slad kyis de nyid kyi tshe bar+t+ti ta gnyis la yang dag par gtugs te gtan la phab pa'o// rgya gar skad du/ badz+raH ra ti a b+hi da na/ bod skad du/ rdo rje phag mo mngon par 'byung ba/ sangs rgyas la phyag 'tshal lo// de nas rnal 'byor bshad bya ba// 'dod pa'i don kun sgrub byung pa'o// b+h+yo ma las kyang phyim ste// mkha' bgro ma yi dra ba sdom/ / phag mo yi ni gtso mo yang // rnal 'byor rnams kyi grub b+har ma'o// rnal 'byor ma lus rnams kyi yang // snying po rnal 'byor btus pa'o// sgrub pa po la phan don phyir// bla ma'i brgyud ba gsal ba'o/ / byi rol rnam rtog med pa dang // kun tu dam tshig chos nyid dang // spyod dang dogs pa med pa dang // kun tu ser sna rnam spangs te// tshes grangs dang ni rgyu skar med// bsnyen gnas cho ga sa/ med de// dag dang ma dag gtsang yang med// chu yi gtsang sbra bya ba med// dus dang mal las rnam par grol// gtsang sbra'i spyod pa rnam par spangs// rang rgyud bsngags dang rnal 'byor shes// sems can kun gyi don brtson pas/ / ra sul tshang tshang phug rnams dang // chu bo'i ba gram dang 'dus pa dang // rgya mtsho chen po'i 'gram dag dang // shang gcig sa dang khang snying dang // ma mo'i khyim dang dur khrod dang // skyed mos tshal mchog sna tshogs dang / / lha khang dang ni mchod rten gnas// khyim mam yang na bzhi mdo ru// 'dod pa thams cad rab ster ba'i// sgrub pa po yis bsgrub par bya// gnas ni bstan par byas pa 'am// gang du yid ni dga' ba ru// sdom pa sna tshogs bsrung 'dod pa'i// der ni dngos grub yang dag 'grub// gdul bya'i bsam pa'i sbyor ba yis// bsgom pa'i dbye ba mang ba'o// ye shes lnga yi bdud rtsi yis// sa gzhi byug pa bya ba dang // bzod pa'i pha rol phyin nan tan// me tog gcal du dgram par bya// sna tshogs phyag rgya'i gdan dag la// gtor bar shin tu mnyam par gzhag/ bsam gtan pha rol phyin dmigs te/ / sems ni rtse gcig pa yis su// tshangs pa'i gnas ni bzhi po dang // bsdu ba'i dngos po bzhi dag dang // sems can kun la bde ba byung ba'i// dge ba bcu ni dmigs par bya'o// chos rnams stong pa nyid du ni/ / phyi nang bdag nyid mthong bya ste// de nas sems tsam du gnas te// byang chub kyi ni tshogs mchog go/ snying gi mkha' dbyings par dbus gnas// nyi ma'i dkyil 'khor bsgom par bya/ / ye shes lnga yi rang bzhin ni// mchog gi de nyid der mthong ste// 'od zer sna tshogs rang bzhin bzang // kun tu rnam par spros pa las// sngar grub rnams ni yang dag bskul/ / nam mkha'i khams ni nyams dga' bar// dkyil 'khor dam pa mthong ba ste// byin gyis brlab pa dag kyang ngo // til gyi gang bu bzhin mthong ste// khro bo lha mo thams cad dang // sangs rgyas byang chub sems dpa' dang / / bla ma byang chub sems dpa' dag/ mchod dang mchod pa byed pa'i bdag/ lha mo rnam par dgu mthong ste// sangs rgyas tshogs kyi sprul pa spro// khro bo'i rgyal po rnal 'byor/ ma/ 'gro ba rigs drug sems can yang // de ni sangs rgyas nyid du gzhug/ nam mkha'i khams zhes bya ba'i dbus// de nyid du ni zhugs mthong ste// ji srid byang chub snying po'i bar// thams cad du ni skyabs su mchi/ / sems can ma lus gyur pa rnams// sangs rgyas go 'phang la gzhag bya// sgrub pos de la gsol ba gdab// rtag tu skyabs su gsol bar bya// phung po lnga la nga rgyal ni// sems bzang po ni bskyed par bya/ / gzugs dang tshor dang 'du shes dang // 'du byed rnam par shes nyid kyang // oM hrIHhoHhUM zhes pa// rnam snang rdo rje nyi ma dang // de bzhin pad+ma gar gyi dbang // rdo rje rgyal po zhes thags dang / / de bzhin rdo rje sems dpa' mchog/ de bzhin gshegs pa thams cad nyid// dpal ldan rdo rje he ru ka/ mig dang rna ba sna dag dang // lus dang ngag dang de bzhin yod// oM hUM traM A khaM haM/ gti mug zhe sdang phrag