rgya gar skad du/ pu N+ya ba la a ba dAn/ bod skad du/ bsod nams stobs kyi/ rtogs pa brjod pa/ sangs rgyas la phyag 'tshal lo/ / 'di skadabadag gis thos pa'i dus gcig/ // na/ bcom ldan 'das mnyan du yod pa na/ rgyal bu rgyal byed kyi tshal mgon med zas sprin gyi kun dga' ra ba na bzhugs so/ / de nas bcom ldan 'das kyis dge slong rnams la bka' stsal pa/ dge slong dag 'di na mi blun po la la dam pa'i chos ma yin pa gsum dang ldan na/ sbyin pa dag mi sbyin zhing bsod nams dag mi byed la/ tshul khrims yang dag par blangs nas gnas par mi byed de/ gsum gang zhe na/ 'di ltar chags pa dang / ser sna dang / bag med pa rnams te// dge slong dag 'di na mi blun po la la dam pa'i chos ma yin pa gsum po 'di dag dang ldan pas sbyin pa dag ma byin zhing bsod nams dag ma byas la/ tshul khrims yang dag par blangs te gnas par ma byas pas lus zhig ste/ shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ / dge slong dag skyes bu dam pa chos gsum dang ldan pa ni sbyin pa dag byin zhing bsod nams dag byed la/ tshul khrims yang dag par blangs te gnas so// gsum gang zhe na/ 'di ltar ma chags pa dang / ser sna'i dri ma dang bral ba dang / bag yod pa rnams so// dge slong dag chos gsum po 'di dag dang ldan na/ skyes bu dam ba sbyin pa dag sbyin zhing bsod nams dag byas la/ tshul khrims yang dag par blangs te gnas par byas bu lus zhig ste/ shi ba'i 'og tu bde 'gro mtho ris kyi 'jig rten du lha rnams kyi nang du skye bar 'gyur ro/ / bcom ldan 'das kyis de skad ces bka' stsal te/ bde bar gshegs pas de skad ces gsungs nas/ de'i 'og tu gzhan yang ston pas 'di skad ces gsungs so// gang phyir ser sna bag med pas// sbyin pa sbyin par mi byed de// de phyir bsod nams 'dod pa yi/ / shes pas sbyin pa sbyin par bya// ser sna can gyi 'jig pa ni// bkres dang skom pa 'di yin na// gang gis 'jigs bas 'dir ma byin/ / de nyid ma byin 'jigs pa ste// 'jig rten 'di dang pha rol tu// de yis byis pa gos par 'gyur// gang dag ser sna spangs/ nas kyang // dus su sbyin pa sbyin byin de// shi yang de ni shi ma yin// rgyags bzang ba yi 'gron po bzhin// gang dag shin tu gtang dka' ba// nyung ngu'am mang po gtong byed na// gtang dka' gtong ba/ de dag ni// dka' ba'i las dag byed pa yin// dam pa min pas mi rtogs te// dam pa chos las 'da' mi byed// de phyir dam pa dam pa min// 'di nas shi bar gyur pa na// dam pa ma yin dmyal bar 'gro/ / dam pa dag ni mtho ris 'gro// rga bas gtses pa la ni skyabs med de// tshe thung bas na srog khyer dus kyang nye// 'chi ba'i 'jigs pa 'di mthong rnams kyis ni// bsod nams der sbyor dag/ ni bya ba'i rigs// bud med spangs 'dir bor bas 'tsho ba gang // dga' bas sbyin pa nyung ngu byin na yang // stong gi mchod sbyin brgya stong byed pas ni// de yi bcu drug char yang mi phod do// ci'i phyir mchod sbyin yangs shing rgya che ba/ / mchod sbyin 'thun pa de yi lam mi 'gro// ji ltar stong gi mchod sbyin stong rnams kyang // de yi bcu drug char mi 'gyur zhe na// byis pa la la gsod cing 'ching byed 'dir/ / gzhan nor sbyin byed yangar rlag par 'gyur// mchi ma'i gdong bcas chad par bcas pa yi// yon de'i mchod sbyin 'thun pa'i lam mi 'gro// de ltar mchod sbyin yangs shing rgya che ba/ mchod sbyin 'thun pa'i lam du mi 'gro la// de ltar stong gi mchod sbyin stong rnams kyang // de yi bcu drug char yang mi phong ngo // la la gang dag gzu lum ma yin pa// chos bzhin nor rnams thob pa gtong byed cing / / de dag gtang dka' de rnams btang bas na// rang gi bsod nams kyis ni lha gnas 'gro// bcom ldan 'das kyis de skad ces bka' stsal nas/ bcom ldan 'das gdan las bzhengs te/ nags stug po ga la ba de logs su gshegs so// gshegs nas nags stug po'i nang du bzhugs te/ nyin par gnas pa'i phyir shing zhig gi drung na gnas shing bzhugs so/ / de'i tshe dge slong mang po dag 'dun khang na 'dus shing 'khod pa'i skabs su tshul 'di lta bur/ tshe dang ldan pa dag mi rnams kyi nyams su dben pa gang yin zhes gtam du glengs so// / de'i tshe bcom ldan 'das kyi gcung sru'i bu tshe dang ldan pa dga' bo dang / tshe dang ldan pa gro bzhin skyes bye ba nyi shu pa dang / tshe dang ldan pa ma 'gags pa dang / tshe dang ldan pa shA ri'i bu rnams kyang 'khor de nyid du 'dus par gyur te 'khod do/ / de nas tshe dang ldan pa dga' bos smras pa/ tshe dang ldan pa dag byad gzugs ni mi rnams kyi nyams su dben pa yin no// tshe dang ldan pa gro bzhin skyes bye ba nyi shu pas smras pa/ tshe dang ldan pa dag brtson 'grus ni ma rnams kyi nyams su dben pa yin no// tshe dang ldan pa ma 'gags pas smras pa/ tshe dang ldan pa dag bzo ni mi rnams kyi nyams su dben pa yin no/ / tshe dang ldan pa shA ri'i bus smras pa/ tshe dang ldan pa dag shes rab 'ba' zhig mi rnams kyi nyams su dben pa yin no zhes glengs nas de dag 'di skad du/ tshe dang ldan pa dag bdag cag kun mi mthun par gyur te/ 'di ltar tha dad par brtags kyis/ bdag cag bcom ldan 'das kyi thad du song ste/ don 'di nyid zhu la/ bcom ldan 'das bdag cag la ji skad du lung ston pa de bzhin du gzung bar bya'o zhes zer na/ tshe dang ldan pa dag bcom ldan 'das ni/ ston pa thugs rje chen po ste// thams cad mkhyen pa the tsom bsal// de ni som nyi gcod pa ste// nyi mas mun pa bsal ba bzhin/ / sdug bsngal dra bas glags pa dang // log pa'i lam la gnas pa yi// srog chags rnams kyi skyabs gcig ste// bu rnams kyi ni pha mchog bzhin// de phyir chos kun dbang phyug gis// sem can kun gyi don brtson pa/ / thub pa the tsom gcod de la// bdag cag kun gyis zhu bar bya// som nyi mdud pa chen po ni// gang phyir rgyal gcod par 'gyur// de phyir thams cad dong nas ni// de bzhin gshegs la zhu bar bya/ / zhes byas nas/ dge slong mang po de dag bcom ldan 'das blta ba'i phyir 'gro bar chad pa las/ bcom ldan 'das nyin par gnas pa'i phyir nags stug po'i nang na bzhugs pa'i bar skabs su/ dge slong mang po dag 'dun khang du 'dus shing 'khod de/ skabs su tshul de lta bu'i gtam gleng pa/ lha'i snyan rnam par dag pa mi las 'das pas gsan to// gsan nas ting nge 'dzin de las bzhengs te/ 'dun khang ga la ba 'dug par gshegs so// gshegs nas dge slong gi dge 'dun gyi gung la gdan bshams pa de nyid la bzhugs so// bzhugs nas bcom ldan 'das kyis dge slong rnams la bka' stsal pa/ dge slong dag dge slong mang po 'dun khang du 'dus shing 'khod pa rnams kyis skabs kyi gtam ci zhig glengs/ da ltar khyed gtam ji lta bu'i zhig gi phyir 'dus shing 'khod/ gsol pa/ btsun pa bdag cag dge slong mang po 'dun khang 'dir 'dus shing mchis pa rnams kyis/ skabs su tshul 'di lta bur tshe dang ldan pa dag mi rnams kyi nyams su dben pa gang lags zhes bka' mchid bgyis so/ / de la tshe dang ldan pa dga' bo'i mchid nas ni/ tshe dang ldan pa dag byad gzugs mi rnams kyi nyams su dben pa lags so zhes mchi/ tshe dang ldan pa gro bzhin skyes bye ba nyi shu pa'i mchid nas ni/ tshe dang ldan pa dag brtson 'grus mi rnams kyi nyams su dben pa lags so zhes mchi/ tshe dang ldan pa ma 'gags pa'i mchid na re/ tshe dang ldan pa dag bzo mi rnam kyi nyams su dben pa lags so zhes mchi/ tshe dang ldan pa shA ri'i bu'i mchid nas ni/ tshe dang ldan pa dag shes rab 'ba' zhig ma rnams kyi nyams su dben pa lags so zhes mchi ste/ btsun pa bdag cag rnams 'di snyam bgyid do/ / tshe dang ldan pa dag bdag cag kun mi mthun par gyur te/ 'di ltar tha dad par brtags kyis/ bdag cag bcom ldan 'das kyi thad du mchis te/ don 'di nyid zhus la/ bcom ldan 'das bdag cag la ji skad du lung ston pa de bzhin du gzung bar bgyi'o snyam bgyid do/ / btsun pa bdag cag dge slong mang po dag 'dun khang na 'dus shing mchis pa rnams kyis skabs kyi bka' mching 'di glengs te/ da ltar bdag bka' mchid slad du 'dus shing mchis lags so// de nas bcom ldan 'das kyis de'i gzhi las tshigs su gcad de gsungs pa/ sems can rnams kyis gzugs dang bzo/ / brtson 'grus dang ni shes rab gzhan// bsod nams dag las byung bas na// de phyir bsod nams dam pa yin// zhes gsungs nas/ dge slong rnams la bka' stsal pa/ dge slong dag ci yang rung ste/ lam 'ga' tsam du zad kyi/ dus thams cad du kun nyams su dben pa ma yin no// bsod nams ni dus thams cad du srog chags thams cad kyi nyams su dben pa yin te/ dge slong dag 'di ltar bsod nams bzhin du sems can rnams kyi nyams su dben pa'i chos gcig kyang ngas yang dag par rjes su ma mthong ngo / / dge slong dag ci'i phyir zhe na/ sngon byung ba 'das pa'i dus na rgyal po'i pho brang 'khor zhig na rgyal po gsal stobs zhes bya ba zhig rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ngo // rgyal po de'i btsun mo rnam par sba ba zhes bya ba gzugs bzang zhing blta na sdug la mdzes pa zhig yod de/ phyi zhig na btsun mo rnam par sba ba dang lhan cig tu rtse zhing dga' la dga' dgur spyod do// rtse zhing dga' la dga' dgur spyod pa de las bu gzugs bzang zhing blta na sdug la mdzes pa mi'i kha dog las ni 'das/ lha'i kha dog ni ma thob pa zhig btsas te/ de btsas pa na bcos ston byas so/ / btsas ston byas nas gzugs stobs zhes bya bar ming btags so// de bzhin du rim gyis de'i 'og tu bu gsum btsas te/ de dag gi nang na gcig ni brtson 'grus ldan zhes bya/ gnyis pa ni bzo ldan zhes bya/ gsum pa ni shes rab ldan zhes bya'o// phyis re zhig na yang btsun mo rnam par smra ba la bu chags te/ gang gi nyin par de'i bu chags pa de nyid kyi nyin par glo bur du pho brang 'khor du gser rnam pa sna tshogs kyi char phab bo/ / btsun mo de'i steng du yang lha'i bla re chen po rin po che sna tshogs kyis spras pa zhig byung ngo // de nas rgyal po gsal stobs kyis ya mtshan de mthong nas/ shin tu ngo mtshar du gyur te/ ltas pa rnams la smras pa/ kye sngon ma byung ba'i ya mtshan byung