/ / rgya gar skad du/ u dAn par ga/ bod skad du/ ched du brjod pa'i choms/ bam po dang // thams cad mkhyen pa la phyag 'tshal lo/ / bkra shis par gyur cig/ rgyal bas ched du brjod gsungs pa/ bdag gis rab tu bshad par byas// gnyid dang rmugs pa rnams sol la// yid la dga' ba bskyed de nyon thams cad mkhyen pa skyob pa po/ / thub pa rjes su thugs brtse ba// sku yi tha ma 'dzin pa yi// bcom ldan 'das kyis 'di skad gsungs// kye ma 'du byed rnams mi rtag/ skye zhing 'jig pa'i chos can yin/ / skyes nas 'jig par 'gyur ba ste// de dag nye bar zhi ba bde// de ltar rab tu 'bar ba la// ci zhig dgar yod mgur ci yod// mun pa'i nang zhugs gnas pa dag/ ci phyir sgron mtshol mi byed/ / rus pa thi ba'i mdog 'dra ba// bor ba gang yin 'di dag ni// phyogs dang phyogs su rnam 'thor ba// de mthong 'di la ci zhig dga'// gang zhig nub mo kho na nas// mngal du dang po 'jug pa'i mi// de ni sdong med 'gro 'gyur zhing // song ba las kyang ldog pa med// snga dro skye bo mang mthong ba// phyi dro kha cig mthong mi 'gyur// phyi dro skye bo mang mthong ba// snga dro la cig mthong mi 'gyur/ / skyes pa bud med mang po dang // dar la bab pa'ang 'chi 'gyur na// de la mi 'di gzhon zhes te// gson pa'i gdeng drod ci zhig yod// kha cig mngal du 'chi bar 'gyur// bzhin kha cig btsas pa'i sar// de bzhin kha cig gog tsam na// de bzhin kha cig yongs rgyug na// la la rgan dang la la gzhon// la la dar la bab pa'i mi// rims kyis rab tu 'gro 'gyur te// 'bras bu smin pa ltung ba bzhin/ / dper na 'bras bu smin pa rnams// ltung bas rtag tu 'jigs pa ltar// de bzhin skyes par gyur pa'i mi// rtag tu 'chi bas 'jigs par 'gyur// dper na rdza ma'i mkhan po yis// 'jims pa las ni snod byas pa// thams cad tha mar 'jig pa ltar// mi rnams srog kyang de bzhin no// dper na thags ni brkyang ba las// spun ni gang dang gang bcug pa'i/ / spun ni gting la gtugs pa ltar// mi rnams srog kyang de bzhin no// dper na nges par gsod pa dag/ gom pa gang dang gang bor bas// gsod pa'i drung du bsnyen pa ltar// mi rnams srog kyang de bzhin no// chu klung drag tu 'bab pa'i rgyun// ldog pa med pa ji lta bar// de bzhin mi yi tshe 'gro ba// slar ni ldog par 'gyur ba med// dka' ba nyid dang thung ba dang // de yang sdug bsngal ldan pa dag/ myur ba kho nar 'jig 'gyur te// chu la dbyug gus bris pa bzhin// dper na phyugs rdzi dbyug thogs kyis// phyugs rnams gnas su phyin byed ltar// de bzhin nad dang rga ba yis/ / mi rnams 'chi bdag drung du skyel// chu bran gyi ni chu lta bur// nyin dang mtshan mo 'das pa yis// mi rnams tshe yang zad 'gyur zhing // srog kyang nye bar 'jig par 'gyur// me la che byed la mtshan mo ring / / lam gyis du ba la rgyang grags ring // dam chos rnam par mi shes pa'i// byis pa rnams la 'khor ba ring // bdag la bu yod de bzhin du// nor yod ces pas byis pa brlag/ phyi rol nang na bdag med na// su yi bu yin ci zhig nor// skyes pa bud med rnams kyi rigs// brgya dang stong phrag mang po dang // longs spyod legs par bsgrubs pa yang // 'chi bdag dbang du 'gro bar 'gyur/ / bsags pa kun gyi mtha' zad cing // bslang ba'i mtha' ni 'gyel bar 'gyur// phrad pa'i mtha' ni 'bral ba ste// gson pa'i mtha' ni 'chi ba yin// gson mtha' 'chi ba yin pas na/ / sems can thams cad 'chi 'gyur zhing // dge sdig 'bras bu nyer 'gro ba'i// ji bzhin las kyi rjes su 'brang // sdig pa'i las kyis dmyal ba dang // bsod nams byas pa bde 'gro ste/ / gzhan dag gis ni lam bsgoms pas// zag med mya ngan 'das par 'gyur// gang yang sangs rgyas rang sangs rgyas// sangs rgyas rnams kyi nyan thos kyang // sku lus 'di ni spong mdzad na/ / skye bo phal pa smos ci dgos// gang du gnas kyang 'chi bas mi tshugs pa'i// sa phyogs de ni yod pa ma yin te// bar snang la med rgya mtsho'i nang na med// ri bo rnams kyi gseb tu zhugs na'ang min/ / byung dang 'byung bar 'gyur ba ji snyed pa// kun gyis lus 'di btang nas 'gro ba dang // de kun 'jig par mkhas pas rtogs kyis te// chos la gnas kyis tshangs par spyad pa spyod/ / rga ba mthong zhing nad kyis sdug bsngal dang // sems dang bral ba'i shi ba mthong nas ni// brtan pas btson ra 'dra ba'i khyim spangs kyi// 'jig rten phal pas 'dod spang nus re skan// / rgyal pon shing rta shin tu bkraba'ang 'jig/ de bzhin lus kyang nye bar na bar 'gyur// dam pa rnams kyi chos 'di dam pa ste// mi mchog gzhan rtogs byed cing na mi 'gyur rga ba khyod ni blun zhing ngan/ / khyod ni ma rigs byed pa ste// yid du 'ong ba'i gzugs 'di yang // khyod kyis mngon par bcom par 'gyur// gang zhig lo ni brgya 'tshe ba// de yang 'chi bdag nyid kyis khrid/ / 'di dag rga bar 'gyur ba 'am// yang nan pa'am 'chi bas 'joms// rtag tu ldog pa med par 'gro 'gyur zhing // nyin dang mtshan du rab tu 'jigs pa dang // skye dang 'chi ba'i sdug bsngal dang ldan pa/ / chu tshan nang du gdungs pa'i nya dang 'dra// tshe 'di nyid dang mtshan mo dang // 'gro ba dang ni 'dug pa na// chu klung chen po'i rgyun bzhin du// phyir mi ldog par 'gro bar 'gyur// chu klung nang gi nya lta bur/ / gang zhig nyin zhag 'da' ba yis// tshe ni shin tu thung 'gyur na// de la dga' bar bya ci yod// gson mtha' 'chi ba yin pa'i phyir// lus 'di yongs su rga ba dang // nad kyi tshang 'di myur 'jig cing / / rnag gi tshogs kyang 'jig par 'gyur// kye ma lus 'di mi thogs par// stong zhing rnam shes dang bral nas// dur khrod bor ba'i mgal dum ltar// sa yi steng du 'gyel bar 'gyur// rgyun du nad kyis mngon gdung zhing / / rtag tu mi gtsang 'dzag pa dang // rga dang 'chi bas 'tsher 'grib pa'i// lus 'di ngo ma cir mi rung // myur du 'jig cing na ba dang // rnag dang ldan pa'i lus 'di yis// grub dang bde ba bla na med/ / zhi mchog don du gnyer bar gyis// dgun ka dang ni dpyid ka dang // dbyar ka 'di dag bya'o zhes// byis pa rnam par sems byed pas// bar chad mthong bar ma gyur to// bu dang nor phrugs 'byor pa/ la// mi yi yid ni rnam chags pa// 'chi bdag gis ni blangs nas 'gro// nyal grong chu bos bdas pa bzhin// 'chi ba'i dus la bab pa na// bu rnams skyabs su mi 'gyur zhing // pa yang ma yin gnyen 'dun min/ / khyod la skyabs su 'gyur ba med// 'di ni bya ba byas zin don 'di bya// de dag byas nas bdag gis 'di bya zhes// de ltar mi ni yongs su shom pa na// rga dang nad bcas 'chi bas mngon du bcom/ / de ltas rtag tu ting 'dzin la dga' mnyam par zhog/ brtson pa skyed pa skye ba dang rga ba'i mtha' ma ltos// bdud rnams sde dang bcas pa mngon par zil non la// dge slong dag go skye shi'i pha rol 'gro bar gyis/ / mi rtag pa'i tshems te dang po'o// / kun rtog las ni 'dod skyes pas// 'dod pa'i rtsa ba shes gyis te// khyod ni kun rtog ma byed dang // des na khyod la 'byung mi 'gyur// 'dod pa rnams las mya ngan skyes/ / 'dod pa rnams las 'jigs pa byung // 'dod pa dag ni rnam spangs na// mya ngan med cing 'jigs pa med// dga' ba rnams las mya ngan skyes// dga' ba rnams las 'jigs pa byung / / dga' ba dag ni rnam spangs na// mya ngan med cing 'jigs pa med// 'dod dga'i rnam smin sdug bsngal te// dang po mang ral 'bras bu cha// me smon la gnas ma bor ba// mjug tu byis pa sreg byed bzhin/ / nor bu'i rna cha bu mo la// yongs su chags sems gang yin la bltos na// lcags shing gres ma las byas chings ma gang // de dag dam po min zhes 'phags pas gsungs/ / 'dod pa'i chings ma gang yin de lhod kyang // rab tu dgrol bar dka' zhes 'phags pas gsungs// brtan rnams 'dod pa'i bde la mi blta bar// de dag gtubs nas myur du 'gro bar byed// 'jig rten sna tshogs gang de 'dod min gyi// skyes bu'i kun rtog 'dod chags 'dod pa yin// 'jig rten sna tshogs de bzhin gnas kyang ni// 'on kyang brtan rnams 'di la 'dun pa 'dul// mi rnams la ni rtag pa'i 'dod pa med/ / 'dod can gang la chags te mi rtag pas// yang sred med phyir sems kyis rab spongs la// 'chi ba'i gnas mi 'gyur bar byos zhes gsungs// 'dun pa skyes shing zag par mi byed dang / / sems la skyon med pa dang dran pa dang // 'dod pa rnams la so sor ma chags gang // de ni gong du 'pho ba yin zhes gsungs// mgar ba yis ni dngul bzhin du// blo gros ldan pas rim pa bzhin skad cig skad cig cung zad tsam/ / rang gi dri ma bsal bar bya// lham mkhan gyis ni ko ba dag/ yongs su sbyangs nas lham byed ltar// 'dod pa gang dang gang spangs pa// de de bde ba phun sum ldan// gal te bde ba kun 'dod na/ / 'dod pa thams cad yongs su spongs// 'dod pa thams cad yongs spangs pas// mchog tu bde ba thob par 'gyur// ji srid 'dod pa'i rjes 'breng ba// de srid bar du ngoms mi 'gyur/ / de las gang dag shes rab kyis// ldog byed de dag tshim pa 'thob// 'dod pas ngoms par mi 'gyur bas// shes rab kyis ni ngoms pa skyid// shes rab kyis ni ngoms pa'i mi// srid pa'i dbang du mi 'gyur ro/ / 'dod la chags pa'i mi gang yin// de dag kye ma chos min dga'// cung zad gson por 'dug pa na// bar chad mthong bar mi 'gyur ro// blo ngan longs spyod kyis bcom pas/ pha rol tshol bar mi byed cing // bsam brlag 'dod la sred pa yis// bdag dang gzhan yang phung bar byed// kar sha pa Na'i char babs kyang // 'dod pa rnams kyis ngoms mi 'gyur// 'dod pa mnog chung nyes mang bar/ / mkhas pa rnams kyis khong du chud// lnga yi 'dod pa rnams la yang // lhag par dga' bar mi 'gyur gyi// rdzogs sangs rgyas dang nyan thos rnams// sred pa zad pas dgyes par 'gyur/ / gangs can dang ni mnyam pa yi// gser gyi ri bo yod gyur kyang // nor des gcig kyang mi tshim par// rtogs par gyis la legs par spyod// gang dag sdug bsngal de yi rgyus shes par/ / de dag nam yang 'dod la dga' mi 'gyur// 'jig rten dag na zug rngu'i rgyur shes nas// de dag gdul phyir brtan pa slob par byed// 'dod pa'i tshems te gnyis pa'o// / / lus can rnam par rtogs pas rab bcom pa// 'dod chags mi bzang gtsang bar rjes lta bas// 'dod chags phyir zhing rab tu 'phel 'gyur te// rang gi 'ching ba de yis dam por byed/ gang dag rnam rtog nye bar zhi dga' zhing // mi sdug bsgom pa rtag tu dran byed de// de yi srid pa rab tu spangs pa yis// rang gi 'ching ba de dag rul bar byed// 'dod pa mun nag 'dra bas g.yogs/ / sred pa'i dgab pas bkab pa dang // bag med 'ching bas bcings pa dag/ tsher mar chud pa'i nya dang 'dra// skyes bu bag med rab tu spyod byed pa// 'khri shing bzhin du sred pa 'phel 'gyur zhing / / rga dang 'chi ba'i rjes su 'gro 'gyur te// ma drung nu zho 'dod pa'i be'u 'dra// mi dag dran par byed dang chags byed dang // yid bde ba la rtog par byed pa dag/ de yis yang dang yang du 'khor bar 'khyam/ / tshal nang 'bras bu 'dod pa'i spre'u dang mtshungs// mi gang rtag tu bde ba 'dod byed pa// skye dang rga bar nye bar 'gro 'gyur zhing // skye dgu srid pa rnams kyis mdun du bdar// rgyanang ri bong yongs su rgyug pa bzhin// srid pa rnams kyis mdud pa'i sems can dag/ srid dang srid min dag la sems chags shing // kun sbyor ro la dga' ba'i byis pa rnams// yang dang yang du sdug bsngal thob par 'gyur// skye bo drug dang bde rnams dang bral zhing // bdud kyi sbyor ba dag dang ldan pa de// rga dang 'chi ba'i rjes su 'gro 'gyur te// ma drung nu zho 'dod pa'i be'u dang 'dra/ / 'di ni sred pa de 'dra spong byed pa// srid dang srid min dag la sred bral zhing // dge slong srid pa zil gyis gnon byed pa// lhag ma med pa yongs su mya ngan 'da'// gang zhig 'jig rten/ spang dka' ba'i// sred pa'i bud med 'dis bkol ba// de ni mya ngan 'phel 'gyur te// rtsa la char pa bab pa bzhin// gang zhig 'jig rten spangs dka' ba'i// sred pa'i bud med 'di spongs pa/ de yi mya ngan ldog 'gyur te// pad+ma las ni chu thigs bzhin// de phyir ji snyed 'dir lpags pa// khyed la sma yis khyed bde zhig/ u shir phyir ni rtswa bzhin du// sred pa rtsar bcas drungs nas phyung // skyes bu sred pa dang 'grogs na// yun ring dus su 'khyam 'gyur bas// sred pa drungs nas phyung zhig dang // mya ngan med cing 'jigs pa med// yang dang yang du nyer len cing // yang dang yang du mngal du 'jug/ gnas skabs 'gyur dang gzhan 'gyur bas// sems can 'ong dang 'gro bar byed// 'dir ni spang dka'i sred pa de// spongs la sa bon chod cig dang // de la sred pa med 'gyur zhing // de ni yang du 'khor mi 'gyur// dal 'byor chud ni ma gsan par// gang gis lha dang mi rnams su// don nyer bcings nas 'jog byed pa// yul la sred pa de las rgol// sems can dmyal bar skyes na yang / / dal 'byor thal bas 'gyod par 'ong // gang phyir sreng 'tsho rgyur gyur pa// yul la sred pa 'bras kyi gzhi// 'khri shing drabs khebs byed pa// gdung bar byed pa ma btul na// sdug bsngal 'di ni yang dang yang / / rnam pa kun tu ldog mi 'gyur// dper na/ ljon shing rtsa nas ma bton na// bcad kyang phyir zhing skye ba kho nar zad // de bzhin srid pa'i phra rgyas ma bton na// yang dang yang du sdug bsngal 'di mi ldog/ dper na bdag nyid kyis ni byas pa'i mtshan// de yis rkun po'i mthu yis bdag gsod ltar// de bzhin nang gi sems las byung ba yi// pas lus can nye bar gson par byed// de ltar sred las sdug bsngal bdag/ 'byung ba'i nyes dmigs shes kyis te// sred spongs nye bar yin med dang // dran ldan dge slong kun tu rgyus/ pa'i tshoms te gsum pa'o// / bag yod 'chi med gnas yin te// bag med pa ni 'chi ba'i gnas// bag yod 'chi bar mi 'gyur te// bag med pa ni rtag tu 'chi// yi khyad par de rig pas// mkhas pa rnam ni bag dang bcas// bag yod pa la rab dga' ba// 'phags pa'i spyod yul dga' ba yin// de la rgyun tu bsgoms pa dang // rtag tu pha rol gnon/ brtan pa'i// brtan pas grub bde bla na med// mya ngan 'das la reg pa yin// gang tshe mkhas pas bag yod pas// bag med bcom pa de yi tshe// shes rab khang bzangs steng 'dzegs nas/ mya ngan med pas gdungs bcas dang // brtan rnams ri bo'i spo dag las// sa steng byis pa rnams la lta// brtson 'grus dang ni bag yod dang // yang dag sdom dang dul ba yis// mkhas pas gling du byas nas ni/ / chu bo chen po mngon du zlog/ brtson 'grus ldan zhing dran dang ldan pa dang // spyod pa gtsang zhing brtags nas byed pa dang // yang dag sdom dang chos kyi 'tsho ba dang // bag yod rnams kyi grags pa mngon par 'phel/ / lhag pa'i sems la bag bya ste// thub pa'i thub gzhi rnams la bslab// nyer zhing rtag tu dran ldan pa'i// skyob pa mya ngan med pa yin// dman pa'i chos la mi bsten cing // bag med pa la bsten mi bya// log par lta la 'dod med dang // 'jig rten 'phel bar mi bya'o// 'jig rten pa yi yang dag lta// chen po su la yong gyur pa// de ni tshe rabs stong du yang // ngan 'gror/ 'gro bar mi 'gyur ro// bag med pa la sbyor byed pa// skye bo byis pa bsam brlag yin// tshong dpon nor rnams bsrung ba ltar// mkhas pas bag dang ldan par bya// bag med pa la mi sbyor zhing // 'dod/ la dga' ba mi sogs dang // rtag tu bag yod sems byed pa// zag pa zad pa thob par 'gyur// zag pa zad pa ma thob kyang // dus 'dir bag med mi bya ste// ri dgas ma yis seng ge ltar// bag med pa dag gsad par 'gyur/ / bag med pha rol bud med sten byed pa'i// mi gang yin pa gnas skabs 'di bzhi 'byung // bsod nams mi 'thob bde bar mi nyal dang // gsum pa smad 'gyur bzhi pa dmyal bar 'gyur/ / bsod nams ma thob sdig pa'i 'gro ba dang // 'jigs dang bag tsha lhan cig bde ba chung // rgyal po'i chad pa chen pos gcod 'gyur zhing // lus zhig sems can dmyal ba rnams su 'tshed// gang zhig bdag bde lta 'dod pa// des ni gong ma bzhin du bya// byis pa shing rta bzhin 'gyur bas/ brtan pas bcon grus zhan mi bya/ dper na byis pa'i shing rting ga lam chen pa rang po bo na su/ lam nangag tu 'gro byed pas/ mi chags sems khong chung pa ltar/ / de bzhin chos ni spangs nas kyang // chos min rjes su 'jug byed pa'i// byis pa 'chi bdag dbang 'gro zhing // mi chags bzhin du bcom pa thob gang zhig bya ba rnam spangs nas/ / mi bya ba dag byed pa dang // bag med pa yis rlom byed pa// de dag rnams kyi zag pa 'phel// gang gi zag pa 'phel 'gyur ba// de yi zag pa rkyang ma na// gang zhig lus gtogs dran pa dag/ rtag tu legs par brtsams pa dag/ bya ba ma yin mi byed cing // rgyun du bya ba med pa dang // dran dang shes bzhin ldan pa de'i// zag pa rnams ni zad par 'gyur// gang gi zag pa zad 'gyur ba/ / des ni zag med thob par 'gyur// ji tsam mang du smra byed pa// de dag dam chos 'dzin ma yin// gang dag 'di ni thos nyung yang // lus kyis chos dag mngon sum byas// gang dag chos la bag byed pa/ / de dag dam chos 'dzin pa yin// gal te rigs bcas nang du smras kyang ni// bag med mi dag de ltar byed mi 'gyur// dper na phyugs rdzis gzhan gyi phyugs bgrangs ltar// de dag dge sbyong skal ba thob ma yin/ / gal te rigs bcas nyung ngu smra byed kyang // chos kyi rjes su chos la spyod pa dang // 'dod chags zhe sdang gti mug spong byed pa// de dag dge sbyong skal ba thob pa yin// bab yod bsngags/ brjod byed cing // rtag tu bag med la smod pas// bag yod mchod sbyin brgya pa yang // lha rnams nang na gtso bor gyur// bya ba byas rung ma byas rung // mkhas pas bag yod bsngags pa brjod bag dang bcas pa'i mkhas pa yis/ / don gnyis rab tu len par byed// tshe 'di'i don ni gang yin dang // phyi ma'i don ni gang yin pa// de dag brtan pas rtogs pas na// mkhas pa zhes ni brjod pa yin/ / dge sbyong bag yod la dga' zhing // bag med pa la 'jigs lta bas// bdag nyid ngan 'gro las 'dren te// 'dam rdzab las ni glang chen bzhin// dge slong bag yod la dga' zhing // bag med pa la 'jigs lta bas/ / sdig pa'i chos rnams sprug par byed// rlung gis ljon shing lo ma bzhin// dge slong bag yod la dga' zhing // bag med pa la 'jigs lta bas// kun tu sbyor ba phra sbom dag me yis bsregs pa bzhin du 'gro/ / dge slong bag yod la dga' zhing // bag med pa la 'jigs lta bas// kun tu sbyor ba kun zad pa// rim gyis nyams su myong bar 'gyur// dge slong bag yod la dga' zhing / / bag med pa la 'jigs lta bas// 'du byed nyer zhi zhi ba yi// zhi ba'i go 'phang so sor rtogs// dge slong bag yod la dga' zhing // bag med pa la 'jigs lta ba// mya ngan 'das dang nye ba'i phyir/ / yongs su nyams 'gyur mi srid // brtson 'grus ldan zhing bag yod dang // chos spyad legs par spyod byed pa// 'jig rten 'di dang pha rol tu// chos spyod pas ni bde ba 'thob/ / zhi phyir bslab pa la brtan dang // rtsol ba dang ni brtson 'grus bskyed// mi dran pa dang bag med dang // brtson 'grus chung dang kun sdom med// gnyid dang snyoms dang g.yeng ba ste// 'di dag bslab pa'i bar chad pas/ / khyed kyis yan lag de rtogs la// dran pa chung ni ma gsan cig/ dge slong tshul khrims bzang ba dang // bag yod pa la dga' ba yis// kun rtog legs par mnyam bzhag ste/ / rang gi sems ni rjes su srungs// brtsam par bya zhing 'byung bar bya// sangs rgyas bstan la 'jug par bya// 'dam bu'i khyim la glang chen bzhin// 'chi bdag sde ni/ gzhom par bya// gang zhig chos 'dul 'di nyid la// bag dang ldan par spyod byed pa// skye ba'i 'khor ba rab spangs nas// sdug bsngal tha mar byed par 'gyur// bag yod pa'i tshems te bzhi pa'o// sdug pa rnams las mya ngan skye// sdug pa rnams las 'jigs pa skye// sdug pa dag ni rnam spangs na// mya ngan med cing 'jigs pa med// sdug gu ma las mya ngan skye/ sdug las sdug bsngal sdug las 'jigs// sdug gu ma dag gzhan gyur na// yi mug 'gyur ba thob par byed// 'jig rten sdug bsngal rnam pa du ma dang // mya ngan smre sngags 'don pa ji snyed pa// de dag sdug pa dag las rten te byung // sdug pa spangs na de dag yod mi 'gyur// gang phyir 'jig rten 'ga' na'ang sdug med pa// gang yin de dag bde zhig mya ngan med// de bas gdung med rdul bral / don gnyer byas// nam yang sdug par byed pa mi bya'o// sdug pa ma mthong sdug bsngal la// mi sdug mthong na de bzhin pas// nam yang sdug dang phrad mi bya/ mi sdug dang yang phrang mi bya/ sdug pa dang ni bye bral dang // mi sdug pa dang phrad pa yis/ / gang gis mi dag rgas byed pa'i// mya ngan mi bzang skye bar 'gyur// sdug pa shi bar gyur pa na// gnyen 'dun mdza' bshes mang po dag/ yun ring dus su mya ngan dang // sdug dang bral bas sdug bsngal 'gyur/ / gang la sdug dang sdug min byed// de la mdud pa yod min pas// de ltas sdug nyid sdig can la// sdug par byed pa mi bya'o// sdug la bltas