shrI se na a ba dA nAM/ bod skad du/ dpal gyi sde'i rtogs pa brjod pa/ dkon mchog gsum la phyag 'tshal lo// gleng gzhi mnyan du yod pa na ste/ de nas bcom ldan 'das kyis/ dge slong rnams la bka' stsal pa/ dge slong dag gal te ji ltar na ngas sbyin pa'i 'bras bu'ang shes la/ sbyin pa'i bgo bsha'i 'bras bu rnam par smin pa'ang shes bzhin du sems can rnams kyis kyang sbyin pa'i 'bras bu'ang shes la/ sbyin pa'i bgo ba sha'i 'bras bu rnam par smin pa'ang shes su zin na ni/ de lta na kham gyi tha ma dang / kham gyi mjug lus pa gang yin pa de las kyang // gal te yon gnas len pa po rnyed na/ de la ma byin nam/ bgo bsha' ma byas kyi bar du za bar mi byed la/ de dag gi sems kyang ser sna skyes pas kun nas dkris shing 'dug par mi 'gyur ba zhig na/ ji ltar ngas sbyin pa'i 'bras bu'ang shes la/ sbyin pa'i bgo ba sha'i 'bras bu rnam par smin pa'ang shes bzhin du sems can rnams kyi sbyin pa'i 'bras bu'ang mi shes la/ sbyin pa'i bgo ba sha'i 'bras bu rnam par smin pa'ang mi shes pas ni/ de'i phyir de dag ni kun tu 'dzin pa'i sems kyis ma byin pa 'am bgo bsha' ma byas par za bar byed la/ de dag gi sem kyang ser sna skyes pas kun tu dkris shing 'dug go/ bcom ldan 'das kyis de skad ces bka' stsal te/ bde bar gshegs pas de skad du gsungs nas/ gzhan yang ston pas 'di skad ces bka' stsal to/ / bgo bsha' dag gi rnam par smin// ji ltar don chen gyur pa de// drang srong che rnams gsungs pa bzhin// sems can rnams kyis shes na ni// ma byin bar du mi za zhing // ser sna can du mi 'gyur la// de dag kun tu 'dzin pa'i sems// nams kyang skye bar mi 'gyur na// gang phyir byas pa gti mug gis// bsgribs pa rnams kyi mi shes pas/ / de phyir kun tu 'dzin sems kyis// rtag tu ma byin za bar byed// de dag ser sna skyes nas kyang // sems ni kun nas dkris shing 'dug/ gang gi tshe bcom ldan 'das kyis mdo 'di bshad pa de'i tshe/ sa rnam pa drug tu g.yos par gyur cing / bcom ldan 'das nyid kyi sku las 'od zer rnams byung bar gyur to// de nas dge slong rnams kyis bcom ldan 'das kyi cho 'phrul bsam gyis mi khyab cing rmad du byung ba 'di lta bu mthong ban ngo mtshar skyes te/ sangs rgyas bcom ldan 'das la zhus pa/ btsun pa rgyu ma mchis rkyen ma mchis par ni/ de bzhin gshegs pa dgra bcom pa yang dag par rdzogs pa'i sangs rgyas rnams 'di lta bu'i rmad du byung ba'i cho 'phrul ston par mi mdzad na/ btsun pa 'di lta bu'i cho 'phrul gyi rgyu gang lags/ bcom ldan 'das kyis bka' stsal pa/ dge slong dag cho 'phrul 'di 'byung ba'i rgyu mnyan par 'dod dam/ btsun pa de ltar 'tshal lo// dge slong dag de'i phyir legs par rab tu nyon la yid la zung zhig dang ngas bshad par bya'o/ / dge slong dag sngon byung ba 'das pa'i dus na/ rgyal po'i pho brang a ri shwA zhes bya ba 'byor pa rgyas pa/ bde ba/ lo legs pa/ skye bo mang po dang mis gang ba/ chur dpag tshad bcu gnyis/ zheng du dpag tshad bdun pa/ gru bzhi pa rnam par 'byes pa/ gdugs dang / rgyal mtshan dang / ba dan dang / rta dngas bsgreng ba byung bar gyur te/ rgyal po'i pho brang der rgyal po dpal gyi sde zhes bya ba stobs kyi 'khor lo sgyur ba/ gzugs bzang ba/ mdzes pa/ bltan sdug pa/ kha dog bzang po rgyas pa/ mchog dang ldan pa/ rang bzhin gyi skye ba dran pa/ chos dang ldan pa/ chos kyi rgyal po/ chos kyis 'dzam bu'i gling gi dbang phyug gi bdag po byang pa zhig byung bar gyur to/ / rgyal po dpal gyi sde'i mthus shing rnams rtag tu me tog dang 'bras bur ldan zhing / lha rnams dus dus su char yang dag par 'bebs la/ lo tog shin tu phun sum tshogs par gyur to/ / sems can rnams kyang nad med par gyur te/ sems can thams cad kyang phan pa dang byams pa'i sems kyis gnas so// rgyal po de'i btsun mo dam pa rgyal ba'i 'od ces bya ba gzugs bzang ba/ mdzes pa/ blta na sdug pa/ yan lag dang nying lag thams cad tshang ba/ yul gyi bzang mo// rgyal po dpal gyi sde'i shin du yid du 'ong ba dang / sdug pa dang / 'phangs pa zhig byung bar gyur to// dge slong dag rgyal po dpal gyi sde'i 'dzam bu'i gling gi mi thams cad la dpya dang / sho gam dang / gru btsas med de/ zhing gi 'byor pa dang ldan pa/ skye bo rnams zhi ba/ khyim bya rnams dang ldan pa'i yul dang / grong khyer dang / grong rdal dang / yul 'khor dang / rgyal po'i pho brang byung bar gyur to/ / dge slong dag rgyal po dpal gyi sde byang chub sems dpar gyur te/ thams cad ster ba/ thams cad yongs su gtong ba/ chags pa med par yongs su gtong ba dang / / gtong ba chen po la zhugs nas tha na rang gi sha'ang gtong ste/ des ma byin pa dang / yongs su ma btang ba ci'ang med do// dge slong dag rgyal po dpal gyi sde'i rgyal por pho brang a ri sh+na'i shar phyogs kyi grong khyer gyi mthar sbyin gtong gi gnas byas te/ sbyin pa ni gtong / bsod nams ni byed do// lho dang / nub dang / byang gi grong khyer gyi sgor sbyin pa ni gtong / bsod nams ni byed do// sum mdo'i dbus na'ang sbyin pa ni gtong / bsod nams ni byed do// 'di ltar zas 'dod pa rnams la ni zas/ skom 'dod pa rnams la ni skom bza' ba dang / bca' ba dang / mar me dang / 'phreng ba dang / dri dang / byug pa dang / gos dang / mal cha dang / stan dang / rgyab rten dang / gnas dang / gzugs rnams dag shing rta dang / glang po dang / rta dang / rgyan rnams dang / gser gyi snod dngul gyi phye mas yongs su gang ba rnams dang / dngul gyi snod gser gyi phye mas yongs su gang ba rnams dang / ba lang gser gyi rwa dang / dngul gyi rmig pa btags pa/ 'khar ba'i bzho snod dang / ras zung gis bkab pa rnams dang / gzhon nu ma rnams dang / rgyan thams cad kyis brgyan nas sbyin pa ni gtong / bsod nams ni byed de/ dge slong dag ji tsam du rgyal po dpal gyi sdes ji tsam gyis 'dzam bu'i gling pa'i mi thams cad phyug pa dang / nor mang ba dang / longs spyod che bar 'gyur ba de tsam du sbyin pa rnams sbyin no/ / yang de'i tshe rgyal po'i pho brang a ri shA'i grong khyer na bye ba phrag dgu bcu rtsa drug gi mi rnams gnas te/ rgyal po dpal gyi sde de dag thams cad kyi sdug pa dang / yid du 'ong bar gyur to// gzhan yang 'di skyes pa dang bud med rnams kyis mthong ba na/ ngoms par mi 'gyur ba'i dga' ba thob po// dge slong dag rgyal po dpal gyi sde'i blon po stong phrag bcu gnyis yod de/ blon po de rnams kyi ma rog blo gros chen po zhes bya ba mkhas pa/ gsal ba/ blo dang ldan da / thams cad la dbang byed pa/ rgyal po yongs su skyob par byed pa/ rgyal po dpal gyi sde'i sdug pa dang / yid du 'ong ba dang / 'phangs par gyur pa zhig byung bar gyur to// des 'di'i gzugs dang / kha dog dang / rtags dang / dbying mthong ba na ngoms pa med de/ skad cig kyang 'di dang mi 'bral lo// dge slong dag rgyal po dpal gyi sdes 'dzam bu'i gling gi mi thams cad dge ba bcu'i las kyi lam la yang dag par sbyar te/ shes ldan dag 'dzam bu'i gling gi mi rnams dge ba bcu'i las kyi lam rnams la rten cig/ dge ba bcu'i las kyi lam 'di rnams yang dag par zung zhig ces dge ba bcu'i las kyi lam la yang dag par sbyor te/ dge slong dag rgyal po dpal gyi sdes de lta bu'i gdams ngag rjes su ston par gyur to// 'di lta ste/ 'khor los sgyur ba'i rgyal po de'i dus su gang 'dzam bu'i gling pa'i mi gang la la dus byas te/ lus zhig nas de lha'i ris drug tu skyes par gyur to// gang phal cher ni sum cu rtsa gsum gyi lha'i ris su skyes so// yang de'i tshe sum cu rtsa gsum gyi lha rnams kyi lha'i grong khyer blta na sdug ces bya ba lha'i tshogs kyis kun tu gang ngo / / de nas der go skabs med par gyur pa dang / blta na sdug gi phyi rol yongs 'du dang / shing rta sna tshogs can dang / dga' ba'i tshal la sogs pa'i skyed mos tshal rnams su gnas par gyur to// de nas sngon skyes pa'i sum cu rtsa gsum gyi lha'i tshogs kyis yang dag pa'i 'byor pa de mthong ste/ rab tu dga' nas lha'i dbang po brgya byin la 'di skad ces smras so// ko'u shi ka gang du ri'i rgyal po ri rab de nyid lha'i bu de dag gis gang ste lha'i tshogs ni 'phel bar gyur/ lha ma yin gyi tshogs ni 'grib par 'gyur ba'i ngo mtshar 'di dag gzigs so// de nas lha'i dbang po brgya byin gyis lha'i bu rnams las thos nas/ ri'i rgyal po ri rab thams cad la blta bar bsams pa dang / dza tsam na ri'i rgyal po'i ri rab lha'i tshogs rnams kyis kun nas gang ba mthong ngo // mthong nas kyang 'di snyam du sems te rgyu gang dang rkyen gang gis sems can 'di snyed cig 'dir skyes par gyur snyam na/ 'dzam bu'i gling thams cad la blta bar brtsams pa dang / ji tsam na rgyal po dpal gyi sde'i mthu yin par mthong ngo / / de nas lha'i dbang po brgya byin sems rab tu dga' bas sum cu rtsa gsum gyi lha rnams la smras pa/ grogs po dag khyed rnams nyon cig/ 'dzam gling dbang phyug rgyal po yi/ / dpal gyi sde zhes rnam grags pa// rtag tu chos la gzhol ba dang // rgyal po chen po chos la gnas// thog ma bar dang mthar dge zhing // sems can kun la phan par dga'// gtso bo mi rnams dge ba la// rtag tu yang dag sbyor bar byed// rtag tu snying rje'i bdag nyid can// phyi rol dngos po rab gtong zhing // de yi sha yang slong ba la// rjes su brtse ba nyid kyis ster/ / nang ngam yang na phyi rol la// de ni yongs su 'dzin med par// rjes brtse nyid kyis gtong byed cing // byang chub mthar dbyung ba la brtson// des ni rnam dag gser bzhin du 'gro ba thams cad rab bsgrubs