/ / rgya gar skad du/ yo gi nI san+dur+yA/ bod skad du/ rnal 'byor ma'i kun tu spyod pa/ bcom ldan 'das dpal rdo rje sems dpa' la phyag 'tshal lo// gang gi drin gyis bde chen gnas// skad cig gis ni thob gyur pa// tha ma rin chen lta bu yi// rdo rje can zhabs pad la 'dud/ / de nas yang dag bshad bya ba// kun tu spyod pa'i cho ga mchog/ 'khor lo gsum bdag 'di bsgom pa// rnal 'byor lam la gnas pa yin// lugs 'byung lugs las bzlog par ni/ rgyud du sbas par gnas gang de// bstan pa 'di ru ji skad gsungs// bshad pa yang ni de bzhin no// so sor bstan pa ma lus nyid// brda yi cho ga rgyas pa yin// gang gis shes pa tsam / gyis ni// sgrub pa po yis grub thob pa// sum cu rtsa bdun tshul gyis ni// byang chub phyogs la gnas pa yin// 'jig rten du ni bsgom byar bshad// he ru ka dpal 'gro ba'i mchog/ de la thog mar rnal 'byor gyi dbang phyug gis phung po lnga la lha'i nga rgyal bskyed par bya ba ste/ gzugs kyi phung po la ni rnam par snang mdzad do// tshor ba'i phung po la ni rdo rje nyi ma'o// 'du shes kyi phung po la ni pad+ma gar gyi dbang phyug go/ 'du byed kyi phung po la ni rdo rje rgyal po'o// rnam par shes pa'i phung po la ni rdo rje sems dpa' ste/ de bzhin gshegs pa thams cad kyi bdag nyid ni shrI he ru ka rdo rje'o// mig gnyis la ni gti mug rdo rje'o/ / rna ba gnyis la ni zhe sdang rdo rje'o// sna dag la ni phrag dog rdo rje'o// lce la ni 'dod chags rdo rje'o// lus la ni ser sna rdo rje'o// skye mched thams cad la ni dbang phyug rdo rje ste dpal he ru ka'i dbyings so/ / sa'i khams la ni ltung byed ma'o// chu'i khams la ni gsod ma'o// me'i khams la ni 'gugs ma'o// rlung gi khams la ni gar dbang ma'o// nam mkha'i khams la ni pad+ma'i dra ba mo ste/ de ltar phung po dang / khams dang / skye mched rnams la lha nyid kyi nga rgyal bskyed par bya'o// rnal 'byor ma'i kun tu spyod pa las/ lha rnams kyi gnas kyi rnam par dag pa gnas pa ste dang po'o/ / // de nas byang chub kyi phyogs kyi chos sum cu rtsa bdun lha'i sbyor bas sbyar bar bya ste/ de thams cad kyang gang zhe na/ lus dran pa nye bar gzhag pa dang / tshor ba dran pa nye bar gzhag pa dang / chos dran pa nye bar gzhag pa dang / sems dran pa nye bar gzhag pa dang / bdun pa'i rdzu 'phrul gyi rkang pa dang / brtson 'grus kyi rdzu 'phrul gyi rkang pa dang / dpyod pa'i rdzu 'phrul gyi rkang pa dang / sems kyi rdzu 'phrul gyi rkang pa dang / dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dang / dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs dang / ting nge 'dzin yang dag byang chub kyi yan lag dang / brtson 'grus yang dag byang chub kyi yan lag dang / dgab pa yang dag byang chub kyi yan lag dang / shin tu sbyangs pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / dran pa yang dag byang chub kyi yan lag dang / btang snyoms yang dag byang chub kyi yan lag dang / yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge badzin dang / dge ba'i chos ma skyes pa rnams skyed pa dang / dge ba'i chos skyes pa rnams yang dag par srung ba dang / mi dge ba'i chos skyes pa rnams spong ba dang / mi dge ba'i chos ma skyes pa rnams mi skyed pa'o/ / de ltar na dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgya papa'i mthar thug pa rnams ni byang chub kyi phyogs kyi chos sum cu rtsa bdun yin no/ / rnal 'byor ma'i kun tu spyod pa las/ byang chub kyi phyogs kyi chos sum cu rtsa bdun bstan pa ste gnyis pa'o// / de la de rnams kyi lha'i sbyor ba grangs ji lta bar mdor bsdus pa bshad par bya ste/ 'di lta ste/ lus dran pa nye bar gzhag pa ni mkha' 'gro ma'o// tshor ba dran pa nye bar gzhag pa ni lA ma'o// chos dran pa nye bar gzhag pa ni khaN+Da ro hi'o// sems dran pa nye bar gzhag pa ni gzugs can ma'o// 'dun pa'i rdzu 'phrul gyi rkang pa ni rab gtum ma'o// brtson 'grus kyi rdzu 'phrul gyi rkang pa ni gtum pa'i mig can ma'o/ / dpyod pa'i rdzu 'phrul gyi rkang pa ni 'od ldan ma'o// sems kyi rdzu 'phrul gyi rkang pa ni sna chen ma'o// dad pa'i dbang po ni dpa' bo'i blo gros ma'o// brtson 'grus kyi dbang po ni mi'u thung ma'o/ / dran pa'i dbang po ni lang ka'i dbang phyug ma'o// ting nge 'dzin gyi dbang po ni shing grib ma'o// shes rab kyi dbang po ni sa srungs ma'o// dad pa'i stobs ni 'jigs byed chen mo'o// brtson 'grus kyi stobs ni rlung gi shugs can ma'o/ / dran pa'i stobs ni chang 'thung ma'o// ting nge 'dzin gyi stobs ni sngo bsangs lha mo'o// shes rab kyi stobs ni shin tu bzang mo'o// ting nge 'dzin yang dag byang chub kyi yan lag ni rta rna ma'o/ / brtson 'grus yang dag byang chub kyi yan lag ni bya gdong ma'o// dga' ba yang dag byang chub kyi yan lag ni 'khor lo'i shugs can ma'o// shin tu sbyangs pa yang ngag byang chub kyi yan lag ni khaN+Da ro ha'o/ / chos rnam par 'byed pa yang dag byang chub kyi yan lag ni chang 'a tsheng ma'o// dran pa yang dag byang