zhu chen gyi lo sngo ba ban d+he sa shes sde la sogs pas bsgyur cing nus te gtan la bab pa// rgyu gar skad du/ gyi she sha tsin ti brah+ma pa ri brid tsha na ma ma hA yA na sU tra/ bod skad du/ 'phags pa tshangs pa khyad par sems kyis zhus pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab bya ka lan ta ka gnas pa'i 'od ma'i tshal na/ dag slong stong phrag drug cu rtsa bzhi'i dge slong gi dge 'dun chen po dang / byang chub sems dpa' stong phrag bdun cu rtsa gnyis dang thabs cig tu bzhugs te/ thams cad kyang mngon par shes pas mngon par shes pa/ gzungs thob pa/ spobs pa thogs pa med pa/ ting nge 'dzin thob pa/ mngon par shes pas rnam par rol cing spobs pa mi 'jigs pa dang ldan pa/ chos thams cad kyi ngo bo nyid ston pa la mkhas pa/ mi skye ba'i chos la bzod pa thob pa rnams la 'di lta ste/ gzhon nur gyur pa 'jam dpal dang / gzhon nur gyur pa lag na rin po che dang / gzhon nur gyur pa lag na phyag rgya rin po che dang / gzhon nur gyur pa rin po che dpal dang / gzhon nur gyur pa nam mkha' mdzod dang / gzhon nur gyur pa sems bskyed ma thag tu chos kyi 'khor lo bskor ba dang / gzhon nur gyur pa dra ba can gyi 'od dang / gzhon nur gyur pa rnam par bsgyings pa dang / gzhon nur gyur pa dpal gyi snying po dang / gzhon nur gyur pa bdog pa thams cad yongs su gtong ba dang / gzhon nur gyur pa pad+ma bkod pa dang / gzhon nur gyur pa seng ge dang / gzhon nur gyur pa zla 'od dang / gzhon nur gyur pa zla ba'i zer gyi 'od dang / gzhon nur gyur pa blo gros mchog dang / gzhon nur gyur pa rgyan thams cad bkod pa dang / bzang skyong la sogs pa skyes bu dam pa bcu drug la 'di lta ste/ bzang skyong dang / 1dkon mchog 'byung gnas dang / ded dpon mchog dang / rnamis byin dang / phug sbas dang / chus byin dang / 6dbang byin dang / dbang pos byin dang / bla ma'i blo gros dang / khyad par blo gros dang / blo gros 'phel dang / 1mthong ba don yod dang / 12 shin tu yang dag zhugs dang / 3 rab kyi rtsal gyis rnam par gnon pa dang khro gros mtha' yas dang / brtson pa mi gtong ba dang / nyi ma'i snying po dang / sa 'dzin dang / de lta bu la sogs pa byang chub sems dpa' stong phrag bdun cu rtsa gnyis dang / rgyal po chen po bzhi dang / brgya byin lha'i dbang po la sogs pa sum cu rtsa gsum pa'i lha rnams dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha rnams dang / tshangs pa la sogs pa tshangs pa'i ris kyi sku brgyad stong dang / de ma yin pa gzhan gzi brjid che ba/ gzi brjid che ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams dang yang thabs cig ste/ de nas bcom ldan 'das 'khor brgya stong du mas bskor cing mdun du bdar nas chos ston to/ / de nas byang chub sems dpa' gzhon nur gyur pa dra ba can gyi 'od bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ stong gsum gyi stong chen po'i 'jig rten gyi khams rab tu g.yo bar byas nas/ stong gsum gyi stong chen po'i 'jig rten gyi khams kun gyi sems can thams cad la bltas nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs phye na bdagra bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu'o/ / de skad ces gsol ba dang / bcom ldan 'das kyis/ byang chub sems dpa' dra ba can gyi 'od la 'di skad ces bka' stsal to/ / dra ba can gyi 'od khyod ci dang ci 'dod pa de bzhin gshegs pa la dris shig dang / dris pa de dang de nyid lung bstan pas ngas khyod kyi sems rangs par bya'o/ / de skad ces bka' stsal pa dang / bcom ldan 'das la/ byang chub sems dpa' dra ba can gyi 'od kyis 'di skad ces gsol to// bcom ldan// 'das kyi sku ni blta bas chog mi shes pa kha dog nyi ma bye ba khrag khrig brgya stong pas lhag pa lags te/ bcom ldan 'das bdag ni gang de bzhin gshegs pa'i sku blta ba 'am/ brtag par nus pa 'di ni ngo mtshar to snyam bgyid do/ / bcom ldan 'das yang dag ni de bzhin gshegs pa'i sku blta ba 'am/ rtog pa de dag thams cad ni sangs rgyas kyi mthu'o snyam bgyid do// bcom ldan 'das kyis bka' stsal pa/ dra ba can gyi 'od ji skad zer ba de bzhin te/ de bzhin gshegs pas skabs ma phye bar de bzhin gshegs pa'i sku blta ba 'am brtags par mi nus so// de ci'i phyir zhe na/ dra ba can gyi 'od de bzhin gshegs pa la rab tu zhi ba'i rnam par bkod pa zhes bya ba'i 'od zer yod de/ 'od zer des reg pa'i sems can rnams de bzhin gshegs pa'i sku la lta zhing rtogs la/ de dag gi mig gi dbang po 'ang nyams par mi 'gyur ro/ / dra ba can gyi 'od de bzhin gshegs pa la mi 'jigs pa'i spobs pa zhes bya ba'i 'od zer yod de/ 'od zer des reg pa'i sems can rnams de bzhin gshegs pa la kun 'dri zhing phyir 'dri bar yang byed do/ / dra ba can gyi 'od de bzhin gshegs pa la dge ba'i rtsa ba bsags pa zhes bya ba'i 'od zer yod de/ 'od zer des reg pa'i sems can rnams 'khor los sgyur ba'i rgyal po'i srid thob par bya ba'i phyir de bzhin gshegs pa la kun 'dri'o/ / de bzhin du sbyar te/ 'od zer dge ba'i rnam pa bkod pa zhes bya ba'i 'od zer des reg pa'i sems can rnams brgya byin thob par bya/ ba'i phyir/ de bzhin gshegs pa la kun 'dri'o// 'od zer bdag po thob pa zhes bya ba'i 'od zer des reg pa'i sems can rnams tshangs pa'i 'jig rten du skye bar bya ba'i phyir/ de bzhin gshegs pa la kun 'dri'o/ / 'od zer nyon mongs pa med par gyur pa zhes bya ba'i 'od zer des reg pa'i sems can rnams de bzhin gshegs pa la nyan thos kyi theg pa kun 'dri'o// 'od zer rtse gcig pa dben pa dang ldan pa zhes bya ba'i 'od zer des reg pa'i sems can rnams de bzhin gshegs pa la rang sangs rgyas kyi theg pa kun 'dri'o/ / 'od zer thams cad mkhyen pa'i ye shes su dbang bskur thob pa zhes bya ba'i 'od zer des reg pa'i sems can rnams de bzhin gshegs pa la theg pa chen po sangs rgyas kyi theg pa kun 'dri'o/ / 'od zer khyad par du 'gro ba zhes bya ba'i 'od zer des de bzhin gshegs pa byon pa 'am bzhud pa'i zhabs kyi mthil gyis sems can gang la reg pa de dag shi 'phos ma thag tu bde 'gro mtho ris kyi 'jig rten du skye'o/ / rgyan thams cad bkod pa zhes bya ba'i 'od zer de/ de bzhin gshegs pa grong du gshegs pa na 'byin te/ der de bzhin gshegs pa'i 'od des sems can su dag la reg pa de dag thams cad bde ba'i mchog dang ldan par 'gyur ro// rgyan thams cad bkod pa'ang grong khyer der 'byung bar 'gyur ro/ / rnam par 'thor ba zhes bya ba'i 'od zer des ni de bzhin gshegs pa 'jig rten gyi khams mtha' yas mu med pa rab tu g.yo bar byed do/ / bde ba ston pa zhes bya ba'i 'od zer des ni sems can dmyal ba'i sems can rnams kyi sems can dmyal ba'i sdug bsngal med par byed do// 'od zer byams pa las 'phags pa zhes bya ba des ni/ byol song gi skye gnas su song ba'i sems can rnams gcig la gcig za ba med par byed do// 'od zer rab tu sim par byed pa zhes bya ba des ni/ gshin rje'i 'jig rten pa'i sems can rnams kyi gshin rje'i 'jig rten gyi sdug bsngal med par byed do/ / dri ma med pa zhes bya ba'i 'od zer des ni/ sems can mdongs pa'i rnams mig thob par 'gyur ro// rna ba'i rjes su 'thun pa zhes bya ba'i 'od zer des ni sems can 'on pa rnams rna ba thob par 'gyur ro/ / rnam par spongs pa zhes bya ba'i 'od zer des ni/ sems can mi dge ba bcu'i las kyi lam la gnas pa rnams dge ba bcu'i las kyi lam thob par 'gyur ro/ / ngo tsha shes pa zhes bya ba'i 'od zer des ni sems can myos pa'i rnams dran pa thob par 'gyur ro// med par 'gyur ba zhes bya ba'i 'od zer des ni/ sems can log par lta ba can rnams yang dag par lta ba thob par 'gyur ro// rab tu gtong ba zhes bya ba'i 'od zer des ni sems can ser sna can rnams gtong ba thob par 'gyur ro// yongs su gdung ba med pa zhes bya ba'i 'od zer des ni sems can ngan pa'i ngang tshul can rnams tshul khrims thob par 'gyur ro// phan pa dang ldan pa zhes bya ba'i 'od zer des ni sems can gnod par sems pa rnams bzod pa nges pa thob par 'gyur ro/ / 'bar ba can zhes bya ba'i 'od zer dwa ni/ sems can le lo can rnams brtson 'grus thob par 'gyur ro// rtse gcig pa zhes bya ba'i 'od zer des ni/ sems can dran pa nyams pa rnams bsam gtan thob par 'gyur ro// ye shes zhes bya ba'i 'od zer des ni/ sems can 'chal pa'i shes rab can rnams shes rab thob par 'gyur ro// rnyog pa med pa zhes bya ba'i 'od zer des ni/ sems can ma dad pa rnams dad pa thob par 'gyur ro// kun 'dzin pa zhes bya ba'i 'od zer des ni/ sems can thos pa nyung ba rnams thos pa thob par 'gyur ro// spyod pa dang ldan pa zhes bya ba'i 'od zer des ni/ sems can ngo tsha ba dang 'dzem pa med pa'i rnams ngo tsha shes pa dang khrel yod pa thob par 'gyur ro// skyo ba zhes bya ba'i 'od zer des ni sems can 'dod chags spyod pa rnams kyi 'dod chags 'joms par 'gyur ro/ / dga' ba zhes bya ba'i 'od zer des ni sems can zhe sdang spyod pa rnams kyi zhe sdang 'joms par 'gyur ro// snang ba can zhes bya ba'i 'od zer des ni/ sems can gti mug spyod pa rnams rten cing 'brel par 'byung ba khong du chud par 'gyur ro/ / kun tu 'gro ba zhes bya ba'i 'od zer des ni/ sems can cha mnyam par spyod pa rnams cha mnyam par spyod pa spong bar 'gyur ro// dra ba can gyi 'od de bzhin gshegs pa la gzugs thams cad ston pa zhes bya ba'i 'od zer yod de/ 'od zer des reg pa'i sems can rnams de bzhin gshegs pa'i sku kha dog sna tshogs kha dog du ma kha dog brgya stong du ma bas lhag par mthong bar 'gyur ro/ / dra ba can gyi 'od ngas de bzhin gshegs pa'i 'od zer las brtsams te/ bskal pa 'am/ bskal pa las lhag par bshad kyang / de bzhin gshegs pa'i 'od zer gyi rnam pa dang ldan pa'i chos bstan pa yongs su zad par mi 'gyur te/ de ltar de bzhin gshegs pa dgra bcom pa yang dag par rdzogs pa'i sangs rgyas ni 'od zer gyi yon tan mtha' yas mu med pa dang ldan pa yin no/ / de skad ces bka' stsal pa dang / bcom ldan 'das la/ byang chub sems dpa' dra ba can gyi 'od kyis 'di skad ces gsol to// bcom ldan 'das 'di ltar de bzhin gshegs pa'i sku'i bkod pa tshad ma mchis par bstan pa 'di dang / thabs mkhas pa bsam gyis mi khyab pa dang ldan pa'i chos bstan pa ngo mtshar to// bcom ldan 'das 'od zer 'di dag ni bdag cag gis sngon ma thos te/ ji ltar bcom ldan 'das kyis bshad pa'i don bdag 'tshal ba ltar na/ bcom ldan 'das byang chub sems dpa' gang la la 'od zer 'di dag gi ming thos nas/ dad pa rnyed par 'gyur ba de dag thams cad yang dag par rdzogs pa'i sangs rgyas kyi 'od zer 'di lta bus rab tu snang bar bgyid pa'i sku dang ldan pa 'gyur ro// yang bcom ldan 'das de bzhin gshegs pas 'od zer gang gis sangs rgyas kyi zhing gzhan gyi byang chub sems dpa' rnams bskul ma thag tu mi mjed kyi 'jig rten gyi khams 'dir mchi bar 'gyur ba dang / byang chub sems dpa' su dag 'dri ba dang lung bstan pa dang / bshad pa la mthar phyin pa rnams mchis nas de bzhin gshegs pa la kun zhu zhing bsnyen bkur bgyid pa dang slar zhu bar 'gyur ba'i 'od zer byang chub sems dpa' bskul ba zhes bgyi ba gtang du gsol/ de nas bcom ldan 'das kyis de'i tshe 'od gang gis 'jig rten gyi khams mtha' yas mu med pa snang bar 'gyur ba'i 'od zer de lta bu sku las phyung ste/ byang chub sems dpa' rnams 'od des bskul ma thag tu mi mjed kyi 'jig rten gyi khams 'dir phyin par gyur/ / de nas sangs rgyas kyi zhing 'di nas shar phyogs su sangs rgyas kyi zhing brgya stong phrag gang+gA'i klung bdun cu rtsa gnyis kyi bye ma snyed 'das pa na/ yongs su dag pa zhes bya ba'i 'jig rten gyi khams yod de/ de na zla ba'i 'od ces bya ba de bzhin gshegs pa dgra bcom pa yang dag par rdzogs pa'i sangs da ltar bzhugs pa 'tsho zhing gzhes te/ byang chub sems dpa' 'ba' zhig la chos kyang 'chad pa'i sangs rgyas kyi zhing de nas/ phyir mi ldog pa'i byang chub sems dpa' chen po tshangs pa khyad par sems zhes bya ba de 'od des bskul ma thag tu/ bcom ldan 'das de bzhin gshegs pa zla ba'i 'od ga la ba der song ste phyin pa dang / bcom ldan 'das de'i zhabs la mgo bos phyag 'tshal nas/ bcom ldan 'das de la 'di skad ces gsol to/ / bcom ldan 'das 'jig rten du snang ba chen po 'di 'byung ba'i rgyu gang lags/ rkyen gang lags/ bcom ldan 'das des 'di skad ces bka' stsal to/ / tshangs pa sangs rgyas kyi zhing 'di nas nub phyogs na/ sangs rgyas kyi zhing brgya stong phrag gang+gA'i klung bdun cu rtsa gnyis kyi bye ma snyed 'das pa na/ mi mjed ces bya pa'i 'jig rten gyi khams yod de/ de na shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas da lta na bzhugs te/ 'tsho zhing gzhes la chos kyang ston to/ / de bzhin gshegs pa des 'di lta ste/ phyogs bcu'i byang chub sems dpa' rnams bsdu ba'i phyir sku las 'od 'di btang ngo // de nas bcom ldan 'das la/ tshangs pa khyad par sems kyis 'di skad ces gsol to/ / bcom ldan 'das de bzhin gshegs pa de dag gzigs par bzhed na/ mi mjed kyi 'jig rten gyi khams der bcom ldan 'das shAkya thub pa de la blta/ ba dang / phyag 'tshal ba dang / bsnyen bkur bgyi ba dang / kun zhu ba dang / sgur zhu ba'i slad du bdag mchi'o// bcom ldan 'das des bka' stsal pa/ tshangs pa da ltar mi mjed kyi 'jig rten gyi khams der byang chub sems dpa' bye ba phrag mang po'ang phyin gyis/ de'i dus la dbab par shes na khyod song zhig/ tshangs pa sangs rgyas kyi zhing der lhag pa'i bsam pa bcu rnam kyis gnas par bya'o/ / bcu gang zhe na/ snyan par smra ba dang / ngan du smra ba rnams la khong khro ba med pa'i sems dang / snyan pa thos pa dang / mi snyan pa thos pa la byams pa'i sems dang / dus thams cad du sems can rnams la snying rje ba'i sems dang / sems can rab 'bring tha ma rnams la yang dag par sbyor ba dang / ri mo byed pa dang brnyas par byed pa rnams la sems mnyam pa dang / gzhan gyi ltung ba'i 'khrul pa thams cad la nyes par mi lta ba dang / theg pa sna tshogs la ro gcig pa dang / ngan song gi sdug bsngal thams cad kyi sgras mi skrag pa dang / byang chub sems dpa' thams cad la ston par 'du shes pa dang / sangs rgyas kyi zhing snyigs ma lnga can na de bzhin gshegs pa mthong ba la ngo mtshar du 'du shes pa ste/ tshangs pa lhag pa'i bsam pa bcu po de dag gis sangs rgyas kyi zhing der gnas par bya'o/ / de nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das kyi spyan sngar bdag seng ge'i sgra mi sgrog ste/ 'on kyang bdag gi spyod pa gang lags pa'i spyod pa 'di la bcom ldan 'das nyid mngon sum du gyur pas/ bcom ldan 'das bdag gi lhag pa'i bsam pa de dag kyang rnam par sbyang zhing mnyam par gzhag pa'i bye brag gis kyang sangs rgyas kyi zhing der gnas par bgyi'o/ / de nas bcom ldan 'das de bzhin gshegs pa zla 'od kyi sangs rgyas kyi zhing de'i byang chub sems dpa' gzhan dag gis kyang / bcom ldan 'das la 'di skad ces gsol to// bcom ldan 'das de ltar sems can ma rungs pa rnams tshogs pa'i sangs rgyas kyi zhing der bdag cag ma skyes pa ni rnyed pa legs pa rnyed do/ / bcom ldan 'das des 'di skad ces bka' stsal to// rigs kyi bu khyed rnams de skad ma 'dzer cig/ de ci'i phyir zhe na/ rigs kyi bu dag sangs rgyas kyi zhing 'di na gang bskal pa brgya stong du tshangs par spyod pa la gnas pa bas mi mjed kyi 'jig rten gyi khams na/ gang snga dro'i dus gcig sems zhe sdang med par gnas na de bas 'di shin tu mchog go/ / de ci'i phyir zhe na/ 'jig rten gyi khams de ni de tsam du kun nas nyon mongs par gyur pa ste/ sems can de dag kyang de tsam du gtse ba mang zhing kun nas nyon mongs pa mang ba yin no/ / de nas sangs rgyas kyi zhing de nas byang chub sems dpa' stong phrag bcu gnyis tshangs pa khyad par sems dang lhan cig tu chas te/ tshangs pa bdag cag kyang mi mjed kyi 'jig rten gyi khams der mchi'o/ / bsam pa 'di dag kyang rnam par sbyang ngo // bcom ldan 'das shAkya thub pa de la'ang blta'o// phyag bgyi'o// bsnyen bkur bgyi'o// mnyam par gzhag pa'i bye brag gis kyang sangs rgyas kyi zhing der gnas par bgyi'o/ / de nas tshangs pa khyad par sems byang chub sems dpa' stong phrag bcu gnyis dang lhan cig tu bcom ldan 'das de bzhin gshegs ba zla 'od kyi zhabs la mgo bos phyag 'tshal nas 'di skad ces skyes bu stobs dang ldan pa'i lag pa bskum pa las smyung ba 'am/ sbyang ba las bskum pa'i skad cig yud tsam thang cig de tsam gyis sangs rgyas kyi zhing der mi snang bar gyur nas/ bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas kyi zhing 'dir phyin to// de nas bcom ldan 'das kyis/ byang chub sems dpa' dra ba can gyi 'od la bka' stsal pa/ dra ba can gyi 'od khyod kyis tshangs pa khyad par sems 'ongs pa mthong ngam/ gsol pa/ bcom ldan 'das mthong ngo // bcom ldan 'das kyis bka' stsal pa/ dra ba can gyi 'od tshangs pa khyad par sems 'di ni byang chub sems dpa' tshul bzhin 'dri ba kun 'dri ba la mkhas pa rnams kyi nang na mchog go// tshig gzung ba rnams kyi nang na mchog go/ / tshig btsun pa rnams kyi nang na mchog go// tshig 'jam pa rnams kyi nang na mchog go// song por smra ba rnams kyi nang na mchog go// tshig chod pa rnams kyi nang na mchog go/ / tshig thogs pa med pa rnams kyi nang na mchog go// ldem po ngag tu smra ba rnams kyi nang na mchog go// sems khong khro ba med pa'i nang na mchog go// byams pa la gnas pa rnams kyi nang na mchog go/ / snying rje la gnas pa rnams kyi nang na mchog go// dga' ba la gnas pa rnams kyi nang na mchog go// btang snyoms la gnas pa rnams kyi nang na mchog go// byang chub sems dpa' the tsom thams cad gcod pa dang / kun 'dri ba la mkhas pa rnams kyi nang na mchog go// de nas tshangs pa khyad par sems byang chub sems dpa' so/ phrag bcu gnyis po de dag dang lhan cig tu bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag 'tshal te/ lan gsum bskor ba byas nas bcom ldan 'das ga la ba de logs su thal mo sbyar ba btud nas/ bcom ldan 'das la tshigs su bcad pa dag gis rnam pa mang por mngon par bstod do// rnam par sgra bsgrags srid pa gsum du grags/ / bsngags pa'i 'phreng ba 'jig rten kun tu rgyu// bdag gis sems can mchog rnams zhing na mthong // de dag kun kyang khyod kyi yon tan gsungs// 'di ni// yongs su dag pa'i zhing mchis te// dri ma ma mchis ngan song gsum spangs pa// de 'dra'i zhing rnams de dag rnams spangs nas// khyod kyi thugs rjes ngan pa yongs su bzung / 'jig rten mgon khyod ye shes dman ma mchis// ma lus bde bar gshegs dang khyod du mtshungs// shin tu rnam dag bsam pa sngon mdzad pa// 'di 'dra ba yi zhing 'di khyod kyis bzung / tshul khrims thams cad rnam dag 'dod spangs nas// gang zhig bskal par gzhan na spyod pa pas// su dag byams pa'i sems kyis shin tu 'dir// skad cig spyod na'ang 'di ni khyad par 'phags/ lus dang ngag dang 'on te yid kyis kyang // gang la nyes bgyis rnam pa gsum mchis te// ngan song gsum du myong bar gang 'gyur ba// de ni tshe 'di nyid la 'byang bar 'gyur// byang chub sems dpa' 'di na gang mchis pa/ / de dag rtag tu gdung bar mi bgyi ste// de yi las gang log ltung mchi ba yang // de dag 'dir ni glad pa na bas 'byang // 'di na byang chub sems dpa' skyon med gang // / dam pa'i chos srungs chos mchog 'dzin pa rnams// de dag 'di las phyin chad nam du yang // dran pa mi 'khrug blo yang nyams mi 'gyur// gang zhig bdud kyis bcings pa bcad pa dang // de bzhin nyon mongs las bcas sbyong 'tshal ba/ / da ni zhing 'dir dam pa'i chos nyid srung // 'di la ye shes ldan pa'i mchog tu 'gyur// gang zhig bskal pa bye bar zhing gzhan du// sems ldan dam chos 'dzin par 'gyur ba bas/ / su dag snga dro gcig tsam mi mjed du// 'di ni de bas mchog tu mkhas pas dgongs// bdag gis mngon par dga' ba'i 'jig rten dang // de bzhin tshe dpag med kyi bde can mchog/ de na sdug bsngal sdug bsngal sgra ma mchis// der ni yon tan bgyi ba rmad mi che// nyon mongs 'byung gnas 'jig rten nyis gang 'dir// zhe sdang can gyi bar du nyes bzod la// chos 'di la yang gzhan dag 'dzud par ni/ / 'di ni de bas dka' ba'i mchog tu 'gyur// snying rjes brlan sems sdug bsngal mang las 'grol// bla med bla ma khyod la bdag phyag 'tshal// gtum sems can la chos gang 'chad pa ni/ / bdag po 'jig rten na yang de spyad dka'// shin tu rgya che ba yi 'khor 'di dang // phyogs su rnam grags pa'i sangs rgyas sras// chos kyis mi ngoms rgya mtsho 'dra ba tshogs/ / de dag la ni rgyal ba'i byang chub gsungs// tshangs pa dbang po 'jig rten skyong ba dang // lha klu lha min mi 'am cir bcas pa// chos nyid 'tshal ba mang po tshogs pa la/ / ji ltar mos pa bzhin du chos nyid gsungs// dge bsnyen pa dang ma dang dge slong dang // dge slong ma dang 'khor bzhi 'di dag tshogs// ji ltar thos nas nor grub rab 'dong bar// de ltar de dag la ni chos bstan gsol/ / gang rnams sangs rgyas theg la rtag mos dang // de bzhin rang rgyal theg dang nyan thos theg/ thub pa gang gis sems bsam gang mkhyen pa// de la sman pa'i slad du de gsungs shig/ sangs rgyas rigs la gnas phyir gang bzhugs pa// dkon mchog gsum po gang las byung ba yis// byang chub nges sems dag la sman slad du// chos kyi rgyal po khyod la bdag gsol to/ / khyod kyi bsngags pa'i 'phreng ba grags thos nas// shes rab yangs pa 'di rnams bde bar lhags// sems can gtso bo de dag mkhyen pa bzhin// de dag la ni bla med spyod pashod/ / 'di ltar bde gshegs mkhyen pa bsam mi khyab// dgra bcom bdag nyid chen po'i sa 'di min// 'di ni rang rgyal gyi yang yul ma lags// bdag kyang 'dren la dad pa'i rjes su 'brang / / bdag gis gang khyod don chen 'di dris pa// 'jig rten rnam 'dren khyod la bdag bzod gsol// gang phyir khyod kyi thugs ni skyo mi mnga'// de phyir byang chub lam mchog bstan du gsol/ / de nas bcom ldan 'das kyi spyan sngar tshangs pa khyad par sems kyis tshigs su bcad pa 'di dag smras nas/ bcom ldan 'das la 'di skad ces gsol to// bcom ldan 'das ji ltar na byang chub sems dpa' dag lhag pa'i bsam pa brtan zhing yid mi skyo ba rnams lags/ bcom ldan 'das ji ltar na byang chub sems dpa' dag mgo gcig tu smra zhing tshig gdung ba ma mchis pa rnams lags/ ji ltar na dge ba'i rtsa ba rnams mngon par 'phags pa rnams lags/ ji ltar na bslad pa ma mchis shing spyod lam yang mi 'khrugs pa lags/ ji ltar na chos dkar po rnams rnam par 'phel bar bgyid pa rnams lags/ ji ltar nas nas sar 'phar bar bgyid pa rnams lags/ ji ltar na sems can yongs su smin par bgyi ba la thabs mkhas pa rnams lags ji ltar na sems can rnams la nye bar spyod pa la mkhas pa rnams lags/ ji ltar na byang chub kyi sems srung ba rnams lags ji ltar na sems rtse gcig cing yid rnam par ma 'dres pa rnams lags/ ji ltar na chos rnams yongs su tshol ba la mkhas pa rnams lags/ ji ltar na ltung ba las 'byung ba la mkhas pa rnams lags/ ji ltar na nyon mongs pa rnams 'dul ba la mkhas pa rnams lags/ ji ltar na 'khor gyi nang du mchi ba la mkhas pa rnams lags/ ji ltar na chos rnam par 'byed pa la mkhas pa rnams lags jiltar na rgyu'i stobs dang ldan zhing dge ba'i rtsa ba chab mi 'tshal ba rnams lags/ ji ltar na sbyin pa'i pha rol tu phyin pa la ma bstan par sbyin pa dang / de bzhin du shes rab kyi bar du ma bstan pa lags/ ji ltar na bsam gtan rnams kyi bde ba las ldog pa la mkhas pa rnams lags/ ji ltar na sangs rgyas kyi chos rnams las phyir mi ldog pa rnams lags/ ji ltar na sangs rgyas kyi rigs mi gcod pa rnams lags/ de skad ces gsol pa dang / bcom ldan 'das kyis/ tshangs pa khyad par sems la 'di skad ces bka' stsal to// tshangs pa legs so legs so/ / yang tshangs pa khyod de bzhin gshegs pa la de lta bu'i don dri bar sems pa legs so// tshangs pa de'i phyir shin tu legs par nyon la yid la zung zhig dang bshad do// bcom ldan 'das legs so zhes gsol nas/ tshangs pa khyad par sems bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// tshangs pa chos bzhi dang ldan na/ byang chub sems dpa' sems dpa' chen po dag lhag pa'i bsam pa brtan zhing yid mi skyo ba rnams yin te/ bzhi gang zhe na/ sems can rnams la snying rje ba dang / mi skyo ba'i brtson 'grus dang / 'khor ba la rmi lam lta bur mos pa dang / sangs rgyas kyi ye shes la mi mnyam pa dang mnyam par yongs su 'jal ba ste/ tshangs pa chos bzhi po de dag dang ldan na/ byang chub sems dpa' sems dpa' chen po dag lhag pa'i bsam pa brtan zhing yid mi skyo ba rnams yin no/ / tshangs pa chos bzhi dang ldan na/ byang chub sems dpa' sems dpa' chen po dag mgo gcig tu smra zhing tshig gdung ba med pa rnams yin te/ bzhi gang zhe na/ byang chub sems dpa' rnams chos thams cad la gang zag med par mgo gcig tu smra'o// byang chub sems dpa' rnams skye gnas thams cad la dga' ba med par mgo gcig tu smra'o/ / byang chub sems dpa' rnams theg pa chen po'i bsngags pa mgo gcig tu smra'o// byang chub sems dpa' rnams dge ba dang mi dge ba'i las rnams chud mi za bar mgo gcig tu smra'o/ / tshangs pa de dag ni byang chub sems dpa' sems dpa' chen po rnams kyi tshig mgo gcig pa bzhi'o// tshangs pa chos bzhi po 'di dag ni byang chub sems dpa' sems dpa' chen po rnams kyi dge ba'i rtsa ba mngon par 'phags par 'gyur ba ste/ bzhi gang zhe na/ tshul khrims dang / thos pa dang / gtong ba dang / 'byung ba ste/ bzhi po 'di dag go// tshangs pa chos bzhi dang ldan na/ byang chub sems dpa' rnams mi bslad cing spyod lam rnam par 'khrugs par mi 'gyur te/ bzhi gang zhe na/ rnyed pa med pa dang / smad pa med pa dang / grags pa med pa dang / sdug bsngal ba ste/ tshangs pa chos bzhi po de dag dang ldan na/ byang chub sems dpa' sems dpa' chen po rnams mi bslad cing spyod lam rnam par mi 'khrugs par 'gyur ro/ / tshangs pa chos bzhi dang ldan na/ byang chub sems dpa' sems dpa' chen po rnams dge ba'i rtsa ba rnams 'phel bar byed de/ bzhi gang zhe na/ sems can rnams byang chub la yang dag par 'dzud pa dang / sbyin pa byin nas rnam par smin pa la mi re ba dang / dam pa'i chos yongs su 'dzin pa dang / byang chub sems dpa' rnams la shes rab ston pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams sa nas sar 'phar te/ bzhi gang zhe na/ dge ba'i rtsa ba bsags pa dang / nyes pa thams cad rnam par spong ba dang / bsngo ba la mkhas pa dang / brtson 'grus shin tu 'bar ba dang / bzhi po 'di dag go// tshangs pa chos bzhi ldan na/ byang chub sems dpa' sems dpa' chen po rnams sems can yongs su smin par bya ba la thabs mkhas pa rnams yin te/ bzhi gang zhe na/ sems can gyi rjes su 'jug pa dang / gzhan gyi bsod nams la rjes su yi rang ba dang / nyes pa 'chags pa dang / sangs rgyas thams cad la gsol ba 'debs pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams sems can rnams la nye bar spyod pa la mkhas pa rnams yin te/ bzhi gang zhe na/ sems can thams cad la phan pa'i dngos po dang / bdag bde ba la ma chags pa dang / bzod cing nges pa dang / nga rgyal bcom pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams byang chub kyi sems chud mi gzon te/ bzhi gang zhe na/ sangs rgyas rjes su dran pa yid la byed pa dang / dge ba'i rtsa ba thams cad la byang chub kyi sems sngon du 'gro ba dang / dge ba'i bshes gnyen la sten pa dang / theg pa chen po la yang dag par bsngags pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams sems rtse gcig cing yid rnam par ma 'dres pa rnams su rig par bya ste/ bzhi gang zhe na/ nyan thos kyi sems rnam par spong ba dang / rang sangs rgyas kyi yid la byed pa gtong ba dang / chos yongs su tshol bas mi ngoms pa dang / ji ltar thos pa bzhin du chos ston pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams chos yongs su tshol te/ bzhi gang zhe na/ rnyed par dka' ba'i phyir rin po cher 'du shes pa dang / nad thams cad rab tu zhi bar byed pa'i phyir rtsir 'du shes dang / chud mi za ba'i phyir don du 'du shes pa dang / mya ngan las 'da' ba'i phyir sdug bsngal thams cad zhi bar 'du shes pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams ltung ba las 'byung ba la mkhas pa rnams yin te/ bzhi gang zhe na/ nang nas mi skye ba'i chos la bzod pa dang / mi 'pho bas mi 'gag pa la bzo pa dang / rgyu la so sor rtog pas rten cing 'brel par 'byung ba la bzod pa dang / gcig nas gcig tu sems phan tshun du gyur pa ste/ bzhi po 'di dag go// tshangs pa chos bzhi ldan na/ byang chub sems dpa' sems dpa' chen po rnams nyon mongs pa rnam par sbyong ste/ bzhi gang zhe na/ tshul bzhin du so sor rtog pa dang / ma 'ongs pa na sdom pa dang / dkar po'i chos kyi stobs skuspyad pa dang / rab tu dben par gnas te/ bzhi po 'di dag go// tshangs pa chos bzhi dang ldan pas/ byang chub sems dpa' sems dpa' chen po rnams 'khor gyi nang du 'gro ste/ bzhi gang zhe na/ chos 'dod pa'i phyir te klan ka tshol ba'i bsam pas ma yin pa dang / ri mo dang bcas pa'i phyir nga rgyal dang khengs pas ma yin pa dang / dge ba gang yin pa 'chol ba'i phyir te bdag bcoms pas ma yin pa dang / sems can rnams dge ba'i rtsa ba la gzung ba'i phyir te rnyed pa dang / bkur sti dang / tshigs su bcad pa'i phyir ma yin pa ste/ bzhi po 'di dag go// tshangs pa chos bzhi dang ldan pas/ byang chub sems dpa' sems dpa' chen po rnams chos kyi sbyin pa rnam par 'byed de/ bzhi gang zhe na/ dam pa'i chos yongs su 'dzin pa dang / bdag nyid kyi shes rab gsal bar byed pa dang / skyes bu dam pa'i las byed pa dang / kun nas nyon mongs pa dang rnam par byang ba ston pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams rgyu'i stobs dang ldan zhing / dge ba'i rtsa ba chud mi za ba yin te/ bzhi gang zhe na/ gzhan gyi 'khrul pa la nyes par mi lta ba dang / khros pa rnams la byams bsgom pa dang / chos rnams kyi rgyu ston pa dang / byang chub kyi sems mi gtong ba ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams pha rol tu phyin pa drug la ma bstan par shes pa rnams yin te/ bzhi gang zhe na/ sbyin pa dag la sngon du 'gro ba rnams yin/ ltung ba rnams kyis pha rol la rtsod par mi byed/ sems can yongs su smin par bya ba'i phyir bsdu ba'i dngos po la mkhas pa yin/ chos rnams la zab mor mos pa rnams yin te/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams bsam gtan la gnas nas 'dod pa'i khams su skye'o/ / bzhi gang zhe na/ sems las su rung ba dang / dge ba'i rtsa ba rnams kyi stobs skyed pa dang / sems can rnams yongs su mi gtong ba dang / thabs dang shes rab sgom pa ste/ bzhi po 'di dag go// tshangs pa chos bzhi dang ldan na/ byang chub sems dpa' sems dpa' chen po rnams sangs rgyas kyi chos rnams las phyir mi ldog pa yin te/ bzhi gang zhe na/ 'khor ba dpag tu med pa yongs su 'dzin pa dang / sangs rgyas dpag tu med pa la mchod cing rim gro byed pa dang / byams pa dpag tu med pa bsgom pa dang / snying rje dpag tu med pa sgom pa ste/ bzhi po 'di dag go/ tshangs pa chos bzhi dang ldan na/ byang chub sems dpa' sems dpa' chen po rnams sangs rgyas kyi rigs mi gcod de/ bzhi gang zhe na/ sngar dam bcas pa las mi 'gyur ba dang / ji skad smras pa de bzhin byed pa dang / dge ba'i rtsa ba rnams la shin tu mos pa dang / bsam pa'i nan tan la gnas pa ste/ tshangs pa chos bzhi po 'di dag dang ldan na/ byang chub sems dpa' sems dpa' chen po rnams sangs rgyas kyi rigs mi gcod do// bcom ldan 'das kyis bzhi pa mngon par bsgrub pa 'di bshad pa na/ lha dang mir bcas pa'i skye dgu rnams las srog chags stong phrag sum cu rtsa gnyis bla na med pa yang dag par rdzogs pa'i byang chub tu sems skyes so/ / byang chub sems dpa' lnga stong yang mi skye ba'i chos la bzod pa skyes so// sangs rgyas kyi zhing s na tshogs nas 'dus pa'i byang chub sems dpa' de dag gis kyang bcom ldan 'das la mchod pa bya ba'i phyir stong gsum gyi stong chen po'i 'jig rten gyi khams 'di lha'i me tog rnams kyis pus nub tsam du khebs par byas so/ / de nas gzhon nur gyur pa dra ba can gyi 'od kyis/ tshangs pa khyad par sems la 'di skad ces smras so// tshangs pa khyod bcom ldan 'das kyis byang chub sems dpa' tshul bzhin dri ba 'dri ba la mkhas pa rnams kyi mchog tu gsungs na/ de ji ltar dris na byang chub sems dpa' tshul bzhin 'dri ba yin/ khyad par sems kyis smras pa/ rigs kyi bu bdag tu sgro 'dogs pas 'dri na tshul bzhin ma yin par 'dri'o/ / gzhan du sgro 'dogs pas 'dri na tshul bzhin ma yin par 'dri'o// chos su sgro 'dogs par 'dri na tshul bzhin ma yin pas 'dri'o// dra ba can gyi 'od gang la bdag tu sgro 'dogs pa med pa dang / gzhan du sgro 'dogs pa med pa dang / chos su sgro 'dogs pa med pa 'di ni tshul bzhin 'dri'o// gzhan yang dra ba can gyi 'od skye ba'i phyir 'drin/ tshul bzhin ma yin par 'dri'o// 'gag pa'i phyir 'dri na de ni tshul bzhin ma yin pa'o// gnas dang gnas ma yin pa'i phyir 'dri na de ni tshul bzhin ma yin pa'o// dra ba can gyi 'od gang la chos gang la'ang skye ba'i phyir ram/ 'gag pa'i phyir ram/ gnas dang gnas ma yin pa'i phyir 'dri ba med pa de ni tshul bzhin 'dri ba'o// gzhan yang dra ba can gyi 'od kun nas nyon mongs pa'i phyir 'dri na de ni tshul bzhin ma yin pa'o// rnam par byang ba'i phyir 'dri na de ni tshul bzhin ma yin pa'o/ / 'khor ba'i phyir 'dri na de ni tshul bzhin ma yin pa'o// 'khor ba las shin tu bzla ba'i phyir 'dri na de ni tshul bzhin ma yin pa'o// yongs su mya ngan las 'da' ba'i phyir 'drin de ni tshul bzhin ma yin pa'o/ / dra ba can gyi 'od gang la kun nas nyon mongs pa'i phyir ma yin/ rnam par byung ba'i phyir ma yin/ 'khor ba'i phyir ma yin/ 'khor ba las shin tu bzla ba'i phyir ma yin/ yongs su mya ngan las phyir 'dri ba med pa de ni tshul bzhin dri ba'o// de ci'i phyir zhe na/ chos mi 'gyur ba nyid ni kun nas nyon mi mongs/ rnam par byang bar mi 'gyur/ mi 'khor zhing yongs su mya ngan las mi 'da' 'o// gzhan yang dra ba can gyi 'od thob pa'i phyir 'drin de ni tshul bzhin ma yin pa'o// mngon du bya ba'i phyir 'dri na de ni tshul bzhin ma yin pa'o// mngon par shes pa'i phyir 'dri na de ni tshul bzhin ma yin pa'o// yongs su shes pa dang bsgom pa'i phyir 'dri na de ni tshul bzhin ma yin pa'o// 'bral ba'i phyir 'dri na de ni tshul bzhin ma yin pa'o// dra bcan gyi 'od gang la thob pa med pa dang / 'dzin pa med pa dang / mngon du bya ba med pa dang / kun tu rtog pa med pa dang / mngon par shes pa med pa dang / gnas pa med pa dang / sgom pa med pa dang / sgom par lta ba med pa de ni tshul bzhin dri ba'o// gzhan yang dra ba can gyi 'od 'di ni dge ba'o// 'di ni mi dge ba'o// 'di ni zag pa dang bcas pa'o// 'di ni zag pa med pa'o// 'di ni kha na ma tho ba dang bcas pa'o/ / 'di ni kha na ma tho ba med pa'o// 'di ni 'dus byas so// 'di ni 'dus ma byas so// 'di ni 'jig rten pa'o// 'di ni 'jig rten las 'das pa'o zhes 'drin de ni tshul bzhin ma yin bste/ dra ba can gyi 'od ji tsam du gnyis su 'jug pas 'dri ba de tsam du tshul bzhin ma yin pa'o// dra ba can gyi 'od gang la gnyi su med pa dang / gnyis ma yin pa med pa dang / 'du shes med pa dang ming med pa dang / spyi mi 'jug pa de ni tshul bzhin dri ba'o// gzhan yang dra ba can gyi 'od sangs rgyas tha dad du byed pa dang / chos tha dad du byed pa dang / dge 'dun tha dad du byed pa dang / zhing tha dad du byed pa dang / sems can tha dad du byed pa dang / theg pa tha dad du byed pa de ni tshul bzhin ma yin pa'o// dra ba can gyi 'od gang la chos gang yang tha dad par ram/ gcig par mi 'dri ba de ni tshul ba ni/ 'dri ba'o// gzhan yang dra ba can gyi 'od chos thams cad ni tshul bzhin no// chos thams cad ni tshul bzhin ma yin pa'o// smras pa/ tshangs pa ji ltar na chos thams cad ni tshul bzhin/ chos thams cad ni tshul bzhin ma yin/ smras pa/ chos thams cad bsam gyi mi khyab pa'i phyir chos thams cad ni tshul bzhin no// chos thams cad bsam gyis mi khyab pa la sems par zhugs pa de dag ni tshul bzhin ma yin pa'o/ / chos thams cad ni dben pa'i mtshan nyid de/ de ni tshul bzhin no// gang dben pa la ma mos pa de dag ni lhag par byed pa la zhugs pa'o// gang lhag par byed pa la zhugs pa de dag ni lhag par byed pa la brtson pa'o/ / gang lhag par byed pa la brtson pa de dag ji tsam du lhag par byed pa de tsam du tshul bzhin ma yin pa'o// smras pa/ tshangs pa chos rnams kyi tshul gang yin/ smras pa/ rigs kyi bu rang gi yul dben pa 'dod chags dang bral ba'i mtha' ni chos rnams kyi tshul lo// smras pa/ tshangs pa gang / chos rnams kyi tshul 'di khong du chud pa'i sems can de dag ni nyung zhing 'byung bar 'gyur ro// smras pa/ rigs kyi bu 'dod chags dang bral ba'i mtha' ni gcig pa'ang ma yin/ mang po'ang ma yin te/ dra ba can gyi 'od rigs kyi bu 'am/ rigs kyi bu mo gang chos rnams kyi tshul bzhin 'di dag gi rjes su song ba 'am/ rjes su 'gro ba 'am/ rjes su 'gro bar 'gyur ba de dag gis chos gang yang ma rtogs/ mi rtogs/ rtogs par mi 'gyur ro// de ci'i phyir zhe na/ khong du chud pa med par bcom ldan 'das kyis kun shes pa lung bstan pa gsungs so// gang rnams tshul bzhin du chos bstan pa 'di thos nas mos par byed pa de dag ni ji ltar bstan pa de bzhin du rab tu sbyor ba yin te/ de dag ni chos gang la'ang spros par mi byed par 'gyur ro// su chos gang la'ang spros par byed par mi 'gyur ba de dag ni chos gang yang khong du chud par mi 'gyur ro/ / su chos gang yang khong du chud par mi 'gyur ba de dag ni 'khor bar 'gro ba yang ma yin/ mya ngan las 'das pa'i chos can yang ma yin no/ / de ci'i phyir zhe na/ bcom ldan 'das kyis 'khor ba'ang ma dmigs/ yongs su mya ngan las 'das pa'ang ma dmigs pa'i phyir ro// smras pa/ bcom ldan 'das kyis 'khor ba lnga bzla ba'i phyir chos ma bshad dam/ smras pa/ bcom ldan 'das kyis gang 'khor ba las 'da' ba'i chos gang bstan tam/ smras pa/ de ni ma yin no// smras pa/ rigs kyi bu de lta bla na bcom ldan 'das kyis 'khor ba'ang mi sel/ mya ngan las 'das pa'ang thob par mi byed mod kyi/ 'khor ba dang mya ngan las 'das pa gnyis su 'du shes pa las 'da' bar ston/ te/ 'di la gang yang 'khor ba las 'da' bar yang mi byed/ yongs su mya ngan las 'das pa'ang thob par mi byed do// de ci'i phyir zhe na/ mnyam pa nyid ni mi 'khor/ mya ngan las mi 'da'// ste bshad par bya na de