ya hUM/ sngags 'di rnams shin tu grub pa ste/ don yod pa'i dngos grub sgrub pa'o// oM badz+ra DA ki nI i bi li gr-ih+Na hUM gr-ih+Na hUM hUM phaT swAhA/ oM u0f7fhUM baM hoHsa ma ya s+thA dri/ sh+ya hoHde ltar lan gsum bzhi lngar bzlas nas gtor ma sbyin par bya'o// rdo rje mkha' 'gro ma'i sngags so// oM kha kha khA hi khA hi sarba / yak+Sha rAk+Sha sa sarba b+hU ta pre ta pi shA tsi un+ma dA a pasma ra DA ka DA ki n+ya da ya/ i maM ba li gr-i h+yaM tu sa ma ya rak+Shan+tu sarba sid+d+ha m+me pra yats+tshan+d+ra hUM hUM phaTaT swA hA/ 'byung po thams cad kyi gtor ma'i sngags so// oM ki Ti gi Ti badz+ra hU~M/ byin gyis brlab pa'i sngags so// oM A hUM sho d+ha ya sho d+ha ya rak+Sha rak+Sha hUM phaT/ saM sbyang ba'i sngags so// oM badz+ra DA k+ki ni hUM phaT swAhA/ oM gau rI hUM phaT s+thaH/ oM tsan+d+ra li / hUM phaT swA hA/ oM bai ta lI hUM phaT swA hA/ sngags pas cho gas bsnun pa dang / gsad pa dang / dgug pa dang / gar byed pa'o// oM badz+ra si ha ni A swA hA/ oM badz+ra byA g+h+r-i mi swA hUM/ oM badz+ra dza bu ge I swA hA/ oM badz+ra U lU kA s+yo r-I swA hA/ oM badz+ra ra dze in+ta la~M swAhA/ oM badz+ra dIp+ti te dze oM swA hA/ oM badz+ra tsu Shi NI tsA Sha ya sarba satwA na oM swAhA/ oM badz+ra sha po dza aHswAhA/ oM hrIHswAn+d+ha/ dbus su ste ye shes kyi mkha' 'gro ma 'khor dang bcas pa'o// oM dzaHhUM baM hoHkhaM raM/ mchod yon gyi sngags so// oM kha ni kha ni r-I hUM kha/ zhabs bsil gyi sngags so/ / oM d+haM d+h+waM/ dri dang bsho sa gtsang ma la sogs pa'i sngags so// oM ha ho hrIHswA hA/ phyag rgya chen po'i sngags so// oM ku ru sa ma yA d+hi pa ti hUM dzaHswAhA/ dgug pa'i sngags so/ / ha he bu he ho haM/ yan lag drug la dgod pa'i sngags so// dpal yang dag par sbyor ba las byung ba bya ba thams cad yang dag par 'byung ba'i brtag pa'i rgyal po ste brgyad pa'o// / / de nas byang chub sems dpa' chen po rdo rje snying po la sogs pa dang / de bzhin gshegs pa thams cad kyis bcom ldan 'das la mchod nas phyag 'tshal te 'di skad ces gsol to/ / mya ngan 'das pa'i gnas rgyas pa// bcom ldan lha yis bshad du gsol// gang du gnas su bzhugs gyur pas// rgyu dang mi rgyu bcas par rol// bcom ldan 'das kyis bka' stsal pa/ / ci rigs brtags pas sems 'dzin pas// nga yis bshad par bya yis nyon// gang zhig de skad sngar gsungs pa// thams cad bdag nyid rtag tu bzhugs// dkyil 'khor lus shes brjod par bya/ / sgo bzhi ji skad gsungs pa'o// lte ba'i dbus gnas pad chen po// kun mkhyen ye shes mngon par grags// gnas der gnas pa'i dpa' bo ni// dri med dri ma rnam par srub lus la gnas shing nag nog med/ / lus can kun la rnam par rol// sangs rgyas kun gyi rdzu 'phrul che// rnam par mdzad cing rab tu bsgyur// kha cig tu ni byang chub chen po'i sems// kha cig tu ni ji ltar spod ces bzang / / kha cig tu ni dga' ldan lha rnams dang // kha cig mchog tu 'bab par gyur pa dang // kha cig tu ni bltams pa rnam dag cing // kha cig tu ni khab nas gsal byung dang // kha cig tu ni byang chub chen por mchod// kha cig tu ni bdud las mchog tu rgyal// kha cig tu ni mngon par rdzogs byang chub// kha cig tu ni 'khor lo rab tu bskor// kha cig tu ni phas kyi rgol ba dang / / lhan cig chos kyis tshar ni gcod pa po// kha cig tu ni dngos grub kun dbang phyug/ dpal ldan 'jig rten gsum las rgyal// kha cig tu ni dpag bsam shing mchog kun// dngos grub dbang phyug bla na med pa nyid// de ltar la sogs mtha' yas mchog/ sangs rgyas kun dag sdom pas ni// dngos dang dngos med rnam par grol// de phyir gti mug yongs su spangs// A bung babazhes byar brjod/ / bung ba rdo rje 'jigs byed nyid// A li nam mkha'i mthar gtugs par// chos kyi dbyings kyi rang bzhin las// rgyu dang mi rgyu gsang blo 'dzin// phung po khams dang skye mched dang / dbang po kun gyi bdud rtsi dang // lus rnams thams cad skye ba nyid// de phyir thams cad bkug nas ni// rtsa yi dbus su thim par bya// 'jigs byed rdo rje'i sgra yis ni// rdzogs pa'i rnal 'byor mdzes las ni/ / rlung dang me dang bdun pa'i don// rdo rje can gyi sa bon sbyar// thig le sgra yis yang dag mnan// char gyi rgyun zhes brjod par bya// dbyangs kyi dang po mchogs bon// de yi dbus su gzung bar bya/ / kA li me tog shes par bya// me tog rdo rje can gyi lus// ma mo kun gyi sa rnams kyang // kun la 'khor bskyed par 'gyur// ye shes chu bo rgya mtsho 'dir// shes rab chu srin dpyad kyi nyas// gnyis med 'dam gyi dbus su ni// thabs kyi rnam pa'i myu gu nyid// baM du lta bur bye ba nyid// sbrang rtsi dang ni bdud rtsi gnas// kA li dang ni bdud rtsi nyid// chu dang me tog nang du 'khor// bdud rtsi'i chu yi cho ga mchog/ gnyis las lus ni skye bar 'gyur// gong du bdud rtsi dang ni chu// lnga yi bdag nyid du ni gsungs// me ni tsha ba nyid yin te// reg pas rlung ni du bar blta// chu ni gsher ba'i dngos po ste/ / sa ni gzugs su blta bar bya// ye shes rdo rje byin brlabs pas// rnam pa lnga ni rab tu bskyed// yang ni chu ni kun gyi dbyibs// de bzhin me yis zad par byed// de bzhin rlung ni rtag pa yi// sa ni dbang po'i gzugs can ma/ / hUM gi glu yi rnam pa yi// rnal 'byor ma kun mnyes par byed// rdo rje yan lag dgyes pa'i mthus// spyan gyis gzigs par mdzad pa yis// yi ge'i dngos po'i rang bzhin ni/ stong par rol pa nyid kyis ni// dngos dang dngos med rnams spangs nas// snying po yang ni 'tshal ba nyid// ma lus pa yis bsam pa dang // yi ge thams cad gzhom par gyis// gnyis 'khyud pa'i rnal 'byor ni/ / chu rnams kyi ni dgos pa can// gnyis med chos ni thob pa ni// thar pa yang ni thob pa nyid// 'khor ba'i bde bas rmongs pa la// grol ba yang ni spang ba nyid// thams cad stong pa'i rang bzhin la/ / rnal 'byor ma yi sngags kyis rol// rnal 'byor ma ni lnga po rnams// sangs rgyas de nyid mtshon par bya// sgyu mar gnas ma du ma kun// sna tshogs gzugs kyis sems can smin// rdo rje brkyang ba'i dgos pa ni// chos kyi rmongs pa bral bar byed// rnal 'byor ma yi thar pa can// snying po chos la phyag tshol cig/ rig kyi bu bcom ldan 'das de bzhin gshegs pa thams cad kyi glu 'dis rgyal ba thams cad kyi bdag nyid la skye bar 'gyur ba 'di skad ces bka' stsal to/ / dgu pa las de bzhin gshegs pa thams cad kyi bskyed pa zhes bya ba ste rab tu byed pa dang po'o/ / / gtor ma'i las cho ga ji lta bar// rdo rje gtso bo rgyal po nyon// khru gang tsam gyi tshad du ni// dmar po'i dri yis dkyil 'khor bya// dkar pos phyi rol gru gsum bya/ / mchod yon mchod sogs rim gro dang // nya dang sha sogs bza' ba dang // chang dang myos byed spro ba yang // g.yon du nye bar dgos pa kun// g.yas pa dag tu chu yi snod// sngon du mchod yon dag gi snod// rdzas ni 'di dag thams cad rnams// bdud rtsi lnga yis sbyang bar bya// rdo rje sems dpa'i ting 'dzin nAm// yang na he ru ka dpal brtson// las kyi cho ga mthong ba yis// sngags dang phyag rgyas dgug par bya// me tog dmar po drug pa sogs// dri la sogs pa dbul bar bya// oM gyis mtshan pa'i pad+ma'i snod// lce hUM de nyid khyad par las// ye shes lcags kyu'i rab dbye bas/ / yid kyis thams cad dgug pa'o// kye bcom ldan 'das ye shes kyi lcags kyu ngur gsungs/ de gang lags/ bcom ldan 'das kyis bka' stsal pa/ dang por skye dgu'i drag por brjod/ / de bzhin gnyis par sgrol ma nyid// gsum pa la ni rab mchog brjod// bzhi pa la ni mang po skyes// lnga pa la ni stobs zhes bya// rigs lnga rnams kyi sngags 'di dag/ ye shes lnga yis rab/ dbye bas// ye shes chen po lnga po 'di// khyod la phan pa'i bsam pas bshad// ye shes lcags kyu'i rab dbye bas// las rnams kun la sbyar bar bya// gal te las la phan 'dod pas// rnal 'byor ma kun tshim par bya/ / 'dod la dga' bar mi bya zhing // longs spyod la ni sbyar mi bya// sems can don rgyu rnal 'byor pas// mchod pa thams cad yang dag brtag/ dbyangs kyi bcu gsum las byung ba/ gang zhing zla ba de rab grags// de yi dbus su sa bon gyi// A li kA li mnyam sbyor bas// lha kun de nas tshim par bya// 'bud pa sbar ba nyid dang ni// khyad par du ni skol ba nyid// shel gyi gzugs kyis bskyed bya zhing / / de phyir thams cad brtag par bya// de yi dbus nas blangs nas ni// de nas bdud rtsi myang bar bya// lhag ma la sogs dngos po kun// phyi rol dkyil 'khor tshim par bya// / g.yon pa'i cha yi snod dang ni// g.yas pa'i khro bo bstan par bya// rkang pas mnan cing steng du blta// spyi bor pheM gyi rnam pa 'byung // zla ba mar ngo'i bcu bzhi dang // khyad par du ni brgyad pa dang // yar gyi ngo yi bcu pa la/ / mchod pa mchod pa'i bdag nyid 'gyur// oM shing gcig dang ni dur khrod dang // ri bo dang ni 'bab chu dang // khyim dang grong gi ngos dag dang // zhing dang grong ni stong pa dang // sems can snod dang thang song dang // chu la yang ni khyad par du'o// drag po nag po drag chen po// lha sbyin mnyam du bsten pa dang // nag po thod pa can gtsigs pa// lha mo yang ni mnyam par gnas/ / nag po gtsigs pa 'jigs su rung // rga las 'das dang log 'dren rnams// rgan byed ma dang drag mo dang // gdol pa mo dang 'jigs pa'i gzugs// lha mo dka' bzlog thams cad du / rgyal ma dang ni rnam rgyal nyid// mi thub ma dang gzhan mi thub// nag mo bzang mo nag mo che// rtse mo nag mo rnal 'byor mo// dbang mo zla mo 'jigs pa ma// gdug pa can dang laM pa kI// sum cu rtsa gsum dag phyug ma/ / g.yo ldan mar me 'jib byed ma// grong du gnas pa'i rnal 'byor ma// 'jigs pa'i gzugs dang gzugs chen ma// mche ba gzugs ngan gtsigs pa nyid// thod pa'i 'phreng ba 'phreng ba tsan/ mthu chen lag na kha T+wAM ga/ lag na dgra sta ral gri dang // rdo rje lag ma gzhu yi lag/ mkha' 'gro ma yi de nyid che// las rnams rjes su sgrub par byed// rnal 'byor dkyil 'khor rgyal po che/ de bzhin rdo rje'i dbang phyug gtso// de bzhin gshegs pa'i sku chen las// skyon med dbang phyug byin pa mo// rdo rje dbang phyug bka' lung 'dis// thams cad las ni thams cad dgugs/ / oM ka ka kar+d+ha na ba ba ban+d+han kha kha khA da na sarba duSh+TA nA ha na ha na/ g+ha g+ha g+hA ta ya g+hA ta ya/ a mu ka s+ya shAn+tiM ku ru gu ru hUM hUM phaT phaT swA hA/ bdud rtsi'i bsam gtan dmigs nas ni// bdud rtsis / kha ni dgang bar bya// la sogs bsams nas rnal 'byor dang // rnal 'byor ma ni bsgom par bya// las rnams thams cad rab 'grub 'gyur// ha sa ni kha dog 'phrog par byed// hos ni dri ni 'jig par byed/ / hrI sa ni brtson 'grus 'joms par byed// rim pa 'di ni brjod par byed// rnam gsum lan gsum brjod pas ni// gsum gyis lha rnams tshim par bya// pad+ma'i dbang phyug gzugs gser mdog/ gzi brjid dri chu rnam snang dang // rdo rje'i dbang phyug myang ba ni// lag na rdo rje lha gsum dag/ rnam pa gsum du shes par bya// 'dir ni chos rnams bzang por ltos/ 'du ba rnams la the tsom med// bram ze khyi dang gdol pa rnams// rang bzhin gcig pa nyid du zo// tshig bcad 'dis ni de nas sbyin// rol bcas mchog tu rjes bskor bas// g.yon dang g.yas pa'i lag pa yis/ / 'dod pas bskor bar bya ba'o// rang 'dod lha yi rnal 'byor gyis// ji ltar rab tu sbyar bas 'jug/ bde gshegs chos ni rin thang med// 'dod chags dri ma rnam par gsal/ / gzung dang 'dzin pa rnam par spangs// gus pas de la phyag tshol cig/ tshig bcad 'dis ni blang bar bya// yang dag spyod pa'i de nyid 'di// gtsang sbra kun tu rnal 'byor// pa'i ji ltar bde ba zhes byar brjod// yan lag yan lag bde gsol 'debs// gnyis gnyis 'khyud pa'i sbyor ba yis// sgyu ma yis ni rnam par brgyan// dngos po rnam grol phyag tshol cig/ rdo rje dril bu'i sgra rnams kyis// ci 'dod pa yi bkra shIs grus// d+hu d+hu n+tu/ rdo rje thal mo sbyar byas nas// snying kaR+Sha ni gzung bar bya// de nas sems ca kun sogs la/ / smon lam rnams ni gdab bye ba// sems can thams cad bde gyur cig/ sems can thams cad skyon med par// gang gi lam gyis grol 'gyur ba// de nas sangs rgyas nyid thob 'gyur/ / ma bsgral ba dag bsgral bar bgyi// ma grol ba dag bdag gis dgrol// rnal 'byor bstan bcos bya ba'i dngos// nga lta ru ni yang dag brtags// rdo rje khu tshur dam bcing nas/ g.yon pa snying kar gzhag par bya// lag pa g.yas pa brkyang nas ni// sa la bzhag nas gshegs su gsol// oM At+ma tiSh+Tha hUM swA hA/ phyis nas bdag gi dbugs kyis ni/ bdag gi lus la thim par bya// skad cig gcig pa'i rnal 'byor gyis// bdag gi dngos pos mchod par bya// oM sarba duSh+Ta gr-ih+Na gr-ih+Na gats+tsha hUM phaT/ se gol gsum gtogs nas phyi rol gyi lha rnams gshegs su gsol bar bya'o/ / dgu pa las gtor ma'i mchod pa ste rab tu byed pa gnyis pa'o// / gsang ba'i pad+ma bde ba can// thams cad bdag nyid rtag bcun la/ gsang ba la ni rnam gnas nas// de la lha mo des zhus pa// sbas pa dam pa'i dngos spyod yul// bde gshegs kun gyi dkyil 'khor dang // khro bo rnams dang lha rnams kyang // thams / cad lha ni khyod kyis gsungs// de ltar nang la rnam gnas pa'i// de nyid bla med bdag 'tshal yang // bdag la da dung the tshom mchis// gang gis cho gas bris sku dang // glegs bam yang ni bri bar bgyi/ / lha lags 'di dag mi 'tshal bas// bde ba chen pos bshad du gsol// bcom ldan 'das kyis bka' stsal pa// dad bdag lang tsho dal ba dang // rgyas shing rnam rtog med pa dang // khro med lkog 'phyas med pa dang / / shin tu cha phra mkhas spro dang // bzod dang dad pa snying rjer ldan// de ltar gyur pa'i ri mo mkhan// yang na dam tshig can gyi yang // ri mo mkhan gyis bri bar bya// sgrub ba po dam bcas pas dpa' bo shi ba'i ras sam/ ro la dkris pa'i ras sam/ bu btsas pa'i ras sam/ khrag chen pos btsos pa'i ras sam/ bud med kyi me tog gis rab tu bsgrub pa'i ras rnams la sgrol ma dang / 'od zer can dang / de bzhin du ni ri khrod ma shing lo can la sogs pa bri bar bya'o// de la 'di'i cho ga ni gsang ba'i phyogs gcig tu 'dug nas shin tu mnyam par bzhag/ pas 'drir gzhug par bya'o// skyes pa'i thod par gnas pa'i ji ltar gsungs pa'i kha dog lnga dang sih+la dang ga pur la sogs pa bsres pa dang / ro'i skra'i pir gyis bris sku 'jigs par bri bar bya'o/ / dang por slob dpon gyis mnyam par bzhag pas shes rab dang ldan zhing rgyan thams cad kyis rnam par brgyan pa dang / dpal yang dag par sbyor ba'i rnal 'byor dang ldan pas yan lag la ni rang shu bsam zhing gcer bur gyur pa dang / de bzhin du yang lhag ma dang / ma dag pas mkhas pas mi bya'o// kye bcom ldan 'das gal te sir+b+ba la sogs pas bsres pa lags na/ / de de'i tshe ji ltar ma dag pa ma lags/ bcom ldan 'das kyis bka' stsal pa/ pho nya gtsang sbra dang po ste// gnyis pa la ni zhi bar 'dod// snod gcig tu ni zas nyid ni// / gtsang sbra gsum pa nyid du gsungs// phyi rol rnal 'byor la dga' bas// gtsang sbra 'di dag yang dag brtsam// rang sems dri ma can gyur la// gnas ni 'di yis ci zhig dgos// gang yang log pa'i chos gnas pa/ / 'dod pa'i don kun 'dod pa yi// khyi yi skye gnas brgyar 'gro ste// sme sha can du'ang skye bar 'gyur// dper na kha cig mar don gnyer// dad pas chu ni bsrubs gyur kyang // mar gsar thob par mi 'gyur te/ / lus nyon mongs pa kho nar zad// 'dzin dang mchod pa ma gtogs par// gzhan du bzang mo don med 'gyur// 'tshe ba'i thabs kyi rgyu yi phyir// rnal 'byor gzhan la rten pa nyid/ / dung dang nya phyis mu tig rnams// gsum char rgyu las byung ba nyid// chos kyi sku yi lus can gyi// thod pa la ni su zhig smod// mchod phyir thogs pa dag byed kyang // dam pa'i chos kyi rim par gsungs/ / gtsang sbra he ru ka dag gnas// de phyir kun tu rab 'bad pas// phyag rgya lhan cig sgrub pos mchod// shin tu bzhin mdzes snying rje can// gzugs dang lang tsho skal bzang ma// / gzugs bzang sgrub pa po la dga'// rang gi phyag rgya g.yon du bzhag/ pir la byin brlabs 'dri mkhan la// byin te bris sku 'jigs pa ni// dngos grub thams cad rab ster ba// de nas yang dag bri bar bya/ / 'jig rten gzhan la mi bstan zhing // ri mo mkhan dang sgrub pos lha// glegs bam khyod la bshad bya yis// lha mo skal ba chen mo nyon// gro ga'am ha la'i 'dab ma la// glegs bam sor ni bcu gnyis pa/ / sbrang chen snag tsha byas nas ni// mi yi rus pa'i smyug gu yis// dam tshig can gyis bri bar bya// glegs bam dang ni bris sku nyid// gal te skal ba med mthong