/ / rgya gar skad du/ Ar+ya a na ba ta nA ga rA dza pa ri prits+tsha nA ma ma hA ya na sU tra/ bod skad du/ 'phags pa klu'i rgyal po ma dros pas zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na bcom ldan lnga po'i khab na bya rgod phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de'i tshe bcom ldan 'das 'khor brgya stong phrag du mas bskor nas mdun gyis byas te chos ston to// de nas klu'i rgyal po ma dros pa dang / klu'i rgyal po dbum phrag drug cu rtsa brgyad dang / klu'i bu mo brgyad khri ba zhi stong gis bskor te/ mdun du bdar nas sil snyan dang klu dbyangs len cing / klu'i mthu chen po dang / klu'i rdzu 'phrul na pos me tog dang / bdug pa dang / spos dang / 'phreng ba dang / byug pa dang / bye ma dang / gos dang / gdugs dang / rgyal mtshan dang / ba ngan rnams thogs te/ bcom/ ldan 'das ga la ba der song nas phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ ji ltar thogs pa'i me tog dang / bdug pa dang / spos dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / sil snyan dang / pheg rdob pa de dag gis bcom ldan 'das la mchod pa byas te/ gus pa dang bcas/ zhe sa dang bcas shing rang gi skye bo'i 'khor dang phyogs gcig tu 'dug go/ 'dug nas kyang thal mo sbyar te/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar gnang na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdage phyogs 'ga' zhig zhu'o/ / de skad ces gsol pa dang / bcom ldan 'das kyis mkhyen bzhin du/ klu'i rgyal po ma dros pa la 'di skad ces bka' stsal to// klu'i bdag po khyed sems can rnams kyi ched du/ de bzhin gshegs pa la ci 'dri ba zhig yongs su dri bar 'dod/ gsol ba/ bcom ldan 'das bdag byang chub sems dpa' sems can gyi mchog/ sems can chen po skyes bu dam pa seng ge ltar rnam par rtsen pa'i sems can rnams kyi ched du/ de bzhin gshegs pa yongs su zhu bar 'tshal lo/ / bcom ldan 'das pa jig rten gyi yongs su 'dren pa/ 'jig rten gyi chos kyis mi gos pa/ spyod pa dang bsam pa rnam par dag pa/ phan pa'i dngos po la yang dag par zhugs pa/ gsol ba ma btab par sems can thams cad la dge ba'i bshes gnyen bgyid pa/ stobs bcu'i stobs kyi shugs la yang dag par zhugs pa/ ngan pa'i tshogs can gyi tshogs kyi smra ba yang dag par rab tu 'jom pa/ bdud dang phyir rgol ba bcom pa/ sems ma num pa/ brtson 'grus brtan pa'i go cha shin tu bgos pa/ yid yongs su mi skyo ba dge ba'i rtsa ba'i tshogs dpag tu ma mchis pa bsags pa/ tshul khrims dang thos pas mi ngoms pa/ sems can thams cad la sems mnyam pa/ tha dad pa'i 'du shes dang bral ba/ mtha' lta ba gnyis ka dang bral ba/ rten cing 'brel par 'byung ba la 'jug pa/ shes pa la mkhas pa/ sangs rgyas kyi chos kyi tshul zab mo la rab tu zhugs pa// zab cing gting dpag dka' ba dang / nyan thos dang rang sangs rgyas kyi yid la bgyid pa dang bral ba/ thams cad mkhyen pa'i sems ma bskyud pa/ bsam pa rdo rje lngar brtan te mi phyed pa/ blo zla ba ltar dri ma ma mchis shing shin tu dkar ba/ sems nam mkha'i dkyil dang mtshungs pa/ bskal pa grangs ma mchis par yid yongs su mi skyo bar sa 'dzin pa/ sems sa dang / chu dang / me dang rnam sa pa/ dus sa nga/ / dang/ duN+Dal dang / rnas pa dang / mas pa mas ca dang / mtshanam med pa da / smon pa med pa la smon lam shin du btab pa/ smras dang / ma lam dang / mag yor dang / zag cha dang / sIs m+b+ha dang / mu b+ha lta bu'i chos kyi tshul la ci tu rmugs pa/ sangs rgyas dang / chos dang / dge 'dun gyi gdung rigs 'dzin pa/ chos kyi 'khor lo rab tu bskor ba/ dka' ba dang / mchog tu dga' ba dang / rang b.rab tu zag su rnams ma mchog par babyung shi tu dkar gcig makyang ba/ yid la bgying pas 'dres pa/ rnas pa'i mchog thams cad dang ldan pa sems can rnams kyi cha yang gi de bzhin pa shegs pas sangs sun par 'tshal mo/ / bcom ldan 'das byang chub sems dpa' sems dpa' chen pa dbus kyang blad par du ba pags pa'i chos la rab tu rnags pam dang mas mas kyi nga nga shegs pa la yongams sa / / bam pa 'das thas ba mas pa na pa rnams mas ma byam kyil sa la ma la ba sa sa 'arnal pa'i mang sa # gdon mi 'tshal ba la 'jug pa shes pa'i sgo la 'jug pa/ rang sangs rgyas gdul ba'i slad du brten pa'i chos la 'jug pa shes pa'i sgo la 'jug pa/ theg pa chen po pa gdul ba'i slad du chos thams cad la 'jug pa shes pa'i sgo la 'jug pa/ bdud kyi phyogs tshar gcod pa/ lta bar gyur pa thams cad rnam par 'jig pa/ nyon mongs pa thams cad dang bral ba/ sems cad thams cad kyi sems kyi spyod pa rab tu shes pa/ so so yang dag par rig pa la 'jug pa/ chos thams cad rab tu ston pa/ ji ltar mos pa bzhin chos las rnam par grol bar bgyid pa de/ byang chub sems dpa' rnams la phan gdags pa'i slad du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis bshad du gsol/ bcom ldan 'das ji ltar na byang chub sems dpa' nga rgyal dang / rgyags pa dang / dregs pa bcom pas ye shes kyi stobs can rnams lags/ ji ltar na las kyi rnam par smin pa la rten pas chos kyi stobs can rnams lags/ ji ltar na 'jig rten gyi zang zing dang chos kyi sbyin pa la ser sna ma mchis pas sbyin pa'i stobs can rnams lags/ ji ltar na rnam par smin pa mi re bar bdog pa thams cad yongs su gtong ba rnams lags/ ji ltar na smon lam gyis yang dag par song zhing ngan song thams cad kun tu chud pas tshul khrims kyi stobs can rnams lags / ji ltar na sems can sdang ba thams cad dang du len pa'i rang bzhin can pas bzod pa'i stobs can rnams lags/ ji ltar na lus dang srog la mi lta bas brtson 'grus kyi stobs can rnams lags/ ji ltar na rab tu zhi ba la gnas shing bsam gtan las ldog pa yang mkhas pas bsam gtan gyi stobs can rnams lags/ ji ltar na sdig pa'i lta ba rnams dang bral zhing / ma rig pa dang gti mug gi mun pa dang yang bral bas shes rab kyi stobs can rnams lags/ ji ltar na sems can yongs su smin par bgyi ba la yongs su smin par bgyi ba'i go cha 'tshal bas thabs kyi stobs can rnams lags/ ji ltar na lha'i mig dang / lha'i rna ba dang / pha rol gyi sems 'tshal ba/ sngon gyi skye ba dang rdzu 'phrul gyi bgyi bas rnam par rtsen pas mngon par shes pa thob pa rnams lags/ ji ltar na spobs pa rgyun mi 'chad cing tshig dang yi ge mi zad pas spobs pa'i stobs can rnams lags/ ji ltar nathos pa thams cad kun tu 'dzin pas gzungs thob pa rnams lags/ ji ltar ra chos dkon mchog gcig la yang dag par gzhol bas bskyud pa ma mchis pa dang / rgya mtsho'i phyag rgya'i 'dzin rab tu thob pa rnams lags/ ji ltar na sangs rgyas la lta ba rnams par dag pa la yang dag par gzhol bas sangs rgyas rjes su dran pa bskyud pa ma mchis pa rnams lags/ chos la lta ba rnam par dag pa la yang dag par gzhol bas chos rjes su dran pa rab tu thob pa rnams lags/ phyir mi ldog pa'i dge 'dun la yang dag par gzhol bas dge 'dun rjes su dran pab rab tu thob pa rnams lags/ byang chub kyi sems ma bskyud pas tshul khrims rjes su dran pa rab tu thob pa rnams lags/ 'jig rten gyi zang zing dang chos kyi sbyin pa la ser sna ma mchis pas gtong ba rjes su dran pa rab tu thob pa rnams lags/ dga' ldan gyi gnas su skye ba gcig gis thogs pa'i byang chub sems dpa' rnams rjes su dran pas lha rjes su dran pa bsgyud pa ma mchis pa rnams lags/ de nas klu'i rgyal po ma dros pas/ bcom ldan 'das la zhu ba 'di dag zhus nas/ de'i 'og tu tshigs su bcad de zhus pa/ 'jig rten dron rnams mdzad pa rang byung ba/ / lhag pa'i bsam dang bsam pa ci 'dra dang // 'jug pa'i spyod dang spyod pa ci 'dra ba// byang chub sems dpa' rnams la bshad du gsol// byams pa sbyor dang snying rjer 'jug pa dang / dga' la 'jug cing btang snyoms sgom pa dang // bsam gtan rnam thar rnams la sbyor dag pa/ de ni ma smad bdag la bshad du gsol// yang dag spong dang dran pa nyer gzhag dang / / rdzu 'phrul stobs dang dbang po lam sgom dang // byang chub yan lag bden dang yang dag rig/ yon tan 'byung gnas rnams la bshad du gsol// sbyin du la sdom dang tshul khrims phun sum tshogs/ / bzod dang des dang de bzhin brtson 'grus dang // shes rab thob pas rab tu rtogs pa rnams// ji ltar 'gyur ba de dag bshad du gsol/ / mngon shes rig dang so so yang dag rig/ dran dang shes bzhin de bzhin bag yod dang // thabs dang ldan dang tshul ni rtogs pa rnams// byang chub sems dpa' rnams la de bshad gsol/ / dga' dang mchog tu dang ba yon tan dga'// 'phags pa'i sbyangs dang rig dang nor bdun dang // dgon par gnas shing nyon mongs ma mchis gnas// ji ltar 'gyur de de dag bshad du gsol/ / ji ltar spobs pa phun sum tshogs pa dang // gzungs la'ang shin tu rab tu gnas pa dang // rgyun mi 'chang bar chos ni ston pa dang // bskyud pa ma mchis thos pa 'dzin par 'gyur/ / zhi gnas rjes su 'thun dang lhag mthong dang // shes rab zab dang shin tu blo yangs dang // ye shes mtha' yas rtogs pa mnyam med du// byang chub sems dpa' mkhas pa ji ltar 'gyur/ / bdud kyi stobs bcom shin tu thul bar dka'// ngan pa'i tshogs can pha rol smra ba 'joms// ri rab 'dra bar mi g.yo shin tu 'phags// dga' ba'i sems can zla ba lta bur spyod/ / stong pa mtshan med skyon med rnam grol dang // sgyu ma smig rgyu lta bur chos nges dang // 'dus byas rmi lam ngo bo nyid mos pa// de ni ma smad bdag la bshad du gsol// de nas bcom ldan 'das kyis/ klu'i rgyal po ma dros pa la 'di skad ces bka' stsal to// klu'i bdag po legs so legs so// klu'i bdag po khyod ji ltar sngon gyi dge ba'i rtsa ba'i rgyu thun pa dang / snying rje chen po ma btang ba dang / gsol ba ma btab par sems can thams cad la dge ba'i bshes gnyen byed pa dang / 'khor ba na yongs su ma skyo ba dang / sangs rgyas dang / chos dang / dge 'dun gyi rigs rgyun mi gcod pas/ de bzhin gshegs pa la don 'di 'dri bar sems pa ni yang legs so// klu'i bdag po de'i phyir legs par shin tu nyon la yid la zung zhig dang / ji ltar byang chub sems dpa' rnams kyis 'di dag dang / yon tan gyi khyad par gzhan dag kyang thob par 'gyur ba ngas khyod la bshad ngo // klu'i rgyal po ma dros pas bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis/ de la 'di skad ces bka' stsal to// klu'i bdag po byang chub sems dpa' chen po chos gcig dang ldan na/ rnam pa'i mchog thams cad dang ldan pa'i sangs rgyas kyi chos rnams yongs su 'dzin to// chos gcig po gang zhe na/ 'di lta ste/ sems ca thams cad mi gtong ba'i thams cad mkhyen pa'i sems so/ / de'i thams cad mkhyen pa'i sems de'ang rnam pa sum cu rtsa gnyis kyis shin tu bsdus pa yin te/ sum cu rtsa gnyis gang zhe na/ 'di lta ste/ bsam pas bsdus pa yin/ lhag pa'i bsam pas bsdus pa yin/ byams pa chen pos bsdus pa yin/ snying rje chen pos bsdus pa yin/ yongs su mi skyo bas bsdus pa yin// stobs kyis bsdus pa yin/ rnam par gnon pas bsdus pa yin/ mthus bsdus pa yin/ so so brtags pas bsdus pa yin/ / dge ba'i bshes gnyen gyis bsdus pa yin// chos spyod pas bsdus pa yin// dge ba spyod pas bsdus pa yin/ bsdu ba'i dngos pos bsdus pa yin// sdom pas bsdus pa yin/ thabs kyis bsdus pa yin// bcos ma ma yin pas bsdus pa yin/ ji skad smras pa de bzhin byed pas bsdus pa yin// phyir bya ba'i re ba med pas bsdus pa yin// ngo tsha shes pas bsdus pa yin/ khrel yod pas bsdus pa yin/ mchog tu dga' bas bsdus pa yin/ dad pas bsdus pa yin/ brtson 'grus kyis bsdus pa yin/ dran pas bsdus papa yin/ ting nge 'dzin gyis bsdus pa yin/ shes rab kyis bsdus pa yin/ dge ba'i rtsa ba thams cad kyis bsdus pa yin/ theg pa dman pa la 'dod pa med pas bsdus pa yin/ rgya chen po la mos pas bsdus pa yin/ sems can la lta bas bsdus pa yin/ sangs rgyas dang / chos dang / dge 'dun gyi rigs mi gcod pas bsdus pa yin te/ klu'i bdag po/ thams cad mkhyen pa'i sems de rnam pa sum cu rtsa gnyis po dag gis bsdus na/ rnam pa'i mchog thams cad dang ldan pa'i sangs rgyas kyi chos rnams yongs su 'dzin to// klu'i bdag po gzhan yang thams cad mkhyen pa'i sems de tshogs bsags pa rnam pa bcu drug gis thams cad mkhyen pa'i ye shes kyi rjes su 'gro bar 'gyur te/ bcu drug gang zhe na/ 'di lta ste/ tshul khrims kyi tshogs bsags pa yin/ zos pa'i tshogs bsags pa yin/ shes rab kyi tshogs bsags pa yin/ de bzhin gshegs pa la mchod pa dang rim gro bya ba'i tshogs bsags pa yin/ dgon pa na gnas pa'i tshogs bsags pa yin/ ji ltar thos pa'i chos ston pas tshogs bsags pa yin/ tshangs pa'i gnas pa bzhi'i tshogs bsags pa yin/ dga' bar 'gyur ba'i chos kyi tshogs bsags pa yin/ dge ba bcu'i lam gyi tshogs bsags pa yin/ lus dang / ngag dang / sems kyi rgyan gyi tshogs bsags pa yin/ sbyangs pa'i yon tan yo byad basbyangs pa'i tshogs bsags pa yin/ 'dod pa chung ba dang / chog shes pa dang / rab tu dben pa'i tshogs bsags pa yin/ phung po gsum ba'i chos kyi rnam grangs kyi yongs su bsngo ba'i tshogs bsags pa yin/ ni gnas kyi tshogs bsags pa yin/ lhag mthong gi tshogs bsags pa yin/ dge ba'i rtsa ba thams cad kyi tshogs bsags pa yin te/ klu'i bdag po thams cad mkhyen pa'i sems de tshogs bsags pa rnam pa bcu drug pa de dag gis thams cad mkhyen pa'i ye shes kyi rjes su 'gro bar 'gyur ro/ / klu'i bdag po gzhan yang thams cad mkhyen pa'i sems de lam log pa dang / lam ngan pa nyi shu rtsa gnyis dang bral te rnam par spangs na thams cad mkhyen pa'i ye shes thob par 'gyur te/ nyi shu rtsa gnyis gang zhe na/ 'di lta ste/ nyan thos kyi sems dang bral ba yin/ rang sangs rgyas kyi sems dang bral ba yin/ nga rgyal dang bral ba yin/ lhag pa'i nga rgyal dang bral ba yin/ g.yo dang bral ba yin/ 'jig rten gyi gsang tshig kun tu 'dzin pa dang bral ba yin/ log par zhugs pa dang bral ba yin/ yongs su skyo ba dang bral ba yin/ skrag pa dang bral ba yin/ khengs pa dang rtsod pa dang bral ba yin/ 'dod chags dang / zhe sdang dang / gti mug dang bral ba yin/ las kyi sgrib pa dang bral ba yin/ chos kyi sgrib pa dang bral ba yin/ bdag la bstod pa dang gzhan la smad pa dang bral ba yin/ slob dpon chos 'chab pa dang bral ba yin/ brjed ngas pa'i 'du shes dang bral ba yin/ sdig pa'i grogs po dang bral ba yin/ dge ba'i bshes gnyen la 'khu ba dang bral ba yin/ pha rol tu phyin pa drug gi mi mthun pa'i phyogs dang bral ba yin/ 'di ltar ser sna dang / ngan pa'i ngang tshul dang / gnod sems dang / le lo dang / g.yeng ba dang / 'chal pa'i shes rab dang bral ba yin/ chad pa dang rtag pa dang bral ba yin/ thabs mi mkhas pa'i bsdu ba dang bral ba yin/ sdig pa thams cad dang bral ba yin te/ klu'i bdag po thams cad khyen pa'i sems de la ma log pa dang lam ngan pa nyi shu rtsa gnyis po 'di dag dang bral te/ rnam par spangs na thams cad mkhyen pa'i ye shes thob par 'gyur ro// klu'i bdag po gzhan yang thams cad mkhyen pa'i sems bskyed pa de/ rgyal mtshan bcu gnyis kyis mngon par 'phags na/ bdud thams cad dang / bdud kyi ris thams cad dang / pha rol rgol ba thams cad kyis thul par dka' ba yin te/ bcu gnyis gang zhe na/ tshul khrims kyi rgyal mtshan gyis mngon par 'phags pa yin/ ting nge 'dzin gyi rgyal mtshan gyis mngon par 'phags pa yin/ shes rab kyi rgyal mtshan gyis mngon par 'phags pa yin/ rnam par grol ba'i rgyal mtshan gyis mngon par 'phags pa yin/ rnam par grol ba'i ye shes kyi rgyal mtshan gyis mngon par 'phags pa yin/ snying rje chen po'i rgyal mtshan gyis mngon par 'phags pa yin/ thabs kyi rgyal mtshan gyis mngon par 'phags pa yin/ stong pa nyid dang / mtshan ma med pa dang / smon pa med pa'i rgyal mtshan gyis mngon par 'phags pa yin/ srog chags rnams la sems can med pa dang / srog med pa dang / gang zag med pa'i rgyal mtshan gyis mngon par 'phags pa yin/ rten cing 'brel par 'byung ba khong du chud pas mthar lta ba dang bral ba'i rgyal mtshan gyis mngon par 'phags pa yin/ rang gi sems yongs su dag pas sangs rgyas kyis byin gyis brlabs pa'i rgyal mtshan gyis mngon par 'phags pa yin/ thams cad mkhyen pa'i ye shes rlom sems dang / rtog pa dang / rnam par rtog pa dang / yongs su rtog pa dang bral ba'i rgyal mtshan gyis mngon par 'phags pa yin/ byang chub kyi sems mi brjed pa'i rgyal mtshan gyis mngon par 'phags pa yin te/ klu'i bdag po thams cang mkhyen pa'i sems bskyed pa de/ rgyal mtshan bcu gnyis po de dag gis mngon par 'phags na/ bdud thams cad dang / bdud kyi ris thams cad dang / pha rol rgol ba thams cad kyis thul par dka' ba yin no/ / klu'i bdag po gzhan yang thams cad mkhyen pa'i sems de'i gnas gnyis te/ gnyis gang zhe na/ 'di lta ste/ ji skad smras pa de bzhin byed pa'i gnas dang / dge ba'i rtsa ba thams cad yang dag pa'i byang chub tu yongs su sngo ba'i gnas te/ gnas ni gnyis po de dag go// gru'i bdag po gzhan yang thams cad mkhyen pa'i sems de'i chud mi za ba gnyis te/ gnyis gang zhe na/ sems can thams cad la zhe sdang ba med pa'i sems dang / log par zhugs pa rnams la cher snying rje ba ste/ gnyis po de dag go/ klu'i bdag po gzhan yang thams cad mkhyen pa'i sems de'i zung du 'brel pa'i chos gnyis te/ de gnyis dang 'brel na/ thams cad mkhyen pa'i sems des nyan thos dang rang sangs rgyas thams cad zil gyis gnon par 'gyur te/ gnyis gang zhe na/ thabs dang / shes rab sde/ gnyis po de dag go// klu'i bdag po gzhan yang thams cad mkhyen pa'i sems de'i rton pa gnyis gang zhe na/ bsgrub pa rnams la 'gyod pa med pa dang / 'gyur ba la yid mi ches pa ste/ gnyis po de dag go// klu'i bdag po gzhan yang thams cad mkhyen pa'i sems de'i yi ge gnyis te/ gnyis gang zhe na/ nyan thos dang rang sangs rgyas kyi theg pa la 'dod pa med pa dang / theg pa chen po la phan yon du mthong ba ste/ gnyis po de dag go// klu'i bdag po gzhan yang thams cad mkhyen pa'i sems de'i rgyun chad gnyis te/ gnyis gang zhe na/ sgyu dang g.yo'i rgyun chad pa dang / mi drang ba'i rgyun chad pa ste/ rgyun chad pa gnyis po de dag go/ / klu'i bdag po gzhan yang thams cad mkhyen pa'i sems de'i sgrib pa gsum ste/ gsum ga zhe na/ lus kyis nyes par spyod pa dang / ngag gis nyes par spyod pa dang / yid kyis nyes par spyod pa ste/ gsum po de dag go/ klu'i bdag po gzhan yang thams cad mkhyen pa'i sems de'i sgrib pa med pa gsum ste/ gsum gang zhe na/ lus kyis legs par spyod pa dang / ngag gis legs par spyod pa dang / yid kyis legs par spyod pa ste/ sgrib pa med pa gsum po de dag go// klu'i 'das po gzhan yang thams cad mkhyen pa'i sems de'i sgrib pa bzhi ste/ bzhi gang zhe na/ 'di lta ste/ dam pa'i chos spong ba dang / bla ma rnams la mi gus pa dang / byang chub sems dpa' la zhe sdang ba dang / bdud kyi las khong du mi chud pa ste/ sgrib pa bzhi po de dag go/ klu'i bdag po gzhan yang thams cad mkhyen pa'i sems de'i sgrib pa med pa bzhi ste/ bzhi gang zhe na/ dam pa'i chos yongs su 'dzin pa dang / bla ma rnams la gus pa dang / byang chub sems dpa' rnams la ston pa ltar 'phangs par sems pa dang / bdud kyi las khong du rud pa ste/ sgrib pa med pa bzhi po de dag go// klu'i bdag po gzhan yang thams cad mkhyen pa'i sems de'i rim thang med pa'i chos thob pa lnga ste/ lnga gang zhe na/ rnam par smin pa la mi re bar gtong ba dang / skye ba rnams la mi gnas pa'i tshul khrims dang / sems can thams cad mi gtong ba'i snying rje chen po dang / byams pa dang byams pa rnams la mi lta bar lus dang srog yongs su gtong ba dang / 'thob pa dang / bkur sti dang / tshigs su bcad pa mi tshol bar chos ston pa ste/ klu'i bdag po thams/ cad mkhyen pa'i sems de'i rin thang med pa'i chos thob pa lnga po de dag go// klu'i bdag po gzhan yang thams cad mkhyen pa'i sems de'i rtul ba lnga ste/ lnga gang zhe na dge ba'i bshes gnyen la bsten pa dang / 'khor ba na yongs su mi skyo ba dang / ye shes la mngon pa'i nga rgyal med pa dang / dus ma yin par rnyed pa rnam par spong ba dang / sangs rgyas kyi ye shes mtha' yas pa la zhum pa med pa ste/ klu'i bdag po thams cad mkhyen pa'i sems de'i rtul ba lnga po de dag go// klu'i bdag po gzhan yang thams cad mkhyen pa'i sems de'i khyad par du 'phags pa gang dag nyan thos dang rang sangs rgyas rnams la med pa lnga ste/ lnga gang zhe na/ nyan thos las rnam par grol ba'i ye shes khyad par du 'phags pa dang / rang sangs rgyas las rnam par grol ba'i ye shes khyad par du 'phags pa dang / chos thams cad bdag med pa shes pas khyad par du 'phags pa dang / sems can thams cad kyi sems kyi spyod pa shes pas khyad par du 'phags pa dang / bag chags kyi mtshams sbyor ba yang dag par 'jom pa shes pas khyad par du 'phags pa ste/ khyad bar du 'phags pa lnga po de dag go/ / klu'i bdag po gzhan yang thams cad mkhyen pa'i sems de'i mchog tu dga' ba lnga ste/ lnga gang zhe na/ ngan 'gro las shin tu 'das pas mchog tu dga' ba dang / thams cad mkhyen pa dang nye bar gyur pas mchog tu dga' ba dang / sangs rgyas kyi ye she yang dag par mthong ba yongs su rdzogs pas mchog tu dga' ba dang / tshul khrims la nan tan byed pa la 'gyod pa med pas mchog tu dga' ba dang / sems can gyi don bya ba myong bas mchog tu dga' ba ste/ mchog tu dga' ba lnga po de dag go/ klu'i bdag po gzhan yang thams cad mkhyen pa'i sems de'i stobs lnga ste/ lnga gang zhe na/ nga rgyal bcom pas ye shes kyi stobs dang / thos pa dang ma bral bas shes rab kyi stobs dang / khong khro ba med pas byams pa'i stobs dang / mtshan yongs su rdzogs pas bzod pa'i stobs dang / 'khor du bag tsha ba dang 'jigs pa dang bral bas mi 'jigs pa'i stobs te/ stobs lnga po de dag go/ klu'i bdag po gzhan yang thams cad mkhyen pa'i sems de'i rigs pa gang gis/ rigs pa ma yin par mi ltung ba'i rigs pa lnga ste/ lnga gang zhe na/ las kyi rnam par smin pa la yid ches pa'i rig pa dang / rten cing 'brel par 'byung ba dang mi 'gal ba'i rigs pa dang / dus dang dus ma yin pa la so sor rtog pa'i rigs pa dang / yang dag par sbyor ba'i rigs pa dang / dge ba'i chos thams cad sgrub pa'i rigs pa ste/ rigs pa lnga po de dag go// klu'i