skad bshad par bya'o// tshul bzhin du chos bstan pa 'di bstan pa na/ dge slong nyis stong rnams zag pa las len pa med par sems rnam par grol lo// de nas bcom ldan 'das kyis/ tshangs pa khyad par sems la 'di skad ces bka' stsal to// tshangs pa ngas 'khor ba dang mya ngan las 'das pa ma dmigs so// de ci'i phyir zhe na/ de bzhin gshegs pa 'khor bar 'dogs kyang 'di la gang yang 'khor ba med do/ / mya ngan las 'das par ston kyang 'di la gang yang yongs su mya ngan las mi 'da' 'o// tshangs pa gang rnams tshul 'di la zhugs pa de dag ni 'khor ba'i chos can yang ma yin/ yongs su mya ngan las 'da' ba'i chos can yang ma yin no// de nas 'khor de'i nang nas dge slong lnga brgya bstan pa 'di thos pa dang stan las langs te dong ngo / / tshig 'di skad ces smras te/ gal te 'di la gang yang mi 'khor/ gal te gang yang yongs su mya ngan las mi 'da' na/ bdag cag tshangs par spyod pa la gnas pa 'ang don med do/ / bdag cag lam bsgom pa dang / bsam gtan dang / ting nge 'dzin dang / snyoms par 'jug pa'ang cir dgos zhes zer ro// de nas bcom ldan 'das la/ gzhon nur gyur pa dra ba can gyi 'od kyis 'di skad ces gsol to/ / bcom ldan 'das gang dag chos gang la skye ba 'am/ 'gag par 'tshal ba de dag la sangs rgyas 'byung ba ma mchis so// bcom ldan 'das gang dag mya ngan las 'das pa dngos por tshol ba de dag la'ang 'khor ba las 'da' ba ma mchis so/ / de ci'i slad du zhe na/ bcom ldan 'das mya ngan las 'das pa zhes bgyi ba ni/ gang mtshan ma thams cad rab tu zhi ba dang / g.yo ba thams cad ma mchis par gyur pa lags na/ bcom ldan 'das skyes bu blun po 'di dag legs par bshad pa'i chos 'dul ba la rab tu byung nas mu stegs can gyi lta bar lhung ste/ mya ngan las 'das pa dngos por tshol lo// 'di lta ste/ bcom ldan 'das til las til mar dang / 'o ma las mar bzhin du chos thams cad shin tu mya ngan las 'das pa la gang rnams mya ngan las 'das pa dngos por tshol ba de dag ni nyan thos mu stegs can nga rgyal can zhes bdag mchi'o/ / bcom ldan 'das rnal 'byor spyod pa yang dag par zhugs pa ni chos gang la'ang skye ba 'am/ 'gag par mi mthong / chos gang la'ang thob pa 'am/ mngon par rtogs par mi 'tshal lo// de nas gzhon nur gyur pa dra ba can gyi 'od kyis/ tshangs pa khyad par sems la 'di skad ces smras so/ / tshangs pa dge slong lnga brgya 'khor 'di nas stan las langs te dong ba 'di dag/ ci nas kyang chos 'dul ba la 'jug pa dang / mos par 'gyur ba dang / sdig pa'i lta bar gyur pa de las rnam par grol ba ston cig/ smras pa/ rigs kyi bu 'dod la rag go 'dong la rag go/ gal te sangs rgyas kyi zhing gang+gA'i klung gi bye ma snyed du dong yang bstan pa 'di las mi thar to/ / rigs kyi bu 'di lta ste/ skyes bu byis pa'i rang bzhin can nam mkhas 'jigs shing skrag ste/ bros kyang de dag las gar song ba de dang de dag tu nam mkha' mthong ngo // de bzhin du dge slong 'di dag kyang ji srid du ring du song yang stong pa nyid dang / mtshan ma med pa dang / smon pa med pa'i mtshan nyid las ma 'das so// 'di lta ste/ dper na skyes bu gzhan zhig nam mkha' rnyed par bya'o zhes nam mkha' tshol te/ phyogs dang phyogs mtshams su rgyug cing ji tsam du nam mkha'i ming nas brjod kyang nam mkha' mi rnyed do// de nam mkha' de nyid kyi nang nas 'gro 'ang de mi mthong ngo / / de ci'i phyir zhe na/ gang nam mkha' zhes bya ba de ni ming tsam mo// rigs kyi bu de bzhin du dge slong 'di dag kyang mya ngan las 'das pa dngos por tshol te/ mya ngan las 'das pa de nyid la rnam par spyod kyang de mi mthong ngo // khong du mi chud do// de ci'i phyir zhe na/ rigs kyi bu gang mya ngan las 'das pa zhes bya ba de ni ming tsam mo// ji ltar na nam mkha' zhes brjod pa'ang gzung du med pa de bzhin du/ mya ngan las 'das pa mya ngan las 'das pa zhes brjod pa'ang bzung du med pa'o// de nas dge slong lnga brgya po de dag bshad pa 'di thos nas/ zag pa las len pa med par sems rnam par grol te/ mngon par shes pa thob pa de dag gis tshig smras pa/ bcom ldan 'das gang rnams chos thams cad shin tu yongs su mya ngan las 'das pa la mya ngan las 'das pa dngos por tshol ba de dag la sangs rgyas 'byung ba ma mchis so/ / bcom ldan 'das bdag cag ni so so'i skye bo'ang ma lags/ slob pa'ang ma lags dgra bcom pa'ang ma lags/ 'khor ba'i chos can yang ma lags/ mya ngan las 'das pa'i chos can yang ma lags so// de ci'i slad du zhe na/ bcom ldan 'das sangs rgyas 'byung ba ni byed pa dang / sems pa dang / g.yo ba dang / spros pa thams cad ma mchis pa'o// de nas tshe dang ldan pa shA ri'i bus/ dge slong de dag la 'di skad ces smras so// tshe dang ldan pa dag gis dge slong zhing khong du chud do/ / rang gi don byas so// de dag gis smras pa/ btsun pa shA ri'i bu bdag cag gis kun nas nyon mongs pa 'ong du chud do// mi byA 'byas so// shAr bus smras pa/ tshe dang ldan pa dag ci las bsams te de skad ston/ de dag gis smras pa/ btsun pa shA ri'i bu kun nas nyon mongs pa yongs su shes pa'i phyir dge sbyong nyid do// btsun pa shA ri'i bu me bya ba ni mya ngan las 'das pa yin te/ 'di la bsams nas bdag cag gis kun nas nyon mongs pa khong du chud do// mi bya ba byas so zhes ston to// shA ri'i bus smras pa/ tshe dang ldan pa rnams legs so legs so// tshe dang ldan pa rnams ni sbyin gnas kyisar gnas pa yin no// de dag gis smras pa/ btsun pa shA ri'i bu ston pa gang yin pa 'di nyid kyang sbyin pa mi sbyong na/ bdag cag gis ji ltar spyad/ smras pa/ btsun po shA ri'i bu de bzhin gshegs pas chos kyi dbyings rang bzhin gyis yongs su dag pa yongs su mkhyen pa'i phyir ro// de nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das 'jig rten na gang dag sbyin gnas lags/ bcom ldan 'das kyis bka' stsal pa/ tshangs pa gang dag 'jig rten gyi chos rnams kyis mi 'phrogs pa rnams so// gsol pa/ 'jig rten na sbyin pa sbyong ba gang dag lags/ bka' stsal pa/ gang dag chos gang yang yongs su mi 'dzin pa rnams so/ / gsol pa/ 'jig rten na bsod nams kyi zhing gang dag lags/ bka' stsal pa/ gang dag byang chub kyi sems chud mi gzon pa rnams so/ / gsol pa/ dge ba'i bshes gnyen gang dag lags/ bka' stsal pa/ gang dag gis sems can thams cad la byams pa yongs su ma gtang ba rnams so// gsol pa/ de bzhin gshegs pa la bgyid pa gzo ba gang dag lags/ bka' stsal pa/ gang dag sangs rgyas kyi rigs mi gcod pa rnams so// gsol pa/ de bzhin gshegs pa la mchod pa bgyid pa gang dag lags/ bka' stsal pa/ gang dag mi skye ba'i mtha' rtogs pa rnams so// gsol ba/ de bzhin gshegs pa dang nye bar gnas pa gang dag lags/ bka' stsal pa/ gang dag srog gi phyir yang bslab pa mi 'bral ba rnams so// gsol pa/ de bzhin gshegs pa la ri mo dang bcas pa gang dag lags/ bka' stsal pa/ gang dbang po rab tu bsdams te gnas pa rnams so// gsol pa/ 'jig rten na nor che ba gang dag lags/ bka' stsal pa/ gang dag nor bdun dang ldan pa rnams so/ / gsol pa/ 'jig rten na mchog 'tshal ba gang dag lags/ bka' stsal pa/ 'jig rten na gang dag la shes rab bla na med pa yod pa rnams so// gsol ba/ rab tu dben pa gang dag lags/ bka' stsal pa/ gang dag khams gsum du smon pa med pa rnams so// gsol ba/ 'jig rten na shin tu bsdams pa gang dag lags/ bka' stsal pa/ gang kun tu sbyor ba thams cad shin tu byang ba rnams so// gsol ba/ 'jig rten na bde ba rnams gang dag lags/ bka' stsal pa/ gang rnams la yongs su 'dzin pa med pa'o// gsol pa/ yongs su mi 'dzin pa gang dag lags/ bka' stsal pa/ gang dag gis phung po yongs su shes pa'o// gsol pa/ pha rol tu mchis pa gang dag lags/ bka' stsal pa/ gang gis skye mched drug spangs pa rnams so// gsol pa/ bcom ldan 'das 'gram du phyin pa rnams gang dag lags/ bka' stsal pa/ tshangs pa gang gis mnyam pa nyid thob pa rnams so/ / gsol pa/ bcom ldan 'das ji ltar na byang chub sems dpa' rnams kyis sbyin pa rgyas pa lags/ bka' stsal pa/ nam sems can thams cad thams cad mkhyen pa'i sems la mos par byed pa'o/ / gsol pa/ ji ltar na tshul khrims dang ldan pa rnams lags/ bka' stsal pa/ nam thams cad mkhyen pa'i sems mi 'dor ba'o// gsol pa/ ji ltar na bzod pa dang ldan pa rnams lags/ bka' stsal pa/ nam thams cad mkhyen pa'i sems mi zad par mthong ba rnams so// gsol pa/ ji ltar na brtson 'grus dang ldan pa rnams lags/ bka' stsal pa/ nam thams cad mkhyen pa'i sems la brtags nas mi dmigs pa'o// gsol pa/ ji ltar na bsam gtan pa rnams lags/ bka' stsal pa/ nam thams cad mkhyen pa'i sems rang bzhin gyis zhi bar rab tu rtogs pa'o// gsol pa/ ji ltar na shes rab dang ldan pa rnams lags/ bka' stsal pa/ nam chos thams cad la spros par mi byed pa'o/ / gsol ba/ ji ltar na byams pa la gnas pa rnams lags/ bka' stsal pa/ nam sems can du 'du shes 'jug par mi byed pa'o// gsol pa/ ji ltar na snying rje la gnas pa rnams lags bka' stsal pa/ nam chos thams cad la 'du shes 'jug par mi byed pa'o// gsol pa/ ji ltar na dga' ba la gnas pa rnams lags/ bka' stsal pa/ nam bdag tu 'du shes 'jug par mi byed pa'o// gsol pa/ ji ltar na btang snyoms la gnas pa rnams lags/ bka' stsal pa/ nam bdag dang gzhan du 'du shes 'jug par mi byed pa'o/ / gsol pa/ ji ltar na dad pa la gnas pa rnams lags/ bka' stsal pa/ nam chos thams cad brjod du med par mos pa'o// gsol pa/ ji ltar na thos pa la gnas pa rnams lags/ bka' stsal pa/ nam sgra thams cad la mngon par mi chags pa'o// gsol pa/ ji ltar na ngo tsha 'tshal ba dang ldan pa rnams lags/ bka' stsal pa/ nang yongs su shes pas so// gsol pa/ ji ltar na khrel mchis pa phun sum tshogs pa rnams lags/ bka' stsal pa/ phyi rol gyi skye mched 'dor bas so/ / gsol pa/ bcom ldan 'das byang chub sems dpa' rnams ji ltar na yon tan thams cad tshogs shing kun tu 'gro ba rnams lags/ bcom ldan 'das kyis bka' stsal pa/ lus dang / ngag dang / yid kyi las yongs su dag pas so// de nas bcom ldan 'das kyis de'i tshe tshigs su bcad pa 'di dag gsungs so// lus ni rnam par dag cing sdig pa mi byed de// ngag kyang rnam par dag pas rtag tu rdzun rnams spongs// yid kyang gtsang bas rtag tu bsam pa dri ma med// de phyir de ni rgyal bas kun tu 'gro bas gsungs// mi sdug sgom zhing 'dod chags kyis kyang chags pa med/ / byams la gnas shing zhe sdang gis ni gtum pa med// shes rab dag la gnas shing gti mug blun ma yin// mkhas pa rnams ni de la kun tu 'gro bar gsungs// de ni grong du ji bzhin de bzhin dgon par yang // dgon pa dang ni grong dang 'khor du de 'dra bar// de ni spyod lam rnam par 'gyur bar mi byed de// de phyir rgyal bas de la kun tu 'gro bar brjod// rgyal ba kun gyi chos nyid la ni de mos te// mkhas pas chos nyid la yang 'dod chags bral ba dang // dge 'dun la yang 'dus ma byas par shin tu mos// de phyir rgyal pa rnams kyis kun tu 'gro bar gsungs/ / 'dod chags mos pa dag gis spyod par rab tu shes// zhe sdang mos pa rnams dang de bzhin gti mug dang // spyod pa rnam par 'gyur ba la yang de mkhas te/ / de phyir de ni rgyal bas kun tu 'gro bar bstan// 'dod pa'i khams la shin tu gnas par mi byed de// gzugs kyi khams la yang ni minus par mi 'gyur ro// de ni gzugs med pa yi khams la mi gnas te/ / de phyir de ni rgyal bas kun tu 'gro bar brjod// rtag tu mtshan ma dang ni smon pa gsog gyur dang // dngos po thams cad stong pa nyid du de mos shing // zag pa rnams ni bar du zad par mi byed de// de phyir de ni rgyal bas kun tu 'gro bar bstan// de ni rang rgyal theg pa la yang mkhas pa yin// sgra phyir 'brang ba nyan thos 'gyur ba'ang de yis shes// / rdzogs pa'i sangs rgyas theg pa'i pha rol song ba yin// de phyir bde bar gshegs pas kun tu 'gro bar brjod// de dag rtag par kun tu blo gros dri ma med// de dag tshul dang tshul ma yin la mi rmongs te/ / mdza' ba dang ni mi mdza' ba la'ang mnyam pa'i yid// de phyir byang chub sems dpa' kun tu 'gro ba yin// 'das pa dag gi chos la'ang rnam par mi rtog cing // ma 'ongs pa dang da ltar gyi la'ang de bzhin te/ / thams cad du yang dpa' bo rnam par mi rtog spyod// de phyir sems can dag pa kun tu 'gro ba'o// / bam po gnyis pa/ de nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das ji ltar na byang chub sems dpa' sems dpa' chen po 'jig rten gyi chos rnams las shin tu 'da'/ 'jig rten gyi chos kyi nang na'ang gda' la/ 'jig rten gyi chos rnams kyis kyang mi gos/ 'jig rten gyi chos kyi 'jug pa'ang rab tu 'tshal la/ 'jig rten gyi chos kyi 'jug par yang mi mchi/ 'jig rten gyi chos kyi 'jug pas kyang sems can rnams 'jig rten gyi chos las yongs su thar par bgyid/ 'jig rten gyi chos kyi mnyam pa nyid kyang thob la/ 'jig rten na'ang rnam par spyod cing / 'jig rten gyi chos rnams kyang rnam par 'jig par mi bgyid pa lags/ de nas bcom ldan 'das kyis/ tshangs pa khyad par sems la tshigs su bcad pa dag gis slar bka' stsal pa/ 'jig rten phung por ngas bshad de// 'jig rten dag ni 'di la gnas// 'di la gnas par ma byas nas// 'jig rten chos lnga rnam par grol// byang chub sems dpa' mkhas pa der// 'jig rten rang bzhin nyid shes nas// phung po rnams dang rab ldan yang // 'jig rten chos dang ldan ma yin// rnyed pa dang ni ma rnyed dang / de bzhin grags dang ma grags dang // bstod smad bde dang sdug bsngal dang // de dag gis ni 'jig rten skyong // shes rab chen po brtan de rnams// 'jig rten chos rnams rab rtogs shing / / 'jig rten 'jig pa mthong nas ni// 'di dag la yang g.yo mi 'gyur// rnyed pas mtho bar mi sems te// ma rnyed pas kyang dmas pa med// ri/ rab bzhin du mthu brtan pa// rnam pa kun tu gnod mi 'gyur// de bzhin grags dang ma grags kyang // rtag tu mtshungs par 'gyur ba yin// bde dang sdug bsngal bstod smad la// mnyam pa nyid du gnas par 'gyur// 'jig rten 'di ni gnyis las byung // phyin ci log las kun nas langs// de phyir 'jig rten 'gro rtogs nas// mkhas pa rnams ni 'gro med 'gro// 'jig rten 'di 'gro gang yin pa// 'gro ba de ni de dag shes// de phyir 'jig rten 'gror zhugs nas// mi bde ba las skye bo 'grol// dpa' bo de dag 'jig rten spyod// pad+mo bzhin du chags pa med/ / chos kyi dbyings la rab gnas nas// 'jig rten dag kyang 'jig med byed// 'jig rten chos nyid mi shes par// 'jig rten gang la spyod par yang // 'jig rten mtshan nyid shes nas ni/ / mkhas pa de dag nyid na spyod// 'jig rten nam mkha'i mtshan nyid de// nam mkha' la yang mtshad nyid med// de dag de yi 'gro rigs nas// 'jig rten/ chos kyis gos pa med// ji ltar 'jig rten rab shes pa// de bzhin srog chags rnams la smra// chos kyi rang bzhin shes nas ni// 'jig rten dag kyang 'jig mi byed// phung po rnams la rang bzhin med/ / 'di ni 'jig rten chos nyid do// gang rnams de ltar mi shes pa// de dag rtag tu 'jig rten gnas// ma skyes pa dang ma byung bar// gang gis phung po kun shes pa de dag 'jig rten spyod 'gyur yang / / 'jig rten 'di la'ang mi gnas so// 'jig rten chos rnams mi shes shing // 'du shes gnyis la gang gnas pa// 'di bden 'di ni brdzun no/ zhes// mi mkhas de dag rtsod par 'gyur// 'di ltar 'jig rten chos rnams kyi// yang dag chos nyid ngas shes pas// nga ni 'jig rten rnams dang yang // nams kyang rtsod par mi byed do/ / rtsod pa med pa'i chos 'di ni// sangs rgyas kun gyis bshad pa ste// 'jig rten mnyam pa nyid shes na// 'di la bden pa'am brdzun pa med// brdzun pa'am yang na bden pa zhig/ bstan pa la ni rnyed gyur na// mthar 'dzin par ni nga 'gyur te// mu stegs can dang khyad par med// gang phyir chos rnams yang dag min// bden pa dang ni brdzun pa med/ / de phyir 'jig rten 'das pa'i chos// ngas ni gnyis su med par bshad// 'jig rten chos nyid ji lta bar// gang gis 'jig rten 'di shes pa// mkhas pa de dag bden pa 'am/ / brdzun pa'i lta ba'ang mi 'dzin to// nam mkha' lta bur rnam par dag/ gang gis 'jig rten 'di shes pa// grags pa chen po'i 'jig rten gyi// snang ba lta bur gyur pa yin/ / nga nyid kyis ni mthong ba ltar// de ltar gang gis 'jig rten mthong // phyogs dang phyogs mtshams gang bzhugs pa// rdzogs pa'i sangs rgyas de dag gzigs/ / chos rnams ngo bo nyid med par// brten pa'i chos rnams rab tu shes// gang rnams rten pa shes pa ni// de dag chos nyid shes pa yin// gang rnams chos nyid rab shes pa/ / de dag stong pa nyid de shes// gang rnams stong nyid rab shes pa// de yis 'dren pa de rnams mthong // gang rnams 'jig rten bstan pa 'di// rna lam grags par 'gyur ba ni/ / de dag 'jig rten spyod mod kyi// 'jig rten 'di la gnas ma yin// lta la gnas pa gang su dag/ gzhan gyis ni 'di ma yin// 'jig rten du ni spyod byed// kyang // 'jig rten 'di la gnas pa med// sangs rgyas mya ngan 'das nas kyang // gang rnams bzod pa 'dir mos pa// de bzhin gshegs pa chos kyi sku// rdzogs pa'i sangs rgyas de la bzhugs/ / gang gis tshul 'di shes pa ni// des ni nga yi chos bzung ste// de yis nga la rtag tu mchod// de dag 'jig rten ston pa'o// gang zhig 'jig rten bstan pa 'di/ / rna lam grags par gyur pa ni// sdig can bdud kyis de dag la// glags kyang rnyed par mi 'gyur ro// gang gis rnam pa 'di shes pa// de dag phyag cing longs spyod che/ / de dag sbyin la rtag par dga'// de dag tshul khrims phun sum tshogs// gang gis 'jig rten 'di shes pa// de dag bzod pa'i stobs ldan pa// de dag brtson 'grus rtogs par rig/ mkhas pa de dag bsam gtan dga'// gang gis rnam pa 'di shes pa// de dag ting 'dzin phun sum tshogs// de dag nye bar bzhi la dga'// brtan pa de dag shes rab 'phags// gang na 'di 'dra grag pa yi// phyogs de sangs rgyas stongs ma yin// sems dpa' chen po ring mi thogs// byang chub snying por 'gro bar 'gyur/ gang rnams 'jig rten bstan pa 'di// rna lam grag par 'gyur ba dag/ g.yon can bdud rnams bcom nas ni// byang chub mchog tu rdzogs 'tshang rgya// de nas bcom ldan 'das kyis/ tshangs pa khyad par sems la 'di skad ces bka' stsal to// tshangs pa de bzhin gshegs pa 'jig rten gyi yul las 'das pas/ 'jig rten dang / 'jig rten kun 'byung ba dang / 'jig rten 'gog pa dang / 'jig rten 'gog par 'gro ba'i lam du'ang 'dogs so// tshangs pa de la 'jig rten zhes bya ba ni phung po lnga rnams so// gang de la chags pa de ni 'jig rten kun 'byung ba'o/ / gang phung po rnams kyi zad pa dang 'gag pa de ni 'jig rten 'gag pa'o// gang phung po rnams tshol ba dang mi tshol ba gnyis su med pa de ni lam mo// gzhan yang tshangs pa phung po rnams phung po rnams zhes tha dad du 'dogs pa la/ gang smra ba dang smra bar lta ba 'di ni 'jig rten no// gang lta ba de'i rjes su 'brang ba 'di ni 'jig rten kun 'byung ba'o/ / gang lta ba de ji lta ba bzhin mtshan nyid 'gag pa de ni 'jig rten 'gag pa zhes bya'o// lam gang gis lta ba de dag mi 'dzin pa de ni 'jig rten 'gog par 'gro ba'i lam ste/ tshangs pa ngas 'di la bsams nas nga ni lus 'dom gang ba 'di la 'jig rten dang / 'jig rten kun 'byung ba dang / 'jig rten 'gog pa dang / 'jig rten 'gog par 'gro ba'i lam du 'dogs so zhes tshig de skad bshad do/ / de nas bcom ldan 'das la// tshang pa khyad par sems kyis 'di skad ces gsol to// bcom ldan 'das de bzhin gshegs pas gang 'di 'phags pa'i bden pa bzhi bstan na/ bcom ldan 'das 'phags pa rnams kyi bden pa gang lags/ bcom ldan 'das kyis bka' stsal pa/ tshangs pa 'di ni sdug bsngal ba'o zhes bya ba de ni 'phags pa rnams kyi bden pa ma yin no/ / tshangs pa 'di ni sdug bsngal kun 'byung ba'o// 'di ni sdug bsngal 'gog pa'o// 'di na sdug bsngal 'gog par 'gro ba'i lam mo zhes bya ba de ni 'phags pa rnams kyi bden pa ma yin no/ / de ci'i phyir zhe na/ tshangs pa 'di ni sdug bsngal ba'o zhes bya ba de ci ste 'phags pa rnams kyi bden pa yin du zin na/ de na byol song ba glang dang / bong bu dang / sems can dmyal ba ba thams cad kyi'ang 'phags pa'i bden par 'gyur ro// de ci'i phyir zhe na/ 'di ltar de dag ni sdug bsngal ba'i tshor ba rnams myong ngo // tshangs pa 'di ni sdug bsngal kun 'byung ba zhes bya ba de ci ste 'phags pa rnams kyi bden pa yin du zin na/ de ni gang 'gro ba rnams su 'byung ba'i 'gro ba thams cad du skyes pa'i sems can rnams kyi yang 'phags pa'i bden par 'gyur ro/ / 'di ni 'gog pa'o zhes bya ba de ci ste 'phags pa'i bden pa yin du zin na/ de na gang rnams dngos po bshig pas mya ngan las 'das pa tshol ba dang / 'gog par lta bar lhung ba chad par smra ba thams cad la'ang 'phags pa'i bden par 'gyur ro// 'di ni lam mo zhes bya ba de ci ste 'phags pa rnams kyi bden pa yin du zin na/ de ni 'dus byas kyis 'dus byas las 'byung bar tshol ba/ 'dus byas lam du dmigs pa thams cad la'ang 'phags pa'i bden par 'gyur te/ de bas na tshangs pa rnam grangs 'dis ji ltar sdug bsngal dang / kun 'byung ba dang / 'gog pa dang / lam rnams 'phags pa rnams kyi bden pa ma yin par khyod kyis rig par bya'o// de lta mod kyi tshangs pa gang sdug bsngal mi skye ba de ni 'phags pa rnams kyi bden pa'o/ / gang kun 'byung ba mi 'jug pa 'di ni 'phags pa rnams kyi bden pa'o// gang chos thams cad shin tu 'gags pa la mi skye mi 'gog pa 'di ni 'phags pa rnams kyi bden pa'o// gang chos thams cad la mnyam pa nyid dang gnyis su med pa'i lam sgom pa 'di ni 'phags pa rnams kyi bden pa'o// tshangs pa gang bden pa bden pa zhes bya ba ni/ gang bden pa'ang ma yin/ brdzun pa'ang ma yin pa'o// brdzun pa gang zhe na/ bdag tu 'dzin pa dang / sems can du 'dzin pa dang / srog tu 'dzin pa dang / gang zag tu 'dzin pa dang chad par 'dzin pa dang / rtag par 'dzin pa dang / 'byung bar 'dzin pa dang / 'jig par 'dzin pa dang / skye bar 'dzin pa dang / 'gag par 'dzin pa dang / 'khor bar 'dzin pa dang / mya ngan las 'das par 'dzin pa de ni brdzun zhes bya'o// gang 'dzin pa 'di dag la mi 'dzin cing mchog tu mi snyems pa 'di ni bden pa zhes bya'o// sdug bsngal yongs su shes pa zhes bya ba ni/ brdzun no// kun 'byung ba rab tu spang ngo zhes bya ba ni brdzun no// 'gog pa mngon du bya'o zhes bya ba ni brdzun no// lam sgom mo zhes bya ba ni brdzun no// de ci'i phyir zhe na/ de dag ni sangs rgyas kyis bka' stsal pa'i dran pa las nyams pa yin te/ de'i phyir brdzun pa zhes bya'o// sangs rgyas kyis bka' stsal pa'i dran pa zhes bya ba gang zhe na/ gang chos thams cad la mi dran zhing yid la mi byed pa 'di ni sangs rgyas kyis bka' stsal pa'i dran pa zhes bya ste/ gang dran pa de la gnas pa de ni mtshan ma thams cad la mi gnas pa'o// gang mtshan ma thams cad la mi gnas pa de ni yang dag pa'i mtha' la gnas pa'o/ / gang yang dag pa'i mtha' la gnas pa de ni yid mi gnas pa'o// gang yid mi gnas pa de ni bden par smra ba'ang ma yin/ brdzun du smra ba'ang ma yin te/ de'i phyir tshangs pa rnam grangs 'dis gang la bden pa'ang med/ brdzun pa'ang med pa de ni 'phags pa rnams kyi bden pa yin par rig par bya'o// tshangs pa bden pa zhes bya ba de ni nas yang mi bden pa ma yin te/ de bzhin gshegs pa rnams skyes kyang rung / ma skyes kyang rung / chos nyid chos kyi dbyings 'di ni gnas pa'o// de bzhin du 'khor ba dang / de bzhin du ngan las 'das pa'ang rtag tu mi 'chad par 'phags pa rnams kyi bden pa'o/ / de ci'i phyir zhe na/ tshangs pa 'khor ba spangs pa'i phyir 'phags pa rnams kyi bden pa ma yin/ mya ngan las 'das pa thob par bya ba'i phyir yang 'phags pa rnams kyi bden pa ma yin te/ tshangs pa gang dag gis 'phags pa'i bden pa bzhi po 'di rnams de ltar mngon par rtogs pa mngon du byas pa de dag ni/ bden par smra ba yin no// yang tshangs pa ma 'ongs pa'i dus na/ dge slong lus ma bsgoms pa/ sems ma bsgoms pa/ tshul khrims ma bsgoms pa/ shes rab ma bsgoms pa la cig 'byung ste/ de dag ni sdug bsngal skye ba la sdug bsngal 'phags pa'i bden pa zhes smra bar 'gyur ro// kun 'byung ba'i phyir kun 'byung 'phags pa'i bden pa zhes smra bar 'gyur ro// dngos po 'jig pa'i phyir 'gog pa 'phags pa'i bden pa zhes smra bar 'gyur ro// lam gyis 'byung ba'i phyir lam 'phags pa'i bden pa gnyis su smra bar 'gyur/ skyes bu thun po de dag ni nyan thos su stegs can zhes ngas bshad do// gad rnams dngos po 'jig pas 'phrog pa 'phags pa'i bden pa'o zhes smra bar 'gyur ba de dag ni lam log par zhugs yin tote/ da'ang dag gi ston pa sa yin/ de dag nga 'i nyan thos ma yin no// tshangs pa ltos shig/ ngabyang chub kyi snying por 'dug nas bden pa'am/ brdzun pa zhes u0f7f khong du ma chud do/ / chos gang ngas khong du ma chud pa'i chos de de bzhin gshegs pa gzhan la ston par mdzad dam/ 'chang bar mdzad dam/ gsol pa/ bcom ldan 'das de nim lags so/ / bcom ldan 'das kyis bka' stsal pa/ de bzhin gshegs pa rnams kyi byang chub ni mi dmigs pa ste/ ma zin pa srid pa'i 'gro ba thams cad dang bral ba'o// nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das ci ste de bzhin gshegs pa byang chub kyi snying po la zhugs nas/ chos gang yang ma dmigs na/ ci mngon par rtogs pas de bzhin gshegs pa byang chub sems shing yang dag par rdzogs pa'i sangs rgyas zhes bgyi/ bcom ldan 'das kyis bka' stsal pa/ tshangs pa 'di ji snyam du sems/ gang ngas 'dus byas sam/ 'dus ma byas kyi chos bshad pa 'di dag de bzhin nam/ de lta ma yin/ gsol pa/ bcom ldan 'das ma mchis pa lags so// bde ba gshegs pa ma mchis pa lags so/ / bcom ldan 'das kyis bka' stsal pa/ tshangs pa chos gang rnams med pa de dag yod pa 'am/ 'on te med pa/ gsol pa/ bcom ldan 'das gang ma mchis pa de ni mchis pa 'am/ ma mchis pa zhes mi bgyi'o// bcom ldan 'das kyis bka' stsal pa/ chos gang yang yod pa'ang ma yin/ med pa'ang ma yin pa de la mngon par rdzogs par byang chub pa gang yang yod dam/ gsol pa/ bcom ldan 'das de la mngon par rdzogs par byang chub pa gang yang ma mchis so// bcom ldan 'das kyis bka' stsal pa/ tshangs pa de ltar de bzhin gshegs pa byang chub kyi snying po la bzhugs nas med pa phyin ci log las byung ba'i kun nas nyon mongs pa shin tu rang bzhin gyi mi skye ba'i ngo bo nyid du mkhyen te/ ji ltar shin tu mi mkhyen pa dang / shin tu rnam par mi rig pa de ltar mkhyen to// de ci'i phyir zhe na/ tshangs pa ngas 'di ltar chos gang mngon par sangs rgyas pa de ni ma mthong / ma thos/ madran/ ma rtogs/ rnam par mi rig cing gzung ba'ang med/ sbyar ba'ang med/ brjod du'ang med/ rjes su sbyor ba'ang med/ yul thams cad las 'das pa/ smar med pa/ rab tu smrar med pa/ dpyod pa med pa/ rtogs par mi rung ba/ yi ge med pa/ tshig gi lam med pa/ rnam par rig pa med pa yin te/ tshangs pa de ltar chos gang nam mkha' dang 'dra ba'i chos de mngon par rtogs par 'dod dam/ gsol pa/ bcom ldan 'das de lta ma lags so// bcom ldan 'das sangs rgyas bcom ldan 'das rnams kyi thugs rje chen po bsam gyis mi khyab pa'i chos dang ldan te/ de ltar rab tu zhi ba'i chos mngon par sangs rgyas nas/ yi ge dang / nges pa'i tshig gis gzhan dag la go bar mdzad pa ngo mtshar to/ / bcom ldan 'das gang de bzhin gshegs pas bstan pa'i chos la mngon par dad pa'i sems can de dag ni dge ba'i rtsa ba ngan ngon dang ldan pa ma lags so/ / de ci'i slad du zhe na/ bcom ldan 'das chos 'di ni 'jig rten thams cad dang mi mthun pa'o// bka' stsal pa/ tshangs pa ji ltar 'jig rten thams cad dang mi mthun pa yin/ gsol pa/ bcom ldan 'das ji ltar 'jig rten ni bden pa la mngon par chags na/ chos 'di ni bden pa'ang ma lags/ brdzun pa'ang ma lags so// 'jig rten ni chos la mngon par chags na chos 'di ni chos kyang ma lags/ chos ma lags pa'ang ma lags so// 'jig rten ni mya ngan las 'das pa la chags na/ chos 'di la ni 'khor ba'ang ma mchis/ mya ngan las 'das pa'ang ma mchis so// 'dzin rten ni dge ba la mngon par chags na/ 'di la ni dge ba'ang ma mchis/ mi dge ba'ang ma mchis so// 'jig rten ni bde ba la mngon par chags na/ 'di la ni bde ba'ang ma mchis/ sdug bsngal ba'ang ma mchis so// 'jig rten ni sangs rgyas 'byung ba la mngon par chags na 'di la ni sangs rgyas 'byung ba'ang ma mchis/ mya ngan las 'das pa'ang ma mchis so// chos bstan kyang de brjod du ma mchis pa'o// dge 'dun bstan kyang de 'dus ma bgyis pa'o// / de'i slad du chos 'di ni 'jig rten thams cad dang mi mthun pa lags so// bcom ldan 'das 'di lta ste/ dper na me dang chu 'am/ chu dang me'i gnas 'di ni mi mthun pa'o// de bzhin du nyon mongs pa dang / byang chub bam/ byang chub dang nyon mongs pa ni mi mthun pa'o// de ci'i slad du zhe na/ nyon mongs pa ma mchis pas de bzhin gshegs pas mngon par sangs rgyas so/ / bshad kyang snang ba'i gzugs ma lags/ kun mkhyen kyang rnam par mkhyen pa ma mchis/ bsgoms kyang gnyis su ma bgyis/ mngon du bgyis kyang thob pa ma mchis/ mya ngan las bzlas kyang zhi ba'ang ma mchis te/ bcom ldan 'das rigs kyi bu 'am/ rigs kyi bu mo gang rnams chos kyi tshul gyi rnam pa 'di la mos pa de dag ni lta bar gyur pa thams cad las rnam par grol bar 'gyur ro/ / de bzhin gshegs pa la bsnyen bkur bgyis shing / sngon gyi rgyal ba la lhag par bgyi ba bgyis pa lags so// de dag dge ba'i bshes gnyen gyis yongs su bzung ba lags so// de dag dge ba'i rtsa ba 'bar ba'i slad du rgya chen po la mos par 'gyur ro// de dag de bzhin gshegs pa'i mdzod 'chang ba'i slad du gter rab tu rnyed par 'gyur ro/ / de dag legs par bgyi ba'i las bgyis pa'i slad du las kyi mtha' shin tu 'thun par 'gyur ro// de dag sangs rgyas kyis rigs 'dzin pa'i slad du rigs btsun par 'gyur ro/ / de dag nyon mongs pa thams cad yongs su gtang ba'i slad du gtong ba chen po dang ldan par 'gyur ro// de dag tshul khrims kyi stobs dang ldan par 'gyur te/ nyon mongs pa'i stobs can ma lags// lus srog bor ba'i slad du de dag bzod pa'i stobs can du 'gyur ro// de dag yid yongs su skyob ma mchis pa'i slad du brtson 'grus kyi stobs can du 'gyur ro/ / de dag sdig pa'i las bsregs pa'i slad du bsam gtan gyi stobs can du 'gyur ro// de dag sdig par lta ba rnams dang bral ba'i slad du shes rab kyi stobs can du 'gyur ro/ / de dag bdud rnams kyis rab tu thub par dka' bar 'gyur ro// de dag phyir rgol ba rnams kyis mi rdzi bar 'gyur ro// de dag de bzhin gshegs pa rnams la mi slu bar 'gyur ro// de dag chos kyi rang bzhin ston pa la mkhas pa'i slad du yang dag par sla bar 'gyur ro// de dag don dam pa'i chos ston pa'i slad du bden pa smra bar 'gyur ro// de dag de bzhin gshegs pa rnams kyi yongs su gzung bar 'gyur ro/ / de dag 'grogs na bde ba'i slad du nges par 'gyur ro// de dag 'phags pa'i nor rnams kyis nor dang ldan par 'gyur ro// de dag 'phags pa'i rigs rnams kyis cho ga 'tshal bar 'gyur ro/ / gso sla zhing dgang sla bar 'gyur ro// de dag pha rol tu mchi ba'i slad du dbugs 'byin pa thob par 'gyur ro// de dag ma rgal ba rnams sgrol bar 'gyur ro// de dag ma grol ba rnams dgrol bar bgyid par 'gyur ro// de dag dbugs 'byin pa ma mchis pa rnams kyi dbugs 'byin par 'gyur ro// yongs su mya ngan las 'das pa rnams yongs su mya ngan las zla bar 'gyur ro/ / de dag lam ston par 'gyur ro// de dag mya ngan las 'das pa ston par 'gyur ro// de dag sman thams cad yongs su 'tshal ba'i slad du sman pa rnams kyi rgyal por 'gyur ro// de dag nad thams cad rab tu zhi bar bgyid pa'i slad du sman lta bur 'gyur ro// de dag ye shes kyi stobs dang ldan par 'gyur ro// de dag mthus spro ba dang ldan par 'gyur ro// de dag gzhan gyi dring la mi 'jog pa'i slad du rtsal dang ldan par 'gyur ro/ / de dag 'jigs pas spu ldang ba ma mchis pa'i slad du seng ge lta bur 'gyur ro// de dag cang shes pa'i slad du ba glang lta bur 'gyur ro// de dag sems rab tu 'dul ba'i slad du glang po cher 'gyur ro// de dag 'khor mang po yongs su sdud pa'i slad du khyu mchog tu 'gyur ro// de dag bdud dang phyir rgol ba rnams rab tu bcom pa'i slad du dpa' bor 'gyur ro/ / de dag 'khor gyis 'jigs pa ma mchis pa'i slad du bstan par 'gyur ro// de dag mi 'jigs pa thob pa'i slad du mi thub par 'gyur ro// de dag bden pa bstan pa rnams la 'jigs pa ma mchis par 'gyur ro/ / de dag dkar po'i phyogs yongs su rgyas pa'i slad du zla ba dang mtshungs par 'gyur ro// de dag shes rab kyis snang bar bgyid pas nyi ma lta/ bur 'gyur ro// de dag mun pa chen po dang bral ba'i slad du sgron ma lta bur 'gyur ro// de dag mdza' ba dang khong khro ba ma mchis pa'i slad du gzhi rten lta bur 'gyur ro// de dag sems can thams cad nye bar 'tsho ba'i slad du sa dang mtshungs par 'gyur ro/ / de dag chos thams cad la mi gnas pa'i slad du rlung dang mtshungs par 'gyur ro// de dag nyon mongs pa'i dri ma thams cad 'khru ba'i slad du chu dang mtshungs par 'gyur ro/ / de dag rlom sems thams cad yang dag par 'joms pa'i slad du ma dang mtshungs par 'gyur ro// de dag spyod mi nus pa'i slad du ri rab dang mtshungs par 'gyur ro// de dag lhag pa'i bsam pa brtan zhing mi phyed pa'i slad du rdo rje ltar sra ba'i 'khor yug gi ri lta bur 'gyur ro// de dag phal gyi rgol ba thams cad kyis gdul dka' bar 'gyur ro// de dag nyan thos dang rang sangs rgyas thams cad kyis gting dpag dka' bar 'gyur ro/ / de dag chos rin po che thams cad 'dul ba'i slad du rgya mtsho lta bur 'gyur ro// de dag nyon mongs pa thams cad bas pa'i slad du/ gting dang 'dra bar 'gyur ro// de dag chos yongs su tshol bas chog mi shes par 'gyur ro// de dag shes rab kyis ngom par 'gyur ro// de dag chos kyi 'khor lo rab tu bskor bas rgyal po dang mtshungs par 'gyur ro/ / de dag gzugs 'dzin pa'i slad du brgya byin dang mtshungs par 'gyur ro// de dag dbang sgyur ba'i slad du tshangs pa dang mtshungs par 'gyur ro// de dag chos mngon par sgrog pa'i slad du sprin dang 'dra bar 'gyur ro/ / de dag bdud rtsi'i char rab tu 'babs pa'i slad du char dang 'dra bar 'gyur ro// de dag dbang po dang / stobs dang / byang chub kyi yan lag rnams rnam par 'phel bar bgyid par 'gyur ro/ / de dag 'khor ba'i 'dam las rgal bar 'gyur ro// de dag sangs rgyas kyi ye shes la zhugs par 'gyur ro// de dag sangs rgyas kyi byang chub la nye bar 'gyur ro/ / de dag blos mnyam pa ma mchis par 'gyur ro// de dag thos pas mi mnyam pa dang mnyam par 'gyur ro// de dag gzhal ba las 'das pa'i slad du mtshungs pa ma mchis par 'gyur ro/ / de dag spobs pa thogs pa ma mchis par 'gyur ro// de dag gzungs rab tu thob pa'i slad du dran pa dang ldan par 'gyur ro// de dag don rtogs pa'i slad du 'brang bas rtogs pa dang ldan par 'gyur ro/ / de dag chos la tshul bzhin du so sor rtogs pa'i slad du blo gros dang ldan par 'gyur ro// de dag sems can gyi bsam pa rnams la mkhas par 'gyur ro/ / de dag 'jig rten la phan par bgyi ba'i slad du brtson par 'gyur ro// de dag 'jig rten las 'phags par 'gyur ro// de dag pad+mo lta bur mi chags par 'gyur ro// de dag 'jig rten gyi chos rnams kyis yongs su ma zin par 'gyur ro/ / de dag mkhas pa rnams dga' bar 'gyur ro// de dag mang du thos pa rnams kyis cher bkur bar 'gyur ro// de dag rig pa rnams kyis ri mor bgyi bar 'gyur ro/ / de dag lha dang mi rnams kyis mchod par 'gyur ro// de dag 'jig rten rnams kyis phyag bgyi bar 'gyur ro// de dag 'phags pa rnams kyis bkur sti bgyi bar 'gyur ro/ / de dag nyan thos dang rang sangs rgyas rnams kyis smon par bgyi bar 'gyur ro// de dag nyi tsher spyod pa la re ba ma mchis par 'gyur ro// de dag chags pa ma mchis pa'i slad du tshul mi 'chos par 'gyur ro/ / de dag spyod lam mdzes par 'gyur ro// de dag gzugs blta na sdug par 'gyur ro// de dag gzi brjid kyis yid chags par 'gyur ro// de dag mtshan rnams kyis brgyan par 'gyur ro/ / de dag dpe byad bzang po rnams kyis rnam par spras par 'gyur ro// de dag sangs rgyas kyi rigs yang dag par 'dzin par 'gyur ro// de dag chos kyi rigs yongs su srung bar 'gyur ro/ / de dag dge 'dun gyi rigs kun tu srung bar 'gyur ro// de dag ni sangs rgyas thams cad kyis gzigs so// de dag gis chos kyi spyan rab tu thob bo// de dag sangs rgyas kyi ye shes su lung bstan par 'gyur ro// de dag gis bzod pa gsum yongs su rdzogs par bgyis so// de dag byang chub kyi snying po yongs su rdzogs pa la gnas so// de dag gis bdud kyi sde rab tu bcom mo/ / de dag gis thams cad mkhyen pa nyid thob bo// de dag chos kyi 'khor lo rab tu skor bar 'gyur ro// de dag bcom ldan 'das sangs rgyas kyi mdzad pa bgyid par 'gyur te/ bcom ldan 'das gang chos kyi tshul zab mo 'di thos nas mi skrag/ mi dngang / shin tu dngang bar mi 'gyur ba dang / gang de bzhin gshegs pa rnams kyi byang chub 'di ltar zab pa/ 'di ltar shes dka' ba/ 'di ltar blta dka' ba/ 'di ltar khong du chud par dka' ba/ 'di thos nas mos par 'gyur ba dang / 'dzin par 'gyur ba dang / 'chang bar 'gyur ba dang / gzhan la'ang rgyas par bgyid par 'gyur ba dang / chos 'di la rab tu zhugs shing gzhan yang nan tan la 'god par bgyid pa'i skyes bu dam pa de dag gi bsngags pa bskal pa 'am/ bskal pa las lhag par brjod cing yon tan yongs su bsgrags kyang / bcom ldan 'das bdag gis skyes bu dam pa de dag gi yon tan mthar mi phyin to// bcom ldan 'das kyis bka' stsal ba/ tshangs pa khyod kyis skyes bu dam pa de dag gi bsngags pa 'am yon tan ji tsam du shes/ tshangs pas gsol pa/ de bzhin gshegs pas thogs pa ma mchis pa'i sangs rgyas kyi ye shes kyis ji snyed mkhyen pa dang / de dag gi yon tan de dag dang / de las lhag par yang 'tshal bar bgyi ste/ gang de bzhin gshegs pas bshad pa'i don dang / tshig dang yi ge zab mo rnams rtogs par rig pa dang / ldem po ngag 'tshal ba dang 'thun par bgyid cing 'gal bar mi bgyid pa dang / yang dag par sbyong zhing sun 'byin par mi bgyid pa dang / don rtogs par gcig cing yi ge'i phyir mi snyegs pa de dag ni brjod pa gang gis de bzhin gshegs pa rnams chos gsungs pa dang / ldem po ngag gang gis de bzhin gshegs pa chos gsung ba dang / thabs gang dang / tshul gang dang / snying rje chen po gang gis de bzhin gshegs pa chos bstan pa nges pa'i tshig brjod pa rab tu 'tshal to// bka' stsal pa/ tshangs pa byang chub sems dpa' gang la la de bzhin gshegs pa'i stobs lnga'i sbyor ba 'di shes na/ byang chub sems dpa' de ni sangs rgyas kyi mdzad pas sems can rnams la nye bar gnas pa zhes