/ rgya gar skad du/ prA tIti mog krA sU tra/ bod skad du/ so sor thar pa'i mdo/ bam po dang bro// thams cad mkhyen pa la phyag 'tshal lo/ snyan pa'i ba dan 'jig rten gsum du grags/ / dam pa'i chos sgra seng ga'i sgra bsgrags pa// thams cad mkhyen pa dkon mchog mdzod brnyas pa// zhabs la tshangs dbang gtsug gi nor bus gtugs/ / sdug bsngal rgya mtsho ga ting mtha' mad rgal ba// 'gro ba'i gtso la spyi/ bes phyag 'tshal te/ thams cad mkhyen pa'i bslab gzhi dkon mchog snod// 'phag pa'i tshogs kyi dbus su dbye bar bya/ / sangs rgyas 'dul ba gangs chen mtsho// gting mtha' med pa thams cad kyi// gnas pa'i snying dang snying po ni// so sor thar pa 'di yin no// 'di ni dam chos rgyal po yin// chos kun gyi na 'dren pa mchog/ 'di ni dge slong tshong tshogs kyi// bslab zong tshong khang chen po yin// tshul khrims 'chal pas zin rnams kyi/ / gdug pa rnam sel sman 'di yin// 'di ni ling tsho rnam 'khrul pa'i// rkang gnyis gzhon nu'i lcags kyu yin/ / mtsho bas zab pa'i 'khor ba las// sgrol ba'i rgal thabs 'di yin te// 'di ni bzang 'gror 'gro ba yi// @##/ nges pa'i chu lon zam pa yin// 'di ni nyon mongs pham byed lam// rgyal po yi ni 'dren pa mchog/ 'di ni thar pa'i grong 'jug pa'i/ / them skas gzhi dang 'dra bar gnas// nga ni mya ngan 'das gyur na// 'di ni khyed kyi ston pa'o zhes// rang 'byung nyid kyis gus bcas par/ / nan tan dge slong tshogs mdun bstod// sangs rgyas zhes bya'i sgra 'di yang // 'jig rten dag na rab tu dkon// mi nyid rnyed pa shin tu dka'/ / rab tu byung ba shin tu dkon// de bzhini rab tu byung rnams kyi// tshul khrims phun sum tshogs rab dkan// tshul khrims yongs su dag gyur kyang / / grogs bzang shin tu rnyed par dka'o// 'jig rten sangs rgyas 'byung ba dang // mi dag rab tu 'byung ba dang // tshul khrims phun sum tshogs pa dang / / grogs bzang rnyed dka' rnyed gyur nas// mkhas pa bdag la legs 'dod cing // de dag 'bras bcas byed 'dod pa/ / sdom brtson rnams kyis so sor thar// mnyan pa'i phyir ni 'bad par bya// dge slong dbang 'dul kun dbang po// sangs rgyas mi 'gyur rab byung ba// nges par thar pa 'dod rnams kyis/ / so sor thar pa rtag tu srungs// bskal pa bye ba rnams su yang // so sor thar pa thos pa dang // gzung dang 'dzin pa rnyed dka' ste// sgrub pa'ang shin tu rnyed par dka'/ / sangs rgyas rnams ni 'byung ba bde// chos bstan pa yang bde ba yin// dge 'dun mthun pa bde ba ste// mthun pa rnams kyi dka' thub bde// 'phags pa rnams ni mthong ba bde/ / dam pa dag dang 'grogs pa bde// byis pa rnams ni ma mthong na// rtag tu bde ba nyid du 'gyur// tshul khrims ldan pa mthong ba bde// mang du thos pa mthong ba bde// yang srid rnam par grol ba yi/ / dgra bcom pa dag mthong ba bde// 'jug ngogs bde ba'i chu klung bde// chos la goms pa'i skye ba bde// shes rab thob par gyur pa bde// nga 'o nga rgyal zad pa bde// / nges par byas shing dbang po thul ba dag/ dgon bzhi pa rnams su rgas gyur dang // mang du thos pa nags kyi nang dag tu// lang tsho yol ba rnams kyi gnas pa bde// tshe dang ldan pa dag so ga rnams kyi 'das pa dang / / lhag ma ji tsam pa de tsam mo// tshe dang ldan pa dag rgab dang 'chi ba mngon par 'ong zhing // ston pa'i bstan pa yang 'jig par 'gyur bas/ tshe dang ldan pa dag gis bag yod pas rnal 'byor du bya'o/ / de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub dang / gzhan yang gang dag de lta bu dang mthun pa'i dge ba'i chos byang chub kyi phyogs rnams kyang bag yod pas 'thob bo/ / bcom ldan 'das kyi nyan thos kyi dge 'dun ni don nyung ba bya ba nyung ba yin pas/ dge 'dun gyis thog par bya ba ci yod/ tshe dang ldan pa dag ma lhags pa rnams la 'dun pa dang / yongs su dag pa dris shig/ dris nas kyang brjod par bya'o// shAkya seng+ge de la ni// sen mo bcu yi thal sbyar te// so sor thar pa gdon par byas// gdul ba'i don dung las nyon/ / thos nas drang srong chen po yis// ji skad gsung bzhin bsgrub bya zhing // kha na mtho bro rnams la// rkun cing byed pa nyid du gyis// rtag tu 'bad par bda' ba yin// sems skya sman dka' ba la/ / mthun pa gzer rnon brgya pa yi// srab 'di so sor thar 'odi yin// che ba gang dag ngag tsam gyis// ldog cing mtshams las mi 'da' ba// de dag mi rta babang po ste/ nyon mongs g.yul las nges rgyal 'gyur// su la srab 'di med pa dang // nam du yang 'dod par mi 'gyur ba// de dag nyon mongs g.yul gyis dkrugs// 'jog bral rnam par 'khyam par 'gyur// dge 'dun btsun pa rnams gsan du gsol/ deng dge 'dun gyi gso sbyong bcu bzhi pa 'am/ bco lnga pa lags te/ gal te dge 'dun gyi dus la bab cing bzod na// dge 'dun gyis gnang bar mdzod cig dang / deng dge 'dun gso sbyong mdzad de/ so sor thar pa'i mdo gdon pa 'don no// 'di ni gsol ba'o// tshe dang ldan pa dag bdag cag gso sbyong bya ste/ so sor thar pa'i mdo gdon pa 'don gyis khyed cag sul ltung ba yod pa des mthol cig/ ltung ba med na cang ma smra zhig/ cang mi smran bdag gis tshe dang ldan pa dag yongs su dag par rig par bya'o// ji ltar so sor dris nas dge slong gis lan btab pa de bzhin du/ dge slong gi 'khor 'di lta bur yang lan gsum gyi bar du bsgrags par bya ba yin no// gleng gzhi rnam par gzhag pa 'dzin du 'jug pa'o// yang dge slong gang dge slong gi 'khor 'di lta bur lan gsum gyi bar du bsgrags pa na/ ltung ba yod la dran bzhin du mi mthol na/ de shes bzhin du brdzun smra ba yin no// tshe dang ldan pa dag shes bzhin du brdzun smra ba ni bcom ldan 'das kyis bar du bcod pa'i chos su gsungs so/ / de bas na dge slong ltung ba byung ba rnam par dag pa 'dod pas ltung ba yod la dran zhing mthong ba mthol bar bya'o// mthol na de bde ba la reg par gnas par 'gyur ro/ / ma mthol ma bshags na ni mi 'gyur ro// tshe dang ldan pa dag bdag gis so sor thar pa'i mdo gdon pa'i gleng gzhi bton zin to// de la bdag gis tshe dang ldan pa dag la ci 'di la khyed yongs su dag gam zhes dri'o/ / ci 'di la khyed yongs su dag gam zhes lan gnyis lan gsum du dri'o// 'di la tshe dang ldan pa dag yongs su dag na 'di ltar cang mi smra bas de de bzhin du 'dzin to/ / sdom la/ mi tshangs spyod dang brku ba dang // mi la gsad par mi bya dang // brdzun du smra dang bcas pa yi// chos bzhi 'dir ni gsungs pa yin/ / tshe dang ldan pa dag pham par 'gyur ba'i chos bzhi po 'di dag ni/ zla ba phyed phyed cing so sor thar pa'i mdo 'don pa las 'byung ngo // yang dge slong gang dge slong rnams dang lhan cig bslab pa mtshungs par gyur pas/ bslab pa ma phul bslab pa nyams par ma byas par mi tshangs par spyod pa 'khrig pa las byung ba'i chos bsten na tha na dud 'gro'i skye gnas su skyes pa dang lhan cig kyang rung ste/ dge slong de pham par gyur pa yin gyis gnas par mi bya'o// yang dge slong gang gzhan dag gi grong na 'dug pa'am/ dgon pa na 'dug pa ma byin pa brku ba'i grangs su gtogs pa blangs na ji tsam ma byin par blangs pas de rgyal po'am/ blon po chen pos bzung nas de la 'di skad ces kye mi khyod ni rkun ma'o// byis pa'o// blun pa'o// brku ba'o zhes zer zhing / gsod dam/ 'ching ngam/ spyugs kyang rung ste/ dge slong de de ltar ma byin par len na dge slong de yang pham par gyur pa yin gyis gnas par mi bya'o// yang dge slong gang mi 'am mir chags pa la bsams bzhin du rang gi lag dar te srog bcad dam/ de la mtshon byin nam/ de la mtshon thogs pa gnyer ram/ de 'chir gtsug gam/ de la 'chi ba'i sngags pa brjod kyang rung ste/ de la 'di skad ces kye mi khyod 'tsho ba sdig pa mi gtsang ba ngan pa 'di ci zhig bya/ kye mi khyod gson pa bas shi bla'o// zhes zer zhing sems kyi 'dod pa dang / sems kyi kun tu rtog pa dag gis rnam grangs du mas de 'ching bcug gam/ de la 'chi ba'i bsngags pa brjod de/ de yang rtsom pa des dus byas na dge slong de yang pham par gyur pa yin gyis gnas par mi bya'o// yang dge slong gang mngon par mi shes shing yongs su mi shes la mi'i chos bla ma mtha' dang / 'phags pa dang / bye brag thog pa dang / shes pa dang / mthong ba dang / reg par spyod pa med la/ med bzhin du 'di shes so// 'di mthong ngo zhes khas 'ches pa las de ltung ba byung ba rnam par dag par 'dod nas dus gzhan zhig na dris kyang rung ma dris kyang rung / 'di skad ces tshe dang ldan pa dag bdag gis ni mi shes par shes so zhes smras/ ma mthong bar mthong ngo zhes smras te/ gso ba gsog brdzun du smras so zhes zer na/ mngon pa'i nga rgyal ma gtogs te/ dge slong de yang pham par gyur pa yin gyis gnas par mi bya'o// tshe dang ldan pa dag bdag gis pa ma par 'gyur ba'i chos bzhi po dag bton zin to/ / dge slong gis de dag las ltung ba gang yang rung ba zhig byas na/ thog ma ji lta bar phyis kyang de bzhin pham par gyur pa yin te/ dge slong rnams dang lhan cig gnas pa dang / longs spyod du mi dbang gis gnas par mi bya'o// de la bdag gis tshe dang ldan pa dag la ci 'di la khyed yongs su dag gam zhes dri'o// ci 'di la khyed yongs su ga gas shes pan gnyis pan gsum du'o/ / 'dis tshe dang ldan pa dag yod lu / 'di pa ma smrabs de de basbyin s+ho// khu ba 'dzin dang 'khrig tshig bsnyen bkun spyan// khang pa khang chen dang ni gni med dang // bag