bdag po gzhan yang thams cad mkhyen pa'i sems kyi shing ljon pa de'i snang ba lnga dang / sa bon lnga dang / rtsa ba lnga dang / sngo po lnga dang / yal ga lnga dang / lom lnga dang / me tog lnga dang / 'bras bu lnga'o/ / de la de'i snang ba lnga gang zhe na/ nyon mongs pa dang bral ba'i snang ba dang / rang gi sems nges par sems pa'i snang ba dang / shes rab kyi snang ba dang / mig lnga'i snang ba dang / thams cad mkhyen pa'i ye shes kyi snang ba ste/ snang ba lnga po de dag go/ de la sa bon lnga gang zhe na/ bsam pa dang / lhag pa'i bsam pa dang / sems can la lta ba dang / mos pa dang / rgya chen po la mos pa ste/ sa bon lnga po de dag go/ de la rtsa ba lnga gang zhe na/ byams pa chen po dang / snying rje chen po dang / dge ba'i rtsa bas mi ngoms shing dge ba'i rtsa ba thams cad yongs su sngo ba dang / nyes pa chags pa dang / theg pa gzhan mi 'dod pa ste/ rtsa ba lnga po de dag go// de la sdong po lnga gang zhe na/ thabs la mkhas pa dang / shes rab kyi pha rol tu phyin pa dang / sems can yong su smin par byed pa dang / dam pa'i chos yongs su 'dzin pa dang / rjes su chags pa dang khong khro ba dang bral bas btang snyoms pa ste/ sdong po lnga po de dag go// de la yal ga lnga gang zhe na/ sbyin pa dang / tshul khrims dang / bzod pa dang / brtson 'grus dang / bsam gtan te/ yal ga lnga po de dag go/ de la lo ma lnga gang zhe na/ tshul khrims dang / thos pa dang / khyim nas 'byung ba dang / dgon pa la gnas pa dang / 'phags pa'i rigs chog shes pa ste/ lo ma lnga po de dag go/ de la me tog lnga gang zhe na/ bsod nams bsags pas mtshan phun sum tshogs pa dang / sbyin pa sna tshogs bsags pas dpe byad bzang po phun sum tshogs pa dang / sems nges par sems pas byang chub kyi yan lag phun sum tshogs pa dang / chos rnam par 'grel pas spobs pa phun sum tshogs pa dang / gzungs rab tu thob pas brjed ngas pa med pa phun sum tshogs pa ste/ me tog lnga po de dag go// de la 'bras bu lnga gang zhe na/ 'di lta ste/ slob pa'i 'bras bu thob pa dang / mi slob pa'i 'bras bu thob pa dang / rang sangs rgyas kyi 'bras bu thob pa dang / phyir mi ldog pa'i byang chub sems dpa'i sa'i 'bras bu thob pa dang / thams cad khyen pa'i ye shes kyi 'bras bu thob pa ste/ 'bras bu lnga po de dag go// klu'i bdag po thams cad mkhyen pa'i sems kyi shing ljon pa de 'dra ba'i de'i snang ba ni de lta bu'o/ / sa bon ni de lta bu'o// rtsa ba ni de lta bu'o// sdong po ni de lta bu'o// yal ga ni de lta bu'o// lo ma ni de lta bu'o// me tog ni de lta bu'o// 'bras bu ni de lta bu'o/ / klu'i bdag po de lta bas na byang chub sems dpa' thams cad mkhyen pa'i shing ljon pa 'di lta bu yongs su 'dzin pa'i 'dod pas thams cad mkhyen pa'i sems mi brjed par byas// klu'i rgyal po gang gis thams cad mkhyen pa'i sems shin tu bzung ba nges gang dag yongs su zin par ma gyur pa'i yon tan phun sum tshogs pa de dag ngas ma mthong ngo // klu'i bdag po 'di lta ste/ dper na gang dag shing gang gi sa bon bzung bar gyur pa des de'i rtsa ba dang / sdong po dang / yal ga dang / lo ma dang / me tog dang / 'bras bu rnams kyang bzung ba yin no// klu'i bdag po de bzhin du gang gis thams cad mkhyen pa'i sems shin tu bzung ba des/ byang chub kyi phyogs kyi chos rnams bzung ba yin/ klu'i bdag po de lta bas na thams cad mkhyen pa'i ye shes kyi 'byung gnas/ byang chub sems dpa'i yon tan la 'jug pa'i chos kyi sgo'i le'u 'di zung zhig/ chongs shig/ lhogs shig/ 'khor la yang rgya cher yang dag par rab tu shod cig khyod kyis de ltar bslab par bya'o/ / bcom ldan 'das kyis thams cad mkhyen pa'i ye shes kyi 'byung gnas kyi le'u 'di bshad pa na/ 'khor de las klu bdun khri nyis stong gis bla na med pa yang dag par rdzogs pa'i byang chub sems bskyed do/ / dge ba'i rtsa ba bskrun pa'i klu gzhon nu rnams dang / klu'i bu mo rnams dang / klu'i rgyal po rnams ni rjes su 'thun pa'i bzod pa rab tu thob par / gyur to// sngar 'dus pa'i byang chub sems dpa' lnga brgya ni mi skye ba'i chos la bzod pa rab tu thob par gyur to// de nas klu'i bu de dag dang / klu'i bu mo dang / klu'i rgyal po de dag steng gi bar snang la lus mi snang bar 'khod de/ dus kyi rjes su 'brang ba'i sprin chen po byin gyis brlabs nas/ bcom ldan 'das la mchod pa'i las kyi phyir lha'i tsan ngan sbrul gyi snying po'i phye ma'i char rab tu phab bo/ / mu tig gi dra bas kyang thams cad dang ldan pa'i yul bying 'dzan khebs par byas so// do shal dang zla gam lta bu rnams kyis kyang nam mkha'i ngos thams cad mngon par khebs par byas so/ / de nas bcom ldan 'das la/ klu'i rgyal po ma dros pas 'di skad ces gsol to// bcom ldan 'das ji tsam du de bzhin gshegs pas byang chub kyi sems dang / thams cad mkhyen pa'i sems dang / yon tan ngag dang / rnam pa dang / 'jug pa rab tu bshad pa ni ngo mtshar to// bcom ldan 'das byang chub sems dpa' dag rnam par dag pa'i lam gang la zhugs nas/ shin tu mthar thug pa rab tu thob par 'gyur te/ stobs bcu'i stobs nyid dang / mi 'jigs pa bzhi'i 'jigs pa med pa nyid dang / sangs rgyas kyi chos yongs su rdzogs par ma gyur gyi bar du/ bar skabs su zhum pa dang gong bar mi 'gyur ba/ byang chub sems dpa' rnam kyi rnam par dag pa'i lam/ byang chub sems dpa'i spyod yul zhes bgyi ba de bzhin gshegs pas bshad du gsol/ de skad ces gsol pa dang / bcom ldan 'das kyis/ klu'i rgyal po ma dros pa la 'di skad ces bka' stsal to// klu'i bdag po byang chub sems dpa' rnams kyi rnam par dag pa'i lam ni brgyad po 'di dag ste/ brgya gang zhe na/ 'di lta ste/ pha rol tu phyin pa'i lam dang / bsdu ba'i dngos po'i lam dang / mngon par shes pa'i lam dang / tshad med pa'i lam dang / yan lag brgyad pa'i lam dang / sems can thams cad la sems mnyas pa'i lam dang / rnam par thar pa gsum gyi lam dang / mi skye ba'i chos la bzod pa rab tu thob pa'i lam ste/ klu'i bdag po byang chub sems dpa' rnams kyi rnam par dag pa'i lam ni brgyad po de dag go/ de la pha rol tu phyin pa'i lam ni/ thams cad mkhyen pa nyid du yongs su bsngos pa'o// de ci'i phyir zhe na// thams cad mkhyen pa nyid du yongs su ma bsngos pa'i sbyin pa ni/ sbyin pa'i pha rol tu phyin pa zhes bya ba'i ming mi 'thob bo// de bzhin du tshul khrims dang / bzod pa dang / brtson 'grus dang / bsam gtan dang / shes rab thams cad mkhyen pa nyid du yongs su ma bsngos pa ni/ shes rab kyi pha rol tu phyin pa zhes bya ba'i ming mi 'thob ste/ de'i phyir thams cang mkhyen pa nyid du yongs su bsngos pa ni/ pha rol tu phyin pa'i lam zhes bya'o// de la bsdu ba'i dngos po'i las ni gzhan dag chos la mos par byed pa'o// de ci'i phyir zhe na/ klu'i bdag po 'di ltar byang chub sems dpa' des sems can gang dag bsdu ba'i dngos po bzhi po dag gis bsdus par gyur pa de dag des chos bstan pa kun tu shes par 'gyur te/ de'i phyir gzhan dag chos la mos par byed pa ni/ bsdu ba'i dngos po'i lam zhes bya'o// de la mngon par shes pa'i lam ni gang lha'i mig gis sangs rgyas kyi zhing thams cad mthong / sems can dang / shi 'pho dang / skye ba'ang mthong / sangs rgyas bcom ldan 'das nyan thos kyi dge 'dun dang bcas pa'ang mthong ngo // de dag mthong nas kyang rnam pa gang dag yongs su gzung bar bya ba de dag ni yongs su 'dzin/ gang dag yongs su spang bar bya ba de dag ni yongs su spong ngo // gang lha'i rna bas sangs rgyas bcom ldan 'das rnams kyis gsungs pa thos so/ / thos nas kyang 'dzin cing chud mi gzon to// de sems can gzhan dag dang / gang zag gzhan rnams kyi sems kyi rgyu ba'ang rab tu shes te/ shes nas kyang so so ci rigs par ston to// de sngon gyi gnas rjes su dran te/ dran nas kyang sngon byas pa'i dge ba'i rtsa ba chudang mi gzon to// rdzu 'phrul gyis kyang sangs rgyas kyi zhing mtha' yas pa dag tu 'gro zhing / sems cad gang dag rdzu 'phrul gyis 'dul ba de dag kyang rdzu 'phrul gyis 'dul te/ de'i phyir mngon par shes pa'i lam zhes bya'o// de la tshad med pa'i lam ni gang sdug pa'i rnam par lhung ba'i tshangs pa rnams dang / gzugs na spyod pa'i lha gzhan dag gi sems kyi 'jug pa'ang rab tu shes te/ 'di ni byams pa'i sems/ 'di ni snying rje'i sems/ 'di ni dga' ba'i sems/ 'di ni btang snyoms kyi sems so zhes ji lta bus 'dul ba de bzhin du rab tu 'dren te/ de'i phyir tshad med pa'i lam zhes bya'o/ / de la yan lag brgyad pa'i lam ni sems can thams cad kyi rjes su song ba dang / nyan thos kyi theg pa'i rjes su song ba dang / rang sangs rgyas kyi theg pa'i rjes su song ba dang / theg pa chen po'i rjes su song ba ste/ thams cad kyi rjes su 'gro bas de'i phyir yan lag brgyad pa'i lam zhes bya'o// de la sems can thams cad la sems mnyam pa'i lam ni 'di'i ni bya'o/ / 'di'i mi bya'o// 'di la ni bsad do// 'di la ni mi bshad do// 'di ni sbyin gnas so// 'di ni sbyin gnas ma yin no zhes de rnam par rtog pa la mi spyod de/ sems can thams cad la mnyam pa nyid kyi rjes su 'gro bas/ de'i phyir sems can thams cad la sems mnyam pa'i lam zhes bya'o// de la rnam par thar pa gsum gyi lam ni/ dmigs pa thams cad spang ba'i phyir/ stong pa nyid dang / rtog pa dang / rnam par rtog pa dang / yongs su rtog pa dang / mtshan ma dang / rnam par rtog pa thams cad spang ba'i phyir mtshan ma med pa dang / khams gsum pa la rton pa spang ba'i phyir smon pa med pa ste/ de'i phyir rnam par thar pa gsum gyi lam zhes bya'o/ / de la mi skye ba'i chos la bzod pa rab tu thob pa'i lam ni/ byang chub sems dpa' lung bstan pa rab tu thob pa yin te/ mi skye ba la bzod pa de dang ldan par rig nas/ sangs rgyas bcom ldan 'das rnams byang chub sems dpa' bla na med pa yang dag par rdzogs pa'i byang chub tu lung ston te/ de'i phyir mi skye ba'i chos la bzod pa rab tu thob pa'i lam zhes bya'o// klu'i bdag po byang chub sems dpa' rnams kyi rnam par dag pa'i lam brgyad po 'di dag ni/ gcig pu bgrod pa'i lam du yang dag par 'du ba ste/ 'di ltar byang chub sems dpa' grogs med par gcig pu gnyis su med par skad cig gcig dang ldan pa'i shes rab kyis byang chub kyi snying por gang thob par bya ba de rjes su 'thob pa'o/ / de zhes bya ba ci zhe na/ gang 'di chos thams cad kyi de bzhin nyid rjes su 'thob pa ste/ de'i phyir de bzhin gshegs pa zhes bya'o// klu'i bdag po byang chub sems dpa' rnams kyi rnam par dag pa'i lam brgyad po 'di dag ni/ sems can tha dad pa dang / sna tshogs la spyod pa rnams la bstan pa ste/ gang 'di mi dmigs pa nye bar bzung nas/ bstan pa de thams cad ni bstan pa gcig pa'o// de la la ma de'i rnam par dag pa gang zhe na/ lam 'di ni rdul med pas rdul dang bral ba'o/ / lam 'di ni shin tu mi 'khrugs pas zhe sdang med pa'o// lam 'di ni shes rab kyi snang bas rmongs pa med pa'o// lam 'di ni rang bzhin gyis rnam par dag pas/ kun nas nyon mongs can ma yin pa'o// lam 'di ni phyin ci log bzhi las byung ba'i phyir skye ba med pa'o// lam 'di ni ngo bo nyid kyis yang dag pa ma yin par mthong bas ngo bo nyid med pa'o/ / lam 'di ni 'dod pa dang / gzugs dang / gzugs med pa rnam par shes pas zag pa med pa'o// lam 'di ni dmigs pa tha dad pa dang bral bas nye bar zhi ba'o/ / lam 'di ni gar yang mi 'gro zhing / gang nas kyang mi 'ong bas 'ong ba dang 'gro ba med pa'o// lam 'di ni nyon mongs pa thams cad mi gnas pas legs par gnas pa'o// lam 'di la ni bdud rnams kyi 'gro ba med do/ / lam 'di ni mu stegs can rnams kyis ma yin no// lam 'di la ni mngon pa'i nga rgyal can rnams kyi skabs med do// lam 'dir ni mi brtson pa rnams 'jug pa ma yin no/ / lam 'di ni dmigs pa can rnams dang shin tu ring zhing rnam par ring ngo // lam 'di ni skyes bu ngan pa rnams kyis rnam par spang ba'o// lam 'di ni skyes bu dam pa rnams kyis bsten pa'o/ / lam 'di ni rnal 'byor spyod pa rnams rjes su 'dong ba'o// lam 'di ni tshul bzhin la brtson pa rnams kyi bgrod par bde ba'o// 'di ni yang dag par lta ba la yang dag par gnas pa rnams kyi lam du 'jug pa'o// lam 'di ni brtson pa rnams la mi sgrib pas yangs pa'o// lam 'di ni yang dag par song ba dang / yang dag par zhugs pa rnams la mi sgrib pa'o/ / lam 'di ni 'dod chags dang / zhe sdang dang / gti mug gi nyon mongs pa rnams kyi dri ma med pa'o// lam 'di shin tu kun nas nyon mongs pa can ma yin pa rnam par dag pa ste/ de'i phyir rnam par dag pa'i lam zhes bya'o// klu'i bdag po gang la la ngag rnam par dag pa'i lam 'di la zhugs pa dang / 'jug pa dang / 'jug pa 'gyur ba de dag thams cad ni chos kyi dbyings rnam par dag pas/ bdag gi dbyings rnam par dag par rjes su rtogs so// bdag gi dbyings rnam par dag pas/ chos kyi dbyings rnam par dag pa rjes su rtogs so/ / chos kyi dbyings rnam par dag pas/ sems can gyi khams thams cad rnam par dag par rjes su rtogs so// sems can gyi khams thams cad rnam par dag pas/ mig gi khams rnam par dag par rjes su rtogs pa nas/ yid kyi khams kyi bar du rnam par dag par rjes su rtogs so// yid kyi khams rnam par dag pas/ 'dod pa dang / gzugs dang / gzugs med pa'i khams rnam par dag par rjes su rtogs so// 'dod pa dang / gzugs dang / gzugs med pa'i khams rnam par dag pas/ nam mkha'i khams rnam par dag par rjes su rtogs so/ / nam mkha'i khams rnam par dag pas/ chos thams cad rnam par dag par rjes su rtogs te/ 'di ltar na nam mkha' rnam par dag pa'i rnam par dag pa 'dis chos thams cad mnyam mo/ / de ltar na nam mkha' rnam par dag pa dang / chos thams cad rnam par dag pa dang / bdag rnam par dag pa 'di ni gnyis su med de gnyis su dbyer med do/ / gnyis su med pa rnam par dag pa 'das lam de rnam par dag pa ste/ de'i phyir rnam par dag pa'i lam zhes bya'o// de la tshor ba med pas lam de ni tshor ba med pa ste/ tshor ba thams cad kyi rgyun bcad pa'o// de la ni mya ngan las 'das pa'i tshor ba'ang med de/ de'i phyir tshor ba med pa zhes bya'o// lam de ni sems dang / yid dang / rnam par shes pa dang bral bas/ de la ni chos la sems pa ci'ang med de/ de'i phyir rnam par dag pa'i lam zhes bya'o// bcom ldan 'das kyis rnam par dag pa'i lam bsgom pa'i yon tan gyi le'u 'di bshad pa na/ yongs su sbyang ba byas pa'i srog chags khri nyis stong gis bzod pa rab tu thob par gyur to// de nas bcom ldan 'das la/ klu'i rgyal po ma dros pas 'di skad ces gsol to/ / bcom ldan 'das byang chub sems dpa' ji ltar 'phags pa'i lam bsgom par bgyi/ bcom ldan 'das kyis bka' stsal pa/ klu'i bdag po 'di la byang chub sems dpa' 'phags pa rnam par dag pa'i lam bsgom par 'dod pas/ rnam par dag pa'i spyod pa la mkhas par bya ste/ des lus yongs su dag par bya/ ngag dang sems yongs su dag par bya'o// de la lus yongs su dag pa gang zhe na/ gang rang gi lus stong pa nyid pas/ sems can thams cad kyi lus stong pa nyid du rjes su rtog pa dang / rang gi lus dben pas/ sems can thams cad kyi lus dben pa nyid du rjes su rtogs pa dang / rang gi lus bems po pas/ sems can thams cad kyi lus bems por rjes su rtogs pa dang / rang gi lus g.yo ba med pas/ sems can thams cad kyi lus g.yo ba med par rjes su rtogs pa dang / rang gi lus mig yor dang 'dra bas/ sems can thams cad kyi lus mig yor lta bur rjes su rtogs pa dang / rang gi lus rnam par dag pas/ sems can thams cad kyi lus rnam par dag par rjes su rtogs pa ste/ 'di ni lus rnam par dag pa zhes bya'o/ / klu'i bdag po gzhan yang lus yongs su dag pa ni/ lus kyi las la mngon par 'du mi byed par rtog pa ste/ de mngon par 'du byed pa la'ang mngon par 'du mi byed par rtog cing / mngon par 'du byed pa dang / mngon par 'du mi byed pa'ang mnyas par byed/ mngon par 'du mi byed pa dang / mngon par 'du byed pa'ang mnyam par byed pa'o// de lus kyang yongs su shes shing / lus kyi chos nyid kyang rab tu shes so// de la lus kyi chos nyid gang zhe na/ sngon gyi mtha' nas ma skyes pa ni chos nyid do// phyi ma'i mthar mi 'pho ba ni chos nyid ngo // da ltar byung ba na mig yor lta bu'i chos nyid de/ 'di ni lus kyi chos nyid ces bya'o// gzhan yang lus kyi chos nyid ni rgyu dang rkyen tshogs pa'i chos nyid de/ rgyu dang rkyen gang yin pa de dag kyang sems pa med pa'i phyir stong pa/ g.yo ba med pa/ ngo bo nyid kyis dben pa'o// klu'i bdag po byang chub sems dpa' lus kyi chos nyid 'di dag lta bu 'di dag la rtog pa gang yin pa 'di'ang lus yongs su dag pa'o/ / gzhan yang lus yongs su dag pa ni ji ltar de bzhin gshegs pa'i sku zag pa med cing khams gsum du gtogs pa ma yin pa de bzhin du/ rang gi lus kyang zag pa med cing khams gsum du gtogs pa ma yin par rtogs pa ste/ de zag pa med pa'i lus kyis srid par skye ba sgrub kyang zag pa med pa yang dag pa'i mtha' de'ang mi 'dor ro// de zag pa med pa'i lus kyis gzugs kyi lus yongs su grub pa'ang ston la/ rang bzhin gyis lus kyi chos nyid kyi rang bzhin 'di'ang mi 'dor ro// de de bzhin gshegs pa'i sku rnam par dag pas/ rang gi lus rnam par dag par rtogs pa dang / rang gi lus rnam par dag pas/ sems can thams cad kyi lus rnam par dag par rtog pa 'di'ang lus yongs su dag pa'o// de la ngag yongs su dag pa gang zhe na/ gang 'phags pa rnams dang / gang 'phags pa ma yin pa rnams kyi ngag thams cad ni rnam par dag pa yin na/ sgro btags par na ni/ byis pa so so'i skye bo rnams kun nas nyon mongs par 'gyur/ legs par thos pa dang / nyes par thos pa rnams la rjes su chags pa dang khong khro bar 'gyur ro// yang ngag thams cad ni 'dod chags dang bral ba/ zhe sdang dang bral ba/ gti mug dang bral ba ste/ de dag la chags pa dang / zhe sdang dang / rmongs pa'i yi ge rnams mi 'byung bas/ de'i phyir ngag thams cad rnam par dag pa zhes bya'o// ngag ni gsog ste/ gsog la ni 'dod chags dang / zhe sdang dang / gti mug gi nyon mongs pa rnams kyis nyon mongs par 'gyur pa med do// ngag ni gzung ba ma yin pa ste/ mig gis gzung bar bya ba ma yin pa nas/ yid kyi bar gyis gzung bar bya ba ma yin pa'o// ngag ni rlung dang 'dra ste/ rlung gis 'gyur ba'i tshogs pa med pa mi 'byung ngo // ngag ni brag cha dang 'dra ste/ gang 'phags pa rnams dang / 'phags pa ma yin pa rnams kyi ngag ni nang na'ang mi gnas/ phyi rol tu'ang ma yin/ gnyis ka med par yang mi dmigs te/ rnam par rtog pa dang / rnam par dpyod pa gang dag gis / ngag 'byung ba'i rnam par rtog pa dang / rnam par dpyod pa de dag kyang mi gnas pa/ gnas pa med pa/ rnam par rig pa med pa'o// klu'i bdag po de lta bas na de bzhin gshegs pa'i gsung 'byung ba gang yin pa dang / gzhan sems can rnams kyi ngag gang yin pa de thams cad kyang med pa/ gsog/ brdzun pa/ slu ba'i chos can no// gsol pa/ bcom ldan 'das de bzhin gshegs pa yang dag pa gsung ba ma lags sam/ bka' stsal pa/ gru'i bdag po de de bzhin te/ de bzhin gshegs pa ni yang dag par gsung ba'o// de ci'i phyir zhe na/ de bzhin gshegs pas 'dus byas thams cad ni ma byung bar mkhyen te/ ji ltar mkhyen pa de bzhin du de ston to// don 'dis na/ de bzhin gshegs pa ni yang dag pa gsung ba'o// klu'i bdag po de bzhin gshegs pa'i gsung yi ge la dpyod pa gang yin pa'i yi ge de dag la sems can thams cad kyang dpyod de/ de bas na sems can thams cad ni chos kyi 'khor lo sgor yang / chos kyi ngo bo mi shes so// de'i phyir de dag gi yi ge la dpyod pa ni de byed pa'i sdug bsngal yang dag par zad par bya ba'i phyir 'byung ba ma yin no// klu'i bdag po de ltar ni byis pa so so'i skye bo thams cad ni/ sgra thams cad la mngon par zhen to// de dag ni tha snyad thams cad la yang nyon mongs pa rnams dang ma 'dres pa'i ngaga' byung ngo // nyon mongs kyang kun nas nyon mongs pas kun nas nyon mongs par 'gyur ba ni ma yin no// ngag la dpyod cing rnam par byang bar byed kyang / chos nyid kyi rang bzhin gyis// rnam par dag par 'gyur pa ma yin te/ klu'i bdag po 'di ni ngag yongs su dag pa zhes bya'o// de la sems yongs su dag pa gang zhe na/ sems kyi rang bzhin ni kun nas nyon mongs par byar mi nus so/ / de ci'i phyir zhe na/ sems ni rang bzhin gyis 'od gsal yang de ni glo bur gyi nyon mongs pa dang / nye ba'i nyon mongs pa rnams kyis nye bar sgron mongs so// de la byang chub sems dpa'i ni glo bur gyi nye ba'i nyon mongs rnams kyi skabs mi 'byed de/ de rang bzhin gyis shin tu rnam par dag pa'i sems kyi las gang gis dge ba'i rtsa ba de dag la sogs pa'i sems de'ang sems kyi rang bzhin nyid du rab tu shes so/ / sems kyi las gang gis sems can thams cad la byams pas khyab par byed pa'i sems de'ang sems dang mnyam pa nyid du rab tu shes so/ / sems kyi las gang gis dge ba'i rtsa ba thams cad byang chub tu yongs su sngo ba'i sems de'ang byang chub dang mnyam pa nyid du rab tu shes so// de ltar sems yongs su dag pa 'dod chags la spyod pa thams cad dang lhan cig gnas kyang 'dod chags kyi dri mas kun tu gos par mi 'gyur ro/ / de bzhin du zhe sdang la spyod pa dang / gti mug la spyod pa dang / mnam pa la spyod pa'i sems rnams dang lhan ci gnas kyang de dag gis dri mas kun tu gos par mi 'gyur ro// de ltar sems yongs su dag de 'dod pa'i khams su skyes te/ gzugs na spyod pa'i tshangs pa rab tu zhi ba'i spyod lam can rnams dang lhan cig gnas shing 'dug kyang de dag gis zil gyis gnon mi nus kyi/ byang chub sems dpa' de nyid kyis lha de dag zil gyis lha de dag zil gyis gnon to/ / de ltar sems yongs su dag pa de gzugs kyi khams su skyes la/ 'dod pa'i khams kyi sems can rnams dang lhan cig tu gnas shing 'dug kyang yongs su skyo ba mi bskyed cing bdag brjod pas/ sems can de dag la brnyas pas sems mi bskyed do// de ltar sems yongs su dag pa de ting nge 'dzin dang snyoms par 'jug pa thams cad la snyoms par zhugs kyang / de ting nge 'dzin dang snyoms par 'jug pa de dag gis dbang gis mi skye'o// de ci'i phyir zhe na/ klu'i bdag po 'di ltar byang chub sems dpa' de'i sems nges par sems pa thabs mkhas pas mngon par bsgrubs pa'i phyir ro/ / klu'i bdag po de ltar byang