bya'o// gsol pa/ bcom ldan 'das de bzhin gshegs pa'i stobs lnga'i sbyor ba gang lags/ bcom ldan 'das kyis bka' stsal pa/ chos smra ba dang / ldem po ngag tu smra ba bstan pa dang / thabs kyis chos la mos par byed pa dang / tshul nye bar bstan pa dang / snying rje chen po'i rjes su 'jug pa ste/ tshangs pa 'di dag ni gang nyan thos dang rang sangs rgyas thams cad kyis ma yin pa/ de bzhin gshegs pa'i stobs lnga'i sbyor ba'o/ / gsol pa/ bcom ldan 'das gsung ba gang gis de bzhin gshegs pa chos rnams gsung / bcom ldan 'das kyis bka' stsal pa tshangs pa 'das pa smra ba dang / mi 'ongs pa smra ba dang / da ltar byung ba smra ba dang / kun nas nyon mongs pa smra ba dang / rnam par byang ba smra ba dang / dge ba dang mi dge ba smra ba dang 'jig rten pa dang 'jig rten las 'das pa smra ba dang / zag pa dang bcas pa dang / zag pa med pa smra ba dang / kha na ma tho ba dang bcas pa dang / kha na ma tho ba med pa smra ba dang / 'dus byas dang 'dus ma byas smra ba dang / bdag dang / sems can dang / srog dang / gso ba dang / skyes bu dang / gang zag smra ba dang / thob pa mngon du byed pa smra ba dang / 'khor ba dang mya ngan las 'da' ba smra ba ste/ tshangs pa smra ba de dag kyang yongs su ma grub pa'i tshul gyis smra ba sgyu ma lta bur blta'o// med pa mthong ba'i tshul gyis smra ba rmi lam lta bur ba blta'o/ / nam mkha'i sgra skad kyi tshul gyis smra ba brag cha lta bur blta'o// rkyen 'dus pa'i tshul gyis smra ba mig yor lta bur blta'o// rgyu mi 'pho ba'i tshul gyis smra ba gzugs brnyan lta bur blta'o/ / phyin ci log tu mthong ba'i tshul gyis smra ba smig rgyu lta bur blta'o// mi 'byung mi 'jigs pa'i tshul gyis smra ba nam mkha' lta bur blta'o// brjod du med pa'i tshul gyis smra ba sngar med par blta'o// tshangs pa byang chub sems dpa' gang chos smra ba 'di shes na/ byang chub sems dpa' de dag ni smra ba thams cad smra yang chos gang la'ang mngon par mi chags so/ / de mngon par ma chags pas ye shes thogs pa med pa'i spobs pa gang gis bskal pa gang+gA'i klung gi bye ma snyed du chos bshad kyang rgyun mi 'chad pa dang / smra ba thams cad kyang chos kyi dbyings dang tha mi dad par smra ba dang / chos rnams kyi tha mi dad pa la'ang mngon par chags par mi 'gyur ba'i ye shes thogs pa med pa'i spobs pa thob bo// tshangs pa de bzhin gshegs pas de ltar gsungs par chos brjod do// tshangs pa de la ji ltar na byang chub sems dpa' de bzhin gshegs pa'i ldem po ngag la mkhas pa khong du chud ce na tshangs pa 'di la de bzhin gshegs pa kun nas nyon mongs pa'ang rnam par byang bar ston/ rnam par byang ba'ang kun nas nyon mongs par ston te/ de la byang chub sems dpa' ldem po ngag tu shes par bya'o/ / tshangs pa de bzhin gshegs pa kun nas nyon mongs pa la rnam par byang bar ji ltar ston ce na/ kun nas nyon mongs pa'i ngo bo nyid rlos sem med pa'i phyir kun nas nyon mongs brnam par byung bar ston to/ / rnam par bya ba can nas nyan mongs par jilta ston / rnam par byung ba'i ba cad rlom sems med pa'i phyir te/ ka rnam par byung bstan nus na/ mongs par smon// rgyas pa sbyin pas b+h+ya na las 'das pa smo/ den byis pa dag gis mi shes kyi/ des drung chub sems dpa'i skyes po dag la mkhas pa n-i/ 'ang phyi ma'i tshe snying pa chen por 'gyur yang 'di la chos gang yang 'pho ba med do// mi 'phobs na mya ngan las 'das pa'o// mngon par 'du mi byed pa'i tshud kyis tshul khrims kyis mya ngan las 'das pa'o/ / skad cig pa'i tshul gyis bzod pas mya ngan las 'das pa'o// blang ba dang dor ba med pa'i tshul gyis brtson 'grus kyis mya ngan las 'das pa'o// rnam par mi rtog pa'i tshul gyis zasam gtan gyis mya ngan las 'das pa'o/ / thogs pa med pa'i tshul gyis shes rab kyis mya ngan las 'das pa'o// chos kyi dbyings 'dod chags dang bral bas na/ 'dod chags ni 'dod chags dang bral ba'i mtha' 'o/ / chos kyi dbyings la gtum pa med pas zhe sdang ni yang dag pa'i mtha'a'o// nos rnams la rmongs pa med pa'i phyir gti mug ni gti mug med pa'i mtha' 'o/ / shi 'pho ba med pa dang skye ba med pa'i tshul gyis 'khor ba'ang mya ngan las 'das pa'o// mngon par chags pa'i tshul gyis mya ngan las 'das pa'ang 'khor ba'o// tha snyad du 'do / pa'i lta bas bden pa'ang brdzun pa'o// mngon pa'i nga rgyal can rnams la ni brdzun pa'ang bden pa'o zhes de ltar shes so// gzhan yang tshangs pa de bzhin gshegs pa ni ldem po ngag gi rnam grangs kyis bdag nyid kyis rtag par smra bar zhal gyis bzhes so/ / bdag nyid kun nas nyon mongs par smra ba dang / chad par smra ba dang / bya ba med par smra ba dang / log par lta ba dang / ma dad pa dang / byas pa mi gzo ba dang / mtshams gcod pa dang / skyugs pa za ba dang / go skabs mi phyed par zhal gyis bzhes kyang / de bzhin gshegs pa ni bshad pa 'di dag la mi 'byung mi snang ngo / / ldem po ngag gang gis sems can rnams lhag pa'i nga rgyal 'dzin pa 'dor bar 'gyur ba'i ldem po ngag de de bzhin gshegs pa ston te/ de ni de bzhin gshegs pa'i ldem po ngag go/ / tshangs pa de ltar na de bzhin gshegs pa ldem po ngag tu chos ston te/ de la byang chub sems dpas spyod pa la mkhas par blo spyad par bya'o// de de ltar mthar phyin pas bstan pa thams cad la mkhas par 'gyur ro/ / de sems can rnams la gzugs kyi sku ston pas sangs rgyas byung ngo snyam du mos par 'gyur ro// chos kyi skus rab tu phye ba'i phyir de bzhin gshegs pam byung ba'o zhes mos par 'gyur ro/ / yi ge rnam par rig pa lhur byed pa'i sems can rnams la de bzhin gshegs pas chos bstan to zhes mos par 'gyur ro// chos nyid brjod du med par nges bar byas nas chos bstan du med do zhes mos par 'gyur ro/ / phyin ci log las byung ba'i nyon mongs pa yongs su mya ngan las 'das pa'i phyir yongs su mya ngan las 'das pa yod do zhes mos par 'gyur ro// ma skyes pa'i chos rnams mi 'jig pa'i phyir mya ngan las 'das pa med do zhes mos par 'gyur ro// kun rdzob la 'jug pas sems can yod do zhes mos par 'gyur ro// don dam pa bstan pas sems can med do zhes mos par 'gyur te/ tshangs pa de ltar na de bzhin gshegs pas ldem po ngag bstan pas chos ston to// de la byang chub sems dpas bstan pa thams cad la mi skrag par bya'o// de la tshangs pa de bzhin gshegs pa thabs gang gis sems can rnams la chos ston ce na/ sbyin pas longs spyod 'thob pa dang / tshul khrims kyis mtho ris su skye ba dang / bzod pas gzugs bzang po 'thob pa dang / brtson 'grus kyis ye shes 'thob pa dang / bsam gtan gyis rab tu dben pa 'thob pa dang / shes rab kyis nyon mongs pa 'dor ba dang / thos pas shes rab 'thob pa dang / dge ba bcu'i las kyi lam gyis mi dang lha'i phun sum tshogs pa rnams 'thob pa dang / byams pa dang / snying rje dang / dga' ba dang / btang snyoms kyis tshangs pa'i 'jig rten du skye ba 'thob pa dang / zhi gnas kyis lhag mthong 'thob pa dang / slob pa'i sas mi slob pa'i sa 'thob pa dang / rang sangs rgyas kyi sas sbyin pa yongs su sbyong ba dang / sangs rgyas kyi tshad med pa'i ye shes mthong ba dang / mya ngan las 'das pas sdug bsngal thams cad nye bar zhi ba thob par 'gyur ro zhes tshangs pa nga ni thabs kyis sems can rnams chos 'di la mos par byed de/ de bzhin gshegs pa ni bdag gam/ sems can nam/ srog gam/ gang zag tu mi dmigs so/ / de bzhin gshegs pa ni sbyin pa'ang mi dmigs/ sbyin pa'i 'bras bu'ang mi dmigs/ ser sna'ang mi dmigs/ ser sna'i 'bras bu'ang mi dmigs/ tshul khrims kyang mi dmigs/ tshul khrims kyi 'bras bu'ang mi dmigs/ ngang tshul ngan pa'ang mi dmigs/ ngang tshul ngan pa'i 'bras bu'ang mi dmigs/ bzod pa'ang mi dmigs/ bzod pa'i 'bras bu'ang mi dmigs/ gnod sems kyang mi dmigs/ gnod sems kyi 'bras bu'ang mi dmigs/ brtson 'grus kyang mi dmigs/ brtson 'grus kyi 'bras bu'ang mi dmigs/ le lo'ang mi dmigs/ le lo'i 'bras bu'ang mi dmigs/ bsam gtan yang mi dmigs/ bsam gtan gyi 'bras bu'ang mi dmigs/ g.yeng ba'ang mi dmigs/ g.yeng ba'i 'bras bu'ang mi dmigs/ shes rab kyang mi dmigs/ shes rab kyi 'bras bu 'ang mi dmigs/ 'chal pa'i shes kyang mi dmigs/ 'chal pa'i shes rab kyi 'bras bu'ang mi dmigs/ bde ba'ang mi dmigs/ sdug bsngal ba'ang mi dmigs/ rgyun du zhugs pa'i 'bras bu'ang mi dmigs pa nas/ byang chub kyi bar du'ang mi dmigs/ yongs su mya ngan las 'das pa'ang mi dmigs te/ tshangs pa sems can de dag de ltar bstan pas sbyor zhing rtsol te 'bad kyang / gang gis phyir sbyor ba dang / brtsol ba dang / 'bad pa'i chos de dag khong du mi chud cing mi thob ste/ gang 'di rgyun du zhugs pa'i 'bras bu nas/ dgra bcom pa nyid kyi bar dang / rang byang chub dang / bla na med pa/ yang dag par rdzogs pa'i byang chub nas/ mya ngan las 'das pa'i bar du khong du mi chud cing mi thob bo// tshangs pa 'di ni de bzhin gshegs pa'i thabs kyis chos bstan pa yin te/ sems can rnams dam pa'i chos yongs su 'dzin du gzhug pa'i phyir/ byang chub sems dpas thabs mkhas pa la sbyor bar bya'o// tshangs pa de la de bzhin gshegs pa'i tshul bstan pa gang zhe na/ mig ni thar pa'i tshul lo// de bzhin du rna ba dang / sna dang / lce dang / lus dang / yid rnams ni thar pa'i tshul lo// de ci'i phyir zhe na/ mig ni bdag gam bdag gis stong ste/ de'i rang bzhin ni 'di yin no// de bzhin du yid kyi bar du bdag dang bdag gis stong ste/ de'i rang bzhin ni 'di yin no// tshangs pa mi slu ba'i phyir skye mched thams cad ni sems can rnams kyi thar pa'i tshul du rig par bya'o// 'di ni sems can rnams kyi thar ba la brtson pa mi srub skye/ gzugs dang / sgra dang / dri dang / ro dang / reg dang / chos rnams kyang de bzhin no// chos thams cad kyi tshul 'di yin te/ gang 'di stong pa nyid kyi tshul dang / mtshan ma med pa'i tshul dang / smon pa med pa'i tshul dang / mngon par 'du mi byed pa'i tshul dang / mi skye ba'i tshul dang / mi 'gag pa'i tshul dang / 'gro ba med cing 'ong ba med pa'i tshul dang / shi 'pho med cing skye ba med/ ba'i tshul dang / rang bzhin gyis 'od gsal ba'i tshul dang / dben pa'i tshul lo// rang bzhin gyis bems po yin pa'i phyir/ phan tshun mi phrad pas na/ de bzhin gshegs pas yi ge thams cad las thar pa'i sgo'i tshul smos so/ / tshangs pa yi ge thams cad la bden pa'i gtam du bltas te/ gtam thams cad ni de bzhin gshegs pa'i thar pa'i tshul bden pa bstan pas bstan to/ / de bzhin gshegs pa'i chos bstan pa gang kun nas nyon mongs par 'gyur ba de gang yang med do// chos bstan to cog tu thar pa 'dren cing mya ngan las 'das pa ston to// tshangs pa 'di ni de bzhin gshegs pa'i tshul bstan pa yin te/ de la byang chub sems dpas bslab par bya'o// tshangs pa de la de bzhin gshegs pa snying rje ji lta bus sems can rnams la / chos ston ce na/ sems can rnams la de bzhin gshegs pa'i snying rje chen po rnam pa sum cu rtsa gnyis dang ldan pa skye'o// sum cu rtsa gnyis gang zhe na/ chos thams cad ni bdag med pa yin na/ sems can rnams ni bdag med par ma mos te/ de'i phyir sems can rnams la de bzhin gshegs pa'i snying rje chen po skye'o// chos thams cad ni sems can med pa yin na/ sems can rnams ni sems can du smra ste/ de'i phyir sems can rnams la de bzhin gshegs pa'i snying rje chen po skye'o// chos thams cad ni srog med pa yin na/ sems can rnams ni srog tu smra'o zhes de'i phyir sems can rnams la de bzhin gshegs pa'i snying rje chen po skye'o/ / chos thams cad ni gang zag med pa yin na/ sems can rnams ni gang zag la gnas te/ de'i phyir sems can rnams la de bzhin gshegs pa'i snying rje chen po skye'o/ / chos thams cad ni ngo bo nyid med pa yin na/ sems can rnams ni ngo bor lta ste/ de'i phyir sems can rnams la de bzhin gshegs pa'i snying rje chen po skye'o/ / chos thams cad ni gnas med pa yin na/ sems can rnams ni gnas la rten te/ de'i phyir sems can rnams la de bzhin gshegs pa'i snying rje chen po skye'o// chos thams cad ni kun gzhi med pa yin na/ sems can rnams ni kun gzhi la mngon pa dga' ste/ de'i phyir sems can rnams la de bzhin gshegs pa'i snying chen po skye'o// chos thams cad ni nga yir bya ba med pa yin/ na/ sems can rnams ni nga yir 'dzin pa la gnas te/ de'i phyir sems can rnams la de bzhin gshegs pa'i snying rje chen po skye'o// chos thams cad ni bdag po med pa yin na/ sems can rnams ni yongs su 'dzin pa la brtson te/ de'i phyir sems can rnams la de bzhin gshegs pa'i snying rje chen po skye'o// chos thams cad ni dngos po med pa yin na/ sems can rnams ni dngos po la rten te/ de'i phyir sems can rnams la de bzhin gshegs pa'i snying rje chen po skye'o// chos thams cad ni ma skyes pa yin na/ sems can rnams ni skye ba la gnas te/ de'i phyir sems can rnams la de bzhin gshegs pa'i snying rje chen po skye'o/ / chos thams cad ni ma 'phos ma byung ba yin na/ sems can rnams ni 'chi 'pho dang skye ba la gnas te/ de'i phyir sems can rnams la de bzhin gshegs pa'i snying rje chen po skye'o/ / chos thams cad ni kun nas nyon mongs par gyur pa med pa yin na/ sems can rnams ni kun nas nyon mongs te/ de'i phyir sems can rnams la de bzhin gshegs pa'i snying rje chen po skye'o/ / chos thams cad ni 'dod chags dang bral ba yin na/ sems can rnams ni chags par byed de/ de'i phyir sems can rnams la de bzhin gshegs pa'i snying rje chen po skye'o/ / chos thams cad ni zhe sdang dang bral ba yin na/ sems can rnams ni zhe sdang bar byed de/ de'i phyir sems can rnams la de bzhin gshegs pa'i snying rje chen po skye'o// chos thams cad ni gti mug dang bral ba yin na/ sems can rnams ni gti mug par gyur te/ de'i phyir sems can rnams la de bzhin gshegs pa'i snying rje chen po skye'o// chos thams cad ni 'ong ba med pa yin na/ sems can rnams ni 'ong ba la gnas te/ de'i phyir sems can rnams la de bzhin gshegs pa'i snying rje chen po skye'o// chos thams cad ni 'gro ba med pa yin na/ sems can rnams ni skye ba la gnas te/ de'i phyir sems can rnams la de bzhin gshegs pa'i snying rje chen po skye'o/ / chos thams cad ni mngon par 'du mi byed pa yin na/ sems can rnams ni mngon par 'du byed pa la spyod de/ de'i phyir sems can rnams la de bzhin gshegs pa'i snying rje chen po skye'o/ / chos thams cad ni spros pa med pa yin na/ sems can rnams ni spros pa la dga' ste/ de'i phyir sems can rnams la de bzhin gshegs pa'i snying rje chen po skye'o// chos tham cad ni stong pa yin na sems can rnams ni lta bar zhugs te/ de'i phyir sems can rnams la de bzhin gshegs pa'i snying rje chen po skye'o// chos thams cad ni mtshan ma med pa yin na/ sems can rnams ni mtshan ma la spyod yul bar 'gyur te/ de'i phyir sems can rnams la de bzhin gshegs pa'i snying rje chen po skye'o// chos thams cad ni smon pa med pa yin na/ sems can rnams ni smon lam la spyod de/ de'i phyir sems can rnams la de bzhin gshegs pa'i snying rje chen po skye'o/ / kye ma 'jig rten gnas pa 'di ni phan tshun rtsod pas yongs su zin cing gnod sems kyi tha ba'i skyon la zhugs par gzigs nas de dag la gnod sems kyi tha ba'i skyon spang ba'i phyir chos bstan to zhes sems can rnams la de bzhin gshegs pa'i snying rje chen po skye'o/ / kye ma 'jig rten gnas pa 'di ni phyin ci log dang ldan zhing lam nyam nga bar zhugs pa lam gol ba la gnas pa yin te/ de dag yang dag pa'i lam du gzud par bya'o zhes sems can rnams la de bzhin gshegs pa'i snying rje chen po skye'o// kye ma 'jig rten gnas pa 'di ni brkam zhing chags ba'i zil gyis non pa/ chog mi shes shing gzhan gyi nor 'phrog pa yin te/ de dag 'phags pa'i nor dad pa dang / tshul khrims dang / thos pa dang / gtong ba dang / shes rab dang / ngo tsha shes pa dang / khrel yod pa'i nor la dgod do zhes sems can rnams la de bzhin gshegs pa'i snying rje chen po skye'o// kye ma sems can 'di dag nor dang / 'bru dang khyim dang / bu dang / chung ma la sred pa'i 'khol cing snying po med pa la snying por 'dzin te/ de dag la shin tu mi rtag pa nyid bstan to zhes sems can rnams la de bzhin gshegs pa'i snying rje chen po skye'o/ / kye ma sems can 'di dag mi rigs pas 'tsho zhing gcig la gcig 'drid pa la gnas te/ de dag 'tsho ba yongs su dag par bya ba'i phyir chos bstan to zhes sems can rnams la de bzhin gshegs/ pa'i snying rje chen po skye'o// kye ma sems can 'di dag mi mdza' ba yin na/ khe dang bkur stis rgyags nas bdag cag mdza' 'o snyam du sems te/ de dag gi gang 'di sdug bsngal rnam par zhi ba'i bde ba mya ngan las 'das pa la shin tu yang dag pa'i dge ba'i bshes gnyen bya'o zhes sems can rnams la de bzhin gshegs pa'i snying rje chen po skye'o/ / kye ma sems can 'di dag ni shin tu nyon mongs par gyur cing sdug bsngal gyi chos mang ba'i khyim gyi gnas la mngon par dga' ba de dag khams gsum las bzla ba'i phyir 'byung ba'i chos bstan to zhes sems can rnams la de bzhin gshegs pa'i snying rje chen po/ skye'o/ / chos thams cad ni rgyus nye bar 'gro ba rnam par bsgrubs nye bar gnas pa'i mtshan nyid de/ 'phags pa'i rnam par grol ba de la le lo byed do zhes sems can rnams la de bzhin gshegs pa'i snying rje chen po skye'o/ / sems can rnams ni chags pa med pa'i sangs rgyas kyi ye shes mchog khyad par du 'phags pa'i yongs su mya ngan las 'das pa 'di btang zhing / gang 'di theg pa dman pa nyan thos dang rang sangs rgyas kyi theg pa tshol te/ de dag gang 'di sangs rgyas kyi ye shes la dmig par bya ba'i phyir rgya chen po la sems mos par bya'o zhes sems can rnams la de bzhin gshegs pa'i snying rje chen po skye'o/ / tshangs pa sems can rnams la de bzhin gshegs pa'i snying rje rnam pa sum cu rtsa gnyis po de dag dang ldan par skye ste/ de'i phyir de bzhin gshegs pa snying rje chen po la gnas pa zhes bya'o/ / tshangs pa byang chub sems dpa' gang la la snying rje chen po rnam pa sum cu rtsa gnyis po de dag dang ldan par sems can rnams la 'jug na/ tshangs pa byang chub sems dpa' sems dpa' chen po 'di ni bsod nams kyi zhing / gzi brjid chen po yongs su rgyas pa/ phyir mi ldog pa sems can gyi don la brtson par shes par bya'o// yang snying rje chen po'i chos kyi sgo'i le'u 'di bshad ba na/ srog chags stong phrag sum cu rtsa gnyis bla na med pa yang dag par rdzogs pa'i byang chub tu sems skyes so// srog chags brgyad stong gis ni bzod pa rab tu thob par gyur to// lha'i bu stong phrag bdun cu rtsa gnyis ni chos rnams la rdul med cing dri ma dang bral ba'i chos kyi mig rnam par dag go/ / de nas bcom ldan 'das la/ byang chub sems dpa' dra ba can gyi 'od kyis 'di skad ces gsol to/ / bcom ldan 'das tshangs pa khyad par sems 'di de bzhin gshegs pa'i thugs rje chen po dang ldan pa'i chos bstan pa 'di thos na dga' bar mi bgyid rangs par mi 'gyur ro/ / khyad par sems kyis smras pa/ rigs kyi bu gang gis rnam par shes pa gnyis dang ldan pa de dag la ni dga' ba dang rangs par yang 'gyur gyi/ gnyis su med pa yang dag pa'i mtha' la gnas pa la ni dka' ba'ang med/ rangs pa'ang med do// rigs kyi bu 'di lta ste/ dper na snrums sprul pa'i skyes bu ni sgyu ma gar byed par zhugs la dga' ba'ang med rangs pa'ang med do/ / rigs kyi bu de bzhin du chos thams cad sgyu ma'i mtshan nyid kyi rang bzhin dang ldan pa'i phyir/ de bzhin gshegs pa'i cho 'phrul la dga' ba'ang mi skye/ rangs par yang mi 'gyur ro/ / rigs kyi bu 'di lta ste/ dper na de bzhin gshegs pa'i sprul pas de bzhin gshegs pa'i spobs pa thos na dga' bar mi byed/ rangs par mi 'gyur ro// rigs kyi bu de bzhin du chos rnams sprul pa'i rang bzhin du shes nas/ de bzhin gshegs pa la lhag par dga' ba'ang mi skye'o// sems can gzhan dag la'ang dman par mi 'dzin to// dra ba can gyi 'od kyis smras pa/ tshangs pa khyod kyis chos thams cad sgyu mas sprul pa'i rang bzhin du shes sam/ smras pa/ rigs kyi bu gang rnam pa gnyis su rnam par gzhag pa spyod pa de dag la dris shig/ smras pa tshangs pa khyod gang la spyod/ smras pa/ gang la byis pa so so'i skye bo thams cad spyod pa de la'ang spyod do// smras pa/ tshangs pa byis pa so so'i skye bo rnams ni 'dod chags dang / zhe sdang dang // gti mug rnams la spyod do// 'jig tshogs la lta ba dang / tshul khrims dang / brtul zhugs mchog tu 'dzin pa dang / the tsom dang / ngar 'dzin pa dang / nga yir 'dzin pa dang / 'dod pa dang / 'dod chen dang / log par sbyor ba rnams la spyod na/ ci khyod kyang de dag la spyod dam/ smras pa/ rigs kyi bu khyod so so'i skye bo rnams kyi so so'i skye bo'i chos yongs su grub par 'dod dam/ smras pa/ so so'i skye bo nyid kyang nga mi 'dod na/ de dag gi chos yongs su grub par ga la 'dod/ smras pa/ rigs kyi bu gang 'di chos yongs su ma grub pa'i chos de la chags pa 'am/ zhe sdang ba 'am/ gti mug par bya ba khyod 'dod dam/ smras pa/ de ma yin no// smras pa/ rigs kyi bu chos thams cad 'dod chags dang bral/ zhe sdang dang bral/ gti mug dang bral ba'i spyod pa'ang de'i mtshan nyid do// rigs kyi bu de ltar spyod pa gnyis su med pa'i phyir so so'i skye bo'i spyod pa gang yin pa de nyid 'phags pa rnams kyi spyod pa'o// rigs kyi bu yang spyod pa thams cad ni spyod pa ma yin no// 'dogs pa thams cad ni 'dogs pa ma yin no// 'gro ba thams cad ni 'gro ba ma yin pa'o// smras pa/ tshangs pa derje/ sgyur na spyod pa thams cad spyod pa ma yin/ sgrusgru ba/ brtul babyeg la khrigs song du ga cos kyi dbyings labri ba ma/ gang bar mi dmigs te/ phyir spyod pa thams cad spyod pa ma yin no// smras pa/ tshangs pa de ji ltar na 'dogs pa thams cad ni 'dogs pa ma yin zhe na/ smras pa/ rigs kyi bu chos thams cad 'dogs pa ma yin pas brtags pa ste/ de'i phyir chos thams cad du 'dogs pa ni 'dogs pa yin pa'o// smras pa'o// tshangs pa de ji ltar na 'gro ba thams cad 'gro ba ma yin zhe na/ smras pa/ gar yang mi 'gro ba'i phyir 'gro ba thams cad 'gro ba ma yin pa'o// de nas bcom ldan 'das kyis/ tshangs pa khyad par sems la tshangs pa legs so legs so// gal te bshad par bya na/ de ltar bshad par bya'o zhes legs so legs so zhes bya ba byin no// de nas gzhon nur gyur pa dra ba can gyi 'od kyis/ tshangs pa khyad par sems la 'di skad ces smras so// tshangs pa khyod gang 'di skad du gang la byis pa so so'i skye bo thams cad spyod pa de nyid la bdag spyod do zhes zer na spyod pa de khyod kyis thob pa yin no/ / smras pa/ rigs kyi bu gal te bdag la skye ba'i rgyu yod na ni/ bdag gis spyod pa'ang thob par 'gyur ro// smras pa/ tshangs pa de gal te mi skye na/ ji ltar sems can rnams yongs su smin par byed/ smras pa/ rigs kyi bu de bzhin gshegs pas sprul pa'i skye ba ji lta bar bdag gi skye ba'ang de dang 'dra'o/ / smras pa/ de ni de bzhin gshegs pas sprul pa la skye ba gang yang med do// smras pa/ ci de bzhin gshegs// pas sprul pa snang ngam/ smras pa/ sangs rgyas khyu mchog lta bur gyur pa'i phyir snang ngo // smras pa/ rigs kyi bu khyu mchog lta bur gyur pa'i phyir bdag gi skye ba'ang de bzhin du blta'o// smras pa/ tshangs pa ci las mngon par 'du byed pa la spyod dam/ smras pa/ rigs kyi bu bdag ni las mngon par 'du byed pa la mi spyod do// smras pa/ las med pa la de ji ltar las khyu mchog lta bur 'gyur/ smras pa/ las ji lta ba bzhin du de'i khyu mchog kyang de bzhin nyid las mi 'daba'o// de nas bcom ldan 'das la/ gnas brtan shA ri'i bus 'di skad ces gsol to/ / bcom ldan 'das glang po che 'di dag gi ldem po ngag la gang 'jug par 'gyur ba de dag ni bsod nams mang du skyed par 'gyur ro// de ci'i phyir zhe na bcom ldan 'das skyes bu dam pa de dag gi ming tsam thos pa'ang legs par thos pa lags na/ chos bstan pa lta smos kyang ci 'tshal/ bcom ldan 'das 'di lta ste/ dper na shing ljon pas chen po la ma brten par/ rtsa ba dang / sdong po dang / ya la ga dang / lo ma dang / me tog dang / 'bras bu ston pa ltar/ bcom ldan 'das skyes bu dam pa 'di dag gis spyod pa'i mtshan nyid kyang de bzhin du blta'o/ / 'di ltar chos thams cad la mi gnas shing spyod pa dang / skye ba dang / 'byung ba dang / 'pho ba dang / 'chi ba'ang ston la/ sangs rgyas kyi zhing dag na'ang gda' ba de dag la lhag par shes rab kyi spobs pa 'di lta bus yang spobs par 'gyur ro// bcom ldan 'das shes rab kyi spobs pas rnam par 'phrul pa 'di lta bu mthong na/ rigs kyi bu 'am/ rigs kyi bu mo su zhig bla na med pa yang dag par rdzogs pa'i byang chub tu sems mi skyed// // bam po gsum pa// yang de'i tshe byang chub sems dpa' kun tu me tog ces bya ba 'khor der 'dus shing 'dug par gyur te/ des gnas brtan shA ri'i bu la 'di skad ces smras so// gnas brtan ni de bzhin gshegs pas shes rab can gyi mchog tu gsung na/ 'di ltar shes rab kyi spobs pa rnam par 'phrul pa 'di lta bus rnam par 'phrul mi nus pa/ ci gnas brtan gyis chos kyi dbyings khong du ma chud dam gnas brtan gyis smras pa/ kun tu me tog bcom ldan 'das kyis nyan thos rnams ni yul ji lta ba bzhin du ston to// smras pa/ btsun pa shA ri'i bu ci chos kyi dbyings yul du bzang ngam/ smras pa/ de ni ma yin no// smras pa/ 'o na ji ltar gnas brtan shA ri'i bu yul ji lta ba bzhin du ston/ smras pa/ nyan thos kyi khong du chud pa ji tsam par bstan pa'ang de tsam mo// spras pa/ cig nas brtan gyis chos kyi dbyings kyi yul rnam pa tshad med pa khong du chud dam/ smras pa/ rigs kyi bu de de bzhin no// smras pa/ chos kyi dbyings la tshad yod pa ma yin pas/ na/ chos kyi dbyings ni tshad med pa yin te/ btsun pa shA ri'i bu ji ltar tshad med par khong du chud pa de bzhin du tshad med par bstan pa yin na/ de ji ltar gang gis khong du chud pa ci 'dra ba de'i bstan pa 'ang de 'dra bar 'gyur/ spras pa/ kun tu me tog chos kyi dbyings ni khong du chud pa'i mtshan nyid ma yin no// smras pa/ btsun pa shA ri'i bu chos kyi dbyings khong du chud pa'i mtshan nyid ma yin na/ ci khyod chos kyi dbyings dang tha dad du rnam par grol lam/ smras pa/ de ni ma yin no// smras pa/ ci'i phyir/ smras pa/ chos kyi dbyings tha dad par 'gyur ba'i phyir ro// smras pa btsun pa shA ri'i bu de'i phyir khong du chud pa ji lta ba bzhin du chos kyi dbyings kyang de bzhin no/ / smras pa/ kun tu me tog bdag ni ston 'dod pa ma yin gyi/ bdag ni nyan 'dod pa'o// smras pa/ btsun pa shA ri'i bu chos thams cad chos kyi dbyings mi 'gyur bar nges pa la/ ci bshad par bya 'am/ mnyan par bya 'am/ smras pa/ de ni ma yin no// smras pa/ 'o na ci'i phyir khyod bdag ni nyan par 'dod pa yin gyi/ ston 'dod pa ma yin snyam du sems/ smras pa/ rigs kyi bu de bzhin gshegs pas kyang / gang gus par chos ston pa dang / gang gus par chos nyan pa gang zag gnyis ni bsod nams mang du skyed do zhes gsungs kyis/ de'i phyir khyod kyis shod cig/ bdag gis mnyan to// smras pa/ gnas brtan shA ri'i bu 'du shes dang tshor ba thams cad la 'gog par snyoms par zhugs la chos nyan nus sam/ smras pa/ rigs kyi bu gang gis mnyan par bya ba'i gnyis la 'jug pa 'gog pa la med do// smras pa/ gnas brtan shA ri'i bu chos thams cad rang bzhin gyis 'gags par 'dod dam/ smras pa/ rigs kyi bu de bzhin te/ chos thams cad ni shin tu 'gags pa'o// smras pa/ de'i phyir gnas brtan shA ri'i bu rtag tu mi 'chad par chos mnyan pa'i skal ba med do/ / de ci'i phyir zhe na/ chos thams cad rang bzhin gyis 'gags pa'i phyir ro// smras pa/ rigs kyi bu khyod ting nge 'dzin las ma langs par chos ston nus sam/ smras pa/ gnas brtan shA ri'i bu gang rtag tu mnyam par ma gzhag pas chos gang yang dmigs sam/ smras pa/ de ma yin no// smras pa/ 'o na byis pa so so'i skye bo thams cad kyang mnyam par gzhag par 'gyur ro// smras pa/ rigs kyi bu ting nge 'dzin gang la byis pa so so'i skye bo rnams mnyam par gzhag pa yin/ smras pa/ chos kyi dbyings mi 'khrugs pa'i ting nge 'dzin la'o// smras pa/ kun tu me tog de lta yin du zin na/ so so'i skye bo rnams dang / 'phags pa rnams su bye brag med par 'gyur ro/ / smras pa/ btsun pa shA ri'i bu de de bzhin te/ nga ni 'phags pa dang so so'i skye bo rnams tha dad du dbye bar mi 'dod do// de ci'i phyir zhe na/ 'phags pa rnams kyis kyang chos gang yang ma 'gags/ byis pa so so'i skye bo rnams kyis kyang chos gang yang ma skyed de/ chos kyi dbyings mnyam pa nyid de gang yin pa de nyid las kyang mi 'da' 'o// smras pa/ rigs kyi bu chos rnams kyi mnyam pa nyid gang yin/ smras pa/ gang gnas brtan gyis yongs su shes pa de ston te/ gnas brtan gyis kyang 'phags pa'i chos rnams bskyed dam/ smras pa/ de ma yin no// smras pa/ ci khyod kyis so so'i skye bo'i chos rnams 'gags par byas sam/ smras pa/ de ma yin no// smras pa/ 'o na ci khyod kyis 'phags pa'i chos rnam/ thob bam/ smras pa/ de ma yin no// smras pa/ 'o na ci khyod kyis so so'i skye bo'i chos rnams yongs su shes sam/ smras pa/ de ni ma yin no// smras pa/ 'o na gnas brtan gyis yongs su shes pas ci mngon par rtogs/ smras pa/ byis pa so so'i skye bo thos pa dang mi ldan pa rnams kyis de bzhin nyid gang yin pa rnams rnam par grol ma thag pa'i de bzhin nyid kyang de yin/ yongs su mya ngan las 'das pa'i de bzhin nyid kyang de yin no// smras pa/ btsun pa shA ri'i bu de bzhin nyid de ni ma log pa de bzhin nyid dang / gzhan ma yin pa de bzhin nyid dang mi 'gyur ba de bzhin nyid dang / mi 'khrugs pa de bzhin nyid de/ btsun pa shA ri'i bu de bzhin nyid 'dri chos thams cad kyi de bzhin nyid rjes su rig par bya'o// de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das 'di lta ste/ dper na me'i phung po rab tu 'bar ba'i me lce thams cad ni sregs par nye bar gnas pa lags so/ / bcom ldan 'das de bzhin du rigs kyi bu 'di dag gis bstan pa thams cad chos kyi dbyings bstan pa ste/ chos bstan pa thams cad kyang nyon mongs pa thams cad sregs par nye bar gnas pa lags so/ / bcom ldan 'das kyis bka' stsal pa/ shA ri'i bu de de bzhin no// de ni ji skad ston pa de bzhin te/ rigs kyi bu 'di dag gis bstan pa thams cad chos kyi dbyings bstan pa ste/ chos bstan pa thams cad kyang nyon mongs pa thams cad sregs par nye bar gnas pa yin no// de nas gzhon nur gyur pa dra ba can gyi 'od kyis/ gnas brtan shA ri'i bu la 'di skad ces spras so/ / gnas brtan shA ri'i bu bcom ldan 'das kyis shes rab dang ldan pa rnams kyi nang na mchog tu gsungs na/ gnas brtan shA ri'i bu shes rab gang gis shes rab dang ldan pa'i mchog tu gsungs pa'i shes rab de gang yin/ smras pa/ dra ba can gyi 'od gang nyan thos sgra'i rjes su 'brang ba rang gi rgyud snang ba'i mtshan nyid nyi tshe ba'i ye shes kyis rnam par grol ba rnams kyis shes rab ste/ shes rab des bdag shes rab dang ldan pa rnams kyi mchog tu gsungs kyi/ byang chub sems dpa'i shes rab kyis ni ma yin no// spras pa/ ci shes rab kyi spros pa'i mtshan nyid dam/ smras pa/ des yin no/ / smras pa/ 'o na shes rab mnyam pa nyid kyi rjes su spyod pa 'am/ smras pa/ rigs kyi bu de de bzhin no// smras pa/ gnas brtan shA ri'i bu mnyam pa nyid kyis rjes su spyod pa'i shes rab kyis ji ltar shes rab tshad can du bshad/ smras pa/ rigs kyi bu chos kyi dbyings kyi rgyus ni shes rab tshad med do// yul ji lta ba bzhin du ye shes 'jug pas ni tshad zin pa'o// smras pa/ btsun pa shA ri'i bu ye shes tshad med pa 'am/ 'on te tshad yod pa yin/ smras pa/ rigs kyi bu ye shes ni tshad med pa'o// smras pa/ 'o na tshad med pa ji ltar tshad zin par ston/ de nas gnas brtan shA ri'i bu cang mi zer bar gyur to// de nas sangs rgyas kyi mthus bcom ldan 'das la/ tshe dang ldan pa 'od srungs chen pos 'di skad ces gsol to// bcom ldan 'das gzhon nur gyur pa dra ba can gyi 'od ci'i slad du dra ba can gyi 'od ces bgyi/ de nas bcom ldan 'das kyis/ dra ba can gyi 'od la 'di skad ces bka' stsal to// rigs kyi bu gang gis lha dang bcas pa'i 'jig rten 'di dga' bar gyur nas/ dge ba'i rtsa ba yongs su smin cing / bla na med pa yang dag par rdzogs pa'i byang chub tu sems skyed par 'gyur ba'i 'od/ rang gi dge ba'i rtsa bas yongs su sbyangs pa khyod kyis ston cig/ de nas gzhon nur gyur pa dra ba can gyi 'od kyis bcom ldan 'das la legs so zhes bya ba gsol te/ mnyan nas bla gos phrag pa gcig tu/ gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar te/ lag pa g.yas pa dra ba can sen mo zangs lta bu las 'od zer phyung nas/ 'od zer des tshad med mu med pa'i 'jig rten gyi khams ni thul nas/ phyogs bcu'i sangs rgyas kyi zhing tshad med pa rnams 'od kyis khyab par byas te/ 'od des phyogs bcu'i 'jig rten gyi khams tshad med grangs med pa na/ sems can dmyal ba pa'i sems can nam/ dud 'gro'i skye gnas su skyes pa 'am/ gshin rje'i 'jig rten pa 'am/ long ba 'am/ 'on pa 'am/ 'theng po 'am/ lag zha 'am/ nad pu can nam/ chags pa 'am/ gtum pa 'am/ rmongs pa 'am/ gcer bu 'am/ ltogs pa 'am/ skom pa 'am/ bcings pa 'am/ bzung ba 'am/ dbul po 'am/ rid pa 'am/ rgas pa 'am/ 'chi ba'i chos can nam/ ser sna can nam/ gnod par sems pa 'am/ ngang tshul ngan pa can nam/ 'jungs pa 'am/ dran pa nyams pa 'am/ 'chal ba'i shes rab can nam/ ma dad pa 'am/ thos pa nyung ba 'am/ bsod nams nyung ba 'am/ ngo tsha mi shes pa 'am/ khrel ba med pa 'am/ b+ha ba thibs por gyur ba ji snyed yod pa de dag thams cad 'od des reg ma thag tu bde ba thams cad dang ldan par gyur to// sems can gang yang 'dod/ chags dang / zhe sdang dang / gti mug dang / nga rgyal dang / 'chab pa dang / phrag dog dang / khro ba'i yongs su gdung bas nyam nga bar gyur pa med do// sems can thams cad kyang dga' ba dang / bde ba dang ldan par gyur to// gang sangs rgyas kyi spyan snga na byang chub sems dpa'i 'khor ram/ nyan thos kyi 'khor ngam/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang / dge slong dang / dge slong ma dang / dge bsnyen dang dge bsnyen ma'i 'khor de dag thams cad 'di lta ste/ kha dog gcig tu gser gyi kha dog lta bur snang ngo // thams cad kha dog gcig tu 'di lta ste/ de bzhin gshegs pa'i kha dog dang / mtshan dang / gzugs 'chang bar snang ngo // thams cad kyang spyi gtsug bltar mi snang zhing / lus mchog gi gzugs su snang ngo // de dag thams cad kyang pad+mo'i stan la 'khod cing rin po che'i dra bas khebs par snang ngo / / de dag thams cad kyang 'di lta ste/ sangs rgyas mthong ba'i rang bzhin du rang bzhin gcig tu snang ngo // de dag thams cad kyang 'di lta ste/ dper na dga' ba'i rnam pa bkod pa'i ting nge 'dzin thob pa'i byang chub sems dpa' bzhin du 'di lta bu'i bde ba skyes par gyur to/ / de nas 'khor de thams cad ngo mtshar du gyur cing / phan tshun dbyer med de/ ston pa'ang lhag par mi sems/ bdag nyid kyang dman par mi sems so// 'od de dag btang ma thag tu 'og gi phyogs nas byang chub sems dpa' bzhi byung ste/ bzhi gang zhe na/ 'di lta ste/ byang chub sems dpa' sems dpa' chen po smon lam yang dag 'phags zhes bya ba dang / khyad par bzang zhes bya ba dang / ye shes zla ba zhes bya ba dang / byang chub sems dpa' sems dpa' chen po gzhan gyis mi thub rgyal mtshan zhes bya ba ste/ de dag thal mo sbyar nas gang la phyag bya ba'i de bzhin gshegs pa yang dag pa 'di'i nang na gang yin snyam ste/ phyag 'tshal zhing 'khod pa dang / de dag gis bar snang las 'di ltar 'khor 'di thams cad 'di lta ste/ de bzhin gshegs pa'i kha dog tu kha dog gcig tu snang ba ni/ gzhon nur gyur pa dra ba can gyi 'od kyi bye brag zhes sgra thos so/ / de nas byang chub sems dpa' de bzhi 'di skad ces 'dzer te/ bden pa dang bden pa'i tshig gang gis ji ltar 'khor 'di kha dog dang gzugs gcig ste/ bye brag med pa de bzhin du chos thams cad kyang bye brag med ce na/ bden pa dang bden pa'i tshig des/ bcom ldan 'das shAkya thub pa la tha dad du dbye ba lhag pa gang mthong bas/ de bzhin gshegs pa la mchod pa byed par 'gyur ba 'ga' zhig mthong bar shog cig ces byas pa dang / de nas de'i mod la bcom ldan 'das seng ge'i khri pad+ma can dang bcas te/ ta la gang tsam du mngon par 'phags par gyur to// de nas bcom ldan 'das la/ byang chub sems dpa' bzhi po de dag gis mgo bos phyag 'tshal nas tshig 'di skad ces 'dzer to// bcom ldan 'das de bzhin gshegs pa rnams kyi de bzhin gshegs pa'i ye shes ni bsam gyis mi khyab bo/ / 'di ltar sems can rnams la bde ba bstan pas/ byang chub sems dpa' dra ba can gyi 'od kyis bsod nams dang smon lam 'di'ang bsam gyis mi khyab bo// de nas bcom ldan 'das kyis/ gzhon nur gyur pa dra ba can gyi 'od la 'di skad ces bka' stsal to// rigs kyi bu khyod kyis sangs rgyas kyi bya ba byas te/ sems can tshad med pa rnams khyod kyis byang chub la bkod kyis rdzu 'phrul 'di phyir rtul cig/ de nas gzhon nur gyur pa dra ba can gyi 'od kyis 'od de dag phyir brtul to// 'od de phyir brtul ma thag tu 'khor de thams cad spyod lam snga ma ji lta ba bzhin du snang ngo // bcom ldan 'das kyang snga ma kho na bzhin du seng ge'i khri pad+mo can la bzhugs par snang ngo // de nas bcom ldan 'das la/ gnas brtan 'od srungs chen pos 'di skad ces gsol to// bcom ldan 'das byang chub sems dpa' 'di bzhi gang nas mchis/ byang chub sems dpa' de bzhis smras pa/ kho bo cag 'og gi 'jig rten gyi khams nas 'ongs so// smras pa/ 'jig rten gyi khams de'i ming ni/ smras pa/ 'jig rten gyi khams ngan rin po tshe thams cad ston pazhes bya'o// smras pa/ den de bzhin gshegs pa mtshan ci zhes bya ba zhig chos 'chan/ pa/ de bzhin gshegs pa de'i mtshan ni rin po che gdugs gcig pa zhes bya'o// spras pa/ 'jig rten gyi khams de 'di nas ji srid cig na yod/ smras pa/ bcom ldan 'das mkhyen pas mkhyen to/ / smras pa/ khyed rnams 'dir ci la 'ongs/ smras pa/ byang chub sems dpa' dra ba can gyi 'od kyis 'od btang nas/ 'od des kho bo cag la reg ste/ reg ma thag tu bcom ldan 'das shAkya thub pa'i mtshan dang / byang chub sems dpa' dra ba can gyi 'od kyi ming thos nas/ bcom ldan 'das dang / skyes bu dam pa 'di la blta ba dang / phyag bya ba dang / bsnyen bkur bya ba'i phyir bdag cag 'dir 'ongs so/ / de nas bcom ldan 'das la/ gnas brtan 'od srungs chen pos 'di skad ces gsol to// bcom ldan 'das 'jig rten gyi khams rin po che