skad gsar bcad kyis kyang bcos nas/ slad kyis gtan la phab pa// rgya gar skad du/ Ar+ya g+ha na byA ha nA ma ma hA yA na sU tra/ bod skad du/ 'phags pa rgyan stug po bkod pa zhes bya ba theg pa chen po'i mdo// // bam po dang po// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das chos thams cad la mnga' sgyur ba/ 'dod pa dang gzugs dang / gzugs med pa dang / 'du shes med pa'i sems can rnams las 'das te/ sangs rgyas kyi zhing stug po na/ stobs rnams dang / mnga' rnams dang rdzu 'phrul gyi rkang pa rnams kyis rnam par 'phrul zhing rjes su spyod pa/ byang chub sems dpa' sems dpa' chen po rnal 'byor dam pa'i rnal 'byor can 'di lta ste/ byang chub sems dpa' sems dpa' chen po mur 'dug byed pa thams cad kyi gzhung rnam par 'joms pa dang / byang chub sems dpa' sems dpa' chen po blo gros chen po dang / byang chub sems dpa' sems dpa' chen po sangs rgyas kyi chos thams cad kyi rnam par dgod pa yang dag pa ji lta ba bzhin du ston pa dang / byang chub sems dpa' sems dpa' chen po spyan ras gzigs kyi dbang po dang / byang chub sems dpa' sems dpa' chen po mthu chen brnyes pa dang / byang chub sems dpa' sems dpa' chen po rnam par 'phrul pa'i rgyal po dang / byang chub sems dpa' sems dpa' chen po 'jam dpal gzhon nur gyur pa dang / byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po rnam par grol ba'i zla ba dang / byang chub sems dpa' sems dpa' chen po shugs 'dzin dang / de dag la sogs pa sangs rgyas kyi zhing bcu'i rdul shin tu phru ba bye ma snyed kyi byang chub sems dpa' sems dpa' chen po khams gsum pa'i yul las yongs su 'das pa/ sems dang / yid dang / rnam par shes pa dang / kun gzhi'i spyod yul las yongs su 'das pa/ ye shes dang yid kyi lus yongs su gnas par gyur pa/ sgyu ma lta bu dang / dpa' bar 'gro ba dang / chos kyi sprin gyis dang / ting nge 'dzin dang ldan pa sangs rgyas du ma'i phyag gis dbang bskur bas dbang bskur ba/ khams gsum pa'i yul las shin tu 'das pa'i gzhal med khang gi pad+mo chen po la 'khod pa rnams dang thabs cig tu bzhugs te/ de na mur 'dug dang / nyan thos dang / rang sangs rgyas thams cad kyi rgyu ba med do// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mthong ba'i chos la bde bar spyod pa/ bdag gis so so rang gi 'phags pa'i ye shes kyis mkhyen pa'i spyod yul btsun par dbyangs 'byin pa sna tshogs kyi gzugs du ma ston pa'i ting nge 'dzin las bzhengs te/ bzhengs nas kyang / pho brang 'ja' dang glog gi 'od can rgyan dang / lhab lhub du mas brgyan pa nas mngon par byung ste/ zla ba dri ma med pa'i snying po zhes bya ba'i khang stengs su gshegs so// gshegs nas kyang stug po'i ri'i brgyan/ seng ge gdan dam pa la byang chub sems dpa' dang thabs cig tu bzhugs so/ / bzhugs nas kyang / bcom ldan 'das kyis phyogs bzhir gzigs te/ gtsug gi rin chen 'od kyi rgyan ces bya ba'i 'od zer gyi tshogs chen po 'od zer stong phrag brgya'i 'khor can smin mtshams nas phyung ste/ 'od zer gyi tshogs de byung bas/ sangs rgyas kyi zhing gi rgyan thams cad sangs rgyas kyi rgyan gcig dang 'dra bar yongs su snang bar gyur to/ / mchog tu phra ba'i rdul gyi phra ba nyid du sangs rgyas kyi zhing thams cad kyi rang bzhin phra ba nyid kyang yongs su snang ngo // sangs rgyas kyi zhing stug po'ang sangs rgyas kyi zhing gzhan gyi rang bzhin rdul gyi phra ba nyid las 'das te gnas so/ / sangs rgyas kyi zhing stug po ni 'od dang / gza' dang / zla ba spangs pa ste/ 'dus ma byas kyi rang bzhin nyid kyis shin tu phra ba'i rdul gyi phra ba nyid du mi snang gi/ gzhan du mya ngan las 'das pa dang / nam mkha' dang / ma brtags par 'grog pa lta bus byang chub sems dpa' sems dpa' chen po de dag dang / sangs rgyas bcom ldan 'das rnams dang / sangs rgyas kyi zhing gzhan na spyod pa byang chub sems dpa' sems dpa' chen po rnams kyis gzigs so// de nas bcom ldan 'das kyis sangs rgyas kyi zhing gi rgyan dang / sangs rgyas dang / byang chub dpa'i mthu phyung ba de dag gzigs nas/ sangs rgyas kyi spyan gyis phyogs bcur byang chub sems dpa'i 'khor dang bcas pa la gzigs nas/ byang chub sems dpa' sangs rgyas kyi chos thams cad rnam par dgod pa yang dag par ji lta ba bzhin du ston pa la bka' stsal pa/ rnam par dgod pa yang dag pa ji lta ba bzhin du ston pa/ stug po'i rgyan ces bya ba'i sangs rgyas kyi zhing 'di ni/ 'dod pa dang / gzugs dang / gzugs med pa dang 'du shes med pa'i sems can du gtogs pa'i gzugs sred pa dang / ma rig pa dang / ting nge 'dzin gyi 'bras bu ye shes kyi mes rnam par bsregs te gnas gyur pa'i phyir/ ye shes kyi ting nge 'dzin dang / yid bzhin gyi ting nge 'dzin dang / yid bzhin gyi lus stobs dang / mngon par shes pa dang / rdzu 'phrul gyi rkang pa dang / dbang pos brgyan pa/ gsang med pa/ ring du gnas pa/ zla ba dang / nyi ma dang / nor bu dang / glog dang / 'ja' dang / byu ru dang / ba bla dang / ldong ros dang / mtshal dang / 'og ma se'i 'bru dang king shu ka dang / sin+d+ra go pa dang / gser dang / tsam pa ka dang / pad+mo dang / dung dang / rma bya'i mgul dang / mdongs bu me long gi nang na 'dug pa'i gzugs brnyan bu thob nas/ sa dang sar zag pa med pas sbyangs pa'i rgyu ting nge 'dzin la dbang sgyur ba'i phyir smon lam gyi mthar phyin pa bcu'i sngo bas lus thob pa'i khyad par can dag sangs rgyas kyi zhing stug por 'ong ngo / / de nas byang chub sems dpa' sems dpa' chen po sangs rgyas kyi chos thams cad rnam par dgod pa yang dag pa ji lta ba bzhin du ston pa stan las langs / bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das gang na ba der logs su thal mo sbyar bas phyag 'tshal te/ bcom ldan 'das la 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs gcig cig zhu lags/ bcom ldan 'das kyis bdag la zhu ba zhus pa lung bstan pa'i slad du/ skabs dbye bar gnang na bdag gis zhu'o// bcom ldan 'das kyis bka' stsal pa/ rnam par dgod pa yang dag pa ji lta ba bzhin du ston pa khyod kyis de bzhin gshegs pa dgra bcom pa yang dag par rdzogs pa'i sangs rgyas la dris shig dang / ngas ci dang ci 'dod pa de dang de'i dri ba dris pa lung bstan pas/ sems mgu bar bya'i/ khyod kyis ji ltar bzod pa de ltar smros shig/ de nas sangs rgyas kyi chos thams cad rnam par dgod pa ji lta ba bzhin du ston pa'i byang chub sems dpa' sems dpa' chen po bcom ldan 'das kyis skabs phye ba dang / bcom ldan 'das la 'di skad ces gsol to// bcom ldan 'das sangs rgyas kyi zhing stug po 'ba' zhig 'dod pa dang / gzugs dang / gzugs med pa dang / 'du shes med pa'i sems can las 'das te gnas sam/ sangs rgyas kyi zhing gzhan dag kyang de yin nam/ ci lags/ rigs kyi bu sangs rgyas kyi zhing stug po 'ba' zhig 'dod pa dang / gzugs dang / gzugs med pa dang / 'du shes med pa'i sems can las 'das te gnas pa ma yin gyi/ sangs rgyas kyi zhing gzhan dag kyang yod do// rigs kyi bu 'di nas pha rol shin tu'ang pha rol sangs rgyas kyi zhing bye ba stong phrag brgya 'das pa'i steng gi phyogs na na/ tshangs pa'i dbyangs de bzhin gshegs pa dgra bcom pa yang dag par rdzogs pa'i sangs rgyas kyi zhing dang / de bzhin du sA la'i dbang po'i rgyal po'i rgyal po'i de bzhin gshegs pa dang / skar ma'i rgyal po de bzhin gshegs pa dgra bcom pa yang dag par rdzogs pa'i sangs rgyas kyi sangs rgyas kyi zhing dang / de bzhin du sangs rgyas bcom ldan 'das dgra bcom pa yang dag pa'i sangs rgyas rnams kyi pha rol shin tu'ang pha rol tu 'das pa na/ sangs rgyas kyi zhing bye ba stong phrag brgya mang po byang chub sems dpa' 'khor gyi tshogs kyis brgyan pa/ shin tu yangs shing che ba dag yod de/ sangs rgyas bcom ldan 'das de dag kyang 'khor gyi tshogs de dang de dag tu/ byang chub sems dpa' sems dpa' chen po rnams la bdag gi so so rang gi 'phags pa'i ye shes kyi rtogs pa'i spyod yul gyi gtam dang / mthong ba'i chos la bde bar gnas pa'i chos tshig dang / rnam par rtog pa'i spyod yul dang / yi ge dang bral ba de bzhin nyid dang / yang dag pa'i mtha' dang / mya ngan las 'das pa thob par byed pa/ phyin ma'i mtha'i mur gtugs pa ston/ de ni rnam par bkod pa yang dag pa ji lta ba bzhin du ston te/ de ni gang rnam par dgod pa yang dag pa ji lta ba bzhin du ston pa khyod kyis 'di'i pha rol na/ 'jig rten gzhan dang sangs rgyas dag yod dam zhes smras pa de'i la dungs 'di smras so/ / rnam par dgod pa yang dag pa ji lta ba bzhin du ston pa khyod 'ba' zhig sangs rgyas kyi zhing gi rgyun dang / byang chub sems dpa' la ltad mo blta bar 'dod pa'i phyir/ de bzhin gshegs pa la 'dri bar sems par ma zad kyi/ byang chub sems dpa' sems dpa' chen po shugs 'dzin 'di'ang / sangs rgyas bcom ldan 'das rnams kyi sangs rgyas kyi zhing gi rgyan dang / sangs rgyas kyi sgra'i dbyangs kyi dkyil 'khor dang / spyi gtsug tshad med pa la ltang mo blta bar 'dod pa'i phyir/ sangs rgyas kyi zhing bye ba stong phrag brgyar song ba nas/ sangs rgyas kyi zhing chu bo gang+gA'i bye ma snyed du rdzu 'phrul gyi mchog gis gyen du song yang / byang chub sems dpa' sems dpa' chen po shugs 'dzin 'di de bzhin gshegs pa gcig tsam gyi sangs rgyas kyi zhing gi rgyan nam/ sangs rgyas kyi gsung gi dbyangs kyi dkyil 'khor ram/ spyi gtsug bltar tshad med pa'ang ma mthong ste/ nges ma mthong ba dang / ngo mtshar du gyur nas sangs rgyas kyi gsung gi dbyangs kyi dkyil 'khor dang / spyi gtsug bltar tshad med pa/ bsam gyis mi khyab pa yang dag par rjes su dran zhing / mi mjed kyi 'jig rten gyi khams 'di nyid du phyin nas mnyan du yod par sangs rgyas bcom ldan 'das kyi spyan sngar 'dug ste/ nyes pa la nyes par bshags nas/ sangs rgyas rnams nam mkha' dang mnyam par shes te mngon par bstod nas/ bdag gis so so rang gi 'phags pa'i ye shes kyis rtogs pa'i spyod yul la mngon par mos shing / sangs rgyas kyi zhing stug po nyid du song ste gnas par gyur to/ / de nas byang chub sems dpa' sems dpa' chen po rdo rje snying pos dang sa'i mtshan nyid la mkhas pa phra ba dang / dmigs su phebs pa dang / rnam par gdon mi za ba'i gtam zlos pa stan las langs te/ bla gos phrag pa gcig la gzar nas/ pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar bas phyag 'tshal te/ bcom ldan 'das la 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs gcig cig bcom ldan 'das kyis bdag la zhu ba zhus pa lung bstan pa'i slad du skabs dbye bar gnang na bdag gis zhu'o/ / bcom ldan 'das kyis bka' stsal pa/ rdo rje'i snying po khyod kyis de bzhin gshegs pa dgra bcom pa yang dag par rdzogs pa'i sangs rgyas la dris shig dang / ngas ci dang ci 'dod pa dang de'i dri ba dris pa lung bstan pas/ sems mgu bar byas/ khyod kyis ji ltar bzod pa de ltar smros shig/ de skad ces bka' stsal pa dang / byang chub sems dpa' sems dpa' chen po rdo rje snying po la/ bcom ldan 'das kyis skabs phye nas/ bcom ldan 'das la 'di skad ces gsol to// bcom ldan 'das sangs rgyas sangs rgyas zhes bgyi ba dang / 'tshang rgya bar bgyi ba zhes pa'i don ci zhig lags/ bcom ldan 'das don dam pa 'phags pa'i yul chos nyid kyi sangs rgyas kyi rigs ston pa 'das pa dang / ma 'ongs pa dang / da ltar byang ba'i spyod pa'i sa la spyod pa dang / gzugs dang / mtshan nyid dang / yang dag par bsdu ba'i lta bar ltung ba rnams dang / mur 'dug gzhan gyi smra ba la mngon par chags pa'i blo'i spyod yul la spyod pa rnams dang / rdul dang gces pa dang / dbang po dang / phyogs dang / dus dang / nam mkha' dang / bdag dang / yid dang / dbang po dang / don bar 'du ba'i lta bar lhung ba rnams kyi blo rnam par bzlog pa'i slad du bshad du gsol/ bde bar gshegs pa bstan du gsol/ ma rig pa dang / sred pa dang / las dang / mig dang / gzugs dang / snang ba dang / de las skye ba'i yid la byed pa dang / gsum 'du ba'i rnam par rtog pa'i shes pa can dang / rgyu dang / de ma dag pa dang / dbang dang / dmigs pa'i rten las byung ba'i rnam par shes pa la chags par spyod pa dang / yod pa dang / med par smra ba'i rtog pa can dang / chos 'di pa'i phung po dang gang zag stong pa nyid du lta bar lhung ba rnams kyi'ang blo rnam par bzlog pa'i slad du/ bcom ldan 'das bstan du gsol/ chos kyi dbang po thos par 'gyur gyis/ bde bar gshegs pa bstan du gsol/ rnam shes lnga yi rgyu la sogs// mnga' bdag dam pa ma gtogs par// sangs rgyas blo dang shes bya dang / ji ltar gang gi 'tshang rgya zhing // shes bya rnam pa lnga po rnams// thugs su chud pa sangs rgyas te// chos rnams thams cad mkhyen pas na/ / mya ngan 'da' dang mnyam gshegs pa// bcom ldan 'das kyis bka' stsal pa// dga'o dge'o rdo rje'i snying po sa bcu la dbang ba/ rnam par rtog pa'i spyod yul las 'das pa/ mkhas pa chos nyid kyis sangs rgyas kyi rigs grags par byed pa/ dge'o rnal 'byor dam pa la dbang ba sangs rgyas dang / 'tshang rgya bar yongs su dri ba 'di la ni khyod 'ba' zhig lhad mo byung ba ma yin gyi/ sgyu ma byed pa bzang po dang / rgyal ba'i bu gzhan dag kyang don 'di la ltang mo 'byung zhing / sangs rgyas kyi dngos po 'dri ste/ de bzhin gshegs pa zhes bya ba'i tshig gi don 'di ci zhig/ ci gzugs de bzhin gshegs pa 'am/ 'on te gzugs las gzhan zhig de bzhin gshegs pa 'am/ de bzhin du phung po dang / khams dang / skye mched kyi 'du byed las kyang ste/ nang dang phyi'i mnyam pa nyid kyang mi mthong zhing / byas pa'i rgyu dang / 'jig pa'i chos can gyi phyir pung po rnams la de bzhin gshegs pa med de/ rdul phra mo med pa thugs su chud pa'i phyir/ shes rab dang / ye shes dang / ting nge 'dzin gyi spyod yul te/ mnyam par gzhag pa'i thugs kyis/ yang dag par rjes su ma gzigs shing / phung po rnams ma skyes pa'i phyir/ de bzhin gshegs pa ni chos kyi sku yin pas na rtag pa nyid do snyam mo// kye rgyal ba'i bu chos kyi shin tu dbyings phye ba la mkhas pa dge'o/ / kye rgyal ba'i bu de bas na dge bar shin tu nyon te yid la gyis shig dang / ngas khyod la bshad do// bcom ldan 'das dge'o zhes nas byang chub sems dpa' sems dpa' chen po rdo rje'i snying po bcom ldan 'das la phyir nyan no/ / bcom ldan 'das kyis de la bka' stsal pa/ rigs kyi bu rdo rje lta bu'i snying po ting nge 'dzin la dbang ba/ rdo rje'i snying po phung po rnams ni/ de bzhin gshegs pa ma yin/ phung po las gzhan na'ang med de/ phung po la gnas pa'ang ma yin/ phung po'ang gnas ma yin/ skye ba dang / 'jig pa'ang gnas pa ma yin/ shes par bya ba'ang ma yin/ shes pa'ang ma yin/ don kyang ma yin// dbang po rnams kyang ma yin no// de ci'i phyir zhe na/ phung po dang / khams dang / skye mched dang / yul rnams ni mno bsam med pa'i phyir te/ de bzhin gshegs pa ni 'di rnams las nang ngam phyir yang mi blta'o// gzugs ni bskyed pa med cing sems med pa ste/ 'byung ba med pa'i chos can mthar 'jig pa rtswa dang / shing dang / bong rdo dang 'dra ba/ shin tu phra ba'i rdul gyi tshogs dbu ba dang 'dra ba'o// tshor ba ni gnyis tshogs pa las chu'i chu bur dang 'dra bar skye'o/ / 'du shes ni bum pa dang / snam bu dang / cod pan la sogs pa'i rgyu las byung ba ste/ de'ang gnyis las skyes pa smig rgyu dang 'dra ba ste/ dper na dpyid kyis mngon par gdungs pa'i sa la nyi ma'i 'od zer bab pa gyen du langs pa rnams chu'i rlabs lta bur rlab cing / ri dgas dang bya skom gyis nyen cing / chu tshol ba rnams chur rmongs par bya bas rmongs par byed do/ / de bzhin du 'du shes kyang de'i bdag nyid ma yin pa'i gzugs su 'jug pa/ yang dag pa ma yin par yongs su brtags pa las skyes pa/ dpyod pa pa rnams kyis brjod pa las logs shin tu mi dmigs pa/ bong bu'i rwa dang / mo gsham gyi bu brjod pa ltar ming tsam du zad pa ste/ rmi lam gyi gzugs brjod pa ltar blta'o/ / dper rmi lam na gzugs kyi 'du shes mthong ba zad pa'i tshe/ gzugs la sogs pa dang / bud med bzang mo'ang dmigs su med do/ / de bzhin du mi shes pas log pa na bud med dang skyes pa la sogs pa mthong ba'ang mngon par sangs rgyas na mi dmigs so// 'du byed rnams ni chu shing gi snying po lta bu ste/ btsal na lus dang / ngag dang / yid las byung ba gzugs med pa rnams rnal 'byor can gyi spyod pa pa rnams kyis mi rnyed do// rnam par shes pa ni sgyu ma lta bu de'i bdag nyid med pa ste/ sgyu ma byed pa'am de'i slob mas nan tan du rtswa dang / shing dang / bong rdo tsam la brten te gzugs kyi yan lag du ma las mngon par bsgrubs pa'i sgyu ma'i gzugs glang po che dang / rta dang / shing rta dang / mi dang / rgyan ma brtags pa'i gzugs kyi phyogs gcig na ngo mtshar du bstan pa lta bu dang / gzhan yang mkhas pa rnams la ma yin gyi byis pa'i 'gro ba rnams la 'dring ba de bzhin du/ rnam par shes pa'ang rnam pa gzhan du 'dug la/ rnam pa gzhan du shin tu brtags shing shin tu rtog ste/ de'ang bdag nyid kyis bdag la 'dzin pa gnyis su shes nas/ sgyu mas mngon par grub pa'i gzugs gcig po'i ngo mtshar dang 'dra bar phyir ldog go// de bzhin gshegs pa ni rtag pa// brtan pa ther zug mi 'jig pa ste/ sangs rgyas rjes su dran pa sgom pa'i rnal 'byor can rnams kyi yul yin te/ de bzhin gshegs pa'i snying po zhes bsgrags pa/ mya ngan las 'das pa'i dbyings dang / nam mkha' lta bur mi 'jig pa ste/ mya ngan las 'das pa'i sgra chos kyi dbyings kyi tshigs gis 'das pa dang / byung ba dang / 'byung ba'i sangs rgyas bcom ldan 'das rnams kyis bstan te/ 'di ltar de bzhin gshegs pa rnams byung yang rung / ma byung yang rung // chos rnams kyi chos nyid/ chos kyi gnas nyid dang / chos kyi dbying dang / chos skyon med pa nyid po 'di ni de bzhin gshegs pa'o// rdo rje'i snying po skyon med pa zhes bya ba ni/ yang 'byung ba'i nyes pa thams cad dang bral ba'o// rdo rje'i snying po skyon med pa ni nyes pa thams cad dang bral bar ma zad kyi/ ting nge 'dzin la'ang 'jug go// skyon med par 'da' ba ni/ byang chub sems dpas spang bar bya ste/ de ci'i phyir zhe na/ 'di ltar ting nge 'dzin gyi sgo de nyid du mos te/ sems can la lta ba med par gyur cing / yang dag pa'i mtha' mngon du byas nas/ lcags bsregs pa'i me dang 'dra bar mya ngan las 'da' bar gyur te/ de sems can gyi dgos pa la brtson 'grus btang zhing / snying rje chen po dang / pha rol tu phyin pa rnams dang bral bas/ sangs rgyas kyi gdung rnam par chad par byed cing / nyan thos dang / rang sangs rgyas mur 'dug byed pa'i lam du 'gros/ ting nge 'dzin gyi 'dam bu glang po chen po 'dra bar rnam par thogs rnam par shes pa'i yul rab tu zhum pas/ sangs rgyas kyi chos kyi skye mched thams cad kyis kun nas mi gnas shing / rdzogs par mi byed par 'gyur ba'i phyir mngon du mi bya shing ma reg pa dang / nye bar mi bsgrub par gnas par bya'o// de ltar sangs rgyas kyi chos kyi sku'i rjes su zhugs te/ sangs rgyas kyi che ba nyid shes pas/ chos kyi 'khor lo bskor ba'i sangs rgyas rnam pa sna tshogs kyi tshul gyi yul la nye bar spyod pa/ sprul pa'i yul can/ de bzhin gshegs pa rnams kyis ting nge 'dzin las bslang ba'i sbyor ba sa brgyad pa las 'das pa/ chos kyi sprin gyi sa la shes par rab tu byas pa/ sangs rgyas kyi che ba nyid myong nas/ de bzhin gshegs pa'i bdag gi so so rang gi rig pa/ 'phags pa'i ye shes kyis rtogs pa'i spyod yul gyi sar zhugs te thams cad du 'gro ba/ ma g.yos pa'i ting nge 'dzin spyod pa lhun gyis grub pa/ rtag pa/ zer zug pa/ brtan pa// sangs rgyas kyi zhing stug po na gnas par 'gyur te/ rdo rje'i dbang po sa la dbang ba rnams la 'phrul pa'i 'jug pa ston par 'gyur te gnas gyur pa/ yid bzhin gyi ye shes dang / ting nge 'dzin can stobs dang / mngon par shes pa dang / rdzu 'phrul gyi rkang pa dang / dbang la spyod pa ngang pa'i rgyal po dang 'dra bar ma zhugs pa'i chu'i zla ba lta bur 'gro ste/ blta ba'i d on yod pa mi'i bdag po thams cad kyi tshogs kyi 'khor du sems can rnams kyi bsam pa ji lta bur 'dod pa'i gzugs dag gis sangs rgyas kyi zhing stug po bstan pa'i phyir sems can gyi bsam pa bzhin du 'jug par 'gyur ro/ / 'dod pa'i khams kyi dbang po thams cad dang / dbang sgyur ba'i byang chub sems dpa' sems dpa' chen po'i nor bu rin po che'i snying po la sogs pa'i gnas dag tu bde ba rnams myong bar byas te/ sa'i rim pa rnams bstan nas/ zhing nas zhing du phun sum bde ba rnams rab tu ston cing / phyi ma'i mthar thug par sku grub pa'i sngags 'chang ltar mi snang zhing / khang khyim gyi lha ltar de na gnas bzhin du mi snang ba'i gzugs su khyim na 'dug pa ltar/ de dag sprul pa'i 'od zer dang / 'phrul pas sprul pa la spyod cing 'gro'o// song nas kyang de bzhin gshegs pa'i sprul pa'i sku nub ste/ de bzhin gshegs pa'i sku la zhen nas gnas par 'gyur ro// de nas bcom ldan 'das kyis tshigs su bcad pa 'di dag gsungs so// dbang po phung po sprul yin te// sred dang ma rig las kyang min// bag chags kyis bcings mi bzad pa/ / yul dang dbang po'i rgyu las byung // rnam dpyod tshogs ni 'dod chags rnams// zhags pa sems spyod de yin no// khro ba me lce mnyam pa ste/ / zhe sdang dug gi dngos po yin// thub spyod rnal 'byor bzang can gyi// 'di dag rtag tu rnam gzhigs te// phung po rnams ni dor ba'i phyir// rnal 'byor can gyis rnal 'byor spyod/ / gzugs ni 'byung ba'i tshogs yin te// phung po'i lhag ma gzugs med pa// ji bzhin par snang ri mo dang // grib ma sdong dum la sogs med// mkha' la rlung gzugs mi snang dang / / bya yi rjes rnams ji bzhin ni// mkhas pas so so rang rig pa// yang dag nyid dang yang dag mtha'// tshig gi spyod yul 'das pa ni// sangs rgyas dngos po mi snang ste/ / sangs rgyas smras ni mya ngan 'das// mya ngan 'das kyang sangs rgyas te// rnam rtog rtog dang bral bas na// de ni bstan du mi nus pa'i// rgyu dang 'bras bu med pa ste/ / yod dang med kyis rnam par spangs// rdo ba phye mar btags pa la// gser ni yod par mi snang ste// sbyangs pa'i las kyi khyad par gyis// gser ni snang bar 'gyur ba yin/ / gzugs rnams rdul du rnam gzhigs te// mkhas pas phung po lhag ma dang // khams dang skye mched tshogs rnams dang // rnam par shes dang dbang po dag/ gcig dang tha dang dngos por yang / / rdul phran rnam par rab sbyangs na// dngos por sangs rgyas yod pa min// sangs rgyas med pa'ang ma yin te// rnal 'byor can rnams sangs rgyas mthong / / mtshan rab sum cu rtsa gnyis can// gang na sdug bsngal de na bde// de nyid la ni snang ba yin// sangs rgyas med ces mi bya ste// sangs rgyas mnyam par gzhag pa yod/ / rgyu yi sangs rgyas dge ba can// rtsa ba mkhas pa nyid kyang ste// 'jig rten kun gyi rgyal ba dang // yang dag rdzogs pa'i sangs rgyas dang // 'di dag sangs rgyas lngar gsungs so/ / sprul pa'i rgyal ba lhag ma rnams// de bzhin gshegs pa'i snying po yid// mtshan rab sum cu rtsa gnyis can// de bas sangs rgyas yod pa ste// rnal 'byor can gyis thub pa mthong // khams rnams gsum po 'das pa dang // rnam pa du mar sangs rgyas zhing // de bzhin gshegs kyi lha rdzas zhing // rgyal sras bzung pos kun tu gang / / de na thub tshan sangs rgyas bzhugs// mtshan gyis kun nas yongs su rgyas// rnal 'byor rnal la mnyam par gzhag/ chos dang bcas su rnam par mdzes// de bzhin phan tshun bsam gtan mdzad// shes rab ma shes shes byed la// stug po de na rnam par spyod// stug po de yi sems can su// sangs rgyas gzugs can de dag kun/ / skad cig 'jig pa shin tu 'das// ting nge 'dzin la rtag tu mos// dga' ldan nas babs 'phrul pa gang // rtog pa can rnams kun gyis mthong / / stug po nas gshegs glang po ste// sangs rgyas gzugs ni sdug na bzhugs// sna tshogs rnam mang gzugs tshul te// sems can bsam bzhin zhugs pa'i sa/ de bzhin gshegs pa mnyam gzhag pa// chu yi zla ba bzhin du snang // sna tshogs gzugs kyi nor bu ni// tshon gyi 'byor las rnam par mdzes// de bzhin sangs rgyas stug zhings mnyam par bzhag pas rnam pas mdzes/ / thams cad chos la gzugs brnyan ltar// gcig dang tha dad spangs pa ste// dgos par kun la 'jug pa ni// skyes bu dam pa thams cad mkhyen/ / rdul las ma yin dus las min// dbang po las min gces las min// rkyen gyis ma yin 'jig rten dang // sangs rgyas ldan par rnam mdzes pa// rgyu yi tshul du sangs rgyas ni/ / 'bras bu rnams la rnam par mdzes// 'jig rten skul 'khod bya ste// rgya mtsho ri dang shing dag dang // de la 'gro ba sna tshogs bcas// mnyam par bzhag pas shin tu dgyes/ / bya ba thams cad phyi nang du// gza' zla la sogs mdzes pa'i rnams// phyir yang phyag gis mthil bkod do// yungs 'brur 'gro ba kun 'dzud pa// sangs rgyas thub pa'i rnal 'byor mnga'/ / thub chen thub pa'i dam pa'o// 'jig rten rnams la byed pa med// sangs rgyas 'phrul gyis sprul pa ste// 'byung