ba 'di ci zhig/ ltas pa rnams kyis gsol pa/ lha btsun mo'i lhums su sras bzhugs pa gang lags pa 'di ni bsod nams kyi che bar grags pa zhig ste/ sems can de'i mthu lags so// de nas rgyal pos de thos nas shin tu ngo mtshar du gyur to/ / de nas re zhig na btsun mo de 'di lta bur yid la 'dod pa skyes te/ kye ma bdag seng ge'i khri la 'dug cing / steng na gdugs dkar po thogs la/ rnga yab nor bu'i yu ba can yang thogs na ci ma rung snyam ste/ des rgyal po la gsol to// de nas rgyal po sems rab tu dga' bar gyur nas/ grong khyer rgya cher mdzes par byed du bcug nas/ de bzhin du thams cad byed du bcug ste/ de'i yid la 'dod pa skyes pa gang yin pa de med par gyur to// de nas yang de'i yid la/ kye ma bdag gser dngul gyi phung po'i steng du 'dug la rang gi lag gis sbyin pa rnams sbyin zhing bsod nams ngadag byed/ nor med pa rnams nor dang ldan par byed na ci ma rung snyam du 'dod pa skyes te/ des rgyal po la gsol to// de nas rgyal pos de bzhin du byed du bcug nas/ de'i yid la 'dod pa skyes pa gang yin pa de med par gyur to/ / de nas yang de'i yid la/ kye ma btson thams cad btang na ci ma rung snyam du 'dod pa skyes so// de nas rgyal pos de'i yid la 'dod pa skyes pa bsal ba'i phyir/ btson thams cad gtong du bcug ste/ de'i yid la 'dod pa skyes pa gang yin pa de med par gyur to// de nas yang de'i yid la/ kye ma bdag skyed mos tshal dag mthong na ci ma rung snyam du 'dod pa skyes so/ / de nas de rgyal pos skyed mos tshal mdzes pa dag bltar bcug ste/ de'i yid la 'dod pa skyes pa gang yin pa de med par gyur to// de nas yang de'i yid la/ kye ma bdag gis skye bo mang po'i mdun du tshul 'di lta bur bden pa'i tshig brjod de/ ci ste bsod nams dag gi rnam par smin pa yod ce na/ de las nga'i seng ge'i khri gang la 'dug na/ skye bo mang po la chos ston cing / bdag gi gtam gyi rjes la yang / ya mtshan 'ga' 'byung bar 'gyur ba de lta bu lha rnams kyis myur du bdag la phul na ci ma rung snyam du 'dod pa skyes te/ des rgyal po la gsol to/ / de nas rgyal pos btsun mo 'khor dang grong khyer rgya cher mdzes par byed du bcug go// grong khyer na gnas pa'i skye bo mang po thams cad kyang gos gtsang ma dang / rgyan gos dang / spos dang / 'phreng ba dang / byug pa lag na thogs te 'dus par gyur to// de nas btsun mo rnam par spa ba rgyan thams cad kyis klubs te/ bud med kyi 'khor gyis bskor nas/ lha'i bu mo bzhin du skye bo dag gi mig dang yid 'phrog cing / skye bo mang po de dag gi nang du song ste/ sems can thams cad kyi rjes su 'gro ba'i byams pa'i sems nye bar bzhag nas/ nam mkha' la lta zhing bden pa'i byin gyi rlabs byed de/ tshigs su bcad pa smras pa/ mi dbang lha yi rnam par grub pa yi// bsod nams stobs 'phags ci ste bdag la yod// bden pa des na deng du lha rnams kyis/ / myur du 'dir ni seng ge'i khri shoms shig/ de nas tshig de skad smras ma thag tu/ bsod nams ngag gi mthu ston pa'i lha rnams kyis glo bur du seng ge'i khri phul te/ lha'i me tog gi char yang phab bo/ / de nas skye bo phal po che de dag gis/ lha dang mi mngon par dga' bar byed pa'i cho 'phrul ngo mtshar rmad du gyur pa mthong nas shin tu ya mtshan du gyur te/ kye ma bsod nams ngag gi mthu che ste/ 'di ltar 'jig rten thams cad kyis mchod pa'i gnas lha rnams kyang bsod nams kyi stobs kyis bkug ste/ mi rnams kyis ngag nyan pa ni ngo mtshar to zhes ched du brjod pa ched du brjod do/ / de nas btsun mo rnam par sba ba yid rab tu dga' ste/ tsham tshom med par seng ge'i khri la 'dzegs nas 'dug go/ btsun mo de 'dug ma thag tu sa rnam pa drug tu g.yos te/ se ge'i khri yang sa las mi bdun gyi srid tsam du nam mkha' la 'phags te 'dug go/ / de nas seng ge'i khri de'i steng du lha'i bla re rin po che sna tshogs kyis spras pa zhig bkram mo// de nas skye bo phal po che de dag bsod nams kyi mthu mthong bas sems dga' bar gyur te/ spos dang / 'phreng ba dang / byug pa rnams kyis btsun mo la yang legs par mchod nas/ thal mo sbyar te de'i ngag nyan cing sems btung nas mdun du 'khod ngo / / rgyal po gsal stobs kyang / bsod nams kyi rlabs shin tu rmad du byung ba de mthong nas sems kyi rgyud yang dag par dga' bar gyur te/ 'khor dang bcas par thal mo sbyar nas 'khod do/ / de nas btsun mo rnam par spa bas de'i tshe/ sngon ma byung ba'i tshigs su bcad pa 'di skad ces smras so// bsod nams bsags na bde bar 'gyur// de phyir mis ni bsod nams bya// de yang yang dang yang du bya/ / de nyid la ni 'dun par bya// tshigs su brjod pa smras ma thag tu/ bar snang las legs par smras so// mchog tu legs par smras so zhes sgra byung ngo // lha'i rol mo'i sgra dag kyang sgrogs so// lha'i gos shin tu sba ba'i char chen po yang bab bo// de nas tshigs su bcad pa 'di thos ma thag tu rgyal po gsal stobs dang / skye bo phal po che de dag dga' bar gyur to// nam mkha' la 'khod pa'i lha rnams kyis kyang tshamachom med par rang gi lus las bla gos dang rgyan rnams phud nas btsun mo rnam par sba ba dang / seng ge'i khri la bkab ste/ tshig 'thun par legs par smras so/ / legs par smras so zhes sgra phyung ngo // de nas btsun mo de seng ge'i khri de las dal gyis babs te sa la 'dug nas/ lha'i rol mo'i sgra rnams ni zhi bar gyur/ mi rnams kyi rol mo'i sgra ni sgrogs so/ / de nas rgyal po de dang skye bo phal po che dga' bar gyur nas/ bkur sti chen pos mchod cing btsun mo'i 'khor du bskyal te/ btsun mo'i nang du song nas seng ge'i khri de mi snang bar gyur to/ / de nas skye bo phal po che de dag gis bsod nams kyi rnam par g.yo ba de mthong ste/ sems yang dag par dga' bar gyur nas/ kye ma bsod nams dag gi che ba nyid/ kye ma bsod nams dag gi 'bras bu mngar ba zhes ched du brjod pa ched du brjod do/ / de nas btsun mo de'i yid la 'dod pa skyes pa gang yin pa de med par gyur nas/ phyis re zhig na zla ba dgu tshang nas/ btsun mo rnam par spa ba nyi ma shar ba'i dus kyi skabs su bu btsas te/ khye'u gzugs bzang zhing blta na sdug la mdzes pa zhig btsas so// de'i skabs su yang sa rnam pa drug tu g.yos te/ nam mkha' las kyang rin po che sna bdun gyi char chen po btsun mo'i 'khor du bab bo/ / rgyal po'i pho brang 'khor de dag thams cad du yang gos rnam pa sna tshogs kyi char bab bo// rgyal po de'i yul thams cad du yang lha'i me tog mchog yid du 'ong ba'i char bab bo/ / me tog dang 'bras bu'i shing ljon pa thams cad las kyang me tog dang 'bras bu rnams 'thon to// char zin bu yang thams cad du bab bo// phyogs bzhi nas kyang ser bu bsil ba langs so/ / de nas gzhon nu btsas ma thag pa phyogs gang na 'dug pa der rgyal po chen po bzhis lha'i seng ge'i khri chen po rin po che sna tshogs kyis spras pa/ sa brtol te glo bur du phul lo/ rnga lha'i rgyal po brgya byin yang bdag nyid lag dar te/ gzhon nu'i steng du lha'i gdugs rtsibs brgya pa dang / rnga yab nor bu'i yu ba can 'dzin to// de'i steng nas sum cu rtsa gsum gyi lha rnams lha'i gos kyi bla re 'grems so/ / la la ni rin po che 'thor ro// la la ni rgyan 'thor ro// la la ni gos 'thor ro// la la ni me tog 'thor ro// la la ni phye ma 'thor ro// la la ni spos dang / 'phreng ba dang / byug pa rnams 'thor ro// la la ni lha'i rol mo'i sgra rnams legs par sgrogs so// lha'i bu las sna tshogs can gyis ni grong khyer de thams cad rdo dang / gseg ma dang / gyo mo rnams med par byas te bzhag nas/ dar gyi lda ldi mang po ni btags rgyal mtshan dang ba dan ni bsgreng / tsan dan gyi chus ni chag chag btab/ bdug pa'i dri zhim po'i snod ni btags/ me tog sna tshogs ni gtor te/ lha rnams kyi skyed mos tshal dga' ba'i tshal zhes bya ba dang 'dra bar yid du 'ong bar byas so// glang po che'i mchog brgya ni nags khung chen po nas rangs 'ongs te glang po che'i bres na gnas par gyur to/ / rgod ma brgya yang rte'u 'brangs// 'bru thams cad kyang ma rmos ma btab par mthu dang ldan par ni smin to// seng ge'i khri de'i 'og nas kyang / gter chen po lnga ni rin po che sna tshogs kyis legs par yongs su gang ba rnams kyis kha dog bstan te god par byas kyang yongs su zad par mi 'gyur ro/ / sems can phan tshun 'khod pa rnams kyang de'i yud tsam la byams/ pa'i sems su gyur to// gzhon nu rdzu 'phrul che zhing mthu che ba de btsas ma thag tu tshe rabs dran te phyogs bzhir bltas nas tshigs su bcad de smras pa/ bsod nams bsags na bde bar 'gyur// de phyir mis ni bsod nams bya/ / de yang yang dang yang du bya// de nyid la ni 'dun par bya// zhes smras so// de nas nam mkha' la gnas pa'i lha rdzu 'phrul che zhing mthu che ba zhig bsod nams dag gi shin tu rmad du byung ba/ shin tu yid du 'ong ba rnam par g.yo ba de mthong nas/ sems yang dag par dga' bar gyur te/ bsod nams dag gi che ba nyid bstan pa'i phyir/ de'i tshe tshigs su bcad de smras pa/ bsod nams dag gi g.yo ba ltos// rgyal po chen po bzhi rnams dang // sum cu rtsa gsum dbang pos bcas// bsod nams kyis ni de dbang bcas// zhes smras so// de nas rgyal po de btsun mo'i 'khor dang / sras dang / blon po dang / pho brang 'khor gyi mi dang / yul gyi mi dang bcas pas phun sum tshogs pa de dag mthong nas/ la mtshan gyis mig rgyas par gyur te/ mchog tu la mtshan du gyur nas/ kye gzhon nu'i bsod nams kyis cher grags pa 'di ltar 'di mir gyur tu zin kyang / 'di lta bur lha'i 'byor pa rgyas pa byung bar gyur pa 'di ni la mtshan che'o zhes ched du brjod pa ched du brjod do// de nas rgyal po sems rab tu dga' zhing bu snying du sdug nas/ 'khor rnams la bsgo ste/ bka' gnyen gsol pa rnams kyi phyir rgyal po'i dang rar gser dngul gyi phung po spungs nas sbyin pa dag byin te/ bsod nams dag byas so// nor med pa du ma ni nor dang ldan pa la bkod do// de nas re zhig na 'byor pa chen po rgyas pas de btsas