chub sems dpa' rnam par dag pa'i lam 'di la sgom pa rnam par dag pa'i spyod pa la mkhas pa yin no// klu'i bdag po dngos po sgoms pas lam sgom pa ma yin/ dngos po rnam par 'jigs pas lam sgom pa ma yin/ dngos po khams len pas ma yin/ dngos po khams mi len pas lam sgom pa ma yin/ dngos po srid pas ma yin/ dngos po mi srid pas lam sgom pa ma yin/ dngos po skye ba ma yin/ dngos po 'gags pas las sgom pa ma yin/ dngos po 'dzin pas ma yin/ dngos po 'dor bar lam sgom pa ma yin/ bdag tu ma yin/ bdag med par ma yin/ sems can du ma yin/ srog tu ma yin/ gso bar ma yin/ skyes bur ma yin/ gang zag tu ma yin/ shed las skyes su ma yin te/ shad bu sgom pa sa lam sgom pa ma yin/ phung po mi rtag par sgom pas lam sgom pa ma yin/ phung po sdug bsngal bar sgom pas ma yin/ phung po bdag med par sgom pas ma yin/ phung po zhi bar sgom pas ma yin/ phung po 'dod chags dang bral bar sgom pa ma yin/ phung po sgyu ma lta bur sgom pas lam sgom pa ma yin/ phung po rmi lam lta bur sgom pas ma yin/ phung po mig yor lta bur sgom pas ma yin/ phung po brag cha lta bur sgom pas lam sgom pa ma yin/ phung po stong pa nyid du sgom pas lam sgom pa ma yin/ phung po mtshan ma med par sgom pas ma yin/ phung po smon pa med par sgom pas la ma sgom pa ma yin no// de ci'i phyir zhe na/ 'di ltar gang stong pa de ni dngos po ma yin/ dngos po med pa ma yin no// gang mtshan ma med pa dang / smon pa med pa de ni dngos po ma yin/ dngos po med pa ma yin te/ 'di ni lam sgom pa zhes bya'o/ / phung po dang / khams dang / skye mched sgom pas lam sgom pa ma yin/ ma rig pa la 'dod chags dang bral bar sgom pa sa lam sgom pa ma yin pa nas/ rga shi'i bar la 'dod chags dang bral bar sgom pas la ma sgom pa ma yin no/ / de bzhin du 'jig rten pa dang / 'jig rten las 'das pa dang / 'dus byas dang / 'dus ma byas dang / zag pa dang bcas pa dang / zag pa med pa dang / kha na ma tho ba dang bcas pa dang / kha na ma tho ba med pa sgom pas lam sgom pa ma yin te/ klu'i bdag po gang chos thams cad dngos por yang mi byed/ dngos po med par yang mi byed pa 'di ni lam sgom pa zhes bya'o// chos thams cad la mi gnas par sgom pa dang / blang ba med pa dang / dor ba med par sgom pa 'di ni lam sgom pa zhes bya'o/ / bcom ldan 'das kyis rnam par dag pa'i lam sgom pa'i yon tan gyi le'u 'di bshad pa'i tshe/ 'khor gyi dkyil 'khor de las srog chags dgu khri nyis sdong chos rnams la chos kyi mig rdul med cing dri ma dang bral ba rnam par dag go/ srog chags khri nyis stong ni rjes su 'thun pa'i bzod pa rab tu thob par gyur to// srog chags bdun stong ni mi skye ba'i chos la bzod pa rab tu thob par gyur te/ de dag thams cad kyis mgrin gcig tu 'di skad ces smras so// bcom ldan 'das rigs kyi bu 'am/ rigs kyi bu mo gang dag gis rnam par dag pa'i lam sgom pa 'di mnyan te/ zos nas mi dngang zhing khong du chud par byed la/ 'dzin pa de dag ni de bzhin gshegs pas bla na med pa yang dag par rdzogs pa'i byang chub 'dzin par 'gyur ro/ / de dag ni de bzhin gshegs pas bskor ba'i chos kyi 'khor lo rjes su skor bar 'gyur ro// de dag ni de bzhin gshegs pa'i dam pa'i chos dkon mchog rjes su srung bar 'gyur ro/ / de dag ni seng ge'i khri la 'dug cing / ji ltar de bzhin gsheg pa dgra bcom pa yang dag par rdzogs pa'i sangs rgyas kyis da ltar bsgrags pa de bzhin du seng ge'i sgra sgrogs par 'gyur ro/ / de dag ni bdud kyi dkyil 'khor pham par byed par 'gyur ro// de dag ni pha rol rgol ba thams cad tshar chod par 'gyur ro// de dag ni chos kyi tog sgreng bar 'gyur ro// / de dag ni chos kyi sgron me 'bar bar byed par 'gyur ro// de dag ni chos kyi dung rab tu 'bud par 'gyur ro// de dag ni chos kyi rnga rdung bar 'gyur ro// de dag ni chos kyi char 'bebs par 'gyur ro/ / de nas bcom ldan 'das kyis klu de dag dang / 'khor bzhi po de dag gis legs par smras pa la rjes su yi rang bar mdzad nas/ glu'i rgyal po ma dros pa la tshigs su bcad de bka' stsal pa/ dngos por 'du shes gang gis kyang // lam sgom nus pa ma yin te// lam 'di la ni 'di lta bur// dngos por 'du shes yod ma yin// dngos po dngos por byed pas min/ / dngos med dngos po med byed pas// nam mkha' rnam dag gang 'dra ba'i// lam sgom nus pa ma yin no// gang zhig lam ni dngos byed min// dngos med dngos po med byed min/ / dngos dang dngos med bral ba de// ma tshogs gi lam ni sgom pa'o// bdag tu lam sgom ma yin la// bdag med sgom pas ma yin te// 'di ltar gnyis su med pa'i lam/ / grub cing bde ba bla na med// de bzhin srog dang gso ba dang // gang zag kyang ni de bzhin te// gang zag med pa'i lam 'di ni// srog med rab tu gnas pa med// stong pa nyid la gnas nas su// gang dag la la lam sgom pa// de dag 'phags pa'i lam las ring // de dag la ma sgom ma yin no// stong pa nyid la lam med de// lam sgom pa yang yod ma yin/ / de ltar mtshan nyid gcig pa ni// mtha' 'das stong pa stong pa nyid// skye ba'i mtshan nyid lam ma yin// mtshan nyid med pa'ang de ma yin// gang zhig ma skyes mi 'gog pa/ de ni lam sgom yin par gsungs// phung po lnga ni sgyu ma ltar// gang gis 'du shes 'jug pa dang // dngos por 'dzin pa'i 'du shes can// lam la sgom pa ga la yin// lam 'di 'jig rten 'das pa ste/ / 'di la phung po'i dngos med na// phung po rnam par 'jig pa'i phyir// sgom par nus pa ma yin no// phung po'i de bzhin nyid de ni// de bzhin nyid du rab tu bstan// / de bzhin kho na de la ni// gzhan du 'gyur ba mi dmigs so// de bzhin nyid ni lam sgom min// de la yod dang med pa mnyam// de bzhin nyid la de bzhin shes// de ni lam la sgom pa yin/ / chos rnams kun ni de bzhin nyid// ngas ni de ltar sangs rgyas te// de nyid rtogs par bya ba'i phyir// lam la sgom par byed pa yin// gang zhig lam ni mi shes shing // lhag par byed pa'ang ma zhugs pa// sangs rgyas chos rnams tshol ba na// de la thogs pa 'byung bar 'gyur// ngas ni ji ltar lam bsgoms shing // ji lta bur ni reg pa ltar// de bzhin nyid la gnas nas su/ / ji ltar de ni bshad par bya// theg pa dman pa 'byung ba'i phyir// lam 'di tshad dang bcas pa yin// theg pa chen po 'byung ba'i phyir// 'di ni lam gyi dam pa yin// gang dag la la lam thob la/ / thob nas rgyun chad mi byed pa// de dang de dag lam thob ste// lam sgom pa ni sgom par byed// mnyam ste mi mamam med pa'i lam// lam du 'jug cing drang shis pa// ngan pa'i lam kun rnams spangs nas// byang chub rjes su thob par byed// ji ltar klu yi rgyal po khyod// rang gi gnas na 'dug byed cing // gnas nas g.yos pa med par yang // rgya mtsho 'di ni gang bar byed/ / de ltar sems can chen po dag/ lam sgom pa ni bsgoms nas su// chos kyi dbyings las ma g.yos par// ye shes rgya mtsho'i gengs par byed// ji ltar klu yi rgyal po khyod/ / sa rnams 'di dag thams cad la// chu yi rgyun gyis ngoms byed kyang // de ring nang na gnas pa min// de ltar sems can chen po dag/ skom pa 'di la bsgoms nas ni// sems can chos kyis tshim byed kyang / / nang na gnas pa ma yin no// ji ltar klu yi rgyal po khyod// pha rol gnon pa gdung ba med// de ltar dpa' bo lam thob pa// nyon mongs pas ni gdung ba med// sems can gang dag lta gnas shing // log pa'i lam du lhung ba dag/ lam 'di la ni rab gnas na// de dag mya ngan 'da' bar 'gyur// lam 'di la ni gnas nas su// byang chub sems dpa' grags chen po/ / bdud sdig can dang de bzhin du// pha rol mu stegs can rnams 'dul// gang tshe lam ni thob gyur pa// de tshe g.ye ba med par 'gyur// 'jig rten chos rnams zil mnan nas/ / pad+ma lta bur rab tu spyod// byang chub sems las ma nyams shing // lam 'di la ni mnyam gzhag pa// sems can gzhan rnams stong dag kyang // byang chub la ni rab tu 'dzud// lam 'di la ni rab gnas nas// mngon par shes pa lnga thob nas// rdzu 'phrul thams cad rnam 'phru zhing // srog chags rnams la chos ston to// de dag lus dang ngag dang yid// thams cad du ni yongs dag cing / / bsam gyis mi khyabs sems can khams// 'phags pa'i lam la rab tu 'dzud// dmigs pa med pa'i bzod pa gang // rig rtogs khong du chud rtogs pa// de bzhin gshegs kyi rtogs thob nas// srog chags rnams la chos ston to// 'jig rten 'di 'gro gang yin pa// de bzhin gshegs 'gro de yin te// de dag khong du chud rtogs na/ / de dag 'gro ba med par 'gyur// sems cad kun gyi 'gro gang yin// de dag 'gro ba des 'gro zhing // sangs rgyas chos 'dir bslabs nas su// sgyu ma'i chos kyis rnam par sprul/ / ji ltar lam ni 'di sgom zhing // gang dag lam la sgom byed pa// de dag bsngags dang yon tan rnams// 'dren pa dag ni kun gyis gsungs// de dag gi ni yon tan mtha'// / nga rgyalam na yang rtogs mi nus// gang dag lam ni 'di sgom pa// de dag dngos po med la gnas// gang dag mi sgyu mi 'byung zhing // lam 'di la ni rab zhugs pa// de la dmigs can thams cad dang / / bdud kyis gting dpogs ma yin no// de dag gus bcas dran pa dang // blo gros rtogs dang gzungs rnams dang // spobs pa thob cing tshul khrims dang // thos dang gtong ba rnam par 'phel/ / gang dag lam ni 'di sgom pa// lus dag cing ni ngag dag la// sems dag shin tu sbyangs pa rnams// rab dag shin tu rnam dar dag/ gang dag la ma ni 'di sgom pa/ 'phags pa'i rtogs pa rjes 'thob cing // zab mo'i tshul la mkhas pa ste// chags med ye shes 'khrugs pa med// gang dag 'das pa'i sangs rgyas dang // gang dag ma 'ongs pa ltar byung / / rdzogs pa'i sangs rgyas gang ji snyed// lam thob pas na mchod pa yin// mdo sde 'di la gang dga' ba// sems can des rnyed legs par rnyed// de bzhin gshegs pa shin tu mthong / de dag dam chos rab tu thos// de nas bcom ldan 'das kyis chos bstan pas/ klu'i rgyal po ma dros pa tshim zhing mgu la yi rangs shing rab tu dga' ste/ dga' ba dang yid bde ba skyes nas/ bcom ldan 'das la 'di skad ces gsol to// bcom ldan 'das dge slong gi dge 'dun dang mngon par 'tshal ba/ mngon par 'tshal ba'i byang chub sems dpa' sems dpa' chen po rnams dang thabs cig tu dgung zla gsum bdag gi gnas ma dros par bzhugs par bcom ldan 'das kyis gnang bar mdzad du gsol/ bdag gis rngo ci thog tu kun tu spyod pas/ bcom ldan 'ad sa la bsnyen bkur 'tshal lo/ / de ci'i slad du zhe na/ bcom ldan 'das gang bdag gis 'di lta bu'i chos thos pa ni/ bdag gis de bzhin gshegs pa la slar bgyi ba'i rngo mi thog go/ de bzhin gshegs pa la mchod pa des bdag slad kyis kyang 'di 'dra ba'i chos thos pa dang 'bral bar mi 'gyur bas/ bcom ldan 'das bdag la thugs brtse ba'i slad du gnang bar mdzad du gsol/ de la bcom ldan 'das kyis ma gnang ngo // zla ba gnyis gsol te/ yang de bzhin du bcom ldan 'das kyis ma gnang ngo // zla ba phyed gsol ba dang / thugs brtse ba'i slad du bcom ldan 'das kyis de la cang mi gsung bas gnang bar mdzad do/ / de nas klu'i rgyal po ma dros pas/ bcom ldan 'das kyis cang mi gsung bas gnang bar rig nas/ tshim zhing mgu la yi rangs shing rab tu dga' ste/ dga' ba dang yid bde ba skyes nas/ gnyen dang 'khor du bcas pas bcom ldan 'das kyi zhabs la phyag 'tshal nas/ bcom ldan 'das kyi drung nas song ste/ sprin bsdus/ 'brug bsgrags nas/ ba dzam bu'i gling du mar pa'i rgyun mngon par phab ste rang gi gnas su phyin to// de nas klu'i rgyal po ma dros pas bu thu bo legs sbyin zhes bya ba bos nas/ legs sbyin dang / legs gnas dang / zhi ba ldan dang / dbang po zhi dang / rnam par 'phrul dang / gze brjid re dang / gzi brjid dpag med dang / dpag med 'dzin dang / yon tan dpag med 'dzin dang / kun nas kha dog dang / gzi brjid mchog dang / nor mi zad dang / bzod ldan la sogs pa bu lnga brgya theg pa chen po la yang dag par zhugs pa thams cad la bsgo ba/ gzhon nu khyed shes par gyis shig/ kho bos de bzhin gshegs pa dge slong gi dge 'dun dang / mngon par shes pa/ mngon par shes pa'i byang chub sems dpa' sems dpa' chen po rnams dang thabs cig tu zla ba phyed spyan drangs nas/ bcom ldan 'das kyis kho bo la thugs brtse ba'i phyir gnang ngo // de la khyed thams cad lhan cig 'dus la/ klu'i rtse ba dang / klu'i dga' ba dang / klu'i dbyibs spongs shig/ 'dod pa la rtse ba dang / gzugs dang / sgra dang / dri dang / ro dang / reg pa la mngon par chags pa spongs la/ de bzhin gshegs pa mchod pa la rab tu 'dun par bya'o/ / dran pa dang / shes bzhin dang / bag yod pa la gnas par rdzis la/ bcom ldan 'das la bsnyen bkur gyis shig/ de ci'i phyir zhe na/ bcom ldan 'badas de ni bag mnga' ba'o/ / 'khor kyang bag yod pa'o// cang mkhyen pa'o// 'khor yang cang shes pa'o// zhi ba'o// 'khor kyang zhi ba'o// dul ba'o// 'khor kyang dul ba'o// de la khyed zla ba phyed kyi bar du chung ma'i 'khor gyi nang du ma 'jug cig/ 'dod pa'i rnam par rtog par mi bskyed cing / rnam par rtog par mi bya'o// gnod sems kyi rnam par rtog pa mi bskyed cing / rnam par rtog par mi bya'o// 'tshe ba'i rnam par rtog pa mi bskyed cing / rnam par rtog par mi bya'o// gzhan yang bcom ldan 'das la chos nyan pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa de dag kyang bong gis/ de la khyed kyis ji ltar kho bo smra bab par mi 'gyur ba de lta bu'i gnas dang bkod pa ston cig/ de ltar bcom ldan 'das la mchod pa byas na/ 'khor yi rangs par 'gyur ro// de nas klu'i rgyal po ma dros pas nang mi rnams la bsgo nas/ bcom ldan 'das la mchod pa'i las kyi phyir gangs kyi ra'i rgyal po dang / mtsho chen po ma dros pa gnyis kyi bar du/ 'khor gyi khyams mtha' dpag chad bdun brgyu ba/ sngon po dag pa dang / 'dzam bu chu klung gi gser gyis spras pa/ rdo rje sna tshogs rnam par bkra ba mngon par sprul to// 'khor gyi khyams der rin po che'i shing ljon pa brgyad khri ba'i stong rin po che thams cad kyis legs par brgyan pa/ me tog dang 'bras bu thams cad dang ldan pa dag sprul to// rin po che'i shing ljon pa brgyad khri bzhi stong re re la'ang lo ma rin po che thams cad kyis legs par brgyan pa/ mu tig dmar po'i do shal sbyangs pa stong stong sprul to// 'khor gyi khyams der khang bzangs rin po che thams cad kyis legs par brgyan pa/ gdugs dang / rgyal mtshan dang ba dan bsgrengs pa stong sprul to/ / khang bzangs de dag thams cad du'ang seng ge'i khri lha'i ras bcos ma zung bye ba phrag du ma bting ba/ rtsa ba gser la rin po che thams cad kyis spras pa brgyad khri bzhi stong bzhag go/ / khang bzangs thams cad du'ang klu'i bu mo stong stong bkod de/ thams cad kyang me tog dang / bdug pa dang / spos dang / 'phreng ba dang / byug pa dang / phye ma dang / gos dang / gdugs dang / rgyal mtshan dang / ba dan thogs pa sha stag go// steng gi bar snang yang rin po che'i dra ba'i gdugs kyis mngon par khebs par byas so// rin po che'i dra ba'i gdugs thams cad las kyang kha dog du ma/ kha dog sna tshogs kyi gos dang / gdugs dang / rgyal mtshan dang / ba dan phal po che brgyad stong mngon par sbyangs so// ba dan thams cad la'ang rin po che'i dril bu g.yer kha'i rnga ba brgyus te de dag rlung gis bskyod na snyan pa yid du 'ong ba'i sgra 'byung ngo / / zhal zas ro brgya dang ldan pa'ang bshams so// de nas klu'i rgyal po ma dros pas 'di lta bu'i bkod pa 'di dag byas nas/ de'i nub mo 'das pa dang / nye du dang 'khor du bcas pas thal mo sbyar nas/ bcom ldan 'das la dus sgron cing bskul ba'i phyir tshigs su bcad de gsol pa/ ye shes 'byung gnas ye shes 'byor pa'i mdzod/ / ye shes mtha' yas mkhyen pa khyod la gsol// ye shes che ba gang du'ang chags mi mnga'// ye shes stobs mchog mnga' ba gshegs su gsol// phyogs bcu'i srog chags mang po thams cad kyi/ / sems kyi spyod pa mkhyen pa'i thub chen po// bdag gis gang zag mchog ni spyan drangs pa// drang srong chen po khyod la bdag dus skul// bzhed nyung cho ga mkhyen gso gang slag/ shin tu mkhyen bzhin sdug bsngal rnams las grol// don med mi gsung spyod pa'i cho ga mkhyen// bcom ldan phung po mi mnga' dus 'di lags// kun tu grags pa yon tan ye shes 'phags// ma bskul rtag tu byams thugs bshes gnyen mdzad/ / thub pa dag cing rnam dag nam mkha' bzhin// 'dren pa bshos sbyar lags te dus 'di lags// bsgrengs pa mi mnga' stobs bcu shugs mnga' ba/ / bco brgyad sangs rgyas chos rnams rab tu rdzogs// spyi gtsug bltar mi gda' ba thugs rje 'phags// mgon po tshogs dang thabs cig gshegs su gsol/ gzugs ni gzugs mchog mtshan gyis shin tu brgyan// sku ni dpe byad bzang pos mdzes par spras// phan pa'i chos ston mchog tu dga' mdzad pa// bcom ldan thub chen dus ni 'di lags so// tshangs pa'i dbyangs dang dbyangs snyan 'jam pa'i dbyangs// ka la bing ka 'jam dbyangs seng ge gnon// thams cad dbyangs mchog srid 'khod tshams mdzad pa// bdag la dga' mdzad gzigs shing gshegs su gsol/ / sangs rgyas zhing 'dir de zhin gshegs kyi thugs// 'tshal pa sems can gang yang ma mchis te// bcom ldan 'das ni kun gyi spyod pa mkhyen// rtag tu dus spyod dus de 'di lags so/ / 'di ni lha dang mi dang klu bdag mang skong na// stobs bcu'i stobs mnga' pha rol dpung rnams 'joms pa po// thub chen thub mchog log pa'i lam rnams rnam par 'jig/ dran rtog blo gros ldan 'dir rtogs dang blo gros mdzod// ngan pa'i tshogs can tshogs 'jom khrel mnga' dpal mos dgyes// phan pa mdzad cing bde mdzad yon tan brgyas bltams pa// thug+sa rje rab tu bskyed nas klu brgya rnams 'dul zhing / / mtshungs pa med pa'i mi mchog 'dir ni gshegs su gsol// phan blo thugs brtse ldan zhing 'gro la phan dgyes pa// ji ltar 'gro ba pha rol spyod 'byed blo gros can/ / stobs bcu'i spyod pa rnam par 'byed pa rab gsung ba// dran rtogs blo gros ldan 'di rtogs dang blo gros mdzod// de nas bcom ldan 'das kyis/ klu'i rgyal po ma dros pas dus bskul bar mkhyen nas/ dge slong rnams la bka' stsal pa/ dge slong dag klu'i rgyal po ma dros pas dus bskul gyis/ gnas der zla ba phyed gnas pa ltar gtsug lag khang skyong gi chos gos dang lhung bzed thogs zhes sgo zhig/ de nas bcom ldan 'das byang chub sems dpa' bdun khri nyis stong dang / rdzu 'phrul che zhing mthu che ba'i nyan thos nyis stong gis bskor zhing mdun du bdar nas/ bya rgod kyi phung po'i ri las rdzu 'phrul gyis gshegs so// bcom ldan 'a das nam kha'i ngos la gshegs nas/ 'od gang gis stong gsum gyi stong chen po'i 'jig rten gyi khams gsal bar 'gyur ba de lta bu'i 'od sku las phyung bas/ 'dod pa na spyod pa dang / gzugs na spyod pa'i lha'i bu dag gis/ bcom ldan 'das tshogs chen pos bskor zhing / nam sakhri ngos las mtsho chen po ma dros par gshegs pa mthong nas de dag 'di snyam du/ bcom ldan 'das 'di lta bu'i tshogs kyis bskor te/ zla ba phyed gang na bzhugs pa der chos ston du nges so snyam du sems so/ / de nas lha'i bu brgya stong mang po phyi bzhin 'brang ste/ gang dag bcom ldan 'das la blta bar 'dod pa dang / gang dag chos nyan par 'dod pa dang / gang dag klu'i rgyal po ma dros pa'i gnas dang bkod pa blta bar 'dod pa de dag/ bcom ldan 'das gshegs pa'i rjes bzhin dong ngo // de la lha'i bu kha cig ni lha'i me tog gi char mngon par 'bebs shing / bcom ldan 'das gshegs pa'i rjes bzhin dong ngo // lha'i bu kha cig ni tsan dan sbrul gyi snying po'i phye ma'i char mngon par 'bebs shing / bcom ldan 'das gshegs pa'i rjes bzhin dong ngo / / lha'i bu kha cig ni sil snyan dang glu dbyangs len cing / bcom ldan 'das kyi bsngags pa brjod de/ bcom ldan 'das gshegs pa'i rje bzhin dong lha'i bu kha cig ni rang gi lus kyis gos dang / gdugs dang / rgyal mtshan dang / ba dan bsgreng ba'i char 'bebs shing / bcom ldan 'das gshegs pa'i rjes zhi na dong ngo // gnas gtsang ma'i ris kyi lha'i bu dag ni/ nyi ma dang / zla ba dang / rgyu skar dang / skar ma zil du rlag par byed pa'i lha'i 'od kha dog bzang po rab tu zhi ba dang ldan pa'i lus kyis/ bcom 'das gshegs pa'i rjes bzhin dong ngo / / brgya byin dang / tshangs pa dang / 'jig rten skyong ba rnams kyang rang rang gi bkod pa rnams kyis/ bcom ldan 'das gshegs pa'i rjes bzhin dong ngo // de nas bcom ldan 'das lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / byang chub sems dpa' dang / nyan thos chen po'i tshogs du mas bskor nas gang sa ri'i rgyal po'i lho phyogs kyi ngos la bzhugs so/ / de nas bcom ldan 'das kyis/ tshe dang ldan pa mo'u 'gal gyi bu chen po la 'di skad ces bka' stsa to/ mo'u 'gal gyi bu khyod song ste/ klu'i rgyal po ma dros pa la de bzhin gshegs pa byon na/ ci dus la bab bam zhes sbron cig/ de nas tshe dang ldan pa mo'u 'gal gyi bu chen po de'i tshe/ shing ta la bdun srid du nam mkha' la mngon par 'phags nas/ bya'i rgyal po nam mkha'i lding gi gzugs su rang gi lus byin gyis brlabs nas/ klu'i rgyal po ma dros pa'i gnas la bltas so/ / de nas ma dros pa na gnas pa'i klu dang / klu'i bu mo sngangs skrag ste spu zing zhes byed nas/ phyogs phyogs su rab tu 'bros shing 'di skad ces gang gnas 'dir nam mkha' sding rgyu ba de dag thams cad gang nas 'ongs zhes 'dzer to/ / de nas klu'i rgyal po ma dros pas lag pa g.yas pas/ klu dang klu'i bu mo de dag la ma 'jigs ma 'jigs/ 'di ni btsun pa mo'u 'gal gyi bus rdzu 'phrul rnam par sprul pa'o zhes dbugs 'byin cing 'jog/ 'god/ rab tu 'god do// de nas tshe dang ldan pa mo'u 'gal gyi bu chen pos bskul nas song ngo // de nas klu'i rgyal po ma dros pa bu dang bcas/ chung ma dang bcas/ gnyen dang 'khor du bcas te/ me tog thams cad dang / bye ma thams cad dang / bdug pa thams cad dang / byug pa thams cad dang / gos dang / gdugs dang / rgyal mtshan dang / ba dan dang / sil snyan dang / pheg thogs nas/ bcom ldan 'das ga la ba der dong ste/ phyin nas/ bcom ldan 'das la ci rigs su mchod pa byas so// de nas bcom ldan 'das lha dang / klu dang / gnod sbyin dang / dri za dang / lha ma yin dang / nam mkha' lding dang mi'am ci dang / lto 'phye chen po dang / byang chub sems dpa' dang / nyan thos chen po du mas bskor nas/ klu'i rgyal po ma dros pa'i 'khor gyi khyams su gshegs so// gshegs nas