ba gsum po 'di dag kun// sangs rgyas 'od kyis rnam par sprul// rab rib mi shes myos mdongs pa'i// rtog pa can rnams 'phyan pa yin// bdag dang bdag med lta ba'i rnams// yod dang med pa'i smra bas bcom/ / 'on tam thams cad 'jig pa dang // cung zad 'jig pas smra ba rnams// 'di la med dam cung zad dam// bdag dang bdag med ga la yod// sangs rgyas sna tshegs 'byung kun na/ / rnam 'byor mkhan po rnam par mdzes// dri za'i grong la bya ba rnams// ji ltar snang ba 'jig rten na// rmi lam rnam pa sna tshogs gzugs// ri dgas rnams la smig rgyu bzhin/ / de bzhin 'jig rten sna tshogs dag/ gdeg la sogs pa'i las rnams kyang // rlung ldan sogs pa'i zag pa bzhin// sangs rgyas rnal 'byor mkhyen pa'i mchog/ mi la 'khrul 'khor bskor ba ste// rgya mtsho skye ba 'dzin dang 'dra// stug po'i ris kyi ye shes kyi rgyan las byung zhes bya ba'i le'u ste dang po'o// / de nas 'jam dpal gzhon nur gyur pa stan las langs te// bla gos phrag pa gcig la gzar nas/ pus mo g.yas pa'i lha nga sa la btsugs te/ bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas gang na ba de logs su thal mo sbyar te phyag 'tshal nas/ bcom ldan 'das la 'di skad ces gsol to/ / bcom ldan 'das mtshams med pa lnga bgyid pa rnams dang / dam pa'i chos spong ba rnams dang / 'phag pa spong ba rnam dang / mnar med pa la gzhol ba rnam dang / ma dad pa la snying ring ba rnams dang / tshangs pa 'gums pa rnams dang / ba lang 'gums pa 'gums pa'i sems can rnams ji ltar yongs su 'grol bar 'gyur/ bcom ldan 'das sems can de dag 'khor ba'i sdug bsngal las ji ltar yongs su 'grol bar 'gyur/ bcom ldan 'das kyis bka' stsal pa/ 'jam dpal sbyin pa gnyis byin pa'i sems can rnams 'khor ba de sdug bsngal las yongs su 'grol bar 'gyur te/ de 'di ltar chos kyi sbyin pa dang / zang zing gi sbyin pa'o// chos kyi sbyin pas skye ba dran par 'gyur ro/ / zang zing gi sbyin pas ni sems can thams cad la phan btags par 'gyur ro// zang zing gi sbyin pas ni bkres pa dang skom pa'i sdug bsngal yongs su sbyong ngo // chos kyi sbyin pas ni sems can dmyal ba dang / byol song gi skye gnas dang / gshin rje'i 'jig rten gyi 'khor ba'i sdug bsngal las yongs su 'grol to// 'jam dpal sbyin pa gnyis po 'di byir/ / sbyin pa thams cad 'dus par 'gyur ro// 'jam 'apal gzhan yang sbyin pa lngas sbyin pa dang / nye ba'i sbyin pa thams cad 'dus par 'gyurate/ lnga gang zhe na/ 'di lta ste/ bzhon pa sbyin pa dang / gdugs sbyin pa dang / dar sbyin pa dang / gos sbyin pa dang / chos gos dang / bsod snyoms dang / mal cha dang / stan dang / nad kyi rkyen sman dang / yo byad sbyin pa rnams kyis/ sdug bsngal thams cad yongs su sbyangs par 'gyur ro// 'jam dpal yang sems can la la mtshams med pa lnga byed pa dag gam/ dam pa'i chos spong ba dag gom/ 'phags pa spong ba dag gam/ mnar med pa dag la gzhol ba dag gam/ bskal par gnas pa dag gam/ sems can gang la la dkon mchog gsum la snying ring ba 'am/ sangs rgyas dang / chos dang / dge 'dun la gnod par byed pa 'am/ tshogs kyi nor la 'phrog pa dag gam/ chung ngu na lug gsod pa dag kyang rung phyag dar ba'ang rung / sme sha can yang rung ste/ 'jam dpal sus shin tu rgyas pa chen po rmad du byung ba'i chos stug po'i rgyan rin chen 'di thos pa dang / 'dri ba dang / 'drir 'jug pa dang / 'dzin pa dang / klog pa dang / kun chub par byed pa dang / gzhan la'ang rgya cher yang dag par stor pa dang / chung ngu ra yi ge gcig kyang rung ste/ brjod pa dang / su'ang chos de sgra/ ba la mchod cing rim gro byed pa dang / nang par langs nas ngo phrad par byed cing blta ba dang / sngar smra ba sbyin par byed pa dang / lag pas reg par byed pa'i sems can de dag thams cad 'jam dpal sems can dmyal ba dang / byol song gi skye gnas dang / gshin rje'i 'jig rten gyi sdug bsngal thams cad las yongs su 'grol bar 'gyur ro/ / 'jam dpal sa'i phyogs gang na chos smra ba de 'dug gam/ de'i dur ram/ ro 'am/ ro bam pa zhig yod la// de'i ngo mthong na'ang mtshams med pa'i las lnga rnams byang bar 'gyur ro/ / 'jam dpal rgya mtsho chen po'i nang na yi dgas lto dpag tshad brgya stong du mar skyes pa yod de/ yi dgas de bdag gi las kyi sdug bsngal mi bzad pa'i tshor ba yod do/ / 'jam dpal de bzhin du sems can su mdo sde chen po rin po che 'di spong ba de dag kyang sdug bsngal myong bar 'gyur ro// 'jam dpal su'ang mdo sde rin po me 'di rim gro byas te/ me tog dang / bdug spos dang / mar me dang / spos dang / 'phreng ba dang / byug pa dang / phye ma dang / chos gos dang / gdugs dang / rgyal mtshan dang / lha'i ba dan gyis mchod pa dang / chos smra ba de'ang mchod par bya ste/ ci ste chos smra ba de mtshams med pa lnga byed na'ang / 'on kyang de'i sems 'khrugs par mi bya'o// chung ngu na byol song gi skye gnas su gtogs pa'i ri dgas dang / bya gang la las chos smra ba de shi ba'i ro bam pa dur khrod na 'dug pa'i sha zos kyang / de dag thams cad phyir mi ldog par 'gyur te/ bla na med pa yang dag par rdzogs pa'i byang chub kyang 'thob par 'gyur ro/ / ri dgas dang bya gzhan po de dag thams cad phyir sangs rgyas kyi zhing stug po 'di nyid du 'thob par 'gyur te/ de la nem nur dang / the tsom dang / yid gnyis mi bya'o// sems can gang la la sngon dge ba'i rtsa ba bskyed pa/ sngon byang chub sems dpas yongs su bzung ba/ sngon gyi byang chub sems dpa'i sa bon las ma nyams pa de dag thams cad phyi ma'i tshe phyi ma'i dus na/ mdo sde chen po rin po che 'di thos par 'gyur ro// thos nas kyang mchod pa chen pos mchod par 'gyur ro// mdo sde thams cad 'dus pa'i rgyan stug po rin po che las sbyin pa'i le'u ste gnyis pa'o// // mtha' yas yul can shin tu phra// bsam gtan mkhyen pa skyes bu'i mchog/ dbang po 'das pa mngon sum pa// chags dang dbang po rnam par spangs// bsam gtan bsam pa bsam gtan pa'i// de ni dgos pa'i tshul yin te// thub pa rnal 'byor mkhas pa rnams/ / kun gyi snying la gnas pa yin// yod dam med kyi phyogs dang bral// sangs rgyas phyogs ni dri ma med// blo dang shes bya bral ba ste// tshad dang dbang po spangs pa yin/ / sems shes rnams kyi yul ma yin// de ni grol ba rnams kyi yul// mtshan rnams kun kyang snang ba ste// de bzhin gshegs ni mtshan med pa/ / dregs can rnams kyi dregs med mdzad// mnyam par gzhag cing gos pa med// g.yo ba ma yin g.yo med min// chags med lam la gnas pa ste// lha yul byung ba'i lha rnams dang / / dri za lha min mi 'am ci// thub pa rnams dang mur 'dug gis// bstod kyang rtag tu yong mi g.yo// de la ngo mtshar srid pa med// 'gro ba gang na'ang g.yo ba med/ / sngon las dag pa'i rnal 'byor gyi// de ni pha rol yin pa'i phyir// sangs rgyas 'phrul pa'i spyod pa yis// bya ba tsam gyi lha rnams kyis// mthong yang de dang 'di na med/ / ji bzhin nyi zla de dang 'dra// rnal 'byor yul du gnas pa ni// dregs pa med mdzad 'gro bas mthong // rnam pa tha dang mur 'dug rnams// gang la gang gis dbang 'gyur ba/ / de la de lta'i chos ston to// rnal 'byor bskyed pa'i 'od zer gyis// rnal 'byor chos can rnams phye zhing // rgyal ba'i tshul dang gsum po dag/ rgyal po'am rgyal po'i 'khor rnams dang / / rgyal po'i yul gyi bya ba dang // dka' thub tshal dang zhing rnams kyi// phun sum tshogs pa de las byung // lha rdzas rnams dang nam mkha' dang // rin chen 'byung khung rnam dag pa// lha yi lha yi mthu yis na// phyogs dang yul na 'bab pa yin// 'byung ba gsum gyi thabs rnams gang // rnam pa sna tshogs mkhas rnams kyis/ / gang rnams byed gzhug bya ba dag/ sangs rgyas lhun gyis grub 'bras bu// de ni mdo 'dzin 'gro ba yi// dgos dang dka' thub can rig dang // gang mo rtsa ba'i sbyor ba dang / / gar mkhan rnams la rtag tu'o// dga' ldan gnas babs 'jig rten gyis// mthong ba bud med 'gro dang bcas// 'phrog cing sbyin dang 'brel ba dang // / cod papon can dang lag na gzhur/ / dam pa rnams kyis kun tu mthong // stug po nas ni de ma bral// yul 'di thub pa de yis te// thams cad na yang shin tu snang // rab rib can gyi rab ring bzhin/ / ri dgas rnams kyi smig rgyu 'dra// 'jig rten rnams kyi sgyu ma la// ji ltar gzhan du mthong ba dang // rmi lam na yang gzhan du ba'i rmi lam bzhin du byis pas mthong / / khyad par rab tu mthong ba ni// rnal 'byor can rnams log long bzhin// lha yi lha yi yul yin te// de yi sras kyi dus kun tu// mi sbyin su lang tshangs pa dang // sa nan ta dang sa nan 'da'// sa nan gzhon nu ser skya dang // ne tse la sogs rnams bsams kyang // de yi yul la rnam par bslad// de dag rnal 'byor gyis mi mthong / / bub pa gang dag 'byung ba dang // byung dang da ltar gang 'khod pa// de dag yul na gang yang min// lta ba'i bag chags g.yogs pa'i phyir/ / sa dang sar ni rnam spyod pa'i// rdo rje'i snying po de la bstan// lha yi lhas ni byas pa yi// stug po'i zhing na yod pa yis// 'di dag rdo rje'i snying po de// mnyam par bzhag la shin tu bstan/ / rnal 'byor can gyi rnal 'byor yul// ji ltar gang gis sbyor ba dag/ dbyibs dang mdog dang khyad par dag/ bzo bor gyur pas byas pas na// gces dang rdul phran dag gi ste/ / brtags pa'i dngos po yod pa min// skye ba dag ni chos tsam ste// ldog par 'gyur ba chos tsam mo// kun tu phra ba'i bdag nyid kyi// yon tan dag tu dngos yod brtags// mar me bzhin du gsal byed pa// rgyu rnams dgos pa sgrub pa dag/ mtshan nyid snga nas mi rnyed de// 'jig dang bral bas mi gnas pa'o// 'das pa 'das pa'i dngos por yang // yod pa ma yin 'byung ba med/ / rkyen du bya rnams med par yang // brtag pa'i dngos po gang yang med// rkyen rnams 'dus te byas pa la// dngos po yod pa ma yin te// rkyen rnams gang gi rkyen du 'gyur/ / yod dang med pa'i dngos mi snang // med pa'ang snang ba yod ma yin// phra ba'i bdag gis rnam par brtags// phung po rdza ma ras la sogs// ri dgas skom gdungs smig rgyu bzhin// rmi lam dri za 'dra ba ste// gtsug lag nor ba dug dang bcas// rab tu smra ba sum brgya yis// 'jug pa dag dang phyir ldog dag/ mya ngan 'da' ba gang yang med// de nas sangs rgyas kyi chos thams cad rnam par bkod pa yang dag pa ji lta ba bzhin du ston pa/ sa'i dbang po lag pa'i 'phreng ba tshad med pa/ lus dpe med pa/ dpung rgyan dang / cod pan dang gtsug gi rin po che dang / se mo dos shin tu chas pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ theg pa gsum dang / 'jig rten dang mi 'gal ba/ lta ba'i chos la bdag gi so so rang gi 'phags pa'i ye shes kyis rig pa'i spyod yul bde ba la gnas pa/ rdo rje snying po'i dbang po rnal 'byor chen po'i rnal 'byor can/ / rnal 'byor gyi mkhan po/ sa dang sa'i mtshams thams cad mi 'gal bar ston pa la 'di skad ces smras so// rdo rje dbang po khyod slu ba thams cad dang // rgyal po'i 'khor dag tu/ cod pan can dag la chos ston pa yin te/ de'i phyir rgyal ba'i sras khyod la gsol ba gdab kyis/ bdag gi so so rang gi 'phags pa'i ye shes kyis rig pa'i spyod yul la bde bar gnas pa'i phyir/ 'phags pa lta ba'i chos la bde bar gnas pa/ gzhan gyi dring mi 'jog par spyod pa'i gnas ston cig/ des bdag dang cod pan can 'di dag gis bdag la mngon sum du gyur pa'i spyod yul/ sangs rgyas kyi sa'i sgo'i bde ba nan tan gyis rab tu thob ste/ yid bzhin gyi lus rnam pa bcu la dbang sgyur zhing / stobs dang / mngon par shes pa dang / rdzu 'phrul gyi rkang pa dang / dbang gi gzhal med khang gis gnas gyur te/ yang dag pa'i mtha' la gnas spangs te/ sna tshogs kyi lus yid bzhin gyi nor bu dang 'dra ba'i rang bzhin du 'gyur te/ rgyal ba'i tshogs kyi 'khor thams cad dang / stug po stug po na spyod pa rnams la chos sna tshogs ston par 'gyur ro/ / rdo rje snying pos smras pa/ rgyal po smros shig/ dge'o dge'o// cod pan can la khyad par du// chos la 'jug pa bdag med pa/ stug po'i rgyan ni rab ston pa// sems kyi rang bzhin mtshan nyid dag/ rnam rtog spyod yul yin she sa na// rnam rtog don las phyir ldog pa// 'gro ba rnam rtog mthong nas te// 'gro ba'i rang bzhin mthong nas kyang / / ting nge 'dzin la gnas par 'gyur// chos kyi ngo bo nyid bstan gyis// rgyal po nga la de nyon cig/ dpyid kyi smig rgyu ji bzhin la// de yi rnam par 'gro bar 'di// mtshan gzhi mtshan ma rgyu rnams las// rnam par rtog pa rnam mi rtog/ blo dang rtogs byas bskyed pa ste// rtogs byas de yi khyad gyur pa// gnyen por gyur pa gcig med pa/ / nyi ma dang ni grib ltar gnas// sems med tsam po'ang yod pa min// tshad dang gzhal dang gnyis ka med// rnam par rtog pa sems tsam ste// rnam par rtog pa rnam mi rtog/ shes dang shes bya rnam rtog pa// sems tsam de ltar yin na ste// shes bya sems dang tsam pa ni// rtag tu tsam la shes yod min// sems kyi chos kyi ngo bo nyid/ / gang zag dag kyang g.yo ba rnams// gang tshe sems la rnam brtags na// rtog dang brtags pas spangs pa yin// brgyad po rnyed nas dag par 'gyur// dgu la bsam/ gtan spyod yul te// bcu la sangs rgyas sangs rgyas kyis// dbang bskur rgyal bar 'gyur ba yin// rgyal ba'i yul la chos rnams kyang // mi zad chos kyi skur 'gyur ro// nam mkha'i zad dang 'dra ba ste// sems dang rnam shes de bzhin te// mi 'jigs pa yang ma yin zhing // rtag cing zhi ba bde la brtan// 'dus ma byas pa'i ye shes te// stug po'i zhing na rnam par mdzes/ / rnam shes 'byung gsum 'das pa ste// sna tshogs gzugs kyi rin chen bzhin// de bzhin sangs rgyas sa bsam med// stug cing rgyal ba'i gnas gyur pa/ / ji ltar gyo mo rnams kyi rgyu// rdza ma chag par bstan pas bzhin// gyo mo rnams kyang rdul gyi ste// rdul kyang mchog phra'i de bzhin du// dngos po rnams kyi rkyen rnams la/ rgyu rnams ji ltar snang ba bzhin// zag pa med pa'i chos rnams kyi// rgyu ni de bzhin zag bcas pa'o// ji ltar shing las me 'byung ba// phyis kyang gzhan du 'bar bar byed/ / de bzhin ye shes byung ba'i me// phyis kyang gzhan du 'bar bar bya// gnas kyi lus las 'phos 'gyur cing // sems dang rtog pas rnam spangs pa/ / chags pa med pa'i ye shes ro// stug po'i dbus na rnam par mdzes// bskyed med rnam pa sna tshogs gzugs// sa la gnas pa ma yin pa// lta ba thams cad zad byed pa'i/ / bdag med nyid la skyabs su song // rgyud kyi rgyun rnams chad pa'i phyir// 'jig pa med cing 'byung med pas// lta ba thams cad zar byed pa// bdag ma nyid la skyabs su song / / zhir gyur zhi bzhir ma byas// zhi bas zhi ba bden nyid du// lta ba thams cad rnam dag phyir// bdag med nyid la skyabs su song // sa rnams sna tshogs byas pa ni/ / bdag med pa la bdag med pas// mi rtag tho bas bcom pa dang // rnam par ston pa'i mdas kyang ste// bsreg pa tshig pa'i me bzhin du// bdag nyid zhir 'gyur de nyid du/ / de bzhin lta bas rnam brtags te// bdag med bsam gtan rab gnas pa// lta ba'i chos la bder gnas kyi// so so rang rig spyod yul la// thog ma med nas nyes dri med/ / 'phags pa rnams kyi sa la gnas// 'phags gnas 'jig rten pas spangs te// 'jig rten 'das pa'i 'phags la gnas// sems kyi sa las rab gyur te/ / stug po'i dkyil na rnam par mdzes// mi bdag mi bdag dbang po rnams// thams cad kyis kyang yang smras pa// rdo rje snying po skyabs dang mgon// gang la skyabs su mchi bar bgyid// sangs rgyas yod min med pa min// phung po'i skye shing rnams bsregs te// dpung dang bcas pa'i bdud bcom ste// stug po sangs rgyas sa la gnas/ / shes bya dri med zhi ba la// skyabs su song zhig grogs po dag/ rtog dang tshad las bral bas te// blo dang rtogs bya'i gnas ma yin// stug po'i dkyil bzhugs rnal 'byor can/ / de yang grogs po mgon skyabs so// rnal 'byor can rnams kun gyi zhing // zhing mchog bzang ba stug po'o// rnal 'byor 'byor pa mang pos gang / / stug po de la skyabs su song // spros pa kun dang bral ba ste// lta ba'i nyes pa rnam par spangs// ri mo'i thag thug lta bu dang // rmi lam mo gsham bu byung dang // rmi lam bud med bzang mo ltar// thub pa rnams kyis 'gro ba mthong // dri za'i grong khyer spyod pa bzhin// skra phung mgal pa bskor ba ltar// smig rgyu ri dgas sred mtshungs su// yod dang med pa rnam par spangs// sgyu ma'i lus gzugs sna tshogs dang // sprul pa'i sprul par de dag ni// 'jig rten spyod tshe mthong ba ste// sa dngas// la thub pa rnams// bsngor med du ma'i gzugs gyur pa// sgyu ma'i shing gi 'bras bu ltar// sprin dang du ba glog ltar yang // bub pas rnal 'byor rnam par mthong // rdza la sogs pa'i bzo gzung ltar/ / 'gro ba bdag gi rnam rtog byung // yid dang yid kyi rnam shes dang // chos lnga'i ngo bo nyid rnams dang // 'jug pa'i rnam shes spyod pa ni// bdag med mi gnyis brgyan pa ste/ / bag chags thog ma med pa yi// sems kyi gnas ngan len byung yod// 'od pa'i dba' rlabs 'dra bar ni// kun gzhi sa la gnas pa yin// rlung gis ji ltar 'od pa la// phan tshun dag tu bskyod byas nas// dba' rlabs rnams la 'jig pa med// 'od pa'ang med par mi 'gyur te// sa med bag chags gnas can rnams/ / 'jug pa'i yul la gzhol ba dag/ sems brgyad rnams kyi 'jug pa ni// rnam par thar pa ma yin te// dus gcig tu yang de dag 'byung // bar bar du ni rims kyis so/ / thog ma med nas sems 'jug pa// skar ma gza' yi dkyil 'khor dang // lo ma me tog 'bras bu dang // ri dang sde dang tshal sogs la// rtag tu dus gcig 'jug pa ste/ / rims kyis kyang ni shes par byos// yang dag ma yin snga ma'i yul// mal la gnas bzhin mthong ba yin// lus kyi 'jug pa'i rims kyis kyang // srog la chen cing 'byung ba yin/ / rdzas dang grangs dang chos rnams la// tha dad rims kyis 'byung ba ste// mur zhing bca' dang bza' rnams la// tha dad rims kyis 'da' ba min// ro dang dri yi rnam pa la// rims kyis tha dad 'byung ba yin// rims kyis kha dog khyed par gyi// sna tshogs la yang dus gcig tu// rgyal po sems ni bsam mi khyab// rtag tu rang bzhin 'od can no/ / de bzhin gshegs pa'i snying po ste// rdo ba rnams kyi gser bzhin gnas// yid ni kun gyi gzhi las byung // yid kyi rnam shes de bzhin te// rnam shes drug po rnam pa mang / / sa yi khyad par byed pa po// bag chags sems dang lhan cig tu// sa bon kun pa'i kun gzhi ni// kun nas nyon mongs rnam dag kyang // rtag tu rang bzhin 'od can gyis/ / de ltar nga bzhin gshegs kyi rigs// nges dang ma nges dge pa yin// rtag tu gnas ltar 'byung ba ni// rgya mtsho rlabs dag ji bzhin du// tha ma 'bring dang rab rnams su// de bzhin kun gzhis khyad par byed// sangs rgyas sa la rnam dag cing // gzhan du gyur nas rnam par mdzes// yang dag ji bzhin don ston la// rdo rje snying pos yang smras pa// mthong zhing thos te shes pas na// sa chen bdag po khyod nyid kyi// spobs pa can la bstan par gyis// khyad par du'o/ khyad par bdag/ khams phran rnams kyi khams nang na// sa la 'khor lo 'khor rnams kyi// kun gzhi rnam par dag gyur na// sa yi rgyal por 'gyur ba yin// 'dzam bu'i gling la dbang ba yin// 'khor lo 'khor bar yang 'gyur ro// dga' ldan la sogs gzhal med du// mtshe ma rab kyi dbang por 'gyur// dbang po'i gnas su dbang por te// dbang sgyur gnas su de bzhin no// 'dod pa'i khams kyi dbang po'i bdag/ gzugs khams bdag po'ang de bzhin te// gzugs med 'du shes med sems can/ / bsam gtan bde ba'i 'bras bur yang // yang dag mngon bya ma chags pas// yang dag mtho la ma reg par// 'jigs med seng ge'o sgra sgrog cing / / dga' dang ye shes yang dag ldan// bsam gtan dbang gi bde bas ngoms// de ni stug por smon pa yin// khams gsum spyod pa'i nyes pa yis// chags med mnyam par gzhag pa ste// mthar gyis stug por zhugs nas su// rnam par sangs rgyas sangs rgyas sar// chos kyi dbang po bdag gyur te// rten las gzhan du gyur cing bde/ / rtag pa brtan pa zhi ba'i chos// stug po'i dkyil na sras dang bcas// chos kyi bdag po rnam par mdzes// 'jig pa med pa mi yi mchog/ mya ngan 'dus pa 'jig pa min/ / mur 'dug rnams kyis cir brjod bzhin// mchog dang tha ma bar ma yi// rgyal po bcu po'i las rnams kyi// theg pa gsum du gyur pa ste// stug po tshol ba'i khyad par yang / / rgyal po yang dag skye bar 'gyur// sa dang sa la gnas pas so// 'jig na 'dus byas nyes par 'gyur// 'chi ba rnams la de bzhin te// rgyal po 'jig pa mthar ma yin/ / de bzhin gshegs pa ye shes sku// sems can zad cing med 'gyur ba// de ste mya ngan 'das 'jig na// sngon gyi mtha' yang 'jig pa dang // sems can 'byung ba med par 'gyur// sems can khams rnams zad gyur na// rgyal ba'i shes bya dngos po med// mya ngan 'da' med shes bya med// sangs rgyas sangs rgyas nyid kyang med/ / me mar bsregs pa'i dpe rnams dang // sa bon tshig pa'i dpe dag gis// rtog can thar la mkhas pa rnams// lus can rnams la thar pa ston// yod dang med pa'i rnam thar gyis/ / thar pa'i bde las de dag ring // bsam gtan gnas pa thams cad de// lugs su 'byung dang bzlog pa dang // gzugs med 'du shes med pa dang / / mngon shes dbang dang stobs rnams dang // ma nyams nyams pa med pa yi// chos kyi mtshan la mkhas pa rnams// sa yi khams la mkhas pa dag/ mi yi dbang po stug por 'gro// yod dang med pa 'jig pas ni// de dag 'khor las mi 'byung ste// phrad pa gsum po 'jig byed cing // rgyu dang dmigs pa'i rkyen rnams dang / / de ma thag dang dbang yang ste// sa rnams bdag med phyi rol dag/ mig dang gzugs dag rgyur byas te// phrad pas gang rnams 'jug gyur pa// gzugs rnams mngon byed ye shes dang / / de dag thams cad zhig par 'gyur// phyi dang nang gi sa rnams ni// phan tshun stobs kyis byung ba ste// yod dang med pa'i lta ba las// de sta grol nas 'jig na ni/ / sems dang dmigs las bral ba'i phyir// rnam par dmigs pas mi gnas te// mdun du rtog pa med gyur cing // de yi rang bzhin mi gnas la/ / gang tshe dmigs pa spang ba la// rnam par rtog pa mi gnas shing // gang tshe gnyis las rnam grol te// rtog med rtog pa spangs pa na// de tshe sems ni mnyam par bzhag/ 'gro ba rnam rtog med pa mthong // gzung dang 'dzin pa med pa ste// bsam gyis mi khyab shes la gnas// rten pa las ni gyur pa ste// ye shes gnas ngan len pa spangs/ / yid bzhin rnam pa bcu po ni// sna tshogs gzugs kyis brgyun pa ste// sa gsum rgyal po rab byed cing // rgyal po stug por rab tu 'gro// gzugs dang sems dang sems las byung / / mi ldan pa dang 'dus ma byas// nang dang phyi yi sa rnams kyang // tha dang rnam par rab mthong zhing // so so rang gi ye shes mkhas// lta ba'i chos la rnam par gnas/ / rgyal po stug por 'dong ba ni// ye shes mkhas pa rnal 'byor can// mtshan ma ming dang de bzhin nyid// rnam par rtog dang ye shes dang // yang dag mtha' la gnas pa yis/ / so so rang rig spyod yul du// rgyal po dag dang rgyal po'i bu// rnal 'byor sems pa'i rnal 'byor can// rgyal po stug por 'dong ba ni// sangs rgyas bstod pa'i zhing du'o// phrad pa gsum dang rkyen spangs te// bdag gi phyogs las 'phags gyur na// phyogs las nyams pas 'jig pa ni// rtog pa can dang mnyam par 'gro/ / ma grub pa dang yang dpe yi// rgyal po 'gal bar shin tu 'gyur// rnam par rtog dang nyes pa'i mtshan// de dag rnam pa lngar 'gyur ro// phrad pa gsum po sun 'byin pa/ / nud zos bung ba ji bzhin du// de bzhin 'jig rten sun 'byin pa// yang dag ma yin rtog pas smra// de la nyes pa rnam lnga ste// rtog pa bslang pa'i mig can la/ / 'dra chos mi 'dra chos skyon can// nor dang bzlog pa med pa dang // bdag gi phyogs las nyams pa'i blo// pha rol phyogs la brten pa dang / / lta ba de dag 'byung ba ni// thog ma'i mtha' ni 'jig byed pa'o// sems can rnams kyi sngon gyi mtha'// rgyal po yod pa ma yin te// kun tu rgyug cing 'khor ba dag/ 'byung ba dog par rgyug pa'o// de dang de yi lam rgyud du// thugs rje'i dbang gis rgyal ba gshegs// sprul pa'i 'od zer lha rdzas kyis// zla ba lta bur rgyu zhing 'khor/ ma'i las dang tshul mthun par// pa skyabs chos rnams ston pa mdzad// rgyud dang rgyud du bying rnams la// chos kyang bstan par mi 'gyur te// de ste mya ngan 'da' 'jig na// rgyal bas yon tan ci zhig brnyes// dbang sgyur gsum po rnams dang yang // rnam par thar dang bden pa mthong // rdzu 'phrul rkang pa gzhi po dang // dran pa nyer gzhag stong pa nyid/ / tha dad yang dag shes bzhi dang // 'dri la lung bstan pa rnams dang // dmigs pa dang ni de ma thag/ rgyu dang dbang yang de bzhin te// gzugs med pa dang spyod pa dang // dbang po stobs rnams bcas pa dang // mngon par shes dang dad rnams dang // rnam par shes dang de'i rgyu dang // 'dus byas ma byas chos rnams dang // byang chub yan lag gang zag dang rnam par thar dang skyes bu brgyad/ / sa rnams dag dang shes pa dang // zil gyis gnon pa'i 'du mched dang // ye shes mngon du chud pa bcu// sdug bsngal chos