na// skye ba 'dir ni 'grub mi 'gyur/ / 'jig rten pha rol spyod yul min// dam tshig sems dpa' sbyin par bya// res 'ga' tsam zhig bstan pa'o// glegs bam lam gyi spyod yul du// skra dang mchan khung dag tu sba/ / dam tshig sems dpa' sbyin par bya// dgu pa las bris sku dang glegs bam gtan la dbab pa zhes bya ba ste rab tu byed pa gsum pa'o// // sil snyan yang dag sbyor mtshan ny+Ninyid/ ba shar par byA yis lha mo nyan// A ra a ra dze sma ra ra Ta baM ho/ ra Ta baM hoHhu lu hu lu hUM dzaHhUM dzaHa la a la/ su hu hu/ Nu rbun+tha/ b+h+rUM hraM hraM/ hu ta mi hu tAm+b+haM hU tam+b+he g+he g+h+r-i hon do hon ro b+hau ta g+h+r-i ha do hUM ka ka kau kau bo go baM/ badz+ra badz+ri badz+ra badzi/ d+he ko d+he kaM d+he kaM/ b+h+yo hUM/ b+h+yo hUM/ b+h+yo hUM/ ru lu ru lu/ tsU b+h+yo/ hU~M b+h+yo/ rdo rje 'dzin pa la sogs pa'i'o// Ta ki hUM dzaHTak+ki hUM dzaH 'di ni rol pa'i 'gro ba'i'o/ / lI la ga te baM hat+ta bat+tA twA byA gA me bA gA me ba ga mA ba/ rta mgrin gyi'o// NAn+d+ri n+dam+b+ha/ b+h+rUM s+t+rI/ d+hIts+tshi tris+t+rI/ mi rbaM/ kAn+thi kur+N+Na gshin rje'i rgyal po'i 'o/ / khen+ta khe khen+ta khe/ pad maM hrI/ pad maM pad maM/ trA~M d+h+r-i trA~M trA~M/ hU~M hrI/ taM hrI taM hrI/ sgrol ma'i 'o// de nas cang he'u'i mtshan nyid bshad// badz+ra shiR+sha rtsa ba dang tsan dan dmar po las byung dang / / gzhan rnams gang rnams de rnams ni// yid la 'dod pa rnams la bya// de yi tshad 'di bka' stsal pa// bcu gnyis pa dang bcu pa nyid// kha la sor ni drug dang lnga/ / dgu pa dang ni bcu gcig nyid// kha la de yi phyed nyid do// gzhan pa yi yang rje'u chung ni// thod pa las ni bskor ba nyid// spre'u'i pags pas g.yogs pa'o// de bzhin kha sbyor gnyis la ni/ / pad+ma dag ni bri bar bya// bud med khrag gis mdzes par bya// dur khrod skyes pa'i sgra las ni// bkal nas rus pa gnyis ni bcings// khyim gyi me tog nyid kyis ni// pad+ma ze 'bru gnyis pa la// dkyil 'khor nyid ni bri bar bya// mtshan mo bzhi mdo dag tu ni// rkang pa g.yon pa'i mthe bong gis// dkyil 'khor gru bzhi mtshams su ni// rdo rje lcags kyu bri bar bya// der gnas g.yon pa'i ngos su ni// ji ltar dang por ming bzung ba// khro hUM zhes ni brjod nas ni// chu skyar rkang pa'i rus pas gdab/ de ltar g.yo ldan ma la sogs// thams cad 'gugs par byed par 'gyur/ / gal te 'ongs par ma gyur na// de tshe mkha' 'gro ma kun 'chi// nges pa nyid du 'grub 'gyur bas// nges gsungs pa la the tsom med// gal te khros pas slob dpon gyis// cang te'u rdung bar byed pa na/ / de tshe mchi ma 'dzag cing ngu// khyod ni dam tshig la ni khro bo sngon po mdzes// dngos grub phyag na dbyig to dang ni rin chen bcings pa 'dzin// kye dpal ldan dpa' bo 'du bar 'khor sgrol khums/ / mkha' mdzes rnal 'byor ma yi nang du bdag thong zhig/ tshogs kyi 'du ba bzang po nyid// lha mo skal ba chen po nyon// 'dod pa'i don kun sgrub pa mo// gang du zos pas 'grub 'gyur ba/ / dur khrod ri yi tshang tshing dang // rgya mtsho chen po'i 'gram du yang // yang na dben pa'am bas mtha' ru// bza' ba 'di dag yang dag brtsam// me tog bdug pa mar me dang // de bzhin bza' ba bca' ba nyid/ / chang ni sgeg mo ru ni brjod// sbrang chang rab tu myos mar brjod// bu ram chang ni myos byed gsungs// snying po bdud rtsi ro mchog dang // sangs rgyas kun gyis kla klo yis/ / bdud rtsi lam ni yan lag brgyad// rgun 'brum sbrang rtsi dpa' bo gcig/ nya phyis rtsub pa'i 'dod pa can// sings po bshang bar brjod pa ste// rtsabs dang bran mo sings por brjod// de ltar bza' ba sna tshogs dang // chang dang nya dang yang dag ldan// dga' ba'i longs spyod skal bzang bas// dpal ldan rdo rje sems dpa' 'grub// a mra smin dang pa na saM// rgun 'brum na li ge ra dang / a lu ka skar la sogs pa'i// 'bras bu sna tshogs tha dad pa// tshogs kyi dkyil 'khor dbul bar bya// 'dis ni glu dang phyag rgya dang // nges par gar yang khyad pa kla klos kun 'dar nyid/ / he ru ka yi sbyor bas gar// phyag rgya nyid kyang khyad par du'o// gang phyir lha stangs de khu tshur// lta stangs khu tshur rkang pas rkang // ji ltar rnal 'byor rim pa las// sangs rgyas kun gyis rnam par mdzad/ / sring mo'i bu mo sgyug mo dang // ma dang sring mo yin na yang // de rnams gang bar mchod byas na// tshogs kyi dkyil 'khor 'grub par 'gyur// skyes pa'i thod pa cha gcig par/ / chang ni bzang pos yongs bkang ste// bla ma la dbul skal chen ma// phyag 'tshal nas ni rang yang btung // pad+ma'i lag pas blang ba dang // de nyid kyis ni lag pas dbul// yang nas yang du phyag 'tshal ba// de la sgrub pa po yis bya// dpal yang dag par sbyor ba las byung ba zhes bya ba bzhi'i de kho na'i rgyal po ste brtag pa dgu pa'o// / rdo rje slob dpon dam tshig gi/ grub rtags log na rdo rje nyon// dang por dkyil 'khor chen po ni// snying kha yi ni dkyil 'khor du// rang gi dbang sogs rgyas pa yis// rang gis nang du zhugs pra na/ rdo rje slob dpon mtshungs med pa// 'grub 'gyur 'di la the tshom med// gang phyir thos pa de nyid kyis// bsam gtan spro ba nyid kyi phyir// rdo rje slob dpon 'gro bar 'gyur// rdo rje sems dpa'i snying po sogs/ / 'bum du bzlas pas rab tu 'grub// bskal pa kun gyi sngon 'grub pas// slob dpon chen po gdod nas grub// cho ga 'dis ni sems can rnams// rgyal bar 'gyur bar the tshom med/ / gnyis med spro bar bcas pa rnams// de nyid gnas shing go cha bgos// thams cad mkhyen pas gang gang gis// rigs kyi rab tu dbye ba las// phyag rgya gang dang gang gsung pa/ de dang de yi cho gas blang // de dang de nyid kyis ni bsgrub// gti mug bdag nyid nges par ma// lha mo'am skye gnyis bdag nyid skyes// gti mug rnam dag bsam gtan pas// blangs nas mngon du rnam snang 'gyur/ / ma ni rig ma dam pa ste// gal te pha yis sngar bsnyen kyang // de bzhin de nyid kyis kyang 'grub// bde ba chen pos bka' stsal to// zhe sdang bdag nyid gdol pa mo/ / bu mo'am gnod sbyin bu mo blang // zhe sdang rnam dag bsam gtan pa// mi bskyod pa ni mngon du 'gyur// 'dod chags bdag nyid gar mkhan ma// sring mo'am klu mo lha min blangs// 'dod chags rnam dag bsam gtan pa// 'od dpag med par sgom par 'gyur// phrag dog bdag nyid bzo shes ma// chu byung dga' ma'am sring mo yi// bu mo yang dag blangs nas ni// phrag dog rnam dag bsam gtan pa/ / dpa' bo don yod grub par 'gyur// nga rgyal bdag nyid mna' ma 'am// rgyal po'i bu mo'am rig 'dzin ma// blangs nas nga rgyal rnam dag pa'i/ / bsam gtan pa de nor bu'i rigs// 'byung gnas su ni 'gyur ba'o// spyan dang lhan cig sangs rgyas nyid// mA ma kI dang mi bskyod par// 'grub 'gyur dkar mo lhan cig tu// pad+ma can dang sgrol ma ni// lhan cig don yod grub par 'gyur// rin chen rin chen ma dang 'grub// rig pas 'dod pa'i 'di dag 'grub// gzhan yang 'dis ni khro bo yi// lha dang rgyal ba'i sras po dang / / khro bo rab gtum cho ga dang // zhi la zhi ba'i cho ga yis// zhi ba rab tu 'grub par 'gyur// 'dod chags rgya chen zhen pa dang // nga rgyal ldan pas 'grub par 'gyur// de ltar dka' ba med pa'i thabs/ / kun mkhyen thugs rje bcas pas bsngags// shin tu bde ba sgrub pa'i thabs// brtul zhugs bka' thub spyod pa spangs// de ltar bdud rtsi'i ro rnyed nas// / nyon mongs gzhom phyir mi brtson gang // ji ltar dka' thub brtul zhugs des// sangs rgyas nyid ni bya bar nus// rang gi bde ba'i thabs rnyed nas// gang zhig bdag don mi byed pa/ rmongs pa'i bdag nyid de yis ni// sangs rgyas nyid ni gang du 'gyur// yang na de ni shes mi 'gyur// 'dis ni sangs rgyas thams cad du// skye bo dam pas mthong ba nyid// las kun rmi lam sgyu ma ltar/ / sangs rgyas chos la mi shes pas// 'khor ba'i rgya mtsho'i pha rol tu// ji srid ma phyin par du bya// bcu pa las slob dpon dang phyag rgya byin gyis brlabs pa ste rab tu byed pa dang tho'o/ / / de nas gang du rig ma'i skyes bu grub pa der 'di lta bu'i phun sum tshogs pa 'byung ste/ sa 'di dag dga' zhing mgu la rangs par rnam pa drug tu g.yos nas bdud kyi gnas su cha lang lta bu'i sgra grug pa dang / phyogs bcur bskal pa'i me lta bu'i skar mda' lhung ba dang / rgya mtsho chen po 'khrugs pa'i sgra dang / thams cad du gnam rdo lhung ba dang / de nyid du bskal pa'i me'i gzugs lta bu'i ye shes kyi snang ba 'bar ba dang / phyag rgya'i skye gnas kyi snying por khams gsum thams cad snang ba dang / tshangs pa dang / khyab 'jug dang / chu bdag dang / brgya byin dang / drag po dang / me dang / stobs bzang po dang / nyi ma dang / zla ba dang / gnod sbyin dang / grub pa dang / dri za dang / mi 'am ci dang / lho 'phye dang / lha'i mchog dang / rig pa 'dzin pa dang / chus byung la sogs pa gang zhig gzhan yang sum cu rtsa gsum du gnas pa'i lha rnams der 'ongs nas yang dag par dga' bas me tog gis mchod par byed do// pi lang ma dang / gling bu dang / mu kun da dang / tam bu ra dang / dung dang / zangs dung dang / nan di dang / pa Ta ha dang / rdza rdzas nam mkhar gnas te/ des rtag tu mchod par byed do// lha'i bu mo dang / rig pa 'dzin pa'i rgyal po'i bu mo thams cad kyis gar byed pa dang / sil snyan du ma byed pa dang / mi 'am ci dang / gnod sbyin gyis glu len par byed cing gar byed pa dang / de la dga' ba dang bcas pas rgyal ba rgyal ba zhes bya ba'i sgras rtag tu rol par byed pa dang / gang zhig grub pa nam mkhar gnas pa'i lha rnams kyis ni legs so'i rnam pa rab tu gsol bar mdzad do/ gang zhig dga' ldan du gnas pa'i lha'i rab mchog dang / gang zhig lha'i bu'i bu dang / rig pa 'dzin pa dang / 'og min gyi bar du 'ongs nas phyag 'tshal zhing me tog sna tshogs kyi rnam pa dang / dri sna tshogs kyi dri'i char dang / bdug pa sna tshogs kyi khyad par gyis gus pa'i tshul gyis mchod par byed do// gzhan yang khyod la rgyas par bshad pa'i tshul gyis ci zhig dgos te/ bsgrub par bya ba'i bsod nams kyis khams gsum du skyes pa'i mchod pa de rnams kyis mchod par byed do// bcu pa las bde ba chen po'i dngos grub kyi mchod pa dang rim gro zhes bya ba ste rab tu byed pa gnyis pa'o/ / / rig ma'i skyes bu'i grub pa ni// gang du mchi zhing gang du gnas// bdag la the tsom 'di dag ni// bde ba chen pos bshad du gsol// bcom ldan 'das kyis bka' stsal pa/ / rig ma'i skyes bu grub pa ni// gang du yang mi 'gro// gang du'ang mi gnas/ thog ma dang / tha ma dang / dbus dang bral ba/ gnyis su med pa/ gnas gsum du snang ba thams cad du son pa/ thams cad mkhyen pa/ thams cad pa/ thams cad kyi don thams cad sems can thams cad kyi sems la gnas pa/ sdig pa thams cad las rnam par grol ba/ yon tan thams cad kyis brgyan par byas pa/ thams cad dang ldan pa/ zhi ba mnyam pa med pa// rtag tu 'char bar mdzad pa/ mgon po/ skyob pa/ kun tu rtog pa spangs pa/ dbyibs dang kha dog dang bral ba/ rgyal ba'i yang spyod yul ma yin pa/ rgyal po phyed par dka' ba'i phyir rdo rje/ nyon mongs pa'i nye bar gdung ba las grol ba'i phyir zla ba/ dogs pa med pa'i phyir sang ge/ gting dpag par dka' ba'i phyir chu'i phung po'i// de ltar dpe sna tshogs kyis rnal 'byor pa rnams kyis dper bya'o// de nyid gcig pus sems can rnams kyi don byed pa dang / rnam par rtog pa thams cad spangs kyang bltams pa ston pa dang / khab nas mngon par 'byung ba dang / gzhon nu'i rol rtsed mdzad pa dang / rab tu 'byung ba dang / rdo rje gdan gyi sa mnan pa dang / bdud btul ba mnyam pa med pa dang / sangs rgyas pa dang / dam pa'i chos kyi 'khor lo bstan pa dang / lha las babs pa nyams dga' ba dang / shin tu sna tshogs pa'i cho 'phrul dang / glang po che nor skyong 'dul ba dang / skal ba dang ldan pa'i skye bo dag pa gzhug pa dang / phas kyi rgol ba tshar bcad pa dang / bsod nams kyis lhung bzed la ltos pa med pa dang / 'jig rten gsum gyi 'khor lo 'dul ba dang / byang chub sems dpa'i rgyal tshab nyid dang / yongs su mya ngan las 'das pa dang / khams gsum gyi chos kyi rgyal po chen po ste// de ltar rigs kyi bu 'di ltar khyad par du rmi lam lta bur sangs rgyas kyi rol pa mchog tu ston par mdzad de/ gang zhig grub pa sgyu ma'i tshul gyis 'gro ba thams cad kyi don mdzad do// bcu pa las sangs rgyas kyi sgyu ma rnam par mdzad pa zhes bya ba ste rab tu byed pa gsum pa'o/ / // gong du bshang gci khrag dang ni// nya dang sha yi sbyin sreg gi/ lha ni khyod kyis gsungs pa nyid/ / ji ltar ye shes sems dpa' la// mi gtsang bas ni kha bskangs na// sdig pa ji ltar skye mi 'gyur// gal te sdig las ji ltar 'bras// bcom ldan 'das kyis bka' stsal pa/ / mi shes rmongs pa'i sems can gang // ye shes thabs ni rnam par spangs// phyi rol dngos por mngon zhen pas// rtog pa'i dra bas dra bar byas// de yi sdig dang bsod nams kyicha gnyis rnam par rtog par ste/ / 'di rnams chos ni rang bzhin dag/ ma skyes pa dang gnas med cing // sems can ye shes 'phel ba'i phyir// don dam las ni bsod nams nyid// thabs ni sangs rgyas rnams kyis bstan/ / skye ba dang ni spangs med ni// bsod nams min la su zhig zhe na// dper na sems can pha rol 'gro// chu klung chu yis gang ba la// shing dang rtswa ni bsdus nas ni// chu la gzings ni byas nas su// de la 'jus na brgal nas kyang // spangs nas bde bar 'gro bar 'gyur// de ltar 'khor ba'i pha rol tu// chos dang chos min zhon nas ni// bde bas byang chub thob par 'gyur/ / chos dang chos min rnam par spangs// de phyir rtog pa'i dra ba ni// spangs nas zab mo'i chos ni 'phel// de bzhin gshegs pas gsungs pa'i lam// lam rig rnam par rtog mi bya// rnam rtog gti mug chen po ste// 'khor ba'i rgya mtshor lhung byed yin// mi rtog ting 'dzin la gnas pa// mkha' bzhin dri ma med par 'gyur// dbang po gnyis ni mnyam sbyor bas// sku gsung thugs ni 'dus pa yi/ / nga rgyal las ni rgyal ba'i gzugs// rnam pa thams cad yongs su spangs// rnam par shes pa rdzogs pas ni// skye ba 'dir ni ye shes can// bud med dang ni skyes pa'i lus/ las ni du mas bskyed pa ston// mi shes pas kyang mi bya ste// sku yi rdo rje'i dam tshig go/ sems can sna tshogs 'dul ba dang // kun rtog 'dra ba'i rnam rtog gis// sems la smad par mi bya ste// thugs kyi rdo rje'i dam tshig go/ phrag dog nyid kyis ma rangs pas// tshig rtsub la sogs smra mi bya// rna ba bde bar byed pa nyid// gsung gi rdo rje'i dam tshig go/ sha yis khams gnas sangs rgyas ni// rnam snang chen po rtse mor skye// rkang la mi bskyod gnas pa nyid// khrag ni rin chen lta bur ni// nor bu chen pos rnam par brgyan// rus pa la ni 'od dpag med// sems can rnams kyi rigs bcwa/ 'bab// rtsa yi 'ching ba'i tshogs kyis bskor// don yod thub pa rgyal po nyid// khyod la gsang ba nga yis bshad// dam tshig ye shes rig pas bsten// blo ldan thugs kyi rdo rje yis/ / rtag pa ru ni bsgom par bya// 'dod chags zhe sdang gti mug dang // sred pa dang ni 'du byed 'phel// 'di lnga thub pa'i rgyal por gsungs// bshang gci khu ba bad kan dang // khrag dang yongs su 'dzag pa rnams/ / 'byung ba bzhi ni yongs bzung nas// blo yi rdzogs pa yongs bsgoms pas// gang zhig dam tshig bsten par bya// thams cad du ni zos pas 'byung // dper na bud med byis pa yi/ / gtam la rjes smos smra ba yi// 'du ba'i gtam ni brjod pa ste// lam yang 'ching ba med par brjod// de lha'i cho gas rnal 'byor pa'i// legs pa'i lam ni ston pa'o/ / de nas rnal 'byor pa dang / rnal 'byor ma dang / mkha' 'gro dang / mkha' 'gro ma dang / mkha' 'gro bye ba phrag brgyad cu dang / byang chub sems dpa' dang / de bzhin gshegs pa'i dge bdun du ma'i 'khor thams cad dga' zhing / mgu ba'i sems kyis de bzhin gshegs pa thams cad kyi ye shes thams cad thob par gyur to// byang chub sems dpa' sems dpa' chen po rdo rje snying po la sogs pa thams cad dang / lha dang / klu dang / gnod sbyin dang / dri za dang / thams cad dang ldan pa'i 'khor de dag bcom ldan 'das kyis gsungs pa la mngon par dga' 'o// rgyud thams cad kyi gleng gzhi dpal yang dag par sbyor ba las byung ba de kho na nyid thams cad kyi gleng gzhi brtag pa'i rgyal po chen po ste bcu pa rdzogs so// // de nas byang chub sems dpa' sems dpa' chen po rdo rje snying po la sogs pas yang mchod pa byas nas phyag 'tshal te 'di skad ces gsol to/ / thig ler thig le dag gi don// gtan phab yang dag gsal gsungs