pas/ / rgyal po de yi mthu yis ni// thams cad mtho ris la gzhol 'gyur// rgyal po blo gros che de yi// mthu yis su yang dmyal ba dang // yi dgas dang ni dud 'gro yi/ / skye gnas rnams su skye mi 'gyur// de yi gzi brjid mthu yis ni// thams cad snang bar 'gro ba dang // sbyin dang tshul khrims dga' 'gyur bar// dga' ba'i tshal na dga' bas rtse/ / dpal gyi sde la rjes bsten par// gus dang bcas par gyur pa 'di// lha yi 'jig rten nyams dga' bar// de yang dga' ba rnam par snang // de nas sum cu rtsa gsum gyi lha de rnams kyis tshig thos pa dang / yid dga' ba dang / sems rangs par gyur te/ dga' ba'i sems su gyur cing / 'di skad ces kyang smras so// gang rgyal po 'di yan lag dang nying lag kyang sbyin par gtong 'dod par rtsol ba ni ngo mtshar che'o/ / 'on kyang 'di ltar yan lag dang nying lag ster ba 'di ni dka' ba ste/ bdag dang mnyam par 'phangs pa gzhan med pas/ de ji ltar na bdag nyid chen po 'di rang gi lus kyi sdug bsngal ba la mi sems par yan lag dang nying lag sbyin par gtong bar gyur te/ 'di ni rjes su dpag par nus pa ma yin no/ / brgya byin gyis smras pa/ grogs po dag khyed rnams de skad ma smra zhig/ rgyal po 'di ni mthu che ste/ rdzu 'phrul rno ba/ snying rje che bas tha na rang gi sha' gtong ste/ 'di la yongs su ma gtang ba ci'ang med do// ji tsam na dus gzhan zhig gi tshe/ btsun mo rgyal ba'i 'od sten chen po la nyal ba na/ tho rangs kyi dus su rmi lam bzhi rmis te/ dpal gyi stan las bdag nyid phab nas slar yang bteg par mthong ba dang / rang gi mig phyung ste/ slar yang skyes par mthong ba dang / bdag nyid kyi dpung pa g.yas pa 'di bcad de sa la lhung ba yang skyes par mthong ba dang / mi ma yin pa dngul gyi rdo bcag pa'i mdog 'dra ba zhig gis rgyal po dpal gyi sde'i dpung pa g.yon pa mod la phyung ste/ phrogs nas slar yang skye bar rmis so/ / gnyid sad pa dang / 'jigs par gyur/ spu zing zhes byed de/ nga'am lha la sdug bsngal 'ba' zhig 'byung bar mi 'gyur grang zhes bsams nas/ des rgyal po dpal gyi sde la smras so/ / de myi ltas la byang ba yin pas 'di snyam du sems te/ 'dis rmi lam ji lta bu mthong ba las na/ ring po mi rdzogs par chung ma 'di nyid spong ba 'byung bar 'a ro snyam nas/ smras pa/ ma 'jigs shig/ sgyu ma lta bu'i rmi lam sems ngas ci zhig bya/ dpal gyi snyan pa bdag nyid gnas par khyod kyis mthong ngam/ mig mi nyams par de bzhin du 'jug pa dang / bdag nyid kyi dpung pa g.yas pa de bzhin du yod pa dang / nga'i yang dpung pa g.yon pa gnas bzhin pa nyid ces des dbugs phyung ba dang / cang mi smra bar 'dug go/ / ji tsam na mtshan mo gnyis pal blon po'i mchog blo gros chen po zhes bya ba'i rmi lam du rgyal po dpal gyi sde'i rin po che thams cad las byas pa'i khang bzangs mod la zhig pa dang / rin po che de rnams sha za mthong na 'jigs su rung ba rnams kyis phan tshun khyer ba dang / slar yang khang bzangs so sor sbyar bar rmis so// sad pa dang / 'jigs shing skrag pa dang / yi mug ste/ spu bing zhes byed pa dang / bsams pa/ sems can thams cad la mnyes gshin pa dang / lha dpal gyi sde'i sgra lus slong bar mi 'gyur grang / lha'ang thams cad stsol ba/ thams cad yong su gtong ba/ chags pa med par gtong ste/ 'di lta ste/ dman pa dang / long ba dang / bkres pa dang / sdug 'phongs pa rnams la 'di yongs su mi gtong ba ci'ang med do/ / rgyal po dpal gyi sde la ni zhu bar mi bya ste/ shin tu spro ba skye bar mi 'gyur grang / de nas des gsang ste mtshan mkhan bos nas/ ngam bsgo ste zhes smras pa/ shes ldan ngas 'di lta bu'i rmi lam rmis pa'i 'bras bu ji lta bur gyur pa khyod kyis lung ston cig/ mtshan mkhan gyis smras pa/ rmi lam ci 'dra ba 'di las ring po mi thogs par lha'i sku lus slong ba 'ong bar 'gyur ro/ / rmi lam bstan pa 'di lta bu de thos pa dang / blon po chen po blo gros chen po sdug bsngal drag pos gdungs shing // mig mchi mas gang ba dang lag pa 'gram pa la gtad de/ sems khongs su chud pas gnas nas/ dpal gyi sde byams pa dang snying rje'i bdag nyid can sems can thams cad la mnyes gshin pa/ yon tan du ma dang ldan pa la/ mi rtag pa'i stobs nye bar gnas pa ni ha cang myur ches so// de nas nub gsum pa la blon po stong phrag bcu gnyis la rmi lam rmis te/ khri yis rgyal po dpal gyi sde'i gdugs dang cod pan phrogs te slar yang byin pa dang / skye bo thams cad kyi mgo bcad nas slar yang byung ba dang / rgyal po dpal gyi 'dzam bu'i gling gi/ mi thams cad kyi mig phyung nas slar yang skyes pa dang / 'dzam bu'i gling gi mi thams cad kyi rkang pa dang lag pa rnams bcad nas slar yang skyes pa dang / rgyal po dpal gyi sde seng ge'i khri las babs nas slar yang 'jog par rtsom par rmis pa dang / 'jigs shing skrag la yi mug nas/ rgyal po dpal gyi sde sa chen po skyong bar mdzad pa/ byams pa'i bdag nyid can snying rje che ba/ sems can thams cad la mnyes gshin pa la mi rtag pa'i stobs nye bar gnas par mi 'gyur grang / bdag cag rnams lha dang lhan cig gnas pa las tha dad par gyur pa dang / so so ba dang bral ba dang bye bar mi 'gyur grang / 'dzam bu'i gling pa'i skyabs dang dpung gnyen med par mi 'gyur grang / de rnams kyis mtshan mkhan rnams bos nas smras pa dang / de rnams kyis ji tsam na thams cad 'di bzhin du 'gyur zhes lung bstan to/ / 'di lta bu'i rmi lam bstan pa thos pa dang / grong khyer a ri shwA na gnas pa'i skye bo'i tshogs rnams nyam thag pa'i nga ros du bar brtsams so/ / thos pa gcig tu brgyud pas/ 'dzam bu'i gling pa'i mi thams cad mya ngan drag po'i sdug bsngal gyis bcom nas/ shin tu smre sngags 'don par gyur to// de ltar gyur pa de rgyal po dpa' gyi sdes thos so/ / thos nas kyang yang bsams pa/ nga'i lus slong ba 'ong bar 'gyur ro snyam nas sems rab tu dga' ba dang / mgu bar gyur to// shes ldan dag 'dzam bu'i gling gi mi khyed rnams bde ba dang / phebs pas dge ba la gzhol bar gyis shig/ khyed rnams sgyu ma lta bu'i rmi lam la sems pas ci zhig bya zhes 'jam bu gling pa thams cad du dril bsgrags so/ / de nas rgyal po dpal gyi sdes dril bsgrags pa de thos pa dang / 'dzam bu gling pa'i mi thams cad dbugs byin par gyur to// yang de'i tshe de'i dus na rgyal po'i pho brang a ri shA'i byang phyogs rgyang grags tsam gyi phyogs na ri bo zhig yod de/ de na drang srong lnga brgya tsam gnas so// ji tsam na dus gzhan zhig gyi tshe de rnams kyi don du 'jug pa drang srong cig don gyi bya ba 'ga' zhig gi phyir/ rgyal po'i pho brang a ri shwA ra 'ongs so// yang dus de'i tshe rgyal po dpal gyi sde lha mo rgyal ba'i 'od dang lhan cig tu nang du zhugs nas skyed mos tshal gyi sar song ngo / / drang srong des rgyal ba dang tshe ring ba'i brjod pa byas pa dang / drang srong des lha mo rgyal ba'i 'od rgyan thams cad kyis brgyan pa mthong ste/ 'di lta de'i skye ba snga ma'i chung mar gyur pa'ang yin pas/ sngon gyi chags pa dang 'brel ba'i dbang gis tshul bzhin ma yin pa'i yid la byed pa skyes par gyur te/ de yid la sems shing de nas song ste lam de nas 'das pa dang / ji tsam na drang srong de rgyal po'i pho brang grong khyer a ri sh+tsar bya ba 'am/ byed pa thams cad byas te/ yongs su rdzogs pa dang / bsti gnas su song ngo / / ji tsam na dus gzhan zhig gi tshe drang srong des bram ze'i khye'u gcig rig byed 'don pa yongs su rdzogs pa dang / mkhan po'i rkang pa la gtugs nas smras pa/ mkhan po la nor ji lta bu dbul bar bgyi/ mkhan pos bka' stsol cig/ drang srong gis smras pa/ de bas na bu rgyal po dpal gyi sde'i btsun mo'i mchog btsun mo rgyal ba'i 'od slongs la nga'i bsnyen bkur bya ba dang / mkhan po la mkhan po'i nor dang / bla ma la mchod par bya ba'i phyir byim cig/ de skad ces smras pa dang / bram ze'i khye'u de gnang du bsnun pa'i ri dgas bzhin du sdug bsngal drag pos gdungs te/ mchog tu yi mug pa dang / bsam pa/ gnas 'di ni 'byung bar dka' ba dang / rnyed par dkar na ji ltar yang bram ze nyon mongs bdag lta bu rgyal po la btsun mo rgyal ba'i 'od 'di byin cig ces ji ltar smra bar nus/ 'di ltar bslang bar bya ba ma yin pa'i dngos po 'di la kun tu sbyor ba gang yin pa des na/ mkhan po nges par bdag la mong ba byed par 'dod pa yin no// de nas drang srong des de'i bzhin rnam par 'gyur bas nang gi bsam pa rtogs nas smras pa/ bu ma 'jigs shig/ ji ltar na sems 'di ltar khongs su chud/ rgyal po 'di ni bdag nyid che ba thams cad ster ba/ thams cad yongs su gtong zhing / chags pa med par gtong bas/ tha na rang gi sha'ang gtong ste/ 'di la yongs su ma btang ba ci'ang med do// bu des na rgyal pos btsun mo'i mchog ster bar 'gyur gyis/ yi mug par yi mug par ma byed cig/ de 'di snyam du sems te/ gal te ma song na ni/ gang dmod pa byed pa'i gnas de yod pas 'gro snyam nas de dmod pas 'jigs pas smras pa/ mkhan po gal te de ltar na mchi'o zhes nges de'i rkang pa la gtugs nas song ste/ rgyal po'i pho brang a ri shwar phyin to/ / de bzhin du shing shun gyi gos gyon zhing dbyig pa dang ril ba lag na thogs la/ sa rdul gyis lus la gos pa dang / rgyal po dpal gyi sdig ba der song ste phyin nas/ rgyal po dpal gyi sde la rgyal ba dang tshe spel ba byas nas/ bsam pa/ ci bslang ngam 'on te mi blangs/ ster bar 'gyur ram/ mi ster bar 'gyur/ nga'i yid la re ba 'bras bu dang bcas par 'gyur ram/ 'bras bu med par 'gyur snyam