nyid shes pa dang // sdug bsngal gyis su so sor rtog/ sdug bsngal nyid kyi rjes su shes// 'dus pa rnams kyi chos shes dang // 'dus pa la ni kun rtog dang // 'dus la rjes su 'gro shes dang // 'gog pa dag la chos shes dang // 'gog pa dag la rtog pa dang // 'gog la rjes su 'gro shes dang // lam la chos kyi shes pa dang // lam la so sor rtog pa dang // lam la rjes su 'gro ba shes/ / shes pa rnams dang slob pa bcu// brgyad pa mang na lan bdun dang // rigs las rigs dang lan cig 'ong // bar chad gcig po'i gang zag dang // bar mar mya ngan 'da' ba dang // gzhan skyes mya ngan 'da' ba dang // mngon par 'du byed ma byas dang // steng ma'i rgyud kyang de bzhin te// rgyal po de dag thams cad kyang // ye shes spyod yul yin par gsungs/ / rnal 'byor can yul sna tshogs te// tha ma mchog dang bar ma'o// byang chub sems dpa' khyad par du// mchog dang bcas par de la sgom// rang sangs rgyas ni dbu mar te/ / nyan thos pa ni tha ma'o// bcu gcig pa dang bcu gnyis pa// lnga gsum bcu drug dag tu yang // sems kyi tshogs kyi 'gog pa ni// rnal 'byor can rnams shin tu byed// gang 'das de ni 'gags pa yin// sems ni rang bzhin 'od sdang can// zag pa gang yin de sems min// sems dang lhan cig gnas pa'ang med// ma 'ongs pa ni ma byin te/ / da ltar byung ba gnas pa med// sems ni rkyen dang mi ldan par// 'di dang gzhan du'ang skye ba med// bsam gtan bzhin sems med de// 'byung ba'i rgyu la'ang/ gnod pa med// 'byung ba'i rgyu ni rnam shes te// yid dang rnam shes lnga pa'o// rang gi rnam rtog mi shes pas// dba' rlabs bzhin du'ang 'byung ba yin// rtag dang rtog las rnam grol ba/ / thub pa kun gyi kun gzhi'o// yod dang med las lha rdzas su// gzhan 'gyur 'jig pa ma yin zhing // stug po dang ni stug dkyil du// zla ba lta bur rab tu mdzes// de ni mi 'jigs bde bar gnas// stug po'i dkyil na sras dang bcas// tha dad ma yin mtshan nyid mkhyen// ye shes ro gcig nyid du 'gyur// bsam yas rnal 'byor yul can te/ / rgyal po zla ba lta bur spyod// rgyal po phun sum tshogs pa 'di// rnal 'byor khyer ba thub rnams kyi// rtag par rgyal po de yi phyir// khyed kyi yid kyang rnal 'byor shog/ 'dod gnas rnam pa drug po dang // tshangs pa dag gi bcu gnyis dang // gzugs med shes med sems can du// rgyal po khyod ni dbang por gyis// stun por 'dod pa'ang thob par te/ / bzang po'i stug por smon pa'i phyir// rgyal po ye shes bcu po rnams// bsgoms na stug por 'akra bar 'gyur// chos dang rjes su 'gro shes dang // pa rol sems dang kun rdzob dang // sdug bsngal 'dus pa'i shes pa dang // 'gog dang lam las skyes pa dang // byang ba'i shes dang mi skye dang // khong bzo bsgom pa de bzhin te/ / sha kun ta la'i rgyal rigs dang // ig shwa ku dang so ma'i rigs// yang dag don ston rgyal ba'i mchog/ khyod kyi rigs ni khyad par 'phags// de yi rigs su khyod skyes shing / / zhum pa med par stug por song // lte ba'i chos la gnas pa yi// rnal 'byor can gnas dri med du// sdud pa bzhin du dbugs rgyu zhing // 'gro rgyu lug dang 'dra ba ste/ / rnga 'brug bzhin du lus phyed kyi// 'gro zhing 'ong ba byed pa ni// thams cad lus la yid yin te// sgyu ma'i ri dgas bzhin du gnas// sgyu ma'i shing ltar shin tu snang / / chu bo'i nang gi me bzhin du// smin ma mig dang yan lag rnams// sgyur bas rgyal po bzhin du rtsa// sems dang sems las byung dang yid// yid kyi rnam par shes pa dag/ chos rnams 'di dag dngos po med// sprin gyi tshul du 'byung ba ste// kun gzhi thams cad sa bon 'di// bag chags rnams kyi yongs su bkris/ / sna tshogs gzugs kyi nur bu dang // 'ja' dang glog rnams ji bzhin du// lus can rnams kyi lus kyi yul// de lta'i gzugs su snang ba yin/ / lu ma'i pad+mo lta bur dag/ dri med ngang pa'i rgyal po bzhin// gsal ba gdon mi za ba'i rigs// sangs rgyas sprul pa bzhin du gnas// mtshan ma'i mthu las ming 'byung ste/ / mtshan ma rgyan las byung ba yin// mtshan ma ming dang 'brel ba ste// rkyen rnams kyis kyang rnam par gnas// mtshan ma tshul dang dbyibs dag las// rnam par rtog pa shin tu 'byung / / rnam par rtog pa skyed pa yi// rgyu la rnam pa gnyis su gsungs// phyi rol mtshan ma sems rnams dang // bag chags yid kyang de bzhin te// sem dang lhan cig ldan pa ni/ / khang pa la ni gnas pa yin// yid dang dbang por ldan pa ni// rnam shes lnga yi rgyu yin te// rtag tu yang dag ye shes kyis// 'jig rten rgyu la rnam par lta/ / de ltar byed dang bya ba med// de bzhin nyid 'di rnam gzhan min// thams cad chos kyi de bzhin nyid// phan tshun stobs kyis 'byung ba ste// rnal 'byor can rnams de ltar lta/ / de bzhin nyid du gsal bar mthong // rang bzhin yongs su grub pa ni// chos rnams chos nyid de yin te// brtags pa'i dngos po rang bzhin du// chos rnams thams cad ma skyes pa/ / stong pa ngo bo nyid med de// yod dang med pa'i phyogs spangs pa// sgyu ma rmi lam rnams dang 'dra// dri za'i grong khyer lta bu ste// skra tshogs rnams dang smig rgyu bzhin/ / du ba sprin stug lta bu ni// mtshan ma tshul dang dbyibs rnams kyis// ji ltar ming du 'jug pa yi// tshig dang yi ge mang po dang // ming rnam// mang po la yang ste// kun tu brtags pa'i rang bzhin gyis// gzhan gyi dbang ni de las gzhan// yid don dbang po 'dus pa las// sa bon kun nas bag chags dang // tha/ dad ma yin sems dang bcas// rnam par shes pa kun tu 'byung // gzhan gyi dbang gi rang bzhin yang // phan tshun stobs kyi rgyu las so// so so rang rig shin tu pra// mthong ba'i chos la gnas pa ste// rang bzhin yongs su rdzogs pa 'di// 'phags pa rnams kyi spyod yul lo// 'phags pa'i rang bzhin zugs chud pas// sangs rgyas rnam dang sangs rgyas sras/ / rang bzhin yongs su rdzogs pa ni// yang dag mtha' ru gzigs pas na// skye ba zad ces rnam par gsungs// rangs pa'i lam yang non ces so// byas kyis gzod yang bya ba med// phyin chad 'byung ba med do zhes// sdug bsngal kun las rnam par grol// g.yo ba thams cad shin tu 'byung // bag chags ma lus bsregs bas na/ / rnam par rtog pa mi 'byung zhing // bdag med shin tu mthong ba ni// chos dang gang zag bsgrags pa ste// sa bon rnams dang bral bas na// sem kyi tshogs rnams mi 'jug go/ / thog ma med pa'i dus bsags pa'i// yid kyi gnas ngan len rtog pa'i// spros pa thams cad mngon bsal bas// mya ngan 'das pa lcags bsregs bzhin/ / ji ltar rab tu bsregs pa'i lcags// bsil bar gyur kyang 'jig pa med// de bzhin grol ba thams cad kyang // ma zad bzhin du bsil ba yi// zag pa med pa'i chos dbyings su/ / bzhugs pa stug po'i dkyil 'khor na// rgyal ba rnams dang rgyal sras bcas// ting nge 'dzin gyi zas gnas pas// mnyam par gzhag la mnyam gzhag cing / / mthong ba'i chos la bde bar gnas// rgyal po rnal 'byor can gyi yul// rnal 'byor 'di yin brtsam par gyis// de ste rgyal sras dge ba'i gnas// stug por 'gro bar 'dod na ste// sangs rgyas thams cad bzhugs pa'i gnas// zhing gi mchog ni stug po'o// de phyir rgyal po dge bar rtsom// rgyal po rnams la'ang dge bar gyis/ / ming ni mtshan ma'i mthu las byung // mtshan ma rkyen las byung ba ste// mtshan ma las kyang rnam rtog 'byung // grub pa rnams ni ma gtogs par// rdza la sogs pa dbang po'i yul/ / phung po yon tan ldan pa'i rnams// rnam par rtog pa'i mtshan ma 'di// skye ba la ni rgyu yin no// khyad par byed pa rnam rtog ste// gnas kyang rnam par shes par byed/ / 'gro dang mi 'gro 'gro ba yi// gti mug rnams kyang shin tu skye// ring po zung ngu kha dog dang // rtsub pa dag dang 'jam pa'i rnams// sgra dang dri la sogs pa'i yul/ / mngar dang kha dang tsha ba dang // yid kyi rnam par shes pa'i yul// ji snyed dge dang mi dge dang // 'dus byas chos dang 'dus ma byas// mya ngan 'da' ba ye shes yul/ / skad cig skad cig rab tu 'byung // byung zhing phyir yang log pa ste// de ni mgyogs par shin tu 'gro// rnam par shes pa rgyu las byung // yid dang kun gzhi rab 'brel bas/ / khab long lta bur shin tu 'khor// kha gnyis sprul pa ji bzhin la// yid kyi spyod pa de bzhin te// kun gzhi rnam shes yog par byed// gcig tu 'on kyang rab tu 'byung // / yid kyi rnam par shes dang bcas// rgyu yi dgos pa byas nas ldog/ bdag tu dgos pa'ang shin tu byed// bdag gir bya ba'ang 'phel bar byed// lus la drod kyang skyed pa ste// sna tshogs rnam par rab tu spyod// zas dang skom dang longs spyod dang // gos dang spos sogs rnam spyod dang // mchod pa dag dang rgyug par yang // mi yi lus ni 'dzin pa yin// gar dang gang po rtsed mo dang / / yid kyang rtag tu byed pa ste// sgra tshogs mgal pa bskor ba dang // dri za'i grong khyer rmi lam dang / smig rgyu la yang de bzhin du/ rnam par rtog pa kun tu 'jug/ ba bab kun tu 'khor ba'i sems// bdag sems khong du mi chung bas// lus dang snod kyi rnam par yang // phyang mo nyug pa ltar gnas pa'o// / nyam chung snying po med pa ste// rnam par rtog par rgyu med pa// bdag gis brtags pa'i don la spyod// mthong nas gnas pa gzugs brnyan bzhin// rgyal po rnam shes sa bon ni// lta ba'i yul du g.yo ba ste// bus pa'i tshogs rnams myos par byed// 'phags pa ma yin sa yi bdag/ rgyal po rnam shes gsum pa yi// 'jug pa rab tu bstan pa ste// 'di rnams dang ni bral grub pa'i/ / rang bzhin yang dag nyid yin no// bye ba phrag zhing ji snyed rnams// shugs 'dzin gyi ni mthong ba dang // 'phags pa mo'u 'gal bu yis kyang // lus dang lus che'i mdzes pa rnams// de dag las ni 'di dag 'phags// stug po'i zhing na'o sa yi bdag/ thams cad zhing na ci mdzes pa// de dag dpe 'am char mi rung // bde ba yod dang mngon dga' dang / / 'og gi zhing rnams bye ba dag/ de dag de na gang bzhugs pa'i// sangs rgyas de dag stug la bstod// stug ces bya yod sngon mtha' med// rang byang 'phrul pa de yin te/ / zag pa med pa'i sangs rgyas sar// 'byung ba gsum las 'das te gnas// de ni bde ba nyer len med// khyod dang nga 'dir spyod dang bral// ther zug mchog tu rtag pa ste/ / brtan pa stug po 'dus ma byas// yang dag sangs rgyas byang chub tu// 'tshang rgya 'og min gnas mchog tu// sangs rgyas ma gyur 'dod khams su// sangs rgyas mdzad pa mi mjed de/ / de dag stug pa'i zhing gshegs nas// sangs rgyas sprul pa bye ba yis// rtag tu rnal 'byor mnyam par gzhag/ sprul pa dag dang thabs cig rol// thams cad zhing du zla/ ba ltar// gang la gang gis dbang 'gyur ba// de la de ltar 'byung ba ste// 'phrul pa'i sprul pa dag gis kyang // sa bcu pa yi mdo mchog dang // sdong pos brgyan dang du ma yi// gang yang rnam par sprul pa'i mdo/ / dpal gyi 'phrang ba las bshad dang // rnam par snang ba'i mdo sde dang // sgyu ma dpa' las 'gro ba sogs// mdo sde rnam pa sna tshogs dag/ stug po rgyan nas rnam par byung / / stug po rgyan gyi mdo sde 'di// mdo sde kun las 'phags pa yin// rgyal po 'di la rim gror yang // rgyal po rnams dang bcas pas gyis// gzugs med 'dod dang gzugs rnams dang / / 'du shes med pa de bzhin te// gnas las 'das te sangs rgyas dbang // bzhugs so stug po'i dkyil 'khor na// pad+mo 'dra ba'i gzhal med khang // gzugs mang rnam pa sna tshogs ni/ / lha rdzas rmad kyi ye shes te// de bzhin gshegs pa'i rnam dag gis// rnam grol rnal 'byor can rnams dang // de na bcom ldan thabs cig bzhugs/ / stug po'i dkyil bzhugs bsam gtan zhugs// sangs rgyas sa mchog rnam bzhi la// de la bzhugs shing gzugs 'dzin pa// rnal 'byor mkhas pa nyid tshul gyis/ / de yi mtha' ma mi 'jigs pas// gzugs rnams dang ni yul rnams kyi// thub pa rnal 'byor mkhas pa'i rnams// gzugs kyi rnam pa sna tshogs kyang // stug po'i dkyil na rnam bzhugs shing // thams cad rnal 'byor can gyis bstan// ba bla gser dang zla 'od tsam pa ka dang rma bya'i mgrin pa pad+mo 'dra// de yi sa la bzhugs pa'i lha yi yang lha'i gzugs ni rnam par mdzes pa ste/ / de gzugs lha rgyal go ba ka dag glog dang 'od ma byu ru 'od bzhin du// la las bal chung sku dang na bza' lo ma rtsal sogs pa'i mal bzhugs par/ / mthong ngo nyi ma stong ltar shin tu rnam par 'bar ba'i sku gzugs mnga' ba la// thub can la las rnal 'byor dbang la sdug dbus chu skyes re re bzhugs par mthong // / thub pa'i thor tshugs tshogs ni lag gis 'gro yi mgo bo klad pa bzhin du ste// la lar gzugs ni rdo rje an+da rnyil gyis spras pa'i cod pan brgyan par ro// la las la lar thub pa de la 'khor lo ri mo nya dung bcas par mthong / / la las ji ltar nam mkha' rgyu ba'i lam la 'ja' zug bzhin du thub pa mthong // lha rdzas phyag sor can gyis sna tshogs yul can ri rab phyag tu rab gzhog cing / / khams gsum chu srin gnas dang chu gnas de bzhin pa glang rmig par shong bar mdzad// sbyin pa'i shugs kyis mi yi bdag pa'i gtsug gi cod pan rnams kyis rab mchod cing / / la la dag na rgyal dang rgyal po'i 'khor na dgos pa rnams la mkhas gyur cing // chad pas gcod par snang ngo stug po'i dbus na gzhan du rnam par snang ba ni// thub pa rnal 'byor mkhas pa'i ye shes rnal 'byor shin tu byed pa rnams la ste// rang gi yul rnams sngon gyi rgyal bas gsungs pa de dag rnal 'byor gyis ston cing // la las gnas dang lta ba yid dang blo rnams shin tu gzhan du gyur pa dang / / dbang dang ye shes rnam pa sna tshogs ting nge 'dzin dang yid bzhin sku mnga' bar// la las yul la chags med spyod yul rig pa'i blo yi bya ba gcod par te/ / 'di dang gzhan med bsregs med gyur pas tshogs bya med phyir mya ngan 'das par ro// snum dang 'od 'phro med pas ji ltar 'jig rten 'di ma bzhin shin tu mya ngan 'das/ / la las pha rol phyin pa'i mchod sprin mchod bcug mchod sbyin byed pa dag tu ste// sbyin dang mchod dang thub pa dag kyang rnam pa tshul bzhin mdzad par shin tu mthong / / bde ba yod ces bya ba'i zhing mchog den skyes bu yod pa de dag ni// mngal nas skyes pa ma yin bde bar 'bar ba'i 'od kyi dkyil 'khor can dag smra// lha rdzas gser ltar 'bar dang zla ba lta bu'i lus 'chang rnal 'byor can gyi bdag/ lha rdzas 'od bzang de dang gang yang mi nang rnal 'byor can gyi dbang po'i yul// de dag rgyal cher mi phopo rnal 'byor can gyi dbang po dag gi bde de la/ / gzhan du bdag cag nyid kyis bshams pa'i longs la spyod pa'i zhing gi me de dag/ mtha' yas 'od kyi bde ba can na rgyal ba'i sras rnams lha rdzas 'od 'khor can/ / rnal 'byar yang dag nyid mos thub dang khyu mchog bsam gtan bdud rtsi myong byed dang // rnam pa tha dad sna tshogs rin po che dag yal ga sbyangs pa'i naH tshal shing / / lha rdzas gsar phya'i khams la bsags pa'i zhing mchog de ni shin tu rnam par mdzes// gser dang rin chen sna tshogs me tog pad+mos de ni mchog tu rab tu brgyan// 'di ni sangs rgyas zhing gi gter yin dpe med de kun ming yang pad+mo skyes// thub pa de la dad cing bsam gtan mkhas la sangs rgyas sgyid la rab tu mos// bdag gis ston pa la ni bdag bstan yid can pad+mo dag las skyes pa ste/ / sangs rgyas zhing gi mchog na gnas pa'i mi ni bzang po'i mtshan gyis kun nas brgyan/ dpe byad bzang po'i bcas pas rmad du 'bar ba'i lus can dpal gyi be'u dang bcas/ / yod dang med pa'i rnam rtog rtog pa med pas dro med dag go/ de ltar 'di dag rnam par bstan nas rdo rje khyu mchog mthe bong tsam du gyur// srom rdul phran shin tu phra ba'i sgra yi brgya che'i gzugs su'ang de bzhin gyur// la lar bde gshegs rang rgyal nyan thos gzugs dang de bzhin sna tshogs gzhan dag kyang // gang dang gang la sems kyi spyod pa ji bzhin de 'dra'i gzugs kyi khyad par dag/ rnal 'byor mkhas pa rdo rje zhes byas mtshan med gzugs kyi yul dag rnam par spangs// de skad bshad nas yang smras pa/ / sna tshogs gzugs can rgyal ba'i sras// sa rnams de bzhin dbang rnams dang // ma nyams mngon par shes pa dang // sgyu ma lta bu'i ting 'dzin dang // de ltar yid bzhin lus kyang ste// / gzungs dang rdzu 'phrul rkang pa dang // rnam thar tha dad yang dag rig/ stobs dang 'jigs pa med pa dang // phung po khams rnams zag med pa// 'di dag gzhan du gyur nas 'thob// rtog pa'i sangs rgyas sa yang ngo // chos rnams lnga yi rang bzhin dang // rnam par shes pa brgyad rnams dang // bdag med gnyis po rab rtogs nas// gzhan du 'gyur ba 'byung bar 'gyur// yid bzhin lus ni bcu po dag/ sgyu ma dpa' bar 'gro bas bskor// mi zad smon lam bcu po dang // lam gyi rnams kyis shin tu sprul// rmi lam me long gzugs brnyan nam/ yi zla ba bzhin du mthong // rnal 'byor lam la thub pa'i rnams// sangs rgyas sa la zhugs pa dang // rgyal ba pad+mo'i gdan bzhugs pa// rgyal ba'i sras kyis mdun du byas/ / yod dam med pa'i phyogs bral ba// rdul phran rnam par 'jig rnams kyis// dri za grub pa'i rgyal po dang // lha yi gnas na 'khod pa'i tshogs// ri rab sa la 'dod rgyu zhing / / nam mkha'i dkyil nas 'khor spyod kyang // ji ltar snang bar ma gyur pa// de bzhin rgyal sras gces pa'i rnams// rnal 'byor med pas mi mthong ngo // rnam pa sna tshog gzugs dang ldan/ / sa dang zhing rnams bye ba na// rgyal ba mchog la mngon par mos// smon lam dbang la gnas pa'i rnams// pad+mo'i khang par rab tu skye// dbang dang bsam gtan sems pa dag/ zhing dang zhing du mya ngan 'da'// ting nge 'dzin las skye ba ston// lhun gyis grub par thams cad du// chur byung zla ba 'dra bar te// nyi ma lta bur khyad med pa// snang ba sems can spyod yul du/ / yang dag mtha' la mi reg par// ting nge 'dzin las rab tu ldog/ gru la gnas pa'i bung ba dag/ gangs chen mtsho la 'gro ba bzhin// gang du gru 'gro der rgyug ste/ / dpag tshad shin tu mang bar yang // thugs rjes nyon mongs dma' ba'i lus// sdug bsngal can gzigs de bzhin du// de dag 'byung ba rab tu ston// phyir ldog bdag med pa yang ste/ / 'jig pa dag kyang rnam mkhyen nas// zad pa'i dus su mi gnas pa// gzung dang 'dzin gyis 'phangs pa'i rnams// gzung dang 'dzin la spyod pa'i rnams// gzung dang 'dzin gyis bskyed pas na/ / mtshan ma'i gzhi med mtshan nyid med// 'khor ba'i rgyun gyis khyer ba'i rnams// yang dang yang zhing skye ba yin// chags med mtsho yi gter gyur la// gcig la gcig 'ju'i spre'u ltar yang / / byed pa grub la gnas kyis mthong // 'ju ba'i gnas dang rten med par// de bzhin rgyal ba rgyal sras rnams// sred pas rnam par dkrugs pa yi/ / rnam rtog sdug bsngal gnas pa'i rnams// sa yi gnas na nyon mongs phyir// rab tu byung dang phyir ldog dang // sbyin dang mchod pa dag kyang 'byung // 'di 'dra rnal 'byor can gyi chos/ / rnam pa sna tshogs bsgom par gyis// // 'phags pa rgyan stug po bam po gnyis pa// kun tu bzang po mi yi bdag gzi brjid chen po sna tshogs gzugs/ / byang chub sems dpa' sems dpa' chen po rdo rje snying po la smras pa// mthun pa dag la dbang byed dang // lnga gnas 'khod pa gzhan dag dang // rin chen khang pa sna tshogs na// gang yang stug po'i dkyil 'khod pa'i// rgyal sras rnal 'byor ldan pa dag/ gang gis stug ces bya thos te// thos nas nan tan byed pa'i rnams// gzhan 'gyur la gzhol ba dag/ gzhan du 'gyur ba'i tshul thos shing // ting nge 'dzin de'i tshul song ba// stug por ring por mi thogs 'gro// sangs rgyas yang dag 'gro la mos/ / 'gro ba 'dzin dang shugs 'dzin dang // 'jam dpal rnam par 'phrul pa dang // mthu chen 'phags pa 'jig rten dbang // zla ba la sogs gzugs dbang rgyal// blo gros shin tu zhi ba dang / / lte ba rdo rje rnal 'byor rigs// du ma mkha' yi bdag po dang // phyag na rdo rje blo chen dang // rnal 'byor can dang rgyal sras rnams// gang yang bye ba'i zhing dag nas// chos mnyan phyir ni 'ongs pa'i rnams/ / stug po'i rgyan la gzhol ba dag/ rgyal ba ma 'ongs mthong nas kyang // khong nas snying rje snying brtse ste// rnal 'byor ldan can dbang po'i gtso// sna tshogs gzugs la rab tu smras/ / rnal 'byor can gyi gcol dris// 'jigs med rdo rje snying po la// rin chen khams pa sna tshogs dang // dbang sgyur khang pa bzang por yang // ji ltar gang gis sna tshogs byas/ / sna tshogs gzugs can khyod kyis smos// dngos po kun gyi sna tshogs nyid// 'gro ba dag gi rab 'byung ba// rdza la sogs pa'i dngos po dag/ ji ltar chu 'jim thal zhar las/ / las su bya ba thams cad bskyed// 'gro ba 'di dag de bzhin byas// rnga dang pi wang sgra la sogs// las su bskyod las dbyangs 'byin te// de bzhin 'jig rten 'di la'ang ci/ / bskyod pa'i las las kun 'byung ngam// rang bzhin gsum po ji bzhin du// dngos po gcig la kun tu gnas// sa rnams 'di ltar thams cad du// 'dos dang dngos la rab tu gnas/ / de bzhin 'di dag kun kyang ci// dngos po gcig la rab gnas sam// gang phyir 'di ltar rgyan dag snang // khams gsum g.yo dang mi g.yor bcas// dga' ldan mtshe ma rab gnas dang / / dbang sgyur rnams kyis byas sam ci// mi 'am ci dag du ma dang // gya nom snang bas byas sam ci// 'og min thor tsugs can gyis sam// 'on tan gzugs med rnams kyis kyang / / lha rnams bdag po thams cad kyis// gcig tu 'dus te 'di byas sam// 'phrul pa'i sprul pa dag gis sam// rgyal ba khyu mchog gis mdzad dam/ 'on tan rgyal ba rgyal sras rnams// zhing gzhan rnam par bzhugs pas sam// rnal 'byor la mkhas rnal 'byor can// sangs rgyas zhing du bzhugs rnams kyis// sa rnams thams cad byas sam ci/ / gang la nor pa rab tu gnas// gang 'di nor pa snang ba dag/ smig rgyu rnams la chu bzhin te// rdza ma'i phyogs la yon tan bzhin// 'gro ba gang gis phyogs la gnas// yon tan mi 'bral yon tan can// yon tan med dang yon tan gnas// ma yin phan tshun 'brel bas na// yon tan tshogs su rnam par gnas// nor pa sna tshogs de bzhin du// gang la'ang de bzhin gnas yin nam/ / 'gro ba rnam pa sna tshogs rnams// sa rnams la ni gang snang ba// 'on tam tshangs pas phyung ba 'am// 'gro ba mthu bo che yis sam// khyu mchog gis sam spun zlas sam/ / ser skya yis sam rang gis sam// gces pa'i rkyen gyis byas sam pa// rang bzhin gyis sam dbang pos sam// dus dang phyogs kyis bskyed pa 'am// 'on tam ma rig sred pas sam/ / lha yi drang srong the tsom za// lha yi tshogs kyang de bzhin te// grub dang dri za'i rgyal po rnams// sa la gnas pa'i rnal 'byor can// 'on tam 'di dag mig 'phrul lam/ / 'gro ba dri za 'dra zhig gam// mi lam yin nam smig rgyu 'am// sngon med rnam par rtog yin nam// gzung dang 'dzin pa'i dngos por yang // kha gnyis sprul bzhin gnas pa 'am/ / 'on tam rang bzhin 'di med dam// 'khrul 'khor ro langs bzhin gnas sam// mgal pa bskor ba 'dra ba 'am// 'on tam skra yi tshogs lta bu'am// byed dang las kyis ma byas shing / / dbang po ku be ras ma byas// mchod sbyin sbyin sreg mchod 'bras sam// sbrang gi gzhung gi lam gyis sam// rgyu rnams shin tu phal tshabs// nan tan rtag pa ma yin te// 'gro ba 'dzin pa med pa'ang min// rgyu rnams kyi yang rgyu dag ste// 'gro ba ngo bo nyid kyis grub// las kyi bag chags rnams las byung // rnam shes brgyad po'i skyes bu ni// kun gzhi zhes kyang bya ba ste/ / des ni sna tshogs 'di dag kun// rdza ma'i 'khrul 'khor bzhin du bskor// til bkrum til mar ji bzhin du// lan tshwa'i tsha bro ji lta bar// gzugs la mi rtog nyid ji bzhin/ / skyes bu 'di yang de bzhin gnas// ji ltar gsung la sogs la dri// yon tan rnams la yon tan mtshan// nyi zla gnyis kyi 'od zer bzhin// de ltar skyes bu gnas pa yin/ / dgos dang byed pa med pa ste// yod dang med kyi phyogs kyis spangs// gcig dang tha dad med pa ste// mur 'dug phyogs kyis rnam par spangs// rjes su 'gro ba'i shes pa med// nam yang rnam par mi rtag ste// grol ba'i so so rang rig pa// sangs rgyas sar skyes thub can gyis// gzung dang 'dzin pa med pa ste// snga med sems dang sems byung gis// rnam shes brgyad dang bral ba ste/ / nam yang rnam par mi rtag ste// de la gnas pa chu rlabs bzhin// phan tshun mtshan nyid tha mi dad // 'byung zhing phyir yang ldog pa ste// de yi ldan pa rigs pa min/ / ji ltar thub pa'i rnal 'byor dang // rdzu 'phrul can gyi rdzu 'phrul bzhin// mnyam par bzhag pas rab tu mthong // rnal 'byor 'gro ba gzhan gyis min// de bzhin 'jug pa'i rnam shes rnams/ / de dag kun gzhi lhan cig gnas// rnal 'byor can gyis rtag tu mthong // sangs rgyas sangs rgyas sras de bzhin// des ni 'di dag thams cad kyang // ji ltar nor bu phug pa'i rnams/ / skud la brgyus dang 'khor lo bzhin// las kyi rlung gis skor byed pa// ji ltar rdza mkhan 'khor lo dang // lag dang thal zhar bskor ba yis// kun tu bskor cing snod byed pa/ / yon tan sna tshogs rnam par ldan// de bzhin rnam shes brgyad kyi mi// khams kyi gzugs mnyam lhan cig tu// sa ni rnam par byed pa ste// phyi nang rgyu ba'i 'gro ba rnams/ / gang la 'jig rten 'di dag kun// nam mkha'i skar tshogs ji bzhin du// gnas shing rnam pa sna tshogs rnams// rlung gi rta yis shin tu