/ de ni ngan 'gror 'gro mi 'gyur// tshigs su bcad pa bzhi pa rdzogs so// // rgya gar skad du/ Ar+ya ma hA lI ka pa ri dr-its+tsha nA ma mahA yA na sU tra/ bod skad du/ 'phags pa bgres mos zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul br-i dzi na yul rgyu ba rgyu zhing / dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu grong khyer chen po yangs pa can ga la ba der gshegs pa dang / de'i tshe gling dag gi bud med rgan mo gtugs pa/ 'khogs pa/ na chod las 'das par gyur pa/ skyes nas lo brgya nyi shu lon bzhig dgon pa na tsA sdud cing 'dug ste/ bud med des bcom ldan 'das mdzes pa/ dang bar byed pa/ dbang po dul ba dang / thugs dul ba dang / zhi gnas mchog brnyes pa/ sbas pa/ skyon med pa/ dbang dul ba/ mtsho ltar dngas shing gsal ba/ rnyog pa med pa/ gas gyi mchod sdong ltar mngon par 'phags pa/ dpal gyi lham me/ lhan ne/ lhang nge ba/ skyes bu chen po'i mtshan sum cu rtsa gnyis kyis legs par brgyan pa thag ring po nas byon pa mthong ngo / / mthong nas kyang sems dad par gyur nas/ bcom ldan 'das la dad pa'i sems kyis bcom ldan 'das ga la ba der song ste phyin nas/ bcom ldan 'das la lan gsum bskor ba byas nas phyogs gcig tu 'dug ste/ bud med des bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das skye ba gang nas mchis/ gang du mchi/ rgas pa gang nas mchis/ gang du mchi/ bcom ldan 'das na ba gang nas mchis/ gang du mchi/ bcom ldan 'das gzugs gang nas mchis/ tshor ba dang / 'du shes dang / 'du byed rnams dang / rnam par shes pa gang nas mchis/ gang du mchi/ bcom ldan 'das sa'i khams gang nas mchis/ nu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams gang nas mchis/ gang du ma ni/ bcom ldan 'das mig gang nas mchis/ rna ba dang / sna dang / lce dang / lus dang / yid gang nas mchis/ gang du mchi/ bcom ldan 'das kyis bka' stsal pa/ sring mo skye ba gang nas kyang mi 'ong / rgas pa gang nas kyang mi 'ong / gang du yang mi 'gro'o// sring mo na ba gang nas kyang mi 'ong / 'chi ba gang nas kyang mi 'ong gang du'ang mi 'gro'o// sring mo gzugs gang nas kyang mi 'ong tshor ba dang / 'du shes dang / 'du byed dang / rnam par shes pa gang nas kyang mi 'ong / gang du'ang mi 'gro'o// sring mo sa'i khams gang nas kyang mi 'ong / ru'i khams dang me'i khams dang / rlung gi khams dang / nam mkha'i khams dang / rnam par shes pa'i khams gang nas kyang mi 'ong / gang du'ang mi 'gro'o// sring mo mig gang nas kyang mi 'ong // rna ba dang / sgra dang / kyai dang / lus dang / yid gang nus kyang mi 'ong / gang du'ang mi 'gro'o// sring mo 'di lta ste/ dper na/ gtsub shing dang gtsubastan la'ang brten/ de skyes pa mi'i rtsol ba la'ang brten nas me 'byung ste/ me de'ang rtswa dang shing de bsregs nas/ rgyu de med pa dang shi bar 'gyur ro// sring mo 'di ji snyam du sems/ me de gang nas 'ong / gang du song / gsol pa/ bcom ldan 'das zhugs de ni tshogs pa'i dbang gis 'byung / tshogs pa dang bral bas 'gags te gum mo// bka' stsal pa de bzhin du chos thams cad kyang tshogs pa'i dbang gis 'byung / tshogs pa dang bral bas 'gags te/ 'di la chos gang yang gang nas kyang 'ong ba 'am/ gang du'ang 'gro ba med do/ / sring mo 'di lta ste/ mig dang gzugs la brten nas/ mig gi rnam par shes pa 'byung yang / mig gi rnam par shes pa de la skyed par byed pa'ang med/ 'gag par byed pa'ang med/ gang yang sogs pa med/ phung po gang las 'ong ba 'am/ 'gro ba'ang med la/ mig gi rnam par shes pa'i rkyen gyis las mngon par 'dus byas nas/ khams gsum du 'bras bu rnam pa gsum gyis 'bras bu nye bar ston te/ 'bras bu de'ang stong pa/ 'gro ba med pa/ sus kyang ma bskyed pa/ sus kyang ma bkag pa ste/ sring mo chos thams cad ni rang bzhin gyis 'gags pa'o/ / de bzhin du rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos rnams la brten nas/ yid kyi rnam par shes pa 'byung yang / yid kyi rnam par shes pa de la skyed par byed pa'ang med/ 'gag par byed pa'ang med/ gang yang sogs pa med/ phung po gang las kyang 'ong ba'am/ 'gro ba'ang med la/ yid kyi rnam par shes pa'i rkyen gyis las mngon par 'dus byas nas/ khams gsum du 'bras bu rnam pa gsum gyis 'bras bu nye bar ston te/ 'bras bu de'ang stong pa/ 'ong ba med pa/ 'gro ba med pa/ sus kyang ma bskyed pa/ sus kyang ma bkag pa ste/ sring mo chos thams cad ni rang bzhin gyis 'gags pa'o/ / sring mo 'di lta ste/ dper na shing dang / bags pa dang / dbyu gu la'ang brten/ de skyes pa mi'i rtsol ba la'ang brten nas/ rnga'i sgra 'byung ste/ rdza'i sgra de 'das pa stong / ma 'ongs pa'ang stong / dra ltar byung ba'ang stong ste/ sgra ni shing la'ang mi gnas/ pags pa la'ang mi gnas/ dbyu gu la'ang mi gnas/ mi'i lag pa la'ang mi gnas mod kyi/ 'on kyang de'i rkyen gyis sgra 'dogs te/ gang sgra 'dogs pa de'ang stong pa/ 'ong ba med pa/ 'gro ba med pa/ sus kyang ma skyes pa sus kyang ma bkag pa/ sring mo chos thams cad ni rang bzhin gyis 'gags pa'o// sring mo de bzhin du chos thams cad ni rkyen gyi kha na la rag las pa ste/ 'di ltar ma rig pa dang / sred pa dang / las dang / rnam par shes pa'o// chos de dag yod na/ 'chi 'pho ba dang / skye ba 'dogs te/ gang 'chi 'pho ba dang / skye ba 'dog pa de'ang stong pa/ 'ong ba med pa/ sus kyang ma bskyed pa/ sus kyang ma bkag pa ste/ sring mo chos thams cad ni rang bzhin gyis 'gags pa'o// sring mo de ltar sus rnga'i sgra'i tshul rab tu shes pa des/ stong pa nyid rab tu shes te/ mya ngan las 'das par rab tu shes so// tha snyad rnam pa sna tshogs kyi tha snyad 'dogs kyang / dngos po gang la'ang mngon par zhen pa med de/ bdag gi 'di dang / de ni bdag gi zhe 'am/ sems can no zhe'am/ srog go zhe'am/ gso ba'o zhe'am/ skyes bu'o zhe'am/ gang zag go zhe'am shed las skyes so zhe'am/ shed bu'o zhe'am/ byed pa po'o zhe'am/ byed du 'jug pa'o zhe 'am// len pa po'o zhe'am/ 'dor ba po'o zhes de mngon par zhen pa med par chos ston/ chos rab tu ston/ yang dag pa'i mtha' ston/ yang dag pa'i mtha' rab tu ston te/ sring mo 'di lta ste/ dper na ri mo mkhan nam/ ri mo mkhan gyi slob ma zhig ras bcos bu shin tu byi dor byas pa 'am/ shing leb bam/ rtseg ngos shin tu byi dor byas pa gcig la tshon sna tshogs 'gyed cing / gzugs kyi rnam pa gang dang gang 'dod pa 'di lta ste/ skyes pa'i gzugs kyi rnam pa'am/ bud med kyi gzugs kyi rnam pa 'am/ glang po che'i gzugs kyi rnam pa 'am/ rta'i gzugs kyi rnam pa 'am/ bong bu'i gzugs kyi rnam pa 'am de dang de dag yan lag dang / nying lag dang / dbang po thams cad ma tshang ba med par tshegs chung ngus mngon par sgrub cing 'bring ste/ mngon par grub par byed kyang / de la chos gang yang ri mo mkhan gyi lag pa 'am/ sems las gzugs su 'phos pa med mod kyi/ 'on kyang de'i rkyen gyi gzugs 'dogs te/ gang gzugs te 'dogs pa de'ang stong pa/ 'ong ba med pa/ 'gro ba med pa/ sus kyang ma skyed pa/ sus kyang ma bkag pa ste/ sring mo chos thams cad ni rang bzhin gyis 'gags pa'o// sring mo de bzhin du bsod nams su nye bar 'gro ba'i lus mngon par 'du byed pa rnams yod na/ 'di lta ste/ lha'am mi'i nang du bsod nams su nye bar 'gro ba'i lus mngon par grub kyang / 'jig rten pha rol tu 'pho ba ni rdul tsam yang med mod kyi/ 'on kyang mngon par 'du byed pa'i rkyen gyis skye ba sna tshogs yod de/ skye mched yod pas lus su rig go// de bzhin du bsod nams ma yin par 'gro bar 'du byed yod na// 'di lta ste/ sems can dmyal ba'am/ dud 'gro'i skye gnas sam/ gshin rje'i 'jig rten nam/ lha ma yin rnams su bsod nams ma yin pa'i lus mngon par grub kyang / da la gang 'jig rten 'di nas 'jig rten pha rol tu 'pho ba ni rdul tsam yang med mod kyi/ 'on kyang mngon par 'du byed pa'i rkyen gyis skye ba sna tshogs yod de/ skye mched yod pas lus su rnam par rig go/ / sring mo 'di lta ste/ dper na klu rnams kyi klu'i mthus sman gyi tshogs rgya chen po 'byung ste/ sprin gyi dra ba de dag gis khengs par byas nas/ char chen po rgya cher 'bebs te/ char chen po rgya cher phab nas kyang / skang dang gshengs ngoms par byas nas/ slar 'gro'ang de dag klu'i lus sam/ sems las byung ba'ang med mod kyi/ klu rnams kyi klu'i mthu 'di nyid kyis sprin gyi tshogs rgya chen po 'byung ngo // sring mo de bzhin du bsod nams su nye bar 'gro ba'i mthu byed pa yod na/ 'di lta ste/ lha'am mi'i nang du bsod nams su nye bar 'gro ba'i lus rnams mngon par 'grub bo/ / de bzhin du bsod nams ma yin par nye bar 'gro ba'i mngon par 'du byed pa rnams yod na/ 'di lta ste/ sems can dmyal ba'am/ dud 'gro'i skye gnas sam/ gshin rje'i 'jig rten nam/ lha ma yin rnams su bsod nams ma yin par nye bar 'gro ba'i lus mngon par grub kyang / de la mngon par 'du bya ba'ang stong pa/ mngon par 'du byed pa'i 'bras bu'ang stong pa'o// sring mo mi g.yo bar nye bar 'gro ba'i mngon par 'du byed pa yod na/ gzugs med pa rnams su rnam par shes pa mtshams sbyor te/ gang gis rnam par shes pa de gzugs med pa rnams su mtshams sbyor ba de'ang stong / gang rnam par shes pa de gzugs med pa rnams su sbyor ba de'ang stong pa'o/ / de ci'i phyir zhe na/ sring mo chos thams cad ni ngo bo nyid kyis stong pa'i phyir te/ 'on kyang chos rnams 'dogs so// mkhas pa rnams ni mngon par mi zhen te/ mngon