nas/ bdag nyid smod bzhin du rgyal po'i mdun na dman pa'i bzhin gyis ci mi smra bar 'dug go// de nas rgyal po dpal gyi sngas bsams pa/ 'di ni nga la slong du 'ongs so snyam nas bram ze'i khye'u de la 'di skad ces smras so// bram ze khyed kyi dgongs pa gang yin pa smos/ de ring khyod kyi yid la re ba gnas su rdzogs par bya'o/ / de skad ces smras pa dang / bram ze'i khye'u de mi 'jigs pa skyes nas/ byang chub sems dpa' la smras pa/ de legs/ lha ri ga ge mo na bdag gi mkhan po drang srong 'don du 'jug pa 'a'or/ lnga brgya dang gnas te/ de las bdag gis rig byed 'don pa yongs su rdzogs pas/ rgyal po chen po de thugs brtse bas btsun mo rgyal ba'i 'od bdag la stsol cig/ mkhan po la mkhan po'i nor dang / bla ma la mchod pa'i phyir bdag gis mkhan po la dbul bar bgyi'o// de skad ces smras pa dang / rgyal po dpal gyi sde brtse ba'i dbang gis yid mi bde bar gyur te/ btsun mo rgyal ba'i 'od 'di nga dang bral na ji ltar srog 'dzin par nus/ 'khor de dag thams cad kyang rgya mtsho zab mo'i sgra mi g.yo ba dang / gnad du bsnun pa bzhin du sdug bsngal drag pos gdungs pas rta bas bag tu 'di ci zhes skyo bas rab tu gdungs so/ / de nas byang chub sems dpas skad cig cang mi smra bar gnas te/ bsams pa/ bu dang chung ma la sogs pa byin pa med pas ni bla na med pa yang dag par rdzogs pa'i byang chub 'thob par mi 'gyur ro/ / de'i phyir bram ze 'di la dga' bas chung ma 'di sbyin par bya'o snyam du bsams nas/ gnyen sdug pa dang bral bas zhum pa'i sems yang dag par blangs te/ 'phral du seng ge'i khri las babs nas byang chub smon pa'i sems kyis btsun mo rgyal ba'i 'od lha'i bu mo bzhin du rnam par mdzes pa khyo dang bral ba'i gdung bas shin tu dbugs ring po phyung ste/ mchi mas gang ba'i mig dang / mun par g.yang sa chen por lhung ba bzhin du/ mchog tu sdug bsngal bas gdong phab pa/ lag pa g.yon pas bzung ste/ lag pa g.yas pas gser gyi bum pa thogs nas/ bram ze'i khye'u de la 'di skad ces smras so// bram ze chen po tshur shog tshur shog/ bram ze'i dam pa gzugs bzang ba/ sdug pa'i chung ma 'di long zhig/ sbyin pa 'di yis myur du ni// byang chub dam pa thob par shog/ ces smras nas/ byang chub sems dang sa bram ze de'i lag par chu'i rgyun drugs so// de nas yang dge slong dag rgyal po dpal gyi sngas chu'i rgyun blugs pa'i rjes thogs nyid la/ de'i tshe 'phral du sa rnam pa drug tu g.yos par gyur to// de nas bram ze'i khye'u nges byang chub sems dpa'i gtong ba dang / gtong ba las kyang shin tu gtong ba/ shin tu dka' ba de mthong ba dang / mchog tu ngo mtshar skyes so// nam mkha'i ngos na gnas pa'i lha brgyad stong rnams kyis kyang co'i sgra bton to/ / de ma thag tu'ang skar mda' ltung ba dang / phyogs 'bar ba dang / bar snang gi lha yang rnga brdung bar gyur to// de nas bram ze'i khye'u de rgyal po 'gyod par ma gyur grang snyam nas/ byang chub sems dpa' la mngon par bstod de/ bde legs su gyur cig ces smras nas/ btsun mo rgyal ba'i 'od khyer te/ rings pa rings par bsti gnas su song ste mkhan po la byin pa dang / btsun mo rgyal ba'i 'od nya chu las bton pa bzhin du sdug pa dang bral ba'i sdug bsngal drag pos gdungs shing nyam thag pa dang / byang chub sems dpa' nyid la mngon par sems shing 'gro ba thams cad mun pa mun nag tu gyur pa bzhin du shes shing / kyi hung rgyal po zhes mchog tu gdung ba'i sems dang zas bcad pa la zhugs so/ / sa g.yos pa des brgya byin gyi gnas g.yos par gyur to// chos nyid kyis lha rnams kyi shes pa 'og tu mthong ba 'jug go// gong du ni ma yin no// de nas lha'i dbang po brgya byin gyis bsams pa/ shin tu grags par sa g.yos pa// mtshan ma ni su'i mthu yin// gang gi mthu ni ci 'dra ba// shin tu gsal bar 'di shes bya// 'dzam bu gling thams cad la blta bar brtsams pa dang / ji tsam na byang chub sems dpa' 'di lta bu mchog tu dka' ba'i las byed pa mthong ngo // mthong nas kyang mchog tu ngo mtshar skyes te/ sum cu rtsa gsum gyi lha rnams la smras pa/ grogs po dag khyed cag rnams rgyal po dpal gyi snga'i ngo mtshar dang rmad du byung ba'i las la ltos/ gang zhig 'di ltar sdug pa dang / 'di ltar yid du 'ong ba dang / 'di ltar 'phangs pa'i chung ma la mi sems te/ rtsa bzhin du yongs su gtong ngo // grogs po dag rnam grangs des kyang 'di ltar shes par bya ste/ bdag nyid chen po 'di rang gi yan lag dang nying lag rnams kyang 'phangs pa med par gtong ba yin no/ / lha rnams kyis smras pa/ ko'u shi ka bu dang bu mo ni de bas yongs su gtong bar byed kyi/ 'di lnga ste/ yan lag dang nying lag ster ba 'di ni dad par bya ba yin te/ shin tu dka' 'o// de skad ces smras pa dang / lha'i dbang po brgya byin gyis smras pa/ grogs po dag zhog zhog/ sra'i rtse mo chu'i thigs pas rgya mtsho ma gzhal cig/ nam mkha' 'dom gyis ma gzhal cig/ nyi ma dang srin bu me khyer 'od ma mnyam cig/ ri'i rgyal po ri rab dang yungs 'brur ma snyom zhig/ gzhan yang ngas khyed cag rnams kyi mngon sum du bu yis/ de nas lha'i dbang po brgya byin gyis de nyid kyi nam nangs pa na sum cu rtsa gsum gyi lha rnams la smras pa/ kye ma'o grogs po dag shes par gyis shig ces smras te/ nang par nyid langs nas/ lha'i bu bzhi dang sum cu rtsa gsum gyi gnas las babs te/ grong khyer a ri shA dang ha cang mi ring ba'i nags tshang tshing du zhugs nas/ bram ze chen po'i cha byung du byas te/ rang gi lus kyi lte ba man chad srog les bcang ba bzhin ston cing / kun nas khrag 'dzag pa khri la bskyon nas/ lha'i bu bzhi bram ze'i cha byad 'dzin pas pha dang bral ba'i sdug bsngal gyis nyam thag pa ltar nyam thag pa'i nga ros cho nges 'debs shing bteg par mngon par sprul te/ nga'i lus 'di'i phyed sdug gis bcad de zos so zhes 'di ltar bstan par bya'o snyam nas yid la bsams pa/ nyi ma shar ba'i dus su nags tshang tshing de nas byung ste/ grong khyer du mngon par phyogs nas kun tu chags so/ / khrag gi dri de la'ang steng nas khwa dang / chu skyar dang / bya rgod rnams rjes su 'brang ngo // 'og nas kyang khyi dang wa rnams rjes su 'brang bzhin du rings pa rings par grong khyer gyi sgor song ngo / / de'ang 'di ltar snying rje'i gnas su gyur pa/ skyes pa dang bud med rnams kyis mthong nas snying rjes gdungs pa'i yid kyis gcig la gcig smra ba/ grogs po dag bram ze 'di rked pa chad nas 'di'i dbang po'ang 'khrugs pa ji ltar 'tsho bar gyur/ gzhan zhig gis smras pa/ 'di mi ma yin gyi/ sha za mi'i cha byad kyis bdag cag bza' ba'i phyir 'dir 'ongs kyi/ mi rked pa chad pa ni 'tsho ba med do// de skad ces thos pa dang / skyes bu sngar ma ni 'jigs pas bros par brtsams so// skyes bu dpa' bo gzhan zhig 'di snyam du 'di ni sha za zhig ste/ de lta yang tshor bas med nyen bzhin du 'di ltar dbang po rnams bde bar snang na de ji lta bu yin/ bdag gis 'di la mi ma yin nam sha zar gyur pa yin dri bar byas na 'dis tshig thon par dga' mod kyi/ gal te tshig thon na ngo mtshar du 'gyur ro// ji tsam na gzhan zhig lhad mo skyes nas smras pa/ bram ze khyod ci mi yin nam/ 'on te sha za yin/ khyod kyi lus 'di rked par sus bcad na gnas skabs 'di lta bur byas/ khyod ni ga las 'ongs/ de nas lha'i dbang po brgya byin gyi bdag nyid 'di ltar khri'i steng du 'dug cing sdug bsngal drag po'i tshor bas nyen pa bzhin du nye bar ston cing / de'i tshe tshigs su bcad pa 'di dag smras so// shi bi ba khyod ma 'jigs shig/ bram ze nga yin srin po min// sngon gyi las kyi nyes pa yis/ gnas skabs 'di 'dra thob par gyur// 'di nyid du ni kun bshad na// dus ni kun tu 'da' bar 'gyur/ / 'chi bdag myur du 'ongs nas ni// srog ni 'phrog par 'gyur du 'ong // chos kyi rgyal po'i spyan sngar ni// 'di dag kun kyang bshad par bya// sngon gyi las kyi mtshan nyid ni/ / di ring nga la 'bras bcas gyur// yon tan kun gyis rnam mdzes la// zla ba lta bur zhi ba dang // sbyin dang tshul khrims la dga' ba'i// gtso bo gang du mthong bar 'gyur// rgya mtsho bzhin du zab gyur cig/ ri rab lta bur mi g.yo ba// 'jig rten kun gyi gtsor gyur pa// chos kyi rgyal po gang na bzhugs// 'jigs shing skrag pa rnams kyi skyabs// slong ba rnams kyi bgrod bya'i mchog/ snyan smra sbyin dang tshul khrims ldan// bdag nyid che de gang na bzhugs// bdag 'dun 'chi ba nyer 'ong shig/ shib pa rnams myur du spros// thugs rje can de ma gtogs par/ / nga la lus phyed su zhig ster// de ltar rgyal po'i lam nas snying rje ba dang / dman pa dang / zhum pa'i tshig smra zhing rim gyis rgyal po dpal gyi sde'i pho brang sgor song ba dang / srog chags brgya stong du ma rnams kyang ngo mtshar skyes nas rjes bzhin 'brangs so/ / yang bar skabs der lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po'i tshogs rnams kyis nga rgyal po dpal gyi sde'i phyis 'byung ba'i rgud pa chen po de dang / lus kyi tshor ba drag po de shes nas/ sdug bsngal drag po sa gdungs te/ cho ngos 'debs pa la zhugs so// kyi hung rgyal po dpal gyi sde byams pa'i bdag nyid can/ snying rje dang ldan pa/ sems can la mnyes gshin pa/ mi rtag pa nyid kyi stobs nye bar gnas pa ni sdug bsngal lo/ / de thos pa dang / skye bo'i tshogs rnams smre sngags 'don par gyur to// yang de'i tshe 'dzam bu'i gling thams cad 'khrugs shing / kun tu 'khrugs par gyur pa dang / du bas mun par gyur pa la skar mda' ltub ba dang / phyogs bsreg pa