dog dang / / 'dod chags ser sna nyid kyang ngo // skye mched kun la rdo rje dbang // sa dang chu dang me dang ni// rlung dang nam mkha' nyid dang ni// lAM bAM bAM tAM khAM zhes pa// ltung bar byed dang gsod pa dang / / 'gugs par byed dang gar byed nyid// pad+ma dra ba lha mo ni// nam mkha' dang mnyam lta bu'o// de ltar phung po khams dang skye mched rnams la rnal 'byor pa tha mal pa'i rang bzhin yongs su dag pa'i chos thams cad rang bzhin gyis yongs su dag pa'o zhes rnam par dag pa'i nga rgyal bya'o/ / de'i 'og tu gsum la skyabs su gsol te/ sngags kyi lus su gyur par bya'o// bdag nyid he ru kar bsgoms te/ sems can kun gyi don yang byed// he ru ka yi gnas thob par// bla na med pa'i go 'phang la// sems can thams cad gzhag par bya// oM swa b+hA ba shud+d+haHsarba d+harmAHswa b+ha ba shud+d+hohraM/ zhes lan gsum brjod do/ / nyi ma'i 'od zer 'phreng lta bu'i// dngos po kun brtse phyogs bcu ru// 'od zer de las ra ba dang // de bzhin du ni dra bar blta// rdo rje sa gzhi byin gyis brlab// bla re mda' yi ra ba dang // rdo rje me 'bar dra ba ni/ / de yi phyi rol ring du bsam// oM me di ni badz+ra b+hA ba badz+ra ban+d+ha haM/ oM badz+ra prA kA ra hUM baM/ oM badz+ra pany+dza ra hUM baM hUM/ oM badz+ra bi tA na hUM khaM hUM/ oM sha ra dz+wa la traM saM traM/ oM badz+ra dz+wa la a na lArka hUM hUM hUM/ mdzub mo mthe bong dag sbyar te// se gol gtogs te phyogs bcur ying // oM suM b+he na~M su~M b+ha huM hUM phaT/ shar du'o// oM gr-ih+Na gr-ih+Na hu~M hU~M phaT/ byang du'o// oM gr-in+d+ra pa ya gr-ih+NA pa la tsu hU~M phaT/ nub N+Dim/ oM A na ya ho b+ha ga bA na badz+ra huM hUM phaT/ lho ru'o// sngags kyi rgyal po 'dis bgegs thams cad kyi mgo la phur pa btab te g.yas skor dang g.yon pa skor ba ma yin pa'o// oM g+ha b+ha g+hA ta ya g+hA ta ya/ sarba duSh+TA na big+h+nAM hUM phaT/ kI li kI lA ya/ sarba pA paM hUM hUM hUM/ badz+ra kI lA ya badz+ra d+ha ra A dz+nyA pa ya ti/ sarba duSh+TA na big+h+na ka ya bAk+ShiHbadz+ra kI lA ya hUM phaT/ brdung bar bya ste/ rdo rje phur pa la / khro bo'i lta bas bltas nas/ gau rims dang go rims ma yin pas rdo rje sgrub pa pos brdungs te/ oM badz+ra mu da ga ra badz+ra kI lA ya A ko Da ya hUM phaT/ bdud med bdud kyi las kyang med// rang gi sems kyis bcings pa bzhin/ / gang gis rang gi sems 'dul na// gang las bdud ni gnas par 'gyur// stong nyid ye shes rdo rje yang // mnyam gzhag dang bas dran par bya// oM ma hA shU n+ya tA dz+nyA na badz+ra swa b+hA ba At+ma kohaM/ oM a ni mat+ti dz+nyA na badz+ra swa b+hA ba At+ma kohaM/ oM a pra Ni hi ta dz+nyA na badz+ra swa b+ha ba At+ma kohaM/ mig yor tsam gyi ye shes ni// sems tsam rnam par brtag par bya// nam mkha' lta bu'i chos 'di dag/ chos can med cing chos nyid mid// nam mkha' lta bur gos pa med// dngos po med cing rtog pa med// snying rje'i bdag nyid phan bya'i phyir// smon lam dbang gis dmigs bya ste// ji srid sa yi 'og dmigs pa/ / rlung gi dkyil 'khor bsam par bya// yaM gyi yi ge las byung ba// gzhu 'dra kha dog sngo dang ldan// rgyal mtshan gyis mtshan bsam bya ste// du ba'i 'phreng ba 'khrigs pa'o// de yi steng du raM las ni/ / me yi dkyil 'khor mchog yin te// zur gsum pa la kha dog dmar// 'bar ba'i 'phreng bas 'khrug cing dmar// nyi ma bye ba lta bur gnas// rdo rjes mtshan pa bsam par bya// de yi steng du chu nyid kyang / / baM las bum pa mchog tu gyur// zlum zhing 'od zer 'phreng bar ldan// kha ba lta bu nyid kyang ngo // de yi steng du bsam bya ba// laM las byung ba ser por ldan// gru bzhi pa la rdo rjes mtshan// 'od zer ser po'i tshogs 'khrug pa'o/ / de stang rnal 'byor pa bsgoms pas// ri yi rgyal po ri rab mchog/ zur bzhi rin