chub kyi yan lag ni 'khor lo'i go cha ma'o// btang snyoms yang dag byang chub kyi yan lag ni shin tu dpa' mo'o/ / yang dag pa'i lta ba ni stobs chen ma'o// yang dag pa'i rtog pa ni 'khor lo sgyur ma'o// yang dag pa'i ngag ni brtson 'grus chen mo'o/ / yang dag pa'i las kyi mtha' ni khA gdong ma'o// yang dag pa'i 'tsho ba ni bug gdong ma'o// yang dag pa'i rtsol ba ni khyi gdong ma'o// yang dag pa'i dran pa ni phag gdod ma'o// yang dag pa'i ting nge 'dzin ni bcom ldan 'das dpal he ru ka rdo rje'o/ / dge ba'i chos ma skyes pa rnams skyed pa ni gshin rje brtan ma'o// dge ba'i chos skyes pa rnams yang dag par srung ba ni gshin rje pho nya ma'o// mi dge ba'i chos skyes pa rnams spong ba ni gshin rje mche ba ma'o/ / mi dge ba'i chos ma skyes pa rnams mi skyed pa ni gshin rje 'joms ma'o// rnal 'byor ma'i kun tu spyod pa las/ byang chub kyi phyogs kyi chos sum cu rtsa bdun lha rnams kyi rnam par dag pa bstan pa ste gsum pa'o/ / / de nas yang dag bshad bya ba/ dpa' bo gnyis med dam pa ste// he ru ka dpal sku'i yan lag/ yan lag kun ni cha shas granas/ / sen mo dang so la ni thod pa phyed pa'o// skra dang sbrul nI keng rus chen po'o// bkas pa dang dri ma la nI keng rus so// sha la ni mche ba rnam par gtsigs pa'o// rgyus pa la ni lha dgra'o// rus pal ni bong dpag med do/ / mkhal ma la ni rdo rje 'ong ngo // snying la ni rdo rje sku'o// mig gnyis la ni myu gu can mo// mkhris pa la ni rdo rje ral pa can no// glo ba la ni dpa' bo chen po'o// rgyu ma la ni rdo rje hUM mdzad do// / gnye ma la naM rab bzang ngo // lto ba la ni rdo rje bzang po'o// bshang ba la ni 'jigs byed chen po'o// 'tshogs ma'i srubs la ni mig mi bzang ngo // bang kan la ni stobs po che'o// rnag la ni rin chen rdo rje'o// khrag la ni rnga mgrin no/ / rdul la ni nam mkha'i snying po'o// tshil la ni dpal he ru ka'o// mchi ma la ni pad+ma gar gyi dbang phyug go/ mchil ma la ni rnam par snang mdzad do// snangs la ni rdo rje sems dpa' 'o// rnal 'byor ma'i kun tu spyod ba las/ dpa' bo'i yan lag rnam par dag pa bstan pa ste bzhi pa'o// / de nas gzhan yang bshad bya ba// dngos grub thams cad sgrub byed pa// gang ga shes pa tsam gyis ni/ / sgrub pos dngos grub thob 'gyur ba'o// ji ltar nang gi bdag nyid shes// phyi yi dkyil 'khor dam pa yin// rnam dgod ji ltar sbyar ba ni// snying po thams cad bsdus pa ste/ rten dang brjen pa'i tshul gyis ni// b+hai raM b+ha sogs yang dag gnas// bla ma las brgyud rim bzhin du// gang zhig cho ga 'di shes pas// raM stengs pad+ma ge sar gyi// sna tshogs 'dab ma 'jam pa la// de yi dbus bzhugs dpa' bo ni/ / 'dod pa'i don kun sgrub mdzad pa// mkha' 'gro ma dang lA ma dang // khaN+Da ro haM gzugs can ma// pad+ma'i phyogs kyi gnas la dgod// dngos grub thams cad sgrub byed yin/ phyag gnyis pa la zhal gcig pa// sna tshogs gzugs dang rnam rol ma'o// mtshams kyi bzhi po dag la ni// lnga pas gang ba'i thod pa gzhag/ pu la sogs dang yang dag sbar// yul dang yul du gnas pa yin/ / spyan drang 'khor lo'i dbus gnas la// rnal 'byor rig pas rtag tu mchod// pu zhes bya ba ni pul+lI ra ma la ya na khaN+Da ka pA la dang / pra tsaN+Da'o// dzA zhes bya ba ni dz+wa lan d+har nA ma hA kaM kA la dang / tsan+d+ra k+Shi'o// u zhes bya ba ni oMr+yan na kaM kA la dang / pra b+hA ba tI'o// a zhes bya ba ni ar bu da na bi ka Te daMSh+NI Na dang / ma hA nA swa ste gnas so// go zhes bya ba ni bo dA ba ri na su rA bai ri Na dang / bI ra ma tI bi// rA zhes bya ba ni rA me shwa ra na a mi tA b+ha dang / kha ra be rI'o// de zhes bya ba ni de wi ko Ta na badz+ra pra b+ha dang / lang ke shwa rI'o// mA zhes bya ba ni mA la ba na badz+ra de ha dang / / dru mats+tsha yA'o// nye ba'i gnas so// thugs kyi 'khor lo ste/ nam mkha' la rgyu ba'o// kA zhes bya ba ni kA ma rU pa na ang ku ri dang / aM rA ba tI'o// o zhes bya ba ni o dra na badz+ra dzA Di la dang / ma hA b+haM ra bA'o/ / zhing ngo // tri zhes bya ba ni tri sha ku ni na ma hA bI ra dang / bA yu be gA'o// ko zhes bya ba ni ko si la na badz+ra hUM ka ra dang / su rA b+ha k+Shi'o// nye ba'i zhing ngo // ka zhes bya ba ni ka laM ka na su b+ha dra dang sh+yA mA de bI'o/ / la zhes bya ba ni laM pA ka na badz+ra d+hA dra dang / sra b+ha dra'o// ts+tshan+do ha'o// kA zhes bya ba ni kAny+dzi na ma hA b+he ra ba dang / ha ya kar+t+ta'o// hi zhes bya ba ni mA la ya na bi ru pak+Sha dang / kha gA nA nA'o// nye ba'i ts+tshan+doH po/ gsung gi 'khor lo ste/ sa la rgyu ba'o// bre zhes bya ba ni pre ta pr-i ri na ma hA ba la dang / tsakr-i de gA'o// gre zhes bya ba ni gr-i ha de ba tA na rat+na badz+ra dang / khaN+Da ro hA'o// 'dra ba can no// sau zhes bya ba ni sa~M rASh+Tan ya gr-I ba dang / shauN+Di ni'o// su zhes bya ba ni su bar+Na dI ba na A kA sha gar+b+ha dang / tsakra barmi NI'o// nye bar 'du ba can no// na zhes bya ba