dang bar snang la lha rnams rnga brdung bar yang gyur to// yang de'i tshe ri la gnas pa'i drang srong des btsun mo rgyal ba'i 'od 'di ltar khyo dang bral ba'i gdung bas dbugs shin tu ring por 'byin cing zas mi za la/ 'du shes med par mthong nas snying rjes sems 'dar nas bsams pa/ ma la ngas rgyal po dpal gyi sde la dbul bar bya'o/ snyam nas/ btsun mo rgyal ba'i 'od dbugs phyung ngo // 'dzam bu'i gling thams cad 'khrugs shing / kun du 'khrugs par yang mthong ngo // mthong nas kyang yang bram ze'i khye'u la smras pa/ bram ze'i bu 'di ltar 'dzam bu'i gling 'di phyogs thams cad du bas mun par gyur la/ 'khrugs shing kun tu 'khrugs pa dang / nyi ma dang zla ba gnyis kyang lam me ma yin/ ljang nge ma yin ldan ne ma yin pas nges par na 'dzam bu'i gling 'dir yun mi ring ba nyid du skyes bu chen po 'ga' zhig 'gag par 'gyur ro/ / de na de'i tshe drang srong des tshigs su bcang de smras pa/ mi 'am ci yi tshogs dang nags kyi lha rnams du// nam mkhar gnas pa'i lha rnams kyang ni smon par byed// zla ba 'od med nyi mas mun pa sel mi byed// de ring rol mo brdungs na sgra mi grags par 'gyur/ / shing tshogs me tog 'bras bur ldan pa 'di dag kyang / rlung gis bskyod pa bzhin du sa la lhung 'gyur la// ji lta 'jigs shing rtsub pa'i sgra kun grags pas na/ / grong khyer dag tu sdug bsngal mi bzang 'byung bar gsal// grong khyer a ri shwA na gnas dga'i skye bo 'di kun shin tu sdug bsngal zhing / phan tshun so sor mya ngan zug rngus nges bcom smra rnams rab tu grol ba bzhin/ / zla ba lta bu'i bzhin ldan bud med 'di dag khang pa'i mchog na smre sngags 'don// 'di na mi dag drag pos rab tu du// de dang der ni dur khrod 'jig bzhin no/ / nam mkha' gnas pa'i sprin 'di chu med par sgra sgrogs// sa la gnas pa'i chu rnams kyang ni bskams par gyur// rma bya rnams kyang nags kyis bcom bzhin sgra bsgrags te/ / mi rnams kyang ni 'khrugs bcas khyim du rnam par rgyu// chu la rlung gis bskyod pas gru bzhin sa rnams g.yos// phyag dar dang 'dres rlung ni mkha' la rab tu lding // a ri sh+ma ni 'jigs skyed mtshan ma mnga' bas ni/ / bram ze'i khye'u 'di las rjes su 'thun yul du deng // bkra mi shis pa'i mtshan ma ni// de ltar 'di na rnam mang ste// de bas bdag ca/ shis pa yin// phyogs su 'gro ba shin tu rigs// bram ze'i khye'u rnam gzhan yang ji ltar shing 'di dag thams cad rgyal po'i pho brang a ri sh+ma ka la ba der 'dud par gyur/ de bas na kye ma bram ze'i khye'u rnams nges par de nyid rgyal po'i pho brang a ri shwar nye bar 'tshe ba dang / gnod pa'i 'jigs pa chen po 'byung bar 'gyur ro// de nas byang chub sems dpa' steng gi khang bzangs gzhi/ la gnas pas skye bo'i tshogs chen po'i cho de'i sgra thos pa dang / rings pa rings par rin po che yis byas pa'i khang bzangs las babs nas/ seng ge'i khri chen po la 'dug ste/ shinatu rtabs bag gis shes ldan dag 'di ci yin 'di ci yin zhes dris so/ / bar skabs der lha'i dbang po brgya byin lha'i bu bzhi po de rnams kyis 'phral du rgyal po'i khab tu khyer te/ mod la khri/ sa'i steng du bzhag pa dang / khri la bskyon pa lus kyi phyed bcad pa de las khrag kun nas 'dzag cing rab tu 'dzin pa dang / lag pa g.yas pa brkyang ste/ snying rje rje skad du byang chub sems dpa' rgyal ba dang tshe spel ba byas nas/ mchi mas khengs pa'i mig dang / rang gi lus kyi phyed nye bar ston cing / byang chub sems dpa' la smras pa/ 'jig rten na khyod snying rje can/ gzhan gyi sdug bsngal gyis sdug bsngal// nyid kyi sku yi phyed stsal bas// gtso bo bdag ni bskyab tu gsol// de skad ces thos pa dang / blon po chen po'i mchog blo gros chen pos smras pa/ lha 'di mi ma lags kyi/ sha za 'am sha zas byin gyis brlabs par gyur pa zhig ste/ mi ni rked par bcad pa 'tsho zhing sngon ji ltar gnas pa bzhin du tshig tu smra ba ni mi srid do/ / de skad ces smras pa dang // lha'i dbang po brgya byin gyis smras pa/ shi pi pa khyed cag rnams ma 'jigs shig/ nga ni sha za ma yin gyi/ gzhan du na nga ni/ bram ze yin mod kyi/ dbul bas/ bdag gis bu dang chung ma bzhag ste/ nor gyi bsam pas rgyal po dpal gyi sde'i thad du chas nas/ rim gyis song ba na/ rgyal po'i pho brang 'dir nyi ma nub pa ni phyin pa dang / grong khyer gyi sgo rnams bcad par gyur to// de nas grong khyer dang ha cang mi ring ba na bsod nams khang yod par bdag song ste/ nub mo gnas pa na lam gyis drub pas gnyid thug mos non pa dang / sngon gyi las kyi nyes pas nub mo gcan gzan stag 'ongs nas bdag gi lus kyi phyed sog le lta bu'i mche ba shin tu rnon pos bcad nas khyer te song ngo // der bdag tshor ba drag pos kun tu bcom pas gnyid sad pa dang / ji tsam na bdag gi lus kyi smad phyed po stag gis sog les dras pa ltar bcad pas bdag tshor ba drag pos kun tu bcom yang sngon byas pa'i mi dge ba'i las rnams kyis kun tu bzung bas/ shrI bar ni ma gyur gyi// gcig tu sdug bsngal ba dang / gcig tu grag pa dang / gcig tu rtsub pa dang / gcig tu na pa dang / gcig tu yid du mi 'ong ba'i tshor ba rnams myong zhing nyam thag pa'i nga ros sme bar gyur te/ bdag de ltar nyam thag pa'i smre sngags thos pa dang / nam mkha'i dkyil na gnas pa'i lha/ gzhan dag gis/ bdag dbugs byung ba'i phyir smras pa/ ma 'jigs ma 'jigs bram ze'i mchog/ khyod ni tshe ni ring bar mthong // a ri shwa ra ni myur song na// khyod ni legs pa/ dag tu 'gyur// de na kun ster rgyal po ni// dpal gyi sde zhes rnam grags pa// de yi lus kyi byed bslang na// de ni nges par khyod la ster// zhes smras nas/ lha mo de nyid du mi snang bar gyur to/ / de nas bdag gis lha mo'i tshig thos pa dang / 'tsho bar re ba kun tu skyes te/ tsha ba'ang chung bar gyur to// de na bdag gis lus kyi phyed ro smad pas langs kyang ma nus na/ 'gro bar lta ga la nus snyam nas yang yi mug par gyur pa dang / stes dbang gis nyi ma shar ba'i tshe gnyen 'di bzhi 'ongs par gyur to// 'di dag gis kyang nyam nga bar zhugs pa mthong ba dang / 'di 'chi ba nyid do snyam nas ngu bar gyur to// de nas bdag gis de rnams la dbugs dbyung ba'i phyir lha mo'i tshig rgyas par smras so// de nas bdag 'di rnams kyis khril bskyon te 'dir khyer te 'ongs so/ / de skad ces smras nas lha'i dbang po brgya byin gdong mchi ma'i rlabs kyis gang ba lta bur bdag nyid nye bar ston cing / byang chub sems dpa' la smras pa/ rgyal po chen po/ bdag ni dbul zhing na ba dang // rgan pa dang ni bram ze nyid// rang gi sku byed stsal ba yis// rnyed dka' srog ni sbrul du gsol/ / bdag gi srog ni sgrub byed pa'i// sbyin pa thugs rjes stsal du gso la// don gyi mchog phyis sbyin pa ni// sku phyed sbyin par srul du gsol// nyid kyi sku yi phyed skul bas/ / bsod nams rgya mtsho ltar rgya che// de bzhin mkha' ltar mtha' med pa'i// bsod nams khyod kyis thob par 'gyur// bdag gi tshor ba drag po dang // bkres skom mi bzad la gzigs nas/ / mchog tu thugs rje mdzad nas ni// sku yi phyed ni bdag la gsol// byang chub sems dpa' dge khyod chos la gnas// thams cad mkhyen pa nyid du mnyam bzhed na/ / bdag la sru phyeng 'di stsol de ring ni// shin tu rnyed dka'i srog ni thob par mdzad// rgyal po chen po'i sku yi phyed// shin tu gtang dka' bdag stsol la// chos dang de bzhin grags pa yi// 'gro ba kun la khyab par mdzad// de nas tshig 'di thos pa dang / byang chub sems dpa' sngon goms pa'i dge ba'i rtsa ba'i bag chags blo la bgos pas/ snying rjes sems 'dar zhing slong ba de dbugs dbyung ba'i phyir smras pa/ bram ze chen po ma 'jigs shig/ da ring po mi thogs par lus 'di rdzogs par 'gyur ba dang / yid la re ba yongs su rdzogs par 'gyur gyis/ g.yo med pa'i sems kyis khyod la lus kyi phyed sbyin par bya'o zhes smras nas/ byang chub sems dpa' yid rab tu dga' ba dang / tshigs su bcad de smras pa/ kye ma rang gi lus spong ba/ yun mi ring bar blta bar bya// nga yi yan lag btang ba ni// dka' bar 'gyur ba ma yin no// ji ltar yab kyi bu cig nga yin yang / de lta na yang nga yi lus 'di khyer// lus ni byin pas byang chub rnyed gyur cing // 'gro 'di shin tu sdug bsngal las grol shog/ de nas byang chub sems dpa' brgya byin bram ze'i cha byang 'dzin pa rnams 'di lta bu'i tshig smra ba thos pa dang / yid rab tu mgu zhing dga' bas mig gdangs bzhin du bram ze de la smras pa/ bram ze lus 'di'i phyed legs par byin gyis/ bar chad med par legs par longs shig ces smras nas/ 'khor de dag thams cad la bltas te skyes bu gzhan zhig la smras pa/ kye skyes bu khyod rings par song la/ sog le shin turno ba khyer shog cig/ de nas skyes bu de brgya byin gyis kun tu rmongs par byas pas/ shin tu rings la rings par sog le nye bar khur te 'ongs nas smras pa/ lha sog le 'tshal te mchis so/ / de nas byang chub sems dpa' rings par blon po la smras pa/ khyed cag rnams kyis ji srid du bram ze 'di 'chi bdag gis 'jig rten pha rol tu mkhyer ba de srid du nga'i ro smad sog les myur du chod cig dang / ngas bram ze 'di la sbyin par bya'o// de nas byang chub sems dpa' mchog tu mi bzad pa'i tshig smras pa thos pa dang rdo rje lhung bas kun tu skrag pa bzhin du grong khyer na gnas pa'i skye bo'i tshogs thams cad yi mug par gyur te/ sdug bsngal lo sdug bsngal lo zhes gsang mthon pos ngu bar gyur to// de nas blon po chen po blo gros chen po zug rngus ga nang du bsnun pa bzhin