seng ge'i khri ji ltar bshams pa la skyil mo krung bcas te bzhugs so/ / 'khor thams cad kyang khri la so sor ci rigs par 'khod do// de nas klu'i rgyal po ma dros pas/ bcom ldan 'das bzhugs par rig nas/ rang gi lag nas bza' ba dang / bca' ba dang / myang ba mi'i las 'das pa lha'i ro bro ba can/ ro brgya dang ldan pa'i zhal zas bzang po mang pos tshim par bstabs so/ / tshim par bstabs nas lhung bzed bzhag ste/ phyag bcabra par rig nas/ bcom ldan 'das la chos bshad par gsol ba btab bo// de nas bcom ldan 'das phye ma red kyi nges kyi tshe/ nang du yang dag 'jog las bzhengs nas chos bstan pa'i phyir bzhugs so// de nas sa'i dkyil 'khor kun tu dpag tshad stong nas bar snang gi bar du lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dag gis yongs su gang bar gyur to// de nas bcom ldan 'das la/ klu'i rgyal po ma dros pas 'di skad ces gsol to// de bzhin gshegs pas 'khor 'di las byang chub tu sems ma bskyed pa'i sems can rnams ni/ byang chub tu sems skyed par 'gyur pa dang / byang chub tu sems bskyed pa rnams ni/ phyir mi ldog par 'gyur ba dang / 'khor bas skrag pa'i sems can rnams ni/ slob par yang ma lags/ mi slob par yang ma lags pa 'gyur ba dang / slob pa dang mi slob par 'gyur ba dang / 'khor ba la mngon du phyogs pa'i sem sa can rnams ni yid 'byung bar 'gyur ba dang // lha dang / klu dang / gnod sbyin gyi 'khor 'di ni 'gro ba dman pa dang bral zhing rgya chen po'i 'gro bar 'gyur ba dang / zab mo la mos pa'i byang chub sems dpa' rnams ni sems dang bsam pa rnam par dag par 'gyur ba dang / de bzhin gshegs pa bzhugs kyang rung / yongs su mya ngan las 'das kyang rung ste/ bdag dam pa'i chos yongs su 'dzin par 'gyur bar bgyi ba'i slad du chos bstan du gsol/ de nas bcom ldan 'das kyis/ klu'i rgyal po ma dros pa la 'di skad ces bka' stsal to// klu'i bdag po de'i phyir legs par shin tu nyon la yid la zung zhig dang / ngas khyod la bshad do// bcom ldan 'das de bzhin no zhes gsol te/ klu'i rgyal po ma dros pas bcom ldan 'das kyi ltar nyan pa dang / bcom ldan 'das kyis/ de la 'di skad ces bka' stsal to// klu'i bdag po byang chub sems dpa' chos gcig dang ldan na/ lha dang bcas pa'i 'jig rten mngon par 'du bar 'gyur ro// chos gcig po gang zhe na/ 'di k+ta ste/ zab mo'i chos la rab tu sbyor ba'i bag yod pa'o// de la zab mo'i chos la rab tu sbyor ba'i bag yod pa gang zhe na/ klu'i bdag po 'di la byang chub sems dpa' sems dpa' chen po rten cing 'brel par 'byung ba la 'jug cing / mthar lta ba gnyis ka dang bral la/ yod pa dang med par khas mi len pas chos thams cad kyi rkyen gyi kha na las par yang dag par rjes su mthong ste/ gang rgyu med pa las byung ba'i chos de yang dag par rjes su ma mthong nas/ de 'di snyam du sems te/ chos gang rgyu'i kha na las pa de ni rkyen gyi kha na las pa'o// gang rkyen gyi kha na las pa de ni ma skyes pa'o/ / gang ma skyes pa de ni stong pa'o// gang stong pa de ni mtshan ma med pa'o// gang mtshan ma med pa de ni smon pa med pa'o// gang smon pa med pa de ni zhi ba'o// gang zhi ba de ni nye bar zhi paba'o/ / gang nye bar zhi ba de ni mi g.yo ba'o// gang mi g.yo ba de ni rang bzhin gyis bems po'o// gang rang bzhin gyis bems po gang yin pa de ni rkyen gyi kha na las pa'o// gang rkyen gyi kha na las pa de la ni bdag med/ bdag gi med pa'o// gang rkyen gyi kha na las pa de ni yongs su 'dzin pa med pa'i tshul gyis brjod du med pa'o// klu'i bdag po byang chub sems dpa' sems dpa' chen po bag yod pa can ni/ rton pa bzhi la rten te/ bzhi gang zhe na/ don la rton gyi/ tshig 'bru la ma yin pa dang / ye shes la rngon gyi/ rnam par shes pa la ma yin pa dang / nges pa'i don la rton gyi/ drang ba'i don la ma yin pa dang / chos nyid la rton gyi/ gang zag la ma yin te/ 'di ni rton pa bzhi la rton pa'o// de la don ni gang / ye shes ni gang / nges pa'i don ni gang / chos nyid ni gang zhe na/ don zhes bya ba la gang stong pa nyid ni don te/ don gang yin pa de la lta ba rjes su rgyas par mi byed do// gang mtshan ma med pa ni don te/ de la rnam par rtog pa rjes su rgyas par mi byed do// gang smon pa med pa ni don te/ de la khams gsum pa rjes su rgyas par mi byed de/ 'di ni don zhes bya'o// klu'i bdag po gzhan yang don zhes bya ba ni gang / chos dang chos ma yin pa gnyis su dbyer med pa'o/ / gang chos rnam par gzhag pa brjod du yod pa sgra dang tshig gi lam gyis brjod du med cing / gnas pa med pa dang / gang zag med pa de ni don te/ sems can dang gang zag tu tha snyad 'dog pa 'di ni don zhes bya'o/ / gzhan yang don zhes bya ba ni/ gang chos don du gnyer ba yin gyi/ 'thob pa don du gnyer ba ma yin no// ji ltar na byang chub sems dpa' chos don du gnyer gyi/ 'thob pa don du gnyer ba ma yin zhe na/ gang mig don du gnyer ba ma yin/ gzugs don du gnyer ba ma yin/ rna ba dang / sgra dang / sna dang / dri dang / lce dang / ro dang / lus dang / reg bya don du gnyer ba ma yin/ yid don du gnyer ba ma yin/ chos don du gnyer ba ma yin/ gzugs la mngon par zhen pa don du gnyer ba ma yin/ tshor ba la ma yin/ 'dra shes la ma yin/ 'du byed la ma yin/ rnam par shes pa la mngon par zhen pa don du gnyer ba ma yin/ 'dod pa dang / gzugs dang / gzugs med pa la mngon par zhen pa don du gnyer ba ma yin/ bdag la mngon par zhen pa don du gnyer ba ma yin/ sems can la ma yin/ srog la ma yin/ gso ba la ma yin/ skyes bu la ma yin/ gang zag la mngon par zhen pa don du gnyer ba ma yin/ de bzhin gshegs pa'i gzugs kyi skul mngon par zhen pa don du gnyer ba ma yin/ chos kyi yi ge la mngon par zhen pa don du gnyer ba ma yin dge 'dun gyi tshogs la mngon par zhen pa don du gnyer ba ma yin/ sbyin la mngon par zhen pa don du gnyer ba ma yin/ tshul khrims dang / bzod pa dang / brtson 'grus dang / bsam gangs lam yin/ shes rab la mngon par zhen pa don du gnyer ba ma yin pa nas/ chos thams cad kyi bar la mngon par zhen pa don du gnyer ba ma yin te/ de ltar na byang chub sems dpa' chos don duganyer ba zhes bya'o/ / gang don de dag la don nas tshig gis brjod du med pa 'di ni don zhes bya'o// de la shes pa gang zhe na/ sdug bsngal la mi skye bar shes pa dang / kun 'byung ba la sgo btags pa med par shes pa dang / 'gog pa la shin tu zad par shes pa dang / lam la 'ong ba dang 'gro ba med par shes pa dang / phung po rnams la sgyu ma lta bur shes pa dang / khams rnams la chos kyi dbyings dang dbyer med par shes pa dang / skye mched rnams la grong stong lta bur shes pa dang / chos rnams la rab tu rnam par 'byed pa shes pa dang / sems can dbang po/ mchog dang mchog ma yin pa shes pa dang / dran pa la brjed pa med par shes pa dang / dran pa nye bar gzhag pa rnams la dran pa med cing yid la byed pa med par shes pa dang / yang dag par spong ba rnams la dge ba dang mi dge ba rnams su yang dag par shes pa dang / rdzu 'phrul gyi rkang pa rnams la lus dang sems yang dag par shes pa dang / dbang po rnams kyi rim pa shes pa dang stobs rnams la brdzi ba med par shes pa dang / byang chub kyi yan lag rnams la chos thams cad rtogs par shes pa dang / lam la 'dus ma byas par shes pa dang / zhi gnas la zhi bar shes pa dang / lhag mthong la chos rab tu rnam par 'byed par shes pa dang / sngon gyi mtha' las byung bar shes pa dang / phyi ma'i mthar mi 'pho bar shes pa dang / bar ma la mi gnas par shes pa dang / lus la gzugs brnyan lta bur shes pa dang / tshig la brag cha lta bur shes pa dang / sems la sgyu ma'i chos lta bur shes pa 'di ni shes pa zhes bya'o/ / de la nges pa'i don gyi mdo sde gang zhe na/ gang rten cing 'brel bar 'byung ba 'di bstan pa ste/ 'di ltar ma rig pa 'gags pa nas/ rga shi 'gags pa'i bar la bdag med par bstan pa dang / sems can med pa dang / srog med pa dang / gso ba med pa dang / gang zag med par yongs su bstan pa ste/ ji ltar gzings lta bu'i mdo las chos kyang spang bar bya na// chos ma yin pa lta ci smos zhes gsungs pa lta bu'o// de la rnam par thar pa'i sgo gsum yongs su ston pa dang / dus gsum mnyam pa nyid dang / bslab pa gsum la mi dmigs par slob ste/ ji ltar 'du byed thams cad 'gro ba med par mthong nas/ yang dag pa nyid mi 'gyur ba la 'jug cing 'jig rten las 'das pa'i dbang po rnams dang / stobs rnams dang / byang chub sems dpa'i shes rab la 'du shes dang yid la byed pa thams cad mi 'byung ba 'di ni/ nges pa'i don gyi mdo sde'o zhes gsungs pa lta bu'o// de la chos nyid gang zhe na/ de bzhin gshegs pa byung yang rung // ma byung yang rung / chos nyid 'di ni 'dug pa nyid de/ chos kyi dbyings dang / chos gnas pa dang / chos mi 'gyur ba nyid dang / yang dag pa'i mtha' ni chos nyid ces bya'o// gang de bzhin nyid dang / phyin ci ma log pa de bzhin nyid dang / gzhan ma yin pa de bzhin nyid dang / gnyis su med pa nyid dang / yang dag pa nyid dang / de kho na nyid dang / yang dag pa'i mtha' sngon gyi mtha' ma yin pa dang / sngon gyi mtha' yang dag pa'i mtha' ma yin pa 'di ni chos nyid ces bya'o// theg pa chen po pha rol tu phyin pa drug las byung ba ni chos nyid ces bya'o// rang sangs rgyas kyi theg pa rten cing 'brel par 'byung ba las byung ba dang / sgra'i rjes su 'gro ba la mos pa las byung ba/ nyan thos kyi theg pa 'di ni chos nyid ces bya'o// longs spyod chen po'i phyir sbyin pa'ang/ / chos nyid ces bya'o// mtho ris su skye ba'i phyir tshul khrims dang / shes rab chen po'i phyir thos pa dang / ma bral ba'i phyir sgom pa ni chos nyid ces bya'o// klu'i bdag po gzhan yang tshul bzhin ma yin pa yid la byed pa'i rgyu las byung ba ni 'khor ba'o/ / tshul bzhin yid la byed pa'i rgyu las byung ba ni chos nyid do// nyon mongs pa'i stobs can ni byis pa'o// shes rab kyi stobs can ni mkhas pa ste/ 'di ni chos nyid ces bya'o// chos nyid ces bya ba ni 'di lta ste/ chos thams cad kyi dbyings su yang dag par gzhol ba'o// klu'i bdag po de ltar na gang rten cing 'brel par 'byung ba la rton pa de ni/ rton pa bzhi po de dag la rton pa'o// gang rton pa bzhi po dag la rton pa de ni/ chad pa dang rtag pa la rton pa ma yin te/ de'i phyir sus rten cing 'brel par 'byung ba mthong ba des chos mthong ngo / / sus chos mthong ba des de bzhin gshegs pa mthong ngo zhes bya'o// klu'i bdag po rton cing 'brel par 'byung ba zhes bya ba ni/ 'brel par 'byung ba ma yin pa'o/ / 'brel par 'byung ba ma yin pa ni mi skye ba'o// mi skye ba ni chos so// chos ni 'dod chags dang bral ba'o// 'dod chags dang bral ba ni de bzhin gshegs pa'o// rten cing 'brel par 'byung ba zhes bya ba ni rkyen las 'byung ba ste/ brjod du med pa'o chos nyid do// chos nyid mngon par rdzogs par byang chub pa'i phyir de bzhin gshegs pa'o// klu'i bdag po rten cing 'brel par 'byung ba zhes bya ba ni/ shes rab kyi mig gis chos mthong ba ste/ chos mthong ba ni de bzhin gshegs pa'o// klu'i bdag po chos nyid de lta bu la mos pa'i byang chub sems dpa' ni bag yod pa zhes bya'o/ / klu'i bdag po byang chub sems dpa' bag yod pa ni/ nyon mongs pa rnams la rgyu bar mi byed pa dang / 'phags pa rnams la dad par byed pa dang / 'phags pa ma yin pa rnams su mi gtong ba dang / 'phags pa'i rigs kun tu srung bar byed pa dang / dam pa'i chos yongs su srung bar byed pa dang / mang du thos pa brjed par mi byed pa dang / tshul khrims kyi phung po 'dor bar mi byed pa dang / ting nge 'dzin gyi phung po shin tu dkar bar byed pa dang / shes rab kyi phung po las mi g.yo ba dang / rnam par grol ba'i phung po shin tu gnas pa dang / rnam par grol ba'i ye shes mthong ba'i phung po la rab tu gnas pa'o/ / klu'i bdag po byang chub sems dpa' bag yod pa ni/ sangs rgyas kyi chos tshad med pa la mos so// sangs rgyas kyi ye shes tshad med pa yongs su tshol lo/ / sangs rgyas kyi spobs pa tshad med pa la 'jug go// sangs rgyas kyi so so yang dag par rig pa tshad med pa la 'jug go// sangs rgyas kyi rnam par sprul pa tshad med pa'i rjes su 'gro'o// sems can gyi bsam pa tshad med pa'i rjes su 'jug go/ sangs rgyas kyi zhing tshad med par 'gro'o// de bzhin gshegs pa tshad med pa mthong ngo // chos tshad med pa nyan to// don rtogs pa tshad med pa'i rjes su 'gro'o/ / sems can gyi khams tshad med pa yongs su smin par byed do// spyod pa tshad med pa la 'jug go/ bag yod pa de na bdag gi kha na las pa yin gyi/ gzhan gyi kha na las pa ma yin no/ / de ci'i phyir zhe na/ klu'i bdag po bag yod pa'i byang chub sems dpa' ni/ rang gi sems nges par sems pa ste/ des sems nges par sems pa gsum gyis sems nges par bsam par bya'o/ / gsum gang zhe na/ 'di lta ste/ nyon mongs pa nges par sems pa dang / yul la nges par sems pa dang / nye bar len pa la nges par sems pa ste/ sems nges par sems pa gsum po de dag gis so/ / gzhan yang nges par sems pa gsum ste/ gsum gang zhe na/ zhi gnas la rtse gcig pa dang / lhag mthong la mkhas pa dang / chos la nan tan byed pa ste/ gsum po de dag go/ gzhan yang sems nges par sems pa gsum ste/ gsum gang zhe na/ sems zhi ba dang / sems dul ba dang / sems yid du 'ong ba ste/ gsum po de dag go// gzhan yang sems nges par sems pa gsum ste/ gsum gang zhe na/ drang po dang / sgyu med pa dang / gnyer ba med pa ste/ gsum po de dag go// gzhan yang gsum ste/ tshul 'chos pa med pa dang / mnyen pa dang / 'grogs na bde ba ste/ gsum po de dag go// gzhan yang gsum ste/ gsum gang zhe na/ stong pa nyid la nges par sems pabapa dang / mtshan ma med pa la nges par sems pa dang / smon pa med pa la nges par sems pa ste/ sems nges par sems pa gsum po de dag go// gzhan yang gsum ste/ 'du byed thams cad la mi rtag par sems nges par sems shing / 'du byed thams cad la sdug bsngal bar sems nges par sems pa dang / chos thams cad la bdag med par sems nges par sems pa dang / mya ngan las 'das pa ni zhi bar sems nges par sems pa ste/ sems nges par sems pa gsum po de dag go/ klu'i bdag po de la byang chub sems dpa'i sems nges par sems ba'i mchog ni 'di lta ste/ chos thams cad kyi dbyings mnyam pa nyid khong du chud pa dang / byams pa chen pos sems can thams cad la sems mnyam pa dang / snying rje chen pos sem can thams cad yongs su mi gtong ba dang / dga' ba chen pos 'khor ba na yongs su mi skyo ba dang / btang snyoms chen pos rjes su chags pa dang / khong khro ba med pa dang / bdog pa thams cad yongs su gtong bas rnam par smin pa la re ba med pa dang / tshul khrims dang / bslab pa dang / sbyangs pa'i yon tan thams cad la yang dag par 'dzin pas/ bdag la mi bstod cing gzha la mi smod pa dang / sems can thams cad kyis nyes par byas pa bzod pa dang / de dag de ltar rab tu thar par bya ba'i sems kyis brtson 'grus brtan pa dang / dge ba'i rtsa ba bsgrub pa'i phyir lus dang srog la mi lnga ba dang / sangs rgyas kyi ya shes dang / ting nge 'dzan dang / snyoms par 'jug pa bsgrub pas sems la bdag dbang ba ste/ ting nge 'dzin dang snyoms par 'jug pa'i dbang gis skye ba ma yin pa dang / shes rab dang / mngon par shes pa dang / ye shes la mkhas pas 'du mi byed pa las mi nyams pa dang / thabs la khas pas sems can thams cad dang 'thun par 'jug pa dang / ye shes dang rnam par grol ba kun tu bsrung bas nyan thos dang / rang sangs rgyas kyi ye shes dang / theg pa chen po khong du chud par bya ba'i phyir sangs rgyas kyi ye shes kyi rjes su 'gro ba dang / dam pa'i chos gzung ba'i phyir sdug bsngal mi mjed pa dang / chos yang dag par bstan pa'i phyir thob pa dang bkur sti thams cad la mi chags pa dang / mtshan yongs su rdzogs par bya ba'i phyir bsod nams kyis mi ngoms pa dang / shes rab yongs su skong bas thos pas mi ngoms pa dang / thos pa yongs su skong bas dge ba'i bshes gnyen la bsten pa dang / dge ba'i chos yongs su skong bas gus pa dang bcas pa dang / bla ma rab tu thob par bya ba'i phyir nga rgyal bcom pa dang // nga rgyal tshar ga cad pa'i phyir bsam pa phun sum tshogs pa dang / lhag pa'i sems pa yongs su skong bas g.yo mod pa dang / g.yo dang bral bas ji skad smras pa bzhin byed pa dang / de byed pa'i phyir mi ba slu ba dang / bden pa'i tshig la rab tu gnas pa dang / ngag gi skyon thams cad rnam par spangs pa ste/ brdzun gyi tshig dang bral ba dang / yang dag pa dang / yang dag pa dang / yang dag pa las skyes pa dang / bden pa dang / bden pa las skyes pa ni sems nges par sems pa'o// klu'i bdag po 'di ltar byang chub sems dpa' sems nges par sems pa de lta bu gang yin pa de ni bag yod pa zhes bya'o/ / klu'i bdag po byang chub sems dpa' bag yod pa la ni bdud kyis tshad mi rnyed do// de ci'i phyir zhe na/ klu'i bdag po 'di ltar byang chub sems dpa' ni tshad du bya ba ma yin pa'i chos spyod do/ / de la tshad du bya ba'i chos rnams gang zhe na/ 'dod chags ni tshang du bya ba'o// zhe sdang dang gti mug ni tshang du bya ba'o// / byang chub sems dpa' ni las 'das pas/ de'i phyir tshad med pa zhes bya'o// dmigs par lta ba ni tshad du bya ba'o// stong pa nyid la gnas pa'i byang chub sems dpa' la ni bdud kyis tshad mi rnyed do/ / rtog pa dang / rnam par rtog pa dang / yongs su rtog pa'i mtshan ma thams cad ni tshad du bya ba'o// mtshan ma med pa la gnas pa'i byang chub sems dpa' la ni bdud kyis tshad mi rnyed do/ / khams gsum pa ni tshad du bya ba'o// smon pa med pa la gnas pa'i byang chub sems dpa' la ni bdud kyis tshad mi rnyed do// nyan thos dang rang sangs rgyas kyi theg pa ni chad du bya'o/ / theg pa chen po la zhugs pa'i byang chub sems dpa' la ni bdud kyis tshad mi rnyed do// klu'i bdag po de lta bus kyang byang chub sems dpa'i bdud kyi las ni gnyis po 'di dag ste/ gnyis gang zhe na/ bla ma rnams la mi gus pa dang / bdag brjod pas mngon pa'i nga rgyal byed pa'o// gnyis po de dag ni bdud kyi las te/ de dag byang chub sems dpas yongs su spang bar bya'o/ / gzhan yang bdud kyi las gnyis te/ gnyis gang zhe na/ byang chub sems dpa'i sde snod pha rol tu phyin pa'i lam 'dor ba dang / 'jig rten pa 'jig rten rgyang ba phan pa'i gsang tshig dang / nyan thos dang rang sangs rgyas kyi theg pa dang rab tu ldan pa'i mdo sde kun 'dzin pa'o// gnyis po de dag ni bdud kyi las te/ de dag byang chub sems dpas so sa su da g+sa/ / gzhanas kyi// gnyis ga na/ bas dang la ba gas papa dang / shes rab dang bral pa'i thabs te/ gnyis pa d+hA/ go/ de la thabs dang bral ba'i shes rab ni 'di lta ste/ sems can thams cad la mi lta bar 'dus ma byas pa'i chos la rtog pa'o// shes rab dang bral ba'i thabs ni 'di lta ste/ dmigs/ bar lta bar byung ba'i bsdu ba'i dngos po mna'o// gnyis po de dag ni bdud kyi las te/ de dag zung chub sems dpas yongs su srung bar bya'o// gzhan yang bdud kyi las gtses te/ ga gang de na/ thob pazung dus pasam gtan rnyed pa dang / mang du sa kyang bdag bstod pag// gnyis po de dag ni bdud kI las te/ dedag byung chub sems dpas yongs su lung bar gyu gzhan yang bdud kyi las gnyis te/ gnyis gang zhe na/ dge ba'i rtsa ba dang bral bas skye ba yongs su 'dzin pa dang / dag ba rtse ba bsags kyang theg pa chung ngu 'dod pa'o// gnyis po de dag ni dung gyi las te/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ dam pa'i chos mi srung ba dang / sems can yongs su smin par byed pa'o/ / gnyis po de dag ni bdud kyi las te/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ byang chub sems dpa' la sdang ba dang / chos smra ba'i bsngags pa mi brjod pa dang / gnyis po de dag ste/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ dge ba'i rtsa ba yang dag par blangs pa 'dor ba dang / mi dge ba'i sems dang du len pa'o// gnyis po de dag ste/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ dgon pa la gnas kyang 'dod pa dang / gnod sems dang / 'tshe ba'i rnam par rtog pa dang / 'khor gyi tshogs kyi nang du zhugs kyang 'thob pa dang bkur stis bskor ba dang / gnyis po de dag ste/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ snod ma yin pa la ston pa dang // snod du gyur pa khyad du gsod pa dang / gnyis po de dag ste/ de dag byang chub sems dpas yongs su spang bar bya'o// gzhan yang bdud kyi las gnyis te/ gnyis gang zhe na/ bdud kyi las 'di lta bu 'di khong du mi chud pa dang / thams cad mkhyen pa'i sems la g.yeng ba'o// gnyis po de dag ni bdud kyi las te/ de dag byang chub sems dpas yongs su spang bar bya'o/ / glu'i bdag po 'di ltar bag yod pa 'di lta bu la gnas pa'i byang chub sems dpa' la bdud kyi las de lta bu de dag mi 'byung ngo // klu'i bdag po bag yod pa'i byang chub sems dpa' ni stobs bskyed pa bcu drug rab tu 'thob po/ / bcu drug gang zhe na/ 'di lta ste/ dran pa'i stobs bskyed pa rab tu 'thob pa dang / blo gros kyi stobs bskyed pa rab tu ba thob pa dang / rtogs pa'i stobs bskyed pa rab tu 'thob pa dang / ngo tsha shes pa'i stobs bskyed pa rab tu 'thob pa dang / mos pa'i stobs bskyed pa rab tu 'thob pa dang / bsod nams kyi stobs bskyed pa rab tu 'thob pa dang / gzungs stobs bskyed pa rab tu 'thob pa dang / spobs pa'i stobs bskyed pa rab tu 'thob pa dang / gzugs kyi stobs bskyed pa ra tu 'thob pa dang / longs spyod kyi stobs bskyed pa rab tu 'o thob pa dang / lus kyi stobs bskrad pa rab tu 'thob pa dang / sems kyi stobs bskyed pa rab tu 'thob pa dang / rdzu 'phrul gyi stobs bskyed pa rab tu 'thob pa dang / chos ston pa'i stobs bskyed pa rab tu 'thob pa dang / bdud tshar bcad pa'i stobs bskyed pa rab tu 'thob pa dang / nan tan gyi stobs bskyed pa rab tu 'thob bo/ / de la dran pa'i stobs bskyed pa gang zhe na/ dran pa gang gis sangs rgyas thams cad kyis gsungs pa kun tu 'dzin pa dang rab tu 'dzin pa'o// blo gros kyi stobs bskyed pa ni gang byang chub sems dpa' de'i blo gros de sangs rgyas kyis gnang ba dang / sems can thams cad kyis mi phyed pa yin no// rtogs