ni na ga ra na shrI se ru ka dang / su bI rA'o// si zhes bya ba ni sin d+hu de sha na/ pad+ma narde shwa ri dang / me hA ba lA'o// dur khrod do// ma zhes bya ba ni ma ru de sha na/ bai ro tsa na dang / tsakra brti nA'o// ku zhes bya ba ni ku lu tA na badz+ra sa twa dang / ma hA bIr+ya'o// nye ba'i dur khrod do// sku'i / 'khor lo ste/ sa 'og na spyod pa'o// kA kA s+tha dang / u lU kA s+yA dang / shA nA s+tha dang / su ka rA s+yA ni phyogs su'o// ya ma da D+hi dang / ya ma du tI dang / ya ma daMSh+NI NAM dang / ya ma ma tha nI ni mtshams su'o/ / de ltar phyi dang nang gi bdag nyid ji srid nges par rtogs pa'i spyod yul du gyur kyi bar du dmigs par bya'o// rnal 'byor ma'i kun tu spyod pa las/ lha'i gnas kyis bstan pa ste lnga pa'o// / de nas bdag po sogs kun gyi// mtshan ma phyag rgya'i tshogs rnams dang // rang mdog phyag mtshan bzhugs tshul rnams// rgyud du sbas pa nges par bya// rgyal chen shrI he ru ka ni// gdug pa thams cad rab bajoms pa/ / phyag gnyis yang dag 'khyud pa dang // gnyis kyis glang po'i pags pa 'dzin// g.yas pa'i lhag mar dgra sA mdung // rtse gsum gr-i gug Da ma ru// g.yon gyi lhag mar kha T+wAM bsgreng / / thod pa dmar chen zhags pa dang // tshangs pa'i mgo bo rnams bshad de// bcu gnyis kyis ni brgyan pa yin// thod pa'i 'phreng ba'i mchod phyir thogs// brgya phyed par ni shes par bya bcom ldan yum ni mdun du bzhugs/ / zhal gcig 'bar ba chen po ste// 'khyud pa yis ni thod pa dag/ gdug pa'i bdud kyi khrag bkang bsnams// g.yas bas rtag tu sdigs mdzub dang / / ma rungs pa yi gri gug bsnams// sku mdog dmar zhing cher 'bar ba// thod dum brgyan pa'i ska rags can// dbu skra grol zhing spyan gsum sku// mche ba gtsigs pa 'jigs su rung / / byin pa zhabs kyis legs par 'khyud// gnyis ka kha sbar tshul gyis bzhugs// mkha' 'gro ma sogs bzhi po ni// kha T+wAM ga snod gri gug bsnams// sku la spyan gsum rgya lnga sogs/ / skra grol bas ni rnam par brgyan// dpa' bo nyi shu rtsa bzhi ni// phyag rgya lnga la sogs pas brgyan// phyag gnyis zhal gcig spyan gsum pa// ral pa'i cod pan dar gyis bcings// rdo rje dril bus logs 'khyud cing // chags pa chen po rjes chags mdzad// rnal 'byor ma ni nyi shu bzhi// dbu skra grol bas rnam par brgyan// phyag rgya lnga la sogs pa dang // spyi bor nor bus rnam par brgyan/ / rnal 'byor snod dang bcas pas 'khyud// sdigs mdzub kyis ni gri gug bsnoms// he ru ka dpal la sogs kun// g.yas brkyang ba yi gnas pas bzhugs// mgur chu dpung rgyan rna cha dang / / thod pa'i 'phreng bas rnam par brgyan// mchod phyir thogs dang thal ba ni// phyag rgya drug par rab tu bshad// pha rol phyin drug rnam dag pas// phyag rgya drug gis brgyan pa yin// sku gsung thugs kyi rdo rje ni/ / spyan gsum 'og bag dag gis brgyan// sku gsung thugs kyi dbye ba yis// yi ge gsum gyi dngos grub kyi// ngo bor bdag nyid bsgom bya zhing // dngos grub 'dod pas gzhan mi bya/ / de yi bsod nams gang 'gyur ba// sgrub pa'i yon tan rgya chen po// lce ni brgya stong du ma yis// bsod nams brjod par nus ma yin// khwa gdong la sogs rnam pa bzhi// thams cad kyang ni sgo skyong ste/ / kha T+wAM ga dang thod pa thogs// sku la phyag rgya lnga sogs ldan// gshin rje brtan sogs mtshams bzhir te// de dag zhabs gnyis brkyang ba dang // gzugs gnyis ldan zhing yid 'phrog ma/ / mkha' 'gro ma bskyed ji bzhin du// khwa gdong la sogs dbye ba nyid// de ltar ma lus 'khor lor gnas// mdog dbye ba'i cho ga'i rim bzhin no// rnal 'byor ma'i kun tu spyod pa las/ rang gi mtshan ma dang / zhal dang / phyag dang / sku mdog dang / mtshon cha bstan pa ste drug pa'o// de nas go cha gnyis po ni// gang shes pas nimyur nga ru/ / sgrub pa po yis grub thob pa// rgyud du sbas pa nges bshad bya// oM ha/ na ma si/ swa ha hu/ bau ShaT he/ hUM hU~M ho/ phaT haM/ snying ka spyi bo spyi gtsug dang // dpung pa mig gnyis go che sbyar/ / dang po rdo rje sems dpa' ste// gnyis pa rnam par snang mdzad gnas// gsum pa pad+ma gar dbang rgyal// ba ni bi he ru ka dpal bshad// lnga pa rdo rje nyim ste// drug pa la ni rta mchog yin/ / de ni go cha rnam drug gis// shin tu bsrungs pa nyid yin no// oM Tha/ dzA ya~M/ waM sa~M/ (u0f7f/ hUM hUM/ phaT phaT/ lte ba snying kha de bzhin kha/ spyi bo s+thi gtsug go cha nyid/ / dang po rdo rje bag mo'o// gnyis pa yA ma nI ru brjod// gsum pa rmongs byed ma nyid de// bzhi pa sbyin ma yin par bshad// lnga pa kun tu skrag par grags// drug pa gtum mo yin par bshad/ / go cha drug nyid phag mo dang // dpa' bo gnyis med rnal 'byor ma'o// rnal 'byor ma'i kun tu spyod pa las/ go cha gnyis bstan pa ste bdun pa'o// / de nas go cha gnyis shes nas/ / ye shes 'khor lo rnam bsgoms nas// sngags dang phyag rgya'i sbyor ba yis// dam tshig 'khor lor myur gzhug bya// rkang pa mnan la steng du blta// steng du pha gyi sgra bsgrags la/ / phyogs bcu'i bajig rten