chen bzhi rang bzhin// rtse mo brgyad kyis nye bar mdzes// suM las byung ba bzang po'o// 'od zer bzang po mchog gi mchog/ de yi steng du bsgom bya ba// bruM las byung ba rtag pa ste// de yongs gyur las 'khor lo mchog/ gzhal yas khang pa rnam par bsam// gru bzhi pa la sgo bzhi pa// rta babs bzhi yis rnam par brgyan/ / dra ba drab phyed pas spras// dar dang me tog chun pos brgyan// grwa yi cha ni thams cad dang // sgo khyud kyi ni mtshams rnams su// rdo rje rin po che yis spras// phyi yi dkyil 'khor thig gdab pa/ / pad+ma 'dab ma brgyad pa bri// sna tshogs kha dog mchog gi mchog/ lte ba dang ni ge sar bcas// thams cad dag pa nyid kyi gdan// de yi dbus su zla ba'i cha// gsal ba'i rang bzhin dri ma med/ / de stang A li ka li ni// dbus su bgyis brgyan pa'o// de yi dbus bzhengs gtso mo ni// phag mo rdo rje rnal 'byor ma// zhal bzhi phyag ni bcu gnyis te// spyan gsum shin tu chags pa'o// gdan la byed skyil gyis bzhugs te// shin tu mdzes pas gar byed pa'o// phyogs kyi gos can spa grol ba// phyed ni dbus ma dbang phyug nas// dkar dang dmar dang 'di'ajam gzugs/ / thod pa'i dbus ni dbu rgyan mdzes// rdo rje dril bu phyag rgya bsnams// pad+ma bskor cing 'khor ba ldan// dpral bar phyag rgya 'bar ba dang // mi yi pags pa'i bla gos dang // thod pa kha T+wAM ga 'dzin cing / / zhags pa lcags kyu 'dzin pa bzhag/ cang te'u gri gug mgo bo yang // zhal bzhi pa ni tshangs pa yi// sngo dang ser dang ljang ku yi// bzang po'i zhal gyis nye bar mdzes// zhal ni mche ba gtsigs pa ste/ / zla ba phyed pas steng du brgyan// sna tshogs rdo rjes dbu rgyan mtshan// dngos grub thams cad rab sbyin byed// lha mo phyag rgya drug gis brgyan// dum bu brgyad pas ska rags ni// ska rags sil sil sgra sgrogs pa/ / rkang pa'i gdub kyis nye bar mdzes// dpung rgyan mdzes par byed pa dang // dpral bar rdo rje 'phreng ba dang // phyag rgya rdo rjes mtshan pas so// shin tu gzugs bzang yid du 'ong / shar gyi 'dab mar mkha' 'gro ma// seng gdong ma ste 'jigs par byed// byang gi phyogs su phag gdong ma// lha mo lA ma 'jigs byed ma// nub tu lha mo glang po'i gdong // dum skyes ma ste drag mo bo// lho ru lha mo gzugs can ma// rta yi gdong pa lhag pa'i gzugs// spyan gsum sna tshogs gzugs can ma'o// thod pa kha T+wA~M ga 'dzin cing // mgo bo gri gug 'dzin pa can// gcer bu sgra ni grol ba ste// gar byed pa yis shin tu mdzes// yi dgas gdan la phyed skyil gyis// drag cing gtum pa 'jigs pa'o// 'jigs byed dang ni dus mtshan ma// lha mo zhabs kyi 'og tu mnan// me la sogs pa mtshams bzhi ru/ / byang chub sems la sogs pa'i sdod// bum pa'i steng du rnam par dgod// dung dang kun da zla 'dra ba'i// byang shar la sogs phyogs bzhi ru// rtsibs drug pa yi 'khor lo bri// 'khor lo'i dbus su pre bya ba/ / rigs kyi lha mo bzhi po ni// lha mo mA ma kI dang spyan// sgrol ma gos dkar mo dag ste// sngo dang dkar dang dmar ba ste// lha mo rdo rje rigs dbang phyug/ dkar dang sngo dang dmar ba yaM// lha mo rtag pa'i rigs yin no// ljang ku dkar dang dmar ba yi// lha mo las kyi rigs yin no// dmar dang ljang ku sar ba yi// lha mo pad+ma'i rigs las byung // sman gsum skra ni grol ba yin// phyogs kyi gos ni 'dzin pa yin/ / rgyan rnams thams cad yang dag rdzogs// phyag rgya drug gis rnam par brgyan// thod pa kha T+wAM ga 'dzin cing // rang gi mtshan ma rnam pa bzhi// rdo rje 'khor lo rgya gram dang // pad+ma dmar po mchog gi mchog/ de bzhin thams cad dril bu 'dzin// pad+ma skor bar byed pa'o// bdud bzhi po ni zhabs kyis mnan// grar dang bcas shing bzhad pa'i zhal// sna tshogs pad+ma rma dbus bzhugs rigs kyi dngos grub rang bzhin byed/ / mgo dang cang te'u phyag na bsnams// rdo rje gri