pa'i btsas ston chen po byas nas ming 'dogs par byed de/ gzhon nu'i ming cir gdags zhes zer ro/ / de nas blon po de dag gis gsol pa/ lha gang gi slad du sras 'di bsod nams kyi stobs rgyas shing de btsas na 'di lta bur lha'i 'byor pa byung bar gyur pas na/ de'i phyir sras 'di'i mtshan bsod nams stobs zhes gdags pa'i rigs so zhes zer ro/ / de nas de'i ming bsod nams kyi stobs zhes btags so// de nas khye'u bsod nams stobs pang na 'tsho ba'i ma ma gnyis dang / nu ma bsnun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas/ de ma ma brgyad po de dag gis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ rdzing bu'i pad+ma bzhin du skye drag par gyur to// gang gi tshe de bskyed bsrings/ pa'i tshe/ yi ge slob tu bcug ste/ des yi ge mthar phyin nas/ de rgyal po rgyal rigs dag gi gnas lnga rnams kyi bar gang yin pa de dag la byang bar gyur to// gzhon nu bsod nams stobs de yang dad pa dang ldan la/ dge zhing bsam pa bzang ba/ bdag la phan pa dang gzhan la phan pa la zhugs pa/ snying rje can bdag nyid che ba/ chos 'dod pa/ skye dgu la byams pa/ gtong ba la sred pa/ sbyin pa la dga' ba/ rab tu sbyin pa la mngon par dga' ba/ thams cad sbyin pa/ thams cad yongs su gtong ba/ chags pa med par yongs su gtong ba/ gtong ba chen po la gnas pa zhig ste/ 'di ltar dge sbyong dang / bram ze dang / bkren pa dang / sdug cing 'phongs pa rnams la/ tha na rang gi sha'i bar du des ma byin pa dang / yongs su ma gtang ba ci yang med do// de la slong ba dag 'ongs te slong ba de'i tshe/ de dag la byams pa'i sems kyis nye bar gnas te nam mkha' la bltas nas/ kye ma 'di ltar gser ram/ dngul lam/ gos sam/ bza' ba dang / bca' ba 'am/ btung ba 'am/ mal stan nam/ gzhan yang gang ci yang rung ste/ ci 'dod pa de dang de dag nam mkha' las bdag la 'ongs kyang ci ma rung snyam du sems bskyed de/ des sems bskyed nas/ de la 'ong bar 'gyur la/ su yang don de mi shes so// des yo byad de dag gis slong ba de dag gi bsam pa yongs su rdzogs par byas nas phyir gtong ngo // de'i grags pas 'dzam bu'i gling thams cad kun tu gang bar gyur te/ 'og tu klu'i 'jig rten thams cad nas/ steng du tshangs pa'i 'jig rten gyi bar du sgra grags so// de nas phyis re zhig na gzhon nu bsod nams stobs phu bo bzhi dang lhan cig tu 'byor pa mchog gi skyed mos tshal du 'khyam du dong ngo / / de'i bar gyi lam du yi dgas mchu khab tsam la lto ri rab tsam ste/ keng rus bsgreng ba 'dra zhing lus shin tu 'bar ba thal mo sbyar ba stong phrag du ma dag gis yongs su bskor te/ gzhon nu bsod nams stobs ma gtogs pa sus kyang yi dgas de dag mi mthong ngo // de nas yi dgas de dag gis/ gzhon nu bsod nam stobs la smras pa/ gzhon nu khyod bsod nams kyi stobs che bar grags pa snying rje chen po yin na/ bdag cag bkres shing skom pas nyam thag pa rnams la zas dang skom byin cig/ bdag cag ni ser sna'i dbang du gyur te/ yi dgas kyi 'jig rten du skyes pas lo brgya phrag du mar chu yang mi rnyed na/ kha zas lta ga la mthong / de skad ces smras nas/ gzhon nu bsod nams stobs kyi sems snying rjes kun tu bskyod nas/ skyen par nam mkha' la bltas te/ kye ma lha'i bza' ba dang btung ba bdag la 'ongs kyang ci ma rung snyam du sems bskyed do// de nas glo bur du lha'i bza' ba dang btung ba nam mkha' las 'ongs so/ / de nas gzhon nu bsod nams stobs yi dgas rnams lha'i bza' ba dang btung bas yang dag par tshim par bya ba la zhugs so// de nas re zhig na yi dgas de dag gis sngon gyi las kyi nyes pas bza' ba dang btung ba de dag ma mthong nas 'di skad ces smras te/ gzhon nu khyod snying rje can zhig ces grag na/ ci'i phyir bdag cag tshim par mi byed gzhon nus smras pa/ lha'i bza' ba dang btung ba 'di dag byin pa ma yin nam/ kha zas 'di dag las ci nyes te mi za/ yi dgas rnams kyis smras pa/ gzhon nu bdag cag ni sngon gyi las kyi nyes pas lha'i bza' ba dang btung ba de dag mi mthong ngo / / de nas gzhon nu bsod nams stobs mi dga' nas/ kye ma ser sna'i rnam par g.yo ba snyam du yid la bsams te/ yi dgas de dag la byams pas khyab par byas nas/ sems bskyed de tshig tu smras pa/ ci ste bsod nams dag gi mthu yod na/ bden pa de dang bden pa'i tshig des/ yi dgas 'di dag gis lha'i bza' ba dang btung ba 'di dag yang dag p a ji lta ba bzhin du mthong zhing bza' ba'i mthu yod par gyur cig ces gzhon nus tshig tu brjod ma thag tu yi dgas rnams kyis lha'i bza' ba dang bca' ba de dag log par mi mthong zhing kha yang tha mal par gyur to/ / de nas gzhon nu bsod nams stobs yid rab tu dga' bas yi dgas de dag lha'i bza' ba dang btung bas tshim par byas te/ de dag gi bza' ba dang btung ba sngon ma myong ba thob nas/ bkres pa dang / skom pa shin tu mi bzang ba chen po'i dbang du gyur pas/ ha cang mang du zos te gsus pa rdol nas/ de dag gzhon nu bsod nams stobs la sems mngon par dga' bzhin du shi ste/ dga' ldan gyi lha'i ris su skyes nas/ gzhon nu bsod nams stobs la gzhon nu khyod kyis bdag cag dga' ldan gyi lha'i ris su bkod kyis mchog tu dga' ba gyis shig/ da ni khyod nyid las brten te sbyin pa dag sbyin zhing bsod nams dag bya'o zhes smras so/ / de nas gzhon nu bsod nams stobs mchog tu dga' ba skyes nas legs so zhes smras so// skyed mos tshal nyid du song ngo // de dag skyed mos tshal der 'dug nas/ mi rnams kyi nyams su dben pa gang yin zhes yang dag pa'i gtam 'di lta bu blon cing nges par byed do// de nas gzhon nu gzugs dang ldan pa na re/ 'di la 'dod brtag tu ci / yod/ 'di ni 'jig rten gyis rtogs pa kho na ste/ 'di ltar byad gzugs ni mi rnams kyi nyams su dben pa yin no// de ci'i phyir zhe na/ byad gzugs dang ldan pa mthong na sngon ma mthong ba'i skye bo yang mchog tu dga' bar 'gyur la/ mngon par dga' ba ma yin pa rnams kyang dga' bar 'gyur ba'i phyir ro// sngon gyi drang srong dag kyang byad gzugs bzang ba 'di ni rnyed pa rnams kyi phyed do zhes smras pa yin no/ / gzhan yang khyod kyis ltos dang / yid du 'ong ba'i gzugs dang ldan pa ni mthong ba tsam gyis mi rnams dga' bar 'gyur te/ dam pa rnams kyis chos kyi mchog la bya ba bzhin du snying nas bkur bar byed do/ / de nas gzugs dang ldan pa'i tshig 'di thos nas/ brtson 'grus can gyis smras pa/ gzugs dag gis byar ci yod de/ brtson 'grus 'ba' zhig mi rnams kyi nyams su dben pa yin no/ / de ci'i phyir zhe na/ byang gzugs dang ldan pa/ brtson 'grus med pa ni tshe 'dri bam/ tshe phyi ma'i 'dod pa'i 'bras bu ci yang mi snang migs ste/ byad gzugs nyams su dben zhes bya ba 'di ni byis pa so so'i skye bo rmongs par byed par zad pa'i phyir ro// brtson 'grus ni tshe 'di nyid la yang 'dod pa'i 'bras bu 'grub par byed do// 'di lta ste/ zhing rmed pa rnams kyi 'bru dang / tshong pa rnams kyi khe dang / zham ring byed pa rnams kyi 'tsho ba dang / mi stong rim rnams kyi bstan chos rtogs par bya ba dang / bsam gtan pa rnams kyi bsam gtan gyi 'bras bu thob par bya ba dang / de la sogs pa brtson 'grus kyis tshe 'di'i 'dod pa'i 'bras bu snang ngo // tshe phyi ma'i 'bras bu ni 'di lta ste/ bde 'gro dang / mtho ris kyi 'jig rten dang longs spyod chen po dang / thar pa thob pa dang / de la sogs pa brtson 'grus kyis tshe phyi ma'i 'bras bu yang snang ngo // gzhan yang brtson 'grus ni yon tan thams cad kyi gzhir gyur pa dang / gnod pa rnams zlog pa yin te/ brtson 'grus la ni bsgrub dka' ba ci yang med do zhes brtson 'grus can gyis de skad ces smras pa la/ bzo dang ldan pas dgod de smras pa/ khyod kyi bden zhing mngal rnam pa sna tshogs ni smra mod kyi/ nga'i sems ni ma mgu'o// de ci'i phyir zhe na/ bzo dang bral ba'i brtson 'grus kyis ni 'bras bu ci yang grub pa ma mthong gi/ bzo dang ldan pa'i 'bras bu yod par mthong ba'i phyir ro/ / de bas na bzo 'ba' zhig mi rnams kyi nyams su dben pa yin no// gzhan yang bzo bo na rigs dma' bar skyes su zin kyang / rgyal po rnams dang / blon po rnams dang / bram ze dang / khyim bdag rnams kyis gdon mi za bar bkur ro/ / sna tshogs las can lha rnams dang // mi rnams kyis kyang legs par bkur// de bzhin ma rabs bzo bo phyir// mi dang lha rnams kyis kyang bkur// zhes bzo dang ldan pas smras pa la/ shes rab can gyis yid tsam gyis dgod de smras pa/ shes rab bzhin du mi rnams kyis nyams su byed gzugs kyang dben pa ma yin/ brtson 'grus kyang dben pa ma yin/ bzo yang dben pa ma yin no// de ci'i phyir zhe na/ shes rab 'chal pa ni gzugs bzang ba mthong na yang rkyen du 'bab par mdzes pa ma yin la/ brtson 'grus kyang don du skye bar mi 'gyur bzo yang shes rab med na shes par mi nus pa'i phyir ro/ / de bas na shes rab 'ba' zhig don thams cad bsgrub pa mi rnams kyi nyams su dben pa yin no// gzhan yang / shes rab kyis ni gzugs dang bzo/ / brtson 'grus nor yang thob par 'gyur// mi rnams legs dang bde ba che// shes rab kyis ni thams cad 'thob// ces shes rab can gyis de skad smras pa la/ gzhon nu bsod nams stobs kyis bzhin 'dzum dmyal nas/ bsod nams ngag gi stobs dngos su kha nas byung ba bzhin du smras pa/ shes rab dang bral ba'i gzugs dang / bzo dang / brtson 'grus thams cad ni nyams su dben pa ma yin la/ shes rab kyis yongs su zin pa'i 'bras bu dang bcas shing nyams su dben pa yin te/ de ni bden pa kho na mod kyi/ 'on kyang shes rab de yang bsod nams med par 'thob par mi 'gyur te/ de bas na bsod nams 'ba' zhig mi rnams kyi nyams su dben pa yin no// bsod nams zhes bya ba ni gcig tu sdug pa'i 'bras bu rnams dang / 'phangs pa'i 'bras bu rnams dang / dga' ba'i 'bras bu rnams dang / yid du 'ong ba'i 'bras bu rnams dang / yid dang 'thad pa'i 'bras bu rnams kyi gtso bo yin te/ yon tan ma lus par ngas brjod mi nus mod kyi/ khyed kyis khong du chud par bya ba'i phyir bsod nams dag gi yon tan