du sdug bsngal drag pos nyam thag ste/ byang chub sems dpa' nyid kyi sku la chags pa med par yongs su gtang ngo snyam bsams nas/ gdong la mchi ma char lngar bab pa dang / rkang pa gnyis la btud de/ byang chub sems dpa' bzlog pa'i phyir smras pa/ lha 'di mi srid de/ 'di lta ste/ lus sog les bcad pa'i lus ni nges par gyur te/ 'chi na lus su mi rung ba'i ror gyur la/ lus su mi rung bas ni/ bram ze la'ang byas pa don ma mchis par 'gyur ro// gang gzhan gyi yan lag bcad pa/ gzhan gyi yan lag la 'byor par gyur pa 'di'ang gnas ma mchis so// de lta na ni lha'i ngal ba'ang don ma mchis par 'gyur ro// de bas na bzod par mdzod la bdag nyid don ma mchis par gsod par mi mdzad cing / nyid kyi srog yongs su mi gtong bar gsol/ de nas byang chub sems dpa' blon po chen po blo gros chen po dbugs dbyung ba'i phyir smras pa/ blo gros chen po zhog zhog/ ngas nam zhig bla na med pa yang dag par rdzogs pa'i byang chub thob nas 'khor bar rgyu ba'i sems can bsgral bar bya'o zhes yid la re ba 'di la nga'i byang chub kyi bar chud ma byed cig/ bu dag gzhan yang shin tu yun ring po sdug pa dang yang dag par 'dus par gyur pa'ang nges par 'bral ba'i mtha' can du 'gyur ba 'di ni 'jig rten gyi rang bzhin yin no zhes smras nas/ byang chub sems dpa' sog le la bltas te/ sog le 'dis nga'i bla na med pa yang dag par rdzogs pa'i byang chub tshogs kyi phyogs gcig tu 'gyur ro zhes rjes su sems shing / yang blon po la smras pa/ ji srid du bram ze 'di srog bral bar ma gyur kyi bar du khyod kyis nga'i lus kyi phyed ro smad myur du chod cig/ bram ze 'di shi na nga'i bsam pa 'bras bu med par 'gyur ro// de ltar blon po blo gros chen pos byang chub sems dpa'i de lta bu'i rang gi lus yongs su gtong ba'i bsam pa shes nas de mchi ma char bzhin du bab pa'i gdong dang / byang chub sems dpa'i rkang pa nas bzung ste/ gdong gi mchus 'o byas nas/ snying rje rje skad du smre sngags 'don par gyur te/ kyi hud da ji ltar na 'dzam bu'i gling yongs su sbyong ba mdzad pa/ snying rje che ba/ yon tan du ma dang ldan pa/ sems can thams cad la mnyes gshin pa'i// lha la de ring nyid du mi rtag pa nyid kyi stobs nye bar gnas par gyur/ kye ma'o mi rtag pa nyid kyi stobs dang ldan pa'o// gang 'jig rten du lha yang mthong ba'i skyes bu de rnams ni skal ba can yin no zhes byang chub sems dpa'i gdong la shin tu yun ring du mig mi 'dzums par bltas nas/ lha'i mi rtag pa nyid la blta mi nus so zhes bsams nas/ skad cig de nyid la mig btsums nas brgyal nas sa'i steng du 'gyel bar gyur to/ / de nas byang chub sems dpa' skyes bu shing mkhan gnyis shig la smras pa/ bzhin bzangs dag 'dir nga'i sbyin pa'i pha/ rol tu phyin pa yongs su rdzogs pa'i grogs bya ba'i phyir khyed cag gnyis kyis sog le thogs te/ nga'i lus kyi phyed ro smad myur du chod cig/ bram ze'i yid la re ba yongs su rdzogs par bya'o/ / nga'i byang chub rnyed pa'i yid la re ba yongs su rdzogs par 'gyur ro// de nas shing mkhan de gnyis yul rmus pa lta bu'i mchi ma'i gdong can gyis byang chub sems dpa'i rkang pa la gtugs te smras pa/ lha 'di skad gsung ba ni rigs pa ma lags te/ de ci'i phyir zhe na/ gal te gzhan 'ga' zhig lha'i thugs su mi byon pa bgyid na/ de la'ang bdag cag gis bzlog par bgyi ba lags na/ lha nyid kyi sku la mtshon gyis 'debs par ji ltar rngo thogs/ lha gzhan yang gal te bdag cag gnyis kyis thugs rje che ba byams pa'i bdag nyid can sems can thams cad la mnyes gshin pa/ 'dzam bu'i gling yongs su sbyong bar mdzad pa/ khyod kyi sku la sog les gcod par bgyid na nges par 'phral du rang gi las kyis dmyal bar lhung bar 'gyur ro/ / byang chub sems dpas smras pa/ bu dag nga'i byang chub sems dpa'i bzod pa'i bdud rtsi tha ma'i bar chad khyed cag ma byed cig/ de bas tshur shog/ ji srid du bram ze 'di gson pa de srid du nga'i byang chub la grogs bya ba'i phyir/ myur du nga'i lus kyi phyed ro smad chod cig/ de nas lha'i dbang po brgya byin gyis skyes bu shing mkhan gnyis ji ltar de la kun tu 'jug par 'gyur ba de ltar byin gyis brlabs so/ / yang bar skabs der srog chags brgya stong du ma 'dus pa rnams dang / nam mkha'i ngos na lha brgya stong du ma rnams byang chub sems dpa' de'i shin tu dka' ba dang / ba spu ldang ba'i las de lta bar 'dod nas 'dus par gyur to// de nas byang chub sems dpa' mchog tu dka' ba'i rang gi lus yongs su gtong bar 'dod nas slong ba de la byams pas khyab par byas te/ 'phral du seng ge'i khri las babs so// dge slong dag byang chub sems dpa' dpal gyi sde seng ge'i khri las babs pa'i rjes thogs nyid la/ 'dzam bu'i gling thams cad kyi gdugs dang / rgyal mtshan dang / ba dan de dag thams cad rgyal po'i pho brang a ri shwA ga la ba der 'dud par gyur to/ / rgyal po'i pho brang grong khyer a ri shA'i phyogs bzhir skar mnga' lhung ba dang / grong khyer na gnas pa'i skye bo'i tshogs kyis byang chub sems dpa' dang brel ba'i nyam thag pas sgra bsgrags pas/ bram ze sdig pa can 'dis rgyal po dpal gyi sde gsod par 'gyur gyis/ grong khyer 'di nas phyir phyung zhig/ de nas lha'i dbang po brgya byin gyis ji ltar sgra sus kyang ma thos pa de ltar byin gyis brlabs shing skye bo'i tshogs de rmongs par byas so// bar snang dang sa la rgyu ba'i gnod sbyin rnams byang chub sems dpa' rang gi lus la ltos pa med par shes nas sdug bsngal drag po rnams kyis gdungs nas nyam thag pa'i nga ros cho nges 'debs par brtsams te/ kyi hud rgyal po dpal gyi sde 'dzam bu'i gling yongs su skyong bar byed pa/ sems can la thugs brtse ba/ thams cad nas thams cad du lus gtong bar gyur to// de nas yang pho brang gi nang na gnas pa'i lha zhig byang chub sems dpa' de lta bu'i rang gi lus yongs su gtong bar shes nas cho nges 'debs par rtsom zhing 'di skad ces kyang smras so/ / ji lta da ltar 'di lta bu'i slong mo pa 'ongs nas rgyal po dpal gyi sde yon tan du ma dang ldan pa/ thams cad nas thams cad du mi 'tsho bar gyur/ de nas byang chub sems dpas sa phyogs bzhir bltas te yang dag pa'i smon lam 'debs pa la zhugs pa/ gang grong khyer 'di na gnas pa'i lha dang / klu dang / gnod sbyin dang / mi 'am ci rnams bdag la gson cig/ bdag 'dir gtong bar byed de/ gtong ba shin tu gtong ba dang / rang gi lus yongs su gtong bar byed kyis/ bdag gi lus yongs su gtong ba de'ang rgyal po'i phyir ma yin/ mtho rigs kyi phyir/ ma yin/ brgya byin gyi phyir ma yin/ tshangs pa'i phyir ma yin/ 'khor los sgyur ba'i rgyal po'i phyir ma yin gyi/ gzhan du na bdag gis ci nas bla na med pa yang dag par rdzogs pa'i byang chub mngon par sangs rgyas nas/ sems can ma sgral ba rnams bsgral bar bya ba dang / ma grol ba rnams dgrol bar bya ba dang / dbugs ma phyin pa rnams dbugs dbyung bar bya ba dang / yongs su mya ngan las ma 'das pa rnams yongs su mya ngan las bzla ba'i bden pa dang / bden pa'i tshig 'dis ngal ba 'bras bu dang bcas par gyur cig/ bdag mngon par byang chub nas kyang mtshan ma cung zad cig byung bar gyur cig ces smras te bram ze de la smras pa/ nges pa khyod kyi kun tu rtog pa 'byor par gyur cig/ khyod kyi yid la re ba yongs su rdzogs par gyur cig/ nga'i bla na med pa'i byang chub yongs su rdzogs par gyur cig/ de nas byang chub sems dpa' nye du'i skye bo rnams dang / grong khyer pa'i skye bo rnams la bzod par byas shing / dman pa dang nad pa rnams dbugs phyung nas/ skyes bu shing mkhan de gnyis la smras pa/ bzhin bzang dag tshur shog ji srid du bram ze 'di dus ma byas kyi bar du sog les zung la nga'i lus lte ba yan chad chod cig/ 'gro ba sdug bsngal gyis zin pa 'di dag thams cad kyang ngas yongs su bskyab par bya'o zhes byams pas khyab pa sa na/ skyes bu gcig gis rgyab nas brten te/ 'phral du rkang pa gnyis sa la brkyang nas gan rgyal du phab po// dge slong dag byang chub sems dpa' phab ma thag yang sa chen po rnam pa drug tu g.yos par gyur to/ / de nas btsun mo'o bud med rnams kyis de lta bu'i gtam thos nas/ mya ngan drag po sa gdungs te/ kyi hud 'di ni sdug bsngal lo zhes gdong las mchi ma char bzhin du 'bab cing sgra rnams bkrol te brang rdung zhing rtabs bag tu byang chub sems dpa' gang na ba der song ste phyin nas/ lha mo lta bu sdug pa dang bral nas rtabs bag tu byang chub sems dpa'i rkang pa la gtugs nas snying rje rje skad du smre sngags 'don par rtsom pa kyi hung 'dzam bu'i gling / yongs su skyosbyong bar mdzad pa dang / sems can thams cad la mnyes gshin pa/ snying rje che ba/ yon tan du ma dang ldan pa'i lha la deng nyid du mi rtag pa nyid kyi stobs nye bar gnas pa ni sdug bsngal lo/ / deng 'dir bdag cag lha dang lhan cig pa las tha dad par gyur te/ so so ba dang bye ba dang bral bar gyur to// 'di skad ces kyang smras te/ lnga bzod par mdzod cig/ nyid kyi srog med par mdzad pa 'dzam bu'i gling na gnas pa'i skye bo'i tshogs thams cad mgon med par mi mdzad du gsol/ lha btsun mo'i 'khor rnams dang / mdzod dang / bang ba rin po che sna tshogs kyis rgyas shing yongs su gang ba la gzigs su gsol/ 'dzam bu'i gling gi skye bo'i tshogs rtag tu rab tu dga' ba/ rnam pa sna tshogs pa la'ang gzigs su gsol/ lha rnams kyi dga' ba'i tshal gyi skyed mos tshal lta bu'i grong khyer a ri shA bzang ba mang po phun sum tshogs par skye bo rab tu dga' ba rnams sten