gug gis kyang mdzes// thod pa'i 'phreng ba'i dbu rgyan can// mgo bo'i 'phreng bas brgyan pa'o// mtshams kyi cha ni thams cad du/ / gnas la sogs pa'i rim pa dgod// nang gi 'khor lo rtsibs drug la// lha mo ji ltar rjes mthun dgod// 'khor lo rtsibs drug dang po la// pul+li r+ya mal yang rab gtum ma'o/ / rtsibs gnyis pa la dz+wa lan d+ha rang gtum pa'i mig can no// gsum pa oM r+yan du 'ong ldan ma'o// bzhi pa ar bu dar sna chen ma'o// lnga pa gong ba rir brtan pa'i blo can ma'o// drug pa rA me shwa rir mi'u thung ma'o// gnyis pa byang gi 'khor lo rtsibs drug la/ dang po de bi ko Tir laM ka'i dbang phyug ma'o// gnyis pa ma la yar shing grib ma'o// gsum pa kA ma ru ba ra sa srungs ma'o// bzhi pa o Ter 'jigs byed chen mo'o// lnga pa tri sha ku nir rlung gi shugs can ma'o// drug pa ko sa lar chang 'thung ma'o// gsum pa nub kyi 'khor lo rtsibs drug gi shar gyi 'khor lo rtsibs dang po la ka mi kar ljang lha mo'o/ / gnyis pa laM pa kar shin tu bzang mo'o// gsum pa kany+tsi kar rta rna ma'o// bzhi pa kha ba can du byag dong ma'o// lnga pa pra ta pu rir 'khor lo'i shugs can ma'o// drug bgr-i ha de ba tAr dum skyes ma'o/ / bzhi pa lho'i 'khor lo'i rtsibs kyi shar du sor Sh+Tar chang 'tshong ma'o// gnyis pa gser gling du 'khor lo'i go cha ma'o// gsum pa nA ga rar shin tu dpa' mo'o// bzhi pa sin d+hu stobs chen mo'o/ / lnga pa ma rur 'khor los sgyur ma'o// drug pa ku lu tar brtson 'grus chen mo'o// dang po dkar ljang thod pa dang // kha T+wAM ga dang 'khor lo dang // cang te'u dang gri gug go// gnyis pa byang duljang ser rdo rje dang / thod pa dang / kha T+wAM ga dang / cang te'u dang / gri gug go/ gsum pa nub tu dmar ser thod pa dang / kha T+wAM ga dang / pad+ma dang / cang te'u dang / gri gug go// bzhi pa / lho'i lha mo ser dmar sna tshogs rdo rje dang / cang te'u dang / gri gug dang / thod pa dang / kha T+wAM ga 'dzin pa'o// lha mo thams cad phyed bud med/ phyed dbang phyug/ spyan gsum pa/ phyag bzhi pa/ gcer bu skra grol ba/ phyed skyil gyi gar gyi zhabs kyis bzhugs pa/ yi dgas kyi gdan gyi steng na thong ba'i 'phreng ba'i dbu rgyan can/ phyag rgya lngas brgyan pa/ rkang gdub dang / ska rags dang / dbu rgyan rnams rdo rjes mtshan pa'o// de nas 'khor lo phyi bskor te// rdo rje'i 'phreng ba shar du'o// 'khor lo'i 'phreng ba byang du'o// sna tshogs rdo rje'i 'phreng ba nub tu'o// pad+ma'i 'phreng ba lho ru'o/ / dbus su rdo rje ra bas mdzes// mtshams kyi cha rnams thams cad du// sna tshogs rdo rje yang dag bri// bro ldan de yi phyi rol bskor// yaM dgas 'phreng ba sna tshogs ldan// phyi rol dkyil 'khor sgo rnams dang // mtshams kyi cha ni bzhi rnams su// mkha' 'gro drag po'i gzugs can no// de la mnyam par bzhag pas dgod// khA gdong ma ni shar du dgod// khwa dog sngon po yid 'phrog ma'o/ / bug gdong ma ni byang gi sgor// dmar zhing ljang la mdzes pa'o// khyi gdong ma ni nub kyi sgor// drag cing ser mo du ba 'dra// lho yi ngos su phag gdong ma// ljang zhing sngo ba'i gzugs can ma'o/ / spyan gsum drag po 'jigs pa'o// phyogs kyi gos ni 'dzin pa'i mchog/ 'bru tshugs lta zhing bong thung ma// g.yas brkyang ba ma zhabs kyis bzhugs/ / sna tshogs pad+ma'i nyi dbus gnas// phyag rgya lngas ni rnam par brgyan// thod pa'i 'phreng ba'i dbu rgyan can// dbu skra grol zhing rnam par brtags// gshin rje brtan ma sa he'i gdong / / me yi phyogs su bzhugs pa'o// gshin rje pho nya bong bu'i gdong // bden bral gyi ni phyogs su bzhugs// gshin rje mche ba rnga mo'i gdong // rlung du rten cing drag por ldan// gshin rje 'joms ma rta yi gdong / / dbang ldan rten cing rnam par 'khor// thod pa'i 'phreng ba'i dbu rgyan can// sna tshogs gzugs can