/ / rgya'i skad du/ de'i shing kim kAng med dzA'i shring wang kyang / bod skad du/ 'phags pags / mchog tu rnam par rgyal ba mdo sde'i rgyal po zhes bya ba theg pa chen po'i mdo// / bam po dang ngo // / sangs rgyas dang byang chub sems dpa' thams cad la ngag lo/ / 'di skad bdag gis thos pa dus gcig na/ bcom ldan 'das rgyal po'i khab bya rgod phung po'i ri'i rtse mo mchog tu rnam par dag pa/ chos kyi dbying shin tu zab pa sangs rma spyod yul de bzhin gshegs pa bzhugs pa na/ dge slong gi dge 'dun chen po dgu khri brgyad stong dang thabs gcig tu bzhugs te/ thams cad kyang dgra bcom pa/ glang po che'i rgyal po lngar tu dul ba/ zag pa rnams yongs su bsal ba/ nyon mongs pa med pa/ sems shin tu rnam par grol ba/ shes rab shin tu rnam par grol ba/ bya ba byas pa/ khur lci ba rnam par spangs pa gi don thob pa/ srid par kun tu sbyor ba zad pa/ rang dbang chen po thob pa/ tshul khrims yongs su dag pa la rab tu gnas pa/ thabs mkhas pa dang / shes rab kyis yongs su brgyan pa/ rnam par thar pa brgyad mngon sum du gyur cing pha rol gyi 'gram du phyin pa sha stag la/ 'di lta ste/ tshe dang ldan pa kun shes ko'u di n+ya dang / tshe dang ldan pa rta thul dang / tshe dang ldan pa rlangs pa dang / tshe dang ldan pa ming chen dang / tshe dang ldan pa bzang po dang / tshe dang ldan pa 'od srungs chen po dang / tshe dang ldan pa lteng rgyas 'od srungs dang / tshe dang ldan pa ga ya 'od srungs dang / tshe dang ldan pa chu klung 'od srungs dang / tshe dang ldan pa shA ri'i bu dang / tshe dang ldan pa mo'u 'gal gyi bu chen po dang / tshe dang ldan pa kun dga' bo 'ba' zhig slob pa'i sa la gnas pa ni ma gtogs te/ 'di ltar nyan thos chen po de dag so so nas phyi dro'i dus kyi tshe/ snyoms par zhugs pa las langs nas/ bcom ldan 'das ga la ba de logs su dong ste/ bcom ldan 'das kyi zhabs la mgo bos phyag 'tshal nas/ g.yas phyogs su lan gsum bskor ba byas te/ phyogs gcig tu 'khod par gyur to// gzhan yang byang chub sems dpa' sems dpa' chen po bye ba phrag brgya stong du ma dang thabs gcig tu bzhugs te/ thams cad kyang gzi byin chen po'i yon tan dang ldan pa klu'i rgyal po chen po ltar gyur pa/ thams cad kun tu grags pa/ thams cad cang shes par gyur pa/ sbyin pa dang / tshul khrims yongs su dag par gyur pa/ rtag par bzod pa dang / brtson 'grus kyi spyod pa spyad par mngon par dga' ba/ bskal pa grangs med pa nas bsam/ gtan rnams las yang dag par 'das pa/ dran pa rtse gcig pa nyid mngon du gyur pa/ shes rab kyi sgo rab tu rnam par 'byed pa/ thabs mkhas pa shin tu bsgoms pa/ shin tu gya nom pa'i rdzu 'phrul la rnam par rtsen pa'i rang dbang du gyur pa/ gzungs rab tu thob pa/ spobs pa zad pa med pa/ nyon mongs pa rnams spangs pa/ nye ba'i kun nas nyon mongs pa rnams nye bar gyur pa/ ring po mi thogs par rnam pa thams cad mkhyen pa mngon par 'grub par 'gyur ba/ bdud kyi dpung rab tu 'joms pa/ chos kyi rnga shin tu brdung ba/ mu stegs can rab tu btul nas yongs su dka' ba'i bsam pa bskyed pa la 'god pa/ chos kyi 'khor lo dam pa yongs su bskor nas/ lha dang mi rnams sgrol bar byed pa/ phyogs bcu'i sangs rgyas kyi zhing rnams rab tu brgyan pa/ 'gre ba drug po'i sems can dag la phan 'dogs pa/ ye shes chen po yongs su rdzogs pa/ bzod pa chen po phun sum tshogs pa/ byams pa dang / snying rje chen po'i sems la rab tu gnas pa/ shin tu brtan pa'i stobs chen po dang ldan pa/ sangs rgyas mang po la bsnyen bkur byas pa/ yongs su mya ngan las mi 'da' zhing / phyi ma'i mtha' ji srid par yi dam chen po'i bsam pa yang dag par bskyed pa/ sangs rgyas rnams las rnam par dag pa'i rgyu rgya cher rab tu bskyed pa/ dus gsum gyi chos rnams las mi skye ba'i bzod pa rtogs par gyur pa/ theg pa gnyis po dag gi spyod yul las yang dag par 'das pa/ thabs mkhas pa chen pos 'jig rten pa rnams 'dul bar byed pa/ ston pa chen po'i bstan pa rnams yang dag par sgrogs pa/ gsang ba'i chos dang shin tu zab pa'i stong pa nyid rtogs shing khong du chud pas the tsom dang som nyi med par gyur pa sha stag la/ 'di lta ste/ byang chub sems dpa' thogs pa med par chos kyi 'khor lo bskor ba dang / byang chub sems dpa' rtag par chos kyi 'khor lo bskor bar sems bskyed pa dang / byang chub sems dpa' rtag par brtson pa dang / byang chub sems dpa' rgyun mi 'chad pa dang / byang chub sems dpa' byams pa dang / byang chub sems dpa' 'jam dpal dang / byang chub sems dpa' spyan ras gzigs kyi dbang phyug dang / byang chub sems dpa' gzungs la rang dbang du gyur pa'i rgyal po dang / byang chub sems dpa' spobs pa chen pos bkod pa'i rgyal po dang / byang chub sems dpa' ri rab mchog gi rgyal po dang / byang chub sems dpa' shin tu zab pa'i rgya mtsho'i rgyal po dang / byang chub sems dpa' rin po che'i tog dang / byang chub sems dpa' rin po che'i tog chen po dang / byang chub sems dpa' sa'i snying po dang / byang chub sems dpa' nam mkha'i snying po dang / byang chub sems dpa' lag na rin po che'i dbang phyug dang / byang chub sems dpa' lag na rdo rje dang / byang chub sems dpa' dga' ba'i stobs dang / byang chub sems dpa' chos kyi stobs chen dang / byang chub sems dpa' bkod pa'o// 'od chen dang / byang chub sems dpa' gser 'od chen po'i bkod pa dang / byang chub sems dpa' rnam dag tshul khrims dang / byang chub sems dpa' rtag tu mnyam par gzhag pa dang / byang chub sems dpa' blo gros shin tu rnam dag dang / byang chub sems dpa'i brtson 'grus brtan pa dang / byang chub sems dpa' nam mkha' dang mtshungs pa dang / byang chub sems dpa' smon lam cher gcod pa dang / byang chub sems dpa' sman gtong dang / byang chub sems dpa' nyon mongs pa'i nad rnam par sel ba dang / byang chub sems dpa' sman pa'i rgyal po dang / byang chub sems dpa' par dga' ba'i rgyal po dang / byang chub sems dpa' lung bstan mchog thob dang / byang chub sems dpa' sprin chen rnam dag 'od zer dang / byang chub sems dpa' sprin chen chos 'dzin dang / byang chu sems dpa' sprin chen grags pa'i dga' ba dang / byang chub sems dpa' sprin chen grags pa mtha' yas ston dang / byang chub sems dpa' sprin chen seng ge'i nga ro dang / byang chub sems dpa' srin chen glang po che'i rgyal po'i nga ro dang / byang chub sems dpa' sprin chen bkra shis dang / byang chub sems dpa' sprin chen rin chen yon tan dang / byang chub sems dpa' sprin chen nyi ma'i snying pa / byang chub sems dpa' sprin chen zla ba'i snying po dang / byang chub sems dpa' sprin chen skar ma'i 'od dang / byang chub sems dpa' sprin chen me'i 'od dang / byang chub sems dpa' sprin chen glog 'od dang / byang chub sems dpa' sprin chen 'brug dbyangs dang / byang chub sems dpa' sprin chen shes rab kyi char gyis kun tu khyab pa dang / byang chub sems dpa' sprin chen rnam dag char rgyal dang / byang chub sems dpa' sprin chen me tog ljon shing rgyal po dang / byang chub sems dpa' sprin chen pad+ma sngon po'i bsrung dang / byang chub sems dpa' sprin chen rin po che'i tsan dan dang / tsan dan gyi dris lus bsil bar byed pa dang / byang chub sems dpa' sprin chen mun sel dang / byang chub sems dpa' sprin chen rab rib 'joms la sogs pa 'di ltar byang chub sems dpa'i tshogs chen po tshad med pa de dag kyang / so so nas phyi dro'i dus kyi tshe/ ting nge 'dzin las langs nas bcom ldan 'das ga la ba de logs su dong ste/ bcom ldan 'das kyi zhabs la mgo bos phyag 'tshal nas/ g.yas phyogs su lan gsum bskor ba byas te/ phyogs gcig tu 'khod par gyur to// gzhan yang li tsa byi gzhon nu lnga 'bum phrag brgya stong du ma 'dus par gyur pa la 'di lta ste/ gzhon nu seng ge 'od dang / gzhon nu seng ge'i blo gros dang / gzhon nu chos kyis byin dang / gzhon nu dbang pos byin dang / gzhon nu 'od chen dang / gzhon nu dpal chen dang / gzhon nu sangs rgyas skyong dang / gzhon nu chos kyis skyong dang gzhon nu dge 'dun skyong dang / gzhon nu rdo rje'i skyong dang / gzhon nu nam mkha' skyong dang / gzhon nu nam mkha' sgra sgrogs dang / gzhon nu rin po che'i snying po dang / gzhon nu ba shis mchog gi snying po la sogs pa ni gtso bor gyur te/ thams cad kyang bla na med pa'i byang chub la rab tu gnas pa dang / theg pa chen po la mngon par yid ches shing dga' bar gyur pas/ so sa dro'i dus kyi tshe/ bcom ldan 'das ga la ba der logs su dong ste/ bcom ldan 'das kyi zhabs la mgo bos phyag byas te/ g.yas phyogs su lan gsum bskor ba byas te/ phyogs gcig tu 'a par gyur to/ / gzhan yang lha'i bu bzhi khri nyis stong 'dus par gyur pa la/ 'di lta ste/ lha'i bu mthong dga' dang / lha'i bu yid dga' dang / lha'i bu nyi ma'i 'od dang / lha'i bu zla ba'i gtsug pa lha'i bu gsal ba'i blo gros dang / lha'i bu nam mkha'i rnam dag blo gros dang / lha'i bu nyon mongs sel dang / lha'i du bkra shis la sogs pa ni gtso bor gyur te/ thams cad kyang yi dam chem po bskyed nas/ theg pa chen po yongs su bsrung ba dang / dam pa'i chos rgyun mi 'chad par sbyor bar byed pas/ so so nas phyi dro'i dus kyi tshe/ bcom ldan 'das ga la ba de logs su dong ste/ bcom 'das kyi zhabs la mgo bos phyag byas nas/ g.yas phyogs su lan gsum bskor ba byas te/ phyogs gcig tu 'khod par gyur to// gzhan yang klu'i rgyal po nyi khri brgyad 'dus pa 'di lta ste/ klu'i rgyal po pad+ma dang / klu'i rgyal po e la'i lo ma dang / klu'i rgyal po stobs chen dang / klu'i rgyal po cher sgrogs dang / klu'i rgyal po rlabs chung dang / klu'i rgyal po chu rgyun 'dzin dang / klu rgyal po gser dong dang / klu'i rgyal po yid bzhin la sogs pa ni gtso bor gyur te/ 'di ltar klu'i rgyal po de dag kyang theg pa chen po'i chos la rtag par mos shing / yongs su 'dzin pa dang / shin tu dang ba'i bsam pa bskyed nas/ yang dag par sgrogs pa dang / yongs su skyong bar byed pas/ so so nas phyi dro'i dus kyi tshe/ bcom ldan 'das ga la ba de logs su dong ste/ bcom ldan 'das kyi zhabs la mgo bos phyag byas nas/ g.yas phyogs su lan gsum bskor ba byas te/ phyogs gcig tu 'khod par gyur to// gzhan yang gnod sbyin gyi 'khor sum khri drug stong 'dus par gyur te/ lha'i rgyal po rnam thos kyi bu gtso bor gyur pa dang / 'di lta ste/ gnod sbyin a mra dang / gnod sbyin a mra thogs dang / gnod sbyin pad+ma 'od kyi snying po dang / gnod sbyin pad+ma dong dang / gnod sbyin khro gnyer can dang / gnod sbyin 'jigs chen ston dang / gnod sbyin sa sbrul dang / gnod sbyin zas ril ming la sogs pa gnod sbyin de dag thams cad kyang / de bzhin gshegs pa'i yang dag pa'i chos la mos shing gus pa'i sems kyis yongs su skyo ba mi skyed pas/ so so nas phyi dro'i dus kyi tshe/ bcom ldan 'das ga la ba de logs su dong ste/ bcom ldan 'das kyi zhabs la mgo bos phyag byas nas/ g.yas phyogs @#su lan gsum bskor ba byas te/ phyogs gcig tu 'khod par gyur to// gzhan yang nam mkha' lding gi rgyal po bzhi khri dgu stong 'dus par gyur te/ nam mkha' lding gi rgyal po spos kyi glang po che'i mthu dang ldan pa ni gtso bor gyur to/ / gzhan yang 'di lta ste/ dri za dang / lha ma yin dang / mi 'am ci dang / lto 'phye chen po la sogs pa dang / ri dang / nags tshal dang / rgya mtsho thar cad kyi lha dang / drang srong dang / yul khams chen po'i rgyal po dang / pho brang 'khor dang / btsun mo dang / slas dang / shin tu dang ba dang ldan pa'i khye'u dang / bu mo dang / lha dang mi'i tshogs chen po 'dus shing lhags pa thams cad kyang / bla na med pa'i theg pa chen po yongs su bsrung zhing klog pa dang / kha ton du 'don pa dang / len pa dang / 'dzin pa dang / yi ger 'dri ba dang / kun tu spel bar mos pa gyur pas/ so so nas phyi dro'i dus kyi tshe/ bcom ldan 'das ga la ba der logs su dong ste/ bcom ldan 'das kyi zhabs la mgo bos phyag byas nas/ g.yas phyogs su lan gsum bskor ba byas te/ phyogs gcig tu 'khod par gyur to// de ltar nyan thos dang / byang chub sems dpa' dang / lha dang / mi'i 'khor 'dus pa chen po dang / klu dang / gnod sbyin la sogs pa sde brgyad po rnams 'dus par gyur nas kyang / so so nas sems rtse gcig tu thal mo sbyar te/ gus pas mig mi 'dzum par bcom ldan 'das kyi zhal du bltas nas/ shin tu gya nom zhing khyad par du 'phags pa'i chos thos par gyur to// de nas de'i tshe bcom ldan 'das phyi dro'i dus kyi tshe/ ting nge 'dzin las bzhengs nas/ 'khor gyi dkyil 'khor la rnam par gzigs nas/ tshigs su bcad de bka' stsal pa/ gser 'od dam pa gya nom chos/ / mdo sde rgyal po kun gyi mchog/ sangs rgyas spyod yul zab mo 'di// shin tu thos par dka' bas na// ngas deng 'khor 'dus chen po la// 'di ltar mdo 'di bstan pabs na/ / phyogs bzhi'i sangs rgyas bzhi po dag/ byin gyi rlabs kyi rlob par mdzad// shar phyogs na ni mi 'khrugs gtso// lho phyogs sangs rgyas rin chen mtshan// nung phyogs na ni tshe dpag med/ / byang phyogs lha yi rnga sgra dbyangs// ngas deng yang dag dam pa'i chos// bkra shis gshegs pa'i mchog gyur pa// sdig pa thams cad zhi ba dang // las ngan rnams ni sbyong sel dang // sdug bsngal mang po nad 'byang zhing // bde ba tshad med rtag sprin dang // ye shes thams cad rtsa ba dang // yon tan kun brgyan bshad par bya// sems can dbang po ma tshang dang // tshe zad dang ni tshe nyams dang / / sdig pa'i mtshan ma mngon snang dang // lha rnams kyis ni spangs pa dang // gnyen bshes kun gyis sdang ba dang // 'khor rnams dang ni 'bral ba dang // phan tshun mi mthun rtsod pa dang // nor rnams 'thor zhing stor ba dang // gza' skar ma rungs gnod bgyis shing // byang stems log pas zin pa dang // mya ngan mang pos nyon mongs shing // sdug bsngal mang pos gzir ba dang // rmi lam ltas ngan mthong ba'i rgyus// mya ngan dag ni skyes gyur na// de yis khrus ni rab byos la// gos gtsang gsar pa bgos nas ni// zab mo sangs rgyas srung mdzad pa// ma sde'i rgyal po dam pa 'di/ / rtse gcig sems ni mi g.yeng bar// bklag mnyan yongs su gzung bar bya// mdo sde 'di yi byin rlabs mthus// ye 'drog mang po spong byed cing // gzhan yang sdug bsnga sna tshogs bgegs/ / thams cad ma lus sel bar byed// 'jig rten skyong dang rgyal chen bzhi// blon po chen po 'khor rnams dang // gnod sbyin mang po tshad med rnams// rtse gcig sem skyeb par byed/ / spobs pa che ba'i lha mo dang // nai rany+dza nar gnas pa'i lha// lha mo 'phrog ma 'byung po'i ma// sri brtan sa yi lha mo dang // tshangs pa'i dbang po brgya byin dang // klu yi rgyal po m-i ci/ / gser 'dab bya yi rgyal po dang // lha ma yin gyi 'khor rnams dang // 'di la sogs pa'i lha rnams kyis// rang gi 'khor rnams khrid nas ni// nyin mtshan rtag tu mi 'bral bar// gang zag da la srung ba byed/ / zab mo sangs rgyas spyod yul dang // sangs rgyas dgongs te gsungs pa'i bka'// mdo sde gang yin ngas bshad pa// bskal pa bye ba ra prad dka' bas// gang gis mdo sde 'di thos nas// gzhan la rgya cher bstan pa dang / / gal te sems kyis yi rang dang // mchod pa bshams nas mchod byed na// de 'dra'i gang zag de dag ni// bskal pa tshad med snyed du yang // rtag par lha dang mi rnams dang // klu la sogs pas mchod bkur 'gyur/ 'di yi bsod nams tshad med pas// gang+gA'i bye snyed grangs las 'das// mdo sde 'di ni gang klog pa/ yon tan 'di dag theb par 'gyur// phyogs bcu'i bcom ldan 'das rnams dang // spyod zab byang chub sems dpa' rnams/ / mdo sde'i 'dzin la yongs bsrungs nas// sdug bsngal bgegs dang bral bar mdzad// mdo sde 'di ni gang mchod pas// snga ma bzhin du lus bkrus te// zas dang me tog spos mchod cing // byams dang snying rje'i sems bskyed cing / / mdo sde 'di ni nyan 'dod pas// sems gtsang dri ma med byas te// rtag par dga' ba'i sems bskyed na// yon tan mang po skye bar 'gyur/ gang zhig gus pa'i sems ngag gis// mdo sde 'di ni nyan byed na/ / legs par mi yi 'gror skye zhing // sdug bsngal bgegs dang bral bar 'gyur// de na dge rtsa smin pas na// sangs rgyas rnams kyis bsngags pa yi// mdo sde 'di ni thos pa dang // 'gyod tshangs chos ni thos pa yin/ / gser 'od dam pa mchog tu rnam par rgyal ba mdo sde'i rgyal po las/ gleng gzhi'i le'u ste dang po'o// / de nas de'i tshe rgyal po'i khab kyi grong khyer chen po na/ byang chub sems dpa' sems dpa' chen po mdzes pa'i tog ces bya ba/ 'das pa'i sangs rgyas bye ba phrag brgya stong tshad med pa rnams la bsnyen bkur dang / rim gro nas/ dge ba'i rtsa ba bskyed pa zhig yod de/ de'i tshe byang chub sems dpa' mdzes pa'i tog ces bya ba gcig pu dben par gnas pa/ de 'di snyam du rgyu dang rkyen gang gi phyir/ de bzhin gshegs pa shAkya thub pa sku tshe thung ste lo brgyad cur gyur snyam mo// gzhan yang 'di snyam du/ bcom ldan 'das kyis ji skad gsungs pa ltar na/ rgyu dang rkyen rnam pa gnyis kyis tshe ring por 'gyur ro zhes gsungs te/ gnyis gang zhe na/ sems can gyi srog mi gcod pa dang / gzhan dag la yang bza' ba dang btung ba yongasu gtong ba'o// de bzhin gshegs pa shAkya thub pa ni/ 'das pa'i bskal pa chen po bye ba khrag khrig brgya stong grangs med pa snyed du sems can gyi srog ma bcad cing / dge ba bcu'i las kyi lam spyad pa dang / rtag par bza' ba dang / btung ba dag bkres pa'i sems can thams cad la sbyin pa btang ste/ nyid kyi sha dang / khrag dang / rus pa dang / rkang la sogs pa yang yongs su btang nas/ rab tu tshim par mdzad na/ bza' ba dang / btung ba gzhan lta smos kyang ci dgos snyam mo// byang chub sems dpa' des bcom ldan 'das la de snyam du bsam pa'i tshe/ bcom ldan 'das kyi byin gyi rlabs kyi mthus/ de'i khang khyim de ma thag tu yangs shing rgya che ba dang / bkod pa dang ldan zhing yongs su gtsang ba dang / bai DUR+Ya sngon po dang / rin po che rnam pa sna tshogs kyis brgyan pas/ sangs rgyas kyi zhing ji lta ba bzhin du spos mchog dam pa'i dri lha'i spos las 'das pa dag 'thul zhing gang ba dang / phyogs bzhin seng ge'i gdan mchog dam pa rin po che sna bzhi las mngon par grub pa/ lha'i rin po che'i gos kyis g.yogs pa dang / gzhan yang gdan de la pad+ma dam pa rin po che sna tshogs kyis brgyan pa/ tshad de bzhin gshegs pa dang mnyam pa dag rang gi ngang gis snang bar gyur to/ / pad+ma de dag gi steng na de bzhin gshegs pa bzhi po shar phyogs kyi mi 'khrugs pa dang / lho phyogs kyi rin chen mtshan dang / nub phyogs kyi tshe dpag med dang / byang phyogs kyi lha'i rnga sgra dbyangs bzhugs par gyur to/ / de bzhin gshegs pa bzhi po de dag so so nas gdan de dag la skyil mo krung bcas te bzhugs nas/ 'od zer chen po bkye bas rgyal po'i khab kyi grong khyer chen po dang / stong gsum gyi stong chen po'i 'jig rten gyi khams 'di dang / phyogs bcu'i sangs rgyas kyi zhing gang+gA'i klung gi bye ma dang mnyam pa snyed kyi bar du yang snang bas kun tu khyab par mdzad de/ lha'i me tog gi char yang mngon par phab lha'i rol mo sil snyan rnams dkrol bar gyur te/ de'i tshe 'dzam bu'i gling 'di dang / stong gsum gyi stong chen po'i 'jig rten gyi khams 'di na sems can ji snyed yod pa dag bcom ldan 'das kyi byin gyi rlabs kyi mthus bde ba mchog dam pa myong bar gyur pas 'phongs pa ci yang med par gyur to/ / lus kyi yan lag ma tshang ba dag ni tshang bar gyur/ long ba dag ni mthong bar gyur/ 'on pa rnams ni thos par gyur/ lkugs pa dag ni smra bar gyur/ glen pa dag ni shes pa dang ldan par gyur/ sems 'khrug pa dag ni sems nyid thob par gyur/ bgo ba med pa dag ni gos dang ldan par gyur/ rab tu smad cing gshung ba dag ni gzhan gyis bkur bar gyur/ dri ma dang bcas pa dag ni lus gtsang bar gyur te/ 'jig rten gyi khams 'dir phan 'dogs pa'i dngos po ngo mtshar rmad du che ba sngon ma byung ba rnams kyang mngon du byung bar gyur to// de nas byang chub sems dpa' mdzes pa'i tog de bzhin gshegs pa bzhi dang / ngo mtshar rmad du byung ba'i dngos po de dag mthong bas dga' mgu rangs par gyur nas thal mo sbyar te/ sems rtse gcig tu de bzhin gshegs pa rnams kyi mtshan khyad par du 'phags pa dag la rnam par bltas na/ gzhan yang 'di snyam du de bzhin gshegs pa shAkya thub pa yon tan tshad med pa dang ldan yang sku tshe'i tshad 'ba' zhig la the tsom gyi sems skyes par gyur na/ ci'i phyir de bzhin gshegs pa yon tan tshad med pa mnga' yang / sku tshe thung ste lo brgyad cu kho na bzhugs par gyur snyam mo// de nas bcom ldan 'das bzhi po de dag gis/ byang chub sems dpa' mdzes pa'i tog la 'di skad ces bka' stsal to/ / rigs kyi bu nged kyis ni bla na med pa'i thams cad mkhyen pa ma gtogs par lha dang bcas pa'i 'jig rten dang / tshangs pa dang / bdud dang / dge sbyong dang / bram ze dang / mi dang mi ma yin pa gang gis kyang / de bzhin gshegs pa'i sku tshe'i tshad kyi mtha' shes shing dpog par 'gyur ba yang dag par ma gzigs so// de bzhin gshegs pa bzhi po de dag gis/ bcom ldan 'das shAkya thub pa'i sku tshe'i tshad bstan par bzhed nas/ bcom ldan 'das kyi byin gyi rlabs kyi mthus/ 'dod pa dang / gzugs kyi khams kyi lha rnams dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / byang chub sems dpa' sems dpa' chen po bye ba khrag khrig brgya stong tshad med pa snyed 'dus te/ lhags nas byang chub sems dpa' mdzes pa'i tog gi khyim yongs su dag cing gya nom pa der zhugs par gyur to/ / de nas bcom ldan 'das bzhi po de dag gis 'khor mang po'i nang du/ de bzhin gshegs pa shAkya thub pa'i sku tshe'i tshad ji snyed pa dag bstan par bzhed pa'i phyir/ tshigs su bcad de bka' stsal pa// rgya mtsho thams cad kun gyi chu// thig pa'i grangs ni shes rung gi/ shAkya thub pa'i sku tshe'i tshad// gang gis kyang ni bgrang mi nus/ ri rab thams cad rdul brlags te// yungs 'bru bzhin du bgrang shes kyang // shAkya thub pa'i sku tshe'i tshad// gang gis kyang ni bgrang mi nus// sa chen rdul ni thams cad kun// rdul grangs ci yod shes rung yang // shAkya thub pa'i sku tshe'i tshad// gang gis kyang ni bgrang mi nus// gal te nam mkha'i tshad gcal te/ mtha' kun dpag par rung srid kyang / shAkya thub pa'i sku tshe'i tshad// gang gis kyang ni dpag mi nus/ mi zhig bskal pa bye bar gnas/ mthas gtugs rtag par brtsis bgrangs kyang // bcom ldan 'das kyi sku tshe'i tshad// yongs su shes par mi 'gyur ro// sems can srog ni ma bcad cing // bza' btung sbyin pa btang ba yi// rgyu ni rnam pa 'di ga ni kyis/ / sku tshe ring po brnyes pa yin/ de bas thub pa chen po yi// sku tshe'i tshad ni shes pa dka'// bskal pa'i mtha' ni med pa ltar// sku tshe'i tshad kyang de bzhin no// mdzes pa'i tog khyod shes byos la// the tsom som nyi ma skyed cig/ rgyal ba'i sku tshe'i tshad med pas// de yi grangs ni shes mi nus// de nas byang chub sems dpa' mdzes pa'i tog gis// de bzhin gshegs pa bzhi po de dag gis bcom ldan 'das shAkya thub pa'i sku tshe'i tshad dpag tu med par bka' stsal pa thos pa dang / bcom ldan 'das de dag la 'di skad ces gsol to// ci'i slad du de bzhin gshegs pa de lta bu'i sku tshe thung bar bstan par mdzad lags/ de nas bcom ldan 'das 'chim de dag gis byang chub sems dpa' mdzes pa'i tog la bka' stsal pa/ rigs kyi bu bcom ldan 'das shAkya thub pa de snyigs ma lnga'i dus su 'jig rten du byung ba na/ mi rnams tshe lo brgya par gyur cing / rang bzhin dman pa dang dge ba'i rtsa ba phra zhing chung ba dang / mos pa med par gyur pas/ sems can de dag las phal cher ba dag tu lta ba dang / gang zag tu lta ba dang / sems can dang / srog dang / gso ba po dang / log par lta ba dang / bdag dang bdag gir lta ba dang / rtag pa dang / chad par lta ba la sogs pa dang ldan pas/ sems can mang po de dag dang / mu stegs can mang po de dag la phan gdags shing yang dag pa'i shes pa bskyed nas/ myur du bla na med pa'i byang chub yongs su rdzogs par bya ba'i phyir/ de lta bas na de bzhin gshegs pa shAkya thub pas/ de lta bu'i sku tshe thung ba bstan pa yin no// rigs kyi bu gzhan yang de bzhin gshegs pa de sems can rnams kyis yongs su mya ngan las 'da' ba mthong bar gyur na/ shin tu mthong bar dka' ba'i 'du shes dang / mya ngan dang sdug bsngal ba la sogs pa'i 'du shes bskyed nas/ sangs rgyas bcom ldan 'das kyis gsungs pa'i mdo sde bstan pa dag myur du len pa dang / 'dzin pa dang / klog pa dang / kha ton du 'don pa dang / kun chub par byas nas gzhan dag la yang dag par bstan pa dang / skur pa 'debs par mi 'gyur bar mdzad par bzhed pa'i phyir/ de lta bas na de bzhin gshegs pas de lta bu'i sku tshe thung ba bstan pa yin no// de ci'i phyir zhe na/ sems can de dag gis gal te de bzhin gshegs pa yongs su mya ngan las mi 'da' ba mthong bar gyur na/ gus pas rim gro yang mi byed/ shin tu phrad par dka' ba'i 'du she kyang mi skyed la/ de bzhin gshegs pas gsungs pa'i mdo sde zab mo dag kyang len pa dang / 'dzin pa dang / klog pa dang / kha ton du 'don pa dang / kun chub par byas nas/ gzhan dag la ston par yang mi byed pas so// de ci'i phyir zhe na/ 'di ltar rtag par sangs rgyas mthong bas gus par mi byed pa'i phyir ro/ / rigs kyi bu 'di lta ste dper na/ mi zhig gis bdag gi pa la nor dang / rin po che mang zhes 'phel ba dag mthong bar gyur na/ nor rdzas dag la ngo mtshar dang mthong bar dka' ba'i 'du shes skye bar mi 'gyur ro/ / de ci'i phyir zhe na/ pha'i nor rdzas dag la rtag pa'i 'du shes skyed pa'i phyir ro// rigs kyi bu sems can mang po de dag kyang / de bzhin du gal te de bzhin gshegs pa yongs su mya ngan las mi 'da' ba mthong bar gyur na/ ngo mtshar dang mthong bar dka' ba'i 'du shes skye bar mi 'gyur ro// de ci'i phyir zhe na/ rtag par mthong ba'i phyir/ ro// rigs kyi bu 'di lta ste dper na/ mi zhig gi pha ma dbul zhing nor rdzas kyis 'phongs par gyur pa las/ mi dbul po de rgyal po'i pho brang ngam/ blon po chen po'i khyim dag tu phyin te/ bang mdzod rin po che sna tshog dang / nor rdzas kyis yongs su gang ba mthong bar gyur na/ ngo mtshar dang phrad par dka' ba'i 'du shes bskyed nas/ de'i tshe mi dbul po de nor rdzas yongs su gnyer ba'i phyir/ sbyor ba'i thabs rgya cher bshams nas/ le le mi byed par rab tu brtson par byed do// de ci'i phyir zhe na/ dbul 'phongs pa spangs shing bde ba'i longs spyod nyams su myong bar bya ba'i phyir ro// rigs kyi bu sems can mang po de dag kyang de bzhin du gal te de bzhin gshegs pa yongs su mya ngan las 'da' ba mthong bar gyur na/ mthong bar dka' ba'i 'du shes nas/ mya ngan dang / sdug bsngal ba la sogs pa'i 'du shes kyi bar dag kyang bskyed nas/ gzhan yang 'di snyam du de bzhin gshegs pa rnams ni bskal pa grangs med tshad med pa snyed 'das na/ gdod 'jig rten du 'byung bas u dum wa ra'i me tog bzhin du brgya lam brgya lam na lan cig 'byung bar 'gyur ro zhes/ sems can mang po de dag ngo mtshar gyi bsam pa bskyed nas/ shin tu mthong bar dka' ba'i 'du shes skyed par byed de/ gal te de bzhin gshegs pa mthong bar gyur na yang sems kyis gus pa dang / dang bskyed par byed la/ yang dag pa'i chos bstan pa thos par gyur na yang / yang dag pa'i bka' yin no snyam pa'i 'du shes bskyed nas/ mdo sde ji snyed pa thams cad kyang yang dag par 'dzin cing skur pa 'debs par mi byed do/ / rigs kyi bu rgyu dang rkyen des na/ bcom ldan 'das de yun ring du 'jig rten na mi bzhugs par myur du yongs su mya ngan las 'da' ba yin te/ rigs kyi bu de bzhin gshegs pa rnams ni de lA bu'i thabs mkhyen nas/ sems can yongs su smin par mdzad pa yin no// de'i tshe de bzhin gshegs pa 'azhi po dag gis de skad ces bka' stsal nas/ de nyid du mi snang bar gyur to// de nas byang chub sems dpa' sems dpa' chen po mdzes pa'i tog byang chub sems dpa' brgya stong tshad med pa snyed dang / sems can khrag khrig brgya stong tshad med pa dang lhan cig du bya rgod phung po'i rig la ba der dong ste/ de bzhin gshegs pa shAkya thub pa thams cad mkhyen pa'i spyan sngar lhags nas/ bcom ldan 'das kyi zhabs la mgo bos phyag byas te/ phyogs gcig tu 'khod do// de nas byang chub sems dpa' mdzes pa'i tog gis/ dngos po gong du bstan pa de dag bcom ldan 'das la rgyas par gsol pa dang / de'i tshe de bzhin gshegs pa bzhi po de dag kyang bya rgod phung po'i ri bcom ldan 'das shAkya thub pa ga la ba der gshegs te/ so so'i phyogs ji lta ba bzhin du gdan la bzhugs nas/ zhabs 'bring ba'i byang chub sems dpa' dag la 'di skad ces bka' stsal to// rigs kyi bu deng khyed bcom ldan 'das shAkya thub pa ga la ba der dong la/ nged kyi tshig gis cung zad mi srung ngam/ cung zad mi gdung ngam/ bzhengs shing bzhugs pa yang ngam/ spyod lam thams cad du bde bar spyod dam zhes snyan gsol cig/ gzhan yang 'di skad du de bzhin gshegs pa shAkya thub pas sems can thams cad la phan gdags shing / mu ge'i bgegs yongs su bsal nas/ bde ba la 'god par bzhed pa'i phyir/ der gser 'od dam pa'i mdo sde shin tu zab mo'i chos kyi don bstan pa legs so legs so// bdag cag rnams kyang rjes su yi rang ngo zhes gsol cig/ de nas zhabs 'bring ba de dag so so nas bcom ldan 'das shAkya thub pa ga la ba der dong ste/ bcom ldan 'das kyi zhabs gnyis la mgo bos phyag byas nas/ phyogs gcig tu 'khod de/ cig car bcom ldan 'das la 'di skad ces gsol to/ / lha dang mi'i ston pa de dag tshad ma mchis pa'i gsung gis cung zad mi srung ngam/ cung zad mi gdung ngam/ bzhengs shing bzhugs pa yang ngam/ spyod lam thams cad du 'de bar spyod dam zhes snyun gsol lags so/ / gzhan yang 'di skad du de bzhin gshegs pa shAkya thub pas/ sems can thams cad la phan gdags shing / mu ge'i bgegs yongs su bsal nas bde ba la 'god par bzhed pa'i phyir/ der gser 'od dam pa'i mdo sde shin tu zab mo'i cho kyi don bstan pa legs so legs so zhes gsung ngo // de bzhin gshegs pa yang dag par rdzogs pa'i sangs rgyas shAkya thub pas/ nabs 'bring ba'i byang chub sems dpa' de dag la 'di skad ces bka' stsal to// de bzhin gshegs pa bzhi po de dag gis sems can thams cad la phan pa dang / bde bar bzhed pa'i byir/ ngal yang dag par chos bstan par bskul ba legs so legs so// de nas de'i tshe bcom ldan 'das kyis tshigs su bcad de bka' stsal pa/ ngani cig ma/ mas can na ca pa sa// sa nga zhin / phyoms sun 'ad sa / @ ro tu smras na/ / ngas kun dgas man pa ma/ dedag so sa pa ba phyi// sa 'das ' dus pa chen po de nyid du zam ze ko'u 'di gyi chos kyi slob dpon gyis lung bstan pa zhes bya ba 'ig yod pa de bram ze'i 'khor brgya stong tshad med pa dag dang lhan cig tu bcom ldan 'das la mchod brgyam nas/ bcom ldan 'das kyis yongs su mya ngan las 'da' bar gshegs pa bkas bshang ba thos pa dang / mchi ma blags te ngus nas mdun du 'phags te/ bcom ldan 'das kyi zhabs la phyug byas nas/ bcom ldan 'das la 'di skad ces gsol to// gal te de bzhin gshegs pa yang dag par sems can rnams la byams pa dang / thugs rje chen po mngar ste/ thugs brtsebs pan 'dogs shing / bde ba thob par mdzad de pa ma lta bur gyur pas/ gzhan de dang mtshungs pa ma mchis pa dang / 'jig rten thams cad kyi mgon dang / skyabs mdzad pas zla ba yongs su rgyas pa ltar gsal zhing rnam par dag par gyur pa dang / mkhyen pa chen po gsal bar mdzad pas/ gdugs dang po shar ba lta bur gyur pa dang / sems can rnams la snyoms par gzigs par mdzad de/ skrag can zin ji lta ba bzhin du thugs brtse ba la mi snyoms pa mi mnga' bzhig lags na/ bcom ldan 'das kyis bdag la sngon lam gcig gnang bar mdzad dugaso/ de nas de'i tshe bcom ldan 'das cang mi gsung bar gyur pa dang / bcom ldan 'das kyi byin gyi rlabs kyi mthus/ 'khor de nyid du li tsa byi gzhon nu sems can thams cad kyis mthong bar dga' ba zhes bya ba zhig 'dug par gyur pa des/ bram ze ko'u 'di n+ya la 'di skad ces smras so// kye bram ze chen po khyod der bcom ldan 'das las smon lam ji lta bu zhig yongs su gnyer bar 'dod/ bdag gis khyod la sbyin par bya'o// bram zes smras pa/ kye gzhon nu bdag ni bla na med pa'i bcom ldan 'das la mchod pa byed 'dod pas/ deng de bzhin gshegs pa las ring/ bsrel yungs 'bru tsam zhig gsol ba 'debs pa yin no// de ci'i phyir zhe na/ bdag gis sngon rigs kyi bu 'am/ rigs kyi bu mo gang la la zhig sangs rgyas kyi ring bsrel yungs 'bru tsam zhig thob nas/ gus pas rim gro dang mchod pa byas na gang zag de sum cu rtsa gsum gyi lha'i nang du skyes nas/ lha'i dbang po brgya byin byed par 'gyur ro zhes thos pas so// de nas gzhon nu des bram ze de la 'di skad ces sbas so/ / gal te sum cu rtsa gsum gyi lhar skyes nas/ rnam par smin pa mchog la longs spyod par 'dod na/ sems rtse gcig tu gser 'od dam pa mchog tu rnam pa rgyal ba mdo sde'i rgyal po mnyan par bya ste/ mdo sde 'di ni mdo sde thams cad kyi nang na mchog tu khyad par du 'phags pa yin pas/ shes par dka' zhing 'jug par dka' bas/ nyan thos dang rang sangs rgyas kyis kyang khong du chud par mi nus so/ / mdo sde 'di ni bsod nams kyi 'bras bu rnam par smin pa tshad med pa bskyed pa nas/ bla na med pa'i byang chub kyi bar du yang mngon par 'grub par byed de/ deng bdag gis khyod la don gyi dngos po mdo tsam zhig bstan pa yin no// bram zes smras pa/ gzhon nu legs so// gser 'od dam pa'i mdo sde 'di ni shin tu zab cing mchog tu gyur pas shes par yang dka' la/ 'jug par yang dka' bas/ nyan thos dang / rang sangs rgyas kyis kyang khong du chud par mi 'gyur na/ bdag cag mtha' 'khob kyi mi smad rims shes pa shin tu phra zhing chung bas rig par mi 'gyur ba lta ci smos te/ ci'i phyir deng bdag gis bcom ldan 'das kyi ring bsrel yungs 'bru tsam yongs su gnyer ba yin te/ rang gi gnas su khyer nas rin po che'i za ma tog gi nang du bcug ste/ gus pas mchod pa dang rim gror byas na tshe 'das pa'i 'og tu brgya byin lha'i dbang po byas nas/ rtag par bde ba myong bar 'gyur na/ khyod kyis deng ci'i phyir/ bdag gi ched du rig pa dang zhabs su ldan pa smon lam 'di gcig gsol ba 'debs par mi byed/ de skad ces spras pa dang / de'i tshe gzhon nu des/ bram ze de la tshigs su bcad de 'di skad ces smras so// gang+gA'i 'bab chu drag po las/ padra dkar po skye 'gyur zhing // 'dzin mo dung ltar gyur pa dang // bya rog dmar por 'gyur ba'ang// gal te 'dzam bu'i ljon shing las// ta la'i 'bras bu chags pa dang / / khardzu ra yi yal ga las// a mra'i lo ma skye 'gyur ba// ya mtshan dngos po 'di dag ni// phan tshun rung bar 'gyur srid kyi// bcom ldan 'das kyi ring bsrel ni// mthar ni nams kyang dmigs mi 'gyur/ / gal te rus sbal spu las ni// gos mchog dam pa rab btags nas// gang tshe bgo bar rung gyur na// bcom ldan ring bsrel btsal bar bya// gal sbrang bu'i rkang pa las/ / khang pa rtsegs ma byas gyur te// rab brtan mi g.yo gyur pa na// bcom ldan ring bsrel btsal bar bya// gal te chu yi dza lu ka/ kha nas so dkar skyes gyur na/ ring che mtshon ltar rno gyur na// bcom ldan ring bsrel btsal bar bya// gal te ri bong rwa thogs nas// them skas rab gtsang mngon bsgrubs te// mtho ris gnas su 'dzeg rung na// bcom ldan ring gasrel btsal bar bya/ / byi bas them skas 'di 'dzegs te// lha ma yin la sngo ba dang // nam mkha'i zla ba sgrib nus na// bcom ldan ring bsrel btsal bar bya// gal te sbrang bur ra nas/ / grong khyer kun tu rab chu zhing // khang khyim rgya cher byas gyur na// bcom ldan ring bsrel btsal bar bya// gal te bong bu'i mchu yi mdog/ bim pa'i 'bras ltar dmar 'gyur zhing // glu gar la ni mkhas gyur na// bcom ldan ring bsrel btsal bar bya// gal te bya rog 'ug pa gnyis// gnas gcig lhan cig rab rtse zhing // de dag phan tshun mdza' gyur na// bcom ldan ring bsrel btsal bar bya/ / gal te pa la'i 'dab ma las// gdugs dang bla re mngon bsgrubs te// char chen skyabs ni byas gyur na// bcom ldan ring bsrel btsal bar bya// gal te/ gru chen thams cad las// nor dang rin chen rab bkang ste// thang bu skam la 'gro nus na// bcom ldan ring bsrel btsal bar bya// gal te sbrang bu lcags phye mchus// spos kyi re bo khyer nas ni/ / dga' dgur 'phur zhing 'gro gyur na// bcom ldan ring bsrel btsal bar bya// de nas de'i tshe bram ze chos kyi slob dpon gyis lung bstan pa tshigs su bcad pa 'di dag thos nas gzhon nu sems can thams cad kyis mthong bar dga' ba la tshigs su bcad de smras pa/ legs so gzhon nu chen po khyod// 'khor 'di kun gyi bkra shis yin// thabs mkhas pa yi sems kyis ni/ / bla med sangs rgyas lung bstan thob// de bzhin gshegs pa'i gzi byin gyis// 'jig rten dag ni skyob mdzad pas// khyod kyis rtse gcig nyon cig dang // deng bdag rims bzhin bshad par bya/ / sangs rgyas spyod yul bsam dka' bas// 'jig rten dag na mtshungs pa med// chos sru ngo bo rtag bzhugs pas// rnam 'byor sgom la khyad par med// sangs rgyas sku kun mtshungs pas na/ / chos gsungs pa yang de bzhin te// sangs rgyas rnams la mdzad mi mnga'// gzod ma nyid nas skye ba med// bcom ldan rdo rje'i sku yin yang // thabs kyis sprul pa'i sku ston pas// de phyir bcom ldan ring bsrel ni// yungs 'bru tsam yang yod ma yin// bcom ldan sha khrag sku min na// ji ltar ring bsrel yod par 'gyur// sems can rnams la phan gdags phyir/ / thabs kyis sku gdung bzhag pa yin// chos sku yang dag sangs rgyas pas// chos dbyings de bzhin gshegs pa yin// yang dag sku ni 'di yin pas// de 'dra'i/ chos ni gsung bar mdzad// de nas 'khor 'dus pa de nyid du/ lha'i bu sum khri nyis stong gis de bzhin gshegs pa'i sku tshe'i tshad shin tu ring bar bstan pa thos pas// thams cad bla na med pa yang dag par rdzogs pa'i byang chub tu sems bskyed nas/ ngo mtshar rmad du byung ba'i dga' ba dang / mgu ba dang / rangs pa theb pas/ thams cad mgrin gcig tu tshigs su bcad de smras pa/ sangs rgyas mya ngan mi 'da' ste// yang dag chos kyang nub mi 'gyur// sems can rnams la phan gdags phyir// mya ngan 'da' bar bstan pa yin// bcom ldan bsam gyis mi khyab cing / / sku mchog tha dad mtshan med kyang // sems can rnams la phan gdags phyir// dkod pa sna tshogs bstan par mdzad// de nas byang chub sems dpa' mdzes pa'i tog gis/ bcom ldan 'das kyi spyan sngar de bzhin gshegs pa bzhi dang / skyes bu chen po de gnyis dang / lha'i bu rnams las de bzhin gshegs pa shAkya thub pa'i sku tshe'i tshad bstan pa mngon sum du thos pas yang 'dug pa'i stan las langs te/ thal mo sbyar nas gus pas bcom ldan 'das la 'di skad ces gsol to// bcom ldan 'das gal te yang dag par 'di ltar de bzhin gshegs pa rnams yongs su mya ngan las mi 'da' zhing / ring bsrel yang mi mnga' ba zhig lags na/ ci'i slad du mdo sde las yongs su mya ngan las 'da' ba dang / sangs rgyas la ring bsrel mnga' bar gsungs shing lha dang mi rnams kyis rim gro dang / bkur sti dang / mchod pa bgyid par 'gyur ba'i ched du/ 'das pa'i sangs rgyas rnams kyis kyang sku gdung mnga' bar bstan cing / 'jig rten na bzhag pas lha dang mi rnams kyis mchod cing rim gro bgyis na/ bsod nams dpag tu ma mchis pa thob par 'gyur ro zhes gsungs la// deng ni ma mchis so/ zhes gsungs pas/ the tsom dang som nyi 'tshal bar gyur na/ bcom ldan 'das bdag cag la thugs brtse bar dgongs te/ rgya cher rnam par dbye bar gsol/ de nas bcom ldan 'das kyis/ byang chub sems dpa' mdzes pa'i tog dang / 'khor mang po rnams la bka' stsal pa/ khyed kyis 'dir shes par bya ste/ yongs su mya ngan las 'da' zhing / ring bsrel yod do zhes gsungs pa ni dgongs pa'i dbang gis gsungs pa yin pas/ 'di ltar de'i don gang yin pa rtse gcig tu nyon cig/ rigs kyi bu byang chub sems dpa' sems dpa' chen po r nams kyis 'di ltar chos rnam pa bcus de bzhin gshegs pa yang dag par rdzogs pa'i sangs rgyas kyi de kho na nyid kyi don gyi tshul gyis mthar phyin pa'i mya ngan las 'das pa chen po yod par gsungs pa gang yin pa shes par 'gyur bar rig par bya'o/ / bcu gang zhe na/ dang po ni de bzhin gshegs pa rnams nyon mongs pa'i sgrib pa dang / shes bya'i sgrib pa ma lus par spangs shing zad par byas pa'i phyir/ yongs su mya ngan las 'das pa zhes bya'o// gnyis pa ni de bzhin gshegs pa rnams sems can ngo bo nyid med pa dang / chos ngo bo nyid med pa legs par thugs su chud pa'i phyir/ yongs su mya ngan las 'das pa zhes bya'o// gsum pa ni lus kyi gnas dang / chos kyi gnas yongs su gyur pa'i phyir/ yongs su mya ngan las 'das pa zhes bya'o// bzhi pa ni sems can rnams la don mdzad pa'i rgyu dang / rkyen rang gi ngang gis zhi bar gyur pa'i phyir/ yongs su mya ngan las 'das pa zhes bya'o// lnga pa ni de kho na nyid kyi mtshan nyid tha dad pa med pa mnyam pa nyid kyi chos kyi sku mngon sum du brna pa'i phyir/ yongs su mya ngan las 'das pa zhes bya'o// drug pa ni 'khor ba dang mya ngan las 'das pa la ngo bo nyid gnyis su med par thugs su chud pa'i phyir/ yongs su mya ngan las 'das pa zhes bya'o// bdun pa ni chos thams cad kyi rtsa ba thugs su chud nas/ rnam par dag pa mngon sum du gyur pa'i phyir/ yongs su mya ngan las 'das pa zhes bya'o// brgyad pa ni chos thams cad la skye ba med cing / 'gag pa med par rnal 'byor legs par bsgom pa'i phyir/ yongs su mya ngan las 'das pa zhes bya'o// dgu pa ni de bzhin nyid dang / chos kyi dbyings dang / yang dag pa'i mtha' mnyam pa nyid kyi yang / dag pa'i ye shes brnyes pa'i phyir/ yongs su mya ngan las 'das pa zhes bya'o// bcu pa ni chos rnams kyi ngo bo nyid dang / mya ngan las 'das pa'i ngo bo nyid la bye brag med pa brnyes pa'i phyir/ yongs su mya ngan las 'das pa zhes bya ste/ rigs kyi bu 'di dag ni yongs su mya ngan las 'das pa yod par bstan pa'i chos rnam pa bcu zhes bya'o// gzhan yang rigs kyi bu byang chub sems dpa' sems dpa' chen po rnams kyis/ 'di ltar yang chos rnam pa bcus de bzhin gshegs pa yang dag par rdzogs pa'i sangs rgyas kyi de kho na nyid kyi don gyis mthar phyin pa'i yongs su mya ngan las 'das pa chen po yod par gsungs pa gang yin pa shes par 'gyur bar rig par bya'o/ / bcu gang zhe na/ dang po ni nyon mongs pa thams cad ni 'dod pas gzhi byas pa yin pas/ 'dod pa las skyes pa yin la/ sangs rgyas bcom ldan 'das rnams ni 'dod pa yongs su bcad pa'i phyir/ yongs su mya ngan las 'das pa zhes bya'o// gnyis pa ni de bzhin gshegs pa rnams nyon mongs pa'i 'dod pa rnams yongs su bcad pas/ chos 'ga' yang len par mi mdzad la/ len par mi mdzad la/ len par mi mdzad pa'i phyir/ gshegs pa yang mi mnga'/ byon pa yang mi mnga' zhing / len pa mi mnga' ba'i phyir yongs su mya ngan las 'das pa zhes bya'o// gsum pa ni 'di ltar gshegs pa dang / byon pa mi mnga' zhing len pa mi mnga' ba gang yin pa de ni chos kyi sku skye ba med cing 'gag pa med pa yin pas/ skye ba dang 'gag pa med pa'i phyir/ yongs su mya ngan las 'das pa zhes bya'o// bzhi pa ni skye ba dang / 'gag pa med pa gang yin pa de ni tshig gis brjod par bya ba ma yin te/ tshig gis lam yongs su chad par gyur pa'i phyir/ yongs su mya ngan las 'das pa zhes bya'o// lnga pa ni bdag dang gang zag med kyi chos tsam 'ba' zhig skye 'gag tu gyur pa'i gnas su gyur pa brnyes pa'i phyir/ yongs su mya ngan las 'das pa zhes bya'o// drug pa ni nyon mongs pa dang / nye ba'i nyon mongs pa gang yin pa de dag thams cad ni glo bur gyi rdul yin la/ chos nyid gang yin pa de ni bdag po yin te/ 'gro ba med cing 'ong ba med par sangs rgyas rnams kyi thugs su chud pa'i phyir/ yongs su mya ngan las 'das pa zhes bya'o/ / bdun pa ni de bzhin nyid gang yin pa de ni yang dag pa yin la/ gzhan thams cad ni yang dag pa ma yin pa yin pas/ yang dag pa'i ngo bo nyid gang yin pa de ni de bzhin nyid yin la/ de bzhin nyid kyi ngo bo nyid gang yin pa de ni de bzhin gshegs pa yin pas/ yongs su mya ngan las 'das pa zhes bya'o// brgyad pa ni yang dag pa'i mtha'i ngo bo nyid gang yin pa de la ni spros pa med de de bzhin gshegs pa nyag gcig gis yang dag pa'i mtha'i chos mngon sum du gyur nas/ spros pa gtan du bcad pas na/ yongs su mya ngan las 'das pa zhes bya'o// dgu pa ni skye ba med pa gang yin pa de ni yang dag pa yin la/ skye ba gang yin pa de ni mi bden pa yin pas/ byis pa blun po rnams 'khor bar bying zhing 'dod pas khyer ba yin na/ de bzhin gshegs pa'i sku la ni yang dag par mi bden pa mi mnga' bas/ yongs su mya ngan las 'das pa zhes bya'o// bcu pa ni yang dag pa'i chos ma yin pa de ni rkyen las byung ba yin la/ yang dag pa'i chos gang yin pa de ni rkyen las byung ba ma yin te/ de bzhin gshegs pa'i chos kyi sku'i ngo bo nyid gang yin pa de ni yang dag pa yin pas/ yongs su mya ngan las 'das pa zhes bya ste/ rigs kyi bu 'di dag ni yongs su mya ngan las 'das pa yod par bstan pa'i chos rnam pa bcu zhes bya'o/ / gzhan yang rigs kyi bu byang chub sems dpa' sems dpa' chen po rnams kyis yang chos rnam pa bcus de bzhin gshegs pa yang dag par rdzogs pa'i sangs rgyas kyi de kho na nyid kyi don gyi tshul gyis mthar phyin pa'i mya ngan las 'das pa chen po yod par gsungs pa gang yin pa shes par 'gyur bar rig par bya'o/ / bcu gang zhe na/ dang po ni de bzhin gshegs pas sbyin pa dang / sbyin pa'i 'bras bu la bdag dang bdag gi ba med par legs par thugs su chud pas/ sbyin pa dang 'bras bu de la log par rtog pa/ gtan du bsal nas zhi bar gyur pa'i phyir/ yongs su mya ngan las 'das pa zhes bya'o// gnyis pa ni de bzhin gshegs pas tshul khrims dang / tshul khrims kyi 'bras bu la bdag dang bdag gi ba med par legs par thugs su chud pas/ tshul khrims dang 'bras bu de la log par rtog pa gtan du bsal nas zhi bar gyur pa'i phyir/ yongs su mya ngan las 'das pa zhes bya'o// gsum pa ni de bzhin gshegs pas bzod pa dang / bzod pa'i 'bras bu la bdag dang bdag gi ba med par legs par thugs su chud pas bzod pa dang 'bras bu de la log par rtog pa gtan du bsal nas/ zhi bar gyur pa'i phyir/ yongs su mya ngan las 'das pa zhes bya'o/ / bzhi pa ni de bzhin gshegs pas brtson 'grub dang / brtson 'grus kyi 'bras bu la bdag dang bdag gi ba med par legs par thugs su chud pas brtson 'grus dang / 'bras bu de la log par rtog pa gtan du bsal nas zhi bar gyur pa'i phyir/ yongs su mya ngan las 'das pa zhes bya'o// lnga pa ni de bzhin gshegs pas bsam gtan dang / bsam gtan gyi 'bras bu la bdag dang bdag gi ba med par legs par thugs su chud pas/ bsam gtan dang / 'bras bu de la log par rtog pa gtan du bsal nas/ zhi bar gyur pa'i phyir/ yongs su mya ngan las 'das pa zhes bya'o/ / drug pa ni de bzhin gshegs pas shes rab dang / shes rab kyi 'bras bu la bdag dang bdag gi ba med par legs par thugs su chud pas/ shes rab dang / 'bras bu de la log par rtog pa gtan du bsal nas zhi bar gyur pa'i phyir/ yongs su mya ngan las 'das pa zhes bya'o// bdun pa ni de bzhin gshegs pas sems can dang / sems can ma yin pa thams cad dang / chos thams cad la ngo bo nyid med par legs par thugs su chud pas/ log par rtog pa gtan du bsal nas zhi bar gyur pa'i phyir/ yongs su mya ngan las 'das pa zhes bya'o// brgyad pa ni gang gis bdag nyid la sred cing mngon par zhen pa des ni yongs su tshol bar byed la/ yongs su tshol ba'i phyir ni sdug bsngal mang po myong bar gyur pa yin na/ de bzhin gshegs pa rnams ni bdag nyid la sred pa spang ba'i phyir/ yongs su tshol ba gtan du bcad de/ yongs su tshol ba mi mnga' ba'i phyir/ yongs su mya ngan las 'das pa zhes bya'o// dgu pa ni 'dus byas kyi chos thams cad ni grangs dang tshad yod pa yin la/ 'dus ma byas kyi chos gang yin pa de ni/ grangs dang tshad spangs pa yin te/ de bzhin gshegs pa ni 'dus byas spangs shing / 'dus ma byas kyi chos mngon du mdzad pas grangs dang tshad mi mnga' ba'i phyir/ yod su mya ngan las 'das pa zhes bya'o/ / bcu pa ni de bzhin gshegs pas sems can dang / chos kyi ngo bo nyid thams cad stong zhing / stong pa nyid las grang na stong pa'i ngo bo nyid yod pa ma yin pa gang yin pa de ni la yang dag pa'i chos kyi sku yin par thugs su chud pa'i phyir yongs su mya ngan las 'das pa zhes bya ste/ rigs kyi bu 'di dag ni mya ngan las 'das pa yod par bstan pa'i chos rnam pa bcu zhes bya'o/ / gzhan yang rigs kyi bu de bzhin gshegs pa yongs su mya ngan las mi 'das pa gang yin pa de yang / ci ngo mtshar rmad du byung ba yin nam/ gzhan yang ngo mtshar gyi chos rnam pa bcu dang ldan pa gang yin pa de ni/ de bzhin gshegs pa'i mdzad pa yin te/ bcu gang zhe na/ 'khor ba ni nye dmig dang bcu pa yin la/ mya ngan las 'das pa ni nye bar zhi ba yin yang / 'khor ba dang mya ngan las 'das pa mnyam pa nyid du mkhyen pa'i phyir/ 'khor bar mi gnas par yang mi 'gyur la/ mya ngan las 'das pa la gnas par yang mi mdzad pas sems can rnams la yongs su skyo ba mi skyed pa gang yin pa de ni/ de bzhin gshegs pa'i mdzad pa zhes bya'o// de bzhin gshegs pa ni sems can rnams la 'di snyam du byis pa so so'i skye bo 'di dag ni phyin ci log gi lta ba spyod pas/ nyon mongs pa rnam kyis dkris shing nyon mongs par gyur par/ ngas deng rnam par phye ste khong du chud par byas nas/ rnam par thar par bya'o snyam du mi dgongs mod kyi/ 'on kyang sngon gyi byams pa'i dge ba'i rtsa ba'i mthus sems can de dag gi dbang po dang / rang bzhin dang / bsam pa dang / mos pa ji ltar bzhin du rnam par rtog pa mi skyed par yang / rang gi ngang gis yongs su sgrol bar mdzad cing / phyi ma'i mthar/ thug pa'i bar du yang dag pa'i bstan pa bshad nas/ phan 'dogs shing dga' bar mdzad pa la/ mthar thug pa med pa gang yin pa de ni/ de bzhin gshegs pa'i mdzad pa zhes bya'o// de bzhin gsheg pa la ngas deng gsung rab yan lag bcu gnyis bstan nas/ sems can la phan gdags par bya'o snyam pa'i dgongs pa mi mnga' mod kyi/ 'on kyang sngon gyi byams pa'i dge ba'i rtsa ba'i mthus/ phyi ma'i mthar thug pa'i bar du sems can de dag la rgya cher bstan pa mdzad pa la/ mthar thug pa med pa gang yin pa de ni/ de bzhin gshegs pa'i mdzad pa zhes bya'o// de bzhin gshegs pa la ngas dang grong khyer dang / grong rdal de dag tu song ste/ rgyal po dang / blon po chen po dang / bram ze dang / rgyal rigs dang / dmangs rigs la sogs pa'i pho brang dang / khyim dag tu bsod snyoms bslang bar bya'o/ snyam pa'i dgongs pa mi mnga' mod kyi/ 'on kyang sngon sku dang / gsung dang / thugs kyi spyod pa goms par gyur pa'i mthus/ rang gi ngang gis de dag tu gshegs nas/ phan pa'i dngos po mdzad cing bsod snyoms slong ba gang yin pa de ni/ de bzhin gshegs pa'i mdzad pa zhes bya'o// de bzhin gshegs pa'i sku la bkres pa dang / skom pa dang / bshang gci dang / nyam chung ba'i mtshan ma yang mi mang la/ bsod snyoms slong bar mdzad kyang bshos gsol ba mi mnga' zhing / rnam par rtog pa yang mi mnga' mod kyi/ 'on kyang rang gi ngang gis sems can la phan gdags pa'i phyir/ bshos / gsol ba mnga' ba'i mtshan ma ston pa gang yin pa de ni/ de bzhin gshegs pa'i mdzad pa zhes bya'o// de bzhin gshegs pa la sems can mang po 'di dag la rab dang / 'bring dang tha ma yod pa de dag gi dbang po dang rang bzhin ji lta ba bzhin du chos bstan par bya'o snyam pa'i dgongs pa mi mnga' mod kyi/ 'on kyang sangs rgyas bcom ldan 'das rnam par rtog pa mi mnga' bar yang de dag gi snod dang / dbang po'i rkyen ji lta ba bzhin du shin tu 'tsham par de dag la chos ston par mdzad pa gang yin pa de dag ni/ de bzhin gshegs pa'i mdzad pa zhes bya'o// de bzhin gshegs pa la sems can 'di dag ni nga la bkur sti dang / rim gro mi byed cing rtag par nga la smod pa'i tshig 'byin par byed pas/ de dag dang lhan cig tu gtam smra bar mi bya'o// sems can 'di dag ni nga la bkur sti dang / rim gro byed cing rtag par nga'i bsngags pa rjod par byed pas/ ngas de dag dang lhan cig tu gtam smra bar bya'o snyam pa'i dgongs pa mi mnga' mod kyi/ 'on kyang de bzhin gshegs pas byams pa dang thug rje'i dgongs pa mnyam pa bskyed nas/ gnyis su med par gyur pa gang yin pa de ni/ de bzhin gshegs pa'i mdzad pa zhes bya'o// de bzhin gshegs pa rnams la byams sdang dang / nga rgyal dang / 'dod pa dang / ser sna dang / nyon mongs pa rnams mi mnga' mod kyi/ 'on kyang de bzhin gshegs pa rtag par rab tu dben pa la dgyes shing 'dod pa chung ba dang / 'du 'dzi spangs pa la bsngag pa brjod par mdzad pa gang yin pa de ni/ de bzhin gshegs pa'i mdzad pa zhes bya'o// de bzhin gshegs pa ni chos gcig tsam yang mi mkhyen pa 'am/ legs par thugs su ma chud pa mi mnga' bas thams cad du me long lta bu'i ye shes mngon sum du gyur cing / rnam par rtog pa mi mnga' mod kyi/ 'on kyang de bzhin gshegs pas sems can de dag gi las kyi dngos po mngon par 'du byed pa gzig nas/ de dag gi yid dang 'thun par 'jug cing / thabs mkhyen pas drangs te/ nges par 'byung ba thob par mdzad pa gang yin pa de ni de bzhin gshegs pa'i mdzad pa zhes bya'o// de bzhin gsheg pa la ni gal te sems can kha cig longs spyod dang ldan par gyur pa gzigs na yang dgyes pa skye bar mi 'gyur la/ de dag rgud cing 'phongs par gyur la gzigs na yang yongs su gdung ba skye bar mi 'gyur mod kyi/ 'on kyang de bzhin gshegs pas sems can de dag yang dag pa'i spyod pa mngon par bsgrub pa gzigs par gyur na/ thogs pa mi mnga' ba'i thugs rje chen pos rang gi ngang gis yongs su skyob cing sdud par mdzad pa dang / gal te sems can de dag log pa'i spyod pa mngon par bsgrub pa gzigs par gyur na/ thogs pa snanga' ba'i thugs rje chen pos rang gi ngang gis yongs su skyob cing sdud par mdzad pa gang yin pa de ni/ de bzhin gshegs pa'i mdzad pa zhes bya'o// rigs kyi bu de ltar na de bzhin gshegs pa yang dag par rdzogs pa'i sangs rgyas ni de lta bu'i yang dag pa'i mdzad pa dpag tu med pa mnga' bar ston pa yin par rig par bya zhing / khyed kyis 'di dag ni yongs su mya ngan las 'das pa'i yang dag pa'i mtshan nyid yin par rig par bya'o// res 'ga' yongs sum ngan las 'das pa yod par mthong ba gang yin pa de yang / thabs mkhyen pas bstan pa yin la/ ring bsrel bzhag nas sems can rnams kyis bkur sti dang / rim gro byas te mchod pa byed par 'gyur ba yang de bzhin gshegs pa'i byams pa'i dge ba'i rtsa ba'i mthu las gyur pa yin pas gang gis mchod pa byas pa de dag ma 'ongs pa'i dus na/ mi khom pa brgyad dang bral zhing de bzhin gshegs pa rnams la bsnyen/ bkur byed pa dang / dge ba'i bshes gnyen dang phrad nas/ dge ba'i sems stor bar mi 'gyur ba dang / bsod nams kyi rnam par smin pa dpag tu med pa dang ldan zhing myur du nges par byung nas/ 'khor ba dag gis blags shing 'ching bar mi 'gyur bas/ 'di lta bu'i spyod pa gya nom pa gang yin pa de/ khyod kyis nan tan gyis bsgrub par bya zhing / bag med par mi bya'o// de nas byang chub sems dpa' mdzes pa'i tog gis/ bcom ldan 'das la mngon sum du yongs su mya ngan las mi 'da' ba dang / shin tu zab pa'i mdzad pa bkas bshad pa thos nas/ gus pas thal mo sbyar nas 'di skad ces bas ni deng gdod de bzhin gshegs pa ston pa chen po yongs su mya ngan las mi 'da' ba dang / ring bsrel bzhag pa yang sems can rnams la sman par bgyi ba lags par khong du chud pas lus dang sems dga' mgu rangs shing ngo mtshar rmad du gyur to zhes gsol to/ / de bzhin gshegs pa'i sku tshe'i tshad bstan pa'i le'u 'di bstan pa na/ sems can tshad med grangs med dpag tu med pa snyed mi mnyam pa dang mnyam pa'i bla na med pa yang dag par rdzogs pa'i byang chub tu sems bskyed par 'gyur to/ / de bzhin gshegs pa bzhi po yang de nyid du mi snang bar gyur to// byang chub sems dpa' mdzad pa'i tog kyang / bcom ldan 'das kyi zhabs la phyag byas nas/ 'dug pa'i stan las langs te/ slar sngon gyi gnas su song ngo // gser 'od dam pa mchog tu rnam par rgyal ba'i mdo sde'i rgyal po las/ de bzhin gshegs pa'i sku tshe'i tshad bstan pa'i le'u ste gnyis pa'o/ / // gser 'od dam pa mchog tu rnam par rgyal ba'i mdo sde'i rgyal po'i mdo// bam po gnyis pa// / de nas byang chub sems dpa' sems dpa' chen po nam mkha'i snying po 'khor mang po'i nang na 'dug pa stan las langs te/ bla gos phrag pa gcig la gzar nas/ pus mo g.yas pa'i lhang sa la gtsugs te/ gus pas thal mo sbyar nas bcom ldan 'das kyi zhabs la mgo bos phyag byas te/ gser dang / rin po che'i me tog dang / rin po che'i rgyal mtshan dang / ba dan dang / gdugs mchog dam pas mchod par byas nas/ bcom ldan 'das la 'di skad ces gsol to// bcom ldan 'das byang chub sems dpa' sems dpa' chen pos/ ji ltar de bzhin gshegs pa rnams kyi shin tu zab pa'i gsang ba dgal chos bzhin du mngon par sgrub par bgyi lags/ bcom ldan 'das kyis bka' stsal pa/ rigs kyi bu legs par nyon la shin tu yid la zung zhig dang / ngas khyod la rnam par phye ste bstan par bya'o// rigs kyi bu de bzhin gshegs pa thams cad la sku rnam pa gsum mnga' ste/ gsum gang zhe na/ sprul pa'i sku dang / longs spyod rdzogs pa'i sku dang / chos kyi sku gang yin pa'o// 'di ltar rnam pa gsum po 'di dag gis ni/ bla na med pa yang dag par rdzogs pa'i byang chub phun sum tshogs pa yongs su sdud par byed de/ gang gis yang dag par rtogs shing / khong du chud par gyur na/ myur du 'khor ba las nges par 'byung bar 'gyur ro// byang chub sems dpas ji ltar sprul pa'i sku khong du chud par bya zhe na/ rigs kyi bu de bzhin gshegs pa ni sngon smod/ pa'i sa la gnas pa na/ sems can thams cad kyi ched du chos rnam pa sna tshogs mngon par bsgrubs so// de ltar mngon par bsgrubs pa yang rnal 'byor yongs su rdzogs pa'i bar du mngon par bsgrubs pas rnal 'byor bsgoms pa'i stobs kyis ni mnga' chen po brnyes la/ mnga' chen po brnyes pa'i mthus ni sems can gyi bsam pa ji lta ba dang / sems can gyi spyod pa ji lta ba dang / sems can gyi khams ji lta/ bzhin du thams cad thugs su chud pas/ dus la yang mi gzhes shing / dus dang gnas las kyang yol bar mi mdzad pas/ dus dang 'thun zhing spyod pa dang mthun par rjes su 'thun pa'i chos ston pa dang / sku rnam pa sna tshogs ston pa gang yin pa de ni sprul pa'i sku zhes bya'o/ / rigs kyi bu byang chub sems dpas ji ltar longs spyod rdzogs pa'i sku khong du chud par bya zhe na/ 'di ltar de bzhir gshegs pa rnams byang chub sems dpa' rnams kyis mngon par rtog pa thob par bya ba'i phyir dang / don dam pa'i bden pa bstan nas 'khor bdab/ mya ngan las 'das pa ro gcig pa nyid du shes par bya ba'i phyir dang / 'jig tshegs la lta ba yongs su bsal nas/ 'jigs shing skrag pa dang / rab tu dga' ba bskyed pa'i phyir dang / sangs rgyas kyi chos mtha' med pa'i gzhi mdzad pa'i phyir dang / yang dag pa ji lta ba bzhin du de bzhin nyid dang / de bzhin nyid kyi ye shes dang / sngon gyi smon lam gyi stobs dang rjes su 'thun par mdzad pa'i phyir/ sku gang gis mtshan sum cu rtsa gnyis dang / dpe byad bzang po brgyad tsA pan sum tshogs pa dang / dbu dang rgyab kyi 'od yong su rdzogs pa ston pa gang yin pa de ni longs spyod rdzogs pa'i sku zhes bya'o/ / rigs kyi bu byang chub sems dpa' sems dpa' chen pos ji ltar mes kyi sku khang du chud par bzhan/ nyen mongs pa'i sgrib pa la sogs pa yongs su gsal nas/ dge ba'i chos rnams yongs su rdzogs par gyur pa'i phyir/ de bzhin nyid dang de bzhin nyid kyi ye shes kho na dang ldan par gyur pa gang yin pa de ni// chos kyi sku zhes bya'o// sku snga ma rnam pa gnyis ni btags pa tsam du yod pa yin la/ sku gsum pa 'di ni yang dag par yod pa yin te/ sku snga ma gnyis kyi rtsa bar gyur pa'i phyir ro// de ci'i phyir zhe na/ chos kyi de bzhin nyid dang / rnam par mi rtog pa'i ye shes las ma gtogs par sangs rgyas thams cad la gud na ches gzhan mi mnga' ste/ sangs rgyas thams cad ni mkhyen pa phun sum tshogs par gyur na/ nyon mongs pa thams cad gtan du nye bar zhi zhing zad nas sangs rgyas kyi rnam par dag pa brnyes par 'gyur bas/ de'i phyir chos kyi de bzhin nyid dang / de bzhin nyid kyi ye shes kyi sangs rgyas kyis ni sangs rgyas kyi chos thams cad yongs su sdud par 'gyur ro/ / gzhan yang rigs kyi bu sangs rgyas thams cad ni bdag dang gzhan la phan 'dogs pa'i mthar byon pa yin pas/ bdag la phan 'dogs pa ni chos kyi de bzhin nyid do/ / gzhan la phan 'dogs pa ni de bzhin nyid kyi ye shes so// bdag dang gzhan la phan 'dogs par mdzad pa la mnga' brnyes nas/ mdzad pa mtha' yas pa rnam pa sna tshogs yongs su rdzogs par gyur pa'i phyir/ de lta bas na sangs rgyas kyi chos thams cad bye brag tha dad pa rnam pa sna tshogs tshad med cing mtha' med pa snyed yod par rnam par phye ba yin no// rigs kyi bu 'di lta ste dper na/ yang dag pa ma yin pa'i rnam par rtog pa la brten nas/ nyon mongs pa rnam pa sna tshogs dang / las kyi rgyu rnam pa sna tshogs dang / 'bras bu rnam par smin pa rnam pa sna tshogs bstan pa de bzhin du chos kyi de bzhin nyid dang / de bzhin nyid kyi ye shes la brtan nas kyang / sangs rgyas kyi chos rnam pa sna tshogs dang / rang sangs rgyas kyi chos rnam pa sna tshogs dang / nyan thos kyi chos rnam pa sna tshogs ston par mdzad do/ / chos kyi de bzhin nyid dang / de bzhin nyid kyi ye shes la brten nas/ sangs rgyas kyi chos thams cad la rang dbang thob nas/ phun sum tshogs par 'gyur bas/ 'di ni mchog tu bsam gyis mi khyab pa zhes bya'o// 'di lta ste/ dper na nam mkha' la ri mo bris te rgyan du byed pa gang yin pa de ni bsam gyis mi khyab pa yin no// de bzhin du chos kyi de bzhin nyid dang / de bzhin nyid kyi ye shes la brten nas/ sangs rgyas kyi chos yongs su rdzogs par byed pa yang bsam gyis mi khyab pa yin no// rigs kyi bu ji ltar na chos kyi de bzhin nyid dang / de bzhin nyid kyi ye shes gnyis la rnam par rnam par rtog pa mi mnga' bar yang / rang gi ngang gis mdzad pa'i dngos po dag phun sum tshogs par 'gyur zhe na/ rigs kyi bu 'di lta ste dper na/ de bzhin gshegs pa yongs su mya ngan las 'da' bar smon lam la mnga' brnyes pa'i phyir/ mdzad pa'i dngos po rnam pa sna tshogs phun sum tshogs par 'gyur ba de bzhin du chos kyi de bzhin nyid dang / de bzhin nyid kyi ye shes mdzad pa'i dngos po de dag yongs su grub pa la mnga' brnyes pa yang de bzhin no/ / gzhan yang byang chub sems dpa' sems dpa' chen po rnams sems med pa'i ting nge 'dzin la snyoms par 'jug kyang / sngon gyi smon lam la brten nas ting nge 'dzin las langs te/ bya ba mang po rnams la mngon par 'du byed do// de bzhin du chos gnyis po dag la rnam par rtog pa mi mnga' yang / rang gi ngang gis mdzad pa dag yongs su rdzogs par 'gyur ro/ / rigs kyi bu 'di lta ste dper na/ nyi ma dang zla ba la yang rnam par rtog pa med do// chu dang me long la yang rnam par rtog pa med/ 'od snang ba la yang rnam par rtog pa med mod kyi/ 'on kyang gsum 'dus pa las gzugs brnyan 'byung bar 'gyur ro// de bzhin du chos kyi de bzhin nyid dang / de bzhin nyid kyi ye shes la yang rnam par rtog pa mi mnga' mod kyi/ 'on kyang smon lam la mnga' brnyes pa'i phyir sems can skal ba dang ldan pa rnams la longs spyod rdzogs pa dang / sprul pa'i sku nyi zla'i gzugs brnyan 'dus pa las snang ba bzhin du ston par mdzad do/ / gzhan yang rigs kyi bu 'di lta ste dper na/ tshad med dpag tu med pa'i chu dang me long dag 'od snang ba la brten pa'i phyir/ nam mkha' la gzugs brnyan mtshan ma tha dad pa rnam pa sna tshogs ston par byed kyang / nam mkha' ni mtshan ma med pa du sleng ma rnams 'dul ba gang yin pa de ni chos kyi sku'i gzugs brnyan yin te/ smon lam gyi mthus sku rnam pa