tsam dge 'dun dbyen dang de rjes phyogs// khyim sun 'byin dang bka' blo mi bde ba'o// tshe dang ldan pa/ dag dge 'dun lhag ma'i chos bcu gsum po 'di dag ni/ zla ba phyed phyed cing so sor thar pa'i mdo gdon pa las 'byung ngo // bsams bzhin du khu ba phyung na rmi lam gyi ma gtogs te dge 'dun lhag ma'o// yang dge slong gang dral cing gyur pa'i sems kyis/ bud med kyi yul dang lhan cig lus reg par byed dam/ lag pa nas bzung ngam/ dpung pa nas bzung ngam/ lan bu nas bzung ngam/ yan lag dang nying lag gang yang rung ba la nom pa dang / nyug pa bdag gir byed na dge 'dun lhag ma'o// yang dge slong gang dral cing gyur pa'i sems kyis bud med kyi yul la gnas ngan len gyi tshig sdig pa can tshegs par mi 'byung ba 'khrig pa dang ldan pa dag skyes bus na chung la ji lta ba bzhin du smras na dge 'dun lhag ma'o/ / yang dge slong gang dral cing gyur pa'i sems kyis bud med kyi yul gyi mdun du bdag nyid kyi lus kyi bsnyen bkur gyi phyir nga lta bu dge slong tshul khrims dang ldan pa dag pa'i chos can/ tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na/ sru 'di ni bsnyen bkur byas pa rnams kyi nang na mchog yin no/ / zhes bsngags pa brjod na dge 'dun lhag ma'o// yang dge slong gang bud med la skyes pa'i tshig dang / skyes pa la bud med kyi tshig gis chung ma nyid dang / mdza' na mo// nyid du smyan byed na tha na tha 'ga' phrad pa la yang rung ste dge 'dun lhag ma'o// dge slong gis bdag gis bslangs pa bdag po med pa bdag gi phyir khang pa rtsig tu 'jug na/ dge slong des khang pa tshad bzhin du brtsig tu chug cig/ de la khang pa'i tshad ni 'di yin te/ nang srid du bde bar gshegs pa mtho'i mtho bcu gnyis/ zheng du mtho bdun no// gzhi blta ba'i phyir dge slong des dge slong dag bkri bar bya'o/ / khrid pa'i dge slong dag gis kyang gzhi rung ba dang / rtsod pa med pa dang / brtsam du rung bar blta bar bya'o// gal te dge slong gi sa gzhi mi rung ba 'am/ rtsod pa dang bcas pa 'am/ brtsam du mi rung bar bdag gis bslangs pa bdag po med pa bdag gi phyir khang pa rtsig tu 'jug gam/ gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston nam/ tshad las 'das na dge 'dun lhag ma'o/ / dge slong gis bdag po yod pa dge 'dun gyi phyir gtsug lag khang chen po rtsig tu 'jug na gzhi blta ba'i phyir dge slong des dge slong dag bkri bar bya'o// khrid pa'i dge slong de dag gis kyang gzhi rung ba dang / rtsod pa med pa dang / brtsam du rung bar blta bar bya'o// gal te dge slong gi sa gzhi mi rung ba 'am/ rtsod pa dang bcas pa 'am/ brtsam du mi rung bar bdag po yod pa dge 'dun kyi phyir gtsug lag khang chen po rtsig tu 'jug gas/ gzhi blta ba'i phyir dge slong drug kyang mi khrid dam/ dge slong khrid pa dag la gni ma ston na dge 'dun lhag ma'o// yang dge slong gang khros shing zhe sdang bar gyur nas/ ci nas kyang 'di tshangs par spyod pa dang dbral lo snyam nas/ dge slong dag pa ltung ba med pa la gzhi med par pham par 'gyur ba'i chos kyis skur ba las/ de dus gzhan zhig na dris kyang rung / ma dris kyang rung / rtsod pa de yang gzhi med pa yin la/ dge slong de yang zhe sdang la gnas pas zhe sdang gis smras so zhe na/ dge 'dun lhag ma'o// yang dge slong gang khros shing zhe sdang bar gyur nas/ ci nas kyang 'di tshangs par spyod pa dang dbral lo snyam nas/ dge slong dag pa ltung ba med pa la gzhan gyi cha ma yin pa dang mthun pa pham par 'gyur ba'i chos kyis skur pa las de dus gzhan zhig na dris kyang rung / ma dris kyang rung / rtsod pa de yang gzhan gyi cha ma yin pa dang mthun pa yin la/ rtsod pa de gzhan gyi cha ma yin pa dang mthun pas bag tsam las bsams pa tsam gyi chos 'ga' zhig blangs par gyur la/ dge slong de yang zhe sdang la gnas pas zhe sdang gis smras so zhe na dge 'dun lhag ma'o// yang dge slong gang dge 'dun mthun pa dbye ba'i phyir rtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug na/ dge slong de la dge slong rnams kyis 'di skad ces tshe dang ldan pa khyod dge 'dun mthun pa dbye ba'i phyir rtul bar ma byed cig/ dbyen byed par 'gyur ba'i rtsod pa yang dag par blangs nas rab tu bzung ste ma 'dug cig/ tshe dang ldan pa dge 'dun dang mthun par gyis shig/ dge 'dun mthun mi phyed kun tu dga' mi rtsod mchog cig/ 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa khyod dge 'dun 'byed par byed pa'i gzhi 'di lta bu thong zhig ces bsgo bar bya'o/ / dge slong de la dge slong rnams kyis de skad bsgo ba na/ gal te gzhi de gtong na de lta na lags/ gal te ma gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o// lan gnyis lan gsum du yang dag par bsgo yang dag par bstan pa na/ gzhi de gtong na de lta na legs gal te mi gtong na dge 'dun lhag ma'o/ / dge slong de'i grogs byed pa'i dge slong mi mthun par smra ba nyid kyi rjes su phyogs pa gcig gam/ gnyis sam/ mang po dag yod cing / gal te de dag dge slong rnams la 'di skad ces/ tshe dang ldan pa dag khyed cag dge yang rung / sdig kyang rung / dge slong 'di la ci yang ma smra zhig/ de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste/ rjes su tha snyad 'dogs par byed pa/ dge slong 'di ni shes bzhin du smra'i/ mi shes par ma yin pa'i phyir te/ dge slong 'di gang la 'dod cing bzod pa de la/ bdag cag kyang 'dod cing bzod do zhes zer na/ dge slong de dag la dge slong rnams kyis 'di skad ces/ tshe dang ldan pa dag khyed cag de skad ces tshe dang ldan pa dag khyed cag dge yang rung / sdig kyang rung / dge slo 'di la ci yang ma smra zhig/ de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste/ rjes su tha snyad 'dod par byed pa/ dge slong 'di ni shes bzhin du smra'i/ mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig/ de ci'i phyir zhe na/ tshe dang ldan pa dag dge slong 'di ni chos smra ba ma yin/ 'dul ba smra ba ma yin gyi/ tshe dang ldan ba dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang / 'dul ba ma yin pa yang dag par blangs nas rab tu bzung ste/ rjes su tha snyad 'dogs par byed pa/ dge slong 'di ni mi shes bzhin du sgra'i/ shes par smra ba ma yin pa'i phyir te/ dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig/ tshe dang ldan pa dag khyed dge 'dun 'byed 'dod par ma byed par/ tshe dang ldan pa dag dge 'dun mthun pa nyid du 'dod par gyis shig/ tshe dang ldan pa dag dge 'dun dang mthun par gyis shig/ dge 'dun mthun mi phyed kun tu dga' mi rtsod mchog cig/ 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pab dag dge 'dun 'byed pa'i rjes su phyogs shing mi mthun par smra ba 'di lta bu 'di thong zhig ces bsgo bar bya'o/ / dge slong de dag la dge slong rnams kyis de skad bsgo ba na gal te gzhi de gtong na de lta na legs gal te mi gtong na gzhi de gtong bar bya ba'i phyir la gnyis lan gsum du yang dag par bsgo bar bya/ yang dag par bstan par bya'o// lan gnyis lan gsum du yang dag par bsgo// yang dag par bstan pa ni/ gzhi de gtong na de lta na legs/ gal te mi gtong na dge 'dun lhag ma'o// dge slong rab tu mang po dag zong ngam grong rdal zhig na nye bar rten cing gnas par 'gyur la/ de dag kyang khyim sun 'byin pa sdig pa'i chos kun tu spyod par gyur cing / de dag gis khyim dag sun phyung bar mthong ngam/ thos sam/ rab tu shes sam/ de dag sdig pa kun tu spyod par mthong ngam/ thos sam/ rab tu shes na/ dge slong de la dge slong rnams kyis 'di skad ces/ tshe dang ldan pa dag khyim sun 'byin pa sdig pa'i chos kun tu spyod pa dag yin te/ khyed kyis khyim dag sun phyung bar yang mthong zhing thas la rab tu shes/ khyed sdig ba kun tu spyod par yang mthong zhing thos la rab tu shes kyis/ tshe dang ldan pa dag khyed 'di na gnas pa chog gis/ gnas 'di nas dengs shig ces bsgo bar bya'o// gal te de dag dge slong rnams la 'di @skad ces/ tshe dang ldan pa dag 'din dge slong kha cig 'dun pas 'tho ba/ zhe sdang gis 'thob/ gti mug gis 'gro ba/ 'jigs pas 'gro ba dag yin te/ 'di ltar ltung ba 'drab na las dge slong kha cig ni spyod par byed/ kha cig ni skrod par mi byed do zhes zer na/ dge slong de dag la dge slong rnams kyis 'di skad ces/ tshe dang ldan pa dag khyed de skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes ma zer cig/ de ci'i phyir zhe na/ dge slong de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang ldan pa dag nyid khyim sun 'byin pa sdig pa'i chos kun tu spyod pa dag yin te/ khyed nyid kyis khyim dag sun phyung bar yang mthong zhing thos la rab tu shes/ khyed sdig pa kun tu spyod par yang mthong zhing thos la rab tu shes pa'i phyir te/ tshe dang ldan pa dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gre ba zhes bya ba'i tshig gi lam 'di lta bu 'di thong zhig ces bsgo bar bya'o/ / dge slong de dag la dge slong rnams kyis de skad ces bsgo ba na/ gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o// lan gnyis lan gsum du yang dag par bsgo// yang dag par bstan pa na gzhi de gtong na de lta na legs/ gal te mi gtong na dge 'dun lhag ma'o/ / 'di na dge slong 'ga' zhig bka' blo mi bde ba'i rang bzhin can du gyur la/ de la dge slong rnams kyis gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smras pa na/ tshe dang ldan pa dag khyed cag dge yang rung / sdig kyang rung / bdag la ci yang ma smra zhig bdag kyang dge yang rung / sdig kyang rung / tshe dang ldan pa dag la ci yang mi smra'o// tshe dang ldan pa dag gis bdag la tshig gi lamathong zhig/ khyed la yang bdag gis smras pas ci zhig bya zhes bdag nyid brjod par bya ba ma yin par byed na/ dge slong de la dge slong rnams kyis 'di skad ces/ tshe dang ldan pa khyod dge slong rnams kyis gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smras pa na/ bdag nyid brjod par bya ba ma yin pa ma byed par/ tshe dang ldan pas bdag nyid brjod par bya ba kho nar gyis shig/ dge slong rnams tshe dang ldan pa la chos dang mthun pa dang / 'dul ba dang mthun par smra ba na/ tshe dang ldan pa yang dge slong rnams la chos dang mthun pa dang / 'dul ba dang mthun par smos shi/ 'dis ste/ gcig sa gcig brjod par bya ba nyid du byed pa dang / gcigs gcig 'doms shing rjes ston pa dang / gcig gis gcig klung ba las spong ba nyid deH/ bus/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de yi 'khor 'di 'phel bar 'gyur gyis/ tshe dang ldan pa khyod bdag nyid brjod par bya ba ma yin par byed pa'i las kyis mtha' 'di lta bu 'di thong zhig ces bsgo bar bya'o/ / dge slong de la dge slong rnams kyis de skad bsko ba na/ gal te gzhi de gtong na de lta na legs/ gal te mi gtong na gzhi de gtong bar bya ba'i phyir/ lan gnyis lan gsum du yang dag par bsgo bar bya/ yang dag par bstan par bya'o// lan gnyis lan du yang dag par bsgo// yang dag par bstan pa ni gzhi de gtong na de lta na legs/ gal te mi gtong na dge 'dun lhag ma'o/ / tshe dang ldan pa dag bdag gis dge 'dun lhag ma'i chos bcu gsum po dag bton zin to// de dag las dgu ni ltung ba dang po dag nyid kyis so/ bzhi ni lan gsum gyi bar gyis so// dge slong gis de dag las ltung ba gang yang rung ba zhig byas na/ ji srid du shes bzhin du 'chab par byed pa de srid du des mi 'dod bzhin du spo ba bya'o// dge slong gis mi 'dod bzhin du spo ba byas nas/ de'i 'og tu zhag drug gi bar du dge 'dun mgu bar bya ba spyad par bya'o// dge slong gis mgu bar bya ba spyad nas/ dbyung bar bya ba la thogs te/ chos dang mthun par byas la/ dge slong gi dge 'dun gyi sems mgu bar byas na/ gang na dge slong nyi shu'i tshogs kyi dge 'dun yod pa der dge slong de dbyung bar bya'o// dge slong nyi shur gcig gis ma tshang ba'i tshogs kyi dge 'dun gyis dge slong de 'byin par byed na/ dge slong de yang ma phyin la/ dge slong de dag kyang smad par bya ba yin te/ de la de ni cho ga yin no// de la bdag gis tshe dang ldan pa dag la/ ci 'di la khyed yongs su dag gam zhes dri'o/ / ci 'di la khyed yongs su dag gam zhes lan gnyis lan gsum du dri'o// de la tshe dang ldan pa dag yongs su dag na 'di ltar cang mi smra bas de de bzhin du 'dzin to// sde ma la/ dben pa skyabs yod 'dug pa'o// tshe dang ldan pa dag ma nges pa'i chos gnyis po 'di dag ni zla ba phyed phyed cing so sor thar pa'i mdo 'don pa las 'byung ngo // yang dag slong gang bud med kyi yul dang lhan cig gcig pu gcig dang dben pa skyabs yod pa na 'dod pa byar rung bar bstan la 'dug par byed cing / de la gal te dge bsnyen ma yid ches pa'i tshig dang ldan pas chos gsum po pham par 'gyur ba 'am/ dge 'dun lhag ma 'am/ ltung byed las chos gang yang rung bas smras par gyur la/ dge slong gis 'dug par khas blangs na/ chos gsum po pham par gyur pa 'am/ dge 'dun lhag ma 'am/ ltung byed las chos gang yang rung bas byed du gzhug cing / dge slong de la dge bsnyen ma yid ches pa'i tshig dang ldan pas chos gang dang gang gis smras par gyur pa'i chos de dang des dge slong de byed du gzhug ste/ 'di ni ma nges pa'i chos so// yang dge slong gang bud med kyi yul dang lhan cig gcig pu gcig dang dben pa skyabs yod pa na 'dod pa byar rung bar stan la 'dug par byed cing / de la gal te dge bsnyen ma yid ches pa'i tshig dang ldan pas chos gnyis po dge 'dun lhag ma 'am/ ltung byed las chos gang yang rung bas smras par gyur la/ dge slong gis 'dug par khas blangs nas/ chos gnyis po dge 'dun lhag ma 'am/ ltung byed las chos gang yang rung bas byed du gzhug cing / dge slong de la dge bsnyen ma yid ches pa'i tshig dang ldan pas chos gang dang gang gis smras par gyur pa'i chos de dang des dge slong de byed du gzhug ste/ de yang ma nges pa'i chos so// tshe dang ldan pa dag bdag gis ma nges pa'i chos gnyis po dag bton zin to/ / de la bdag gis tshe dang ldan pa dag la/ ci 'di la khyed yongs su dag gam zhes dri'o// ci 'di la khyed yongs su dag gam zhes lan gnyis lan gsum du dri'o/ / 'di la tshe dang ldan pa dag yongs su dag na 'di ltar cang mi smra bas de de bzhin du 'dzin to// sdom la/ 'chang ba 'bral ba 'jog pa dang / 'khrur 'jug pa dang len pa dang / slong dang stod g.yogs smad g.yogs bcas/ rin thang so sor bskur ba'o// tshe dang ldan pa dag spang ba'i ltung byed kyi chos sum cu po 'a dag ni zla ba phyed phyed cing so sor thar pa'i mdo 'don pa las 'byung ngo / / dge slong chos gos zin pa'i sra brkyang phyung na/ zhag bcu'i bar du gos lhag pa rung bar ma byas pa bcang bar bya'o// de las 'das par 'chang na spang ba'i ltung byed do/ / dge slong chos gos zin pas sra brkyang phyung na/ gal te nub gcig kyang chos gos gsum las chos gos gang yang rung ba dang / mtshams kyi phyi rol du 'bral bar byed na/ dge 'dun gyis gnang ba ma gtogs te spang ba'i ltung byed do// dge slong chos gos zin pas sra brkyang phyung na/ dus ma yin pas gos shig rnyed la/ 'dod na dge slong de gos de blang bar bya'o/ / blangs na gal te langs na/ myur ba kho nar gos su byas la bcang bar bya'o// gal te mi langs na kha ma langs pa kha skong ba'i gos la re ba yod na/ dge slong des gos de zla ba gcig gi mthar gzhag bar bya'o/ / de las 'das par 'jog na spang ba'i ltung byed do// yang dge slong gang dge slong ma nye du ma yin pa la gos rnying pa 'khrur 'jug gam/ 'tshed du 'jug gam/ 'chag tu 'jug na spang ba'i ltung byed do// yang dge slong gang dge slong ma nye du ma yin pa las gos len na brdzes pa ma gtogs te spang ba'i ltung byed do// yang dge slong gang khyim bdag gam/ khyim bdag gi chung ma nye du ma yin pa'i gan du song ste gos slong na dus ma gtogs te spang ba'i ltung byed do/ / de la dus ni 'di yin te/ dge slong gos phrogs sam/ gos brlag gam/ gos tshig gam/ gos rlung gis khyer ram/ gos chus khyer na de la de ni dus yin no/ / dge slong gos phrogs sam/ gos brlag gam/ gos tshig gam/ gos rlung gis khyer ram/ gos chus khyer na khyim bdag gam/ khyim bdag gi chung ma nye du ma yin pa'i gan du song la gos bslang bar bya'o/ / gal te de la bram ze 'am/ khyim bdag dad pa can zhig gis dus kyis gos mang po stobs la/ 'don na dge slong des de las gos stod g.yogs smad g.yogs dang bcas pa'i mthar thug par bslang bar bya'o/ / de las lhag par len na spang ba'i ltung byed do// dge slong gi phyir khyim bdag gam/ khyim bdag gi chung mnye du ma yin pas gos kyis rin dag sngags nas/ bdag gis gos kyi rin 'di dag gis gos 'di dang 'di lta bu zhig nyos la/ dge slong ming 'di zhes bya ba 'ongs pa dang / de la gos su rung ba dus su bskon no snyam pa las/ de na gal te dge slong de la sngar ma bstab bar rnam par rtog pa 'ga' zhig byung ste/ bzang po 'dod pa'i phyir khyim bdag gam/ khyim bdag gi chung ma nye du ma yin pa de'i gan du song nas 'di skad ces/ tshe dang ldan pas bdag gi phyir gos kyi rin gang dag spags pa'i gos kyi rin de dag gis/ tshe dang ldan pa gos 'di dang 'di lta bu zhig nyos la/ bdag la gos su rung ba dus su legs par skon cig ces smras te/ gos grub na spang ba'i ltung byed do// dge slong gi phyir khyim bdag gam/ khyim bdag gi chung ma nye du ma yin pas gos kyi rin so so bdag spags nas/ bdag cag gnyis kyi gos kyi rin so so ba 'di dag gis gos 'di dang 'di lta bu so so ba dag nyos la dge slong ming 'di zhes bya ba 'ongs pa dang / bdag cag gnyis kyis so so nas de la gos su rung ba dus su bskon no snyam pa las/ de na gal te dge slong de la sngar ma bstabs par rnam par rtog pa 'ga' zhig byung ste/ bzang po 'dod pa'i phyir khyim bdag dang chung ma nye du ma yin pa de dag gi gan du song nas 'di skad ces/ tshe dang ldan pa dag gis bdag gi phyir gos kyi rin so so ba gang dag spags pa'i gos kyi rin so so ba de dag gis/ tshe dang ldan pa dag gos 'di dang 'di lta bu so so ba dag nyos la/ gnyis ka 'dus te bdag la gos su rung ba gcig dus su legs par skon cig ces smras te/ gos grub na spang ba'i ltung byed do/ / dge slong gi phyir rgyal po 'am/ blon po chen po 'am/ bram ze 'am/ khyim bdag gam/ grong rdal gyi mi 'am/ yul gyi mi 'am/ nor can nam/ tshong dpon nam/ ded dpon gyis phopo nya'i lag tu gos kyi rin dag bskur bar gyur la/ de nas pho nya des gos kyi rin de dag khyer nas/ dge slong de ga la ba der song ste phyin nas/ dge slong de la 'di skad ces 'phags pa mkhyen par mdzod cig/ khyod la rgyal po 'am/ blon po chen po 'am/ bram ze 'am/ khyim bdag gam/ grong rdal gyi mi 'am/ yul gyi mi 'am/ nor can nam/ tshong dpon nam/ ded dpon che ge mos gos kyi rin 'di dag bskur gyis/ 'phags pas thugs brtse ba'i slad du 'di dag bzhes shig ces zer na/ dge slong des pho nyad la 'di skad ces/ tshe dang ldan pa po nya ba dge slong dag ni gos kyi/ rin dag len du mi rung ste/ bdag cag gos su rung ba dus su rnyed na ni len no zhes brjod par bya'o// gal te phonya des dge slong de la 'di skad ces/ 'phags pa rnams kyi zhal ta bgyid pa/ 'phags pa rnams kyis zhal ta nyams su len pa gang lags pa 'ga' zhig mchis sam zhes zer na/ dge slong gos 'dod pas pho nya 'di ni dge slong rnams kyi zhal ta byed pa ste/ 'di ni dge slong rnams kyi zhal ta nyams su len pa'o zhes kun dga' ra ba pa 'am/ dge bsnyen zhal ta byed pa bstan par bya'o// de nas pho nya des gos kyi rin dag khyer nas zhal ta byed pa ga la ba der 'gro bar bya zhing phyin nas zhal ta byed pa de la 'di skad ces/ tshe dang ldan pa zhal ta byed pa shes par gyis shig/ khyod kyis gos kyi rin 'di dag gis gos 'di dang 'di lta bu zhig nyos la/ dge slong ming 'di zhes bya ba 'ongs/ pa dang / de la gos rung ba dus su skon cig ces brjod par bya'o// de nas pho nya des zhal ta byed pa de la shin tu legs par yang dag par bsgo zhing / yang dag par bstan nas/ dge slong de ga la ba der 'gro bar bya zhing / phyin nas dge slong de la 'di skad ces/ 'phags pa zhal ta bgyid pa bstan pa gang lags pa de la bdag gis yang dag par bstan lags kyis/ de'i gan du bzhud cig dang des khyod la gos rung ba dus su bskon par 'gyur ro zhes brjod par bya'o/ / dge slong gos 'dod pas zhal ta byed pa'i gan du song la/ tshe dang ldan pa zhal ta byed pa bdag gos 'dod do// tshe dang ldan gzhal dbyed pa bdag gos 'dod do/ / zhes lan gnyis lan gsum du bskul bar bya/ dran par bya'o// lan gnyis lan gsum du bskul ning dran par byas pan/ gal te gos de grung na de ldan legs/ gal te ma grub na lan bzhi/ lan lnga/ lan drug gi bar du phyogs su cang mi smra bar bsdad par bya'o// lan bzhi/ lan lnga/ lan drug gi bar du phyogs su cang mi smra bar sdud pa na gal te gos de grub na de lta na legs/ gal te ma grub na de'i 'og tu gos bsgrub pa'i phyir btsal te/ gos grub na spang ba'i ltung byed do// gal te ma grub na phyogs gang nas gos kyi rin de dag 'ongs pa der bdag 'gro bar bya'o/ / yang na yid brtan pa'i pho nya las tshe dang ldan pa dag gis dge slong che ge mo'i phyir gos kyi rin gang dag bskur ba de dag ni/ dge slong de'i don cir yang ma grub kyis/ shes par gyis shig/ tshe dang ldan pa dag gis rang gi nor chud ma gzan cig ces spring bar bya ste/ de la de ni cho ga yin no// sdom la/ srin ba la 'ba' zhig cha gnyis dang // drug dang mtho gang lam dang ni/ / 'khru ba dang ni gser dngul dang // mngon mtshan can dang nyo 'tshong ngo // yang dge slong gang srin bal gyi stan gsar ba byed na spang ba'i ltung byed do// yang dge slong gang lug bal nag po 'ba' zhig gis stan gsar pa byed na spang ba'i ltung byed do/ / dge slong gis stan gsar pa byed na/ cha gnyis ni lug bal nag po 'ba' zhig las gzhug par bya/ gsum pa ni dkar bo las/ bzhi pa ni mkhob pa la las gzhug par bya'o// gal te dge slong gis cha gnyis lug bal nag po 'ba' zhig las ma bcug gam/ gsum pa dkar po las bzhi pa mkhob bal las ma bcug par stan gsar ba byed na spang ba'i ltung byed do/ / dge slong gis stan gsar pa byed na mi 'dod bzhin du lo drug tu bcang bar bya'o// gal te dge slong gis lo drug tshun chad du stan rnying pa de spangs kyang rung / ma spangs kyang rung / stan gsar pa gzhan byed na/ dge 'dun gyis gnang ba ma gtogs te spang ba'i ltung byed do// dge slong gis gding ba gsar ba byed na gsar pa kha dog mi sdug par bya ba'i phyir/ gding ba rnying pa bde bar gshegs pa'i mtho gang 'khor bas glan par bya'o// gal te dge slong gis gding ba gsar pa kha dog mi sdug par bya ba'i phyir// gding ba rnying pa bde bar gshegs pa'i mtho gang 'khor bas ma glan par gding ba gsar pa spyod na spang ba'i ltung byed do/ / yang dge slong lam du zhugs pas lug bal dag rnyed la/ 'dod na dge slong des blang bar bya'o/ / blangs nas khyer ba med na dpag tshad gsum gyi mtha'i bar du bdag nyid kyis 'khur bar bya'o// de las 'das par khyer na spang ba'i ltung byed do// yang dge slong gang dge slong ma nye du ma yin pa la lug ba la 'khrur 'jug gam/ 'tshed du 'jug gam/ rmel du 'jug na spang ba'i ltung byed do// yang dge slong gang rang gi lag gis gser dang dngul len nam/ len du 'jug na spang ba'i ltung byed do// yang dge slong gang mngon mtshan can gyi spyod pa rnam pa sna tshogs byed na spang ba'i ltung byed do// yang dge slong gang nyo 'tshong rnam pa sna tshogs byed na spang ba'i ltung byed do// sdom la/ lhung bzed gnyis dang thag gnyis/ / byin 'phrog ston bla za chung dang // dgon pa dang ni ras chen dang // bsngos pa dang ni gsog 'jog go// yang dge slong gang lhung bzed lhag pa zhag bcu'i bar du bcang bar bya'o/ / de las 'das par 'chang na spang ba'i ltung byed do// yang dge slong gang lhung bzed lhan pa lnga med pa spyad bzod pa yod bzhin du/ bzang po 'dod pa'i phyir lhung bzed gsar pa gzhan tshol zhing lhung bzed grub na spang ba'i ltung byed do/ / dge slong des lhung bzed de dge slong gi 'khor la dbul bar bya'o// dge slong gi 'khor de'i lhung bzed tha mar gyur pa gang yin pa de dge slong de la/ dge slong khyod kyis lhung bzed 'di byin gyis brlab par mi bya/ gtang bar mi bya/ gzhan la sbyin par mi bya bar/ chag pa'i mthar thug gi bar du khad kyis dal bu dal bus spyad par bya'o zhes sbyin par bya ste/ de la de ni cho ga yin no/ / yang dge slong gang rang gis bslangs pa'i dog pas/ tha ga pa nye du ma yin pa la gos 'thag tu 'jug na gos grub na spang ba'i ltung byed do// dge slong gi phyir khyim bdag gam khyim bdag gi chung ma nye du ma yin pas/ tha ga pa nye du ma yin pa la gos 'thag tu bcug pa las/ de na gal te dge slong de la sngar ma bstabs par rnam par rtog pa 'ga' zhig byung nas/ tha ga pa nye du ma yin pa'i gan du song ste 'di skad ces/ tshe dang ldan pa thag pa shes par gyis shig/ gos 'di ni kho bo'i phyir 'thag gis/ tshe dang ldan pa thag pa gos 'di zheng che ba dang / khrun ring ba dang / thar gyis zhag pa dang / thag ran bzang bar legs par gyis shig/ tshe dang ldan pa tha ga pa 'di ltar kho bo'i gla rngan 'di lta ste/ bza' ba 'am/ bca' ba tsam mam/ bza' rgyu cung zad cig sbyin no zhes smras nas/ de la gal te dge slong des gos bsgrub pa'i phyir gla rngan 'di lta ste/ bza' ba 'am/ bca' ba 'am/ bza' rgyu cung zad cig sbyin zhing gos grub na spang ba'i ltung byed do/ / yang dge slong gang dge slong la gos byin nas/ de'i 'og tu khros 'khrugs rngam par gyur te/ yi ma rangs nas 'phrog gam/ 'phrog tu 'jug cing // de la 'di skad ces dge slong khyed la gos mi byin gyis/ phyir byin cig ces zer na/ dge slong des lhag ma yod pa phyir sbyin par bya zhing btang na spang ba'i ltung byed do// dge slong gis ston zla tha chung nyar zhag bcus ma tshang ba tshun chad du brtad pa las byung ba'i gos shig rnyed la/ 'dod na dge slong des gos de blang blar bya'o// blangs nas gos sbyin pa'i dus kyi bar du bcang bar bya'o// de las 'das par 'chang na spang ba'i ltung byed do/ / dge slong rab tu mang po dag gnas ma la dgon pa dogs pa dang bcas par grags pa// 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa dag tu dbyar phyi mar gyur pa la/ dge slong dgon pa pas 'dod na chos gos gsum las chos gos gang yang rung ba khyim gzhan du gzhug par bya'o// dge slong dgon pa pa la mtshams kyi phyi rol du 'gro dgos pa de lta bu'i rkyen zhig byung na/ dge slong dgon pa pa des zhag drug gi mtha' tshun chad chos gos de dang mtshams kyi phyi rol du 'bral bar bya'o// de las 'das par 'bral na spang ba'i ltung byed do// dge slong gis so ga rnams kyi zla ba gcig lus pa na/ dbyar gyi go sa ras chen btsal bar bya'o// dbyar zad nas 'og tu zla ba phyed kyi bar du bcang bar bya'o/ / gal te dge slong gis so ga rnams kyi zla ba gcig lus pa'i sngon rol du/ dbyar gyi gos ras chen tshol bar byed dam/ dbyar zad nas 'og tu zla ba phyed las 'das par 'chang na spang ba'i ltung byed do/ / yang dge slong gang dge 'dun la bsngos pa'i rnyed pa shes bzhin du gang zag bdag la sbyar du 'jug na spang ba'i ltung byed do// bcom ldan 'das kyis dge slong na ba rnams la phan pa so sor bsten par bya ba'i sman gang dgra bka' stsal pa/ 'di lta ste/ zhun mar dang / 'bru mar dang / sbrang rtsi dang / bu ram gyi dbu ba de dag las/ dge slong na bas 'dod na rang gis zhag bdun gyi bar du byin gyis brlabs te gsog 'jog gi yongs su longs spyad pas yongs su longs spyad par bya'o/ / de las 'das par yongs su longs spyod par byed na spang ba'i ltung byed do// / tshe dang ldan pa dag bdag gis spang ba'i ltung byed kyi chos sum cu po dag bton zin to// de la bdag gis tshe dang ldan pa dag la/ ci 'di la khyed yongs su dag gam zhes dri'o/ / ci 'di la khyed yongs su dag gam zhes lan gnyis lan gsum du dri'o// 'di la tshe dang ldan pa dag yongs su dag na/ 'di ltar cang mi smra bas de de bzhin 'dzin / los / sa blanan