bskor// ji ltar mkha' la bya rnams kyi/ / rjes ni snang ba ma yin te// bar snang yod pa ma yin na'ang // bya rnams rgyu ba'i byeng pa med// de bzhin rnam par shes pa'i mi// bdag yod ma yin gzhan med min// rnam dag par snang 'dra ba dag/ dba' rlabs bzhin du rab tu 'byung // bag chags rnam pa'i nyes pa yis// mi chags pad+mo zla ba bzhin// pad+mo la ni chu med min// chu la zla gzugs med pa yang // chu song zla ba yod pa ste// pad+mo'i 'dab ma de bzhin du// mig la bud med gzhon nu dag/ mig gis mthong bar cir mi 'gyur// de bzhin kun gzhi rnam par shes// las rnams cig/ car byed pa ste// 'gro ba dag gi lus la ni// khyab gnas sa bon can kun no// stug po'i sprin dang 'dra bar yang // sa rnams yog par shin tu gnas// tshe dang rnam shes kun nas yog/ drod kyang de bzhin stobs chen bgyis// sna tshogs gzugs kyi lus can gyi// rnam pa sna tshogs gzugs kyang rtsom// rdza mkhan ji ltar sa snod la// spyod pa ji bzhin de lta'o// ba glang sogs pa'i ru mthong zhing // bong bu'i rwa ni med pa ste// ma mthong bar ni med pa med// ba glang rwa ni med pa yang // phyin ci log tu dmigs pas med// phyin ci log gis mam sems la/ / shin tu phra ba'i rdul bshig na// yod pa de dag med par 'gro// med pa yod pa'i rgyu las te// med pa yod ces rtog pa ni// yod pa med las bltos pa ste// phan tshun ltos pa'i rgyu las so/ / blo dang rtog par bya med de// khong du chud pa skye ba med// mas me'i 'khor lo 'khor lo min// ji ltar sgra tshogs mthong ba bzhin// dri za'i grong khyer sgyu ma dag/ ci zhig mthong nas 'byung ba bzhin// blo yi 'byung ba rgyu med par// yod pa ma yin rnam rtog pa// rtog bya rnam par rtog pas bskyed// lus can rnams kyis yid skyes te// ming dang 'du shes 'brel ba dang / / rang bzhin gnyis kyi bag chags kyis// mi yi sems ni rab tu 'byung // grub pa'i don ni mi skye'o// thog ma med pa'i dus nas bsags// gnas ngan len gyi yul las byung / / rab tu spros pas bsgos yid las// sems kyi tshogs ni 'byung bar 'gyur// gzung dang 'dzin pa'i dngos por yang // kun tu skye ba'i mi yi sems// rdza la sogs pa'i gzugs kyi dbyibs/ / snang ba gzhan yod ma yin te// 'di dag thams cad blo tsam pas// rtogs bya'i dngos po yod pa min// blo dang rtogs bya'i dngos por ni/ / bdag nyid rab tu 'jug pa ste// byis pa rnams kyis mi rig pa// bag chags rnams kyis sems myos rnams// rnam pa brgyad dang rnam bdun dang // dus gcig tu yang 'byung bar 'gyur/ / sngon med bag chags ldan pas na// kun gzhi sa bon thams cad can// rgya mtsho'i dba' rlabs ji bzhin du// rlung gi rkyen gyis bskyod pa ltar// gar byed cing ni rab tu 'byung / / rnam par rgyun kyang mi 'chad do// blo yi 'od pa de bzhin rtag/ yul dang reg pas bskul ba'i phyir// sna tshogs bdag rtog rnam shes kyis// bdag la bdag gis 'dzin par byed/ / ji ltar sa la rnam rtog med// 'gyur med rnam pa sna tshogs gzugs// dgos pa'i rnam par gyur pa ni// de 'dra kun gzhi rnam shes la'o// ji ltar mi zhig lag pa yis/ / rang gi lus la mnyed pa dang // phyogs kyi glang po bdag lus la// bdag gis sna yis chu 'thor dang // ji ltar shed can la la dag/ bdag gi lus la sos 'debs pa/ / de bzhin blo ni brtag don la// don gnyis tshul du 'jug pa'o// blo yi yul du bya ba 'di// khams gsum rnam par khyab par gnas// phyi dang nang gi bya ba yang // rnal 'byor mkhas pas mthong ba yin// sangs rgyas rnams kyis 'di kun gzigs// sa la ji snyed snang ba dag/ rnam pa sna tshogs dbyibs kyi gzugs// sa la rnam pa sna tshogs so/ / chos 'di yang dag bshad pa dang // rdo rje snying po 'jigs med pa// mi smra'i dngos la dgar 'gyur te// bsam gyis mi khyab chos dbyings kyi// lha yi bsam gtan mi g.yo ba/ / sangs rgyas spyod yul bzhugs pa dang // stug po nas ni 'ongs pa'i gzugs// mthong nas rnal 'byor lam gnas pa// thub pa de yis lha rdzas lus// rnal 'byor gtang ste yang gnas so/ / 'o dod dang gzugs dang gzugs med dang // 'du shes med pa'i gnas rnams kyi// mun pa'i tshogs nas phyir byung ste// stug po de nas 'dir 'ongs so// sangs rgyas rnams kyi bzhugs pa'i gnas/ / sangs rgyas zhing ni mchog rab nas// gzugs kyi rnam pa du ma yi// sangs rgyas sku yang rnam byung nas// mi yi khams na rnam par 'phrul// su blo ci 'dod phan par ro/ / stug po yi ni ming phyung nas// rgyal ba'i sras po thams cad kyang // phan tshun gcig la gcig bltas te// gcig la gcig ni rang smras pa// stug po dri med bsod nams te/ / sdig pa thams cad 'jig par byed// rnal 'byor can gyi gnas kyi mchog/ sangs rgyas zhing gi dam pa phul// yu bus de yi sgra thos te// thos nas bdag cag dga' ba'i yid/ / stug po rnal 'byor can gnas kyi// brtan lam bdag cag thob par bya// 'og min tshangs pa thor tsugs can// gtsang ma'i gnas kyis rnam spangs pa/ / zhing gi ngo mtshar ltad mo dang // sangs rgyas rgyal ba'i sras kyi yab// tshangs pas de tshe gsol nas su// gtsang ma gnas kyi 'jigs med rnams// de dag thams cad sems pa ni/ / tshangs pas stug por 'gro mi 'gro// tshangs pa rnal 'byer chen po can// mun pas de dag bslad par gyur// thub pa mi shes thub rig gi/ ji ltar gnas ni thub par 'gyur// tshangs pa de na kun tu sems// blo yis tshangs pa rig pa'i mchog/ 'dod dang gzugs kyi bdag po dag/ rgyu ba de na med pa ste// nam mkha'i khang pa gnas rnams dang // 'du shes med pa'ang de bzhin te/ / mur 'dug gzhan la grags pa yi// rnal 'byor can rnams der mi 'gro// bdag gis bya ba byas sam ci// bsams te 'dir yang 'ongs par gyur// bdag 'gro'am brtan zhing brtag pa yis/ / ther zug 'dus ma byas stug tu// gal te yang na thub pa de// rnal 'byor mnga' ba lha'i yang lha// mthu yis rnal 'byor mkhyen rnams kyi// pho brang stug po der 'gro'am/ / thub pa de la phyag 'tshal lo// de skad smras nas ther tshugs can// mthong ba shin tu 'bar ba yi// sangs rgyas lam na bzhugs pa rnams// gsungs shig gsu shig thub pa'i rnams/ / khyod la ci 'tshal ci gyis shig/ sangs rgyas dbang po bka' stsal gsol// stug po ji ltar 'thob par 'gyur// gzugs yul 'di las phyir log cig/ der 'gror med pa gzugs can rnams// stug po de ni thub can yul// bla na med pa'i sangs rgyas zhing // 'du shes med pas mi 'thob ste// de bzhin 'dod pa'i khams dbang gis// mur 'dug gzhan la grags pas kyang // rnal 'byor rig lam sdug mi 'thob// tshangs pa nyid kyis de gsung thos// mchod sbyin gsol ba'i zhal na ste// de ni de nas phyir log ste// tshangs pa'i gnas su yang song ngo // de yi phyir na der 'gro ba// tshangs pa yis kyang mi 'thob pas// gzugs med 'dod dang gzugs can rnams// der 'gro yod pa yod ma yin// ci phyir dad pa 'di 'dra rnyed// stug po'i dkyil 'khor mthong ba yang // rnal 'byor can gyi gnas kyi mchog/ de phyir ngo mtshar thob par gyur// sgyu ma'i ting nge 'dzin gyi yul// rnal 'byor can gnas stug po de/ / 'di ni gcig nas gcig tu thos// de nas byung bas rnam par bsnyad// sna tshogs tshig 'di thos pa ni// thub can rdo rje snying po yi// rgyal sras khyod kyis smra bar gyis/ / rgyal ba'i sras rnams nyan par 'dod// dbang sgyur rgyal po de bzhin gyis// gzi brjid chen po ma thogs shig/ mtshe ma rab dang dga' ldan dang // gtsang gnas 'jigs pa med pa'i rnams/ / thub pa'i bka' ni ma lus par// smra bar su zhig nus pa yod// gzhan du khyod dang sangs rgyas rnams// thub can thub pa bsnam bdag/ sangs rgyas yul ni bsam mi khyab// mchog gi gtso bo sangs rgyas kyi// rnal 'byor rnal 'byor med pa la// su yis ji ltar bstan par nus// mtshe ma rab dang shugs 'dzin dang / / dbang sgyur rgyal ba'i sras po dag/ gcig pa'i dbyangs su yang smras te// gsungs shig gsungs shig rgyal ba'i sras// rnam par 'phrul dang 'jam dpal dang / byams pa mi 'am ci yi bdag/ rnal 'byor can gzhan gang de ni// de dag smra ba smros shig grogs// nam mkha' las kyang sgra byung ste// lha dang sngags 'chang rnams kyis kyang // nas shin tu rnga brdungs pa// gsungs shig gsungs shig rgyal ba'i sras// de dag de skad smra ba na// thor tsugs can gyi tshangs pa 'ongs// sa 'khor kun la smras pa ni// stan gyi mchog la 'dug gnas te/ / ngo mtshar lha rdzas 'di ci zhig/ thub pa rnams kyi tshogs 'khor na// rnal 'byor dbang po thams cad dang // slob ma mkhas pa de dag kyang // khyu mchog thub la dri bar 'dod/ / rgyal sras rdo rje dbang po la// skabs 'di ci zhig su zhig la// rgyal ba'i sras kyis gsungs pa yin// ku ru'i bu dang di li ba// 'khor lo 'khor ba man 'tha' ste// yang na g.yo ban sha la// lha rdzas mi yi gtam brjod dam// nyi bu ig shwa ku la'am// de bzhin gzhu stong bdog pa'am// 'on tam gnas srung po la 'am// 'khor lo 'khor ba gzhan dag la'ang / / 'dod dang gzugs dang gzugs med gtam// 'du shes med gnas pa la 'am// nam mkha' mtha' yas rnam shes sam// 'on te cung zad med pa dag/ thub can rang sangs rgyas dag la'am/ / nyan thos rgyal ba'i sras la'am// sangs rgyas sa la zhugs pa yi// rgyal dbang rnams la gtam 'di 'am// 'di ci lha min lha sras sam// 'on te/ skar ma'i de bzhin nam// ji ltar gyur pa khyod kyis gsungs// bdag cag slob ma phyogs su nyan// bla ma'i tshig ni thos nas kyang // rgyal ba'i sras po thams cad dag/ phan tshun shin tu dpyod par byed/ / de yi ting 'dzin 'gro song rnams// rgyal ba'i sras rnams tshig thos pa// gtsug tor can las mngon du ste// slob mar bcas par nyan 'dod pa// gtsang gnas bdag po nyid kyang yin/ / thar zla blo gros mi zad dang // nam mkha'i dbang po 'gro ba 'dzin// mthu chen spyan ras gzigs dbang dang // rnal 'byor shes pa gzungs kyi dbang // / lha yi cod pan rnal 'byor dbang // gtsug na rin chen blo gros shing // lag na rdo rje zhi ba'i blo// lag na rin chen blo chen dang // 'di dag rgyal sras gzhan dag kyang // bye ba'i zhing rnams kun nas 'ongs/ / rdo rje snying po blo can la// de dag kun gyis rnam bltas nas// pad+mo'i stan la 'khod pa'i rnams// rgyal ba'i sras la gsol ba 'debs// zla chen rab tu bshad par gyis/ / rgyal ba'i sras rnams nyan par 'dod// 'das pa dag dang ma 'ongs tshul// da ltar byung ba'i gang tshig kyang // rgyu dang dpe yis rab gsal bar// khyod kyi zhal nas byung ba'i rnams/ / gdon mi za ba'i tshig 'di yang // khyod kyis rgyal ba de zhal nas// thams cad ma lus thos pa ste// skyon med de bzhin gshegs pa'i mkhyen// ting 'dzin dbang sgyur rgyal po yis/ / thams cad blo gros rnam bltas nas// rdo rje snying po 'jigs med kyis// rnal 'byor can la tshig smras pa// rgyal ba'i gsung rab ma lus par// smra bar sus kyang nus pa med// de yi byin rlabs ma gtogs pa// sangs rgyas rnams dang rgyal sras kyi// sangs rgyas kun la phyag 'tshal te// sangs rgyas byin gyis brlabs pa dag/ nor bu rin chen sna tshogs khang // dbang sgyur gnas bzang 'khod rnams la'ang // ye shes dad pas smra bar bya// sangs rgyas rigs byed tshul yin te// nga las 'di dag thams cad nyon/ / de bzhin gshegs pa'i ye shes dag/ rgyal po rnams la gtam 'di min// mi bdag mchog rnams 'das pa la'ang // 'di ni sangs rgyas rigs kyi gtam// sdug dkyil phun sum tshogs rnams kyi/ / rnal 'byor can gyi rnal 'byor yul// sangs rgyas rnams kyi phun sum tshogs// de bzhin gshegs pa ye shes phra// rtog med rtog pa spangs pa de// so so rang rig mkhas pa'i yul// brjod pa dang ni rnam par bral// de ni smra bar dad pa med// bdag gis de yi mthu thos pa// lha rdzas kyi ni ye shes dang // ting nge 'dzin gyi me tog gis/ / rdzogs pa'i sangs rgyas gsungs pa ni// stug po'i dkyil du mnyam bzhag pas// thams cad phyogs las rnam grol zhing // yod dang med pa'i phyogs spangs pa// yod dang med pa'i phyogs dang bral/ / dbu ma'i lam ni dge ba ste// gzhan du 'gyur ba'i lha sras tshul// sangs rgyas sa la 'jug par byed// dbu ma'i lam po de nyid kyang // mtha' bzhi rnam par spangs pa ste/ / rnam par rtog med dmigs med pa// stugar gnas pas shin tu mthong // thub can de nyid lam shes pa// bdag med ye shes mkhas rnams kyis// bla ma'i tshig 'di thos pa dang / / rnal 'byor can rnams thams cad kyang // rkang pa gnyis la mnyam btud nas// rdo rje zhes la smras pa ni// rnal 'byor can rnams nyan par brtson// skom pa rnams ni chu tshol bzhin/ / khyod kyi zhal nas btung 'dod pa// tshig gi sbrang rtsi bung ba bzhin// rnal 'byor dbang po yang dag gsungs// rgyal ba'i sras rnams shin tu nyan// rnal 'byor can rnams rnal 'byor blo/ / ye shes dbang po 'phrul can rnams// zhing gi bdag po rgyal po rnams// rnal 'byor lam ni rtog byed pa// bde gshegs bka' ni nyan par ro/ / khyod kyi zhal nas rnam byung ba// rnam pa sna tshogs dka' ba'i sgra// khong du chud byed mtshan bzang dang // tshangs pa'i yang dag gshegs pa dang // dbang po'i don grags khyad par du'o/ / sna tshogs thub pa de yi gsung // sgra yi don la mkhas pa yi// de phyir bdag ni smrar ma mos// brtag bya rtog pa rnam par spangs// bar snang ri mo ji bzhin dang // grib ma sdong la sogs pas spangs// de ste snang na rmad du rung // de bzhin gshegs pa thub pa'i bka'// mkha' la bya rjes ji bzhin du// blta bar shin tu dkon pa bzhin// bzhin gshegs pa thub pa'i bka'// de ni bsten par mi nus so// sa rnams gsum du mkhas pa yis// dpe yis kun tu rab bstan gyi// dpe dang bral ba'i de bzhin nyid// thub pa'i zhal nas rnam par 'byung / / de yi tshig la dpe med de// rmi lam lta bur bdag la snang // rab rib mgal ba bskor ba dang // sla yi tshogs dang de bzhin 'dra// ji ltar sgyu ma'i / grong khyer dang // rlung ni shin tu blta dka' dang // sgyu ma smig rgyu 'jab ste// rnam rtog gnyis po rab tu spangs// 'on tam rnal 'byor sna tshogs pa// thub pa'i gsung ni de bzhin te/ bdag gis rnal 'byor can dbus su// bshad par de phyir dad pa med// 'di dag tham cad mkhas pa ste// de bzhin nyid blo shes pa'i rnams// sangs rgyas spyod yul bsam yas pa/ / de phyir smra bar dad pa med// 'on kyang brjod do thub pa'i rnal 'byor gyis// de ring bdag las nyon cig rgyal sras rnams// sna tshogs tshig gi don ldan bub pa'i bka'// dpe med sems dang yid las rnam par 'das/ / ji ltar bung bas me tog ro 'thungs shing // lhag ma gzhan dag 'thung bar byed pa bzhin// snying khu thub pa'i mchog rnams kyis 'thungs te// de yi 'thungs lhag bdag gis de ring bshad/ / de ni yid dang tshig gis kyang // bstan par nus pa ma yin la// lha yi lha yi yul yin te// mkhas rnams dge ba 'phel bar byed// mi yi gzugs su byas nas su/ / sangs rgyas zhes ni mtshan ldan pa// cod pan can dang gzhan la snang // gzhal med khang gnas gzhan la yang // 'od kyi dkyil 'khor 'khor lo dang // mtshan bzang rnam pa sna tshogs su/ / sa la sna tshogs snang ba ni// mur 'dug 'dus pa'i dregs pas sel// dus rnams bzhi po thams cad du// sangs rgyas rnams kyi dus dus la// stug na bzhug pas dus sprul te/ / rnam par bye ba rab tu mdzad// bzang dus de bzhin gsum pa dang // gnyis kyi pha rol dus ngan dang // de dag tu yang ci dgos pa// sa la lus can rnams kyi ste// ldan pa de dag thams cad mdzad// stug po'i dkyil na bzhugs shing ste// stug po de ni dri med gnas// sbyor chen rnams kyi bde ba'i gzhi// ngan dang gnyis// kyi pha rol mtshams// thub pa gzugs ni rnam bzung nas// dri med stug na rnal 'byor ldan// zla ba bzhi du 'gro la snang // sna tshogs 'gro ba gang shes kyis// sna tshogs gzugs/ su mdzad pa ni// gang la gang snang gang gis kyang // ji ltar gang la de bde ba// de dag de la thams cad du// de phyir cha yis mig la gnas// shes can yul can thub pa ni// rnal 'byor mkhyen pa shes pas snang / / dbang po che gzugs gzhan dag dang // 'jug 'dod kyi dang de bzhin gzhan// ser skya yi yang gzugs su ste// thub pa la lar mkha' bzhugs pa/ shes byed shes la yang dag snang // sa nad sa nad da na la// sa nad gzhon nu med dag dang // sgra gcan mi tsi tum bu ru// ig shwa ku dang zla ba'i rigs// thams cad sa yi rgyal po la/ / thams cad sar yang mchod pa ste// sku ni su su ci 'dod bzhin// la yar mur 'dug spyod sprul te// ston pa 'gro ba rnams kyis mthong // tshul gyis gtsug lag ston par yang / / de bzhin rigs par rab ston cing // rdo rje dngul dang gser dag dang // zangs dang lcags kyi 'byung khung dang // ro nye zha nye mu tig dang // pad+ma rA ga dang an+da rnyil// bai DUR+Ya dang shel dag dang // a sA ga rab mu sa ra// tshul dang brtag pa thams cad ldan// mkhan po bla ma kun 'gro dang // gang gis lus can su su dzir// sa la bde ba skye ba bzhin de la de bde thams cad du/ / thub pa'i rnal 'byor rab las byung // lha yi bu mos mi bskyod de// de bzhin dri za'i bud med kyis// 'dod khams dbang po'i bud med dang // de bzhin klu yi bud med kyis/ / mi tsi lha min bu mo dang // gnod sbyin bu mos de bzhin no// de ni 'dod pa'i yul las rgyal// gzugs can rnams kyis yul de bzhin// nam mkha' rnam shes mtha' yas dang / / cung zad med pa'ang de bzhin to// 'du shes yod min ma yin gyi// gnas na rnam par rmongs pa med// kun tu la sogs 'di dag lam// rnal 'byor can gyi 'ching ba'i dngos/ / ma zhi mi dge gzhan dag kyang // srog chags rnams kyis yod pa// lus can rnams kyi lus kyi yul// stug na gnas la stug na med// zhing de dri med bsod nams te// stug po snying po shin tu mdzes// de bzhin thar pa thar shes la// zhing gi nang na zhing gi mchog/ sangs rgyas rnams kyi zhing rab ste// stug po de ni yun du brtag/ mnga' rnams bcu po de dag dang // stobs dang mngon mkhyen ting nge 'dzin// yid kyi rgyu las byung ba'i skus// sangs rgyas de ni rnam par mdzes// sa rnams bcu po kun bsgoms te/ / rnam thar bden pa stong pa nyid// mtshan med smon pa med pa dang // pha rol phyin drug de bzhin te// bsgom dang sbyin dang tshul khrims dang // shes rab rnams kyis de sku 'thob// yan lag gzugs kun me tog gi/ 'dus ma byas pa sangs rgyas sku'o// rtog med rtog dang bral ba ste// bdag med yid dang dbang po rnam/ shes rab dbang po sgor ldan zhing // mtshan gyis kun nas shin tu bsags// sbyin dang tshul khrims la sogs kyis// dkar po'i las rnams byas pas na// sangs rgyas sku yi gnas kyi mchog/ stug po'i ris su 'thob par 'gyur// de bzhin gshegs pa'i lha rdzas gnas// nyi zla rnam par spangs pa ste// rgyu skar skar phran snang ba dang // zla ba dus dang ltad mo med/ / rnal 'byor can gyi 'od 'char dang // sangs rgyas rnams kyi 'od kyis kyang // kun nas bzang po'i stug po de// nyi ma bzhin du kun nas snang // dus kyi bri ba de na med/ / nad rnams gang yang yod pa min// 'chin med pa'i gnas yin te// stug po de ni zhing gi mchog/ thams cad gzugs ldan zhi ba'i gnas// dri med mthong ba'i chogs can gyi/ / sangs rgyas zhing sdug bsod nams te// lha rnams kun gyis smon par bya// rnal 'byor can rnams khyad par du// sa dang sa la gnas pa dag/ sems can rang bzhin dngos po rnams/ / gang phyir rab tu bstan pas na// yid dang sems dang kun gzhi'i tshul// rang bzhin gsum po de bzhin te// chos la bdag med rang bzhin can// gnas ni gzhan du 'gyur ba ste/ / lus ni shin tu gzhan gyur pas// thub pa rnams ni der 'dong ste// rnal 'byor can gyi gnas kyi mchog/ stug po'i zhing rab dam par ro// stug por 'jug pa zhes bya ba ste le'u gsum pa'o/ / // lus ni rdzas dgu'i rang bzhin can// 'dus byas rdul phran tshogs yin te// yon tan tshogs kyis rnam sna tshogs// 'byung dang 'byung gnas tshogs yin te/ / khu chu khrag las kun byung ba// sngon med rnam par 'phel ba ste// steng gzugs 'og tu 'gro ba yin// sdug bsngal 'khrul 'khor thog ma med// las kyi rnam pa brgyas kyang g.yogs// dug gi shing gi sa bzhin du// dpa' dang rdul gyis de bzhin du// mun pas kyang ni gsos pa ste// lam rgyud dog par shin tu 'phyan// dus kyis bskul cing rab tu skye/ / yon tan las kyis gda' ba ni// phyugs dang mi yi mngal skyes pas// klu dang yi dgas sha za dang // 'bar ba lha yi nang du yang // skye 'am lha min 'jig rten nam/ sngags 'ang rigs su de bzhin te// 'on tam rnal 'byor can dbus su// bsam gtan zhig cing mngon skye ba// 'khor lo 'khor rigs dam par yang // bar bar du ni skye bar 'gyur/ / skyes nas rig pa 'dzin pa ni// gang tshe dbang po 'phel ba na// su yi gang gis gang tshe las// lhan cig skyes par rang byung zhing // cig skyes pa'i las tshul gyis// lam dang lam du rab tu 'jug/ brtag med rtog dang bral ba yi// gang tshe chos ni mngon rtogs na// thar pa rnams kyi thar gsum ste// yi ge yi ge med byas pa'i/ / 'byung ba thams cad rgyu yi tshogs// de ni 'od snang mchog yin te// yang dag bla nas blar sbyangs pa// stug po'i dkyil na rnam par gnas// bye ba'i zhing dang mnyam lus kyis/ / sprul pas khyab par byas shing gnas// de ste de shes yod na ni// dog pa'i lam ras grol bar 'gyur// de lha'i skyes bu skyes pa ni// khyab par shes zhes rnam par spyod/ / lha pi lho yi yang dag gsungs// rgyal ba'i sras kyis mdun byas shing // mngal gyi skye bar 'byung ba ni// byas pa yin no mi rnams kyi// ma rig sreng dang las skyes min/ / nyon mongs las las shin tu byung // mtshan ma med pa mngon gyur cing // mtshan ma med las rab 'das te// yi ge med pa de byung nas// spros pa thams cad rab bral zhing / stug po'i dkyil du rab tu 'gro// dmigs las sems zhig 'gyur ba ni// rnal 'byor can gyi sgra rmongs par// rtse mo la sogs lha rdzas dang // mtho ris bud med snyan rmongs kyis/ / gang tshe thub can ma 'dug pa// de tshe sems ni 'byung ba ste// lam las bskyod ces bya ba yi// ting 'dzin 'dod pa'i khams skyes pa// gzugs dang gzugs med 'gro ba na/ / ting nge 'dzin ni rab tu skye// sems can 'du shes med song na// ting nge 'dzin las bral bar 'gyur// nam mkha' rnam shes mtha' yas kyi// ting nge 'dzin la dbang byed 'gyur/ / rgyal la gang tshe thub dbang gyur// gnyis dang bral bas byang ba yi// sems ni mngon par mi 'byung ngo // de bden do ni rnal 'byor te// bsam gtan pa yis bsam gtan yin/ / bsam gtan rtag tu bsam gtan bya// de ste sdug dkyil 'don na'o// mngal gyi skye ba 'byung ba zhes bya ba ste le'u bzhi pa'o// // rnam brgyad rnam pa dgu yi sems/ / ma rig 'jig rten rgyu yin te// 'di ni sems dang sems byung mthu// gang gnas rnam pa sna tshogs pa'o// de yi mthu yis 'jug pa ni// rnam shes rnams dang dbang po rnams/ / ma rig la sogs rnam pa 'di// rtsa ba'i sems ni brtan gnas pa// yan lag bcu gnyis thams cad dang // 'byung ba rnams dang 'byung gnas dang // yul dang dbang po 'jig rten dang // skad cig 'jig pa'i rgyu yin no// thub pa'i lha yi lngas gsungs pa// rgyu dang 'bras bu spangs pa ste// tshangs pa'i 'jig rten mthar thug gi/ 'gro ba dbang por bcas pa 'di// 'jig rten brtsal bsam skyed de/ / bdag nyid rdza ma bzhin 'jig pa// nang dang phyi dag rtag par te// 'gro ba gnas dang g.yo ba dag/ lha yi lha yi yul yin te// sa la lus kyang mi mthong ba/ / mar 'dug grags pa gzhan dag ste// thub grags mtshan ma can gyis so// phan tshun bcings pas bcings pa ni// sred pa sna tshogs rnam pas te// rnam shes myur du 'gro bas na/ / sems kyi rnam pa mi rtogs so// lo stong mtha' ru thug pa yi// mchod sbyin rnams kyis tshangs pa'i thabs// thob nas slad du ldog pa ni// sa ma ya ru rigs sems pa/ / 'dod sbyor bkrag srog 'bras bu dang // gang yang zla ba'i 'bras bu dang // mer gzhug pa yi 'bras bu dang // gang gzhan mchod sbyin 'bras bu dag/ phyugs bcings pa yi/ 'bras bu yang // tshangs pa'i 'jig rten nas ldog go/ chos gsum can gyi 'gro ba dag/ ci nyes mi rig thor tshugs can// yon tan gsum gyi 'bru 'brel ba// chu skyes bzhin du snying po med// 'di yis thar pa mi rnyed pa// stug po de bzhin gshegs pa'i gnas// de ni rnal 'byor gyis thob ste// stug po rnal 'byor rig pa'i gnas// de bas tshud cig tshangs pa'i bdag rnal 'byor can rnams 'jug brtson par/ / 'di la bdag gnyen gang dag kyang // skye zhing 'chi ba yong med de// mi chod gzhig tu med pa ni// lus can kun gyi rnam par shes// bag chags kyis ni mi gos pa/ / sngon med dus nas byung bas so// yid kyi gnas ngan len bsags pa// spros pas kyang ngo cir mi 'dug/ ji ltar lha rdzas chu skyes dang // nam mkha' la yang phyag dar dang / / sprin gyi dri mas nyi zla la// de bzhin mi gos rnal 'byor can// ma bshol rab tu brtson par gyis// thams cad sangs rgyas byin gyis brlabs// rnal 'byor bde gshegs lha yi rdzas/ / rnal 'byor can gyi tshul skyed pa// tshul khrims can gyi tshul 'thungs te// ye shes can gyis shes 'thungs shing // mchog gis ye shes 'thungs nas kyang // 'khor ba las ni 'da' bar gyis// 'di la khams rnams gang yang med// phung po lnga dang rnam shes kyang // ming dang gzugs dag rgyur byas shing // lus can rnams kyi yid kyang skye/ / ji ltar me ni shing dbang gis// 'bar te 'bar bar