thams cad ston pa zhes bgyi ba bcom ldan 'das rin po che gdugs gcig pa de bzhin gshegs pa'i sangs rgyas kyi zhing de ji srid cig na mchis/ bcom ldan 'das kyis bka' stsal pa/ 'jig rten gyi khams 'di nas 'og tu sangs rgyas kyi zhing gang+gA'i klung bdun cu rtsa gnyis kyi bye ma snyed 'das pa na/ byang chub sems dpa' 'di bzhi gang nas 'dir 'ongs pa'i 'jig rten gyi khams rin po che thams cad ston pa/ bcom ldan 'das rin po che'i gdugs gcig pa de bzhin gshegs pa'i sangs rgyas kyi zhing yod do/ / gsol pa/ de dag de nas ji srid kyis 'dir mchis/ bka' stsal pa/ sems kyi skad cig pa gcig gis der mi snang bar gyur te/ 'dir phyin to// gsol pa/ bcom ldan 'das 'di ltar byang chub sems dpa' dra ba can gyi 'od zer de ji srid du mchis pa dang / rigs kyi bu 'di dag de ltar myur du phyin te/ byang chub sems dpa' rnams kyi 'od zer gtong ba dang / rdzu 'phrul gyi stobs ni ngo mtshar to// bcom ldan 'das kyis bka' stsal pa/ 'od srungs de de bzhin te/ ji skad zer ba de bzhin no/ / gang nyan thos dang rang sangs rgyas thams cad kyis ma yin pa/ byang chub sems dpa' rnams kyi spyod pa ni bsam gyis mi khyab bo// de nas tshe dang ldan pa 'od srungs chen pos// gzhon/ nur gyur pa dra ba can gyi 'od la 'di skad ces smras so// rigs kyi bu khyod kyis 'od kyis 'khor 'di dag la reg nas kha dog gcig tu 'di lta ste/ gser gyi kha dog tu gyur na/ 'di gang gi mthu smras pa/ bcom ldan 'das nyid la 'od srungs chen po khyod kyis gsol cig dang / de nyid khyod la ston to// de nas bcom ldan 'das la/ tshe dang ldan pa 'od srungs chen pos 'di skad ces gsol to/ / bcom ldan 'das ltas sngar byung ba 'di su'i lags/ bcom ldan 'das kyis bka' stsal pa/ 'od srungs dra ba can gyi 'od byang chub thob pa'i 'khor kha dog gcig tu 'di lta ste/ gser gyi kha dog tu 'gyur ro// 'khor rnams gcig la mos pa 'di lta ste/ thams cad mkhyen pa'i sems la mos par 'gyur ro// des na nyan thos dang rang sangs rgyas rnams kyi ming yang med par 'gyur ro/ / byang chub sems dpa' sems dpa' chen po sha stag gi dge 'dun du 'gyur ro// 'od srungs chen pos gsol pa/ bcom ldan 'das byang chub sems dpa' gang sangs rgyas kyi zhing der skye bar 'gyur ba de ni de bzhin gshegs pa nyid du gzung bar bgyi'o/ / bcom ldan 'das kyis bka' stsal pa/ 'od srungs ji skad zer ba de bzhin te/ de ni de bzhin gshegs pa nyid du rig par bya'o/ / de nas 'khor de'i nang nas srog chags stong phrag bzhi bcu rtsa bzhi bla na med pa yang dag par rdzogs pa'i byang chub tu sems bskyed nas/ sangs rgyas kyi zhing der smon lam 'debs shing 'di skad du/ bcom ldan 'das nam byang chub sems dpa' dra ba can gyi 'od kyis byang chub thob par 'gyur ba de'i tshe/ bdag cag rnams sangs rgyas kyi zhing der skye bar shog cig ces smras so/ / de nas bcom ldan 'das la/ gnas brtan 'od srungs chen pos 'di skad ces gsol to// bcom ldan 'das byang chub sems dpa' dra ba can gyi 'od yun ji srid cig gis bla na med ba yang dag par rdzogs pa'i byang chub tu mngon par rdzogs par 'tshang rgya bar 'gyur/ bcom ldan 'das kyis bka' stsal pa/ 'od srungs khyod kyis de bzhin du byang chub sems dpa' dra ba can gyi 'od la rigs kyi bu khyod yun ji tsam gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes dris shig/ de nas gnas brtan 'od srungs chen pos/ byang chub sems dpa' dra ba can gyi 'od la 'di skad ces smras so/ / rigs kyi bu khyod yun ji tsam gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ dra ba can gyi 'od kyis smras pa/ btsun pa 'od srungs chen po la la zhig gis sgyu mas sprul pa'i skyes bu la/ rigs kyi bu khyod yun ji tsam gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes dris na/ de ji skad lung ston/ smras pa/ rigs kyi bu sgyu mas sprul pa la yang dag par yongs su grub pa med na de ci zhig lung ston par 'gyur/ smras pa/ btsun pa 'od srungs chen po de de bzhin te/ sgyu mas sprul pa bzhin du chos thams cad yongs su ma grub pa yin na/ sul khyod sun ji tsam gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes 'dri/ smras pa/ rigs kyi bu ji ltar sgyu mas sprul pa dben zhing 'gyur ba med pa/ yongs su rtog pa med pa/ byed pa med pa de bzhin du khyod kyang gal te de 'dran/ khyod tshad med pa'i sems can rnams kyi don ji ltar byed/ smras pa/ btsun pa 'od srungs chen po sgyu ma'i rang bzhin gang yin pa de byang chub kyang de'i rang bzhin no// byang chub kyi rang bzhin gang yin pa de sems can rnams kyang de'i rang bzhin no/ / sgyu ma dang / byang chub dang / sems can gyi rang bzhin gang yin pa de/ chos thams cad kyang de'i rang bzhin yin te/ btsun pa 'od srungs chen po kho bos/ ni gang gi yang don dang don ma yin par ma mthong ngo // smras pa/ rigs kyi bu khyod sangs rgyas su 'gyur bar ma zhugs sam/ smras pa/ btsun pa 'od srungs chen po ci de bzhin gshegs pa rnams kyi byang chub 'jug pa'i mtshan das/ sa pa/ donam yin// sa/ de bsan ma tshamasas cas su 'thar ba dang / rjes su 'gyur ba dang / rangs sa rnams 'gyu kyi ma gyugs so// pa/ rigs kyi bu khyod ci la zhugs/ smras pa/ de bzhin nyid gang la zhugs pa de la bdag zhugs so// smras pa/ rigs kyi bu de bzhin nyid ni zhugs pa'ang med/ ldog pa'ang med do// smras pa btsun pa 'od srungs chen po ji ltar de bzhin nyid ma zhugs shing mi ldog pa de bzhin du/ chos thams cad de bzhin nyid kyi 'jug par zhugs pa la mi ldog go// smras pa/ dra ba can gyi 'od gal te khyod mi 'jug mi ldog na/ / sems can rnams ji ltar yongs su smin par byed/ smras pa/ btsun pa 'od srungs chen po gang smon lam 'debs pa de dag ni sems can yongs su smin par byed pa la brtson pa ma yin no// gang chos gang las kyang mi ldog pa de dag sems can yongs su smin par byed pa la brtson pa ma yin no/ / smras pa/ rigs kyi bu khyod sems can rnams 'khor ba las mi ldog gam/ smras pa/ bdag cag 'khor ba nyid mi dmigs na/ ji ltar sems can rnams 'khor ba las bzlog par bya/ smras pa/ rigs kyi bu khyod sems can rnams mya ngan las 'das pa la mi 'dzud dam/ spras pa/ mya ngan las 'das pa nyid bdag gis ma mthong na/ sems can rnams ji ltar de la gzud par bgyi/ spras pa/ rigs kyi bu de ste 'di la 'khor ba'ang med/ mya ngan las 'das pa'ang med na/ 'o na ci'i phyir byang chub sems dpa' sem can yongs su mya ngan las 'da' ba'i phyir byang chub tu spyod/ smras pa/ btsun pa 'od srungs chen po gang 'khor bar dmigs pa dang / mya ngan las 'das par yongs su rtogs pa dang / sems can du 'du shes pa la gnas par byang chub tu spyod na/ de dag byang chub sems dpa' zhes mi bya'o// smras pa/ rigs kyi bu khyod ci la spyod/ smras pa/ btsun pa 'od srungs chen po kho bo ni 'khor ba dang / mya ngan las 'das pa dang / sems can du 'du shes pa la mi spyod mod kyi/ btsun pa 'od srungs chen po khyod ci la spyod ces de skad 'dri na/ btsun pa 'od srungs chen po kho bo ni de bzhin gshegs pas sprul pa gang la spyod pa de nyid la spyod do/ / smras pa/ rigs kyi bu de bzhin gshegs pa'i sprul pa ni ci la'ang mi spyod do// smras pa/ btsun pa 'od srungs chen po sems can thams cad kyi spyod pa'i mtshan nyid kyang de lta bur blta'o/ / smras pa/ rigs kyi bu de ste sems can thams cad kyi spyod pa'i mtshan nyid de lta bu yin du zin na/ de bzhin gshegs pa'i sprul pa rnams ni chags par mi 'gyur// zhe sdang bar mi 'gyur/ rmongs par mi 'gyur na/ ci'i phyir sems can rnams la 'dod chags dang / zhe sdang dang / gti mug 'byung / smras pa/ de bas nagan/ brtan nyid la 'dri dris/ khyod kyis mos pa ji lta ba bzhin du 'di lung ston cig/ gnas brtan 'od srungs chen po la da ltar 'dod chags dang / zhe sdang dang / gti mug rnams yod dam/ smras pa/ de ni ma yin no// smras pa/ 'o na khyod kyis 'dod chags dang / zhe sdang dang / gti mug zad dam/ med par gyur tam/ smras pa/ de ma yin no// smras pa/ gal te gnas brtan gyi 'dod chags dang / zhe sdang dang / gti mug kyang med la/ zad pa 'am/ med par gyur pa'ang ma yin na/ ci khyod kyi 'dod chags dang / zhe sdang dang / gti mug rnams 'dug gam/ smras pa/ rigs kyi bu byis pa so so'i skye bo phyin ci log dang ldan pa rnams kyi rtog pa dang / rnam par rtog pa dang / yongs su rtog pa'i gnas la 'dod chags dang / zhe sdang dang gti mug rnams 'byung gi/ 'phags pa'i chos 'dul ba la phyin ci log khong du chud pas rtog pa dang / rnam par rtog pa dang / yongs su rtog pa mi 'byung ngo // de la 'dod chags kyang med// zhe sdang yang med/ gti mug kyang med do// smras pa/ btsun pa 'od srungs chen po 'di ji snyam du sems gang phyin ci log las byung ba'i nyon mongs pa de yang dag pa yin nam/ smras pa/ de ma yin te/ de ni yang dag pa ma yin no// smras pa/ btsun pa 'od srungs chen po 'di ji snyam du sems/ gang yang dag pa ma yin pa de/ nam yang yang dag par 'gyur ram/ smras pa de ni ma yin no/ / smras pa/ ga nas brtan yang dag pa ma yin pa gang yin pa'i yang dag pa ma yin pa de las 'dod chags dang / zhe sdang dang / gti mug skyes par 'dod dam/ smras pa/ de ma yin no// smras pa/ btsun pa 'od srungs chen po de lta bu yin du zin na/ gang dag gi sems can rnams kun nas nyon mongs par 'gyur ba'i 'dod chags dang / zhe sdang dang / gti mug gang yin/ smras pa/ rigs kyi bu de ltar na chos thams cad rang bzhin gyis 'dod chags dang bral ba/ zhe sdang dang bral ba/ gti mug dang bral ba'o// smras pa/ btsun pa 'od srungs chen po 'di la bsams te/ 'di skad du chos thams cad ni sgyu mas sprul pa'i rang bzhin no zhes smras so// gang bstan pa 'di bshad pa na/ byang chub sems dpa' stong phrag bzhi bcu rtsa bzhi rjes su 'thun pa'i bzod pa skyes so/ / de nas bcom ldan 'das la/ tshe dang ldan pa 'od srungs chen pos 'di skad ces gsol to// bcom ldan 'das su dag gis mig gis byang chub sems dpa' dra ba can gyi 'od mthong bar gyur pa'i sems can de dag la ngan song ngan 'gro log par ltung ba'i 'jigs pa 'tshal bar mi bgyi'o/ / su dag 'di la chos bstan pa thos par gyur pa'i sems can de dag la'ang bdud kyi las kyis bar du gcod par 'tshal bar mi bgyi'o/ / 'dis su dag byang chub la yongs su smin par bgyis pa'i sems can de dag kyang nyan thos dang rang sangs rgyas kyi sar 'tshal bar mi bgyi'o/ / bcom ldan 'das byang chub sems dpa' dra ba can gyi 'od kyi sangs rgyas kyi zhing gi yon tan bkod pa bshad du gsol/ bcom ldan 'das kyis bka' stsal pa/ 'od srungs byang chub sems dpa' dra ba can gyi 'od sangs rgyas kyi zhing gang dang gang na gnas pa de dang der sems can tshad med pa rnams kyi don byed do/ / 'od srungs rigs kyi bu 'dis 'od byung ba khyod kyis mthong ngam// gsol pa/ bcom ldan 'das bdag gis mthong ngo // bcom ldan 'das kyis bka' stsal pa/ 'od srungs stong gsum gyi stong chen po'i 'jig rten gyi khams yungs kar gyis gang ba ni bgrang ba'i tshul gyis mthar phyin par nus kyis/ 'od srungs byang chub sems dpa' dra ba can gyi 'od kyis 'od 'di bstan pas su dag bla na med pa yang dag par rdzogs pa'i byang chub tu nges par gyur pa'i sems can de dag gi mthar phyin par mi nus so/ / 'od srungs byang chub sems dpa' dra ba can gyi 'od kyi 'od bstan pas kyang sems can rnams kyi don byed na/ chos bstan pas lta ci smos/ 'od srungs rigs kyi bu 'di'i sangs rgyas kyi zhing gi yon tan bkod pa'i bye brag gi phyogs tsam zhig brjod kyis nyon cig/ 'od srungs byang chub sems dpa' dra ba can gyi 'od bskal pa grangs med pa brgya stong phrag b dun cu rtsa bdun 'jig rten gyi khams khyad par gyi yon tan bsdus pa zhes bya bar kun tu 'od rnam par 'phrul pa'i 'od zer gyi rgyal po zhes bya ba de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ste/ de byang chub kyi shing drung du nye bar song ba dang / 'jig rten gyi khams de'i bdud dam/ bdud kyi ris kyi lha ji snyed yod pa de dag bla na med pa yang dag par rdzogs pa'i byang chub tu nges par 'gyur ro/ / sbyin pa dang gtong ba rgya cher 'gyur ro// 'od srungs 'jig rten gyi khams de lag mthil ltar mnyam par 'gyur ro// gos ka tsa lin di ka ltar 'jam zhing reg na bde ba la rin po che thams cad kyis spras par 'gyur ro/ / 'jig rten gyi khams de na ngan song med/ mi khom pa med/ sdong du ma dang tsher ma'ang med par 'gyur ro// 'jig rten gyi khams der pad+ma bkod pa dag kyang 'byung bar 'gyur ro// rin po che'i pad+mo chen po dri dang ldan pa dag kyang 'byung bar 'gyur ro// 'jig rten gyi khams de dri ma med cing rgya che bar 'gyur / / yang 'od srungs 'jig rten gyi khams khyad par gyi yon tan bsdus pa de na/ bcom ldan 'das kun tu 'od rnam par 'phrul pa 'od zer gyi rgyal po de bzhin gshegs pa de'i byang chub sems dpa' dge 'dun mtha' yas par sgrub pa'i chos bgro ba la mkhas pa rdzu 'phrul gyis rnam par 'phrul pa 'od kyis kun tu brgyan pa/ gzungs kyi gter thob pa/ ting nge 'dzin thob pa/ thogs pa med pa'i spobs pa dang ye shes kyis ston pa la mkhas pa/ mngon par shes pa dang / rigs pa dang / mi 'jigs pa thob pa/ bdud dang phyir rgol ba rnams bcom pa/ dran pa dang / blo gros dang / rtogs pa dang / ngo tsha shes pa dang / khrel yod pa dang / shes rab sbyangs pa'i ye shes kyis yongs su bsgoms pa dpag tu med par 'gyur ro/ / yang 'od srungs sangs rgyas kyi zhing de na bud med skye bar mi 'gyur te/ byang chub sems dpa' de dag thams cad pad+ma la skyil mo krung bcas shing 'dug par rdzus te skye bar 'gyur ro// byang chub sems dpa' de dag bsam gtan gyi dga' ba'i zas dang ldan par 'gyur ro// bsam pa tsam gyis bza' ba dang / btung ba dang / bzhon pa dang / gos dang / 'chag sa dang / skyed mos tshal dang / khang pa brtsegs pa dang / 'bab chu dang / chu mig dang / mtsho dang / rdzing dang / lteng ka'i yongs su longs spyod pa thams cad 'byung bar 'gyur ro// 'od srung kun tu 'od rnam par 'phrul pa 'od zer gyi rgyal po de bzhin gshegs pa dgra bcom pa yang dag par rdzogs pa'i sangs rgyas de yi ge dang nges pa'i tshig gis chos mi ston te/ gzhan du na byang chub sems dpa' de dag de bzhin gshegs pa'i 'od des reg ma thag tu mi skye ba'i chos la bzod pa so sor thob par 'gyur ro/ / 'od des sangs rgyas kyi zhing gzhan du 'gro ba la thogs pa med par 'gyur ro// 'od des sems can gyi nyon mongs pa bsal ba la nyon mongs pa dang bral bar 'gyur ro/ / yang 'od srungs de bzhin gshegs pa de'i 'od las chos kyi tshul rab tu dbye ba'i sgra sum cu rtsa gnyis 'byung bar 'gyur te/ sum cu rtsa gnyis gang zhe na/ lta bar gyur pa yongs su dag pas chos thams cad stong pa'o// rtog pa dang rnam par rtog pa dang bral ba'i chos thams cad mtshan ma med pa'o// khams gsum la yang dag par 'das pas chos thams cad smon pa med pa'o/ / rang bzhin gyis nye bar zhi ba'i chos thams cad 'dod chags dang bral ba'o// smon pa med pa'i mtshan nyid kyis chos thams cad dang bral ba'o/ / mun pa mun nag dang bral bas chos thams cad gti mug dang bral ba'o// thog ma nas ma skyes pas chos thams cad 'ong ba med pa'o// 'pho ba med pa'i tshul gyis chos thams cad 'gro ba med pa'o/ / rab tu mi rten pa'i phyir chos thams cad mi gnas pa'o// 'das pa dang / ma 'ongs pa dang / da ltar byung ba dang bral ba'i phyir chos thams cad dus gsum las 'das pa'o/ / rang bzhin gcig pa'i phyir chos thams cad bye brag med pa'o// las kyis rnam par smin pa dang bral ba'i phyir chos thams cad skyes pa'o// byed pa po mi dmigs pa'i phyir chos thams cad las dang rnam par smin pa med pa'o/ / mngon par 'du mi byed pa'i tshul gyis chos thams cad ma byas pa'o// mngon par 'dus ma byas pas rab tu phye ba'i phyir chos thams cad mngon par 'dus ma byas pa'o/ / skye ba dang 'jig pa dang bral ba'i phyir chos thams cad 'dus ma byas pa'o// yang dag par ma byung ba'i phyir chos thams cad yang dag pa ma yin pa'o// cig car mngon par rtogs pa'i tshul gyis chos thams cad bden pa'o// sems can mi dmigs pa'i phyir chos thams cad bdag med pa'o// don dam pa'i phyir chos thams cad gang zag med pa'o// shes par mi byed pa'i phyir chos thams cad bems pa'o// mdza' ba dang khong khro ba med pa'i phyir chos thams cad btang snyoms pa'o// yongs su gzung ba med pa'i phyir chos thams cad ci'ang med pa'o/ / rang bzhin gyis kun nas nyon mongs pa'i phyir chos thams cad nye ba'i nyon mongs pa med pa'o// dben pa'i mtha' yin pa'i phyir chos thams cad tshul gcig pa'o// dben pa phun sum tshogs pas chos thams cad dben pa'o/ / mi 'khrugs pa'i phyir chos thams cad yang dag pa'i mtha' la gnas pa'o// shin tu tha mi dad pa'i phyir chos thams cad de bzhin nyid la gnas pa'o/ / thams cad du rjes su song ba'i phyir chos thams cad chos kyi dbyings su yang dag par 'du ba'o// phan tshun mi 'du ba'i phyir chos thams cad rkyen med pa'o// mnyam pa nyid kyis yongs su rgyas pa'i phyir chos thams cad rten cing 'brel par 'byung ba'o/ / ji lta ba bzhin du mthong bas phye ba'i phyir chos thams cad byang chub bo// yongs su ma grub pa'i tshul gyis chos thams cad mya ngan las 'das pa'o/ / zhes 'od srungs de lta de ltar bcom ldan 'das kun tu 'od rnam par 'phrul pa 'od zer gyi rgyal po de bzhin gshegs pa'i 'od de las 'di lta bu'i chos kyi tshul rab tu dbye ba'i sgra sum cu rtsa gnyis 'byung bar 'gyur ro/ / gnas brtan 'od srungs chen pos gsol pa/ bcom ldan 'das 'od zer de sangs rgyas kyi mdzad pa bgyid par 'gyur ro// bcom ldan 'das kyis bka' stsal pa/ 'od srungs de bzhin gshegs pa de tshe dpag tu med par 'gyur ro// sangs rgyas kyi zhing de na bdud kyi las kyis bar du gcod pa med par 'gyur ro// 'od srungs chen pos gsol pa/ bcom ldan 'das sangs rgyas kyi zhing yongs su gzung bar 'tshal bas/ rigs kyi bu 'di'i rnam pa thams cad mchog dang ldan pa ci 'dra ba de lta bur yongs su dag pa'i sangs rgyas kyi zhing yongs su gzung bar bgyi'o/ / bcom ldan 'das kyis bka' stsal pa/ 'od srungs 'di ltar byang chub sems dpa' dra ba can gyi 'od kyis sangs rgyas bye ba khrag khrig phrag brgya stong mang po la smon lam yongs su sbyangs te/ de'i phyir 'dis sangs rgyas kyi zhing de lta bu'i yon tan phun sum tshogs pa yongs su bzung ngo // 'od srungs de bas na sangs rgyas kyi zhing de lta bu yongs su bzung bar 'dod pa'i rigs kyi bu 'am/ rigs kyi bu mos kyang byang chub sems dpa' dra ba can gyi 'od kyi rjes su bslab par bya'o// de nas tshangs pa khyad par sems kyis/ byang chub sems dpa' dra ba can gyi 'od la 'di skad ces smras so// rigs kyi bu khyod de bzhin gshegs pas lung bstan to// smras pa/ tshangs pa de bzhin gshegs pas sems can thams cad kyang lung bstan to// smras pa/ cir lung bstan/ smras pa/ las kyi rnam par smin pa ji lta ba bzhin du lung bstan to/ / smras pa/ rigs kyi bu khyod kyis las ji lta bu zhig byas na/ khyod 'di ltar lung bstan/ smras pa/ tshangs pa las gang lus dang / ngag dang / yid kyis ma byas pa da las de ni 'di'o zhes bstan du rung ngam/ sbas pa/ ci'i phyir/ smras pa/ ci byang chub mngon par 'du byed pa'i mtshan nyid dam/ smras pa/ de ni ma yin no// smras pa/ byang chub mngon par 'du mi byed pa'i mtshan nyid de/ byang chub ni mngon par 'du byed pa'i mtshan nyid ma yin no// smras pa/ mngon par 'du byed pas byang chub 'dus ma byas pas thob par nus sam/ smras pa/ de ni ma yin no// smras pa/ tshangs pa de lta bas na 'di la rnam grangs 'dis gang la las kyang med/ las kyi 'bras bu'ang med/ mngon par 'du byed pa'i 'jug pa'ang med pa de ni byang chub bo/ / byang chub ji lta bar thob pa'ang de bzhin te/ mngon par 'du byed pas lung bstan par mi 'gyur bar rig par bya'o// smras pa/ rigs kyi bu pha rol tu phyin pa drug la spyad nas phyis lung bstan par 'gyur ram/ smras pa/ tshungs pa de bzhin te/ pha rol tu phyin pa drug la spyad nas phyis lung bstan par 'gyur te/ tshangs pa gang na mongs pa thams cad yongs su gtang po 'di ni sbyin pa'o/ / gang mngon par 'dus byed pa 'di ni tshul khrims so// gang ma mi thod pa 'di ni bzod pa'o// gang dben pa don brtson 'grus so// gang bcu mi gnas pa deni pasamagan no// gang smos pa med pa don ces rab bo// tshangs dbyang rgyab sems dpa' gang pa rol tu phyin pa drug la spyod pa de dag cis / smras pa/ mi spyod do// de ci'i phyir dz+nyAn/ spyod pa ji tsam pa de tsam du spyod pa ma yin no// kAng spyod pa de mi spyod pa'o// gang mi spyod pa de bla na med pa yang dag par rdzogs pa'i byang chub la spyod pa ste/ tshangs pa rnam grangs 'dis ni ji ltar spyod pa ma yin pa ni byang chub kyi spyod pa yin par rig par bya'o// tshangs pa byang chub tu lung bstan to zhes de skad zer ba ni de bzhin nyid dang chos kyi dbyings ji lta bur sna btsun pa ma 'u 'ang grang bstan to/ / smras pa/ rigs kyi bu bzhin nyid dang / chos kyi dbyings ni grang ma bstan to// snyas pa/ 'on de bzhin nyid dang chos kyi dbye sa ji ldab pa du zung sa na can nyid kya baman/ denas bcom ldan 'das la/ rangs btsud par sems kyis 'dig byas namam/ bcom ldan 'das jisar sbyangs/ byang chub dpa' de bzhin gshegs pa rnams kyis bla na med pa yang dag par rdzogs pa'i byang chub tu lung bstan par 'gyur/ bcom ldan 'das kyis bka' stsal pa/ tshangs pa nam byang chub sems dpa' skye ba la'ang mi spyod/ 'gag pa la'ang mi spyod/ dge ba la'ang mi spyod/ mi dge ba la'ang mi spyod/ 'jig rten pa la'ang mi spyod/ 'jig rten las 'das pa la'ang mi spyod/ zag pa dang bcas pa la'ang mi spyod/ zag pa med pa la'ang mi spyod/ kha na ma tho ba dang bcas pa la'ang mi spyod/ kha na ma tho ba med pa la'ang mi spyod/ 'dus byas la'ang mi spyod// 'dus ma byas la'ang mi spyod/ rnal 'byor la'ang mi spyod/ rnal 'byor ma yin pa la'ang mi spyod/ spong ba la'ang mi spyod/ spong ba ma yin pa la'ang mi spyod/ 'khor ba la'ang mi spyod mya ngan las 'das pa la'ang mi spyod/ mthong ba la'ang mo spyod/ thos pa la'ang mi spyod/ dran pa la'ang mi spyod/ rnam par shes pa la'ang mi spyod/ sbyin pa la'ang mi spyod/ gtong ba la'ang mi spyod/ tshul khrims la'ang mi spyod/ sdom pa la'ang mi spyod/ bzod pa la'ang mi spyod/ mi 'gyur ba la'ang mi spyod/ brtson 'grus rtsom pa la'ang mi spyod/ bsam gtan la'ang mi spyod/ ting nge 'dzin rnams la'ang mi spyod/ shes rab la 'ong mi spyod/ nan tan dag la'ang mi spyod/ ye shes la'ang mi spyod/ khong du chud pa la'ang mi spyod de/ byang chub sems dpa' de ltar spyod na/ de bzhin gshegs pa rnams kyis bla na med pa yang dag par rdzogs pa'i byang chub tu lung bstan to// de ci'i phyir zhe na/ tshangs pa spyod pa ji tsam pa de tsam du lhag par byed pa ste/ byang chub ni lhag par byed pa ma yin no// spyod pa ji tsam pa de tsam du yongs su rtog pa ste/ byang chub ni yongs su rtog pa med pa'o// spyod pa ji tsam pa de tsam du mngon par 'du byed pa ste/ byang chub ni mngon par 'du byed pa med pa'o/ / spyod pa ji tsam pa de tsam du spros pa ste/ byang chub ni spros pa med pa'o// tshangs pade bas na rnam grangs 'dis ci nas spyod pa thams cad las yang dag par 'das pa'i byang chub sems dpa' rnams la lung bstan par 'gyur bar de ltar rig par bya'o/ / de nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das lung bstan pa zhes bgyi ba lung bstan pa de gang gi tshig bla dgas lags/ bcom ldan 'das kyis bka' stsal pa/ chos thams cad la gnyis bral ba ste/ de'i phyir lung bstan pa zhes bya'o/ / skye ba dang 'jig par sgro mi 'dogs te// de'i phyir lung bstan pa zhes bya'o// lus dang / ngag dang / yid kyi las rnams kyis dben pa ste/ de'i phyir lung bstan pa zhes bya'o/ / tshangs pa ngas mngon par shes pa 'das pa'i dus na/ bskal pa mdzes par snang ba zhes bya ba byung ste/ de la de bzhin gshegs pa khrag khrig phrag bdun bcu rtsa gnyis byung ngo // de bzhin gshegs pa de dag thams cad la ngas bkur stir byas/ btsun par byas/ ri mor byas/ mchod par byas kyang / de bzhin gshegs pa de dag gis nga lung ma bstan to/ / de'i pha rol tu bskal pa shin tu sprul pa zhes bya ba byung ste/ de la de bzhin gshegs pa bye ba phrag bdun cu rtsa gnyis la ngas bkur stir byas/ btsun par byas/ ri mor byas mchod par byas kyang / de bzhin gshegs pa de dag gis nga lung ma bstan to// tshangs pa de'i yang pha rol na/ tshangs pas bstod pa zhes bya ba'i bskal pa byung ste/ de la de bzhin gshegs pa stong phrag bco brgyad la ngas bkur stir byas/ btsun par byas/ ri mor byas/ mchod par byas kyang / de bzhin gshegs pa de dag gis nga lung ma bstan to// tshangs pa de'i yang pha rol na/ bskal pa legs par drangs pa zhes bya ba byung ste/ de la de bzhin gshegs pa stong phrag sum cu rtsa gnyis la ngas bkur stir byas/ btsun par byas/ ri mor byas/ mchod par byas kyang de bzhin gshegs pa de dag gis nga lung ma bstan to/ / de'i yang pha rol na/ tshangs pa bskal pa bkod pa zhes bya ba byung ste/ de la de bzhin gshegs pa stong phrag brgyad cu rtsa bzhi la ngas bkur stir byas/ btsun par byas/ ri mor byas/ mchod par byas kyang / de bzhin gshegs pa de dag gis nga lung ma bstan to// tshangs pa ngas gang rnams la ri mor byas pa dang / mchod par byas pa dang / bkur stir byas pa dang / btsun par byas pa dang / gang las ngas tshangs par spyod pa spyad pa dang / ngas bdogs pa thams cad yongs su btang ba byas pa dang / tshul khrims dang / sbyangs pa'i yon tan yang dag par bzung ba ngas blangs pa dang / ngas khro ba'i tha ba dang / phrag dog dang / nga rgyal dang / 'chab pa med par byas nas/ ngas bzod pa dang / byams pa bsgoms pa dang / bsam gtan dang / rab tu dben par spyod pa dang / dben par gnas mal 'cha' ba dang / zas dang sgra'i rjes su 'gro ba'i dri ba yongs su dri ba dang / de byed pa'i brtson 'grus kyis thos pa thams cad khong du chud par byas pa'i de bzhin gshegs pa de dag gi ming yang bskal pa 'am/ bskal pa las lhag par brjod du yod kyang de bzhin gshegs pa de dag gis nga bla na med pa yang dag par rdzogs pa'i byang chub tu lung ma bstan to/ / de ci'i phyir zhe na/ tshangs pa 'di ltar nga spyod pa la gnas par gyur te/ de bas na tshangs pa rnam grangs 'dis kyang ci nas byang chub sems dpa' spyod pa thams cad las 'das pa rnams la lung bstan pa yin par de ltar rig par bya'o/ / tshangs pa gang gis tshangs de bzhin gshegs/ pa mar me mdzad mthong ma thag tu mi skye ba'i chos la bzod pa thob pa/ de nas gdod de bzhin gshegs pa mar me mdzad kyis ngal khyod ma 'ongs pa'i dus na/ bskal pa grangs med pa na/ shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung bstan te/ de nung spyod pa thams cad las 'das so// de na nga'i pha rol tu phyin pa drug yongs su rdzogs so// de ci'i phyir zhe na/ gang mtshan ma thams cad yongs su gtong ba de ni sbyin pa'i pha rol tu phyin pa'o// gang dmigs pa thams cad rab tu zhi ba de ni tshul khrims kyis pha rol tu phyin pa'o/ / gang yul rnams la rmas par mi 'gyur ba de ni bzod pa'i pha rol tu phyin pa'o// gang chos thams cad dben pa de ni brtson 'grus kyi pha rol tu phyin pa'o/ / gang yid la byed pa thams cad la mi 'jug pa de ni bsam gtan gyi pha rol tu phyin pa'o// gang rang bzhin gyis mi skye ba'i chos la bzod pa de ni shes rab kyi pha rol tu phyin pa ste/ tshangs pa de lta de ltar de bzhin gshegs pa mar me mdzad las pha rol tu phyin pa rnams yongs su rdzogs par byas so// tshangs pa gang sems dang po bskyed pa tshun chad kyi sbyin pa yongs su gtong ba de ni phyis mi dmigs pas sbyin pa yongs su gtong ba de la brgya'i char yang nye bar mi 'gyur ba nas/ dpe'i bar du'ang nye bar mi 'gro'o// gang dang po'i tshul khrims bslab pa dang / sbyangs pa'i yon tan yang dag par blangs pa'i tshul khrims de ni shin tu sbyangs pa'i tshul khrims de la dpe'i bar du'ang nye bar mi 'gro'o// gang sems dang po bskyed pa tshun chad kyi bzod pa dang nges pa de ni shin tu bzod pa'i chos nyid de la rgyur yang nye bar mi 'gro'o/ / gang sems dang po bskyed pa tshun chad nas bzung ste/ brtson 'grus brtsams pa de ni blang ba med pa dang / dor ba med pa'i brtson 'grus de la dpe'i bar du'ang nye bar mi 'gro'o// gang sems dang po bskyed pa tshun chad kyi bsam gtan rab tu dben par gnas pa de ni rab tu zhi ba mtshan ma med pa de la dpe'i bar du'ang nye bar mi 'gro'o/ / tshangs pa gang sems dang po bskyed pa tshun chad kyi shes rab kyis so so'i rtog pa de ni spros pa med pa'i shes rab de la dpe'i bar du'ang nye bar mi 'gro ste/ de bas na tshangs pa rnam grangs 'dis 'di ltar ngas de'i tshe pha rol tu phyin pa drug yongs su rdzogs par byas so zhes de ltar rig par bya'o/ / gsol pa/ bcom ldan 'das ji ltar na pha rol tu phyin pa drug yongs su rdzogs pa lag sa/ bka' stsal pa/ gang gtong ba la rlom sems med pa dang / tshul khrims la mi gnas pa dang / bzod pa la rnam par mi rtog pa dang / brtson 'grus la blang ba med pa dang / bsam gtan la mi gnas pa dang / shes rab la gnyis su med pa 'di ni tshangs pa pha rol tu phyin pa drug yongs su rdzogs pa yin no// gsol pa/ bcom ldan 'das pha rol tu phyin pa drug yongs su rdzogs nas ci yongs su rdzogs par bgyid/ bka' stsal pa/ tshangs pa pha rol tu phyin pa drug yongs su rdzogs nas/ thams cad mkhyen pa nyid yongs su rdzogs par byed do// gsol pa/ bcom ldan 'das ji ltar na pha rol tu phyin pa drug yongs su rdzogs nas/ thams cad mkhyen pa nyid yongs su rdzogs par bgyid/ bka' stsal pa/ tshangs pa sbyin pa'i pha rol tu phyin pa'i mnyam pa nyid gang yin pa de ni thams cad mkhyen pa nyid kyi mnyam pa nyid do/ / tshul khrims kyi pha rol tu phyin pa'i mnyam pa nyid gang yin pa dang / bzod pa'i pha rol tu phyin pa'i mnyam pa nyid gang yin pa dang / brtson 'grus kyi pha rol tu phyin pa'i mnyam pa nyid gang yin pa dang / bsam gtan gyi pha rol tu phyin pa'i mnyam pa nyid gang yin pa dang / shes rab kyi pha rol tu phyin pa'i mnyam pa nyid gang yin pa de ni thams cad mkhyen pa nyid kyi mnyam pa nyid do/ / de bas na mnyam pa nyid 'dis chos thams cad mnyam pa nyid de/ chos thams cad mnyam pa nyid gang yin pa de ni thams cad mkhyen pa'i mnyam pa nyid do/ / gzhan yang tshangs pa sbyin pa'i 'du shes yongs su rdzogs pa dang / tshul khrims kyi 'du shes dang / bzod pa dang / brtson 'grus dang / bsam gtan dang / shes rab kyi 'du shes yongs su rdzogs nas/ thams cad mkhyen pa nyid yongs su rdzogs par byed do// thams can mkhyen pa nyid ni 'du shes thams cad dang bral ba ste/ ltar na tshangs pa pha rol tu phyin pa drug yongs su rdzogs pas/ thams cad mkhyen pa nyid yongs su rdzogs par byed do// gsol pa/ bcom ldan 'das thams cad mkhyen pa nyid yongs su rdzogs pagang lags/ bcom ldan 'das kyis bka' stsal pa/ gang mig mi len pa gzugs mi len pa de nas/ yid dang chos kyi bar du mi len te/ tshangs pa gang phyi dang nang gi skye mched drug po 'di rnams mi len pa 'di ni thams cad mkhyen pa nyid yongs su rdzogs pa'o/ / tshangs pa de ltar thams cad mkhyen pa nyid yongs su rdzogs par byas na mig la mi chags/ rna ba la mi chags sna la mi chags/ lha la mi chags/ lus la mi chags/ yid la mi chags te/ de bas na de bzhin gshegs pa thams cad mkhyen pa nyid ye shes chags pa med cing sgrib pa med pa yin no// tshangs pa thams cad mkhyen pa nyid ni chos gang yang mi len to// tshangs pa 'di ltar thams cad mkhyen pa nyid ni chos thams cad kyi snod du ma gyur pa yin te/ tshangs pa snod ma yin pa zhes bya ba ni dngos po med pa'i tshig bla dgas so/ / dngos po med pa zhes bya ba ni bla gab med pa'i tshig bla dgas so// thams cad mkhyen pa ni bla gab med pa dang mtshungs pa ste/ de bas na chos gang yang mi len to// tshangs pa 'di lta ste/ dper na nam mkha' la gnas te bya ba thams cad byed kyang / nam mkha' de ni mi gnas pa'o// de bzhin du thams cad mkhyen pa nyid la ye shes thams cad rnam par bzhag kyang thams cad mkhyen pa nyid ni mi gnas so/ / gsol pa/ bcom ldan 'das thams cad mkhyen pa nyid ces bgyi ba bcom ldan 'das ci'i slad du thams cad mkhyed pa nyid ces bgyi/ bka' stsal pa/ tshangs pa nyan thos rnams dang rang sangs rgyas rnams kyi spyod pa thams cad des shes te/ de'i phyir thams cad mkhyen pa nyid ces bya'o// de dag gi bsam ba thams cad kun shes pa dang / sbyor ba kun shes pa dang / snying rje kun shes pa dang / bslab pa kun shes pa dang / yang dag par 'dzin pa kun shes pas de'i phyir thams cad mkhyen pa nyid ces bya'o/ / rgyu ba thams cad rnam par spangs pa dang / rlom sems thams cad bcom pa de ni thams cad mkhyen pa nyid do// 'thob pa med cing rnam par rig pa med la/ sems can thams cad kyi sems kyi spyod pa de las shes par 'gyur ba na/ de'i phyir thams cad mkhyen pa nyid ces bya'o// ye shes thams cad mngon par rtog pa dang / slob pa'i ye shes dang / mi slob pa'i ye shes dang / rang sangs rgyas kyi ye shes dang / thams cad mkhyen pa'i ye shes kyang 'di ltar rnam par bzhag pas na/ thams cad mkhyen pa nyid ces bya'o// yang dag par sbyor bas 'di las ye shes 'jug pas na/ de'i phyir thams cad mkhyen pa nyid ces bya'o// sman thams cad yongs su shes pas de'i phyir thams cad mkhyen pa nyid ces bya'o// nad thams cad rab tu zhi bar byas pas de'i phyir thams cad mkhyen pa nyid ces bya'o/ / bcings pa thams cad bcom pas de'i phyir thams cad mkhyen pa nyid ces bya'o// bag chags kyi mtshams sbyor ba thams cad bcom pa'i de'i phyir thams cad mkhyen pa nyid ces bya'o/ / rtag tu mnyam par bzhag pas de'i phyir thams cad mkhyen pa nyid ces bya'o// chos thams cad la the tsom med pas de'i phyir thams cad mkhyen pa nyid ces bya'o// 'jig rten pa dang 'jig rten las 'das pa'i ye shes rnams kyang thams cad mkhyen pa 'di las rnam par bzhag pas na/ de'i phyir thams cad mkhyen pa nyid ces bya ste/ tshangs pa de'i phyir thams cad mkhyen pa nyid ces bya ba ni thams cad mkhyen pa'i ye shes la mkhas pa'i tshig bla dgas so/ / de nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das 'di ltar de bzhin gshegs pas sems can thams cad kyi sems kyi spyod pa thams cad kyang mkhyen la/ sems kyi dmigs pa la'ang 'jug pa mi mnga' ba ni sangs rgyas kyi ye shes bsam gyis mi khyab ste/ ngo mtshar to// bcom ldan 'das de la yon tan gyi bye brag tshad ma mchis pa 'di lta bu 'di dag gda' na/ rigs kyi bu pho 'am/ rigs kyi bu mo su zhig bla na med pa yang dag par rdzogs pa'i byang chub tu sems mi skyed/ de nas bcom ldan 'das la/ byang chub sems dpa' dra ba can gyi 'od kyis 'di skad ces gsol to// bcom ldan 'das byang chub sems dpa' su dag yon tan re ba'i slad du byang chub la 'jug na/ de dag theg pa chen po la yang dag par zhugs pa ma lags par rig par bgyi'o// de ci'i slad du zhe na/ bcom ldan 'das re bar bgyi ba ma mchis pa'i slad du chos thams cad ni yon tan dang bral zhing yon tan ma mchis pa ste/ de bas na byang chub sems dpa' rnams kyis yon tan gyi slad du 'am/ legs pa'i slad du byang chub la 'jug par mi bgyi'o/ / gzhan du na snying rje chen pos rgyus bdag gis sdug bsngal bas yongs su mi skrag pa'i slad du/ dge ba'i chos bskyed par bgyi ba'i slad du/ lta ba las rnam par thar par bgyi ba'i slad du/ nad thams cad bsal ba'i slad du/ yongs su 'dzin pa gtong ba'i slad du/ mdza' ba dang mi mdza' ba la mi blta ba'i slad du/ 'jig rten gyi chos rnams kyis mi gos pa'i slad du/ 'dus byas la skyo ba'i slad du/ mya ngan las 'das pa la bde bar dgod pa'i slad du/ dam pa'i chos yongs su gzung ba'i slad du/ sems can rnams yongs su smin par bgyi ba'i slad du/ bcom ldan 'das byang chub sems dpas re ba ma mchis par bgyi ste/ pha rol la mi re bar bgyi'o// bcom ldan 'das byang chub sems dpas bgyis pa dang / ma bgyis pa la 'gyod pa ma mchis par bgyi'o// bcom ldan 'das byang chub sems dpa' ni bde ba dang sdug bsngal gnod par mi 'gyur ro// bcom ldan 'das byang chub sems dpa' rnams kyi dge ba'i rtsa ba yongs su dag pa gang lags/ bcom ldan 'das kyis bka' stsal pa/ rigs kyi bu 'khor los sgyur ba'i rgyal po'i srid ni/ dge ba'i rtsa ba yongs su dag par mi smra'o/ / brgya byin du 'gyur ba'ang ma yin/ tshangs par 'gyur ba'ang ma yin te/ gang la skye ba dang skye gnas med pa de ni byang chub sems dpa' rnams kyi dge ba'i rtsa ba yongs su dag pa'o/ / nam bdag kyang dge ba'i rtsa ba yongs su mi 'bri la/ chung ngu dud 'gro'i skye gnas su song ba yan chad sems can gzhan gyi dge ba'i rtsa ba rnams skyed pa 'di ni byang chub sems dpa' rnams kyi dge ba'i rtsa ba yongs su dag pa'o/ / dngos po thams cad la mi lta ba'i phyir gtong ba ni byang chub sems dpa' rnams kyi dge ba'i rtsa ba'o// yongs su gdung ba med pa'i phyir tshul khrims ni byang chub sems dpa' rnams kyi dge ba'i rtsa ba'o/ / gnod sems med pa'i phyir bzod pa ni byang chub sems dpa' rnams kyi dge ba'i rtsa ba'o// le lo med pa'i phyir brtson 'grus ni byang chub sems dpa' rnams kyi dge ba'i rtsa ba'o/ / rtse gcig pa'i phyir bsam gtan ni byang chub sems dpa' rnams kyi dge ba'i rtsa ba'o// lta ba dang bral ba'i phyir shes rab ni byang chub sems dpa' rnams kyi dge ba'i rtsa ba'o/ / sems snyoms pa'i phyir byams pa ni byang chub sems dpa' rnams kyi dge ba'i rtsa ba'o// lhag pa'i bsam pa yongs su dag pa'i phyir snying rje ni byang chub sems dpa' rnams kyi dge ba'i rtsa ba'o/ / chos la mos pa bskyed pa'i phyir dga' ba ni byang chub sems dpa' rnams kyi dge ba'i rtsa ba'o// mdza' ba dang sdang ba med pa'i phyir btang snyoms ni byang chub sems dpa' rnams kyi dge ba'i rtsa ba'o/ / nyan thos dang rang sangs rgyas kyis mi 'dod pa'i phyir byang chub kyi sems mi gtong ba ni byang chub sems dpa' rnams kyi dge ba'i rtsa ba'o// / bam po bzhi pa// de nas 'jam dpal gzhon nur gyur pa 'khor der 'dus te cang mi zer bar 'dug go// de nas bcom ldan 'das la/ tshangs pa khyad par sems kyis 'di skad ces gsol to/ / bcom ldan 'das 'jam dpal gzhon nur gyur pa 'di 'khor 'dir mchis te/ 'di ltar yang dag par brjod pa'i gtam cung zad kyang mi ston to// de'i tshe bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal chos bstan pa 'di la khyod gtam gyi rgyud 'ga' zhig spobs par gyis shig/ 'jam dpal gyis gsol pa/ chos gang bcom ldan 'das kyis mngon par rdzogs par