/ !/ rgya gar sadra du/ Ar+ya dri n+yA a ti shA ya ba ri bton ma mahA sman sU tra/ bod skad du/ 'phags pa lhag pa'i bsam pa brtan pa'i la'u zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' lnga brgya tsam dang thabs cig tu bzhugs so/ / de'i tshe byang chub sems dpa' lhag pa'i bsam btan pa nang par sngar shAm thabs dang chos gos bgos lhung bzed thogs te/ rgyal po'i khab tu bsod snyoms la song ngo // de nas byang chub sems dpa' lhag pa'i bsam pa brtan pa bsod snyoms kyi phyir rgyal po'i khab kyi grong khyer chen por mthar chags su rgyu ba na/ tshong dpon zhig gi khyim na bu mo gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa zhig yod pa mthong ngo // des bu mo de mthong nas/ 'dod chags kyi sems yongs su gdung ba skyes te/ des me sdug pa yid la bya'o snyam du bsams kyang / dris sems sdug pa'i mtshan ma 'ba' zhig gis yongs su zin te 'dug par gyur to/ / de nas byang chub sems dpa' lhag pa'i bsam pa brtan pa dga' bar 'dzin pa'i sems kyis/ khyim de nas bsod snyoms ma blangs par rgyal po'i khab kyi grong khyer nas lhung bzed stong bzhin du phyir song ste/ 'dod pa'i rtog pa de yid la mi bya ba'i phyir 'bad na/ so sor brtog pa'i stobs kyis kyang 'dod pa'i rtog pa bsal ma nus nas bcom ldan 'das kyis lha'i spyan rnam par dag pa mi las 'das pas/ byang chub sems dpa' lhag pa'i bsam pa brtan pa'i 'dod pa'i rtog pa dang ldan pa dang / so sor rtog pa'i stobs kyis kyang 'dod pa'i rtog pa bsal ma nus par gzigs so/ / de nas bcom ldan 'das kyis byang chub sems dpa' lhag pa'i bsam pa brtan pa gdul bar bya ba'i dbang gi phyir/ byang/ chub sems dpa' lhag pa'i bsam pa brtan pa lam gang nas 'gro ba'i lam der tshong dpon gyi bu mo de ni 'dra de 'dra ba'i bu mo zhig sprul nas/ byang chub sems dpa' lhag pa'i bsam pa brtan pas sprul pa'i bu mo de mthong ngo / / mthong nas kyang 'di skad ces smras so// rigs kyi bu mo khyod gar 'gro/ sprul pa'i bu mos smras pa/ khyod gar bzhud pa der bdag mchi'o// de nas byang chub sems dpa' lhag pa'i bsam pa brtan pa 'jigs shing skrag nas bros so/ / bros nas ri bgrod dka' ba zhig tu song ngo // sprul pa'i bu mo de'ang ri bgrod dka' ba de nyid du song ngo // de nas byang chub sems dpa' lhag pa'i bsam pa brtan pa lus ngal zhing chad de 'dug go// sprul pa'i bu mo de'ang byang chub sems dpa' lhag pa'i bsam pa brtan pos mdun du 'dug go// 'dug nas kyang tshigs su bcad pa 'di skad ces smras so/ / bdag ni sems kyis spang bar gyis// lus ni bros pas ci zhig bya// brtan po lus ni bros pa yis// 'dod chags spong bar mi 'gyur ro/ / de nas sprul pa'i bu mo des tshigs su bcad pa de skad ces smras nas/ ri bgrod dka' ba de las lhung ngo // lhung nas de'i mgo'ang logs shig tu song ngo // lag pa'ang logs shig/ rkang pa'ang logs shig/ yan lag dang nying lag kyang logs shig tu song ste/ 'di lta ste/ dper na kha ba bcangs pa las rab tu dros shing rab tu zhu nas/ sa la thim pa de bzhin du/ sprul pa'i bu mo de de nyid du mi snang bar gyur to// de nas byang chub sems dpa' lhag pa'i bsam pa brtan pas sprul pa'i bu mo de ma mthong nas/ 'dod chags kyi sems de nyid zhi bar gyur te/ de skyo ba chen po skyes so// de skyo ba chen po thob ste/ sprul pas tshigs su bcad pa smras pa de mngon sum du gyur ras de 'di snyam du sems te/ rang bzhin 'di dag thams cad bcom ldan 'das la bdag gis gsol lo// de ltar byas na bcom ldan 'das kyi thugs kyis sems mkhyen nas/ ci nas bdag gis chos mngon par rtogs par 'gyur ba'i chos ston par gyur snyam mo/ / de nas byang chub sems dpa' lhag pa'i bsam brtan pa ri bgrod dka' ba de nas byung nas/ bcom ldan 'das gal ba der song ste byin nas/ bcom ldan 'das kyi zhabs la bgo bos phyag 'tshal te/ phyogs gcig tu 'dug go// de'i tshe bcom ldan 'das 'khor 'bum phrag du mas yongs su bskor zhing mdun gyis bltas nas chos ston to/ / byang chub sems dpa' lhag pa'i bsam pa brtan pas bcom ldan 'das kyi bka' rdzogs par rig nas/ bla gos phrag pa gcig tu gzar te/ pus mo'i lha nga sa la btsugs nas/ bcom ldan 'das ga la ba der logs su thal mo sbyar ba btud de/ bcom ldan 'das la rang bzhin thams cad gsol to// bcom ldan 'das kyis bka' stsal ba/ rigs kyi bu gang lam gyi 'byung ba yongs su tshol ba de ni de bzhin te/ rigs kyi bu de bzhin gshegs pas ni chags par 'gyur ba'i chos rnams spangs pas/ 'dod chags spong bar ma gsungs so/ / de bzhin du zhe sdang bar 'gyur ba dang / gti mug par 'gyur ba'i chos rnams spangs pas de bzhin gshegs pas gti mug spong bar ma gsungs so// de ci'i phyir zhe na/ rigs kyi