lo tsa ba ban d+he ye shes snying pos bsgyur/ nu chen gyi lo tsa ba ban rje dpal brtsegs kyis zhus te gtan la phab pa// bod skad du/ rdo rje rgyal mtshan gyi yongs su bsngo ba/ sangs rgyas dang byang chub sems dpa' thams cad la phyag 'tshal lo// rgyu dang mi rgyu'i 'jig rten sman slad du// byung dang 'byung bar 'gyur dang da ltar gyi// rang byung rngub dbang thugs rje ldan rnams la/ / bdag gis bdag kun btud nas phyag 'tshal lo// chags dang zhe sdang gti mug dbang gis ni// bdag gis lus dang ngag dang yid rnams kyis// srid pa nyam ngar sdig pa cings/ pa/ sdig pa de kun so sor bshags par bgyi// de bzhin gshegs kyi bsod nams mdzod gang dang / byang chub sems dpa' las byung bsod nams dang // gang yang nyan thos rkyen gyi theg can dang // 'jig rten bsod nams de la yi rang ngo / / byang chub snying por thog mar gang sangs rgyas// pad+ma rgyas pa'i spyan 'dra spyan mnga' ba// sangs rgyas bla med mtha' yas de dag la// chos kyi 'khor lo dam pa bskor/ bar bskul// phung po ma lus mya ngan 'das dbyings su// gshegs par gang bzhed mi dang lha yi lha// mgon po de dag ji snyed sman slad du// bzhugs dang sangs rgyas sku don mdzad par gsol/ phyag 'tshal ba dang bshags pa'i bsod nams dang // bskul ba dang ni gsol ba btab pa dang // de bzhin yi rang bsod nams ci bsags pa// byang chub dam pa mchog tu bsngo bar bgyi// bdag gis bsod nams dam pa 'dis rtag tu/ / byang chub sems ni brjed par ma gyur cig/ rtag tu sangs rgyas byang chub sems dpa' dang // dge ba'i bshes rnams mnyes par byed gyur cig/ mi khom gnod pa brgyad po spong bar shog/ bzod dang ldan zhing mtshan gyis lus brgyan dang // rtag tu skye dran sems ni mi rmongs dang // rab des pha rol phyin pa brtson gyur cig/ dbang phyug mi brdzi chos kyi dbang/ phyug dang / yon tan 'byung gan nyid ni 'gyur med shog/ g.yo ga 'khor mang po 'thun par ldan pa dang // bsam pa 'thun zhing rgya cher dag gyur cig/ bsod nams mi zad rnam dag blo dang ldan// cho ga yon tan dag/ la dga' bar shog/ bsam gtan mngon shes so so yang dag rig/ dbang bcu dag la bdag dbang byed gyur cig/ byang chub sems dpa' gang dag lam rdzogs pa// de dag sangs rgyas go 'phang myur thob shog/ de la gang dag lam kun ma rdzogs pa// de dag tshogs kyis rnyed pa rnyed gyur cig sems can thams cad bla na med pa yi// byang chub tu ni smon lam myur 'debs shog de la dam bcas pas ni brtan gyur cing / / byang chub thob min don gzhan byed ma gyur// lus kun dbang po dag pas rab rgyas shing // nad med rims nad med cing mya ngan bral// tshe ring zhi dang sgra ni yid 'ong ldan// sdig las zlog cing dge la 'jug gyur cig/ ser sna bral zhing zang zing med chos kyis// rtag tu phan tshun phan 'dogs byed par shog/ gzhan du snying rje che dang ldan gyur nas// 'dod pa mi mnga' bde bar gshegs gyur cig/ 'gro ba sdug bsngal bying la phan bya'i phyir// sangs rgyas byang chub bla na med mchog tu// rdo rje rgyal mtshan yongs bsngo rgyal po la// des ni rang gi bsod nams yongs su bsngo bde gshegs kun tu bzang dang mkhyen pa dag/ kun tu bzang po bsdod ge ji lta bar// de bzhin bdag kyang kun tu bzang spyod dang // rgyal ba dam pa kun tu bzang por shog/ rdo rje rgyal mtshan gyi yongs su bsngo ba rdzogs so/ / / rgya gar skad du/ swa s+yA ya na gA tha/ bod skad du/ bde legs su 'gyur ba'i tshigs su bcad pa/ dkon mchog gsum la phyag 'tshal lo/

CLOSE WINDOW