pa'i stobs bskyed pa ni gang sgras bstan pa'i don thams cad rtogs par 'gyur ro/ / ngo tsha shes pa'i stobs bskyed pa ni gang mi dge ba'i chos rnam par spangs nas dge ba'i chos thams cad dang ldan pa'o// mos pa'i stobs bskyed pa ni gang sdug bsngal rnyed kyang bla'i/ bya ba ma yin pa mi byed pa'o// bsod nams kyi stobs bskyed pa ni gang bdud kyi sde bye ba brgyas kyang zil gyis gnon mi nus pa'o// gzungs kyi stobs bskyed pa ni gang sangs rgyas thams cad kyis gsungs pa thos shing / de thams cad kun tu 'dzin pa dang / mi brjed pa dang / de gzhan dag la'ang ston pa'o// spobs pa'i stobs bskyed pa ni gang nges pa'i tshig gzhan dang / gzhan gyis thogs pa med cing / rgyun chad pa med la chags pa med par bskal pa brgya stong du 'chad pa'o// gzugs kyi stobs bskyed pa ni gang byang chub sems dpa' de'i gan du/ brgya byin dang / tshangs pa la sogs pa nye bar 'ong na/ mog mog par 'gyur ba'o// longs spyod kyi stobs bskyed pa ni gang lag na rin po che dang pongs spyod mi zad pa'o/ / lus kyi stobs bskyed pa ni gang pha rol gyis gnon pa thams cad kyis mi brdzi ba'o// sems kyi stobs bskyed pa ni gang sems gcig gis sems can thams tshad kyi sems kyi spyod pa rab tu shes pa'o/ / rdzu 'phrul gyi stobs bskyed pa 'i gang rdzu 'phrul gyis 'dul ba'i sems can rnams la rdzu 'phrul dang cho 'phrul thams cad kyi chos ston pa'o// chom ston pa'i stobs bskyed pa ni 'di lta ste/ ci rigs par chos ston pas gang byang chub sems dpa'i chos bstan pa shes pa de dag yang dag par sdug bsngal zad par bya ba'i phyir nges par 'byung ba'o/ / bdud tshar bcad pa'i stobs bskyed pa ni 'di lta ste/ sangs rgyas kyi chos la bya ba mi 'dor bas stobs mnyam pa med pa yin no// nan tan gyi stobs bskyed pa ni 'di lta ste// ji skad smras pa de bzhin du byed pa ste/ de dag ni stobs bskyed pa rab tu 'thob pa bcu drug go// klu'i bdag po de ltar byang chub sems dpa' gang stobs bskyed pa bcu drug po de dag 'thob par 'dod pa'i byang chub sems dpa' des rtag tu bag yod par bya'o/ / klu'i bdag po 'di lta ste/ dper na rgya mtsho chen por chu thams cad 'bab bo// klu'i bdag po de bzhin du bag yod par sangs rgyas kyi chos thams cad yang dag par 'du'o/ / klu'i bdag po 'di lta ste/ dper na sa las sa bon thams cad skye'o// klu'i bdag po de bzhin du bag yod pa la dge ba'i chos thams cad skye'o/ / klu'i bdag po 'di lnga ste/ dper na 'khor lo sgyur ba'i rgyal po la sems can thams cad dga' 'o// klu'i bdag po de bzhin du bag yod pa'i byang chub sems dpa' la lhar bcas pa'i 'jig rten dga' 'o/ / de nas de'i tshe bcom ldan 'das kyis tshigs su bcad pa 'di dag gsungs so// byang chub sems dpa' mkhas pa gang dag cig/ sangs rgyas byang chub rjes su thob 'dod pa/ / des ni bag med spyod pa rnam spangs nas// rtag tu bag yod pa la brtson 'grus bya// mkhas pa rten pa'i chos la mos pa dag/ mthar lta ba la gnas par mi byed de/ / rgyu med rkyen med chos ni yod ma yin// chos ni rgyur bcas rkyen bcas rab tu shes/ rkyen las skyes pa gang yin de ma skyes// de la skye ba ngo bo nyid kyis med// rkyen la rag las gang yin stong par gsungs/ / stong nyid gang shes de ni bag yod pa'o// rkyen khar gang las de ni mtshan ma med// smon lam ldan pa zhi zhing nye bar zhi// mi g.yo bems po rtswa dang shing lta// bu// de la bdud kyi yul ni bag yod ma yin// rkyen gyi khar las 'di ni gang shes pa// de 'dir nga dang nga yir 'byung mi 'gyur// de ni bdag min bdag gi ma yin par// de ltar gang shes de ni bag yod pa'o/ / rje yod ma yin yongs su 'dzin med la// bzung ba med cing grol bar bya ba med// bcings med grol med rang bzhin 'o da gsal ba// chos rnams rtag tu shes pa bag/ yod pa'o// don la rton gyi tshig 'brur dga' ma yin// rtag tu ye shes spyod yul rnam shes grol// nges pa'i don gyi mdo sde'i tshul shes pa// de ni chos la rton gyi gang zag min// sangs rgyas bstan 'dir don ni stong nyid don// de bzhin mtshan ma med dang smon las grol// srid pa gsum dang rtog dang ltar mi gnas// mdo don gang yin de ni bag yod pa'o// sgra dang brjod pas brjod du med pas na/ / chos dang chos min gnyis su gang mi byed// chos rnams 'jog byed pa yang yod min te// gang zag med pa'i don 'di bag yod pa'o/ / chos don gnyer gyi nyon mongs don gnyer min// mig gzugs mi gnyer rna dang sgra la min// sna dri mi gnyer lce dang ro la min// lus reg ma yin yid dang chos la min// gzugs kyi skye dang gnas pa don mi gnyer/ / tshor min 'du shes ma yin 'du byed min// rnam par shes pa'i gnas pa'i de don mi gnyer// de 'dra de ni chos don gnyer zhes bya// khams gsum pa yi gnas pa'ang don mi gnyer/ / bdag dang sems can mi gnyer lta rmongs min// gzugs lus nam yang don du gnyer ma yin// mig blo ma yin yid kyang don mi gnyer// dge 'dun mi gnyer chos kyang don mi gnyer/ / sbyin pa nam du'ang don du mi gnyer zhing // tshul khrims bzod min brtson 'grus bsam gtan min// bdag gi bye brag shes rab don mi gnyer// chos kun don du mi gnyer gang yin pa/ / de ni rtag tu chos gnyer rgyal bas gsungs// nams kyang don rnams mi gnyer gang yin pa// de ni sangs rgyas bstan 'dir bag yod yin// skye ba med shes sangs rgyas ye shes te/ / skye med gang yin de ni 'byung ba min// 'byung ba med la zhi ba'ang yod ma yin// de ltar gang shes de ni lam sgom yin// phung po lnga ni sgyu ma lta bur shes// ji ltar cho dbyings de ltar chos rnams shes/ / nang gi grong stong 'dra bar rab tu shes// de ltar gang shes de ni bag yod pa'o// chos kyi dbyer med pa dang dbye ba dang / de bzhin sems can dbang po rnams kyang shes/ / dran pa nye bar gzhag la dran mi 'jug/ de 'dra ye shes stobs can bag yod pa'o// yang dag spong la gnyis su rab shes dang // de ni rdzu 'phrul sems stobs rab tu shes// stobs la thul pa yod pa ma yin dang // dbang po rnams kyi rim pa shes pa dang // byang chub yan lag bsam gtan khong du chud// mkhas la 'dus ma byas pa'i chos mngon shes// zhi gnas la ni sems rab zhi bar she/ / lhag mthong gis ni chos rnams dbye ba rtogs// chos rnams sngon gyi mtha' nas 'byung ba med// phyi ma'i mtha' yang 'pho ba gang yang med// de bzhin chos kun bar la'ang gnas min par/ / de ltar gang shes de ni bag yod pa'o// lus ni snying po med de gzugs brnyan 'dra// ngag kyang stong pa brag cha lta bu ste// sems kyang sgyu ma lta bur rlung ba dra bar/ / de ltar gang shes de ni bag yod pa'o// nges pa'i don mdo'i tshul ni rab shes shing // brten nas 'byung tshul khong du chud rtogs la// ma rig pa dang skye 'chi 'gog pa dag/ nges don gang shes de ni bag yod pa'o// rnam par thar pa'i sgo dang dus gsum dang // bslab pa gsum dang dmigs pa med pa dang // bdag med sems can med srog gang zag med// chos dang rno min gzings dang 'dra bar bstan/ / ma skyes thob dang mi 'gyur 'byung ba dang // 'jig rten 'das pa'i dang po shes rab sgom// de la sems pa cung zad mi 'byung ste// de yi tshul rtogs pa ni bag yod pa'o/ / sangs rgyas byung ngam mya ngan 'das kyang rung // chos dbyings de ni rtag tu gnas pa ste// yang dag don ni rtag tu mthong ba mkhas// chos nyid 'di shes pa ni bag yod pa'o/ / sngon gyi mtha' gang de ni yang dag mtha'// de yi mtha' ni rgya che chos rnams kun// nam mkha'i mtha' ni rtag tu sems can mtha'// chos nyid 'di shes pa ni bag yod pa'o// chos nyid las kyi rnam smin med shes kyang // dge dang mi dge'i las ni chud mi za// pha rol phyin la gnas pa ma gtogs par// ye shes kyis ni sangs rgyas theg mi mthong // dben par gnas parang rgyal theg pa ste/ / nyan thos rnam par grol ba'i sgra phyir 'brang // sbyin pa yis ni longs spyod rab tu 'thob// tshul khrims kyis ni mtho ris nyid par mthong // thos pas shes rab re bzhin bsgom pa 'thob/ / 'dus byas kun ni chal bzhin min las byung // gang dag mya ngan 'das kun tshul bzhin gyis// 'di 'dra'i chos nyid 'di ni bag yod pa'o// byis pa dag ni rtag tu nyon mongs phye/ / mkhas pa ye shes kyis ni chos ston to// chos dbyings rtag tu sgrib pa med pa la// chos 'di thams cad mtshungs par rab tu 'jug/ brten nas 'byung ba rab tu shes pa yi/ / de yi yon tan bzhi po 'di yin te// don dang ye shes de bzhin chos nyid dang // nges pa'i don shes ni bag yod pa'o// chos kun brten pa yin par gang shes pa// des na chos mthong ba de bar gshegs kyang mthong / / de ni chos nyid brten nas 'byung bar mnyam// chos nyid rtag tu 'dod chag bral ba thob// brten nas byung bas gnas te thob 'gyur te// chos ni sgra dang bral zhing yi ge med/ / chos 'di rjes su rtogs pa de yi phyir// sangs rgyas la ni de bzhin gshegs zhes bya// shes rab mig gi sa brten pa mthong ba ste// mthong ba med par mthong ba chos mthong ba'o/ / shes rab mig gis brten pa gang mthong ba// de ni sangs rgyas mthong ba yin zhes bya// de ni phyir zhing nyon mongs mi spyod de// rtag tu 'phags pa la ni dad par byed// zhig pa'i chos kyang 'dor ba ma yin zhing // 'phags pa'i rigs ni kun tu srung bar byed// mkhas pa thos pa brjed par mi byed pa// doni sangs rgyas bstan pa yongs su srung // 'phags pa'i tshul khrims spong bar mi byed de/ / mkhas pa ting nge 'dzin las rtag mi nyams// shes rab phung po las ni mkhas mi g.yo// rnam par grol ba'i phung por rtag tu gnas// rnam grol ye shes rnam par mthong ba la/ / rab tu gnas par gang gyur pag yod pa'o// sangs rgyas chos rnams mtha' yas rab rtogs pa// de ni thub pa'i ye shes mtha' yas tshol// sangs rgyas byang chub spobs pa phun sum dang / / so sor rig dang sems can bsam pa shes// sems can dag gi bsam pa tshad med shes// skad cig gcig gis mtha' yas zhing du 'gro/ / tshad med pa yi de bzhin gshegs mthong nas// de dag las thos chos ni 'dzin par byed// thos nas de ni de bzhin don kyang rtogs// sems can tshad med yongs su smin par byed/ / de dag gi ni spyod pa tshad med shes// dran dang ldan pa gang yin bag yod pa'o// rtag tu bdag gi khar las bag yod pa// rang sems nges par sems pa yon tan 'jug/ sems la nges sems nyon mongs yod ma yin/ / de ni nam du'ang yul gyi nyams pa med// skye dang gnas dang 'jig pa shes pa ni// nye bar len pa kun las sems dben te// lhag mthong dang ni zhi gnas la yang mkhas/ / de yi sgrub pa nyams par mi 'gyur ro// shin tu zhi zhing dul sems las su rung // rtag tu drang zhing g.yo med yon po min// tshul 'chos med cing mnyen la nges pa ste// 'a'adi ni nges par sems pa'i phan yon no// stong pa mtshan nyid med cing dben par gnas/ 'khor bsdug bsngal ba dang mi rtag shes// rtag tu chos bdag med cing mya ngan 'das// nges par sems pa'i sems spyod pag yod pa'o/ / rtag tu thams cad mkhyen pa'i sems 'dzin cing // sems can rnams la byams pa'i sems mnyam pa// snying rjes sems can rnams ni mi gtong zhing // dga' bas 'khor ba na ni skyo ba med/ / btang snyoms chen po skyon rnams spangs pa ste// kun stong 'dod chags bral ba 'dod pa med// sbyangs pa thams cad dang ni migayeng bsnyen// byas dang mabyas bzod pas ci mi snyam/ / sems can thar bar bu phyir ngoms med sems// de ni rtsom pa brtan par zhi ba tshol// lus dang srog la'ang de ni mi lta zhing // ting 'dzid kun la rim gyis bsam gtan byed/ / ting 'dzin dbang gis de ni skyes ma yin// shes rab kyis ni 'dus ma byas shes kyang // thabs kyis 'dus ma byas par de mi lhung // mkhas pa sems can kun dang 'thun par 'jug/ nyan thos rnams la bden pa'i gtam brjod kyang // rnam par grol la mkhas pa de mi reg/ sems can thams cad la ni snying brtse zhing // de ni thams cad mkhyen pa nyid la re// gang la 'di ba dra'i phan yon 'di yod pa// sangs rgyas bstan 'dir de ni bag yod yin// de ni de bzhin chos nyid la yang gnas// de yi spyod pa bdud kyis shes ma yin// bag yod pa la tshad ni yod min te/ / nyon mongs mtshan ma dag la tshad yod do// de ni mtshan ma med cing nyon mongs bral// de yi yul ni bdud kyis shes mi nus// gang rnams g.yo zhing rlom sems rtog pa dag/ de ni bdud kyi las su ngas bshad do// dmigs pa kun las rnam par rab grol ba// thams cad bdud kyis thul ba ma yin no// bag yod/ pa la dra pa brjed pa med// bag yod pa la tho gros brjed pa med// bag yod pa ni rtogs dang mos pa dang // ngo tsha shes dang khrel long mi spyod med// de phyir de ba rimag ces pa'i bsod nams dang / / shes rab dang ni bag yod 'di thos nas// gang dag chos dang chos nyid rab gnas pa// sangs rgyas thams cad ci 'drar de 'gyur ro// phyogs bcu'i sangs rgyas gang rnams ji snyed dang / / byang chub sems dpa' mchod par gang 'dod pa// de dag gis ni bag yod 'di thos na// bsam pas nan tan snying por byed par 'gyur// gang dag gis ni bag yod 'di thos nas/ / dga' zhing dad pa rgya che rnyed gyur pa// rtag tu bag yod par ni rab 'gyur zhing // de dag rang byung sangs rgyas nyid du 'gyur// bcom ldan 'das kyis bag yod pa'i le'u 'di bshad pa'i tshe/ srog chags bzhi khri nyis stong gis bla na med pa yang dag par rdzogs pa'i byang chub tu sems bskyed do// srog chags khri nyis stong ni mi skye ba'i chos la bzod pa rab tu thob par gyur to/ / srog chags brgyad stong ni rjes su 'thun pa'i bzod pa rab tu thob par gyur to// srog chags sum khri nyis stong ni chos rnams la chos kyi mig rdul med cing ma dang bral ba rnam par dag gau dge slong brgya ni ma lus par kun shes pa brda sprod par gyur to/ / stong gsum gyi stong chen po'i 'jig rten gyi khams 'di'ang rnam pa drug tu g.yos nas/ sdang ba chen pos 'jig rten gyi khams 'di khyab par gyur to/ / gangs ri'i rgyal po dang / mtsho chen po ma dros pa thams cad du'ang sngon mthong ma thos pa'i me tog gis pus mo nub pa tsam gyur to// 'di lta ste/ sangs rgyas kyi mthu dang / klu'i rgyal po ma dros pa'i dad pa'i rgyus chos kyi rnam grangs 'di la mchod pa'i las kyi phyir// mtsho ma dros pa thams cad rin po che'i pad+ma dri rab tu zhim pa/ kha dog brgya stong du ma tshad shing rta'i 'khor lo tsam brgya stong du ma mu med pas gang bar gyur to/ / de nas klu'i rgyal po'i bu theg pa chen po la yang dag par zhugs pa lnga brgya po de dag thams cad kyis so so nas bcom ldan 'das la mchod pa'i las kyi phyir rin po che'i gdugs rnams phul nas 'di skad ces gsol to/ / bcom ldan 'das sangs rgyas ni bdag cag gi chad du byung lags so// de ci'i slad du zhe na/ 'di ltar bcom ldan 'das bdag cag 'jig rten thams cad dang mi mthun pa'i chos 'di thos nas kyang ma sngangs/ ma skrag/ spangs par ma gyur gyi/ 'di lta bu'i chos nyan pa la slar zhing ngoms ma 'tshal ba'i slad du'o/ / bcom ldan pa das byang chub sems dpa' sangs rgyas 'byung ba ci 'dra/ chos kyi 'khor lo bsgo ba ci 'dra/ dam pa'i chos yongs su bzung ba ci 'dra ba bshad du gsol/ bcom ldan 'das kyis bka' stsal pa/ bzhin bzangs dag de'i phyir legs par shin tu nyon la yid la zung zhig dang ngas bshad do// bcom ldan 'das leg so zhes gsol te/ klu'i rgyal po de dag bcom ldan 'das kyi lhar nyan pa dang / bcom ldan 'das kyis/ de dag la 'di skad ces bka' stsal to// bzhin bzangs dag dad pa 'byung ba ni/ byang chub sems dpa'i sangs rgyas 'byung ba'o// dad pa dad pa zhes bya ba de gang zhe na/ 'jig rten pa dang / 'jig rten las 'das pa'o// de la 'jig rten pa'i dad pa ni gang dge ba'i chos rnams kyi sngon du 'gro ba dang / las kyi rnam par smin pa la rton pa dang / las dang mi 'gal ba dang / 'phags pa rnams la sten pa dang / bsti stang du byas te dad par gnas pas gdung ba med pa dang / bsti stang du byas te chos nyan pa dang / sgrib pa sel ba dang / byang chub kyi yan lag sgom pa dang / chos yongs su tshol ba dang / longs spyod sbyin zhing 'gyed pa dang / ngang tshul ngan pa tshul khrims la 'god pa dang / yang dag pa la sbyor ba dang / gshe ba dang sdang ba rnams dang bar byed pa dang / thams cad mkhyen pa'i sems las mi 'gong ba dang / sangs rgyas la dad pa mi phyed pa dang / chos la dad cing mi spong ba dang / dge 'dun la yang dag par dad pa dang / nga rgyal las kyang nga rgyal rnam par spangs nas sems mtshungs pa dang / yul la ye shes chags pa med pa dang / lus dang srog gi phyir yang sdig pa'i las mi spyod pa dang / ji skad smras pa de bzhin byed pa dang / bdud kyi yul las shin tu 'das pa dang / 'phags pas gnang ba'i lus dang / ngag dang / yid kyi las kha na ma tho ba med pa dang / chog shes pas 'tsho ba rnam par dag pa dang / shes pas yang dag par 'jug pas shes rab kyi phung po'i rtsa ba yongs su tshol ba dang / nor bdun yang dag par 'du ba dang / stobs kyi sngon du 'gro dbang po 'gro ba dang / log par lta ba la kha na ma tho bar 'du shes pa dang / yang dag par lta ba la yang dag par sbyor ba dang / rjes su bstan pa la 'thun par 'dzin pa dang / gso sla zhing dag nga sla ba dang / dmigs pa med pa'i sems kyis bsti stang du byas te nye bar 'gro ba dang / 'khor ba la skyo ba'i sems dang / mya ngan las 'das pa la yon tan dang phan yon du lta ba dang / dam pa'i chos yongs su tshol ba la brtson pa dang / de bzhin gshegs pa'i bstan pa la khyis nas 'byung ba'i sems dang / tshangs par spyod par gnas pa la chog mi shes pa dang / pha rol rjes su gzung bar byed pas nges par sbyin pa dang / byas pa gzo ba dang / byas pa shes pa dang / byas pa la re ba med pa dang / bdag gi 'thob pas rlom sems su mi byed pa dang / pha rol gyi 'thob pa la phrag dog med pa dang / bzod pa dang / nges pa dang / kha na ma tho ba la nyes par lta ba dang / ltung ba byung ba la mi gleng ba dang / dbang po'i sgo srung ba dang / mal cha spong zhing gtong ba dang / dgon pa la phyogs pa yid la byed pa dang ma bral bas rtag par rgyun du dben pa la gzhol ba dang / yang dag par dga' bar 'gyur ba'i chos rnams la 'dzin pa med pa'i sems dang / rtsod pa med pa dang / nga rgyal las kyang nga rgyal rnam par spong ba dang / bdag gi nyes pa la lta ba dang / pha rol gyi nyes pa bzod par byed pa dang tshul khrims kyi tshogs yongs su tshol ba dang / ting nge 'dzin gyi tshogs sgrub pa dang / lam gyi tshogs la brtson pa 'di ni bzhin bzang dag 'jig rten pa'i dad pa zhes bya ste/ bzhin bzangs dag gang 'jig rten pa'i dad pa 'byung ba ni sangs rgyas 'byung ba zhes bya'o/ / de la 'jig rten las 'das pa'i dad pa gang zhe na/ dad pa gang gis thams cad stong par yid ches pa dang / lta bar song ba thams cad dang bral ba dang / chos thams cad mtshan ma med pa dang smon pa med par yid ches pa dang / chos thams cad mngon par 'dus ma byas pa ste/ 'ong ba dang 'gro ba las log par yid ches pa dang / chos thams cad lus dang / ngag dang / sems dang bral zhing 'dod chags dang bral bar yid ches pa dang / bdag dang / sems can dang / srog dang / gang zag dang / 'dod chags dang / 'dod chags dang bral ba dang / chos thams cad de bzhin nyid la gnas par yid ches pa dang / 'brang ba med pa'i tshul gyis chos thams cad gsog dang / nam mkha' bcangs pa dang 'dra zhing / byis pa srid pa dang mtshungs la gsob dang 'dra bar yid ches pa dang / chos thams cad sngon gyi mtha' dang phyi ma'i mthar ngo bo nyid med de/ yang dag pa'i mtha' ma yin pa la gnas par yid ches pa dang / chos thams cad nam mkha'i mtha' dang 'dra zhing / chos kyi dbyings su yang dag par 'du la/ dus gsum las shin tu ba da sa shing zag pa med par yid ches pa dang / chos thams cad 'dod pa'i srid pa la lta ba dang / ma rig pa dang bral zhing nye bar smon mongs pa med la/ rang bzhin gyis yongs su dag cing rang bzhin gyis 'od gsal bar yid ches pa dang / chos thams cad glo bur gyi nyon mongs pa las kun tu 'byung ba la mi ltos shing spos pa thams cad kyi spyod pa yang dag par chad la/ btang snyoms shing rjes su chags pa dang khong khro ba dang bral zhing blang ba med par yid ches pa dang / chos thams cad sems kyis sgro btags pa med cing dor ba med par yid ches pa dang / chos thams cad dngos po dang / dngos po med pa la mi gnas shing ci rang ma yin la/ nus pa cung zad kyang med par yid ches pa dang / chos thams cad nam mkha' dang 'dra ste/ dngos po thams cad las dben zhing gnas pa med par yid ches pa dang / gdegs pa med pa dang / gzhog pa med pa'i tshul gyis chos thams cad chu shing gi phung po ltar snying po med par yid ches pa dang / chos thams cad 'dus ma byas dang 'dra bar gyur la/ mya ngan las 'das pa dang mtshungs shing rang bzhin gyis nye bar zhi bar yid ches pa 'di ni/ bzhin bzangs dag 'jig rten las 'das pa'i dad zhes bya ste/ bzhin bzangs dag gang 'jig rten las 'das pa'i dad pa 'byung ba de ni/ sangs rgyas 'byung ba zhes bya'o// bzhin bzangs dag sangs rgyas pa byung ba zhes bya ba de ni/ chos thams cad skye ba med pa la bya'o// bzhin bzangs dag chos thams cad skye ba med pa zhes bya ba de ni/ mnyam pa nyid kyi tshig bla dgas so// de ci'i phyir zhe na/ 'di ltar gzugs 'byung ba ni sangs rgyas 'byung ba ma yin no// sangs rgyas 'byung ba ni gzugs skye ba med pas rab tu phye ba'ang ma yin no// tshor ba dang / 'du shes dang / 'du byed rnams dang / rnam par shes pa 'byung ba ni sangs rgyas 'byung ba ma yin no// sangs rgyas 'byung ba ni rnam par shes pa skye ba med pas rab tu phye ba'ang ma yin no// phung po dang / khams dang / skye mched 'byung ba ni sangs rgyas 'byung ba ma yin no/ / sangs rgyas 'byung ba ni phung po dang // khams dang / skye mched skye ba med pas rab tu phye ba'ang ma yin no// rig pa 'byung ba dang / ma rig pa 'byung ba ni sangs rgyas 'byung ba ma yin no// sangs rgyas 'byung ba ni rig pa dang / ma rig pa skye ba med pas rab tu phye ba'ang ma yin no// rga shi'i bar du 'byung ba ni sangs rgyas 'byung ba ma yin no/ / sangs rgyas 'byung ba ni rga shi skye ba med pas rab tu phye ba'ang ma yin no// skye ba skye ba dang / mi skye ba skye ba ni sangs rgyas 'byung ba ma yin no// sangs rgyas 'byung ba ni skye ba ma skye bas rab tu phye ba'i da ma yin no/ / dran pa nye bar gzhag pa 'byung ba ni sangs rgyas 'byung