bu de bzhin gshegs pa ni chos gang yang dor bar bya ba 'am/ thob par bya ba'i phyir chos mi ston to// yongs su shes par bya ba dang / yongs su spang bar bya ba dang / bsgob par bya ba dang / mngon sum du bya ba dang / mngon par rtogs par bya ba dang / 'khor ba las bskyod par bya ba dang / mya ngan las 'das par 'gro bar bya ba dang / bsal bar bya ba dang / gzhag par bya ba dang / dbye bar bya ba'i phyir chos mi ston to// rigs kyi bu gnyis su dbye ba ni de bzhin gshegs pa rnams kyi chos nyid ma yin no// gnyis su spyod pa gang yin pa de dag ni yang dag pa la zhugs pa ma yin no/ / rigs kyi bu gnyis gang zhe na/ bdag gis 'dod chags spang bar bya'o snyam pa 'di ni gnyis so// bdag gis zhe sdang spang bar bya'o bdag gis gti mug thang bar bya'o snyam pa 'di ni gnyis so/ / de ltar sbyor ba gang yin pa de dag ni yang dag pa la zhugs pa ma yin te/ de dag ni log par zhugs pa zhes bya'o// rigs kyi bu 'di lta ste/ dper na mi la la zhig gis sgyu ma mkhan gyi rol mo byung ba'i tshe/ sgyu ma mkhan gyi sprul pa'i bud med mthong na/ 'dod chags kyi sems bskyed de/ de 'dod chags kyis sems dkris nas/ 'khor gyis 'jigs shing bag tsha ste stan las langs nas song ste/ de song nas bud med de nyid la mi sdug pa yid la byed cing / mi rtag pa dang / sdug bsngal ba dang / stong pa dang / bdag med par yid la byed na/ rigs kyi bu 'di ji snyam du sems/ ci mi de yang dag par zhugs pa yin nam/ 'on te log par zhugs pa yin/ gsol pa/ bcom ldan 'das gang bud med ma mchis pa la mi sdug par yid la bgyid cing / mi rtag pa dang / sdug bsngal ba dang / stong pa dang / bdag med par yid la bgyid pa'i mi de'i mngon par brtson pa de ni log pa lags so// bcom ldan 'das kyis bka' stsal pa/ rigs kyi bu 'di na dge slong dang / dge slong ma dang / dge bsnyen dang / dge bsnyen ma kha cig ma skyes ma byung ba'i chos rnams la mi sdug pa/ yid la byed cing / mi rtag pa dang / sdug bsngal ba dang / stong pa dang / bdag med par yid la byed pa gang yin pa rnams kyang de dang 'dra bar blta bar bya'o// nga ni mi blun po de dag la lam bsgom pa yin no zhes mi sba ste/ de dag ni log par zhugs pa zhes bya'o// rigs kyi bu 'di lta ste/ dper na mi la la gnyid log pa'i rmi lam du bdag gis khyim du rgyal po'i btsun mo mthong nas de dang lhan cig nyal bar byed de/ dran pa nyams par phyir bdag ni bsad do snyam du de ltar sems nas/ rgyal pos mtshor grang / des bdag bsad du 'ong ngo snyab nas des 'jigs shing skrag ste bros na/ 'di ji snyam du sems/ ci mi de 'jigs shing skrag ste bros pas rgyal po'i btsun mo'i phyir 'jigs pa de las thar par 'gyur ram/ gsol pa/ bcom ldan 'das de ni ma lags so/ / de ci'i slad du zhe na/ bcom ldan 'das 'di ltar mi des bud med ma mchis par bud med kyi 'du shes bskyed de/ yang dag pa ma lags pa kun brtags pa'i slad dra'o/ / bcom ldan 'das kyis bka' stsal pa/ rigs kyi bu 'di na dge slong dang / dge slong ma dang / dge bstan dang / dge bsnyen ma kha cig 'dod chags med pa la 'dod chags 'du shes bskyed nas/ 'dod chags kyi 'jigs pas skrag ste 'dod chags las nges par 'byung ba yongs su tshol ba dang / de bzhin du zhe sdang med par zhe sdang gi 'du shes bskyed/ gtig med par gti mug gi 'du shes bskyed nas/ gti mug gis 'jigs pas skrag ste/ gti mug las nges par 'byung ba yongs su tshol ba gang yin pa rnams kyang de dang 'dra bar blta bar bya'o// nga ni mi blun po de dag la lam bsgom pa yin no zhes mi smra te/ de dag ni log par zhugs pa zhes bya'o// rigs kyi bu 'di lta ste/ dper na mi des med bzhin du smra/ pas 'jigs pa med pa la 'jigs pa'i 'du shes bskyed pa de bzhin du/ rigs kyi bu byis pa so so'i skye bo rnams ni 'dod chags kyi mtha' ma shes nas/ 'dod chags kyi mtha'i 'jigs pas skrag ste/ 'dod chags kyi mtha' las nges par 'byung ba yongs su tshol lo// zhe sdang gi mtha' ci'ang med pa'i mtha' ma shes nas/ zhe sdang gi mtha'i 'jigs pas skrag cing ci'ang med pa'i mtha' las nges par 'byung ba yongs su tshol lo/ / gti mug gi mtha' stong pa nyid kyi mthar ma shes nas/ gti mug gi mtha'i 'jigs pas skrag ste/ stong pa nyid kyi mtha' yas nges par 'byung ba yongs su tshol bar byed do/ / nga ni mi blun po de dag la lam bsgom pa yin no zhes mi smra ste/ de dag ni log par zhugs pa zhes bya'o// rigs kyi bu 'di lta ste/ dper na pil la zhig so sa ka'i zla ba tha ma'i nyi ma'i gung la lam du zhugs na tsha bas nyen te ngal chad nas/ skom zhing gdungs te shin tu so sor rtog pa'i stobs dang ldan par gyur nas/ des 'brog dgon par smig rgyu'i chu brdal ba chen