/ / rgya gar skad du/ Ar+ya lang ka A ba tA ra ma hA yA na sU tra/ bod skad du/ 'phags pa lang+kar gshegs pa theg pa chen po'i mdo/ / / bam po dang po/ sangs rgyas dang byang chub sems dpa' thams cad la phyag 'tshal mo// 'di skad bdag gis thos pa dus gcig na/ bcom ldan 'das lana'i grong rdal na/ rgya mtsho'i rim la la'i rtse mo rin po che'i rigs dang / me tog sna tshogs kyis brgyan pa la/ dge slong gi dge 'dun chen po dang / byang chub sems dpa' sems dpa' chen po sangs rgyas kyi zhing sna tshogs nas 'dus pa'i ting nge 'dzin dang / dbang dang / stobs dang / mngon par shes pa du mas rnam par rol pa/ byang chub sems dpa' blo gros chen po la sogs pa dag/ sangs rgyas thams cad kyi phyag gis dbang bskur bas dbang bskur ba bdag gi sems snang ba'i spyod yul yongs su shes pa'i don la mkhas pa/ sems can gyi sems sna tshogs dang / gzugs dang // tshul dang / 'dul ba rnam pa tha dad pa'i cha byad 'chang ba/ chos lnga dang / rang bzhin dang / rnam par shes pa dang / bdag med pa gnyis khong du chud par rtogs pa'i byang chub sems dpa' dag gi tshogs chen po dang yang de'i tshe na bcom ldan 'das rgya mtsho'i klu'i rgyal po'i gnas/ zhag bdun lon te byung nas/ brgya byin dang / tshangs pa dang / klu'i bu mo bye ba du mas bsu ba dang / lang+ga'i ri ma la ya la gzigs te/ lang+ka'i grong rdal gyi ma la ya'i rtse mo 'dir/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang 'phags pa so so rang gis rig pa'i ye shes rtog ge'i lta ba mu stegs can dang / nyan thos dang / rang sangs rgyas dang / 'phags pa'i yul ma yin pa de dag gis bsgoms pa'i chos bstan te/ ngas de nyid du gnod sbyin gyi bdag po 'bod 'grogs kyu phyir/ de nyid bsnyad cing chos bstan to snyam nas/ 'dzum pa mdzad do// de nas gnod sbyin gyi bdag po 'bod 'grogs/ de bzhin gshegs pa'i byin gyi rlabs kyis/ bcom ldan 'das rgya mtshod @#klu'i rgyal po'i gnas nas byung te/ brgya byin dang / tshangs pa dang / klu'i bu mo brgya stong du mas bskor cing mdun du bdar nas/ rgya mtsho'i rlabs la gzigs te kun gzhi rnam par shes rgya mtsho la 'jug pa'i rnam par shes pa yul gyi rlung gis bskyod cing / de dag gi sems 'byung bar gzigs te/ ched du brjod pa ched du brjod pa mdzad do zhes thos nas/ bdag song la bcom ldan 'das la gsol ba btab ste/ lang+kar gshegs par bya'o// de ni bdag dang / lha dang / mi rnams la yun ring po'i don dang / phan pa dang / bde bar 'gyur ro snyam ste/ de nas gnod sbyin gyi bdag po 'bod 'grogs 'khor dang bcas pa me tog gi gzhal med khang du zhugs nas/ bcom ldan 'das ga la ba der song ste/ phyin pa dang 'khor dang bcas te/ gzhal med khang nas babs nas/ tra dang sil snyan rnams rab tu bsgrags te/ bcom ldan 'das la lan gsum du bskor ba byas nas/ pi wang gi khog pa in+d+ra nI la be DUR+Ya dang / mu sa ras sbas pa/ gos ngur ka pri yang ku 'dra ba/ rin thang med pas mtshan du sbyangs te/ 'khor rnams rab tu dga' bar byas te/ klu'i dbyangs sha rdza dang / ri sha b+ha dang 'ga' lan d+ha ra dang / d+he bA ta dang / ni sha d+ha dang / ma d+ha ya ma dang / ke shi ka dang / glu'i dbyangs mang por sbyar ba la sogs pa dang ldan zhing / rgyud rjes su 'thun pa dang / bi wang gi nang du rlung par byas te/ tshigs su bcad pa'i dbyangs kyis klu blangs pa/ sems kyi rang bzhin tshul nyid chos kyi gter// bdag med lha dang rnam bral dri ma med// so so rang rig shes pa ston pa yi// chos tshul mgon po 'dir yang bshad du gsol// dge ba'i chos kyis yang dag bsags pa'i sku// bde gshegs 'phrul pas sprul pa ston pa ste/ so so rang rig rtog pa'i chos dgyes pa/ thub pa de ni lang+kar gshegs pa'i dus// lang+ga 'di ni sngon gyi rgyal ba dang // de yi sras rnams gzugs mang 'chang ba bzhugs// mgon po 'dir ni chos rab bshad du gsol gzugs mang ldan pa'i gnod sbyin kun kyang nyan/ / de ltar lang+ka'i bdag po'i 'bod 'grogs kyis// two ta ka yi rgyud du glu blangs nas// yang tshigs su bcad pa'i dbyangs kyis gru blangs pa/ bcom ldan 'das ni dgung bdun te// chu srin gnas kyi rgya mtsho yi// rgya mtsho'i dbang po'i gnas nas ni// slad du byung ste 'gram du bzhugs// sangs rgyas bzhugs ma thag tu yang / / ne tso sa ra nas brgyan pa'i// gnod sbyin rnam pa mang po dang // 'bod 'phrogs lha mo lhan cig tu// mgon po gang na bzhugs pa yi// lam der 'phrul gyis slong nas ni/ / me tog bzhon las babs nas kyang // de bzhin gshegs la mchod phyag 'tshal// rgyal ba'i dbang pos byin brlabs nas// de la mngon par ming bsnyad pa// bdag ni 'dod @'grogs mgrin bcu ste/ / srin po'i dbang po 'dir mchis so// grong rdal 'din su gnas dang // bdag gis lan rjes su bzung // rdzogs pa'i sangs rgyas mas kyang / / so so rang rig spyod yul ni// rtse mo rin chen brgyan pa yi// zong rdal dbus su rab tu bshad// bcom ldan gyis kyang de nyid kyi// rtse mo rin chen brgyan pa la// rgyal ba'i sras kyis yongs bskor cing / / rdul med chos ni bshang du gsol// gang rnams lang+kar gnas pa dang // bdag cag de ring nyan par 'tshal// bshad pa'i tshul las rnam grol ba// so so rang rig spyod yul te/ / lang+kar gshegs pa'i spyod yul ni// sangs rgyas snga mas gsungs pa'o// rgyal ba'i sras kyis yongs bskor cing // sngon gyi sangs rgyas dag gis kyang // mdo sde 'di ni bshad par dran/ / bcom ldan gyis kyang bshad du gsol// ma 'ongs dus na byung ba yi// sangs rgyas sangs rgyas sras dag kyang // 'phrul gyi tshul te 'di nyid ni// rtse mo rin chen brgyan pa la/ / gnod sbyin rnams la thugs brje'i phyir// 'dren pa rnams ni ston par 'gyur// 'phrul gyi 'ona'i grong rdal 'di// mdangs dga'i rin chen sna tshogs dang // zil snyi rdo stengs dga' ba dang / / rin chen dra ba'i tha res brgyan// rnal 'byor nyes dang rnam bral ba// so so rang rig sems pa yi// bcom ldan 'di ni gnod sbyin dag/ sangs rgyas snga mas mdzad srung ba/ / theg chen tshul la dad pa yis// mngon par zhen cing gzhan 'dzud pa// gnod sbyin mo dang gnod sbyin bu// theg chen rtogs par 'tshal ba mchis lang+ga mA la ya yi rir/ / ston pa sangs rgyas gshegs su gsol// bum pa sna la sogs pa'i rnams// srin po'i grong rdal gnas pa dag/ theg pa che la ston pa rnams// so so rang rig nyan par 'tshal// sangs rgyas rnams la bgyi ba bgyis// da ltar na yang shin tu bgyid// bdag la rjes su thugs brtse'i phyir// lang+kar sras dang bcas te gshegs/ / khyim dang lha mo tshogs rnams dang // se mo do yang sna tshogs dang / mdangs dga' a sho ka yi tshul// thub pa chen po bzhes su gsol// bdag ni rgyal sras de dag dang sangs rgyas rnams kyi bka' bzhin bgyid/ / bdag gis mi dbul gcig ma mchis// thub pa chen po thugs rjer dgongs// de yi tshig de gsan pa dang // srid gsum dbang pos gsungs pa ni/ / gnod sbyin dbang po 'das pa yi// mgon pos rin chen ri bo la// so so rang rig chos rnams bstan// khyod nyid la yang thugs brtser dgongs// rin chen rnam brgyan ringal/ / ma 'ongs rnams kyang gsung bar 'gyur// 'di ni rnal 'byor ldan pa dag// mthong ba'i chos la spyod pa'i gnas// nga dang sras rnams dag gis kyang // gnod hU~M dbang por 'artser dkrongs rigs/ / bcom ldan gnang nas mi gsung bar// zhi ba'i blo yis rnam par zhugs// 'bod 'grogs kyis ni phul ba yis// me tog banon par zhugs par gyur/ / de nyid du ni 'bod 'grogs dang // 'jigs med rgyal sras gzhan yang ste// lha mos bzhad gang rol mo yis// rab tu mchod cing grong du gshegs// dgar ba'i grong rdal der gshegs nas/ / mchod pa rab tu yang brnyes so// 'bod 'grogs la sogs gnod sbyin gyi// sde dang gnod sbyin mos kyang mchod// gnod sbyin bu mo gnod sbyin bus// rin po che yi dra bas mchod/ / 'bod 'grogs kyis kyang sangs rgyas kyi// rin chen brgyan pa'i se mo do// rgyal ba'i sras dang rgyal ba yi// stod kyi yan lag rnams la btags// bcom ldan rgyal sras mkhas bcas pas/ / mchod pa phul ba bzhes nas ni// so so rang rig spyod yul gyi// chos ni rnam par bstan pa mdzad// gnod sbyin sde dang 'bod 'grogs kyis// smra ba rnams kyi mchog mchod de/ / blo gros chen pos rab mchod cing // gsol ba yang dang yang 'debs pa// khyod ni sangs rgyas thams cad la// rang rig spyod yul 'dri ba yin// 'di ni bdag dang gnod sbyin dang / rgyal ba'i sras rnams nyan pa mchis// khyod la rgyal sras mkhas pa dang // gnod sbyin rnams kyang gsol ba 'debs// smra ba'i nang na sgra chen khyod// rnal 'byor can gyi'ang rnal 'byor zhugs/ khyongal gus pa sagasos 'debs kyis// 'jigs pa med pas chu rnaMs shig/ rang rgyal na tho rnams da ni// su glegs shes las rnas snar thog/ so so rang ga chos na sangs rgyas sa ni thob byed pa/ / rtse mo rin chen brgyan pa dang // gzhan yang lha rdzas rnams kyi ni// rin chen bye bas brgyan pa dag/ bcom ldan 'das kyis der sprus te// mgon bos ri bai re re la/ / nyid kyi sku ni rab tu bstan// 'bod 'grogs gnod sbyin de dag na// re re la ni rnam par gnas// thams cad 'khor ni ma bri bar// re re la yang shin tu snang // de nas zhing rnams thams cad dang / / gang yang de na 'dren pa dang // de na srin po'i dbang po rnams// gang dag lang+gar gnas pa'ang snang // de dang 'gran pa'i lang+ga dang // a sho ka yi rAm gzhan dang // nags tshal bzang po de dag kyang // rgyal ba yis ni mngon par sprul// mgon po ri rnams re re la// blo gros chen pos bskul ba dang // so so rang rig brjod pa yi// chos ni gnod sbyin rnams la bstan/ / stong phrag brgya pa'i mdo sde dag/ ri bo la ni ma lus bshad// ston pa dang ni rgyal sras rnams// de nyid du yang mi snang gyur// gnod sbyin 'bod 'grogs bdag gi lus// khyim na gnas pa mthong ba dang // bsams pa 'di go ci zhig snyam// gang gis bshad de su yis thos// ci zhig mthong gi gang zhig mthong // grong khyer de dag gang du song // sangs rgyas de dag zhing de rnams/ / rin chen nag bzangs de ka re// 'di ni sgyu ma'am rmi lam rol// dri za'i grong khyer zhes bsgrags pa'am// rab rib yin nam smig d+hu 'am/ lam mo gsham bu byung ngam// bdag gis 'dir ni gang mthong ba// mgal mo bskor tam du ba 'am// 'on te sems kyi spyod yul la// chos rnams kyis ni chos nyid dam/ @ ba med cing blta ba'ang med/ / smra med smra bar bya med na// rang gi rtog pas myos pa yi// byis pa rnams kyis mi shes so// gzhan du rnam par rtog pa 'di// sangs rgyas dang ni chos ltar gnas/ / ji ltar mthong bzhin su lta ba// de dag 'dren pa mi mthong ngo // rnam par rtog pa mi 'jug cing // gang tshe sangs rgyas mi mthong la// 'jug med sangs rgyas yin par ni/ / gal te mthong na de sangs rgyas// lang+ka'i bdag po gnas shin tu gyur pa dang / rang gi sems snang ba tsam du khong du chud par rab tu rtogs ma thag tu rnam par mi rtog pa'i rgyu ba la gnas pa/ sngon gyi dge ba'i rtsa bas bskul ba/ gtsug lag thams cad la mkhas pa'i blo/ de bzhin nyid ji lta ba bzhin du mthong ba/ gzhan gyi dring mi 'jog pa/ bdag gi blo rnam par dpyod pa la mkhas pa/ rtog ge'i lta ba dang bral bar lta ba/ gzhan gyi dring la mi 'jog pa/ rnal 'byor chen po'i rnal 'byor can/ gzungs sna tshogs / 'chang ba chen po thabs la mkhas pa/ khong du chud par rtogs pa/ gong nas gong du thams cad kyi rang gi mtshan nyid rtogs par bya ba la mkhas pa/ sems dang / yid dang / yid kyi rnam par shes pa'i rang bzhin dben pa la dga' ba/ rgyud gsum chad par lta ba/ rgyu dang mu stegs can thams cad dang bral ba'i blor gyur pas/ de bzhin gshegs pa'i snying po sangs rgyas kyi sa la nang du snyoms par zhugs pa la gnas shing / sangs rgyas kyi blos nam mkha' dang nang nas sgra thos pa/ lang+ka'i bdag po legs so legs so// yang lang+ka'i bdag po khyod ni legs so// ji ltar khyod slob pa de ltar rnal 'byor can rnams kyis bslab bo// ji ltar khyod kyis mthong ba de bzhin du/ de bzhin gshegs pa rnams dang / chos rnams la blta bar bya'o// rnam par gzhan du bltas na chad pa la gnas par 'gyur ro/ / khyod kyis sems dang / yid dang / yid kyi rnam par shes pa dang bral zhing nang du spyod pas/ chos thams cad rnam par bsgom par bya ste/ pha rol gyi don du lta ba la mngon par chags pas ni ma yin no// khyod kyi nyan thos dang / rang sangs rgyas dang / mu skyegs can gyi mngon par rdzogs pa dang / tshig gi don gyi spyod yul du lhultung ba'i lta ba dang / ting nge 'dzin du ma yin/ gtam dang sgung la dga' bar ma yin/ rig byed kyi rang bzhin du lta bar ma yin/ rgyal po'i dbang gis dregs pa la lhung bar ma yin/ bsam gtan drug la sogs pa la bsam gtan par ma yin te/ lang+ka'i bdag po 'di ni rgyal ba'i sras rnal 'byor chen po'i rnal 'byor dang ldan pa/ pha rol rgol bar tu 'jom pa/ lta ba ngan pa sel ba/ bdag tu lta ba rnam par zlog pa la mkhas pa/ blo zhib cing rnam par shes pa shin tu gyur pa la mkhas pa/ theg pa chen po la spyod pa rnams kyi dam tshig go/ de bzhin gshegs pa'i bdag po so so rang gi sa la 'jug pa khong du chud par bya ba'i phyir/ khyod kyis brtson par gyis shig/ de ltar byas na lang+ga'i bdag po gang khyod kyis ting nge 'dzin la mkhas pa'i snyoms par 'jug pas/ yongs su bzung ba'i lam 'di ni/ phyir zhing gong nas gong du rnam par spyod pa yin te/ ji ltar byis pa mu stegs can gyi rnal 'byor la/ rnal 'byor can bdag tu 'dzin par snang ba'i mtshan nyid mngon par chags pa/ 'byung ba dang / yon tan dang / rdzas kyi rjes su spyod pa/ ma rig pa'i rkyer du lta ba la mngon par chags pas mngon par zhen pa/ stong pa dang skye bas g.yengs pa/ rnam par rtog pa la mngon par chags pa/ mtshan nyid du lhung ba'i bsam pas brtags pa/ nyan thos dang / rang sangs rgyas dang / mu skyegs can gyi rjes su 'jug pa'i sgo'i spyod yul ni ma yin no/ / lang+ka'i bdag po bdag gi so so rang gis rig pa rtogs par byed pa'i theg pa chen po khong du chud par byed pa 'di ni/ gzungs sna chos rab tu 'thob par byed pa'o/ / bye brag gi srid par skye ba yongs su 'thob par 'gyur ro// lang+ka'i bdag po theg pa chen po'i rnal 'byor la 'jug pa 'di ni/ khebs pa'i g.yogs ma rnam par shes pa sna tshogs kyi rlabs zlog par byed pa yin te/ mu stegs can gyi rnal 'byor gyi gnas su lhung ba'i ni ma yin no// lang+ka'i bdag po mu stegs can gyi rnal 'byor ni/ mu stegs can rnams kyis bdag tu mngon par zhen pa las 'byung ba'o/ / rnam par shes pa'i rang bzhin gnyis kyi don la chags par lta bas/ mu stegs can rnams kyi 'di yang rnal 'byor ma yin no/ / lang+ka'i bdag po de legs so// de bzhin gshegs pa mthong zhing ji ltar rjes su bsams pa'i don de nyid rjes su soms shig dang / de nyid ni de bzhin gshegs pa mthong ba yin no/ / de nas de'i skabs su 'bod 'grogs 'di snyam du sems te/ yang 'di ltar bdag gis bcom ldan 'das rnal 'byor thams cad la mnga' mdzad pa/ mu stegs can gyi rnal 'byor rnam par zlog pa/ so so rang gis rig pa'i spyod yul ston pa/ 'phrul pas sprul pa dang bral ba/ thugs su chud pa'i blo la grang gi phyir rnal 'byor can rnams rnal 'byor mngon par rtogs pa'i dus ni/ ting nge 'dzin gyi bde ba dang / snyoms par 'jug pa rnams khong du chung bar 'gyur te/ de khong du chud pa'i phyir 'dis khong du chud do zhes rnal 'byor can rnas kyis rnal 'byor gyi slar gdags te/ de'i phyir bdag gis thugs rje can nyon mongs pa 'bar ba'i rgyu dang / rnam par rtog pa zad par byed pa/ rgyal ba'i sgras rnam kyis yongs su bskor ba/ sems can thams cad kyi sems dang bsam pa'i rjes su zhugs pa/ thams cad du khyab pa/ thams cad mkhyen pa la byed pa'i mtshan nyid rnam par log pa'i rdzu 'phrul gyis de ltar blta'o/ / de mthong bas na khong du ma chud pa khong du chud par bya'o// rnam par mi rtog pa la spyod pa bde ba'i ting nge 'dzin dang / snyoms par 'jug pas gnas pa/ de bzhin gshegs pas thugs su chud pa'i sa thob par byed pa/ bdag gis khong du chud pa yang rnam par 'phel bar 'gyur ro snyam mo// de nas bcom ldan 'das kyis de'i tshe/ lang+ga'i bdag po ma skyes pa'i chos la bzod pa thob pa thugs su chud nas/ mgrin bcu la thugs brtse ba'i phyir/ rin po che mang pos brgyan pa/ rin po che'i dra bas bres pa'i bdag gi ri'i rtse mo la mdzes pa delta bu nyid du bdag nyid bstan nas/ yang lang+ka'i bdag po mgrin bcus mthong ba dang / myong ba'i mdzes pa dang / rtse mo la de bzhin gshegs pa dgra bcom pa yang dag par rdzogs pa'i sangs rgyas mtshan sum cu rtsa gnyis kyis brgyan pa'i sku dang / ri bo re re la bdag gi lus kyang de bzhin gshegs pa dgra bcom pa yang dag par rdzogs pa'i sangs rgyas rnams kyi spyan sngar 'dug pa dang / de bzhin gshegs pa blo gros chen po dang thabs cig so so rang gis rig pa'i spyod yul gyi gtam mdzad pa dang / gnod sbyin gyis bskor cing bshad pa brjod pa'i gtam gsung ba dang / mgon po dang / bcas pa'i zhing de dag kyang mthong bar gyur to// de nas bcom ldan 'das de'i sha'i spyan gyis 'khor la gzigs nas/ seng ge'i rgyal po lngar rnam par bsgyings te/ bzhad mo rjer bzhad nas/ mdzad bu dang / rtsib logs dang / baR+Sha dang / rked pa'i phyogs dang / dpal gyi be'u dang / spu'i khung bu thams cad nas ni 'od zer rab tu 'byin/ dus kyi mtha'i me bzhin du ni 'bar/ gzi brjid ni 'a# lta bu/ 'od kyi dkyil 'khor ni nyi ma shar ba dang 'dra bar shin tu 'bar/ brgya byin dang / tshangs pa dang / 'jig rten skyong ba rnams kyis ni nam mkha'i dbyings nas blta zhing / ri rab kyi rtse mo la 'gran pa'i zom la bzhugs nas/ bzhad mo cher bzhad nas/ de nas byang chub sems dpa'i 'khor de dang / brgya byin dang / tshangs pa la sogs pa de dag 'di snyam du sems te/ rgyu gang dang rkyen gang gis de ltar bcom ldan 'das chos thams cad la mnga' mdzad pa/ sngon du mdzad pas bzhad mo cher bzhad cing / rang gi sku la 'od zer rab tu 'byin/ phyung nas kyang so so rang gis rig pa 'phags pa'i ye shes mthong ba'i spyod yul ting nge 'dzin gyi bde ba la dgongs pa rab tu bzhag ste/ gzigs mo med par seng ge'i lta bas phyogs su gzigs nas/ 'bod 'grogs kyi rnal 'byor rtogs pa/ rgyu ba la rjes su dgongs shing / cang mi gsung bar gyur snyam mo// de nas byang chub sems dpa' sems dpa' chen po blo gros chen pos sngar gsol pa btab pas/ 'bod 'grogs la snying brtse ba dang / byang chub sems dpa'i 'khor de dag gi sems dang / bsam pa dang / rnam par dpyod pa yang shes shing ma 'ongs pa'i skye bo'i chogs la yang bltas nas bshad pa brjod pa la mngon par dga' ba'i sems can rnams dang / sgra ji bzhin du mngon par zhen pa rnams dang / nyan thos dang / rang sangs rgyas dang / mu stegs can gyi rnal 'byor gyi stobs la mngon par zhen pa thams cad 'di ltar/ bcom ldan 'das de bzhin gshegs pa rnam par shes pa'i yul las phyir log pa rnams kyang bzhad mo cher bzhad do snyam du sems shing / sems rnam par myos par gyur na mi rung ngo snyam nas/ de dag gi ngo mtshar rnam par bzlog pa'i phyir/ bcom ldan 'das la zhus pa/ bcom ldan 'das rgyu gang dang rkyen gang gis 'di ltar 'dzum pa mdzad/ bcom ldan 'das kyis bka' stsal pa/ blo gros chen po legs so legs so// yang blo gros chen po gang khyod kyis 'jig rten gyi bzhin dang / 'jig rten rnams kyi lta ba ngan pa la bltas te/ dus gsum gyi sems khong du chud pas// ngal 'dri bar brtsams pa ni/ blo gros chen po khyod legs so// de ltar/ mkhas pa rnams kyis bdag dang gzhan gyi don dang / gnyis ka'i don du yongs su 'dri ba'i rang bzhin can du bya'o// blo gros chen po lang+ka'i bdag po 'bod 'grogs 'dis ni/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la dri ba gnyis dris so/ / dang la yang gang nyan thos dang / rang sangs rgyas dang / mu stegs can gyi na 'byor la rnal 'byor pa rnams kyi ma myong ba'i dri ba gnyis kyi bye brag khong du chud pa'i mtshan nyid rnam par bsgom pa'i phyir 'dri bar 'dod do/ / 'di ltar 'dri bar 'dod pa'i mgrin bcu 'di ni/ ma 'ongs pa'i rgyal ba rnams la'ang 'dri bar 'gyur ro// de nas bcom ldan 'das kyis mkhyen bzhin du/ lang+ga'i bdag po la 'di skad ces bka' stsal to// lang+ka'i bdag po khyod la de bzhin gshegs pas skabs phye ste/ cod pan rab tu g.yo ba ma sdod par ci dang / ci 'dod par nga la dris shig dang / ngas dris pa de dang de'i lung bstan pas/ ji ltar khyod rnam par rtog pa'i gnas shin tu gyur nas/ sa'i mi mthun pa'i phyogs la mkhas shing rab tu 'byed pa'i blos so so rang gis rig pa'i tshul gyi mtshan nyid kyi ting nge 'dzin gyi bde bar gnas pa la rnam bar dpyod cing / ting nge 'dzin gyi sangs rgyas rnams kyis ni yongs su bzung / zhi ba'i bde ba la ni rnam par gnas te/ nyan thos dang / rang sangs rgyas kyi ting nge 'dzin gyi nyes pa las 'das nas mi g.yo ba dang / dge ba'i blo gros dang / chos kyi sprin gyi sa la ni rnam par gnas/ chos la bdag med pa'i yang dag pa ji lta ba bzhin la ni rab tu mnyam/ bas/ rin po che'i pad+mo chen po bting ba la/ ting nge 'dzin gyi rgyal bas dbang bskur ba thob par 'gyur zhing / de dang rjes su 'thun pa'i pad+mo dag la bdag gi lus rnam pa sna tshogs su byin gyi rlabs kyis byin du brlabs te/ pad+mo de dag la bdag gi lus 'dug pa mthong bar 'gyur ba dang / gcig gi gdong la gcig ltar yang byed par 'gyur ba dang / de ltar gang gi phyir bsam gyis mi khyab pa'i yul de ni/ mngon par bsgrub pa la mkhas pa gcig gis mngon par bsgrub pa yin te/ spyod pa'i sa la gnas shing / thabs mkhas pas yongs su bzung ba'i mngon bapar bsgrub pa mngon par bsgrubs pas bsam gyis mi khyab pa'i yul de yang rjes su mthong bar 'gyur ba dang / de bzhin gshegs pa'i sa gzugs mang por rnam par 'gyur ba// nyan thos dang / rang sangs rgyas dang / mu stegs can dang / tshangs pa dang / dbang po dang / nye ba'i dbang po rnams kyis sngon ma mthong ba de yang mthong bar 'gyur ba khyod kyi sems rangs par bya'o/ / de nas lang+ka'i bdag po lha mo dang bcas pa'i tshogs kyis yongs su bskor ba/ bcom ldan 'das kyis skabs phye bas/ rin po che'i pad+mo'i 'od zer gyis dri ma med pa'i 'od rin po che'i bad+mo dang 'dra ba'i rin po che'i rtse mo de nas langs nas/ me tog dang / 'phreng ba dang / spos dang / bdug pa dang / byug pa dang / gdugs dang / mtshan dang / lha'i ba dan dang / se mo do dang / do shal dang / cod pan dang / thor tsugs rnam pa du ma rnam pa tha dad pa sna tshogs dang / sngon ma mthong ma thos pa'i rgyan gyi khyad par rnam pas 'phags pa gzhan dag dang / lha dang / klu dang / gnod sbyin dang / srin po dang / dri za dang / mi 'am ci dang / lto 'phye chen po dang / mi las lhag pa las kyang 'das pa'i rnga dang / sil snyan rnams dang / 'dod pa'i khams su gtogs pa'i rol mo'i cha byad thams cad kyang rnam par sprul/ gang yang sangs rgyas kyi zhing gzhan gyi rol mo'i khyad par mthong ba de dag kyang mngon par sprul/ bcom ldan 'das dang / byang chub sems dpa' rnams la rin po che'i dra bas ni mngon par bkab/ gos sna tshogs kyi lha'i ba dan ni rab tu bsgreng/ ta la bdun tsam du ni nam mkha' la mngon par 'phags/ mchod pa'i sprin chen po'i char ni mngon par bab/ rnga dang sil snyan rnams kyi sgra ni rab tu phyung ste/ nam mkha' las de ltar babs nas/ nyi ma dang glog gi 'od lta bu/ rin po che'i pad+mo chen pos brgyan pa'i rin po che'i rtse mo gnyis po la 'dug go// 'dug nas zhe sar 'dzum pa sngon du byas te/ bcom ldan 'das kyis so skabs phye bas/ bcom ldan 'das la dri ba gnyis dris so// sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la yang bdag gis zhus nas/ de rnams kyis kyang lan blan te/ bcom ldan 'das la yang da zhu'o// bstan pa brjod pa las kyang 'di ni sangs rgyas rnams dang / khyod kyis kyang gdon mi 'tshal bar bshad par 'gyur te/ bcom ldan 'das chos gnyis po 'di ni 'phrul pas sprul pa rnams kyis bstan pa lags te/ ngo bo'i de bzhin gshegs pa rnams kyis ni ma gsungs so// bcom ldan 'das ngo bo'i de bzhin gshegs pa rnams ni ting nge 'dzin gyi sgo'i spyod yul ston te/ tshig gi spyod yul gyi rnam par rtog par lhung ba ni mi ston na/ bcom ldan 'das chos la mnga' mdzad pa/ de bzhin gshegs pa dgra bcom pa yang dag par rdzogs pa'i sangs rgyas nyid kyis/ chos gnyis po de legs par bdag la bshad du gsol/ bcom ldan 'das rgyal ba'i sras 'di rnams kyang nabadag kyang 'tshal bar 'gyur ro/ / bcom ldan 'das kyis bka' stsal pa/ mda'i bdag po chos gnyis po spros shig/ srin po'i lus la cod ben dang / dpung rgyan dang / se mo dong rdo rje mchog gi 'phreng ba thogs shing / rgyan bzang pos lus la brgyan pas gsol pa/ chos nyid kyang spang bar bgyi ba/ chos ma mchis pas ci smos pa/ bcom ldan 'das chos gas po de ji ltar spang bar 'gyur/ rlos sam chos med pa rnams ni gang lags/ ji ltar na gnyis spang ba'i chos can rnam par rtog pa'i mtshan nyid du lhung ba/ rnam par rtog pa'i rang bzhin du 'byung ba dang / 'byung ba las gyur pa ma yin lags pa/ kun gzhi rnam par shes pa yongs su ma rig pas/ khyad par gyi mtshan nyid ma mchis pa/ skra shad 'dzings pa'i rang bzhin du gnas pas// shes pa ma dag cing zad pas gyur pa'i yul can de lta bu'i rang bzhin de dag ji ltar spang bar 'gyur/ bcom ldan 'das kyis bka' stsal pa/ lang+ka'i bdag po 'di ltar bum pa la sogs pa chag pa'i rang bzhin/ 'jig pa'i chos can rnams byis pa rnams kyi rnam par rtog pa'i spyod yul tha dad pa'i bye brag tu snang ba de bzhin du/ 'di la yang ci'i phyir mi gzung / byis pa rnams kyi so so'i rnam par rtog pa nye bar bzung na/ chos dang chos med pa tha dad pa'i bye brag kyang yod do// 'phags pa'i ye shes khong du chud par bya ba'i mthong bas ni ma yin no// lang+ka'i bdag po bum pa la sogs pa'i dngos po mtshan nyid sna tshogs su lhung ba rnams byis pa dag gi yin te/ 'phags pa rnams kyi ma yin pa lta zhog gi/ rang bzhin gcig cing 'bar ba gcig las byung ba'i rab tu 'bar/ khyim dang / gnas dang / skyed mos tshal dang / khang pa la 'dug pa'i shing gi dbang gis 'od ring ba dang / thung ba'i khyad par dang / tha dad pa'i bye brag tu snang ba de bzhin du/ 'di la yang chos dang chos pa tha dad pa'i bye brag yod pa ci'i phyir mi gzung / me lce'i rgyud gcig tu gyur pa'i 'od 'phro ba tha dad pa'i bye brag tu snang ba 'ba' shin tu'ang ma zad de/ lang+ka'i bdag po sa bon gcig las byung yang myu gu dang / ljang bu dang / sog ma dang / tshigs dang / lo ma dang / yal ga dang / me tog dang / 'bras bu dang / gra ma'i bye brag yod pa de bzhin du/ phyi nang gi chos skye ba'i chos can ma rig pa las rab tu byung ba/ phung po dang / khams dang / skye mched du gtogs pa thams cad dang / khams gsum du skye ba'i chos thams cad la/ bde ba'i dbyibs bsgo pa dang / 'gro ba'i khyad par dag kyang snang ste/ mtshan nyid gcig pa'i rnam par rig pa'i rnam par shes pa'i yul la mngon par 'dzin par rab tu 'jug pa'i khyad par rab dang / 'bring dang / tha ma'i bye brag dang / rnam par byang ba dang / dge ba dang / mi dge bar yang snang ngo // lang+ga'i bdag po chos tha dad pa de dag gi bye brag tu yang ma zad de/ rnal 'byor can rnal 'byor sgom pa rnams kyi rnal 'byor gyi lam la yang so so rang gis rig pa'i mtshan nyid kyi khyad par snang na/ so so'i rnam par rtog pa las byung ba'i chos dang / chos med pa'i khyad par lta ci'i phyir med de yod do// lang+ka'i bdag po rnam par rtog pa'i mtshan nyid kyi phyir/ chos dang chos med pa tha dad pa'i bye brag yod do// lang+ka'i bdag po de la chos rnams gang zhe na/ 'di lta ste/ mu stegs can dang nyan thos dang / rang sangs rgyas dang / byis pa rnams kyi rnam par rtos pas rnam par gams pa/ rgyul sa yon tan dang rdzas kyis gzhi bcugs pani chos rnams skyes bya'o// dwe g+h+na na bya ba gtang bar bya ste/ mtshan nyid du so sor rnam par brtag par mi bya'o// rang gi sems snang ba'i chos rnams la mngon par zhen pa'i phyir/ rdza ma la sogs pa'i chos byis pas kun brtags la/ lus su ma red pa'i rnams ni med pa yin te/ de lta bur lhag mthong gis rab tu mthong na spangs par 'gyur ro// de la chos med pa rnams gang zhe na/ gang de dag bdag nyid du ma red pa/ yin te/ mtshan nyid kyi rnam par rtog pa/ rgyu ba med pa'i chos don gyi rgyu las byung ba de dag yang dag pa dang / yang dag pa ma yin par 'jug pa med par mthong nas/ de'i phyir chos med pa spong bar 'gyur ro/ / yang bdag nyid du ma red pa'i chos rnams gang zhe na/ 'di lta ste/ ri bong dang / rnga mo dang / bong bu dang / rta'i ra dang / mo bsham gyi bu la sogs pa'i chos rnams te/ bdag nyid du ma red pa'i phyir/ de dag gi mtshan nyid du brtag par mi bya'i/ gzhan du na spyod pa'i don du brjod do// bum pa la sogs pa ltar mngon par chags pas ni ma yin no// ji ltar de dag rnam par shes pas gzung du med pa'i phyir spang bar bya ba de bzhin du/ rnam par rtog pa'i dngos po rnams kyang spang bar bya ba yin te/ de'i phyir chos dang chos med par spang ba yin no// 'dra'i bdag po khyod kyis chos dang / chos med pa gnyis ji lta bur spang bar bya zhes smras pa de ni 'di ltar bshad do// gang yang lang+ka'i bdag po khyod kyis sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la yang bdag gis dris te/ de dag gis kyang lan blan no zhes smras pa yang / lang+ka'i bdag po sngon zhes bya ba 'di na rnam par rtog pa'i tshig bla dgas te/ 'das pa la'ang 'di ltar 'das pa'i zhes rnam par rtog go// de bzhin du ma 'ongs pa dang / da ltar yang rtog ste/ de bzhin gshegs pa rnams ni de'i chos nyid kyis rnam par mi rtog pa'i spros pa thams cad las 'das pa ste/ gzugs kyi ngo bo nyid la brtag pa ltar ni ma yin gyi/ gzhan du na ye shes thugs su chud pa bde ba'i don du mtshan ma med pa la spyod pa'i shes rab kyis rnam par bsgom mo/ / de'i phyir de bzhin gshegs pa rnams ni ye shes kyi bdag nyid/ ye shes kyi sku ste brtag par mi bya'o// gang gis mi brtag ce na/ yid kyis bdag dang / srog dang / gang zag tu mi brtag go/ ji ltar du mi brtag ce na/ yul gyi don gyi rgyu las 'byung ba'i yid kyi rnam par shes pas/ ji ltar gzugs kyi mtshan nyid dang / dbyibs dang rnam pa bzhin du mi brtag go// de bas na khyod kyis brtag par bya ba dang / rnam par rtog pa dang bral bar bya'o// lang+ka'i bdag po 'di ltar yang sems can gyi spyod pa rnams ni/ rtsig pa'i ri mo'i gzugs dang 'dra ste/ lang+ka'i 'dag po chos thams cad yod pa ma yin pa'i phyir/ 'jig rten gnas pa ni g.yo ba med pa ste/ las dang byed pa dang bral ba'o/ / 'di la gang yang nyan pa 'am/ mnyan par bya ba med do// lang+ka'i bdag po 'jig rten gnas pa ni sprul pa dang mtshungs na/ mu stegs can byis pa'i rnal 'byor pa rnams rnam par mi sgom mo/ / lang+ka'i bdag po gang gis de ltar mthong ba des ni yang dag par mthong ba ste/ rnam pa gzhan du mthong ba rnam par rtog pa la spyod pa'o// de ltar rnam par rtog pa dang bcas pa rnams ni/ rnam pa gnyis su 'dzin te/ 'di lta ste/ me long gi nang na yod pa'i bdag gi gzugs kyi gzugs brnyan dang / chu la bdag gi lus kyi grib ma dang / zla ba'i 'od dang / khyiman me mar 'bar ba la bdag gi lus kyi grib ma dang / brag cha 'am gzhan yang bdag gi rnam par rtog pa'i gzung ba rab tu bzung ste/ chos dang chos med pa rnam par rtog cing / chos dang chos med pa spyod ba la mi spyod de spyod do/ / rnam par rtog go// rgyas par byed do// rab tu zhi ba mi thob bo// 'di ni rtse gcig pa'i chog bla dgas te/ 'di ni de bzhin gshes pa'i snying po bdag gi 'phags pa so so rang gi ye shes kyi spyod yul du 'jug pa'i phyir/ mchog gi ting nge 'dzin skye ba'o// 'bod 'grogs kyis gsol ba btab pa'i le'u ste dang po'o// // de nas sangs rgyas kyi zhing thams cad du rgyu ba'i byang chub sems dpa' sems dpa' chen po blo gros chen po byang chub sems dpa' blo gros dang lhan cig tu sangs rgyas kyi mthus stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar te phyag 'tshal nas/ bcom ldan 'das la tshigs su bcad pa dag gis mngon par bstod do/ / 'jig rten skye 'jig ma mchis te/ nam mkha'i me tog rab tu 'dra/ khyod kyi shes rab thugs rje yis// khyod kyis yod dang med ma dmigs/ chos rnams thams cad sgyu ma bzhin// sems dang rnam par shes pa spangs// khyod kyi shes rab thugs rje yis// khyod kyis yod dang med ma dmigs// 'jig rten rtag dang chad spangs pa/ khor zug rmi lam 'dra ba ste// khyod kyi shes rab thugs rje yis// khyod kyis yod dang med ma dmigs// chos dang gang zag bdag med dang // khyod kyis nyon mongs shes bya'i rnams/ / khyod kyi shes rab thugs rje dang // mtshan ma med pas rtag tu dag/ sgyu ma'i rmi lam rang bzhin gyi// chos kyi sku la ji skad bstod// dngos po rang bzhin med rnams kyi/ ma skyes de ni bstod pa lags// dbang po don dang rnam bral zhing // snang med de yi gzigs pa bas// gal te bstod dam smad kyang rung // thub pa de la ji skad brjod// rtsa ngan mi 'da' 'da' la min/ / khyod la mya ngan 'da' mi gnas// blo dang rig par bgyid pa dang // yod dang med pa'i phyogs kyang spangs// de ltar skye 'jig spangs pa yi// thub pa zhi ba sus mthong ba de dag 'di dang skad mar yang / / chags med nyer len ma mchis 'gyur// de nas byang chub sems dpa' sems dpa' chen po blo gros chen pos/ bcom ldan 'das la tshul dang 'dra ba'i tshigs su bcad pa 'di dag gis mngon par bstod do/ / bdag gis ming dang rigs bcom ldan 'das la gsol pa/ bcom ldan bdag ni blo chen te// theg chen khong du chud par rdzogs// dri ba brgya po rtsa brgyad pa// gsungs pa'i mchog la zhu bar bgyi// de yi tshig de gsan pa dang // sangs rgyas 'jig rten mkhyen pa'i mchog/ thams cad 'khor la rnam gzigs nas// de gshegs sras la gsungs pa ni// nga la dris shig rgyal sras rnams// blo gros chen po khyod kyang dris// so so rang rig spyod yul ni// nga yis khyod la bshad par bya// de nas bcom ldan 'dra kyis skabs phye nas/ byang chub sems dpa' sems dpa' chen po blo gros chen pos/ bcom ldan 'das kyi zhabs gnyis la gtugs te/ bcom ldan 'das la zhu ba zhus pa/ ji ltar rtog ge rnam dag 'gyur// rtog ge ci yi srad du 'byung // ji lta bur na nor ba gda'// ci yi slad du nor ba 'byung // ci yi slang du sbrul dang zhing // khyo kyi mtshan dang mu stegs kyang / / snang byed rim pa ci slad du// khyod kyi rgyal sras gang las lags// grol ba gang du mchi bar 'gyur// bcings pa su lags gang gis grol/ / bsam gtan pa yi yul de gang // ji ltar theb pa gsum po lags// rkyen gyis skye ba de dag ci// 'bras bu ci zhig rgyu ni gang // gnyis kyi mtha' brjod ci skad du/ lta bur yang 'byung ba lags// gzugs med snyoms par 'jug pa dang // 'gog pa de yang ji lta bu// 'du shes 'gog pa ji lta bu// ci smad ji ltar sad par 'gyur// 'gro ba dang / ni lus 'dzin kyang // ci yi slad du bya ba 'byung // ji ltar snang ba rnam par bsgoms// ji ltar sa la 'jug par 'gyur// srid gsum choms nus pa des su// gnas ni gang lags lus ni ci/ / gnas shing 'gro ba gang zhig su// rgyal ba'i sras su ji ltar 'gyur// dbang dang ting nge 'dzin rnams dang // mngon par shes pa ji ltar 'thob// ji ltar sems ni/ mnyan par 'jog/ rgyal ba khyu mchog bdag la gsungs// yid dang rnam par shes pa dang // kun gzhi de yang ji lta bur// sdang la ji ltar 'jug pa lags// ji ltar snang las srung du ldog/ rigs dang rigs med ji ltar cis// sems tsam du yang ji ltar 'gyur// mtshan rnams rnam par dgod pa dang // bdag med pa yang ji ltar 'gyur// sems can ma mchis ji las/ / kun rdzob pagang 'dzin bu// ji ltar tas dang chad pa yi// zla b.rab tu 'byung mi 'gyur// ji sma khyod drung chu k+kesas// sargyan nyid rnams kyis 'gas mI 'gyur// rnams kyang ji lta bur// ma 'ongs dus na 'byung ba gsungs// ci srad ji ltar stong pa nyid// ji ltar khyod kyi skad cig 'jig/ snying po ji ltar 'byung ba lags// ji skar 'jig rten byed ma mchis/ / ji ltar 'jig rten sdig rgyu 'dra// dri za 'dra dang smig rgyu dang // chu yi zla ba 'dra ba yang // ci yi slad du bdag la gsungs// byang chub yan lag ji ltar mchis// chub phyogs rnams ci las 'byung // yul 'khrugs pa dang khrag drug dang // ji ltar 'byung ba lta bar 'gyur// ma skyes pa dang ma 'gags pa// ji ltar nam mkha'i me tog 'dra/ 'jig rten ji ltar thugs su chud// yi ge med par ji ltar gsung // ci yis rnam par mi rtog 'gyur// ji ltar nam mkha' 'dra ba lags// de bzhin nyid ni rnam pa du// sems dang pa rol phyin pa du/ / gang gis sa yi rim par 'gyur// snang med rgyu ba gang zhig lags// gang gis bdag med rnam pa gnyis// shes bya ji ltar rnam par dag/ mgon po ye shes rnam pa dang / / tshul khrims sems can 'byung gnas du// nor bu mu thig gser 'byung ba'i// rigs rnams su yis rab tu phyung // sems can dngos po'i sna grangs dang // mngon par brjod pa su yis bskyed/ / rig pa'i gnas dang bzo yi rnams// gang gis ji ltar rab tu bshad// tshigs su bcad pa rnam pa du// tshigs bcad rkang pa lta bu/ / rig pa rnam pa du zhig mchis// bshad pa dag kyang ji ltar 'gyur// skom dang kha zas sna tshogs dang // ji ltar 'khrig pa 'byung bar 'gyur// rgyal po 'khor lo sgyur ba dang / / khams kyi bdag po ji ltar lags// ji ltar rgyal srid srung bar 'gyur// lha yi ris la rnam pa du// sa dang skar tshogs ci las gyur// nyi zla gnyis kyang ji lta bu// thar pa rnam pa du zhig mchis/ / rnal 'byor ldan pa rnam pa du// slob ma rnam pa du zhig mchis// slob dpon du yang ji ltar 'gyur// sangs rgyas rnam pa du zhig lags// skyes pa'i rabs la rnam pa du/ / bdud ni rnam pa du zhig mchis// ya mtshan can yang rnam pa du// khyod kyi rang bzhin rnam pa du// ri mo rnam pa du zhig mchis// btags pa tsam yang ji lta bu// smra ba'i mchog gis bdag la gsungs/ / nam mkha'i sprin rlung ci las gyur// dran dang yid gzhungs ji ltar 'byung // shing gi 'khri shing ji ltar cis// srid gsum dbang pos bdag la gsung glang po ri dgas rta blun rnams/ / gzung du rung ba ci slad du// ngan pa'i mi rnams ci las gyur// bdag la sems lung sgyur bas gsungs// khams drug 'dzin pa ci slad du// 'dod chen bar yang ji ltar 'gyur/ / skyes pa bud med ma ning rnams// ji ltar skye 'gyur bdag la gsungs// rnal 'byor las ni ji ltar ldog/ rnal 'byor la yang ji ltar 'jug/ ci 'dra'i skyes bu ji lta bur/ / rnal 'byor gzhag pa bdag la gsungs// 'gro bar phyin pa'i sems can gyi// mchod nyid mtshan ma ji lta bu// gang gis ji ltar phyug por 'gyur// mkha 'dras bdag la bka' stsol cig/ ji lta ci yis shAkya'i rigs// bu ram shing skyes ji ltar byung // yun ring drang srong dka' thub gang // khyod kyis des ni ji ltar brlabs// khyed nyid zhing rnams thams cad du// mtshan dang de bzhin gzugs sna tshogs// rgyal ba'i sras kyis bskor ba yang // ci yi slad du kun na gda'// ji ltar sha rnams bzar mi rung // ji ltar sha ni bkag pa lags// sha za'i rigs su skyes pa rnams// sha 'tshal bar yang ji ltar 'gyur// ji ltar zhing rnams nyi zla'i dbyibs// ri rab pad+mo 'dra ba dang // dpal be'u seng ge'i dbyibs 'dra ba/ / ci yi slang du bdag la gsungs// go bdun dag dang spyi'u tshugs dang // mig 'phrul 'dra ba ji lta bu// rin chen kun gyi zhing rnams dang // ji ltar ci slad bdag la gsungs/ / pi wang rdza rnga'i dbyings 'dra dang // 'bras bu me tog sna tshogs 'dra// iSh+Tha dag dang rnam bral ba// ji ltar ci spang bdag la gsungs// la la sprul pa'i sangs rgyas dang sangs rgyas la la rnam smin byung / / yang dag ye shes sangs rgyas rnams// ji ltar ci slad bdag la gsungs// ji ltar ci slad 'dod khams su// rnam sangs ma rgyas bdag la gsungs/ / ci yi don du 'og min du// chags bral khrod du mngon sangs rgyas// bde gshegs mya ngan 'das nas go// bstan pa su zhig 'dzin par 'gyur// ston pa ji srid par du bzhugs/ / tshul dang ji srid gnas par 'gyur// khyod kyi grub mtha' rnam pa du// lta ba dag kyang rnam pa du// dge slong dngos dang 'dul ba yang // ji ltar ci slad bdag la gsungs// rang rgyal rgyas sras nyan thos kyi// ci slad 'gyur ba brgya po dang // snang ba med pa brgya po yang // ci yi slad du bdag la gsungs// 'jig rten mngon shes gang gis 'byung // 'jig rten 'das kyi ji ltar bur/ / sems dang sa rnams bdun po yang // ji ltar ci slad bdag la gsungs// khyod kyi dge 'dun rnam pa du// ji ltar dge 'dun dbyen du gyur// sems can gso/ ba'i gtsug lag khang // ji ltar ci slad bdag la gsungs// 'od srungs log par dad sel dang // gser thub kyang ni nga yin zhes// rgyal ba'i sras la gsungs pa de// thub pa chen po ci slad gsungs/ / bdag dang sems can cis med brjod// rtag dang 'jig gtam ji lta bur// ci skad sems can yang dag nyid// thams cad du ni bshad mi mdzad// ci slang skyes bran chung 'tshal/ / a ru ra dang skyu ru tshal// ke la sa dang khor yug ri// rdo rje sra ba'ang ji lta bu// de yi nang na du ma'i ri// rin chen sna tshogs rab brgyan cing // drang srong dri za kun gang la/ / ji ltar ci slad bdag la gsungs// theg pa chen tshul sna tshogs pa// sangs rgyas rnams kyi thugs mchog 'di// sangs rgyas 'jig rten mkhyen pa'i phul// lha chen gyis ni gsan pa dang / / shes rab chen po legs so legs// khyod kyis yongs su gang dris pa// de ni rims kyis ngas bshad kyis// blo chen nga las shes par byos// skye dang skye med pa dang / / ji ltar mya ngan 'das dang stong // 'pho dang rang bzhin med pa dang // sangs rgyas pha rol phyin dang sras// nyan thos rgyal ba'i sras rnams dang // gzugs med spyod ba'i mu stegs dang / / ri rab rgya mtsho'i ri rnams dang // gling dang sa dang ri rnams dang / skar ma nyi ma zla ba dang // mu stegs lha dang lha ma yin// rnam thar dbang dang / mngon shes dang // stobs dang bsam gtan ting nge 'dzin// 'gog dang rdzu 'phrul rkang pa dang // byang chub yan lag lam rnams dang // tshad med rnams dang bsam gtan dang // phung po rnams/ dang 'gro 'ong dang // snyoms par 'jug dang 'gog pa dang // ljang dang sna tshogs bshad pa dang // sems dang yid dang rnam shes dang // bdag med pa dang chos lnga dang // rang bzhin rtog/ brtags pa dang // snang dang lha gnyis ji lta bu// theg pa rnams kyi 'byung gnas dang // gser nor mu tig 'byung ba'i rigs// 'dod chen pa dang 'byung chen dang / sangs rgyas gcig dang dkrugs ma dang // shes pa shes 'byung 'thob pa dang // sems can srid dang mi srid dang // ci phyir glang po ri dgas te// ji ltar gzung rung bdag la gsungs/ / dpe dang rgyu dang rnams ldan pa'i// grub pa'i mtha' bshad ji lta bur// rgyu dang 'bras bu ci yi phyir// tshul dang nor ba sna tshogs dang // sems tsam sde na snang ba med sa rnams la yang rim pa med/ / snang ba med dang 'gyur ba rnams// brgya po ci phyir bdag la gsungs// gso ba'i gtsug lag bzo rnams dang // sgyu rtsal rig lung de bzhin te// ri bo de bzhin ra rab dang // sa yi tshad kyang ji lta bur// nyi ma zla ba rgya mtsho yi// tshad ni ji tsam bdag la gsungs// sems can lus la rdul gyi rnams// rab dang 'bring dang tha ma du/ / zhing dang zhing la rdul rnams du// 'dom dang 'dom la ji snyed mchis// khru 'dom gom brgyang grags dang // dpag tshad byed dang dpag tshad la// ri bong nyi zer sro ma dang / lug gi dang ni nas kyang du// bre gang la ni nas 'bru du// bre phyed la yang nas 'bru du// de bzhin bre bo khal gcig la// 'bum dang bye ba shu rngog du// yungs kar la ni rdul phran du// byol ma sel yungs kar du// ri gcig la ni 'ol se du// nam gcig la ni ri du yod// zho gcig la ni nam du yod// srang gcig la ni zho du yod// rtsis kyi rtsis mgo 'di lta bur ri rab la ni srang du yod/ / de skad bu yis nga la dris// rnam pa gzhan du ci phyir 'dri// rang rgyal dag dang nyan thos dang // sangs rgyas rnams dang rgyal sras kyi// sku la rdul phran du yod ces/ de skad ci phyir 'dri mi byed// me lce la ni rdul phran du// rlung la yang ni rdul phran du// dbang po gcig cing rdul phran du// smin ma spu yi khung bu du// phyug po'i mi rnams ci lnga gyur/ 'khor los sgyur ba'i rgyal po yang // rgyal srid chos bsrung de dag gi/ de dag ji ltar thar par 'gyur// tshogs bcad rgyang pa ji ltar smra// 'khrig pa 'gro ba sna tshogs dang // zas sgrom rnam pa mang po dang / / ji ltar skyes bu na chung tshul// ji ltar ci spyad ri bo rnams// rdo rje ltar sra bdag la spros// sgyu ma mi 'dra ci phyir na// sdig rgyu mtshungs pa ji lta bu// kAng sprin rnams 'byung bar 'gyur/ / dus kyi rnams kyang ci las 'byung // ro yi bro ba ci las gyur// ci las po ma ning rnams// rgyal ba'i sras kyis mdzes pa dang // bu khyod nga la ci phyir 'dri/ / ji ltar lha yi ri bo rnams// drang srong dri zas brgyan pa dang // grol ba gang du 'grol bar 'gyur// bcings pa su zhig gang gis 'grol// bsam gtan pa yi yul de bang // sprul pa dang ni mu stegs kyang / / yod med byed med ci yi phyir// snang ba las ni ji ltar ltog/ rtog ge dag kyang ji ltar 'dag/ rtog ge ci phyir 'byung bar 'gyur// byed pa ci yis 'byung bar 'gyur/ / 'gro ba'ang ci phyir bdag la gsungs// gang gis 'du shes gcad par bgyi// ci yis ting 'dzin rtogs par 'gyur// srid gsum choms nas pa des su// gnas dang de yi lus kyang ci/ / bdag dang sems can med ces brjod// kun rdzob bstan pa ji lta bur// mtshan nyid 'dri ba ci yi phyir// bdag med 'dri ba ji lta bur// snying po sde pa ci yi phyir// nga la 'drir byed rgyal ba'i bu/ / rtag dang chad par lta ba dang // gang gis sems kyang mnyam par 'jog/ brjod dang de bzhin ye shes dang // tshul khrims rigs dang rgyal ba'i bu// bla ma slob ma rig pa ston/ / sems can sna tshogs ji lta bur// zas skom nam mkha' yid gzhungs dang // bdud rnams dang ni btags pa tsam// shing la 'khri shing ci phyir zhes// ci phyir rgyal sras nga la 'dri/ / zhing rnams sna tshogs ci yi phyir// yun rings drang srong dka' thub dang // khyod kyi rigs dang bla ma gang // ci phyir rgyal sras nga la 'dri// ci yi phyir na mi dgangan// 'dod pa'i khams su 'tshang mi rgya/ / 'og min du ni grub pa'i mtha'// ji ltar rigs pa nga la 'dri// ci phyir mngon shes 'jig rten pa// ji ltar dge slong dngos su 'gyur// sprul dang rnam smin gnas pa yi// sangs rgyas nga la ji ltar 'dri// yang dag ye shes sangs rgyas dang // dge 'dun rnams kyang ji ltar 'gyur// gi wang me tog rnga 'dra dang // snang ba spangs pa'i zhing rnams dang // sems dang sa rnams bdun po dag/ nga la rgyal ba'i bu yang 'dri// 'di na gzhan yang rab mang ba'i// 'dri ba nga la bus dris pa// re re mtshan dang rab ldan zhing // lta ba'i nyes pa rab spangs te/ / bshad pa phyogs kyi grub pa'i mtha'// des bshad nga las mnyan par gyis// tshig rnams dgod par nges bya yis// tshig ni brgya yi rtsa brgyad po// ji ltar sangs rgyas bshad pa'i rnams/ / nga la bu yis mnyan par gyis// de nas byang chub sems dpa' sems dpa' chen po blo gros chen pos// bcom ldan 'das la 'di skad ces gsol to/ / bcom ldan 'das tshig brgya rtsa brgyad po gang lags/ bcom ldan 'das kyis bka' stsal pa/ skye ba'i tshig dang / mi skye ba'i tshig dang / rtag pa'i tshig dang / mi rtag pa'i tshig dang / mtshan nyid kyi tshig dang / mtshan nyid med pa'i tshig dang / gnas gzhan du gyur pa'i tshig dang / gnas gzhan du 'gyur ba ma yin pa'i tshig dang // skad cig pa'i tshig dang / skad cig pa ma yin ba'i tshig dang / rang bzhin yod pa'i tshig dang / rang bzhin med pa'i tshig dang / stong pa nyid kyi tshig dang / stong pa nyid ma yin pa'i tshig dang / chad pa'i tshig dang / chad pa ma yin pa'i tshig dang sems kyi tshig dang / sems med pa'i tshig dang / dbu ma'i tshig dang / dbu ma ma yin pa'i tshig dang / ther zug pa'i tshig dang / ther zug pa ma yin pa'i tshig dang / rkyen gyi tshig dang / rkyen ma yin pa'i tshig dang / rgyu'i tshig dang / rgyu med pa'i tshig dang / nyon mongs pa'i tshig dang / nyon mongs pa med pa'i tshig dang / sred pa'i tshig dang / sred pa med pa'i tshig dang / thabs kyi tshig dang / thabs ma yin pa'i tshig dang / mkhas pa'i tshig dang / mkhas pa ma yin pa'i tshig dang / dag pa'i tshig dang / dag pa ma yin pa'i tshig dang / rigs pa'i tshig dang / rigs pa ma yin pa'i tshig dang / dpe'i tshig dang / dpe med pa'i tshig dang / slob ma'i tshig dang / slob ma ma yin pa'i tshig dang / bla ma'i tshig dang / b+h+ra ma ma yin pa'i tshig dang / rigs kyi tshig dang / rigs med pa'i tshig dang / theg pa gsum gyi tshig dang / theg pa gsum med pa'i tshig dang / snang ba'i tshig dang / snang ba med pa'i tshig dang / smon pa'i tshig dang / smon pa med pa'i tshig dang / 'khor gsum gyi tshig dang / 'khor gsum med pa'i tshig dang / mtshan ma'i tshig dang / mtshan ma med pa'i tshig dang / yod med phyogs kyi tshig dang / yod med kyi phyogs ma yin pa'i tshig dang / gnyis ka'i tshig dang / gnyis ka ma yin pa'i tshig dang / so so rang gi 'phags pa'i ye shes kyi tshig dang / so so rang gi 'phags pa'i ye shes med pa'i tshig dang / mthong ba'i chos la bde ba'i tshig dang / mthong ba'i chos la bde ba med pa'i tshig dang / zhing gi tshig dang / zhing med pa'i tshig dang / rdul gyi tshig dang / rdul med pa'i tshig dang / chu'i tshig dang / chu med pa'i tshig dang / rmongs pa'i tshig dang / rmongs pa med pa'i tshig dang yang dag pa'i tshig dang / yang dag pa ma yin pa'i tshig dang / grangs dang rtsis kyi tshig dang / grangs dang rtsis med pa'i tshig dang / mngon par shes pa'i tshig dang / mngon par shes pa med pa'i tshig dang / skyo ba'i tshig dang / skyo ba med pa'i tshig dang / stug po'i tshig dang / stug po ma yin pa'i tshig dang / sgyu rtsal gyi tshig dang / rig pa dang bzo'i tshig dang / sgyu rtsal dang / rig pa dang / bzo med pa'i tshig dang / rlung gi tshig dang / rlung med pa'i tshig dang / sa'i tshig dang / sa med pa'i tshig dang / sems kyi tshig dang / sems med pa'i tshig dang / gdags pa'i tshig dang / gdags pa med pa'i tshig dang / rang bzhin gyi tshig dang / rang bzhin med pa'i tshig dang / phung po'i tshig dang / phung po med pa'i tshig dang / sems can gyi tshig dang / sems can med pa'i tshig dang / blo'i tshig dang / blo med pa'i tshig dang / mya ngan las 'das pa'i tshig dang / mya ngan las 'das pa med pa'i tshig dang / shes bya'i tshig dang / shes bya med pa'i tshig dang / mu stegs can gyi tshig dang / mu stegs can med pa'i tshig dang / khrag khrug pa'i tshig dang / khrag khrug med pa'i tshig dang / sgyu ma'i tshig dang / sgyu ma med pa'i tshig dang / rmi lam gyi tshig dang / rmi lam med pa'i tshig dang / smig rgyu'i tshig dang / smig rgyu med pa'i tshig dang / gzugs brnyan gyi tshig dang / gzugs brnyan ma yin pa'i tshig dang / 'khor lo'i tshig dang / 'khor lo med pa'i tshig dang / dri za'i tshig dang / dri za med pa'i tshig dang / lha'i tshig dang / lha ma yin gyi tshig dang / zas skom gyi tshig dang / zas skom med pa'i tshig dang / 'khrig pa'i tshig dang / 'khrig pa med pa'i tshig dang / lta ba'i tshig dang / lta ba med pa'i tshig dang / pha rol tu phyin pa'i tshig dang / pha rol tu phyin pa med pa'i tshig dang / tshul khrims kyi tshig dang / tshul khrims med pa'i tshig dang / nyi zla dang skar ma'i tshig dang / nyi zla dang skar ma med pa'i tshig dang / bden pa'i tshig dang / bden pa med pa'i tshig dang / 'bras bu'i tshig dang / 'bras bu med pa'i tshig dang / 'gog pa'i tshig dang / 'gog pa med pa'i tshig dang / 'gog pa las ldang ba'i tshig dang / 'gog pa las ldang ba med pa'i tshig dang / gso ba'i tshig dang / gso ba med pa'i tshig dang / mtshan gyi tshig dang / mtshan med pa'i tshig dang / yan lag gi tshig dang / yan lag med pa'i tshig dang / sgyu rtsal rig pa'i tshig dang / sgyu rtsal rig pa med pa'i tshig dang / bsam gtan gyi chog dang / bsam gtan med pa'i tshig dang / nor ba'i tshig dang / nor ba med pa'i tshig dang snang ba'i tshig dang / snang ba med pa'i tshig dang / bsrung ba'i tshig dang / bsrung ba med pa'i tshig dang / rus kyi tshig dang / rus med pa'i tshig dang / drang srong gi tshig dang / rang srong med pa'i tshig dang / rgyal po'i srid kyi tshig dang / rgyal po'i srid ma yin pa'i tshig dang / gzung ba'i tshig dang / gzung ba med pa'i tshig dang / rin po che'i tshig dang / rin po che med pa'i tshig dang / lung bstan pa'i tshig dang / lung bstan pa med pa'i tshig dang / 'dod chen pa'i tshig dang / 'dod chen pa ma yin pa'i tshig dang / pho dang ma ning gi tshig dang / pho mo dang ma ning med pa'i tshig dang / zo ba'i tshig dang / bro ba med pa'i tshig dang / byed pa'i tshig dang / byed pa med pa'i tshig dang / lus kyi tshig dang / lus med pa'i tshig dang / rtog ge'i tshig dang / rtog ge med pa'i tshig dang / g.yo ba'i tshig dang / g.yo ba med pa'i tshig dang / dbang po'i tshig dang / dbang po med pa'i rlig dang / 'dus byas kyi tshig dang / 'dus byas med pa'i tshig dang / rgyu dang 'bras bu'i tshig dang / rgyu dang 'bras bu med pa'i tshig dang / 'og ma'i tshig dang / 'og min gyi tshig dang / dus kyi tshig dang / dus med pa'i tshig dang / shing dang / shing gel ba dang / lcug ma gyes pa'i tshig dang / shing dang shing gel ba dang / lcug ma gyes pa med pa'i tshig dang / sna tshogs kyi tshig dang / sna tshogs med pa'i tshig dang / bstan pas gzud pa'i tshig dang / bstan pas gzung pa med pa'i tshig dang / 'dul ba'i tshig dang / 'dul ba med pa'i tshig dang / dge slong gi tshig dang / dge slong med pa'i tshig dang / byin gyi rlabs kyi tshig dang / byin gyi rlabs med pa'i tshig dang / yi ge'i tshig dang / mi seMd pa g+hu / 'di ldan tha thas rten d+hI swA s+yAr+b+bas kyis ston pa'i g+sa d+hA k+Sha stan to// rnam sa de nas yang byang chub sems dpa' sems dpa' chen po blo gros chen pos/ bcom ldan 'das la 'di skad ces gsol to// bcom ldan 'das rnam par shes pa rnams kyi skye ba dang / gnas pa dang / 'gag pa rnam pa du mchis/ bcom ldan 'das kyis bka' stsal pa/ blo gros chen po rnam par shes pa rnams kyi skye ba dang / gnas pa dang / 'gag ba rnam pa gnyis yod de/ rtog ge ba rnams kyis khong du mi chud do// 'di lta ste/ rgyun 'gag pa dang / mtshan nyid 'gag pa'o// rnam par shes pa rnams kyi skye ba yang rnam pa gnyis te rgyun skye ba dang / mtshan nyid skye ba'o// gnas pa yang rnam pa gnyis te/ rgyun gnas pa dang / mtshan nyid gnas pa'o// blo gros chen po rnam par shes pa ni rnam pa gsum ste/ 'jug pa'i mtshan nyid dang / las kyi mtshan nyid dang / rigs kyi mtshan nyid do// blo gros chen po mtshan nyid brgyad du gsungs pa'i shes pa ni/ mdor rnam pa gnyis te/ snang ba'i rnam par shes pa dang / dngos po so sor rnam par rtog pa'i rnam par shes pa'o// blo gros chen po ji ltar me long la gzugs bzhin du snang ba la/ snang ba'i rnam par shes pa 'dzin te/ blo gros chen po snang ba'i rnam par shes pa dang / dngos po so sor rnam par rtog pa'i rnam par shes pa de gnyis ni mtshan nyid tha mi dad cing / gcig gi rgyu gcig go// blo gros chen po de la snang ba'i rnam par shes pa ni bsam gyis mi khyab pa'i bal chags yongs su 'gyur ba'i rgyu las 'byung ba'o// blo gros chen po dngos po so sor rnam par rtog pa'i rnam par shes pa ni/ yul la rnam par rtog pa'i rgyu las byung ba dang / thog ma med pa'i dus kyi spros pa'i bag chags kyi rgyu las byung ngo // de la blo gros chen po dbang po'i rnam par shes pa thams cad 'gag pa ni/ 'di lta ste/ kun gzhi'i rnam par shes pa'i yang dag pa ma yin par kun rtog pa'i bag chags sna tshogs 'gog pa ste/ blo gros chen po 'di ni mtshan nyid 'gag pa'o// / blo gros chen po rgyun 'gag pa ni gang las byung ba yin te/ blo gros chen po gang las zhes bya ba ni gang la gnas pa dang / gang la dmigs pa'o// de la gang la gnas zhes bya ba ni thog ma med pa'i dus kyi spros pa gnas ngan len gyi bag chags so/ / gang la dmigs pa zhes bya ba ni bdag gi sems snang ba/ rnam par shes pa'i yul du rnam par rtog go// blo gros chen po 'di lta ste/ dper na 'jim pa'i rdul phra rab dang / 'jim pa'i gong bu ni gcig pa'ang ma yin/ tha dad pa'ang ma yin pa dang / ji ltar gser dang rgyan bzhin te/ blo gros chen po ci ste 'jim pa'i gong bu rdul phra rab dang tha dad pa / zhig na ni/ de dag las brtsams pa ma yin par 'gyur na/ de'i 'jim pa'i rdus thar ba de dag las kyang 'artsams pas na/ de'i phyir tha dad pa ma yin no// de sde tha dad pa ma yin na ni/ 'jim pa'i gong bu dang rdul phra rab tu bye brag med par 'gyur ro// de bzhin du blo gros chen po 'jug pa'i rnam par shes pa rnams kun gzhi'i rnam par shes pa'i rigs kyi mtshan nyid dang gal te tha dad pa yin na ni/ kun gzhi rnam par shes pa'i rgyu las byung bar mi 'gyur ro// de ste tha dad pa ma yin na ni 'jug pa'i rnam par shes pa 'gags na/ kun gzhi rnam par shes pa'ang 'gags par 'gyur na/ de ltar bdag gi rigs kyi mtshan nyid 'gag par yang mi 'gyur te/ de'i phyir blo gros chen po rnam par shes pa rnams kyi rang gi rigs kyi mtshan nyid 'gag par mi 'gyur gyi/ las kyi mtshan nyid ni 'gag go/ rang gi rigs kyi mtshan nyid 'gag na/ kun gzhi rnam par shes pa yang 'gag par 'gyur te/ blo gros chen po kun gzhi rnam par shes pa 'gags na ni/ smra ba 'di yang mu stegs byed pa'i chad par smra ba dang khyad par med par 'gyur ro// blo gros chen po mu stegs byed rnams kyi smra ba ni/ 'di lta ste/ 'di ltar yul 'dzin pargyun chad pas/ rnam par shes pa'i rgyun chad par 'gyur te/ rnam par shes pa'i rgyun chad pas/ thog ma med pa'i dus kyi rgyun yang chad par 'gyur ro// blo gros chen po mu stegs byed rnams kyi rgyu las rgyun 'byung bar smra ba'i rgyu ma gtogs par/ mig gi rnam par shes pa ni gzugs dang snang ba 'dus pa las 'byung bar mi smra ste/ blo gros chen po rgyun ni gtso bo dang / skyes bu dang / dbang po dang / dus dang / rdul phra mor smra ba'o// gzhan yang blo gros chen po dngos po'i rang bzhin bdun yod de/ 'di ltar 'du ba dngos po'i rang bzhin dang / dngos por rang gi dngos po dang / mtshan nyid kyi dngos po dang / 'byung ba chen po'i rang bzhin gyi dngos po dang / rgyu'i dngos po dang / rkyen gyi dngos po dang / thub pa'i dngos po ste bdun no// zos chen po gzhan yang don dam pa 'dun te/ 'di ltar sems kyi spyod yul dang / ye shes kyi spyod sum+b+ha dang / ba gnyis kyi spyod yul dang / lta ba gnyis las 'das pa'i spyod yul dang sdang brjen pa'i spyod yul dang / sras kyi sa las 'das pa'i de bzhin gshegs pa'i so sngo rang gis rlig pa'i spyod yul te/ 'di dag ni blo gros chen po 'das pa dang / ma 'das pa dang / daltar gyi de bzhin gshegs pa dgra bcom pa yang dag par rdzogs pa'i sangs rgyas rnams kyi dngos po'i rang bzhin dang / don dam pa'i snying po yin te/ dngos po'i rang bzhin dang / don dam pa'i snying po de dang ldan pas/ de bzhin gshegs pa rnams 'jig rten pa dang / 'jig rten las 'das pa dang / 'jig rten las 'das pa'i mchog gi chos rang dang spyi'i mtshan mid tu rtogs pa'i rnams 'phags pa'i shes rab kyi spyan gyis rnam par dgod de/ ji ltar bur mu stegs byed pa'i smra ba dang / lta ba ngan pa dang / thun mong du mi 'gyur ba de ltar rnam par dgod do/ / blo gros chen po ji ltar na/ mu stegs byed pa'i smra ba dang / lta ba ngan pa dang / thun mong ma yin pa yin zhe na/ 'di lta ste/ blo gros chen po rnam par shes pa rnams kyi bdag gi spyod yul la rnam par rtog pa'i lta ba khong du ma chud pa dang / bdag gi sems snang ba tsam du mi 'jug pas/ byis pa so so'i skye bo rnams dngos po dang / dngos po med pa'i rang bzhin don dam par lta ba gnyis su smra bar gyur to// blo glas chen po gzhan yang mi shes pa dang / srid pa dang / las kyi rkyen rnam par log pa/ rnam par rtog pasrid pa gsum gyi sdug bsngal rnam par bzlog pa/ rang gi sems snang ba'i spyod yul rgyu ma'i rjes su mthong ba bshad par bya'o// blo gros chen po dge sbyong ngam/ bram ze gang la ma byung ba 'am/ yod pa rtu las 'bras bu mngon pa dang / dngos po yun du gnas po dang / rkyen rnams las phung po dang / khams dang / bye mched rnams skye ba dang / gnas pa dang byung nas kyang 'jig par 'dod de/ blo gros chen po de dag ni/ rgyun dang / bya ba dang / skye ba dang / srid pa dang / mya ngan las 'das pa dang / lam dang / las dang / 'bras bu dang / bden padang rnam par 'jig pa dang / chad par lta bar 'gyur te/ de ci'i phyir zhe na/ mngon sum dang myi dmigs pas/ thog ma mthong ba med pa'i phyir ro// blo gros chen po 'di lta ste/ gyo mo ni rdza ma med par rdza ma'i bya ba mi byed do/ / sa bon tshig pa yang myu gu'i bya ba mi byed de/ blo gros chen po de bzhin du/ phung po dang / khams dang / skye mched kyi dngos po de dag 'gags pa dang / 'gag pa dang / 'gag par 'gyur ba ni/ bdag gi sems snang ba rnam par rtog pa mthong ba'i rgyu las 'byung bas/ de dag ni rgyun mi 'chad par 'byung ba byed do// blo gros chen po gal te ma byung ba'am/ yod pa las rnam par shes pa rnam gsum phrad pa'i rkyen gyi byed pa ldan pa las 'byung du zin na ni/ blo gros chen po rus sbal gyi spu lta bu med pa rnams dang bye ma las kyang 'bru mar 'byung bar 'gyur ro/ / blo gros chen po yod pa dang / med pa las byung bar smra ba la dam bcas pa nyams pa dang / nges pa las 'gal ba dang / bya ba dang / las dang // byed pa don med par yang 'gyur ro// blo gros chen po de dag la yang gsum zad pa'i rkyen gyis byed pa dang ldan pas/ rgyu dang / 'bras bu dang / rang gi mtshan nyid du ston pa yod de/ 'das pa dang ma 'ongs pa dang / da ltar byung ba med pa dang / med pa'i mtshan nyid yod par rig pa dang / lung gis brtag pa'i sa la gnas shing / rang gi lta ba nyes pa'i bag chags kyis ston te/ blo gros chen po de ltar byis pa so so'i skye bo de rnams nyes pa'i rta bas zin pa mi nyams pa'i blo can rnams mi shes pas bstan pa la/ thams cad mkhyen pas bstan to// zhes zer ro// blo gros chen po dge sbyong ngam/ bram ze gang la la rang bzhin med pa/ sprin dang / mgul me bskor ba dang / dri za'i grong khyer dang / ma skyes pa dang / sgyu ma dang / smig rgyu dang / chu'i zla ba dang / rmi lam dang / phyi rol tu sems kyi snang ba rnam par rtog pa dang / thog ma med pa'i dus kyi spros pa mthong bas rang gi sems snang ba rnam par rtog pa'i rkyen phyir ldog pa med pa yongs su brtags pa'i brjod pa dang / mtshan dang / mtshan gyi gzhi dang / brjod par bya ba dang bral ba/ lus dang / longs spyod dang / gnas su snang ba'i kun gzhi rnam par shes pa dang / yul dang / gzung ba dang / 'dzin pa dang / rnam par bral ba snang ba med pa'i spyod yul skye ba dang / gnas pa dang / 'jig pa spangs pa dang / bdag gi sems skye ba dang ldan pa/ rnam par sgom par 'gyur te/ blo gros chen po byang chub sems dpa' sems dpa' chen po de dag ni ring por mi thogs par 'khor ba dang mya ngan las 'das pa mnyam pa nyid thob par 'gyur ro/ / blo gros chen po snying rje chen po dang / thabs la mkhas pa lhun gyis grub par 'gyur ba'i sbyor ba dang / sems can gyi khams thams cad sgyu ma dang gzugs basman dang / mnyam pa nyid dang / rkyen gyis ma brtsams pa dang / phyi nang gi yul rnam par dben pa dang / sems kyi phyi rol du lta bas/ mtshan ma med pa'i byin gyi rlabs dang ldan pa'i rnams rim gyis sa'i rim pa'i ting nge 'dzin yul la rjes su 'jug pa dang / khams gsum bdag gi sems sgyu mar shin tu mos par rab tu bsgoms pas/ sgyu ma lta bu'i ting nge 'dzin rab tu thob par 'gyur ro/ / bdag gi sems snang ba med pa tsam la 'jug pas/ shes rab kyi pha rol tu phyin pa la gnas pa la rjes su thob pa/ skye ba dang / bya ba dang ldan pa'i byang chub sems dpa' rnams ni ting nge 'dzin rdo rje'i gzugs lta bu/ de bzhin gshegs pa'i sku'i rjes su song ba/ de bzhin nyid kyi sprul pa dang ldan pa'i stobs dang / mngon par shes pa dang / dbang dang / snying brtse ba dang / snying rje dang thabs kyis brgyan pa/ sangs rgyas thams cad kyi zhing gi mu stegs can gyi gnas su nye bar 'gro ba/ sems dang / yid dang / yid kyi rnam par shes pa dang bral ba/ rims kyis gnas 'phos pa'i de bzhin gshegs pa'i sku rab tu thob par 'gyur ro// blo gros chen po de bas na/ byang chub sems dpa' sems dpa' chen po de bzhin gshegs pa'i sku'i rjes su 'brang ba rab tu thob pa rnams kyis/ phung po dang / khams dang / skye mched dang / sems pa/ chu dang / rkyen dang / bya ba dang ldan pa dang / skye ba dang / gnas pa dang / 'jig par rnam par rtog pa'i spros pa dang bral bar sems tsam gyi rjes su 'brang bar bya'o// thog ma med pa'i spros pa'i gnas ngan len gyi bag chags 'byung ba srid pa gsum po rab tu mthong nas/ sangs rgyas snang ba med pa mi skye ba dran pa'i phyir/ 'phags pa so so rang gi chos rtogs par khong du chud pas/ bdag gi sems la dbang sgyur zhing spun gyis grub pa'i spyod pa rtogs par khong du chud pas/ gzugs sna tshogs kyi nor bu dang 'dra ba shin tu phra zhing / sems can gyi sems rjes su 'jug pa sprul pa'i gzugs dang / sems tsam du/ 'jug pas/ sa'i rim pa'i mtshams sbyor ba'i 'brel bar rab tu 'joms par 'gyur ro// blo thos chen po de bas na/ byang chub sems dpa' sems dpa' chen pos bdag gi grub pa'i mtha' mkhas par bya'o/ / de nas yang blo gros chen pos gsol pa/ bcom ldan 'das sems dang / yid dang / rnam par shes pa dang / chos lnga dang / rang bzhin gyi mtshan nyid sangs rgyas da/ byang chub sems dpa' rnams rjes su rjong pa/ dag gi sems snang ba'i snod yul dang rgyu bar tha bar byed ba/ brjod padang / rigs pa dang / de'o na nyid kyis can cid rnam par 'dzu sangs rgyas thams cad kyi gsung rab kyi zhing 'o chos kyi rnam grangs kyi me tog bshad du gsol/ mna'i grong dam dang / mal la'i rgya mchol gnas pa'i sa byang chub sems dpa' rnams kyi mang/ du sa kun gzhi rnam par shes pa'i spyod yul rgya mtsho'i rlabs lta bu'i chos kyi sku de bzhin gshegs pas r+d+hes su gsungs pa bshad du gsol/ de nas bcom ldan 'das kyis/ yang byang chub sems dpa' sems dpa' chen po blo gros chen po la 'di skad ces bka' stsal to/ / blo gros chen po mig gi rnam par shes pa ni rgyu bzhi dag gis 'byung ngo // bzhi gang zhe na/ 'di lta ste/ rang gi sems snang ba la 'dzin par khong du ma chud pa dang / thog ma med pa'i dus nas spros pa'i gnas ngan len gyi bag chags la mngon par zhen pa dang / rnam par shes pa'i rang bzhin gyi ngo bo nyid dang / gzugs rnam pa sna tshogs kyi mtshan nyid la ngo mtshar du 'dzin pa yin te/ blo gros chen po rgyu bzhi po 'di dag gis kun gzhi rnam par shes pa chu klung lta bu las/ 'jug pa'i rnam par shes pa'i rlabs 'byung ngo // blo gros chen po mig gi rnam par shes pa ji lta ba bzhin du/ dbang po thams cad kyi rdul phra rab dang / spu'i khung bu rnams la'ang de bzhin te/ me long kha cig car dang / rim gyis yul gyi gzugs snang ba dang / rgya mtsho la rlung gis btab pa bzhin du blo gros chen po yul gyi rlung dang / sems kyi rgya mtsho'i rlabs rgyu'i bya ba rgyun ma chad pa'i mtshan nyid gcig dang tha dad pa las rnam par grol ba/ las dang / rigs dang / mtshan nyid dang / shin tu 'brel ba'i rang bzhin ngo bo nyid khong du mi chud pa/ rnam par shes pa'i tshogs lnga 'jug go/ / blo gros chen po rnam par shes pa'i tshogs lnga po de dag dang lhan cig tu/ rgyu dang yul bye brag 'byed pa'i mtshan nyid khong du chud bar byed pa zhes bya ba'i yid kyi rnam par shes pa de dag gi rgyu las byung ba'i bdag nyid rab tu 'jug ste/ de dag dang de 'di snyam du bdag cag dang lhan cig tu phan tshun du rgyur gyur cing / rang gi sems snang ba'i rnam par rtog pa la mngon par zhen pas zhugs pa'o snyam du mi sems so/ / 'on kyang phan tshun tha mi dad pa'i mtshan nyid du lhan cig rnam par rig pa'i yul bye brag 'byed pa la 'jug ste/ de ltar 'jug pa'i tshe/ mnyam par gzhag pa'i rnal 'byor can gyis kyang ji ltar shin tu phra rab rgyu ba'i bag chags 'jug pa'i rnams mi shes par rgyu/ rnal 'byor can rnams ni 'di ltar bdag cag rnam par shes pa rnams bkag nas snyoms par 'jug go snyam du sems kyang / de dag ni rnam par shes pa ma 'gags bzhin du snyoms par 'jug ste/ bag chags kyi sa bon ma 'gags pa'i phyir ni ma 'gags pa'o/ / yul la 'jug cing 'dzin pa med pas ni 'gags so// blo gros chen po kun gzhi rnam par shes pa rgyu zhing 'jug pa de ltar shin tu phra bas/ de bzhin gshegs pa dang / sa la rab tu gnas pa'i byang chub sems dpa' rnams ma gtogs par/ gzhan nyan thos dang / rang sangs rgyas dang / mu stegs can gyi rnal 'byor gyi rnal 'byor pa rnams kyis khong du chud pa 'am/ ting nge 'dzin dang / shes rab kyi stobs kyis kyang rtogs par sla ba ma yin no// blo gros chen po gzhan du na/ sa'i mtshan nyid dang / shes rab dang ye shes la mkhas shing tshig rab tu phye ba la rnam par gdon mi za bas rgyal ba rnams mtha' yas pa'i dge ba'i rtsa ba bsags pa/ rang gi sems snang ba la rnam par rtog pa'i spros pa dang bral ba/ nags tshal stug po dang / phug dang / shing khrod na gnas shing / rnal 'byor rab dang / 