te don btang bas bde sbyor rnams la mi 'jug cing / / bdag nyid mi bde'i sbyor ldan dag/ bde sbyor don ldan rnams la smon// gzugs sdug bde bas bsdams pa dag/ lha mi so so'i rigs dag tu// sdig pa byed cing yongs nyams nas/ / rga dang 'chi ba'i dbang du 'gro// gang zhig nyin dang mtshan rnams su// bag yod gzugs sdug spong byed pa// des ni spang dka' bdud zas dang // sdig pa'i rtsa ba drungs nas phyung legs min legs pa'i tshul dang ni/ / sdug min sdug pa'i tshul gyis dang // sdug bsngal bde ba'i tshul gyis su// bag med rnams ni mngon du 'joms// gal te bdag la dga' byed na// nyes par byed par bde ba dag/ bde blag kho nar mi thob pas// 'di ni sdug la gzhug mi bya// gal te bdag la dga' byed na// legs par byed pas bde ba dag/ bde blag kho nar 'thob 'gyur bas// 'di ni sdig la gzhug mi bya/ / dper na dgon pa'i grong khyer dag/ brtan pa'i 'obs kyis bskor ba ltar// gal te bdag la dga' byed na// 'di ni bsrung bas legs par bsrungs// gal te bdag la @dga' byed ni/ / thun gsum gang yang rung ba la// mkhas pas me la tshe bya ba yis// 'di ni sba bas legs par sba// dper na dgon pa'i grong khyer dag/ phyi nang srung bar byed pa ltar/ / dal 'byor chud ni mi zos pa// de ltar bdag ni bsrung bar bya// sems can dmyal bar skyes na yang // dal 'byor thal bas 'gyod par 'ong // phyogs rnams kun tu sems kyis yongs brtags kyang / / bdag las ches sdug 'ga' yang ma mthong bas// de ltar so sor gzhan la'ang rang sdug pas// de phyir bdag 'gas gzhan la gnod mi bya// thams cad la yang sros 'di sdug/ thams cad chad pas 'jigs pas na// rang gi nyams las dpag gyis te// brdeg par mi bya gsang mi bya// rgyang thag bcad par sprugs pa'i mi// ri nas nye zho med 'ongs na// gnyen bshes mdza' bo lhags nas su// a la la zhes mngon par dga'// de bzhin bsod nams byas pa'i mi// 'jig rten 'di nas pha rol tu// phyin tshe gnyen bzhin bsod nams dag 'ongs nas mngon par dga' bar byed/ / de bas 'jig rten pha rol gyi// ched du bsod nams bsags par gyis// bsod nams 'jig rten pha rol du// lus maram gyi gnas su 'gyur// gang zhig legs spyad spyod byed pa'i/ / dge la lnga rnams stong par byed// 'di na'ang smad par mi 'gyur la// mtho ris su yang dga' ba 'thob// chos gnas tshul khrims phun sum tshogs// ngo tsha shes shing bden par smra/ / rang gi bya ba byed pa la// skye bo gzhan rnams dga' bar byed// rang gi don ni byed pa la// 'di ltar gzhan rnams dga' 'gyur zhing // mthong ba'i chos la bsngags pa dang / / pha rol du yang bde 'gror 'gyur// gtams na gnang ba'i tshig smra dang // mi rigs spyod las bzlog pa la// dam pa rnams ni dga' bar byed// dam pa ma yin dga' mi 'gyur// de bas mchog dang mchog min pa/ / shi 'phos bral bar gyur pa na// dam pa ma yin dmyal bar 'gro// dam pa mtho ris 'gro bar 'gyur// sdug pa'i tshems te lnga pa'o// / bsngags par 'gyur dang nor 'thob dang / / pha rol bde 'gror dga' 'gyur ba'i// bde ba gsum po don gnyer ba'i// mkhas pas tshul khrims bsrung bar bya// 'phags dang mthong ba phun tshogs dang // 'jig rten zhi ba sten 'gyur ba'i/ / gnas gzhan 'di dag mthong ba yis// mkhas pas tshul khrims bsrung bar bya// lus ni yongs su gdung med par// tshul khrims kyis ni bde ba 'thob// mtshan mo bde bar nyal ba dang / / sad pa na yang dga' bar 'gyur// sbyin pa tshul khrims ldan pa dag/ mkhas pas sbyin pa'i bsod nams kyis// 'di dang pha rol dag tu yang // rtag tu bde ba 'thob par 'gyur// rgan pa'i bar la tshul khrims dge/ dad la rab tu gnas na legs// mi yi rin chen shes rab ste// bsod nams chom pos 'phrogs par dka'// dge slong tshul khrims la gnas shing // dbang po rnams kyang bsdams pa dang / / zas kyi tshod ni rig pa dang // mi nyal ba la 'bad pa ste// de ltar gnas nas brtson pa dang // nyin mtshan snyoms las mi byed pa// mya ngan 'das dang nye ba'i phyir// yongs su nyams 'gyur mi srid do/ / mi ni tshul khrims la gnas nas// sems dang shes rab sgom pa la// brtson zhing nges gnas dge slong gis// sdug bsngal zad pa thob par 'gyur// de phyir rtag tu tshul khrim/ dang // ting 'dzin rjes su bsrung ba dang // lhag mthong la ni bslab pa dang // shes bzhin so sor dran par bya// des ni kun sbyor zad byas nas// yid bral lhag ma med 'gyur te// lus zhig shes rab ldan pa yis/ / bgrang du med pa'i mya ngan 'das// gang zhig tshul khrims ting 'dzin dang // shes rab 'di gsum legs bsgoms te// shin tu dri med mthar phyin cing // gdung med yang srid zad gyur dang // chag pa'i 'ching las rnam grol zhing / / lus spangs shes rab ldan pa dang // bdud kyi yul las 'das pa dag/ nyi ma bzhin du lam mer 'bar// dge slong phyi dang nang nyid la// bag med rlom par byed pa yi// / tshul khrims ting 'dzin shes rab rnams// yongs su rdzogs par mi 'gyur ro// sprin gyis khebs las char 'bab cing // nam thang ba las char mi 'bab// de bas khebs pa sol cig dang // 'di ltar char pa 'bab mi 'gyur/ / de ltar rtag tu mthong ba dang // dge slong tshul khrims sdom pa yi// mya ngan 'das par 'gro ba'i lam// myur ba kho nar rnam par bdag/ me tog dri ni rdzi phyogs min mi 'gro// rtsa brgya spos tsan dan rnams snang man/ / ngas pa'i dzig rdzi phyogs min 'groste// byugs rnams kun dums tshan rdza las rbag/ rgya spos dang ni can na dang // saN+Dal dang sa s+ho// spos kyi gas ni 'du gapas// rgyam tshams/ dri bsung phul du phyin// rgya spos tsan ngan gang yin pa'i// dri bsung 'di ni chung ngu mi// tshul khrims ldan pa'i dri bsung gang // des ni 'di dang mtho ris khyab// de ltar bag yong gnas bya zhing // tshul khrims rnam par dag par bya/ / yang dag shes pas rnam grol na// bdud kyi lam ni rnyed mi 'gyur// 'di ni bde bar 'gro la ma ste// rnam par dag byed lam 'di la// rab tu zhugs te bsgoms nas kyang / / bdud kyi 'ching ba spang bar gyis// tshul khrims kyi choms te drug pa'o// / lus kyis nyes par spyod spang zhing // lus kyis legs spyad spyad pa'i phyir// lus kyi nyes chen las bsrungs na/ / lus ni bsdam pa byas par 'gyur// ngag gi nyes par spyod spang zhing // ngag gis legs spyad spyad pa'i phyir// ngag gi nyes chen las bsrungs na// ngag ni bsdam pa byas par 'gyur// yid kyis nyes par spyod spang zhing / / yid kyi legs spyad spyad pa'i phyir// yid kyi nyes chen las bsrungs na// yid ni bsdams pa byas par 'gyur// lus kyis nyes par spyod spang zhing // ngag gi nyes par spyod pa spangs/ / yid kyi nyes par spyod spang zhing // skyon gzhan ldan pa gang yin spangs// lus kyi dge ba rnams bya zhing // ngag gi dge ba phal chen bya// yid kyi dge ba rnams bya zhing // tshad med bzhi dang bral mi bya/ / lus kyi dge ba rnams bya zhing // ngag dang yid kyis byas nas ni// 'di dang pha rol dag tu yang // rtag tu bde ba thob par 'gyur// rtag tu lus ni bsdams pa'i phyir/ / thub pa 'tshe ba med pa yin// de ni 'chi med gnas 'gro zhing // gang du song na'ang mya ngan med// rtag tu dag ni bsdams pa'i phyir// thub pa 'tshe ba med pa yin// de ni 'chi med gnas 'gro/ zhing // gang du song na'ang mya ngan med// rtag tu yid ni bsdams pa'i phyir// thub pa 'tshe ba med pa yin// de ni 'chi med gnas 'gro zhing // gang du song na'ang mya ngan med// brtan pa rnams kyi lus bsdams shing / / brtan pa rnams kyis ngag kyang bsnams// brtan pa rnams kyis yid bstam zhing // brtan pas kun tu bsdam byas na// de dag 'chi med gnas 'gro zhing // gang du song yang ngan med/ / lus kyi sdom pa legs pa ste// ngag gi sdom pa'ang legs pa yin// yid kyi sdom pa legs pa ste// thams cad du ni bsdams pa legs// kun tu bsdams pa'i dge slong ni// sdug bsngal kun las rab tu 'gro/ / ngag rnams bsrung zhing yid ni legs bsdams te// lus kyis mi dge ba dag spyad mi bya// las lam gsum po 'di dag rnam sbyangs na// drang srong gsungs pa'i lam ni thob par 'gyur/ / legs par spyad pa'i tshems te bdun pa'o// // gang dag byas bzhin ma byas zer ba dang // brdzun du smra ba dmyal bar 'gro bar 'gyur// mi de gnyis ka 'dra bar pha rol du/ / song nas dman pa'i chos dang ldan par 'gyur// skyes bu skyes pa'i kha nas ni// tshig dag smra bar byed pa yi// tshig gi sta re skyes gyur nas// bdag nyid gcod par byed par 'gyur// gang zhig smad 'os skye bo stong byed dang / / bstod 'os skye bo rnam par spod byed pa// de ni kha yis 'thab krol kun sogs shing // 'thab krol can gang des ni bde mi 'thob// gang 'dir tshe los rang nor pham byed pa/ / 'thab krol de ni cung zad tsam du zad// gang zhig bde bar gshegs pa yid 'khrug pa// de 'dir 'thab krol shin tu chen po yin// ngag yid 'phags pas smad pa'i sdig brten na// bye bar chu bur can dang stong phrag ni/ / bzhi bcu gcig tu chu bur rdol ba yi// sems can dmyal ba rnams su 'gro bar 'gyur// sdig pa'i sems kyis ma nyes skyon brjod pa// bdag nyid gsad phyir dmyal ba spel bar zad// stobs ldan nyes med pa dag bzod byed cing // de la sems kyang 'khrug par mi byed do// bsam brlag gang zhig sdig can gyi// lha la bsten nas 'phags pa ni// dgra bcom chos kyis 'tsho ba dang // bstan pa spong bar byed pa dag/ smig ma 'bru chags lta bur ni// de ni rang gi 'bras bu gsod// tshig bzang kho na smra bya yi// sdig pa can dag smra mi bya// sdig can gdung byed smra ba pas// tshig bzang smra bar byed pa rung / / byis pa sdig can smra byed pa// smra ba'i tshe na 'ching 'gyur la// gal te smras na gzhan spong ba// de dag 'phags pa mi gsung ngo // dge slong dag gi bsdams pa dang // ngal dus smra zhing rlom pa med/ / gang zhig chos ldan don ston pa// de ni snyan par smra ba yin// legs par smra ba mchog ces 'phags pa gsungs// snyan smra mi snyan ma yin de gnyis pa/ / bden smra brdzun pa ma yin de gsum pa// chos smra phal pa ma yin bzhi pa de'o// tshig bden rnams ni smra bya zhing // gang gis bdag kyang mi gdung la// pha rol la yang gnod med pa'i// tshig de legs par smra bar bya/ / gang gis mngon par dga' 'gyur zhing // gang gis sdig pa mi skyed dang // smras pas pha rol dga' gyur ba'i// snyan tshig kho nar smra bar bya// bden pa'i tshig ni bdud rtsi ste// bden pa'i tshig ni bla med yin/ / don dang chos la rab gnas pa// bden pa yin zhes dam pa gsung // sdug bsngal thams cad spang ba'i phyir// sangs rgyas kyis ni gsungs tshig gang // bde ba mya ngan 'das 'gro ba'i tshig de bla na med pa'i yin/ / tshig gi choms te brgyad pa'o// chos gcig las ni rab 'das shing // 'jig rten pha rol bcom pa yis// lus can brdzun du smra ba yis// sdig pa mi bya ci yang med/ / lcags sgong me lce 'bar 'dra ba// zos par gyur pa ches bla yis// tshul 'tshal legs par mi sdoms pas// yul 'khor bsod snyoms tha mi rung // khyod ni sdug bsngal gyis 'jigs shing khyod la sdug bsngal mi sdug na/ / mngon sum dag gam lkog tu'ang rung // sdig pa can gyi las mi bya// gal te sdig pa'i las byas sam// byed kyang rung ste khyod kyis ni// kog cas langs te bros byas kyang / sdug bsngal las ni bar mi 'gyur// gang du gnas na las kyis mi tshugs pa'i// sa phyogs de ni yod pa ma yin te// bar snang la med rgya mtsho'i nang na'ang med// ri bo rnams kyi gseb tu zhugs kyang min// pha rol po la brtags nas gang // sdig pa can gyi las mthong ba// de dag bdag gis mi bya ste// sdig byas las ni rjes su 'brang // las gang shin tu mi bzad dang // zol byed gzhal lugs 'chos pa dang / / mi la 'tshe bar byed pa dang // gzhan la byed du 'jug pa yi// las de mi yi rjes 'brang bas// de yi ga yang sar ltung bar byed// mi yis dge ba'am sdig pa yi// las ni gang dang gang byas pa'i// las rnams chung zar mi 'gyur te// de lta de ltar 'bras bur 'gyur// de yi tshogs pa ji srid par// de srid 'di ni rdung bar byed// de la bzhin dag rdung byed de// rdung byed de ni brtag par 'gyur// 'di ni bdag rjes mi 'brang zhes/ / byis pas ma brtags byas pa yi// sdig pa'i las kyi 'gro ba dag/ pha rol tu ni shes par 'gyur// gal te byis pas mi shes par// sdig pa'i las ni byas pa dag/ nam shig na ni de nyid kyis// rnam smin che ba so sor sten// rang gi las kyis de'i 'og tu// me yis bsregs pa bzhin du gdungs// byis pa shes rab chung ngu dag/ bdag la dgra bzhin byed pa yis// gang zhig 'bras bu tshar 'gyur ba'i// sdig can las ni spyod par byed// gang dag byas pa gdungs 'gyur zhing // mchi mas gdong yog du bzhin du// rnam smin so sor sten pa yi// las de dag ni ma byas legs/ / gang zhig byas na mi gdung zhing // dga' zhing yid ni bde ba yis// rnam smin so sor sten pa yis// las de dag ni byas pa legs// bdag nyid bde ba 'dod pa'i phyir/ / dgod bzhin sdig pa'i las byas pa'i// sdig las de yi rnam smin dag/ ngu bzhin nyams su myong bar 'gyur// nges par sdig las 'phral du ni// 'o ma lta bur 'gyur mi byed// thal bas g.yogs pa'i me lta bur// des ni byis pa sreg par byed// sdig las 'phral du nges par ni// mtshon bzhin gcod par mi byed kyang // sdig pa'i las kyi 'gro ba dag/ pha rol tu ni mngon par 'gyur/ / gang du de dag rnam smin ni// tsha ba so sor sten pa yi// sdig pa'i las kyi 'gro ba dag/ pha rol du ni shes par 'gyur// lcags las g.ya' ni langs gyur pa// langs pa des ni de nyid / de bzhin ma brtags byas pa yin// rang gi las kyis ngan 'gror 'gro// las kyi choms te dgu pa'o// // dang dang ngo tsha tshul khrims sbyin pa ste// chos 'di rnams ni skyes bu dam pas bsngags/ / 'di yis lha yi 'jig rten 'gro 'gyur zhing // lam 'di nyid kyis lha yul 'gro zhes gsungs// 'jungs rnams lha yi 'jig rten mi 'gro zhing // de yis byis pa sbyin pa'i bsngags mi brjod/ / brtan rnams sbyin la rjes su yi rang ba// des ni de dag gzhan du bde ba myong // 'di na skyes bu'i nor mchog dang pa ste// 'di na chos la legs spyod bde ba 'thob// bden pa kho nar ngo bo rnams kyi phul// shes rab kyis 'tsho 'tsho ba'i mchog ces gsungs// mya ngan 'das par 'gro ba yi// dgra bcom chos la dang bskyed de// mkhas pas gus par mnyan na ni/ de dang de yi shes rab 'thob// bag can gyis ni rgya mtsho dang // dad pas chu bo rnams las sgrol// brtson 'grus kyis ni sdug bsngal spong // shes rab kyis ni yongs dag 'gyur// dge slong dad pa'i grogs ldan zhing / / shes rab kyis ni gtams pa dang // mya ngan 'das la mngon dga' bas// 'ching ba thams cad gcod par 'gyur// gang gis dang ngang tshul khrims dang // shes rab nyid ni legs bsgoms shing / / mkhas pa skyon rnams spong ba de// legs pa'i ngang tshul can zhes brjod// dad dang tshul khrims phun sum tshogs// gtong ldan 'jungs pa rnam spangs pa// de ni gang dang gar song ba/ / de dang der ni mchod par 'gyur// mkhas gang 'tsho ba'i 'jig rten na// dad dang shes rab sten byed pa// de dag de yi nor mchog ste// de yi nor gzhan phal par zad// 'phags pa blta bar 'dod pa dang / / dam chos nyan par dga' ba dang // ser sna'i dri ma rnam spangs pa// de ni dad pa can zhes bya// dad pa'i lam brgyags bskur bar bya// bsod nams chom pos dbrog mi nus// chos tan 'phrog par byed pa bzlog/ dge sbyong rnams kyis blangs nas dga'// mkhas pa dge sbyong 'ongs pa la// mngon par dga' bar byed 'gyur zhing // skye bo rnams ni ci rigs par// dad pa ji bzhin sbyin byed cing / / gzhan gyi zas dang skom de la// gang zhig yid ni mi bdeg/ des ni nyin dang mtshan rnams su// ting 'dzin thob par mi 'gyur ro// gang gis ta la'i mgo bcad lta de 'dra kun tu gcod byed pa/ / des ni nyin dang mtshan rnams su// ting nge 'dzin dag thob par 'gyur// khron pa skam po ji lta bar// dad pa med pa bsten mi bya// ci ste de la yongs brkos kyang // 'dam chu dring 'byung bar 'gyur/ / chu mang rnam par dang ba dang // bsil bar gyur cing rnyog med pa'i// mtsho la chu 'dod ji lta bar// shes rab can gyis dang ldan bsten// chags sam ma chags kyang rung ste// de yis rngub sku mi nges pas// ma dad pa dag spang bar bya// dad pa rnams ni nye bar bsten dang pa'i tshoms te bcu pa'o// / sdom la/ mi rtag 'dod dang sred pa dang // bag yod de bzhin dga' ba dang / / tshul khrims legs spyod tshig dag dang // las dang dad pa de dag bcu// bram zes 'dod pa rab spang zhing // brtson 'grus kyis ni rgyun chod cig/ 'dod pa rab tu ma spangs par/ / thub pa gcig gis ma thob bo// kun tu rgyu bzhan pa dang // nyon mongs phyir yang kun sogs pas// brtson 'grus brtan po kho na yis// bya ba de nyid byed la rag/ zhan pa'i las ni ji skad dang / / kun nas nyon mongs dka' thub dang / tshangs spyod yongs su ma dag ste// don chen 'gyur snyam ma byed do// ji ltar yang 'ani gzung nyes pas// lag patshod par 'gyur ba ltar// dge slong bsrung ba bya nyes dang / / dmyal bar nye bar khrid par byed// ji ltar mda' ni gzung legs pas// lag pa chod par mi 'gyur ltar// dge sbyong bsrung ba bya legs na// mya ngan 'das par nye bar 'dren dge sbyong rnam par ma shes dang / / rgal bar dka' dang bzod dka' dang // gang dag zhan pa 'gyod 'gyur ba'i// sdug bsngal mang po de dag 'byung // yang dang yang du 'gyod pa yis// kun rtog dbang/ du 'gro ba yi// sems ni bzlog par ma byas par// dge sbyong spyod pa ji ltar bya// nyes par rab byung nyes dga' ba// khyim 'dug nyes rtsom byed pa dag/ sdug bsngal mnyam med sten pa dag/ yang srid sdug bsngal sogs par zad// tshem bu ngur smrig gyon pa dag/ phal cher yang dag mi sdom zhing // sdig pa'i chos can sdig la dga'// sdig can de dag ngan 'gror 'gro// sA la'i shing pa 'khri shing ltar/ / gang zhig shin tu khrims 'chal te// ji ltar rang la dgra bzhin no// de ni de ltar byed par 'dod// mgo bo skya bor gyur bar du// da dung rgan rabs ma chung pa// de ni lang tshe ga tu pa ste/ / de ni rgan blun zhes bya'o// gang zhig dge dang sdig pa dag/ spangs shing tshangs par spyod pa dang // sde tshogs spangs nas spyod byed pa// de ni rgan rabs zhes bya'o// brtul zhugs med cing rdzun smra na/ / mgo bo bregs tsam dge sbyong min// rmongs pa 'dod la zhugs pa dag/ jig dge sbyong yin nam ge/ brtul zhugs med cing brdzun smra na// mgo bo bregs tsam dge sbyong min// gang zhig sdig pa'i myur / / mkhas pa dge sbyong yin par shes// brtul zhugs med cing brdzu sbran// mgo ba thegs tsam ngan spyong min/ gang dag sdig pa che za ba/ kun la btags nas byed pa dang / / sdig pa zhi ba de dag ni// dge sbyong nyid ces brjod par bya// sdig pa spangs pa bram ze ste// zhi bar 'dod pa dge sbyong yin// bdag gi dri ma rab spangs pa// des nA rab tu byung zhes brjod/ dge sbyong gi tshems te bcu gcig pa'o// / gang tshe 'phags pa'i bden pa bzhi// shes rab kyis ni mthong ba dang // lam 'di rab tu shes pa yis// srid pa'i sred pa rab tu 'dral/ / dper na rlung gis rdul bslang ba// char pa bab pas zhi byed lngar// gang tshe shes rab kyis mthong ba// de tshe kun rtog zhi bar 'gyur// gang zhig legs par rtogs pa yis// skye shi legs par rang 'gyur zhing / / 'jig rte nges 'byed 'gyur ba yi// shes rab de ni gtso bo yin// bden pa'i nang na bden pa zhi dang // lam nang yan lag brgyad pa mchog/ rkang gnyis nang na mig can dang // chos kyi nang na chags bral mchog/ 'du byed thams cad mi rtag par// gang che shes rab kyis mthong ba// de tshe sdug bsngal las yid 'byung // lam 'di rnam par dag par 'gyur// 'du byed thams cad sdug bsngal ra/ / gang che shes rab kyis mthong ba// de re sdug bsngal las yid 'byung // lam 'di rnam par dag par 'gyur// 'du byed thams cad stong nyid du// gang che shes rab kyis mthong ba// de ci sdug bsngal yid 'byung / / lam 'di rnam par dag par 'gyur// 'du byed thams cad bdag med par// gang che shes rab kyis mthong ba// de tshe sdug bsngal las yid 'byung // lam 'di rnam par dag par 'gyur/ sre pa'i zug rngu gcod byed lam/ / ngas ni khyed cag rnams la bstan// de bzhin gshegs pa ston pa ste// khyed cag rnams kyis bya dgos so// sred pa'i zug rngu sel ba'i lam// ngas ni khyed cag rnams la bstan/ / de bzhin gshegs pa ston pa ste// khyed cag rnams kyis bya dgos so// lta ba rnam par dag byed pa// lam 'di ma gtogs gzhan med pas// ting nge 'dzin la rab zhugs te// bdud kyi 'ching ba spang bar gyis/ / 'di ni dran lam 'di ni pha rol gnon// mtsho la ngang pa'i srang ltar bgrod pa gcig/ shAkya thub pas mnyam gzhag gang rtogs nas// tshogs la yang dang yang du bshad pa 'di// skye shi mtha' rtogs phan mdzad thugs brtse bas/ / bgrod pa gcig lam rab tu bstan