zhu chen gyi lo tsa ba ban d+he ye shes sdes bsgyur cing gtan la phab pa// / !/ rgya gar skad du/ Ar+ya lo kA ru brta na nA ma ma hA yA na sU tra/ bod skad du/ 'phags pa 'jig rten gyi rjes su mthun par 'jug pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ thub pa'i rgyal po ri la bzhugs// byang chub sems dpa' sems chen dang // nyan thos rnams kyis mdun gyis bltas/ / de nas mkhas pa 'jam dbyangs kyis// btud de rgyal la 'di skad gsol// slad ma'i skye bo rnams slad du// dpa' bo chen pos bshad du gsol// sangs rgyas kun gyi yon tan 'byung // zab cing rgya che phun sum tshogs// mdo sde dam pa blo rab kyis// smra ba'i mchog gis bshad du gsol// 'jig rten mgon po thugs skyes sras/ / gces 'dzin mchog la bka' stsal pa// rtse gcig sems su yid byos la// nyon cig da ni bshad par bya// blo dang ldan pas yon tan zhus// de bzhin gshegs pas bka' stsal pa/ / chos smra sems can mchog rnams kyis// chos nyid de ni mnyan par gyis// de bzhin gshegs rnams dpag med las// rang sangs rgyas ni thams cad dang // nyan thos dag gis rnam kun tu// rdzogs pa'i sangs rgyas bsags pa na// de bzhin gshegs pa spros med la// byis pa spros la spyod pa yi// sems can kun gyi rgyal ba rnam rigs par mi nus spros ci dgos/ / sangs rgyas kyis ni sangs rgyas dang // sangs rgyas chos nyid gang yin dang // rang byung sku thugs ci 'dra dang // shes rab ci 'dra rab tu mkhyen// 'jig rten du ni 'jig rten sgron// rnam par 'dren pa rnams 'byung yang // 'jig rten dang ni 'dres med pa// 'jog rten du yang snang ba ston// sku dang sku yi 'phrin las dang // gsung gi gang dag brjod pa dang // yid dang yid kyi rnam rtog rnams// rgyal ba'i thams cad 'jig rten 'das// 'jig rten na ni thugs brtse bas// 'jig rten mgon po 'od mdzad pa/ / 'jig rten ji ltar rtogs pa bzhin// sems can rnams la chos stan to// 'jig rten 'das pa'i spyod rnams kyi// sangs rgyas thams cad yang dag 'phags/ / de dag 'phrin las 'jig rten 'das// rnam par smin pa bla na med// gal te 'jig rten rnam 'dren rnams// 'jig rten mthun par mi 'jug na// sangs rgyas chos nyid gang yin dang / / sangs rgyas sus kyang shes mi 'gyur// 'jig rten kun la phan bzhed pa// skyob pa rdzu 'phrul ldan pa'o// rang byung sdig pa mi mnga' ba// de dag g.yo ba bsam mi khyab/ / bde bar gshegs pa rnams kyi sku// 'khrig pa las ni byung min la// yab dang yum yang ston mdzad pa// 'di ni 'jig rten 'thun 'jug yin// bskal pa bye bgrangs med nas/ / shes rab pha rol phyin las byung // 'on kyang byis pa nyid ston pa// 'di ni 'jig rten mthun 'jug yin// sangs rgyas 'od ni dpag med de// phyogs bcu dag tu snang mdzad kyang / / 'dom gang 'od du ston mdzad pa// 'di ni 'jig rten mthun 'jug yin// mi yi dam pa nam du yang // zhabs gnyis sa la mi reg ste// 'on kyang lam srang de ston pa/ / 'di ni 'jig rten 'thun 'jug yin// 'dod pa de dag rnam smad de// 'dod pa'i rdzab las yang dag 'phags// 'on kyang sras la sogs ston pa// 'di ni 'jig/ rten mthun 'jug yin// mar me mdzad nas bzung nas su// de bzhin gshegs pa 'dod chags bral// sgra gcan zin la sras zhes gsungs// 'di ni 'jig rten 'thun 'jug yin/ / lha dang bcas pa'i 'jig rten la// nga ni mchog ces bka' stsal pa// phyi nas chos ni tshol mdzad pa// 'di ni 'jig rten 'thun 'jug yin// thub chen 'dzam shing grib ma la/ / bzhugs te bsam gtan mdzad bstan pa// lo