gnyis las mtshan ma rnam pa sna tshogs snang yang / ma pa'i mtshan ma mi mnga' 'o// rigs kyi bu sku gnyis po de dag la brten nas ni sangs rgyas thams cad kyis lhag ma dang bcas pa'i mya ngan las 'das pa bstan to/ / chos kyi sku de la brten nas ni lhag ma med pa'i mya ngan las 'das pa bstan to// de ci'i phyir zhe na/ chos gzhan thams cad ni mthar zad par 'gyur ba'i phyir ro/ / sku gsum po 'di dag la brten nas ni sangs rgyas thams cad kyis mi gnas pa'i mya ngan las 'das pa bstan to// sku gnyis kyi phyir ni mya ngan las 'das pa la migan/ te/ chos kyi sku las gud na yang sangs rgyas gzhan med pas so// ci'i phyir sku gnyis mya ngan las 'das pa la mi gnas she na/ sku gnyis po de dag ni btags pa tsam ste/ yang dag pa ma yin pas skad cig mar skye zhing 'gag pa dang bcas pas de'i phyir dang / yang dang yang du 'byung zhing nges pa med pa'i phyir ro// chos kyi sku ni de lta ma yin pas/ de'i phyir sku gnyis po mya ngan las 'das pa la mi gnas so/ / chos kyi sku ni gnyis su med pas de'i phyir mya ngan las 'das pa la mi gnas te/ de lta bas na sku gsum po dag la brten nas mi gnas pa'i mya ngan las 'das pa bstan pa yin no// rig kyi bu so so'i skye bo thams cad ni mtshan nyid gsum dang ldan pa'i phyir/ 'ching ba dang bcas shing sgrib pa dang bcas pas/ sku gsum po dag thag ring du spyod zhing / sku gsum po dag dang nye bar mi 'gyur ro// su gang zhe na/ kun tu brtags pa'i mtshan nyid dang / gzhan gyi dbang las byung ba'i mtshan nyid dang / yongs su grub pa'i mtshan nyid do// 'di ltar mtshan nyid 'di dag ma shes pa'i phyir dang / zhi bar ma gyur pa'i phyir dang / yongs su ma dag pa'i phyir te/ de lta bas na sku gsum po dag dang nye bar ma gyur pa yin no// 'di ltar mtshan nyid gsum po 'di dag shes shing nye bar zhi ba dang / yongs su dag par gyur pa'i phyir/ de lta bas na sangs rgyas bcom ldan 'das rnams sku gsum dang ldan par gyur pa yin no// rigs kyi bu byis pa so so'i skye bo rnams ni sems rnam pa gsum po 'di dag ma spangs pa'i phyir/ sku gsum po dag thag ring du spangs nas/ nye bar mi 'gyur ba yin no// gsum gang zhe na/ bya ba slong ba'i sems dang / rtsa ba la rten pa'i sems dang / rtsa ba'i sems gang yin pa'o// thul bar byed pa'i lam rnams la brten nas ni/ bya ba slong ba'i sems zad par 'gyur ro// chos kyis spong ba'i lam la brten nas ni/ rtsa ba la brten pa'i sems zad par 'gyur ro// mchog tu gyur pa'i lam la brten nas ni/ rtsa ba'i sems zad par 'gyur ro// bya ba slong ba'i sems nye bar zhi bar gyur pa'i phyir ni sprul pa'i sku ston par 'gyur ro// rtsa ba la brten pa'i sems nye bar zhi bar gyur pa'i phyir ni/ longs spyod rdzogs pa'i sku ston par 'gyur ro// rtsa ba'i sems nye bar zhi bar gyur pa'i phyir ni chos kyi sku thob par 'gyur bas/ de'i phyir de bzhin gshegs pa thams cad sku gsum dang ldan par gyur pa yin no/ / rigs kyi bu sangs rgyas thams cad ni sku dang po'i dbang gis sangs rgyas rnams dang mdzad pa mtshungs pa dang / sku gnyis pa'i dbang gis sangs rgyas rnams dang dgongs pa mtshungs pa dang / sku gsum pa'i dbang gis sangs rgyas rnams dang sku mtshungs par gyur pa yin no// rigs kyi bu sangs rgyas rnams kyi sku dang po gang yin pa de ni/ sems can gyi mos pa'i rjes su rnam pa mang po dang ldan pa'i phyir/ mtshan nyid sna tshogs ston par mdzad pas/ de'i phyir mang bar bstan pa yin no// sangs rgyas kyi sku gnyis pa gang yin pa de ni/ slob ma rnams yid gcig tu gyur pa'i phyir/ mtshan nyid ga kho na ston par mdzad pas/ de'i phyir gcig tu bstan pa yin no// sangs rgyas kyi sku gsum pa gang yin pa de ni/ mtshan ma gnyis kyi rnam pa thams cad kun tu khyab cing / mtshan nyid du 'dzin pa'i spyod yul ma yin pas/ de'i phyir gcig pa yang ma yin/ tha dad pa yang ma yin pa zhes bstan to// rigs kyi bu sku dang po gang yin pa de ni longs spyod rdzogs pa'i sku la brten nas rab tu snang bar 'gyur ro// sku gnyis pa gang yin pa de ni chos kyi sku la brten nas snang bar 'gyur ro// chos kyi sku gang yin pa de ni yang dag par yod pa ma yin pas/ brten pa'i gnas ci yang mi mnga' 'o// rigs kyi bu 'di ltar chos gsum po de dag ni rtag pa'i don dang ldan pa'i phyir ni rtag pa zhes bstan la/ mi rtag pa'i don dang ldan pa'i phyir ni mi rtag pa zhes bstan te/ sprul pa'i sku gang yin pa de ni rtag par chos kyi 'khor lo bskor zhing / de dang de dag tu rkyen ji lta ba bzhin du thabs mkhas pa ston pa la rgyun 'chad pa med pa'i phyir/ de lta bas na rtag pa zhes bstan to// rtsa ba ma yin pa'i phyir dang / phun sum tshogs pa'i mdzad pa chen po mngon du mi 'byung ba'i phyir/ de lta bas na mi rtag pa zhes bstan to// longs spyod rdzogs pa'i sku gang yin pa de ni thog ma med pa'i dus nas rgyun 'chad pa med par sangs rgyas thams cad kyi ma 'dres pa'i chos rnams yongs su sdud cing 'dzin pa'i phyir dang / sems can zad pa med bzhin du mdzad pa la yang zad pa mi mnga' ba'i phyir rtag pa zhes bstan to/ / rtsa ba ma yin pa'i phyir dang / phun sum tshogs pa'i mdzad pa chen po mngon du mi 'byung ba'i phyir mi rtag pa zhes bstan to// chos kyi sku gang yin pa de ni mngon par 'du byed pa'i chos kyang ma yin la/ tha dad pa'i mtshan nyid mi mnga' zhing rtsa ba yin par gyur pa'i phyir dang / nam mkha' dang mtshungs par gyur pa'i phyir rtag pa zhes bstan to// rigs kyi bu rnam par mi rtog pa'i ye shes las gud nas mchog tu gyur pa'i ye shes med la/ chos kyi de bzhin nyid las gud na yang mchog tu gyur pa'i spyod yul med pas/ chos kyi de bzhin nyid gang yin pa de dang / shes rab kyi de bzhin nyid gang yin pa'i de bzhin nyid rnam pa gnyis po gang yin pa de ni de bzhin nyid gcig pa yang ma yin/ tha dad pa yang ma yin te/ de'i phyir chos kyi sku ni shes rab rnam par dag par gyur pa'i phyir dang / 'gog pa'i rnam par dag par gyur pa'i phyir/ gnyis rnam par dag par gyur pa yin pas/ des na chos kyi sku ni rnam par dag pa phun sum tshogs par gyur pa yin no// gzhan yang rigs kyi bu sku gsum po dag rab tu rnam par dbyen/ tha dad pa rnam pa bzhir 'gyur te/ sprul pa'i sku yin la/ longs spyod rdzogs pa'i sku ma yin pa yang yod/ longs spyod rdzogs pa'i sku yin la/ sprul pa'i sku ma yin pa yang yod/ sprul pa'i sku yin la longs spyod rdzogs pa'i sku yin pa yang yod/ sprul pa'i sku yang ma yin la/ longs spyod rdzogs pa'i sku yang ma yin pa yang yod do// sprul pa'i sku yin la/ longs spyod rdzogs pa'i sku ma yin pa gang zhe na/ 'di lta ste/ de bzhin gshegs pa rnams yongs su mya ngan las 'das pa'i 'og tu/ smon lam la mnga' brnyes pa'i phyir/ rkyen ji lta ba bzhin du phan 'dogs pa gang yin pa de ni sprul pa'i sku zhes bya'o/ / longs spyod rdzogs pa'i sku yin la sprul pa'i sku ma yin pa gang zhe na/ sa'i mdun rol gyi sku gang yin pa'o// sprul pa'i sku yang yin la/ longs spyod rdzogs pa'i sku yang yin pa gang zhe na/ 'di lta ste/ lhag ma dang bcas pa'i mya ngan las 'das pa la gnas pa'i sku gang yin pa'o// sprul pa'i sku yang ma yin la/ longs spyod rdzogs pa'i sku yang ma yin pa gang zhe na/ 'di lta ste/ chos kyi sku gang yin pa'o/ / rigs kyi bu chos kyi sku gang yin pa de ni gnyis su med pas rab tu phye ba'i phyir ro// gnyis su med pa zhes bya ba gang zhe na/ chos kyi sku de la mtshan nyid dang / mtshan nyid kyi gnas zhes bya ba gnyis ka med pas yod pa yang ma yin/ med pa yang ma yin/ gcig pa yang ma yin/ tha dad pa yang ma yin/ grangs kyang ma yin/ grangs ma yin pa yang ma yin/ snang ba yang ma yin/ mun pa yang ma yin te/ de lta bu'i de bzhin nyid kyi ye shes des ni mtshan nyid dang / mtshan nyid kyi gnas kyang mi gzigs/ yod pa yang ma yin/ med pa ma yin pa yang mi gzigs/ gcig pa yang ma yin// / tha dad pa ma yin pa yang mi gzigs/ grangs kyang ma yin/ grangs ma yin pa yang mi gzigs/ snang ba yang ma yin/ mun pa yang ma yin pa yang mi gzigs pas/ de'i phyir spyod yul rnam par dag pa dag dang / shes rab rnam par dag pa la rnam par rtag tu yang mi rung la/ bar zhes bya ba med kyang 'gog pa dang lam gyi gzhi byed pa'i phyir/ chos kyi sku 'di la de bzhin gsheg pa'i mdzad pa rnam pa sna tshogs snang bar 'gyur bar rig par bya'o/ / rigs kyi bu sku 'di'i rgyu dang / rkyen dang / spyod yul dang / gnas dang / 'bras bu dang / rtsa ba dpag par dka' ba'i phyir gang gis khongs su chud par gyur na/ sku de nyid theg pa chen po'o// de bzhin gshegs pa'i rang bzhin no// de bzhin gshegs pa'i snying po'o// sku 'di nyid la brten nas dang po bskyed pa'i sems kyang thob par 'gyur ro/ / rnal 'byor bsgoms pa'i sa de'i sems kyang rab tu snang bar 'gyur ro// phyir mi ldog pa'i sa pa'i sems kyang rab tu snang bar 'gyur ro// tshe gcig gis thogs pa'i sems dang / rdo rje'i sems dang / de bzhin gshegs pa'i sems kyang rab tu snang bar 'gyur ro// de bzhin gshegs pa'i chos gya nom pa tshad med cing mtha' med pa thams cad kyang rab tu snang bar 'gyur ro// chos kyi sku 'di la brten nas bsam gyis mi khyab pa'i ting nge 'dzin chen po rnams kyang rab tu snang bar 'gyur ro/ / chos kyi sku 'di la brten nas ye shes chen po thams cad rab tu snang bar 'gyur bas/ de'i phyir sku gnyis po 'di dag ni ting nge 'dzin dang / shes rab la brten nas mngon du snang bar 'gyur ro// chos kyi sku 'di lta bu 'di ni rang gi ngo bo nyid la gnas pas/ rtag pa zhes kyang bstan to// nga zhes kyang bstan/ to// ting nge 'dzin chen po la gnas pa'i phyir skyed pa zhes kyang bstan to// ye shes chen po la gnas pa'i phyir yongs su gtsang ba zhes kyang bstan te/ de lta bas na de bzhin gshegs pa ni rtag par bzhug pa dang / mnga' dbang brnyes pa dang / bde skyid pa dang / yongs su gtsang bar 'gyur ba yin no// ting nge 'dzin chen po la brten nas dpa' bar 'gro ba'i ting nge 'dzin la sogs pa ting nge 'dzin thams cad dang / chos dran pa chen po la sogs pa dran pa nye bar gzhag pa thams cad dang / byams pa chen po dang / thugs rje chen po dang / gzungs thams cad dang / mngon par shes pa thams cad dang / dbang thams cad dang / chos mnyam pa thams cad yang dag par sdud cing de lta bu'i sangs rgyas kyi tshe thams cad kyang mngon du 'byung bar 'gyur ro// ye shes chen po 'di la brten nas stobs bcu dang / bsnyengs pa mi mnga' ba bzhi dang / so so yang dag par rig pa bzhi dang / ma 'dres pa chos brgya brgyad cu dang / ngo mtshar rmad du byung ba'i chos bsam gyis mi khyab pa thams cad kyang rab tu snang bar 'gyur ro// 'di lta ste/ dper na yid bzhin gyi nor bu rin po che la brten nas kyang / rin po che tshad med cing mtha' med pa rnam pa sna tshogs snang bar 'gyur ba de bzhin du/ ting nge 'dzin chen po'i rin po che dang shes rab chen po'i rin po che la brten nas kyang / sangs rgyas kyi chos gya nom pa tshad med cing mtha' med pa sna tshogs mngon du 'byung bar 'gyur ro// rigs kyi bu de lta bu'i chos kyi sku'i ting nge 'dzin dang / shes rab gang yin pa de ni mtshan ma thams cad las yang dag par 'das shing / mtshan ma la mngon par zhen par mi 'gyur bas/ rnam par rtag tu mi rung la/ rtag pa yang ma yin/ chad pa yang ma yin pas dbu ma'i lam zhes bya'o// rnam par rtog pa mnga' yang ngo bo nyid la rnam par rtog pa mi mnga' 'o// gsum du bgrang ba yod kyang ngo bo nyid la gsum du 'gyur ba med pas 'phel ba yang med/ 'grib pa yang med de/ rmi lam dang sgyu ma lta bur gzung ba med/ 'dzin pa yang med pas/ chos kyi sku'i de bzhin nyid rnam par grol ba'i gnas 'chi bad/ gi rgyal po'i yul las yang dag par 'das pa/ skye shi'i mun pa las mngon par 'phags pa sems can thams cad kyis bsgrub par mi nus shing / bgrod par mi nus pa/ sangs rgyas dang byang chub sems dpa' rnams kyi bzhugs pa'i gnas su gyur pa'o/ / rigs kyi bu 'di lta ste/ dper na mi zhig gser 'dod pas de dang de dag tu gser gyi rdo yongs su btsal ba las/ gser gyi rdo de rnyed nas zhib mor btags te/ snying po gang yin pa blangs nas/ so mal du bzhus btul nas/ gser yongs su dag pa rnyed par gyur na/ yid bzhin du bsgyur te/ gdu bu la sogs pa rgyan gyi rnam pa sna tshogs su bya nas/ spyod pa mang po dang ldan par gyur kyang gser gyi rang bzhin la ni 'gyur ba ci yang med do// gzhan yang rigs kyi bu 'am/ rigs kyi bu mo gang la la zhig rnam par grol ba mchog yongs su gnyer ba 'am 'jig rten pa'i dge ba mngon par bsgrubs pas/ de bzhin gshegs pa'am/ de'i slob ma'i 'khor mthong nas nye bar bsnyen te/ bcom ldan 'das la 'di skad du/ bcom ldan 'das dge ba ni gang pags/ mi dge ba ni gang lags/ yang dag pa'i rnal 'byor bsgoms pas/ rnam par dag pa'i spyod pa thob par 'gyur ba ni gang lags zhes gsol pa dang / de bzhin gshegs pa dang / slob pa'i 'khor rnams de skad du zhu ba gsol ba gzigs par gyur na/ de'i tshe 'di snyam du rigs kyi bu 'am/ rigs kyi bu mo 'di ni rnam par dag pa yongs su gnyer ba'i phyir/ yang dag pa'i chos yongs su nyan par 'dod pa yin no snyam du dgongs nas/ de la rnam par phye ste bstan pa nyid kyis go bar mdzad par 'gyur bas/ des thos nas kyang yang dag pa'i dran pas mi brjed par bzung ste/ rnal 'byor bsgom par sems bskyed nas/ brtson 'grus kyi stobs thob nas/ le lo'i sgrib pa yongs su bsal te/ sgrib pa thams cad yongs su sbyong bar byed pas/ bslab pa'i gnas rnams la ma gus pa spangs nas rgod pa dang / 'gyod pa'i sems nye bar zhi bar byas te/ sa dang po la 'jug par 'gyur bas/ dang po'i sems la brten nas sems can la phan 'dogs pa'i sgrib pa yongs su bsal nas sa gnyis par 'jug 'thob par 'gyur ro/ / sa der yang rnam par mi 'tshe ba'i sgrib pa yongs su byas la nas/ sa gsum par 'jug par 'gyur ro// sa der yang sems mnyen cing rnam par byang ba'i sgrib pa yongs su bsal nas sa bzhi par 'jug par 'gyur ro/ / sa der yang thabs mkhas pa'i sgrib pa yongs su bsal nas sa lnga par 'jug par 'gyur ro// sa der yang don dam pa dang / kun rdzob tu mthong ba'i sgrib pa yongs su bsal nas/ sa drug par 'jug par 'gyur ro// sa der yang mtshan ma la spyod pa'i mthong ba'i sgrib pa yongs su bsal nas/ sa bdun par 'jug par 'gyur ro/ / sa der yang mtshan ma nye bar zhi bar mi mthong ba'i sgrib pa yongs su bsal nas/ sa brgyad par 'jug par 'gyur ro// sa der yang skya ba'i mtshan mar mi mthong ba'i sgrib pa yongs su bsal nas/ sa dgu par 'jug par 'gyur ro// sa der yang mngon par shes pa drug gi sgrib pa yongs su bsal nas/ sa bcu par 'jug par 'gyur ro// sa der yang shes bya'i sgrib pa dang / rtsa ba'i sems yongs su bsal nas/ de bzhin gshegs pa'i sa la 'jug par 'gyur ro// de bzhin gshegs pa'i sa gang yin pa de ni rnam pa gsum yongs su dag par gyur pa'i phyir/ shin tu rnam par dag pa zhes bya ste/ gsum gang zhe na/ nyon mongs pa rnam par dag pa dang / sdug bsngal rnam par dag pa dang / mtshan ma rnam par dag pa gang yin pa'o/ / 'di lta ste/ dper na gser yang dag pa bzhus sbyangs brdungs te/ dri ma med par bya ba yang gser gyi rang bzhin gzod ma nyid nas rnam par dag pa bsal bar byed pa yin pa'i phyir/ gser gyi ngo bo nyid yongs su dag pa'i dbang gis gser med par 'gyur ro zhes byar mi rung ngo // 'di lta ste/ chu rnyog pa can yongs su dang ste/ dri ma med par bya ba yang chu'i rang bzhin gzod ma nyid nas yongs su dag pa gsal bar byed pa yin pa'i phyir/ chu med par 'gyur ro zhes byar mi rung ba de bzhin du/ chos kyi sku yang nyon mongs pa dang 'dres par gyur pa/ sdug bsngal dang / kun 'byung ba yongs su bsal nas/ bag chags lhag ma med par bya ba yang / sangs rgyas kyi rang bzhin gzod ma nyid nas rnam par dag pa bsal bar byed pa yin pa'i phyir/ ngo bo nyid med par 'gyur ro zhes byar mi rung ngo // 'di lta ste dper na/ nam mkha' la du ba dang / sprin dang / rdul dang / khug rnas bsgribs pa dag la gal te yongs su dang bar gyur na/ nam mkha khams yongs su dag par gyur pas/ nam mkha' med par 'gyur ro zhes byar mi rung ba de bzhin du/ chos kyi sku yang sdug bsngal mang po thams cad yongs su zad par gyur pa'i phyir/ rnam par dag pa zhes brjod kyang / ngo bo nyid med par 'gyur ro zhes byar mi rung ngo // 'di lta ste dper na/ skyes bu zhig gnyid kyis log pa'i rmi lam na/ chu bo chen pos khyer ba la rkang lag bskyod de/ lus dang sems le lo ma byas pa'i phyir/ chu bo zad kar bcad de pha rol gyi 'gram du phyin par mthong ba las/ rmi lam sad nas chu bo dang / chu rol dang / pha rol gyi 'gram tha dad par gyur pa mi mthong yang sems med do zhes byar mi rung ngo / / 'di lta ste dper na/ 'khor ba'i yang dag pa ma yin pa'i rnam par rtog pa yongs su zad nas/ blo rnam par dag par gyu/ kyang blo med do zhes byar mi rung ba de bzhin du chos kyi dbyings kyang yang dag par ma yin pa'i rnam par rtog pa thams cad mi skye ba'i phyir/ rnam par dag pa zhes brjod kyang / sangs rgyas rnams kyi yang dag pa'i ngo bo nyid med ces byar mi rung ngo / / gzhan yang rigs kyi bu chos kyi sku gang yin pa de nyon mongs pa'i sgrib pa rnam par dag par gyur pas ni/ longs spyod rdzogs pa'i sku ston par mdzad do// las kyi sgrib pa rnam par dag par gyur pas ni/ sprul pa'i sku ston par mdzad do// shes bya'i sgrib pa rnam par dag par gyur pa'i phyir ni/ chos kyi sku ston par mdzad do// 'di lta ste dper na/ nam mkha' la brtan nas ni glog 'byung la/ glog la brten nas ni 'od 'byung ba de bzhin du/ chos kyi sku la brten pa'i phyir ni/ longs spyod rdzogs pa'i sku ston par mdzad do// longs spyod rdzogs pa'i sku la brten nas ni sprul pa'i sku ston par mdzad do/ / rang bzhin yongs su dag par gyur pa'i phyir ni chos kyi sku ston par mdzad do// shes rab rnam par dag par gyur pas ni/ longs spyod rdzogs pa'i sku ston par mdzad do// ting nge 'dzin rnam par dag par gyur pas ni/ sprul pa'i sku ston par mdzad do// de gsum rnam par dag par gyur pa gang yin pa de ni/ chos kyi de bzhin nyid dang tha mi dad de/ de bzhin nyid dang ro gcig pa'i de bzhin nyid dang / rnam par grol ba'i de bzhin nyid dang / mthar thug pa'i de bzhin nyid yin pas/ de'i phyir sangs rgyas rnams kyi sku la tha dad par gyur pa med do// rigs kyi bu 'am/ rigs kyi bu mo gang la la zhig 'di skad du de bzhin gshegs pa ni bdag gi ston pa chen po yin no zhes de ltar nges par mngon par yid ches pa'i gang zag des ni/ shin tu dang ba'i bsam pas de bzhin gshegs pa'i sku tha dad pa mi mnga' bar khong du chud par gyur pas/ rigs kyi bu don de'i phyir spyod yul rnams la yang dag pa ma yin pa'i yid la byed pa rnams yongs su bsal bar gyur na/ chos de dag la mtshan nyid gnyisu med par khong du chud cing / rnam par rtog pa yang med par 'gyur ro// 'phags pa'i rnal 'byor bsgom pa la/ de bzhin nyid de mtshan nyid gnyis su gyur pa med cing / yang dag rnal 'byor bsgoms pa'i phyir/ 'di ltar de bzhin du sgrib pa thams cad yongs su bsal bas nye bar zhi bar 'gyur ro// de bzhin nyid sgrib pa thams cad zhi bar gyur pas/ 'di ltar de bzhin du de bzhin nyid dang / de bzhin nyid kyi ye shes mchog tu rnam par dag pa thob par 'gyur ro/ / de bzhin nyid dang / chos kyi dbyings dang / yang dag pa'i ye shes rnam par dag par gyur pas/ 'di ltar de bzhin du rang dbang phun sum tshogs pa thams cad kyang yongs su sdud par 'gyur/ sgrib pa thams cad nye bar zhi ba yang yongs su rdzogs par 'gyur te/ sgrib pa thams cad rnam par dag pa thob par 'gyur ba'i phyir de bzhin nyid dang / yang dag pa'i ye shes dang / yang dag pa'i mtshan nyid ces bya'o// de ltar mthong ba gang yin pa de ni 'phags pa'i lta ba zhes bya bas/ de ni yang dag pa nyid du sangs rgyas mthong ba zhes bya'o/ / de ci'i phyir zhe na/ yang dag pa ji lta ba bzhin du chos kyi de bzhin nyid mthong ba'i phyir/ de lta bas na de bzhin gshegs pa rnams kyis de bzhin gshegs pa thams cad ma lus par gzigs par 'gyur ro/ / de ci'i phyir zhe na/ nyan thos dang / rang sangs rgyas khams gsum las nges par byung nas/ yang dag pa'i spyod yul yongs su tshol bas kyang / khong du mi chud cing mthong bar mi nus pas so/ / de lta bu'i 'phags pa'i gang zag dag gis kyang mi rig cing mi mthong bas/ so so'i skye bo thams cad the tsom dang som nyi bskyed nas phyin ci log tu rnam par rtog par byed pas yongs su 'da' bar mi 'gyur ro/ / 'di lta ste dper na/ ri bong rgya mtsho la rgyal bar byed kyang / gdon mi za bar pha rol tu phyin par mi 'gyur ro// de ci'i phyir zhe na/ nyam stobs shin tu chung ba'i phyir ro// byis pa so so'i skye bo rnams kyang / de bzhin du chos kyi de bzhin nyid mngon par mi rtogs so// de bzhin gshegs pa rnams ni rnam par rtog pa'i dgongs pa mi mnga' bar yang chos thams cad la mnga' chen po brnye shing / shes rab shin tu zab cing rnam par dag pa phun sum tshogs par gyur pa'i phyir dang / rang gi spyod yul du gyur cing / gzhan dang yang thun mong du ma gyur pa'i phyir/ de lta bas na de bzhin gshegs pa rnams bskal pa grangs med/ tshad med/ dpag tu med pa nas/ nyid kyi skra srog la 'phangs pa mi mnga' bar dka' ba spyad pas/ dpe zla med pa bsam gyis mi khyab pa'i tshig gi spyod yul las yang dag par 'das pa/ rab tu dben pa/ 'jigs pa rnams dang bral ba'i sku mchog dam pa 'di brnyes pa yin no// rigs kyi bu de ltar chos kyi de bzhin nyid rig cing mthong ba yin pa de ni/ skye ba dang / rga ba dang / 'chi ba med pa tshe'i tshad kyang dpag tu med/ gnyid kyang med/ bkres pa dang / skom pa yang med de/ rtag par ting nge 'dzin la gnas pa// sems rnam par g.yeng zhing g.yo ba yang med do// gang gis de bzhin gshegs pa la rtsod pa'i bsam pa bskyed pa des ni/ de bzhin gshegs pa mthong bar mi 'gyur ro// de bzhin gshegs pa rnams ni gang ci gsung yang rung ste/ thams cad la phan 'dog par 'gyur bas/ gang gis mnyan cing thos pa de dag rnam par mi grol ba yang med do// gcan gzan ma rungs pa dang / mi ma rungs pa dang / 'dre srin ma rungs pa dag dang phrad par mi 'gyur te/ chos thos pa'i dbang gis 'bras bu rnam par smin pa yang zad par mi 'gyur ro// de bzhin gshegs pa rnams la lung du mi bstan pa'i dngos po mi mnga' yang spyod yul thams cad la mkhyen par bya'o// snyam pa'i dgongs pa yang mi mnga'/ 'khor ba dang mya ngan las 'das pa la tha dad pa'i 'du shes kyang mi mnga'a'o// de bzhin gshegs pa ni gang ci gsung yang rung ste ma nges pa mi mnga' 'o/ / de bzhin gshegs pa rnams ni spyod lam bzhi po thams cad du ye shes kyis yongs su ma bzung ba mi mnga' 'o// chos thams cad la byams pa dang / thugs rjes yongs su/ ma zin pa mi mnga' bas/ sems can thams cad la phan pa dang bde bas phan mi 'dogs pa gang yang med do// rigs kyi bu 'am/ rigs kyi bu mo gang la la zhig gser 'od dam pa'i mdo sde 'di thos nas mngon par yid ches pa gang yin pa de dag ni/ sems can dmyal ba dang / yi dgas dang / dud 'gro'i skye gnas dang / lha ma yin gyi 'gro ba dag tu ltung bar mi 'gyur zhing / rtag par lha dang mi'i nang du skye bar 'gyur bas/ ma rabs dag tu skye bar yang mi 'gyur la/ rtag par de bzhin gshegs pa rnams la bsnyen bkur dang rim gro byas nas/ yang dag pa'i chos nyan cing len par 'gyur/ rtag par sangs rgyas kyi zhing yongs su dag pa rnams su skye bar 'gyur ro// de ci'i phyir zhe na/ chos zab mo 'di thos par gyur pa'i phyir ro// rigs kyi bu dang rigs kyi bu mo de dag ni de bzhin gshegs pas mkhyen cing lung bstan par 'gyur bas/ bla na med pa yang dag par rdzogs pa'i byang chub las phyir ldog par mi 'gyur ro// rigs kyi bu 'am/ rigs kyi bu mo gang la la zhig shin tu zab pa'i chos gya nom pa 'di lan cig rna bas thos par gyur na/ gang zag de ni de bzhin gshegs pa la skur pa mi 'debs pa dang / yang dag pa'i chos la mi smod pa dang / 'phags pa'i tshogs la mi brnyas pa dang / sems can rnams dge ba'i rtsa ba ma bskyed pa ni skyed par byed la/ dge ba'i rtsa ba bskyed pa ni 'phel zhing yangs pa dang / yongs su smin par byed pa'i phyir/ 'jig rten gyi khams thams cad du sems can ji snyed pa dag pha rol tu phyin pa drug po rnams mngon par bsgrub par bskul bar 'gyur bar rig par bya'o// de nas byang chub sems dpa' nam mkha'i snying po dang / tshangs pa dang / brgya byin dang / rgyal po chen po bzhi dang / lha'i 'khor mang po rnams 'dug pa'i stan las langs te/ bla gos phrag pa gcig tu gzar nas/ thal mo sbyar te/ gus pas bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to// bcom ldan 'das gang yang rung ba dag tu/ 'di ltar gser 'od dam pa'i mdo sde shin tu gya nom pa 'di yang dag par ston par bgyid na/ yul der phan yon rnam pa bzhi dang ldan par 'gyur lags so// bzhi gang zhe na/ dang po ni rgyal po'i dmag tshogs rnams btsan zhing dar bas/ phas kyi rgol ba'i dgra rnams ma mchis pa dang / bro nad dang bral zhing tshe ring ba dang / bkra shis dang ldan zhing bde skyid pa dang / dam pa'i chos dar zhing rgyas par 'gyur ba'o// gnyis pa ni pho brang nang gi btsun mo dang / slas dang / rgyal po dang / blon po rnams 'dum zhi rtsod pa ma mchis pa dang / g.yo sgyu dang phra ma spangs pas/ rgyal pos gnang zhing bkur bar 'gyur ba'o/ / gsum pa ni dge sbyong dang / bram ze dang / yul gyi mi rnams yang dag pa'i chos spyod pas/ zo nad ma mchis shing bde skyid pa dang / glo bur du 'gum pa ma mchis pa dang / bsod nams mang po mngon par bsgrub pa'o// bzhi pa ni dus gsum po dag tu 'byung ba chen po bzhi po dag 'phrod cing rtag par lha rnams kyis byin gyis brlabs nas/ yongs su srung bar 'gyur ba dang / byams pa dang / snying rje mnyam par gyur pas/ gnod pa mi bgyid cing rnam par 'tshe ba'i bsam pa ma mchis pa dang / skye bo rnams dkon mchog gsum la skyabs su mchi zhing / thams cad kyis byang chub kyi spyod pa mngon par bsgrub par 'gyur ba ste/ 'di dag ni phan yon rnam pa bzhi zhes bgyi ba lags so// bcom ldan 'das bdag cag kyang rtag par mdo sde 'di rgya cher spel ba'i slad du/ 'di ltar mdo sde 'di yongs su 'dzin pa'i gang zag de'i slad du rjes su 'brang zhing gang na gnas pa'i gnas der sman pa dag bgyid lags so// bcom ldan 'das kyi bka' stsal pa/ rigs kyi bu dag legs so legs so// de de bzhin no// de bzhin te/ khyed kyis rab tu brtson pa'i sems kyi mdo sde'i rgyal po shin tu gya nom pa 'di spel ba nyid kyis yang dag pa'i chos yun ring du 'jig rten gnas par 'gyur ro/ / gser 'od dam pa mchog tu rnam par rgyal ba mdo sde'i rgyal po las/ sku gsum rnam par 'byed pa'i le'u ste gsum pa'o// de'i tshe byang chub sems dpa' mdzes pa'i tog bcom ldan 'das kyi spyan sngar mngon sum du shin tu gya nom pa'i chos thos pas dga' mgu rangs par gyur te/ sems rtse gcig tu yid la bsam nas/ rang gi gnas su phyin pa dang / mtshan mo nyal ba'i rmi lam na/ gser gyi rnga bo che 'od zer shin tu 'bar ba/ nyi ma'i dkyil 'khor dang mtshungs pa zhig mthong ste/ 'od zer de las phyogs bcu'i sangs rgyas tshad med pa rnams rin po che'i shing drung na bai DUR+Ya'i gdan la bzhugs nas/ 'khor brgya stong du mas yongs su bskor ba la chos 'chad pa yang mthong ngo // bram ze zhig gser gyi rnga brdungs pa las sgra chen po byung ste/ sgra de las sdig pa bshags pa'i chos kyi tshigs su bcad pa shin tu gya nom pa bstan pa mdzes pa'i tog gis thos pas thams cad ma lus par yid la bzung ste/ dran pa rtse gcig tu gnas par gyur to/ / nam nangs pa dang / 'khor brgya stong tshad med pa mang pos yongs su bskor te/ mchod pa'i yo byad rnams thogs nas rgyal po'i khab kyi grong khyer nas phyir byung ste/ bya rgod phung po gal ba der dong nas/ bcom ldan 'das kyi spyan sngar phyin pa dang / bcom ldan 'das kyi zhabs la phyag byas nas/ me tog dang spos dag bkram ste/ g.yas phyogs su lan gsum du bskor ba byas nas/ phyogs gcig tu 'khod do// thal mo sbyar nas gus pas bcom ldan 'das kyi zhal du bltas nas/ bcom ldan 'das la 'di skad ces gsol to/ / bcom ldan 'das bdag gi g.yar lam na/ bram ze zhig gser gyi rnga shin tu gya nem pa brdungs pa las sgra chen po byung ste/ sgra de las sdig pa bshags pa'i chos kyi tshigs su bcad pa shin tu gya nom pa dag bstan pa bdag gis thams cad yongs su bzung ste/ / dran pa lags na bcom ldan 'das thugs rje chen pos bdag la bshad par gnang bar mdzad du gsol/ / de nas bcom ldan 'das kyi spyan sngar tshigs su bcad de gsol pa/ bdag gis mdang sum g.yar lam na/ gser gyi rnga bo chen po dag/ dbyibs ni shin tu khyad par 'phags/ / kun nas gser 'od khyad par ldan/ nyi ma'i dkyil 'khor mtshungs pas na// snang bas kun tu khyab par bgyis// phyogs bcu'i 'jig rten gang bar mthong // sangs rgyas mang po tham cad kun/ / rin chen ljon shing drung dag tu// bai DUR+Ya yi gdan bzhugs te// 'khor ni brgya stong tshad med snyed// gus pas yongs su bskor bar mthong // de nas bram ze zhig gis ni// gser gyi rnga chen brdungs pas na/ / rnga chen de yi sgra las ni// tshigs bcad gya nom 'di skad smras// gser 'od rnga las gya nom sgra byung bas// stong gsum chen po'i 'jig rten kun khyab nas// ngan song gsum / mi sdug bsngal mi bzang dang // mi yi sdug bsngal mang po gang yin pa// gser gyi sbrum thu slob sa dbang gis na// nyon mongs sgrib pa thams cad gtan 'anas// dper na thu dbang bcom ldan rje bzhin du/ / 'jigs pa bsal nas bde ba nyid du shog/ bcom ldan 'khor ba'i rgya mtsho chen por ni// spyod bsags thams cad mkhyen ni bsgrubs pas na// sems can byang chub yan lag ldan mdzad nas/ / mthar ni yon tan rgya mtsho phyogs par mdzad// gser 'od dam pa'i rnga smra 'di yis ni// thos pa kun ni tshangs dbyangs thob par shig/ bla med byang chub 'bras bu thob gyur nas// chos kyi 'khor lo gya nom rtag skor shog/ tshe ni bskal pa bsam mi khyab gnas nas// ji bzhin chos bshad skye dgu pan byed shog/ nyon mongs sdug bsngal mang po rgyun bcad nas// 'dod sdang gti mug la sogs zhi bar shog/ sems can gang zhig ngan 'gro gnas gyur nas// me chen rab 'bar lus kun khyab pa dag/ rnga sgra dam pa 'di ni thos gyur na// sdug bsngal bral nas sangs rgyas skyabs 'gro shog/ thams cad sngon gnas shes pa grub gyur nas// 'das pa'i tshe rangs brgya stong dran par shog/ thub pa'i gtso bo yang dag dran gyur nas// de bzhin gshegs bstan zab mo thos par shog gser gyi rnga dbyangs dam pa thos pa'i dbang / / rtag par sangs rgyas rnams ni nyer bsten nas// thams cad sdig pa'i las ni yongs spangs te// rnam dag dge phyogs 'ba' zhig spyod par shog lha dang mi yi srog chags thams cad kun/ / gus pas smon lam rtse gcig 'debs pa dag/ gser gyi rnga sgra dam pa thos gyur nas// bsam pa rnams ni yongs su rdzogs par gyur// sems can gang zhig mnar med lhung gyur nas// dmyal ba'i blar mes lus ni nyon mongs te// mgon sbubs med cing 'khor bar gnas gyur pa// thos par gyur na sdug bsngal zhi bar 'gyur/ lha mi yi dgas dud 'gro'i skye gnas su// sdug bsngal bgegs mang mngon du myong 'gyur ba// gser gyi rnga dbyangs dam pa thos gyur na// sdug bsngal spangs nas thar pa thob par gyur// daltar phyogs bcu'i 'jig rten na// rtag tu bzhugs pa rkang gnyis gtso// thugs rje chen po'i thugs kyis ni// brtse bas bdag la dgongs su gsol// sems can gang zhig skyab ma mchis/ / mgon ni bgyid pa ma mchis pa// de lta bu yi rnam pa la// skyabs chen dag ni bgyid par shog/ bdag gis sngon ni bgyis pa'i sdig/ las ngan shin tu lci bo'i rnams/ / deng bdag stobs bcu'i spyan sngar ni// thams cad rtse gcig rab tu bshags// bdag gis sangs rgyas yid ma ches// bla ma nye bshes ma gus dang // dge ba mang po ma spyad nas/ / rtag tu las ngan bgyis pa 'am// bdag gis mtho btsun rus rigs dang // longs spyod dang ni bsnyems pa dang // dar la bab pas dregs gyur nas// rtag tu las ngan bgyis pa'am// rtag tu log pa'i sems bskyed nas// ngag gis tshig ngan smad pa dang // kha na ma tho ma mthong nas// rtag tu las ngan bgyis pa 'am// rtag tu byis pa'i blo spyad nas// ma rig mun pa'i sems g.yogs dang // mi dge'i grogs po rjes 'brangs nas// rtag tu las ngan bgyis pa 'am// rtsed mo dga' ba rnams kyi rgyus// mya ngan dag dang ldan 'gyur zhing / / 'dod chags zhe sdang dkris pas na// de slad sdig rnams bgyis pa 'am// mi dge grogs po brten pa dang // phrag dog ser sna bsam pa dang // dbul 'phongs gya rgyu spyad pas na/ / de slad sdig rnams bgyis pa'am// sdig mang dag la mi mos kyang // 'jigs skrag dag dang bcas pa 'am// rang dbang dag ni ma mchis pas// de slad sdig rnams bgyis pa'am/ / rnam par g.yeng ba'i bsam pa dang // khong khro khon du 'dzin pa dang // bkres skom dag gis gdungs pa'i rgyus// de slad sdig rnams bgyis pa 'am// bza' dang tung dang gos dag dang / / bud med dag la chags sred pa'i// nyon mongs mes ni bsregs pas na// de slad sdig rnams bgyis pa'am// sangs rgyas chos dang dge 'dun la// gus pa'i sems ni ma bskyed pa'i/ / de 'dra'i sdig mang gang bgyis pa// deng bdag thams cad so sor bshags// rang rgyal byang chub sems dpa' la// gus pa'i sems ni ma mchis pa'i// de 'dra'i sdig mang gang bgyis pa/ / deng bdag thams cad so sor bshags// mi shes dam chos skur pa dang // pha ma sri zhu ma bgyis pa'i// de 'dra'i sdig mang gang bgyis pa// deng bdag thams cad so sor bshags/ / gti mug dang ni nga rgyal dang // 'dod chags zhe sdang mthu yis ni// de 'dra'i sdig mang gang bgyis pa// de dag thams cad so sor bshags// bdag gis phyogs bcu'i 'jig rten khams/ / sangs rgyas grangs med gang mchod pa// sems can rnams ni rab drangs nas// sdug bsngal bgegs rnams bral bgyid shog/ sems can dag ni thams cad kun/ / sa bcu la ni gnas gyur te// bsod nams ye shes yongs rdzogs nas// mngon sangs skye dgu 'dren par shig/ bdag gis sems can kun gyi slad// bskal pa brgya stong dka' spyad nas/ / shes rab chen po'i stobs kyis ni// sdug bsngal rgya mtsho thar bgyid shog/ bdag gis srog chags kun gyi slad// gser 'od mchog tu rnam par rgyal// zab mo'i mdo sde bshad nas ni// las ngan rnams ni bsal bar shog/ gang zhig bskal pa brgya stong du// sdig lci dag ni bgyis pa rnams// skad cig tsam zhig 'thol bshags na// sdig pa mang po ma lus 'byang // gser 'od dam pa 'di bzhin du// de ltar bshags pa bgyis gyur na// sdug bsngal las mang thams cad kun// 'di yi dbang gis myur du 'byung // ting 'dzin mchog ni brgya stong dang // bsam gyis mi khyab gzungs rnams dang // dbang stobs byang chub lam yan lag/ rtag tu sgrom yang skyon mi 'gyur// bdag gis rin chen phun chog/ gnas// sa bcu la ni byon gyur nas// sangs rgyas yon tan yongs rdzogs te// 'khor bar 'bab pa sgrol bar shog/ bdag gis sangs rgyas mtsho las ni// shin tu zab mo yon tan mdzod/ / gya nom ye shes bsam dka' ba// phun sum tshogs pa thob par shog/ phyogs bcu'i sangs rgyas thams cad kun// bdag la so sor gzigs dgongs nas// thugs rje chen po'i thugs kyis ni/ / bdag gi bshags pa bzhes su gsol// bdag gis bskal pa mang por ni// las ngan mang po bgyis pas na// de yi dbang gis sdug bsngal myong // thugs rjes byang bar mdzad par smon// bdag gis las ngan mang bgyis pas// rtag tu mya ngan 'jigs sems skyes// spyod lam bzhi po kun tu yang // dga' ba'i 'du shes yong ma mchis// / sangs rgyas thugs rje chen po ldan// sems can 'jigs pa sel mdzad na// bdag gi bshags pa bzhes nas ni// mya ngan sdug bsngal 'bral bar smon// bdag la nyon mongs sgrib pa dang / rnam smin las ni ci mchis pa// thugs rje chen po'i chab kyis ni// rab bkrus byang bar mdzad par smon// bdag gis sngon chad sdig pa dang // da ltar las ngan bgyis pa rnams// rtse gcig sems kyis 'thol bshags nas/ / thams cad rab tu byang bar shog/ ma 'ongs pa yi las ngan rnams// bsdams te slong bar yong mi bgyid// gal te 'gal ba mchis na yang / / nams kyang 'chab par yong mi bgyid// lus gsum ngag gi rnam pa bzhi// yid kyi las ni rnam pa gsum// sems can rnams ni 'ching bgyis pas// thog ma med nas rgyun mi 'chad// spyod pa 'di gsum dbang gis na// mi dge las bcu bgyis gyur pas// de 'dra'i nongs pa mang po rnams// de dag thams cad so sor bshags// bdag gis las ngan mang bgyis pas// sdug bsngal rnam smin rang nyid myong / / sangs rgyas rnams kyi spyan sngar ni// bsam pa thag pas so sor bshags// 'dzam bu'i gling ni 'di dag dang // 'jig rten khams ni gzhan dag tu// dge ba'i las mang ci mchis pa// deng bdag thams cad yi rang ngo // mi dge las bcu rab spangs nas// dge bcu'i lam ni mngon bsgrubs te// sa bcu dag la rab tu gnas// phyogs bcu'i sangs rgyas rtag mthong smon/ / bdag gi lus dang ngag yid kyis// bsod nams ye shes las bsgrubs pa'i// dge ba'i rtsa ba 'di yi mthus// bla med ye shes myur grub shog/ deng bdag stobs bcu'i spyan sngar mngon sum du// sdug bsngal bgegs mang sna tshogs 'thol zhing bshags// byis pa srid gsum rmongs pa'i bgegs dag dang // rtag par las ngan lcib bgyis pa'i bgegs/ / bdag gi log pa'i 'dod pa bsags pa'i bgegs// rtag tu sred bskyed 'khor bar 'gyur ba'i bgegs// 'jig rten 'di la mngon zhen chags pa'i bgegs/ / byis pa thams cad kun gyi nyon mongs bgegs// sems myos rnam g.yeng phyin ci log pa'i bgegs// mi dag grogs po dag la bsten pa'i bgegs// 'khor bdagal 'dod chags rten pa'i basnregs/ zhe sdang ba'i busadzin pas dug pakyi // mi 'ab brgya rgyu di 'i chags pa'i shesas/ daseMd rnams yon tanam pasags pa'i deng bdag rgyal ba kun gyi spyan sngar ni/ / sdig pa'i las ngan mtha' yas bgyis pa bshags// dang bdag bde gshegs kun la skyabs su mchi// bla med yon tan mtsho la bdag phyag 'tshal// gser gyi ri ltar phyogs bcu gsal mdzad pa// byams dang thugs rjes bdag ni gzung du gsol// sku ni gser mdog rnam dag dri mi mnga'// spyan ni rnam dag bai DUR+Ya dang 'dra// dpal dang gzi brjid grags dang ldan pa'i gtso/ / thugs rje shes rab nyi mas mun sel ba// sangs rgyas nyi ma'i 'od kyis kun gsal mdzad// shin tu rnam dag dri med rdul dang bral/ thub pa'i zla bas gsal mdzad rab bsil ba// sems can nyon mongs gdung ba sel bar mdzad// sum cu rtsa gnyis mtshan gyis rab brgyan cing // dpe byad bzang po brgyad cu yongs bu rdzogs/ / yon tan bsam dka' mtshungs pa ma mchis pas// nyi 'od lta ngur 'jig rten gsal bar mdzad// kha dog be DUn 'dra dri mi mnga'// zla ba ltalhar nam mkha' dag la bzhugs/ / shel mchog dam pa'i dra bas gser sku bsgribs// 'od zer sna tshogs dag gis rab tu brgyan// 'khor ba'i sdug bsngal chu bo'i nang dag tu// nan mya ngan chu yis deng bas na/ / de 'dra'i sdug bsngal rgya mtsho bzod dka' ba// sangs rgyas nyi ma'i 'od kyis gtan du bskams// deng bdag stong gsum 'jig rten rmad byung gtso// thams cad mkhyen la spyi btud phyag 'tshal lo/ / 'od zer rab gsal gsar mdog 'dra ba'i sku// dpe byad dam pa sna tshogs dag gis brgyan// ji ltar rgya mtsho chu tshad shes dka' zhing // sa chen rdul ni bgrang du ma mchis dang / / ji ltar ri rab srang grangs gzhal dka' zhing // nam mkha' dag la mu mtha' ma mchis ltar// sangs rgyas rnams kyi yon tan de bzhin te// sems can thams cad kun gyis rig mi 'gyur/ / bskal pa tshad med snyed du rab bsams kyang // yon tan rgya mtsho'i ba mtha' togs mi 'gyur// sa chen 'di yi ri brag ji snyed pa// rdul phran bzhin du gses kyang brtsir rung zhing / / rgya mtsho'i chab ni spu rtses gzhal rung yang // sangs rgyas yon tan bgrang bar rngo mi thogs// sems can thams cad lhan cig 'dus nas ni// bcom ldan grags pa'i yon tan thams cad dang / / mtshan bzangs rnam dag dkon mchog bsngags brjod kyang // de yi pa mtha' dpag par yong mi 'gyur// bdag gi dge ba'i las mang ci mchis pas// myur du bla na ma mchis gtso grub nas/ / yang dag chos bshad skye dgu phan btags te// thams cad sdug bsngal mang las thar bgyid shog/ bdud kyi dmag tshogs stobs chen rab btul nas/ bla med dam chos 'khor lo skor bar shog/ bskal pa grangs med bsam mi khyab gnas nas// bdud rtsi ro yis sems can tshim bgyid shog/ 'das pa'i rgyal ba rnams ni ji lta bzhin// pha rol phyin drug yongs su rdzogs bgyid shog/ 'dod chags zhe sdang gti mug zhi gyur nas// nyon mongs btul te sdug bsngal bsal bar shog/ bdag gis rtag tu tshe rabs dran gyur nas/ 'das pa'i skye ba brgya stong dran pa dang // rtag par thub pa'i gtso ni dran gyur te// sangs rgyas zab mo'i chos ni thos par shog/ bdag gi dge ba'i las ni 'di rnams kyis// rgyal ba tshad med dag la bsnyen bkur nas/ / mi dge ba yi rgyu kun yongs spangs te// yang dag dam chos rtag tu sgrub par shog/ 'jig rten thams cad sems can ji snyed pa// sdug bsngal spangs nas bde ba thob par shog/ dbang po mtshang ji snyed mchis pa dag/ de dag lus kyi mtshan rnams yongs rdzogs shog/ sems can gang zhig nad kyi sdug bsngal gyis// lus ni nyam chung skyabs bgyid ma mchis pa/ / thams cad nad kyi sdug bsngal rabazhi nas// dbang po kha dog mthu ni rgyas par shog/ gang gis rgyal chos 'gal bgyis gsad la thug/ sdug bsngal mang gtses mya ngan rab skyes nas/ / de yis sdug bsngal mi bzad 'di dag myong ba'i tshe// mgon skyabs dag ni bgyid pa ma mchis dang // gang dag gzhu rdeg mtshon chas bcings pa dang // gnod byed yo byad sna tshogs lus nyon mongs// mya ngan brgya stong tshad med myong ba na// lus sems rab gzir bde ba cung zad med// de dag thams cad bcings shing brdegs pa dang // sdug bsngal nyon mongs dag las thar par shog/ gsad la thug pa dag ni srog thob nas// sdug bsngal mang po thams cad gtan zad shog/ sems can gang zhig bkres skom gdungs gyur pa// ri mchog/ dam pa sna tshogs thob par shog/ long bas gzugs mthong 'on pas thos pa dang // 'theng pos 'gro nus lkugs pas smra nus shog/ dbul 'phongs sems can rin chen gter thob nas/ bang mdzod rab rgyas rkus pa ma mchis te// thams cad bde mchog dam pa rab brnyes nas// sems can sdug bsngal myong ba ma mchis shog/ lha mi thams cad mthong bar mos pa yi// byad bzhin dam pa rab mdzes thob gyur nas/ / bde ba tshad med mngon sum myong gyur te// longs spyod 'byor rgyas bsod nams ldan par shog/ sems can de dag rol mo bsam pa bzhin// sgra mchog mang po mngon du 'byung bar shog/ chu 'dod gser gyi me tog steng 'byo ba// rab bsil rdzing bu mngon du snang bar shog/ sems can de dag ji ltar bsams pa bzhin// bza' 'dung gos dang khri dang stan rnams dang / / gser dngul dang ni rin chen po DUH// rgyan 'phreng thams cad phun sum tshogs par shog/ sems can mi snyan thos par mi 'gyur zhing // phan tshun mi mthun mthong bar ma gyur cig/ lus kyi byad bzhin thams cad rab mdzes shing // so sor byams pa'i sems kyis rtse bgying shog/ 'jig rten bde ba'i yo byad longs spyod rnams// yid la bsams tshe thams cad 'byor par shog/ nor rnams rnyed pa 'phangs pa ma mchis par// bgo bsha' bgyis te sems can gtong bar shog/ bdug spos phye ma dang ni byug spos dang // me tog sna tshogs kha dog gcig min pa/ / nyin re dus gsum shing las lhung gyur nas// yi bzhin longs spyod dga' ba skye bar shog/ sems can thams cad phyogs bcu'i rgyal gtso dang // theg gsum rnam dag gya nom chos kyi sgo/ / byang chub sems dpa' dang ni rang rgyal dang // nyan thos dge 'dun mchod pa bgyid par shog/ rtag tu ma rabs dag tu mi skye zhing // mi khom brgyad po dag tu mi lhung dang / / dal 'byor mi yi gtso bor skyes gyur te// phyogs bcu'i sangs rgyas rim gro bgyid par shog/ rtag par phyug po dag gi khyim skyes te// nor dang rin chen pang mdzod rgyas pa dang // byad @/ bzhin grags pa dpe zlam mchis te// tshe rang bskal pa grangs med gnas par shog/ bud med thams cad kun ni por gyur nas// dpa' zhing sems na tho gros shin du rje// thams cad byang chub sems dpa'i lam spyad nas/ / pha rol phyin drug sgrub la brtson par shog/ rtag par phyogs bcu'i sangs rgyas tshad med snyed// rin chen shing rgyal drung du gshegs nas ni// bai DUR+Ya yi gdan la rab bzhugs te/ / chos kyi 'khor lo bskor ba mthong bar shog/ gal te 'das pa dang ni da ltar tshe// srid gsum 'khor bar las rnams bgyis pas na// yid du mi mchi ngan 'gro thob gyur pa// thams cad ma lus gtan du byang bar shog/ sems can thams cad sred pa'i rgya mtshor ni// 'khor ba'i zhags pas dam du bcings pas na// shes rab ral gri dag gis bcad bsal te// sdug bsngal spangs nas byang chub myur thob shog/ sems can gang gis 'dzam gling 'di dag dang // yang na 'jig rten gzhan dag tu yang rung // bsod nams rgyun mchog sna tshogs ci bsgrubs pa// de dag thams cad kun la yi rang ngo / / bsod nams dngos po dag la yi rang dang // lus dang ngag yid dge ba mang bgyis des// las mchog dam pa 'di dag rtag 'phel nas// bla med byang chub chen po myur thob smon/ / phyag bgyis sangs rgyas yon tan bsngags pa dang // bsam pa dang zhing rnyog pa ma mchis pas// bsngo zhing smon lam btab pa'i bsod nams des// bskal pa drug cu'i ngan 'gro 'das par smon/ / rigs kyi bu'am rigs kyi bu mo dang // bram ze la sogs rigs mchog dam pa rnams// thal sbyar rtse gcig sangs rgyas bsngags brjod na// skye ba rtag par kun du tshe rabs dran/ dbang po gtsang zhing lus ni yongs rdzogs te// yon tan dam pa thams cad phun tshogs gyur// ma 'ongs pa yi skye ba thams cad du// rtag par lha mi rnams kyis blta bar shog/ sangs rgyas gcig/ dang sangs rgyas bcu dag las// dge ba'i rtsa ba bsgrubs nas thos pa min// sangs rgyas brgya stong dge rtsa bskyed pas na// 'gyod tshangs chos 'di thos par gyur pa yin// de nas bcom ldan 'das kyis de skad ces gsol pa gsan pa dang / / byang chub sems dpa' mdzes pa'i tog la legs so legs so zhes bsngags pa brjod nas// rigs kyi bu khyod kyis ji ltar rmi lam du gser gyi rnga bo che las byung ba'i sgras/ / de bzhin gshegs pa'i yon gyi bsngags pa brjod pa dang // 'gyod tshangs bya ba'i chos bstan pa mthong ba gang yin pa de// gang la la zhig gis thos par gyur na// bsod nams shin tu mang po thob par 'gyur zhing / / sems can la rgya cher phan 'dogs pa dang / kha na ma tho ba'i sgrib pa yongs su byang bar 'gyur ro// khyod kyi las mchog 'di dag thams cad ni/ 'das pa'i dus su bsngags pa brjod cing smon lam btab pa'i sngon gyi bag chags kyi rgyu rkyen dang / de bzhin gshegs pa rnams kyis byin gyis brlabs pa'i mthus rgyu rkyen 'di dag khyod la bstan pa yin par rig par bya'o/ / de'i tshe 'khor mang po rnams de skad ces bka' stsal pa thos nas/ thams cad rab tu dka' zhing mngon par yid ches nas/ bka' bzhin du spyod par gyur to// gser 'od dam pa mchog tu rnam par rgyal ba mdo sde'i rgyal po las/ rmi lam na 'gyod tshangs byed pa mthong ba'i le'u ste bzhi pa'o// / gser 'od dam pa mchog tu rnam par rgyal ba mdo sde'i dbang po'i mdo/ / // bam po gsum pa// de nas bcom ldan 'das yang dag pa'i rnam par rtog pa bzhugs te/ shin tu zab cing gya nom pa'i ting nge 'dzin la snyoms par zhugs pa dang / sku'i spu'i bu ga nas kha dog rnam pa sna tshogs brgya stong tshad med pa snyed dang ldan pa'i 'od zer chen po bkye bas/ phyogs bcu'i gang+gA'i klung gi bye ma dag gi tsha dang dpe byar med pa'i sangs rgyas kyi zhing rnams 'od zer gyi nang du snang bar gyur to/ / snyigs ma lnga'i 'jig rten dag tu 'od zer gyis snang bar byas pas/ sems can gang dag mi dge ba bcu'i las dang / mtshams med pa lnga'i kha na ma tho ba dang / dkon mchog gsum la skur pa btab pa dang / bla ma dang nye ba dag la sri zhu ma byas pa dang / mkhan po dang bram ze dag la brnyas shing nga rgyal byas pas/ sems can dmyal ba dang / yi dgas dang / dud 'gro'i skye gnas su lhung bar 'gyur ba de dag so so nas/ 'od zer gyi snang ba de dag gi gnas su phyin par gyur pas/ sems can de dag 'od zer de mthong ba dang 'od zer gyi mthus thams cad kyis bde ba dang / shin tu sdug cing mdzes pa'i gzugs kyi mtshan phun sum tshogs pa dang / bsod nams dang / ye shes kyis brgyan nas/ sangs rgyas rnams mthong bar gyur to/ / de'i brgya byin dang / lha'i 'khor thams cad dang / gang+gA'i lha mo dang / 'khor mang po rnams 'od zer rmad du byung ba mthong ba dang / thams cad bcom ldan 'das kyi spyan sngar lhags te/ g.yas phyogs su lan gsum bskor ba byas nas/ phyogs gcig tu 'khod do// de nas brgya byin lha'i dbang po bcom ldan 'das kyi byin gyi rlabs kyi mthus stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas/ bcom ldan 'das la 'di skad ces gsol to// bcom ldan 'das rigs kyi bu 'am rigs kyi bu mo gang gis bla na med pa yang dag par rdzogs pa'i byang chub gnyer zhing / theg pa chen po mngon par bsgrubs pas ji ltar phyin ci log tu gyur pa'i sems can thams cad yongs su gzung bar bgyi lags/ sngon mngon par 'dus bgyis pa'i las kyi sgrib pa'i kha na ma tho ba ji ltar bshags na/ yongs su 'byang bar 'gyur lags/ bcom ldan 'das kyis/ brgya byin lha'i dbang po la bka' stsal pa/ rigs kyi bu deng khyod kyis tshad med dpag tu med pa'i sems can rnams rnal 'byor bsgoms nas/ rnam par dag pa'i rnam par grol ba'i bde ba thob par bya ba dang / 'jig rten thams cad la snying brtse zhing phan par 'dod pa legs so legs so/ / sems can gang la la zhig las kyi sgrib pa'i dbang gis/ sdig pa rnams mngon par 'dus byas pa gang yin pa des nan tan brtson 'grus bskyed de/ nyin mtshan dus drug tu bla gos phrag pa gcig tu gzar te/ pus mo g.yas pa'i lha nga sa la gtsugs nas/ gus pas thal mo sbyar te/ sems rtse gcig tu dran pa nye bar bsdus nas/ ngag gi sgo nas bdag nyid kyis 'di skad du/ phyogs bcu na da ltar bzhugs pa'i sangs rgyas bcom ldan 'das bla na med pa yang dag par rdzogs pa'i byang chub brnyes nas/ dam pa'i chos kyi 'khor lo yongs su bskor ba/ chos kyi 'khor lo 'dzin cing gsal bar mdzad pa/ chos kyi char chen po phab pa/ chos kyi rnga chen po brdungs pa/ chos kyi dung chen po bus pa/ chos kyi rgyal mtshan chen po btsugs pa// chos kyi sgron ma chen po 'dzin pas/ thams cad sems can rnams la smad cing bde bar mdzad pa'i slad du/ rtag par chos kyi sbyin pa gtong ba skye dgu rmongs pa rnams drangs nas 'bras bu chen po thob pa la bkod de/ rtag tu bde ba mngon sum du mdzad par bzhes pa de lta bu'i sangs rgyas bcom ldan 'das rnams la skyabasu mchis te mgo bos phyag 'tshal lo// sangs rgyas bcom ldan 'das gang dag yang dag pa'i shes rab dang / yang dag pa'i spyan dang / yang dag pa'i mkhyen pa dang / yang dag pa'i mnyam pas sems can gyi dge sdig gi las mkhyen cing gzigs pa thams cad la lus dang ngag dang yid kyis sems rtse gcig tu spyi bos btud de/ gus pas phyag 'tshal lo// bdag gis thog ma ma mchis pa'i dus nas/ sdig pa'i rjes su 'brangs te/ sems can rnams dang lhan cig tu las kyi sgrib pa'i kha na ma tho ba bgyis pa dang / 'dod chags dang / zhe sdang dang / gti mug gis kun tu dkris shing bcings pas/ sangs rgyas ma 'tshal ba'i dus dang / chos ma 'tshal ba'i dus dang / dge 'dun ma 'tshal ba'i dus na/ dge sdig ma 'tshal ba'i dbang gis/ lus dang ngag dang yid kyi sgo nas mtshams ma mchis pa ngan sems kyis de bzhin gshegs pa'i sku mtshal phyung ba dang / yang dag pa'i chos la skur pa btab pa dang / dge 'dun 'thun pa'i dbyen bgyis pa dang / dgra bcom pa bkum pa dang / pha ma bkum pa dang / lus kyi rnam pa gsum dang / ngag gi rnam pa bzhi dang / yid kyi spyod pa rnam pa gsum gyi dbang gis/ mi dge ba bcu'i las bdag nyid kyis bgyis pa dang / gzhan bgyid du stsal ba dang / gzhan bgyid pa la rjes su yi rang ba dang / dge ba'i gang zag rnams la nan gyis skur pa btab pa dang / bre srang gis bslus pa dang / yang dag pa ma lags pa la yang dag par bzung ba dang / mi gtsang ba'i bza' ba dang / btung ba gzhan dag la stsal ba dang / 'gro ba drug po de dag tu mchis pa'i pha ma ji snyed pa dag la phan tshun gnod pa bgyis pa dang / mchod rten gyi dkor brkus pa dang / phyogs bzhi'i dge 'dun gyi dkor dang / mngon sum gyi dge 'dun gyi dkor rang dbang bgyis te yongs su spyad pa dang / bcom ldan 'das kyis gsungs pa'i chos dang 'dul ba la bslab par ma mos pa dang / mkhan po dang bla ma'i gdams ngag gi rjes su mi 'brang ba dang / nyan thos dang / rang sangs rgyas dang / theg pa chen po'i spyod pa mngon par bsgrubs pa dag la smad par dga' bas rnal 'byor bsgom pa'i gang zag rnams sems 'gyod pa bskyed pa dang / bdag pas khyad par du 'phags pa zhig mthong na/ phrag dog bskyed pa dang / chos kyi sbyin pa dang / zang zing gi sbyin pa dag la rtag par ser sna dang / 'phangs pa'i sems bskyed pa dang / ma rig pas bsgribs shing / log par lta bas sems rmongs par gyur pa dang / dge ba'i rgyu ma bskyed pas sdig pa 'phel bar gyur pa dang / de bzhin gshegs pa rnams la smod pa'i bsam pa skyed pa dang / chos la chos ma lags par bshad pa dang / chos ma lags pa la chos su bshad pa la sogs pa 'di lta bu'i sdig pa mang po rnams bcom ldan 'das yang dag pa'i shes rab dang / yang dag pa'i spyan dang / yang dag pa'i mkhyen pa dang / yang dag pa'i mnyam pas thams cad mkhyen cing / thams cad gzigs pa dag la deng bdag srog phyogs nas/ bcom ldan 'das rnams kyi spyan sngar thams cad 'thol zhing bshags so// thams cad mngon du phyung nas/ 'chab cing sbed par mi bgyid do// sngar ma bgyis pa'i kha na ma tho ba rnams slan chad mi bgyid do/ / sngar bgyis pa'i kha na ma tho ba rnams deng thams cad 'thol zhing bshags so// ngan 'gro'i sems can dmyal ba dang / dud 'gro'i skye gnas dang / yi dgas kyi 'gro ba dang / lha ma yin gyi 'khor dang / mi khom pa brgyad po dag tu ltung bar 'gyur ba'i las kyi sgrib pa ci mchis pa dang / bdag gis tshe 'di la bgyis pa'i las kyi sgrib pa ni mchis pa thams cad zhu byung nas/ sdig pa'i rnam par smin pa ci mchis pa ma 'ongs pa na mi myong ba smon to// ji ltar 'das pa'i byang chub sems dpa' sems dpa' chen po rnams kyis byang chub kyi spyad pa spyod pa na/ las kyi sgrib pa ci mchis pa thams cad 'grol zhing bshags pa de bzhin du/ bdag gi las kyi sgrib pa ci mchis pa yang 'grol zhing bshags so// thams cad mngon du phyung ste/ 'chab cing sprad par mi bgyid do// sngar bgyis pa'i sdig pa rnams zhu byang bar smon to// ma 'ongs pa'i sdig pa rnams yang bgyid pa'i thugs mi thub bo// ma 'ongs pa'i byang chub sems dpa' sems dpa' chen po rnams byang chub kyi spyad pa spyod pa na/ las kyi sgrib pa ci mchis pa ma lus par 'thol zhing bshags pa de bzhin du/ bdag gi las kyi sgrib pa yang deng 'thol zhing bshags so// thams cad mngon du phyung nas/ 'chab cing sdod par mi bgyid do// sngar bgyis pa'i sdig pa rnams zhu byang bar smon to// ma 'ongs pa'i sdig pa rnams kyang bgyis pa'i thugs mi thub bo// da ltar phyog bcu'i 'jig rten na/ byang chub sems dpa' sems dpa' chen po rnams kyis/ byang chub kyi spyod pa spyad pa dag las kyi sgrib pa ci mchis pa 'thol zhing bshags pa de bzhin du/ bdag gi las kyi sgrib pa yang 'thol zhing bshags so// thams cad mngon du phyung nas/ 'chab cing sbed par mi bgyid do// sngar bgyis pa'i sdig pa rnams zhu byang bar smon to// ma 'ongs pa'i sdig pa rnams kyang bgyid pa'i thugs mi thub bo zhes brjod par bya'o/ / rigs kyi bu rgyu dang rkyen de'i phyir gang gis sdig pa byas pa zhig yod na/ skad cig tsam du yang 'chab cing spar mi rung na/ nyin gcig gam/ mtshan gcig nas/ dus ring po'i bar du lha smod ci dgos/ gang la la zhig gis sdig pa byas nas/ rnam par dag pa yongs su tshol bar 'dod cing / sems la ngo tsha ba dang bcas pas/ 'ongs pa na gdon mi za bar sdig pa'i rnam par smin pa yod do zhes mngon par yid ches nas/ 'jigs shing skrag pa chen po skyes pa des 'di ltar bshags par bya'o// 'di lta ste dper na/ la la zhig me mgo thod bsregs sam/ gos bsregs par gyur na/ myur ba kho nar me gsod par byed de/ gal te me zhi bar ma gyur na/ sems kyis bde ba thob par mi 'gyur ro// gang gis sdig pa byas na yang de bzhin du 'thol zhing bshags nas/ myur ba kho nar yongs su sbyang bar bya'o// gang la la zhig phyug po'i khyim du skyes nas nor dang / rin po che mang po dang ldan par 'dod pa dang / gzhan yang sems bskyed nas/ theg pa chen po sgom par 'dod na yang 'gyod tshangs byas nas/ las kyi sgrib pa yongs su sbyang bar bya'o// cho rigs btsun pa'i bram ze dang / rgyal rigs dang / 'khor los sgyur ba'i rgyal po rin chen sna bdun dang lnga/ pa'i khyim dag tu skye bar 'dod na yang 'gyod tshangs byas na las kyi sgrib pa yongs su sbyang bar bya'o// rigs kyi bu gal te rgyal chen bzhi'i ris kyi lha dang / sum cu rtsa gsum gyi lha dang / 'thab bral gyi lha dang / dag ldan gyi lha dang / 'phrul dga'i lha dang / gzhan 'phrul dbang byed kyi lhar skye bar 'dod na yang / 'gyod tshangs byas nas las kyi sgrib pa yongs su sbyang bar bya'o// gal te tshangs ris dang / tshangs pa'i mdun na 'don dang / tshangs chen gyi lha dang / 'od chung dang / tshad med 'od dang / 'od gsal gyi lha dang / dge chung dang / tshad med dge dang / dge rgyas kyi lha dang / sprin med dang / bsod nams skyes dang 'bras bu che ba dang / mi che ba dang / mi gdung ba dang / gya nom snang ba dang / shin tu mthong dang / 'og min gyi lhar skye bar 'dod na yang / 'gyod tshangs byas nas las kyi sgrib pa yongs su sbyang bar bya'o// gal te rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu yongs su gnyer bar 'dod na yang / 'gyod tshangs byas nas las kyi sgrib pa yod su sbyang bar bya'o/ / gal te rig pa gsum dang / mngon par shes pa drug dang / nyan thos dang / rang sangs rgyas kyi rang dbang thob pa'i byang chub yongs su gnyer ba dang / mthar thug pa'i sar phyin nas/ tham cad mkhyen pa'i ye shes dang / yongs su dag pa'i ye shes dang / bsam gyis mi khyab pa'i ye she dang / mi g.yo ba'i ye shes dang / yang dag par rdzogs pa'i byang chub thams cad mkhyen pa yongs su gnyer bar 'dod na yang / 'gyod tshangs byas nas las kyi sgrib pa yongs su sbyang bar bya'o// de ci'i phyir zhe na/ rigs kyi bu chos thams cad ni rgyu dang rkyen las skye ba/ de bzhin gshegs pas kyang tha dad pa'i mtshan nyid 'gag par 'gyur ro zhes gsungs te/ rgyu dang rkyen tha dad pa'i phyir/ 'di ltar 'das pa'i chos rnams 'gag cing zad par 'gyur bas/ las kyi sgrib pa ji/ snyed pa ma lus par 'gyur ba yang 'du byed kyi chos rnams mngon du ma skyes pa gang yin pa de dag deng gdod skye bar 'gyur bas/ ma 'ongs pa'i las kyi sgrib pa yang ldang bar mi 'gyur ro// de ci'i phyir zhe na/ rigs kyi bu chos thams cad stong zhing / de bzhin gshegs pas kyang bdag dang / gang zag dang / sems can dang / srog med pa dang / skye ba dang / 'gag pa med pa dang / 'du byed kyi chos kyang med do zhes gsungs pas so/ / rigs kyi bu chos thams cad ni ngo bo nyid gzhi la brten pas brjod du yang med do// de ci'i phyir zhe na/ mtshan ma thams cad las yang dag par 'das pa'i phyir ro// rigs kyi bu 'am/ rigs kyi bu mo gang la la zhig 'di ltar yang dag pa'i don shin tu gya nom pa la zhugs nas/ mngon par yid ches pas gus pa'i sems skyes par gyur pa gang yin pa de ni sems can med cing ngo bo nyid kyi gzhi yod pa zhes bya ste/ don de'i phyir 'gyod tshangs kyis las kyi sgrib pa yongs su srung bar bya'o zhes bstan pa yin no// rigs kyi bu gang gis chos rnam pa bzhi dang ldan par gyur// / na/ las kyi sgrib pa yongs su bsal nas/ gtan du yongs su byang bar 'gyur ro// bzhi gang zhe na/ log pa'i bsam pa mi skye zhing yang dag pa'i dran pa phun sum tshogs par gyur pa dang / shin tu zab pa'i don dag la skur pa mi 'debs pa dang / spyod pa dang po pa'i byang chub sems dpa' ngag thams cad mkhyen pa yin no snyam pa'i bsam pa bskyed pa dang / sems can rnams la byams pa tshad med pa skyes pa ste/ 'di dag ni rnam pa bzhi zhes bya'o// de nas bcom ldan 'das kyis tshigs su bcad de bka' stsal pa/ rtse gcig sems kyis theg gsum srung // zab mo'i chos la skur mi 'debs// thams cad mkhyen pa'i 'du shes skyes// byams sems las kyi sgrib pa sbyong // rigs kyi bu shin tu bsal bar dka' ba'i las kyi sgrib pa ni rnam pa bzhi yod do// bzhi gang zhe na/ byang chub sems dpa' sdom pa las shin tu lci ba'i kha na ma tho ba byas pa dang / theg pa chen po mdo sde la sems kyis skur pa btab pa dang / rang gi dge ba'i rtsa ba 'phel bar mi byed dang / srid pa gsum la mngon par zhen nas/ nges par 'byung ba'i sems med pa gang yin pa'o// gzhan yang las kyi sgrib pa'i gnyen por 'gyur ba rnam pa bzhi yod de/ bzhi gang zhe na/ phyogs bcu'i 'jig rten na bzhugs pa'i de bzhin gshegs pa thams cad la bsam pa thag pa nas nye bar bsnyen nas kha na ma tho ba thams cad bshags par byed pa dang / sems can thams cad kyi ched du/ de bzhin gshe/ pa rnams la dam pa'i chos zab mo bshad par gsol ba 'debs pa dang / sems can thams cad kyi bsod nams ji snyed pa dag la rjes su yi rang ba dang / bsod nams kyi dge ba'i rtsa ba ji snyed pa thams cad bla na med pa yang dag par rdzogs pa'i byang chub tu yongs su sngo ba gang yin pa'o/ / de nas bcom ldan 'das la/ brgya byin lha'i dbang pos 'di skad ces gsol to// bcom ldan 'das 'jig rten na skyes pa dang / bud med ji snyed mchis pa dag las theg pa chen po'i spyod pa spyod rngo thogs pa yang mchis/ spyod rngo mi thogs pa yang mchis na/ ji ltar sems can thams cad kyi bsod nams kyi dge ba'i rtsa ba dag la rjes su yi rang bar bgyi lags/ bcom ldan 'das kyis bka' stsal pa/ rigs kyi bu sems can gang la la zhig theg pa chen po bsgom par mi nus mod kyi/ 'on kyang nyin mtshan dus drug tu bla gos phrag pa gcig la gzar te/ pus mo g.yas pa'i lha nga sa la btsugs nas/ gus pas thal mo sbyar te/ sems rtse gcig tu dran pa nye bar bzhag nas/ rjes su yi rang bar byed na bsod nams tshad med pa snyed thob par 'gyur bas/ 'di skad du phyogs bcu'i 'jig rten gi khams na/ sems can gang dag da ltar sbyin pa dang / tshul khrims dang / sems kyis shes rab mngon par bsgrub pa ji snyed pa de dag thams cad la deng bdag shin tu dang bas rjes su yi rang ngo zhes brjod par gyur na/ de ltar rjes su yi rang ba'i bsod nams kyi dbang gis gdon mi za bar shin tu btsun zhing khyad par du 'phags pa/ bla na med pa/ mtshungs pa med pa/ mchog tu gya nom pa'i 'bras bu thob par 'gyur ro// de bzhin du 'das pa dang / ma 'ongs pa'i sems can thams cad kyi dag ba'i rtsa ba ji snyed pa thams cad la yang rjes su yi rang bar bya'o/ / gzhan yang da ltar byang chub sems dpa'i spyod pa dang po pas/ byang chub tu sems bskyed pa las byung ba'i bsod nams ji snyed pa dag dang / bskal pa chen po brgya 'das nas/ byang chub sems dpa'i spyod pa spyad pa las byung ba'i bsod nams chen po gang yin pa dang / mi skye ba'i bzod pa thob pa na/ phyir mi ldog pa dang / tshe gcig gis dbang bskur bar 'gyur ba'i bar dag las byung ba'i bsod nams kyi phung po gang yin pa de dag thams cad la yang / 'di ltar bsam pa thag pa nas rjes su yi rang zhing bsngags pa brjod par bya'o/ / de bzhin du 'das pa dang / ma 'ongs pa'i byang chub sems dpa' thams cad kyi bsod nams ji snyed pa dag la yang rjes su yi rang zhing bsngags pa brjod par bya'o// gzhan yang da ltar phyogs bcu'i 'jig rten na yang dag pa'i thams cad mkhyen pa/ byang chub gya nom pa brnyes pa'i sangs rgyas bcom ldan 'das thams cad sems can mtha' yas pa rnams yongs su bzla ba'i phyir/ bla na med pa'i chos kyi 'khor lo bskor ba/ thogs pa mi mnga' ba'i chos kyi sbyin pa btang ba/ chos kyi rnga brdungs pa/ chos kyi dung bus pa/ chos kyi rgyal mtshan btsugs/ chos kyi char pa phab pa dag gis thugs brtse bas/ sems can