khams gnas pa'i// dpa' ngo rnal 'byor ma rnams dgug/ sngags kyis yang dag bskural ba dang // skad cig de la spyan drang bya// mdzub mo mdur byas gung mo nges par sbyar/ / mthe bong rdo rje brtan por yang dag sbyar// de ni dpral ba'i phyogs kyi dbus bzhag la// gcu zhing gcu zhing bskor ba byas pa yis// sngags pas dpa' bo rnam 'byor ma byin brlab/ / yi ge d+ha ni sna rtser yang dag sbyar// byA ni mtshan gyi lte bar yang dag dgod// lte ba snying ka kha dang dpral ba ru// sngags kyi tshogs dang bcas pas byin gyis brlab// lte ba snying ka dag tu rnal 'byor ma/ / sangs rgyas mkha' 'gro ma yi sngags kyis ni// a ba d+hU ti'i gnyis kyis dpa' byin brlab// rnal 'byor ma dang dpa' bo gnyis med yin// dang por dga' ba dpa' bo ste/ mchog tu dga' ba rnal 'byor ma// rab tu dga' ba ma lus nyid// bde ba'i thabs te kun rig pa'o// lha yul sa steng sa 'og tu// skad cig gis ni gzugs gcig 'gyur// sgom pa dag gis bshad pa yi/ / bsdu ba de nyid bshad pa ni// g.yas dang g.yon gyi lag gnyis kyis// bskor ba mkha' 'gro'i bde de yin// rnal 'byor ma'i kun tu spyod pa las/ ye shes kyi 'khor lo spyan drang ba dang bsdu ba bstan pa sna brgyad pa'o/ / de nas sprul par shes bya dang // longs spyod rdzogs par 'dod pa nyon// theg pa chen po phyag rgya che// rnal 'byor ma yi grub ster bshad/ / phyag rgya chen po las lhag pa'i// rnal 'byor kun las mchog gzhan med// he ru ka dpal rgyal po che// rnal 'byor kun dbang dbang phyug yin// mkha' 'gro ma yi dra ba sdom// nam mkhas dang mnyam las blangs pa/ / kun mkhyen ye shes de'i rang bzhin// he ru ka dpal dpa' bo mchog/ skye bo dam pa kun 'dus pa// zhi nga'i btung bas grub 'gyur ba// rtag pa'i go 'phyang mchog yin te/ / skyon med pa ni brtag pa'i gnas// pu la sogs pa yang dag sbyar// yul dang yul du rnam par gnas// he ru ka dpal bdag nyid dgod// yi ge nyi shu rtsa bzhi ni// longs spyod rdzob bar shes byaste/ / rnal 'byor che la gnas pa yin// mdor bsdus nas ni rab 'jug pa// blo gros brtson pas shes par bya// ldog pa'ang ji skar bstan pa ni// bshang bya sgrub pa rnams nyon/ / shrI ni gnyis med ye shes te// he ni rgyu sogs stong pa nyid// ru ni bkod dang bral ba ste// ka ni gang du'ang mi gnas pa'o// de ni rang bzhin stong pa ste// kun tu 'gro zhing mi shigs par// mdor bsdus nas ni sgom byed pa// 'dod pa'i dngos grub thob par 'gyur// chos dang longs spyod sprul pa yi// sku gsum dag ni rnam sgom pa// byang chub phyogs ni sum cu bdun// der ni nges par bsgom par bya/ / rnal 'byor ma'i kun tu spyod pa las/ 'jug pa bstan pa ste dgu pa'o// / de nas bsgoms pas dub gyur pa// bsdus pa spyod tshul khyad par gyis sbyor dang bral bar mi bya ste/ / sbyor ba'i rnal 'byor pa 'di yin// sngar ni ji skad bshad pa bzhin// bsam gtan cho ga rgyus byas la// rang 'dod las la gtor ma ni// khyad par du yang sbyin par bya/ / zla ba mar ngo'i tshes bcu dang // zla ba yar ngo'i de nyid la// 'bad pas dpa' bo chang sogs dang // rdo rje lha mo rab mchod cing // sngar bshang sngags dang rgyu sbyar ba// cho ga bzhin du yang dag srung / / oM A ra l+li ho// dzaHhUM baM hoHbadz+ra DA ki n+yaHsa ma ya s+t+waM dr-i sh+ya ho/ de ltar lan gsum bzhi lngar brjod// dam tshig sogs rdzas legs gnas par// rdo rje thal mo gyen kha phye/ dbab bo rnal 'byor mas mngon bzla// oM kha kha/ khA hi khA hi/ sarba yak+Sha/ rak+Sha sa/ b+hU ta/ pre ta/ pi shA tsa/ un+ma da/ a bas+phA ra badz+rA DA ka DA ki n+yA da yaHi maM ba liM gr-ih+Na nA sa ma ya rak+ShanA ma ma sarba sid+d+hi m+me pra yats+tshan+tu/ ya thai baM/ ya theSh+Ta b+hu dza tha/ dza~M g+hA tha/ pi ba tha/ mA ti kra ma tha/ ma ma sar+b+ba kA ra ta yA/ sata su khaM bi shud d+ha ye/ saM ha yi kA b+ha ba tu hUM hUM phaT phaT swA hA/ dpa' bo'i 'khor lo la sogs sngags/ / dur khrod la sogs kyis kyang brgyan// lho phyogs kha bltas rnal 'byor pas// gnas ni mthun par rab tu mchod// nye bar mtshon pa ji lta bar// bdag gis nus pas dbul bar bya// dgun zla 'bring po la sogs pa'i/ / tshes bcu la ni dad pas mchod// skye bo dam pa kun 'dus la// bde ba thams cad dbul bar bya// der ni bshos rnams bza' bya ste// lhag ma snod du gzhag par bya// de yi lag tu 'ongs pa'i dpal// gang gis kyang ni gzhom mi nus// de ni skye bo dang ldan rnams kyis mchod// he ru ka dpal mngon par dgyes gyur nas// kun tu dgyes pas mchog ni stsol 'gyur te/ gang phyir mchog ni de yi lag na gnas// mtshan mo sgra ni grol gyur pas// brtul zhugs gos med gtor sbyin na// he ru ka dpal rnal 'byor bdag/ des ni ma mo dga' bar 'gyur// rnal 'byor/ ma'i kun tu spyod pa las/ gtor ma dang mchod pa tshes bcur bya ba srung ba bstan pa ste bcu pa'o// // de nas pha rol phyin drug dang // byang chub phyogs ni sum cu bdun// gnas sogs sa ni bcu po rnams// tshe mchog lha yi bdag nyid can// dngos po gang dang gang gis ni// mi rnams yid ni yang dag sbyor// de yis