drug bar du dka' sprad pa// 'di ni 'jig rten mthun 'jug yin// gnyis su med pa'i zhing 'di na// byang chub snying por bzhugs nas ni/ / bdud 'dul rnam par ston mdzad pa// 'di ni 'jig rten mthun 'jug yin// byang chub mtshungs med sangs rgyas te// lhar bcas 'jig rten ston yin yang / / thugs las chung ngu nyid ston pa// 'di ni 'jig rten mthun 'jug yin// dpa' bo thugs rje che ldan pa// bstan pa'i phyir ni 'dir gshegs la// gsol ba 'debs la gzhes mdzad pa/ / 'di ni 'jig rten 'thun 'jug yin// rang byung rnams kyi mkhyen pa ni// phyir ning 'jug pa mi mnga' yang // de dag dran pa ston mdzad ga 'di ni 'jig rten 'thun 'jug yin/ / rdzogs pa'i sangs rgyas rnams la ni// byon dang bzhugs pa mi mnga' yang // 'on kyang bzhud pa rnam snang ba// 'di ni 'jig rten mthun 'jug yin// rgyal ba rnams ni mkha' 'dra ste// chos rnams kun la mi gnas kyang // ldang ba ltar yang snang ba ni// 'di ni 'jig rten 'thun 'jug yin/ / zhabs ni pad+ma'i 'dab 'dra ste// de dag rdul gyis mi gos la// zhabs kyang 'khru bar mdzad pa ni// 'di ni 'jig rten mthun 'jug yin// de dag dri ma mi mnga' ste// sku ni gser gyi mdog 'dra yang // rdzogs pa'i sangs rgyas khrus mdzad pa// 'di ni 'jig rten mthun 'jug yin// zhal ni pad+ma'i dri ldan zhing // tshems ni dri med mu tig 'dra// 'on kyang tshems shing gsol mdzad pa// 'di ni 'jig rten mthun 'jug yin// de dag bkres pa mi mnga' yang // de dag zhal zas gsol mdzad cing // sbyin pa po las 'bras bu me 'di ni 'jig rten mthun 'jug yin/ / sku ma khregs rdo rje 'dra ba'i phyir// zag pa dag ni mi mnga' yang // gshang ba'i sar ni gshegs mdzad pa// 'di ni 'jig rten mthun 'jug yin/ / de dag snyun ni mi mnga' yang // dge 'dun 'grub mdzad pa'i phyir// sman kyang sten par mdzad pa ni// 'di ni 'jig rten mthun 'jug yin// sangs rgyas yon tan/ kun ldan te// skul 'gyur ba mi mnga' yang // de dag rga ba ston mdzad pa// 'di ni 'jig rten mthun 'jug yin// 'jig rten khams ni dpag med pa// zhabs kyi mthe bos g.yo ma ba/ / 'on kyang nyam chung ston mdzad pa// 'di ni 'jig rten mthun 'jug yin// yid kyi sku dang ldan pas na// de bzhin gshegs pa chos su yang // rnag can klu ni ston mdzad pa// 'di ni 'jig rten mthun 'jug yin// sangs rgyas rnam rtog mi mnga' yang // sems can spyod yul ji bzhin du// de dag spyod pa rnam par rtog/ 'di ni 'jig rten mthun 'jug yin// de dag rtag tu mnyam bzhag la// 'greng dang bzhugs dang bzhud pa dang // de bzhin rnal bar rnal bar yang // 'di ni 'jig rten mthun 'jug yin// rdzogs pa'i sangs rgyas thub dga' la grang dang tsha dang grib ma dang / / de bzhin nyi ma ston mdzad pa// 'di ni 'jig rten mthun 'jug yin// tshangs pa'i khyim na tshangs pa ltar// rgyal ba rtag par na bza' gsol// 'on kyang na bza' len mdzad pa/ / 'di ni 'jig rten mthun 'jug yin// spyi gtsug bltar ni mi mthong phyir// su gris gcod du yod med kyang // dbu 'dreg par ni ston mdzad pa// 'di ni 'jig rten mthun 'jug yin/ / rdzu 'phrul rkang pa rab bsgoms te// de dag rdzu 'phrul rnam ston la// bsam gtan mdzad par snang ba yang // 'di ni 'jig rten mthun 'jug yin// 'jig rten rnam par 'dren pa kun/ / ro bro mchog rnams brnyes gyur kyang // ngan ngon dag ni sten mdzad pa// 'di ni 'jig rten mthun 'jug yin// bsod nams mi zad thams cad kyis/ / sangs rgyas thams cad yang dag 'phags// 'on kyang ma rnyed ston