'bring dang / tha ma la rnal 'byor pa rnams kyis/ rang gi sems kyi rnam par rtog pa snang ba'i rgyud mthong ba dang / / zhing mtha' yas pa'i rgyal ba rnams kyis dbang bskur ba dang / dbang dang / stobs dang / mngon par shes pa dang / ting nge 'dzin rnams kyang thob par nus so/ / blo gros chen po dge ba'i bshes gnyen gyi skye bo la ni ri mor byas pa rnams kyis/ sems dang / yid dang / yid kyi rnam par shes pa rang bzhin gyi spyod yul rnam par rtogs pa'i 'khor ba/ srid pa'i rgya mtsho las dang / sred pa dang / mi shes pa'i rgyu las byung ba las brgal bar nus so// blo gros chen po de'i phyir rnal 'byor can gyis dge ba'i bshes gnyen gyi skye bo dang bsten pa'i nan tan brtsam par bya'o/ / de nas de'i tshe bcom ldan 'das kyis tshigs su bcad pa 'di dag bka' stsal to// smram smra// m+b+ha smra// snrum byu hA// rna / bzhin du/ / rtag tu yul gyi rlung gis bskyod// sna tshogs rnam shes dpa' rlabs rnams// gar cing rab tu 'byung bar 'gyur// sngon po dmar po lan tshwa dang // dung dang 'o ma kha ra dang / / bska ba'i 'bras bu me tog dang // ji ltar nyi ma'i 'od zer dang // rgya mtsho yi ni dba' rlabs dag/ mi gcig tha dad min par shes// de bzhin rnam shes bdun po yang // sems dang lhan cig snang ba'o// rgya mtsho yongs su gyur pa ni// dba' rlabs sna tshogs de dag ste// rnam par shes zhes bya ba yi// kun gzhi de bzhin sna tshogs 'byung // sems dang yid dang rnam par shes/ / mtshan nyid don du rab tu brtag/ brgyad po tha dad ma yin mtshan// mtshan gyi gzhi dang mtshan nyid med// rgya mtsho dang ni dba' rlabs rnams// ji ltar khyad par med pa bzhin// sems dang rnam shes de bzhin du// yongs su gyur pa mi rnyed do// sems ni las rnams sogs par byed// yid kyang rnam par sogs pa ste/ rnam par shes pas rnam par rig/ lnga po snang la rtog par byed// sngon po dmar po'i rnam par ni// mi yi rnam par shes pa gda'// dba' rlabs sems dang 'thun pa'i chos// ci slang thub chen bshad du gsol// sngon po dmar po'i rnam pa rnams// dba' rlabs dag la ma mchis te// mtshan nyid don du byis pa la// sems kyi 'jug pa bshad pa'o// de la 'jug pa med pa ste// rang gi sems ni gzung ba spangs// gzung ba yod na 'dzin pa yang // dba' rlabs 'thun par sgrub par 'gyur// lus dang longs spyod gnas lta bur// mi yi rnam par shes pa snang // de phyir de yi 'jug pa ni// dba' rlabs dag dang 'dra bar snang // dba' rlabs dngos por rgya mtsho ni// gar byed rnam par rig 'gyur na// kun gzhi 'jug pa de bzhin du// ci yi phyir na blos mi rig/ byis pa blo dang mi ldan pas// kun gzhi rgya mtsho ji bzhin du// dba' rlabs 'byung ba chos 'thun phyir// dpe yis nye bar sbyar ba yin/ / skye ba bzang ngan par ma la// gdugs 'char 'gyur ba ji bzhin du// de bzhin 'jig rten sgron ma khyod// byis pa rnams la yang dag ston// chos la rab tu zhugs mdzad cing / / ci slad de bzhin nyid mi gsung // de ste de bzhin nyid gsung na// sems la de bzhin nyid ma mchis// ji ltar rgya mtsho'i rlabs 'dra dang // me long lam ji bzhin du/ / cig ci'i dus su snang ba bzhin// sems kyang rang gis spyod yul la// yul dang rnam par mi ldan pas// rim gyis 'jug par rab tu 'byung // rnam par / shes pas rnam par rig/ yid kyis de bzhin snyems par byed// lnga po rnams la'ang snang bar mngon// mnyam par gzhag la rim pa med// ri mo'i mkhan bo lo ma 'am/ / ri mo mkhan gyi slob ma'ang rung // ri mo'i don du tshon 'gyed ga/ bshad pa 'di yang de dang 'dra// tshon la ri mo yod pa min// pir dang snod la'ang de bzhin med/ sems can drang ba'i don gyi phyir// tshon gyis ri mo rnam par brtag/ yang dag la ni yo ge med// bshad pa dag ni 'khrul pa'o// chos rnams la ni gnas bcas shing // rnal 'phyor can la yang dag bstan/ / so so rang rig yang dag ni// brtag dang rtog pas shin tu spangs// rgyal ba'i sras la 'di bsnyun gyi// byis pa rnams la bshad ma yin// ji ltar sgyu mchogs de dag/ snang yang yod pa ma yin te// de bzhin bshad pa sna tshogs kyang // shad pa rnam par 'khrul pa yin// gzhan la gang zhig bstan pa de// gzhan shad par mi rung ste/ / ji ltar nad pa so so la// sman pas sman rnams gtong 'akar// sangs rgyas de bzhin sems can la// sems tsam du yang rab tu gsung // mgon pa rnamapa ni gang gsung ba'i/ / so so rang rig spyod su n-i// dog can gyi yul ma yin// nyan thos rnams kying de bzhin min// tho thos chen po gzhan yang byang chub sems dpa' rang gi sems snang ba'i gzung ba dang / 'dzin pa la rnam par rtog pa'i spyod yul yongs su shes par 'dod pas/ 'du ba dang / 'du 'dzin dang / gnyid dang / sgrib pa med par bya'o// srod dang / tho rangs dang / nam gyi gung mi nyal bar sbyor ba la brtson par bya'o// mu stegs can ngan pa'i gtsug lag dang / gtam dang / nyan thos dang / rang sangs rgyas kyi theg ba'i mtshan nyid dang bral bar bya'o/ / byang chub sems dpa' sems dpa' chen pos// rang gi sems snang ba la rnam par rtog pa'i mtshan nyid khong du chud par rtogs par bya'o// blo gros chen po gzhan yang byang chub sems dpa' sems dpa' chen pos/ sems dang / shes rab dang / ye shes kyi mtshan nyid rnam par dgod pa la gnas te/ gong du 'phags pa'i ye shes kyi mtshan nyid gsum la brtson par bya'o/ / de la blo gros chen po gong du 'phags pa'i ye shes kyi mtshan nyid gsum po gang zhe na/ 'di lta ste/ snang ba med pa'i mtshan nyid dang / sangs rgyas thams cad kyi rang gi smon lam gyi byin gyi rlabs kyi mtshan nyid dang / 'phags pa so so rang gi ye shes kyi mtshan nyid de/ de dag khong du chud pas rnal 'byor can bong bu 'theng bo lta bu/ sems dang / shes rab dang / ye shes kyi mtshan nyid spangs te/ rgyal ba'i sras kyis brgyad pa thob nas/ de'i gong du mtshan nyid gsum la brtson par byed do// de la blo gros chen po thams cad snang ba med pa'i mtshan nyid ni/ nyan thos dang / rang sangs rgyas dang / mu stegs can gyi mtshan nyid yongs su 'dris pa las 'byung ngo // blo zlos chen po byin gyi rlabs kyi mtshan nyid ni/ sngon gyi sangs rgyas rnams kyi rang gi smon lam gyi byin gyi rlabs las 'byung ngo // blo gros chen po so so rang gis rig pa 'phags pa'i ye shes kyi mtshan nyid ni/ sangs rgyas kyi chos thams cad dang / mtshan nyid thams cad la mngon par zhen pa med pa dang / sgyu ma lta bu'i ting nge 'dzin gyi lus rab tu thob pas/ sangs rgyas kyi sa khong du chud pa'i rgyu ba las 'byung ngo / / blo gros chen po 'di ni 'phags pa rnams kyi mtshan nyid gsum ste/ 'phags po'i mtshan nyid gsum dang ldan na/ 'phags pa rnams 'phags pa bdag gi so so rang gi ye shes kyi spyod yul khong du chud par 'gyur ro/ / de bas na blo gros chen po 'phags pa'i ye shes kyi mtshan nyid gsum po la brtson par bya'o// de nas sangs rgyas thams cad kyis byin gyis brlabs pa'i byang chub sems dpa' sems dpa' chen po blo gros chen pos/ byang chub sems dpa'i 'khor de dag gi sems dang bsam pa'i spyod pa rab tu shes nas/ 'phags pa'i ye shes kyi dngos po rab tu 'byed pa zhes bya ba'i chos kyi rnam grangs bcom ldan 'das la zhus so/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams gang la gnas shing / byang chub sems dpa' sems dpa' chen po rnams la rang dang spyi'i mtshan nyid du rtogs pa/ yongs su brtags pa'i rang bzhin rtogs pa rab tu byed pa'i tshul ston pa dang / yongs su brtabs pa'i rang bzhin rtogs pa rab tu byed pa'i tshul bye brag shin tu rtogs pa gang gis gang zag dang chos la bdag med pa'i rab tu rgyu ba shin tu sbyangs te sa rnams la mkhas par byas pa'i rnams nyan thos dang / rang sangs rgyas dang / mu stegs byed thams cad kyis bas pa gtan dang / ting nge 'dzin dang / snyoms par 'jug pa'i bde ba las 'das te/ de bzhin gshegs pa sa mkhyen pa'i yul la 'jug pa bsam gyis mi khyab pa'i chos lnga dang / rang bzhin rtogs pa las rnam par ldog pa/ de bzhin gshegs pa'i chos kyi sku shes rang dang / ye shes shin tu 'brel ba'i chos can sgyu ma'i spyod yul gyis mngon par sgrub pa/ sangs rgyas kyi zhing thams cad dang / dga' ldan gyi pho brang dang / 'og min gyi gnas su nye bar bzhud pa'i de bzhin gshegs pa'i sku rab tu thob par 'gyur ba/ 'phags pa'i ye shes kyi dngos po rab tu 'byed pa'i rang bzhin/ chos kyi rnam grangs tshig brgya rtsa brgyad shin tu phye ba'i gnas padagal bshad du gsol/ bcom ldan 'das kyis bka' stsal pa/ blo gros chen po 'di la mu stegs can lal med pa la mngon par zhen pa dag/ rnam par rtog pa'i blo'i rgyu zad pa'i rang bzhin med pa'i phyir/ ri bong lar med do snyam ste/ ji ltar ri bong lar med pa de bzhin du/ chos thams cad la'ang rnam par rtog go// blo gros chen po gzhan yang 'byung ba dang / yon tan dang / rdul dang / rdzas dang / dbyibs dang / dpe tshul gyi khyad par mthong nas/ ri bong gir med par mngon par chags pa'i zhen pa'i rnams pa glang gi rwa yod do snyam du rnam par rtog go/ / blo gros chen po mtha' gnyis kyi lta bar ltung zhing / sems tsam du ma rtogs pa'i blo can de dag rang gi sems kyi khams rnam par rtog pas/ lus dang / longs spyod dang gnas dang / 'gro ba dang / rnam par rtog pa tsam la blo gros chen po ri bong gi rwa yod pa dang med pa las rnam par ldog pa brtag par mi bya'o// de bzhin du blo gros chen po dngos po thams cad kyang yod pa dang med pa las rnam par ldog pa ste/ brtag par mi bya'o// blo gros chen po gang yang yod pa dang med pa las rnam par ldog pa'i ri bong gI rA la med do snyam du rtog ste/ de dag gis phan tshun du bltos pa'i rgyu'i phyir/ ri bong gi rwa med do snyam du brtag par mi bya'o// blo gros chen po rdul phra rab kyi bar du brtags na/ dngos po mi dmigs te/ med pa'i phyir 'phags pa'i ye shes kyi spyod yul las rnam par ldog pa'i ba lang gi rwa yod par mi brtag go/ / de nas bcom ldan 'das la/ byang chub sems dpa' sems dpa' chen po blo gros chen pos 'di skad ces gsol to/ / bcom ldan 'das rnam par rtog pa mi 'byung ba'i mtshan nyid mthong nas rjes su dpag na/ rnam par rtog pa mi 'byung ba las bltos te/ de ma mchis zhes bgyi bar mi 'gyur ro/ / bcom ldan 'das kyis bka' stsal pa/ blo gros chen po rnam par rtog pa mi 'byung ba las bltos te/ de med pa ma yin no// de ci'i phyir zhe na/ de ni rnam par rtog pa 'byung ba'i/ rgyu ste/ blo gros chen po rnam par rtog pa mi de'i rwa las brten te 'byung ba'o// blo gros chen po 'di ltar rwa las brten te rnam par rtog pa 'byung bas/ de'i phyir chen pa'i rgyu yin pa dang / tha dang pa dang / tha dad pa ma yin pa rnam par spangs pa'i phyir/ de la bltos te ri bong gir med pa ma yin no// blo gros chen po ri bong gi rwa dang / rnam par rtog pa gal te tha dad na ni rwa'i rgyu las 'byung ba ma yin par 'gyur ro/ / de ste tha dad pa ma yin na ni de'i rgyu las byung bas/ rdul phra rab kyi bar du rab tu brtags na mi dmigs pas/ rwa dang tha dad pa ma yin pa'i phyir de'ang med par 'gyur ro/ gnyis ka'i dngos po med na/ gang gis ci las ltos te med par 'gyur/ blo gros chen po gal te bltos nas med par mi 'gyur na/ ba ljang gir yod pa la sa bsngos te/ ri bong gir med ces kyang ba# par bya bar mi 'gyur ro/ / blo gros chen po chu mi mnyam pa'i phyir/ yod pa dang med par smra ba rnams kyi yod pa dang med par 'grub par mi 'gyur ro// blo gros chen po gzhan yang mu stegs byed pa'i lta ba can gzugs dang / rgyud dang / dbyibs la mngon par chags pas mngon par zhen pa'i nam mkha'i dngos po yongs su rtogs pa la mi mkhas pa'i rnams/ gzugs nam mkha'i dngos po dang bral ba la bye brag 'byed par lta bas rnam par rtog ste/ blo gros chen po gzugs rnams kyi 'byung ba'i rjes su zhugs pa'i phyir/ nam mkha'i nyid kyang gzugs so// gzugs nyid kyang nam mkha' ste/ blo gros chen po gzugs dang nam mkha'i rgyu rnam pa tha dad pa ni gzhag pa dang / gzhi'i tshul du gyur par yid ches par bya'o// blo gros chen po 'byung ba rnams skye ba ni phan tshun du rang gi mtshan nyid kyi bye brag gis tha dad pa nam mkha' la yang mi dmigs pa yin te/ de dag la nam mkha' med do// blo gros chen po de bzhin du ri bong gi rA ni ba lang gi rwa las bltos pa yin te/ ba lang gi rwa yang rdul phra mo rnam par phye ste/ rdul phra mo rnams kyang rnam par bshig na/ rdul phra mo'i mtshan nyid la'ang mi gnas na/ de ci las ltos te med par 'gyur/ de ste gzhan la ltos pa'i dngos po zhig na yang de'ang de lta bu'i chos can no// de nas bcom ldan 'das kyis/ byang chub sems dpa' sems dpa' chen po blo gros chen po la 'di skad ces bka' stsal to/ / blo gros chen po khyod dang byang chub sems dpa' gzhan rnams kyis/ ri bong dang / ba lang gi rwa dang / nam mkha' dang gzugs lta ba'i rnam par rtog pa dang bral ba dang / blo gros chen po khyod kyis rang gi sems snang ba la rnam par rtog pa rjes su rtogs pa'i ling du'ang 'gyur d+har bya'o// rgyal ba'i sras rang bzhin gyi kyibyor thams na du'ang khyod kyis rang gi sems snang ba'i rnal 'byor bstan par bya'o/ / de nas de'i tshe bcom ldan 'das kyis tshigs su bcad pa 'di dag gsungs so// sna sgyogs snang ba yod pa min/ / snang ba las ni sems 'byung ste/ lus dang longs spyod gnas 'dra ba'i// kun gzhi mi la snang ba yin/ sems dang yid dang rnam par shes bzhin dang ni chos lnga dang / bdag med gnyis po dag pa yang // rnam par 'dren pa rab tu gsung // phan tshun du ni 'brel ba las// ring dang thung la sogs pa 'byung // yod pa grub pa med pa ste/ med pa sgrub pa yod pa'o// rdul phran du ni rdzas bshig ste// gzugs la rnam par brtag mi bya// sems tsam rnam par bzhag pa ni// lta ba ngan pas gsal mi 'gyur// mgon po rnam ni gang gsung ba'i/ / so so rang rig spyod yul te// rtog ge can gyi yul ma yin// nyan thos rnams kyi'ang de bzhin min// de nas bcom ldan 'das la/ byang chub sems dpa' sems dpa' chen po blo gros chen pos/ rang gi sems sdang ba'i rgyud rnam par dag par bya ba'i phyir/ yang gsol ba btab pa/ bcom ldan 'das rang gi sems snang ba'i rgyur cig car ram/ rims kyis 'jug pas sam/ ji ltar rnam par dag par 'gyur/ bcom ldan 'das kyis bka' stsal pa/ blo gros chen por ni se sdang ba'i rgyud ni rims kyis 'jug pas rnam pabar dag ste/ cig car ni ma yin no// 'di lta ste/ blo gros chen po shing a mra'i 'bras bu ni rim gyis smin par 'gyur gyi/ cig car ma yin no// blo gros chen po de bzhin du sems can rnams kyi rang gi sems snang ba'i rgyud kyang rims kyis rnam par dag ste/ cig car ma yin no// blo gros chen po 'di lta ste/ rdza mkhan ni snod rnams rims kyis byed de/ cig car ma yin no// blo gros chen po de bzhin du de bzhin gshegs pa yang sems can rnams kyi rang gi sems snang ba'i rgyud rims kyis rnam par sbyong ste/ cig car ma yin no// blo gros chen po 'di lta ste/ sa chen po lartswa dang / shing gel ba dang / sman dang / nags tshal rnams rims kyis 'jug pas skye'i/ cig car ma yin no// de bzhin du blo gros chen po de bzhin gshegs pa yang sems can rnams kyi rang gi sems snang ba'i rgyud rims kyis sbyong ste/ cig car ma yin no// blo gros chen po 'di lta ste/ bzhad gang dang / rol mo dang / glu dang / pi wang dang / sil snyan dang / rol mo dag la mkhas pa ni rim gyis 'byung gi/ cig car ma yin no// de bzhin du blo gros chen po de bzhin gshegs pa yang sems can thams cad kyi rang gi sems snang ba'i rgyud rim gyis rnam par sbyong ste/ cig car ma yin no// blo gros chen po 'di lta ste/ me long gi nang du gzugs kyi gzugs su snang ba thams cad rnam par rtog pa med par cig car snang ngo // de bzhin du blo gros chen po de bzhin gshegs pa yang sems can thams cad kyi rang gi sems snang ba'i rgyud rnam par mi rtog cing / snang ba med pa'i stsol yul rnams cig car rnam par sbyong ngo // blo gros chen po 'di lta ste zla ba dang nyi ma'i dkyil 'khor ni 'od zer gyis gzugs su snang ba thams cad cig car mngon par byed do/ / de bzhin du blo gros chen po de bzhin gshegs pa yang sems can rang gi sems snang ba'i gnas ngan len gyi bag chags dang bral ba rnams la/ rgyal ba ye shes bsam gyis mi khyab pa'i yul dang / spyod yul cig car yang dag par ston to// blo gros chen po 'di lta ste/ kun gzhi rnam par shes pa ni rang gi sems snang ba'i lus dang / gnas dang / longs spyod kyi yul cig car rnam par son to// de bzhin du blo gros chen po rgyu 'dra ba'i sangs rgyas kyang cig car sem can gyi spyod yul yongs su smin par byas te/ 'og min gyi pho brang dang / gzhal med khang gi gnas kyi rnal 'byor gyi rnal 'byor can du gzhog go// blo gros chen po 'di lta ste/ chos nyid kyi sangs rgyas ni cig car rgyu 'dra ba dang / sprul pa'i 'od zer gyis rnam par mdzes so// de bzhin du blo gros chen po 'phags pa'i so so rang gis rig pa'i chos kyi mtshan nyid kyang yod pa dang / med pa'i lta ngan pa rnam par bzlog pa/ cig car rnam par mdzes so// gzhan yang blo gros chen po chos nyid dang 'dra bar 'byung ba'i sangs rgyas ni// sgyu ma'i yan lag rnam pa mang po skyes bu de'i bdag nyid ma yin pa sna tshogs la mngon par zhen par ma dmigs pa'i phyir/ rang dang spyi'i mtshan nyid du gtogs pa'i chos thams cad rang gi sems snang ba'i bag chags rgyu ba'i mtshan nyid 'brel pa yongs su brtags pa'i rang bzhin la mngon par zhen pa'i rgyu las 'byung bar ston to/ / blo gros chen po gzhan yang yongs su brtags pa'i rang bzhin 'byung ba'i mtshan nyid ni gzhan gyi dbang gi rang bzhin la mngon par zhen pa las 'byung ngo / / blo gros chen po 'di lta ste/ rtsa dang / shing dang / gyo mo la brten te sgyu ma'i sngags dang mir ldan pa las/ sems can thams cad kyi gzugs kyi yan lag phun sum tshogs shing sna tshogs kyi gzugs 'chang ba'i sgyu ma'i skyes bu'i gzugs sems can gyi lus rang bzhin gcig tu ma grub pa/ rnam par rtog pa'i rnam pa sna tshogs kyis rnam par brtags par snang ste/ blo gros chen po de ltar snang yang de'i bdag nyid ma yin no// de bzhin du blo gros chen po gzhan gyi dbang gi rang bzhin la kun brtags pa'i rang bzhin rnam par rtog pa'i sems sna tshogs rnam pa mang po'i mtshan nyid du snang ngo / / blo gros chen po dngos po yongs su rtog pa'i mtshan nyid du mngon par zhen pa'i bag chags la yongs su rtogs pas / kun brtags pa'i rang bzhin gyi mtshan nyid du 'gyur te/ blo gros chen po 'di ni 'dra bar 'byung ba'i sangs rgyas bshad pa'o// blo gros chen po chos nyid kyi sangs rgyas ni sems kyi rang bzhin gyi mtshan nyid dang bral ba/ 'phags pa so so rang gis rig pa'i spyod yul rnam par gzhog go// blo gros chen po 'phrul pas sprul pa'i sangs rgyas rnams ni/ sbyin pa dang / bsam gtan dang / tshul khrims dang / ting nge 'dzin dang / sems dang / shes rab dang / ye shes dang / phung po dang / khams dang / skye mched dang / rnam par thar pa dang / rnam par shes pa 'jug pa'i mtshan nyid rab tu phye rgyu ba rnam par gzhog go/ / mu stegs can gyi lta bas gzugs med pa'i ting nge 'dzin gyi rim pa'i mtshan nyid kyang ston to// blo gros chen po chos nyid kyi sangs rgyas ni dmigs pa med cing dmigs pa dang bral ba/ bya ba dang / dbang po dang / tshad ma'i mtshan nyid thams cad rnam par ldog pa byis pa dang / nyan thos dang / rang sangs rgyas dang / mu stegs can dag gi mtshan nyid la mngon par chags pas mngon par zhen pa rnams kyi yul ma yin pa ston to/ / blo gros chen po de bas na 'phags pa so so rang gis rig pa'i khyad par gyi mtshan nyid la brtson par bya'o// khyod kyis rang gi sems kyi mtshan nyid snang ba'ang rnam par ldog par lta bar gyis shig/ blo gros chen po gzhan yang nyan thos kyi theg pa'i tshul rab tu dbye ba'i mtshan ci 'i rnam pa gnyis so// 'di lta 'phags pa so so rang gis rig pa'i khyad par gyi mtshan nyid dang / dngos por rnam par rtog pa'i rang bzhin la mngon par zhen pa'i mtshan nyid do// blo gros chen po de la nyan thos rnams kyi 'phags pa so so rang gis rig pa'i khyad par gyi mtshan nyid gang zhe na/ 'di lta ste/ stong pa dang / bdag med pa dang / sdug bsngal ba dang / mi rtag pa'i yul gyi bden pa las skyo ba dang / rgyun chad pas phung po dang / khams dang / skye mched dang / rang dang spyi'i phyi rol rnam par 'jig pa med pa'i mtshan nyid yang dag par ji lta ba bzhin yongs su shes pas/ sems mnyam par gzhog ste/ blo gros chen po rang bzhin sems mnyam par bzhag nas/ nyan thos rnams bsam gtan dang / rnam par thar pa dang ting nge 'dzin dang / lam dang / 'bras bu dang / snyoms par 'jug pa dang / rnam par grol ba dang / bag chags bsam gyis mi khyab pa yongs su gyur pa shi 'pho dang bral ba/ 'phags pa so so rang gis rig pa'i bde ba la gnas pa lhag par rtogs par 'gyur ro// blo gros chen po 'di ni nyan thos rnams kyi 'phags pa so so rang gis rig pa'i mtshan nyid do// blo gros chen po nyan thos rnams kyi 'phags pa so so rang gis rig pa'i gnas kyi bde ba khong du chud nas/ byang chub sems dpa' sems dpa' chen pos sngon sems can la snying gyu / // kau skyo ma mngon pa sgru ba'i sbyid/ 'gog pa'i no bde ba dang / sgyus shA kun pa bu'i byed na du mi rgyu'o// cho gros chen po 'dun nyan thos rnams kyis 'phags pa so so rang gis rig pa'i mtshan nyid kyi bde ba ste/ 'phags pa so so rang gis rig pa'i mtshan nyid kyi bde ba de la byang chub sems dpas bslab par mi bya'o/ / blo gros chen po yang nyan thos rnams kyi dngos por rnam par rtog pa'i rang bzhin la mngon par zhen pa gang zhe na/ 'di lta ste/ sngon po dang / ser po dang / dro ba dang gsher ba dang / g.yo ba dang / sra ba'i 'byung ba chen po rnams byed pa med par 'byung ba/ rang dang smai'i mtshan nyid dang / rig pa dang / lung dang / tshad ma shan tu 'brel ba rnams mthong nas/ de'i rang bzhin la mngon par zhen pa'i rnam par rtog pa 'byung ngo // blo gros chen po 'di ni byang chub sems dpa' khong du chud nas bzlog par bya'o// chos la bdag med pa'i mtshan nyid la rjes su zhugs pas/ gang zag la bdag med pa'i mtshan nyid du lta ba'i phyir bzlog ste/ sa'i rim pa'i mtshams sbyor ba la gnas par bya'o/ / blo gros chen po 'di ni nyan thos rnams kyi dngos por rnam par rtog pa'i rang bzhin la mngon par zhen pa'i mtshan nyid ces gang smras pa de la phyir bshad pa'o// de nas bcom ldan 'das la/ byang chub sems dpa' sems dpa' chen po blo gros chen pos 'di skad ces gsol to// bcom ldan 'das kyis 'phags pa so so rang gis rig pa'i spyod yul don dam pa rtag pa bsam gyis mi khyab par bshad de/ bcom ldan 'das de bzhin du mu stegs byed dag kyang / rgyu rnams rtag pa dang bsam gyis mi khyab par smra bar ma mchis so/ / bcom ldan 'das kyis bka' stsal pa/ blo gros chen po mu stegs byed rnams kyi rgyu ni rtag pa dang bsam gyis mi khyab pa nyis thob par mi 'gyur ro// de ci'i phyir zhe na/ blo gros chen po mu stegs byed rnams kyi rtag pa dang bsam gyis mi khyab pa ni rgyu'i rang gi mtshan nyid dang ldan pa ma yin te/ blo gros chen po gang gi rtag pa dang / bsam gyis mi khyab pa de'i rgyu'i rang gi mtshan nyid dang mi ldan pa'i rtag pa dang / bsam gyis mi khyab ces bya bar yang gang gis ji ltar mngon par bya/ blo gros chen po de ste rtag pa dang bsam gyis mi khyab par smra ba'i rgyu'i rang gi mtshan nyid dang ldan pa zhig yin na ni rgyu la rag lus pa'i rgyu'i mtshan nyid yin pas mi rtag par 'gyur ro/ / rtag pa dang bsam gyis mi khyab pa ma yin no// blo gros chen po nga'i don dam pa rtag pa dang bsam gyis mi khyab pa'i don dam pa'i rgyu'i mtshan nyid dang ldan pa ste/ yod pa dang med pa dang bral ba/ 'phags pa so so rang gis rig pa'i mtshan nyid kyi phyir mtshan nyid dang ldan pa'o// don dam pa'i ye shes rgyur gyur pas na rgyu dang ldan pa'o// yod pa dang med pa dang bral bas na ma byas pa'i nam mkha' dang / mya ngan las 'das pa dang / 'gog pa'i dpe dang / chos 'dra bas rtag pa ste/ de'i phyir blo gros chen po 'do na mu stegs byed pa'i rtag pa dang / bsam gyis mi khyab par sba ba dang 'thun pa ma yin no// blo gros chen po rtag pa dang bsam gyis mi khyab pa 'di ni/ de bzhin gshegs pa rnams kyi 'phags pa so so rang gis rig pa'i ye shes kyis thugs su chung bar bya ba'i de bzhin de nyid de/ de bas na byang chub sems dpa' sems dpa' chen po blo gros chen pos/ rtag pa dang bsam gyis mi khyab pa'i 'phags pa so so rang gis rig pa'i ye shes khong du chud par bya ba'i phyir brtson par bya'o// blo gros chen po gzhan yang mu stegs byed pa rnams kyi rtag pa dang bsam gyis mi khyab pa ni/ dngos po mi rtag pa'i mtshan nyid kyi rgyu las byung ba'i phyir mi rtag pa'o// bdag gis byas pa'i rgyu'i mtshan nyid kyis rab tu phye bas rtag pa ma yin no// blo gros chen po de ste mu stegs byed rnams kyi rtag pa dang bsam gyis mi khyab pa'i dngos po med pas rtag pa nyid du mthong nas/ rjes su dbog pa'i blos rtag pa ma yin no// blo gros chen po rgyu 'di nyid kyis nga'i yang byas pa'i dngos po med pas rtag pa nyid du mthong nas/ rgyu med par rtag pa'i phyir rtag pa'o// blo gros chen po de mu stegs byed rnams kyi rtag pa dang bsam gyis khyab pa'i rgyu dang mtshan nyid dang ldan pa zhig yin na ni/ rgyu dang rang gi mtshan nyid kyi dngos po med pas/ blo gros chen po rtag pa dang bsam gyis mi khyab pa'i ri bong gir dang mtshungs te/ blo gros chen po mu stegs byed rnams kyi tshig ni rnam par rtog pa tsam du 'gyur te/ de ci'i phyir zhe na/ 'di lta ste/ blo gros chen po ri bong gi rwa ni rang gi rgyu dang mtshan nyid med pa'i phyir/ tshig gi rnam par rtog pa tsam mo// blo gros chen po nga'i rtag pa dang bsam gyis mi khyab pa ni/ 'phags pa so so rang gis rig pa'i mtshan nyid rgyur gyur pa'i phyir byas pa dang / dngos po dang / dngos po med pa rnam par spangs pas na rtag pa ste/ phyi rol gyi dngos po med pa dang / rtag pa las rjes su dpog pa'i phyir rtag pa ma yin no// blo gros chen po phyi rol med pa'i phyir rtag pa dang rtag pa la rjes su dpog pa'i phyir/ bsam gyis mi khyab pa dang / rtag pa gang yin pa des ni rtag pa dang bsam gyis mi khyab pa de'i rang gi rgyu dang mtshan nyid mi shes so// blo gros chen po de dag ni 'phags pa so so rang gi rig pa'i ye shes kyis khong du chud pa'i spyod yul las phyi rol tu gyur pa ste/ gtam byar rung ba ma yin no// blo gros chen po gzhan yang 'khor ba dang mya ngan las 'das pa'i khyad par mi shes pa'i sdug bsngal rnam par rtog pa'i 'jigs pa'i skrag pa dag mya ngan las 'das pa tshol te/ blo gros chen po dngos po la rnam par rtog pa thams cad med pa dang / dbang po rnams kyi yul ma 'ongs pa rgyun chad pas mya ngan las 'da' bar rnam par rtog go/ / blo gros chen po so so rang gis rig pa'i ye shes kun gzhir gyur pa sngon du btang ba ma yin no// blo gros chen po de'i phyir skyes bu blun po de dag theg pa pa gsum du smra ba yin no/ / sems tsam du rtogs pas snang ba med par ni mi smra'o// blo gros chen po de ltar de dag 'das pa dang / ma 'ongs pa dang / da ltar byung ba'i de bzhin gshegs pa rnams kyi rang bzhin sems snang ba'i spyod yul mngon par mi shes pa ste/ blo gros chen po phyi rol gyi snang ba sems kyi spyod yul du mngon par zhen pa de dag 'khor ba'i 'gro ba'i 'khor lor rab tu 'khor ro/ / blo gros chen po gzhan yang 'das pa dang / ma 'ongs pa dang / da ltar byung ba'i de bzhin gshegs pa rnams chos thams cad ma skyes pa ston to/ / de ci'i phyir zhe na/ 'di lta ste/ blo gros chen po rang gi sems snang ba'i dngos po med pa'i dang / yod pa dang med pa las skye ba med pa'i phyir/ dngos po thams cad nim skyes pa ste/ blo gros chen po chos thams cad ni ri bong dang / rta dang / bong bu dang / rnga mo'i rwa dang mtshungs pa'o// blo gros chen po byis pa so so'i skye bo rnams kyis yang dag pa ma yin par yongs su brtags pa'i rang bzhin du rnam par brtags pa'i phyir dngos po thams cad ma skyes pa ste/ blo gros chen po dngos po thams cad kyi rang bzhin gyi mtshan nyid skye ba ni 'phags pa so so rang gis rig pa'i ye shes kyi spyod yul te/ byis pa rnams kyis rnam par rtog pa gnyis kyi spyod yul gyi rang bzhin ni ma yin no// blo gros chen po lus dang / longs spyod dang / gnas kyi rnam pa'i rang bzhin gyi mtshan nyid kun gzhi rnam par shes pa/ gzung ba dang 'dzin pa'i mtshan nyid du 'jug pa la byis pa skye ba dang / gnas pa dang / 'jig pa'i lta ba gnyis su lhung ba'i bsam pa can rnams yod pa dang med pa las dngos po thams cad skye ba rnam par rtog gis/ blo gros chen po 'di la khyod kyis brtson par bya'o// blo gros chen po gzhan yang mngon par rtogs par 'gyur ba'i rigs lnga yod de/ lnga gang zhe na/ 'di ltar nyan thos kyi theg pa mngon par rtogs par 'gyur ba'i rigs dang / rang sangs rgyas kyi theg pa mngon par rtogs par 'gyur ba'i rigs dang / de bzhin gshegs pa'i theg pa mngon par rtogs par 'gyur ba'i rigs dang / gang du yang ma nges pa'i rigs dang / rigs med pa dang lnga'o// blo gros chen po nyan thos kyi theg bapa mngon par rtogs par 'gyur ba'i rigs ji ltar khong du chud par bya zhe na/ gang phung po dang / khams dang / skye mched dang / rang dang spyi'i mtshan nyid yongs su shes pa khong du chud par 'gyur ba bstan na/ lus kyi spu ldang zhing / de'i blo mtshan nyid yongs su 'dris par bya ba'i shes pa la 'jug la/ rten cing 'brel par 'byung ba dang tha mi dad pa'i mtshan nyid yongs su 'dris par bya ba ma yin pa 'di/ / blo gros chen po 'di ni nyan thos kyi theg pa mngon par rtogs par 'gyur ba'i rigs te/ nyan thos kyi theg pa mngon par rtogs pa'i lta bas/ sa drug dang lnga dag tu kun nas ldang ba'i nyon mongs pa rab tu spangs nas/ bag chags kyi nyon mongs pa rab tu ma spangs pa/ bsam gyis mi khyab pa'i 'chi 'pho dang ldan pa de ni bdag gi skye ba zad do// tshangs par spyod pa la gnas so/ / bya ba byas so zhes yang dag par seng ge'i sgra sgrog cing / de la sogs pa smras nas/ gang zag la bdag med pa yongs su 'dris pa nas/ mya ngan las 'das pa'i babar gyi blor 'gyur ro/ / blo gros chen po gzhan ni bdag dang / sems can dang / srog dang / gso ba dang / skyes bu dang / gang zag yod par khong du chud pas mya ngan las 'das pa tshol lo/ / blo gros chen po yang gzhan dag ni dngos po thams cad rgyu la rag las par mthong nas mya ngan las 'das pa 'dod pa'i blor 'gyur te/ blo gros chen po chos la bdag med par mthong ba med pa'i phyir thar pa ni med do/ / blo gros chen po 'di ni nyan thos kyi theg pa mngon par rtogs par 'gyur ba dang / mu stegs can gyi rigs 'byung ba ma yin pa la 'byung ba'i blo can te/ blo gros chen po 'di la khyod kyis lta ba ngan pa rnam par bzlog pa'i phyir brtson par bya'o// blo gros chen po de la rang sangs rgyas kyi theg pa mngon par rtogs par 'gyur ro rigs ni/ gang gcig po'i phyir mngon par rtogs pa bstan na/ mchi ma dang snying khyer zhes lus kyi spu ldang bar 'gyur zhing / 'du 'dzi med pa'i rkyen gyis dngos po la mngon par zhen pa dang / rang gis lus kyi rdzu 'phrul sna tshogs rnam pa mang po bsnor ba dang / zung gi cho 'phrul bstan pa rab tu bshad na dga' bar 'gyur ba yin te/ rang sangs rgyas kyi theg pa mngon par rtogs par 'gyur ba'i rigs can du shes nas/ rang sangs rgyas kyi theg pa mngon du rtogs par 'gyur ba dang / rjes su 'thun pa'i gtam bya'o// blo gros chen po 'di ni rang sangs rgyas kyi theg pa mngon par rtogs par 'gyur ba'i rigs can gyi mtshan nyid do/ / blo gros chen po de la de bzhin gshegs pa'i theg pa mngon par rtogs par 'gyur ba'i rigs ni rnam pa gsum ste/ 'di ltar rang bzhin gyis rang bzhin med pa'i chos mngon par rtogs par 'gyur ba'i rigs dang / khong du chud pa bdag gi so so rang gi mngon par rtogs par 'gyur ba'i rigs dang sangs rgyas kyi zhing phyi rol yangs pa mngon par rtogs par 'gyur ba'i rigs dang / blo gros chen po rnam pa gsum po 'di dag las gang yang rung ba zhig bstan pa dang / rang gi sems snang ba'i lus dang / kun gzhi dang / longs spyod dang / gnas bsam gyis mi khyab pa'i yul bstan pa na/ mi 'jigs/ mi skrag/ skrag par mi 'gyur na/ de ni de bzhin gshegs pa'i theg pa mngon par rtogs par 'gyur ba'i rigs can du shes par bya ste/ tho gros chen po 'di ni de bzhin gshegs pa'i theg pa mngon par rtogs par 'gyur ba'i rigs can gyi mtshan nyid do// rdorje chen po ma nges pa'i rigs can ni gsum po 'di dag bstan pa'i tshe/ gang la dga' ba de la rjes su sbyar bar bya'o// blo gros chen po 'di ltar rigs rnam par dgod pa 'di ni yongs su sbyar ba'i sa ste/ snang ba med pa'i sa la 'jug pa'i phyir rnam par dgod par bya'o// so so rang gi kun gzhi la rang gi nyon mongs pa'i bag chags dag nas/ chos la bdag med pa mthong ba'i phyir ting nge 'dzin gyi bde ba la gnas pa thob nas/ nyan thos rnams kyang rgyal ba'i sku'i sku nyid rab tu 'thob par 'gyur ro// de nas bcom ldan 'das kyis tshigs su bcad pa 'di dag gsungs so// rgyun du zhugs pa'i 'bras bu dang / / lan cig phyir 'ong de bzhin te// phyir mi 'ong ba'i 'bras bu dang // dgra bcom nyid kyang sems bslad pa'o// byis pa blo can rnams la ni// theg pa gsum dang theg pa gcig/ theg bamed pa'ang sbra ste/ / 'phags pa rnams la dben pa nyid// rnam rig gnyis po spangs pa ni// dam pa'i don gyi sgo mo ste// theg pa gsum du rnam dgod pa// snang med la gnas ga la yod// bsam gtan rnams dang tshad med dang // gzugs med rnams dang ting nge 'dzin// 'du shes 'gog pa ma lus par// sems tsam la ni yod pa min// blo gros chen po de la 'dod chen pa rnams kyi thar par mi 'dod pa ji ltar 'byung zhe na/ 'di lta ste/ dge ba'i rtsa ba thams cad spangs pa dang // thog ma med pa'i dus kyi sems can gyi phyir smon pa'o// de la dge ba'i rtsa ba thams cad spangs pa gang zhe na/ 'di ltar byang chub sems dpa'i sde snod la 'di dag ni thar pa dang 'thun pa'i mdo dang 'dul ba ma yin no zhes smra bas spong zhing skur ba yin te/ dge ba'i rtsa ba thams cad spangs pa'i phyir/ mya ngan las mi 'da' ba'o// blo gros chen po gnyis su na byang chub sems dpa' sems dpa' chen po 'di ltar sems can thams cad yongs su mya ngan las ma 'das kyi bar du/ bdag kyang mya ngan las mi 'da' 'o zhes srid par smon lam dang thabs sngon du btang bas/ de'i phyir mya ngan las mi 'da' 'o// blo gros chen po 'di ni yongs su mya ngan las mi 'da' ba'i chos can rnams kyi rang gi mtshan nyid do/ / des 'dod chen pa rnams kyi tshul rab tu 'thob par 'gyur ro// blo gros chen pos yang gsol pa/ bcom ldan 'das 'di la shin tu mya ngan las mi 'da' ba gang lags// bcom ldan 'das kyis bka' stsal pa/ blo gros chen po de la byang chub sems pa'i 'dod chen pa ni chos thams cad thog ma nas mya ngan las 'das par shes nas shin tu mya ngan las mi 'da' ste/ dge ba'i rtsa ba thams cad spang ba'i 'dod chen pa ni ma yin no/ / blo gros chen po dge ba'i rtsa ba thams cad spong ba'i 'dod chen pa yang de bzhin gshegs pa rnams kyi byin gyi rlabs kyis/ brgya la gal te na dge ba'i rtsa ba yongs su sbyong bar 'gyur ro/ / de ci'i phyir zhe na/ blo gros chen po 'di ltar de bzhin gshegs pa rnams kyis ni sems can thams cad yongs sum btung ngo // blo gros chen po de ltar de'i phyir byang chub sems dpa'i 'dod chen pa rnams ni yongs su mya ngan las mi 'da' 'o/ / gzhan yang byang chub sems dpa' sems dpa' chen po blo gros chen pos rang bzhin gyi mtshan nyid gsum la ma byas par bya'o/ / blo gros chen po de la kun brtags pa'i rang bzhin ni mtshan ma la 'byung ste/ blo gros chen po mtshan ma las kun brtags pa'i rang bzhin ji ltar 'byung zhe na/ del blo gros chen po gzhan gyi dbang gi rang bzhin ni dngos po'i mtshan ma'i mtshan nyid lta bur snang ba ste/ blo gros chen po dngos po'i mtshan ma'i mtshan nyid la mngon par zhen pa ni de bzhin gshegs pab dgra bcom pa yang dag par rdzogs pa'i sangs rgyas rnams ming la mngon par zhen pa'i mtshan nyid dang / dngos po'i mtshan ma la mngon par zhen pa'i mtshan nyid kyis kun brtags pa'i rang bzhin / dang rnam pa gnyis su 'jog go// blo gros chen po de la dngos po'i mtshan ma la mngon par zhen pa'i mtshan nyid ni/ 'di lta ste/ nang dang phyi'i chos la mngon par zhen pa'o// blo gros rjen kho mtshan ma'i mtshan nyid la mngon par zhen pa ni/ 'di lta ste/ nang dang phyi rol gyi chos de dag nyid kyi rang dang spyi'i mtshan nyid yongs su shes shing khong du chud pa'o// blo gros chen po de ni/ kun brtags pa'i rang bzhin gyi mtshan nyid gnyis pa'o// de la gnas shing dmigs pa las 'byung ba de ni gzhan gyi dbang ngo // blo gros chen po de la yongs su grub pa'i rang bzhin gang zhe na/ 'di lta ste/ mtshan ma dang / ming dang / dngos po'i mtshan nyid rnam par rtog pa dang bral ba'i de bzhin nyid 'phags pa'i ye shes rtogs pa thob pas/ baphags pa so / so rang gis rig pa'i ye shes kyi spyod yul te/ blo gros chen po yongs su grub pa'i rang bzhin 'di ni de bzhin gshegs pa rnams kyi snying po thugs so// de nas de'i tshe bcom ldan 'das kyis tshigs su bcad pa 'di gsungs so/ / ming dang mtshan ma kun rtog pa// rang bzhin gnyis kyi mtshan nyid de// yang dag ye shes de bzhin nyid// yongs su grub pa'i mtshan nyid do// blo gros chen po 'di ni chos lnga'i rang bzhin gyi mtshan nyid rab tu 'byed pa zhes bya ba'i chos kyi rnam grangs 'phags pa so so rang gis rig pa'i ye shes kyi spyod yul te/ de la khyod dang byang chub sems dpa' gzhan rnams kyis kyang bslab par bya'o/ / gzhan yang byang chub sems dpa' sems dpa' chen po blo gros chen pos bdag med pa gnyis kyi mtshan nyid shes pa rab tu dbye ba la mkhas par bya'o/ / blo gros chen po de la bdag med pa gnyis kyi mtshan nyid gang zhe na/ ming dang gzugs la sogs pa 'dzin pa la mngon par zhen pa'i phyir/ dbang po thams cad las rnam par shes pa 'byung ba ni/ 'di lta ste/ mi shes pa dang / las dang / sred pa las 'byung ba'i phung po dang / khams dang / skye mched bdag dang bdag gi med pa/ rang gi sems snang ba'i snod dang / lus dang gzhir bdag gi sems kyis brtags pa rnams shes par byed de/ 'bab chu dang / sa bon dang / mar me dang / rlung dang / sprin lta bu skad cig ma gcig tu tha dad pas so sor gyur pa g.yo ba/ spre'u dang sbrang ma lta bu yul mi gtsang ba la spyod pa/ mgon med pa/ me ltar chog mi shes pa thog ma med pa'i dus nas spros pa'i yul kyigyi bag chags kyi rgyu las byung ba/ bro ba chu skor gyi 'khrul 'khor gyi 'khor lo ltar 'khor ba/ srid pa'i 'gro ba'i 'khor lo la lus rnam pa sna tshogs kyi gzugs 'chang ba/ sgyu ma dang / ro langs dang 'phrul 'khor lta bur 'jug cing 'byung ste/ blo gros chen po mtshan nying 'di la mkhas pa'i shes pa de ni gang zag la bdag med par shes pa zhes bya'o// blo gros chen po 'i chos la bdag med par shes pa gang zhe na/ 'di lta ste/ phung po dang / khams dang / skye mched rnams kyi yul kun brtags pa'i mtshan nyid kyi rang bzhin rtogs pa ste/ blo gros chen po ji ltar phung po dang / khams dang skye mched rnams bdag las sogs pa dang bral zhing / phung po 'dus pa tsam ste/ las dang sred pa'i rgyu'i srang bus spel ba/ phan tshun rkyen du gyur pas g.yo ba med par 'byung ba de bzhin du blo gros chen po phung po dag rang dang spyi'i mtshan nyid dang yang bral ba ste/ yang dag pa ma yin par kun brtags pa'i mtshan nyid kyi rnam par rtog pas rab tu phye ba la byis pa rnam par rtog gi/ 'phags pa rnams kyis ni ma yin te/ blo gros chen po chos thams cad la sems dang / yid dang / rnam par shes pa dang / chos lnga dang / rang bzhin dang bral bar rnam par bsgom pa'i byang chub sems dpa' sems dpa' chen po ni chos la bdag med pa la mkhas pa yin no/ / byang chub sems dpa' sems dpa' chen po blo gros chen po chos la bdag med pa la mkhas pa ni snang ba med pa rab tu rtogs pa'i phyir/ ring por mi thogs par byang chub sems dpa'i sa dang po 'thob ste/ sa'i mtshan nyid rab tu dbye ba khong du chud pa'i phyir/ rab tu dga' ba'i 'og tu sa dgu la yang mkhas par byas nas/ chos kyis sprin rab tu 'thob bo// de de la gnas nas sgyu ma'i rang bzhin gyi spyod yul rab tu 'byed pas mngon par grub pa pad+mo lta bu'i gzhal med khang chen por rin po che'i pad+mo'i rgyal po chen po rin po che dang / mu tig du mas rab tu brgyan pa la 'dug ste/ de dang 'thun pa'i rgyal ba'i sras rnams kyis yongs su bskor cing / sangs rgyas kyi zhing thams cad nas byung ba'i sangs rgyas kyi phyag gis dbang bskur ba/ 'khor los sgyur ba'i bu bzhin du mngon par dbang bskur ro// sangs rgyas kyi sras kyi sa las 'das nas/ 'phags pa so so rang gis rig pa'i chos khong du chud pa'i byiphyir/ chos la bdag med pa mthong bas/ chos kyi sku la mnga' mdzad pa'i de bzhin gshegs par 'gyur te/ blo gros chen po 'di ni rang gi chos la bdag med pa'i mtshan nyid do// blo gros chen po de la khyod dang / byang chub sems dpa' gzhan dag gis kyang bslab par bya'o// // bam po gsum pa/ de nas yang bcom ldan 'das la/ byang chub sems dpa' sems dpa' chen po blo gros chen pos 'di skad ces gsol to/ / bcom ldan 'das ji ltar bdag dang byang chub sems dpa' gzhan sgro 'dogs pa dang / skur pa'i lta ba ngan pa rnam par spangs pa'i blo can rnams myur du bla na med pa yang dag par rdzogs pa'i byang chub tu mngon par 'tshang rgya zhing / mngon par sangs rgyas nas kyang rtag pa dang / sgro 'dogs pa dang / skur pa dang / chad par lta ba rnam par spangs te/ khyod kyi sangs rgyas kyi tshul mi skur bar 'gyur bar sgro 'dogs pa dang / skur pa'i mtshan nyid bdag la bshad du gsol/ de nas bcom ldan 'das kyis/ byang / chub sems dpa' sems dpa' chen po blo gros chen pos/ yang gsol ba btab par thugs su chud nas tshigs su bcad pa 'di gsungs so// sgro 'dogs pa dang skur ba dag/ sems tsam la ni yod pa min/ lus dang longs spyod gnas lta bu'i// sems ni su dag mi shes pa// sgro 'dogs pa dang skur pa la/ mi mkhas de dag rab tu spong // de nas bcom ldan 'das kyis tshigs su bcad pa 'di nyid kyi don bstan pa'i phyir/ yang 'di skad ces bka' stsal to// blo gros chen po med pa la sgro 'dogs pa ni rnam pa bzhi ste/ rnam pa bzhi gang zhe na/ 'di lta ste/ med pa'i mtshan nyid la sgro 'dogs pa dang / med pa'i lta bar sgro 'dogs pa dang / med pa'i rgyur sgro 'dogs pa dang / med pa'i dngos por sgro 'dogs pa ste/ blo gros chen po 'di ni sgro 'dogs pa rnam pa bzhi'o/ / blo gros chen po skur pa gang zhe na/ 'di lta ste/ sgro 'dogs pa'i lta ba ngan pa 'di nyid mi dmigs par rab tu 'byed pa med pa'i phyir skur par 'gyur te/ blo gros chen po 'di/ ni sgro 'dogs pa dang skur ba'i mtshan nyid do// blo gros chen po gzhan yang med pa'i mtshan nyid la sgro 'dogs pa'i mtshan nyid gang zhe na/ 'di lta ste/ phung po dang / khams dang / skye mched rnams kyi rang dang spyi'i mtshan nyid la 'di ni 'di sa ste/ de bzhin nyid kyi gzhan du ma yin no zhes mngon par zhen pa'o// blo gros chen po 'di ni med pa'i mtshan nyid la sgro 'dogs pa'i mtshan nyid ngo // blo gros chen po med pa'i mtshan nyid la sgro 'dogs pa'i rnam par rtog pa 'di ni thog ma med pa'i dus kyi spros pa gnas ngan len gyi bag chags sna tshogs la mngon par zhen pa las 'byung ngo / / blo gros chen po 'di ni med pa'i mtshan nyid la sgro 'dogs pa'i mtshan nyid do/ / blo gros chen po med pa'i lta bar sgro 'dogs pa ni/ gang phung po dang / khams dang / skye mched de dag nyid la/ bdag dang / sems can dang / srog dang / gso ba dang / skyes bu dang / gang zag tu lta ba ngan par sgro 'dogs pa yin te/ blo gros chen po 'di ni med pa'i lta bar sgro 'dogs pa zhes bya'o// blo gros chen po med pa'i rgyur sgo 'dogs pa ni/ 'di lta ste/ sngon rgyu las ma skyes pa'i rnam par shes pa phyis sgyu ma lta bur sngon ma byung zhing med pa las mig dang / gzugs dang / snang ba'i rgyu dang / dran pa sngon du 'jug pas 'byung ngo / / med pa las byung nas kyang yang 'jig par 'gyur te/ blo gros chen po 'di ni med pa'i rgyur sgro 'dogs pa'o// blo gros chen po med pa'i dngos por sgro 'dogs pa ni/ 'di lta ste/ nam mkha' dang / 'gog pa dang / mya ngan las 'das pa ma byas pa'i dngos por mngon par zhen cing sgro 'dogs pa'o// blo gros chen po chos 'di dag thams cad ni/ dngos po dang dngos po med pa las rnam par ldog pa/ ri bong dang / rta dang / bong bu dang / rnga mo'i rwa dang / skra shad 'dzings pa lta bu yod pa dang / med pa'i phyogs dang bral ba ste/ blo gros chen po byis pa rang gi sems snang ba tsam du ma rtog pa'i blo can rnams sgro 'dogs pa dang / skur pas rnam par rtog ste/ 'phags pa rnams kyis ni ma yin no// 'di ni blo gros chen po dngos po med par rnam par rtog pas sgro 'dogs pa dang / skur pa'i mtshan nyid do// de bsan blo gros chen po spro 'dogs pa dang / skur pa'i lta ba dang bral bar bya'o// blo gros chen po gzhan yang byang chub sems dpa' rnams ni sems dang / yid dang / yid kyi rnam par shes pa dang / chos lnga dang / rang bzhin dang / bdag med pa gnyis kyi mtshan nyid khong du chud par rtogs pas gzhan la phan pa'i phyir/ gzugs dang cha byang du 'dzin pa yin no// gzhan gyi dbang la gnas pa kun brtags pa'i rang bzhin ltar/ sna tshogs gzugs can yid bzhin gyi nor bu lta bu sangs rgyas kyi zhing thams cad kyi dkyil 'khor du dong ste/ de bzhin gshegs pa thams cad las rmi lam dang / sgyu ma dang / mig yor dang / gzugs brnyan dang / chu'i zla ba'i tshul 'dra ba'i chos skye ba dang / 'jig pa dang / rtag pa dang / chad pa dang bral ba thams cad dang / nyan thos dang / rang sangs rgyas thams cad kyi theg pa dang bral ba'i chos bstan pa dag mngon du nyan cing ting nge 'dzin brgya stong rab tu thob nas/ ting nge 'dzin bye ba khrag khrig brgya stong gi bar du yang rab tu 'thob ste/ thob nas kyang sangs rgyas mchod pa la brtson par/ ting nge 'dzin de dag gi zhing nas zhing du dong ngo / / skye ba dang / lnga'i pho brang dang / gnas thams cad du'ang dkon mchog gsum yang dag par bstan te/ sangs rgyas kyi gzugs su byas shing / nyan thos dang byang chub sems dpa'i tshogs kyis yongs su bskor nas/ yod pa dang med pa'i phyogs las rnam par bzlog pa'i phyir/ rang gi sems snang ba tsam la 'jug pas phyi rol gyi dngos po med par ston par byed do/ / de nas bcom ldan 'das kyis de'i tshe tshigs su bcad pa 'di gsungs so// gang tshe 'jig rten sems tsam du// rgyal ba'i sras kyis rab mthong ba/ / de'i tshe tshogs su gyur pa'i sku// gzas shing byed pa kun spangs pa// stobs dang mngon shes dbang ldan pa// de dag gis ni thob par 'gyur// de nas yang bcom ldan 'das la/ byang chub sems dpa' sems dpa' chen po blo gros chen pos gsol ba btab pa/ bcom ldan 'das stong pa nyid dang / mi skye ba dang / mi gnyis pa dang / rang bzhin ma mchis pa'i mtshan nyid rtogs pa ji lta bus bdag dang byang chub sems dpa' gzhan rnams kyang mchis pa dang / ma mchis par rnam par rtog pa yongs su spangs te/ myur du bla na med pa yang dag par rdzogs pa'i byang chub tu mngon par 'tshang rgya bar 'gyur ba'i chos thams cad kyi stong pa nyid dang / mi skye ba dang / mi gnyis pa dang / rang bzhin ma mchis pa'i mtshan nyid bdag la bshad du gsol/ de nas bcom ldan 'das kyis/ byang chub sems dpa' sems dpa' chen po blo gros chen po la 'di skad ces bka' stsal to// blo gros chen po de'i phyir shin tu legs par nyon la yid la zung zhig dang / ngas khyod la bshad do// legs so bcom ldan 'das zhes byang chub sems dpa' sems dpa' chen po blo gros chen po bcom ldan 'das la / phyir nyan to// bcom ldan 'das kyis de la 'di skad ces bka' stsal to// blo gros chen po stong pa nyid do// stong pa nyid do zhes bya ba 'di ni kun brtags pa'i rang bzhin gyi tshig ste/ blo gros chen po kun brtags pa'i rang bzhin la mngon par zhen pas/ stong pa nyid dang / mi skye ba dang / dngos po med pa dang / mi gnyis pa dang / rang bzhin med pa'i dngos por smra ba yin no/ / blo gros chen po mdor na stong pa nyid rnam pa bdun te/ 'di ltar mtshan nyid stong pa nyid dang / dngos po'i rang bzhin stong pa nyid dang / srid pa stong pa nyid dang / mi srid pa stong pa nyid dang / chos thams cad brjod du med pa stong pa nyid dang / don dam pa 'phags pa'i ye shes stong pa chen po nyid dang / gcig gis gcig stong pa nyid dang bdun no// blo gros chen po de la mtshan nyid stong pa nyid gang zhe na/ 'di lta ste/ dngos po thams cad ni rang dang spyi'i mtshan gyis stong ngo // blo gros chen po 'dus pa phan tshun du bltos pa dang / rab tu dbye ba'i khyad par med pa'i phyir/ rang dang spyi'i mtshan nyid 'jug pa med de/ blo gros chen po bdag dang / pha rol dang / gnyis ka med pa'i phyir/ mtshan nyid gnas pa med pas na/ de'i phyir dngos po thams cad mtshan nyid stong pa zhes bya'o// blo gros chen po dngos po'i rang bzhin stong pa nyid gang zhe na/ 'di lta ste/ blo gros chen po rang gi rang bzhin gyis dngos po skye ba med pa'i phyir chos thams cad dngos po'i rang bzhin gyis stong pa nyid ma yin te/ de'i phyir dngos po'i rang bzhin stong pa nyid ces bya'o// blo gros chen po srid pa'i stong pa nyid gang zhe na/ 'di lta ste/ bdag dang bdag gi dang bral ba'i phung po rnams rgyu dang / rig pa dang / byed pa dang / las dang / 'byor pa las skye zhing 'byung ste/ de'i phyir srid pa'i stong pa nyid ces bya'o// blo gros chen po mi srid pa'i stong pa nyid gang zhe na/ 'di lta ste/ phung po rnams la mya ngan las 'das pa sngon mi srid pa yin te/ de'i phyir ma srid pa stong pa nyid ces bya'o// blo gros chen po brjod du med pa stong pa nyid gang zhe na/ 'di lta ste/ kun brtags pa'i rang bzhin brjod du med pa'i phyir/ chos thams cad brjod du med pa'i stong pa nyid de/ de'i phyir brjod du med pa stong pa nyid ces bya'o// blo gros chen po don dam pa'i 'phags pa'i ye ges stong pa chen po nyid gang zhe na/ 'di lta ste/ bdag gis so sor rang gi 'phags pa'i ye shes khong du chud pa ni lta ba dang / nyes pa'i bag chags thams cad kyis stong ste/ de'i phyir don dam pa 'phags pa'i ye shes stong pa chen po nyid ces bya'o/ / blo gros chen po gcig gis gcig stong pa nyid gang zhe na/ 'di lta ste/ gang na ci med pa de ni des stong pa zhes bya'o// 'di lta ste/ blo gros chen po smi ga ra'i khang pa na glang po dang / ba glang dang / lug la sogs pa med kyang dge slong dang / dge slong ma la sogs pas ni stong pa ma yin no zhes ngas bshad de/ de ni ngag gis stong ngo zhes bya yang / blo gros chen po khang pa'ang pa'i dngos por med pa ma yin/ dge slong rnams kyang dge slong gi ngo bo med pa ma yin te/ glang po dang / ba glang dang / lug la sogs pa'i dngos po de dag gud na// mi 'khod pa yang ma yin no// blo gros chen po de bzhin du chos thams cad kyi rang dang spyi'i mtshan nyid ni gcig la gcig med de/ de'i phyir gcig gis gcig stong pa nyid ces bya'o// blo gros chen po 'di na stong pa nyid rnam pa bdun te/ blo gros chen po gcig gis gcig stong pa nyid ni kun gyi tha shal te/ de ni khyod kyis yongs su spangs par bya'o// blo gros chen po ting nge 'dzin gyi gnas ma gtogs par rang yang mi skye la/ mi skye ba'ang ma yin te/ de'i phyir ma skyes pa dang / rang bzhin med pa dang / 'thad pa med pa las dgongs te/ dngos po thams cad rang bzhin med pa zhes bya'o/ / blo gros chen po skad cig ma'i rgyud kyi rgyun med pa dang / gzhan du 'gyur bar snang ba'i phyir/ chos thams cad rang bzhin med pa ste/ de'i phyir dngos po thams cad ni rang bzhin med pa zhes bya'o/ / blo gros chen po mi gnyis pa'i mtshan gang zhe na/ 'di lta ste/ grib ma dang / nyi ma lta bu dang / ring po dang / thung ngu dang / nag po dang / dkar po lta bu dag gnyis su rab tu phye ba'i rnams so so tha dad pa ma yin no/ / blo gros chen po de bzhin du 'khor ba dang mya ngan las 'das pa ltar chos thams cad mi gnyis pa ste/ blo gros chen po de ni mtshan nyid tha dad pa'i rgyu yod pa'i phyir ro// / mya ngan las 'das pa gang na ba de na 'khor ba med/ 'khor ba gang na ba de na mya ngan las 'das pa med de/ de'i phyir chos thams cad 'khor ba dang / mya ngan las 'das pa ltar mi gnyis so zhes bya'o// de bas na blo gros chen po stong pa nyid dang / mi skye ba dang / mi gnyis pa dang / rang bzhin med pa'i mtshan nyid la brtson par bya'o// de nas de'i tshe bcom ldan 'das kyis tshigs su bcad pa 'di gsungs so/ / 'khor ba rmi lam sgyu 'dra dang / rtag dang chad pa spangs pa yi// rtag tu stong pa nyid bshad kyang // lam ni rnam par mi 'jig go// mya ngan 'das dang nam mkha' dang // 'gog pa gnyis po nyid kyang ni// ma byas par ni byis pas rtog/ 'phags pas yod med spangs par ro// de nas yang bcom ldan 'das kyis/ byang chub sems dpa' sems dpa' chen po blo gros chen po la 'di skad ces bka' stsal to/ / blo gros chen po stong pa nyid dang / mi skye ba dang / mi gnyis pa dang / rang bzhin med pa'i mtshan nyid sangs rgyas thams cad kyi mdo sde'i nang du chud pa 'di ni mdo sde gang du yang rung ste/ de dag tu don 'di nyid khong du chud par bya'o// blo gros chen po mdo sde de ni sems can thams cad kyi bsam pa bzhin du bstan pa don 'khrul pa yin te/ de ni de kho na rnam par bzhag pa'i gtam ma yin no// blo gros chen po 'di lta ste/ dper na smig rgyu ba ni ri dgas slu ba yin te/ chu'i dngos por mngon par zhen pas mngon par zhen par byed de de la chu med do/ / blo gros chen po de bzhin du mdo sde bstan pa'i chos thams cad kyang byis pa rnams kyi rang gi rnam par rtog pa mgu bar bya ba yin te/ de ni 'phags pa'i ye shes rnam par dgod pa'i gtam ma yin no/ / de bas na blo gros chen po khyod kyis don gyi rjes su 'brang bar bya'i/ bstan pa brjod pa la mngon par chags par mi bya'o// de nas byung chub sems dpa' sems dpa' chen po blo gros chen pos/ bcom ldan 'das la 'di skad ces gsol to// bcom ldan 'das kyi mdo sde brjod pa las de bzhin gshegs pa'i snying po gsungs pa de/ bcom ldan 'das kyis rang bzhin gyis 'od gsal ba rnam par dag pas/ mtshan sum cu rtsa gnyis dang ldan pa/ sems can thams cad kyi lus kyi nang na mchis par brjod de/ bcom ldan 'das kyis rin po che rin thang chen po gos dri ma can gyis yongs su dkris pa ltar/ phung po dang / khams dang / skye mched dag gi gos kyis yongs su dkris pa/ 'dod chags dang / zhe sdang dang / gti mug gi zil gyis non pa yongs su rtog pa'i dri mas dri ma can du gyur pa/ rtag pa/ brtan pa/ ther zug par ni brjod pa/ bcom ldan 'das de bzhin gshegs pa'i sring bor smra ba 'di/ mu stegs byed kyi bdag tu smra ba dang ji ltar mi 'dra ba lags/ bcom ldan 'das mu stegs byed rnams kyang / rtag pa byed pa/ yon tan med pa/ khyab pa mi 'jig pa'o// zhes pa dag tu smra ba ston par byed do// bcom ldan 'das kyis bka' stsal pa/ blo gros chen po nga'i de bzhin gasnying po bstan pa ni/ mu stegs can gyi bdag tu smra ba dang mtshungs pa ma yin te/ blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams ni/ stong pa nyid dang / yang dag pa'i mtha' dang / mya ngan las 'das pa dang / ma skyes pa dang / mtshan ma med pa dang / smon pa med pa la sogs pa'i tshig gi don rnams la de bzhin gsheg 'i snying por bstan par byas nas/ byis pa rnams bdag med pas 'jigs par 'gyur ba'i gnas rnam par spang ba'i don du/ de bzhin gshegs pa'i snying po'i sgo bstan pas/ rnam par mi rtog pa'i gnas snang ba med pa'i spyod yul ston te/ 'di la blo gros chen po ma 'ongs pa dang / da ltar byung ba'i byang chub sems dpa' sems dpa' chen po rnams kyis bdag tu mngon par zhen par mi bya'o// blo gros chen po dper na rdza ma ngan ni 'jim pa'i rdul gyi phung po cig las lag pa dang / bzo dang / lag gzungs dang / chu dang / srang bu dang / nar tan ldan pa las snang rnam pa sna tshogs byed do// blo gros chen po de bzhin du de bzhin gshegs pa rnams kyang / chos la bdag med pa'i rnam par rtog pa'i mtshan nyid thams cad rnam par log pa de nyid// shes rab dang thabs mkhas pa dang ldan pa rnam pa sna tshogs kyis bzhin gshegs pa'i snying por bstan pa 'am/ bdag med par bstan pas kyang rung ste/ rdza mkhan bzhin du tshig dang / yi ge'i rnam grangs rnam pa sna tshogs kyis ston to/ / de ltar de'i phyir blo gros chen po de bzhin gshegs pa'i snying po bstan pas/ mu stegs byed kyi bdag tu smra ba'i bstan pa dang mi 'dra'o// blo gros chen po de ltar de bzhin gshegs pa rnams ni/ mu stegs byed bdag tu smra ba la mngon par zhen pa rnams drang ba'i phyir/ de bzhin gshegs pa'i snying po bstan pas/ de bzhin gshegs pa'i snying po bshad de yang dag pa ma yin pa'i bdag tu rnam par rtog pa'i lta bar lhung ba'i bsam pa can dag/ rnam par thar pa gsum gyi spyod yul la gnas pa'i bsam pa dang ldan zhing / myur du bla na med pa yang dag par rdzogs pa'i byang chub tu mngon par rdzogs par 'tshang rgya bar ji ltar 'gyur zhes bya ste/ blo gros chen po de'i don ni de bzhin gshegs pa dgra bcom pa yang dag par rdzogs pa'i sangs rgyas rnams de bzhin gshegs pa'i snying po ston par mdzad do/ / de lta bas na 'di ni mu stegs byed bdag tu smra ba dang mtshungs pa ma yin no// blo gros chen po de lta bas na/ mu stegs byed kyi lta rnam par bzlog pa'i phyir/ de bzhin gshegs pa'i snying po bdag med pa'i rjes su 'jug par bya'o// de nas de'i tshe bcom ldan 'das kyis tshigs su bcad pa 'di gsungs so// gang zag rgyun dang phung po dang / de bzhin rkyen dang rdul dag dang // gtso bo dbang po byed pa dag/ sems tsam po la rnam par brtags/ de nas byang chub sems dpa' sems dpa' chen po blo gros chen pos/ ma 'ongs pa'i skye bo'i tshogs la bltas nas/ yang bcom ldan 'das la gsol ba btab pa/ bcom ldan 'das ji ltar byang chub sems dpa' sems dpa' chen po rnams rnal 'byor chen po'i rnal 'byor can du 'gyur ba'i rnal 'byor mngon par rtogs pa bdag la bshad du gsol/ bcom ldan 'das kyis bka' stsal pa/ blo gros chen po chos bzhi dang ldan pa'i byang chub sems dpa' sems dpa' chen po rnams rnal 'byor chen po'i rnal 'byor can du 'gyur ro/ / bzhi gang zhe na/ 'di lta ste/ rang gi sems snang ba rnam par bsgom pa dang / skye ba dang / gnas pa dang / 'jig pa'i lta ba rnam par spong ba dang / phyi rol gyi dngos po med par rtogs pa dang / 'phags pa so so rang gi ye shes khong du chud par mos pa yin te/ blo gros chen po chos bzhi po 'di dag dang ldan pa'i byang chub sems dpa' sems dpa' rnams rnal 'byor chen po'i rnal 'byor can du 'gyur ro/ / blo gros chen po de la ji ltar na byang chub sems dpa' sems dpa' chen po rang gi sems snang ba bsgom pa la mkhas pa yin zhe na/ 'di lta ste/ de 'di ltar khams gsum 'di ni rang gi sems tsam ste/ bdag dang bdag gi dang bral ba/ g.yo ba med pa/ blang ba dang / dor ba dang bral ba thog ma med pa'i dus kyi spros pa'i gnas ngan len gyi bag chags la mngon par zhen pas bskos bya/ khams gsum gyi gzugs rnam pa sna tshogs la nye bar spyod pas 'brel ba/ lus dang / longs spyod dang / gnas dang / 'gro bar rnam par rtog pa'i rjes su song bar rab tu rtog ste/ blo gros chen po de ltar na byang chub sems dpa' sems dpa' chen po rang gi sems rnam par bsgom pa la mkhas pa yin no/ / blo gros chen po ji ltar na byang chub sems dpa' sems dpa' chen po skye ba dang / gnas pa dang / 'jig pa'i lta ba rnam par spangs pa yin zhe na/ 'di lta ste/ dngos po thams cad ni sgyu ma dang / rmi lam gyi gzugs skye ba dang 'dra bar bdag dang / gzhan dang / gnyis ka med pa'i phyir mi skye ste/ rang gi sems snang ba tsam gyi rjes su 'brang ba dang / phyi rol gyi dngos po dngos po med par mthong bas/ rnam par shes pa rnams 'jug pa med pa dang / rkyen rnams kyang phung po dang spungs pa med par mthong nas khams gsum rnam par rtog par rkyen las byung bar mthong bas/ phyi nang gi chos thams cad mi dmigs shing / rang bzhin med pa rjes su mthong ba'i phyir/ skye ba'i lta ba rnams log nas/ sgyu ma la sogs pa'i chos kyi rang bzhin rjes su rtogs pas/ mi skye ba'i chos la bzod pa rab tu thob ste/ sa brgyad pa la gnas nas sems dang / yid dang / yid kyi rnam par shes pa dang / chos lnga dang / rang bzhin dang / bdag med pa gnyis rtogs pa rab tu gyur pa khong du chud pa'i phyir/ yid kyi lus kyang rab tu 'thob bo// bcom ldan 'das ci'i slad du yid kyi lus zhes bgyi/ bcom ldan 'das kyis bka' stsal pa/ blo gros chen po yid kyi lus zhes bya ba ni yid ltar thogs pa med cing / mgyogs par 'gro ba'i phyir yid kyi lus zhes bya ste/ blo gros chen po 'di lta ste yid kyis ri dang / rtsig pa dang / 'bab chu dang / shing la sogs pa la thogs pa med par dpag tshad brgya stong du mar sngon mthong ba dang myong ba'i yul rjes su dran zhing / rang gi sems kyi rgyun ma chad pa'i lus thogs pa med pa'i 'gros kyis 'jug go/ / blo gros chen po de bzhin du yid kyi lus kyang thob ma thag tu sgyu ma dang 'dra ba'i ting nge 'dzin gyis/ stobs dang / dbang dang / mngon par shes pa dang / ye shes dang / mtshan gyi me tog rgyas pa/ 'phags pa'i ris su lhan cig skyes pa/ 'gro ba la thogs pa med par sngon gyi smon lam gyi yul rjes su dran zhing sems can yongs su smin par bya ba'i phyir yid bzhin du 'jug ste/ de ltar na blo gros chen po byang chub sems dpa' sems dpa' chen po skye ba dang / gnas pa dang / 'jig pa'i lta ba rnam par spangs pa yin no/ / blo gros chen po de la ji ltar na/ byang chub sems dpa' sems dpa' chen po phyi rol gyi dngos po med par rtogs pa la mkhas pa yin zhe na/ blo gros chen po 'di lta ste/ / dngos po thams cad ni smig rgyu dang / rmi lam dang / skra shad 'dzings pa lta bu'o// dngos po thams cad ni thams cad thog ma med pa'i dus kyi spros pa'i gnas ngan len gyi rnam par rtog pa'i bag chags rnam pa sna tshogs la mo ngon par zhen pa'i rgyu las byung ba yin te/ rang bzhin med pa'o zhes yang dag par mthong nas/ 'phags pa so so rang gi ye shes kyis rtogs pa'i yul la mngon par mos so/ / blo gros chen po chos 'di bzhi dang ldan pa'i byang chub sems dpa' ni rnal 'byor chen po rnal 'byor can yin no// blo gros chen po de la khyod kyis brtson par gyis shig/ de nas yang bcom ldan 'das la/ byang chub sems dpa' chen po blo gros chen pos gsol ba btab pa/ bcom ldan 'das rgyu dang rkyen gyi mtshan nyid rtogs pa gang gis bdag dang byang chub sems dpa' gzhan rnams mchis pa dang / ma mchis par lta ba'i rnam par rtog pa dang bral zhing / dngos po thams cad rim gyis dang cig car skye bar rnam par mi rtog par 'gyur ba'i chos thams cad kyi rgyud rkyen gyi mtshan nyid bdag la bshad du gsol/ bcom ldan 'das kyis bka' stsal pa/ blo gros chen po chos thams cad kyi rten cing 'brel par 'byung ba'i rgyu'i mtshan nyid rnam pa gnyis te/ 'di ltar phyi dang nang gi'o// blo gros chen po de la phyi'i rten cing 'brel par 'byung ba ni/ 'jim pa'i gong bu dang / lag gzungs dang / 'khor lo dang / srang bu dang chu dang / mi'i nan tan la sogs pa'i rkyen rnams kyis rdza ma 'byung ngo // blo gros chen po ji ltar 'jim pa'i gong bu las rdza ma 'byung ba de bzhin du/ thags las snam bu dang / rdzi skyang las re lde dang / sa bon las myu gu dang / srub ma la sogs pa'i du ma'i nan tan dang / zho las mar byung ba 'di ni/ blo gros chen po phyi'i rten cing 'brel par 'byung ba snga mas phyi ma phyi mar 'byung ba'o/ / blo gros chen po de la nang gi rten ning 'brel par 'byung ba ni/ 'di lta ste/ ma rig pa dang / sred pa dang / las dang / chos 'di dag la sogs pa ni rten cing 'brel par 'byung ba zhes bya ba'i ming 'thob bo/ / blo gros chen po 'di dag las skyes pa'i phung po dang / khams dang / skye mched ces bya ba'i chos de dag kyang rten cing 'brel par 'byung ba zhes bya ba'i ming thob ste/ de dag ni khyad par med pa las byis pa rnams kyis brtags pa'o// blo gros chen po de la rgyu ni rnam pa drug ste/ 'di ltar 'byung bar 'gyur ba'i rgyu dang / 'brel pa'i rgyu dang / mtshan nyid kyi rgyu dang / byed pa'i rgyu dang / snang bar byed pa'i rgyu dang / ltos pa'i rgyu dang drug go/ de la blo gros chen po 'byung bar 'gyur ba'i rgyu ni/ phyi nang gi chos rnams skye bo'i phyir rgyu'i bya ba byed ngo / / blo gros chen po 'brel pa'i rgyu ni phyi nang gi phung po dang / sa bon la sogs pa 'byung ba'i phyir dmigs pa'i bya ba byed do// blo gros chen po mtshan nyid kyi rgyu ni de ma thag tu byed pa'i mtshan nyid dang 'brel pa bskyed do/ / blo gros chen po byed pa'i rgyu ni dbang bar gtogs pa'i bya ba byed de/ 'khor los sgyur ba'i rgyal po bzhin no// blo gros chen po snang bar byed pa'i rgyu ni/ rnam par rtog pa'i dngos po skyes pa'i mtshan nyid snang ba'i bya ba byed do// gzugs la sogs pa la mar me bzhin no// blo gros chen po ltos pa'i rgyu ni/ rnam par ldog pa'i dus na/ rnam par mi rtog pa'i dngos po 'byung ba'i phyir/ rgyun gyi bya ba mi 'chad par byed do// 'di dag ni blo gros chen po byis pa so so'i skye bo rnams kyis rang gi sems kyi rnam par rtog pas brtags pa ste/ rims kyis 'jug pas kyang ma yin/ cig car yang mi 'byung ngo // de ci'i phyir zhe na/ blo gros chen po gal te cig car 'byung na ni rgyu'i mtshan nyid du ma red pa'i phyir/ bya ba dang byed pa'i bye brag kyang med par 'gyur ro// de ste rim gyis 'jug pas 'byung na ni/ mtshan nyid du ma red pa'i phyir/ bdag nyid pas rim gyis 'jug par mi 'byung ste/ blo gros chen po bu ma skyes par bya zhes gdags pa dang 'dra bar rtog pa rnams rim gyis 'jug pas 'brel pa'i tshul yang mi rung ngo // blo gros chen po rgyu dang dmigs pa dang / de ma thag pa dang / bdag po'i rkyen la sogs pas bskyed par bya ba dang / skyed pa'i phyir rim gyis 'jug pas mi skye ste/ blo gros chen po kun brtags pa'i rang bzhin la mngon par zhen pa'i mtshan nyid kyi phyir/ rim gyis sam cig car mi skye'o// blo gros chen po rang gi sems snang ba'i lus dang longs spyod can yin pa'i phyir/ rang dang spyi'i mtshan nyid phyi rol gyi dngos po med pa'i phyir/ rim gyis sam cig car yang mi skye ste/ gzhan du na rang gi sems snang ba'i rnam par rtog pas rnam par brtags pa'i phyir rnam par shes pa 'byung ngo // blo gros chen po de lta bas na khyod kyis rgyu dang rkyen dang / byed pa dang ldan pa'i mtshan nyid rim pa'ang cig tsAr du lta ba dang bral bar bya'o// de la 'di skad ces bya ste/ 'di la gang yang rkyen rnams kyis skye ba med cing 'gag pa med/ / brtags pa'i rkyen rnams khon ni// skye zhing 'gag par 'gyur yin no// skye 'jig rkyen la 'brel pa ni// rnam par bzlog par mi bya ste/ byis pa rkyen gyis gang rtog pa/ / de ni rnam par bzlog par bya// bag chags rnams kyis rmongs byas sems// srid gsum dag na snang ba'i phyir// rkyen rnams yod dang med las kyang // chos rnams 'byung ba med pa'o/ / ma byung rkyen gyis skye ba med// gang yang 'gag par mi 'gyur te// nam mkha'i me tog mo gsham bur// gang ni 'dus byas mthong bas na// de tshe gzung dang 'dzin pa yang // nor bar mthong bas phyir ldog go// skyes med bskyed par bya ba med// rkyen rnams dag ni gang dag kyang // 'gag kyang gang tshe'ang yod pa min// spyod pa dag tu brjod pa yin// de nas yang byAsh+ya/ bcom ldan 'das la/ byang chub sems dpa' sems dpa' chen po blo gros chen pos 'di skad ces gsol to// bcom ldan 'das tshig rnam par rtog pa'i mtshan nyid kyi snying po tha dad pa'i bye brag shin tu rtogs pa gang gis/ bdag dang byang chub sems dpa' sems dpa' chen po gzhan rnams brjod pa dang / brjod du ma mchis pa'i don gnyis rtogs par khong du chud nas/ myur du bla na med pa yang dag par rdzogs pa'i byang chub tu mngon par rdzogs par sangs rgyas te/ sems can thams cad kyi brjod pa dang / brjod du ma mchis pa'i don gnyis kyi rtog pa rnam par sbyong bar 'gyur ba/ tshig gi rnam par rtog pa'i mtshan nyid kyi snying po zhes bgyi ba chos can gyi gzhung bcom ldan 'das kyis bdag la bshad du gsol/ bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung zhig dang / ngas khyod la bshad do// bcom ldan 'das legs se legs so zhes gsel nas byang chub sems dpa' sems dpa' chen po blo gros chen po bcom ldan 'das la phyir nyan to/ / bcom ldan 'das kyis/ de la 'di skad ces bka' stsal to// blo gros chen po tshig gi rnam par rtog pa'i mtshan nyid rnam pa bzhi yod de/ 'di ltar mtshan nyid kyi tshig dang / rmi lam gyi tshig dang / gnas ngan len mngon par zhen pa'i tshig dang / thog ma med pa'i dus kyi rnam par rtog/ pa'i tshig go/ blo gros chen po de la mtshan nyid kyi tshig ni/ rang gi rnam par rtog pa'i gzugs la mtshan mar mngon par zhen pa la su 'byung ngo // blo gros chen po rmi lam gyi tshig ni/ sngon myong ba'i yul rjes su dran pa dang / rtog pa'i yul med pa las 'byung ngo // yang blo gros chen po gnas ngan len gyi rnam par rtog pa'i tshig ni/ sngon dgras byas pa'i las rjes su dran pa las 'byung ngo / / blo