dang nas ngon dag/ mgos pa dang ma ya dang // chunapa ma dang/ bsams bzhin dang // mgron lam rkun ma mchod ston to// sdom la/ brdzun skyon dge slong phra ma dang // skyo sngogs byed dang ston pa dang // 'don dang gnas ngan len dang chos/ / bshes ngor byed dang khyad du gsod// tshe dang ldan pa dag ltung byed kyi chos dgu bcu po 'di dag ni zla ba phyed phyed cing so sor thar pa'i mdo 'don pa las 'byung ngo // shes bzhin du brdzun smra na ltung byed do/ / mi'i skyon nas smra na ltung byed do// dge slong la phra ma byed na ltung byed do// yang dge slong gang dge 'dun mthur pas chos bzhin du rtsod pa sbyangs par shes bzhin du yang las kyis skyo sngogs byed na ltung byed do/ / yang dge slong gang bud med kyi yul la tshig lnga'am drug las lhag par chos ston na/ rig pa'i skyes pa ma gtogs te ltung byed do// yang dge slong gang gang zag bsnyen par ma rdzogs pa dang tshig gis chos 'don na ltung byed do/ / yang dge slong gang gang zag bsnyen par ma rdzogs pa la gnas ngan len gyi ltung ba rjod na/ dge 'dun gyis gnang ba ma gtogs teltung byed do/ / yang dge slong gang gang zag bsnyen par ma rdzogs pa la mi'i chos bla ma bden pa sma na ltung byed do// yang dge slong gang sngar legs par rung bar byas nas/ de'i 'og tu 'di skad ces tshe dang ldan pa dag gis 'di ltar bshes ngor byas te/ dge 'dun gyi rnyed par bsngos pa bdag gi gang zag la bsngos so zhes zer na ltung byed do// yang dge slong gang zla ba phyed phyed cing so sor thar pa'i mdo gdon pa 'don pa na/ 'di skad ces tshe dang ldan pa gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo 'don pa bton pa dag gis ci zhig bya zhes zer zhing / bslab pa khyad du gsod na ltung byed do// sdom la/ sa bon 'phya ba bsgo ba dang // khri dang gding dang rnyed pa dang / / phyis gnon 'byung ba 'debs pa dang // rim pa gnyis su rtsig pa'o// sa bon gyi tshogs dang 'byung po'i gnas 'jig gam/ 'jig tu 'jug na ltung byed do// 'phya'am gzhogs 'phyas byed na ltung byed do// bsgo ba rnal gzon na ltung byed do// yang dge slong gang dge 'dun gyi khri 'am/ khri'u 'am/ stan nang tshangs can nam/ la ba 'am/ sngas sam/ gor bu bla gab med par bting ngam/ 'ding du bcug gnas ma bsdus sam/ sdud du ma bcug gam/ dge slong 'khod pa la ma bcol bar de nas song na/ de 'dra ba'i rkyen ma gtogs te ltung byed do/ / yang dge slong gang dge 'dun gyi gtsug lag khang du rtsa'i gding ba'am/ lo ma'i gding ba bting ngam/ 'ding du bcug nas ma bsdus sam/ sdud du ma bcug gam/ dge slong 'khod pa la ma bcol bar de nas song na/ de 'dra ba'i rkyen ma gtogs te ltung byed do// yang dge slong gang khros 'khrugs rngam par gyur te yi ma rangs nas/ dge 'dun gyi gtsug lag khang nas dge slong skrod dam/ skrod du 'jug na/ de 'dra ba'i rkyen ma gtogs te ltung byed do// yang dge slong gang dge 'dun gyi gtsug lag khang na dge slong dag snga nas 'khod par shes bzhin du phyis 'ongs nas/ su la gnod pa de 'gro bar 'gyur ba de nyid rkyen du byas te/ phyis gnon byas nas stan la nyal lam/ 'dug na ltung byed do// yang dge slong gang dge 'dun gyi gtsug lag khang gi steng gi nam mkha' la thog bor bar khri'am/ khri'u rtsa ba 'byung ba la shes bzhin du ljid kyis phab ste 'dug gam/ nyal na ltung byed do// yang dge slong gang shes bzhin du srog chags dang bcas pa'i chus rtsa 'am/ lci ba 'am/ sa la 'debs sam/ 'debs su 'jug na ltung byed do// dge slong gis gtsug lag khang chen po zhig rtsig tu 'jug na sgo'i sbubs dang / gtan pa dang / snang ba'i gnas ji tsam pa'i 'du shes kyis sa brtag pa nas 'thung ste/ / bgu'i rim pa 'jim pa dang bcas pa gnyis sam gsum brtsig par bya'o// de las skrag par brtsigs na ltung byed do// sdom la/ bskyos nyi ma nub pa dang // zas dang chos gos gnyis dag dang // don mthun gru dang dben pa gnyis// dge slong ma yis sbyor bcug pa'o// yang dge slong gang dge 'dun gyis ma bskos par dge slong ma la chos ston na/ chos 'di lta bu dang ldan pa ma gtogs te ltung byed do// dge slong gang dge 'dun gyis basmos kyang / nyi ma nub pa'i dus kyi bar du dge slong ma la chos ston na ltung byed do/ / yang dge slong gang dge slong rnams la 'di skad ces dge slong dag zas cung zad tsam gyi phyir dge slong ma la chos ston to zhes zer na ltung byed do// yang dge slong gang dge slong ma nye du ma yin pa la gos sbyin na ltung byed do/ / yang dge slong gang dge slong ma nye du ma yin pa'i gos byed na ltung byed do// yang dge slong gang dge slong ma'i don mthun dang lhan cig 'thams nas 'gro na lam du 'jug na/ dus ma gtogs te ltung byed do// de la dus ni 'di yin te/ lam don mthun gyis bgrod par bya ba dogs pa bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa zhig na/ de la de ni dus yin no// yang dge slong gang dge slong ma'i don mthun dang lhan cig 'thams nas gru gcig tu 'jug cing gyen du 'gro 'am/ thur du 'gro na/ zad kar pha rol du 'gro ba ma gtogs te ltung byed do// yang dge slong gang bud med kyi yul dang lhan cig gcig pu gcig dang dben pa skyabs yod pa na stan la 'dug na ltung byed do/ / yang dge slong gang dge slong ma dang lhan cig gcig pu gcig dang dben pa skyabs yod pa na 'greng na ltung byed do// yang dge slong gang shes bzhin du dge slong mas sbyor du bcug pa'i zas zan/ sngar khyim du bos pa ma gtogs te ltung byed do// sdom la/ yang yang dang ni 'dug gnas gcig/ phye dang bca' dang stobs pa dang // 'dus dang dus min gsog 'jog dang / / kha nas ming dang bsod pa nyid// yang yang za na/ dus ma gtogs te ltung byed do// de la dus ni 'di yin te/ na ba dus go// las dus so// lam dus so// gos sbyin pa'i tshe dus te/ de la de ni dus yin no// 'dug gnas gcig tu zhag lon pa'i dge slong min pas bsod snyoms gcig bza' bar bya'o// de las lhag par za na ltung byed do// dge slong rab tu mang po dag khyim rnams su dong ba las/ gal te de dag la bram ze dang khyim bdag dad pa can dag gis phye dang 'khur ba dag dus kyis stobs par la/ 'dod na dge slong de dag gis lhung bzed gang ba gnyis sam gsum blang bar bya'o/ / de las lhag par len na ltung byed do// lhung bzed gang ba gnyis sam gsum blangs nas phyi rol kun dga' ra bar dong la/ dge slong 'khod pa rnams la bgo bsha' bya/ bdag cag kyang bza' bar bya ste/ de la de ni cho ga yin no// yang dge slong gang zas zos zin cing spangs pa las lhag bor ma byas par bca' ba 'am bza' ba 'cha' 'am/ phan ltung byed do// yang dge slong gang shes bzhin du dge slong zas zos zin cing spangs pa la skabs tshol zhing / ci nas kyang dge slong 'di la nyes pa 'byung bar bya'o snyam pa de nyid rkyen du byas nas/ tshe dang ldan pa 'di 'tsho zhig/ 'di ze zhig ces lhag por ma byas pa'i bca' ba dang bza' ba dus kyis stobs na ltung byed do// 'dus shing za na/ dus ma gtogs te ltung byed do// de la dus ni 'di yin te/ na ba dus so// las dus so// lam dus so// grur zhugs pa dang / 'dus pa chen po dang / dge sbyong gi zas dus te/ de la de ni dus yin no// yang dge slong gang dus ma yin par bca' ba'am bza' ba 'char 'am/ za na ltung byed do// yang dge slong gang bca' ba dang bza' ba gsog 'jog byas pa 'cha' 'am/ za na ltung byed do// yang dge slong gang ma byin par kha nas med pa'i zas za na/ chu dang chu shing ma gtogs te ltung byed do/ / bcom ldan 'das kyis dge slong rnams kyi zas bsod pa gang dag gsungs pa 'di lta ste/ 'o ma dang / zho dang / mar dang / nya sha dang / sha dang / sha skam dag ste/ yang dge slong gang mi na bar bdag nyid kyi phyir zas bsod pa de lta bu dag gzhan gyi khyim dag nas bslangs te 'cha' 'am/ za na ltung byed do// sdom la/ srog chags bcas dang nyal sar 'dug/ 'greng dang gcer bu dmag dang ni// zhag gnyis bshams dkrug 'gro ba dang // rdeg dang gzas dang gnas ngan len/ yang dge slong gang shes bzhin du srog chags dang bcas pa'i tshul spyod na ltung byed do/ / yang dge slong gang shes bzhin du nyal po byed par shom pa'i khyim du phyis gnon byas te stan la 'dug na ltung byed do// yang dge slong gang shes bzhin du nyal po byed par shom pa'i khyim du dben pa skyabs yod par 'greng na ltung byed do/ / yang dge slong gang gcer bu pa'am/ gcer bu ma 'am/ kun tu rgyu 'am/ kun tu rgyu mo la rang gi lag nas bca' ba'am bza' ba sbyin na ltung byed do/ / dge slong gang dmag chas pa la ltar 'gro ba de lta bu'i rkyen zhig byung na/ dge slong des dmag de'i nang du zhag gnyis tshun chad gnas par bya'o/ / de las lhag par gnas na ltung byed do// dge slong zhag gnyis dmag de'i nang du gnas pa'i tshe'ang / gal te bshams pa 'khrug tu 'gro 'am/ rgyal mtshan gyi mchog gam dpung gi mchog gam/ g.yul bshams pa'i dmag la lta ba nyams su myong bar byed na ltung byed do// yang dge slong gang khros 'khrugs rngam par gyur te yi ma rangs nas/ dge slong la rdeg la ltung byed do/ / yang dge slong gang khros 'khrugs rngam par gyur te yi ma rangs nas/ dge slong la brdeg par gzas na/ tha na thal mos kyang rung ste ltung byed do// yang dge slong gang shes bzhin du dge slong gi gnas ngan len gyi ltung ba 'chab na ltung byed do/ / sdom la/ bde dang me dang 'dun pa dang // bsnyen par ma rdzogs