mdzad pa'i// lam 'dis chu bo rnams las sngon rgal zhing // de bzhin rgal bar 'gyur zhing rgal bar mdzad// shin tu mthar gtum gdul bya dag bya dang / / 'khor ba'i skye shi zad par bya ba dang // khams rnams du ma so sor rtog bya'i phyir// spyan dang ldan pas lam 'di rab tu bstan// ji ltar chu klung gang+gA'i chu rgyun zhugs// rgya mtsho'i ning du 'bab par 'gyur ba ltar/ / de bzhin shes rab yangs pas bstan pa'i lam// 'di ni 'chi med thob par bya phyir 'jug/ gang zhig 'byung po kun la thugs brtse bas// sngon chad ma thos chos kyi 'khor lo/ da// ma sa na/ sa/ / sa sa / yang rnam par sna// nas rdus yangs car gyis mnan pa lnga// de nas rtog dang pyod pa'i ba bya// de nas sems sa rnam chos cer zhigasas// tha meng byang chub bad la rig par 'gyur// ting bzhigasus rnams la yangag ta cing/ / 'dzin pa las skyes chad med pa rnam par bya// rngan ldan mkhas pas mdud pani zhing // bsum po rnams kyis gnas gsum ra / shes rab sa tshon dang 'grus stobs dang ldan/ / dran mnyam gzhag ting 'dzin la dga' bas// 'jig rten skye dang 'jig par rtogs nas ni// kun las rab tu rnam gros de rig yin// 'jig rtenam pa' sa legs par rnags gyur nas/ / 'jig rtenam par min pa rol byin ces brjod// gang gis ni pa 'phags lam yan lag brgyad// lam srang bskams pa des ni 'dud ci rnyed// de ltar spyod pas pa de 'dod bde ba 'jog/ sman 'thib cing thugs pa phel par 'gyur/ / lam gyi choms te bcu gnyis pa'o// ched du brjod pa tshasabs po gnyis pa/ drimam gi mang la gyis dang / / 'das bu smig ma 'bras bus dang // mu shing 'bras bus phung bltar/ bo ba shal bkur gyis sung bar 'gyur// ji mi rdzun po mtshad byas pa// desri rang tu bdag par 'grum pa'i dkar po'i cha 'grib cing / / de yi spyi bo'ang nges par nyams// ngan pa rnyed pa 'dod pa dang // dge slong 'khor ni 'dod pa dang // gnas la ser sna byed pa dang // rigs gzhan dag gis mchod pa dang // rab tu byung dang khyim pa dag/ gang yang rung bas bdag 'phrigs te// bya ba byas rung ma byas rung // bdag dbang gyur na re ste sa zhes// de ltar byis pa kun rtogs na// sems la 'dod chen 'phel bar 'gyur// rnyed pa'i/ thabs ni gzhan yin la// mya ngan 'das 'gro'i gzhan yin zhes// de ltar ci rigs shes nas su// bkur sti dag la mi dga' zhing // dben pa rim gyis 'phel byed pa'i// dge slong sangs rgyas nyan thos yin// thams cad la ni mi stsol zhing // mi yis 'phrigs par ma gyur dang // 'tshe ba gzhan la mi brten cing // chos la tshong pa bzhin mi spyad// rang gi rnyed pa blang bya zhing // gzhan gyi la ni 'dod mi skyed// dge slong gzhan gyi 'dod byed pas/ / ting 'dzin thob par mi 'gyur ro// gal te bde bar 'tsho 'dod cing // dge sbyong 'di la lta 'dod na// dge 'dun gyi ni chos gos dang // bza' btung byin par gyur na blang // gal te bde bar 'tsho 'dod cing / / dge sbyong 'di la lta 'dod na// byi ba'i khung nas sprul lta bur// gnas mal dag la bstan par gyis// gal te bde bar 'tshe 'dod cing // dge sbyong 'di la lta 'dod na// ngan ngon tsam gyis chog shes shing / / chos gcig po yang bsgom par bya// gal te mang po mi shes shing // tshul khrims legs par mnyam bzhag na// de shes pa dag 'tsho dag cing // snyoms las med ces stong par byed// gal te 'chi bdag nyams byed pa'i// zag med rig pa gsum ldan na// blun mos ci yang mi shes zhes// bsams nas de la 'dra yang tha// gang zag sdig pa'i chos can la/ gal te bza' dang btung ba yi// rnyed pa dag dang ldan gyur na// de la de dag mchod pa byed// mgo bregs ngur smrig gyon pa yi// bza' ba dang ni btung ba dang // gos dang mal cha rnyed pa ltar// dgra byed mang ba kho nar zad/ / de ltar bkur sti 'jig chen gyi// skyon rnams khong du chud byas nas// 'phrigs nyung sems khral bskyungs nas su// dran ldan dge slong kun tu rgyus// kham gyi zas kyis sems zhir mi 'gyur yang / / 'tshe ba 'di phyir mi bza' mi bya ste// kha zas kyis ni lus dag gnas 'gyur ba// de ltar rtogs la bsod snyoms dag la rgyus// rigs kyis phyag byas mchod pa gang yin 'di// zug rngu mo dbyung bar dka' ba ste/ / mi yis bzod dka' bkur sti gang yin 'di// 'dam dang 'dra bar rab tu rtogs par gyis// bkur sti'i choms te bcu gsum pa'o// sdig pa'i las nimi byed pa/ / 'khu bya min la gang 'khu ba// 'jig rten 'di dang pha rol du// de nyid sdig pa rnams kyis gos// dang por bdag ni phung byed cing // phyi nas gzhan yang phung byed pa// khra yis gzan ma'i bya lta bur/ / phung zhing gzhan yang phung bar byed// rdeg par byed pas rdeg pa 'thob// khon du 'dzin pas khon can mthong // de bzhin gshe bas gshe ba ste// khro bar byed la khro ba 'thung // 'di gzhan dge sbyong byis pa ste/ / dam pa'i chos la mi mkhas pa// yongs su tshe zung 'di la yang // gyi na'i phyir ni khon par byed// 'di ni mchog ces bsams nas su// so sor smra zhing 'thun 'jug pas// 'di na dge 'dun 'byed pa'i tshe/ / ci phyir stobs med sems mi byed// rus pa gcog cing srog gcod la// rta phyugs nor ni 'phrog pa dang // yul 'khor 'joms par byed pa yang // phyi nas mjal dum byed pa ltar/ / mkhas pas brtags shing gsungs pa'i tshig/ spyod yul ston par byed pa yi// chos 'di rnam par shes na go/ khyed cag ci'i phyir byed mi 'gyur// khyod ni mi mkhas lugs can te// kha bya yis ni rtsol byed pa// pha rol po dag mi shes pas// bdag ni 'di la brtson par byed// 'di na mkhas pa gang yin pa// de dag gzhams pa'i tshig gis ni// bdag la kha zer bdag la gshe// bdag pha ma bdag pha ma byed pa'o zhes// 'di gang sems la 'dzin byed pa// de yi kho na ni zhi mi 'gyur// bdag la kha zer bdag la gshe// bdag pha ma bdag pham byed pa'o zhes// 'di gang sems la mi 'dzin pa/ / de yi khon mi zhi bar 'gyur// 'di na khon gyi khon can dag/ nam yang zhi bar 'gyur ba med// bzod pas khon ni zhi 'gyur ba// 'di ni chos kyi rang bzhin yin// khon gyis khon can nam yang zhi mi 'gyur/ / khon med rnams kyis khon ni zhi bar byed// sha khon zhugs pa lus can la gnod pas// de phyir mkhas pas lon par mi bya'o// brtan pa legs gnas lhan cig spung pa yi/ / grogs po mkhas pa gal te rnyed na ni// nyon mongs thams cad mngon par zil mnan nas// dran ldan dga' ba'i yid kyis de dang spyad// brtan pa legs gnas lhan cig spyad pa yi/ / grogs po mkhas pa gal te ma rnyed na// yul 'khor yangs pa spangs pa'i rgyal po ltar// gcig pus spyad bya sdig pa mi bya'o// bdag dang 'thun par spyod pa yi// grogs bzang rnyed par ma gyur na/ / byis pa grogs su mi 'gyur bas// gcig pus spyod pa brtan par bya// byis pa grogs su mi 'gyur bas// gcig pu spyod pas byed bla bas// mo tang dgon pa'i glang po ltar/ sems khral bskyangs te gcig pu spyad// 'khu ba'i tshoms te bcu bzhi pa'o// / sangs rgyas kyis ni bstan pa bzhin// gang zhig dbugs dbyung brngub dran pa// yongs su rdzog bas legs bsgoms pas/ / rim gyis yongs su byang gyur te// sprin bral nyi ma zla ba ltar// 'jig rten 'dir kun nas gsal// 'greng dang 'dug dang de bzhin nyal ba dang // lus dang de bzhin sems ni 'jog byed cing / / dge slong dran pa de logs 'jog pa na// snga phyi'i khyad par rnams ni 'thob par 'gyur// snga phyi'i khyad par rnams ni thob gyur nas// 'chi bdag rgyal pos bltar yang med par 'gro/ / lus gtogs dran pa nye bar bzhag nas su// reg pa'i skye mched drug ni bsdams byas te// gang zhig rtag tu mnyam par 'jog byed pa// de bdag nyid kyis mya ngan 'das pa rtogs// gang zhig rtag tu rnam pa thams cad du// lus gtogs dran pa nye bar 'jog byed pa// bdag nyid med cing bdag gir 'dzin pa med// bdag tu mi 'gyur ba dag gir 'dzin mi 'gyur// de ltar dge slong mnyam 'jog myur du ni/ / yul la sred pa dag las rgal bar 'gyur// gang zhig dran dang shes bzhin mnyam 'jog dang // dga' dang rab tu dang bas dus dus su// chos 'di la spyod mel tshe byed pa de// skye rga rnams las rgal bar 'gyur zhes gsungs// de ltar rtag tu mel tshe byed sten cing // dge slong mkhas pa dran ldan brtson pa yis// skye rga'i kun tu sbyor ba spangs nas su// des ni 'di las mya ngan 'dra pa 'thob/ / gnyid log de dag sang byed pa'i// mel tshe bdag la khyod nyon cig/ nyal bas mel tshe byed bla ste// mel tshe byed la 'jigs pa med// me la tshe byed par brtson pa dang // nyin mtshan rjes su slob byed cing / / 'chi ba med la lhag mos pa'i// zag pa rnams ni zad par 'gyur// gang zhig nyin dang mtshan rnams su// sangs rgyas rjes su dran byed cing // gang dag sangs rgyas skyabs song ba/ / de dag mi yi rnyed pa yin// gang zhig nyin dang mtshan rnams su// chos rnams rjes su dran byed cing // gang dag chos la skyabs song ba// de dag mi yi rnyed pa yin// gang zhig nyin dang mtshan rnams su/ / dge 'dun rjes su dran byed cing // gang dag dge 'dun skyabs song ba// de dag mi yis rnyed pa yin// gang zhig nyin dang mtshan rnams su// sangs rgyas rjes su dran byed pa// go'u ta ma yi nyan thos de/ / legs par sad pas sad par 'gyur// gang zhig nyin dang mtshan rnams su// chos rnams rjes su dran byed pa// go'u ta ma yi nyan thos de// legs par sad pas sad par 'gyur/ / gang zhig nyin dang mtshan rnams su// dge 'dun rjes su dran byed pa// go'u ta ma yi nyan thos de// legs par sad pas sad par 'gyur// gang zhig nyin dang mtshan rnams su/ / tshul khrims rjes su ngan byed pa// go'u ta ma ya nya na thos de// legs par sad pas sad par 'gyur// gang zhig nyin dang mtshan rnams su// gtong ba rjes su dran byed pa// go'u ta ma yi nyan tho de/ / legs par sad pas sad par 'gyur// gang zhig nyin dang mtshan rnams su// lha ni rjes su dran byed pa// go'u ta ma yi nyan thos de// legs par sad pas sad par 'gyur// gang zhig nyin dang mtshan rnams su// rtag tu lus gtogs dran byed pa// go'u ta ma yi nyan thos de// legs par sad pas sad par 'gyur// gang zhig nyin dang mtshan rnams su// rtag tu / ting 'dzin pa ni dran pa// go'u ta ma yi nyan thos de// legs par sad pas sad par 'gyur// gang zhig nyin dang mtshan rnams su// 'tshe ba med la yid dga' ba// go'u ta ma yi nyan thos de// legs par sad pas sad par 'gyur/ / gang zhig nyin mtshan rnams su// gnod sems med la yid dga' ba// go'u ta ma yi nyan thos de// legs par sad pas sad par 'gyur// gang zhig nyin dang mtshan rnams su/ / bsgom pa la ni yid dga' ba// go'u ta ma yi nyan thos de// legs par sad pas sad par 'gyur// gang zhig nyin dang mtshan rnams su// stong pa nyid la yid dga' ba// go'u tam yi nyan thos de/ / legs par sad pas sad par 'gyur// gang zhig nyin dang mtshan rnams su// mtshan ma med la yid dga' ba// go'u ta ma yi nyan thos de// legs par sad pas sad par 'gyur// gang zhig nyin dang mtshan rnams su/ / dben pa la ni yid dga' ba// go'u ta ma yi nyan thos de// legs par sad pas sad par 'gyur// gang zhig nyin dang mtshan rnams su// nges par 'byung la yid dga' ba/ / go'u ta ma yi nyan thos de// legs par sad pas sad par 'gyur// gang zhig nyin dang mtshan rnams su// ci yang med la yid dga' ba// go'u ta ma yi nyan thos de// legs par sad pas sad par 'gyur/ / gang zhig nyin dang mtshan rnams su// mya ngan 'das la yid dga' ba// go'u ta ma yi nyan thos de// legs par sad pas sad par 'gyur// dran pa'i tshems te bco lnga pa'o// / / bdag gi bya ba bya ba'i dus g.yo bas// dang po kho nar bya ba'i mel tshe gyis// bdag gis dang por de ltar byas na ni// bya ba bya ba'i dus ltar zad 'dod cing // ji ltar 'dod pa de bzhin 'byor 'gyur bas/ / de yi rang bzhin nga yis mthong bas na// ji srid don ni phun sum tshogs 'gyur ba// de srid bar du mi yis bsgrim par gyis// bsgrim zhing brtson par bya ba yis// bdag nyid gling du 'gyur bar bya/ / mgar ba yis ni dngul bzhin du// rang gi dri ma spung bar gyis// dri ma sbyangs pa sgron mi 'byung // phyi nas skye dang na mi 'thob// ngo tsha min la ngo tsha zhing // ngo tsha ba la ngom tsha/ / mi 'jigs pa la 'jigs lta dang // 'jigs la mi 'jigs lta ba yi// log par lta ba blangs pa yi// sems can ngan 'gror 'gro bar 'gyur// 'di na gang sngon bag med las// phyi nas bag dang ldan gyur te/ / sprin bral nyi ma zla ba ltar// 'jig rten 'di ni kun nas gsal// 'di na gang sngon bag med las// phyi nas bag dang ldan 'gyur te// 'jig rten 'di na sred pa las// dran pa legs par 'da' bar 'gyur/ / gang zhig gzhon nur rab byung nas// sangs rgyas bstan la 'jug pa de// sprin bral nyi ma zla ba ltar// 'jig rten 'di na kun nas gsal// gang zhig gzhon nur rab byung nas// sangs rgyas bstan la 'jug pa de// 'jig rten 'di na sred pa las// dran pas legs par 'da' bar 'gyur// gang zhig sdig pa'i las byas pa// dge bas 'gebs par byed pa de// sprin bral nyi ma bla ba ltar/ / 'jig rten 'di na kun nas gsal// gang zhig sdig pa'i las byas pa// dge bas 'gebs par byed pa de// 'jig rten 'di na sred pa las// dran pas legs par 'da' bar 'gyur// gang zhig gson la mi dga' ba/ / de ni shi na'ang mya ngan med// brtan pa go 'phang mthong ba de// mya ngan dbus na gdung mi 'gyur// gang zhig gson la mi dga' ba// de ni shi na'ang mya ngan med// brtan pa go 'phang mthong bde/ / gnyen 'dun dbus na lam mer 'dug/ dge slong dkar po bsgom gyis la// nag po'i chos ni rnam par spongs// khyim nas khyim med song nas su// spyod yul dben pa gang yin pa// de la mngon par dga' bslab cing // 'dod pa ci yang med par spongs// rtag tu snying po dag pa dang // rtag tu gso sbyong dag pa dang // gtsang ma'i las ni dag pa de'i// brtul zhugs phun sum tshogs par 'gyur// zhing gi skyon ni rtswa yin ltar// skye dgu 'di la 'dod chags skyon// de bas 'dod chags bral rnams la// byin na 'bras bu chen por 'gyur// zhing gi skyon ni rtswa yin ltar// skye dgu 'di la zhe sdang skyon// de bas zhe sdang bral rnams la/ / byin na 'bras bu chen por 'gyur// zhing gi skyon ni rtswa yin ltar// skye dgu 'di la gti mug skyon// de bas gti mug bral rnams la// byin na 'bras bu chen por 'gyur// zhing gi skyon ni rtswartsa yin ltar/ / skye dgu 'di la nga rgyal skyon// de bas nga rgyal bral rnams la// byin na 'bras bu chen por 'gyur// zhing gi skyon ni rtswa yin ltar// skye dgu 'di la chags pa skyon// de bas chags dang bral rnams la/ / byin na 'bras bu chen por 'gyur// zhing gi skyon ni rtswa yin ltar// skye dgu 'di la sred pa skyon// de bas sred dang bral rnams la// byin na 'bras bu chen por 'gyur// drug pa bdag po rgyal po ste/ / chags par gyur na chags can yin// ma chags gyur na ma chags yin// chags pa byis pa zhes brjod do// 'dod chags zhe sdang nga rgyal dang // 'chag pa gang du gnas pa yi// gror khyer rus pa'i rab can/ / sha dang khrag gis zhal zhal byas// rgyu yis kun nas bslang ba las byung sdug bsngal can// de ma mthong na der ni de dag 'ching 'gyur zhing // de dag rtogs na chu bo rnams ni rab tu spongs/ / phyi rol pa la chags pa de dag spong ba med// sil bu'i tshems te bcu drug pa'o// // de dag khyim la mi dga' bar// dran dang ldan pa 'bad pa yis// ngang pas mtshe ngan spong ba ltar/ / de dag khyim spang chu bo rgal// brtan pa 'jigs rten nges byung nas// bdud kyi sde rnams rab bcom ste// nyi ma'i lam nas ngang ba ltar// rdzu 'phrul gyis ni mkha' la 'gro// tshangs bar spyod pa ma spyod cing / / gzhon nur nor ni ma rnyed pa// mcho ngan nya nyung ngogs dag na// chu sbyar rgan sems bzhin du 'gyur// tshangs par spyad pa ma spyad cing // gzhon nur nor ni ma rnyed pa// sngan chad byas po rjes dran zhing / / lus bskum nas ni nyal bar 'gyur// sdig pa chung byas bdag nyid kyi// phyi bzhin mi 'ong ma sems shig/ chu yi thigs pa ltung ba yis// bum chen gang ba ji bzhin du// cung zad cung zad bsags pa yi/ / sdig pas byis pa gang bar 'gyur// dge ba chung byas bdag nyid kyi// phyi bzhin mi 'ong ma sems shig/ chu yi thigs pa ltung ba yis// bum chen gang ba ji bzhin du// cung zad cung zad bsags pa yi// dge bas brtan pa gang bar 'gyur// gang zhig rags brtsigs mcho ngan spangs// rgya mtsho'i chu bo rgal 'dod pa// skye bos gzings ni bcas nas kyang // skye bos mkha pa rgal par byed/ / brgal nas sangs rgyas bcom ldan 'das// bram ze skam sar gnas par mdzad// de la dge slong khrus byed cing // nyan thos rnams kyis gzings kyang bcas// ji ltar mtsho chen zab mo dag/ rab tu rnam dang rnyog med ltar// de bzhin mkhas pa rab dang ba// 'di na chos ni nyan par byed// 'di ltar kun na chu yod pas// su zhig tshol zhing rgyu byed de// khron pa'i chu lta ci zhig dgos// sred pa rtsa nas gcad par gyis// btso blag mkhan dag chus 'khru zhing // mda' mkhan mes ni srong ba dang // shing mkhan shing la 'jog sbyong ltar// mkhas pas bdag nyid gdul bar bya// nam mkha' lta bur chags med cing / / sgo them lta bur g.yo ba med// rnyog pa can gyi mtshe lta bur// mkhas pa 'khor ba la mi dga'// chu yi tshems te bcu bdun pa'o// // ltar bcas gshin rje'i 'jig rten 'di/ / sa steng las rgyal gang zhig lags// me tog lta bur rab 'dod pa'i// chos gzhi legs par ston mkhas gang // lngar bcas gshin rje'i 'jig rten 'di'i// sa steng las rgyal slob pa yin// me tog lta bur rab 'dod pa'i// chos gzhi legs par ston mkhas te// nags tshal las ni 'jig skyes phyir// nags tshal gcad kyi shing ma yin// nags dang nags sbyor chod cig dang / / dge sbyong mya ngan 'da' bar 'gyur// gal te nags sbyor ma bcad na// phra rab kyis kyang mi rnams skye// ma drung nu zho 'dod be'u ltar// de yis yid ni rab tu 'ching // lag pas ston ka'i pad+ma ltar// bdag la dga' ba bcad nas su// rgyal gsungs mya ngan 'das phyir// zhi ba'i lam nyid bskyed par gyis// ji ltar me tog yid 'ong ba// kha dog bzang yang dri med ltar/ / de bzhin legs par gsungs pa'i tshig/ 'bras bu med par ma byed cig/ ji ltar bung ba me tog gi/ kha dog dri la mi gnod par// khu ba gzhibs nas 'phur ba ltar// de bzhin thub pa grong du rgyu/ / gzhan gyi skyon la mi brtag cing // gzhan gyis byas dang ma byas min// bdag nyid kyis ni rigs pa dang // mi rigs pa la brtag par bya// ji ltar phyag dar phung po dag/ mi gtsang chu ni med 'di las/ / pad+ma kha bye gtsang ba dang // dri zhim yid 'ong rab skyes ltar// de bzhin so so'i skye bo dag/ mdongs gyur phyag dar phung 'di las// rdzogs sangs rgyas kyi nyan thos dag/ shes rab kyis ni gsal ba byung / / ji ltar me tog phung po las// me tog 'phreng rgyud mang byed ltar// de bzhin mir ni skyes pa yis// dge ba phal chen rnams kyang bya// ji ltar dbyar ka ba ku la'i// me tog rab tu rnam 'phrul ltar/ / de bzhin dge slong 'dod chags dang // zhe sdang gti mug spang bar gyis// mi yi yid la rnam chags dag/ me tog bzhin du rab bsags pa// 'chi bdag gis ni blangs nas 'gro// nyal 'gro chu bos 'das pa bzhin/ / mi yi yid la rnam chags dag/ me tog bzhin du rab bsags pa// 'dod pa rnams kyis mi ngoms shing // 'chi bdag gis ni dbang du byed// mi yi yid la rnam chags dag/ me tog bzhin du rab bsags pa// longs spyod skye bar mi 'gyur zhing // 'chi bdag gis ni dbang du byed// mi li yid la rnam chags dag/ me tog bzhin du rab bsags pa// bya ba mthar ni ma byin par/ / 'chi bdag gis ni dbang du byed// lus 'di bum pa 'dra bar rtogs byas shing // de bzhin chos rnams smig rgyu 'drar shes nas// bdud kyi me tog mchog ni 'dir gcod pa// 'chi bdag rgyal po bltar yang med par 'gro/ / 'jig rten 'di dag bum pa 'drar rtogs shing // de bzhin chos rnams smig rgyu 'drar shes nas// bdud kyi me tog mchog ni 'dir gcod pa// 'chi bdag rgyal pos bltar yang med par 'gro/ / lus 'di dbu ba 'dra bar rtogs byas shing // de bzhin chos rnams smig rgyu 'drar shes nas// bdud kyi me tog mchog ni 'dir gcod pa// 'chi bdag rgyal pos bltar yang med par 'gro/ / 'jig rten 'di dgang bu pa 'drar rtogs shing // de bzhin chos rnams smig rgyu 'drar shes nas// bdud kyi me tog mchog ni 'dir gcod pa// 'chi bdag rgyal pos bltar yang med par 'gro// srid pa u dum wa ra'i me tog ltar/ / snying po med par sems pa'i dge slong gang // de ni pha rol min pa'i pha rol po// spong ste sbrul rgas lpags rnying brje ba bzhin// chu skyes rtsa ba'i me tog chu gnas lha'i// 'dod chags ma lus gcod byed dge slong gang // de ni pha rol min pa'i pha rol po// spong ste sbrul rgas lpags rnying brje ba bzhin// chu skyes rtsa ba'i me tog chu gnas lha'i// zhe sdang ma lus gcod byed dge slong gang / / de ni pa ros min pa'i pha rol