gros chen po thog ma med pa'i dus nas rnam par rtog pa'i tshig ni/ thog ma med pa'i dus kyi spros pa la mngon par zhen pa'i gnas ngan len gyi rang gi sa bon las 'byung ste/ 'di ni blo gros chen po tshig gi rnam par rtog pa'i mtshan nyid rnam pa bzhi'o// zhes gang la brjod pa de la phyir bshad pa'o// de nas yang bcom ldan 'das la/ byang chub sems dpa' sems dpa' chen po blo gros chen pos don de nyid kyi phyir gsol ba btab pa/ bcom ldan 'das kyis mi rnams kyi tshig rnam par rig pa/ rtog pa gang du ci las ji ltar gang gis 'byung ba'i tshig gis rnam par rtog pa mngon pa'i spyod yul bdag la bshad du gsol/ bcom ldan 'das kyis bka' stsal pa/ blo gros chen po tshig 'byung ba ni mgo dang / blang dang / sna dang mgul ba dang / dkan dang / mchu dang / lce dang / so rnams 'dus pa las 'byung ngo // blo gros chen pos gsol pa/ bcom ldan 'das rnam par rtog pa dang tshig tu tha dad dam/ 'on te gcig gam ci lags/ bcom ldan 'das kyis bka' stsal pa/ blo gros chen po tshig ni rnam par rtog pa dang thA dad pa ma yin/ gcig pa'ang ma yin no// de ci'i phyir zhe na/ 'di lta ste/ de'i rgyu las byung ba'i mtshan nyid kyi phyir/ tshig gi rnam par rtog pa 'byung ngo // blo gros chen po de ste tshig 'dri rnam par rtog pa dang tha dad pa zhi yin na ni/ rnam par rtog pa'i rgyu las byung ba ma yin par 'gyur ro// de ste gcig pa zhig yin na ni/ tshig de don gsal bar byed par yang mi 'gyur na/ de ni byed de/ de bas na tha dad pa'ang ma yin/ gcig pa'ang ma yin no// yang blo gros chen pos gsol pa/ bcom ldan 'das tshig nyid don dam pa lags sam/ 'odra te tshig gis gang brjod par bgyi ba de don dam pa lags sam/ ci lags/ bcom ldan 'das kyis bka' stsal pa/ blo gros chen po chog kyang don dam pa ma yin no// tshig gis gang brjod par bya ba de yang don dam pa ma yin te/ de ci'i phyir zhe na/ 'di lta ste/ 'phags pa'i ye shes don dam pa'i bden pa brjod pas don dam pa la 'jug pa'i phyir tshig nyid ni don dam pa ma yin no// blo gros chen po don dam pa ni 'phags pa so so rang gis rig pa'i ye shes kyis rtogs par bya ba yin te/ tshig gi rnam par rtog pa'i blo'i skyol yul ma yin no// de bas na rnam par rtog pa don dam pa rjod par mi byed do/ / blo gros chen po tshig ni skye nas 'jig cing brten la dran tshun gyi rgyu dang rkyen las byu 'o// blo gros chen po gang phan tshun gyi rgyu dang rkyen las byung ba de ni don dam pa rjod par mi byed do/ / blo gros chen po bdag dang gzhan gyi mtshan nyid med pa'i phyir/ rog ni mtshan nyid rjod par mi byed do// blo gros chen po gzhan yiyang rang gi sems snang ba tsam gyi rjes su 'brang ba dang / phyi rol gyi dngos po rnam pa tha dad pa sna tshogs mtshan nyid med pas rnam par rtog pa ni don dam pa la mi rtog go// de bas na blo gros chen po khyod kyis tshig rnam pa sna tshogs kyi rnam par rtog pa dang bral bar bya'o/ / de la 'di skad ces bya ste/ dngos po kun gyi rang bzhin med// tshig kyang de bzhin med pa ste/ stong pa nyid dam stong nyid don// byis pas ma mthong rnam par rgyug/ dngos po thams cad rang bzhin med// mi yi tshig kyang brtag pa ste// de yang yod pa ma yin no// snying popormi lam sprul 'dra bar/ / yongs su brtag par byas nas ni// mi 'khor mya ngan 'da' mi bya// ji ltar rgyal po tshong dpon dag/ 'ji ba'i ri dgas sna tshogs kyis// bu rnams bring de rtser bcug cing / / de nas ri dgas dngos byin pa// de bzhin ngas kyang chos rnams kyi// mtshan nyid sna tshogs gzugs brnyan gyis// so so rang rig yang dag mtha'// bu rnams la ni ngas bshad do// de nas yang bcom ldan 'das la/ byang chub ses dang srangs chen po blo gros chen pos 'di skad ces gsol to// bcom ldan 'das chos thams cad kyi rang gi sems snang ba'i spyod yul rtogs pa/ rnam par phye ba'i mtshan nyid mchis pa dang / ma mchis pa dang / gcig pa dang / tha dad pa dang / gnyis ka dang / gnyis ka ma legs pa dang / mchis pa'ang ma lags/ ma mchis ri'ang ma lags pa dang / rtag pa dang mi rtag pa spangs pa/ mu stegs can gyi rtog pa mi rgyu ba/ 'phags pa so so rang gi ye shes kyis mkhyen par bgyi ba/ kun brtags pa'i rang dang spyi'i mtshan nyid las rnam par ldog pa/ don dam pa de kho na nyid la 'jug pa'i mtshams sbyor zhing / gong nas gong du rnam par dag pa'i mtshan nyid/ de bzhin gshegs pa'i sa la rjes su 'jug pa'i mtshan nyid sngon gyi smod lam gyis gzugs sna tshogs kyi nor bu lta bur 'jug pa/ yul mtha' yas pa'i mtshan nyid lhun gyis grub par rab tu rgyu ba 'di dag la sogs pa las ci nas kyang / bdag dang byang chub sems dpa' sems dpa' chen po gzhan rnams kun brtags pa'i rang bzhin gyi rang dang spyi'i mtshan nyid las rnam par ldog pa'i lta ba can rnams su gyur te/ myur du bla na med pa yang dag par rdzogs pa'i byang chub tu mngon par sangs rgyas nas sems can thams cad kyi bde ba phun sum tshogs pa thams cad yongs su rdzogs par bgyi bar bdag la bshad du gsol/ bcom ldan 'das kyis bka' stsal pa/ blo gros chen po legs so/ legs so// khyod don 'di gsol ba 'debs par sems pa ni/ blo gros chen po khyod 'gro ba mang po la phan pa dang / 'gro ba mang po sa bde ba dang / 'jig rten la snying brtse bdang / 'gro ba pal po che'i don du lnga dang mi rnabs la phan pa dang / bde ba'i phyir zhugs pa ste/ blo gros chen po khyod legs so// blo gros chen po de'i phyir shin tu legs par nyon la yid la zung zhig dang / ngas khyod la bshad do/ / legs so bcom ldan 'das zhes gsol nas/ byang chub sems dpa' sems dpa' chen po blo gros chen po bcom ldan 'das la phyir nyan to// bcom ldan 'das kyis del 'di skad ces bka' stsal to/ / blo gros chen po byis pa so sde'i skye bo rnams kyis rang gi sems snang btsam du khong du ma chud pa dang / phyi rol gyi dngos po rnam pa sna tshogs la mngon par zhen pas/ yod pa dang / med pa dang / gcig pa dang / tha dad pa dang / gnyis ka dang / gnyis kA ma yin pa dang / yod pa yang ma yin/ med pa yang ma yin pa dang / rtag pa dang / mi rtag pa'i rang bzhin gyi bag chags kyi rgyu ma par rtog pa la mngon par zhen pas rnam par rtog go/ blo gros chen po 'di sa ste/ sdig d+hA'i tshul dpyid kyi sems gdungs pa'i ringags rnams chu'i dngos por rnam par dog cing 'atung bar 'dod pa'i phyir rab tu rgyug ste/ rang gi sems kyi lta bas nor pa khong du ma chud ba'i phyir/ 'din chu med do zhes bya bar yang mi shes so// de bzhin du dro gros chen po byis pa so sor skye rnams kyang thog ma med pa'i dus kyi spros pa rnam pa sna tshogs kyis spros pa la rnam par bsgos pa'i blo can/ 'dod chags dang / zhe sdang dang / gti mug gi mes yongs su gdungs pa'i yid can/ gzugs rnam pa sna tshogs kyi yul la mngon par mos pa/ skye ba dang / 'jig pa dang / gnas par lta ba'i bsam pa can phyi nang gi dngos po la mi mkhas pa de dag gcig dang tha dad pa dang / yod pa dang / med par 'dzin par rab tu ltung ba/ blo gros chen po 'di lta ste/ dri za'i grong khyer la grong khyer ma yin par mi mkhas pa rnams la grong khyer gyi 'du shes 'byung ste/ grong khyer lta bu de ni thog ma med pa'i dus nas grong khyer gyi sa bon gyi bag chags la mngon par zhen pa'i phyir snang ba ste/ blo gros chen po grong khyer de ni grong khyer yang ma yin/ grong khyer med pa yang ma yin no// de bzhin du blo gros chen po rang gi sems snang ba tsam du khong du ma rlud pa'i blo can/ thog ma med pa'i dus nas mu stegs can spros pa'i bag chags la mngon par zhen pa rnams gcig pa dang / tha dad pa dang / yod pa dang / med pa'i smra ba la mngon par chags so// blo gros chen po 'di lta ste/ mi la la zhig nyal ba'i rmi lam du/ bud med dang / skyes pa dang / glang po dang / rta dang / shing rta dang / rkang thang dang / grong dang / grong khyer dang / grong rdal dang / ba glang dang / ma he dang / nags tshal dang / skyed mos tshal dang / ri dang / 'bab chu dang / rdzing rnam pa sna tshogs kyis mdzes par byas pa'i yul grong khyer rin po cher phyin pa snyam pa la sad nas/ de sad pa dang / yul grong khyer rin po che nyid rjes su dran na/ blo gros chen po de ji snyam du sems/ de ltar yang dag pa ma yin pa'i rmi lam rnam pa sna tshogs rjes su dran par byed pa'i skyes bu de/ ci mkhas pa'i rang bzhin can yin nam/ gsol pa/ bcom ldan 'das ma lags so// bcom ldan 'das kyis bka' stsal pa/ de bzhin du blo gros chen po byis pa so so'i skye bo lta ba ngan pas zin pa/ mu stegs can gyi blo can dag rang gi sems snang ba'i dngos po rmi lam lta bu khong du ma chung ba rnams gcig pa dang / tha dad pa dang / yod pa dang / med par lta ba la rten to// blo gros chen po 'di lta ste/ ri mo bris pa'i kAni mtho dman med pa la/ byis pa rnams mthong man du rnam par rtog go/ de bzhin du blo gros chen po ma 'ongs pa'i dus na/ mu stegs can gyi lta ba ngan pa'i bag chags kyi bsam pa rnam par rtog pa shin tu rgyas pa de dag/ gcig dang / tha dad pa dang / gnyis ka dang / gnyis ka ma yin pa'i smra ba la mngon par zhen pa/ bdag nyid kyang brlag pa yod pa dang / med pa'i phyogs kyis dben par 'gyur ba skye ba med par smra ba dag la yang med pa'o zhes zer ba dag 'byung ste/ 'di dag ni rgyu dang 'bras bu la skur pa dge ba dkar po'i phyogs kyi rgyu lta ba ngan pas rtsa ba nas phyung ba yin gyis/ 'di dag ni legs par 'dod pa rnams kyis ring du spang bar bya'o zhes zer te/ bdag dang / gzhan dang / gnyis ka'i lta bar lhung ba'i byasam pa can yod pa dang med par rnam par brtags nas/ sgro 'dogs pa dang / skur pa'i lta ba ngan par lhung ba'i bsam pa can de dag sems can dmyal ba la gzhol bar 'gyur ro/ / blo gros chen po 'di lta ste/ rab rib can dag sgra shwad 'dzings pa mthong ba dang 'di ni ngo mtshar to/ / 'odi ni ngo mtshar ba 'dir/ kye grogs po rnams ltos shig ces zer te/ skra shad 'dzings pa de ni mthong ba dang ma mthong ba'i phyir shin tu yod pa'ang ma yin te/ med pa'ang ma yin no/ / de bzhin du blo gros chen po mu stegs can gyi lta ba ngan pa rnam par rtog pa'i bsam pa la mngon par zhen pa dag/ yod pa dang med pa'i phyogs dang / gcig pa dang / tha dad pa dang / gnyis ka dang / gnyis ka ma yin pa'i smra ba la mngon par zhen cing / dam pa'i chos la skur pa rnams bdag dang gzhan dag kyang log par lhung bar byed do// blo gros chen po 'di lta ste/ 'khor lo ma yin yang / mgal me'i 'khor lo la byis pa rnams 'khor lo'i dngos por yongs su rtog ste/ mkhas pa rnams ni ma yin no// de bzhin du blo gro chen po lta ba ngan pa'i mu stegs can gyi bsam par lhung ba rnams srid par skye ba kun tu yang / gcig pa dang / tha dad pa dang / gnyis ka dang / gnyis ka ma yin par yongs su rtog go// blo gros chen po 'di lta ste/ char pa 'bab pa'i tshe/ chu las chu bur byung ba nor bu shel 'dra bar snang ba de la byis pa rnams nor bu shel gyi dngos por mngon par zhen cing rab tu rgyug ste/ blo gros chen po chu'i chu bur de dag ni gzung ba dang / gzung du med pa'i phyir nor bu'ang ma yin/ nor bu ma yin pa'ang ma yin no// de bzhin du blo gros chen po mu stegs can gyi lta ba rnam par rtog pa'i bsam pa'i bag chags kyis bsgos pa'i rnams/ rkyen rnams kyis med pa las skye ba dang / yod pa las kyang 'jig par smra bar 'gyur ro// blo gros chen po gzhan yang tshad gsum gyi yan lag so sor gzhag par bya ste/ 'phags pa'i ye shes so so rang gis rig par bya ba'i rang bzhin gnyis las rnam par grol ba la/ dngos po'i rang bzhin du yod do zhes rnam par rtog par 'gyur te/ blo gros chen po rnal 'byor can sems dang / yid dang / yid kyis rnam par shes pa'i gnas shin tu gyur pa/ rang gi sems snang ba'i gzung ba dang / 'dzin pa'i rnam par rtog pa rab tu spangs pa/ de bzhin gshegs pa'i sa 'phags pa'i so sor rang gis rig pa'i ye shes thob pa rnams la ni/ dngos po dang dngos po med pa'i 'du shes mi 'byung ngo // blo gros chen po rnal 'byor can de lta bu'i tshul gyi yul can rnams la/ gal te dngos po dang dngos po med par 'dzin pa zhig 'jug tu zin na ni/ de nyid de dag gi bdag tu 'dzin pa dang / gso bar 'dzin pa dang / skyes bur 'dzin pa dang / gang zag tu 'dzin par 'gyur ro// blo gros chen po gang 'di ltar dngos po'i rang bzhin dang / rang dang spyi'i mtshan nyid bstan pa 'di ni/ blo gros chen po sprul pa'i sangs rgyas kyis bstan pa ste/ chos nyid kyi sangs rgyas kyis bstan pa ma yin no/ / blo gros chen po bstan pa ni byis pa'i bsam pa la yod pa'i lta bas 'byung ba yin te/ rnam par 'jog pa rtogs pa'i rang bzhin gyis/ 'phags pa'i ye shes so so rang gis rig pa'i ting nge 'dzin gyi bde ba la gnas pa ni mi brjod do/ / blo gros chen po 'di lta ste/ chu'i nang na shing gi grib ma snang ste/ de ni shing gi dbyibs dang / dbyibs med pa'i phyir/ grib ma'ang ma yin/ grib ma ma yin pa'ang ma yin no/ / de bzhin du blo gros chen po mu stegs can gyi lta ba'i bag chags kyis bsgos pa'i rnam par rtog pa can rnams rang gi sems snang ba tsam du khong du mchud pa'i blo can dag/ gcig pa dang tha dad pa dang / gnyis ka dang / gnyis ka ma yin pa dang / yod pa dang / med pa rnam par rtog par mi 'gyur ro// blo gros chen po 'di lta ste/ me long gi nang du rkyen ji lta ba bzhin du gzugs thams cad kyi gzugs brnyan snang ngo / / gzugs brnyan de dag ni rang gi rnam par rtog pa yin te/ gzugs dang gzugs ma yin par mthong ba'i phyir/ gzugs kyang ma yin/ gzugs ma yin pa'ang ma yin no// blo gros chen po 'on kyang byis pa rnams la rang gi sems snang ba'i rnam par rtog pa gzugs lta bur snang ngo // de bzhin du blo gros chen po gcig pa dang / tha dad pa dang / gnyis ka dang / gnyis kam yin pa'i lta ba'i rnam pa rang gi sems kyi gzugs brnyan yang snang ngo / / blo gros chen po 'di lta ste/ brag cha ni ming dang / 'bab chu dang / rlung phrad pa las 'byung zhing gud du grags te/ de ni sgra dang / sgra ma yin par grags pa'i phyir dngos po yang ma yin/ dngos po med pa'ang ma yin no// de bzhin du blo gros chen po yod pa dang / med pa dang / gcig pa dang / tha dad pa dang / gnyis ka dang / gnyis ka ma yin pa'i lta ba rang gi sems kyi bag chags rnam par rtog pa rnams la snang ngo / / blo gros chen po 'di lta ste/ rtswa dang / shing gel ba dang / lcug ma gyes pa med pa'i sa la nyi ma dang phrad na smig rgyu'i dba' rlabs rab tu g.yo ste/ de dag ni 'chags pa dang mi 'chags pa'i phyir dngos po'ang ma yin no// dngos po med pa'ang ma yin no// de bzhin du blo gros chen po byis pa rnams kyi rnam par rtog pa'i rnam par shes pa/ thog ma med pa'i dus kyi spros pa gnas ngan len gyi bag chags kyis bsgos pa ni/ skye ba dang / 'jig pa dang / gnas pa dang / gcig pa dang / tha dad pa dang / gnyis ka/ dang / gnyis ka ma yin pa dang / yod pa dang / med pa dang / 'phags pa so so rang gi ye shes kyi dngos po'i tshul du yang smig rgyu bzhin du rlabs g.yo'o// blo gros chen po 'di lta ste/ ro langs dang 'phrul 'khor gyi mi ni sems can med kyang 'dre dang sbyar bar ldan na g.yo ba'i las byed de/ 'gro ba dang mi 'gro ba'i phyir/ med pa la rnam par rtog pa der byis pa rnams mngon par zhen to// de bzhin du blo gros chen po byis pa so so'i skye bo lta ba dran pa'i mu skyegs can gyi bsam par ltung ba dag/ gcig pa dang / tha dad par smra ba la mngon par zhen te/ de ni yang dag pa ma yin par sgro btags pa'o/ / de bas na blo gros chen po khyod kyis skye ba dang / mi skye ba dang / gnas pa dang / 'jig pa dang / gcig pa dang / tha dad pa dang / gnyis ka dang / gnyis ka ma yin pa dang / yod pa dang / med pa dang / 'phags pa so so rang gi dngos po khong du chud par bya ba'i rnam par rtog pa dang bral bar bya'o// de la 'di skad ces bya ste/ phung po rnam par shes dang lnga// tshul shing gi grib ma bzhin/ / snang ba sgyu ma rmi lam 'dra// rnam par rig pasam rtog cig/ srid gsum 'di ni rmi lam dang // skra shad 'dzings dang sgyu ma 'dra// smig rgyu'i chu bzhin nor bar ni// rnam par bsgoms na rnam par 'grol/ / sems slu ba yi smig rgyu ga/ ji ltar dpyid ka g.yo ba na// ri dgas rnams ni chur 'dzin te// de la dngos po yod pa min// de bzhin rnam shes sa bon kyang // lta ba'i yul la rab tu g.yo// byis pa dag ni skye bar 'dzin// rab rib can gyi rab rib bzhin// thog ma med ldan 'khor ba nas// dngos 'dzin byis pas phang blangs pa// ji ltar gzer la gzer bzhin du/ / 'dzin pa brid de rnam par bzlog/ sgyu ma ro langs 'khrul 'khor dang // rmi lam glog dang sprin lta bur// nam yang rgyud gsum rnams chad par// skye bo mthong nas rnam par thar// 'di la rnam rig gang yang med// mkha' la smig rgyu ji bzhin te// chos rnams de ltar rab shes na// cung zad du yang khas blang med// rnam rig 'di ni ming tsam ste/ mtshan nyid kyis ni yod pa min// gang la de ltar brtag pa yi// phung po sku shad 'dzings pa dang // sgyu ma rmi lam dri za'i grong // mgal me 'khor lo smig rgyu dag/ med pa mig la rab tu snang // de bzhin rtag dang mi rtag dang // gcig dang gnyis ka gnyis min dag/ thog ma med kyi nyes 'brel bas// byis pa rmongs pa rab tu rtog/ mig dang me long chu rnams dang // snod dang nor bu dag la yang // de na gzugs brnyan snang mod kyi// gzugs brnyan gang na'ang yod pa min// dngos por snang sems de bzhin te// sna tshogs gzugs su smig rgyu ba// mkha' la ji ltar snang ba bzhin// rmi lam mo gsham bu yang 'dra/ / blo gros chen po gzhan yang de bzhin gshegs pa rnams kyi chos bstan pa ni// bzhi las rnam par grol ba ste/ 'di ltar gcig pa dang / tha dad pa dang / gnyis ka dang gnyis ka ma yin pa'i phyogs rnams spangs pa/ yod pa dang / med pa dang / sgro 'dogs pa dang / skur pa las rnam par grol ba'o// blo gros chen po de bzhin gshegs pa rnams kyis chos bstan pa ni/ bden pa dang / rten cing 'brel par 'byung ba dang // lam dang / 'gog pa dang / rnam par thar pa 'jug pa dang / sngon du mthong ba yin te/ blo gros chen po de bzhin gshegs pa rnams kyis chos bstan pa rang bzhin dang / dbang po dang / rgyu med pa dang / 'dod rgyal dang / rdul phra mo dang / dus dang / ngo bo nyid dang 'brel ba ni ma yin no// blo gros chen po gzhan yang nyon mongs pa dang / shes bya'i sgrib pa gnyis rnam par dag par bya ba'i phyir/ ded dpon ltar snang ba med pa brgya rtsa brgyad dang / theg pa dang / sa'i yan lag shin tu rnam par dbye ba'i mtshan nyid rnam par mthar gyis rab tu 'jog go/ / blo gros chen po gzhan yang bsam gtan rnam pa bzhi ste/ rnam pa bzhi gang zhe na/ 'di lta ste/ byis pa nye bar spyod pa'i bsam gtan dang / don rab tu 'byed pa'i bsam gtan dang / de bzhin nyid la dmigs pa'i bsam gtan dang / de bzhin gshegs pa'i bsam gtan dang bzhi'o// blo gros chen po de la byis pa nye bar spyod pa'i bsam gtan gang zhe na/ 'di lta ste/ nyan thos dang / rang sangs rgyas kyi rnal 'byor la/ rnal 'byor pa rnams kyi gang zag la bdag med pa dang dngos po rnams kyi rang dang spyi'i gzugs dang / keng rus dang / mi rtag pa dang / sdug bsngal ba dang / mi sdug pa'i mtshan nyid la mngon par zhen pa sngon du btang ste/ 'di ni mtshan nyid 'di lta bu yin te/ gzhan du ma yin no zhes bltas nas/ dang po nas gong nas gong du 'du shes 'gog pa'i bar du byis pa nye bar spyod pa yin no// de la blo gros chen po don rab tu 'byed pa'i bsam gtan gang zhe na/ 'di lta ste/ gang zag la bdag med pa dang / rang dang spyi'i mtshan nyid dang / phyi rol gyi mu stegs byed dang / bdag dang gzhan gnyis ka med par byas te/ chos la bdag med pa'i sa'i mtshan nyid kyi don rab tu 'byed pa'i go rims can ni don rab tu 'byed pa'i bsam gtan yin no// de la blo gros chen po de bzhin nyid la dmigs pa'i bsam gtan gang zhe na/ 'di lta ste/ kun brtags pa bdag med pa gnyis kyi rnam par mi rtog pa la yang dag pa ji lta ba bzhin du gnas pas rnam par rtog pa mi 'byung ba'i phyir/ de bzhin nyid la dmigs pa zhes bshad do// blo gros chen po de bzhin gshegs pa'i bsam gtan gang zhe na/ 'di lta ste/ de bzhin gshegs pa'i sa'i rnam pa la 'jug pa 'phags pa so so rang gi ye shes kyi mtshan nyid gsum gyi bde ba la gnas pas/ sems can gyi don bsam gyis mi khyab pa byed pa'i phyir/ de bzhin gshegs pa'i bsam gtan zhes bshad do// de la 'di skad ces bya ste/ don rab 'byed pa'i bsam gtan dang / byis pa nyer spyod bsam gtan dang // de bzhin nyid dmigs bsam gtan dang / de bzhin gshegs pa'i dge bsam gtan / rnal 'byor can gyis brtson byas na// nyi ma zla ba'i dbyibs 'dra dang / 'od dang pad+mo lta bu dang // ri mo nam mkha'i me 'dra mthong // mtshan ma sna tshogs de dag ni// mu stegs can lam khrid par byed/ nyan thos dag dang rang rgyal gyi// spyod yul du yang lhung bar byed// 'di dag thams cad rnam spangs shing // snang ba med par snang 'gyur ba// de tshe sangs rgyas lha yi phyag thams cad zhing nas 'byung ba yis/ / de yi mgo la nyug mdzad de// yang dag rjes su 'gro ba'i ltas// de nas yang bcom ldan 'das la/ byang chub sems dpa' sems dpa' chen po blo gros chen pos 'di skad ces gsol to/ / bcom ldan 'das mya ngan las 'das pa'o// mya ngan las 'das pa'o zhes bgyi na/ bcom ldan 'das ji ltar mya ngan las 'das pa mya ngan las 'das pa zhes bgyi ba 'di chos gang gi tshig bla dgas lags/ bcom ldan 'das kyis bka' stsal pa/ rnam par shes pa thams cad kyi rang bzhin gyi bag chags dang / kun gzhi dang / yid dang / yid kyi rnam par shes pa'i lta ba'i bag chags rab tu gyur pa ni/ mya ngan las 'das pa'i tshul rang bzhin stong pa nyid kyi dngos po med pa'i spyod yul te/ mya ngan las 'das pa'o zhes sangs rgyas rnams dang ngas brjod do// gzhan yang blo gros chen po yongs su mya ngan las 'das pa ni/ 'phags pa so so rang gi ye shes kyi spyod yul te/ rtag pa dang chad pa rnam par rtog pa dang / dngos po dang dngos po med pa rnam par spangs pa'o/ / ji ltar rtag pa ma yin zhe na/ 'di lta ste/ rang dang spyi'i mtshan nyid du rnam par rtog pa spangs pas/ de'i phyir rtag pa ma yin no// de la chad pa ma yin pa ni/ 'di lta ste 'das pa dang / ma 'ongs pa dang / da ltar byung ba'i 'phags pa thams cad so so rang gis rtogs par byed de/ de'i phyir chad pa ma yin no// blo gros chen po gzhan yang yongs su mya ngan las 'das pa ni 'jig pa ma yin no/ / 'chi ba ma yin no// blo gros chen po yongs su mya ngan las 'das pa 'chi ba zhig yin na ni/ da dung yang skye ba'i rgyud du 'gyur ro// 'on te 'jig pa zhig yin na yang 'dus byas kyi mtshan nyid du lhung bar 'gyur ro/ / blo gros chen po de'i phyir/ yongs su mya ngan las 'das pa ni 'jig pa ma yin/ 'chi ba ma yin te/ rnal 'byor can rnams 'chi 'pho dang bral ba'i skyabs mngon sum du byed do/ / blo gros chen po gzhan yang mya ngan las 'das pa ni/ spangs pa med pa dang / thob pa med pa dang / chad pa ma yin pa dang / rtag pa ma yin pa dang / don gcig pa ma yin// pa dang / don tha dad pa ma yin pa'i phyir/ mya ngan las 'das pa zhes bya'o// blo gros chen po gzhan yang nyan thos dang rang sangs rgyas rnams kyi mya ngan las 'das pa ni/ rang dang spyi'i mtshan nyid khong du chud pa dang / 'du 'dzi med pa dang / yul la phyin ci log med par mthong bas rnam par rtog pa mi 'byung ste/ de'i phyir de dag de mya ngan las 'das pa'i blor 'gyur ro// blo gros chen po gzhan yang rang bzhin gnyis kyi mtshan nyid rnam pa gnyis yod de/ rnam pa gnyis gang zhe na/ 'di lta ste/ rjod pa'i rang bzhin la mngon par zhen pa dang / dngos po'i rang bzhin la mngon par zhen pa'o// / de la blo gros chen po rjod pa'i rang bzhin la mngon par zhen pa ni/ thog ma med pa'i dus kyi tshig tu spros pa'i bag chags la mngon par zhen pa las 'byung ngo // de la blo gros chen bo dngos po'i rang bzhin la mngon par zhen pa ni/ rang gi sems snang ba tsam du khong du ma chud pa las 'byung ngo // blo gros chen po gzhan yang byin gyi rlabs gnyis kyis byin du brlabs pa'i byang chub sems dpa' dag/ de bzhin gshegs pa dgra bcom pa yang dag par rdzogs pa'i sangs rgyas rnams kyi zhabs la gtug cing dri ba yongs su 'dri'o// byin gyi rlabs gnyis po gang gis byin gyis brlabs she na/ 'di lta ste/ ting nge 'dzin la snyoms par 'jug pa'i byin gyi rlabs dang / sku dang / zhal dang / phyag thams cad kyis dbang bskur ba'i byin gyi rlabs so// de la blo gros chen po byang chub sems dpa' sems dpa' chen po rnams/ sa dang po la sangs rgyas kyi byin gyi rlabs kyis byin du brlabs nas/ byang chub sems dpa'i ting nge 'dzin theg pa chen po rab tu snang ba zhes bya ba la snyoms par 'jug ste/ byang chub sems dpa' sems dpa' chen po dag byang chub sems dpa'i ting nge 'dzin theg pa chen po rab tu snang ba la snyoms par zhugs ma thag tu/ phyogs bcu'i 'jig rten na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis zhal bstan te/ sku dang / zhal dang / gsung thams cad yang dag par bstan pas/ blo gros chen po byang chub sems dpa' sems dpa' chen po rdo rje'i snying po dang / yon tan de lta bu'i mtshan nyid dang ldan pa'i byang chub sems dpa' sems dpa' chen po gzhan dag la ji lta ba bzhin du byin gyi rlabs mdzad do/ / blo gros chen po de ltar sa dang po la byang chub sems dpa' sems dpa' chen po dag ting nge 'dzin la snyoms par 'jug par byin gyi rlabs rab tu 'thob bo// bskal pa brgya stong du kun bsags pa'i dge ba'i rtsa ba dag gis mthar gyis sa'i phyogs dang mi mthun pa'i phyogs kyi mtshan nyid rtogs par khong du chud pas/ byang chub sems dpa'i s a chos kyi sprin la pad+mo chen po'i gzhal med khang du stan la 'dug pa'i byang chub sems dpa' sems dpa' chen po rin po che'i rgyan thams cad kyis brgyan pa'i cod pan de dang 'thun pa'i byang chub sems dpa' sems dpa' chen po rnams kyis yongs su bskor ba la/ rgyal ba'i phyag phyogs bcu'i 'jig rten gyi khams nas byung ba/ ba bla dang / gser dang / me tog tsam pa ka dang / zla ba 'od zer dang / pad+mo 'dra bas byang chub sems dpa' sems dpa' chen po pad+mo chen po'i gzhal med khang na stan la 'dug pa de la/ dbang byed dang / 'khor lo sgyur ba dang / dbang po'i rgyal po ltar spyi bo nas dbang bskur ro/ / sku dang / zhal dang / phyag thams cad kyi dbang bskur bas/ byang chub sems dpa' de dang / byang chub sems dpa' de dag ni phyag gi dbang bsgyur ba byin gyirnabs kyis kyi du pas zhes bya'o/ / blo thog chen po 'di ni byang chub sems dpa' sems dpa' chen po nams kyi ston rna gnyis te/ byin gyi rlabs gnyis po des byin du brlabs pas byang chub sems dpa' sems dpa' chen po rnams sangs rgyas thams cad kyi zhal du lta'i/ de lta ma yin na ni/ de bzhin gshegs pa dgra bcom pa yang dag par rdzogs pa'i sangs rgyas rnams la lta bar mi nus so/ / blo gros chen po gzhan yang byang chub sems dpa' sems dpa' chen po rnams ting nge 'dzin dang / rdzu 'phrul dang / bstan pa'i rnam par gang ci spobs kyang / de dag thams cad sangs rgyas kyi byin gyi rlabs gnyis kyis byin gyis brlabs pa'o// blo gros chen po gal te yang byin gyi rlabs med par byang chub sems dpa' sems dpa' chen po rnams kyi spobs pa 'byung na ni/ blo gros chen po byis pa so so'i skye bo rnams kyis kyang spobs pa 'byung bar 'gyur ro// de ci'i phyir zhe na/ 'di lta // byin gyis ma brlabs pa'i phyir ro// blo gros chen po rtswa dang / shing gel ba dang / lcug ma dang / shing dang / ri mo dang / rol mo'i tshe byad rnam pa sna tshogs dang / grong khyer dang / khang pa dang / khyim dang / gzhal med khang gi gnas dag kyang de bzhin gshegs pa byon pa'i byin gyi rlabs kyis sgra 'byin na/ blo gros chen po sems yod bdag lta ci smos/ blo gros chen po lkugs pa dang / 'on pa dang / long ba dag kyang rang gi nyes pa las rnam par grol te/ blo gros chen po de bzhin gshegs pa'i byin gyi rlabs ni/ de ltar yon tan gyi bye brag che'o/ / blo gros chen pos yang gsol ba/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams/ byang chub sems dpa' sems dpa' chen po dag/ ting nge 'dzin la snyoms par 'jug par gnas pa'i dus dang / khyad par gyi sa la dbang bskur ba'i byin gyi rlabs ci'i slad du mdzad/ bcom ldan 'das kyis bka' stsal pa/ bdud kyi las dang nyon mongs pas mi 'khrugs pa dang / nyan thos kyi bsam gtan dang / sar mi ltung ba dang / de bzhin gshegs pa'i sa so sor rang gis rig par bya ba dang / 'thob pa'i chos dang / khong du chud pa rnam par 'phel ba'i phyir/ blo gros chen po rgyu 'di rnams kyis de bzhin gshegs pa dgra bcom pa yang dag par rdzogs pa'i sangs rgyas rnams/ byang chub sems dpa' sems dpa' chen po dag la byin gyi rlabs kyis byin du rlob pa mdzad // blo gros chen po byin gyis ma brlabs pa'i byang chub sems dpa' sems dpa' chen po dag ni/ mu stegs can dang / nyan thos dang / bdud kyi bsam par lhung zhing bla na med pa yang dag par rdzogs pa'i byang chub tu mngon par 'tshang mi rgya ste/ de lta de'i phyir byang chub sems dpa' sems dpa' chen po dag/ de bzhin gshegs pa dgra bcom pa yang dag par rdzogs pa'i sangs rgyas rnams kyis rjes su bzung ba yin no// de la 'di skad ces bya ste/ mi yi dbang po'i byin rlabs las// dbang bskur ting 'dzin dag la sogs// smon lam dag gis rnam sbyangs pa/ dang po dang ni bcu po 'byung // de nas bcom ldan 'das la/ byang chub sems dpa' sems dpa' chen po blo gros chen pos 'di skad ces gsol to// bcom ldan 'das kyis rten cing 'brel par 'byung ba bshad pas/ rgyu rnam par brjod pa'i zhing bgyis te/ rang gi tshul gyis slar glan pa'i gtam ma gsungs na/ bcom ldan 'das mu stegs byed rnams kyang gang las dngos po rnams 'byung ba 'di lta ste/ gtso bo dang / dbang po dang / skyes bu dang / dus dang / rdul phra mo 'jug pas rgyu las byung bar brjod de/ bcom ldan 'das kyis ni rkyen gyi rnam grangs gzhan gyis ni dngos po rnams kyi skye ba bka' stsal mod kyi/ grub pa'i mtha'i bye brag tu dbye ba ni ma mchis so/ / bcom ldan 'das mu stegs byed dag kyang mchis pa dang ma mchis pa las skye bar brjod/ bcom ldan 'das kyis kyang dngos po rnams ma mchis pa las rkyen rnams kyis 'byung ba dang / byung nas kyang 'jig par rab tu gsungs te/ gang yang bcom ldan 'das kyis ma rig pa'i rkyen gyis 'du byed nas/ rga shi'i bar gsungs pa 'di yang / bcom ldan 'das kyis rgyu med par smra ba rnam par rjod pa gsungs kyi/ rgyur smra ba ni ma lags so// bcom ldan 'das 'di yod na 'di yod do zhes bgyi ba 'di ni/ cig car gnas pa rnams la rung gi/ rim gyis 'byung ba la ltos par gnas pa rnams la ni ma lags te/ mu stegs byed rnams kyis ni rnam par rjod pa nyid bzang gi/ khyod kyi ni bzang po ma lags so// bcom ldan 'das de ci'i slad du zhe na/ mu stegs byed rnams kyi ni rten cing 'brel par 'byung ba ma lags pa'i rgyus 'bras bu mngon par sgrub bo// bcom ldan 'das khyed kyi rgyu'ang 'bras bu la ltos/ 'bras bu'ang rgyu la ltos pas/ rgyu dang rkyen dang yang 'dra ste/ de bzhin du phan tshun du thug pa ma mchis par yang 'gyur ro// 'di yod na 'di yod do zhes brjod pa ni 'jig rten rgyu ma mchis par yang 'gyur ro// bcom ldan 'das kyis bka' stsal pa/ blo gros chen po gzung ba dang / 'dzin pa med pa dang / rang gi sems snang ba tsam du khong du chud pa'i phyir/ 'di yod pas 'di yod do zhes brjod kyang rgyu dang byed par smra ba dang / rgyu rkyen 'dres par yang mi 'gyur ro/ / blo gros chen po gang gzung ba dang 'dzin pa las mngon par zhen cing phyi rol gyi rang gi yul dngos po med par rang gi sems snang ba tsam du khong du ma chud pa de dag la ni 'di lta bu'o nyes par 'gyur gyi/ nga'i rten cing 'brel par 'byung ba la nyes par mi 'gyur ro// blo gros chen pos yang gsol pa/ bcom ldan 'das brjod pa ma mchis pa lags na/ dngos po thams cad kyang ma mchis mod kyi bcom ldan 'das gal te dngos po dag mchis su lags nA ni/ brjod pa'ang 'byung bar mi 'gyur na/ 'byung ba las ni de'i slad du brjod pa ma mchis pas/ bcom ldan 'das dngos po thams cad kyang mchis so/ / bcom ldan 'das kyis bka' stsal pa/ blo gros chen po dngos po med pa dag kyang brjod par bya ba yod do// 'di ltar ri bong gi rwa dang / rus sbal gyi spu dang / mo gsham gyi bu la sogs pa 'jig rten na rjod par snang mod kyi/ blo gros chen po de dag ni dngos po'ang ma yin/ dngos po med pa'ang ma yin te/ brjod kyang brjod do// de bas na blo gros chen po gang brjod pa yod pa'i phyir/ dngos po thams cad kyang yod do zhes khyod zer ba smra ba de ni spangs so// blo gros chen po brjod pa ni sangs rgyas kyi zhing thams cad du grags pa'ang ma yin/ blo gros chen po brjod pa ni byas pa ste/ blo gros chen po sangs rgyas kyi zhing la la ni mig mi 'dzums pas/ la la na snol gyis/ la la na smin ma bskyod pas/ la la na mig rig rig byed pas/ la la na bgad pas/ la lan glal bas/ lal na mgul bsangs pa'i sgras/ la lan zhing dran pas/ la lan bskyod pas chos ston te/ blo gros chen po 'di lta ste/ de bzhin gshegs pa dgra bcom pa yang dag par rdzogs pa'i sangs rgyas kun tu bzang po'i sangs rgyas kyi zhing mi 'dzums spos dri zhim zhes bya ba'i 'jig rten gyi khams na/ byang chub sems dpa' sems dpa' chen po de dag mig mi 'dzums par lta bas/ mi skye ba'i chos la bzod pa dang / ting nge 'dzin gyi khyad par gzhan yang rab tu 'thob bo// blo gros chen po de ltar de'i phyir brjod pa yod pas dngos po thams cad yod pa ni ma yin no// blo gros chen/ po de ni 'jig rten 'di nyid na'ang snang ste/ srin bu dang sbrang ma la sogs pa sems can gyi khyad par dag kyang brjod pa med par rang gi bya ba byed do// de la 'di skad ces bya ste/ nam mkha'i ri bong rA dag kyang / / mo gsham gyi ni bu dag kyang // med bzhin tshig tu brjod pa ltar// dngos la rtog pa'ang de bzhin no// rgyu dang rkyen rnams 'dus pa las// 'byung ba byis pa rnam rtog ste// tshul 'di rab tu mi shes pas// srid gsum gnas na rab tu 'khyam// // bam po bzhi pa// de nas yang byang chub sems dpa' sems dpa' chen po blo gros chen pos/ bcom ldan 'das la 'di skad ces gsol to// bcom ldan 'das bcom ldan 'das kyis gang la brtags pa'i sgrar yang gsungs/ bcom ldan 'das kyis bka' stsal pa/ blo gros chen po gang gi phyir nor pa 'di ni/ 'phags pa rnams la'ang phyin ci log ma yin par snang ba las na/ nor ba la bya'o// 'di lta ste/ blo gros chen po 'jig rten na mi mkhas pa dag gis smig rgyu dang / mgal me'i 'khor lo dang / skra shad 'dzings pa dang / dri za'i grong khyer dang / sgyu ma dang / rmi lam dang / gzugs brnyan dang / mig gis skyes bu la phyin ci log tu 'dzin cing / mkhas pa rnams kyi ni ma yin te/ mi snang ba'ang ma yin no// blo gros chen po nor ba de ni rnam pa du ma snang bas/ nor ba la mi rtag par yang mi byed do// de ci'i phyir zhe na/ 'di lta ste/ dngos po dang dngos po med pa rnam par spangs pa'i phyir ro// ji ltar na yang blo gros chen po nor ba dang / dngos dang dngos po med pa rnam par spangs she na/ 'di lta ste/ yi dgas rnams kyis mthong ba dang mi mthong ba'i phyir/ rgya mtsho'i rlabs dang gang+gA'i chu lta bur byis pa thams cad spyod yul sna tshogs kyi phyir ro// de bas na de'i phyir blo gros chen po nor pa ni dngos po ma yin no/ / 'di ltar chu de gzhan dag la snang bas na/ de'i phyir dngos po med pa'ang ma yin te/ de ltar na ni 'phags pa rnams la phyin ci log dang / phyin ci log ma yin pa rnam par spangs pa'o// de ltar yang blo gros chen po de'i phyir/ 'di lta ste/ mtshan ma'i mtshan nyid tha dad pa ma yin pas/ nor pa ni rtag pa ste/ blo gros chen po nor pa ni/ mtshan ma sna tshogs rnam pa mang por rnam par rtog pas/ rnam par brtags kyang tha dad du mi 'gyur te/ des na de'i phyir blo gros chen po nor ba ni rtag pa'o// blo gros chen po ji ltar na'ang nor ba de kho na yin zhe na/ blo gros chen po 'di ltar nor pa 'di la 'phags pa rnams phyin ci log gi blo'ang mi 'jug/ phyin ci log ma yin pa'i blo'ang ma yin te/ blo gros chen po 'phags pa rnams nor pa 'di la gyi nar 'dus shes pa las gzhan du med de/ 'phags pa'i ye shes kyi dngos por 'du shes pa ni ma yin no// blo gros chen po gyi na zhes bya ba de ni byis pa rnams kyis brjod pa yin te/ 'phags pas brjod pa ni ma yin no// blo gros chen po nor ba de'ang phyin ci log dang / phyin ci log ma yin par rnam par brtags pas/ 'di lta ste/ 'phags pa'i rigs sam/ byis pa so so'i skye bo'i rigs dang / rigs gnyis 'thob par byed pa ma yin no/ / blo gros chen po 'phags pa'i rigs kyang 'di lta ste/ nyan thos dang / rang sangs rgyas dang / sangs rgyas su dbye bas/ rnam pa gsum du dbye bar 'gyur ro/ / blo gros chen po ji ltar na byis pa rnams kyis nor ba la rnam par brtags pas/ nyan thos kyi theg pa'i rigs skyed ce na/ 'di lta ste/ blo gros chen po rang dang spyi'i mtshan nyid la mngon par zhen pas mngon par zhen na/ nyan thos kyi theg pa'i rigs su 'gyur te/ de ltar na blo gros chen po nor pa de/ nyan thos kyi theg pa'i rigs 'thob par byed pa yin no// de la blo gros chen po ji ltar na nor ba de nyid la rnam par brtags pas/ rang sangs rgyas kyi theg pa'i rigs 'thob par byed pa yin zhe na/ blo gros chen po 'di lta ste/ nor pa de nyid kyi rang dang spyi'i mtshan nyid la mngon par zhen pa dang / 'du 'dzi med pa'i phyir/ rang sangs rgyas kyi theg pa'i rigs 'thob par byed pa yin no// blo gros chen po de la ji ltar na mkhas pa rnams kyis nor pa de nyid la rnam bya/ par brtags pas/ sangs rgyas kyi theg pa'i rigs 'thob par byed pa yin zhe na/ 'di lta ste/ blo gros chen po rang gi sems snang ba tsam du khong du chud pa'i phyir/ phyi rol la dngos po dang dngos po med par mi rtog pas rnam par brtags na/ sangs rgyas kyi theg pa'i rigs 'thob par byed pa yin no// des na de'i phyir blo gros chen po 'di ni rigs te rigs kyi don to// blo gros chen po byis pa rnams kyis nor pa la dngos po sna tshogs kyi rang bzhin du 'di ni 'di bzhin te/ gzhan du ma yin no zhes rnam par brtags pas na/ 'khor ba'i theg pa'i rigs 'thob par byed pa yin te/ des na de'i phyir blo gros chen po byis pa rnams kyis nor ba la dngos po sna tshogs su brtags te/ de yang dngos po'ang ma yin/ dngos po med pa'ang ma yin no// blo gros chen po nor pa de nyid rnam par brtags pas/ 'phags pa rnams kyi sems dang / yid dang / yid kyi rnam par shes pa'i gnas ngan len gyi bag chags kyi rang bzhin gyi chos las gzhan du gyur pas nor ba ni 'phags pa rnams la de bzhin nyid ces bya'o/ / blo gros chen po de'i phyir 'di ltar de bzhin nyid ni sems las grol ba'o zhes smras pa yin te/ blo gros chen po tshig 'di nyid bstan pa'i phyir ngas 'di skad smras te/ rtog pa rnams kyang rnam par spangs pa/ rtog pa thams cad dang bral ba'o zhes bya ba'i bar du smras pa yin no// blo gros chen pos gsol pa/ bcom ldan 'das nor pa mchis sam ma mchis/ bcom ldan 'das kyis bka' stsal pa/ blo gros chen po nor pa ni sgyu ma lta bur yod kyi/ mtshan nyid la mngon par zhen pa ni yod pa ma yin no// blo gros chen po de ste nor pa mtshan nyid mngon par zhen pas yod du zin na/ blo gros chen po dngos po la mngon par zhen pa mi zlog par 'gyur ro// blo gros chen po 'di'ang rten cing 'brel par 'byung ba dang / mu stegs byed kyi rgyul/ skye ba bzhin du 'gyur ro// blo gros chen pos gsol pa/ bcom ldan 'das gal te nor pa de sgyu ma dang 'dra ba ni/ de'i phyir nor pa gzhan gyi rgyur 'gyur ro// bcom ldan 'das kyis bka' stsal pa/ blo gros chen po sgyu ma ni gnas ngan len gyi nyes pa thob par mi byed pas/ nor pa ni rgyu ma yin no// blo gros chen po sgyu ma ni rnam par ma brtags na// gnas ngan len gyi nyes pa 'thob par mi byed do// blo gros chen po sgyu ma ni skyes bu gzhan gyi rig sngags kyi mthus 'byung ste/ rang gi rnam par rtog pa'i gnas ngan len gyi bag chags kyi mthu las ni ma yin no// des na de'i phyir de ni nyes pa 'thob par byed pa ma yin te/ de ni blo gros chen po gang ci'ang rung ba'i mngon par chags pas/ byis pa rnams mtshan mar lta bas slu ba tsam ste/ 'phags pa rnams la ni ma yin no// de la 'di skad ces bya ste/ 'phags pas nor pa mi mthong ste/ yang dag pa yang skabs der min// gang phyir skabs der yang dag na// nor ba yang dag nyid du 'gyur// nor pa thams cad spangs nas kyang // gal te mtshan ma skyed zin na// de nyid de yi nor pa ste// rab rib yongs su ma dag bzhin// gzhan yang blo gros chen po sgyu mar med pa ma yin pa dang / chos 'thun pa mngon pas na// chos thams cad sgyu ma lta bu yin no// blo gros chen pos gsol pa/ bcom ldan 'das ci sgyu ma sna tshogs la mngon par chags pa'i mtshan nyid kyis chos thams cad sgyu ma lta bu lags sam/ de ste log pa la mngon par chags pa'i mtshan nyid kyis lags/ bcom ldan 'das de gal te sgyu ma sna tshogs la mngon par chags pa'i mtshan nyid kyis dngos po thams cad sgyu ma lta bu lags na ni/ bcom ldan 'das 'o na dngos po rnams sgyu ma lta bu ma lags so// de ci'i slad du zhe na/ 'di lta ste/ gzugs kyi mtshan nyid sna tshogs rgyu med par mthong ba'i slad du ste/ bcom ldan 'das gang gis sgyu ma bzhin du gzugs kyi mtshan nyid sna tshogs kyi rnam par snang bar 'gyur ba'i rgyu gang yang ma mchis so/ / des na de'i phyir bcom ldan 'das sgyu ma sna tshogs kyi chos 'thun pa/ dngos po rnams sgyu ma lta bu ma lag so// bcom ldan 'das kyis bka' stsal pa/ blo gros chen po sgyum sna tshogs kyi mtshan nyid la mngon par chags pa dang / chos 'thun pas chos thams cad sgyu ma lta bu ma yin mod kyi/ blo gros chen po log pa myur ba'i glog 'dra bar chos 'thun pas/ chos thams cad sgyu ma lta bu'o/ / blo gros chen po 'di lta ste/ klog 'gyu ba skad cig tu 'jig pas zhig par lta bas mthong ba ni/ byis pa rnams la mi snang ste/ de bzhin du blo gros chen po dngos po thams cad kyang rang gi rnam par rtog pa'i spyi'i mtshan nyid la rab tu rnam par 'byed pa med pa dang / gzugs kyi mtshan nyid la mngon par chags pas snang ngo // de la 'di skad ces bya ste/ sgyu mar med min chos 'thun pas/ dngos po rnams ni yod par brjod// log pa myur ba'i glog 'dra bas// de phyir sgyu ma 'dra bar shes// yang blo gros chen pos gsol pa/ gang 'di bcom ldan 'das kyis dngos po thams cad ni ma skyes pa dang sgyu ma lta bu'o zhes kyang gsungs te/ bcom ldan 'das de skad du bka' stsal pa dngos po rnams skye ba med pa la sgyu ma lta bur brjod na/ khyod kyi tshig snga phyi 'gal ba'i nongs par 'gyur gor ma chag/ bcom ldan 'das kyis bka' stsal pa/ blo gros chen po ngas dngos po rnams skye ba med pa la sgyu ma lta bur brjod pa ni/ tshig snga phyi 'gal ba'i nyes par mi 'gyur ro// de ci'i phyir zhe na/ 'di lta ste/ skye ba dang / skye ba med pa rang gi sems snang ba tsam du rtogs pa dang / phyi rol gyi dngos po dang / dngos po med pa yod pa dang / med pa las mi skye bar mthong bas na/ blo gros chen po nga'i tshig snga phyi 'gal ba'i nyes par mi 'gyur ro/ / blo gros chen po de ni mu stegs byed kyi rgyu'i phyogs las skye ba bshig pa'i phyir/ dngos po thams cad sgyu ma lta bur ma skyes pa zhes bya'o// blo gros chen po mu stegs byed glen pa'i sde rnams ni dngos po rnams yod pa dang med pa la skye bar 'dod do/ / rang gi rnam par rtog pa sna tshogs mngon par chags pa'i rkyen las ni ma yin no// blo gros chen po bya/ / nga'i ni yod na'ang ma yin// med na'ang mi skye'o// des na de'i phyir blo gros chen po skye ba med pa'i tshig nyid brjod do// yang blo gros chen po dngos por bstan pa ni 'khor ba yongs su bzung ba dang / med do zhes chud pa bzlog pa dang / nga'i slob ma rnams las sna tshogs kyis skye ba'i yongs su gzung ba'i phyir te/ dngos po'i sgra bzung bas ni 'khor ba yongs su gzung bar bya'o/ / blo gros chen po byis pa so so'i skye bo 'di dag lta ba ngan pa'i mtshan nyid la mngon par chags shing chos thams cad kyi yang dag pa gnas pa ji lta ba bzhin ma yin par mthong bas/ bdag dang gzhan la bslu bar gyur ta re zhes/ sgyu ma lta bu'i dngos po'i rang bzhin dang mtshan nyid du bstan pas/ dngos po'i rang bzhin dang mtshan nyid rnam par bzlog ste/ byis pa so so'i skye bo'i lta ba ngan pa'i mtshan nyid du lhung ba'i bsam pa can rang gi sems snang ba tsam du ma rtogs pa/ rgyu dang rkyen gyi byed pa las skye ba'i mtshan nyid du mngon par chags pa rnams klan pa'i phyir/ chos thams cad sgyu ma dang / rmi lam gyi rang bzhin dang / mtshan nyid du bstan to// de la blo gros chen po chos thams cad kyi yang dag pa gnas pa ji lta ba bzhin du mthong ba ni 'di lta ste/ rang gi sems snang ba tsam la 'jug pa'o// de la 'di skad ces bya ste/ skye ba med la rgyu yang med/ dngos pos 'khor ba kun sdud de/ rgyu la sogs te mthong na/ / mtshan nyid la ni rnam mi brtag/ gzhan yang blo gros chen po ming dang / tshig dang / yi ge'i tshogs rab tu rtogs pa gang gis byang chub sems dpa' sems dpa' chen po rnams don dang / tshig dang / yi ge'i rjes su mi 'brang zhing / myur du bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can thams cad kyang de bzhin du khong du chud par byed pa'i ming dang / tshig dang / yi ge'i tshogs kyi mtshan nyid rab tu bstan to// de la blo gros chen po ming gi tshogs zhes bya ba ni 'di lta ste dngos po gang la gnas te ming du gdags pa'o/ / tshogs de ni dngos po dang / tshogs dang / lus zhes bya ba'i don tha mi dad de/ blo gros chen po de ni ming gi tshogs so// blo gros chen po tshig gi tsho gas ni 'di lta ste/ tshig gi don mang po dben pa dang / gdon mi za ba dang / thug pa dang / dmigs pa zhes bya ba don tha mi dad de/ blo gros chen po de ni tshig gi tshogs su ngas bstan pa byas so// yang blo gros chen po yi ge'i tshogs ni 'di lta ste/ gang gis ming dang tshig snang bar byed pa yin te/ yi ge dang / rtags dang / mtshan ma dang / dmigs pa dang / 'gas pa zhes bya ba ni don tha mi dad do// gzhan yang blo gros chen po tshig gi tshogs ni 'di lta ste/ tshig thug pa'o// blo gros chen po ming ni 'di lta ste/ yi ge rnams kyi rang gi ming tha dad pa a zhes bya ba nas ha'i bar du'o// de la blo gros chen po yi ge'i tshogs ni 'di lta ste/ thung ngu 'dren pa dang / ring du 'dren pa dang / yi ge'i 'jug go// de la blo gros chen po tshig gi tshogs ni glang po che dang / rta dang / mi dang / ri dgas dang / ba lang dang / ma he dang / lug dang / phyugs la sogs pa gang sa la 'gro ba rnams ni tshig gi tshogs zhes bya ba'i ming 'thob bo// yang blo gros chen po ming dang yi ge ni/ phung po gzugs med pa bzhi rnams ming gis brjod pa'i phyir ming ngo / / yi ge'i rang gi mtshan nyid kyis snang bar byed pas na yi ge'o// blo gros chen po de ni ming dang / tshig dang / yi ge'i tshogs rnams kyi ming dang tshig brjod pa'i mtshan zhing de/ de la khyod kyis 'dris par bya'o// de la 'di skad ces bya ste/ tshig dang yi ge'i tshogs rnams dang / ming la rnam pa'i bye brag tu// mi shes byis pa chags pa ni// glang po chen po rdza ba song bzhin// gzhan yang blo gros chen po ma 'ongs pa'i dus na/ mi mkhas pa log pa'i rtog ge pa dag la mkhas pa dag gis dris te/ gcig pa dang / tha dad pa dang / gnyis ka dang / gnyis ka ma yin par lta ba'i mtshan nyid las rnam par grol ba/ mtha' gnyis kyi tshul dris na/ rigs pa dang / rgyu dang / blo med pa'i 'di ni dri ba ma yin te/ tshul bzhin ma yin no zhes de skad zer ro// 'di lta ste/ gzugs la sogs pa dang / mi rtag pa gcig gam/ tha dad ces bya ba dang / de bzhin du 'du byed las mya ngan las 'das pa dang / mtshan las mtshan gyi gzhi dang / yon tan las yon tan can dang / 'byung ba dang 'byung ba las gyur pa dang / snang ba las mthong ba dang / rdul las rdul phra me dang / ye shes la rnal 'byor can rnams dang / de dag la sogs pa gcig nas gcig tu go rims kyi mtshan nyid kyi tshul gyis lung bstan pa rnams dris na/ 'di ni bzhag pa ste/ bcom ldan 'das kyis lung ma bstan to zhes zer ro// skyes bu gti mug can de dag ni ji ltar nyan pa rnams blo dang mi ldan pa'i phyir de bzhin gshegs pa dgra bcom pa yang dag par rdzogs pa'i sangs rgyas rnams sems can rnams slab pa'i gnas spang ba'i phyir/ lung du mi ston pa'i rnams lung du mi ston to// de ni blo gros chen po mu stegs byed kyi lta ba gzhig pa'i phyir/ de bzhin gshegs pa rnams kyis ma bshad do// blo gros chen po mu stegs byed ni 'di ces smra ste/ 'di ltar lus de ni srog dang bcas pa'o// lus kyang gzhan/ srog kyang gzhan no zhes de la sogs pa lung du mi ston pa smra ste/ blo gros chen po lung du mi ston pa ni mu stegs can rgyu la rnam par rmongs pa rnams kyi yin te/ nga'i gsung rab la ni ma yin no/ / blo gros chen po nga'i gsung rab gzung ba dang / 'dzin pa dang mi ldan pa la ni rnam par rtog pa'ang mi 'jug na/ de dag la bzhag pa lta ga la yod/ blo gros chen po gang gzung ba dang 'dzin pa la mngon par chags shing / rang gi sems snang ba tsam du mi shes pa'i blo can de dag la ni bzhag pa yod do// blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams ni tshig dris pa la lung bstan pa rnam pa bzhis sems can rnams la chos ston to/ / blo gros chen po bzhag pa zhes bya ba de ni/ ngas dus gzhan du bstan par byas pa yin te/ dbang po yongs su ma smin pa rnams la bzhag pa yin no// gzhan yang blo gros chen po chos thams cad ni bya ba dang byed pa med pa ste/ byed pa med pas na mi skye'o// de'i phyir chos thams cad ma skyes pa zhes bya'o// blo gros chen po chos thams cad ni ngo bo nyid med pa ste/ de ci'i phyir zhe na/ blo gros chen po 'di ltar rang gi blos rnam par dpyad na/ rang dang spyi'i mtshan nyid kyi dngos po mi rigs pas na/ de'i phyir chos thams cad ngo bo nyid med ces bya'o// de la blo gros chen po chos thams cad ni blang ba med pa/ dor ba med pa yin te/ de ci'i phyir zhe na/ blo gros chen po 'di ltar rang dang spyi'i mtshan nyid blang na'ang blang du med do/ / dor na'ang dor du med do// des na de'i phyir blo gros chen po chos thams cad ni blang ba dang dor ba med pa'o// yang blo gros chen po chos thams cad ni ma 'gags pa yin te/ ci'i phyir zhe na/ 'di lta ste/ dngos po'i ngo bo nyid dang / mtshan nyid med pas na/ chos thams cad mi dmigs te/ de'i phyir chos thams cad ni ma 'gags pa zhes bya'o/ / de la'ang blo gros chen po chos thams cad mi rtag pa yin te/ ci'i phyir de skad ces bya zhe na/ mtshan nyid skye ba mi rtag pa yod pas/ de'i phyir chos thams cad mi rtag pa zhes bya'o/ / de la blo gros chen po chos thams cad rtag pa yin te/ ci'i phyir zhe na/ 'di lta ste/ mtshan nyid skye ba mi rtag pa mi skye ba'i dngos po rtag pas rtag pa ste/ de'i phyir blo gros chen po chos thams cad rtag ces bya'o/ / de la 'di skad ces bya ste/ lung bstan pa ni rnam pa bzhi ste/ mgo gcig dang ni dri ba dang / rnam par dbye dang bzhag pa rnams// mu stegs byed kyi smra bzlog pa'o// yod dang med las skye bar ni/ / bye brag pa dang grangs can shes// lung du mi ston thams cad kyang // de dag nyid kyis rab tu bstan// blo yis rnam par bshig na yang // gang phyir rang bzhin mi rigs te/ / de phyir de dag brjod du med// ngo bo nyid kyang med par bstan// de nas yang byang chub sems dpa' sems dpa' chen po blo gros chen pos/ bcom ldan 'das la 'di skad ces gsol to/ / bcom ldan 'das rgyun du zhugs pa'i 'gro ba rab tu dbye ba'i tshul gyi mtshan nyid gang gis/ bdag dang byang chub sems dpa' sems dpa' chen po gzhan rnams rgyun du zhugs pa rnams kyi rgyun du chud pa'i 'gro ba rab tu dbye ba'i tshul gyi mtshan nyid la mkhas pas/ gong nas gong du lan cig phyir 'ong ba dang / phyir mi 'ong ba dang / dgra bcom par 'gyur ba'i thabs kyi mtshan nyid kyi rnam par shes shing / sems can rnams la de lta de lta bur chos bstan pa dang / ci nas bdag med pa'i mtshan nyid gnyis dang / sgrib pa gnyis so sor rnam par sbyangs te/ sa rnams kyi sa'i mtshan nyid las 'das pa rtogs par khong du chud byas/ de bzhin gshegs pa'i bsam gyis mi khyab pa'i 'gro ba dang / yul dang spyod yul rab tu rnyed nas/ gzugs sna tshogs kyi nor bu dang 'dra bas/ sems can thams cad kyi 'tsho bar 'gyur pa dang / chos thams cad kyi yul dang / 'gro ba la 'dod pa bzhin du longs spyod pas nye bar 'tsho bar 'gyur ba'i rgyun du zhugs pa rnams kyi rgyun du chud pa'i 'gro ba rab tu dbye ba'i tshul gyi mtshan nyid bdag la bshad du gsol/ bcom ldan 'das kyis bka' stsol ba/ blo gros chen po de'i phyir legs par nyon la yid la zung zhig dang / ngas khyod la bshad do// legs so bcom ldan 'das zhes gsol nas/ byang chub sems dpa' sems dpa' chen po blo gros chen pos/ bcom ldan 'das la slar nyan pa dang / bcom ldan 'das kyis/ de la 'di skad ces bka' stsal to// blo gros chen po rgyun du zhugs pa rnams kyi rgyun du chud pa'i 'bras bu rab tu dbye ba ni 'di gsum ste/ gsum gang zhe na/ 'di lta ste/ tha ma dang / bar ma dang / mchog go// de la blo gros chen po tha ma ni po zos kyang tshe'i srid pa bdun no/ / yang blo gros chen po bar ma ni srid pa gsum dang lngas yongs su mya ngan las 'das par 'gyur ba'o// blo gros chen po mchog ni tshe de nyid la yongs su mya ngan las 'da' bar 'gyur ba'o/ / blo gros chen po gsum po de dag las kun nas sbyor ba gsum ste/ chen po dang / bar ma dang / chung ngu yin no// de la blo gros chen po kun nas sbyor ba gsum gang zhe na// 'di lta ste/ 'jig tshogs la lta ba dang / the tsom dang / tshul khrims dang / brtul zhugs snyems pa'o// blo gros chen po de dag ni kun nas sbyor ba gsum rnams te/ bye brag gis gong nas gong du dgra bcom pa rnams kyi dgra bcom pa'i 'bras bur 'gyur ro/ / de la blo gros chen po 'jig tshogs la lta ba'ang rnam pa gnyis so// 'di lta ste/ lhan cig skyes pa dang / yongasu brtags pa ste/ gzhan gyi dbang la yongs su brtags pa'i rang bzhin no// 'di lta ste/ blo gros chen po gzhan gyi dbang gi rang bzhin gyi gnas las kun brtags pa'i rang bzhin la mngon par zhen pa sna tshogs 'byung ste/ de'ang kun brtags pa'i mtshan nyid pas na/ de la yod pa'ang ma yin/ med pa'ang ma yin/ yod med gnyis ka'ang ma yin mod kyi/ 'on kyang smig rgyu la ri/ dgas lta bur sna tshogs kyi rang bzhin gyi mtshan nyid la mngon par chags pas/ byis pa dag rnam par rtog go// blo gros chen po de ni rgyun du zhugs pa'i kun brtags pa'i 'jig tshogs la lta ba ste/ me shes pas yun ring por mngon par zhen pa bsags pa'o// de'ang gang zag la bdag med pa'i phyir 'dzin pa med par spangs par 'gyur ro// blo gros chen po rgyun du zhugs pa'i lhan cig skyes pa'i 'jig tshogs la smra ba ni bdag dang gzhan gyi lus mnyam pa nyid dang / phung po bzhi gzugs med pa'i mtshan nyid dang / gzugs skye ba 'byung ba dang / 'byung ba las gyur pa dang / 'byung ba rnams phan tshun du rgyu ba'i mtshan nyid kyi phyir gzugs 'byung ba ma yin no zhes bya ste/ rgyun du zhugs pa yod pa dang / med pa'i phyogs su lta ba mthong ba'i phyir/ 'jig tshogs la lta ba spangs par 'gyur ro/ / de bas na de ltar 'jig tshogs la lta ba spangs pa la 'dod chags mi 'byung ste/ blo gros chen po de ni 'jig tshogs la lta ba'i mtshan nyid do// blo gros chen po the tsom gyi mtshan nyid ni 'di lta ste/ khong du chud pa'i 'thob pa'i chos dang / shin tu mthong ba'i mtshan nyid kyi phyir snga ma'i 'jig tshogs la lta ba gnyis su rnam par rtog pa spangs pa'i phyir/ chos rnams la the tsom med par 'gyur te/ de dag pa dang / ma dag pas ston pa gzhan la lta bar mi 'gyur ro// de ni blo gros chen po rgyun du zhugs pa'i the tsom gyi mtshan nyid do// blo gros chen po ji ltar rgyun du zhugs pa tshul khrims mi snyems she na/ 'di lta ste/ sdug bsngal ba'i skye ba'i gnas kyi mtshan nyid rab tu mthong bas mi snyems so// blo gros chen po snyems pa ni 'di lta ste/ tshul khrims dang / brtul zhugs dang / dka' thub dang / mi 'gyur ba dag gis byis pa so so'i skye bo longs spyod dang / bde ba 'dod pa rnams 'khor bar skye bar gnyer te/ de de ltar mi snyems pa'ang gzhan du bdag gis so so rang gis mi rig pa'i khyad par du 'gro bar yongs su bsngo ste/ tshul khrims kyi yan lag gis rnam par myi rtog pa/ zag pa med pa'i chos kyi mtshan nyid lta bur rab tu sbyor ro// de ni blo gros chen po rgyun du zhugs pa'i tshul khrims dang brtul zhugs snyems pa'i mtshan nyid yin no/ / blo gros chen po kun nas sbyor ba gsum spangs pa'i rgyun du zhugs pa la ni 'dod chags dang / zhe sdang dang / gti mug mi 'byung ngo // blo gros chen pos gsol ba bcom ldan 'das kyis 'dod chags rnam pa mang du bstan na/ de'i 'dod chags gang spangs pa lags/ bcom ldan 'das kyis bka' stsal pa/ blo gros chen po yul la lus kyi dbang po'i 'dod chags bud med dang phrad pa las skyes pa da ltar bde la/ ma 'ongs pa na sdug bsngal ba skye ba'i rgyur 'gyur pa/ khu tshur dang / thal mo dang / mthang sprad pa dang / 'o byed pa dang / 'khyud pa dang / snom pa dang mig zur gyis lta ba dag gi 'dod chags de dag de la mi 'byung ngo / / de ci'i phyir zhe na/ 'di lta ste/ ting nge 'dzin gyi bde ba la gnas pa thob pas spangs pa yin te/ de'i mya ngan las 'das pa rtogs par bya ba'i 'dod chags ni mi spangs so/ / blo gros chen po lan cig phyir 'ong ba'i mtshan nyid gang zhe na/ 'di lta ste/ mtshan mar lta ba'i mtshan gyi gzhi dang / mtshan nyid med pas gzugs kyi mtshan nyid du snang ba'i rnam par rtog pa lan cig 'byung ngo / / bsam gtan gyi yul gyi mtshan nyid rab tu mthong bas/ 'jig rten 'dir lan cig 'ongs nas/ sdug bsngal mthar dbyung ba'i phyir yongs su mya ngan las 'das te/ de'i phyir lan cig phyir 'ong ba zhes bya'o// de la blo gros chen po ji ltar na phyir mi 'ong ba yin zhe na/ 'di lta ste/ 'das pa dang / ma 'ongs pa dang / da ltar byung ba'i gzugs kyi mtshan nyid dngos po yod pa dang / med pa la mi 'jug pa dang / lta ba'i nyes pa bag la zhal gyi rnam par rtog pa mi 'ong bas na phyir mi 'ong ba ste/ kun nas sbyor ba rnams spangs pas na phyir mi 'ong ba zhes bya'o/ / blo gros chen po dgra bcom pa ni bsam gtan dang / bsam gtan du bya ba dang / ting nge 'dzin dang / rnam par thar pa dang / stobs dang / mngon par shes pa dang / nyon mongs pa dang sdug bsngal la rnam par rtog pa med pas/ dgra bcom pa zhes bya'o// blo gros chen pos gsol pa/ bcom ldan 'das kyis dgra bcom pa gsum du bka' stsal na/ bcom ldan 'das dgra bcom pa'i sgra 'di gang dang sbyar/ ci bcom ldan 'das zhi ba phyogs gcig gi lam rab tu 'thob pa 'am/ de ste byang chub tu smon lam goms pa dge ba'i rtsa ba ma rmongs pa 'am/ 'on te 'phrul pas sprul pa lags sam/ bcom ldan 'das kyis bka' stsal pa/ blo gros chen po zhi ba phyogs gcig gis lam rab tu 'thob pa'i nyan thos yin te/ gzhan dag ma yin no// blo gros chen po byang chub sems dpa'i spyod pa spyad pas na/ spras pa dang / sangs rgyas 'phrul pas sprul pa gzhan rnams ni thabs la mkhas pa dang / smon lam sngon du 'gro bas/ sangs rgyas kyi 'khor gyi dkyil 'khor mdzes par bya ba'i phyir 'khor gyi dkyil 'khor du skye ba ston to/ / blo gros chen po rnam par rtog pa 'jug pa'i gnas gzhan sna tshogs bstan pa ni/ 'di lta ste/ 'bras bu thob par bya ba'i bsam gtan dang / bsam gtan du bya ba dang / bsam gautan pa las rnam par dben pa/ rang gi sems snang bar khas len pas 'bras bu thob pa'i mtshan nyid 'di bstan to// gzhan yang blo gros chen po gal te rgyun du zhugs pa 'di snyam du 'di dag ni kun nas sbyor ba yin te/ bdag ni 'di dag dang mi ldan par sems na/ gnyis su gyur cing bdag tu lta bar ltung ba dang / kun nas sbyor ba ma spangs par 'gyur ro// gzhan yang blo gros chen po bsam gtan dang / tshad med pa dang / gzugs med pa'i khams las shin tu bzla ba'i phyir/ rang gi sems snang ba'i mtshan nyid las ldog par bya ste/ 'du shes dang tshor ba 'gog pa'i snyoms par 'jug pa ni sems tsam pas na/ blo gros chen po rang gi sems snang ba'i rgyud las de'ang 'da' bar mi rung ngo // de la 'di skad ces bya ste/ bsam gtan rnams dang tshad med dag/ ting nge 'dzin dang gzugs med rnams/ / 'du shes 'gog pa ma lus par// sems tsam la ni yod pa min// rgyun du chud pa'i 'bras bu dang // lan cig 'ong gi de bzhin te// phyir mi 'ong gi 'bras bu dang / dgra bcom nyid kyang sems 'khrul pa// bsam gtan bsam bya bsam gtan pa// spong dang dben pa mthong ba dang // de dag rtog pa tsam yin par// gang gis rtogs pade 'grol lo// gzhan yang blo gros chen po blo rnam pa gnyis te/ rab tu rnam par 'byed pa'i blo dang / rnam par rtog pa'i mtshan nyid 'dzin pa la mngon par chags pas rab tu 'jog pa'i blo'o/ / de la blo gros chen po rab tu rnam par 'byed pa'i blo zhes bya ba ni 'di lta ste/ blo gang gis dngos po'i rang bzhin dang / mtshan nyid la rab tu gzhig na mtha' bzhi dang bral ba mi dmigs te/ de ni rab tu rnam par 'byed pa'i blo'o// de la blo gros chen po mtha' bzhi ni 'di lta ste/ gcig pa dang / tha dad pa dang / gnyis ka dang / gnyis ka ma yin pa dang / yod pa dang / med pa dang / rtag pa dang / mi rtag pa dang bral ba ni/ mtha' bzhi zhes bshad de/ blo gros chen po chos thams cad ni mtha' bzhi po de dag dang bral ba zhes bya'o// blo gros chen po mtha' bzhi po 'di chos thams ca yongs su brtag pa larab tu sbyar bar bya'o/ / de la blo gros chen po rnam par rtog pa'i mtshan nyid 'dzin pa la mngon par chags pas rab tu 'jog pa'i blo gang zhe na/ 'di lta ste/ blo gros chen po rnam par rtog pa'i mtshan nyid 'dzin pa la mngon par chags pas/ gang gis tsha ba dang / gsher ba dang / g.yo ba dang / sra ba yang dag pa ma yin pa yongs su rtog pa'i mtshan nyid 'byung ba chen po rnams su dam 'cha' ba dang / rgyu mtshan nyid dang dpe la mngon par chags pas/ yang dag pa ma yin par sgro 'dogs pas sgro 'dogs te/ de ni rnam par rtog pa'i mtshan nyid 'dzin pa la mngon par chags pas rab tu 'jog pa'i blo'o/ / blo gros chen po de ni blo gnyis kyi mtshan nyid do// blo gnyis kyi mtshan nyid gang dang ldan pas/ byang chub sems dpa' sems dpa' chen po chos dang gang zag la bdag med pa'i mtshan nyid rtogs par khong du chud cing / snang ba med pa'i blo rab tu rnam par 'byed pa spyod pa'i sa la rab tu mkhas pa rnams sa dang po rab tu 'thob ste/ ting nge 'dzin brgya la snyoms par 'jug/ ting nge 'dzin gyi bye brag rab tu 'thob pas/ sangs rgyas dang byang chub sems dpa' brgya yang mthong / bskal pa brgyad thog ma'i mtha' dang / tha ma'i mthar 'jug/ zhing brgya yang snang bar byed de/ zhing brgya yang snang bar byas nas/ gong nas gong du sa'i mtshan nyid chog shes te/ smon lam gyi bye brag gis rnam par 'phrul zhing chos kyi sprin gyis dbang bskur bas dbang bskur te/ de bzhin gshegs pa'i so sor rang gi sa thob nas/ mthar thug pa'i gnas bcu dang rab tu ldan pa'i chos su gyur te/ so so rang gis rig pa'i bde bas mnyam par gzhag cing / sems can yongs su smin par bya ba'i phyir/ sprul pa'i 'od zer sna tshogs kyis rnam par mdzes so// blo gros chen po gzhan yang byang chub sems dpa' sems dpa' chen pos 'byung ba chen po dang 'byung ba las gyur pa la mkhas par bya'o/ / blo gros chen po ji ltar na byang chub sems dpa' sems dpa' chen po 'byung ba chen po dang 'byung ba las gyur pa la mkhas pa yin zhe na/ blo gros chen bya/ pa de la byang chub sems dpa' sems dpa' chen po 'di la yang dag par rab tu slob ste/ gang la 'byung ba chen po skye ba med pa de ni bden pa'o// 'byung ba chen po 'di dag ni yang dag par ma byung ba'o zhes rab tu mthong ngo / / de ltar rab tu mthong bas rang gi sems snang ba tsam du 'ong du chung dang / phyi rol gyi dngos po dngos po med pa'i phyir 'di lta ste/ khams gsum 'di ni 'byung ba dang 'byung ba las gyur pa med de/ ming dang rnam par rtog pa tsam ming dang rang gi sems snang ba rnam par rtog pa tsam ste/ mtha' bzhi'i tshul rnam par dag pa bdag dang bdag gi med pa/ rang gi mtshan nyid kyi gnas yang dag pa ji lta ba bzhin du gnas pa/ rang gi mtshan nyid ma skyes par drug par rab tu mthong ngo // de la blo gros chen po ji ltar na 'byung ba chen po rnams kyi 'byung ba las gyur pa yin zhe na/ 'di lta ste/ kris chen po gsher bar rnam par rtog par 'byung ba chen po ni/ byi nang gi chu'i khams srung bo// blo gros chen po tsha bar rnam par rtog pa 'byung ba chen po ni/ phyi nang gi me'i khams sgrub bo// blo gros chen po g.yo bar rnam par rtog pa 'byung ba chen po ni/ phyi nang gi rlung gi khams sgrub bo// blo gros chen po gzugs bye brag 'byed pa rnam par rtog pa'i 'byung ba chen po ni byi nang gi sa'i khams nam mkha' dang bcas pa skyed do/ / log pa la bder bar chags pa ni/ phung po lnga 'dus pa dang / 'byung ba chen po dang 'byung ba las gyur pa skye'o/ / blo gros chen po rnam par shes pa'ang tshig dang yul sna tshogs la mngon par chags shing / 'dod pa'i rgyus 'gro ba bzhin du mtshams sbyor ba 'byung ngo // sa'i 'byung ba dang 'byung ba las gyur pa rnams la ni/ rgyu 'byung ba chen po rnams yod kyi/ 'byung ba chen po rnams ni med do// de ci'i phyir zhe na/ blo gros chen po 'di lta ste/ dngos po dang / rtags dang / mtshan nyid dang / dbyibs dang / bya ba'i bdag nyid dang sbyor ba med pas/ 'byung ba chen po rnams mi skye'o// dngos po dang / mtshan ma dang / mtshan nyid dang / dbyibs dang / bya ba dang sbyor bar ldan pa rnams kyi bya ba 'dus pa las skye bar 'gyur gyi/ mtshan ma dang mi ldan pa las ma yin no// de bas na blo gros chen po 'byung ba chen po dang / 'byung ba las gyur pa'i mtshan nyid ni/ mu stegs byed rnams kyi rnam par brtags pa yin te/ ngas ni ma yin no// gzhan yang blo gros chen po phung po rnams kyi phung po'i rang bzhin dang mtshan nyid rab tu bstan to// de la blo gros chen po phung po lnga rnams te/ lnga gang zhen/ 'di lta ste/ gzugs dang / tshor ba dang / 'du shes dang / 'du byed dang / rnam par shes pa rnams so// de la blo gros chen po phung po bzhi rnams ni gzugs med de/ tshor ba dang / 'du shes pa dang / 'du byed dang / rnam par shes pa rnams so// blo gros chen po gzugs ni 'byung ba bzhi las gyur pa dang / phan tshun du mtshan nyid mi mthun pa'i 'byung ba rnams so// gros chen po gzugs med pa la bzhir bgrang ba med de/ nam mkha' bzhin no// 'di lta ste/ blo gros chen po nam mkha' ni grangs kyi mtshan nyid las 'das mod kyi/ 'on kyang gcig ni nam mkha' 'o zhes rnam par rtog pa de bzhin du/ blo gros chen po phung po rnams kyang grangs kyi mtshan nyid dang / bgrang ba las 'das te/ dngos po dang dngos po med pa rnam par spyad/ pa/ mtha' bzhi dang bral ba'ang byis pa rnams kyis grangs dang bgrang bar brjod pas rab tu brjod de/ 'phags pa rnams kyis ni ma yin no// blo gros chen po 'phags pa rnams kyis ni sgyu ma'i gzugs sna tshogs lta bur gcig dang tha dad pa spangs par 'dogs te/ rmi lam dang gzugs brnyan gyi skyes bu lta bur gnas gzhan ma yin pa dang / 'phags pa'i ye shes rtogs pa la shin tu rmongs pa'i phyir/ blo gros chen po phung por rnam par rtog pa snang ngo // blo gros chen po de ni phung po rnams kyi phung po'i rang bzhin gyi mtshan nyid de/ rnam par rtog pa de khyod kyis bzlog par bya'o// rnam par bzlog nas sangs rgyas kyi zhing thams cad du 'khor gyi dkyil 'khor du mu stegs can gyi lta ba bzlog pa'i phyir rab tu dben pa'i chos bstan par bya'o/ / blo gros chen po rab tu dben pa'i chos bstan pa byas pas ni/ chos la bdag med pa mthong ba rnam par dag par 'gyur/ ring du song ba'i sa la'ang rab tu 'jug par 'gyur ro// de ring du song ba'i sa chen por rab tu zhugs pas/ ting nge 'dzin / du ma la dbang byed par 'gyur ro// yid kyi lus rab tu thob pas sgyu ma lta bu'i ting nge 'dzin rab tu thob bo// de stobs dang / mngon par shes pa dang / dbang rnams rtogs par khong du chud pas/ sa lta bur sems can thams cad kyi 'tsho bar 'gyur ro// 'di lta ste/ blo gros chen po sa ni sems can thams cad kyi 'tsho ba yin te/ de bzhin du byang chub sems dpa' sems dpa' chen po'ang sems can thams cad kyi 'tsho bar gyur pa yin no/ / gzhan yang blo gros chen po mya ngan las 'das pa rnam pa bzhi ste/ bzhi gang zhe na/ 'di lta ste/ dngos po'i rang bzhin med pa'i mya ngan las 'das pa dang / mtshan nyid sna tshogs kyi dngos po med pa'i mya ngan las 'das pa dang / rang gi mtshan nyid kyi dngos po med par rtogs pa'i mya ngan las 'das pa dang / phung po rnams kyi rang dang spyi'i mtshan nyid kyi rgyung rgyun chud pa'i mya ngan las 'das pa dang / de dag ni blo gros chen po mu stegs byed rnams kyi mya ngan las 'das pa yin te/ nga'i gsung rab la ni ma yin no// blo gros chen po nga'i gsung rab la ni rnam par rtog pa dang bcas pa'i yid kyi rnam par shes pa bzlog pa mya ngan las 'das pa zhes bya'o/ / blo gros chen pos gsol pa/ bcom ldan 'das kyis rnam par shes pa brgyad du rnam par ma gzhag gam/ bcom ldan 'das kyis bka' stsal pa/ rnam