ba ma yin no// sangs rgyas 'byung ba ni dran pa med cing yid la byed pa med pas rab tu phye ba'ang ma yin no/ / de bzhin du bsdu ste/ byang chub kyi phyogs kyi chos sum cu rtsa bdun nas/ lam gyi bar du 'byung ba ni sangs rgyas 'byung ba ma yin no// sangs rgyas 'byung ba ni lam skye ba dang mi skye ba dang mi skye bas rab tu phye ba'ang ma yin no/ / shes rab 'byung ba ni sangs rgyus 'byung ba ma yin no// sangs rgyas 'byung ba ni shes rab 'byung ba med pas rab tu phye b.rang ma yin no// bcom ldan 'das kyis sangs rgyas 'byung ba 'di bstan pa na/ glu gzhon nu lnga brgya po de dag rjes su 'thun pa'i bzod pa thob par gyur to// de nas bcom ldan 'das kyis de'i tshe tshigs su bcad pa'adi dag gsungs so/ / dad par 'byung ba rgyal ba 'byung // 'thung ba med pas rab tu phye// gang dag dad pa med pa ni// de dag sangs rgyas mi 'byung ngo // dad pa dkar po'i chos rnams kyi// sngon du 'gro dang bskyed par gsungs/ / dad pa las kyi rnam smin dang // las dang 'gal bar mi 'gyur ba'o// dang ni 'phags pa ston pa dang // bsti stang byas te bsnyen bkur byed// sems la gdung ba med pa dang / / dang bskyed par byed pa'o// bsti stang byas te chos nyan cing // sgrib pa rnam par sel ba dang // byang chub yan lag sgom pa dang // lam gyi rjes su 'thun pa'o/ / chos kyi longs spyod tshol ba dang // sbyin pa'i rjes su bsngags pa dang // tshul khrims ldan dang ngang tshul ngan// de la dad pa yang dag 'jug/ byang chub sems las ma 'a gong zhing / / gshe dang sdang ba dang bar byed// sangs rgyas chos la dang mi phyed// dge 'dun la yang dad pa'o// nga rgyal las kyang nga rgyal spong // khyi dang 'dra bar nga rgyal med// yul la chags pa ma yin pa// de ni dad pa'i mtshan nyid do// dad dang ldan pa bdag shes te// sdig pa'i las ni mi byed cing // bden pa'i tshig tu smra byed la// ji skad smras pa de bzhin byed/ / dad ldan chags las rab tu 'das// dad ldan yid la rnyog pa med// dad ldan lus dang ngag dang yid// 'phags pa rnams dang 'thun par 'jug/ dad pas 'tsho ba yongs sbyong zhing / / rtag tu ye shes tshol bar byed// shes rab phung po'i rtsa ba gang // thos pa de tshol dad pa'o// stobs rnams dang ni dbang po dang // nor bdun yang dag 'du ba dang // log par lta ba rnam spong zhing // yang dag lta ba tshol bar byed// bla ma rnams kyis bstan pa la// dang dang ldan pa 'thun par 'dzin// gso sla zhing ni dgang sla ste// sdug bsngal med pas tshol bar byed/ / dmigs med pa yi sems kyis ni// bsti stang byas te chos 'dri zhing // 'khor bas rtag tu skyo ba dang // mya ngan 'da' ba'i yon tan dga'// bstan la khyim nas myur 'byung dang / / tshangs pa'i spyod la mi chags dang // thar pa'i tshogs ni gang yin pa// de dag dad dang ldan pas tshol// sems can mang po rjes su 'dzin// phan pa byas zhes drin mi bgrang / / dad dang ldan pa byas pa la// phyir bya bar ni sbyor ba med// bdag gi 'thob pas mi skems shing // gzhan gyi 'thob la phrag dog med// bzod dang nges pa phun sum tshogs/ g.yo med drang zhing mnyen pa yin// dad dang ldan ni mngon mthong yang // gzhin gyis nyes pa mi gleng zhing // dbang po dang ni yid zhi la// dgon par gnas la 'dun pa yin// dpe par gzhol ba'i sems kyis ni/ / yang dag dga' bar 'gyur la 'dun// 'thab pa dang ni rtsod med cing // bdag gi nyes pa yang dag mthong // tshul khrims sdom pa yongs su tshol/ ting nge 'dzin dang lam sgom la// rtag tu brtson zhing dang ldan pa// de ni dad ldan mtshan nyid do// 'jig rten 'das pa'i ji snyed dang // dad pa de yi rjes su 'gro// sangs rgyas gsungs pa zab mo yi/ / chos ni rnam par 'jig mi byed// dad ldan stong par yid ches te// de la lta ba yod ma yin// chos kun mtshan ma med par ni// the tshom med cing rnam rtog med/ / smon lam rnam par spong byed cing // 'ong ba dang ni 'gro ba rtogs// chos rnams mngon par 'du mi byed// lus dang sems ni g.yel mi gtong / / bdag dang sems can rdul sel cing // 'dod chags med pa'i chos la dang // dad pa de bzhin nyid la gnas// lam gyi 'gro ba khong du chud// yang dag mtha' ni mtha' min zhing / / de ni nam mkha'i mtha' 'dra bar// chos rnams kun la yid ches te// ye shes dbyings la mnyam par gzhag/ chos kun zag pa yod min zhing // dus gsum las ni shin tu 'das/ / srid dang las dang ma rig dang // lta ba dang ldan mi 'dzin to// chos rnams thams cad 'od gsal zhing // nyon mongs can min rang bzhin dag/ shes nas nyon mongs glo bur gyis/ / sems ni 'byung bar byed ma yin// chos rnams thams cad ltos med cing // de dag la ni rgyu ba med// btang snyoms gyur cing g.yo ba med// de ni nyes pa mi 'dzin to// blang ba med cing dor ba med// gzung ba med cing grol ba med// bcangs pas byis pa brid 'dra ba// chos rnams gsog tu yid kyang ches// gsog dang gdeg pa med pa dang // snying po med de chu shing 'dra/ / rang bzhin gyis ni slu ba ste// gnas med cing ni dngos po med// chos kun ci yang med pa ste// don ni cung zad med par shes// chos rnams nam mkha' mtshungs pa dang / / 'a dra bar gyur pas 'dus ma byas// chos rnams mya ngan 'das 'dra zhing // rang bzhin gyis ni zhi bar dang // dad pa de la'ang dad byed de// nam mkhar 'phangs pa'i rdo ba bzhin// byang chub sems dpa' gang zhig la// dad pa 'di 'dra 'di yod pa// de la sangs rgyas rnams 'byung ste// bsnyen bkur bya ba'ang de bzhin no// gzugs 'byung ba ni sangs rgyas dag/ 'byung bar bstan pa ma yin no/ / 'gog pas ma yin ldang bas min// 'gro bas ma yin 'ong bas min// gzugs kyis skye med gang yin dang // 'gog pa min dang gnas min dang // 'ong ba med cing 'gro med pa/ / 'di ni sangs rgyas 'byung bar 'dod// byang chub sems dpa' shes ldan la// de bzhin phung po lnga rnams kyis// skye ba med pas rab bye ba// sangs rgyas 'byung zhes ngas bstan to// gnas med pa la gnas bcas nas// khams dang skye mched phung po yi// skye ba med par rab phye ba// sangs rgyas 'byung bar de bstan to// rig pa skye bar gyur na ni// de ltar 'khor ba 'bri 'gyur/ rkyen 'di rab tu bstan pas na// des ni sangs rgyas rab tu phye// mi skye ba dang skye ba dang // 'gog pa med la gang gnas pa// dngos po'i 'du shes can des ni// nga la bsnyen bkur byed mi nus/ / dran pa 'byung ba 'di yis ni// sangs rgyas 'byung bar brtan ma yin// dran med yid la byed med pa// de ni sangs rgyas yin par bstan// byang chub phyogs kyi chos nyid kyis// phyogs rnams kun kyang de bzhin te// de yi skye ma gang yin pa// de ni sangs rgyas 'byung bar 'dod// nga yi sangs rgyas 'byung 'di 'dra// 'dzin gang dag rtogs gyur pa/ / de dag nga yi bstan la dang // de dag la ni chags pa med// bzhin bzangs dag de la byang chub sems dpa'i chos kyi 'khor lo bskor ba gang zhe na/ bzhin bzangs dag chos kyi 'khor lo bskor ba zhes bya ba ni gang / 'di lta bu'i chos 'di khong du chud pa dang / dga' ba dang / mos pa dang / dad pa dang / 'dzin pa dang / kun 'dzin pa dang / len pa dang / dran pa ma brjed pa dang / tshul bzhin yongs su rtog pa dang / snying rje chen po mi nyams pa dang / thams cad mkhyen pa'i sems kyis gzhan dag la 'chad pa dang / ston pa dang / yang dag par rab tu ston pa dang / skyo ba la mi mjed pa dang // 'thob pa dang bkur sti la ma chags pa dang / dus dus su bskul ba dang / dran par byed pa dang / yongs su 'dzin pa dang / rjes su yongs su 'dzin pa 'di ni chos kyi 'khor lo bskor ba zhes bya'o/ / bzhin bzangs dag gzhan yang ji ltar de bzhin gshegs pas chos kyi 'khor lo bskor ba'i chos kyi 'khor lo de'i rnam pa la 'jug pa cung zad tsam zhig bshad par bya'o/ / de bzhin gshegs pas chos skye ba dang / chos ma yin pa skye ba'i phyir chos kyi 'khor lo ma bskor to// chos gzhig pa dang / chos ma yin pa gzhig pa'i phyir chos kyi 'khor lo ma bskor to/ / de bzhin gshegs pas so so'i skye bo'i chos ni dman pa/ 'phags pa'i chos ni rgya che ba'i phyir chos kyi 'khor lo ma bskor gyi// bzhin bzangs dag de bzhin gshegs pas so so'i skye bo'i chos dang / 'phags pa'i chos rang bzhin gyis ma skyes pa'i phyir chos kyi 'khor lo bskor to// chos kyi 'khor lo de ni yang dag par yongs su ma chad par bskor bas de'i phyir de ma chad pa'i 'khor lo'o/ / chos kyi 'khor lo de rten cing 'brel bar 'byung ba'i lugs dang 'thun par bskor bas de'i phyir de ni mi skye ba'i 'khor lo'o/ / 'khor lo de ni gnyis kyis mi bskor te/ mig dang gzugs kyis bskor bas mi bskor ba nas/ yid dang chos kyi bar gyis bskor bas mi bskor ba'i bar du ste/ de'i phyir de mi gnyis pa'i 'khor lo'o/ / 'khor lo do 'das pa'i chos la dmigs pa'i rnam pas mi bskor/ ma 'ongs pa dang da ltar byung ba'i chos la dmigs pa'i rnam pas mi bskor te/ de'i phyir de mi dmigs pa'i 'khor lo'o/ / 'khor lo de bdag tu lta ba kun nas ldang bas mi bskor/ sems can dang / srog dang / gso ba dang / gang zag tu lta ba kun nas ldang bas mi bskor te/ de'i phyir de stong pa nyid kyi 'khor lo'o// 'khor lo de mtshan ma la dmigs pa'i 'du shes dang / spros pa yid la byed pas mi bskor te/ de'i phyir de mtshan ma med pa'i 'khor lo'o/ / 'khor lo de 'dod pa'i khams thob par bya ba'i phyir mi bskor// gzugs dang gzugs med pa'i khams thob par bya ba'i phyir mi bskor te/ de'i phyir de smon pa med pa'i 'khor lo'o/ / 'khor lo de 'di dag ni so so'i skye bo'i chos// 'di dag ni slob pa'i chos/ 'di dag ni mi slob pa'i chos/ rnam pa 'di lta bu dag ni sangs rgyas kyi chos so zhes chos tha dad pa'i phyir mi bskor te/ de'i phyir tha dad pa med pa'i 'khor lo'o// 'khor lo de chos kyi brda la mi 'jug ste/ de'i phyir de gnas pa med pa'i 'khor lo'o// bzhin bzangs dag chos kyi 'khor le zhes bya ba ni don dam pa'i 'khor lo ste/ bden pa mi phyed pa'i rnam pas bskor ba'o// dus gsum mnyam pas ji lta ba bzhin gyi 'khor lo'o// dngos por lta ba las rab tu 'das pa'i phyir dngos po med pa'i 'khor lo'o/ / lus dang sems ma 'dres shing / yid dang rnam par shes pa dang bral bas dben pa'i 'khor lo'o// 'gro ba lnga dang 'phrad pa ma yin pas kun gzhi med pa'i 'khor lo'o/ / 'byung ba chen po ngo bo nyid kyis dngos po mod pas yang dag pa'i 'khor lo'o// yang dag par sbyor zhing slu ba ma yin pas mnyam pa'i 'khor lo'o/ / yi ge mi zad pas mi zad pa'i 'khor lo'o// chos thams cad chos kyi dbyings su yang dag par 'du bas chos kyi dbyings kyi 'khor lo'o// sngon gyi mtha' mtha' ma yin par bskor bas yang dag pa'i mtha'i 'khor lo'o/ / ngo bo nyid kyis ngo bo nyid med pas de bzhin nyid kyi 'khor lo'o// rang gi yid la byed pa rgyun bcad pas mngon par 'du mi byed pa'i 'khor lo'o/ / 'phags pa'i spyod yul thob par byed pa'i phyir 'dus ma byas pa'i 'khor lo'o// nang kun tu ston pas stong pa nyid kyi 'khor lo'o// phyi rol la mi 'jug pas mtshan ma med pa'i 'khor lo'o/ / phyi nang gi dang ma 'dres pas smon pa med pa'i 'khor lo'o// brjod pa med pa'i tshul gyis brjod du med pa'i 'khor lo'o// bzhin bzangs dag chos kyi 'khor lo de de bzhin gshegs pas sems can gyi dbang po la bskor kyang rung / ma bskor kyang rung / brjod du med pa'i chos nyid 'di mi 'dor te/ bzhin bzangs dag 'di ni byang chub sems dpa'i chos kyi 'khor lo bskor ba zhes bya'o/ / chos kyi 'khor lo bskor ba 'di bstan pa'i tshe/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po de dag gis ca co dang gzha'i sgra phyung ste 'di skad ces gsol to// de bzhin gshegs pas 'di 'dra ba'i chos kyi 'khor lo 'di bskor zhing pha rol shes par mdzad pa ni mdzad dka' ba mdzad pa'o/ / bcom ldan 'das nam mkha'i 'khor lo bskor ba de ni/ chos kyi 'khor lo bskor ba'o// gang dag gis 'tshal ba de dag gis kyang de dang mnyam pa nyid du 'tshal ba dang / bcom ldan 'das sems bskyed pa de dag la rjes su yi rang ngo // gang dag chos kyi 'khor lo bskor ba 'di thos nas byang chub tu sems skyed par 'gyur ba de dag kyang chos kyi 'khor lo 'di lta bu skor bar 'gyur ro/ / de ltar bstan pa 'di thos nas/ 'khor de las srog chags khris bla na med pa yang dag par rdzogs pa'i byang chub tu sems bskyed do/ / bzhin bzangs dag de la byang chub sems dpa' dam pa'i chos yongs su 'dzin pa gang zhe na/ bzhin bzangs dag dam pa'i chos yongs su 'dzin pa zhes bya ba ni/ chos thams cad yang dag par sdud pa ste/ chos thams cad yang dag par bsdus pa 'di ni dam pa'i chos yongs su 'dzin pa zhes bya'o// bzhin bzang dag gzhan yang dam pa'i yongs su 'dzin pa ni/ gang de bzhin gshegs pas spyod pa brgyad khri bzhi stong dang / chos kyi phung po brgyad khri bzhi stong bstan pa'i chos kyi phung po brgyad khri bzhi stong de dag sdud pa de ni dam pa'i chos yongs su 'dzin pa zhes bya'o/ / bzhin bzangs dag ji ltar de bzhin gshegs pas byang chub mngon par rdzogs par sangs rgyas pa de bzhin du chos kyi 'khor lo bskor to/ / de bzhin du yongs su mya ngan las 'das so// de bzhin nyid ji lta ba dang / de bzhin nyid gang yin pa de la chos thams cad kyi skye ba med// 'gag pa med do// gang ma skyes mi 'gog pa de la 'dzin pa med/ 'thab pa med/ rtsod pa med/ bstan pa med/ shin tu brjod du med pa de la dam pa'i chos bsdu ba gang yang med do// de'i phyir ba med/ yongs su 'dzin pa med pa med pa ni dam pa'i chos zhes bya'o/ / de nas klu'i rgyal po ma dros pa'i bu mya ngan med pa zhes bya bas/ bcom ldan 'das la 'di skad ces gsol to// bcom ldan 'das bdag dam pa'i chos yongs su 'dzin pa la spobs so/ / bcom ldan 'das kyis bka' stsal pa/ mya ngan med pa khyod spongs par gyis shig/ gsol pa/ bcom ldan 'das 'di lta ste/ dper na rgya mtsho chen po na rin po che bdag gi ma mchis pa/ yongs su 'dzin pa ma mchis pa/ yongs su gzung ba ma mchis pa/ gang dag mchis pa de dag bsrung bar bgyis pa ma lags mod kyi// 'on kyang bcom ldan 'das ded dpon dang / ded dpon chen po gang dag lus dang srog la mi lta bar rin po che de dag 'tshal ba'i slad du/ rgya mtsho chen por zhugs pa de dag 'dzam bu'i gling du ma phyin par bar mdor rgya mtsho'i nang du 'khyams par mi 'gyur bar shin tu bsrung bar bgyis te/ de dag rgya mtshor zhugs shing 'ong ba dang 'gro ba'i tshe bsrung ba chen po bgyis nas/ de ltar rin po che de dag 'dzam bu'i gling du byin pa dang / skye bo mang po 'tsho bar 'gyur ro// bcom ldan 'das de bzhin du de bzhin gshegs pas chos gang mngon par rdzogs par sangs rgyas pa de shin tu mngon par grub pa ma mchis te/ de ni sgra dang bcas pa'i 'jig rten gang gang gis kyang yongs su gzung bar myi nus mod kyi/ 'on kyang bcom ldan 'das byang chub sems dpas sems dpa' chen po gang dag 'di 'dra ba'i chos dkon mchog de bzhin nyid mngon par rdzogs par sangs ma rgyas pa/ mngon par rdzogs par byang chub par bgyi ba'i slad du go cha 'tshal ba de dag shin tu yongs su bsrung bar bgyis te/ skyes bu dam pa de dag shin tu yongs su bzung na/ theg pa chen po 'dir nges par 'byung bar 'gyur ro// de dag byung bar gyur na/ chos kyi 'khor lo bskor bar 'gyur te/ dam pa'i chos yongs su 'bar bar 'gyur ro// bcom ldan 'das de lta bas na gang 'di chos smra ba theg pa chen po la yang dag par zhugs pa rnams yongs su 'dzin pa dang / srung ba dang / skyob pa dang / sbed pa dang / rim gro bgyid pa dang / bla ma'i yongs su spyad pa bgyid pa de ni/ dam pa'i chos yang dag par phul yongs su 'dzin pa lags so// de nas bcom ldan 'das kyis klu'i rgyal po ma dros pa'i bu mya ngan med pa la legs so bya ba gnang ste/ mya ngan med pa legs so legs so// gang 'di chos smra ba theg pa chen po la yang d+mar zhugs pa rnams yongs su 'dzin pa dang / kun tu bsrung ba 'di ni dam pa'i chos yongs su 'dzin pa yin no// chos smra ba yongs su bzung bas dam pa'i chos yongs su gzung ba yin mod kyi/ 'on kyang mya ngan med pa dam pa'i chos yongs su 'dzin pa bcu ste/ bcu gang zhe na/ khengs pa med pa dang / lhag pa'i nga rgyal med pa dang / g.yo med pa dang / chos don du gnyer ba dang / chos 'dod pa dang / chos yongs su tshol ba dang / chos la so sor rtog pa dang / chos la nan tan byed pa dang / chos sgrub par gnas shing mos la rnam par grol ba ste/ bcu po de dag ni dam pa'i chos yongs su 'dzin pa'o/ / gzhan yang dam pa'i chos yongs su 'dzan pa bcu ste/ bcu gang zhe na/ mya ngan med pa 'di la rigs kyi bu 'am/ rigs kyi bu mos chos smra ba zhig yod par thos na/ phyogs der phyag 'tshal ba dang / mthong bar dga' ba dang / 'ongs nas mgu bar byed pa dang / stan 'ding zhing gos dang zas sbyar ba dang / kun tu srung bar byed pa dang / bsti stang byas te bsnyen bkur byed pa dang / des bshad pa nyan pa dang / ji ltar thos pa ltar gzhan dag la'ang ston pa dang / de'i mi snyan pa 'gag pa dang / de'i bsngags pa brjod pa ste/ mya ngan med pa bcu po de dag ni dam pa'i chos yongs su 'dzin pa'o// mya ngan med pa gzhan yang sbyin pa bzhi po 'di dag ni dam pa'i chos yongs su 'dzin par 'gyur ba ste/ bzhi gang zhe na gro ga dang / snag tsha dang / spug gu dang / glegs bam sbyin pa dang / chos smra ba rnams la gos dang / zas dang / mal cha dang / na ba'i gso sa sman dang / yo byad sbyin pa dang / chos thos nas chos smra ba rnams la g.yo mod par legs so zhes bya ba sbyin pa dang / chos sbyin pa ni bzhi pa ste/ sbyin pa bzhi po de dag ni dam pa'i chos yongs su 'dzin par 'gyur ba'o/ / mya ngan med pa brtson 'grus bzhi po 'di dag ni/ dam pa'i chos yongs su 'dzin par 'gyur ba ste/ bzhi gang zhe na/ chos ston pa'i brtson 'grus dang / chos kun tu tshol ba'i brtson 'grus dang / chos smra ba la bsnyen bkur bya ba'i brtson 'grus dang / dam pa'i chos spong ba'i sems can rnams chos dang 'thun par tshar bcad pa'i brtson 'grus te/ mya ngan med pa brtson 'grus bzhi po de dag ni dam pa'i chos yongs su 'dzin par 'gyur ba'o// de nas bcom ldan 'das kyis zhus pa lung bstan pas/ klu gzhon nu lnga brgya po de dag chom zhing mgu la yi rangs te/ bcom ldan 'das la bsnyen bkur bya ba dang / kun tu spyad pa'i phyir gnyen dang 'khor du bcas pa dang / rang rang gi lus phul nas 'di skad ces gsol to// deng slan chad yongs su mya ngan las 'das kyi bar du/ bdag cag bcom ldan 'das kyi zham ring na rtag par rgyun du mchis la/ 'di lta bu'i dam pa'i chos kun tu bsrung zhing sba ba'i slad du spro bar bgyi'o/ / bcom ldan 'das bdag cag ni de bzhin gshegs pa yongs su mya ngan las 'das nas/ sku ma gyis shing gcig tu mkhregs pa la mchod par bgyid pa dang / rin po che sna bdun gyi mchod rten bgyi bar 'tshal lo/ / de nas tshe dang ldan pa 'od srungs chen pos/ klu gzhon nu de dag la 'di skad ces smras so// de bzhin gshegs pa ni sems can thams cad la cher thugs rje che bas ring bsrel yungs 'bru tsam byin gyis brlab pa mdzad na/ rigs kyi bu dag khyed de bzhin gshegs pa'i sku ma gyes shing gcig tu mkhregs pa la mchod pa bya'o zhes de skad zer ba ni/ skye bo phal po che dge ba'i chos kyi bar chad byed par 'dod pa yin no/ / de nas klu gzhon nu lnga brgya po de dag gis/ tshe dang ldan pa 'od srungs chen po la 'di skad ces smras so// btsun pa 'od srungs khyod de skad ma gsung zhig/ rang gi shes rab dang / de bzhin gshegs pa'i shes rab dang / ye shes mtshungs pa snyam du ma sgyun cig/ de bzhin gshegs pa ni thams cad mkhyen pa/ thams cad gzigs pa ste/ byin gyi rlabs dang / rdzu 'phrul gyi rnam par 'phrul pa'i ye shes kyi stobs can te/ de bzhed na stong gsum gyi stong chen po'i 'jig rten gyi khams kyi lha dang / klu dang / gnod sbyin gyi gnas thams cad dum gyes shing / gcig tu mkhregs pa'i sku byin gyis rlob ste/ de dag thams cad kyis kyang gzhan ni ma yin gyi/ de bzhin gshegs pa la bdag cag mchod pa byed par shes so// btsun pa 'od srungs chen po yang gang gi tshe/ de bzhin gshegs pa yongs su mya ngan las 'da' ba de'i tshe/ sems can thams cad kyi sems mos pas sku gdung byin gyis rlob bo// btsur pa 'od srungs chen po gal te de bzhin gshegs pa 'og min gyi gnas su yungs 'bru tsam gyi sku gdung gcig byin gyis brlabs nas/ des 'dzam bu'i gling thams cad du khyab par sdaspang ba de'ang sangs rgyas kyi rnam par sprul pa'o/ / de nas tshe dang ldan pa rab 'byor gyis/ klu'i rgyal po'i bu de dag la 'di skad ces smras so// rigs kyi bu dag de bzhin gshegs pa yongs su mya ngan 'da' 'am/ smras pa/ btsun pa rab 'byor gang dag skyes pa de dag yongs su mya ngan las 'da' 'o// smras pa/ rigs kyi bu dag khyed de bzhin gshegs pa skyes so snyam mam/ smras pa/ debazhin nyid ji ltar byung ba de ltar skyes so// smras pa/ gal te de bzhin nyid ji ltar skye ba de ltar skyes na/ de la ni chos gang gi skye ba'ang med do// smras pa/ btsun pa rab 'byor gang de bzhin nyid skye ba de sangs rgyas skye ba'o/ / smras pa/ gang sangs rgyas skye ba 'di 'dra na/ yongs su mya ngan 'da' ba ci 'dra/ smras pa/ btsun pa rab 'byor ji ltar skye ba med pa de ltar 'gag pa med do/ / de ltar chos kyi 'khor lo bskor ro// de ltar yongs su mya ngan las 'da'/ bcom ldan 'das kyis gtam 'di bka' stsal cing bshad pa'i tshe/ mtsho chen po ma dros pa rin po che'i pad+ma tshang shing rta'i 'khor lo tsam dri rab tu zhim pa/ 'dab ma brgya stong du ma dang ldan pa/ rin po che'i dra bas g.yogs pas gang bar gyur to// de dag gi nang nas rin po che'i pad+ma gcig shin tu mdzes shing bltan rab tu sdug la mchog tu 'bar bar gyur to/ / tshe dang ldan pa kun dga' bos pad+ma bkod pa de dag mthong ngo // mthong nas bcom ldan 'das la 'di skad ces gsol to// bcom ldan 'das 'di su'i ltas sngon du byung ba lags/ bcom ldan 'das kyis bka' stsal pa/ kun dga' bo cung zhig sdod cig dang mthong bar 'gyur ro zhes/ bcom ldan 'das kyis de skad gsung nas ring po ma lon par 'og gi 'jig rten gyi khams bcom ldan 'das rin chen rtog gi sangs rgyas kyi zhing rin po che bkod pa'i 'jig rten gyi khams nas byang chub sems dpa' drug khri byung ste/ de dag rin po che'i pad+ma de dag la skyil mo krung bcas nas 'khod par kun tu snang ngo / / pad+mo de la'ang 'jam dpal gzhon nur gyur pa 'dug par kun tu sdang