phyogs gcig tsam bshad par byas nyon cig/ bsod nams dag gis byad gzugs 'thob// bsod nams kyis ni tshul khrims ldan/ / bsod nams dag gis dpal 'thob cing // de bzhin longs spyod can du 'gyur// bsod nams dag gis shes rab 'thob// snyan dang gas sbyor mchog bsod nams kyis// bsod nams dag gis yid gzhungs 'thob/ / bsod nams ngag gis bzang 'gro 'thob// bsod nams ngag gis rigs mthor skye// bsod nams kyis ni skye ba dran// bsod nams ngag gis grags pa 'thob// bsod nam dag gis ngang tshul can/ / bsod nams ngag gis gtong ldan 'gyur// bsod nams dag gis dbang po tshang // bsod nams ngag gis bde ba 'thob// bsod nams dag gis mkhas par mchod// bsod nams ngag gis stobs thob cing / / dam pa 'phrad pa bsod nams kyis// bsod nams dag gis don kun 'thob// 'dir ni yon gnas su yang rung // ci ste zhing sras tshong yang rung // mi ni skye 'dod phyir byed na/ / cung zad byas pas bsod nams kyis// longs spyod rgya chen tshogs kyang 'thob// bsod nams byed rnams bsod nams kyis// bsams pa tsam gyis nam mkha' las// gos dang zas skom rin chen rnams/ / thams cad bde ba 'thob par 'gyur// yid 'ong khyim rnams bsod nams kyis// bsod nams dag gis bud med mchog/ bsod nams chen por nor dang 'bru// de yi 'dod dgu 'byung bar 'gyur/ / bsod nams dag gis 'gro ba na// sa ni sdong dum tsher ma med// bsod nams ji ltar ldan pa bzhin// mnyam nas yang na gos kyang bting // ji ltar reg pa tsam gyis na// nad pa dag ni sos 'gyur bzhin/ / bsod nams dag gis reg gyur na// zas skom de bzhin gnyis ka dang // gos dang rin chen 'bru dag kyang // rtag tu zad par mi 'gyur ro// lha klu lha min gnod sbyin dang // yi dgas lto 'phye mi rnams kyang / / bsod nams bdag nyid che ba'i phyir// dug dang gnod pa rnams la bsrungs// bsod nams dag gis bsnyen bkur 'thob// skye bo mang dga' bsod nams kyis// bsod nams dag gis grags ldan 'gyur/ / bsod nams dag gis skal bzangs 'thob// bsod nams dag gis tshig kyang btsan// bsod nams dag gis sdug gur 'gyur// tshangs pa'i dbyangs 'thob bsod nams kyis/ / bsod nams kyis ni lus mdog sdug/ bsod nams ngag gis tshig bzang ba// dran ldan mdza' ldan gtso bor 'gyur// de dang der ni mkhas par 'ong // mi phyed pa yi 'khor dang ldan// bsod nams can ni nad med cing // smon pa'i gnas 'gyur bsod nams kyis// bsod nams rnyed ldan gzi byin yod// bsod nams dag gis rgyal srid 'thob// 'gran zla med cing gnod pa med/ / longs spyod mi nyams bsod nams kyis// bsod nams dag gis gter yang rnyed// 'khor los sgyur 'gyur bsod nams kyis// rin chen bdun ni mdun du 'gro// nam mkha'i bar nas kun tu rgyu/ / nyi zla dang yang gzi byin mnyam// zla ba nyid 'thob bsod nams kyis// bsod nams kyis 'thob nyi ma nyid// tshangs pa nyid 'thob bsod nams kyi// bsod nams kyis 'thob brgya byin nyid/ / gzhal mang khang na rgyu ba yi// bsod nams kyis ni lhar yang 'gyur// bsod nams de bzhin lha yi bu// lha min dbang po stobs po che// bsod nams dag gis ngan 'gro spong // bsod narnams kyis ni bde 'gror 'gro/ / shin tu yid 'ong rab dkon pa'i// me tog bsod nams dag gis rnyed// bsod nams dag gis grub pa 'thob// 'gro ba snang byed bsod nams kyis// lha dang lha min rnams kyis ni/ / yang dag mchog 'gyur bsod nams kyis// zhes gzhon nu bsod nams stobs kyis de skad ces spras nas/ 'on kyang rang rang gi phyogs 'dzin pas khas mi len to// de nas bsod nams stobs kyis de dag la yang smras pa/ kye tshur shog/ bdag cag shin tu ring ba gzhan gyi yul zhig tu dong ste/ cha lugs mi mngon par 'khod na/ 'di lta ci gzugs mi rnams kyi nyams su dben pa yin nam/ 'on te brtson 'grus sam/ bzo 'am/ shes rab bam/ bsod nams nyams su dben pa shes par 'gyur ro// de nas gzhon nu de dag gis de ltar bya'o zhes byas nas/ gzhon nu bsod nams stobs kyi ltar mnyan te/ yab la ma gsol bar tsham tshom med par shin tu ring ba rgyal khams gzhan dang / yul gzhan du dong nas/ rgyal po'i pho brang 'khor gzhan zhig tu zhugs te tshe lugs mi mngon par 'khod do/ / de nas gzugs dang ldan pa ni mthong na yid du 'ong bas bsdus pa'i skye bo dag gis bshugs pa'i longs spyod tsam gyis 'tsho'o// brtson 'grus can gyis ni chu klung shugs drag cing mgyogs la shin tu zab cing mthong na 'jigs pas tsan dan gyi shing chen po khyer ba na gzhan dag gis blang bar mi nus pa/ brtson 'grus kyi stobs chen pos drangs nas 'tsho zhing de las byung ba'i longs spyod tsam gyis 'tsho'o/ / bzo dang ldan pa yang bzo ston pa las byung ba'i longs spyod tsam gyis 'tsho'o// shes rab can gyis kyang tshong dpon gnyis kho na byung nas yun ring du len pa shes rab kyis mkhas pas mdza' bar byas te/ de nas de gnyis yongs su mgu bas nor byin pa tsam gyis bde bar 'tsho'o// gzhon nu bsod nams stobs kyang / bdag gis bsod nams byas pa rnams kyis che ba nyid bsgrags pa'i phyir mi shin tu dbul po zhig gi khyim du zhugs nas/ de gang gi nyin par khyim der zhugs pa de'i nyin par nyid du/ gzhon nu bsod nams stobs kyi bsod nams kyi mthus khyim de nyid kyi nang du 'byor pa chen po byung ste/ khyim de nor dang / 'bru dang / gser dngul mang pos yongs su grang bar gyur te/ de nas mi dbul po de 'di ci zhig snyam du ya mtshan dang / mchog tu dga' ba skyes te/ sngon ma byung ba'i 'byor pa 'di ga las 'ongs snyam sems so// de yang 'di snyam du khyim 'dir longs spyod 'byor pa byung ba 'di ni sngon ma mthong ba'i sems can 'di dag bdag gi khyim du 'ongs pa de'i mthu yin no snyam du sems so/ / de nas gzhon nu bsod nams stobs kyis longs spyod 'byor pa de dag mi dbul po la ci bder spyod du bcug ste/ de'i tshe mi dbul po de phyug cing nor mang la longs spyod che bar gyur to// de nas 'di snyam du rtogs te/ bdag sngon shin tu dbul zhing 'dug 'dug pa las/ da bdag gi dpal dang skal ba bzang po 'byor par gyur pa de dag thams cad ni gzhon nu 'di la brten to/ / gang gi phyir gang gi nyin mo gzhon nu 'di ni bdag gi khyim du 'ongs pa de'i nyin par nyid du bdag gi khyim du dpal byung bar gyur pa las na sems can 'do ni bsod nams kyis che bar grags pa zhig bkur sti bya ba'i rigs so snyam ste/ de nas des de la rgyun mo 'chad par bkur sti shin tu chen pos bkur sti byas nas/ mi dbul po che ge mo zhig gi khyim du gzhon nu sngon ma byung ba zhig 'ongs te/ de'i mthus khyim der dpal byung bar gyur to zhes kun tu grags so// skye bo mang dag gis de thos nas bsod nams stobs la mngon par dga' bar gyur te/ kye ma bsod nams ngag gi mthu che zhes ched du brjod pa ched du brjod do// de'i tshe ljongs der yang gzhon nu bsod nams stobs kyi mthus me tog dang 'bras bu'i shing rnams rtag tu rgyas par gyur to// lha yang dus dus su legs par 'thun par char gyi rgyun 'bebs te 'bru shin tu phun sum tshogs par byung bar gyur to/ / de nas skye bo mang po bsod nams gang gis sems dga' bar byas te/ ltang mo lta 'dod par gyur nas/ de blta ba'i phyir dong ngo // de nas gzhon nu bsod nams stobs kyis skye bo mang po lhags pa de dag bsdu bar 'dod de/ kye ma bdag la khyim rin po che thams cad kyis gang zhing / 'tshog nas rnam pa sna tshogs dang ldan la/ bran dang / bran mo dang / las byed pas gang ba rnam pa sna tshogs blta na yid du 'ong ba zhig byung yang ci ma rung snyam du sems bskyed do// dge slong dag sems bskyed ma thag tu// gzhon nu bsod nams stobs kyi khyim chen po rin po che thams cad kyis gang zhing / 'tshog chas rnam pa sna tshogs dang ldan la/ bran dang / bran mo dang / las byed pas gang ba rnam pa sna tshogs blta na yid du 'ong ba glo bur du byung ngo / / de mthong nas kyang skye bo mang po dag mchog tu ngo mtshar du gyur te/ bsod nams dag la gces su 'dzin pa yang dag par skyes nas/ kye ma bsod nams ngag gi 'bras bu ni mngar ro zhes rtogs nas/ gzhon nu bsod nams stobs la bkur sti chen pos bkur sti byas so// gzhon nu bsod nams stobs kyis kyang / skye bo mang po de dag sems dga' bar gyur par shes nas/ bsdu ba'i dngos po bzhi dag gis ci rigs par kha cig ni sbyin pas bsdus/ kha cig ni tshig snyan pas bsdus/ kha cig ni don spyod pas bsdus/ kha cig ni don 'thun pas bsdus te de'i grags pas rgyal po'i pho brang 'khor thams cad du kun tu gang bar gyur to/ / de nas phyis re zhig na/ rgyal po gzhan zhig la/ sman chos gsol ba'i mi zhig gshed ma dag gis yan lag bcad de bzhag nas/ de'i lus las khrag shin tu mang po zag ste/ des na de'i kha bskams par gyur to// de nas gzhon nu bsod nams stobs kyang sa phyogs der phyin te/ de nas mi des de mthong nas/ nyam thag pa'i nga ros ngu zhing / jo bo gzhon nu bdag la yongs su bskyab tu gsol zhes smras so// de nas gzhon nu bsod nams stobs kyis de mthong nas snying rje'i sems bskyed do// bdag gis thabs ji lta bu zhig gis 'di yongs su bskyab par bya snyam du bsams nas/ deng bdag gi bsod nams ngag gi mthu 'jig rten gyi mngon sum du bstan to snyam du de'i blo skyes so// de nas gzhon nu bsod nams stobs kyis de'i lus kyi nyam drod rtogs nas/ snying rjes sems brlan te/ rang gi lus las rtsa gtar nas khrag gzags te mi de la blud nas/ des mi de'i kha bskams pa thams cad zhi bar gyur to// de nas gzhon nu bsod nams stobs kyis de'i rkang lag bcad pas shin tu mi bzang bar na ba mthong nas sdug bsngal de bdag gi nyams su bab par sems shing / bdag nyid kyis rkang lag bcad de/ mi de'i rkang lag gi gnas gnas su sbyar nas nam mkha' la bltas te/ sems can thams cad kyi rjes su 'gro ba'i byams pa'i sems bskyed nas bden pa'i tshig gang gis bdag gi lus 'di skyes tshun chad mi dge ba'i las ci yang byas par mi dran pa'i bden pa dang / bden pa'i tshig 'dis mi 'di la bdag gi rkang lag 'di dag gnas gnas su 'byor par gyur cig/ sngon gyi lus ji lta ba bzhin du yang gyur cig ces bden pa'i byin gyis rlabs byas so/ / de nas gzhon nu bsod nams stobs kyis de