par zhen pa med pas mi rtsod do// rtsod pa med pas ni dge slong gi chos kyi mchog go// gsol pa/ 'di ltar bcom ldan 'das kyis chos zab mo bka' stsal pas/ bcom ldan 'das yang bdag chos 'di dag la shes rab kyi mig 'jug ste/ slar yang yid gnyis ma mchis/ the tsom ma mchis so// bcom ldan 'das bdag sngon ni chos 'di dag ma thos pas thetsom mchis so/ / da ni bdag rgas/ bdag 'khogs/ bdag sdug bsngal bdag dbul/ bdag mgon ma mchis te/ bdag mi 'tsho zhing / 'gum mi mnga' 'o// som ldan 'das bdag gis chos 'di thos pas/ 'di na rgas pa 'am/ dbul ba 'am/ bde ba 'am/ nad ma mchis pa'am/ na ba'am/ phyug pa 'am/ dbul ba gang yang ma bachis so zhes bdag tu 'du shes pa dang bral bar gyur to/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das gang gi slad du/ bcom ldan 'das kyis chos kyi rnam grangs zab mo 'di lta bu bka' stsal la/ des kyang 'di rab tu 'tshal bas/ bud med 'di ni bsod nams dang ldan pa/ mkhas pa/ shes rab kyi rang bzhin can yin pa lags pasnyam bgyid do// bcom ldan 'das kyis bka' stsal pa/ kun dga' bo ji skad smras pa de bzhin te/ bud med 'di ni bsod nams dang ldan pa/ mkhas pa/ shes rab kyi rang bzhin can no// kun dga' bo bud med 'di ni tshe rabs lnga brgya'i bar du nga'i mar gyur te/ kun dga' bo ngas tshe rabs de dang de dag tu'ang bud med 'di bla na med pa yang dag par rdzogs pa'i byang chub tu dge ba'i rtsa ba bskyed do/ / kun dga' bo nga bud med 'di la shin tu 'phangs par bya ba dang / dang ba dang / gus par gyur to// 'di'ang bdag gi bu spyad pa gang la spyod pa'i spyad pa de la bdag gis kyang spyad de/ theg pa de bas bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam mo/ / gsol ba/ bcom ldan 'das ci'i slad du 'di ltar dbul bar gyur/ bcom ldan 'das kyis bka' stsal pa/ kun dga' bo byang chub sems dpa'i spyad pa spyod pa na/ gang gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'khor ba 'jig gi bstan pa lang rab tu byung bar gyur pa de'i tshe/ kun dga' bo bud med 'di nga'i mar gyur te/ des 'dod pas nga ma btang nas de'i phyir za ma gcig zan bcad pa dang / de'i 'og tu 'dis 'dod pas nga btang bar gyur te/ kun dga' bo 'di las kyi rnam par sma ni pas 'di ltar dbul bar gyur to/ / kun dga' bo 'di ni 'di'i dbul ba'i tha ma yin te/ kun dga' bo bud med 'di ni 'di nas sha 'phos nas/ bcom ldan 'das yang dag par rdzogs pa'i sangs rgyas 'od dpag med kyi zhing 'jig rten gyi khams bde ba can du bud med kyi dbang po las 'dod chags dang bral nas/ skyes pa'i dbang po thob par gyur te/ der skyes nas sangs rgyas bcom ldan 'das grangs med dpag tu med cing bsam gyis mi khyab pa la mchod pa byed par 'gyur/ sems can grangs med dpag tu med cing bsam gyis mi khyab pa dag byang chub la 'dzud par 'gyur/ sems can grangs med dpag tu med cing / bsam gyis mi khyab pa dag byang chub la yongs su smin par byed par 'gyur/ sems can grangs med dpag tu med cing bsam gyis mi khyab pa dag byang chub la dgod par byed/ sems can grangs med dpag tu med cing bsam gyis mi khyab pa dag byang chub la bkod nas/ da