na/ / bdag gi dbus su rang byung bas// des na rang byung brjod par bya// rang byung zhes bya 'byung chen gyi// don ni rjes su dpag bya'i phyir// 'di ni rang byung bcom ldan 'das// gcig pu nyid ni lhag pa'i lha/ / lhag pa'i lha zhes bya ba ni// gong du gsungs pa'i khams rnams so// de rnams dbus su phul 'byung che// zhes bya gtso bo'i gzugs kyis ni// gsang ba mchog tu dgyes pa na/ / thams cad bdag nyid rtag tu bzhugs// ji ltar bur ni bcom ldan 'das// sangs rgyas kun dang mnyam sbyor ba// mkha' 'gro ma yi dra ba sdom// gzhan du ji ltar rnam pa 'dis// / sdom pa mchog tu phan pa las// gsang ba'i sgras ni yon tan can// gsang ba'ang yon tan du grags// rdo rje can ni yon tan can// 'jig rten mchog dgyes spyod pa spangs// gsang ba'i sgra ni kla klo'i skad/ / phyi rol rjes su btsal bas yang // 'di ni mngon sum shes par bya// rjes dpag yon tan can gyi smras// gang tshe sems ni mi mthong ste// sems zhes bya ba 'di yang ni// yon tan dang ni yon tan gsungs// gsang ba mchog gi dgyes pa na// thams cad bdag nyid rtag tu bzhugs// gsang ba 'di la chos nyid gnas// de la thams cad ba nyid ni/ / de na thams cad rnam par gnas// de gang stong pa'i rdo rje can// sdug dang lhan cig dga' ba'o// gang tshe sems kyi gzugs kyis ni// sngo sogs kha dog mi mthong zhing // rna sogs thos par mi 'gyur ba/ / de tshe sems ni ji lta bur// de tshe rjes dpag ji ltar lags// 'di ni sna yis mi dmigs na// dri bzang dbus su gnas sam ci// sems ni phyi rol mi dmi gas shing // de bzhin nye bar longs spyod med// ro ni mngar dang kha ba min// de bzhin du ni reg bya nyid// gsang ba mchog gi dgyes pa na// thams cad bdag nyid rtag tu bzhugs// gsang ba 'di ni ji lta bur// / rjes su dpag pas bsam par bya// ji ltar yi ge'i dbyings su ni// phyin pa yi ni ye shes nyid// gzhan du bcom ldan sgra ji ltar// lha zhes bya ba ji ltar lags// sangs rgyas kun gyi nges don ci/ / mnyam par sbyor ba ci zhes bgyi// mkha' 'gro ma ni gang gi ming // dra ba ji lta bu zhig lags// sdom pa zhes bya ci zhig bshad// de bzhin spyad par dka' ba nyid// khyod kyis 'dod/ chags med gsungs ci// chags bral med pa de bzhin gzhan// dbu ma zhes bya gang gi ming // bud med kun gyi sgyu ma ci// stong nyid gzugs khams la sogs pa// ci zhig bshad cing mnyam nyid sbyor/ / dang po rnam pa drug 'gyur dang // sna tshogs pad+mar bris sku dang // A li kA li phyag rgya che// de nyid med sems rnal 'byor dang // de nyid bzang po ji ltar lags// rnal 'byor nyid la mnyam gzhag dang / / phyi rol dag kyang yang dag bshad// zla ba nyi ma'i rdzogs sangs rgyas// 'byung ba ji lta bu zhig lags// bris pa dang ni ma bris pa'i// dkyil 'khor ji ltar gzhag par bgyi/ / de bzhin spyugs dang rgyud nyid dang // gsang ba'i gnas ni mi 'tshal zhing // pad+ma bzhin ni khyad par du// bdag dang bdag gi ji ltar lags// de bzhin sems dang sems byung nyid/ / sems kyi ngo bo ye shes gsungs// de bzhin rnam par shes pa nyid// rgyu dang 'bras bu'i dngos po dang // de bzhin chos dang chos can nyid// chu bo'i rgyun ni ci zhes bshad/ / rgya mtsho yang ni khyad par du'o// sna tshogs nyid ni khyod gsungs na// mang po ji ltar 'thob mi 'gyur// rnam shes ye shes khyod kyis gsungs// de bzhin bcud kyis len nyid dang / / g.yon brkyang la sogs ci lags dang // gzhu yis rnam rgyal de bzhin gzhan// gtso dang gtso min sgra ci lags// brtag pa yang ni ci zhig gsungs// byang chub chen po'i chos rnams ni/ / sum cu rtsa bdun nang gi dang // sku la sogs pa de bzhin gzhan// nyan thos rnams kyis khyod gsungs dang // des kyang dgos pa ci zhig mchis// rdo rje sems dpa' bde ba che'i/ / rnam pa'i rnal 'byor gyis ni ci// tshangs pa dbang phyug khyab 'jug kyang // de bzhin gsol ba ci yi don// 'dod pa'i lha ni chung mar bcas// lha mo dka' bzlog gzugs bzang ma/ / gong du skyabs su song ba nyid// gnyis gnyis sbyor ba'i 'dod mdzad pa// 'di ltar sbyor ba'i 'thab mo dang // de la gsang ba ji lta bu// rdo rje can gyis brdzun pa'i tshig/ phyis ni tshig tu smra bar mdzad// sangs rgyas rdo rje sems dpa' yang // tshangs pa khyab 'jug dbang phyug dang // zla ba sngar gsungs gzhan du ni// thams cad bdag nyid rtag tu bzhug 'di ltar rdo rje can zhi bas/ / khro bo'i gzugs can ji ltar lags// chos kyi sku ni ji ltar lags// longs spyod rdzogs pa ci zhig lags// sprul pa rdo rje nyi 'byung dang // he ru ka ni ji ltar gsungs/ / pad+ma gar dbang ji ltar lags// gshin rje yi ni gzugs su 'gyur// de bzhin du ni rta mchog nyid// ji ltar cho gas zhi gsungs dang // lha mo de bzhin khro bo nyid// kla klo khyod kyis bshad pa ni/ / des kyang dgos pa ci zhig mchis// re zhig lha mo rnams kyi tshig/ btu bar byas pa ji ltar lags// sngags kyi smra 'os 'di dag ni// ji ltar rdo rje sems khyod kyis/ / thams cad yang dag rnam par bshod// bcom ldan 'das kyis bka' stsal pa/ 'di skad bdag gis zhes bya ba la sogs pa nas bzung ste/ dang por brtsam par byas nas 'dir yang rjes su 'byung ste/ rigs kyi bu yang brjod par bya'o// gsang ba'i sgras ni bdun gyi rnam pa ste bdun pa zhes bya ba'i don to// brgyad pa ni brjod du med pa'i mtshan nyid do// gsang ba zhes bya ba'i sgras ni sems dang sems las byung ba gnyis su med pa ste/ de bzhin gshegs pa nyid du gsungs so// de bzhin nyid ni ro gcig pa nyid ngo bo gcig pas der gsang bar byung ba'i phyir gsang ba ste/ nam mkha' thams cad du khyab par 'gro ba ni bcom ldan 'das kyi tshad de/ dpal rdo rje sems dpa'i ye shes kyi phyag rgya la sogs pa dang / rdo rje'i lha mo dang ldan pa ni gnas so// kye bcom ldan 'das khyad par 'phags pa'i gnas gang lags/ bcom ldan 'das kyis bka' stsal pa/ mchog ces bya ba ni khyad par du 'phags pa ste/ ye shes dam pa'i yul lo// dgyes pa na zhes bya ba ni nyams dga' ba na ste/ dpe thams cad dang bral ba'o// spyan la sogs pa dang yang dag par sbyor bas dga' bar byed pas nyams dga' bar byed pa'i phyir dgyes pa na'o// dpal rdo rje sems dpa'i sbyor ba dang / lha mo thams cad dang mnyam par 'gro bas nam mkha'i khams kyi mthar gtugs par lha mo thams cad kyi bde ba chen por sbyor ba thams cad kyi bde ba dang ldan pa 'di las byung ba'i stobs ni gzhal du med pa ste/ phan tshun du rab tu rangs par dga' bar byed cing / skyes bu rnams dang de rnams kyi dga' ba ni dgyes pa na'o// thams cad bdag nyid ces bya ba ni thams cad rnams kyi bdag nyid de/ rigs kyi bu de ltar bcom ldan 'das kyis gnas gang sngar gsungs pa'o// de'i phyir de bzhin gshegs pa thams cad kyi bdag nyid du gsungs te/ thams cad bdag nyid kyis ni de dag gsungs so// de ltar gyur pas thams cad bdag nyid ces bya ba'i 'dis gnas phun sum tshogs pa gsungs so// ji ltar gsungs pa'i gnas su so sor skyed pa'i rang bzhin gyis ji snyed btsun mo'i 'khor gyi dbus su rtag tu bzhugs so zhes gsungs so/ / sangs rgyas dang kun 'di ni sangs rgyas kun te/ 'jig rten gyi khams thams cad kyi rdul phra rab dang mnyam pa'o/ / rtag pa la sogs pa de rnams kyis byas pa'i phyir ram/ rang bzhin gyi phyir gnas ni sangs rgyas kun dngos zhes bya ba ste/ rgyu 'am rang bzhin la dngos po'o/ / sems dpa' ni sems can gyi don la nus pa'i phyir ro// rdo rje ni thabs dang shes rab kyi ye shes kyi rang bzhin gyi phyir ro// sems dpa' ni rnam par rtog pa thams cad kyis mi bskyod pa'i phyir ro/ / bde ba ni sngar gsungs pa'i dga' ba'i sbyor ba las shin tu ldan par zhi ba'i yid kyi rang bzhin gyi phyir ro// mchog ni khyad par du 'phags pa ste/ bde ba'i go 'phang 'di nan gyis se ma dpa' 'di rnam gyi don dam pa'i phun sum chog pa gsung so/ / 'on kyang sangs rgyas kun dang mnyam sbyor ba// mkha' 'gro ma yi dra ba'i sdom// zhes bya ba ma 'dod pa'i phyir ro// 'on kyang gzhan nagyi lha nyid du brjod par bya zhe na/ dogs pa bsu nas bka' stsal pa/ 'di ni zhes bya ba ni gang de skad du rigs kyi bu da ni gsungs pa de nyid/ sangs rgyas kun dang mnyam sbyor ba// mkha' 'gro ma yi dra ba'i sdom/ / zhes bya ba'i don to// lha mo thams cad kyis yongs su bskor cing dpal rdo rje sems dpa'i bdag nyid kyi rnal 'byor rdzogs pa ni skal ba bzang ba ste/ rang gi bdag nyid kyi sgrub pa shin tu sbyor ba de nyid mchog tu 'dod pa dang ldan pa'o/ / skyes bu med pa'i gar mkhan rang gi btsun mo'i 'khor gyi nang du gnas pa'i phyir shin tu don la rnam par mi g.yeng bas lha mo rnams dang yang dag par sbyor ba'i bde ba myang bar bya'o/ / yang dag par sbyor ba ni rnal 'byor te zhes pa'o// brtan pa/ rtag pa/ mchog tu'ang yid srub pa'o// yang na brtan pa ni rnam par rtog pa'i rlung gis mi g.yo ba'i phyir ro/ / gzhan yang mtha'i mthar ji srid gnas pa'i phyir rtag pa'o// mchog tu yid srub pa ni lha mo thams cad kyi bde ba rjes su myong ba'i phyir ro// brtan pa dang / rtag pa dang / mchog tu yid srub pa 'di ni brtan pa dang / rtag pa dang / mchog tu yid srub pa'o// sangs rgyas kun ces bya ba ni gzugs dang / sgra dang / dri dang / ro dang / reg bya ste/ yul gyi rang bzhin rnams so// rang gi bsod nams kyi tshogs kyi rgyu mthun pas ci zhig byed ce na/ 'di ni rang gi longs spyod dang de rnams za bar byed do// gzhan du na ni tha dad pa'i dngos po la rang gis nye bar longs spyod pa nyid ma yin no/ / ye shes kyi rang bzhin so sor skyes pa ni rgyal ba rnams kyis kyang shin tu mi spong ste/ rnam pa sna tshogs pa'i rim pa'i sbyor ba'i 'dod chags kyi spyod pa la sogs pa'i rang bzhin las gang zhig 'dod chags la spyod pa de rnams ni rdo rje sems dpa'i cho ga 'dod pa'o/ / gang zhig rang bzhin bzang po de rnams ni rnam par snang mdzad kyi dngos grub 'dod pa'o/ / de ltar zhe sdang dang / 'dod chags dang / ser sna dang / le lo la spyod pa rnams kyis he ru ka dang / pad+ma gar gyi dbang phyug dang / rdo rje nyi ma dang / rta mchog gi cho ga 'dod par 'gyur ro// rigs kyi bu de lta de ltar 'dod chags la spyod pa la sogs pa mi mthun pa'i phyogs kyis ji ltar dpal rdo rje sems dpa' la sogs pa bskyed par 'gyur ba de bskyed nas/ tshogs kyi dkyil 'khor rnal 'byor las bskyed de/ rnal 'byor gyi gtam gyis slob ma 'dul bar byed do// gtam ni brjod pa'o// bcom ldan 'das gtam ji lta bu lags/ bcom ldan 'das kyis bka' stsal pa/ gsang ba zhes bya ba la sogs pa'i gtam brjod pa ste/ kun rdzob kyi bden pa'i rang bzhin du byas pa'o// dpal rdo rje sems dpa'i chos kyi sku'i rgyu mthun pa nyid kyi ngo bo nyid kyi sku'i rang bzhin la nye bar spyod pa'i phyir dpal rdo rje sems dpa' la sogs pa bskyed pa'o/ / rang bzhin brjod par bya ste/ brtan pa zhes bya ba ni chos ri rab ltar brtan pa'o// dper na ri rab rlung gis bzlog par dka' zhing rab tu gtum pas kyang / rab tu bskyod par mi nus so// de bzhin du bcom ldan 'das dpal rdo rje sems dpa' 'di ni 'dod chags la sogs pa'i nyon mongs ba dang / nye ba'i nyon mongs pa dang / mu stegs can ngan pa'i rgol ba rab tu gtum zhing rab tu 'joms pas rang lhag par 'gro zhing bskyod par mi nus so// dur khrod du bzhugs pas kyang sems can thams cad kyi rgyud du rgyu zhing rnam par dag pa'i sems chos kyi sgo du mar rjes su 'khor zhing / lhan cig tu bcom ldan 'das 'khor bar bzhugs pa'o// brtan pa zhes bya ba ni gnas pa'i phyogs so/ / g.yo ba zhes bya ba 'di ni sems can gyi rgyud la bzung ste/ de rnams ni bcom ldan 'das kyis shes par bya'o// ji ltar rnam par dag pa'i bdag nyid de rnams nyid gzhan dang rnam pa gcig pa'i ngo bo ste/ de bzhin nyid kyi phyir bcom ldan 'das 'di ni de bzhin gshegs pa thams cad kyi thugs rnams la bzhugs so// sems can nyid kyang de bzhin gshegs pa thams cad de/ dngos po'i don dam pa la gnas pas de bzhin gshegs pa zhes gsungs so// g.yo ba ni spre'u lta bu ste/ gang zhig sems can thams cad kyi sems brtan pa'i phyir sems dpa' zhes gsungs so/ / 'dzin pa'i phyir ting nge 'dzin te/ nges par 'byed pas rdo rje nyid du 'gyur ro// de'i phyir sems kho na g.yo ba nyid du gsungs shing phyi la sogs pas ma yin te/ de rnams ni gcig dang du mas dngos po med pa'i phyir ro/ / thams cad ces bya ba ni na lus pa'o// dngos po zhes bya ba ni gnas kyi don to// srid pa zhes bya ba ni skye ba'o// brtan pa dang g.yo ba zhes bya ba ni brtan pa dang g.yo ba'o/ / dngos po dang thams cad 'di ni dngos po thams cad de/ de ni brtan pa dang / g.yo ba dang / g.yo ba thams cad dngos po'i dang srid pa'o// brtan pa dang g.yo ba'i dngos po thams cad kyi rang bzhin ni gang gi thams cad kyi bdag nyid kyi rang bzhin 'di ni brtan pa dang g.yo ba'i dngos po thams cad kyi bdag nyid can de/ / de nyid kyi phyir bcom ldan 'das rdo rje can gyis rdo rje 'di bka' stsal to/ / rdo rje sems dpa'i thugs kyi chos nyid kyis brtan pa dang g.yo ba'i dngos po thams cad kyi bdag nyid de/ 'dis 'di dag brjod par 'gyur ba'i chos kyi dbyings rnam par dag pa dang / me long lta bu la sogs pas bsdus par 'gyur ba rtag pa dang / mi bskyod pa la sogs pa'i sangs rgyas lnga po thams cad kyi phun sum tshogs pa bsdus par gyur pa'o// kun gyi sgras ni yongs su zhes bya bar bzung ngo // mnyam par sbyor ba ni 'du ba'o// gang du zhe na/ gsang bar te/ thams cad kyi chos kyi 'byung gnas kyi bdag nyid du yin gyi/ gzhan du ni ma yin no/ / gang dang lhan cig ce na/ bcom ldan 'das rdo rje sems dpa' dang ste/ de dang yang dag pa'i rang gi ngo bos sprul pa la sogs pa'i yan lag dgu yis so// 'on kyang longs spyod rdzogs pa can du mdzad pa'i sku gcig gis thams cad nas de'i bdag nyid kyi chu dang 'o ma lta bur 'ong ba yongs su 'dzin to/ / de nas dkyil 'khor chen po'i rnal 'byor gyis phyi dang nang / gi dngos po thams cad kyi nang du de kho na skad cig gis ji ltar sangs rgyas thams cad kyis mdzes pa ltar rtogs shing shes so// de bas na sangs rgyas thams cad dang / de las gzhan pa rnams kyi lhan cig yang dag par sbyor ba ni sangs rgyas thams cad mnyam par sbyor ba'o/ / mnyam pa'i dus ni dbyer med pa'i dus te/ sbyor ba'i gnas kyis thams cad kyi des sems tsam du snyoms par zhugs pas gcig tu gyur pa'i dngos pos phan tshun du bsdus pas dngos po thams cad kyi rang bzhin gyis thams cad du 'gro ba'i phyir sangs rgyas thams cad mnyam par sbyor ba zhes gsungs so/ / de bas na sangs rgyas thams cad dang mnyam par sbyor bas ni phyogs bcu'i nam mkhar 'gro ba yang dag par mthong ba 'di ni sangs rgyas thams cad dang mnyam par sbyor ba'i mkha' 'gro mar gsungs so/ / dra ba'i sgras kyang sgyu ma'i rnam grangs su blta ste/ shing la sogs pa rnams las sgyu ma'i rnam par sprul pa'i rnam pa glang po che la sogs pa lhar mi bskyod pa la sogs pa'i de bzhin gshegs pa rnams las bud med kyis 'dul ba'i sems can mi rnams spang ba'i phyir ro/ / dkar mo la sogs pa'i rdo rje lha mo'i gzugs la reg pa'i phyir 'di nyid gyur pas sangs rgyas thams cad dang mnyam par sbyor ba'i sgyu ma'i mtshan nyid kyis gang zhig zag pa med pa'i bde bas yid zhi ba'i de bzhin gshegs pa mang por 'gyur ro/ / de nas sdom pa'i sgras brjod par bya ste/ saM zhes bya ba ni bde ba'o// ba ra zhes bya ba ni khyad par du 'phags pa zhes bya ba'i don to/ / bud med kun ni gong du gsungs so// sgyu ma'ang ji skad du gsungs pa ste/ sgyu mas sgyu ma'i rang bzhin des zhes bya ba'i don to// de'ang rang bzhin gyis grub par te grub pa rdzogs pa'o/ / ji ltar rang gi ngo bo yongs su bsgyur bas she na/ rang rnams dang de rnams kyi gzugs can ni rang gi gzugs can te/ kun gzhi dang / nyon mongs pa can dang yid dang / mig dang / rna ba dang sna dang / lce dang / lus kyi rnam par shes pa de rnam yongs su gyur pa ni rang gi ngo bo yongs su gyur pa'o// bdag med pa'i ting nge 'dzin gyi sgom pas me long lta bu dang / mnyam pa nyid dang / so sor rtog pa dang / bya ba na tan gyi rang bzhin la gnas nas ldog par 'gyur ba zhes bya ba'i don to/ / gang gi phyir rang gi ngo bo yongs su gyur pas bud med thams cad kyi sgyu ma'i rang bzhin gyis dngos grub yin te/ de'i phyir rnyed pa kun gyi bde spro bas/ / bud med thams cad 'grub par 'gyur// zhes bya ba yin no// sna tshogs dang sgyu ma ni sna tshogs sgyu ma ste/ kha dog dang dbyibs sna tshogs pa las lha mo thams cad la sogs pa'i gzugs can no/ / de'i sna tshogs sgyu ma'i phyag rgya 'di bzung nas blo