thams cad la bskul zhing yongs su btul bas/ thams cad mngon par yid ches par gyur nas/ chos kyi sbyin pas tshim par mdzad pa'i dbang gis/ zad mi shes pa'i bde ba dam pa la bkod pa gang yin pa dang / gzhan yang byang chub sems dpa' dang / nyan thos dang / rang sangs rgyas kyis bsod nams bsags pa las byung ba'i dge ba'i rtsa ba gang yin pa dang / sems can gang gis 'di 'dra ba'i bsod nams da dung phun sum tshogs par ma gyur pa dag thams cad phun sum tshogs par 'gyur ba gang yin pa de dag la bdag rjes su yi rang ngo / / de bzhin du 'das pa dang / ma byon pa'i sangs rgyas dang / byang chub sems dpa' dang / nyan thos dang / rang sangs rgyas rnams kyi bsod nams ji snyed pa thams cad la yang bsam pa thag pa nas rjes su yi rang ngo zhes brjod par bya'o/ / rigs kyi bu de ltar na/ rjes su yi rang ba gang yin pa des/ bsod nams kyi phung po tshad med pa snyed thob par 'gyur ro// gang+gA'i klung gi bye ma dang mnyam pa'i stong gsum gyi stong chen po'i 'jig rten gyi khams na/ sems can ji snyed yod pa de dag thams cad nyon mongs pa spangs te/ dgra bcom pa mngon par grub par gyur la/ rigs kyi bu 'am/ rigs kyi bu mo gang la la zhig nam 'tsho'i bar du/ rtag par gos dang / bza' ba dang / btung ba dang / mal cha dang / gsos sman mchog dam pa rnams kyis mchod pa dang / rim gro byas pa thob pa'i bsod nams gang yin pa des/ 'di ltar snga ma lta bur rjes su yi rang ba'i bsod nams de dang bskrun na/ stong gi cha gcig tsam du yang nye bar mi 'gro'o// de ci'i phyir zhe na/ mchod pa byas pa'i bsod nams gang yin pa de ni grangs dang bcas shing tshad dang bcas pas/ bsod nams thams cad yongs su sdud par mi 'gyur la/ rjes su yi rang ba'i bsod nams gang yin pa de la ni tshad med cing grangs med pas/ dus gsum gyi bsod nams thams cad yongs su sdud par byed pas/ de'i phyir gang la la zhig dge ba'i rtsa ba khyad par can 'phel bar 'dod pas/ 'di ltar rjes su yi rang ba'i bsod nams mngon par bsgrub par bya'o/ / bud med gang la la zhig budas kyi lus yongs su bsgyur nas/ skyes pa'i lus yongs su 'grub par 'dod na yang rjes su yi rang ba'i bsod nams mngon par sgrub par byed na/ gdon mi za bar yid la bsam pa bzhin du tshe 'di nyid la skyes pa'i lus mngon par 'grub par 'gyur ro// de nas bcom ldan 'das la/ brgya byin lha'i dbang pos 'di skad ces gsol to/ / bcom ldan 'das rjes su yi rang ba'i bsod nams gang lags pa ni 'tshal bar 'gyur na/ slad ma'i byang chub sems dpa' thams cad chos kyi 'khor lo skor bar 'gyur ba dang / da ltar gyi byang chub sems dpa' rnams yang dag par rnal 'byor sgom par 'gyur bar bgyid pa'i slad du bskul ba dang / gsol ba btab pa'i bsod nams gang lags pa bshad du gsol/ bcom ldan 'das kyis bka' stsal pa/ lha'i dbang po rigs kyi bu 'am/ rigs kyi bu mo gang la la zhig bla na med pa yang dag par rdzogs pa'i byang chub yongs su gnyer ba gang yin pa des/ nyan thos dang / rang sangs rgyas dang / theg pa chen po'i lam bsgom par 'dod na/ gang zag des nyin mtshan dus drug tu/ snga ma lta bu'i spyod lam gyis/ sems rtse gcig tu dran pa nye bar bzhag nas/ 'di skad du deng bdag phyogs bcu na sangs rgyas bcom ldan 'das bla na med pa yang dag par rdzogs pa'i byang chub brnyes par gyur kyang / bla na med pa'i chos kyi 'khor lo da dung ma bskor ba dang / rnam par smin pa'i sku spangs nas/ yongs su mya ngan las 'das par bzhed pa gang lags pa de dag thams cad la bdag bsam pa thag pa nas/ spyi bos btud phyag bgyis nas sems can thams cad yongs su bsgral zhing / bde bar bgyi ba dang / sngar gong du bstan pa ltar bas pa ma mchis pa'i bde ba thob par bgyi ba'i slad du/ chos kyi 'khor lo chen po yongs su bskor ba dang chos kyi char chen po dbab pa dang / chos kyi sgron ma chen po sbar ba dang / chos kyi tshul gsal bar mdzad pa dang / thogs pa mi mnga' ba'i chos kyi sbyin pa btang nas/ yongs su mya ngan las mi 'da' zhing / 'jig rten na yun ring du bzhugs par bskul zhing gsol bar 'tshal lo// deng bdag gis bskul zhing gsol ba btab pa'i bsod nams gang lags pa 'di dag thams cad bla na med pa yang dag par rdzogs pa'i byang chub tu yongs su bsngo bar bgyi'o/ / ji ltar 'das pa dang / da ltar gyi byang chub sems dpa' chen po rnams kyis bskul ba dang / gsol ba btab pa'i bsod nams de dag byang chub tu/ yongs su bsngos pa de bzhin du/ bdag gis kyang bskul ba dang / gsol ba btab pa'i bsod nams gang lags pa de dag bla na med pa yang dag par rdzogs pa'i byang chub tu yongs su bsngo bar bgyi'o zhes brjod par bya'o/ / rigs kyi bu gal te gang la la zhig gis stong gsum gyi stong chen po'i 'jig rten gyi khams rin po che sna bdun gyis yongs su bkang ste/ de bzhin gshegs pa la mchod pa byas pa bas/ gang la la zhig gis de bzhin gshegs pa la chos kyi 'khor lo bskor bar gsol ba btab pas thob pa'i bsod nams gang yin pa de snga ma pas ches khyad par du 'phags te/ de ci'i phyir zhe na/ de ni zang zing gi sbyin pa yin la/ 'di ni chos kyi sbyin pas so// rigs kyi bu stong gsum gyi stong chen po'i 'jig rten gyi khams rin po che sna bdun gyis bkang ste/ sbyin pa btang ba lta re zhig zhog gi/ gal te gang la la zhig gis gang+gA'i klung gi bye ma snyed kyi stong gsum gyi stong chen po'i 'jig rten gyi khams rin po che sna bdun gyis yongs su bkang ste/ sangs rgyas thams cad la mchod pa bya pa bas/ bskul zhing gsol ba btab pa'i bsod nams gang yin pa de de bas kyang ches khyad par du 'phags so// chos kyi sbyin pa ni khyad par du 'phags pa'i ban yon rnam pa lnga dang ldan te/ lnga gang zhe na/ dang po chos kyi sbyin pa gang yin pa de ni bdag dang / gzhan la phan 'dogs par byed la/ zang zing gi sbyin pa ni de lta ma yin pas so// gnyis pa chos kyi sbyin pa gang yin pa de ni/ sems can khams gsum nas 'byin par byed pa yin la/ zang zing gi sbyin pa'i bsod nams gang yin pa de ni/ 'dod pa'i khams las mi 'da' bas so// gsum pa chos kyi sbyin pa gang yin pa de ni/ chos kyi sku yongs su dag par byed pa yin la/ zang zing gi sbyin pas ni gzugs 'ba' zhig 'phel bar byed pas so// bzhi pa chos kyi sbyin pa gang yin pa de ni mthar thug pa med pa yin la/ zang zing gi sbyin pa ni zad par 'gyur bas so// lnga pa chos kyi sbyin pa gang yin pa de ni ma rig pa yongs su gcod par byed la/ zang zing gi sbyin pa ni 'dod pa'i srid pa tsam thul bar 'gyur/ bas so// de lta bas na rigs kyi bu bskul ba dang / gsol ba btab pa'i bsod nams ni tshad med dpag tu med pas dpe byar sla ba ma yin no// nga sngon byang chub sems dpa'i spyad pa spyod pa na/ de bzhin gshegs pa rnams la chos kyi 'khor lo chen po yongs su bskor bar bskul bas/ dge ba'i rtsa ba de'i dbang gis de lta bas na deng brgya byin dang tshangs pa'i rgyal po la sogs pas nga la chos kyi 'khor kho chen po yongs su bskor bar gsol ba btab pa yin te/ rigs kyi bu chos kyi 'khor lo yongs su bskor bar bskul ba ni sems can rnams yongs su sgrol zhing bde bar byed pa yin pa'i phyir ro// nga sngon byang chub kyi spyod pa spyad pa na/ de bzhin gshegs pa rnam 'jig rten na yun ring du bzhugs shing / yongs su mya ngan las mi 'da' bar gsol ba btab pas ni/ dge ba'i rtsa ba de la brten nas ngas stobs bcu dang / bsnyengs pa mi mnga' ba bzhi dang / so so yang dag par rig pa bzhi dang / byams pa chen po dang / thugs rje chen po dang / ma 'dres pa'i chos grangs med pa snyed brnyes par gyur pa yin te/ nga lhag ma med pa'i mya ngan las 'das par yongs su mya ngan las 'das par 'gyur yang / nga'i yang dag pa'i chos 'jig rten na yun ring bar gnas par 'gyur ba yin no// nga'i chos kyi sku gang yin pa de ni rnam par dag cing dpe zla med pas/ mtshan mchog dam pa sna tshogs dang / mkhyen pa tshad med pa dang / dbang tshad med pa dang / yon tan bsam gyis mi khyab pa tshad med pa dang ldan zhing // sems can thams cad la phan 'dogs par mdzad pas/ bskal pa bye ba brgya stong snyed du brjod kyang mthar thug par mi 'gyur ro// chos kyi skus ni chos thams cad yongs su sdud par mdzad la/ chos thams cad kyis ni chos kyi sku yongs su sdud par mi byed do/ / chos kyi sku rtag par gnas kyang rtag pa'i lta bar lhung bar mi 'gyur ro// 'gag par 'gyur yang chad pa'i lta bar 'gyur ba ma yin pas// sems can gyi tha dad pa'i lta ba rnam pa sna tshogs rnam par bshig nas/ sems can gyi yang dag pa'i lta ba sna tshogs bskyed par mdzad do// sems can thams cad kyi 'ching ba dgrol bar mdzad kyang / dgrol bar bya ba ci yang mi mnga' 'o// sems can rnams kyi dge ba'i rtsa ba rnams bskyed pas/ yongs su ma smin pa gang yin pa de ni/ yongs su smin par mdzad la/ yongs su smin pa gang yin pa de ni rnam par grol bar mdzad kyang / mngon par 'du mdzad pa yang mi mnga'/ g.yo ba yang mi mnga' bas/ 'du 'dzi las thag ring du gyur pas/ rab tu dben zhing mdzad pa mi mnga' bas/ rang dbang du gyur cing bde bar gyur pa/ dus gsum las yang dag par 'das kyang / dus gsum ston par mdzad pa/ nyan thos dang / rang sangs rgyas kyi spyod yul las nges par byung ba/ byang chub sems dpa' chen po rnams kyis bsgrub par bya ba/ de bzhin gshegs pa thams cad dang sku tha dad par gyur pa med pa yin te/ 'di dag thams cad kyang bskul zhing gsol ba btab pa'i dge ba'i rtsa ba'i stob kyis brnyes pa yin pa'i phyir 'di lta bu'i chos kyi sku ngas dang brnyes pa yin te/ de lta bas na gang dag bla na med pa yang dag par rdzogs pa'i byang chub yongs su gnyer bar 'dod pas/ chos kyi rnam grangs 'di las tshig gcig gam/ tshigs su bcad pa gcig tsam yang gzhan dag la ston par byed pa'i dge ba'i rtsa ba gang yin pa de yang tshad med par gyur pa yin na/ de bzhin gshegs pa rnams la chos kyi 'khor lo chen po yongs su bskor bar bskul zhing / 'jig rten na yun ring du bzhugs nas/ yongs su mya ngan las mi 'da' bar gsol ba 'debs pa lta smos kyang ci dgos/ de nas bcom ldan 'das la/ brgya byin lha'i dbang pos yang 'di skad ces gsol to// bcom ldan 'das rigs kyi bu 'am/ rigs kyi bu mo gang la la zhig bla na ma mchis pa yang dag par rdzogs pa'i byang chub yongs su gnyer zhing / theg pa gsum gyi lam bsgom 'tshal bas/ dge ba'i rtsa ba ci mchis pa ji ltar thams cad mkhyen pa'i ye shes su bsngo bar bgyi lags/ bcom ldan 'das kyis/ lha'i dbang po brgya byin la bka' stsal pa/ rigs kyi bu sems can gang dag byang chub yongs su gnyer zhing / theg pa gsum gyi lam bsgom pas/ dge ba'i rtsa ba yod pa yongs su bsngo bar 'dod pa des/ nyin mtshan dus drug tu gus pas sam rtse gcig tu 'di skad ces bdag gis thog ma med pa'i 'khor ba nas dkon mchog gsum po dag gi thad du rnal 'byor bsgoms nas/ yongs su rdzogs par gyur pa las byung ba'i dge ba'i rtsa ba ci yod pa dang / tha na dud 'gro'i skye gnas kyi srog chags dag la kha zas chang gcig tsam byin pa dang / dge ba'i tshig gis rtsod pa dag gi bsdums byas pa dang / gsum la skyabs su song nas bslab pa'i gan rnams yang dag par blangs pa dang / 'gyod tshangs byas pa dang / bskul zhing gsol ba btab pa dang / rjes su yi rang ba'i dge ba'i rtsa ba ji snyed pa de dag deng bdag gis thams cad gcig tu bsdus te 'gyod cing 'phangs pa med pas sems can thams cad la yongs su gtang ngo / / rnam par grol ba'i phyogs kyis yongs su gzung ba'i dge ba'i rtsa ba gang yin pa de dag kyang / sangs rgyas bcom ldan 'das kyis mkhyen cing gzigs pa dpag tu med pa dang / thogs pa mi mnga' ba'i rnam par dag pas/ 'di ltar bsod nams kyi dge ba'i rtsa ba ji snyed pa dag thams cad mtshan ma'i sems la mi gnas shing / mtshan ma'i sems kyang mi spong bar sems can thams cad la yongs su btang ba de bzhin du/ bdag gis bsod nams las byung ba'i dge ba'i rtsa ba ci yod pa de dag thams cad kyang sems can tham cad la yongs su gtong ste/ thams cad kyis yid bzhin gyi lag pa thob nas/ nam mkha' las rin po che phyung ste/ sems can thams cad kyi re ba yongs su skong bar gyur cig/ longs spyod zad mi shes pa dang / shes rab mthar thug pa med pa dang / dam pa'i chos kyi spobs pa thogs pa med pa thob nas/ sems can thams cad dang thun mong du bla na med pa yang dag par rdzogs pa'i byang chub mngon par rdzogs pa sangs rgyas nas/ thams cad mkhyen pa thob par gyur cig/ dge ba'i rtsa ba 'di'i rgyus dge ba'i chos tshad med pa bskyed pa gang yin pa de dag thams cad kyang / bla na med pa'i byang chub yongs su bsngo'o// gzhan yang 'das pa'i byang chub sems dpa' chen po rnams spyad pa spyod pa na/ bsod nams kyi dge ba'i rtsa ba thams cad rnam pa thams cad mkhyen par yongs su bsngos pa dang / da ltar dang ma 'ongs pa dag gis ji ltar yongs su bsngos pa de bzhin du/ bdag gi bsod nams kyi dge ba'i rtsa ba ji snyed pa thams cad kyang / bla na med pa'i byang chub tu yongs su bsngo'o// dge ba'i rtsa ba 'di dag gi dbang gis/ sems// can thams cad dang dus gcig tu yang dag par rdzogs pa'i byang chub mngon par rdzogs par sangs rgyas nas/ sangs rgyas gzhan dag ji lta ba bzhin du/ byang chub kyi shing drung du byang chub kyi snying po la gnas te/ bsam gyis mi khyab pa'i thogs pa med pa'i rnam par dag pa dang / zad mi shes pa'i chos kyi gzungs dang / dpa' bar 'gro ba'i ting nge 'dzin la gnas nas/ bdud sdig can gyi dmag tshogs tshad med pa dag pham par byas te/ mkhyen pa dang gzigs pa'i mngon par rtogs nas/ 'di ltar de dag thams cad skad cig ma gcig la gsal bar rtogs te/ nam gyi cha smad la bdud rtsi'i chos thob nas/ zil dngar gyi don mngon sum du gyur te/ bdag dang sems can thams cad sangs rgyas tshe dpag tu med pa dang / sangs rgyas 'phags pa'i 'od dang / sangs rgyas dam pa'i 'od dang / sangs rgyas mi 'khrug pa dang / sangs rgyas yon tan legs pa'i 'od dang / sangs rgyas seng ge'i 'od dang / sangs rgyas 'od brgya pa dang / sangs rgyas dran pa'i 'od dang / sangs rgyas rin chen mtshan dang / sangs rgyas rin chen 'bar dang / sangs rgyas 'bar ba'i 'od dang / sangs rgyas rgyas par 'bar ba'i 'od dang / sangs rgyas bkra shis bla ma'i rgyal po dang / sangs rgyas dam pa'i sgra dang / sangs rgyas bkod pa'i mchog dang / sangs rgyas chos kyi rgyal mtshan dang / sangs rgyas bla ma 'phags pa'i sku dang / sangs rgyas mngon par dga' ba'i gzugs sku dang / sangs rgyas 'od zer kun tu snang mdzad dang sangs rgyas tshangs pa rnam dag rgyal po dang / sangs rgyas bla ma'i rang bzhin la sogs pa ji lta ba bzhin du gya nom par mngon par rdzogs par sangs rgyas nas/ 'di ltar de bzhin gshegs pa yang dag par mkhyen pa de dag 'das pa dang / ma 'ongs pa dang / da ltar longs spyod rdzogs pa'i sku dang / sprul pa'i sku bstan te/ bla na med pa yang dag par rdzogs pa'i byang chub brnyes nas/ bla na med pa'i chos kyi 'khor lo yongs su bskor te/ sems can yongs su bzlas pa bzhin du bdag kyang de bzhin du gyur cig ces rgya cher gong du bstan pa bzhin du brjod par bya'o// rigs kyi bu shin tu dang ba'i dad pa dang ldan pa'i skyes pa'am/ bud med gang la la zhig gser 'od dam pa mchog tu rnam par rgyal ba mdo sde'i dbang po las las kyi sgrib pa yongs su sbyang ba'i le'u 'di len pa dang / 'dzin pa dang / klog pa dang / kha ton du 'don pa dang / dran pas mi brjed par byas te/ gzhan dag la rgya cher yang dag par ston par byed na/ bsod nams kyi phung po tshad med dpag tu med pa snyed thob par 'gyur ro// 'di lta ste dper na/ stong gsum gyi stong chen po'i 'jig rten gyi khams na/ sems can ji snyed yod pa thams cad dus gcig tu mi'i lus mngon par grub par gyur la/ mi'i lus thob nas kyang thams cad rang sangs rgyas kyi lam mngon par 'grub par 'gyur te/ skyes pa'am/ bud med gang la zhig nam 'tsho'i bar du bkur sti dang / bla mar byas te/ yo byad rnam pa sna bzhi po dag gis mchod pa byas te/ rang sangs rgyas re re la yang so so nas ri'i rgyal po ri rab dang mnyam pa'i rin po che sna bdun gyis yongs su bkang ste/ rang sangs rgyas de dag yongs su mya ngan las 'das pa'i 'og tu ya rin po che las mchod rten brtsigs nas mchod pa byas te/ mchod rten de dag kyang dpag tshad bcu gnyis kyi tshad tsam du mtho zhing me tog dang / spos dang / rin po che'i rgyal mtshan dang / ba dan dang gdugs mang po dag gis rtag par mchod pa byas na/ rigs kyi bu 'di ji snyam du sems/ gang zag de dag gis thob pa'i bsod nams gang yin pa de ci mang ba yin snyam mam/ lha'i dbang pos gsol pa/ bcom ldan 'das shin tu mang lags so// rigs kyi bu gal te gang la la zhig gis gser 'od dam pa mchog tu rnam par rgyal ba mdo sde'i rgyal po las las kyi sgrib pa yongs su sbyong ba'i le'u 'di len pa dang / 'dzin pa dang / klog pa dang / kha ton du 'don pa dang / dran pas mi brjed par byas te/ gzhan dag la rgya cher yang dag par ston pas thob pa'i bsod nams gang yin pa de sngar bstan pa'i mchod pa byas pa'i bsod nams gang yin pa de dang bskrun na/ brgya'i char yang nye bar mi 'gro/ brgya stong dang / bye ba'i char nye bar mi 'gro ba nas/ tshad dang dpe dang / rgyu'i bar du yang nye bar mi 'gro'o// de ci'i phyir zhe na/ rigs kyi bu dang / rigs kyi bu mo de dag yang dag pa'i spyod pa la gnas/ phyogs bcu'i sangs rgyas bcom ldan 'das rnams la bla na med pa'i chos kyi 'khor lo yongs su bskor bar gsol ba 'debs par byed na/ sangs rgyas bcom ldan 'das rnams rab tu dgyes nas/ bsngags pa brjod par 'gyur bas so// rigs kyi bu ngas ji skad bstan pa bzhin du/ sbyin pa thams cad kyi nang na chos kyi sbyin pa ni mchog tu gyur pa yin pas/ de'i phyir rigs kyi bu dkon mchog gsum la mchod pa byas pas kyang dpe byar mi nus so/ / gsum la skyabs su 'gro zhing bslab pa thams cad bsrung bar bskul nas/ nyams par ma byas pa dang / las gsum stongs par ma gyur pas kyang dpe byar mi nus so// 'jig rten thams cad kyi mthu dang / nus pa dang / mos pa ji lta ba bzhin du theg pa gsum po dag tu byang chub kyi sems bskyed par bskul bas kyang dang byar mi nus so// dus gsum gyi 'jig rten gyi khams thams cad na/ sems can ji snyed yod pa thams cad thogs pa med pa thob nas/ bsod nams tshad med pa myur du yongs su rdzogs par gyur pas kyang dpe byar mi nus so// dus gsum gyi zhing dag na yod pa'i sems can thams cad thogs pa med par byang chub gsum po dag thob par byas pas kyang dpe byar mi nus so/ / dus gsum gyi zhing dag na yod pa'i sems can thams cad myur du ngan 'gro bzhi po'i sdug bsngal las 'byung bar bskul bas kyang dpe byar mi nus so/ / dus gsum gyi zhing dgan yod pa'i sems can thams cad mi dge ba'i las kyi sgrib pa shin tu lci ba dag yongs su srung bar bskul bas kyang / dpe byar mi nus so// sdug bsngal thams cad las thar par bya bar bskul pas kyang dpe byar mi nus so// 'jigs shing skrag pa dang / sdug bsngal gyis gzir cing nyon mongs pa thams cad las grol bar byas kyang dpe byar mi nus so/ / dus gsum gyi sangs rgyas rnams kyi spyan sngar sems can thams cad kyi bsod nams ji srid pa dag la rjes su yi rang bar bskul nas/ byang chub kyi smon lam btab pas kyang dpe byar mi nus so/ / sdig pa'i spyod pa dang / gshe zhing smyo ba'i las yongs su bsal bas bskul ba dang / yon tan thams cad yongs su rdzogs par smon pa dang / skye ba thams cad du dkon mchog gsum po thams cad la mchod pa dang / bla mar bya ba dang / bsngags pa brjod par bskul ba dang / sems can rnams bsod nams kyi spyod pa yongs su dag pa mngon par bsgrub par bskul nas/ byang chub yongs su rdzogs par byas pas kyang dpe byar mi nus pas/ de'i phyir 'jig rten gyi khams thams cad kyi dus gsum gyi dkon mchog la bskul zhing gsol ba btab pa dang pha rol tu phyin pa drug yongs su rdzogs par bya bar bskul ba dang / bla na med pa'i chos kyi 'khor lo yongs su bskor bar bskul zhing gsol ba btab pa dang / bskal pa tshad med pa skad du 'jig rten na bzhugs nas/ chos mchog dam pa zab mo bshad par bskul zhing gsol ba btab pa'i bsod nams gang yin pa de ni/ shin tu zab pas gang gis kyang dpe byar mi nus par rig par bya'o/ / de nas brgya byin lha'i dbang po dang / gang+gA'i lha mo dang / tshangs pa'i rgyal po dang / rgyal chen ris bzhi'i lha tshad med pa rnams stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ thal mo sbyar nas mgo bos phyag byas te/ bcom ldan 'das la 'di skad ces gsol to// bcom ldan 'das bdag cag kyang gser 'od dam pa mchog tu rnam par rgyal ba mdo sde'i rgyal po 'di thob pas/ thams cad yongs su bzung ste klog pa dang / g.yar thon du 'don pa dang / kun chub par bgyis te/ gzhan dag la rgya cher yang dag par bstan nas/ chos 'di la brten te rab tu gnas par bgyid do// de ci'i phyir zhe na/ bcom ldan 'das bdag cag bla na ma mchis pa yang dag par rdzogs pa'i byang chub yongs su gnyer bar 'tshal bas/ don 'di mtshan nyid khyad par du 'phags pa'i rjes su 'brang nas/ chos bzhin du spyod pa'i slad du'o// de nas tshangs pa dang brgya byin la sogs pas chos bshad pa'i gnas de nyid du/ me tog man+dar rnam pa sna tshogs kyis bcom ldan 'das la mngon par gtor bas/ stong gsum gyi snying chen po'i 'jig rten gyi khams kyis chen po thams cad rab tu g.yos par gyur to// rnga bo che dang rol mo thams cad kyang ma dkrol bar rang sgra byung ste/ gser gyi kha dog gi 'od zer bkye nas/ 'jig rten gyi khams kun tu khyab par bkang ste/ sgra dbyangs dam pa byung bar gyur pa dang / de nas bcom ldan 'das la/ brgya byin lha'i dbang pos 'di skad ces gsol to// bcom ldan 'das 'di dag thams cad ni gser 'od dam pa'i mdo sde'i byin pa rlabs kyi mthu lags pas/ byam pa dang / thugs rjes rnam pa sna tshogs kyis yongs su skyob cing phan 'dogs pa dang / rnam pa sna tshogs kyis byang chub sems dpa'i dge ba'i rtsa ba 'phel zhing las kyi sgrib pa rnams yongs su sbyong bar mdzad/ lags so// bcom ldan 'das kyis bka' stsal pa// de de bzhin no// de de bzhin te/ khyod kyis ji skad smras pa bzhin no// de ci'i phyir zhe na/ rigs kyi bu ngas mngon par dran te/ sngon byung ba'ang pa'i bskal pa brgya stong tshad med pa snyed 'das pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rin po che'i rgyal po 'od chen snang mdzad ces bya ba 'jig rten du byung ste/ bskal pa 'bum phrag drug brgya brgyad cu'i bar du 'jig rten na bzhugs so// de'i tshe de bzhin gshegs pa rin po che'i rgyal po 'od chen snang mdzad kyis lha dang / mi dang / brgya byin dang / tshangs pa dang / dge sbyong dang / bram ze dang / sems can thams cad yongs su bzung nas/ bde bar mdzad pa'i phyir 'jig rten du byung ba na/ 'dus pa dang po la chos bstan pas/ srog chags bye ba khrag khrig 'bum phrag brgya stong snyed yongs su bzlas nas/ thams cad kyis dgra bcom pa'i 'bras bu thob pas/ zag pa rnams zad nas rig pa gsum dang / mngon par shes pa drug dang / thogs pa med pa'i rang dbang dang ldan par 'gyur to// 'dus pa gnyis pa'i tshe yang srog chags bye ba khrag khrig 'bum phrag brgya stong dgu bcu yongs su mya ngan las bzlas nas/ thams cad kyis dgra bcom pa'i 'bras bu thob nas/ zag pa rnams zad nas/ rig pa gsum dang / mngon par shes pa drug dang / thogs pa med pa'i rang dbang dang ldan par gyur to// 'dus pa gsum pa'i tshe na yang srog chags bye ba khrag khrig 'bum phrag brgya stong dgu bcu yongs su mya ngan las bzlas nas/ thams cad kyis dgra bcom pa'i 'bras bu thob pas zhes bya ba yang rgyas par gong ma bzhin no// / rigs kyi bung de'i tshe bud med kyi lus su gyur te/ ming ni bsod nams rin po che'i 'od ces bya'o// 'dus pa gsum pa'i tshe yang bcom ldan 'das de la nye bar bsnyen nas/ gser 'od dam pa'i mdo sde 'di yongs su bzung ste bklags/ kha ton du bton nas gzhan dag la rgya cher yang dag par bstan te/ bla na med pa yang dag par rdzogs pa'i byang chub yongs su gnyer ba'i phyir/ de'i tshe bcom ldan 'das des nga la bu mo bsod nams rin po che'i 'od 'di ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu 'dul ba/ kha lo sgyur ba/ lha dang mi rnams kyi ston pa sangs rgyas bcom ldan 'das shAkya thub pa zhes bya bar 'gyur ro// zhes lung bstan te bud med kyi lus spangs nas/ de tshun chad ngan 'gro bzhi las yang dag par 'das te/ lha dang mi'i nang du skyes nas bde ba mchog myong bar gyur to// tshe rabs stong phrag bzhi brgya brgyang cu'i bar du 'khor los sgyur ba'i rgyal po byas te/ deng yang dag par mngon par rdzogs par sangs rgyas pa'i bar du yang grags pa 'jig rten gyi khams kun tu gang zhing rgyas par gyur pa yin no// de nas de'i tshe 'khor 'dus pa chen po thams cad kyis/ de bzhin gshegs pa rin po che'i rgyal po 'od chen snang mdzad bla na med pa'i chos kyi 'khor lo yongs su bskor nas/ chos mchog dam pa bshad pa mthong bar gyur// to// rigs kyi bu 'jig rten gyi khams mi mjed 'di nas shar phyogs su sangs rgyas kyi zhing gang+gA'i klung gi bye ma brgya stong snyed 'das pa na/ 'jig rten gyi khams rin po che'i bkod pa zhes bya ba yod de/ de bzhin gshegs pa rin po che'i rgyal po 'od chen snang mdzad ces bya ba da ltar de na bzhugs te/ yongs su mya ngan las ma 'das pas chos mchog dam pa bshad nas/ skye dgu rnams la phan 'dogs par mdzad pas/ khyod kyis mthong ba ni sangs rgyas de yin no// rigs kyi bu'am/ rigs kyi bu mo gang la la zhig de bzhin gshegs pa rin po che'i rgyal po 'od chen snang mdzad de'i mtshan thos par gyur na/ byang chub sems dpa'i sa las ldog par mi 'gyur zhing / yongs su mya ngan las 'das pa chen po thob par 'gyur ro// bud med gang la la zhig de bzhin gshegs pa de'i mtshan thos par gyur na/ 'chi ba'i dus kyi tshe de bzhin gshegs pa de'i thad du gshegs par 'gyur te/ de bzhin gshegs pa mthong ba'i dbang gis nams kyang bud med kyi lus len par mi 'gyur ro// rigs kyi bu gser 'od dam pa shin tu gya nom pa'i mdo sde 'di ni rnam pa sna tshogs kyis phan 'dogs shing / rnam pa sna tshogs kyis byang chub sems dpa'i dge ba'i rtsa ba 'phel ba dang / las kyi sgrib pa rnams yongs su sbyong bar byed do/ / rigs kyi bu dge slong ngam/ dge slong ma 'am/ dge bsnyen nam/ dge bsnyen ma gang la la zhig gang na gnas pa'i gnas der gser 'od dam pa shin tu gya nom pa'i mdo sde 'di gzhan dag la yang dag par ston par byed na/ yul de na bsod nams kyi phan yon rnam pa bzhi thob par 'gyur ro// bzhi gang zhe na/ yul de'i rgyal po nad med de bgegs rnams dang bral ba dang / tshe ring zhing thogs pa med par 'gyur ba dang / phas kyi rgol ba'i dgra med cing / dmag tshogs dpa' bar 'gyur ba dang / bde ba'i longs spyod rgyas shing yang dag pa'i chos 'phel bar 'gyur ba gang yin pa'o// de ci'i phyir zhe na/ 'di ltar mi'i rgyal po de la brgya byin dang / tshangs pa dang / rgyal po chen po bzhi dang / gnod sbyin gyi 'khor rnams kyis rtag par lhan cig srung bar byed pa'i phyir ro// de nas bcom ldan 'das kyis/ lha'i 'khor rnams la bka' stsal pa/ rigs kyi bu dag dngos po 'di dag bden nam/ de nas brgya byin dang / tshangs pa dang / rgyal po chen po bzhi dang / gnod sbyin gyi 'khor rnams kyis skad 'thun par bcom ldan 'das la 'di skad ces gsol to/ / de de bzhin no// de de bzhin te/ yul gang dag na mdo sde'i rgyal po dam pa 'di yang dag par bshad pa dang / klog pa dang / kha ton du 'don par bgyid na yul gyi bdag po de dag la bdag cag rgyal po chen po bzhi la sogs pa rtag par mchis nas/ yongs su srung bar bgyid par mchi ba dang / gnas pa na yang lhan cig gnas par bgyid do/ / rgyal po de la gdon bgegs dang / rgol ba'i dgra zhig mchis na yang / de dag thams cad bdag cag rgyal po chen po bzhi la sog pa rab tu zhi bar bgyid do// mya ngan dang rims nad la sog pa yang bsal zhing sos par bgyis nas/ tshe 'phel ba dang / dge pa'i rtags 'byung ba dang / smon pa rnams bsam pa bzhin 'grub pa dang / rtag tu dga' ba skyed par bgyid do// bdag cag gi// yul de ni dmag tshegs ji snyed mchis pa de dag thams cad dpa' zhing btsan par bgyid do// bcom ldan 'das kyis bka' stsal pa/ rigs kyi bu dag legs so legs so// khyed kyis ji skad smras pa de bzhin du khyed kyis mngon par bsgrub par bya'o/ / de ci'i phyir zhe na/ yul gyi bdag po de dag chos bzhin du spyod pa'i dus na/ 'bangs thams cad kyang rgyal po'i rjes su mngon par sgrub cing chos bzhin du spyod par byed pas/ khyed la sogs pa yang gzugs dang / stobs dang / phan yon mchog thob par 'gyur zhing gzhal med khang 'od dang ldan pa dang / 'khor rnams kyang btsan zhing rgyas par 'gyur bas so// de nas bcom ldan 'das la brgya byin dang / tshangs pa la sogs pas bcom ldan 'das de de bzhin no zhes gsol to// bcom ldan 'das kyis bka' stsal pa/ gnas gang du mdo snga dam pa 'di yang dag par sten cing klog pa dang / sbal ba'i yul de'i blon po dang / nang blon rnams pan yon rnam pa bzhi thob par 'gyur te/ bzhi gang zhe na/ dang po ni phan tshun 'dum zhing nye bar sems pa dang / bla mar byed cing sdug par sems pa'o// gnyis pa ni rtag par mi'i rgyal po'i snying du sdug cing bkur ba dang / dge sbyong dang / bram ze dang / yul chen po dang / yul chung ngu'i mi rnams kyis btsun par byed pa'o// gsum pa ni nor la yang dag par 'dzin cing / chos la btsun par byed pa dang / 'jig rten pa'i khe mi tshol bas snyan pa'i sgra ku tu grags nas/ mang po kun gyis bkur bar 'gyur ba'o// bzhi pa ni tshe ring zhing bde skyid par 'gyur ba ste/ 'di dag ni phan yon rnam pa bzhi zhes bya'o// gal te yul gyi bdag po gang la la zhig gis mdo sde 'di yang dag par ston par byed na/ dge sbyong dang bram ze rnams phan yon khyad par du 'phags pa rnam pa bzhi thob par 'gyur ro// bzhi gang zhe na/ dang po ni gos dang / bza' ba dang / btung ba dang / mal cha dang / nad pa'i gsos rnams kyis 'phongs pa med pa gang yin pa'o// gnyis pa ni thams cad sems bde bar yid la sems shing klog pa dang / kha ton 'don par 'gyur ro// gsum pa ni ri dang nags tshal dag na gnas pa na/ bde bar gnas pa thob par 'gyur ba'o// bzhi pa ni sems kyis ji ltar smon pa bzhin thams cad yongs su rdzogs par 'gyur ba ste/ 'di dag ni khyad par du 'phags pa'i phan yon rnam pa bzhi zhes bya'o/ / gal te yul la lar mdo sde 'di yang dag par ston par byed na/ mi thams cad dar zhing skyid pa dang / rims nad rnams med pa dang / tsho pa dang / 'gron po phan tshun 'gro ba nor dang / rin po che mang du thob pa dang / bsod nams khyad par du 'phags pa thob par 'gyur te/ 'di dag ni yon tan gyi phan yon rnam pa sna tshogs zhes bya'o// de nas bcom ldan 'das la tshangs pa dang / brgya byin dang / rgyal po chen po bzhi dang / 'khor mang po rnams kyis 'di skad ces gsel te/ bcom ldan 'das mdo sde don zab mo 'di lta bu mngon du gnas par gyur na/ de bzhin gshegs pa'i byang chub kyi phyogs kyi chos sum cu rtsa bdun yang 'jig rten na gnas shing / nub par mi 'gyur la/ nam mdo 'di lta bu nub par gyur pa na yang dag pa'i chos kyang nub par 'gyur bar rig par bgyi lags so/ / bcom ldan 'das kyis bka' stsal pa/ rigs kyi bu de de bzhin no// de de bzhin te/ de lta bas na khyed kyis gser 'od dam pa'i mdo sde 'di las tshig gcig gam/ snga gcig kyang rung ste/ thams cad sems rtse gcig tu yang dag par bklag par bya/ yang dag par kha ton du gdon par bya/ yang dag par mnyan par bya/ yang dag par gardza par bya/ yang dag par yid la bsam par bya zhing / yang dag par bsgoms nas/ sems can mang po'i ched du rgya cher yang dag par bstan te/ yongs su spel bar byed na/ yun ring po bde skyid cing / bsod nams kyi phan yon mtha' med do// de nas 'khor mang po rnams kyis de skad ces bka' stsal pa thos nas/ thams cad phan yon khyad par 'phags pa thob par gyur pas/ rab tu dga' zhing mgu pas yang dag par bzung bar gyur to/ / gser 'od dam pa mchog tu rnam par rgyal ba mdo sde'i rgyal po las/ las kyi sgrib pa rnam par sbyong ba'i le'u ste lnga pa'o// gser 'od dam pa mchog tu rnam par rgyal ba'i mdo sde'i rgyal po'i mdo// / bam po bzhi pa// de nas byang chub sems dpa'i seng ge'i mtshan thogs pa'i 'od zer 'bar ba 'khor bye ba phrag tshad med pa snyed dang lhan cig tu stan las langs te/ bla gos phrag pa gcig la gzar/ pus mo g.yas pa'i lha nga sa la btsugs te/ gus pas thal mo sbyar nas/ bcom ldan 'das kyi zhabs la mgo bos phyag byas nas/ me tog dang / spos dang / rin po che'i rgyal mtshan dang / ba dan dang / bdug pa rnam pa sna tshogs kyis mchod pa byas nas/ bcom ldan 'das la 'di skad ces gsol to// bcom ldan 'das rgyu dang rkyen du zhig gis ni/ byang chub kyi sems thob par 'gyur/ gang ni byang chub kyi sems zhes bgyi lags/ bcom ldan 'das byang chub gang lags pa de la ni da ltar gyi sems kyang dmigs su ma mchis/ ma 'ongs pa'i sems kyang dmigs su ma mchis/ 'das pa'i sems kyang dmigs su ma mchis lags so/ / byang chub las gud na yang byang chub kyi sems dmigs su ma mchis lags so// byang chub ces bgyi ba ni tshig gis brjod du ma mchis pas/ sems kyang gzugs ma mchis pa/ mtshan ma mchis pa/ dngos po dang / las ma mchis pa/ mngon par 'du bgyi ba ma lags pa/ sems can yang dmigs su ma mchis shing / khong du chud par mi 'gyur na/ bcom ldan 'das ji ltar na chos zab mo'i don gang lags pa rig par 'gyur lags/ bcom ldan 'das kyis bka' stsal pa/ rigs kyi bu de de bzhin no// de de bzhin te/ byang chub kyi dngos po dang las ni shin tu gya nom pas/ mngon par 'du bya ba yang dmigs par mi 'gyur la/ byang chub las gud na yang byang chub kyi sems dmigs par mi 'gyur bas/ byang chub ces bya ba ni brjod du med pa/ sems kyang brjod du med pa/ gzugs dang mtshan ma med pa dang / dngos po dang las med pa/ sems can thams cad kyang dmigs su med pa'o// de ci'i phyir zhe na/ byang chub dang sems gnyis ka yang de bzhin nyid du mtshungs pa'i phyir dang / / mngon du byed pa dang / mngon du bya ba mnyam par gyur pa'i phyir te/ 'on kyang chos rnams shes par bya ba med par ni ma yin no// rigs kyi bu byang chub sems dpa' sems dpa' chen po gang gis de ltar shes pa gang yin pa de ni/ chos rnams mngon par rtogs pa dang / byang chub dang / byang chub kyi sems legs par bshad pa zhes bya'o/ / byang chub kyi sems gang yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin te/ sems kyang de bzhin no// sems can yang de bzhin te/ 'di la mtshan nyid gnyis yang dag par dmigs su med do/ / de ci'i phyir zhe na/ chos thams cad la skye ba med pa'i phyir ro// byang chub kyang dmigs su med/ byang chub kyi ming yang dmigs su med/ sems can dang / sems can gyi ming yang dmigs su med/ nyan thos dang nyan thos kyi ming yang dmigs su med/ rang sangs rgyas dang rang sangs rgyas kyi ming yang dmigs su med/ byang chub sems dpa' dang byang chub sems dpa'i ming yang dmigs su med/ sangs rgyas dang sangs rgyas kyi mtshan yang dmigs su med/ spyod pa dang spyod pa ma yin pa yang dmigs su med/ spyod pa dang spyod pa ma yin pa'i ming yang dmigs su med de/ 'di ltar dmigs su med pa'i phyir/ rab tu dben pa'i chos thams cad la rab tu gnas pa yin te/ 'di yang bsod nams kyi dge ba'i rtsa ba la brten nas/ skye bar 'gyur ba yin no/ / rigs kyi bu 'di lta ste/ dper na rin po che'i ri'i rgyal po ri rab thams cad la phan 'dogs par byed pa de bzhin du/ byang chub kyi sems 'di yang sems can la phan 'dogs pa'i phyir/ 'din dang po sbyin pa'i pha rol tu phyin pa'i rgyu zhes bya'o/ / rigs kyi bu 'di lta ste/ dper na sa chen po bzhin du dngos po mang po yongs su 'dzin par byed pa'i phyir/ 'di ni gnyis pa tshul khrims kyi pha rol tu phyin pa'i rgyu zhes bya'o/ / 'di lta ste dper na/ seng ge gzi byin chen po'i mthu dang ldan pa gcig pu 'gro ba la 'jigs pa med pa bzhin du/ skrag cing sdang ba dang bral bar 'gyur ba'i phyir/ 'a ni gsum pa bzod pa'i pha rol tu phyin pa'i rgyu zhes bya'o/ / 'di lta ste dper na klung gi dkyil 'khor stobs po che shugs drag can myur ba bzhin du/ sems la nur ba med pa'i phyir/ 'di ni bzhi pa brtson 'grus kyi pha rol tu phyin pa'i rgyu zhes bya'o/ / 'di lta ste par na/ rin po che sna bdun gyi gzhal med khang rtseg ma/ them skas bzhi dang ldan pa/ sgo bzhi nas shin tu bsil ba'i rlung gis bus pas shin tu bde ba myong ba bzhin du/ bsam gtan gyi chos kyi gter yongs su btsal nas/ gang zhing rgyas par byed pa'i phyir/ 'di ni lnga pa bsam gtan gyi pha rol tu phyin pa'i rgyu zhes bya'o// 'di lta ste/ dper na nyi ma'i dkyil 'khor 'od zer rgyas par gyur pa bzhin du/ sems 'dis kyang myur ba kho nar 'khor ba'i ma rig pa'i mun nag 'joms par byed pa'i phyir/ 'di ni drug pa shes rab kyi pha rol tu phyin pa'i rgyu zhes bya'o/ / 'di lta ste/ dper na tshong dpon gyis thams cad kyi sems la smon pa yongs su rdzogs par byed pa bzhin du/ sems 'dis kyang 'khor ba'i lam nyam pa ba las yongs su bzlas nas/ yon tan gyi rin po che thob par byed pa'i phyir/ 'di ni bdun pa thabs mkhas pa'i ye shes khyad par du 'phags pa'i pha rol tu phyin pa'i rgyu zhes bya'o// 'di lta ste/ dper na zla ba yongs su dag cing / shin tu rgyas pa la rab rib med pa bzhin du/ sems 'dis kyang spyod yul thams cad las rnam par dag pa phun sum tshogs par byed pa'i phyir/ 'di ni brgyad pa smon lam gyi pha rol tu phyin pa'i rgyu zhes bya'o/ / 'di lta ste dper na/ 'khor los sgyur ba'i rgyal po'i dmag la dbang ba'i blon po chen po yid bzhin du dbang byed pa bzhin du/ sems 'dis kyang sangs rgyas kyi zhing yongs su dag pa shin tu brgyan pa dang / yon tan tshad med pas skye dgu rnams la rgya cher phan 'dogs par byed pa'i phyir/ 'di ni dgu pa stobs kyi pha rol tu phyin pa'i rgyu zhes bya'o// 'di lta ste dper na/ nam mkha' la 'khor los sgyur ba'i rgyal po bzhin du sems 'dis kyang spyod yul thams cad la thogs pa med cing gnas thams cad rab tu thob nas/ dbang bskur ba'i sar phyin par byed pa'i phyir/ 'di ni bcu pa ye shes kyi pha rol tu phyin pa'i rgyu zhes bya ste// 'di lta bu'i rgyu bcu la khyed kyis rab tu brtson pas bslab par bya'o// rigs kyi bu byang chub sems dpa' sems dpa' chen po rnams ni// chos rnam pa lnga la brten nas/ sbyin pa'i pha rol tu phyin pa yongs su rdzogs par byed do// lnga gang zhe na/ dad pa'i dbang po dang / snying rjes dang / 'dod pa yongs su tshol ba'i sems med pa dang / sems can thams cad yongs su sdud pa dang / thams cad mkhyen pa'i ye shes yongs su tshol ba gang yin pa ste/ rigs kyi bu 'di ni byang chub sems dpa' sems dpa' chen pos sbyin pa'i pha rol tu phyin pa yongs su rdzogs par byed pa zhes bya'o/ / rigs kyi bu byang chub sems dpa' sems dpa' chen po rnams ni/ chos rnam pa lnga la brten nas/ tshul khrims kyi pha rol tu phyin pa yongs su rdzogs par byed do/ / lnga gang zhe na/ las rnam pa gsum yongs su dag par gyur pa dang / sems can thams cad kyi nyon mongs pa'i rgyu dang rkyen mngon par 'du mi byed pa dang / ngan 'gro'i sgo rnams gcod cing / bde 'gro'i sgo rnams 'byed pa dang / nyan thos dang rang sangs rgyas kyi sa las yang dag par 'das pa dang / bsod nams thams cad yongs su rdzogs par byed pa gang yin pa ste/ rigs kyi bu 'di ni byang chub sems dpa' sems dpa' chen po tshul khrims kyi pha rol tu phyin pa yongs su rdzogs par byed pa zhes bya'o/ / rigs kyi bu yang byang chub sems dpa' sems dpa' chen po rnams ni chos rnam pa lnga la brten nas/ bzod pa'i pha rol tu phyin pa yongs su rdzogs par byed do// lnga gang zhe na/ 'dod chags dang / zhe sdang gi nyon mongs pa gdul bar nus pa dang / lus dang srog la 'phangs pa med par bde ba yongs su mi tshol zhing / 'du shes nye bar zhi bar byed pa dang / sngon gyi las la bsams nas/ sdug bsngal dang phrad par gyur na yang dang du len par nus pa dang / byams pa dang / snying rje'i bsam pa bskyed nas/ sems can gyi dge ba'i rtsa ba rnams yongs su smin par byed pa dang / mi skye ba'i chos kyi bzod pa zab mo thob par gyur pa gang yin pa ste/ rigs kyi bu 'di ni byang chub sems dpa' sems dpa' chen po rnams kyi bzod pa'i pha rol tu phyin pa yongs su rdzogs par byed pa zhes bya'o// rigs kyi bu yang byang chub sems dpa' sems dpa' chen po rnams ni chos rnam pa lnga la brten nas/ brtson 'grus kyi pha rol tu phyin pa yongs su rdzogs par byed do// lnga gang zhe na/ nyon mongs pa rnams dang lhan cig gnas par mi mos pa dang / bsod nams yongs su rdzogs par ma gyur kyi bar du bde ba nyams su len par mi byed pa dang / dka' ba sna tshogs spyod pa la yongs su skyo ba'i bsam pa mi skyed pa dang / byams pa dang / snying rje chen pos yongs su bsdus nas/ phan 'dogs pa'i thabs mkhas pas sems can thams cad yongs su smin par byed pa dang / phyir mi ldog pa'i sa yongs su gnyer bar smon pa gang yin pa ste/ rigs kyi bu 'di ni byang chub sems dpa' sems dpa' chen po rnams brtson 'grus kyi pha rol tu phyin pa yongs su rdzogs par byed pa zhes bya'o// rigs kyi bu yang byang chub sems dpa' sems dpa' chen po rnams ni chos rnam pa lnga la brten nas/ bsam gtan gyi pha rol tu phyin pa yongs su rdzogs par byed do// lnga gang zhe na/ dge ba'i chos rnams yongs su bsdus nas/ rnam par 'thor bar mi byed pa'i phyir dang / rtag par rnam par grol bar smon cing / mtha' gnyis mngon par zhen par mi byed pa'i phyir dang / mngon par shes pa thob nas/ sems can rnams kyi dge ba'i rtsa ba yongs su smin par byed pa smin pa'i phyir dang / chos kyi dbyings yongs su sbyangs nas/ sems kyi dri ma sel bar byed pa'i phyir dang / sems can gyi nyon mongs pa'i rtsa ba yongs su gcod par byed pa'i phyir/ te/ rigs kyi bu 'di ni byang chub sems dpa' sems dpa' chen po rnams bsam gtan gyi pha rol tu phyin pa yongs su rdzogs par byed pa zhes bya'o// rigs kyi bu yang byang chub sems dpa' sems dpa' chen po rnams ni chos rnam pa lnga la brten nas/ shes rab kyi pha rol tu phyin pa yongs su rdzogs par byed do// lnga gang zhe na/ rtag par sangs rgyas dang / byang chub sems dpa' dang / gsal zhing thabs mkhas pa thams cad la mchod cing / nye bar bsten nas yongs su skyo ba mi skyed cing / rgyab kyis phyogs par mi byed pa dang / de bzhin gshegs pa rnams kyi chos zab mo bshad pa dag sems kyis rtag tu thos par mos shing / yongs su mi skyo ba dang / chog pa'i bsam pa med pa dang / don dam pa dang / kun rdzob kyi shes rab dam pas rab tu rnam par 'byed par mos pa dang / bsgom pas spang bar bya ba'i nyon mongs pa thams cad myur du spong ba dang / 'jig rten pa'i mkhyud dpyad dang / rig pa'i gnas lnga'i chos thams cad mngon par rtogs pa gang yin pa ste/ rigs kyi bu 'di ni byang chub sems dpa' sems dpa' chen po rnams shes rab kyi pha rol tu phyin pa yongs su rdzogs par byed pa zhes bya'o/ / rigs kyi bu yang byang chub sems dpa' sems dpa' chen po rnams ni chos rnam pa lnga la brten nas/ thabs mkhas pa'i pha rol tu phyin pa yongs su rdzogs par byed do// lnga gang zhe na/ sems can thams cad kyi mos pa dang / nyon mongs pa dang / sems kyi spyod pa'i bye brag thams cad rtogs par khong du chud pa dang / chos tshad med pa rnams kyi gnyen po'i sgo thams cad sems kyis gsal bar rtogs pa dang / byams pa dang / snying rje chen po'i ting nge 'dzin las 'byung zhing 'jug pa dag la rang dbang thob pa dang / pha rol tu phyin pa rnams bsgoms nas/ yongs su smin cing phun sum tshogs par bya bar mos pa dang / sangs rgyas kyi chos thams cad ma lus par yongs su bsdus nas/ mngon par rtogs par smon pa gang yin pa ste/ rigs kyi bu 'di ni byang chub sems dpa' sems dpa' chen po rnams thabs mkhas pa ye shes dam pa'i pha rol tu phyin pa yod su rdzogs par byed pa zhes bya'o/ / rigs kyi bu yang byang chub sems dpa' sems dpa' chen po rnams ni chos rnam pa lnga la brten nas/ smon lam gyi pha rol tu phyin pa yongs su rdzogs par byed do// lnga gang zhe na/ chos thams cad gzod ma nas mi skye/ mi 'gag/ yod pa yang ma yin/ med pa yang ma yin pa dag la sems bde bar gnas pa dang / chos thams cad kyi don gyi tshul mchog dam pa dag la dri ma dang bral zhing rnam par dag par so sor brtags nas/ sems bde bar gnas pa dang / mtshan ma thams cad las yang dag par 'das pa'i sems kyis/ de bzhin nyid mngon par 'du bya ba med pa/ spyod pa med pa/ tha dad pa ma yin pa/ mi g.yo ba dag la sems bde bar gnas pa dang / sems can rnams la phan 'dogs par 'dod pa'i phyir kun rdzob kyi bden pa dag la sems bde bar gnas pa dang / zhi gnas dang lhag mthong dus gcig tu mnyam par spyod pa dag la sems bde bar gnas pa gnas pa gang yin pa ste/ rigs kyi 'di ni byang chub sems dpa' sems dpa' chen po rnams smon lam gyi pha rol tu phyin pa yongs su rdzogs par byed pa zhes bya'o/ / rigs kyi bu yang byang chub sems dpa' sems dpa' chen po rnams ni chos rnam pa lnga la brten nas/ stobs kyi pha rol tu phyin pa yongs su rdzogs par byed do// lnga gang zhe na/ yang dag pa'i ye shes kyi stobs kyis sems can thams cad kyi sems kyi spyod pa dang / legs nyes rab tu shes pa dang / sems can thams cad kyi shin tu zab cing gya nom pa'i chos la gzud par byed pa dang / sems can thams cad kyi 'khor ba dag gi las kyi rkyen yang dag pa ji lta ba bzhin du rab tu shes pa dang / sems can rnams kyi dbang po dang / rang bzhin rnam pa gsum yang dag pa'i ye shes kyi stobs kyis rnam par 'byed cing khong du chud par byed pa dang / sems can rnams la tshul bzhin du yang dag par bstan nas/ dge ba'i rtsa ba bskyed de/ yongs su smin par byas nas/ ye shes kyi stobs kyis yongs su sgrol ba gang yin pa ste/ rigs kyi bu 'di ni byang chub sems dpa' sems dpa' chen po rnams kyi stobs kyi pha rol tu phyin pa yongs su rdzogs par byed pa zhes bya'o// rigs kyi bu yang byang chub sems dpa' sems dpa' chen po rnams ni chos rnam pa lnga la brten nas/ ye shes kyi pha rol tu phyin pa yongs su rdzogs par byed do// lnga gang zhe na/ chos rnams kyi legs nyes rab tu rnam par 'byed par byed pa dang / nag po dang / dkar po'i chos yongs su mi spong zhing yang dag par sdus par byed pa dang / 'khor ba dang / mya ngan las 'das pa dag la yongs su mi skyo zhing / mngon par mi dga' ba dang / bsod nams dang / ye shes kyi spyod pa dang ldan pas/ mthar thug pa'i gnas su phyin par gyur pa dang / dbang bskur bas mchog thob pa dang / sangs rgyas kyi chos ma 'dres pa la sogs pa dang / thams cad mkhyen pa'i ye shes thob par gyur pa gang yin pa ste/ rigs kyi bu 'di ni byang chub sems dpa' sems dpa' chen po rnams ye shes kyi pha rol tu phyin pa yongs su rdzogs par byed pa zhes bya'o// / rigs kyi bu pha rol tu phyin pa'i don gang yin zhe na/ 'di lta ste/ phan 'dogs pa mchog mngon par bsgrub pa gang yin pa de ni pha rol tu phyin pa'i don to// shin tu zab pa'i ye shes chen po tshad med pa yongs su rdzogs par byed pa gang yin pa de ni pha rol tu phyin pa'i don to/ / spyod pa dang spyod pa ma yin pa'i chos dag la sems kyis mngon par zhen pa med pa gang yin pa de ni pha rol tu phyin pa'i don to// 'khor ba'i nyes dmigs dang / mya ngan las 'das pa'i yon tan yang dag par rig cing / yang dag par so sor rtog pa gang yin pa de ni pha rol tu phyin pa'i don to// gti mug dang ldan pa'i gang zag dang / shes rab dang ldan pa'i gang zag thams cad yongs su sdud par byed pa gang yin pa de ni pha rol tu phyin pa'i don to// chos kyi rin po che gya nom pa rnam pa sna tshogs rab tu ston pa gang yin pa de ni pha rol tu phyin pa'i don to/ / thogs pa med pa'i rnam par grol ba dang / shes rab yongs su rdzogs par gyur pa gang yin pa de ni pha rol tu phyin pa'i don to// chos kyi khams dang / sems can gyi khams yang dag par rnam par phye nas/ shes par gyur pa gang yin pa de ni pha rol tu phyin pa'i don to// sbyin pa la sogs pa nas ye shes kyi bar dag phyir mi ldog pa'i gnas su phyin par gyur pa gang yin pa de ni pha rol tu phyin pa'i don to/ / mi skye ba'i chos kyi bzod pa yongs su rdzogs par byed pa gang yin pa de ni pha rol tu phyin pa'i don to// sems can thams cad kyi bsod nams kyi dge ba'i rtsa ba yongasasu smin par byed pa gang yin pa de ni pha rol tu phyin pa'i don to/ / mngon par byang chub nas/ sangs rgyas kyi stobs bcu dang / bsnyengs pa mi mnga' ba bzhi dang / ma 'dres pa'i chos la sog pa yongs su rdzogs par byed pa gang yin pa de ni pha rol tu phyin pa'i don to/ / 'khor ba dang / mya ngan las 'das pa la mtshan nyid gnyis med par rtogs pa gang yin pa de ni pha rol tu phyin pa'i don to// / thams cad la phan 'dogs shing yongs su zlos pa gang yin pa de ni pha rol tu phyin pa'i don to// mu stegs can thams cad nye bar 'ongs nas/ gal te 'dri ba dag la legs par rnam par bshad nas/ 'dul bar byed pa gang yin pa de ni pha rol tu phyin pa'i don to// chos kyi 'khor lo shin tu gya nom pa rnam pa bcu gnyis yongs su bskor ba gang yin pa de ni pha rol tu phyin pa'i don to// mngon par zhen pa med cing mthong ba med pa dang / skyon dang 'brel pa med pa gang yin pa de ni pha rol tu phyin pa'i don to// rigs kyi bu byang chub sems dpa'i sa dang po la snga rtags kyi mtshan ma snang ba 'di lta/ ste/ stong gsum gyi stong chen po'i 'jig rten gyi khams tshad med pa dpag tu med pa rnams rin po che'i gter rnam pa sna tshogs kun tu gang ba dag byang chub sems dpas thams cad rab tu mthong bar 'gyur ro/ / rigs kyi bu byang chub sems dpa'i sa gnyis pa la snga rtags kyi mtshan ma snang ba 'di lta ste/ stong gsum gyi stong chen po'i 'jig rten gyi khams sa gzhi lag mthil ltar mnyam pa/ kha dog shin tu gya nom pa/ tshad med pa dpag tu med pa rnam pa sna tshogs dang ldan pa dang / yongs su dag pa'i rin po che'i rgyan gyi rnam pa dag byang chub sems dpas thams cad rab tu mthong bar 'gyur ro/ / rigs kyi bu byang chub sems dpa'i sa gsum pa la snga rtags kyi mtshan ma snang ba 'di lta ste/ bdag nyid kyi lus shin tu dpa' ba go chas rab tu brgyan pas/ phyir rgol ba thams cad pham par byas pa dag byang chub sems dpa' thams cad rab tu mthong bar 'gyur ro/ / rigs kyi bu byang chub sems dpa'i sa bzhi pa la snga rtags kyi mtshan ma snang ba 'di lta ste/ phyogs bzhi nas rlung gi dkyil 'khor gyis me tog dam pa rnam pa sna tshogs mngon par gtor bas/ sa gzhi kun tu khyab par bkram pa dag/ byang chub sems dpas thams cad rab tu mthong bar 'gyur ro// rigs kyi bu byang chub sems dpa'i sa lnga pa la snga rtags kyi mtshan ma snang ba 'di lta ste/ rin po che'i 'phreng ba sna tshogs kyis lus kun tu khyab par brgyan pa/ mgo me tog gi cod pan gyis brgyan pa/ dag/ byang chub sems dpas thams cad rab tu mthong bar 'gyur ro// rigs kyi bu byang chub sems dpa'i sa drug pa la snga rtags kyi mtshan ma snang ba 'di lta ste/ rin po che sna bdun gyi me tog gi rdzing bu them skas kyi lam bzhi dang ldan pa/ gser gyi bye ma kun tu brdal ba/ yongs su dang zhing dri ma med pa/ yon tan brgyad dang ldan pa'i chus kun tu gang ba/ me tog ut+pal dang / ku mu da dang / pud+d+ha rigs kun du 'akrum pa/ me tog gi rdzing bu'i nang na rnam par rtsen pa dag shin tu bde skyid pa dang / yongs su dag cing dpe zla med pa dag/ byang chub sems dpas thams/ cad rab tu mthong bar 'gyur ro// rigs kyi bu byang chub sems dpa'i sa bdun pa la snga rtags kyi mtshan ma snang ba 'di lta ste/ byang chub sems dpa'i mdun du sems can rnams sems can dmyal bar lhung bar 'gyur ba'i rigs pa dag 'di ltar byang chub sems dpa'i mthus ltung bar mi 'gyur la/ smras pa yang med/ 'jigs shing skrag pa yang med par gyur pa dag/ byang chub sems dang // thams cad rab tu mthong bar 'gyur ro// rigs kyi bu byang chub sems dpa'i sa brgyad pa la snga rtags kyi mtshan ma snang ba 'di lta ste/ bdag nyid kyi lus kyi g.yas g.yon nas seng ge'i rgyal pos yongs su bsrungs pas/ gcan gzan mang po thams cad skrag cing 'jigs par gyur pa dag/ byang chub sems dpas thams cad rab tu mthong bar 'gyur ro// rigs kyi bu byang chub sems dpa'i sa dgu pa la snga rtags kyi mtshan ma snang ba 'di lta ste/ 'khor los sgyur ba'i rgyal po 'khor 'bum phrag tshad med pas yongs su bskor nas/ mchod pa byed pa dang / spyi bo'i gdugs dkar po rin po che sna tshogs tshad med pa dag gis rab tu brgyan pa dag/ byang chub sems dpas thams cad rab tu mthong bar 'gyur ro// rigs kyi bu byang chub sems dpa'i sa bcu pa la snga rtags kyi mtshan ma snang ba 'di lta ste/ de bzhin gshegs pa'i sku gser gyi kha dog kun tu 'phro ba/ 'od zer yongs su dag pa tshad med pa thams cad phun sum tshogs par gyur pa la/ tshangs pa'i rgyal po 'bum phrag tshad med pa dag gis yod su bskor nas/ bkur sti dang / mchod pa byas pas/ bla na med pa'i chos kyi 'khor lo shin tu gya nom pa yongs su bskor ba dag byang chub sems dpas thams cad rab tu mthong bar 'gyur ro// rigs kyi bu sa dang po la ci'i phyir rab tu dga' ba zhes bya zhe na/ 'di ltar thog ma kho nar 'jig rten las 'das pa'i sems sngon ma thob pa deng gdod thob nas/ bsgrub pa chen po dag ji ltar ston pa bzhin du mngon par grub par gyur pas/ rab tu dga' ba skye bar 'gyur ba'i phyir sa dang po ni rab tu dga' ba zhes bya'o// dri ma shin tu phra mo dang / 'chal pa'i tshul khrims kyi nyes pa thams cad yongs su dag par gyur pas/ de'i phyir sa gnyis pa ni dri ma med pa zhes bya'o// shes rab dang / ting nge 'dzin tshad med pa'i 'od zer snang ba bskul bar mi nus shing thul bar mi 'gyur ba dang / thos pa 'dzin pa'i gzungs rtsa bar gyur pas/ de'i phyir sa gsum pa ni 'od byed pa zhes bya'o// shes rab kyis mes nyon mongs pa rnams bsregs nas/ 'od kyi snang ba 'phel bar byed pa dang / byang chub kyi phyogs bsgoms par byas pas/ de'i phyir sa bzhi pa ni 'od 'phro ba zhes bya'o// thabs mkhas pas bsgoms pa'i ye shes mchog rang dbang du gyur pa shin tu thob par dka' ba'i phyir dang / mthong ba dang bsgom pas spang bar bya ba'i nyon mongs pa gdul bar dka' ba thul bar gyur pa'i phyir/ sa lnga pa ni shin tu sbyang bar dka' ba zhes bya'o// spyod pa'i chos rgyun chad pa med par gsal bar mngon sum du gyur pa dang / mtshan ma med pa'i yid la byed pa thams cad mngon sum du gyur pas/ de'i phyir sa drug pa ni mngon sum du gyur pa zhes bya'o// zag pa med pa bar chad med pa dang / mtshan ma med pa'i yid la byed pa dang / rnam par grol ba'i ting nge 'dzin yun ring po nas bsgoms pa'i phyir dang / sa de rnam par dag cing thogs pa med par gyur pa'i phyir sa bdun pa ni ring du song ba zhes bya'o/ / mtshan ma med pa'i yid la byed pa bsgoms pas/ rang dbang du gyur/ nyon mongs pa rnams kyis bskul bar mi nus pas/ de'i phyir sa brgyad pa ni mi g.yo ba zhes bya'o/ / tha dad par gyur pa'i chos rnam pa sna tshogs thams cad bstan pa la rang dbang thob nas/ nyes pa med cing 'brel pa med par shes rab 'phel bar byed pa dang / dbang du gyur cing thogs pa med par gyur pas/ de'i phyir sa dgu pa ni legs pa'i blo gros zhes bya'o// chos kyi sku nam mkha' dang 'dra ba dang / shes rab sprin chen po lta bur gyur nas/ thams cad kun tu khyab par g.yog par byed pa'i phyir/ de lta bas na sa bcu pa ni chos kyi sprin zhes bya'o// rigs kyi bu dag chos la mtshan ma yod par mngon par zhen pa'i ma rig pa dang / 'khor ba'i ngan 'grol skrag cing 'jigs pa'i ma rig pa 'di gnyis kyis ni sa dang po la sgrib par byed do/ / bslab pa'i gnas shin tu phra mo dag la shes bzhin med pas/ nyams par byas pa'i ma rig pa dang / las kyi 'du byed rnam pa sna tshogs slong bar byed pa'i ma rig pa ste/ ma rig pa 'di gnyis ni sa gnyis pa la sgrib par byed do// ma thob pa thob par 'dod pa la sred cing / mngon par zhen pa'i ma rig pa dang / gzungs khyad par du 'phags pa dag la sgrib par byed pa'i ma rig pa ste/ ma rig pa 'di gnyis ni sa gsum pa la sgrib par byed do// snyoms par 'jug pa'i ro myang ba la mngon par dga' ba'i ma rig pa dang / shin tu gya nom pa'i chos rnam par dag pa la sred cing mos pa'i ma rig pa ste/ ma rig pa 'di gnyis kyis ni sa bzhi pa la sgrib par byed do// 'khor ba la rgyab kyis phyogs pa'i ma rig pa dang / mya ngan las 'das pa la mngon par gzhol ba'i ma rig pa ste/ ma rig pa 'di gnyis kyis ni sa lnga pa la sgrib par byed do// rnal 'byor mngon du rgyu ba'i ma rig pa dang / mtshan ma rig pa mngon du snang ba'i ma rig pa ste/ ma rig pa 'di gnyis kyis ni sa drug pa la sgrib par byed do// mtshan ma shin tu phra mo rnams la mngon sum du spyod pa'i ma rig pa dang / mtshan ma med pa'i yid la byed pa la mngon par dga' ba'i ma rig pa ste/ ma rig pa 'di gnyis kyis ni sa bdun pa la sgrib par byed do// mtshan ma med par bsgom pa la mngon par rtsol ba'i ma rig pa dang / mtshan ma la dbang thob pa la mngon par zhen pa'i ma rig pa ste/ ma rig pa 'di gnyis kyis ni sa brgyad pa la sgrib par byed do// bstan par bya ba'i don tshad med pa dang / ming dang tshig dang yi ge tshad med pa gnyis po 'di dag la mi mkhas pa'i ma rig pa dang / tshig gi spobs pa yid bzhin du ma gyur pa'i ma rig pa ste/ ma rig pa 'di gnyis kyis ni sa dgu pa la sgrib par byed do/ / rdzu 'phrul chen po ston pa la rang dbang ma thob pa'i ma rig pa dang / shin tu phra ba'i gsang ba'i las kyi dngos po khong du ma chud pa'i ma rig pa ste/ ma rig pa 'di gnyis kyis ni sa bcu pa la sgrib par byed do/ / spyod yul thams cad la shes bya phra mos bsgribs pa'i ma rig pa dang / nyon mongs pa shin tu phra ba'i gnas ngan len gyi ma rig pa ste/ ma rig pa 'di gnyis kyis ni sangs rgyas kyi sa la sgrib par byed do/ / rigs kyi bu byang chub sems dpa' sems dpa' chen po rnams ni/ sa dang po la sbyin pa'i pha rol tu phyin pa spyod par byed do// sa gnyis pa la tshul khrims kyi pha rol tu phyin pa spyod par byed do/ / sa gsum pa la bzod pa'i pha rol tu phyin pa spyod par byed do// sa bzhi pa la brtson 'grus kyi pha rol tu phyin pa spyod par byed do// sa lnga pa la bsam gtan gyi pha rol tu phyin pa spyod par byed do/ / sa drug pa la shes rab kyi pha rol tu phyin pa spyod par byed do// sa bdun pa la thabs mkhas pa'i ye shes mchog gi pha rol tu phyin pa spyod par byed do// sa brgyad pa la smon lam gyi pha rol tu phyin pa spyod par byed do/ / sa dgu pa la stobs kyi pha rol tu phyin pa spyod par byed do// sa bcu pa la ye shes kyi pha rol tu phyin pa spyod par byed do// rigs kyi bu d+d+ha/ chub sems dpa' sems dpa' chen po rnams ni/ sems bskyed pa dang pos rin chen mchog gi ting nge 'dzin yongs su sdud cing skyes par byed do// sems bskyed pa gnyis pas yid du 'ong ba'i ting nge 'dzin yongs su sdud cing skyed par byed do/ / sems bskyed pa gsum pas shin tu bskul dka' ba'i ting nge 'dzin yongs su sdud cing skyed par byed do// sems bskyed pa bzhi pas phyir mi ldog pa'i ting nge 'dzin yongs su sdud cing skyed par byed do/ / sems bskyed pa lnga pas/ rin po che'i me tog gi ting nge 'dzin yongs su sdud cing skyed par byed do// sems bskyed pa drug pas/ nyi ma'i dkyil 'khor 'od zer 'bar ba'i ting nge 'dzin yongs su sdud cing skyed par byed do/ / sems bskyed pa bdun pas smon lam thams cad yid bzhin du mngon par 'grub pa'i ting nge 'dzin yongs su sdud cing skyed par byed do/ / sems bskyed pa brgyad pas/ mngon sum du gnas par byed pa'i ting nge 'dzin yongs su sdud cing skyed par byed do// sems bskyed pa dgu pas ye shes kyi snying po'i ting nge 'dzin yongs su sdud cing skyed par byed do/ / sems bskyed pa bcu pas/ dpa' bar 'gro ba'i ting nge 'dzin yongs su sdud cing skyed par byed do// rigs kyi bu 'di dag ni byang chub sems dpa' sems dpa' chen po rnams kyi sems bskyed pa rnam pa bcu zhes bya'o/ / rigs kyi bu byang chub sems dpa' sems dpa' chen po rnams kyis sa dang po las thob pa'i gzungs gang yin pa de ni/ yon tan la gnas pa'i stobs zhes bya'o// de nas bcom ldan 'das kyis gzungs sngags bka' stsal pa/ tad+ya thA/ pu rad ne ma nor te/ do ho do ho/ ya pad so d+yo/ a b+ha ba sad d+he/ ya pan tsan d+ha ra/ d+he'u tad de/ ta pad tra ro sha ma na/ dan te pa re ha ram/ ku ru swA hA/ rigs kyi bu gzungs 'di ni gang+gA'i klung gi bye ma snyed kyi grangs las 'das pa sangs rgyas rnams kyis sa dang po'i byang chub sems dpa' yongs su bsrung ba'i phyir gsungs pa yin te/ gang la la zhig gis gzungs sngags 'di kha ton du don cing yongs su 'dzin par byed na 'di lta ste/ stag dang / spyang ki dang / seng ge dang / gcan gzan ma rungs pa'i rigs kyi rnam pa dang / yi dgas dang / mi dang mi ma yin pa la sogs pas phyir rgol ba dang / gdon bgegs dang / sdug bsngal gyis 'tshe ba'i 'jigs pa thams cad las thar par 'gyur zhing / sgrib pa lnga las rnam par grol nas/ sa dang po mi brjed cing rjes su dran par 'gyur ro// rigs kyi bu byang chub sems dpa' sems dpa' chen pos sa gnyis pa las thob pa'i gzungs gang yin pa de ni/ shin tu bde ba'i gnas zhes bya'o// tad+ya thA/ oM don re/ tsi ri tsi ri/ oM don re/ dor nam/ shan to shan to// oM don re/ hu ru hu swA hA/ rigs kyi bu gzungs 'di ni gang+gA'i klung gnyis kyi bye ma snyed kyi grangs las 'das pa'i sangs rgyas rnams kyis sa gnyis pa'i byang chub sems dpa' yongs su bsrung ba'i phyir gsung pa/ yin te/ gang la la zhig gis gzungs sngags 'di kha ton du 'don cing yongs su 'dzin par byed na/ gcan gzan ma rungs pa dang / yi dgas ma rungs pa dang / mi dang mi ma yin pa la sogs pa phyir rgol ba dang / gdon bgegs dang sdug bsngal gyis 'tshe ba'i 'jigs pa thams cad las thar par 'gyur zhing / sgrib pa lnga las rnam par grol nas/ sa gnyis pa mi brjed cing rjes su dran par 'gyur ro/ / rigs kyi bu byang chub sems dpa' sems dpa' chen pos sa gsum pa las thob pa'i gzungs gang yin pa de ni/ shin tu rgyal bar dka' ba'i stobs zhes bya'o// tad+ya thA/ dan d+ha tse ke/ pan tse ke/ ka ra tse/ ke'u ri'i tse/ ke'u ri/ dan d+hi ri swAhA/ rigs kyi bu gzungs 'di ni gang+gA'i klung gsum gyi bye ma snyed kyi grangs las 'das pa'i sangs rgyas rnams kyis sa gsum pa'i byang chub sems dpa' yongs su bsrung ba'i phyir gsungs pa yin te/ gang la la zhig gzungs sngags 'di kha ton du 'don cing yongs su 'dzin par byed na/ gcan gzan ma rungs pa dang / yi dgas ma rungs pa dang / mi dang mi ma yin pa la sogs pas phyir rgol ba dang / gdon bgegs dang / sdug bsngal gyis 'tshe ba'i 'jigs pas las thar par 'gyur zhing / sgrib pa lnga las rnam par grol nas/ sa gsum pa mi brjed cing rjes su dran par 'gyur ro// rigs kyi bu byang chub sems dpa' sems dpa' chen pos/ sa bzhi pa las thob pa'i gzungs gang yin pa de ni/ rgya cher phan 'dogs pa zhes bya'o// tad+ya thA/ shi ri shi ri/ d+ha mi ni/ d+ha mi ni/ d+ha rI d+ha rI ni/ shi ri shir ni// be'i sha ra pA she/ pA shi na/ b+han d+ha mi te swA hA/ rigs kyi bu gzungs 'di ni gang+gA'i klung bzhi'i bye ma snyed kyi grangs las 'das pa'i sangs rgyas kyis bzhi pa'i byang chub sems dpa' yongs su bsrung ba'i phyir gsungs pa yin te/ gang la la zhig gis gzungs sngags 'di kha ton du 'don cing / yongs su 'dzin par byed na/ gcan gzan ma rungs pa dang / yi dgas ma rungs pa dang / mi dang mi ma yin pa la sogs pas phyir rgol ba dang / gdon bgegs dang / sdug bsngal gyis 'tshe ba'i 'jigs pa rnams las thar par 'gyur zhing / sgrib pa lnga las rnam par grol nas/ sa bzhi pa mi brjed cing rjes su dran par 'gyur ro/ / rigs kyi bu byang chub sems dpa' sems dpa' chen pos/ sa lnga pa las thob pa'i gzungs gang yin pa de ni yon tan sna tshogs kyis rab tu brgyan pa zhes bya'o/ / tad+ya thA/ ha ri ha ri ni/ tsa ri tsa ri ni/ ka ri ma ni/ sang ka re ma ni/ sa ma shan ni/ dza ma b+ha ni/ stam b+ha ni/ mo ha ni/ so'i ya ma b+hu be swA hA/ rigs kyi bu gzungs 'di ni gang+gA'i klung lnga'i bye ma snyed kyi grangs las 'das pa'i sangs rgyas rnams kyisas lnga pa chub sem dpa' sems dpa' chen po rnams yongs su bsrung ba'i phyir gsungs pa yin te/ gang lal/ zhig gis gzungs sngags 'di kha ton du 'don cing yongs su 'dzin par byed/ gcan gzan ma rungs pa dang / yi dgas ma rungs pa dang / mi dang mi ma yin pa la sogs pas phyir rgol ba dang / gdon pa gegs dang / sdug bsngal gyis 'tshe ba'i 'jigs pa lang thar bar 'gyur zhing sgrib pa lnga las rnam par grol nas/ salU pa mi brjed cing rjes su dran par 'gyur ro// rigs kyi bu byang chub sems dpa' sems dpa' chen pos/ sa drug pa la the rigazungs gang yin pa de ni/ yongs su rdzogs pa'i ye shes zhes bya'o// tad+ya thA/ ji bi to ri/ ma ri ni/ ma ri ni/ ki ri ki ri/ bi to han te/ ru ru ru ru/ tsarba tsu ru du ru ra du ru ba/ sha sha shang tsa/ pa ri le shi sid+d+hi/ sarba satwA nan/ sid d+h+ya tu man+t+ra pA dA ni sAH rigs kyi bu gzungs 'di ni gang+gA'i klung drug gi bye ma snyed kyi grangs las 'das pa'i sangs rgyas rnams kyi/ sa drug pa'i byang chub sems dpa' sems dpa' chen po rnams yongs su bsrung ba'i phyir gsungs pa yin te/ gang la la zhig gis gzungs sngags 'di kha ton du 'dren cing / yongs su 'dzin par byed na/ gcan gzan ma rungs pa dang / yi dgas ma rungs pa dang // mi dang mi ma yin pa la sogs pas phyir rgol ba dang / gdon 'gegs dang / sdug bsngal gyis 'tshe ba'i 'jigs pa rnams las thar par 'gyur zhing / sgrib pa lnga las rnam par grol nas sa drug pa mi brjed cing rjes su dran par 'gyur ro/ / rigs kyi bu byang chub sems dpa' sems dpa' chen po rnams sa bdun pa las gzungs gang yin pa de ni/ rnam par rgyal ba'i chos kyi spyod pa zhes bya'o/ / tad+ya thA/ tsa ha tsarA tsa ha tsa ru/ be du ke be du ke/ a mr-i du/ da ka ha ni/ b+hu ru shi na/ be du di ke/ ba ru ba da te/ pau di hi ke/ b+hin d+ha/ be ri ni/ a mra ti ke/ ba ha tsu yu swA hA/ rigs kyi bu gzungs 'di ni gang+gA'i klung bdun gyi bye ma snyed kyi grangs las 'das pa'i sangs rgyas rnams kyis sa bdun pa'i byang chub sems dpa' rnams yongs su bsrung ba'i phyir gsungs pa yin te/ gang la la zhig gis gzungs sngags 'di kha ton du 'don cing yongs su 'dzin par byed na/ gcan gzan ma rungs pa dang / yi dgas ma rungs pa dang / mi dang mi ma yin pa la sogs pas phyir rgol ba dang / gdon bgegs dang / sdug bsngal gyis 'tshe ba'i 'jigs pa rnams las thar par 'gyur zhing / sgrib pa lnga las rnam par grol nas/ sa bdun pa mi brjed cing rjes su dran par 'gyur ro/ / rigs kyi bu byang chub sems dpa' sems dpa' chen pos/ sa brgyad pa la thob pa'i gzungs gang yin pa de ni mi zad pa'i gter zhes bya'o// tad+ya thA/ shi ri shi ri/ shi ri ni/ ming te ming te/ ka ri ka ri/ he ru he ru/ tsu ru tsu ru/ b+han d+ha ni swAt+ma/ rigs kyi bu gzungs 'di ni gang+gA'i klung brgyad kyi bye ma snyed kyi grangs las 'das pa'i sangs rgyas rnams kyis/ sa brgyad pa'i byang chub sems dpa' rnams yongs su gzung ba'i phyir gsungs pa yin te/ gang la la zhig gis gzungs sngags 'di kha ton du 'don cing yongs su 'dzin par byed na/ gcan gzan ma rungs pa dang / yi dgas ma rungs pa dang / mi dang mi ma yin pa la sogs pas phyir rgol ba dang / gdon bgegs dang / sdug bsngal gyis 'tshe ba'i 'jigs pa rnams las thar par 'gyur zhing / sgrib pa lnga las rnam par grol nas/ sa brgyad pa mi brjed cing rjes su dran par 'gyur ro// rigs kyi bu byang chub sems dpa' sems dpa' chen pos/ sa dgu pa las thob pa'i gzungs gang yin pa de ni/ tshad med pa'i sgo zhes bya'o// tad+ya thA/ ha ri tsan da ri ke/ ku ram/ b+ha rad the/ du ra si/ bad Ta ba da Ta si/ sha ri sha ri/ ka shi ri/ ! pa bi shi ri/ swa sid+d+hi/ sarba satwa nA ma swA hA/ rigs kyi bu gzungs 'di ni gang+gA'i klung dgu'i bye ma snyed kyi grangs las 'das pa'i sangs rgyas rnams kyis sa dgu pa'i byang chub sems dpa' rnams yongs su bsrung ba'i phyir gsungs pa yin te/ gang la la zhig gis gzungs 'di kha ton du 'don cing yongs su 'dzin par byed na/ gcan gzan ma rungs pa dang / yi dgas ma rungs pa dang / mi dang mi ma yin pa la sogs pas phyir rgol ba dang / gdon bgegs dang / sdug bsngal gyis 'tshe ba'i 'jigs pa rnams las thar par 'gyur zhing sgring pa lngal rnam par grol nas sa dgu pa mi brjed cing rjes su dran par 'gyur ro/ / rigs kyi bu byang chub sems dpa' sems dpa' chen pos sa bcu pa las thob pa'i gzungs gang yin pa de ni/ rdo rje'i ri rnam par 'joms pa zhes bya'o/ / tad+ya thA/ sid+d+he/ su sa~M d+hi/ mo tsa ni/ mo kA na~M/ bai mog ti/ a ma le/ bi ma le/ nir ma le/ mang ga re/ hir n+ya grar+b+he/ ka re d+ha na gan+d+he/ saman ta badz+ra/ sarba ar tha sAHni/ man si/ ma hA ma ni sI/ a de ad bud de/ an shi/ ri dud+d+ha/ ar she/ bir she/ an tsu te/ a mr-i te ar she/ bir she/ b+ha ra ma b+he/ b+ha ra ma ma swa re/ pU ra ni/ dUr ne/ ma no rang d+he swA hA/ rigs kyi bu dbang bskur ba'i bkra shis tshig gi gzungs 'di ni gang+gA'i bcu'i bye ma snyed kyi grangs las 'das pa'i sangs rgyas rnams kyis sa bcu pa'i byang chub sems dpa' rnams yongs su bsrung ba'i phyir gsungs pa yin te/ gang la la zhig gis gzungs sngags 'di kha ton du 'don cing / yongs su 'dzin par byed na/ gcan gzan ma rungs pa dang / yi dgas ma rungs pa dang / mi dang mi ma yin pa la sogs pa phyir rgol ba dang / gdon 'gegs 'jigs pa rnams las thar par 'gyur zhing / gdug pa'i gdon thams cad yongs su bsal nas/ rab tu zhi ba dang / sgrib pa lnga las rnam par grol nas sa bcu pa mi brjed cing rjes su dran par 'gyur ro// de nas byang chub sems dpa' seng ge'i mtshan thogs pa med pa'i 'od zer 'bar bas/ bcom ldan 'das kyis bsam gyis mi khyab par gzungs 'di dag bkas bshad pa thos pa dang / stan las langs te bla gos phrag pa gcig la gzar nas/ pus mos g.yas pa'i lha nga sa la btsugs te/ gus pas thal mo sbyar nas/ bcom ldan 'das kyi zhabs la mgo bos phyag 'tshal te/ tshigs su bcad pa 'di dag gis bcom ldan 'das la mngon par bstod pa/ zab mo mtshan ma med pa'i chos// dpe med de la phyag kyang 'tshal// sems can yang dag shes stong la// bcom ldan nyag gcig sgrol bar mdzad/ / de bzhin gshegs pa mkhyen gsal spyan// chos gcig mtshan nyid mi gzigs kyang // yang dag chos kyi spyan gyis ni// thams cad kun gzigs bsam mi khyab// chos gcig skyed par mi mdzad la/ / chos gcig 'gog par mi mdzad pas// mnyam gzigs 'di yi dbang gis na// bla med gnas su byon pa lags// 'khor ba dag kyang mi 'jigs la/ mya ngan 'das la mi gnas shing // mtha' gnyis dag la ma chags pas// de slad mya ngan 'das pa bsnyes// dag dang ma dag pa yi phyogs// bcom ldan ro gcig nyid mkhyen nas// rtag par rtog pa mi mdzad slad/ / mchog tu rnam par dag pa brnyes// bcom ldan mtha' yas sku dag gis// yi ge 'bru gcig ma gsungs kyang // slob ma mang po kun la ni// chos kyi char gyis tshim par mdzad/ / bcom ldan sems can thams cad la// mtshan nyid rnam pa med gzigs kyang // sdug bsngal dag gis gzir pa la// rtag par yongs su skyob par mdzad// sdug bsngal bde dang rtag mi rtag/ bdag yod bdag med la sogs dang // gcig min tha dad min pa dang // skye med 'gag pa med pa yi// de 'dra'i don ni mang po rnams// bshad phyir bye brag mchis kyang ni/ / dper na lung stong brag cha ltar// bcom ldan nyag gcig rab tu mkhyen// chos dbyings rtog pa ma mchis pas// theg pa tha dad ma mchis kyang // sems can yongs su bsgral ba'i slad/ / rnam par phye nas gsum du gsungs// de nas tshangs pa'i rgyal po dbang phyug chen po stan las langs te/ bla gos phrag pa gcig la gzar nas/ pus mo g.ya pa'i lha nga sa la btsugs te/ gus pas thal mo sbyar nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das gser 'od dam pa mchog tu rnam par rgyal ba mdo sde'i rgyal po 'di ni shin tu dkon zhing dpag par dka' ba/ thog mar dge ba/ bar du dge ba/ tha mar dge ba/ tshig 'bru dang don yongs su rdzogs pa/ sangs rgyas kyi chos thams cad yongs su rdzogs par bgyid pa lags pas/ gang gis yongs su 'dzin par bgyid pa'i gang zag de ni/ sangs rgyas rnams kyi drin bsab par bgyid pa lags so// bcom ldan 'das kyis bka' stsal pa/ rigs kyi bu de de bzhin no// de de bzhin te/ khyed kyis ji skad smras pa de bzhin no// rigs kyi bu gang gis mdo sde 'di nyan par byed pa de dag ni/ bla na me/ pa yang dag par rdzogs pa'i byang chub las phyir ldog par mi 'gyur ro// de ci'i phyir zhe na/ rigs kyi bu 'dis ni phyir mi ldog pa'i sa 'thob pa'i byang chub sems dpa'i khyad par du 'phags pa'i dge/ ba'i rtsa ba yongs su smin par byed cing / chos kyi phyag rgya mchog dang / mdo sde'i mang po'i rgyal po yin pa'i phyir/ mnyan par bya/ yongs su gzung bar bya/ klog par bya/ kha ton du gdon par bya'o// de ci'i phyir zhe na/ rigs kyi bu sems can gang dag pa'i rtsa ba ma bskyed pa dang / dge ba'i rtsa ba yongs su ma smin pa dang / de bzhin gshegs pa rnams la bsnyen bkur ma byas pa de dag thams cad kyi ni/ shin tu gya nom pa'i chos 'di mnyan par mi nus so// rigs kyi bu 'am/ rigs kyi bu mo gang la la zhig gis mnyan nam yongs su 'dzin par byed na/ kha na ma tho ba'i sgrib pa thams cad yongasu byang nas/ mchog tu rnam par dag pa thob par 'gyur ro// rtag par sangs rgyas mthong zhing / sangs rgyas dang / dge ba'i bshes gnyen dang / yon tan mchog dang ldan pa'i gang zag rnams dang yongs su 'bral bar mi 'gyur/ rtag par chos gya nom pa thos shing / phyir mi ldog pa'i sa la gnas par 'gyur/ gzungs kyi sgo mchog dam pa zad pa med cing 'grib pa 'di lta ste/ rgya mtsho'i phyag rgya yon tan mchog 'byung ba'i gzungs zad pa med cing 'grib pa dang // sems can gyi bsam pa dang / spyod pa dang / tshigs mngon par rtogs pa'i gzungs zad pa med cing 'grib pa med pa dang / nyi ma'i dkyil 'khor dri ma med pa'i mtshan nyid kyi 'od zer gyi gzungs zad pa med cing 'grib pa med pa dang / zla ba yongs su rgyas pa'i mtshan nyid kyi 'od zer gyi gzungs zad pa med cing 'grib pa med pa dang / rmongs pa rnams yongs su btul nas/ yon tan gyi klung yang dag par ston pa'i gzungs zad pa med cing 'grib pa med pa dang / rdo rje'i ri rnam par 'jom pa'i gzungs zad pa med cing 'grib pa med pa dang / brjod du med pa'i don gyi rgyu dang / rkyen gyi mdzod yang dag par ston pa'i gzungs zad pa med cing 'grib pa med pa dang / yang dag pa'i bden pa'i tshig gi cho ga'i sgra dbyangs mngon par rtog pa'i gzungs zad pa med cing 'grib pa med pa dang / nam mkha' ltar dri ma med pa'i sems kyi spyod pa'i phyag rgya'i gzungs zad pa med cing 'grib pa med pa dang / sangs rgyas kyi sku mtha' med pa rnam bang dag par ston pa'i gzungs zad pa med cing 'grib pa med pa de lta bu thams cad kyang rab tu thob par 'gyur ro/ / rigs kyi bu la sogs pa zad pa med cing 'grib pa med pa'i gzungs kyi sgo rnam yongs su rdzog par gyur pa'i phyir/ byang chub sems dpa' sems dpa' chen po de phyogs cu'i sangs rgyas kyi zhing tham cad du/ sangs rgyas kyi sku mngon par sprul nas/ yang dag pa'i chos bla na med pa rnam pa sna tshogs ston par byed kyang / chos kyi de bzhin nyid las g.yo ba yang med/ gnas pa yang med/ 'ong ba yang med/ 'gro ba yang med do// sems can thams cad kyi dge ba'i rtsa ba legs par yongs su smin par byas kyang / yongs su smin par byas pa'i sems can gcig tsam yang yang dag par rjes su mi mthong ngo // chos rnam pa sna tshogs yang dag par ston par byed kyang / tshig las g.yos pa yang med/ gnas pa yang med/ 'gro ba yang med/ 'ong ba yang med cing / skye 'gag dang bcas pa las/ skye 'gag med pa mngon du byed par 'gyur ro// rgyu dang rkyen gang gi phyir/ 'du byed kyi chos rnams 'gro ba dang 'ong ba med par bstan ce na/ chos thams cad kyi ngo nyid tha dad pa med pa'i phyir ro// chos 'di bstan pa na/ byang chub sems dpa' sems dpa' chen po 'bum phrag sum khri ni mi skye ba'i chos kyi bzod pa thob par gyur to/ / byang chub sems dpa' tshad med pa snyed ni/ byang chub kyi sa las phyir mi ldog par gyur to// dge slong dang dge slong ma tshad med pa dpag tu med pa snyed ni chos kyi mig rnam par dag pa thob par gyur to/ / srog chags tshad med pa snyed ni byang chub tu sems bskyed par gyur to// de nas de'i tshe bcom ldan 'das kyis tshigs su bcad de bka' stsal pa/ chos mchog 'khor ba'i rgyun las zlog mdzad pa// shin tu zab cing gya nom mthong bar dka'/ sems can dmus long 'dod pas rab g.yogs nas/ ma mthong phyir ni sdug bsngal sna tshogs myong / / de nas 'khor mang po rnams cig car stan las langs te/ bcom ldan 'das kyi zhabs la mgo bos phyag byas nasabacom ldan 'das la 'di skad ces gsol to/ / bcom ldan 'das gnas gang du gser 'od dam pa mchog tu rnam par rgyal ba mdo sde'i rgyal po 'di klog cing 'don pa'i gnas der bdag cag 'khor mang po rnams der mchis te nyan pa'i 'khor bgyis nas/ 'di ston pa'i mkhan po de sman pa dang / bde ba dang / sgrib pa ma mchis shing lus dang sems pag yongs su 'gyur ba thob par bgyid do// bdag cag bsam pa thag pa nas mchod cing rim gro bgyid do/ / nyan pa'i 'khor rnams kyang rab tu bde zhing skyid par bgyid do// de dag gnas pa'i yul der yang phyir rgol ba'i dgra dang // 'jigs shing skrag pa dang / gnod pa'i bgegs dang / mu ge'i sdug bsngal rnams ma mchis par bgyis nas/ mi rnams rab tu dar zhing rgyas par bgyid do// chos 'di ston pa'i dkyil 'khor der lha dang / mi dang / mi ma lag pa la sogs pa sems can thams cad kyis brtsog par mi dgye zhing / mi gtsang bas skrag par mi bgyi'o// de ci'i phyir zhe na/ chos bshad pa'i gnas gang lags pa de ni mchod rten lags pas rtag par me tog dang / spos dang / lnga ldi dang / ba dan dang / gdugs rnams kyis mchod pa bgyis na/ bdag cag rnams kyang rtag par yongs su bsrung zhing / rgud pa rnams yongs su spong bar 'gyid/ pas so// bcom ldan 'das kyis 'khor mang po rnams la bka' stsal pa/ rigs kyi bu khyed kyis nan tan brtson 'grus kyis mdo sde dam pa 'di la yongs su sgom par byed na/ de nyid yang dag pa'i chos 'jig rten du yun ring du gnas par gyur pa yin no/ / gser 'od dam pa mchog tu rnam par rgyal ba'i mdo sde'i rgyal po las mchog tu rnam par dag pa'i sa'i gzungs kyi le'u ste drug pa'o// / / gser 'od dam pa mchog tu rnam par rgyal ba mdo sde'i rgyal po'i mdo bam po lnga pa/ de nas bcom ldan 'das kyis byang chub kyi shing gi lha mo la 'di skad ces bka' stsal to/ / rigs kyi lha mo khyod kyis 'di ltar shes par bya ste/ mdzes pa'i tog gi mtshan mo rmi lam na/ gser gyi rnga dam pa las de bzhin gshegs pa'i yon tan gyi bsngags pa brjod pa dang / 'gyod tshangs kyi chos bstan pa'i sgra chen po byung ba'i rgyu dang rkyen gang yin pa de dag ngas khyed la rgya cher yang dag par bshad kyis/ sems rtse gcig tu legs par yid la zung zhig/ 'das pa'i dus kyi tshe rgyal po gser gyi klu'i bdag po zhes bya ba zhig byung ste/ rtag par pad+ma'i dpes phyogs bcu dus gsum gyi sangs rgyas rnam la mngon par bstod cing / bsngags pa brjod par gyur to// de nas 'khor mang po rnams des mngon par bstod pa'i tshigs su bcad pa gang yin pa bka' stsal pa/ 'das dang ma byon da ltar bzhugs sangs rgyas// phyogs bcu'i 'jig rten dag na bzhugs pa la/ / deng bdag rtse gcig spyi btud phyag bgyis te// rgyal ba rnams la rtse gcig bsngags par bgyi// bla med rnam par dag pa thub pa'i gtso// sku yi 'od kyis gsal mdzad gser mdog 'dra/ / sgra kun nang nas mchog tu gyur pas na// tshangs chen dbyangs ltar 'brug sna sgrogs par mdzad// dbu skra bung ba'i rgyab ltar rab gnag cing // g.yos su 'khyil ba'i ri mo kha dos sngon por gnas/ / tshems dkar gtams pa kha dog dung 'dra zhing // rab mnyam kun gsal 'od zer dag dang ldan// rnam dag dri med rab tu mdzes pa'i spyan// ut+pal sngon po'i 'dab ma yangs pa 'dra/ ljags kyi mtshan ni yangs ring shin tu mnyen// dper na pad+ma len brgan chab byung 'dra// smin mtshams rtag par 'od ni dkar po mnga'// g.yas su 'khyil ba chu shel kha dog mtshungs// smin ma tha zhing ring bas zla ba tshes pa 'dra/ / kha dog 'od gsal bung ba'i rgyal po mtshungs// shangs kyi dbyibs mtho gser gyi gar bu 'dra// 'od gnyen rnam dag mtshan ni nyams mi mnga'// 'jig rten dri mchog dam pa thams cad kun/ / sngon tshe gar gnas thams cad rab tu mkhyen// bcom ldan sku mchog gser gyi kha dog mnga'// spu rtse re re mtshan ni rab mtshungs shing/ rab mnyen g.yas su 'khyil bas na// kha dog rab mnyen dpe bgyir shin tu dka'// bltams ma thag tu 'od mchog mnga' bas ni// phyogs bcu'i 'jig rten thams cad gsal mdzad cing // srid gsum sems can sdug bsngal zhi mdzad pas// de dag thams cad bde ba thob par mdzad// sems dmyal dud 'gro yi dgas 'gro ba dang // lha mi lA ma yin dang 'gro ba kun// de dag sdug bsngal mang po zhi mdzad pas/ / rtag tu rang byung bde ba myong bar 'gyur/ sku yi 'od kyis rtag tu gsal mdzad pas// rab sbyangs gser 'dra gyi nom bla ma mchis// zhal mdog rgyas gsal zla ba nya ba 'dra/ / sgros dmar mdog mdzes bim pa'i 'bras bu mtshungs// gshegs stobs spyod lam seng ge rgyal po bzhin// sku mdog rab gsal gdugs ni 'char ba 'dra// phyag ngar ring la pus mo 'das pas na/ / dbyibs ni se le'i lcug ma 'phyang dang mtshungs// 'od ni 'dom gang mtha' yas gsal mdzad pas// rab gsal gdugs ni brgya stong ji lta bzhin// sangs rgyas zhing ni kun tu khyab pas na/ / rkyen ni ji bzhin skye dgu sad par mdzad// rnam dag 'od zer dra ba zla ma mchis// 'od kyis 'jig rten brgya stong rgyas mdzad pas// phyogs bcu kun gsal mdzad la thogs mi mnga'/ / mun nag thams cad rab tu sel bar mdzad// bde gshegs byams 'od bde ba rab stsol bas// kha dog gya nom gser gyi ri bo 'dra// 'od kyis zhing ni brgya stong khyab mdzad pas/ / sems can gang reg thams cad nges par 'byung // bcom ldan sku ni bsod nams tshad med ldan// yon tan thams cad kun gyis rab tu brgyan// khams gsum 'das pas nyag gcig gtsor gsungs pas/ / 'jig rten khyad 'phags dpe zla yongs ma mchis// 'das pa'i sangs rgyas thams cad ji snyed pa// grangs ni sa chen rdul phran dag dang mtshung ma byon da ltar phyogs bcu'i bzhugs pa'i gtso/ / sa chen rdul phran ji bzhin mang po la// bdag ni rtse gcig lus dang ngag yid kyis// dus gsum sangs rgyas spyi bdud skyabs su mchi// yon tan rgya mtsho mtha' yas rab bsngags nas/ / spos dang me tog sna tshogs kun gyis mchod// bdag gi lce ni brgya stong mchis 'gyur te// bskal pa tshad med rab tu bsngags brjod kyang // bcom ldan yon tan bsam gyis mi khyab cing / / mchog tu zab pas shin tu brjod par dka'// bdag gi lce ni brgya stong mchis pa yis// sangs rgyas gcig gi yon tan kun bsngags kyang // de la cha shas tsam yang rtogs dka' na/ / sangs rgyas mtha' yas yon tan smos ci 'tshal// gal te sa chen dang ni lha rnams nas// srid rtse'i bar dag rgya mtsho'i chab gyur kyang // sku yi rtse mos grangs ni rtogs rung gi/ sangs rgyas yon tan thams cad gzhal bar dka'// bdag gis lus dang ngag yid rtse gcig tu// sangs rgyas yon tan mtha' yas bsngags brjod pa'i// bsod nams 'bras bu bsam dka' ci mchis pas/ / sems can yongs bsngo sangs rgyas myur grub smon// rgyal po de yis sangs rgyas bsngags brjod nas// gzhan yang rab sems smon lam cher btab pa/ bdag ni ma 'ongs pa yi dus kyi tshe/ / tshe rabs bskal pa tshad med grangs med snyed// rmi lam rtag par gser rnga mthong nas kyang // 'gyod tshangs bstan pa'i sgra ni thos par shog/ sangs rgyas yon tan pad+ma'i dpes bsngags pas/ / skye med rtogs nas yang dag sangs rgyas shog/ sangs rgyas brgya lam lan cig 'jig rten 'byung // bskal pa brgya stong shin tu phrad par dka'// rmi lam rtag par rnga sgra mchog thos nas/ / nyin mtshan ci rigs 'gyod tshangs bgyid par shog/ bdag gis pha rol phyin drug tshogs bsgoms nas// sems can sdug bsngal mtsho las rab drangs te// de 'og bla med mngon par sangs rgyas nas/ / zhing ni rnam dag bsam gyis mi khyab shog/ gser gyi rnga mchog sangs rgyas phul ba dang // sangs rgyas yang dag yon tan bsngags pa'i rgyus// bcom ldan shAkya thub mchog mthong gyur nas/ / bdag la mi mchog 'gyur bar lung bstan shog/ bdag gi bu ni gser klu gser gyi 'od// 'das pa'i dus tshe dge bshes bgyis pas na// tshe rab kun tu bdag gi khyim skyes te/ / lhan cig bla med byang chub lung nod shog/ sems can gang zhig mgon dang skyabs ma mchis// yun ring 'khor bar sdug bsngal mang myong ba// bdag gis ma 'ongs / mgon dang skyabs bgyis nas// de dag rtag tu bde ba thob par shog/ srid gsum sdug bsngal mang po nyer zhi nas// thams cad yid bzhin bde nas thob 'gyur te/ 'das pa'i sangs rgyas rnams ni ji lta bzhin/ / ma 'ongs byang chub mngon par bsgrub par shog/ gser 'od 'gyod tshangs bgyis pa'i bsod nams 'dis// sdug bsngal rgya mtsho gtan bskams sdig byang nas las kyi sgrib dang nyon mongs nyer zhi ste/ / bdag gis rnam dag 'bras bu myur thob shog/ bsod nams ye shes rgya mtsho tshad med cing // rnam dag dri bral zab pas gting ma mchis// bdag gis yon tan rgya mtsho 'di thob nas/ / bla med byang chub chen po myur 'grub shog/ gser 'od 'gyod tshangs bgyis pa 'di yi mthus// bsod nams rnam dag 'od zer thob par shog/ rnam dag 'od zer dam pa thob nas kyang / / shes rab 'od kyis thams cad gsal bgyid shog/ bdag gis lus 'od sangs rgyas mtshungs 'gyur zhing // bsod nams ye shes dag kyang de bzhin shog/ 'jig rten kun tu gcig pu gtsor brjod cing // gzi byin mthu stobs rang dbang zla med shog/ zag bcas sdug bsngal rgya mtsho 'das par shog/ 'dus ma byas kyi bde mtsho rtag bgrod shog/ da ltar bsod nams mtsho ni rtag 'phel shog/ ma 'ongs ye shes rgya mtsho yongs rdzogs shog/ bdag gi zhing ni khams gsum yongs 'das nas// khyad 'phags yon tan tshad med mtha' med shod rkyen dang ldan rnams lhan cig skyes myur nas/ thams cad rnam dag ye shes myur grub shog/ mdzes pa'i tog khyod shes par byos// rgyal po gser klu bdag po yis// smon lam/ de 'dra gang btab pa// de ni khyod bdag nyid yin no// gser klu gser 'od ces bya ba// sngon gyi bu khye'u gnyis pon// dngul tog dngul mtshan nyid yin te/ nga las lung bstan thob pa yin/ / 'khor mad de skad thos pas na// thams cad byang chub sems bskyed do// de ltar ma 'ongs dus kyi tshe// 'gyod tshangs 'di spyod sngon lam btab// gser 'od dam mchog tu rnam par rgyal ba mdo sde'i rgyal po las/ / pad+ma lta bu'i dpes bsngags pa brjod pa'i le'u ste bdun pa'o// / de nas bcom ldan 'das kyis 'khor mang po'i nang nas/ byang chub sems dpa' sems dpa' chen po rab gnas la 'di skad ces bka' stsal to// rigs kyi bu gser rgyal zhes bya ba'i gzungs yod de// rigs kyi bu 'am/ rigs kyi bu mo gang la la zhig gis 'das pa dang / ma byon pa dang / da ltar bzhugs pa'i sangs rgyas rnams mngon sum du mthong zhing bkur sti dang / mchod pa byed 'dod pas/ gzungs 'di yongs su gzung bar bya'o/ / de ci'i phyir zhe na/ gzungs 'di ni 'das pa dang / ma byon pa dang / da ltar bzhugs pa'i sangs rgyas rnams kyi yum yin pas so// de lta bas na gzungs 'di yod su 'dzin par byed pa gang yin pa de ni bsod nams chen po dang ldan zhing / 'das pa'i sangs rgyas tshad med pa rnams las dge ba'i rtsa ba skyed pa yin pas/ deng yongs su 'dzin par gyur pa yin te/ tshul khrims yongs su dag pa mi zhig mi nyams shing thogs pa med pa dang / gdon mi za bar chos zab mo'i sgor 'jug par 'gyur bar rig par bya'o// bcom ldan 'das kyis sngags bsgrub pa'i cho ga bka' stsal pa/ sngar sangs rgyas dang / byang chub sems dpa' rnams kyi mtshan nas brjod do// sems rtse gcig tu gus pas phyag byas nas/ de'i 'og tu sngags gdon par bya'o/ / phyogs bcu'i sangs rgyas thams cad la phyag 'tshal lo// byang chub sems dpa' sems dpa' chen po rnams la phyag 'tshal lo// nyan thos dang rang sangs rgyas dang / 'phags pa rnams la phyag 'tshal lo// sangs rgyas shAkya thub pa la phyag 'tshal lo// shar phyogs kyi sangs rgyas mi 'khrugs pa la phyag 'tshal lo/ lho phyogs kyi sangs rgyas rin po che'i tog la phyag 'tshal lo// nub phyogs kyi sangs rgyas tshe dpag med la phyag 'tshal lo// byang phyogs kyi sangs rgyas lha'i rnga sgra'i rgyal po la phyag 'tshal lo/ / steng gi phyogs kyi sangs rgyas yangs pa'i yon tan mang po la phyag 'tshal lo// 'og gi phyogs kyi sangs rgyas yon tan snang ba la phyag 'tshal lo// sangs rgyas rin chen snying po la phyag 'tshal lo/ / sangs rgyas kun tu 'od la phyag 'tshal lo// sangs rgyas kun tu snang ba la phyag 'tshal lo// sangs rgyas spobs brtsegs rgyal po la phyag 'tshal lo// sangs rgyas rnam par rgyal ba'i pad+ma la phyag 'tshal lo// sangs rgyas mnyam par gzigs la phyag 'tshal lo// sangs rgyas rin chen gtsug pud la phyag 'tshal lo// sangs rgyas rin chenatha ma la phyag 'tshal lo/ / sangs rgyas rin chen 'od la phyag 'tshal lo// sangs rgyas dri med 'od snang la phyag 'tshal lo// sangs rgyas dri ma med pa'i 'od zer la phyag 'tshal lo// sangs rgyas spobs pa rab dgongs la phyag 'tshal lo/ / sangs rgyas rnam dag zla ba'i 'od zer mtshan grags rgyal po la phyag 'tshal lo// sangs rgyas me tog bkod pa'i 'od la phyag 'tshal lo// sangs rgyas snang ba'i rgyal po la phyag 'tshal lo/ / sangs rgyas legs 'od dri med grags pa'i rgyal po la phyag 'tshal lo// sangs rgyas rtog pa 'jigs med dbang phyug la phyag 'tshal lo// sangs rgyas bsnyengs pa mi mnga' ba'i grags pa la phyag 'tshal lo/ / sangs rgyas mchog tu rnam par rgyal ba la phyag 'tshal lo// byang chub sems dpa' sems dpa' chen po spyan ras gzigs dbang phyug la phyag 'tshal lo/ / byang chub sems dpa' sems dpa' chen po sa'i snying po la phyag 'tshal lo// byang chub sems dpa' sems dpa' chen po nam mkha' snying po la phyag 'tshal lo// byang chub sems dpa' sems dpa' chen po 'jam dpal la phyag 'tshal lo/ / byang chub sems dpa' sems dpa' chen po lag na rdo rje la phyag 'tshal lo// byang chub sems dpa' sems dpa' chen po kun tu bzang po la phyag 'tshal lo/ / byang chub sems dpa' sems dpa' chen po blo gros mi zad pa la phyag 'tshal lo// byang chub sems dpa' sems dpa' chen po mthu chen thob la phyag 'tshal lo/ / byang chub sems dpa' sems dpa' chen po byams pa la phyag 'tshal lo// byang chub sems dpa' sems dpa' chen po dge ba'i blo gros la phyag 'tshal lo gzungs 'di lta ste/ na mo rat+na tra yA yA/ tad+ya thA/ kun te kun te/ ku tsa le ku tsa le/ I tri mA tri swA hA/ bcom ldan 'das kyis/ byang chub sems dpa' rab gnas la bka' stsal pa gzung 'di ni dus gsum gyi sangs rgyas rnams kyi yum yin pas/ rigs kyi bu 'am/ rigs kyi bu mo gang la le zhig gis gzungs 'di yongs su 'dzin par byed na/ bsod nams kyi tshogs tshad med dpag tu med pa rab tu skye bar 'gyur te/ 'di nyid sangs rgyas grangs med pa snyed la mchod cing rim gro byed pa dang / gus pas bla mar byed pa dang bsngags pa rjod par byed pa yin pas 'di ltar sangs rgyas mang po rnams kyis kyang gang zag de la bla na med pa yang dag par rdzogs pa'i byang chub tu lung ston par 'gyur ro/ / rab gnas gang la la zhig gzungs 'di yongs su 'dzin par byed na/ ji ltar 'dod pa bzhin du gos dang zas dang / nor dang / rin po che dang / mang du thos pa dang / shes rab rno ba dang / nad med cing tshe ring ba dang bsod nams mang po thob par 'gyur bas/ ji lta mos pa rnams yid bzhin du mi 'grub pa gang yang med par 'gyur ro// rab gnas gzungs 'di yongs su 'dzin par byed pa gang yin pa de ni/ bla na med pa'i byang chub ma thob kyi bar du rtag par byang chub sems dpa' gser gyi grong khyer gyi ri dang / byang chub sems dpa' byams pa dang / byang chub sems dpa' rgya mtsho dang byang chub sems dpa' spyan ras gzigs dbang phyug dang / byang chub sems dpa' 'jam dpal dang / byang chub sems dpa' ma hA ping ga la la sogs pa dang lhan cig gnas par 'gyur bas byang chub sems dpa' rnams kyis yongs su gzung zhing yongs su srung bar 'gyur ro/ / rab gnas 'di ltar rig par bya ste/ sngags 'di yongs su 'dzin pa'i tshe/ cho ga 'di ltar bsgrub par bya'o/ / sngags lan khri rtsa brgyad tshang bar bzlas te/ bsnyen pa'i cho ga bya'o// de nas khang pa dben pa'i nang du dkyil 'khor brgyan nas/ zla ba mar gyi ngo'i tshes gcig la khrus yod su dag par byas te/ gos gsar pa bgos nas spos bsregs me tog gtor te bza' ba dang / btung ba rnam pa sna tshogs kyis mchod pa byas nas// dkyil 'khor gyi nang du zhug te thog ma kho nar sngar gong du bstan pa'i sangs rgyas dang / byang chub sems dpa' rnams kyi mtshan nas brjod de/ sems rtse gcig tu gus pas phyag byas nas sngar byas pa sdig pa rnams bshags te/ pus mo g.yas pa'i lha nga sa la btsugs nas/ sngar bstan pa'i gzungs sngags lan stong rtsa brgyad bzlas te/ lus drang por bsrang nas yid la bya zhing grang smon pa'i rjes su dran par bya'o/ / nyi ma ma shar bar dkyil 'khor gyi nang du zas gtsang ma nag be bza' bar bye zhing tan gcig la za gcig bza' bar bya'o// zhag bco lnga tshang nas dkyil 'khor nas 'byung bar byed na/ gang zag de bsod nams dang / gzi byin mthu stobs bsam gyis mi khyab pa dang ldan par 'gyur bas/ ci dang ci smon pa mi 'grub pa gang yang med par 'gyur ro// gal te yid bzhin du grub par ma gyur na yang dkyil 'khor gyi nang du 'jug par bya zhing bsam pa bzhin du grub nas kyang rtag par yid la bya zhing brjed par mi bya'o// gser 'od dam pa mchog tu rnam par rgyal ba mdo sde'i rgyal po las/ gser rgyal gyi gzungs kyi le'u ste brgyad pa'o// / de nas bcom ldan 'das kyis gzungs sngags de bka' stsal nas/ byang chub sems dpa' sems dpa' chen po rnams dang / lha dang / mi dang 'khor mang po rnams la phan gdags shing / de kho na nyid kyi dam pa shin tu zab pa khong du chud par mdzad par bzhed pa'i phyir stong pa nyid kyi rang bzhin yang bstan pa'i ched du tshigs su bcad de bka' stsal pa/ nga yis mdo sde zab mo gzhan dag las// yang dag stong nyid dam chos rgyas bshad kyang // de 'dir mdo sde rgyal po 'di las kyang / / stong nyid bsam gyis mi khyab mdo tsam bshad// zab mo'i chos ni rgya chen mang po la// sems can shes med rig par mi nus pas// de phyir ngas 'di bzlas te bstan pas na/ / stong pa'i chos ni rab tu rtogs par 'gyur// thugs rje chen pos sems can brtse ba'i phyir// shin tu thabs mkhas rgyu rkyen mchog dag gis// ngas deng 'khor 'dus chen po 'di nang dubastan pas de dag stong don gsal rtogs 'gyur/ / lus 'di zong stong 'dra bar shes byas te// rkun po drug gnas phan tshun yong mi shes// yul drug rkun po tha dad dbang po gnas// so sor phan / tshun mi shes de zhin no// mig gi dbang po rtag par gzugs la lnga// rna ba'i dbang po sgra nyan rgyun mi 'chad// sna yi dbang pos rgyun du dri yul snom// lce yi dbang pos rtag par ro zhim myong lus kyi dbang pos yang 'jam reg bya len/ / yid kyi dbang pos chos rig skyo mi shes// dbang po 'di drug dngos po'i rjes 'brang bas// so sor rang yul dag la rtog pa skyed// rnam shes sgyu sbrul 'dra bas yang dag min/ / dbang po gnas nas mi dben 'dod pas tshol// dper na mi zhig grong stong rgyug pa ltar// rnam shes drug po dbang gnas de bzhin no// sems ni kun chol gnas kyi rjes su 'jug dbang rten yul dmigs dngos po rnam rig pas/ / rtag par gzugs sgra dri ro reg la sred// chos la spyod pas skad cig tsam mi gnas rkyen ni de bzhin dbang drug kun rgyug pas/ / mkha' la bya 'phur thogs pa med pa 'dra// dbang po rten byed de la bltos nas ni/ phyi rol yul ni rnam par rig par nus// lus 'di shes med byed pa po yang med/ / rang bzhin mi brten rkyen la bltos nas 'grub// yang dag ma yin rnam rtog las skyes pas// 'khrul 'khor bzhin du las kyi dbang gis 'jug/ sa chu me rlung lhan cig lus bsgrubs pas/ / rgyu rkyen ji bzhin tha dad 'bras bu thob// lhan cig gnas kyang phan tshun gnod byed pas// sbrul gdug bzhi po gzeb cig gnas pa 'dra// 'byung chen sbrul bzhi rang bzhin tha dad pas/ / lhan cig gnas kyang mtho dang dma' ba yod// steng 'og 'gro zhing lus ni kun tu khyab// 'di dag mthar ni phrad pa'i cho su 'gro// sbrul gdug rnam pa bzhi po de dag las/ sa chu sbrul gnyis phal cher thur du 'bying // me rlung sbrul gnyis rang bzhin yang bas ni// mi mthun 'di dbang nad mang skye bar 'gyur// sems dang rnam shes lus 'di gnas nas ni/ dge sdig las ni sna tshogs byed pas ni// lha mi ngan 'gro gsum du song nas ni// las stobs ji bzhin lus ni len par byed// nad dang phrad nas lus ni shi ba'i 'og/ bshang bci mi gtsang thams cad kun tu gang / / rul myags 'bus gzegs blta bar yong mi mos// dur khrod dor nas shing rul 'dra bar 'gyur// khyod kyis chos rnams de ltar blta bar byos// ci phyir bdag dang sems can yod par 'dzin/ / chos rnams thams cad zad par mi rtag ste// thams cad ma rig rkyen gyi mthu las byung // 'byung chen de dag yang dag min pas na// yang dag yod min rang bzhin skye med pas/ / de phyir 'byung chen ngo bo stong par shad// 'di dag stong zhing yang dag min rig byos// ma rig rang bzhin gzod ma nyid kyis med// rkyen mang mthu ltos tshogs las yod pa min// dus rnams kun/ tu yang dag blo sbyor bas// de phyir nga yis ma rig yin par bshad// 'di dag rnam shes rkyen byas ming gzugs yod// skye mched drug dang reg tsher rjes su skye// sred len srin rkyen rga shi bskyed pas na mya ngan smre sngags 'khrugs pa rjes su 'brang / / sdug bsngal sna tshogs las ngan rtag dkris gzer// 'khor bar 'khor ba dag la tshad dus med// rang bzhin yod min ngo bo nyid stong yang // tshul bzhin ma yin rnam par rtog pa skyed// nga yis nyon mongs thams cad rab spangs nas// rtag par yang dag ye shes mthon rgyu bas// lnga phung khang khyim thams cad stong rtogs nas// byang chub yang dag gnas ni btsal ba yin// nga yis bdud rtsi grong chen sgo phye nas// gya nom bdud rtsi snod ni bstan pa yin// yang dag bdud rtsi ro ni brnyes nas kyang // rtag par bdud rtsi skye sa sbyin pa btang / / ngas ni chos kyi rnga chen dam pa brdungs// ngas ni chos kyi dung chen mchog kyang bus// ngas ni chos kyi sgron chen rab kyang sbar// ngas ni chos kyi char chen dam pa phab/ / nyon mongs dgra rnams rab tu pham byas te// bla med chos kyi rgyal mtshan chen po bsgreng // 'khor ba'i mtsho las skye dgu rmongs pa bzlas// nga yis ngan 'gro gsum gyi sgo yang bcad/ / nyon mongs 'bar mes sems can rab bsregs te// mgon dang skyabs byed med pa bdag la ni// rab bsil bdud rtsi de dag tshim byas nas// lus dang sems kyi gdung ba zhi bar byas/ / des na ngas ni bskal pa tshad med snyed// de bzhin gshegs pa rnams la gus mchod byas// tshul khrims rab bsrungs byang chub gzhol nas ni// chos sku zhi ba'i gnas ni btsal ba yin/ / gzhan la mig dang rkang lag rna ba dang // du dang chung ma bran btang 'phangs pa med// nor dang rin chen bdun gyi rgyan 'phreng dag/ slong ba dag la thams cad yongs su btang bzod sogs pha rol phyin pa kun bsgoms pas/ / sa bcu yongs rdzogs yang dag mngon sangs rgyas// de phyir nga ni thams cad mkhyen brjod kyang // sems can gang yang gzhal bar nus pa med// gal te stong chen 'jig rten khams// sa chen 'di las skyes pa'i dngos rnams dang / nags tshal ljon shing sa lus til rnams dang // 'od ma la sogs yal ga ji snyed pa// 'di la sogs pa'i dngos po bcad gtungs te/ / thams cad rdul dran bye mar byas pa dag/ gang nas bsdus spungs tshad ni shes dka' dang // de bzhin nam mkha'i khams ni grang ba yi// phyogs bcu'i zhing rnams dpa thams cad na/ / stong gsum stong chen 'jig rten ji snyed pa'i// sa rnams rdul gyi phyi mar byas gyur na// rdul 'di tshad ni bgrang bar mi nus pas// sems can thams cad shes pa ci yod pa/ shes pa de kun mi gcig rab byin nas// 'di ltar de yi shes pa tshad med pas// rdul phran de yi grangs ni shes rung yang // bcom ldan thub pas skad cig gang mkhyen pa// shes ldan de dag blun cig gzhal bcug na/ / bskal pa bye ba mang po'i grangs snyed du// cung zad tsam yang brtsi zhing shes mi nus// de'i tshe 'khor mang po rnams bcom ldan 'das kyis stong pa nyid kyi rang bzhin zab mo 'di lta bu bkas bshad pa thos pa dang / sems can tshad med pa steng 'byung ba chen po bzhi dang / phung po lnga po dag rang bzhin nyid kyis stong pa dang // dbang po drug dang / yul drug po dag pa ma yin pas/ 'ching ba bskyed par mngon par rtogs par gyur pas/ 'khor ba yongs su spangs te/ nges par 'byung ba yang dag par bsgrub par smon lam btab nas shin tu dang ba'i sems kyis rab tu dga' bar gyur pas/ ji skad bstan pa bzhin du gus par spyod par gyur to// gser 'od dam pa mchog tu rnam par rgyal ba mdo sde'i rgyal po las/ steng pa nyid kyi rang bzhin bstan pa'i le'u ste dgu pa'o/ / / de nas lha'i bu mo yid bzhin rin chen 'od 'phro 'khor mang po'i nang du chos zab mo thos pas dga' mgu rangs par gyur nas/ stan las langs te/ bla gos phrag pa gcig la gzar nas/ pus mo g.yas pa'i lha nga sa la btsugs te/ gus pas thal mo sbyar nas/ bcom ldan 'das la 'di skad ces/ bcom ldan 'das kyi don gyi tshul zab mo dag la rnal 'byor bsgoms pa'i chos gang lags pa bkas bshad du ci gnang zhes gsol nas/ tshigs su bcad de gsol pa kha dag gis 'jig rten snang mdzad pa/ / rkang gnyis gtso bo mchog la ni// byang chub sems dpa'i yang dag spyod// zhu na thugs rjes gnang bar smon// bcom ldan rigs kyi lha mo la gal te the tsom yod gyur na/ / khyod kyis yid bzhin zhus shig dang // rnam phye bstan par bya zhes gsungs// de nas lha mos/ bcom ldan 'das la 'di skad ces gsol to// byang chub sems dpa' ji lta bu/ / byang chub yang dag spyad spyod nas// bdag dang gzhan la sman slad du// 'khor ba mya ngan 'das spangs 'gyur// bcom ldan 'das kyis/ rigs kyi lha mo la bka' sprul pa/ chos kyi dbyings la brten te/ byang chub kyi chos la spyad nas mnyam pa nyid kyi chos spyod pa bsgom par bya'o// ji ltar chos kyi dbyings la brten te/ byang chub kyi chos la spyad nas mnyam pa nyid kyi spyod pa bsgom par bya zhe na/ 'di ltar phung po lnga po dag gis chos kyi dbyings ston par byed pas/ chos kyi dbyings gang yin pa de nyid phung po lnga yin yang / phung po lnga yang brjod du med la/ phung po lnga ma yin pa yang brjod du med do// de ci'i phyir zhe na/ gal te chos kyi dbyings phung po lnga yin par gyur na ni chad pa'i lta bar 'gyur la/ gal te phung po lnga dang tha dad par gyur na ni/ rtag pa'i lta bar 'gyur bas/ mtshan nyid gnyis dang bral ba mtha' gnyis la mngon par ma chags pa/ bltar med pa/ blta bar bya ba las yang dag par 'das pa/ ming med pa/ mtshan ma med pa gang yin pa de ni chos kyi dbyings bstan pa zhes bya'o// rigs kyi lha mo ji ltar phung po lnga po dag gis chos kyi dbyings ston par byed ce na/ 'di ltar phung po lnga po dag ni rgyu dang rkyen las skye ba yin no/ / de ci'i phyir zhe na/ gal te rgyu dang rkyen las skyes pa zhig yin par gyur na/ skyes zin pa phyir skye 'am ma skyes pa phyir skye/ skyes zin pa zhig skye na ni/ rgyu dang rkyen dgos pa ci zhig yod/ gal te ma skye na ni/ nams kyang skye ba dmigs par mi 'gyur ro// de ci'i phyir zhe na/ ma skyes pa'i chos gang yin pa de ni yod pa ma yin pa/ ming med pa/ mtshan ma med pa/ dpag par bya ba ma yin pa/ dpe byar mi rung ba/ rgyu dang rkyen gyis bskyed par bya ba ma yin pa'i phyir ro// rigs kyi lha mo 'di lta ste/ dper na rnga'i sgra gang yin pa de ni shing la yang brten/ ko ba dang / dbyu gu dang / lag pa la sogs pa brten pa'i phyir sgra 'byung bar 'gyur yang 'di ltar rnga'i sgra gang yin pa de ni 'das pa yang stong / ma 'ongs pa yang stong / da ltar byung ba yang stong ngo // de ci'i phyir zhe na/ rnga'i sgra gang yin pa de ni shing las kyang mi 'byung / ko ba las kyang mi 'byung / dbyu gu dang / lag pa las kyang mi 'byung / dus gsum las kyang mi 'byung bas/ de ni ma skyes pa gang yin pa de ni 'gag par yang mi 'gyur ro// 'gag par mi 'gyur ba gang yin pa de ni/ gang nas kyang mi 'ong po gang nas kyang ma 'ongs pa de ni gang du yang 'gro bar mi 'gyur ro/ / gang du yang 'gro ba med pa gang yin pa de ni rtag par yang ma yin/ chad par yang ma yin no// rtag pa yang ma yin/ chad pa yang sa yin pa de ni gcig pa yang ma yin/ tha dad pa yang ma yin pas so// de ci'i phyir zhe na/ gal te 'di gcig pa zhig yin na ni/ chos kyi dbyings dang tha mi dad par 'gyur ro// gal te de lta yin na ni/ so so'i skye bo rnams kyang yang dag pa'i bden pa mthong nas/ bla na med pa'i bde ba dang ldan pa'i mya ngan las 'das pa thob par 'gyur ba'i rigs na/ de lta ma yin pas de'i phyir gcig pa yang ma yin par rig par bya'o/ / gal te tha dad do zhe na/ sangs rgyas dang / byang chub sems dpa' rnams kyi 'du byed kyi mtshan nyid thams cad kyang mngon par zhen pa dang bcas pa yin pas/ nyon mongs pa'i 'ching ba las rnam par grol bar mi 'gyur zhing / bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ro// de ci'i phyir zhe na/ 'phags pa'i gang zag tham cad ni 'du byed dang / 'du byed ma yin pa dag pa'i ngo bo nyid du mnyam par rtogs pas/ de'i phyir tha dad pa yang ma yin te/ de lta bas na phung po lnga po dag ni yod pa yang ma yin/ med pa yang ma yin rgyu dang rkyen las ma skyes pa/ rgyu dang rkyen med pa las skyes pa yang ma yin par rig par bya'o// 'phags pas shes par bya ba yin gyi/ gzhan gi spyod yul ma yin pa'i phyir/ tshig dang tha snyad kyis rig par mi 'gyur/ ming med pa/ mtshan ma med pa/ rgyu rkyen med pa/ thog ma dang tha mar rab tu dben pa/ gzod ma nyid nas rang bzhin gyis stong pa yin pas/ de'i phyir phung po lnga po dag gis/ chos kyi dbyings ston par nus pa yin no// rigs kyi lha mo rigs kyi bu 'am/ rigs kyi bu mo gang la la zhig bla na med pa yang dag par rdzogs pa'i byang chub yongs su gnyer bar 'dod pas/ don dam pa dang / kun rdzob las gud na yongs su tshol bar byed na/ de ni shin tu dpag cing bsam par dka' ba yin te/ so so'i skye bo dang / 'phags pa'i spyod yul gyi ngo bo nyid ni gcig pa yang ma yin/ tha dad pa yang ma yin pas/ kun rdzob kyang mi spong la/ don dam pa dang mi 'bral bar chos kyi dbyings la brten nas/ byang chub kyi spyod pa sprad par bya'o// de'i tshe bcom ldan 'das kyis de skad ces bka' stsal pa dang / rigs kyi lha mo dga' mgu rangs par gyur nas/ stan las langs te/ bla gos phrag pa gcig la gzar nas/ pus mo g.yas pa'i lha nga sa la btsugs te/ gus pas thal mo sbyar nas/ sems rtse gcig tu mgo bos phyag byas te/ bcom ldan 'das la 'di skad ces gsol to// bcom ldan 'das gong du ji skad bka' stsal pa'i byang chub kyi yang dag pa'i spyod pa gang lags pa de dag deng bdag gis slob par bgyid do/ / de nas mi mjed kyi 'jig rten gyi khams kyi bdag po tshangs pa'i rgyal po chen po 'khor mang po'i nang du lha mo yid bzhin rin chen 'od 'gro la 'di skad ces smras so/ / byang chub kyi spyod pa 'di ni shin tu bsgrub par dka' ba yin na/ deng khyod kyis ji ltar byang chub kyi spyod pa la rang dbang 'thob par 'gyur/ de nas rigs kyi lha mos/ tshangs pa'i rgyal po la 'di skad ces smras so// kye tshangs pa'i rgyal po// rgyal po chen po bcom ldan 'das kyis ji skad gsungs pa ltar na/ 'di ni yang dag par shin tu zab pa yin pas so so'i skye bo thams cad kyis de'i don shes par mi 'gyur gyi/ 'di ni 'phags pa'i spyod yul yin pas/ shin tu gya nom zhing shes par dka' ba yin no// gal te deng bdag gis chos 'di la brten nas/ bde bar gnas pa thob pa bden te/ mi brdzun par gyur na/ dus ngan pa'i snyigs ma lnga'i sems can tshad med grangs med mtha' med pa thams cad gser gyi kha dog tu gyur nas/ mtshan sum cu rtsa gnyis dang ldan te/ skyes pa yang ma yin/ bud med kyang ma yin par gyur nas/ rin po che'i pad+ma la 'dug ste/ bde ba tshad med pa myong ba dang / lha'i me tog dam pa'i char mngon pabar 'bab pa dang / lha'i rol mo'i cha byad rnams ma dkrol bar rang sgra byung ba dang / mchod pa'i yo byad thams cad phun sum tshogs par gyur cig ces/ de'i tshe rigs kyi lha mos de skad ces smras ma thag tu dus ngan pa'i snyigs ma lnga'i sems can ji snyed pa thams cad gser gyi kha dog tu gyur nas/ skyes bu chen po'i mtshan dang ldan te/ skyes pa yang ma yin/ bud med kyang ma yin par gyur nas/ rin po che'i pad+mo la 'dug ste/ bde ba tshad med pa dag la long spyo bar gyur pas/ gzhan 'phrul dbang byed kyi lha'i gzhal med khang ji lta ba bzhin du ngan 'gro rnams kyang med do// rin po che'i ljon shing 'phreng du dkrigs shing rin po sna bdun gyi me tog gis 'jig rten gyi khams kun tu gang bar gyur to/ / gzhan yang lha'i rin po che sna bdun gyi me tog char yang mngon par phab/ lha'i rol mo rnams byas te/ rigs kyi lha mo yid bzhin rin chen 'od 'phro yang bud med kyi lus yongs su bsgyur nas/ tshangs pa'i lha'i lus su gyur to// de nas tshangs pa'i rgyal po chen pos/ byang chub sems dpa' yid bzhin rin chen 'od 'gro la 'di skad ces smras so/ / khyod ji ltar byang chub kyi spyad pa yongs su spyod par byed/ smras pa/ kye tshangs pa'i rgyal po gal te chu'i zla ba byang chub kyi spyad pa spyod par byed na/ bdag kyang byang chub kyi spyad pa spyod par byed do/ / gal te rmi lam na byang chub kyi spyad pa spyod par byed na/ bdag kyang byang chub kyi spyad pa spyod par byed do// gal te smig rgyu byang chub kyi spyad pa spyod par byed na/ bdag kyang byang chub kyi spyad pa spyod par byed do// gal te lung ba'i brag cha byang chub kyi spyad pa spyod par byed na/ bdag kyang byang chub kyi spang ba spyod par byed do// de nas tshangs pa'i rgyal po chen pos de skad ces smras pa thos pa dang / byang chub sems dpas 'di skad ces smras so// khyod don gang gang la brten nas tshig 'di smra bar byed/ smras pa/ kye tshangs pa'i rgyal po chos gcig 'ga' tsam yang de kho na nyid kyi mtshan nyid kyi mtshan nyid ma yin pa med med kyi 'on kyang rgyu dang rkyen gyi dbang gyis mngon par grub pa yin no/ / tshangs pa'i rgyal pos smras pa/ gal te de lta bu yin par gyur na/ 'o na ni byis pa so so'i skye bo rnams kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i rigs so/ / smras pa/ khyod ci la bsams te 'di skad du smra bar byed/ ci gti mug dang ldan pa'i gang zag kyang tha dad / shes rab dang ldan pa'i gang zag kyang tha dad / byang chub kyang tha dad / byang chub ma yin pa yang tha dad / rnam par grol ba yang tha dad / rnam par grol ba ma yin pa yang tha dad pa zhig yin snyam mam/ tshangs pa'i rgyal po 'di ltar chos rnams ni mnyam zhing tha dad pa med de/ chos kyi dbyings 'di la de bzhin nyid tha dad par gyur pa med pas mngon par zhen par bya ba'i par zhes bya ba yang med de/ 'phel ba med cing 'grib pa med par gyur pa yin no// kye tshangs pa'i rgyal po 'di lta ste/ dper na sgyu ma mkhan nam/ sgyu ma mkhan gyi slob ma sgyu ma ston pa la shin tu mkhas pa zhig gis lam gyi bzhi mdor gseg ma dang / rtswa dang shing gi lo ma la sogs pa blangs te/ phung po gcig tu spungs nas/ sgyu rtsal rnams kyis glang po che'i tshogs dang / rta'i tshigs dang / shing rta dang dmag la sogs pa'i tshogs dang / rin po che sna tshogs kyi phung po dang / bang mdzod rnam pa sna tshogs skye bo rnams kyis mthong bar 'gyur ba mngon par sprul par gyur na/ sems can gang dag glen zhing gti mug can du gyur pa/ dpyod par mi nus pa/ sgyu ma'i rtsa ba mi shes pa dag gis mthong ngam/ thos par gyur na/ 'di snyam du bdag gis mthong zhing thos pa'i glang po che dang / rta la sogs pa'i tshogs gang yin pa de dag ni yang dag par yod pa yin gyi gzhan ni rdzun pa yin no snyam du sems pas/ phyis legs par so sor rtog cing sems pa yang med do// gang blo dang ldan pa dag ni de lta ma yin te/ sgyu ma'i rtsa ba rab tu shes pas gang mthong ngam thos par gyur na yang 'di snyam du bdag gi ji ltar mthong ba'i glang po che dang / rta la sogs pa'i tshogs gang yin pa de dag ni yod pa ma yin gyi/ sgyu ma'i dngos po mig slu bar byed pa tsam zhig yod par zad de/ mi bden pas glang po che la sogs pa dang / bang mdzod rnams yod do snyam du mi sems pas/ ming tsam zhig yod par zad kyi/ yang dag pa ni ci yang med do/ snyam du sems pas/ bdag nyid kyis ji ltar mthong zhing thos pas de dag la yang dag pa nyid du 'dzin par yang mi byed la/ phyis dpyod cing sems pa'i tshe yang / yang dag pa ma yin par rab tu shes par 'gyur ro/ / de bzhin du blo dang ldan pa dag gis kyang chos thams cad la yang dag pa'i ngo bo nyid med par rtogs pas kun rdzob kyi rjes su ji ltar mthong ba dang / ji ltar thos pa bzhin du dngos po/ ston cing rjod par byed kyi/ bden pa'i tshul yid la byed pa'i tshe ni de lta ma yin te/ btags pa tsam tu yang dag pa'i don rab tu ston par byed pa'i phyir ro// tshangs pa'i rgyal po byis pa so so'i skye bo 'jig rten las 'das pa'i 'phags pa'i shes rab kyi mig ma thob pa dag ni chos thams cad kyi de bzhin nyid brjod du med pa mi shes pa'i phyir/ byis pa so so'i skye bo dag 'du byed dang / 'du byed ma yin pa'i chos mthong ngam thos par gar na 'di ltar yang dag par yod pa yin no snyam du bsams nas/ mngon par zhen pa bskyed nas don dam par chos rnams kyi de bzhin nyid brjod du med pa yin pa mi shes so// 'phags pa'i gang zag yin pa de dag ni 'du byed dang / 'du byed ma yin pa'i chos mthong ngam/ thos par gyur na/ ci nus ci lcogs kyis yang dag par yod pa yin no snyam du mngon par zhen pa skyed par mi byed pas thams cad du yang dag pa'i 'du byed kyi chos dang / yang dag pa'i 'du byed ma yin pa'i chos med kyi/ mi bden pas bsams pa'i 'du byed dang / 'du byed ma yin pa'i mtshan nyid gang yin pa de dag ni ming tsam zhig yod pas yang dag pa'i ngo bo nyid ci yang med do snyam du rig cing khong du chud par gyur kyang / 'phags pa'i gang zag de dag kun rdzob kyi rjes su gzhan dag yang dag pa'i don rtogs par bya bar 'dod pa'i phyir/ yang dag par ston par byed pa yin no// de bzhin du tshangs pa'i rgyal po 'phags pa'i gang zag de dag kyang 'phags pa'i shes pa dang / mthong bas chos rnams kyi de bzhin nyid brjod du med par rtogs par gyur kyang 'du byed dang / 'du byed ma yin pa'i chos 'di ltar gzhan dag rtogs par bya ba'i phyir/ kun rdzob kyi ming dang tha snyad rnam pa sna tshogs ston par byed pa yin no/ / de nas tshangs pa'i rgyal po chen pos/ byang chub sems dpa' yid bzhin rin chen 'od 'phro la 'di skad ces smras so// sems can ji snyed cig gis yang dag pa'i chos zab mo 'di lta bu khong du chud par 'gyur/ smras pa/ kye tshangs pa'i rgyal po sgyu ma'i skyes bu mang po'i sems dang sems las byung ba'i chos kyis yang dag pa'i chos zab mo 'di lta bu khong du chud par 'gyur ro// tshangs pa'i rgyal pos smras pa/ sgyu mas sprul pa'i skyes bu gang yin pa de dag ni/ ngo bo nyid kyis yod pa ma yin na/ 'di dag ni sems dang sems las byung ba gang las skyes par 'gyur/ smras pa gang gis chos kyi dbyings yod pa yang ma yin/ med pa yang ma yin par shes pa'i sems can de dag gis don zab mo 'di shes par 'gyur ro// de nas bcom ldan 'das la/ tshangs pa'i rgyal khos 'di skad ces gsol to/ / bcom ldan 'das byang chub sems dpa' yid bzhin rin chen 'od 'phro 'di ni bsam gyis mi khyab pas don zab mo 'di lta bu mngon par rtogs par 'gyur lags so/ / bcom ldan 'das kyis bka' stsal pa/ de de bzhin no// de de bzhin te/ tshangs pa'i rgyal po khyod kyis ji skad smras pa de bzhin du yid bzhin rin chen 'od 'phro 'dis bstan nas/ khyod mi skye ba'i chos kyi bzod pa bsgom zhing bslab par sems bskyed pa yin no// de nas tshangs pa'i rgyal po tshangs pa'i 'khor mang po dang lhan cig tu stan las langs te/ bla gos phrag pa gcig la gzar nas/ pus mo g.yas pa'i lha nga sa la btsugs te/ gus pas thal mo sbyar te/ byang chub sems dpa' yid bzhin rin chen 'od 'phro'i rkang pa la mgo bos phyag byas nas/ 'di skad du shin tu dkon zhing ngo mtshar che'o// bdag cag ni deng skyes bu chen po 'di dang phrad pas/ yang dag pa'i chos thos par gyur to zhes smras so// de nas bcom ldan 'das kyis tshangs pa'i rgyal po la 'di skad ces yid bzhin rin chen 'od 'phro 'di ni ma 'ongs pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu 'dul ba/ kha lo sgyur ba/ lha dang mi rnams kyi ston pa sangs rgyas bcom ldan 'das rin chen 'bar ba dpal gyi snying po zhes bya bar 'gyur ro/ / zhes bka' stsal to// le'u 'di bstan pa na/ byang chub sems dpa' 'bum phrag sum stong bla na med pa yang dag pa rdzogs pa'i byang chub las phyir mi ldog pa thob par gyur to/ / lha'i bu 'bum phrag brgyad stong dang / rgyal po dang / blon po dang / mi phal pa tshad med grangs med pa snyed ni rdul spangs shing dri ma dang bral nas/ chos kyi mig rnam par dag pa thob par gyur to// de nas de'i 'khor mang po de'i nang nas dge slong 'bum phrag lnga bcu byang chub sems dpa'i spyad pa spyod pa las/ byang chub kyi sems las phyir mi ldog pa rnams byang chub sems dpa' yid bzhin rin chen 'od 'phros chos ston pa thos pas/ thams cad shin tu brtan par gyur nas/ bsam gyis mi khyab pa'i smon lam mchog yongs su rdzogs par gyur pas yang byang chub tu sems bskyed nas/ so so nas rang gi gos phud de/ byang chub sems dpa' la mchod pa byas nas/ mchog tu brtson pa'i sems bla na med pa bskyed de/ smon lam 'di skad du bdag cag bsod nams kyi dge ba'i rtsa ba ci bsags pa thams cad bla na med pa yang dag par rdzogs pa'i byang chub las phyir mi ldog par yongs su bsngo'o zhes smon lam btab bo/ / tshangs pa'i rgyal po dge slong mang po 'di dag ni bsod nams 'di la brten nas/ ji skad bstan pa bzhin du mngon par bsgrubs pas/ bskal pa chen po dgu bcu 'das nas khong du chud cing go bar 'gyur bas/ 'khor ba las nges par 'byung bar 'gyur ro// de nas bcom ldan 'das kyis dge slong mang po de dag la khyed bskal pa grangs med pa sum cu 'das nas/ mngon par rdzogs par 'tshang rgya bar 'gyur te/ bskal pa'i ming ni rgyal bar dka' ba'i 'od kyi rgyal po zhes bya'o// zhing gi ming ni dri ma med pa'i 'od ces bya ste/ dus gcig tu bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur bas/ thams cad ming mthun par smon lam gyi bkod pa rgyan pa'i rgyal po zhes bya bar 'gyur zhing mtshan rnam pa bcu dang ldan par 'gyur ro zhes lung bstan to/ / tshangs pa'i rgyal po gser 'od dam pa shin tu gya nom pa'i mdo sde 'di gang gis yang dag par mnyan nas yongs su 'dzin par byed na/ gzi byin chen po'i stobs dang ldan pa bas/ gang la la zhig gis bskal pa chen po brgya stong du ma'i bar du thabs dang mi ldan par pha rol tu phyin pa drug yongs su spyad pa bas/ rigs kyi bu 'am/ rigs kyi bu mo gang la la ngag gis gser 'od dam pa'i mdo sde 'di yi ger bris nas/ zla ba phyed cing sems rtse gcig tu klog gam/ kha ton du 'don par byed na/ 'di'i bsod nams gang yin pa de snga ma'i bsod nams dang bskrun na/ brgya'i char yang nye bar mi 'gro ba nas/ bgrang ba dang / dpe dang / rgyu'i bar du yang nye bar mi 'gro'o// tshangs pa'i rgyal po de'i phyir ngas deng khyod kyis bslab par bya zhing dran pa yongs su bzung nas/ gzhan dag la rgya cher bstan par bya'o zhes bstan par bya'o// de ci'i phyir zhe na/ ngas sngon byang chub sems dpa'i lam yongs su spyad pa na/ ji ltar dpa' bo g.yul ngor 'jug pa bzhin du/ lus dang srog la 'phangs pa med par 'di ltar mdo sde'i rgyal po mchog dam pa 'di yongs su spel zhing yang dag par bzung / bklags/ kha ton du bton nas/ gzhan dag la yang dag par bstan te/ tshangs pa'i rgyal po 'di lta ste dper na/ 'khor los sgyur ba'i rgyal po gal te 'jig rten na 'dug par gyur na/ rin po che sna bdun yang nub par mi 'gyur la/ gal te rgyal po che zad par gyur na/ rin po che sna bdun yod pa dag kyang rang nyid du nub cing zad par 'gyur ro// tshangs pa'i rgyal po de bzhin du gser 'di dam pa mdo sde'i rgyal po 'di gal te 'jig rten na gnas par gyur na ni bla na med pa'i chos kyi rin po che rnams kyang nub par mi 'gyur la/ gal te mdo sde 'di med par gyur na ni/ gnas de nyid du nub par 'gyur ro// de lta bas na mdo sde'i rgyal po 'di sems rtse gcig tu mnyan nas yongs su gzung bar bya/ bklag par bya/ kha ton du gdon par bya/ gzhan dag la bstan par bya zhing / yi ger 'dri bar skul nas/ brtson 'grus kyi pha rol tu phyin pa la spyad de/ lus dang srog la yang 'phangs pa med par rab tu brtson par byed na/ bsod nams kyi nang na mchog tu 'gyur bas/ nga'i slob ma rnams kyis de bzhin du rab tu brtson pas// rnal 'byor bsgom par bslab par bya'o// de nas tshangs pa'i rgyal po chen po tshangs pa'i 'khor tshad med pa snyed dang / brgya byin dang / rgyal po chen po bzhi dang / gnod sbyin rnams dang lhan cig tu stan las langs te// gos phrag pa gcig tu gzar nas/ pus mo g.yas pa'i lha nga sa la btsugs nas/ gus pas thal mo sbyar nas/ bcom ldan 'das la 'di skad ces gsol to// bcom ldan 'das bdag cag sems can thams cad gser pong dam pa'i mdo sde 'di dang / chos 'chad pa'i mkhan po gang lags po de dag yongs su bsrung zhing spel bar bgyid pas/ gal te bgegs bgyid pa zhig mchis na yang bdag cag gis yongs su bsal nas/ dge ba mang po dang ldan pa dang / kha dog dang mthu stobs dang ldan pa dang / spobs pa la thogs pa ma mchis pa dang / lus dang sems bag/ yangs su 'gyur ba dang / nyan pa'i 'khor rnams bde ba myong bar bgyid do// yul gang na gnas pa der mu ge dang / phyir rgol ba'i dgra dang / mi ma lags pa dag gis 'tshe zhing gnod pa bgyid par gyur na/ bdag cag lha'i 'khor rnams kyis yongs su bsrungs pas/ skye bo rnams bde zhing skyid cing longs spyod rgyas pa dang / glo bur gyi gnod pa rnams ma mchis par bgyid de/ 'di dag thams cad kyang bdag cag dang lhan cig 'khor rnams kyi mthu lags/ gang la la zhig gis mdo sde 'di la mchod pa bgyis na/ bdag cag kyang sangs rgyas ji lta ba bzhin du tha dad pa ma mchis pa'i bsam pas bkur sti dang / mchod pa bgyid do// de nas bcom ldan 'das kyis tshangs pa'i rgyal po chen po dang / tshangs pa'i 'khor rnams nas/ rgyal po chen po bzhi dang / gnod sbyin la sogs pa'i bar dag la bka' stsal pa legs so legs so/ / khyed kyis chos zab mo gya nom pa thos nas/ mdo sde'i rgyal po mchog dam pa 'di dang / mdo sde 'dzin pa dag la yongs su bsrung zhing yongs su bskyabs pas/ bsod nams khyad par du 'phags pa mtha' med pa snyed thob nas/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de nas de'i tshe tshangs pa'i rgyal po la sogs pas bcom ldan 'das kyis de skad ces bka' stsal pa thos nas rab tu dga' ste spyi bos blangs par gyur to/ / gser 'od dam pa mchog tu rnam par rgyal ba mdo sde'i rgyal po las/ stong pa nyid la brten nas smon lam yongs su rdzogs par gyur pa'i le'u ste bcu pa'o/ / / de nas lha'i rgyal po rnam thos kyi bu dang / lha'i rgyal po yul 'khor srung dang / lha'i rgyal po 'phags skyes po dang / lha'i rgyal po mig mi bzang cig car stan las langs te/ bla gos phrag pa gcig la gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas/ bcom ldan 'das kyi zhabs la phyag byas te/ bcom ldan 'das la 'di skad ces gsol to// bcom ldan 'das gser 'od dam pa mchog tu rnam par rgyal ba mdo sde'i rgyal po 'di ni/ sangs rgyas thams cad kyis rtag par dgongs shing gzigs pa/ byang chub sems dpa' thams cad kyis bkur sti bgyis pa g+ha dang klu thams cad kyis rtag par mchod pa/ lha'i 'khor rnams kyis rtag par dga' ba bskyed pa/ 'jig rten skyong ba thams cad kyis rtag par bsngags pa brjod pa/ nyan thos dang / rang sangs rgyas rnams kyis yongs su bzung ba/ lha'i gzhal med khang thams cad gsal bar bgyid pa/ sems can thams cad la khyad par du 'phags pa'i bde ba stsol pa/ sems can dmyal ba dang / yi dgas dang / dud 'gro'i skye gnas kyi 'gro ba rnams kyi sdug bsngal nye bar zhi bar bgyid pa/ 'jigs shing skrag pa thams cad rab tu sel ba/ phas kyi dgra thams cad phyir zlog par bgyid pa/ mu ge'i dus ngan pa'i tshe lo legs par bgyid pa/ rims nad kyi sdug bsngal thams cad zhi bar bgyid pa/ ltas ngan thams cad dang / sdug bsngal gyi gnod pa brgya stong rab tu zhi bar bgyid pa lags so/ / bcom ldan 'das gser 'od dam pa mchog tu rnam par rgyal ba mdo sde'i rgyal po 'di ni/ 'di lta bu'i bde ba stsol zhing / bdag cag la yang sman par bgyid pa lags na/ bcom ldan 'das kyis 'khor mang po'i nang du rgya cher bkas bshad du gsol/ bdag cag rgyal po chen po bzhi 'khor dang bcas pas bla na ma mchis pa'i bdud rtsi'i chos kyi ro 'di thos par gyur na/ mthu stobs dang ldan zhing gzi byin 'phel ba dang / brtson 'grus dang ldan zhing dpa' bar 'gyur ba dang / rdzu 'phrul yang ches lhag cing khyad par du 'phag par 'gyur lags so/ / bcom ldan 'das bdag cag rgyal po chen po bzhi yang chos yang dag par mngon par bsgrub cing rtag par yang dag pa'i chos bstan nas/ chos kyis 'jig rten 'dul bar bgyid pas/ bdag cag gis lha dang / klu dang / gnod sbyin dang / dri za dang / lha ma yin dang / nam mkha' lding dang / grul bum dang / mi 'am ci dang / lto 'phye chen po de dag dang / mi'i rgyal po rnams kyang rtag par yang dag pa'i chos kyi 'jig rten 'dul ba la 'god par bgyid pas/ sdig pa rnams 'gog cing yongs su sel bar bgyid do// mi mdang sa 'phrog par bgyid pa'i 'dre srin byams pa dang / snying rje ma mchis pa thams cad kyang thag ring du mchi bar 'gyur lags so// bcom ldan 'das bdag cag rgyal po chen po bzhi yang gnod sbyin gyi sde dpon chen po nyi shu rtsa brgyad dang / gnod sbyin brgya stong tshad ma mchis pa snyed dang bcas pas lha'i mig rnam par dag pa mi las yang dag par 'das pas/ 'dzam bu'i gling 'dir lta bar gyid cing / yongs su skyab pa dang / yongs su gzung ba bgyid de/ bcom ldan 'das rgyu dang rkyen des na/ bdag cag rgyal po rnams kyang 'jig rten skyong ba zhes bgyi ba lags so/ / gzhan yang 'dzam bu'i gling 'dir yul gyi rgyal po gang la la zhig la phas kyi rgol ba'i dgra rnams rtag par nye bar mchis te/ gnod pa bgyis pa gyis par gyur tam/ mu ge dang rims nad mang pos gnod par gyur tam/ ltas ngan gyi dngos po brgya stong tshad ma mchis pa snyed byung bar gyur na/ bcom ldan 'das bdag cag rgyal po chen po bzhi po dag gser 'od dam pa mchog tu rnam par rgyal ba mdo sde'i rgyal po 'di la bkur sti dang / mchod pa bgyis pa'i dge slong chos smra ba gang la la mdo sde 'di len pa dang / 'dzin pa dang klog cing 'don pa zhig mchis par gyur pa na bdag cag rgyal po chen po bzhi de'i thad du mchis te/ go bar bgyis nas de la bskul zhing gsol ba 'debs par bgyid de/ ches smra ba de bdag cag gi rdzu 'phrul gyis go bar bgyis pa'i mthus yul khams der mchis nas/ gser 'od dam pa shin tu gya nom pa'i mdo sde 'di rgya cher yang dag par spel bar bgyid pas mdo sde'i mthus gnod pa dang / ltas ngan gyi dngos po brgya stong tshad ma mchis pa de dag thams cad nye bar zhi zhing yongs su sel bar 'gyur lags so// bcom ldan 'das mi'i rgyal po gang gi yul du mdo sde 'di yongs su 'dzin pa'i dge slong chos smra ba yul der mchis par gyur na/ mdo sde 'di yang yul der gshegs par rig par bgyi lags so// bcom ldan 'das de'i tshe yul de'i rgyal po de chos smra ba'i thad du mchis nas/ des chos bstan