po// spong ste sprul nas lpags rnying brje ba bzhin// nA skyes rtsa ba'i me tog dru gnas lha'i// gti mug sa lus gcod byed dge slong gang // ros min panam ma // sgrapa nas nas banin/ chu skyes kyi pa'i mchog naganas pas+ho// dargyal ma mas pa tshod byed da nga // don patsha mayin pa'i ma stesbrul rgas lpags rnying brje ba bzhin/ / chu skyes rtsa ba'i me tog chu gnas lha'i// chags pa ma lus gcod byed dge slong gang // de ni pha rol min pa'i pha rol po// spong ste sbrul rgas lpags rnying brje bzhin/ / chu skyes rtsa ba'i me tog chu gnas lha'i// sred pa ma lus gcod byed dge slong gang // de ni pha rol min pa'i pha rol po// spong ste sbrul rgas lpags rnying brje ba bzhin// me tog gi tshems te bco brgyad pa'o/ / / ji ltar rta bzang lcag gis gzhus pa na// skrag cing shugs grags 'gro byed ji bzhin du// dad pa tshul khrims ting 'dzin ldan pa dang // chos rnams rnam par gtan la 'bebs ldan zhing / / dbang po mnyam gzhag bzod ldan 'grogs bde ba// skyob pa de rnams srid pa ma lus spong // ji ltar rta bzang lcag gis gzhus pa na// skrag cing shugs drag 'gro byed ji bzhin du/ / dad pa tshul khrims ting 'dzin ldan pa dang // chos rnams rnam par gtan la 'bebs ldan zhing // rig dang rkang par ldan zhing dran ldan pa'i// skyob rnams sdug bsngal ma lus spong bar mdzad/ / 'dul sbyor byed pas legs btul rta lta bur// gang zhig dbang po legs par bsdams pa yis// khro ba spong zhing zag pa zad byed pa// thub de rnams kyis lha yi bar du myong / bag yod pa yis bag med dang // mi nyal mang pos gnyid log dang // rta bzang gis ni rta rgod ltar// shin tu mkhas pas spangs nas 'gro// rta bzang la ni lcag bzhin du// gang zhig ngocha shes sten cing / / shes rab legs par mnyam gzhag pa// des ni sdig pa sel bar byed// dul pa 'dun sar 'gro byed cing // dul brgya po lhag par zhon// gang zhig tshig ngan bzod byed dang / dul ba mi yi nang na mchog/ glang po'i nang na glang chen dang // sin+d+hu'i cang shes rta dang ni// dre'u 'dul byed pa gang yin pa// de bas bdag nyid 'dul ba mchog/ bdag nyid legs 'dul gang yin pa'i// mkhas des zhi ba thob 'gyur gyi// bzhon pa de dag rnams kyis ni// sa de mngon par 'thob mi srid// glang po'i nang na glang chen dang // sin du'i cang shes rta dang ni// dre'u 'dul byed pa gang yin pa// de ba bdag nyid 'dul ba mchog/ bdag nyid legs 'dul dran ldan gang // des ni sdug bsngal mthar phyin gyis// bzhon pa de dag rnams kyis ni// sa de mngon par 'thob mi srid// glang po'i nang na glang chen dang sin du'i cang shes rta dang ni/ / dre'u 'dul byed pa gang yin pa// de bas bdag nyid 'dul ba mchog/ bdag nyid legs 'dul dran ldan gang // des ni 'gro rnams spong 'gyur gyi// bzhon pa de dag rnams kyis ni/ / sa de mngon par 'thob mi srid// glang po'i nang na glang chen dang // sin du'i cing shes rta dang ni// dre'u 'dul byed pa gang yin pa// de bas bdag nyid 'dul ba ma bdag nyid legs 'dul gang yin des/ / 'ching ba bcad nas 'gro 'gyur gyi// bzhon pa de dag rnams kyis ni// sa de mngon par 'thob mi srid// 'dul sbyong byed pas rta bzang ltar// bdag nyid kho na gdul bar bya/ / bdag nyid legs par 'dul ba yis// sdug bsngal rnams kyi pha mthar phyin// bdag nyid kho na bdag gi mgon// bdag nyid bdag gi skyabs yin pas// 'dul sbyong byed pas rta bzang ltar/ / de bas bdag nyid 'dul bar bya// rta'i tshems te bcu dgu pa'o// / khro ba spangs shing nga rgyal rnam spangs na// kun sbyor kun las shin tu 'da' 'gyur zhing // ming dang gzugs la chags pa med de dag/ ci yang med pas chags pa'i rjes mi ltung // skyes ma thag tu khro ba spongs// skyes nas 'dod chags spangs par gyis// brtan pas ma rig rab tu spangs// bden pa mthong na bde bar 'gyur// khro ba spangs na bde bar nyal// khro ba spangs na gdung mi 'gyur// dge slong khro ba bde 'joms pa'i// dug gi rtsa ba choms shig dang // 'phags pa rnams kyis bsngags 'gyur zhing / / bcom pa yis mya ngan med// gang khros bdag gis legs byas kyi// ma legs min shes rab smra ba// de ni khro bzhi 'og tu// me yis bsregs bzhin gdung bar 'gyur/ / ngo tsha med cing khrel med pa// khro ba can la brtul zhugs med// khro bas mngon par zil non pa// de la su yang rten mi byed// gang zhig byis pa'i mthu stobs can// de yi stobs ni stobs med yin/ / byis pa chos dang bral ba la// bsgrub par bya ba yod re skan// gang zhig stobs dang ldan 'gyur yang // stobs chung rnams kyis bzod byed pa// de ni bzod pa'i mchog ces gsung // nyam chung ba lta rtag tu skur// gang zhig gzhan gyi dpon gyur kyang // stobs chung rnams kyis bzod byed pa// de ni bzod pa'i mchog ces gsung // nyam chung ba lta rtag tu skur// gzhan gyis lhag par brgyad bkag kyang / / stobs ldan gang zhig bzod byed pa// de ni bzod pa'i mchog ces gsung // nyam chung ba lta rtag tu skur// gzhan gyis lhag par smad byas kyang // stobs ldan gang zhig bzod byed pa/ / de ni bzod pa'i mchog ces gsungs// nyam chung ba lta rtag tu skur// gang zhig pha rol khros rig nas// bdag nyid nye bar zhi byed pa// de ni bdag dang gzhan dag gi 'jigs chen dag las skyobs pa yin/ / gang zhig pha rol khros rig nas// bdag nyid nye bar zhi byed pa// de ni bdag dang gzhan dag gi/ gnyis ka'i don ni spyod pa yin// bdag nyid dang ni gzhan dag dang / / gnyis ka'i don ni spyod de la// skye bo chos la mi mkhas rnams// byis pa yin zhes sems kyang bla// gtso bo'i tshig ni 'jigs phyir bzod byed dang // thabs zla'i tshig ni 'thabs gcugs rgyu bzod pas/ / gang zhig dman pa'i tshig la bzod byed de// bzod pa'i mchog ces ngas pas rab tu gsungs// byis pa khros nas tshig su bdag/ sbru nan rgyal bar 'gyur snyam sems/ / gang zhig tshig dag bzod byed pa// de ni rtag tu rgyal ba yin// bden par smra bya khro mi bya// slong la chung yang sbyin par bya// rnam pa 'di gsum gnas kyis ni// l+la yi gnas su 'gro bar 'gyur/ / khro ba'i zil gyis non pa'i mis// rang gi don kyang mi rtogs pas// 'khor gyi nang du bag skyong la// khro ba med pa'i tshig smros shig/ gang zhig khros la slar khro dang / de ni sdig pa can 'gyur bas// khros la slar ni ma khro dang // thub par dka' ba'i g.yul las rgyal// khro ba med pas khro ba thub// legs pas legs pa ma yin thub// sbyin pa yis ni 'jungs pa thub/ bden pas bden pa ma yin thub// dul zhing rigs pas 'tsho ba dang // khro ba med pa ga la khro// yang dag shes pas rnam grol ba'i// mkhas pa rnams la khro ba med// khro ba med dang 'tshe med la// 'phags pa'i skye bos rtag bsten kyang // skye bo sdig can khro bo dag/ ri bo bzhin du skur bar byed// gang zhig khro ba byung ba dang // shing rta 'khyams las 'dzin byed de// 'dul sbyong mkhan du ngas gsungs kyi/ / zhabs 'debs skye bo phal pa yin// khro ba'i choms te nyi shu pa'o// / sdom la/ dge sbyong lam dang bkur sti dang // 'khu dang lnga dang dran pa ste// sil bu dag dang chu dang ni/ / me tog khro ba bcu pa'o// 'jig rten 'di na kun rigs kun zil gnon// 'di ni chos rnams kun gyis ma gos shing // kun spangs sred zad rab tu rnam grol ba// nyid kyis mngon mkhyen pa la su l+li bstan/ / de bzhin gshegs pa lha mi'i ston pa ste// stobs rnams kun ldan thams cad mkhyen pa dang // byang chub brnyed nas nyid kyis rab ston pa// mtshungs med mnyam med nga la su yis bstan/ / nga ni 'jig rten dgra bcom ste// 'jig rten dag na bla med dang // lha dang bcas pa'i 'jig rten na// bdud rnams zil non rgyal ba dang // nga dang 'dra ba med pas na// nga la slob dpon su yang med/ / 'jig rten 'di na gcig pu yis// rdzogs pa'i byang chub bla med brnyes// gang zhig zag pa zad brnyes pa// rgyal ba nga 'drar shes par gyis// sdig pa'i chos las nga rgyal bas// de bas nye 'gro nga rgyal ba/ / 'jig rten yul sred rgal ba yi// kun mkhyen sangs rgyas mya ngan 'das// 'jig rten pa la ma bstan par// kun nas 'byung ba mi shes pas// wA ra Na sir song nas su// ngas ni chos kyi rnga brdung zhing / / 'jig rten sus kyang ma bskor ba'i// chos kyi 'khor lo bskor bar byas// dpa' bo de bzhin gshegs pa rnams// 'di ni chos kyis 'dul bar mdzad// de dag chos kyis btul ba la/ / mkhas pa su yang smod mi byed// brtan gang ting 'dzin la zhugs shing // nges 'byung zhi la dga' ba dang // sku yi tha ma 'dzin pa yis// rdzogs pa'i sangs rgyas grags ldan pa// shes rab myur ba de dag la/ / lha dang mi rnams dga' bar byed// gang dag 'das pa'i rdzogs sangs dang // gang dag ma byon sangs rgyas dang // gang dag da ltar rdzogs sangs rgyas// mang po'i mya ngan sel mdzad pa// bzhugs par gyur cing bzhugs pa dang // de bzhin bzhugs par 'gyur ba kun// dam chos bla mar mdzad pa 'di// rdzogs sangs rgyas kyi chos nyid yin// de bas 'di ni bdag dga' zhing / / bdag nyid chen po mngon 'dod pas// sangs rgyas bstan pa dran byas te// dam pa'i chos la bla mar bya// mi gang sangs rgyas bstan pa la// dad pa ma bskyed byis bde/ rgurgad pa'i gnas su 'gro 'gyur te// srin mo rnams kyis tshong pa bzhin// mi gang sangs rgyas bstan pa la// dad pa bskyed pa shes rab can// der ni bde bar pha rol 'gro// sprin shugs ldan pas tshong pa bzhin/ / de bzhin gshegs pa mnyam med mtshungs pa med// bde bar rnam rtog de bzhin rab dben pa'i// rnam rtog gnyis par spyod pa'i sangs rgyas rnams// mun bsal pha rol gshegs shing grags dang ldan/ / des ni rnyed bya brnyes shing yid dga' gyur// kun sgrol zag zad rab tu rnam par grol// rnam grol thugs ldan tha ba zag med rnams// lus can 'jig rten rnams la phan / phyir gzigs// 'ga' zhig ri bo'i spo la 'dug nas su// 'gro ba rnams la kun tu lta ba ltar// de bzhin blo bzang mya ngan bral ba dag/ chos las byung ba'i khang bzang steng gshegs nas// skye bo skye rga zil non mya ngan gyis/ / gdungs pa rnams la kun tu spyan gzigs nas// 'chi ba med pa'i sgo mo 'byed mdzad kyis// gang dag nyan thos the tsom bsal bar gyis// de bzhin gshegs pa'i tshems te nyi shu gcig pa'o/ / / legs par thos dang legs spyod dang // khyim nas legs par byung ba dang // spong bar byed pas rab bskor cing // dge sbyong gi ni rjes 'thun legs/ byis pa mi mkhas pa dag ni// 'chi ba med pa lta bur spyod// mkhas pa dam pa'i chos dag la// mtshan mo nad pa bzhin du byed// ji ltar khyim ni legs g.yogs pa// mun pas khebs pa'i nang zhugs na/ / gzugs rnams yod par gyur kyang ni// mig ldan bzhin du mi mthong ba// de bzhin 'di na rigs skyes pa'i// mi ni blo gros ldan gyur kyang // sdig pa dang ni dge ba'i chos// ma thos par du shes mi 'gyur/ / mig ldan mar me yod pa yis// gzugs rnams mthong ba ji lta bar// de bzhin dge dang sdig pa'i chos// thos pas rnam par shes par 'gyur// thos pas chos rnams rnam par shes/ / thos pas sdig las ldog par 'gyur// thos pas don med spong bar byed// thos pas mya ngan 'das pa 'thob// gal te thos pa mang gyur nas// tshul khrims legs par mi sdom na// deni tshul khrims phyir smad cing // de yis zos pa phun sum min// gal te thos pa nyung gyur kyang // tshul khrims legs par sdom byed na// de ni tshul khrims phyir bsdams shing // de yi zos pa phun sum 'gyur/ / gang zhig thos pa nyung ba dang // tshul khrims legs par mi sdom pa// de ni gnyis ka'i phyir smad cing // de yi brtul zhugs phun sum min// gang zhig mang du thos pa dang / / tshul khrims legs par sdom byed pa// de ni gnyis ka'i phyir bsngags shing // de yi brtul zhugs phun sum 'gyur// thos pa mang zhing chos 'dzin dang // shes rab ldan zhing mnyam gzhag pa/ / de dag sus kyang smad 'os min// 'dzam bu gling na gser rgyan bzhin// gang zhig gzugs kyis rjes dpog cing // nga la sgra yis 'jal byed pa// 'dun pa'i 'dod chags dang ldan zhing // skye bo de yis nga mi shes/ / gal te nang ni rnam shes shing // phyi rol mthong bar ma gyur na// nang gi 'bras bu mthong ba gang // de ni sgra yis drang du rung // gal te phyi rol mthong gyur cing // nang ni shes par ma gyur par/ / phyi rol 'bras bu mthong ba gang // de ni sgra yis drang du rung // gal te nang na'ang mi shes shing // phyi rol mthong bar ma gyur na// byis pa kun nas bsgribs pa dag/ de ni sgra yis drang du rung // gal te nang ni rnam shes shing // phyi rol dag kyang mthong gyur pa// brtan pa nges 'byung shes rab can// de ni sgra yis drang mi rung // rna bas phal chen thos pa dang // mig gis mang po mthong na yang // brtan ba mthong thos de kun gyis/ / yid ches bya ba'i mi rigs so// legs gsungs thos pa snying por shes pa dang // ting nge 'dzin dag snying por shes gyur kyang // gang zhig bag med brlang por byed pa de'i// thos dang shes pa don chen mi 'gyur ro/ / gang zhig 'phags pas bstan pa'i chos 'ga' zhig/ de bzhin lus dang ngag gis spyod byed pa// de dag bzod ldan 'grogs dga' dbang po bsdams// thos dang shes/ rab pha rol phyin pa 'thob// zos pa'i choms te nyi shu gnyis pa'o// / legs par gsungs la bslab bya zhing // dge sbyong la ni bsnyen bkur dang // dben pa dang ni stan gci dang / / sems ni nye bar zhi bar bya// stan gcig ma la stan gcig pa dang // gcig pu snyoms las med spyod cing // gcig pu nags tshal gnas pa dang // gcig pus bdag nyid gdul bar bya// gang zhig stong phrag stong dag gi/ mi yi ga yul las rgyal ba las// gang zhig bdag las rgyal byed pa// de ni mi yi g.yul las rgyal// rtag tu sdom pa spyod pa yi// mi yis bdag 'dul gcig pu yis// bdag nyid las rgyal mchog yin gyi// skye dgu gzhan lta phal bar zad// shes rab kyis gnas dge slong gis// rgyal bar byas la bdud dang ni// tshangs par bcas pas pha ma mi nus// lha yis ma yin dri zas min/ / bdag nyid dang por rigs par gnas byas nas// phyi nas gzhan dag bdag bzhin gdul bar bya// bdag nyid dang por rigs par gnas byas nas// phyi dus 'dul tshe mkhas pa nyon mi mongs/ / bdag la ji ltar byas pa bzhin// gzhan dag la yang de ltar bya// bdag nyid dul zhing zhi ba yis// gzhan dag bde bar gdul bar bya// bdag la ji ltar bya ba bzhin// gzhan dag la yang de ltar bya/ / kye ma bdag rang legs 'dul ba// bdag nyid dul bas dga' bar 'gyur// bdag gi don phyir gzhan don ni// mang po dag kyang gtang bar bya bdag/ don ched cher shwe gyur na// rang gi don gyi mchog tu 'gyur// bdag nyid bdag gi mgon yin gyi gzhan lta su zhig mgon du 'gyur// bdag nyid bdag gi mgon gyur pa'i// mkhas pas don rnams thob par 'gyur// bdag nyid bdag gi mgon yin gyi/ / gzhan lta su zhig mgon du 'gyur// bdag nyid bdag gi mgon gyur pa'i// mkhas pas chos rnams thob par 'gyur// bdag nyid bdag gi mgon yin gyi// gzhan lta su zhig mgon du 'gyur/ / bdag nyid bdag gi mgon gyur pa'i// mkhas pas grags pa thob par 'gyur// bdag nyid bdag gi mgon yin gyi// gzhan lha su zhig mgon du 'gyur// bdag nyid bdag gi mgon gyur pa'i/ / mkhas pas bde ba thob par 'gyur// bdag nyid bdag gi mgon yin gyi// gzhan lta su zhig mgon du 'gyur// bdag nyid bdag gi mgon gyur pa'i// mkhas pa sa bde 'gro thob par 'gyur// bdag nyid bdag gi mgon yin gyi// gzhan lta su zhig agon du 'gyur// bdag nyid bdag gi mgon gyur pas// yun ring mtho ris dga' bar 'gyur/ / bdag nyid bdag gi mgon yin gyi// gzhan lnga su zhig mgon du 'gyur// bdag nyid bdag gi mgon gyur pa// gnyen gyi nang na lam me 'bar// bdag nyid bdag gi mgon yin gyi// gzhan lta su zhig mgon du 'gyur/ / bdag nyid bdag gi mgon gyur pa// mya ngan nang na gdung mi 'gyur// bdag nyid bdag gi mgon yin gyi// gzhan lta su zhig mgon du 'gyur// bdag nyid bdag gi mgon gyur pas/ / 'ching ba thams cad gcod par 'gyur// bdag nyid bdag gi mgon yin gyi// gzhan lta su zhig mgon du 'gyur// bdag nyid bdag gi mgon gyur pas// ngan 'gro thams cad spong bar 'gyur/ / bdag nyid bdag gi mgon yin gyi// gzhan lta su zhig mgon du 'gyur// bdag nyid bdag gi mgon gyur pas// sdug bsngal kun las rab tu thar// bdag nyid bdag gi mgon yin gyi// / gzhan lta su zhig mgon du 'gyur// bdag nyid bdag gi mgon gyur pas// bdag nyid mgon du 'gyur ba thob// bdag nyid bdag gi mgon yin gyi// gzhan lta su zhig mgon du 'gyur// bdag nyid bdag gi mgon gyur pas/ / mya ngan 'das nyid nye bar 'gyur// bdag gi tshems te nyi shu gsum pa'o// / gang dag don dang mi ldan tshig/ tshigs bcad brgya dag smra ba bas// gang dag nye bar zhi 'gyur ba'i/ / don ldan tshig gcig thos pa rung // gang dag chos dang mi ldan tshig/ tshogs bcad brgya dag smra ba bas// gang dag nye bar zhi 'gyur ba'i// chos ldan tshig gcig thos pa rung // tshul 'tshal mnyam par ma gzhag pa/ / lo brgyar gson pa gang yin pas// tshul khrims ldan zhing mnyam gzhag pa// nyin zhag 'ga' zhig gson pa rung // brtson med le lor ldan pa dag/ lo brgyar gson/ pa gang yin pas// brtson 'grus brtan pa brtsams pa dag/ nyin zhag 'ga' zhig gson pa rung // shes 'chal mnyam par ma gzhag pa// lo brgyar gson pa gang yin pas// shes rab chen po mnyam gzhag pa/ / nyin zhag 'ga' zhig gson pa rung // skye dang 'jig pa ma mthong ba// lo brgyar gson pa gang yin pas// skye dang 'jig pa mthong ba dag/ nyin zhag 'ga' zhig gson pa rung / tshor ba zad pa ma mthong ba// lo brgyar gson pa gang yin pas// tshor ba zad pa mthong ba dag/ nyin zhag 'ga' zhig gson pa rung // zag pa zad pa ma mthong ba// lo brgyar gson pa gang yin pas// zag pa zad pa mthong ba dag/ nyin zhag 'ga' zhig gson pa rung // go 'phang mi g.yo ma mthong ba// lo brgyar gson pa gang yin pas// go 'phang mi g.yo mthong ba dag/ nyin zhag 'ga' zhig gson pa rung / go 'phang blta dka' ma mthong ba// lo brgyar gson pa gang yin pas// go 'phang blta dka' mthong ba dag/ nyin zhag 'ga' zhig gson pa rung // go 'phang mthon po ma mthong ba// lo brgyar gson pa gang yin pas/ / go 'phang mthon po mthong ba dag/ nyin zhag 'ga' zhig gson pa rung // go 'phang dam pa ma mthong ba// lo brgyar gson pa gang yin pas// go 'phang dam pa mthong ba dag/ nyin zhag 'ga' zhig gson pa rung / / 'chi med go 'phang ma mthong ba// lo brgyar gson pa gang yin pas// 'chi med go 'phang mthong ba dag/ nyin zhag 'ga' zhig gson pa rung // bdud rtsi'i go 'bang ma mthong ba// lo brgyar gson pa gang yin pas/ / bdud rtsi'i go 'phang mthong ba dag/ nyin zhag 'ga' zhig gson pa rung // rdul med go 'phang ma mthong ba// lo brgyar gson pa gang yin pas// rdul med go 'phang mthong bdag nyin zhag 'ga' zhig gson pa rung / / rdul bral go 'phang ma mthong ba// lo brgyar gson pa gang yin pas// rdul bral go 'phang mthong ba dag/ nyin zhag 'ga' zhig gson pa rung // mi ni lo brgyar nag tshal na/ / me la yongs sten gang yin dang // bdag nyid bsgoms la yud tsam zhig/ mchod pa byed pa gang yin pa// mchod byed de ni ches rung gi/ lo brgyar sbyin sreg byed mi rung // zla ba re rer ku sha'i rtses/ / kha zas za ba gang yin des// sangs rgyas la ni dad pa yi// bcu drug char yang mi phod do// zla ba re rer ku sha'i rtses// kha zas za ba gang yin des// dam pa'i chos la dad pa yi// bcu drug char yang mi phod do/ / zla ba re rer ku sha'i rtses// kha zas za ba gang yin des// dge 'dun la ni dad pa yi// bcu drug char yang mi phod do// zla ba re rer ku sha'i rtses// kha zas za ba gang yin des// sem can rnams la snying brtse yi/ / bcu drug char yang mi 'od do// zla ba re rer ku sha'i rtses// kha zas za ba gang yin des// srog chags rnams la snying brtse ba'i// bcu drug char yang mi phod do// zla ba re rer ku sha'i rtses/ / kha zas za ba gang yin des// 'byung po rnams la snying brtse ba'i// bcu drug char yang mi 'od do// zla ba re rer ku sha'i rtses// kha zas za ba gang yin nges// byams par sems par byed pa yi/ / bcu drug char yang mi phod do// zla ba re reng ku sha'i rtses// kha zas za ba gang yin des// legs par gsungs pa'i dam chos kyi// bcu drug char yang mi bod zla ba re rer mchod sbyin stong / / lo brgyar byed pa gang yin des// sangs rgyas la ni dad pa yi// bcu drug char yang mi 'od do// zla ba re rer mchod sbyin stong // lo brgyar byed pa gang yin des// dam pa'i chos la dad pa yi/ / bcu drug char yang mi bod do// zla ba re rer mchod sbyin stong // lo brgyar byed pa gang yin des// dge 'dun la ni dad pa yi// bcu drug char yang mi phod do// zla ba re rer mchod sbyin stong / / lo brgyar byed pa gang yin des// sems can rnams la snying brtse ba'i// bcu drug char yang mi phod do// zla ba re