po'i rgyun 'bab pa mthong la/ de der 'di ltar so sor rtog par byed do// bdag khyim du ma byin gyi bar du re zhig chu 'di btung bar mi bya'o snyam nas/ des smig rgyu der bor te rang gi khyim du song ngo / / rang gi khyim du song nas bdag skom la chu mthong bzhin du ma 'thungs par bor ba ni bdag gis ngo mtshar cig byas so// da tu mchar ba nag dus su zhes ched du brjod pa ched du brjod na/ rigs kyi bu 'di ji snyam du sems/ mi des chu med cing yod pa ma yin pa ma 'thungs te bor la ngo mtshar cig byas pa yod dam/ gsol pa/ ldan 'das de ni ma lags so// de ci'i slad du zhe na/ bcom ldan 'das de na chab kyang ma mchis/ chab du gdags pa'ang ma mchis te/ bcom ldan 'das mi de chab ma mchis par 'du shes 'khrul te/ de cha ba dor bar so sor rtog par bgyid cing / mi bden pa'i dga' ba dang / mchog tu dga' ba bskyed nas/ dga' ba des mgu bar 'dzin bar bas so// bcom ldan 'das kyis bka' stsal pa/ rigs kyi bu 'di na dge slong dang / dge slong ma dang / dge bsnyen dang / dge bsnyen ma kha cig de bzhin gshegs pa'i dgongs pa'i rig ma shes nas/ ser sna'i yongs su spang ba'i phyir/ sbyin pa med par sbyin pa'i 'du shes bskyed de/ rang bzhin du so sor rtog par byed la/ mi bden pa'i dga' ba dang / pha rog tu dga' dbaskud cing bdag cag gis ni ser sna'i sems bsal to snyam ste/ dga' ba des mgu bar 'dzin pa dang / 'chal ba'i tshul khrims kyi sems yongs su spang ba'i phyir/ tshul khrims med par tshul khrims 'du shes bskyed de/ med bzhin du so sor rtog par byed la/ mi bden pa'i dga' ba dang / mchog tu dga' ba bskyed cing / bdag cag gis ni 'aral ba'i tshul khrims kyi sems bsal to snyam ste/ dga' ba des mgu bar 'dzin pa dang / gnod sems kyi sems yongs su spang ba'i phyir/ bzod pa med par bzod pa'i 'du shes bskyed de/ red ba'i du so sor rtog par byed la/ mi bden pa'i dga' ba dang / mchog tu dga' ba bskyed cing / bdag cag gis ni gnod sems kyi sems bsal to snyam ste/ dga' ba des mgu bar 'dzin pa dang / le lo'i sems yongs su spang ba'i phyir brtson 'grus med par brtson 'grus kyi 'du shes bskyed de/ med bzhin du so sor rtog par byed la/ mi bden pa'i dga' ba dang / ma chog tu dga' ba bskyed cing / bdag cag gis ni le lo'i sems bsal to snyam ste/ dga' ba des mgu bar 'dzin pa dang / rnam par g.yengs pa'i sems yangs su snang ba'i phyir/ bsam/ gtan med par bsam gtan gyi 'du shes bskyed de/ med bzhin du so sor rtog par byed la/ mi bden pa'i dga' ba dang / mchog tu dga' ba bskyed cing / bdag cag gis ni rnam par g.yengs pa'i sems bsal to snyam ste/ dga' ba des mgu bar 'dzin pa dang / mi shes pa'i sems yongs su spang ba'i phyir shes rab kyi 'du shes skyed de/ med bzhin du so sor rtog par byed la/ mi bden pa'i dga' ba dang / mchog tu dga' ba bskyed cing / bdag cag gis ni mi shes pa'i sems bsal to snyam ste/ dga' ba des mgu bar 'dzin pa gang yin pa rnams kyang de dang 'dra bar blta bar bya'o/ / nga ni mi thun po de dag la lam bsgom pa yin no zhes mi smra ste/ de dag ni log par zhugs pa zhes bya'o// rigs kyi bu 'di lta ste/ dper na mi zhig chu med par 'du shes 'khrul te/ de nu dor bar so sor rtog par byed la/ mi bden pa'i dga' ba dang / mchog tu dga' ba bskyed cing / dga' ba des mgu bar 'dzin pa de bzhin du/ rigs kyi bu 'di na dge slong dang / dge slong ma dang / dge bsnyen dang / dge bsnyen ma kha cig de bzhin gshegs pa'i chos kyi dbyings ma shes nas/ rgyun du zhugs pa'i 'bras bu med par rgyun du zhugs pa'i 'bras bur 'du shes 'khrul/ lan cig phyir 'ong ba'i 'bras bu med par lan cig phyir 'ong ba'i 'bras bur 'du shes 'khrul/ phyir mi 'ong ba'i 'bras bu med par phyir mi 'ong ba'i 'bras bur 'du shes 'khrul/ dgra bcom pa nyid kyi 'bras bu med par dgra bcom pa nyid kyi 'bras bur 'du shes 'khrul/ rang sangs rgyas nyid kyi 'bras bu med par rang sangs rgyas nyid kyi 'bras bur 'du shes 'khrul/ sangs rgyas nyid kyi 'bras bu med par sangs rgyas nyid kyi 'bras bur 'du shes 'khrul/ mya ngan las 'das pa'i 'bras bu med par mya ngan las 'das pa'i 'bras bur 'du shes 'khrul te/ med bzhin du so sor rtog par byed la/ mi bden pa'i dga' ba dang / mchog tu dga' ba bskyed cing / dga' ba des mgu bar 'dzin pa gang yin pa rnams kyang de dang 'dra bar blta bar bya'o// nga ni mi blun po de dag la lam bsgom pa yin no zhes mi smra ste/ de dag ri leg par zhugs pa zhes bya'o/ / rigs kyi bu de lta bas na/ rigs kyi bu 'am/ rigs kyi bu mo dad pa can rnams kyi ji ltar smig rgyu la chu'i 'du shes skyed pa de lta bu chos rnams rab tu shes par bya'o/ / de ltar chos rnams rab tu