yid 'phrog ma// gcer bu skra ni grol ba dang // byed skyil gyi ni gar dang ldan// mche ba rnam par gtsigs pa'i zhal// spyan gsum zhal ni g.yo ba ste// sna tshogs pad+ma nyi dbus gnas// 'dod pa'i drag pos brtag pa'o// 'khor gyi lha mo dkyil 'khor rnams// thams cad yi dgas steng du bzhugs/ / thod pa kha T+wA~Mg 'dzin cing // gri gug mgo bo 'dzin par byed// lag pa g.yon na rnga chung ni// rdung bar byed cing shin tu 'jigs/ phyi rol bskor ba'i rnam pa ni// gzhan yang rnam pa mang por 'gyur/ / gru dang gar gyi yo byad dang // sna tshogs dam tshig mchog rnams dang // spos dang me tog mar me sogs// dri dang 'phreng ba byug pa dang // lnga yin bza' gzhal yas khang // lba yi rol mo mchog gi rnams/ / kun nas yongs su bskor ba yis// phyi yi rnal 'byor mas mchod byed// de la sogs pa mtha' yas mchog/ nam mkha'i khams ni yongs gang las// rnal 'byor ma yi sbyor ba mchog/ phag mo mngon par 'byung ba'i mchog/ gsang ba chen po'i mchog 'di ni// cung zad smra bar mi bya ste// phyi rol yi dgas 'phreng ba dang // dkyil 'khor dam pa bsgom par bya// ba di ltar dgod par bya ba ni// ji ltar 'khor lo de rnams dgod// sen mo dang so dag la ni rab tu gtum ma'o// sgra dang ba spu dag la gtum pa'i mig can ma'o// pags pa dang dri ma dag la bor ldan ma'o// shal sna chen ma'o// rtsa rgyus la brtan pa'i blo can ma'o// rus pa la mi'u thung ma'o// mkhal ma la lang ka'i dbang phyug ma'o// snying la ni shing grib ma'o// mig la sa srungs ma'o// mkhris pa la 'jigs byed chen mo'o/ / glo ba la rlung gi shugs can ma'o// rgyu ma la chang 'thung ma'o// gnye ma la ljang lha mo'o// lte ba la shin tu bzang mo'o// rkang pa la rta rna ma'o// mdoms su bya gdong ma'o// bad kan la 'khor lo'i shugs can ma'o/ / rnag la dum skyes ma'o// khrag la chang 'tshong ma'o// rdul la 'khor lo'i go cha ma'o// tshil la shin tu dpa' mo'o// mchin pa la shin tu stobs can ma'o// mchil ma la 'khor los sgyur ma'o/ / snabs la brtson 'grus chen mo'o// pul+li ra ma la ya ste mgo la rab tu gtum ma'o// dz+wa lan d+ha ra ste spyi gtsug la gtum pa'i mig can ma'o// oM r+yan te rna ba g.yas pa la 'od ldan ma'o/ / ar bu ta ste lhag par sna chen ma'o// go da ba ri ste rna ba g.yon pa la brtan pa'i blo can ma'o// rA me shwa ra ste smin ma'i dbus su mi'u thung ma'o// de bi ko Ta ste mig gnyis su lang ka'i dbang phyug ma'o/ / mA la wa ste phrag pa gnyis la shing grib ma'o// kA ma rU ba ste mchan khung gnyis su sa srungs ma'o// o tra ste nu ma gnyis su 'jigs byed chen mo'o// tri sha ku ni ste lte ba la rlung gi shugs can ma'o/ / ko sa la ste sna rtser chang 'thung ma'o// ka l-i ka ste kha la ljang lha mo'o// laM pa ka ste mgrin par shin tu bzang mo'o// kany+tsi ste snying gar rta rna ma'o// hi ma la ya ste mdoms su bya gdong ma'o/ / pre ta pu ri ste gsang bar 'khor lo'i shugs can ma'o// gr-i ha de ba tA ste bshang lam du dum skyes ma'o// sau rASh+Ta ste brla gnyis la chang 'tshong ma'o// su bar+Na dI pa ste rje ngar gnyis la 'khor lo'i go cha ma'o/ / na gar ste sor mo rnams la shin tu dpa' mo'o// sin d+hu ste rkang pa'i bol la stobs chen ma'o// ma ru ste mthe bong gnyis la 'khor lo sgyur ma'o// ku mu ta staM pus mo gnyis la brtson 'grus chen mo'o/ / sa'i khams ni ltung bar byed ma'o// chu'i khams ni gsod par byed ma'o// mo'i khams ni 'gugs par byed ma'o// rlung gi khams ni gar gyi dbang phyug ma'o// nam mkha'i khams ni bsgra dra ba can no/ / gzugs kyi phung po ni rnam par snang mdzad do// tshor ba'i phung po ni rdo rje nyi ma'o// 'du shes kyi phung po la pad+ma gar gyi dbang phyug go/ 'du byed kyi phung po la rdo rje rgyal po'o// rnam par shes pa'i phung po la rdo rje sems dpa' 'o/ / de