chos dang sba// dge tshul kha dog bsgyur ba dang // rin po che dang tsha dus/ yang dge slong gang klan ka tshol zhing / ci nas kyang dge slong 'di la klan ka btsal bar 'gyur ro snyam pa de nyid rkyen du byas te/ dge slong la 'di skad ces/ tshe dang ldan pa tshur shog khyim dag tu 'dong dang / der khyod la bca' ba dang bza' ba bsod pa ci tsam 'dod pa sbyin du 'jug go zhes smras nas/ des de la sbyin du ma bcug par/ de'i 'og tu 'di skad ces/ tshe dang ldan pa kho bo la khyod dang lhan cig smra 'am 'dug pa bde ba ma yin gyi/ 'di ltar kho bo gcig pu kho na smra 'am 'dug na bde bas/ khyod song zhig ces zer na ltung byed do// yang dge slong gang mi na bar bdag nyid kyi phyir me la reg gam/ reg tu 'jug na ltung byed do// yang dge slong gang dge 'dun gyi bya ba chos dang ldan pa la dge slong la 'dun pa phul nas/ de'i 'og tu khros 'khrugs rngam par gyur pa ste/ yi ma rangs nas spong ba'i chos su byed cing 'di skad ces dge slong 'dun pa phyir byin cig/ khyod la mi sbyin no zhes zer na ltung byed de// yang dge slong gang gang zag bsnyen par ma rdzogs pa dang lhan cig nub gnyis las lhag par gnas gcig tu nyal na ltung byed do/ / yang dge slong gang 'di skad ces/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na/ dge slong de la dge slong rnams kyis 'di skad ces tshe dang ldan pa khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so/ zhes de skad ma zer cig/ bcom ldan 'das la skur pa ma 'debs shig/ bcom ldan 'das la skur pa btab pas legs par mi 'gyur ro// bcom ldan 'das ni de skad mi gsung ngo // tshe dang ldan pa bar du gcod pa'i chos rnams ni bar du gcod pa nyid de zhes/ bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis/ tshe dang ldan pa khyod sdig ba can gyi lta ba'i rnam pa 'di lta bu 'di thong zhig ces bsgo bar bya'o/ / dge slong de la dge slong rnams kyis de skad ces bsgo ba na/ gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ / yang dag par bstan par bya'o// lan gnyis lan gsum du yang dag par bsgo/ yang dag par bstan pa na/ gzhi de gtong na de lta na legs/ gal te mi gtong na ltung byed do// yang dge slong gang shes bzhin du de skad zer ba'i gang zag chos bzhin ma byas pa/ sdig pa can gyi lta ba'i rnam pa de ma spangs pa dang gtam 'dre bar byed/ phebs par smra bar byed/ kun tu gnas par byed/ kun tu longs spyod par byed cing / de dang lhan cig gnas gcig tu nyal na ltung byed do// dge tshul zhig kyang 'di skad ces ji ltar bcom ldan 'das kyis 'dod pa dag ni bar du gcod pa'o/ / zhes gsungs pa gang yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na/ dge tshul de la dge slong rnams kyis 'di skad ces dge tshul khyod/ ji ltar bcom ldan 'das kyis 'dod pa dag ni bar du gcod pa'o// zhes gsungs pa gang yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig/ bcom ldan 'das la skur pa ma 'debs shig/ bcom ldan 'das la skur pa btab pas legs par mi 'gyur ro// bcom ldan 'das ni de skad mi gsung ngo // tshe dang ldan pa dge tshul 'dod pa rnams ni bar du gcod pa nyid do zhes/ bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis/ dge tshul khyod sdig pa can gyi lta ba'i rnam pa 'di lta bu 'di thong zhig ces bsgo bar bya'o// dge tshul de la dge slong rnams kyis de skad bsgo ba na/ gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ / lan gnyis lan gsum du yang dag par ba'o// yang dag par bstan pan gzhi de gtong na de stan legs/ gal te mi gtong na dge tshul de la dge slong rnams kyis deng phyin chad dge tshul khyod/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig/ tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro zhig/ dge slong rnams dang dge tshul lhan cig nub gnyis tshun chad gnas gcig tu nyal du dbang ba gang yin pa de yang deng byin chad khyod la med do/ / mi gti mug can khyod pa snyil gyis/ gzhan du song zhig ces bsgo bar bya'o// yang dge slong gang shes bzhin du de ltar bsnyil ba'i dge tshul nye bar 'jog par byed dam/ nye bar ston par byed dam/ de dang lhan cig gnas gcig tu nyal na ltung byed do// dge slong gis gos gsar pa zhig rnyed na kha bsgyur ba gsum po sngon po 'am/ dmar po 'am/ ngur smrig las gang yang rung bar kha sbyar bar bya'o/ / gal te dge slong gis gos gsar pa kha bsgyur ba gsum po sngon po 'am/ dmar po 'am/ ngur smrig las gang yang rung bar kham bsgyur bar spyod na ltung byed do// yang dge slong gang rin po che'am/ rin po cher smos pa rang gi lag gis len nam/ len du 'jug na/ kun dga' ra bar gtogs pa na 'dug pa'am/ gnas khang du gtogs pa na 'dug pa ma gtogs te ltung byed do/ / dge slong gis kun dga' ra bar gtogs pa 'am/ gnas khang du gtogs pa na rin po che'am/ rin po cher smos pa dag 'dug pa la/ 'di su'i yin pa de len par 'gyur grang snyam pa de lta bu'i sems kyis blang bar bya ste/ de la de ni cho ga yin no// bcom ldan 'das kyis zla ba phyed phyed cing khrus bya bar gsungs pa de las 'das par byed na/ dus ma gtogs te ltung byed do// de la dus ni 'di yin te sog rnams kyi sgra ba lhag ma bye dang gnyis dang / dbyar rnams kyi dang po dang zlab phyed dang gsum po de dag ni tshe ba'i dus so// lhag ma ni ni pa'i dus so// las dus so// lam dus so// rlung dus so// char dus so// rdzi char ngus te/ de la de ni dus yin no// sdom la/ dud 'gro 'gyod pa sor mo dang // rtse dang lhan cig dang ngas byed dang // sbed dang gdeng med gzhi med dang // skyes pa med par lam 'gro ba'o// yang dge slong gang bsams bzhin du dud 'gro'i skye gnas su gtogs da'i srog chags gsod na ltung byed do// yang dge slong gang bsams bzhin du ci nas kyang dge slong 'di yud tsam zhig kyang bde ba la mi reg par bya'o snyam pa de nyid rkyen du byas te/ dge slong la 'gyod pa skyed na ltung byed do// sor mo sa ga ga tshil byed na ltung byed do// chul rtse na ltung byed do// yang dge slong gang bud med kyi yul dang lhan cig gnas gcig tu nyal na ltung byed do/ / yang dge slong gang dge slong la dngangs par byed dam/ dngangs par byed du 'jug na/ zan bzhad gang bya bar bsams kyang rung ste ltung byed do// yang dge slong gang dge slong ngam/ dge slong ma 'am/ dge slob ma 'am/ dge tshul lam/ dge tshul ma'i lhung bzed dam/ gos sam/ dra ba 'am/ bor bu'am/ rags sam/ dge sbyong gi 'tsho ba'i yo byad gang yang rung ba sbed dam/ sbeng du 'jug na/ de 'dra ba'i rkyen ma gtogs te ltung byed do// yang dge slong gang dge slong la gos byin nas/ de'i 'og tu gdeng med par spyod na ltung byed do/ / yang dge slong gang khros shing zhe sdang bar gyur nas/ dge slong dag pa ltung ba med pa la gzhi med par dge 'dun lhag ma'i chos kyis skur na ltung byed do// yang dge slong gang skyes pa med par bud med dang lhan cig 'gron lam du 'gro na/ tha na grong bar du yang rung ste ltung byed do// sdom la/ brku dang nyi shu ma lon dang / rko dang mgron dang bslab pa dang / 'thab dang mi smra 'gro ba dang / mi gus chang 'thung dus min pa'o// yang dge slong gang don mthun rkun ma dang lhan cig 'gron lam du 'gro na tha na grong bar du yang rung ste ltung byed do/ / yang dge slong gang gang zag le nyi shu ma lon pa dge slong gi dngos por bsnyen par rdzogs par byed na ltung byed do// gang zag de yang bsnyen par rdzogs par mi 'gyur la/ dge slong de dag kyang smad par bya ba yin te/ de la de ni cho ga yin no// yang dge slong gang rang gi lag gis sa rko'am/ rkor 'jug na ltung byed do// dge slong gis zla ba bzhir mgron du bos pa bdag gir bya'o// de las lhag par bdag gir byed na ltung byed do/ / so sor mgron du bos pa dang / yang dang yang mgron du bos pa dang / dus kyis ma gror du bos pa dang / rtag tu mgron du bos pa ni ma gtogs te/ de la de ni dus yin no// yang dge slong gang dge slong rnams kyis/ tshe dang ldan pa khyod kyis bslab pa 'di la bslab par bya'o zhes bsgo ba na/ de dag la 'di skad ces/ bdag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri'i bar du byis pa/ rmongs pa/ mi gsal ba/ mi mkhas pa/ khyed kyi tshig gis bslab pa 'di la mi slob bo zhes zer na ltung byed do// dge slong kun shes par 'dod pas kyang bslab pa de la bslab par bya'o/ / dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la yang dri bar bya ste/ de la de ni cho ga yin no// yang dge slong gang dge slong rnams dang 'thab par 'gyur/ mtshang 'dra bar 'gyur/ mi mthun par gyur/ rtsod par gyur cing 'khod pa las/ dge slong 'di dag ci skad zer ba de bdag gis mnyan te/ de lta de ltar rjes sutha snyad gdags par bya'o snyam pa de nyid rkyen du byas te/ cang mi smra bar nyan nas 'dug na ltung byed do// yang dge slong gang dge 'dun gyi chos dang ldan pa'i gtam rnam par gtan la 'bebs pa byung ba na/ cang mi smra bar stan las langs te 'gro zhing / dge slong 'dug pa la mi smra na/ de 'dra ba'i rkyen ma gtogs te ltung byed do// gus par mi byed na ltung byed do// 'bru'i chang dang / bcos pa'i chang myos par 'gyur ba 'thung na ltung byed do/ / yang dge slong gang dus ma yin par grong du 'jug cig/ dge slong 'dug pa la mi sman/ de 'dra ba'i rkyen ma gtogs te ltung byed do// / sdom la/ zas bcas skya rangs dgadod dang // khab ral dang ni khri rkang dang // bdal dang gding ba g.yan pa dang // ras chen bde gshegs chos gos so// yang dge slong gang zas dang bcas pa'i khyim du mgron du bos nas/ snga dro dang phyi dro khyim dag tu rgyu zhing khyim pa 'dug pa la mi bsgo na/ de 'dra ba'i rkyen ma gtogs te ltung byed do// yang dge slong gang nam mnangs/ skya rengs ma shar bar rin po che dag gam/ rin po cher smos pa dag ma bsdus par/ rgyal po rgyal rigs spyi bo nas dbang bskur ba'i sgo gtan nam/ sgo gtan gyi nye 'khor la sa 'da' bar byed na/ de 'dra ba'i rkyen ma gtogs te ltung byed do// yang dge slong gang zla ba phyed phyed cing so sor thar pa'i mdo gdon pa 'don pa'i tshe 'di skad ces/ tshe dang ldan pa dag 'di ltar chos 'di yang mdo'i nang du gtogs/ mdo'i nang du 'dus par bdag gis da gdod shes so zhes zer na/ de la gal te dge slong rnams kyis kyang / tshe dang ldan pa 'di sngon gso sbyong gi las gnyis sam gsum kyi tshe 'dug par shes shing / lan mang du lta ci smos na/ tshe dang ldan pa de mi shes pas mi grol bas/ de ltung ba gang byung ba de chos bzhin du byed du gzhug gi steng du/ khyod zla ba phyed phyed cing so sor thar pa'i mdo gdon pa 'don par cha/ gus par byas te chos nyan par ma byed/ bla mar byas te mi byed/ ru shing ltar byas te ma byed/ yid la byas te ma byed/ sems rtse gcig tu byas mi byed/ rna ba blags te mi byed/ sems thams cad kyis bsams te chos nyan par mi byed pas/ tshe dang ldan pa khyod kyis ma rnyed de/ rnyed pa ma yin zhing nyes pa rnyed de/ legs pa rnyed pa ma yin no// zhes 'gyod par bya'o// tshe dang ldan pa de la ni 'gyod par bya ba ni de yin te ltung byed do// yang dge slong gang ba so 'am/ rus pa 'am/ rag khab ral byed dam/ byed du 'jug na bcag nas ltung byed do/ / yang dge slong gang dge 'dun gyi khri'am/ khye'u byed du 'jug na/ rtsa ba bu gar bcug pa ma gtogs par bde bar gshegs pa'i sor brgyad kyi tshad du byed du gzhug par bya'o// de las lhag par byed du 'jug na bcad nas ltung byed do/ / yang dge slong gang dge 'dun gyi khri'am khri'u la/ shing bal bdal lam/ bdal du bcug nas bsdus na ltung byed do// dge slong gis gding ba byed du 'jug na/ tshad bzhin du byed du chug cig/ de la gding ba'i tshad ni 'di yin te/ srid du bde bar gshegs pa'i mtho'i mthod// zhing du mtho phyed dang do// srid du mtho gang gis srings shig/ de las lhag par byed du 'jug na bcang na ltung byed do// dge slong gis g.yan pa dga' pa byed du 'jug na/ tshad bzhin du byed du chug cig/ de la g.yan pa dgab par tshad ni 'di yin te/ srid du 'dre bar gshegs pa'i mtho'i mtho bzhi/ zheng du mthod// de las lhag par byed du 'jug na bcad na srung byed do// dge slong gis dbyar gos ras chen byed du 'jug na/ tshad bzhin du byed du chug cig/ de la dbyar gyi gos ras chen gyi tshad ni 'di yin te/ srid du bde bar gshegs pa'i mtho'i mthe drug/ zheng du mtho phyed dang gsum ma/ de las lhag par byed du 'jug na bcad na ltung byed do// yang dge sbyong gang bde bar gshegs pa'i chos gos kyi tshad kyi chos gos byed du 'jug gam/ bde bar gshegs pa'i chos gos las lhag par byed du 'jug na ltung byed de/ / de la bde bar gshegs pa'i chos gos kyi tshad ni 'di yin te/ srid du bde bar gshegs pa'i mthe'i mtho bcu// zheng du mtho drug ste/ de la 'di ni bde bar gshegs pa'i chos gos kyi tshad de/ / tshe dang ldan pa bladag gis ltung byed kyi chos dgu bcu po dag bton zin to// de la bdag gis tshe dang ldan pa dag la/ ci 'di la khyed yongs su dag gam zhes dri'o/ / ci 'di la khyed yongs su dag gam zhes lan gnyis lan gsum du dri'o// 'di la tshe dang ldan pa dag yongs su dag na/ 'di ltar cang mi smra bas de de bzhin du 'dzin to// sdom sa// grong dang khyim gzhan nyid dang ni// slob pa rnams dang dgon pa ni// sangs rgyas phan pa gsungs pa yis// so sor bshags par bya bar gsungs/ tshe dang ldan pa dag so sor bshags par bya ba'i chos bzhi po 'di dag ni zla ba phyed phyed cing so sor thar pa'i mdo gdon pa las 'byung ngo / / yang dge sbyong gang dge slong ma nye du ma yin pa lam po chen 'dug pa bsod snyoms kyi phyir grong du 'gro ba las bca' ba dang bza' ba rang gi lag gis blangs te 'cha' 'am/ za na/ dge slong des phyi rol kun dga' ra bar song ste/ dge slong rnams la tshe dang ldan pa dag bdag la smad pa'i gnas mi rigs pa so sor bshags par bya ba byung gis/ chos de so sor 'chags so// zhes so sor bshags par bya ba ste/ chos 'di ni so sor bshags par bya'o// dge slong rab tu mang po dag khyim rnams su mgron du bos nas zan za ba'i tshe/ de na gal te dge slong ma zhig 'di la ni bca' ba byin cig/ 'di la ni 'bras chan byin cig/ 'di la ni sran tshod byin cig/ 'di la ni yang byin cig/ ces bsgo zhing 'dug na/ dge slong ma de la dge slong de rnams kyis 'di skad ces/ sring mo khyod dge slong rnams zan za ba'i bar du re zhig sdod cig ces bsgo bar bya'o// gal te dge slong gcig gis kyang dge slong ma de la de skad smra ba ma spo bas na/ dge slong de dag thams cad kyis phyi rol kun dga' ra bar dong ste/ dge slong rnams la tshe dang ldan pa dag bdag cag la smad pa'i gnas mi rigs pa so sor bshags par bya ba byung gis/ chos de so sor 'chags so// zhes so sor bshags par bya ste/ chos 'di yang so sor bshags par bya ba'o// slob pa dag gi khyim gang dag dge 'dun gyi bslab pa'i sdom pas bsdams par gyur la/ yang dge slong gang slob pa dag gi khyim gang dag dge 'dun gyi bslab pa'i sdom pas bsdams pa de lta bu dag tu sngar mgron du ma bos par song ste/ rang gi lag gis bca' ba dang bza' ba blangs nas 'cha' 'am/ za na/ dge slong des phyi rol kun dga' ra bar song ste/ dge slong rnams la tshe dang ldan pa dag bdag la smad pa'i gnas mi rigs pa so sor bshags par bya ba byung gis/ chos de so sor 'chags so// zhes so sor bshags par bya ba ste/ chos 'di yang so sor bshags par bya ba'o// dge 'dun gyi gnas mal dgon pa gang dag dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags par gyur la/ yang dge slong gang dge 'dun gyi gnas mal dgon pa gang dag dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa de lta bu dag tu sngar ma byung bar kun dga' ra ba'i phyi rol du bca' ba dang bza' ba blangs te 'cha' 'am/ za na/ dge slong des phyi rol kun dga' ra bar song ste/ dge slong rnams la tshe dang ldan pa dag bdag la smad pa'i gnas mi rigs pa so sor bshags par bya ba byung gis/ chos de so sor 'chags so// zhes so sor bshags par bya ba ste/ ches 'di yang so sor bshags par bya ba'o// tshe dang ldan pa dag bdag gis so sor bshags par bya ba'i chos bzhi po dag bton zin to/ / de la bdag gis tshe dang ldan pa dag la/ ci 'di la khyed yongs su dag gam zhes dri'o// ci 'di la khyed yongs su dag gam zhes lan gnyis lan gsum du dri'o/ / 'di la tshe dang ldan pa dag yongs su dag na/ 'di ltar cang mi smra bar de de bzhin du 'dzin to// sdom la/ sham thabs la ni rnam bdun dang / stod g.yogs la yang rnam gsum dang / / shin tu bsdams la sogs pa lnga// mgo g.yogs la sogs rnam pa lnga// mchod la sogs pa rnam lnga dang // lus la sogs pa rnam pa lnga// 'dug par bya ba dgu dag dang / / byin len bya ba brgyad rnams so// tshe dang ldan pa dag bslab pa'i chos mang po 'di dag rnams ni zla ba phyed phyed cing so sor thar pa'i mdo gdon pa las 'byung ngo // sham thabs zlum bor bgo bar bar bslab par bya/ sham thabs ha cang brtsengs pa ma yin pa dang / ha cang 'jol ba ma yin pa dang / glang po che'i sna ltar ma yin pa dang / ta la'i lo ma ltar ma yin pa dang / 'bru'i phur ma ltar ma yin pa dang / sbrul mgo'i gedengs ka ltar ma yin par bgo bar bslab par bya'o// chos gos zlum por bgo bar bslab par bya'o// chos gos ha cang brtsengs pa ma yin pa dang / ha cang 'jol ba ma yin par bgo bar bslab par bya'o/ / shin tu bsdams pa dang / legs pa bar bgos pa dang / sgra bskyungs pa dang / mig g.yeng bar mi bya ba dang / gnya' shing gang tsam du blta zhing khyim gzhan dag tu 'gro bar bslab par bya'o/ / mgo mi g.yog pa dang / mi brdze ba dang / mi gzar ba dang / gnya' gong du mi bsnol ba dang / rtag par mi bsnol par khyim gzhan du 'gro bar bslab par bya'o/ / mi mchong ba dang / ma brkyang ba dang / tsog pus ma yin pa dang / brang bas ma yin pa dang / dkur mi brten par khyim gzhan du 'gro bar bslab par bya'o/ / lus mi bsgyur ba dang / lag pa mi kyog pa dang / mgo mi bsgyur ba dang / phrag pa mi sprad pa dang / lag pa mi spel bar khyim gzhan du 'gro bar bslab par bya'o// ma bskos par khyim gzhan dustan la mi 'dug par bslab par bya'o/ / stan lam brtags pa dang / lus thams cad kyi lcid kyis mi dbab pa dang / rkang pa mi bsnol ba dang / brla mi bsnol ba dang / phong bu'i steng du long bu mi gzhag pa dang / rkang pa mi dgug pa dang / rkang pa mi gdang ba dang / mdoms mi snang bar khyim gzhan du stan la 'dug par bslab par bya'o// legs par zas blang bar bslab par bya/ mu dang kha da chad du ma yin pa dang / tshod ma dang mnyam par ma yin ma dang / mthar chags su dang / lhung bzed la blta ba dang / bca' ba dang bza' ba ma 'ongs par lhung bzed mi bzed pa dang / yang 'dod pa'i phyir 'bras chan gyis tshod