par gzhag go// blo gros chen pos gsol pa/ gal te bcom ldan 'das rnam par gzhas na/ ji ltar yid kyi rnam par shes pa ldog par 'gyur la/ rnam par shes pa bdun rnams ni ma lags so// bcom ldan 'das kyis bka' stsal pa/ de'i rgyu dang dmigs pa'i phyir/ rnam par shes pa 'dus pa bdun rnams 'byung bar 'gyur te/ blo gros chen po yid kyi rnam par shes pa yul bye brag 'byed pa la mngon par chags shing 'byung bas/ bag chag kyis kun gzhi rnam par shes pa shin tu rgyas par byed do/ / yid dang lhan cig tu bdag dang bdag gir 'dzin pa la mngon par chags pas/ ngar sems pa lta bur rjes su 'jug ste/ kun gzhi rnam par shes pa rgyur gyur cing / de la dmigs pa las tha dad pa ma yin pa'i mtshan nyid do// rang gi sems snang ba'i yul la mngon par chags pas/ gcig gi rgyur gcig gyur pa'i sems 'dus pa 'byung ste/ blo gros chen po rgya mtsho'i rlabs lta bur rang gi sems snang ba'i yul gyi rlung gis bskyod pas 'jug cing ldog go/ de lta bas na blo gros chen po yid kyi rnam par shes pa bzlog pas/ rnam par shes pa bdun rnams kyang ldog par 'gyur ro// de la 'di skad ces bya ste/ bya ba dang ni mtshan nyid dang // dngos por mya ngan nga mi 'da'// rnam rtog rnam par shes pa las/ / bzlog pas mya ngan nga 'das so// de rgyud de la dmigs pa ste// yid kyi rgyud kyang shin tu gnas// sems kyi rgyud rnams de 'byin te// rnam par shes pa'ang rab tu gnas ji ltar chu chen zad nas ni/ / rlabs rnams kun tu mi 'byung ltar// de bzhin rnam shes sna tshogs kyang // 'gags na 'byung bar mi 'gyur ro// gzhan yang blo gros chen po kun brtags pa'i rang bzhin rab tu dbye ba'i tshul gyi mtshan nyid rab tu tha dad pa rtogs pa gang gis/ khyod dang byang chub sems dpa' sems dpa' chen po gzhan rnams rnam par rtog pa dang / brtag pa spangs shing 'phags pa bdag gi so so rang gis rig pa dang / mu stegs can gyi tshul dang / yul shin tu mthong ba'i blo gzung ba dang 'dzin pa'i rnam par rtog pa spangs nas/ gzhan gyi dbang gi mtshan ma sna tshogs rnam pa tha dad pa/ kun brtags pa'i rang bzhin lta zlar so sor mi rtog par 'gyur ba'i kun brtags pa'i rang bzhin rab tu dbye ba'i tshul gyi mtshan nyid bstan to/ / de la blo gros chen po kun brtags pa'i rang bzhin rab tu dbye ba'i tshul gyi mtshan nyid gang zhe na/ 'di lta ste/ brjod pa la rnam par rtog pa dang / bar bya ba la rnam par rtog pa dang / mtshan nyid la rnam par rtog pa dang / nor la rnam par rtog pa dang / rang bzhin la rnam par rtog pa dang / rgyu la rnam par rtog pa dang / lta ba / rnam par rtog pa dang / rigs pa la rnam par rtog pa dang / skye ba la rnam par rtog pa dang / skye ba med pa la rnam par rtog pa dang / 'brel pa la rnam par rtog pa dang / bcings pa dang ma bcings par rnam par rtog pa yin te/ de ni blo gros chen po yongs su brtags pa'i rang bzhin rab tu dbye ba'i tshul gyi mtshan nyid do// de la blo gros chen po brjod pa la rnam par rtog pa gang zhe na/ 'di lta ste/ dbyangs dang glu snyan pa sna tshogs la mngon par chags pa yin te/ de ni blo gros chen po brjod pa la rnam par rtog pa'o// de la blo gros chen po smra bar bya ba la rnam par rtog pa gang zhe na/ 'di lta ste/ gang ci'ang rung ba smra bar bya ba'i dngos po rang bzhin 'phags pa'i ye shes dang / rtogs pas shes par bya ba gang la gnas te brjod pa 'jug par 'gyur ba yod do zhes rnam par rtog pa'o/ / de la blo gros chen po mtshan nyid la rnam par rtog pa gang zhe na/ 'di lta ste/ smra bar bya ba smig rgyu lta bu la mtshan nyid sna tshogs su mngon par chags pas mngon par zhen te/ 'di lta ste/ dngos po thams cad la tsha ba dang / gsher ba dang / g.yo ba dang / sra ba'i mtshan nyid du rnam par rtog pa'o// del nor la rnam par rtog pa gang zhe na/ 'di lta ste/ gser dang / dngul dang / nor bu rin po che rnam pa mang po'i yul brjod pa'o// de la rang bzhin la rnam par rtog pa gang zhe na/ 'di lta ste/ dngos po'i ngo bo nyid du 'dzin cing / 'di ni 'di lta ste/ 'di ni 'di bzhin gyi/ gzhan du ma yin no zhes log par rnam par rtog pa'i lta ba'i rnam par rtog pa'o// de la rgyu la rnam par rtog pa gang zhe na/ 'di lta ste/ rgyu dang rkyen gang gis rgyu'i mtshan nyid las skye ba yod pa dang / med bsnang bar byed pa de ni rgyu la rnam par rtog pa'o// de la lta ba la rnam par rtog pa gang zhe na/ 'di lta ste/ yod pa dang / med pa dang / gcig pa dang / tha dad pa dang / gnyis ka dang / gnyis ka ma yin par log par lta ba'i mu stegs can rnams kyi rnam par rtog pa la mngon par chags pa'o/ / de la rigs pa la rnam par rtog pa gang zhe na/ 'di lta ste/ bdag dang bdag gi mtshan nyid rigs pas brtsad de ston pa'o// de la skye ba la rnam par rtog pa gang zhe na/ 'di lta ste/ rkyen rnams kyis dngos po yod pa dang / med pa skye bar mngon par chags pa'o// de la mi skye ba la rnam par rtog pa gang zhe na/ 'di lta ste/ dngos po thams cad rgyu med pa'i lus sngon ma skyes pa yin te/ ma byung ba las rkyen gyis 'byung ba'o// de la 'brel bar rnam par rtog pa gang zhe na/ 'di lta ste/ gser gyi skud pa bzhin du gang dang gang du 'brel pa'o/ / de la bcings pa dang ma bcings pa la rnam par rtog pa gang zhe na/ 'di lta ste/ bcings pa'i rgyu dang / bcing bar bya ba la mngon par chags pa bzhin te jiltar skyes bu thabs dang ldan pas/ thag pa la mdud pa bor ba dang 'grol ba lta bu'o// blo gros chen po de dag ni kun brtags pa'i rang bzhin rab tu dbye ba'i tshul gyi mtshan nyid de/ kun brtags pa'i rang bzhin rab tu dbye ba'i tshul gyi mtshan nyid la byis pa so so'i skye bo thams cad mngon par chags te/ blo gros chen po gzhan gyi dbang gi mtshan nyid la yod pa dang med pa mngon par chags pas yongs su brtags pa'i mtshan nyid sna tshogs la mngon par chags te/ sgyu ma'i gnas sna tshogs mthong ba bzhin no// byis pa rnams kyis sgyu ma gzhan du mthong ba'i slad du/ / rnam par rtog ste/ blo gros chen po sna tshogs dang sgyu ma ni/ gcig pa'ang ma yin/ tha dad pa'ang ma yin no// gal te tha dad na ni sna tshogs pa sgyu ma'i rgyu las 'byung ba ma yin par 'gyur ro// de sde sna tshogs dang tha mi dad na ni/ sgyu ma dang sna tshogs bye brag med par 'gyur ro// de'i bye brag mthong bas na/ gcig pa'ang ma yin/ tha dad pa'ang ma yin no// des na de'i phyir blo gros chen po khyod dang / byang chub sems dpa' chen po gzhan dag gis sgyu ma la yod pa dang / med par mi chags par bya'o// de la 'di skad ces bya ste/ sems ni yul dang kun tu 'brel// rtog pa la ni rnam shes 'jug snang ba med dang bye brag la/ / shes rab yang dag rab tu 'jug/ kun brtags pa yi rang bzhin yod// gzhan gyi dbang ni med pa ste// nor pa dag gis brtags pa snang // gzhan gyi dbang la mi brtag go/ / yan lag mang po grub pa yi// glu mji ltar mi 'grub pa// de bzhin mtshan ma sna tshogs kyang // rab tu brtags na mi 'grub bo// mtshan ma gnas ngan len gyi dngos 'ching ba sems las byung ba skye/ / mi shes rnams kyis kun brtags pa// gzhan gyi dbang du'ang rnam par rtog/ gang 'di brtags pa'i dngos po ni// de nyid gzhan gyi dbang yin te/ brtags pa sna tshogs snang ba ni// gzhan gyi dbang du de brjod do// kun rdzob dang ni don dam ste// rgyu las skyes pa gsum du med// brtags pa dag ni kun rdzob bshad// de bcad 'phags pa'i spyod yul lo/ / rnal 'byor can gyi dngos po ltar// sna tshogs gcig tu rnam mdzes kyang // de la sna tshogs yod pa min// de bzhin brtags pa'i mtshan nyid do// ji ltar rab rib can dag gis snong ba'i gzugs la sna tshogs brtags/ / rab rib gzugs min gzugs med min// de bzhin mkhas pas gzhan gyi dbang // ji ltar gser rnams dag pa dang // chu yang rnyog pa spangs pa dang / nam mkha' dag ni sprin med ltar// de bzhin dag par rab tu brtags// brtags pa la ni dngos po med// gzhan gyi dbang ni yod pa ste// sgro btags pa dang skur ba yang // rnam par brtags na 'jig par 'gyur/ / gal te brtags na dngos med la// dben par gzhan gyi dbang yod na// dngos po med par dngos po ste// dngos po med las dngos po 'byung // kun brtags pa la gnas nas ni/ / gzhan gyi dbang ni nye bar dmigs// ming dang mtshan ma 'brel ba las// kun brtags pa ni skye bar 'gyur// brtags pa shin tu mgrub ste// gzhan las byung ba ma yin no/ / de tshe don dam rang bzhin ni// shin tu dag pa shes par 'gyur// kun brtags pa ni rnam bcu ste// gzhan gyi dbang ni rnam pa drug/ se sorang rig de bzhin nyid/ / rig bya de phyir bye brag med// chos lnga yang dag nyid yin te// de bzhin du yang rang bzhin gsum// rnal 'byor can gyis de bsgoms na// de bzhin nyid las mi 'da' 'o// mtshan ma dag ni gzhan gyi dbang // gang ming de ni brtags pa ste// kun brtags pa dang mtshan ma ni// gzhan gyi dbang las byung ba'o// blo yis rnam par gshegs na ni// gzhan dbang med cing brtags pa'ang med/ / grub pa'i dngos po yod med na// blo yod ci zhig rnam par brtag/ yod med rnam par spangs pa yi// grub pa'i dngos po yod na ni// yod dang med las grol ba yi// dngos po gnyis su ji ltar 'gyur// kun brtags pa yi rang bzhin la// rang bzhin gnyis ni rab gnas te// brtags pa dag ni sna tshogs snang // rnam dag 'phags pa'i spyod yul lo// brtags pa sna tshogs snang ba ni// gzhan gyi dbang zhes brjod pa ste// rnam pa gzhan du brtags na ni// mu stegs smra la gnas par 'gyur// rtog pa brtags zhes bya ba ste// mthong ba'i phyir na rgyu las 'byung / / rnam rtog gnyis las grol ba ni// de nyid yongs su grub pa yin/ yang blo gros chen pos gsol pa/ bcom ldan 'das 'phags pa so so rang gi ye shes dang / theg pa gcig po rtogs pa'i mtshan nyid gang gis bdag dang / byang chub se mangs mas chen po gzhan rnams/ 'phags pa so so rang gi ye shes dang / theg pa gcig po la mabyas shing sangs rgyas kyi chos thams cad la gzhan gyi dring la mi 'jog par 'gyur ba'i 'phags pa so so rang gi ye shes rtogs pa dang / theg pa gcig po'i mtshan nyid bshad du gsol/ bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung zhig dang / ngas khyod la bshad do// legs so bcom ldan 'das zhes gsol nas/ byang chub sems dpa' sems dpa' chen po blo gros chen pos/ bcom ldan 'das la slar nyan pa dang / bcom ldan 'das kyis 'di skad ces bka' stsal to// blo gros chen po byang chub sems dpa' sems dpa' chen po gcig pu dben par song ste/ mtshan ma dang yid bstan pa'i lung la rnam par rtog pa med pas so so rang gi blos rnam par dpyod do// gzhan gyi dring la mi 'jog par lta ba dang rnam par rtog pa spangs nas gong nas gong du de bzhin gshegs pa'i sa la rab tu 'jug par 'bad do/ / blo gros chen po de ni so so rang gi 'phags pa'i ye shes rtogs pa'i mtshan nyid do// de la theg pa gcig po rtogs pa'i mtshan zhing gang zhe na/ 'di lta ste/ theg pa gcig gi lam rig cing khong du chud pas theg pa gcig ces bya'o// theg pa gcig gi lam rig cing khong du chud pa gang zin 'di lta ste/ gzung ba dang 'dzin pa'i rnam par rtog pa yang dag pa nyid ji lta bzhin du gnas pas/ rnam par rtog pa mi 'byung ba'i phyir/ theg pa gcig po khong du chud par byas pa yin no/ / blo gros chen po theg pa gcig po khong du chud pa 'di ni nga ma gtogs pa mu stegs can gzhan dang / nyan thos dang / rang sangs rgyas dang / tshangs pa la sogs pas sngon ma thob pa'o/ / des na de'i phyir blo gros chen po theg pa gcig ces bya'o// blo gros chen pos gsol pa/ bcom ldan 'das kyis ci'i slad du theg pa gsum du bshad de/ theg pa gcig tu ma bshad/ bcom ldan 'das kyis bka' stsal pa/ blo gros chen po 'di ltar nyan thos dang / rang sangs rgyas thams cad ni de bzhin gshegs pa'i 'dul ba dang / rab tu dben pa'i rnam 'byor gyi lung gis 'grol gyi/ rang gis ma yin te/ blo gros chen po bdag nyid yongs su mya ngan las mi 'da' ba'i chos can bas na/ nyan thos dang rang sangs rgyas thams cad la theg pa gcig tu ma bshad do/ / gzhan yang blo gros chen po nyan thos dang rang sangs rgyas thams cad ni shes bya'i sgrib pa dang / las kyi bag chags ma spangs pa'i phyir/ chos la bdag med pa ma rtogs shing / bsam gyis mi khyab par 'gyur ba'i shi 'pho mthob pas/ nyan thos rnams la theg pa gsum du bstan te/ theg pa gcig tu ma yin no// blo gros chen po de dag nam nyes pa'i bag chags thams cad spangs shing / chos la bdag med pa rtogs pa de na de dag bag chags kyi nyes pa dang ting nge 'dzin gyis myos pa med par gyur nas/ zag pa med pa'i dbyings nas slar sad de/ de'ang 'jig rten dang / 'jig rten las 'das pa zag pa med pa'i dbyings su gtogs pa'i chos rnams yongs su bskang nas/ chos kyi sku bsam gyis mi khyab pa la dbang byed pa rab tu 'thob par 'gyur ro/ / de la 'di skad ces bya ste/ lha yi theg dang tshangs pa'i theg/ nyan thos kyi yang de bzhin te/ de bzhin gshegs dang rang rgyal gyi/ / theg pa de dag ngas bshad do// ji srid sems rnams 'jug pa'i bar// theg pa dag la thug pa med// sems ni shin tu gyur pa na// theg pa med cing 'gro ba'ang med/ / theg pa rnam par gzhag med kyang // sems can rnams ni drang ba'i phyir// theg pa tha dad ngas bshad de// theg pa gcig tu ngas bstan to// de bzhin rnam grol gsum po dang / / chos la bdag med de nyid dang // mnyam nyid ye shes nyon mongs pa// rnam par grol bas de nyid spangs// ji ltar shing dag rgya mtsho la// rlabs rnams kyis ni rnam par g.yengs/ / de bzhin nyan thos rmongs pa yang // mtshan nyid dag gis rab tu g.yengs// kun nas ldang dang bral mod kyi// nyon mongs bag chags rnams dang 'brel/ ting 'dzin myos pas de myos te// zag pa med pa'i dbyings na 'khod// mtha' mar byin pa de la med// phyir yang de las mi ldog ste/ ting nge 'dzin gyis lus thob nas// bskal pa'i bar du de mi sad// ji ltar skyes bur ro ba// chang dang bral nas sar 'gyur bzhin// de na de dag nga yi yang // chos kyis sku ni thob par 'gyur/ / lang+gar gshegs pa sum khri drug stong pa las/ chos thams cad bsdus pa zhes bya ba'i le'u ste gnyis pa'o// // de nas yang bcom ldan 'das kyis byang chub sems dpa' sems dpa' chen po blo gros chen po la 'di skad ces bka' stsal to/ / blo gros chen po yid kyi lus rtogs pa rab tu bye ba'i mtshan nyid bstan gyis/ de shin tu legs par nyon la yid la zung zhig dang / ngas khyod la bshad do// legs so bcom ldan 'das zhes gsol nas/ byang chub sems dpa' sems dpa' chen po blo gros chen pos/ bcom ldan 'das la slar nyan pa dang / de la bcom ldan 'das kyis 'di skad ces bka' stsal to// blo gros chen po yid kyi lus rnam gsum gang zhe na/ 'di lta ste/ ting nge 'dzin gyi bde ba la snyoms par 'jug pa'i yid kyi lus dang / chos kyi ngo bo nyid khong du chud pa'i yid kyi lus dang / ris su lhan cig skye ba 'du byed kyi bya ba'i yid kyi lus te/ sa dang po nas gong nas gong du sa'i mtshan nyid yongs su shes pas/ rnal 'byor can rnams kyis thob par 'gyur ro// de la blo gros chen po ting nge 'dzin gyi bde ba la snyoms par 'jug pa'i yid kyi lus gang zhe na/ 'di lta ste/ sa gsum dang / bzhi dang / lnga la rang gi sems rnam pa mang po dben par spyod pas/ sems kyi rgya mtsho la 'jug pa'i rnam par shes pa'i rlabs kyi mtshan nyid bde ba la snyoms par 'jug pa'i yid mi 'byung ste/ rang gi sems snang ba'i yul dngos po yod pa dang dngos po med pas yid kyi lus zhes bya'o// de la chos kyi ngo bo nyid rtogs pa'i yid kyi lus gang zhe na/ 'di lta ste/ sa brgyad pa la sgyu ma la sogs pa'i chos snang ba med pa'i rab tu rnam par 'byed pa khong du chud pas/ sems kyi gnas shin tu gyur te/ sgyu ma lta bur ting nge 'dzin rab tu thob pa dang / ting nge 'dzin gyi sgo gzhan dag rab tu thob pa dang / mtshan dang / dbang dang / mngon par shes pa du ma'i me tog rgyas shing / yid kyis mgyogs pa dang mtshungs pa/ sgyu ma dang / rmi lam dang / gzugs brnyan lta bu 'byung ba las gyur pa ma yin la/ 'byung ba dang 'byung ba las gyur pa 'dra ba/ gzugs thams cad kyi yan lag sna tshogs 'dus pa las sangs rgyas kyi zhing thams cad du 'khor gyi dkyil 'khor du rjes su song ba'i lus de ni/ chos kyi ngo bo nyid brtags pa'i khong du chud ba'i phyir/ yid kyi lus zhes bya'o// de la ris su lhan cig skyes pa'i 'du byed kyi bya ba'i yid kyi lus gang zhe na/ 'di lta ste/ sangs rgyas kyi chos thams cad so so rang gis rig pa bde ba'i mtshan nyid khong du chud pas/ rigs su lhan cig skyes pa'i 'du byed kyi bya ba'i yid kyi lus zhes bya'o// blo gros chen po lus gsum gyi mtshan nyid rab tu rnam par 'byed pa shes pa 'di la khyod kyis brtson par bya'o/ / de la 'di skad ces bya ste/ theg chen nga yi theg ma yin// yi ge med cing sgra yang med// bden pa med de rnam thar med// snang ba med pa'i spyod yul med// 'on kyang theg chen theg pa ste// ting nge 'dzin la dbang byed cing // yid kyi lus ni sna tshogs la// dbang gi me tog dag gis brgyan/ / de nas yang byang chub sems dpa' sems dpa' chen po blo gros chen po// bcom ldan 'das la 'di skad ces gsol to// bcom ldan 'das mtshams med pa lnga po gang bgyis pas/ rigs kyi bu pho 'am/ rigs kyi bu mo mnar med par gyur pa'i mtshams med pa lnga bcom ldan 'das kyis gsungs pa gang lags/ bcom ldan 'das kyis bka' stsal pa/ blo gros chen po de'i phyir shin tu legs par 'on la yid la zung zhig dang / ngas khyod la bshad do// legs so bcom ldan 'das zhes gsol nas/ byang chub sems dpa' sems dpa' chen po blo gros chen po bcom ldan 'das la slar nyan pa dang / bcom ldan 'das kyis 'di skad ces bka' stsal to// de la blo gros chen po mtshams med pa lnga rnams gang zhe na/ 'di lta ste/ pha dang / ma dang / dgra bcom pa gsod pa dang / dge 'dun 'byed pa dang / de bzhin gshegs pa la gnod sems kyis khrag phyung ba'o// de la blo gros chen po sems can rnams kyi ma gang zhe na/ 'di lta ste/ dga' ba'i 'dod chags dang ldan pa yang 'byung ba can gyi sred pa ni ma lta bur gnas so/ / ma rig pa ni skye mched kyi grong rnams bskyed pa'i phyir pa lta bu ste/ pha ma de gnyis shin tu rtsa ba nas bcad na pha ma bsad pa yin no/ / de la dgra bcom pa bsad pa gang zhe na/ 'di lta ste/ bag la nyal dgra dang mtshungs pa/ byi ba'i dug ltar khong nas ldang ba'i chos can shin tu bcom na/ dgra bcom pa bsad pa yin no// de la dge 'dun 'byed pa gang zhe na/ 'di lta ste/ phung po phan tshun du mtshan nyid mi mthun pa 'dus pa shin tu rtsa ba nas bcom pas/ dge 'dun 'byed pa zhes bya'o// blo gros chen po rang dang / spyi'i dang / phyi rol rang gi sems snang ba tsam du shes par byed pa/ rnam par shes pa 'dus pa brgyad rnams la/ rnam par thar pa gsum zag pa med pa'i gnod sems kyis shin tu bcom nas/ rnam par shes pa'i sangs rgyas la gnod sems kyis khrag phyung ba yin te/ mtshams med pa byed pa zhes bya'o// blo gros chen po rigs kyi bu pho 'am/ rigs kyi bu mos mtshams med pa lnga po de dag byas na mngon par rtogs pa'i chos can te/ mtshams med pa byed pa yin no// gzhan yang blo gros chen po gang bshad pas/ khyod dang byang chub sems dpa' sems dpa' chen po gzhan rnams la ma 'ongs pa'i dus na shin tu rmongs par mi 'gyur ba'i phyi rol gyi mtshams med pa rnams khyod la bshad par bya'o/ / 'di lta ste/ gang bstan pa brjod pa las mtshams med pa rnams gsungs pa ste/ gang byas pas rnam par grol ba gsum po las gang yang rung ba mngon par mi 'gyur te/ sprul pa'i byin gyi rlabs kyis mngon par rtogs pa ma gtogs so/ / blo gros chen po sprul pa'i byin gyi rlabs kyis nyan thos ni/ byang chub sems dpa'i byin gyi rlabs sam/ de bzhin gshegs pa'i byin gyi rlabs kyis/ gang la la mtshams med pa byas nas 'gyod par gyur pa la/ de'i 'gyod par lta ba bzlog pa dang / brtson pa bor ba la 'gyod par lta ba med par bya ba'i phyir/ slar rab tu spro bar byed par 'gyur snyam nas/ sprul pa'i byin gyi rlabs kyis mngon par rtogs par rab tu ston to/ / blo gros chen po mtshams med pa byed pa la ni/ mngon par rtogs pa gcig tu nges par med de/ rang gi sems snang ba tsam du rig pa dang / lus dang / longs spyod dang / gnas rtogs pa'i rnam par rtog pa bdag dang bdag gir 'dzin pas rab tu dben par mthong bas/ gal te brgya lam na dge ba'i bshes gnyen dang phrad na/ 'gro ba'i mtshams gzhan du rang gi rnam par rtog pa'i nyes pa las grol bar 'gyur ba ni ma gtogs so// de la 'di skad ces bya ste/ sred pa dag ni mar bshad de/ ma rig pa yang par shes so/ / rnam shes yul rnams rig bstan// sangs rgyas su ni de yang bstan// bag la nyal ni dgra bcom ste// phung po lnga 'dus dge 'dun no// mtshams med par nimi mtshams bcad pas/ / de ni mtshams med las yin no// yang blo gros chen pos gsol ba/ bcom ldan 'das sangs rgyas rnams kyi sangs rgyas pa nyid bdag la bshad du gsol/ bcom ldan 'das ji ltar na sangs rgyas rnams kyi sangs rgyas pa nyid lags/ bcom ldan 'das kyis bka' stsal pa/ chos dang gang zag la bdag med par rtogs pa dang / sgrib pa gnyis yongs su shes shing khong du chud pa dang / 'chi 'pho gnyis thob pa dang / nyon mongs pa gnyis spang ba'i phyir/ blo gros chen po sangs rgyas bcom ldan 'das rnams kyi sangs rgyas pa nyid yin no/ / blo gros chen po chos de dag nyid khong du chud pas/ nyan thos dang rang sangs rgyas rnams kyi sangs rgyas yin te/ de sla na de'i phyir blo gros chen po theg pa gcig tu bshad do// de la 'di skad ces bya ste/ bdag med gnyis dang nyon mongs dang // de bzhin sgrib pa rnam gnyis dang bsam gyis mi khyab 'gyur ba yi/ / shi 'phe thob pas de bzhin gshegs// / bam po lnga pa// / de nas yang byang chub sems dpa' sems dpa' chen po blo gros chen pos/ bcom ldan 'das la 'di skad ces gsol to// bcom ldan 'das kyis 'khor gyi nang du gshegs nas/ gang 'das pa'i sangs rgyas thams cad ni nga nyid do/ / skyes pa'i rabs skye ba sna tshogs su'ang nga nyid de dang de'i tshe/ rgyal po nga 'dzin dang / glang po che dang / ne tso dang / rgyas pa dang / dbang po dang / mig bzangs la sogs pa'o zhes/ bcom ldan 'das kyis skyes pa'i rabs brgya stong bshad pa'i rnams ci la dgongs te gsungs/ bcom ldan 'das kyis bka' stsal pa/ blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams ni/ mtshungs pa rnam pa bzhi la dgongs nas 'khor gyi nang du gshegs na/ 'di lta ste/ nga nyid de'i tshe de'i dus na log par dang sel dang / gser thub dang / 'od srungs su gyur to zhes tshig 'byin to// mtshungs pa rnam pa bzhi gang la dgongs she na/ 'di lta ste/ yi ge mtshungs pa dang / gsung mtshungs pa dang / chos mtshungs pa dang / sku mtshungs pa ste/ blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams mtshungs pa rnam pa de bzhi la dgongs nas/ 'khor gyi nang du gshegs na tshig 'byin to// de la blo gros chen po yi ge mtshungs pa gang zhe na/ 'di lta ste/ yi ge gang gis nga'i ming sangs rgyas zhes bya ba/ sangs rgyas bcom ldan 'das de drag gi'ang yi ge de nyid de/ blo gros chen po yi ge de dag kyang yi ge'i rang bzhin du bye brag med pas/ de ni blo gros chen po yi ge mtshungs pa yin no/ / de la blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams kyi gsung mtshungs pa gang zhe na/ 'di lta ste/ nga'i gsung gi rnam par rtog pa'ang rnam pa drug cu rtsa bzhi pa tshangs pa'i sgra skad kyi dbyangs su 'byung ngo / / blo gros chen po de bzhin gshegs pa dgra bcom pa yang dag par rdzogs pa'i sangs rgyas de dag gi gsung gi rnam par rtog pa'ang / de bzhin du rnam pa drug cu rtsa bzhi tshangs pa'i sgra skad kyi dbyangs 'byung ste/ blo gros chen po de bzhin gshegs pa dgra bcom pa yang dag par rdzogs pa'i sangs rgyas de dag gi gsung gi rnam par rtog pa'ang de bzhin du rnam pa drug cu rtsa bzhi pa tshangs pa'i sgra skad kyi dbyangs 'byung ste/ ka la bing+ga dang tshangs pa'i sgra skad kyi dbyangs kyi rang bzhin du bye brag med cing lhag chad med do/ / de la sku mtshungs pa gang zhe na/ 'di lta ste/ nga dang de bzhin gshegs pa dgra bcom pa yang dag par rdzogs pa'i sangs rgyas de dag ni/ chos kyi sku dang / gzugs dang / mtshan dang / dpe byad bzang po'i skur mtshungs shing bye brag med de/ 'dul ba'i dbang gis sems can gyi 'gro ba'i bye brag de dang der de bzhin gshegs pa rnams gzugs sna @tshogs ston pa ni ma gtogs so/ / de la blo gros chen po chos mtshungs pa gang zhe na/ 'di lta ste/ de dag dang nga ni byang chub kyi phyogs kyi chos sum cu rtsa bdun gyi chos rnams thugs su chud pa yin te/ blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams mtshungs pa rnam pa bzhi po de dag la dgongs nas/ 'khor gyi nang du gshegs na tshig 'byin to/ / de la 'di skad ces bya ste/ 'od srungs log par dad sel dang / gser thub dag kyang nga yin zhes// mnyam pa nyid du mnyam 'gyur bar// rgyal ba'i sras la ngas bshad do/ / yang blo gros chen pos gsol pa/ gang 'di bcom ldan 'das kyis gang gi nub mo de bzhin gshegs pa mngon par rdzogs par sangs rgyas nas/ gang gi nub mo yongs su mya ngan las 'da' bar 'gyur ba de'i bar du de bzhin gshegs pas yi ge gcig kyang ma bshad/ mi 'chang/ 'chad par mi 'gyur te/ tshig med pa ni sangs rgyas kyi tshig go zhes gsungs na/ tshig med pa sangs rgyas kyi tshig ces bgyi ba de/ de bzhin gshegs pa dgra bcom pa yang dag par rdzogs pa'i sangs rgyas kyis ci la dgongs te gsungs/ bcom ldan 'das kyis bka' stsal pa/ blo gros chen po chos gnyis la dgongs te/ ngas de skad ces smras so// chos gnyis po gang zhe na/ 'di lta ste/ so so rang gi chos nyid dang / sngon gyi luH kyi chos nyid la dgongs te/ blo gros chen po chos gnyis po de la dgongs nas dus de skad ces bshad do// de la so so rang gi chos nyid la dgongs pa gang zhe na/ 'di lta ste/ gang de bzhin gshegs pa de dag gi thugs su chud pa/ so so rang gis rig pa'i spyod yul tshig gi rnam par rtog pa dang bral ba/ yi ge dang gnyis kyi tshul las rnam par grol ba de ngas kyang lhag chad med par khong du chud do/ / de la sngon gyi lugs kyi chos nyid gang zhe na/ blo gros chen po 'di lta ste/ sngon gyi chos kyi lam 'di ni/ gser dang / dngul dang / mu tig gi 'byung lung bzhin te/ blo gros chen po chos kyi dbyings gnas pa ni de bzhin gshegs pa rnams byung yang rung / ma byung yang rung / de'i chos nyid dang / chos kyi gnas nyid dang / chos mi 'gyur ba ni grong khyer rnying pa'i lam bzhin du 'dug go/ / 'di lta ste/ blo gros chen po skyes bu la la zhig 'brog dgon pa na 'khyam pa las/ grong khyer rnying pa lam ma gol bar 'jug pa zhig mthong nas grong khyer der song nas/ der zhugs nas/ grong khyer du gnas shing grong khyer gyi bya ba dang bde ba rjes su myong na blo gros chen po de ji snyam du sems/ lam gang dang grong khyer der zhugs pa'i lam dang / grong khyer sna tshogs dag skyes bu des byas pa yin nam/ gsol ba/ bcom ldan 'das ma legs so// bcom ldan 'das kyis bka' stsal pa/ de bzhin du blo gros chen po gang dang de bzhin gshegs pa dag gis thugs su chud pa'i chos nyid dang / chos kyi gnas nyid dang / chos mi 'gyur ba nyid dang / de bzhin nyid dang yang dag pa nyid dang / bden pa nyid de ni 'dug pa ste/ des na de'i phyir blo gros chen po ngas 'di skad du gang gi nub mo de bzhin gshegs pa mngon par rdzogs par sangs rgyas nas gang gi nub mo yongs su mya ngan las 'da' bar 'gyur ba de'i bar du de bzhin gshegs pas yi ge gcig kyang ma bshad/ mi 'chad/ 'chad par mi 'gyur ro zhes smras so// de la 'di/ skad ces bya ste/ gang gi nub mo thugs su chud// gang la yongs su mya ngan 'das// ngas ni de yi bar du yang // cung zad bstan pa'ang ma yod do// so so rang chos lugs rnams la/ dgongs nas rab tu ngas bshad do// nga dang sangs rgyas de dag gis// cung zad bye brag byas pa med// de nas yang byang chub sems dpa' sems dpa' chen po blo gros chen pos/ bcom ldan 'das la gsol ba btab pa/ bcom ldan 'das ci nas kyang / bdag dang byang chub sems dpa' sems dpa' chen po gzhan rnams yod pa dang / med pa spangs nas/ myur du bla na med pa yang dag par rdzogs pa'i byang chub tu mngon par 'tshang rgya bar 'gyur ba'i chos thams cad kyi yod pa dang / med pa'i mtshan nyid bshad du gsol/ bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung zhig dang / ngas khyod la bshad do// legs so bcom ldan 'das zhes gsol nas byang chub sems dpa' sems dpa' chen po blo gros chen po bcom ldan 'das la slar nyan pa dang / de la bcom ldan 'das kyis 'di skad ces bka' stsal to// blo gros chen po 'jig rten 'di dag ni gnyis la gnas te/ 'di lta ste/ yod pa la gnas pa dang / med pa la gnas te skye ba dang / mi skye ba de la mos pa'i lta bar lhung ba dang / 'byung ba ma yin pa la 'byung ba ma yin pa'i blo'o/ / de la blo gros chen po ji ltar na 'jig rten yod pa la gnas she na/ 'di lta ste/ 'jig rten ni rgyu dang rkyen rnams yod pas skye'i med pas ma yin no// yod pa skye ba skyes te/ med pa ni ma yin no// blo gros chen po de de skad du dngos po yod pa smra na/ rgyu dang / rkyen rnams dang / 'jig rten gyi rgyu med pa la yod par smra ba ma yin no// de la blo gros chen po ji ltar na med pa la gnas pa yin zhe na/ 'di lta ste/ 'dod chags dang / zhe sdang dang / gti mug khas blang ba byas la/ slar 'dod chags dang / zhe sdang dang / gti mug med par rnam par rtog go// blo gros chen po gang dngos po'i mtshan nyid rab tu dben pa'i phyir/ dngos po yod par khas mi len pa dang / dngos po'i mtshan nyid rab tu dben pa'i phyir/ gang sangs rgyas dang / nyan thos dang / rang sangs rgyas la 'dod chags dang / zhe sdang dang / gti mug rnams khas mi len na/ blo gros chen po yod ces bya ba dang med ces bya ba 'di la rnam par 'jig par byed pa gang yin/ blo gros chen pos gsol pa/ bcom ldan 'das gang 'di 'dod chags dang / zhe sdang dang / gti mug khas blangs la/ phyis khas mi len pa legs so// bcom ldan 'das kyis bka' stsal pa/ blo gros chen po legs so legs so// blo gros chen po gang khyod kyis de ltar go ba ni khyod legs so/ / blo gros chen po 'dod chags dang / zhe sdang dang / gAti mug med pa 'ba' zhig rnam par 'jig par byed pa ma yin te/ nyan thos dang / rang sangs rgyas dang // sangs rgyas rnams kyang rnam par 'jig par byed pa ma yin no// de ci'i phyir zhe na/ 'di lta ste/ nyon mongs pa rnams gcig pa dang / tha dad pa dang / nang dang phyi rol tu mi dmigs pa'i phyir te/ blo gros chen po 'dod chags dang // zhe sdang dang / gti mug lus med pa'i phyir/ nang dang phyi rol du mi dmigs so// blo gros chen po 'dod chags dang / zhe sdang dang / gti mug gi dngos po rnams khas mi len pas/ sangs rgyas dang / nyan thos dang / rang sangs rgyas rnams rnam par 'jig par byed pa yin no// bcing bar bya ba dang / bcing ba'i rgyu med pa'i phyir/ sangs rgyas dang / nyan thos dang / rang sangs rgyas de dag ni rang bzhin gyis rnam par grol ba'o// blo gros chen po bcing bar bya ba yod na/ bcing ba dang bcing ba'i rgyu yang yod de blo gros chen po de skad zer ba'ang rnam par 'jig par byed pa yin no/ / blo gros chen po de ni med pa'i mtshan nyid de/ blo gros chen po ngas de la dgongs nas gang zag tu lta ba ni ri rab tsam yang bla'o// yod pa dang med pa'i nga rgyal can gyi stong pa nyid du lta ba ni ma yin no zhes bshad de/ blo gros chen po med pa'i nga rgyal can yang rnam par 'jig par byed pa yin no// rang dang spyi'i mtshan nyid du lhung ba'i bsam pa/ rang gi sems snang ba tsam du rab tu mi shes te/ mi shes pas phyi rol gyi dngos po mi rtag par lta ba'i phyir phung po dang / khams dang / skye mched skad cig ma gcig tu dbye bas phye ba rtog pa dang / yi ge med pa la/ rgyud kyi rgyun gyis 'jug cing log par rnam par rtog na/ yang dag par 'jig par byed pa yin no// de la 'di skad ces bya ste/ ji tsam sems kyi spyod yul ba// yod dang med pa mtha' gnyis te/ spyod yul rnam par spangs na ni// sems kyang yang dag 'gag par 'gyur// yul la 'dzin pa med pa'i phyir// 'gog pa med pa ma yin te// ji ltar 'phags pa'i spyod yul ltar// de bzhin nyid kyi gnas yod do/ / rkyen gyis yod dang med pa las// ma byung ba la gang skye zhing // byung nas 'jig par 'gyur zhe na// nga yi bstan la de mi gnas// sangs rgyas rnams dang mu stegs dang / / nga dang gzhan rnams su yis kyang // rkyen gyis yod par ma bsgrubs na// ji lta bur na med par 'gyur// yod bdag ni sus bsgrubs na// klung rnams rkyen gyis/ med par 'gyur// skye bar smra ba lta log pas// yod dang med par rnam par rtog/ gang rnams cung zad mi skye ba// cung zad 'gog par mi 'gyur te// 'jig rten dben par mi mthong bas/ / yod dang med par de mi 'dzin/ de nas yang byang chub sems dpa' sems dpa' chen po blo gros chen pos/ bcom ldan 'das la gsol ba btab pa/ bcom ldan 'das grub ba'i mtha'i tshul gyi mtshan nyid tha dad pa'i bye brag rab tu rtogs pa gang gis/ bdag dang byang chub sems dpa' sems dpa' chen po gzhan rnams grub pa'i mtha'i tshul gyi mtshan nyid rtogs pa khong du chu cing / myur du bla na med pa yang dag par rdzogs pa'i byang chub tu mngon par 'tshang rgya ba dang / rtog pa dang / log pa mu stegs can dang bdud thams cad kyi dring la mi 'jog par 'gyur ba grub pa'i mtha' tshul gyi mtshan nyid bdag la bshad du gsol/ bde bar gshegs pa bdag la bshad du gsol/ de bzhin gshegs pa dgra bcom pa yang dag par rdzogs pa'i sangs rgyas gsung gi mchog bdag la bshad du gsol/ bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung zhig dang / ngas khyod la bshad do// legs so bcom ldan 'das zhes gsol nas/ byang chub sems dpa' sems dpa' chen po blo gros chen po bcom ldan 'das la sngar nyan pa dang / bcom ldan 'das kyis 'di skad ces bka' stsal to// blo gros chen po nyan thos dang / rang sangs rgyas dang / byang chub sems dpa' thams cad kyi grub pa'i mtha'i tshul gyi mtshan nyid rnam pa gnyis so// 'di lta ste/ grub pa'i mtha'i tshul dang / bshad pa'i tshul lo/ / de la blo gros chen po grub pa'i mtha'i tshul ni/ 'di lta ste/ so so rang gis rig pa'i bye brag gi mtshan nyid de/ tshig gi rnam par rtog pa dang / yi ge med pa zag pa med pa'i dbyings rtogs/ ba thob par byed pa/ so so rang gis rtogs pa'i rang gi mtshan nyid mya stegs can dang bdud thams cad spangs pa/ rtog ge pa dang / mu stegs can dang / bdud de dag thams cad rnam par bcom nas/ so so rang gis rig pa rnam par mdzes so// blo gros chen po de ni grub pa'i mtha'i tshul gyi mtshan nyid do// de la bshad pa'i tshul gang zhe na/ 'di lta ste/ bstan pa yan lag dgu sna tshogs su bshad pa yin te/ gcig pa dang / tha dad pa yod pa dang / med pa'i phyogs spangs pa/ thabs mkhas pa'i cho ga sngon du 'gro bas sems can rnams la bshad pa 'jug ste/ su ci la mos par 'gyur ba de la de 'chad do// blo gros chen po de ni bshad pa'i tshul gyi mtshan nyid de/ de la khyod dang byang chub sems dpa' sems dpa' chen po gzhan dag gis brtson par bya'o/ / de la 'di skad ces bya ste/ grub pa'i mtha' dang tshul rnams ni// so so rang gi bstan pa ste// tha dad shes pa sus mthong ba// de dag rtog pa'i dbang mi 'gro/ ji ltar byis pa rnam rtog bzhin// dben pa'i dngos po yod med na// ji ltar thar pa'i dngos med par// rtog pa can rnams 'dod mi 'gyur// skye dang 'jig par 'brel bar ni// 'dus byas so// sor bltas na yang // lta ba gnyis po rab rgyas te// mtho rnam bzlog par mi mthong ngo // 'jig rten rnam brtags sgyu ma dang // chu shing phung ltar mthong na ni// mya ngan 'das pa'i yid spangs pa// gcig po 'di ni dben pa yin// 'dod chags dang ni zhe sdang med// gti mug med cing gang zag med// sred las byung ba'i phung po rnams// rmi lam 'dra bar yod pa'o// de nas yang byang chub sems dpa' sems dpa' chen po blo gros chen pos bcom ldan 'das la gsol ba btab pa/ bcom ldan 'das yang dag pa ma yin par yongs su rtog pa'i mtshan nyid bcom ldan 'das kyis bdag la bshad du gsol/ bde bar gshegs pa bdag la bshad du gsol/ bcom ldan 'das ji ltar ci zhig gang gi su'i yang dag pa ma yin par yongs su rtog pa 'byung bar 'gyur/ bcom ldan 'das yang dag pa ma yin par yongs su rtog pa/ yang dag pa ma yin par yongs su rtog pa zhes bgyi na/ bcom ldan 'das yang dag pa ma yin par yongs su rtog pa zhes bgyi ba de gang lags/ ci la so sor rnam par brtags pas yang dag pa ma yin par yongs su rtog par 'gyur/ bcom ldan 'das kyis bka' stsal pa/ legs so legs so// blo gros chen po gang khyod de lta bu'i don gsol ba 'debs pa ni/ blo gros chen po khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi'i skye bo phal po che'i don dang phan pa dang bde ba'i phyir zhus pa legs so/ / blo gros chen po de'i phyir shin tu legs par nyon la yid la zung zhig dang / ngas khyod la bshad do// legs so bcom ldan 'das zhes gsol nas/ byang chub sems dpa' sems dpa' chen po blo gros chen pos bcom ldan 'das la slar nyan pa dang / bcom ldan 'das kyis de la 'di skad ces bka' stsal to// blo gros chen po don rnam pa tha da pa sna tshogs yang dag pa ma yin par kun brtags pa la mngon par chags pas/ mi rnams kyi rnam par rtog pa 'byung ba byung te/ blo gros chen po gzung ba dang 'dzin pa la mngon par chags shing zhen pa dang / rang gi sems snang ba tsam du ma rtogs pa'i blo can dang / blo gros chen po yod pa dang med par lta ba'i phyogs su lhung ba mu stegs byed kyi lta ba la so sor rnam par rtog pa'i bag chags shin tu rgyas pa rnams phyi rol gyi don sna tshogs dmigs pa la mngon par chags pa dang / bdag dang bdag gir mngon par chags pas/ rnam par rtog pa zhes bsgrags pa sems dang sems las byung ba mang po 'byung ba 'byung ngo / / blo gros chen pos gsol pa/ bcom ldan 'das de gal te don rnam pa tha dad pa sna tshogs su yang dag pa ma yin par yongs su rtog pa la mngon par chags pas/ mi rnams kyi rnam par rtog pa 'byung ba 'byung ste/ yod pa dang med pa'i phyogs la lta bar lhung ba gzung ba dang / 'dzin pa dang / mu stegs byed kyi lta ba la so so rnam par rtog pa'i bag chags rgyas pa rnams phyi rol gyi don sna tshogs su dmigs pa la mngon par chags shing rang gi sems snang ba tsam du ma rig pa dang / yod pa dang / med pa'i dngos po sna tshogs la rnam par rtog pa zhes bsgrags pa/ sems dang sems las byung ba mang po 'byung ba 'byung ba na/ bcom ldan 'das phyir rol gyi don sna tshogs kyi mtshan nyid yod pa dang / med pa'i phyogs su lhung ba'i mtshan nyid dngos po dang / dngos po med pa las dben pa lta ba'i mtshan nyid las ji ltar bzlog pa de bzhin du/ bcom ldan 'das don dam pa'ang // tshad ma'i dbang po dang / yan lag dang dpe dang / rgyu'i mtshan nyid las rnam par bzlog pas na/ bcom ldan 'das gcig la yang dag pa ma yin pa'i don sna tshogs kyi dngos po yod pa dang / med par mngon par chags pa la so sor rnam par rtog cing / rnam par rtog pa 'byung gi/ don dam pa'i mtshan nyid la mngon par chags shing rnam par rtog pas ni/ rnam par rtog pa mi 'byung ba ji lta bu bcom ldan 'das gcig la ni 'byung // gcig la ni mi 'byung zhes gsung na/ yod pa dang med pa'i phyogs la mngon par chags pa dang / khyod la mi mthun pa'i rgyur smra bar 'gyur ro// yang dag pa ma yin par rnam par rtog pa'i lta ba 'byung bar gsung na/ sgyu ma'i yan lag gi skyes bu tha dad pa rnam pa sna tshogs las/ gzugs gcig grub pa bzhin du so sor rnam par rtog pas/ mtshan nyid sna tshogs su rnam par brtags pas dngos po dang / dngos po med par rnam par rtog pa las bzlog pa'i phyir/ 'jig rten rgyang 'phen pa'i lta ba dang / bsam par lhung bar 'gyur ro// bcom ldan 'das kyis bka' stsal pa/ blo gros chen po rnam par rtog pa 'byung ba'am ldog pa med do/ / de ci'i phyir zhe na/ 'di lta ste/ yod pa dang / med pa las rnam par rtog pa mi 'byung ba dang / phyi rol snang ba'i dngos po dngos po med pa dang / rang gi sems snang ba tsam du rtogs pas/ blo gros chen po rnam par rtog pa 'byung ba'ang med// ldog pa'ang med de/ blo gros chen po gzhan du na byis pa rnams kyis rang gi sems sna tshogs kyi rnam par rtog pas brtags pa dang / sna tshogs kyi dngos pos mtshan nyid la mngon par chags pas/ lo rgyus las byung ba sngon du 'gro ba'i rnam par rtog pa 'byung bar bshad do// ji ltar na byis pa so so'i skye bo 'di dag rang gi rnam par rtog/ ba'i sems tsam du khong du chud pa dang / bdag dang bdag gir mngon par chags pa las lta ba rnam par bzlog ste/ rgyu dang / rkyen dang / 'bras bu'i nyes pa las bzlog cing / rang gi sems tsam du rtogs pas/ sems dang bsam pa shin tu gyur te/ sa thams cad la rig par byas shing / de bzhin gshegs pa bdag gi so so rang gis rig pa'i spyod yul chos lnga dang / rang bzhin dang / dngos po dang / lta ba dang / rnam par rtog pa ldog pa 'thob par 'gyur zhes te/ des na de'i phyir blo gros chen po 'di ltar sgyu ma la rnam par rtog pa yang dag pa ma yin pa'i don sna tshogs la mngon par chags pa 'byung ste/ rang gi rnam par rtog pa sna tshogs kyi don la yang dag pa'i don ji lta ba bzhin du yongs su shes pas/ rnam par grol par 'gyur zhes smras so/ / de la 'di skad ces bya ste/ rgyu rnams dang ni rkyen rnams kyis// gang rnams 'jig rten 'byung zhes pa// mtha' bzhi dang ni ldan pa ste// de dag nga yi tshul ma shes rgyu dag dang ni rkyen rnams las/ / 'jig rten yod med mi skye ste// gang na'ang yod med yod min na// byis pa rnams kyis ji ltar brtag/ yod min med min yod med min// de dag 'jig rten ma mthong na/ de tshe sems kyang rnam ldog ste// bdag med pa yang rtogs par 'gyur// gang phyir rkyen las byung bas na// dngos po thams cad ma skyes pa// rkyen rnams thams cad 'bras bu ste// 'bras bu las ni srid mi skye/ / 'bras bu gnyis su gyur pas na// 'bras bu las ni 'bras mi ste// rnam pa gnyis su rab 'gyur bas// 'bras bu'i dngos po mi dmigs so// dmigs dang dmigs bya med par yang / / lan cig 'dus byas rnams mthong na// sems med pa yi sems tsam ste// sems tsam du ni ngas bshad do// tsam de ngo bo nyid kyi dbyibs// rkyen dang dngos po spangs pa ste/ / mthar thug dngos po tshangs pa'i mchog/ de ni tsam zhes ngas bshad do// bden par bdag ni brtags pa ste// rdzas yod dngos po ma yin no// de bzhin phung po'i phung po nyid// brtags pa yin te rdzas med do// mnyam pa nyid ni rnam bzhi ste// mtshan dang rgyu dang dngos las byung // bdag med pa yi mnyam pa ste// bzhi pa rnal 'byor rnal 'byor pa'i// lta ba thams cad rnam bzlog cing / / rtog dang brtag pa spangs pa ste// dmigs med skye ba med pa ni// sems tsam du yang ngas bshad do// dngos min dngos med ma yin pa// dngos dang dngos med rnam par spangs/ / de bzhin sems las grol ba ni// sems tsam du yang ngas bshad do// de bzhin nyid dang stong pa'i mtha'// mya ngan 'das dang chos kyi dbyings// sna tshogs yid kyi lus rnams ni/ sems tsam du yang dus bshad do// rnam rtog bag chags 'brel ba ni// sna tshogs sems las byung ba ste// mi rnams la ni phyi rol snang // 'jig rten pa yi sems tsam mo// phyi rol snang ba yong med de/ / sems ni sna tshogs rnams su snang // lus dang longs spyod gnas 'dra ba// sems tsam du yang ngas bshad do// de nas yang byang chub sems dpa' sems dpa' chen po blo gros chen pos/ bcom ldan 'das la 'di skad ces gsol to// gang bcom ldan 'das kyis byang chub sems dpa' sems dpa' chen po dang gzhan dag gis sgra ji bzhin gyi don du gzung bar mi bya'o zhes de skad gsungs na/ bcom ldan 'das ji ltar na byang chub sems dpa' sems dpa' chen po sgra ji bzhin gyi don du 'dzin pa ma lags/ sgra gang / don gang lags/ bcom ldan 'das kyis bka' stsal pa/ blo gros chen po de'i phyir shin tu logs par nyon la yid la zung zhig dang / ngas khyod la bshad do// legs so bcom ldan 'das zhes gsol nas/ byang chub sems dpa' sems dpa' chen po blo gros chen pos bcom ldan 'das la slar nyan pa dang / bcom ldan 'das kyis/ de la 'di skad ces bka' stsal to// de la blo gros chen po sgra gang zhe na/ 'di lta ste/ tshig dang yi ger phrad pa'i rnam par rtog pa yin te/ so dang / 'gram pa dang / dkan dang / lce dang / mchu sbyar ba las byung ba/ phan tshun du smra bar rnam par rtog pa'i bag chags kyi rgyu las skyes pa ni sgra zhes bya'o/ / de la blo gros chen po don gang zhe na/ 'di lta ste/ byang chub sems dpa' sems dpa' chen po gcig pu dben par song nas/ thos ba dang / bsams pa dang / bsgoms pa'i shes rab kyis mya ngan las 'das pa'i grong khyer du 'gro ba'i lam rang gi zlos/ bag chags kyi gnas rab tu gyur pa sngon du 'gro ba/ so so rang gis rig pa/ 'phags pa'i spyod yul sa dang sa'i gnas gzhan gyi bye brag dang don gyi mtshan nyid 'jug pa la rab tu dpyod na don la mkhas pa yin no// gzhan yang blo gros chen po sgra'i don la mkhas pa'i byang chub sems dpa' sems dpa' chen po ni sgra dang don tam/ don dang sgra'ang gcig pa'ang ma yin/ tha dad pa'ang ma yin par yang dag par rjes su lta ste/ blo gros chen po gal te sgra dang don du tha dad na ni/ don gsal bar byed pa'i rgyu sgra me yin par 'gyur na/ nor rdzas la mar me bzhin du don de la sgras rje su 'jug go// 'di lta ste/ blo gros chen po skyes bu la la zhig mar me thogs nas/ phyogs 'di na nga'i nor 'di lta bu 'di yod do zhes nor la lta ba de bzhin du/ blo gros chen po tshig tu rnam par rtog pa'i sgra'i mar mes byang chub sems dpa' sems dpa' chen po rnams kyi tshig gi rnam par rtog pa dang bral ba/ so so rang gis rig pa'i don gyi yul la rjes su 'jug go// gzhan yang blo gros chen po ma skyes pa dang / ma 'gags pa dang / rang bzhin gyis yongs su mya ngan las 'das pa dang / theg pa gsum dang / theg pa gcig dang / chos lnga dang / sems dang / rang bzhin la sogs pa la sgra ji bzhin du mngon par chags pa la brten nas/ mngon par chags pa'i phyir/ sgyu ma sna tshogs mthong ba'i rnam par rtog pa lta bur sgro 'dogs pa dang skur pa'i lta bar lhung ba yin no// rnam pa gzhan du gnas pa la rnam pa gzhan du so sor rnam par rtog pas 'di lta ste/ blo gros chen po sgyu ma sna tshogs ni rnam pa gzhan du lta ba yin na/ byis pa rnams rnam pa gzhan du so sor rnam par rtog ste/ 'phags pa rnams kyis ni ma yin no/ / de la 'di skad ces bya ste/ ji bzhin sgra lo rnam brtags na/ chos nyid la yang sgro 'dogs so// de dag de la sgro btags pas// sems can dmyal ba'i gnas su ltung / / phung po rnams la bdag med de// phung po rnams kyang bdag la med// rnam rtog bzhin du de dag med// de dag med pa'ang ma yin no// dngos po thams cad yod par ni// / ji ltar byis pas rnam brtags bzhin// de ste mthong bzhin de yod na// thams cad yang dag mthong bar 'gyur// chos rnams thams cad med pas na// nyon mongs pa dang dag pa'ang med/ / ji ltar mthong ba bzhin med de// de dag med pa'ang ma yin no// gzhan yang blo gros chen po ye shes dang rnam par shes pa'i mtshan nyid rnam pa tha dad pa rab tu rtogs pa gang gis khyod dang byang chub sems dpa' sems dpa' chen po gzhan rnams ye shes dang / rnam par shes pa'i mtshan nyid rtogs par khong du chud cing / myur du bla na med pa yang drag par rdzog pa'i byang chub tu mngon par 'tshang rgya bar 'gyur ba'i ye shes dang / rnam par shes pa'i mtshan nyid khyod la bshad do// de la blo gros chen po ye shes ni rnam pa gsum ste/ 'jig rten pa dang // 'jig rten las 'das pa dang / 'jig rten las 'das pa'i mchog go/ de la skyes nas 'jig pa ni rnam par shes pa'o// ma skyes mi 'jig pa ni ye shes so// gzhan yang blo gros chen po mtshan ma dang / mtshan ma med par lhung ba dang / yod pa dang / med par lhung ba dang / mtshan nyid sna tshogs kyi rgyu las skyes po ni rnam par shes pa'o// mtshan ma dang / mtshan ma med pa las shin tu 'das pa'i mtshan nyid ni ye shes so/ / gzhan yang blo gros chen po de la sogs pa'i mtshan nyid ni rnam par shes pa'o// bri ba'i mtshan nyid ni ye shes so// de la rnam par shes pa gsum ni 'di lta ste/ rang dang spyi'i mtshan nyid rtogs par byed pa dang / skye ba dang 'jig pa rtogs par byed pa dang / skye ba med pa dang / 'gog pa med pa rtogs par byed pa'o// de la 'jig rten pa'i ye shes ni yod pa dang med pa'i phyogs la mngon par chags pa/ mu stegs byed dang byis pa so so'i skye bo thams cad kyi'o// de la 'jig rten las 'das pa'i ye shes ni rang dang spyi'i mtshan nyid du lhung ba'i bsam pa la mngon par chags pa/ nyan thos dang rang sangs rgyas thams cad kyi'o// de la 'jig rten las 'das pa'i mchog gi ye shes ni sangs rgyas dang byang chub sems dpa' rnams kyi snang ba med pa'i chos la rab tu rnam par 'byed pa dang / skye ba med pa dang / 'gag pa med par mthong ba dang / yod pa dang med pa'i phyogs dang bral ba/ de bzhin gshegs pa'i sa bdag med pa thugs su chud pa'i phyir 'byung ba'o/ / gzhan yang blo gros chen po chags pa med pa'i mtshan nyid ni ye shes so// yul sna tshogs la chags pa'i mtshan nyid ni rnam par shes pa'o/ / gzhan yang blo gros chen po gsum du 'dus pa'i bya ba skye ba dang ldan pa'i mtshan nyid ni rnam par shes pa'o// mi ldan pa'i ngo bo nyid kyi mtshan nyid ni ye shes so// gzhan yang blo gros chen po thob pa med pa'i mtshan nyid ni ye shes te/ bdag gi so so rang rang gi 'phags pa'i ye shes kyis rtogs pa'i spyod yul du mi 'jug/ mi 'byung ba'i phyir chu la chu zla bzhin no/ / de la 'di skad ces bya ste/ sems kyis su ni las rnams sogs// ye shes kyis ni rnam par 'byed// shes rab kyis kyang snang byed dang // mthu yang rab tu thob par byed// sems ni yul dang 'brel ba ste// rtog ge dag la ye shes 'jug/ snang ba med dang bye brag la// shes rab yang dag rab tu 'jug/ sems dang yid dang rnam shes dang // 'du shes rtog pa spangs pa ste// rnam par rtog pa'i chos thob pa// nyan thos rnams te rgyal sras min// zhi dang bzod pa'i khyad par la// de bzhin gshegs kyi ye shes dge bye brag don du de skyes te/ / kun tu spyod pa rnam par spangs// nga yi shes rab rnam gsum ste// gang gis 'phags pa rab phye dang // gang gis mtshan nyid rtogs pa dang // dngos po rnams dang gang 'brel ba'o/ / theg pa gnyis dang mi ldan zhing // shes rab snang ba rnam par spangs// dngos po yod par chags pas ni// nyan thos rnams kyi 'byung mi 'gyur// sems tsam la ni 'jug pas na// bde gshegs shes rab dri ma med// gzhan yang blo gros chen po mu stegs byed 'gyur bar smra ba rnams kyi 'gyur bar lta ba rnam pa dgu yod de/ 'di lta ste/ dbyibs 'gyur ba dang / mtshan nyid 'gyur ba dang / rgyu 'gyur ba dang / rigs pa 'gyur ba dang / lta ba 'gyur ba dang / skye ba 'gyur ba dang / dngos po 'gyur ba dang rkyen snang bar byed pa 'gyur ba dang / bya ba snang bar byed pa 'gyur ba dang / blo gros chen po 'gyur bar lta ba de dgu ste/ de dag la bsams nas mu stegs byed thams cad yod pa dang med pa las skyes pa'i 'gyur bar smra ba yin no/ / de la dbyibs 'gyur ba gang zhe na/ 'di lta ste/ dbyibs gzhan du 'gyur ba mthong ba'i phyir/ gser gyi rgyan sna tshogs su 'gyur ba mthong ba bzhin no/ / 'di lta ste/ blo gros chen po gser ni gdu bu dang / sor gdub dang / spen tog la sogs pa 'gyur bas yongs su bsgyur na/ dbyibs sna tshogs su 'gyur bar snang yang / gser gyi dngos po ni mi 'gyur ro/ / de bzhin du blo gros chen po dngos po thams cad 'gyur bar mu stegs kha cig rnam par rtog go// kha cig ni rgyu la rtog ste/ de dag ni yongs su brtags pa bzung nas/ de bzhin du byung ma yin no// gzhan du'ang ma yin no// de ltar 'gyur ba tha dad pa thams cad kyang / zho dang / 'o ma dang / chang dang / 'bras bu sbyinapa bzhin du blta'o/ / 'di lta ste/ blo gros chen po zho dang / 'o ma dang / rmang dang / 'bras bu la sogs pa de dag ni mu stegs byed dag gis 'gyur ba re rer rnam par brtags te/ de la rang gi sems snang ba phyi rol gyi dngos po dngos po med pas/ yod pa dang med pa ni gang yang mi 'gyur ro// de bzhin du blo gros chen po byis pa so so'i skye bo rnams kyi rang gi rnam par rtog pa goms pa 'jug par blta ste/ blo gros chen po sgyu ma dang rmi lam gyi gzugs 'byung ba mthong ba bzhin du/ 'di la chos glang yang 'jug pa'am ldog po med do// 'di lta ste/ blo gros chen po rmi lam dmo gsham gyi bu skye ba dang / 'chi ba bzhin du 'jug pa dang / ldog pa'ang mthong ngo // de la 'di skad ces bya ste/ 'byung dang dngos dang dbang po la// dus dang dbyibs dang 'gyur ba dang / srid pa bar ma bsdu ba dang // gang rtog de dag mi mkhas pa'o// 'jig rten rten cing 'brel 'byung bar// rgyal ba rnam par mi rtog ste// 'on kyang 'jig rten 'di dag ni/ / rkyen nyid dri za'i grong khyer bzhin/ de nas yang byang chub sems dpa' sems dpa' chen po blo gros chen pos/ chos thams cad kyi mtshams sbyor don yongs su 'grol ba'i phyir/ bcom ldan 'das la gsol ba btab pa/ bcom ldan 'das mtshams sbyor ba dang / mtshams sbyor ba ma lags pa'i mtshan nyid tha dad pa'i bye brag rab tu rtogs pa gang gis/ bdag dang byang chub sems dpa' sems dpa' chen po gzhan rnams mtshams sbyor ba dang / mtshams sbyor ba ma lags pa thams cad kyi thabs la mkhas pas/ sgra ji bzhin gyi don la chags pa'i mtshams sbyor bar mi ltung ba dang / chos thams cad kyi mtshams sbyor ba dang / mtshams sbyor ba ma lags pa mkhas pas/ tshig dang yi ge la so sor rnam par rtog pa rnams blos rab tu bcom ste/ sangs rgyas kyi zhing thams cad kyi 'khor du spyod cing / stobs dang / dbang dang / mngon par shes pa dang / gzungs kyi phyag rgyas btab pa/ sprul pa'i 'od zer sna tshogs kyis mthar thug pa'i gnas bcu dang shin tu 'brel ba'i blo/ zla ba dang / nyi ma dang / nor bu dang / 'byung ba chen po'i spyod pa'i tshul lhun gyis grub pa dang mtshungs pa chos thams cad la rang gi rnam par rtog pa'i mtshan nyid las lta ba rnam par bzlog cing / rmi lam dang sgyu ma la sogs pa'i chos thams cad mthong bas/ sangs rgyas kyi sa'i gnas la rjes su zhugs pa/ sems can gyi khams thams cad ci rigs par chos ston pas drangs te/ rmi lam dang sgyu ma la sogs pa'i chos thams cad yod pa dang med pa'i phyogs spangs pa/ skye ba dang 'jig par rnam par rtog pa dang bral ba la/ sgra ji bzhin gyi rnam grangs la 'jug pa'i gnas kyis rab tu 'god par 'gyur ba/ chos thams cad kyi mtshams sbyor ba dang / mtshams sbyor ba ma lags pa'i mtshan nyid bdag la bshad du gsol/ de bzhin gshegs pa dgra bcom pa yang dag par rdzogs pa'i sangs rgyas kyis bdag la bshad du gsol/ bcom ldan 'das kyis bka' stsal pa/ legs so legs so// blo gros chen po de'i phyir shin tu legs par nyon la yid la zung zhig dang / ngas khyod la bshad do// legs so/ bcom ldan 'das zhes gsol nas/ byang chub sems dpa' sems dpa' chen po blo gros chen pos bcom ldan 'das la slar nyan pa dang / bcom ldan 'das kyis de la 'di skad ces bka' stsal to// blo gros chen po chos thams cad kyi sgra ji bzhin du mngon par chags pa'i mtshams sbyor ba ni tshad med de/ mtshan nyid la mngon par chags pa'i mtshams sbyor ba dang / rkyen la mngon par chags pa'i mtshams sbyor ba dang / dngos po dang dngos po med pa la mngon par chags pa'i mtshams sbyor ba dang / skye ba dang / mi skye bar rnam par rtog pa la mngon par chags pa'i mtshams sbyor ba dang / 'gog pa dang 'gog pa med pa la mngon par chags pa so sor rnam par rtog pa'i mtshams sbyor ba dang / mtshan la mngon par chags pa'i mtshams sbyor ba dang / theg pa dang theg pa ma yin pa la mngon par chags pas so so rnam par rtog pa'i mtshams sbyor ba dang / 'dus byas dang 'dus ma byas la so so rnam par rtog pa la mngon par chags pa'i rnam par rtog pa'i mtshams sbyor ba dang / sa dang sa'i rang gi mtshan nyid rnam par rtog pa la mngon par chags pa'i mtshams sbyor ba dang / rang gi rnam par rtog pa mngon par rtogs pa'i rnam par rtog pa'i mtshams spor ba dang / yod pa dang med pa'i phyogs mu stegs can gyis gnas la so sor rnam par rtog pa'i mtshams sbyor ba dang / theg pa gsum dang theg pa gcig mngon par rtogs pa rnam par rtog pa'i mtshams sbyor ba dang / blo gros chen po de dag dang gzhan rnams ni byis pa so so'i skye bo rnams kyi rang gi yul la rnam par rtog pa'i mtshams sbyor ba yin te/ byis pa so so'i skye bo rnams mtshams sbyor ba dag la mtshams sbyar nas/ dngos po dang dngos po med par mtshams sbyor ba'i mtshan nyid la mngon par chags shing zhen pas/ so sor rnam par rtog cing dar gyi srin bu bzhin du rang gi rnam par rtog pa'i lta ba mtshams sbyor ba 'dod pa'i phyir/ rang gi rnam par rtog pa lta ba mtshams sbyor ba'i skud pas bdag dang gzhan la yongs su 'khri'o// blo gros chen po chos thams cad rab tu dben par mthong bas/ 'di la mtshams sbyor ba dang / mtshams sbyor ba'i mtshan nyid gang yang med do// blo gros chen po rnam par rtog pa dang mi 'jug pa'i phyir/ byang chub sems dpa' sems dpa' chen po chos thams cad la dben par lta zhing gnas so/ / gzhan yang blo gros chen po phyi rol gyi dngos po dngos po med pa rang gi se snang ba'i mtshan nyid khong du chud cing / snang ba med pa rang gi sems tsam gyi rjes su 'brang ba dang / yod pa dang med pa'i dngos po thams cad la rnam par rtog pa'i mtshams sbyor ba rab tu dben par mthong bas chos thams cad la mtshams sbyor ba'ang med/ mtshams sbyor ba'i mtshan nyid kyang med do// blo gros chen po 'di la gang yang bcing ba'ang med/ 'grol ba'ang med do// gzhan du na log par lhung ba'i blos bcings pa dang thar par shes so/ / de ci'i phyir zhe na/ 'di lta ste/ chos thams cad la yod pa dang med pa dang med pa las mtshams sbyor ba mi dmigs pa'i phyir ro// gzhan yang blo gros chen po byis pa so so'i skye bo rnams kyi mtshams sbyor ba rnam pa gsum mo// de ni 'dod rlabs dang / zhe sdang dang / gti mug yin te/ dga' ba'i 'dod chags dang ldan pa'ang srid pa can gyi sred pa dang / gang la mtshams sbyar nas 'gro ba rnams kyi mtshams kyi mtshams sbyor ba 'byung ba'o// de la sems can rnams kyi 'gro ba lnga mtshams sbyor ba ni mtshams sbyor ba yin te/ blo gros chen po mtshams sbyor ba chad nas ni/ mtshams sbyor ba dang / mtshams sbyor ba'i mtshan nyid du shes pa'ang med do// gzhan yang blo gros chen po gsum 'dus pa'i rkyen dang / bya ba sbyor ba la mngon par chags pa'i phyir/ rnam par shes pa rnams kyi mtshams sbyor te/ bar chad med par 'jug pa'i tshul du mngon par chags pas/ srid pa'i mtshams sbyor bar 'gyur ro// rnam par shes pa rnams kyi gsum 'dus pa'i rkyen las bzlog pa dang / rnam par thar pa gsum mthong bas// mtshams sbyor ba thams cad mi 'byung ngo / / de la 'di skad ces bya ste/ yang dag ma yin yongs rtog ni// mtshams sbyor mtshan nyid ces bya ste// de ni yang dag yongs shes na// mtshams sbyor ba ya tra ba 'chad/ / dngos por shes pa'i sgra 'dzin pas// ji ltar dar gyi srin bu bzhin// byis pa mtshams sbyor mi mkhas pa// rang gi rnam par rtog pas 'ching // yang blo gros chen bos gsol pa/ gang bcom ldan 'das kyis 'di skad du/ rnam par rtog pa gang dang gang gis dngos po gong dang gang brtags pa nyid de/ de dag la rang bzhin med do zhes bka' stsal pa/ bcom ldan 'das gal te kun brtags pa nyid lags te/ dngos po'i rang bzhin gyi mtshan nyid mi rig na/ bcom ldan 'das kyis de skad ces bka' stsal pa/ chos thams cad kun brtags pa'i rang bzhin du gyur pas/ kun nas nyon mongs pa dang / rnam par byang ba'i dngos po'ang ma mchis par 'gyur ro// bcom ldan 'das kyis bka' stsal pa/ blo gros chen po de de bzhin te/ ji skad smras pa bzhin no// blo gros chen po ji ltar byis pa so so'i skye bo rnams kyis dngos po'i rang bzhin rnam par brtags pa de lta bur ma yin te/ de ni kun brtags pa nyid de/ dngos po'i rang zhin dang mtshan nyid mi rig go/ blo gros chen po 'on kyang 'phags pa rnams kyis 'phags pa'i ye shes dang / 'phags pa'i mthong ba dang / 'phags pa'i shes rab kyi mig gis dngos po'i rang bzhin ji ltar rtogs pa de lta bur dngos po'i rang bzhin yin no/ / blo gros chen pos gsol pa/ bcom ldan 'das gal te 'phags pa rnams kyi 'phrul dang sha'i mig gis ma lags kyi/ 'phags pa'i ye shes dang / 'phags pa'i mthong ba dang / 'phags pa'i shes rab kyi mig gis dngos po'i ngo bo nyid rtogs pa de bzhin du 'gyur te/ byis pa so so'i skye bo dag gis dngos po'i rang bzhin ji ltar brtags pabade ltar ma lags na/ bcom ldan 'das de ji ltar 'phags pa'i ngo bo'i dngos po khong du ma chud pa'i phyir/ byis pa so so'i skye bo rnams kyi rnam par rtog pa ldog par 'gyur/ bcom ldan 'das de dag ni phyin ci log kyang ma lags/ phyin ci ma log pa'ang ma lags so// de ci'i slad du zhe na/ 'di lta ste/ 'phags pa'i dngos po'i ngo bo rang bzhin khong du ma chud pa dang / yod pa dang med pa'i mtshan nyid las ldog pa mthong ba'i slad du'o/ / bcom ldan 'das 'phags pa rnams kyis dngos po ji ltar rnam par brtags pa'ang rang gi mtshan nyid kyi yul la spyod yul ma lags pa'i phyir/ de bzhin du mi 'gyur ro// bcom ldan 'das de dag gi dngos po'i rang bzhin dang mtshan nyid de'ang sgyu ma bstan pas/ kun brtags pa'i rang bzhin du snang ngo // 'di lta ste/ dngos po'i mtshan nyid la lta bar lhung bas/ gzhan dag gi spyod yul du 'gyur te/ bcom ldan 'das dngos po'i rang gi mtshan nyid khong du ma chud pa'i phyir/ de dag ji lta ba bzhin du ma lags pas thug pa ma mchi par 'gyur ro/ / bcom ldan 'das kun brtags pa'i rang bzhin rgyu las skyes pa/ dngos po'i rang bzhin gyi mtshan nyid ma lags pa na/ de ji ltar kun rtog pas so sor rnam par brtags pa jiH byar brtags pa de bzhin du mi 'gyur/ bcom ldan 'das so sor rnam par rtog pa'i mtshan nyid kyang gzhan/ dngos po'i rang bzhin gyi mtshan nyid kyang gzhan te/ bcom ldan 'das rnam par rtog pa dang / rang bzhin gyi mtshan nyid rgyu mi mthun pa de dag byis pa so so'i skye bo rnams kyis phan tshun du brtags na/ ji ltar de bzhin du mi 'gyur/ ji ltar sems can rnams kyi rnam par rtog/ pa bzlog pa'i slad du/ ji ltar so sor rnam par rtog pas rnam par brtags pa de bzhin du med do zhes bgyi 'am/ bcom ldan 'das ci khyod kyis sems can rnams yod pa dang med par lta ba bzlog ste/ dngos po'i rang bzhin la mngon par chags pa dang / 'phags pa'i ye shes kyi spyod yul dang / yul la mngon par chags pas/ yod par lta ba la dgod dam/ 'phags pa ye shes kyi ngo bo nyid kyi dngos po bstan pas/ rab tu dben pa'i chos bstun pa ma mchis par bgyi'am/ bcom ldan 'das kyis bka' stsal pa/ blo gros chen po 'phag pa'i dngos po'i rang bzhin bstan pas/ ngas rab tu dben pa'i chos bstan pa med par bya ba'ang ma yin/ yod par lta ba la dgod pa'ang ma yin gyi/ blo gros chen po ngas thog ma med pa'i dus nas dngos po'i rang bzhin gyi mtshan nyid la mngon par chags pa'i sems can rnams kyi skrag pa'i gnas yongs su spang ba'i phyir/ 'phags pa'i ye shes kyi dngos po'i rang bzhin las mngon par chags pa'i mtshan nyid du lta bas rab tu dben pa'i chos bstan par bya ste/ blo gros chen po ngas dngos po'i rang bzhin bstan pa ni ma byas mod kyi// blo gros chen po 'di lta ste/ bdag nyid kyis yang dag pa ji lta ba bzhin du khong du chud pas dben pa'i chos la spyod par 'gyur ro/ / nor pa la mtshan ma med par mthong bas/ rang gi sems snang ba tsam du zhugs shing / phyi rol gyi snang ba'i dngos po dang dngos po med pa las lta ba rnam par bzlog ste/ rnam par thar pa gsum gyis yang dag pa ji lta ba bzhin du khong du chud ba'i phyag rgyas shin tu btab cing / yod pa dang med pa'i dngos po rnam par spangs pas dngos po'i rang bzhin rnams la so so rang gis rig pa'i blos mngon sum du gnas par 'gyur ro/ / gzhan yang blo gros chen po byang chub sems dpa' sems dpa' chen pos chos thams cad ma skyes parda zhes dam bca' bar mi bya'o/ / de ci'i phyir zhe na/ dam bca' ba'ang dngos po thams cad kyi nang du 'du ba dang / de'i rgyus 'jug pa'i mtshan nyid kyi phyir/ dngos po thams cad ma skyes pa'o zhes dam bcas te smras na/ blo gros chen po byang chub sems dpa' sems dpa' chen po dam bcas pa las nyams par 'gyur ro// dam bcas pa'ang de la bltos te 'byung bas nA/ dngos po thams cad ma skyes pa'o zhes dam gang bcas pa de'i dam bcas pa de'ang nyams par 'gyur ro/ / de skye dam bcas pa de'ang chos thams cad kyi nang du gtogs pa'i phyir/ ma skyes pas na dam bcas pa'ang mtshan nyid tha mi dad de/ ma skyes pa'i phyir chos thams cad ma skyes par smra ba ni rab tu nyams par 'gyur ro// dam bcas pa'i yan lag gi rgyus dam bcos pa yod pa dang / med pa las ma skyes so// blo gros chen po dam bcas pa de'ang dngos po thams cad kyi nang du gtogs pas/ yod pa dang med pa las ma skyes pa'i mtshan nyid do// blo gros chen po gal te dam bcas pa ma skyes pa des/ dngos po thams cad ma skyes pa'o zhes dam 'cha' bar byed na/ de ltar na'ang dam bcas pa las nyams par 'gyur ro// dam bcas pa'ang yod pa dang / med pa las mi skye bo'i dngos po'i mtshan nyid pas na/ dam bca' bar mi bya'o// blo gros chen po de dag gi dam bca' ba'ang ma skyes pa'i rang bzhin gyi mtshan nyid yin te/ de lta bas na blo gros chen po nyes pa mang po'i skyon chags pa'i phyir/ khyod kyis dam bca' bar mi bya'o// yan lag rnams kyang phan tshun rgyur gyur pa'i mtshan nyid mi 'dra ba dang byas pa'i phyir/ yan lag rnams dam bca' bar mi bya'o// blo gros chen po 'di lta ste/ chos thams cad ma skyes pa dang / de bzhin du chos thams cad stong pa dang / ngo bo nyid med pa'o zhes bya/ chub sems dpa' sems dpa' chen pos dam bca' bar mi bya mod kyi/ blo gros chen po byang chub sems dpa' sems dpa' chen pos dngos po thams cad sgyu ma dang rmi lam lta bur bstan par bya ste/ gzhan du na blo gros chen po byis pa rnams yod pa dang med par lhung ba de dag skrag par mi 'gyur ba dang / theg pa chen po las ri 'u mi 'gyur bar/ byis pa rnams kyi skrag pa'i gnas spang ba'i phyir/ snang ba dang mi snang ba'i mtshan nyid dang / lta ba dang / blo slu bar byed pa'i phyir chos thams cad sgyu ma dang rmi lam lta bur bstan par bya'o// de la 'di skad ces bya ste/ rang bzhin med cing rnam rig med/ / dngos po med cing kun gzhi med// 'di dag ro bzhin byis pa yi// log pa'i rtog po can gyis brtags// chos rnams thams cad ma skyes par// mu stegs kun la bsgrag pa'i phyir/ / dngos po rkyen dang ldan pa ni// su la'ang skyes pa yong med do// dngos po thams cad ma skyes par// dam bca' ba la mi brtag ste// de 'grub de rgyu ldan pa'i phyir// de dag blo yang nyams par 'gyur/ / ji ltar log pa sgra shad 'dzings// skye bo rab rib can gyis mthong // de bzhin dngos por rnam rtog 'di// log pa byis pas rnam par brtags// sbrid pa gsum ni brtags pa tsam/ / dngos po'i rang bzhin yod med de// brtags pa'i dngos po'i rang bzhin du// rtog pa can rnams rtog par 'gyur// mtshan dang dngos po rnam rig dang // yid kyi rnam par g.yos pa las/ / nga yi sras rnams 'das nas ni// de dag rnam par mi rtog spyod// smig rgyu ba la ji lta bur// chu med pa la chu 'dzin pa// snang la byis pa de bzhin te// 'phags pa rnams ni khyad par ldan/ / 'phags pa'i mthong ba dag pa ste// rnam par thar pa gsum las skyes// skye dang 'jig las rnam grol te// snang ba med pa rab tu spyod// dngos po rnams ni snang med de// rnal 'byor can la med pa'ang min// dngos dang dngos med mnyam pas ni// 'phags pa rnams kyi 'bras bu skye// ji ltar dngos po'i dngos med dang // mnyam pa nyid du ji ltar byed// phyi dang nang gi g.yo ba rnams/ / nam zhig sems kyis mi shes na// de la 'jig par byed pa ste// sems kyis mnyam pa nyid kyang mthong // blo gros chen pos gsol pa// bcom ldan 'das kyis 'di skad du nam dmigs par bya ba'i don shes pas mi dmigs pa de na/ rnam par rig pa tsam du bzhag pa yin te/ rnam par rig pa'i gzungs med pas 'dzin pa'ang 'dzin pa med pa yin no/ / de 'dzin pa med pas rnam par rtog pa zhes bsgrags pa'i rnam par shes pa'ang mi 'jug go zhes gsungs na/ bcom ldan 'das dngos po rnams kyi rang bzhin spyi'i mtshan nyid sna tshogs tha mi dad par khong du ma chung pa'i phyir shes pas mi dmigs sam/ 'on te rang dang spyi'i mtshan nyid sna tshogs kyis dngo po'i ngo bo nyid zil du rlag pa'i phyir shes bras mi dmigs sam/ de ste rtsig pa dang / re lde dang / rdzing dang / ra ba dang / sa dang / chu dang / rlung dang / mes chod pa rnams dang / rgyang ring po dang nye ba'i phyir shes bya'i don shes pas mi dmigs sam/ de ste long ba dang / byis pa dang / rgan po'i dbang po dang ldan pas/ shes bya'i don dmigs/ bcom ldan 'das de gal te rang dang spyi'i mtshan nyid sna tshogs tha mi dad pa khong du ma chud pa'i phyir shes par mi dmigs na ni/ bcom ldan 'das shes pa zhes kyang mi bgyi ste/ gang don yod pa mi dmigs pa de ni mi shes pa'o// de ste rang dang spyi'i mtshan nyid sna tshogs kyis dngos po'i ngo bo nyid zil du rlag pa'i phyir shes pas mi dmigs na ni/ bcom ldan 'das de'ang mi shes pa ste/ shes pa ma lags so// bcom ldan 'das shes bya yod na/ shes pa 'byung gi/ med pa las ma lags