shes pa de dag ni yang dag par zhugs pa yin nam/ gzhan du shes pa gang dag yin pa de dag ni yang dag par zhugs pa ma yin no// nga ni mi blun por dag la lam bsgom pa yin no zhes mi smra ste/ de dag ni log par zhugs pa zhes bya'o// rigs kyi bu 'di lta ste/ dper na bud med gcig gis me long blangs te/ bzhin gyi mtshan ma brtags na/ des me long shin tu phyis pa de la gzugs bstan mdzes shing blta na sdug pa mthong nas des de la bdag gis gzugs brnyan 'di la 'dod rags kyi sems bskyed par mi bya'o/ / de ci'i phyir zhe na/ 'di ni bdag gis ma yin la/ bdag kyang 'di'i ma yin pa'i phyir ro snyam du so sor rtog par byed na/ rigs kyi bu 'di ji snyam du sems de ltar gzugs brnyan de bud med 'di dag la 'dod chags kyi sems mi bskyed pa ngo mtshar to snyam du 'dzin tam/ gsol pa/ bcom ldan 'das de ni ma lags so// de ci'i slad du zhen/ bcom ldan 'das gzugs brnyan ni rnam par rtog pa ma mchis pa dang / yongs su ma grub pa lags te/ de la rtog pa ci'ang mchis pa'i slad du'o// bcom ldan 'das kyis bka' stsal pa/ rigs kyi bu de de bzhin te/ byis pa so so'i skye bo rnams ni gzugs rnams la rtog par byed de/ gzugs 'dri dag ni ngan no// 'di dag ni 'bring ngo // 'di dag ni rab bo snyam du sems mod kyi/ 'on kyang gzugs rnams ni gzugs kyi ngo bo nyid la rnam par rtog pa mi skyed de/ rtog par mi byed/ rnam par rtog par mi byed do// sgra dang / dri dang / ro dang / reg bya rnams kyang de dang 'dra'o// 'di ltar yang byis pa so so'i skye bo rnams ni chos rnams la rtog par byed de/ chos 'di dag ni ngan no// 'di dag ni 'bring ngo // 'di dag/ ni rab bo snyam du sems mod kyi/ 'on kyang chos rnams ni chos rnams kyi ngo bo nyid la rnam par rtog pa mi skyed de/ rtog par mi byed/ rnam par rtog par mi byed do// rigs kyi bu 'di lta ste/ dper na bud med des med pa la yod pa'i 'du shes bskyed nas/ de'ang so sor rtog par byed cing / de la mngon par zhen pa de bzhin du/ rigs kyi bu 'di dag ni dge slong dang // dge slong ma dang / dge bsnyen dang / dge bsnyen mkha cig chos thams cad gzugs brnyan lta bur shes nas/ 'di skad du bdag cag gzugs rnabs la chags par mi bya'o// de bzhin du bdag cag sgra rnams dang / dri rnams dang / ro rnams dang / reg bya rnams dang / chos rnams la chags par mi bya'o// bdag cag gis ldon pa sgrub par bya'o zhes zer te/ de dag med pa de la yod par 'du shes bskyed nas/ med bzhin du so sor rtog par byed de/ de la mngon par zhen la/ des kyang dga' bar 'dzin cing bdag la ni stong por byed/ gzhan la ni brnyas par byed pa gang dag yin pa rnams kyang de dang 'dra bar lta bar bya'o/ / nga ni mi blun po de dag la lam bsgom pa yin no zhes mi smra ste/ de dag ni log par zhugs pa zhes bya'o// rigs kyi bu 'di lta ste/ dper na mo gsham zhig yod la/ de dran pa nyams pas 'di ltar bdag la ni bu mi 'dod par bya'o zhes dam 'cha' bar byed pa de la bud me de la la zhig gis yid bsrung // pa'i phyir/ shes shing rtog bzhin du 'di skad ces khyod kyi du gzugs bzang zhing mdzes la blta na sdug pa zhig yod par 'gyur gyi/ 'di ltar dam mi 'cha' bar gsol zhes zer la/ de nas mo gsham des bud med de'i tshig mnyan nas/ dran pa nyams pas bdag gi bu gzugs bzang zhes mdzes la blta na sdug pa zhig yod par 'gyur ro snyam dur ba'i sems skyed par byed do/ sems 'khrul pa des/ 'du shes kyi rnam pa des sems yongs su mgu bar byed la/ bya ni skyed kyang ma bskyed/ skye bar yang mi 'gyur ba de bzhin du/ rigs kyi bu de bzhin gshegs pa ni chos thams cad mo gsham gyi bu dang 'dra bar mkhyen cing gzigs bzhin du 'jig rten gyi rjes su mthun par bya ba'i phyir gnyis su ston te/ 'das pa'i dus na khyod ming 'di zhes bya bar gyur/ rigs ni 'di zhes bya/ rus ni 'di zhes bya/ kha dog ni 'di 'dra bar gyur/ zas ni 'di lta bu zhig za za/ yun ni 'di srid cig tu gnas gnas/ bde ba dang sdug bsngal ni 'di lta bu zhig nyams su myong / tshe'i mtha' ni 'di srid cig tu gyur to// ma 'ongs pa'i dus na ni 'di lta bu zhig tu 'gyur ro// ming ni 'di skad ces bya bar 'gyur/ rigs ni 'di zhes bya rus ni 'di zhes bya/ kha dog ni 'di 'dra bar 'gyur/ zas ni 'di lta bu zhig za bar 'gyur/ yun ni 'di srid cig tu gnas par 'gyur/ bde ba dang sdug bsngal ni 'di lta bu zhig nyams su myong bar 'gyur/ tshe'i mtha' ni 'di srid cig tu 'gyur ro// de bzhin du na da ltar byung ba'i dus na ming ni 'di zhes bya/ rigs ni 'di zhes bya/ rus ni 'di zhes bya/ kha dog ni 'di 'dra zhig/ zas ni 'di lta bu zhig za/ yun ni 'di srid cig gnas/ bde ba dang sdug bsngal ba ni 'di lta bu zhig nyams su myong / tshe'i mtha' ni 