rtog pa med// de bzhin phung po shing rta stong // ci phyir rnal 'byor 'jug mi bya// ri dgas sred dang dri za yi// gnas dang sgra tshogs snang ba ru/ / ri dgas bus pa la sogs mthong // yang dag ma yin bltas bslad pas// de bzhin yul las byung ba'i sems// khab long lta bur 'khor ba ste// gang yang 'di la dngos med pa/ / 'byung ba rnams dang 'byung ba yi// g.yo ba dro ba gsher sa par// bus pa rnams ni rtag tu rtog/ 'byung ba sems kyi tshogs las ni// ci phyir rnal 'byor 'jug mi bya/ / ji tsam ma zhig lus yod dang // ji tsam du ni blo 'byung ba// de bar rnal 'byor ye shes la// ma bshol bsam gtan rab tu gyis// thams cad sgyu ma rmi lam ltar/ / 'byung ba gsum kun rab tu ltos// smig rgyu chu zla lta bu ni// ci phyir rnal 'byor 'jug mi bya// ji bzhin dri za'i grong khyer na// 'gro ba spyod pa rnam par snang / bzhin lus la phung po'i spyod// ji ltar rnal 'byor 'jug mi bya// rmi lam dag na 'gro ba'i tshogs// ji ltar rmi lam rmibs mthong // de bzhin phung po'i gnas yin na// ci phyir rnal 'byor 'jug mi bya/ / sa 'di sa la sogs pa'i tshogs// 'dus pa rdul gyi phung po yin// 'di sems sems byung tshogs yin par// rgyal ba'i sras rnams kun ltos shig 'byung ba chen po bzhi po rnams/ / phan tshul kun nas 'dus pa ste// gdeg pa la sogs ldan pa yin// ci phyir rnal 'byor 'jug mi bya// 'di ni rlung dang mkhris pas myos// ro bslas lta bur gnas pa ste/ / byed pa gang yang yod ma yin// ci phyir rnal 'byor 'jug mi bya// dbu ba'i gong bu lta bu kun// 'gro ba gnas shing g.yo ba rnams// smig rgyu 'dra ba'i 'du shes su/ / rdza la sogs pa shing du rtogs// tshor ba chu bur lta bu ste// bde dang mi bder rtog pa yin// chu shing 'dra ba'i 'du byed rnams// zhigs pa grugs pa snying po med// rnam par shes pa sgyu ma 'dra/ / de yi dngos la gnas pa med// rtswa shing gnas pa ji bzhin te// ci phyir rnal 'byor 'jug mi bya// 'di ni rmi lam rnam myos 'di// 'di ni sgyu ma byis pa 'dris// 'di dag/ thams cad sdig rgyu ste// de bzhin dri ba'i grong khyer ro// gang rgyan 'di dag sdang ba yi// khams gsum 'gro dang mi 'gro ba// 'di kun blo yis rtogs bya ba// 'jigs med rgyal ba sras rnams kyi/ / nyes pa'i rgyu ni rtsa dang bcas// ye shes me yis rab bsregs na// lha rdzas bde ba yod par 'gro// rnal 'byor can gnas stug por yang // 'jigs med 'di ni/ mtshan ma med// mtshan ma bcings pa'i ngo bo can// mtshan ma med pa rtag tu bde// mtshan ma sems kyi spyod yul lo// sems kyi spyod yul bden pa yin// bden pa blo gros spyod yul te/ / sems ni shes rab spyod yul te// mtshan mar gnas pa med pa'o// kye ma mtshan ma 'di kun yin// gnas gsum tshangs par grags pa ste// mtshan ma ming dang yul rnams dang / / sgra la sogs pa kun brjod pa'o// dbang po kun gyi yul rnams ni// lus can rnams kyi 'ching ba'i rgyu// bcing bar bya dang bcings dang rgyu// gang 'gro la gang gis 'grol ba dang / / thar dang thar pa'i bde ba dang // mthong ba'i chos la gnas pa dang // bdag med pa ru shes nyid kyang // 'dod chags bcom par gyur pa na'o// de nas mi bdag rin chen gtsug/ rdo rjen byang chub sems dpa' yis// rnal 'byor can kun dbang la smras// rdo rje'i snying po 'jigs med la// bye ba'i zhing rnams thams cad dag/ rgyal sras khyod ni brtson pa ste// rgyal ba rnams la khyod tshad de// rnal 'byor can la nye bar gnas// rnal 'byor bcom gcad pa ste// dpe rnams grub par bya ba'i phyir/ brtag bya yan lag thams cad dag/ lus can rnams kyi lus skyes pa// tshul ni sgra yis brjod par mdzad// tshig tu brjod par cir mi bgyi// gnas dang zung gis rnam par mdzod/ / mi zin pa yi rgyu rnams dang // bag bzungs nor gyis gzhom par gyis// phung po'i rgyu rnams bsal bar mdzod// yang dag 'gyur ba med pa dang // dge ba yis kyang mkhas pas so/ / ring po ma thogs thar pa 'thob// phung po'i rgyu rnams bsregs nas su// chos min chos kyis tshe 'byung ste// 'di dang gzhan du'ang 'thob par gyur// shes pas sdug bsngal rnams las 'grol/ / sred pa yis ni rtag tu bcings// mi shel las dang sred pa yis// lus can rgya cher shin tu byas// gzugs dang snang ba yid khyed dang / / rnam shes yul la mngon gyur pas// myur phyir khong du mi chud pa// spyod yul du ni sems rgyu ba'i// yid sngon 'gro ba chos rnams te// lus can kun gyi de bzhin no// yi/ 'gro yid ni gces pa dag/ yid du 'ong bas cir mi bshad// gang dang gang gis rdzas kyis su// mi rnams stug por 'grub pa yi// des ni de yis dngos 'gyur ba// sna chog gzugs kyi nor bu bzhin/ / ji ltar nor bu sna tshogs gzugs// tshon dang 'byor na rnam par mdzes// rnal 'byor can dbus khyod de bzhin// de bzhin gshegs gzugs sna tshogs kyi// dbang skyusbyar pho brang dag pa na/ / thams cad dag na snang ba ni// rgyal ba'i sras kyi mdun du byas// mya ngan 'da' dang mya ngan 'das// stug po mthar mchog ye shes te// chos kyi dbyings dang rdzu 'phrul yang / / stug de rnal 'byor can gyi gnas// de ni mtshon gyis mi chod de// de ni mas kyang mi tshig pa// mi chod pa dang mi phyed pa// de ni yun gnas rtag pa'o// de ni chus kyang mi gsher ro/ / rlung gis kyang ni mi skam mo// de ni rdza ltar 'jig pa dang // nan tan bya rjes byung ba ming // rtag pa brtan pa mi 'jig pa// skya can kun gyi rnam par shes// rgyu yis sun 'byung ma yin pa/ / 'dra dang mi 'dra rnams kyis te// dam bcas yan lag rnams kyi yang // mtha' ma thug pa med par 'gyur// dam bcas pa yi dam bca' dang // rgyu yi khyad par rgya dag ste/ / de bas de la rgal du med// rtog pa can gyi spyod yul min// rnam par shes pa gzhan gyur na// de ni stug po spangs pa'o// rtogs can rnams kyi yul ma yin// de bzhin gshegs pa'i pho brang stug/ ma skyes sngon dang mtha' ma med// lhun gyis grub pa'i stobs las byung // rgyu med pa dang las skyes min// dbang po chen pos byas pa'ang min/ / gzugs med gzugs dang 'dod pa las// yang dag 'das te gnas pa yin// 'dod pa'i khams las 'das nas su// gzugs dang gzugs med 'du shes med// myur ba'i rgyu las rab 'das nas// stug po'i zhing ni rnam par mdzes// phyogs 'di mkha' las grub pa ste// rgyu can rnams kyi spyod yul min// yod dang med pa'i phyogs dang bral// gcig dang gzhan pa spangs pa'o// gces pa dang ni rang bzhin min// 'dod rgyal dang yang dbang po min// khyu mchog gi yang phyogs ma yin// de bzhin rig can gsum gyi yang // rdul gyi rkyen las byung ba yin// sgra rnams kyis kyang brjod du med// ngo bo nyid kyis bskyed pa min// 'dod rgyal gyis kyang mi rnyed do// ma rig las dang sred pas min// mi shes las kyang smos pa min/ / khur khyer khur gyi yul yin te// 'di ni sangs rgyas rnams kyi yul// lha rdzas de bzhin gshegs kyis mkhyen// sa bcu dag tu rnam par sbyangs// rnal 'byor gyi nis tshogs yul/ / don gyi dam pa ston pa'o// las ci las min gang zhes te// byis pa rnams ni myos par gyur// las dang las min bshad pa na// rnal 'byor can rnams bder gyur pa/ sna tshogs snang bar rang sems te// lus can rnams kyi bdag nyid gnyis// phyi dang nang dang thams cad du// gzung dang 'dzin pa lta bur gnas// sems kyis sems ni mthong yin yang // khong du mi byung byis pa rnams// pa gnyis sems de lus can gyi// yin yang shes par ma gyur pa// bdag gi byed pa'ang de bzhin byed// yul lta bur yang rab tu snang // rdza ma la sogs gzugs su gnas/ / rdza la sogs pa'ang yod pa min// 'di yi don la thub pa dag/ rnal 'byor nyam chung rnam par myos// rnal 'byor de yang mi rtog pa// bdag gi rnam rtog lam gnas pas/ / sems 'di gnyis ka'i bdag nyid de// me long zla ba bzhin du gnas// ji ltar rab rib rab rib can// skra tshogs ltos shig ltos shig kye// phan tshun dag tu ston mod kyi/ / bdag nyes dbang po zhan byung gi/ 'di na gang yang sgra tshogs med// rgyan dang nor bu dag kyang ngo // yod dang med pa'i dngos po ltar// dbang po'i nyes pas mthong ba yin/ / de bzhin rtog can dbang gis 'di// bdag gi blo ni ji ltar gnas// tshangs la sogs pa'i gnas thub par// rtogs pa med pas rab tu 'dzin// gang 'di mang po snang ba dag/ sna tshogs tshangs la sogs pa'i mtshan// sna tshogs thams cad bdag gi sems// rdza la sogs pa'i yon tan mtshan// nang du gyur pa'i gzugs rnams dang // mtho ris gnas pa'i gnas rnams dang / / gang gi phyi nang bya ba rnams// thams cad sems las byung ba'o// rgyan stug rnal 'byor gang yin pa// de ni gud na yod pa min/ / rnal 'byor can gyi bsod nams kyis// zhugs pa 'di la bslab par gyis// dbang sgyur lha rdzas gnas dag dang // yang na gzugs can rnams gnas dang // 'du shes med pa'i gnas su 'am/ / 'og ma yin pa'i gnas su yang // cung zad mad dang rnam shes dang // 'du shes yod pa ma yin dang // sna tshogs kyi ni gnas dag tu// 'dod chags kyi ni phyogs bshig na/ / khyod ni myur du bder gnas pa// stug po rnal 'byor can gnas su// rgyal ba'i sras kyi mdun byas te// stug po der ni 'gro bar gyis// rnal 'byor da la spyad par gyis/ / bdag gi gnyen gyis ci zhig bya// bdag gi gnyen ni rtag tu 'ching // 'khor ba'i lam rgyud rgyu yang yin// dbang po rnams ni g.yo ba ste/ bud med rnams la blo/ 'khrul pas// khu chu khrag nam mi zhim pa'i// 'ji bar srin bu skyes gyur pa// dgu 'am bcu zhig pa dang yang // khu chu smin nas mngon par skye// dbang po rnams kyis kun yog pa/ / srin bu g.yo ba ji bzhin te// rim pa de yi tshul gyi na// ji srid sems can gnas par du'o// lus can rnams kyi skyel ltos// tshe tsher de dag byung ba ste// pa dang ma ni stong dag dang / / bu dang chung ma brgya dag kyang // thams cad gnas su rnyed pa ni// lus can skye la gnas pa'o// rmi lam dag na bu med pa'i// mo gsham bu 'byung ji bzhin du// / bu rnyed pa yi dga' ba dang // rmi lam mi tshe de nyid ldan// don shir gyur re nas de// rmi lam shes nas sad pa dang // rmi lam gyi ni bu shi med// gang yang skye ba yod pa min/ bo ra ba tshal bu dang // grong khyer dag dang ri rnams dang // grong dang tshong dus phyugs lhas dang // dka' thub tshal bu'i gnas rnams dang // 'gro ba dag gis rgyas pa'i yul// zhing dang ba glang lug gis gang / / 'jig rten gyi ni longs spyod kyang // de dang 'di dang gzhan du'ang snang // ji ltar 'jig rten 'dir rgyug pa// rmi lam rgyug pa'i de bzhin te// gdeg dang bskum la sogs pa yang / / de dang 'dir yang snang ba yin// mkhas pas rmi lam gang mthong ba// skye ba med cing 'chi med par// slar sad nas su sems pa ni// bu mo mkhas pa dag yin no/ / ji ltar ri dang de'u rnams kyi// grib ma kun tu snang ba bzhin// de ltar 'jig rter rmi lam yang // mkhas pa rnams ni de bzhin bsam// ji ltar skyes bu nyal ba zhig/ bud med lhan cig rtse dga' rmi// sna tshogs yid du 'ong ba dang // lha rab btsun po mnyam pa dang // gzhan yang sna tshogs dngos pos te// sang ras rnam par sems pa ni/ / ci zhig bden nam rmi lam yin// rmi lam bud med lhan cig tu// ces nas phyir ni bdag sad de// 'di brdzun byis pa srub yin// de bzhin bdag gi gnyen pa kun/ / rgyal srid stobs kyang de bzhin no// dmag pa gyos po bu dag dang // ma dang phu nu ba dag kyang // rmi lam lta bur rig bya ste// rnal 'byor sbyar bar cir mi bya// dka' thub tshal dang zhing rnams dang / / ri dang ri yi sman gshong dang // 'o ma 'byung dang mA la ya// lhun po byin 'da' dbang chen dang // gangs kyi ri dang ka yi las// char 'bab dag la gang gnas dang / / 'dzam bu 'bras bu'i khu ba dang // gang dag bdud rtsi za ba dang // phun d+hA ka ma bam par ya tra// ko bi dar na gang 'khod dang // ri rab nang na gang gnas dang // dpag bsam shing la gang gnas dang / / rang rgyal rgyal ba'i sras rnams dang // nyan thos rdzu 'phrul chen po dang // thams cad kyi ni rnal 'byor 'di// gang 'byung 'byung ba rnams kyi ste/ / pad+mo'i gnas su brtan bcas te// skyil mo krung du mnyam gzhag cing // rtag tu rnal 'byor sbyar bar gyis// 'dod dang bde las rnam par dben// dbang po dbang ba'i don gyi rnams/ / thams cad las kyang phyir bzlog cing // lcags kyus glang po ji bzhin du// sems ni mnyam par gzhag par gyis// 'jig rten 'jig rten 'das bsam gtan// gang yang de bzhin gshegs pa'i dge/ 'dod dang dga' ba dben la sogs// yang na thams cad bsgrags pa dang // khyad par du yang gzugs med dang // 'du shes med pa'i bsam gtan rnams/ / nam mkha' rnam shes mtha' yas dang // 'du shes yod min med min rnams// nyi ma dang ni zla ba'i dbyibs// pad+mo dang ni 'od 'dra zhing // nam mkha' ri mo med 'dra bar/ / rnal 'byor zhugs pas rab tu mthong // 'di dag thams cad spangs nas su// snang bar byed par rab tu gnas// gang tshe mtshan med rnal 'byor can// rnam par mi rtog chags med na// sangs rgyas bye ba rnams kyang mthong // zhing dang zhing na mnyam gzhag pa// de dag phyag gis dbang bskur bar// de yi spyi bor dbang bskur te// sangs rgyas sa la bzhugs pa dang // sna tshogs gzugs ni rab tu 'byung // sna tshogs tshul gyi dngos thob nas// kun mkhyen thams cad rig par 'gyur// stobs dang mngon shes dbang yang 'thob/ / gzungs dang thams cad ting nge 'dzin// thams cad kyi ni 'byung gnas 'gyur// thub pa rnal 'byor bskyed pa yang // gzugs ni rdul du rnam gzhig shing // mchog rdul yan chad nyid dben phyir// yod las med par 'gyur ba ste// bong bus pa glang rwa mthong zhing // cha shas med phyir cha shas can// phung po las ni phung can med// de bas las kyi 'bras gyur pa/ / 'di ni sgyu ma'i bus byas bzhin// 'di na las med 'bras bu med// las kyi sgrub pa'ang yod pa min// 'jig d+hAr byed pas ma byas te// byed pa byed pa ma yin no// byed la byed pa yod na ni// 'di rnams thug pa med par 'gyur// zug med byas pa'i nyes pa yis// thub pa dri ma can du 'gyur// da ste lam rgyud sna tshogs rnams/ / chu dang nam mkha' sa gnas pa'i// lus can lus la kun gnas te// skye ba bzang po gnas su ste// ris su 'gro ba yod pas na// ji ltar 'dod par lus can 'gro/ / dbang po so sa bya ba yang // ji ltar 'dod par yul 'dzin te// 'di ni rnam rtog rnam gyur pa// zho mar ji ltar 'o ma las// de bzhin skye dang gnas dang 'jig/ las kyis byas par 'gyur sems na/ / rmi lam dri za sgyu ma sprin// brag cha dang ni glog 'dra ba// smig rgyu ri dgas sred pa ltar// dngos po rnam bsgoms rnal 'byor can// thog ma med nas bsags pa yi/ / mi yi rnam spros bag chags kyis// sna chog gnas ngan len pa dang / sna chog rtog pas las su brtag/ dbang po sgyu ma lta bu yin// yul rnams rmi lam 'dra ba ste/ byed dang las dang bya ba yang / / rnal 'byor sgrub pas mi rtag go/ rtog pa nyams pa'i rtog pa can// rnam myos shes pa nyam chung bas/ byed par rab tu rtogs pa ni// bya bas 'gro ba byas par te// 'jig rten gces pas byas ma yin/ / rdul gyi rkyen las byung ba'ang min// rgyu med pas kyang byas ma yin// ngo bo nyid kyis phyung ba'ang min// rdo rje lcags dang khab long dang // rin chen 'phreng ba rgyan rnams kyi/ / ji lta bu yi las shig byas// nor bu gsar du ming btags pas// bya dang ri dgas khra bo dang // tsher ma rnams kyis rno dngos dang // 'gro ba sna tshogs ngo mtshar ba// rnam rtog las las ma skyes so// las cig gang las ma yin zhes// rtog can bden la mos pa ni// bden pa'i dngos por mi shes pa// 'di ni rnam rtog las min du// 'o ma'i nang na yod pa'i dug/ rjes su mi bde rnam par 'gyur// rnam par rtog pa'ang thams cad du// de bzhin dngos po rnams la 'jug/ dngos po skye ba ma yin te// dngos po rnam par 'jig pa'ang med/ / rnam rtog sna tshogs de dag ni// rtog pa can gyis mi rig go// 'gro ba'i ris kyi dngos po dag/ rnal 'byor spyod pas rnam par gzhig/ sbyar zhing rnal 'byor de la zhugs// las dang las min ma sems par// ris su 'gro ba'i dngos po yis// zla ba nyi ma rnam mdzes pa// rlung gis shin tu bskyod nas su// mkha' la rten pa med par 'gro// shin tu phra zhing shes dka'i las/ / stug por gnas pas rab tu mthong // las de ci zhig yod par 'gyur// zhugs brtson rnal 'byor can dag la// ji ltar me ni shing gi ri// thal bar byed pa skad cig tu/ rnal 'byor can gyi thams cad las// ye shes mes 'tshig skad cig tu// las dang bag chags lhan cig tu// mang po'i dus nas bsags pa dag/ rnal 'byor/ ye shes bag chags kyis// thams cad zhig byed skad cig tu// ji ltar sgron mas mun pa'i tshogs// skad cig tu ni bsal byed pa// ye shes sgron mas thub pa de// mi shes rnam par sal bar bya/ / rgyan stug po theg pa chen po'i mdo las// bdag gi las kyi bya ba sprad pa zhes bya ste le'u lnga pa'o// // bam po gsum pa// 'jim pa rtswa smig thag pa las// ji ltar gnas pa'i khyim gyi rnams// phan tshun kun nas 'dus 'byor cing // sa yi dbus na snang ba ni// re re la yang khyim med de// rdzas dang dngos la rnam brtags na/ / rdzas kyi rnam pa 'dus pa la// khyim zhes gdags shing brjod pa ste// sor mo phan tshun kun 'dus na// ji ltar lag pa'i phug ron du// lag pa gnyis ni bsdus las 'gyur/ / tha dad pa las mi 'byung ngo // g.yul dang shing rta bsnyems bral khang // grong khyer nags tshal de bzhin te// ri dang sprin dang dba' rlabs kyang // brag cha glog dang 'dra ba'o/ / smig rgya chu zla rgyu 'dra ba// snam bu rdza sogs grags pa ste// mkha' la dngos po thams cad kyang // rmi lam 'dra bar kun tu snang // de bzhin rnam pa sna tshogs pa/ / byis pa'i lam rgyud dog pan// khams kyis ri bzhin gyur pa ste// khyim ltar rtag tu mi brtan la// 'byung ba med cing 'jig pa med// bdag las ma yin Sh+Ta las min/ / rtag dang chad las rnam par grol// gzung dang 'dzin pa yongs su spangs// ji ltar driji za'i grong khyer ni// bdog tu zad kyang grong ltar snang // de bzhin rab rten rnam brtags pa'i/ / dngos po rnams kyang rab tu 'byung // chos rnams smig rgyu lta bu ste// yod med rnam bral dge ba yin// rmi lam sprin ltar snang ba ste// rtsig ngos ri mo phugs za'i/ / zha bo long ba 'dra ba ni// dngos kun kacig gis gcig rgyu ba// rang bzhin rtogs par mi rung ste// rnal 'byor can gyis yang dgu mthong // rdul phran rnam par gzigs pa dang / / rdul gyi dngos po mi gnas te// rang bzhin kun gyis mchog yin pas// rdul phran mchog ces de phyir brjod// de phyir blo ni phyir ldog ste// skal sog pa'i yon tan spangs/ / rnal 'byor mkhas pa'i rnal 'byor can// de tshe ngal ba so'i yid du 'gyur// ngal bsor yong ldan rnal 'byor can// bcings pa kun las grol bas na/ / 'di dang pha gir mi skye ste// bsam gtan tshul la mos pa rnams// sna tshogs rin chen snying po yi// gnas na dbang can de dag rtse// yon tan dbang phyug nyes pa med// rig 'dzin bud med mang po dang // thub pa rnams kyis rab mchod cing // rmi lam bzhin du gnas pa yin// 'di na gnas kyang tshangs pa dang // thub dang thub pa'i bu rnams dang / / rig 'dzin tshogs kyis de bzhin te// spyi gtsug blta bar mi nus so// 'di ni thub pa'i rnal 'byor yul// de bas bsam gtan brtson par gyi// 'di ni kun gyi yul ma yin/ / de phyir grogs po brtan par gyis// brtan pa sa rnams sna tshogs dang // 'od can rnams kyi gnas su yang // 'dod chags phyogs dang bcas pa dang // gti mug zhi sdang de bzhin du/ / bcom ste stug po rab yangs pa// yid bzhin zhi ba'i gnas su 'gro// de ni ci bdag yul ma yin// rnam shes spyod yul de bzhin min// mtshan ma med pa'i gnas yin te/ / rtog pas de bsgrub ma yin no// 'di ni lha rdzas gnas yin te// thug pa rnal 'byor ldan pa yi// de bas zhing mchog de 'dod na// thub pas bsam gtan de la gyis// 'dod chags zhe sdang rnam bcom s+ho// nga me dang yi 'gro med du// 'dod chags zhe sdang mi mnga' bar// bsam gtan mchog la bsgom par gyis// phan tshun yul la 'dzin pa'i phyir/ / gnyis kyi blo ni rab tu 'byung // yod med rtog pas de bzhin du// rnam shes rnams la kun gzhi'o// bud med ro spang shas rgyas shing // sla bzang mig kyang mdzes pa dang / legs dpral ba dbyibs sdug pa// sprin ma stug cing blta mdzes pa// ji ltar la la der chags pa'i// yid kyis rnam par myos pa'i sems// lta zhing rnam par rtog pa'i tshe// mkhas min de la shin tu mos/ / 'gro 'dug 'greng yang de bzhin te// snom za gnyid kyis log pa na'ang // 'dod can gzhan du mi sems te// 'dod pa can mo yid la byed// de bzhin khyod blo rnyog pa can// / rnam pa kun tu yod la gnas// rdzab yul rnyog dang ldan pa yi// bcings pa'i dbang du ma 'gro zhig/ ji ltar la la rtog pa can// blo yi spyod yul rnam 'khrul pa// ma he dag dang ba glang dang // glang po dag dang ba se rnams dang / / rang gi kr-iSh+Ta sa ra dang // sha ra ba dang su ra dang // rnyan dang g.yag kyang de bzhin te// mgo dkar rnam dang khyu mchog gi/ ru chan rnam par mthong ba dang // 'di bden gzhan du mi 'gyur zhes/ / seng stag bong bu sogs pa yi// rwa rnams la ni med ces te// yod dang med pa'i lta ba yang // mi mkhas rnams la rab tu 'byung // de ltar gzhan gyi rwa mthong zhing // bong bu'i med ces rnam rtog 'byung // ci ste gzhan gyis ma mthong na// bong ru med snyam de mi 'byung // log par dmigs pa'i rgyu yi phyir// 'di na med ces rtog par 'byung // de la dmig pa med pas kyang / / gdon mi za bar med la rten// rnyog can nga rgyal spyod yul la// blo gros spyod yul ma rtog cig/ ba glang ba men ma he rnams// rtog pas brtags pa ji bzhin te// de ltar khyod kyis sems spyod dang // phung po skye mched spyod yul dag/ mngon sum tshad ma dag gis sam// shes rab kyis kyang rnam par ltos// rnam grol ma ris 'gro ba 'am/ / ji ltar 'dod pa bzhin du'ang 'gyur// tshangs pa'i gnas su tshangs par ram// mtshe ma rab dang gnas bden dang // rin chen sna tshogs gnas su yang // dbang sgyur rnam par mdzes par 'gyur/ / 'ongad chung rgyas pa dag tu'am// 'dod khams bdag po dbang can nam// nyi zla ba dag bdag gnas su 'am// gzhan yang 'od 'bar gzar yang rung // sum cu rtsa gsum rgyal chen dang // 'phrul la dga' ba'i gnas su yang // tshangs gnas bcu dang ldan pa yi// rnal 'byor can ni rnam par mdzes// gya nom snang dang shin tu mthong // 'dod med mi dros de bzhin te// 'og min gnas kyi lha rdzas ni// 'og min shin tu rnam par mdzes// cung zad med mkha' rnam shes dang // 'du shes yod mang ma yin dang // de bzhin 'phrul gyi sde can dang // zhing bzang gzhan du de bzhin te// mkha' la 'gro dang spobs pa bzhin// 'khor lo 'khor ba'i rigs su gnas// grol ba rnams kyi grol de la/ su gnas de dag rnal 'byor can// 'dod chags stobs las sngon rgyal ba// de dag bzang po'i sa la gnas// 'di lha'i rnal 'byor ldan pas na// rnal 'byor la ni thub pa rtsa// rdza ma 'jig pa'i gyo mo yi/ / ji ltar rgyur yang 'gyur ba dang // skad cig 'jig la skad cig ste// mi rtag nyid kyang rtag pa yi// sa bor ji bzhin myu gu la// rgyu rnams de dang 'dra ba yin// myu gu gzhan mi na sa bon las// sa bon nyid kyang myu gu min// sa sngar rnams las rdza snar 'byung // chos nas dma' rung mngon par 'gyur// nag dang snar dang 'dres pa dang // gro bo dmar po dag kyang ste/ / 'dam bu las ni sgog par 'gyur// rwa las lan tshar de bzhin te// mi gtsang sbrang bu dag las kyang // srin bur 'gyur gzhan mi 'dra mang // rgyu dang 'dra ba'i 'bras bu ni/ / sa rnams gang na'ang yod pa yin// gyur pa'i rgyu las 'bras bu 'byung // rdul phran gang dag rgyur 'gyur ni// dngos po 'jig pa med par te// rnam par rtog la ma rtogs shig/ rgyu yi bdag dang nang gi bdag/ bdag gi mchog kyang med pa ste// bdag dang dbang po yid dang don// 'dus pa'i rgyu ni ma yin te// phrad las 'byung dang rnam shes dang // / rkyen rnams yod pa ma yin no// shes can shes pas yul rnams la// mkhas pa'i stobs dang ldan pas ni// snga dpung stobs dang gzhon bcas pa'i// nyon mongs bdud rnams gdul bar bya/ / sred pa'i 'jig rten dma' bar byed// sbrang rtsis bad kan mang po bzhin// sred pa bcom zhing thub pa'i rnams// rnam pa mang las rnam par 'grol// sred pas rnam par dkrugs pa ni// 'khor las rnam par mi 'grol te// sred dang rnam bral thar par 'gyur// de bas rnal 'byor sbyor bar gyis// yun ring yod pa'i bag chags ni/ / sbrul gdug khros pa ji bzhin yang // 'di dang pha gir 'drid pa ni// 'khod pa'i lam rgyud dog par ro// 'phags pa rgyan stug po las// rnal 'byor rnam par phye ba'i spyod pa zhes bya ba ste le'u drug go/ / / sangs rgyas rnal 'byor rnam phye dang // bdag ldan de yis byin gyis brlabs// rgyal ba dag dang rgyal ba'i sras// bya ba'i zhing ni bzhugs pa dang // khams gsum gnas pa thams cad dang // sa gnas rnal 'byor ldan pa dang // bde yod zhing dang stug po ste// rnal 'byor can gyi zhing mchog dang / sangs rgyas pad+mo'i dbus bzhugs pa// rdul phran bzhin bzhugs bdag gis mthong // rnal 'byor de las bdag langs nas// sa la rgyal ba de dag ni// stug po'i zhing na bdag bzhugs shing / / rgyal sras thabs cig bzhugs pa dang // me tog a ta si 'dra