/ 'phags pa sbyin pa'i legs pa rdzogs so// / rgya gar skad du/ ga Na DI sU tra/ bod ska dugan DI'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab 'od ma'i tshal bya ka lan da ka gnas pa na/ dge slong stong du tshang ba'i dge slong gi dge 'dun chen po dang / byang chub sems dpa'i tshogs chen po dang thabs gcig tu bzhugs te/ thams cad kyang dgra bcom pa zag pa zad pa/ bya ba byas pa/ byed pa byas pa/ khur khor ba/ bdag gi don rjes su thob pa/ sred par sbyor ba/ yongs su zad pa/ yang dag pa'i shes pas sems shin tu rnam par grol ba rnams dang / bcom ldan 'das thabs gcig go// de'i tshe rgyal po gsal rgyal zhes bya ba stan las langs nas/ bcom lda 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das ma 'ongs pa'i dus su rtsod pa'i dus kyi rtse/ sems can thams cad sdig pa'i sems dang / 'thab pa'i sems dang / 'dod chags dang / zhe sdang dang / gti mug dang kun tu ldan pa/ pha rol gyi yul rnams la mchog tu zhen pa/ gcig la gcig za ba la brtson pa/ bcom ldan 'das kyis sngon gsungs pa'i dus 'jig par byed pa/ dam pa'i chos spong bar byed pa/ sangs rgyas dang / chos dang 'dod chags dang bral ba rnams sun 'byin pa/ de rnams gzhig pa'i thabs gang gis byang chub la mchog tu gzhol bar 'gyur ba'i thabs bstan du gsol de skad ces gsol pa dang / bcom ldan 'das kyis bka' stsal pa/ rgyal po khyod sems can thams cad kyi don dang / phan pa dang / bde ba'i phyir dang / sangs rgyas dang / chos dang dge 'dun yang dag par bsrung ba'i phyir/ 'dri bar byed pa legs so legs so// de'i phyir legs par rab tu nyon la yid la zung shig ngas bshad par bya'o// de nas bcom ldan 'das de'i tshe kun tu sgra sgrogs pa zhes bya ba'i ting nge 'dzin la snyoms par zhugs so/ / bcom ldan 'das ting nge 'dzin gang la snyoms pa zhugs pa de'i tshe/ dmyal ba thams cad rgyun chad pa dang / sdang ba'i sems dang ldan pa thams cad kyang sdang ba'i sems dang bral zhing / byang chub kyi sems la rab tu gzhol bar gyur pa dang / bcom ldan 'das kyis bka' stsal pa/ gsal rgyal khyod kyis mthong ngam/ kun tu thos sem shes sam rtogs sam/ bcom ldan 'das mthong lags so// bde bar gshegs pa mthong lags so// khums shing kun tu khums la 'tshal cing rtogs so// bcom ldan 'das kyis bka' stsal pa/ gsal rgyal 'di ni sems can thams cad kyi ma sangs rgyas dang / byang chub sems dpa' skyed pa nyan thos dang / rang sangs rgyas dang / yang dag par rdzogs pa'i sangs rgyas thams cad kyis phyag byas pa mchod pa/ bsams pa/ bsgoms pa/ shes rab kyi pha rol tu phyin pa sgra'i gzugs kyis sems can thams cad yongs su skyong bar byed pa/ mu stegs pa thams cad rnam par 'jig pa/ sdang ba'i sems 'dul bar byed pa/ sdig pa'i sems 'jom par byed pa/ zhe sdang ba'i sems rnam par sel bar byed pa/ gti mug gi sems rab tu 'jig par byed pa/ 'dod chags kyi sems rnam par spong bar byed pa/ byang chub kyi sems yongs su skyong bar byed pa/ sangs rgyas kyi sems 'phel bar byed pa/ sangs rgyas 'byung ba sten par byed/ pa/ 'thab pa dang / 'gyed pa dang / 'khrug pa dang / rtsod pa dang / sdug bsngal ba dang / rmi lam ngan pa dang / mtshan ma ngan pa kun gdul ba gnod pa thams cad 'jig par byed pa/ glo bur gyi nad dang / 'chi ba zhi bar byed pa dang / dus ma yin par 'chi ba dang / rims la sogs pa zhi bar byed pa dang / pha rol gyi dpung 'dul bar byed pa/ bdud rnam par 'jig par byed pa/ gdung ba sel bar byed pa/ bskal pa bzang po yang dag par 'phel bar byed pa/ tshe dang nad med pa ster bar byed pa dang / 'di ba'i 'jigs pa zhi bar byed pa/ thar pa dang dpal 'phel bar byed pa/ gang gis thos nas rjes su yi rang ba de la yid bzhin gyi nor bu ltar 'bras bu rab tu ster ba/ yum shes rab kyi pha rol tu phyin pa/ gaN+DI'i gzugs kyis bzhugs so zhes thos nas kyang / gsal rgyal sems dadra ba skyes nas kyang bcom ldan 'das la 'di skad ces gsol to// bcom ldan 'das 'di'i tshad ni ji tsam lags/ mdog ni ci 'dra ba lags/ bye brag ni du zhig lags/ brdung ba ni ji 'dra ba lags/ gang gis brdung bar 'gyi/ gang gis tshe gang gi dus na ji srid du/ brdung bar bgyi/ ji ltar bzhag par bgyi/ de skad ces gsol pa dang / bcom ldan 'das kyis bka' stsal pa/ 'byor par 'dod pas shing rnams ni/ rab tu 'bad de brtag pa bya/ tsan dan bil pa pa la sha// a shad tha dad tsan dan dmar// rgya star ta la king shu ka/ shing sha pa dang ta ma la// a mra star bu skyu ru ra// tin ti sa ra a sho ka/ 