la gzhag par byas nas 'di skad bka' stsal pa/ mkha' 'gro ma bcom ldan 'das rdo rje sems dpa' nyid kyi btsun mo'i 'khor gyi nang du son pa phyogs bcu'i nam mkhar gang zhig 'gro ba 'di ni sgyu ma sna tshogs kyi phyag rgya zhes bya ba'i don to/ / 'jig rten dang 'jig rten las 'das pa thams cad kyi bstan bcos kyi nang du rab tu grags pa mi gsal ba'i skad kyis rang gi brdar byas pa zhes bya ba'i don to/ / mkha' 'gro ma la sogs pa 'di ni mdor bsdus nas gsungs pa yin no// gang gi phyir bud med thams cad ni bcom ldan 'das kyi rdo rje lha mo'o/ / 'khor ba'i byed pa'i kun gzhi rnam par shes pa la sogs pa rnam pa brgyad la gnas nas ldog pa'i mtshan nyid kyis me long lta bu dang / mnyam pa nyid dang / so sor rtog pa dang / bya ba nan tan gyi ye shes kyi sgyu ma'i rang bzhin gyis grub pa'o// de'i me long lta bu'i ye shes la sogs pa ni sna tshogs sgyu ma'i rang gi ngo bo ste/ de rnams kyi sku mas nam mkhar 'gro ba'i bya ba de ni gzugs sna tshogs su gyur te/ de'i phyir sna tshogs sgyu ma'i phyag rgya 'di ni mkha' 'gro ma zhes bya bar brjod par bya'o// kla klos de rnams kyi nam mkhar 'gro ba 'ba' zhig gis bya ba ni mkha' 'gro mar brjod pa ma yin te/ 'di skad du nam mkha' kun tu spyod grub pa// mkha' 'gro ma zhes rab tu grags// zhes de de'i phyir bshad do// kun las shes bya ba ni phyogs bcu'o// sna tshogs dang de'i phyag rgya ni sna tshogs phyag rgya ste/ spyan la sogs pa'i phyag rgya'o// gzugs brnyan gyi rnal 'byor gyis sems can gyi khams la phyag rgyas 'debs pa'i phyir des na phyag rgya zhes brjod do/ / sna tshogs zhes bya ba ni thams cad kyi rang bzhin nam/ dpal rdo rje sems dpa'i thams cad dang / phyag rgya ni / sna tshogs kyi phyag rgya'o// kun las sna tshogs sdom pa yis// zhes bya ba ni rnam pa sna tshogs pa ste/ bde ba'i mchog gi sa nam mkha' kun tu 'gro ba'i ngo bo ni mkha' 'gro ma'o// sangs rgyas skad dbyings zhes bya ni sangs rgyas dpal rnam par snang mdzad la gnas nas mngon par ldog pa'i rgyu rnams ni de'i rang bzhin gyi khams rnams te/ de bzhin gshegs pa thams cad kyi sku dang / gsung dang / thugs kyi rang bzhin gyi khams rnams ni sangs rgyas kyi skad kyi dbyings kyi sgras brjod do// ji ltar dpal rdo rje sems dpa' la gnas na sa mngon par ldog pa'i rgyu rnams ni de'i rang bzhin gyi kham rnams te/ mkha' 'gro ma'i sgras nam mkha' la 'gro ba'i rang bzhin du bstan to// de bzhin du rnam par snang mdzad dang / mi bskyod pa dang / rin chen bdag po dang / 'od dpag tu med pa dang / don yod grub pa'i khams rnams su blta bar bya'o// sangs rgyas kun gyi mkha' 'gro ma zhes bya ba ni bcom ldan 'das rdo rje sems dpab la spyan la sogs pas yongs su bskor ba'i nam mkha' la 'gro ba thams cad rdo rje sems dpa' bdag nyid kyi mkha' 'gro ma dang / de skad du dpal he ru ka la dkar mo la sogs pas yongs su bskor ba'i nam mkha' la 'gro ba thams cad he ru ka'i bdag nyid kyi mkha' 'gro ma dang / de skad du bdag med ma'i rnal 'byor dang ldan pa la rdo rje ma la sogs pas yongs su bskor ba'i nam mkha' la 'gro ba thams cad bdag med ma'i bdag nyid kyi mkha' 'gro ma dang / de skad du ye shes dang ldan pa la rdo rje mkha' 'gro ma la sogs pas yongs su bskor ba'i nam mkha' la 'gro ba thams cad kyi ye shes kyi bdag nyid can gyi mkha' 'gro ma dang / de ltar sgrol ma dang lhan cig pad+ma can dang / pad+ma'i 'khor lo dang / gshin rje'i rgyal po dang / de skad du rta mchog dang / de bzhin du 'jig rten gsum las rnam par rgyal ba nyid dang / gzhan yang yid la 'dod pa'ang rigs kyi rab tu dbye bas phye ba la mkha' 'gro mas de bzhin du yongs su bskor ba nyid du brjod do/ / de skad du sangs rgyas kun gyi mkha' 'gro ma rnams bstan nas/ sdom pa b shad par bya ba'i phyir bde ba zhes bya ba ni gang zhig bcom ldan 'das dpal rdo rje sems dpa'i ye shes kyi phyag rgya dang lhan cig mnyam par spor bas gang zhig shin tu bde ba dang ldan par skyed par byed do/ / de las cir 'gyur zhe na/ mchog ni khyad par du 'phags pa ste/ bde ba thams cad kyi thabs phul du byung ba'i phyir ro// de nyid kyi phyir sgyu ma thams cad kyi rab tu sbyor ba ste/ de'ang gzhan du nyan thos dang rang sangs rgyas dang mnyam par sbyor bas ni ma yin no zhes bya ba'i don to// sangs rgyas thams cad dang mnyam par sbyor ba mkha' 'gro ma'i dra ba'i rab tu sbyor ba nyid kyis gang zhig bde ba skyed pa de nyid kyi phyir saM kyi sgrar brjod do/ / de'i phyir de'i rgyus gang zhig bde ba mchog khyad par du 'phags pa skyed par byed pa de nyan thos dang rang sangs rgyas kyis yongs su mya ngan las 'das pa de'i rnam par dag pa sgyu ma lta bu'i chos rnams thams cad rtogs pas snying rje chen po skye'o/ / stong min zhes bya ba ni khams gsum dang / 'dod pa kun tu spyod pa'i yang dag pa ma yin par kun brtags pa'i dngos po yin pa'i phyir der yang yang dag pa ma yin par kun brtags pa stong pa ma yin pas dngos po yin pa'i phyir ro/ / stong pa min pa'ang min zhes bya/ ba ni don dam par gzung ba dang 'dzin pa'i rnam par rtog pa'i dngos po med pa ste/ gang gi ye shes kyis gzung ba dang 'dzin pa'i dngos po med pa mngon sum du byas pa de'i ye shes kyang rnam par rtog pa'i spyod yul ma yin pa'i phyir dmigs par mi 'gyur te/ de nyid kyi phyir de skad du yang dag pa'i ye shes kyi dbu mar rtogs par bya'o// zhes bya ba'i don to// de yang shes rab pha rol phyin sbyor babazhes gsungs te/ de nyid kyi thabs te snying rje chen po dang ldan pa'i phyir ro// sangs rgyas bcom ldan 'das kyi snying rje'i bdag nyid kyi dmigs pa ni snying rje'i rang bzhin gyis te/ de nas mdze/ pa'i snying rje thabs zhes bya ba ni shin tu snying rje yang mdzes pa'i snying rje ste/ btang snyoms kyis dmigs pa med pa'i snying rje chen po'o// de nyid thabs te gang shin tu snying rje dang ldan pa'i thabs 'di ni mi gnas pa'i mya ngan las 'das pa'i rang bzhin te/ dpal rnam par snang mdzad do// cir gyur pas she na/ chos dag byung zhes bya bar sbyar ro// ji ltar shes rab kyi pha rol tu phyin par yang dag gsal zhe na/ shes rab ces bya ba ni chos rnams sgyu ma lta bur rab tu rnam par 'byed pa'i rnam par brtag par bya ste/ de nyid bdag gi phun sum tshogs pa'o// pha rol tu phyin pa zhes bya ba ni son pa ston pa ste/ shes rab pha rol phyin gsal ba zhe'o// gang gis she na/ rnam rtog med par lhag mos zhes so// ci mdzad ce na/ brtags par ni sngon du bdag po'i nus pa las zhes bya bar dgongs pa'o/ / ci brtags she na/ brtags pa kun gyis zhes bya ba ni gzugs la sogs pa rang dbang du sgyu ma lta bu'i ngo bo'o// ci'i mtshan nyid rnams las she na/ rnam rtog med pa'i chos rnams la// sems can don ni yongs su brtags// zhes pa ni snying rje'i dbang gis sems can gyi don gyi rgyur brtags pa'o// de brtags pas cir 'gyur zhe na/ sgra brnyan lta bur mnyam pa nyid ces bya ba la/ sgra brnyan zhes bya ba ni brag cha'i sgra'o// de dbyangs mchog dang mnyam zhing mnyam par dbyangs kyi rjes su 'gro ba dang / sgra rnam par rtog pa'i ngo bo dang / shes rab kyi pha rol tu phyin pas de sgra brnyan lta bur mnyam pa nyid de de ltar gyur pas brtag go// de ci zhe na/ de nas 'di ni chos ngag byung zhes bya ba ni/ de nas de'i phyir chos las chos kyi don gyi nges pa'i tshig so sor snang ba so sor rig pa ni brtags pa'i ngo bo ste/ de nyid kyi phyir 'di ni dpal rnam par snang mdzad la sogs pa'i dam tshig gsum gsal bar byed pa'o/ / ngag gi chos ni ngag gi dbyangs zhes bya ba'i don to// de de ltar gyur pa ni ngag 'byed pa ste/ ngag gi 'di ni de'i de bzhin brjod do// de yang dag pa ma yin pa las grub pa ni chos ngag las grub pa'i phyir ro/ / theg pa dang chen po de ni theg pa chen po ste/ byang chub sems dpa'i lam 'bras bu dang bcos pa'o// chen po rnam pa bdun du sbyor ba'i phyir shes rab kyi pha rol tu phyin pa la sogs pa'i mdo sde dag tu grub bo/ / de'i phyir ches khyad par du 'phags pa rdo rje'i theg pa theg pa chen po ni skye ba 'dir sangs rgyas la sogs pa rab tu sgrub par byed pa'i phyir de'i yon tan dam par gyur pa stobs dang mi 'jigs pa la sogs pa ste/ de rnams kyi tshogs ni rgyas pa ste/ de rnams yon tan dam par gyur pas so// dus gsum ni 'das pa dang / ma 'ongs pa dang // da ltar ro// dam tshig gsum zhes bya ba ni sku dang / gsung dang / thugs kyi rang bzhin thams cad do// de bzhin gshegs thams cad ni rnam par snang mdzad la sogs pa'o// bstod pa ji lta bu zhe na/ rnam par rtog pa med pa'i lhag par 'gro bas gzugs brnyan la sogs pa'i rig pas de bzhin gshegs pa thams cad kyis bstod do// gang gi phyir brtan pa dang g.yo ba la sogs pa ma lus pa la stong pa nyid kyi rang bzhin gyis khyab cing brtan pa dang g.yo ba la sogs pa des khyab pas khams gsum rnam par rig pa tsam ste/ de'i phyir sdom pa la sogs pa rnams la lha'i rnal 'byor du gsungs so/ / bcom ldan 'das gal te ci'i slad du de'i rang bzhin thams cad de'i rnam pas 'jig rten pas de rtogs par mi 'gyur ba lags/ bcom ldan 'das kyis bka' stsal pa/ gang gi phyir zhes bya ba ni gtan tshigs so// thams cad bdag nyid ces bya ba ni thams cad kyi dngos pos so// bdag nyid kyi zhes bya ba ni rang gi'o// rnam shes phung por zhes bya ba ni gang zhig rnam par shes pa'i lus la'o/ / gnas pa ni rang rig pa'i sems kyi ngo bo ste/ de'i phyir rmongs pa ni gti mug go/ skyes bu tha ma ni rig pa can la sogs pa'o// rtogs mi nus zhes bya ba ni rmongs pa dang bcas pas mi shes so/ / bcom ldan 'das gal te de mi 'tshal na ji ltar de rnams kyi de kho na 'tshal ba lags/ bka' stsal pa/ sems dang sems byung sems tshul bdag ces bya ba ni sems can gyi sems kyi ngo bo'o/ / sems zhes bya ba ni thams cad du dngos po'i rang bzhin dge ba'i phung po la sogs pa rig par byed pa'i bdag nyid can gyi 'tshe ba'o// ye shes kyi bdag nyid ces bya ba ni thams cad du 'gro ba ste/ de la khyab 'jug gi ye shes kyi bdag nyid skyes bu'o// shes bya'i rang bzhin can zhes bya ba ni shed bu dang / shed las skyes pa dang / tshor ba po dang / byed pa po dang / gnas kyi don dang / rang gi ngo bo can dang / byed pa po nyid do// dbang phyug tu smra ba rnams ni chos rnams kyi byed par dbang phyug 'dod do zhes zer ro/ / chos can dngos po de nyid ces bya ba de nyid ces bya ba ni de nyid zhi ba'i grub pa'i mtha' las bsod nams la sogs pa'i chos rnams kyi byed pa po'am/ chos kyi ngo khor dbang phyug chen por 'dod de/ de rab tu bstan pa'i don du 'dir rjes su 'gro ba dang ldog par gsungs pa dang / gcig dang du ma dag dang / bsgrub par bya ba dag dang / chos can dag dang // gtan tshigs dang / dpe dag bka' stsal pa/ chos rnams kyi zhes bya ba la sogs pa dang / du mas zhes bya ba ni gal te du ma nyid bsgrub par bya ba'i rgyur brjod na du ma nyid mi skyed pa'i phyir ro/ / 'dis gcig pa nyid bsgrub par bya ba'i phyir brjod pas chu bo dang rgya mtsho'i gnas kyis gnyis kyi'ang dpe brjod do// 'dis gcig dang du ma dag gis bsgrub pa'i phyir dper brjod par bya ste/ de la re zhig du ma'i chos rnams kyi mthar brjod pa'i sems la sogs pa'i dngos po du ma ni mang po nyid de/ gang gi phyir gcig las logs pa rnam pa sna tshogs pa'i rim pa 'dis chos ni dums ni zhes pas ni rgyus thams cad mu stegs pa'i sems la sogs pa'i rnam pa du mar 'dod do/ / ci bcom ldan 'das dmigs pa lags sam/ bka' stsal pa/ chu bo'i rgyun ni zhes bya ba'i sgras ni nyan thos so/ / rgya mtsho zhes bya ba ni rol mtsho las phyi rol du ji ltar chu bo shI tA dang / sin d+hu dang / gang+gA la sogs pa'i chu bo'i rgyun 'bab cing rab tu 'khor ba 'di ni sin d+hu'i chu bo'o/ / 'di ni gang+gA'i chu bo zhes sna tshogs nyid du dmigs par 'gyur ro// de bzhin du zab cing gting dpag dka' ba'i chos kyi dbyings las phyi rol du gyur pa'i mu stegs can rnams kyi bdag dang / 'tshe ba dang / skyes bu dang / gang zag ces bya ba sna tshogs nyid do// bcom ldan 'das ci 'dir de kho na nyid du ma'i rnam pa nyid du lags sam/ bka' stsal pa ma yin no/ / gang zhig 'dir de kho na ni gcig tu mngon par 'dod de/ de kho na nyid de'i ngo bo gcig par gsungs pa nyid do// gang gi phyir gcig dang mang po nyid do zhes bya ba la sogs pa las mang po nyid ces bya ba ni de rnams kyi sems la sogs pa gang zhig du ma rnam pa sna tshogs pa de ni dam pas dmigs par mi 'gyur zhing rigs pas rtogs par mi 'gyur ro/ / gang gi phyir du ma nyid ni gcig la 'jug pa ste/ dper na chu bo rnams kyi du ma nyid rgya mtshor 'jug pa ltar/ sems dang bdag la sogs pa la yod do zhes bya bar rig pas rtogs par mi 'gyur zhing rigs yod pa dang ldan du zin kyang sems la sogs pa gang gi tshe chos thams cad bdag med par zhugs pa de'i tshe'ang / de rnams kyi sna tshogs nyid mi 'dod do// dper na rgya mtsho la chu bo du ma nyid zhugs pa'i so sor snang ba'i dngos po med do/ / de bzhin du du ma nyid kyi dngos po med pa'i phyir/ de kho na nyid gcig pa'i rnam pa nyid du rtogs pa'i phyir ro// de lta bu'i rnam pas gang de las de kho na nyid par 'gyur ba lags/ bka' stsal pa/ bla ma'i zhal las zhes bya ba la bla ma ni sngags dang / rgyud dang / man ngag can te/ gang zhig tshig gis man ngag rnyed par 'gyur ro/ / de'i man ngag nges par bstan par bka' stsal pa/ nang gi zhes bya ba ni rtswa'i mdzes pa'i spyi bor ji lta bu'i gzugs kyis rnam par gnas pa dang / nam mkha' lnga yis brgyan par byas pa'o/ / gsang ba'i pad+ma ni gsang ba'i gnas zhes gsungs te/ pad+ma'i lte bar rtsa mdzes pa'i spyi bo'i phyogs su khrag dang / khu ba dang / gci ba 'dzin pa'i rtsa lnga yis mdze pa'i spyi bo'i nam mkha'i gnas su'o/ / yang na chu dang / me dang / dbang chen dang / rlung dang / bsil ba dang / tsha ba dang gnyis kyi tsha ba'i mtshan nyid dang / 'dod chags kyi dkyil 'kho gyi nang du zhugs pas nam mkha' lnga po 'di rnams kyis brgyan par byas pa ste/ pad+ma 'ba' zhig gis brgyan pa ni ma yin no// zhes bka' stsal to// gsang ba zhes bya ba ni don rnam pa bdun te/ brgyad pa ni brjod du med pa'i mtshan nyid do// gsang ba zhes bya ba ni mi gsal ba'o// der gsang ba de nyid phyogs yin te/ de kho na nyid mdor bstan pa'o// gsang ba ni sa bon lnga'o/ / gsang ba ni dam pa'i dngos po sbas pa'o// gsang ba ni gsang ba'i pad+ma'o// gsang ba ni lte ba'i dga' ba'o// gsang ba ni thams cad du 'gro ba'o// gsang ba ni bde ba thams cad mtha' yas pa ste/ rgyud kyi gzhung gis bshad do// gsang ba yang ni byang chub sems// gnyis pa thabs dang shes rab nyid// gsum pa yang ni snying rje ste// bzhi pa snying po dam pa nyid/ / lnga pa mnyam pa nyid du gsungs// drug pa la ni byams pa nyid// bdun pa chos nyid ye shes te// 'di rnams gnas su kun tu bzhugs// byang chub sa mA ni ma skyes pa// ting 'dzin rnam pa sna tshogs mchog/ ming ni mdzes phyir rnam par bshad// rdo rje sems dpa'i dga' ma de// mang po'i gnas su gcig tu ste// de ni shes rab pha rol phyin// kun mkhyen kun 'gro thams cad pa/ / phra snying gsang ba'i kha nang 'gro// sgyu ma'i gzugs brgya rig pa'i phyir// sangs rgyas kun gyis 'chad par byed// me long la sogs bsgom pa yis// sngags ni lnga po yang dag bshad// shes rab pha rol phyin par gsungs// yi ge dang po gcig gyur pa// me long la sogs bde gshegs lnga// drug pa dpal ldan bde chen po// de yi yang ni ye shes gzhan// drug pa steng du grags pa med/ / rgyud ni 'bum phrag ched du ni// drug pa yod par ma gsungs so// rdo rje sems dpa' lta bu nyid// mi yi 'jig rten yod ma yin// de phyir nga yis khyod la bshad// 'di nyid kyi/ ni nang son pas// gnyis med mnyam pa nyid du gang // sngon dang phyi mar bcom ldan 'das// dpal ldan rdo rje sems dpas gsungs// 'di la slob dpon gyis thams cad du 'gro ba'i ye shes ji lta bu lags/ thams cad bdag nyid rtag tu bzhugs// gnas ni rnam pa bzhi ru gsungs// bzhi ni cha dang yang dag ldan// pad+ma bzhi la rnam par gnas// spyi bo med snying pad+ma gar+tha/ kha yi pad+ma'i spyi bor gnas// lte ba'i pad+mar gnas pa'i sgra// sgra mthar gsang ba'i pad+mar ni// 'gro dang rjes su 'ong bar byed// thig le'i sbyor ba sa rab tu bskor// kha dog gnag dang dmar ba dang // mdog dkar de bzhin ser ba nyid// cha ni bcom ldan thig le'i gzugs// cha ni shes rab cha zhes gsungs// lha mo sgra