sangs rgyas pa'i chos de la gdags pa gang yang ma mchis sam/ bka' stsal pa/ 'jam dpal chos de la gdagra pa gang yang med do/ / gsol pa/ bcom ldan 'das chos de brjod par bgyi ba lags sam/ smra bar bgyi ba lags sam/ bstan par bgyi ba lags sam/ bka' stsal pa/ 'jam dpal chos de brjod par bya ba ma yin/ smra bar bya ba ma yin/ bstan par bya ba ma yin no// gsol pa/ bcom ldan 'das chos gang ma brjod/ ma smras/ ma bstan pa de bshad par nus sam/ khyad par sems kyis smras pa/ 'jam dpal khyod sems can gzhan dang gang zag gzhan dag la chos mi ston tam/ smras pa/ tshangs pa ci chos kyi dbyings gnyis su rab tu phye ba yin nam/ smras pa/ de ma yin no// smras pa/ chos thams cad chos kyi dbyings su nges pa ma yin nam/ smras pa/ nges pa yin no// smras pa/ tshangs pa gal te chos kyi dbyings kyang gnyis su med pa yin la/ chos thams cad kyang chos kyi dbyings su nges na/ sems can gzhan dang gang zag gzhan dag la ji ltar chos bstan par bya/ smras pa/ 'jam dpal gnyis kyang ma yin la/ chos bstan pa yod dam/ smras pa/ tshangs pa gal te ston pa 'am/ nyan pa 'ga' zhig rnyed na yod do// smras pa/ 'jam dpal de bzhin gshegs pas chos ma bstan tam/ smras pa// ma bstan mod kyi gnyis su ma yin no// de ci'i phyir nan/ de bzhin gshegs pa ni gnyis su med par chos ston te/ gnyis su mi mdzad do// smras pa/ 'jam dpal gal te chos thams cad gnyis su med pa yin na/ de ji ltar byis pa so so'i skye bo rnams gnyis su med pa gnyis su byed/ smras pa/ bdag gi rgyud la bdag tu 'dzin pas byis pa so so'i skye bo rnams gnyis su byed de gnyis su med pa ni nam yang gnyis su mi 'gyur ro/ / ji tsam du mang du gnyis su byas kyang gnyis su med pa'i mtha' gnyis su med do// smras pa/ 'jam dpal gnyis su med pa ci rnam par rig par byed/ smras pa/ gal te rnam par rig par byed na gnyis su med pa ma yin par 'gyur te/ gnyis su med pa ni rnam par rig pa med pa'o/ / tshangs pa gnyis zhes bya ba ni rnam par rig pa'o// de bzhin gshegs pas ni rnam par rig pa med par chos bstan te/ chos da'ang ji ltar bstan pa de bzhin du ma yin no/ / de ci'i phyir zhe na/ chos de yi ge med pa'i phyir ro// smras pa/ 'jam dpal de bzhin gshegs pas chos bstan pa gang du 'gro/ smras pa/ tshangs pa de bzhin gshegs pas chos bstan pa ni 'gro ba med par 'gro ba'o/ / smras pa/ 'jam dpal de bzhin gshegs pas mya ngan las 'das par 'gro ba'i chos ma bstan tam/ smras pa/ ci mya ngan las 'das pa la 'gro ba 'am 'ong bar dmigs sam/ smras pa/ mya ngan las 'das pa la 'ong ba'ang med/ 'gro ba'ang med do// smras pa/ tshangs pa de lta bas na de bzhin gshegs pas 'gro ba med par 'gro ba'i chos bstan to/ / smras pa/ ji ltar thos pa/ smras pa/ ji ltar brjod pa bzhin du'o// smras pa/ ji lta bu brjod/ smras pa/ ji ltar rnam par rig pa med pa dang thos pa med pa bzhin no/ / smras pa/ de bzhin gshegs pa'i chos nyan pa gang yin/ smras pa/ gang yul la zag pa med pa rnams so// smras pa/ chos 'di sus shes par 'gyur/ smras pa/ gang rtsod par mi 'gyur ba dang / shes par mi 'gyur ba dang / rjes su shes par mi 'gyur ba rnams so// smras pa/ 'jam dpal ji ltar na dge slong rtsod pa mang ba yin/ smras pa/ 'di ni rigs 'di ni mi rigs so zhes bya ba 'di ni rtsod pa'o// de bzhin du bsdus te 'di ni 'brel pa'o 'di ni ma 'brel pa'o zhes bya ba dang / 'di ni nyon mongs pa'o 'di ni rnam par byang ba'o zhes bya ba dang / 'di ni dge ba'o 'di ni mi dge ba'o zhes bya ba dang / 'di ni kha na ma tho ba dang bcas pa'o 'di ni kha na ma tho ba med pa'o zhes bya ba dang / 'di ni zag pa dang bcas pa'o 'di// ni zag pa med pa'o zhes bya ba dang / 'di ni 'jig rten pa'o 'di ni 'jig rten las 'das pa'o zhes bya ba dang / 'di ni 'dus byas so 'di ni 'dus ma byas so zhes bya ba dang / 'di ni tshul khrims so/ 'di ni ngang tshul ngan pa'o zhes bya ba dang / 'di ni bya ba'o 'di ni bya ba ma yin pa'o zhes bya ba dang / 'di ni 'thob par 'gyur ro 'dis ni 'thob pa ma yin par 'gyur ro zhes bya ba 'di ni rtsod pa'o// tshangs pa ji tsam du khengs pa dang / 'dud pa dang / len pa dang / 'dor ba de tsam du rtsod pa ste/ de bzhin gshegs pas ni rtsod pa med par chos bstan to// spros pa la dga' ba la ni mi rtsod pa med do/ / rtsod pa mang ba la ni dge sbyong du gyur pa med do// dge sbyong 'dod pa la ni 'thab pa med do// smras pa/ 'jam dpal ji ltar dge slong de bzhin gshegs pa'i bstan pa bzhin byed pa dang / bka' bzhin byed par 'gyur/ smras pa/ tshangs pa nam dge slong bstod pa dang / smad pa byas kyang gnod pa med na/ de ltar na bstan pa bzhin du byed pa yin no// gang yi ge'i rjes su mi snyegs na de ltar na bka' bzhin du byed pa yin no/ / gang mtshan ma thams cad las zhi bar gyur na/ de ltar na bstan pa bzhin byed pa yin no// gang don dang 'gal bar mi byed na de ltar na bka' bzhin byed pa yin no/ / gang chos yongs su srung na de ltar na bstan pa bzhin byed pa yin no// gang tshig rnams dang 'thun par mi byed na de ltar na bka' bzhin byed pa yin no// smras pa 'jam dpal ji ltar na dge slong dam pa'i chos yongs su srung ba yin/ smras pa/ gang mnyam pa nyid las 'gal bar mi byed cing chos kyi dbyings rnam par 'khrug par mi byed na/ de ltar na dam pa'i/ chos yongs su srung ba yin no// smras pa/ 'jam dpal ji ltar na dge slong de bzhin gshegs pa la nye bar gnas pa yin/ smras pa/ tshangs pa gang chos gang la'ang nye ba 'am/ ring ba med par mthong ba'i dge slong de ni/ de bzhin gshegs pa la nye bar gnas pa yin no// smras pa/ ji ltar na 'jam dpal dge slong de bzhin gshegs pa la rim gro dang bsnyen bkur byed pa yin/ smras pa/ tshangs pa dge slong gang lus dang / ngag dang / yid kyis rtul bar mi byed pa'i dge slong de ni de bzhin gshegs pa la rim gro dang bsnyen bkur byed pa'o// smras pa/ 'jam dpal sus de bzhin gsheg pa la mchod par 'gyur/ smras pa/ tshangs pa gang bsod nams dang / bsod nams ma yin pa dang / mi g.yo bar nye bar 'gro ba'i 'du byed thams cad mngon par 'du mi byed pa'o/ / smras pa/ 'jam dpal sus de bzhin gshegs pa mthong / smras pa/ gang sha'i spyan dang / lha'i spyan dang / shes rab kyi spyan dang / chos kyi spun dang / sangs rgyas kyi spyan la'ang mngon par ma chag pa de de bzhin gshegs pa mthong ngo / / smras pa/ 'jam dpal sus chos mthong / smras pa/ gang rten cing 'brel par 'byung ba mthong zhing 'gal bar mi byed pa rnams kyis so/ / smras pa/ sus rten cing 'brel par 'byung ba mthong / smras pa/ gang mnyam pa nyid mi skyed cing 'gal bar mi byed pas so// smras pa/ 'jam dpal su dag mngon par shes pa thob/ smras pa/ gang zag pa mi skyed cing mi 'gog pa rnams so// smras pa/ 'jam dpal su de bzhin gshegs pa'i bslab pa la slob/ smras pa/ gang mngon par 'du mi byed pa dang / myong bar mi byed pa dang / mi skyed pa dang / so sor mi spong ba rnams so// smras pa/ 'jam dpal su yang dag par zhugs/ smras pa/ gang khams gsum pa la ma zhugs pa'o/ / smras pa/ 'jam dpal gang shin tu dul ba yin no// smras pa/ gang yang srid pa mi len pa'o// smras pa/ 'jam dpal gang bde bar gyur pa/ yin/ smras pa/ gang nga yir bya ba med pa rnams so// smras pa/ 'jam dpal su dag grol ba yin/ smras pa/ gang dmigs pa 'khrug par mi byed pa rnams so/ / smras pa/ 'jam dpal su dag rgal ba yin/ smras pa/ gang 'khor ba dang mya ngan las 'das pa la mi gnas pa rnams so// smras pa/ 'jam dpal zag pa zad pa'i dge slong ci zad/ smras pa/ tshangs pa gal te zad par 'gyur na ni zag pa zad par mi 'gyur te/ zag pa de dag ni skad cig pa yin pa des de dag de bzhin du shes pas na de'i phyir zag pa zad pa zhes bya'o/ / smras pa/ 'jam dpal su dag bden par smra ba yin/ smras pa/ gang rtsod pa thams cad la shin tu 'das pa rnams so// smras pa/ 'jam dpal su lam du zhugs pa yin/ smras pa/ tshangs pa byis pa so so'i skye bo rnams lam du zhugs pa'o// smras pa/ 'jam dpal su lam ngan par zhugs pa yin/ smras pa/ gang gis chos thams cad gang nas kyang ma 'ongs pa dang / gang du'ang mi 'gro bar shes pa'i 'phags pa rnams so// smras pa/ 'jam dpal bden pa mthong ba gang yin/ smras pa/ chos gang yang mi mthong ba'o/ / de ci'i phyir zhe na/ ji tsam du mthong ba de tsam du brdzun te/ mthong ba med pa ni bden pa mthong ba'o// smras pa/ gang ma mthong bas bden pa mthong / smras pa/ lta bar gyur pa thams cad ma mthong bas bden pa mthong ba'o/ / smras pa/ de gang du btsal bar bya/ smras pa/ phyin ci log bzhi dag las bden pa btsal bar bya'o// smras pa/ 'jam dpa' ci la bsams te 'di skad ston/ smras pa/ phyin ci log bzhi tshol ba gang yin pa de la rtag pa'ang med/ bde ba'ang med/ bdag kyang med/ gtsang ba'ang med/ gang la rtag pa med pa de ni mi rtag pa'o/ / gang la bde ba med pa de ni sdug bsngal ba'o// gang la bdag med pa de ni bdag med pa'o// gang la gtsang ba med pa de ni mi gtsang ba'o// tshangs pa chos thams cad la bdag med pa ni 'phags pa'i bden pa tshol ba ste/ gang bden pa tshol ba de ni sdug bsngal yongs su mi shes pa nas/ lam gyi bar du mi sgom pa'o// smras pa/ 'jam dpal ji ltar na lam la sgom pa yin/ smras pa/ sgom pa ni ji ltar dngos por yang mi ltung / dngos po med par yang mi ltung zhing / chos gang yang dngos por yang mi ltung ngo // dngos po med par yang mi byed do// tshangs pa gnyis dang bral ba ni lam mo/ / lam gang gis btsal bas chos thams cad mi dmigs pa 'di ni lam mo// lam gang gang du'ang phrad par mi byed/ 'dor bar yang mi byed cing / 'khor ba 'ang med/ mya ngan las 'das pa'ang med pa'o// de ci'i phyir zhe na/ 'phrad par byed pa'ang med/ 'dor ba'ang med pa ni 'phags pa rnams kyi lam mo// de nas bram ze shing sA la chen po lta bu'i bu mnyam par gnas pa zhes bya bas/ 'jam dpal gzhon nur gyur pa la 'di skad ces smras so// 'jam dpal ji ltar na dge bsnyen sangs rgyas la skyabs su song ba yin/ ji ltar na chos la skyabs su song ba yin/ ji ltar na dge 'dun la skyabs su song ba yin/ smras pa/ rigs kyi bu nam dge bsnyen lta ba gnyis nye bar mi len pa ste/ gnyis gang zhe na/ bdag tu lta ba mi len/ pha rol tu lta ba mi len/ bdag tu lta ba mi len/ sangs rgyas su lta ba mi len/ bdag tu lta ba mi len/ chos su lta ba mi len/ dge 'dun du lta pab mi len pa de tsam gyi dge bsnyen sangs rgyas dang / chos dang / dge 'dun la skyabs su song ba yin no// gzhan yang rigs kyi bu nam dge bsnyen de bzhin gshegs pa gzugs su khas mi len// tshor bar yang ma yin/ 'du shes su ma yin/ 'du byed du ma yin/ de bzhin gshegs pa rnam par shes par yang khas mi len na/ de ltar na sangs rgyas la skyabs su song ba yin no// nam chos gang la'ang rnam par mi rtog cing / sgro mi 'dogs na/ de ltar na chos la skyabs su song ba yin no// nam dge 'dun 'dus ma byas su'ang mos la/ 'dus byas las gud na'ang 'dus ma byas su mos par yang mi byed na/ de ltar na dge 'dun la skyabs su song ba yin no// gzhan yang rigs kyi bu nam dge bsnyen sangs rgyas su'ang mi dmigs/ chos su'ang mi dmigs/ dge 'dun du'ang mi dmigs na/ de ltar na sangs rgyas dang / chos dang / dge 'dun la skyabs su song ba yin no// mnyam par gnas pas smras pa/ 'jam dpal byang chub sems dpa' gang 'di dag byang chub tu rab tu zhugs pa de dag gang du rab tu zhugs pa yin/ smras pa/ bla gab med pa la rab tu zhugs so// de ci'i phyir zhe na/ byang chub ni bla gab med pa dang mtshungs so// smras pa/ 'jam dpal ji ltar na byang chub sems dpa' byang chub tu rab tu zhugs pa zhes brjod par bya/ smras pa/ rigs kyi bu nam byang chub sems dpa' rab tu 'jug pa thams cad rab tu 'jug pa ma yin par rab tu shes pa dang / chos thams cad chos ma yin par rab tu shes pa dang / sems can thams cad sems can ma yin par rab tu shes pa ste/ de ltar na rigs kyi bu byang chub sems dpa' byang chub la rab tu zhugs pa zhes brjod par bya'o/ / de nas bcom ldan 'das la/ bram ze shing sA la chen po lta bu'i bu mnyam par gnas pas 'di skad ces gsol to// bcom ldan 'das ji ltar na byang chub sems dpa' byang chub sems dpa' zhes bgyi/ bcom ldan 'das kyis bka' stsal pa/ rigs kyi bu rnam byang chub sems dpa' log par nges pa'i sems can rnams la snying rje skyed cing / yang dag par nges pa'i sems can rnams la lhag par gus pa mi skyed pa'i tshig bla dgas ni byang chub sems dpa' zhes bya'o// de ci'i phyir zhe na/ rigs kyi bu byang chub sems dpa' ni nges pa dang ma nges pa'i sems can rnams kyi phyir byang chub tu smon lam mi 'debs kyi/ gzhan du na log par nges pa'i sems can rnams kyi phyir byang chub tu smon lam 'debs te/ de'i phyir byang chub sems dpa' zhes bya'o// de bas na rigs kyi bu byang chub sems dpa' log par nges pa'i sems can rnams la snying rje bar byas nas byang chub tu smon lam 'debs te/ de'i phyir byang chub sems dpa' zhes bya'o// de nas bcom ldan 'das la/ byang chub sems dpa' byang chub ces bya bas 'di skad ces gsol to// bcom ldan 'das gang gi slad du/ byang chub sems dpa' zhes bgyi ba bdag kyang spobs so// bcom ldan 'das kyis bka' stsal pa/ byang chub khyod spobs par gyis shig/ byang chub kyis gsol pa/ bcom ldan 'das 'di lta ste/ skyes pa 'am/ bud med ji lta bur bstan pa'i yan lag brgyad dang ldan pa'i gso sbyin la ma ral ma zhig par nye bar gnas na/ de yan lag brgyad kyi gso sbyin yang dag par blangs pa zhes bgyi ba'i grangs su mchi'o/ / bcom ldan 'das de bzhin du byang chub sems dpa' sems dang po bskyed pa nas bzung ste/ byang chub kyi snying po'i bar du/ byang chub kyi sems las ma g.yos pa lags te/ de ni de'i slad du byang chub sems dpa' zhes bgyi'o// byang chub sems dpa' blo gros bstan pas gsol pa/ bcom ldan 'das byang chub sems dpa' gang lhag pa'i bsam pa bstan pas sems can la mi dmigs pa'i byams pa dang ldan pa lags te/ de ni de'i slad du byang chub sems dpa' zhes bgyi'o// byang chub sems dpa' sems can sgrol gyis gsol pa/ bcom ldan 'das 'di lta ste/ dper na gru 'am zam pa ni sems can rgal ba la skyo ba ma mchis shing rnam par mi rtog pa de bzhin du/ bcom ldan 'das byang chub sems dpa' gang la sems can thams cad bsgral ba'i slad du de lta bu'i sems mchis pa de ni de'i slad du byang chub sems dpa' zhes bgyi'o/ / byang chub sems dpa' ngan song sel gyis gsol pa/ bcom ldan 'das byang chub sems dpa' gang sangs rgyas kyi zhing gang du sug pa bzhag ma thag tu ngan song thams cad rab tu zhi bar 'gyur te/ de ni de'i slad du byang chub sems dpa' zhes bgyi'o// byang chub sems dpa' spyan ras gzigs kyis dbang pos gsol pa/ bcom ldan 'das byang chub sems dpa' gang mthong ba tsam gyis sems can byang chub tu nges par 'gyur ba dang / ming thos pas kyang 'jigs pa thams cad las yongs su thar par 'gyur te/ de ni de'i slad du byang chub sems dpa' zhes bgyi'o// byang chub sems dpa' mthu chen thob kyis gsol pa/ bcom ldan 'das byang chub sems dpa' gang gom pa 'dor zhing mchi ba na/ stong gsum gyi stong chen po'i 'jig rten gyi khams kyi bdud kyi khams thams cad rab tu g.yo bar 'gyur te/ de ni de'i slad du byang chub sems dpa' zhes bgyi'o/ / byang chub sems dpa' kun tu mi skyo bas gsol pa/ bcom ldan 'das gal te bskal pa gang+gA'i klung gi bye ma snyed nyid zhag gcig tu 'gyur la/ de nyid zhag tu bgrang ba de lta bu'i tshul gyis zhag bco lnga la zla ba phyed/ zhag sum cu la zla ba gcig/ zla ba bcu gnyis la lo gcig pa'i lo bye ba brgya stong la sangs rgyas gcig byung nas mnyes par byed de/ rnam grangs 'di lta bus gang+gA'i klung gi bye ma snyed kyi sangs rgyas kyi zhing na/ tshangs par spyod pa spyad nas/ phyis lung bstan kyang yongs su mi skyo ba ste/ de ni de'i slad du byang chub sems dpa' zhes bgyi'o/ / byang chub sems dpa' ded dpon bzang pos gsol pa/ bcom ldan 'das byang chub sems dpa' gang lam ngan par zhugs pa'i sems can lam ngan par zhugs pa rnams la lam bzang po la dgod pa'i slad du snying rje chen po bskyed cing / de la lan re ba ma mchis pa de ni de'i slad du byang chub sems dpa' zhes bgyi'o// byang chub sems dpa' ri rab chen pos gsol pa/ bcom ldan 'das byang chub sems dpa' gang chos thams cad ri rab dang mtshungs shing rnam par mi rtog par rab tu 'tshal ba de ni de'i slad du byang chub sems dpa' zhes bgyi'o/ / byang chub sems dpa' mthu bo ches gsol pa/ bcom ldan 'das byang chub sems dpa' gang nyon mongs pa thams cad mi choms pa de ni de'i slad du byang chub sems dpa' zhes bgyi'o// byang chub sems dpa' sems kyis gsol pa/ bcom ldan 'das byang chub sems dpa' gang sems kyis chos thams cad la sems kyang de la ma spras shing mnyams pa de ni de'i slad du byang chub sems dpa' zhes bgyi'o// byang chub sems dpa' seng ge'i 'gros su 'gro bas gsol pa/ bcom ldan 'das byang chub sems dpa' gang chos zab mo la bzod cing / mi 'jigs/ mi skrag ste/ pha rol gyi mu stegs can thams cad skrag par bgyid pa de ni de'i slad du byang chub sems dpa' zhes bgyi'o/ / byang chub sems dpa' bsam gyis mi khyab pas gsol pa/ bcom ldan 'das gang sems las bsam gyis mi khyab par 'jug cing / mi sems rnam par mi sems pa de ni de'i slad du byang chub sems dpa' zhes bgyi'o// lha'i bu mtshams bzang gis gsol pa/ gang lha'i gnas thams cad du'ang skye la/ ci la'ang chags par mi bgyid/ 'dod chags dang bral ba'i chos nyid kyang khong du chud par mi bgyid pa de ni de'i slad du byang chub sems dpa' zhes bgyi'o// byang chub sems dpa' bden par smra bas gsol pa/ bcom ldan 'das byang chub sems dpa' gang gis ngag bden pa'i rjes su 'jug cing / rmi lam na'ang brdzun gyi tshig mi smra ba de ni de'i slad du byang chub sems dpa' zhes bgyi'o/ / byang chub sems dpa' mthong na dga' bas gsol pa/ gang gzugs thams cad sangs rgyas kyi gzugs su mthong ba de ni de'i slad du byang chub sems dpa' zhes bgyi'o// byang chub sems dpa' rtag tu snying brtse bas gsol ba/ bcom ldan 'das byang chub sems dpa' gang 'khor bar zhugs pa'i sems can sdug bsngal ba rnams mthong nas/ chos la dga' ba ma gtogs pa dang / sems can yongs su smin par bgyid pa ma gtogs par dga' ba thams cad la dga' bar mi bgyid pa de ni de'i slad du byang chub sems dpa' zhes bgyi'o// byang chub sems dpa' thogs pa med kyis gsol pa/ bcom ldan 'das byang chub sems dpa' gang nyon mongs pa thams cad dang / bdud thams cad la'ang thogs pa ma mchis par 'gyur ba de ni de'i slad du byang chub sems dpa' zhes bgyi'o/ / byang chub sems dpa' rtag tu dga' dgod dbang pos gsol pa/ bcom ldan 'das byang chub sems dpa' gang rtag tu dgod pa dang rab tu dga' ba'i dbang po dag gis bdag gi bsam pa yongs su rdzogs shing bgyi ba bgyis pa/ bgyid pa bgyis pa de ni de'i slad du byang chub sems dpa' zhes bgyi'o// sring mo yid gnyis rnam par 'joms mas/ gsol ba/ bcom ldan 'das byang chub sems dpa' gang chos thams cad la yid gnyis ma mchis shing the tsom ma mchis pa de ni de'i slad du byang chub sems dpa' zhes bgyi'o// gzhon nu ma seng ges gsol pa/ bcom ldan 'das gang la bud med kyi chos kyang ma mchis/ skyes pa'i chos kyang ma mchis la/ sems can yongs su smin par bgyi ba'i slad du/ gzugs sna tshogs kyang ston pa de ni de'i slad du byang chub sems dpa' zhes bgyi'o/ / bu mo rin chen gyis gsol pa/ bcom ldan 'das byang chub sems dpa' gang sangs rgyas dang / chos dang / dge 'dun rin po che ma gtogs pa'i rin po che gzhan la dga' ba mi skyed pa de ni de'i slad du byang chub sems dpa' zhes bgyi'o/ / dge bsnyen sa gas byin gyis gsol pa/ bcom ldan 'das dmigs pa can la ni byang chub ma mchis te/ gang chos thams cad la mi dmigs pa dang / mi skyed mi 'gog pa de ni de'i slad du byang chub sems dpa' zhes bgyi'o// khyim bdag bzang skyong gis gsol pa/ bcom ldan 'das byang chub sems dpa' gang gi ming tsam bzung bas sems can byang chub tu nges par 'gyur ba de ni de'i slad du byang chub sems dpa' zhes bgyi'o// gzhon nur gyur pa rin chen zla bas gsol pa/ bcom ldan 'das byang chub sems dpa' gang rtag tu rgyun mi 'chad par gzhon nu'i tshangs par spyod pa dang ldan zhing 'dod pa la rtog pas kyang yongs su mi spyod na/ gnyis kyi dbang po gnyis 'jal ba lta ci smos te/ de ni de'i slad du byang chub sems dpa' zhes bgyi'o// lha'i bu man+da ra ba'i dri yis gsol pa/ bcom ldan 'das byang chub sems dpa' gang tshul khrims kyi dris yong su bsgos pas gang tshul khrims kyi dri las dri gzhan gyi ngad mi ldang ba de ni de'i slad du byang chub sems dpa' zhes bgyi'o/ / byang chub sems dpa' dga' byed kyis gsol pa/ bcom ldan 'das byang chub sems dpa' gang sangs rgyas la bsnyen bkur bgyi ba dang / dam pa'i chos yongs su gzung ba dang sems can yongs su smin par bgyi ba dang / chos gsum gyis dga' bar bgyid pa de ni de'i slad du byang chub sems dpa' zhes bgyi'o// tshangs pa khyad par sems kyis gsol pa bcom ldan 'das byang chub sems dpa' gang sangs rgyas kyi chos ma lags pa'i chos gang yang ma mchis so zhes snang bar 'gyur ba de ni de'i slad du byang chub sems dpa' zhes bgyi'o/ / byang chub sems dpa' byams pas gsol ba/ bcom ldan 'das byang chub sems dpa' gang mthong ma thag tu sems can dag byams pa'i ting nge 'dzin thob par 'gyur ba de ni de'i slad du byang chub sems dpa' zhes bgyi'o/ / 'jam dpal gzhon nur gyur pas gsol pa/ bcom ldan 'das byang chub sems dpa' gang chos ston pa thams cad kyang ston la/ chos su 'du shes pa'ang ma mchis/ chos ma lags par 'du shes pa'ang ma mchis/ bdag tu 'du shes pa'ang ma mchis/ pha rol tu 'du shes pa'ang mi bgyis te/ de ni de'i slad du byang chub sems dpa' zhes bgyi'o/ / byang chub sems dpa' dra ba can gyi 'od kyis gsol pa/ bcom ldan 'das byang chub sems dpa' gang gis 'od kyis sems can rnams kyi nyon mongs pa thams cad rab tu zhi bar bgyid pa de ni de'i slad du byang chub sems dpa' zhes bgyi'o/ / byang chub sems dpa' kun tu me tog gis gsol pa/ bcom ldan 'das byang chub sems dpa' gang phyogs bcu'i 'jig rten na/ sangs rgyas kyi zhing thams cad de bzhin gshegs pa rnams kyis me tog rgyas pa lta bur mthong ba de ni de'i slad du byang chub sems dpa' zhes bgyi'o// de ltar byang chub sems dpa' de dag gis rang rang gi spobs pa rnam par bshad do/ / de nas bcom ldan 'das kyis/ bram ze shing sA la chen po lta bu'i bu mnyam par gnas pa la bka' stsal pa/ byang chub sems dpa' gang sdug bsngal ba'i sems can thams cad thar par bya bar spro zhing dag pa'i rtsa ba thams cad kyang sems can thams cad la gtong ba de ni de'i phyir byang chub sems dpa' zhes bgyi'o/ / de nas tshangs pa khyad par sems kyis/ 'jam dpal gzhon nur gyur pa la 'di skad ces smras so// rigs kyi bu khyod gnas pa ji lta bus gnas par byed/ smras pa/ gnas pa gang gis 'dus byas thams cad la zhugs pa'i sems can thams cad gnas pa'o/ / smras pa/ gnas pa ni 'dus byas thams cad la zhugs pa'i sems can thams cad gnas pa gang gis gnas/ smras pa/ gang gis de bzhin gshegs pa thams cad gnas pa gang gis gnas pa'o/ / smras pa/ de bzhin gshegs pa thams cad gnas pa gang gis gnas par mdzad/ smras pa/ don dam pa'i stong pa nyid la gnas pas so// smras pa/ gal te rigs kyi bu gnas pa gang gis byis pa so so'i skye bo thams cad gnas pa des/ de bzhin gshegs pa thams cad gnas par mdzad na/ de bzhin gshegs pa rnams la khyad par du 'phags pa ci zhig yod/ smras pa/ tshangs pa de stong pa nyid la khyad par yod par 'dod dam/ smras pa/ 'jam dpa' de ni ma yin no// 'jam dpal gyis smras pa/ bcom ldan 'das kyis chos thams cad stong pa zhes bshad dam/ smras pa/ de de bzhin no// smras pa/ tshangs pa de'i phyir chos thams cad bye brag med de/ de dag gi gnas pa'ang de'i mtshan nyid do/ / tshangs pa de bzhin gshegs pa ni chos tha dad du mi 'dogs so// smras pa/ 'jam dpal gnas pa gnas pa gnas pa zhes bya ba'i gnas pa de gang yin/ smras pa/ tshangs pa gang la tshangs pa'i gnas bzhi yod pa 'di ni gnas zhes bya ste/ gang tshangs pa tshangs pa'i gnas bzhi dang bral ba de ni gnas la gnas pa ma yin no// gnas gang la gnas pas tshangs pa'i gnas bzhi rdzogs par byas te/ gnas pa de dag ni gnas la gnas pa'o// tshangs pa dgon pa 'am/ bla gab med pa na gnas kyang tshangs pa'i gnas bzhi dang bral na/ de gnas la gnas pa ma yin no/ / gnas pa la mkhas pa ma yin no// smras pa/ de ste yang thog dang khang bu brtsegs par gser gyi khri la gding ba dang dgab pa bsham pa'i gnas na gnas kyang tshangs pa'i gnas bzhi dang ldan na de dag gnas la gnas shing gnas la mkhas pa yin no/ / smras pa/ gnas pa gang gis gnas na ye shes mthong bar 'gyur/ smras pa/ gnas pa gang gis gnas na bdag mthong ba rnam par dag par 'gyur ba'o/ / smras pa/ ci 'jam dpal gang dag mthong ba de ye shes mthong ba 'am/ smras pa/ tshangs pa de de bzhin te/ gang bdag mthong ba de ye shes mthong ba'o/ / tshangs pa 'di lta ste/ dper na skyes bu gser lta mkhas pa ni ngan pa lta shes pas bzang po lta shes pa la nges par 'byung ngo // de bzhin du bdag mthong bas ye shes mthong ba rnam par dag par 'gyur ro/ / smras pa/ 'jam dpal bdag mthong ba gang yin/ smras pa/ gang bdag med pa'i chos nyid de/ tshangs pa bdag ni shin tu dngos po med pa ma grub pa gang de ltar mgo gcig tu gyur pa de ni bdag mthong ba zhes bya'o/ / smras pa/ 'jam dpal khyod kyis ji ltar bshad pa'i don ngas shes te/ bdag mthong bas sangs rgyas mthong ngo/ / de ci'i phyir zhe na/ bdag gi ngo bo nyid kyis sangs rgyas kyi ngo bo nyid do// smras pa/ tshangs pa de de bzhin no// smras pa/ 'jam dpal gang gis de bzhin gshegs pa mthong/ smras pa/ gang bdag tu lta ba 'khrugs par mi byed pas so// de ci'i phyir zhe na/ bdag tu lta ba ni chos su lta ba ste/ chos mthong bas sangs rgyas mthong ngo // smras pa/ 'jam dpal rnam grangs gang gis gang ma zhugs pa de dag yang dag par zhugs par 'gyur ba yod dam/ smras pa/ tshangs pa gang 'dus byas kyi dngos po thams cad la ma zhugs pa de yang dag par zhugs pa yin no/ / smras pa/ ji lta bu la zhugs na yang dag par zhugs pa zhes bya/ smras pa/ gang spong ba'i phyir yang ma yin/ mngon du bya ba'i phyir yang ma yin pa la 'jug pa de ni yang dag par zhugs pa zhes bya'o/ / smras pa/ 'jam dpal gang dag gis de bzhin gshegs pa ma mthong lags/ 'phags pa shes rab kyi mig rnam par sbyangs par 'gyur ba'i rnam grangs yod dam/ smras pa/ tshangs pa gang de bzhin gshegs pa la gnyis su mi lta ba de dag gis 'phags pa'i shes rab kyi mig rnam par dag par 'gyur ro// smras pa/ 'jam dpal shes rab kyi mig gis ci mthong / smras pa/ tshangs pa gal te chos gang yang mthong bar gyur na/ shes rab kyi mig ma yin par 'gyur ro// tshangs pa shes rab kyi mig ni 'dus byas kyang mi mthong / 'dus ma byas kyang mi mthong ngo // de ci'i phyir zhe na/ shes rab ni rnam par mi rtog pa ste/ de ni 'dus byas mthong bar rung ba ma yin no// 'dus ma byas kyang mig gi lam las 'das pas de'ang mi mthong ngo // smras pa/ 'jam dpal yang dag par zhugs pa'i dge slong 'bras bu 'thob par mi 'gyur ba'i rnam grangs yod dam/ smras pa/ tshangs pa yang dag par sbyor ba la 'bras bu thob pa med pa yod do// yang dag pa'i sbyor ba ni gang la'ang mi sbyor ba'o// de la 'bras bu 'thob par rnam par rtog pa'ang med de/ tshangs pa 'thob pa med pa las 'thob par blta'o/ / gang 'thob pa de ni mngon pa'i nga rgyal dang bcas pa'o// yang dag pa'i sbyor ba la ni mngon pa'i nga rgyal dang / mngon pa'i nga rgyal med pa'ang med/ thob pa'ang med/ mngon par rtogs pa'ang med do// smras pa/ 'jam dpal chos gang dag mngon sum du rtogs par bya ba'i phyir/ khong du chud pa zhes bstan/ smras pa/ tshangs pa chos gang ma skyed skyed par mi 'gyur ba'i chos de dag mngon par rtogs par bya ba'i phyir khong du chud pa'o zhes bstan to// smras pa/ 'jam dpal mi skyed pa'i chos la mngon par rtogs pa gang yin/ smras pa/ gang mi skyed pa de nyid mngon par rtogs pa yin te/ de'i phyir 'dus byas thams cad ma skyed par mthong zhing yang dag pa nyid du nges par 'jug pa zhes bya'o// smras pa/ 'jam dpal yang dag pa nyid du nges pa zhes bya de gang la bya/ smras pa/ bdag dang mya ngan las 'das pa mtshungs te/ 'di ni gnyis su med cing gnyis su byar med de/ de bas na yang dag pa nyid du nges pa zhes bya'o/ / yang dag pa nyid du zhugs pa na/ de'i phyir yang dag par nges pa zhes bya'o// mnyam pa nyid kyi mnyam pa nyid la nges par byung ba na de'i phyir yang dag par nges pa zhes bya'o// nges pa'i don la don 'dres pas na de'i phyir yang dag par nges pa zhes bya'o// ting nge 'dzin thams cad la sgro btags pa med pa'i phyir de ni yang dag par nges pa zhes bya'o// de nas bcom ldan 'das kyis/ 'jam dpal gzhon nur gyur pa la legs so zhes bya ba byin te/ 'jam dpal khyod kyis tshig 'di legs par smras te/ ji ltar ston pa de de bzhin no// khyod kyis bstan pa 'di bshad pa na/ dge slong bdun stong len pa med par zag pa las sems rnam par grol lo// lha'i bu stong phrag sum cu rtsa gnyis chos rnams la rdul med cing rdul dang bral ba'i chos kyi mig skyes so/ / srog chags stong phrag bcu 'dod chags dang bral ba thob bo// srog chags nyis brgya bla na med pa yang dag par rdzogs pa'i byang chub tu sems skyes so// byang chub sems dpa' lnga stong mi skye ba'i chos la bzod pa skyes so/ / de nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das 'jam dpal gzhon nur gyur pas sangs rgyas kyi bgyi ba bgyis so/ / 'jam dpal gyis smras pa/ tshangs pa sangs rgyas 'byung ba gang la'ang phan pa 'am/ gnod par nye bar mi gnas so// smras pa 'jam dpal bcom ldan 'das kyis tshad med pa'i sems can yongs su mya ngan las 'das te/ khyod kyang tshad med pa'i sems can yongs su mya ngan las 'da' bar byed pa ma yin nam/ smras pa/ tshangs pa sems can med pa la sems can du rab tu 'byed par 'dod dam/ smras pa/ de ma yin no// smras pa/ tshangs pa sems can med pa la sems can du bstan pa 'am/ sems can med pa la sems can yongs su grub par 'dod dam/ smras pa/ de ma yin no// smras pa/ tshangs pa de bzhin gshegs pa 'byung ba 'am/ 'gag par 'dod dam/ smras pa/ de ma yin no// smras pa/ de bzhin gshegs pas yongs su mya ngan las 'das pa'i sems can de dag gang yin/ smras pa/ 'jam dpal gzhon nur gyur pa chos kyi tshul gyi rnam pa gang gis ston pa ltar na 'di la 'khor ba'ang med/ mya ngan las 'das pa'ang med do// smras pa/ tshangs pa de de bzhin te/ de bzhin gshegs pas 'khor ba 'ang mi dmigs/ yongs su mya ngan las 'das pa'ang ma dmigs so/ / tshangs pa bcom ldan 'das kyis gang nyan thos btul ba de dag gis kyang 'khor ba'ang ma dmigs/ mya ngan las 'das pa'ang ma dmigs so// tshangs pa yongs su mya ngan las 'das pa zhes bya ba 'di ni btags pa'i tshig tha snyad tsam ste/ 'di la gang yang 'khor ba'ang med/ yongs su mya ngan las 'da' ba'ang med do// smras pa/ 'jam dpal 'di la su dag dad par 'gyur/ smras pa/ gang chos gang la'ang mngon par chags par mi 'gyur ba rnams so// smras pa/ 'jam dpal mngon par chags pa zhes bya ba de ni ci la mngon par chags/ smras pa/ tshangs pa mngon par chags pa zhes bya ba ni med pa la mngon par chags so// gal te tshangs pa yod pa la mngon par chags par gyur na/ 'di ltar shin tu mngon pa'i nga rgyal dang bral bar gyur pa ma yin no// 'di ltar med pa la mngon par chags pa ste/ de bas na med pa'o zhes rtogs nas/ mngon par chags par mi byed de/ gang mngon par chags par mi byed pa de mi 'khor ro// gang mi 'khor ba de rnam par mi 'gro ba'o// gang rnam par mi 'gro ba de mya ngan las 'das pa zhes bya'o// smras pa/ 'jam dpal yongs su mya ngan las 'das pa zhes bya ba ci'i gnyen po yin pa'i phyir mya ngan las 'das pa zhes bya/ smras pa/ tshangs pa yongs su mya ngan las 'das pa zhes bya ba ni phan tshun rkyen la sgro mi 'dogs pa'i phyir ro/ / ma rig pa mngon par 'du mi byed pa dang / 'du byed mi 'jug pas kyang nye bar mi sbyor te/ gang nye bar mi sbyor ba de ni kun nas mi slong ngo // gang kun nas mi slong ba de ni yongs su mya ngan las 'das pa zhes bya'o/ / kun nas mi slong bar spyod pa de ni shin tu 'gog pa'o// de'i lam mngon par rtogs pa ni shin tu mi skye ba yin te/ 'di ni 'phags pa'i bden pa bzhi zhes bya'o/ / de nas bram ze shing sA la chen po lta bu'i bu mnyam par gnas pas/ 'jam dpal gzhon nur gyur pa la 'di skad ces smras so// 'jam dpal khyod kyis bstan pa thams cad ni yang dag par bstan pa'o/ / smras pa/ rigs kyi bu tshig thams cad ni yang dag pa'o// smras pa/ 'jam dpal gang brdzun gyi tshig yod pa pa ma yin pa/ yang dag pa ma yin pa gang yin pa de yang dag pa 'am/ smras pa/ rigs kyi bu de'ang yang dag pa'o// de ci'i phyir zhe na/ 'di ltar ngag thams cad ni dbang du gyur ba ste/ yul la gnas pa'ang ma yin/ phyogs la gnas pa'ang ma yin no// gang dbang du gyur cing yul la'ang mi gnas/ phyogs la'ang mi gnas pa de ni med pa'i phyir yang dag ba ste/ de'i phyir tshig thams cad kyang yang dag pa zhes bya'o// gang yang lha sbyin gyis tshig smras pa dang / gang de bzhin gshegs pas tshig spras pa tshig de gnyis tha dad pa ma yin no// de ci'i phyir zhe na/ tshig thams cad ni de bzhin gshegs pa'i tshig ste/ thams cad ni de bzhin nyid las mi 'da' ba'o// gang tshig gis rnam par rig par byas pa de thams cad ni rnam par rig pa med pas rnam par rig par byas pa ste/ de bas na tshig thams cad yi ge mnyam pa'i phyir/ yi ge mtshungs pa'i phyir/ yi ge stong pa'i phyir tshig thams cad ni mtshungs pa'o// mnyam par gnas pas smras pa/ 'jam dpal de bzhin gshegs pas 'phags pa'i tha snyad du 'dogs pa dang / 'phags pa ma yin pa'i tha snyad du 'dogs pa zhes ma gsungs sam smras pa/ rigs kyi bu yi ge gang dag gis 'phags pa rnams tha snyad du 'dogs pa'i yi ge de dag nyid kyis 'phags pa ma yin pa rnams kyang tha snyad du 'dogs so// smras pa/ 'jam dpal de de bzhin no// smras pa/ ci yi ge de dag 'phags pa 'am/ 'phags pa ma yin pa zhes rtog gam/ smras pa/ de ma yin no// smras pa ji ltar yi ge de dag mi rtog/ rnam par mi rtog pa de bzhin du/ 'phags pa rnams ni rtog pa dang rnam par rtog pa thams cad dang bral ba'o// de dag la tha snyad med de/ 'phags pa rnams ni yi ger 'du shes pas tha snyad du mi 'dogs so/ / chos su 'du shes pas ma yin/ chos ma yin par 'du shes pas ma yin/ bdag tu 'du shes pas ma yin/ pha rol tu 'du shes pas ma yin no/ / 'di lta ste/ dper na sil snyan dang / rnga bo che dang / rdza rnga dang / dung dag ni rkyen gyis sgra 'byung yang de dag rnam par mi rtog pa de bzhin du/ 'phags pa rnams rkyen 'byung ba mthong ba'i phyir tha snyad 'dogs pas chags par mi byed/ mngon par chags par mi byed do// de nas byang chub sems dpa' mnyam par gnas kyis/ 'jam dpal gzhon nur gyur pa la 'di skad ces smras so/ / 'jam dpal bcom ldan 'das kyis/ 'di ltar dge slong dag 'dus te 'khod pas bya ba gnyis yod do// chos kyi gtam bya ba dang / 'phags pa mi smra bar gyur pas gnas par bya'o zhes gsungs na/ de la'ajam dpal chos kyi gtam ni gang / 'phags pa mi smra bar gyur pa ni gang / smras pa/ gtam gang gis sangs rgyas 'jun par mi byed/ chos 'khrugs par mi byed/ dge 'dun 'khrugs par mi byed pa 'di ni chos kyi gtam mo// sangs rgyas la chos nyid du mos pa dang / chos la 'dod chags dang bral bar mos pa dang / dge 'dun la 'dus ma byas su mos pa 'di ni 'phags pa mi smra bar gyur pa'o// gzhan yang rigs kyi bu dran pa nye bar gzhag pa bzhi las brtsams te gtam brjod pa 'di ni chos kyi gtam mo/ / yang chos thams cad la ma drin zhing yid la mi byed pa 'di ni 'phags pa mi smra bar gyur pa'o// gang yang dag par spong ba bzhi las brtsams te gtam brjod pa ni chos kyi gtam mo/ / gang mnyam pa nyid kyi mtshungs par yang mi byed/ mi mtshungs par yang mi byed pa 'di ni 'phags pa mi smra bar 'gyur ba'o// gang rdzu 'phrul gyi rkang pa bzhi las brtsams te gtam brjod pa 'di ni chos kyi gtam mo/ / gang lus dang / ngag dang / yid kyis brtson par mi byed pa 'di ni 'phags pa mi smra bar gyur pa'o// gang dbang po lnga dang / stobs lnga las brtsam te gtam brjod pa 'di ni chos kyi gtam mo/ / gang su la'ang dad pas chos gang la'ang dad par mi byed cing / chos thams cad la'ang blang ba med pa dang / dor ba med par rab tu rnam par byed pa 'ang ni 'phags pa'i mi smra bar gyur pa'o/ / dran pa dang / rtse gcig pa dang / rlom sems med pa la gnas shing chos thams cad rang bzhin gyis mnyam par gzhag par mos pa dang / spros pa'i gnas thams cad la mi rten pa'i rkyen du gyur pa 'di ni 'phags pa mi smra bar gyur pa'o// gang byang chub kyi yan lag bdun las brtsams te gtam brjod pa 'di ni chos kyi gtam mo/ / gang btang snyoms las sgro btags pa med pa thob cing / bsal ba'ang med/ bzhag pa'ang med par gnas pa 'di ni 'phags pa'i mi smra bar gyur pa'o// gang 'phags pa'i lam ya lag brgyad pa las brtsams te gtam brjod par byed pa 'di ni chos kyi gtam mo/ / gang gzings lta bu rtogs nas chos la'ang mi rten/ chos ma yin pa la'ang mi rten par gnas pa 'di ni 'phags pa mi smra bar gyur pa'o/ / rigs kyi bu de ltar byang chub kyi phyogs kyi chos sum cu rtsa bdun gyi chos 'di dag smra ba dang / 'chad pa dang / ston pa dang / 'dogs pa dang / 'jug par byed dang / 'grel pa dang / rnam par 'byed pa dang / gsal bar byed cing yang dag par ji lta bar ston pa gang yin pa 'di ni chos kyi gtam mo// gang 'di ltar chos kyis mngon sum du gyur la/ lus las logs shig na'ang chos mi mthong / chos las logs shig na'ang lus mi mthong ngo // ci nas gnyis su'ang mi mthong ngo // gnyis su med par mi mthong ba de ltar mthong ste/ de ltar mthong nas mngon sum du ye shes mthong ba'ang mi mthong ste/ gang mi mthong ba 'di ni 'phags pa mi smra bar gyur pa'o// gzhan yang rigs kyi bu gang dag tu sgro 'dogs pa dang / pha rol tu/ sgro 'dogs pa dang / chos su sgro 'dogs pa dang / chos ma yin par sgro 'dogs pas gtam mi brjod pa 'di ni chos kyi gtam mo// gang brjod du med pa'i chos nyid thob pas yi ge dang skad dang / sgra dang / dbyangs thams cad dang bral ba/ mi g.yo ba thob pas/ dben pa'i rang bzhin gyi sems kyis nye bar bsgrub pa la gnas pa 'di ni 'phags pa