ngo // de nas thams cad dang ldan pa'i 'khor de ngo mtshar du gyur nas thal mo sbyar te/ byang chub sems dpa' de dag la phyag 'tshal nas/ 'jam dpal gzhon nur gyur pa bar snang la 'phags pa dang / brgya byin dang / tshangs la sogs pa lha rnams de'i steng ma rin po che'i gdugs 'dzin cing phyag 'tshal to/ / de nas 'jam dpal gzhon nur gyur pa dang lhan cig lhags pa'i byang chub sems dpa' de dag kyang shing ta la bdun tsam du nam mkha' la 'phags nas/ bcom ldan 'das la mchod pa'i las kyi phyir/ sngon ma mthong ma thos pa'i me tog gi mar nam mkha'i ngos las rab tu phab bo// me tog de dag las 'di lta bu'i sgra 'di byung ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen tog bcom ldan 'das de/ bcom ldan 'das la gnod pa chung ngam/ nyam nga ba chung ngam/ bskyod pa yang ngam/ 'tsho ba dang / stobs dang / bde ba la reg par gnas sam zhes spun gsol lo zhes de skad gsung ngo // 'jam dpal gzhon nur gyur pa 'di byang chub sems dpa' brgyad khri dang lhan cig tu/ klu'i rgyal po ma dros pa'i rnam par dag pa'i lam gyi chos sgo'i le'u nyan du mchis pa de/ bcom ldan 'das kyis chos kyi bka' mchid kyis yang dag par dga' bar mdzod cig ces sgra byung ngo / / de nas 'jam dpal gzhon nur gyur pa dang / byang chub sems dpa' de dag par snang de las babs nas/ bcom ldan bdas kyi zhabs la mgo bos phyag 'tshal te/ rin po che'i pad+ma de dag la 'khod do// de nas bcom ldan 'das kyis mkhyen bzhin du 'jam dpal gzhon nur gyur pa la 'di skad ces bka' stsal to/ / 'jam dpal khyod ci sems na/ byang chub sems dpa' rnams dang lhan cig tu 'dir 'ongs/ 'jam dpal gyis gsol pa/ bcom ldan 'das 'di na chos ston pa/ bdag cag bcom ldan 'das de bzhin gshegs pa rin chen tog gi sangs rgyas kyi zhing rin po che bkod pa'i 'jig rten gyi khams na mchis pas thos nas/ bdag cag bcom ldan 'das la blta ba dang / chos kyi rnam grangs 'di zhan par 'tshal ba'i slad du 'dir mchis so// de nas bcom ldan 'das la/ tshe dang ldan pa 'od srungs chen pos 'di skad ces gsol to// bcom ldan 'das de bzhin gshegs pa rin chen tog gi sangs rgyas kyi zhing 'jig rten gyi khams pad+ma bkod pa de/ 'di nas thag ji srid mchis na/ skyes bu dam pa 'di dag 'di ltar myur bar 'dir mchis/ 'jam dpa' gyis smras pa/ btsun pa 'od srungs chen po gal te rdzu 'phrul gyi stobs phun sum tshogs pa khyod 'jig rten gyi khams der 'gro na tshe'i tshang zad cing yongs su mya ngan las 'das kyang sangs rgyas kyi zhing der mi phyin te/ 'jig rten gyi khams de 'di nas de srid do// bcom ldan 'das kyis bka' stsal pa/ 'od srungs chu bo gang+gA'i klung drug cu'i bye ma snyed kyi sangs rgyas kyi zhing 'das pa na/ 'jig rten gyi khams rin po che bkod pa zhes bya ba de nas byang chub sems dpa' sems dpa' chen po 'di dag lhags so// gnas brtan gyis gsol pa/ bcom ldan 'das de dag ji srid kyis 'dir mchis/ 'jam dpal gyis spras pa/ gnas brtan gyi sems len pa med pas zag pa las ji srid kyis sems rnam par grol ba de srid kyis so// gnas brtan gyis spras pa skyes bu dam pa de dag 'di 'dra bar mgyogs par lhags pa ni ngo mtshar to/ / 'jam dpal gyis smras pa/ gnas brtan 'od srungs chen po'i sems ji srid kyis rnam par grol/ smras pa/ skad cig pa 'gyur ba srid kyis so// 'jam dpal gyis smras pa/ gnas brtan gyi sems rnam par grol lam/ smras pa/ 'jas dpal rnam par grol lo// 'jam dpal gyis smras pa/ sems de gang gis bcings na gang las rnam par grol/ gnas brtan gyis spras pa/ 'jam dpal gal te sems bcings par gyur na ni rnam par mi grol te/ rnam par grol ba'i ye shes mthong bar mi 'gyur ro/ / smras pa/ btsun pa 'od srungs chen po'i sems bcings pa med na/ rnam par grol ba gang yin/ smras pa/ gang bcings pa med par yongs su shes pa rnam par grol ba'o/ / smras pa/ btsun pa 'od srungs chen po'i sems gang gis sems gang yongs su shes/ 'das pas sam/ 'on te ma 'ongs pas sam/ 'on te da ltar byung bas sam/ gang 'das pa de ni zad pa/ gang ma 'ongs pa de ni ma phyin pa/ gang da ltar byung ba ni gnas pa med pa yin/ sems gang gis sems yongs su shes/ smras pa/ 'jam dpal 'di ni 'gog pa ste/ de la sems kyis bgrang ba gang yang med do// 'jam dpal gyis spras pa/ btsun pa 'od srungs sems 'gog pa yongs su shes sam/ spras pa/ sems 'gog pa ni yongs su shes par mi nus so/ / spras pa/ sems de thams cad 'gog par lhung ba ste/ de'i phyir chung ba dkyang yongs su shes par 'gyur ba med do// spras pa/ 'jam dpal khyod spobs par gyis shig/ bo la ni khyod la lan gdab pa'i nus pa med do// 'jam dpal gyis spras pa/ btsun pa 'od srungs chen po 'di la ji snyam du sems/ zag chal spobs pa yod dam/ spras pa/ meng ngo // de tsi phyir zhe na/ brag cha ni rten cing 'brel par 'byung ba'i phyir ro// smras pa/ btsun pa 'od srungs chen po chos thams cad kyang brag cha lta bum yin nam/ smras pa/ 'jam dpal de de bzhin no// 'jam dpal gyis smras pa/ btsun pa 'od srungs chen po 'di la ji snyam du sems/ brag cha'i spob pa bcad nus sam/ smras pa/ mi brjod pas de bcad do// smras pa/ btsun pa 'od srungs chen po de de bzhin te/ kun mi 'dri bas byang chub sems dpa'i spobs pa 'chad do// btsun pa 'od srungs chen po gal te bskal par yongs su 'dri na yang / kho bo'ang bskal par spobs par 'gyur ro// / de nas bcom ldan 'das la/ tshe dang ldan pa pod srungs chen pos 'di skad ces gsol to// bcom ldan 'das ji ltar des brtan pas 'khor 'di dag gi yun ring po'i don dang / phan pa dang bde bar 'gyur ba dang / chos nyid 'di mngon sum du 'gyur bar bgyi ba'i slad du/ 'jam dpal gzhon nur gyur pa la bskul du gsol/ de nas byang chub sems dpa'i 'khor der byang chub sems dpa' sems dpa' chen po shes rab brtsegs zhes bya ba 'dus par gyur te 'dug pa des 'jam dpal gzhon nur gyur pa la 'di skad ces smras so/ / 'jam dpal gnas brtan 'od srungs chen po 'di ci'i phyir sems shing / dman pa dman pa lta bus ston/ 'di ci'i phyir gnas brtan zhes bya/ 'jam dpal gyis smras pa/ ba di ni nyan thos te/ 'jigs pa med pa ma yin no/ / shes rab brtsegs kyis smras pa/ ci 'di theg pa chen po la ma zhugs sam/ smras pa/ rigs kyi bu de ni ma yin te/ 'di ni nyan thos kyi theg pas rnam par grol ba'o smras pa/ 'jam dpal nyan thos kyi theg pa zhes bya ba 'di ji lta bu/ smras pa/ rigs kyi bu bcom ldan 'das shAkya thub pa de bzhin gshegs pa theg pa gsum brtsams te chos ston to// gsum gang zhe na/ nyan thos kyi theg pa dang / rang sangs rgyas kyi theg pa dang / theg pa chen po ste/ theg pa gsum po de dag go/ de ci'i phyir zhe na/ sems can 'di dag ni dman pa la mos pa'i phyir ro/ smras pa/ 'jam dpal stong pa nyid tshad med/ mtshan ma med pa tshad med/ smon pa med pa tshad med na/ ci'i phyir nyi tshe ba'i 'du shes su mdzad/ smras pa/ rigs kyi bu de bzhin gshegs pa ni thabs la mkhas pa ste/ gang gi phyir stong pa nyid tshad med/ mtshan ma med pa tshad med/ smon pa med pa tshad med kyang nyi tshe ba'i 'du shes kyis mos par mdzad do// smras pa/ 'jam dpal bdag phyir zhing dman pa la mos pa'i sems can rnams dang 'phrad par 'gyur du 'ong kis 'gro'o/ / 'jam dpal gyis smras pa/ rigs kyi bu re zhig sdong la/ sku'i rgyal po ma dros pa'i spobs pa ji tsam pa dang / chos nyid tshad med pa' nga nyon cig/ de nas tshe dang ldan pa 'od srungs chen pos/ byang chub sems dpa' shes rab brtsegs la 'di skad ces smras so// rigs kyi bu de bzhin gshegs pa rin chen tog de ci 'dra ba'i chos ston/ smras pa/ sangs rgyas dang byang chub sems dpa' rnams kyi gtam ste/ ro gcig pa dang / tshad med pa'i chos las byung ba dang / phyir mi ldog pa dang / sangs rgyas nyid du 'gyur ba dang / gzhan la mos pa ma yin pa dang / thams cad mkhyen pa'i ye shes su yang dag par 'du ba'o// 'jigs pa med pa ma yin pa'i sems can rnams ni der mi skye ste/ bcom ldan pa das de'i chos bstan pa ni de 'dra'o/ / de nas klu'i rgyal po ma dros pas/ 'jam dpal gzhon nur gyur pa la 'di skad ces smras so// 'jam dpal khyod de bzhin gshegs pa gang la blta bar 'dod de 'dir 'ongs/ ci gzugs de bzhin gshegs par blta 'am/ smras pa/ de ni ma yin no// smras pa/ ci tshor ba dang / 'du shes dang / 'du byed dang / rnam par shes pa de bzhin gshegs par blta bas/ smras pa/ de ni ma yin no// smras pa/ ci gzugs kyi mi rtag pa de bzhin gshegs par blta 'am/ smras pa/ de ni ma yin no// smras pa/ ci tshor ba dang / 'du shes dang / 'du byed dang / rnam par shes pa'i mi rtag pa de bzhin gshegs par blta 'am/ smras pa/ de ni ma yin no// smras pa/ ci gzugs kyi sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du mi byed pa de bzhin gshegs par blta 'am/ smras pa/ de ni ma yin no// smras pa/ ci tshor ba dang / 'du shes dang / 'du byed dang / rnam par shes pa'i sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du mi byed pa de bzhin gshegs par blta ba ma/ smras pa/ de ni ma yin no// smras pa/ ci gzugs kyi mtshan nyid de bzhin gshegs par blta 'am// spras pa/ de ni ma yin no// smras pa/ ci rnam par shes pa'i mtshan nyid kyi bar du de bzhin gshegs pa bska 'am/ smras pa/ de ni ma yin no// smras pa/ ci sha'i mig gis de bzhin gshegs par blta 'am/ smras pa/ de ni ma yin no// smras pa/ ci lha'i mig gis de bzhin gshegs par blta'am/ smras pa/ de ni ma yin no// smras pa/ ci shes rab kyi mig gis de bzhin gshegs par blta ba ma/ smras pa/ de ni ma yin no// smras pa/ 'jam dpal de de bzhin gshegs pa la blta ba ji lta bu yin/ 'jam dpal gyis spras pa/ klu'i bdag po de bzhin gshegs pa ci 'dra ba de 'dra bar de la blta'i// smras pa/ 'jam dpal de bzhin gshegs pa ci 'dra/ spras pa/ klu'i bdag po de bzhin gshegs pa ni mi mnyam pa dang mnyam pa/ mtshungs pa med pa/ rab tu 'dra ba med pa'o// mi mnyam pa zhes bya ba ni de la gnyen po med pa'o// mi mnyam pa dang mnyam pa zhes bya ba ni de la gnyen po mnyas pabang med pa'o/ / mtshungs pa med ces bya ba ni gzugs kyi mtshan nyid ma yin pa'i phyir ro// rab tu 'dra ba med ces bya na/ rtags med cing mtshan ma med pa'i phyir ro// klu'i bdag po de bzhin gshegs pa ni de 'dra ste/ de ltar blta bar bya'i/ sha'i mig dang / lnga'i mig dang / shes rab kyi mig gis blta ba ma yin no// de ci'i phyir zhe na/ sha'i mig ni sdang ba mthong ba yin la/ de bzhin gshegs pa ni mun pa dang / snang ba yin pas/ sha'i mig gis de blta bar mi nus so// lha'i mig ni mngon par 'du byed pa'i mtshan nyid yin la/ de bzhin gshegs pa ni shin tu mngon par 'dus ma byas pas/ lha'i mig gis de lta bar mi nus so// shes rab kyi mig gis ni byung ba yongs su shes pa'i mtshan nyid yin la/ de bzhin gshegs pa ni shin tu mi 'byung bas/ shes rab kyi mig gis de blta bar mi nus so// smras pa/ 'jam dpal de bzhin gshegs pa mthong ba shin tu rnam par dag pa ji lta bu yin/ smras pa/ klu'i bdag po gang gi tshe mig gi rnam par shes pa'i rnam par shes pa dang / sems kyang mi skye la gzugs kyi rnam par shes pa'i rnam par shes pa dang / rnam par shes pa'ang mi 'gog pa de tsam gyis na/ de bzhin gshegs pa mthong ba shin tu rnam par dag pa yin no/ / de nas byang chub sems dpa' sems dpa' chen po gang dag de bzhin gshegs pa rin chen tog gis sangs rgyas kyi zhing nas lhags pa de dag ngo mtshar du gyur nas 'di skad ces smras so/ / gang dag gis klu'i rgyal pos zhus pa 'di thos pa dang / thos nas mos pa dang / mi sdang mi skrag la 'dzin pa dang / ston pa'i skyes bu dam pa de dag ni/ de bzhin gshegs pa legs par mthong ba yin no// bdag cag kyang 'dir lhags shing tshul 'di thos pas bdag cag don med par ma gyur to// gang na chos kyi rnam grangs 'di spyod pa'i grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor de dag na/ de bzhin gshegs pa yongs su mya ngan las mi 'da' pa dang / dam pa'i chos kyang nub par mi 'gyur bar rig par bya'o// chos kyi rnam grangs 'dis bdud kyi dkyil 'khor tshar bcad do// mu stegs can gyi gnas thams cad pham par byas so// de nas klu'i rgyal po ma dros pas/ 'jam dpal gzhon nur gyur pa la 'di skad ces smras so// 'jam dpal mi spyod pa la spyod pa'i byang chub sems dpa' byang chub rnyed dka' ba ma yin no zhes bya ba ni/ bajam dpal ji ltar na byang chub sems dpa' mi spyod pa la spyod pa zhes bya/ 'jam dpal gyis smras pa/ klu'i bdag po gtong ba phun sum tshogs pa rnams kyi spyod pa'i stong pa nyid gang yin pa de nyid ser sna can rnams kyi spyod pa'i stong pa nyid de/ spyod pa mnyam pa de ni mi spyod pa la spyod pa zhes bya'o// tshul khrims dang / bzod pa dang / brtson 'grus dang / bsam gtan yang de bzhin no// shes rab dang ldan pa rnams kyi spyod pa'i stong pa nyid gang yin pa de nyid shes rab 'chal pa rnams kyi spyod pa'i stong pa nyid de/ spyod pa mnyam pa de ni mi spyod pa la spyod pa zhes bya'o// klu'i bdag po gzhan yang 'dod chags la spyod pa rnams kyi spyod pa'i stong pa nyid gang yin pa de ni/ 'dod chags dang bral ba rnams kyi spyod pa'i stong pa nyid de/ spyod pa mnyam pa de ni mi spyod pa la spyod pa zhes bya'o/ / zhe sdang la spyod pa rnams dang / gti mug la spyod pa rnams kyang de bzhin no// cha mnyam pa la spyod pa rnams kyi spyod pa'i stong pa nyid gang yin pa de nyid nyon mongs pa med pa rnams kyi spyod pa'i stong pa nyid de/ spyod pa mnyam pa de ni mi spyod pa la zhes bya'o// klu'i bdag po gzhan yang de bzhin gshegs pas spyod pa brgyad khri bzhi stong dang / chos kyi phung po brgyad khri bzhi stong gang dag gsungs pa/ spyod pa brgyad khri bzhi stong po de dag gi spyod pa'i stong pa nyid gang yin pa de nyid 'phags pa rnam par grol ba'i spyod pa'i stong pa nyid de/ spyod pa mnyam pa de ni mi spyod pa la spyod pa zhes bya'o/ / klu'i bdag po gzhan yang gang gi tshe byang chub sems dpa' spyad pa spyod na/ spyod pa de la mi spyod pas spyod de/ spyad pa spyod pa na spyod de yang dag par rjes su mi mthong zhing / mngon par zhen pa med pa la mi rtog cing rlom sems su mi byed de/ de'i phyir mi spyod pa la spyod pa zhes bya'o// smras pa/ 'jam dpal ci'i phyir byang chub sems dpa' mi spyod pa la spyod pa zhes bya/ smras pa/ klu'i bdag po gang byang chub sems dpa'i sems dang po bskyed pa nas bzung ste/ byang chub kyi snying po'i bar du dge ba spyod pa dang / mi skye ba'i spyod pa dang / dngos po med pa'i spyod pa dang / gzung ba med pa'i spyod pa dang / kun gzhi med pa'i spyod pa dang / nyon mongs pa med pa'i spyod pa dang / ngo bo nyid med pa'i spyod pa dang / 'byung ba med pa'i spyod pa dang / rgyu ba med pa'i spyod pa dang / gnas med pa'i spyod pa dang / yang dag pa'i spyod pa dang / cho ga'i spyod pa dang / spyod pa de lta bu la mos pa'i byang chub sems dpa' ni mi spyod pa'i spyod pa la spyod pa'o/ / gang gi tshe byang chub sems dpa' mi skye ba'i spyod pa la spyod par gyur pa na/ mtshan nyid med pa'i rjes su song zhing rgyu ba med la/ shes rab la mos pas rnam par grol te/ rnam par grol nas kyang gnyis su med pa'i mtha' las kyang mi 'da' la/ yang dag pa'i mtha' yang mngon sum du 'gyur zhing / yang dag pa'i mtha' de mngon du byed pa'ang ma yin te/ de'i phyir byang chub sems dpa'i mi skye ba'i chos la bzod pa rab tu 'thob bo// de nas klu'i rgyal po ma dros pas/ yang 'jam dpal gzhon nur gyur pa la 'di skad ces smras so// 'jam dpal mi skye ba'i chos la bzod pa thob pa ji lta bu/ spras pa/ gzugs mi skye bar bzod pa rab tu thob pa ni/ mi skye ba la bzod pa rab tu thob pa zhes bya'o// de bzhin du tshor ba dang 'du shes dang / 'du byed dang / rnam par shes pa mi skye bar bzod pa rab tu thob pa ni/ mi skye ba la bzod pa rab tu thob pa zhes bya'o// chos thams cad kyi bar du mi skye bar bzod pa rab tu thob pa ni/ mi skye ba la bzod pa rab tu thob pa zhes bya'o// klu'i bdag po gzhan yang byang chub sems dpa'i mi skye ba la bzod pa rab tu thob pa des bzod pa rab tu thob ste/ de ni kun tu 'gro ba zhes bya'o/ / de rab tu thob pas sems can thams cad bzod pa rab tu thob pa nyid du yang dag par rjes su mthong ngo // kun tu 'gro ba'ang mi skye ba nyid du yang dag par rjes su mthong ngo // sems can thams cad kyang ngo bo nyid med pa nyid du yang dag par rjes su mthong ngo / / sems can thams cad ma skyes pa nyid du yang dag par rjes su mthong ngo // sems can thams cad de'i mtshan nyid du yang dag par rjes su mthong ngo / / mnyam pa nyid la gzhan chos phra rab kyang yang dag par rjes su mi mthong ngo // bzod pa de yang skad cig pa'o// cis skad cig pa zhe na/ gzugs dang / mig gi rnam par shes pa nas/ yid dang / chos dang / yid kyi rnam par shes pa'i bar gyis so// ji ltar mig la sogs pas skad cig pa de bzhin du/ sngon gyi mtha'i bzod pa yang skad cig pa/ phyi ma'i mtha' dang da ltar byung ba'i bzod pa yang skad cig pa'o// ji ltar dus gsum gyi bzod pa skad cig pa de bzhin du/ sems can thams cad kyang skad cig pa'o// cis skad cig pa zhe na/ 'dod chags dang / zhe sdang dang / gti mug gi nyon mongs pa rnams kyis skad cig pa'o// ji ltar sems can thams cad skad cig pa de ltar byin log gis nyon mongs pa skye ba gang yin pa de dag kyang skad cig pa'o/ / de ltar ye shes dang ldan pa ni skye ba la bzod pa rab tu thob pa'i byang chub sems dpa' ni/ sems can thams cad rnam par grol ba la nye bar yang dag par rjes su mthong ngo / / de ci'i phyir zhe na/ 'di ltar byang chub sems dpa' de 'di snyam du sems te/ bdag gi nyon mongs pa ji ltar skad cig pa dang / ji ltar gsog yin pa ltar sems can thams cad kyi nyon mongs pa yang de ltar skad cig pa'o/ / de ltar gsog go/ rnam par grol ba la ni nyon mongs pa de dag gi rtsa ba med do// stobs med do// gal te de dag shin tu rnam par grol ba ma yin na ni/ su yang mya ngan las 'da' bar mi gyur pa bzhin na/ gang gi phyir de dag shin tu rnam par grol ba de'i phyir/ de dag rnam par grol ba'i ngo bo nyid du gnas so// / de ltar ye shes dang ldan pa'i byang chub sems dpa' ni/ sems can yongs su smin par byed pa la skyo ba med do// de ci'i phyir zhe na/ chos thams cad bcings pa med pas/ rang bzhin gyis rnam par grol bar yang dag par rjes su mthong ba'i phyir ro/ / de ji snyam du sems te/ sems can 'di dag ni rang bzhin gyis shin tu kun nas nyon mongs pa can ma yin la/ rang bzhin gyis rnam par grol pa ma yin na/ spro btags pa'i nyon mongs pas kun nas nyon mongs so// sems can 'di dag ni rang bzhin gyis shin tu kun nas nyon mongs pa can ma yin la/ rang bzhin gyis rnam par grol ba yin na/ yang dag pa ma yin pa yongs su rtogs pas kun nas nyon mongs so// sems can 'di dag ni rang bzhin gyis shin tu kun nas nyon mongs pa can ma yin la/ rang bzhin gyis rnam par grol ba yin na/ 'du shes dang / sems dang / yid la byed pas kun nas nyon mongs so// klu'i bdag po mi skye ba'i chos la bzod pa rab tu thob pa'i byang chub sems dpa' ni sangs rgyas kyi yul yang ma thob/ so so'i skye bo dang / slob pa dang / mi slob pa dang / rang sangs rgyas kyi yul labang mi gnas/ yul thams can kyang spong / yul la 'dod chags kyis chags pa'ang med/ yul la zhe sdang gis sdang ba'ang med/ yul la gti mug gis nyon mongs pa'ang med do// yul la 'dod chags dang bral ba thob pa'ang ma yin la/ 'dod chags dang bral ba'i mtha' la'ang gnas shing / sems can yongs su smin par bya ba dang / rang gi yul la nyon mongs pa med par longs spyod pa'i phyir yul thams cad kyang mi spong ngo // de bdud kyi yul la'ang rgyu zhing / sangs rgyas kyi yul gyi ngo bo nyid kyi mtshan nyid kyang mi 'dor ro// chos kyi dbyings kyi yul yang rnam par 'khrug par mi byed la/ sems can gyi khams kyi yul la'ang gnas so// chos thams cad yul med cing / yul dang bral bar yang rab tu shes shing las kyi yul la'ang 'jug go// shes rab kyis las med cing las kyi rnam par smin pa med par/ yang so sor rtog la/ mngon par 'du byed pa'i yul la'ang mngon par 'du byed do// mngon par 'du mi byed pa'i yul la'ang mi 'jug la/ btang snyoms pa'ang ma yin no// dge ba mngon par 'du byed pa dang / chos thams cad ma skyes par yang yang dag par rjes su mthong la/ 'phags pa'i skyon med pa la 'jug pa'ang ma yin no// de skad ces smras pa dang / klu'i rgyal po ma dros pas/ 'jam dpal gzhon nur gyur pa la 'di skad ces smras so// 'jam dpal byang chub sems dpa' 'phags pa'i skyon med pa la mi 'jug ces de skad smra na/ byang chub sems dpa' skyon med pa la 'jug pa gang yin/ spras pa/ klu'i bdag po phyir mi ldog pa la 'jug pa'i byang chub sems dpa' ni skyon med pa la 'jug pa'o// klu'i bdag po yid la byed pa po thams cad la nga'i ba med par byang chub sems dpas rab tu shes kyang / ngar 'dzin pa dang / nga yir 'dzin par zhugs pa'i sems can rnams kyi ched du brtson 'grus rtsom mo// smras pa 'jam dpal byang chub sems dpa' ngar 'dzin pa dang / nga yir 'dzin pa gang las rnam par grol te/ ngar 'dzin pa dang / nga yir 'dzin pas bcings pa'i sems can rnams la snying rje bskyed pa gang yin/ smras pa/ phung po lngar sgro btags pa la gnas pa'i byang chub sems dpa' ngar 'dzin pa dang / nga yir 'dzin pa rab tu shes shing / phung po dang / khams dang / skye mched kyis rlom sems su'ang mi byed la/ phung po dang / khams dang / skye mched la gnas pa'i sems can rnams kyi ched du bsams bzhin du srid pa'ang len te/ de skye la 'du byed thams cad mi skye bar yang yang dag par rjes su mthong / skye ba dang / mi skye ba'i phyir/ skye ba dang / mi skye ba thams cad kyang yang dag par rjes su mthong ngo // klu'i bdag po shes rab ni byang chub sems dpa'i skyon med pa la 'jug pa ste/ thabs kyis kyang zhugs pas srid par 'gro ba rnams su kun tu snang ngo // klu'i bdag po stong pa nyid ni byang chub sems dpa'i skyon med pa la 'jug pa ste/ thabs kyis kyang zhugs pas lta bar lhung ba'i sems can rnams la snying rje chen po bskyed do/ / mtshan ma med pa ni byang chub sems dpa'i skyon med pa la 'jug pa ste/ thabs kyis kyang zhugs pas rnam par rtog pa la