skad ces smras ma thag tu mi de la rkang lag bcad pa de dag gnas gnas su 'byor par gyur te/ mi de sngon gyi lus ji lta ba bzhin du yang gyur nas/ rma sos shing sgros mi mngon par gyur to/ / de nas gzhon nu bsod nams stobs kyis ma de sngon gyi lus ji lta ba bzhin du gyur par mthong nas yid rab tu dga' ste/ bsam pa yongs su rdzogs nas/ bdag nyon mong pa 'bras bu yod par gyur te/ bsam pa yongs su rdzogs so snyam du bsams so// gzhan yang ji ltar mi 'di bdag gos rang gi khrag gis tshim par byas nas/ rang gi rkang lag gis bstud de/ bden pas bskum nas sngon gyi lus ji lta ba bzhin du gyur cing srog 'phangs pa dang ldan par byas pa de bzhin du/ dge ba'i rtsa ba 'dis bdag bla na med pa'i byang chub tu mngon par rdzogs par sangs rgyas nas/ mi 'di dam pa'i chos kyi bcud kyis yang dag par tshim par byas te/ g.yung drung gi mthar thug pa grub pa dang bde ba'i mya ngan las 'das pa la gzhog par gyur cig ces byas nas/ de'i skabs sus rnam pa drug tu g.yos te/ g.yo ba des dbang po chen po'i pho brang kun tu g.yos nas/ lha'i dbang po brgya byin gyis bsams pa/ sa g.yo ba 'di sus byas snyam mo// re zhig na gzhon nu bsod nams stobs kyi shin tu dka' ba'i las byas pa de mthong ngo / / de mthong nas kyang ya mtshan gyis sems dad par gyur nas/ 'di snyam du bdag nyid chen po 'di ci'i phyir 'di ltar shin tu dka' ba'i las byed pa de bdag gis brtag par bya'o snyam du bsams so/ / de nas lha rnams kyi dbang po brgya byin bdag nyid bram ze'i cha lugs su sprul nas/ sum cu rtsa gsum pa'i gnas nas babs te/ gzhon nu bsod nams stobs kyi thad du song nas/ bsod nams stobs khyod kyi bdag nyid kyis rkang lag med par byas te bzhag pa 'di ci'i phyir byas zhes smras so// de nas gzhon nu bsod nams stobs kyis ngo ma shes te/ skabs 'di rgyas par bsnyad nas yang smras pa/ grogs po bdag ni gzhan gyi sdug bsngal gyis sdug bsngal lo// bdag ni gzhan dag gi bde bas mchog tu bde ste/ de bas na bdag gis mi 'di sdug bsngal mi bzang bas nyam thag pa de mthong nas/ sdug bsngal de bdag gi nyams la bab par bsams te/ rang gi yan lag dang nying lag rnams yongs su btang nas mi 'di bden pas bskul bas sngon gyi lus ji lta ba bzhin du bzhag go/ / de nas lha'i dbang po brgya byin mchog tu ya mtshan du gyur nas/ bram ze'i cha lugs mi snang bar byas te/ rang bzhin du gnas par gyur nas/ gzhon nu bsod nams stobs la spras pa gzhon nu khyod rang gi yan lag dang nying lag rnams yongs su gtong bar byas pa 'am/ yongs su gtong ba na sems gzhan du gyur pa 'am/ 'gyod par ma gyur grang / gzhon nu bsod nams stobs kyis smras pako'u shi ka bdag ni rang gi yan lag dang nying lag rnams yongs su gtong bar byas pa 'am/ yongs su gtong ba na sems gzhan du gyur pa 'am/ 'gyod par gyur pa yang med do// brgya byin gyis smras pa/ de cis mngon/ bsod nams stobs kyis smras pa/ ko'u shi ka 'o na bden pa'i tshig byas nyon cig/ de nas gzhon nu bsod nams stobs kyis sems can thams cad kyi rjes su 'gro ba'i byams pa'i sems nye bar bzhag ste/ phyogs bzhir bltas nas bden pas bskul ba'i tshigs su bcad pa smras pa/ rang gi yan lag khrig ma gcod pa na// ci ste de ring 'gyod par ma gyur na// bdag ni bden pa'i tshig ni gang yin pas/ bdag gi lus ni snga mkho bzhin gyur cig/ ces tshogs su bcad pa spras ma thag pa'i rjes la/ bdag nyid chen po de'i lus 'phral du sngon bzhin du gyur te/ nam mkha' las kyang lha'i me tog gi char bab bo/ / lha'i rol mo'i sgra rnams kyang sgrogs so// ser bu 'jam pa yang langs so// de nas lha'i dbang po brgya byin gyis lha dang mi dad par byed pa'i bsod nams dag gi shin tu rmad du byung ba de tshe 'di nyid la rnam par smin pa'i 'bras bu rgya chen po mthong nas mchog tu ngo mtshar che bas sems kyi rgyud dang bar gyur te/ gzhon nu bsod nams stobs la smras pa/ gzhon nu khyod 'bad pa 'dis ci zhig sgrub/ bsod nams stob kyis smras pa/ ko'u shi ka bdag ni 'bad pa 'dis bla na med pa yang dag par rdzogs pa'i byang chub rtog nas sems can thams cad 'khor ba'i rgya mtsho las bton te/ g.yung drung gi mthar thug pa grub pa dang bde ba'i mya ngan las 'das pa la 'god par 'dod do/ / de nas lha'i dbang po brgya byin gyis gzhon nu bsod nams stobs bla na med pa yang dag par rdzogs pa'i byang chub las ri rab bzhin du mi g.yo bar rig nas mgu bar gyur te smras pa/ sem can chen po leg so legs so// khyod kyi smon lam ni rgya che'o// khyod kyi 'bad pa ni bskyod par mi nus so// 'bad pa 'dis khyod ring po ma thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes smras te/ lha'i dbang po brgya byin gyis gzhon nu bsod nams stobs la mngon par bstod nas/ de nyid du mi snang bar gyur to// gzhon nu bsod nam stobs kyang bsam pa yongs su rdzogs par gyur nas rang gi gnas su song ngo / / phyis re zhig na rgyal po'i pho brang 'khor de'i rgyal po bu med par dus las 'das so// de nas btsun mo'i 'khor dang / gzhon nu rnams dang / blon po rnams dang / grong khyer gyi mi dang / yul mi rnams 'dus nas/ kye bdag gi rgyal por gang zhig dbang bskur bar bya zhes gros byed pa la zhugs so// de nas kha cig na re/ su bsod nams kyis che bar grags pa'i sems can de rgyal por dbang bskur bar bya'o zhes zer ro/ / de nas de ltar bya'o zhes smras nas/ de dag thams cad kyis blo gcig brda skad gcig tu byas nas bsod nams kyis che bar grags pa/ rgyal por 'os pa'i sem can tshol ba la zhugs te/ tshol ba'i mi kun tu bkye'o// gzhon nu bsod nams stobs kyang rgyal por 'gyur ba'i sngon gyi dge ba'i rtsa ba rnams kyis bskul nas/ de'i tshe bsten grogs dag dang lhan cig tu phyi rol gyi skyed mos tshal du song ngo / / song nas de la bkra shis pa'i ltas rnams byung ste/ nam mkha' las chu'i rgyun mgo bor 'bab cing bya kha dog sna tshogs pa dag g.yas phyogs nas skor bar byed la/ khye'u dang bu mo dag kyang rgyal ba'i sgra sgrogs par byed de/ sems spro ba dang bcas shing yid bde bar gyur par gnas so// gzhon nu de yang ba spu'i khung bu thams cad zing zhes byed do// sa gzhi yang rdo dang / gseg ma dang / gyo mo med par gyur to/ / de'i lus kyang shin tu yang bar gyur to// dga' zhig yid dang 'thad pa'i sgra yang thos so// de ltas kyi dpyad la mkhas pa yin te/ de 'di snyam du 'di ltar bdag la ltas rnams byung bas deng ni gdon mi za bar bdag rgyal po chen por dbang bskur bar 'gyur ro snyam du bsams so/ / de nas de mthar gyis skyed mos tshal gyi nang du song ste/ skyed mos tshal gyi dga' ba nyams su myong nas shing mya ngan mtshang me tog shin tu rgyas pa zhig gi drung du nyal te gnyid kyis log go/ / de'i grogs po de dag kyang me tog dang 'bras bu la sems g.yengs nas/ skyed mos tshal de phan tshun tu 'khyam pa la zhugs so// de'i bar skabs su gzhon na sa rnams snams kyi song nams kyi sa rnanams kyi bang+gA na ma tumatshas nga nga la/ yangs dang du dang ldan pa// bdabs kyang da pa/ dga' bar byed pa zhigs brtol te 'thon par byas nas/ pad+ma chen po de la gzhon nu bsod nams stobs kyi mthar gyis dal nas bteg ste bzhag nas/ de ci nas sad per mi 'gyur ba de lta bur yang byin gyis brlabs so/ / de nas nyi ma gung las yol te zan za ba'i dus las 'das nas/ shing gzhan dag gi grib ma ni shar phyogs su yol zhing shar phyogs su 'bab la/ shar phyogs su bab ste/ shing mya ngan mtshang de'i grib ma ni gzhon nu bsod nams kyi lus mi gtong ngo / / skyed mos tshal de'i me tog dang / 'bras bu'i shing gang yin pa de dag thams cad kyang / shing mya ngan mtshang de gang na 'dug pa de logs su mngon par 'jud par gyur to/ / ri dgas dang bya mthong na yid du 'ong zhing bkra shis par bya ba rnams kyang spyod lam zhi ba'i tshul gyis kun nas bskor te 'khod do// gzhon nu bsod nams stobs gnyid log pa'i rje lam du yang bdag nyid mi gtsang ba'i phung po chen po'i steng na 'dug pa rmis so/ / bdag nyid mi gtsang bas yogs par yang rmis so// bdag nyid nam mkha' la lces ba ldag pa'ang rmis so// bdag nyid ri'i rtse mor 'dzegs par yang rmis so/ / bdag nyid pad+ma'i steng na 'dug nas skye bo phal po che bdag la phyag 'tshal ba'ang rmis so// de nas de'i skabs su grong khyer gyi mi dang / blon po dang / yul gyi mi de dag gis tshol pa'i mi bkye ba rnams kyang gzhan dang gzhan dag tu kun tu 'khor 'khor te/ phyogs der phyin to// de nas gzhon nu bsod nams stobs kyi lha'i 'byor pa de lta bu mthong nas yang mchog tu ya mtshan du gyur te/ sems can 'di ni bsod nams kyis che bar grags pa zhig go snyam du rig nas/ shin tu rings par grong khyer gyi ma dang / blon po dang / yul mi rnams kyi thad du dong nas skabs de rgyas par bsnyad do// de'i skabs su gzhon nu bsod nams stobs sang nas/ de rmi ltas kyi dpyad la mkhas pas/ rmi lam de dag gi dpyad sems pa la zhugs te/ bdag gis mi gtsang ba'i phung po chen po'i steng na bdag nyid 'dug barmis pa de ni/ bdag rgyal srid chen po'i dbang phyug gi bdag po la gnas par 'gyur ba de'i snga ltas yin no// bdag gi mi gtsang bas bdag nyid yog pa rmis pa de ni seng ge'i khri chen po la 'dug par 'gyur ba de'i snga ltas yin no/ / bdag nyid ri'i rtse mor 'dzegs pa rmis pa de ni thams cad kyi steng na 'dug par 'gyur ba'i snga ltas yin no// skye bo phal po che phyag 'tshal ba rmis pa de ni/ skye bo phal po che bdag la bkur sti byed par 'gyur ba de'i snga ltas yin te/ 'di ltar bdag gis 'di lta bu'i rmi lam rmis pa dang / 'di lta bu'i ltas mthong ba dag las na gdon mi za bar deng nyid du bdag rgyal por 'gyur ro snyam mo// yang de'i skabs su grong khyer gyi mi dang / blon po dang / yul gyi mi rnams kyis tshol ba'i mi rnams la thos nas mgu bar gyur te/ thams cad 'dus nas rgyal srid kyi dbang bskur ba'i yo byad khyer te skyed mos tshal der dong ngo // de nas re zhig na lha'i 'byor ba de dag mthong ste/ mthong nas kyang mchog tu la mtshan du gyur to// gzhon nu bsod nams stobs kyang de dag mthong nas lha'i pad+ma chen po de nyid la skyil mo nga bcas te 'dug go/ de nas gzhon nu bsod nams stobs kyi bsod nams dag gis bskul nas/ rgyal po chen po bzhis che ba la 'os pa'i lha'i seng ge'i khri phul lo// lha'i dbang po brgya byin gyis ni gdugs dkar po dang / rnga yab nor bu'i yu ba can phul lo// sum cu rtsa gsum gyi lha rnams kyi lha'i bla re rin po che sna tshogs kyis spras pas 'grems so// rlung gtong ba dang / bar snang la gnas pa'i lha rnams ni lha'i me tog rnam pa sna tshogs kyi char 'bebs so/ / rgyal po bzhi'i ris kyi lha rnams ni lha'i rin po che'i char 'bebs shing lha'i rol mo'i sgra rnams kyang sgrog so// gos kyang 'thor ro// rgyal po'i pho brang 'khor dang / skyed mos tshal dang / nags tshal du bcas pa de dag thams cad kyang rdo dang / gseg ma dang / gyo mo med par byas te bzhag go/ rgyal mtshan dang ba dan ni bsgreng / dar gyi lnga ldi chun po ni kun tu bres/ dri zhim po'i bdug pa'i snod ni btags/ me tog sna tshogs ni gtor te lha'i gnas 'dra zhing / lha'i bu las sna tshogs can gyis ni gzhon nu bsod nams stobs yongs su longs spyod pa'i phyir/ brgya byin gyis bkang sa skyed mos tshal der lha'i khang pa brtsegs pa chen po rin po che sna bzhi las byas pa rnam pa sna tshogs dang ldan pa zhig sprul to/ / de nas grong khyer gyi mi dang / blon po dang / yul gyi mi de dag gis lha'i 'byor pa de dag mthong nas ngo mtshar du gyur/ rmad du gyur te/ gus par bsgrim pas tsha mtshom med par gzhon nu bsod nams stobs lha'i seng ge'i khri la bzhugs su gsol nas/ bkur sti chen pos rgyal srid kyi dbang bskur bas dbang bskur ro// dge slong dag dbang bskur ma thag tu gzhon nu bsod nams stobs kyi lus las snang ba gang gis nyi ma'i dkyil 'khor 'od med par byas te/ thad kar dpag tshad gcig kho ra khor yug khyab pa de lta bu'i lha'i 'od byung bar gyur to// de nas de'i ming gzhon nu bsod nams stobs zhes bya ba de med par gyur nas/ ming rgyal po snang byed rgyal po snang byed ces bya bar gyur to// de na la las ni bsod nams stobs zhes bya bar shes so// la las ni rgyal po snang byed ces bya bar shes so/ / de nas rgyal po bsod nams stobs lha dang mi'i 'byor pa de dang bcas par rgyal po'i pho brang 'khor der song ngo // de nas brgya byin la sogs pa lha rnams kyis rgyal po bsod nams stobs la tshul bzhin du yang dag par rim gro byas nas dong ngo / / rgyal po bsod nams stobs kyang rgyal po'i pho brang de na rgyal po byed de/ 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / nad dang / mu ge med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ bu gcig pa sdug pa la bya ba bzhin du chos bzhin du rgyal srid bskyangs so// de'i me tog dang 'bras bu'i shing rnams ni rtag tu rgyas so/ lha yang dus dus su char pa'i rgyun legs par 'bebs te 'bru shin tu rgyal bar gyur to// de nas re zhig na gtam de de'i phu bo de dag gis thos so// thos nas kyang de dag mchog tu ya mtshan du gyur te/ gcig la gcig smras pa/ bsod nams stobs kyis ni 'di ltar dam bcas pa dang / dbang phyug dang rgyu rnam pa gnyis kyis bdag cag pham par byas te/ gang gi phyir de bsod nams dag gis de rgyal srid kyi dbang phyug chen po'i bdag por grub par byas pa'i phyir ro/ / tshur shog/ bdag cag la de ma rmas pa'i snga rol du bdag cag zad par dong ste/ rgyal po bsod nams stobs yang dag par mnyes par bya'o zhes byas so/ / de nas rgyal po bsod nams stobs ga la 'dug pa de logs su dong ngo // deng nas rgyal po bsod nams stobs la rgyal bar gyur cig/ sku tshe ring bar shog cig ces byas nas phyogs gcig tu 'khod do/ / phyogs gcig tu 'khod nas rgyal po bsod nams stobs la smras pa/ lha legs so legs so// khyod kyis dam bcas pa ni brtan pa lags so// 'di ltar khyod kyis bdag cag dam bcas pa dang / dbang phyug gis pham par byas te/ gang gi phyir bsod nams dag gis khyod kyi nor byas pa bzhin du rgyal srid chen po'i dbang phyug gi bdag por bcug pa'i phyir ro/ / de nas rgyal po bsod nams stobs gus pa dang bcas pas la gor du seng ge'i khri las langs nas phu bo de dag la legs par bsti stang byas te/ che ba la 'os pa'i khri dag la 'dug tu gtsug nas/ de dag gis dang ba phul te/ phyir seng ge'i khri la 'dug go// 'dug nas phu bo de dag la sngon byung ba'i gtam gyi yang dag par brlong par nges par byed pas phyir mgu bar byas te/ bkur sti chen pos bkur sti byas nas longs spyod chen po dag gi bgo skal byin no/ / de nas phyi zhig na phu bo de dag dang skye bo mang po de dag bsod nams dag la gzung bar 'dod nas// 'khor chen po 'dus pa rnams la 'di skad ces smras so/ / bsod nams min pas mi bzad pa'i// sdug bsngal kun rgyas dmyal bar 'gro// bsod nams min pas brlag pa yi// dud 'gro'i skye gnas mi bzang 'gro// bsod nams min pas bkres skom gyis/ / shin tu gzir ba'i yi dgas 'gro// bsod nams min pas rtag tu ni// shin tu sdug bsngal bran du 'gyur// bsod nams min pas lkugs par 'gyur// bsod nams min pas 'on par 'gyur/ / bsod nams min pas glen par 'gyur// shes rab 'chal cing yid mi bde// bsod nams min pas log par shes// byad ngan por yang de bzhin 'gyur// bsod nan min pas 'jig rten pa/ / kun gyis brnyas pa'i rigs dmar 'gyur// bsod nams min pas sems 'khrul dang // de bzhin 'jig rten sdang bar 'gyur// bsod nams min pas de bzhin smyo// bsod nams min pas dgra rnams 'byung // bsod nams min pas don rnams kun// 'bad de brtsams pa chud zar 'gyur// de bzhin bsod nams ma yin pas// lus ni rtsub cing gas par 'gyur/ / bsad rnams man pas rnas pa yang // sa bapying med cing mdangs med 'gyur// sems med pa mi rnas pa yang / bsod nams min pas dgra du 'gyur/ yi dgas lto 'phye srid rnams kyang // bsod nams min pas myur du gsod// bsod nams min pas phan pa'i sman// shin tu gnod pa dag tu 'gyur// bsod nams min pas dbul bar 'gyur/ / bsod nams min pas brnyas par 'gyur// bsod nams min pas skye bo dag/ skur pa rab 'jigs btab par 'gyur// bsod nams min pas rtag tu ni// 'khor dag dang yang 'bye bar 'gyur/ / bsod nams min pas mig med 'gyur// bsod nams min pas sdug bsngal 'grogs// bsod nams min pas nad mang zhing // bsod nams min pas gso dkar 'gyur/ / bsod nams min pas gzugs mi sdug/ bsod nams min pas gdangs mi snyan// bsod nams min pas lag sor rdum// 'theng po de bzhin tshig mi brtsan// bsod nams min pas rgyal po dang / / chom rgan me yis longs spyod bshig/ bsod nams min pas mi snyan thos// bsod nams min pas rtag tu 'jigs// bsod nams min pas 'gro ba na// sa ni sdong dum tsher mas gang / / ci ste longs spyod 'dod pa'i mi// mi slas yang na chong byed kyang // bsod nams min pas rtag tu ni// chung za de yi nor mi 'gyur// gang dag ci yang 'jig rten na// mi dga' mi sdug mi phan gang // de bzhin log par ltung ba kun// 'di dag bsod nams min las 'gyur// bsod nams kyis ni srung bar 'gyur// bsod nams dag gis brtson par 'gyur// bsod nams kyis ni tsha grang skyob// glog 'bab char zlog bsod nams kyis// bsod nams 'dod zho ba bzhon yin// yid bzhin nor bzangs bsod nams kyis// bsod nams dag gis dpag bsam shing / / yid 'ong 'dod kun 'bras bu smin// bsod nams dag gis 'dod pa 'thob// bsod nams kyis ni yid 'ong dpal// bsod nams dag gis yid brtan 'gyur// bsod nams can rigs mtho ris skye// bsod nams dag gis grags pa 'thob// bsod nams kyis ni mang thos 'gyur// rgya che yid 'ong bsod nams kyis// bsod nams dag gis thos pa 'dzin/ / nad med 'chi ba bsod nams kyis// bsod nams kyis ni 'chi bdag bcom// 'chi bdag mchog tu 'jigs pa yis// bsod nams dag gis 'jigs mi 'byung // gzhal med khang gnas lha rnams kyang / / lha yi bden bsten bsod nams las// sum cu sum pa bsod nams kyis// de bzhin bsod nams 'thab bral lha// dga' ldan lnga rab bsod nams kyis// 'phrul dga' dag kyang de bzhin te// 'dod pa'i dbang phyug bsod nams kyis// dbang byed lhar yang de bzhin 'gyur// bsod nams de bzhin tshangs pa che// lha rnams bye ba dag gis rjed// tshangs pa'i 'jig rten stong dag pa/ dbang byed pa yi mnga' bdag 'gyur// bsod nams dag gis 'dod dgra yi// phun sum tshogs dgra nag tu gnas// sems mdas yi dngos po yang / / bsod nams dag gis dbang du 'gyur// rgyal po bsod nams stobs kyis tshe 'di dang tshe phyi ma yang dag par ston pa yid 'phrog pa'i tshig de skad ces brjod pa na/ skye bo phal po che de dag bsod nams la brten par gyur to/ / de nas rgyal po bsod nams stobs kyis skye bo phal po che de dag la yang shas cher bsod nams dag la gces su 'dzin pa bskyed pa'i phyir nam mkha' la bltas te/ sems bskyed nas tshig tu smras pa/ kye ma bdag la rgyal po'i pho brang 'khor 'di'i phyi nang du bcas par lha'i rin po che sna tshogs kyi char dang / gos kyi char rab tu 'bab kyang ci ma rung zhes byas so/ / dge slong dag rgyal po bsod nams stobs kyis sems bskyed ma thag tu nam mkha' las lha'i gos che ba la 'os pa rnam pa sna tshogs kyi char bab bo// de'i rjes la lha'i me tog yid du 'ong ba'i char yang bab bo/ / de'i rjes la lha'i rin po che'i char bab ste/ rgyal po'i pho brang de dag thams cad rin po che sna tshogs kyis khebs par gyur nas tser lgang zhing 'dug go// de nas lha dang mi rnams dga' bar byed pa'i bsod nams kyis rnam par g.yo ba'i rmad du byung ba de dag mthong nas/ skye bo mang po de dag thams cad mchog tu ya mtshan du gyur nas/ bsod nams dag la gces su 'dzin pa yang dag par bskyed de/ dga' bar gyur nas/ kye ma lha bsod nams stobs kyi bsod nams dag gi che ba nyid ces ched du brjod pa ched du brjod do// de nas zhig na skabs kyi gtam de nyi 'og gi rgyal po dag gis thos so/ / thos nas kyang de dag mchog tu ya mtshan du gyur nas/ bdag nyid chen po de ni bsod nams kyis che bar grags pa zhig ste/ bsnyen bkur bya ba'i 