mi smra bar gyur pa'o// rigs kyi bu gang su dag sems can thams cad kyi dbang po mchog dang / mchog ma yin pa shes pas gtam brjod pa de dag ni chos kyi gtam brjod pa'o// gang la la mnyam par ma gzhag cing / ma g.yangs pa de dag ni 'phags pa mi smra bar gyur pa la gnas pa'o// de nas 'jam dpal gzhon nur gyur pa la/ bram ze shing sA la chen po lta bu'i bu mnyam par gnas kyis 'di skad ces smras so/ / ji ltar 'jam dpal khyod kyis bshad pa'i don kho bos shes pa ltar na/ nyan thos dang rang sangs rgyas rnams la chos kyi gtam dang / 'phags pa mi smra bar gyur pa med do// de ci'i phyir zhe na/ de dag dbang po mchog dang mchog ma yin par shes pa la mkhas pa'ang med/ rtag tu mnyam par gzhag pa'ang ma yin no// 'jam dpal su dag chos smra ba yin dag 'phags pa mi smra bar gyur pa la gnas pa yin zhes gang yang dag par smra bas smra na/ 'jam dpal de bzhin gshegs pa'o zhes yang dag par smra bas smra'o// de ci'i phyir zhe na/ sangs rgyas bcom ldan 'das ni sems can thams cad kyi dbang po la mkhas shing rtag tu mnyam par gzhag pa'o// de nas bcom ldan 'das kyis/ 'jam dpal gzhon nur gyur pa la bka' stsal pa/ 'jam dpal rigs kyi bu mnyam par gnas pas ji ltar bshad pa de de bzhin te/ 'dir sangs rgyas bcom ldan 'das rnams la dgongs so// de nas bcom ldan 'das la/ gnas brtan rab 'byor gyis 'di skad ces gsol to// bcom ldan 'das las bdag gis mngon sum du thos shing mngon sum du bzung ste/ dge slong 'dus te 'khod pa rnams kyis bya ba gnyis yod de/ chos kyi gtam brjod par bya/ 'phags pa mi smra bar 'gyur ba la gnas par bya'o zhes gsungs na/ bcom ldan 'das gal te gnas 'di la nyan thos rnams mi nus na/ de ji ltar de bzhin gshegs pas nyan thos rnams la chos kyi gtam brjod cing / yang na 'phags pa mi smra bar gyur pas gnas par byos shig ces don 'di nye bar bstan/ bcom ldan 'das kyis bka' stsal pa/ rab 'byor 'di ji snyam du sems/ nyan thos rnams ma thos par chos kyi gtam brjod dam/ 'phags pa mi smra bar gyur pa rtse gcig pas gnas sam smras pa/ de ma lags so// bcom ldan 'das kyis bka' stsal pa/ rab 'byor rnam grangs 'dis 'di ltar nyan thos dang rang sangs rgyas rnams la chos kyi gtam yang med/ 'phags pa mi/ smra ba'ang med par rig par bya'o// de nas 'jam dpal gzhon nur gyur pas/ tshe dang ldan pa rab 'byor la 'di skad ces smras so// rab 'byor sems can rnams kyi spyod pa brgyad khri bzhi stong gang de bzhin gshegs pas mkhyen pa de dag gnas brtan gyis shes sam/ gang dag la de lta bu'i gtam brjod par bya ba de dag la rjes su 'thun pa'i gtam bstan par bya ba de dag la gnas brtan gyi ye shes 'jug gam/ smras pa/ 'jam dpal de ma yin no// 'jam dpal gyis smras pa/ gnas brtan rab 'byor ting nge 'dzin gang la gnas nas sems can thams cad kyi sems kyi spyod pa la lta zhing / bdag gi sems dang pha rol gyi sems su sgrib par mi nus pa sems can thams cad kyi sems la lta ba'i ting nge 'dzin la mnyam par gzhog gam/ smras pa 'jam dpal de ni ma yin no/ / 'jam dpal gyis smras pa/ btsun pa rab 'byor de bzhin gshegs pa sems can gyi spyod pa brgyad khri bzhi stong so so ci rigs su sman ston pas/ chos kyi gtam brjod do/ / ting nge 'dzin mnyam pa nyid las kyang mi g.yo la/ sems can thams cad kyi sems kyi spyod pa'ang rab tu mkhyen te/ btsun pa rab 'byor rnam grangs 'dis kyang 'di ltar 'di la nyan thos dang rang sangs rgyas rnams kyi yul ma yin par rig par bya'o/ / btsun pa rab 'byor sems can 'dod chags spyod pa gang dag sdug pa'i rnam pa nyid kyis rnam par grol zhing mi sdug pa'i rnam pas rnam par mi 'grol ba'ang yod de/ de dag kyang de bzhin gshegs pas rab tu mkhyen to// sems can zhe sdang la spyod pa gang dag skyon mthong bas rnam par grol bar 'gyur la/ byams pas rnam par grol bar mi 'gyur ba'ang yod de/ de dag kyang de bzhin gshegs pas rab tu mkhyen to// sems can gti mug la spyod pa gang dag smad pas rnam par grol bar 'gyur la/ chos bstan pas rnam par grol bar mi 'gyur ba yod de/ de dag kyang de bzhin gshegs pas rab tu mkhyen to// sems can cha mnyam par spyod pa sdug pa'i rnam pas kyang rnam par mi 'gro la/ mi sdug pa'i rnam pas kyang mi 'grol/ byams pas kyang mi 'grol/ skyon gyis kyang mi 'grol/ chos bstan pas kyang mi 'grol/ smad pas kyang rnam par grol bas mi 'gyur ba yod de/ de dag la de bzhin gshegs pa ci nas mnyam pa nyid kyis dbang po'i khams las rnam par grol ba de lta de lta bur chos ston te/ de dag kyang de bzhin gshegs pas rab tu mkhyen rab 'byor rnam grangs 'dis 'di ltar de bzhin gshegs pa ni chos smra ba'i mchog yin pa dang / bsam gtan pa'i mchog yin pa dang / mi smra bar gyur pa la dga' ba'i mchog yin par de ltar rig par bya'o/ / de nas tshe dang ldan pa rab 'byor gyis/ 'jam dpal gzhon nur gyur pa la 'di skad ces smras pa/ 'jam dpal gal te nyan thos dang rang sangs rgyas kyis chos brjod par mi nus 'phags pa mi smra bar gyur pa la gnas par mi nus na/ byang chub sems dpa' gang la la yon tan 'di lta bu dang ldan pa gang ji ltar chos kyi gtam brjod par byed cing / 'phags pa mi smra bar gyur pa la gnas pa yod dam/ 'jam dpal gyis smras pa/ btsun pa rab 'byor de bzhin gshegs pa 'di mngon du bzhugs shing mkhyen na de bzhin gshegs pas mkhyen gyis/ 'di la zhus shig de'i tshe bcom ldan 'das kyis/ tshe dang ldan pa rab 'byor la 'di skad ces bka' stsal to// rab 'byor sangs rgyas thams cad kyi chos kyi rjes su 'jug pa g.yeng ba med pa'i ting nge 'dzin yod de/ byang chub sems dpa' gang dag gis ting nge 'dzin de thob pa de dag thams cad yon tan 'di dag dang ldan par 'gyur ro/ / de nas 'jam dpal gzhon nur gyur pas/ byang chub sems dpa' mnyam par gnas la 'di skad ces smras so/ / rigs kyi bu gang spyod pa brgyad khri bzhi stong dang / chos kyi phung po brgyad khri bzhi stong bstan pa 'di ni chos kyi gtam zhes bya'o// gang 'du shes dang / tshor ba thams cad 'gog pa'i snyoms par 'jug pa 'di ni 'phags pa mi smra bar gyur pa'o/ / rigs kyi bu ngas bskal pa 'am/ bskal pa las lhag par yang chos kyi gtam dang / 'phags pa'i mi smra bar gyur pa las brtsams te lung bstan kyang nga'i spobs pa zad par mi 'gyur ro/ / de nas bcom ldan 'das kyis/ bram ze shing sA la chen po lta bu'i bu mnyam par gnas la bka' stsal pa rigs kyi bu sngon 'das pa'i dus na byung ba/ bskal pa grangs med pa bas kyang ches grangs med pa/ rgya che ba/ tshad med pa na/ bskal pa snyan pa rnam par grags pa zhes bya ba byung ste/ de'i tshe de'i dus na mthong na dga' ba'i 'jig rten gyi khams su kun tu 'od zer zhes bya ba de bzhin gshegs pa dgra bcom pa yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ngo // bcom ldan 'das kun tu 'od zer de bzhin gshegs pa'i 'jig rten gyi khams mthong na dga' ba/ rin po che thams cad rab tu bkram pa/ 'byor pa/ rgyas pa/ bde ba/ shin tu lo legs pa/ nyams dga' ba lha dang mis kun tu gang bar gyur to/ / 'jig rten gyi khams de spos thams cad kyis yongs su bsgos pa/ reg na shing bal ltar 'jam pa/ gos ka tsa lin+di ka ltar reg na bde ba/ rin po sna bdun gyis mnyam par brgyan par gyur to/ / mthong na dga' ba'i 'jig rten gyi khams de na/ gling bzhi pa bye ba phrag bzhi yod de/ re re la'ang gling chen po dpag tshad brgyad khri bzhi stong yod do// grong khyer chen po de dag thams cad kyang rin po che thams cad kyis brgyan pa dpag tshad kyi tshad tsam du byas pa yin te/ grong khyer chen po re re la'ang grong dang / ri khrod dang / yul 'khor dang / grong rdal lnga brgyas bskor bar gyur to// grong dang / grong khyer dang / grong rdal dang / ljongs thams cad na'ang srog chags mang po brgya stong gnas te/ mi de dag gis mig sngar ci snang ba de ngag thams cad kyang sdug cing yid du 'ong ba snang ste/ yid du mi 'ong ba mi snang ngo // mi de dag kyang sangs rgyas rjes su dran pa'i ting nge 'dzin thob par gyur te/ de'i phyir 'jig rten gyi khams de mthong na dga' ba zhes bya'o/ / sangs rgyas kyi zhing gzhan nas byang chub sems dpa' 'jig rten gyi khams der 'ongs pa de dag kyang / 'jig rten gyi khams mthong na dga' ba bzhin du 'jig rten gyi khams gzhan la de tsam du dga' bar mi 'dzin to/ / yang de bzhin gshegs pa kun tu 'od zer 'di theg pa gsum las brtsams te sems can rnams la chos ston to// phal cher ni rigs kyi bu khyed 'di ltar gnas pa gnyis kyis gnas par byos shig/ chos kyi gtam brjod cig/ yang na 'phags pa mi smra bar gyur pa nye bar zhi ba la gnas par byos shig/ ces rgyas par yang dag par rab tu ston to/ / // bam po lnga pa// rigs kyi bu yang de'i tshe steng gi phyogs nas/ de bzhin gshegs pa sman pa'i rgyal po'i sangs rgyas zhing nas byang chub sems dpa' blo gros mi zad pa dang / khyad par blo gros gnyis 'ongs nas/ de gnyis bcom ldan 'das kun tu 'od zer de bzhin gshegs pa ga la der phyin te/ bcom ldan 'das kyi zhabs la mgo bos phyag 'tshal nas/ lan gsum bskor ba byas te/ phyogs gcig tu 'dug go// de gnyis la de bzhin gshegs pa des snang ba yongs su dag pa zhes bya ba'i ting nge 'dzin rgya cher yang dag par rab tu bstan to/ / ci'i phyir snang ba yongs su dag pa zhes bya zhe na/ byang chub sems dpa' gang ting nge 'dzin de thob pa des mtshan ma dang / nyon mongs pa thams cad las rnam par grol zhing / sangs rgyas kyi chos thams cad la snang ba thob par 'gyur te/ de'i phyir snang ba yongs su dag pa zhes bya'o// chos thams cad sngon gyi mtha' nas yongs su dag pa'o/ / chos thams cad phyi ma'i mtha' nas yongs su dag pa'o// chos thams cad da ltar byung ba'i mtha' nas yongs su dag pa ste/ 'di ni dus gsum yongs su dag pa zhes bya'o/ / gang yongs su dag pa 'di ni nam du'ang yongs su dag par mi 'gyur te/ yongs su dag pa gang gis rang bzhin gyis yongs su dag pa de ni shin tu yongs su dag pa ste/ dede'i phyir chos thams cad rang bzhin gyis 'od gsal ba zhes bya'o// chos rnams kyi rang bzhin de gang zhe na/ chos thams cad ni stong pa nyid kyi rang bzhin can te/ dmigs pa dang bral ba'o// chos thams cad ni mtshan ma med pa'i rang bzhin can te/ rtog pa dang rnam par rtog pa dang bral ba'o// chos thams cad ni smon pa med pa'i rang bzhin can te/ blang ba med pa/ dor ba med pa bsam pa med pa/ nus pa med pa shin tu ngo bo nyid dang bral ba yin te/ de ni rang bzhin gyis 'od gsal ba'o// 'khor ba'i rang bzhin gang yin pa de mya ngan las 'das pa'i rang bzhin no// mya ngan las 'das pa'i rang bzhin gang yin pa de/ chos thams cad kyi rang bzhin te/ de'i phyir sems rang bzhin gyis 'od gsal ba zhes bya'o// rigs kyi bu 'di lta ste/ dper na nam mkha' la bla gab med pa kun nas nyon mongs par 'gyur ba na/ gnas ma yin zhing go skabs med do// rigs kyi bu de bzhin du sems kyi rang bzhin yang kun tu nyon mongs par gyur pa ni gnas ma yin zhing go skabs med do/ / rigs kyi bu 'di lta ste/ dper na nam mkha' la ni sprin gyi phung po 'am/ du ba 'am/ rdul dag snang ste/ des nam mkha' mi mdzes shing / lham me lhang nger mi 'gyur mod kyi/ de dag gis nam mkha'i rang bzhin kun nas nyon mongs par mi 'gyur ro// gal te nam mkha' kun nas nyon mongs su zin na/ shin tu rnam par dag par mi 'gyur te/ 'di ltar kun nas nyon mongs par mi 'gyur bas na/ de'i phyir nam mkha' zhes rab tu dbye'o// rigs kyi bu de bzhin du byis pa so so'i skye bo tshul bzhin ma yin pa yid la byed pa dang ldan pa rnams kyi tshan mongs pa skye myod / de dag gi sems kyi rang bzhin kun nas nyon mongs par mi 'gyur ro// kA g+sa r+b+he gnan sa nyon mongs par 'gyur na na tu rnam par dag par mi 'gyur te/ 'di ltar kun nas nyon mongs par mi 'gyur bas na/ de'i phyir rang bzhin gyis rnam par grol bas rnam par thos lo// rigs kyi bu 'di ni snang ba yongs su sa pa'i ting nge 'dzin la 'jug pa'o zhes de ltar de bzhin gshegs pa des byang chub sems dpa' de gnyis la rab tu bstan/ / de gnyis kyis ting nge 'dzin 'di thos nas/ bsamachis mi khyab pa'i chos pa chos kyi snang ba thob bo/ / de nas bcom ldan 'das kun tu 'od zer de bzhin gshegs pa la/ byang chub sems dpa' blo gros mi zad pas 'di skad ces gsol to// bcom ldan 'das bdag cag gi ting nge 'dzin 'di la 'jug pa ni thosan/ bcom ldan 'das bdag cag gnas pa gang gis gnas par bgyi/ de skad ces gsol pa dang / bcom ldan 'das des rigs kyi du de gnyis la 'di skad ces bka' stsal to/ / rigs kyi bu 'di la khyed chos kyi gtam yang dag par ston ci// yang na 'phags pa mi smra bar gyur pa la gnas par gyis shi/ de nas bcom ldan 'das las byang chub sems dpa' gnyis kyis legs so zhes bya ba thos te/ bcom ldan 'das kyis zhabs la mgo bos phyag 'tshal nas/ lan gsum bskor ba byas te/ ldan 'das kyi drung nas skyed mos tshal zhig gang na yod pa der song ste/ der phyin nas rang gis sprul pa'i khang bu brtsegs pa'i nang du 'dug go// de gnyis de na 'dug pa der tshangs pa chen po 'od zer bzang po zhes bya ba tshangs pa brgya stong phrag bdun cu rtsa gnyis dang / byang chub sems dpa' de gnyis ga la ba der song ste phyin nas/ byang chub sems dpab de gnyis kyi rkang pa la mgo bos phyag 'tsha nas lan gsum bskor ba byas te/ byang chub sems dpa' de gnyis la 'di skad ces smras so// rigs kyi bu bcom ldan 'das kun tu 'od zer de bzhin gshegs pa des 'di skad du 'dus shing 'khor pa rnams kyis bya ba gnyis yod de/ chos kyi gtam bstan par bya'o// yang na 'phags pa mi smra bar gyur pas gnas par bya'o zhes gsungs na/ de la chos kyi gtam ni gang yin/ 'phags pa mi smra bar gyur pa ni gang yin/ de skad ces smras pa dang / byang chub sems dpa' de gnyis kyis/ tshangs pa 'od zer bzang po la 'di skad ces smras so// tshangs pa de'i phyir dri ba lung bstan pa 'di las cung zad cig bshad kyis nyon cig dang / 'di la de bzhin gshegs pa ni mngon sum ste/ pha rol gyi mchog brnyes pa'o// rigs kyi bu de/ ltar na byang chub sems dpa' de gnyis 'khor de'i nang na 'di lta ste/ chos kyi gtam dang / 'phags pa mi smra bar gyur pa las brtsams nas/ don gyi tshig 'di gnyis rgyas par bstan te/ de'i tshe tshangs pa brgya stong phrag bdun cu rtsa gnyis po de dag mi skye ba'i chos la bzod pa skyes so// tshangs pa 'od zer bzang pos kyang ting nge 'dzin kun tu snang ba mngon du gyur te/ rab thob bo// rigs kyi bu de ltar byang chub sems dpa' spobs pa rgyun mi 'chad pa de gnyis dris pa gnyis po 'di lta ste/ chos kyi gtam dang / 'phags pa mi smra bar gyur pa yang dag par ston cing 'dug ste/ de gnyis kyis le stong phrag bdun cu rtsa drug gi bar du don gyi tshig 'di gnyis gtan la 'bebs shing lan ljon par gyur te/ gcig gis yang mthar ma phyin/ gnyis po'ang mthar ma phyin to// des na de bzhin gshegs pa de steng gi nam mkha' la bzhugs nas/ de gnyis la 'di skad ces bka' stsal pa/ rigs kyi bu chog go/ / smras pa/ rtsod par ma byed cig/ smra bas rtsod par ma byed cig/ smra ba thams cad ni brag cha dang mtshungs te/ sgra ci 'dra ba de bzhin du sgra brnyan yang de bzhin no/ / khyed kyis spobs pa so so yang dag par rig pa mi zad pa mngon par bsgrub pa khong du chud do// khyed 'dod na dris pa 'di'i don bskal pa 'am/ bskal pa las lhag par yang lan ljon zhing khyed kyis spobs pa'i mthar phyin par yang mi 'gyur mod kyi/ sangs rgyas kyi tshig ni nye bar zhi ba yin te/ zhi ba/ rab tu zhi ba/ nye bar zhi ba/ yi ge med pa'i don to// don ni brjod du med pa ste/ ji tsam du brjod pa de tsam du don med pa'o// don la rton la/ yi ge la ma rton cig ces de gnyis de bzhin gshegs pa des bskul bar rigs nas cang mi smra bar gyur to/ / rigs kyi bu rnam grangs 'dis kyang 'di ltar 'dod na/ byang chub sems dpa' dag bskal pa brgya stong ngam/ de bas kyang lhag par spobs pas bstan pa ston par rig par bya'o/ / rigs kyi bu de'i dus de'i tshe na byang chub sems dpa' gnyis byung ba gzhan yin par 'dzin na khyod kyis de ltar mi blta'o// de ci'i phyir zhe na/ 'jam dpal gzhon nur gyur pa 'di de'i tshe byang chub sems dpa' blo gros mi zad pa zhes bya bar gyur to/ / mnyam par gnas pa khyod kyang de'i tshe de'i dus na byang chub sems dpa' khyad par blo gros zhes bya bar gyur to// de'i tshe de'i dus na tshangs pa chen po khyad par sems 'di ni tshangs pa 'od zer bzang po zhes bya bar gyur to// de nas bcom ldan 'das la/ bram ze shing sA la chen po lta bu'i bu mnyam par gnas pas 'di skad ces gsol to/ / bcom ldan 'das gang 'di mngon par brtson pa de bgyid pa'i brtson 'grus brtsams pa rnams la/ de bzhin gshegs pa rnams kyi byang chub ni don chen po thob par 'gyur te/ mngon par mi brtson pa rnams la ni sangs rgyas bcom ldan 'das brgya stong gis kyang ci zhig bgyi/ bcom ldan 'das mngon par brtson pa ni byang chub lags so// de nas 'jam dpal gzhon nur gyur pas/ bram ze shing sA la chen po lta bu'i bu mnyam par gnas pa la 'di skad ces smras so// ji ltar na byang chub sems dpa' mngon par brtson pa mngon par brtson pa zhes bya/ smras pa/ byang chub sems dpa' ji ltar brtson par byas pas mngon par rtogs pa thob par 'gyur ba de 'di ni mngon par brtson pa'o// smras pa yang ji ltar mngon par brtson pas mngon par rtogs pa 'thob par 'gyur/ smras pa/ gang chos gang la'ang rnam par mi rtogs na de ltar mngon par brtson pas mngon par rtogs pa 'thob par 'gyur ro/ / smras pa/ ji ltar na mngon par rtogs pa mngon par rtogs pa yin/ smras pa/ mnyam pa nyid gang gis chos thams cad mnyam par mthong ba ni de ltar na mngon par rtogs pa mngon par rtogs pa yin no/ / smras pa/ rigs kyi bu mnyam pa nyid mthong bar rung ngam/ smras pa/ mi rung ngo // smras pa/ gal te mi rung na mi mnyam par gyur te/ mnyam par mi rung ngo // khyad par sems kyis smras pa/ 'jam dpal gang mnyam pa nyid kyis chos thams cad mi mthong ba 'di ni mngon par rtogs pa zhes bya'o// 'jam dpal gyis smras pa/ tshangs pa ci'i phyir mi mthong / smras pa/ gnyis dang bral ba'i phyir mi mthong ngo // 'jam dpal mi mthong ba ni yang dag par mthong ba yin no// smras pa/ tshangs ba sus 'jig rten gyi mnyam pa nyid mthong / smras pa/ de bzhin gshegs pas so// smras pa/ ji ltar gzigs/ smras pa/ ji ltar gzugs kyi de bzhin nyid las gzhan du ma mdzad pa dang / tshor ba dang / 'du shes dang / 'du byed dang / rnam par shes pa'i de bzhin nyid las gzhan du ma mdzad de/ 'jam dpal phung po lnga po'i de bzhin nyid ji lta bzhin du gzigs pa 'di ni 'jig rten la yang dag par gzigs pa'o/ / smras pa/ tshangs pa 'jig rten gang gis rab tu phye/ smras pa/ zad pa'i mtshan nyid kyis rab tu phye'o/ / smras pa/ gal te 'jig rten zad pa'i mtshan nyid kyis rab tu phye ba yin na/ tshangs pa ci 'jig rten gyi mtshad nyid de zad par 'gyur ram/ smras pa/ 'jam dpal 'jig rten gyi mtshan nyid zad par mi 'gyur ro/ / smras pa/ 'o na ji ltar 'jig rten zad pa'i mtshan nyid kyis rab tu phye ba yin/ smras pa/ 'jam dpal gang shin tu zad pa de ni zad par mi 'gyur ro/ / de ci'i phyir zhe na/ gang zad pa de ni zad par mi 'gyur ba'i phyir ro// smras pa/ tshangs pa de bzhin gshegs pas 'dus byas zad pa'i chos can du ma gsungs sam/ smras pa/ 'jam dpal zad pa'i chos nyid gang yin pa de nam yang zad par mi 'gyur te/ de bas na de bzhin gshegs pas 'dus byas zad pa'i chos can no zhes gsungs so// smras pa/ tshangs pa gang gis 'dus byas kyi grangs su 'gro/ smras pa/ 'jam dpal zad pa'i chos nyid kyis 'dus byas so zhes bya ba'i grangs su 'gro'o// smras pa tshangs pa 'dus byas ci la gnas/ smras pa/ 'dus ma byas kyi rang bzhin la gnas so// smras pa/ tshangs pa 'dus byas dang / 'dus ma byas kyi chos rnams la tha dad du bya ba ci yod/ smras pa/ 'jam dpal 'dus byas dang 'dus ma byas kyi chos rnams la tha dad du bya ba ni tha snyad do// de ci'i phyir zhe na/ tha snyad kyis 'di ni 'dus byas so// 'di ni 'dus ma byas so zhes bstan te/ yang 'dus byas kyi chos nyid gang yin pa de ni 'dus ma byas kyi chos nyid kyang de yin te/ chos nyid la tha dad du bya ba med do// smras pa/ tshangs pa chos nyid ces bya ba 'di gang gi tshig bla dgas yin/ smras pa/ 'jam dpal chos nyid ces bya ba ni 'dus ma byas dang bye brag med par gyur pa'i chos rnams kyi tshig bla dgas so// smras pa/ tshig bla dgas zhes bya ba'i don ci/ smras pa/ pha rol rnam par rig par bya ba'i ched du bstan pas na/ 'di ni de'i phyir tshig bla dgas zhes bya'o// de ci'i phyir zhe na/ tshig bla dgas thams cad ni lhag par byed pas sgo 'dogs pa yin te/ de'i phyir de bzhin gshegs pa sgo mi 'dogs shing lhag par yang mi mdzad la ston pas na/ de ni lhag pa'i tshig ces bya'o// yang 'jam dpal tshig thams cad tshig ma yin pas na/ de'i phyir sangs rgyas kyi tshig ni brjod du med pa zhes bya'o// de ci'i phyir zhe na/ yang dag par rdzogs pa'i sangs rgyas nyid ni brjod pas rab tu dbye ba ma yin no/ / smras pa/ yang dag par rdzogs pa'i sangs rgyas ji ltar na rab tu dbye/ smras pa/ gzugs su'ang ma yin/ mtshan du'ang ma yin/ chos nyid du'ang rab tu mi dbye'o/ / smras pa/ ci gzugs kyi mtshan nyid kyi chos las tha dad du rab tu dbye 'am/ smras pa/ de ni ma yin no// smras pa/ gzugs kyi mtshan nyid kyi chos kyi de bzhin nyid gang yin pa de ni/ de las kyang ma yin/ gzhan las kyang ma yin te/ de ltar de bzhin gshegs pa rnams rab tu dbye'o// 'di ltar de bzhin nyid kyis rab tu bstan cing chud za bar yang mi 'gyur ba de ltar rab tu dbye'o/ / smras pa/ de ltar na de bzhin gshegs pas ci zhig mngon par rdzogs par sangs rgyas/ smras pa/ 'jam dpal de ltar na de bzhin gshegs pas chos thams cad kyi rang bzhin dang ngo bo nyid kyis ji lta ba bzhin du mngon par rdzogs par sangs rgyas shing / mngon par rtogs te/ de'i phyir yang dag par rdzogs pa'i sangs rgyas zhes bya'o/ / de nas bcom ldan 'das la/ bram ze shing sA la chen po lta bu'i bu mnyam par gnas kyis 'di skad ces gsol to// bcom ldan 'das ji ltar na byang chub sems dpa' rnams theg pa chen po la yang dag par zhugs pa zhes bgyi de nas bcom ldan 'das kyis de'i tshe tshigs su bcad pa 'di dag gsungs so/ / mkhas pa de dag gzugs bzhag phyir/ / byang chub tu ni ma zhugs te// gzugs bzhin byang chub de bzhin shes// mkhas pa dag ni de ltar 'jug/ de bzhin nyid kyis phye bas na// gzugs ltar byang chub de bzhin te/ / mkhas mchog de dag byang chub la// yongs su dbye bar mi 'jug go// byang chub don ni dbyer med de// don la byang chub mi dmigs so// na sa sa gang badzin pa// deng kyang chum la grugs// phung po mas rnams dang // ma das su byung chum chog/ byang chub pa di 'ang banan de las gud na byang chub med/ / chos rnams rab dang tha ma dang // bar ma'ang nam zhig mi 'dzin cing // gang yang 'dor bar mi byed pa// de tshe byang chub yang dag zhugs// nam zhig chos dang chos ma yin// gnyis su de dag khas mi len// gnyis su gyur pa'ang ma yin pa// de dag byang chub rab tu zhugs// 'dus ma byas ni gnyis su med// 'dus byas dag ni gnyis yod na// 'di gnyis mtha' ste rnam par spangs// byang chub spyad pa de dag spyod// so so'i skye las rab 'das la// mi 'gyur ba la'ang mi gnas shing / 'bras bu'ang ma thob 'phags pa rnams// de dag 'jig rten sbyin 'os yin// 'jig rten chos rnams kun lta zhing // 'jig rten na yang pad+ma bzhin// spyod pa mchog la spyod pa na// de dag byang chub zhugs pa bzhin// gang la 'jig rten spyod pa der// de dag spyod pa byed mod kyi// gang la 'jig rten rmongs 'gyur ba// de la mkhas pa de dag grol// de dag 'khor bar nyon mi mongs/ / byang chub sems dpa' 'jigs med pa// gzhan pa medo cing zhum med pa// de dag byang chub spyod pa spyod// de bzhin mkhas shing rtag par ni// chos kyi dbyings kyi tshul yang rtogs/ / de dag chos dang chos min du// 'di la mkhas pa mi rtog go// byang chub spyod pa rab spyod cing // de dag chos rnams 'jig mi byed// gang yang skye bar mi byed de/ / 'di ni byang chub mtshan nyid do// chos rnams thams cad mtshan nyid med// nam mkho'i mtshungs shing mnyam pa ste// mkhas pa de dag nam du yang // mtshan gzhi mtshan gzhi mang mi snyems/ / spyod la mkhas par gyur pa yin// thabs kyi pha rol rab song zhing // sems can rnams kyi bsam pa yang // mkhas pa dag ni rdzogs par byed/ / rtag tu dam pa'i chos 'dzin cing // mngon pa nyid la rab tu gnas// chos la rlom sems mi byed pa// 'di ni nga yi chos yin te// sangs rgyas dag ni skyes kyang rung // 'on te 'dren pa ma skyes kyang // chos rnams thams cad stong pa ste// de dag chos nyid de mi 'dor// chos rnams kun la mngon sum ste// chos kyi chos nyid gang yin pa/ / de bzhin nyid la rab gnas shing // de dag bstan pa shin tu ston// bdud kyis zab mo spyod pa yi// gting yang rtag tu rig mi 'gyur// 'di ltar de dag chos rnams la/ / ma lus par ni mi 'dzin to// sangs rgyas ye shes rab tshol la// yang dag zhugs pa'i spyod yul min// ye shes de yang yul gnas dang // phyogs la gnas pa mi 'thob bo/ / sangs rgyas ye shes chags med de// chos dang chos la chags mi byed// byang chub tu ni gang gzhol ba// de bzhin de dag chags mi byed// sbyin pas mngon par rtag tu 'phags// sems dul dul rab rab tu dga'// de dag ma lus gtong ba na// zhan pa'i sems kyi yongs med do// chos ni gtang bar mi nus te// gzung bar yang ni mi nus so// de ltar chos rnams thams cad la/ / bdag gi dngos po yod ma yin// chos rnams thams cad ma bcings shing // grol ba'ang med par gang gis shes// gang la lta ba med pa ste// de ni sbyin bdag chen po yin/ / nga dngang yir lta ba gang // de la de dag yong med de// de phyir de dag gtong ba na// dngos po ci la'ang rten mi 'gyur// sbyin pa gtong ba thams cad kyang // byang chub la ni sngo bar byed/ / byang chub la ni sbyin pa yis// gnyis su 'du shes mi bskyed do// 'du byed med pa'i tshul khrims la// rtag par shin tu gnas par 'gyur// tshul khrims la yang bdag gnas shing / / de dag la ni rlom sems med// tshul khrims dag ni ma byas shing // ma skyes par yang mkhas pas shes// de phyir de yi tshul khrims ni// rab dag dri med nam mkha' bzhin/ / lus ni gzugs brnyan nyid dang 'dra// da ni brag cha ji bzhin te// sems kyang sgyu ma 'dra rig nas// de dag tshul khrims mi snyems so// de dag zhi zhing rab tu ni/ / nye bar ni zhing mnyam par gzhag/ sdug pa thams cad ni byed cing // rab tu zhi ba'i pha rol song // ngang tshul ngan dang tshul khrims ni// gnyis su byas de la med/ / chos kyi dbyings ni yongs shes nas// de yi tshul khrims zag pa med// bzod pa'i pha rol rab phyin cing // nyes bcas thams cad bzod par byed// de ltar sems can thams cad la/ / de yi 'du shes mnyam par 'jug/ chos rnams thams cad mi gnas te// skad cig 'joms pas 'jig par 'gyur// 'di la gang yang gsheg med/ / 'di la gang yang phyag 'tshal med// lus rnams gshags shing bcad na yang // de yi sems la 'khrugs mi 'byung // lus kyi nang ngam phyi rol na// sems ni// shin tu mi gnas so// khams bzhi las ni byung ba yi// smras 'di nyid ni dgra dang mtshungs// yang dag yongs su rtogs pa yi// mkhas pa de dag bdag mi snyams/ / de ltar mngon sum gyur pas na// de dag bzod pa smra ba yin// de yi sems ni sun dbyung bar// ma lus skye bos mi nus so// de dag brtson 'grus che rtsom / mthu brtan 'jigs pa med pa dag/ lus dang sems rnams rigs nas ni// de dag la ni gnas mi 'gyur// 'khor ba yi ni thog ma yin// mtha' nas bzung ste ma skyes so/ / sems can gcig gi don phyir yang // stobs po che dag go chagyon// chos ni gang yang mi skye ste// 'byung bar 'gyur ba'ang med mod kyi// byis pa phyin ci log pa'i phyir/ / sngon gyi mtha' ni mi rtogs so// dbyings 'di rtag tu gnas pa ste// chos kyi dbyings ni bsam mi khyab// de ltar yang dag rab shes nas// 'di la skye med 'jigs pa'ang med/ / chos kyi chos nyid 'di rnams ni// sems can 'di dag mi shes te// de phyir de yi phyin ci log/ spang ba'i phyir ni de dag brtson// sems can rdzogs pa'i sangs rgyas kyis/ / ji ltar bur yang yong ma rnyed// go cha dag kyang mi 'dor te// brtson 'grus bdag gis khyad par ltos// ji ltar sgyu ma sdig rgyu ltar// chos rnams la ni rab tu 'byed/ / 'di la snying po mi rnyed de// nam mkha' la ni lta ba bzhin// med pa'i yongs su rtogs pa yi// skye bo mi mkhas nyon mongs 'gyur// gang gis mya ngan 'da' ba yi/ / rig pa dag ni de la bshad// de yi brtson 'grus de phyir te// dngos po gzhig phyir ma yin no// dngos dang dngos med mi rtag phyir// de dag gi ni brtson 'grus skyed/ / dben pa dag tu rtag ga nas shing // nyon mongs med par rtogs par rig/ 'khor ba la ni skrag pa'i yid// 'dris pa med cing yid mi rton// dgon par spyod pa brtan pa dag/ mkhas pa rtag tu bse ru bzhin// shes par brtson pa'i rig pa dag/ de dag mngon shes rtogs par rig/ dgon pa bzhin du grong de bzhin// mnyam pa nyid la rab gnas pas/ / spyod dang spyod lam mi rtog ste// de dag rtag tu mnyam par gzhag/ nam zhig mnyam par gzhag pa'i chos// nye bar zhi ba zag med la// mos shing rnam par grol ba / / de phyir mnyam par gzhag ces gsungs// mnyam par byed cing mnyam par 'gro// mnyam pa nyid la rab gnas nas// mnyam pa nyid dang 'gal mi byed// de phyir mnyam par gzhag ces gsungs/ / byang chub sems las rnam pa kun// sems las de dag rmongs mi 'gyur// sems can dag kyang yongs smin byed// de phyir mnyam par gzhag ces gsungs// rdzogs pa'i sangs rgyas chos kyi sku// de bzhin gshegs pa rtag tu dran// gzugs la 'dod chags bral ba thob// de phyir mnyam par gzhag ces gsungs/ chos kyi chos nyid ji lta bar// de dag chos rnams sgom mod kyi// dran pa yid la byed pa min// de phyir mnyam par gzhag ces gsungs// dge 'dun dran pa sgom byed de// dge 'dun nyid kyang 'dus ma byas/ / tshad dang bral ba zhi pa yi// mkhas pa dag ni bsam gtan sgom// lus can dag gis phyogs bcu na// zhing dang sangs rgyas rnams mthong ste// de dag mig dang gzugs la yang / / gnyis su 'du shes mi 'jug go// sangs rgyas rnams kyi chos bstan pa// ji snyed yod pa nyan mod kyi// de dag sgra dang rna ba la// gnyis su 'du shes mi 'jug go/ / de dag sems can kun gyi sems// sems gcig gis ni rab shes kyang // de dag sems sam sems can la// rnam par rtog par mi 'gyur ro// bskal pa gad+hA'i bye ma snyed/ bye ba lta bu dran gyur kyang // de dag sngon nam phyi ma zhes// spros pa 'di yang mi 'byung ngo // zhing rnams bye ba phrag stong dang // bsam mi khyab par 'phrul gyis 'gro/ / lus la'ang med cing sems la'ang med// de las gud na'ang yod ma yin// chos rnams rab tu dbye ba shes// spobs pa dag la rtogs par mi// chos kyi dbyings rnams bstan pa dag/ bskal pa bye bar smra bar byed// shes rab kyi yang pha rol phyin// phung po dag la mkhas par bslabs// blang med spros pa med pa yi// chos mchog dag ni rjod par byed/ / de dag rkyen la mkhas pa ste// mtha' gnyis dag ni spangs pa ste// de dag nyon mongs rgyu rnams kyang // sdig pa med pa dag par shes// rkyen la lhag par mos pa la// ! ba dag ni yod ma yin/ / 'di ltar chos rnams thams cad ni// rkyen la rag las dngos po med// bdag tu lta dang sangs rgyas lta// stong par lta ba'ang gang yin dang // mya ngan 'das dang 'khor bar lta/ / thams cad de la yongs mod do// shes rab rang bzhin shes nas ni// snang bar gyur ma thag tu yang // de dag mun bral chags med cing // byang chub spyod la spyod par 'gyur/ / theg pa chen po'i theg pa 'di// sangs rgyas theg pa bsam mi khyab// sems can kun gyi go skabs 'byed// theg pa chen po bla na med// theg pa ji snyed ci yod pa/ / 'di ni de yi mchog tu dgongs// de phyir theg pa chen po las// theg pa thams cad rab tu dbye// theg pa gzhan ni chung ngu ste// thams cad kyi ni go skabs med/ / theg pa chen po 'di la ni// lus can kun gyi go skabs shong // theg pa chen po nam mkha' ltar// dri ma med la gang zhugs pa// de dag lus can thams cad la/ / ser sna byed pa yongs med do// ji ltar nam mkha' tshad med cing // gzugs med bstan du med pa ltar// de bzhin theg pa chen po 'di/ / tshad med bsgribs pa med pa'o// gal te sems can thams cad kyang // theg pa dam pa 'dod 'gyur na// thams cad kyi yang go skabs yod// theg pa'i khyad par dag la ltos/ / theg pa chen po'i yon tan dag/ de la gang rnams gnas pa yi// de dag gis ni bsngags pa'i mtha'// bskal pa bye bar bshad mi nus// tshig bzhi pa yi tshigs bcad tsam// mdo mchog 'di las gang 'dzin pa// de dag gis ni mi khom spangs// mkhas pa de dag dal ba thob// gang dag mdo sde 'dir dga' ba// de dag phyin chad ngan song du// 'gro bar 'gyur ba ma yin te// de dag lha dang mir 'gyur ro// phyi dus 'jigs pa chen po'i tshe// mdo sde 'di ni gang nyan pa// de dag thams cad byang chub tu/ / shin tu gzhol bar ngas lung bstan// de yi lag na dam chos yod// de dag dag pa'i chos la gnas// chos 'di la ni gnas nas kyang // de dag chos kyi 'khor lo bskor/ / gang gis mdo sde 'di bzung ba// de dag rdzogs pa'i byang chub nye// bskal pa bsam las 'khor ba las// bdag nyid chen po de dag spong // gang gis tshul 'di bzung ba dag/ de dag dpa' bos nus pa ste// bdud kyi sde rnams rab tu 'jom// brtson 'grus che zhing shes rab che// mdo sde 'di la gang dga' ba// nga ni bzod la gnas pa'i tshe/ / mar me mdzad kyi lung bstan ltar// de tshe de dag lung bstan to// mdo sde 'di ni gang smra ba// 'di ni sangs rgyas skyob pa yi// 'jig rten sgrol ba ma byung tshe/ / sangs rgyas mdzad pa byed par 'gyur// yang tshigs su bcad pa mngon par sgrub pa 'di bshad pa na/ lce'i bu lnga stong byang chub tu sems smras so// byang chub sems dpa' nyis stong mi skye ba'i chos la bzod pa skyes so/ / dge slong stong lhag tsam len pa med par zag pa las sems rnam par grol lo// srog chags sum khri nyis stong chos rnams la chos kyi mig rdul med cing dri ma dang bral ba rnam par dag go/ / de nas bcom ldan 'das la/ 'jam dpal gzhon nur gyur pas 'di skad ces gsol to// ji ltar bcom ldan 'das kyis bshad pa'i don bdag gis 'tshal ba ltar na/ / gang byang chub kyi phyir smon pa ni log par lta ba la smon pa lags so// de ci'i slad du zhe na/ bcom ldan 'das dmigs pa ni logs pa lags te/ de lta bas na byang chub la dmigs par bgyid cing / dmigs pa la smon pa de dag gi 'bad pa ni log pa lags so// de ci'i slad du zhe na/ bcom ldan 'das byang chub ni 'dod pa'i khams la mi gnas/ gzugs kyi khams la mi gnas/ gzugs ma mchis pa'i khams la mi gnas te/ bcom ldan 'das byang chub ni mi gnas pa lags pas de la de smon par bgyi ba ma mchis so/ / bcom ldan 'das 'di lta ste/ dper na skyes bu la la zhig gis nam mkha' thob par bgyi'o zhes nam mkha' la smon na des nam mkha' thob par 'gyur ram/ bka' stsal pa/ 'jam dpal de ni ma yin no// 'jam dpal gyis gsol pa/ bcom ldan 'das de bzhin du gang byang chub nam mkha' dang mtshungs pa la smon pa de dag ni nam mkha' la smon pa lags so/ / bcom ldan 'das byang chub ni smon pa ma mchis pa/ dus gsum las 'das pa/ nye bar mi mchis pa lags te/ bcom ldan 'das byang chub sems dpa' gang 'du shes gnyis su bgyis nas byang chub kyang gzhan la/ 'khor ba'ang gzhan no// byang chub kyang gzhan la/ lta bar gyur pa'ang gzhan no// byang chub kyang gzhan la mya ngan las 'das pa'ang gzhan no zhes smon par bgyid na/ byang chub sems dpa' de dag ni byang chub la spyod pa ma lags so// de nas tshangs pa khyad par sems kyis// 'jam dpal gzhon nur gyur pa la 'di skad ces smras so/ / 'jam dpal byang chub sems dpa' ji ltar spyod na/ byang chub la spyod pa yin/ smras pa/ tshangs pa byang chub sems dpa' gang chos thams cad la'ang spyod la/ chos gang la'ang mi spyod na/ byang chub sems dpa' de byang chub la spyod de/ tshangs pa spyad pa'i yul las 'das pa'i byang chub sems dpa' ni byang chub tu spyod do/ / smras pa/ 'jam dpal ji ltar na byang chub sems dpa' spyad pa'i yul las 'das pa la spyod/ smras pa/ dmigs pa'i mtshan ma thams cad dang bral zhing / mig dang / rna ba dang / sna dang / lus dang / lce dang / yid dang bral ba de ltar na spyad pa'i yul thams cad las shin tu 'das pa yin no// smras pa/ 'jam dpal yang dag par 'das pa zhes bya ba ci la bsams/ smras pa/ mnyam pa nyid lnga mi 'da' 'o// de ci'i phyir zhe na/ tshangs pa byang chub ni chos thams cad kyi mnyam pa nyid do// smras pa/ 'jam dpal byang chub sems dpas ji ltar byang chub tu 'jug par bya// smras pa/ byang chub ji lta ba bzhin du'o// smras pa/ byang chub ji lta bu yin/ smras pa/ tshangs pa byang chub de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin te/ de bas na byang chub sems dpa' dus gsum yongs su dag pa'i rnam pa dang / 'khor gsum yongs su dag pas byang chub tu yang dag par 'jug par bya'o/ / 'das pa ji lta ba dang / ma 'ongs pa ji lta ba dang / da ltar byung ba ji lta ba dang / ma byung ba ji lta ba dang / ma byung ba gang yin pa de la rab tu dbye ba med de/ gang de ltar rab tu zhugs pa de gang la'ang zhugs pa med do// de ci'i phyir zhe na/ rab tu 'jug pa 'dis thams cad mkhyen pa'i ye shes 'thob par 'gyur ro/ / smras pa/ 'jam dpal ci'i phyir thams cad mkhyen pa'i ye shes zhes bya/ smras pa/ thams cad shes par gyur pa'i ye shes de ni thams cad mkhyen pa'i ye shes zhes bya'o/ / smras pa/ 'jam dpal kun shes pa gang yin/ smras pa/ tshangs pa kun shes pa gang la dngos po med cing / kun shes pa la kun shes pa med pa de ni kun shes pa ste/ dngos po ji lta ba de bzhin du de'i kun shes pa'ang med do// smras pa/ ci'i phyir dngos po med/ smras pa/ dngos po ni ming gi rang bzhin gyis dben te/ de'i ming dang rang bzhin dben pa la dngos po'ang gzhan ma yin/ byang chub kyang gzhan ma yin no// gal te dngos po'ang gzhan la/ byang chub kyang gzhan du zin na/ 'di ltar 'di la byang chub ji ltar dngos po'ang de bzhin no// de bas na 'di la sems can yang gud na med la/ de rnam pa gzhan du'ang rtogs par mi 'gyur te/ gzhan du na bdag gis mnyam pa nyid kyis byang chub mnyam pa nyid dang / byang chub kyi mnyam pa nyid kyis bdag gis mnyam pa nyid rig par byed de/ de ltar na byang chub rtogs par 'gyur te/ gzhan du ma yin pas na de'i phyir de la gzhan du 'gyur ba med do// bdag ni rtag tu bdag med pa yin te/ de'i phyir de la rnam pa gzhan du 