'di srid cig thub bo zhes ston par mdzad do/ / rigs kyi bu dper na mo gsham de rang gi brtags pas bu'i 'du shes des re bar byed la/ bu de ni mi skye ba'i chos can no// mi skye ba'i chos can yin pas nA/ mi 'gag pa'i chos can no// mi 'gag pa'i chos can yin pas na/ rnam par rig byed ma yin pa'i chos can no// rigs kyi bu de bzhin du gzugs thams cad ni gzugs kyi ngo bo nyid kyis mi skye ba'i chos can no/ / mi skye ba'i chos can yin pas na/ mi 'gag pa'i chos can no// mi 'gag pa'i chos can yin pas na/ rnam par rig byed ma yin pa'i chos can no// tshor ba thams cad dang / 'du shes thams cad dang / 'du byed thams cad dang / rnam par shes pa thams cad kyang de dang 'dra ste/ rnam par shes pa'i ngo bo nyid kyi mi skye ba'i chos car ro// mi skye ba'i chos can yin pas na/ mi 'gag pa'i chos can no// mi 'gag pa'i chosas na yin pas na/ rnam par rig byed ma yin pa'i chos can yin te/ chos kyi ngo bo nyid de ltar mi shes pa gang dag yin pa de dag ni yang dag par zhugs pa ma yin no/ / nga ni mi blun po de dag la lam bsgom pa yin no zhes mi smra ste/ de dag ni lam las log par zhugs pa zhes bya'o// chos rnam de ltar shes pa gang dag yin pa de dag ni yang dag par zhugs pa yin te/ de dag ni lam la gnas pa yin no// de dag ni lam las mi g.yo ba yin no// de ci'i phyir zhe na/ de bzhin gshegs pa rnams kyi chos gnas pa ni chos kyi dbyings mi g.yo ba'i/ tshul gyis mi g.yo ba yin pa'i phyir ro// rigs kyi bu de lta bas na/ rigs kyi bu 'am/ rigs kyi bu mo de bzhin gshegs pa rnams kyi chos kyi tshul gyi 'jug par 'dod pas 'dod chags las g.yo bar mi bya'o/ / zhe sdang las g.yo bar mi bya'o// gti mug las g.yo bar mi bya'o// nyon mongs pa thams cad las g.yo bar mi bya'o// mig dang / gzugs dang / mig gi rnam par shes pa las g.yo bar mi bya'o/ / de bzhin du rna ba dang / sgra dang / rna ba'i rnam par shes pa dang / sna dang / dri dang / sna'i rnam par shes pa dang / lce dang / ro dang / lce'i rnam par shes pa dang / lus dang / reg bya dang / lus kyi rnam par shes pa dang / yid dang / chos dang / yid kyi rnam par shes pa las g.yo bar mi bya'o// chos thams cad kyi 'du shes las g.yo bar mi bya'o// chos thams cad kyi 'du shes la'ang gnas par mi bya'o// de ci'i phyir zhe na/ gal te 'dod chags las g.yo bar gyur na/ chos kyi de byings las g.yo bar 'gyur ro// de ca' bar zhe na/ stong pa nyid mi g.yo ba'i don gyis/ 'dod chags nyid chos kyi dbyings yin pa'i phyir ro// gal te zhe sdang las g.yo bar gyur na/ chos kyi dbyings las g.yo bar 'gyur ro// de ci'i phyir zhe na/ mtshan ma med pa'i mi g.yo ba'i don gyis/ zhe sdang nyid chos kyi dbyings yin pa'i phyir ro// gal te gti mug las g.yo bar gyur na/ chos kyi dbyings las g.ye bar 'gyur ro// de ci'i phyir zhe na smon pa med pa mi g.yo ba'i don gyis/ gti mug nyid chos dbyings yin pa'i phyir ro// gal te nyon mongs pa thams cad las g.yo bar gyur na/ chos kyi dbyangs g.yo bar 'gyur ro/ / de ci'i phyir zhe na/ nyon mongs pa thams cad kyi ngo bo nyid ji lta ba bzhin rtog pa mi g.yo ba'i don gyis/ nyon mongs pa thams cad kyi ngo bo nyid ros kyi dbyangs na ro/ / gal te mig dang / gzugs dang / mig gi rnam par shes pa las g.yo bar gyur na/ chos kyi dbyings las g.yo bar 'gyur ro// de ci'i phyir zhe na/ rten cing 'bel ba'i don gyis/ mig dang / gzugs dang / mig gi rnam par shes pa nyid chos kyi dbyings yin pa'i phyir ro// de bzhin du gal te rna ba dang / sgra dang / rna ba'i rnam par shes dri dang / sna'i rnam par shes pa dang / lce dang / ro dang / lce'i rnam par shes pa dang / lus dang / reg bya dang / lus kyi rnam par shes pa yang dang pa nyid chos kyi dbyings yin pa'i phyir ro/ / gal te chos thams cad kyi 'du shes las g.yo bar gyur na/ chos kyi dbyings las g.yo bar 'gyur ro// da ci'i phyir zhe na/ rnan cang 'brel par 'byung ba mi g.yo ba'i don gyis yid dang / chos dang / yid kyi rnam par shes pa nyid chos kyi dbyings yin pa'i phyir ro// gal te chos thams cad kyi 'du shes las g.yo bar gyur na/ chos kyi dbyings las g.yo bar 'gyur ro/ / de ci'i phyir zhe na/ chos thams cad kyi 'du shes kyi ngo bo nyid ji lta ba bzhin du rtogs pa ma g.yo ba'i don gyis/ chos thams cad kyi 'du shes nyid chos// kyi dbyings yin pa'i phyir ro// ngas de la dgongs nas tshig 'di skad du log par lta ba/ log par lta ba yin par mthong na/ de de'i yang dag par lta ba yin no zhes gsungs so// bsal ba med pa dang / bzhag pa med pa'i tshul gyis log par lta ba las kyang mi yo ba la/ log par lta ba med par gyur pa las gud na'ang yang