la bab pa// rgya gar skad du/ swasti g+hA tha/ bod skad du/ bde legs kyi tshog su bcad pa/ dkon mchog gsum la phyag 'tshal lo// lha zhig te bar 'ongs nas su/ / lhas mchod pa la zhus byas te// sangs rgyas chen po thub pa chen// ci zhig smras na bde legs 'gyur// lha yi tshig de gsan gyur nas// 'jig rten rtsa lag bka' stsal pa gang gis rtag tu rjod byed la/ / nga yi bde legs 'gyur de nyon// 'jig rten 'di dang gzhan dang mtho ris na// rin chen rgya chen mchog na gang yod pa// de ni rdzogs pa'i sangs rgyas rin chen la// cis kyang grangs dang bgrang dang char mi bod// ngo mtshar shin tu rmad byung dpag med de// rdzogs pa'i sangs rgyas rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ zhi 'gog bdud rtsi shin tu gya nom gang // shAkya thub pas mnyam gzhag thugs chud pa// chos de dang ni mtshungs pa yod min te// de mngon byas na phyin chad mya ngan med/ / ngo mtshar shin tu rmad byung dpag med de// dam pa'i chos kyis rin chen 'jig rten mchog/ ji ltar nga'i 'di de bzhin bden mchog na/ bden pa 'dis ni shin tu bde legs shog/ rgyal bas gang dag gang zag brgyad gsungs pa// de dag rnams ni skyes bu zung bzhi ste// sprin gnas de dag sa steng shin tu dkon// de dag rnams la byin na dpag med 'gyur// ngo mtshar shin tu rmad byung dpag med de/ / dge 'dun rin chen gang zhig 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ dam pa gtso bo mchog sbyin gya nom pa/ / 'od mchog dpa' bo dam pa mchog gis 'os// shes rab dam pa chos kyis dam pa mchog/ mchog min mchog mkhyen 'di na bcom ldan cig/ ngo mtshar shin tu rmad byung dpag med de/ rdzogs pa'i sangs rgyas rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ ting 'dzin dam pa bar chad med pa gang // mtha' yas blo ldan de bzhin gshegs gsungs pa/ / ting 'dzin de brtan rdo rje dper byas pa// ting 'dzin de dang mtshungs pa'i ting 'dzin med// ngo mtshar shin tu rmad byung dpag med de// ting nge 'dzin gyi rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ ji ltar sgo gtan brtan zhing rab dam ste// stobs chen rlung bzhi dag gis mi bskyod pa/ / de ltar mkhas pa gzhi mthong 'den gnas pa'ang // 'jig rten smra ba rnams kyis 'dir mi g.yos// ngo mtshar shin tu rmad byung dpag med de// dge 'dun na chen gang zhig 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ thams cad zil gnon kun mkhyen thams cad gzigs/ / thams cad mkhyen pa'i stobs rnams kun dang ldan// kun gyi dam pa 'jigs pa kun dang bral// bsam pa kun mkhyen 'di ni bcom ldan cig/ ngo mtshar shin tu rmad byung dpag med de/ / rdzogs pa'i sangs rgyas rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ srid pa 'gog cing mi g.yo 'gyur ba med/ / skyon med 'jigs pa kun las rnam par grol// shin tu dkon zhing gya nom nges par 'byung // shin tu dri med zhi ba blos mi 'phrogs// ngo mtshar shin tu rmad byung dpag med de// dam pa'i chos kyi rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ shin tu sdug bsngal ston cing bde sbyin pa'i// 'dren rnams mthong ste gang dag bag yod cing / / bden pa rin chen rnams la dogs bral ba// de dag skye ba brgyad pa phyis mi len// ngo mtshar shin tu rmad byung dpag med de// dge 'dun rin chen gang zhig 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ dam pa rnams kyi dam pa don dam mkhyen// mchog dang mchog min mkhyen cing don dam brtsegs/ gzhan gyis mi 'phrogs dam pa thugs chud rtogs/ / shin tu sdug bsngal rnams kyis dpung gnyen mchog/ ngo mtshar shin tu rmad byung dpag med de// rdzogs pa'i sangs rgyas 'jig rten rin chen mchog/ ji ltar nga'i 'di de bzhin bden mchog na/ / bden pa 'dis na shin tu bde legs shog/ 'dun pa skyes nas rnal 'byor ldan gyur cing // gau ta ma bstan la rtag brtson rab grol zhing // gzhan gyis mi dkri ba dag zhi der reg/ 'di la der reg grangs su phyin mi 'gyur// ngo mtshar shin tu rmad byung dpag med de// dge 'dun gang zhing 'jig rten rin chen mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ bden pa mthong ba brjed pas brgya lam na// gal te sdig pa 'ba' zhig byas gyur cing // de ni de chab pa yi 'os min te// chos nyid 'di ni mig yo gnas phyir ro// ngo mtshar shin tu rmad byung dpag med de// dge 'dun rin chen gang zhig 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ lha dang bcas pa'i 'jig rten thams cad na// sangs rgyas dang ni lhag pa'am mtshungs pa med// lha dang mi yi ston pa bla na med/ / ston pa ded dpon sman pa rnams kyi mchog/ ngo mtshar shin tu rmad byung dpag med de// rdzog pa'i sangs rgyas rin chen 'jig rten mchog ji ltar nga'i 'di de bzhin bden mchog na// bden pa 'dis ni shin tu bde legs shog/ sos ka'i zla ba dang por thub pa yis// nags khrod chos kyi dam pa gang gsungs pa// chos de dang ni mtshungs pa'am lhag pa med// 'di la der reg grangs su phyin mi 'brang / mtshar shin tu rmad byung dpag med de// dam pa'i chos kyi rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog sdig pa rnying zad gsar du byas med na/ / rims nad med cing 'jig med mya ngan bral// sred pa 'gags pas rtsa ba mi skyed pa// brten pa mar me bzhin du 'bar bar 'gyur// ngo mtshar shin tu rmad byung dpag med de/ / dge 'dun rin chen gang zhig 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ bde legs kyi tshigs su bcad pa rdzogs/ so// rgya gar skad du/ pany+tsa ta thA ga ta mang ga la gA tha/ bod skad du/ de bzhin gshegs pa lnga'i bkra shis kyi tshigs su bcad pa// dkon mchog gsum lal phyag 'tshal lo/

CLOSE WINDOW