bzhin gshegs pa thams cad nyid la dpal he ru ka'o// mig gnyis la gti mug rdo rje'o// rna ba gnyis la zhe sdang rdo rje'o// sna gnyis la phrag dog rdo rjeg / kha la 'dod chags rdo rje'o// reg la ser sna rdo rje'o// skye mched thams cad la dbang phyug rdo rje'o// thugs la rdo rje mi bskyod pa// kha la rdo rje 'od dpag med// sku la rdo rje rnam snang mdzad// oM baM lte ba la rdo rje phag mo'o/ / hA yau snying kha ra ya mi ni'o// hrI ma~M kha la rmongs byed ma'o// hriM hri mgo bo la skyod byed ma'o// hUM hUM spyi gtsug la skrag byed ma'o// phaT phaT yan lag thams cad la mtshon cha ma ste gtum byed ma'o/ / de ltar rab tu dgod byas te// ye shes 'khor lo de mthong nas// de yi rnal 'byor brtsam par bya// dngos po kun gyi ngo bo 'dis// mdzub mo mdud bya gung mo nges par sbyar// mthe bong rdo rje brtan par rab sbyar te/ / de ni dpral ba'i dbyings su rab sbyar nas// bskor zhing bskor zhing bskor bar bya// rkang pa mnan cing gyen du blta// gyen du pheM gyi sgra sgrogs pas// phyogs bcu'i 'jig rten khams gnas pa'i/ / dpa' bo rnal 'byor ma rnams 'gugs// dzaHhUM baM hoH/ rdo rje lcags kyu la sogs pa'i sbyor bas dgug pa dang / gzhug pa dang / bcing ba dang / dbang du bya ba'o// dpa' bo thams cad dang rnal 'byor ma rnams kyis nam mkha'i dkyil yongs su gang bar bltas te/ bdud rtsi lngas yongs su gang ba'i bum pas mngon par dbang bskur ba'i tshul gyis de dag la dbang bskur ba sbyin / par bya'o// ji ltar brnams patsam gyis kyang // de bzhin gshegs kun khrus gsol ba'o// lha yi chu 'di dag pa yis// de bzhin bdag gis zlas bya'o// oM sarba tA thAg a b+hi She ka sa ma ya shrI hUM AHhUM/ rlung dang me'i dkyil 'khor gyi steng du a las byung ba'i thod par ye shes lnga'i bdud rtsis gang ba cha bcu drug dang / hUM baM dang oM gyis byin gyis brlabs te/ yi ge gsum du gyur par bsams la/ 'khor lo gsum bsgom par bya'o// oM sa ma ya shud+d+haHsarba d+harmAHsa ma ya shud+d+hohaM/ chos thams cad kun tu ro gcig pas gnas par sems kyis bya'o// ye shes bdud rtsi sbyin pa yis/ / ye shes bdud rtsi'i chu btung ngo // oM a mr-i ta u da ka hUM ka hUM hU~M dza tha le hUM/ a khaM hUM phaT swA hA/ ye shes bzlas pa'i sbyor ba yis// 'khor lo'i tshogs mchog spro bar bya// rus pa chen po'i 'phreng ba yis/ / phyis ni bzlas pa de gnas bya// srog dang rtsol ba rab bsdams te// bsams na skad cig gis 'char ro// dbang bskur mchod dang dam tshig ni// ro gcig byas te bsgoms pa yis/ / de snying ye shes sems dpa' dang // mchod pa ye shes bdud rtsi yis// lus dang ngag yid dam tshig ni// sems can bsam med shin tu brtag/ bzlas dang sgom pa yang dag ldan// rtog pa thams cad rnam spangs te/ / dam tshig mchog gi bzlas pa 'dis// gsang sngags rgyal po'i mchog bzlas so// oM bai ro tsa ni ye huM hUM phaT swA hA/ oM sarba bud+d+ha DA ki nI ye hUM hUM phaT swAhA/ oM dang ming ni yang dag ldan/ / hUM hUM phaT dang yang dag ldan// rab tu gtum sogs de sngags sogs// bzlas pa'i mchog la sbyar bar bya// oM badz+ra bA drA hi pro ti ge pro taM ga ha na ha na pra NI/ ki ki Ni khi khi Ni d+hun d+hu na/ badz+ra ha sta sho Sha ya shau Sha ya/ badz+ra kha T+wAM ga ka bA la d+hA ri Ni/ ma hA bi si ta mAM sA sha ni/ mA nu Sh+ya tra pra brit+te sA na ni d+h+ye na ra shi ro mA lA graM thi ta d+hA ri Ni/ suM b+ha ni suM b+he/ ha na ha na/ prA NAM sarba pA pa sa twa nAM sarba ba shU nAM ma hA mAM sats+tshe da ni/ kro d+ha mUrti daMSh+TaM ka rA li ni/ ma hA mu dre shriHhe ru ka de ba s+yA gra ma hi Shi sa ha sra shi re sra ha sra bAM ha be sha ta sa ha sra A na ni dz+wa li ta te dza saM dzA la mu khe pi ga la/ lo tsa ni badz+re sha rI raM/ badz+ra A sa ni mi li mi li/ ti mi li ti mi li/ he