'gyur ba med do// ji ltar na nam// mkha' la rnam pa gzhan du 'gyur ba med pa de bzhin du/ chos thams cad la'ang gzhan du 'gyur ba med do// de nas tshangs pa khyad par sems kyis/ 'jam dpal gzhon nur gyur pa la 'di skad ces smras so/ / 'di ltar chos 'di dag rab tu phye ba las na/ de bzhin gshegs pa ni bden par gsungs pa'o// smras pa/ tshangs pa de bzhin gshegs pas ni chos gang yang rab tu ma phye'o/ / de ci'i phyir zhe na/ de bzhin gshegs pas chos nyid kyang ma dmigs na/ gang rab tu dbye ba lta ci smos/ smras pa/ 'jam dpal ji ltar de bzhin gshegs pas chos 'di dag ni 'dus byas so/ / chos 'di dag ni 'dus ma byas so// chos 'di dag ni 'jig rten pa'o// chos 'di dag ni 'jig rten las 'das pa'o zhes chos rnams rnam par mi mkhyen tam// smras pa/ tshangs pa 'di ji snyam du sems/ sus kyang nam mkha' 'di rab tu phye ba 'am/ shes par gyur pa yod dam/ smras pa/ 'jam dpal de ma yin no// 'jam dpal gyis smras pa/ gang nam mkha' zhes bya ba de skye ba 'am/ 'gag par 'gyur ram/ smras pa/ de ma yin no// smras pa/ tshangs pa de bzhin du chos gang yang rung ba'i rnam par rig par byed pa de'ang nam mkha'i rnam par rig par byed pa'o/ / chos ni skye ba 'am/ 'gag par mi 'gyur te/ chos thams cad kyi rnam par rig par byed pa ni/ rnam par rig par byed pa med pa'o// chos des gang kun shes par byas pas de dag kyang gzhan du mi 'gyur bas na/ rnam par rig par byed pa med pas kun shes so// de ci'i phyir zhe na/ chos rnams rnam par rig par byed pa de ci 'dra ba de bzhin du/ de'i kun shes pa'ang de 'dra ste/ de ci'i phyir chos thams cad de bzhin nyid la gnas zhes bya ste/ de bzhin nyid ni mi gnas pa'o// de nas rgyal po chen po bzhi dang / lha'i dbang po brgya byin dang mi mjed kyi bdag po tshangs pa'ang 'khor de nyid du tshogs nas 'dug par gyur te/ de dag lha'i me tog dag gis de bzhin gshegs pa la gtor nas tshig 'di skad ces 'dzer te/ bcom ldan 'das rigs kyi bu 'am/ rigs kyi bu mo gang dag 'jam dpal gzhon nur gyur pas bstan pa 'di la mos pa de dag ni bdud dang phyir rgol ba bcom pa lags so// de ci'i slad du zhe na bcom ldan 'das 'jam dpal gzhon nur gyur pas bstan pa ni 'du shes thams cad dang bral ba lags te/ gang chos zab mo bstan pa 'di la mi skrag mi dngang zhing shin tu dngang bar mi 'gyur ba'i rigs kyi bu 'am/ rigs kyi bu mo de dag ni dge ba'i rtsa ba ngan ngon dang ldan pa ma lags so// bcom ldan 'das chos kyi rnam grangs 'dis phyogs gang du byung ba de sangs rgyas kyi byin gyis rlabs pa lags so/ / gang du chos kyi tshul zab mo 'di thos par 'gyur ba'i sa phyogs de dag de bzhin gshegs pas yongs su longs spyod pa'o// grong dang / grong khyer dang / grong rdal dang / ljongs dang / gtsug lag khang ngam/ 'chags gang du chos kyi rnam grangs 'di byung ba der chos kyi 'khor lo rab tu bskor bar blta'o// der bdud rnams rgyu ba ma mchis/ dmigs pa la mngon par chags pa rnams kyi rgyu ba ma mchis te/ bcom ldan 'das sems can sngon gyi rgyal ba rnams la lhag par bgyi ba bgyis pa rnams kyi rna lam du chos kyi rnam grangs 'di thos par 'gyur ro// bcom ldan 'das 'di ltar bdag cag gis chos kyi rnam grangs 'di las chos kyi snang ba thob ste/ bcom ldan 'das de bzhin gshegs pa dang / 'jam dpal gzhon nur gyur pa dang / tshangs pa 'di la bdag cag gis rang gi sha dang khrag gis kyang lan mi ljon no// bcom ldan 'das gang las chos kyi rnam grangs 'di thos par 'gyur ba'i chos smra ba de la bdag cag ston par 'du shes bskyed par bgyi'o/ / bcom ldan 'das chos smra ba de'i drung du bdag cag rtag tu rgyun mi 'chad par mchi ste/ rigs kyi bu de lha dag gis yongs su gzung bar 'gyur ro// chos kyi rnam grangs 'di yi ger 'dri 'am/ klog gam/ ston tam/ kha ton byed na/ b+ha'i bu brgya stong phrag du ma chos nyan du mchi'o// de na bcom ldan 'das kyis/ rgyal po chen po bzhi dang / lha'i dbang po brgya byin dang / tshangs pa mi mjed kyi bdag po la 'di skad ces bka' stsal to// legs so legs so// skyes bu dam pa khyed jiskad zer ba de de bzhin no// grogs po dag gal te stong gsum gyi stong chen po'i 'jig rten gyi khams rin po che thams cad kyis yongs su bkang ba'i cha gcig bzhag pa dang / chos kyi rnam grangs 'di nyan pa'i dge ba'i rtsa ba'i cha gcig bzhag pa dang / de gnyis ni gang 'di chos kyi rnam grangs nyan pa'i dge ba'i rtsa ba'i cha 'di mchog go// stong gsum gyi stong chen po'i 'jig rten gyi khams lta zhog gi/ gal te chu bo gang+gA'i klung gi bye ma snyed kyi 'jig rten gyi khams rin po che thams cad kyis yongs su bkang ba'i cha gcig bzhag pa dang / chos kyi rnam grangs 'di nyan pa'i dge ba'i rtsa ba'i cha gcig bzhag pa dang / de gnyis ni gang 'di chos kyi rnam grangs 'di nyan pa'i dge ba'i rtsa ba'i cha 'di mchog go/ / grogs po dag rigs kyi bu 'am/ rigs kyi bu mo bsod nams 'dod pas chos kyi rnam grangs 'di mnyan par bya'o// rnyed pa 'dod pa dang / chos 'dod pa dang / gzugs 'dod pa dang / longs spyod 'dod pa dang / g.yog 'dod pa dang / chos kyi dbang phyug 'dod pa dang / lha'i phun sum tshogs pa 'dod pa dang / mi'i phun sum tshogs pa 'dod pa dang / grags pa 'dod pa dang / brjod pa 'dod pa dang / thos pa 'dod pa dang / dran pa dang / blo gros dang / rtogs pa dang / brtan pa dang / shes rab 'dod pa dang / spobs pa 'dod pa dang / gzungs 'dod pa dang / dge ba'i bshes gnyen rnyed par 'dod pa dang / mngon par shes pa dang / rig pa dang / shes 'dod pa dang / byang chub 'dod pa dang / dge ba'i chos thams cad 'dod pa dang / byang chub kyi yan lag 'dod pa dang / cho ga 'dod pa dang / sems can thams cad bde ba thob par bya/ bar 'dod pa dang / mya ngan las 'das pa 'dod pa'i rigs kyi bu 'am/ rigs kyi bu mos chos kyi rnam grangs 'di mnyan par bya/ mos par bya/ gzung bar bya/ kun chub par bya/ bcang bar bya/ bklag par bya/ gzhan la'ang rgya cher rab tu bstan par bya'o// grogs po dag chos kyi rnam grangs 'di chung ngu na mnyan pa tsam gyis kyang / gang des yongs su ma bzung bar gyur pa'i phun sum tshogs pa de ngas ma mthong ngo / / grogs po dag mos par bya/ go bar bya ste/ slob dpon nam mkhan po gang las chos kyi rnam grangs 'di mnyan tam gzung na/ 'jig rten gyi zang zing gang gis de la lan glan par sla ba de lta bu ngas ma mthong ngo / / de ci'i phyir zhe na/ 'di ni 'jig rten las 'das pa'i chos te/ 'jig rten gyi zang zing gis de sbyang bar sla ba ma yin no/ / chos 'di ni 'jig rten gyis ma gos pa ste/ 'jig rten gyi zang zing gis sbyang bar sla ba ma yin no// chos 'di ni zang zing med pa ste/ 'jig rten gyi zang zing gis sbyang bar sla ba ma yin no/ / chos kyi rnam grangs 'di la lan klan pa'i chos kyi nan tan ma gtogs par gzhan med de/ log pa'i nan tan gyis ma yin no// gang 'di la zhugs pa de dag gis mkhan po dang slob dpon la gus par byas so/ / de dag gis lan glan pa dag par byas so// de dang de dag ni bu lon med par yul 'khor gyi bsod snyoms za'o// de dang de dag ni de bzhin gshegs pa'i tshig la nan tan du byed pa'o/ / de dang de dag ni chu bo las rgal ba'o// de dang de dag ni dgon pa las shin tu rgal ba'o// de dang de dag ni gdugs dang / rgyal mtshan dang / ba dan bsgreng ba'o// de dang de dag ni dpa' bo g.yul las rnam par rgyal ba'o// de dang de dag ni seng ge ltar 'jigs shing skrag pa dang bral ba'o// de dang de dag ni bal glang ltar cang shes pa'o/ / de dang de dag ni glang po che ltar sems rab tu zhi ba'o// de dang de dag ni khyu mchog ltar pha rol rgol ba thams cad kyis zil gyis mi non pa'o// de dang de dag ni sman pa ste// sems can thams cad nad thams cad las rab tu thar par byed pa'o// de dang de dag ni chos zab mo bstan pa la mi dngang ba'o// de dang de dag ni sbyin pa phun sum tshogs shing nyon mongs pa thams cad yongs su gtong ba'o/ / de dang de dag ni tshul khrims yongs su dag cing / zhi ba dang zhi gnas dam pa'i pha rol tu phyin pa'o// de dang de dag ni bzod pa'i stobs dang ldan zhing ngar 'dzin pa dang / nga yir 'dzin pa dang bral ba'o// de dang de dag ni brtson 'grus che zhing bskal pa grangs med par tshogs mu med pa'i mthar gtugs pa'o// de dang de dag ni bsam gtan phun sum tshogs shing dran pa dang ldan zhing sems rtse gcig pa'o/ / de dang de dag ni shes rab chen po chos thams cad kyi tshig rab tu dbye ba'i ye shes ston pa la mkhas pa'o// de dang de dag ni bsod nams chen po ste/ bsod nams brgya pa'i mtshan gyis legs par brgyan pa'o// de dang de dag ni gzi brjid chen po ste/ nyi ma dang zla ba zil gyis gnon par byed pa thob pa'o// de dang de dag ni mthu chen po thob cing stobs bcu'i shugs 'dzin pa'o/ / de dang de dag ni sprin chen ltar chos mngon par sgrogs pa'o// de dang de dag ni chos kyi char chen po rab tu 'bebs pa/ nyon mongs pa thams cad rab tu zhi bar byed pa'o/ / de dang de dag ni gnas te/ mya ngan las 'das pa'i grong du zhugs pa'o// de dang de dag ni 'khor ba'i 'jigs pas gtses pa rnams kyi mgon no// de dang de dag ni sgron ma ste/ mun pa mun nag dang bral ba'o// de dang de dag ni bdud kyis skrag pa rnams kyi skyabs so// de dang de dag ni sems can thams cad kyi rten to// de dang de dag ni byang chub kyi snying po la dbang bskur ba'o/ / de dang de dag gis chos kyi mig thob bo// de dag gis chos kyi de bzhin nyid mthong ngo // de dag gis chos thams cad stong par shes so// de dag ni snying rje chen po la rab tu gnas pa'o/ / de dag ni byams pa chen po la yang dag par zhugs pa'o// de dag ni sems can thams cad mi gtong ba'o// de dag ni theg pa dman pa la rgyab kyis bltas pa'o/ / de dag ni theg pa chen po la mngon du phyogs pa'o// de dag gis phyin ci logs spangs so// de dag ni mnyam pa nyid la nye ba'o// de dag ni byang chub sems dpa'i nges pa la zhugs pa'o/ / de dag ni byang chub kyi snying po la gnas pa'o// de dag gis bdud kyi sde rnams btul ba'o// de dag gis thams cad mkhyen pa nyid khong du chud do// de dag ni chos kyi 'khor lo rab tu skor bar 'gyur ro/ / de dag ni sangs rgyas kyi bya ba byed par 'gyur ro// grogs po dag gang chos 'di la nan tan du byed pa'i skyes bu dam pa de dag gi bsngags pa ngas bskal pa 'am bskal pa las 'das par bshad kyang / chos 'di la nan tan byed pa'i skyes bu dam pa de dag gi bsngags pa'i mthar mi phyin te/ de bzhin gshegs pa ltar spobs pa phun sum tshogs par 'gyur ro/ / de nas 'khor de nyid du lha'i bu phyir mi ldog pa zhes bya ba 'dus par gyur te 'dug go// de nas bcom ldan 'das la/ lha'i bu phyir mi ldog pas 'di skad ces gsol to// bcom ldan 'das chos kyi nan tan chos kyi nan tan zhes bgyi ba/ bcom ldan 'das ji tsam gyis na chos kyi nan tan zhes bgyi/ bcom ldan 'das kyis bka' stsal pa/ lha'i bu chos kyi nan tan zhes bya ba ni/ gang chos thams cad la nan tan medu pa 'di ni chos kyi nan tan no// de ci'i phyir zhe na/ gang chos rnams la nan tan du mi byed de/ de chos thams cad mi byed rnam par mi byed do/ / gang mi byed/ rnam par mi byed pa 'di ni chos kyi nan tan no// gang dge ba la'ang mi 'jug/ mi dge ba la'ang mi 'jug pa 'di ni chos kyi nan tan no// de bzhin du bsdus te 'jig rten pa la ma yin/ / 'jig rten las 'das pa la ma yin/ zag pa dang bcas pa la ma yin/ zag pa med pa la ma yin/ kha na ma tho ba dang bcas pa la ma yin/ kha na ma thob med pa la ma yin/ 'dus byas la ma yin/ 'dus ma byas la ma yin/ 'khor ba la ma yin/ mya ngan las 'das pa la mi 'jug pa 'di ni chos kyi nan tan zhes bya ste/ chos thams cad la nan tan du bya/ ba med pa 'di ni chos kyi nan tan no// chos su 'du shes pa la chos kyi nan tan med de/ chos 'di la nan tan bya'o zhes spro bar byed/ nan tan mi bya'o zhes spro bar byed na ma zhugs pa'o// chos tham cad kyi rjes su zhugs pa'i nan tan 'di ni chos kyi nan tan no/ / spros pa med pa'i gnyen po med pa ni chos kyi nan tan zhes bya'o// de nas bcom ldan 'das la/ lha'i bu phyir mi ldog pas 'di skad ces gsol to/ / bcom ldan 'das gang yang dag pa'i nan tan 'di la zhugs pa dang / 'jug par 'gyur ba de dag la shin tu log pa'i nan tan ma mchis so// de ci'i slad du zhe na/ bcom ldan 'das shin tu yang dag pa'i nan tan 'di lags te/ log pa'i lam du zhugs pa rnams ni nan tan gang yang ma mchis so// yang dag pa'i lam la gnas pa rnams la chos kyi nan tan ma mchis so/ / yang dag par zhugs pa rnams la ni mi mnyam pa'i chos gang yang ma mchis so// de ci'i slad du zhe na/ bcom ldan 'das chos thams cad ni mnyam pa khyad par ma mchis pa'o/ / de nas tshangs pa khyad par sems kyis/ lha'i bu de la 'di skad ces smras so// lha'i bu khyod nan tan 'di la zhugs sam/ smras pa/ tshangs pa gal te bcom ldan 'das kyi nan tan la gnyis su bshad par gyur na/ bdag kyang nan tan 'di la nan tan du byed do// nan tan 'di ni gnyis su med pa ste/ de la gang nan tan byed pa dang / gang la nan tan byed pa de'ang med do/ / gang yang nan tan du byed pa de med de/ 'on kyang tshangs pa bdag ni lhag par mi byed pa dang / sgo mi 'dogs pa'i phyir nan tan 'di la zhugs so// chos nyid ji lta bar chos kyi nan tan yang de bzhin te/ de ni de bzhin nyid la de ltar zhugs na zhugs pa zhes bya'o// tshangs pas smras pa/ lha'i bu khyod sangs rgyas kyi zhing 'di ni sngon ngas ma mthong ngo / / smras pa/ tshangs pa sangs rgyas kyi zhing 'dis kyang sngon bdag ma mthong ngo // smras pa/ sangs rgyas kyi zhing 'di ni blta'o zhe 'am/ mi blta'o zhes rtog pa 'am/ rnam par rtog/ pa med do// spras pa/ tshangs pa bdag sngon mthong ngo zhes 'am/ sngon ma mthong ngo zhes bdag kyang mi rtog/ rnam par mi rtog go/ spras pa/ lha'i bu sngon ma mthong ba mthong ba su smras pa/ byis pa so so'i skye bo thams cad kyis ni 'phags pa'i nges par 'jug pa sngon ma mthong ngo // tshangs pa nam yang dag par nges par zhugs pa de na/ sngon ma mthong ba mthong ngo // nges pa de ni mig gi rnam par shes pas shes pa ma yin/ rna ba dang / sna dang / lce dang / lus dang / yid kyi rnam par shes pas shes par bya ba ma yin te/ de bzhin nyid ji lta ba de bzhin du blta bar bya'o/ / mig gi de bzhin nyid ji lta ba dngarna ba'i de bzhin nyid ji lta ba dang / sna'i de bzhin nyid ji lta ba dang / lce'i de bzhin nyid ji lta ba dang / lus kyi de bzhin nyid ji lta ba dang / yid kyi de bzhin nyid ji lta ba de bzhin du lta ste/ gang de ltar mthong ba de dag ni yang dag par mthong ba'o// de nas bcom ldan 'das la/ lha'i dbang po brgya byin gyis 'di skad ces gsol to/ / bcom ldan 'das ded dpon nor bu rin po che'i gling du phyin pa'i mig sngar ni nor bu rin po che 'ba' zhig gda' 'o// de bzhin du bcom ldan 'das skyes bu dam pa bsam gyis mi khyab pa'i chos rin po che dang ldan pa rnams ci dang ci spobs pa de dag gis de thams cad chos rin po che nyid du spobs so/ / de nyid yang dag pa'i mtha' yongs su gsal bar bgyid par spobs so/ / 'di ltar de dag la bdag tu mngon par chags pa ma mchis/ chos su mngon par chags pa ma mchis/ sems can du mngon par chags pa ma mchis pa'i slad du'o/ / de'i slad du ji ltar ma log pa dang / phyin ci ma log par spobs pa de de ltar spobs so// ji ltar sngon gyi mtha' yang sbyong ba dang / phyi ma'i mtha' yang mi dmigs pa dang / da ltar byung ba la'ang de ltar ma mchis pa de ltar spobs so/ / ji ltar ma mos pa rnams kyang mos par bgyid la/ mos pa rnams kyang rnam par grol ba de de ltar spobs so// mngon pa'i nga rgyal can rnams kyang tshar gcod par 'gyur la/ nga rgyal ma mchis par kun 'tshal ba lan ljon pa de ltar spobs so// ji ltar bdud kyis glags mi rnyed pa de ltar spobs so// gang de ltar nyan pa de dag kyang bdud kyi las las 'das par 'gyur ro/ / ji ltar dge ba'i rtsa ba ma skye ba rnams skyed pa dang / dge ba'i rtsa ba skyes pa rnams chab mi 'tshal ba dang / nyon mongs pa skyes pa rnams spong ba dang / ma skyes pa rnams mi skyed pa de ltar spobs so/ / ji ltar byang chub sems dpa' go cha ma bgos pa rnams go cha 'tshal ba dang / go cha bgos pa rnams mi ldog par 'gyur ba de ltar spobs so// ji ltar dam pa'i chos mi 'chad cing dam pa'i chos yongs su gzung bar bgyid pa de ltar spobs so/ / ji ltar sangs rgyas kyi chos thams cad yongs su rdzogs par 'gyur ba de ltar spobs so// bcom ldan 'das de lta bu'i spobs pas ni mu stegs can gyi gnas thams cad gzhom par nus so/ / de ci'i slad du zhe na/ bcom ldan 'das wa ni seng ge'i sgra bzod par yang mi nus na/ rab tu/ sgrogs par lta ga la nus te/ bcom ldan 'das de bzhin du pha rol rgol ba thams cad kyis bla na med pa'i seng ge'i sgra bzod par mi nus so// de nas lha'i bu phyir mi ldog pas/ lha'i dbang po brgya byin la 'di skad ces smras so/ / ko'u shi ka seng ge'i sgra seng ge'i sgra zhes bya ba ji tsam gyis na seng ge'i sgra zhes bya/ smras pa/ lha'i bu chos gang la'ang mngon par ma chags par brjod pa de dag gi seng ge'i sgra yin no/ / gang de lta bu la mngon par chags par brjod pa de dag gi seng ge'i sgra ma yin te/ wa'i sgra'o// gang lta ba kun tu slong ba ston pa de dag la seng ge'i sgra mad do/ / lha'i dbang po brgya byin gyis smras pa/ lha'i bu khyod seng ge'i sgra ji lta bu yin pa spobs par bgyis shig/ smras pa/ ko'u shi ka gang de bzhin gshegs pa la'ang mngon par ma chags par spyon na/ chos ngan pa gzhan lta ci smos te/ de'i phyir seng ge'i sgra zhes bya'o// yang dag pa'i don ni seng ge'i sgra ste/ de'i phyir seng ge'i sgra zhes bya'o// 'di ni mgo gcig tu bstan pa yin te/ de'i phyir seng ge'i sgra zhes bya'o// 'di ni mi skrag par bstan pa ste/ de'i phyir sang ge'i sgra zhes bya'o// ko'u shi ka gang chos thams cad mi skye ba dang / mi 'gog pa dang / mi thob par bsgom pa'i phyir chos ston pa de dag gi seng ge'i sgra yin te/ gang kun nas nyon mongs pa dang / rnam par byang ba dang / kun tu sbyor ba dang bral bar bya ba'i/ phyir chos ston pa de dag la seng ge'i sgra med do// ko'u shi ka seng ge'i sde zhes bya ba ni 'di lta ste/ mgo gcig tu bstan pa chos thams cad gang zag med pa/ bdag med pa yin no// / ko'u shi ka seng ge'i sgra sang ge'i sgra zhes bya ba ni 'di lta ste/ mgo gcig tu chos thams cad stong pa nyid dang / mtshan ma med pa dang / smon pa med pa yongs su ston pa ni seng ge'i sgra'o// dam pa'i chos bsrungs pa'i phyir tshig smra ba ni seng ge'i sgra'o// 'di lta ste/ sems can thams cad rab tu thar par bya ba'i phyir sangs rgyas su gyur cig ces byang chub tu sems bskyed pa'i tshig smra ba ni seng ge'i sgra'o/ / longs spyod du rung ba la chog shes par smra ba ni seng ge'i sgra'o// ko'u shi ka seng ge'i sgra seng ge'i sgra zhes bya ba ni 'di lta ste/ dgon par gnas pa dang yang dag par len pa dang / gtong ba sngon du 'gro ba ni seng ge'i sgra'o// tshul khrims yang dgu par blangs pa mi 'dor pa ni seng ge'i sgra'o// mdza' ba dang mi mdza' ba la sems mnyam pa ni seng ge'i sgra'o/ / brtson pa mi 'dor ba ni seng ge'i sgra'o// nyon mongs pa spong ba ni seng ge'i sgra'o// shes rab kyis shin tu brtags pa ni seng ge'i sgra'o// seng nam sgra bstan pa 'di bshad pa'i tshe/ stong gsum gyi stong chen po'i 'jig rten gyi khams rnam pa drug tu g.yos so// sil snyan brgya stong ma brdungs par sgra 'byin to// 'jig rten rnams snang ba chen pos khyab par gyur to/ / lha'i bu brgya stong a la la zhes sgra 'byin cing tshig 'di skad ces smras so// e ma'o dang 'dir lnga'i bus seng ge'i sgra 'di bsgrags pas 'dzam bu'i gling du chos kyi 'khor lo bskor ba lan gnyis byung ngo / / de nas bcom ldan 'das kyis de'i tshe 'dzum pa mdzad pa dang / chos nyid kyis 'di ltar 'gyur te/ nam sangs rgyas bcom ldan 'das 'dzum pa mdzad pa de'i tshe 'od zer kha dog sna tshogs 'di lta ste/ mthing ka dang / ser po dang / dmar po dang / dkar po dang / le brgan dang / shel dang / dngul gyi kha dog lta bu zhal nas byung ste/ 'jig rten gyi khams mtha' yas pa khyab par byas nas/ tshangs pa'i 'jig rten gyi bar du mngon par 'phags te/ phyir log nas bcom ldan 'das la lan gsum bskor ba byas nas/ bcom ldan 'das kyi spyi bor mi snang bar gyur to// // bam po drug pa ste tha ma// de nas bcom ldan 'das la/ tshangs pa khyad par sems kyis tshigs su bcad pa 'di dag gis mngon par bstod do/ / ye shes kun mchog pha rol phyin cing thub pa kun mkhyen kun zil gnon// 'di la dus gsum sems can spyod pa sna tshogs kyi mchis khyod kyis mkhyen/ / gang de shin tu grol ba'i blo yul gang yang de dag bsam pa rnams// lha yi gtso bo kun mkhyen 'dzum mdzad 'di yi rgyu ni lung bstan gsol/ nyan thos rang rgyal dgra bcom dri med de dag gi yang spyod yul min// sangs rgyas ye shes bsam mi khyab cing mtha' bral khyod la chags pa med// khyod kyis sems can gzhan gyi spyod sems gang la ci 'dra'i gtam brjod mkhyen/ / smra mchog thub dka' tshig dbang 'dzum pa mdzad pa'i rgyu ni bstan par gsol// 'od 'di shin tu yid 'ong sdug pa'i dri mad rab tu rnam par mdzes/ / nyi zla'i 'od dang de bzhin tshangs pa dbang po'i gzi yang zil gyis gnon// de bzhin khor yug khrag khrig ri rab dag kyang shin tu snang bgyis na// ci slad khyod kyis 'dzum mdzad de yi rgyu ni rab tu bstan par gsol/ / 'dod chags zhe sdang dregs la sogs pa zug rngu bral zhing rab tu zhi// 'jig rten lha mi lto 'phye'i tshogs byams bdag po khyod zhal lta/ bde ba shegs bltas kyang mi ngoms lus kyi rab tu sim zhing bde bar 'gyur// gang gi slad du 'dzum pa 'di bstan thub pa bdag cag rnams la gsungs// khyod kyis chos rnams nam mkha' lta bur rtag tu byed med gsog nyid dang / / grog dang sprin 'dra sgyu ma lta bur gsob nyid lbu ba 'dra ba dang // rmi lam mthong dang chang pa stong 'dra nam mkha' chu zla lta bur mkhyen// dge ba 'dzum mdzad 'di yi rgyu dang rnar snyan gsung ni rab tu brjod par gsol/ / 'dzin dang rtog dang rnam rtog kun dang bral ba'i stong pa nyid la mos// bdag po shes bya kun la rtog bral rtag tu mtshan ma med la dgyes/ / khyod ni srid pa gsum 'dir gang la'ang mi smin bsam gtan ting 'dzin dgyes// gang gi slad du 'dzum pa bstan mdzad 'dren pa 'di ni lung bstan gsol// skad la mi chags sgra dang dbyangs dang yi ge dag la'ang de bzhin te/ / 'jig rten du yang chos ston blo gtsang bdag dang chos la'ang gnas mi mdzad// 'dus pa so sos bde gshegs bdag la chos ston snyam du 'dzin/ / ye shes rdzu 'phrul dbang po stobs mchog rgyas pa shes rab mtshungs med gsungs// khyod ni sdug bsngal kun sal na rga 'chi 'joms sman pa'i mchog lags te// khyod ni dpa' bo bdud kyi stobs 'joms mthu bo che yi mthu dang ldan/ / khyod ni skyob pa dpung gnyen 'jig rten mgon skyabs sgron ma snang mdzad pa// lha min lha dang klu mchod 'dzum pa mdzad pa'i rgyu gang 'dir bstan gsol/ / de skad ces gsol pa dang / bcom ldan 'das kyis/ tshangs pa khyad par sems la 'di skad ces bka' stsal to// tshangs pa khyod kyis phyir mi ldog pa'i lha'i bu 'di mthong ngam/ gsol pa/ bcom ldan 'das mthong ngo // bcom ldan 'das kyis bka' stsal pa tshangs pa phyir mi ldog pa'i lha'i bu 'di bskal pa brgya stong phrag sum cu rtsa gnyis na/ 'jig rten gyi khams legs par sprul pa zhes bya bar bskal pa tshangs pas bstod pa la/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das ri rab sgron ma'i rgyal po zhes bya bar 'jig rten du 'byung bar 'gyur te/ de'i sangs rgyas kyi zhing de'ang bai DUR+Ya dang / 'dzam bu chu bo'o gser dang / rin po che gnyis kyi gzhir 'gyur ro// de'i byang chub sems dpa'i dge 'dun 'ba' zhig 'byung ste/ bdud dang phyir rgol pab bcom zhing dbang po sha stag go/ / sangs rgyas kyi zhing de na bza' ba dang btung ba'ang bsam pa tsam gyis 'byor cing / dga' ldan gyi longs spyod dang 'dra bar 'gyur ro// de bzhin gshegs pa de tshe dpag tu med cing ltung ba med pa'i chos ston par 'gyur ro/ / khyad par sems kyis smras pa/ lha'i bu khyod de bzhin gshegs pas lung bstan to// smras pa/ tshangs pa bdag ni de bzhin nyid dang / chos kyi dbyings ji lta ba bzhin du lung bstan to// smras pa/ lha'i bu de bzhin nyid dang / chos kyi dbyings ni lung mi bstan to// smras pa/ ji ltar de bzhin nyid dang / chos kyi dbyings lung ma bstan pa bzhin du/ byang chub sems dpa' thams cad la lung bstan pa'ang de ltar blta'o// smras pa/ lha'i bu de ltar khyod de bzhin gshegs pas/ lung bstan pas na/ khyod sngon gyi yang dag par rdzogs pa'i sangs rgyas rnams kyi drung du tshangs par spyad pa la gnas pa ni don med pa ma yin no// sbas pa/ tshangs pa gang gnas pa med pa de ni tshangs par spyod pa la gnas pa'o/ / smras pa/ lha'i bu ji ltar gang la gnas pa med pa de tshangs par spyad pa la gnas pa yin/ smras pa/ tshangs pa gang khams gsum la mi gnas pa de ni/ tshangs par spyad pa la gnas pa'o// tshangs pa gang yang khams gsum la gnas pa de ni tshangs par spyad pa la gnas pa ma yin no// gzhan yang tshangs pa gang bdag la mi gnas/ sems can dang / srog dang / gang zag la mi gnas pa de ni tshangs par spyad pa la gnas pa yin te/ tshangs pa mdor na gang chos thams cad la mi gnas pa de ni tshangs bar spyod pa la gnas pa'o/ / smras pa/ sa'i bu tshangs par spyad pa la gnas pa zhes bya ba de gang gi tshig bla dgas yin/ sbas pa/ tshangs par spyod pa la gnas pa zhes bya ba ni tshangs gnyis su med pa'i lam la rab tu gnas pa'i tshig bla dgas so/ / smras pa/ lha'i bu lam la rab tu gnas pa'ang ci la rab tu gnas pa yin/ smras pa/ tshangs pa lam la rab tu gnas pa zhes bya ba ni chos thams cad la rab tu gnas pa med pa'i tshig bla dgas so/ / de ci'i phyir zhe na/ rab tu gnas pa med pa dang len pa med pa de ni lam la rab tu gnas pa'o/ / smras pa/ lha'i bu ji ltar bsgoms na lam bsgoms pa yin/ smras pa/ tshangs pa ci nas kyang dngos po dang dngos po med par mi ltung ba dang / chos gang yang dngos por yang mi byed/ dngos po med par yang mi byed par yang mi byed par bsgom pa ste/ de ltar sgom na lam sgom pa la brtson pa yin no// smras pa/ lha'i bu gang gis lam bsgom par bya'o// smras pa/ tshangs pa mthong bas ma yin/ thos pas ma yin/ dran pas ma yin/ rnam par rig pas ma yin/ thob pas ma yin/ mngon du byas pas ma yin te/ gang chos thams cad la mi sgom pa 'di ni lam sgom pa'o/ / smras pa/ lha'i bu ji ltar na byang chub sems dpa' brtson 'grus kyi go cha sra ba bgos pa zhes bya/ smras pa/ tshangs pa byang chub sems dpa' gang chos gang la'ang gcig pa 'am tha dad par yang dag par rjes su mi mthong ba 'di ni byang chub sems dpa' brtson 'grus kyi go cha sra ba bgos pa zhes bya'o/ / gang chos kyi dbyings ma 'dres pa'i phyir chos gang la 'ang byed par mi byed/ sbyor bar mi byed/ de chos kyi dbyings ma gtogs par kun nas nyon mongs pa dang rnam par byang bar mi mthong ba 'di ni/ byang chub sems dpa'i brtson 'grus rtsom pa'i mchog go// gang chos thams cad la bsal ba dang bzhag pa med pa 'di ni brtson 'grus rtsom pa'o// tshangs pa gang lus dang / ngag dang / yid kyis rtsom pa med pa 'di ni brtson 'grus rtsom pa'o// de nas bcom ldan 'das kyis/ lha'i bu phyir mi ldog pa la legs so zhes bya ba byin nas/ tshangs pa khyad par sems la bka' stsal pa/ tshangs pa lha'i bu 'di ji skad ston pa de de bzhin no// 'di ni de'i brtson 'grus rtsom pa'i mchog ste/ gang la lus kyi rtsom pa'ang med/ ngag gi rtsom pa'ang med/ yid kyi rtsom pa'ang med pa 'di ni brtson 'grus rtsom pa'i mchog go// tshangs pa ngas mngon par shes pa 'das pa'i dus na sbyangs pa'i yon tan yo byad bsnyungs pa thams cad yang dag par blangs pa'i brtson 'grus brtsams kyang / de bzhin gshegs pa de dag gis bla na med pa yang dag par rdzogs pa'i byang chub tu lung ma bstan to/ / de bzhin du bla ma rnams la ldang ba dang / rim gro bya ba dang / dgon par gnas pa dang / mang du thos pa dang / sems can rnams kyi bya ba ci yod ces bya ba la kun tu 'gro ba'i brtson 'grus brtsams kyang / nga lung ma bstan to// de ci'i phyir zhe na/ de ni 'di ltar lus dang / ngag dang / sems kyi rtsom pa la rab tu gnas pa'i phyir ro/ / tshangs pa nam nga lha'i bu 'dis ji skad du bstan pa'i brtson 'grus rtsom pa de lta bu dang ldan par gyur pa de'i 'og tu nga de bzhin gshegs pa mar me mdzad kyis bram ze'i khye'u khyod ma 'ongs pa'i dus na shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung bstan to/ / tshangs pa de lta bas na byang chub sems dpa' lung bstan pa'i sa myur du thob par 'dod pas brtson 'grus rtsom pa 'di lta bu 'di lta ste/ chos thams cad la rtsom pa med pa'i brtson 'grus 'di la brtson par bya'o// gsol ba/ bcom ldan 'das rtsom pa ma mchis pa'i brtson 'grus de gang lags/ bka' stsal pa/ tshangs pa gang dus gsum mnyam pa nyid dang ldan pa'i brtson 'grus rtsom pa'o// gsol pa/ bcom ldan 'das dus gsum mnyam pa nyid dang ldan pa'i brtson 'grus rtsom pa gang lags/ bka' stsal pa/ 'di lta ste/ 'das pa'i sems ni zad/ ma 'ongs pa ni ma phyin/ da ltar byung ba la ni gnas pa med cing ming mi dmigs te/ gang zad pa de ni dmigs su med do// gang ma phyin pa de ni mi skye ba'i mtshan nyid do// de bzhin du gang da ltar byung ba de'ang chos nyid kyis mi gnas so/ / chos nyid gang yin pa de'ang ma skyes pa'o// gang ma skyes pa de ni 'das pa'ang ma yin/ ma 'ongs pa'ang ma yin/ da ltar byung ba'ang ma yin no/ / gang 'das pa'ang ma yin/ ma 'ongs pa'ang ma yin/ da ltar byung ba'ang ma yin pa de ni rang bzhin no// rang bzhin gang yin pa de ni ma skyes pa ste/ tshangs pa dus gsum mnyam pa nyid dang ldan pa'i brtson 'grus rtsom pa de lta bu 'di ni lung bstan pa myur du thob par byed do/ / tshangs pa byang chub sems dpa' bzod pa de lta bu dang ldan pa ni chos thams cad gtong ba med pa'i sbyin pa la mos so/ / chos thams cad bsrung ba med pa'i tshul khrims la mos so// chos thams cad rlom sems med pa'i bzod pa la mos so// chos thams cad rtsom pa med pa'i brtson 'grus la mos so/ / chos thams cad mnyam pa nyid kyi ting nge 'dzin la mos so// chos thams cad rnam par mi rtog pa'o zhes shes rab la mos so// de de ltar mos pas lhag par mi byed/ bri bar mi byed/ byed pa ma yin/ rnam par byed pa ma yin no// sbyin pa'ang sbyin par byed la/ de'ang rnam par smin pa la mi re bas so// tshul khrims kyang srung la/ de'ang sgro btags pa mang pas so/ / bzod pa'ang sgom la/ de'ang phyi nang stong pa nyid kyis so// brtson 'grus kyang rtsom la/ de'ang yongs su grub pa med pas so// bsam gtan la'ang mnyam par gzhog la/ de'ang gnas pa med pas so// shes rab kyang sgom la/ de'ang mtshan ma med pas so// tshangs pa byang chub sems dpa' bzod pa de lta bu dang ldan pa ni bya ba thams cad kyang ston la/ bya bas kyang mi gos so/ / de mi gos pas chos thams cad la mnyam pa nyid thob cing rnyed pas kyang mi 'phrogs/ rnyed pa med pas kyang ma yin/ snyan pas kyang ma yin/ mi snyan pas kyang ma yin// smad pas kyang ma yin/ bstod pas kyang ma yin/ sdug bsngal bas kyang ma yin/ bde bas kyang mi 'phrogs so// 'jig rten gyi chos thams cad las rnam par 'das te// gnyis su dmigs pa'i sems dang bral zhing / gnyis su med pa'i chos rtogs pa'i phyir khengs par yang mi byed/ 'dud par yang mi byed/ sdug par yang mi byed/ khong khro bar yang mi byed/ gnod par yang mi byed/ kun nas gnod par yang mi byed/ rlom sems su'ang mi byed/ bag med par yang mi byed/ kun nas bag med par yang mi byed do// sems cad thams cad yongs su smin par bya ba'i phyir/ lta ba gnyis su ltung ba'i sems can rnams kyi don du snying rje chen po bskyed nas ched du bsams nas srid pa nye bar len te/ tshangs pa gang 'di bdag med pa'i bzod pa rab tu thob pas sems can thams cad la snying rje chen po skyed de/ skye ba yongs su 'dzin pa 'di ni brtson 'grus rtsom pa'i mchog yin no// brtson 'grus brtsams pa bstan pa 'di bshad pa'i tshe/ byang chub sems dpa' stong phrag brgyad mi skye ba'i chos la bzod pa skyes par gyur te/ de dag thams cad kyang bcom ldan 'das kyis thams cad ming gcig tu de bzhin gshegs pa brtson 'grus brtan pa zhes bya bar sangs rgyas kyi zhing tha dad pa der byang chub mngon par rdzogs par 'tshang rgya bar 'gyur ro zhes lung bstan to/ / de nas 'khor der tshe dang ldan pa 'od srungs chen po 'dus par 'gyur ba des bcom ldan 'das la 'di skad ces gsol to/ / bcom ldan 'das 'di lta ste/ dper na gang klu chen po de dag ni char 'bebs na rgya mtsho chen por 'bebs sa phyogs gzhan du ma lags so/ / bcom ldan 'das de bzhin du skyes bu dam pa klu chen po dang mtshungs pa 'di dag kyang chos kyi char 'di 'dra ba 'di skyes bu dam pa mtsho chen po rgyu mtsho lta bu 'di dag gis sems kyis rgyud la 'bebs te/ sems can gzhan dag la ni ma lags so// bcom ldan 'das kyis bka' stsal pa/ 'od srungs ji skad zer ba de bzhin yin mod kyi/ klu'i rgyal po chen po de dag la ni gang gi phyir 'dzam bu'i gling 'dir char pa mi 'bebs par 'gyur ba'i ser sna med do// de ci'i phyir zhe na/ 'dzam bu gling gis phyogs kyi char pa'i rgyun shing rta'i srog shing tsam de dag mi bzod do/ / 'od srungs gal te klu chen po de dag gis 'dzam bu'i gling 'dir char pa phab par gyur na/ des 'dzam bu'i gling 'dir grong dang grong khyer dang bcas/ ri dang / brag dang / ri bor bcas/ khor yug dang 'obs su bcas pa 'di lta ste/ rdza ma'i chus rgya shug gi lo ma bteg pa bzhin du bteg nas khyer bar 'gyur te/ de bas na klu chen po de dag 'dzam bu'i gling 'dir char pa mi 'bebs so// 'od srungs de bzhin du skyes bu dam pa 'di dag la ni gang gi phyir sems can de dag gzhan la chos kyi char pa chen po 'bebs par 'gyur ba'i chos kyi ser sna med mod kyi 'on kyang de dag chos 'di lta bu dag gi snod du ma gyur te/ de lta bas na skyes bu dam pa de dag rgya mtsho lta bu tha mchog dang ldan pa de dag la chos kyi char pa chen po 'bebs so/ / 'od srungs 'di lta ste/ dper na char pa'i rgyun shing rta'i srog shing tsam bab pa de dag gis kyang rgya mtsho chen po bri ba'ang med/ gang ba'ang med do// 'od srungs de bzhin du skyes bu dam pa de dag bskal pa brgyar chos nyan tam 'chad kyang chos gang yang bri ba 'am gang bar mi 'gyur ro// 'di lta ste/ dper na rgya mtsho chen po der gling chen po bzhi'i klung sna tshogs nas gang chu bab pa de dag thams cad 'di lta ste/ lan tshwa'i ror ro gcig par 'gyur ro// 'od srungs de bzhin du skyes bu dam pa de dag rnam grangs sna tshogs su chos bstan pa bshad pa dag thos ma thag tu 'di lta ste/ stong pa nyid kyi ror ro gcig tu mos par 'gyur ro// 'di lta ste/ dper na rgya mtsho chen po ni dag pa gtsang ba/ dri ma med pa/ gsal ba/ rnyog pa med pa yin te/ chu rnyog pa can mi 'dzin to// 'od srungs de bzhin du skyes bu dam pa de dag kyang dag pa/ gtsang ba/ dri ma med pa/ gsal ba ste/ gnod sems dang / zhe sdang dang / khro ba dang / khon du 'dzin pa'i tha ba thams cad mi 'dzin to// 'di lta ste/ dper na rgya mtsho chen po ni zab cing gting dpag dka' ba'o// de bzhin du skyes bu dam pa de dag kyang chos kyi tshul zab mo la rab tu zhugs shing nyan thos dang rang sangs rgyas thams cad kyis gting dpag dka' 'o// 'di lta ste/ dper na rgya mtsho chen po ni chu tshad med cing rin po che'i tshogs dpag tu med do/ / 'od srungs de bzhin du skyes bu dam pa de dag kyang shes rab tshad med cing chos rin po che'i tshogs dpag tu med do// 'od srungs 'di lta ste/ dper na rgya mtsho chen po rin po che sna tshogs kyi dbyings so/ / 'od srungs de bzhin du skyes bu dam pa de dag kyang mngon par sgrub pa sna tshogs kyis chos rin po che tshad med pa'i dbyings so// 'od srungs 'di lta ste/ dper na rgya mtsho chen po'i nang nas rin po che kha cig rin thang yod pa dang / kha cig rin thang med pa dang / kha cig mching bu lta bu dang / rnam gsum byung ste/ 'od srungs de bzhin du skyes bu dam pa de dag sems can gyi dbang po ji lta ba bzhin du chos ston pa na'ang nyan thos kyi theg pa dang / rang sangs rgyas kyi theg pa dang / gang 'og ma theg pa chen po la sems kyi rgyud rnam par grol lo/ / 'od srungs 'di lta ste/ dper na rgya mtsho chen po sems can gcig gi ched du mi gnas so// 'od srungs de bzhin du skyes bu dam pa de dag kyang sems can gcig gi don du byang chub tu sems mi bskyed do/ / 'od srungs 'di lta ste/ dper na rgya mtsho chen po mthar gyis gzhol/ mthar gyis 'bab/ mthar gyis bab pa'o// 'od srungs de bzhin du skyes bu dam pa de dag kyang thams cad mkhyen pa nyid la gzhol/ thams cad mkhyen pa nyid du 'bab/ thams cad mkhyen pa nyid du bab pa'o// 'od srungs 'di lta ste/ dper na rgya mtsho chen po ni shi ba'i ro dang lhan cig mi gnas so// 'od srungs de bzhin du skyes bu dam pa de dag kyang nyan thos dang rang sangs rgyas kyi sems dang lhan cig tu mi gnas so/ / ser sna dang / ngang tshul ngan pa'i sems dang / gnod sems dang / le lo'i sems dang / brjed ngas pa dang / 'chal pa'i shes rab kyi sems dang lhan cig mi gnas so/ / bdag dang / sems can dang / srog dang / gang zag dang / skyes bur lta ba dang lhan cig mi gnas so// 'od srungs 'di lta ste/ dper na bskal pas bsregs par gyur pa'i tshe/ klung dang / chu bran dang / chu mig dang / mtshe'u dang / rdzing bu dang / mtsho thams cad sngar skam par 'gyur te/ phyis rgya mtsho chen po zad cing skam par 'gyur ro// 'od srung de bzhin du dam pa'i chos nub par 'gyur ba'i tshe nyi tshe bar spyod pa la zhugs pa'i sems can thams cad kyi dam pa'i chos sngar nub par 'gyur te/ phyis skyes bu dam pa blo gros rgya mtsho lta bu sangs rgyas kyi theg pa yang dag par 'dzin pa de dag gi lag nas dam pa'i chos nub par 'gyur te/ yang 'od srungs skyes bu dam pa de dag ni srog kyang yongs su gtong bar byed kyi/ dam pa'i chos yongs su gtong bar mi byed na/ 'od srungs skyes bu das pa deg bu dag gi la gnas dam da'i chos nu par 'gyur ba yod dam/ de dag kyi rnam pa'i chos rdun par gyur pa khyod kyis mi blta'o// srungs 'di lta ste/ dper na rgya mtsho chen po ni nor bu rin po che thams cad 'dus pa zhes bya ba rdo rje tshogs kyi nor bu rin po che chen po zhig yod de/ de nyi ma bdun shar nas/ tshangs pa'i 'jig rten gyi bar du 'od zer byung yang rin po che de