te/ de dang ldan pas na shes bya zhes bgyi'o// de ste rtsig pa dang / re lde dang / rdzing dang / ra ba dang / sa dang / chu dang / rlung dang / mes chod pa rnams dang / rgyang ring po dang / nye ba'i phyir mi dmigs pa dang / byis pa dang / rgan po dang / long bar gyur pas/ dbang po rnams ma tshang ba'i phyir shes pas mi dmigs na ni/ bcom ldan 'das blo ma tshang ba'i phyir/ yod pa'i don mi dmigs te/ de ni shes pa ma lags kyi/ mi shes pa'o// bcom ldan 'das kyis bka' stsal pa/ blo gros chen po de ni de ltar na mi shes pa ma yin te/ shes pa'o// blo gros chen po ngas de la dgongs te/ nam dmigs pa'i don shes pas mi dmigs pa de ni/ rnam par rig pa tsam du bzhag pa yin no zhes ma bshad de/ rang gi sems snang ba tsam du khong du chud pa dang / yod pa dang med pa las phyi rol gyi dngos po med pa'i phyir/ shes pas don mi dmigs so// de mi dmigs pa'i phyir/ shes bya dang shes pa mi 'byung ngo // rnam par thar pa gsum rjes su rtogs pas/ shes pa'ang mi dmigs te/ rtog pa can thog ma med pa'i dus na/ dngos po dang dngos po med pa spros pa'i bag chags kyis bsgos pa'i blo can rnams kyis ni de ltar mi shes so// de dag mi shes pas phyi rol gyi rdzas dang dbyibs dang / mtshan nyid kyi dngos po med do zhes byas nas/ rnam par rtog pa mi 'byung ba ni sems tsam du ston to// bdag dang bdag gi mtshan nyid du 'dzin pa la mngon par chags shing zhen pa/ rang gi sems snang ba tsam du khong du ma chud pas/ shes pa dang shes byar so sor rnam par rtog ste/ de dag shes pa dang shes byar so sor rnam par rtog pas/ phyi rol gyi dngos po dang dngos po med pa la rab tu rnam par 'byed pa mi dmigs pas/ chad par lta ba la rab tu rten to// de la 'di skad ces bya ste/ de ste dmigs bya yod bzhin du// shes byas mthong bar mi 'gyur na/ / de ni shes min mi shes pa// de dag rtog can rnams kyi tshul// gzhan min mtshan nyid med pa dang / chod pa dang ni nye ring phyir// de ste shes pas mi mthong na// de ni log pa'i shes zhes bya/ / byis pa rgan po ljongs gyur pas// shes bya de yang yod bzhin du// gal te shes pa mi skye na// de yang log pa'i shes zhes bya// gzhan yang blo gros chen po byis pa so/ so'i skye bo rnams thog ma med pa'i dus kyi spros pa/ lus kyi gnas ngan len rang gi so sor rnam par rtog pa'i gar thabs su gar byed cing / rang gi grub pa'i mtha'i tshul bstan pa la mi mkhas te/ rang gi sems snang ba'i phyi rol gyi dngos po mtshan nyid du mngon par chags pas/ thabs su bstan pa brjod pa la mngon par chags te/ mtha' bzhi tshul rnam par dag pa rang gi grub pa'i mtha'i tshul ni rab tu mi sgom mo/ / blo gros chen pos gsol pa/ bcom ldan 'das de bzhin te/ bka' stsal pa bzhin no// bcom ldan 'das bdag dang byang chub sems dpa' sems dpa' chen po gzhan rnams ma 'ongs pa'i dus na bshad pa dang / grub pa'i 'tha'i tshul la mkhas pa/ mu stegs can dang / nyan thos dang / rang sangs rgyas kyi theg pa pa log par rtog pa can rnams kyis slu bar mi 'gyur ba'i bshad ba dang / grub pa'i mtha'i tshul gyi mtshan nyid bdag la bshad du gsol/ bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung zhig dang ngas khyod la bshad do/ / legs so bcom ldan 'das zhes gsol nas/ byang chub sems dpa' sems dpa' chen po blo gros chen po bcom ldan 'das la slar nyan pa dang / bcom ldan 'das kyis de la 'di skad ces bka' stsal to/ / blo gros chen po 'das pa dang / ma 'ongs pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi tshul ni rnam pa gnyis so/ / 'di lta ste/ bstan pa'i tshul dang / grub pa'i mtha'i so sor gzhag pa'i tshul lo// de la bstan par brjod pa'i tshul gang zhe na/ 'di lta ste/ blo gros chen po tshogs kyi mdo bshad pa ste/ sems can rnams la sems dang mos pa ji lta ba bzhin du ston to// blo gros chen po de la grub pa'i mtha'i tshul gang zhe na/ 'di lta ste/ gang gis rnal 'byor can rnams rang gi sems snang ba'i rnam par rtog pa rnam par ldog par byed pa'o// 'di lta ste/ gcig pa dang / tha dad pa dang / gnyis ka dang / gnyis ka ma yin pa'i phyogs dang bral ba/ sems dang / yid dang / yid kyi rnam par shes pa las 'das pa/ bdag gi so so rang gis rig pa'i 'phags pa'i spyod yul rgyu dang / lta ba dang / rigs pa'i mtshan nyid las rnam par bzlog pa/ mu stegs byed pa dang / nyan thos dang / rang sangs rgyas kyi theg pa pa log pa'i rtog pa can yod pa dang med pa'i mthar lhung ba rnams kyis ma myangs pa de ni ngas grub pa'i mthar bshad do/ / blo gros chen po de ltar grub pa'i mtha'i tshul dang / bstan pa'i mtshan nyid de la khyod dang / byang chub sems dpa' sems dpa' chen po gzhan dag gis brtson par bya'o/ / de la 'di skad ces bya ste/ nga yi tshul ni rnam gnyis te// grub pa'i mtha' dang bstan pa'o// byis pa rnams la brjod pa bshad// rnal 'byor can la grub mtha' 'o/ / de nas yang byang chub sems dpa' sems dpa' chen po blo gros chen pos/ bcom ldan 'das la 'di skad ces gsol to// bcom ldan 'das re zhig dus gcig gi tshe// / de bzhin gshegs pa dgra bcom pa yang dag par rdzogs pa'i sangs rgyas kyis bka' stsal pa/ 'di lta ste/ 'jig rten rgyang 'phen pa'i sngags dang / spobs pa sna tshogs can la mi bsten to/ / mi 'grogs so// bsnyen bkur mi bya ste/ de la bsnyen pas 'jig rten gyi zang zing kun sdud de/ chos sdud pa ma yin no zhes gsungs na/ ci'i slad du 'jig rten rgyang 'phen pa sngags dang spobs pa sna tshogs can de la brten pas/ 'jig rten gyi zang zing kun sdud de/ chos sdud par mi 'gyur ro zhes bcom ldan 'das kyis gsungs/ blo gros chen po 'jig rten rgyang 'phen pa ni/ sngags dang spobs pa sna tshogs can te/ rgyu dang / tshig dang / yi ge sna tshogs kyis byis pa dag rnam par rmongs par byed do// rigs pa dang ldan pas ma yin/ don dang ldan pas ma yin no/ / 'di ltar byin byis pa'i smra ba ston te/ blo gros chen po de'i phyir 'jig rten rgyang 'phen pa sngags dang spobs pa sna tshogs can zhes bya'o// yi ge sna tshogs sman pas byis pa rnams yang dag pa'i tshul la rab tu 'jug pas ni mi 'jug go/ / bdag nyid chos thams cad khong du chud cing / mtha' gnyis su lhung ba'i lta bas byis pa dag rnam par rmongs par byed de/ 'gro ba'i mtshams las rab tu ma thar pa'i phyir/ bdag nyid kyang phung bar byed de/ rang gi sems snang ba tsam du khong du ma chud cing / phyi rol gyi dngos po'i rang bzhin la mngon par chags pas/ rnam par rtog par mi 'gyur ro// de bas na de'i phyir blo gros chen po 'jig rten rgyang 'phen pa sngags dang / spobs pa sna tshogs can ni skye ba dang / rga ba dang / na ba dang / 'chi ba dang slob pa'i mya ngan dang / smre sngags 'don pa dang / sdug bsngal ba dang / yi mug pa dang / 'khrug pa la sogs pa las yongs su mthar te/ tshig dang yi ge sna tshogs dang / rgyu dang dpe nye bar bsgrubs pas byis pa dag rnam par rmongs par byed do/ / blo gros chen po de'i slob ma klu'i gzugs dang cha byang 'dzin pas/ dbang po'ang gtsug lag mang po la mkhas pa'i slob dpon te rang gi sgra'i gtsug lag ston pa yin mod kyi/ mtho ris su dbang po'i 'khor 'dus par dam bca' bar byas te/ yang na khyod kyi shing rta rtsib ma stong pa bcag go/ yang na nga'i klu'i lus dang mgo gdengs ka can re re nas gcad do zhes dam bcas nas/ 'jig rten rgyang 'phen pa'i slob ma klu'i gzugs dang cha byad 'dzin pas/ brgya byin lnga'i dbang po chos dang ldan pa pham par byas te/ shing rta rtsib ma stong pa bcag nas/ slar 'jig rten 'dir 'ongs so// de ltar blo gros chen po 'jig rten rgyang 'phen pa ni rgyu dang dpe sna tshogs su 'brel pa ste/ 'di ltar byol song las bslabs pas kyang / lha dang lha ma yin gyi 'jig rten gyi tshig dang / yi ge sna tshogs kyis rnam par rmongs par byed de/ 'du ba dang zad par lta bas mngon par chags/ pa la rab tu 'god na/ mi rnams lta la ci smos/ des na de'i phyir blo gros chen po 'jig rten rgyang 'phen pa ni sdug bsngal skye ba'i rgyu thob par byed pas yongs su spang bar bya ba yin te/ mi bsnyen to/ / mi bsten to// bsnyen bkur mi bya'o// blo gros chen po 'jig rten rgyang 'phen pa rnams ni lus dang / blo dang / yul mi dmigs pa tsam du tshig dang yi ge sna tshogs kyis ston to/ / blo gros chen po 'jig rten rgyang 'phen pa ni 'bum las phyi ma'i dus phyi ma'i tshe/ lnga brgya tha ma la ngan pa'i rtog ge'i rgyur lta ba bstan pas bsdus pa 'di gyes par 'gyur ro// slob ma ma yin pa yongs su bzung bas/ bsdus pa gyes par 'gyur te/ blo gros chen po 'jig rten rgyang 'byen pa rnams kyi bsdus pa'ang rgyu dang tshig sna tshogs su 'brel pa gyes pa de nyid rang gi rgyu la chags shing zhen pa'i mu stegs byed rnams 'drad de/ rang gi tshul ni ma yin no// blo gros chen po mu stegs byed gang la'ang rang gi gtsug lag gi tshul med de/ gzhan du na 'jig rten rgyang 'phen nyid rgyu'i sgo rnam pa brgya stong du mas 'chad de/ bdag gi tshul ma yin mod kyi/ gti mug pas 'di ni rgyang 'phen du mi shes so// blo gros chen pos gsol pa bcom ldan 'das gal te mu stegs byed rnams rang gi rgyu la chags shing zhen pas/ 'jig rten rgyang 'phen nyid tshig dang yi ge dpe nye bar bsgrub pa sna tshogs kyis 'chad de/ rang gi tshul ma lags na/ ci bcom ldan 'das kyang mu stegs byed thams cad kyi gzhung nye bar ston pa'i nang du gtogs pas/ lha dang / mi dang / lha ma yin 'ongs shing lhags pa phyogs so so nas 'dus pa rnams la tshig dang yi ge sna tshogs kyis 'jig rten rgyang 'phen nyid ston te/ rang gi gzhung ma lags sam/ bcom ldan 'das kyis bka' stsal pa/ blo gros chen po nga ni 'jig rten rgyang 'phen pa mi 'chad de/ 'du ba dang zad pa ma yin gyi/ blo gros chen po 'du ba dang zad pa med pa ston to// de la blo gros chen po 'du ba zhes bya ba ni skye ba'i phung po ste/ 'dus pa 'ong ba las byung ngo / / de la blo gros rten po zad pa zhes bya ba ni 'jig pa'o// 'du ba dang zad pa med pa zhes bya ba 'di ni mi skye ba'i tshig bla dgas te/ blo gros chen po nga ni mu stegs byed thams cad kyi rnam par rtog pa'i nang du gtogs par mi 'chad do/ / de ci'i phyir zhe na/ 'di lta ste/ phyi rol gyi dngos po dang dngos po med pa la ma chags shing / rang gi sems snang ba tsam la gnas pa dang / 'jug pa rnam pa gnyis su rnam par rtog pa mi 'jug pa dang / mtshan ma'i spyod yul med pa dang / rang gi sems snang ba tsam du khong du chud pas/ rang gi sems snang ba'i rnam par rtog pa mi 'jug go/ / rnam par rtog pa mi 'jug pas mtshan ma med pa dang / stong pa nyid dang / smon pa med pa'i rnam par thar pa gsum la zhugs pa'i phyir grol ba zhes bya'o/ / blo gros chen po ngas mngon par shes pa dus gcig gi tshe/ sa phyogs shig na 'dug pa na/ bram ze 'jig rten rgyang 'phen pa zhig da ga la ba dar 'ongs te phyin pa dang / bcom ldan 'das kyis skabs ma phye bar nga la 'di skad ces zer ro/ / kye go'u ta ma thams cad ni byas pa'o// blo gros chen po ngas de la 'di skad ces byas so// kye bram ze gal te thams cad byas she na/ 'di ni 'jig rten rgyang 'phen dang po'o// kye go'u ta ma thams cad ma byas pa'o// gal te bram ze thams cad ma byas she na/ de'ang 'jig rten rgyang 'phen gnyis pa'o// de bzhin du thams cad mi rtag pa dang / thams cad rtag pa dang / thams cad bskyed pa dang / thams cad bskyed pa ma yin pa de ni/ bram ze'i 'jig rten rgyang 'phen drug go// yang blo gros chen po bram ze'i 'jig rten rgyang 'phen pa nga la 'di skad ces zer ro/ / kye go'u ta ma 'thad pa'i gtan tshigs mthong bas na/ thams cad gcig pa'o// thams cad tha dad pa'o// thams cad gnyis ka'o/ / thams cad gnyis ka ma yin pa'o// thams cad rgyu la rag lus pa'o// de dag ni zam ze'i 'jig rten rkyang 'phen bcu gcig go// gzhan yang kye go'u ta ma thams cad lung bstan pa'o/ / thams cad lung ma bstan pa'o// bdag yod do// bdag med do// 'jig rten 'di yod do// 'jig rten 'di med do// 'jig rten pha rol yod do// 'jig rten pha rol med do/ / 'jig rten pha rol yod med gnyis ka'o// thar pa yod do// thar pa med do// thams cad skad cig pa'o// thams cad skad cig pa ma yin pa'o// nam mkha' dang / ma brtags par 'gog pa dang / mya ngan las 'das pa ni/ kye go'u ta ma byas pa'o// ma byas pa'o// bar ma do'i srid pa yod do// bar ma do'i srid pa med do// blo gros chen po ngas de la 'di skad ces byas so/ / kye bram ze de ltar na de dag kyang 'jig rten rgyang 'phen pa nyid yin te/ kye bram ze 'jig rten rgyang 'phen pa 'di ni khyod yin gyi/ nga'i ma yin no// kye bas ze ni thog ma med pa'i dus na spros par rnas byur pa'i bag chags gnas dun len gyi rgya las srid pa gsum skyes par ston te/ zam ze rang na sems snang ba tsam du khong du ma chud pas/ rnam par rtog pa 'byung gi/ phyi rol gyi dngos po med pa las ni ma yin no// 'di lta ste/ mu stegs byed rnams kyi bdag dang / dbang dang / don gsum phrad pa lta bu nga'i ma yin no// kye bram ze nga ni rgyur smra ba'ang ma yin/ rgyu med par smra ba'ang ma yin te/ gzhan du rnam par rtog pa nyid gzung ba dang 'dzin pa'i dngos por rab tu bzhag ste/ rten cing 'brel te 'byung bar bstan to// khyod lta ba dang bdag tu 'dzin pa lhung ba'i rgyud can gzhan dag mi rig go// blo gros chen po mya ngan las 'das pa dang / nam mkha' dang / 'gog pa dang / grangs gsum du'ang mi rung na/ byis pa lta ci smos/ gzhan yang blo gros chen po bram ze'i 'jig rten rgyang 'phen pa la 'di skad ces zer ro// kye ko'u tam srid pa gsum po 'di mi shes pa dang / sred pa dang / lab kyi rgyu las byung ngam/ de ste rgyu med pa/ kye bram ze 'di dag gnyis ka'ang 'jig rten rgyang 'phen pa'o// kye go ru ta ma dngos po thams cad rang dang spyi'i mtshan nyid du lhung ba'o/ / kye bram ze de'ang 'jig rten rgyang 'phen nyid yin te/ bram ze ji tsam du yid las rnam par g.yos pa dang / phyi rol gyi don la mngon par chags shing / rnam par rtog pa de tsam du 'jig rten rgyang 'phen no// yang blo gros chen po bram ze 'jig rten rgyud 'phen pa ngal 'di skad zer ro// kye go'u ta ma bdag gi grags pa ni mu stegs byed thams cad kyis tshig dang / yi ge dang / rgyu dang / dpe sna tshogs nye bar grub pas ston na/ kye go'u ta ma 'jig rten rgyang 'phen pa ma yin pa gang yang yod dam/ kye bram ze gang khyod kyi'ang ma yin la/ ma grub pa'ang ma yin/ tshig dang yi ge sna tshogs kyis mi ston pa'ang ma yin/ don dang ma ldan pa'ang ma yin te/ don dang ldan pa yod do// gang ma grub par ston pa de 'jig rten rgyang 'phen pa ma yin nam/ kye bram ze phyi rol gyi dngos po yang dag pa ma yin par rnam par rtog pa spros pa la mngon par chags pa'i mu stegs byed thams cad dang / khyod kyi blos mi rtogs pa 'jig rten rgyang 'phen pa ma yin pa yod do/ / 'di lta ste/ yod pa dang med pa las rnam par rtog pa mi 'jug pa/ rang gi sems snang ba tsam du khong du chud pas rnam par rtog pa mi 'jug ste/ phyi rol gyi yan lag la 'dzin pa med pas/ rnam par rtog pa rang gi gnas na/ de bas na 'jig rten rgyang 'phen ma yin pa 'di ni nga'i ste/ khyod kyi ma yin no// rang gi gnas na 'dug ces bya ba ni mi 'jug pa'i don te/ rnam par rtog pa mi skye ba ni mi 'jug pa zhes bya'o// kye bram ze de ltar na gang 'jig rten rgyang 'phen pa ma yin pa de ni mdor na kye bram ze gang du rnam par shes pa rgyu ba med pa// 'gro ba dang / 'chi 'pho dang / skye ba dang // 'dod ba dang / mngon par chags pas zhen pa dang / mthong ba dang / lta ba'i gnas dang / snyems pa dang / mtshan nyid sna tshogs la mngon par chags pa dang / 'du ba dang / sred pa'i mtshams sbyor ba dang / rgyu la mngon par chags pa de dag ni/ kye bram ze khyod kyi 'jig rten rgyang 'phen te/ nga'i ma yin no// blo gros chen po bram ze'i 'jig rten rgyang 'phen pa de 'ongs te/ nga la 'di skad dris nas/ de la ngas de dris nas/ de la ngas de skad du lan btab pa dang cang mi zer bar gyur te song ngo / / de nas yang nag po'i phyogs kyi klu'i rgyal po bram ze'i gzugs su 'ongs nas/ bcom ldan 'das la 'di skad ces gsol to// kye go'u ta ma 'on tang 'jig rten pha rol nyid kyang med do/ / 'on tang khye'u khyod gang nas 'dir 'ongs/ go'u ta ma bdag ni dkar po'i gling nas 'dir 'ongs so// bram ze de nyid 'jig rten pha rol yin no// de nas khye'u spobs pa med par tshar bcad nas/ me snang bar gyur to// nga la ma dris rang gi tshul so sor bca' ba brjod pa sems te/ shAkya'i bu mo ni nga'i tshul gyi phyi rol te/ nyon mongs 'jug pa med pa dang mtshan nyid med pa dang / rgyu med par smra zhing rang gi rnam par rtog pa snang ba'i mtshan nyid khong du chud pas rnam par rtog pa mi 'jug par smra snyam mo// blo gros chen po khyod kyang 'jig rten rgyang 'phen pa sngags dang spobs pa sna tshogs can la bsnyen nas/ zang zing kun sdud par 'gyur te/ chos sdud pa ma yin zhes ci'i phyir nga la de skad 'dri/ bcom ldan 'das zang zing dang chos zhes bgyi ba tshig gi don gang lags/ bcom ldan 'das kyis bka' stsal pa/ blo gros chen po gang khyod kyis ma 'ongs pa'i 'gro ba'i tshogs la bltas te/ tshig gi don gnyis dpyod par zhugs pa legs so legs so// blo gros chen po de'i phyir shin tu legs par nyon la zung zhig dang / ngas khyod la bshad do// legs so bcom ldan 'das zhes gsol nas/ byang chub sems dpa' sems dpa' chen po blo gros chen po bcom ldan 'das la slar nyan pa dang / bcom ldan 'das kyis de la 'di skad ces bka' stsal to// de la blo gros chen po zang zing gang zhe na/ 'di lta ste/ zang zing dang / reg pa dang 'dren pa dang / nyug dang / snyems pa dang / myang ba dang / phyi rol gyi yul la mngon par chags pa dang / lta ba ngan pas mtha' gnyis la 'jug pa dang / phung po'ang 'byung ba dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yi mug pa dang / 'khrug pa 'byung ba dang / yang srid pa can gyi sbed pa la sogs pa ni/ nga dang sangs rgyas gzhan dag gis kyang zang zing zhes brjod do/ / blo gros chen po 'di ni 'jig rten rgyang 'phen pa de la bstan pas zang zing kun sdud par 'gyur te/ chos mi sdud pa dang / 'jig rten rgyang 'phen 'thob par 'gyur ro/ / de la blo gros chen po chos sdud pa gang zhe na/ 'di lta ste/ rang gi sems kyis chos bdag med pa gnyis khong du chud pa dang / chos dang / gang zag la bdag med pa'i mtshan nyid mthong bas/ rnam par rtog pa mi 'jug pa dang / sa rnams gong nas gong du yongs su shes pas/ sems dang / yid dang / yid kyi rnam par shes pa sangs rgyas thams cad kyi ye shes su dbang bskur ba rtogs pa dang / thug pa med pa'i gnas yongs su bzung ba dang / chos thams cad la lhun gyis grub pas dbang byed pa ni chos zhes bya'o// blo gros chen po lta ba tham cad kyi spros pa la rnam par rtog pa'i dngos po mtha' gnyis su lhung bar byed pas/ mu stegs byed smra ba ni 'di lta ste/ byis pa rnams phal cher rtag pa dang mtha' gnyis su lhung bar byed de/ mkhas pa rnams ni ma yin no/ / rgyu med par smra ba yongs su bzung bas/ rtag par lta bar 'gyur ro// rgyu zhig pas rgyu'i dngos po med pa'i phyir chad par lta bar 'gyur te/ skye ba dang / gnas pa dang / 'jig pa dang / mi mthong bas chos zhes bya'o// de ni blo gros chen po chos dang zang zing nges par gtan la dbab pa yin te/ de la khyod dang byang chub sems dpa' sems dpa' chen po gzhan dag gis bslab par bya'o/ / de la 'di skad ces bya ste/ bsdu ba dag gis sems can 'dul// tshul khrims kyis ni dbang du bya// shes rab dag gis lta ba gzhig/ rnam par thar pa shin tu spel/ 'di kun 'jig rten rgyang 'phen te// mu stegs can gyis gang bshad brdzun// rgyu dang 'bras bu yod lta bas// rang gi grub pa'i mtha' yang med// nga 'di gcig pu rang grub mtha'// rgyu dang 'bras bus rnam par spangs/ / 'jig rten rkyang 'phen rnam bral ba// slob ma'i sde la bshad pa bya// sems tsam ste ni snang ba med// rtag dang chad pa spangs pa yi// gzung dang 'dzin pa dngos po ru/ / sems ni rnam pa gnyis su snang // ji srid sems ni 'jug pa'i bar// de srid 'jig rten rgyang 'phen yin// 'jig rten rang gi sems mthong na// rnam par rtog pa mi 'jug go/ / 'du ba 'bras bu don grub dang // zad pa 'bras bu ma mthong ba// 'du dang zad pa yongs shes na// rnam par rtog pa mi 'jug go// rtag dang mi rtag byas pa dang // ma byas pa dang gzhan min gzhan// de la sogs pa thams cad ni// 'jig rten rgyang 'phen tshul yin no// // bam po drug pa/ de nas yang byang chub sems dpa' sems dpa' chen po blo gros chen pos/ bcom ldan 'das la 'di skad ces gsol to// bcom ldan 'das 'di lta ste// mya ngan las 'das pa zhes gang mu stegs byed thams cad rnam par rtog pa/ mya ngan las 'das pa mya ngan las 'das pa zhes bgyi ba de gang gi tshig bla dgas lags/ bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung zhig dang / ji ltar mu stegs byed rnams mya ngan las 'das par rtog la/ de dag gi rnam par rtog pa dang 'thun par mya ngan las 'das par mi 'gyur bas ngas khyod la bshad do/ / legs so bcom ldan 'das zhes gsol nas/ byang chub sems dpa' sems dpa' chen po blo gros chen po bcom ldan 'das la slar nyan pa dang / de la bcom ldan 'das kyis 'di skad ces bka' stsal to// blo gros chen po mu stegs byed kha cig ni phung po dang / khams dang / skye mched rnams 'gog pa dang / yul la 'dod chags dang bral ba dang / rtag tu chos mi mthun pa mthong bas/ sems dang sems las byung ba mang po mi 'byung ste/ 'das pa dang / ma 'ongs pa dang / da ltar gyi yul mi dran pa dang / mar me dang / sa bon dang / rlung bzhin du rgyu zad pas/ rnam par rtog pa mi 'jug pa brjod do// de'i phyir de dag la mya ngan las 'das pa'i blor gyur mod kyi/ blo gros rnon po 'jig par lta bas mya ngan las mi 'dra' 'o/ / blo gros chen po gzhan dag ni yul la rnam par rtog pa zad pas/ mda' dang rlung bzhin du yul gzhan gyi gnas su song na thar pa'o/ zhes brjod do// yang mu stegs byed kha cig ni/ blo dang rigs par bya ba mthong ba rnam par zhig pas thar par brjod do// kha cig ni rnam par rtog pa mi 'jug cing / rtag pa dang mi rtag pa mthong bas thar par rtog go/ / kha cig ni mtshan mar rnam par rtog pa mang po ni sdug bsngal skye ba 'thob par byed pa'o snyam nas/ rang gi sems snang ba tsam la mi mkhas pa dag mtshan mas 'jigs shing skrag ste/ mtshan ma mthong bas bde ba 'dod pa'i phyir/ mya ngan las 'das pa'i blor 'gyur bar brjod do// yang kha cig ni nang dang phyi'i chos thams cad kyi rang dang spyi'i mtshan nyid khong du chud cing / 'das pa dang / ma 'ongs pa dang / da ltar byung ba'i dngos po mi 'jig ste/ yod pas mya ngan las 'das par rtog go// kha cig ni bdag dang / sems can dang / srog dang / gso ba dang / skyes bu dang / gang zag dang / chos thams cad mi 'jig pas/ mya ngan las 'das par rtog go// blo gros chen po mu stegs byed mi mkhas pa'i blo can kha cig ni/ rang bzhin dang / skyes bu bye brag mthong ba dang / yon tan 'gyur 'byed pa po'i phyir mya ngan las 'das par rtog go// kha cig ni bsod nams dang bsod nams ma yin pa yongs su zad pas/ kha cig ni nyon mongs pa dang zad par shes pas/ kha cig ni 'jig rten rnams ni dbang pos rang dbang du byas par mthong bas/ mya ngan las 'das par rtog go// kha cig ni 'jig rten gyi 'byung ba 'di ni gcig gis gcig zhugs pa ste/ rgyu las ma yin no zhes de la rgyu mngon par chags bzhin du gti mug pas khong du mi chung de/ khong du chud pas mya ngan las 'das @par rtog go/ / blo gros chen po mu stegs byed kha cig ni bden pa dang lam khong du chud pas/ mya ngan las 'das par rtog go// kha cig ni yon tan dang yon tan can mngon par khong du chud cing / gcig pa dang / tha dad pa dang / gnyis ka dang / gnyis ka ma yin par mthong bas mya ngan las 'das pa'i blor 'gyur ro// kha cig ni rang bzhin las byung ba yin te/ rma bya'i rnam par bkra ba dang / rin po che'i 'byung khung rnam pa mang po dang / tsher ma rno ba lta bur dngos po rnams kyi rang bzhin mthong bas/ mya ngan las 'das par rtog go/ blo gros chen po kha cig ni de kho na nyi shu rtsa lnga khong du chud pas/ kha cig ni skye dgu skyong ba dang / yon tan drug bstan pa 'dzin pas/ mya ngan las 'das par rtog go// kha cig ni byed pa po dus yin pa mthong ba'i phyir/ 'jig rten 'byung ba'i dus la rag las so zhes de ltar khong du chud pas/ mya ngan las 'das par rtog go// blo gros chen po kha cig ni sring bas so// cig ni srid pa med pas so// kha cig ni srid pa dang srid pa med pa yongs su shes pas so// kha cig ni srid pa dang mya ngan las 'das pa bye brag med par mthong bas/ mya ngan las 'das par rtog go// blo gros chen po thams cad mkhyen pa'i seng ge'i sgra sgrogs pa kha cig 'di lta ste/ rang gi sems snang ba tsam du khong du chud pa dang / phyi rol gyi dngos po la ma chags pa dang / mtha' bzhi dang bral ba/ yang dag ba ji ltar gnas pa shin tu mthong ba dang / rang gi sems snang bar rnam par rtog pa'i mtha' gnyis su ma lhung ba dang / gzung ba dang 'dzin pa mi dmigs pa dang / mtshan ma thams cad/ kyis de kho na nyid grub par ma mthong ba dang / rnam par rtog pa'i mtha' rnam par slu ba'i phyir de kho na mi rtog ste/ de bsal ba dang / bdag gi so so rang gi 'phags pa'i chos khong du chud pa bdag med pa gnyis rtogs pa dang / nyon mongs pa gnyis rnam par log pa dang / sgrib pa gnyis rnam par dag pa dang / sa'i gong nas gong du de bzhin gshegs pa'i sa la sgyu ma la sogs pa'i gzugs brnyan gyi ting nge 'dzin gyi sems dang / yid dang / yid kyi rnam par shes pa las bzlog pas/ mya ngan las 'dras par rtog go// de ltar log pa'i mu stegs can rtog ge ba rnams kyis gzhan dag bstan kyang / de rigs pa dang mi ldan zhing / mkhas pas spangs pa yin te/ blo gros chen po de dag thams cad ni mtha' gnyis su lhung ba'i bsam pas mya ngan las 'das par rtog/ blo gros chen po de lta bu la sogs pa'i rnam par rtog pas/ mu stegs byed thams cad mya ngan las 'das par yongs su rtog kyang / 'di la gang yang 'jug pa 'am ldog pa med do// blo gros chen bopo mu stegs byed so so'i mya ngan las 'das pa de ni/ rang gi gtsug lag la mos pa dang / sna tshogs kyis yongs su brtags na 'khrul te/ ji ltar de dag gis rnam par brtags pa de bzhin du mi gnas so/ / yid g.yo ba dang / 'ong ba dang / 'gro ba'i phyir gang la'ang mya ngan las 'das pa med do// blo gros chen po de la khyod dang byang chub sems dpa' gzhan ngag gis bslab par bya ste/ mu stegs byed thams cad kyis mya ngan las 'das par lta ba las bzlog par bya'o// de la 'di skad ces bya ste/ mya ngan 'das lha'i mu stegs can// tha dad bapar ni rnam par rtog/ de dag gis na rtog pa tsam// thar pa'i thabs ni yod pa min// bcings dang bcing bya rnam grol ba// thabs rnams rnam par spangs pa ste// mu stegs thar par rtog mod kyi/ / thar par rung bar mi 'gyur ro// mu stegs can tshul blo gros kyis// du mar tha dad bral bar snang // de phyir de dag thar med na// blun po dag gis ji ltar brtags// rgyu dang 'bras bur ngan lta bas/ / mu stegs can kun rnam par myos// yod med phyogs su smra ba rnams// de phyir de dag thar pa'ang med// byis pa smra ba spros la dga' ba dag/ yang dag nyid la blo gros yangs mi byed/ / smra ba khams gsum sdug bsngal skye gnas te// yang dag nyid ni sdug bsngal 'jig pa'i rgyu// me long la ni ji ltar gzugs// snang yang yod pa ma yin ltar// bag chags dag gis me long la/ / byis pas sems ni rnam gnyis mthong // sems kyi snang ba mi shes pas// rnam par rtog pa rnam gnyis skye// sems kyi snang ba yongs shes na// rnam par rtog pa mi 'byung ngo / / sems nyid sna tshogs 'gyur ba ste// mtshan dang mtshan gyi gzhi yang spangs// ji ltar byis pas rnam brtags bzhin// snang ba'i rnam pa snang ba med// srid gsum rnam par rtog tsam pas/ / phyi rol gyi ni don med de// rnam rtog sna tshogs snang ba ni// byis pa dag gis mi rtogs so// ming dang 'du shes bye brag gis// mdo dang mdo las rnam rtog bshad// brjod pa dag ni ma gtogs par// brjod par bya ba'ang mi rig go// de nas yang byang chub sems dpa' sems dpa' chen po blo gros chen pos/ bcom ldan 'das la 'di skad ces gsol to/ / bcom ldan 'das gang gis bdag dang / byang chub sems dpa' sems dpa' chen po gzhan rnams de bzhin gshegs pa'i ngo bo nyid la mkhas pas/ bdag nyid dang gzhan rnams kyang khong du chud par bgyi ba'i sangs rgyas kyi rang gi sangs rgyas pa nyid de bzhin gshegs pa dgra bcom pa yang dag par rdzogs pa'i sangs rgyas kyis bdag la bshad du gsol/ bcom ldan 'das kyis bka' stsal pa/ blo gros chen po de'i phyir khyod nyid kyis dris shig dang / ji ltar khyod kyis bzod pa de bzhin du ngas lan sbyin no// blo gros chen pos gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas byas pa 'am/ ma byas pa 'am/ rgyu 'am/ 'bras bu 'am/ mtshan nam/ mtshan gyi gzhi 'am/ yod pa ga rjod par bya ba'am/ blo 'am/ rig par bya ba 'am/ bcom ldan 'das de lta bu la sogs pa'i tshig nges pa'i sgrar na/ gcig kAm/ tha dad dam/ ci lags/ bcom ldan 'das kyis bka' stsal pa/ blo gros chen po de bzhin gshegs pa dgra bcom pa yang dag par rdzogs pa'i sangs rgyas ni/ de lta bu la sogs pa'i tshig gi nges pa'i sgrar byas pa'ang ma yin/ ma byas pa'ang ma yin/ rgyu'ang ma yin/ 'bras bu'ang ma yin no// de ci'i phyir zhe na/ 'di lta ste/ gnyis ka'ang nyes par 'gyur ba'i phyir ro// blo gros chen po gal te de bzhin gshegs pa byas pa yin na ni mi rtag par 'gyur te/ mi rtag pa'i phyir 'bras bu'o cog kyang de bzhin gshegs par 'gyur bas na/ de ni nga dang de bzhin gshegs pa gzhan dag gis de ltar ma gsungs so// de snga ma byas pa yin na ni/ bdag nyid du ma red pas na/ tshogs yang dag par bsgrubs pa'ang don med par 'gyur te/ ma byas pa'i phyir ri bong gi rA dang / mo gsham gyi bu dang mtshungs par yang 'gyur ro// blo gros chen po gang rgyu 'dra ma yin/ 'bras bu'ang ma yin pa de ni/ yod pa'ang ma yin/ med pa'ang ma yin no// gang yod pa'ang ma yin/ med pa'ang ma yin pa de ni mtha' bzhi'i phyi rol to// blo gros chen po mtha' bzhi ni 'jig rten gyi spyod pa yin te/ gang mtha' bzhi'i phyi rol de ni/ mo gsham gyi bu ltar tshig tsam du 'gyur ro// blo gros chen po mo gsham gyi bu ni tshig tsam ste/ mtha bzhir lhung ba ma yin no/ / ma lhung bas na mkhas pa rnams la tshad ma yin te/ mkhas pa rnams kyis de ltar de bzhin gshegs pa thams cad kyi tshig gi don rig par bya'o// blo gros chen po mkhas pa rnams kyis gang yang ngas chos thams cad bdag med pa'o zhes bshad pa de'i don yang khong du chud par gyis shig/ blo gros chen po bdag med pa'i dngos po ni bdag med pa nyid de// rta dang ba blang bzhin du chos thams cad ni bdag gi dngos por yod de/ gzhan gyi dngos por med do// 'di lta ste/ blo gros chen po ba glang gi dngos po ni rta'i bdag nyid ma yin/ rta'i dngos po ni ba glang gi bdag nyid ma yin te/ de ni yod de/ med pa'ang ma yin no// de gnyis ni rang gi mtshan nyid med pa ma yin te/ de gnyis rang gi mtshan nyid yod do// de bzhin du blo/ gros chen po chos thams cad mtshan nyid du med pa'ang ma yin te/ de dag byis pa so so'i skye bo rnams kyis rnam par rtog pas bzung nas/ bdag med pa khong du chud de/ rnam par mi rtog pas ni ma yin no/ / de bzhin du chos thams cad stong pa nyid dang / skye ba med pa dang / ngo bo nyid med par rig par bya'o// de bzhin du de bzhin gshegs pa phung po rnams dang gcig pa'ang ma yin/ tha dad pa'ang ma yin te/ gal te phung po rnams dang gcig pa yin na ni/ phung po rnams byas pa'i phyir mi rtag par 'gyur ro// de ste tha dad na ni gnyis yod na gzhan du/ 'gyur te/ ba glang ki rwa bzhin no// de la dngos po thams cad ni 'dra bas na tha dad pa ma yin no// ring po'i bye brag mthong byas tha dad pa ma yin no// blo gros chen bro ba glang gi rwa g.yas pa las ni g.yon pa gzhan/ g.yon pa las kyang g.yas pa gzhan yin te/ de bzhin du ring po dang / thung ngu'ang phan tshun du'o// de bzhin du kha dog sna tshogs kyang phan tshun gnyis tha dad do// de bzhin du de bzhin gshegs pa'ang phung po dang / khams dang / skye mched rnams dang tha dad pa'ang ma yin no/ / de bzhin du thar pa dang de bzhin gshegs pa'ang tha dad pa'ang ma yin/ gcig pa'ang ma yin te/ de bzhin gshegs pa nyid thar pa'i sgrar bstan to// de ste thar pa dang de bzhin gshegs pa tha dad na ni/ gzugs kyi mtshan nyid dang ldan par gyur te/ gzugs kyi mtshan nyid dang ldan pa'i phyir mi rtag par 'gyur ro// de ste gcig na ni/ rnal 'byor can rnams kyi thob pa'i mtshan nyid bye brag med par gyur te/ blo gros chen po rnal 'byor can rnams kyis ni bye brag kyang mthong bas na/ de'i phyir gcig pa'ang ma yin/ tha dad pa'ang ma yin no/ / de bzhin du shes pa dang shes bya'ang gcig pa'ang ma yin/ tha dad pa'ang ma yin/ blo gros chen po gang rtag pa'ang ma yin/ mi rtag pa'ang ma yin/ rgyu'ang ma yin 'bras bu'ang ma yin/ 'dus byas kyang ma yin/ 'dus ma byas kyang ma yin/ blo'ang ma yin/ rig par bya ba'ang ma yin/ mtshan kyang ma yin/ mtshan gyi gzhi'ang ma yin/ phung po rnams kyang ma yin/ phung po rnams dang tha dad pa'ang ma yin/ smra ba'ang ma yin/ smra bar bya ba'ang ma yin/ gcig pa dang / tha dad pa dang / gnyis ka dang / gnyis ka ma yin pa dang / ma 'brel pa de ni tshad ma thams cad las rnam par ldog pa'o// gang tshad ma thams cad las rnam par log pa de ni tshig tsam du 'gyur ro// gang tshig tsam de ni ma skyes pa'o/ / gang ma skyes pa de ni ma 'gags pa'o// gang ma 'gags pa de ni nam mkha' dang mtshungs so// blo gros chen po nam mkhal ni rgyu'ang ma yin/ 'bras bu'ang ma yin no// / gang rgyu'ang ma yin/ 'bras bu'ang ma yin pa de ni dmigs pa med do// gang dmigs pa med pa de ni spros pa thams cad las 'das pa'o// gang spros pa thams cad las 'das pa de ni// de bzhin gshegs pa yin te/ de ni blo gros chen po yang dag par rdzogs pa'i sangs rgyas pa nyid do// de ni sangs rgyas pa nyid de/ tshad ma dang dbang po thams cad las rnam par bzlog pa'o// / de la 'di skad ces bya ste/ tshad dang dbang po rnam par log/ 'bras bu ma yin rgyu yang min// blo dang rig par bya ba med// mtshan dang mtshan gyi gzhi yang spangs// phung por brten nas sangs rgyas bya/ / gang na'ang sus kyang ma mthong ste// gang na 'ang sus kyang ma mthong ba// de la ji ltar rnam par bsgom// byas pa ma yin ma byas min// 'bras bu ma yin rgyu yang min/ / phung po ma yin bud med min// gzhan na ma yin 'dre ba'i phyir// gang rnams gang gis dngos po ru// brtags kyang mi snang ma yin pa// de yang med par mi rtag ste/ / de ni chos kyi chos nyid do// yod pa'i zlas drangs med pa ste// yod pa'ang med pa'i zlas drangs so// de bas med par shes mi bya// yod par yang ni mi brtag go// bdag dang bdag med phyogs bslad cing / / sgra tsam la ni 'jug pa dag/ de dag gnyis ka mthar bying ste// brlag nas byis pa rnyog par byed// nyes pa kun las grol ba yi// nga yi tshul ni nam mthong na// den yang dag mthong ba ste// 'dren pa dag la'ang de mi smos/ de nas byang chub sems dpa' sems dpa' chen po blo gros chen pos/ bcom ldan 'das la 'di skad ces gsol to// gang 'di bstun pa brjod pa las/ bcom ldan 'das kyis skye ba med pa dang / 'gog pa med pa zhes smos pa mdzad de/ bcom ldan 'das kyi skye ba med pa dang / 'gog pa med pa 'di ni de bzhin gshegs pa'i tshig bla dgas lags so zhes kyang gsung na/ gang bcom ldan 'das kyis de skad gsungs pa de/ skye ba med pa dang / 'gog pa med pa 'di dngos po ma mchis pa 'am/ 'on tam 'di de bzhin gshegs pa'i rnam grangs gzhan lags/ yod pa dang med pa'i phyogs mi mthong bas/ chos thams cad ma skyes pa/ ma 'grags pa'o zhes bcom ldan 'das kyis bshad na/ gral te chos thams cad ma skyes pa zhes bgyi na ni/ bcom ldan 'das chos thams cad ma skyes pa'i phyir/ chos zhes smos su'ang mi rung ngo // de ste chos yu la zhig rnam grangs gzhan zhig lags na ni/ bcom ldan 'das de bshad du gsol/ bde bar gshegs pa bshad du gsol/ bcom ldan 'das kyis bka' stsal pa/ de'i phyir blo gros chen po shin legs par nyon la yid la zung zhig dang / ngas khyod la bshad do// legs so bcom ldan 'das zhes gsol nas/ byang chub sems dpa' sems dpa' chen po blo gros chen pos bcom ldan 'das la sgyur nyan pa dang / bcom ldan 'das kyis de la 'di skad ces bka' stsal to// blo gros chen po de bzhin gshegs pa ni dngos po med pa'ang ma yin te/ chos thams cad skye ba med pa dang / 'gog pa med pa smos pa'ang ma yin/ rkyen la bltos pa'ang ma yin/ ngas skye ba med pa smos par bya ba don med pa'ang ma yin gyi/ blo gros chen po 'di ni de bzhin gshegs pa yid kyi rang bzhin// gyi chos kyi sku'i tshig bla dgas te/ mu stegs can thams cad dang / nyan thos dang / rang sangs rgyas dang / sa bdun la rab tu gnas pa'i byang chub sems dpa' rnams kyi yul ma yin ma skyes pa de ni/ de bzhin gshegs pa'i tshig bla dgas te/ rnam grangs kyi tshig go// 'di lta ste/ blo gros chen po brgya byin dbang po grong khyer 'jig dang / lag pa bye pa spyod pa dang / lus 'dus pa gzugs dang / sa gnas nor 'dzin dang / nam mkha' go 'byed 'od rgyu zhes de la sogs pa dngos po re re la rnam grangs kyi tshig gi sgra mang po rnam par brtags pa yod de/ de dag ni ming mang ba'i phyir/ dngos po mang por ni mi rtogs mod kyi/ rang bzhin mang ba yin par yang mi 'gyur ro// de bzhin du blo gros chen po nga'ang mi mjed kyi 'jig rten gyi khams nA/ ming grangs med pa brgya stong phrag gsum du byis pa rnams kyi rna lam du grag ste/ de dag gis brjod kyang 'di dag ni de bzhin gshegs pa'i ming gi rnam grangs su mi shes so// de la blo gros chen po kha cig ni nga la de bzhin gshegs par shes so// la la ni rang byung bar/ de bzhin du la las ni 'dren pa dang / rnam par 'dren pa dang / yongs su 'dren pa dang sangs rgyas dang / khyu mchog dang / tshangs pa dang / 'jug sel dang / dbang phyug dang / gtso bo dang / ser skya dang / yang dag mu dang / mi gnod mu khyud dang / zla ba dang / nyi ma dang / rtse ba po dang / rnam par 'dor dang / ne tso dang / dbang po dang / stobs can dang / chu bdag tu rab tu shes so// gzhan las ni skye ba med pa dang / 'gag pa med pa dang / stong pa nyid dang / de bzhin nyid dang / bden pa nyid dang / yang dag pa nyid dang / yang dag pa'i mtha' dang / chos kyi dbyings dang / mya ngan las 'das pa dang / mnyam pa nyid dang / gnyis su med pa dang / mtshan ma med pa dang / rkyen las sangs rgyas su 'gyur ba'i rgyu bstan pa dang / rnam par thar pa dang / lam dang / bden pa rnams dang / thams cad mkhyen pa dang / rgyal ba dang / yid kyi rang bzhin no zhes rab tu shes so// blo gros chen po de la sogs pa ming grangs med pa brgya stong phrag gsum tshang ba/ lhag chad med par nga la 'jig rten gyi khams 'di dang gzhan dag na skye bo rnams kyis shes te/ chu'i zla ba bzhin du zhugs pa'ang med/ byung ba'ang med mod kyi/ byis pa rnams mtha' gnyis su lhung ba'i rgyud kyis khong du mi chud de/ 'on kyang nga la bkur sti byed/ nga la gtso bor byed/ rim gror byed/ mchod par byed de/ tshig gi don nges pa'i tshig la mi mkhas pas/ ming tha dad pa ma yin pa rang gi tshul mi shes so// bshad pa'i sgra dang / brjod pa la mngon par chags pas skye ba med pa dang / 'gog pa med pa dngos po med pa rtogs te/ de bzhin gshegs pas ming gi rnam grangs gzhan du dbang po dang / brgya byin dang / grong khyer 'jig lta bur mi rtog go/ chos thams cad sgra ji bzhin pa'i don du brjod pa'i phyir 'brang bas/ rang gi tshul so sor gzhag pa brjod pa 'am mos so// blo gros chen po skyes bu thun po de dag 'di skad du don ni sgra ji bzhin pa nyid de/ sgra las don gzhan ma yin no// de ci'i phyir zhe na/ 'di lta ste/ don la lus med pa'i phyir/ sgra las don gzhan ma yin no/ / sgra nyid don yin no zhes zer ro// blo gros chen po sgra'i rang bzhin yongs su mi shes pas/ mi mkhas pa'i blo can rnams ni ji ltar sgra ni skye zhing 'jig gi don ni ma skyes mi 'jig pa de ltar mi shes so/ / blo gros chen po sgra ni yi ger lhung ba'o// don ni yi ger ma lhung ba ste/ dngos po dang dngos po med pa spangs pa'i phyir/ skye ba med cing lus med do/ / blo gros chen po yi ge rnams yod pa dang / med par mi dmigs pa'i phyir/ de bzhin gshegs pa rnams ni yi ker lhung bas chos myi ston te/ gzhan du na yi ger ma lhung bas chos ston to/ / blo gros chen po chos la yi ge med pa'i phyir/ gang yi ger lhung ba'i chos 'chad pa de ni 'khyal ba ste/ des na de'i phyir blo gros chen po bshad pa brjod pa las/ de bzhin gshegs pa rnams kyis yi ge gcig kyang ma bshad/ 'chad par mi 'gyur ro zhes nga dang / sangs rgyas dang / byang chub sems dpa' gzhan dag gis bstan to// de ci'i phyir zhe na/ 'di lta ste/ chos thams cad la yi ge med pa'i phyir ro// don dang mi ldan par yang mi 'chad de/ rnam par rtog pa bzung nas 'chad do// blo gros chen po chos thams cad ma bshad na ni/ bstan pa 'jig par 'gyur te/ bstan pa zhig na ni/ sangs rgyas dang / rang sangs rgyas dang / nyan thos rnams kyang med par 'gyur ro// de dag med/ na ni su la ci zhig bshad de/ des na de'i phyir blo gros chen po byang chub sems dpa' sems dpa' chen pos bshad pa brjod pa'i sgra la mngon par chags par bya'o// blo gros chen po bshad pa'i brjod pa ni sems can rnams kyis bsam pa bzhin du zhugs pas 'khrul pa yin te/ nga dang de bzhin gshegs pa dgra bcom pa yang dag par rdzogs pa'i sangs rgyas gzhan rnams kyis ni/ sems dang / yid dang / yid kyi rnam par shes pa bzlog pa'i phyir/ mos pa tha dad pa'i sems can rnams la chos bstan par bya'i/ chos thams cad snang ba med pa rang gi sems snang ba tsam du khong du chud pa'i phyir/ rnam par rtog pa rnam pa mang po log pas/ bdag gi so so rang gi 'phags pa'i ye shes rtogs pa bzlog pa ni ma yin no// blo gros chen popo byang chub sems dpa' sems dpa' chen pos don la brtan par bya'i/ yi gre la brtan par mi bya'o// blo gros chen po yi ge'i phyir 'brang ba'i rigs kyi bu 'am/ rigs kyi bu mo ni bdag kyang don dam pa las nyams par byed cing / gzhan yang khong du chud par mi byed do// chos thams cad dang sa'i rang gi mtshan nyid la mkhas pas/ tshig dang nges pa'i sgra mngon par mi shes pa/ ngan par rtog ge ba rnams lta ba ngan par ltung ba'i rgyud kyis rang gi phyogs sgrog par byed do// de skye chos thams cad dang sa'i mtshan nyid la mkhas shing tshig gi rnam grangs dang / nges pa'i tshig rtogs par khong du chud de/ dngos po'i don dang / rigs pa la mkhas par 'gyur na/ de'i phyir bdag nyid kyang yang dag pa mtshan ma med pa'i bde bas tshim par byed cing / gzhan dag kyang yang dag par theg pa chen po la 'god do// blo gros chen po theg pa chen po yang dag par yongs su bzung na/ sangs rgyas dang / byang chub sems dpa' dang nyan thos dang / rang sangs rgyas rnams su bzung bar byas pa yin no// sangs rgyas dang / byang chub sems dpa' dang / nyan thos dang / rang sangs rgyas rnams yongs su bzung bas/ sems can thams cad yongs su bzung ba byas pa yin no/ / sems can thams cad yongs su bzung bas dam pa'i chos yongs su bzung ba yin no// blo gros chen po dam pa'i chos yongs su bzung bas/ sangs rgyas kyi rigs mi 'chad bar byed pa yin no// sangs rgyas kyi rigs mi 'chad pa'i phyir/ skye gnas kyi bye brag rab tu 'thob par shes so// de bas na skye gnas dam pa 'thob pa de dag tu byang chub sems dpa' sems dpa' chen po rnams skye ba yongs su 'dzin cing / theg pa chen po rab tu gzugs pa'i phyir/ dbang bcus gzugs dang cha byad sna tshogs 'dzin par 'gyur te/ sems can gyi cha byad dang / bag la nyal gyi mtshan nyid rtogs par khong du chud pa de bzhin nyid du chos ston to// de la de bzhin nyid dang / gzhan ma yin pa nyid dang / de kho na nyid dang blang ba med pa dang / dor ba med pa'i mtshan nyid dang / spros pa thams cad nye bar zhi ba ni de kho na nyid ces bya'o// blo gros chen po de kho na nyid la yi ge med pa'i phyir rigs kyi bu 'am/ rigs kyi bu mos sgra ji bzhin gyi don du chags pa la mkhas par mi bya ste/ sor mo la lta ba lta bur mi bya'o// 'di lta ste/ blo gros chen po la las kha cig la sor mo'i rtse mos ci zhig bstan na/ de sor mo'i rtse mo nyid la lta zhing 'brang ba de bzhin du/ blo gros chen po byis pa so so'i skye bo'i sde rnams byis pa'i rang bzhin can lta bur sgra ji bzhin gyi sor mo'i rtse mo la mngon par chags shing zhen to// de ltar sgra'i sor mo'i rtse mo la mngon par chags bzhin du 'chi ba'i dus byed par 'gyur te/ sgra ji bzhin gyi sor mo'i rtse mo'i don spangs la/ don dam pa khong du chud par bya ba ni mi byed do// 'di lta ste/ blo gros chen po byis pa rnams kyi zas dang skom ni g.yos ma byas par su'ang za ba med de/ la la g.yos su ma byas par za na'ang / kha zas mthar gyis yongs su bya ba mi shes pas de smyon par brtags par 'gyur ro/ / de bzhin du blo gros chen po skye ba med pa dang / 'gog pa med pa'ang mngon par 'dus ma byas na/ mdzes par mi 'gyur gyi/ 'di la gdon mi za bar mngon par 'du bya bar 'gyur te/ sor mo'i rtse mo'i don mthong ba bzhin nu tshig tsam ni ma yin no// des na de'i phyir blo gros chen po don la brtson par bya'o// blo gros chen po don ni rab tu dben pa ste/ mya ngan las 'das pa'i rgyu'o// spu ni rnam par rtog pa dang 'brel ba ste/ 'khor ba 'thob par byed pa'o// blo gros chen po don ni mang du thos pa rnams las rnyed par 'gyur ro// / blo gros chen po mang du thos pa zhes bya ba ni/ 'di lta ste/ don la mkhas pa yin gyi/ spru la mkhas pa ma yin no// de la don la mkhas pa ni gang mu stegs byed smra ba thams cad dang ma 'dres par lta ba yin te/ nam bdag kyang mi ltung / gzhan yang mi ltung bar byed pa ni/ blo gros chen po de ltar don mang du thos pa don dang ldan pa yin no// de bas na don 'dod pas de dag la bsten par bya'o/ / de las bzlog pa ni sgra ji bzhin gyi don la mngon par chags pa yin te/ de dag ni de kho na nyid tshol bar spang bar bya'o// yang blo gros chen po sangs rgyas kyi byin gyi rlabs kyis byin du brlabs pas 'di skad ces gsol to/ / skye ba med pa dang / 'gog pa med pa'i lta bas ni/ bcom ldan 'das kyis bye brag tu bgyis pa gang yang ma mchis so// de ci'i slad du zhe na/ bcom ldan 'das mu stegs byed thams cad kyi rgyu rnams kyang ma skyes ma 'gags pa'o/ / bcom ldan 'das khyod kyis yang nam mkha' dang ma brtags par 'gog pa dang / mya ngan las 'das pa'i dbyings rnams ma skyes ma 'gags pa'o/ / bcom ldan 'das mu stegs byed rnams kyang byed pa dang / rkyen gyi rgyu las 'gro ba rnams 'byung bar brjod/ bcom ldan 'das kyis kyang rgyu de nyid la rkyen to zhes bgyi bar ming gi bye brag gzhan brtags nas/ mi shes pa dang / sred pa dang / las dang rnam par rtog pa'i rkyen rnams las 'gro ba rnams skye bar brjod de/ khyod dang de dag phyi rol gyi rkyen rnams kyis phyi rol gyi dngos po skye ba la'ang de bzhin te/ bcom ldan 'das de'i phyir smra ba 'di mu stegs byed kyi smra bar bye brag mchis par 'gyur ro// rdul phra mo dang / gtso bo dang / dbang phyug dang / skye dgu'i bdag po la sogs pa rdzas dgu dang bcas pa rnams ma skyes ma 'gags pa ste/ bcom ldan 'das khyod kyi yang dngos po thams cad yod pa dang / med pa'i mi dmigs pas na ma skyes ma 'grags pa'o// 'byung ba mi 'jig pas na/ rang gi mtshan nyid mi skye mi 'gag go/ gang de dag gi rnam par gyur kyang / 'byung ba rnams ni 'byung ba nyid de/ 'byung ba'i rang bzhin mi 'dor ro// bcom ldan 'das de ni 'byung ba'i rnam par rtog pa'i 'gyur bar khyod la mu stegs byed thams cad kyis rnam par brtags te/ des na de'i phyir smra ba 'di ni bye brag ma mchis te/ gang gis de bzhin gshegs pa gsung ba bye brag tu 'gyur zhing / mu stegs byed thams cad kyi sla ba ma lags pa'i bye brag bshad du gsol/ bcom ldan 'das rang gi smra ba bye brag ma mchis na ni/ skye ba me ba dang / 'grog pa med pa rgyur gyur pas/ mu stegs byed rnams kyang sangs rgyas su 'gyur bar mchi'o// bcom ldan 'das kyis 'jig rten gyi khams gcig tu de bzhin gshegs pa mang po 'byung ba'i ni gnas med de/ skabs ma yin no zhes gsungs na/ 'bras bu yod pa dang med pa yongs su bzung bas/ bdag gi smra ba bye brag ma mchis na ni/ de bzhin gshegs pa mang por 'gyur ro// bcom ldan 'das kyis bka' stsal pa/ blo gros chen po nga'i skye ba med pa drang 'gog pa med pa ni mu stegs byed rnams kyi skye ba med pa dang / 'gog pa med par smra ba dang mi mtshungs te/ skye ba dang mi rtag par smra ba dang yang mtshungs pa ma yin no// de ci'i phyir zhe na/ blo gros chen po mu stegs byed rnams kyis ni dngos po'i rang bzhin ma skyes pa/ mi 'gyur ba'i mtshan nyid thos pa yod de/ nga ni de ltar yod pa dang med pa'i phyogs su lhung ba ma yin no// blo gros chen po nga'i ni yod pa dang / med pa'i phyogs dang bral ba ste/ skye ba dang / 'jig pa dang bral ba/ dngos po'ang ma yin/ dngos po med pa'ang ma yin te/ sgyu ma dang / rmi lam gyi gzugs sna tshogs mthong ba lta bur dngos po med pa'ang ma yin no/ / ji ltar dngos po med pa ma yin zhe na/ 'di lta ste/ gzugs kyi rang bzhin gyi mtshan nyid gzung du med pa'i phyir ro// snang ba dang / mi snang ba dang / gang ba dang / gzung du med pas/ des na de'i phyir dngos pothams cad dngos po ma yin/ ngo bo nyid med pa'ang ma yin no// 'di ltar rang gi sems snang ba tsam du khong du chud pas rnam par rtog pa mi 'jug pa'i phyir/ 'jig rten rang la gnas shing bya ba med pa yin na/ byis pa rnams bya ba dang ldan par rtog ste/ 'phags pa rnams ni ma yin no/ / blo gros chen po 'di ni dri za'i grong khyer dang / sgyu ma'i skyes bu lta bur yang dag pa ma yin pa'i don la rnam par rtog pas myos pa'o// 'di lta ste/ blo gros chen po byis pa'i rang bzhin can la la dri za'i grong khyer gyi nang du sgyu ma'i skyes bu sems can 'gron pa mang po sna tshogs 'di dag zhugs so/ / 'di dag 'byung ngo zhes 'jug pa dang 'byung bar rtog ste/ de la gang yang zhugs pa 'am 'byung ba ni med kyi/ de ltar de dag ni rnam par rtog pa nor pa nyid do// de bzhin du 'di ni blo gros chen po skye ba dang mi skye bar byis pa rnams kyis nor ba yin te/ sgyu ma'i skyes bu skye ba bzhin du/ 'di la 'dus byas sam/ 'dus ma byas gang yang med do// sgyu ma'i skyes bu ni yod pa dang med pa ci'ang mi byed pas na/ skye ba 'am 'gag pa med do// de bzhin du chos thams cad kyang skye ba dang 'jig pa spangs pa ste/ gzhan du byis pa rnams log par ltung ba'i 'du shes kyis skye ba dang 'gag par rtog ste/ 'phags pa rnams ni ma yin no// blo gros chen po log pa zhes bya ba ni ji ltar dngos po'i rang bzhin brtags pa de bzhin du'ang ma yin/ gzhan du 'dra ma yin no// gzhan du brtags na ni dngos po thams cad kyi ngo bo nyid la chags pa nyid du 'gyur bas/ bden pa mi mthong ngo // bden pa ma mthong na/ rnam par rtog pa ldog par myi 'gyur ro// des na de'i phyir blo gros chen po mtshan ma med pa mthong na ni dge ba yin te/ mtshan ma mthong ba ni ma yin no// mtshan ma ni skye ba'i rgyu yin pas mi dge ba'o// blo gros chen po mtshan ma med pa ni rnam par rtog pa mi 'jug pa yin te/ mi skye ba'i mya ngan 'das par bshad do/ / de la blo gros chen po mya ngan las 'das pa ni yang dag pa gnas pa ji lta ba bzhin du mthong bas/ rnam par rtog pa sems dang / sems las byung ba mang po shin tu gyur pas/ sngar drangs pa de bzhin gshegs pa 'phags pa bdag gi so so rang gi ye shes kyi thugs su chud pa ni mya ngan las 'das pa zhes bshad do// de la 'di skad ces bya ste/ skye ba rnam par bzlog pa'i phyir// mi skye ba ni rab tu bsgrub// rgyu med smra ba bshad pa ni// byis pa rnams kyis mi rig go/ 'di dag thams cad ma skyes pa// dngos po med cing rgyun yang med/ / rmi lam sgyu ma dri za'i grong // rgyu med pa yi dngos po yod// ma skyes rang bzhin med pa dang // ci'i phyir stong pa bdag la gsungs// 'dus pa dag ni ma gtogs par blo yis dngos po mi rig go/ de phyir ma skyes stong pa'o// rang bzhin med par ngas bshad do// de bzhin 'dus pa re re yang // snang ba med pas yod ma yin// 'dus pa mu stegs lta ba ltar/ 'jig pas med par 'gyur ba min// rmi lam skra shad 'dzings pa dang // sgyu ma smig rgyu dri za'i grong // rgyu med pa dag snang ba ltar// 'jig rten sna tshogs de bzhin no// rgyu med smra bas brtsad bya ste/ / ma skyes pa yang rab tu bsgrub// skye ba med par rab bsgrub na// nga yi tshul ni mi 'jig go// rgyu med smra ba bstan na ni// ji ltar ci las ci dag gis// gang du rgyu med skye 'gyur zhes/ / mu stegs can rnams 'jigs pa skye// rgyu las ma yin rgyu med par// nam zhig 'dus byas mthong ba na// de la skye 'jig smra ba yi// lta ba rnam par ldog par 'gyur// dngos po med pa skye med dam// de ste rkyen la rtags pa'am// 'on te dngos po ming lags sam// don med pa 'am bdag la gsungs// dngos med mi skye ma yin te// rkyen la btags pa'ang ma yin no/ / dngos po'i ming yang de min te// don med pa yang ming ma yin// nyan thos dang ni rang rgyal dang // sa bdun du ni phyin rnams dang // mu stegs spyod yul min pa po// de ni mi skye'i mtshan nyid do/ / rgyu dang rkyen rnams bzlog pa dang // byed pa dag ni dgag pa dang // sems tsam du ni rnam gzhag pa// skye ba med par ngas bshad do// dngos po rgyu las 'byung med pa// rtog dang brtag/ pa spangs pa ste// yod med phyogs las grol ba ni// skye ba med par ngas bshad do// sems ni snang las rnam grol ba// rang bzhin gnyis kyang spangs pa ste// gnas rnams rab tu gyur pa ni/ / skye ba med par ngas bshad do// phyi rol dngos po dngos med min// sems kyang yongs su bzung ba med// lta ba thams cad rab spangs pa// de ni skye med mtshan nyid do// de bzhin stong pa rang bzhin med/ / de la sogs pa'i tshig kun brtag/ nam yang stong pas stong ma yin// skye ba med pa stong pa'o// rkyen gyi rnam par 'dus pa las// rab tu 'jug cing ldog par 'gyur 'dus pa las ni logs shig na/ / skyes pa med cing 'gag pa'ang med// gcig pa dang ni tha dad du// ji ltar mu stegs can rtog bzhin// dngos po tha dad ma yin dang // 'dus las gud na gang na'ang med// yod med dngos po mi skye ste// med min yod min gang na'ang med// de phyir gzhan du 'dus pa ni// rab tu 'jug cing ldog par 'gyur// 'di ni brtags pa tsam nyid do// phan tshun ldog pa 'brel pa'o/ / rkyen rnams 'brel las logs shig na// bskyed par bya ba'i don med do// bskyed pa med pas skye ba med// mu stegs can gyi skyon gyis spangs// 'brel pa tsam du ngas bshad de// byis pa rnams kyis mi rig go/ / gang nas 'brel pas logs shig na// dngos po bskyed pa yod ces na// 'brel pa rnam par 'jig pa ste// rgyu med smra ba shes par bya// gang na 'brel na logs shig na/ / dngos po su la yod na ni// mar me bzhin du rdzas rigs rnams// 'brel pa snang ba byed par 'gyur// 'brel pa dag las logs shig tu// chos gang mi mkhas rtog pa ni// ma skyes ngo bo nyid med de/ / rang bzhin nam mkha' lta bu'o// 'phags pas thob pa'i chos nyid ni// skye ba med pas gzhan yin te// gang de'i skye ba mi 'byung ba// de ni mi skye'i bzod pa yin// rnam zhig 'jig rten 'di dag kun/ / 'di ni 'brel pa tsam mo zhes// 'brel pa nyid du mthong ba na// de na sems kyang mnyam par 'jog/ mi shes srid pa las la sogs// 'brel pa dag ni nang gi yin/ / 'khor lo rlu shing 'jim la sogs// sa bon byung tshogs phyi rol lo// 'brel pa tsam ni 'di dag min// gang na dngos po rkyen gzhan las// kha cig skye bar 'dod na ni// rigs dang lung la de mi gnas/ / gal te bskyed bya'i dngos med na// blo yang gang gi rkyen las byung // 'di dag phan tshun bskyed pa ste// de phyir de dag rkyen du shes// drod gsher sra dang g.yo ba yi// chos rnams byis pas rnam brtags te// 'dus pa 'di ni chos ma yin// de phyir ngo bo nyid med do// nad pa'i dbang du sman pa dag/ bya ba tha dad ston mod kyang // de la gtsug lag tha dad med// nad kyis phye bas tha dad do// de bzhin sangs rgyas sems can rgyud// nyon mongs nyes pa'i skyon chags pa// dbang po dag gi stobs shes nas// byis pa dag la tshul bshad do// nyon mongs dbang po tha dad pas/ / nga yi bstan pa dbyer mi byed// yan lag brgyad ldan zhi ba yi// lam ni theg pa gcig yin no// de nas yang byang chub sems dpa' sems dpa' chen po blo gros chen pos/ bcom ldan 'das la 'di skad ces gsol to// bcom ldan 'das mi rtag pa nyid do mi rtag pa nyid do zhes mu stegs byed thams cad kyis rnam par brtags te/ khyod kyis bstan pa brjod pa thams cad las/ kye ma'o 'du byed mi rtag ste// skye zhing 'jig pa'i chos can no// zhes gsungs na/ de ci bcom ldan 'das yang dag pa 'am// log pa bcom ldan 'das mi rtag pa nyid la rnam pa du mchis/ bcom ldan 'das kyis bka' stsal pa/ blo gros chen po mu stegs byed thams cad kyis rnam pa brgyad du rnam par brtag ste/ ngas ni ma yin no/ / rnam pa brgyad gang zhe na/ de la blo gros chen po la la ni rab tu rlom pa la rnam par ldog pa mi dag pa nyid ces zer te/ blo gros chen po rab tu rtsom pa zhes bya ba ni skye ba yin te/ skye ba ni mi rtag pa nyid do/ / kha cig ni dbyibs rnam par ldog pa mi rtag pa nyid ces zer ro// kha cig ni gzugs nyid mi rtag pa zhe'o// kha cig ni gzugs 'gyur ba'i bye brag gzhan ni mi rtag pa nyid yin no/ / chos thams cad bar chad med par rgyun du rang gi ngang gis 'jig pa bral ba/ 'o ma las zhor gyur pa'i bye brag tha dad pa bzhin du/ dngos po thams cad la'ang mi mthong bar zhig pa'i mi rtag pa nyid 'jug ce'o/ / kha cig ni dngos po mi rtag par rtog go// kha cig ni dngos po'i dngos po mi rtag par rtog go// kha cig ni mi rtag pa'ang de'i nang du 'dus pa'i phyir chos thams cad skye ba med pa mi rtag pa zhes bya'o/ / de la blo gros chen po dngos po med pa mi rtag pa nyid ces bya ba ni/ 'di lta ste/ 'byung ba dang / 'byung ba las gyur pa'i rang gi mtshan nyid 'jig cing mi dmigs pa dang / 'byung ba'i ngo bo nyid mi 'jug go// de la skye ba med pa'i mi rtag pa zhes bya ba ni 'di lta ste/ rtag tu mi rtag pa dang / yod pa dang med pa las mi 'byung ba dang / chos thams cad mi mthong ba dang rdul phra mo'i bar du rab tu brtags na/ mi mthong ba 'di ni mi skye ba'i tshig bla dgas kyi skye ba ni ma yin no// blo gros chen po de ni mi skye mi rtag pa nyid mtshan nyid de/ de khong du ma chud pas mu stegs byed thams cad skye ba mi rtag par smra bar rab tu ltung ngo / / gzhan yang blo gros chen po gang dngos po mi rtag par 'dod pa ni/ rang gi blos rnam par brtags pa ste/ dngos po rtag pa'ang ma yin/ mi rtag pa'ang ma yin no// de ci'i phyir zhe na/ 'di lta ste/ blo gros chen po mi rtag pa ni rang mi 'jug pa'o// 'di la blo gros chen po dngos po thams cad kyi dngos po med pa ni mi rtag pa'i 'bras bu'o/ / mi rtag pa med par dngos po thams cad ngo bo nyid med pa mi dmigs pa ste/ dbyig pa dang / rdob dang / tho ba gang yang rung bas bcag par bya ba dang / klu sgrog pa bzhin du phan tshun du bye brag med pas snang ba mthong ngo // de'i phyir mi rtag banyid ni d+hu dang dngos po thams cad kyi ngo bo nyid med pa ni 'bras bu ste/ 'din mi rtag pa nyid do/ / 'di ni 'bras bu'o zhes rgyu dang 'bras bu bye brag med pa'i phyir/ rgyu dang 'bras bu'ang bye brag med do// dngos po rgyu med pa'i phyir/ dngos po thams cad rtag pa'o// / blo gros chen po dngos po thams cad ngo bo med pa ni rgyu med pa yin te/ byis pa so so'i skye bo rnams kyis khong du mi chud do// rgyu ni 'bras bu mi 'dra ba mi skyed do// de ste skyed du zin na dngos po de dag thams cad kyi mi rtag pa 'bras bu mi 'dra bar 'gyur te/ rgyu dang 'bras bu'i bye brag med par 'gyur na/ rgyu dang 'bras bu'i bye brag kyang mthong ngo // gal te de dag gi mi rtag pa nyid dngos po yin na ni/ bya ba dang rgyu'i ngo bo dang mtshan nyid lhung bar 'gyur ro// dngos po gcig gam dngos po thams cad rdzogs par yang 'gyur ro// bya ba'i rgyu dang dngos po'i mtshan nyid du lhung ba'i phyir/ mi rtag pa bdag nyid mi rtag par 'gyur ro// mi rtag pa nyid mi rtag pas na/ dngos po thams cad mi rtag pa ma yin par 'gyur te/ rtag pa nyid du 'gyur ro// de ste mi rtag pa dngos po thams cad kyi nang du song ba yin na ni/ de'i phyir dus gsum du lhung bar 'gyur te/ de la gang 'das pa'i gzugs de ni de dang lhan cig tu zhig go// ma 'ongs pa'ang gzugs mi skye ba'i phyir ma skyes pa'o// daltar yang gzugs dang mtshan nyid tha mi dad de/ gzugs ni 'byung ba chen po rnams kyi gnas kyi bye brag go/ 'byung ba rnams ni 'byung ba las gyur pa'i rang bzhin ni mi 'jig go/ mu stegs byed gcig dang tha dad pa spangs pa'i phyir/ 'byung ba rnams kyi 'byung ba las gyur pa'i rang bzhin ni mi 'jig go// mu stegs byed thams cad kyi 'byung ba thams cad mi 'jig pa'i phyir// srid pa gsum po thams cad ni 'byung ba dang 'byung ba las gyur pa yin te/ de la skye ba dang / gnas pa dang / 'gyur bar gdags so// gang la mu stegs byed rnams kyis mi rtag pa nyid du brtag pa/ 'byung ba dang 'byung ba las gyur pa dang tha dad pa'i mi rtag pa gzhan gang yod/ 'byung ba ni rang bzhin gyi mtshan nyid mi 'jig pas na/ 'jug pa'ang med/ ldog pa'ang med do// de la rab tu brtson pa las ldog pa mi rtag pa nyid ces bya ba ni/ 'byung ba rnams 'byung ba gzhan mi rtsom mo// phan tshun mi mthun pa'i rang gi mtshan nyid pas na bye brag mi rtsom mo// de dag de'i bye brag med pa dang yang mi rtsom pa dang / rnam pa gnyis dang ldan pa'i phyir/ mi rtsom pa la mi rtag pa'i blor 'gyur ro// de la dbyibs rnam par ldog pa'i mi rtag pa zhes bya ba ni/ 'di lta ste/ 'byung ba dang 'byung ba las gyur pa rab tu 'jig pa'i bar du mi 'jig go/ / blo gros chen po rab tu 'jig pa zhes bya ba ni/ rdul phra mo'i bar du rab tu 'byed cing / yongs su rtog pa'o// 'jig pa ni 'byung ba dang / 'byung ba las byung ba'i dbyibs gzhan du mthong ba'i phyir/ ring thung mi dmigs pa yin te/ 'byung ba rnams 'jig pa'i phyir/ rdul phra mo 'byung ba rnams la ni ma yin no// dbyings rnam par ldog par lta bas grangs can gyi smra bar ltung ngo / / de la dbyibs mi rtag pa nyid ces bya ba ni/ 'di lta ste/ su la gzugs nyid mi rtag pa de la dbyibs mi rtag pa nyid de/ 'byung ba rnams kyi ma yin no/ / de ste 'byung ba rnams mi rtag pa 'dun ni/ 'jig rten gyi spyod pa med par 'gyur ro// 'jig rten gyi spyod pa sbed na ni dngos po thams cad tshig tsam dang / yang rang gi mtshan nyid yang skye ba mthong ba'i phyir/ 'jig rten rgyang 'phen pa'i lta bar lhung bar 'gyur ro// de la 'gyur ba'i mi rtag pa zhes bya ba ni/ 'di lta ste/ gzugs gzhan du 'gyur ba mthong ba 'di lta ste/ 'byung ba rnams ni ma yin no// gser gyi dbyibs dang rgyan 'gyur ba mthong ba bzhin te/ gser ni gser gyi dngos po las zhig pa med mod kyi/ rgyan gyi dbyibs zhig pa yin no// gang rnam par 'gyur bar lhung ba la sogs pa gzhan dag tu de la sogs pa'i rnam pas/ mu stegs byed rnams ni rtag par lta ba la rnam par rtog go// 'byung ba rnams ni mes bsregs kyang rang gi mtshan nyid yin pa'i phyir gcig gis gcig mi 'tshig go/ / blo gros chen po rang gi mtshan nyid med par gyur pas/ 'byung ba dang 'byung ba las gyur pa'i dngos po chad par 'gyur ro// blo gros chen po nga'i ni rtag pa'ang ma yin/ mi rtag pa'ang ma yin no// de ci'i phyir zhe na/ phyi rol gyi dngos po las mi len pa dang / srid pa gsum sems tsam du bstan pa dang / mtshan nyid sna tshogs ma bstan pa'i phyir ro/ / 'byung ba chen po'i gnas kyi bye brag ni 'jig pa'ang me dang / ldog pa'ang med do// 'byung ba dang 'byung ba las gyur pa rnam par rtog pa gnyis su mi 'jug ste/ gzung ba dang 'dzin pa'i mtshan nyid med pa dang / rnam par rtog pa'i 'jug pa gnyis yongs su shes pa dang / phyi rol gyi dngos po dang dngos po med par lta ba dang bral ba dang / rang gi sam snang ba tsam du khong du chud pa'i phyir/ rnam par rtog pa ni rtog pa'i mngon par 'du byed pas 'jug gi/ mngon par 'du ma byas pa ni ma yin no// sems dang / rnam par rtog pa dang / dngos po dang / dngos po med pa dang bral zhing rang gi sems snang ba tsam du khong du chud pa'i phyir/ 'jig rten pa dang 'jig rten las 'das pa dang / 'jig rten las 'das pa'i mchog gi chos thams cad ni rtag pa nyid kyang ma yin// mi rtag pa nyid kyang ma yin no// rang gi rnam par rtog pa khong du ma chud pa'i phyir/ lta ba ngan pa mtha' gnyis su lhung ba'i bsam pas/ mu stegs byed gtam gyi skyes bu sngon ma grub pa thams cad mi rtag pa nyid du rtog go/ / blo gros chen po mu stegs byed thams cad dang / 'jig rten pa dang / 'jig rten las 'das pa dang / 'jig rten las 'das pa'i mchog gi tshig tu rnam par rtog pa las byung ba'i chos thams cad kyi mtshan nyid rnam pa gsum ste/ byis pa lta bu'i so so'i skye bo rnams kyis khong du mi chud do// de la 'di skad ces bya ste/ rab tu rtsom pa rnam ldog dang // dbyibs kyi rnam pa gzhan 'gyur dang // gzugs dang dngos po mi rtag par// mu stegs can rnams myos shig rtog/ 'byung ba 'byung ba'i nyid gnas pas// dngos po rnams la 'jig pa med// lta ba sna tshogs bying bas na// mu stegs can dag mi rtag rtog/ mu stegs can dag gang la yang // 'jig pa med cing 'byung ba'ang med// 'byung ba 'byung ba'i dngos brtag na/ / ci la mi rtag nyid du rtog/ 'di dag thams cad sems tsam ste// gzung dang 'dzin pa'i dngos por ni// rnam pa gnyis su sems 'jug ste// bdag dang bdag gi yod med do/ / tshangs la sogs pa gnas kyi bar// sems tsam po yang ngas bshad do// sems tsam po ni ma gtogs par// tshangs la sogs pa grub pa min// lang+ka ra gshegs pa las mi rtag pa'i le'u ste gsum pa'o/ / // de nas yang byang chub sems dpa' sems dpa' chen po blo gros chen pos/ bcom ldan 'das la 'di skad ces gsol to// 'gog b a'i go rims kyi mtshams sbyar ba'i mtshan nyid la mkhas pa gang gis bdag dang byang chub sems dpa' sems dpa' chen po gzhan rnams 'gog pa'i bde ba la snyoms par 'jug pa'i sgor rmongs bar mi 'gyur zhing / nyan thos dang / rang sangs rgyas dang / mu stegs byed rnams rmongs par mi ltung bar 'gyur ba/ byang chub sems dpa' dang / nyan thos dang / rung sangs rgyas thams cad kyi 'gog pa'i gro rims kyi mtshams sbyar ba'i mtshan nyid bcom ldan 'das kyis bdag la bshad du gsol/ bcom ldan 'das kyis bka' stsal pa/ blo gros chen po shin tu legs bar nyon la yid la zung zhig dang / ngas khyod la bshad do// legs so bcom ldan 'das zhes gsol nas/ byang chub sems dpa' sems dpa' chen po blo gros chen pos bcom ldan 'das la slar nyan pa dang / bcom ldan 'das kyis/ de la 'di skad ces bka' stsal to// blo gros chen po sa drug nas bzung ste/ byang chub sems dpa' sems dpa' chen po rnams dang / nyan thos dang / rang sangs rgyas rnams 'gog pa la snyoms par 'jug ste/ bdun la ni sems skad cig sems skad cig lnga/ byang chub sems dpa' sems dpa' chen po rnams dngos po thams cad kyi ngo bo nyid kyi mtshan nyid bsal bas snyoms par 'jug ste/ nyan thos dang rang sangs rgyas rnams ni ma yin no// nyan thos dang rang sangs rgyas de ngag gi 'gog pa la snyoms par 'jug pa ni/ mngon par 'du byed pa can gzung ba dang 'dzin pa'i mtshan nyid du lhung ba'o// de bas na de dag ni chos thams cad bye brag med pa'i mtshan nyid dang / sna tshogs kyi mtshan nyid med par gyur na ni mi rung ngo // sa bdun la ni sems skad cig sems skad cig la snyoms par mi 'jug ste/ chos thams cad kyi dge ba dang / mi dge ba'i rang gi mtshan nyid khong du ma chud pas snyoms par 'jug pa yin no// de bas na sa bdun la gang gis snyoms par 'jug par 'gyur ba'i sems skad cig sems skad cig la snyoms par 'jug pa la mkhas pa med do/ / blo gros chen po sa brgyad pa la ni byang chub sems dpa' rnams dang / nyan thos dang / rang sangs rgyas rnams kyi sems dang yid dang / yid kyi rnam par shes pa'i rnam par rtog pa dang / 'du shes ldog par 'gyur ro// sa dang po dang drug pa la ni khams gsum pa sems dang / yid dang / yid kyi rnam par shes pa tsam ste/ bdag dang bdag gi med pa rang gi rnam par rtog pa las byung ba/ phyi rol gyi dngos po'i mtshan nyid sna tshogs su lhung ba ma yin par mngon par rjes su mthong ngo // gzhan du na byis pa rnams kyi rang gi sems nyid gzung ba dang / 'dzin pa'i dngos por rnam pa gnyis su 'gyur te/ thog ma med pa'i dus nas spros pa'i gnas ngan len gyi bag chags kyis bsgos pa rnams kyis mi shes pas khong du mi chud do/ / blo gros chen po sa brgyad pa la ni/ nyan thos dang / rang sangs rgyas dang / byang chub sems dpa' rnams kyi mya ngan las 'das pa yin te/ byang chub sems dpa' rnams ni gang rmi yongs su mya ngan las mi 'da' bar ting nge 'dzin gyi sangs rgyas rnams kyis ting nge 'dzin gyi bde ba las rnam par 'dzin to/ / gal te ma bzung du zin na de bzhin gshegs pa'i sa yongs su ma bsgoms pa'i phyir/ sems can gyi bya ba'ang rgyun 'chad par 'gyur/ de bzhin gshegs pa'i