dag par lnga pa med de/ mos thams cad ga'os su mang pa'i phyir/ log par lta ba yang dag pa ji lta ba bzhin du mthong ba nyid yang dag par lta ba yin gyi/ gnyis su 'du shes pa la ni yang dag par lta ba med do// rigs kyi bu 'di lta ste/ dper na mi la la zhig nub mo mun pa mun nag gi nang na lam du zhugs te/ des 'brog khong stong zhig tu shing ljon pa phal po che stug po mthong la/ des der shing zhig pi drung na chom rkun yod pa'i 'du shes bskyed nas skrag ste/ lam der ma song na/ rigs kyi bu 'di ji snyam du sems/ ci mi de snang ba'ang ma byung / shing de'ang mngon sum du ma byas par shing stug po de las 'phags pa 'am/ chom rkun gyi 'jigs pa med par 'gyur ram/ gsol pa/ bcom ldan 'das de ni ma lags so// bcom ldan 'das kyis bka' stsal pa/ rigs kyi bu 'di ji snyam du sems ci mi de snang ba'ang yod la/ shing yang mngon sum du byas na/ shing stug po de las 'phags pa 'am/ rlom rkun gyi 'jigs pa med par 'gyur ram/ gsol pa/ bcom ldan 'das de de lta lags so// de ci'i phyir zhe na/ bcom ldan 'das 'di ltar mi des 'jigs pa ma mchis pa la 'jigs pa'i 'du shes skyed cing yang dag pa ma lags pa/ kun brtags pa'i slad du'o// bcom ldan 'das kyis bka' stsal pa/ rigs kyi bu de bzhin du byis pa so so'i skye bo rtsod pas yang dag pa ma yin pa'i phyin ci log tu/ gyur pa/ ma rig pa'i mun pas mag kun nas g.yogs pa thams cad med bzhin du sgro btags pas/ 'khor ba'i 'jigs pas skrag nas/ 'khor ba las nges par 'byung ba yongs su tshol lo/ / de dag gis gang du 'jigs pa'i 'du shes skyes pa'i 'khor ba de'ang don dam par mi dmigs na/ de dag mya ngan las 'das pa na 'jigs pa med pa'o zhes yongs su tshol bar byed do/ / dge ba'i bshes gnyen gyis yongs su zin pa yang dag par zhugs pa rnams ni/ 'khor ba de nyid mya ngan las 'das pa yin par yang drag par ji lta ba bzhin du rab tu shes la/ chos thams cad kyi skye ba med pa yang dag par rab tu shes te/ de ltar yang dag par zhugs pa de dag ni chos gang yang len par mi byed/ 'dor bar mi byed// sel bar mi byed/ 'jog par mi byed do// chos kyi dbyings la gnas te g.yo ba med do// mi g.yo bas na gnas sgom par mi byed/ ming sgom pas na gnas med do// gnas med pas/ na g.yo ba med de/ 'di ni de bzhin gshegs pa rnams kyi chos kyi tshul g.yo ba med pa ste/ de la ni g.yo bar bya ba'am/ 'phags par bya ba'am/ dor bar bya ba 'am/ blang bar bya ba'i chos ci'ang mi dmigs so/ / de ci'i phyir zhe na/ chos kyi tshul ni nam mkha'i tshul nyid yin la/ nam mkha' de la ni g.yo ba'ang med/ 'phags pa'ang med pa'i phyir ro// rigs kyi bu de ltar yang dag par zhugs pa shes pa dang ldan pa ni sems can thams cad kyis kyang / shes pa'i yongs su shes pa de las bskyod pa'am bskul bar mi nus so// de ci'i phyir zhe na/ 'di ltar des mi g.yo ba'i ye shes thob pa'i phyir ro// de nas tshe dang ldan pa shA ri'i bu stan las langs te/ bla gos phrag pa gcig tu gzar nas/ pus mgau l+la pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di 'dzin pa'am/ kun chub par bgyid pa 'am/ mos par bgyid pa de dag ni shes rab dang ldan pa'i mchog tu bstan par bgyid pa lags so// 'i slad du zhe na/ bcom ldan 'das chos kyi rnam grangs 'di ni mi shes pa thams cad sel ba dang / shes pa thams cad dang ldan pa'i slad du'o// de nas bcom ldan 'das la/ tshe dang ldan pa mo'u 'gal gyi bu chen pos 'di skad ces gsol to// bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di 'dzin pa'am/ kun chub par bgyid pa'am/ mos par bgyid pa de dag ni rdzu 'phrul dang ldan pa'i mchog tu bstan par bgyid pa lags so// de ci'i slad du zhe na/ bcom ldan 'das mig gi rnam par shes par bgyi ba gang lags pa de ni rdzu 'phrul ma lags kyi/ bcom ldan 'das gang mig gi rnam par shes par bgyi ba'i chos thams cad la se gol gtogs pa tsam yang mos par mi bgyid pa de ni rdzu 'phrul gyi mchog lags pa'i slad du'o/ / de nas bcom ldan 'das la/ tshe dang ldan pa nam grus 'di skad ces gsol to// bcom ldan 'das rigs kyi bu'am/ rigs kyi bu mo gang dag chos kyi rnam grangs 'di 'dzin pa'am/ kun nub par bgyid pa'am/ mos par bgyid pa de dag ni bsam gtan pa'i mchog tu bstan par bgyi ba lags so/ / de ci'i slad du zhe na/ bcom ldan 'das kyi chos kyi rnam grangs 'di ni nyon mongs pa thams cad nges par bsreg pa lags pa'i slad du'o// de nas bsom ldan 'das la/ tshe dang ldan pa rab 'byor gyis 'di skad ces gsol to// bcom ldan 'das rigs kyi bu'am/ rigs kyi bu mo gang dag chos kyi rnam grangs 'di 'dzin pa 'am/ kun chub par bgyid pa 'am/ mos par bgyid pa de dag ni nyon mongs pa ma mchis par gnas pa'i