de yi dngos 'gyur te// sna tshogs gzugs can nor bu 'dra// de bzhin 'jigs dang bcas pa 'am// 'jigs med ji lta ji ltar gnas// bsam gtan dag gam sems tsam gyis// las rnams thams cad rab sgrub byed// spyod dang grol ba'i 'bras rab stsol// tshe 'di nyid la thob 'gyur ba// sgom pa bdag gis bshad par bgyi// snying po kun las btus pa yin// log pa'i shes pa shes pa can// gang yang khyod kyis bshad mi bya/ / bla ma'i rim las ji ltar bstan// gang gis myur du shes 'gyur ba// skye ba bye ba stong phrag tu// sgyu 'phrul ye shes kyis bskul ba// dad pa yang dag bskyed pa dang // rnal 'byor spyod tshul gnas pa yin// lkug cing glen la thabs ngan ldan// byis pa'i shes pa'i shes pa can// sems can yongs su ma smin dang // phyi rol bstan bcos kyis 'chal pa// de dag kun gyis ma shes te// mi shes mun pas khebs pa dang // khengs pa la ni brten par dga'// nga rgyal la sogs bdun sems ldan// de kun gyis kyang sangs rgyas kyi// spyod yul gsang ba mi shes so/ / he ru ka dpal yang dag 'jug/ slob dpon bdag nyid chen po yis// myur du dngos grub skyed byed do// 'phral du yid ches byed pa yin// kun spyod cho ga'i rnal 'byor/ shes// cho ga'i bya ba bsten par bya// srid pa gsum po ma lus na// de ni kun mkhyen bstan pa shes// mthong ba dang ni reg pa dang // thos pa dang ni dran pa yis// sdig pa kun las grol 'gyur ba/ / de ltar de ni the tshom med// lha rnams bzlog ste dgod pa dang // sngags kyi dbye ba bzlog pa dang // sgom pa gsang ba bzlog pa ni// snying po thams cad sgrub pa yin// rgyud rnams kun gyi spyi yi ni/ / sems ni yongs su smin pa dag/ 'dir ni sbyor sogs sngags rnams kyi// dam tshig de ltar bstan pa yin// bde gshegs dbugs 'byin gsungs pa ni// ngag pa'i lus ni skyon med pa/ / bsod nams chung ba'i sngags pas kyang // nga dga' bas ni rnyed par 'gyur// rnal 'byor ma'i kun tu spyod pa las/ thams cad rnam par dag pa bstan pa ste bcu gcig pa'o/ / / de nas srung min bza' min dang // dkyil 'khor pa min dkyil 'khor min// bzlas brtul sbyin sreg med min gyi// mdor na sems 'dus tshul can yin// gzung bya rnam shes ye shes ni// bla mas bstan la rtsol bya ste// phyi rol gyi ni bstan bcos pa// lam de shin tu ring ba yin// rnal 'byor pa rnams thabs kyis ni// bla ma'i bsnyen bkur la brtson pa/ ston pa'i mtshan nyid bstan pa dang // dpa' bos re nyid bstan pa yin// skad cig rnam pa'i rnal 'byor ba dag/ skad cig rnam pa'i phyag rgyar ldan// kun nas thams cad skad cig ste// skad cig gis ni gsang sngags brjod// sngas dang lha dang lag bcangs dang // 'khyud dang gnyis gnyis la sogs pa// de bzhin gshegs pas dbugs 'byin gsungs// gong nas gong du bsten par bya// thams cad 'dir ni bstan pa yin// rnam pa gzhan dag rtswa dang 'dra// de nyid srog chags rnams kyi srog/ de nyid mi 'gyur dam pa yin// de nyid thams cad khyab byed de// lus kun la ni rnam par gnas// de nyid sangs rgyas ye shes te// he ru ka dpal yin par bshad// skyes pa ma ning la sogs nyid// phra ba'i snying po'ang 'dzin pa yin// ye shes dag tu byung de la// gang zhig sa la gnas rnams dang // bstan bcos dag ni ma lus dang // rig byed grub mthar gnas pa rnams// 'jigs rten 'di dang gzhan dag tu// de med par ni grub mi 'gyur// reg byed grub pa'i mtha' rnams las/ / 'di ni snying por rab tu bshad// 'gro ba 'di kun sangs rgyas lnga'i bdag nyid// gar mkhan dag dang ri mo bzang ltar snang // gang du bde chen zhes bya gcig pu nyid// gcig/ pu nyams ni du mas gar mdzad do// 'dug dang ldang ba nyid ngag dang // 'jug dang rdzogs pa nyid dag dang // byin gyis brlab dang dbang bskur dang // ting nge 'dzin mchod bsdus pa yin// de nas cho ga'i ming gzhan pa/ / thabs dang shes rab gnyis med pa// de nyid du ni kun skyes pa// 'byin dang sdud par byed pa yin// a A/ i I/ u U/ r-i rAM/ li lAM/ e aM o au/ aM aH/ ka kha ga g+ha nga/ tsa tsha dza dz+hanya/ Ta pra Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha/ k+ShaH'di ni bcom ldan lha de yin// mchog nyid lhag par gnas pa yin/ lha kun gyi ni bskyed pa dang // sngags rnams kyi ni rgyud nyid yin// gang zhig 'di rtag sgom pa dang // rtag tu klog cing sems pa dang // rnal 'byor pa yis dang por brjod// he ru ka dpal gnyis med 'gyur/ / der ni lag sogs rgyan yin te// ska rags gnas rnams thams cad yin// 'di ni rtag tu 'dzin byed pa// chos kun rtogs par byed pa yin// A li kA li mdun bsams te/ / rnal 'byor chen pos rnam gnas la// zla ba'i dkyil 'khor legs rdzogs pa// lte ba'i rtsa bar gnas par bsgom// de yi dbus gnas bsams pa ni// dam pa'i gnas mchog yi ge ste/ / sku gsung thugs kyi rdo rje ste// lha yi sku ni bsgom par bya// de ni gzugs las bdas pa ste// dngos po med pa'i sems nyid yin// bsam mi khyab pa nyid bsams te// bsam de mtshan mar brtag mi bya// yang na bdag nyid sems bsam pa// de la gzungs ni thob par 'gyur// rnal 'byor ma'i kun tu spyod pa las/ rgyud thams