ni des nges bstan// gang de rig ma sgyu ma che// sna tshogs gzugs can mtha' yas ma/ / 'byin cing sdug dang 'jigs dang chags// thig le'i sgra ni yongs su bskor// chos kyi phung po brgyad khri dang // bzhi stong gi ni cho gas ni// lus kyi de nyid mi shes pas/ de dag thams cad 'bras bu med// yig 'bru rnams kyi dang po a// stan ni g.yo ba rnams la gnas// snying rje chen po reg 'byung // kha ni 'og tu nam mkha' byed// thog ma tha ma med pa'i lha/ / de yi spyi bo nges par bstan// mchog gi de nyid 'di dag ni// lha mo nga yis rab tu phye// 'di nyid las ni thams cad 'byung // chos kyi dbyings ni thu du brjod// skye gnas dbus su rnam par gnas/ / mthar ni swA hA zhes bya'i phyir// bsdus nas zhes ni rnam par brjod// rus pa rkang dang khu ba nyid// pha las skyes pa gsum du gsungs// pags pa dang ni sha dang khrag ma las skyes par gsum du grags/ / 'di dag tsam du gsungs pa rnams// gong bu rnams ni bsdus pa nyid// gzugs dang tshor ba 'du shes dang // 'du byed dang ni rnam shes nyid// sangs rgyas lnga yi gzugs brnyan dngos/ / phung po dag ces bsgrags par bya// gzugs dang sgra dang dri dang ni// ro dang yang ni reg bya nyid// chos kyi khams zhes rnam par bshad// khams rnams dang ni skye mched rnams/ / 'di rnams las ni byung ba yi// khu ba las ni gong bu skye// gong bu las ni mi rnams 'byung // yid ni nam mkha'i khams kun tu// skye mched dang ni khams rnams dang // dang po phung po 'byung ba dang / / khams rnams las ni byung ba yi// dkyil 'khor lus su gsungs pa ste// dkyil 'khor b+ha gar brjod pa nyid// dkyil 'khor yang ni byang chub sems// dkyil 'khor gsum ni brtag par bya/ / gang la gtso bo kun spyod pa// brtag pa du mar kun tu gyur// phung po rnam pa gnyis su gsungs// 'byung ba rig par rtag tu brtag/ myos byed dang ni lcags kyu nyid// zhags ba pad+ma gzhug byed dang / / gcing ba lcags sgrog dril bu yang // nges par byed pa ru ni gsungs// bshang ba dkar po zhes byar gsungs// pad+ma zhes bya khrag tu gsungs// sha zhes bya ba mar me nyid/ / khu ba nam mkha' nyid du brjod// thim pa'i phyir na ling gar gsungs// me tog snyim pa b+ha gar brjod// glu ni langs pa nyid kyi gru// gar ni mnyam par sbyor ba nyid// ro ni shi bar brjod pa nyid// kha ni zhal dang bug pa nyid// snying po ro bsregs dur khrod do// me ni byin za gsal ba dang // de bzhin du ni 'bar ba'o// bu ra ni gu gul du brjod pa'o// nag po'i 'byung po'i nyi ma ni// mar gyi ngo'i bcu bzhi pa'o// gser shing ni da du ra'o/ a li ni ldong ros so// ma du lung ga sa bon gang ba'o// tsi tra ka ni tsi tra ka'o// ba tsa nau tshig nyid do// khyim bya'i sgo nga thams cad ni khyim bya'i sgo nga'i du ba'o// skya bo ni dkar po'o// rta gsod pa ni ka ra bI ra'o// nyi ma'i shing ni arga'i shing ngo // dpe chag pa ni chag pa dang srog chags zhes bya ba'i don to/ / sdig pa ni sprul lo/ a laM ni rnga ma'o// skal ba la ni cha'o// nyin phyed kyi 'o mas byug cing zhes bya ba ni yang bsgos pa'o// ba na ri ni ka pi'o// yul ni kats+tshar brjod do// de'i bdag nyid ni thod lo kor dang / spre'u dang / kha ti ka nyin phyed kyi 'o ma'i nang du nyi ma bdun du gzhag par bya'o// de dag dang nyin phyed kyi 'o ma dag dang sbyar bas mgo bo'i dbang po bri bar bya'o// dug sbyin par 'gyur ro zhes bya ba ni reg pa las skye bar byed pa'i don to// ma la ya las byung ba ni tsan dan no// nA ga ge sar ni na ga'o// nad kyi dbang po ni ru rta'o// myos byed kyi 'bras bu ni tsher ma'i 'bras bu'o/ / dza gu'i yul ni myos byed sprod par rtogs par bya'o// ta ka ra ni dri bi ha ka ra'o// ldan pa ni sbyor ba'o// 'bras kyi chu ni ko sha'o// ji snyed pa'i dug sna tshogs ni du ma'i rnam pa'o// 'jig par byed do zhes bya ba ni zad par byed do zhes bya ba'i don to// de'i nyin par skyes pa ni de'i nyin par shi bi'o zhes bya ba'i don to// byis pa ni bu chung ngo // ro tsa ni bshang ba'o// ha ka ra ni klu'i shing ngo / snying po'i gnas ni bcug par byas pa'o// sbal pa ni snying po can no// sbrul mgo gnyis pa ni lho 'phye mgo gnyis pa'o// khrag dang tshil bu bskol ba ni snam du brjod do// ba ru ra'i shing ni de'i 'bras bu'o/ / lag pa ni phyag go/ dug gis zin pa 'jig par byed do zhes bya ba ni zin pa 'phrog par byed do zhes bya ba'i don to// ba lang gi mar ni ba'i mar ro// rdo rje can ni sna hi'i 'o ma'o// bi hra nirma bya'o// khrag ni rma skyes so// sbrul mgo gnyis pa'i sha ni sha'o// ba la ka'i rtsa bar bdun pa ni bdun gyi dum bu'o// oM badz+ra ka ra hUM phaT/ 'byung po 'dul ba'i sgras 'byung po mthar byed pa ni 'byung po nyid du rab tu grags so/ / lag pa g.yas par btags na gdon las thar par byed do// gzhan du ni ma yin no// lho 'phye'i dbang po ni sbrul gyi rgyal po'o// shun pa ni bshus pa'o/ / lho 'phya'i sgra ni rma bya ste de'i gshog pa'o// khwa gnyis ni khA'o// nyin mo 'jigs pa ni 'ug pa'o// rta ni 'gro mgyogs so// rmig pa ni rkang pa'o// khung bu ni bug pa'o// bzhag pa ni bcug pa'o/ / sgyum ni so 'bya'o// gnod sbyin na gyi'o// yod pa ni spyod byed do// bag ni zag pa'o// mgo skyes ni sgra'o// masmin rings ni rnga ma'o// dmar po na khrag so/ b+hU mra ta ka nyid dang / ster bu ni mal po ga nyid do// lag skyes ni seMn ma'o// kha sbyor gyi me ni bsgyur gyi 'tshed pa'o// bsregs pa ni thal bar byas pa'o// a ko Ta ni a ko Ta'i shing ngo / nim pa ni bgrang ngo // oM ko Ta'i sa bon bzlas pa'i mamachu dis grub pa'i mig spyan ri ma dang bskus pas mig sman des mig byugs par bya'o// rgyal ni skar margyal lo// ma ko Ti'i mar khru'i tshigs mA dang / ta ka ra'i 'bras bu dang / oM ko Ta'i sa bon gyi mar bu dang / gang zhig gnyis ka'i tshigs ma dag gis mig byugs na rtswa'i gzugs su 'gyur ro// tAka ra'i 'bras bu'i mig sman gyis byugs na sngar gyi rang bzhin du 'gyur te/ rang gi ngo bo nyid can du mthong ba// ri bong can gyi rgyu ni sa b.la'o// dzA sa? kaM nI pad+ma rnyed do// sprul pa'i maman nI snying po can gyi ma du'o// la'i tsha ba dang ldan cig dge sbyong ni bla chags pa'o// rmA ba las byung ba ni saM ba las byung ba'o// dun d+hAr+dz+dza ni sbrul gdong gnyis pa'o// khrag ni gzugs 'dzin pa'i'o// gos kyi nang du khar byas nas par gzugs/ rkyen gzhes bya ban nga// mirigs nim nga nyid de// rtswa ri'i bci na gser kyi bcags/ dring pa zhes kya ni sa ma/ med rtag shing gi rjes su rgyu ba'i 'bu srin no/ / ko ki la ni sbrang bu'o// bu ram ni guT nyid do// a ran la ni srings po'o// skye ba gnyis pa ni bram ze'o// byi la ni nug pa sbed pa'o// spre'u ni bar na'o// rang 'tsheng pa ni g.yung po'o/ / khA'i dgra ni 'ug pa'o// na gu la ni sre mong nyid do// tsa ra mo ni byi la'o// 'di dag gi phye ma'o// ba glang tshe ni lce sbyang ngo // ma du lung gi ni sa bon gang ba'o// phug ron ni ka po ta'o// zangs kyi gtsug pud can ni khyim bya'o// 'di dag gi chug pa bsdu bar bya'o// skra'i las kyi mtha' zhes bya ba ni mgo reg go// pi tsu marda ni nim pa'o// gtor zan ni khwa'o// dga' ba dang bcas pa'i dkar mo ni khyi mo dkar mo'o/ / nus pa ni 'byar ba'o// mdo'i rma n-i sbrang bu'o// bsnun pa ni brdungs pa'o// rang gi sa bon ni bdag gi rdzas so// rgyal ni skar ma rgyal lo// skyes ma ni bud med do/ / skar ma ngan pa bzung ba ni blangs pa'o// skyes pa'i shing ni a mra la sogs pa'o// shing gi yal ga ni 'dab ma'o// pi lu ni glang po'i'o// steng du 'dren pa ni lag pas 'dzin pa'o// skyes bu'i myos byed ni rdzas so// kran+d+ha ni khyab 'jug gnon pa'o// sra ba na hi ni du ba'o// a ban dza hi ka ni thal mo sbyar ba'o// shi kha ni rma bya'i gtsug pud do// mkha' 'gro'i bdag po na nam mkha' lding gi bdag po'o/ / lha'i bdag po'i sbas pa ni dbang po sbas pa'o// ba bla ni man shi la'o// ldong ros ni lding ros ljang gu'o// u kra ni btsa'o// bcad nas skyes pa ni dur ba'o// bkra shis ni ro tsana'o// baM sa zhes bya ba ni lte ba mngon par gsar pa'o// dbang po'i nas ni ku Ta dza'i sa don te/ gi kuT dza'i sa bon no// dpal thams cad ni mdzes pa dang ldan pa'o/ / a nun ni tsan dan dmar po'o// drang srong gi bu ni nam mkha' la 'gro ba dang / nam mkha' skyed pa'o// ro'i snying po ni gzhan gyis mi thub pa'o// srod ni na ba'i mig sman no// ri bong gis mtshan pa'i tsher ma ni se pa la'i tsher ma'o/ / sbrang rtsi ni sbyang ma'i'o// sbrang rtsi ni yaSh+NI'i sbrang rtsi'o// dang po'i me tog ni dang po'i zla mtshan gyi khrag go/ lcags gsum zhes bya ba ni gser dang / dngul dang / zangs so// sngon po nyid kyis nye bar mtshon cing sbyar ba'i a sho ka'i shing ni a sho ka sngon po'o// de las byung ba'i myu gu ni a sho ka sngon po las byung ba'i myu gu'o// nyi ma ni zangs te shin tu dmar ba'o/ / zla ba ni dngul lo// me ni gser ro// ba glang gi gi wang ni ba glang gi gi wang ngo // ing gu di'i shing gi me tog ni ing gu di'i ljon shing gi ku su ma ste/ ljon shing gi me tog kun bsdus pa'o/ 'gegs pa ni skyes pa shi ba ste/ de'i mig dang spu rnams so// khwa gnyis pas zos pa dang ldan pa ni khA zos pa skyugs pa dang lhag ma zos pa'o// pha'i skyed mos tshal ni dur khrod do// der mnyes pa ni zla mtshan gyis myos pa'i bu mo'i rdzas blangs pa'o// a sho ka'ang yin la sngon po'ang yin pa de ni a sho ka sngon po'o// de'i byang phyogs kyi khwa'i tshang ni khwa'i gnas so// de las gang zhig byung ba'i myu gu de ni a sho ka sngon po'i byang phyogs kyi khwa'i tshang gi myu gu'o/ / phug ron gyi khong par sro ta a dza na bcug la/ 'on kyang tsi ha'i mes bsreg par bya ste/ de nas mig sman 'grub par 'gyur ro/ / byi la dkar po ma yin pas bsad pa ni byi la nag po'i khrag gis mi snang bar byas te sred pa skyed par byed pa'o// tri na'i myu gu gsar pa'i tshogs de rnams ni tri na'i myu gu gsar pa'i tshogs rnams so/ / nges bteg pa'i sa ni ta la'i myu gu gsar pa'i tshogs kyis bteg pa'i sa'o// de'i steng du gnas pa'i sa dang / mda'i rma dang / ha la dang ldan pa'o// mda'i rma ni sbrang bu'o/ / hu la ni ldong ros so// de dag dang yang dag par ldan pa ni bcas pa ste/ sa ra ga dang / ha la dang ldan pa'o// rgyal la zhes pa ni rgyal gyi nyi ma la'o// mig sman ni gong du gsungs pa'o// gang zhig sngags dang sman gyi sbyor bas legs par byas na de'i sbyor bas 'grub par 'gyur ro/ / 'di dag ni rnal 'byor gyi rgyud las 'ongs pa ste/ de nas b+ha ga dbus su bsgrub par bya'o zhes gsungs so// dang por phyag rgya byin gyis brlabs nas/ phyi nas mig sman gyi sgrub pa bcug cing sbyor bas ji srid dngos grub kyi mtshan ma ma skyes kyi bar du bsgom par bya'o// gang zhig sngags kyi sgrub par bral ba'i mig sman 'di 'ba' zhig gis zhi ba'i las la sogs pa'ang byed do zhes gsungs so/ / mig mig sman gyis byugs nas zhi ba la sogs pa'i lha sdad kyis bltas na ni ba la so gro par 'gyur ro// mig mig sman gyis byugs nas rgyal po la bltas na rgyal po'i mchod pa rnyed par 'gyur ro// mig mig sman gyis byugs nas khro bo'i lta bas dmya la bltas nad ma zad par 'gyur ro// de bzhin du bgegs thams cad la nges par bltas na/ gdon la sogs pa'i bgegs thams cad yang dag par smod par byed do// 'chad par 'gyur ba'i sngags kyis mngon par bsngags cing bzla bar bya'o zhes gsungs so// bud med kyi b+ha gar gur kum bcug nas phyi nas rang gi sgrub pa gzhug par bya zhing mnyam par sbyor bas sngags bzlas te khyad par du'ang bsgrub par bya'o/ / de'i sngags brjod pa bka' stsal pa/ oM pra san+na tA re/ a mri ta mu khi/ a mri ta lo tsa ne/ sarba an+t+ra sA d+ha ni/ sarba satwa/ ba shaM ka ri hUM phaT/ haM swA hA/ oM tri mu kheSh+To b+hu dze/ de bi mA ma kau ro pra rU pid+d+hi hU~M hU~M hrI g+h+nAM oM oM hA hA swA hA/ sngon gyi bsnyen pa 'bum phrag gcig bzlas nas/ phyi nas mig sman dang gur gum yang bsgrub par bya'o// zhes gsungs pa yin no// gur kum des dpral bar thig gi zhes gsungs so/ / bud med skal pa bzang por byed pa bka' stsal pa/ b+ha ga tsan dan gyis byugs pa'i steng du/ baglang gi gi wang gis bru bris nas/ bdag po dang lhan cig sbyor bas ji srid myos byed ma 'ongs kyi bar du'o// de na bdag po de bran bzhin du 'gyur ro/ / rmib ni bung ba'i rgyal po'o// tsi Ti ni 'dab ma stong pa'o// mtshan mo ni yung ba'o// ba ku tsi ni a ba gu tsa'o// ut+pa la'i snying po ni ut+pal kha ma phye ba'o// lcags kyi dri ma ni lcags kyi bshad ba'o/ / dri la sogs pa ni mu gul dang sadzangs so// mragasal ba ni las kyi kha dog go// gser gyi shing ni gse kyi sngon shing ngo // mI pra 'o nyin pa la'o// sin+d+ha par ni ni sa d+ha'o// shraswa ni pri yang ku'o// ke sha ri ni nAg shes so/ rig pa 'dzin pa ni tsam pa ka'o// nag ni pun na ga'o// 'khor lo 'thag pa ni ad tsi'o// mtshan mo spyod pa ni yung ba'o// shi Shi nI rma bya'i gtsug phud do// pra ba ra ni pA l+yA ka'o// 'byung po'i dgra bo ni nir kun ti'o// ba da ni ba l+la b+hi da rkun ma'i me tog tu brjod do/ / ka R+Sha ka ra ni ka na dza'o// man dza ri ni 'dul bar byed pa'o// gser gyi shing gi shun pa ni lpags pa'o// g+hA na ni mu sta ka'o// mtshan mo'i shing ni skyer ba'i shing ngo / / nad kyi dbang po ni kuSh+ma'o// srid pa'i rdul ni khyim gyi me tog go// rkun ma ni rgan po gzhon par byed pa'o// ko su ni de'i yongs su smin pa'i 'bras bu'o/ / dkyil 'khor la sogs pa'i sgrub pa dang rab tu ldan pa la/ lha'i bu'i bdud la sogs pa kha cig 'byung ba'i tshar gcad pa'i phyir/ mtshon cha kun gyi phyug rgya che/ 'khrul 'khor 'phangs dang mi 'phangs dang / de bzhin lag pas 'phangs pa nyid// 'phangs pa 'dzin par bcas pa dang / lag pa'i 'thab mo lnga pa nyid/ / gzhu yi rig byed rang gyur pas// phyag rgya rab tu gnas par bya// de la sbyor 'phangs mda' la sogs// ma 'phangs pa ni ral gri sogs// lag pas zol ba 'khor lo sogs// zol ba 'dzin bcas zhags pa sogs// mtshon cha thams cad yongs spangs nas// lag pa'i 'thab mo sa dgra 'dra sogs de bzhin bcing ba yang dag ldan/ / dpal ldan rdo rje sems dpa' yi// mtshon cha'i mchog ni sna tshogs pa'i// gnas dag dbyibs ni rab bshad bya// rnal 'byor sgrub thabs shin tu mdzes/ / sbyor dang myur bar gsor ba dang // dgug pa dang ni 'dzin pa nyid// gsal ba ru ni gtor ba ste// si la mnyam skabs phyag rgya gang ba// be sha kha gsar phyag rgya grangs dkyil 'khor de nyid phyag rgyas gdab/ / gnas ni gsum du g.yas pas brkyang // dbyibs kyi phyag rgya bka' stsal pa// mthe bong dang ni sor mo rnams// glo bur nang du sbyar ba yin// gang zhig brtan par sbyar ba ni/ / mnyam pa'i rkang stabs gnas su gsungs// rkang pa'i sor mo phyir bzhag nas// pus mo gnyis ni bsrang ste g.yo// sor ni nyi shu rtsa drug tshad// gnas ni bai sha kha ru brjod nga ba'i gshog pa'i dbyibs su ni/ / pus mo gnyis ni mnyam sbyar ba// bar du yang ni khru gnyis nyid// de ni dkyil 'khor rkang thabs gsungs// gang yang shel gyi dbyibs mnyam par// pus mo brla yi g.yas bsrung na// g.yon ni byol song 'gro ba yin// 'khyud nas brla dang brang du gnas// mtho lnga rnam par rgyas par ni// g.yas brkyang bar ni de rab grags// de nyid rnam par bzlog pa ni/ / de ni g.yon brkyang ba ru brjod// lhod min pa dang mkhrang ba nyid// mnyen zhing yan lag brtan pa nyid// gang las skye mched rnam par dag/ rang gi sku yi phyag rgya ches// rims kyi nang dang dug gi nad/ / mkha' 'gro'i 'tshe ba gdon dag ni// 'dis ni yan lag kun brgyan pa// thams cad du ni zil gyis gnon// gang ba'i skye mched kyi phyag rgya'o// rang nyid 'gugs pa'i rnal 'byor/ gyis// shin tu mdzes pas gzhu nyid bzung // g.yas su rab tu sgyur ba dang // mda' ni bcug na 'grub par 'gyur// mngon du lag pa mnyam byas nas// rgyab tu bkug nas rim par ni// gang zhig/ dal gyis dgug bya zhing // 'gro ba thams cad dgug par bya// thams cad dgug pa'i phyag rgya'o// rna ba'i skye mched dkyil 'khor du// bcug nas rim pa ji lta ba// oM ni ji srid rang 'dzin pa/ ji srid dus su oM zlos 'gyur// de srid dus su gzung bar bya// 'dzin pa'i phyag rgya'o// rim pa ji ltar mnyam bkug nas// cho ga ji bzhin gzung bar bya// de la cung zad dang bya zhing // yongs su bkang nas 'grub par 'gyur/ / dgang ba'i phyag rgya'o// 'dzum zhing mig gis blta ba dang // dben la khu tshur gdab par bya// lta stangs khu tshur bcug nas ni// rab tu btud nas mchog 'grub 'gyur/ / gzhus