he/ ha ha/ hUM hUM/ kha kha/ d+hu d+hu/ ru ru/ d+hu ru d+hu ru/ mu ru mu ru/ a dr-i te ma hA yo gi nI ba thi ta sid+d+he/ dr-i d+haM dr-i d+haM graM gr-i he he ha ha/ b+hI me ha sa ha sa bI re hA hA ho hoH hUM hUM/ trai lo kya bi nA sha ni sha ta sa ha sra ko Ti ta thA ga ta pa ra wA ra te hUM huM phaT/ si ha ru be khaHga dza ru pe gaHtrai lokya u da re ma hA sa mu dra me kha le gra sa kra sa huM hUM phaT/ bI ra dwai taM/ hUM hUM ha ha/ maM hA be shu mo hA ni ma hA yo gI shA re tAM/ DA ki ni sarba lo kA naM ban+d+ha ni/ sad+ya pra t+ya ya kA ra NaM huM hUM phaT/ b+hU ta trA sa ni ma hA bI re ba ra ma sid+d+he yo gI shA ri phaT hUM hUM phaT hUM hUM phaT swA hA/ de ltar rdo rje phag mo'i mchog tu grub pa'i snying po dam pa'o/ / oM na mo b+ha ga ba ti badz+ra bA rA hi ba huM hUM phaT/ oM na maHAr+yA pa ra dzi te trai lo kya mA te ma hA bi d+ye shwa ri huM hUM phaT/ oM na maHsarba b+hU ta b+ha yA ba hi ma hA badz+re huM hUM phaT/ oM na mo badz+ra sa ni a dzi te a ba rA dzi te ba shaM ka ri ne tra b+h+ra ma Ni huM hUM phaT/ oM na maHsho Sha Ni ro Sha Ni kro d+ha ni ka ra hUM hUM phaT/ oM na maHtrA sa ni mA ra Ni su pra b+he da ni a ba rA dza ye huM hUM phaT/ oM na mo dza ye u0f7f dza ye dzam+b+ha ni stam+b+ha ni mo ha ni huM hUM phaT/ oM na mo badz+ra bA ra hi ma hA yo gi nI kA me shwa ri kha ge huM hUM phaT/ sngags 'di thams cad du byas te/ A li kA li rdo rje phag mo'i bdag nyid kyi dngos por bya ste/ rkang pa brgyad pa cho ga'i bdag nyid kyis mchod par bya'o// bzlas pa yongs su rdzogs nas ni// zhi ba'i btung ba btung ba'i mchog/ chos rnams mnyam zhing dam tshig mchog/ sum cu rtsa bdun gnas kyi mchog/ de 'og rnam par dag pa bsgom// lus rjes su dran pa mkha' 'gro ma'o// tshor ba rjes su dran pa lA ma'o// chos rjes su dran pa khaN+Da ro hi'o// sems rjes su dran pa rU bi nI'o// bdun pa rdzu 'phrul bskyed pa ni rab tu gtum ma'o// brtson 'grus rdzu 'phrul bskyed pa ni gtum pa'i mig can ma'o// dpyod pa'i rdzu 'phrul bskyed pa ni 'od ldan ma'o// sems kyi rdzu 'phrul bskyed pa ni sna chen ma'o/ / dad pa'i dbang po ni brtan pa'i blo can ma'o// brtson 'grus kyi dbang po ni mi'u thung ma'o// dran pa'i dbang po ni lang ka'i dbang phyug ma'o// ting nge 'dzin gyi dbang po ni shing grib ma'o// shes rab kyi dbang po ni sa srungs ma'o// dad pa'i stobs ni 'jigs byed chen mo'o// brtson 'grus kyi stobs ni rlung gi shugs can ma'o// dran pa'i stobs ni chang 'thung ma'o// ting nge 'dzin gyi stobs / ni ljang lha mo'o// shes rab kyi stobs ni shin tu bzang mo'o// ting nge 'dzin yang dag byang chub kyi yan lag ni rta rna ma'o// brtson 'grus yang dag byang chub kyi yan lag ni bya gdong ma'o// dga' ba yang dag byang / chub kyi yan lag ni 'khor lo'i shugs can ma'o// shin tu spangs pa yang dag byang chub kyi yan lag ni dum skyes ma'o// chos rnam par 'byed pa yang dag byang chub kyi yan lag ni chang 'tshong ma'o// dran pa yang dngag byang chub kyi yan lag ni 'khor lo'i go cha ma'o/ / btang snyoms yang dag byang chub kyi yan lag ni shin tu dpa' mo'o// yang dag pa'i lta ba ni stobs chen ma'o// yang dag pa'i rtog pa ni 'khor los sgyur ma'o/ / yang dag pa'i ngag ni brtson 'grus chen mo'o// yang dag pa'i las kyi mtha' ni khA ga dong ma'o// yang dag pa'i 'tsho ba ni 'ug gdong ma'o// yang dag pa'i rtsol ba ni khyi gdong ma'o// yang dag pa'i dran pa ni phag gdong ma ste/ rnam par thar pa'i sgo bzhi'o// yang dag pa'i ting nge 'dzin ni bcom ldan 'das rdo rje phag mo'o// dge ba'i chos ma skyes pa rnams skyed par byed pa ni gshin rje brtan ma'o// dge ba'i chos skyes pa rnams rjes su gnas pa dang srung bar byed pa ni gshin rje pho nya ma'o// mi