mdzad pa// 'di ni 'jig rten mthun 'jug yin// dga' ba'i zas ni mngon bsgrubs te// bskal pa bye bar bzhugs mdzad kyang / / rtag tu zhal zas gsol mdzad pa// 'di ni 'jig rten mthun 'jug yin// bsod nams pha rol phyin pas 'phags// lha yin bza' rnyed gyur kyang / / phyag dar khrod pa gsol mdzad pa// 'di ni 'jig rten mthun 'jug yin// 'og min gzhal med khang pa rnams// rnam 'dren rnams kyis yongs spangs te// rtswa khyim rnams ni sten mdzad pa/ / 'di ni 'jig rten 'thun 'jug yin// 'dren pa rnams ni zhal dbugs kyis// rgya mtsho chen po skams mdzad kyang // char pa'i skyabs kyang rab 'dzin pa// 'di ni 'jig rten mthun 'jug yin// bdud rnams bye ba dpag med pa// thugs bskyed tsam gyis 'dul mdzad kyang // bdud kyi bgegs rnams ston mdzad pa// 'di ni 'jig rten 'thun 'jug yin/ / nga dang nga zhes lta ba gang // de ni rang byung rnams la med// 'on kyang nga dang nga'i zhes gsungs// 'di ni 'jig rten mthun 'jug yin// skyob pa sangs rgyas chos kun la mi mkhyen pa ni mi mnga' yang / / gzhan la yongs su 'dri mdzad pa// 'di ni 'jig rten mthun 'jug yin// sems can kun gyi don gyi phyir// rnam par 'dren pa 'byung mdzad kyang // rab tu dben par snang ba ste/ / 'di ni 'jig rten mthun 'jug yin// de dag sna tshogs sku med kyang // sems can mos pa ji bzhin du// sku lus sprul pa mdzad pa ni// 'di ni 'jig rten 'dun 'jug yin/ / 'jig rten kun gyi sgra skad kyis// de bzhin gshegs pa mi g.yol// 'on kyang sgra chung ston mdzad pa// 'di ni 'jig rten mthun 'jug yin// rdzogs pa'i sangs rgyas spros mi mnga'/ / chos rnams kun la gsal gyur kyang // spros dang bcas par gsung mdzad pa// 'di ni 'jig rten mthun 'jug yin// ming med pa yi chos kyi sa rnams// bsam du med pa'i ming dag gis/ / sems can rnams la yongs brjod pa// 'di ni 'jig rten mthun 'jug yin// chos rnams sems can med pa dang // shin tu dngos po med mkhyen la// sems can mang po 'dul mdzad pa// 'di ni 'jig rten mthun 'jug yin// gang gis las byas 'di nyid kyis// myong bar gyur pa ma yin yang // gang gis byas pa ston mdzad pa// 'di ni 'jig rten 'thun 'jug yin// chos rnams thams cad stong pa la// skyes bu mchog rnams mngon sum yang // rim 'pho skye ba ston mdzad pa// 'di ni 'jig rten mthun 'jug yin// 'jig rten 'di nas srid gzhan du// su yang 'khor ba yong min la// 'khor ba yang ni ston mdzad pa// 'di ni 'jig rten mthun 'jug yin// phung po dag dang khams rnams dang / / skye mched rang bzhin gcig bzhed la// khams gsum po dag stan mdzad pa// 'di ni 'jig rten 'thun 'jug yin// dus gsum dag tu sems can gyi// rang bzhin dmigs pa ma yin la// sems can khams kyang ston mdzad pa// 'di ni 'jig rten mthun 'jug yin// ta/ gang dag ji bzhin gzhan min par// chos rnams rtogs par thug chud la/ / 'on kyang gzhag pa ston mdzad pa// 'di ni 'jig rten mthun 'jug yin// dam pa'i don du chos rnams kun// zab pa rab tu mkhyen gyur la// sna tshogs su ni skyon mdzad pa/ / 'di ni 'jig rten mthun 'jug yin// sems can bsam pa ji bzhin du// 'phags pa'i badren pa ston mdzad cing // brdzun par yang ni ston mdzad pa// 'di ni 'chi rten mthun 'jug yin/ / bdud ni bye ba phrag brgya yis// dge 'dun dbye bar mi nus kyang // dge 'dun dbyen ni ston mdzad pa// 'di ni 'jig rten mthun 'jug yin// chos gang yang ni ma bslabs la/ / ma slabs pa yang gang yang med// slob dang mi slob ston mdzad pa// 'di