pa la 'a gzigs su gsol/ mgon po khyod kyis rnam kun tu// sras ltar yongs su skyabs pa rnams// khyod bral me yis nges gdungs nas// lus can ji ltar gnas par 'gyur// khyod dang bral na bdag cag kun// shin tu 'chi bdag dbang du 'gro// mgon po khyod dang rnam bral na// bdag cag 'tsho bar mi nus so// btsun mo'i mya ngan gdungs pa dang // sems can gcig tu sdug bsngal na// thugs rjer ldan pa'i thugs rje yis// mi dbang de ni gzigs su gsol// sems can rnams la mnyes gshin lha/ / bzod mdzod srog ni mi gtang gsol// mgon po dpa' bo khyod gshegs na// su zhig 'jig rten skyong bar 'gyur// de nas byang chub sems dpa' de rnam kyi snying rje rje skad du de ltar smre sngags 'don pa thos pa dang / snying rjes gdungs pa'i yid kyis de rnams dbugs dbyung ba'i phyir smras pa/ khyed cag rnams kyi mya ngan gyi mchog gi shin tu yun ring por sdug pa dang phrad par 'gyur ba'ang / nges par tha mar 'bral ba'i mtha' nyid du gyur pa 'di ni 'jig rten gyi rang bzhin yin te/ khyed cag rnams kyang rtag tu dge ba'i chos rnams la bag yod par gyis shig ces smras nas/ shing mkhan gnyis la 'di skad ces smras so// bzhin bzangs dag rings par shog la/ lus yun ring por mi thogs par chod cig ces smras pa tsam gyis de gnyis kyang brgya byin gyis kun tu rmongs par byas pas/ byang chub sems dpa'i lus lte ba man chad 'phral du sog les btab ste/ ring por mi thogs par chod par gyur to/ / de nas blon po blo gros chen pos byang chub sems dpa'i shin tu bzod dka' ba'i sdug bsngal mi bzad pa drag pos mya ngan drag pos kun tu skrag pa'i yid kyis rtabs ngag tu shing mkhan gnyis bzlog cing 'di skad ces smras so/ / kyi hud kyi hud khyod gnyis kyi rtsol ba 'di ci zhig 'di ci zhig/ 'di ltar khyed cag gnyis kyis byams pa'i bdag nyid can/ sems can thams cad kyang mnyes gshin pa/ yon tan du ma dang ldan pa/ 'dzam bu'i gling yongs su skyong ba/ skyon med pa/ gnod pa mi byed pa ji ltar gsod/ mi gti mug can khyed cag 'di lta bu'i chos kyi rgyal po ji ltar gsod par spro/ khyed cag gnyis sa chen po'i lha mo 'dis ji ltar 'jog/ khyed cag gnyis lha dang / klu dang / gnod sbyin dang / lha ma yin dang / dri za dang / nam mkha' lding dang / mi 'am ci dang / lto 'phye chen po rnams kyis rdo rje rtse gcig pa dang 'khor lo dang / mda' bo che dang / mtshon rtse gcig pa la sogs pa'i mtshon rnams ji ltar ma bsnun khyed cag gnyis 'di lta bu'i 'phags pa ma yin pa'i las byed na// lus rnam pa stong du ji ltar ma lhags/ khyed cag gnyis rang gi lus kyis 'phral du dmyal bar ji ltar ma lhung / mi gti mug can khyed gnyis bdag nyid chen po 'dis bu bzhin ma bskyangs sam/ zhes 'di dang gzhan yang rnam pa mang po smras nas/ kyi hung lha zhes blon po blo gros chen po rings par stan las langs te/ lag pa gnyis kyis sog le bzung nas/ byang chub sems dpa'i lus la mchi ma 'dzag par brlan par byas te zlog par byed do// de nas byang chub sems dpa' zhum pa'i yid de la dbugs dbyung ba'i phyir smras pa/ bu zhog zhog/ mya ngan ma byed cig/ sdug pa dang / 'phangs pa dang / yid du 'ong ba dang / mngon par dga' ba thams cad nges par tha dad par gyur te/ so so ba dang bye ba dang 'bral bar 'gyur ro/ / gzhan yang bu/ bsags pa kun gyi mtha' zad cing // bslang ba'i mtha' ni 'gyel bar 'gyur// phrad pa'i mtha' ni 'bral ba ste// gson/ pa'i mtha' ni 'chi ba yin// de'i phyir khyod lus slong ba la bar chad ma byed cig/ de ci'i phyir zhe na/ blo gros chen po sngon byung ba na nga'i lus slong ba na lha mo rnams kyis bar chad byas te/ de rnams kyis nga'i bar chad byas pas/ nga'i bla na med pa'i byang chub la bar chad byas la/ bdag nyid kyang bsod nams ma yin pa mang po skyes/ gal te nga'i lus slong ba la lha mo rnams kyis bar chad ma byas par gyur na ni/ yun ring po mi thogs par ngas bla na med pa yang dag par rdzogs pa'i byang chub thob par 'gyur ro// bu gzhan yang sa phyogs 'di nyid du stag mo zhig bkres pa'i sdug bsngal gyi tshor ba mang pos lus gdungs pas bu za 'dod pa mthong ba dang / mchog tu snying rje'i dbang du song ba'i yid kyis yongs su bskyab pa'i phyir de ma thag ce bdag nyid yongs su btang bas byang chub sems dpa' byams pa bskal pa bzhi bcur zhugs pa phyir lus pa byas so/ / gzhan yang blo gros chen po nga shi bi pa'i rgyal por gyur pa na ni yang bram ze rgan po zhig slong ba mthong ste/ snying rjes baspyod pa'i yid kyis slong ba'i yid la re ba yongs su rdzogs par bya ba'i phyir rang nyid kyi ut+pa la sngon po'i lo ma lta bu dri med pa shin tu mdzes pa sems can skye bo'i mig dang / yid 'phrog pa ma nyams pa'i mig gnyis 'phral du khrag dang bcas par phyung nas byin no// gzhan yang blo gros chen po yang nga rgyal po zla 'od du gyur pa na yang bram ze drag po'i mig mgo slong ba la/ mchog tu snying rjes bsgom pa'i yid lnga dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / grub pa dang / rig pa 'dzin pa'i tshogs rnams dang / lha brgya stong du ma rnams kyis bkag kyang ngas 'gro ba 'di dag mgon med par mthong nas/ bla na med pa yang dag par rdzogs pa'i byang chub mngon par rdzogs par byang chub ste/ sems can rnams 'khor ba'i 'brog dgon pa las thar bar bya/ snyam nas/ byams pas khyab par byas te/ ral gri nor bu dang / gser dang / dngul dang be DUR+Ya dang / rdo rje dang / in+d+ra nI la dang / margad kyis kun tu brgyan pa dang / ut+pal sngon po'i lo ma lta bu'i ral gris rang gi mgo rtswa bzhin du bcad cing bcad cing byin no// gzhan yang blo gros chen po yang nga shi bi pa'i rgyal por gyur pa na/ phug ron skyabs med pa zhig khras 'jigs shing skrag la/ sdug sasngal zhing bzhin rmongs pa/ skyabs med pa skyabs su 'ongs pa mthong ste/ mchog tu snying rjes 'dar ba'i yid kyis bya phug ron khra las yongs su bsrung zhing bslu ba'i phyir/ rang gis sha bcad cing bcad cing byin no// gzhan yang bla na med pa yang dag par rdzogs pa'i byang chub mngon par 'dod par bya ba'i phyir/ sa phyogs 'di nyid du rkang pa dang / lag pa dang / bu dang / chung ma stong phrag yongs su btang ba byas na'ang / sus kyang bar tshad ma byas so/ / de'i phyir 'di ltar rig par bya ste/ nga'i lus slong ba la khyod par chad ma byed cig/ de nas blon po chen po blo gros chen pos byang chub sems dpa'i rdzu 'phrul chen po skyes nas/ byang chub sems dpa' la dad pa chen po skyes te/ de nas cang mi smra bar gyur cing / mchi ma'i dba' rlabs kyis yang dang yang du gdong khebs bzhin du bsams ba/ kyi hung 'jig rten pa 'di dag ni skal ba ngan pa ste/ myur ba nyid du chos kyi rgyal po 'dis bor bar 'gyur ro// kyi hud chos kyi rgyal mtshan 'gyel bar 'gyur ro// chos kyi sgron ma shi bar 'gyur ro/ / chos kyi sgron ma mi snang bar 'gyur ro// chos kyi rnga chag par 'gyur ro// chos kyi rgya mtsho skams par 'gyur ro// chos kyi ri bo snyil bar 'gyur ro// chos kyi grong khyer choms par 'gyur ro// chos kyi gru zhig par 'gyur ro// chos kyi shing phyung ba na gyi zhud sdug bsngal lo// 'di ni 'jig rten kun gyi la// sems can rnanamA la phan byed pa/ / dus kyi 'khor los bcom nas ni// rgyal po chen po med par gyur// gang phyin mi bzad dus 'dir ni// rnam pa stong du mags pa// snying gi bdag nyid chen po ni/ / rdo rje chen po bzhin gyur tAm// shes pa'i dus ni kun tu 'das// mi bzad dus ni nye bar gnas// shes rab ldan ni mang po dang // 'jig rten dag kyang rlag par 'gyur/ / ji lta ji ltar 'thor gyur pa'i// sa yi mtshan ma du ma yis// nges par yun ni mi ring bar// rgyal po seng ge med par 'gyur// dri med mi yi nyi ma 'di// shin tu rnyed dka' de nub 'gyur// yun mi ring bar 'jig rten 'dir// mi snang ba ni 'byung bar 'gyur// sems can kun la phan pa yi// rgyal po chen po 'di med de// phyi nas 'jig rten mi snang na/ / su zhig 'jig rten skyong bar 'gyur// de nas lha'i dbang po brgya byin gyis ji lta ji ltar rmongs par byas pa de ltar mya ngan chung bar gyur nas/ sog les btab par gyur to/ / de nas byang chub sems dpas shing mkhan de gnyis la bzhin bzangs dag khyed cag gnyis kyis sog les myur du drongs la/ nga'i lus kyi phyed ro spa chod cig/ bram ze 'di shi bar gyur na/ nga'i ngal ba 'bras bu med par mi 'gyur grang / de nas shing mkhan de gnyis brgya byin gyis mthus kun tu rmongs pa/ nyam thag pa'i nga ros cho nges 'debs shing skye bo'i tshogs chen pos bkag bzhin du/ byang chub sems dpa' rang gi lus la sog les 'dra bar brtsams so// de nas byang chub sems dpa' byang chub yid la smon cing dga' ba'i yid kyis slong ba'i yid la re ba yongs su rdzogs par bya'o zhes bsams nas/ cang mi smra bar gnas so// de nas byang chub sems dpa'i lus kyi lte bar sog les bcad pa las khrag gi/ tshogs chen po babs par gyur to// de nas blon po chen po blo gros chen po 'di ltar sog las bcad pa tshor ba drag pos nyen pa'i khrag 'bab pa mthong ba dang / lha bkrongs pa ni sdug bsngal le zhes bsams nas/ re thag chad par gyur te/ 'phral du brgyal nas sa'i steng du 'gyel bar gyur te/ nam mkha'i dkyil 'khor na gnas pa'i lha dang / klu dang / gnod sbyin dang / dri za dang / lha ma yin dang / nam mkha'i lding dang / mi 'am ci dang / lto 'phye chen po'i tshogs rnams kyang mya ngan drag pos gdungs te ngu bar brtsams te/ de rnams kyi ngu ba'i mchi ma blags so// de nas skye bo'i tshogs chen pos 'di ci zhig yin snyam