pa gang lags pa mnyan par bgyi'o// thos nas kyang rab tu dga' bas chos smra ba de la bkur sti dang / mchod pa dang // rim gro bgyis te shin tu dang ba'i bsam pas yongs su bsrungs nas/ mya ngan dang gnod pa ma mchis par bgyis te/ mdo sde 'di yang dag par bsten nas/ thams cad la dgas par bgyi'o// bcom ldan 'das rgyu dang rkyen des na/ bdag cag rgyal po chen po bzhi thams cad sems rtse gcig tu mi'i rgyal po de dang / yul gyi mi thams cad yongs su bsrungs nas/ gnod pa rnams spong zhing rtag par bde ba la dgod par bgyid lags so/ / bcom ldan 'das dge slong ngam/ dge slong ma 'am/ dge bsnyen nam/ dge bsnyen ma gang la la zhig mdo sde 'di yongs su 'dzin par bgyid pa zhig mchis par gyur na de'i tshe mi'i rgyal po des ci dang ci 'tshal ba sbyar te/ mchod pa bgyis nas 'phongs pa ma mchis par bgyis par gyur na/ bdag cag rgyal po chen po bzhis yul gyi bdag po de dang / yul gyi mi thams cad rab tu bde bar bgyid cing gnod pa rnams thag ring du spong bar bgyid do// bcom ldan 'das gang la la zhig mdo sde 'di len pa dang 'dzin pa dang / klog pa dang / kha ton du 'don par bgyid pa la mi'i rgyal po des mchod pa dang / bkur sti dang / bla mar bgyis te/ bsngags pa brjod par bgyid na/ bdag @#/ cag rgyal po de rgyal po rnams kyi nang na mchog tu btsun pa dang / gus pas bla mar bgyi bas/ yul gyi rgyal po gzhan rnams kyis kyang bsngags pa brjod par 'gyur ro/ / 'khor mang po rnams de skad ces thos pa dang / rab tu dga' bas yongs su 'dzin par gyur to// gser 'od dam pa mchog tu rnam par rgyal ba mdo sde'i rgyal po las/ rgyal chen po bzhis lha dang mi rnams la blta zhing brtag pa'i le'u ste bcu gcig pa'o/ / // gser 'od dam pa mchog tu rnam par rgyal ba mdo sde'i rgyal po'i mdo bam po drug pa/ / de nas bcom ldan 'das kyis rgyal po chen po bzhi po dag gis gser 'od dam pa'i mdo sde la bkur sti dang / mchod pa byas pa dang / mdo sde 'di 'dzin pa dag la yongs su skyob pa dang / yongs su srung bar byed pa gsan pa dang / legs so legs so zhes bsngags pa brjod nas/ rgyal po chen po bzhi po khyed cag ni 'das pa'i sangs rgyas 'bum phrag brgya stong tshad med pa snyed la bkur sti dang / rim gro dang / mchod pa dang / bla mar byas nas bsngags pa brjod de/ dge ba'i rtsa ba bskyed pa dang / yang dag pa'i chos mngon par bsgrubs nas/ rtag par yang dag pa'i chos bstan te/ 'di ltar chos kyis 'jig rten 'dul ba yin pas/ khyed cag yun ring po nas sems can rnams la rtag par phan 'dogs shing byams pa chen po'i sems bskyed nas/ bde ba sbyin par smon pa'i rgyu rkyen des na/ khyed cag da ltar rnam par smin pa mchog la longs spyod pa yin no// mi'i rgyal po gang la la zhig gsar 'od dam pa'i mdo sde mchog 'di la bkur sti byas nas/ mchod pa byed pa zhig yod na/ khyed kyis nan tan bskyed de/ yongs su bsrungs nas bde ba thob par bya'o// khyed cag rgyal po chen po bzhi dang / 'khor gzhan dang / gnod sbyin brgya stong tshad med grangs med pa snyed kyis mdo sde 'di yongs su srung bar byed na/ des 'das pa dang / ma 'ongs pa dang / da ltar bzhugs pa'i sangs rgyas rnams kyi yang dag pa'i chos yongs su bsrung bar 'gyur bas/ khyed cag rgyal po chen po bzhi dang / lha'i 'khor gzhan rnams dang / gnod sbyin rnams lham yin dang 'thab pa'i tshe/ rtag tu rgyal ba'i phan yon thob par 'gyur ro// khyed cag mdo sde 'di yong su srung zhing yong su 'dzin par byed na/ mdo sde 'di'i mthus sdug bsngal mang po dang / phyi'i rgol ba'i dgra dang / mu ge dang / nad dang / rims nad thams cad rab tu zhi zhing yongs su sel bar byed pas/ de'i phyir khyed kyis gal te 'khor bzhi po dag mdo sde'i rgyal po 'di len pa dang / 'dzin pa dang / klog pa dang / kha ton du 'don pa mthong bar gyur na/ rab tu brtson pa'i sems kyis yongs su bsrungs nas/ gnod pa bsal te/ bde ba sbyin par bya'o// de nas rgyal po chen po bzhi stan las langs te/ bla gos phrag pa gcig la gzar nas/ pus mo g.yas pa'i lha nga sa la btsugs te/ gus pas thal mo sbyar nas/ bcom ldan 'das la 'di skad ces gsol to/ / bcom ldan 'das gser 'od dam pa mchog tu rnam par rgyal ba mdo sde'i rgyal po 'di skad ma'i dus kyi tshe/ yul lam/ grong ngam/ grong khyer ram/ ri 'am/ nags tshal lam/ 'brog dgon pa'i gnas gang yang rung ba dag tu yongs su spel zhing gnas par gyur pa na/ yul de'i rgyal pos mdo sde 'di sems rtse gcig tu mnyan nas yongs su bzung te/ bsngags pa brjod nas/ mchod par bgyid pa dang / mdo sde 'di 'dzin pa'i 'khor bzhi po dag la yo byad sbyar te mchod pa bgyis nas shin tu dang ba'i sems kyis yongs su bsrungs te/ gnod cing mi bde ba dag yongs su spong bar bgyid do// rgyu dang rkyen des bdag cag rgyal po de dang mi mang po rnams yongs su bsrungs nas bde ba la bkod de/ mya ngan dang / sdug bsngal rnams thag ring spangs nas/ tshe 'phel ba dang / gzi byin phun sum tshogs par bgyid do// bcom ldan 'das yul gyi rgyal po des 'khor bzhi po de dag mdo sde 'di yongs su 'dzin pa mthong nas/ gus pas yongs su bsrungs te/ pha ma bzhin du ci 'tshal ba thams cad sbyar te/ mchod par bgyid na bdag cag rgyal po chen po bzhis rtag par yongs su bsrungs nas/ sems can mang po kun gyis bkur bar 'gyur bar bgyid pas/ de'i slad du bdag cag gnod sbyin dang / 'dre srin tshad ma mchis pa dang bcas par mdo sde'i rgyal po 'di gang du srel ba'i gnas der lus sbas nas/ yongs su skyob pa dang / yongs su srung bar bgyid pas/ bgegs rnams dang bral bar 'gyur ro// mdo sde 'di nyid nyan pa'i gang zag dang / rgyal po la sogs pa la yongs su srung zhing rjes su dran par gyid pas/ gnod pa yongs su bsal nas/ bde ba la 'god pa dang / phyogs gzhan nas mchis pa'i dgra rnams kyang slar zlog par bgyid do/ / mi'i rgyal po gang la la zhig mdo sde 'di nyan pa'i tshe/ nye 'khor na gnas pa'i dgra phyira'i rgol ba dmag rnam pa bzhi b shams te yul de gzhom mo snyam du sems par gyur na yang bcom ldan 'das 'di ltar mdo sde'i rgyal po 'di'i byin gyi rlabs kyi mthus de'i tshe nye 'khor gyi dgra de la phyir rgol ba'i dgra tha dad pa gzhan mchis nas/ gzhom par bgyid cing / de'i yul khams su ltas ngan mang po dang / rims nad rnams 'byung bar 'gyur bas/ de'i tshe rgyal po des de lta bu mthong ba dang dmag rnam pa bzhi bshams nas/ yul der chas te gzhom par bgyid pa na/ bdag cag kyang de'i tshe gnod sbyin dang / 'dre srin gyi 'khor tshad ma mchis shing mtha' ma mchis pa snyed dang bcas pas so so nas rang gi lus sbas te/ yongs su bsrungs nas/ grogs bgyid pa nyid kyis phyir rgol ba'i dgra de rab tu dul bar 'gyur bas/ yul khams der mchi ba'i thugs kyang mi thub na/ phan tshun dmag dang mtshon gyis 'thab pa lta smos kyang ci 'tshal lags/ de nas bcom ldan 'das kyis/ rgyal po chen po bzhi po dag la bka' srusprul pa/ rgyal po chen po bzhi po khyed kyis 'di ltar mdo sde 'di yongs su skyong ba dang / yongs su srung bar byed pa legaso legs so// nga sngon 'das pa'i bskal pa bye ba khrag khrig brgya stong du ma 'das pa na/ dka' ba rnam pa sna tshogs spyad nas/ bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa nyid brnyes nas/ chos 'di bstan pa yin pas/ mi'i rgyal po gang la la zhig mdo sde 'di yongs su bzung nas/ bkur sti dang / mchod pa byed na/ gnod pa rnams nye bar zhi nas/ rab tu bde bar 'gyur grong dang / grong khyer dang / grong rdal rnams yongs su srung bar 'gyur/ phyir rgol ba'i dgra rnams zlog par 'gyur/ 'dzam bu'i gling du gtogs pa'i rgyal po thams cad la gnod pa dang / 'thab pa dang / rtsod pa'i dngos po rnams gtan med par 'gyur ro// rgyal po chen po bzhi po dag 'dzam bu'i gling 'di na yod pa'i grong dang / grong khyer dang / grong rdal brgyad khri bzhi stong dag gi mi'i rgyal po brgyad khri bzhi stong po rnams kyang so so nas rang rang gi yul du longs spyod kyi bde ba myong zhing rang dbang dang ldan par 'gyur ro/ / nor dang rin po che 'byor zhing rgyas pa dag la longs spyod par byed pas/ phan tshun 'brog par mi byed cing / sngon gyi rgyu ji lta ba bzhin du rnam par smin pa dag la longs spyod par byed pas/ bsam pa ngan pa bskyed nas/ gzhan gyi yul 'dod pas yongs su tshetshol ba med de/ thams cad 'dod pa chung zhing phan 'dogs pa'i bsam pa skye bar 'gyur/ 'thab pa dang / rtsod pa dang / bcing ba la sogs pa'i sdug bsngal yang med par 'gyur/ yul de dag na gnas pa'i mi rnams kyang rang bzhin gyis bde ba myong bar 'gyur/ bla 'og 'thun zhing chu dang 'o ma 'dres pa lta bur sems kyi phan tshun sdug cing bkur bar 'gyur/ rab tu dga' bas rnam par rtse bar 'gyur/ byams pa dang / snying rjes phan 'dogs shing dge ba'i rtsa ba 'phel bar byed pas/ rgyu dang rkyen des na/ 'dzam bu'i gling 'di rab tu bde zhing lo legs pa dang / mi rnams rgyas shing rab tu gang bar 'gyur/ sa chen po mthu dang ldan par 'gyur/ grang dro ran par 'gyur/ dus tshogs mi mthun pa med par 'gyur/ nyi ma dang / zla ba dang / gza' dang / rgyu skar rnams kyang sngon gyi gnas las 'pho zhing 'gyur ba med par 'gyur/ rlung dang char pa yang dus bzhin du ldang zhing 'bab par 'gyur/ ltas rnams dang 'bral bar 'gyur// nor dang rin thon rnams 'byor zhing rgyas par 'gyur/ sems la ser sna'i 'jungs pa med cing / rtag par sbyin pa gtong bar 'gyur ro// dge ba bcu'i las dang ldan par 'gyur/ mi rnams tshe 'phos gyur na yang / phal cher mtho ris su skye bar 'gyur bas/ lha'i 'khor rnams rab tu 'phel bar 'gyur bar rig par bya'o// rgyal po chen po dag ma 'ongs pa'i dus na mi'i rgyal po gang la la zhig mdo sde 'di mnyan te/ yongs su bsrungs nas/ gus pas mchod pa byed pa dang / mdo sde 'dzin pa'i 'khor bzhi po dag la bla mar byed cing bsngags pa 'di brjod par 'dod pa dang / gzhan yang khyod 'khor dang bcas pa dang / gnod sprin gyi 'khor brgya stong tshad med pa snyed la phan pa dang / bde bar phan 'dogs par 'dod na/ de'i phyir rgyal po des rtag par mdo sde'i rgyal po dam pa 'di mnyan nas/ yongs su bzung bar byas te/ yang dag pa'i chos kyi chu bdud rtsi'i ro mchog dam pa 'di thos pa'i dbang gis khyed la sogs pa'i lus dang / sems kyi mthu stobs 'phel bar byed pas brtson 'grus dang ldan zhing dpa' ba dang / bsod nams dang gzi byin rnams rab tu rgyas par 'gyur ro// mi'i rgyal po de dag gal te sems rtse gcig tu mdo sde 'di mnyan nas yongs su 'dzin par byed na de ni yangs shing rgya che ba dang / shin tu dkon pa'i mchod pas yang dag par rdzogs pa'i sangs rgyas shAkya thub pa nga la mchod pa byed par 'gyur te/ gang gis nga la mchod pa byas pa gang yin pa de ni 'das pa dang / ma byon pa dang / da ltar bzhugs pa'i sangs rgyas bye ba khrag khrag brgya stong mang po rnams la mchod pa byas par 'gyur ro// gang gis dus gsum gyi sangs rgyas rnams la mchod pa byas// / nas/ bsam gyis mi khyab pa'i bsod nams kyi phung po tshad med pa snyed thob par 'gyur bas/ rgyu dang rkyen des na khyed la sogs pas rgyal po dang / btsun mo dang / slas dang / 'khor rnams yongs su bsrungs nas/ gnod cing nyam nga ba med par byas te/ pho brang srung ba'i lha rnams kyang rtag tu bde ba'i longs spyod myong ba la 'god par byed na/ bsod nams bsam gyis mi khyab pa dang ldan par 'gyur/ yul de dag na gnas pa'i mi rnams kyang 'dod pa lnga'i bde ba rnam pa sna tshogs myong bar 'gyur/ dngos po ngan pa thams cad kyang rab tu zhi bar 'gyur ro// de nas bcom ldan 'das pa/ rgyal po chen po bzhi po dag gis 'di skad ces gsol to// bcom ldan 'das skad ma'i dus kyi tshe/ mi'i rgyal po gang la la zhig 'di ltar gser 'od dam pa'i mdo sde 'di mnyan par mos pa dang / bdag nyid dang / btsun mo dang / rgyal bu nas/ pho brang nang gi slas la sogs pa'i bar dag dang / grong khyer dang / grong rdal dang / pho brang yongs su srung zhing skyob pa dang / bsam gyis mi khyab pa'i dga' ba mchog dam pa dang / rab tu dben pa'i bde ba thob par 'tshal ba dang / tshe 'di nyid la rgyal thabs btsun zhing mtho ba dang / dbang phyug dang ldan zhing ngar ba dang / rtag tu 'phel bar 'tshal ba dang / gzhan yang bsam gyis mi khyab pa'i bsod nams kyi phung po tshad ma mchis shing mtha' ma mchis pa yongs su sdud pa dang / rang gi yul du phyir rgol ba'i dgra dang / mya ngan dang / 'khrug pa dang / gdon bgegs kyi dngos po rnams ma mchis par 'tshal na/ bcom ldan 'das 'di ltar mi'i rgyal po des bag ma mchis pas/ sems g.yeng bar mi bgyi zhing / shin tu gus pa bskyed de/ bsam pa thag pa nas mdo sde'i rgyal po mchog dam pa 'di mnyan cing yongs su gzung bar bgyi'o// chos nyan par 'tshal ba'i tshe/ sdu rgyal po la gces pa'i pho brang mchog dam pa rab tu brgyan te/ gsal ba'i phyogs su spos chab kyi chag chag btab ste/ me tog mchog dam pa sna tshogs mngon par gtor nas/ seng ge'i khri chos kyi gdan khyad par du 'phags pa btsugs te/ rin po che sna tshogs kyis rab tu brgyan nas/ rin po che sna tshogs kyi gdugs dang / rgyal mtshan dang / ba dan bsgreng ste/ rin thang ma mchis pa'i spos bsregs nas rol mo rnams bgyi'o/ / rgyal po de de'i tshe yongs su dag par khrus bgyis te/ spos kyi byug pas lus bkrus nas/ gos gsar pa gtsang ma bgos te/ rgyan 'phreng rnams kyis brgyan nas/ stan dma' ba la mchi ste/ mtho ba'i bsam pa mi bskyed par dbang phyug gi thabs yongs su spang bar bgyi'o// nga rgyal rnams spangs te// sems rtse gcig tu dran pa nye bar bzhag nas/ mdo sde'i rgyal po 'di mnyan par bgyi'o// chos smra ba'i mkhan po la ston pa chen po'i 'du shes bskyed par bgyi'o// pho brang nang gi btsun mo dang / rgyal bu dang / slas dang // 'khor rnams la byams pa dang / brtse ba'i sems bskyed nas/ rab tu dga' bas phan tshun blta bar bgyi'o// shin tu 'thun pa'i mdangs kyis tshig 'jam por smra bar bgyi'o// bdag nyid kyi lus dang / sems la dga' ba chen pos kun tu khyab par bgyi'o// deng bdag ni shin tu bsam par dga' zhing khyad par du 'phags pa'i phan yon chen po yangs shing rgya che ba 'di lta bu thob par 'gyur ro snyam bsam nas/ mdo sde'i rgyal po de la rab tu mchod par bgyi'o// de ltar bshams lags nas chos smra ba'i mkhan po der mchis pa mthong bar gyur na shin tu gus pa chen pos dkon pa'i 'du shes bskyed par bgyi'o/ / de nas bcom ldan 'das kyis/ rgyal po bzhi po dag la bka' stsal pa/ 'di ltar chos smra ba'i mkhan po de mi bsu ba mi bya'i de'i tshe mi'i rgyal po des gos gsar pa gtsang ma bgos nas rgyan dang / 'phreng ba rnam pa sna tshogs kyis rab tu brgyan te/ bdag nyid gdugs dkar po dang spos dang / me tog thogs nas dmag gi dpung bshams te/ rol mo rgyas par byas nas/ rkang gis grong khyer byung ste/ bkra shis kyi dngos po thob par bya ba'i phyir gus pa'i 'du shes bskyed nas/ chos smra ba'i mkhan po de bsu bar bya'o// rgyal po chen po bzhi pa dag rgyu dang rkyen gang gi phyir ma'i rgyal po des bdag nyid kyis bkur sti dang / mchod pa de lta bu bya dgos she na/ mi'i rgyal po de rkang pa bteg cing rkang pa bzhag pa na gom pa re re zhing / sangs rgyas bcom ldan 'das bye ba khrag khrig brgya stong mang rnams la bkur sti dang / mchod pa dang / rim gro dang bla mar byed par 'gyur zhing gzhan yang bskal pa grangs de snyed kyi 'khor ba'i sdug bsngal las yang dag par par 'gyur pas so/ / gzhan yang ma 'ongs pa'i dus na/ bskal pa'i grangs de snyed du 'khor los sgyur ba'i rgyal po'i longs spyod mchog khyang par du 'phags pa dag la longs spyod par 'gyur/ gom pa re re bor ba'i dbang gis tshe 'di nyid la yang bsod nams 'phel bas rang dbang du rgyal po byed cing bsam gyis mi khyab pa'i rnam par smin pa dang ldan pa dang mang po kun gyis bkur bar 'gyur/ bskal pa 'bum phrag brgya stong tshad med pa snyed du lha dang mis yongs su spyad pa'i rin po che sna bdun gyi gzhal med khang dag la longs spyod par 'gyur skye ba thams cad du rgyal po byed par 'gyur/ tshe ring bar 'gyur/ tshig gi spobs pa dang ldan pas/ lha dang mi kun gyis mngon par yid ches par 'gyur/ 'jigs shing skrag pa mang par 'gyur/ grags pa chen po dang ldan zhing mang po kun gyis yongs su lta bar 'gyur/ lha dang mi'i nang du khyad par du 'phags pa'i bde ba dag la longs spyod par 'gyur/ mthu stobs chen po 'thob par 'gyur/ gzi byin chen po'i yon tan dang ldan par 'gyur/ lus kyi mtshan ma gya nom zhing shin tu mdzes pas dpe zla med par 'gyur/ lho dang mi'i ston pa mthong bar 'gyur dge ba'i bshes gnyen dang phrad par 'gyur/ bsod nams kyi phung po tshad med pa mngon par 'grub cing phun sum tshogs par 'gyur ro// rgyal po chen po dag ni 'di ltar shes par bya ste/ mi'i rgyal po de dag gis/ yon tan gyi phan yon rnam pa sna tshogs tshad med pa da lta bu mthong ba'i phyir/ bdag nyid dpag tshad gcig nas/ dpag tshad brgya stong du ma'i bar chos smra ba'i mkhan po bsu bar bya zhing / chos smra ba'i mkhan po la sangs rgyas kyi 'du shes bskyed par bya'o// slar grong dang / grong khyer du phyin nas kyang de bzhin gshegs pa dgra bcom pa yang dag pa'i sang+yas shAkya thub pa bdag gi pho brang du gshegs nas/ bdag gi mchod pa bzhes te/ bdag la chos ston par mdzad do// bdag kyang chos thos pa'i dbang gis bla na med pa yang dag par rdzogs pa'i byang chub las phyir ldog par mi 'gyur bas/ 'di nyid sangs rgyas bcom ldan 'das bye ba khrag khrig brgya stong du ma dang phrad par gyur pa yin no// deng bdag gis ni shin tu yangs shing rgya che ba mchog tu khyad par du 'phags pa'i bde ba'i yo byad rnam pa sna tshogs kyis 'das pa dang / sa byon pa dang / da ltar bzhugs pa'i sangs rgyas rnams la mchod cing rim gro byas so/ / deng bdag gis ni gshin rje'i 'jig rten dang / sems can dmyal ba dang / yi dgas dang / dud 'gro'i skye gnas kyi sdug bsngal thams cad rtsa nas bton te/ deng 'khor los sbyar ba'i rgyal po dang / brgya byin dang / tshangs pa bye ba khrag khrig brgya stong tshad med pa snyed kyis dge ba'i rtsa ba rab tu skyed do// deng sems can bye ba khrag khrig brgya stong tshad med pa snyed 'khor ba'i sdug bsngal las bton nas mya ngan las 'das pa'i bde ba la bkod do/ / deng tshad med/ mtha' med cing / bsam gyis mi khyab pa'i bsod nams kyi phung po rab tu bsags so// pho brang nang gi slas dang / skye bo mang po bde ba la bkod nas/ yul rnams rab tu zhi bar byas pas/ gnod pa dang dug gdug pa dang / mi ma rungs pa med cing phyogs gzhan nas 'ong ba'i dgra rnams nye bar 'ongs nas gnod pa mi byed pa dang / mya ngan dang / nad rnams med par 'gyur ro snyam du bsam par bya'o// rgyal po chen po dag 'di ltar rig par bya ba de/ de'i tshe mi'i rgyal po dag gis de ltar yang dag pa'i chos la btsun par byas shing bla mar byas pa dang / mdo sde dam pa 'di yongs su 'dzin pa'i dge slong dang / dge slong ma dang / dge bsnyen dang / dge bsnyen ma dag la mchod pa dang / bkur sti dang / bla mar byas shing bsngags pa brjod pa las byung ba'i dge ba'i rtsa ba gang yin pa de dag dang / bsod nams mchog gang yin pa de dag thog ma kho nar khyed 'khor dang bcas pa la yongs su sngo bar byed na/ mi'i rgyal po de dag bsod nams chen po'i dge ba'i las kyi rgyu dang rkyen dang ldan par 'gyur bas tshe 'di nyid la dbang chen po thob nas/ gzi byin rab tu 'phel bar 'gyur dpal dang mtshan mchog rnams kyis rab tu brgyan par 'gyur/ phyir rgol ba thams cad yang dag pa'i chos kyis tshar gcod par 'gyur ro// de nas bcom ldan 'das la/ rgyal po chen po bzhi po dag gis 'di skad ces gsol to/ / bcom ldan 'das mi'i rgyal po gang la la zhig de ltar yang dag pa'i chos la gus pas bkur sti bgyis nas/ mdo sde 'di nyan par bgyid pa dang / mdo sde 'dzin pa'i 'khor bzhi po dag la bkur sti dang / mchod pa dang / bla mar bgyis nas bsngags pa brjod par bgyis pa na/ de'i tshe mi'i rgyal po des bdag cag rnams dga' bar bgyi ba'i slad du chos kyi gdan dang nye ba'i phyogs gcig tu spos chab kyi chag chag btab ste/ me tog mchog dam pa mang po mngon par gtor nas/ rgyal po chen po bzhi mchis pa'i stan yang bshams te/ bting bar gyur na bdag cag kyang rgyal po de dag dang lhan cig yang dag pa'i chos nyan par bgyid do/ / rgyal po des kyang bdag cag la phan 'dogs pa'i dge ba'i rtsa ba ci mchis pa'i bsod nams kyi skal pa gang lags pa bdag cag la yang yongs su bsngo bar bgyi'o/ / bcom ldan 'das de'i tshe/ mi'i rgyal po des chos smra ba la chos bshad par gsol ba btab nas/ stan la mchis pa'acha bdag cag gi slad du spos mchog dam pa sna tshogs bsregs nas/ mdo sde 'di la mchod par bgyi'o// bcom ldan 'das de'i tshe spos kyi bdug pa de dag skad cig ma gcig la nam mkha' la mngon par 'phags nas/ bdag cag lha rnams kyi gzhal med khang du mchis te/ spos kyi gdugs su 'gyur bas/ bdag cag lha'i 'khor rnams kyang spos kyi dri mchog dri tshor bar 'gyur/ spos kyi du ba de yang gser gyi 'od dang ldan pas/ bdag cag gnas pa'i khang khyim nas/ tshangs pa'i gnas dang / brgya byin lha'i dbang po dang / lha mo spobs pa chen mo dang / sa'i lha mo dpal chen mo dang / lha mo brtan ma dang / sde dpon chen po yang dag shes dang / gnod sngon gyi sde dpon chen po nyi shu rtsa brgyad dang / lha dbang phyug chen po dang / lag na rdo rje gsang ba'i bdag po dang / sde dpon chen po rin chen bzang dang / 'phrog ma bu'i 'khor lnga brgya pa dang / klu'i rgyal po rgya mtsho'i gnas kyi bar thams cad kyang rab tu bdug par bgyid do// bcom ldan 'das de lta bu la sogs pa'i 'khor rnams kyis rang rang gi gzhal med khang du spos kyi bdug pa des/ skad cig yud tsam gcig la spos kyi gdugs su gyur par yang mthong la/ spos kyi dri yang tshor bar 'gyur/ 'od zer rgya kha dog gis lha'i gzhal med khang thams cad gsal bar bgyid pa yang mthong bar 'gyur lags so/ / bcom ldan 'das kyis/ rgyal po chen pozhi po dag la bka' stsal pa/ spos kyi 'od zer de gzhal med khang de dag 'ba' zhig gsal bar byas nas/ spos kyi gdugs su gyur te/ 'od zer chen po 'gyed pa ma yin te/ mi'i rgyal po de dag lag pas pog por bzung ste/ spos mchog dam pa bsregs nas/ mdo sde 'di la mchod pa byed pa'i tshe spos kyi du ba de thang cig yud tsam cig la stong gsum gyi stong chen po'i 'jig rten gyi khams na yod pa'i nyi ma dang zla ba bye ba phrag brgya dang / ri'i rgyal po ri rab bye ba phrag brgya dang / gling bzhi pa bye ba phrag brgya dang / stong gsum gyi stong chen po'i 'jig rten gyi khams 'jig rten khams 'di'i lha dang / klu dang / gnod sbyin dang / dri za dang / lham yin dang nam mkha' lding dang / mi 'am ci dang / lto 'phye chen po'i khang khyim thams cad gsal bar byas nas/ nam mkha' kun tu gang zhing rgyas pa dang / spos kyi bdug pa sna tshogs gang yin pa de dag sprin gyi gdugs su 'gyur te/ gdugs de yang gser gyi kha dog dang ldan pas lha'i khang khyim thams cad gsal bar byed de/ 'di ltar stong gsuM gyi stong chen po'i 'jig rten gyi khams na spos kyi sprin dang / spos kyi gdugs rnam pa sna tshogs ji snyed yod pa thams cad ni/ gser 'od dam pa mchog tu rnam par rgyal ba'i mdo sde'i rgyal po'i gzi byin gyi mthu las gyur pa yin no/ / mi'i rgyal po de dag lag tu pog por thogs nas mdo sde 'di la mchod pa byed pa'i tshe/ spos kyi bdug pa rnam pa sna tshogs gang yin pa de dag stong gsum gyi stong chen po ' jig rten gyi khams 'di 'ba' zhig tu khyab par gyur pa ma yin gyi skad cig yud tsam cig gi phyogs bcu'i sangs rgyas kyi zhing gang+gA'i klung gi bye ma dang mnyam pa bye ba khrag khrig brgya stong tshad med mtha' med pa kun tu khyab cing / sangs rgyas kyi zhing rnams kyi nam mkha' kun gyi spos kyi gdugs su gyur nas/ kun tu gsal bar byed pa yang de bzhin te/ de'i tshe sangs rgyas mang po de dag spos gya nom pa'i dri gang yin pa de dag kyang rig cing mkhyen/ sprin bla re dang gser gyi kha dog de dag kyang gzigs nas phyogs bcu'i 'jig rten gyi khams gang+gA'i klung gi bye ma dang mnyam pa'i sangs rgyas bcom ldan 'das mang po de dag gis 'thun par gzigs shing so sor brtags te/ gsung 'thun par chos smra ba'i mkhan po de la skyes bu chen po khyod kyis shin tu zab pa'i mdo gya nom pa 'di rgya cher yongs su spel nas/ bsod nams kyi phung po tshad med mtha' med cing / bsam gyis mi khyab pa yongs su rdzogs par gyur pa legs so legs so zhes bsngags pa rjod par 'gyur ro// gang la la zhig mdo sde 'di lta bu mnyan nas thos pa'i bsod nams gang yin pa de'i tshad kyang shin tu mang ba yin na/ yi ger 'dri ba dang / len pa dang / 'dzin pa dang / klog pa dang / gzhan dag la yang dag par ston pa dang / ji skad bstan pa bzhin du mngon par bsgrubs pa lta smos kyang ci dgos de ci'i phyir zhe na/ rigs kyi bu dag sems can gang la la zhig gser 'ong dam pa mchog tu rnam par rgyal ba mdo sde'i rgyal po 'di thos par gyur pa gang yin pa de dag ni/ bla na med pa yang dag par rdzogs pa'i byang chub las phyir ldog par mi 'gyur bas so// de'i t she phyogs bcu'i sangs rgyas kyi zhing bye ba khrag khrig brgya stong tshad med grangs med pa'i gang+gA'i klung gi bye ma dang mnyam pa'i sangs rgyas kyi zhing ngag na bzhugs pa'i de bzhin gshegs pa rnams gsung gcig tu/ chos kyi stan la 'dug pa'i chos smra ba'i mkhan po de la legs so legs so zhes bsngag pa de brjod nas/ rigs kyi bu khyod ma 'ongs pa'i dus na/ brtson 'grus kyi stobs kyis dga' ba brgya stong tshad med pa mngon par bsgrubs te/ tshogs yongs su rdzogs par byas nas/ 'phags pa mang po las yang dag par 'das te/ khams gsum las nges par byung nas/ gtso bo mchog tu gyur te/ byang chub kyi shing gi rgyal po'i drung du 'dug nas/ khyad par du 'phags pa rnams kyis yongs su brgyan par 'gyur/ stong gsum gyi stong chen po'i 'jig rten gyi khams na rkyen dang ldan pa'i sems can rnams yongs su skyob par 'gyur/ shin tu 'jigs su rung ba'i bdud kyi dmag tshegs rnams tshar gcod par 'gyur ro// shin tu rnam par dag pa'i chos rnams dang shin tu zab pa'i bla na med pa yang dag par rdzogs pa'i byang chub rab tu rtogs par 'gyur ro/ / rigs kyi bu khyod rdo rje'i stan la 'dug nas/ sangs rgyas rnams kyis rab tu bsngags pa'i chos kyi 'khor lo bla na med pa shin tu zab pa gya nom pa rnam pa bcu gnyis yongs su skor bar 'gyur/ bla na med pa'i chos kyi rnga chen po mchog tu gyur pa rab tu rdung bar 'gyur/ blan med pa'i chos kyi dung shin tu gya nom pa 'bud par 'gyur/ bla na med pa'i chos kyi rgyal mtshan khyad par du 'phags pa sgreng bar 'gyur/ bla na med pa'i chos kyi sgron ma shin tu gsal bar sbar bar 'gyur/ bla na med pa'i bdud rtsi'i chos kyi char rab tu 'bebs par 'gyur/ nyon mongs pa'i dgra'i 'ching ba tshad med pa yongs su gcod par 'gyur/ sems can bye ba khrag khrig brgya stong tshad med pa snyed pa mtha' med cing 'jigs su rung ba'i rgya mtsho las yongs su bzlas par 'gyur/ mu med pa'i skye shi'i 'khor ba las thar par 'gyur/ sangs rgyas bye ba khrag khrig brgya stong tshad med pa snyed dang phrad par 'gyur ro zhes gsung bar 'gyur ro/ / de nas bcom ldan 'das la/ rgyal po chen po bzhi po dag gis yang 'di skad ces gsol to// bcom ldan 'das gser 'od dam pa mchog tu rnam par rgyal ba mdo sde'i rgyal po 'di ni/ slad ma dang da ltar gyi tshe yon tan tshad ma mchis pa 'di lta bu yongs su rdzogs par bgyid pas/ de'i slad du mi'i rgyal po gang gis mdo sde shin tu gya nom pa 'di thos par gyur pa de ni sangs rgyas bye ba khrag khrig brgya stong tshad ma mchis pa snyed las dge ba'i rtsa ba bskyed pa lags pas/ mi'i rgyal po de dag la bdag cag rnams yongs su srung zhing rjes su dran par bgyid do/ / gzhan yang bsod nams kyi phan yon tshad ma mchis pa snyed mthong ba'i slad du/ bdag cag rgyal po chen po bzhi dang / 'khor gzhan rnams dang / yi dgas 'bum phrag brgya stong tshad ma mchis pa snyed rang rang gi gzhal med khang rnams su spos kyi bdug pa'i sprin gyi gdugs dang / cho 'phrul rnam pa sna tshogs de dag mthong ba'i tshe/ bdag cag rang gi lus mi snang bar bgyis nas/ chos nyan pa'i slad du rgyal po de'i pho brang yongs su gtsang zhing mdzes par brgyan pa/ chos 'chad pa'i gnas su mchi bar 'tshal lo// de bzhin du tshangs pa dang / brgya byin dang / lha mo spobs pa chen mo dang / dpal gyi lha mo chen mo dang / sa'i lha mo brtan ma dang / sde dpon chen po yang dag shes dang / gnod sbyin gyi sde dpon chen po nyi shu rtsa brgyad dang / lha'i bu dbang phyug chen po dang / lag na rdo rje gsang ba'i bdag po dang / sde dpon chen po rin chen bzang dang / 'phrog ma'i bu 'khor lnga brgya pa dang klu'i rgyal po ma dros pa dang / klu'i rgyal po rgya mtsho dang / lha dang gnod sbyin la sogs pa'i 'khor bye ba khrag khrig brgya stong tshad ma mchis pa snyed kyang chos nyan pa'i slang du so so nas rang gi lus mi snang bar bgyis te/ mi'i rgyal po de'i lo brang shin tu khyad par du 'phags pa chos kyi gdan shin tu mdzes par bgyis pa/ chos bshad pa'i gnas su mchi bar 'gyur lags so/ / bcom ldan 'das bdag cag rgyal po chen po bzhi dang / 'khor gzhan rnams dang / gnod sbyin rnams thams cad rtse gcig tu mi'i rgyal po de dag dang lhan cig tu dge ba'i bshes gnyen bgyis nas/ bla na ma mchis pa'i chos kyi sbyin bdag chen por gyur pa'i rgyus bdud rtsi'i ros bdag cag tshim par gyur pas/ de'i slad du bdag cag rgyal po de la yongs su bsrungs nas/ gnod pa rnams yongs su bsal te bde ba thob par bgyid do// de'i pho brang dang / grong dang / grong khyer dang / yul rnams su yang sdig pa dang / ltas ngan pa thams cad rab tu zhi bar bgyid do/ / de nas rgyal po chen po bzhi cig car thal mo sbyar te/ bcom ldan 'das la 'di skad ces gsol to// bcom ldan 'das mi'i rgyal po gang la la zhig rang gi yul du mdo sde 'di bzhugs par gyur kyang / yongs su spel bar yang mi bgyid la/ sems kyis kyang spong bar bgyid cing / nyan par yang mi mos/ mchod par yang mi mos/ mchod par yang mi bgyid/ bla mar yang mi bgyid/ bsngags pa rjod par yang mi bgyid la/ 'khor bzhi po dag mdo sde 'dzin pa mthong bar gyur na yang / bla mar mi bgyid cing mchod pa dang / rim gro yang mi bgyid na/ bdag cag dang / 'khor gzhan rnams dang / lha tshad ma mchis pa rnams kyang shin tu zab cing gya nom pa'i chos thos par mi 'gyur bas bdud rtsi'i ro la rgyab kyis phyogs shing yang dag pa'i chos kyi rgyun yang stor bar 'gyur/ gzi byin dang mthu stobs kyang ma mchis par 'gyur/ ngan 'gro 'phel bar bgyid cing / lha dang mi rnams yongs su nyams par 'gyur/ 'khor ba'i chu bor bying bar 'gyur/ mya ngan 'das pa'i shul dang grol bar 'gyur bas/ bcom ldan 'das bdag cag rgyal po chen po bzhi dang / 'khor gzhan rnams dang / gnod sbyin la sogs pa de lta bu'i dngos po mthong bar gyur na/ yul de yongs su spong bar bgyid la/ yongs su bsrung ba'i sems kyang ma mchis par 'gyur lags so/ / bdag cag 'ba' zhig rgyal po ngo spong bar bgyid pa ma lags kyi/ yul skyong ba'i lha dge ba chen po tshad ma mchis pa rnam kyang yal bar bor nas mchi bar 'gyur lags so/ / de ltar yal bar bor ba'i dbang gis yul der gnod pa rnam pa sna tshogs 'byung bar 'gyur zhing / rgyal thabs kyang stor bar 'gyur/ mi'i tshogs thams cad kyang dge ba'i sems ni ma mchis kyi/ gcig la gcig 'ching ba dang / gsod pa dang / gshe ba dang / rtsod pa dang / phan tshun phra ma dang / gya gyubagyid cing nongs pa ma mchis pa la chad pa gcod pa 'ba' zhig sems pas/ nad dang rims nad rnams 'byung bar 'gyur/ gza' mjug rings yang dang yang du 'byung bar 'gyur/ gdugs gnyis cag car 'char bar 'gyur/ gza' 'jug pa la rgyun chad pa ma mchis par 'gyur/ gzha' dkar nag gis bkra shis pa ma lags pa'i mtshan ma ston par 'gyur/ skar mnga' ltung zhing sa g.yo bar 'gyur/ khron pa'i nang nas sgra 'byung bar 'gyur/ char dang rlung drag po dus ma lags par 'bab cing ldang bar 'gyur/ rtag par mu ge'i gnod par 'byung bar 'gyur/ 'bru rnams yongs su smin par mi 'gyur/ phas kyi rgol ba'i dgra mang pos gtses pas/ yul mi rnams sdug bsngal gyi gnod pa mang po myong bar 'gyur/ yul gyis phyogs kyang yid du ma mchis shing mngon par dga' ba ci yang ma mchis par 'gyur lags so/ / bcom ldan 'das bdag cag rgyal po chen po bzhi dang / lha brgya stong tshad ma mchis pa dang / sngon yul skyong ba'i lha dge ba chen po rnams kyis yongs su spangs nas mchi ba'i tshe/ ltas ngan pa'i dngos po brgya stong tshad ma mchis pa de lta bu dag 'byung bar 'gyur lags so// bcom ldan 'das mi'i rgyal po gang la la zhig yul skyong zhing rtag par bde ba'i longs spyod myong bar 'tshal ba dang / skye bo mang po rnams bde ba la dgod par 'tshal ba dang / phas kyi rgol ba thams cad tshar bkum nas/ rang gi yul khams gtan du rgyas shing dar bar 'tshal ba dang / yang dag pa'i bstan pa 'jig rten du gnas nas/ sdug bsngal gyi gnod pa dang / sdig pa mi dge ba'i chos rnams nye bar zhi bar 'gyur bar 'tshal na/ bcom ldan 'das yul gyi bdag po de dag gdon mi 'tshal bar mdo sde'i rgyal po 'di mnyan nas yongs su gzung bar bgyi zhing / mdo sde 'di klog pa dang / 'don pa dang len pa dang / 'dzin pa dag la yang bsnyen bkur ba dang / rim gro dang mchod par bgyid na/ bdag cag dang tshad ma mchis pa'i lha'i 'khor gzhan rnam chos mnyan pa'i dge ba'i rtsa ba'i byin gyi rlabs kyi mthus bla na ma mchis pa'i bdud rtsi'i chos kyi ro myong bar 'gyur bas bdag cag 'khor dang bcas pa la sman par 'gyur/ zhing lha gzhan rnams kyang sman yon mchog thob par 'gyur lag so/ / de ci'i slad du zhe na/ 'di ltar mi'i rgyal po des sems rtse gcig tu mdo sde 'di mnyan nas/ yongs su gzung ba'i slad du'o// bcom ldan 'das 'di ltar tshangs pa chen pos kyang sem can rnams la rtag par 'jig rten dang / 'jig rten las 'das pa'i bstan bcos yang dag par bstan/ brgya byin lha'i dbang pos kyang bstan bcos rnam pa sna tshogs yang dag par bstan/ mngon par shes pa lnga dang ldan pa'i drang srong rnams kyis kyang bstan bcos mang po bstan te/ bcom ldan 'das tshangs pa dang / brgya byin dang / mngon par shes pa lnga dang ldan pa'i drang srong gis bstan bcos bye ba khrag khrig brgya stong tshad ma mchis pa snyed bstan mod kyi/ 'on kyang sangs rgyas bcom ldan 'das kyis byams pa dang thugs rjes thugs brtse bar dgongs nas lha dang mi'i tshogs rnams kyi ched du gser 'od dam pa'i mdo sde shin tu gya nom pa bkas bshad pa gang lags pa sngar bstan pa de dag dang bskrun na/ bye ba khrag khrig brgya stong gyur snyed kyis ches khyad par du 'phags pas dper bgyir ma mchis lags so/ / de ci'i slad du zhe na/ 'di'i dbang gis 'dzam bu'i gling na rgyal po ji snyed mchis pa de dag yang dag pa'i chos kyis 'jig rten btul nas sems can la bde ba'i dngos po stsal ba dang / bdag dang 'khor rnams yongs su bsrungs nas/ sdug bsngal gyi gnod pa ma mchis par bgyid pa dang / gzhan yang phas kyi rgol bas gnod par dgyid pa ma mchis pa dang / sdig pa mi dge ba ji snyed pa thams cad thag ring du spong ba dang / yul gyi gdon bgags rnams yongs su bsal nas/ yang dag pa'i chos kyis 'dul zhing rtsod pa ma mchis par bgyid pa'i slad du'o/ / de'i slad du mi'i rgyal po rnams so so nas rang gi yul du chos kyi sgron ma sbar te/ mtha' yas pa rnams gsal bar bgyis nas/ lha'i tshigs dang rang gi 'khor rnams la sman par bgyi'o/ / bcom ldan 'das bdag cag rgyal po chen po bzhi dang / lha dang / gnod sbyin gyi 'khor tshad ma mchis pa dang / 'dzam bu'i gling na lha dang yi dgas ci mchis pa thams cad rgyu dang rkyen 'di'i dbang gis bla na ma mchis pa'i bdud rtsi'i chos kyi ro myong bar 'gyur zhing / gzi byin chen po'i mthu stobs dang ldan pa dang / 'od kyi snang ba phun sum tshegs pa dang / sems can thams cad bde bar 'gyur ba dang / gzhan yang slad ma'i dus kyi tshe bskal pa bye ba khrag khrig brgya stong tshad ma mchis shing bsam gyis mi khyab pa snyed du rtag par shin tu bde ba'i longs spyod myong ba dang / gzhan yang slad ma'i dus kyi tshe sangs rgyas tshad ma mchis pa snyed mnyes par bgyis nas/ dge ba'i rtsa ba bskyed de/ de nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bas/ 'di lta bu'i sman yon tshad ma mchis shing / mtha' ma mchis pa thams cad kyang thugs rje chen po chad pa'i 'khor las yang dag par 'das pa/ mkhyen pa chen po brgya byin pas lhag par dka' ba rnam pa sna tshogs yongs su sprod pa mngon par shes pa lnga dang ldan pa'i drang srong las khyad par du 'phag par gyur pa bye ba khrag khrig brgya stong gyur snyed kyis ches lhag par gyur te/ brjod du ma mchis pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis sems can rnams kyi ched du 'di lta bu'i mdo sde shin tu gya nom pa yang dag par bkas bshad nas/ 'dzam bu'i gling gi yul gyi bdag po thams cad dang / mi'i tshogs mang po rnams 'jig rten na chos kyi cho ga dang / yul yongs su skyong zhing mi rnams gdul ba dang / bskul bar bgyi ba'i dngos po ji snyed pa de dag gsal bar khong du chud pa las gyur pa lags te m do sde'i rgyal po 'di'i byin gyi rlabs kyi mthus thams cad bde ba thob pa'i bsod nams kyi phan yon 'di dag thams cad kyang ston pa chen po shAkya thub pas byams pa dang thugs rje'i mthus mdo sde 'di rgya cher yang dag par spel ba las gyur pa lags pas/ bcom ldan 'das rgyu dang rkyen de'i slad du mi'i rgyal po rnams kyis mdo sde dam pa 'di yongs su bzung ste/ mchod pa dang bkur sti dang / bla mar bgyis nas bsngags pa brjod par bgyi'o// de ci'i slad du zhe na/ 'di lta bu la sogs pa'i yon tan khyad par du 'phags pa bsam gyis mi khyab pa dag gis thams cad la sman par bgyid pas/ de'i slad du mchog tu rnam par rgyal ba mdo sde'i rgyal po zhes bgyi ba lags so// de nas bcom ldan 'das kyis/ rgyal po bzhi po dag la yang 'di skad ces bka' stsal to/ / khyed cag rgyal po chen po bzhi dang 'khor gzhan rnams dang / lha'i 'khor bye ba khrag khrig brgya stong tshad med pa rnams kyi mi'i rgyal po de dag gal te sems rtse gcig tu mdo sde mnyan nas/ mchod pa dang / bkur sti dang / bla mar byas te/ bsngags pa brjod pa mthong nas/ yongs su bsrungs te gnod pa rnams yongs su sel bar byed na/ khyed cag rab tu bde ba myong bar 'gyur bar byed do/ / gal te 'khor bzhi po dag gis mdo sde'i rgyal po 'di rgya cher yang dag par spel bar byed na/ des ni lha dang mi'i nang du sangs rgyas kyi mdzad pa rgya cher yang dag pa byas pa yin pas/ sems can tshang med pa snyed la phan btags pa yin te/ 'di lta bu'i gang zag gang yin pa de la khyed kyis rtag par bsrung zhing yongs su bskyab par bya'o/ / 'di lta bu'i 'khor bzhi po dag rkyen gzhan gyis pan tshun gnod pa byed pa med par byos la/ de dag lus dang sems rab tu dben zhing bde bas mdo sde'i rgyal po 'di yang dag par spel nas phyi ma'i mtha' ji srid pa'i bar du sems can la phan 'dogs pa la rgyun 'chad pa med par byos shig/ de nas lha'i rgyal po rnam thos stan las langs te/ bcom ldan 'das la 'di skad ces gsol to// bcom ldan 'das bdag la yid bzhin gyi nor bu rin po che'i gzungs kyi cho ga mchis te/ sems can gang la la zhig yongs su 'dzin par mos na/ yon tan tshad ma mchis pa dang ldan par 'gyur zhing / bdag gis rtag par bsrungs pas sems can de dag sdug bsngal spangs nas bde ba 'thob par 'gyur/ bsod nams dang ye shes kyi tshogs rnam pa gnyis yongs su rdzogs par 'gyur lags so/ / gang zhig yongs su 'dzin par 'tshal bas sngar lus bsrung ba'i sngags 'di gdon par bgyi'o// sngags ni 'di lta ste/ na mo bai sha ra ma na ye/ ma hA rA dzA ya/ tad+ya thA/ ra ra ba ra/ ku nu ku nu/ khu nu khu nu/ gu nu gu nu/ sa ba sa ba/ ka ra ka ra/ mahA bi ka ra ma mahA bi ka ra ma/ ma hA ka ra do/ ha ra sha ha ra sha/ bdag nyid kyi ming brjod par bya/ du man sarba sa twa nA na tsa swA hA/ bcom ldan 'das sngags 'di 'don pas skud pa dkar po la lan bdun sngags kyis btab ste/ lan re mdud pa re re bor nas dpung pa la bcing na/ de'i don gdon mi 'tshal bar 'grub par 'gyur lags so// pog mang po 'di lta ste/ gu gul dang / tsan dan dang du ru ka dang ta ka ri'i spos 'di rnams cha mnyam par gcig tu bsres te/ sug par pog por thogs nas/ spos bsregs te mchod par bgyi'o// khrus yongs su dag par bgyi te gos gsar pa gtsang ma bgos te/ khang pa dben par sngags bzlas te/ lha'i rgyal po rnam thos bdag g.yar drang bar bgyi lags so// sngags ni 'di lta ste/ na mo bai shar ma nA ya na mo d+ha na dA ya/ dan d+hi shwa rA ya/ a ka ra sha/ a pa ra mi ta dan d+hi shwa ra/ pa ra ma/ kA ru Ni ka sarba sa twa hi ta dzi na d+ha/ bdag gi ming brjod/ na ma d+ha na d+ha/ na mo pa ri ye she snga ya ma A ka ra Sha swA hA/ sngags 'di lan bdun tshang bar bzlas nas/ de'i rjes la sngags kyi snying po gdon par bgyi'o// sngags 'don pa'i tshe/ sngar dkon mchog gsum la gus par phyag bgyis nas/ lha'i dbang po rnam thos kyi ming nas 'don par bgyid na/ nor rdzas rnams stsol zhing sems can rnams ci dang ci smon pa thams cad yongs su rdzogs par bgyis na bde ba stsol bar bgyid do/ / de ltar phyag bgyis/ de'i rjes la rgyal po rnam thos kyi yid bzhin gyi nor bu rin po che'i sngags kyi snying po 'don par bgyid na/ yid bzhin gyi bde ba stsol bar dgyid do/ / de nas lha'i rgyal po rnam thos kyis/ bcom ldan 'das kyi spyan sngar yid bzhin gyi nor bu rin po che'i sngags kyi snying po smras na mo rat+na tra yA ya na mo bai sha ra ma nA ya ma hA rA dzA ya/ tad+ya thA/ si mi si mi/ su mu su mu/ sh+tsa na dra shru na dra/ tsa ra tsa ra/ sa ra sa ra/ ka ra ka ra/ ki ri ki ri/ ku ru ku ru/ mu ru mu ru/ tsu ru tsu ru/ sa dA ya d+ha ma/ ma ni da ma/ a na ta/ d+han ta to swAhA/ na mo bai sha ra ma na swAhA/ dAn d+ha ya s+yAH/ ma nor thA/ pa ri pU ra kA ya swAH/ sngags 'don pa'i tshe/ sngags lan stong tshang bar bzlas nas de'i rjes la khang pa gtsang ma dag tu be lang gi lci bas dog sa la zhal zhal bgyis te/ dkyil 'khor chung ngu gcig bgyis nas/ bras ci 'byor pas sems rtse gcig tu mchod par bgyi'o// rtag par pog spos dam pa bsregs nas/ dud pa rgyun mi 'chad par bgyi'o// sngags kyi snying po snga ma gdugs mtshan du sems dran pa nye bar bzhag nas/ bdag nyid kyis thos pa tsam du zlog shing gzhan gyis rig par mi bgyid na/ de'i tshe rnam thos kyi bu sha ni shi zhes bgyi ba gzhon nu'i gzugs nye bar bstan te drung du mchis nas/ 'di skad du ci'i phyir bdag gi pha bod ces 'dri bar 'gyur bas lan du 'di skad ces bdag dkon mchog gsum mchod pa'i don du nor 'tshal na/ de bzhin du sprul bar gsol zhes smra bar bgyi'o// de'i tshe shan ni shi tshig de thos pa dang / sbar pa'i thang du mchis nas pa la 'di skad du deng dge ba spyad pa'i mi zhig sems rtse gcig tu dkon mchog gsum mchod de/ nor gyis 'phongs pa'i slad du yab la gsol ba 'debs so zhes bgyis pa dang / pas khyod myur du song la nyin gcig bzhin du/ de la kar sha pa Na brgya byin cig ces mchis par 'gyur te/ sngags 'don pas de lta bu'i mtshan ma mthong bar gyur na/ don 'grub par 'gyur bar rig par bgyis nas/ gcig tu khang pa gtsang ma'i nang du bdug spos bsregs te/ mchis nyal ba'i drung du spos kyi spog ma gcig bzhag nas/ rtag par nam langs pa'i tshe/ sgrog ma'i nang du nor ci thob pa blta bar bgyi'o// rtag par nor thob pa'i tshe de nyid kyi gdugs la spos dang / me tog dang // zhal zas kyis dkon mchog gsum la mchod cing dbul 'phongs pa rnams la stsal nas bas par bgyi'o/ / bsri ste gzhag par mi bgyi'o// sems can rnams la byams pa dang / snying rje'i bsam pa bskyed par bgyi'o/ / zhe sdang dang / g.yo sgyu dang / gnod sems kyi bsam pa bskyed par mi bgyi'o// gal te zhe sdang skyes par gyur na/ dngos grub kyi mthu stor bar 'gyur/ rtag par sems bsrungs te/ zhe sdang bskyed par mi bgyi'o// gzhan yang sngags 'dzin pas rtag par lha'i rgyal po rnam thos bdag dang / bu dang / bu mo dang / 'khor rnams rjes su dran par bgyis te/ bsngags pa brjod nas rtag par dge ba bcu po de dag gis bstangs te/ lha de dag bsod nams kyi mthu 'phel zhing rgyas pa dang / dge ba mang po kun tu 'phel nas byang chub mngon par rtogs par 'gyur bar bgyid na/ lha mang po de dag gis dngos po de lta bu mthong ba dang / thams cad rab tu dga' bas lhan cig tu nye bar mchis te/ sngags/ 'don pa'i gang zag de la yos su srung bar bgyid do// gzhan yang sngags 'dzin pa de'i tshe ring zhing lo tshad ma mchis pa snyed du gnas par 'gyur/ ngan song gsum dang rtag tu 'bral zhing rtag par gnod pa ma mchis par 'gyur/ yid bzhin gyi nor bu rin po che dang / gter rnams thob par 'gyur/ mngon par shes pa dang / dbang phyug dang / smon pa thams cad mngon par 'grub par 'gyur/ gal te blon thabs 'tshal na yang yid bzhin du 'grub par 'gyur/ gcan gzan thams cad kyi skad kyang 'tshal bar 'gyur lags so// bcom ldan 'das gal te sngags 'don pa'i tshe/ bdag gi lus mngon sum du mthong bar 'tshal na/ tshes brgyad dam/ bco lnga'i gdugs la ras dkar po la sangs rgyas kyi sku gzugs shig sprin dang / tshon sna tshogs kyis brgyan pa bri bas bgyi'o// sku gzugs 'dri ba'i ri mo'i mkhan po yang bslab pa'i gnas brgyad yang dag par blang bar bgyi'o// sangs rgyas kyi g.yon phyogs su dpal gyi lha mo'i gzugs bri bar bgyi'o/ / sangs rgyas kyi g.yas phyogs su rgyal po rnam thos bdag dang / bu dang / bu mo dang / 'khor rnams kyi gzugs bris nas mchis pa'i stan legs pa bshams te/ me tog sna tshogs bkram nas/ spos mchog dam pa bsregs te/ gdugs mtshan rgyun chad pa ma mchis par mar me sbar bar bgyi'o/ / bza' ba dang btung ba mchog dam pa rnam pa sna tshogs gus pa'i sems bskyed de/ dus su mchod par bgyis nas/ sngags gdon par bgyi'o// brnyas pa'i sems bskyed par mi 'gyi'o/ / bdag g.yar 'dren pa'i tshe/ sngags 'di gdon par bgyi'o// na mo shrI gan d+ha ya/ bud+d+ha ya/ bud+d+ha ya/ na mo bai shar ma nA ya/ yak+sha rakrA ya/ ma hA rak+ka ya/ a ti rakrA ya/ na mo shi ri ye ye/ ma hA de be ye/ tad+ya thA/ ta ra ta ra/ tu ru tu ru/ ma ra ma ra/ su su du su su du/ ha na ha na/ ma ni ka na ka/ badz+ra bai DUR+Ya/ mog ti ka lang krita/ b+ho sarba satwA nA ma hita ka ma/ bai shar ma na/ shri ya de be/ brad+hA ya/ a hI e hrI/ ma bi lam b+ha/ ku ra na ku ra na/ b+hA ra sa b+ha ra sa/ d+ha da hi ma ma/ a mo ka na ma s+ya/ d+ha ra sha na ka ma d+ha ri sha na na/ ma ma ma na/ pa ri sa ra/ d+ha ra d+hA ya swAhA/ bcom ldan 'das bdag gi sngags 'don pa'i mi de dang / gzhan yang de lta bu'i mchod pa rgyas par bgyis pa mthong bar gyur na/ byams shing sdug pas rab tu dga' ba'i sems bskyed nas/ bdag byis pa gzhon nu'i gzugs sam/ rgan po 'am/ dge slong gi gzugs su lus bsgyur nas/ sug pa nas yid bzhin gyi nor bu rin po che dang / gser gyi snod thogs te/ dkyil 'khor gyi nang du zhugs te/ lus kyis gus pa bstan te/ sangs rgyas kyi mtshan nas brjod de/ sngags 'don pa de la khyod kyis bzhin du smon pa rnams 'grub par bya'o zhes mchi bar 'gyur lags so/ / nags tshal gyi nang du mi snang bar 'tshal lam/ rin po che mngon par 'du bgyid pa dang / skye bo mang po kun gyi snying du sdug cing bkur bar 'tshal lam/ gser dang dngul la sogs pa'i nor rnams yongs su gnyer bar 'tshal lam/ sngags kyi dngos grub 'grub par 'tshal ya ma/ mngon par shes pa dang / tshe shin tu ring ba dang / longs spyod mchog dam pa yongs su gnyer bar 'tshal na yang bsam pa bzhin du mi 'grub pa gang yang ma mchis par 'gyur lags so// deng bdag gis re zhig dngos po 'di tsam zhig bstan pa lags te/ gal te yang gzhan dag yongs su gnyer bgyid na thams cad ji ltar smon pa bzhin du mngon par 'grub cing / rin po che'i gter bas pa ma mchis pa dang / yon tan mthar thug pa ma mchis pa yang mngon par 'grub par 'gyur lags so// gal te nyi ma dang / zla ba dog sa la ltung bar 'gyur yang srid sa chen po res 'ga'i gzhan du 'gyur yang srid kyi/ bden pa'i tshig 'di ni nam yang chab 'tshal bar 'gyur bas/ rtag par yid bzhin gyi bde ba thob par 'gyur lags so/ / bcom ldan 'das gang la la zhig gis mdo sde'i rgyal po 'di len pa dang / 'dzin pa dang / klog pa dang / kha ton du 'don pa des sngags 'di 'don par bgyid na/ ngal ba ma mchis par cho ga rnams myur du 'grub par 'gyur lags so/ / bcom ldan 'das deng bdag gis dbul 'phongs pa dang / sdug bsngal gyis gnod par gyur pa'i sems can de dag gi ched du sngags 'di bstan pas phan yon chen po thob nas/ thams cad phyug cing skyid pa dang / rang dbang dang ldan zhing gnod pa me mchis pa thob par 'gyur lags so// bdag gis nam 'tshe'i bar du gang zag de'i rjes su 'brangs nas yongs su srung ste/ gnod pa rnams yongs su sel bar bgyid do// gzhan yang gser 'od dam pa mchog tu rnam par rgyal ba mdo sde'i rgyal po 'di yongs su bzung nas spel bar bgyid pa dang / sngags 'don pa'i gang zag de la gom pa brgya tshun chad du 'od kyis kun tu gsal bar bgyid lags so// bdag gis gnod sbyin paH stong snyed mchis pa yang rtag par rim gro bgyid cing ji ltar mos pa bzhin du g.yog bgyid pas yid bzhin du mi 'grub pa gang yang ma mchis lags so/ / bdag gis bden tshig smra ba la mi med pa ma mchis par ni/ bcom ldan 'das nyag gcig dbang du gyur cing / mkhyen par gyur lags so// de'i tshe lha'i rgyal po rnam thos kyis sngags 'di smras pa dang / bcom ldan 'das kyis bka' stsal pa/ rgyal po chen po khyod kyis sems can thams cad kyi dbul 'phongs pa'i sdug bsngal gyi dra ba dral nas bde ba thob par bya ba dang / mdo sde 'jig rten du rgya cher spel ba'i phyir rig sngags 'di bshad pa legs so legs so/ / de nas rgyal po chen po bzhi cig car stan las langs te/ bla gos phrag pa gcig la gzar nas/ zhabs gnyis la mgo bos phyag byas te/ pus mo g.yas pa'i lha nga sa la btsugs nas/ gus pas thal mo sbyar te/ tshigs su bcad pa gya nom pa dag gis bcom ldan 'das kyi yon tan la mngon par bstod pa/ bcom ldan zhal ni zla gtsang nya 'dra zhing // nyi ma stong gis 'od zer bkye dang mtshungs// spun ni dag yangs pad+ma sngon po 'dra// tshems dkar gtams pa dper na dung dang mtshungs/ / bcom ldan yon tan mtha' med rgya mtsho 'dra// rin chen gya nom tshad med de na bsags// mkhyen pa'i yon tan chab kyis rtag rgyas shing ting 'dzin dam pa brgya stong rab tu gang / / zhabs mthil 'khor lo'i mtshan ni thams cad mdzes// lte ba mu khrud rtsibs stong kun rab mnyam// phyag dang zhabs kyi dra ba kun brgyan pas/ / ngang pa'i rgyal bzhin mtshan ni phun sum tshogs// bcom ldan sku 'od gser gyi ri bo 'dra// rnam dag khyad 'phags dpe zla yod ma mchis// ri rab bzhin du yon tan kun rgyas pas/ / bcom ldan ri rgyal khyod la bdag phyag 'tshal// mtshan dang dpe byad mkha' bzhin dpag med rig/ zla ba stong pas lhag par 'od khrer bkye// smig rgyu sgyu dang bsam gyis mi khyab pas/ / thugs zhe na mi mnga' khyod la bdag phyag 'tshal// de'i tshe rgyal po chen po bzhi po dag gis/ bcom ldan 'das la mngon par bstod pa dang / bcom ldan 'das kyis kyang tshigs su bcad de bka' stsal pa/ gser 'od dam pa'i mdo sde mchog 'di ni// bla med stobs bcu dag gis rab tu gsungs// khyed cag rgyal po bzhi yis rab srungs la// rab dpa' nur med pa yi sems skyed cig/ mdo sde rin chen gya nom zab mo 'di// sems can thams cad bde ba sbyin par byed// sems can de dag bde bar gyur pa'i phyir// rtag tu 'dzum gling rab tu spel bar 'gyur/ / stong chen 'jig rten khams ni 'di dag tu// sem can rnam pa thams cad ji snyed pa// yi dgas dud 'gro sems can dmyal ba yi// sdug bsngal 'gro ba de kun sel bar byed/ / 'dzam gling 'di na gnas pa'i rgyal po dang / gzhan yang sems can rnam pa thams cad kun// mdo sde mthu yis rtag tu rab dga' zhing // nad mang sdug bsngal bsal bas chom rkun med/ / yul der mdo sde rgya cher spel ba'i phyir// rab bde lo legs mi mthun gnod pa med// gang zhig mdo sde'i rgyal po 'di mnyan nas// tshe rigs btsun zhing nor ni gnyer ba dang / / yul na lo legs rtsod pa med 'dod na// sems la bsams bzhin thams cad 'grub par 'gyur// pha rol dgra rnams phyir ni zlog byed cing // rang gi yul khams rtag tu bde bar 'gyur// mdo sde'i rgyal po dam pa 'di yi mthus// sdug bsngal mang po mya ngan 'jigs pa med// rin chen shing rgyal khyim na gang gnas pa// bde ba'i yo byad thams cad skyed pa ltar// mdo sde'i rgyal po dam pa'ang de bzhin te// mi'i rgyal dag la yon tan mchog sbyin byed// dper na rab dngas chu ni grang mo yis// skom pa'i gdung ba rnams ni sel ba ltar/ / mdo sde'i rgyal po dam pa'ang de bzhin te// bsod nams mos pa'i sems ni yongs rdzogs byed// mi zhig gya nom rin chen gabreb bdog na// longs spyod sems la bsams bzhin 'byor pa ltar// mdo sde'i rgyal po dam pa'ang de bzhin te// bsod nams bsams bzhin 'grub pas rgud pa med// lha yi bdag po khyed dang lha tshegs kyis// mdo sde'i rgyal po 'di la mchod par gyis// gal te bstan bzhin mdo sde 'dzin byed na// shes rab gzi byin thams cad phun tshegs 'gyur/ / da ltar phyogs bcur bzhugs pa'i sangs rgyas kun// mdo sde'i rgyal po 'di ni bsrung dgongs pa// klog 'don 'dzin pa dag ni gzigs gyur na// legs so ngo mtshar che/ zhes bsngags par 'gyur// gang zhig mdo sde 'di ni nyan byed na// lus dang sems ni dga' rangs mgu ba ste// rtag par gnod sbyin brgya phrag mang po yis// gang du gnas pa der/ ni de srung byed// 'jig rten khams 'di'i lha ni mang po rnams// de yi grangs ni tshad med bsam mi khyab// thams cad mdo sde'i dbang po 'di nyan pas// rab dga' srung byed nur ba ci yang med/ / gang zhig mdo sde'i rgyal po 'di mnyan na// mthu chen rab dpa' rtag par dbang dang ldan// mi yi 'khor mang thams cad phan 'dogs pas// gnod pa rab spong snang ba 'phel bar byed/ / de nas rgyal po chen po bzhi po dag gis tshigs su bcad pa 'di dag thos nas dga' mgu rangs par gyur pas/ bcom ldan 'das la 'di skad ces gsol to/ bcom ldan 'das bdag cag gis ni sngon chad nam yang mdo sde zab mo shin tu gya nom pa 'di lta bu mthos so zhes rab tu dga' ba'i shugs kyis mchi ma blags te ngus nas/ lus kyi yan lag 'dar zhing g.yo bar gyur te/ ngo mtshar rmad du byung ba'i dngos po bsam gyis mi khyab pa mngon du gyur pas/ lha'i me tog man+da ra ba dang / man+da ra ba chen po dag gis bcom ldan 'das la mngon par gtor te/ khyad par du 'phags pa'i mchod pa byas nas/ yang bcom ldan 'das la 'di skad ces gsol to// bcom ldan 'das bdag cag rgyal po chen po bzhi la so so nas gnod sbyin gyi 'khor lnga brgya lnga brgya mchis pas rtag par gnas de dang de dag tu mdo sde 'di dang / chos smra ba de dag la yongs su srung zhing yongs su skyob par byed pas/ ye shes kyi snang bas yongs su skyob par bgyid do/ / gal te mdo sde 'di'i tshig dang / don bsdud pa zhig mchis na yang bdag cag gis de dag rjes su dran zhing / mi bskrad par bgyi ba'i slad du/ gzungs kyi sgo shin tu khyad par du 'phags pa stsal nas/ yongs su rdzogs par bgyid do// gzhan yang mdo sde'i rgyal po mchog dam pa 'di gang du gnas pa der sems can rnams la rgya cher 'phel zhing myur du nub par mi 'gyur bar bgyid lags so/ / de'i tshe bcom ldan 'das kyis 'khor mang po'i nang du chos 'di bstan pa na/ sems can tshad med pa snyed shes rab chen po'i spobs pa thob nas/ bsod nams kyi phung po tshad med pa snyed yongs su bsdus te/ mya ngan gyi gnod pa dang bral nas/ rab tu dga' ba'i sem thob par gyur pas/ bstan bcos sna tshogs la rab tu mkhas pa dang / nges par 'byung ba'i lam thob nas phyir mi ldog par gyur pas/ myur du byang chub mngon par rtogs par gyur gser 'od dam pa mchog tu rnam par rgyal ba mdo sde'i rgyal po las/ rgyal po chen po bzhi po dag gis yul bsrung ba'i le'u ste bcu gnyis pa'o// / gser bad dam pa mchog tu rnam par rgyal ba'i mdo sde'i rgyal po'i mdo bam po bdun pa/ / / de nas bcom ldan 'das kyis/ tshe dang ldan pa shA ri'i bu la bka' stsal pa/ shA ri'i bu chos kyi rnam grangs mngon par zhen pa med pa'i gzungs zhes bya ba yod de/ de ni byang chub sems dpa' rnams kyis mngon par bsgrub par bya ba'i chos 'das pa'i byang chub sems dpa' nas kyis yongs su bzung ba/ sems dpa' rnams kyi mar gyur pa yin no zhes bka' stsal pa dang / bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das gzungs zhes bgyi ba gang gi tshig dang don gang zhig lags/ bcom ldan 'das gzungs zhes bgyi ba ni phyogs dang gnas ma lags pa/ phyogs dang gnas ma lag pa yang ma lags so zhes de skad ces gsol pa dang / bcom ldan 'das kyis/ tshe dang ldan pa shA ri'i bu la bka' stsal pa/ shA ri'i bu khyod theg pa chen po la yang dag par gzhol zhing / theg pa chen po la mngon par yid ches nas theg pa chen po la bla mar byas pa legs so legs so// khyod kyis ji skad smras pa bzhin du gzungs zhes bya ba ni phyogs dang / gnas yod pa yang ma yin/ phyogs dang gnas med pa yang ma yin/ chos kyang ma yin/ chos ma yin pa yang ma yin/ 'das pa yang ma yin/ ma 'ongs pa yang ma yin/ da ltar byung ba yang ma yin/ dngos po yang ma yin/ dngos po ma yin pa yang ma yin/ rkyen yang ma yin/ rkyen ma yin pa yang ma yin/ 'du byed kyang ma yin/ 'du byed ma yin pa yang ma yin/ chos skye bar 'gyur ba yang med/ chos 'gag par 'gyur ba med mod kyi/ 'on kyang byang chub sems dpa' rnams la phan gdags pa'i phyir de skad du bstan pa yin te/ gzung 'di'i yon tan gyi nus pa dang / yang dag pa'i lam gyi tshul dang / mthu stobs rnam par gzhag pa gang yin pa de ni/ sangs rgyas rnams kyi yon tan dang / sangs rgyas rnams kyi tshul khrims dang / sangs rgyas rnams kyi bslab pa dang / sangs rgyas rnams kyi gsang ba'i dgongs pa dang / sangs rgyas rnams kyi skye ba'i 'byung gnas yin pa'i phyir/ mngon par zhen pa med pa'i gzungs mchog tu gya nom pa'i chos kyi rnam grangs zhes bya'o/ / de skad ces bka' stsal pa dang / bcom ldan 'das la/ tshe dang ldan pa shA ri'i bus 'di skad ces gsol to/ / bcom ldan 'das bde bar gshegs pas bdag la gzungs 'di'i tshi ga gang lags pa bkas bshad du gsol/ gal te byang chub sems dpa' rnams kyis 'di la gnas par gyur na bla na ma mchis pa'i byang chub las ldog par mi 'gyur zhing / yang dag pa'i smon lam yongs su rdzogs nas gnas pa ma mchis pa dang / rang bzhin gyis spobs pa 'thob par 'gyur ba dang / ngo mtshar rmad du byung ba'i dngos po thob nas/ 'phags pa'i lam gnas par 'gyur ba 'di dag thams cad kyang gzungs 'di thob par gyur pa'i slad du'o// bcom ldan 'das kyis bka' stsal pa/ shA ri'i bu legs so legs so// de de bzhin no// de de bzhin te/ khyod kyis ji skad smras pa bzhin du byang chub sems dpa' gang la la zhig gis gzungs 'di thob par gyur na/ gang zag de ni sangs rgyas dang tha dad pa med par rig par bya'o// gang la la zhig gis byang chub sems dpa' de la mchod cing bkur sti byed pa dang / bla mar byed cing byang sbyin par byed na/ de ni sangs rgyas rnams la mchod pa byas pa yin par rig par bya'o// shA ri'i bu gang zag gzhan gang la la zhig gzungs 'di thos nas/ len pa dang / 'dzin pa dang klog pa dang / kha ton du 'don pa dang / mngon par yid ches par gyur pa de lta 'di ltar sangs rgyas dang tha dad pa med par bkur sti byas nas/ mchod cing rim gro byas na/ rgyu dang rkyen des bla na med pa'i 'bras bu 'thob par 'gyur ro/ / de nas bcom ldan 'das kyis gzungs sngags bka' stsal pa/ tad+ya thA/ san d+ha ra ni/ on d+hA ra ni/ so sam prad ti/ pish+tsi ta/ so na ma so prad ti/ bi sh+tsi ta/ bi yu ya bad tra/ sad d+he ya/ pa ri te shin dzA/ so a ro ha shin dzA na ma te/ on pan d+ha ni/ a pa na ma ni/ a bI shi dan ni/ a be bi ya ha ra/ shu bA ba ni so ni shI d+ha/ ba ho gun do// a bi bad dA swahA/ bcom ldan 'das kyis bka' stsal pa/ shA ri'i bu mngon par zhen pa med pa gzungs kyi tshig 'di la byang chub sems dpa' gang la la zhig rab tu gnas nas/ yang dag par 'dzin par byed na/ gang zag de ni bskal pa gcig gam/ bskal pa brgya 'am/ bskal pa stong ngam/ bskal pa brgya stong gi bar du yang dag pa'i smon lam bskyed pa mthar thug pa med cing / ral gri dang / dbyig pa dang / dug dang / chu dang / me dang / gcan gzan ma rungs pa rnams kyis de'i lus la gnod pa byed mi nus par rig par bya'o// de ci'i phyir zhe na/ shA ri'i bu mngon par zhen pa med pa'i gzungs 'di ni 'das pa'i sangs rgyas rnams kyi yum dang / ma byon pa'i sangs rgyas rnams kyi yum dang / da ltar bzhugs pa'i sangs rgyas rnams kyi yum yin pas so/ / shA ri'i bu gang la la zhig gis grangs med pa bcu'i stong gsum gyi stong chen po'i 'jig rten gyi khams rin po che sna bdun gyis yod/ su bkang ste/ de bzhin gshegs pa rnams la phul nas/ bskal pa grangs med pa'i bar du na bza' dang / zhal zas mchog dam pa rnam pa sna tshogs kyis mchod pa byas pa bas gang la la zhig gis gzungs 'di la tha na tshig gcig tsam yang dag par bzung ba las byung ba'i bsod nams gang yin pa de ches rab tu mang ngo / / de ci'i phyir zhe na/ shA ri'i bu mngon par zhen/ pa med pa'i gzungs shin tu zab pa'i chos kyi rnam grangs 'di ni/ de bzhin gshegs pa rnams kyi yum yin pa'i phyir ro// de'i tshe tshe dang ldan pa shA ri'i bu dang / 'khor mang po rnams de skad ces bka' stsal pa thos nas/ thams cad rab tu dga' bar gyur pas/ thams cad kyis yongs su 'dzin par mos par gyur to// gser 'od dam pa mchog tu rnam par rgyal ba mdo sde'i rgyal po las/ / mngon par zhen pa med pa'i gzungs kyi le'u sto bcu gsum pa'o// / de nas bcom ldan 'das kyis/ 'khor mang po'i nang du tshe dang ldan pa kun dga' bo la bka' stsal pa/ khyod kyis 'di ltar shes par bya ste/ yid bzhin gyi nor bu rin po che zhes bya ba'i gzungs gnod pa thams cad ring du spong ba/ 'brug dang glog ma rungs pa thams cad 'gog cing 'jil bar byed pa yod de/ de ni 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis gsungs pa yin pas/ ngas kyang deng mdo sde 'dir lha dang mi rnams la phan pa dang / 'jig rten la brtse ba dang / thams cad yongs su bsrungs nas/ bde ba 'thob par bya ba'i phyir/ 'khor mang po khyed la yang dag par bstan par bya'o/ / de nas 'khor mang po dang / tshe dang ldan pa kun dga' bos/ bcom ldan 'das kyis de skad ces bka' stsal pa thos pa dang / so so nas sems rtse gcig tudu bcom ldan 'das kyi zhal du bltas nas rig sngags nyan par gyur to/ / bcom ldan 'das kyis bka' stsal pa/ khyed cag legs par nyon cig/ 'di nas shar phyogs na glog 'od snang ba'i rgyal po su ta a ga ta zhes bya ba dang / lho phyogs na 'od snang ba'i rgyal po sha te ru zhes bya ba dang / nub phyogs na glog 'od snang ba'i rgyal po tsu ta kAng zhes bya ba dang / byang phyog na glog 'od snang ba'i rgyal po su ta ma ni zhes bya ba so so na gnas te/ rigs kyi bu 'am/ rigs kyi bu mo gang la la zhig glog gi rgyal po 'di dag gi ming thos shing phyogs shes par gyur na gang zag de 'jigs shing skrag pa'i dngos po thams cad dang bral bar 'gyur zhing / glo bur gyi gnod pa thams cad rab tu zhi bar 'gyur ro// gal te gang du gnas pa'i gnas der phyogs bzhi'i glog gi rgyal po 'di dag gi ming yi ger bris par gyur na/ gang du gnas pa'i gnas de dag tu 'brug dang / glog gi 'jigs pa med cing gdon bgeg dang gnod pa'i sgrib pa med par 'gyur/ dus ma yin par glo bur du 'chi ba thams cad thag ring du spong bar 'gyur ro// de nas bcom ldan 'das kyis gzungs bka' stsal pa/ tad+ya thA ni mi ni mi ni mi/ ni mi thaMn dre ste lo kya/ lo ka ni shi ri sho la ba ni/ ha ra kra ha ra ku bdag ming 'di zhes bya ba'i gnas 'dir 'jigs shing skrag pa thams cad dang / sdug bsngal gyis 'tshe ba dang / 