ma mi dkab pa dang / tshod mas 'bras chan mi dga' pa dang / bca' ba dang bza' ba'i steng du lhung bzed mi gzung bar bslab par bya'o// sdom la/ zas la legs par bya ba drug/ tsug tsug la sogs rnam pa lnga// 'bru nas tha dad byed pa lnga// lag pa bldag la sogs pa lnga// legs par zas bza' ba la bslab par bya'o// kham ha cang chung ba ma yin/ ba dang / kham ha cang chen po ma yin pa dang / kham ran pa dang / kham ma bzos par kha mi gdang ba dang / kha kham gyis bkang ste mi smra bar bslab par bya'o// tsug tsug mi bya ba dang / cag cag mi bya ba dang / hu hu mi bya ba dang / phu bu mi bya ba dang / lce byung ste zas mi bza' bar bslab par bya'o// 'bru nas tha dad du mi bya ba dang / 'phyas mi gdags pa dang / mkhur ba mi spo ba dang / rkan me tog pa dang / kham 'phror mi bcad par zas bza' ba la bslab par bya'o// lag pa mi bldag pa dang / lhung bzed mi byog pa dang / lag pa mi sprug pa dang / lhung bzed mi skyom pa dang / mchod rten 'dra ba bcos te bas mi bza' bar bslab par bya'o/ / sdom la/ 'phya la sogs pa rnam pa bzhi// lhung bzed la yang rnam pa bcu// 'greng bar byed la sogs pa lnga// mgo g.yogs la sogs rnam pa lnga/ / do ker can la sogs pa lnga// glang chen la sogs bzhon pa lnga// lag na 'khar ba la sogs drug/ na ba rnam pa bzhi rnams so// drung na 'dug pa'i dge slong gi lhung bzed la 'phyas gdags pa'i phyir mi blta bar bslab par bya'o/ / lag pa zas dang 'bags pas chu snod la mi gzung bar bslab par bya// drung na 'dug pa'i dge slong la zas dang 'bags pa'i chus mi gtor bar bslab par bya/ khyim pa 'dug pa la ma dris par chu dang zas dang 'gags pa khyim gzhan du mi dbo bar bslab par bya'o// lhung bzed kyi nang du zas kyi lhag ma blugs te mi dor bar bslab par bya'o/ / 'og gzhi med pa'i sa phyogs su lhung bzed mi gzhag par bslab par bya'o// gad ka ma yin pa dang / g.yang sa ma yin pa dang / rkan gzar po ma yin par lhung bzed gzhag pa la bslab bapar bya'o/ / 'greng ste lhung bzed mi bkru bar bslab par bya/ gad ka ma yin pa dang / g.yang sa ma yin pa dang / rkan gzar po ma yin par lhung bzed bkru bar bslab par bya/ 'bab chu drag po'i rgyun las zlog ste lhung bzed kyis chu mi bcu par bslab par bya'o/ / mi na bar 'dug pa la 'greng ste chos mi bshad par bslab par bya// mi na bar nyal ba la 'dug ste chos bshad par bslab par bya/ mi na bar stan mthon po la 'dug pa la stan dma' ba la 'dug ste chos mi bshad par bslab par bya/ min par mdun du 'gro ba la phyi nas 'gro zhing chos mi bshad par bslab par bya/ mi na bar lam nas 'gro ba la lam gyi 'gram nas 'gro zhing chos mi bshad par bslab par bya'o/ / min par mgo g.yogs pa dang / brdzes pa dang / gzar ba dang / gnya' gong du bsnol ba dang / lhag par bsnol ba la chos mi bshad par bslab par bya'o// min bar sgra do kar can dang / zhwa gyon pa dang / mgo cod pan can dang / mgo 'phreng ba can dang / mgo dkris pa la cho mi bshad par bslab par bya'o// min par glang po che zhon pa dang / rta zhon pa dang khyogs na 'dug pa dang / bzhon pa'i steng na 'dug pa dang / mchil lham gyon pa la chos mi bshad par bslab par bya'o// mi na bar lag na 'khar ba thogs pa dang / lag na gdugs thogs pa dang / lag na mtshon thogs pa dang / lag na ral gri thogs pa dang / lag na dgra cha thogs pa dang / go cha gyon pa la chos mi bshad par bslab par bya'o// mi na bar 'greng ste bshang gci mi bya bar bslab par bya// mi na bar chu'i nang du bshang ci dang / mchil ma dang / snabs dang / skyugs pa dang / rlugs pa mi dor bar bslab par bya/ mi na bar rtswa sngon po yod pa'i sa phyogs su bshang gci dang / mchil ma dang / snabs dang / skyugs pa dang / rlugs pa mi dor bar bslab par bya'o// gnod pa byung ba ma gtogs par/ shing la mi gang tsam las mthor mi 'dzeg par bslab par bya'o// tshe dang ldan pa dag bdag gis bslab pa'i chos mang po rnams bton zin to/ / // de la bdag gis tshe dang ldan pa dag la/ ci 'di la khyed yongs su dag gam zhes dri'o// ci 'di la khyed yongs su dag gam zhes lan gnyis lan gsum du dri'o/ / 'di la tshe dang ldan pa dag yongs su dag na/ 'di ltar cang mi smra bas de de bzhin du 'dzin to// sdom la/ mngon sum dran pas ma myos dang // de bzhin gang mang ngo bo nyid/ / rtsa rnams bkram pa lta bu dang // khas blang bar yang bya ba'o// tshe dang ldan pa dag rtsod pa zhi bar bya ba'i chos bdun po 'di dag ni zla ba phyed phyed cing so sor thar pa'i mdo gdon pa las 'byung ngo / / mngon sum du 'dul bar 'os pa la mngon sum du 'dul ba sbyin no// dran pas 'dul bar 'os pa la dran pas 'dul ba sbyin no// ma myos pas 'dul bar 'os pa la ma myos pas 'dul ba sbyin no/ / gang tshul shing mang po sbyin par 'os pa la tshul shing mang po sbyin no// de'i ngo bo nyid tshol du gzhug par 'os pa la de'i ngo bo nyid btsal ba sbyin no/ / rtswa bkram pa lta bur sbyin par 'os pa la rtswa bkram pa lta bur sbyin no// gang khas blang bar 'os pa la khas blang bar bya'o// rtsod pa byung bar gyur pa rnams rtsod pa zhi bar bya ba'i chos bdun po 'di dag gis chos dang / 'dul ba dang / ston pas bstan pa bzhin du dul bar bya/ zhi bar bya/ rnam par zhi bar bya'o// tshe dang ldan pa dag bdag gi rtsod pa zhi bar bya ba'i chos bdun po dag bton zin to/ / / de la bdag gis tshe dang ldan pa dag la/ ci 'di la khyed yongs su dag gam zhes dri'o// ci 'di la khyed yongs su dag gam zhes lan gnyis lan gsum du dri'o// 'di la tshe dang ldan pa dag yongs su dag na/ 'di ltar cang mi smra bas de de bzhin du 'dzin to// tshe dang ldan pa dag bdag gis so sor thar pa'i mdo gdon pa'i gleng gzhi bton zin to// // pham par gyur pa'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag bton zin to// / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i mdor gtogs shing / mdor bsdus pa ni 'di dag go// gang gzhan nas byung ba chos kyi rjes su mthun pa'i chos de yang khyed rnams 'dum pa dang / mthun pa dang / dga' ba dang / mi rtsod par sems kun tu bsrung ba dang / dran pa dang / bag yod pas rnal 'byor du bya'o// bzod pa dka' thub dam pa bzod pa ni// mya ngan 'das pa mchog ces sangs rgyas gsungs// rab tu byung ba gzhan la gnod pa dang / / gzhan la 'tshe ba dge sbyong ma yin no// mig ldan 'gro ba yod pa yis// nyam nga ba dag ji bzhin du// mkhas pa 'tsho ba'i 'jig rten 'dir// sdig pa dag ni yongs su spong // skur pa mi gdab gnod mi bya// so sor thar pa'ang bsdams par bya// zas kyi tshod kyang rig par bya// bas mtha'i gnas su gnas par bya// lhag pa'i sems la yang dag sbyor// 'di ni sangs rgyas bstan pa yin/ / ji ltar bung ba me tog las// kha dog dri la mi gnod par// khu ba gzhibs nas 'phur ba ltar// de bzhin thub pa grong du rgyu// bdag gi rigs dang mi rigs la// brtag par byas te gzhan rnams kyi/ / mi mthun pa dang gzhan dag gi/ byas dang ma byas rnams la min// lhag pa'i sems la bag bya ste// thub pa'i thub gzhi rnams la bslab// nyer zhi rtag tu dran ldan pa'i/ / skyob pa mya ngan med pa yin// sbyin pa'i bsod nams rab tu 'phel// legs bsdams dgra sogs mi 'gyur ro// dge dang ldan pas sdig pa spong / nyon mongs zad pa'i mya ngan 'das// sdig pa thams cad mi bya ste// dge ba phun sum tshogs par bya// rang gi sems ni yongs su 'dul// 'di ni sangs rgyas bstan pa yin// lus kyi sdom pa legs/ pa ste// ngag gi sdom pa legs pa yin// yid kyi sdom pa'ang legs pa ste// thams cad du ni sdom pa legs// kun tu bsdom pa'i dge slong ni// sdug bsngal kun las rab tu grol// ngag rnams bsrung zhing yid kyis rab bsdams te/ / lus kyis mi dge ba dag mi byed cing // las lam gsum po 'di dag rab sbyangs na// drang srong gsungs pa'i lam ni thob par 'gyur// sangs rgyas rnam gzigs gtsug tor thams cad skyob/ / 'khor ba 'jig dang gser thub 'od srungs dang // shAkya thub pa go'u ta ma wA yi lha// mi 'dul kha lo sgyur ba bla na med// 'jig rten mgon po skyob pa'i mchog sangs rgyas dpa' bo bdun po dag/ grags ldan rnams kyi so sor thar// 'di ni rab tu rgyas par bton// 'di la sangs rgyas rnams dang gang // sangs rgyas nyan thos rnams kyang gus// 'di la gus dang bcas gyur pas/ / 'dus ma byas pa'ang thob par gyis// brtsam par bya zhing 'byung bar bya// sangs rgyas bstan la 'jug par bya// 'dam bu'i khyim la glang chen bzhin// 'chi bdag sde ni gzhom par bya/ / gang zhig rab tu bag yod par// chos 'dul 'di la spyod 'gyur ba// skye ba'i 'khor ba rab spangs nas// sdug bsngal tha mar byed par 'gyur// phan tshun tshul khrims bsrung ba dang // bstan pa 'phel bar bya ba'i phyir// so sor thar pa 'di bton pas// dge 'dun gyis ni gso sbyong byas// gang gi phyir ni mdo bton dang // gang phyir gso sbyong byas gyur pa// tshul khrims de ni bsrung bya ste// g.yag rnga'i rtse mo ji bzhin no// so sor thar pa bton pa yis// bsod nams grub pa gang yod pa// des ni 'jig rten ma lus pa// thub dbang go 'phang thob par shog/ 'dul ba so sor thar pa'i mdo rdzogs so/ / / dbang phyug dam pa'i mnga' bdag dpal lha btsan pa'i bka' lung gis/ 'phags pa gzhi thams cad yod par smra ba'i 'dul ba 'dzin pa kha che'i bye brag tu smra ba'i slong dpon dzi na mi tra dang /

CLOSE WINDOW