nas/ steng du lta bar brtsams pa dang / ji tsam na zhwa brgya stong du ma rnams ngu bar mthong ngo // de nas skye bo'i tshogs chen po shas cher mu/ ngan drag pos gdungs te/ byang chub sems dpa' gnas skabs 'di lta bur shin tu sdug bsngal bar mthong nas/ kyi hud lha bkrongs pa ni sdug bsngal lo zhes bsams nas kun tu rmongs par gyur to/ / de nas lha'i dbang po brgya byin de srog chags brgya stong du ma 'di rnams byang chub sems dpa'i mya ngan gyi gdungs pas shin tu snying rje zhing zhum pa mthong ba dang myur bar snying rje ba'i yid kyis bsams pa/ bdag nyid che ba/ sems can thams cad la mnyes gshin pa/ snying rje can/ thams cad ster ba 'di'i lus la 'di ltar tshor ba drag po'i las kun tu sbyor ba ni bzang po ma yin no/ / gzhan du na da ni ji ltar srog mi 'jig par gyur de ltar bya'o// de nas byang chub sems dpa' shing mkhan de gnyis kyis sog las drung cing / sog la rnon pos lus bcad pa'i tshor ba drag pos gdungs pa dang / brtan pa'i stobs dang ldan pas slong ba la byams pa'i sems skyes nas bsams pa/ ngas 'khor ba'i skyon gyi rang bzhin shes nas brtson 'grus sra zhing brtan pa dang ldan pas/ lus phyogs cig bcad pa 'di las/ 'di lta bu'i sdug bsngal skye na/ sems can sngar ma rnams phal cher dmyal bar skyes nas/ shin tu sdug bsngal ba'i tshor ba rnams kyis gdungs pa la smos kyang ci dgos/ de nas byang chub sems dpa' sems can thams cad la rjes su 'gro ba byams pa'i sems rnam par bzhag ste/ bla na med pa yang dag par rdzogs pa'i byang chub mngon par rdzogs par sangs rgyas nas/ sems can rnams 'di lta bu'i sdug bsngal las thar par bya'o zhes seng ge'i sgra bsgrags te/ sdug bsngal drag pos gdungs pa'i rang gi sems spro bar bya ba'i phyir smras pa/ 'jig rten sdug bsngal ltos la yid khyod skyon spangs te/ shin tu brtan pa rgya che bskyed pa nyid du gyis// 'gro ba skye rga na 'chi sdug bsngal gyis gdungs pa'i// 'di ni skyabs gyur yin gyis bzod/ nyid brtan par gyis gzhan yang kye/ sems can gang phyir 'gro kun 'khor ba yi// rgya mtsho las brgal rgyu yin gyis// de bas khyod ni gnod pa rnams// mi bzod pa ni rigs ma yin/ / de ltar rang gi sems yang dag par bzhag nas/ sems can thams cad rjes su 'gro ba'i snying rje nye bar bzhag ste bsams pa/ kye ma'o 'khor ba na gnas pa'i sems can gyi sdug bsngal ni kye ma mi 'azad pa yin/ 'khor ba'i sems can de rnams kyi don du/ 'khor ba'i sdug bsngal thams cad brnags par spro bar byas kyis/ sems can 'gas yang sdug bsngal ba'i skal ba can du ma gyur cig/ dge slong dag sems bskyed ma thag byang chub sems dpa'i lus bcad pa'i tshor ba 'bral du rgyun chad par gyur to// de nas byang chub sems dpas bsams pa/ ci'i phyir nga'i lus bcad pa'i tshor ba 'gags par 'gyur/ sog le 'ga' zhig gis bton par ma gyur grang snyam nas/ sog le de la bltas so// bltas nas kyang mchog tu yid mi bde bar gyur nas 'dar bar gyur to// de nas lha'i dbang po brgya byin gyis de'i bsam pa shes nas smras pa/ nyam chung ngan pa ji bzhin du// rgyal po ci'i phyir 'dar bar byed/ / bdag gi lus kyi phyed bcad na// sems ni mi 'dar ba la ltos// khyod ni thams cad ster ba zhes/ sa steng kun tu grags pa la// 'gyod par byed pa mi rigs te/ / khyod tshig brdzun du ma gyur tam// de nas byang chub sems dpas smras pa/ bram ze don de'i phyir lus 'drar ba ma yin la/ 'gyod par gyur pa 'ga' yang yod pa ma yin no/ / 'on kyang sog le 'dis nga'i lus kyi phyed smad tshabs cher zhugs kyang mchod pa dang / de la nga 'di snyam du sems te/ nga'i sbyin pa ma rdzogs par mi 'gyur grang / nga la slong ba'i yid la re ba'ang yongs su rdzogs par mi 'gyur zhes don de rjes su sems shing lus 'dar te/ sog les drag tu gcod par mi 'dod pa ma yin no// de la 'di skad ces smras pa dang / lha'i dbang po brgya byin mchog tu ngo mtshar skyes nas cang mi smra bar gnas so// bar skabs der mi de gnyis brgya byin gyis kun tu rmongs par byas pas/ de gnyis kyis sog lce rnon pos byang chub sems dpa'i lus kyi phyeng ro smad bcad ma thag tu sa'i steng du bzhag pa dang 'gul bar gyur to// de nas byang chub sems dpa' rang gi lus bcad pa'i sdug bsngal mi sems par rings pa nyid du skyes bu de gnyis la 'di skad ces smras so/ / bzhin bzangs dag khyed cag gnyis kyis myur du nga'i lus 'di rings par bram ze'i lus la sbyor cig/ de gnyis kyis kyang de bzhin du byas so// sbyar ba tsam gyis lha'i dbang po brgya byin gyis ji ltar skad cig ma de nyid la rma kun tu 'byor cing mnyam par gnas pa dang / mdog 'dra bar snang ba de ltar byin gyis brlabs/ de skad cig ma de la ston cing / yang byang chub sems dpa' dga' bar bya ba'i phyir lha'i dbang po brgya byin khri las langs te/ 'chag pa dang / langs pa dang / 'dug par gyur to// de nas byang chub sems dpa' de ltar slong ba po'i lus yongs su rdzogs shing yid la re ba yongs su rdzogs par mthong ba dang / mchog tu dga' bas kun tu rgyas pa'i yid kyis ngal ba 'bras bu dang bcas par gyur cing / yid la re ba yongs su rdzogs par gyur to snyam nas/ rab tu dga' ba'i yid kyis bsams pa ji ltar ngas bram ze 'di la rang gi lus byin te/ sdug pa'i srog gis bskyabs shing / 'chi ba'i 'jigs pa las yongs su bskyabs pa'i dge ba'i rtsa ba 'dis 'di ltar nga bla na med pa yang dag par rdzogs pa'i byang chub tu mngon par rdzogs par sangs rgyas nas/ bram ze 'di 'khor ba'i sdug bsngal las bslangs te/ shin tu mthar thug pa'i bde ba mya ngan las 'das pa la rab tu 'jog par gyur cig ces smras nas/ byang chub sems dpa' tshor ba drag pos gdungs pa dang / yid kyis byang chub tu smon pa byas nas mig btsums te/ brgyal bas gnas par gyur to/ / de nas lha'i dbang po brgya byin gyis de ma thugs rings pa rings par byang chub sems dpa'i lus la 'phral du stobs bskyed pa'ang 'tsho ba'i sman gyis yang dag par gsos so/ / dge slong dag de nas rgyal po dpal gyi sde'i lus kyi phyed bcad pa'i rjes thogs nyid la/ yang de'i tshe stong gsum gyi stong chen po'i 'jig rten gyi khams 'di lan rnam pa drug tu g.yos/ rab tu g.yos/ kun tu rab tu g.yos/ 'gul/ rab tu 'gul/ kun tu rab tu 'gul to// byang chub sems dpa' shin tu yongs su gtong ba nyid dang / rmad dra byung ba'i yongs su gtong ba nyid sa chen po 'dis ma theg pas sgra shin tu sgrogs te/ 'di lta ste/ 'khar ba'i snod chen po kun tu brdungs nas sgra 'byin pa bzhin du/ de'i tshe de'i dus na sa chen po 'di nyid shin tu sgra sgrogs par gyur to/ / ri dang / ri sul dang / chu bo dang / rgya mtsho'i tshogs rnams las kyang 'jigs pa'i sgra chen po byung bar gyur to/ / phyogs bzhi nas kyang 'jigs su rung ba'i du ba'i spri po byung bar gyur to// kun nas skar mnga' ltung ba dang / phyogs bsreg pa dang / bar snang la'ang lha'i bu rnams rnga brdung bar gyur to/ / stong gsum gyi stong chen po'i 'jig rten gyi khams 'di thams cad mun pa mun nag tu gyur to// nam mkha'i dkyil na 'gro ba'i lha rnams kyis kyang byang chub sems dpa'i mya ngan gyis gdungs pas ca co'i sgra bton to/ / bar snang las kyang lha rnams byang chub sems dpa'i steng nas lha'i ut+pa la rnams 'thor zhing / pad+ma dang / puN+Da ri ka dang / a ka ru'i phye ma dang / ta ma la'i lo ma'i phye ma dang / tsan dan gyi phye ma dang / lha rnams kyi me tog man+da ra ba rnams kyang 'thor ro// gos rnams kyang 'thor bar byed do// lha'i rol mo'ang rab tu rdung ngo // 'dzam bu'i gling gi mi thams cad der yud tsam zhig mchog tu rmongs par gyur to// grong khyer na gnas pa'i srog chags brgya stong du ma rnams kyi byang chub sems dpa'i lus kyi phyed bcad pa mthong ba dang / sdug bsngal drag pos gdungs te/ kyi hud lhagasad pa ni sdug bsngal lo zhes sgra gcig tu bsgrags so// de nas la la ni sa la 'gre ldog go/ / la la ni dpung pa brkyang nas cho nges 'debs so// la la ni mchi ma'i rlabs kyis skad 'dzer bas tshig 'don mi nus te skad chen po dang brang rdung ngo // la la ni mi rtag pa nyid kyi stobs dang ldan zhes sems sdug bsngal dang bcas shing yid mi bde ba dang ldan pas cang mi smra bar 'dug go/ / de nas lnga'i dbang po brgya byin byang chub sems dpa bla na med pa yang dag par rdzogs pa'i byang chub las ri rab ltar shin tu mi g.yo bar shes shing / byang chub sems dpa' rmad du byung ba yongs su gtong la/ de'ang ba spu ldang ba ni shin tu dga' zhing phul du byung ba mthong ba dang / ngo mtshar gyi mig gdangs te/ lha'i bu de bzhi dang lhan cig tu bram ze'i cha byad mi snang bar byas nas/ rang gi gzugs kyis gnas te/ byang chub sems dpa' la smras pa/ rgyal po chen po bdag ni lha'i dbang po brgya byin lags kyi/ bram ze ma lags so// rgyal po chen po legs so legs so// kye ma'o/ khyod kyi brtson 'grus/ kye ma'o ma bcos par brtan pa/ kye ma rang gi lus ma chags par yongs su gtong ba/ kye ma'o sems can rnams la snying brtse ba/ kye ma sbyin pa la dga' ba legs so legs so/ / rgyal po chen po khyod gang du sdug bsngal drag pos bcom yang / snying rjes rang gi lus sbyin pa la sems mi ldog pa de ni legs so// rgyal po chen po khyod la dri yis/ khyod shin tu dka' ba'i brtson pa 'di lta bus ci zhig don du gnyer/ byang chub sems dpas smras pa/ ko'u shi ka nga'i lus kyi sbyin pa 'dis bla na med pa yang dag par rdzogs pa'i byang chub mngon par rdzogs par sangs rgyas te/ sems can rnams 'khor ba las bsgral bar bya'o// brgya byin