'brug dang / glog dang / thog thog 'bab pa dang / glo bur du 'chi bar 'gyur ba ji snyed pa thams cad dang bral bar gyur cig swa hA/ de nas byang chub sems dpa' sems dpa' chen po spyan ras gzigs kyi dbang phyug 'khor mang po'i nang du 'dug pa stan las langs te/ bla gos phrag pa gcig la gzar nas/ gus pas thal mo sbyar te/ bcom ldan 'das la 'di skad ces gsol to/ / bcom ldan 'das bdag kyang dang lha dang mi rnams la sman par dgyi ba dang / 'jig rten la brtse ba dang / thams cad yongs su bsrungs nas bde ba thob par bgyi ba dang / mthu chen po'i stobs dang ldan zhing smon pa rnams yid bzhin du 'grub par bgyi ba'i ched du/ bcom ldan 'das kyi spyan sngar yid bzhin gyi nor bu rin pon gzungs gang lags pa mdo tsam zhig bstan par bgyi'o/ / de nas gzungs sngags smras pa/ tad+ya thA/ gA te/ b+he gA te/ nI gA te/ ni grA te/ pa risti kI/ pa ri ti mi shri/ shud de mog tu bi ma le/ pa ri b+ha swa re/ an tsa ri/ pan tsa ri/ shud d+he pan tsa ra/ be si ni/ ha re/ ka tsa ra kab pi re/ pang+gi la a khi/ d+ha da mu khi/ rak+ka ra kA/ bdag ming 'di zhes bgyi ba'i gnas 'dir 'jigs shing skrag pa thams cad dang / sdug bsngal gyis 'tshe ba nas/ glo bur du 'chi ba'i bar ma thams cad dang bral bar gyur cig/ bdag gis sdig pa'i dngos po ngan pa thams cad mi mthong zhing rtag par byeng chub sems dpa' 'phags pa spyan ras gzigs dbang phyug gi thugs rje chen po'i byin gyi rlabs kyis dgongs shing yongs su srung bar gyur cig swa hA/ de nas byang chub sems dpa' lag na rdo rje gsang ba pa'i bdag po stan las langs te/ gus pas thal mo sbyar nas/ bcom ldan 'das la 'di skad ces gsol to// bcom ldan 'das bdag kyang deng lha dang mi rnams la sman pa cher bgyi ba dang / 'jig rten la brtse ba dang / thams cad yongs su bsrungs nas/ gzi byin chen po'i mthu dang ldan pa dang / smon pa rnams yid bzhin du 'grub par bgyi de'i ched du mi 'pham pa zhes bgyi ba'i gzungs bshad par bgyi'o/ / de nas gzungs sngags smras pa/ tangad+ya thA/ nu ni mu ni mu na li ma tim sus ti/ ma hAs ti/ 6/ bzhin sti/ tIthAthA/ badz+ra pA ni/ a haH/ tsi ritsaswAH/ bcom ldan 'das bdag gi gzungs sngags 'di nim 'pham par bsrung ba zhes bgyi ste/ skyes pa 'am/ bud med gang la la zhig sems rtse gcig tu yang dag par bzung ste yi ger 'dri ba dang / klog pa dang / 'don pa dang / mi sbyang cing rjes su dran par bgyid na/ bdag gdugs mtshan du de la yongs su srung bar bgyid pas/ 'jigs shing skrag pa thams cad nas/ glo bur du 'chi ba'i bar thams cad ring du spong bar 'gyur lags so/ / de nas mi mjed kyi 'jig rten gyi khams kyi bdag po tshangs pa chen po stan las langs te/ gus pas thal mo sbyar nas/ bcom ldan 'das la 'di skad ces gsol to/ / bcom ldan 'das bdag la yang shin tu gya nom pa'i chos kyi rnam grangs kyi gzungs lha dang mi rnams la rgya cher phan 'dogs pa 'jig rten la rab tu brtse ba thams cad yongs su srung bar bgyid pa dang / gzi byin chen po'i mthu dang ldan pa/ smon pa rnams yid bzhin du 'grub par bgyid pa mchis te/ gzungs sngags de bshad par bgyi'o// tad+ya thA/ hi li mi li/ d+hi li swahA/ bra bla ba phu te/ bra h+ma ma ni/ brah+ma gan+d+he/ pu sha pa sing sing d+ha re swAhA/ bcom ldan 'das bdag gi gzungs 'di ni tshangs pa'i chad pas bcad pa zhes bgyi ste/ gzungs 'di 'dzin pa dag la yongs su srung bar mya ngan gyi gnod pa dang / sdig pa'i las rnams thag ring du spong zhing glo bur du 'chi ba'i bar thams cad kyang yongs su spong bar bgyid do/ / de nas brgya byin lha'i dbang po stan las langs te/ gus pas thal mo sbyar nas/ bcom ldan 'das la 'di skad ces gsol to/ / bcom 'das bdag la yang badz+ra sha ni zhes bgyi ba'i gzungs rig sngags chen mo 'jigs shing skrag pa dang / gdon bgegs thams cad rab tu sel ba dang / glo bur du 'chi ba thams cad thag ring du spong ba/ sdug bsngal bas drangs nas/ bde ba stsol ba lha dang mi rnams la sman par bgyid pa mchis te/ gzungs de bshad par bgyi'o// tad+ya thA/ bi ni pa ri ni/ b+han d+yA ma d+han taM/ ma ni ne/ di di shi gu le/ gan+d+ha re/ tsamaDa re/ ma tang gi/ pu ka ka si[:]sa ra b+hA ra b+he/ hi na ma tu ta ma ma/ hi na ma ma/ on ta ra ni mo ha ra ni/ da ra ni kaM/ tsakra b+ha kye/ sha ba re/ sha ba re swAhA/ de nas lha'i rgyal po rnam thos dang / lha'i rgyal po yul 'khor srung dang / lha'i rgyal po 'phags skyes po dang lha'i rgyal po mig mi bzang cig car stan las langs te/ gus pas thal mo sbyar nas/ bcom ldan 'das la 'di skad ces gsol to// bcom ldan 'das bdag cag lo yang sem can thams cad la mi 'jigs pa sbyin pa zhes bgyi b+ha'i gzungs sdug bsngal gyis nyon mongs pa las rtag par yongs su bskyabs nas bde ba thob par bgyid pa/ 'phel bar bgyid cing / nad kyi sdug bsngal ma mchis par bgyid pa/ glo bur du 'chi ba'i bar thams cad thag ring du spong bar bgyid pa mchis te/ gzungs sngags de brjod par bgyi'o/ / tad+ya thA/ puSh+pe/ su dz+ra// dum pa pa ri ha ri/ Ar+yA pa ri sha se/ shan ni ra mog/ mang ga le sU ru / sid+d+hi bi ti swAh+na/ de nas yang klu'i rgyal po chen po mang di m+b+ha/ ba man pa dang klu kyil lo klog 'di dang ma 'i mdzes pa dang / ba zag la brdzunan 'dis segs yangasate/ gus pas thal mo sbyar nas/ bcom ldan 'das la 'di skad ces gsol to// bcom ldan 'das bdag la yang yid bzhin gyi nor bu rin po che zhes bgyi ba'i gzus grogs smras pa la 'gag par bgyid pa/ 'jigs shing skrag pa rnams rab tu sel du/ lha dang myi rnams la rgya cher phan 'dogs pa/ 'jig rten la nyid brtse ba thams cad yongs su su bdag ji byin chen po'i mthu dang ldan pa/ smon pa rnams yid bzhin du 'grub pa/ glo bur du 'chi ba'i bar thams cad thag ring du spong ba/ dug thams cad rab tu zhi bar 'gying ba byad snyems dang / sngags dang / bkra mi shis pa'i dngos po thams cad yongs su sel bar bgyid pa mchis te/ bdag cag gzungs sngags 'di bcom ldan 'das la 'bul nu/ thugs rjes thugs brtse bar dgongs te/ bdag cag klu'i 'gro ba 'di dang / ser sna'i 'dod pa gtan du spang ba'i slad du bzhes su gsol/ de ci'i slad du zhe na/ ser sna'i 'dod pa 'di'i dbang gis 'khor ba na sdug bsngal mang po myong bar gyur pas/ bdag cag ser sna'i 'dod pa'i sa bon yongs su gcod par 'tshal lags so// de nas gzungs sngags smras pa/ tad+ya thA/ a tsa le a ma le/ a mr-i te/ ak+Sha akrA ya/ a be ye pu ne pa ri ya b+had dre/ sarba pa pa/ pa ri sa ma ni ye swAh+ma/ a li ya pan du/ so ba ni ye swAhA/ bcom ldan 'das rigs kyi bu 'am/ rigs kyi bu mo gang la la zhig rig sngags 'di g.yar kha nas rjod par bgyid dam/ yi ger bris te glegs bam du bgyis nas/ 'chang zhing 'dzin par bgyid dam/ klog cing 'don par bgyid dam/ gus pas mchod pa bgyid na/ 'brug dang / glog dang / thog thog mi 'bab cing / skrag pa dang / 'jigs pa dang / sdug bsngal gyis nyon mongs pa dang / mya ngan dang / nad dang / glo bur du 'chi bzhi par thams cad thag ring du spong bar 'gyur/ byang snyoms dang / mi la gnod pa bgyid pa'i sgeg dang / seM dang / spyang ki dang / sbrul gdug pa rnams dang / sbrang bu mchu rings la sogs pas kyang gnod pa dgyid par mi 'gyur lags so// de nas bcom ldan 'das kyis/ 'khor mang po rnams la bka' stsal pa/ legs so legs so// gzungs sngags 'di dag thams cad mthu chen po dang ldan pas/ sems can gyi mos pa ji lta ba bzhin du sems la bsam pa'i dngos po rnams yongs su rdzogs par byed/ / rgya cher phan 'dogs par byed do// sems rtse gcig tu ma byas pa ni ma gtogs te/ khyed cag the tsom ma za zhig/ de nas 'khor mang po rnams bcom ldan 'das kyis de skad ces bka' stsal pa thos pa dang / rab tu dga' bas mngon par yid ches par gyur nas/ bka' yang dag par bzung bar gyur to/ / gser 'od dam pa mchog tu rnam par rgyal ba mdo sde'i rgyal po las/ yid bzhin nor bu rin po che'i gzungs le'u ste bcu bzhi pa'o// // de nas lha me spobs pa chen mo 'khor mang po'i nang nas stan las langs te/ bcom ldan 'das kyi zhabs la mgo bos phyag byas nas/ bcom ldan 'das la 'di skad ces gsol to// bcom ldan 'das chos smra ba'i mkhan po gang la la zhig gser 'od dam pa mchog tu rnam par rgyal ba mdo sde'i rgyal po 'di yang dag par ston par bgyid na/ bdag gi shes rab 'phel bar bgyis nas/ rgyan dang ldan pa'i tshig gi spobs pa phun sum tshogs par 'gyid do// gal te chos smra ba'i mkhan po de mdo sde 'di las tshig 'bru dang / yi ge dang / tshig gi don skud pa zhig mchis na yang / thams cad rjes su dran zhing legs par khong du chud par bgyis nas/ gzungs kyi kun 'dzin thogs pa ma mchis pa stsal bar bgyid do// gzhan yang gser 'od dam pa mchog tu rnam par rgyal ba mdo sde'i rgyal po 'di sems can gang dag sangs rgyas brgya stong du ma las dge ba'i rtsa ba bskyed nas/ yongs su 'dzin par bgyid pa de dag gis 'dzam bu'i gling 'dir rgya cher spel nas/ myur du nub par mi 'gyur zhing / sems can tshad ma mchis pa snyed mdo sde 'di thos pa'i dbang gis thams cad shin tu myur ba'i spobs pa dang bas pa ma mchis pa'i shes rab chen po bsam gyis mi khyab pa thob nas/ bstan bcos sna tshogs dang / sgyu rtsal rnams la rab tu mkhas pa dang / 'khor ba las myur du nges par byung nas/ bla na med pa yang dag par rdzogs pa'i byang chub mngon par rdzogs par 'tshang rgya bar bgyid do// tshe 'di nyid la yang tshe 'phel zhing 'tshe ba'i yo byad rnams phun sum tshogs par bgyid do/ / bcom ldan 'das bdag gis mdo sde 'dzin pa'i chos kyi mkhan po de dag dang / sems can gzhan gang mdo sde 'di nyan par mos pa de dag gi ched du sman la sngags kyis btab nas khrus bgyi ba'i cho ga bshad par 'tshal te/ des de dag la gza' ma rungs pa ltas ngan ston pa ci mchis pa dang / dang po btsas pa'i gza' skar dang / phan tshun mi mthun par gyur pa dang / nad kyi sdug bsngal dang / 'thab pa dang / rtsod pa dang / g.yul 'gyed pa dang / rmi lam ngan pa dang / gdon 'gegs dang / byad stems dang / drug dang / ngan du bgyis pa dang / sngags dang / ro langs dang / 'di lta bu la sogs pa'i sdig pa rnams kyi sgrib pa dang / bgegs bgyid pa thams cad yongs su bsal nas rab tu zhi bar bgyid pas blo dang ldan pa rnams kyis khrus kyi cho ga 'di ltar bgyi ste/ des sman spos kyi ro dang ldan pa sum cu rtsa gnyis po 'di lta ste/ shu dag 'gi'u wang dang ni spri ka spos/ / gla rtsib bla dag dang shi rare sha/ in dra hasta sha ma ka sha mi// thang chu dang ni shing tsha gla skang dang // a ka ru dang tsan dan ta ka ra// sa la ki deng gur kum ha las// nar+tha smyig bcud su ki ma me la dang / / zang shing pa tra dang ni on shi la// sel gyi dang smrab shu kul dang // yungs kar go stod nag ge sa ra// sar tsa ra su ru rta cha mnyam brdzi// skur ma rgyal la gcig tu btags nas ni/ / spos kyi bye ma de dag rab blangs te// sngags 'dis lan brgya rtsa brgyad gdab par bgyi// sngags ni 'di lta ste/ tad+ya thA/ su krid tre/ kri ta ka ma da le/ dz+nyA no/ ka ran d+ye u ka ra te/ yi dra shA ri ni/ yak+sha ran te/ bA sha tsi le/ pa b+had rbe/ ka si kaM na/ ku du ku du/ kha ka biR+Sha/ kA bi le ka pa la/ ka bi la mi shI la ma ti/ sin d+haM du ra ma traM/ pa bad ku/ b+han tsi li/ shi ri shi la/ sad d+ha k+ti te swA hA/ gal te chos bzhin khrus ni bgyid 'tshal na// dkyil 'khor gru bzhi khru brgyad pa 'gyis nas/ / rab tu dben zhing bde ba'i gnas dag tu// don gang sgrub pa sems la dran par bgyi// ba lang lci bas dkyil 'khor byugs nas ni// steng du me tog kun tu bkram par bgyi gser dngul snod ni shin tu gtsang ma dag/ ro mchog 'o ma sbrang rtsis bkang bar bgyi// dkyil 'khor de yi sgo bzhi dag tu yang // skyes bu bzhi zhig chos bzhin bsrung du stsal/ gzhon nu bzhi zhig lus ni rab brgyan nas// so sor gra rer chab kyi bum pa thogs// der ni rtag par gu gul bsregs nas ni// dbyangs lnga'i rol mo rgyun mi 'chad par bgyi dkyil 'khor de yi ngos bzhi dag tu yang / / ba dan gdugs dang lnga ldi mdzes par bgyi// dkyil 'khor nang du me long gsal ba dang // ral gri rnon po mnga' bzhi gzhag par bgyi dkyil 'khor dbus su gzhong kun che stsal nas/ / 'dzeg pa'i shing leb de yi steng du bzhag/ snga ma'i phye ma chab dang sbyar nas ni// dkyil 'khor de yi nang du gzhag par bgyi/ de ltar bags zhing rnam par bags na nA~M// de nas sngags bzlas dkyil la kho mamams gcad ts+tsha// mtshams gcad pa'i sngags ni 'di lta/ tan a na ra ke/ na ya ni/ hi li me le khe le/ khi khi le swA hA de ltar mtshams ni rab bcad nas// dkyil 'khor nang du zhugs nas ni// nyi shu rtsa gcig chab sngags te/ phyogs bzhi dag tu gtor bar bgyi// de nas spos chab dag la ni// brgya rtsa brgyad tshang sngags btab ste// ngos bzhir yol bas bskor nas ni// de 'og lus ni bkru bar bgyi// chab dang spos chab la gdab pa'i sngags ni 'di lta ste/ tad+ya thA/ sa gartsi/ bi gartsi/ bi gartsi/ bi gartsa/ b+had dre s+thAh+ma/ khrus bgyis lags nas/ khrus bgyis pa'i chab dang / dkyil 'khor gyi nang du mchod pa bgyis pa'i bza' ba dang / btung ba ci mchis pa gtsang po 'am/ rdzing gi nang du dor bar bgyi zhing gzhan ni bsdu bar bgyi'o// de ltar khrus bgyis lags nas gos gtsang ma bgos te/ dkyil 'khor nas phyir byung nas/ khang pa gtsang ma'i nang du zhugs te/ sngags mkhan gyis de dag yi dam rgya chen po blang du stsal nas/ sdig pa sna tshogs gtan du bcad cing / dge ba sna tshogs rtag par spyad nas/ sems can rnams la snying rje chen po bskyed par bgyi ste/ rgyu dang rkyen des na yid bzhin gyi bsod nams kyi rnam par smin pa tshad ma mchis pa snyed 'thob par 'gyur lags so/ / yang tshigs su bcad de gsol pa/ sems can gang zhig nad kyi sdug bsngal nyen// sman dpyadang sna tshogs gsol kyang ma sos pa/ khrus kyi cho ga 'di bzhis khrus bgyis te// gzhan yang mdo sde 'di ni klog bton nas// gdugs mtshan rtag par sems ni mi g.yeng bar// rtse gcig gus pas dang sems bskyed bgyis nas nad kyi sdug bsngal bas par zhi bar 'gyur/ / dbul 'phongs thar nas nor dang ldan par 'gyur// phyogs bzhi'i gza' skar nyi zla'i lha// mthu yis rab bsrungs tshe ni ring bar 'gyur// bkra shis rab bde bsod nams yongs su 'phel// ltas ngan gnod bgegs thams cad sel bar bgyid// de'i 'og tu lus srung ba'i sngags lan nyi shu rtsa gcig bzla bar bgyi'o// sngags ni 'di lta ste/ tad+ya thA/ sam me/ bi sa ma me swAhA/ sa ga te ga te swAhA/ big tsa b+had dre swahA/ sa ga ra/ sam bud+d+hA ya sAhA/ skan d+ha ma tA ya stAt+ma/ nI la kan thA ya swAH a pa ra tsi ta/ baR+ya ya swA hA/ hi ma bin d+ha ya swAhA/ a ni mi la b+ha tra ya swA hA/ prah+ma ma s+ya swA hA/ na mo sa ra swa ste/ mahA de baM ye swAhA/ sid d+h+yan man/ man+ta pA da swAhA d+ha ra to/ / bi tsi da/ pra h+ma ma nor bi to swAhA/ de nas lha mo spobs pa chen mo khrus kyi cho ga dang / dkyil 'khor gyi sngags bshad nas/ bcom ldan 'das kyi zhabs la phyag byas/ bcom ldan 'das la 'di skad ces gsol to// bcom ldan 'das dge slong dam/ dge slong ma 'am/ dge bsnyen nam/ dge bsnyen ma gang la la zhig mdo sde'i rgyal po dam pa 'di len pa dang / 'dzin pa dang / klog pa dang / kha ton du 'don pa dang / yi ger bris nas spel ba dang / ji skad bstan pa bzhin du spyod par bgyid na grong khyer ram/ grong rdal lam/ 'brog dgon pa 'am/ ri 'am/ nags tshal lam/ dge slong ngam/ dge slong ma'i gnas gang yang rung ba dag tu gnas kyang rung ste bdag de'i ched du 'khor rnams dang lhan cig lha'i rol mo bgyis nas/ de'i thang du mchis te yongs su skyob pa dang / srung ba bgyis nas nad kyi sdug bsngal dang / skar mda' ltung ba dang / ltas ngan dang / rims nad dang / 'thab cing rtsod pa rnams sel bar bgyid/ rgyal po'i khrims kyis bzung ba dang / rmi lam ngan pa dang / 'dre srin ma rungs pas gnod pa bgyid pa dang / byad stems thams cad rab tu zhi bar bgyis nas/ mdo sde 'dzin pa'i gang zag dge slong la sogs pa'i 'khor dang / nyan pa'i 'khor rnams myur du 'khor ba'i rgya mtsho chen po las yongs su bzlas nas/ byang chub las ldog par mi 'gyur bar phan 'dogs par bgyid do// de nas bcom ldan 'das kyis de skad ces gsol ba gsan pa dang / lha mo spobs pa chen mo la/ lha mo khyod kyis sems can tshad med cing mtha' med pa dag la phan pa dang / bde bar bya ba'i phyir ched du rig sngags de dag dang / spos chus khrus bya ba dang / dkyil 'khor gyi cho ga rnam par smin pa'i 'bras bu bsam gyis mi khyab pa dang ldan pa yang dag par bshad pa legs so legs so zhes bsngags pa brjod nas/ khyod kyis mdo sde'i rgyal po mchog dam pa 'di bsrungs nas/ myur du nub par mi 'gyur zhing / rtag par rgya cher gnas par 'gyur bar byos shig/ de nas lha mo spobs pa chen mos bcom ldan 'das kyi zhabs la phyag byas nas/ rang gi stan la 'dug par gyur to// de nas bram ze ko'u di rgya chos kyi slob dpon gyis lung bstan/ bcom ldan 'das kyi byin gyi rlabs kyi mthus/ 'khor mang po'i mdun du lha mo spobs pa chen mo la mngon par bstod pa/ shes rab spobs pa ldan pa'i lha mo khyod/ lha mi'i mchod pa dag gis mchod par 'os// grags pas 'jig rten kun tu rgyas pas na// sems can thams cad re ba rdzogs par byed// ri rtse mthon po gnas mchog dag tu yang / / rtswa bsdus khyim byas de na rab tu gnas// rgyun du rtswa 'jam mdud nas gos byas te// rtag par rkang pa ya gcig bkug ste 'greng// lha 'khor mang po thams cad 'dus lhags nas thams cad rtse gcig sems kyis khyod la bsngags/ / shes rab spobs pa ldan pa'i lha mo khyod// tshig snyan gya nom thams cad sbyin par gyis// de nas lha mo spobs pa chen mo des gsol ba btab pa mnyan nas/ gzungs sngags smras pa/ tad+ya thA/ mo re tsa re/ a b+had d+he/ a b+had tse b+had d+he/ hing gu le/ ming gu le/ ming gu la b+hud de/ ang gu she/ mA ri tsaM/ sam mad tre/ b+hi sa ma mad tre/ ag kr-i/ mag kri da ra tsi da ra tsa b+had de/ tsi tsi ri/ shi ri mi ri/ ma nan d+hi dam khi/ ma ri tsi/ pa ra ran bir+ye/ lo ka tse sh+ma/ lo ka shi le/ byir tse lo ka bi re/ sid d+ha ba ra te/ bi ma mu khri/ shu tse tsa re/ a pa ra d+he/ ka te/ a pa ra te/ hA bud+d+hi/ na mo tsi/ ma hA de dza/ prad de/ gri ragrin na ma ska ra/ bdag gi ming brjod/ bam bud d+hI/ dra sha tsi b+hu d+hi/ a pra di ha d+ha/ ba ba du/ si b+ha me/ bi shud tsi to/ shash+ma shu lo ka/ man+tha/ b+hi di ka/ ka pi ya d+hi shwa/ tad+ya thA/ man+ta par/ ba b+he hi li mi li/ hi ma mi/ bi tsa to/ ba bud+d+hi/ bdag gi ming brjod/ ma ma bud+d+hi bi shud d+hi/ b+ha ga bang t+yam/ de ba yam/ sar swed t+ya/ kar d+he/ ke'u yu ra/ ke yu ra ma tsi li mi li/ a b+ha ya mi/ ma hA de pe/ bud+d+ha sad te na/ d+harma satwa na/ sang g+ha sang te na/ in+d+ra sad te na/ ba run sad te na ye lo kye/ sad t+ya sad d+hi na/ te shams da de na/ sad bye ba tsa ni na/ a ba ha ma mi/ ma hA de wa/ ti i mi li/ hi li mi mi/ bi tsa ra to/ bdag gi ming brjod/ ma mabud d+he/ na mo b+ha ga wa da ti mahA de wa/ sa ra srad tra/ sid d+hAn tu man+ta pA dA ni swA hA/ de nas lha mo spobs pa chen mos gzungs sngags 'di bstan nas/ bram ze de la 'di skad ces kyi skyes bu chen po sems can rnams kyi ched du spobs pa gya nom pa dang / rin po che dang / rdzu 'phrul dang / shes rab yongs su gnyer nas/ thams cad la rgya cher phan btags te/ myur du byang chub mngon du byed par 'dod pa legs so legs so// de ltar shes par byas nas cho ga 'di gzung bar bya'o zhes smras nas/ yang tshigs su bcad de smras pa/ thog ma kho nar gzungs 'di kha ton du// byang zhing nor pa med par bslabs nas ni// byin gyis rlob cing smon pa rdzogs bya'i phyir// dkon mchog gsum dang lha rnams skyabs 'gro zhing // sangs rgyas chos dang byang chub sems dpa' dang // rang rgyal nyan thos tshogs la gus phyag bya/ / de 'og tshangs pa brgya byin lha dbang dang // 'jig rten skyong dang rgyal po chen po bzhi// rtag par tshangs par spyod pa thams cad la// rtse gcig gus pas gus par phyag byas nas// dgon pa rab tu dben pa'i gnas dag tu// skad cher snga ma'i sngags dang cho ga gdon// sangs rgyas sku gzugs lha klu'i mdun dag tu// ji tsam 'byor pas mchod pa bsgrub par bya// sems can rnam pa de dag thams cad la// byams dang snying rje ba yi sems kyang bskyed// bcom ldan gser sku shin tu gya nom mtshan// g.yeng ba med sems rtsa gcig dran par bya/ / bcom ldan yang dag chos ston dgongs mdzad pas// dbang po ji bzhin tid 'dzin sgom la dgod// de yi tshig gi don ni legs soms la// stong pa nyid brten rab tu sgom par gyis/ / bcom ldan sku gzugs dag gi spyan sngar ni// rtse gcig yang dag dran pas gnas byed nas// gya nom ye shes ting nge 'dzin dag dang // gzungs mchog dam pa dag kyang 'thob par 'gyur/ / bcom ldan gser zhal yang dag chos bstan nas// gya nom dbyangs kyis lha mi 'dul bar mdzad// ljags brkyang ya mtshan rkyen bzhin rab ston pas/ / yangs ring stong gsum 'jig rten khyab par mdzad// bcom ldan gsung dbyangs gya nom de 'dra ba// rtse gcig dran na sems la 'jigs med 'thob// bcom ldan smon lam rgya chen btab pa'i dbang / / ljags mtshan bsam gyis mi khyab 'di brnyes nas// chos rnams yod pa ma yin gsungs mdzad pas// dper na nam mkha' chags pa med pa 'dra/ / bcom ldan gsung dbyangs dag dang ljags mtshan rnams// dran pa nyer gzhag gzhal med smon rdzogs 'gyur// gal te lha mo spobs chen mchod mthong ngam// slob mas slob dpon rjes slob mthong nas ni/ / gsang ba'i cho ga 'di blangs sgom byed dam// bla mar byed na sems la bsam pa 'grub// gang zhig ye shes dam pa mchog 'dod na// rtse gcig sems kyis chos 'di gzung bar bya/ / bsod nam ye shes yon tan 'phel byed pas// nges par 'grub 'gyur the tsom yongs ma skyed// nor tshol dag ni nor ni rnyed par 'gyur// grags pa gnyer ba grags chen thob par 'gyur/ / nges byung tshol ba rnam par 'grel 'gyur bas// nges par 'grub 'gyur the tsom yongs ma skyed// yon tan tshad med mtha' yas ji snyed pa// sems la bsams bzhin yongs su sdud par byed/ / gal te de ltar chos bzhini spyod nus na// nges par 'grub 'gyur the tsom yongs ma skyed// gtsang ma'i gnas su gos gsar bgos nas ni// dkyil 'khor che chung ji tsam nus par bya// bum pa gtsang ma bzhir ni ro zhim dgang // me tog pog spos ci 'byor mchod par bya// lnga lji ba dan dag dang gdugs bres te// byug spos phye ma kun tu khyab brgyan nas/ / sangs rgyas lha mo spobs chen mchod byed na// lha lus mthong bar 'dod na smon bzhin 'grub// lha mo spobs chen mdun du snga ma'i sngags// zhag ni nyi shu rtsa gcig gdon par bya/ / gal te lha de mthong bar ma gyur na// rtse gcig sems kyis zhag dgu dran par bya// nam gyi cha smad 'on kyang ma mthong na// gnas gtsang dam pa gzhan/ dag btsab nas ni// lha mo spongs chen gzugs ni rab zis te// mchod nas bzlas brjod sems kyis mi gtang zhing // nyin mtshan le lo'i sems ni mi skyed na/ bdag dang gzhan la phan thogs mthar thug med// rnam smin gang thob skye dgu smin byed na// smon pa thams cad yongs su rdzogs par 'gyur// gal te yid bzhin ma grub zla ba gsum// yang na drug dang dgu dang lo gcig bar// rab brtson gsol 'debs sems ni mi g.yon// lha yi mig dang gzhan sems shes thob 'gyur// de nas bram ze ko'u di n+yas de skad ces bstan pa thos pa dang / dga' mgu rangs shing ngo mtshar du gyur nas/ 'khor mang po rnams la 'di skad ces/ kye khyed cag lha dang mi'i 'khor mang po thams cad shes par byos la sems rtse gcig tu deng bdag gis kun rdzob kyi bden pa'i chos la brten nas/ lha mo spobs pa mchog dam pa de dag ga la ba bsngags pa brjod pa nyon cig smras nas tshigs su bcad de smras pa/ 'jig rten dag na dbang phyug thob gyur pa// lha mo mthu chen thob la gus phyag 'tshal// deng bdag gtso mo de la bsngags pa yang // sngon gyi drang srong ji skad bstan pa bzhin// bkra shis yongs rdzogs sems ni bde bar gnas/ / sems gsal ngo tsha khrel yod grags dang ldan// ma ma byas te 'jig rten rab tu skyed// rab dpa' rtag par brtson 'grus chen po sprod// 'thab mo g.yul du rtag par rgyun du rgyal/ / rab dul byams sems bzod pa gsol bar byed// da ltar gshin rje'i sring mo chen mor gyur// gos su rtag par dar tshen sngon po gyon// sdug dang mi sdug byad bzhin kun dang ldan/ / mig ni mthong ba thams cad rab tu sdang // spyod mchog dam pa tshad med 'jig rten 'das// phyogs shing mngon dang mi kun yongs su sdud// res 'ga' ri brag zab mo dag na gnas/ / res 'ga' brag phug gtsang po'i 'gram na gnos// res 'ga' ljon shing nags tshal chen por gnas// lha mo phal cher 'di dag kun tu gnas// ri dang nags tshal mi rgod ji snyed pa/ / rtag par lha mo la ni mchod pa byed// rma bya'i sgros ni rgyal mtshan ba dan byed// dus su mchog tu rtag par 'jig rten skyong // stag dang seng ge spyang kis rgyun du bskor/ / gnag lug bya la sogs pas rten yang 'cha'// dril chen bsgrags nas sgra ni phyung bas na// byin ti'i ri la sgra ni kun tu grags// res 'ga' rtse gsum tri shu l-i thogs byed cing / / g.yas g.yon rgyun du nyi zla ru mtshon 'dzin// zla ba nag po'i tshes dgu bcu gcig la// de yi dus su rtag par mchod pa bya// res 'ga' ba su lha chen sring mor ston// g.yul 'gyid mthong na rtag par snying yang brtse/ / sems can thams cad rnam par blta ba la// lha mo mchog tu gyur pas 'das pa med// res 'ga' ba rdzi bu mo dga' mor ston// lha dang 'thab tshe rtag par rgyal ba 'thob/ / 'jig rten dag na yun ring gnas par byed// rab dul bzod dang khro gtum ston par byed// bram ze chen po rig pa'i chos bzhi dang // sgyu 'phrul sngags sogs thams cad rab tu rtogs// drang srong nang na rang dbang dag dang ldan// sa bon dang ni sa chen byed par nus// lha yi bu mo la sogs 'dus pa'i tshe// rgya mtsho'i rlabs ltar nges par der yang 'du/ / klu dang gnod sbyin mang po'i tshogs kun gyi// gtso bor gyur pas rab tu dul bar byed// bud med nang na tshangs spyod mchog dang ldan// tshig byung dper na 'jig rten bdag po 'dra/ / rgyal po'i gnas na pad+ma dag dang mtshungs// chu bo'i 'gram na gnas tshe gru za ma bzhin// byang bzhin sdug mdzes zla ba nya ba 'dra// mang thos phun tshegs gnas dang rten yang byed/ / spobs pa mchog byung ri rtse mthon po 'dra// dran pa thams cad kun gyi gling yang byed// lha ma yin la sogs te lha tshogs rnams// thams cad 'di yi yon tan bsngags par byed/ / mig stong brgya byin lha yi dbang pos kyang // gus pa'i sems kyis lta zhing rab tu rtogs// sems can gang zhig re zhing tshol ba yod// de dag thams cad myur du 'grub par byed/ / yid myur spobs dang chos 'dzin ldan byed pas// sa chen steng na mchog tu gyur pa yin// phyogs bcu'i 'jig rten khams ni 'di dag tu// mar me che ltar rtag par kun gsal byed/ / tha na lha 'dregacan gzan dag la yang // de dag bsams bzhin thams cad rdzogs byed 'gyur// bud med rnams kyi nang na ri rtse 'dra// sngon gyi drang srong ji bzhin yun ring gnas/ / lha mo gzhon nu ji bzhin 'dod chags spangs// 'jig rten bdag po che bzhin bden tshig smra// 'jig rten kun gyi khyad par rgyud rnams dang // 'dod khams lha yi khang pa kun bltas/ naHlha mo 'ba' zhig gtso mor gyur pas na// sems can mchog tu gyur pa yong mi snang // gal te g.yul 'gyed 'jigs pa'i gnas dag dang // me dong lhung ba dag ni mthong gyur tam// chu bo nyam nga chom rkun 'jig pa'i tshe/ / 'jigs pa de dag thams cad sel bar nus// gal te rgyal po'i khrims kyis bcings sgrogs sam// gal te sha chags gsod par byed pa'i tshe// sems ni rtse gcig mi g.yo gnas gyur na/ / nges par mya ngan sdug bsngal kun las thar// dge sdig mi kun yongs su skyob pas na// byams dang snying rje brtse ba rtag mngon snang // de phyir bdag ni bsam pa rtse gcig tu/ / lha mo che la phyag 'tshal skyabs su mchi// de nas bram ze des sngags dang / bsngags pa brjod pa'i tshig gis lha mo de la mngon par bstod pa/ 'jig rten gcol phyag 'tshal gus phyag 'tshal/ / ma rnams nang na kun gyi mchog gyur pas// 'jig rten gsum po thams cad khyod la mchod// byad bzhin rab mdzes kun gyis blta bar mos// yon tan dam pa sna tshogs lus rab brgyan/ / mig yangs 'dra sngon po'i 'dab ma 'dra// bsod nams ye shes snang ba'i grags pas rgyal// dper na rin thang med pa'i nor bu mtshungs/ deng bdag dam pa khyod la bsngags pas na// sems la bsams pa thams cad 'grub par 'gyur// yang dag yon tan bkra shis gya nom pa// pad+ma lta bur shin tu rnam pa dag/ lus mdog rab mdzes kun gyis blta bar mos/ / mtshan mang ngo mtshar bsam gyis yong mi khyab// dri med ye shes 'od zer rab 'gyed pas// dran pa kun gyi nang na mchog tu gyur// ji ltar seng ge gcan gzan mchog gyur ltar/ / rtag par lag pa brgyad kyis bdag nyid brgyan// so sor mda' gzhu ral gri sta re dang // tho rings lcags kyu 'khor lo zhags pa thogs// rab mdzes lha mo zla ba nya ba 'dra/ / tshig la thogs med dbyangs snyan 'byin par byed// sems can gang zhig sems la smon yod na// skyes bu dam pas bsams bzhin rdzogs par byed/ brgya byin lha mang kun gyis khyod mchod nas// thams cad bsngags brjod skyabs su 'gro bar byed// bsam gyis mi khyab yon tan skyed byed pas// dus rnams kun tu gus pas skyed par byed/ sAhAgs te spobs chen lha me gsol 'dod na// bsngags bstod tshig ni 'di las drung ba bzhin// nang par rnam dag sems kyis rtse gcig 'don// bsam pa'i dngos po thams cad bsam bzhin 'grub/ / de nas bcom ldan 'das kyis bram ze de la khrod kyis sems can rnams la phan gdags shing bde ba sbyin pa'i ched du/ lha mo de la bsngags pa brjod nas byin kyis rlob par gsol ba btab pas/ bsod nams dpag tu med pa 'thob par 'gyur ba legs so legs so zhes bka' stsol to// / gser 'di dam pa mchog tu rnam par rgyal ba mdo sngar rgyal po'i mdo bam po brgyad pa/ / / de nas bram ze ko'u di n+yas gong du bstan pa lta bu'i bstod pa'i tshig dang / sngags kyi tshig gis lha mo spobs pa chen mo la mngon par bstod nas/ 'khor mang po rnams la 'di skad ces smras so// khyed cag lha mo spobs pa chen mo la gsol ba btab nas/ snying brtse ba'i byin gyis brlabs nas/ tshe 'di nyid la thogs pa med pa'i sems myur ba dang / ye shes chen po dang / tshig la shin tu mkhas pa dang / shes pa rgya chen po 'thob pa dang // 'bel ba'i gtam gyis phan tshun lan 'debs pa dang / tshig 'bru'i rgyan yid bzhin du grub nas thogs pa med par 'dod na/ sems rtse gcig tu gus pas 'di ltar gsol ba gdab par bya'o// sangs rgyas la phyag 'tshal lo/ / chos la phyag 'tshal lo// dge 'dun la phyag 'tshal lo// byang chub sems dpa'i tshogs dang // rang sangs rgyas dang // nyan thos dang // 'phags pa thams cad dang / 'das pa dang / ma byon pa dang / phyogs bcu'i sangs rgyas yang dag pa'i bden tshig mngon par grub pa dbang po ji lta ba bzhin du yang dag pa'i bden tshig gsung ba/ mi slu ba'i tshig gsung ba/ bskal pa chen po bye ba tshad med pa snyed du rtag par yang dag pa'i bden tshig gsung zhing / yang dag pa'i bden tshig dang ldan pa thams cad la rjes su yi rang nas phyag 'tshal lo/ / mi bden pa'i tshig ma gsungs pa'i phyir/ yangs shing ring ba'i ljags phyung nas/ nyid kyi zhal dang / 'dzam bu'i gling dang gling bzhi pa dang / stong dang / stong gnyis pa dang / stong gsum gyi 'jig rten gyi khams dang / phyogs bcu'i 'jig rten gyi khams bsam gyis mi khyab pa thams cad kun tu khyab par g.yogs nas/ nyon mongs pa'i gdung ba thams cad rab tu sel bar mdzad pa la gus par phyag 'tshal lo// sangs rgyas ljags kyi mtshan de lta bu dang ldan pa thams cad la gus par phyag byas nas/ bdag ming 'di zhes bya ba shin tu gya nom pa'i spobs pa thams cad dang ldan par smon nas/ sems rtse gcig tu srog phyogs so// sangs rgyas rnams kyi spobs pa dam pa dang / / byang chub sems dpa'i spobs pa dam pa dang // rang rgyal 'phags pa'i spobs pa dam pa dang // zhugs bzhi'i 'bras bzhi'i spobs pa dam pa dang // 'phags pa'i bden pa'i tshig gi spobs mchog dang / / drang srong drang lha'i spobs pa dam pa dang // tshangs 'khor drang spobs pa dam pa dang // lha chen u ma'i spobs pa dam pa dang // skan d+ha lha yi spobs pa dam pa dang / / rgyal po ma ni sa yi spobs mchog dang // yid bzhin lha yi spobs pa dam pa dang // rgyal chen bzhi yi spobs pa dam pa dang // rab gnas lha yi bu yi spobs mchog dang / rdo rje gsang ba'i bdag po'i spobs mchog dang // khyab 'jug lha yi spobs pa dam pa dang // lha mo b+he ma'i spobs pa dam pa dang // biSh+Nu'i lha yi spobs pa dam pa dang // lha mo bzang mo'i spobs pa dam pa dang / / shi ri ma ti'i spongs pa dam pa dang // hi ri tshig gi spobs pa dam pa dang // ma dang ma chen spobs pa dam pa dang // ha ri ti yi mi yi spobs mchog dang // gnod sbyin rnams kyi spobs mchog dam pa dang / / phyogs bcu'i rgyal po'i spobs la gus phyag 'tshal// las mchog ci mnga' thams cad bdag bstangs nas// spobs mchog dam pa mthab med 'thob par shog slu ba med la gus phyag 'tshal/ / rnam par grol la gus phyag 'tshal// 'dod chags spangs la gus phyag 'tshal// 'ching sgrib spangs la gus phyag 'tshal// rnam dag sems la gus phyag 'tshal/ / 'od dang ldan la gus phyag 'tshal// bden tshig sprul gus phyag 'tshal// rdul chags med le gus phyag 'tshal// don mchog gnas la gus phyag 'tshal/ / 'khor mang bdag la gus phyag 'tshal// spobs pa'i lha la gus phyag 'tshal// bdag ni tshig la thogs med shog/ bdag gis ston cing gnyer bar dngos/ thams cad myur du grub par shog/ nad med rtag tu rab bde zhing / tshe ring lo nur 'thob par shog/ rig sngags kun la rab mkhas shing // nan tan byang chub lam bsgoms nas/ skye dgu rgya cher pan btags te/ / bsam pa myur du grub par smon// bdag gis bden tshig smras pa dang // bdag gis slu med smras pa yis// lha mo'i spobs pa gang yin pa// bdag la grub par mdzad du gsol/ / lha mo khyod ni 'dir gshegs te// tshig thogs ma mchis bgyi slad du// bdag lus khar ni myur zhugs nas// yid myur spobs dang ldan par mdzod// bdag gi lce yi dbang po yis// de bzhin gshegs pa'i spobs thob nas// tshig de'i mthu stobs dbang gis na// sems can rnams ni 'dul bar shog/ bdag ni tshig dag smras pa'i tshe/ / don ni ji bzhin grub gyur cing // thos pa dag ni gus bskyed ni// byas pa chud gzon ma gyur cig/ bdag gis spob pa gnyer ba yi// dngos po gal te ma grub na lha mo'i bden tshig gang yin pa/ / thams cad brdzun pa nyid du 'gyur// bdag gis mtshams med sdig byas pa// sangs rgyas gdung gis gdul bar 'gyur// de bzhin degra bcom gang yin dang / / drin gzo'i tshig ni ji snyed dang // shA ri'i bu dang mo'u 'gal bu// bcom ldan 'khor mang mchog gyur pa// 'di la sogs pa'i bden tshig rnams// thams cad bdag la grub par shog/ der bdag sangs rgyas nyan thos 'khor// thams cad 'dir ni spyan 'dren na/ thams cad myur du 'dir gshegs te// bdag gi smon pa rdzogs par smon/ / yang dag bden tshig gang gnyer ba// thams cad bsla ba ma mchis smon// gong du 'og min lha man chad// gnas gtsang ris kyi lha dag dang // tshangs chen tshangs lha nye phan dang / / tshangs pa'i rgyal po'i 'khor rnams dang // stong gsum 'jig rten kun khyab dang // mi mjed 'jig rten bdag po dang // 'khor ni mang po thams cad kun// deng bdag thams cad spyan 'dren na/ / byams dang thugs rje rab bskyed de// thams cad brtse bas gzung du gsol// gzhan 'phrul dbang byed lha rnams dang // 'phrul dga'i lha ni de dag dang / dga' ldan pa yi lha tshogs dang // byams pa mngon par rdzogs 'gyur dang // 'thab bral ba yi lha rnams dang // sum cu rtsa gsum lha dag dang // rgyal chen ris bzhi'i lha tshogs dang / lha mang 'khor ni thams cad dang // sa chu me rlung lha rnams dang // ri rab brten nas gnas pa dang // mtsho bdun ri yi lha tshogs rnams// 'khor ni mang po bcas pa dang / nor rgyas dang ni mgo lnga dang // nyi zla gza' skar lha dag dang // 'di la sogs pa'i lha mang po// 'jig rten bde bar byed pas na// 'di la sogs pa'i lha mang po/ sdig pa'i las ni byed mi mos// sangs rgyas gus pa 'phrog ma dang // de yi bu sdug tha chung dang // lha dang klu dang gnod sbyin dang // dri za dang ni lha ma yin// mi 'am ci yi 'khor rnams dang / / lto 'phye chen po la sogs pa// bdag ni bcom ldan mthu stobs kyis// de dag thams cad sman 'dren na// byams dang snying rje'i sems bskyed nas// bdag la thogs med spobs pa stsol/ / lha dang mi yi 'khor rnams las// gzhan gyis sems ni rig gyur pa// thams cad byin gyis brlabs nas ni// bdag la spobs pa dam pa stsol// nam mkha' khams ni mthar thug dang / / chos kyi dbyings kyis klas pa na// sems can rnam pa ji snyed pas// bdag la spobs pa dam pa sgrol/ de nas lha mo spobs pa chen mos de skad gsol ba btab pa thos pa dang / / bram ze de la 'di skad ces smras so// kye skyes bu chen po legs so// skyes pa 'am/ bud med gang la la zhig sngags de dang / sngags kyi mngon par bstod pa de dag la brten nas/ sngar gong du bstan pa bzhin du chos yang dag par blangs te/ dkon mchog gsum la gus pas skyabs su 'gro zhing sems gcig tu dran pa nye bar 'jog par byed na/ ci dang ci sgrub pa thams cad chung za bar mi 'gyur ro// gzhan yang gser 'od dam pa shin tu gya nom pa'i mdo sde 'di yang dag par gzung ste/ ldog cing 'on par byed na smon pa thams cad 'bras bu dang ldan par 'gyur zhing / sur du mngon par 'grub par 'gyur te/ sems rtse gcig tu ma byas pa de ma gtogs so// de'i tshe bram de shin tu dang ba'i sems kyis rab tu dga' bar gyur pas/ thal mo sbyar nas spyi bos yang dag par blangs par gyur to// de nas bcom ldan 'das kyis/ lha mo smiH pa chen mo la bka' stsal pa/ rigs kyi lha mo khyod kyis mdo sde'i rgyal po dam pa 'di rgya cher spel nas/ mdo sde yang dag par 'dzin pa dag la yongs su bskyab pa dang / yongs su bsrung ba byas pa dang / sems can thams cad la phan gdags shing bde ba thob par bya ba'i ched du chos de lta bu bstan nas/ bsam gyis mi khyab pa'i spobs pa byin te/ bsod nams tshad med pa thob par gyur pa dang / sems bskyed pa rnams myur du byang chub la gzhol bar byas pa legs so// gser 'od dam pa mchog tu rnam par rgyal ba mdo sde'i rgyal po las/ lha mo spobs pa chen mo'i le'u ste bco lnga pa'o/ / / de nas dpal gyi lha mo chen mo stan las langs te/ bcom ldan 'das kyi zhabs la phyag byas nas/ gus pas thal mo sbyar te bcom ldan 'das la 'di skad ces gsol to/ / bcom ldan 'das gal te dge slong ngam/ dge slong ma 'am/ dge bsnyen nam/ dge bsnyen ma gang la la zhig gser 'od dam pa mchog tu rnam par rgyal ba mdo sde'i rgyal po 'di len pa dang / 'dzin pa dang / klog pa dang / 'don pa dang / gzhan dag la yang dag par ston par 'gyid pa zhig mthong bar gyur na/ bdag gis sems rtse gcig tu gus pas bkur sti dang mchod pa bgyid do// chos smra ba de dag la 'di lta ste/ bza' ba dang / btung ba dang / gos dang mal cha dang / gsos sman dang / yo byad ci 'tshal ba thams cad phun sum tshogs par sbyar te/ brel cing 'phangs pa ma mchis par bgyid do// gdugs mtshan du mdo sde'i rgyal po 'di'i tshig gi don ji snyed pa dag la so sor brtags te/ yid la bsams shing yongs su btsal nas/ bde bar gnas pa dang / mdo sde 'di 'dzam bu'i gling du rgya cher spel ba'i slad du sems can gang la la dag sangs rgyas stong tshad ma mchis pa snyed las dge ba'i rtsa ba bskyed do/ / de dag rtag tu thos par 'gyur zhing / myur du nub par mi 'gyur bar bgyid na bskal pa bye ba khrag khrig brgya stong tshad ma mchis pa snyed du lha dang mi'i longs spyod mchog rnam pa sna tshogs myong bar 'gyur lags so/ / rtag par lo legs shing mu ge'i rgud pa gtan du sel bar gyur pas/ skye bo rnams gtan du bde ba myong bar 'gyur/ sangs rgyas bcom ldan 'das rnams dang mjal bar 'gyur/ spang ma'i dus kyi tshe myur du byang chub chen pos 'bras bu thob par 'gyur bas/ ngan 'gro gsum dang / 'khor ba'i sdug bsngal gyi bgegs gtan du gcod par 'gyur lags so// bcom ldan 'das bdag mngon par dran lags te/ 'das pa'i dus kyi tshe/ de bzhin gshegs pa dgra bcom pa yang dag par rdzogs pa'i sangs rgyas bai DUR+Ya dang / gser gyi ri bo rin po che'i me tog snang ba dpal gyi yon tan rgya mtsho zhes bgyi ba mtshan rnam pa bcu dang ldan pa zhig byung ste/ bdag de las dge ba'i rtsa ba bskrun te/ de bzhin gshegs pa des byams pa dang / thugs rje'i byin gyi rlabs kyi mthus brtse bar dgongs par gyur pa'i slad du deng bdag gang du bsam pa'i gnas de dang / gang du bltas pa'i phyogs de dang / gang du mchis pa'i yul de dang de dag tu sems can bye ba khrag khrig brgya stong tshad ma mchis pa skyed shin tu bde ba'i longs spyod myong zhing / gos dang / bza' ba dang / btung ba dang / 'tshe ba'i yo byad dang / gser dang / dngul dang / bai DUn dang / spug dang / rdo'i snying po dang / b+hu ru dang / 'gron bu dang / mu tig la sogs pa rin po che ci 'tshal ba thams cad phun sum tshogs par 'gyur ba lags so// gang yal z hig sems rtse gcig tu gser 'od dam pa mchog tu rnam par rgyal ba mdo sde'i rgyal po 'di klog cing 'don pa des gdugs re bzhin du spos sna tshogs bsregs nas me tog dam pa rnams kyis bdag gi ched du/ de bzhin gshegs pa dgra bcom pa yang dag par rdzogs pa'i sangs rgyas bai DUR+Ya dang / gser gyi ri bo rin po che'i me tog snang ba dpal gyi yon tan rgya mtsho de la mchod par bgyi'o/ / gzhan yang gdugs gcig bzhin du dus gsum du bdag gi ming nas brjod cing rjes su dran par bgyis nas/ logs shig tu spos dang / me tog dang / zas mchog rnams kyis bdag la mchod cing / rtag par mdo sde'i rgyal po dam pa 'di mnyan par bgyid na/ bsod nams 'di lta bu dag thob par 'gyur lag so// de nas tshigs su bcad de gsol pa/ 'di ltar mdo sde 'di ni 'dzin pa'i slad// bdag dang 'khor rnams gnod pa kun dang bral// gos zas ci 'tshal 'phongs pa ma mchis 'gyur// gzi byin ldan zhing tshe yang dpag par dka'// sa yi ri yang rtag tu 'phel bar 'gyur// lha rnams dus bzhin char ni rab tu 'bebs// lha 'khor de dag rab tu dga' bar 'gyur// skyed mos tshal dang 'bru yi lha rnams kyis/ / nags tshal ljon shing 'bras bu rab 'phel zhing // 'bru rnams thams cad yongs su smin par bgyid// rin chen nor tshol bsam pa rdzogs 'gyur zhing / / ci dang ci smon bsams bzhin 'grub par 'gyur// bcom ldan 'das kyis/ dpal gyi lha mo la bka' stsal pa/ khyod kyis 'di ltar sngon gyi rgyud rjes su dran nas/ drin rjes su bsab pa'i phyir mchod pa byas pa dang / mtha' yas pa'i sems can rnams la phan gdags shing / bde bar bya ba'i ched du mdo sde 'di yongs su spel nas/ yon tan zad mi shes par byas pa legs so legs so/ / gser 'od dam pa mchog tu rnam par rgyal ba mdo sde'i rgyal po las/ dpal gyi lha mo chen mo'i le'u ste bcu drug pa'o// / de nas bca ldan 'das la/ dpal gyi lha mo chen mos yang 'di skad ces gsol to// bcom ldan 'das byang phyogs na lha'i rgyal po rnam thos kyi bu'i grong khyer nor ldan zhes bgyi ba mchis te/ grong khyer de las mi ring ba na/ me tog dam pa'i bsod nams kyi 'od ces bgyi ba'i kun dga' ra ba mchis pa de na/ gzhal med khang mchog dam pa rin po che sna bdun las mngon par grub pa zhig mchis te/ bcom ldan 'das bdag ni rtag par de na gnas lags pas/ gang la la zhig 'bru rnam pa lnga gdugs gcig bzhin du 'phel ba dang / bang mdzod rnams rgyas shing gang bar 'tshal bas/ gus pas dang ba'i sems bskyed de/ khang pa gcig gtsang mar bgyis nas/ ba glang gi lci bas dogs la zhal zhal bgyis te/ bdag gi gzugs rgyan rnam pa sna tshogs kyis rab tu brgyan pa ri mor bris nas/ lus legs par bkrus te/ gos gtsang ma bgos nas/ byug pa dam pa byugs te/ khang pa gtsang ma'i nang du zhugs nas/ bdag gi ched du gdugs re dus gsum du sangs rgyas de'i mtshan dang / mdo sde 'di'i mtshan nas brjod par sems bskyed de/ de bzhin gshegs pa bai DUR+Ya dang gser gyi ri bo chen po me tog snang ba dpal gyi yon tan rgya mtsho la phyag 'tshal lo zhes brjod nas/ me tog dang spos rnams thogs te/ zhal zas bda' ba sna tshogs rtse gcig tu dbul bar bgyi'o// gzhan yang spos dang / me tog dang / bza' ba dang / btung ba rnams kyis bdag gi gzugs brnyan la mchod par bgyi'o// gzhan yang bza' ba dang btung ba dag thogs te/ phyogs gzhan du gtor nas 'dre srin rnams la stsal bar bgyi'o/ / yang dag pa'i bden tshig gis dpal gyi lha mo la gsol ba btab nas ci dang ci gnyer ba'i smon lam gdab par bgyi'o// gal te ji skad smras pa bzhin du brdzun pa lags na/ gsol ba btab pa don dang ldan par mdzad du gsol zhes brjod par bgyi'o// de'i tshe dpal gyi lha mos dngos po de rig nas brtse ba'i bsam pa skye bar 'gyur bas/ de'i khyim du nor dang 'bru rnams rab tu 'phel bar bgyid do// de nas sngags bzlas nas bdag ga yar drang bar bgyis te/ sngar sangs rgyas kyi mtshan dang / byang chub sems dpa'i ming nas brjod de/ sems rtse gcig tu gus pas phyag bgyi'o// phyogs bcu dus gsum gyi sangs rgyas thams cad la phyag 'tshal lo// sangs rgyas rin chen gtsug phud la phyag 'tshal lo/ / sangs rgyas dri ma med pa'i 'od zer rin po che'i te ka la phyag 'tshal lo// sangs rgyas gser tog 'od la phyag 'tshal lo// sangs rgyas gser brgya'i 'od kyi snying po la phyag 'tshal lo/ / sangs rgyas gser gdugs rin po che brtsegs pa la phyag 'tshal lo// sangs rgyas gser gyi me to gau 'od zer rgyal mtshan la phyag 'tshal lo// sangs rgyas sgron ma chen po'i 'od la phyag 'tshal lo// sangs rgyas rin po che chen po'i tog la phyag 'tshal lo// shar phyogs kyi sangs rgyas mi 'khrugs pa la phyag 'tshal lo// phyogs kyi sangs rgyas rin chen tog la phyag 'tshal lo// nub phyogs kyi sangs rgyas tshe dpag med la phyag 'tshal lo// byang phyogs kyi sangs rgyas lha'i rnga sgra la phyag 'tshal lo// byang chub sems dpa' mdzes pa'i tog la phyag 'tshal lo// byang chub sems dpa' gser 'od la phyag 'tshal lo// byang chub sems dpa' gser mdzod la phyag 'tshal lo// byang chub sems dpa' rtag shums la phyag 'tshal lo// byang chub sems dpa' chos 'phags la phyag 'tshal lo// byang chub sems dpa' shin tu bde bar gnas pa la phyag 'tshal lo// de ltar sangs rgyas dang byang chub sems dpa' rnams la gus par phyag bgyis nas/ de'i rjes la sngags bzlas te/ dpal gyi lha mo chen mo bdag g.yar 'dren par bgyid na/ sngags 'di'i mthus yongs su gnyer ba'i dngos po rnams thams cad mngon par 'grub par 'gyur ro// dpal gyi lha mo chen mo la phyag 'tshal lo// sngags ni 'di lta ste/ tad+ya thA/ pa ri pU rna tsa re/ sa man ta/ d+ha ra sha ni/ ma hA bi sha ra ga te sa man te/ bi da ma ma ni/ ma hA ka li ya prang te/ bish+na pa ni/ sarba ar thA sA d+ha na/ su ba ri te pU re a ya na d+ha ra ma te/ ma hA be ku baM de/ ma hA mai tI/ u pa sang ha te/ mahA kring shi/ u sang gi ri hi te/ sa man d+ha d+hi/ a nu pa ri ni swA hA/ bcom ldan 'das gang la la zhig gzungs sngag 'di 'don cing yongs su bzung nas/ bdag ga yar 'dren par bgyid na/ bdag gis ga yar 'dren pa thos nas/ de'i thad du mchis te/ smon pa rnams 'grub par bgyid do// bcom ldan 'das 'di ni dbang bskur ba'i cho ga'i tshig/ ting nge 'dzin mngon par 'gyur ba'i tshig/ yang dag pa'i tshig/ bslu ba ma mchis pa'i tshig/ yang dag pa'i spyod pa sems can rnams kyi yang dag pa'i dge ba'i rtsa ba lags pas/ gang la la zhig sngags 'di yang dag par 'dzin cing klog pa dang / 'den pa des gdugs mtshan bdugs mtshan bdun gyi bar du yan lag brgyad dang ldan pa'i sdom pa yang dag par blangs nas/ snga dro'i dus kyi tshe sngar so shing bcas te/ dag par bkrus nas/ snga dro'i dus kyi tshe spos dang / me tog dag gis sangs rgyas thams cad la mchod pa bgyis te/ bdag nyid kyis dngos sdig bshags nas/ bdag dang sems can rnams smon pa myur du 'grub par bgyi ba'i slad du/ yong su bsngo zhing smon lam gdab par bgyi'o/ / khang pa cig gtsang mar bgyis pa'am/ yang dben pa'i gnas sam/ dgon pa'i gnas kyang rung ste/ ba glang gi lci bas dkyil 'khor bgyis nas/ tsan dan bsregs te mchod par bgyi'o/ / stan mchog gcig bting ste/ ba dan dang gdugs kyis brgyan par bgyi'o// me tog dam pa rnams kyis dkyil 'khor gyi nang bkram ste/ sems rtse gcig tu sngags snga ma bzlas nas/ bdag der mchi bar re bar bgyi'o// bdag de'i tshe de la rjes su sems shing lta bar bgyid pas/ de'i khang par zhugs te stan la mchis nas/ de'i mchod pa len par bgyid de/ de slan chad mi des g.yar lam na bdag mthong bar 'gyur bas/ ci dang ci smon pa'i dngos po rnams yang dag pa'i tshig gi sgo nas go bar bgyid do// grong ngam/ grong khyer ram/ 'brog dgon pa 'am/ dge 'dun gyi gtsug lag khang yang rung ste/ ci dang ci smon pa thams cad yongs su rdzogs par bgyid pas/ gser dang / dngul dang nor dang / rin po che dang / ba glang dang / lug dang / 'bru rnams dang / bza' ba dang / btung ba dang / gos rnams yid bzhin du 'thob par 'gyur zhing bde ba'i longs spyod mchog la yongs su longs spyod par 'gyur lags so/ / de ltar 'bras bu rnam par smin pa mchog dam pa thob nas kyang // skal ba mchog gang lags pa des dkon mchog gsum la mchod cing bdag la yang stsal bar bgyi'o/ / chos kyi 'dus pa rgya cher bshams nas/ bza' ba dang / btung ba rnams sbyar te/ spos dang / me tog gcal du bkram nas mchod par bgyi'o/ / mchod pa bgyis nas/ mchod pa bgyis pa'i zas lhag ma ci mchis pa btsongs te/ rin blangs nas yang mchod par bgyid na/ bdag nam 'tsho'i bar du rtag tu de na gnas nas/ gang zag de la bsrung zhing skyob pa dang / 'phongs shing brel ba ma mchis pa dang / smon pa rnams yid bzhin du 'grub par bgyid do// dus dus su dbul 'phongs pa rnams la yang sprul par bgyi zhing bdag gcig pu'i ched du ser snas 'phangs par mi dgyi'o/ / rtag par mdo sde 'di bklags nas rgyun 'chad pa ma mchis par mchod par bgyi ste/ bsod nams ci mchis pa de yang thams cad la btang zhing byang chub tu yongs su bsngos nas/ 'khor ba las nges par 'byung zhing / myur du rnam par grol ba 'thob par 'gyur bar smon par bgyid do/ / de nas bcom ldan 'das kyis dpal gyi lha mo la khyod kyis de ltar mdo sde 'di rgya cher spel nas/ bdag dang gzhan gnyis ka la phan pa bsam gyis mi khyab pa byas pa legs so legs so zhes bsngags pa brjod par gyur to/ / gser 'od dam pa mchog tu rnam par rgyal ba mdo sde'i rgyal po las/ dpal gyi lha mo chen mos nor 'phel bar byed par byed pa'i le'u ste bcu bdun pa'o/ / // de nas sa'i lha mo brtan ma 'khor mang po'i nang nas stan las langs te/ gus pas thal mo sbyar nas bcom ldan 'das la 'di skad ces gsol to/ / bcom ldan 'das gser 'od dam pa mchog tu rnam par rgyal ba mdo sde'i rgyal po 'di da ltar ram/ slad ma'i dus kyi tshe/ gal te grong ngam/ grong khyer ram/ grong rdal lam/ rgyal po ni pho zang ngam/ dgon pa'i gnas sam/ ri 'am/ phug gam/ nags tshal dag na yang rung ste/ mdo sde'i rgyal po 'di spel bar bgyid na/ bcom ldan 'das bdag der mchis nas mchod pa dang / bkur sti dang / yongs su bsrung ba dang / yongs su bskyab par bgyis te/ rgya cher spel bar bgyid do// sa phyogs yang rung ba dag tu chos smra ba'i mkhan po'i ched du khri mthon po btsugs te/ mdo sde 'di 'chad par bgyid na/ bdag rdzu 'phrul gyi mthus lus mi gda' bar bgyis nas/ der mchis te de'i rkang pa nas spyi bos 'deg par bgyid de/ bdag chos thos par gyur nas kyang / shin tu dang ba'i bsam pas rab tu dga' bar bgyid do// chos kyi ri thob pa'i dbang gis ga byin 'phel bar 'gyur bas/ mgu ba tshad ma mchis pa 'thob par 'gyur te/ bdag nyid de lta bu'i phan yon thob pa nyid kyis/ sa chen po 'di yang dpag tshad stong phrag brgya brgyad cu rdo rje'i dkyil 'khor la thug pa tshun chad sa'i bcud thams cad rab tu 'phel bar bgyid do/ / rgya mtsho bzhi tshun chad kyi sa chen po ji snyed pa de dag sa'i bcud rgyas shing rab tu gshin pas sngon pas kyang lhag pa dang / ches khyad par du 'phags par bgyid do// 'dzam bu'i gling 'di na chu bo dang / rdzing dang / rdzing bu dang / ljon shing dang / sman dang / nags tshal dang me tog dang / 'bras bu dang / rtsa ba dang / sdong bu dang / yal ga dang / lo ma dang / 'bru rnam pa sna tshogs ci mchis pa dag kyang dbyibs mdzes shing yid du mchi ba dang nang po kun gyis blta bar mos pa dang / kha dog dang / dri phun sum tshogs pa dang / longs spyod du rung bar bgyid de/ sems can gang gis bza' ba dang / btung ba mchog de lta bu dag la longs spyod pa rnams kyang tshe ring zhing kha dog dang / stobs dang ldan pa dang / dbang po rnams bde zhing gzi byin 'phel ba dang / zo nad rnams ma mchis pa dang / sems kyi shes rab dpa' zhing ci yang stsol rngo thogs par 'gyur lags so// gzhan yang sa chen po 'di las ji tsam yongs su spyad par bgyi ba'i dngos po brgya stong ji snyed pa thams cad kyang phun sum tshogs par bgyid lags so/ / bcom ldan 'das rgyu dang rkyen des na 'dzam bu'i gling rnams su rab tu bde zhing le legs pa dang / mi rnams ngar zhing rgyas pa dang / gnod pa rnams ma mchis pas sems can ji snyed mchis pa de dag thams cad bde ba myong bar 'gyur lags so// de ltar lus dang sems kyis bde ba myong bar gyur nas kyang mdo sde'i rgyal po 'di la shin tu gus pa bskyed nas/ gang du gnas kyang rung ste/ thams cad kyis yongs su gzung ba dang / mchod pa dang / bkur sti dang / bla mar bgyi zhing bsngags pa brjod par smon par bgyi'o/ / gzhan yang chos 'chad pa'i mkhan po chen po de dag gang du chos 'chad pa'i gnas der yang mchis te/ sems can rnams kyi ched du mdo sde'i rgyal po dam pa 'di 'chad par gsol ba gdab par bgyi'o/ / de ci'i slad du zhe na/ bcom ldan 'das mdo sde 'di bshad pa'i dbang gis bdag cag 'khor dang bcas pa thams cad la sman par 'gyur zhing / 'od dang / kha dog dang / mthu stobs dang / dpa' zhing gzi byin dang ldan pa dang / byad bzhin shin tu sdug cing sngon pas ches khyad par du 'phags par 'gyur bas so// bcom ldan 'das bdag sa'i lha mo brtan ma yang chos kyi ros tshim par gyur pa'i dbang gis 'dzam bu'i dpag tshad bdun stong tshun chad sa thams cad bcud dang ldan pa dang / snga ma bzhin du sems can ji snyed pa thams cad kyang bde ba myong bar bgyid lags so/ / de lta bas na bcom ldan 'das de'i tshe sems can de dag gis kyang bdag gis drin bsab pa'i slad du/ bdag cag gdon no// za bar mdo sde 'di mnyan nas/ bkur sti dang / rim gro dang / mchod pa dang / bla mar bgyis nas bsngags pa brjod par bgyi'o// de ltar bsams kyang gnas nas byung ste/ grong dang / grong khyer dang / grong rdal dang / khang khyim dang / dgon pa'i gnas gang du chos bshad pa'i 'dus pa der mchis nas/ chos bshad pa'i mkhan po la spyi bos btud de phyag bgyis nas/ mdo sde 'di mnyan par bgyi'o// mdo sde mnyan nas kyang so so nas rang gi gnas su mchis te/ rab tu dga' ba'i sems bskyed de/ 'di skad du bdag cag deng shin tu zab cing bla na ma mchis pa'i chos gya nom pa thos nas/ 'di ni bsod nams kyi phung po bsam gyis mi khyab pa snyed yongs su bsdus par gyur to// mdo sde'i mthu stobs kyi dbang gis bdag cag sangs rgyas bye ba khrag khrig brgya stong tshad ma mchis shing / mtha' ma mchis pa snyed la mchod cing rim gro bgyis pas ngan seng gsum gyi sdug bsngal shin tu mi bzad pa dang bral bar gyur to// ma 'ongs pa'i tshe rangs brgya stong gi bar du yang rtag par mtho ris dang mi'i nang du skyes nas bde ba mchog myong bar 'gyur ro// zhes brjod par 'gyur ro// de'i tshe mi mang po de dag so so nas slar rang gi gnas su mchis nas kyang skye bo mang po rnams la mdo sde'i rgyal po 'di las gsungs pa'i dpe gcig tsam mam/ le'u gcig tsam mam/ sngon gyi gtam rgyud gcig tsam mam/ de bzhin gshegs pa gcig gi mtshan tsam ma ma/ byang chub sems dpa' gcig gi ming tsam man/ tshig bzhi pa'i tshigs su bcad pa gcig tsam mam yang na tshig gcig tsam zhig sems can rnams la yang dag par ston par bgyid dam/ tha na mdo sde 'di'i mtshan tsam zhig brjod par bgyid na/ bcom ldan 'das sems can de dag gang na gnas pa'i sa phyogs de dag thams cad bcud dang ldan zhing / gzhan pas lhag par 'gyur ba dang / sa chen po las skye bar 'gyur ba'i dngos po thams cad kyang rgya cher rab tu 'phel zhing rgyas par 'gyur bas/ sems can rnams shin tu bde ba'i longs spyod myong bar 'gyur ro// rin po che dang nor mang bar 'gyur/ sbyin pa legs par gtong bar 'gyur/ rtag par sems brtan zhing dkon mchog gsum la shin tu mngon par yid ches par 'gyur lags so// de skad ces gsol pa dang de nas bcom ldan 'das kyis/ sa'i lha mo brtan ma la 'di skad ces bka' stsal to// sems can gang la la zhig gser 'od dam pa mchog tu rnam par rgyal ba mdo sde'i rgyal po 'di las tha na tshis gcig tsam zhig thos par gyur na yang / tshe 'phos pa'i 'og tu sum cu rtsa gsum dang / lha'i gnas gzhan dag tu skye bar 'gyur ro// sems can gang la la zhig mdo sde'i rgyal po 'di mchod par 'dod pa'i phyir/ khang khyim dag rab tu brgyan nas bla re cig bre bar byed dam/ ba da na rim gcig tsam sbyong bar byed na/ rgyu de dang rkyen des lha'i rigs drug po dag tu ji ltar bsams pa bzhin du skye bar 'gyur bas/ rin po che sna bdun gyi gzhal med khang mchog dam pa la yid bzhin du longs spyod par gyur/ so so nas lha'i bu mo bdun stong dang phan tshun lhan cig/ rtse zhing nyin mtshan rtag par khyad par du 'phags pa'i bde ba bsam gyi mi khyab pa dag la longs spyod par 'gyur ro// de skad ces bka' stsal pa dang // de nas bcom ldan 'das la/ sa'i lha mo brtan mas 'di skad ces gsol to// bcom ldan 'das rgyu dang rkyen des na 'khor bzhi po las gang la la zhig chos kyi stan la mchis nas/ chos 'di yang dag par ston pa na/ bdag gdugs mtshan du gang zag de la yongs su srung zhing yongs su skyab par bgyid// rang gi lus mi gda' bar bgyis nas/ chos kyi stan drung du mchis te/ de'i rkang pa nas 'degs par bgyid lags so// bcom ldan 'das mdo sde 'di lta bu 'di ni sems can de dag gis sangs rgyas brgya stong du ma las dge ba'i rtsa ba bskrun pas na/ 'dzam bu'i gling 'dir rgya cher 'phel zhing nub par mi 'gyur ba lags so/ / sems can gang gis mdo sde 'di mnyan par bgyis pa de dag ni slad ma'i dus kyi tshe bskal pa bye ba khrag khrig brgya stong tshad ma mchis pa snyed kyi bar lha dang mi'i nang du rtag par bde ba mchog la longs spyod par 'gyur/ sangs rgyas mang po dang mjal nas/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / ngan song gsum dang / 'khor ba'i sdug bsngal myong bar mi 'gyur lags so// de nas bcom ldan 'das la/ sa'i lha mo brtan mas yang 'di skad ces gsol to/ / bcom ldan 'das bdag la sngags kyi snying po lha dang mi rnams la phan 'dogs shing thams cad la bde bar bgyid pa mchis te/ skyes pa dang / bud med dang / 'khor bzhi po dag las/ gang la la zhig bdag gi lus yang dag pa mngon sum du mthong bar 'tshal ba des/ sems rtse gcig tu gzungs 'di yongs su 'dzin par bgyid na/ ji ltar smon pa tham cad yid bzhin du 'grub par bgyid do/ / 'di lta ste/ nor dang / rin po che'i gter dang / mngon par shes pa dang / tshe ring ba'i sman dam pa gnyer ba dang / sems can gyi nad mang po gsob dang / phyir rgol ba'i dgra pham par bgyi ba dang / tha dad par smra ba rnams tshar gcod par 'tshal na/ khang pa gtsang mar bgyis te/ dkyil 'khor bgyi'o// lus bkrus tegos gsar pa gtsang ma bgos nas/ rtswa stan gyi steng du mchis te/ ring bsrel dang / sku gzugs kyi spyan sngar ram/ yang na ring bsrel dang bcas pa'i mchod rten gyi drung du 'dug pa bsregs te/ me tog gtor nas bza' ba dang / btung ba dag gis mchod pa bgyis te/ zla ba yar gyi ngo tshes brgyad la skar ma rgyal rdzogs pa na g.yar 'dren pa'i sngags 'di bzla bar bya'o/ / tad+ya thA/ tsi ri tsi ri/ tsu ru tsu ru/ ku tu ku tu/ to tu to tu/ b+ha ha b+ha ha/ ba sha ba sha swA hA/ bcom ldan 'das rig sngags 'di 'khor bzhi po las gang la la zhig gis lan brgya rtsa brgyad bzlas nas bdag g.yar 'dren par bgyid na/ bdag gis de'i ched du g.yar 'dren pa der mchi bar 'gyur lags so// gzhan yang bcom ldan 'das sems can gang la la zhig bdag dngos su mthong zhing lhan cig gtam bgyid par 'tshal na yang snga ma bzhin du cho ga bshams nas/ gzungs 'di bzlas par bgyi'o// tad+ya thA/ a na tsa ni/ kri li kran ni/ shir shi/ d+ha ri ha ha hi hi/ ku ru ba re swAhA/ bcom ldan 'das gang la la zhig sngags 'di 'don pa na/ lan brgya rtsa brgyad bzlas nas/ sngags snga ma yang 'don par bgyid na/ bdag gdon mi cha bar lus mngon du bstan nas/ des ji ltar smon pa thams cad yongs su rdzogs par bgyid pas/ nams kyang chab 'tshal bar mi bgyid do// gal te sngags 'don par 'tshal na/ sngar lus bsrungs pa'i sngags 'di 'don par bgyi'o/ / tad+ya thA/ ni shi ri/ ma sha ka ni/ na ti ku ti/ b+hung di b+hud di da ri/ di ti bi ti/ ku ku ti/ kha ba tsi ri swA hA/ bcom ldan 'das sngags 'di 'don pa'i tshe/ tshen sna lnga'i skud pa blangs nas/ sngags lan nyi shu rtsa gcig bzlas te/ mdud pa nyi shu rtsa gcig bgyis nas/ dpung pa g.yon pa la bcings nas slan chad srung bar bgyid pas 'jigs pa ma mchis par 'gyur ro/ / gang la la zhig sems rtse gcig tu sngags 'di zlos par bgyid na/ bsams pa rnams yid bzhin du 'di 'grub par 'gyur te bdag sho be mi mchis te/ bdag gi dbang du sangs rgyas dang / chos dang dge 'dun dkon mchog bzhugs pas mang ba nyid du rab tu mkhyen par 'gyur lags so// de nas bcom ldan 'das kyis/ sa'i lha mo la bka' stsal ga khyod yang dag pa'i bden tshig gi sngags kyis mdo sde'i rgyal po 'di dang / chos smra ba dag la yongs su bsrung ba byas pa legs so legs so// rgyu dang rkyen 'dis khyod bsod nams kyi rnam par smin pa tshad med pasnyed 'thob par 'gyur ro/ / gser 'od dam pa mchog tu rnam par rgyal ba mdo sde'i rgyal po las/ sa'i lha mo brtan ma'i le'u ste bco brgyad pa'o// de nas gnod sbyin gyi sde dpon chen po yang dag shes zhes bya ba gnod sbyin gyi sde dpon nyi shu rtsa brgyad po dag dang lhan cig tu 'khor mang po'i nang nas stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas/ bcom ldan 'das la 'di skad ces gsol to// bcom ldan 'das gser 'od dam pa mchog tu rnam par rgyal ba mdo sde'i rgyal po 'di da ltar ram/ slad ma'i dus kyi tshe grong ngam/ grong khyer ram/ grong rdal lam/ ljongs sam/ ri 'am/ dgon pa 'am/ nags tshal lam/ rgyal po'i pho brang ngam/ dge 'dun gnas pa'i gnas dag tu yang rung ste/ yang dag par bstan nas rgya cher spel bar bgyid na/ bcom ldan 'das bdag gnod sbyin gyi sde dpon chen po yang dag shes gnod sbyin gyi sde dpon nyi shu rtsa brgyad dang lhan cig tu der mchis nas/ so so nas rang gi lus mi gda' bar bgyis te/ ci rigs par chos smra ba'i mkhan po de dang / chos nyan pa'i 'khor de dag la yongs su bsrungs nas/ gnod pa rnams spangs te/ rtag par bde ba myong bar bgyid do// skyes pa 'am bud med dam/ / khye'u 'am/ bu mo gang la la zhig mdo sde 'di las tha na tshig bzhi pa'i tshigs su bcad pa gcig tsam yang dag par 'dzin par bgyid dam/ tshig gcig tsam yang dag par 'dzin par bgyid ngam/ mdo sde'i rgyal po 'di'i mtshan tsam smos par bgyid/ mdo sde 'di las gsungs pa'i de bzhin gshegs pa gcig gi mtshan tsam mam/ byang chub sems dpa' gcig gi ming tsam brjod par sems bskyed nas/ gus pas rim gro dang / mchod pa bgyid na/ bdag gis yongs su bsrung zhing byin gyis brlabs nas/ gnod pa ma mchis par bgyis te/ sdug bsngal spangs nas bde ba 'thob par bgyid do/ / bcom ldan 'das ci'i slad du bdag gi ming yang dag shes zhes bgyi ba'i rgyu dang rkyen gang lags pa de ni/ bcom ldan 'das nyid kyis mngon sum du mkhyen pa lags te/ bdag ni chos rnams rig pa dang / bdag gis chos thams cad kyi ji snyed pa dang / chos thams cad kyi ji lta ba dang / chos thams cad rnam pa dang / ngo bo nyid dang / bye brag ji snyed pa thams cad gsal bar rtogs pa lags so/ / bcom ldan 'das 'di ltar chos rnams bdag gis khong du chud pas/ bdag dpag par dka' ba'i ye shes kyi snang ba dang ldan pa dang / bdag dpag par dka' ba'i ye shes kyi sgron ma dang ldan pa dang / bdag dpag par dka' ba'i ye shes kyi spyod pa dang ldan pa dang / bdag dpag par dka' ba'i ye shes kyi phung po dang ldan pa dang / bdag dadag par dka' ba'i ye shes kyi spyod yul rnams mngon par rtogs par 'gyur ba lags so/ / bcom ldan 'das bdag gis 'di ltar chos thams cad yang dag par rig/ yang dag par gsal bar rtogs yang dag par khong du chud/ yang dag par so sor rtogs par bgyid pas/ bcom ldan 'das rgyu dang rkyen de'i slad du gnod sbyin gyi sde dpon chen po yang dag shes zhes bgyi ba lag te/ don de'i slad du bdag gis chos smra ba'i mkhan po de tshig gi spobs pa gsal zhing rgyan dang ldan pa dang / gzi byin dang mngangs pa spu'i bu ga kun nas 'jug pa dang / lus kyi mthu stobs dang ldan pa dang / gzi byin dang ldan zhing dpa' ba dang / dpag par dka' ba'i ye shes kyi snang ba thams cad phun sum tshogs pa dang / yang dag pa'i dran pa thob nas/ spa gong ba ma mchis pa dang de'i lus la phan 'dogs shing nyams pa ma mchis pa dang / dbang po rnams bde zhing rtag par dga' ba skyed par bgyid do// rgyu dang rkyen de'i slad du sems can gang dag sangs rgyas brgya stong du ma las dge ba'i rtsa ba bskyed nas/ bsod nams kyi las mngon par bsgrub pa dag gi ched du 'dzam bu'i gling dag tu rgya cher spel nas/ myur du nub par mi 'gyur ba bgyid pas sems can de ngag gis mdo sde 'di thos nas/ bsam gyis mi khyab pa'i ye shes kyi snang ba chen po dang / bsod nams kyi phung po tshad ma mchis pa 'thob par 'gyur zhing slad ma'i dus kyi tshe yang bskal pa bye ba khrag khrig tshad ma mchis pa'i bar du bsam gyis mi khyab pa'i lha dang / mi'i bde ba myong ba dang / rtag par sangs rgyas mang po dang mjal nas/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bas/ gshin rje'i 'jig rten dang / ngan song gsum gyi sdug bsngal shin tu mi bzad pa dag kyang myong bar mi 'gyur lags so/ / de nas bcom ldan 'das la/ gnod sbyin gyi sde dpon chen po yang dag shes kyis 'di skad ces gsol to// bcom ldan 'das bdag la gzungs mchis te/ sems can rnams la sman par bgyi zhing brtse ba'i slad du deng bcom ldan 'das kyi spyan sngar bdag nyid kyis bshad par bgyi'o// de nas sngags smras pa/ na mo bud+d+hA ya/ na mo d+har+m+ma ya/ na mo sang g+hA ya/ na mo brah+ma na ya/ na mo in+na ya/ na mo tsa tu ma hA rA dza na mau/ tad+ya thA/ hi le hi le/ mi le mi le/ gu ri ma hA gu re/ ma hA kan d+ha ri/ d+ha ri mi kye/ ma hA d+hA rim gyi/ d+han ta wa gun d+he haHha haH/ gi hi hi hi / ho ho ho hi ho/ ta mo d+hA be/ ku dam b+he/ tsa6tsatsi ci tsi/ tsu tsu tsu tsu/ shwar+t+ta dag la shi gra shi gra/ in ti sh+ma hi/ b+ha ga wa na sing shin dI ya swAhA/ gang la la zhig rig sngags 'di 'dzin par bgyid na/ bdag gis 'tshe ba'i yo byad sman dang / bza' ba dang / btung dang / gos dang / me tog dang / 'bras bu dang / rin po che ngo mtshar che ba dag gis rim gro bgyid do// gal te skyes pa dang / bud med dang / khye'u dang / bu mo dang / gser dang / dngus dang / rin po che dang / rgyan 'phreng gi rnam pa rnams yongs su gnyer bar bgyid na yang / bdag gis thams cad sbyar nas ji ltar smon pa bzhin rgud cing 'phongs pa ma mchis par bgyid do/ / rig sngags 'di mthu chen po dang ldan pas sngags 'don pa'i tshe/ bdag myur du de'i thad du mchis nas/ thogs pa mo mchis par yid bzhin du 'grub par bgyid do/ sngags 'di 'don pa'i tshe/ cho ga rig par bgyis nas/ thog ma kho nar gnod sbyin yang dag shes kyi gzugs 'phang du chag bzhi lnga tsam mchis pa/ sug pa na dgra sta thogs pa ri mor bri bar bgyi'o/ / gzugs brnyan de'i mdun du dkyil 'khor gru bzhi pa bgyis nas/ bum pa bzhi sbrang rtsi'i chab bam bu ram gyi chab kyis bkang ste bzhag nas/ byug spos dang phye ma dang / bdug spos dang / me tog dang / 'phreng ba rnams kyang dgram par bgyi'o// gzhan yang dkyil 'khor gyi mdun du thab gcig bgyis te/ de'i nang du sol ba'i zhugs stsal nas/ mar dang yungs kar bsreg+sa te/ snga ma'i sngags de ldan brgya rtsa brgyad bzlas nas/ sngags lan re zhing lan cig bsregs na/ bdag gnod sbyin gyi sde dpon chen po rang nyid drung du mchis nas/ lus mngon du bstan te/ sngags 'don pa'i mi de la khyod ci dang ci dgos pa dang / yid la ci smon pa'i dngos po gang yin pa de smros shig ces 'dri bar bgyi do// bdag gis ji skad mchi ba bzhin yongs su gnyer ba'i dngos po rnam pa thams cad kun sum tshogs par bgyid do/ / gal te gser dang / dngul dang / gter 'tshal gyur tam/ yang na zhwa drang srong du gyur pas/ nam mkha' mchi bar 'tshal lam/ lha'i mig gis mngon par shes pa dang / gzhan gyi sems 'tshal ba dang / sems can thams cad la yid bzhin du rang dbang du thob nas/ nyon mongs pa bcad de myur du rnam par grol ba thob pa la 'god par 'tshal na yang thams cad phun sum tshogs par bgyid do// de nas bcom ldan 'das kyis gnod sbyin gyi sde dpon chen po yang dag shes la bka' stsal pa/ khyod kyis 'di ltar sems can thams cad la phan gdags pa'i phyir rig sngags 'di bshad de/ yang dag pa'i chos yongs su bsrungs nas/ bsod nams kyis mtha' yas pa rnams la phan btags pa legs so legs so// gser 'od dam pa mchog tu rnam par rgyal ba mdo sde'i rgyal po las/ gnod sbyin gyi sde dpon chen po yang dag shes kyi le'u ste bcu dgu pa'o/ / // de nas sa'i lha mo chen mo brtan ma zhes bya ba 'khor mang po'i nang nas stan las langs te/ bcom ldan 'das kyi zhabs la mgo bos phyag byas nas/ gus pas thal mo sbyar te/ bcom ldan 'das la 'di skad ces gsol to// bcom ldan 'das yul rnams su mi'i rgyal po bgyid pa la gal te yang dag par gyur na/ yul skyong zhing skye bo mang po rnams kyang gso ba'i rngo mi thogs la/ bdag nyid kyang yun ring du khyad par du 'phags pa rgyal thabs la gnas par mi 'gyur na/ bcom ldan 'das byams pa dang / thugs brtse bar dgongs te bdag la rgyal chos yang dag pa'i bstan bcos yul skyong bar bgyid pa'i don gang lags pa bkas bshad du gsol/ des na mi'i rgyal po rnams chos 'di thos pa'i dbang gis ji skad bstan pa bzhin du mngon par bsgrub cing / yang dag par 'jig rten 'dul ba dang khyad par du 'phags pa'i rgyal thabs gtan du bde zhi ba dang / yul na gnas pa'i skye bo thams cad la yang sman par 'gyur lags so// de nas bcom ldan 'das kyis 'khor mang po'i lha mo brtan ma la bka' stsal pa/ khyod legs par nyon cig/ sngon 'das pa'i dus kyi tshe// rgyal po stobs kyi gtso bo'i tog ces bya ba byung ngo // rgyal po de la bu mdzes pa'i tog ces bya ba zhig yod de/ spyi bo nas dbang bskur nas/ ring khor ma lon par de nas rgyal po yab kyis mdzes pa'i tog la 'di skad ces smras so// rgyal po'i chos lugs yang dag ba'i bstan bcos lha'i bdag po'i botan ngag ces bya ba yod de/ nga sngon spyi bo nas dbang bskur nas/ yul gyi bdag po byas pa'i tshe/ nga'i yab shes pa'i stobs stobs kyi gtso na tog ces bya ba de la rgyal po'i chos lugs yang dag pa'i bstan bcos 'di bstan pas/ ngas bstan bcos 'di la bsten nas/ lo nyi khri'i bar du yul legs par bskyangs te/ ngas skad cig gcig tsam gyi bar du yang chos ma yin pa spad par bya'o snyam pa'i bsam pa byung ma myong ngo / / deng khyod kyang de bzhin du chos ma yin pas yul skyong bar ma byed cig/ ci'i phyir rgyal po'i chos lugs yang dag pa'i bstan bcos zhes bya zhe na/ khyod dang legs par nyon cig dang / khyod la bstan par bya'o// de nas de'i tshe rgyal po stobs kyi gtso bo'i tog gis rgyal bu de la tshogs su bcad pa gya nom pa dag gis yang dag pa'i bstan bcos mngon par bstan pa/ ngas ni sems can bde bya dang // 'jig rten the tsom gcad pa dang // nyezhes dmigs mang po bsal ba'i phyir// rgyal khrims bstan bcos bshad par bya// lha yi bdag po thams cad dang // mi yi rgyal po gang yin pa// dga' ba'i sems ni skyed la// thal mo sbyar nas ngas bshad nyon// sngon byung zla 'khor mang po rnams// rdo rje ri la 'dus pa na// rgyal bzhi stan las langs nas ni// tshangs chen la ni 'di skad zhus// tshangs bdag mchog tu gtsor gyur cing / / lha yi nang na dbang phyug che// bdag cag la ni brtser dgongs nas// the tsom rnams ni gcad du gsol// ji ltar mi yi 'jig rten skyes// rgyal po zhes ni bgyi bar gyur gzhan yang rgyu rkyen gang gi slad/ / lha yi bu zhes bgyi bar 'gyur// ji ltar mir ni skyes pa la// gcig pu mi yi bdag po 'thob// ji ltar mtho ris gnas dag tu// lha yi rgyal po bgyid par 'gyur/ / de ltar 'jig rten skyong dag gis// tshangs rgyal de la zhus pa dang // de tshe tshangs pa'i bdag po yis// de dag la ni 'di skad smras// 'jig rten skyong khyod shes par byos/ / sems can la ni phan bya'i phyir// nga la yul skyong chos dris pas// ngas bshad khyod kyis legs par nyon// sngon gyi las kyi mthu yis ni// lhar skyes rgyal por gyur pa yin// gal te mi nang gnas gyur nas/ / dbang sdud mi yi bdag po byed// lha rnams lhan cig byin brlabs nas// de yi 'og ma'i mngal du 'jug/ mi yi mngal na gnas pa na// lha rnams kyis ni srung bar byed// mi yi 'jig rten skyes gyur kyang // gtso mchog gyur phyir lha zhes bya// lha rnams kyis ni bsrungs pas na// lha yi bu zhes brjod pa yin// sum cu rtsa gsum bdag po yis// stobs bgos mi rgyal gtong bar byed/ / lha ni mang po thams cad kyis// rang dbang stobs ni rab bstabs nas// chos min kun ni rab bsal te// sdig pa'i las ni skyed mi byed// sems can dge ba bsgrub bskul nas// mtho ris gnas skye bar byed// mi dang lha min 'khor dag dang // dri za dang ni srin po dang // gdol pa la sogs thams cad kyis// stobs kyi phyed ni stob par byed// pha mas stobs byed bstabs nas ni/ / sdig spong dge bsgrub la 'dzud// sgra rnams lhan cig rab bsrungs nas// dge sdig rnam smin ston par byed// dge sdig las ni byas gyur na// da ltar tshe 'di nyid la ni/ lha rnams lhan cig rab 'azungs nas// dge sdig rnam smin ston par byed// yul mis sdig pa'i las byas la/ rgyal spangs nan thur mi byed na// 'di ni yang dag rigs pa min// chos bzhin chad pas gcad par bya/ / gal te nyes mthong min 'gog na// chos min rab tu 'phel 'gyur bas// rgyal po de yi yul khams su// g.yo sgyu mang du 'phel bar 'gyur// rgyal pos nyes byed mthong 'gyur la/ / gal te zlog par mi byed na// sum cu rtsa gsum lha 'khor rnam// tham cad khong khro'i sim skye 'gyur// rgyu des rgyal khrims nyams 'gyur zhing // g.yo sgyu 'jig rten 'phel 'gyur bas// pha rol dgra 'khor dag gis na/ / yul de bcom nas 'jig par byed// gnas pa'i khyim dang yo byad dang // nor bsags thams cad stor bar 'gyur// g.yo sgyu sna tshogs skyes pas na// phan tshun gcig la gcig kyang 'phrog/ yang dag chos kyi rgyal thob kyang // chos bzhin du ni mi spyod pas// yul mi thams cad 'thor 'gyur te/ glang pos pad+ma'i rdzing brdzis 'dra// rlung drag ldang la dus kyang med/ / mi 'phrod char mi dus min 'bab// rgyu skar ltas ngan mang po ston// nyi zla gzas zin 'od kyang med// rgyal pos yang dag chos spangs pas// 'bru rnams me to// 'bras bu dang // lo tog thams cad mi smin cing // yul na mu ge 'byung bar 'gyur// rgyal pos yang dag chos spangs nas// sdig chos min ston byed na// gzhal me/ khang gnas lha rnams kyis// mthong nas mya ngan skye bar 'gyur// lha rgyal 'khor bcas de dag gis// 'di skad du ni smra bar 'gyur/ rgyal 'dis chos min rab spyad nas// sdig pa'i grogs po bsten pas na/ / rgyal srid yun ring brten mi 'gyur// lha rnams thams cad rab mi dga'// de dag khros par gyur pa'i phyir// yul de 'jig par 'gyur zhes zer// chos min mi ni rab brtan nas/ / yul khams 'phel bar 'gyur bas na// 'thab rtsod g.yo sgyu mang por 'gyur// rims nad sdug bsngal mang po skyed// lha yi bdag po srung mi byed// lha gzhan tham cang spong bar byed/ / de yi yul ni rang zhig nas// rgyal pos sdug bsngal myong bar 'gyur// pha ma chung ma bu rnams dang // phu nu dang ni sring mo rnams// cig car sdug dang bral 'gyur zhing tha mar bdag kyang 'chi bar 'gyur/ / ltas ngan skar mda' dag kyang ltung // nyi ma gnyis ni cig car 'char// pha rol dgra ni nyer 'ongs pas// yul mi 'chi dang 'khrug phrad 'gyur// yul bkur blon po chen po rnams/ / nyes mod glo bur 'chi bar 'gyur// gang po rta sogs gces pa rnams// thams cad 'thor zhing stor bar 'gyur// yul yul kun tu dgra yod pas// mi ni bal cher dus min 'chi/ / 'dre srin ma rungs yul zhugs pas// rims nad kun tu 'phel bar 'gyur// yul gyi blon po chen po dang // nye 'phan mang po thams cad kyang // sems ni g.yo sgyur bcas pas na// thams cad chos min spyod par 'gyur// chos min spyod pa mthong gyur na// snying du sdug cing bkur bar byed// dge chos spyod pa'i mi dag la// sdug bsngal nyon mongs chad pas gcod// ma rung byams shing bkur ba dang / / dge ba chad pas bcad pa'i phyir// gza' skar rlung dang char pa rnams// thams cad dus su rgyu mi 'gyur// nyes dmigs rnam gsum skye 'gyur bas// yang dag chos ni nub 'gyur zhing / / sems can kha dog 'od mi ldan// sa yi bcud ni thur du 'bab// sdig bkur dge la brnyas pas na// gzhan yang nyes dmigs rnam gsum 'byung // dus min sad dang ser ba 'bab/ / mu ge sdug bsngal kun tu khyab// lo tog 'bras bu mang po rnams// thams cad ro zhim nyams par 'gyur// de dag gi ni yul khams na// sems can phal cher na bar 'gyur/ de yi yul na ljon shing rnams// sngon chad 'bras bu zhim chags pa// de yi dbang gis nyams 'gyur bas// kha rtsub ro mchog med par 'gyur// sngon gyi kun dga' nags tshal mchog/ snying du sdug cing rtse ba'i gnas/ / thams cad skams shing rnyis 'gyur bas// mthong ba kun gyis mya ngan skye// sA lu nas dang lo tog rnams// ro zhim khad kyis med 'gyur bas// bza' tshe sems kyang mi dga' na/ / 'byung chen baphel byed ga la nus// sems can kha dog 'od nyams shing // mthu stobs zad cing nyams par 'gyur// kha zas mang du zos kyang ni/ 'grangs pa nyid du yong mi 'gyur// yul khams de na yod pa yi// sems can rnam pa ji snyed pa// stobs chung dpa' bshor med pas na// bya ba dag ni byed mi nus// yul mi phal cher nad thebs pas/ / sdug bsngal sna tshogs lus gzir 'gyur// 'dre srin kun tu khyab pas na// thams cad kun tu srin po skye// rgyal pos chos min rab spyad nas// mi dge'i grogs po bsten pas na// 'jig rten rnam par gsum po kun// des na gnod pa sna tshogs myong // de 'dra'i nyes dmigs mtha' med pa// yul nas 'byung bar 'gyur ba yang // sdig can mi ni mthong gyur kyang // yal bar ma bskrad pa las gyur/ / lha rnams kun gyis byin brlabs nas// yul gyi rgyal po byas gyur kyang // yang dag dam pa'i chos dag gis// yul khams yongs su srung mi byed// gang zhig dge sbyong 'greng byed na/ / rtag tu mtho ris gnas su skye// gal te sdig pa'i las byas pa// tshe 'phos nges par ngan 'gror ltung // gal te rgyal pos yul mi rnams// thal rangs nyes pa byed 'jug na/ sum cu rtsa gsum lha tshogs rnams// thams cad rab gdung sems skye 'gyur// lha rnams dang ni pha ma yi// bsnyen dag bzhin du mi byed pa// 'di ni chos min mi yin pas// rgyal po sa bu'i bu ma yin/ / gal te rang gi yul khams su// chos min spyod pa mthong ba'i tshe// chos bzhin chad pas gcod byed cing // yal 'dor sems ni mi skyed na// de'i phyir lha tshogs mang po kun// rgyal po de// la skyob par byed// byang chub spyod pa sgrub pa'i phyir// sdig pa'i chos rnams zhi byed na// rgyal po tshe 'di nyid la ni// mthong ba'i rnam smin nges par myong // dge dang mi dge las dag la// spyod spong sems can bskul nas ni/ / dge sdig rnam smin bltas pas na// de phyir mi rgyal thob nas kyang // lha rnams lhan cig byin brlabs nas// thams cad yi rang 'gyur ba yin// bdag dang gzhan la phan gdags phyir/ / yang dag chos kyis yul bskyang bya// g.yo sgyu byed pa mthong gyur na// chos bzhin chad pas gcad par bya// gal te rgyal thabs stor ba dang // srog 'bab rkyen zhig byung na yang / / nams kyang sdig chos mi spyod cing // sdig pa mthong na spang bar bya// gnod pa'i nang na mchog lci ba// rgyal srid stor las lhag pa med// 'di kun g.yo sgyu mi las gyur// des na chad pas gcad par bya/ / g.yo sgyu byed pa yod gyur na// rgyal srid dag kyang stor 'gyur zhing // rgyal khrims dag kyang nyams 'gyur bas// glang chen me tog tshal zhugs 'dra// de yis mi rgyal byas kyang ni// chos kyis yul ni ma bskyangs pas// lha dbang thams cad mi dga' zhing // lha ma yin yang de bzhin no// de lta bas na chos bzhin du// sdig pa byed pa chad pas gcad// dge bas sems can ga'am bya zhing / / chos min rjes su 'brang mi bya// lus dang srog ni spang bla yi// mi dge'i grogs rjes 'brang mi bya// nye ba dang ni nyi min pa// thams cad mnyam pa nyid du blta yang dag chos kyis rgyal byed na/ / yul mi mi 'brang med pa'i phyir// chos rgyal grags dang ldan 'gyur bas// khams gsum kun tu grags par 'gyur// sum cu rtsa gsum lha tshogs rnams dga' nas 'di skad smra bar 'gyur/ / 'dzam gling chos rje gang yin pa// de ni bdag gi bu yin te// dge bas sems can 'dul byed cing // yang dag chos kyis yul bskyangs nas// yang dag/ chos spong bskal bas na// bdag cag gnas su skye 'gyur zer// lha dang mi yi bu rnams dang // lha ma yin gyi 'khor rnams kyang // rgyal pos yang dag chos 'dul rgyus// rtag tu sems ni dga' bar 'gyur/ / lha tshogs thams cad rab dga' nas// mi'i rgyal de la srung bar byed// gza' skar rang gi lam rgyu zhing // nyi zla tshad las 'da' mi byed// rlung ni rtag par dus bzhin/ ldang // bdud rtsi'i char ni dus bzhin 'bab// lo tog thams cad smin legs pas// mi rnams mu ge med par 'gyur// lha tshogs mang po thams cad kun// rang gi pho brang gang 'gyur bas// dephyir mi rje khyod kyis ni// lus spangs yang dag chos spel byos// rin chen chos la bkur byed na// des na mang po bde 'gyur bas// rtag par yang dag chos brten nas// yon tan bdag nyid brgyan par bya/ / 'khor rnams rtag par rab dga' zhing // sdig pa rnams ni spong bar byed// chos kyis sems can 'dul byed pas// rgyun du bde ba 'thob par 'gyur// mi rnams de dag thams/ cad kun// dge ba bcu ni spyod byed na// yul khams rtag par lo legs shing // yul ni zhi ba nyid du 'gyur// rgyal po chos kyis mi 'dul zhing // dge bas sdig spyod 'dul byed na// snyan pa'i grags pa 'thob 'gyur zhing / / sems can rnams ni bde bar byed/ de nas de'i tshe sa chen po la gnas pa'i mi'i rgyal po thams cad dang // 'khor mang po rnams bcom ldan 'das kyis sngon gyi mi'i rgyal pos yul bskyang ba'i chos kyi don bkas bshad pa thos pa dang / thams cad ngo mtshar rmad du gyur pa dang / rab tu dga' ba thob pas// shin tu dang ba'i mngon par yid ches pa dag gis bkar yang dag par blangs te sprod par gyur to/ / gser 'od dam pa mchog tu rnam par rgyal ba mdo sde'i rgyal po las/ rgyal po'i chos lugs yang dag pa'i bstan bcos bstan pa'i le'u ste nyi shu pa'o/ / // gser 'od dam pa mchog tu rnam par rgyal ba mdo sde'i rgyal po'i mdo bam po dgu pa// / de nas bcom ldan 'das kyis 'khor mang po rnams la rgyal po'i chos lugs yang dag pa'i bstan chos bkas bshad nas/ yang 'khor mang po rnams la bka' stsal pa/ khyed la sogs pa legs par nyon cig dang ngas deng khyod la sngon chos yang dag par spyod pa'i rgyu dang / rkyen bshad par bya'o// de nas de'i tshe tshigs su bshad de bka' stsal pa/ nga sngon 'khor los skyusgyur rgyal byas pa na/ / sa chen 'di dang rgya mtshor bcas pa btang // gling bzhi rin chen gyis ni rab bkang ba// thams cad de bzhin gshegs pa rnams la mchod// ngas sngon bskal pa dag ni ched med snyed/ / rnam dag yang dag chos sku gnyer ba'i phyir// 'phangs pa'i nor dang rang gi lus srog kyang // ser sna med pa'i sems kyis yongs su btang // gzhan yang 'das pa'i bskal pa bsam dka' na/ / yang dag mkhyen papo rin chen gtsug phud byung // de bzhin gshegs de mya ngan 'das pa'i 'og/ rgyal po legs skyes zhes bya 'jig rten byung // 'khor los sgyur rgyal byas nas gling bzhi btul/ / rgya mtsho mthar thug tshun chad skyabs su dong // grong khyer ming ni gya nom sgra zhes bya// de tshe 'khor los sgyur rgyal de na gnas// rmi lam sangs rgyas bsod nams ye shes thos/ / chos smra rin chen brtsegs pa zhes bya ba// nyi ma'i dkyil 'khor ltar mdzes stan 'dug nas// gser 'od dam pa'i mdo sde 'chad pa'ang mthong // de'i tshe rgyal de rmi lam sad pa dang / / rab tu dga' ba skyes nas lus kun khyab// nam nangs rgyal po'i pho brang phyir byang nas// dge slong dge 'dun rnams kyi thad du song // 'phags pa'i / tshogs la gus pas rab mchod nas// tshogs chen mang po de la 'di skad dris// chos smra rin chen brtsegs pa zhes bgyi ba// yon tan phun tshogs sems can 'dul mchis sam// de ma chos smra chen po rin chen brtsegs/ / gnas khang gcig pu yang dag gnas nas ni// dran pa nyer gzhag mdo sde 'di 'don pas// drang 'dug mi g.yo lus dang sems kyang bde// de che/ dge slong zhig gis rgyal khrid nas// rin chen brtsegs pa de yi gnas su phyir// gnas khang nang du lus ni drang bsrang ste// 'od dang mtshan mchog lus kun khyab par mthong // rgyal po de la 'di ni rin chen brtsegs/ / mdo sde'i rgyal po'i mchog gyur 'di lta ste// gser 'od dam pa shin tu gya nom mchog/ sangs rgyas spyod yul zab mo 'dzin ces smras// rgyal pos rin chen brtsegs la phyag byas nas/ / gus pas thal mo sbar nas 'di skad smras// zla ba nya ltar zhal mdog mdzes gyur pa// gser 'od dam pa'i chos ni bshad du gsol// rin chen brtsegs kyis rgyal po'i tshig mnyan nas/ / gser 'od dam pa 'di ni bshad gnang bas// stong gsum 'jig rten khams ni kun khyab pa'i// lha mi thams cad rab tu dga' bar 'gyur// rgyal pos sa phyogs yangs shing gtsang ma'i gnas rin chen gya nom mchog gis rab brgyan te/ / spos chu dam pa dag gis chag chag btab// me tog sna tshogs dag ni gcal du bkram// gnas mchog der ni stan mtho rab bting ste/ ba dan bla re bres nas mdzes par byas// phye ma byug spos rnam pa sna tshogs kyi// bdug pa dag ni kun tu khyab par byas// lha klu lha ma yin dang mi 'am ci// lto 'phye chen po dang ni gnod sbyin dang / / lha rnams man+da ra ba'i char phab nas// thams cad nyer 'ongs ston mchog de la mchod// gzhan yang lha ni 'bum phrag brgya stong rnams// dam chos nyan mos thams cad de na 'dus/ / chos smra dang po stan las langs pa'i tshe// thams cad lha yi me tog dag gis mchod// de'i tshe chos smra chen po rin chen brtsegs// shin tu lus bkrus gos gtsang rab bgos te/ tshogs chen chos bstan de drung song nas ni// thal sbyar rtse gcig sems kyis gus phyag byas// lha dbang lha tshogs lha yi bu mo rnams// thams cad me tog man+da ra yang gtor// lha yi rol mo brgya stong bsam mi khyab/ / nam mkha' la gnas sgra dbyangs snyan pa phyung // de tshe chos sgra chen po rin chen brtsegs// stan la 'dug ste skyil mo krung bcas nas// phyogs bcu'i zhing na bzhugs pa'i byams chen gtso/ / bye ba brgya stong de dag yid la bsams// sdug bsngal sems can thams cad ji snyed pa// thams cad byams sems mnyam pa nyer bzhag nas// gsol 'debs bdag po rgyal po legs skyes phyir/ / gser 'ong ngam pa'i mdo sde rab tu bshad// rgyal pos de 'dra'i chos ni thos gyur nas// thal sbyar rtse gcig rjes su yi rang smras// ya mtshan chos thos mchi ma blags te dus/ / lus dang sems ni dga' chen kun khyab gyur// de tshe yul bdag rgyal po legs skyes kyis// mdo sde 'di ni mchod par 'dod pa'i phyir// lag na yid bzhin/ nor bu thogs nas ni// sems can kun phyir smon lam 'di skad btab// 'jam gling 'di ni kun tu khyab par yang // rin chen rgyan 'phreng dag gi char bab nas// nor dang yo byad rgud 'phongs ji snyed pathams cad yid bzhin bde ba myong bar shog/ de nas rin chen sna bdun char phab nas// gling bzhi kun tu chog cing tshim byas pas// lus kyi rgyan 'phreng gos dang zas skom dang // ci dang ci 'dod 'phongs pa med par 'gyur/ / de tshe yul bdag rgyal po legs skyes kyis// gling bzhi rin chen char phab mthong ba dang // sems can sangs rgyas rin chen gtsug pud kyi// bstan pa bzhag pa'i dge slong dge 'dun mchod/ / 'das pa'i rgyal po legs skyes gang yin pa// shAkya thub pa nga yin shes par byos// sngon yang sa chen mang po rab btang ste// rin chen dag gis gling bzhi yongs su bkang / / sngon tshe chos mkhan chen po rin chen brtsegs// legs skyes de la gya nom chos bshad de// mdo sde'i rgyal po rnam phye bshad pa'i phyir// shar phyogs sangs rgyas mi 'khrugs 'grub pa yin/ / ngas ni mdo sde'i rgyal po 'di mnyan nas// thal sbyar rtse gcig yi rang brjod pa dang // rin chen sna bdun btang ba'i bsod nams kyis// rdo rje sku mchog 'di ni brnyes pa yin gser 'od bsod nams brgya yi mtshan brgyan pas/ / mthong ba thams cad kun ni rab dga' zhing // sems can thams cad kun gyi snying du sdug/ lha tshogs mang po bye ba kun de bzhin/ / 'das tshe bskal pa bye ba dgu bcu dgu// 'khor los sgyur ba'i rgyal po dag kyang byas// yul khams chung ngur mi yi rgyal po byas// gzhan yang bskal pa brgya stong tshad med snyed/ / brgya byin lha yi dbang po dag kyang byas// tshangs pa'i rgyal po dag byas te// phyogs bcu'i byams chen gtso la mchod pa yi// de yi grangs tshad shin tu mthar thug dka'// ngas sngon mdo thos rjes su yi rang dge/ bsod nams phung po ci yod tshad shes dka'// bsod nams de dbang byang chub mngon rtogs nas// chos sku yang dag ye shes dam pa brnyes// de nas 'khor mang po rnam de skad ces bka' stsal pa thos pas ngo mtshar rmad du gyur nas/ / thams cad kyis mdo sde gser 'od dam pa spel zhing rgyun mi 'chad par spyad par gyur to// gser 'od dam pa mchog tu rnam par rgyal ba mdo sde'i rgyal po las/ / rgyal po legs skyes kyi le'u ste nyi shu gcig pa'o// // de nas bcom ldan 'das kyi dpal gyi lha mo chen mo la 'di skad ces bka' srustsal to/ / shin tu dang ba'i dad pa dang ldan pa'i rigs kyi bu 'am/ rigs kyi bu mo gang la la zhig 'das pa dang / ma byon pa dang / da ltar bzhugs pa'i sangs rgyas rnams la mchod pa'i yo byad bsam gyis mi khyab pa dang / yangs shing rgya che ba dag gis mchod pa byed par 'dod pa dang / dus gsum gyi sangs rgyas kyi spyod yul zab mo shes shing rtogs par 'dod pa gang yin pa des gdon mi za bar sems rtse gcig tu mdo sde'i rgyal po 'di grong khyer ram/ grong rdal lam/ ri 'am/ nags tshal gang yang rung ste/ gnas de dang de dag tu sems can rnams la rgya cher yang dag par bstan nas/ yongs su spel bar bya'o// chos nyan pa gang yin pa de yang rnam par g.yeng ba'i 'du shes spangs nas/ rna blags te sems rtse gcig tu gzhag par bya/ de nas bcom ldan 'das kyis/ lha mo de dang 'khor mang po rnams la tshigs su bcad de bka' stsal pa/ gang zhig sangs rgyas mang po la// bsam gyis mi khyab mchod pa dang de bzhin gshegs pa thams cad kyi/ / spyod yul zab mo shes 'dod na// gal te gser 'od dam pa 'di// yang dag phye bshad mthong gyur na// de yi phyogs su nyer song nas// de yi drung du 'gro bar bya/ / mdo 'di bsam gyis mi khyab pas// yon tan mang po skyed byed cing // sdug bsngal rgya mtsho mtha' med las// sems can rnams ni thar par byed// nga yis mdo 'di rnams bltas nas/ / thog ma bar dang tha mar dge/ shin tu zab pas dpag par dka'// dpe dag gis ni zla byar med// gang+gA'i bye ma sa chen rdul// rgya mtsho'i chu dang nam mkha' dang // ri brag thams cad gang gis kyang / / cha shas tsam yang dpe byar med// chos dbyings zab mo 'jug 'dod na// mdo sde sngar ni mnyan par bya// chos nyid mchod rten gang na bar zab mo shin tu bde bar gnas/ / mchod rten 'di yi nang dag tu// shAkya thub pa nga yis ni// yid 'ong sgra dbyangs dam pa yis// mdo 'di bshad pa mthong bar 'gyur// des na grangs tshad bsam dka' ba'i/ / bskal pa bye ba steng du ni// lha dang mi yi nang skyes nas// rtag tu bde ba mchog myong 'gyur// mdo sde 'di ni nyan pa yis// bdag ni bsam gyis mi khyab pa'i// bsod nams phung po 'thob 'gyur zhes/ / de snyam du ni bsam par bya// gal te me chen phung po dag/ dpag tshad brgya ni gang gyur kyang // mdo sde rgyal po 'di nyan phyir// dka' ba med par 'gro bar bya/ / de yi gnas su phyin nas ni// 'di 'dra'i mdo 'di thos gyur na// sdig pa'i las rnams 'byung 'gyur zhing // rmi lam ngan pa sel bar 'gyur// gza' skar ma rungs ltas ngan dang byang stems log pa'i gdon la sogs/ / mdo sde 'di ni thos pa'i tshe// sdig pa mang po spong bar byed// stan mtho mchog ni rab brgyan nas// rab gtsang pad+ma 'dra ba la// chos sgra steng du phyin nas mi/ / klu chen lta bur 'dug par bya// de la bde bar 'dug nas ni// zab mo'i mdo 'ang bshad par bya// yi ger bris nas klog 'dzin dang // de yi rin ni bshad par bya// chos sgra stan ni spangs nas ni/ / phyogs gzhan dag ni song gyur kyang // khri stan mthon po de las ni// cho 'phrul mtshan ma mang byung bas// res 'ga' chos smra mkhan po'i gzugs// stan mtho steng na 'dug par mthong / / res 'ga' sangs rgyas bcom ldan 'das// byang chub sems dpa' rnams kyang mthong // res 'ga' kun tu bzang po'i gzugs// res 'ga' 'jam dpal lta bu dang / res 'ga' byams pa'i gtso bo'i gzugs// stan mtho steng na 'dug par thong // res 'ga' ya mtshan mtshan ma dang // lha ni mang po rnams kyi gzugs// yud tsam du ni mthong gyur kyang / de ma thag tu mi snang 'gyur// bkra shis mang po rdzogs byed pas// byas pa thams cad yid bzhin 'grub// yon tan rnams ni yongs rdzogs par// bcom ldan 'das kyis de skad gsungs// mchog tu rnam rgyal grags dang ldan// nyon mongs mang po zhi bar byed// pha rol dgra rnams rab tu sel// g.yul 'gyed tshe na rtag par rgyal// rmi lam ngan pa thams cad med// dug dang gnod pa mang po zhi/ / las gsum sdig pa ci byas pa// mdo sde'i mthu yis 'byung bar byed// 'dzam bu'i gling ni 'di dag tu// grags par kun tu rgyas par 'gyur// khon 'dzin dgra ni ji snyed pa/ phan tshun khon ni gtong bar 'gyur// gal te dgra ni byin gyur kyang // ming thos tsam gyis log 'gyur bas// mtshon cha g.yo bar mi bltos par// dgra gnyis dga' ba skye bar 'gyur// tshangs rgyas dang ni brgya byin dbang / / 'jig rten skyong dang rgyal po bzhi// lag na rdo rje gnod sbyin dang / sde dpon chen po yang dag shes/ k+Sha yi rgyal po ma dros dang / klu yi rgyal po rgya mtsho dang / / mi 'am ci dang rol mo'i lha// lha ma yin dang gser 'dab bdag/ lha mo spobs pa chen mo dang // dpal gyi lha mo chen mo dang / 'di la sogs pa lha yi gtso// so sorany+dza tshogs khrid nas ni/ / sangs rgyas rnams la mchod par byed// dkon mchog chos ni bsam mi khyab// rtag par dga' ba'i sems kyis ni// mdo sde la ni bkur sti byed// 'di la sog pa mang po/ / thams cad lhan cig 'grogs nas ni// bsod nams bsgrub pa rnam bltas nas// lhan cig 'di skad smra bar byed// sems can 'di dag rab tu ltos// bsod nams yon tanacha ldan zhing dge rtsa brtson 'grus stobs kyis na/ / bdag cag lha gnas skye 'gyur zer// mdo sde zab mo mnyan pa'i phyir/ gus pa'i sems kyis der 'ongs nas// yang dag chos ni bkur ba'i phyir/ / chos kyi mchod rten mchod par byed// sems can kun la snying brtse bas// phan pa chen po byed pas na// mdo sde zab mo 'di dag gis/ chos kyi rin chen snod kyang byed// chos kyi sgo 'dir gang zhugs pa/ / chos nyid la ni 'jug 'gyur bas// mdo sde gser 'od dam pa 'di// rtse gcig sems kyis mnyan par bya// sangs rgyas brgya stong tshad med la// gang zag de dag mchod pas na/ / dge ba'i rtsa ba de dbang gis// mdo sde 'di ni thos pa yin// 'di ltar lha yi bdag po dang // lha mo spobs pa chen mo dang // dpal gyi lha mo de dang ni// rgyal chen ris bzhi'i lha rnams dang / / gnod sbyin 'khor ni grangs med pa// dpa' zhing rdzu 'phrul ldan pa rnams// so sor phyogs bzhi dag nas ni// rtag tu 'ongs nas skyob par byed// nyi zla brgya byin lha dbang dang rlung dang chu dang me yi lha/ / khyab 'jug dang ni phrag chen dang // gshin rje stobs pa'i lha mo dang // 'jig rten mgon po la sogs pa// rab dpa' gzi ldan thams cad kun// mdo sde 'dzin pa srung byed pas/ / nyin mtshan rtag par yong mi 'brang // gnod sbyin rgyal po stobs po che// mthu chen dang ni dbang phyug dang // gtso bo yang dag shes la sogs// gnod sbyin nyi shu rtsa brgyad dang / / gzhan yang gnod sbyin brgya stong rnams// rdzu 'phrul stobs chen ldan pa dag/ rtag par 'jigs pa'i gnas rnams su// nyer 'od gang zag de srung byed// lag ni rdo rje gnod sbyin rgyal/ / 'khor ni lnga brgya bcas pa dang // byang chub sems dpa' chen po'i tshogs// rtag par nyer 'od de srung byed// rin chen rgyal po gnod sprin dbang // de bzhin rdzogs bzang rgyal po dang 'brog gnas dang ni ku be ra/ / zas sbyin kha dog ser po dang / 'di la sogs pa'i gnod sbyin rgyal// so sor g.yog 'khor lnga brgya bcas// thams cad nyer 'od srung bar byed// sna tshogs sde dang dri za dang / / 'dam bu rgyal po rtag yul rgyal// nor bu gtsug dang ne gan ta// char pa'i dbang po de dag dang // mchog tu rgyal ba nag po che/ su pan dang kye sha dang / khan ci ka dang ra rkang dang / / de bzhin skal ba chen po dang // pra na li chung chos skyong dang // spre'u rnams kyi rgyal po dang // khab po spu dang nyi ma'i gnyen// rin chen gtsug pud srung bar byed// pra na'i chen na ku la/ / 'dun pa dang ni 'dod mchog dang // mthu bo che dang gang sa ri dang // bde ba'i ri yang de bzhin te// thams cad rdza 'phrul che ldan zhing // rab dpa' mthu stobs ldan pa yang // mdo sde 'di 'dzin mthong gyur na/ / thams cad 'ongs nas srung bar byed// ma dros klu yi rgyal po dang // klu yi rgyal po rgya mtsho dang // btang bzung dang ni e la'i 'dab// dga' ngo dang ni nye dga' bo/ klu ni brgya stong mang po'i nang // rdzu 'phrul dang ni gzi byin ldan// mdo sde 'dzin pa srung byed pas// nyin mtshan rtag par yongs mi 'bral// nga li dang ni sgra gcan dang // thag bzangs ris dang sdom pa pa/ / bong bu dpung dang za che dang // de bzhin du ni rab dga' dang // lha min rgyal po gzhan rnams dang // lha yi tshogs ni grangs med pa// stobs che rab tu dpa' ba rnams thams cad 'ongs nas de srung byed/ / 'phrog ma 'byung po rnams kyi ma// gnod sbyin 'khor ni lnga brgya rnams// mi de gnyid log sar kyang rung // rtag par 'ongs nas srung bar byed/ ma rung pa dang gdug pa dang / / gnod sbyin lag na dbyug thogs dang // dung chen dang ni so brtsegs ma// sems can kun gyi mdangs 'phrog ma// de 'dra'i lha tshogs mang po dag/ mthu chen rdzu 'phrul ldan pa/ kun mdo sde 'dzin pa rtag bsrung bas// nyin mtshan rtag par yong mi 'bral// gtso mo spobs pa chen mo dang // lha yi bu mo tshad med dang // dpal gyi lha mo gtso mo dang // de yi 'khor ni mang po dang / / sa chen 'di yi lha mo dang // lo tog kun dga' nags tshal lha// shing gi lha dang chu klung lha// mchod rten lha la sogs pa dang // de la sogs pa'i lha mang po// dga' chen sems ni rab bskyed pas/ / mdo sde 'di ni 'don pa la// thams cad 'ongs nas srung bar byed// mdo sde 'dzin pa mthong gyur na// tshe dang kha dog stobs 'phel byed// gzi byin dang ni yon tan dang mtshan mchog gis ni brgyan par 'gyur/ / gza' skar ltas ngan ston pa dang // de la nyam thag blur byung dang // rmi lam ltas ngan mthong ba yang // thams cad rab tu zhi bar byed// sa chen 'di yi / mo yang // rab brtan gzi byin mthu stobs ldan// mdo sde 'di yi mthu yis ni// chos kyi ro yos rtag tshim pas// sa bcud thur du song ba yang // dpag tshad brgya ni yan chad du// sa bcud gyen du 'phags byas nas/ / sa chen 'di ni snum par byed// sa yi rngams su dpag tshad ni// 'bum phrag drug cu rtsa brgyad nas// rdo rje gzhi la thug pa'i bar// sa bcud thams cad gyen du 'phags// mdo sde rgyal po 'di thos dbang // bsod nams phung po che thob pas// lha yi 'khor ni mang po rnams// thams cad phan yon thob par 'gyur// gzhan yang lha tshogs mang po rnam// mthu stobs 'od dang ldan 'gyur zhing // rab dga' rtag tu bde byed pas// nyams pa'i mtshan ma spong bar 'gyur// 'dzam bu'i gling ni 'di nang gi/ nags tshal 'bras bu lo tog lha// mdo sde 'di yi byin rlabs kyis/ / sems ni rtag tu dga' thob pas// lo tog thams cad legs 'gyur zhing // kun tu me tog dam pa dang // 'bru rnams thams cad 'phel 'gyur bas// sa chen ku turgyal bar 'gyur/ / 'bras bu'i sngon shing mang po dang // kun dga' nags tshal mang po kun// thams cad lo tog mchog skyes nas// dri zhim rtag par kun tu 'phrul// rtswa mang ljon shing rnams las kyang / / me tog dam pa skye 'gyur zhing // 'bras bu zhim po skye 'gyur bas// thams cad kun tu gang bar 'gyur// 'dzam bu'i gling ni 'di dag tu// klu yi bu mo tshad med snyed rab tu dga' ba'i sems bskyed nas/ / thams cad kun tu zhugs nas ni// me tog pad+ma du ma ngag/ de bzhin pad+ma dkar po dang // pad+ma sngon po dkar po gnyis// bskyed nus rdzing kun gang bar 'gyur/ / mdo sde 'di yi byin rlabs kyis/ nam mkha' gtsang zhing sgrib pa med// sprin dang khug rna yongs su sel// mun gnag thams cad snang bar 'gyur// nyi ma'i 'od zer stong 'gyed pas dri med 'od ni rnam par dag/ mdo sde'i rgyal po 'di yi mthus// gling bzhi yongs bskor gsal bar byed// mdo sde 'di yi byin rlabs kyis// lha yi bu rnams bstangs pas na// thams cad 'jam bu'i gser dag gis/ / gzhal med khang ni byed par 'gyur// nyi zla dang po 'char ba'i tshe// gling 'di mthong na rab dga' bas// rtag par snang ba chen po yis// thams cad kun tu gsal bar byed pas chen 'di la yod pa yi/ / pad+ma'i rdzing ni ji snyed pa// nyi mas dus bzhin gsal byed pas// kha ni mi 'byed gang yang med// 'dzam bu'i gling ni 'di dag tu// lo tog 'bras bu sman rnams kun/ / thams cad legs shing smin 'gyur bas// sa chen kun tu gang bar 'gyur// mdo sde 'di yi byin rlabs kyis// nyi zla snang bar byed pa'i gnas// rgyu skar tshad las mi 'da' zhing / rlung char dus bzhin ldang 'bab pas// 'dzam gling 'di dag kun tu yang // yul rnams lo legs skyid par 'gyur// gang na mdo sde 'di bzhugs pa// phyogs gzhan dag pas khyad par 'phags/ gser 'od dam pa'i mdo sde 'di// gang du spel zhing 'don pa dang // rnam phye 'chad pa byed pa'i gnas// bsod nams gong ma 'thob par 'gyur// de nas dpal gyi lha mo chen mo dang / lga la sogs pa mang po de dag bcom ldan 'das kyis de skad ces bka' stsal pa thos pa dang / thams cad rab tu dga' bas mdo sde'i rgyal po 'di dang / yongs su 'dzin par byed pa de dag la/ @sems rtse gcig tu yongs su bsrungs nas mya ngan gyis gnod pa med cing rtag tu bde ba 'thob par 'gyur bar mos par gyur to// gser 'od dam pa mchog tu rnam par rgyal ba mdo sde'i rgyal po las/ lha dang gnod sbyin rnams kyis yongs su bsrung zhing 'dzin par byed pa'i le'u ste nyi shu gnyis pa'o// // de nas de bzhin gshegs pas 'khor mang po'i nang du// rgya cher yang dag par chos bshad nas/ byang chub sems dpa' mdzes pa'i tog dang / de'i bu gnyis po dngul gyi tog dang / dngul 'od ces bya ba gnyis po bla na med pa yang dag par rdzogs pa'i byang chub tu lung bstan par bzhed par gyur pa dang / de'i tshe lha'i bu stong phrag bcu mchog tu rgyal ba 'od ces bya ba gtso bor gyur pa dang lhan cig tu sum cu rtsa gsum lha'i gnas nas babs te/ bcom ldan 'das kyi spyan sngar lhags nas/ bcom ldan 'das kyi zhabs la mgo bos phyag byas te/ phyogs gcig tu 'khod nas/ bcom ldan 'das kyi bka' chos bshad pa mnyan par gyur to// de nas bcom ldan 'das kyis/ byang chub sems dpa' mdzes pa'i tog la 'di skad ces bka' stsal to// khyod ma 'ongs pa'i dus bskal pa bye ba khrag khrig 'bum phrag brgya stong tshad med grangs med papasnyed 'das pa na gser 'od ces bya ba'i 'jig rten gyi khams su bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bas/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das gser dang rin po che'i rgyal po zhes bya bar gyur nas/ 'jig rten du 'byung bar 'gyur ro// de bzhin gshegs pa de yongs su mya ngan las 'das pa'i 'og tu bstan pa'i chos rnams nub par gyur pa dang / de'i tshe 'di'i bu chen po dngul gyi tog ces bya ba 'jig rten gyi khams de nyid du de bzhin gshegs pa'i rgyal tshab tu gyur te/ de'i tshe de'i ming bsgyur nas/ rnam dag tog ces bya bar 'gyur zhing / mngon par rdzogs par 'tshang rgya bar 'gyur bas/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das gser tog 'od ces bya bar 'gyur ro/ / de'i tshe de bzhin gshegs pa de yongs su mya ngan las 'das pa'i 'og tu bstan pa'i chos rnams nub par gyur pa dang / 'di'i bu chung ngu dngul gyi 'od de bzhin gshegs pa de'i rgyal tshab tu 'gyur bas/ 'jig rten gyi khams de nyid du mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das gser 'od ces bya bar 'gyur ro zhes lung bstan to/ / de nas de'i tshe lha'i bu stong phrag bcu po de dag gis/ skyes bu chen po gsum po de dag lung bstan pa yang thos/ 'di ltar mdo sde'i rgyal po mchog dam pa 'di yang thos pas sems rab tu dga' ba bskyed nas/ rnam par dag cing dri ma med par gyur pas/ dper na nam mkha' lta bur gyur to// de nas de bzhin gshegs pas lha'i bu stong phrag bcu po de dag gi dge ba'i/ rtsa ba yongs su smin par thugs kyis mkhyen pas/ byang chub chen por lung bstan nas/ 'di skad du lha'i bu khyed cag ma 'ongs pa'i bskal pa bye ba khrag khrig 'bum phrag brgya stong tshad med grangs med pa snyed 'das pa na/ 'jig rten gyi khams dbang po'i tog mngon par 'phags pa zhes bya bar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ rus rigs kyang 'thun/ ming 'thun par 'gyur bas/ thams cad zhal dang spun rnam par dag cing ut+pa la'i dri'i ri bo zhes bya ba/ mtshan rnam pa bcu phun sum tshogs par 'gyur te/ 'di ltar rims bzhin du sangs rgyas stong phrag bcu 'jig rten du 'byung bar 'gyur ro zhes lung bstan to/ / de nas bcom ldan 'das la/ byang chub kyi shing gi lha mos 'di skad ces gsol to// bcom ldan 'das lha'i bu stong phrag bcu sum cu rtsa gsum lha'i gnas nas chos nyan pa'i slad du/ bcom ldan 'das kyi spyan sngar mchis pa lags na/ ci'i slad du de bzhin gshegs pas mngon par rdzogs par 'tshang rgya bar 'gyur ro zhes lung bstan par mdzad lags/ bdag gis ni lha'i bu 'di dag pha rol tu phyin pa drug phun sum tshogs par bsgoms nas/ dka' ba spyad de// lag pa dang / rkang pa dang / mgo dang / mig dang / rkang dang / klang rgyas dang / g.yog 'khor dang / bu dang / mchis brang dang / glang po che dang / rta dang / shing rta dang / bran po dang / bran mo dang mngag gzhug bgyid pa dang / khang khyim dang / kun dga' ra ba dang / nags tshal dang / gser dang / dngul dang / bai DUR+Ya dang / spug dang / rdo'i snying po dang / byu ru dang man shel dang / dung dang / bza' ba dang / btung ba dang / gos dang / mal cha dang / gsos sman dag sbyin pa yongs su btang bar yang ma thos te/ byang chub sems dpa' brgya stong tshad ma mchis pa gzhan dag ni mchod pa'i yo byad mang pos 'das pa'i sangs rgyas 'bum phrag khrag khrig brgya stong grangs ma mchis pa snyed la mchod par bgyis nas/ 'di ltar byang chub sems dpa' de dag so so nas bskal pa tshad ma mchis shing / mtha' ma mchis bsnyed lon nas/ gdong de'i rjes la byang chub tu lung bstan pa 'thob par 'gyur ba lags na/ bcom ldan 'das lha'i bu 'di dag rgyu spyod pa mchog ni ji lta bu zhig mngon par bsgrubs/ dge ba'i rtsa ba ni ji lta bu zhig bskrun na/ lha'i gnas de nas 'dir mchis te/ yud tsam zhig chos thos pa 'di nyid kyis lung bstan pa 'thob par 'gyur lags/ bcom ldan 'das bdag la bkas bshad de/ the tsom gyi dri ba gcad du gsol/ bcom ldan 'das kyis shang gi lha me/ srul pa/ rigs kyi lha mo khyod kyis ji skad smras pa bzhin te/ 'di dag thams cad ni dge ba'i rtsa ba mchog dam pa'i rgyu dang / rkyen dang / nan tan brtson 'grus kyis dka' ba bsgrubs nas gdod lung bstan pa thob pa yin pas/ lha'i bu mang po 'di dag lha'i gzhal med khang mchog dam pa nas 'dod pa lnga'i bde ba spangs te/ ched du gser 'od dam pa'i mdo sde 'di mnyan du 'ongs pa yin pas/ chos thos par gyur nas kyang / mdo sde 'di la sems kyis gus pa bskyed de/ bai DUR+Ya yongs su dag pa ltar skyon gyi dri ma med par gyur pa dang / gzhan yang byang chub sems dpa' sems dpa' chen po gsum po 'di dag la lung bstan pa'i dngos po yang thos pa dang / gzhan yang 'das pa'i dus kyi tshe/ yun ring por yang dag pa'i spyod pa bsgrubs nas/ yi dam chen po blangs pa'i rgyu dang rkyen de'i phyir ngas ma 'ongs pa'i dus na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes lung ldan pa yin no/ / de nas shing gi lha mo des/ bcom ldan 'das kyis de skad ces bka' stsal pa thos pa dang / rab tu dga' bas mngon par yid ches par gyur to// gser 'od dam pa mchog tu/ rnam par rgyal ba mdo sde'i rgyal po las lung bstan pa'i le'u ste nyi shu gsum pa'o// / bcom ldan 'das kyis/ byang chub kyi shing gi lha mo la bka' stsal pa rigs kyi lha mo legs par nyon la shin tu yid la zung zhig dang / lha'i bu stong phrag bcu po 'di dag gi sngon gyi smon lam gyi rgyu dang / rkyen gang yin pa deng khyod la bshad par bya'o// rigs kyi mo sngon byung ba 'das pa'i dus kyi bskal pa grangs med pa tshad med cing bsam gyis mi khyab pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu kha lo sgyur ba/ lha dang mi rnams kyi ston pa sangs rgyas bcom ldan 'das rin chen gtsug pud ces bya ba 'jig rten du byung ste/ rigs kyi lha mo de'i tshe/ bcom ldan 'das de yongs su mya ngan las 'das pa'i 'og tu yang dag pa'i chos nub par gyur nas/ gzugs brnyan gyi chos kyi tshe/ rgyal po lha'i dbang phyug gi 'od ces bya ba zhig yod de/ rtag par yang dag pa'i chos kyis pha ma bzhin du mi rnams la rjes su ston par byed do// rgyal po de'i yul na tsheng dpon chu 'dzin ces bya ba sman gyi rig pa la shin tu mkhas pa/ shes pa'i yan lag brgyad legs par khong du chud pa/ sems can gyi nad kyi sdug bsngal 'byung ba chen po bzhi mi mthun pa las gyur pa thams cad yongs su skyob cing gso bar byed pa zhig yod de/ rigs kyi lha mo de'i tshe tsheng dpon chu 'dzin de la bu chu 'bebs zhes bya ba byang bzhin sdug cing mdzes pa/ mang po kun gyis blta bar mos pa/ rang bzhin gyis sems myur ba/ gtsug lag rnams legs par rtogs pa/ yi ge dang / ri mo dang / rtsis dang / grangs rnams mngon par mi rtogs pa gang yang med pa zhig yod par gyur to/ / de'i tshe rgyal po de'i yul khams na sems can brgya stong tshad med pa snyed nad kyi sdug bsngal sna tshogs kyis rab tu gzir bar gyur pas/ tha na dga' ba'i sems cung zad tsam yang med par gyur to/ / de nas tshong dpon gyi bu chu 'bebs sems can brgya stong tshad med pa de dag nad kyi sdug bsngal myong bar gyur pa mthong ba dang / snying rje chen po'i sems bskyed nas/ 'di snyam de sems can tshad med pa 'di snyed sdug bsngal mi bzad pas nyon mongs par gyur te/ bdag gi pha tshang dpon sman dpyad la shin tu mkhas shing shes pa'i yan lag brgyad legs par khong du chud de/ 'byung ba chen po bzhi 'phel zhing 'grib pa las byung ba'i nad sna tshogs gso bar nus kyang / rgas 'khogs pas lus kyi nyam chung zhing rma ba dang / 'khar ba la brten nas/ gdod 'gro bas grong dang / grong khyer dang / grong rdal rnams su song nas/ nad kyi sdug bsngal rnams yongs su skyob par byed mi nus la/ deng sems can brgya stong tshad med pa snyed ni nang tshabs chen pos thabs pas yongs su skyob par nus pa med na/ deng bdag pa sman pa chen po'i drung du song la/ nad gso ba'i sman dpyad gsang ba dris te/ gal te shes par gyur na/ grong dang / grong khyer dang / grong rdal dag tu song la/ sems can gyi nad rnam pa sna tshogs gsos te/ yun ring por bde ba myong bar bya'o snyam mo// de nas tshong dpon gyi bus 'di snyam du bsams nas pa'i thad du song ste/ rkang pa la mgo bos gtugs nas phyag byas te/ gus par thal mo sbyar nas phyogs gcig tu 'khod de/ tshigs su bcad pa dag gis pa la 'di skad ces dris so// bdag ni sems can bskyab pa'i slad/ / sman dpyad rnams ni zhu lags na// byams pa'i yab kyis brtser dgongs te// bdag la bkas ni bshad du gsol// ji ltar lus ni 'jig pa na// 'byung chen rnams ni/ 'phel 'grib 'gyur// gzhan yang dus ni gang gi tshe// nad mang rnams ni skye 'gyur lags// ji ltar zas skom 'tshal 'gyur na// bde ba dag ni myong 'gyur zhing // lus kyi nang gi me yi mthu/ nyams shing gnod par mi 'gyur la// sems can nad ni bzhi mchis te// rlung dang mkhris pa bad kan dang // kun 'dus pa yi nang lags na// de dag ji ltar gso bar bgyi// gang gi tshe ni rlung nad ldang // gang gi tshe ni mkhris nad slong // gang gi tshe na bad kan g.yo// gang gi tshe ni kun 'dus skye// de nas tshong dpon gyi bus gsol ba btab pa thos pa dang // tshigs su bcad de smras pa/ ngas dang drang srong rnying pa yi// nad gso dpyad la brten nas ni// rims bzhin khyod la rab bstan gyis// legs par nyon la sems can skyobs// zla ba gsum ni dpyid kyi dus// zla ba gsum ni/ dbyar zhes bya// zla ba gsum ni ston gyi phyogs// zla ba gsum ni dgun zhes bya// 'di ni lo gcig las brtsams pas// gsum gsum so sor bshad par bya// gnyis gnyis dus tshigs gcig byas na/ / lo gcig dus ni drug tu 'gyur// dang po gnyis ni me tog dus// gsum dang bzhi ni tsha ba'i dus// lnga dang drug pa char pa'i dus// bdun dang brgyad pa ston gyi dus// dgu dang bcu pa grang bar 'gyur/ / phyi ma gnyis ni kha ba'i dus// de ltar bye phrag shes gyur nas// 'gal ba med par sman gtang bya// dus ni 'di dag rjes 'thun par// zas skom legs par sbyor byed na/ / lho ni myur du 'ju 'gyur bas// nad mang dag ni skye mi 'gyur// dus tshigs gal te log gyur cing // 'byung chen bzhi ni 'phos gyur la// de tshe gsos sman med gyur na// nges par nad kyi sdug bsngal skye/ / sman pas dus bzhi shes bya zhing // dus tshigs dag kyang shes par bya// lus kyi khams bdun rig byas nas// 'gal ba med par zas sman btang // ro yi khams dang khrag dang sha/ / rus dang rkang dang klad rgyas su// nad ni 'di dag zhugs pa'i tshe// gsor rung mi rung shes par bya// nad ni tha dad rnam bzhi yod// rlung dang mkhris pa bad kan dang // kun 'dus pa yi nang yin te/ g.yo ba'i dus ni shes par bya// dpying ka'i dus ni shes par bya// dpyid ka'i dus ni bang kan g.yo// dbyar ni rlung nad skye bar 'gyur// ston gyi dus su mkhris pa rgyus// dgun ni gsum po cig/ car ldang // dpyid ni tsha rtsub dro ba bza'// dbyar ni snum dro lan tshwa sgyur/ ston ni grang dang dang ra dang snum// dgun ni rtsub skyur snum dang dang ra// dus ni bzhi po 'di dag tu// sman dang zas skom gang bza' ba/ / gal te de bzhin bza' byed na// nang mang dug ni skye mi 'gyur// zos 'og na ba bad kan dbang // zhu tsho na ba mkhris las gyur// zhu 'og ldang ba rlung gi dngang // dus dang sbyar nas nad shes bya// nad kyi rtsa ba shes gyur nas// nad ni ji bzhin sman gtang bya// nad dbyibs bye brag tha dad kyang // sngar ni rtsa bshes par bya// rlung nad dag la snum bag gtang mkhris pa'i nad ni khru na bzang / / bad kan nad ni bskyug par bya// kun 'dus la ni sman gsum dgos// rlung mkhris bad kan gsum ldang ba// de ni kun 'dus pa zhes bya// nad ldang dus ni// shes gyur kyang // rang bzhin dag ni shes par bya// de ltar brtags te shes gyur nas// dus bzhin du ni sman dpyad bya// zas skom sman ni 'gal med la// de ni smin pa mkhas shes bya/ shes pa'i yan lag brgyad rig na// sman dpyad rnams ni kun sdud pas// 'di dag la ni gsal byas nas// sems can dag ni gso bar bya// gtar ba dang ni rmas snad dang / / lus kyi nad dang 'dre gdon dang // ma rungs dug dang byis pa dang // tshe sring dang ni mthu skyed yin// sngar ni de yi kha dog dang // smra tshig rang bzhin rab brtags nas// de 'og rmi lam dris gyur na// rlung mkhris bad kan bye brag shes// skom ring mgo yi sgra ngan cing // sems kyi rang bzhin mi brtan la// tshig mang rmi lam 'phur mthong ba// de ni rlung gi/ rang bzhin can// gzhon nu skra dkar skye ba dang // rdul che gsher ba mang ba dang // yid gzhungs rmi lam me mthong ba// de ni mkhris pa'i rang bzhin can// sems brtan lus ni mnyam la drang // zhib rtog mgo dag snum zhing rlan// rmi lam chu dang rdzas dkar mthong // bad kan rang bzhin shes par bya// kun 'dus rang bzhin kun ldan pas// kha cig gnyis dang gsum dang ldan// phyogs gcig lhag par gang mang ba// de yi rang bzhin shes par byos// rang bzhin rig par gyur nas ni// nad bzhin sman ni gtang bar bya// 'chi ba'i mtshan ma med gyur na// mi gsor rung ba zhes bya/ / dbang pos log par yul 'dzin cing // bla ma sman pa dag la brnyes// nye du dag la khong khro na// 'chi ba'i mtshan mar shes par bya// mig yon kha dog dkar 'gyur zhing / / snru gnas tha zur yo ba dang // rna ba'i 'khor lo blo las gyur// ma mam thur 'byung 'chi ba'i mtshan// a nu ra ni rnam pacigs// ro yinam pa drugaldan/ nang ni thams cad sel byed pas// nyes med sman rnams kun gyi rgyal// 'bras bu gsum dang che ba gsum// sman rnams nang na rnyed par sla// bu ram sbrang rtsi 'o ma mar 'di dag nad mang gso bar nus/ / de las gzhan pa'i sman rnams ni// nad dang sbyar te bskyed par bya// sngar ni brtse ba'i sems bskyed nas// nor dang khe la blta mi bya/ ngas ni khyod la nad gso ba'i/ / gces pa'i don ni bstan pa yin// 'di yis sems can gso byas na// mtha' med 'bras bu 'thob par 'gyur// rigs kyi lha mo de nas tshong dpon gyi bu chu 'bebs pa las mngon sum du shes pa'i yan lag brgyad kyi don gces pa dang / 'byung ba chen po bzhi 'phel zhing 'grib pa dang / dus tshigs mi mthun pa dang / sman dpyad kyi cho ga thos pas legs par khong du chud par gyur nas/ bdag nyid nang mang po gso nus par rig par gyur pas/ grong dang / grong khyer dang / grong rdal kun tu khyab par de dang de dag tu song ste/ nad kyi sdug bsngal dang ldan pa'i sems can 'bum phrag brgya stong du ma de'i thad lhags pa rnams la legs pa'i tshig gis spro ba bskyed nas/ 'di skad du bdag ni sman pa'o/ / bdag ni sman pa ste/ sman dpyad la shin tu mkhas pas/ deng khyed cag gi nad mang po gsos nas/ thams cad gsos par bya'o zhes smras so// rigs kyi lha/ mo de'i tshe mi mang po rnams tshong dpon gyi bus legs pa'i tshig gis spro ba bskyed nas nad gso bar gnang ba thob pa dang / de nas sems can nad tshabs po ches btab pa brgya stong tshad med pa snyed cig tshig de skad smras pa thos nas/ lus dang sems dga' mgu rangs shing ngo mtshar rmad du byung ba thos par gyur pas/ rgyu dang rkyen des nad kyi sdug bsngal ji snyed pa thams cad gsos shing zhi bar gyur/ nyam stobs rtas te/ snga mkho bzhin du gsos par gyur to// rigs kyi lha mo de'i tshe/ gzhan yang nad kyi sdug bsngal shin tu lci zhing gso bar dka' ba'i sems can brgya stong tshad med pa rnams kyang lhan cig tshong dpon gyi bu'i thad du lhags nas/ yang nad gso bar gsol ba btab pa dang / de'i tshe tshong dpon gyi bus sman gya nom pa dag btang nas/ thams cad gsos par gyur te/ rigs kyi lha mo de'i tshe tshong dpon gyi bu des yul khams de kun nad kyi sdug bsngal gyis nyen pa'i sems can bye ba khrag khrig brgya stong du ma gsos par byas so// gser 'od dam pa mchog tu rnam par rgyal ba mdo sde'i rgyal po las/ nang rab tu zhi bar byas pa'i le'u ste nyi shu bzhi pa'o// / de nas bcom ldan 'das kyis byang chub kyi shing gi lha mo la 'di skad ces bka' stsal to/ / rigs kyi lha mo de'i tshe tshong dpon gyi bu chu 'bebs kyis/ sngon gyi rgyal po lha'i dbang phyug 'od kyi yul khams su sems can gyi nang kyi sdug bsngal snyed yod pa dag gsos nas/ snga mkho bzhin du rtas te/ bde ba myong bar gyur pa dang / de'i tshe sems can mang po de dag nad gsos par gyur pa'i phyir/ bsod nams kyi las ma du bsags nas/ sbyin pa rgya cher btang ba la bdag nyid longs spyod par gyur pas/ thams cad lhan cig tshong dpon gyi bu'i thad du dong ste/ thams cad gus pa bskyed nas 'di skad du tshong dpon chen po'i bu bsod nams kyi dngos shin tu legs par bskyed de/ bdag cag la phan btags nas bde bar 'tsho bar byas pa le gso legs so// khyod ni yang dag pa'i mthu chen po dang ldan pa'i sman pa'i rgyal po byams pa dang / snying rje dang ldan pa'i byang chub sems dpa' yin te/ sman dpyad la shin tu mkhas pas/ sems can gyi nad kyi sdug bsngal tshad med pa dag legs par gsos so zhes grong dang grong khyer kun tu khyab par de ltar bsngags pa brjod par gyur to/ / rigs kyi lha mo de'i tshe tshong dpon gyi bu de'i chung ma chu'i dpung pa'i mdzod ces bya ba la bu gnyis yod de/ de gcig gi ming ni chu rgyas zhes bya'o// gcig gi ming ni chu'i mdzod ces bya'o// de nas chu 'bebs bu gnyis khrid nas mthar gyis grong khyer dang grong rdal rgyu zhing dong ba las dgon pa'i gnas shin tu nyam bzhag 'das pa dang / de na 'phar ba dang / spyang ki dang / wa dang / spra chen dang / bya rgod la sogs pa gcan gzan gyi rnam pa sha/ khrag za zhing 'thung ba mang po phyogs gcig tu rgyug cing 'phur te dong ba mthong ngo // de nas tshong dpon gyi bu de 'di snyam du gcan gzan 'di dag rgyu dang rkyen gang gi phyir phyogs gcig tu 'phur zhing rgyug par gyur pa bdag gis skad cig phyi bzhin du brtag go snyam du bsams nas/ phyi bzhin du song ba las rdzing chen po dgon pa skyes zhes bya ba de ni/ chu zad la thug pas rdzing de'i nang na nyam po yod pa mthong bar gyur to/ / chu 'bebs kyis mthong nas kyang / snying rje chen po'i sems skyes pa dang / de'i tshe shing gi lha zhig gis lus phyed tsam bstan nas/ 'di skad du legs so legs so/ / rigs kyi bu khyod ni yang dag pa'i don dang ldan pa'i phyir/ chu 'bebs zhes bya bas nya 'di dag la snying brtse ba chu sbyin pa'i rigs so// rgyu dang rkyen rnam pa gnyis dang ldan pa'i phyir chu 'bebs zhes bya ste/ chu 'bebs par byed pa dang / chu sbyin par byed pa'o// deng khyod kyis ming ji lta ba bzhin du byos shig/ de nas chu 'bebs kyis/ shing gi lha la smras pa/ 1 'di dag gi grangs ji tsam zhig yod/ shing gi lhas smras pa/ grangs ni stong phrag bcu tshang ba snyed yod do// rigs kyi lha mo de nas tshong dpon gyi bus grangs de snyed yod par thos pa dang / lhag par snying rje ba'i bsam pa skyes par gyur to// de'i tshe rdzing chen po de yang nyi mas gdungs nas chu'i lhag ma cung zad cig lus par gyur pas/ nya stong phrag bcu po de dag kyang 'chi ban sgor zhugs te/ lus kyis 'dre ldog byas nas tshong dpon de mthong ba dang / sems la re ba dang bcas pas/ mig mi 'dzums par rjes su 'brang zhing blta bar gyur to// de nas tsheng dpon gyi bus dngos po de mthong nas/ phyogs bzhir brgyugs te chu btsal bar 'dod kyang rnyed par ma gyur pas/ yang phyogs gcig tu rnam par bltas pa las/ ljon shing chen po zhig mthong ba dang / steng du 'dzegs nas yal ga dang lo ma bcad de/ bsil grib byas so// gzhan yang rdzing 'di'i chu gang nas 'ongs zhes yongs su btsal ba las/ chu bo chen po chu skyes zhes bya ba zhig mthong ngo / / de'i tshe chu bo de'i 'gram na nya pa mang po yod pas/ nya blang ba'i phyir chu bo de'i gong du ga yang sa chen po yod pa'i gnas su chu bo nas 'bab tu mi ster bas chu dral ba'i de yang shin tu bcos dka' bar gyur 'di snyam du gad pa 'di ni shin tu zab cing ga yang sa che bas/ mi brgya stong gis zla ba gsum gyi bar du yang bcos mi nus na bdag gcig pus mi nus pa lta smos kyang ci dgos snyam mo/ / de nas tshong dpon gyi bu myur du rang gi grong khyer du song ste/ rgyal po chen po'i drung du phyin nas/ mgo bos rkang pa la phyag byas te phyogs gcig tu 'khod nas gus pas thal mo sbyar te/ 'di skad du bdag gis rgyal po chen po'i mnga' ris na/ 'bangs la bro nad sna tshogs ci mchis pa gsos nas// thams cad bde bar bgyis te/ mthar gyis ljongs rgyur mchis pa las/ 'brog dgon pa zhig tu mchis pa dang / rdzing dgon pa skyes zhes gyi ba de'i chab pas su nye bas/ de na nya stong phrag bcu mchis pa yang gdugs kyis bskams pas/ ring po mi thogs par 'gum par 'gyur ba dag mthong lags na/ rgyal po chen po byams pa dang / thugs rjes thugs brtse bar dgongs te/ glang po che nyi shu zhig chab brgal bar skad cig sbrul du gsol/ ji ltar bdag gis nad pa mang po la srog stsal ba de bzhin du nya de dag gi srog gi skyabs bgyid pa lags so zhes gsol to// de nas rgyal po chen pos kyang blon po chen po la sman pa'i rgyal po 'di la myur du glang po che byin ces bsgo'o// de'i tshe blon po chen pos kyang / rgyal po'i bka' khyer nas tshong dpon gyi bu la 'di skad ces smras so/ / kye skyes bu chen po legs so// khyod bdag nyid glang po che'i lhas su song ste/ yid la ji ltar 'dod pa bzhin glang po che nyi shu zhig 'dam ste khyer la sems can langan btags nas/ bde ba thob par gyis shig/ de nas chu 'bebs bu gnyis dang lhan cig tu glang po che nyi shu khrid de chad pa'i khyim nas rkyal pa mang po g.yar te/ chu dral ba gnas su phyin nas rkyal ba chus bkang ste/ glang po che la bkal nas rdzing gi drung du phyin te/ rdzing gi nang du blugs pa dang / snga mkho bzhin du gang zhing rgyas par gyur to// rigs kyi lha mo de'i tshe tsheng dpon gyi bus rdzing gi ngos bzhir 'khor bar bltas pa dang / de nas nya mang po de dag kyang phyi bzhin du 'brangs nas/ 'gram du rgyu bar gyur to// de nas tshong dpon gyi bu yang 'di snyam du nya mang po 'di ci'i phyir bdag gi phyi bzhin 'brang / gdon mi za bar bkres pa'i mes gdungs nas/ bdag la zas slong ba yin pas/ bdag gis sbyin par bya'o snyam du bsams nas/ tshong dpon gyi bu chu 'bebs kyis/ bu la 'di skad ces smras so// khyod kyis glang po che mchog tu stobs dang ldan pa gcig blangs te/ myur du khyim du deng la yab tshong dpon la gsol te/ khyim na bzar rung ba'i dngos po ci yod pa dang / pha ma za ba'i skal ba dang / bu dang / chung ma dang / bran dang / bran mo'i skal ba ci yod pa thams cad kyang bsdus te khyer la shog cig/ de nas bu gnyis pa yis bstan pa mnyan nas/ glang po che mchog la zhon te/ rings par khyim du song nas/ mes po'i drung du phyin pa dang / dngos po gong ma rgyas par smras nas/ khyim na bzar rung ba'i dngos po ci yod pa glang po che la bkal nas/ myur zhing rings par pha 'dug pa'i rdzing drung du phyin pa dang / de nas chu 'bebs bu 'ongs pa mthong nas/ lus dang sems dga' mgu rangs par gyur te/ zas rnam blangs nas/ rdzing kun tu khyab par gtor ba dang / nywa rnams zas thob pas/ thams cad 'grangs shing tshim par gyur to// yang 'di snyam du deng bdag gis zas yongs/ su btang nas/ nya rnams srog thob par gyur pas ma 'ongs pa'i dus kyi tshe yang chos kyi zas yongs su btang nas/ sems can mtha' yas pa rnams tshim par byed par gyur cig snyam mo// / gzhan yang 'di snyam du bdag gis sngon dgon pa'i nags tshal na dge slong gcig theg pa chen po'i mdo sde klog pa las rten cing 'brel par 'byung ba yan lag bcu gnyis pa'i chos zab mo'i don gces pa ston pa yang mthong zhing thos/ gzhan yang mdo sde las sems can gang la la zhig 'chi ka'i dus kyi tshe/ de bzhin gshegs pa rin chen gtsug pud kyi mtshan thos par gyur na/ mtho ris su skye bar gyur ro zhes gsungs pas/ deng bdag gis nya stong phrag bcu po de dag la rten cing 'brel par 'byung ba yan lag bcu gnyis pa'i chos zab mo yang bstan la/ de bzhin gshegs pa