ni 'jig rten mthun 'jug yin// 'dus byas rnams kyi ngo bo nyid// ngo bo nyid/ shakun la mi mkhyen rnam bral te// thams cad mkhyen zhing thams cad gzigs// 'on kyang mngon mtha' mi gsung ba// 'di ni 'jig rten mthun 'jug yin/ kyis grol bcings med// 'on kyang rnam par grol ba ston// 'di ni 'jig rten mthun 'jug yin// mya ngan 'das la 'gro med kyang // dgra bcom de ni 'gro 'ong zhes// sems na/ rnams la de bstan pa// 'di ni 'jig rten mthun 'jug yin// don dang don min mi gzigs la// 'gog pa dang ni dam pa'i don// smra ba rnams kyi mchog gsungs pa// 'di ni 'jig rten mthun 'jug yin/ / dngos po med pa gsal ba'i chos// rnyog pa med pa rab ston kyang // chos rnams cung zad med ces pa// 'di ni 'jig rten mthun 'jug yin// chos rnams thams cad brjod med par// de bzhin gshegs pas rab mkhyen kyang // brjod pa dag ni ston mdzad pa// 'di ni 'jig rten mthun 'jug yin// sangs rgyas mkhyen pa chags mi mnga'/ / dus rnams kun tu mnyam gzhag kyang // dbang po rnams ni sbed mdzad pa// 'di ni 'jig rten mthun 'jug yin// de bzhin gshegs pa rdo rje'i sku// sangs rgyas cung zad mi sbyang yang / / dge slong byang chub yan lag smos// 'di ni 'jig rten mthun 'jug yin// sdig pa thams cad yongs zad pas// bsod nams kun gyis mngon 'phags kyang / / las kyi rgyu ni ston mdzad pa// 'di ni 'jig rten mthun 'jug yin// skyob pa sangs rgyas dus gsum la// mthar thug 'gyur ba yod min yang // mtshams gcod/ pa yang rton mdzad pa/ 'di ni 'jig rten mthun 'jug yin// de bzhin gshegs pa chos smra ste// gcig ci 'dra bar de bzhin kun// 'on kyang tha dad skyon mdzad pa/ / 'di ni 'jig rten mthun 'jug yin// sangs rgyas rang sangs rgyas rnams dang // nyan thos so so'i skye bo dang // 'khor ba dang ni mya ngan 'das// tshig gi las kyis rab tu bye/ / sangs rgyas ye shes mtha' yas te// chos kyi dbyings las byung yin yang // sangs rgyas zhing ni ston mdzad pa// 'di ni 'jig rten mthun 'jug yin// rdzogs pa'i sangs rgyasra bsam mi khyab/ / de bzhin gshegs pa bsam mi khyab// sems can 'dul ba'i don gyi phyir// 'di ni 'jig rten mthun 'jug yin// zag med yod pa ma yin/ yang // de bzhin gshegs pa nyan thos la// zag pa med pa nyid gsungs pa// 'di ni 'jig rten mthun 'jug yin// mkhyen pas de dag gnyis min yang // dus gsum dag ni rnam gzigs shing / / gnyis kyis 'du shes ston mdzad pa// 'di ni 'jig rten mthun 'jug yin// sangs rgyas chos nyid gang yin dang // sangs rgyas rig pa su 'dod pa// de ni chos dbyings zhus shig pa/ / 'di ni 'jig rten mthun 'jug yin// skye ba med pa bzod bstan pa// rtag tu yang dag rab tu mkhyen// mkhyen na rab tu ston mdzad pa// 'di ni 'jig rten / mthun 'jug yin// rtag tu chos kyi dbyings mtshungs te// 'jug pa med cing 'byung med kyang // 'gro ba gnas pa ston mdzad pa// 'di ni 'jig rten mthun 'jug yin// mi skye ba la gcig pa 'am/ / mang po yod pa ma yin yang // sna tshogs rim pa ston mdzad pa// 'di ni 'jig rten mthun 'jug yin// de dag tha dad sgyu med kyang // sangs rgyas zhing rnams dpag med du// / sku lus dag ni sprul mdzad pa// 'di ni 'jig rten mthun 'jug yin// stong gsum bye ba brgya bgrangs pa// sangs rgyas zhing du brjod bya ba// der ni skye ba ston mdzad pa// 'di ni 'jig rten mthun 'jug yin/ / de bzhin gshegs pas dus kun tu// chos ni gnas par rab mkhyen kyang // chos kyi 'khor lo rab bskor ba// 'di ni 'jig rten