ste bkal pa brgya stong phrag drug cu rtsa brgyad na/ stong gsum gyi stong chen po'i 'jig rten gyi khams 'di nyid du/ de bzhin gshegs pa dgra bcom pa yang dag par rdzogs pa'i sangs rgyas byang chub kyi yan lag gi me tog byed ces bya bar gyur te/ kun dga' bo sum cu rtsa gsum pa'i lha rnams kyi longs spyod dang / yongs su spyod pa ji lta ba bzhin du/ sangs rgyas kyi zhing de'i sems can gyi longs spyod dang / kun tu spyod pa'ang de dang 'dra bar 'gyur ro// bcom ldan 'das kyis de skad ces bka' stsal te/ bde bar gshegs pas de skad ces gsungs nas/ ston pas gzhan yang 'di skad ces bka' stsal to// nga yi mdun na thal sbyar gang 'dug pa/ / rgan mo 'di la kun dga' khyod ltos shig/ 'di ni mi yi dam pa sangs rgyas 'gyur// byang chub yan lag ma tog byed ces bya// 'dis ni bud med dngos po 'di spangs nas// bde ba can gyi 'jig rten khams su 'gro// rgyal ba tshe dpag med de bsnyen bkur nas// khams gsum rgyal ba mtshungs med sangs rgyas 'gyur// 'jig rten khams gzhan dag na gang bzhug/ pa// drang srong chen po 'jig rten don mdzad pa// rnam 'dren de dag la yang bsnyen bkur nas// 'di ni mtshungs med mi mchog sangs rgyas 'gyur// de dag kun las chos kyang thos gyur nas// / bsam pa thag pas de bzhin sgrub par 'gyur// byang chub sems mchog mi bskyod gnas nas ni// sems can dpag med cho sA la sbyong bar byed// de yi tshe na gang dag dman pa dang / sna tshogs lus dang kha dog ngan pa dang / / rmongs dang 'theng po de bzhin zhar ba dang // lag rdum mdze can de dag 'byung mi 'gyur// nyi zla me dang glog dang nor bu rnams// de dag 'od ni de tshe 'byung mi 'gyur// rnam 'dren byang chub yan lag me tog gi/ thub pa'i 'od kyis kun tu gsal bar khyab// sum cu rtsa gsum lha mchog rnams kyi ni// nu zheng rtags dang kha dog ci 'dra ba// de 'dra'i rang bzhin can gyi skye bo yis/ / de tshem spang zhing ni gang bar 'gyur// de na bud med bdud kyi ris kyang med// de na bud med bdud kyi phyag brnyan med// bde bar gshegs pa de ni chos sngon mo// de na mu stegs can gyi ming mi grag/ bde bar gshegs pa de ni chos ston tshe// de dus yi dgas dud 'gro'i skye gnas dang // sems dmyal ngan song rnams kyi ming mi grag/ de na bud med ming yang grag mi gyur 'di ni nyan thos rkyen gyi theg pa ltar/ / de'i tshe theg pa rnam par bzhag pa med// kun kyang rdzogs pa'i byang chub sems dang ldan// de dag byams laganas shing snying rje can// zhing der mi rnam thams cad rtag par yang / / rdzus shing skya ste mngal las rnam par thar// skye dran blo mchog ldan zhing mkhas pa ste// legs par gsungs pa thos nas thos pa 'dzin// zhing gi bkod tshul ci 'dra 'byung 'gyur ba/ / yon tan bskal pa 'di ni brjod byas kyang // rgya mtsho las ni chu thigs gcig lta bur// dpe tsam du yang brjod par mi 'gyur ro// bcom ldan 'das kyis de skad ces bka' stsal nas/ tshe dang ldan pa kun dga' bo dang / rgan mo de dang / byang chub sems dpa' de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa 'gres mos zhus pa zhes bya ba theg pa chen po'i mdo rdzogs so//

CLOSE WINDOW