rin chen gtsug phud kyi mtshan yang brjod par bya'o// 'dzam bu'i gling 'di na sems can rnam pa gnyis yod de/ theg pa chen po la shin tu mngon par yid ches pa dang yid mi ches shing smod par byed pa ste/ de dag kyang mngon par yid ches pa'i sems 'phel bar bya'o snyam mo// de'i tshe tshong dpon gyi bu 'di snyam du bdag rdzing gi nang du zhugs te/ nya mang po de dag la chos zab mo shin tu gya nom pa bshad par bya'o snyam du bsems nas/ chu'i nang du zhugs te/ 'di skad ces 'das pa'i de bzhin gshegs pa dgra bcom pa yang dag par rdzogs pa'i/ sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ bla na med pa'i skyes bu kha lo sgyur ba/ lha dang mi rnams kyi ston pa sangs rgyas bcom ldan 'das rin chen gtsug pud la phyag 'tshal lo/ / de bzhin gshegs pa 'di sngon byang chub sems dpa'i spyad pa spyod pa na/ 'di ltar thugs dam pazhes te/ phyogs bcu'i 'jig rten gyi khams na sems can ji snyed pa gang dag 'chi ka'i dus kyi tshe nga'i ming thos par gyur na/ shi 'phos pa'i 'og tu sum cu rtsa gsum gyi lhar skye bar 'gyur ro zhes bka' stsal to zhes bsgrags so// de nas chu 'bebs rdzing gi nya de dag la chos zab mo gya nom pa yang 'di skad du 'di yod pa'i tshe de yod/ 'di skyed pa'i phyir de skye ba 'gyur ba 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen gyis tshor ba tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang sdug bsngal ba dang / 'khrug pa 'byung ste/ sdug bsngal gyi phung po 'di 'ba' zhig 'byung bar 'gyur ro// 'di 'gag pa'i phyir 'di 'gag par 'gyur ba 'di lta ste/ ma rig/ pa 'gags pas/ 'du byed 'gag/ 'du byed 'gags pas/ rnam par shes pa 'gag/ rnam par shes pa 'gags pas/ ming dang gzugs 'gag/ ming dang gzugs 'gags pas / skye mched drug 'gag/ skye mched drug 'gags pas/ reg pa 'gag/ reg pa 'gags pas/ tshor ba 'gag/ tshor ba 'gags pas/ sred pa 'gag/ sred pa 'gags pas ldan pa 'gag len pa 'gags pas/ srid pa 'gag/ srid pa 'gags pas/ skye ba 'gag/ skye ba 'gags pas/ rga shi 'gag/ rga shi 'gags pas/ mya ngan dang / smre sngags 'don pa dang / sdug bsngal ba dang / 'khrug pa rnams 'gag par 'gyur te/ 'di ltar sdug bsngal gyi lung lo 'di 'ba' zhig 'gag par 'gyur ro zhes bshad do// chos 'di dag bshad nas/ gzhan yang rten cing 'brel par 'byung ba'i yan lag bcu gnyis dang mtshungs par ldan pa'i gzungs 'di bstan to/ / / d+hASh+Thabatsa na/ bcan/ bi na ni/ sa sh+tsa nI/ nga D+yan sa shra ni/ d+hI na ni/ d+hi shi ni/ b+hi sha ni sAt+ma/ tad+ya thA/ na mi ni/ na mi ni/ na mi nau/ sha d+ha ni/ sha d+hi ni/ sha d+hi ni/ pra za sha ni/ za ga ni/ pra pra sha ni sAhA/ tad+ya thA/ be tra ni/ be tra ni/ be tra ni/ dri shi ni ni/ dri shi ni ni/ dwi shi ni ni/ u pa d+hi ni/ u pa d+hi ni/ u pa d+hi ni swAh+ma/ tad+ya thA/ b+hU bi ni/ b+ha bi ni/ b+ha bi ni/ sha ti ni/ sha ti ni/ sha ti ni/ sha ma ni ni/ sha ma ni ni/ sha ma ni ni swA hA/ de'i tshe bcom ldan 'das kyis 'khor mang po rnams la/ tshong dpon gyi bu'i sngon gyi rgyu 'di bstan pa na/ lha dang mi'i khor rnams shin tu ngo mtshar che'o zhes bsngags pa brjod par gyur to/ / de nas rgyal po chen po bzhi po dag so so nas/ gnas de nyid du mgrin gcig tu 'di skad ces smras so// legs so/ shAkya thub pa'i gtso// yan lag bcu gnyis mtshungs ldan pa// dam chos rig sngags bkas bshad nas// sdig bsal bsod nams 'phel bar mdzod// bdag cag kyang ni bsngags brjod nas// dam pa'i chos ni srung bar bgyid// gang zhig 'gal bar bgyis nas ni// legs par rjes su mi 'brang na// ardza ka yi yal ga bzhin// mgo ni tshal pa bdun du 'gems// bdag cag/ bcom ldan spyan sngar ni// rig sngags lan cig brjod par bgyi// tad+ya thA/ hi ri mi te/ gan d+ha ri/ tsan Da ri/ d+hi ri/ dzeT ba re/ shi hi ba re/ pu ra pu re/ gu gu ma ti/ khi ra ma ti d+ha d+hi mu khi/ lo'u ru b+ha/ mu ru b+ha/ ku tsa mu ru gan te/ du ru du ru du ru dir+ye/ i d+hi sid+d+hi dab be d+ha da ba ba/ u ste/ u ste/ b+had dre/ an le b+ha da dre ba du ma b+had dre/ pa du ma/ u su ma b+had dre swA hA/ bcom ldan 'das kyis bka' stsal pa/ rigs kyi lha mo de'i tshe tshong dpon gyi bu chu 'bebs dang / bu gnyis kyis rdzing de'i nya dag la chu dang zas byin nas/ chos bshad de slar rang gi khyim du dong ngo // tshong dpon gyi bu chu 'bebs de dus gzhan zhig na/ ston mo la 'dus te/ rol mo sna tshogs byas nas/ chang gis ra ro ste nyal ba dang / de'i tshe/ nya stong phrag bcu po de dag dus gcig tu tshe 'das nas sum cu rtsa gsum gyi lhar skyes pas/ de dag 'di snyam du bdag cag gi dge ba'i las kyi rgyu dang rkyen gang gis/ lha'i gnas 'dir skyes par gyur ces bsams nas/ phan tshun gcig la gcig 'di skad du bdag cag ni sngon 'jam bu'i gling du dud 'gro'i skye gnas su lhung nas/ nya'i lus blangs pa las/ tshong dpon gyi bu chu 'bebs kyis bdag cag la chu dang zas byin nas/ gzhan yang bdag cag la rten cing 'brel par 'byung ba yan lag bcu gnyis pa'i chos zab mo dang gzungs kyang bshad/ de bzhin gshegs pa rin chen gtsug pud kyi mtshan nas kyang brjod pa'i rgyu dang rkyen des bdag cag lha'i gnas 'dir skyes pa yin pas/ de'i phyir bdag cag thams cad tshong dpon gyi bu de'i thang du dong la/ drin bsab pa'i phyir mchod pa bya ba'i rigs so zhes smras so/ / de nas lha'i bu stong phrag bcu po de dag lha'i gnas de nas mi snang bar gyur te/ 'dzam bu'i gling du sman pa'i rgyal po chen po'i thad du lhags so// de'i tshe tshong dpon gyi bu de yang thog mthon pa'i steng du bde bar gnyid log pa las/ lha'i bu stong phrag bcu po de dag gis mu tig gi 'phreng ba stong phrag bcu ni mgo drung du bzhag/ yang stong phrag bcun rkang pa'i drung du bzhag/ yang stong phrag bcu ni g.yas phyogs su bzhag/ yang stong phrag bcu ni g.yon phyogs su bzhag ste/ me tog man+da ra dang / man+da ra chen po'i char pus nub tsam du phab nas 'od kyis kun tu snang bar byas te/ lha'i rol mo rnam pa sna tshogs las sgra dbyangs snyan pa dag byung nas/ 'dzam bu'i gling du gnyid log pa thams cad sad par byas so// tsheng dpon gyi bu chu 'beb kyang gnyid log pa las sad par gyur pa dang / de nas lha'i bu stong phrag bcu po de dag gis mchod pa byas nas/ nam mkha' la 'phur te dong ngo // rgyal po lha'i dbang phyug 'od kyi yul khams su yang gnas de dang de dag thams cad du/ lha'i me tog pad+ma dam pa'i char mngon par phab bo// lha'i bu mang po sngon gyi gnas dgon pa'i rdzing drung du dong nas/ lha'i me tog sna tshogs kyi char mngon par bab ste/ de nas mi snang bar gyur nas/ slar lha'i gnas su dong ste/ yid bzhin du dga' bar 'dod pa lnga'i bde ba dag la longs spyod par gyur to// rgyal po lha'i dbang phyug 'od kyang nam nangs pa dang / blon po chen po de dag la mdang sum rgyu dang rkyen gang gi phyir ya mtshan gyi mtshan ma de lta bu dag snang zhing / 'od zer chen po dag kyang bkye bar gyur ces smras so// blon po chen pos gsol pa/ rgyal po chen mkhyen par mdzod cig/ lha'i tshogs mang po rnams kyis tshong dpon gyi bu chu 'bebs kyi sdum par mu tig gi 'phreng ba stong phrag bzhi bcu dang / me tog man+da ra ba'i char mngon par phab pas// pus nub tsam du bgyis lags so// rgyal po dang / blon po la bsgo ba/ tshong dpon gyi khyim du song la de'i bu bos shog/ blon po chen pos bka' mnyan nas/ de'i khyim du song ste/ rgyal po'i bka' zlas nas/ tsheng dpon gyi bu bkug go/ de nas tshong dpon gyi bu rgyal po'i drung du phyin pa dang / ma dang sum rgyu dang rkyen gang gi phyir/ ya mtshan che ba'i mtshan ma de lta bu dag byung bar gyur ces dris so// tshong dpon gyi bus smras pa/ bdag gis dpyad pa lta na/ gdon mi 'tshal ba rdzing de'i nang gi nya mang po de dag mdo sde las gsungs pa bzhin du tshe 'das nas/ sum cu rtsa gsum gyi lhar skyes pas/ de dag drin lan bla na pa'i slad du ya mtshan che ba'i mtshan ma de lta bu bstan snyam bgyis lags so/ / rgyal pos smras pa/ ji ltar shes/ chu 'bebs kyis smras pa/ lhas pho nya 'ga' zhig dang / bdag gi bu gnyis rdzing de'i drung du gtang ste/ nya stong phrag bcu po de dag gum mam/ 'tshe ba brtags na mad dam mi med mkhyen par 'gyur lags so// rgyal pos de skad smras pa thos nas/ pho nya dang de'i bu gnyis rdzing de'i drung du btang ba las/ rdzing de'i nang na me tog ma ny+dza ra ba mang po phung po chen por gyur pa dang / nya mang po thams cad dus las 'das par mthong ngo // mthong nas kyang slar myur du log ste/ rgyas par rgyal po la gsol pa dang / rgyal po yang de ltar gyur pa thos pas/ rab tu dga' bar gyur nas/ sngon chad de lta du ma byung ngo zhes bsngags pa brjod par gyur to// de nas com ldan 'das kyis/ byang chub kyi shing gi lha mo la 'di skad ces bka' stsal to// rigs kyi lha mo khyod kyis 'di ltar shes par bya ste/ sngon byung ba tshong dpon gyi bu chu 'bebs zhes bya ba de ni nga nyid yin no/ / tshong dpon gyi bu chu 'dzin ces bya ba de ni mdzes pa'i tog yin no// de'i bu gnyis las bu chen po chu rgyas zhes bya ba de ni dngul gyi tog ces bya ba nyid yin no// de'i bu chung ngu chu'i mdzod ces bya ba de ni dngul gyi 'od ces bya ba nyid yin no/ / rgyal po lha'i dbang phyug gi 'od ces bya ba de ni shAkya lag na be con yin no// shing gi lha mo de ni byang chub kyi lha mo khyod nyid yin no// nya stong phrag bcu po 'di dag ni lha'i bu stong phrag bcu po 'di dag nyid yin no/ / ngas sngon nya de dag la chu dang zas byin te/ tshim par byas nas/ rten cing 'brel par 'byung ba yan lag bcu gnyis pa'i chos zab mo dang mtshungs par ldan pa'i gzungs 'di bshad pa'i rgyu de dang / gzhan yang de bzhin gshegs pa rin chen gtsug pud de'i mtshan nas brjod de/ bstan pa'i dge ba'i rtsa ba de'i rgyus mtho ris su skyes par gyur pas deng nga'i thad du 'ongs nas/ rab tu dga' bas chos mnyan pas ngas thams cad bla na med pa yang dag par rdzogs pa'i byang chub tu lung bstan nas/ de dag gi ming bstan pa yin no// rigs kyi lha mo ji ltar ngas sngon srid pa rnams su 'khor ba na 'khor ba'i tshe/ sems can tshad med pa snyed la rgya cher phan btags nas/ thams cad rims kyis bla na med pa yang dag par rdzog/ pa'i byang chub tu lung bstan pa de bzhin du khyed cag thams cad kyis kyang nan tan brtson 'grus kyis nges par 'byung ba yongs su gnyer nas/ bag med par mi bya'o// de nas 'khor mang po rnams de skad ces bka' stsal pa thos pa dang / thams cad kyis byams pa dang / snying rje chen pos thams cad yongs su skyob pa dang / nan tan brtson 'grus kyis dka' ba spyad na/ gdong bla na med pa'i byang chub rtogs shing mngon du byed par 'gyur bar khong du chud par gyur pas/ shin tu dang sems kyis mngon par yid ches shing rab tu dga' bar gyur to// gser 'od dam pa mchog tu rnam par rgyal ba mdo sde'i rgyal po las/ tshong dpon gyi bu chu 'bebs kyi le'u ste nyi shu lnga pa'o// // gser 'od dam pa mchog tu rnam par rgyal ba mdo sde'i rgyal po'i mdo bam po bcu pa ste tha ma// de nas bcom ldan 'das kyis 'khor mang po rnams la lha'i bu stong phrag bcu po de dag gi sngon gyi rgyu dang rkyen bkas bshad nas/ yang byang chub kyi shing gi lha mo dang / 'khor mang po rnams la bka' stsas pa ngas 'das pa'i dus kyi tshe/ byang chub sems dpa'i lam spyod pa na/ chu dang zas sbyin pa btang nas/ nya de dag gi srog phan btags pa 'ba' zhig byas pa ma yin gyis/ shin tu 'phangs pa'i lus kyang yongs su btang ste/ de'i rgyu dang rkyen gang yin pa lhan cig blta bar bya'o// de nas de bzhin gshegs pa dgra bcom pa yang dag par rdzogs pa'i sangs rgyas lha'i gnas kyi steng dang / lha gnas kyi 'og thams cad na 'od zer brgya stong du mas phyogs bcu'i 'jig rten gyi khams gsal bar mdzad pa/ mkhyen pa thams cad du phun sum tshogs par gyur pa/ yon tan yongs su rdzog par gyur pa des/ dge slong rnams dang / 'khor mang po rnams dang lhan cig tu pany+tsa la'i ljongs su byon nas/ nags tshal sa gzhi shin tu mnyam la tsher ma rnams med pa/ me tog mchog dam pa dang / rtswa 'jam po dag gis kun tu khyab par bkram par gshegs te/ bcom ldan 'das kyis/ tshe dang ldan pa kun dga' bo la bka' stsal pa/ khyod kyis shing 'di'i drung du nga'i ched du stan things shig/ de nas tshe dang ldan pa kun dga' bos bka' mnyan nas gdan bting ngo // bting zin nas/ bcom ldan 'das la 'di skad ces gsol to// bcom ldan 'das gdan bshams lags na/ 'phags pas dus mkhyen par mdzad du gsol/ de nas bcom ldan 'das gdan gyi steng du skyil mo krung bcas te/ sku drang por bsrangs nas/ yang dag pa'i dran pa nye bar gzhag ste bzhugs nas/ dge slong rnams la bka' stsal pa/ khyed sngon dka' ba spyad pa'i byang chub sems dpa'i sngon gyi lus kyi ring bsrel blta bar 'dod dam/ dge slong rnams kyis gsol pa bdag cag mthong bar mos lags so/ / de nas bcom ldan 'das bsod nams brgyas rab tu brgyan pa/ mtshan dang dpe byad dang ldan pa'i phyag gis sa la mnan pa dang de'i tshe sa chen po rnam pa drug tu g.yos par gyur pas/ sags shing bye bar gyur pa dang / rin po che sna bdun gyi mchod rten rin po che sna tshogs kyi dra bas rab tu brgyan pa zhig mngon par 'phags te/ byung ba 'khor mang po kun gyis mthong nas ngo mtshar che ba'i bsam pa skyes par gyur to// de nas bcom ldan 'das gdan las bzhengs te/ phyag mdzad nas g.yas phyogs su bskor ba mdzad de/ slar gdan la bzhugs nas tshe dang ldan pa kun dga' bo la bka' stsal pa/ khyod kyis mchod rten 'di'i sgo phye zhig/ de nas tshe dang ldan pa kun dga' bos sgo de phye ste/ rin po che sna bdun las byas pa'i sgrom bu rin po che mchog dam pas brgyan pa zhig mthong ba dang / bcom ldan 'das la 'di skad ces gsol to// bcom ldan 'das rin po che sna bdun las bgyis pa'i sgrom bu rin po che rnam pa sna tshogs kyis rab tu brgyan pa zhig gda' lags so/ / bcom ldan 'das kyis bka' stsal pa/ khyod kyis sgo phye zhig/ de nas tshe dang ldan pa kun dga' bos bka' mnyan nas phye ba dang / ring bsrel kha dog dung dang / me tog ku mu da 'dra ba zhig mthong nas/ bcom ldan 'das la gsol pa/ sgrom gyi nang na ring bsrel kha dog dam pa gzhan las khyad par du 'phags pa zhig gda' lags so// bcom ldan 'das kyis bka' phrul pa kun dga' bo khyod kyis skyes bu chen po'i rus pa 'di khyer te shog cig/ de nas tshe dang ldan pa kun dga' bos ring bsrel de blangs nas/ bcom ldan 'das la phul lo// bcom ldan 'das kyis bzhes dge slong rnams la khyed kyis dka' ba spyad pa'i byang chub sems dpa'i lus kyi ring bsrel bzhag pa ltos shig ces bka' stsal nas/ tshigs su bcad de bka' stsal pa/ byang chub sems dpa' yon tan mchog ldan blo/ / rab dpa' brtson pas pha rol phyin drug rdzogs// rtag sgom byang chub phyir ni rgyun chad med/ btang snyoms che bstan sems la ngal ba med/ dge slong dag khyed cag thams cad kyis byang chub sems dpa'i sngon gyi lus la gus pas phyag byos shig/ ring bsrel 'di'i tshul khrims dang / ting nge 'dzin dang / shes rab kyi dri tshad med pa dag gis yongs su gtugs pa/ bsod nams kyi zhing mchog dam pa yin pas shin tu phrad par dka' 'o// de nas dge slong rnams dang / 'khor mang po rnams kyis sems rtse gcig tu gus pas thal mo sbyar te/ mgo bos ring bsrel la phyag byas nas sngon chad nam yang de lta bu ma byung ngo zhes bsngags pa brjod par gyur to/ / de nas tshe dang ldan pa kun dga' bo mdun du 'phags te/ bcom ldan 'das kyi zhabs la phyag byas nas/ bcom ldan 'das la 'di skad ces gsol to// bcom ldan 'das de bzhin gshegs pa ston pa chen po ni thams cad las mngon par 'phags pa lags pas/ sems can kun gyis bsnyen bkur ba lags na/ rgyu dang rkyen gang gi slad du lus kyi rus pa 'di la phyag mdzad lags/ bcom ldan 'das kyis/ tshe dang ldan pa kun dga' bo la bka' stsal pa kun dga' bo nga ni rus pa 'di'i rgyus myur du bla na med pa yang dag par rdzogs pa'i byang chub mngon par rdzogs par sangs rgyas par gyur pas/ sngon gyi drin bsab pa'i phyir/ deng ngas phyag byas pa yin no// yang tshe dang ldan pa kun dga' bo la bka' stsal pa/ ngas deng khyod dang 'khor mang po'i the tsom dang / som nyi gcad pa'i phyir ring bsrel 'di'i rgyu dang rkyen gang yin pa yang dag par bshad kyis/ khyed cag legs par yid la khyos la/ rtse gcig tu nyon cig/ tshe dang ldan pa kun dga' bos gsol pa/ bdag cag shin tu thos par mos lags na/ rnam par phye ste bkas bshad du gsol// kun dga' bo sngon byung ba 'das pa'i dus kyi tshe/ yul gcig gi rgyal po shing rta chen po zhes bya ba shin tu phyug cing nor mang ba/ bang mdzod rgyas pa/ dmag gi dpung rab tu dpa' ba/ mang po kun gyis bkur zhing ngag nyan pa/ rtag par yang dag pa'i chos kyis skye bo 'dul ba/ mi rnams dar zhing rgyas pa/ phyir rgol ba'i dgra med pa zhig yod de/ btsun mo dam pa la byad bzhin shin tu sdug cing mdzes pa/ mang po kun gyis blta bar mos pa'i bu gsum yod de/ bu chen po'i ming ni sgra chen po zhes bya'o// bu 'bring po'i ming ni lha chen po zhes bya'o// bu tha chung gi ming ni sems can chen po zhes bya'o/ / de'i tshe rgyal po chen po de rtse zhing ltad mo lta ba'i phyir/ ri dang nags kun tu blta bar chas pa dang / bu gsum po de yang phyi bzhin du dong ngo // me tog dang 'bras bu/ btsal ba'i phyir pa spangs te/ kun tu 'khyab pa las 'od ma'i tshal chen po zhig tu phyin te ngal bsos so// de nas rgyal po chen pos 'di skad du deng bdag ni sems skrag cing 'jigs par gyur na/ nags tshal 'dir gcan gzan ma rung pa dag gis bdag cag gsod par mi 'gyur rab zhes smras so// rgyal bu 'bring pos yang 'di skad du bdag ni rang gi lus la dang po nas 'phangs pa med na snying du sdug pa 'di dang 'bral ba'i sdug bsngal zhig 'byung du dogs so zhes smras so/ / rgyal bu tha chungs kyis/ phu bo gnyis smras pa/ 'di ni lha dang drang srong 'dug pa'i gnas// bdag la 'jig sngangs 'bral ba'i mya ngan med/ / lus sems kun khyab dga' ba skyes pas na// khyad par 'phags pa'i yon tan 'thob par 'gyur// de'i tshe rgyal po rnams so so nas rang gi sems la ci bsams// pa'i dngos po dag smras nas/ mthar gyis mdun du song ba las/ stag mo zhig bu bdun btsas nas/ zhag bdun lon pa bu rnams kyis bskor bas/ bkres pa dang skom pa dag gis rab tu gzir ba/ lus rid cing nyam chung ba/ ring por mi thogs par 'chi bar 'gyur ba zhig mthong ba dang / rgyal bu chen pos 'di skad du kye ma stag mo 'di ni bu btsas nas zhag bdun lon te/ bu bdu/ gyis yongs su bskor bas/ bras btsal ba yang mi kho ma ste/ bkres pa dang sgom pa dag gis rab tu gzir bas/ gdon mi za bar bu rnams bza' bar 'gyur ro zhes smras so// rgyal bu sems can chen pos smras pa/ stag 'di dag rtag par zas ji lta bu zhig za/ rgyal bu chen pos smras pa/ stag dang seng ge 'phar spyad rnams// sha khrag dron po 'ba' zhig za// de las gzhan pa'i zas skom yang / / 'di yi nyam chung sel mi nus// rgyal bu 'bring pos de skad smras pa thos pa dang / 'di skad ces smras so// stag mo 'di ni rid cing nyam chung la/ bkres skom gyis nyon mongs pas/ srog gi lhag ma cung zad tsam zhig lus na/ bdag cag gis ji ltar 'di ltar rnyed par dka' ba'i zas skom btsal bar nus/ su zhig ni 'di dag gi ched du rang gi lus dang srog spangs nas bkres pa dang / skom pa'i sdug bsngal sel bar byed/ rgyal bu chen pos smras pa/ spang bar dka' ba thams cad kyi nang na bdag gi lus las lhag par gang yang med do/ / rgyal bu sems can chen pos smras pa/ deng bdag cag ni so so nas rang gi lus la sred cing mngon par zhen pa dang / shes rab med pas gzhan la phan 'dogs par mi nus kyi skyes bu dam pa dag ni snying rje chen po'i sems dang ldan pas/ rtag par gzhan la phan gdags pa'i phyir/ rang gi lus khyad du bsad nas/ sems can rnams la phan 'dogs par byed do// gzhan yang 'di snyam du bdag gi lus 'di ni tshe rabs brgya stong du ma'i bar du don med par rul cing myags te/ bor nas phan pa ci yang byas pa med na/ ci'i phyir deng mchil snrubs bzhin du yongs su spangs nas/ bkres pa dag gis nyen pa'i sdug bsngal sel bar mi byed snyam mo// de'i tshe rgyal bu de dag tshig de lta bu dag smras nas/ so so nas byams shing brtse ba'i sems bskyed de stag mo nyam chung ba de la mig mi g.yeng bar bltas nas/ ring zhig tu bskor te cig car spangs nas dong ngo // de nas rgyal bu sems can chen po 'di snyam du bdag gis lus dang srog btang ba'i dus ni dang ni yin te/ de ci'i phyir zhe na/ bdag gis yun ring lus 'di rab bzung yang / mi gtsang mnam la rnag 'dzag yid mi 'ong // yo byad gos zas shing rta glang po rta// nor dang rin chen rim gro byas kyang ni/ / 'gyur zhing 'jig chos ngo bo nyid mi rtag/ rtag tshol dgang dka' bsrung bar rab tu dka'// rtag tu mchod cing rim gro byas kyang ni// nams kyang bdag 'dor byas pa'i drin mi shes/ / gzhan yang lus 'di ni mi brtan pas bdag la phan pa med pa/ 'jigs su rung bas dgra dang 'dra ba/ mig cang bas lud dang mtshungs pa yin pas/ deng bdag gi lus 'dis yangs shing rgya che ba'i las mngon par bsgrubs nas skye shi'i rgya mtshor gru gzings chen po byas te/ 'khor ba yongs su spangs nas/ nges par 'byung ba thob par bya'o snyam mo/ / gzhan yang 'di snyam du gal te lus 'di spangs par gyur na/ 'di nyid 'bras dang / nad ma rungs pa tshad med pa dang / 'jigs shing skrag pa brgya stong du/ ma spangs pa yin no// lus 'di ni bshang gci 'ba' zhig dang ldan pa/ chu bur lta bur mo gtan pa/ srin bu mang po 'dus pa rtsa rgyus dang rus pa phan tshun 'brel ba/ shin tu yongs su skyo bar bya ba'i nyes dmigs dang bcas pa yin pas/ de'i phyir dang bdag gis lus yongs su spangs nas/ bla na med pa mthar phyin pa'i mya ngan las 'das pa yongs su btsal te/ mya ngan gyi nyes pa dang / mi rtag pa'i sdug bsngal dang / 'khrug pa gtan du spangs nas 'khor ba rgyun gcad de/ nyes pa rnams spangs nas/ ting nge 'dzin dang / shes rab kyi stobs kyis phun sum/ tshogs par bsgoms nas/ bsod nams brgya stong mang pos brgyan pa/ thams cad mkhyen par gyur pa/ sangs rgyas mang pos rab tu bsngags pa'i chos kyi sku shin tu gya nom pa thob par bya'o/ / thob par gyur nas kyang sems can rnams la chos kyi sman tshad med pa gtang bar bya'o snyam mo// de'i tshe rgyal bu de shin tu brtul ba'i dpa' sran dang / smon lam chen po btab nas/ snying rje chen po'i bsam pas/ sems rtas shing 'phel gyur kyang / bu bo gnyis skrag cing sngangs pas bar chad kyi bgegs byas nas/ smon pa mi 'grub par dogs pas/ phu bo gnyis la gcen gnyis slar gshegs shig/ bdag ni re zhig slar mchis so zhes smras so// de nas rgyal sems can chen po slar tshal gyi nang du zhugs nas/ stag mo'i drung du phyin te/ gos phud nas bod ma'i steng du bzhag ste/ smon lam 'di skad du btab bo// bdag ni chos mkhan sems can kun gyi phyir// bla med byang chub gnas ni gnyer bas na// snying rje chen po'i sems bskyed g.yo ba med/ skye bos 'phangs pa'i lus ni gtong bar byed// byang chub nad med gdung ba med pas na// blo dang ldan pa kun gyis rab tu mos// khams gsum sdug bsngal rgya mtsho'i sems can kun// deng bdag drangs nas bde la 'god par shog/ de nas rgyal bus tshig de skad smras nas/ stag mo ltogs pa'i mdun du lus bor te nyal ba dang / byang chub sems dpa' de'i byams pa dang / snying rje'i gzi byin gyi mthus stag mos ci yang byed ma nus so/ / byang chub sems dpas de lta bu mthong ba dang / ri mthon po'i steng du 'dzegs te lus bor nas yang 'di skad du stag mo 'di ni nyam chung zhing rgya bas bdag la bza' bar mi nus so snyam du bsams nas langs te/ mtshon btsal na yang ma rnyed pas/ 'od ma skam po'i tshal pas lkog mar khrag phyung ste/ mthar gyis stag mo'i drung du nye bar bsnyen pab dang / de'i tshe ji ltar rlung gis chu bskyod pa bzhin du sa chen po yang rnam pa drug rab tu g.yos par gyur/ nyi ma yang sgra gcan gyis bsgribs pa bzhin du 'od dang mi ldan pas/ phyogs bcu kun tu mun nag tu gyur nas/ 'od dang mi ldan par gyur/ lha rnams kyis kyang me tog dam pa dang / spos mchog dam pa'i phye mas char yang mngon par phab pas/ tsham rgya na kun tu khyab cing gang bar gyur to/ / de'i tshe bar snang la gnas pa'i lha'i tshogs mang po rnams kyis dngos po rnams de lta bu mthong ba dang / rjes su yi rang ba'i sems bskyed nas sngon chad nam yang 'di lta bu ma byung ngo zhes bsngags pa brjod de/ thams cad kyis skyes bu chen po legs so legs so zhes bsngags pa brjod nas/ tshig su bcad de smras pa/ skyes chen yongs skyob snying rje'i sems bskyed nas/ / bu gcig bzhin du sems can mnyam par lta// rab dpa'i dga' chen sems la 'jungs med pas// lus spangs 'phongs skyob bsod nams dpag par dka'// nges par rtag bde gyi nom gnas phyin nas/ / 'khor ba'i 'tshang ba ming po gtan du spongs// ring po mi thogs byang chub 'bras thob nas// nyer zhi bde ba skye med mngon rtogs 'gyur// de'i stag mo ltogs pa des byang chub sems dpa'i lkog ma nas khrag zags pa mthong ba dang / khrag bldags te/ sha ma lus par zos pas rus pa 'ba' zhig lus par byas so// de nas rgyal bu chen pos sa g.yos pa mthong ba dang / nu bo la smras pa/ sa chen ri klung kun kyang rab tu g.yos// phyogs kun mun nag nyi ma 'od mi ldan// lha yi me tog ltung bas mkha' khyab pas// 'di ni nu bo nges par lus spangs rtags/ / rgyal bu 'bring pos pho bos de skad smras pa thos pa dang / tshigs su bcad de smras pa/ stag mo'i lus ltogs shin tu nyam chung ba// bkres gzir ba lnga bza' dogogs mthong nas ni/ / sems can chen po skye ba bdag thos nas// nu bos lus btang deng bdag the tsom 'tshal// de nas rgyal bu gnyis mya ngan dang sdug bsngal chen po skyes pas/ smre sngags chen po bton te dus nas/ / gnyis ka lhan cig tu slar stag mo'i drung du phyin te/ nur po'i gos ni 'od ma'i yal ga la bkal/ rus pa dang sgra ni kun tu 'thor/ khrag babs pa ni rdzab tu gyur nas/ sa gzhi kun tu khyab par gyur pa mthong ba dang / brgyal nas rang gi lus kyang gzung ma nus pas/ rus pa'i drung du lus brdabs te/ ring zhig lon nas dran pa slar thob pa dang / langs nas lag pa bteg ste rab tu ngus nas smre sngags bton pa/ bdag cag nu bo byang sdug mdzes// pha ma gnyis ka lhag par byams// ci phyir lhan cig phyir byung nas// lus spangs slar ni ldog ma gyur/ / gal te pha mas dris gyur na// bdag cag lan ni ji skad gdab// lhan cig srog ni btang bla na// rang gi lus ni ci phyir gzhag/ de nas rgyal bu gnyis smre sngags bton te/ dus nas/ yid la gcags bzhin du mthar gyis spangs te dong ngo // de'i tshe rgyal bu tha chung gis khrid pa'i g.yog 'khor rnams phan tshun gcig la gcig 'di skad du rgyal bu gang na yod pa lhan cig btsal ba'i rigs so zhes smras par gyur to/ / de'i tshe rgyal po'i btsun mo yang thog mthon po'i steng du nyal ba'i rmi las na/ ltas ngan gyi mtshan ma mthong ba 'di lta ste/ nu ma gnyis gzhan gyis bcad pa dang / so lhung ba dang / phug ron gyi phrug gu gsum thob pa las/ gcig ni khras khyer/ gnyis ni sngangs shing skrag par gyur pa dag mthong bar gyur to// sa g.yos pa'i tshe btsun mo sad de/ sems la mya ngan chen po skyes nas 'di skad du smras so// ci phyir de ni sa chen rab tu g.yos// chu klung nags tshal ljoni shing kun kyang 'gal/ nyi ma 'od med g.yogs shing bsgribs pa 'dra/ / mig 'gul nu g.yo sngon chad yod mi 'dra// snying la mangs phog bzhin du sdug bsngal gzir// lus kun rab g.yo bdi ba ci yang med// bdag gis rmi lam ltas ngan mthong bas nan/ / nges par sngon med ltas ngan dngos po yod// btsun mo'i nu ma gnyis las nu zho zags pa dang / 'di snyam du 'di ni gdon mi za bar ltas ngan gyi dngos po ston pa yin no snyam mo// de'i tshe nang 'khor ma zhig phyi rol gyi mi rnams rgyal bu btsal ba las da dung ma rnyed do zhes zer ba thos pa dang / sems la shin tu skrag cing 'jigs pa skyes pas/ pho brang gi nang du song ste/ btsun mo la 'di skad ces smras so/ / lha mo mkhyen lags sam/ srad rol gyi mi rnams lha sras kun tu so so btsal ba las/ da dung ma rnyed ces mchi ba thos lags so// de nas btsun mo des cig de skad smras pa thos pa dang / mya ngan chen po skyes pas smre sngags bton te/ mig mchi mas gang bzhin du rgyal po'i drung du phyin nas/ rgyal po la 'di skad ces gsol to// lha chen po bdag gis smad rol gyi mi rnams las 'di skad du bdag gi bu sdug tha chung stor ces mchis pa thos lags so/ / rgyal pos tshig de thos pa dang / shin tu skrag par gyur pas/ brnangs bzhin du smre tshig 'di skad du kyi hud sdug bsngal lo/ / deng nga'i bu yid du 'ong ba stor bar gyur to zhes smras nas/ mchi ma phyis de btsun mo la spro ba bskyed nas 'di skad du bzhin bzangs khyod mya ngan ma byed cig/ nga deng lhan cig phyir byung ste bu sdug btsal bar bya'o zhes smras nas/ rgyal po btsun mo skye bo'i tshogs mang po dang lhan cig tu grong khyer nas phyir byung ste/ so sor gyes te phyogs kun tu btsal ba las// ring por ma lon par blon po chen po zhig nye bar mdun du 'ongs te/ rgyal po la 'di skad ces gsol to// lha rgyal bu bzhugs zhes thos pas/ thugs ngan mi mdzad du gsol/ rgyal bu tha chung ni da dung mi gdang lags so/ / rgyal pos tshig de thos pa dang / smre sngags bton nas 'di skad du kyi hud nga'i bu yid du 'ong ba stor bar gyur to zhes smras par gyur to// dang po bu yod chen dga' phyis ni bu stor tshe na sdug bsngal che/ / gal te nga'i bu srog ni slar thob na// nga yi lus shi sdug bsngal ci yang med// btsun mos de skad thos pa dang / dper na mangs phog pa bzhin du mya ngan gyis kun/ tu dkris par gyur pas/ smre tshig 'di skad ces smras so// bdag gi bu gsum 'khor dang bcas par na// nags tshal dong ste lhan cig rtse ba las// bu sdug tha chungs gcig tu ma 'ongs pas/ / nges par bral ba'i lhas ngan dngos yod 'gyur// de'i 'og tu yang blon po 'bring po rgyal po'i drung du nye bar 'ongs pa las/ rgyal pos blon po de la bu sdug gang na 'dug ces smras pa las// blon po 'bring pos de yid la gcags te dus pas/ lkog ma dang lce yang bskams nas/ tshig 'byin cing lan 'debs kyang ma nus pa dang / btsun mos 'di skad ces dris so// bu chung da ltar gang na myur du smros/ / bdag gi lus gdung kun tu bsregs par gyur// myos 'khrugs rmongs pas nang gi sems nyid stor// bdag gi brang ni de ring gas snyam byed// de nas blon po 'bring po rgyal bus lus yongs su btang ba'i dngos pod dag zhib tu rgyal po la gsol te/ shes par byas pa dang / rgyal po dang btsun mos gtam de thos nas/ smre zhing mchims brnangs bzhin du lus yongs su btang bar sa'i phyogs su myur zhing rings par dong ste/ 'od ma'i tshal byang chub sems dpas lus yongs su btang ba'i gnas su phyin nas/ rus pa rnams kun tu 'thor ba mthong ba dang / cig car sa la 'gyel te/ shi ba dang 'dra bar brgyal bar gyur pas/ dper na rlung drag pos ljon shing chen po bsgyel ba bzhin du sems rmongs shing dran pa stor bas/ shes pa ci yang med par gyur to// de nas blon po chen po la sogs pas chu kun tu gtor ba dang / rgyal po dang btsun mo ring zhig lon nas/ gdod dran pa thob par gyur to// de nas lag pa bteg ste 'dug 'dug nas smre tshig smras pa/ kyi hud bu sdug mdzes pa'i mtshan dang ldan// ci'i phyir 'chi ba'i sdug bsngal sngar 'ongs gtses// gal te khyod kyi mdun du bdag shi na// 'di 'dra'i sdug bsngal mthong ba rag le 'gyur// de nas btsun mo myos shing brgyal ba khad kyis zhi bar gyur nas kyang / skra long long por gyur te/ lag pa gnyis kyis brang brdungs nas nya skam la 'gre ba bzhin du sa la 'gres te/ ba bu stor ba bzhin du dus nas smre tshig smras pa/ bdag gi bu ni sus gtubs nas// rus pa lhag ma sa la gtor// bdag gi bu sdug stor bas na// mya ngan sme ba rang mi theg/ kyi hud bu ni sus bsad na// mya ngan dngos po 'di 'dra myong // bdag snying rdo rje ma yin nam// ci yi phyir nags ma gyur// bdag gi rmi lam nu ma gnyis// gzhan dag gis ni bcad pa dang // so rnams lhung bar mthong bas na// deng ni sdug bsngal chen po myong // phug ron phrug gu gsum las ni// gcig ni khras khyer mthong bas na// deng ni bu sdug stor gyur pas// ltas ngan ston la mi bden med// de nas rgyal po chen po de btsun mo dang bu gnyis dang bcas par brtsegs gtugs te dus nas/ rgyan thams cad bkrol te skye bo'i tshogs mang po dang lhan cig tu byang chub sems dpas bzhag pa'i lus kyi ring bsrel bsdus te mchod pa bya ba'i phyir mchod rten gyi nang du bzhag go/ kun dga' bo khyod kyis 'di nyid ni byang chub sems dpa' de'i ring bsrel yin par rig par bya'o// yang tshe dang ldan pa kun dga' bo la bka' stsal pa/ nga sngon 'dod chags dang / zhe sdang dang / gti mug la sogs pa'i nyon mongs pa dang ldan pa'i tshe na yang sems can dmyal ba dang / yi dgas dang dud 'gro'i skye gnas la sogs pa'i 'gro ba lnga po dag tu yang rkyen ji lta ba bzhin du yongs su bskyabs nas phan btags te/ nges par 'byung ba thob par byas nad ltar nyon mongs pa thams cad zad nas/ bag chags kyi lhag ma med de/ lha dang mi'i ston par gyur na/ thams cad mkhyen pa dang ldan pas/ sems can re re'i phyir yid bskal pa mang po'i bar du sems can dmyal ba dang gnas gzhan dag tu gnas te/ sdug bsngal gyi tshegs dang du blangs nas/ skye shi dang / nyon mongs pa'i 'khor ba las nges par 'byung ba 'thob par byed pa lta smos kyang ci dgos// de nas bcom ldan 'das kyis don de nyid yang bstan pa'i phyir tshigs su bcad de bka' stsal pa/ nga sngon 'das pa'i dus kyi tshe// bskal pa grangs med tshad med snyed// res 'ga' yul gyi rgyal po byas/ / res 'ga' rgyal bu byas pa na// rtag par sbyin pa cher btang bas// shin tu 'phangs pa'i lus btang nas// 'khor ba las ni nges 'byung ste// byang chub dam par phyin par smon/ sngon byung yul chen zhig tu ni// yul bdag shing rta che zhes bya// rgyal bu dpa' bo zhes bya ba// rtag par sbyin gtong ser sna med// de la phu bo gnyis yod de// sgra chen lha chen po zhes bya// gsum po lhan cig phyir byung ste/ / mthar gyis ri dang nags tshal phyin// stag mo bkres pas nyen mthong nas// 'di 'dra'i sems ni skyes par gyur// stug mo bkres mes rab bsregs kyang // gzhan bzar rung ba ci yang med/ / skyes chen de 'dra mthong nas ni// de yi bu ni zos dogs phyir// chags med lus ni rab btang nas// bu skyabs rmas pa med par byas// sa chen dang ni ri rnams kyang // dus gcig tham cad rab tu g.yos/ / chu klung rgya mtsho shin tu 'khrugs// rlabs drag chu ni gyen du 'bab// gnam sa 'od ni stor bas na// mun nag ci yang mthong ba med// nags tshal dgon pa'i gcan gzan rnams// 'phur rgyug gnas ni yongs su spangs// bu gnyis ci'i phyir ma log ces// mya ngan brtse ba'i sdug bsngal skyes// g.yog 'khor mang po rnams dang ni// nags tshal kun tu yongs su btsal// spun gnyis lhan cig rab 'grogs te/ / ri dgas nags su phyin nas ni// phyogs bzhir bltas kyang ci ma mthong // stag mo mthong ba'i gnas stong du// ma dang bu bdun bcas par ni// thams cad khrag gis kha bskus dang / / rus pa lhag ma sgra yi rnams// sa la kun tu 'thor ba mthong // gzhan yang khrag ni grags pa rnams// 'od ma'i tsha kun 'babs pa dag/ phu bo gnyis kyis mthong nas ni / sems la 'jigs skrag chen po skyes// gnyis ka brgyal nas sa la 'gyel// 'khrugs myos ci yang mi dran pas// sa rdul dag gis lus kun gos// rnam shes drug ni dran pa nyams/ / rgyal bu g.yog ni mang po rnams// cho nge sems la mya ngan skyes// chus gtor dran pa thob nas kyang // lag bteg skad cher phyung ste dus// byang chub sems dpas lus btang tshe// byams paba'i ma ni pho brang nang / / bud med lnga brgya rnams dang ni// lhan cig longs spyod myong ba las// btsun mo dam pa'i nu ma gnyis// rang gi nu zho zags gyur pas// lus kun khab kyis phugs pa bzhin/ shin tu sdug bsngal rab mi bde// bu stor 'du shes skyes pas na// mya ngan zag rngu sems la zug/ rgyal po chen po zhes byas nas// sdug bsngal dngos po de dag bshad// tshe nges smra ba mi bzod pas brtse ba'i skad kyis rgyal po la/ / rgyal po chen po mkhyen par mdzod// deng bdag sdug bsngal chen po skyes/ nu zho gnyis ni rang byung bas// bkag kyang bsam pa bzhin ma grub// khab kyis lus kun phug pa bzhin/ / mya ngan brang ni gsal thug/ bdag gi g.yar lam snga ltas ngan// nges par bu sdug stor bar gyur// lhas ni bdag gi srog skyobs la// bu ni gum gson mkhyen par mdzod// g.yar lam phug ron gsum mthong ba/ / ched du de ni bu sdug lags// khras ni phrogs te 'tshal bas ni// mya ngan rdzogs par gsol ba dka'// dang bdag mya ngan mtshor bring bas// 'chi bar 'gyur ba ring mi thogs bu srog mi gson glo ba chung / / myur ba nyid du btsal bar gsol// gzhan yang slang rol mi rnams las// bu chung ma rnyed thos pas na// deng bdag sems ni rab mi bde// lhas ni bdag la brtse bar mdzod/ btsun mos de skad smras nas ni// lus bteg sa la rab tu brdabs// rab tu brtson pas sems brgyal myos// rab rmongs shes pa ci yang med// nang 'khor bud med btsun mo de// brgyal te sa la 'gyel mthong nas/ / skad cher phyung ste rab tu dus// mya ngan sngangs skrag gnas kyang stor// rgyal pos tshig de thos pas na// mya ngan rang nyid zung ma nus// blon po thams cad bkug nas ni// bu sdug tshol ba yod su bkye/ / thams cad grong khyer phyir byung ste/ de dang de dag kun tu btsal// ngus nas mi ni mang po la// rgyal bu gang na yod ces smras// da ltar gson nam 'on te shi// gang du song ba su yis shes// ji ltar byas na mthong gyur nas/ / bdag cag mya ngan bsal bar 'gyur// skye bo mang po thams cad kun// rgyal bu de ni shi zer bas// thos pa thams cad rab tu gdungs// smre sngags sdug bsngal brjod par dkal// de tshe rgyal po shing rta che// cho nges smre nas stan las langs// btsun mo'i drung du nyer song ste// de yi lus la chus kyang gtor// btsun mo chus ni gtor bas na// ring zhig lon nas dran pa thob// rab skyes rgyal po la zhus pa// bdag bu da ltar gang na mchis// rgyal pos btsun mo la bsgo ba// ngas ni pho nya mang bkye ste// phyogs bzhir rgyal bu tshel bcug na// da dung gtam skyel yongs ma 'ongs/ / rgyal pos btsun mo yang bsgo ba// khyod ni mya ngan ma byed par// re zhig rang nyid bde bar byos// lhan cig phyir byung btsal bar bya// de nas rgyal po btsun mo bcas// bzhon pa zhon nas mdun du chas// sme ba'i skad kyis cho nges btab// gdung sems me ni 'bar ba 'dra// ya rabs ma rabs brgya stong rnams// rgyal po'i rjes su grong khyer byung / brtse ba'i du skra mi chad par/ / so sor rgyal bu yongs su btsal// rgyal pos bu sdug btsal ba'i phyir/ mig gis phyogs bzhir bltas pa las// skra shig khrag gis lus bskus te// lus kun rdul gyis gos pa dang / / ngus nas mdun bcad 'ong ba yi// mi zhig kyang ni mthong bar gyur// rgyal pos ltas ngan de mthong nas// lhag par mya ngan skyes par gyur// rgyal pos lag pa gnyis bteg nas/ / brtse bas dus te bkag ma nus// thog mar blon po chen po zhig/ rings bstabs rgyal po'i drung 'ongs nas// rgyal po de la 'di skad smras/ lha ni thugs ngan mi mdzad gsol/ / lha yis thugs brtse sras bu de// da dung rnyed par ma gyur kyang / ring por mi thogs phyin par mchi// lha ni thugs ngan mi mdzad gsol/ rgyal po yang ni song ba las// blon po 'bring po 'ongs pa mthong / / blon po rgyal po'i drung 'ongs nas// dus te rgyal la 'di skad smras// rgyal bu gnyis ni bzhugs pa yang // mya ngan zhugs kyis yongs su gdungs/ rgyal bu tha chungs gang lags pa/ / de ni mi rtag pa yis med// bu btsas stag mo ltogs pa zhig/ bu 'tshal snyam pa gzigs nas ni/ rgyal po sems can chen po yis// thugs rje chen po'i sems bskyed de/ / bla med lam ni gnyer ba dang // mang po thams cad bzla ba'i slad// byang chub mchog la 'du shes shing // shin tu zab yangs rgya mtsho bzhin// ri mtho rtse la 'dzegs nas ni// stag mo ltogs mdun sku yang bor/ / nyam chung 'tshal rngo ma thogs nas// 'od mas mgur du khrag phyung bas// rgyal bu'i sku ni 'tshal bas ni// sku gdung lhag ma tsam zhig lus// de tshe rgyal po btsun mor bcas/ / de skad thos nas brgyal bar gyur// sems ni mya ngan mtsher bying ste// nyon mongs me yis rab tu bsregs// blon pos tsan ngan chu dag gis// rgyal po btsun mo gtor bas na/ / cig car langs nas rab tu ngus// lag bteg zang dag la yang brdungs// blon po chung ngu 'ongs nas ni// rgyal po de la 'di skad smra// bdag gis rgyal bu gnyis po ni tshal na brgyal bar gyur pa mthong / / bdag gis chab grang gtor bas na// dran pa cung zad thob par gyur// phyogs bzhi dag ni gzigs pas na// rab tu 'bar med kun khyab 'dra// skad cig/ bzhengs kyang slar yang 'gyel// chongs bdag nyid 'dzin mi spyod// phyag bdeg brtse ba'i tshig dag gis// gzung gi ya mtshan bsngags par mdzad// rgyal pos de skad thos nas kyang mya ngan me yis lhag par bcos/ / btsun mos rab tu ngus nas ni// skad cher phyung ste 'di skad smras// bdag gi bu sdug lhag par byams pa de// mi rtag srin po dag gis mid par gyur/ / da ltar bu gnyis lus par gyur pa yang // mya ngan me yis rab bsregs nyon yang mongs// bdag deng ri drung dag tu myur song la// spro bskyed srog gi lhag ma bsrung bar bya/ / de nas bzhon zhon lam du myur zhugs nas// rtse gcig sems kyis lus spangs brag drung song // bu gnyis yid gcags brang brdungs spyod tshul nyams// 'gro bzhin du ba dag dang lam du phrang / / pha mas yang blangs mya ngan smre sngags bton// cig car lus btang ri dang nags su dong // byang chub sems dpas lus spangs gnas phyin nas// lhan cig 'dus nas rab dus sdug bsngal che/ / rgyan 'phreng bkrol te snying tshim dus nas ni// byang chub sems dpa'i rus bu lhag ma bsdus// skye bo mang po lhan cig mchod pa byas// rin chen sna bdun mchod rten brtsigs nas ni/ ring bsrel de ni sgrom gyi nang du bzhag/ mya ngan bcad bzhin slar ni grong khyer dong // kun dga' la ni bka' stsal pa// sngon byung sems can chen po ni// shAkya thub pa nga yin pas/ gzhan yin snyam du bsam mi bya// rgyal po zas gtsang yab yin te// btsun mong yum sgyu 'phrul yin// rgyal bu chen po byams pa yin// rgyal po 'bring po 'jam dpal yin// stag mo skye dgu'i bdag mo yin/ / bu lnga dge slong lnga po yin// gcig ni mo'u 'gal chen po'i bu// gcig ni shA ri'i bu yin no// ngas ni khyed cag thams cad la// sngon gzhan phan btags pa yi gtam/ / byang chub sems dpa'i spyod pa bshad// sangs rgyas 'grub rgyu 'di slob byos// byang chub sems dpas lus btang tshe// smon lam rgya chen 'di skad btab// bdag lus rus pa lhag ma yis/ / ma 'ongs sems can phani thogs shog/ 'di ni lus btang gnas yin te// rin chen sna bdun mchod rten de// lo ni tshad med par du gnas// de nas sa 'og bying bar 'gyur// sngon gyi smon lam mthu stobs kyis// rkyen ni ji bzhin sems can blos// lha mi kun la phan gdags phyir// sa las 'phags te byung ba yin/ de'i tshe bcom ldan 'das kyis sngon gyi rgyu 'di bstan ban/ lha dang mi'i skye bo'i tshogs tshad med grangs med pa'i spyong yongs su gdungs pa dang / dga' ba chen po skyes te/ sngon chad nam yang 'di lta bu ma byung ngo zhes bsngags pa brjod nas thams cad bla na med pa yang dag par rdzogs pa'i byang chub tu sems bskyed par gyur to/ / byang chub kyi shing gi lha mo la yang bka' stsal pa/ da ni drin la lan blan pa'i phyir gus pas phyag byas pa yin no/ / bcom ldan 'das kyis rdzu 'phrul gyi mthus mngon par bsdus pa dang / mchod rten de yang slar sa'i 'og tu bying bar gyur to// gser 'ong dam pa mchog tu rnam par rgyal ba mdo sde'i rgyal po las/ lus yongs su btang ba'i le'u ste nyi shu drug pa'o// / de'i tshe de bzhin gshegs pa shAkya thub pas/ chos kyi rnam g rangs 'di bka' stsal pa na phyogs bcu'i 'jig rten gyi khams nas byang chub sems dpa'i tshegs bye ba khrag khrig brgya stong tshad med pa snyed so so nas rang gi zhing khams nas bya rgod kyi phung po'i rir phyin te/ bcom ldan 'das kyi spyan sngar lhags nas yan lag lnga sa la gtugs te/ bcom ldan 'das la phyag byas nas/ sems rtse gcig tu thal mo sbyar te/ mgrin gcig tu tshigs su bcad pa dag gis mngon par bstod pa/ bcom ldan sku mdog gser gyi kha dog ldan// 'od zer kun gsal gser gyi ri bo 'dra// rnam dag rab mnyen pad+ma dag dang mtshungs/ / mtshan mchog dam pa tshad med kun tu bkod// mtshan ni sum cu rtsa gnyis rab brgyan te// dpe byad bzang po brgyad cu yongs su rdzogs// 'od zer rab gsal dpe zla yod/ ma mchis// dri bral dper na rnam dag zla nye 'dra// gsung dbyangs rab dang shin tu gya nom pas// seng ge bzhin du 'brug sgra sgrogs par mdzod// dam pa rnam brgyad dbang po 'thun mdzad pas/ / ka la bad+ma'i sgra sgrogs kun las 'phags// bsod nams brgya yi mtshan mchog sku brgyan pas// 'od zer phun tshogs dri ma yongs mi mnga'// mkhyen blo rab gsal dper na rgya mtsho 'dra/ / yon tan rgya mtsho nam mkha' dag dang mtshungs// yongs rdzogs 'od zer phyogs bcu'i 'jig rten bkang // rkyen ni ji bzhin sems can sgrol bar mdzad/ nyon mongs sred pa'i bag chags kun bsal bas/ / chos kyi sgron ma rtag par rgyun mi 'chad// thugs brtses sems can dag la phan 'dogs pas// nga lta slang ma'i dus tshe bde ba stsol// rtag par don mchog dam pa rab bshad nas/ / yang dag rab dben mya ngan 'das la 'god// bcom ldan bdud rtsi'i chos mchog rab bstan nas// bdud rtsi'i gya nom don ni gsal mdzad pas// bdud rtsi grong khyer dag tu rab drangs nas/ / bdud rtsi'i 'dus ma bgyis kyi bde la 'god// rtag par 'khor ba'i rgya mtsho chen po nas// sdug bsngal sems can thams cad thar par mdzad/ de dag bde ba'i shul du rab btsud de/ / yid bzhin bde ba bsam mi khyab pa stsol// bcom ldan yon tan rgya mtsho zab pa yangs/ dpe ni mang po dag gis mig mi 'gyur// rtag par kun la thugs rje cher gzigs pas/ / thabs mkhyen brtson 'grus dag ni rgyun mi 'chad// bcom ldan yon tan rgya mtsho mtha' ma mchis// bskal pa bye ba brgya stong bar du ni// lha mi thams cad lhan cig dpag bsams kyang / / cha shas tsam yang rig par yong mi 'gyur// bdag cag sangs rgyas yon tan rgya mtsho las// sa 'ga' zhig bsngags pa brjod pa yi// bsod nams de dag skye dgu yongs bsngos nas/ / thams cad byang chub 'bras bu myur thob smon// de nas bcom ldan 'das kyis/ byang chub sems dpa' mang po de dag la bka' stsal pa legs so legs so/ / khyed kyis 'di ltar de bzhin gshegs pa'i yon tan gyi bsngags pa brjod pa nyid kyis sems can la phan 'dogs shing / sangs rgyas kyi mdzad pa rgya cher byed par 'gyur bas sdig pa rnams yongs su byang nas/ bsod nams tshad med pa sted par skye 'gyur ro// gser 'od dam pa mchog tu rnam par rgyal ba mdo sde'i rgyal po las/ phyogs bcu'i byang chub sems dpa rnams kyis bsngags pa brjod pa'i le'u ste nyi shu bdun no/ / // de nas byang chub sems dpa' mdzes pa'i tog stan las langs te/ bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas/ tshigs su bcad pa 'di dag gis mngon par bstod pa/ thub pa bsod nams brgya yi mtshan rdzogs shing / / yon tan tshad ma mchis pas sku rab brgyan// rnam dag rgya che sems can blta mos pas// nyi ma stong bzhin 'od kyis snang bar mdzad/ kha dog mtha' yas 'od ni rab tu rgyas rin chen pad+ma'i phung bzhin mtshan rnams mdzes/ / dper na gdugs shar nam mkha' snang bgyid bzhin// kha dog dkar gsal gser gyi mdog kyang gnon// gser gyi ri bzhin 'od kyis gsal mdzad pas/ / zhing ni brgya stong mang po kun tu khyab// sems can sdug bsngal tshad med zhi mdzad nas// bde ba dam pa mtha' yas stsol bar mdzad// mtshan rnams phun tshegs rnam ngag rab mdzes pas/ / sems can blta mos skyo ba yongs ma mchis// dbu skra rab gnyen kha dog mthon mthing gnas// bung ba nag pos me tog bsdus pa 'dra// dgyes dang btang snyoms chen po dga' bas brgyan/ / byams dang thugs rje chen po phun suM tshogs// mtshan dang dpe byad dam par rab mdzes pa// byang chub yan lag chos las grub pa lags// bcom ldan bsod nams phan yon ma btang bas/ / de dag rtag tu bde ba chen po 'thob// yon tan dam pa sna tshogs rab brgyan pas// 'od kyis zhing ni brgya stong snang bar mdzad// bcom ldan 'od zer shin tu rdzogs pas na// dper na gdugs kyis nam mkha' kun khyab 'dra// bcom ldan ri rab bzhin du yon tan ldan// phyogs bcu kun tu khyab par ston pa mdzad// bcom ldan gser zhal dam pa rab tu mdzes tshems dkar gtams pa dung gi kha dog 'dra/ / bcom ldan zhal mdzes dpe zla yong ma mchis// smin mtshams pa spu rtag par g.yas su 'khyil/ 'od gnyen dkar gsal chu shel dag dang mtshungs/ / dper na zla nya nam mkha'i rnams gnas 'dra// bcom ldan 'das kyis/ byang chub sems dpa mdzes pa'i tog la bka' stsal pa/ khyod kyis 'di ltar de bzhin gshegs pa'i yon tan gyi bsngags pa brjod pa ni/ bsam gyis mi khyad pa yin pas thams dogs pa 'gyur ni gang dag khong du ma chud pa de dag kyang rjes su 'thun par rnal 'byor bsgom pa slob par 'gyur ro/ / gser 'od dam pa mchog tu rnam par rgyal ba mdo sde'i rgyal po las/ byang chub sems dpa' mdzes pa'i tog gis bsngags pa brjod pa'i le'u ste nyi shu brgyad do/ / / de nas byang chub kyi shing gi lha mos kyang tshigs su bcad pa dag gis bcom ldan 'das la mngon par bstod pa bcom ldan rnga ngadag blo la gus phyag 'tshal/ / yang dag chos gnyer blo la gus phyag 'tshal// chos min spong ba'i blo la gus phyag 'tshal rnam rtog mi mnga' blo la gus phyag 'tshal// kye mngo mtshar bcom ldan mtha' yas spyod/ / kye ma mthong dka' u dum pa ra 'dra// kye ma ngo mtshar rgya mtsho'i ri rgyal 'dra// kye ma ngo mtshar bde gshegs 'od tshad med// kye mngo mtshar kha sbyar smon lam che/ kye ma ngo mtshar shAka rigs nyi ma 'dra// 'di 'dra'i mdo sde dkon mchog bkas bshad nas/ brtse bas skye dgu rnams la phan 'dogs mdzad// thub pa rab dben dbang po mnyam 'jog pas/ / rab zhi mya ngan 'das pa'i grong khyer gshegs// rab dben gzungs kyi sgo la zhugs pas na// rab dpon spyod yul zab mo dag kyang mkhyen// rkang gnyis gtsu bo rab dben bzhugs pas na/ / nyan thos slob ma lus kyang de bzhin stong // chos rnams thams cad ngo bo ma mchis pas// sems can thams cad kyang ni stong zhing dben// bdag ni rtag tu bcom ldan dran par bgyid/ / bdag ni rtag tu bcom ldan mthong bar mos// bdag ni rtag tu gus sems bskyed pas na// rtag par de bzhin gshegs pa'i gdugs dang mjal// bdag ni rtag tu bcom ldan phyag bgyis nas/ / rtag par zhal blta sems kyis mi spong smon// rab gdung du sems bar chad ma mchis pas// rtag par rim gro bgyis kyang skyo mi bgyid// bcom ldan thugs rje'i thugs ni rab bskyed nas// mdangs ldan zhal ni bdag gis rtag mthong mdzod// bcom ldan nyan thos dge 'dun rnam dag pas// rtag par lha mi dag ni bsgral bar smon/ sku ni rang bzhin rnam dag nam mkha' 'dra// sgyu ma smig rgyu chab kyi zla ba mtshungs// bdud rtsi mya ngan 'das pa'i chos bshad nas// yon tan phung po thams cad bskyed par smon/ bcom ldan rnam dag spyod yul byams pa dang // thugs rjes yang dag spyod yul bsam mi khyab// nyan thos rang rgyal gzhal bar mi 'gyur zhing // drang srong byang chub sems dpa' dpog mi 'gyur/ / de bzhin gshegs pas bdag la thugs brtse nas// thugs rje chen po'i sku ni rtag mthong smon// las gsum ngal med byams gtso mchod nas ni// myur du nges byung yang dag mtha' phyogs smon/ / de nas bcom ldan 'das kyis de skad ces bsngags pa brjod pa gsan pa dang / tshangs pa'i dbyangs kyis/ shing gi lha mo la bka' stsal pa/ rigs kyi lha mo khyod kyis nga'i yang dag pa'i mi brdzun pa'i chos kyi sku rnam par dag pa'i bsngags pa brjod nas/ bdag dang gzhan la phan gdags pa'i phyir/ mtshan mchog gya nom pa yang dag par bsgrags pa legs so legs so/ / bsod nams 'dis khyod myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / sems can thams cad mtshungs par rnal 'byor sgom par 'gyur la/ gang gis thos pa de dag thams cad kyang bla na med pa'i bdud rtsi'i chos kyi sgor 'jug par 'gyur ro// gser 'od dam pa mchog tu rnam par rgyal ba'i mdo sde'i rgyal po las/ byang chub kyi shing gi lha mos bsngags pa brjod pa'i le'u ste nyi shu dgu pa'o// / de nas lha mo spobs pa chen mo stan las langs te/ gus pas thal mo sbyar nas/ yang dag pa'i tshig gis bcom ldan 'das la mngon par bstod pa/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa/ sku yang dag pa'i gser gyi kha dog dang ldan pa/ mgur dung gi dbyibs dang 'dra ba zhal zla ba nya ba lta bu spun pad+ma sngon po dang mtshungs pa/ sgros dmar zhing bzang ba/ mchu shel gyi kha dog dang 'dra ba/ shangs kyi dbyibs mtho zhing drang bas/ gser gyi gar bu bcad pa lta bur gyur pas/ tshems dkar zhing thags bzang ba/ me tog ku mu ta dang mtshungs pa/ 'od kyis kun tu snang bar mdzad pas/ nyi ma brgya stong lta bur gyur pa/ 'od kyi kha dog gis kun khyab pa 'dzam bu'i gser dang 'dra ba'i tshig gsung ba la nor cing 'khrul pa mi mnga' ba rnam par thar pa'i sgo gsum yang dag par bstan nas/ byang chub rnam pa gsum gyi lam yang dag par 'byed pa thugs rtag tu rnam par dag cing / thugs kyi mos pa yang de bzhin du gyur pa/ bcom ldan 'das bzhugs pa'i gnas dang / spyod yul rnams rtag par dag par gyur pa/ spyod lam ma lags pa spangs pas/ gshegs shing bzhugs pa dag la 'khrul pa mi mdza' ba lo drug dka' ba mdzad nas/ chos kyi 'khor lo lan gsum bskor ba/ sdug bsngal ba'i sems can yongs su bzlas nas/ pha rol gyi 'gram du phyin par mdzad pa/ sku'i mtshan yongs su rdzogs pa/ n+ya gro d+ha'i ljon shing lta bur gyur pa/ pha rol tu phyin pa drug yongs su bsgoms pas/ 'phrin las rnam pa gsum la skyon mi mnga' ba/ thams cad mkhyen pa dang ldan pas/ bdag dang gzhan gyi don phun sum tshogs par mdzad pa/ gang ci gsung yang rung ste/ rtag par sems can gyi don du 'gyur bar mdzad pas/ don ma mchis par mi gsung ba shAkya'i rigs kyi nang na seng ge chen por gyur pas/ rab tu brtan cing dpa' ba/ rnam par thar pa brgyad phun sum tshogs par gyur pa la phyag 'tshal lo// deng bdag gi nyams kyis ji tsam lcogs pa'i rjes su de bzhin gshegs pa'i yon tan gyi phyogs las cung zad tsam zhig bsngags pa brjod pa ni 'di lta ste/ dper na sbrang bus rgya mtsho chen po'i chab 'tshal ba dang 'dra yang / bsod nams de'i dbang gis sems can thams cad 'khor ba gtan du spangs nas/ bla na ma mchis pa'i lam mngon par smon to// de nas bcom ldan 'das kyis/ lha mo spobs pa chen mo la bka' stsal pa/ khyod kyis yun ring po nas bsgoms pa las/ spobs pa chen po dang ldan par gyur nas/ deng nga'i yon tan rgya cher bsngags pa brjod pa legs so legs so/ / 'di'i dbang gis khyod myur du bla na med pa'i chos kyi sgo mo mngon par rtogs nas/ mtshan dang dpe byad bzang po phun sum tshogs par gyur te/ thams cad rgya cher phan 'dogs par gyur to// gser 'od dam pa mchog tu rnam par rgyal ba mdo sde'i rgyal po las/ lha mo spobs pa chen mos bsngags pa brjod pa'i le'u ste sum cu pa'o/ / de nas bcom ldan 'das kyis/ byang chub sems dpa' tshad med pa snyed pa rnams dang / lha dang / mi rnams dang / 'khor mang po thams cad bka' stsal pa/ khyed kyis 'di ltar rig par bya ste/ ngas bskal pa chen po tshad med grangs med pa nas nan tan brtson 'grus kyis dka' ba spyad de thob pa'i chos shin tu zab pa byang chub/ rgyu yang dag pa gang yin pa de ni/ khyed la yang dag par bstan zin na/ khyed cag las su zhig rab tu brtul ba'i sems bskyed nas/ nga yongs su mya ngan las 'das pa'i 'og tu ches kyi rnam grangs 'di gus pas yongs su bsrungs nas/ rgya cher yang dag par spel te/ yang dag pa'i chos 'jig rten na yun ring du gnas 'khor mang po'i nang nas byang chub sems dpa' chen po bye ba phrag drug cu dang / lha'i 'khor phal mang po bye ba phrag drug cu mgrin gcig tu 'di skad ces/ bcom ldan 'das bdag cag thams cad la yang mos pa'i sems mchis pas bcom l dan 'das kyis bskal pa chen po tshad ma mchis pa nas nan tan brtson 'grus kyis dka' ba mdzad de brnyes pa'i chos shin tu zab pa byang chub kyi rgyu yang dag pa gang lags pa de la gus pas yongs su bsrungs nas/ bcom ldan 'das yongs su mya ngan las 'das pa'i slad na yang lus dang srog la 'phangs pa ma mchis kyi bar chos kyi rnam grangs 'di rgya cher sbrel te/ yang dag pa'i chos 'jig rten na yun ring du gnas par bgyid do zhes gsol to/ / de nas byang chub sems dpa' sems dpa' chen po mang po de dag gis/ bcom ldan 'das kyi spyan sngar tshigs su bcad de gsol pa/ bcom ldan yang dag bden tshig gsung // yang dag chos la rab tu bzhugs// yang dag bden pa de dbang gis// mdo sde 'di ni srung 'dzin bgyid// thugs rje chen po go mnabs na/ / thugs rje chen la rab tu bzhugs// byams dang thugs rje de stobs kyis// mdo sde 'di ni srung 'dzin bgyid// bsod nams tshogs ni yongs rdzogs nas/ ye shes tshogs ni rab tu bskyed// tshogs rnams yongs su rdzogs pa'i spang // mdo sde 'di ni srung 'dzin bgyid// bdud rnams thams cad rab btul te// log sgra thams cad rnam par bshi/ nga ni lha thams cad bsal ba'i mad// mdo rje 'di ni srung 'byod/ jig rten skyong dang bcu byin dang // tshangs pa dang ni l+h+wa ma yin dang gnod sbyin la sogs pas/ / mdo sde 'di ni srung 'dzin bgyid// sa yi steng dang mkha' gnas pa// yun ring 'dir na gnas pa rnams// bcom ldan bstan pa 'dzin bgyid pas/ / mdo sde 'di ni srung 'dzin bgyid// tshangs pa'i bzhugs bzhi mtshungs ldan zhing // 'phags bden bzhi yis rab brgyan nas// bdud bzhi dag ni pham mdzad slar/ mdo sde 'di ni srung 'dzin bgyid/ / nam mkha' thogs bcas 'gyur yang srid// thogs bcas nam mkhar 'gyur srid kyi// sangs rgyas rnams kyis bsrung bzung ba// sus kyang bskul zhing bskyod mi 'gyur/ / de nas rgyal po chen po bzhi bcom ldan 'das kyis dam pa'i chos 'di bsrung ba bkas bshad pa thos pa dang / so so nas rjes su yi rang ba'i sems bskyed nas yang dag ba'i chos yongs su bsrung ba'i sems kyis cig car mgrin gcig tu tshigs su bcad de gsol pa/ bdag cag mdo sde 'di la ni// bu dang bu mo'i 'khor dang bcas// thams cad rtse gcig rab bsrungs nas/ / rgya cher yang dag spel bar bgyid// gang zhig mdo 'di rab bzung nas// byang chub rgyu ni sgrub bgyid na// bdag cag rtag par phyogs bzhi nas// zung skyob rim gro dag kyang bgyis/ / de nas brgya byin lha'i dbang po gus pas thal mo sbyar nas/ tshogs su bcad de gsol pa/ sangs rgyas chos ni thugs chad nas/ drin ni bsab par bzhed pa dang / / byang chub sems dpa' phan gdags slad// 'jig rten 'das kyang mdo sde gsungs// bdag kyang sangs rgyas de dag la// dran pasab slad du rtag mchod nas// 'di 'dra'i mdo sde 'di dang ni/ / mdo sde 'di la srung bar bgyid// de nas dga' ldan pa'i lha'i bu rnams gus pas thal mo sbyar nas// tshogs su bcad de gsol pa/ bcom ldan gsungs pa'i mdo sde 'di/ / gang zhig 'dzin par bgyid pa ni// byang chub gnas skabs gnas pa na// dga' ldan lhor ni skye bar 'gyur// bcom ldan bdag cag rab dga' nas// lha yi rnam smin mchog spangs nas// 'dzam gling dag tu gnas pas ni// mdo sde 'di ni sgrogs par bgyid// de nas mi mjed kyi 'jig rten gyi khams kyi bdag po tshangs pa tshangs pa lha'i rgyal po gus pas bral mo sbyar nas/ tshigs su bcad de gsol pa/ bsam gtan rnams dang theg rnams dang // rnam thar tshad med thams cad kyang // mdo sde 'di las byung bas na/ / de slad mdo sde 'di rab gsungs// mdo sde 'di ni ston pa'i gnas// tshangs pa'i bde ba bdag spangs nas// mdo sde 'di ni mnyan pa'i slad// rtag par yongs su srung skyob bgyid/ / de nas bdud kyi rgyal po'i bu tshong dpon zhes bya bas/ yang gus pas thal mo sbyar nas tshigs su bcad de gsol pa/ yang dag don dang ldan pa'i mdo// bdud spyod rjes su mi 'brang zhing / / bdud kyi lam ngan spyod bgyid pa// 'di ni gang zhig 'dzin bgyid na// bdag kyang mdo sde 'di la ni// brtson pa dag gi rab bsrungs nas// brtson 'grus chen po'i sems bskyed de// kun tu rgya cher spel bar bgyid// de nas bdud kyi rgyal pos gus pas thal mo sbyar nas/ tshogs su bcad de gsol pa/ gang zhig mdo sde 'di bzung nas// nyon mongs rnams ni pham bgyid pa// de 'dra'i sems can de dag la// srung skyob bde la 'god par bgyid// mdo sde 'di ni gang 'chad pa// bdud rnams kyis ni glags mi rnyed// bcom ldan byin gyi rlabs kyi mthus / bdag gis de la srung bar bgyid// de nas lha'i bu bkra shis dam pas/ bcom ldan 'das kyi spyan sngar tshigs su bcad de gsol pa sangs rgyas rnams kyi byang chub mchog/ mdo sde 'di las ston pas na/ / gang zhig mdo sde 'dzin bgyid pa// de bzhin gshegs pa mchod par 'gyur// bdag gis mdo sde 'di bzung nas// bye ba'i lha la rab shad nas// gus par nyan par bgyid pa dag/ byang chub gnas su skul bar bgyid// de nas byang chub sems dpa' byams pas/ gus pas thal mo sbyar nas tshigs su bcad de gsol pa/ byang chub la ni rab gnas nas/ / gsol ba ma btab grogs mthong na// lus srog dag kyang rab spangs nas/ mdo sde'i rgyal po 'di srung bgyis// 'di 'dra'i chos ni bdag thos nas// dga' ldan / gnas mchis nas kyang // bcom ldan byin rlabs dbang gis na// lha mi rgya chen ston par bgyid// de nas gnas brtan 'od srungs chen pos gus pas thal mo sbyar nas// tshigs su bcad de gsol pa/ bcom ldan nyan thos theg par ni// bdag ni shes rab chung bar gsungs// deng bdag rang gi stobs kyi mthus// mdo sde 'di ni srung 'dzin bgyid// gang zhig mdo 'di 'dzin bgyid na/ / bdag gis de ni rab bzung ste// tshig dang spobs pa'i mthu stsal nas// rjes 'brang rtag par legs zhes brjod// de nas tshe dang ldan pa kun dga' bos thal mo sbyar nas/ tshigs su bcad de gsol pa/ bdag gis bcom ldan mngon sum du// mdo sde tshad med thos gyur kyang // chos mchog rgyal po 'di 'dra ba// nams kyang thos par yong ma gyur/ / deng bdag mdo 'di bcom ldan las// mngon thos yongs su bzung bas na// gang dag byang chub mos pa la// rgya chen rab tu spel bar bgyid// de nas bcom ldan 'das kyi/ byang chub sems dpa' rnams dang / lha dang mi'i 'khor med po de dag so so nas mdo sde 'di rgya cher spel zhing / yongs su skyab pa dang / yongs su bsrung bar sems bskyed nas/ byang chub sems dpa' rnams la yang dag par bskul te/ sems can la rgya cher phan 'dogs par gzigs pa dang / legs so legs so zhes bsngags pa brjod nas/ khyed kyis 'di ltar mdo sde'i rgyal po mchog dam pa 'di sems rtse gcig tu rgya cher spel nas/ nga yongs su mya ngan las 'das pa'i 'og tu yang 'thor zhing nub par mi 'gyur bar byed pa de ni/ bla na med pa'i byang chub kyi rgyu yang dag pa yin pas/ bsod nams ji snyed cig 'thob par 'gyur ba ni/ bskal pa gang+gA'i klung gi bye ma snyed du brjod kyang mthar thug par mi 'gyur ro/ / dge slong ngam dge slong ma 'am/ dge bsnyen nam/ dge bsnyen ma 'am/ gzhan yang rigs kyi bu 'am/ rigs kyi bu mo la sog pa gang la la zhig mchod pa dang / bsnyen bkur byas nas/ yi ger bris te rgya cher sbrel ba dang / gzhan dag la yang dag par ston par byed pas/ thob pa'i bsod nams gung yin pa de yang de bzhin no/ / de lta bas na khyod kyis kyang yang dag pa'i brtson pas rnal 'byor bsgom par bya'o zhes bka' stsal to// de nas tshad med mtha' med pa'i gang+gA'i klung gi bye ma dang mnyam pa'i 'khor mang po rnams bcom ldan 'das kyis de skad ces bka' stsal pa thos pas/ thams cad rab tu dga' bar gyur nas/ shin tu ngang ba'i dad pas yang dag par blangs nas/ bka' bzhin du spyod par gyur to// gser 'od dam pa mchog tu rnam par rgyal ba'i mdo sde'i rgyal po las/ yongs su gtad pa'i le'u ste sum cu gcig go// / 'phags pa gsor 'od dam pa mchog tu rnam par rgyal ba mdo sde'i rgyal po zhes bya ba theg pa chen po'i mdo rdzogs so// // zhu chen gyi man po dang /

CLOSE WINDOW