rnam par rgyal ba'i phyag rgya'o// gru bzhi rnon po zlum po dang // de bzhin mchog tu bskor ba nyid// gang du g.yas nas bskor bya zhing // de bzhin 'og dang steng du 'gro// rim pas gnas shing drag mnan pas// cho ga bcus mchog phyag rgya yis// khams gsum rgyal po chen po dang // rgyal ba'i bde ba nye bar spyod// dpal ldan 'jig rten gsum rgyal ni// phyag rgya bcug cing mnyam bcug dang / / de bzhin glog ltar bcug pa nyid// phyag rgya bkug pa'i ting 'dzin gyis// de bzhin glog ltar bskor ba nyid// 'og tu mnyam pa de bzhin du// steng gi phyogs su 'gro ba nyid// de bzhin gshegs 'dzin phyag rgya ni// gnas sum dag tu bsgom par bya// rgyun thams cad kyi phyag rgya'o// kun tu kun nas thams cad dang // rnam kun dus kun rang gi ni/ / gzhu yi rig byed phyag rgya 'dzin// yi ge mchog ni 'grub par 'gyur// mtshon cha thams cad kyi phyag rgya'o// sangs rgyas rdo rje zhes bya ba ni rnam par snang mdzad de/ spyan gyi gzugs su gyur pa dang / rnam par snang mdzad kyi rnal 'byor dang ldan pas sngags kyi yi ge las spyan phyung ste/ zla ba gang ba dang / bum pa'i lag pa ma'i ma mo 'dod par bya ba dang / dbang bskur bar bas na zhi bskyed par byed pa yin te/ shi ba rnams la srog sbyin par byed cing grub par 'dod pa la dngos po sbyin par byed de// rdo rje zhes bya ba la sogs pa la rdo rje'i dam tshig la skul bar byed pa'i rdo rje'i dam tshig skul bar byed pa'o/ / thugs kyi rdo rje'i sgra gsum 'bar ba'i mchog gi dam tshig ni mA ma kI'i mtshan nyid de/ gang du ting nge 'dzin la de ni de bzhin du brjod do// rdo rje'i rigs kyi sngags kyi yi ge dkar po phyung nas/ de'i tshe bsgrub bya'i lus la gang bar bsgom par byas na sdig pa 'jig par byed pa yin no// zhi ba lam mo spyan dang ldan pa lta bur bya ba dang rgyas pa la ni rin po che'i bum pa po che'i char pa 'byin par bsam par bya'o/ / 'dod chags chen po la 'od dpag tu med pa'i gang gi pad+mas gces pa de'i gar gyis phye ba ste/ de skar gyur pa'i kun byed pa ni rigs kun gyi bdag po can no/ / gang gi kun byed pa ni thams cad do// 'dis ni byas pa'i de'i dmigs pas ting nge 'dzin la rdo rje dmigs par de bzhin du brjod do// rdo rje ni rnam par snang mdzad do// pad+ma ni 'od dpag tu me pa ste/ sngags kyi yi ge gser gyi kha dog lta bu phyug nas sgrub pa po la mngon par dbang bskur byed na rgyas pa chen po skyed par byed do// de rnams kyi spro ba dang spyad par byed pa dag sgom par byed na chos kyi mdzod 'phel bar byed do/ / rang gi snying kha'i pad+ma'i snying por nang du gnas pas bsgrub bya sngags kyi yi ge'i 'phreng bas byin gyis brlabs te/ sna tshogs rdo rjes spyi bor byas nas ji lta ba bzhin du snyoms par 'jug par byed na bsrung ba chen po byed par 'gyur ro/ / thams cad dbang du gyur pas rnam par rtog pa med pa dang / dbang du gyur pa la sogs de rnams rtogs par byed pa dang / sbed par byed pa de ni don yod rdo rje can te/ de nyid rdo rje gsung mnyam pa nyid kyis dga' bar byed pa'o// rdo rje ni mi byed pa ste/ gang du ting nge 'dzin la snyoms par zhugs pas sngags kyi yi ge dmar po phyung ste/ des bsgrub par bya ba dag par bya zhing bzlas pa byed na mngag gzhug par byed do// ye shes kyis kun sgrol bas sgrol ma zhes bya ba ni ye shes 'jug par byed ma can no// de'i tshe dmigs pa'i phyir de bzhin du gsungs so// ye shes sna tshogs ni 'jig rten las 'das pa'i ye shes sna tshogs te/ rdo rje gshin rje mthar byed la sogs pa'i khro rnams de dag nyid kyis gdug pa rnams 'dul ba'i don du su/ de rnams ni gur nyid do// mdzes pa ni yan lag dang nying lag dman pa ma yin pa'o// bsrubs med pa ni dum bu gcig pa'o// bsu gnyis pa ni dum bu gnyis pa ste/ 'di dag nyid kyi skabs yin pa'i phyir ro// rkang pa'i rjes kyi rdul gyi cho ga zhes bya ba ni de brjod pa yin te/ gshin rje mthar byed kyi rnal 'byor pa lha mo bzhi'i rnal 'byor dang ldan zhing / de bzhin gshegs pa lngas byin gyis brlabs pas bsgrub par bya ba'i rkang rjes kyi rdul gyis de'i gzugs brnyan byas nas thod pa'i nang du gzhug par bya ste/ de nyid la gzhug pa dang bcing ba byas nas rkang pa g.yon pas de mnan te/ ji srid khugs par gyur pa de srid du bskul ba dang bcas par bzla bar bya'o// sku gsum mi phyed bsgom pa yis zhes bya bas ni rang gi lha'i nga rgyal brtan pas sgom pas so/ / gti mug chen po'i mchog ni don yod rdo rje can te/ de'i ye shes ni rdo rje rtse mo las skyes pa'i byang chub kyi sems te/ de'i phyir bdud rtsi'i khro bo ni gang du ting nge 'dzin la de de bzhin du brjod do/ / tshogs kyi bdag po'i rkang par bcug pa zhes bya ba ni bdud rtsi thab sbyor gyi rnal 'byor dang ldan pas bsgrub par bya ba'i rkang rjes kyi rdul de'i gzugs brnyan bong bu'i gcin gyis byas nas mi dge ba'i phyag rgya byas nas rlung gi dkyil 'khor gyi 'dab ma la sa lu btags par byas pa dang / dur khrod kyi sol bas bsgrub bya'i ming khro bo'i nang du chud par mngon par bris shing gzugs brnyan lnga rgyab tu bzhag nas rdo rje log par 'dren pa bkug nas mchod de/ de'i rkang pa dag tu gzhug par bya'o// de bya'o zhes bya ba ni de srid du sngags kyi mthar hUM brjod par bya'o// gang gi tshe rlung gis bar chad du gyur pa de'i tshe gong du gsungs pa'i rim pas stong pa nyid dmigs nas bdag nyid dpal rnam par snang mdzad kyi gzugs su bskyed pa bka' stsal pa/ rlung gi sa phyogs su dri nag pos dkyil 'khor gru bzhi par thig le bdun yang so so'i nang du byas pa ni de'i dbus su thig le bdun po ste/ thig le bdun po 'di rnams las rlung lha bdun ri dgas la zhon zhing mdog nag pa'o// de la rang gi sa bon las byung ba ni des rang gi snying kha la bton pa ste/ 'phags pa mi g.yo mgon nam/ 'dod pa'i rgyal pos bkug nas zhags pas bcing bar bsam par bya'o// de nas kham por gyi zhes bya ba ni hUM suM hUM zhes bya ba las ri rab kyi gzugs rwa brgyud dang ldan pa bskyed nas kha 'og tu phug nas bzhag pa ni rdo rje 'ching ba chen po yin no/ / rang gi sngags bzlas pa ni de'i thig le bdun sngags kyis sbas nas dbugs kyis gnas par bya'o/ / de'i steng du yang laM gyi dbang chen gyi dkyil 'khor gru bzhi pa kha dog ser po'o// der yang rtse lnga pa chen po las mtha' yas pa'i 'od zer las khro bo 'jigs pa spro bar bya zhing / khro ba rdo rjes sa mnan par bsgom par bya'o// de'i steng du rkang pa g.yon pa banag nas/ 'phags pa mi g.yo mgon gyi sngags brgya rtsa brgyad dubazla bar bya'o/ / rdo rje'i steng du bcom ldan 'das rnam par snang mdzad dang / 'phags pa mi g.yo mgon zhabs g.yas brkyang bas thams cad gnon cing bcom ldan 'das kyi mngon du lag na ral gri dang zhags pas klu bsdigs par bsam par bya ste/ de skad du 'jig pa'i dus kyi rlung thams cad kyang bcing ba byas par 'gyur ro// char 'bab pa'i don du spobs po che zhes bya ba la sogs pa ni pad+ma 'dab ma brgyad pa bris nas de'i 'dab ma brgyad la mtha' yas dang / rig ldan dang / nor rgyas kyi bu dang / dung skyong dang / 'jog po dang / pad+ma chen po dang / stobs kyi rgyu dang / pad+ma zhes bya b a ni bdag nyid kyi rim pa las ser po dang dkar po gnyis sha kha sa hU swa s+t+waM saM swa rang gi sa bon gyis byin gyis brlabs pa'i klu brgyad po rnam snying po brgyad po rnams snying po brgyad kyi nang du gnas pa'i rnga ma la bkug nas mchod de/ 'di bzhugs pa'i khro ba'i tshigs sku 'bar ba'i tshogs kyi bdag nyid hUMn hUM zhes mchog tu bzlas pas zhabs kyi 'og tu klu rnams gzir bar sgom par byed na rang ba rog tu rab tu 'bebs par 'gyur ro/ / char bzlog pa'i don bka' stsal pa/ bdag nyid khro bo'i gzugs nyi ma'i mdog gi 'od ltar shin tu dmar ba bsams nas rang gi kha ru hUM 'bar ba'i lce nam mkha'i tshad 'dis dral zhing / yongs su gang ba las sprin snying ga'i sbubs kyis dbugs kyi 'gugs shing dbugs phyin pas ras bal gyi phur ma ltar gtor bar byed do// yang na rang gi phyag rgya'i tshogs 'bar bar bton pas dral zhing bcad nas hUM gis mchog tu bsdigs par bya'o// de gzhig pa'i don bka' stsal pa/ me'i dkyil 'khor zhes bya ba la sogs pa ni rtag pa'i rnal 'byor dang ldan pas rang gi dpral ba nas 'phags pa mi g.yo mgon raM las byung ba bton nas me la gnas pa phyag drug pa g.yon k+ShiM las sdigs mdzub dang / zhags pa hUM gi nang du bcug pa dang / da yis gzhu'o// g.yas pa na khaM las ral gri dang / ho las mda' dang / hUM gis rdo rje 'dzin par bsams nas/ de nyid kyi 'od zer gyis khro bo dang lhan cig pas bgegs thams cad hUM gi sgra bsgrags pas 'bar ba'i ral gri la sogs pas bsnun pa la sogs pa dang / mda' 'phangs pas phigs pas skyes pa'i bgegs gzhom par bya'o// skyes pa'i khrag chen po la sogs pa ni rkang rjes kyi rdul dang / skyes pa'i khrag gis bsgrub par bya ba'i gzugs brnyan byas nas/ skyes pa'i rus pa'i phur bu dag la 'od zer can gyi sngags nyi shus mngon par bsngags te/ mig la phur pas btab nas tshogs kyi bdag po'i khar gzhug go// oM sum+b+ha rdo rje gtun shing dang tho bas dang po kha dang gtun shing gis rgyab tu brdung bar bsam par bya'o/ / 'bar ba gzhom pa'i don du mig sman gyi kha dog ces bya ba la sogs pas ni nam mkha'i gnas su tsu ga hUM zhes nang du gzhug par bya'o// phu'i yig 'bru las skyes pa klu nag po stong phrag gis bskor ba'i nam mkha' lding gis bka' stsal bar bya'o/ / ji lta ba bzhin du bsgoms te/ oM badz+ra nA ra ya~M Na zhes bya ba li sogs pa ni dang por bskul te/ des brgya byin pa bskul bar bya'o/ / 'di yang de char gyi sprin la char gyi don du bka' stsal par bya'o// bka' thos na yang char 'bebs pas sprin phyir bzlog pa ni yid kyis bsam par byed na nam mkha' lding gi gshog pas zlog par byed cing mchus bsnun pas chu bo'i mtshams byed do/ / rdo rje phyir bzlog pa'i don bka' stsal to// sbyin sreg ces bya ba la sogs pas ni dge ba byed pa'i phyir zhi ba dang / rgyas pa dang / dbang du byed pa'i mtshan nyid la ni gtsubs pa las 'byung ba'i mes bya'o// mngon spyod la ni dur khrod kyi mes bya'o// thab khung zhes bya ba ni zlum po dang / gru bzhi dang / zla ba phyed pa dang / gru gsum mo// de ltar thab khung gi mtha' mar dkar po dang / ser po dang / dmar po dang / nag po dang / pad+ma rnams kyang gzhag par bya'o// de nas de'i mdog ltar gtsug hor dang / chu skyes dang / rin po che dang / rdo rje 'bar ba rnams bya'o zhes bya ba'i don to// las kun byed pa bzlas pa ni zhes bya ba ni hUM gis mngon par bsngags pa'o// g.yon pa'i rdo rjes bya ba ni lag pa g.yon pa rdo rje rtse gsum pa can du byas pa'o/ / las kyi 'od kyis rnam par brgyan pa zhes bya ba ni zhi ba la sogs pa'i las kyis ci rigs par 'od kyis rnam par spras pa'o 'bar ba'i rnam pas yongs su thim par byas pa'o zhes pa la/ 'bar ba ni lha 'am 'bar ba ni gtsigs pa'i gzugs kyis te/ de bzhin du ye shes kyi rang bzhin gyi cho ga bsgom par bya zhing / oM dang po dang / mthar swA hA las mchog tu gnas nas zhi ba dang / rgyas pa dang / dbang dang / mngon spyod la khro bo'i tshogs kyis hUM dang bcas pa'i phaT kyis sngags bzla bar bya'o// thog ma dang tha mar sreg blugs gang bar dbul/ kha dgang ba zhes bya ba'i tshig gis ni lha'i zhal gyi pad+mar sbyin sreg bya'o// bshang gci la sogs pa'i sreg blugs la sdig pa la sogs pa'i dogs pa mi bya ste/ gang gi phyir don dam par rang bzhin rnam par dag pa'i phyir thams cad rnam par rtog pa tsam mo// de bzhin la du dbang po gnyis snyoms par zhugs pas kyang lha'i nga rgyal sngon du bya ba dang / thabs dang shes rab ro gcig pa mngon du byed cing zag pa med pa'i ye shes skyed par byed pa'o/ / sku la sogs pa yang dag par bstan par bya ba bka' stsal pa/ bud med dang ni skyes pa'i lus// las ni du rma bskyed pa'i zhes bya ba la sogs pa rnam par bstan pa zhes bya bas ni dge ba'i dang mi dge ba'i las kyi mtshan nyid shes pa'i skyes bu'o/ / sha dang rkang la sogs pa dag ni rnam par snang mdzad dang / mi bskyod pa la sogs pa'i rang bzhin te/ 'di'i phyir bsten par bya'o// gang zhig 'dod chags zhe sdang zhes bya ba la sogs pa'i 'du byed 'phel ba bshang ba dang gci ba la sos pa lnga yongs su 'dzag pa ni sa la sogs pa 'byung ba bzhi'i rang bzhin rdzogs pa'o/ / bsgoms pa las zhes bya ba ni brtags pa dang bral ba'i blo gros kyis so// de nas mchog tu rab bshad bya// thams cad las ni sna tshogs mchog/ ces bya ba ji skad du gru bzhi dang / sgo bzhi pa dang / sgo'i skyong ba dang yang dag par ldan pa'o// tshogs kyi dkyil 'khor brtag par bya zhes bya ba ni phyi rol gyi dkyil 'khor zhes gsungs so/ / da ni nang gi dkyil 'khor bstan par bya ste/ kun las sna tshogs phyag rgya zhes pa la sogs pa ni dpal sangs rgyas spyan la sogs pa'i lha mo rnams dang ldan pa'o// kun las sna t shogs 'khor lo can zhes bya ba ni dpal rdo rje sems dpa'i gong du gsungs pa'i gnas su bkod nas de'i rjes su mtshams bzhi po rnams su drag mo la sogs pa'i sngags dang phyag rgyas byin gyis brlabs nas/ seng ldeng gi phur pa sor brgyad pa dang / rdo rje tho bas de'i sngags bzlas nas brdung zhing lte ba dang / drag mo la sogs pa'i mtshams rnams su rim pas mtha' dang / rnam par rgyal ma zhes bya ba la sogs pa'i phur pas btab ste/ dkyil 'khor sta gon la gnas par bya'o// dri la sogs pas dkyil 'khor gyi gnas kyi lha thams cad kyi gnas su rang gi hUM dang / de'i mtshan dang por bzlas nas mngon par gtor zhing / de nas sngon du tshogs kyi dkyil 'khor rang gi lha'i 'khor lo bton te gnas ji lta bar bzhugs su gsol nas gsungs pa'i dgug pa la sogs pa'i byin gyis brlabs pa dang por bya ba dang / rang gi sngags dang / phyag rgya dang / lhan cig tu nye bar bltas nas dbang bskur ba dang / mchod pa dang / bstod pa dang / phyag 'tshal nas nyon mongs pa can gyi yid zhi bar bya ba'i phyir sbyin sreg byas nas phyogs su gtor ma sbyin par bya'o/ / ji ltar re zhig rtsa ba'i bum pa la sogs pa'i lhag par gnas slob ma sta gon la gnas par bya'o// hUM bzlas pa'i chus dang por snying khar gtor nas/ de nyid kyis rdo rje dang bcas pa'i lag pa gzhag par bya zhing / snying khar rdo rje rtse lnga pa dang / ji srid spyi bor sna tshogs rdo rje bsam par bya'o// gsum la skyabs su 'gro ba la sogs pa byas te/ hUM gis mngon par bsngags pa'i srad bus dpung pa bcings nas so shing la sogs pa dang / dri la sogs pa sbyin par bya'o// de rnams la chos bstan cing dkyil 'khor gyi gnas su gzhug par bya ste/ de'i 'od zer rnams kyis gshegs su gsol bar bya'o// sngar bzhin gyis yongs su gyur pa zhes bya ba ni mchod pa la sogs pa byed pa ste/ ji ltar 'di skad du lha'i 'khor lo ston pa de bzhin du lha'i 'khor lo der nang du bsgom par bya zhes bya ba ji snyed pa'o// gzhan yang dang por rtog pa'i rnal 'byor dang ldan pas mi bskyod pa la sogs pa thugs kha nas bton nas sngon po la sogs pa'i kha dog dag gi srad bu lnga po de'i bdag nyid du byas te/ hUM dal gyis bsgyur zhing hUM de brgya rtsa brgyad bzlas par bya'o/ / de ltar rdul tshon yang rnal 'byor 'di nyid du gzhug pa gsungs la/ sangs rgyas lngas byin gyis brlabs nas dkyil 'khor gyi phyogs ji lta bar thig gdab ste/ dang por slob dpon gyis rdul tshon bri bar bya zhing / phyis ni slob mas dkyil 'khor gyi phyi rol du sngon po dang / dmar po dang / dkar po dang / ljang ku dang / ser po'i rdul tshon rnam pa lnga pa'o// gnyis pa la ni sngon po dang dmar po dang / dkar po dang gsum mo// 'khor lo'i ni rdul chen dkar pos 'khor lo'i lte ba sna tshogs 'bar ba zhes bya ba ni sna tshogs pad+mar bzhugs pa'i rnam par snang mdzad chen po bzhugs par bya'o/ / shar la sogs pa'i re'u mig rnams su ni rtag pa la sogs pa ste/ phyogs su'o// 'khor lo'i shar la sogs pa'i mtshams rnams su spyan la sogs pa'o// baphar ma gnyis pa'i shar la sogs pa'i phyogs su drag mo la sogs pa'i rdo rje lha mo rnams so// 'phar ma gsum pa'i shar la sogs pa'i snam bu la byang chub sems dpa' byams pa la sogs pa bri bar bya'o/ / shar gyi sgor rdo rje lcags kyu ma la sogs pa'o// mtshams rnams ni mur dza la sogs pa'o// de ltar dkyil 'khor bri bar bya'o// ji ltar re zhig bum pa legs par byas nas brgya rtsa brgyad bzla bar bya'o/ / rtsa ba'i bum pa la ni dkyil 'khor gyi bdag po'o// bzhi pa la ni spyan la sogs pa'i lha mo bzhi po rnams kyis so// lha thams cad kyi rigs kyi dbye bas ni bzhi'o/ / de nas bum pa sgor gnas pa la las thams cad pa bzlas pas bsang gtor bya'o// de rnams gos la sogs pas brgyan par byas bdag po'i rnal 'byor dang ldan pas legs pa'i rnal 'byor gyis lha thams cad kyi 'khor lo rang gi bdag nyid kyi nang du bsgom par bya zhing de'i nga rgyal dang ldan par bya'o/ / mchod yon gyi nye bar spyod pa yongs su bzlas nas sgo mngon par phye ste/ gnas ji lta bar bum pa la sogs pa rnams bzhag la/ dkyil 'khor gyi lha rnams snga ma bzhin du phyung nas rang gi gnas su 'khor lo gzhug par bya'o// rang gi lha'i phyag rgya rnams kyis byin gyis brlabs pa'i phyir rang gi phyag rgya rab tu bstan pas rang gi dbang gis dbang bskur ba'i ting nge 'dzin la gnas par bsams nas/ sgeg mo la sogs pa'i mchod pa rnams kyis mchod pa dang / rnga dang gling bu la sogs pa'i yid du 'ong ba'i mchod pa'i khyad par byin gyis brlabs pa'i rig mas thal mo sbyar bas rdo rje'i glu legs par sbyar ba gsum du brjod pas phyag 'tshal te/ tshim par bya ba'i don du gsungs pa'i sbyin sreg byas nas de nas bzod pa gsol bar bya'o/ / dngos grub kyi don du rang gis gsol ba btab nas dang po la sogs pas bskyed par bya ste/ slob ma las sna tshogs brgyan par bya'o// oM la sogs pas snying khar sku la sogs pa'i byin gyis brlabs pa'i phyag rgyas byin gyis brlab par bya'o// thal mo sbyar ba sdigs mdzub bsdigs pa'i 'khor lo'i rnam pas hUM brjod cing gnas lnga po thams cad du byas te/ gdong gos kyis bkab nas rdo rje lha mo la sogs pa'i phyag rgyas bzung ba'i me tog dang / hU~M nyid kyis gzhug cing spyi'i tsho gas bya'o// dpal ldan rdo rje sems dpa'i rnal 'byor pas byin gyis brlabs nas/ dri dang me tog la sogs pas brgyan par bya ste/ ji lta bar bum pa thams cad kyis dbang bskur bar bya'o// de bzhin gshegs pa rnams kyis mchod yon dang / phyag na bum pa bdud rtsi bzang pos bkang bas de rnams kyis dbang bskur bar blta bar bya'o// gzhan yang gos la sogs pa rnams kyis brgyan te/ rdo rje la sogs pa rnams kyis dbang bskur bar gyur pa dang / mi bskyod pa la sogs pa du ma'i gzugs yongs su gyur pa'i nye bar thod dang / 'phreng ba dang / rdo rje dang / bdag po dang / rdo rje ming gis dbang bskur ba dang / gser la sogs pa'i thur mas mi shes pa'i rab rib bsal ba dang / me long blangs te rdo rje sems dpa'i rang bzhin nyid ces bya ba la sogs pa'i tshigs bcad kyis mtshan nyid rnams bsgrag par bya'o/ / dbyangs kyi dang pos glegs bam dang / dang po'i rjes kyi dbyangs kyis rdo rje dril bu dang / bka'i gnang ba sbyin pa'i don du rkang pa byin gyis brla bcing lagapag / gri sbyin par bya ste/ deng nas bzung ste 'jig rten 'khor lo skor cig/ skyob pa zhes bya ba la sogs pa yang dag par dmigs par bya'o// di ring nas bzung ste zhes bya ba la sogs pas ni dam tshig nye bar bstan nas/ bla mas yon blangs nas zhi ba'i sbyin sreg bya'o// mchod pa dang bstod pa la sogs pa byas nas hUM zhes brjod par bya'o// satwa badz+ra mu/ zhes bya bas lha'i 'khor lo gshegs su gsol bar bya'o/ / phur pa bton nas de bzhin du gsang ba'i dkyil 'khor nyid gong du gsungs pa'i lag pa nyid kyis gshegs su gsol bar bya'o// dzaHhUM baM hoHzhes brjod pas rang gnas nyid du khyad par 'phags par nang du bsgom par bya'o/ / hUM nyid kyis rdul tshon dbyi bar bya zhing bsdus nas chu'i nang du blugs par bya'o// khro bos khro bo gzung ba'i phyir dpal he ru ka 'byung ba bka' stsal pa/ de nyid bcom ldan rnal 'byor te zhes bya ba la sogs pa ni dpal rdo rje sems dpa' dang po'i rnal 'byor zhes bya ba ni rigs kyi bu bsgrags pa yin no// srog gcod pa la sogs pa'i mi dge ba bcu la spyod pa dang / dam tshig nyams pa de rnams kyi rnam par dag pa brjod de/ rnam par dag pa zhes bya ba ni dag pa'o// sgeg cing zhes bya ba la sogs pa'i dang ldan pa dang / zhal brgyad pa la zhabs bzhi pa// phyag ni bcu drug dag gis brgyan// spyan ni nyi shu rtsa bzhi par// bcom ldan 'das gsungs so// yang de ltar rim pa des bcom ldan 'das zhal bzhi pa/ phyag bzhi yis ni rnam par spras pa'o// de la zhal dang po ni drag po'o// gnyis pa g.yas pa ni bde bas rab tu myos shing 'jigs par mdzad pa'o/ / rgyab tu zhal gsum pa la ni rmad du byung ba'i bza' ba'o// g.yon du zhal sgeg pas 'o mdzad pa'o// de bzhin du steng ma'i zhal gtsigs pa zhes bya ba ni rnam par mdzad pa'i mchog go// zhal gsum ni stong pa nyid dang / mtshan ma med pa dang / smon pa med pa'i ye shes so// mi bskyod pa'i gzugs can gyi rdo rje can ni de bzhin du phyag drug pa'o// rgyas par mdzad pa'i mtsho 'byung ba ni phyag gnyis pa la zhal gcig par yang bstan par bya zhing / / g.yon pa'i phrag par ni mchod phyir dag pa'i sbyor bas rdo rje dang / dril bu dang bcas pas kha T+wAM ga gnas pa'o// de'i phyag g.yas pa ba dan rtse gsum pa dang ldan pa dang / rdo rje su tsi ka dang 'bar ba'i 'khor lo'o// phyag g.yon pa na thod pa snying rje chen pos gang ba yongs su 'dzin pa'o// phyag rgya chen po'i phyed krung gis za ba zhes bya ba ni snyan mthon po la 'dug pa ste/ rkang pa g.yon pa sa la gzhag par bya ste/ de'i brlal g.yas pa'i rkang pas sems dpa'i skyil mo krung gis sbyor bas bkod do// de'i rkang pa'i mthil gyis yang g.yon pa'i brda mnyam par sbyor bar byed pa'i sbyor bas mnan par bya'o/ / rigs kyi bu 'di ni bcom ldan 'das kyi dag pa'i gdan la bzhugs pa'i skyil mo krung gi phyag rgya 'dis bsgrub par bya ba rab tu thob par 'gyur ro/ / g.yon pa'i brla rkang pa'i dgod pas mnyam par sbyor bar byed pas phye mar byas nas rab tu rgyas par khro bo'i sku de ni zhal steng du bsams nas/ / des bsgrub par bya ba btung bar bya'o// de nyid bcom ldan 'das kyi zhal sbeng du bsgom par bya zhing zhabs g.yas pas de bzhin du rdo rje skyil mo krung gi sbyor bas bud med thams cad ji ltar 'dod par blangs nas/ / brla g.yon pa bskyod pas de rnams dang mnyam par sbyor bar bya'o// yang na zhal gyi phyag rgya bsgrag par bya ste/ shar gyi re'u mig la ni dkar mo'i gdong zhi pa'o// / g.yas su chom rkun ma'i gdong ni drag mo'o// rgyab tu rab tu rmongs ma'i ni bde ba'i myos byed kyis rab tu rmongs ma'i gdong ngo // g.yon du ro langs ma'i gdong ma'o// me'i re'u mig la puk+ka sI ni gar gyi gdong ma'o/ / bden bral gyi re'u mig la ni gdol pa mo gzhan gyi srog 'phrog pa'i sbyor bas thams cad du gus pa dang bcas pa'i gdong ma'o// rlung du g+hasma rI shi ba za ba'i gdong ma'o/ / dbang ldan du he ru ka lta bur bcom ldan 'das kyi gzugs can ma'o// dkar mo ni zhi ba'i lha sbyangs so// chom rkun ma ni drag mo'i lha stangs so// rab tu rmongs ma ni rab tu rmongs pa'i lha stangs so/ / ro langs ma ni shi ba slong ba'i lha stangs so// puk+ka sI ni gar gyi lha spangs so// gdol pa mo ni steng du lta ba'o// g+hasma rI ni gdan du lta ba'o// me tog la dkar mon gzugs bsams nas/ gang la byin pa de phyag rgyas 'debs par 'gyur ro// bdug pa la ni chom rkun ma'i gzugs so// chang la ni rab tu rmongs ma'i gzugs so// chu kha ni ro langs ma'i gzugs so/ / shing gi 'khril shing la ni puk+ka sI'o// ras la ni gtum mo'o// me la ni g+hasma rI sne/ rtse gcig pa'i mnyam par sbyor ba'i bsam gtan gyi sbyor bas kun tu gnas so/ / de nas dkar mo de'i bsam gtan gyis kyang phyag rgyas gdab par bya'o zhes sbyar ro// de ltar bya ba chom rkun mas snying kha nas drangs pa'i bsam gtan gyis bsgrub bya'i lus la zhugs te snying nas drangango / / rab tu rmongs ma'i sbyor bas bde bas rmongs shing bsgrub bya rmongs par bsam par bya ste/ de ltar bde ba rab tu sbyin pas rab tu rmongs par byed pa'o// ro langs ma'i bsam gtan gyis bdud rtsi chu yis gtor bas shi ba slong bar byed do/ / puk+ka sI'i rnal 'byor gyis se gol gtogs pas gar byed do// steng du shin tu dbugs kyi bsam gtan gyis lhan cig tu gyur pas gdol pa mos gsod par byed do/ / gdan gyi bza' bas g+hasma rI'i bsam gtan des bza' bar byed do// dkar mos ni g.yon gyi lha stangs kyis bsgrub bya la bltas pas phyag rgyas 'debs par byed do/ / yid kyis bsgrub bya'i snying khar zhugs te/ de'i snying gi pad+ma lag pa g.yon pas 'don cing 'gugs par byed do// chom rkun mas ni snying nas 'dren par byed do// rab tu rmongs mas ni yid kyis sam mngon du'o/ / byed pas bde bas rab tu rmongs par byed do// ro langs ma ni yid kyis sam/ mngon sum du 'khrud nas 'di ba slong bar byed do// puk+ka si'i rnal 'byor gyis gar byed pa ni yid kyis bsgrub bya dang lhan cig gcig tu gyur pas rang gi sa gar byed do/ / yid kyis bsgrub bya dang lhan cig gcig tu gyur pas bde bas rmongs pa'i steng gi lha stangs byas te/ gtum mo'i rnam 'byor gyis gsod par byed do/ / g+hasma rI'i rnal 'byor bsgrub bya khar bcug ste bca' zhing bza' bar bya'o// bza' bar bya ba zhes bya ba ni dgra bo thams cad shin tu rtag tu zos pa zhes bya bar 'gyur ro/ zhes bya ba'i don to// rdo rje hUM mdzad la ni 'jig rten gsum sgrol ba zhes bya ba'i ming rnyed par 'gyur te/ de ni rdo rje sems dpa' ste 'jig rten gsum las rnam par rgyal ba yin no// de nas gzhan du zhes bya ba ni mdzes pa dang / snying rje'i stobs la sogs pa'i khro bo gzhan thams cad khro bo'i ro gcig par zhen pa'o// bcom ldan 'das khro bo'i gzugs kyi mtshan ci lags/ gang gi don du gsungs/ lus la dam par lta ba dang / srog dang gang zag la sogs pa bdag tu 'dzin pas smras pa dang / rtag pa thams cad kyi mthar byed pa gshin rje'i rgyal po ste/ gsum byed pa de rnams kyis brtags pa'i 'khor lo las rgyal ba ni brtags pa thams cad kyi mchog dngos grub kyi dbang phyug yin no/ / khro bo'i rgyal po gshin rje 'jigs byed ces bya ba bshad par bya ste/ gang gi phyir khyab 'jug dang / dbang phyug chen po la sogs pa nas bzung ste/ de thams cad rdo rje 'jigs byed kyis thal bar brlag par mdzad do// 'dod chags chen po zhes bya ba la 'don/ chags chen po ni 'dod chags rdo rje ste/ de'i ngo bo can ni der brjod pa yin no// yang rdo rje sems dpar gyur nas 'dod chags can gyi rdo rjer 'gyur ba'i phyir dpyid lta bur me tog dri zhim pa'i 'phreng ba dang / snying po la sogs pas brgyan par bya ba'i phyir dang / me tog gi gzhu dang mda' dang ldan pa'i phyir nga ni 'dod pa'o// sku gsum mda' ni rnam dgod pa zhes bya ba ni spang leb kyi phub kyi dbus su yuM khaM dang / oM la sogs pa gsum dgod pa dang / mda' dang lhan cig btsun mo'i spyi bor rdzas 'di rnams bsam par bya zhing 'dzag pa'i don du pad+ma'i mthar gsungs so// gal te 'dod pa zhu ba ni 'dod pa zhu ba lta bu'o// pad+ma zhes bya ba ni snying po ste/ e baM lha bur dbang du gyur pas 'dzag pa'o// 'di skad la sogs mtha' yas mchog/ sangs rgyas kun gyi sdom pa mchog ces bcom ldan 'das de bzhin gshegs pa thams cad kyi sku dang / gsung dang / thugs kyi rdo rje de bzhin gshegs pas bka' stsal to// de nas bcom ldan 'das rnams dang / byang chub sems dpa' sems dpa' chen po lag na rdo rjes bcom ldan 'das la 'di skad ces gsol to// nyid kyi 'byung ba yang dag par bka' stsal pa/ da ni bdag la bshad du gsol/ sna tshogs bris sku bkab pa zhes bya ba ni gdan rnams su brjod do// de rnams kyi yar 'jug pa ni don gyi rnal 'byor to// bris sku 'jug pa'i rnal 'byor ro// de bas na rang 'byung bar byed do/ / yang dag par rab tu gsungs pa zhes bya ba ni bskyed do// zhes bya ba'i don to// pad+ma'i snod ces bya ba'i ni mi'i thod par shes par bya'o// da ni yang khyod la btsun mo'i dkyil 'khor gyi dbyibs bshad par bya ste/ de bzhin gshegs pa'i pho zang ni zlum po 'o// he ru ka'i zla ba byed pa'i dbyibs zhes bya ba ni rlung gi dkyil 'khor gyi dbyibs zhes bya ba'i don no// pad+ma'i rnam pa dang / rin po che'i rnam par shes par bya'o/ / ji ltar 'dod pa zhes bya ba ni ji ltar 'dun pa'o// de ltar de bzhin gshegs pa dang / rdo rje dang / pad+ma dang / rin po che dang / ral gri'i gdan gyi dbus su sgrub pa po gang 'dod pa de nyid de bzhin gshegs pa la sogs pa'i gzugs brnyan no/ / phyi nas rta mchog gi gzugs brnyan gzhug par bya ste/ rta mchog gi dkyil 'khor du gsungs pa yin no// ji ltar thob pa zhes bya ba ni ji ltar rnyed pa zhes bya ba'i don to/ / gang nyid kyi dkyil 'khor gyi yo byad skyes pa nyid kyi yo byad kyis bri bar bya'o// dus ji lta bar zhes bya ba'i ni zhi bar 'dod pas de bzhin gshegs pa'i dkyil 'khor gyi dbus su sngan te bri bar bya'o/ / rgyas pa'i don du rin po che'i dkyil 'khor la nyi ma shar na bri bar bya'o// mngon spyod kyi las rnams la nyi ma phyed dang nam phyed na rdo rje'i dkyil 'khor la'o// gzhan pa'i las rnams la pad+ma'i dkyil 'khor la nyi ma skur na'o/ / ji ltar bde ba zhes bya ba ni dam tshig dang / dbang la dus kyi nges pa yod pa ma yin no// shar dang / lho dang / byang dang / nub kyi phyogs su thig bzhi btab pas dkyil 'khor brgyad du'o// yongs su gang ba'i dbang zhes bya ba ni slob dpon thams cad do// slob ma mchog 'bring tha ma kun zhes bya ba ni tha ma la ni dkyil 'khor gyi dbang dang / nyin par gyi thig le'o// 'bring po la ni nya phyis kyis so// gang zhig mchog de rnams la ni sangs rgyas gcig pu'i bdag nyid kyis sbyin par bya'o// dum bu gcig pa'i mgon skyes zhes bya ba ni dum bu gcig pa dang / mgo bo'i rdo rje ni dum bu gcig pa'i mgo skyes so// dum bu gcig pa'i ni thod pa dum bu'i gcig nyid kyis dbang yang bya'o// mgo skyes zhes bya ba ni pad+ma'i snod do// dum bubu gcig pa ni dum bu gcig pa ste/ ma gas pa dang ma chag pa zhes bya ba ji snyed pa rtogs par bya'o// kaM ni phung po skyong bar byed pa'i phyir thod pa'o// de bzhin du gsungs pa/ sangs rgyas kun gyi bdag nyid 'grub/ / pad+ma gcig bdag de bzhin no// bcom ldan 'das rnam par snang mdzad kyi rdo rje rin po che'i dbang ngo // dpal he ru ka ni rdo rje'i dbang ngo // 'od dpag tu med pa'i dbang ni nor bu'i dbang dang / der bzla par yang bya'o/ / rin po che phyed pa ni rdo rje'i dbang ngo // sangs rgyas kun gyi sku ni nor bu'i dbang du shes par bya'o// rta mchog gi'ang ngo // rgyud dang 'bras bu'i rang bzhin gyis mi bskyod pa ni rdo rje sems dpa' yang par bya'o/ / thod pa'i gdan 'di'i 'bad pas bsgrub par bya ba gang zhe na/ rang bzhin nyid de'i 'grub pa rab tu 'byung bas rang bzhin las rab tu 'byung ba'i nus pas gzung ba dang 'dzin pa'i rnam par rtog pa skabs med pa'i ngo bo'i phyir de nyid du gyur pa'i rab tu byung bas de'i rang bzhin gyis grub pa'o/ / thod pa'i 'phreng ba'i rgyan gyi gzugs kyi rang bzhin las zhes bya ba ni gnyis su med pa'i ye shes las de ltar gsungs pa yin no/ / dper na me ni tshe ba'i rang bzhin du grub pa ste/ de ltar de'i yang rab tu 'byung ba nyid las rang bzhin rnam par dag pa'i phyir de nyid kyi bzang po'i bsam pa'i rnal 'byor byas na ye shes sems dpa' dang lhan cig gcig pa'i dngos pos de ltar gyur pa'i rnal 'byor gyis de bzhin gshegs pa thams cad kyi rtogs par bya'o/ / rang gi snying kha'i zla bar hUM zlos bris nas de brjod par bya ste/ bdag nyid nam mkha' dang mnyam par bsam par bya'o// de nyid kyi zla ba'i dkyil 'khor gyi rnam par yang zla ba'i dkyil 'khor nyid do// de'i steng du rdo rje rtse lnga par hUM thos yang sgom mo// der de bzhin gshegs pa thams cad bcug cing / der yang rdo rje sems dpa' bskyed nas bkug ste pad+ma'i gdan la bzhugs su gsol ba dang / ji ltar spyan ma la sogs pa'i sprul par yang bzhugs par bya'o/ zhes bya ba'i don to// de ltar rnam par snang mdzad la sogs pa'i yang rang gi rigs kyi 'byung ba'i sbyor ba blta bar bya ste/ 'dis ni yang rab tu sbyor bas gang zhig de rnams skye ba de ni nyi ma dang bla ba 'byung ba lta bu'o/ / phyi rol dang nang gi bdag nyid las yi ge lngar 'gyur ba'i phyir lha mo thams cad gnyis las skyes pa dang rdzogs pa'o// las thams cad rab tu rgyas par 'byung ba'i tshe ga'o/ / la la zhes bya ba ni mthong ba'o// rang gi sems so sor rtogs pa'i phyir byang chub kyi sems so// byang chub tu btab pa'i sems dpa' ni byang chub sems dpa'a'o// de'i spyod pa ni byang chub kyi spyod pa ste/ ji ltar sems dpa' yang dag par rnyed nas rjes su 'brang ba'i phyir rjes su 'gro ba'o// rgyal bar byed pa dang / sbrang rtsir byed pa dang / don thams cad grub par byed pa'i ming po gsum gyi gzugs kyis gnas pa'i tshul gyis dang / sems can gyi don byed de/ de nyid sna tshogs kyi rnam par 'gyur zhing / rdul