'os so zhes zer nas/ thams cad 'dus te dpung gi tshigs yan lag bzhi glang po che'i tshogs dang / shing rta'i tshogs dang / rta pa'i tshogs dang / dpung bu chung gi tshogs rnam go bskon nas/ rgyal po bsod nams stobs la phud dud bya ba'i phyir song ste/ bzhon pa dag las babs nas rgyal po bsod nams stobs kyi zhabs gnyis la gtugs te thal mo sbyar nas smras pa/ lha khyod ni bsod nams kyis che bar grags pa lags te/ khyod kyis ni rgyal po mdzod cig/ bdag cag ni zhabs 'bring 'tshal lo zhes byas so// de nas rgyal po bsod nams stobs kyis che ba la 'os pa'i rin po che dag gis ci 'dod par yang dag par 'tshengs par byas nas/ 'khor dang bcas par dge ba bcu'i las kyi lam la bkod de/ rang rang gi yul du bkye'o// de nas rim gyis gtam de rgyal po gsal stobs kyis thos so// thos nas kyang thog ma kho nar pho nya btang nas shin tu rings par dpung chen po thams cad dang chas te/ bar zhag gis rgyal po bsod nams stobs la phud dud bya ba'i phyir/ song nas snying bu la gdung bas rgas te/ mchi mas brnang zhing duHkha phyung ste/ mig mchi mas kun tu gang ste/ glang po che'i rgyab nas babs nas tsham tshom med par rgyal po bsod nams stobs kyi mgul nas 'khyud de/ mgo bor yang bsnams nas/ yun ring rab tu brtags te smras pa/ bu gzhon nu nga ci zer bshes par gyis shig/ nga ni rgas shing 'khogs la gtugs te/ rgyal srid kyi khur khyer mi nus kyi/ rgyal srid kyi khur long zhig ces smras nas/ rgyal po gsal stobs kyis rang gi mgo las dar thod dang / cod pan dang / dbu rgyan phud do// de nas rim gyis rgyal po bsod nams stobs 'dzam bu gling thams cad du rgyal srid kyi dbang phyug la dbang byed par gyur to// des 'dzam bu'i gling na gnas pa'i skye bo mang po thams cad ci 'dod par gser dngul gyis 'tshengs par byas nas/ dge ba bcu'i las kyi lam la bkod do// de'i tshe 'dzam bu'i gling 'di na su yang dbul po 'am/ nad pa med dongo/ / 'dzam bu'i gling gi mi thams cad bde bar gyur te/ nad med cing stobs dang ldan pa dang / dbang po rnams rgyas pa dang / phyug cing nor mang la longs spyod che ba dang / nor dang 'chog chas mang ba dang / bdog pa mang ba dang / nor dang / 'bru dang / gser dngul dang / mdzod dang / bang ba rnams kyi tshegs mang bar gyur to// 'dzam bu'i gling 'di thams cad kyang 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba dang / rtsod pa dang / 'thab pa zhi ba dang / 'khrug pa dang / nang 'khrug dang / chom rkun dang / nad dang / mu ge med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ tsher ma dang / rdo dang / gseg ma dang / gyo mo rnams ni med par gyur/ me tog dang 'bras bu'i shing rnams ni rtag tu rgyas te/ lha yang dus dus su char gyi rgyun legs par 'bebs shing / 'bru shin tu rgyas par gyur to// de nas skye bo mang po thams cad kyang dga' ba skyes nas// bsod nams la brten par gyur te/ rtag tu sbyin pa dag byin zhing bsod nams ngag byed do// bsnyen gnas la gnas shing tshul khrims yang dag par blangs te gnas so// de'i tshe 'dzam bu'i gling du mir gyur pa las 'chi ba gang rung ba de dag thams cad lus dang bral nas/ lha rnams kyi nang du skye bar 'gyur te/ phal cher ni rgyal chen bzhi pa'i lha rnams kyi nang du skye'o// rgyal po bsod nams stobs kyang sems can dpag tu med pa rnams tshe 'di dang phyi ma'i don rnams la bkod nas/ 'khor sems can stong phrag du mdag dang shi 'phos te/ lha'i ris dga' ldan du skyes so// dge slong dag khyed de'i tshe de'i dus na/ rgyal po bsod nams stobs zhes bya bar gyur pa de gzhan zhig yin pa snyam du sems na/ de ltar mi blta'i/ nga nyid de'i tshe de'i dus na byang chub sems dpar gyur to/ / rgyal po bsod nams kyi stobs kyi yab rgyal po gsal stobs zhes bya ba gang yin pa de ni/ rgyal po zas gtsang 'di nyid de'i tshe de'i dus na rgyal po gsal stobs/ zhes bya bar gyur to// gtsun mo rnam par spa ba zhes bya bar gyur pa gang yin pa de ni/ lha mo sgyu 'phrul chen mo 'di nyid yin no// gzhon nu gzugs dang ldan pa gang yin pa de ni sru'i bu dge slong dga' bo 'di nyid yin no/ / brtson 'grus dang ldan pa gang yin pa de ni/ dge slong gro bzhin skyes bye ba nyi shu pa 'di nyid yin no// bzo dang ldan pa gang yin pa de ni dge slong ma 'gags pa 'di nyid yin no/ / shes rab can gang yin pa de ni/ dge slong shA ri'i bu 'di nyid yin no// lha'i dbang po brgya byin gang yin pa de ni dge slong mo'u 'gal gyi bu 'di nyid yin no// rgyal po shi 'phos nas bsod nams stobs rgyal sar zhugs pa gang yin pa de ni bdud sdig can 'di nyid yin no/ / sngon gyi dbul po gang gi khyim du/ gzhon nu bsod nams stobs zhugs pa gang yin pa de ni/ dge slong sgra gcan 'dzin 'di nyid yin no/ / rgyal pos mi rkang lag med par byas nas/ gzhon nu bsod nams stobs kyis rang gi khrag gis tshim par byas shing / rang gi rkang lag gis bskud de/ bden pas bskul bas sngon gyi cha lugs ji lta ba bzhin du bzhag pa gang yin pa de ni/ dge slong ko'u di n+ya 'di nyid de'i tshe de'i dus na rgyal po la sman chos gsol ba'i mir gyur to// dge slong dag de bas na bsod nams gang yin pa de ni rnam grangs 'di nyid kyi dus thams cad dang / rnam pa thams cad du sems can thams cad kyi nyams su dben pa yin par rig par bya'o// dge slong dag de bas na 'di skad du bsod nams ltar sems can thams cad kyi nyams su dben pa gzhan ci yang ngas yang dag par rjes su ma mthong zhes nga smra'o zhes bka' stsal nas/ dge slong dag the tsom skyes te/ the tsom thams cad gcod pa sangs rgyas bcom ldan 'das la zhus pa/ btsun pa rgyal po bsod nams stobs kyis las ci bgyis na/ las de'i rnam par smin pas 'di ltar rgyal po dbang che pabar grags par gyur la/ lha dang mi rnams kyi rgyal por gsol cing / ci bsam pa dang / ci 'tshal ba de dag thams cad bsams pa tsam gyis nam mkha' las 'bab cing / de btsas pa'i tshe yang sa g.yos par gyur te/ lha'i rin po che'i char pus mo nub tsam bab la/ lha'i seng ge'i khri la bzhag cing / lha'i dbang po brgya byin gyis rang nyid lag drar te/ lha'i gdugs bzung zhing / gter mi zad pa'ang byung bar gyur lags/ bcom ldan 'das kyis bka' stsal pa/ dge slong dag rgyal po bsod nams stobs nyid kyis tshogs rnyed cing rkyen grub pa dang ldan te/ dba' rgal bzhin du 'byung la/ gdon mi za bar 'ong ba'i las de dag byas shing bsags pas nas/ dge slong dag bsod nams stobs nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro/ / lus can dag gi las rnams ni// bskal pa brgyar yang chud mi za// tshogs shing dus la bab pa na// 'bras bu nyid du smin par 'gyur/ dge slong dag sngon byung ba 'das pa'i dus na/ ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sbyar ba/ bla na med pa/ lha dang mi rnams kyi ston pa sangs rgyas bcom ldan 'das gzhan gyis mi thub pa zhes bya ba 'jig rten byung ste/ / phyi zhig na yang dag par rdzogs pa'i sangs rgyas gzhan gyis mi thub pa sangs rgyas kyi 'phrin las thams cad mdzad nas/ rgyal po'i pho brang 'khor zhig tu/ bud shing zad pa'i ma bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das te/ de'i sku gdung gi mchod rten rgyal po zhig gis brtsigs nas/ dus ston gyi lugs bcas so/ / phyis re zhig na mchod rten gyi dus ston byed pa'i cha/ 'gan de yang brdungs/ rnga yang brdungs/ dung bsgril ma bus na/ dge slong zhig 'khor bal po che'i nang na 'a/ cing phyed yol tsam na srog chags 'bum phrag du ma 'dus pa dag la nyin mo chos ston to// de'i tshe rgyal po'i pho brang 'khor de na/ rgyan po pa rgyal ba po zhes bya ba rgyan po la shin tu zhen pa zhig gnas te/ de'i chung ma ni rnam par rgyal ma zhes bya'o// bu ni rnam par rgyal ba zhes bya'o// de nas re zhig na rgyan po pa rgyal ba po de ras zung gcig gyon pa dang / gdugs dang / mchil lham zung gcig dang / pa na lnga'i 'gron bu rnams ma gtogs par ci dgos pa khyim na 'dug pa dang / phyi rol na 'dug pa thams cad rgyal skugs su yal nas/ sdug bsngal dang / yid mi bde ba mi bzad pas gdungs te/ kyi hud bsod nams ma byas pa dang / dbul ba ni tha chad mi bzad pa yin no zhes smras nas/ dbugs tsha ba rgyun ring po'i shugs kyang phyung ste/ mchil lham gnyis ni bgos/ pa na lnga dang gdugs kyang khyer nas/ rgyan po'i sa nas song ste/ mthar gyis chos nyan pa gang na 'dug pa'i phyogs der phyin nas/ de 'byor pa de lta bu dang skye bo phal po che thal mo sbyar te chos nyan pa de dag mthong nas dga' ba chen po skyes te/ re zhig chos ji lta bu zhig 'chang blta'o snyam du bsams nas/ de nyid kyis phyogs gcig tu 'dug/ sa bzhag ste/ mchil lham gnyis phud nas/ rna blags shing thal mo sbyar te chos nyan pa'i phyir 'dug go// de nas re zhig na chos smra bas tshigs su bcad pa 'di brjod de/ bsod nams bsags na bde bar 'gyur// de phyir mis ni bsod nams bya// de yang yang dang yang du bya// de nyid la ni 'dun par bya// zhes smras so// de nas tshigs su bcad pa 'di thos nas/ / bsod nams bsags pas bde bar 'gyur ba de ni de bzhin te/ gang gi phyir bdag 'di kho na ltar mchog tu mi bzad par dkos thag cing 'dug pa las na/ bdag gi tshe snga ma la gor ma chag par bsod nams dag ma byas kyis/ bdag gis bsod nams cung zad cig bya'o snyam du bsams so// de nas de ltar bsams nas/ bdag la ci bdog pa rtog pa la zhugs so/ / re zhig na ras zung gcig gyon pa dang / gdugs dang / mchil lham gnyis dang / pa na lnga'i 'gro na bu lus pa rnams mthong ste/ gzhan thams cad rgyal skugs su yal nas/ de sems pa la zhugs te/ pa na lnga dang bla gos sbyin na ni ltogs te 'chi bar yang 'gyur la/ 'on te ma sbyin na ni bsod nams med par 'jig rten pha rol tu 'gro dgos te/ der yang yang dbul ba'i sdug bsngal thams cad du gyur na/ gang gis ltogs te 'chi bar yang mi 'gyur la/ bsod nams kyis god par yang mi 'gyur ba'i thabs ci yod snyam ste/ yang bsams pa/ bsod nams med par 'jig rten