ba'i// mkha' la zla ba bzhin bzhugs mthong // mthe bo'i tshigs dang rab 'dra ba// sa rnams dag la rab sbyor ba'i// rnam grol snying po bdag gis mthong // 'din bu khyod su zhig ces// snying po de ltar sems gyur te// thub pa 'di ni gcig cig snyam// de tshe sku ru zhugs par gyur/ / 'gro ba rnams kyang skur zhugs nas// thub pa'i pad+mo'i snying po yis// sangs rgyas rnams kyi longs spyod dang // khams gsum srun gnas par gyur yang // gang tshe mthong ba de dus na// kye ma mtshar ches bsams pa dang // de tshe thub pa lha yi lhas// rnal 'byor yul ni rab bsdus te// thub pas sngon bzhin bzhag par gyur// kye ma bsam yas lha rdzas 'di/ / rnal 'byor can gyi sna tshogs gzugs// sangs rgyas lha yi yul yin te// bsam gyis mi khyab bdag gis mthong // chos kyi sprin gyi ting 'dzin dang // dga' dang mi g.yo de bzhin te/ / ring song mngon du gyur pa dang // 'od byed pa yi ma lus par// sgyu ma dpa' bar 'gro la sogs// gzi brjid can kyang ma lus par// gzungs rnams kyi yang yul yin te/ / 'og min thabs las byung ba'o// de ni yid bzhin 'gyur skur yid// dbang gi yon tan brgyad po rnams// phra sogs che ba'i yon tan dang // thob dang 'dod 'byor bsgrags pa dang / / bdag po dbang dang ldan pa dang // ji ltar 'dod par rung ba'i rnams// thob nas stug po'i dbus yul na// rnam par gnas shing rab tu rtse// sprul pa'i lha rdzas stug po nas/ / phyin pa dge ba de dag kyang // lhun gyis grub pa sangs rgyas kyi// 'phrul pa rnams ni rab tu 'gyed// rgyal ba rnams dang rgyal sras su// thabs cig bzhugs par kun na snang / / de ltar sa 'di sna tshogs te// rang gi gzugs ldan rnams kyang 'dres// cha las phyir log de yi tshe// bya ba byas pas stug po'i gzhi// shes pas bcad cing mkhas pa'i rnams// thub pa dag gis stug po mthong // gzhal med pad+mo 'dra ba na// me ltar rab tu 'bar ba yi// thub pa rnal 'byor bde mos pa// rnal 'byor can dang lhan cig gnas/ / dpa' be'u mtshan dang thams cad ldan// phra ba'i lus can rang gi 'od// de dag dbus su thub pa'i dbang // khyod ni gnas par rab tu 'gyur// ltos shig lha yis cod pan can/ / dru ma mi 'am ci yi bdag/ gzhal med bye ba mang po yis// zla ba bzhin du rab tu 'bar// thub pa rnams dang rgyal ba'i sras// dga' ldan la sogs lha yis mchog/ a ta sa yi me tog 'dra// shes rab bzang zhing mtshan mang ba// 'phreng ba cod pan thogs pa'i rnams// gzhal med mang pos gnas pa ste// lus ni rab tu 'bar ba dang / / kun mkhyen thams cad mngon gyur pa// thogs pa med pa'i spobs pa dang // kun tu bzang po stobs chen te// zla ba 'dra ba'i gzhal med kyis// stug po gangs chen mtsho la gnas/ / rnam pa du mar thams cad nas// thub pa rnams kyis bstod pa ste// chags med tshangs pa'i khyu mchog dang // grub dang dri za tshogs rnams dang // mkhas dang nges pa'i ldan pa yi/ / skyes bu'i tshogs kyi bdag po dang // rgyal ba'i sras kyis mdun du byas// rnam 'byor spyod pas khyad par du// gzims palta bar mthong ba ni// de dag la lo bral ba ste/ / gnyid dang snyom sogs bsrabs pa yi// sangs rgyas lha yi rjes su 'brang // mur 'dug kun gyis mthong gyur cing // de bzhin lha dang tshangs la sogs// 'dzam gling ba dang 'og min dang // 'phrul gyis sprul pas thub mthong ba// 'gro bas sna tshogs kun gzugs su// sa la kun nas zhugs par te// cho 'phrul rnam pa mang po yis// / mgon po shin tu rnam par mdzes// la la nyal zhing rab tu 'bar// de bzhin gzhan dag phan tshun 'chag/ la la g.yen spyo brel zhing bsgom// de bzhin gzhan yang mya ngan 'da'// / la la mngal du 'jug pa dang // skye dang 'byung dang dka' spyod dang // byang chub rnam par 'tshang rgya zhing // chos kyi 'khor lo bskor bar ro// sangs rgyas nyid dang sangs rgyas yul/ / sangs rgyas ye shes bla na med// rgyal ba'i sras po 'jigs med pa// de dag kun gyis 'thob 'gyur te// thub pa shAkya seng ga yis// ji ltar brnyes bzhin grogs po rnams/ / rgyal sras 'jigs pa med pa yis// 'di dag kun la yid ches kyis// yid ches gyur na sangs rgyas sam// thar par 'gyur ba the tsom med// 'khor lo bskor ba'i rgyal por 'gyur/ / spobs can khams kyi bdag po dang // tshangs la sogs pa'i gnas su yang // gnas 'gyur 'khor gyi bdag por 'gyur// dri med zhi gi pad+mo la/ / thub pa'i dbus su skye bar 'gyur// pad+mo'i dbus su skye ba yang // brtson 'grus ldan pa'i sras kyis 'thob// brtson pas bdud las rgyal bar 'gyur// bag chags 'dod pa'i rgyu las kyang // 'dod bdag bdag po pham byas shing // thag pa gcig la rab tu 'jug/ brtson 'grus ldan zhing zhum med pa'i// rigs kyang thub pa rab tu ston// sras po yangs pa'i rigs gyur cing // zhing dang zhing du bdag por 'gyur// sangs rgyas nyid du smon sems na/ / sangs rgyas rigs ni rnam par dag/ rnam dag rigs can sras de ni// sangs rgyas rnams kyis lung bstan te// myur du sangs rgyas ci 'dra ba// de bzhin thub pa 'tshang rgya'o/ / rnam sangs rgyas nas nyer 'tsho ba// tshangs la sogs dang rnal 'byor can// sa ltar rtag pa'i dus su yang // lus can rnams la nye bar gnas// thams cad sman gyi rnal 'byor can/ / ji ltar grong dang grong gnas pa// nad rnams rab tu sel ba ltar// rab tu mkhas pa de byed pa// rnam rtog med pa'i yid kyis te// bcad kyang kamo zhing 'gul ba med/ / 'di ni rnam par rig pa tsam// yid ni nang dang phyir yang spyod// bdag dang bdag gi med pa ste// nor bar mthong zhing mi g.yo'o// yid kyi rnam shes yul can gyi/ / kun gzhi kun nas gnas pa ste// bcad dang gcod par byed pa dang // de nyid gcad bya gcod pa'ang yin// lus can kun gyi kun gzhi ni// las kyi bag chags rnams kyis yog/ 'khar ba nor bu nyi ma dag/ ldan las me 'byung ji bzhin te// gtsub ma gtsub stan 'dus las min// mis kyang byas pa ma yin no// de bzhin sems yid rnam shes dang // dbang po don dang yid dang las// sems rnams rab tu skyer gyur pa// rgya mtsho dpa' rlabs ji bzhin no// smig rgyu nam mkha' sgyu ma dang // rmi lam ma yin nor pa'ang min// sbal pa rus sbal sbrul dag dang / / ri bong rA dang mnyam pa'ang min// me ni shing las skye bar 'gyur// glog ni de bzhin sprin las so// med la skyed pa su yang med// rdza sogs rdza mkhan lta bu'o/ / ji ltar rtswa dang shing dag la// brten cing lhan cig sgyu 'byung ba// de bzhin mos la sogs pa kun// sems dang sems 'byung lhan cig gnas// sems kyi yul ni bsam du med/ / stug na gnas pas legs par mthong // lha rdzas sngon med lhan cig skyes// mya ngan 'das dang nam mkha' bzhin// so sor ma brtags 'gog pa ltar// dus gsum rnam par spangs pa ste/ / 'od can rtag tu dag pa ni// lus can kun gyi kun gzhi'o// dang po ches pa'i zla mdog ltar// bye ba'i zhing du snang ba ste// ri rab gnas shing 'khor ba yang // dngos po 'jig pa ma yin no/ / de bzhin yid sems rnam par shes// sems can khams na 'khor mod kyi// de la 'phel zhing 'bri med de// rtag tu rang bzhin 'od snang ba'o/ / ji ltar zla ba skye 'bri bar// mi shes 'gro ba rnam rtog kyang // skye 'bri zla la yod pa min// gling dang gling du'ang rab tu snang // de bzhin kun gzhi rnam shes la// byis pa mi shes 'gro rnams kyang // rtag tu skye 'brir rnam rtog ste// de ni zag med sangs rgyas so// kun gzhi 'di la ji ltar yang // 'byung bas tha dad mi 'gyur te// 'jug pa'i rnam shes sod gnas pa/ / bag nags kyis ni zla ba bzhin// chu klung dbus kyi shing lta bur// chu bo'i klung dang 'grogs mod kyi// tha dad mtshan du'ang rab tu grub// rgya mtsho chen por de bzhin 'gro/ / de sar kun ga'i rnam shes kyang // rtag tu bag chags ldan 'gyur ba// rnam par shes pa bdun po dang // 'grogs kyang 'dri ba med pa sti// kun nas nyon mongs nam byang dang / rnam par dag pa'i rgyu yang de// chos mthong 'phags pa rnams kyi yang // de ni rnal 'byor mnyam gzhag pa// byol song mi dang lhar skye dang // sha za lto 'phye yi dgus dang // lha mi ni dri za 'bar ba yi/ / lam rgyud kun kyang de yi dbang // sangs rgyas kun gyi gzhi mdzes la'ang // de nyid rgyur ni gyur pa ste// de rtogs nas kyang sangs rgyas dang // rigs dang theg pa gzhan min 'gyur// thams cad lus la rtag tu gnas// spyod lod yod la rnam par 'dug/ dpal dang ldan la khyad par du// thams cad nas kyang rab tu gnas// rab dang 'bring dang tha ma la'ang // 'gro/ bdog pa thams cad na// de ni kun tu gnas pa ste// lus can rnams kyi lus la bsten// 'bras bu'i bdag dang rgyu yi bdag/ nang gi bdag kyang de nyid la// byis pa rnams kyis 'khor zug brtag/ de yi dbyibs la thog ma med// gnas ngan len dang las kyis bskyed// bag chags thog ma med la sogs// 'tsho zhing gso bar byed pa ni// rnam par shes pa bdun po ste// yid ni rtag tu rlung dang mnyam// g.yo zhing myur bar rab tu 'jug/ lus can rnams kyi lus gnas shing // khams kyi gong la gnas pa'o// las kyi rlung gis bskyod pa ni// dbang po rnams la khyad par gnas/ / rnam shes bdun dang lhan cig tu// dba' rlabs bzhin du rgyu ba ste// rdul phran dus dang gtso bo dang // de bzhin skyes bu dbang bcas su// kun gzhi gcig phu dge ba ste/ / rtog pa can gyi ther zug brtag/ rtag tu sna tshogs rnam pa'i gzugs// g.yo zhing myur 'byung byed pa ste// kun gzhis rnams thams cad du// phyi nang bcas par gnas pa yin/ / de ni sa yi rgyu yin par// rgyu can rnams kyis brtags pa ste// de yi 'gro ba shin tu phra// rtog pa can rnams myos par byed// bdag don dbang po yid myos pa'i// yang dag ma mthong myos par 'gyur// sngon gyi las kyis bskyod pa yi// rnam par shes pa sred pa'i rgyu// sna tshogs gzugs can 'gro ba dang // mi rnams kyi yang rgyu yin no/ / 'jigs meng rgyal ba'i sras rnams la// rdo rje snying pos yang smras pa// kun gzhi dang lugs dge ba ni// rgyal sras rnams kyis mthong thos te// kun gzhi mchog tu dge ba ni/ / thams cad lus la zhen pa ste// sum cu rtsa gnyis mtshan ldan zhing // rnam pa sna tshogs gzugs mnga' ba'i// rgyal ba'i 'khor lo 'khor bar yang // sa rnams la lar 'gro bas mthong / / ji ltar zla ba skar tshogs dang // lhan cig mkha' la gnas pa ltar// rnam shes rnams dang kun gzhi yang // de bzhin lhan cig lus la gnas// ji ltar dbang gis bsgyur ba'i lha// lha yi bu mos mdun bdar zhing // bde tshan dbus na rnam mdzes pa// de bzhin kun gzhi sa rnams la// ji ltar chu dbang chu yi lha// chu klung rgya mtsho mching rnam la/ / 'di bzhin skye ldan sa yang ste// de bzhin sems ni rnam par mdzes// ji ltar gzhal med gnas pa'i nyi// ri rab logs la rnam par mdzes// lha rnams kyis ni phyag kyang bya/ / de bzhin kun gzhi sangs rgyas sar// sa bcu dag la lhan cig tu// spyad pa spyod pa rgyal ba'i sras// theg pa chen pos phyung ba ste// lus la gnas pa rnam par mdzes// brjod pa'i zhal gyis rtag par yang // rgyal ba rnams ni kun nas stong // nyan thos rnams dang rang rgyal dang // rgyal ba'i sras rnams khyad par du// sa dang sa la rnam dag pa// rgyal ba'i sras zhes mngon bsgrags dang / / rgyal ba dag dang rgyal ba'i sras// de dag kun gzhi 'di la brjod// lung ston lung bstan 'gyur ba yi// rgyal sras rgyal ba de bzhin te// kun gzhi dri med bsod nams kyis/ / de bzhin gshegs par 'gyur ba yin// 'di lta bu yi kun gzhi yul// stug na gnas pa'i rnal 'byor can// thub brtson rnal 'byor spyod pa yis// rab tu mthong gis rnal 'byor gyi/ / sangs rgyas dag dang rang sangs rgyas// nyan thos rnams dang mur 'dug gzhan// de nyid rtogs nas mthong ba ni// rnal 'byor 'jigs med rnal 'byor ro// rnam par shes pa'i spyod yul gang / / 'di ltar snang ba ci yang rung // rnam par shes par gyur pa ste// rdza la sogs pas ma yin// 'di ltar nor pa gang snang ba// sna tshogs rdza grags ci yang rung // de ni kun gzhi gyur pa ste// snang ba nor ba'i mtshan nyid do// kun gzhi chu klung de bzhin du// sna tshogs snang mngon 'gro bas mthong // bag chags rnams kyis bsgos pa'i sems// gzung nga 'dzin pa rab tu 'khor/ / dngos po sgyu 'dra ma yin te// sra yi tshogs dang smig rgyu min// skyes dang ma skyes ma yin te// stong dang mi stong rnam par spangs// dngos su gcig med mi gyur te/ / ring dang bung la sogs pa bzhin/ kyu ma'i rang bzhin smras pa ni// gang na'ang ci yang yod pa miH// de ni rig sngags sgyus te// gyis du rnams la rab tu smig rgyu sgra la sogs pa'i tshogs/ / gnyis las nye bar mngon pa ste// gcig med par ni gnyis po yang // ma byung 'byung bar mi 'gyur te// sbrul sogs pa rnam brtag pa// 'di ni rnab shes gyur pa'o/ / sgyu med sgyu zhes bya ba yi// dngos po gang na'ang ci yang med// ci yang rung ste gang yod pa// sgyu mas byas pa'ang yod pa yin// myos par byed pa 'jig rten na// sems la dbang med rnams la yod// sgyu ma dag gam gyo mo dag/ sna tshogs sgyu mas ma byas te// g.yo ba gang dag ci yang rung // de ni snang min sus mi mthong // 'di la rnam rtog g.yo ba ni/ / khab long dag la lcags bzhin te// sems can nyid la mi rtog pa'i// shel sgong nor bu ji bzhin no// kun gzhi kun nas sna tshogs pa// byed pa bzhin du snang ba ste// skye zhing 'chi bar 'gyur mod kyi/ / 'khor ba po ni gang yang med// rmi lam 'dra bar skye shi dag/ rab tu mthong na rnam par grol// thub pa gang tshe gyur pa na// grol ba zhes ni brjod pa ste// rigs dang gzhung gis bstan pa ni/ / sangs rgyas khyu mchog de yin no// thams cad chos la me long bzhin// srang yin de bzhin tshad ma ste// dngos po kun la sgron ma bzhin// khab long ba yi rdo ltar gnas/ / rnal 'byor lam gyi mtshan nyid de// 'jigs pa rnams kyang rnam par zlog/ bsam gtan pa yi bsam gtan mchog/ rnam par byung ba'i rgyu yin no// kun nas nyon mongs zad par byed/ / lam yang rnam par sbyong ba'o// dam pa'i don gyi spyod yul te// 'gyur ba rab tu ston pa'o// 'phags pa rgyan stug po las le'u bdun no// / de nas byang chub sems dpa' sems dpa' chen po rdo rje snying pos phyogs bcur bltas te/ gtsug gi rin po che'i 'od zer gyi 'od kyis/ 'jig rten gyi khams thams cad dang / dbang byed kyi gnas dang / nor bu rin po che'i snying po'i pho brang na gnas pa'i rgyal ba'i sras rnams la'ang snang bar byas te/ byang chub sems dpa' sems dpa' chen po yang dag pa ji lta ba bzhin du 'god pa ston pa la smras pa/ yang dag pa ji lta ba bzhin 'god pa ston pa// kha ba yod pa'i ngos la ri dgas thams cad gsod pa zhes bya ba'i ri dgas kyi rigs shig yod de/ de ni gtsam skya brgya stong gis ri dgas mang po nye bar brid cing thabs la bab pa'i ri dgas rnams bsad cing za'o/ / ri dgas drus ma phrug gu dang bcas pa mthong na'ang / phrug gu'i skad du 'bod do// ri dgas rwa can mthong na'ang / rA de dang 'dra bar bsgyur te gan du 'gro'o// de nas de dag de la bag rton pa dang / des de dag bag rton par rig nas/ bsad cing bsad cing za'o// ra mthong na'ang ra'i gzug su bstan te de dag bag phab nas/ ji ltar 'dod par bsad cing zaste/ ji ltar ri dgas zhe gtum po'i ngang tshul can de/ rnam pa sna tshogs kyis ri dgas gsod pa de bzhin dukun gzhi rnam par shes pa'ang / phas kyi rgol ba mur 'dug bdag tu smra ba la mngon par zhen pa bdag gi chos nyid kyi rnam par gnas pa/ 'dzin pa de dang de dag gis bcings pa de dag la de lta de lta bu'i rang bzhin gyi bdag nyid kyis/ bdag tu smra ba yongs su rtog cing rdul phra mo yan chad du rab tu shes par byed pa de dag la// de'i bdag tu 'dzin pa nyid du gnas pa ni gzhan du na rnam par shes pa tsam du mi gnas pa'i bar du ste/ bdag yongs su rtogs par byed pa rnams kyis ni/ yid dang / dbang po dang / don du ldan pa las shes pa skye ba mthong gi/ bdag dang // yid dang / dbang po dang / don 'dus pa'i rgyu las ni ma yin no// dper na me tog dang gos su phrad nas bsung gi khyad par du 'gyur gyi/ ma phrad par bsung dmigs par yang mi 'gyur ro// / de bzhin du sems dang / sems las byung ba dang / yid dang rnam par shes pa rnams ma gtogs par don de ma yin par gyur pa/ snod dang ba dar lta bu 'am/ me mar dang rdza lta bu'am smyig lo dang i sha ka lta bu/ gzhan ni gang yang med de/ rgyu dang rkyen las sems dang sems las byung ba'i tshogs rab tu 'byung zhing / bdag med la phra ba dang / bskyed du mi rung ba dang / cha med pa dang / dag cing thog ma nas 'od snang ba dang / yul rnam par rig pa'i rnal 'byor can rnams kyi 'phags pa so so rang gis rig pa'i spyod yul ma gtogs par/ rtogs par byed pa rnams kyis mi dmigs so/ / 'di nyid ni ri dgas kyi gtsam zhes gtum po lta bur 'jig rten rnams la yod pa dang / med pa dang / gcig pa dang / mang po dang / thams cad dang / thams cad ma yin pa'i lha bskyed par byed pa ste/ lus can rnam par rig pa tsam du khong du ma chud pa'i rnams/ bdag dang bdag gir smra ba la mngon par zhen par yang ltung bar byed do/ / mi shes pa'i phyir chos khong du chud par 'dod pa'i blos 'khor ba'i rgyud kyi 'khor lo la zhon zhing 'di dang pha gi nas rab tu rgyug ste/ dge ba'i bshas gnyen sangs rgyas dang / byang chub sems dpa' dang bral ba/ rang gyi phyogs las ring bas kyang ches ring bas nyams pa'i blo can/ 'phags pa'i lam gyi yan lag brgyad thob par mi nus pa theg pa gsum las 'ga' tsam la'ang mi 'jug pa'i rnams 'dzin pa rnams las phyir ldog pa ma skyes kyi bar du/ 'phags pa'i lam bden pa mi mthong bas/ stug po'i dkyil 'khor gyi skal ba can rnams kyang stug po 'am/ stug po'i sgra yang mi zos so// yang dag pa ji lta ba bzhin du 'god pa ston pa/ 'di ni rnal 'byor can rnams kyi lta ba yongs su sbyang ba ste/ 'di la khyod dang byang chub sems dpa' gzhan gyis kyang brtson par gyis shig/ sangs rgyas kyi zhing stug por 'jug pa'i gtam gyi tshul yang rnal 'byor can rnams la ston cig/ rang gi rnam par rig pa'i yul zhes bya ba ste le'u brgyad do// / khab long rdol ji ltar lhags// yongs kyis kun tu rab 'khor ba// de bzhin phung po shing rta ste// stong zhing bag chags byung ba 'khor// rtswa dang 'jim pa shing smrig dang // bag pa rnams su 'dus tshogs las// khyim du ji ltar snang gyur pa// de bzhin phung po'i gzugs 'di'o// lcag dang khab long ro langs la/ / sems can nye bar dmigs med kyang // thams cad sems can lta bur g.yo// de bzhin phung po bdag med pa'o// rgyal sras phyag na rin chen gyis// gzugs mang rgyal mchog la smras pa/ / mnyam gzhag rdo rje snying po la// rgyal po khyod kyis dri bar byos// rgyal sras 'jigs med mkhas pa'i rnams// kun gyis thob par 'gyur ba ni// brtag/ bral brtag par mi nus pa// brjod pas rnam par spangs pa ste// ming dang ming can rnam bral ba// 'on kyang 'du ba de bzhin te// sna tshogs gyur pa'i sa 'di yi// rang bzhin ci dang cir gnas pa'o/ / de nas gzugs mang rgyal po yis// rdo rje snying po 'jigs med la// rjes su 'brel ba'i skabs dris pa// dngos po don gzhan brtag pa ste// rdo rje dbang po dngos po gang // la la rab tu brtag bya ba/ / ming dang 'du shes sogs pa'i yul// yod dam rdo rje snying pos spros// ming rnams sus byas ji snu sa// ming ni ci la rab tuganas// mi mgon cig ni bros pa rdo rje snying pos de la smras/ / 'di dag thams cad ming tsam ste// 'du shes tsam la rab tu gnas// brjod las tha dad gyur pa yi// brjod par bya ba yod pa min// phung po bzhi po ming yin te/ / gzugs kyang tsam zhes rnam par brtag/ tsam la ming du brtags pa ni// skyes bu 'di zhes bya ba ste// tsam la mtshan ma zhes bya bar// rgyal ba rgyal sras dag gis gsungs// mtshan ma med par ming du ni/ / de dag rnam par rtog mi nus// de bas mtshan ma brten byas shing // ming du kun nas brtag pa yin// ji ltar lding dang lnga byid dang // bar ba de yang yod pa min// mtshan ma med par ci yang rung // byis pas de la rnam mi brtag/ de bzhin sa 'di thams cad kyang // mtshan ma med par yod pa min// ci yang mtshan mar mi rtog pa// mtshan ma yod na rnam par brtag/ rdza dang snam bu shing rtag dag/ gzugs yod pa la rnam par brjod// 'jig rten 'di ni 'di tsam ste// gzugs tsam rnam pa gzhan mi 'gyur// tsam la ming du brtags pa ste/ / 'di la yang dag ming yod min// ming med rnam par bral bar yang // sa rnams thub pas mthong ba na// rnam par rtog pa rab tu 'jug/ rnam rtog med pa mi skye'o// tshor skye med par gzhan 'gyur ba// / mi zad de la skye bar 'gyur// rgyu med phyir na ming med de// 'du shes tsam la rnam par rtog/ de bas rgyal pos rtag par yang // 'du shes ma yin 'du shes bsgoms/ 'di dag thams cad 'di tsam ste// thams cad las ni gzhan med do// tsam ni gzugs su shes par bya// de bzhin lus dang gzugs dang dbyings// cha lugs ring dang sku yangs te/ mtshan ma dang ni rnam grangs gcig/ 'du shes med dang rnam rtog dang // brjod dang khyad par lhan cig ste// tsam dang mtshan ma 'du shes su// spyod pa rab tu gdags pa ste// tsam la gnas te ming rnams kyang / / kun rdzob don du rnam par brtags// brjod pa med par dngos po ni// ma byung 'byung bar mi 'gyur te// rnam shes rnams kyi 'byung ba yang // rtog byed med par yod pa min/ / rtogs bya ming dang tsam po ni// sa rnams thams cad de nyid de// dngos po gang la gang ming gis// brtag par bya ba de bzhin med// 'di ni chos rnams chos nyid de// brtags na gnas pa med pa'o// 'di dag thams cad ming tsam ste// 'du shes can gyi dngos po med// de med pas na ming med de// ming med pas ni rnam mi brtag/ rnam par mi rtog zhir 'gyur ba/ / bsreg pa tshig pa'i mi bzhin te// khur tsas ji ltar khur bskur ba// de dang tha dad mtshan can de// de bzhin tsam ni ming gi khur// de dang tha dad mtshan nyid khyer/ sems la tsam zhes rnam par brtag/ ming gi tsam du sems tsam gyi// 'di ni skyes bu sdong po zhes// ci yang rung ste ming tsam brtag/ 'byung ba rnams dang 'dus pa dang // tsam yang gzugs la rnam par brtag/ tsam po med par 'byung ba yi// tsam zhes bya ba mi dmigs te// bum pa'i ngos la yon tan ltar// tsam lo ming ni rnam par gnas// bum pa bum pa dngos po yi/ / rnam par dben zhing ming dang bral// bum pa bum pa'i dngos por ram// ming yang ming du gnas med pa// rnal 'byor can gyis gang gi tshe// ming tsam g.yo ba med pa dang / / rnam rtog gnyis dang 'brel ba yi// ming tsam yod min mthong ba na// ji ltar me ldan lcags rnams dang // spra tshil dag dang rgya skyegs kyang // chu dang mnyam par khu bar 'gyur/ / 'on kyang chu yi yon tan med// de bzhin kun gzhi rnam shes pa// rnam shes bdun dang lhan cig tu// rtag tu lus su 'jug par byed// rnam par shes pas yun du spangs// khab long rdol brten byas shing // lcags ni sems can bzhin 'khor yang // de dag gnyis ka byed pa med// sems can gson po bzhin du g.yo// sems ni bdun zhes bgrang ba yin/ / kun gzhi brgyad po de bzhin no// bag chags srad bus brgyus pas na// sems can bzhin g.yo sems can med// lus ni kun tu rgyas par 'dug/ 'gro ba dog par 'khor ba ste/ / gcig la gcig gis mi shes pa// byed med lcags dang khab long bzhin// mgo bo du ma lce mang po// kha mang lag pa du ma dang // lus kyang du mar rab bsgyur zhing / / de bzhin gshegs la mchod pa byed// shin tu mang ba'i zhing gi rnams// tshad med stong du 'gro byas shing // de dang der yang mgon po rnams// de dag kun la rtag mchod byed/ / ri rab ri dang mnyam pa yi// me tog na bza'i char mang ngo po// sna tshogs rnam pa tha dad pas// de dag mchod pa rab tu byed// 'phreng ba 'phreng byed cod pan dang // rin chen brgyan pa sna tshogs kyis// thams cad mkhyen dang rgyal srasA la// rtag par mchod pa rab tu byed// sprin lta bu yi gzhal med khang // sna tshogs mang po'i gzugs gyur pa// mtha' ma nam mkha'i mu dang mnyam// gzhan yang rdul phran rdul snyed kyi// sprul mang lha yi bu mo yis// rol mo sil snyan rab bsgrags te// gzhal med dag la mngon gnas nas// de bzhin gshegs la mchod pa byed// stobs dang mngon shes dbang thob cing // dog pa'i sa nas ma nyams pa// chos kyi sprin las mthon gyur nas// sangs rgyas sa la zhugs pa'i/ rnams// sgyu ma dpa' bar 'gro la sogs// ting nge 'dzin la mnyam bzhag ste// bzung la mkhas par gyur pa'i rnams// de bzhin gshegs la mchod par byed// sangs rgyas yang dag brjod mos rnams/ / mtha' yas zhing du 'gro byas shing // yang dag yon tan ldan pa dag/ sangs rgyas yon tan rab tu brjod// dpung dang bcas pa'i bdud bcom ste/ rgyal ba dag dang thabs cig tu// rgyal sras so so rang rig pa'i// rtogs par bya ba'i ting 'dzin sgom// gnas gzhan gyur pa'i yon tan can// chos la bdag med ston pa'i rnams// spros pa thams cad rgyun bcad cing // dam pa'i don la rnam sgom pa// chos lnga rnams kyi rang bzhin dang // rnam shes brgyad la'ang de bzhin te// mkhas pa byas par brtag gyur cing // mnyam par gzhag rnams mchod par byed// shin tu phra ba'i rdul phra dang // de bzhin chen po'i lus kyis kyang // sna tshogs pa yi gzugs gyur nas// de bzhin gshegs la mchod