rer mchod sbyin stong // lo brgyar byed pa gang yin des// srog chags rnams la snying brtse ba'i/ / bcu drug char yang mi phod do// zla ba re rer mchod sbyin stong // lo brgyar byed pa gang yin des// 'byung po rnams la snying brtse ba'i// bcu drug char yang mi phod do// zla ba re nger mchod sbyin stong / / lo brgyar byed pa gang yin des// byams par sems par byed pa yi// bcu drug char yang mi phod do// zla ba re rer mchod sbyin stong // lo brgyar byed pa gang yin des// legs par gsungs pa'i dam chos kyi/ / bcu drug char yang mi yod do// bsod nams 'dod pa'i mi yis 'jig rten du// sbyin sreg mchod sbyin cung zad ci byed// gang zhig drang po'i sems kyis phyag 'tshal ba/ de yi bzhi char yang ni mi bod do// bsgres pa'i choms te nyi shu bzhi pa'o// // ched du brjod pa'i tshems bam po gsum pa// / dad pa med cing 'jun pa dang / / dbyen byed phra ma can dag dang // mkhas pas shes par mi bya zhing // sdig can mi dang 'grogs mi bya// dad ldan snyan par smra ba dang // thos mang tshul khrims ldan pa dag/ mkhas pa yi ni mdza' bya zhing / / mi mchog dag dang 'grogs par bya// sdig pa'i grogs po mi bstan cing // skyes bu ngan pa bsten mi bya// dge ba'i bshes gnyen bsten bya zhing // skyes bu dam pa bsten par bya// de lta bu dag bsten byas na// sdig par mi 'gyur legs par 'gyur// gang dag zos yang gnas mang sems pa dang // dad ldan shes rab ldan de mi yis bsten// 'dir ni de yis legs smras mnyan byas na/ / ring po nas kyang khyad par thob par 'gyur// dman pa bsten pas ming dag nyams 'gyur zhing // zad kar bab pa bsten pas son gnas// gtso bo bsten pas dam pa 'thob 'gyur bas// de phyir bdag pas gcor gyur bsten par bya/ / tshul khrims nye bar zhi ba dang // shes rab chen mchog ldan pa yi// gtso bo gang yin de bsten na// gtso ba bas kyang chos gtsor 'gyur// mi lis 'di na nya rul pa ku sha'i bsang byed bcings pa gang / / ku sha nyid kyang rul 'gyur ba// sdig pa bsten pa'ang de bzhin 'gyur// mi yis rgya spos pa la sha'i// lo yang phur ma byas pa gang // lo ma nyid kyang dri zhim pa/ dam pa bsten pa'ang de bzhin 'gyur// gal te sdig pa byed bdag/ sdig mi byed pas bsten na yang // sdig pa byed par dogs skye zhing // mi snyan pa yang 'phel bar 'gyur// bste/ bya ma yin bsten pa'i mi// de yi skyon gyis skyon can 'gyur// dong par dug bskus mda' bcug pas// dug ma bskus pa'ang gos pa bzhin// brtan pa skyon gos 'jigs pa dag/ sdig pa can dang bshes mi bya/ / ji ltar grogs po bsten pa dang // ji ltar nye bar bsten byas pa// bsten bya de ni ci 'dra bar// ring po mi rdzogs de 'drar 'gyur// de bas 'bras bu'i snod bzhin du// gzhig/ gis bsten pa shes pa yis// dam pa ma yin mi bsten cing // mkhas pas dam pa bsten byas la// dge slong de yi lam rjes 'brangs// sdug bsngal zad pa thob par 'gyur// byis pas ji srid/ gson par du// gal te mkhas pa bsten byas kyang // de yis chos shes mi 'gyur te// gzar bus tshed ma'i ro bzhin no// shes rab ldan pas yud tsam zhig/ mkhas pa nye bar bsten pas kyang // de yis chos rnams shes 'gyur te// lce yis chod ma'i ro bzhin no// byis pas ji srid gson par du// gal te mkhas pa bsten byas kyang // de la mig ni med pa'i phyir// chos rnams shes par mi 'gyur ro/ / shes rab ldan pas lung tsam zhig/ mkhas pa nye bar bsten byas kyang // de la mig ni yod pa'i phyir// chos rnams rab tu shes par 'gyur// byis pas ji srid gson par du// gal te mkhas pa bsten byas kyang / / rdzogs pa'i sangs rgyas kyis bstan pa'i// chos rnams de yis shes mi 'gyur// shes rab ldan pas yud tsam zhig/ mkhas pa nye bar bsten pas kyang // rdzogs sangs rgyas kyis bstan pa yi// chos rnams de yis shes par 'gyur// don ldan tshig ni gcig gis kyang // mkhas pa yi ni bya ba byed// sangs rgyas kun gyi gsung gis kyang // byis pa'i bya ba byed mi 'gyur/ / blo dang ldan pa tshig gcig gis// tshig brgya dag ni shes par 'gyur// byis pa la ni tshig stong gis// tshig gcig shes par mi 'gyur ro// nyis na mkhas dang mi mdza' bla'i// byis / pa rnams dang mdza' mi rung // byis pa rnams dang mdza' byed pa// sems can dmyal bar khrid par byed// byis pa gang zhig byis pa'o zhes// shes pa de 'dir mkhas pa yin// byis pa gang zhig mkhas sems pa/ / de ni byis pa zhes brjod do// byis pas bstod pa gang yin dang // mkhas pas smad pa gang yin las// mkhas pas smad pa ches rung gi/ byis pas bstod pa mi rung ngo // byis pa bsten pa sdug bsngal zhing / / rnam pa kun tu dgra 'dra bas// byis pa mi zos mi mthong zhing // ma bsten gyur pa nyid rung ngo // gnyen dang phrad pa ji lta bar// brtan pa bsten na bde bar 'gyur// de bas rgyu skar lam du zla ba ltar/ / brtan zhing thos mang mchog 'dren byed pa dang // tshul khrims ldan dang 'phags pa'i brtul zhugs can// mi mchog brtse ldan blo bzang bsten par gyis// mdza' bshes kyi choms te nyi shu rtsa lnga pa'o/ / / rus sbal rang gi khog par yan lag ltar// dge slong yid kyi rnam rtog nang bsdus nas// rten pa med cing gzhan la 'tshe med par// mya ngan 'das la su yang smod mi byed/ / bzod pa dka' thub mchog ste bzod pa ni// mya ngan 'das pa mchog ces sangs rgyas gsung // rab tu byung ba gzhan la 'tshe ba ni// gzhan la gnod pas dge sbyong ma yin no// tshig rtsub ci yang sma mi bya// smras na slar yang smra bar byed// 'thab gcugs tshig gis sdug bsngal zhing // de la phyir yang chad pas gcod// gal te bdag gis phar byas na// 'khar ba'i snod la brdungs pa bzhin/ / 'khor bar skye dang rga ba dag/ yun ring nyams su myong bar 'gyur// bdag gis par ni ma byas dang // 'khar ba'i snod la ma brdungs ltar// 'di ltar 'thab mo mi 'byung zhing // mya ngan 'das pa thob par 'gyur/ / nad med rnyed pa'i dam pa ste// chog shes pa ni nor gyi dbyig/ yi de gcugs bshes pa'i mchog yin te// mya ngan 'das pa bde ba'i phul// 'du byed sdug bsngal ma rungs pa// nad kyi nang na bkres mi bzad// de ltar ji bzhin shes na ni// mya ngan 'das pa mchog tu 'gyur// bde 'gror 'gro ba nyung zad de// ngan 'gror 'gro ba bsam yas shig/ de lta'i nyes dmigs rtogs gyur na myur du mya ngan 'das pa thob/ / bde 'gror 'gro ba rgyu dang bcas// ngan 'gror 'gro ba rgyu dang ldan// mya ngan 'das 'gro rgyu can te// de dag thams cad rgyu dang bcas// nags tshal mchog tu ri dgas 'gro// mkha' la bya rnams 'gro bar byed// chos la rnam par bsgoms 'gro ste// dgra bcom mya ngan 'das par 'gro// 'di ni brtson 'grus zhan pa dang // blo chung shes pa med pa yis// mdud pa thams cad rab gtugs pa'i/ / mya ngan 'das pa thob mi 'gyur// khyod kyis gru 'di'i chu phyags dang // 'di ni yang bar 'gyur ba ltar// de bzhin zhe sdang 'dod chags spongs// de nas mya ngan 'das pa 'thob/ sngon chad byung ba mi 'byung zhing // ma byung ba dag 'byung bar 'gyur// ma byung 'byung bar mi 'gyur la// da ltar byung ba'ang yod ma yin// blta dka' mtha' med der mi mthong // bden pa rab rtogs shes pa dang / / sred dang dga' ba med mthong ba// 'di 'dra 'di ni sdug bsngal mtha'// sred pa rnams ni bcad pa dang // 'dod chags rab tu spangs pa dang // mtsho bskams nas ni mi 'bab pa// 'di 'dra/ 'di ni sdug bsngal mtha'// lus zhig tsher ba bsil bar gyur// 'du shes 'gags shing 'du byed zhi// rnam par shes pa nub gyur pa// 'di 'dra 'di ni sdug bsngal mtha'// lta bas mthong bar gyur tsam dang / / nyan pas zos par gyur pa tsam// rtogs par byed pas rtogs tsam dang // rnam par shes pas rnam shes tsam// 'di 'dra 'di ni sdug bsngal mtha'// 'di dang ma dang gdung rab gdungs// 'di 'dra 'di ni sdug bsngal mtha'// ma reg ma dga' rab zhi dang // kun tu 'dod chags bral gyur pa/ 'di 'dra 'di ni sdug bsngal mtha'// rten pa yod pas spyod par 'gyur ro// spyod pa yod pas gnom bar 'gyur ro/ / gzhol ba yod pas shin tu ma sbyangs par 'gyur ro// shin tu ma spungs pa yod pas 'gro ba dang 'ong bar 'gyur ro// 'gro ba dang / 'ong bar yod pas gzhan du ni 'pho len par 'gyur ro/ / gzhan du shi 'pho blangs pas// 'di ltar gzhan du skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa 'byung zhing 'di ltar sdug bsngal gyi phung po chen po 'ba' zhig po 'di 'byung bar 'gyur ro// rten pa med pas spyod pa med par 'gyur ro// spyod pa med pas gzhol bar mi 'gyur ro// gzhol bar ma gyur pas shin tu sbyangs par 'gyur ro// shin tu sbyangs pas 'gro ba dang 'ong bar mi 'gyur ro// 'gro ba dang 'ong ba med pas gzhan du shi 'pho len pa med par 'gyur ro// gzhan du 'chi 'pho len pa med pas 'di ltar gzhan du skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur zhing / 'di ltar sdug bsngal gyi phung po chen po 'ba' zhig po 'di 'gag par 'gyur ro// dge slong dag ma skyes pa dang / ma byung ba dang / ma bcos pa dang / 'dus ma byas pa dang / mi 'byung ba yod do// skye ba dang / 'byung ba dang / bcos ma dang / sems pas byas pa dang / 'dus byas dang / rten cing 'brel par 'byung ba yod do// dge slong dag gal te ma skyes pa dang / ma byung ba dang / ma bcos pa dang / 'dus byas dang / mi 'byung ba med du zin na skye ba dang / 'byung ba dang / bcos ma dang / 'dus byas dang / sems pas byas pa dang / rten cing 'brel par 'byung ba'i nges par 'byung ba yod do zhes nga ni smra'o/ / dge slong dag gang ni phyir 'di na ma skyes pa dang / ma byung ba dang / ma bcos pa dang / 'dus ma byas pa dang / mi 'byung ba yod pa de'i phyir skye ba dang / 'byung ba dang / bcos ma dang / 'dus byas dang / sems bas byas pa dang / rten cing 'brel par 'byung ba'i nges par 'byung ba yod do zhes nga smra'o// skyes dang byung dang 'byung ba dang // bcos dang 'dus byas mi brtan zhing // rga dang 'chi dang rmongs pa yi// chos can rab tu 'jig 'gyur ba/ / zas kyi rgyud las byung ba yi// 'jig 'gyur 'di la dga' mi bya// de yi nges par 'byung ba'i gzhi// rtog dang dpyod dang zhi ba dang / sdug bsngal chos rnams 'gag pa ste// 'du byed nye bar zhi ba bde/ / dge slong dag de ni gang du yang gnas par mi 'gyur te/ sa la gnas par mi 'gyur// chu la ma yin/ me la ma yin/ rlung la ma yin/ nam mkha' mtha' yas skye mched la ma yin/ rnam shes mtha' yas skye mched la ma yin/ ci yang med pa'i skye mched la ma yin/ 'du shes yod min med min skye mched la ma yin/ 'jig rten 'di la ma yin/ 'jig rten pha rol la ma yin/ nyi ma dang tha pa gnyis la gnas pa ma yin te/ 'di dmigs pa med par ngas mngon par shes so// dge slong dag de la 'gro ba dang 'ong ba yod par nga mi smra ste/ gnas par ma yin no// 'chi 'pho yod par nga mi smra ste/ skye bar ma yin pa 'di lta bu 'di ni sdug bsngal gyi mtha' yin no// sa dang chu dang me dang rlung // gang la'ang gnas pa ma yin pa// de la dkar pos gsal mi byed// de la mun pa'ang yod ma yin/ / de la zla bas snang mi byed// de la nyi mas mngon mi byed// thub pa bram ze gang yin pa// des ni rang gis rig pa yin// de ni gzugs dang gzugs med dang // sdug bsngal kun las rab tu grol/ / mthar phyin 'jigs pa med pa ste// rlom med 'gyod pa med pa yin// srid pa'i zug rngu gtugs pa ste// lus kyi tha mar gyur pa yin// 'di ni mthar phyin rnams kyi mchog/ zhi ba'i go 'phang bla med pa// mtshan ma thams cad zad pa ste// byang grol go 'phang 'chi med yin// mtshungs dang mi mtshungs 'byung ba yi// 'du byed thub pas rab tu spangs nang du mnyam gzhag dga' ba yis/ / sgo nga'i sbubs ni 'dra las byung // sbyin kun chos kyi sbyin pas thub// dga' kun chos kyi dga' bas thub// stobs kun bzod pa'i stobs kyis thub// bde kun sred pa zad pas thub/ / mya ngan 'das pa'i tshoms te nyi shu rtsa drug pa'o// // bdag las gzhan pa'i skyon dag ni// phub ma gtor ba ji bzhin du// gzhan gyi skyon mthong sla ba ste// rang gi skyon ni mthong bar dka'// g.yo 'phyan tshe lo 'jo ba ltar// rang gi de ni sbed pa dang // gzhan gyi skyon la lta byed cing // rtag tu 'phyas long 'du shes can// de yis ring du chos mi mthong // g.yon phyog/ chos ni rab tu 'phel// spyi rdol byed cing 'phrog rlom can// mi gtsang las ldan khA lta bur// shin tu nyon mongs 'tsho ba can// ngo tsha med pa'i 'tsho ba sla// rtag tu gtsang ma 'tsho ba dang // thub chod mi byed 'dzem bag can/ / 'tshe ba dag la lta ba yi// ngo tsha shes pa'i 'tshe ba dka'// 'jig rten mun par 'gyur 'di ste// de las lhag mthong ldan pa nyung // rgya las shor ba'i bya lta bur// mtho ris la dga' shas tsam zhig/ byis pa lus kyis bcings gyur pa// mun pa'i 'khor gyis bskor ba yin// 'jig rten nor la chags pa dang // gzhan rdzas lta bur lta bar byed// bdag gis skye dgu 'di 'byung zhing // gzhan gyis byas so/ snyam sems pa// bden pa min la bden lta bas// ci yang mthong bar mi 'gyur ro// de ni 'gags kyang mi mthong zhing // zug rngu mthong bar mi 'gyur ro// yul sred gang la skye bo chags pa yi// zug rngu de dag sngon chad mthong ba dag/ de ni bdag gis byas snyam mi 'dzin cing // de ni gzhan gyis byas snyam mi 'dzin to// skye dgu 'di dag nga rgyal ldan// nga rgyal la chags nga rgyal bcings// rtsod par gyur pa'i lta ba can// 'khor ba log par mi 'gyur ro// thob par gyur pa gang yin dang // thob par bya ba gang yin pa// de dag gnyis ka rdul gyis yog/ rjes su nad pa slob par byed// gang zhig tshul khrims dang / bslab pa dang // brtul zhugs dang / tshangs par spyod pa dang / dka' thub dang / nye bar gnas pa snying por byed pa 'di ni mtha' gcig go// gang zhig de ltar lta zhing 'di skad ces 'dod pa ni gtsang ba'o// 'dod pa ni bsod nams can no/ / 'dod pa ni longs spyad par bya'o// 'dod pa ni skyon med pa yin no zhes smra zhing // de dag lhag par 'dod pa rnams su lhung bar byed pa'i brtul zhugs len pa 'di yang mtha' gcig go/ mtha' gnyis po 'di dag ni dur khrod 'phel bar byed pa ste/ 'di dag gis dur khrod 'phel bar byas so// mtha' gnyis po 'di dag ma mthong ba kha cig zhen par byed cing // kha cig mngon par rgyug par byed cing / lhag par rgyug par byed pa dag mig dang ldan pas mthong ngo // mtha' gnyis po de dag mthong ba na zhen par mi byed/ rgyug par mi byed la/ de dag lhag par zhen par mi byed cing / lhag par rgyug par mi byed pa yang mig dang ldan pas mthong ngo / / de dag de ltar mi byed cing / de dag de ltar mi byed na/ de dag gi lam du mi gdags pa 'di lta bur 'di ni sdug bsngal gyi mtha' yin no// ji ltar chu bur mthong ba dang // ji ltar smig rgyu mthong ba ltar/ / de bzhin 'jig rten lta byed pa// 'chi bdag rgyal pos mthong mi 'gyur// ji ltar chu bur mthong ba dang // ji ltar smig rgyu mthong ba ltar// de bzhin lus la lta byed pa// 'chi / bdag rgyal pos mthong mi 'gyur// gang la byis pa mngon chags pa// de la mkhas pa chags mi 'gyur// rgyal po'i shing rta bkra ba ltar// lus 'di rtag tu lta bar gyis// gang la byis pa rmongs 'gyur/ ba/ de la mkhas pas rmongs mi 'gyur// rgyal po'i shing rta bkra ba ltar// lus 'di rtag tu lta bar gyis// gang du byis pa nyams 'gyur ba// glang rgan rdzab tu chud pa bzhin// rgyal po'i shing rta bkra ba ltar// lus 'di rtag tu blta bar gyis// nad pa lta bur 'jig chos can// rma byung ba dang 'dra ba ste// gang yang brtan par mi gnas par// lus 'di rtag tu blta bar gyis// nad pa 'jig pa'i chos can ltar/ gang yang brtan par mi gnas par// nor bu'i rna cha gdub kor gyis// brgyan pa'i lus la blta bar gyis// skra ni lan bu brgya byas shing // mig sman gyis ni bskus pa'i mig/ byis pa lhag par rmed byed kyang / / pha rol tshol bar mi byed do// mig sman gyis ni gsar bris shing // rnag can lus ni brgyan par gyis// byis pa lhag par rmongs byed kyang // pha rol tshol bar mi byed do// lus ni dri zhim gyis bskus nas/ / rkang pa btsag gis byugs pa dag/ byis pa lhag par rmongs byed kyang // pha rol tshol bar mi byed do// gang zhig 'dod par kun sbyor 'brel chags shing // kun tu sbyor ba'i skyon rnam ma mthong ba/ / 'dod par 'brel la chags pa'i mi de yis// chu bo mtha' yas yangs pa rgal mi 'gyur// chags bral mchog dang tha ma thams cad dag/ 'di la bdag dang bdag gir mi blta zhing // de ltar rnam grol sngon chad ma rgal ba'i// chu bo rab rgal yang srid med par 'gyur// gang zhig tshal spangs tshal med pa// nags tshal spangs nas nags su rgyug/ grol ba 'ching bar gcen pa yi// gang zag 'di na ltos shig tshur/ / shing rta 'thun pa'i rtsibs ldan pa// yan lag yid 'ong gos dkar g.yogs// sdig med 'gro ba la ltos la// 'chings pa'i rgyun rnams gcad par gyis// 'jigs pa skrag pa'i mi dag ni/ / phal cher ri dang nags tshal dang // skyed mos tshal dang mchod gnas dang // ljon shing rnams la skyabs su 'gro// skyabs de gtso bo ma yin shing // skyabs de mchog tu gyur pa min/ / de la skyabs su song ba yis// sdug bsngal kun las grol mi 'gyur// gang zhig sangs rgyas chos dang ni// dge 'dun la ni skyabs song zhing // sdug bsngal sdug bsngal kun 'byung dang / / sdug bsngal yang dag 'das pa dang // bde ba mya ngan 'das 'gro ba'i// 'phags lam yan lag brgyad pa ste// 'phags pa'i bden pa bzhi po dag/ gang tshe shes rab kyis mthong ba// de ni skyabs kyi mchog yin zhing / / de ni skyabs kyi dam pa yin// de la skyabs su song ba yis// sdug bsngal kun las grol bar 'gyur// mthong bas mthong zhing mthong bas ma mthong mthong // ma mthong mi mthong mthong bya mthong mi 'gyur/ / 'dra mthong lhag mthong tha dad dngos por brjod// nyin mtshan nam yang lhan cig mi gnas bzhin// 'dra ba mthong ba mthong mi 'gyur gal te mthong na 'dra mi mthong / mthong 'dis 'dra ba mi mthong ste/ / 'dra mthong mi yis mthong ba med// mi yis ci ma mthong na 'dra ba mthong // ci zhig mthong na 'dra ba mthong mi 'gyur// ji ltar 'di ni 'dra ba mthong ba dag/ gang zhig med na 'dra bar mthong dang bral/ / gang tshe 'di yis sdug bsngal ma mthong ba// de yi tshe na bdag tu mthong bar 'gyur// ji lta ji ltar sdug bsngal rtogs gyur pa// des ni bdag 'di 'dra ba mthong mi 'gyur// gang gis so so skye ba sgribs nas/ / 'du byed sdug bsngal ma mthong ba// de phyir 'di na 'dra mthong ste// de med 'dra ba mi mthong ngo // mthong ba'i choms te nyi shu rtsa bdun pa'o// / sdig pa thams cad mi bya ste/ / dge ba phun sum tshogs par bya// rang gi sems ni yongs su 'dul// 'di ni sangs rgyas bstan pa yin// sbyin pas bsod nams rab tu 'phel// legs bsdams dgra bsogs mi 'gyur ro/ / dge dang ldan pas sdig pa spong // nyon mongs zad pas mya ngan 'da'// mkhas dang 'dre dang byis pa'i skye bo dang // lhan cig sprang dang gcig pu gnas kyang rung // ngang pas chu las 'o ma 'thung ba ltar/ / mkhas pa sdig pa can rnams rab tu spang // 'jig rten nyes dmigs mthong ba dang // 'gog par 'gyur ba'i chos mthong bas// 'phags pa sdig la dga' mi byed// sdig can dge la dga' mi 'gyur/ / legs par nyer zhi'i ro dang ni// rab tu dben pa'i ro shes pa// rims nad med cing sdig med la// chos la dga' ba'i ro ngag 'thung // sems kyis zag pa med pa dang // sems ni 'ching bas ma bcom la/ / dge dang sdig pa rab spangs pa// ngan 'gro rnams kyi 'jigs pa dang // gnas min zlog dang legs smra dang // nyes dmigs ston par byed pa dang // mkhas pa tshar bcad smra byed pa/ / de lta'i skye dgu bsten par bya// de lta bu dag bsten byas na// sdig par mi 'gyur legs par 'gyur// nye bar ni zhing rab zhi la// dal bus smra zhing khengs med pa// sdig pa'i chos rnams sprug byed de/ / rlung gis ljon shing lo ma bzhin// gang zhig skyes bu dag cing nyon mongs med// rab tu sdang med mi la khro byed pa'i// byis pa de la sdig pa phyir 'gro ste/ / rdzi phyogs su ni rdul rnams gtor ba bzhin// dge ba byed pas dge ba dang // sdig po byed las sdig pa ste// mi yis gang dang gang byas pa// de de rang gis mthong bar 'gyur// bdag gis sdig pa byas na ni/ / de dag kho na kun nyon mongs// bdag gis sdig pa ma byas na// bdag nyid kho na rnam par dag/ gzhan gyis gzhan sbyong mi byed kyi// dag dang ma dag rang rang byed// bdag nyid kyis ni sdig pa dag/ byas shing nye bar bsags pa yis// bsam brlag mngon du 'joms par byed// rdo rjes nor bu 'bigs pa bzhin// mig ldan 'gro bar byed pa yis// nyam nga'i lam dag ji lta bar/ / mkhas pas 'tshe ba'i 'jig rten 'dir// sdig pa dag ni yongs su spang // nor chen gyis ni grogs nyung dang // tshong pas 'jigs bcas lam dang ni// gson par 'dod pas dug lta bur// mkhas pas sdig can yongs su spang // gal te lag ma bil rma med na// lag pas dug ni bzung byas kyang // rma med drug ni mi 'dzin ltar// ma byas pa la sdig pa med// bdag la mi phan bya ba dang // leg pa ma yin bya bar sla/ / gang dag phan zhing bder 'gyur ba// de ni mchog tu bya bar dka'// dam pas legs par bya sla yi// dam pas sdig pa bya bar dka'// ngan pas sdig pa bya sla yi// 'phags pas sdig / ji srid rdzi ma smin pa// de srid byis pa dang ra bar sems// gang tshe sdig pa smi gyur pa// de tshe de ni tshe bar sems// ji srid sdig pa ma smin pa// de srid sdig pa rung bar lha// ga sdig pa smin gyur pa/ / de tshe sdig pa mthong bar 'gyur// ji srid bzang po ma smin pa// de srid bzang po sdig par mthong // gang tshe bzang po sman gyur pa// de tshe bzang po mthong bar 'gyur// sdig bsdug bsngal sogs pa na/ / de la dga' bar mi bya'o// / brgya la sdig pa byas na yang // yang dang yang du de mi bya// bsod nams bde ba sogs pas na// de nyid la ni dga' bar bya// gal te bsod nams byas na yang // de ni yang dang yang du bya// sdig la yid ni mngon dga' ba// bsod nams dal bus byed 'gyur bas// sdig pa las ni sems bzlog cing // bsod nams mngon par sbyar te bya/ / sdig pa chung ngu byas pas kyang // 'jig rten pha rol 'jigs chen dang // phung khrol chen po byed 'gyur te// khong par song ba'i dug bzhin no// bsod nams chung ngu byas pas kyang // 'jig rten pha rol bde bar 'dren/ / don chen dag kyang byed 'gyur te// 'bru rnams phun sum 'byor pa bzhin// gang zhig nyes med chad pas gcod// sdang ba min la rab sdang ba// gnas gzhan gang yang rung ba bcu// myur du thob pa kho nar 'gyur// tshor ba mi bzad ba dag gam// yang na lus ni 'dral ba 'am// gnod pa'i tshor ba tsha ba'ang rung // yang na sems 'khrugs thob par 'gyur// gnyen 'dun rnams dang bral ba 'am// longs spyod zad par 'gyur ba'am// rgyal po'i gnod pa 'byung ba'am// mi snun shin tu mi bzad dam// yang na khyim ni mi chen pos// nges par sreg par byed par 'gyur// shes rab 'thab pa lus zhig nas/ / bcu pa ngan 'gror 'gro bar 'gyur// sdig pa byas pas bgadabab mi bya ste// ring byas rgyang mar byas kyang bag mi dbab// dben par byas kyang bag dbab mi bya ste// de yi rnam smin yod pas bag mi dbab/ / bsod nams byas pas bag ni dbang bya ste// ring rgyas rgyang ring byas kyang bag dbab cing // dben par byas kyang bag ni dbab par bya// de yi rnam smin yod pas bag dbab bo// bdag gis sdig pa byas pas mya ngan byed// ring dang rgyang ring byas pas mya ngan byed// bdag gis dben par byas pas mya ngan byed// de yi rnam smin yod pas mya ngan byed// bdag nyid nag po'i las dang ldan mthong nas/ / 'dir yang mya ngan gzhan du'ang mya ngan byed// sdig pa byas pas gnyis kar mya ngan byed// de ni mya ngan de rab mya ngan byed// bdag gis bsod nams byas pas dga' bar 'gyur// ring dang rgyang ring byas pas dga' bar 'gyur/ / bdag gis dben par byas pas dga' bar 'gyur// de yi rnam smin yod pas dga' bar 'gyur// bdag nyid rnam dag las dang ldan mthong nas// 'di na dga' 'gyur gzhan du'ang dga' bar 'gyur/ / bsod nams byas pas gnyis kas dga' 'gyur zhing // de ni dga' 'gyur der ba dga' bar 'gyur// bdag gis sdig pa byas pas gdung 'gyur zhing // ring byas rgyang ring byas pas gdung bar 'gyur// bdag gis dben par byas pas gdung 'gyur zhing // de yi rnam smin yod pas gdung bar 'gyur// bdag nyid nag po'i las dang ldan mthong nas// 'di na gdung 'gyur pha rol gdung bar 'gyur// sdig pa byas pas gnyis kar gdung 'gyur zhing / / de ni gdung 'gyur de rab gdung bar 'gyur// bdag gis bsod nams byas pas dga' 'gyur zhing // ring byas rgyang ring byas pas dga' bar 'gyur// bdag gis dben par byas pas dga' 'gyur zhing / / de yi rnam smin yod pas dga' bar 'gyur// bdag nyid dkar po'i las dang ldan mthong nas// 'di ni dga' 'gyur pha rol dga' bar 'gyur// bsod nams byas pas gnyis kar dga' 'gyur zhing / / de ni dga' 'gyur de rang dga' bar 'gyur// sdig pa byas shing bsod nams ma byas la// chos dang grol zhing chos min thob pa'i mi// sdig pa'i las can 'chi bas 'jigs 'gyur te/ chu chen nang du grung na zhig pa bzhin// bsod nams byas shing sdig pa ma byas la// dam pa rnams kyis sngon gyi chos spyad pas// nga ni nams kyang 'chi bas 'jigs med de// brtan pa'i gru yis pha rol 'gro ba bzhin/ / sdig pa'i choms te nyi shu rtsa brgyad pa'o// / ji srid nyi ma ma shar ba'i// de srid srin bu me khyer snang // nyi ma shar bar gyur pa ni// snang ba med cing sngon por gyur// ji srid de bzhin gshegs ma shar// de srid rtogs ge pa rnams snang // 'jig rten rdzogs sangs rgyas shar ba// rtog can nyan thos bcas mi snang // gces min gces par blos 'dzin cing // gces la gces pa min rtog pa/ / log par kun spyod yul can// des ni gces pa thob mi 'gyur// gces pa min la gces min dang // gces la gces par 'du shes la// legs par kun rtog spyod yul can/ / de ni gces pa thob par 'gyur// 'di ni lha dang nyan la mngon zhen pa'i// 'chings ma gsar du 'phel ba dag/ 'khor bar rgyug cing 'gro dang sdod 'gyur te// me nang ltung ba'i phye ma leb dang 'dra/ / 'di la myong 'gyur gzhan la myong 'gyur ba 'am// 'di ni the tsom pa dang ji snyed pa// de dag tshangs par spyad spyod 'bad pa dang // sems par byed pas rab tu rnam par spong // gang zhig snyigs ma yod bzhin du/ / ngur smrig gos ni gyon byed pa// dul dang nges pa med pa des// ngur smrig gyon pa'i 'os ma yin// gang zhig snyigs ma rnams spangs nas// tshul khrims legs pa mnyam gzhag pa/ / dul dang nges par ldan pa des// ngur smrig gyon pa'i 'os yin no// g.yo sgyu 'jungs dang ldan pa'i mi// kha dog dang ni gzugs ldan pa'am// yang na smra bar byed tsam gyis/ pho mchog yin par mi chud do/ / gang zhig chos gsum de dag rnams// ta la'i mgo bo bzhin bcad nas// blo ldan skyon ni bsal ba des/ pho mchog yin par brjod par bya// 'jig rten 'di na legs bar ma bsdams pas/ / phal cher legs bsdams rtags kyis rgyu byed pas// legs par ma brtags bar du mi dag gis// mdog gzugs lan 'ga' mthong bas yid marton// ra ga na kha bsgyur lta bur mi 'tsham zhing / / lcags phyed gser gyis g.yogs pa ji lta bur// khong pa rab gdug phyi rol 'phags tshul gyis// 'jig rten 'di na 'khor dang bcas par rgyu// gang zhig rje 'gengs gnyid ni ldog pa dang / nyin dang mtshan du 'gre ldog nyal byed pa// rdzab nang bag chen lus rgyas ji lta bar// yang dang yang du smad pa'i mngal du 'jug/ mi ni rtag tu dran dang ldan pa dang // rtag tu kha zas kyi ni tshod shes pa// de yi sdug bsngal chung bar 'gyur ba dang / / dal bus 'dzubs tshe yang ring bar byed// gang zhig dbang po ma bsdams shing // zas kyi tshod ni mi shes la// dran pa nyams dang le lo can// gtsang bar lta/ zhing gnas byed pa// de ni 'dod chags rnams kyis bcom// rlung gis mi brtan ljon shing bzhin// gang zhig dbang po legs bsdams shing // zas kyi tshod ni shes pa dang // so sor dran bzhin brtson/ 'grus ldan// mi gtsang lta bas gnas byed pa// de ni 'dod chags kyis mi tshoms// rlung gis ri bo g.yos pa bzhin// dgon pa dga' bar bya 'os pa// de la skye bo mi dga' yang // de la 'dod/ chags bral ba dga'// 'dod pa tshol bar byed rnams min// dgon pa'am yang na grong dag gam// gshong ngam zang bu dag kyang rung // gang na 'phags pa bzhugs pa yi// sa de yid du 'ong ba yin/ / dam pa ring nas snang 'gyur te// gangs can gyi ni ro bo bzhin// ngan pa nye yang mi snang ste// mun khrod mda' ni 'phangs pa bzhin// mkhas pa don sems byed pa yi// dam pa nyid dang 'grogs na ni/ / don chen 'gyur zhing zab mo yi// shes rab so sor rtog par 'gyur// gzhu yis mda' 'phangs bsnun pa yis// g.yul ngo'i glang chen ji bzhin du// tshul 'tshal skye bo mang po yis/ / mi snyan smras pa bzod par bya// mi gang khyim 'bigs byed pa dang // dad pa med cing byas mi gzo// go skabs bcom dang skyugs pa za// de ni skyes bu dam pa yin// pha ma dag ni bsad byas shing / / rgyal po gtsang sbra can gnyis dang // yul 'khor 'khor dang bcas bcom na// mi ni dag par 'gyur zhes bya// gang dag kun tu sogs med cing // gang dag kha zas yongs shes pa// stong dang mtshan ma med pa dang // dben pa nyid kyi spyod yul can// de dag 'gro ba rtogs dka' ste// nam mkha' la ni bya rjes bzhin// gang dag kun tu sogs med cing // gang dag kha zas yongs shes pa/ stong dang mtshan ma med pa dang // dben pa nyid kyi spyod yul can// de dag rjes ni rtogs dka' ste// nam mkha' la ni bya rjes bzhin// gang dag kun tu sogs med cing // gang dag kha zas yongs shes pa// stong dang mtshan ma med pa dang // rtag tu bsam gtan spyod yul can// de dag 'gro ba rtogs dka' ste// nam mkha' la ni bya rjes bzhin// gang dag kun tu sogs med cing // gang dag kha zas yongs shes pa// stong dang mtshan ma med pa dang // rtag tu bsam gtan spyod yul can// de dag rjes ni rtogs dka' ste// nam mkha' la ni bya rjes bzhin// gang dag kun tu sogs med cing // gang dag kha zas yongs shes pa/ stong dang mtshan ma med pa dang // dben pa nyid kyi spyod yul can// de dag 'gro ba rtogs dka' ste// nam mkha' la ni bya rjes bzhin// gang dag kun tu sogs med cing // gang dag kha zas yongs shes pa/ stong dang mtshan ma med pa dang // dben pa nyid kyi spyod yul can// de dag rjes ni rtogs dka' ste// nam mkha' la ni bya rjes bzhin// gang dag pa mthar rten med cing // gang gis zag zad yongs shes pa// stong dang mtshan ma med pa dang / / dben pa nyid kyi spyod yul can// de dag 'gro ba rtogs dka' ste// nam mkha' la ni bya rjes bzhin// gang dag pha mthar rten med cing // gang gis zag zad longs shes pa// stong dang mtshan ma med pa dang / / dben pa nyid kyi spyod yul can// de dag rjes ni rtogs dka' ste// nam mkha' la ni bya rjes bzhin// gang dag pa mthar rten med cing // gang gis zag zad yongs shes pa// stong dang mtshan ma med pa dang / / rtag tu bsam gtan spyod yul can// de dag 'gro ba rtogs dka' ste// nam mkha' la ni bya rjes bzhin// gang dag pha mthar rten med cing // gang gis zag zad yongs shes pa// stong dang mtshan ma med pa dang // rtag tu bsam gtan spyod yul can// de dag 'gro ba rtogs dka' ste// nam mkha' la ni bya rjes bzhin// gang dag pha mthar rten med cing // gang gis zag zad yongs shes pa stong dang mtshan ma med pa dang / / rtag tu bsam gtan spyod yul can// de dag rjes ni rtogs dka' ste// nam mkha' la ni bya rjes bzhin// gang dag pha mthar rten med cing // gang gis zag zad yongs shes pa/ stong dang mtshan ma med pa dang // rtag tu bsam gtan spyod yul can// de dag rjes ni rtogs dka' ste// nam mkha' la ni byi rjes bzhin// skye dgu phal pa 'di dag ni// ba mtha' nyid du rgyug byed pas/ / gang dag pha rol 'gro byed pas// mi yi skye bo de dag nyung // gang dag legs par gsungs pa yi// chos la chos kyi rjes su lta// skye bo de dag skye shi yi// mtsho chen rgal dka'i pha rol 'gro// skyob pa rab tu rnam grol zhing / / dus 'das mya ngan bral ba dang // mdud pa thams cad spangs pa la// yongs su gdung ba yod mi 'gyur// 'jigs dang bcas pa'i lam rgyal cing // ga langs yongs su spangs pa dang / / sbyor dang mdud pa las grol bas// 'dod chags kyi ni dug kun bcom// 'dod pa lta bu'i 'dam rdzab med// zhe sdang lta bu'i gdon med do// gti mug lta bu'i rgya med do// sred pa lta bu'i chu klung med// nam mkha' la ni rjes lta bur// phyi rol pa la dge sbyong med// byis pa spros la mngon par dga'// de bzhin gshegs la spros mi mnga'// sbyor bas byis pa khrid pa'i phyir// mkhas pa sbyor ba 'joms par byed/ / mkhas pa lha dang mi dag gi/ sbyor ba kun dang bral ba'i phyir// sdug bsngal kun las grol bar 'gyur// 'byor pa las ni srid pa 'byung // sbyor ba med pas srid med pa'i// lam 'di gnyis ni shes gyis la/ / sbyor bas rab tu 'da' bya'i phyir// mkhas pas de la bslab par gyis// nyes par spyad pa byas pas gdung 'gyur zhing // ngan 'gror song ba'i 'og tu'ang gdung bar 'gyur// legs par snga par byas pas dga' 'gyur zhing / / bde 'gror song ba'i 'og tu'ang dga' bar 'gyur// phyi nas gdung 'gyur de byed pas// nyes na nyes spyad ma byas bla// gdung bar mi 'gyur de bya ste// legs par spyad pa byas na rung / / mkhas dang byis pa 'dres pa las/ a smas shes par mi 'gyur bas// zhi ba'i go 'phang smros shig dang // smras pa yis ni shes par 'gyur// legs bshad drang srong rgyal mtshon te/ drang srong rgyal mtshan chos yin pa'i// chos ni bshad pas gsal bya zhing // drang srong rgyal mtshan bsgreng bar gyis// ma smras na yang smod byed cing // mang du smras na smod par byed// dal bus smras kyang smod byed de/ / 'jig rten na ni mi smad med// gcig tu smad par bya ba dang // gcig tu bstod par bya ba yis// da ltar yod pa ma yin te// byung bar ma gyur 'byung mi 'gyur// gang dag la ni mi gnas spros med cing / / gang dag kun sbyor gdung las rab log pa// thub pa sred bral de dag rgyu mdzad kyang // lhar bcas 'jig rten rnams kyis mi shes so// gang gis dang dang tshul khrims dang // blo la phan nim byung bar/ / ji lta ji ltar rtogs gyur pa'i// shes pa can dag stong byed de// de dag sus kyang smad 'os min// 'dzam bu gling gi gser rgyan bzhin// ji ltar ri dang brag dag ni// rlung gis g.yos par mi 'gyur ltar/ / de bzhin bstod dang smad pa yis// mkhas pa rab tu g.yo ba med// sa la gang gi rtsa med pa// lo med lcug phran ga la yod// 'ching ba las grol brtan pa ste// ji gsus kyang smad 'os min/ / gang zhig rgyal bas mi nyams shing // 'jig rten ma rgyal cung zad med// sangs rgyas spyod yul mtha' yas de// 'gro med gom pa gang gis bkri// gang zhing rgyal las mi nyams shing / / 'jig rten ma rgyal cung zad med// sangs rgyas mthu rtsal mtha' yas de// 'gro med gom pa gang gis bkri// gang la khrid byed sred pa ni// yul sred 'dra ba 'ga' med pa// sangs rgyas spyod yul mtha' yas de// 'gro med gom pa gang gis bkri// gang la khrid byed sred pa ni// yul sred 'dra ba 'ga' med pa// sangs rgyas mthu rtsal mtha' yas de// 'gro med gom pa gang gis bkri/ / gang zhig rnam par rtog pa rnams bsal cing // nang gi kun la rnam par rtog med pa// kun tu sbyor dang gzugs dang 'du shes 'das// rnal 'byor bzhi dang bral la skye ba med// sngon bral phyi ma dang bral zhing / / dbus bral srid pa'i pha rol phyin// rnam pa kun las sems grol ba// skye rga phyi ma 'dren mi 'gyur// phrugs kyi choms te nyi shu dgu pa'o// / rgyal ba las ni khon 'byung zhing / / pha rol pham pa sdug bsngal 'thob// rgyal dang pha rol pham spangs na// nye bar zhi ba'i bde ba 'thob// gzhan la sdug bsngal bskyed pa yis// gang zhig bdag gi bde 'dod pa/ / dgra dang mi 'bral 'grogs pa dang // de ni sdug bsngal las mi 'grol// bde ba 'dod phyir 'byung po la// gang zhig 'tshe zhing chad pas gcod// bdag gi bde ba 'dod pa de// pha rol du ni bde mi 'gyur/ / gang zhig bde ba 'dod pa dag/ 'byung po la ni mi 'tshe zhing // chad pas mi gcod bde 'dod pa// de dag pha rol bde ba 'thob// chos spyod legs par spyad bya zhing // nyes par spyad pa de mi spyad/ / 'jig rten 'di dang pha rol tu// chos spyad pas ni bde ba 'thob// chos la legs spyad bde bskyed pas// chos spyod chos kyis bsrung bar bya// chos spyod ngan 'gror mi 'gro ba// chos la legs spyod phan yon de'o/ / yangs pa'i gdugs kyis dbyar ka ltar// chos spyod chos kyis bsrung bar bya// chos spyod ngan 'gror mi 'gro ba// chos la legs spyod phan yon de'o// bag med mi yis chos min spyad na ni/ / 'gro ba gang yang rung ba'am ngan 'gror 'gro// 'di la sbrul nag rked nas bzung ba ltar// chos min spyod pa de dag brlag par 'gyur// chos dang chos min gnyis ka yi rnam smin 'dra bar mi 'gyur te/ / chos ma yin pas dmyal bar 'gro// chos kyis bde 'gro thob par byed// sbyin pa byed pas dus dang g.yul 'gyed dus// rgyu yis yongs su bzung bar 'dra bas/ / sbyin pa byed dang g.yul 'gyed 'dra zhes gsungs// yon tan de gnyis mi ngan sten mi byed// shin tu legs par chas pas gcig pus kyang // legs par ma chas 'phyes las rgyal byed ltar/ / gal te dad bskyed chung ngu byin pas kyang // des ni de dag gzhan du bde bar 'gyur// 'di ni lan brgyar g.yul bzlog dpa' bo bas// ser sna dgrar gyur zil gyis mnan nas su// gang zhig chags med sems kyis sbyin byed pa/ / de dag ces dpa' yin par ngas gsungs so// bsod nams rnam smin bde ba ste// mngon par bsam pa 'byor par byed// mur du zhi ba dam pa yi/ / mya ngan 'das pa thob par 'gyur// bsod nams byed pa rnams la ni// gzhan las byung ba'i gnod pa dang // lha dang bdud kyi ris rnams kyis// bar chad bya ba mi nus so// gal te sdug bsngal zad bya'i phyir/ / 'phags dang shes rab gtong ldan la// de yis 'bad rtsol byas na ni// lhag mthong gis ni reg par 'gyur// sems ni rab tu rnam dang bas// chos la dga' byed bde ba 'thob/ / 'phags pas gsungs pa'i chos dag la// mkhas pa rtag tu dga' bar byed// gang dag sems ni bsam gtan dga'// gang zhig skye med dga' ba dang // dran pa nye bar gzhag bzhi dang byang chub yan lag bdun dag dang / / rdzu 'phrul rkang pa bzhi rnams dang // yan lag brgyad lam gang dga' ba// de dag chos gos 'chang ba dang // bsod snyoms bde bar za bar byed// de dag ri dang nag tshal na/ / bde bar 'chags par byed pa dang // de dag bde 'thob bde bar ni// mthong ba'i chos la mya ngan 'da'// khon dang 'jigs pa kun 'das shing // 'jig rten yul gyi srid las rgal// chos thos pa dang mthong ba dang / / dben par dga' ba bde ba ste// 'jig rten srog chags 'byung po la// 'chi med yang dag sdoms pa bde// 'dod pa rnams las rab 'das shing // 'jig rten 'dod chag bral ba bde/ / nga'o snyam pa'i nga rgyal dag/ btul ba de dag mchog tu bde// rgas khar tshul khrims ldan pa bde// dad la rab tu gnas pa bde// don ldan tshig la dga' ba bde// sdig pa mi byed pa dag bde 'jig rten na ni phar 'ja ni bde/ / de bzhin mar yang 'dzin pa bde// 'jig rten dge slong 'dzin pa bde// de bzhin bram zer 'dzin pa bde// sangs rgyas rnams ni 'byung ba bde// de bzhin chos rnams bstan pa bde// dge 'dun rnams ni 'thun pa bde// 'thun pa rnams kyi dka' thub bde// tshul khrims ldan pa mthong ba bde// mang du thos pa mthong ba bde// yang srid rnam par grol ba yi// dgra bcom pa dag mthong ba bde/ / 'jug ngogs bde ba'i chu klung bde// chos kyis rgyal ba'i skye bo bdo// shes rab thob par 'gyur ba bde// nga 'ong rgyal zad pa bde// 'phags pa rnams ni mthong ba bde// dam pa dag dang 'grogs pa bde/ / byis pa rnams ni ma mthong na// rtag tu bde ba nyid du 'gyur// rnam pa kun tu dgra 'dra ba'i// byis dang 'grogs pa sdug bsngal zhing // byis pa dag dang 'grogs byed pa// yun ring rjes su 'gyod par 'gyur/ / skyes bu cang shes dkon pa ste// de dag kun tu 'byung ma yin// brtan pa rnams dang 'grogs pa dag/ gnyen dang phrad pa lta bur bde// gang du brtan pa de skyes pa// de yi rigs kyis bde ba 'thob/ / bram ze mya ngan 'das pa dag/ rnam pa kun tu bde bar 'dug/ gang zhig 'dod pas ma gos shing // zag med rab tu rnam grol ba// sred pa thams cad gtubs pa dag/ snying las rims nad rnam par bsal/ / sems kyis zhib thob pa rnams// nye bar zhi zhing bde bar 'dug/ gang zhig bde bar yangs 'dod cing // bde ba chung ngu gtong 'dod pa'i/ brtan pas bde chung spang byas na// bde ba yangs pa legs par mthong // 'jig rten 'dod bde gang yin dang // lha yul bde ba gang yin pas// sred pa zad pa'i bde ba de'i// bcu drug char yang mi phod na khur gyis sdug bsngal blangs pas na/ / khur bor na ni bde bar 'gyur// lci ba'i khur dag nges bor na// phyi nas gzhan dag len mi 'gyur// kun sbyor thams cad zad bya'i phyir// sred pa thams cad rab tu spangs/ / phung po thams cad yongs shes na// srid pa phyi mar 'gro ba med// don rnams bskrun pa la ni grogs ldan bde// srog dag rab tu gtugs la bsod nams bde// ngan ngon tsam gyis legs par chog shes bde/ / sdug bsngal thams cad nges par nub pa bde// 'di na me ni 'bar ba la// lcags kyi tho bas brgyab pa yis// rim gyis nye bar zhi 'gyur te// ji ltar song ba ma shes ltar/ / 'dod pa'i 'dam rdzab chu rgal cing // go 'phang mi g.yo thob pa dang // legs par rnam par grol rnams kyi// 'gro ba gdags su med pa yin// gang zhig khong na 'khrugs pa med pa dang / gang zhig srid dang srid min las log pa// de dag 'jigs bral bde zhing mya ngan