dge ba'i chos skyes pa rnams spong bar byed pa ni gshin rje mche ba ma'o// mi dge ba'i chos ma skyes pa rnams mi skyed par byed pa ni gshin rje ba joms ma'o/ / chos bdag med pa'i lam gnas su// 'khor ba dam par bzhugs pa ni// shes rab pha rol phyin sbyor ba// de bzhin rnal 'byor pas gnas bya// snang ba med pa'i gnas la nas// snang ba med pa yang dag rten// dpyod pa med pa'i chos rnams la// chos can med cing chos nyid med// rten 'brel mkha' dang mnyam pa'i chos// dngos med mtshan ma med pa'o// 'di nyid gong nyid go 'phang gnas// ye shes dag gi mig gis mthong // phra rab rdul phran dang mnyam pa// 'khor lo'i gnas mthong shin tu nges// skra rtse stong phrag brgya yi ni/ / cha dang cha ru yongs su brtag/ he ru ka dang mnyam sbyor ma// lhan cig b+ha ga'i dbus gnas mthong // 'khor lo sgyur ba rab brtson pas// khwa gdong ma ni phyi rol dgod// he ru ka sogs bdag po khyod/ / mkha' 'gro bzhi yis yongs su bskor// phan tshun du ni bdag po byed// rdo rje sems sogs sbyor bar ldan// phyi rol dur khrod bdag po dang // kha dog sna tshogs mchog gi mchog shing mchog sna tshogs mdzes pa dang / / khyi dang lce spyang 'jigs pa dang // khwa dang 'ug pa bya dkar dgod// lce spyang de bzhin ro bsreg pa// keng rus gsal shing gis phug pa// 'gegs nas baphyang dang phyer bsregs dang / / thod pa skam po pus mo dang // mgo med lag bzod pa dkar// rnam pa sna tshogs sbrul gyis mdzes// drag po'i sbrul dang de bzhin rnga// seng ge phag dang stag dang ni// de bzhin rang lug dag dang / / glang po rta dang bong bu wa// rnga mo sna tshogs dam tshig mchog/ rnam pa sna tshogs chang dang ni// 'bru chang btung ba'i mchog rnams kyis// dpa' bo bzang po 'dus pa dang // sna tshogs rnal / 'byor ma mchog rnams// thod pa kha T+wAM ga dag dang // dril bu cang te'u mchog rnams 'dzin// sna tshogs rol mo bzang po dang // bza' ba'i longs spyod ro mchog dang // sna tshogs po dang 'khyud ba dang // / bca' ba bldag pa'i mchog rnams kyis// rnam pa de ltar dur khrod ni// gnod sbyin ro langs srin po dang // he ru ka yi nga rgyal gyis// de la gtor ma sbyin par bya// cang te'u rdo rje dril bu dang // gar dang rol mo byed pa dang / / phyogs kyi gos can phyag rgyar ldan// hUM hUM phaT ki li ki li bya// g.yas brkyang ba yi sbyor ba yis// 'bar ba'i phyag rgya bcing bar bya// dam tshig kha ru bcug nas ni// sngags 'di rjes su dran par bya/ oM a/ a ra li so dzaHhUM baM hoHbadz+ra DA ki nI sa ma ya s+t+waM Di sh+ya ho/ de skad gsum mam bzhi dang sngar brjod par bya'o// g.yas skor dang g.yon skor gyis kyang thod pa'i nang gi sbyin par bya ba rnams/ rdoH thal mo kha gyen du phye la/ sngags 'di brjod do// oM kha kha khA hi khA hi/ sarba rak+Sha yak+Sha sarba b+hud ta pre ta pi sha tse ud ma ta a pa sma ra/ DA ki nI a Da ya i maM b+ha li gri han du ma ma sarba sa te d+hi/ da ngan ta ya sha baM ya thaM shrI bun dza thi pi pa tha dzi g+ha tha ma ti kra ma ta/ ma ma sarba kA ra sad su kha bi shud+d+ha ye sA ha ya ka ba b+ha na du hUM hUM phaT swA hA/ de ltar tshe ga dang cho gas thun mtshams bzhir sbyin par bya'o// de nas bcom ldan 'das de bzhin gshegs pa thams cad kyi ye shes gsang ba'i yang gsang chen po 'di gsungs pa/ dngos po med pa'i chos bdag nyid// nam mkha' lta bur dri ma med// stong nyid ye shes rdo rje yis/ stong nyid shin tu rnam par bsgom// legs so zhes ni bya ba byin// rgyud rdzogs pa yi sbyor ba las// legs so legs so ye shes che// bshad pa'i rgyud phyi ma las phag mo mngon/ bar 'byung ba zhes bya ba rdzogs so// / rgya gar gyi mkhan po dz+nyA na ka ra'i zhal snga nas dang / zhu chen gyi lo tsa ba khu ston dngos grub kyis bsgyur te gtan la phab pa'o//

CLOSE WINDOW