tshig par mi 'gyur te/ gang 'jig rten gyi khams kyi bar gyi sangs rgyas kyi zhing gzhan dag na rgya mtsho chen po yod pa der nor bu rin po ni de der 'pho bar 'gyur/ te/ 'od srungs gang nor bu rin po che de rgya mtsho chen po gzhan du ma 'phos par 'jig rten gyi khams 'dir tshig par 'gyur ba de na gnas pa ma yin zhing go skabs med/ de ni gnas med do// 'od srungs de bzhin du skyes bu dam pa de lta bu de dag kyang dam pa'i chos yongs su zad par gyur te/ 'jig rten gnas par dam pa ma yin pa'i chos bdun byung ba'i tshe/ sangs rgyas kyi zhing gzhan du 'pho bar 'gyur ro/ / bdun gang zhe na/ 'di lta ste/ mu stegs can gyi gnas dang / sdig pa'i grogs pos yongs su zin pa dang / log pa'i sbyor ba dang / gcig la gcig 'tshe ba'i sbyor ba dang / lta bar gyur pa thibs po dang / dge ba'i rtsa ba 'joms par byed pa dang / ma thob cing mngon par ma rtogs pa ste/ dam pa ma yin pa'i chos bdun po de dag 'jig rten gnas par byung ba de ni sems can rnams snod ma yin par shes nas skyes bu dam pa de dag sangs rgyas kyi zhing gzhan du 'pho bar 'gyur te/ sangs rgyas mthong ba dang / dam pa'i chos mnyan pa dang / sems can yongs su smin par bya ba dang / dge ba'i rtsa ba yongs su 'bab pa dang yang mi 'bral bar 'gyur ro// 'od srungs 'di lta ste/ dper na rgya mtsho chen po la rten cing sems can tshad med pa dang / gnas so// 'od srungs de bzhin du byang chub sems dpa' la rten cing sems can tshad med pa dag phun sum tshogs pa gsum la gnas so/ / gsum gang zhe na/ lha'i phun sum tshogs pa dang / mi'i phun sum tshogs pa dang / mya ngan las 'das pa'i phun sum tshogs pa'o// 'od srungs 'di lta ste/ rgya mtsho chen po ni sems can gzhan dag gis btung bar mi nus so// 'od srungs de bzhin du skyes bu dam pa de dag gis gang chos bstan pa de dag kyang pha rol gyi rgol ba rnams kyis btung bar mi nus so/ / 'od srungs 'di lta ste/ dper na rgya mtsho chen po'i nang na sems can gnas pa de dag ni chu gzhan mi tshol gyi/ de nyid la 'thung ngo / / 'od srungs de bzhin du skyes bu dam pa de dag kyang gzhan gyi ngor lta bas chos kyi ro mi 'thung gi/ rang byung gi ye shes kyi chos kyi ro 'thung ngo // de nas gnas brtan 'od srungs chen pos/ bcom ldan 'das la 'di skad ces gsol to// bcom ldan 'das stong gsum gyi stong chen po'i 'jig rten gyi khams kyi rgya mtsho chen po'i gting ngam tshad gzung bar ni nus kyi nyan thos dang / rang sangs rgyas dang / lha dang bcas pa'i 'jig rten gyi skyes bu dam pa de dag gi gting ngam tshad gzung bar ni mi nus te/ de bas na skyes bu dam pa de dag sems nam mkha' dang mtshungs zhes bgyi'o/ / bcom ldan 'das kyis bka' stsal pa/ 'od srungs stong gsum gyi stong chen po'i 'jig rten gyi khams gang+gA'i klung gi bye ma snyed kyi rgya mtsho chen po rnams kyi gting ngam tshad gzung bar nus kyi/ nyan thos dang / rang sangs rgyas dang / lha dang bcas pa'i 'jig rten gyis skyes bu dam pa blo gros mchog rgya mtsho lta bu dang ldan pa de dag gi gting ngan tshad gzung bar ni mi nus so/ / de nas de'i tshe bcom ldan 'das kyis tshigs su bcad pa 'di dag gsungs so// ji ltar chog mi shes par chu chen gter// 'bab chu thams cad kun gyi chu tshol ba/ / de bzhin de rnams 'di la chos tshol kyang // rtag par chos kyis chog par 'gyur ba med// ji ltar ji snyed chu mang rab bsdus kyang // 'di la rgya mtsho 'gribs shing gang gyur med/ / dam pa'i chos thos nas kyang chos kyi dbyings// shin tu 'phel zhing 'grib par mthong ba med// ji ltar dri med rgya mtsho chu sdud kyang // rnyog pa can gyi 'bab chu der mi 'bab/ / de bzhin thub mkhas spyad pa spyod pa yang // de dag rnam dag nyon mongs mi sdud do// ji ltar rgya mtsho chen po lus chung bas// zad cing gting yas pas na mi dpog pa/ / de bzhin yon tan rgya mtsho'i ye shes kyang // pha rol rgol ba rnams kyis dpag mi nus// ji ltar rgya mtshor 'bab pa'i 'bab chu rnams// rnam pa sna tshogs dag kyang ro gcig 'gyur/ / de bzhin rnam pa sna tshogs chos thos nas// de dag rnam par grol bar ro gcig 'gyur// ji ltar chu 'dzin rgya mtsho chen po ni// skye bo gcig gi don phyir mi gnas te// de bzhin byang chub tu yang zhugs pa dag/ de dag 'gro ba kun la phan phyir zhugs// ji ltar rgya mtsho rin chen dbyings yin zhing // de la gnas nas nor bu rin chen 'byung // de bzhin rin chen 'byung gnas sems can mchog/ de dag las ni rin chen gsum 'dir 'byung // ji ltar rnam par mi rtog rgya mtshon// rtag par rin chen rnam pa gsum 'byung ste// de bzhin de dag chos rnams ston pa yang / / theg pa gsum gyis sems can dag par 'gyur// ji ltar 'bab pa dang ni 'gram nyid nas// rgya mtsho chen po mthar gyis gzhol ba ltar// de bzhin sems can mchog rnams kun mkhyen gzhol/ / sems can rab tu 'grol phyir rtag tu brtson// ji ltar rgya mtsho dang mi gnas te// de dag gi ni ma 'dres chos 'di yin// de bzhin byang chub mchog la zhugs pa yang / / dman pa'i theg pa dang ni gnas mi byed// ji ltar rgya mtsho las byung rin chen ni// rin chen sdud ces bya ba sra bsngags pa// sreg pa'i bskal pa byung yang mi tshig ste/ / de yang 'jig rten 'jig tshe gzhan du 'gro// de bzhin dri ma med pa'i chos 'jig tshe// brtson 'grus mchog ldan de dag 'bad cing 'dzin// snod min 'jig rten chos min 'dod rig nas/ / mkhas pa rgyal ba gzhan gyi drung du 'gro// nam zhig bsregs pa'i bskal pa byung gyur te// nu mig mtsho dang lteng ka skam par 'gyur// rgya mtsho 'di ni phyi nas skam par 'gyur/ / stong gsum chen po 'di yang rab tu 'jig/ nyi tshe'i spyod la nye bar gnas pa yi// 'di la mchog tu bya ba'i chos nub pa// de tshe 'dir ni sems can mchog chos 'di// / lus dang srog kyang bor nas srung bar byed// bde gshegs 'das na'ang rtag par bag byed pas// de dag rnams la chos 'di mi 'jig go// de ltar de rnams bsam pa'ang rnam par dag/ chos la gnas shing spyod pa rtag par spyod// ji ltar rgya mtsho sems can tshad med gnas// sems can gcig gi don du mi 'dug pa// de bzhin 'jig rten thams cad rnam sgrol phyir/ / grags pa chen po 'di dag rab tu 'jug/ 'jig rten khams 'di rgya mtsho ji snyed pa// ma lus par ni tshad rnams shes rung yang // rgyal ba de dag kun gyi spyod pa ni/ / dgra bcom rang rgyal dag gis shes mi nus// ma lus phyogs kyi nam mkha'i dbyings rnams kyang // mchog rnams kyis ni tshad gzung nus srid kyi// nam mkha' bas kyang lhag pa de dag gi// ye shes tshad ni nams kyang gzung mi nus// byang chub sems dpa' brtson 'grus brtul brtan zhing // gang dag 'jig rten ma lus dgrol ba'i phyir/ / rgya che yangs pa'i sems rab gzhol byas pas// 'od srungs de dang mtshungs med ga la lhag/ de dag rin chen 'byung gnas rgya mtsho 'dra// de dag bsod nams yin la bsod nams zhing / / de dag dpyad pa'i rgyal po sman pa'i mchog/ sems can yun ring na ba thar par byed// de dag gnas yin skyabs dang dpung gnyen te// skyob pa sgron ma de bzhin 'od byed pa/ / skye bo mdongs pa rnams kyi mig skyed pa// de thob pas ni de dag bdud rtsi 'thob// de dang de dag chos kyi rgyal mchog 'bar// de rnams brgya byin don mang sems pa ste/ / tshangs pa bsam gtan bzhi la gnas pa yin// de dag tshangs pa'i chos kyi 'khor lo bskor// de dag ded dpon mkhas pa 'dren pa ste// log pa'i lam du gnas la lam ston pa/ / de dang de dag bdud 'jom dpa' bo ste// sems can dam pa byang chub snying por gnas// de dag chos dkar tshad med zla ba bzhin// de dag 'od zer mngon 'phags nyi ma 'dra// sprin lta bu yang tshad med blo grogs shing // 'jig rten gsum du bdud rtsi'i char pa 'bebs// de dag seng ge lta bur 'jigs skyon med// glang po che ltar shin tu dul ba'i sems// dag ri rab ri bo 'dra mtshungs te// de dag pha rol rgol bas mi thub bo// de dag rnam par dang ba chu bzhin te// rtag tu bsnyen par dka' ba me dang 'dra// de dag rlung ltar rtag tu chags med cing / / sa dang 'dra bar tha ba rab tu spangs// gnod sems nga rgyal tha ba phrag dog bral// de dag rtswa 'am shing ltar rtog pa med// 'jig rten chos rnams brgyad pos mgos shing // dag tshul khrims rnam dag pad+ma bzhin// de dag u dum wa ra'i me tog ltar// dge zhing bskal pa bya bar sgra thos dka'// de dag rkang gnyis gtso la byas pa gzo// de dag sangs rgyas// rigs la gnas par brtson// de dag snying rje che zhing brtul zhugs brtan// byams la gnas dang dga' la mngon par 'phags// 'dod pa'i yon tan lnga la btang snyoms shing // rtag tu rgyal ba dag gi nor rnams tshol// de dang de dag sbyin pas khyad par song // ye shes tshul khrims la yang rab tu gnas// de dag bzod pa'i stobs kyis gcig tu dpa'// brtson 'grus 'phags shing rtag tu mthu dang ldan/ / de dag bsam gtan mngon par shes la mkhas// de dag tshad med zhing du 'phrul gyis 'gro// thub pa dam mchog la yang chos nyan cing // ji ltar thos pa dag kyang ston par byed// ji ltar 'di mos rnam par 'grol ba yang // skye bo dag gi spyod pa de dag shes// ji ltar mos pa mkhas shing rtogs pa ste/ nan tan snying por byed cing mu stegs thob// 'di rnams tshogs pa las ni 'di skye zhes// de dang de dag chos kun rab tu shes// de dag rkyen la mkhas shing rtogs pa ste// mtha' gnyis lta ba spangs shing mnyam la dga'/ / chos 'di gang nas 'ongs shing gar 'gro zhes// de dag chos la tshul bzhin rnam par lta// chos kun 'ongs pa ma yin byung ba min// gnas pa chos nyid mtshungs par rab tu shes/ / ji lta ji ltar 'dus byas rdzun du mthong // de lta de ltar snying rje can du 'gyur// mi bde nyon mongs skye bo sdug bsngal te// de dag thar par bya phyir spyad pa spyod// nga dang nga yi zhes ni rnam brtags nas/ / byis pa mi mnyam pa la brtson pas spyod// chos de yang dag ma yin shes nas ni// lta ba spangs pa'i phyir ni chos pa spyod// bdag med bdag tu mi sdug sdug par te/ / sdug bsngal bde bar mi rtag rtag par yang // sems log so so'i skye bo rnams la ni// 'khor ba'i sngon gyi mtha' yang yod ma yin// de dag log pa'i sbyor/ ba de shes nas// 'di la sems can ming dang gang zag med// gang la bdag sdug rtag bde med pa yi// yang dag sbyor ba la yang rnam par sgom// 'od srungs de yi yon tan 'di brjod pa/ / sa yi rdul phran ji bzhin phyogs tsam ste// byang chub sems dpa' yongs dag spyod yul gang // de dag ye shes bsngags pa mtha' yas so// stong gsum 'jig rten mchod pa ci yod pa/ / kun gyis byang chub sems dpa' de la mchod// de las lhag par yang ni mchod 'os te// rgyal ba'i thugs sras dag ni phyir mi ldog/ gang rnams sangs rgyas 'gyur bar brtson ldan pa/ / de dag gis ni nga dang ma byon dang // gang yang mya ngan las 'das pa'i rgyal ba dang // ma lus phyogs bzhugs rim gro byas pa dang // de nas tshangs pa khyad par sems kyis ni/ 'jam dpal gzhon nur gyur pa la 'di skad ces smras so// 'jam dpal ci nas chos kyi rnam grangs 'di de bzhin gshegs pa'i byin gyi rlabs kyis phyi ma'i tshe dus lnga brgya pa tha ma la rab tu spyod pa dang / rgyas par 'gyur bar de bzhin gshegs pa dgra bcom pa yang dag par rdzogs pa'i sangs rgyas la gsol ba thob cig/ de skad ces smras pa dang / 'jam dpal gzhon nur gyur pas/ tshangs pa khyad par sems la 'di skad ces smras so// tshangs pa de ji snyam du sems/ chos kyi rnam grangs 'di la chos gang de bzhin gshegs pas byin gyis brlab par bya ba'i chos gang yang de bzhin gshegs pas yongs su bstan tam/ smras pa/ 'jam dpal de ni ma yin no// 'jam dpal gyis smras pa/ tshangs pa de lta bas na 'di la brjod pa med pas na/ chos thams cad byin gyis ma brlabs pa ste/ de ni nub par mi 'gyur zhing bsrung bar bya ba ma yin no// tshangs pa gang chos gang la'ang byin gyis brlab par 'dod pa de ni nam mkha' byin gyis brlabs par 'dod do// tshangs pa byang chub sems dpa' gang chos gang yang khas len na de ni chos smra ba ma yin no/ / de ci'i phyir zhe na/ byang chub sems dpa' smra ba thams cad las phyir ldog pa ni rtsod pa med pa lhur byed pa yin no// tshangs pa byang chub sems dpa' gang dag 'di snyam du 'khor 'dir chos 'di ston to snyam du sems na/ de dag la chos thos pa med do// de ci'i phyir zhe na/ thos pa med pa ni chos thos pa'o// smras pa/ 'jam dpal thos pa med pa ni chos thos pa'o/ / zhes bya ba ci las bsams te de skad zer/ smras pa/ tshangs pa mig dang / rna ba dang / sna dang / lce dang / lus dang / yid kyis thos pa med pa ni chos thos pa ste/ gang skye mched de dag nas gzugs dang / sgra dang / dri dang / ro dang / reg dang / chos la mi 'dzag pa de dag ni chos thos pa'o// de nas 'khor de nas lha'i bu stong phrag sum cu rtsa gnyis dang / dge slong stong phrag lnga dang / dge slong ma sum brgya dang / dge bsnyen brgyad brgya dang / dge bsnyen ma brgyad brgya de dag thams cad kyis 'jam dpal gyis bstan pa 'di thos nas mi skye pa'i chos la bzod pa rab tu thob ste/ tshig kyang 'di skad du 'jam dpal de de bzhin no// ji skad smras pa de bzhin te/ thos pa med pa ni chos thos pa'o zhes 'dzer to// de nas tshang pa khyad par sems kyis/ bzod pa rab tu thob pa'i byang chub sems de dag la 'di skad ces smras so// khyed kyis chos kyi rnam grangs 'di thos sam/ smras pa/ tshangs pa thos pa med pa'i tshul gyis thos so/ / smras pa/ khyed kyis chos kyi rnam grangs 'di ji lta bur shes/ smras pa/ ji ltar shes pa med pa dang / rnam par shes pa med pa de ltar ro// smras pa/ khyed kyis chos gang rab tu thob pas bzod pa rab tu thob par 'gyur/ smras pa/ chos thams cad rab tu thob pa med pa'i phyir ro// smras pa/ chos kyi rnam grangs 'di ji ltar rtogs par bya/ smras pa/ rtogs par bya ba med pa'i tshul gyis so// smras pa/ chos bstan pa 'di khyed kyis mngon sum yin nam/ smras pa/ tshangs pa chos thams cad bdag dang gzhan med pa'i phyir mngon sum yin no// denas 'khor de nyid du lha'i bu dri ma med pa'i rtog ces bya ba 'dus par gyur pa des tshangs pa khyad par sems la 'di skad ces smras so// tshangs pa gang chos kyi rnam grangs 'di las chung dun nyan par 'gyur ba de dag gal te de bzhin gshegs pas lung ma bstan kyang kho bos de dag bla na med pa yang dag par rdzogs pa'i byang chub tu lung bstan to/ / de ci'i phyir zhe na tshangs pa chos kyi rnam grangs 'di ni 'bras bu dang sa bon chung mi gzon pa'o/ / 'phags pa yang dag par zhugs pa thams cad kyis yongs su gzung ba'o// dge ba'i rtsa ba thams cad yang dag par skyed pa'o/ / bdud dang phyir rgol ba tshar gcod pa'o// bar du gcod pa thams cad dang bral ba'o// dang bskyed par byed pa'o// dad pa dang ldan pa rnams dga' zhing mgu bar byed pa'o/ / sangs rgyas thams cad kyis shin tu yongs su gzung ba'o// chos kyi rnam grangs 'di ni lha dang bcas pa'i 'jig rten gyis legs par bsrungs pa'o/ / chos kyi rnam grangs 'di ni gcig tu nges pa ste phyir mi ldog pa'o// chos kyi rnam grangs 'di ni byang chub kyi snying po la mi slu ba'o// chos kyi rnam grangs 'di ni sangs rgyas kyi chos rnams kyi bden pa'i 'byung gnas so/ / chos kyi rnam grangs 'di ni chos kyi 'khor lo skor ba'o// chos kyi rnam grangs 'di ni 'gyod pa'i rnams sel bar byed pa'o// chos kyi rnam grangs 'di ni 'phags pa'i lam rnam par sbyong ba'o/ / chos kyi rnam grangs 'di ni thar par 'dod pa rnams kyis legs par thos pa'o// chos kyi rnams grangs 'di ni gzungs 'dod pa rnams kyis legs par gzung ba'o/ / chos kyi rnam grangs 'di ni bsod nams 'dod pa rnams kyis legs par rab tu bstan pa'o// chos kyi rnam grangs 'di ni chos 'dod pa rnams kyis legs par srung ba'o/ / chos kyi rnam grangs 'di ni mya ngan las 'das par 'gro ba'i phyir grangs med pa'o// chos kyi rnam grangs 'di ni pha rol rgol ba dmigs pa can gyis mi 'phrogs pa'o/ / chos kyi rnam grangs 'di ni sbyin par 'os pa rnams dang 'thun pa'o// chos kyi rnam grangs 'di ni mkhas pa rnams dga' bar byed pa'o// chos kyi rnam grangs 'di ni lta ba ngan pa dang bral bas shes rab skyed pa'o// chos kyi rnam grangs 'di ni gti mug 'joms par byed pas ye shes skyed pa'o// chos kyis rnam grangs 'di ni yi ge'i tshig nges pa'i shin tu nges pa'i tshig go/ / chos kyi rnam grangs 'di ni 'bru 'brel bas legs par bstan pa'o// chos kyi rnam grangs 'di ni don dam pa yang dag par ston pas don yang dag par skyed pa'o/ / chos kyi rnam grangs 'di ni chos brjod pa rnams kyis yongs su ma btang ba'o// chos kyi rnam grangs 'di ni shes pa dang ldan pa rnams kyis ma bor ba'o/ / chos kyi rnam grangs 'di ni nor 'dod pa rnams kyis gter ro// chos kyi rnam grangs 'di ni kun tu gdungs pa rnams yongs su gdung ba med par byed pa'o// chos kyi rnam grangs 'di ni byams pa la gnas pa rnams kyis mnyam pa nyid skyed pa'o/ / chos kyi rnam grangs 'di ni le lo can rnams kyi brtson 'grus spyad pa'o// chos kyi rnam grangs 'di ni brjed nges pa rnams kyis bsam gtan skyed pa'o/ / chos kyi rnam grangs 'di ni shes rab 'chal pa rnams la snang bar byed pa'o// tshangs pa chos kyi rnam grangs 'di la ni sangs rgyas kyi chos thams cad shin tu legs par gnas so/ / de nas lha'i bu des chos kyi rnam grangs 'di'i bsngags pa bstan pa na/ stong gsum gyi stong chen po'i 'jig rten gyi khams 'di rnam pa drug tu g.yos so/ / bcom ldan 'das kyis kyang lha'i bu la legs so zhes bya ba byin no// de nas bcom ldan 'das la/ tshangs pa khyad par sems kyis 'di skad ces gsol to// bcom ldan 'das lha'i bu 'dis sngon gyi yang dag par rdzogs pa'i sangs rgyas dag las chos kyi rnam grangs sngon thos sam/ bcom ldan 'das kyis bka' stsal pa/ tshangs pa lha'i bu 'dis sangs rgyas bye ba khrag khrig phrag drug cu rtsa bzhi las chos kyi rnam grangs 'di thos te/ tshangs pa lha'i bu dri ma med pa'i tog 'di bskal pa brgya stong phrag bzhi bcu rtsa gnyis na/ 'jig rten gyi khams rin chen ldan du de bzhin gshegs pa rin po che bkod pa zhes bya bar 'jig rten du 'byung bar 'gyur ro/ / gang yang de'i bar du sangs rgyas 'byung ba de dag thams cad la'ang mnyes par byed par 'gyur/ bkur stir byed par 'gyur te/ sangs rgyas bcom ldan 'das de dag las chos kyi rnam grangs 'di'ang thos par 'gyur ro// tshangs pa dge slong dang / dge slong ma dang dge bsnyen dang / dge bsnyen ma dang / lha dang / klu dang / gnod sbyin dang / dri za gang dag gis chos kyi rnam grangs 'di la bzod pa rab tu thob pa de dag thams cad de bzhin gshes pa rin po che bkod pa'i sangs rgyas kyi zhing 'jig rten gyi khams rin chen ldan du skye bar 'gyur ro/ / de nas bcom ldan 'das la/ lha'i bu dri ma med pa'i tog gis 'di skad ces gsol to// bcom ldan 'das gang bdag ni byang chub mi 'tshal/ mi smon/ mngon par mi dge'/ mngon par ma chags/ mi dmigs/ mi sems/ mi rtog/ rnam par mi rtog na/ ci'i slad du bcom ldan 'das kyis bdag la lung bstan/ bcom ldan 'das kyis bka' stsal pa/ lha'i bu 'di ltar skyes bu la la zhig gis rtswa dang / shing dang / yal ga dang / lo ma dang / 'dab ma dag mer bcug nas 'di skad du rtswa dang / shing dang / yal ga dang / lo ma dang / 'dab ma dag ma tshig cig ces smras na/ de de'i dbang gis mi 'tshig pa ma yin no// lha'i bu de bzhin du 'di ltar byang chub sems dpa byang chub la mngon par mi dga'/ mngon par ma chags/ mi dmigs/ mi 'dod/ mi smon/ mi sems/ rnam par mi rtog kyang sangs rgyas thams cad lung ston te/ lha'i bu 'on kyang byang chub sems dpa' gang byang chub la mngon par mi dga'/ mngon par ma chags/ mi dmigs/ mi 'dod/ mi smon/ mi sems/ rnam par mi rtog pa de la de bzhin gshegs pa rnams lung ston to// de nas 'khor der lha'i bu lnga brgya tsam gyis/ bcom ldan 'das la 'di skad ces gsol to// bcom ldan 'das bdag cag kyang byang chub la mngon par mi dga'/ mngon par ma chags/ mi dmigs/ mi 'tshal/ mi smon/ mi rtog/ rnam par mi rtog na/ ci'i slad du bcom ldan 'das kyis bdag cag bla na med pa yang dag par rdzogs pa'i byang chub tu lung mi bstan to// de nas sangs rgyas kyi mthus steng gi babar snang la sangs rgyas stong phrag brgyad cu rtsa bzhi mthong ste/ de bzhin gshegs pa de dag gis de dag bla na med pa yang dag par rdzogs pa'i byang chub tu lung bstan to// de nas bcom ldan 'das la// lha'i bu de dag gis 'di skad ces gsol to/ / bcom ldan 'das de bzhin gshegs pas 'di skad du byang chub sems dpa' gang byang chub la mngon par mi dga'/ mngon par ma chags/ mi dmigs/ mi 'dod/ mi smon/ mi sems// mi rtog/ rnam par mi rtog pa de byang chub tu lung bstan par 'gyur ro zhes legs par gsungs pa de ni ngo mtshar te/ bcom ldan 'das bdag cag gis steng gi phyogs na/ sangs rgyas stong phrag brgyad cu rtsa bzhi mthong ste/ de bzhin gshegs pa de dag thams cad bdag cag la bla na med pa yang dag par rdzogs pa'i byang chub tu lung ston to// de nas 'jam dpal gzhon nur gyur pas/ bcom ldan 'das la 'di skad ces gsol to/ / bcom ldan 'das gang slad ma'i dus lnga brgya pa tha ma la 'dzam bu'i gling 'dir chos kyi rnam grangs 'di rab tu spod pa dang / yun ring du gnas par 'gyur ba dang / rigs kyi bu dang / rigs kyi bu mo gang dag go cha chen po bgos pa dag gi rna lam du gda' bar 'gyur ba dang / rigs kyi bu dang / rigs kyi bu mo de dag bdud kyi las skyes shing byung ba rnams kyi dbang du mi mchi ba dang / de dag la bdud dam/ bdud kyi ris kyi lha dag gis glags rnyed par mi 'gyur ba dang / chos kyi rnam grangs 'di yongs su gzung zhing go cha chen po bgos te/ bla na med pa yang dag par rdzogs pa'i byang chub yongs su mi nyams par byin gyis brlab par gsol/ bcom ldan 'das kyis bka' stsal pa/ 'jam dpal de bas na chos kyi rnam grangs 'di byin gyis brlab pa dang / yun ring du gnas pa bya ba'i phyir/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / grul bum 'bebs pa zhes bya ba'i rig pa dang / sngags kyi tshig 'di bshad kyis nyon cig/ rig pa dang sngags kyi tshig de bcangs pas rigs kyi bu 'am/ rigs kyi bu mo chos smra ba de lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / grul bum rnams kyis yongs su bsrung ba rab tu thob ste/ rigs kyi bu 'am/ rigs kyi bu mo de dag lam mam/ lam log par song ngam/ gtsug lag khang du song ngam/ gnas khang du song ngam/ 'chag pa la zhugs sam/ 'khor gyi nang du song yang rung ste/ srung bar byed do// spobs pa skyed par byed/ dran pa dang / blo gros dang / rtogs pa'i stobs bskyed pa nye bar sbyor te/ de la pha rol gyi rgol ba'am/ phas kyi dgra grags tshol ba dag gis glags kyang rnyed par mi 'gyur ro// de dran zhing shes bzhin/ du ldang bar 'gyur/ 'chag par 'gyur/ 'dug par 'gyur/ nyal bar 'gyur ro// 'jam dpal de la rig pa dang sngags kyi tshig de dag gang zhe na/ 'di lta ste/ ud d+hu re d+hu d+hu re/ man+da taTe/ nr-i ti go Tu re shi la li/ hi li mi le/ thi la thi mi li/ hu lu hu lu hu lu/ e bad She/ be ta te/ kha kha re/ tha re/ kha ra ke/ A sAn ne/ gti ma hi le/ mA na sha ta ne mA na se bar gan d+he/ sarba ru Ne ra bA ba ga te/ sin d+hu le na mo bud d+he b+hA/ tsA ring tra/ na mo d+harmA ya/ narga ta ni/ na maHsa g+hA ya/ bA hi ta pA pe/ byA pa shAn tA ni/ sarba pA pA ne mai tri me/ sarba b+hu te bya/ sad t+ya ni rde sho brah+ma ba tho/ ma / hA ri Shi b+hi/ pra shasta/ tad tra tiSh+ThAn te sarba b+hu ta gra ha/ na maHsarba bud d+he b+h+yaH/ sid d+hun tu me man tra pa dA swA hA/ 'jam dpal rig pa dang sngags kyi tshig 'di byang chub sems dpa' gang dag chos kyi rnam grangs 'di la brtson pa/ rtag tu shes bzhin dang ldan pa/ mi rgod pa/ khengs pa med pa/ sems mi g.yengs pa/ kun tu spyod pa gtsang ba/ sogs pa dang bral ba/ chog shes pa/ bas mtha'i gnas mal la mngon par dga' ba/ 'du 'dzi nyung ba/ lus dang sems dben pa/ byams pa dang snying rje la mngon par dga' ba/ chos la dga' zhing mos pa/ bden pa'i tshig la rab tu / gnas pa/ mi slu ba/ nang du yang dag 'jog la mngon par dga' ba/ tshul bzhin yid la byed pa la brtson pa/ tshul bzhin ma yin pa yid la byed pa dang bral ba/ sbyangs pa'i yon tan dang yo byad bsnyungs pa la mngon par dga' ba/ rnyed pa dang ma rnyed pa la sems mnyam pa/ mya ngan las 'das pa la mngon du phyogs pa/ 'khor bas 'jigs shing skrag pa/ sdug pa dang mi sdug pa la sems mnyam pa/ 'du shes sna tshogs dang bral ba/ lus dang srog 'dor ba dngos po thams cad la mi blta ba/ spyod pa dang cho ga phun sum tshogs pa/ tshul khrims dang sdom pa la mngon par dga' ba/ bzod pa dang nges pa mang ba/ ngan du zer ba bzod pa'i rang bzhin can/ brtson 'grus brtsams pa/ sems can thams cad kyi bya ba ci yod ces bya ba la brtson pa/ bzhin 'dzum pa khro gnyer dang bral ba/ gsong por smra ba/ nga rgyal bcom pa// des pa/ 'grogs na bde ba/ de lta bu'i spyod pa la rab tu gnas pa'i rigs kyi bu 'am/ rigs kyi bu mos 'jam dpal sngags kyi tshig 'di rab tu gdon par bya'o/ / 'jam dpal de ltar na chos smra ba de tshe 'di nyid la stobs skyed pa bcu rab tu 'thob bo// bcu gang zhe na/ mi brjed pa'i chos nyid pas dran pa'i stobs skyed pa dang / chos rab tu 'byed pa la mkhas pas blo gros kyi stobs skyed pa dang / mdo sde'i tshul khong du chud pas rtogs pa'i stobs skyed pa dang sdom pa dang spod pa mi gtong bas dang pa'i stobs skyed pa dang / bdag dang gzhan srung bas ngo tsha shes shing khrel yod pa'i stobs skyed pa dang / shes rab yongs su rdzogs pas thos pa'i stobs skyed pa dang / thos pa thams cad yongs su 'dzin pas gzungs kyi stobs skyed pa dang / sangs rgyas kyi byin gyi rlabs kyis yongs su bzung bas spobs pa'i stobs skyed pa dang / mngon par shes pa lnga rab tu thob pas zab mo'i stobs skyed pa dang / myur du thams cad mkhyen pa'i ye shes yongs su rdzogs pas mi skye ba'i chos la bzod pa skyed pa ste/ 'jam dpal spyod pa la zhugs pa'i chos smra ba gang rig pa dang / sngags kyi tshig 'di rab tu 'don pa de ni stobs skyed pa de ba rab tu thob par 'gyur ro/ / rig pa dang sngags kyi tshig bstan pa 'di bcom ldan 'das kyis bshad pa'i tshe/ rgyal po chen po bzhi skrag cing ba spu langs par gyur te/ g.yog brgya stong phrag du ma dang / bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag 'tshal te/ thal mo sbyar nas/ bcom ldan 'das la 'di skad ces gsol to// bcom ldan 'das bdag cag rgyal po chen po bzhi po 'di dag ni rgyun du zhugs pa/ / de bzhin gshegs pa'i bka' sgrub par bgyid pa ste/ gnyen bshes dang bcas/ 'khor dang bcas pas rigs kyi bu dang / rigs kyi bu mo chos smra ba dang / chos ston pa dang / mdo sde 'di lta bu 'chang ba dang / klog pa de dag le bcom ldan 'das bdag cag rgyal po chen po bzhis bsrung ba dang / bskyab pa dang / sba bar bgyi'o// de dag grong ngam/ grong khyer ram/ ljongs sam/ ljongs kyi phyogs gang na gnas kyang rung / khyim pa 'am/ rab tu byung ba'ang rung ste/ bcom ldan 'das bdag cag rgyal po bzhi stobs dang bcas/ 'khor dang bcas pas/ rigs kyi bu 'am/ rigs kyi bu mo de dag gi rim gro bgyi bar bdag cag spro'o// bsrung ba dang / bskyab pa dang / spro ba dang / spobs pa dang / gzhan gyis gnod par mi bgyi zhing mi gtse bar bgyi ba'i slad du bdag cag spro'o/ / bcom ldan 'das sa phyogs gang na chos kyi rnam grangs 'di rab tu spyod par 'gyur ba'i sa phyogs der dpag tshad brgya khor khor yug tu lha 'am/ klu 'am/ gnod sbyin nam/ grul bum gyis glags mi rnyed do// de nas rgyal po chen po 'phags skyes pos tshigs su bcad pa 'di skad ces gsol to// bdag la bu dang gnyen bshes dang / / bran dang 'khor rnams ci mchis pa// de dang bdag cag grogs bcas pas// bdag po de dag rim gro bgyid// de nas rgyal po chen po mig mi bzang gis tshigs su bcad pa 'di skad ces gsol to/ / bdag ni chos kyi rgyal po'i sras// chos las skyes pa chos kyi sprul// khyod kyi sras gang byang chub tu// zhugs pa de dag rim gro bgyid// de nas rgyal po chen po yul 'khor srung gis tshigs su bcad pa 'di skad ces gsol to/ / sangs rgyas gsungs pa'i mdo sde 'di// gang dag 'dzin par 'gyur ba rnams// de dag phyogs bcu rnams su yang/ bdag gis kun tu bsrung bar bgyi// de nas rgyal po chen po rnam thos kyi bus tshigs su bcad pa 'di skad ces gsol to// gang dag byang chub phyir brtson pa// de la ci 'dra 'os pa yi/ / de 'dra'i mchod pa bgyid par ni// sems can kun gyis mi nus so// de nas bcom ldan 'das la/ rgyal po chen po rnam thos kyi bu bden pa'i zla ba zhes bya ba des rin po che sna bdun las byas pa'i gdugs gsol nas/ tshigs su bcad pa 'di skad ces gsol to// de bzhin gshegs las bdag nyid kyis// chos kyi rnam grangs gzung bar bgyi// pha rol la yang bstan par bgyi// bdag gi bsam pa de 'dra'o// bcom ldan 'das kyis bdag sems dang // sngon gyi spyad pa ci 'dra mkhyen// ji ltar bdag gis sems 'dud pa// bdag ni 'jig rten rnam 'dren 'gyur// sangs rgyas dpag med skyob pa la/ / bdag gis gdugs 'di phul ba yis// bdag ni thub po khyod 'dra bar// spyi gtsug pa ltar yang mi gdar 'gyur// sangs rgyas skyes bu dam pa yang // bdag gis byams pas bltas pa yis/ / yongs su dag pa'i mig thob ste// rgyal ba ma pham blta bar bgyi// ye shes pha rol phyin pa yi// ston pas de nas lung bstan te// khyod ni 'di nas phyi dus na// dga' ldan du yang skye bar 'gyur/ / dga' ldan nas ni shi 'phos nas// rgyal ba byams pa mthong bar 'gyur// bskal pa stong phrag nyi shur ni// mchod pa byas nas 'byung bar 'gyur// khyod ni rab tu byung nas kyang / / tshangs par spyod pa rab spyad de// bskal pa bzang 'dir gang byung ba// bdag po de dag mthong bar 'gyur// thams cad la yang mchod byas te// tshangs par spyod pa spyad nas ni// bskal pa bye ba drug cu na/ / de nas khyod ni sangs rgyas 'gyur// sangs rgyas zhing ni legs brgyan pa// rin chen gdugs zhes bya bar ni// byang chub sems dpa' sha stag la// khyod ni chos rnams ston par 'gyur/ / tshe yi tshad ni bskal par 'gyur// sems can rnams la phan pa'i phyir// mya ngan las 'das pa'i dam chos kyang // ma 'dres bskal pa phyed du gnas// de nas bcom ldan 'das la// lci'i dbang po brgya byin gyis g.yog brgya stong phrag du ma dang bcas pas 'di skad ces gsol to// bcom ldan 'das bdag gis kyang chos smra ba mdo sde 'di 'chang ba de dag bsrung ba dang / yongs su gzung bar bgyi'o/ / bsnyen bkur dang rim gror yang bgyi'o// gang na chos kyi rnam grangs 'di yi ger 'dri ba 'am// klog pa der ci nas kyang chos smra ba de'i stobs dang / mthu dang / chos kyi mtshams sbyor ba spobs par 'gyur bar bdag 'khor dang bcas te chos nyan du mchi'o/ / de nas lha'i dbang po brgya byin gyi bu sbed byed ces bya ba des// do shal rin po che thams cad kyis spras pa de/ bzhin gshogs pa la phul nas tshogs su bcad pa 'di dag gsol to// thub pa bdag 'dir mngon sum ste// ji ltar khyod kyis sngon spyad pa// de bzhin bdag kyang sangs rgyas kyi// shes tshol bar bsgrub par bgyi// khyod kyis sngan chad ma stsal bar// yongs su ma btang ci ma mchis// bdog pa thams cad gtong ba yi// bdag kyang rjes su bslas par bgyi/ / khyod kyis mdo sde 'di yang ni// 'jig rten mgon las mngon du blangs// yang dang yang du bshad par bgyi// bdag po khyed la bgyis pagazo// mdo sde 'di la su dga' ba// de dag bdag gi ston pa 'dra/ / bdag ni sangs rgyas chos 'tshal bas// de la rtag tu rim gro bgyid// dam pa'i chos rnams yongs srung ba// mgon po nyan thos mi nus te// phyi dus 'jigs pa chen po'i tshe/ / bdag gis yongs su bsrung bar bgyi// mgon po bdag kyang dbugs dbyung gsol// lha rnams the tsom gcad du gsol// thub pa khyu mchog khyod 'dra ba// ji srid yun gyis 'grub par 'gyur/ / kun mkhyen ye shes mkhas pa yi// bde bar gshegs pas de lung bstan// nga ni ci 'dra de 'dra bar// khyod kyang rdzogs pa'i sangs rgyas 'gyur// bskal pa bye ba phrag stong dang / / bskal pa bye ba brgya yi tshe// 'jig rten du ni sangs rgyas 'gyur// ming ni ye shes 'byung zhes bya// byang chub zhi pa thob nas kyang // bdud rnams rab tu btul nas ni// sems can bye ba phrag stong rnams/ / byang chub la yang 'god par 'gyur// de nas mi mjed kyi bdag po tshangs pas/ bcom ldan 'das la 'di skad ces gsol to// bcom ldan 'das bdag bsam gtan la gnas pa'ang btang ste/ rigs kyi bu 'am/ rigs kyi bu mo gang chos kyi rnam grangs 'di yang dag par ston pa de la chos nyan du mchi'o// de ci'i slad du zhe na/ brgya byin dang tshangs pa ni 'di las skyes te/ bcom ldan 'das bdag rigs kyi bu 'am/ rigs kyi bu mo de dag la bsnyen bkur dang rim gro bgyi bar spro'o// de dag ni lha dang bcas pa'i 'jig rten gyis rim gro bgyi ba dang mchod par 'os pa lags so/ / de nas tshangs pa mi mjed kyi bdag pos/ bcom ldan 'das la tshigs su bcad pas 'di skad ces gsol to// dge slong dang ni dge slong ma// dge bsnyen dang ni dge bsnyen ma/ / gang rnams mdo sde 'di 'dzin pa// skye bo kun gyi mchod rten de// gal te mdo sde 'di la ni// sems can gcig 'ga' btsud na yang // 'gro ba'i mgon po bdag spro ba// chos smra ba ni de dag la// khri stan gang la de mchis te// mdo sde 'di ni rab ston par// tshangs pa'i 'jig rten man chad du// me tog dgram par bdag spro'o// gang gi lag nas mdo sde 'di// phyi ma'i dus na thos 'gyur ba/ / de la a la la zhes ni// legs smras legs zhes brjod par bgyi// gang na mdo sde 'di mchis par// me yi phung pos gang ba yi// bye ba snyed kyi zhing brgal nas// skyo mi 'tshal bar mchi bar bgyi/ / rin chen phung po ri rab tsam// dga' bzhin du ni phul nas kyang // sangs rgyas kyi yang lam sbyong ba// mdo sde 'di yang mnyan par bgyi// de nas bcom ldan 'das kyis de'i tshe rdzu 'phrul mngon par 'du bya ba 'di lta bu mdzad de/ rdzu 'phrul mngon par 'du bya ba ji lta bu mngon par 'du byas pas/ bdud sdig can dpung gi stobs bzhi dang / bcom ldan 'das ga la ba der dong ste lhags pa dang / bcom ldan 'das kyi zha bra la mgo bro phyag 'tshal nas 'di skad ces gsol to// bcom ldan 'das bdag cag dpung dang bcas/ g.yog dang bcas pa 'di dag de bzhin gshegs pa'i spyan sngar dam bcas te/ gang na chos kyi rnam grangs 'di rab tu spyod par 'gyur ba'i ljongs kyi phyogs der chos nyan pa dang / chos smra ba dag la bdud kyi las mi bgyi ba'i steng du bsrung ba dang / bskyab po dang / sba bar yang bgyi'o// de nas bcom ldan 'das kyis 'od zer gser gyi kha dog lta bus sangs rgyas kyi zhing 'di khyab par mdzad de/ 'jam dpal gzhon nur gyur pa la 'di skad ces bka' stsal to/ / 'jam dpal 'di lta ste/ skyes bu dam pa dam pa'i chos yongs su 'dzin pa de dag gis dam pa'i chos yongs su gzung bar bya ba'i phyir/ chos kyi rnam grangs 'di de bzhin gshegs pas byin gyis brlabs so/ / 'jam dpal chos kyi rnam grangs 'di yun ji srid du 'dzam bu'i gling 'dir spyod par 'gyur ba yun de srid du dam pa'i chos nub par mi 'gyur ro// de nas 'khor de dag thams cad dga' mgu yi rangs/ rab tu dga' rangs/ yid bde bar gyur nas spos thams cad dang / 'phreng ba thams cad dang / byug pa thams cad dang / me tog thams cad dang / phye ma thams cad kyis de bzhin gshegs pa la mngon par gtor nas/ tshig kyang 'di skad ces e ma ho chos kyi rnam grangs 'di 'dzam bu'i gling na yun ring du gnas pa dang / rgyas par gyur cig ces 'dzer to/ / de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di gzung ngam/ gsol pa/ bcom ldan 'das bdag gis gzung ngo / / bcom ldan 'das kyis bka' stsal pa/ kun dga' bo de lta bas na chos kyi rnam grangs 'di gzung ba dang / bcang ba dang / bklag pa dang / yang dag par rab tu bsten pa'i phyir/ khyod la yongs su gtad do// gsol pa/ bcom ldan 'das gang chos kyi rnam grangs 'di 'dzin tam/ 'chang ngam/ klog gam/ gzhan dag la ston tam/ yi ger bris pa la mchod pa bgyid na/ de bsod nams ji tsam zhig skyed par 'gyur/ bcom ldan 'das kyis bka' stsal pa/ yi ge dang nges pa'i tshig ji snyed kyis chos kyi rnam grangs 'di bstan pa de snyed kyi de bzhin gshegs pa dge slong gi dge 'dun dang bcos pa la bde ba'i yo byad thams cad kyis bsnyen bkur byas pa bas/ gang chos kyi rnam grangs 'di 'dzin pa dang / bzung nas kyang gzhan la ston pa dang // klog pa de ni de bas kyang bsod nams ches mang du skyed do// kun dga' bo gang gis dam pa'i chos yun ring du gnas par bya ba'i phyir/ chos kyi rnam grangs 'di glegs bam du bris te mchod na de'i tshe 'di nyid la gter 'thob pa bcu thob bo/ / bcu gang zhe na/ sangs rgyas kyi spyan rab tu thob pas sangs rgyas mthong ba'i gter dang / lha'i rna bas rab tu thos pas chos nyan pa'i gter dang / phyir mi ldog pa'i dge 'dun rab tu thob pas/ dge 'dun mthong ba'i gter dang / rin po che'i lag pa rab tu thob pas zad mi shes pa'i longs spyod kyi gter dang / mtshan dang dpe byad bzang po yongs su rdzogs pas gzugs kyi gter dang / g.yog mi phyeng bas g.yog gi gter dang / gzungs rab tu thob pas thos pa'i gter dang / spobs pa rab tu thob pas dran pa'i gter dang / pha rol gyi rgol ba cher gcod pas mi 'jigs pa'i gter dang / sems can thams cad nye bar 'tsho bas bsod nams kyi gter ro// yang bcom ldan 'das kyis chos kyi rnam grangs 'di bstan pa na/ byang chub sems dpa' sa ya khrag khrig phrag 'dun cu rtsa gnyis mi skye ba'i chos la bzod pa rab tu thob par gyur to// sems can dpag tu med pa byang chub la rab tu zhugs so/ / sems can tshad med pa'ang len pa med par rnam par grol lo// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dge' bo de'i phyir khyod kyis chos kyi rnam grangs 'di'i ming chos thams cad yang dag par 'du ba zhes bya bar zung zhig/ sangs rgyas kyi rgyan bkod pa zhes bya bar zung zhig/ tshangs pa khyad par sems kyis kun dris pa zhes bya bar zung zhig/ 'jam dpal gyis bstan pa zhes bya bar zung zhig/ bcom ldan 'das kyis de skad ces bka' stsal nas/ 'jam dpal gzhon nur gyur pa dang / tshangs pa khyad par sems dang / bram ze shing sA la chen po lta bu'i bu mnyam pa nyid la gnas pa dang / byang chub sems dpa' dra ba can gyi 'od dang / gnas brtan 'od srungs chen po dang / tshe dang ldan pa kun dga' bo dang / phyogs bcu nas 'dus pa'i byang chub sems dpa' de dag dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis gsungs pa la yi rangs te mngon par bstod do// / 'phags pa tshangs pa khyad par sems kyis zhus pa zhes bya ba theg pa chen po'i mdo rdzogs so// / rgya gar gyi mkhan po shAkya pra b+ha dang / d+harma pA la dang / dzi na mi tra dang /

CLOSE WINDOW