mchog bstan par bgyid pa lags so// de ci'i slad du zhe na/ bcom ldan 'das chos kyi rnam grangs 'di ni nyon mongs pa'i dgra thams cad dang 'bral ba dang / chos thams cad kyi ma gos pa lags pa'i slad du'o// de nas bcom ldan 'das la/ tshed dang ldan pa 'od srungs chen pos 'di skad ces gsol to/ / bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di 'dzin pa 'am/ kun chub par bgyid pa 'am/ mos par bgyid pa de dag ni sbyangs pa'i yon tan smra ba'i mchog tu bstan par bgyid pa lags so// de ci'i slad du zhe na/ bcom ldan 'das chos kyi rnam grangs 'di ni nyon mongs pa thams cad spangs pa dang / chos thams cad kyis kun nas nyon mongs pa n+dan du mi 'gyur ba'i slad du'o// de nas bcom ldan 'das la/ tshe dang ldan pa sgra gcan zin gyis 'di skad ces gsol to/ / bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di 'dzin pa 'am/ kun chub par bgyid pa'am/ mos par bgyid pa de dag ni bsrab ba la dga' ba'i mchog tu bstan par bgyid pa lags so/ / de ci'i slad du zhe na/ bcom ldan 'das chos kyi rnam grangs 'di ni bslab pa thams cad kyi pha rol tu phyin pa lags pa'i slad du'o/ / de nas bcom ldan 'das la/ tshe dang ldan pa nye bar 'khor gyis 'di skad ces gsol to// bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di 'dzin pa 'am/ kun chub par bgyid pa 'am/ mos par bgyid pa de dag ni 'dul bar 'dzin pa'i mchog tu bstan par bgyid lugs so// de ci'i slad du zhen/ bcom ldan 'das chos kyi rnam grangs 'di ni nyo mongs pa thams cad sel bar bgyid pa lags pa'i slad du'o// de nas bcom ldan 'das la/ tshe dang ldan pa kun dga' bos 'di/ skad ces gsol to// bcom ldan 'das rigs kyi bu'am/ rigs kyi bu mo gang dag chos kyi rnam grangs 'di 'dzin pa 'am/ kun chub par bgyid pa 'am/ mos par bgyid pa de dag ni mang du thos pa'i mchog tu bstan par bgyid pa lags so/ / de ci'i slad du zhe na/ bcom ldan 'das chos kyi rnam grangs 'di ni thos pa thams cad dang ldan pa lags pa'i slad du'o// de ltar nyan thos chen po de dag thams cad kyis rang rang gi mchog brjod pa de dag gis chos kyi rnam grangs 'di mngon par bstod do// de nas bcom ldan 'das kyis/ tshe dang ldan// pa kun dga' bo la bka' stsal pa/ kun dga' bo de lta bas na khyod kyis chos thams cad bsal ba med cing gzhag pa med pa la gnas pas sangs rgyas kyi byang chub 'di bdag nyid kyis yang dag par ston cig/ chos gang yang dor du med pa dang / thob par byar med par chos ston cig/ yongs su shes par byar med pa dang / spang du med pa dang / bsgom du med pa dang / mngon sum du byar med pa dang / mngon par rtogs par byar med pa dang / 'khor ba las bskyod du med pa dang / mya ngan las 'das par 'gror med pa dang / rgyun du zhugs pa'i 'bras bu thob bar byar med pa dang / lan cig phyir 'ong bar 'gyur ba dang / phyir mi 'ong bar 'gyur ba dang / dgra bcom pa nyid kyi 'bras bu thob par byar med pa'i chos ston cig/ de ci'i phyir zhe na/ kun dga' bo chos thams cad ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa'i chos yin te/ chos kyi dbyings mnyam pa nyid kyi phyir ro/ / kun dga' bo de lta bas na khyod kyis byang chub sems dpa'i theg pa pa'i gang zag rnams la nyan thos dang rang sangs rgyas kyi sa las bzlar med pa dang / sangs rgyas kyi chos rnams thob par byar med par chos ston cig/ de ci'i phyir zhe na/ kun dga' bo chos thams cad ni sangs rgyas kyi chos yin te/ chos kyi dbyings mnyam pa'id kyi phyir ro// kun dga' bo gzhan yang khyod kyis rnal 'byor spyod pa'i dge slong dgra bcom pa nyid mngon sum du bya bar 'dod pa rnams la 'dod chags dang / zhe sdang dang / tig mug rnams ni spang du med par chos ston cig/ de bzhin gshegs pa bltar med pa dang / chos mnyan du med pa dang / dge 'dun la bsnyen bkur byar med par chos ston cig/ kun dga' bo 'dod chags dang / zhe sdang dang // gti mug rnams ni spang du med pa kho na ste/ 'dod chags dang / zhe sdang dang / gti mug rnams ya ma brla yin pa'i phyir ro// kun dga' bo skad cig pa rnams ni spang bar bya ba ma yin te med pa'i phyir ro/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das ji ltar de bzhin gshegs pa bltar ma mchis pa lags/ ji ltar chos mnyan du ma mchis pa lags/ ji ltar dge 'dun la bsnyen bkur bgyir ma mchis pa lags/ bcom ldan 'das kyis bka' stsal pa/ kun dga' bo de bzhin gshegs pa ni bstan du med pa ste/ de ni mig gis blta bar mi nus so// kun dga' bo chos ni brjod du med pa ste/ de ni na bas mnyan par mi nus so/ / kun dga' bo dge 'dun ni 'dus ma byas pa ste/ de ni lus sam/ ngag gam/ sems kyis bsnyen bkur byar mi nus so// de nas