dang / mun pa dang / snying stobs kyang sems can gyi don du 'gyur te/ gang zhig rnam par dag pa de ni kun tu bzang po'o/ / de bas na byang chub kyi spyod pa 'di ni ji ltar rjes su 'brang ba zhes bya ba ni gong ma bzhin no// khab nas gsal bar 'byung ba'am zhes bya ba ni sems can gyi don duskyes bu chen po'i mtshan sum cu rtsa gnyis dang / dpe byad bzang po brgyad cu rdzogs pa ste/ bsod nams kyi phung po nga'i nyi zer gyi rdul ni skyes bu chen po'i mtshan sum cu rtsa gnyis rnams so// de rnams kyi rdul ni dpe byad bzang po rnams so// gsal bar gyur pa de gang zhe na/ gsal ba ni khyad par du yon tan la sogs pa 'dzin pa ste/ byang chub rin po'i mchod pa ni de rnams kyi tshogs kyis yongs sa su bskor ba'o/ / bdud kyi gzugs kyis byang chub sems dpa' slu ba ni skyes pa'i bdud de/ nyan thos dang rang byang chub kyi sems gsod pa'i phyir ni bdud ni 'dod chags rdo rje bdud bzhi bcom pa dang ldan zhing bdud las rgyal bar kha cig tu shAkya thub par gyur pas mngon par rdzogs par sangs rgyas te/ chos dang gang zag tu 'dzin pa tshar gcad pa'i phyir thar pa rnam par dag pa'o/ / 'jig rten pa'i rnal 'byor pa'i gang zag tshar gcad pa'i phyir dang / nyan thos dang rang sangs rgyas kyi chos su 'dzin pa tshar gcad pa'i phyir de ltar chos dang gang zag la bdag med par rtogs nas ji ltar gyur pa yongs su shes pa'i phyir thar pa thams cad rnam par dag pa yin te/ 'di'i don du bcom ldan 'das rnam par snang mdzad chos kyi 'khor lo bskor bar mdzad pa'o// bdag tu lta ba rnam pa drug cu rtsa gnyis dang / 'dod chags rnam pa thams cad dang / de'i rnam par dag pa ste/ de kho na la bdag mi dmigs pas rang bzhin med pa'i phyir de'i don du spyan ras gzigs kyi dbab phyug gi rgyal po ni pad+ma gar gyi dbang phyug yin no/ / dga' ldan gyi lha rnams thams cad kyi mthar thug pa la 'khor lo dam pa'o// rdzu 'phrul gyi cho 'phrul sna tshogs pa'i mchog ni lha'i 'khor lo dam pa'o// 'di lta ste/ yang na rigs kyi bu sangs rgyas thams cad kyi 'dus pa zhes bya ba la 'du ba ni tshogs pa'o// bde ba can zhes bya ba ni mchog gi dga' ldan te/ rigs kyi bu bde ba can gyi khams lnga bu'o/ / dper na bde ba can gyi 'jig rten gyi khams ni de bzhin gshegs pa thams cad 'dus pas brgyan pa'o// de bzhin du bcom ldan 'das pad+ma gar gyi dbang phyug dang / dpal rnam par snang mdzad la sogs pa de bzhin gshegs pa gzhal du med pas bskor bas/ de ni bde ba can gyi 'jig rten gyi khams lta bu ste/ de'i don du pad+ma gar gyi dbang phyug sgrol ba po 'byung ba yin no// sbyin pa dang / sbyin pa po dang / len pa po mi dmigs pa'i sbyin pas ser sna spang ba'i phyir don dam par rnam par dag pa de'i don du ser sna can gyi sems can rnams 'khor gsum yongs su dag pa'i ye shes kyis shin tu sbyin pa la sbyor ba yin no zhes bya ba'i don to/ / nyi ma lta bu'i phyag rgya chen po ni nyi ma'i phyag rgya'o// nam mkha'i snying po zhes bya ba ni nam mkha' la mnyam pa nyid kyi ye shes las snying po bskyed pa'i phyir gang gi'i di ni de de bzhin du gsungs so/ / dngos grub thams cad kyi dbang phyug bsam pa thams cad yongs su skong bar byed pa ni sems can thams cad kyi rnam pa thams cad du 'khor lo sgyur ba la sogs par gsol ba 'debs pa de rnams kyi bsam pa de rab tu sbyin pas thams cad kyi bsam pa skong bar byed pa ste/ de'i phyir bka' stsal pa/ nam mkha' la glang po la sogs pa rin po che bdun gyi rin po che thams cad kyi char 'bebs pa zhes bya ba ni rin po che bdun gyi char 'bab pa'o/ / de'i don du sgrol ma ni 'jig rten gsum las rnam par rgyal ba yin no// shin tu/ brtson 'grus dman pa zhes bya ba ni le lo la sogs pa'o// stobs kyi rnal 'byor ni drag po'i rnal 'byor ro// de bas na stobs kyi rnal 'byor gyis rnam par dag pa ni drag shul gyi rnal 'byor gyis rnam pabapar dag pa'o/ / brtson 'grus kyi sbyor bas ni de'i don du stobs kyi rnal 'byor rnam par dag pas rta mchog 'byung ba yin te/ rta mgrin yin no zhes bya ba'i don to// dpung pa bzhi dang lag pa bzhi zhes bya ba 'di ni phyag brgyad pa lta bu'o/ / zhabs bzhi zhes bya ba ni g.yon brkyang ba'i sbyor ba'o// de nas g.yas pa'i zhabs gcig gis ni mi'i dngos grub ma dang dpal mo mnan to// gnyis pas ni lba mo sha tsi dang dga' ma mnan pa'o/ / g.yon gyi dang pos ni mig gsum pa dang khyab 'jug go// gnyis pas ni tshangs pa dang 'dod lha mnan nas bzhugs so// dngos grub thams cad kyi dbang phyug tu m chog gis ni 'jig rten gsum po lha chen po la sogs pa de rnams bsdus nas gsum la skyabs su 'gro ba la sogs pa rnams kyis rnam par btul ba zhig rdo rje hUM mdzad kyis 'jig rten gsum po thams cad bsgral nas/ de'i dkyil 'khor du lha chen pos bla ma la dka' ba zlog ma yon du phul nas phyung ba ni rim pa ji lta bar gru bzhi sgo bzhi par thig gdab par bya zhing sgeg mo la sogs pas yongs su gang ba zhes bya ba'i don to/ / dkyil 'khor gyi tshad gang gis thig gdab par bya ba zhe na/ nang du khru gang zhes bya ba ni dbus su'ang khru gang ste/ phyi rol du khru gang nyid dang / 'phar ma gsum pa khru gnyis pa zhes bya bar dgongs pa'o/ / zla ba'i dkyil 'khor lta bu zhes bya ba ni dkyil 'khor gyi snying po zlum po yin no// zhes bya bar bcom ldan 'das 'jig rten gsum bo sgrol ba'i dkyil 'khor bka' stsal to/ / da ni mi mthun pa'i phyogs kyi sgom pa dang / byang chub kyi phyogs kyi sgom pa bshad par bya ste/ de la re zhig dang por tshul bzhin ma yin pa yid la byed pa ni sred pa'i rgyu'i phyir ro/ / rmongs pa las bden pa bzhi la 'jug pa'i phyir dran pa nye bar gzhag pa sgom pa ni lus la tshul bzhin ma yin pa sgom pa te/ de yongs su brtags pas gang zhig sdug bsngal gyi bden pa la 'jug pa'o/ / de'i tshul bzhin ma yin pa yid la byed pa ni 'du byed kyi mtshan nyid kyi phyir tshul bzhin ma yin pa yid la byed pa ni 'du byed kyi sdug bsngal te/ de dang lhan cig zag pa med pa dang bcas pa'i gnas skabs kyi sdug bsngal gang zhig lta ba'i phyir tshor ba ni sred pa'i rgyu'i phyir te yong su brtag pas kun 'byung gi bden pa la 'jug go/ bdag gis dngos po la mngon par zhen pa ni sems de yongs su brtags pa'i phyir 'gog pa'i bden pa la 'jug go/ / bdag tu lta ba gcod pas rtogs pa'i phyir chos la rtogs pas gang zhig kun nas nyon mongs pa dang / rnam par byang ba'i chos thams cad la rmongs pa med pa'i phyir lam gyi bden pa la 'jug pa'o// de ltar dang por bden pa bzhi la 'jug pa'i phyir/ dran pa nye bar gzhag pa'i sgom pa rnam par gzhag par bya ste/ de nas yang dag par spong ba'i sgom pa yongs su shes la/ gang gi phyir mthun pa'i phyogs dang / mi mthun phyogs kyi rnam pa thams cad du de rtogs na brtson 'grus rnam pa bzhi po 'di rab tu rtsom mo/ / dran pa nye bar gzhag pa sgoms pas mthun pa'i phyogs dang / mi mthun pa'i phyogs kyi rnam pa thams cad yongs su shes nas mthun pa'i phyogs yongs su shes par bya ba'i phyir dang / mi mthun pa'i phyogs yongs su shes par bya ba'i phyir brtson 'grus rnam pa bzhi yang dag par rab tu rtsom ste/ sdig pa mi dge ba'i chos skyes pa rnams spang ba'i phyir zhes rgyas par gong du gsungs so/ / las nyid la gnas pa zhes bya ba ni de la don thams cad yang dag par rtogs pa'i phyir/ skyon lnga spang ba dang / 'du byed brgyad brten pas de'i phyir yongs su shes pas brtson 'grus kyi bsgom pas sems gnas pa'i las nyid do/ / rdzu 'phrul gyi rkang pa bzhi ni don thams cad yang dag par 'phel ba'i rgyu'i phyir gnas pa ni 'dir sems kyi ting 'dzin du rig par bya'o/ / de nas yang dag par spong ba'i mthar rdzu 'phrul gyi rkang pa de'ang las nyid do// skyon lnga spang ba dang / 'du byed brgyad bsgoms pas rig par bya'o// skyon lnga gang lags/ bcom ldan 'das kyis bka' stsal pa/ de la le lo dang / shes bzhin ma yin pa dang / rmugs pa dang / bying ba dang / rgod pa nyid do// mngon 'dus ma byas pa dang / de nas mngon par 'du bya ba skyon lnga spang bar lnga po 'di rnams brjod do/ / de la bying ba dang rgod pas skyon gcig byed de/ mngon par 'dus ma byas pa bying ba dang rgod pa 'jug pa'i dus su skyon no// mngon par// 'dus byas pas rab tu zhi ba la 'di rnams spang ba'i phyir ji ltar spang zhing 'du byed brgyad rnam por gzhagacig ce na/ bzhi yis le le snang ba'i phyir 'dun pa dang / rtsol ba dang / dang po dang / shin tu sbyan/ pa de rnams yang rim pa ji lta bar rig par bya'o// gnas dang de nas gnas pa dang / de'i mtshan ma dang / 'bras bu nyid de/ gnas ni 'dun pa'o// gnas pa ni rtsol ba'o// de'i gnas 'dur ba'o mtshan ma ni dad pa ste/ yid ches pa dang / dang ba dang / 'dod pa'o// de'i gnas pa rtsol ba'i 'bras bu ni shin tu sbyangs pa ste/ 'dun pa dang bcas pa'i brtson 'grus kyi ting nge 'dzin gyis khyad par rtogs par bya'o/ / lhag ma spong ba'i 'du byed bzhi ni dran pa dang / shes bzhin dang / sems dpa' dang / btang snyoms te/ grangs ji lta bar skyon bzhi'i gnyen po'i phyogs so// de'ang dran pa la sogs pa'i rim pa de bzhin du rig par bya ste/ dmigs pa na rmugs pa med pas bying ba dang rgod pa rjes su rtogs par bya zhing / de nyid kyi mngon par 'du byed pa zhi ba la shin tu sbyangs pa 'byung ngo // dran par migs pa na rmugs pa med pas shes bzhin te/ rmugs pa med par gyur na bying ba dang rgod pa rtogs so// ma rtogs pa de rtogs par bya ba'i don du mngon par 'du byed pa'i sems kyis bying ba dang rgod pa zhi ba la dam pa shin tu sbyangs pa'i sems kyi btang snyoms so/ / rdzu 'phrul gyi rkang pa'i mthar dad pa la sogs pa'i dbang po lnga po de rnams kyi rnam par gzhag pa ji ltar dgod ce na/ thar pa'i cha dang ldan pa gang zhig 'dun pa'i rnal 'byor gyi bdag po dang / dmigs pa na rmugs pa med pas brjod pa med pa'i bdag po'o// bdag po zhes bya ba na sgyur bar byed pa'o// rdzu 'phrul gyi rkang pa'i las ni sems kyi 'jug pa'o/ / thar pa'i cha dang ldan pa ni dge ba'i rtsa ba la 'dun pa'i bdag po dang / rab tu sbyor ba'i bdag po dang / dmigs pa na rmugs pa med pa'i bdag po dang / brjed pa med pa'i bdag po dang / rnam par 'byed pa'i bdag po ste/ go rims ji lta ba bzhin du dad pa la sogs pa'i dbang po lnga po rnams rig par bya'o// de la za ba po dang bza' bar bya bas stong pa bka' stsal pa/ nang gi skye mched rnams nas brtsams te/ phyi rol gyi bza' ba stong pa nyid dang / de'i lus kyi za ba po dang / bza' ba dag gang zhig byin gyis brlabs pa'i lus de'i stong pa nyid la'ang lta zhing skyo bas 'du byed spong bar byed de/ dge ba mi zad pa dang / gang yang khyad par du bltas pas nang dang phyi rol stong pa nyid du gsungs so// rab tu gnas pa'i dngos po snod kyi 'jig rten rgyas pa'i phyir de stong pa nyid ni chen po stong pa nyid ces gsungs so/ / de'ang nang gi skye mched rnams la sogs pa gang gis stong pa nyid mthong ba stong pa nyid kyi ye shes kyi de'i stong pa nyid ni stong pa nyid stong pa nyid do// ji ltar don dam pa'i rnam pas mthong ba'i de'i spyong pa nyid ni don dam pa'i stong pa nyid do// de'i don du'ang byang chub sems dpa' rab tu spyod do// de'i spong ba nyid kyi don ji ltar 'tshal bar bgyi/ bcom ldan 'das kyis bka' stsal pa/ dge ba gnyis 'thob don du dge ba'i 'dus byas dang / 'dus ma byas gnyis so// rtag tu sems can la phan pa'i phyir dang / sems can la shin tu phan pa'i don du 'khor ba mi spang ba'i phyir de'i phyir stong pa nyid ni thog ma dang tha ma med pa stong pa nyid do// rgyun mi 'chad par 'khor ba stong pa nyid du pa mthong bas skyo ste/ 'khor ba yongs su spong bar byed do/ / gang yang dge ba mi zad par khyad par du lta bas mya ngan las 'das par yang mi byed cing / de'i stong pa nyid spong bar yang mi byed de/ 'di ni blang ba dang dor ba med pa stong pa nyid do/ / rigs kyang rnam par dag pa'i phyir zhes bya ba la/ rigs ni rang bzhin te// ngo bo nyid do// mtshan dang dpe byad thob par bya ba'i phyir zhes bya ba la/ skyes bu chen po'i mtshan dang dpe byad dang bcas par thob par bya ba'i phyir dang / dag par bya ba'i phyir sangs rgyas kyi chos rnams la byang chub sems dpa' rnams rab tu spyod do// khyad par gyi stobs dang mi 'jigs pa la sogs pa sbyong ba'i phyir re zhig stong pa nyid bcu bzhir rnam par gzhag par rig par bya'o/ / yang 'dir stong pa nyid gang zhe na/ chos dang gang zag gi don dngos po med pa stong pa nyid de/ de'i phyir de las byung ba don dam pa'i dngos po ni der de stong pa nyid dang / phyi rol gyi chos dang gang zag dngos po med pa stong pa nyid las byung ba'i gcig pa'i dngos po'o// der ji skad gsungs pa'i zab mo la sogs pa stong pa'i phyir stong pa nyid bcu drug tu mtshan nyid bshad pa'i don du gzhung gnyis su stong pa nyid rnam par gzhag par bya ste/ dngos po med pa stong pa nyid dang / dngos po med pa'i rang bzhin stong pa nyid de/ chos dang gang zag la yang dag par 'jug pa de'i stong pa nyid ji snyed pa yongs su spang ba'i don du rim pa ji lta ba de ltar stong pa nyid kyi rab tu dbye bar shes par bya'o/ / ji ltar bsgrub par rnam par shes par bya zhe na/ gal te 'di kun nas nyon mongs papa can du ma gyur na lus can thams cad grol bar 'gyur ro/ / gal te 'di rnam par dag par ma gyur na brtsams pa 'bras bu med par 'gyur ro// gal te chos rnams kyi stong pa nyid glo bur gyi kun nas nyon mong pa ma skyes pa'i phyir mi mthun pa'i phyogs kyis kun nas nyon mongs pa can du ma gyur na kun nas nyon mongs pa dngos po med pa'i phyir 'bad pa med pa nyid du sems can thams cad grol bar 'gyur ro/ / de nas ma skyes pa'i yang mi mthun pa'i phyogs kyis rnam par dag par 'gyur te/ thar pa'i don du rtsom pa 'bras bu med par 'gyur ro// de ltar byas na nyon mongs pa can ma yin pa dang / dag pa dang ma dag pa nyid sems kyi rang bzhin 'od gsal ba'i phyir de ji ltar na nyon mongs pa'ang ma zhi ma dag pa'ang ma yin no/ / nyon mongs pa glo bur gyi phyi lhar nyon mongs pa can ma yin zhing dag pa can ma yin/ zhing dag pa'ang ma yin no// de ltar stong pa nyid kyi rab tu dbye ba gsungs so// de la spong ba nyid kyi mdor bsdus pa'i don bsgrub pa yin no// yang gsungs pa/ 'dod chags kyi gnyen por mi sdug pa la sogs pa dang / zhe sdang gi gnyen por byams pa dang / gti mug gi gnyen por rten cing 'brel par 'byung ba'o// de la ji ltar 'dod chags rnam par ldog ce na/ gal te de dang 'gal ba'i phyir ro zhe na/ yin mod kyi gang zhig de skad du 'dod chags kyi bdag nyid du byed pa na 'dod chags dang bral ba yin no// de bzhin du gsungs pa/ bcom ldan 'das kyis rigs kyi bu e ma'o sangs rgyas thams cad kyi 'dod chags kyi ye shes ni rnyog pa med pa ste/ 'dod chags 'dod chags dang bral ba bcom nas bde ba thams cad sbyin par byed do// 'dod chags la sogs pa ni rang bzhin gyis kha na ma tho ba med pa dang bcas pa ste/ gzhan du rgyun du zhugs pa'i 'dod chags rnyed pa yin na de'i 'dod chags la sogs pa yongs su mi spong bar spyod na/ 'on te rim pa'i khyad par las yon tan gyi khyad par 'byung bar 'gyur ro/ dper na ke ta ka'i me tog dri'i glang po ches zos na gla rtsi la sogs pa'i dngos por 'gyur ro// glang po che phal pas zos na lci ba'i dngos por 'gyur ro// de bas na de la ka ha ka'i me tog gi skyon ma yin te/ de bzhin du 'dod chags la sogs pa'ang rnam par dag pa'i rim pa la gnas pas bsam pa'i khyad par gyi sbyor ba la khyad par du 'phags pa nyid kyi 'bras bu smin par 'gyur ro// dper na 'o ma sprul la sogs pas 'thungs na dug gi dngos por 'gyur ro/ / gzhan yang skyes bus 'thungs na bdud rtsi'i dngos por skye bar 'gyur ro// de ltar rigs kyi bu 'dod chags la sogs pa bsam pa'i khyad par gyis rang bzhin gyis kha na ma tho ba med pa'i phyir sbyor bas dngos po khyad par can gyi 'bras bu 'byung bar 'gyur ro/ / gang dang gang khyad par du 'phags pa'i rgyun gyi dngos po dang ldan pa de dang de'i 'bras bu khyad par du 'phags pa 'byung ngo / / dper na ke ta ka la sogs pa de rnams kyi khyad par du 'phags pa'i rim pa la gnas pa/ 'dod chags la sogs pa'i rang bzhin rnam par dag pa'o// rgyud kyi rgyal po chen po dpal yang dag par sbyor ba'i thig le zhes bya ba rdzogs so/ / / rgya gar gyi mkhan po kA ya s+tha pa ga ya d+hA ra'i zhal snga nas dang / bod kyi lo tsA ba dge slong shAkya ye shes kyis bsgyur cing zhus te gtan la phab pa/

CLOSE WINDOW