med// lhas kyang blta zhing bsal du med par 'gyur// 'di na gang dag chos mang thos pa dang // rtogs shing ci yang med pa kye re bde/ / skye bo skye bor lus la rab chags shing // cung zad yod pa bdug par gyur la ltos// 'di ni gang dag chos mang thos pa dang // rtogs shi ci yang med pa kye re 'de// skye baH bo'i lus la rab chags shing / / cung zad yod pa brlag par gyur la ltos// skye bo ci med yon tan rtogs pa dang // skye bo ci yang med par gyur pa bde// skye bo skye bo'i sems la rab chags shing // cung zad yod pa brlag par gyur la ltos// skye bo tsa med yon tan rtogs pa dang // skye bo ci yang med par gyur pa bde// skye bo skye bo'i lus la rab chags shing // cung zad yod pa brlag par gyur la ltos// gzhan gyi dbang gyur kun sdug ste// rang dbang yod pa thams cad bde// sbyor ba shin tu spangs dka' ba// thun mong gyur pas brlag par zad// zhen par gyur pa'i mi nang na// zhen pa med par gnas pa dang / zhen pa'i nang nam zhen par// kye ma'o shin tu bde bar 'tsho// nad kyis thebs pa'i mi nang na// nad med par ni gnas pa dang // nad pa'i nang na nad med pa// kye ma'o shin tu bde bar 'tsho// 'tshe ba can gyi mi nang na/ / 'tshe ba med par gnas pa dang // 'tshe ba'i nang na 'tshe med pa// kye ma'o shin tu bde bar 'tsho// gnod sems can gyi mi nang na// gnod sems med par gnas pa dang // gnod sems can nang gnod med pa/ / kye ma'o shin tu bde bar 'tshe// sha khon can gyi mi nang na// sha khon med par gnas pa dang // sha khon can nang khon med pa// kye ma'o shin tu bde bar 'tsho// mi thil dag rab bsregs kyang / / nga la ci yang tshig pa med// nga la gang dag ci med pas// kye ma'o shin tu bde bar 'tsho// nga la ci yang med mod kyi// dga' ba za bar byed pas na/ 'od gsal gyi ni lha bzhin du// kye ma'o shin tu bde bar 'tsho// 'jig tshogs la ni mi rten pas// nga la ci yang med mod kyi// dga' ba za bar byed pas na// kye mtsho shin tu bde bar 'tsho// len pa'i rkyen gyis 'phrad cing reg 'gyur gyi/ / len med ci dang phrad cing reg med pas// bdag dang gzhan gyis skyed pa'i bde sdug gis// dgon pa'am grong du reg par mi 'gyur ro// 'jig rten 'di na bde dang sdug bsngal gyis/ / skyes bu dam pa mtho dman mi 'gyur zhing // brtan rnams 'dod pa'i rgyu yis mi 'khyal bar// skyes bu dam pa kun tu 'gro bar byed// bde ba'i choms te sum cu pa'o// / ched du brjod pa'i choms bam po bzhi pa ste tha ma'o// // bzung bar dka' zhing yang ba dang // gang du dga' bar 'gro ba yi// sems dul ba ni legs pa ste/ / sems dul ba yis bde ba 'dren// bdud kyi gzhi dag spong ba na// chu bo'i gnas nas rab bton te// thang la bor ba'i nya lta bur// bdag gi sems ni yongs su g.yo// nyi ma las ni 'od zer gyur bdag gi sems ni so sor rgyug/ de dag mkhas pas nges bzlog ste// lcags kyu yis ni glang chen bzhin// nga la don med spyod pa dang // bltar med snying po med pa des// rtag tu gdul bar bya ba'i phyir/ / sems de la ni nga smra'o// sems 'di sngon chad ji ltar 'dod pa dang // dga' dgur spyod cing rgyu bar byed pa dag/ glang chen myos la mi yis lcags kyu ltar// de ni tshul bzhin byas pas de gzung ngo / / khang khyim byed pa 'di yis ni// yang yang skye ba'i sdug bsngal can// skye ba'i 'khor ba du ma zhig/ da ltar phan chad khyod kyis phyung // khang khyim byed pa khyod mthong bas// khyim gyi gdung chen rnams bcom la/ / byams rnams thams cad bcag nas su// phyin chad khyim byed mi gzhug go/ sems ni 'du byed dang phral nas// 'di nyid la ni zad par 'dod// sems ni g.yo zhing brdzun pa ste/ / ring du 'gro zhing bzlog dka' ba// mda' mkhan me yis srong ba ltar// yid gzhungs pa yis bsrang bar bya// gang zhig lus med phug na gnas// gcig tu rgyu zhing ring 'gro ba'i// sems de gdul bar byed pa ni/ / 'jigs pa che las thar par 'gyur// log pa'i smon ldan sems gang gis// bdag nyid sdug bsngal mi 'gyur ba// de ltar khon gyis khon can dang // dgra bos dgra la'ang byed mi 'gyur/ / yang dag smon lam sems gang gis// bdag nyid bde bar byed 'gyur ba// de ltar pha dang ma dag dang // gnyen gzhan gyis kyang byed mi 'gyur// ji ltar khang steng g.yog nyes na// char pa yongs su 'dzag pa ltar// de bzhin sems ni ma bsgoms pa// 'dod chags rnams kyis yongs su bcom// ji ltar khang steng g.yog legs na// char pa rnam par mi 'dzag pa// de bzhin legs par bsgoms pa'i sems/ / 'dod chags rnams kyis yongs mi choms// ji ltar khang ste g.yog nyis na// char pa yongs su 'dzag pa ltar// de bzhi/ sems ni ma bsgoms pa// zhe sdang rnams kyis yongs su bcom// ji ltar khang steng g.yog legs na// char pa rnam par mi 'dzag pa// de bzhin legs par bsgoms pa'i sems// zhe sdang rnams kyis yongs mi tshems// ji ltar khang steng g.yog nyes na// char pa yongs su 'dzag pa ltar// de bzhin sems ni ma bsgoms pa// gti mug rnams kyis yongs su bcom// / ji ltar khang steng g.yog legs na// char pa rnam par mi 'dzag pa// de bzhin legs par bsgoms pa'i sems// gti mug rnams kyis yongs mi choms// ji ltar khang steng g.yog nyes na char pa yongs su 'dzag pa ltar/ / de bzhin sems ni ma bsgoms pa// nga rgyal rnams kyis yongs su bcom// ji ltar khang steng g.yog legs na// char pa rnam par mi 'dzag pa// de bzhin legs par bsgoms pa'i sems/ / nga rgyal rnams kyis yongs mi tshems// ji ltar khang steng g.yog nyes na// char pa yongs su 'dzag pa ltar// de bzhin sems ni ma bsgoms pa// chags pa rnams kyis yongs su bcom/ / ji ltar khang steng g.yog legs na// char pa rnam par mi 'dzag pa// de bzhin legs par bsgoms pa'i sems// chags pa rnams kyis longs mi choms// ji ltar khang steng g.yog nyes na// char pa yongs su 'dzag pa ltar// de bzhin sems ni ma bsgoms pa// sred pa rnams kyis yongs su bcom// ji ltar khang steng g.yog legs na// char pa rnam par mi 'dzag pa/ / de bzhin legs par bsgoms pa'i sems// sred pa rnams kyis yongs mi choms// chos kyi sngon du yid 'gro ste// yid 'gyogs yid ni gtso bo yin// gal te yid rab gtugs pa yis/ / smras sam yang na byas kyang rung // de yis de ni sdug bsngal 'thob// 'khor los mgo bo bcad pa bzhin// chos kyi sngon du yid 'gro ste// yid mgyogs yid ni gtso bo yin// gal te yid rab dang ba yis// smras sam yang na byas kyang rung // de yis de ni bde ba thob// grib ma rjes su 'brang ba bzhin// brtsad pa ched cher 'dzin pa dang // sems ni nyon mongs gyur pa yis// / glags skabs tshol bar byed pa yis// legs bshad legs par mi shes so// sdang ba'am yang na 'khrug pa 'am// dad pa med pa'i sems dag gis// rdzogs sangs rgyas kyis bstan pa yis// dam chos kun shes mi nus so// gang gis bag med sems dang ni// khro ba rnam par btul ba dang // 'di na gnod sems rab spangs pa// des ni legs par bshad pa shes// sems kyi brtan pa med pa yis/ / dam chos rnam par shes mi 'gyur// dad pa 'gyur ldog byed pa yis// shes rab yongs su rdzogs mi 'gyur// kun rtog la chums rten pa yi// lta ngan sum cu rtsa drug gis// / chub 'argyun ni gang yin pa// yid kyi rgyun las rab tu 'bab/ dga' sems dbang po phal pa dang // sems kyi rjes 'brang gan pa yi// ma de'i thugs 'thib 'bras smras pa'i/ / ljon shing la ni bya bzhin no// sems khyod phung khrol 'dod la dga' ma byed// brtson sems bag yod pa la gnas par gyis// bag med byas pas dmyal bar bcos pa dang // lcags gong med pas khyed ni ma du zhig/ ldang ba'i dus tshe 'dug par byed pa dang // lang tshe stobs ldan mi 'bad khyim 'dug dang // bsam pa rdzog tshe le lo byed pa yi// mi yi shes rab lam rtogs mi 'gyur ro/ / phran tshegs rnam rtog zhib mor rnam rtog pas// nang na gnas pa'i yid ni g.yen yang spyod// yid kyi rnam rtog de dag ma shes na// 'khrul sems yang dang yang du chug par byed/ gang zhig dran ldan rnam 'byed brtson pa dang // rnam par rtog la mkhas pas de shes na// nang na gnas pa'i yid ni g.yen spyod pa// thams cad ma lus blo yis rab tu spong // lus 'di bum pa 'dra bar rtogs byas shing / / grong khyer 'dra ba'i sems kyis sran btsugs nas// shes rab mtshon gyis bdud dang g.yul sprad de// btul nas gnas med par ni bsrung bar bya// 'jig rten 'di dag bum par 'dra rtogs shing / / de bzhin chos rnams smig rgyu 'drar shes nas// shes rab mtshon gyis bdud dang g.yul sprad de// btul nas gnas med par ni bsrung bar bya// lus 'di dbu ba 'dra bar rtogs byas shing / / grong khyer 'dra ba'i sems kyis sran btsugs nas// shes rab mtshon gyis bdud dang g.yul sprad de// btul nas gnas med par ni bsrung bar bya// 'jig rten 'di dag dbu ba 'drar rtogs shing / / grong khyer 'dra ba'i sems kyis sran btsugs nas// shes rab mtshon gyis bdud dang g.yul sprad de// btul nas gnas med par ni bsrung bar bya// gang gis byang chub yan lag bdun/ / sems kyis legs par bsgoms pa dang // gang zhig len la mi dga' zhing // len pa rab tu spangs pa dang // zag zad skyon rnams bsal ba de// 'jig rten dag na mya ngan 'das/ / gang zhig g.yag rnga'i rtse mo ltar// rang gi sems ni rjes bsrung zhing // 'byung po rnams la brtse byed pa// de yi bde ba yong mi nyams// gang phyir glang po'i glang po che mche ba bzang ba'i glang chen dang / / sems dang sems ni mnyam pas na// de phyir gcig pu nags su dgyes// gang gi yid la gnod med cing // 'byung po kun la brtse ba dang // 'byung po kun la byams byed pa/ / de la nams kyang kho na mi 'gyur// gang la gnod pa'i sems med cing // 'byung po kun la brtse ba dang // srog chags kun la byams byed pa// de la nams kyang kho na mi 'byung // gang la gnod pa'i sems med cing / / 'byung po rnams la brtse ba dang // sems can kun la byams byed pa// de la rnams kyang 'on mi 'gyur/ mdza' bshes kun dang 'grogs kun dang / 'brur po kun la brtse ba dang / / byams pa'i sems ni bsgoms byas kyang // bde ba shin tu 'phel bar 'gyur// gal te gang zhig srog chags 'ga' la'ang sdang med sems// byams par byed na de yis de ni dge ba yis// sems can thams cad la ni yid kyis brtse byas na// bsod nams phal chen 'phags pas rab tu sgrub par 'gyur// mi gang dga' ba'i sems dang ni/ / zhum pa med pa'i yid kyis su// dge ba'i chos la sgom byed pa// grub pa dang ni bde ba 'thob// yang dag shes pas rnam grol zhing // skyo ba nye bar zhi gyur pa// de yis lid ni zhi gyur cing / / lus dang ngag gi las kyang zhi// ji ltar rtse gcig sems kyis ni// chos rnams legs par mthong ba ltar// sil snyan yan lag lnga pas kyang // de ltar dga' bar byed mi 'gyur/ gang yin ting 'dzin la dga' ba// de dag 'dod pas rtse mi byed// gang zhig cung zad gdung med pa'i// skyob pa bde bar nyal bar 'gyur// gang yid ting 'dzin la dga' ba// de dag 'dod pas rtsen mi byed/ / gang zhig cung zad gdung med pa'i// thub pa kye ma'o dga' bar 'gyur// gang gi sems ni brag lta bur// rab tu g.yo ba med 'dug pa// chags pa'i gnas la mi gnas te// khro ba'i gnas la 'khrug med par// gang yid de ltar gyur pa de// sdug bsngal thob par ga la 'gyur// skur pa mi gdab gnod mi bya// so sor thar pas bsdam par bya// zas 'di chod kyang shes par bya/ / bas mtha' dgon par gnas bya zhing // lhag pa'i sems la rnal 'byor bya// 'di ni sangs rgyas bstan pa yin// sems kyi rtags la mkhas pa dang // rab tu dben pa'i ro snyed dang / / rab drang sems pa'i 'grus skyong can// zang zing med pa'i dga' ba myong // gang zhig yid gzhungs bden dga' bden gnas pas// rtag tu rang gi lus kyi spyod lam dang // smra dang yid ni srung bar byed pa de/ / mya ngan spong zhing sdug bsngal thob mi 'gyur// ma bsrungs pa yi sems dag ni// log par lta bas bcom pa dang // gnyid dang rmugs pas zil non pa// bdud kyi dbang du 'gro bar 'gyur/ / de bas sems ni bsrung byas te// yang dag lta bas mdun bdar cing // yang dag kun rtog spyod yul can// yang dag skye dang 'jigs pa shes// gnyid dang rmugs pa zil gnon pa'i/ / dge slong sdug bsngal zad pa 'thob// bag yod sems ni bsrung ba dang // sems dul yang dag sdom pa bde// skye dgu sems kyis bslus pa dag/ gcig tu sems can dmyal bar 'tshed/ / bag yod sems ni bsrung ba dang // sems dul yang dag sdom pa bde// skyes bu sems kyis bslus pa dag/ gcig tu dud 'gro rnams su 'tshed// bag yod sems ni bsru ba dang / / sems dul yang dag sdom pa bde// skye dgu sems kyis bslus pa dag/ gcig tu yi dgas rnams su 'tshe de// bag yod sems ni bsrung ba dang // sems dul yang dag sdom pa bde/ skye dgu sems ni bsrung ba dag/ gcig tu mi yi nang du dga'// bag yod sems ni bsrung ba dang // sems dul yang dag sdom pa bde// skye dgu rnams ni bsrung ba dag gcig tu mtho ris rnams su dga'/ / bag yod sems ni bsrung ba dang // sems dul yang dag sdom pa bde// skye dgu sems ni bsrung bdag/ gcig tu mya ngan 'das pa thob// sems kyi choms te sum cu rtsa gcig pa'o/ / dge slong bsod snyoms byed pa bdag rang tsam// 'drangs par byed kyi gzhan dag mi gso ba// rtag tu nyer zhi dran dang ldan pa yin// skyob pa de la lga rnams dga' bar byed/ / dge slong bsod snyoms byed pa bdag rang tsam// 'drangs par byed kyi gzhan dag yi gsob// skyob pa de la lha rnams dga' byed kyi// bkur sti nor dang grags 'dod rnams la min/ / dge slong 'dod pa kun spangs shing // mdun na gnas pa'i rdul gsal dang // bdag med rngub pa brtan pa yis// gzhan la smra bar bya mi dgos// skye bo ma bsdams tshig gis gnod byed pa/ mi bzang brjod pa'i tshig de thos gyur kyang // dge slong sdang sems bral la ci mi snyam// g.yul ngor glang chen mda' yis bsnun pa bzhin// skye bo ma bsdams tshig gis gnod byed pa// mi bzad brjod pa'i tshig de zos gyur kyang / / dge slong yid legs gzhag la ci mi snyam// g.yul ngor glang chen mda' yis bsnun pa bzhin// bzo yis mi 'tsho yang zhing bdag la dga'// dbang po dul dang kun las rnam grol zhing / / khyim la ma chags bdag med 'dod sred spangs// gcig pu spyod byed de ni dge slong yin// 'tsho gtsang snyoms las med pa yi// grogs po 'thun pa bsten bya zhing // so sor bgo bsha' bya ba dang / / spyod yul cho ga mkhas par bya// lag pa legs bsdams rkang pa legs bsdams dang // tshig rnams legs bsdams dbang po legs bsdams shing // gcig pu nang du mnyam par 'jog la dga'/ / chog shes de ni dge slong yin zhes gsung // dge slong chos la kun dga' zhing // chos dga' chos la sems pa dang // chos la rjes su dran pa dag/ chos las yongs su nyams mi 'gyur/ / dge slong khang stong zhugs nas su// nang la lta bar byed pa dang // chos rnams legs par mthong ba dag/ lha yi dga' dang ldan par 'gyur// ji lta ji ltar phung po la// skye dang 'jig par legs rtogs pa/ / de lta de ltar de yis ni// dga' dang mgu ba nyid kyang 'thob// dge slong dga' ba mang po yis// sdug bsngal zad pa thob par 'gyur// ji ltar brag gi ri bo dag/ rlung gis rab tu mi g.yos ltar/ / de bzhin dge slong 'dod chags dag/ zad pa kun tu rab mi g.yo// ji ltar brag gi ri bo dag/ rlung gis rab tu mi g.yos ltar// de bzhin dge slong zhe sdang dag/ zad pa kun tu rab mi g.yo/ / ji ltar brag gi ri bo dag/ rlung gis rab tu mig yos ltar// de bzhin dge slong gti mug dag/ zad pa kun tu rab mi g.yo// ji ltar brag gi ri bo dag/ rlung gis rab tu mi g.yos ltar/ de bzhin dge slong nga rgyal dag/ zad pa kun tu rab mi g.yo// ji ltar brag gi ri bo dag/ rlung gis rab tu mi g.yos ltar// de bzhin dge slong chags pa dag/ zad pa kun tu rab mi g.yo/ / ji ltar brag gi ri bo dag/ rlung gis rab tu mi g.yos lhur// de bzhin dge slong sred pa dag/ zad pa kun tu rab mig yo// gang la kun tu sogs med cing // gang la bdag gir byed med pa/ gang dag me nang mi gdung ba// de ni dge slong zhes brjod do// re zhig gzhan la slong ba tsam// ji ga dge slong med pa snyam// grong pa'i chos ni 'dzin byed pa// ji ga dge slong min pa snyam// gang zhig dag dang sdig pa dag/ rab spangs tshangs par spyod ldan zhing // sde tshogs spangs nas spyod byed pa// de ni dge slong zhes brjod do// dge slong gang zhig byams gnas shing // sangs rgyas bstan la rab dang ba/ / des ni blta bas mi ngoms pa'i// zhi ba'i go 'phang thob par 'gyur// dge slong gang zhig byams gnas shing // sangs rgyas bstan pa rab dang des// 'du byed nyer zhi zhi ba yis// zhi ba'i go 'phang thob par 'gyur// dge slong gang zhig byams gnas shing // sangs rgyas bstan la rab dang bas// des ni kun sbyor kun pad pa// rim gyis mngon sum byed par 'gyu// dge slong gang zhig byams gnas shing / / sangs rgyas bstan la rab dang bas// bdag nyid ngan 'gro las 'dren te// 'dam rdzab las ni glang chen bzhin// dge slong gang zhig byams gnas shing // sangs rgyas bstan la rab dang bas/ / sdig pa'i chos rnams sprug byed de// rlung gis ljon shing lo ma bzhin// dge slong gang zhig byams gnas shing // sangs rgyas bstan la rab dang bas// mya ngan 'das dang / nye ba'i phyir// yongs su nyams 'gyur mi srid do// sems dga' yid ni bzang ba dang // dga' dang mi dga' zil gnon pa'i// dge slong dga' ba mang po yis// sdug bsngal zad pa thob par 'gyur/ / lus zhing ga ni zhi ba dang // sems zhi legs par mnyam gzhag cing // 'jig rten zang zing spangs pa yi// dge slong nyer zhi yin zhes brjod// ting 'dzin med la shes rab med// shes rab med la ting 'dzin med/ / shes rab ting 'dzin ldan pa des// dge slong yin zhes brjod par bya// de bas ting 'dzin shes rab la// mkhas pa rnams kyis 'jug bya ste// de bzhin shes rab dge slong de'i/ / dang por bya ba 'di yin no// chog shes dbang po bsdams bya zhing // so so thar pas bsdams par bya// zas 'di'i tshod kyang shes par bya// bas mtha' dgon par gnas bya zhing // lhag pa'i sems la rnal 'byor bya// 'di ni sangs rgyas bstan pa yin// gang gi lus dang ngag dang ni// yid la nyes byas med gyur pa// de ni dge ba'i tshul khrims can// ngo tsha'i yid ldan dge slong yin/ / gang gis rdzogs pa'i byang chub kyi// phyogs kyi chos bdun legs bsgoms pa// de ni dge ba'i chos can te// mnyam gzhag dge slong yin zhes gsungs// 'di na gang zhig bdag nyid kyi/ / sdug bsngal zad pa rab shes la// dge zhing shes rab ldan pa de// zad med dge slong yin zhes gsung // zag pa zad pa ma thob na// tshul khrims brtul zhugs can dag gam/ / yang na thos pa mang po 'am// dben pa dag tu gnas kyang rung // ting 'dzin thob par 'gyur kyang ngal// gdeng drod chod pa'i dge slong min// phung po la ni bdag zer ba'i// / 'jig rten 'di dag gdung ba skye// rdzogs pa'i byang chub bde ba ni// 'phags pas bsten pa mngon du bya// ji lta ji ltar bsams byas pa// de lta de ltar gzhan du 'gyur// gzhan du 'gyur ba'i 'jig rten 'di/ / srid pa la chags srid la dga'// srid la mngon chags srid la lta// srid pa nyid la mngon par dga'// dga' bya gang yin de sdug bsngal// skyi g.ya' gang yin de bde bas// srid pa rab tu spang ba'i phyir// 'di na tshangs par spyod pa ste// dge sbyong bram ze ji snyed pa// srid pas srid las nges 'byung zer// de dag thams cad srid pa las// nges byung min shes brjod par bya/ / dge sbyong bram ze ji snyed pa// srid pas srid las nges 'byung zer// de dag thams cad srid pa las// rnam grol min zhes brjod par bya// len pa'i rkyen las sdug bsngal 'byung sdug bsngal las ni len pa 'byung / / len pa thams cad yongs zad na// sdug bsngal rab tu 'byung ba med// thams cad na srid pa'i rnam pa ji snyed yod pa de dag thams cad ni mi rtag pa/ sdug bsngal ba/ yongs su 'gyur ba'i chos can yin no zhes de ltar de dag la yang dag pa'i shes rab kyis ji lta ba bzhin du mthong na// srid pa'i sred pa rab tu spong bar 'gyur zhing / srid pa med pas mngon par mi dga' bar 'gyur ro/ / de ltar mya ngan 'das pa'i dge slong skyob pa ni gzhan du len pa med cing / yang srid med par 'gyur te/ bdud zil gyis non pa dang / g.yul las rgyal ba dang / srid pa thams cad las rab tu 'das pa 'di lta bu 'di ni sdug bsngal gyi mtha' yin no// dge slong dngos po bcad pa dang // nye bar zhi zhing sems zhi ba// de ni yang srid med par 'gyur// skye ba'i 'khor// ba rnam par spangs// dge slong dngos po bcad pa dang // nye bar zhi zhing sems zhi ba// de ni bdud kyi 'ching las grol// skye ba'i 'khor ba rnam par spangs// dge slong dngos po bcad pa dang // sems ni/ zag pa med gyur pa// de ni yang srid med pa ste// skye ba'i 'khor ba rnam par spangs// dge slong dngos po bcad pa dang // sems ni zag pa med gyur pa// de ni bdud kyi 'ching las grol// skye