mthun 'jug yin// sangs rgyas 'od ni dpag med cing / / sku lus dpag tu med min yang // dpag tu yod par ston mdzad pa// 'di ni 'jig rten mthun 'jug yin// chos kyi dbyings la mchog med de// dus gsum dag tu stong nyid kyang / / mchog gi chos rnams ston mdzad pa// 'di ni 'jig rten mthun 'jug yin// zhig pa med cing skye med la// chos kyi dbyings dang mnyam gyur kyang // bsreg pa'i bskal pa ston mdzad pa// 'di ni 'jig rten mthun 'jug yin// chos kyi dbyings ni grub med de// de la ngo bo nyid med kyang // 'on kyang nges par 'byung ston pa// 'di ni 'jig rten mthun 'jug yin/ / gzigs pa ci yang mi mnga' la// lhag mthong gis ni gzigs gyur cing // lta ba thams cad ston mdzad pa// 'di ni 'jig rten mthun 'jug yin/ / chos rnams kun la byed pa po// shin tu yod pa ma yin yang // byas dang ma byas ston mdzad pa// 'di ni 'jig rten mthun 'jug yin// mya ngan 'das dang nam mkhar ni/ / rgyal ba bgrangs su ma tshud kyang // khams kyi grangs rnams ston mdzad pa// 'di ni 'jig rten mthun 'jug yin// grangs med stobs rnams rnyed gyur la/ mthu las nyams pa mi mnga' yang / / zha ma ring pa dag tshol mdzad pa// 'di ni 'jig rten mthun 'jug yin// nams kyang byis pa'i blo ldan dang // sangs rgyas 'dres pa mi mnga' yang // byis pa de dag 'dul mdzad pa// 'di ni 'jig rten mthun 'jug yin// yon tan ldan pa thams cad kyis// pha rol de bzhin gshegs byon yang // de la de bzhin gzhan zhes ba/ / 'di ni 'jig rten mthun 'jug yin// mi skye ba ni rtag tu skye// de dag rgyu las byung min yang // ma rig rkyen gyis 'byung zhes pa// 'di ni 'jig rten mthun 'jug yin// rgyal ba rnyed dang bkur sti las// sgrib pa med pa nyid brnyes la// chog shes pa ni ston mdzad pa// 'di ni 'jig rten mthun 'jug yin// gang na sems can 'dul yod pa snang ba der ni 'dren pa rnams/ / de dag spyod paston mdzad pa// 'di ni 'jig rten mthun 'jug yin// rig pa gsum gyi tshogs bsogs te// rig pa bskyed par nges brtson// 'di la mthong ba ci yang med// 'di na 'jig rten mthun 'jug yin// 'jig rten smon ma thams cad du// skye bong dpag tu med pa 'dul// gleng gzhi dag kyang ston mdzad pa// 'di ni 'jig rten mthun 'jug yin/ / 'jig rten gsum po gang na yang // chos gang phung po gnas pa med// 'on kyang chos bsgrub bka' stsal pa// 'di ni 'jig rten mthun 'jug yin/ / mtha' gsum gyi ni mthar skyes pa// de bzhin gshegs rnams ston mdzad pa// sems can rnams la rab ston pa// 'di ni 'jig rten mthun 'jug yin// chos rnams kun// gyi rgyud mkhyen nas// 'chi 'pho skye ba rnam spangs la/ de dag thams cad ston mdzad pa// 'di ni 'jig rten mthun 'jug yin// mi skye ba ni gang mthong ba// ma rig de ni ye shes bgeg// rig pa bskyed par ston mdzad pa// 'di ni 'jig rten mthun 'jug yin// rdzogs pa'i sangs rgyas gcig yin yang // sems can yongs su smin bya'i phyir// 'byung ba dag ni bsam mi khyab/ / 'di ni 'jig rten mthun 'jug yin// gang dag mdo sde 'di 'dra 'di// phyi ma'i dus na thos 'gyur zhing // the tsom med la shes 'gyur ba// de dag sngon gyi rgyal ba mthong // 'jog rten mgron stis de gsungs nas// zas po 'jam pa'i dkyang gal rdzogs// rab tu dma' zhing yi rangs te// ston pa'i bkA la mngon par bsod/ 'phags pa 'jig rten gyi rjes su mthun par 'jug pa zhes bya ba theg pa chen po'i mdo rdzogs so// / rgya gar gyi mkhan po dzi na ming dang / dran ts+tsha la dang /

CLOSE WINDOW