spyod pa'i sems can rnams la snying rje chen po skyed do/ / smon pa med pa ni byang chub sems dpa'i skyon med pa la 'jug pa ste/ thabs kyis kyang zhugs par smon lam la spyod pa'i sems can rnams la snying rje chen po skyed do/ / klu'i bdag po byang chub sems dpa' bdag med pa'i chos la'ang 'jug la/ sems can thams cad kyang mi rtag pa nyid dang / srog med dang / gang zag med pa la'ang 'jug la/ byang chub kyi sems kyang mi brjed pa dang / 'dus ma byas pa'i chos la'ang 'jug la/ skyes bu chen po'i mtshan sum cu rtsa gnyis kyi dge ba'i rtsa ba'ang sogs pa dang / shin tu zhi zhing nye bar ni la/ ma rig pa shin tu ma zhi zhing / nye bar yang ma zhi ba dang / bag la nyal yang dag par 'joms la/ sngon gyi dam bcas pa'ang mi 'dor ba dang / sems dang yid dang / rnam par shes pa dang yang ma bral la/ thams cad mkhyen pa'i sems la'ang mnyam par gzhag pa dang / nga rgyal thams cad kyang yang dag par 'joms la/ sems can thams cad kyi dbang po rtog pa la'ang mkhas pa dang / 'phags pa'i yon tan yang brjod la/ 'phags pa ma yin pa'i chos la gnas par yang brtson pa dang / spros pa'ang med la/ spros pa la yang 'jug pa dang / nye bar yang zhi la/ nye bar ma zhi ba'ang yongs su 'dzin pa dang / mi g.yo zhing rnam par mi g.yo ba'ang rgyun mi gcod la/ sangs rgyas kyi zhing gi rgyan rnam par bsgrub par yang nye bar gnas pa ni/ klu'i bdag po byang chub sems dpa'i skyon med pa 'jig rten las 'das pa ste/ 'jig rten las ldog pa'ang ma yin pa'o// glu'i bdag po de ltar gang shes rab dang / thabs dang ldan pa dang / 'phags pa'i ting nge 'dzin 'di ni byang chub sems dpa'i skyon med pa la 'jug pa'o// klu'i bdag po 'di lta ste/ dper na nyan thos kyi skyon med pa la 'jug pa ni log par mi ltung ba'i chos te/ rgyun du zhugs pa zhes bya'o// klu'i bdag po de bzhin du byang chub sems dpa'i skyon med pa la 'jug pa ni log par mi lhung ba'i chos te/ phyir mi ldog pa zhes bya'o/ / klu'i bdag po nyan thos kyi skyon med pa la 'jug pa ni mi 'da' ba ste/ gdon mi za bar 'bras bu thob par byed pa'o// byang chub sems dpa'i skyon med pa la 'jug pa ni 'da' ba ste/ nyan thos kyi 'bras bu thob par mi byed kyi/ byang chub kyi snying po'i 'bras bu dang nye bar byed pa'o// de'i phyir nyan thos kyi skyon med pa ni tshad du bya ba'o// byang chub sems dpa'i ni tshad du bya ba ma yin no/ / klu'i bdag po 'di lta ste/ dper na skyes bu gnyis shig g.yang sa chen por lhung ba las/ de la skyes bu gcig ni bdi 'dra ba'i stobs dang / brtson 'grus dang / rtul ba dang / thabs dang / sngon gyi sbyor ba dang / rigs pa dang ldan par gyur pa zhig pas lhung yang brtson 'grus chen po'i stobs kyis g.yas chen po de nas drangs nas/ slar g.yang sa chen po de'i khar phyin te/ gnas so// cig shos ni stobs bskyed pa chung la thabs la mi mkhas pas ltung ba de bzhin du/ klu'i bdag po byang chub sems dpa' yang shes rab kyi stobs bskyed pas/ chos thams cad stong pa nyid dang / mtshan ma med pa dang / smon pa med pa dang / mngon par 'du byed pa med par rnam par lta zhing nye bar rtog la/ sems can thams cad la dmigs pa'i snying rje chen pos yang dag par btang ba'i thabs la mkhas pas yang thams cad mkhyen pa'i sems la gnas so/ / nyan thos kyi theg pa can ni chos la so sor brtags nas 'bras bu mngon du byed do/ / klu'i bdag po g.yang sa chen po zhes bya ba de ni 'dus ma byas kyi chos kyi tshig bla dwags so// brtson 'grus kyi stobs dang ldan pa'i skyes bu zhes bya ba de ni byang chub sems dpa'i cho ga bla dgas so/ / g.yang du lhung nas slar zlog ma nus pa zhes bya ba de ni nyan thos kyi theg pa can gyi tshig bla dgas so// klu'i bdag po gang dag skyon med pa 'di thos pa de dag ni nges par bla na med pa yang dag par rdzogs pa'i byang chub tu 'byung zhing / byang chub sems dpa'i skyon med pa dang yang nye bar 'gyur ro// de nas bcom ldan 'das la/ klu'i rgyal po'i bu rnam par 'phrul pa zhes bya bas 'di skad ces gsol to/ / bcom ldan 'das bdag zang zing ma mchis pa'i sems kyis chos kyi rnam grangs 'di ring du gnas par bgyid pa dang / dam pa'i chos yongs su gzung ba'i slad du byang chub tu sems bskyed cing sangs rgyas dang / chos dang / dge 'dun la skyabs su mchi'o// bdag sangs rgyas kyi ye shes kyis sems kyi rang bzhin gyis byang chub rang bzhin dang / byang chub kyi rang bzhin gyis chos thams cad kyi rang bzhin mngon par yang dag par khong du chud par bgyis te rab tu bshad par bgyi'o/ / bcom ldan 'das gang dag rnam par dag pa'i lam gyi chos kyi sgo'i le'u 'di nyam pa de dag ni bdud kyis byin gyis brlabs pa lags so/ / de ci'i slad du zhe na/ bcom ldan 'das chos kyi rnam grangs 'di la nges par 'byung ba'i byang chub sems dpa' ni 'byung ba'i lam thams cad du nges par 'byung ba lags pa'i slad du'o/ / de nas tshe dang ldan pa rab 'byor gyis/ klu'i rgyal po'i bu rnam par 'phrul pa la 'di skad ces smras so// rigs kyi bu khyod kyis gang sems kyi rang bzhin gyis byang chub mngon par rdzogs par 'tshang rgya zhes bya ba de la sems kyi rang bzhin de gang yin/ smras pa/ btsun pa rab 'byor gyi rang bzhin gang yin pa'i rang bzhin de sems kyi rang bzhin no/ / smras pa/ rab 'byor gyi rang bzhin ji lta bu/ smras pa/ gang 'dod chags dang / zhe sdang dang / gti mug gi rang bzhin no// smras pa/ 'dod chags dang // zhe sdang dang / gti sug gi rang bzhin ji lta bu/ smras pa/ rtogs pa dang / rnam par rtogs pa'i rang bzhin no// de ci'i phyir zhe na/ rab 'byor 'di la ji snyam du sems/ rtogs pa med na/ 'dod chags dang / zhe sdang dang / gti mug skye bar 'gyur ram/ smras pa/ de ni ma yin no// smras pa/ gang mi rtog cing rnam par mi rtog pa de mi skye ba'o// gang mi skye ba de rang bzhin te/ 'di ni 'dod chags dang // zhe sdang dang / gti mug rnams kyi rang bzhin no// btsun pa rab 'byor gyis sems kyi rang bzhin zhes bya ba de gang yin zhes smras pa la/ 'od gsal ba de ni sems kyi rang bzhin no// gang sems kyi 'od gsal ba de la 'dod chags dang / zhe sdang dang / gti mug med do// smras pa/ rigs kyi bu nyon mongs pa gang dag skye ba de dag skye ba na gang las skye/ spras pa/ btsun pa rab 'byor phyin ci log las nyon mongs pa rnams skye mod kyi/ sems kyi rang bzhin ni nam yang kun nas nyon mongs pa ma yin no// btsun pa rab 'byor gal te sems kyi rang bzhin kun nas nyon mongs pa can yin du zin na ni/ gang yang shin tu rnam par dag par mi 'gyur ba zhig na/ gang gi phyir sems kyi rang bzhin kun dang nyon mongs pa can ma yin pa de'i phyir/ nyon mongs pa yongs su shes par rnam par dag pa zhes bya'o/ / rab 'byor gyis smras pa/ rigs kyi bu ji ltar na nyon mongs pa rnams yongs su shes pa gang yin/ smras pa/ btsun pa rab 'byor rkyen yod par 'gyur na skye'i/ rkyen med na mi skye bar tshul bzhin yid la byed pa ni nyon mongs pa rnams yongs su shes pa'o/ / smras pa/ rigs kyi bu ji ltar na byang chub sems dpa' tshul bzhin la rab tu brtson pa yin/ smras pa babatsun pa rab 'byor gang gi tshe byang chub sems dpa' sbyor ba thams cad dang mi ldan par gnas pa de'i tshe/ tshul bzhin la brtson pa yin no// btsun pa rab 'byor gzhan yang gang gi tshe byang chub sems dpa' sems dpa' chen po nyan thos dang / rang sangs rgyas kyis rnam par grol ba'i chos ston kyang / rnam par grol ba der mi ltung ba 'di yang byang chub sems dpa'i tshul bzhin la sbyor ba'o// btsun pa rab 'byor gzhan yang gang gi tshe byang chub sems dpa' sems dpa' chen po rang gi nyon mongs pa dben pas/ sems can thams cad kyi nyon mongs pa dben par khong du chud pa de'ang de'i tshul bzhin la sbyor ba'o/ / gzhan yang gang gi tshe byang chub sems dpa' sbyor ba la sbyor ba ma yin pa dang / sbyor ba ma yin pa la sbyor bar mthong ba de'ang byang chub sems dpa'i tshul bzhin la sbyor ba'o/ / de nas tshe dang ldan pa rab 'byor gyis/ klu'i rgyal po'i bu rnam par 'phrul pa la 'di skad ces smras so// rigs kyi bu byang chub sems dpa' sbyor ba la sbyor ba ma yin pa dang / sbyor ba ma yin pa la sbyor bar mthong ba ji lta bu/ smras pa/ btsun pa rab 'byor chos kyi dbyings gnyis su med pa'i tshul gyis gang mig dang gzugs nas/ yid dang chos kyi bar de dag ni sbyor ba ma yin par blta'o/ / sbyor ba ma yin pa zhes bya ba ni/ khams gsum du nying mtshams mi sbyor ba ste/ de la byang chub sems dpa' thabs kyis nying mtshams sbyor ba de ni sbyor ba zhes bya'o// btsun pa rab 'byor de ltar rab tu brtson pa'i byang chub sems dpa' ni tshul bzhin la rab tu brtson pa zhes bya'o/ / de nas bcom ldan 'das kyis klu'i rgyal po'i bu de la legs so zhes bya ba gnang ste/ skyes bu dam pa khyod kyis ji ltar sangs rgyas kyi mthus byang chub sems dpa'i tshul bzhin la sbyor ba 'di de ltar bstan pa ni legs so legs so/ / byang chub sems dpa' gang dag theg pa chen po 'di la tshul bzhin de lta bu la rab tu brtson pa de dag ni thams cad mkhyen pa nyid du nges pa yin par lta'o/ / de nas bcom ldan 'das la/ klu'i rgyal po'i bu rnam par 'phrul pas 'di skad ces gsol to/ / bcom ldan 'das ji ltar na byang chub sems dpa' sems dpa' chen po zang zing ma mchis pa'i sems kyis sangs rgyas dang / chos dang / dge 'dun la skyabs su mchis pa lags/ bka' stsal pa/ rigs kyi bu gang gi phyir byang chub sems dpa' chos thams cad bdag med pa dang / sems can med pa dang / srog med pa dang / gang zag med par shes nas gzugs su ma yin/ mtshan du ma yin/ chos su ma yin par de bzhin gshegs pa yang dag par rjes su mthong ba de lta bu ni/ zang zing med pa'i sems kyis sangs rgyas la skyabs su song ba yin no/ / de bzhin gshegs pa'i chos nyid gang yin pa de ni chos kyi dbyings so// chos kyi dbyings gang yin pa de ni thams cad kyi rjes su song ba zhes bya ste/ de ltar chos thams cad chos dbyings kyi rjes su song bar mthong ba de lta bu ni/ zang zing med pa'i sems kyis chos la skyabs su song ba yin no// gang chos kyi dbyings 'dus ma byas pa rab tu sgom pa dang / nyan thos kyi theg pa la 'dus ma byas pa ston pa dang / 'dus byas dang / 'dus ma byas gnyis su med pa 'di lta bu ni/ zang zing med pa'i sems kyis dge 'dun la skyabs su song ba yin no// bstan pa 'di bshad pa'i tshe/ klu'i rgyal po'i bu rnam par 'phrul pas rjes su 'thun pa'i chos la bzod pa rab tu thob par gyur to// de nas klu'i rgyal po ma dros pa chung ma'i 'khor dang bcas/ bu dang bcas/ gnyen dang 'khor du bcas te dngos po thams cad kyis/ sangs rgyas dang / chos dang / dge 'dun la skyabs su song nas/ rang gi gnas bcom ldan 'das dge slong gi dge ba'adun dang bcas pa la phul te/ 'di skad ces gsol to// bcom ldan 'das bdag smon lam 'debs pa ni 'di lags te/ gang dag gi gnas 'di nas klung chen po bzhi 'bab pa/ rgya mtsho chen po bzhir 'bab pa'i rgya mtsho chen po de dag dang / bcom ldan 'das klung chen po pa di dag la 'tshal ba'i sems can rkang gnyis pa dang / rkang bzhi pa dang / rkang mangs dang / ri dgas dang / bya gang lags pa de dag rgyu des bla na med pa yang dag par rdzogs pa'i byang chub tu gyur cig/ gang dag byang chub tu smon pa dedag kyi rgyu des rnam pa grol bar gyur cig/ de nas de'i tshe sangs rgyas 'jus pa mdzad do/ / 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de nas bcom ldan 'das kyi zhal gyi sgo nas kha dog dum pa'i 'od zer byung nas/ mtha' yas mu med pa'i 'jig rten gyi khams 'od kyis khyab par byas te/ slar log nas de bzhin gshegs pa'i dbu'i gtsug tu nub bo// de nas tshe dang ldan pa kun dga' bos/ bcom ldan 'das la tshigs su bcad de gsol pa/ mtshungs pa ma mchis gzugs mngar mthong na dga'/ skyes mchog bcom ldan skyes bu khyu mchog pa// 'jig rten das la 'jig rten sgron ma mdzad/ / gzi mngara' bzhad pa'i don 'di bdag la gsungs// bsod nams brgya mnga' bsod nams lhag pa po// ye shes kyis 'phags ye shes snang mdzad pa// chos dbang mi mtshungs chos kyi bka' mchid can// bcom ldan ci yi don du bzhad pa ston// dben pa gzigs shing rtag tu dben la dgyes// dbang po zhi ba zhi gnas pha rol phyin// zhi la rab ni zhi gnas dgyes pa po/ / bzhad don yon tan mthar phyin bdag la gsungs// 'jam pa'i gsung can tshangs pa'i dbyangs 'byin pa// bya mchog mang po'i sgra dang sil swan sgra// sgra dbyangs yan lag thams cad rdzogs pa'i dbyangs/ / thub pa bzhad par sbyor ba bdag la gsungs// thub pa shes rab 'byung gnas shes rab grol// rtag tu mnyam gzhag 'phrul pa'i thugs mi mnga'/ / thams cad mkhyen pa sems can spyod la mkhas// mtshungs med bzhad pa'i don ni legs par gsungs// ye shes mi phyed dbang gi mthar phyin pa// rdzu 'phrul mtha' yas pa yi stobs ston cing / / stobs bcu dbang gis dbang gi pha rol gshegs// bde bar gshegs khyod ci slad 'dir 'dzum ston// sku 'od dpag gis snang ba mdzad pa po// khyod kyi 'od kyis gzhan 'od gsal mi 'gyur/ / ji ltar rgyal ba'i bo da ni gda' ba ltar// nyi zla zhugs dang nor bu'i ma lags so// bsod nams chen po the tsom mi mnga' ba// rdzogs pa'i byang chub sems dpa' phyogs gsal mdzad/ / bcom ldan ci slad bzhad pa ston pa de// mi mtshungs ye shegs mnga' bas bdag lung ston// de skad ces gsol pa dang / bcom ldan 'das kyis// tshe dang ldan pa kun dga' bo la 'di skad ces bka' stsal to/ / kun dga' bo klu'i rgyal po ma dros pa de bzhin gshegs pa la 'di 'dra ba'i bkod pa 'di dag gis mchod par byed pa mthong ngam/ gsol pa// bcom ldan 'das mthong lags so// bcom ldan 'das kyis bka' stsal pa/ klu'i rgyal po ma dros pa'adis byang chub bsgrubs pa'i phyir/ sangs rgyas bye ba phrag dgu bcu rtsa dgu'i gan du tshangs par spyod pa sprad do/ / gang gi tshe de bzhin gshegs pa mar me mdzad kyis nga la khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa de'i tshe de'i dus na/ klu'i rgyal po 'di tshong dpon gyi bu rnam par dag pa'i blo gros zhes bya bar gyur te/ des nga la lung bstan pa thos nas smon lam btab pa/ bdag kyang ma 'ongs pa'i dus na/ ji ltar khye'u blo gros bzang po 'di lung bstan pa bzhin du lung bstan par gyur cig ces smras so// kun dga' bo klu'i rgyal po ma dros pa 'di ji ltar da ltar nga la 'bul ba de bzhin du/ bskal pa bzang po'i de bzhin gshegs pa thams cad la'ang rang gi gnas brgyan nas 'bul bar 'gyur te/ de bzhin gshegs pa de dag thams cad kyis kyang de'i lhag pa'i bsam pa mkhyen nas/ rnam par dag pa'i lam gyi chos kyi rnam grangs 'di 'chad par 'gyur ro// sa phyogs 'di nyid du de bzhin gshegs pa log par dad sel dang / gser thub dang 'od srungs yang bzhugs nas/ rnam par dag pa'i lam gyi chos kyi sgo'i le'u 'di gsungs so// klu'i bdag po ma dros pa 'di bskal pa bzang po'i de bzhin gshegs pa thams cad la mchod pa byed par 'gyur/ chos kyang nyan par 'gyur ro// de'i 'og tu de bzhin gshegs pa grangs med pa ma nyes par byed par 'gyur/ tshangs par spyad pa'ang spyod par 'gyur/ dam pa'i chos kyang yongs su 'dzin par 'gyur te/ bskal pa grangs med pa bdun stong lnga brgyan/ de bzhin gshegs pa dgra bcom pa yang dag par rdzogs pa'i sangs rgyas ma dros pa zhes bya ba nyid du 'gyur ro/ / kun dga' bo de bzhin gshegs pa ma dros pa byang chub thob pa'i tshe/ sems can gang yang 'dod chags kyi gdung ba dang / zhe sdang gi gdung ba dang / gti mug gi gdung ba dang / pha rol gyi gdung bas gdung bar 'gyur te/ sems can de dag thams cad kyang nges par tshe'i tshad du 'gyur ro// kun dga' bo de bzhin gshegs pa ma dros pa'i tshe'i tshad ni lo bye ba phrag brgyad cur 'gyur ro/ / kun dga' bo de bzhin gshegs pa ma dros pa'i sangs rgyas kyi zhing ni bai DUR+Ya las grub par 'gyur te/ sa chen po de ni 'dzam bu'i klung gi gser gyi pad+mas khebs par 'gyur/ dang mi de dag gi longs spyod dang / yongs su spyad pa dang / bza' ba dang / btung ba'ang ba sems pa tsam gyis 'byor bar 'gyur/ mi de dag thams cad mngon par shes pa lngas nam mkha' la 'gro bar 'gyur/ dga' ldan gyi lha rnams kyi longs spyod dang yongs su spyad pa ci 'dra bar mi de dag gi yang de 'dra bar 'gyur ro// sems can de dag gnyis kyi gnyis sbyor ba ma yin gyi/ de dag thams cad chos kyi dga' ba la dga' mos par 'gyur/ nyon mongs pa rnams kyang rab tu zhi bar 'gyur ro// de bzhin gshegs pa de'ang yongs su mi skyo bar chos ston par 'gyur ro// ji ltar da ltar nga rdzu 'phrul gyi cho 'phrul thams cad kyis chos ston pa ltar/ de sha thang bar chos ston par mi 'gyur ro// sems can de dag kyang chos brjod pa tsam gyis 'dul bar 'gyur ro// de ci'i phyir zhe na/ 'di ltar sangs rgyas kyi zhing de na lha dang mi rnams la chos kyi gtam gcig ston par 'gyur ba'i phyir ro// sangs rgyas kyi zhing de na nyin mtshan zhes so sor bgrang du med par 'gyur ro// de ci'i phyir zhe na/ kun dga' bo de bzhin gshegs pa ma dros pa de'i rang gi lus las 'od bkye bas thams cad dang ldan pa'i sangs rgyas kyi zhing de gsal bas khyab par 'gyur ro// de nas sems can dag 'di snya mdud de bzhin gshegs pa chos kyi bka' mchid mdzad par 'gyur ro snyam du de sems par 'gyur zhing / de dag 'od des bskul ba dang / chos mnyan pa'i phyir nam mkha' las 'dong bar 'gyur ro/ / de ltar de dag 'dus nas de bzhin gshegs pa de shing ta la bdun srid du steng gi bar snang la 'phags te/ nam mkha' la gnas pa'i seng ge'i khri la 'dug nas/ sems can de dag la chos ston par 'gyur ro// de ltar 'dug pa dang / sangs rgyas kyi zhing de thams cad du snang bar 'gyur te/ dper na zla ba nye ba'i dkyil 'khor bzhin no/ / de na dge ba'i rtsa ba yongs su smin pa'i sems can de dag 'di snyam du ji ltar bcom ldan 'das de'i seng ge'i khri gnas med pa de bzhin du chos thams cad kyang gnas med de/ nam mkha' ngo bo nyid do snyam du sems par 'gyur te/ de dag de nyid kyis mngon par rtogs par 'gyur// bzod pa'ang rab tu thob par 'gyur ro// de bzhin gshegs pa de na rdo rje'i sgo la 'jug pa zhes bya ba'i chos kyi rnam grangs ston to/ / 'di lta ste/ dper na rdo rje ni gang dang gang du bab pa de dang de dag 'jom mo// de bzhin du de bzhin gshegs pa de'i chos bstan pa'ang bag la nyal dang // kun nas ldang ba thams cad 'jom mo// kun dga' bo de bzhin gshegs pa ma dros pa de gang gi tshe yongs su mya ngan las 'da' ba de'i tshe/ byang chub sems dpa' smon lam khyad par 'phags zhes bya ba 'di nga'i 'og tu de bzhin gshegs pa kun tu snang ba zhes bya bar 'gyur te/ sangs rgyas kyi zhing yang 'di 'dra ba nyid du 'gyur ro zhes/ byang chub sems dpa' smon lam khyad par 'phags/ pa lung bstan nas yongs su mya ngan las 'da' 'o// de nas klu'i rgyal po ma dros pa'i bu rtag tu dad pa thob ces bya ba des/ nor bu rin po che'i gdugs rin po ches spras pa de bzhin gshegs pa la phul lo/ / phul nas 'di skad ces gsol to// bcom ldan 'das de'i tshe de'i 'dus na byang chub sems dpa' smon lam khyar par 'phags zhes bgyi bar 'gyur ba de gang lags/ de nas bcom ldan 'das kyis/ klu'i rgyal po'i bu rtag tu dad pa thob kyi lhag pa'i bsam pa mkhyen nas/ tshe dang ldan pa kun dga' bo la bka' stsal pa/ kun dga' bo de'i tshe de'i dus na byang chub sems dpa' smon lam khyad par 'phags zhes bya bar 'gyur ba de gzhan yin pa snyam du khyod sems na/ de ltar mi blta'o// de ci'i phyir zhe na/ kun dga' bo klu'i rgyal po'i bu rtag tu dad pa thob pa 'di nyid de'i tshe de'i dus na byang chub sems dpa' smon lam khyad par 'phags zhes bya bar 'gyur te/ bcom ldan 'das ma dros pa de'i 'og tu de bzhin gshegs pa dgra bcom pa yang dag par rdzogs pa'i sangs rgyas kun tu snang ba zhes bya ba 'jig rten du 'byung ngo / / bcom ldan 'das kyis zhus pa lung bstan cing / rnam par dag pa'i lam gyi chos kyi rnam grangs 'di mthar phyin pa'i dus shes nas/ phyogs bcu nas 'dus pa'i byang chub sems dpa' sems dpa' chen po de dag dang / brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams tshim zhing mgu la yi rangs shing rab tu dga' ste/ dga' ba dang yid bde ba skyes nas mngon par dga' ste/ stan las langs nas/ bcom ldan 'das la tshul bzhin du mchod de/ rang rang gi sangs rgyas kyi zhing dang rang rang gi gnas su dong ngo / / de nas klu'i rgyal po sa dros pa bu dang bcas/ chung ma dang bcas/ gnyen dang 'khor du bcas te/ klu'i rgyal po lha srungs su mngon par sprul nas/ bcom ldan 'das kyi gzhal med khang rnam pa'i mchog thams cad dang ldan pa'ang mngon par sprul te/ bcom ldan 'das der bzhugs nas/ byang chub sems dpa'i dge 'dun dang bcas/ nyan thos kyi dge 'dun dang bcas par bkod de/ rang gi gnas nas byung nas/ bcom ldan 'das kyi zhabs 'bring du song ste/ des bcom ldan 'das 'khor byang chub sems dpa' dang bcas/ nyan thos kyi dge 'dun dang bcas pa bya rgod phung po'i ri la bskyal nas/ bcom ldan 'das kyis gnang ste/ rang gi gnas su song ngo // de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo chos kyi rnam grangs 'di zung zhig/ gsol pa/ bdag gis bzung lags so// bcom ldan 'das kyis bka' stsal pa/ kun dga' bo de'i phyir rnam par dag pa'i lam gyi chos kyi rnam grangs 'di 'khor bzhi po dag la rgyun mi 'chad par ston cig/ de ltar na khyod dam pa'i chos yongs su gzung ba bya bar 'gyur ro// bcom ldan 'das klu'i rgyal po ma dros pa'i gnas nas/ bya rgod phung po'i ri la gshegs so zhes rgyal po'i khab kyi bram ze dang khyim bdag rnams kyis thos nas/ de dag thams cad dad pa thob ste/ lhan cig tu bcom ldan 'das ga la ba der dong ngo / / de dag de ltar phyin pa dang / sangs rgyas bcom ldan 'das kyis rnam par dag pa'i lam gyi chos kyi rnam grangs 'di nyid las brtsams te/ de lta de ltar chos bstan nas/ 'khor de las srog chags khris byang chub tu sems bskyed do// srog chags lnga stong ni chos kyi mig skyes so// bcom ldan 'das kyis de skad ces bka' stsal pa dang / tshe dang ldan pa kun dga' bo dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa klu'i rgyal po ma dros pas zhus pa zhes bya ba theg pa chen po'i mdo rdzogs so// rgya gar gyi mkhan po dzi na mi tra dang / dA na shI la dang /

CLOSE WINDOW