ba'i 'khor ba rnam par spangs/ / dge slong dngos po bcad pa dang // srid pa'i sred pa gtubs gyur pa// de ni yang srid med par 'gyur// skye ba'i 'khor ba rnam par spangs// dge slong dngos po bcad pa dang / / srid pa'i sred pa bcad gyur pa// de ni bdud kyi 'ching las grol// skye ba'i 'khor ba rnam par spangs// gang zhig 'dam rdza ba legs rgal cing // grong gi tsher ma dkrugs pa / dang / 'dod chags zad pa rjes thob pa// de ni dge slong yin zhes brjod// gang zhig 'angam rdzab legs nas cing // grong gi tsher ma dkrugs pa dang // zhe sdang zad pa rjes thob pa// de ni dge slong yin zhes brjod// gang zhig 'dam rdzab legs rgal cing // grong gi cher ma dkrugs pa dang // gti mug zad pa rjes thob pa// de ni dge slong yin zhes brjod// gang zhig 'dam rdzab legs nal cing / / grong gi tsher ma dkrugs pa dang // nga rgyal zad pa rjes thob pa// de ni dge slong yin zhes brjod// gang zhig 'dam rdzab legs rgal cing // grong gi tsher ma dkrugs pa dang // chags pa zad pa rjes rog pa/ de ni dge slong yin zhes brjod// gang zhig 'dam rdzab legs rgal cing // grong gi tsher ma dkrugs pa dang // sred pa zad pa rjes thob pa// de ni dge slong yin zhes brjod// gang zhig gshe ba dang ni gso pa dang / / 'ching dang grong gi tsher ma phul ba dang // gang zhika ri bo bzhin gnas mi bkri shing // sdug pa nges mi g.yos de ni dge slong yin// skur pa mi 'drebs sgro 'dogs mi byed cing // 'jig rten 'di kun rdzun rtogs dge slong gang / / de ni pha rol min pa'i pha rol po// spong ste sbrul rgas lpags rnying brje ba bzhin// sbrul gyis dug btang ba la sman bzhin du// 'dod chags langs pa 'dul ba'i dge slong gang // de ni pha rol min pa'i pha rol po/ / spong ste sprul nas lpags rnying brje ba bzhin// sbrul gyis dug btang ba la sman bzhin du// zhe sdang langs pa 'dul ba'i dge slong gang // de ni pha rol min pa'i pha rom po// spong na sprul nas lpags rnying brje ba bzhin/ / sbrul gyis dug btang ba la sman bzhin du// gti mug langs pa 'dul ba'i dge slong gang // de ni pha rol min pa'i pha rol po// spong ste sbrul rgas lpags rnying brje ba bzhin sbrul gyis dug btang ba la sman bzhin du/ / nga rgyal langs pa 'dul ba'i dge slong gang // de ni pha rol min pa'i pha rol po// spong ste sbrul rgas lpags rnying brje ba bzhin// sbrul gyis dug btang ba la sman bzhin du/ chags pa langs pa 'dul ba'i dge slong gang // de ni pha rol yin pa'i pha rol po// spong ste sprul rgas lpags rnying brje ba bzhin// sbrul gyis dug btang ba la sman bzhin du// khro ba langs pa 'dul ba'i dge slong gang / de ni pha rol min pa'i pha rol po// spong ste sbrul rgas lpags rnying brje ba bzhin// sbrul gyis dug btang ba la sman bzhin du// sred pa langs pa 'dul ba'i dge slong gang // de ni pha rol min pa'i pha rol po/ / spong ste sbrul rgas lpags rnying brje ba bzhin// mthu chung 'dam bu'i rags la klung chen ltar// 'dod chags ma lus drungs 'byin dge slong gang // de ni pha rol min pa'i pha rol po// spong ste sbrul rgas lAH rnying brje ba bzhin/ / mthu chung 'dam bu'i rags la krung chen ltar// zhe sdang ma lus drungs 'byin dge slong gang // de ni pha rol min pa'i pha rol po// spong ste sbrul rgas lpags rnying brje ba bzhin// mthu chung 'dam bu'i rags la klung chen ltar/ / gti mug ma lus drungs 'byin dge slong gang // de ni pha rol min pa'i pha rol po// spong ste sbrul rgas lpags rnying brje ba bzhin// mthu chung 'dam bu'i rags la krung chen ltar// nga rgyal ma lus drungs 'byin dge slong gang // de ni pha rol min pha rol po// spong ste sbrul rgas lpags rnying brje ba bzhin// mthu chung 'dam bu'i rags la krung chen ltar// chags pa la lus drungs 'byin dge slong gang / / de ni pha rol min pa'i pha rol po// spong ste sbrul rgas lpags rnying brje ba bzhin// mthu chung 'dam bu'i rags la klung chen ltar// sred pa ltar drungs 'byin dge slong gang // de ni pha rol min pa'i pha rol po/ / spong ste sprul nas lpags rnying brje ba bzhin// 'dod pa'i yon tan thams cad spong byed cing // 'dod sbyor 'ching ba rnams gsal dge slong gang // de ni pha rol min pa'i pha rol po// spong ste sbrul rgas lpags rnying brje ba bzhin// sgrib pa thams cad spangs shing sdig pa med// yid gnyis zug rngu bcad pa'i dge slong gang // de ni pha rol min pa'i pha rol po// spong ste sbrul rgas lpags rnying brje ba bzhin/ / rtog pa rnam bsal nang gi ma lus la// rnam par rtog pa med pa'i dge slong gang // de ni pha rol min pa'i pha rol po// spong ste sbrul rgas lpags rnying brje ba bzhin// nags sbyor byed pa 'ga' med mi dge ba'i/ / rtsa ba legs par drungs phyung dge slong gang // de ni pha rol min pa'i pha rol po// spong ste sbrul rgas lpags rnying brje ba bzhin// rim nad bcad pa 'ga' med mi dge ba'i// rtsa ba legs par drungs phyung dge slong gang / / de ni pha rol ma ni pa'i pha rol po// spong ste sbrul rgas lpags rnying brje ba bzhin// bag la nyal ba 'ga' med mi dge ba'i// rtsa ba legs par drungs phyung dge slong gang // de ni pha rol min pa'i pha rol po/ / spong ste sbrul rgas lugs rnying brje ba bzhin// khrims ldan gang yin dge slong de// stong nyid ldan gang bsam gtan de// rtag tu byed gang rnal 'byor de// mya ngan las gang bde ba de/ dge slong dga' dang mi dgas mi brjed cing // bas mtha'i gnas mal dag tu bsten pa dang // de ni bag yod gnas shing srid pa yi// 'dod chags phra rgyas legs par 'byin par byed// dge slong gi tshems te sum cu rtsa gnyis pa'o/ / / gang zhig brgyan kyang chos spyod dul ba dang // zhi zhing yang dag sdom la tshangs par spyod// 'byung po kun la chad pas mi gcod de// bram ze dge sbyong de yin dge slong de/ / gcer bur spyod pas ma yin ral bas a yin rdzab kyis min// kha zas mi za ba yis ma yin zang la nyal ba 'am// rdul dang dri mas ma yin cog pur 'dug la 'bad pa yis// mi rnams dag par mi 'gyur som nyi rnams las rgal mi 'gyur/ / dge sbyong bram ze gang yang rung // de dag nyid la chags byed pa// zag pa zad pa ma thob par// bar ma dor ni rnam par nyams// dge sbyong bram ze gang yang rung // dedag nyid la chags byed pa// tsher ba zad pa ma thob par// bar ma dor ni rnam par nyams// dge sbyong bram ze gang yang rung // de dag nyid la chags byed pa// byis pa mtha' gcig la lta ba// bar ma dor ni rnam bar nyams/ / dge sbyong bram ze gang yang rung // de dag nyid la chags byed pa// byis pa'i skye bo blo ngan rnams// bar ma dor ni rnam par nyams// dge sbyong bram ze gang yang rung // de dag nyid la chags byed pa// go 'bang dam pa ma thob par// bar mdor ni rnam par nyams// blo ngan khyod kyi ral pa ni// khyod kyi g.yang gzhi gyon pa ni/ khyod nang thibs por 'dug bzhin du// phyi rol legs par byi dor byed/ / blo ngan khyod kyi ral pa ci// khyod kyi g.yang gzhi gyon pa ci// khyod nang dri ma ldan bzhin du// phyi rol legs par byi dor byed// rigs kyis bram zer 'gyur ma yin// ral pas ma yin/ rus kyis min// gang zhig bden pa'i chos ldan pa// gtsang ma de yin bram ze de// rigs kyis bram zer 'gyur ma yin// ral pas ma yin rus kyis min// gang zhig sdig pa che chung rnams// thams cad spong bar byed pa dag/ sdig pa rnams ni spangs phyir de// bram ze yin zhes nges par brjod// mgo bo bregs tsam dge sbyong min// oM zhes zer ba bram ze min// gang zhig dge ba'i chos ldan pa// gtsang ma de yin bram ze de/ / mgo bo bregs tsam dge sbyong min// oM zhes zer ba bram ze min// gang zhig sdig pa che chung rnams// thams cad spong bar byed pa dag/ sdig pa rnams ni spangs phyir te// dge sbyong bram ze de yin no/ / skye bo phal cher 'dir 'khru ba// chu yis dag par mi 'gyur te// gang zhig sdig pa che chung rnams// thams cad spong bar byed pa dag/ sdig pa rnams ni spangs byir te// dge sbyong bram ze de yin no/ gang zhig sdig chos rab spangs shing // rtag tu dran ldan spyod byed par// kun sbyor zad pa'i sangs rgyas de// 'jig rten dag na bram ze yin/ bram ze gang zhig sdig pa'i chos spangs shing // bdag nyid tshul 'chos med cing rnyog med gnas/ / rig byed mthar phyin tshangs par spyod pa spyad// dus su smra byed de ni tshangs pa smra// gang zhig sgyu la mi gnas nga rgyal med// gang zhig chags med bdag med re ba med// 'khrug bcom bdag nyid mya ngan 'das phyogs te// bram ze dge sbyong de yin dge slong de// gang zhig ma yi mngal skyes nas// gal te 'dzin pa dang bcas na// de ming bu zhes smra bar bstan// bram ze yin/ par nga mi smra// yongs su 'dzin med len med pa// bram ze yin par ngas gsungs so// gang zhig lus dang ngag dang ni// yid kyi nyes byas mi byed cing // gang zhig gnas gsum legs bsdam ste// bram ze yin par ngas gsungs so// gang gi tshig dag mi rtsub cing // go byed yid 'ong smra ba dang // gang gis nyon mongs mi skyed de// bram ze yin par ngas gsungs so// gang zhig gsod 'ching gshe ba dang / / sdang ba'i mi la bzod byed de// bzod pa'i brtul zhugs stobs tshogs can// bram ze yin par ngas gsungs so// khro ba med cing tshul khrims can// brtul zhugs ldan zhing sems khral med/ / dul zhing lus mthar gnas pa de// bram ze yin par ngas gsungs so// gang zhig rab byung khyim pa dang // de bzhin gnyis kar mi 'dre zhing // 'dod chung khyim nas ma byung de// bram ze yin par ngas gsungs so// ma 'ongs pa la mngon mi dga'// 'das pa rnams la gdung med pa// 'khrig pa'i sbyor bral g.yul rgyal te// bram ze yin par ngas gsungs so// ma 'ongs pa la mngon mi dga'/ / 'das la gdung med rdul bral zhing // zhi ba mya ngan med pa de// bram ze yin par ngas gsungs so// gang zhig 'dod chung gzhan mi gso// dul zhing snying por rab gnas la/ / zag zad skyon rnams bsal ba de// bram ze yin par ngas gsungs so// gang zhig pha rol tshu rol dang // pha rol tshu rol gnyis med cing // chos rnams kun gyis mthar phyin te/ / bram ze yin par ngas gsungs so// gang zhig pha rol tshu rol dang // pha rol tshu rol gnyis med cing // gang zhig gnas gsum ma chags de// bram ze yin par ngas gsungs so// gang zhig thung dang ring ba dang // phra sbom dge dang mi dge dang // 'jig rten cung zad mi len de// bram ze yin pa rangs gsungs so// gang zhig 'di nyid rab shes shing // rang gi sdug bsngal zad pa dang / 'dod chags bral zhing mi ldan de// bram ze yin par ngas gsungs so// gang zhig dge dang sdig pa dang // gnyis ka yis kyang mi gos pa// gos med rdul bral zhi ba de// bram ze yin par ngas gsungs so/ / gang zhig dge dang sdig pa la// chags gang yin de rab 'das shing // chags las rab 'das rnam grol de// bram ze yin pa rangs gsungs so// gang zhig sngon dang phyi ma dang / / dbus kyang yod pa ma yin pa// rdul bral 'ching ba las grol te// bram ze yin pa rangs gsungs so// pad+ma'i 'dab la chu ltar dang // smyung bu'i rtse la yungs kar ltar// gang zhig sdig la mi gnas de/ / bram ze yin pa rangs gsungs so// pad+ma'i 'dab la chu ltar dang // sbrang bu'i rtse la yungs kar ltar// gang zhig 'dod la mi gnas de// bram ze yin par ngas gsungs so// pad+ma'i 'dab la chu ltar dang / / sbrang bu'i rtse la yungs kar ltar// srid la dga' ba yongs spangs te// bram ze yin par ngas gsungs so// zla ba dag cing dri med la// skyon bral rab tu dang ba ltar// gang zhig/ sdig pas mi gos te// bram ze yin par ngas gsungs so// zla ba dag cing dri med la// skyon bral rab tu dang ba ltar// gang zhig 'dod pas mi gos te// bram ze yin par ngas gsungs so// zla ba dag/ cing dri med la// skyon bral rab tu dang ba ltar// srid la dga' ba yongs spangs te// bram ze yin par ngas gsungs so// 'dam rdzab kyis ni mkha' ltar dang // rdul gyis zla ba ji lta bar// gang zhig sdig pas mi gos te/ / bram ze yin par ngas gsungs so// 'das rdzab kyis ni mkha' ltar dang // rdul gyis zla ba ji lta bar// gang zhig 'dod pas mi gos te/ bram ze yin par ngas gsungs so// / 'dam rdzab kyis ni mkha' ltar dang // rdul gyis zla ba ji lta bar// srid la dga' ba yongs spongs de// bram ze yin par ngas gsungs so// gang zhig 'dug nas rdul bral ba// sems shing zag zad bya ba byas/ / dul zhing lus mthar gnas pa de// bram ze yin par ngas gsungs so// shes rab zab cing yid gzhungs la// lam dang lam yin rnams la mkhas// gang zhig don mchog rjes thob de// bram ze yin par ngas gsungs so/ / mi ni gang yang rung ba dag/ slongs mo tsam gyis 'tshe ba dang // bdag med su la gnod mi byed// brtan ldan tshangs par spyod pa can// kun shes spyod phyir chos ston de/ / bram ze yin pa rangs gsungs so// gang zhig 'dod pa legs spangs shing // khyim med par ni rab byung ste// 'dod pa'i zag pa longs zad de// bram ze yin par ngas gsungs so// 'gro ba dang ni gnas pa yi/ / 'byung po chad pas mi gcod cing // gsod med gsod du mi 'jug de// bram ze yin par ngas gsungs so// gang zhig mi mthun 'thun byed cing // chad pas gcod pa dang du len// 'byung/ po rnams la brtse phan de// bram ze yin par ngas gsungs so// sbrang bu'i rtse la yungs kar ltar// gang zhig 'dod chags zhe sdang dang // nga rgyal 'chab pa 'tshems pa de// bram ze yin par ngas gsungs so/ / gang zhig sred pa'i rdzong 'di dang // 'khor ba'i klung las rab rgal zhing // brgal nas pha rol 'gro bar sems// yid nyid kyis ni mi bkri zhing // gang zhig len pa las log de// bram ze yin par ngas gsungs so/ / gang zhig 'jig rten 'di dang ni// pha rol la yang sred med cing // srid pa'i sred pa yongs zad de// bram ze yin par ngas gsungs so// gang zhig 'jig rten 'di dang ni// pha rol la yang chags med cing / / chags med rnam par bral ba de// bram ze yin par ngas gsungs so// dga' dang mi dga' spangs pa dang // bsil bar gyur cing zag pa med// 'jig rten kun zil gnon brtan de/ bram ze yin pa rangs gsungs so// ma yi stong ba spangs nas su// mA yi sbyor bar ba 'das shing // sbyor bkun dang nas thal de// bram po yin par ngas gsungs so// gang zhig lha dang rdi ba dang / mi yi 'gro ba mi shes shing // zhi ba 'gro ba mi shes de// bram ze yin par ngas gsungs so// gang gis chos rnams mi shes pa'am// ma mthong ba ni med gyur la// shes bya mtha' yas blta ba de// bram ze yin par ngas gsungs so// gang gis sngon gyi gnas rtogs shing // mtho ris ngan song mthong ba dang // de nas skye ba zad thob pa'i// thub pa mngon shes la brtson pa// sdug bsngal tha mar rab she/ bram ze yin par ngas gsungs so// sems kyi rnam grol shes pa dang // 'dod chags kun las grol ba dang // rig pa gsum dang ldan pa de// bram ze yin pa rangs gsungs so// gang gis sems can 'chi 'pho dang / / skye ba thams cad rtogs gyur pa// thogs med spyan ldan sangs rgyas de// bram ze yin par ngas gsungs so// gang zhig kun sbyor kun 'das shing // yongs su gdung ba med pa dang / dga' med dran ldan ston pa de// bram ze yin par ngas gsungs so// thub pa rnam rgyal drang srong che// khyu mchog rab mchog glang po che// bkur byed khrus byas sangs rgyas de// bram ze yin par ngas gsungs so/ / gang zhig srid 'das kun zil gnon// chu bo las rgal rnam par 'dren// rnam grol pha rol phyin pa de// bram ze yin par ngas gsungs so// sdig can rnam par mi sems shing // mi sgom smra bar mi byed par/ / 'dug nas rdul bral sems pade// bram ze yin par ngas gsungs so// gang zhig phyag dar khrod 'chang zhing // ngo tsha shes shing 'dod mi lta// shing drung dag tu gnas pa de// bram ze yin par ngas gsungs so// gang zhig sdug bsngal kun spang phyir// zhi ba 'phags lam yan lag brgyad// drang po sgom par byed pa de// bram ze yin par ngas gsungs so// gang la cung zad gnas med cing / / 'du shes yid gnyis zug rngu med// 'chi med go 'phang thob pa de// bram ze yin par ngas gsungs so// gang zhig lus med phug na gnas// gcig pu rgyu zhing ring du 'gro// gdul bar dka' ba'i sems dul de/ / bram ze yin par ngas gsungs so// gang zhig gzugs med bltar med mtha' yas la// shin tu bltar med phra zhing gzhi mngon rtogs// rtag dran kun sbyor zad rgyu sangs rgyas pa// 'jig rten 'di na de ni bram ze yin/ / gang gis sogs mig 'ching gtubs te// chings ma rgyang zag bcad nas su// yongs su gdung spangs sangs rgyas de// bram ze yin par ngas gsungs so// gang gis rnyed 'dod sdig can dang / / sogs mig chings ma gtubs gyur cing // sred pa rtsar bcad drungs phyung de// bram ze yin par ngas gsungs so// brtson pas chu bo'i rgyun bcad cing // 'dod pa thams cad rab bcom dang / / 'du byed rnams kyi mad shes pa// sdig med gang yin bram ze yin// padang ma ni bas dbyas shing // rgyal po gtsang sa can gnyis dang // yul 'khor 'khor dang bcas bcom pa// sdig med zhagang yin bram ze yin/ / bdang mni bas dbyas shing // rgyal po gcang sbran na gnyis dang // mi bzad pa yi steg bsad pa// sdig med gang yin bram ze yin// gang zhig zas pa dag pazlan// par byed pa de dang na pas// bram ze rnams la brdeg mi bya// bram ze bskrad par mi bya'o// gang zhig chos rnams rnam shes na// rgan nam yang na gzhon yang rung // de la bkur zhing phyag bya ste// bram ze gtsang mas me bzhin no/ / gang zhig chos rnams rnam shes na// rgan nam yang na gzhon yang rung // de la bkur zhing bsnyen bkur te// bram ze gtsang mas me bzhin no// gang zhig rdzogs pa'i sangs rgyas kyis/ / bstan pa'i chos rnams rnam shes na// de la bkur zhing phyag bya ste// bram ze gtsang mas me bzhin no// gang zhig rdzogs pa'i sangs rgyas kyis// bstan pa'i chos rnams rnam shes na// de la bkur zhing bsnyen bkur te// bram ze gtsang mas me bzhin no// gang zhig bram ze chos rnams kyi// pha rol phyin par gyur pa na// de tshe sha za ba ku la// gcig po las kyang shin tu 'das// gang tshe bram ze chos rnams kyi/ / pha rol phyin par gyur pa na// de nas des mthong tshor ba rnams// thams cad nub pa nyid du gyur// gang tshe bram ze chos rnams kyi// pha rol phyin par gyur pa na// de tshe de yis mthong bas na/ / rkyen rnams thams cad nub par gyur// gang tshe bram ze chos rnams kyi// pha rol phyin par gyur pa na// de tshe de yis mthong bas na// kun sbyor thams cad nub par gyur// gang tshe bram the chos rnams kyi/ / pha rol byin par gyur pan// de tshe skye dang rga ba dang // 'chi ba rnams las shin tu 'das// nyin mo nyi ma gsal bar byed// mtshan mo zla ba snang byed ltar/ rgyal rigs go chas chas pa gsal// bram ze sems par byed na gsal// nyin mo nyi ma gsal bar byed// mtshan mo zla ba snang byed ltar// rtag tu sangs rgyas gzi brjid che// nyin dang mtshan du gsal/ bar byed// ji ltar mi sdug pa las yid ldog pa// de 'dra bram ze rnams la cung zad med// ji lta ji ltar de yi yid ldog pa// de lta de ltar kun rdzogs bden par zad// gang tshe bram ze brtson pas sems pa na/ / gang gis chos rnams rgyur bcas rab shes pa// chos 'di rnams la rab tu 'byung 'gyur te// de tshe de yi som nyi ma lus spong // gang tshe bram ze brtson pas sems pa na// gang gis sdug bsngal rgyur bcas rab shes pa/ / chos 'di rnams la rab tu 'byung 'gyur te// de tshe de yi som nyi ma lus spong // gang tshe bram ze brtson pas sems pa na// gang gis tshor ba zad par thob 'gyur ba// chos 'di rnams la rab tu 'byung 'gyur te/ / de tshe de yi som nyi ma lus spong // gang tshe bram ze brtson pas 'bad pa na// gang gis rkyen rnams zad pa thob 'gyur ba// chos 'di rnams la rab tu 'byung 'gyur te// de tshe de yi som nyi ma lus spong // gang tshe bram ze brtson pas sems pa na// gang gis zag pa zad pa thob 'gyur ba// chos 'di rnams la rab tu 'byung 'gyur te// de tshe de yi som nyi ma lus spong / gang tshe bram ze brtson pas sems pa na// ji ltar mkha' la nyi ma shar ba ltar// 'jig rten thams cad snang byed 'dug 'gyur ba// chos 'di rnams la rab tu 'byung bar 'gyur// gang tshe bram ze brtson pas sems pa na/ / blo yis kun sbyor rnams las rab grol te// bdud sde rnam par bsal nas 'dug 'gyur ba// chos 'di rnams las rab tu 'byung bar 'gyur// bram ze'i choms te sum curtsa gsum pa'o/ / // sdom ya/ de bzhin gshegs dang thos dang bdag/ bsgre dang mdza' bshes lnga pa'o// mya ngan 'das dang mthong ba dang // sdig dang phrugs dang bden pa dang // sems dang dge slong choms dag dang / / bram ze yang ni pha ma yin// ched du brjod pa'i tshoms dgra bcom pa chos skyob kyis bsdus pa rdzogs so// // rgya gar gyi mkhan po bi d+yA kar pra b+ha dang /

CLOSE WINDOW