pha rol tu 'gro ba pas ni ltogs te shi yang slas/ pa na lnga dang / bla gos 'di dag ni nges par sbyin pa sbyin par bya'o snyam ste/ de de snyam du sems pa'i skabs su yang chos smra bas tshigs su bcad pa tha dad par yang 'di brjod na/ bsod nams dal nas byed na ni// sdig la mngon par dga' bar 'gyur// de'i phyir dge ba sbyar te bya// sdig pa las ni sems kyang bzlog/ ces smras so// de nas des tshigs su bcad pa 'di thos nas bsams pa/ bsod nams sgyur te bya'o zhes bshad pas na/ la gor du sbyin pa sbyin par bya'o snyam mo/ / de nas rgyan po pa dbul ba'i sdug bsngal nyam thag pa de dang pa'i shugs drag pos seng ge'i khri la chos smra ba 'dug pa'i spyi bo'i steng du gdugs bzung nas/ mchil lham gnyis rkang pa'i drung du bzhag ste/ ba na lnga'i 'gron bu de dag gis chos smra ba'i rkang pa la gtor nas/ rang gi lus las bla gos phud de chos smra ba'i rkang pa la bkab nas/ bsru thams cad zing zhes byas nas dad par gyur te/ rkang pa gnyis la gtugs nas/ dad pa'i shugs drag pos smon lam 'debs pa la zhugs te/ dge ba'i rtsa ba dang / sems bskyed ba dang / chos kyi phyir sbyin pa yongs su btang ba 'dis na bdag tshe 'di nyid phan chad dbul por ma gyur cig/ skye ba thams cad du yang bsod nams kyis che bar grags par gyur cig lha dang mi rnams kyis kyang bdag rgyal por bcug par gyur cig/ ci bsams pa dang ci 'dod pa de dag thams cad nam mkha' las 'grub par gyur cig/ bdag btsang ba na yang ngo mtshar dang rmad du byung ba mang po dag 'byung bar gyur cig/ gter mi zad pa'i rin po che mang po dang / rin po che sna tshogs kyis legs par yongs su gang ba dag kyang 'byung bar gyur cig ces des de ltar smon lam btab pa'i skabs su/ chos smra bas kyang / kha ton du yongs su bsngo bas byas te/ 'khor thams cad dong ngo // rgyan po pa rgyal ba po yang chos kyi phyir sbyin pa de nyid yid la sems shing ras gcig pu gyon bzhin du bdag gi khyim du song nas/ chung ma dang bus mthong ngo // de nas chung ma dang bus bsams pa/ 'dis gang gi ched du bla gos kyang rgyal skugs su yal bar byas shig gu snyam ste/ mi dga' bar gyur nas/ da ni bdag cag gnyis lus su zad de/ bdag cag gnyis kyang yal bar byed du 'ong gis 'dong ngo zhes smras so// de yang ngo tsha nas bdag ni dbul ba'i nyes pas 'di ltar spa bab bo snyam bsams nas/ tshigs su bcad de smras pa/ ci zhig sdug bsngal dbul ba sdug bsngal yin// ci zhig shin tu sdug bsngal dbul de nyid/ / dbul ba dag ni shi ba dang yang mtshungs// bdag ni shi ba 'dam gyi dbul ba min// zhes smras nas dbugs tsha ba rgyun ring po'i shugs phyung ste cang mi zer bar 'dug go/ / de nas de'i khyim gyi ra ba na khron pa zhig yod de/ de'i chung mas chu bcu pa'i phyir bum pa thag pas btags nas de'i nang du btang ste/ chu yar dbyung snyam pa dang / re zhig na yar dbyung bar ma nus nas/ rgyal ba po la/ jo bo bum pa 'di yang yar dbyung bar mi nus na tshur byon te gzigs zhes bos so// de nas des kyang yar dbyung bar bsams so// re zhig na des kyang yar dbyung bar ma nus nas/ de gnyis kyi bu la bos so// de nas mi gsum char gyi sha thang bags ral te 'bad pa chen pos de'u ma phyin te phyin to// re zhig na bltas na bum pa de'i 'og na zangs zung lnga gser dngul gyis yongs su gang ba thogs shing 'dug pa mthong ste/ de nas rgyan po pa rgyal ba pos tshe 'di'i sbyin pa'i 'bras bu shin tu rmad du byung ba de mthong nas ya mtshan gyis mig rgyas te/ snying rab tu dga' nas tshigs su bcad de smras pa/ kye mnyes pa kun spangs pa// yon tan ngo bo nyid kyi zhing // da ltar bdag gis sa bon btab// da ltar nyid du 'bras bur smin/ / zhes smras so// de nas de'i chung ma de yang ya mtshan gyis mig rgyas te smras pa/ jo bo 'di ci zhig la dgongs te gsungs/ des skabs 'di rgyas par bsnyad do// de nas des tshe 'di/ nyid la bsod nams dag gis 'bras bu mchog tu yid du 'ong ba sbyin pa'i rmad du byung ba de mthong nas ya mtshan du gyur to// gtam de yang gcig nas gcig tu thos pas/ rgyal po'i pho brang 'khor de dag kun tu grags so/ / de thos pas skye bo phal po che ngo mtshar du gyur cing rmad du gyur nas/ phan tshun du kye mngo mtshar to// kye ma bsod nams dag gis che ba nyid ces 'dzer to/ / de nas glo bur du phyug cing nor mang la longs spyod che bar gyur to// bsod nams kyi 'bras bu mngon sum du mthong nas des sangs rgyas dang / chos dang // dge 'dun rnams da pa drag pos shas cher bkur sti byas so/ / de nas de nyin gcig bzhin du de bzhin gshegs pa'i mchod rten la mchod pa rgya cher byed do// chos kyang nyan to// dge 'dun gyis bskos pa'i dge slong dag kyang nyin gcig bzhin du kha zas bzang pos yang dag par tshim par byed do/ / dge sbyong dang / bram ze dang / bkren pa dang / nad pa dang / slong ba gzhan dag kyang nor gyis ci 'dod par yang dag par 'tshengs par byed do/ / gtsug lag khang chen po yo byad thams cad kyis yongs su gang ba yang byed du bcug ste/ phyogs bzhi'i dge slong gi dge 'dun la phul nas/ de'i grags pas rgyal po'i pho brang 'khor de kun tu rgyas par gyur to/ / phyis re zhig na rgyal po'i pho brang 'khor de'i rgyal po bu med par dus las 'das so// de nas grong khyer gyi mi dang / blon po rnams kyis/ rgyan po brgyal ba po bsod nams kyis che bar grags par shes nas rgyal por bcug go// de nas de'i ming rgyan po pa rgyal ba po zhes bya ba gang yin pa de ni med par gyur te/ rgyal ngo rgyal bapo zhes bya ba gyur ro/ nas rgyal po rgyal ba pos che bdi nyid la bsod na mu dag gi rnam par smin pa'i 'bras bu ma chos tu yi thong na dang rjes te/ shas cher bsod nams la brten par gyur to// de rten mi 'chad par sbyin pa dag sbyin zhing / bsod nams dag byed de/ tshul khrims yang dag par blangs nas gnas so// btsun mo'i 'khor dang / blon po dang / grong khyer gyi mi dang / yul gyi mi dang skye bo'i tshogs gzhan dag kyang bsod nams dag la yang dag par btsud do/ / phyi zhig na rgyal po rgyal ba po 'chi ba'i chos dang ldan par gyur nas/ gzhan 'phrul dbang byed kyi lha rnams dang skal ba mnyam par skyes te/ lha'i rgyal po dbang byed kyi bur skyes so// de skyes pa nam mkha' las lha'i rin po che'i char dang / gos kyi char rnam par mdzes pa bab bo// de'i lus las kyang gang gi dbang byed kyi pho brang de dag thams cad snang bar 'gyur ba dang / dbang byed kyi lha gzhan dag gi 'od kyang 'od med par 'gyur ba de lta bu'i 'od byung bar gyur to// de'i bsod nams dag gis 'bras bu rnam par smin pa ngo mtshar rmad du byung ba de mthong nas/ gzhan 'phrul dbang byed kyi lha rnams mchog tu ya mtshan du gyur to// dge slong dag khyed de'i tshe de'i dus na/ rgyan po rgyal ba por gyur pa de gzhan zhig yin snyam du 'dzin na/ de de ltar mi blta'i/ rgyal po bsod nams stobs de nyid de'i tshe de'i dus na rgyan po pa rgyal ba por gyur to// dam pa'i chos thos nas sems dang par gyur pa des chos smra ba la gdugs dang / mchil lham gnyis dang / bla gos dang / ba na lnga'i 'gron bu rnams phul ba gang yin pa'i las de'i rnam par smin pas tsheche de nyid la gter lnga yang byung ngo / / rgyal srid kyi dbang phyug gi dbang por yang bcug go// las de nyid kyi rnam par smin pas lan sum cu rtsa drug gi bar du gzhan 'phrul dbang byed kyi lha rnams kyi rgyal srid kyi dbang phyug la dbang byed par gyur to/ / lan sum cu rtsa drug gi bar du 'phrul dga' ba rnams kyi rgyal srid kyi dbang phyug la dbang byed par gyur to// lan sum cu rtsa drug gi bdu dga' ldan gyi lha rnams kyi rgyal srid kyi dbang phyug la dbang byed par gyur to/ / lan sum cu rtsa drug gi bar du 'thab bral ba rnams kyi rgyal srid kyi dbang phyug la dbang byed par gyur to// lan sum cu rtsa drug gi bar du sum cu rtsa gsum pa rnams kyi rgyal srid kyi dbang phyug la dbang byed par gyur to// lan sum cu rtsa drug gi bar du rgyal chen bzhi pa rnams kyi rgyal srid kyi dbang phyug la dbang byed par gyur to/ / lan stong phrag du mar 'khor los sgyur ba'i rgyal po mtha' bzhir rgyal ba chos kyi rgyal po chos dang ldan pa rin po che sna bdun dang ldan par gyur to// de'i rin po che sna bdun ni rnam pa 'di lta bu dag yin te/ 'di ltar 'khor lo rin po che dang / glang po che rin po che dang / rta rin po che dang / nor bu rin po che dang / bud med rin po che dang / khyim bdag rin po che dang bdun te/ blon po rin po che rnams so// de'i bu stong tham pa yod de/ dpa' ba dang / rtul phod pa dang / yan lag mchog gi gzugs dang ldan pa dang / pha rol gyi sde rab tu 'jom par sha stag go// de nas sa chen po rgya mtsho'i mthas gtugs pa 'di nyid ma lus par gnod par sngo ba med cing 'tshe ba med de/ chad pa med cing mtshon gyis bda' ba med la/ chos dang 'thun zhing snyoms pas legs par phab ste gnas so// de nas bcom ldan 'das kyis de'i tshe tshigs su bcad de bka' stsal pa/ gang gis bdag nyid chen po yi/ / bdag por 'gyur ba'i rgyu 'di yin// sangs rgyas phan 'dogs de dag gis// 'jig rten du ni 'di gsungs so// rdzu 'phrul rgya chen 'di dag dang // ngo mtshar 'di dag thos gyur na/ / mkhas dang nag po'i rigs skyes pa'ang // su zhig dang par byed mi 'gyur// de phyir bdag la legs 'dod cing // bdag nyid chen po 'dod pas 'dir// sangs rgyas bstan pa dran byas la/ / dam pa'i chos ni bla mar bya// dge slong dag de bas na dam pa'i chos la bkur sti bya'o// bla mar bya'o// ri mor bya'o// mchod par bya'o zhes de ltar bslab par bya'o/ / dge slong dag dam pa'i chos la bkur sti byed/ bla mar byed/ rim gror byed/ mchod pa byed cing rten te gnas par bya'o zhes de ltar bslab par bya'o// bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// bsod nams stobs kyi rtogs pa brjod pa rdzogs so/ / / rgya gar gyi mkhan po dzi na mi tra dang / zhu chen gyi lo tsA ba ban+de de tsan+das bsgyur te gtan la phab pa'o//

CLOSE WINDOW