pa byed/ / sa rnams kun ka bdag lus dang // yungs kar 'brur yang rab shes te// rgya mtsho ba glang rjes su byed// ba glang rjes kyang gangs chen mtshor// spu gcig rtse mor brtan g.yo pa'i/ / 'gro ba rab tu 'dzud byed kyang // gnod par byed pa ma yin te// 'gro ba dag na rnam par spyod// longs spyod can gyi sgyid longs yul// nyi zla sa dang mnyam pa ste// 'tshig mangs dang 'dra bar yang / / rnam pa kun gyis phan 'dogs shing // me dang rlung dag 'dra ba ste// rtag tu chu dang sman 'dra ba// rin chen khams kyi 'byung khung ltar// sems can kun kyang nye bar 'tsho/ / skyes pa med cing 'gags pa med// mchad rtag pa'ang med pa ste// tha dad don min don gcig min// 'gro med 'ong ba med pa rnams/ rnam par brtags pa'i ming dag dang // kun tu brtags pa'i rang bzhin gyis// sems can rnams kyi don byed pa// ming dang ming med rnam spangs dag/ sgyu ma lta bu rmi lam 'dra// dri za'i grong khyer dpe bzhin te// smig rgyu chu yi zla ba 'dra// rang bzhin kun tu brtags pa dag/ glog dang sprin dang du ba dang // mgal me'i 'khor lo smig rgyu 'dra// 'di tshul brtags pa'i chos rnams ni/ / rang bzhin kun tu brtags pa ste// gang dang gang gi ming rnams kyis// chos rnams gang dang gang brjod pa// de ni de na yod pa min// kun tu brtags pa'i rang bzhin no/ / 'di dag thams cad ming tsam ste// 'gro ba 'di ni ming tsam mo// brjod pa dang ni tha dad pa// brjod par bya ba gang yang med// 'di ni sa yi rang bzhin te// kun tu brtags pa rab tu bstan// mig dang gzugs las brten byas shing // gsum las yid de 'byung ba yin// rnga sgra me ni 'du 'phrod las// myu gu sa bon sa las rims// khang pa la sogs sna tshogs dang // snam bu rdza la sogs pa dang // lus can rnams dang chos rnams kyi// 'di ni rang bzhin gnas dbang ngo // don rnams dor ba med pa dang // gang yang zag pa med pa'i chos/ / so so rang rig rgyud rnams dang // chos la bdag med nyid dag ni// thams cad chos kyi grub pa ste// rang bzhin du ni de brtags so// rang bzhin gyis ni chos kyi rnams/ / tha dad mtshan du bsgrags pa ste// chos rnams thams cad 'dres par ni// rang bzhin med na rab tu 'gyur// gcig min rdzas rnams 'dus pa las// sgyu ma'i mkhan pos gcig min gzugs/ / rtog par bla ba ma yin pa'i// sgyu ma'i ri dgas byas pa bzhin// de ltar dngos po thams cad kyang // rnam par rtog pas rnam par brtags// rtogs par mi rung mi gcig gzugs/ / kun tu brtags pa'i rang bzhin no// sna tshogs nor bu 'dra ba yi// ri dgas rdzas kyis sgyu tshogs nas// sgyu ma'i mkhan pos rnam byas dang // sems can kun gyi gzugs bzhin te/ / de ltar dngos po 'di dag kun// rnam par rtog pas rnam par brtags// rang bzhin rtogs par dka' ba ste// kun tu brtags pa'i rang bzhin no// ji ltar nor bu sna tshogs gzugs/ / tshon dang phrad na rnam par mdzes// de bzhin sa rnams kun kra ste// rtog pas rnam par brtags byas na// yon tan dngos su mi gnas te// sgyu ma rmi lam sprin dang 'dra/ smig rgyu chu zla lta bu ste// kun tu brtags pa'i rang bzhin no// ji ltar dri za'i khang pa dag/ khang pa ma yin khang par snang // rgyu med par yang mi snang ste// de bzhin sa rnams sna tshogs nyid/ / nyi zla gzhal med khang rnams dang // za ma la ri dang rin chen ri// du ba sprin gyi gnon pas na// nams kyang nyes par mi 'gyur te// bdag dang gzhan dang gnyis ka las/ / rtog pas rnam par brtags byas na// dngos nyid mi 'grub dngos rnams kyi// rang bzhin kun tu brtags pa'o// rgyu las dngos po mi 'byung ste// rgyu med las kyang ma yin no/ / rang bzhin zhes bya rnam rtog ste// dngos dang dngos med rnam par brtags// mtshan ma la ni ming brten te// gnyis la rnam par rtog pa gnas// yang dag shes dang de bzhin nyid/ / rnam par rtog pa zlog pa'o// sems ni mtshan ma 'dra ba ste// mtshan ma yid la gnas pa yin// yid la sems rnams lnga po ni// dpa' rlabs bzhin du rab tu 'byung / / sems ni bag chags rgyu ba ste// bag chags rnams la thog ma med// thog ma med pa blo yi yul// yul ni sems kyi nor ba'o// sems ni yul dang 'dra ba ste// sa rnams yul zhes bya ba yin// thams cad sa bon kun gzhi la// rnam par shes pa kun kyang gnas// rnam shes bdun po kun gzhi las// rab tu 'byung ngo phan tshun nas// sems kyi rnams dang kun gzhi la// rtag med chad pa'ang med pa ste// sa rnams thams cad kun gzhi yin// sar snang rnam par gnas pa ste// gsum po 'dus pa'i rkyen byung ba// bdag dang dbang po dag las byung / / lus can rnams kyi rnam shes ni// yul rnams rnyed nas 'byung ba ste// 'di ni rtog pa can gyi tshul// rgyu dang las kyi rgyus byung ba'o// dbang po sa rnams thams cad dang / / tshangs la sogs pa phyi rol dang // de dag lha min las kyang mi ni// rdul phran gyis kyang sa ma byas// sa rnams lta bur kun gzhi nyid// lta ba'i yul du g.yo ba yin/ / rkyen rnams kun gzhi ma byas te// rkyen gyis kun gzhi byas pa min// 'di dag la ni gsum 'dus med// rnam shes 'on kyang 'khor ba ste// shel 'dra/ zla ba bzhin du yang // rnam shes rnams dang lhan cig rgyu// bag chags byung ba'i rnam shes dang // kun gzhi rtag tu 'grogs pa ni// zla ba spyang kis zin pa bzhin// rnam shes rnams dang lhan cig rgyu/ / bag chags de las langs pa yi// rgyas par byed do yang dang yang // rgyas pa gzhan yang rgyas byed de// de la'ang gzhan gyis yang dang yang // de lta rab tu/ 'jug pa'i sems// mthong nas sems de rnam par ldog/ mi brtan yul la kun nas 'brel// khab long rdol lcags bzhin te// kun gyi gzhi la sems yod pa// zag bcas zag pa med pa dag/ bag chags dag gis bsgos pa'i rnams// 'jug dang phyir ldog byed pa yin// ji ltar bsregs las ma bus shing // gzhan du me yang rab tu bud// deng gzhan du de bzhin bung / / de dag nas kyang spo ba bzhin// de ltar kun gzhi rnam shes dang // gzhan yang de las byung ba'i rnams// chos la rab tu rgyu ba ni// gtog dang zag pa med pa dag/ mthong ba'i chos la gnas pa yi// yul dang yul can de yin te// 'phags pa mchong ba'i chos can gyi// ting nge 'dzin kyang 'di dag yin// 'phag pa de ga de ldan zhing / sgom dang mthong ba ldan pas na// chos kun de bzhin nyid shes pa// zhing ras zhing du rab tu 'dod// ji ltar shin tu bzang ba'i gser// gsar gyi dbyings na mi snang ste// brtsal bas shin tu zhib btags nas/ / yongs su sbyangs na snang bar 'gyur// de bzhin kun gzhi rnam shes pa// rnam par shes pa bdun dang bcas// ting nge 'dzin gyis yongs sbyangs pa'i// rnal 'byor can gyis rtag tu mthong / / ji ltar ma bsrubs zho la yang // de na mar yod mi snang ste// bsrubs pa'i tshul gyis mthong bas na// mkhas pa rnams kyis de phyir bsrub// de bzhin kun gzhi rnam par shes/ / rnam shes bdun dang ldan pa yang // rnam par bsrubs shing stug spyod pa'i// thub pa rnams kyis mthong ba yin// ma rig pa ni stug ces bya// dkyil 'khor ye shes rnam grangs te/ / dkyil 'khor 'di la bslabs pa yi// rnal 'byor can rnams sgrog por dong // gzugs med gzugs yod nam mkha' dang // rnam shes 'du shes ma yod dag/ rnal 'byor can gyis yul bsgoms sam// de dag stug po'i zhing du 'dong // nyi ma zla ba'i 'od bzhin du// 'jigs pa med pa rgyal ba'i sras// rnal 'byor can gyi thub ston cing // rnal 'byor can pa'i lam gnas pa// sangs rgyas kun gyis dbang bskur bas// de ni dbang bskur stug por song // sangs rgyas rnal 'byor rjes su mthong // gzhan du gyur nas stug por song / / stug na gnas te sprul pa dang // sprul pa'i sprul pa de dag gis// gang dang gang chos su 'dod pa// de ni mkha' la 'dug cing ston// sngon med dus kyi gnas ngan lan/ / bag chags rgyu yis bsags pa yi// kun gzhi rnam rtog byas pa yis// bcings pa kun tu rab tu 'byung // ji ltar rgya mchong ba'i rlabs rnams// rlung gis rab tu bskyod pa dag/ rgyun mi 'chad par rab tu 'byung // rnam shes de bzhin kun gzhi la// rnam shes de ni des byas pa'i// bag chags rnams kyis rgyas par 'gyur// 'byung zhing la la phyir ldog ste/ / chad med rtag pa med pa'o// rang sems khong du ma chud pas// yul la gzhol ba'i rnam shas rnams// rab tu zhugs kyang phyir ldog pa// 'gro ba rang sems mthong ba'i tshe/ / de bzhin gzhan du gyur pa'i sems// me dang bsregs pa ji bzhin te// kun gzhi yul lhar snang ba yang // gzhan du gyur nas zag pa med// zag med 'gros su song ba dang / / 'phags pa'i rigs su skye bar 'gyur// kun gzhi yul ltar snang ba ni// sa rnams khyab par byas shing gnas// yid ni bdag la dadag ces te/ dar sems rab tu 'jug pa yin// rnam shes kha dog khyad par dang // kun tu gcod pa rab tu byed// sems ni las rnams sogs pa ste// yid ni khong du chud par byed// rnam par shes pas rnam par rig/ lnga pos snang ba mthong bar 'gyur// rab rib ldan pa myos pa yi// ji ltar skra tshogs mthong ba bzhin// gzugs la sogs la gzugs med de// samra ni gzugs ltar gnas pa yin/ / nyi ma zla ba'i nor bu dag/ yongs su dag pa'i mtshan nyid can// nyi zla'i zer gyis phog pa dang // de dag rang gi yon tan 'byin// de bzhin kun gzhi rnam shes pa/ / de bzhin gshegs pa'i dge snying po// zag med legs dang ldan 'gyur te// gzhan du 'gyur na rab tu 'byin// 'di ltar snang ba gang yang rung // mtshan ma gzugs su snang ba'i rnams/ / bag chags yod pa'i kun kazhi ste// sa rnams kun na gzugs ltar gnas// ji ltar 'o ma gyur pa dang // yon tan zho dang dar bar snang // de bzhin kun gzhi rnam shes kyang / / rnam par gyur nas gzugs ltar gnas// ji ltar rab rib ldan pas sgra// mig gi nyes pas rnam mthong ba// de bzhin bag chags nyes ldan pa'i// kun gzhi lus can rnams kyi ste/ / rtag tu mig gi snang song ba'i// gzugs kyi snang bar rab tu 'jug/ 'di dag snang ba ci yang rung // smig rgyu chu yi dpe bzhin te// gzugs ni yod dang med kyis spangs/ / kun gzhi rjes su mthong ba'o// mig dang gzugs la brten byas shing // de ni sgyu ma bzhin du 'byung // rtag tu mig gi nang song ba// smig rgyu bzhin du rab tu g.yo// gzug kyi yon tan ldan pa'i gzugs/ / kun gzhi gzugs ltar gnang ba ste// byis pas ji ltar brtags pa bzhin// gzugs ni gud na yod pa min// byed med sems pa'ang med pa ste// lbu ba'i phung po bzhin du gnas// gnyid log ra ro bregs pa dang // 'gro 'dug rnam par rgyug pa yi// bya ba cig car byed pa ni// lus can rnams kyi kun gzhi'o// ji ltar gdung bas ba sar sa las/ / gyen du ldang ba'i smig rgyu rnams// dpyid ka'i chu ltar rab tu g.yo// ri dgas rnams la slu bar byed// de bzhin kun gzhi rnam shes kyang // gzugs min lta ba'i spyod yul du/ / gzugs snang ji ltar rtog can gyis// brtags bzhin gzugs 'dra ma yin no// ji ltar khab long mthong ba dang // lpags ni myur bar kun tu 'khor// 'on kyang de la sems pa med/ / sems ldan bzhin du'ang rab tu snang // de bzhin kun gzhi rnam shes kyang // sems med sems can ji bzhin du// 'gro yang 'ong bar g.yo ba ste// sa rnams 'bri bar rab tu byed/ / ji ltar rgya mtsho'i dza ru ni// srog med par yang g.yo 'gul te// de bzhin kun gzhi rnam shes pa// lus la gnas shing g.yo bar gyur// rmang po glang po'i gzugs brnyan dang / / ji ltar 'thab cing choms nas min// de bzhin kun gzhi rnam shes pa// 'jug pa choms nas mi rgyu'o// ji ltar pad+mo dri med pa// 'dam gyi nang nas byung ba ni/ / mi dang lha dang btsun la 'os// lha yul gnas pa kun kyang 'dod// de bzhin kun gzhi rnam par shes// bag chags 'dam nas byung ba ni// rnam dag gzhan du gnas gyur pa// / bdag nyid che rnams 'dod pa yin// ji ltar rin chen rnam pa dag/ ri brag mi yis bcag brdungs kyang // rgyal po'i cod pan du yang 'os// cod pan la yang btags pa yin// bzhin kun gzhi rnam par shes// bag chags rnams kyis bcag brdungs pa// rnam dag sangs rgyas rigs yin te// sangs rgyas nyid du de gzung ngo // ji ltar chu gting rdo ba dag/ 1 lcibs dag gis yongs dkris pa/ / de bzhin kun gzhi rnam shes kyang // bag chags dri ma can du byas// gzung dang 'dzin pa'i gzugs su yang // dngos po gnyis kyis rab tu 'jug/ ji ltar kha gnyis yod pa'i sprul// gang du 'dod pa der 'gro ste// de bzhin kun gzhi rnam par shes// rims dang cig car rgyu ba yin// rtag tu sna tshogs gzugs lta bu// de la rtog pas rnam par brtag/ rtog can rnam par myos gyur pa// bdag dang bdag gir rnam rtog cing / yod dang med kyi rgyu sbed pa'i// sa rnams la yang rnam rtog ste// 'gyur ba'i yongs su gyur pa dang / / kun gzhi zab pa nyid dag kyang // blo chung rnams kyis mi rig pas// sgyu ma'i ri dgas bzhin du 'khor// rang bzhin gcig min shes par dka'// lus can kun la 'dra ba ste/ / de bzhin kun gzhi rnam shes kyang // rtag tu sgyu ma'i ri dgas 'dra// sems can gcig min shes par dka'// yod dang med par rnam par brtag/ rdul dang gtso bo skyes bu dang / / mi gsal tshangs pa'ang de yin te// rtog pas 'khrul pa'i rtog can rnams// kun gzhi la ni rtag tu rtog/ sa rnams lta bur gnas pa la// sna tshogs sar yang de bzhin rtog/ sa la gang gis rtog gyur pa// yid ni kun nas rtog ces bya// ji ltar ri mo mtho dman dang // rnam pa sna tshogs sprin gyi gzugs// 'ja' dang ri dgas sred byed dang / / sprin sgra 'brug kyang ji bzhin te// rab rib can gyi 'phreng ba dang // bzang mo'i gdong yang de bzhin du// rmi lam dag na rnam sna tshogs// dri za'i khang pa gnas rten dang / ro langs chu yi shing rnams dang // brag cha sprin dang du ba dang // me long mig la gzugs brnyan dang // tshul chu yi zla ba dang // rnam rtog 'di dang mang por yang // 'gro ba rnams ni kun gzhi rtog/ gang tshe kun gzhi 'di 'dra ba// rnam pa sna tshogs kun mthong ste// 'gro ba rang sa ma mthong ba dang / de tshes mA ni phyir ldog go/ chos rnams tham cad kun gyi gzhi// bag chags snyems la sogs pa dang / / rtog pas rnyog pa can du byas// gzhan du gyur nas zag pa med// zag med dang lugs rab thob nas// de dag rtag cing brtan par 'gyur// nam mkha' mya ngan 'das dang mnyam// 'gog dang 'dra ba de bzhin te// mnyam bzhag sems dang ldan pa la// mi zad chos rnams skye bar 'gyur// rdzu 'phrul bsam gtan rnam thar dang / / ting nge 'dzin dang stobs rnams dang // thabs dang stobs dang mngon shes dag/ 'bri med mi zad de bzhin te// nam mkha' zad kyi mthar snyegs shing // dbyings blo rnam shes rtag pa dang / / mthar phyin bcu yi gnas ldan zhing // yid bzhin shin tu brtan pa'i lus// rnal 'byor mkhas pa'i rnal 'byor can// gzhan du gyur nas rab tu 'thob// 'jig pa mya ngan 'da' ma yin/ / sems can yod min skye ba med// 'bri mad gang ba med par yang // rgyal ba rnams kyis 'gro ba bshad// zhing gzhan rnams dang zhing 'di yi// chos nyid gcig tu zad pa ste/ / skyes par gyur tam ma skyes kyang // chos rnams chos nyid de bzhin gnas// rnal 'byor ldan pa grol ba la// rtag med chad pa med pa ste// sems can khams rnams zhig gyur na/ / thams cad mkhyen pa mi sdang ngo // ma byon pa yi rgyal ba dang // 'das dang da ltar byung ba dag/ mnyam pa ma yin 'thun pa min// shes bya zad nas de dag byung // bdud rnams tshar bcad log pa ste// brjod dang bcas dang brjod med kyang // de ste sems can 'jig na ni// sdug bsngal sbubs las mi 'grol lo// lcags kyi gar bu bsregs pa las// / ma las byung ste bsil gyur cing // lcags ni rtag par 'dug pa bzhin// de ltar rnal 'byor can dag 'khod// phung po'i khyim dang nges 'byung ba'i// bag chags rnams kyang gyur pa dang / / thub pa rnal 'byor brtson pa'i rnams// de dag rtag cing grol ba yin// rnam shes rnams ni dba' rlabs bzhin// kun gzhi mtsho las byung ba ste// chos lnga'i rang bzhin rnam shes kyis/ / rab tu bskyod cing shin tu rgyu// gnas ngan len gyi spros pa yis// bcom pa gnas med don gyi gzugs// lta ba'i yul du rnam par g.yo// de ltar shes nas phyir ldog ste/ / bzhin 'gyur mi zad rtag pa'i rnams// mgron po dag ni stug por 'dong // stug na gnas pa zla ba bzhin// rtag tu gzugs brnyan rnam par mdzes// phung po stug pa kun gzhi ste/ / yid ni de la nye phan no// rnam par shes pa rtogs par byed// gzugs dang las la sogs pa'i rgyu// rnam shes lnga yi tshogs rnams ni// dbang por bcas shing yul gzhol bus/ / sna tshogs me pa 'dzin par byed// kyang ga'i yul can ma yin no// tshe ni kun gzhi rnam shes te// mid ni drong du rab tu gnas// yid kyi rnam shes de na ste/ / lhag ma dbang po lngar yang gnas// sems dang yid dang rnam par shes// phung po'i dbus na rnam par gnas// bag chags las dang 'brel ba'i rnams// sngan chad byas pa rnams kyis 'byung / / 'dod chags sred las byung ba yi// las kyis bya ba byed pa ste// sngan chad de dag las byas pas// rgyun tu las rnams byung ba yin// lus las lus ni gzhan la 'gro/ / 'pho ba srin bu pad pa bzhin// sems dang sems byung bcas pa'i rnams// rgyun chags par ni shin tu 'dod // yang zhing phung po'i tshogs rnams dang // rnam shes srid pa dog par yang / / tshogs shing rab tu 'byung ba ni// las rnams shin tu 'byung ba'i phyir// tshe dang drod dang rnam shes 'dis// gang tshe lus ni bor gyur pa// de tshe lus ni dor ba ste/ shing bzhin tshor ba med pa'o// sems ni kun gzhi rnam par shes// semra ni bdag nyid yid yin no// gang zhig yul la 'dzin byed pa// de ni rnam par shes zhes bya// sems ni las rnams sogs pa ste/ / mid ni khong du chud par byed// rnam par shes pas rnam par rig/ lnga pos snang ba rtog par byed// / bam po bzhi pa/ lus ni sems kyis gzung ba yin// yid ni lam rgyud 'dod pa ste// rnam par shes pas rnam par rig/ snang ba gcod pa lnga po'o// rgyu la dmigs shing rnam shes rnams// skyes te gzhan ni/ de rjes 'brang // yid la dmigs shing gzhan dag kyang // mthar chags su ni rab tu 'byung // yid rnyed nas kyang gzhan dag ni// dbang gi yon tan rnams kyis byas// dbang ni lnga dang lhan cig tu/ / rnam par shes pa rab tu byed// 'du byed rgyu dang lhan cig tu// ro langs 'gro dang 'dra ba ste// smig rgyu dag ni gzugs dang mnyam// log pa ma yin bden pa min// 'di ni bdag med stong pa ste/ / sred pas kun tu drangs pa yin// 'byung rnams lhan cig 'byung ba dag/ thams cad dus yid lhan cig ste// sems byung yid ces bya ba dang // lhan cig rnam par shes pa 'byung / / rnam shes lnga po de dag dang // yid kyi rnam shes ldan pa ni// gnas ngan len dang srad bsgom pa// rgyun mi 'chad par rab tu 'byung // lus can kun gyis kun gzhi yang // sems dang sems byung ldan pa 'byung // kun gzhi rnyed nas de dag rgyu// rgyus nas rgyas par byed pa ste// sems rnams lam rgyud thams cad du// rtag par gcig las gcig rgyas 'gyur// sa 'di rnam pa sna tshogs pa// rnam par shes pa rnams las 'byung // kun gzhi sna tshogs gzugs can ni// rnam shes rnams kyi gnas yin no// phan tshun rgyu yi stobs ldan pa// rnam shes 'khor lo 'khor ba ste/ / kun gzhi ma tshol dpa' rlabs bzhin// sa bon dag dang b+h+ya bu'i rgyud// chu bo'i rgyud kyang marnams med cing // rgyud mi 'char bar 'byung mod kyi/ / tha dad bye brag dag kyang snang // de bzhin rnam shes spyod pas te// mtshams med pa yi rgyun du yang // rgyun mi 'chad pa rab tu 'byung // gsum dang ldan zhing gsum las yang // sems dang yid dang rnam shes rnams// bag chags sred pas bskyed pa dang // rang sems rnam par 'khrul pa yis// dba' rlabs bzhin du rtag tu 'byung // chos rnams kun gyi 'byung ba dag/ phyi dang nang yang rnam bsgoms te// thub pa'i gnas kyang rnam bsgoms nas// mnyam par gzhag pa stug por 'gro// rdo rje snying po khyod dang yang // rgyal sras 'jigs med gzhan dag kyang / / stug por 'jug par byed pa'i chos// thams cad chos kyang rab ston pa// rgyal ba rnams dang rgyal sras rnams// thabs cig rab tu rnam dgongs te// chos kyi mtshan nyid dpe med pa/ / rmad du byung ba 'di bstan to// rdo rje snying po 'jigs med pa// rin chen sna tshogs zla snying gi/ seng ge'i khri la rab 'dug ste// shes rab chen pos rnam bsgoms kyis// rgyal ba'i sras kyis mdun bdar ba// stug po'i rgyan la rnam par bsgoms// rnam par bsgoms nas rtag par 'di// rnal 'byor can gyi rnal 'byor ston// zla dbang rgyal ba des bstan la// bag med par ni ma byed cig/ zla ba'i dpal gyis bcom ldan 'das// sprul par bya bar mang sprul cing // 'dod pa'i khams kyi bsnyems bral dang // gzugs can rnams kyi gnas su yang / / rgyal sras rnams kyis kun nas bskor// lha rnams kyis kyang mdun ba dar cing // tshul gyi dam pa ston pa ni// 'jig med stug po'i rgyan yin no// rnal 'byor can gyi spyod pa'i mchog/ tshul bzang rnal 'byor spyod pa ste// so so rang rig shes pa yi// ting nge 'dzin dang bde ba rnams// yang dag mtha' la mi rig par// rjes su myong bar byas nas kyang // rnal 'byor pa de las mngon langs shing // gcig la gcig ni phan tshun lta// rnal 'byor spyod pa tshul dge 'di// gang gis shin tu mthong bar gyur// rnam pa sna tshogs 'os pa yi// stan gyi mchog la 'khod pa'i rnams/ / kun kyang ngo mtshar rmad du rnyed// bsam med bsam gtan bsams pa dang // bsam gtan rnams kyi dgos pa dag/ rgyal sras 'jigs pa med pa'i rnams/ / kun kyang sems shing rab tu gnas// stug po'i rgyan dang rgyal po la// lta ba mnyam par bzhag pa'i rnams// mgo la cod pan thogs pa dag/ mtshan rab sum cu rtsa gnyis kyis// yan lag bris pa de dag kun// bye ba'i zhing nas 'ongs pa ste// g.yo ba rnams dang shin tu bral// thams cad gos bzang cha lugs mdzes// rnal 'byor spyod pa stobs chen te// lha'o rdo rje snying po la'o/ / rnam par rtog dang rnam dpyod dang // chos la mos pa yang dag tu// mthong ste de nas de kun dang // phyogs rnams bzhi por blta byas te// 'dzum pa sngon du rab btang nas// 'jam zhing snyan pa'i dbyangs su smras// rgyal sras mnyam par bzhag pa'i rnams// rnal 'byor can gyi rnal 'byor yul// gang la rtog can myos 'gyur/ ba// de dag bdag las mnyan par gyis// gang bsam gang gi ji lta bur// bsam gtan bsam byed dgos pa dag/ 'dod dang sdig pa rnams kyis dben// rnam par rtog bcas rnam dpyod bcas/ / dga' ba de dben las skyes par yang // bsam gtan dang po skye ba yin// de lta bu yi rims tshul du// bzhi dang brgyad dang de bzhin bcu// mur 'dug bdag tu smra ba dang // bsam gtan can rnams bsam gtan byed// nyan thos theg pa can rnams dang // rang rgyal theg ldan de bzhin te// kun kyang rtag tu bsam gtan byed// chos rnams dang ni sa dag gis// rang gi mtshan nyid rtogs pa dang / / phung po skye mched tshogs kyi rnams// 'di dag thams cad bdag med de// byed pa med cing g.yo ba med// gsum po 'dus las rab tu byung // 'khrul 'khor ro langs 'dra ba ste/ / byed pa rnams kyis rnam par spangs// thub pa phyi rol bsam gtan byed// stong par lta ba'i lta ba can// chos kyi mtshan la mos pa rnams// chung gzor mtshan nyid ma yin te/ / phung po bdag med mkhas pa'i rnams// bsam gtan 'di 'drar bsam gtan byed// de bzhin gshegs kyi bsam gtan dag/ lha rdzas bsod nams lta sbyor ba// rnal 'byor can dang rgyal ba'i sras// mnyam gzhag rtag par bsam gtan byed// 'di dag thams cad sems tsam ste// mtshan can mtshan nyid yod pa min// phung po rnams med kham yod min/ / thams cad chos la mtshan nyid med// rdul phran rnam par gzhigs pa dang // de dag de ltar mi gnas so// rtog pa skyed pas brtags pa ni// dngos po sa dang chu la sogs// dngos po'i rang bzhin mi shes pas// mtshan nyid du yang rnam par brtog/ kha dog sdug dang mi sdug dang // kha dog snang gzhan de bzhin te// 'ja' dang in+d+ra go pa ltar// kha dog sna mang sprin lta bu'i/ / sangs rgyas sku dang 'dra ba yis// thams cad 'gro ba kun bkang ste// rgyal ba'i skye mched ces pa bas// 'byung ba rnams kyang rnam gzhigs te// rnal 'byor shes pa gzugs can gyis/ / lus la rtag tu gzugs kyang mthong // gang la dmigs te mnyam bzhag pa// de la dmigs shing rnam par ldang // gang dang gang la rnam rtog pa// de dang de ni dmigs/ pa yin// rnal 'byor can med rnal 'byor med// de ltar rnam par rtog pa ni// rnal 'byor can gyis rnal 'byor nyid// kun gzhis rnams thams cad dang // thub pa'i rnal 'byor bde la gnas/ / chos dang chos kyi mtshan nyid kyang // rtag tu rab tu rtogs byas shing // mnyam par bzhag pa'i khyad par dag/ mnyam gzhag ldan pa rab tu ston// chos kyi rang bzhin rnam phye bas/ / rnal 'byor can gyi blo 'khrugs pa// blo gros zhan pas rab tu skye// chos dang bdag la 'dzin par 'gyur// yid ches lung dang mi ldan par// chos rnams ston par byed pa ni/ / mtshan nyid rnam par rtog pa yis// bdag kyang chung zos gzhan chud gzon// mtshan nyid can med mtshan nyid med// 'dres pa'i phyir na rnam par snang // dngar ba'i rnams ni mkhris bsel/ / bad kan tsha skyur lan tshwas te// ma zhu tsha ba'i rnam pa dang // lan tshwa la sogs rnam pas sel// mkhris pa bad kan 'khrug pa las// rims rnams skye bar gyur pa dang // lus can rnams kyi lus yul du/ / 'dus pa