'di dag thams cad med na yang / / 'o se las ni 'bad de bya// rgyal po 'bad pas thams cad du// 'di dag med ni mi bya'o// tshad med shing ngan las byas dang // brdungs na sgra ni mi 'byung ba/ / sangs rgyas yum 'di brdungs na ni// yul 'khor 'tshe ba nges par 'byung // gtsug lag khang du dge slong rnams// de bzhin blo na mi mthun dang // nye bar gdung ba 'byung 'gyur zhing / / rnam pa du mar rtsod par 'gyur// mu stegs can gyi dbang 'gyur zhing // bdud kyang 'byung bar 'gyur ba yin// gdug pa'i kluni du ma yis// 'bru rnams kyang ni nyams par byed/ / rgyal khabs 'dir mang sems can rnams// rnam par 'jig pa nyid du 'gyur// gtsug lag khang yang 'jig 'gyur zhing // chos kyang nub par 'gyur ba yin// bdud kyi lha rnams dge slong gi/ dge 'dun shin tu ma snga mas byed// de ltar yang dag shes nas kyang // legs par yongs su brtags te bya// tshad ni chung ngu sor brgyad kyi// brgyad cu rtsa bzhi nyid bya zhing / / zheng du sor ni drug bya ste// dpangs su yang ni gnyis bya'o// sor mo'i tshigs kyi tshad dag gis// zur bzhir tshad ni gnyis pa yin// legs mnyam nyid na shin tu gsal/ / rtse gnyis sbal pa'i mgo bzhin no// de nas rdung bar byed pa yang // shing de nyid las bcad de bya// zur bcu gnyis kyi tshad dag la// zlum zhing rtse gnyis ne'u le'i mgo/ chang bzungs tshad kyang de bzhin te// shin tu 'jam zhing rtsibs mnyam par// gang phyin de brdungs bzhag dgos pas// 'og tu'ang de ni khri bya ba// gtsug lag khang gi sgo stengs sam/ / yang na dbus ma'i steng du bya// de yang rab gnas bya ba ni// shin tu bstan pa'i chos kyi sku// skyed pa ma yin 'jig byed min// gdod nas ma skyes par dge ba// de ltar rab tu gnas byas nas/ / de ni sman dbyer gyur pa yin// 'gan+ti'i spyan dbye byas nas kyang // de 'og gtsug lag khang kun tu// klu bdun gyis ni brgyan pa ltar// bskyed pa'i rim gyis brdung bar bya/ / de 'og dkon mchog gsum la ni// phyag byas nas ni brdung bya zhing // shing rtsa lan gsum brjod pas ni// chos kyi rnga rnams 'jung bar bya// me tog gis ni de bzhin khrus// zan za nyi ma 'char nub tshe/ / dus gsum la ni lan gsum ste// sku khrus tshen lan gnyis sngags// glo bur gnod pa char mi 'bab// de bzhin 'thab dang rtsod pa dang // klog dang gnod pa chen po dang / gnas brtan rnams ni spyan 'dren dang // nad dang mu ge zhi ba'i phyir// ma 'chol rim gyis brdung bar bya// dge slong rnams dang dge tshul gyis// dus rnams rtag tu brdung ba ste// gso sbyin la ni gnas tshe yi/ / dge bsnyen gyis kyang brdung bar bya// mtshan nyid thams cad rdzogs pa dang // klu bdun gyis ni brgyan par bya// rgyal po gang tshe yul 'khor du// gaN+DI da ni grags gyur pa// der ni dpal dang grags pa dang // 'dod pa dang ni lo legs 'gyur// pha rol da pung gi 'jigs med cing // 'bru rnams kyang ni nyams mi 'gyur// sangs rgyas byin rlabs 'byor pa yis/ / der ni bdud rnams 'dul bar 'gyur// chos kyi rnga ni srid rtser bcas// kun nas rab tu g.yo bar 'gyur// dmyal dang yi dgas 'jig rten rnams// 'jig par 'gyur/ bar the tsom med// thams cad sangs rgyas rtag dang cing // thams cad chos la gzhol bar 'gyur// der ni dge 'dun 'dul bar ldan// mkhas pa rnams kyang 'phel bar 'gyur// 'dod chags zhe sdang gti mug rnams// der ni nub par gyur pa yin// rgyal po tshe ring chos ldan zhing // bde ba dag dang ldan par 'gyur// rgyal po gtsug lag khang kun tu// chos kyi rje ni brdungs pa yis/ / sgra ni gang gi rna ba yi// lam dag tu ni grags gyur cing / dus bzhi dag tu thos pa ni// de rnams byang chub thob par 'gyur// gang zhig snying nas yi rang ba/ grol 'gyur the tsom med// gaN+DI'i mdol lan cig thos// mi skye bdun par 'gyur// glang du mdo sde'i mchog 'di gnas// yul 'khor der yang 'byor par 'gyur/ / dus kun tu ni gnas pa dang // klog gam yang na mchod par byed// 'di ni yid la 'dzin byed pa// sdig pa las ni grol bar 'gyur// bcom ldan 'das kyis de skad ces bka' stsal pa dang / rgyal po gsal rgyal bcom ldan 'das la yang dang yang du phyag byas nas song ngo // bcom ldan 'das kyis de skad ces bka' stsal nas/ thams cad dang ldan pa'i 'khor de dang / lha dang mi dang / lha ma yin dang / nam mkha' lding dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bsrid / / rje'i ma rdzogs so// rgyag kyi ma khan no rnas kyi b+han dang / bdag slong tshus khrim / na kyis gyur/ chen gyi ma slong rin chen bzang pos bcos te gtan la phab pa/

CLOSE WINDOW