cad las nges par byas pa'i de kho na nyid kyi gnas gcig pu bstan pa ste bcu gnyis pa'o/ / / de nas gzhan yang bshad bya ba// dpa' bo rnal 'byor ma gnyis med// he ru ka dpal rnal 'byor che ga gnas ni yi ge'i sa pa yin/ / pul+lI ra ma ya mgo la// dz+wa lan d+ha ra spyi gtsug nyid// oM r+yan rna ba g.yas pa ste// ar bu da ni rgyab tshogs la'o// gnas so// go da ba ri rma ba g.yon/ / rA me shwa ri smin ma'i mtshams// de bi ko Ti mig gnyis te// mA la ba ni dpung mgor ro// nye ba'i gnas so// kA ma rU pa mchan khung dgod// o Te nu ma gnyis la'o// zhing ngo // / tri sha ku ni lte ba'i dbus// ko sa la ni sna rtser ro// nye ba'i zhing ngo // ka li ka ni kha la dgod// lam pa ka ni mgrin dbus nyid// tshan+do ha'o// kany+tsi snying la dgod par bya// hi ma la ya mtshan / rtsar ro// u pa tshan+do ha'o// pra ta pu ri mtshan la ste// gr-i ha de ba bshang lam la'o// 'du ba can no// sau rASh+Ta baR+Ya gnyis sam// gser gling rje ngar gnyis la'o// nye bar 'du ba can no// na ga dang ni sor mor ro/ / sin d+hu rkang pa'i bol gnyis la'o// dur khrod do// ma ru mthe bong gnyis la dgod// ku lu ta ni pus mor gnas// nye ba'i dur khrod do// pU dzA o a go ra de mA kA o tA ko ka la kA hi pre gr-i so su na si ma ku/ gnyid log mA log ldang ba dang // bza' 'am 'gro ba'i chos spyod pa'am// gang yin der ni rnam bkod na// 'jig rten gsum gyis ma g.yo'o// ming gi rgyud ni 'bum sde las/ / snying po bsdus par gyur pa yin// nam mkha' dang ni mnyam pa'i rgyud// 'bum gcig nang nas de bzhin bshad// shes rab rgyud ni gsang ba ste// ming 'byung ba la gnas pa yin/ bstan pa yis ni sprul pa yin// bshad pas longs spyod rdzogs par 'dod// so sor bstan pa ma lus nyid// mya ngan 'das pa'i de nyid bstan// sku gsum 'khor lo gsum du bshad// chos sogs longs spyod rdzogs pa nyid// bsod nams ye shes tshogs dag ni// bden pa gnyis la gnas pa yin// blo ngan glen zhing lkugs pa dang // shes rab dman zhing log lta can/ / phyi rol bstan bcos kyis 'chal pa// bla ma la ni sun 'byin yin// de dag kun kyang rnam spangs te// gus kyang bshad par mi bya'o// cha dang cha yi khyad par la// der ni gnyis su med par bshad/ / dag byed dbang gi lha mo dang // bka' bsgo'i lha mo dpa' bo skyes// de 'og ma lus kun spyod pa// 'khor ba las grol gtso bo yin// ma lus rig byed las sprul pa// grub pa'i mthar ni de rab bsgrags// dpa' bo khyod kyis nga la bshad// sangs rgyas mu stegs can la sba// sgro dang sgra nyams brda rnams kyis// lam 'di nyid kyi rjes su 'brang // bsdus ngan yang dag blangs pa dang / / brda yi tshig ni rgyas pa yin// gang gis kun spyod mi shes par// rnal 'byor pa ni rnal 'byor ston// de yi ngal ba don med do// 'bras bu de ni thob mi 'gyur// 'gro la phan pas sngon gsungs pa// sbas te gzhan du gsungs pa yin// kun spyod 'dir ni bshad pa las// sgrub pa pos ni rab mnyam gzhag/ rgyal bas sngon ni rgyud chen po'i// sngags/ kyai yi ge sgrub mdzad pa// las kyi bya ba gang yang rung // dge dang mi dge brtags te bya// yi ge mtha' dang dbus ngag tu// der ni thams cad rab tu grub// rnal 'byor ma kun tu spyod pa las/ A li kA laM dang las thams cad kyi nges pa gnyis su med par bstan pa ste bcu gsum pa'o// de nas rgyud rnams thams cad du// sbas gsang cho ga shes bya ste/ / sangs rgyas bzhi yi gdan bzhugs pa// rdo rje la sogs dpa' rnal 'byor// mkha' 'gro la sogs rdo rje yi// dpa' bo rnal 'byor dbang phyug gtso// me long la sogs rnam pa bzhi/ / gnyis med gnyis su med sbyor nyid// gnyis med rdzas ni me tog sogs// re re nas ni dbul bar bya// phyag rgya lnga sogs mchog lus kyi// pha rol son pas phar phyin drug/ lag pa'i mchod sogs ye shes can/ / blo ldan dpa' bos shes par bya// rnal 'byor ma drug go rim bzhin// rdo rje sems sogs bcu gnyis dang // dpa' bo chen por sbyar bya la// lag pa'i mchod la sogs pas bstod// lnga po lnga dang yang dag bsre/ / 'o ma dang ni bsre bar bya// mchod pa des ni legs gnas la// spyod dang grol ba'i 'dod dang ldan// lag pa'i mchod pas rnal 'byor pa// dbul ba'i 'dod don 'grub par 'gyur// sems ni gzhan du gyur pa dang // bza' btung gos sogs thob par 'gyur// lha yi mchod pa byas na ni// de la bsam pa rnam grub 'gyur// dpa' bo 'di ni dpa' chen po// sa steng rnal 'byor ma rnyed dkag/ rnal 'byor pa yi spyod brtul zhugs// rnal 'byor dbang phyug kun gyi gtso// gang zhig rtag tu 'dis rang mchod// 'dod pa'i 'bras bu kun rab ster// rnal 'byor ma'i kun tu spyod ba las/ dpa bopo bzhi dang yang dag par sbyor ba'i lag pa'i mchod pa bstan pa ste bcu bzhi pa'o/ / / de nas dpa' bo rnal 'byor ma// gnyis med spyod pa'i cho ga bshad// dang por mnyam bzhag rnal 'byor pas/ / 'bad de nus pa bskyed par bya// nus pa bskyed pa'i rjes thogs la// yid la 'dod pa'i brtul zhugs spyad// sems can rjes su gzung don phyir// dpa' bo chen po 'gro bya zhing // srog chags yan lag gos bgos la// bde don gnyer