gyis smras pa/ rgyal po chen po khyod rang gi lus yongs su zad pa 'am/ gtong ba 'am/ yongs su gtang bas khyod kyi sems rnam pa gzhan du gyur pa 'am/ 'gyod par ma gyur grang / byang chub sems dpas smras pa/ ko'u shi ka nga la ni 'gyod pa med do/ / brgya byin gyis smras pa/ ji ltar shes par bya/ byang chub sems dpas smras pa/ ke'u shi ka de'i phyir nga'i lus kyi phyed bcad pa 'di gnas ji lta ba bzhin du zhog cig/ de nas lha'i dbang po brgya byin gyis byang chub sems dpa'i lus kyi phyed bcad pa de gnas ji lta ba bzhin du bzhag go// de nas byang chub sems dpas sems can thams cad la rjes su 'gro ba'i byams pa'i sems nye bar bzhag nas/ bden pa gsol bar byed cing / de'i tshigs su bcad de smras pa/ ji ltar byang chub 'dod gyur nas/ snying rjes lus ni btang ba na// ser sna med cing zhum med de// deng ni 'gyod par gyur pa med// 'gyod pa'i sems kyang med gyur te// bden tshig 'di dang legs byas pas/ / brgya byin deng ni nga yi lus// 'di ni sngon gyi ji bzhin du// dbang po na lus rdzog gyur cig/ dge slong dag tshigs su bcad pa de smras pa'i rjes thogs nyid la byang chub sems dpa'i lus 'phral du sngon gyi ji lta ba bzhin du gyur to/ / nam mkha'i dkyil na gnas pa'i lha dang / klu dang / gnod sbyin dang / nam mkha' lding dang / mi 'am ci dang / lto 'phye chen po rnams kyis ngo mtshar de mthong ba dang / ngo mtshar gyis mig gdungs te/ ca co dang gzha'i sgra bsgrogs so// skye bo'i tshogs chen po 'di dag thams cad kyis kyang ngo mtshar dang / rmad du byung ba dang / lha dang mi rnams yid sdug par byed pa'i cho 'phrul dang / byang chub sems dpa'i lus yongs su rdzogs pa mthong ba dang / srog stor ba las slar rnyed pa bzhin du mchog tu ngo mtshar skyes so// 'di skad ces kyang smras te/ kye ma khyod ni slar 'tsho ba'i// ngo mtshar dag ni blta bar bgyi// sa dang nags su bcas pa yi/ / 'jig rten 'di ni skal bar ldan// de nas lha'i dbang po brgya byin gyis byang chub sems dpa'i lus sngon gyi ji lta ba bzhin du gyur par mthong ba dang ngo mtshar gyis gdungs pa'i mig dang / spro ba bskyed pa'i phyir smras pa/ rgyal po chen po khyod kyi blo shin tu nges pa dang / khyod kyi smon lam mi 'gyur ba dang / khyod kyi brgya byin gyis gsol ba btab pa snying rjes ci'ang mi smra bar khas blangs so/ / de nas lha'i dbang po brgya byin gyis/ lha'i bu las sna tshogs la smras pa/ las sna tshogs pa lha'i seng ge'i khri myur du shoms shig/ nga nyid kyi rgyal po dpal gyi sde dbang bskur bar bya'o// ko'u shi ka legs kyis/ de ltar dgye'o// lha'i bu las sna tshogs pas/ lha'i dbang po brgya byin las mnyan nas skad cig ma de nyid la rin po che sna tshogs kyis nye bar mdzes pa/ kun nas mu tig gi tshogs kyi do shal dpyangs pa'i lha'i seng ge'i khri mngon par sprul to// de nas lha'i dbang po brgya byin gyis/ rang nyid kyi lag pa gnyis kyis bzung nas/ lha'i seng ge'i khri la bzhag ste/ lha brgya stong du ma rnams dang lhan cig tu lha'i rol mo rnams kun tu chung bzhin du bsnyen bkur chen po byas nas rgyal por dbang bskur bas dbang bskur to/ / bar skabs der byang chub sems dpa'i mthus sa rnam pa drug tu g.yos pa dang / lha rnams dga' ba dang mgu bas yang rnam pa sna tshogs pa'i me tog gi char dang / rin po che'i char yang phab ste/ 'dzam bu'i gling thams cad du me tog dang rin po che'i char pus mo nub tsam gyis g.yogs par gyur to// lha dang mi rnams kyis 'byor pa bsam gyis mi khyab par gyur pa de rnams mthong ba dang / ngo mtshar du gyur cing rmad du byung ba skyes te/ ched du brjod pa ched du brjod pa/ e ma'o rgyal po dpal gyi sde'i bsod nams kyi stobs e ma'o ngo mtshar che'o/ / de nas lha'i dbang po brgya byin lnga brgya stong du ma dang thabs cig tu byang chub sems dpa'i yang dag par dga' bar byas nas rang gi gnas su song ngo po// ri la gnas pa'i drang srong de'ang 'khor lnga brgya dang / byang chub sems dpa' la mngon par bstod de/ bsti gnas nyid du song ngo // de nas byang chub sems dpas skye bo'i tshogs chen pos mngon par btud cing yun ring du chos kyi rgyal po byed par gyur to/ / 'dzam bu'i gling gi dman pa dang / long ba dang / bkren pa dang / sdug 'phongs pa thams cad nor gyis tshim par byas nas dge ba bcu'i las kyi lam la bzhag ste/ 'dod pa na spyod pa'i lha drug kun dga' bar byas nas/ dus gzhan zhig gi tshe/ srog chagra brgya stong du ma rnams dang de lhan cig tu dus byas te/ dga' ldan gyi lha'i ris su skyes so// bcom ldan 'das kyis bka' stsal pa/ dge slong dag de'i tshe de'i dus na rgyal po dpal gyi sde zhes bya ba de gzhan zhig yin pa snyam du the tsom mam/ yid gnyis su gyur na/ khyed rnams kyis de ltar mi blta'o// gzhan du na nga nyid de'i tshe de'i dus na rgyal po dpal gyi sde zhes bya bar gyur te/ de'i tshe rang gi lus yongs su btang ngo // dge slong dag de'i tshe de'i dus na rgyal po dpal gyi sde'i btsun mo rgyal ba'i 'od du gyur pa gang yin pa de ni grags 'dzin 'di nyid yin te/ de'i tshe de'i dus na btsun mo rgyal ba'i 'od ces bya bar gyur to/ / dge slong dag blon po'i mchog blo gros chen por gyur pa gang yin pa de ni dge slong shA ri'i bu 'di nyid yin te/ de'i tshe de'i dus na blon po blo gros chen por sems can la snying rje chen pos rjes su zhugs pa ni legs so legs so/ / gang yang khyod ni yid kun tu skrag par byed pa rnams la mi 'jigs pas/ khyod kyi 'bad pa 'di nyid kyis yun ring por mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / lha'i dbang po brgya byin gyis de'i tshe tshigs su bcad de smras pa/ kye ma khyod kyi brtson rab drag/ brtan pa nyid kyang bla na med// kye ma'o sems can la snying brtse// kye ma'o byang chub yid la brtan// kye ma'o mi ring 'jig rten 'di// mgon po khyod kyis skyong gyur te/ / sdug bsngal rgya mtsho drag 'jigs pas// yang dag mya ngan 'da' bar mdzod// de skad ces smras pa dang / lha'i dbang po brgya byin mchi ma char bzhin du 'bab cing skad 'dzer bzhin du/ byang chub sems dpa' la bzod par gsol bar brtsams te/ rgyal po chen po gang bdag gis nyams bskyed pa'i bsam pas tshor ba drag po la kun tu sbyar ba bzod par mdzod cika/ gzhan yang gang gi tshe khyod kyis bla na med pa yang dag par rdzogs pa'i byang chub mngon par rdzogs par sangs rgyas pa de'i tshe na yang bdag la dgongs shig/ byang chub sems dpas smras pa/ ko'u shi ka bzod gyis/ de bzhin du byas te ngas kyang dran par bya'o// bar skabs der byang chub sems dpa'i mthu dem thag tu nam mkha' las lha'i rin po che'i char rnam pa sna tshogs pa/ yid du 'ong ba 'dzam bu'i gling thams cad du bab par gyur cing / 'dzam bu'i gling thams cad du rgyan rnam pa sna tshogs kyis gang bar gyur pa lha'i snang babs kyang gsal bar gyur to/ / de nas ri la gnas pa'i drang srong de ngo mtshar 'di lta bu rmad du byung ba mthong ba dang / ngo mtshar gyis bsdus pa'i yid kyis bsams pa/ sngon ma byung ba'i ngo mtshar byung ba 'di ci zhig yin/ 'di lta bu'i mthu su'i yin snyam mo// de nas drang srong ba sti gnas na gnas pa'i lha gzhan gyis gtam 'di rgyas par smras so// de nas drang srong byang chub sems dpa'i shin tu dka' zhing ba spu ldang ba'i skad thos pa dang / yang dag par dga' bas pa spu ldang zhing sems can chen po bkur bar 'os zhes bsams nas/ 'khor lnga brgya dang / btsun mo rgyal ba'i 'od khrid de rings pa rings par byang chub sems dpa'i thad du phyin nas/ rgyal ba dang tshe 'phel bar byas te/ brgya byin dang ldan cig smras pa/ lha yi bu mo bzang 'dra ba'i// bu mo sdug pa 'di rnams la// mgon po khyod kyis bskyang ba dang // dge ma 'di dang dgyes par mdzod// khyim thab mi phyogs btsun mo sdug/ 'di ni khyed la dbul lags kyi// khyod kyis yang ni slong ba la// nam du yang ni ma stsal cig/ de nas byang chub sems dpas drang srong de dang / lha rnams kyi dbang po / gyur to// dge slong dag lha'i dbang po brgya byin du gyur pa gang yin pa de ni rgyal po gzugs can snying po 'di nyid yin te/ de'i tshe de'i dus na lha'i dbang po brgya byin du gyur to// dge slong dag sum cu rtsa gsum gyi lha gang yin pa de rnam ni// rgyal po gzug can snying po dang lhan cig tu bden pa mthong ba lha brgyad cu po 'di nyid yin no// dge slong dag grong khyer gyi skye bo'i cho ga gang yin pa de ni/ rgyal po gzugs can snying po gang dag dang thabs cig tu nga'i thad du 'ongs pa'i ma ga d+ha'i bram ze dang khyim bdag 'di dag nyid yin no/ / dge slong dag ri la gnas pa'i drang srong du gyur pa gang yin pa de ni/ dge slong mo'u 'gal gyi bu chen po 'di nyid yin te/ de'i tshe de'i dus na drang srong du gyur to// gang gis nga'i drung du btsun mo rgyal ba'i 'od slong ba'i bram ze'i khye'u gang yin pa de ni shAkya'i bu mos 'tshom 'di nyid yin te/ de'i tshe de'i dus na bram ze'i khye'ur gyur to// dge slong dag shing mkhan gnyis por gyur pa gang yin pa de ni/ lha sbyin dang kau ka li 'di dag yin te/ de'i tshe de'i dus na shing mkhan gnyis su gyur to/ / smon lam de'i dbang gis 'dir de bzhin gshegs pa'i cho 'phrul rnam pa 'di lta bu byung bar gyur to// dge slong dag de'i phyir 'di ltar bslab par bya ste/ gang sbyin pa rnam gtang ba dang / bsod nams dag bya'o zhes de ltar bslab par bya'o/ / bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// rgyal po dpal gyi sde'i rtogs pa brjod pa rdzogs so/

CLOSE WINDOW