som ldan 'das la/ tshe dang ldan pa kun dga' bos 'di skad ces gsol to// bcom ldan 'das sangs rgyas bcom ldan 'das rnams kyi chos nyid 'di ltar rtogs par dka' ba ni ngo mtshar lags so/ / bcom ldan 'das kyis bka' stsal pa/ kun dga' bo de ni khyod ji ltar zer ba de bzhin te/ rnam grangs 'dis ni sangs rgyas bcom ldan 'das rnams kyi chos nyid ni rtogs par dka' 'o/ / de ci'i phyir zhe na/ kun dga' bo nyon mongs pa thams cad las kyang sems yongs su sbyang dgos la/ chos gang las kyang bskyod par yang mi bya// 'phags par yang mi bya ba'i phyir ro/ / kun dga' bo gang rnam grangs 'dis de bzhin gshegs pa rnams kyi chos kyi tshul la 'jug cing mos par byed pa'i sems can de dag ni ngo mtshar du gyur pa yin par rig par bya'o/ / kun dga' bo rigs kyi bu 'am/ rigs kyi bu mo gang dag nga'i bstan pa 'di la rab tu byung ba chos kyi rnam grangs 'di 'dzin pa 'am/ kun chub par/ byed pa 'am/ mos par byed pa de dag gis ni yul 'khor gyi zas legs par zas so// de dag ni de bzhin gshegs pa'i bstan pa la legs par rab tu byung ngo // de dag gis ni mi'i lus thob pa legs par thob bo/ / de dag gis ni bdud sdig can btul to// de dag gis ni nga'o snyam pa'i nga rgyal nges par bcom mo// de dag gis ni sbyin gnas sbyangs so/ / de dag ni yon gnas su gzung bar bya'o// de dag ni bsod nams kyi zhing du blta bar bya'o// de ci'i phyir zhe na/ kun dga' bo chos kyi rnam grangs 'di ni mngon pa'i nga rgyal can rnams dang / 'bras bu la dmigs pa rnams dang / byang chub la dmigs pa rnams dang / sngon gyi rgyab ba rnams la bya ba ma byas pa rnams kyis bzod par mi nus pa'i phyir ro/ / chos kyi rnam grangs 'di bstan pa na/ byang chub sems dpa' lhag pa'i bskum pa brtan pas mi skye ba'i chos la bzod pa thob par gyur to// de nas bcom ldan 'das kyis de'i tshe 'dzum pa mdzad do// 'di ni sangs rgyas bcom ldan 'das rnams kyi chos nyid de/ gang go 'dzum pa mdzad pa de'i tshe/ bcom ldan 'das kyi zhal gyi sgo nas 'od zer kha dog du ma kha dog sna tshogs 'di lta ste/ sngon po dang / ser po dang / dmar po dang / dkar po dang / btsod kha dang / shel dang / dngul gyi kha dog lta bu dag byung nas/ 'od zer de dag gis 'jig rten gyi khams mtha' yas mu med pa snang bas khyab par byas te/ tshangs pa'i 'jig rten gyi bar dag tu song nas phyir log ste/ bcom ldan 'das la lan gsum bskor ba byas nas/ bcom ldan 'das kyi spyi gtsug tu nub par gyur to// de nas sangs rgyas kyi byin gyi rlabs kyis/ tshe dang ldan pa kun dga' bo na/ las langs te/ bla gos phrag pa gcig tu gzar nas/ pu sa mo g.yas pa'i lha nga sa la btsugs te/ bcom ldan 'das ga lwa ba der logs su thal mo sbyar ba btud nas/ bcom ldan 'das la 'di skad ces gsol to/ / bcom ldan 'das de bzhin gshegs pa rnams ni rgyu ma mchis/ rkyen ma mchis par 'dzum pa mi mdzad na/ bcom ldan 'das 'dzum pa mdzad pa'i rgyu ni gang lags/ rkyen ni gang lags/ de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo 'khor 'di'i nang nas dge slong mngon pa'i nga rgyal can du gyur pa nyis brgya po de dag gis mngon pa'i nga rgyal med pa'i chos 'di thos nas/ len pa med par zag pa rnams las sems rnam par grol lo// / byang chub sems dpa' lhag pa'i bsam brtan pas ni mi skye ba'i chos la bzod pa thob/ kun dga' bo byang chub sems dpa' lhag pa'i bsam brtan pa 'di ni/ bskal pa khris bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bskal pa rin po che thams cad kun tu snang ba la 'jig rten gyi khams me tog thams cad kyi rnam par bkra ba zhes bya bar de bzhin gshegs pa dgra bcom pa yang dag par rdzogs pa'i sangs rgyas rin po che'i pad+ma dpal gyi snying po can zhes bya bar 'gyur ro/ / de'i sangs rgyas kyi zhing yang yon tan bkod pa dpag tu med pa dang ldan par 'gyur te/ sangs rgyas kyi zhing de'ang byang chub sems dpa' 'ba' zhig gis yongs su gang bar 'gyur ro// de nas bco ldan 'das la/ tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ de'i phyir kun dga' bo khyod kyis chos kyi rnam grangs 'di chos thams cad mi g.yo ba zhes bya bar zung zhig/ lhag pa'i bsam brtan pa le'u zhes bya bar yang zung zhig bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' lhag pa'i bsam pa brtan pa dang / byang chub sems dpa' de dag dang / dge slong de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa lhag pa'i bsam brtan pa'i le'u zhes bya ba theg pa chen po'i mdo rdzogs so// / rgya gar gyi mkhan po su ren+d+ra bo d+he dang / pradz+nyA bar ma dang nu chen gyi lo tsa ba ban+d+he ye shes sde la sogs pas bskur cing zhus te gtan la bab pa/

CLOSE WINDOW