rigs kyi gdung yang 'chad par 'gyur bas na/ sangs rgyas bcom ldan 'das de dag sangs rgyas kyi che ba nyid bsam gyis mi khyab par ston te/ de'i phyir de dag yongs su mya ngan las mi 'da' 'o// nyan thos dang / rang sangs rgyas rnams ni ting nge 'dzin gyi bde bas 'phrogs par 'gyur te// de bas na de dag gi de la mya ngan las 'da' ba'i blor 'gyur ro// blo gros chen po sa bdun la byang chub sems dpa' sems dpa' chen po rnams rang dang spyi'i mtshan nyid mi shes shing / sa'i go rims dang mtshams sbyar ba la mi mkhas pas/ mya stegs byed kyi lta ba dang lam du lhung na mi rung ngo zhes sems dang / yid dang / yid kyi rnam par shes pa'i mtshan nyid 'dris par bya ba la mkhas pa dang / bdag dang bdag gir 'dzin pa dang / chos dang gang zag la bdag med pa dang / 'jug pa dang / ldog pa dang / rang dang spyi'i mtshan nyid la 'dris par bya ba dang / so so / yang dag par rig pa rnam par gdon mi za ba la mkhas pa dang / dbang la chags pa'i bde ba dang / sa'i go rims la rjes su 'jug pa dang / byang chub kyi phyogs kyi chos rnam par dbye ba ngas byas so/ / de'i phyir sa'i go rim sna rnam par bzhag pa byaswA te/ blo gros chen po 'di la gang yang 'jug pa rnam ldog pa skyed do// gzhan du na 'di lta ste/ sa'i go rims dang / mtshams sbyar ba khams gsum pa sna tshogs su btags pa 'di ni rang gi sems snang ba tsam ste/ byis pa rnams kyis ni khong du mi chud do// byis pa rnams kyis khong du ma chud pas/ khams gsum pa sna tshogs su btags pa rnams sa'i go rims kyi mtshams sbyar ba bstan pa dang / nga dang sangs rgyas de dag gis rnam par gzhag go/ gzhan yang blo glos chen po nyan thos dang rang sangs rgyas rnams ni byang chub sems dpa'i sa brgyad par 'gog pa'i snyoms par 'jug pa'i bde ba'i myos pas myos te rang gi sems snang ba tsamya la mi mkhas pas/ rang dang spyi'i mtshan nyid kyi sgrib pa'i bag chags dang / gang zag dang / chos lnga bdag med par 'dzin pa'i lta bar lhung bas rnam par rtog pa la mya ngan las 'das pa myos pa'i blor gyur te/ rab tu dben pa'i chos la mos pa'i blo ni ma yin no// blo gros chen po byang chub sems dpa' rnams ni 'gog pa'i ting nge 'dzin gyi bde ba'i sgo mthong nas/ sngon gyi smon lam dang / snying brtse ba dang / snying rje dang ldan zhing mthar thug pa'i gnas kyi 'jug pa rnam par dbye ba shes pas/ yongs su mya ngan las mi 'da' ste de dag ni rnam par rtog pa mi 'jug pas/ mya ngan las 'das pa'ang yin no// de dag gi gzung ba dang 'dzin pa'i rnam par rtog pa ni rnam par ldog go// chos thams cad rang gi sems tsam du khong du chud pas rnam par rtog pa mi 'jug kyang / sems dang / yid dang / yid kyi rnam par shes pa dang / phyi rol gyi dngos po'i ngo bo nyid dang mtshan nyid la mngon par chags pa'i rnam par rtog pa dang bral ba'i rnams ni sangs rgyas kyi chos kyi phyir mi 'jug pa'ang ma yin te/ de bzhin gshegs pa'i bdag gi so so rang gi sa khong du chud par bya ba'i phyir ye shes sngon du 'gro bas/ skyes bu rmi kham na chu bo las rgal ba bzhin du 'jug go/ / 'di lta ste/ blo gros chen po la la nyal ba'i rmi lam na 'bad pa dang brtson pa chen pos chu bo chen po las bdag nyid brgal ba las/ de ma rgol bar sad de/ sad nas ci bden nam/ 'on te brdzun snyam du rtog go// de la 'di ltar 'di ni bden pa'ang ma yin/ brdzun pa'ang ma yin te/ gzhan du na mthong ba dang / thos pa dang / bye brag byed pa dang / rnam par rig pa dang / myong ba'i rnam par rtog pa'i bag chags sna tshogs kyi gzugs dang / dbyibs su lhung ba yin te/ yod pa dang med par rnam par rtog pa yongs su spangs pa/ yid kyi rnam par shes pas myong ba'i rmi lam na snang ba mthong ngo snyam mo// de bzhin du blo gros chen po byang chub sems dpa' sems dpa' chen po rnams kyang / byang chub sems dpa' sa brgyad la rnam par rtog pa mi 'jug par mthong ba dang / sa dang po nas bdun du 'pho ba dang / chos thams cad mngon par rtogs pa dang / sgyu ma la sogs pa'i chos dang mtshungs pas/ chos thams cad la brtson pa dang / gzung ba dang 'dzin par rnam par rtog pa dang bral ba'i sems dang sems las byung ba'i rnam par rtog pa rgyu mthong nas/ sangs rgyas kyi chos rnams la rab tu sbyor ro// blo gros chen po 'di ni byang chub sems dpa' rnams kyi mya ngan las 'das pa'i phyir/ khong du ma chud pa chud par bya ba'i sbyor ba yin te/ rnam par 'jig pa ni ma yin no// sems dang / yid kyi rnam par shes pa dang / rnam par rtog pa dang / 'du shes med par gyur pas mi skye ba'i chos la bzod pa thob par 'gyur te/ blo gros chen po snang ba med pa rnam par rtog pas dben pa'i chos bstan pa'i phyir/ don dam pa 'di la go rims dang / go rims kyi mtshams sgyur ba med do// de la 'di skad ces bya ste/ sems tsam dang ni snang med dang // sangs rgyas sa dang gnas rnams ni// de dag sangs rgyas rnams kyis bshad// 'chad cing 'chad par 'gyur ba'o// sa bdun dag ni sems yin te/ / 'di la snang med brgyad pa'o// 'di ni sa gnyis gnas yin te// sa gzhan nga yi rang bzhin no// gang dang so so rang rig pa// sa 'di nga yi rang bzhin te// dbang phyug chen po'i gnas kyi mchog/ 'og min shin tu rnam par mdzes// mi yi ji ltar de bzhin du// de yi 'od zer sna tshogs pa// yid 'ong zhi ba rab tu 'byung // de dag srid gsum sprul par byed/ / srid pa gsum po kha cig spug/ kha cig snga nas sprul pa ste// der ni theg pa rnams ston pa// de ni ngi yi rang bzhin sa// bcu po pa ni dang po yin// dang po pa ni brgyad po yin// dgu po yang ni bdun pa ste// bdun po pa yang brgyad pa yin// gnyis po ba ni gsum pa yin// bzhi po yang ni lnga po yin// gsum po yang ni drug yin te// snang med pa la rims ci yod/ / mngon par rtogs pa'i le'u ste bzhi pa'o// // de nas yang byang chub sems dpa' sems dpa' chen po blo gros chen pos/ bcom ldan 'das la 'di skad ces gsol to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rtag gam/ de ste mi rtag gam/ ci lags/ bcom ldan 'das kyis bka' stsal pa/ blo gros chen po de bzhin gshegs pa ni rtag pa'ang ma yin/ mi rtag pa'ang ma yin no// de ci'i phyir zhe na/ 'di lta ste/ gnyis kar yang nyes par 'gyur ba'i phyir ro// blo gros chen po gnyis kar yang nyes par 'gyur ba ni/ rtag tu zin na rgyur 'gyur ro// blo gros chen po mu stegs byed thams cad kyi rgyu rnams ni ma byas pa rtag pa ste/ de bas na ma byas brtag pa'i phyir/ de bzhin gshegs pa mi drug pa'ang ma yin no// mi rtag nA ni byas pas myi rtag par 'gyur ro// phung blo dang / mtshan ma dang / mtshan gyi gzhi med pa'i phyir/ phung po zhig pas chad par 'gyur te/ de bzhin gshegs pa ni chad pa ma yin no// blo gros chen po byas pa thams cad ni mi rtag pa yin te/ rdza ma dang / ras dang / re lde dang / rtswa dang / shing dang / pha khu bzhin du thams cad kyang mi rtag par 'gyur ro// byis pa'i phyir thams cad mkhyen pa'i ye shes kyi tshogs kyang don med par 'gyur ro/ / bye brag gi gtan tshigs med pas na/ byis pa thams cad kyang de bzhin gshegs par 'gyur ro// de lta bas na blo gros chen po de bzhin gshegs pa ni rtag pa'ang ma yin/ mi rtag pa'ang ma yin no/ / gzhan yang blo gros chen po de bzhin gshegs pa ni rtag pa ma yin te/ de ci'i phyir zhe na/ nam mkha' bzhin du tshogs don med par 'gyur ba'i phyir ro// 'di lta ste/ blo gros chen po nam mkha' ni rtag pa 'dra ma yin/ mi rtag pa'ang ma yin te/ rtag pa dang mi rtag pa spangs pas/ gcig pa dang / tha dad pa dang / gnyis ka dang / gnyis ka ma yin pa dang / rtag pa dang / mi rtag pa'i nyes pas brjod par bya ba ma yin no// gzhan yang blo gros chen po skye ba med pa dang / rtag pas ri bong dang / rta dang / bong bu dang / rnga mo dang sbal ba dang / sbrul dang / bya dang / nya'i rwa dang mtshungs par 'gyur te/ skye ba med pa rtag par 'gyur ba'i phyir/ de bzhin gshegs pa ni rtag pa'ang ma yin no// gzhan yang blo gros chen po rnam grangs gang gis de bzhin gshegs pa de lta bu'i rnam grangs kyang yod de/ de ci'i phyir zhe na/ 'di lta ste/ mngon par rtogs pa thugs su chud pa'i ye shes rtogs pas na// de bzhin gshegs pa ni rtag pa'o// blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams kyi mngon par rtogs pa thugs su chud pa'i ye shes ni rtag pa ste/ de bzhin gshegs pa rnams byung yang rung / ma byung yang rung ste/ nyan thos dang / rang sangs rgyas dang / mu stegs byed thams cad kyis mngon par rtogs pa rnams la chos nyid dang / chos mi 'gyur ba nyid dang / chos gnas pa nyid 'di ni 'dug pa ste/ nam mkha' la ni chos gnas par mi 'gyur na/ byis pa so so'i skye bo rnams kyis ni khong du mi chud do/ / blo gros chen po de bzhin gshegs pa rnams kyi thugs su chud pa'i ye shes ni shes rab dang / ye shes kyis shes rab tu phye ba ste/ blo gros chen po de bzhin gshegs pa ni sems dang / yid dang / yid kyi rnam par shes pa dang / phung po dang / khams dang / skye mched dang / ma rig pa'i bag chags kyis rab tu phye ba ni ma yin no// blo gros chen po skyid pa gsum po thams cad ni/ yang dag pa ma yin par rnam par rtog pa las byung ste/ de bzhin gshegs pa rnams ni yang dag pa ma yin par yongs su rtog pa las byung ba ma yin no/ / blo gros chen po gnyis yod na rtag pa dang mi rtag pa gnyis su 'gyur te/ gnyis su med pa la ni ma yin no// blo gros chen po chos thams cad gnyis su med pa dang / skyes pa'i mtshan nyid pas na/ gnyis po dben pa'o// des na de'i phyir/ blo gros chen po de bzhin gshegs pa dgra bcom pa yang dag par rdzogs pa'i sangs rgyas ni rtag pa'ang ma yin/ / mi rtag pa'ang ma yin te/ blo gros chen po ji srid du tshig gi rnam par rtog pa 'jug pa de srid du rtag pa dang mi rtag pa'i nyes par 'gyur ro// blo gros chen po rnam par rtog pa'i blo zad pas/ byis pa rnams kyi rtag pa dang / mi rtag par lta ba bzlog ste/ dben pa'i blo zad pa'i phyir ni ma yin no// de la 'di skad ces bya ste/ rtag dang mi rtag rnam grol zhing // rtag dang mi rtag rab phye bar// gang gis sangs rgyas rtag mthong ba/ / de dag lta ba'i dbang mi 'gro// rtag pa dang ni mi rtag la// yang dag bsdu ba don med 'gyur// rnam par rtog pa'i blo med pas// mi rtag pa dang rtag pa bzlog/ ji srid du yang dam bca' ba/ / de srid thams cad 'dres pa can// rang sems tsam du blta bya ste// rtsod pa brtsam par mi bya'o// de bzhin gshegs pa rtag pa dang mi rtag par 'gyur ba zhes bya ba le'u ste lnga pa'o/ / // de nas yang byang chub sems dpa' sems dpa' chen po blo gros chen pos bcom ldan 'das la 'di skad ces gsol ba btab pa/ bcom ldan 'das kyis phung po dang / khams dang / skye mched rnams 'jug pa dang / ldog pa bdag la bshad du gsol/ bde bar gshegs pa bdag la bshad du gsol/ bdag ma mchis pa gang zhig 'jug pa 'am ldog par 'gyur na/ byis pa rnams ni 'jug pa dang ldog pa la gnas pas/ sdug bsngal zad par khong du ma chud pa'i phyir/ mya ngan las 'das pa rab tu mi shes so/ / bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung zhig dang / ngas khyod la bshad do// legs so bcom ldan 'das zhes gsol nas/ byang chub sems dpa' sems dpa' chen po blo gros chen pos bcom ldan 'das la slar nyan pa dang / de la bcom ldan 'das kyis 'di skad ces bka' stsal to// blo gros chen po de bzhin gshegs pa'i snying po dge ba dang / mi dge ba'i rgyur gyur pa skye ba dang / 'gro ba thams cad byed pa dang / bdag dang bdag gi spangs pa ni gar mkhan bzhin du/ 'gro ba nyam nga bar 'jug ste/ de khong du ma chud pas gsum 'dus pa'i rkyen gyi bya ba dang ldan par 'jug na rgyu la mngon par chags shing zhen pa'i mu stegs can rnams kyis ni khong du mi chung do/ / thog ma med pa'i dus kyi spros pa'i gnas ngan len gyi bag chags rnam pa mang pos bsgos pa/ kun gzhi rnam par shes pa zhes bsgrags pa/ ma rig pa'i gnas kyis las skye ba'i rnam par shes pa bdun dang lhan cig tu/ rgya mtsho chen po'i rlabs bzhin du rtag tu lus rgyun mi 'chad pa/ mi rtag pa/ nyes pa dang bral ba/ bdag tu smra ba las rnam par log pa shin tu rang bzhin gyis yongs su dag pa 'jug go/ / de ma yin pa'i rnam par shes pa skyes nas/ yid dang / yid kyi rnam par shes pa la sogs pa bdun po skad cig pa yin te/ yang dag pa ma yin par yongs su rtog pa'i rgyu las skyes pa/ dbyibs kyi byad dang bye brag la dmigs pas/ ming dang mtshan ma la mngon par chags shing zhen pa/ rang gi sems snang ba'i gzugs dang mtshan nyid khong du chud pa/ bde ba dang sdug bsngal mi myong bar thar pa'i rgyu ma yin pa/ ming dang / mtshan ma dang / kun nas ldang ba'i 'dod chags kyis bskyed cing / skyed par byed pa de'i rgyu dmigs pa'o/ / zin pa'i dbang po zhes bya ba de dag yongs su zad cing 'gags nas de ma thag tu mi skye zhing gnas gzhan dag kyang mi 'jug pa'i phyir/ rang gi blo'i rnam par rtog pa bde ba dang / sdug bsngal mi myong ba 'du shes dang / tshor ba 'gog pa'i snyoms par 'jug pa la snyoms par zhugs pa/ bsam gtan bzhi dang / bden pa dang / rnam par thar pa la mkhas pa'i rnal 'byor can rnams ni rnam par thar pa'i blor 'gyur ro/ / de bzhin gshegs pa'i snying po zhes bsgrags pa'i kun gzhi rnam par shes pa rab tu ma gyur na/ 'jug pa'i rnam par shes pa bdun rnams 'gag pa med do/ / de ci'i phyir zhe na/ rnam par shes pa rnams de'i rgyu dang de la dmigs pas zhugs pa dang / nyan thos dang / rang sangs rgyas dang / mu stegs can gyi rnal 'byor la rnal 'byor thams cad kyi yul ma yin pa'i phyir te/ gang gis gang zag la bdag med par rtogs pa dang / phung po dang / khams dang / skye mched rnams rang dang spyi'i mtshan nyid yongs su bzung bas de bzhin gshegs pa'i snying po 'jug ste/ chos lnga dang / rang bzhin dang / chos la bdag med pa mthong bas/ sa'i rim pa mtshams sbyar ba gzhan du 'phos na ldog par 'gyur te/ gzhan mu stegs can lam la lta ba rnams kyis bskyod mi nus so// de'i phyir byang chub sems dpa'i mi g.yo ba la rab tu gnas pa ni/ ting nge 'dzin bde ba'i sgo'i lam bcu rab tu thob par 'gyur te/ ting nge 'dzin gyi sangs rgyas rnams kyis yang dag par bzung ba de'i phyir/ sangs rgyas kyi chos bsam gyis mi khyab pa dang / rang gi smon lam la rnam par lta bas/ ting nge 'dzin gyi sgo yang dag pa'i mtha' las bzlog nas/ bdag gi 'phags pa so so rang gis rig pa shes par bya ba/ nyan thos dang / rang sangs rgyas dang / mu stegs byed/ thams cad dang thun mong ma yin pa'i rnal 'byor gyi lam gyis 'phags pa'i rigs kyi lam bcu dang / ye shes dang / yid kyi lus dang / ting nge 'dzin mngon par 'du byedapa med par rab tu thob par 'gyur ro/ / de lta bas na blo gros chen po khyad par 'dod pa'i byang chub sems dpa' sems dpa' chen po rnams kyis/ de bzhin gshegs pa'i snying po kun gzhi rnam par shes pa zhes bsgrags pa rnam par sbyang bar bya'o/ / blo gros chen po gal te kun gzhi rnam par shes pa zhes bsgrags pa/ de bzhin gshegs pa'i snying po de la med du zin na/ blo gros chen po de bzhin gshegs pa'i snying po kun gzhi rnam par shes pa zhes bsgrags pa med pas/ 'jug pa'ang med/ ldog pa'ang med par 'gyur na/ blo gros chen po byis pa dang baphags pa rnams la 'jug pa dang / ldog pa'ang yod de/ rnal 'byor can brtson pa mi 'dor ba rnams bdag gi so so rang gis rig pa/ tshe 'di la bde bar spyod pas gnas so// blo gros chen po de bzhin gshegs pa'i snying po kun gzhi rnam par shes pa'i spyod yul de ni// nyan thos dang / rang sangs rgyas dang / mu stegs can rnam par spyod pa'i lta ba can rnams kyis khong du chud par dka' 'o/ / rang bzhin yongs su dag pa yin mod kyi/ blo bur gyi nyon mongs pas nye bar nyon mongs pa'i phyir/ de rnams la ma dag pa ltar snang ste/ de bzhin gshegs pa rnams la ni ma yin no/ / blo gros chen po de bzhin gshegs pa rnams la ni lag mthil na skyu ru ra'i 'bru bzhin du mngon sum gyi spyod yul du 'gyur ro// blo gros chen po de nyid lha mo dpal gyi 'phreng ba'i phyir bstan pa brjod pa dang / blo rnam par dag cing zhib mo yangs pa mkhas pa'i byang chub sems dpa' gzhon rnams kyi ched du/ de bzhin gshegs pa'i snying po kun gzhi rnam par shes pa bsgrags pa/ rnam par shes pa bdun dang bcas pa 'jug pa la mngon par chags pa'i nyan thos rnams la chos bdag med pa bstan pa'i phyir/ lha mo dpal gyi 'phreng ba'i ched du de bzhin gshegs pa'i yul bshad de/ nyan thos dang / rang sangs rgyas dang / mu stegs byed gzhan rnams kyi rtog pa'i yul ma yin no// gzhan du na blo gros chen po de bzhin gshegs pa'i snying po kun gzhi rnam par shes pa'i yul ni/ de bzhin gshegs pa'i yul te/ khyod lta bu zhib cing mkhas pa'i mos pa dang / blo rab tu 'byed pa'i byang chub sems dpa' sems dpa' chen po don la rton pa rnams kyi'ang yul te/ bstan pa brjod pa la sgra ji bzhin du mngon par chags pa'i mu stegs can gzhan dang / nyan thos dang rang sangs rgyas thams cad kyi ni ma yin no/ / de lta bas na blo gros chen po khyod dang byang chub sems dpa' sems dpa' chen po gzhan dag gis/ de bzhin gshegs pa thams cad kyi yul de bzhin gshegs pa'i snying po kun gzhi rnam par shes pa yongs su shes par bya ba 'di la brtson par bya ste/ thos pa tsam gyis chog par ni mi bya'o// de la 'di skad ces bya ste/ de bzhin gshegs pa'i snying po ni// rnam shes bdun dang ldan par yang // 'dzin pa gnyis kyis rab 'jug ste// yongs su shes pa ldog par 'gyur// gzugs brnyan bzhin du sems snang ste/ / thog ma med nas yongs su bskos// yang dag ji bzhin rnam bltas na// don dang 'dra yang don med do// ji ltar byis pa sor mo rjer// 'dzin cing zla ba mi lta ba// de bzhin yi ge 'brel ba rnams// nga yi yang dag nyid mi shes// sems ni gar mkhan bzhin du gnas// yid ni bzhad gad pa 'dra ste// lnga dang bcas pa'i rnam par shes/ / snang ba tshon dang 'dra bar rtog// bam po bdun pa// de nas yang bcom ldan 'das la byang chub sems dpa' sems dpa' chen po blo gros chen pos gsol ba btab pa/ bdag med pa gnyis rab tu dbye ba rtogs pa'i mtshan nyid gang gis bdag dang byang chub sems dpa' sems dpa' chen po gzhan rnams sa thams cad kyi rim pa mtshams sbyar ba dag tu chos 'di dag rnam par bsgom par sgom par 'gyur ba dang / chos de dag gis ci nas kyang sangs rgyas kyi chos thams cad kyi rjes su 'jug par 'gyur ba dang / sangs rgyas kyi chos thams cad kyi rjes su zhugs pas/ de bzhin gshegs pa bdag gis so so rang gi sa'i bar du 'jug par 'gyur ba'i chos lnga dang / rang bzhin dang / rnam par shes pa dang / bdag med pa gnyis rab tu dbye ba rtogs pa'i mtshan nyid bcom ldan 'das kyis bdag la bshad du gsol bde bar gshegs pas bdag la bshad du gsol/ bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung zhig dang / ngas khyod la bshad do/ / legs so bcom ldan 'das zhes gsol nas/ byang chub sems dpa' sems dpa' chen po blo gros chen pos bcom ldan 'das la slar nyan pa dang / bcom ldan 'das kyis/ de la 'di skad ces bka' stsal to// blo gros chen po chos lnga dang / rang bzhin dang / rnam par shes pa bdag med pa gnyis kyi rab tu dbye ba rtogs pa'i mtshan nyid khyod la bshad do/ / 'di lta ste/ ming dang / mtshan ma dang / rnam par rtog pa dang / yang dag pa'i ye shes dang / de bzhin nyid de/ de bzhin gshegs pa'i bdag gi 'phags pa so so rang gis rig pa la 'jug pa/ rtag pa dang / rbad pa dang / yod pa dang med pa'i lta ba rnam par spangs pa/ tshe 'di la bde ba'i sgor snyoms par 'jug pa bde bar gnas pa/ rnal 'byor can rnams mngon du 'gyur ba'o/ / de la b+h+yo gros chen po chos lnga dang / rang bzhin dang / rnam par shes pa dang / bdag med pa gnyis dang / rang gi sems dang / phyi rol gyi dngos po dang / dngos po med par khong du ma chung ba'i phyir/ byis pa rnams kyi rnam par rtog pa 'jug gi/ 'phags pa rnams kyi ni ma yin no// blo gros chen pos gsol pa/ bcom ldan 'das yang ji ltar na/ byis pa rnams kyi rnam par rtog pa 'jug cing / 'phags pa rnams kyi ma lags/ bcom ldan 'das kyis bka' stsal pa/ blo gros chen po ming dang / 'du shes dang / brdal chags pas/ byis pa rnams sems kyi rjes su 'brang ste/ rjes su 'brang bas mtshan nyid sna tshogs su 'dod pa smra/ badrug dang bdag gir lta bar lhung ba'i bsam pa can rnams kha dog rgyas pa la mngon par chags par byed de/ mngon par chags nas mi shes pas bsgribs pa'i rnams shin tu 'dod dwags so/ / shin tu 'dod chags pa'i rnams 'dod chags dang / zhe sdang dang / gti mug las byung ba'i las mngon par 'du byed de/ mngon par 'du byas nas phyi phyir shing dar gyi srin bu bzhin du rang gi rnam par rtog par yongs su dkris pa'i blo can rnams 'gro ba'i rgya mtsho dang dgon par lhung zhing / zo ba'i 'khrul 'khor bzhin du mi gda' yang sgyu ma dang / smig rgyu dang / chu zla'i rang bzhin dang 'dra bar bdag dang bdag gi dang bral ba'i chos thams cad yang dag pa ma yin par rnam par rtog pa las byung ba'i mtshan nyid kyi gzhi dang / mtshan ma dang bral ba/ skye ba dang / gnas pa dang / 'jig pa 'jug pa rnam par log pa/ rang gi sems kyi rnam par rtog pa las byung ba/ dbang phyug dang / dus dang / rngub phra mo dang / go tso bo las byung ba ma yin par ni mi shes te/ blo gros chen po ming dang mtshan mas g.yengs pa'i phyir/ byis pa rnams mtshan ma'i rjes su 'brang ngo / / de la blo gros chen po mtshan ma ni mig gi rnam par shes pa'i snang bar 'gyur ba yin te/ gzugs zhes bya'o// de bzhin du rna ba dang / sna dang / lce dang / lus dang / yid kyi rnam par shes pa rnams la/ sgra dang / dri dang / ro dang / reg bya dang / chos zhes bya ste/ 'di ni mtshan ma zhes bshad do// de la blo gros chen po rnam par rtog pa ni glang gis ming du brjod cing / 'di ni glang po dang / rta dang / shing rta dang / rkang thang dang / skyes pa dang / bud med la sogs pa zhes bya ba yin te/ de bzhin yin gyi/ 'di ni gzhan du ma yin no zhes mtshan ma gsal bar byed pa de ni rnam par rtog pa'o// blo gros chen po yang dag pa'i ye shes ni gang gis ming dang mtshan / ma mi dmigs shing / phan tshun glo bur du byung ba'i phyir/ rnam par shes pa mi 'jug pa/ rtag pa med pa dang / rgyud pa med pa'i phyir/ mu stegs byed dang / nyan thos dang / rang sangs rgyas thams cad kyi sar lhung bar mi byed pas/ yang dag pa'i ye shes zhes bya'o// gzhan yang blo gros chen po yang dag pa'i ye shes des byang chub sems dpa' sems dpa' chen po ming dngos por mi byed/ mtshan ma dngos po med par yang mi byed do// sgro 'dogs pa dang / skur pa'i mtha' gnyis su ngan par lta/ ba rnam par spangs pa/ ming dang mtshan ma'i don mi 'jug par shes pa de lta bu ni de bzhin nyid yin par bshad do// blo gros chen po de bzhin nyid la gnas pa'i byang chub sems dpa' sems dpa' chen po ni snang ba med pa'i rtogs pa'i spyod yul thob pa'i phyir/ byang chub sems dpa'i sa rab tu dga' ba thob ste/ des byang chub sems dpa'i sa rab tu dga' ba thob nas/ mu stegs can dang / ngan song gi 'gro ba thams cad las rnam par log pa yin te/ 'jig rten las 'das pa'i chos rtogs pa la yang dag par zhugs pa rtog ge'i lta ba la ltad mo dang rnam par bral bas mtshan nyid la 'dris pa'i phyir sgyu ma la sogs pa sngon du 'gro ba'i chos kyi tshul rnam par sgom zhing / mthar gyis bdag gis 'phags pa so so rang gis rig pa'i chos kyi mtshan nyid kyi chos kyi sprin gyi sa'i bar du 'thob par 'gyur ro/ / chos kyi sprin gyi sa'i 'og tu ting nge 'dzin dang / stobs dang / dbang dang / mngon par shes pa'i me tog shin tu rgyas pa de bzhin gshegs pa'i sa'i bar du rab tu thob par 'gyur ro// des thob nas sems can yongs su smin par bya ba'i phyir// sprul pa'i 'od zer sna tshogs kyis rnam par mdzes te/ chu'i zla ba bzhin du thug pa med par gnas la shin tu 'brel ba'i chos can/ mos pa tha dad pa'i sems can rnams la chos ston te/ blo gros chen po byang chub sems dpa' sems dpa' chen po rnams de bzhin nyid la zhugs pa'i phyir/ yid dang / rnam par rig pa dang bral ba'i lus de'ang thob par 'gyur ro/ / blo gros chen pos gsol ba/ bcom ldan 'das rang bzhin gsum po rnams chos lnga'i nang du 'dus sam/ 'on te rang gi mtshan nyid du grub pa 'am/ ci lags/ bcom ldan 'das kyis bka' stsal pa/ blo gros chen po 'di nyid kyi nang du rang bzhin gsum dang / rnam par shes pa brgyad dang / bdag med pa gnyis kyang 'dus so/ / de la ming dang mtshan ma ni kun brtags pa'i rang bzhin du shes par bya'o// gang yang blo gros chen po de la gnas shing zhugs pa'i rnam par rtog pa sems dang sems las byung ba zhes bsgrags pa/ nyi ma dang 'od zer lhan cig pa/ dus gcig tu 'byung ba sna tshogs kyi mtshan nyid/ rang gi rnam par rtog pa khong du chud par bya ba'i rang bzhin ni/ blo gros chen po gzhan gyi dbang zhes bya'o// blo gros chen po yang dag pa'i ye shes dang / de bzhin nyid ni mi 'jig pa'i phyir/ rang bzhin yongs su grub par shes par bya'o// gzhan yang blo gros chen po rang gi sems snang ba la mngon par chags pas rtogs pa brgyad du phye ste/ mtshan ma yang dag pa ma yin pa'i mtshan nyid la kun brtags pa'i phyir// bdag dang bdag gir 'dzin pa gnyis rnam par zhig pas/ bdag med pa gnyis skye'o// blo gros chen po chos lnga po 'di rnams kyi nang du sangs rgyas kyi chos thams cad dang / sa rnam par dbye ba'i mtshams sbyar ba dang / nyan thos dang / rang sangs rgyas dang / byang chub sems dpa' dang / de bzhin gshegs pa rnams kyi bdag gi 'phags pa so// so rang gi rig pa'i ye shes rtogs pa la 'jug pa rnams kyang 'dus so// gzhan yang blo gros chen po chos lnga rnams ni mtshan ma dang / ming dang / rnam par rtog pa dang // de bzhin nyid dang / yang dag pa'i ye shes te/ blo gros chen po de la mtshan ma ni/ gang gi dbyibs dang / rnam pa dang / khyad par dang / byang dang / gzugs la sogs pa'i mtshan nyid du snang ba de mtshan ma'o/ / gang mtshan ma de nyid la rdza ma la sogs par ming btags te/ 'di ni de bzhin gyi/ gzhan gyi gzhan du ma yin no zhes bya ba de ni ming ngo // blo gros chen po gang gis bde ba zhe/ 'am/ go cha zhes ming de brjod cing / mtshan ma gsal bar byed pa/ sems dang sems las byung bar bsgrags pa de ni rnam par rtog pa'o// chos de dag phan tshun du myong ba med cing / kun brtags pa'ang ma yin pa'i phyir/ gang blo rab tu zhig pa'i bar du ming dang mtshan ma shin tu mi dmigs pa de ni/ de bzhin nyid de 'o na nyid yang dag pa nges pa mthar thug pa/ rang bzhin dang / ngo bo nyid dang / mi dmigs pa de bzhin nyid kyi mtshan nyid du nga dang de bzhin gshegs pa gzhan dag gis kyang thugs su chud de/ ji lta ba bzhin du bshad do// btags so// bkrol lo// gsal byar byas so// gang gis khong du chud cing yang dag par rtogs pa dang / gang chad pa med pa dang / rtag pa med pa'i phyir/ rnam par rtog pa mi 'jug pa bdag gi 'phags pa so so rang gi ye shes dang 'thun pa pha rol gyi phyogs mu stegs byed dang / nyan thos dang / rang sangs rgyas rnams kyi spyod yul ma yin pa de ni yang dag pa'i ye shes te/ blo gros chen po de dag ni chos rnam pa lnga'o// 'di dag nyid kyi nang du rang bzhin gsum dang / rnam par shes pa brgyad dang / bdag med pa gnyis dang / sangs rgyas kyi chos thams cad kyang 'dus te/ blo gros chen po de la khyod kyis rang gi blo la mkhas par bya'o// gzhan yang byed du gzhug cing gzhan gyi dring la 'jog par mi bya'o/ / de la 'di skad ces bya ste/ chos lnga dag dang rang bzhin dang // rnam shes brgyad po nyid kyang dang // bdag med rnam pa gnyis bor ni/ / theg chen thams cad 'dus pa yin// ming dang mtshan ma kun rtog pa// rang bzhin gnyis kyi mtshan nyid de// yang dag ye shes de bzhin nyid// yongs su grub pa'i mtshan nyid do/ / de nas yang bcom ldan 'das la/ byang chub sems dpa' sems dpa' chen po blo gros chen pos 'di skad ces gsol to// gang 'di skad ces bcom ldan 'das kyis bstan pa brjod pa las/ de bzhin gshegs pa 'das pa dang / ma byon pa dang / da ltar gyi ni gang+gA'i klung gi bye ma snyed do zhes gsungs na/ bcom ldan 'das 'di la sgra ji bzhin gyi don du gzung bar bgyi bram/ 'on te don gyi bye brag gzhan zhig mchis sam/ ci lags/ bcom ldan 'das kyis de bka' stsal du gsol/ bcom ldan 'das kyis bka' stsal pa/ blo gros chen po sgra ji bzhin gyi don du gzung bar mi bya ste/ blo gros chen po kang+gA'i klung gi bye ma'i tshad kyis ni dus gsum gcig gi sangs rgyas kyi tshad du'ang mi 'gyur te/ de cing phyir zhe na/ blo gros chen po 'di lta ste/ 'jig rten gyi phul las 'das pa dang 'dra ba dag dang / mi 'dra ba'i phyir dpe ni dbye ma yin no// blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams ni 'jig rten gyi phul las 'das pa dang 'dra bas/ mi 'dra ba'i dpe mi ston no// blo gros chen po gzhan du rtag pa dang / mi rtag pa lnga mngon par zhes pa'i byis pa so so'i skye bo mu stegs byed kyi lta ba ngan pas brlab pa/ 'khor ba srid pa'i 'khor lo'i rjes su 'brang ba'i rnams sko bar bya ba'i phyir/ ji ltar 'di dag srid pa'i 'gro/ ba'i 'khor lo nyam nga ba de la skyo bar gyur te/ khyad par 'dod pas khyad par du rtsom par 'gyur zhing / sangs rgyas 'thob par smra bar bstan pa'i phyir/ de bzhin gshegs pa rnams skye ba ni u dum wa ra'i me tog lta bu yin no/ / zhes brtson 'grus rtsom par 'gyur bas/ de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed ces bya ba 'di ni dpe tsam du bzhag pa'o/ / bstan pa brjod pa las ngas 'dul ba'i skye bo rnams la bltas nas/ de bzhin gshegs pa rnams byung ba ni u dum wa ra'i me tog bzhin du rnyed par dka' 'o zhes bshad mod kyi blo gros chen po u dum wa ra'i me tog ni sngon sus kyang ma mthong zhing mthong bar mi 'gyur na/ blo gros chen / po de bzhin gshegs pa rnams 'jig rten du mthong zhing da ltar yang snang ste/ rang gi tshul so sor gzhag pa'i gtam gyi dbang du bya bar de bzhin gshegs pa rnams 'byung ba ni/ u dum wa ra'i me tog bzhin rnyed par dka' 'o zhes ni ma bshad do// blo gros chen po rang gi tshul so sor gzhag pa'i gtam bshad na/ 'jig rten gyi phul las 'das pa'i dpe rigs pa rnams mi bya ste/ yid ches par mi rung bas na/ byis pa so so'i skye bo rnams dad par mi 'gyur ro// de kho na nyid ni sems dang / yid dang / yid kyi rnam par shes pa las 'das pa'i phyir/ bdag gri 'phags pa so so rang gi ye shes kyi spyod yul la ni dpe rnams mi 'jug go// de kho na nyid ni de bzhin gshegs pa rnams yin te/ de'i phyir na de dag lad pe rnams gzhug par mi bya mod kyi/ blo gros chen po 'on kyang 'di ni dpe tsam du byas pa 'di lta ste/ de bzhin gshegs pa rnams ni gang+gA'i klung gi bye ma dang mnyam ste/ mi rtog pa rnam par mi rtog pas na mnyam zhing myi mnyam pa med do// blo gros chen po 'di lta ste/ dper na gang+gA'i klung gi bye ma rnams nya dang / rus sbal dang // chu srin byis pa gsod pa dang / mi dang / ma he dang / seng ge dang / glang po dang / rta la sogs pas dkrugs kyang dkrugs so zhe 'am/ ma dkrugs so zhes mi rtog/ rnam par mi rtog cing / dngal dri ma dang bral te/ rnam par rtog pa med do// de bzhin du blo gros chen po de bzhin gshegs pa dgra bcom pa yang dag par rdzogs pa'i sangs rgyas rnams kyi bdag gi 'phags pa so so rang gi ye shes ni kang+gA'i klung gi stobs dang / dbang dang / mngon par shes pa'i bye ma rnams ni byis pa mu stegs byed pha rol rgol ba'i nya thams cad kyis dkrugs kyang / de bzhin gshegs pa rnams kyi sden smon lam btab pa'i phyir/ mi rtog/ rnam par mi rtog ste/ bde ba'i snyoms par 'jug pa thams cad yongs su rdzogs pas sems can rnams la mi rtog/ rnam par mi rtog go/ de bas na de bzhin gshegs pa de dag ni rjes su chags pa dang / khong khro ba med pa'i phyir gang+gA'i klung gi bye ma dang mnyam ste/ bye brag med do// 'di lta ste/ blo grosna chen po gang+gA'i klung gi bye mu rnams ni sa'i mtshan nyid kyi rang bzhin yin pas/ bskal pa tshig pa na/ sa ni bsregs kyang sa'i rung bzhin mi 'dor ro/ / blo gros chen po ma'i khams dang 'brel ba'i phyir sa nI mi tshig ste/ gzhan du ni byis pa so so'i skye bo rnams log par lhung ba'i blos tshig par rtog mod kyi/ de ni me'i rgyu las byung ba'i mi tshig go// de bzhin du blo gros chen po de bzhin gshegs pa rnams kyi chos kyi sku'ang pad+mo'i klung ki bye ma dang mnyam ste/ mi 'jig go/ lta ste/ blo gros chen po gang+gA'i klung gi bye ma rnams ni tshad med de/ de bzhin du blo gros chen po de bzhin gshegs pa rnams kyi 'od zer snang ba tshad me pa'ang sems can yongs su smin par bskul ba'i phyir/ de bzhin gshegs pa rnams kyis sangs rgyas thams cad kyi 'khor gyi dkyil 'khor du mthong ngo // 'di lta ste blo gros chen po gad+hA'i klung gi bye mi rnams rang bzhin gzhan du mi rtsom ste/ bye ma rnams ni bye ma'i gnas nyid do// de bzhin du blo gros chen po de bzhin gshegs pa dgra bcom bya yang dag par rdzogs pa'i sangs rgyas rnams ni srid pa thams cad du 'jug pa'i rgyu chad pa yin pas na/ 'khor bar 'jug pa'ang med/ ldog pa'ang med do// 'di lta ste/ blo gros chen po de gang+gA'i klung gi bye ma rnams ni phri'ang mngon pa med/ bsnan kyang mngon pa med do// de bzhin du blo gros chen po chos la lus med pa'i phyir/ de bzhin gshegs pa'i ye shes kyang sems can yongs su smin par bya ba'i sbyor bar mi zad/ mi 'phel lo// blo gros chen po chos ni lus med de/ lus dang ldan pa la ni 'jig pa yod kyi/ lus dang mi ldan pa la ni ma yin no/ / 'di lta ste/ blo gros chen po gang+gA'i klung gi bye ma rnams ni mar dang 'bru mar 'dod pas rab tu btsir yang / mar dang 'bru mar med pa de bzhin du/ blo gros chen po de bzhin gshegs pa rnams ni sems can gyi sdug bsngal dag gis rab tu gzir kyang / snying rje chen po dang ldan pa'i phyir/ de bzhin gshegs pa rnams kyis sems can thams cad mya ngan las 'das kyi bar du/ chos kyi dbyings kyi rang gi dang gi smon lam gyi bde ba mi 'dor ro// 'di lta ste/ blo gros chen po gang+gA'i klung gi bye ma rnams ni/ 'bab pa'i rgyun du 'thun par 'bab ste/ chu med par ni ma yin no// de bzhin du blo gros chen po de bzhin gshegs pa rnams kyi chos bstan pa thams cad kyang / mya ngan las 'das pa'i 'bab pa'i rgyun du mthun par 'jug ste/ de'i phyir de bzhin gshegs pa rnams gang+gA'i klung gi bye ma dang mnyam zhes bya'o// blo gros chen po 'gro ba'i dron 'di ni de bzhin gshegs pa rnams la mi 'jig go/ blo gros chen po 'jig pa ni 'gro ba'i don yin te/ blo gros chen po 'khor ba'i thog ma'i mtha' shes pa'ang med de/ mi shes na ji ltar 'gro ba'i don du bshad/ blo gros chen po 'gro ba'i don ni chad pa yin na/ byis pa so so'i skye bo rnams kyis ni rab tu mi shes so// blo gros chen pos gsol pa/ bcom ldan 'das de gal te sems can rnams 'khor ba'i thog ma'i mtha' shes pa'ang med na de ji ltar srog chags rnams thar par shes/ bcom ldan 'das kyis bka' stsal pa/ blo gros chen po rang g i sems snang ba'i phyi rol rdzi don yongs su shes pas thog ma med pa'i dus kyi spros pa gnas ngan len rnam par rtog pa'i bag chags kyi rgyu rnam par ldog cing gnas shin tu gyur pa ni thar pa yin te/ blo gros chen po 'jig pa ni ma yin no// de bas na blo gros chen po mtha' med pa'i ka ta ma ni cir yang dgos pa ma yin no// blo gros chen po mtha' med pa'i mtha' zhes bya ba 'di ni rnam par rtog pa'i rnam grangs te/ 'di la blo gros chen po yongs su brtags na/ rnam par rtog pa las phyi 'am nang gi sems gzhan gang yang med do/ / blo gros chen po chos thams cad ni shes pa dang / shes par bya ba'i dben pa yin te/ gzhan du na rang gi sems snang ba'i rnam par rtog pa yongs su mi shes pa'i phyir/ rnam par rtog pa 'jug ste/ de khong du ma chud pas ldog par 'gyur ro// de la 'di skad ces bya ste/ gang gis gang+gAr bye mnyam du// 'jig med tshul gyi mthar thug par// 'dren pa rab tu mthong ba ni/ / de dag 'dren pa mthong ba'o// kad+hA 'i bye ma ji bzhin du// nyes pa thams cad rnam spangs te// 'ab bye phyogs 'thun zhing rtag pa ltar// de bzhin sangs rgyas sangs rgyas nyid/ de nas yang bcom ldan 'das la/ byang chub sems dpa' sems dpa' chen po blo gros chen pos 'di skad ces gsol to// bcom ldan 'das bde bar gshegs pas chos thams cad skad cig tu 'gyur bas 'jig pa bdag la bshad du gsol/ de bzhin gshegs pa dgra bcom pa yang dag par rdzogs pa'i sangs rgyas kyis bdag kha bshad du gsol/ bcom ldan 'das ji ltar na chos thams cad skad cig tu lags/ bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung zhig dang / ngas khyod la bshad do// legs so bcom ldan 'das zhes gsol nas/ byang chub sems dpa' sems dpa' chen po blo gros chen pos bcom ldan 'das la slar kun pa dang / bcom ldan 'das kyis/ de la 'di skad ces bka' stsal to// blo gros chen po chos thams cad ces bya ba ni 'di lta ste/ dge ba dang / mi dge ba dang / 'dus byas dang / 'dus ma byas dang / 'jig rten pa dang / 'jig rten las 'das pa dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / zin pa dang ma zin pa rnams yin te/ blo gros chen po mdor na len pa'i phung po lnga sems dang / yid dang / yid kyi rnam par shes pa'i bag chags kyi rgyu las byung ba rnams ni sems dang / yid dang / yid kyi rnam par shes pa'i bag chags rgyas pa'i phyir/ so so'i skye bo rnams kyis dge ba dang mi dge bar yongs su brtags so/ / blo gros chen po ting nge 'dzin gyi 'dre ba dang snyoms par 'jug pa rnams ni/ tshe 'di la bde bar gnas pa'i dngos pos 'ab pa rnams kyi dge ba'i zag pa med pa zhes bya'o/ / blo gros chen po dge ba dang mi dge ba ni 'di lta ste/ rnam par shes pa brgyad rnams so// brgyad gang zhe na/ 'di lta ste/ de bzhin gshegs pa'i snying po kun gzhi rnam par shes pa zhes bsgrags pa dang / y+r-i de dang / yid kyi rnam par shes pa dang / mu stegs can gyis brjod pa'i rnam par shes pa 'dus pa lnga rnams so/ / blo gros chen po de la rnam par shes pa 'dus pa lnga rnams yid kyi rnam par shes pa dang bcas pa/ dge ba dang mi dge ba'i skad cig ma gcig nas gcig du dbye/ bas tha dad du gyur pa/ rgyud kyi rgyun gyis lus tha mi dad par 'byung ba 'byung ngo // byung nas kyang 'jig par 'gyur ro// rang gi sems snang ba ma rtogs pa'i phyir/ 'gag ma thag tu rnam par shes pa gzhan 'byung ste/ dbyibs byad kyi bye brag 'dzin pa'i yid kyi rnam par shes pa 'dus pa lnga dang ldan par 'byung bar 'gyur te/ skad cig gi dus su mi gnas pa de ni skad cig pa'o zhes ngas bshad do/ / blo gros chen po kun gzhi rnam par shes pa de bzhin gshegs pa'i snying po zhes bsgrags pa/ yid dang lhan cig pa skad cig pa ni/ 'jug pa'i rnam par shes pa'i bag chags kyis skad cig pa yin te/ zag pa med pa'i bag chags kyis ni skad cig pa ma yin no// byis pa so so'i skye bo skad cig mar smra ba la chags pa rnams kyis ni/ chos thams cad kyi skad cig pa dang / skad cig pa ma yin pa 'di mi rtogs so// de ma rtogs pa'i phyir chad par lta bas 'dus ma byas pa'i chos rnams kyang 'jig par byed do// blo gros chen po rnam par shes pa 'dus pa lnga rnams ni/ 'khor ba'ang ma yin/ bde ba dang / sdug bsngal myong ba'ang ma yin/ mya ngan las 'das pa'i rgyu yang ma yin no// blo gros chen po de bzhin gshegs pa'i snying po ni bde ba dang / sdug bsngal gyi myong ba'i rgyu dang bcas pa/ bag chags bzhi dang ldan pas 'jug cing ldog ste/ byis pa skad cig mar lta ba'i rnam par rtog pas bsgos pa'i blo can dag gis ni mi rtogs so/ / blo gros chen po gzhan yang gser dang / rdo rje dang / rgyal ba'i ring bsrel dang / thob pa dang / khyad par dag ni mi 'jig pa yin te/ blo gros chen po kal te mngon par rtogs pa 'thob pa skad cig ma yin na ni/ 'phags pa rnams 'phags pa ma yin par 'gyur te/ 'phags pa rnams ni 'phags pa ma yin par mi 'gyur ro/ / blo gros chen po gser dang rdo rje ni bskal par bzhag kyang de bzhin du 'dug ste/ mi 'bri/ mi skye na/ byis pa ldem po ngag tu bshad pa la mi mkhas pa dag gis phyi nang gi chos thams cad skad cig ma'i don du ji ltar brtag/ yang blo gros chen pos gsol pa/ gang yang bcom ldan 'das kyis 'di skad du/ pha rol tu phyin pa drug yongs su rdzogs par byas nas/ sangs rgyas thob par 'gyur ro zhes bka' stsal to// pha rol tu phyin pa de dag gang lags/ ji ltar na yongs su rdzogs par 'gyur bcom ldan 'das kyis bka' stsal pa/ blo gros chen po pha rol tu phyin pa'i bye brag ni 'di gsum ste/ gsum gang zhe na/ 'di lta ste/ 'jig rten pa dang / 'jig rten las 'das pa dang / 'jig rten las 'das pa'i mchog go// blo gros chen po de la 'jig rten pa'i pha rol tu phyin pa ni/ bdagra dang / bdag gir 'dzin pa la mngon par chags shing zhen nus mtha' gnyis su 'dzin pa srid par skye ba'i gnas sna tshogs kyi phyir/ gzugs la sogs pa'i yul 'dod pa dag sbyin pa'i pha rol tu phyin pa yongs su rdzogs par byed do// de bzhin du blo gros chen po byis pa rnams tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa yongs su rdzogs par byed de/ tshangs par skye bar bya ba'i phyir/ mngon par shes pa dag kyang mngon par sgrub bo// de la 'jig rten las 'das pa'i pha rol tu phyin pa rnams kyis ni/ byis pa rnams bdag bde ba mya ngan las 'das pa 'dod pa bzhin du/ nyan thos dang rang sangs rgyas rnams mya ngan las 'das par 'dzin par sdung ba'i bsam pa can rnams sbyin pa la sogs pa la rab tu sbyor ba'o// blo gros chen po 'jig rten las 'das pa'i mchog rnams ni/ byang chub sems dpa' sems dpa' chen po rnal 'byor dam pa la rnal 'byor pa rnams rang gi sems snang ba tsam du 'dzin pa dang / rang gi sems gnyis gnyis su rtog pa dang / rnam par rtog pa mi 'jug pa dang / len pa la 'dzin med pa dang / rang gi sems dang / gzugs kyi mtshan nyid la mngon par chags pas// sems can thams cad la phan pa dang bde ba'i phyir/ sbyin pa'i pha rol tu phyin pa 'byung bar 'gyur ro// gang dmigs pa de nyid la rnam par rtog pa'i mi 'jug par bsgom pa de ni tshul khrims te/ pha rol tu phyin pa'ang de'o// gang gzung ba dang 'dzin pa yongs su shes pas rnam par rtog pa de nyid mi 'jug par bzod pa de ni/ bzod pa'i pha rol tu phyin pa'o// brtson 'grus gang gis nam gyi cha stod dang / nam gyi chu smad la brtson par byed cing / rnal 'byor dang 'thun par mthong bas/ rnam par rtog pa ldog pa'i phyir/ de ni brtson 'grus kyi pha rol tu phyin pa'o/ / gang rnam par rtog pa bzlog pa'i phyir/ mu stegs can gyi mya ngan las 'das par 'dzin par mi ltung ba de ni/ bsam gtan gyi pha rol tu phyin pa'o// de la shes rab kyi pha rol tu phyin pa ni/ nam rang gi sems kyi rnam par rtog pa med dang / blo rab tu 'byed pa'i bar du rab tu phyin na/ mtha' gnyis su mi lhung zhing / gnas 'gyur ba sngon du 'gro ba mi dmigs pas/ bdag gis 'phags pa so so rang gis rig pa thob par bya ba'i phyir/ rab tu sbyor ba de ni shes rab kyi pha rol tu phyin pa'o/ blo gros chen po de dag ni pha rol tu phyin pa rnams yin te/ 'di ni pha rol tu phyin pa'i don to// de la 'di skad ces bya ste/ stong pa mi rtag skad cig par// 'dus byas la ni byis pa rtog 'bab chu me mar sa bon dpes/ / skad cig pa yi don du rtog/ byed pa med cing skad cig pa// dben pa byed pa spangs pa dang / chos rnams skye ba med pa dang / skad cig don du ngas bshad do// skyes ma thag tu 'jig par ni// byis pa rnams la'ang nga mi 'chad// dngos po rnams kyi rnam rtog pa// bar chad med par 'gro bar g.yo// sems de 'byung bar byed pa'o// rgyu ni ma rig de yin te/ / ji srid gzugs dag mi shes pa// de srid bar du de nas ci// zhig par gyur ma thag tu ni// sems ni gzhan rnams rab 'byung ste// gzugs ni dus su mi gnas na// ci la dmigs te 'byung bar 'gyur// gang las gang du 'jug pa yi// sems ni log pa'i rgyu las byung // de ni rab tu ma grub na// ji ltar skad cig 'jig par rig/ rnal 'byor can gyi snyoms 'jug dang / / gser dang rgyal ba'i ring bsrel dang // 'od snang gnas kyi gzhal med khang // 'jig rten rgyu yis 'jig pa med// gnas pa rnams dang thob pa'i chos// sangs rgyas ye shes phun sum tshogs/ / dge slong nyid dang shes thob rnams// skad cig mar ni ji ltar mthong // sgyu ma dri za'i grong la sogs// gzugs rnams ji ltar skad cig pa// 'byung ba ma yin gzugs rnams dang / / 'byung po de dag gang du song // skad cig ma'i le'u ste drug pa'o// // de nas yang bcom ldan 'das la/ byang chub sems dpa' sems dpa' chen po blo gros chen pos 'di skad ces gsol to/ / ci'i slad du bcom ldan 'das kyis dgra bcom pa rnams bla na med pa yang dag par rdzogs pa'i byang chub tu 'gyur ba dang / sems can yongs su mya ngan las mi 'da' ba'i chos can rnams de bzhin gshegs par 'gyur bar yang lung bstan/ / de bzhin gshegs pa gang gi nub mo bla na med pa yang dag par rdzogs pa'i byang chub tu mngon par rdzogs par sangs rgyas nas/ gang gi nub mo yongs su mya ngan las 'das pa de'i bar du/ bcom ldan 'das kyis yi ge gcig kyang ma gsungs/ ma bshad/ de bzhin gshegs pa ni mnyam par bzhag pa lags te/ mi rtog mi spyod par 'phrul pa dag kyang sprul nas/ de dag gis de bzhin gshegs pa'i bya ba mdzad/ rnam par shes pa rnams kyang skad cig ma gcig nas gcig tu tha pa'i mtshan nyid du bshad/ lag na rdo rje'ang khor mor rtag tu zham ring du 'brang ba thog ma'i mthar mi 'dogs la/ mya ngan las 'das par 'dogs bdud dang bdud kyi las rnams dang / las kyi rgyud rnams dang / bram ze'i tsan tsa dang / ma nges pa kun tu rgyu dang / lhung bzed bkrus bzhin pa la sogs pa las kyi sgrib pa dag gda' na/ bcom ldan 'das de ji ltar bcom ldan 'das kyis nongs pa dag ma spangs par rnam pa thams cad mkhyen pa nyid thob/ bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung zhig dang / ngas khyod la bshad do// legs so bcom ldan 'das zhes gsol nas/ byang chub sems dpa' sems dpa' chen po blo gros chen pos bcom ldan 'das la slar nyan pa dang / bcom ldan 'das kyis/ de la 'di skad ces bka' stsal to// phung po'i lhag ma ma lus pa'i mya ngan las 'das pa'i dbyings la'ang dgongs nas/ byang chub sems dpa'i spyod pa spyad pa rnams kyang rab tu spro bar bya ba'i phyir te/ blo gros chen po sangs rgyas kyi zhing 'di dang gzhan dag na/ byang chub sems dpa'i spyod pa spyad pa rnams gang dag nyan thos kyi theg pas yongs su mya ngan las 'das par 'dod pa yod de/ de dag nyan thos kyi theg pa 'dod pa las bzlog par bya ba dang / theg pa chen po la rab tu spro bar bya ba'i phyir/ sprul pa'i nyan thos rnams la sprul pa'i sku dag gis lung bstan gyi/ chos nyid kyi sangs rgyas rnams kyis ni ma yin no// blo gros chen po la dgongs nas nyan thos lung bstan to/ / blo gros chen po rnam par grol ba ro gcig pa'i phyir/ nyan thos dang rang sangs rgyas rnams nyon mongs pa'i sgrib pa spangs pa ni/ bye brag med mod kyi / shes bya'i sgrib pa spangs pa ni ma yin no// blo gros chen po shes bya'i sgrib pa ni chos la bdag med pa mthong ba'i bye brag gis rnam par dag par 'gyur ro// nyon mongs pa'i sgrib pa ni gang zag la bdag med pa mthong ba'i bye brag gis rnam par dag par 'gyur ro/ / nyon mongs pa'i sgrib pa ni yid kyi rnam par shes pa bzlog pa'i phyir/ gang zag la bdag med pa mthong ba la sgom pa sngon du 'gro bas spongs par 'gyur ro/ / chos kyi sgrib pa rnam par grol ba de ni kun gzhi rnam par shes pa'i bag chags bzlog pa'i phyir/ rnam par dag par 'gyur ro// sngon gyi chos kyis lugs la dgongs te sngon dang phyis med pa mi 'byung ba'i phyir/ sngon bshad pa'i yi ge de dag nyid kyis de bzhin gshegs pa mi rtog mi dpyod par chos 'chad de/ mkhyen bzhin du mdzad pa dang / dran pa nyams pa med pa dang / bag chags kyi gzhi spangs pa dang / shi 'bog nyid dang bral ba dang / nyon mongs pa dang bral ba dang / shes bya'i sgrib pa gnyis spang bya/ ba'i phyir mi rtog mi dpyod do// blo gros chen po yid dang / yid kyi rnam par shes pa dang / mig gi rnam par shes pa la sogs pa bdun rnams ni dge ba zag pa med pa'i phyogs dang bral ba mi 'khor ba yin te/ bag chags kyi rgyu las byung ba'i phyir skad cig ma'o// blo gros chen po de bzhin gshegs pa'i snying po ni 'khor zhing mya ngan las 'das pa dang / bde ba dang sdug bsngal ba'i rgyu yin te/ byis pa so so'i skye bo stong pa nyid kyis g.yengs pa'i blo can dag ni rnam par dag pa nyid mi shes so// blo gros chen po lag na rdo rje ni 'phrul pas sprul pa'i de bzhin// gshegs pa rnams kyi drung na 'dug gi/ de bzhin gshegs pa dgra bcom pa yang dag par rdzogs pa'i sangs rgyas ngo bo rnams kyi drung na ni ma yin no// blo gros chen po de bzhin gshegs pa ngo bo ni byis pa so so'i skye bo dang / nyan thos dang / rang sangs rgyas dang / mu stegs can thams cad kyi tshad ma dang / dbang po las rnam par log pa yin te/ tshe 'di la bde bar gnas pa dag mngon par rtogs pa'i chos shes pa'i bzod pas rtogs par byed de/ de bas na lag na rdo rje de'i zhabs 'bring na mi 'bring ngo // sprul pa'i sangs rgyas thams cad ni las las byung ba ma yin te/ de dag la'ang de bzhin gshegs pa med/ de dag las gzhan yang de bzhin gshegs pa med de/ rdza mkhan gyi dmigs pa la sogs pa'i sbyor ba lta bus bya ba thams cad byed cing / mtshan ma dang ldan par yang sgron mod kyi/ rang gi tshub so sor gzhag pa'i gtam bdag gi 'phags pa so so rang gis rig pa'i spyod yul ni mi ston to// blo gros chen po gzhan yang byis pa so so'i skye bo rnams ni rnam par shes pa 'dus te drug 'gags pas chad par lta ba la rten to/ / kun gzhi ma brtags pa'i phyir rtag par lta bar 'gyur ro// blo gros chen po rang gi blo'i rnam par rtog pa'i thog ma'i mtha' shes par mi rung ste/ rang gi blo rnam par rtog pa nyid bzlog pas thar par yang shes so// bag chags kyi gzhi spangs pa'i phyir nyes pa thams cad spangs par 'gyur ro// de la 'di skad ces bya ste/ theg pa gsum dang theg pa med// sangs rgyas mya ngan 'das med dang // thams cad sangs rgyas lung bstan cing // nyes pa dang yang bral bshad dang // mngon par rtogs mtha'i ye shes dang / de bzhin len med rtogs pa dag/ zhum pa'i rnams kyang spro ba'i phyir// de dag dgongs te bshad pa'o// sangs rgyas dag gi ye shes skyed// de dag nyid kyis lam yang bshad/ / gzhan yang ma yin de nas 'gro// de phyir mya ngan de mi 'da'// srid pa 'dod gzugs lha rnams kyi// bag chags rnam pa bzhir 'gyur te// yid kyi rnam par shes las 'byung / / kun gzhi dang ni yid la gnas// yid kyi rnam shes yid la sogs// mi rtag phyir ni chad pa ste// thog ma med pas rtag pa dang // mya ngan// 'da' mos lta bar 'gyur/ de nas yang byang chub sems dpa' sems dpa' chen po blo gros chen pos/ bcom ldan 'das la tshigs su bcad pa rnams kyis zhus nas/ yang bcom ldan 'das la gsol ba btab pa/ gang gis ma 'ongs pa dang / da ltar byung ba'i dus na/ bdag dang byang chub sems dpa' sems dpa' chen po gzhan rnams kyis sems can sha zan la sogs pa'i bag chags kyis bsgos pa/ sha za ba'i zas la chags pa'i sems can rnams kyi rol sred pa spang ba'i slad du/ ci nas kyang sems can de dag gi ro'i sred pa bsal te/ chos kyi ro zas la mos pas sems can thams cad la bu gcig lta bur sdug pa dang ldan zhing phan tshun du byams pa 'thob pa dang / thob nas kyang byang chub sems dpa'i sa rnams su byang bar byed de/ myur du bla na med pa yang dag par rdzogs pa'i byang chub tu mngon par 'tshang rgya ba dang / nyan thos dang rang sangs rgyas kyi sar ngal bso/ ste/ de bzhin gshegs pa'i sa bla na med pa 'thob par 'gyur ba'i chos bshad par sha za ba nyes par blta ba/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis bdag la bshad du gsol/ bcom ldan 'das mu stegs can gzhan ngan par bshad pa'i chos can 'jig rten rgyang 'phen gyi lta ba la mngon par zhen pa yod pa dang med pa'i phyogs dang / rtag pa dang chad par smra ba rnams kyis kyang sha 'tshab pa bkag ste/ bdag kyang mi 'tshal nA/ 'jig rten gyi mgon po khyod kyi bstan pa thugs rjes 'od cig tu gyur pa yang dag par rdzogs pa'i sangs rgyas kyis gsungs pa la/ rang sha 'tshal ba dang / 'tshal ba mi bzlog pa lta cis 'byung / ci nas kyang bdag dang byang chub sems dpa' sems dpa' chen po gzhan rnams kyis sems can rnams la de bzhin nyid du chos bstan par bgyi ba de bcom ldan 'das 'jig rten thams cad la thugs brtse ba thams cad du bu gcig dang mthun par gzigs pa/ thugs rje chen po can gyis thugs brtse ba'i slad du/ sha 'tshal ba'i nongs pa legs par bshad du gsol/ bcom ldan 'das kyis bka' stsal pa/ blo gros chen po de'i phyir shin tu legs par nyon la yid la zung zhig dang / ngas khyod la bshad do// legs so bcom ldan 'das zhes gsol nas/ byang chub sems dpa' sems dpa' chen po blo gros chen pos bcom ldan 'das la phyir nyan pa dang / bcom ldan 'das kyis/ de la 'di skad ces bka' stsal to// blo gros chen po byang chub sems dpa'i snying brtse ba'i bdag nyid can gyis rgyu tshad med pa'i phyir/ sha thams cad bza' bar mi bya ste/ de dag las phyogs tsam zhig bshad par bya'o// 'di blo gros chen po srog chags yun ring po nas 'khor ba'i rnams la/ gang pa dang / ma 'am/ spun nam/ sring mo 'am/ bu 'am/ bu mo 'am/ gnyen pashes sam/ gnyen nam/ gnyen lta bu gang yang rung bar ma gyur pa'i sems can de ni rnyed par sla ba'i rnam pa gang yang med do/ / gnyen dang gnyen lta bur gyur pa de dag tshe gzhan du lus brdzes pa'i ri dgas dang / phyugs dang / bya'i skye gnas gang yang rung bar gyur la/ byang chub sems dpa' sems dpa' chen po sangs rgyas kyi chos 'dod pa 'byung po thams cad bdag dang 'dra bar gyur par 'dod pas/ skye bo srog chags su gyur pa thams cad las byung ba'i sha ji skad du bza' bar bya/ blo gros chen po srin po rnams kyang de bzhin gshegs pa rnams kyi chos nyid bzang po 'di thos nas/ sha za ba las rnam par ldog cing / srin po'i rang bzhin dang bral nas/ snying rje can du gyur na/ chos 'dod pa'i skye bo rnams la lta ci smos/ de ltar na blo gros chen po tshe rabs 'phos pa de dang de dag tu sems can thams cad gnyen bshes dang / gnyen du gyur pa'i 'du shes kyis sems can thams cad la bu gcig gi 'du shes su bsgom pa'i phyir/ byang chub sems dpa'i snying brtse ba'i bdag nyid can gyis sha thams cad mi bza' 'o/ / blo gros chen po spyod pa dang ldan pa'i byang chub sems dpas ni sha bzar mi rung ba dang / 'khrul pa'i phyir yang sha thams cad mi bza' ste/ blo gros chen po bong bu dang rnga mo dang / khyi dang / klung dang / mi'i shA la sogs pa ni 'jig rten gyis bza' ba ma yin na/ 'di ltar shan pa dag rin gyi phyir bzar rung ngo zhes ze ra zhing / srang gi dbus dag tu 'tshong bar byed pa de'i phyir yang / blo gros chen po byang chub sems dpas sha thams cad mi bza' 'o// blo gros chen po gtsang bar 'dod pa'i phyir/ gang byang chub sems dpa' sha ni khya chu dang / khrag las byung ba'i phyir sha mi bza' 'o// 'byung po rnams dngang bar byed pa'i phyir yang / blo gros chen po byang chub sems dpa' byams pa 'dod pa rnal 'byor can gyis sha thams cad bza' bar mi bya'o/ / 'di lta ste/ blo gros chen po sme sha can dang / gdol pa dang / nya ba la sogs pa khyi sha za ba'i sems can rnams ni rgyang ma nas mthong yang / khyi rnams 'jigs pas gzugs te/ la la ni bdag cag kyang gsad du 'ong ngo zhes shi la thug par 'gyur ro// de bzhin du blo gros chen po nam mkha' dang / sa dang / chu la gnas pa'i 'gro ba shin tu phra ba gzhan yod pa de dag kyang sha za ba rnams rgyang ma nas mthong ma thag tu/ sna'i dbang po rnon pos dri tshor nas/ srin po las mi dag myur du byol ba bzhin te/ la la ni shir dogs par yang 'gyur ro// blo gros chen po de'i phyir dngang bar 'gyur bas/ byang chub sems dpa' byams pa la gnas pas sha mi bza' 'o/ / blo gros chen po 'phags pa ma yin pa'i skye bos pa smad cing / dri mi zhim la mi snyan par byed pa dang / 'phags pa'i skye bos rnam par spangs pa'i// phyir yang byang chub sems dpas sha mi bza'a'o// blo gros chen po 'phags pa'i skye bo ni drang srong gi zas za ste/ khrag dang sha mi za bas de'i phyir yang / byang chub sems dang sa sha mi bza' 'o/ / blo gros chen po skye bo mang po'i sems rjes su bsrung ba'i phyir bstan pa la skur pa spang bar 'dod pa'i byang chub sems dpa'i snying rje'i bdag nyid can gyis sha mi bza' 'o// 'di lta ste/ blo gros rnon po 'jig rten bstan pa la skur par smra ba dag yod de/ kye ma 'di dag gi dge sbyong nyid ni ci yod/ 'di dag gi tshangs par 'jug pa'ang ga la yod/ de ltar 'di dag ni sngon gyi drang srong gi zas bor nas/ sha zan bzhin du sha'i zas kyis lto gang zhing nam mkha' dang / sa dang / chu la gnas pa'i 'gro ba phra mo skrag par byed pa rnams 'jig rten 'di ngag kun tu rgyu'o/ / 'di dag gi dge sbyong nyid ni nyams so// 'di dag gi sdig pa spangs pa nyid ni zhig go/ 'di dag la ni chos kyang med/ 'dul ba'ang med do zhes de ltar sdang ba'i sems 'chang ba rnams rnam pa du mas bstan pa la skur to/ / de'i phyir blo gros chen po skye bo mang po'i sems rjes su bsrung ba'i phyir/ bstan pa la skur pa spang bar 'dod pa'i byang chub sems dpar snying brtse ba'i bdag nyid can gyis sha thams cad mi bza' 'o/ / blo gros chen po shi ba'i ro dri ma zhim zhing mi 'phrod pa dang mtshungs pa'i phyir yang byang chub sems dpas sha mi bza' 'o// blo gros chen po mi shi ba'i sha bsreg pa dang / de ma yin pa'i srog chags gzhan gyi sha bsregs par yang dri'i khyad par gang yang med de/ sha de gnyis ka'ang dri mi zhim par mtshungs so// de'i phyir yang blo gros chen po rnal 'byor can gtsang bar 'dod pa'i byang chub sems dpas sha thams cad mi bza' 'o// blo gros chen po dur khrod pa rnams dang / dgon pa nags 'dab mi ma yin par rgyu ba bas mtha'i mal stan la gnas pa'i rnal 'byor la spyod pa/ byams pa la gnas pa rnams dang / rig sngags 'chang ba rig sngags bsgrub par 'dod pa rnams kyi rig sngags sgrub pa dang / thar pa la gegs bya ba'i phyir theg pa chen por zhugs pa'i rigs kyi bu dang / rigs kyi bu mo rnams kyi rnal 'byor bsgrub pa thams cad bar chad byed par 'gyur ba rjes su mthong nas/ bdag dang gzhan gyi lus la phan par 'dod pa'i byang chub sems dpas sha thams cad mi bza' 'o// gzugs la dmigs pa rnam par shes pa'i rkyen gyis chags pa skyed pa'i phyir yang 'byung po thams cad bdag tu gyur pa/ snying brtse ba'i bdag nyid can gyi byang chub sems dpas sha thams cad mi bza' 'o// blo gros chen po de la lha rnams kyang spong ba'i phyir byang chub sems dpa' snying brtse ba'i bdag nyid can gyis sha thams cad mi bza' 'o/ / blo zos chen po che 'di zhid la'ang de'i kha dri shin tu mi zhim par 'gyur ba'i phyir byang chub sems dpas sha thams cad mi bza'a'o/ / sdug bsngal zhing nyal ba dang / sdug bsngal zhing sad pa dang / sdig pa'i rmi lam spu g.yo bar byed pa mthong ba dang / khyim stong pa na 'dug cing gcig pu dben par gnas pa'i tshe'ang de la mdangs 'phrog pa dang / bar bar sdang ba dang / glo bur du 'jigs shing skrag par 'gyur ba dang / zas kyi tshod mi shes te/ zos pa dang / 'thungs pa dang / 'chos pa dang / myangs pa'i bcud legs par 'ju ba'i 'tshag tu mi 'gyur ba dang / lto srin bu skyed pa dang / mdze mang po'i gzhir 'gyur ba dang / nang mang bar byed pa yin/ mi 'phrod pa'i 'du shes kyang mi thob ste/ ngas kha zas ni bu'i sha dang sman bzhin du bshad la/ blo gros chen po 'phags pa ma yin pa'i skye bo bsnyen pa/ 'phags pa'i skye bos rnam par spangs pa/ nyes pa du ma thob par byed pa/ yon tan du mas rnam par spangs pa/ drang srong ma yin pa'i zas mi bsod pa/ mi rung ba'i zas sha dang khrag rnams de ji ltar slob ma rnams la gnang bar bya/ blo gros chen po ngas ni 'phags pa'i skye bo thams cad kyis bsnyen pa/ 'phags pa ma yin pa'i skye bos rnam par spangs pa/ yon tan mang po thob par byed pa/ nyes pa mang po rnam par spangs pa/ sngon gyi drang srong gi zas bsod pa/ 'bras dang / nas dang / gro dang / sran ma sde'u dang / bal sran dang / sran chung la sogs pa dang / mar dang / 'bru mar dang sbrang rtsi dang / dwags dang / bu ram dang / khanang dang / sha ka ra la sogs pa'i zas rnams 'ongs shing brtag pa yin zhes gnang na/ blo gros chen po ma 'ongs pa'i dus nA skyes bu blun po 'dul ba la rnam par rtog pa mang por smra ba/ sha zan gyi rigs kyi bag chags kyis bsgos pa/ ro la sred pa la shin tu chags pa/ kha cig ni 'di bsod pa'i kha zas yin par 'dzin te/ blo gros chen po sngon gyi rgyal ba la bya ba byas pa/ dge ba'i rtsa ba bskyed pa/ dad pa can rnam par rtog pa mi mang ba shAkya'i rigs kyi bu dang / rigs kyi bu mo dang / mi'i rigs kyi bu dang / rigs kyi bu mo lus dang / srog dang / longs spyod la ma chags pa/ ro lam zhen pa/ ro la mi brkam pa/ snying rje can 'byung po thams cad bdag bzhin du rer bar 'dod pa/ sems can thams cad la bu gcig bzhin du sdug par lta ba'i byang chub sems dpa' sems dpa' chen po rnams ni de skad du 'dzin par bshad do// blo gros chen po sngon 'das pa'i dus na/ rgyal po seng ge 'bangs bzang zhes bya ba zhig byung ste/ de zas su sha za zhing ma 'os par ston pas/ ro la sred cing chags pa la 'dun pa'i phyir/ mi'i 'ang thos par gyur nas/ de'i mdza' bo dang / blon po dang / gnyen dang / gnyen 'dab kyi skye bo'i tshogs kyis kyang spangs par gyur na/ grong khyer ba dang yul gyi 'gro ba rnams kyis lta smos te/ bdag gi srid dang yul yongs su gtang ba'i phyir rab tu nyon mongs par gyur to// blo gros chen po dbang pos kyang sngon lha'i dbang po thob par gyur nas sha za ba'i bag chags kyi nyes pas khwa'i gzugs su byas nas/ las kun tho ba'i gzugs dang chu byad 'chang shin tu gtses par gyur te/ rgyal po zhi ldan nyes pa med pa/ 'byung po la snying brtse ba can nyid kyang srang la btab cing sdug bsngal chen po thob par byas so/ / blo gros chen po de ltar tshe du mar goms shing / lha'i dbang po brgya byin du gyur na/ bdag dang gzhan la nyes pa thob par byed par gyur na/ gzhan dag lta ci smos/ blo gros chen po mi'i dbang por gyur pa gzhan rnams kyang rta shugs drag pos khyer nas 'brog dgon pa na 'khyam 'khyam pa las/ srog gi rim gro'i phyir seng ge mo dang 'tshogs par gyur te/ bu dag kyang skyes par gyur to// seng ge dang 'grogs pa'i rgyus rgyal po'i bu rkang bkra la sogs pa'ang sngon gyi tshe rabs la sha za'i nyes pa'i bag chags kyis mi'i dbang por gyur kyang sha za bar gyur to/ / blo gros chen po che 'di nyid la'ang khyim bdun po'i nang na sha la shin brkam zhing / ma 'os par bstan na/ mi sha za ba'i mkha' 'gro ma dang / mkha' 'gro ma rungs pa dag tu skye'o// blo gros chen po de dag tshe brjes nas kyang sha'i ro la chags pa de nyid kyis/ seng ge dang / stag dang / gzig dang / spyang ki/ dang 'phar ba dang / byi la dang / wa dang / 'ug pa sha mang po za ba'i skye gnas dang / sha mang du za ba'i srin po la sogs pa'i shin tu gtum pa'i skye gnas su'ang lhung bar byed do// der lhung ba rnams mi'i skye gnas kyang 'thob par dka' na/ mya ngan las 'das pa lta ci smos te/ blo gros chen po sha za ba'i nyes pa'ang de dag la sogs pa yin na/ bsnyen pa rnams lta los kyang skyo mod/ phyir bzlog pas na yon tan shin tu mang na/ blo gros chen po byis pa so so'i skye bo rnams kyis yon tan dang / nyes pa 'di dag dang / gzhan yang khong du mi chud do// blo gros chen po yon tan dang nyes pa 'di dag la sogs pa mthong ba'i phyir/ byang chub sems dpa' snying brtse ba'i bdag nyid can gyis sha thams cad mi bza' bar bshad do/ / blo gros chen po gral te ji ltar na sha su'ang mi bza' na ni/ de'i phyir srog chags rnams kyang gsod par mi 'gyur na/ blo gros chen po srog chags nyes pa med par rin gyi phyir gsod pa ni phal che'i/ de las gzhan gyi phyir ni nyung ngo // blo gros chen po ro la sred pa ni shin tu mi bzad pa yin te/ de la shin tu bsnyen pas mi'i sha dag kyang mi dag za bar 'gyur na/ ri dgas dang / phyugs dang / bya dang / srog chags las byung ba'i sha de dag lta ci smos/ blo gros chen po sha'i rol sred pas gzir ba rnams kyis rgya dang 'khrul 'khor 'di dag de lta de ltar bcas te/ de dag gis ni bye ba dang / shan pa dang / nya ba la sogs pas nam mkha' la rgyu ba dang / sa la 'gro ba dang / chu la rgyu ba'i srog chags nyes pa med pa rnams rnam pa du mas gsod par byed do/ / blo gros chen po 'on kyang rngon par gyur pa'i sems gtum pa can srin po dang / snying rje med pa rnams kyi srog chags su 'du shes pas gsod cing za'ang snying rje nam yang mi skye bas/ blo gros chen po gang nye bar gzung ste/ nyan thos rnams gnang bar bya ba ma byas pa dang / byed du ma bcug pa dang / ma brtags pa zhes bya ba'i sha'ang rung ba med na/ blo gros chen po ma 'ongs pa'i dus na/ nga nyid kyi bstan pa la rab tu byung zhing shAkya'i sras yin no zhes khas len pa/ ngur smrig gi rgyal mtshan thogs pa/ skyes bu glen pa log pa'i rtog ges sems nyams par gyur pa/ 'dul ba la rnam pa mang por rnam par rtog pa smra ba/ 'jig tshogs la lta ba rgyas pa re'i sred pa la chags pa rnams sha bza' ba'i gtan tshigs su snang ba de dang de dag ston to/ / nga la'ang yang dag pa ma yin par skur pa 'debs par sems so// don byung ba'i gleng gzhi de dang de dag la brtags nas smras te/ don byung ba 'ang ni gleng gzhi 'di las bcom ldan 'das kyis sha'i zas gnang ste/ rung ba'ang yin/ kha zas bsod par yang gsungs te/ de bzhin gshegs pa nyid kyis gsol ce'o zhes zer ro// blo gros chen po mdo gang las bsnyen par gnang ba med de/ zas bsod pa'i nang du'ang rung bar bshad do// blo gros chen po gal te ngas gnang bar bya bar 'dod dam/ nga'i nyan thos rnams kyis bsnyen par rung ba zhig yin na ni/ byams pas gnang ba'i rnal 'byor can dur khrod pa rnams dang / theg pa chen po la yang dag par zhugs pa'i rigs kyi bu dang / rigs kyi bu mo rnams la sems can thams cad bu gcig bzhin du 'du shes bsgom pa'i phyir/ sha thams cad za ba bcad par yang byas so// blo gros chen po ngas ni rigs kyi bu dang / rigs kyi bu mo chos 'dod pa theg pa thams cad la rab tu zhugs pa rnams dang / dur khrod pa byams pa la gnas pa dgon pa brnal 'byor la spyod pa rnams kyis rnal 'byor thams cad bsgrub pa dang sems can thams cad la bu gcig bzhin du 'du shes bsgom pa'i phyir/ sha thams cad bcad par yang byas so// bstan pa brjod pa de dang de la bslab pa'i gzhi rim pas bca' ba skas kyi gdang bu'i tshul du rnam gsum bcas nas/ de'i ched du byas pa'i rnams kyang bkag ste/ de'i phyir rang bzhin gyis shi ba bcu'i sha ni ma bkag mod kyi/ 'dir ni thams cad rnam pa tham cad du kun thabs med par ril gyis bkag ste/ blo gros chen po ngas sha'i zas ni su la'ang ma gnang mi gnang ngo // kanang ngar mi 'gyur te/ blo gros chan pa ra byung ba rnams la sha'i zas ni mi rung bar bshad do/ / blo gros chen po gang yang ngal de bzhin gshegs pas kyang gsol to zhes skur pa 'debs pa de'ang blo gros chen po skyes bu blun po rang gi las kyi nyes pa'i sgrib pa la gnas pa de dag la yun ring por don med pa dang / gnod pa dang / mi bde ba sgrub par 'gyur ro// blo gros chen po nga'i 'phags pa nyan thos rnams ni kha zas tha mal pa'ang mi za na/ sha dang khrag gi zas mi rung ba lta ci smos/ blo gros chen po nga'i nyan thos dang / rang sangs rgyas dang / byang chub sems dpa' rnams ni chos kyi zas za ste/ zang zing gi zas ni ma yin na/ de bzhin gshegs pa rnams lta ci smos/ blo gros chen po de bzhin gshegs pa rnams ni chos kyi sku/ chos kyi zas kyis gnas pa yin te/ zang zing gi sku ma yin/ zang zing gi zas thams cad kyis gnas pa ma yin te/ srid pa dang / srid pa'i yo byad la sred pas tshol ba'i bag chags thams cad spangs shing / nyon mongs pa'i nyes pa'i bag chags thams cad med pa/ sems dang shes rab shin tu rnam par grol ba thams cad mkhyen pa/ thams cad gzigs pa'i sems can thams cad la bu gcig dang mtshungs par gzigs shing thugs rje chen po dang ldan pa'o/ / de ltar blo gros chen po nga ni sems can la bu gcig bzhin gyi 'du shes dang ldan pa yin na/ ji ltar bdag gi bu sha bza' bar nyan thos rnams la gnang bar bya/ rang gis/ bza' ba lta ci smos te/ ngas nyan thos rnams la gnang ba dang / bdag nyid kyi zas so zhes bya ba 'di ni blo gros chen po gnas med do// de la 'di skad ces bya ste/ byang chub sems dpa' sems rten gyis/ / chang dang sha dang sgog btsong dag/ bza' zhing btung bar mi 'gyi ba// rgyal ba khyu mchog bshad du gsol// dring 'phags pa min pas bsnyen// mi snyan par yang byed pa ste/ / sha ni sha zan rnams kyi zas// bzar mi rung bar thub chen gsungs// zos na nyes pa gang yin dang // ma zos pa yi yon tan dag/ sha za de la gang yod pa// blo gros chen po shes par gyur/ / 'khrul pa dang ni gnyen bshes dang // khu chu khrag las byung ba'i phyir// 'byung po rnams ni dngangs 'gyur bas// rnal 'byor can gyis sha mi bza'// sha rnams dang ni sgog btsong dang / / chang dang rnam pa sna tshogs dang // ki'u dang sgog kyi de bzhin te// rnal 'byor can gyis rtag