bar bde ba bsrung // mchod phyir thogs ni kun spangs la// he ru ka dpal gtsang sbrar gnas// grol ba'i 'bras bu 'dod pa yis// rnal 'byor ma kun mnyes par bya/ / rtsa ba'i sngags kyis dpa' bo gang // tshangs pa'i skud pa la sogs brtag/ lha yi snying po'i gsang sngags kyis// brgya phyed 'phreng bas brgyan pa yin// thod pa'i dum bu la sogs kun/ lus kyi khams su brtag par bya// dpa' bo'i go cha drug gi ni// rgya bdis lus ni mdzes pa yin// rdo rje phag mo sogs sngags gang // mgur chus rked pa mdzes pa yin// sangs rgyas kun gyi mkha' 'gro ma'i/ / pags pa'i gos ni 'dzin pa'i mchog/ kha T+wAM ga ni lha yi sku// shes rab Da ma ru ru brtag/ yi ge bdun gyi gsang sngags kyis// rna chas snyan ni mdzes pa yin// rnal 'byor ma drug gsang sngags gang / / ska rags byas pa brgyan pa yin// 'khor lo kun gyi rnal 'byor ma'i// sngags ni lag ma thod pa yin// rnam par snang mdzad yum sngags dang // thod// pas mgo bo brgyan pa yin// de ltar bdag nyid rnam bsams nas// tsham rngam sngags kyis legs par bsrung // rtag tu tshangs par spyod 'gyur ba// gsang sngags rkang pa brgyad mchod pa'o// nyin mo bcom ldan dpa' bo ste/ / mtshan mo bcom ldan ma brtag bya// mi bya ci yang yod min te// rtag tu mi bsam yod ma yin// mi bza' ci yang yod min la// dge dang mi dag mi smra med// bdag nyid ji bzhin 'gro de bzhin/ / bdag ci 'dra ba gzhan de bzhin// de ltar rnam bsam rnal 'byor bdag/ 'jigs pa thams cad yongs spangs te// dpa' bo seng ge bzhin du spyod// bsam pa thams cad rdzogs byed yin/ / he ru ka dpal gzhir gnas pa'i// yan lag spyod pa ji snyed dang // tshig tu brjod pa ji snyed pa// de snyed phyag rgya gsang sngags yin// rigs lnga'i kun tu spyod pa ni// rig gcig nyid du spyad par bya/ / de ltar shes pa'i bdag nyid can// go 'phang mchog tu 'gro bar 'gyur// gnyis med ye shes sems ldan la// mi bya ba ni ci yang med// mi rtog bdag nyid sems kyis de/ bdod pa'i yon tan lnga rnams spyad// rnal 'byor ma'i kun tu spyod pa las/ gnyis su med pa'i brtul zhugs dang gsang sngags bstan pa ste bco lnga pa'o// gzhan yang phyi ma'i dus kyi tshe/ / dus mthar dngos grub mi thob ste// blo ni gzhan du rnam 'khrugs pas// phyag rgya dkyil 'khor bzlas pa yis// bde bar 'grub par mi 'gyur gyi// bkres dang skom gyi sdug bsngal 'gyur/ / 'bad de 'dod bya dmigs nas ni// de nyid kyis bdag rnal 'byor pa// ji ltar he ru ka'i ye shes// ci 'dod par ni yongs su rgyu// rna bas ring nas thos pa dang // skad cig gis mthong rnal 'byor pas/ / chos 'di de ltar shes nas ni// bsam pa thams cad rdzogs byed yin// shes rab chen por byas pa nyid// gnyis med ye shes brtul zhugs bzang // A li kA li ma gtogs par/ / gal te chos 'di 'dod na ni// de yi ngal ba don med de// 'bras bu thob par mi 'gyur ro// mdo dang bya ba spyod pa rnams// rnal 'byor gsang sogs dbye ba nyid// 'jig rten kun la bshad pa ni// byang chub don gyi rgyu nyid yin// nga yis 'jug par bshad pa ni// tshogs gnyis gnyis su med pa yin// de nyid chos kyi rang bzhin zhes// mya ngan 'das pa 'bab/ zhig 'dod// thams cad bden pa gnyis la ni// rten par ngas ni sngon bshad pa// rnal 'byor pa yi dngos grub kyis// sgom pa mngon dgar gyur pa yin// spros pa kun la dmigs nas ni// spros pas spros pa med par bya// rgyud rnams kun tu gsang ba gang // sprul pa rnams kyi de nyid bstan// rgyu ba de yis ni rnal 'byor pas// bden pa gnyis la yang dag rten// sems can thams cad gsal nas ni/ / longs spyod kun la nyer spyad bya// blo ldan chen po 'khor lo sdom// sdom pa la ni rnam par spyod// rnal 'byor ma yi mtshan ma gang // gzugs dang badz+ra dang tha snyad dag/ khyim lnga la sogs yul rnams su// rnal 'byor mo ni lnga nyid gnas// bsgrub par bya ba'i gnas kun tu// g.yon na so bskor ba la rab brtson// ji ltar sngar bshad 'khor lo yi// grangs kyi cho gas brtul zhugs can// dpa' bo'i sngags sogs rnal 'byor ma'i// yid la 'dod pa dgod par bya// shar gyi bdab mar mkha' 'gro ma// bong bu'i rnam par bsgom par bya// he ru ka dpal zhes bya ba/ / las rnams thams cad byed pa yin// he ru ka dpal go 'phang gnas// lus ngag yid kyi las rnams la// bshar dang ma bshar gang bsams pa// de dag thams cad myur du 'grub/ / rnal 'byor ma'i kun tu spyod pa las/ dngos grub kyi nges pa dang dpal he ru ka'i mdzad pa bstan pa ste bcu drug pa'o// / de nas he ru ka dpal rgyud// sems ni dri med yin par bshad/ / dag pa'i chos kyi sprul pa ni// phag mo'i gzugs su bstan pa yin// thabs dang shes rab sbyor ba las// de nyid dang ni thams cad 'byung // me long la sogs rnam pa bzhi// pad+ma'i bdab gnas rnal 'byor ma// mkha' 'gro ma bzhi pad+mar gnas// mA ma kI sogs bzang mo yin// thod pa'i dum sogs 'khor lor gnas// nyi shu rtsa bzhi gnyis med yin// sems can 'khor/ ba las grol ba/ dpa' bo nyid ni yin par brtag/ khro bo rnam rgyal la sogs kun// sgo dang mtha' yi mtshams rnams su// sna tshogs