rlung las byung ba dang // rims dag rnam par gzhig pa'i phyir// thub pas bsdu ba byas pa ni// kha ra la sogs yan lag drug/ sha dang skol ma khu ba dag/ tha dad mtshan gyi 'jig 'gyur ba// lus can rnams kyi rims kun to// rnam shes rnams ni kun gzhi la// phan tshun tha dad mi gnas te// gal te chos kyi rang bzhin nam// mtsha nyid gcig ni yod gyur na/ / de tshe chos dang mtshan nyid la// mtshan nyid mi 'ja med par 'gyur// rdzas rnams bsdus pas sel mi nus// mi yang sos par mi 'gyur ro// sos dang rnam par bsal ba 'di/ / mkhas pa rnams kyis mthong ba ste// gzhan du kun gzhi rnam shes pa// rnam pa mang por gnas pa ste// sgyu ma'i ri dgas bzhin 'khor ba// rnal 'byor brtson pas brtags pa yin/ / mtshan med mtshan can med pa ste// phung po rnams las phung po can// gzhan med yan lag nying lag las// yan lag can med yan lag la// 'jig rten rgyu yis ma byas te// 'bras bu rnams la rgyu yang med// 'jig rten rdul phran bsags pa min// phyogs dang gnas su mi 'gro'o// de dag sor gnyis sor gsum du// ci yang brtson par mi byed de// dngos po yod pa phrad pa'i phyir/ / rdul phran thams cad 'du bar 'dod// de tshe yon tan khyad yod pa// yon tan rnams kyis yon tan du// 'jig rten ma byas rang bzhin gyis// 'jig rten rgyan las ma byung ste/ / 'dod rgyal dngos kyis de bzhin min// chos gsum pas kyang ma byas te// bag chags rnams kyis dkrugs pa'i sems// rnam par rtog pa mang pos gnas// snying gi phyogs na/ gnas pa yi// lus can kun gyi kun gzhi dang // sems dang yid dang rnam shes rnams// 'gro ba dag gis sna tshogs brtags// 'gro ba ma lus rab mnan te// sgyu ma'i ri dgas bzhin du gnas/ / sems tsam du ni 'jug pa las// gzhan du yongs su gnas 'pho ste// sa la stong zhes brjod par bya// sems ni dngos po'i tshul du gnas// rdza la sogs pa'i yul med de// sems ni rdza ma lta bu'o// sa la gzugs rnams yod pa dang // lha yul gnas pa'i khyim rnams kyang // rnam pa sna tshogs gang snang ba// de dag kun gzhi snang ba yin// kun gzhi kun tu lag pa ste// kun tu kha mig mgo bo yang // cig car ram ma ma rims kyis kyang // sa rnams yog par rab tu gnas// byis pa rnam par mos byed de// gang gis snying la gang gnas pa/ / de ni de la gnyis tshul du// lus kun bkang ste rab tu gnas// stong min dngos po gang yang med// thos pas ji ltar rdza bzhin du// dngos po gang la gzhol bya ba'i// dngos po dngos su yod pa min/ / de ste stong pa'i dngos yod na// 'jigs med ma yin gzhig par 'gyur// gzhig bya gzhig par byed pa gang // de ni rnam par rtogs pas brtags// ri rab ri bo tsam gyur pa'i/ / bdag tu lta ba mi gnod kyi// stong nyid lta ba gnod pa ni// nga rgyal mi bden brtags pa'o// rnal 'byor spyod pas stong pa nyid// gnas ma yin par sbyar mi bya// gnas min gal te sbyar gyur na// bdud rtsi drug tu 'gyur ba yin/ / lta ba ji snyed gang yang rung // lus can rnams la yod pa yi// lta ba rnam par spangs pa'i phyir// stong pa nyid kyi tshul bstan to// stong pa nyid kyi lha thos kyang // la la'i lta ba ma zhig na// gsor mi rung ba'i lha can te// sman pas btang ba'i nang pa bzhin// ji ltar bsregs pa tshig pa'i me// bsreg pa med pas mi gnas so// de bzhin bsreg bya la tshig na/ / stong nyid me yang 'gag par 'gyur// lha bas 'gog pa'i dus su yang // ye shes yang dag me 'byung ste// nyon mongs thams cad sreg par byed// nyon mongs bsregs nas rnam par mdzes/ / thub pa rnal 'byor ldan pa'i rnams// ye shes 'di ldan thub spyod dag/ de bzhin gshegs pa'i gnas kyi mchog/ stug po der ni rab tu 'dod// ri bong rA yis bong rnams/ / mngon par gzhig bya ma mthong ste// 'di la mo gsham bu yis kyang // srog chags gang yang gsad pa med// ri bong rA yi gzhu yis kyang // su yang 'thab mo mi byed de/ / mo gsham bu la su yang rung // khyim gyi las su mi sko'o// stong pa nyid dang mi rtag nyid// rtag tu dngos dang gcig gyur te// yod dang med pa'i rang bzhin yang // de bzhin gcig pa nyid du gyur/ / mngal na gnas dus tshun chad kyang // gzugs rnams gzhig par brtson pa ste// gang na'ang de med gzugs yod min// gzugs med par yang de med de// khyad par med par 'gyur ba ni/ / ma sgribs zla dang 'od zer bzhin// de bzhin dngos rnams stong nyid dang // lhan cig gcig tu 'byung ba ste// phan tshun rnam pa tha dad du// de dag dgos pa mi sgrub bo// / rgyu dang rkyen rnams tshogs pa las// rnal 'byor can gyis las bsgrub bo// lus 'di bdag yod ma yin te// ro langs 'khrul 'khor 'dra ba ni// sred pa'i srad bus bcing byas shing // yul gyi rnams kyis drang ba yin/ / lha rdzas stong pa nyid bshad pa// lta ba thams cad sbyor ba ste// mtha' rgal stong pa nyid lta ba// rgyal ba rnams kyis lha med bshad// stong nyid lta ba sbyong ba ni// yod dang med pa gzhig pa'i phyir// blo ldan mnyam par gzhag pa yi// rnal 'byor can gyis rtag tu bsgom// rtswa dang shing dang gyo mo dag/ sgyu ma'i mkhan pos rgyur byas te/ / sngags kyis ci dang cir 'dod par// gzugs kyi dngos su rab tu byed// gzugs dang snang ba yid byed dang // srang dang mig rnams bsgyur byas shing // mig gi rnam shes sgyu ma bzhin/ / gang gi yul du'ang 'ong ba med// yul gzhan dag tu'ang 'gro ba min// 'di lha'i rnam shes 'byung ba la// yod dang med par brtag mi bya// sgra yi tshogs dang ngong bu'i rwa/ / mo gsham bu dang smig rgyu dang // dri za'i grong khyer rmi lam dang // ming du grag gi yod pa min// stag dang gzig dang dom dag dang // rnga rta bong bu khyi rnams dang // dbyi dang mtsha' dang rus sbal la/ / rA ni yod pa ma yin na// thub pa rtsod par brtson pa yis// de dag ci phyir mi brtag cing // bong bu'i rA la brtag par bya// ji ga de dag sgrub nus sam// shes rab can gyis sar bstan pa/ / de dag nyi tshe brtag par bya// rtog pa can rnams 'khor ba ni// blun po 'on pa long ba 'dra// sgrol ba'i ye shes de la med// so so rang rig yul yang med// gzhan gyis byas pa'i tshul dag la// rnam par rtog pas ci zhig nus// stug por gnas par rnam par rtogs// de la brtags shing dge ba thob// rnal 'byor mnyam gzhag rnal 'byor can/ / de na gnas pa bzhin du snang // lnga yul gnas pa'i snyems bral dang // zla ba gza' la sogs pa yang // rlung gis rab tu bskyod pa'i rnams// ri rab rten cing rgyu ba yin// de bzhin rnam par shes pa bdun/ / bag chags rnams dang ldan pa yi// kun gzhi kun gyi sa bon can// de la brten cing rab tu rgyu// ji ltar sa la kun brten cing // sa skye kun kyang 'byung ba bzhin// sems can kun gyi gnas yin te// 'byung ba kun gyi khyad par du// de bzhin kun gzhi rnam shes kyang // rnam shes rnams kyi gnas yin te// sems dang sems las byung bar ldan// dpa' rlabs bzhin du rab tu 'byung / / ji ltar rma ba'i 'dab sgro rnams// 'od dang kha dog rnam mang ste// gtsug pud can rnams 'dab sgro yis// rma bya mo dang longs rtsa ba// de bzhin kun gzhi rnam shes kyang / / sa bon mang can mtsho ltar gnas// thams cad chos kyi gzhi yin te// rnal 'byor can gyis rtag tu mthong // ji ltar rgya mtsho chu bo yis// nyin gcig bzhin du dgang bya yang / / chu bo rnams ni rgyur mi 'chad// rgya mtsho rdzogs par yong mi byed// de bzhin kun gzhi rnam shes kyang // zab cing mtsho ltar gnas pa ste// rnam shes rnams kyis nyin gcig bzhin// bag chags chu bos rab tu gang // ji ltar rin chen ldan pa yis// sna tshogs kun tu phan 'dogs te// sems can rnams kyang nye bar 'tsho// yon tan dngos su ston pa yin/ / de bzhin kun gzhi rnam shes kyang // rnam rtog rnams dang lhan cig 'byung // de ni 'khor ba 'phel byed de// gyur na de bzhin gshegs pa yin// de bzhin gshegs pa skyobs bcas/ / stor pa legs bshad gtsang ba // sa bcu pa las mngon 'byung // bde bar gshegs pa'i slar zhugs nas// yang dag mtha' la rab gnas pa/ tshogs sems can rnam sprul par// 'jigs pa med par 'byung ba ni// rnam par rtog meng sa bzhin no// sos ka me tog mang po gzugs// mi dang bya yi yid du 'ong // de bzhin sna tshogs len pa'i sems/ / thub shes yid 'ong myos par byed// ji ltar don mkhas rgyal ba'i sras// 'byung las byung ba ma yin pa// med pa'i blo can de bzhin te// log par smra la brtsor pa dag/ chos dang mi mthun phra ma can// lce gnyis log par lta ba dag/ rnam pa gzhan du gnas pa'i dngos// rnam pa gzhan du ston par byed// ji ltar sgyu ma'i skyes bu zhig/ 'bras bu sna tshogs ston byed pa// 'bras bu me tog de na med// sngags dang khong gzos zo mdog bde// 'jig rten rnam pa gzhan gnas pa// rnam pa gzhan du ston par byed/ / rgyal ba rnams dang rgyal ba'i sras// kun kyang thabs kyi dmigs la mkhas// bstan pa gzhan la ji snyed du// bstan pa byas pa de dag kun// bde gshegs rnal 'byor mkhas pa yis// bstan pa stug po'i rgyan la bstan// khams rnams drug dang bco brgyad dang // skye mched bcu dang gnyis kyi mi// yid kyi srad bus btags pa dag/ sems can kun tu rab tu 'khor// rnam par shes pa brgyad kyi tshogs// khams dang skye mched phung po ste// yid kyi srad bus bcings byas shing / / lus dang lus la rab tu rgyu// 'di ni 'gro ba'i skyes bu ste// 'gro ba rnams kyi don du bstan// lus can kun gyi skyes bu ni// 'gro yang 'byung ba ma yin te/ / khams rnams drug po skyes bu yin// skye mched bcu gnyis de bzhin te// bco brgyad rnams la yid rgyu ba// dbang sgyur zhes ni bya ba ste// dbang skyur po brang sna tshogs pa/ / nor bu rin chen grong rdal dang // dga' ldan la sogs bsnyems bral dang // mtshe ma'i gnas su'ang de bzhin bshad// rdo rje snying po dbang can la/ / rgyal sras 'jigs pa med pa'i rnams// dge'o dge bshes dga' 'bod cing // thams cad mgo bos phyag 'tshal lo// thub ldan rnal 'byor spyod pa dang / / rgyal ba dag dang rgyal ba'i sras// zhing dang zhing na bzhugs pa dang // lha yul gnas pa'i rgyal sras dang // rnal 'byor bdag po rnal 'byor can/ / ye shes dbang po 'phrul chen dang // dbang sgyur lha mo'i tshogs rnams kyang // thal mo sbyar te gnas par gyur// phan tshun gcig la gcig lta zhing / / rgyal ba'i sras la smra ba ni// 'gro ba'i lha rdzas skyes bu yang // mur 'dug bdag smra spangs pa ste// thub can kun gyi skyes bu ni// thub pa'i khyu mchog khyod kyis bstan// 'das dang da ltar byung ba yis// sngon byas ma byas thob pa ni// sngon gyi rgyal ba'i sras rnams kyis// khams drug skyes bu dge ba'o/ / ji ltar mkha' la byarjes rnams// rnam par gzhag pa de bzhin du// sems tshogs ldan pa'i khams kyi rnams// gtan tshigs bcas pa rab tu bstan/ / ji ltar shing las me dag gis// me lce gnam du gnas par 'gyur// bsreg pa gzhan ni ma rnyed cing // klung gis bab na gtan mi 'bar/ / bya rjes rnam par gzhag pa ni// mkha' la gnas par mi snang ste// 'khor ba'i 'khor lo 'khor ba yi// 'gro ba'i skyes bu snang ba yin// bya rnams rkang pas mi 'dod pa// de dag spro yi shugs kyis 'dod// bya yi rjes dang 'dra ba ni/ skyes bu'i sgo nas rab tu bsnun// las kyi skyes bu bstan pa ni// 'khor na rtag tu 'khor ba ste// bde dang sdug bsngal myong byed pa// byas pa'i las ni chud mi za// ji ltar zhing pa rnams kyi las// 'bras bu med par mi 'gyur te/ / don dang ldan pa de dag ni// gzhan yang 'ong zhes rmo ba med// lha rdzas 'gro ba'i skyes bu ni// rnal 'byor can la rnal 'byor ston// lus can lus kyi nang na zhing / / de ni dge pa'i las byed do// 'di dang phyi ma'i bde ba dang // lha yul gnas pa'i gnas mthong zhing // 'khor las sangs rgyas rgyus 'gyur ba'i/ / bsod nams rnams ni rtag tu byed// thar dang pha rol phyin rnams dang // sangs rgyas bsam gtan spyod yul kun// 'gro ba'i skyes bu med na ni// kun kyang 'bras bu med par 'gyur/ / lha yi bde ba thams cad dang // dbang sgyur rnams kyi 'bras bu dang // de bzhin nyid mthong thub pa yi// rnal 'byor rnams kyang med par 'gyur// las dang las kyi 'bras bu mthong // las rnams don med ma yin te// 'o dod 'bod la sogs pa dang // mnar med mtha' dang lha rnams kyi// lam gyi rgyud kyang yod pa yin/ / 'gro ba'i skyes bu de yod na// srid pa'i 'khor lor 'khor bar 'gyur// 'khor dang bral na thar pa ste// blo zhan rnams kyis mi shes so// 'jug pa'i skyes bu med na ni// mog sham bu yang 'gro bar 'gyur// bong bu'i rwa yang rnor 'gyur te// bye ma las kyang til mar 'byung // byi dang nang gi sa rnams ni// phan tshun stobs kyis byung ba ste/ / gang dang gang du 'dra ba dag/ de dang de dag 'grogs pa yin// lha dang lha yi bu mo'i tshogs// dbang sgyur rgyal ba'i sras rnams dang // dri za grub pa'i rgyal po dang / / sngags 'chang chung ma'i tshogs rnams kyang // thub la mchod par 'os pa yis// rdo rje snying po sras bcas la// mchod de gsol ba 'debs byed pa// thams cad dge 'o dag bshes smra/ / nyams pa med pa'i chos kyi tshul// rgyu dang dpe yis brgyan pa ni// gzhan gyi rgol ba 'joms pa ste// dpa' bo chen po khyod kyis bstan// 'gab gzung lhag chod tshar gcod pa/ / bdag gi phyogs kyi yon tan ston// shes rab can gyis bstan du gsol// 'gro ba 'di dag nyan par 'gyur// ji snyed rgyal ba'i sras rnams dang // lha yi rgyal po kun kyang nyon/ / shin tu dka' ba'i bsam yas rgyu// brtag 'das rtog dang bral ba yi// rgyu dang dpe yi me tog ste// rnal 'byor rnams kyis thub dge bas// stug po'i rgyan ni bshad par bya/ / ri ni thub la rnal 'byor ston// stug po'i rgyan de sna tshogs te// sdug na spyod pa'i thub pa yi// sangs rgyas rnams kyi gnas kyi mchog/ thub pa kun gyi dam pa'o// sa stengs thub pa'i rdum la/ / rdo rje snying pos yang smras pa// rtag par du ma khyod kyis kyang // chos kyi dngos nyid shes par gyis// dngos po rnams kyi rang bzhin ci// dngos su stong ngam rtag pa zhes// 'di 'dra'i lha dang ldan pa yi// thub pa'i rnal 'byor mi 'khrul lo// chos pa gcig pu rtogs pa yis// chos par mngon du shes pa ste// dngos po kun gyi rang bzhin yang // dngos po gcig gis shes par 'gyur// ji ltar ji bzhin bsrubs pa'i zho// sor mo'i rtse mos mngon shes pa// de bzhin dngos po thams cad kyi// rang bzhin dngos pos shes par 'gyur// dngos po ci med stong pa nyid// dngos po dngos por yod pa'ang med// 'di dag kun gzhi'i rnam pa ste// stong nyid kun gzhi rnam pa'o// rgyal sras rdum 'jigs med pas// rdo rje'i snying po de la smras// lus can rnams kyis khams kyi mi// ji lta bur na sems tsam 'gyur// 'byung ba chen po rgyur byas shing // 'byung las byung ba ji lta bu// g.yo ga sher tsha dang sra ba yi// khams rnams ji ltar 'byung bar 'gyur/ / rgyal sras rdo rje snying po yis// du ma'i bdag po'i tshig zos nas// mi 'am ci bdag khyod dag ste// khyod ni dge'o yang dge'o// rnal 'byor can gyi snying po'i mchog/ yid 'ong byed pa gang dris pa// sems ni skyes bu'i lus can la// khams rnams skye 'gyur ji lta zhes// de phyir dbang sgyur rgyal sras la// dade ni dge bar bshad par bya// de bas mi 'am ci yi bdag/ pi wang slob dpon bdag la nyon// ji ltar mi 'am ci yi bdag/ khyod dang mi ci mang bcas pa// bsnyems bral mang po sna tshogs kyis// nam mkha' las ni rab 'dong zhing / / rgyal ba nyan thos tshogs 'khor du// bi wa nga sgra dbyangs snyan blangs pas// thub pa dru ma lhog shig ces// phan tshun gcig la gcig kyang gsung // bsnyem bral mang po sna tshogs na/ / mi 'am ci dang 'grogs rtse zhing // pi wang bai DUR+Yas spras pa// len cing mkha' las 'gro ba'i tshe// pi wang yid 'ong shin tu snyan// dbyangs kyis yongs su sbyangs pa ste// mi 'am ci yi bdag po yis/ / rab tu blangs par byas pa'i tshe// nyan thos rnams kyang gar byed de// nyan thos de dag gyur pa de// rgyal sras rnams kyis mthong ba dang // 'od srungs rnal 'byor bzang can dang // lha yi cod pan la smras pa/ / rnam rtog med pa'i sgra dbyangs kyi// pi wang sgra ni bsgrags pa yis/ 'dod chags bral ba ci phyir gyur// 'od srungs khyod kyis nged la ston// rgyal sras stobs chen myur rlung bzhin// ri dgas rnams dang 'dra ba ni// nyan thos g.yo ba'i blo can rnams// bag chags 'das kyi dri ma can// nyon mongs rnam rtog byung bas mnar// yang dag sangs rgyas sku rnyed nas// bag chags dri ma yongs bsal te/ / bdag med gnyis kyis yongs dag cing // shes bya sgrib pa'i dri med na// sems kyi khams las gzhan 'gyur ba'i// de bzhin gshegs pa rab tu 'gyur// khyod ni dbang can phra yul ldan// shes rgya che zhing gtsug lag mkhas/ / dbang po 'jig rten byol ba yi// gtsug lag mtshan la khyod gnas te// mi 'am ci yi gtsug lag kyang // de bzhin gshegs pa'i rnal 'byor dag/ sa yi mtshan nyid mkhas bya la/ / bslabs te zla ba bzhin gnas pa// mi 'am ci yi dbang po khyod// sa dang zhing rnams bye bar mdzes// khyod ni de ltar rnam mdzes shing // thub can dbang sgyur tshegs dbus su// khams kyi sems las skyes pa ni/ / kho bo la ni sras kyis dris// mnyam sems mnyam par gzhag pa yis// thams cad lhan cig mnyan par gyis// khams rnams gang du ci tshul du// sems su grags paba'i skyes bu la/ / rgyu rnams gang gis 'byung ba yi// de tshul bdag gis bstan par bya// chu ni rlan rnams skyed par byed// drod ni me'o srabs// bdeg la sogs pa'i bya ba rnams// rlung gi khams kyi kun nas rtsom/ / gzugs la sogs pa'i sa mtshan ni// nam mkha' kun nas rtsom par byed// rnam shes sna tshogs yul can ni// bag chags rnams kyi rab tu bskyed// srid kyi mtshams dang mig dag gi/ skye ba'i sgo rnams byed pa ni// gzugs la sogs pa'i tshogs kun te// rgyal po mtshan ni rnam pa mang // nor bu rin chen sna tshogs gnas// dbang sgyur pho brang bzang po na// rnal 'byor ldan can shugs 'dzin pa/ / rgyal mas rnams kyis mdun bdar zhing // so so'i stan las kun langs te// yang dang yang ning phyag 'tshal nas// rim gror rdo rje'i snying po la/ / mchod pa'i dam pas mchod pa byed// rin chen dra bas steng bkab cing // yang dang yang du gsol ba byed// dge'o dge'o yang dge'o// dge ba ldan la rab gnas shing // chos kyi sprin gyi tshul rnyed nas/ / sangs rgyas sa la rab zhugs te// dbang sgyur rgyal ba'i sras rnams la// sangs rgyas yul rnams rab tu bstan// rgyal po lha mo bcas pa yis// de nas yang du mchod byas te// rnal 'byor che can dge'o/ dag/ rdo rje'i snying po 'jigs med pa// lha rdzas de bzhin gshegs pa yi// chos de bdag la bstan pas na// nor bu rin chen sna tshogs gnas// bkra shis gtsang mar rab tu byas// thub ldan 'phags pa spyan ras gzigs/ / blo gros chen po byams pa dang // blo gros mi zad mthu chen dang // 'jam dpal rnam par 'phrul pa dang // lha yi cod pan rnal 'byor bdag/ shugs 'dzin dru ma blo gros dang / / gzungs kyi dbang po'i rgyal po dang // rin chen gtsug pud 'phrul can dang // yang dag ji bzhin mthong ba dang // mtshe ma'i rab dang 'byor 'dzin dang // rnal 'byor slob dpon rnal 'byor che// rnal 'byor can la sems smon pa/ / thub pa thams cad don 'grub pa// thub sras 'jigs pa med pa rnams// 'di dag gzhan yang mang po ste// rgyal ba'i sras po 'phrul chen rnams// so so'i stan las kun langs nas/ / de dag gcig la gcig bltas te// rdo rje snying po de la spras// chos kyi tshul ni bstan par gyis// khyod ni rgyal dbang byin gyis brlabs// ta sras rnams kyis rab tu mchod// sa yi mtshan la mkhas pa yang / / khyod la thams cad shin tu gnas// khyod la gsol ba 'debs pa ni// rgyal sras stobs chen thams cad dang // rnal 'byor can dang rnal 'byor bdag/ sngags 'chang bu me thams cad do/ / rgyal ba rnams dang rgyal sras dang // 'jig rten rnams kyi ngo mtshar gzhi// mdo sde kun gyis dri med cing // bstan dang klag pa rnam spangs pa// stug po'i rgyan 'di bsten pa'i phyir/ rnal 'byor bdag khyod spobs par gyis/ / sprul pas bshad pa spangs pa ste// de bzhin gtam dang sprul pas kyang // zag pa med pa chos kyi dbyings// so so rang rig spyod pa'i yul// lha rdzas mthong ba'i chas la bde/ / 'phags pa rnams la de ston cig/ phung po lhag ma ma lus par// grol ba'i chos kyi dbyings ston cig/ ting nge 'dzin dang gzugs kyi rnams// rnam par thar dang dbang rnams dang // yid bzhin rnam pa bcu po yi/ / lus kyi tshogs kyang bstan par gyis// sangs rgyas rnams kyi bsam yas da / mgon po rnams kyi zhing gi rgyan// rgyal ba rnams dang rgyal sras kyis// rdul phran bzhin gyi sku phra dang // / sgra rtsa brgya char phra ba dag/ rgyal sras khyod kyis bshad par gyis/ bstan dang bkra rnam bral 'ang // brjod pas rnam par spangs pa yi// stug po zhing ga dam pa der// ci nas thub pa 'dong ba'i phyir// rnal 'byor mkhas pas seng ge ltar// thub pa de dag kun bltas te// 'gro ba'i tshogs rnams thams cad la// brtag par mi nus brtag bral ba'i// chos tshul rab tu bstan par bya// blo yi mthu yang kun brtags na// rnal 'byor can dag chos kyi tshul// sngon gyi gzhung lugs nyan nus pas// tshangs pa'i sgra dang dbyangs su ste// ka la bing+ga'i sgra skad du// rgyal chen lce yis rab snyan par// rdo rje snying pos shin tu bshad// seng ge ro stod lus 'chang ba// mtshan rab sum cu rtsa gnyis dang // dpe byad bzang pos brgyan pa'i lus// rdo rje'i snying pos shin tu bstan// ki ma ka'i sgral mkhas pas na/ / sgra yi mtshan nyid grags pa yis// mdor na de yid nyid 'gyur du// rgyal sras de ni shin tu ston// sang sang dag pa dbyangs la sogs// mthong zhing ring ba'i sgra skad dang // gan dar dngang ldan par rgyal ba'i sras pos rab tu bstan/ / ri sha pa dang de ba ta// shardza ke shi lnga po yi// sgra skad mtshan nyid ldan pa yi// dbyangs kyi thub pa rnam par gsung // ring dang dal med pa yi tshig/ zab cing snyan pa'i sgra dbyangs te/ / mtshan nyid mkhas dang dri za la// de bzhin sripa par byed pa yi// tshig gi yon tan ldan pa'i tshig rdo rje snying pos brjod pa ni// lhun gyis grub par byas pa ste// sprul pa'i gzhin du 'byung ba yin/ / thub sras rdo rje'i snying po ni// ci yang rjod par mi byed par// thams cad yan lag mtshan nyid sgra// yan lag rnams las mngon par 'byung // smin mang dpral ba'i spyi bo dang // phrag pa sna rtse byin pa las/ / chos kyi tshul rnams rab ston cing // dge ba'i sgra rnams 'byung bar 'gyur// rdo rje snying po thub pa yi// smon lam legs las byung ba ste// bre mo'i ngang pa'i rgyal po bzhin// rgyal ba'i sras rnams kun nas 'dus/ / dbang sgyur pho brang bzang po na// thams cad gzugs kyi rin chen bzhin// dpa' chen rdo rje'i snying po de// rnam par mdzes la kun lha'o// skar ma'i dbang po skar ma yi// gza' yi dbus na mdzes pa bzhin// rdo rje'i snying po rnal 'byor can// dam pa'i stan la rnam par mdzes// ji ltar skar ma'i dbang po dang // zla ba'i 'od du bye brag med// de bzhin rdo rje'i snying po dang / rgyal ba rnams su khyad par med// yang dag ji bzhin don mthong ba'i// rgyal ba'i sras po stobs po che// rnal 'byor can dang thub pa mchog/ rnal 'byor pa yi lam gnas pa// stan las legs par ldang byas shing / / rgyal sras rnams la mngon bltas nas// tshig dag rnam par smras pa ni// kye ma theg chen theg pa ni// sangs rgyas spyod yul bsam mi khyab// de la gnas shing rgyal sras dang // rgyal ba bsam gyis mi khyab ston/ / bye ba'i zhing bzhugs rgyal ba dang // rgyal sras de dag thams cad kyang // dri med bsam gyis mi khyab chos// dgongs pas phyag bya 'os pa yin// theg pa chen po'i tshul dge ni// mchog tu phra zhing dkon pa'o/ / gzhan du gyur pa'i tshul gyi mchog/ rtog la ma yin// rnam par shes pa brgyad kyi yul// rang bzhin rnams la khyad par byed// bdag med nyid ni lnga po yi// de bzhin khyad par byed bsan/ / bag chags spros pas 'bangs pa de// yun ring gnas ngan len pa dang // sems dang sems las byung ldan zhing // rnam shes rnams las rab tu byung // lha rdzas tshul 'di mthong ba dang / / gser bzhin rnam par byang bar 'gyur// rnam dag rigs la gnas pa dag/ sangs rgyas rigs su de dag 'gyur// de bzhin gshegs pa'i lha rdzas rigs// mur 'dug nyan thos rnam spangs pa// thob nas sangs rgyas zhing gi mchog/ stug po de bzhin 'dong bar 'gyur// ting 'dzin 'di yi yul ni gang // ting 'dzin 'di yi ming yang ci// rdo rje snying pos gang thob phyir// tshul dag 'di ni ston par gyur// rdo rje'i snying po'i rkang gnyis la/ / thub pa rnams kyis phyag byas nas// rdo rje snying po 'jigs med kyi// rdo rje'i blo la bshad par mdzod// ting 'dzin yul ni gang zhig yin// ting 'dzin 'di yi ming yang ci// gang la gnas shing tshul 'di yang / / rgyal sras khyod ni bshad pa mdzod// rgyal ba'i sras rnams nyan par 'dod// dbang sgyur bdag kyang de bzhin no// rdo rje snying po 'jigs med kyis// 'khor du 'dus pa thams cad dang // tshul 'di bsam gyis mi khyab dang // rgyal ba'i sras kyi mthu stobs dang // blo la 'dzin pa'i mthu kun dang // nus sam mi nus zhes bltas nas// blo 'dzin mthu ldan mthong ba dang // rgyal sras thams cad mthu ldan gyis/

CLOSE WINDOW