tu spangs// 'bru mar gyis kyang byug pa spang // khril rten 'cha'i sems can rnams/ / bug bu gar 'jig 'gyur phyir// khri la nyal bar mi bya'o// zas la dregs pa skye bar 'gyur// rdog pa dregs las byung ba ste// rtog pas 'dod chags rab tu skyed// de yi phyir na bza' mi bya/ / rtog pa las ni 'dod chags skye// 'dod chags kyis ni sems rmongs byed// rmongs pas 'dul bar rab tu 'gyur// skyes te grol bar mi 'gyur ro/ kha yi phyir ni sems can gsod// sha yi phyir ni nor sbyin byed// de dag gnyis ka sdig las can// 'o dod 'bod la sogs par 'tsho// gang gis thub pa'i tshig 'das te// bsam pa ngan pa sha zan/ / 'jig rten gnyis ni zhig pa'i phyir// shAkya'i bstan pa brtul zhugs blangs// shin tu mi bzang ngamyal bar yang // sdig pa'i las can de dag 'dong // ma rungs 'o dod 'bod sogs so/ / sha za de dag btso bar 'gyur// rnam gsum dag pa'i sha rnams ni// ma brtags pa dang ma blangs dang // ma bskul ba yang yong med pas// des na sha ni mi bza' 'o/ / rnal 'byor can gyis sha mi bza'// nga dang sangs rgyas dag gis bshad// sems can gcig la gcig za ba// sha zan dag gi rigs su skye// dri mi zhim zhing smad pa dang / smon pa rnams su skye bar 'gyur// gdol pa sme sha can rigs dang // btso blag mkhan du yang yang skye// 'phra men mkha' 'gro'i skye gnas dang // sha za'i rigs su skye bar 'gyur// mi yi thi ma de dag ni/ / srin dang byi la'i mngal du skye// glang po'i rtsal dang sprin chen dang // mya ngan 'das dang sor 'phreng dang // lang+kar gshegs pa'i mdo las kyang // ngas ni sha yang rnam par smad sangs rgyas byang chub sems dpa' dang / / nyan thos rnams kyang smad pa la// ngo mitsha bar za ba ni// rtag tu smyon par skye bar 'gyur// sha la sogs pa spangs pa'i phyir// bram rje rigs sam rnal 'byor can/ / shes rab can dang nor ldan par// de dag rnams ni skye bar 'gyur// mthong dang thos dang dogs pa yi// sha rnams thams cad rnam par smad// sha zan rigs su skyes pa yi/ / rtog ge pa rnams mi shes so// ji ltar 'dod chags thar pa la// bar chad byed par 'gyur ba bzhin// de ltar sha dang chang la sogs// bar chad byed par 'gyur ba'o/ / ma 'ongs pa yi dus na ni// sha za gti mug smra ba dag/ sha ni sdig med rung ba'o zhes// sangs rgyas kyis ni bshad ces zer// zas la sman dang 'dra ba dang // / dubu ya sha dang mtshungs pa yang // ran pa dang ni mi 'phrong bar// rnal 'byor can gyis zas la spyod// seng ge dag dang stag rnams dang // wa la sogs pa 'gogs byas pas// nga ni byams pas gnas pa la// rtag par rnam par kun tu smad// thar pa'i chos dang 'gal ba'i phyir// mi rnams sdang bar 'gyur ba'i sha// de phyir bza' bar mi bya ste// 'di ni/ 'phags pa'i rgyal mtshan no// lang+kar gshegs pa sangs rgyas thams cad kyi gsung rab kyi snying po las sha mi bza' ba'i le'u ste bdun pa'o// // de nas bcom ldan 'das kyis/ byang chub sems dpa' blo gros chen po la bka' stsal pa/ gang 'das pa dang / ma byon pa dang / da ltar byung ba'i sangs rgyas bcom ldan 'das rnams kyis bshad pa dang / 'chad pa dang / 'chad par 'gyur ba dang / da ngas kyang chos smra ba rnams yongs su bzung ba bshad kyis/ lang+gar gshegs pa sngags kyi tshig khyod kyis zung zhig/ 'di lta ste/ tuta twe tuta te/ pu Ta Te pu Ta Te/ phaT Te phaT Te/ ka Ta Te ka Ta Te/ a ma le a ma le/ bi ma le bi ma le/ ne me ne me/ hi me hi me/ ka le ka le/ pra me ba me/ ka le ka le/ ata te ma ta te/ bta te bu ta twe/ dzA ta te sUta te/ ka tA d+he/ lam+b+he/ phaT Te/ hI me hI me/ TI me nI me/ tsa le tsa le/ pa tsa pa tsa/ ban d+he ban d+h+we/ au tsa maM tse/ Tu nA re/ du d+ha re/ ba d+ha re/ a ga g+ne a ga ge makA kre/ makre/ tsakre/ tsakre/ d+hi me d+hi me/ dI me hI mye/ nu Tu nu nu/ Tu dzu dz+ra dzu/ du dud du/ d+hu d+hu d+hu d+hu/ swAhA/ blo gros chen po khang+kar gshegs pa'i mdo/ sngags kyi tshig 'di dag yin te/ rigs kyi bu 'am/ rigs kyi bu mo gang la sngags kyi tshig 'di dag 'dzin pa dang / 'chang ba dang / klog pa dang / kun chub par byed par 'gyur ba de la 'di dag gis kyang skabs mi rnyed do// lha 'am/ lha mo 'am/ klu 'am/ klu mo 'am/ gnod sbyin nam/ gnod sbyin mo 'am/ lha ma yin nam/ lA ma yin mo 'am/ nam mkha' lding ngam/ nam mkha' lding ma 'am/ mi 'am ci 'am/ mi 'am rtsi mo 'am/ lto 'phye chen po 'am/ lto 'phye chen mo 'am/ 'byung po 'am/ 'byung po 'am/ grul bum mam/ grul bum mo 'am/ sha za 'am/ sha za mo 'am/ gnon po 'am/ gnon mo 'am/ brjed byed dam/ brjed byed mo 'am/ srin po 'am/ srin mo 'am 'phra med nam/ 'phra men mo 'am/ mdangs 'phrog pa 'am/ mdangs 'phrog ma 'am/ lus srul po 'am/ lus srul mo 'am/ mi 'am/ mi ma yin pa de dag thams cad kyis kyang de la glags mi rnyed de/ gal te gdon drag po zhig byung na/ de la brgya rtsa brgyad du bsngags pas ngu 'bod cing / phyogs gcig tu lta ste 'bros par 'gyur ro// blo gros chen po yang sngags kyi tshig gzhan dag kyang bshad par bya'o/ / 'di lta ste/ pad med pad ma de be/ hi ne hi na hi ne/ tsu khe tsu la tsu le/ pU le hU lA hu le/ yu laM yu la yu le/ ba le ba lA ba le/ mu tse/ tsIn de bi dze/ marde pra marde/ di na ka re swAhA/ blo gros chen po rigs kyi bu 'am/ rigs kyi bu mo gang la la sngags kyi tshig 'di dag 'dzin pa dang / 'chang ba dang / klog pa dang kun chub par byed na lnga 'am/ lha mo 'am/ klu 'am/ klu mo 'am/ gnod sbyin nam/ gnod sbyin mo 'am/ lha ma yin nam/ lha ma yin mo 'am/ nam mkha' lding ngam/ nam mkha' lding mo 'am/ mi 'am ci 'am/ mi 'am ci mo 'am/ lto 'phye chen po 'am/ lto 'phye chen mo 'am/ dri za 'am/ dri za mo 'am/ 'byung po 'am/ 'byung mo 'am/ grul bum mam/ grul bum mo 'am/ sha za'am/ sha za mo 'am/ gnon po 'am/ gnon mo 'am/ brjed byed dam/ brjed byed mo 'am/ srin po 'am/ srin mo'am/ 'phra men po 'am/ 'phra men mo 'am/ mdangs 'phrog pa 'am/ mdangs 'phrog ma 'am/ lus srul po 'am/ lus srul mo 'am/ mi 'am/ mi ma yin pa de dag thams cad kyis kyang klags mi rnyed do/ / gsang sngags kyi tshig 'di dag klog par byed pa des/ lang+kar gshegs pa'i mdo thams cad bklags par 'gyur ro// gsang sngags kyi tshig 'di dag nibacom ldan 'das kyis srin po rnams bzlog pa'i phyir gsungs so/ / // bam po brgyad pa// de nas bcom ldan 'das la/ byang chub sems dpa' sems dpa' chen po blo gros chen pos 'di skad ces gsol to/ / 'jig rten 'di ni skye 'jig bral// nam mkha'i me tog rab tu 'dra// khyod kyi shes rab thugs rje yis// yod dang med par mi dmigs so// 'jig rten rtag dang chad pa spangs// 'khor zug rmi lam 'dra ba ste// khyod kyi shes rab thugs rje yis// yod dang med par ma dmigs so// chos rnams thams cad sgyu ma bzhin// sems dang rnam par shes pa spangs// khyod kyi shes rab thugs rje yis// khyod kyis yod dang med ma dmigs// chos dang gang zag bdag med dang / / khyod kyis nyon mongs shes bya'i rnams// khyod kyi shes rab thugs rje dang // mtshan ma med pa'i rtag tu dag/ mya ngan mi 'da' 'da' la min// khyod la mya ngan 'da' mi gnas/ / blo dang rig par bgyid dang bral// yod dang med pa'i phyogs kyang spangs// de ltar skye 'jig spangs pa yi// thub pa zhi ba sus mthong ba// de dag 'di dang slad mar yang / / chags med nyer len med par 'gyur// sems slu ba yi smig rgyu ba// ji ltar dpyid kar g.yo ba na// ri dag sa rnams ni chur 'dzin te// de la dngos po yod pa min/ / de bzhin rnam shes sa bon kyang // lta ba'i yul la rab tu g.yo// byis pa rnams ni skye bar 'dzin// rab rib can gyi rab rib bzhin// bsam gtan bsam bya ba sam gtan pa/ / spong dang dben pa mthong ba dang // de dag rtog pa tsam yin par// gang gis rtogs pa de 'grol lo// chos 'di dag ni snying po med// rlom sems las ni 'byung ba yin/ / gang gis stong zhes snyems pa yi// snyems pa de yang stong pa'o// phung po rnam par shes pa lnga// chul shing gi grib ma bzhin// ba s+phu ma N+DI lam 'dra// rnam par rig pas ma rtog cig// sgyu ma ro langs 'khrul 'khor dang // rmi lam glog dang sprin lta bur// nam yang d+hAng gsum rnam chad par/ / skye bos mthong na rnam par thar// tshul bzhin ma yin rnam rtog pas// sna tshogs rnam pa brgyad dam dgur// rnam par shes pa 'jug 'gyur te/ ji ltar rgya mtsho'i rlabs bzhin no// rtag tu bag chags dag gis bskyed// rtsa ba zug cing gnas kyang bstan// spyod yul drag tu sems 'khyam ste// khab long gi ni khrugs bzhin no/ / sems can kun la gnas pa ste// rigs kyi sa ni rtog pa spangs// shes dang shes bya rnam spangs shing // byed las grol na rnam par ldog sa bcu las ni rnam 'byung ba/ / sgyu ma lta bu'i ting 'dzin dang // 'du shes rnam shes spangs pa yi// sems kyi rgyal po blta bar bya// sems ni nam zhig gyur pa na/ pad+mo 'dra ba'i gzhal med khang // sgyu ma'i spyod yul 'byung ba na// de yi tshe na ther zug gnas// de na gnas par gyur nas ni// lhun gyis grub pa'i spyod rig pas// sna tshogs gzugs kyi nor bu bzhin// sems can kun gyi don byed do// rnam par rtog las gud na ni// 'dus byas 'dus ma byas medan// mo gsham rmi lam bu bzhin du byis pa phyogs bslang 'dzin par byed/ / rang bzhin med dang mi skye dang // gang zag dang ni phung po'i rgyud// rkyen dang khams dang shes bya dang // stong pa srid dang mi srid rnam// ngas ni thabs su bshad pa ste// nga ni mtshan nyid mi 'chad na// mtshan gyi gzhi dang mtshan nyid du// byis pa rnams ni dngos por 'dzin// thams cad mkhyen kyang thams cad mkhyen pa min/ / thams cad kyi yang dbus na thams cad med// byis pa 'jig rten sangs rgyas 'di zhes rtog/ shes par mi byed ston par yang mi byed// brtags pa de ni ming tsam ste/ / mtshan nyid kyis ni med pa'o// gang ba de ni rnam brtags pa'i// phung po skra shad 'dzings pa 'dra// med las 'byung ba cung zad med// rkyen rnams kyis ni 'jig mi 'gyur/ / nam mkha'i me tog mo gsham bu// de ltar 'dus byas nam mthong ba// de tshe gzung dang 'dzin pa ni// nor par mthong nus ldog par 'gyur// mtshan nyid dang ni bya ba dang // dngos pos mya ngan nga mi 'da'// rnam rtog rnam shes bzlog pa na// nga ni mya ngan 'das pa'o// ji ltar chu chen zad pa'i tshe// rlabs rnams 'byung bar mi 'gyur ba/ / de bzhin 'gags par 'gyur na ni// rnam shes sna tshogs mi 'byung ngo // stong pa ngo bo nyid med pa// sgyu ma bzhin du ma skyes rnams yod dang med pa ma yin te/ / dngos po 'di dag rmi lam bzhin// nga ni rang bzhin gcig 'chad pa// rtog ge mtshan ma rigs spangs pa/ bla phags pa lha yi spyod yul te// rang bzhin rnam gnyis spangs pa'o// 'dzin pa med cing gzung ba med// thar pa med cing 'ching ba med// sgyu ma dang ni smig rgyu 'dra// rmi lam rab rib ji bzhin du// gang tshe yang dag don 'dod pa// rnam par mi rtog chags med pas// mthong bden rnal 'byor zhugs// the tsom med par nga yang mthong / / de la rnam rig gang yang med// ji ltar nam mkha'i smig rgyu bzhin// chos rnams de ltar shes na ni// ci yang shes pa med pa'o// khams rnams rab tu 'khrugs pa'i phyir/ / srin bu me khyer lta bu dag/ mes kyang myos pa sna tshogs snang // de bzhin 'jig rten rang bzhin no// rtswa dang shing dang gyo mo las// sgyu ma rnam par mdzes gyur kyang / / sgyu ma de ni med bya ste// chos kyi rang bzhin de bzhin no// rkyen rnams yod dang med pa las// chos rnams 'byung ba med pa ste// khams gsum na ni nor ba yin/ de phyir sna tshogs snang bar 'gyur// 'jig rten rmi lam ngo bo nyid mtshungs te// de ni sna tshogs kyi yang gzugs rnams snang // reg dang mongs spyod lus kyi mthar 'gro dang / / 'jig rten gtso dang byed pa rnams mtshungs so// sems 'di khams gsum skye gnas gyur pa yin// sems 'khrul 'di dang pha rol snang ba'o/ / 'jig rten med phyir de la brtag mi bya// 'jig rten de 'dra'i rang bzhin rtogs nas ni// mi ga tsang gnas kyi mtha' mar phyin par 'gyur// byis pa rnams ni gti mug phyir/ / 'byung ba dang ni 'jig pa mthong // shes rab ldan pa rnam dag ni// 'byung dang 'jig pa mthong ba med// lha yi pho brang 'og min po// sdig pa thams cad rnam par spangs/ / rtag tu rnam par mi rtog ldan// sems dang sems las byung ba spangs// stobs dang mngon shes dbang thob pa// de dang ting 'dzin dbang rnyed nas rdzogs pa'i sangs rgyas der sangs rgyas/ / sprul pa rnams ni 'dir 'tshang rgya// sangs rgyas rnam ni sprul pa dag/ bye ba dpag med 'byung bar 'gyur// byis pa kun na de dag las/ brag cha 'dra chos bsam yas nyan// thog ma dbus dang mtha' las grol// dngos po dang ni dngos med spangs// khyab pa mi g.yo dag pa ste// sna tshogs med las sna tshogs 'byung / / rnam par rig pa'i rigs kyis g.yogs// lus can kun la gnas pa ste// sgyu ma nor pa yod mod kyi// sgyu ma nor pa'i sgyu ma yin// 'jig rten dag na sems bsgru ba/ / cung zad tsam ni gang yod pa// rang bzhin gnyis dang bral ba ste// kun gzhi rnam par shes pas sprul// rnam rig tsam gyi lha shA dang / / gang zag chos su spyod par yang // 'jig rten de ltar rnam bshig nas// nam zhig shin tu gyur pa na// de tshe nga yi bu yin te// rdzogs pa'i chos rnams rab ston pa/ / dro dang gsher dang sra g.yo bar// chos rnams byis pas nor bar brtags// yang dag ma yin sgro btags te// mtshan nyid med cing mtshan gzhi med// rgyun rnams kyi ni lus 'di la/ / 'di ni rdzas brgyad gzugs yin te// lus kyi dbyibs dang dbang por ni// byis pa nor pa rnam rtog go// rgyu dang rkyen rnams tshogs pa las// byis pa 'byung bar rtog par byed// tshul 'di dag ni mi shes pas// srid pa gsum gyi gnas na 'khyam// dngos po thams cad rang bzhin med pa ste// rtog pa mi yi tshig yin de yang med// srid pa rmi lam sprul bzhin brtag byas nas/ / 'khor bar mi bya mya ngan 'da' mi bya// sna tshogs sa bon zhes ni bya ba'i sems// sems kyi spyod yul snang ba ste// snang nas rtog pa gnyis dag ste// byis ba rnams ni skye bar rtog/ mi shes pa dang sred dang las// sems dang sems las byung gnas te// gang phyir de las byung bas na// de ni gzhan gyi dbang du 'dod// de dag gang dngos rtogs pa'i ni/ / sems kyi spyod yul nor ba ste// rtogs pas grub pa ma yin no// log pa nor ba rnam par brtags// rkyen rnams dang ni 'brel ba las// lus can rnams kyi sems 'byung ngo / / rkyen rnams las ni rnam grol zhing // rang gi mtshan nyid rnam spangs te// nam zhig lus la mi gnas na// de phyir nga yi spyod yul min// ji ltar rgyal po tshong dpon dang // ridags 'dra ba sna tshogs kyis// bu bringad khyim na rtser bcug nas// nags kyi ri dgas phrad pa bstan// de ltar ngas ni chos rnams kyi// gzugs brnyan mtshan nyid sna tshogs kyis// so so rang rig yang dag mtha'// bu rnams la ni nga 'chang ngo // ji ltar rgya mtsho'i rlabs rnams ni// rlung gi rkyen gyis byung ba dag/ gar byed rab tu 'jug par 'gyur// rgyun kyang chad par mi 'gyur ro/ / de bzhin kun gzhi chu bo yang // rtag tu yul gyi rkyen gyis byung // rnam shes dpa' rlabs sna tshogs kyis// gar byed rab tu 'dud par 'gyur// gzung dang 'dzin pa'i dngos por ni/ / lus can rnams kyi sems 'jug go// ji ltar byis pas brtags pa ltar// snang ba yi ni mtshan nyid med// kun gzhi rnam shes dam pa ni// rnam par rig skye kun gzhi yang / / gzung dang 'dzin pa med pa'i phyir// de bzhin nyid du ngas bshad do// phung po rnams la bdag med de// sog kyang med cing gang zag med// rnam par shes ni skye bar 'gyur/ / rnam par shes ni 'gag par 'gyur// ji ltar ri mo mtho dman du// snang yang yod pa ma yin pa'i// de bzhin dngos po rnams la yang // dngos nyid snang yang yod pa min/ / ji ltar dri za'i grong khyer dang // ji lta bur ni smig rgyu dag/ de ltar snang ba rtog mthong yang // shes rab kyis ni yod pa min// tshad ma dbang po rnam par log// 'bras bu med cing rgyu yang med// blo dang rig par bya dang bral// mtshan dang mtshan gyi gzhi yang spangs// phung por rten cing sangs rgyas pa// gang na'ang sus kyang ma mthong ste// gang na sus kyang ma mthong ba/ / de la ji ltar rnam par bsgom// rkyen dang gtan tshigs dpe rnams dang // dam bca' ba dang rgyu rnams kyi// rmi lam dri za'i grong khyer dang // smig rgyu nyi ma zla ba dang // myu gu 'od sogs dpe rnams kyi// skye ba de ni ngas bzlog go// 'gro ba rmi lam sgyu ma 'dra// stong pa dang ni brtags pa ste// 'jig rten gsum la mi gnas shing // phyi nang du yang de bzhin te// srid pa ma skyes mthong bas na// mi skye bzod pa 'byung bar 'gyur// sgyu ma lta bu'i ting 'dzin dang // lus kyang sgyu ma lta bu dang // mngon shes dbang dang stobs rnams kyang // de yi sems la sna tshogs 'gyur/ / gang gis dngos po ma skyes pa// stong pa shin tu rang bzhin med// de dag la ni rkyen rnams kyis// nor pa skye zhing 'gag par 'gyur// phyi rol snang ba'i gzugs can gyis// sems dang sems ni snang bar 'gyur// ji ltar byis pas brtags pa ltar// mthong bar bya ba gzhan med do// 'brel pa rnams dang sangs rgyas gzugs// 'byung ba rnams ni 'jig pa dang // shin tu bslabs pas rnam rig gis// 'gro ba sna tshogs byin gyis rlob// lus rang gnas dang longs spyod rnams// gzung ba rnam rig gsum po ste// yid dang 'dzin gyi rnam rig dang // rnam par rtog ni 'dzin pa gsum/ / rnam par rtog dang rnam brtag pa// ji srid yi ge'i spyod yul ba// rtog can rtog ges nos pa'i phyir// de srid yang dag mi mthong ngo // gang gi tshe na shes rab kyis// dngos po rang bzhin med par shes// de yi tshe na rnal 'byor can// mtshan nyid gnas shing ngal yang ba so// bya gag snag rgyas bskus pa la// de nyid 'dri bar mi shes 'dzin// mi shes pa yi byis pa dag/ theg pa gsum la'ang de bzhin no// 'di la nyan thos gang yang med// rang rgyal ba dag de bzhin te// nyan thos dang ni rang rgyal ba'i// gang gzugs 'di dag snang ba ni// byang chub sems dpa'i snying brtse can/ / de dag sprul pa ston pa'o// srid pa gsum ni rnam rig tsam// rang bzhin nyid ni brtags pa ste// chos dang gang zag 'phos pa'i phyir// de gyur pa ni de bzhin nyid// nyi ma zla ba mar me 'od/ / de bzhin 'byung ba nor bu rnams// rnam par mi rtog shin tu 'byung // de bzhin sangs rgyas sangs rgyas nyid// ji skar rab rib can dag gis// sgra shad log par 'dzid pa ltar/ de bzhin dngos por rtog pa 'di// byis pas log par rnam par brtags// nyon mongs rnam byang dngos po rnams// skra shad 'dzings pa lta bu ste// gnas dang 'jig dang / skye dang bral// rtag dang mi rtag spangs pa'o// ji ltar la la sa d+hA tur zos// gser lta bur ni 'gro ba mthong // de na gser yod ma yin yang // sa dag kyang ni ka ser du snang // thogs pa med sems sems 'byung bas/ / de ltar byis pa nyams par byas// srid pa sgyu ma smig rgyu skyes// yang dag nyid du 'dzin par byed// sa bon gcig dang sa bon med// mnyam dang shas chen sa bon can/ / sa bon kun kyang de yin no// sna tshogs gyur kyi sems la ltos// nam dag pa na sa bon gcig/ shin tu gyur pas sa bon med// mi rtog pas na mnyam pa'o// shas che bas na tshe rabs 'dres/ / sa bon sna tshogs 'debs pas na// de ni sa bon kun ces bya'o// 'di la rkyen gyis mi skye ste// gang yang 'gag par mi 'gyur ro// brtags pa yi ni rkyen rnams nyid// skye ba dang ni 'gag par 'gyur/ / srid pa gsum ni btags tsam ste// ngo bo nyid kyis dngos po med// btags pa ngo bo dngos por ni// rtog ge bdag rtog par 'gyur// dngos po'i rang bzhin shes 'dod la/ / nor pa dag ni mi rtogs so// dngos po'i rang bzhin mi skye ba// de ltar mthong nas rnam par grol// sgyu ma med dang chos mtshungs pas// dngos po rnams ni yod brjod yin// log pa glog ltar mgyogs pas na// de phyir sgyu ma lta bur rig/ skyed pa med cing skye ba med// rkyen rnams kyang ni gang na yang // gang yang yod pa ma yin te// kha cig gis ni spyod par brjod/ rkyen gyi skye 'jig 'brel pa ni// bzlog par bya ba ma yin te// rang bzhin med cing rnam rig med// rkyen rnams kyis ni byis pa dag/ gang la rtog pa de bzlog go/ rang bzhin med cing rnam rig med/ kun gzhi med cing dngos med na// byis pa ngan pa'i rtog ge ba// ro dang 'dra ba'i 'di dag brtags// nam zhig 'jig rten sems tsam du// rgyal ba'i sras kyis mthong bas na// de tshe rigs su gtogs pa'i lus/ / bya ba'i 'du byed spangs pa ste// stobs dang mngon par shes pa dang // dbang dang ldan par rab tu 'thob// thams cad gzugs su snang ba yis// sems de nam zhig byung ba na/ / 'di la sems med gzugs med kyi// nor sems thog ma med ces pa// de tshe rnal 'byor can gyi rnams// shes pa 'gro ba snang med mthong // mtshan ma dngos po rnam rig dang / / gang yin rnam par g.yo ba las// nga yi bu rnams 'das nas ni// de dag rnam par mi rtog spyod// sgyu ma dri bo'i grong khyer dang // sgra shad 'dzings pa smig rgyu dag/ med bzhin du ni yod par snang / / de bzhin dngos po'i dngos nyid do// dngos po thams cad ma skyes te// nor ba tsam ni snang bar 'gyur// byis pa rtog gnyis dga' ba dag/ nor ba la ni skyes par rtog sna tshogs bag chags 'byung ba yi/ / skye ba'i char ni gtogs pa'i sems// chu bo rlabs bzhin shin tu 'byung // de chang nas ni mi 'byung ngo // rnam pa sna tshogs dmigs pa'i sems/ / sna tshogs la ni 'jug pa bzhin// de bzhin nam mkha' rtsig pa la// ci yi phyir na 'jug mi 'gyur// mtshan ma zhig la dmigs nas ni// gal te sems ni 'jug 'gyur na/ / sems kyang rkyen gyis bskyed gyur to// sems tsam du ni mi rung ngo // sems kyis su ni sems las gzung // rgyu dang bcas pa gang yang med// sems kyi chos nyid dag pa ste/ / nam mkha' la ni bag chags med// rang gi sems la mngon chags pas// sems ni shin tu 'byung bar 'gyur// phyi rol snang ba yod med de// de yi phyir na sems tsam mo/ / sems ni kun gzhi rnam shes te// ngar sems nyid ni yod yin no// gang gis yul rnams 'dzin pa ni// de ni rnam par shes zhes bya// sems ni rtag tu lung ma bstan// yid ni gnyis kar rgyu bas te/ / rnam par shes pa 'byung ba yang // de ni dge dang mi dge'o// lus dang gnas dang longs spyod no// gzung ba'i rnam rig gsum po'o// ying dang 'dzin pa'i rnam rig dag/ rnam par rtog pa 'dzin pa gsum// rnam rig gsum po spangs pa ni// dam pa'i don gyi sgo yin te// snang ba med la 'dug na ni// theg pa gsum bzhag ga la yod// sems tsam dang ni snang med dang // sangs rgyas pa dang gnas rnams ni// de dag sangs rgyas rnams kyis bshad// 'chang cing 'chad par 'gyur ba'o// sa bdun dag ni sems yin te// snang ba med pa brgyad pa'o// 'dir ni sa gnyis gnas yin te// sa gzhan nga yi rang bzhin no// dga' dang so so rang rig pa// sa 'di nga yi rang bzhin te// dbang phyug chen po'i gnas kyi mchog/ 'og min shin tu rnam par mdzes// mi yi ji lta de bzhin du// de yi 'od zer sna tshogs pa// yid 'ong zhi ba rab tu 'byung // de dag srid gsum sprul par byed// srid pa gsum po kha cig sprul/ / kha cig snga nas sprul pa ste// der ni theg pa rnams ston pa// de ni nga yi rang bzhin sa// zhing du 'pho dang rtogs pa la// sa rnams kyi ni dus med de// sems tsam las kyang 'das nas ni/ / snang med gnas pa'i 'bras bu'o// rnam pa sna tshogs yod pa dang // med pa dag kyang snang bar 'gyur// byis pa 'dzin pas rnam smad de// sna tshogs pa ni phyin ci log nam zhig mi rtog ye shes ni/ / dngos po yod par mi rung ste// gang phyir sems ni gzugs min pas// de phyir de ni rnam mi rtog/ dbang po rnams ni sgyu ma bzhin// yul rnams kyang ni rmi lam 'dra/ byed dang las dang bya ba nyid// rnam pa kun tu yod pa min// bsam gtan rnams dang tshad med dang // gzugs med pa dang ting 'dzin dang // 'du shes 'gog pa ma lus par// sems tsam la ni yod pa min// rgyun du zhugs pa'i 'bras bu dang // lan cig phyir 'od 'bras bu dang // phyir mi 'ong ba'i 'bras bu dang // dgra bcom zhing sems nor pa'o/ / byis pa rnams ni 'dus byas la// mi rta ga skad cig stong par rtog/ sa bon 'bab chu me mar dpes// skad cig pa yi don du rtog/ byed pa med cing skad cig pa/ dben pa bya ba spangs pa dang // chos rnams kyi ni mi skye ba// skad cig don du ngas bshad do// yod dang med la skye bar ni// khyad par pa dang grangs can shes// lung du ma bstan thams cad kyang / / de dag nyid kyis bshad pa'o// lung bstan pa ni rnam bzhi ste// mgo gcig dang ni dri ba dang // rnam par 'byed dang gzhag pa rnams// mu stegs sgrib bzlog pa/ kun rdzob tu ni thams cad yod// dam pa'i don du yod ma yin// chos rnams rang bzhin med pa la// dam du'i don du 'dod na ni// dmigs pa rang bzhin med pa la// de phyir kun rdzob bstan ba yin/ / dngos po brjod pa'i rgyus byung ba// gal te rang bzhin yod na ni// brjod pa dag las byung ba yin// dngos po myed ces bya ba med// brjod pa 'di ni dngos med de// kun rdzob tu yang yod ma yin/ / byin ci logan bzhi yin pas// dmigs pa yod pa ma yin no// kar te byon ci log yod na// rngo bo nyid med med par gyur// phyin ci log ni bzhi yis phyir/ gang nga gang dag dmigs 'gyur ba/ / de ni rang bzhin med par 'gyur// thams cad du yang med pa yin// gang 'di sna tshogs snang ba ni// gnas ngan len gyis bsgos pa'i sems// gzugs su gnang bar 'dzin pa ste/ / phyi rol dag ni sems 'khrul pa// rnam par rtog dang mi rtog pas// rnam rtog rab tu spong 'gyur te// mi rtog rnam par rtog pa yis// stong pa nyid ni yang dag mthong sgyu ma glang po sna tshogs ltar/ / lo ma rnams dang gser bzhin du// mi shes pas ni sems bsgom pas// de bzhin mi la snang ba mngon// 'phags pas nor ba mi mthong ste// yang dog nyid kyang skabs der min/ / gang phyir skabs der yang dag na// nor pa yang dag nyid du 'gyur// nor pa thams cad spangs pas kyang // gal te mtshan ma skyer zir na// de nyid de yi nor pa ste/ / rab rib yongs su ma dag bzhin// rab rib can dag bslad pa yis// skra shad mthong ba ji bzhin du// de bzhin byis pa rnams kyis yang // 'dzin pa yul la shin tu 'jug/ srid gsum 'di ni skra shad 'dra// smig rgyu'i chu ltar nor ba ste// rmi lam sgyu ma lta bur ni// grang phyir bshig na grol bar 'gyur// rnam par rtog dang rnam rtag dang // rnam par rtog pa 'jug pa dang / / 'dring dang bcing bya bcings pa dang // drug pa 'di dag thar pa'i rgyu// sa rnams med cing bden pa med// zhing rnams med cing sprul pa med// sangs rgyas rnams dang rang sangs rgyas/ / nyan thos rnams kyang brtags pa'o// gang zag rgyu dang phung po rnams// de bzhin rkyen dang rdul phran dang // gtso bo dbang phyug byed pa rnams// sems tsam la ni rnam par rtog/ sem+ba ni thams cad thams cad du// thams cad lus la 'jug pa ste// rnam par drug gis sna tshogs 'dzin// sems kyi rigs ni mtshan nyid med// phung po rnams la bdag med de/ / bdag kyang phung po rnams la med// de dag ji ltar brtags bzhin med// de dag med pa'ang ma yin no// ji ltar byis pas brtags pa bzhin// dngos po thams cad yod pa ste// de dag mthong bzhin yod na ni// thams cad yang dag mthong bar 'gyur// dngos po thams cad med pa'i phyir// kun nas nyon mongs dag pa med// ji ltar mthong bzhin de med de// de dag med pa'ang ma yin no/ / kun rtog nor pa'i mtshan ma ste// gzhan gyi dbang gi mtshan nyid do// mtshan de la ni ming btags pa// de ni rnam brtags mtshan nyid do// rkyen dang ming gi brda dag las// kun rdzog nor ba'i mtshan ma dag/ nam zhig de la mi 'byung na// yongs su grub pa'i mtshan nyid do// rnam par smin pa'i sangs rgyas dang // sprul pa yi ni rgyal ba dang // byang chub sems dpa' sems can dang // phyogs phyogs kyi ni zhing rnams dang / / rgyu 'thun thos dang sprul pa dang // rgyal ba gang rnams sprul pa dang // de kun snang ba mtha' yas kyi// bde ba can nas byung ba'o// gang yang sprul pas bshad pa dang / rnam smin skyes pas gang bshad pa// mdo sde shin tu rgyas pa'i tshul// de yi dgongs pa shes par gyis// gang yang rgyal ba'i bus bshang dang // gang yang 'dren pa rnams kyis bshad// sprul pa dag gis gang bshad pa/ / rnam smin rgyal bas ma yin no// chos 'di rnams ni ma skyes pa// de dag med pa'ang ma yin te// dri za'i grong khyer sgyu ma dang // rmi lam sprul pa rnams dang 'dra// sna tshogs sems ni 'jug pa ste/ / sems ni rnam par grol bar 'gyur// 'gog par 'gyur ba'am sems nyid de// sems nyid skye yi gzhan ma yin// mi yis sna tshogs btags pa'i sems// don du snang mngon pa ste/ / 'di ni sems tsam don kyang med// rnam par mi rtog grol bar 'gyur// thog ma med dus spros pa yis// gnas ngan lan rnams rab tu bsdus// rnam par rtog pa bsgom pas na// de phyir log pa snang ba 'byung / / don du snang la rnam shes te// ye shes yang dag spyod yul can// shin tu gyur pa snang med de// de ni 'phags pa'i spyod yul lo// don rab 'byed pa'i bsam gtan dang // byis pa nyer spod bsam gtan dang / / de bzhin nyid dmigs bsam gtan dang // de bzhin gshegs pa'i bsam gtan dge/ kun brtags pa yi rang bzhin gyis// thams cad chos ni ma skyes pa// gzhan gyi dbang la gnas nas ni// mi yi rnam chog 'byams pa yin// nam zhig gzhan gyi dbang dag nas// rnam par rtog dang bral ba na// shin tu gyur pa de bzhin nyid// rtog pa spangs la gnas pa'o// rnam rtog bden par yod min gyis/ rnam par rtog pas ma tog ci// gzung dang 'dzin pa'i mtshan nyid du// nor par de dag rnam rtog na// phyi ros don mthong ba rtag pa ni// kun tu brtags pa'i rang bzhin no/ dag thams cad spangs nas nI// nam zhig snang ba med 'gyur la// de tshe sangs rgyas lha yi phyug/ zhing rnam glan nas 'byung ba yis// de yi mgo la zhug mdzud de// de bzhin nyid kyi rjes 'grogs gang phyir blo yis rab bshig na/ / rang bzhin dag ni mi dmigs te// de phyir de dag brjod du med// rngo bo nyid kyang med par bshad// rkyen gyis bskyed pa'i don la ni// yod dang med pa yod ma yis/ rkyen du rtogs pa'i dngos sgrol// yang dang snyed pad+ma bang ngon pa// rgya gas smra bcan+ya n-i// brtan pas ring du byung bas shes// dang sa pokun gyis sgrub la// sa su tsho bas gan yong te/ sa pa dos pastis/ nga gas pa byed pa'aM// da pa sa / 'a na rnams can rmos par 'dzu depa rlo sa 'i phy-i/ snying rje nags pa bya ba sbyin// gling dang nor pa'i rnam smyid du // rkyen rnams kyis ni bskyed pa yi// rnam par rtog pa gzung dwag gis// byos pa rnams ni dngos por to// gas nga po sas/ / rang bzhin kyis mas pa 'a/ nga khri dzin / des rnam pa mas ma na bang po mi yor 'du ni smra ma 'dzis/ kr-i tsu rmi khams dri za'i grong khyer zag cha 'dra/ / chos de rkyen las byung ba yin// de bzhin nying rang gnyis su med// stong pa chos nyid yang dab mtha'// rnam par mi rtog bshad pa ni// gang de grub pa'i mdzad nyid do/ / lus dang ngag gi spyod yul brdzun// shes rab mi rtog bden pa ste// sems ni gnyis kyi mthar lhung bas// de phyir shes rab rnam mi rtog/ ji srid sems kyi spyod yul la// yod dang med pa'i mtha' gnyis yin/ / spyod yul spangs par gyur na ni// de tshe sems kyang yang dag 'gag/ rkyen las skye ba'i rang bzhin la// rtog pa gang gis rtog byed pa// phyi rol don mthong log pa ste// don med sems ni 'ba' zhig go// rig pas rnam par gzhig na ni// gzung ba dang ni 'dzin pa 'gag/ ji ltar byis pas brtags pa ltar// phyi rol gyi ni don med do// bag chags kyis ni dkrugs pa'i sems// don du snang ba shin tu 'byung // rtog pa'i rnam pa gnyis 'gags na// yang dag spyod yul ye shes te// 'phags pa'i spyod yul bsam mi khyab// snang ba med pa 'byung bar 'gyur// ming dang mtshan ma kun rtog pa/ / rang bzhin gnyis kyi mtshan nyid do// yang dag ye shes de bzhin nyid// yongs su grub pa'i mtshan nyid do// pa ma phrad par 'gyur ba'i phyir// kun gzhi yod dang ldan par ni// mar gyi bum pa'i bya ba'i bzhin/ / khu chu dang ni lhan cig skyes// sma gar sman du 'bras mi sdug/ las kyis rnam pa sna tshogs byas// las rlung 'byung ba chen po yis// shing thog bzhin du smin par 'gyur// lnga dang lda snga nyid dang / / rma yang dgu po nyid rnams dang // so dang sen mo spus g.yogs nas// 'gul zhing rab tu skye bar 'gyur// mi gtsang srin bu skyes ma thag/ mi dag zhal las sad bya// bzhin// mig ni gzugs la mched par byed// rtog pa dag kyang rnam par 'phel// mchu gnyis dang ni dkan tshogs las// rnam par rtog nas rig nas kyang // mi yi tshig gis rnam btags pas// ne tso bzhin du 'jug par 'gyur/ / mu stegs smra brten pa dang // theg pa chen po mi gnas pa// de na sems can bsam bzhin bzhugs// ngan par lta ba'i gnas med de// so so rang rig theg pa ni// rtog ge pa yi spyod yul min// mgon po 'das pa'i 'og tu ni// 'dzin par su 'gyur bshad du gsol// bder gshegs mya ngan 'das pa'i 'og/ tshul rnams 'dzin par 'gyur ba de// dus dag 'das nas 'byung ba ni/ / blo gros chen po khyod shes byos// lho phyogs pa de'i yul du ni// dge slong dpal ldan cher grags pa// de ming klu zhes bod pa ste// yod dang med pa'i phyogs 'jig pa// nga yi theg pa 'jig rten du// bla med theg chen rab bshad nas// rab tu dga' ba'i sa bsgrubs te// bde ba can du de 'gro'o// 'gro ba kun tu rab 'khor bas// srid pa las ni skyo ba'i yid// zhi ba zhi lam song nas ni/ / rnal 'byor sna tshogs dag la rtsom// rnal 'byor can gyis brtson byas na// nyi ma zla ba'i dbyibs 'dra dang // 'od dang pad+mo lta bu dang // ri mo nam mkha'i me 'dra mthong // mtshan ma sna tshogs de dag ni/ / mu stegs can lam khrid par byed// nyan thos dag dang rang rgyal gyi// spyod yul du yang ltung bar byed// yul la 'dzin pa med pa'i phyir// 'gog pa med pa ma yin te/ 'phags pa rnams kyi spyod yul ltar// de bzhin nyid kyi dngos por yod// mkhas pa rnams la snang ba ltar// byis pa rnams la mi snang ste// ji ltar chos kun ma skyes shing // mtshan nyid med par snang ba'o/ / gser min gser ltar snang ba yi// ra gan spungs la byis pa rnams// gser du ji ltar rtog pa bzhin// ngan pa'i rtog ges chos de bzhin// rkyen gyis yod dang med pa las// gang gri ma byung skye ba dang / / byung nas kyang ni 'jig ces pa// nga yi bstan la de mi gnas// yongs su 'gyur dang dus dang dbyings// 'byung ba'i dngos dang dbang po dang // srid pa'i byar ma bsdu ba ni/ / gang rtog de dag mkhas ma yin// 'jig rten rten cing 'brel 'byung bar// rgyal ba dag ni mi gsung gi/ 'jig rten 'di ni rkyen nyid de// dri za yi ni grong khyer 'dra// 'di yod na ni 'di zhes bya/ / 'di ni chos kyi brda yin te// badz+ra las tha dad gyur pa ni// ma skyes 'gag par mi 'gyur ro// mig dang chu dang me long dang // snod rnams dang ni nor bu la// de dag la ni gzugs brnyan sna gzugs brnyan gang na'ang yod pa min/ / ji ltar nam mkha'i smig rgya ba// dngos por snang sems de bzhin te/ ji ma mo gsham bu bzhin du// rnam pa sna tshogs gzugs su snang // theg chen nga yi theg pa min/ / yi ge med cing sgra yang med// bden pa ma yin thar pa min// snang med spyod yul ma yin na// 'on kyang thag chen theg pa ste// ting 'dzin la yang dbang byed pa/ / yid kyi lus ni sna tshogs pa// dbang gi me tog rnams kyis brgyan// dngos po dag ni rkyen rnams dang // gcig dang tha dad ma yin te// skye ba dag ni mdor bshad de// 'gog pa nyid ni rgyas par ro/ / ma skyes stong pa gcig yin te// skyes pa'i stong pa nyid kyang gcig/ ma skyes stong pa mchog yin te// skyes pa'i stong pa 'jig par 'gyur// stong pa de bzhin nyid dang mtha' mya ngan 'das dang chos kyi dbyings/ / yid kyi lus ni sna tshogs pa// rnam grangs dag gis ngas bshad do// mdo sde 'dul ba chos mngon pas// don gyis ma yin tshig rnams kyis rnam par dag par gang rtogs pa/ / bdag med pa la de mI gnas// nga dang sangs rgyas rnams dang ni// mu stegs can dag gang gi kyang // rkyen gyi yod par ma bsgrubs na// ji lta bur mamed bar 'gyur/ / rkyen rnams kyis ni yong bar yang // su yis bsgrubs na gang med sprug/ skye bar smra bdun la bsdu// yod dang med pa rnam par ro// gang gi ci yang mi sbrel/ tsa 'gag par mi 'gyur ba/ / 'gro ba dben par mthong bas na// de la yod med nyer mi 'gro// snang ba ri bong ra bzhin te// mi rnams kyi ni rnam rtog yod// smig rgyu la ni ri dgas bzhin/ gang rnams rtog pa de dag nor// rnam chog mngon par rdzogs pa yis/ rnam par rtog pa shin tu 'byung // skye ba dang ni 'jig las dral// snang ba med pa rab tu spyod// zang yangs rgya che ye shes dang / phun sum tshogs pa'i zhing rnams ni// rgyal ba'i sras po rnams la bshad// nyan thos rnams la mi rtag pa// srid gsum mi rtag stong pa ste// bdag dang bdag gi rnam spangs dang // rgyu med pa yi rnam rtog ni// rnam par rtog ces byar mi rung // ji ltar bu med sdig rgyu la// rgyu med par ni chur 'dzin 'gyur// de bzhin snang la byis pa rnams// 'phags pa rnams ni bye brag tu// 'phags pa'i lta ba dag pa ste// rnam par thar pa gsum las byung // rang dang spyi yi mtshan nyid rnams// nyan thos rnams la rab tu bshad// thams cad chos la ma chags dang // gcig pu dben par spyod pa dang / / ma brtags pa yi 'bras bu ni// rang rgyal sras po dag la bshad// phyi rol brtags pa'i rang bzhin te// gzhan dbang rang gi gzhi la skyes// bdag las skyes pa'i 'khrul mi mthong / / de phyir sems rnams rab tu 'jug/ bcu po ba ni dang po yin// dang po pa ni brgyad po yin// dgu po yang ni dang po ste// bdun po pa yang brgyad po yin// gnyis po ba ni gsum po yin/ / bzhi po yang ni lnga po yin// gsum po yang med drug yin te// snang med pa la rims ci yod// dngos po rnams ni snang med tshe// rnal 'byor can la yod med med// dngos dang dngos med mnyam pas ni/ / 'phags pa rnams kyi 'bras bu skye// rnga ltar dngos rnams dngos po med// ji ltar ma ngam pa nyid du byed// gang gi rnon phyi nang gi/ g.yo ba yin sem shes pa/ / de tshe 'jig par byed pa ste// sems kyi mnyam pa nyid kyang mthong // thog ma med ldan 'khor ba na// byis pa dngos 'dzin gyis g.yogs pa// gzer gyis gzer la ji bzhin du// bring nas 'dzin pa rnam par bzlog/ de yi rgyu can de la dmigs// yid kyi 'jug pa'i gnas yin te// sems kyi rgyu yang 'byin par byed// rnam par shes kyang de la gnas// rnam par smin skyes byin rlabs las ris dang 'gro ba rnams kyang 'byung / / rmi lam du ni gang rnyed dang // mngon par shes pa rnam bzhi ste// gang zhig rmi lam rnyed pa dang // gang yang sangs rgyas gnang ba dang // gang gis 'gro dang rigs kyi rnams// mngon shes rnam smin skyes te min// bag chags kyis ni bsgos pa'i sems// dngos por snang ba shin tu 'jug/ byis pa gang tshe mi shes pa// de tshe skye ba bshad par bya// dngos po mtshan nyid ldan par ni/ / phyi rol ji spring rnam rtog cing // rang gi nor bu ma mthong na// de srid du ni sems rgyas byed// ci yi phyir na snang ba brjod// snang ba dang ni snang ba min// gang gi ci las zhig brjod/ / sems ni rang bzhin dang ba ste// rnyog par byed pa yid yin no// rnam par shes dang bcas pa'i yid// rtag tu bag chags 'debs par byed// kun gzhi yis ni 'dor bar byed// yid ni 'gro ba smon par byed// rnam shes yul du snang ba yi// nor pa mthong nas rab tu chags// nga yi sems ni snang ba ste// phyi rol gyi ni don med par// nor ba la ni de ltar bsgoms// de bzhin nyid kyang dran par gyis/ / bsam gtan pa yi yul dang las// sangs rgyas rnams kyi che ba nyid// de gsum bsam gyis mi khyab ste// rnam shes spyod yul bsam mi khyab// ma 'ongs pa dang 'das pa dang / / nam mkha' gang zag mya ngan 'das// kun rdzob tu ni de dag bshad// dam pa'i don ni yi ge med// ris su gtogs dang mu stegs can// lta ba gcig la gnas pa ste// sems tsam las ni rmongs pas na/ / phyi rol gyi ni dngos la rtog/ rmi lam na ni dbang bskur dang // rang rgyal dang ni sangs rgyas dang // dgra bcom sangs rgyas mthong nas ni// byang chub sa thob 'phel ba yin// gang dag de ni ji lta bu/ / gang las ci yi phyir bong dang // sgyu ma'i sems kyi rnam pa bzhi// yod med phyogs bshad bdag la gsungs// sems tsam la ni rmongs pa la// sgyu ma bzhin du yod med bshad// skye ba dang ni 'jig par ldan// mtshan dang mtshan gyi gzhir yang shes// yid ces bya ba rnam rtog pa// rnam shes lnga dang lhan cig tu// gzugs brnyan chu bo'i chu 'dra ba// sems kyi sa bon dag las 'byung / / gang gi tshe na sems dang yid// rnam par shes pa mi 'jug pa// de yi tshe na yid lus dang // sangs rgyas yang na thob par 'gyur// rkyen dang khams dang phung po dang / chos rnams kyi ni rang mtshan nyid/ / brtags dang sems dang gang zag rnams// rmi lam skra shad 'dzings pa 'dra// 'jig rten rmi lam sgyu ma ltar// mthong nas yang dag gnas par gyis// de bzhin nyid ni mtshan nyid bral/ / rig pa dang ni gtan tshigs spangs// 'phags pa'i so so rang rig pa// spyod pa rtag tu dran par gyis// rig pa dang ni rgyu rmongs pa'i// 'jig rten de bzhin nyid la 'khod// spros pa thams cad zhi ba'i phyir/ / shes rab nor bar mi 'jug ste// ji srid nor par rnam rtog pa// de srid rmongs pas sems 'jug go// rang bzhin med dang dngos po dang // sdang pa rtag dang mi rtag rnams skye bar smra ba'i lta ba ste/ / mi skye smra ba ma yin no// 'gro gcig tha dad gnyis kar yang // dbang phyug dang ni 'dod rgyal dang // dus dang gtso dang rdul phran dang // rkyen rnams kyis ni brtags pa yin// 'khor ba'i sa bon rnam par shes/ / sa bon yod na 'byung bar 'gyur// rtsig pa yod na ri mo bzhin// yongs su shes nas 'gag par 'gyur// ji ltar sgyu ma'i skyes bu bzhin// mi dag skye dang 'chi ba 'byung // de bzhin byis pa rmongs pa'i phyir// bcings dang thar pa shin tu 'byung // phyi dang nang gi rnam gnyis te// chos rnams dang ni rkyen rnams so// rnal 'byor/ de la zab bsgom zhing // snang ba med pa gnas par bya/ / bag chags dag gis sems mi dbye// sems dang bag chags gcig ma yin// sems ni tha dad ma yin mtshan// bag chags rnams kyis yongs su dkris// yid kyi shes las byung ba yis/ / bag chags dri ma bzhin du ltos// sems na ras yug pa 'dra// bag chags rnams kyis ma mdzes so// ji skar ngas ni nam mkha' la// dngos med dngos med ma yin pasha de bzhin lus la kun gzhi ni/ / dngos dang dngos po med pas spangs// rnyog pas spangs pa'i sems nyid ni// yid kyi rnam shes bzlog pa ste// chos rnams thams cad shes pa'i phyir// sems ni sangs rgyas zhes nga 'chad/ / rgyud gsum rnam par 'chad pa ste// yod pa dang ni med pa spangs// mtha' bzhi dag las rnam par grol// srid pa rtag tu sgyu ma bzhin// sems las byung ba'i sa bdun rnams// ngo bo nyid ni gnyis su 'gyur// sa gzhan dang ni sangs rgyas sa// de dag shin tu rdzogs pa yin// gzugs can dang ni gzugs med khams// 'dod pa'i khams dang mya ngan 'das// sems kyi spyod yul thams cad kyang / / lus 'di nyid du bshangad ba yin// gang tshe ji srid dmigs 'gyur ba// de sring nor pa 'jug par 'gyur// nor pa rang gi sems rtogs na// 'jug pa med cing ldog pa med// skye med pa la rgyu yang med/ / dngos pos 'khor ba kun 'dzin te// rgyu la sogs dang 'drar mthong na// mtshan nyid la ni mi brtag go// byis pa zhan pa'i blo can la// theg pa gcig dang theg pa gsum// theg pa mad b.rang 'chang do/ / 'phags pa rnams la bden pa nyid// mtshan nyid dang ni rtogs pa de// nga yi skye ba rnam gnyis so// tshul bstan pa ni rnam bzhi ste// rigs pa bstan pa'i grub pa'i mtha'// dbyibs dang byad kyi khyang par gyis/ / nor pa mthong nas rnam par rtog/ ming dang dbyibs dang bral gyur nas// rang bzhin 'phags pa'i spyod yul btsang // ji srid rnam par rtog pas rtog de srid brtags pa'i mtshan nyid de/ / brtag bya rtog pa med pa'i phyir// rang bzhin 'phags pa'i spyod yul lo// rtag pa ther zug yang dag nyid// rigs dang dngos po ngo bo nyid// de bzhin nyid ni sems las grol/ / rtog pa rnams kyang spangs pa'o// dngos po med na dag mi 'gyur// nyon mongs pa yang su la'ang med// gang phyir sems ni dag 'gyur bas// kun nas nyon mongs snang bar 'gyur/ de phyir rnam dag 'phags pa'i yul// yang dag nyid ni dngos por 'gyur// sems ni rkyen gyis bskyed pa ste// rtog pa dag gis rnam par spel// rmi lam sgyu ma la sogs ltar/ mthong na rnam par 'tshang rgya 'gyur/ / bag chags sna tshogs gnas ngan len// sems dang lhan cig rab tu ldan// mi la phyi rol rnam snang ste// sems kyi chos nyid ma yin no// sems kyi chos nyid dag pa ste/ / sems ni nor las byung ba yin// nor pa gnas ngan len pa ste// de yi phyir ni sems mi mthong // de bzhin nyid ni nor pa tsam// de bzhin nyid ni gud na med// 'du byed la min gud na'ang min/ / 'on kyang 'du byed mthong bas so// nam zhig 'du byas rnams la ni// mtshan dang mtshan gni bral mthong na// 'gro ba rang gi sems mthong bas// de yi phyir ni spangs par 'gyur sems tsam la ni gnas nas ni/ / phyi rol don la mi rtog go// yang dag dmigs la gnas nas ni// sems tsam las ni 'da' bar bya// sems tsam las ni 'dras nas ni// snang ba med las 'da' bar bya/ / rnal 'byor snang ba med gnas pa// theg pa chen po mi mthong ngo // lhun gyis grub rtog zhi ba ste// smon lam dag gis rnam par sbyangs// bdag med ye shes mchog yin te// snang ba med tshe mi mthong ngo // sems kyi spyod yul blta bar bya// ye shes spyod yul mthong na ni// mtshan nyid la ni rmongs mi 'gyur// sdug bsngal bden pa sems kyi ste// kun 'byung ye shes spyod yul lo/ / bden pa gnyis dang sangs rgyas sa// de la shes rab shin tu 'jug/ 'bras bu thob dang mya ngan 'das// de bzhin yan lag brgyad pa'i lam// chos rnams thams cad rtogs pa'i phyir/ sangs rgyas ye shes rnam dag 'gyur// mig dang gzugs dang snang ba dang // yid dang nam mkha' de bzhin te// de dag gis ni mi rnams kyis// kun gzhi las byung rnam shes skye// gzung dang 'dzin dang 'dzin byed dang / / ming dang dngos min med pa dang // rnam par rtog pa rgyu med par// gang sems de dag mkhas ma yin// don la ming ni ma byung ste// ming la don kyang de bzhin no// rgyu dang rgyu med las byung ba'i/ / rnam par rtog la ma rtog cig/ dngos po thams cad rang bzhin med// tshig kyang de bzhin med pa yin// stong pa dang ni stong pa'i don// byis pa ma mthong rnam par rgyug/ rlom sems badzin dgongs mthong bas na/ / brtags pa yi ni bshad pa'o// gcig pa rnam pa lngar grub pas// bden pa po 'di spong bar 'gyur// spros pa bdud kyis bzung ba yin// yod dang med las 'da' bar bya/ / log pa'i 'du shes bdag med par// mthong bas srid la 'dun mi bya// rtag pa med dang bcas pa ni// rtsod pa tsam zhig 'jug pa ste// bden pa'i mchog ni smrar med pa/ / 'gags na chos ni mthong ba yin// kun gzhi la ni brten bcas nas// yid kyang shin tu 'jug par 'gyur// sems dang yid la brten bcas nas// rnam par shes pa 'jug par 'gyur/ / sgro btags pa dang sgro 'dogs dang // sems kyi chos nyid de bzhin te// rnal 'byor pas ni de bsgoms na// sems tsam shes pa thob par 'gyur// yod dang mtshar nyid dngos po la/ / rtag dang mi rtag rlom sems med// skye dang mi skye rnal 'byor pa// rnal 'byor pa ni rlom sems med// kun gzhi las byung rnam shes ni// don gnyis la ni rtog par byed// de las byung ba'i don gcig la/ / sems gnyis rnam par shes mi 'gyur// smra ba med cing tshig med de// sems mthong phyir ni stong pa yin// rang gi sems ni ma mthong phyir// lta ba'i dra bar 'jug par 'gyur// rkyen rnams 'ongs pa med pa ste/ / dbang po dag ni gang yang med// khams rnams med cing phung po med// 'dod chags med cing 'dus byas med// las dang me med sngon yang med// byas pa med cing 'dus bya med/ / mtha' yang med cing chags pa med// thar pa med cing chags pa med// lung ma bstan la dngos po med// chos dang chos ma yin pa med// dus med mya ngan 'das pa med/ chos nyid dag kyang med/ pa yin// sangs rgyas med cing bden rnams med// 'bras bu med cing rgyu rnams med// log dang mya ngan 'das pa med// 'byung ba med dang 'jig pa med// yan lag bcu gnyis yod ma yin// mtha' dang mtha' med pa yang med/ / lta ba thams cad spangs pa'i phyir// sems tsam du ni ngas bshad do// lus dang nyon mongs las lam dang // byed pa po dang 'bras bu rnams// rmi lam dang ni smig rgyu 'dra/ dri za yi ni grong khyer bzhin// sems tsam du ni rnam bzhag pas// dngos po'i mtshan las rnam par ldog/ sems tsam la ni gnas pa'i phyir// rtag dang chad pa mthong bar 'gyur// mya ngan 'das la phung po med/ / bdag kyang med cing mtshan nyid med// sems tsam la ni 'jug pa yis// thar par 'dzin las ldog par 'gyur// sa snang rgyus 'byung nyes pa ni// mi rnams la ni phyi rol snang // sems ni snang ba med las byung / / de yi phyir na sems mi snang // mi rnams kyi ni bag chags rnams// lus dang longs spyod gnas ltar snang // sems ni dngos med dngos med min// bag chags dag gis mi mdzes so// dkar po la ni dri mi snang // dri ma la ni dkar mi snang // nam mkha' la ni sprin bzhin du// de bzhin sems kyang mi gnang ngo // sems ni las kyang sogs par byed// ye shes kyis ni rnam par sel// shes rab kyis ni snang med dang // mthu yang rab tu thob par byed// sems ni yul dang 'brel ba ste// shes pa rtog ge dag la 'jug/ snga ma med dang khyad par yang // shes rab dag ni shin tu 'jug/ sems dang yid dang rnam shes dang // 'du shes rtog pa spangs pa ste// rnam par mi rtog chos thob pas// nyan thos dag ni rgyal sras min// zhi ba bzang po'i khyad par la// de bzhin gshegs kyi ye shes dge/ kun tu spyod pa spangs pa ni// khyad par phyir ni skye bar 'gyur// kun tu brtags pa'i rang bzhin yang // gzhan gyi dbang ni med pa ste// nor pa dag gis brtags pa 'dzin gzhan gyi dbang ni mi rtag go/ thams cad 'byung 'gyur gzugs med do// 'byung las ma gyur gzugs yod do// dri za'i grong khyer rmi lam dang // sgyu ma smig rgyu 'byung 'gyur min// nga yi shes rab rnam gsum ste/ / gang gis 'phags pa rab phye dang // gang gis yang dag mtshan nyid rtog/ gang gis dngos po'i byed pa'o// nyan thos shes rab snang spangs pa// theg pa gnyis dang bral ba ni/ / dngos po yod par chags pas na// shin tu 'jug par 'gyur ba yin// sems tsam la ni 'jug pa'i sa// bder gshegs shes rab dri ma med// yod pa dang ni med pa las// rkyen gyis gal te skyer zin na// gcig dang tha dad lta ba la// gdon mi za bar de dag gnas// yan lag mang pos bsgrubs pa yi// sgyu ma grub par mi 'gyur ba// de bzhin mtshan ma sna tshogs kyang // brtags na grub par mi 'gyur ro// mtshan ma gnas ngan len pa yi// 'ching ba sems las byung ba ste// kun tu brtags pa mi shes pas// gzhan gyi dbang zhes rtog par 'gyur// gang brtags pa yi dngos po 'di/ / gzhan gyi dbang yang de nyid de// brtags pa sna tshogs snang ba ni// gzhan gyi dbang zhes rtog par byed// kun rdzob dang ni dam pa'i don// rgyu las skyes pa gsum du med// brtags pa kun rdzob ces bya ste// de 'chang 'phags pa'i spyod yul lo// rnal 'byor can gyi dngos po ltar// sna tshogs gcig tu rnam par mdzes// de la rnam pa sna tshogs med// brtags pa'i mtshan kyang de bzhin no/ / ji ltar rab rib can dag gis// gzugs mthong ba la sna tshogs rtog/ rab rib gzugs min gzugs med min// mkhas pas gzhan dbang de bzhin no// ji ltar gser ni dag pa dang / / chu yang rnyog ma spangs pa dang // nam mkha' la ni sprin med ltar// rnam rtog dag pa de bzhin no// nga yi nyan thos rnam gsum ste// sprul dang smon lam las skyes pa/ 'dod chags zhe sdang spangs pa yi/ / chos las 'byung ba nyan thos so// byang chub sems dpa' yang rnam gsum ste// sangs rgyas la ni mtshan nyid med// sems can dag gi sems sems la// sangs rgya gzugs ni rab tu snang / / brtags pa yi ni dngos po med// gzhan gyi dbang ni yod pa ste// sgro 'dogs pa dang skur pa ni// rnam par brtags pa 'jig par 'gyur// gal te brtags pa'i dngos med pa gzhan gyi dbang gi dngos yod na/ / dngos po med par dngos por 'gyur// dngos po dngos med las byung 'gyur/ kun tu brtags la gnas bcas te// gzhan gyi dbang ni dmigs par 'gyur/ / ming dang mtshan ma 'brel ba las// kun tu brtags pa 'byung bar 'gyur// brtags pa shin tu ma grub ste// gzhan las byung ba ma yin no// dam pa'i don gyi ngo bo nyid/ / dag pa de tshe shes par 'gyur// kun tu rtog pa rnam pa bcu// gzhan gyi dbang ni rnam pa drug/ so so rang rig de bzhin nyid// de yi phyir na khyad med do// chos lnga de bzhin nyid yin te// rang bzhin gsum yang de bzhin no// rnal 'byor can gyi de bsgom na// de bzhin nyid las mi 'da' 'o// skar ma dang ni sprin lta bu// nyi ma zla ba 'dra ba do// bag chags las byung snang 'dra bar// mi rnams kyi ni sems snang ngo / / 'byung ba 'di dag lus ma red// mtshan nyid med cing mtshan gzhi med// ci ste 'byung ba'i 'byung yin la// gzugs ni 'byung las gyur yin na// 'byung la 'byung las gyur pa med/ / 'byung ba chen po rgyu yin te// 'bras bu sa dang chu la sogs// rdzas dang btags dang gzugs rnams dang // sgyu ma rnams byas de bzhin to// rmi lam dri za'i grong khyer gzugs/ smig rgyu ba dang lnga yin no// 'dod pa can ni rnam pa lnga// rigs kyang de bzhin lnga yin te// theg pa lnga dang theg pa med// mya ngan 'das pa rnam drug yin// phung po tha dad nyi shu bzhi// gzugs kyang rnam pa brgyad du 'gyur/ / sangs rgyas nyi shu rtsa bzhi yin// rgyal ba'i sras na rnam pa gnyis// tshul yang brgya po rtsa brgyad de// de bzhin nyan thos rnam gsum mo// sangs rgyas rnams kyi zhing gcig ste/ / de bzhin sangs rgyas gcig tu 'gyur// rnam par grol ba de bzhin gsum// sems kyi rgyud ni rnam pa bzhi// nga yi bdag med rnam pa drug/ shes par bya ba'ang rnam pa bzhi// rgyu rnam dang ni bral 'gyur ba/ / lta ba'i nyes pa rnam par spangs// so so rang rig mi g.yo ba// theg pa chen po bla na med// skye ba dang ni mi skye ba// rnam pa brgyad dang rnam dgur 'gyur// gcig dang rims kyis rtogs pa ste/ / grub pa'i mtha' yang gcig nyid do// gzugs med khams ni rnam pa brgyad// bsam gtan tha dad rnam pa drug/ rang rgyal sras po rnams kyi ni// 'byung ba rnam pa bdun du 'gyur// dus gsum po yang yod ma yin// rtag pa dang ni mi rtag med// byed dang las rnams 'bras bu rnams// rmi lam gyi ni bya ba bzhin// sangs rgyas nyan thos rgyal ba'i sras// thog ma mtha' mar 'byung ba med/ / sems kyi snang dang bral ba ste// rtag tu sgyu ma'i chos dang 'dra// rum dang 'khor lo skye de bzhin// 'byung dang dga' ldan gyi gnas dang // zhing kun du ni gshegs par yang // snang yang mngal nas skye ba min/ / 'pho dang rgyu dang sems can dang // de bzhin stong dang mya ngan 'das// bden pa dang ni zhing rtogs pa// rkyen rnams kyis ni 'phags pa yin// 'jig rten dang ni nags tshal @gling / / mu stegs 'phro dang bdag med dang // bsam gtan theg nas thos pa dang // 'bras bu spyod yul bsam mi khyab// zla ba skar ma'i rigs rnams dang // rgyal rigs dang lha yi gnas/ / gnod sbyin dri za'i rigs rnams ni// las las skyes shing sred las byung // bsam gyis mi khyab 'gyur ba yi// shi 'pho bag chags ldan pa ste// 'chi 'phor snang ba 'chad na ni/ / nyon mongs dro ba 'gag par 'gyur// ba lang lug dang bran rnams dang // de bzhin glang po rta rnams dang / nor dang 'bru dang gser rnams dang // zhing gi dngos por rnam par rtog/ khri dag la yang nyal mi bya// sa la yang ni mi bsku'o// gser dang dngul dang 'khar ba dag/ zangs kyi lhung bzed mi bcang ngo // snam bu sngon po btsos pa dang // ba lang lci ba ngur smrig dang / / sa dang 'bras bu lo ma'i sa// rnal 'byor rtag tu dkar po bsgyur// lcags dang rdo dang kham pa dang // dung dang shel las byas pa yi// ma ga d+ha yi bre gang tshad// lhung bzed rnal 'byor can gyis bcangs/ / dgu 'o gos dra'i gri yang ni// sor bzhi pa yi tshad du bya// rnal 'byor gzhol ba'i rnal 'byor las// bzo bo'i rig pa mi bslab bo// rnal 'byor zhugs pa'i rnal 'byor pas/ / nyo dang btsong ba mi bya'o// kun dga'i khyim pas de bya ste// de ni chos su ngas bshad do// dbang po bsdams shing don shes pa// mdo dang 'dul ba de bzhin te// khyim pa dang ni ma 'dres par/ / rnal 'byor can la de ngas bshad// steng pa'i khyim ma mdur khrid dam// shing gi drung dang phug rnams dang // bla bag med pa'am sog khrod du// rnal 'byor can gyis gnas bca' 'o/ / dur khrod du 'am gzhan gang du'ang // rtag par gos gsum bgo bar bya// gang yang bde bar byin pa dag/ gos kyi phyir ni sbyar bar bya// slongs mo'i zas la gzhol byas te// gnya' shing gang du'ang blta bar bya/ / me tog la ni bung ba ltar// de ltar bsod snyoms spyad par bya// mang po'i tshogs dang 'dres pa yang // dge slong ma dang gang 'dres pa// 'dres par gyur pa'i 'tsho ba de// rnal 'byor can la rung ma yin/ / rnal 'byor gzhol ba'i rnal 'byor pas// rgyal po dang ni rgyal mo'i bu// de bzhin blon po tshong dpon la// zas kyi phyir ni brten mi bya// shing dang bcas pa'i khyim zas dang / / dga' dang mdza' dang ldan pa dang // dge slong dge slong ma dang 'dres// rnal 'byor can la de mi rung // du ba gar 'thul gtsug lag khang // cho ga bzhin du rtag rtsed dang // bdag gi phyir ni gang byas pa/ / rnal 'byor can la de mi rung // 'jig rten mtshan gzhi mtshan ldan la// skye dang 'jig las grol ba dang // yod dang med pa'i phyogs spangs par// rnal 'byor can gyis rnam 'byor bsgoms/ / gal te skye bar mi rtog na// ting nge 'dzin dang stobs rnams dang // mngon par shes dang dbang ldan gyi// rnal 'byor par ni myur du 'gyur// rdul phran dus dang gtso bo dang / byed pa las kyang mi brtag go/ 'jig rten rgyu rkyen las byung bar// rnal 'byor pas ni mi rtog go/ 'jig rten rang gi rtog pas brtags// sna tshogs bag chags dag las byung / srid pa sgyu ma rmi 'dra bar// rnal 'byor can gyis rtan tu ltos// sgro 'dogs pa dang skur pa yis// spangs par lta ba rtag tu skye// zhi ba'i lam ni dger song nas// rnal 'byor sna chos rtsom par byed/ / lus dang longs spyod gnas 'dra bar// srid pa gsum la ma rtog cig/ zas kyi bya ba byas pa dang // bsam pa med par lus bsrang nas// sangs rgyas dang ni byang chub la// yang dang yang du phyag 'tshal te// rnal 'byor shes pas mngon 'dul dang // 'thang las yang dag bsdus nas ni// chos lnga dang ni rang sems dang // bdag med pa la rnam par snyoms// so so/ rang rig chos nyid gtsang // sa rnams dang ni sangs rgyas sa// rnal 'byor can gyis de bsgoms na// pad+mo chel dbang bskur 'gyur// 'gro ba kun tu rab 'byams pas// srid pa la ni skyo ba'i yid / / rnal 'byor can gyis brtson byas na// ki ma zla ba'i dbyibs 'dra dang // 'od dang pad+mo lta bu dang // ri mo nam mkha'i me 'dra mthong // mtshan ma sna tshogs de dag ni// mu stegs can lam khrid par byed/ / nyan thos dag dang rang rgyal gyis// spyod yul du yang lhung bar byed// 'di dag thams cad rnam spangs shing // snang ba med par nam 'gyur ba// de tshe sangs rgyas lha yi phyag thams cad zhing nas byung ba yis/ / de yi mgo la nyug mdzad de// yang dag rjes su 'gro ba'i ltas// rgyu med pa las dngos po ni// rtag dang chad pa spangs pa yi// yod med phyogs bral yod do zhes/ / dbu mar rnam par rtogs par 'gyur// rgyu med par ni smra bas na// rgyu med chad par lta bar rtog/ phyi rol dngos po ma rtogs phyir// dbu ma 'jig par byed par 'gyur// chad pa'i lta bar 'gyur snyam pas/ / dngos po 'dzin pa mi gtong ste// skur pa dang ni sgro 'dogs pas// dbu ma dag ni ston par 'gyur// sems tsam du ni rtogs pa dang // phyi rol dngos po rnam bsal bas// rnam par rtog pa rnam rtog ste/ / lam de nyid du dbu ma'o// sems tsam yin te snang ba med// snang ba med pas mi skye ste// dbu ma yi ni lam 'di yang // nga dang gzhan dag gis kyang bshad// skye ba dang ni mi skye dang / / dngos dang dngos med stong pa dang // dngos po rang bzhin med pa ni// gnyis po de dag rnam mi brtag/ rnam par mi rtog 'jug med pas// byis pa rnams ni thar par rtog sems 'jug pa ni mi brtag pas/ / 'dzin pa gnyis ni spong bar 'gyur// rang gi sems snang rtogs pa'i phyir// 'dzin pa rnam gnyis spong bar 'gyur// spong dang yongs su 'dzin pa ni// rnam rtog 'jig par byed ma yin// sems snang yongs su shes pa'i phyir/ rnam par rig pa mi 'jug go// rnam par rtog pa mi 'jug pa// de bzhin nyid sems spangs pa'o// mu stegs @can gyi nyes spangs pa/ / 'jug pa kal te snang 'gyur na// ldog pa gal te snang 'gyur bas// mkhas pa dag gis de bzung ngo // de rtogs phyir ni sangs rgyas su/ nga dang sangs rgyas gzhan gyis bshad// rnam pa gzhan du rtog na ni// pu stegs can gyi smra bar 'gyur// mi skye ba la skye ba mang // shi 'phos med cing shi 'phor 'gyur// zhing rnams bye ba cig car yang / / chu yi zla ba bzhin du snang // gcig dang mang por gyur nas ni// me yang 'bar zhing chur yang 'bebs// sems la sems kyi gyur nas ni// de dag sems tsam du yang smra// sems rnams la ni sems tsam du'ang / / sems med par ni sems las byung // rnam pa sna tshogs gzugs dang dbyibs// sems tsam du ni rtog par byed// thub dbang dang ni nyan thos gzugs// rang rgyal dang yang 'dra ba ste/ / rnam pa mang po'i gzugs bzhin gyis// sems tsam du ni de dag smra// gzugs med pas ni gzugs kyang med// dmyal ba la ni dmyal ba'i gzugs// sems tsam gyi ni rgyu dag kyang / / sems can rnams la ston par byed// de dag shin tu gyur nas ni// sgyu ma 'dra ba'i ting 'dzin dang // yid kyi lus kyang de bzhin te// dbang dang sa bcu rnams kyang thob/ rang gi rnam rtog phyin ci log/ spros pa dang ni g.yo ba dang // thos mthong shes dang rtogs pa dang // 'du shes dag gis byis pa bcings// gzhan gyi dbang ni mtshan ma ste// gang ming de ni kun brtags pa/ kun rtog pa dang mtshan ma ni// gzhan gyi dbang las shin tu 'byung // blo yis rab tu gzhig nas ni// brtags pa med cing dbang yang med// grub pa'i dngos po yod med na// ltar blo yis rnam par brtag/ yod dang med pa spangs pa yi// grub pa yi ni dngos po yod// dngos po yod med rnam grol ba'i// rang bzhin gnyis su ji ltar 'gyur// kun tu brtags pa'i rang bzhin la/ / rang bzhin dag ni gnyis gnas te// brtags pa rnam pa sna tshogs snang // rnam dag 'phags pa'i spyod yul lo// brtags pa sna tshogs snang ba la// gzhan gyi dbang zhes rtog byed de/ / rnam pa gzhan du rtog na ni// mu stegs smra la gnas par 'gyur// rtog pa brtags pa zhes bshad do// mthong phyir rgyu bas 'byung ba yin// rnam rtog gnyis las grol ba ni/ / rdzogs pa nyid kyang de yin no// // bam po dgu pa// zhing dang sangs rgyas sprul pa dang // theg pa gcig dang de bzhin gsum/ / mya ngan 'das dang nga med de// thams cad stong pa skye spangs pa'o// sangs rgyas bye brag sum cu drug/ bye brag dag ni bcu po dang // sems can so so'i sems rgyud rnams// de dag zhing gi snod yin no// ji ltar brtags pa'i dngos po ni// sna tshogs blta bar snang mod kyi// sna tshogs nyid ni de la med// 'gro bar de bzhin chos sangs rgyas// chos kyi sangs rgyas sangs rgyas yin/ / lhag ma de yi sprul pa'o// sems can rang gi sa bon rgyud// sangs rgyas gnang ba mthong ba'o// mtshan ma 'brel las nor ba yi// rnam par rjod ba rab tu 'jug/ rtog las de bzhin nyid gzhan min// mtshan ma las kyang rnam rtog min// rang bzhin gyi dang rdzogs longs spyod// sprul pa dang ni sprul pa gang // sangs rgyas mang po sum cu drug/ rang bzhin gyi ni sangs rgyas yin// sngon po dmar po lan dang // dung dang 'o mkhAr dang // ngas pa'i 'bras bu me tog sogs// ji ltar nyi lhas 'od zer dang // rgya mtsho rlabs dang / ldan pa ni// mi gcig tha dad ma yin te// sems dang lhan cig ldan pa yin// shes rab bdun po de bzhin no// rgya mtsho yongs su gyur pa na// dba' rlabs sna tshogs de dag ste// rnam par shes pa zhes bya ba'i/ / kun gzhi de bzhin sna tshogs 'byung // sems dang yid dang rnam shes pa// mtshan nyid don du rab tu brdzu// brgyad ngo rdza dang ma yin mtshan// mtshan gyi gzhi med mtshan ljid med// ! mtsho dang ni dba' rlabs rnams/ / ji ltar khyad par med pa ltar// de bzhin sems la rnab shes dag/ yongs su gyur pa mi snyed ngo // sems kyis las rnams sog par byed// yid kyis kyang ni rnam pabar sog/ rnam par shes pas rnam par rig/ lnga po snang la rtog par byed// sngon po dmar po'i rnam par ni// mi yi rnam par shes pa gda'// dpa' rlabs sems dang chos mthun pa'i// mis thub chen bshad du gsol/ / sngon po dmar po'i rnam pa rnams// dba' rlabs dag pa ma mchis pa/ mtshan nyid ngan du byis pa la// sems kyi 'jug pa dag kyang bshad// de la 'jug pa med pa ste/ rang gi sems ni bzung ba spangs// gzung ba yod na 'dzin pa yang // dpa' rlabs 'thun par sgrub par 'gyur// lus dang longs spyod gnas lta bur// mi yi rnam par shes par snang // de phyir de yi zhugs pa ni/ / dba' rlabs dag dang 'dra bar snang // dba' rlabs dngos por rgya mtsho ni// gar byed rnam par rig gyur na// kun gzhi 'jug pa de bzhin du// ci yi phyir na blo mi rig/ byis pa blo dang mi ldan pas/ / kun gzhi rgya mtsho ji bzhin du// dba' rlabs 'byung ba'i chos 'thun phyir// dpe yis nye bar sbyor ba yin// bzang ngan bar ma'i skye bo la// gdugs 'char 'gyur ba ji bzhin du/ / de bzhin 'jig rten sgron ma khyod// byis pa rnams la yang dag ston// chos la rab tu zhugs mdzad cing // ci slad de bzhin nyid ma gsung // de ste de bzhin nyid gsung na// sems la de bzhin nyid ma mchis/ / ji ltar rgya mtsho'i dba' rlabs dang // me long rmi lam ji bzhin du// gcig cha'i dus su snang ba ltar// de bzhin sems kyang rang yul la// yul rnams dang ni mi ldan pas// rims kyis 'jug pas rab tu 'byung / / rnam par shes pas rnam par rig/ yid kyis kyang ni rlom sems byed// lnga po rnams la snang bar mngon// mnyam par gzhag la rim pa med// ri mo'i mkhan po la la 'am/ ri mo'i slob ma ji lta bur// ri mo'i don du tshon 'gyed pa// nga yi bshad pa de 'dra ste// tshon la ri mo yod pa min// pir la med cing snod la med// sems can rnams ni drang ba'i phyir/ tshon gyi ri mo rnam par brtag/ yang dag yi ge spangs pa ste// bshad pa dag ni 'khrul pa'o// chos rnams la ni gnas bcas shing // rnal 'byor can la yang dgra bstan// so so rang rig yang dag nyid// rtog dang brtag bya spangs pa ni// rgyal sras rnams la bstan pa yin// byis pa rnams la rnam gzhan bshad// ji ltar sgyu ma sna tshogs dag/ snang yang yod pa ma yin pa// bshad pa sna tshogs 'khrul pa yang / / de bzhin du ni bshad pa yin// gzhan la gang zhig bstan pa de// gzhan la bshad pa ma yin te// ji ltar nad pa nad pa la// sman pas sman rnams gtong ba ltar// sangs rgyas de bzhin sems can la/ / sems tsam du yang rab tu gsungs// phyi rol bag chags sa bon gyis// rnam par rtog pa rab tu 'khyung // gang gis 'dzin pa dbang yin te// gang gzung de ni brtags pa yin/ / phyi rol dmigs pa bzung byas shing // sems la'ang rten te skye bar 'gyur// nor ba rnam pa gnyis 'byung ste// gsum pa 'di ni rgyu med do// gang las nor pa 'byung ba dang // gang la rten te 'byung ba ni/ / sems la bcu gnyis bco brgyad drug/ de yi phyir ni ngas bshad do// bdag gi sa bon gzung 'brel las// bdag tu 'dzin pa rab tu 'byung // sems ni brtag bya 'jug pa yis/ / chos su 'dzin pa spongs par 'gyur// kun gzhi rnam par shes pa las// rnam par shes pa gang 'byung ba// nang gi skye mched rnams yin te// snang ba gang yin phyi rol to// ltar mi mkhas pa rnams kyis// skar dang skra bzung rmi lam gzugs// 'dus byas pa dang ma byas pa// rtag par rtog ste de med do// ji ltar dri za'i grong khyer dang // sgyu ma dang ni smig rgyu'i rgyu/ med bzhin du ni snang ba ltar// de bzhin gzhan gyis dbang yin no// bdag dang dbang por gnas pa ni// ngas ni sems la mi bshad de// sems dang yid dang rnam shes pa// rang gi mtshan nyid bral ba'o/ / sems dang yid dang rnam shes dang // de bzhin bdag med rnam gnyis dang // chos lnga dag dang rang bzhin rnams// de ni sangs rgyas spyod yul yin// mtshan nyid kyis ni gsum du 'gyur/ / bag chags gcig gi rgyu las byung // ji ltar tshon rtsi gcig pu yang // rtsig pa la ni sna tshogs snang // sems dang bdag med gnyis pa yang // yid dang rnam par shes pa dang / / rang bzhin rnams dang chos lnga po// de dag nga yi rigs la med// sems kyi mtshan nyid bral ba dang // rnam par shes dang yid spangs shing // chos kyi rang bzhin med pa ni// de bzhin gshegs pa'i rigs yin no/ / lus dang ngag dang yid rnams kyis// de la dge bar bya ba yin// de bzhin gshegs pa dag pa ste// kun tu rgyu ba spang ba'o// mngon par shes dang dbang gis dag/ ting nge 'dzin dang stobs kyis brgyan// yid kyi lhas ni sna tshogs pa// de bzhin gshegs pa'i dge ba'i rigs// so so rang rig dri ma med// rgyu yi mtshan nyid spangs pa ste/ / sa brgyad pa dang sangs rgyas so// de bzhin gshegs pa'i rigs yin no// legs pa'i blo gros ring du song // chos sprin de bzhin gshegs pa'i yang // de dag sangs rgyas rnams kyi rigs/ / lhag ma theg pa gnyis thob byed// sems can rgyud kyi bye brag dang // mtshan nyid phyir yang byis pa la// sems kyi dbang du 'gro ba'i sa// bdun po sangs rgyas rnams kyis bshad/ / ngag lus sems kyis gnas ngan len// sa bdun la ni mi 'jug ste// sa brgyad la ni de mi gnas// rmi lam chu bo mtshungs shing 'dra// sa brgyad pa dang sa lnga la/ / bzo dang rig dang sgyu rnal rnams// rgyal sras rnams ni shes byed cing // srid pa'i gnas na rgyal po 'ang byed// skye dang mi skye stong mi stong // blo ldan gyis ni brtag mi bya/ / rang bzhin nyid dang rang bzhin med// sems tsam la ni yod pa min// yang dag 'di 'o yang dag 'di// 'di ni log ces brtag bya ba// rang rgyal nyan thos rnams la bshad// rgyal ba'i sras la ma yin no/ / sems tsam la ni yod min te// yod dang med pa yod las min// skad cig pa dang mtshan nyid med// brtags pa dang ni rdzas kyang med// kun rdzob tu ni dngos rnams yod/ / don dam du ni rang bzhin med// rang bzhin med la gang nor ba// de ni kun rdzob bden pa yin// chos rnams thams cad med pa la// nga yis rab tu btags pa byas// byis pa rnams kyi brjod spyod ni/ / yang dag rnam par spangs pa yin// brjod las byung ba dngos po yi// don gyi spyod yul yod pa'o// brjod las byung ba'i dngos po dag/ lta bas yod pa ma yin no// rtsig pa med par ri mo dang / / sdong dum la sogs spangs sgrib ltar// de bzhin kun gzhi dag pa ste// rlabs kyis rnam par mi mdzes so// sems ni gar mkhan bzhin du gnas// yid na bzhad gang pa 'dra ste/ / lnga dang bcas pa'i rnam par shes// snang ba tshon dang 'dra bar rtog/ chos bstan rgyu dang 'dra ba dang // rgyu dang 'dra bar gang sprul pa// de dag ngo bo'i sangs rgyas yin// lhag ma sprul pa'i sku yin no/ / snang ba rnam pa sna tshogs med// sems ni snang bas rab tu rmongs// lus dang longs spyod gnas 'dra bar// mi rnams la ni kun gzhi snang // sems dang yid dang rnam shes dang / / rang bzhin dang ni chos lnga dang // bdag med dngos po dag pa ni// rnam par 'dren pa rab tu 'tshod// rdzogs pa'i sangs rgyas gang 'chad pa// so so rang rig spyod yul ni// rtog ge can gyi yul ma yin// nyan thos rnams kyi'ang ma yin no// ring dang thung la sogs 'grel pa// gcig gis gcig ni rab tu 'jug/ yod par bsgrubs pa med pa ste// med par bsgrubs ba yod pa yin/ / rdul phran du ni rdzas gshegs nas// gzugs la rnam par mi rtog go// sems tsam du ni rnam gzhag pa// lha ba ngan pas mi 'dod do// stong pa rnam par rdzog tsam mam/ / stong pa ma yin zhes pa ni// de nyid yod dang med rtog pa// brtags par bya ba'i don med do// yon tan rdul phran rdzas 'dus pas// byis pa rnams ni gzugs la rtsog/ rdul phran re rer yong pa min/ / de yi phyir yang don med do// rang gi sems ni snang ba'i dbyibs// mi rnams la ni phyi rol snang // phyi rol gyi ni snang ba med// de yi phyir yang don med do// sna tshogs sgra shad 'dzings dang sgyu// rmi lam dri za'i grong khyer dang // mgal me dang ni smig rgyu rnams// med kyang mi la rab tu snang // rtag dang mi rtag de bzhin gcig/ gnyis dang gnyis min de bzhin te// thog ma med pa'i nye 'drem ba/ byis pa gti mug rtog par byed// theg pa rnam par gzhag med de// theg pa gcig tu ngas bshad do// byis pa rnams ni drang ba'i phyir// theg pa tha dad ngas bshang // de bzhin rnam par grol ba gsum/ / chos la bdag med pa nyid dang // mnyam nyid ye shes nyon mongs min// de dag rnam par grol bas spangs// ji ltar shing ni rgya mtsho la// rlabs kyis rnam par g.yengs pa ltar/ / de bzhin nyan thos rmongs pa yang // mtshan nyid kyis ni rnam par g.yengs// mthar phyin pa ni de la med// phyir yang ldog par mi 'gyur te// ting nge 'dzin gyi lus thob nas/ / bskal pa'i bar du mi sad de// bag chags nyon mongs pa dang 'brel// kun nas ljang dang rnam par bral// de dag ting 'dzin myos pas myos// zag pa med pa'i dbyings na 'khod/ / ji ltar skyes bu ra ro ba// chung med nas ni sangs 'gyur ltar// nga yi sangs rgyas chos kyi sku// de dag de tshe 'thob par 'gyur// ji ltar glang po 'dam bying ba// phan tshun du ni mi rgyug ltar/ / ting nge 'dzin gyi 'dam bying ba'i// nyan thos rnams ni de bzhin 'khod// mi yi dbang po'i byin brlabs las// dbang bskur ting 'dzin dag la sogs// smon lam dag gis rnam sbyangs pa/ / dang po dang ni bcu por 'byung // ri bong rA dang nam mkha' dang // mo ka sham bu yang de bzhin te// med bzhin tshig tu brjod pa dang // dngos la rtog pa'ang de bzhin no// 'jig rten bag chag rgyu las byung / / gang na'ang med min yod med min// bdag med chos mkhas gang dag gis// mthong na rnam par grol bar 'gyur// ming ni brtags pa'i rang bzhin te// gzhan las byung ba dbang las skyes// de bzhin nyid ni grub par ngas/ / mdo dang mdo las rtag tu bshad// tshig dang yi ge mang po dang // ming dag la yang bye brag tu// byis pa blo ngan chags pa ni// ji ltar 'dam la glang chen bzhin// lha yi theg pa tshangs theg dang // nyan thos kyi yang de bzhin du// rang rgyal de bzhin gshegs pa'i ste// theg pa de rnams ngas bshad do// ji srid sems 'jug par du ni// theg pa rnams la thug pa med// sems ni rab tu gyur pa na// theg pa med cing 'gro ba'ang med/ / sems dang rnam tog rnam rig dang // yid kyang rnam shes nyid kyang ste// kun gni srid gsum g.yo ba rnams// de dag sems kyi rnam grangs yin/ dang drod dang rnam shes dang // kun gzhi srog gi dbang po dang // yid dang yid kyi rnam shes pa// rnam par rtog pa'i bye brag go// sems kyis su ni lus 'dzin te// yid ni rtag tu rlom sems byed// rnam par shes pa sems yul la// rnam shes bcas pas bye brag 'byed// sred pa dag ni mar bshad de// ma rig pa yang phar shes so// rnam shes yul rnams rig pas na// sangs rgyas su ni de yang bstan/ / bag la nyal ni dgra bcom ste// phung po lnga 'dus dge 'dun no// mtshams med par ni mtshams bcad pas// de ni mtshams med las yin no// bdag med gnyis dang nyon mongs rnams// de bzhin sgrib pa gnyis po dang / / shrI 'pho bsam gyis mi khyab pa// thob pas de bzhin gshegs pa yin// grub pa'i mtha' dang tshun rnams dang // so so rang rig bstan pa yang // bye brag shes pa sus mthong ba/ / de dag rtog pa'i dbang mi 'gro// ji ltar byis pa brtags pa ltar// dngos po la ni bden med na// dngos po med par thar min par// rtog ge can dag cir mi 'dod// skye dang 'jig dang 'brel ba yis/ / 'dus byas rab tu mthong ba ni// lta ba gnyis po rgyas par byed// rkyen rnams shes pa ma yin no// mya ngan 'das pa yid spangs pa// gcig po de ni bden pa yin// 'jig rten brtags pa sgyu ma dang // chu shing pung ltar blta bar bya// 'dod chags dang ni zhe sdang dang // gti mug yod de gang zag med// phung po rnams ni sred las byung // rmi lam dag dang 'dra ba yod// gang gi nub mo thugs su chud// gang la yongs su mya ngan 'das// ngas ni de yi bar du yang // cung zad bstan pa'ang mi yod do// so so rang chos lugs rnams la// dgongs nas rab tu ngas bshad do/ / nga dang sangs rgyas de dag gis// cung zad bye brag byas pa med// bdag ni rdzas dang 'dra bar yod// phung po rnams ni mtshan nyid spangs// dngos por phung po yod pa ste// de dag la ni bdag med do/ / nyon mongs bag la nyal bcas pas// so so rnam par bsgom pa dang // 'gro ba rang gi sems mthong na// sdug bsngal kun las thar bar 'gyur// gang gi rgyu dang rkyen rnams dang / mtha' bzhi yi ni rigs pa yis// 'jig rten rab tu 'byung zhes pa// de dag nga yi tshul mi mkhas// 'jig rten yod dang med mi skye// med min yod min gang na'ang min// rgyu dang rkyen rnams dag gis kyang / / byis pa rnams ni ji ltar rtog/ gang gi tshe na 'jig rten rnams// yod min med min yod med min// mthong na de tshe sems ldog ste// bdag med par yang rtogs par 'gyur// gang phyir rkyen las byung bas na/ / dngos po thams cad ma skyes pas// rkyen rnams thams cad 'bras bu ste// 'bras bu yod las srid mi 'byung // 'bras bu las ni gnyis 'gyur phyir// 'bras bu las ni 'bras mi 'byung / / gnyis su 'gyur ba'i skyon gyi phyir// 'bras bu la ni dngos med dmigs// gang gi tshe ni 'dus byas rnams// dmigs dang dmyigs par bya bral zhing / / sems med sems tsam mthong ba la// sems tsam du ni nges bshad do// sems ni ngo bo nyid kyi dbyibs// rkyen dang dngos po spangs pa ste// mthar phyin ngo bo tshangs pa'i mchog/ de la ngas ni tsam zhes bshad// bdag ni btags pa'i bden par te// rdzas su yod pa ma yin no// phung po phung po nyid de bzhin// btags pas yin gyi rdzas su med// mnyam pa nyid ni rnam bzhi ste// mtshan nyid rgyu dang dngos las skyes// bdag med pa yi mnyam nyid de// rnal 'byor bzhugs pa'i bzhi po'o// lta ba thams cad rnam bzlog pa'i// brtag par bya dang rtog pa spangs/ / dmigs pa med cing skye med la// sems tsam du ni ngas bshad do// dngos med dngos po med pa min// dngos dang dngos med rnam spangs pa'i// de bzhin nyid ni sems bral ba/ / sems tsam du ni ngas bshad do// stong pa'i mtha' dang de bzhin nyid// mya ngan 'das dang chos kyi dbyings// yid kyi lus ni sna tshogs pa// sems tsam du ni ngas bshad do// rnam par rtog pa'i bag chags 'brel// sems las byung ba sna tshogs pa// mi la phyi rol snang ba ni// 'jig rten pa yi sems tsam mo// phyi rol gyi ni snang ba med// lus dang longs spong gnas lta bur/ / sems ni sna tshogs par snang ba// sems tsam du ni ngas bshad do// nyan thos zad pa'i ye shes dang // sangs rgyas rnams kyi skye 'byung dang // rang rgyal sangs rgyas rnams kyi ni/ / nyon mongs med pas shin tu 'byung // phyi rol gyi ni gzugs med de// rang gi sems ni phyi rol snang // sems ni khong du ma chud phyir// byis pa rnams ni 'dus byas rtog/ rang sems sna tshogs snang ba ni/ / phyi rol don rnams mi shes pas// mtha' bzhir sbyar ba'i gtan tshigs kyis// blun po dag gis zlog par byed// gtan tshigs med de mtha' yang med// dpe dang yan lag rnams kyang med// rang gi sems ni don rgyu de// gal te shes na mkhas pa yin// gang zhig rtog pas brtag bya ba// de ni brtags pa'i mtshan nyid de// brtags pa la ni rten bcas te/ / rnam par rtog pa rab tu 'jug/ phan tshun ma gyes 'brel pa yi// bag chags gcig gi rgyu las byung // gnyis po glo bur byung ba'i phyir// mi rnams kyi ni sems mi skye// srid pa gsum na gnas pa d+hU yi/ / sems dang sems byung rnam rtog yin// gang zhig don snang 'jug pa yi// brtags pa'i rang bzhin mi skye ste// brtags nyid du yang red pa med// bdag nyid ma reng skyes pa med// rkyen med par yang gang na'ang med/ / skyes pa'i dngos po de dag kyang // rkyen med par yang dag na'ang med// de lta bu yi mdor mthong na// gang na'ang med min yod med min// dngos po rkyen las skye bar ni/ / mkhas pa rnams kyis mi brtag go// mu stegs can rnam byis pas// rkyen gyis gcig dang tha dad gtum// zer yang 'gro ba rmi lam dang // sgyu ma 'dra dang mi / shes so// brjod pa'i yul gyi theg pa ni// theg pa chen po bla na med// ngas ni don kyang legs par bstan// byis pa rnams kyis mi shes so// gang dag 'jungs pa'i nyan thos drang // mu stegs can gyis byas pa ni/ / gang phyir rtog ges bshad pas na// de dag don las 'khrul pa'o// mtshan nyid dang ni dngos dbyibs dang // ming ni rnam pa bzhi po yang // de dag la ni dmigs byas shing / / rnam par rtog pa rab tu 'jug/ gang rnams gcig dang du ma dang // tshangs pa'i ris su dbang sgyur zhing // nyi ma zla ba'i 'od dag kyang // gang 'jig byed pas sras ma yin// 'phags pa'i mthong ba phun sum tshogs/ / yang dag ji bzhin rtog rig cing // 'du shes zlog la mkhas pa'i rnams// rnam par shes pa'i mchog phyin pa// de ni nga yi bstan pa la// sras po grol ba'i phyag rgya ste/ / dngos dang dngos med rnam grol zhing // 'ong dang 'gro ba rnam spangs pa'o// gzugs kyi rnam shes phyir ldog nas// gal te las ni 'jig 'gyur na// rtag dang mi rtag par mi 'gyur// 'khor ba dag kyang med 'gyur ro// ldog pa'i tshe ni zhig 'gyur ba// gzugs kyi yul las phyir log ste// yod med gnyis dang bral ba'i rigs// kun gzhi la ni rab tu gnas// srid pa'i gnas su rnam shes dang / / gzugs lhung rab tu 'jigs pa ste// gzugs dang rnam shes bral ba yi// las ni 'jig par mi 'gyur ro// gal te dag dang 'brel pa yi// mi yi las ni 'jig 'gyur na/ / las kyi 'brel ba zhig pa'i phyir// 'khor med mya ngan 'das pa'ang med// zhig kyang de dang lhan cig tu// gal te 'khor bar skye 'gyur na// gzugs ni de dang 'brel pa'i phyir/ tha mi dad pas 'byung mi 'gyur// sems ni gzugs su rnam rtog las// gcig pa ma yin tha dad ming// yod dang med pa'i phyogs spangs phyir// dngos po rnams la 'jig pa med// kun tu brtags dang gzhan gyi dbang // phan tshun mtshan nyid tha mi dad // gzugs kyi mi rtag nyid bzhin te// gcig la gcig kyang skye byed pa'o// snang ba'i sa bon ldan pa'i phyir// skye mched rnams ni bcu gnyis so/ / gnas dang dmigs bya ldan pa'i phyir// lo rgyus su ni ngas bshad do// de ltar me long gzugs brnyan dang // rab ri bo can la sgra 'dzings pa// de bzhin bag chags kyis g.yogs sems/ / byis pa rnams kyis mthong ba yin// bdag gi rtog pas brtags don la// rnam par rtog pa rab tu 'jug/ mu stegs can gyis brtags pa ltar// phyi rol gyi ni don med de// ji ltar thag par ma shes nas/ byis pa sbrul du 'dzin pa bzhin// rang gi sems don ma shes pas// phyi rol gyi ni don du rtog/ de ltar thag pa thag nyid du// gcig dang tha dad spangs mod kyi// gang gis thag par rnam rtog pa/ de ni rang sems nyes pa yin// gang la gang gi dngos por yang // brtags na mi dmigs ma yin pa// de ni med par shes mi bya// chos kyi chos nyid de yin no// yod ba'i zlas drangs med pa ste/ / med pa'i zlas drangs yod pa yin// de phyir med par shes mi bya// yod pa nyid du'ang mi brtag go/ gang 'di kun tu brtags pa la// brtags na de yi bdag nyid min/ / de yi bdag nyid mi mthong zhing // ji ltar rnam par rtog pa 'jug/ gzugs ni gzugs kyi bdag nyid med// de bzhin bum par sa la sogs// snang ba yod pa ma yin pas// khyod kyi rnam rtog mi 'byung ngo / / thog ma med ldan 'das byas la// gal te khyod kyi rtog nor na// dngos po'i dngos nyid su zhig gis// 'khor byas thub chen bdag la gsungs// dngos po'i dngos nyid med ba ste/ / sems tsam pa ni snang ba'i yin// rang gi sems ni ma mthong bas// rnam par rtog pa rab tu 'jug/ ji ltar byis pas brtag pa yi// brtags pa gal te yod med cing // de las rnam pa gzhan yod na// blos kyang rtogs par mi rung ngo // 'phags la gal te de yod na// de ni byis pas brtags ma yin// gal te 'phags la de log na// 'phags dang byis pa mnyam par 'gyur/ / gang phyir sems ni rnam sbyangs pas// 'phags pa rnams la nor ba med// sems kyi rgyud ni ma dag pa'i// byis pa brtags la rtog par byed// ji ltar bul ma zhig kris/ / mkhas la shing thog len byed cing // 'dere bu gcig mdu bar// shing thog sna tshogs 'di yang long // de bzhin sems can kun langs// brtags pa'i 'bras bu sna tshogs kyis/ brid nas yod dang med pa yi// phyogs spangs tshul ni rab tu bshad// gang gi ma byung rkyen rnams kyis// 'byung ste 'brel las ma yin na// mngon ma skyes ba de skyes te// gcig dang tha dad rnam grol 'i/ brtags pa khong du ma chud na// yod dang med pa ji ltar 'gyur// gzugs kyi mi rtag nyid bzhin no// brtags pa shin tu mthong 'gyur na// gzhan gyi dbang ni mi skye'o// gzhan gyi dbang ni rab mthong na/ / brtags pa de bzhin nyid du 'gyur// rtog pa rnam par 'jig pa ni// nga yi tshul yang rnam 'jig byed// nga yi bstan pa 'di la ni// sgro 'dogs skur pa 'debs pa yin/ / gang na gang tshe de 'dra ba// chos la sun 'byin yod pa'i rnams// nga yi tshul ni 'jig par byed// de dag kun dang 'grogs mi bya// gang zhig sgro 'dogs skur pa 'debs/ brtags pa rnam par 'jig byed dang // mkhas pa dag tu gtam mi bya// dge slong don la spang bar bya// sku bshad 'dzings pa sgyu 'dra dang // rmi lam 'dra zhing dri za 'dra// rtog pa smig rgyu snang 'dral/ / gang dag yod dang med lta ba// de dag sdud par su spyod pa// sangs rgyas kyi la de mi bslab// de dag mtha' gnyis lhung ba ste// gzhan yang rnam par 'jig par byed/ brtags pa'i dngos po rab dben zhing // dngos dang dngos med rnam grol bar// rnal 'byor can ni sus mthong ba// de dag bsdu ba spyad par gyis// mu tig nor bu gser 'byung ba'i/ / 'byung khung 'jig rten na yod pa// sna tshogs las kyi rgyu ma byung // byis pa rnams kyi 'tsho ba ltar// de bzhin sems can rigs rnams ni// rnam pa sna tshogs las kyis spangs// snang ba med phyir las med de// las las byung ba'i 'gro ba'ang med// ji ltar 'phags pas rnams bsgoms ltar// dngos po'i dngos nyid med mod kyi// ji ltar byis pas brtags pa ltar// dngos po ngag ni yod pa'o/ / ji ltar byis pas brtags pa ltar// gal te dngos po med na ni// dngos po thams cad med pas ni// su la'ang nyon mongs med par 'gyur// dngos po sna tshogs nyon mongs med// 'khor ba dbang po nyer 'gro dang // mi shes pa dang sred 'brel ni// lus can rnams kyi 'byung bar 'gyur// ji ltar byis pas brtags pa ltar// gang gi dngos po yod min pa// de dag dbang po 'jug pa med/ / rnal 'byor nyid kyang med pa yin// bcom ldan gal te 'khor ba yi// rgyu yi dngos po ma mchis na// byis pa nan tan ma bgyis par// byis pa spangs pa'i thar bar 'gyur/ / khyod kyi 'phags pa byis pa'i khyad// dngos po med na ji ltar mchis// rnam par thar pa gsum spyod pa'i// 'phags pa dag la dngos po med// phung po gang zag chos rnams dang / / rang dang spyi yi mtshan nyid med// dbang po rnams dang rkyen gyi rnams// nyan thos dag la ngas bshad do// rgyu med pa dang sems tsam dang // 'byor pa rnams dang sa rnams dang // so so rang // gi de bzhin nyid// dag pa rgyal ba'i sras la bshad// nga yi bstan pa sun 'byin pa// dur smrig gi ni gos bgos shing // 'bras bu yod dang med smra ba// ma 'ongs pa yi dus na 'byung // dngos po med/ de rkyen rnams kyis// yod pa 'phags pa'i spyod yul lo// brtags pa'i dngos po shin tu med// rtog ge ba rnams rtog par byed// ma 'ongs pa yi dus na ni// byis pa'i rang bzhin gzegs zan 'byung / / 'bras bu med pa'i lta ngan pas// skye bo mang po rlag par byed// rdul phran las ni 'gro ba 'byung // rdul phran rnams ni rgyu med de// rdzas dgu dag kyang rtag pa'o zhes// lta ba ngan pas ston par 'gyur// rdzas rnams kyis ni rdzas brtsams te// yon tan gyis kyang yon tan no// dngos po dag gis dngos med gzhan// yod pa dag ni 'jig par byed// gal te ma byung 'byung 'gyur na/ / 'jig rten thog ma 'byung bar 'gyur// 'khor ba sngon gyi tha ma ni// ngas ni med par bshad pa yin// srid gsum thams cad bgrang ba dag/ de ste ma byung 'byung na ni// khyi dang rnga mo bong bu yi/ / rwa skyer 'gyur ba the tsom med// gal te gzugs dang rnam shes dang // mig ni ma skyes skye 'gyur na// cod pan re lde ras la sogs// 'ji ba bsgongs las 'byung bar 'gyur/ ras la re lde yod pa min// rtsi spyang la yang ras med do// gcig pu las ni gcig 'byung na// rkyen rnams kyis kyang nir mi 'byung // 'tsho ba de dang lus de dang / / gang yang ma byung skye ba ni// de dag thams cad gzhan smra ba// ngas kyang de dag shin tu bshad// snga mo'i phyogs ni brjod bya ste// de dag blo ni bzlog par bya// de nas blo ni bzlog byas nas// bdag gi phyogs ni ngas bshad do// nga yi slob ma rmongs pa ste// yod med phyogs la gnas 'ong zhes// de phyir mu stegs smra ba dag/ ngas ni brjod par byas pa yin// yan lag ser skya blo ngan pa'ang // 'gro ba gtso las skyes pa dang // yon tan rnam par 'gyur ba yang // slob ma rnams la rab tu ston// rkyen gyis 'byung dang ma byung min// rkyen rnams dngos po med pa'i phyir// ma byung ba ni mi 'byung ngo // yod dang med pa'i phyogs bral zhing // rgyu dang rkyen rnams spangs pa dang // skye dang 'jig pa med par ni// rang gi phyogs te mtshams bzhi spangs// sgyu ma rmi lam 'dra ba yi// 'jig rten rgyu dang rkyen spangs pa/ / rtag tu rgyu med par mthong na// rnam par rtog pa mi 'jug go/ dri za'i grong khyer smig rgyu 'dra// rtag par skra shad 'dzings pa bzhin// yod dang med pa'i phyogs bral zhing // rgyu dang rkyen gyis spangs pa yi/ / srid pa rgyu med par mthong na// sems kyi rgyu ni rnam par dag/ rang gi dngos po med pa dang // sems tsam po yang yod 'gyur na// dngos po med par ji ltar sems/ / sems tsam du yang mi rung ngo // dngos po la ni dmigs bya shing // mi rnams sems kyang skye bar 'gyur// rgyu med par ni ji ltar sems// sems tsam du ni mi rung ngo // 'phags pa'i dngos po'i tshul la ni// de bzhin nyid dang sems tsam yod// yod pa'ang min pa de dag ni// nga yi tshul la mi mkhas pa'o// gzung dang 'dzin pa'i dngos por ni// gal te sems ni 'jug 'gyur na/ / de ni 'jig rten pa yi sems// sems tsam du yang mi rung ngo // lus dang longs spyod gnas 'dra dang // gal te rmi lam 'dra skye na// sems ni rnam pa gnyis su 'gyur/ / sems la gnyis kyi mtshan nyid med// ji ltar ral gri rang so dang // ji ltar mdzub mo rang rtse la// mi gcod reg par mi 'gyur ba// de bzhin sems kyis rang lta la'o// gzhan dag med cing dbang yang med// brtags pa yi ni dngos po med// chos lnga rnams dang sems gnyis kyang // snang ba med la med pa'o// skye bar bya dang skye byed dang // dngos po'i mtshan nyid rnam gnyis te/ / skye bar byed las dgongs byas nas// rang bzhin med par ngas bshad do// rnam pa sna tshogs don dbyibs su// gal te rnam par rtog skye na// ri bong rwa dang nam mkha' yang / / don du snang ba 'byung bar 'gyur// gal te ma brtags don yod na// sems kyang don du snang bar 'gyur// sems dang tha dad brtags pa yi// don ni shin tu bya/ mi dmigs so// thog ma med ldan 'khor ba yi// don ni gang na'ang med pa ste// sems ni rgyas par ma gyur na// ji ltar don du snang ba 'jug/ gal te med par rgyas 'gyur na/ / ri bong rwa yang der 'gyur ro// dngos po med pas rgyas 'gyur ba'i// rnam par rtog pa mi 'byung ngo // ji ltar da ltar med pa bzhin// sngon yang de ni yod pa min// don med par ni don 'brel sems// ji lta bur na 'jug par 'gyur// de bzhin nyid dang mtha' nyid mtha'// mya ngan 'das dang chos kyi dbyings// chos rnams skye ba med par ni// don dam gyi ni rang bzhin no// rgyu dang rkyen la rtog pa yis// srid pa rgyu med ma byung bar// rab tu shes par ma gyur pas// byis pa yod dang med par lhung // snang ba med par sems mngon te/ / bye brag thog ma med rgyus 'byung // thog ma med nas don med na// bye brag ci yis skye bar 'gyur// gal te med pas rgyas 'gyur na// dbul po dag kyang nor ldan 'gyur// don med ji ltar sems skye ba// thub pas bdag la bshad du gsol// 'di dag thams cad rgyu med de// sems kyang med cing spyod yul med// sems kyang rgyas par mi 'gyur te// srid pa gsum ni byed spangs pa'o// skye ba rnam par bzlog pa'i phyir// mi skye ba ni rab tu bsgrub// rgyu med smra ba bshad pa ni// byis pa rnams kyis mi rig go// 'di dag thams cad ma skyes pa/ / dngos po med pa'ang ma yin te// rmi lam sgyu 'dra dri za'i grong // rgyu med pa yi dngos po yod// ma skyes rang bzhin med pa dang // ci phyir stong pa'adra bdag la gsungs// 'dus pa dag ni ma gtogs par// nam zhig dngos po mi snang na// de tshe ma skyes stong pa ste// rang bzhin med par ngas bshad do// rmi lam skra shad sgyu ma dang // dri za'i grong khyer sgyu ma rnams// rgyu med par yang snang 'gyur ba// 'jig rten sna tshogs de bzhin no// de bzhin 'dus pa re rer yang // snang ba med pas yod ma yin// 'dus pa mu stegs lta ba ltar// 'jig pas med par 'gyur ba min/ / rgyu med smra bas brtsad byas te// ma skyes par yang rab tu bsgrub// skye ba med pa rab bsgrubs na// nga yi tshul ni mi 'jig go// rgyu med smra ba bstan na ni// ji ltar ci dang ci dag gis/ / gang du rgyu med skye 'gyur zhes// mu stegs can rnams 'jigs pa skye// rgyu las ma yin rgyu med par// nam zhig 'dus byas mthong ba na// de ni skye 'jig smra ba yi// lta ba rnam par ldog par 'gyur// dngos po med pa skye med dam// de ste rkyen la brtags pa 'am// 'on te dngos po'i ming lags sam// don med pa 'am bdag la gsungs// dngos med mi skye ma yin te/ / rkyen la brtag pa'ang ma yin no// dngos po'i ming yang med na ste// don med pa yang ming ma yin// nyan thos dang ni rang rgyal dang // sa bdun du ni phyin rnams dang // mu stegs spyod yul ma yin pa/ / de ni mi skye mtshan nyid do// rgyu dang rkyen rnams bzlog pa dang // byed pa dag ni dgag pa dang // sems tsam du ni rnam gzhag pa// skye ba med par ngas bshad do/ / dngos po rgyu las 'byung med pa// rtog dang brtag pa spangs pa ste// yod med phyogs las grol ba ni// skye ba med par ngas bshad do// sems ni snang dang rnam bral ba rang bzhin gnyis kyang spangs pa ste/ / gnas rnams rab tu gyur pa na// skye ba med par ngas bshad do// phyi rol dngos po dngos med min// sems kyang yongs su gzung ba med// lta ba thams cad rab spangs pa/ de ni skye med mtshan nyid do// de bzhin stong pa rang bzhin med// de la sogs pa'i tshig kun brtag/ nam yang stong pas stong ma yin// skye ba med pa'i stong pa'o// rkyen gyi rnam pa 'dus pa las// rab tu 'jug cing ldog par 'gyur// 'dus pa las ni logs shig na// skye ba med cing 'gag pa'ang med// gcig pa dang ni tha dad du// ji ltar mu stegs can rtog bzhin// dngos po tha dad ma yin dang / 'dus las gud na gang na'ang med// yod med dngos po mi skye ste// med min yod min gang na'ang med// de phyir gzhan du 'dus pa ni// rab tu 'jug cing ldog par 'gyur// 'di ni brda tsam nyid yin te/ phan tshun ldog pa 'brel pa yin// rkyen rnams 'brel las logs shig na// bskyed par bya ba'i don med do// bskyed pa med pas skye ba med// mu stegs can gyi skyon gyis spangs/ 'brel pa tsam dungs bshad do// byis pa rnams kyis mi rig go// gang na 'brel bas logs shig na// dngos po bskyed pa yod ces pa// 'brel ba rnam par 'jig pa ste// rgyu med smra bar shes par bya/ / gang las 'brel las logs shig nA// dngos po su la yod na ni// mar me bzhin du rdzas rigs rnams// 'brel pa snang ba byed par 'gyur// 'brel ba ngag las logs shig tu/ / chos gang mi mkhas rtog pas ni// ma skye ngo bo nyid med de// rang bzhin nam mkha' lta bu'o// 'phags pas thob pa'i chos nyid ni// skye ba med pa gzhan yin te/ / gang de'i skye ba med pa ni// de ni mi skye bzod pa ni// nom zhig 'jig rten 'di dag kun// 'di ni 'brel pa tsam mo zhes// 'brel pa nyid du mthong ba na// de na sems kyang mnyam par 'jog/ mi shes srid pa las la sogs// 'brel pa dag ni nang gi yin// 'khor lo 'jig shing srung la sogs// sa don 'byung sogs phyi rol lo// 'di ni 'brel pa tsam yin te// gang gi dngos po rkyen rnams las// gang yang skye bar 'dod pa ni// 'thung dang lung la de mi gnas// gal te bskyed bya'i dngos med na// blo yang gang gi rkyen las byung // 'di dag phan tshun rkyen gyur pas/ / de phyir de dag rkyen du shes// drod gsher sra dang g.yo ba yis// chos rnams rnam par brtags pa ste// 'di ni 'dus pa chos ma yin// de phyir ngo bo nyid med do// nad pa'i dbang du spyan pa dag/ bya ba tha dad byed mod kyi// de la gtsug lag tha dad med// nad kyis bye bas tha dad do// de bzhin ngas kyang sems can rgyud// nyon mongs nyes pa'i skyon chags pas/ / dbang po dag gi stobs shes nas// byis pa dag la tshul bshad do// nyon mongs dbang po tha dad pas// nga yi bstan pa dbyer mi phyed// yan lag brgyad ldan zhi ba yi// lam ni theg pa gcig yin no// rdzas dang snam bu cod pan rA// ri bong rA ni med pa'i rgyu// gang rgyu tshogs las byung ba de// khyod kyis med par shes mi bya// yod pa'i rgyus ni med pa ste// mang pa med par mi rung ngo / / yod pa med pa'i zla las byung // phan tshun zla yi rgyu yin no// ci zhig la ni gnas bcas shing // ci zhig snang bar sus bsams pa// gang la rten pa ci zhig yod// rgyu med pa ste rgyu med min// gal te gzhan la de rten cing // de yang gzhan la snang 'gyur na// thub pa med par rab 'gyur pa// ci zhig ci yang med par 'gyur// ji ltar lo ma shing// sogs la// rten cing sgyu ma snang ba ltar// de bzhin dngos la brten byas shing // mi rnams la ni sna tshogs snang // sgyu ma'i 'dra ba lo ma ni// gyo mo ma yin shing ma yin// byis pa rnams kyis sgyu mar mthong / / sgyu ma byed pas gnas mthong ngo // de bzhin dngos la rten bcas te// ci zhig bye brag tu 'gyur na// snang ba'i tshe na gnyis med par// ci zhig tu ni ji ltar brtag rnam par rtog la rnam brtags med/ / rnam par rtog pa'ang med pa ste// rnam par rtog pa med pas na// mya ngan 'das med 'khor ba med// rnam par rtog pa med pas na// rnam par rtog pa mi 'jug go/ / ma zhug na ni ji ltar sems// sems tsam du ni mi rung ngo // ba sam pa du mthu dad phyir// bstan pa la ni snying po med// snying po med phyir thar pa med// 'jig rten rnam pa sna tshogs med/ / ji ltar byis pas brtags pa yi// phyi rol gyi ni snang ba med// sems ni gzugs brnyan bzhin du snang // bag chags kyis ni mgo yung blang // don med ma byung med pas/ dngos po thams cad ma skyes te// 'di dag thams cad sems tsam mo// rtog pa rnams kyis rnam par spangs// byis pa rkyen gyis dngos por 'chad// mkhas pa dag ni ma yin no// rang bzhin sems dang bral ba ste// sems ni 'phags pa nyer 'gro zhing // grangs can gcer bu khyad par can// de bzhin bram ze phyugs bdag rnams// yod dang med pa'i lta bar lhung // rnam par dben pa'i don gyis spangs/ / rang bzhin med dang ma skyes dang // stong pa sgyu ma dri med rnams// sangs rgyas rnams dang khyod kyis kyang // su yi phyir ni de dag bshad// rnal 'byor can gyis sems btsal ba/ / lta ba rtog ge ma spangs pa'i// sangs rgyas rnams kyis rnal 'byor bshad// ngas kyang rab tu bshad pa yin// gal te 'di kun sems yin na// 'jig rten ci la rab tu gnas/ / ci phyir mi rnams 'od 'gro bar// sa la rab tu snang bar 'gyur// ji ltar bya rnams nam mkha' la// rtog pas kun tu bskyod pas na// gnas/ med rten pa med bzhin du// sa yi steng bzhin de dag spyod// de bzhin lus can thams cad kyang // rnam par rtog pas bskyod pas na// de dag bdag gi sems la rgyu// nam mkha' la ni bya bzhin no// lus dang longs spyod gnas snang ba'i// sems ni rab tu 'jug bshad pa// snang dang 'jug pa ji ltar cis// sems tsam po ni bdag la gsungs// lus dang longs spyod gnas rnams dang / snang dang 'jug pa bag chags dang // snang dang 'jug par rnam rtog pas// mi brtson rnams la skye bar 'gyur// dngos po rnam par brtags pa yul// sems ni yul las byung ba ste// snang ba'i sems ni yongs shes pas/ / rnam par rtog pa mi 'jug go// brtags pa'i ming ni ming bral dang // blo dang rig bya spangs par ni// 'dus byas nam zhig mthong gyur pa// de yi tshe na grol bar 'gyur/ / ming la ming ni rnam bsgom pa// shes par bya ba de tsam ste// gang dag gzhan du shes byed pa// de dag shes byed mi shes min// chos lnga rnams dang rang bzhin dang // rnam par shes pa brgyad rnams dang // bdag med gnyis kyi nang du ni// theg pa chen po thams cad 'dus// gang gi tshe na 'gro ba dag/ blo dang rigs byas bden mthong ba// de tshe ming la ming rtog pa// mngon par 'jug par mi 'gyur ro// sems mthong phyir ni bya ba dang // yi ge rtog pa'i phyir ldog go// rang gi sems ni ma mthong phyir// rnam par rtog pa rab tu 'jug/ gzugs med pa yi phung po bzhi/ / de dag la ni bgrang ba med// 'byung ba mthong dag mtshan gyi gzugs// ji ltar gzugs rnams mang por 'gyur// mtshan nyid yongs su gtang ba'i phyir// 'byung las gyur min 'byung ba min/ / 'on te mtshan nyid gzhan gzugs na// phung po rnams kyis cir mi skye// skye mched phung po rnams bral bar// gang ma mtshan nyid med mthong zhing // chos la bdag med mthong ba'i phyir/ de tshe sems ni ldog par 'gyur// yul dang dbang po tha dad phyir// rnam par shes pa brgyad du skye// mtshan nyid kyis ni gsum yin te// snang ba med la ldog par 'gyur// kun gzhi yid kyi bdag yin te// shes pa nyid ni bdag gi yin// gnyis su 'dzin pas rab tu 'jug/ yongs su rtogs na ldog par 'gyur// gcig dang tha dad rnam grol zhing // rgyu ba med par nam mthong ba/ / de tshe bdag dang bdag gir yang // gnyis su rtog par mi 'gyur ro// ma zhugs par ni rgyas mi 'gyur// rnam par shes pa'i rgyu yang min// rgyu dang 'bras bu spangs pa yi/ / 'gags pa 'jug la mi 'gyur ro// ci yi phyir na 'jig rten rnams// rnam rtog sems tsam bdag la gsungs// rgyu dang rnam par 'brel ba yi// mtshan dang mtshan gzhi rnam spangs pa/ / rang gi sems ni sna tshogs snang // mthong ba lta bur rnam par brtags// sems kyi snang ba shes pa dang // sems kyi don gzhan gzung ba'i phyir blo yis gang tshe ma mthong na/ / med pa'i lta bar 'gyur ba yin// sems su 'dzin par 'gyur ba'i phyir// ci phyir de yod med mi 'byung // rnam rtog dngos min dngos med min// de phyir yod pa mi skye ste/ / sems snang yongs su shes pa'i phyir// rnam rtog 'jug par mi 'gyur ro// rnam par rtog pa mi 'jug pa// rab tu gyur pa gnas med pa// bzhi yi phyogs rnams phyir zlog cing / / gal te dngos po rgyu can na// mig gi bye brag gzhan de byas// des ni bsgrubs pa ma yin no// rgyu dang rkyen rnams 'dus pa dang // rgyu yi bkag par 'gyur ba'i phyir// de dag don gyis dbog par 'gyur/ / yang na rgyu las 'byung bar 'gyur// gal te rkyen rnams mi rtag na// rtag pa'i nyes pa bzlog par 'gyur// byis pa rnams ni mi rtag phyir// 'byung ba med cing 'jig pa med/ / gang yang 'jig par 'gyur bzhin du// rgyur 'gyur ba ni mi snang ngo // ma mthong ba ni ji ltar cis// mi rtag pa las srid mi 'byung // bsdu ba dag gis sems can 'dul// tshul khrims kyis ni dbang du bya// shes rab dag gis lta ba bshig/ rnam par thar pa shin tu spel// 'di kun 'jig rten rgyang 'ben te// mu stegs can gyis gang bshad rdzun// rgyu dang 'bras bu yod lta bas/ / rang gi grub pa'i mtha' yang med// da 'dra gcig pu rab grub mtha'// rgyu dang 'bras bu rnam par spangs// 'jig rten rgyang 'phen rnam bral ba// slob ma'i sde la bshad par bya// sems tsam ste ni snang ba med// rtag dang chad pa spangs pa yi// gzung dang 'dzin pa'i dngos po ru// sems ni rnam pa gnyis su snang // ji srid sems ni 'jug pa'i bar// de srid 'jig rten rgyang 'phen yin/ / 'jig rten rang gi sems mthong na// rnam par rtog pa mi 'jug go// 'du ba 'bras bu don grub pa// zad pa 'bras bu ma mthong ba// 'du dang zad pa yongs shes na/ rnam par rtog pa mi 'jug go// rtag dang mi rtag byas pa dang // ma byas pa dang gzhan min gzhan// de la sogs pa thams cad ni// 'jig rten rgyang 'phen tshul yin no// lha dang lha ma yin dang mi// byol song yi dgas gshin rje gnas// gang du lus can skye ba yi// 'gro ba rnam pa drug tu bshad// rab 'bring tha ma'i las rnams kyis// de dag tu ni skye bar 'gyur// dge ba thams cad bsrungs na ni/ / khyad par du yang thar par 'gyur// khyod kyis dge slong de rnams la// skad cig skad cig dag la yang // tshe dang skye dang 'chi bshad pa// dgongs pa bdag la bshad du gsol/ jiska bzugs las gzugs gzhan bzhin// sems kyang 'dus nas 'jig par 'gyur// de pyir slob ma rnams pa ni// skad cig ga cig nas gcig skye bshad// gzugs gzugs la rnam rtog pa/ / 'byung dang 'jug pa de bzhin no// rnam par rtog pa skye ba yin// rnam par rtog pa gzhan med do// skad cig skad cig gang ngas bshad/ / 'di ni rkyen du bshad pa yin// gzugs su 'dzin pa rnam spangs pa// skye ba med cing 'jig pa med// rkyen dang rkyen las skyes pa rnams// ma rig de bzhin nyid la sogs/ / chos nyid kyis ni 'jig par 'gyur// mi gnyis de bzhin nyid yin no// rkyen dang rkyen las skyes pa yi// chos rnams gal te khyad med na// rtag la sogs pa 'bras bur 'gyur/ / rkyen rnams kyang ni rgyur 'gyur ro// rgyu dang 'bras bu gzung ba'i phyir// khyod dang sangs rgyas rnams kyis gsungs// mu stegs can dang khyad med 'gyur// de phyir thub chen 'phags pa yin/ / 'dom gang tsam gyi lus la ni// 'jig rten kun 'byung 'jig rten dang // 'gog par 'gro ba'i lam gyi rnams// rgyal sras rnams la rab tu bshad// rang bzhin gsum la 'dzin pa yis/ / so so'i skye bo gzung 'dzin lta// 'jig rten 'das drang 'jig rten pa'i// chos rnams rnam par rtog par byed// de phyir sngon la blta bya ste// rang bzhin rnams ni smos par bya/ / lta ba rnams ni bzlog pa'i phyir// rang bzhin rnam par mi rtog go// nyams pa'i nyes phyir sdom pa med// sems kyang 'jug par mi 'jug go/ gnyis su 'dzin phyir 'jug par 'gyur/ / de bzhin nyid ni gnyis med yin// mi shes pa dang sred dang las// rnam shes la sogs tshul la skyes// mthar thug med dang byas pa dang // srid pa byas las mi skye'o// dngos po rnams kyis 'jug pa ni/ / mi mkhas rnams kyis rnam bzhir bshad// rnam par rtog pa gnyis 'jug phyir// dngos po yod dang dngos med med// mtha' gzhi dag las grol ba yi// lta ba gnyis po rnam spangs pa/ / mthong nas rnam rtog gnyis 'jug ni// mngon par 'jug par mi 'gyur ro// ma skyes pa yi dngos rnams la// blo ni rnam par ldang ba'i phyir// skyes pa'i dngos po dag la yang / / de dang 'dra phyir mi rtog go// ji ltar bdag dang gzhan rnams ni// rtag tu yod med mi 'dra bar// lta ba rnam gnyis bzlog pa yin// rigs pa mgon po bdag la gsungs/ / mu stegs smra dang ma 'dres shing // rang rgyal nyan thos rnams spangs pa// rgyal sras rnams ni mi 'jig phyir// rgyal bas mngon rtogs spyod pa dag/ rnam thar rgyu dang rgyu red kyang / skye ba med par mtshan nyid gcig/ rnam grangs rnams kyis de dag sku// mkhas pa rnams kyis rtag tu spangs// sprin dang sprin gyi phung po 'ja' 'dra ba// smig rgyu shA 'dzings bskum 'dra/ / dngos po thams cad rang gi rtog 'byung ba// mu stegs 'gro ba rang gi rgyu mis // bye ba med dang de bzhin nyid// de dag gzugs kyi ming yin te// 'dzis po med pa mi / lag dang byed du 'jig rtenan// dbyung blo na byin myong ga hA// de bzhin dngos po thams cad kyi// rang bzhin bag pa mi bya'o// las stong pa gzhan ma yin// mi skye ba yang de bzhin te// gzhan ma yin phyir mi rtag go// lta ba'i nyes par rab tu 'gyur// dngos po'i mtshan nyid gzung ba'i phyir// kun rtog rnam par rtog pa'o/ / yongs su rtog pa gzung bas na// ring thung zlum la sogs pa'o// sems ni kun tu rtog pa yin// yid ni yongs su rtog pa ste// yid kyi rnam shes rnam rtog ni/ mtshan dang mtshan gyis gzhi spangs pa// gang yang mu stegs mi skye dang // gang yang nga yi tshul lta bas// rtog pa de ni khyad par med// lta ba'i nyes par rab tu 'gyur// dgos dang skye ba med pa dang / / skye ba med pa'i don nyid de// rig pa shes pa sus shes pa// de dag nga yi tshul shes so// dgos pa lta bu dgongs pa dang // mi skye ba ni gnas med pa// don gnyis yongs su shes pa ni// skye ba med par ngas bshad do// dngos po ma skyes rnams mchis sam// 'on tang ma lags thub chen gsungs// rgyu med smra dang mi mnyam dang / med dang chos rnams 'dres par 'gyur// rgyu med smra dang mi skye dang // mi mnyam mu stegs lta ba ste// yod dang med las rnam grol ba// sems tsam du ni ngas bshad do// lta ba'i rgyu las byung ba yi/ / skye dang mi skye spang bar byos// rgyu med smra bas mi skye dang // skye bas rgyu yi gnas su 'gyur// lhun gyis grub la bya ba med// gal te bya yod lta 'dres 'gyur// thabs dang smon lam la sogs pa// lta ba nyid ni bdag la gsungs// chos rnams thams cad med pa'i phyir// ji lta bur na dkyil 'khor skye// gzung dang 'dzin dang bral ba'i phyir// 'jug pa med cing ldog pa med// dngos po las ni dngos gzhan mthong // sems kyang de las byung ba ste// chos rnams kyi ni skye med pa// de ni ji ltar bdag la gsungs// gal te// sems tsam mi shes na// de yi phyir na de bshad do// thub chen bshad pa thams cad la// snga ma dang ni phyi mar 'gal// mu stegs lta bas rnam grol ba// mi mnyam rgyu med spangs pa yi/ / 'jug pa dang ni ldog pa'i rnams// smra ba'i mchog gis bdag la gsungs// yod dang med las rnam grol zhing // rgyu dang 'bras bu mi 'jig pa'i// sa yi rim pa mtshams sbyor ba/ / pad+mo spyan gyis bdag la gsungs// 'jig rten mtha' gnyis lhung ba ni// lta bas rnam par dkrugs 'gyur bas// skye dang mi skye la sogs phyir// zhi ba yi ni rgyu mi rtogs// nga la dkyil 'khor gang yang med/ / nga ni chos nyid mi 'chad de// gnyis yod na ni nyes par 'gyur// gnyis ni sangs rgyas rnams kyis sbyangs// stong pa skad cig dngos po rnams// rang bzhin med cing skye med pa/ / lta ngan smra bas g.yogs pa rtog/ de bzhin gshegs pa rnams kyis min// ji ltar rnam pa gang dag gis// yul la mngon sum 'gyur ba dang / rnam par rtog pa rang 'jug dang // ldog pa bdag la bshad du gsol// kha dog rgyas dang ldan pa'i phyir// spros pa rnams kyis bsdus pa'i gzugs// mthong nas phyi rol dag tu yang rnam par rtog pa rab tu 'jug/ de nyid yongs su shes pa dang // yang dag ji bzhin don mthong phyir// 'phags pa'i rigs dang 'thun pa yi// sems ni mngon par mi 'jug go/ 'byung ba rnams ni ma rtogs par/ / dngos po skye ba med pa ste// rtag par 'byung ba 'dra ba'i sems// ma skyes par ni rnam par bsgoms// rnam par rtog la ma rtog cig/ rnam par rtog med mkhas pa'o/ / rnam par rtog la brtags 'gyur na// gnyis yin mya ngan 'das ma yin// mi skye bar ni dam bca' ba'i// tshul ni sgyu ma bzhin du snang // sgyu ma rgyu med 'byung ba ste// grub mtha' 'das shing nyams par 'gyur// thog ma med nas bsgoms pa yi// sems ni gzugs brnyan bzhin du snang // don lta bu ste don med min// yang dag ji bzhin rnam thar bsgoms// me long la ni ji ltar gzugs// gcig dang tha dad nyid spangs pa// snang ste de ni yod pa min// skye ba'i mtshan nyid de bzhin no// dri za sgyu ma la sogs dag/ rgyu dang rkyen la bltos pa ltar// de bzhin dngos po thams cad kyi// 'byung ba yin te mi 'byung med// bdag dang chos su btags pa yis// rnam par rtog pa skyes bu ltar// 'jug pa rnam pa gnyis kyis 'jug/ byis pa rnams kyis mi rtogs so/ / ma tshang ba dang rkyen gyi dbang // de bzhin nyan thos dgra bcom pa// bdag mthu rag las rgyal ba yang // rag lus nyan thos lnga por bshad// dus gzhan du ni zhig pa dang / don dam du dang phan tshun dang // mi rtog pa ni rnam pa bzhi// byis pa mi mkhas rtog par byed// yon tan rdul phran rang bzhin rgyus// byis pa mtha' gnyis lhung ba dag/ yod dang med pa'i phyogs 'dzin phyir/ / thar pa yi ni thabs mi shes// ji ltar byis pa sor me'i rtser// zla bar 'dzin te gzhan du min// de bzhin yi ger chags pa'i rnams// nga yi de bzhin nyid mi rtogs// 'byung ba mtshan nyid mi mthun pa gzugs kyi ngo bo skye ba ste/ / de ni 'byung ba gnas pa yin// 'byung 'gyur 'byung bas ma byas so// me ni gzugs la sreg par byed// sprul pa'i rang bzhin chu yi khams// rlung ni gzugs la 'thor byed na// 'byung bas ji ltar skye bar 'gyur// rnam par shes dang gzugs phung po// de ni gnyis te lnga ma yin// phung po'i rnam grangs tha dad pa// ngas ni rnam pa brgyar yang bshad// sems dang sems 'byung bya// brag tu// 'jug pa rab tu 'jug pa yin// gzugs kyi rnam pa 'dres pa ste// 'byung las gyur min sems gzugs so// sngo la sogs pa'i zla yis dkar// dkar la sogs pa'i zla yis s+ho/ / rgyu dang 'bras bu bskyed pa dang // yod dang med dang stong pa nyid// sgrub byen sgrub dang bsgrub pa dang // grang dro mtshan dang mtshan gzhi dang // de la sogs pa thams can ni/ rtog ge can gyis ma bsgrubs so// sems dang yid dang rnam shes drug/ de dag bdag dang lhan cig ste// gcig dang tha dad ldan pa yi// kun gzhi de ni rab tu 'jug/ grangs can gcer bu khyad par can// dbang phyug smras pa'i rtag ge ga/ yod bzhin du yang mi snang ba/ de bzhin gang zag phung po la'o// sems dang sems las byang sogs dang // bdag gi yon tan phung po ldan// mi mkhas pas ni ming shes/ de bzhin gang zag phung po la'o// ji ltar sbrum mar gyur pa'i bu// yod bzhin du yang mi snang ba// de bzhin bdag nyid phung po la'o// rig pa mi shes pas mi mthong // ji ltar sman gyis gsod pa dag ji ltar mi ni shi rnams la/ / rigs pa mi shes pas mi mthong // de bzhin gang zag phung po la'o// dngos po rnams la mi rtag dang // stong pa nyid kyang yod bzhin du// mi mkhas rnams kyis mi mthong ba// de bzhin gang zag phung po la'o// sa dang dbang dang mngon shes dang // bla ma yini dbang bskur dang // ting nge 'dzin gyi khyad par rnams// bdag med na ni med pa yin// gang tshe 'jig rten song nas ni// gal te yod na ston ces zer// rang gi rnam rtog ston cig ces// de la mkhas pas bsgo bar bya// sangs rgyas chos la gnod byed pa// yod med phyogs la lta ba yi// bdag med smra dang smrar mi bya/ dge slong las la spang bar bya// bdag med nags tshal sreg byed cing // mu stegs nyes las rnam grol ba// dus mtha'i me ni 'bar ba bzhin// bdag tu sgra 'di rab tu 'bar// kha nad sbrang rtsi kha ra dang / / mar dang til la sogs pa la// de dag rang gi ri yod kyang // ma myangs bar du rtogs mi 'gyur// phung po mthong ba rnams la dag/ rnam pa lngar ni bzung byas kyang // mi mkhas rnams kyis mi mthong ste/ / mkhas pas mthong nas rnam par grol// rig sngags la sogs dpe rnams kyis// sems ni rtogs par mi nus te// gang la gang phyir gang don du// 'dus pa rna ni mi rtogs so/ / chos rnams mtshan nyid mi 'dra ste// sems gcig po ni mo gzung ngo // rgyu med pa dang mi 'jug par// rtog ge ba la nyes par 'gyur// sems kyi rjes lha rnal 'byor pa/ / sems rnams kyis ni sems mi mthong // mthong med snang la 'byung bas na// snang ba ci yi rgyu las byung // nga ni ka t+ya ya na'i rigs// gtsang ma 'i gnas nas byung ba ste// mya ngan 'das pa'i grong 'gro ba'i/ / chos ni sems can rnams la ston// 'di ni sngon gyi lam yin te// de dang de bzhin gshegs rnams kyis// stong phrag gsum gyi mdo rnams kyis// mya ngan 'das bshin tu bshad/ / 'dod pa'i khams dang gzugs med du// sangs rgyas rnam par 'tshang mi rgya// gzugs kyi khams kyi 'og min du// 'dod chags bral khyod 'tshang rgya'o// 'ching ba'i rgyu ni yul ma yin/ / yod dang med pa'i phyogs su lhung // bden pa'i don gyis rnam par spangs// dbyibs dang byad kyi bye brag dang // 'byung las skyes te 'byung ba min// mu stegs can ni 'byung bgyur dang / / 'byung ba rnams kyang skye bar smra// de la gang gzhan su stegs can// rgyu las ma skyes rtog par byed// maud med phyogs la rten pa'i rnams// rmongs pas khong su ma chun / sems dang lhan cig ldan pa ste// yid la sogs dang bral ba yin// rnam dag mtshan nyid sems can ni// ye shes dang ni lhan cig gnas// gzugs dang las ni gang yod dang // phung po yul rgya rgyus 'byung dang / / sems can kyang ni nyer len med// gzugs med pa ni mi gnas so// sem can med par 'gyur ba'i phyir// sem can sgra la bdag med 'gyur// rnam par shes pa'ang mi 'byung phyir// bdag med smra ba chad par 'gyur// de yi gnas pa bzhi po rnam// gzugasamed par ni ji ltar yod// phyi nang da pa med pa'i phyir// rnam par she ba mi 'jug go// srid pa bar ma'i phung po rnam// rtog ga can rnam 'dod pa ltar/ / de bzhin gzugs med par skyes pa'i// srid pa'i gzug ni med dam ci// sem can rnam she med na ni// nan tan ma byas thar par 'gyur// mu stegs smra ba the tsom med// rtog ge can gyis mi shes so/ / de la gzugs kyang yod pa ste// gzugs med pa la lta ba med// de med pas na grub mtha' med// theg pa med cing 'gro ba med// dbang po rnams dang ldan pa yi// bag chags las byung rnam/ shes pa// rnam pa brgyad las phyogs gcig ni// skad cig dus su mi 'dzin to// ji ltar gzugs ni mi 'jig ltar// dbang po rnams dang dbang mi 'jug/ de phyir bcom ldan 'das kyis kyang // dbang po la sos skad cig bshad/ / gzugs ni rtogs par ma gyur par// rnam par shes pa ji ltar 'jug/ rnam par shes pa ma zhugs na// ji ltar 'khor bskyed par 'gyur// skyes ma thag tu 'jig par mi/ rnam par 'dren pa mi 'chad do/ / dngos po rnams kyis rnam rtog pa// 'gro ba par chad med par g.yo// dbang po rnams dang dbang po'i don// mkhas pa ma yin blun po la// byis pa rnams ni ming gis 'dzin// phags pa ming gi don la mkhas// drug po la ni nyer len med/ / nyer len bcas pa mi zin to// yod pa'i nyes dang rnam bral ba// bye brag mi phyed 'phags pa smra// shes pa spangs pa'i rtog ge pa// rtag dang chad pas 'jigs pa dag / 'dus byas 'dus ma byas pa dag/ byis pa bye brag mi 'byed do// gcig pa la ni yod pa yin// tha dad pa la yod pa yin// sems dang lhan cig gcig pa ste/ yid la sogs pa tha dad do// sems dang sems las byung bsgrags pa 'i/ sbyin pa gang me tAr len las// dben de la ni ji ltar na// gcig par khong du chud par bya// nyer len bcas pa'i dmigs pa ni// las dang tshe dang byed sogs pas// 'dra dang mi 'dra tshul rnams kyi med bzhin du ni bsgrub par bya/ / ji ltar bsreg bya sreg byed la// me ni ji ltar bsreg pa bzhin// de bzhin nyer len bcas pa'i bdag/ ci phyir rtog ge can mi ston// rtag tu skyes dang ma skyes kyang // sems ni shin tu 'odags pas/ / bdag bsgrubs pa yid pa dag tu// ni phyir rtogs can mi byed// rtog gcan ni rmyi ba srungs pa// rnam shes thibs por rmongs pa dag/ bdag du smra bar byed pa ran/ pas// phan tshun dag tu rab tu rgyug/ so so rang rig rtog bya ba// bdag ni rnam dag mtshan nyid do// de bzhin gshegs pa'i snying po de// rtog ge can gyi spyod yul min// ker len nye bar len byed kyi// bye bras dang ni phung po yi/ / mtshan nyid gal te shes 'gyur na// tshul gyi ye shes skye bar 'gyur// mu stegs can gyis brjod pa ni// kun gni snying po lta bur bsams// bdag dang lhan cig ldan pa'i chos// rab tu brjod pa ma byas so// de dag rab tu phye bas na// rnam par thar dang bden mthong dang // bsgom dang mthong bas spangs pa yi// nyon mongs rnams kyang rnam sbyangs yin// sems ni rang bzhin 'od gsal te/ / de bzhin gshegs pa'i snying po dge/ sems can rnams kyi nyer len ni// mtha' dang mtha' med spangs pa'o// byi dor byas pas gser mdog dang // sa le sbram dang kha ra dag/ ji ltar mthong ba de bzhin du/ / phung po rnams la sems can no// gang zag med cing phung po med// sangs rgyas ye shes zag med pa// rtag tu zhi ba rnam bsgoms te// bdag ni de la skyabs su mchi// sems ni rang bzhin 'od gsal ba/ / yid la sogs pa'i nyon mongs dag/ bdag dang lhan cig ldan par ni// sla ba'i mchog gis rab tu bstan// sems ni rang bzhin 'od gsal ba// de las gzhan pa thos/ ma med// de dag gis ni bsams pa'i las// de ni de gnyis nyon mongs 'gyur// thog ma med pa'i glo bur gyi// nyon mongs rnams dang ldan pas na// rang bzhin 'od gsal bdag nyon mongs// ras dang 'dra bar dag par 'gyur/ / ji ltar gos sam gser yang rung // dri ma med cing nyes spangs bzhin// gnas shing 'jig par mi 'gyur te// nyes med bdag ni de bzhin no// drang mdung ngam pi wang la/ / sgra brnyan phun sum tshogs pa dag/ mi mkhas pa dag tshol bar byed// de bzhin gang zag phung po la'o// sa la gter dang nor bu dang // de bzhin du ni chu rnams kyang // yod bzhin du yang mi snang ba/ / de bzhin gang zag phung po la'o// sems dang sems las byung tshogs dang // bdag gi yon tan phung po ldan// mi mkhas pas ni mi shes te// de bzhin gang zag phung po la'o// ltar sbrum par 'gyur ba'i bu// yod bzhin du yang mi snang ba// de bzhin bdag nyid phung po la// rigs dang mi shes pas mi mthong // ji ltar sman gyis gsod pa dang // ji ltar me ni shing rnams la/ rigs pa mi shes pas mi mthong // de bzhin gang zag phung po la'o// dngos po rnams la mi rtag dang // stong pa nyid yang yod bzhin du// mi mkhas rnams kyis mi mthong ba// de bzhin gang zag phung po la'o/ / sa dang dbang dang mngon shes dang // bla ma yi ni dbang bskur dang // ting nge 'dzin dang khyad par rnams// bdag med na ni med pa yin// gang tshe 'jig byed song nas ni// gal te yod na ston ces zer/ / rang gi rnam tog ston cig ces// de la mkhas pas bsgo bar bya// sangs rgyas chos la gnod byed pa// yod med phyogs la lta ba yi// bdag med sgra dang sgrar mi bya/ / dge slong las ni spang bar bya// bdag med nags tshal sreg byed cing // mu stegs ches las rnam grol ba// dus mtha' ma ni 'bar ba zhig/ bdag mi smra ba'i rab tu 'bar// 2n+da da sbrang rtsi kha ra dang / / mar dang til la sogs pa dang // de dag rang gi ro yod kyang // ma myangs bar du rtogs mi bya// phung po mthang ba rnams la bdag/ rnam pa lngar ni bzung byas kyang // mi mkhas rnams kyis mi mthong ste/ / mkhas pas mthong nas rnam par grol// rig sngags la sogs dpe rnams kyis// sems ni rtogs par mi nus te// gang la gang phyir gang don du/ / 'dus pa rnams ni mi rtogs so// chos rnams mtshan nyid mi 'dra ste// sems gcig po ni mo gzung ngo // rgyu med pa dang mi 'jug par// rtog ge ba la nyes par 'gyur// sem kyi rjes lha rnal 'byor pa/ / sems rnams kyis ni sems mi mthong // mthong med snang las byung bas na// snang bci la rgyu las byung // da ni ka t+ya yana'i rigs// gtsang ma'i gnas nas byung ba ste/ / mya ngan 'das pa'i grong 'gro ba'i// ngos ni sems can rnams la ston// 'don sngon gyi lam yin te// nga dang de bzhin gshegs rnams kyis// stong phrag gsum gyi ma rnams kyis/ / mya ngan 'das pa shin tu bshad// 'dod pa'i khams dang gzugs med du// sangs rgyas rnam par 'tshang mi rgya// gzugs kyi khams kyi 'og min du// 'dod chags bral khyod 'tshang rgya'o/ / rgyu ni yul la bcings pa ste// ye shes kyis ni nyon mongs padad// 'di la brtul zhugs ral gris so// bdag med sgyu ma la sogs pa'i// chos rnams ji ltar yod med 'gyur// byis pa rnam la yang dag snang / / bdag med nyid ni ji ltar med// byas pa dang ni ma byas phyir// rgyu ni 'jug par byed pa med// 'di dag thams cad ma skyes te// byis pa rnams kyis mi shes so// rgyu yi rnam ni ma skyes te/ rkyen rnams de dag byas pa'o// de gnyis skyes pa ma yin na// rgyu rnams kyi ni jo ltar brtag// snga phyi dang ni cig car yang // rtog gi ba rnams rgyur ston te// snang dang slob ma rdzas sogs kyis/ / dngos po rnams kyi skye ba 'chad// mngon par 'du byed mtshan rnams kyis// sangs rgyas mtshan ldan ma yin gyis// de dag 'khor los sgyur yon tan// des ni sangs rgyas mi brjod do/ / sangs rgyas mtshan ni ye shes te// lta ba'i nyes pa rnams spangs pa// so so rang rig lta bas rtogs// nyes pa thams cad rnam 'joms pa'o// 'on lkugs long ba zhar ba dang / rgan pa dang ni ga ter dang // byis pa rnams la bye brag tu// tshangs par spyod pa shes pa'o// bsgoms dang gas la dang lha yini// mtshan rnams kyis ni 'khor lor gyur// gsal ba la la rab tu @#/ 'byung // gnyis po gzhan ni bag med pa'o// rgyas dang gzigs zam zla mchog dang // ser skya shAkya'i gtso bo rnams// nga ni mya ngan 'das 'og tu// de la sogs pa 'byung bar 'gyur/ / mya nganang 'das lo brgyan// rgyas dang khu 'phel de bzhin du// phand 'a dang ko'ur ba// dga' ba'i 'og tu mi bu ri 'byung // mo'u ru dga' bo sgrubs 'og tu// gra klo rgyal po'i tha sha rnams/ kla klo'i rjes la mtshon gyis 'khrugs// mtshon gyi rjes la rtsod dus so// rtsod dus dus kyi tha ma la// 'jig rten dam chos mi sgom mo// de la sogs pa 'das pa dag/ 'gro ba'i 'khor lo bzhin du 'khor/ / me dang nyi mar phrad pa'i phyir// 'dod pa'i khams ni bsregs nas kyang // gang la 'jig rten gnas 'gyur bar// phyi nang lha rdzas gnas su 'gyur// rigs bzhi mi mgon dbang po dang / / drang srong rnams dang chos kyang ste// rig byed chos sbyin mchod sprin dang // chos kyi rnams ni yang 'byung 'gyur// gtam dang sbrang la sogs pa dag/ rkyang pa rtogs byed 'grel pa dang / / 'di skad bdag gis thos sogs pas// 'jig rten shin tu rmongs par 'gyur// shin tu bcos shing bcas byas nas// steng nas kha dog bsgyur bar bya// sngo dang lci ba 'dam sog/ pas// snam bu shin tu bri bar bya// lus ni gos rnams kun gyis dkris// mu stegs mtshan ma spangs pa yi// rnal 'byor can gyis bstan pa bshad// de ni sangs rgyas rgyal mtshan no// tshag kyis btsags pa'i chu 'ang btung / / rked pa'i srad bu bcang bar bya// dus su ngon par gyur pa dang // dma' ba spangs pa'i slongs mo zas// mtho ris nas ni lha rdzas 'byung // gnyis po gzhan ni mi las byung / / rin chen mtshan rnams phun sum tshogs// lhar skyes pa yi 'gro ba'i dbang // mtho ris phan byed chos ston pa// gling bzhi rnams la rab tu spyod// shin tu yun ring gling spyad nas// sred bas rnam par 'jig par 'gyur/ / byas pa'i dus dang skyabs 'byung dus// gnyis po gzhan dang gcod pa ste// nga dang gzhan ni byas dus la// shAkya seng ge rtsod pa'i dus// don grub pa dang shAkya sras/ / 'jug sel rgyas dang dbang phyug dang // de la sogs pa'i mu stegs can// mya ngan 'das 'byung bar 'gyur// 'di skad bdag gis thos la sogs// shAkya seng ges bshad pa yin// sgrusbrang dang sngun chad byung ba dag/ de dag rgyas pa yin par 'gyur// 'jug sel dang ni dbang phyug kyang // 'byin par byed pa 'chad par 'gyur// mya ngan nga 'das phyin chad ni// de lta bu la sogs pa 'byu ri yi ma ni nor ldan to/ / pa ni bram ze skye dgu'i bdag/ nga ni ka tu ya ma'i rigs// ming ni rdul med rgyal ba yi// yab dang mes dang nga bdag kyang // yul ni tsam par skyes pa ste// mtshan ni zla dra skyabs zhes bya/ / zla ba'i rigs las de skyes so// thar par zhugs shing brtul zhugs spyad// tshul yang rnam pa stong bshad nas// blo gros chen po dbang bskur te// lung bstan byas na mya ngan 'da'/ / chos la blon sbyin par bya// chos kyi me khal la la sbyin// me khal slob ma chan pas na// bskal pa'i mthar ni 'jig par 'gyur// 'od srungs dang ni log dang sel/ / 'dren pa gser thub rnam dag dang // rdul mi nga dang gzhan dag dang // de dag thams cad byas dus rgyal// de yi 'og tu byas dus la// 'dren pa'i blo gros zhes bya ba// shes bya lnga rnams ston pa po/ / dpa' bo chen po 'byung bar 'gyur// gnyi gzhan la min skyob 'byung min// rtsod dus phyi ma'i tshe na yang // 'jig rten mgon po 'byung mi 'gyur// byas dus la ni rdzogs 'tshang rgya// mi 'phrogs pa dang ngo shes bya/ / ma dras kha tshar bcas pa ste// rma bya'i mdongs bu 'dra ba yis// stod g.yogs ri mo bri bar bya// mdongs dang mdongs kyi bar du ni// sor gnyis sor gsum tsam du bya/ / de las gzhan du bris nas ni// byis pa rnams kyang chags par 'gyur// rtag par 'dod chags me zhes bya// ye shes chus ni khrus kyang bya// rnal 'byor gyis ni nan tan bya// dus 'tshams gsum dang sdom gsum bya/ / mdapa dang rdo dang shing la sogs// 'phen la sogs pas bskyod pa dang // gcig 'phags nas ni gcig lhung 'gyur// dge dang mi dge de bzhin no// gcig pu mang po ma yin te// mi 'dra'i mtshan nyid gang na'ang med// len pa kun ni rlung dang 'dra// sbyin pa byed pa zhing bzhin no// gal te gcig pu mang 'gyur na// thams cad ma byas par 'gyur ro/ / byas na rnam par 'jig par 'gyur// 'di ni rtog ge can gyi tshul// de ni me mar sa bon 'dra// 'dra phyir mang du ga la 'gyur// de lta bur ni mang du 'gyur// de ni rtog ge ba yi tshul// til las bal sran skye mi 'gyur// 'bras ni nas kyi rgyu las min// bro dang 'bru yi rnam pa dag/ gcig ni ji ltar mang por 'gyur// sgra byed pa ni pa ni no// rkang pa'i ming dang che dbang dang // tshangs pa dang ni garga yang // 'jig rten rgyang 'phen byed pa 'byung // ka t+yA ya na mdo byed pa// mchod sbyin bal ka de bzhin te// bud d+ha ka dang skar mkhan dag/ rtsod pa'i dus na 'byung bar 'gyur/ / bsod nams byas pa'i 'jig rten gyis// skye dgu'i dpal gyis stobs can 'byung // chos kun la ni srung byed pa// rgyal po stobs can sa gtong ba'o// grog ma'i mkhar dang sran chung mig/ gya gyu can dang lta badzin bu// khyu mchog dpal chen rnam dag kyang // mi 'ongs dus na 'byung bar 'gyur// don grub pa dang shAkya'i bu// yang dag mtha' dang phud bu l+la/ tshogs stobs can dang yid gzhungs pa// phyi ma'i dus na 'byung bar 'gyur// nags kyi nang na 'dug pa'i tshe// dbyug gu shing dang pags pa dang / rked bcings dang ni ril ba rnams// ngal tshangs pasbyin par byed/ / rnal 'byor ldan pa chen po ste// thub pa rtul med ces bya ba'i// thar pa 'chad pa'i ston par 'gyur// 'di ni thub pa'i rgyal mtshan zhes// tshangs pa tshangs pa brgya rnams dang / / lha rnams mang por bcas pa yis// nga la mkhas las 'phags por gnas// dbang ldan de nyid mi snang 'gyur// dbang po lha dang bcas pa dang // 'phags skyes po la sogs pa yis/ / sna tshogs gos dang slongs snod kun// nags kyi rang du ba la 'bul// mi skye smra ba'i rgyur 'dod pa// skyes sam skye bar 'gyur yang rung // ma skyes pa ni sgrub par 'gyur// tshig tsam du ni brjod pa yin// sems ni 'byung bar byed pa yi// rgyuni ma rig de bzhin te/ ji srid gzugs dag mi shes pa// de srid bar du de gnas ci// zhig par gyur ma thag tu ni// sems ni gzhan rnams rang byung ste/ / gzugs ni dus su mi gnas na// ci la dmigs te 'byung bar 'gyur// gang las gang du 'jug pa yi// sems ni log pa'i sems byung ste// de ni rab tu ma grub na/ ji ltar skad cig 'jig par rig/ rnal 'byor can gyi soms 'jug dang // gse dang rgyal ba'i ring bsrel dang // 'od snang gnas kyi gzhal med khang // 'jig rten rgyu yis 'jig pa med// gnas pa rnams dang thob pa'i chos/ / sangs rgyas ye shes phun sum tshogs// dge slong nyid dang shes thob dang // skad cig mar ni ji ltar mthong // sgyu ma dri za'i grong sogs kyis// gzugs rnams ji ltar skad cig pa/ / 'byung ba rnams ni 'byung 'gyur min// 'gro bar 'byung ba cang mi byed/ sems ni ma rig rgyu las byung // thog ma med nas bsogs pa yin// skye dang 'jig pa kun bral bar// rtog beb dag rab tu rtog/ grangs can smra ba rnam gnyis te// gtso bo las ni 'gyur ba dang // gtso bo yod na 'bras bu yod// 'bras bu bdag nyid rab tu sgrub// gtso bo dang ni dngos 'jug par// yon tan bye brag rab tu bsgrags/ / rgyu dang 'bras bu sna tshogs pa// 'gyur ba la ni med pa yin// ji ltar dngul chu dag pa la// dri ma rnams kyis ma tshig pa// de bzhin lus can thams cad kyis// kun gzhi/ gnas kyang dag pa'o// shing kun dri dang sgrog pa dang // sbrum ma'i bur ni mthong ba dang // lan tshwa la sogs ro yod dang // ci phyir sa bon bzhin mi 'gyur// de nyid dang ni tha dad dang // de bzhin ga ka gnyis ma yin/ / yod pa yi ni rgyu med de// 'dus byas la med med ma yin// bdag ni rta dang 'dra bar yod// phung po ba lang ngo ba spangs// 'dus byas 'dus ma byas pa la// smrar med brjod med rang bzhin no/ / lung dang rig pas ngan par mthong // rtog ge lta bas dri mar byas// phyi ma med par bdag tu smra// rgyu med ma yin gzhan na med// de dag gi ni nyes bsags pa// phung pos bdag tu mi bsgom ste/ / gcig pa dang ni de las gzhan// rtog ge can gyis mi shes so// me long chu dang mig rnams dang // ji ltar gzugs brnyan snang 'gyur ba// gcig dang tha dad bral ba bzhin// de bzhin gang zag phung po la'o// bsgom dang rnam bsgom bsam gtan pa// lam dang bden dang mthong ba ste// de rnams gsum ni rnam bsgoms na// lta ba ngan spangs grol bar 'gyur ji ltar mthong na zhig pa'i glog/ khyim gyi bu ga'i 'khor lo ltar// de bzhin chos kun 'gyur ba la// byis pa gzhan du ma rtog cig/ dngos po med pas mya ngan 'das/ byis pa'i sems ni rmongs par byed// ji ltar 'dug bzhin mthong ba dang // 'phags pas mthong ba yod pa'i phyir// skye ba dang ni 'jig bral zhing // dngos po yod dang med spangs pa// mtshan nyid mtshan gzhi bral ba yi/ / 'gyur ba rnam par bsgom par bya// mu stegs can gyi sgra dang bral// ming dang dbyibs ni spangs gyur pa// nang gi lta ba'i gnas rnams kyi// 'gyur ba rnam par bsgom par gyis/ / reg pa dang ni gzer ba yis// lha dang sems can dmyal ba'i lus// bar ma do yi srid med de// rnam par shes pas bskyed pa yin// mngal sgong drod gsher la sogs/ pa'i// srid pa bar mar 'byung ba dag/ sems can mang po sna tshogs bzhin// 'gro dang 'gro bar rnam par bsgoms// lus dang rig par bral 'gyur ba// nyon mongs phyogs dang zad 'thob byed/ / mu stegs lta ba'i smra ba la// blo gros can gyis mi sprod do// thog mar nye bar len pa las// bdag ni phye bas bye brag phyed// ma phye bye brag 'byed pa ni// mo gsham bu la bye brag phyed/ / 'phrul gyis mthong ba'i sems can rnams// shing dang shes rab rnam par spangs// lus can kun gyi gzugs yod pa// 'du byed phung po spangs 'gyur ba'o// kha dog bzang dang ngan gyur cing / / grol dab ma grol khyad gyur pa// lha rdzas 'du byed gtogs pa yi// 'du byed gnas par rab tu mthong // 'gro ba'i mtshams su gzugs ldan rnams// rtog ge can gyi spyod yul min/ / mi yi yul las nga 'das te// ngan pa'i rtog ge can gzhan min// bdag med yid las sems 'byung na// ci las de ni 'byung bar 'gyur// 'bab chu me mar sa bon bzhin// ci phyir de yi 'byung mi bshad/ / rnam par shes pa ma skyes pa// mi shes la sogs med pa ste// de med par ni rnam shes pa// rgyud kyis skye bar ji ltar 'gyur// dus gsum dang ni dus med dang // brjod pa med dang rnam pa lnga/ / de ni sangs rgyas rig par bya// rtog ge can rnams rab tu brjod// shes pa 'du byed rgyus 'byung ba// 'du byed rnams kyis mi brjod de// 'dus byed bsgrubs pa'i shes pa ste 'du byed du ni gtogs pa 'dzin/ / 'di yod pas ni 'di byung ste// rkyen rnams la ni rgyu med pa// bsal bar byed pa rab tu ston// de med pas na byed pa med// rlung ni me dang sprin dag la// bskyod pa yin te 'byin pa min/ / bskyod nas des ni zhir 'gyur ba// ji ltar sems can rab tu bsgrubs// 'dus byas 'dus ma byas pa ni// nyer len rnam par spangs pa brjod// mi ni de la bsgrubs par yang // ji ltar byis pa rtog par byed// phan tshun stobs dang mthu yi phyir// mi rnams kyi ni me 'byung na// gang phyir ma bzhin brtags bya ba'i// sems tsam gang gis rab tuphyung // phung po skye mamed tshogs rnams kyi// rgyu ni yid la sogs pa ste/ / bdag med rtag tu bgron mang bzhin// sems dang bcas te rab tu 'jug/ 'di gnyis rtag tu 'od gsal ba// rgyu dang 'bras bu spangs pa'o// de dag sgrub pa med pa'i yin/ / rtog ge can gyis mi shes pa// sems dang sems can mya ngan 'das// rang bzhin gyis ni 'od gsal to// yid la sogs pa'i nyes pa yis// nyon mongs mkha' bzhin thaM dad min/ / glang po'i ma la sogs bzhin sngon yod// mu stegs lta bas dri mar byas// yid kyi rnam par shes pa'i g.yogs// me la sogs pas rnam par spangs// de yis yang dag ji bzhin mthong mthong nas nyon mongs rnams kyang gzhig/ thibs po dpe rnams rab spangs te// de dag 'phags pa'i spyod yul dong // shes dang shes bya'i bye brag gis// de gnyis gzhan du mi rtog pa// blo ngan rnams kyis mi rtogs te/ / brjod du med pa smra bar byed// ji ltar tsan dan byas pa'i rnga// byis pa dag ni gzhan du byed// de bzhin tsan dan a kar 'dra'i// shes pa rtog ge ngan pas so// langs nas kha rba phyis mi len/ / lhung bzed gnas dang phying pa can// gdong rgyud la sogs nye ba rnams// dag pas zas la spyod par bya// su zhig tshul 'di rigs pas dpog byed pa// dad ldan rnal 'byor brtson zhing mi rtog pa/ / mi gnas don la ston par gyur pa de// chos kyi rnam pa gser bzhin bshad par bya// blun pas srid dong mi srid rkyen rtog pa// de ni lta ngan dra ba dri mar bcas// 'dod chags zhe sdang gti mug bcas pa ldog/ chags med sangs rgyas phyag gis dbang bskur 'gyur// mu stegs rgyu yi phyogs kyis bslad// gzhan yang rkyen gyis rnam par rmongs// gzhan dag rgyu med de 'byung ba// don med pa ni chad pa'o// yid dang rnam par shes pa dang // rnam par smin par gyur pa ste// yid ni kun gzhi las byung ba// rnam par shes pa yid las byung // kun gzhi zhi las sems kun yang // dba' rlabs bzhin du 'byung bar 'gyur/ / thams cad bag chags rgyu las byung // rgyun bzhin du ni 'byung ba'o// skad cig tha dad 'brel pas 'brel// rang gi sems ni don la 'dzin// dbyings kyi mtshan nyid rnam par dag/ yid dang mig la sogs las byung // thog ma med nas nyes pas 'brel// don snang bag chags rnams las byung // phyi rol du ni sems snang te// mu stegs lta ba bzlog pa yi// deyi rgyus byung gzhan nyid kyang // de la dmigs nas 'jug par 'gyur// de las lta ba shes pa dang // 'khor bar rab tu 'jug par 'gyur// dngos po rmi lam sgyu ma 'dra// dri za'i grong khyer rnams bzhin te/ / smig rgyu ba dang chu zla ltar// rang gi rnam rtog rnam par bsgoms// 'jug pa'i rnam pas de bzhin nyid// yang dag ye shes de yi gnas// sgyu ma dpa' bar 'gro la sogs/ / ting nge 'dzin ni gzhan rnams dang // mngon par shes dang dbang rnams dang // de bzhin gshegs pas dbang bskur ba// sa la zhugs nas thob par 'gyur// gang tshe 'gro ba rnam rtog mthong / / de tshe sems ni ldog par 'gyur// sa ni rab tu dga' ba dang // sangs rgyas sa dang sa rnams 'thob// gnas ni rab tu gyur pa'i phyir// ji ltar sku tshogs nor bu bzhin/ / sems can rnams kyi don byed de// chu la gzugs brnyan ji bzhin no// yod dang med pa'i phyogs rnams dang // gnyis dang gnyis med pa dang bral// nyan/ rang rgyal 'das gyur na// sa bdun por ni 'gyur ba yin// so so rang chos thong ba ni// yang dag pa yi sa spungs te// phyi rol mu stegs rnams spangs pa'i// theg pa chen pos bshad par bya/ / rnam par rtog pa rab gyur na// shi'i pho 'jig pa rnam spangs pa// ri bong spu yi nor bu bzhin// grol ba rnams la tshul yang bshad// ji ltar tshig la tshig rnams pa// gal te rigs la rigs de bzhin/ / de phyir rigs pa'i rigs pa yin// de bas gzhan du ma rtog cig/ mig dang lus dang sred pa dang // ma rig de bzhin tshul bzhin min// mi dbang gzugs dang yid rnams dang /

CLOSE WINDOW