gdul ba'i thabs chen gyis// sems can don la brtson par mdzad// gsang ba'i gnas kyi rnam gnas pa// rab tu 'bad de sba bar bya// rnal 'byor ma dang dpa' bo yis// ji ltar 'dod pa'i dngos grub ster// rnal 'byor ba bras bu thob nas ni// srid mtshor ltung bar mi 'gyur ro/ / 'khor ba las ni bsgral ba'i thabs// rgyud kyi snying po bsdus pa yin// bla ma slob mas rtogs bla phyir// cho ga rgya cher ma bshad de// sems ni ngal so rnal 'byor pa// mya ngan 'das pa bstan mi bya/ / de ltar spyod pa'i skyes mchog 'di// sdig pa thams cad rnam dag 'gyur// 'jig rten 'dibam pha rol tu// 'dis ni sangs rgyas nyid mthong 'gyur// ji ltar sngar bshad sdig pa rnams/ / spang bar bya ba'i mtshan nyid yin// gang zhig bdo sgom rnal 'byor pa// 'dod pa'i bde ba thams cad ster// he ru ka dpal mtshan brjod pas// lha sogs kun gyi gsang gang dang // mi la sogs la gang zhig yod// de yi bsod nams des 'thob bo// bsam gtan gyis ni bsams tsam mam// 'don cing klog gam bris pa yis// mtho ris longs spyod 'thob 'gyur te// yang na 'khor los sgyur nyid 'gyur/ / rnal 'byor pa ni 'pho ba'i tshe// dpal ldan he ru ka la sogs// dpa' bo dag ni thams cad dang // rnal 'byor ma ni ji snyed pa// lago na sna tshogs me tog bsnams/ / ba dan rgyal mtshan sna tshogs dang // rol mo'i sgra ni sna tshogs dang // sna tshogs glus ni nye bar mchod// 'chi ba zhes bya rnam rtog ste// mkha' la spyod pa'i gnas su 'khyer/ / de lta'i dpa' bo chen po dang // rnal 'byor ma ni sa steng dkon// ji ltar bud med byis gtam rjes yi rang // kun smra bsten pa'i gtam yang rjod par byed// lam yang bshad cing 'chi bar// 'gyur ba yin// rnal 'byor lam ngan de dang 'dra bar bshad// de nas gzhan yang bshad bya ba// gnas sogs rnal 'byor ma yi gnas// he ru ka dpal sogs rnal 'byor// dpa' bo gnyis med rnal 'byor ma/ / pul+lI ma la ya ra rab gtum// dzA lan d+ha ra ra gtum pa'i mig/ or+yan na ni 'od ldan ma// ar bu dar ni sna chen mo// go dA ba ri ri dpa' blo ma// ra me shA rir mi'u thung ma// de bi ko Tar lang dbang phyug/ mA la bar ni shing grib ma// kA ma rU bar sa srungs mo// o trer 'jigs byed chen mo yin// tri sha ku nir rlung shugs ma// ko sa lar ni cang 'thung ma// ka ling lha mo sngo bsangs ma// lam ba kar ni rab bzang mo/ / kany+tsi nar ni rta rnam// hi ma la yar bya gdong ma// pre ta pu rir 'khor lo'i shugs// gr-i ha de bar dum skyes ma// sau raSh+Ta ra chang 'tshong ma// gser gling 'khor lo'i go cha mo// nA ga rar ni rab dpa' mo/ / sin d+hu'i yul du stobs chen mo// mya ngan yul du 'khor sbyar ma// ku lu ta ra ni brtson chen mo// yul 'di rnams kyi bu mo gang // dpa' bo gnyis med rnal 'byor ma'o// gsang ba'i sngags la rtag gnas nas/ / rab tu 'bad de bsgrub par bya// rnal 'byor ma ni re re zhing // bye ba grangs snyed dag gis bskor// mtshan ma mtshan nyid phyag rgya sogs// g.yon pa'i sgrub pa po yis sba// mi bzad las ni gang gang gis/ / skye bo rnams ni 'ching bgyur pa// thabs dang bcas na de nyid kyis// srid pa'i 'ching ba las grol 'gyur// 'khor ba'i pha rol brgal nas ni// ci bdor ye shes can du 'gyur// mgur cha gtsug rgyan dpung rgyan dang // rna rgyan tshangs pa'i skud pa dang // mgul pa brgyan cing spyi bor 'phreng // ska rags rkang gdub sgra nyid do// ri steng sna tshogs pad+ma yi// ge sar A li kA li las// nyi shu rtsa bzhir yang dag ldan// dpa' bo rnal 'byor ma tshogs bcas/ / u ma'i bdag po yang dag mnan// rdo rje dril bu skul 'khyud// he ru ka dpal rgyal po che// gob pang mchog ni bsgom par bya// de nas rtag tu spos chus pa dir// rtag tu lus ni yan lag dril// dri zhim yan lag gis brgyan cing // thal ba'i phyag rgya sogs pas bsgos// kha dog la sogs g.yogs pa'i gzugs// rang gi lus ni yongs su bsgyur// sprod pa'i brtul zhugs la zhugs par// shes nas rnal 'byor la legs gnas/ / yan lag can dang tshogs can dang // sdud dang de bzhin snying stobs dang // gar gyi tshul ni bzhi po 'di// de nyid mthong bas shes par bya// btung ba'i tshul zhes bya ba ni// rnal 'byor shes pa yin par bshad/ / de la 'bad de bya ba ni// skal ba bzang po'i gar chen yin// gar gyi gnas su gnas pa kun// rgyan rnams de ni yin zhes bya// kun tu dbug dang bcing bya dang // gzhug dang de bzhin bsod pa dang / / 'bebs dang bdi ni 'khyil ba dang // de bzhin ba dir ni brgyan pa dang // tshangs skud lus las dgrol ba dang // rnam pa kun tu bcing ba dang // rkang gdub rab tu gzhug pa dang // lag pa'i rgyan ni nyid dag dang // srog shing gcig gyur srang bu yin// 'og pag drug cu rtsa brgyad dang // ro ldan bcu drug par shes bya// 'phreng ba nyi shu rtsa lnga yin// rnal 'byor ma'i kun tu spyod pa las/ de kho na nyid dag pa dang gnas la sogs pa dang gar gyi spyod pa bstan pa ste bcu bdun pa'o// rnal 'byor ma'i kun tu spyod pa rdzogs so// nu chen gyi lo tsa ba bgos lngas btsas kyis bsgyur cing zhus te gtan la phab pa'o/

CLOSE WINDOW