rgya gar skad du/ Ar+ya bi kur ba rA dza pa ri prid tsha nA ma ma hA yA na sU tra/ bod skad du/ 'phags pa rnam par 'phrul pa'i rgyal pos zhus pa zhes bya ba theg pa chen po'i mdo/ bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong nyi khri'i dge 'dun chen po dang / byang chub sems dpa' byams pa dang / spyan ras gzigs dbang phyug dang / mthu chen thob dang / seng ge'i// blo gros dang / seng ge'i tog dang / seng ge'i rtsal gyis 'gro la sogs pa thams cad kyang skye ba gcig gis thogs pa khri dang yang thabs gcig tu bzhugs te/ byang chub sems dpa' sems dpa' chen po rnam par 'phrul pa'i rgyal po yang de nyid du 'dus par gyur te 'dug go/ / yang de'i bcom ldan 'das 'khor 'bum phrag du ma'i nang na 'di lta ste/ theg pa chen po la yang dag par zhugs pa nyid las brtsams te chos ston to/ / de nas byang chub sems dpa' sems dpa' chen po rnam par 'phral pa'i rgyal po stan las langs te/ bla gos phrag pa gcig tu bzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ / de skad ces gsol pa dang / bcom ldan 'das kyis byang chub sems dpa' rnam par 'phrul pa'i rgyal po la 'di skad ces bka' stsal to// rnam par 'phrul pa'i rgyal po la dri ba lan gdab pa'i phyir/ de bzhin gshegs pas khyod la skabs phyes// rnam par 'phrul pa'i rgyal po khyod ci dang ci 'dod pa dris shig dang / dAs khyod kyi dri ba de dang de'i lung bstan pas/ khyod kyis sems rangs par bya'o// de ltar bcom ldan 'das kyis byang chub sems dpa' rnam par 'phral pa'i rgyal po la skabs phye ba dang / tshim zhing mgu la yi rangs te dga' ba dang / bde ba dang / yid bde ba skyes nas/ bcom ldan 'das la 'di skad ces gsol to// bcom ldan 'das ji ltar na byang chub sems dpa' sems dpa' chen po rnams theg pa chen po la rnam par 'phrul pa dang / theg pa chen po 'di sems can gzhan dag dang / gang zag gzhan dag 'tshal bar bgyid pa dang / rnam par 'phrul pa des kyang bdud thams cad dang / lhag pa'i nga rgyal can thams cad dang phas kyis rgol ba thams cad dang / dmigs par lta ba la mngon babazhen pa tha ma cad tshar bkum na/ theg pa chen po 'di la 'god par bgyid pa dang / smon lam phun sum tshog par 'gyur ba dang / 'di lta ste/ bla na med pa yang dag par rdzog pa'i byang chub la brtul zhug grub pa yongs rdzog par 'gyur ba lagra/ de skad ces gsol pa dang / bcom ldan 'das kyis byang chub sems dpa' rnam par 'phrul pa'i rgyal po la 'di skad ces bka' stsal to/ / rnam par 'phrul pa'i rgyal po legs so legs so// rnam par 'phrul pa'i rgyal po khyod de bzhin gshegs pa la don de lta bu 'dri bar sems pa yang legs so/ / rnam par 'phrul pa'i rgyal po de'i phyir legs par rab tu nyon la yid la zung shig dang / ji ltar na byang chub sems dpa' rnams theg pa chen po 'di la rnam par 'phrul pa dang / theg pa chen po 'di la sems can gzhan dag dang / gang zag dag 'dod par byed pa dang / rnam par 'phrul pa des kyang bdud thams cad dang / lhag pa'i nga rgyal can thams cad dang / phas kyi rgol ba thams cad dang / dmigs par lta ba la mngon par zhen pa thams cad tshar bcad nas/ theg pa chen po 'di la 'god par byed pa dang / smon lam phun sum tshogs par 'gyur ba dang / 'di lta ste/ bla na med pa yang dag par rdzogs pa'i byang chub la brtul zhugs grub par 'gyur ba ngas bshad do// bcom ldan 'das legs so zhes gsol nas/ byang chub sems dpa' rnam par 'phrul pa'i rgyal po bcom ldan 'das kyi lhar nyan pa dang / bcom ldan 'das kyis 'di skad ces bka' stsal to// rnam par 'phrul pa'i rgyal po bzhi po 'di dag ni byang chub sems dpa' rnams kyi rnam par 'phrul pa ste/ bzhi gang zhe na/ 'di lta ste/ tshul khrims kyi rnam par 'phrul pa dang / mngon par shes pa'i rnam par 'phrul pa dang / shes pa'i rnam par 'phrul pa dang / shes rab kyi rnam par 'phrul pa ste/ rnam par 'phrul pa'i rgyal po de bzhi po de dag ni/ byang chub sem dpa' rnams kyi rnam par 'phrul pa'o/ / rnam par 'phrul pa'i rgyal po de la tshul khrims kyi rnam par 'phrul pa gang zhe na/ rnam par 'phrul pa'i rgyal po 'di la byang chub sems dpa' tshul khrims phun sum tshogs pa yin te/ ma ral ba'i tshul khrims dang / ma zhig pa'i tshul khrims dang / ma 'dres pa'i tshul khrims dang / rnyog pa med pa'i tshul khrims dang / dmigs pa med pa'i tshul khrims dang / gnod pa med pa'i tshul khrims dang / ma smad pa'i tshul khrims dang / mi gdung ba'i tshul khrims dang / legs par yongs su bsrung ba'i tshul khrims dang / mkhas pas bsnga pa'i tshul khrims dang / sems can yongs su smin par byed pa'i tshul khrims dang / dam pa'i chos yongs su bsrung ba'i tshul khrims dang / pha rol bde ba dang / mchog tu dga' ba dang / mgu ba'i tshul khrims dang / srid pa'i 'gro ba thams cad du skye ba la mi gnas pa'i tshul khrims dang / zhi gnas la gnas pa'i tshul khrims dang / lhag mthong gi rjes su 'gro ba'i tshul khrims dang / chos zab mo la mos pa'i tshul khrims dang / mngon par shes pa nyams pa med pa'i tshul khrims dang / stong pa nyid dang / mtshan ma med pa dang / smon pa med pa sgom pa'i tshul khrims dang / zhi ba dang / rab tu zhi ba dang / nye bar zhi ba'i tshul khrims dang / sangs rgyas kyi chos sdud cing yang dag par ston pa'i tshul khrims dang / sems can thams cad yongs su mi gtong ba'i tshul khrims dang / byams pas rjes su bsrung ba'i tshul khrims dang / snying rje chen po rtsa bar 'gyur ba'i tshul khrims dang / dag cing dang ba'i tshul khrims dang / spyod lam ma brtags pa'i tshul khrims dang / sbyangs pa'i yon tan dang / yo byad bsnyungs pa la gnas pa'i tshul khrims dang / bsod nams kyi sbyin gnas su gyur pa'i tshul khrims dang / shin tu rnam par dag pa'i tshul khrims dang / de bzhin gshegs pa'i rigs rgyun mi 'chad pa'i tshul khrims dang / chos kyi rigs yongs su srung ba'i tshul khrims dang / 'phags pa'i dge 'dun 'gugs pa'i tshul khrims dang byang chub kyis sems la rab tu gnas pa'i'i tshul khrims dang / pha rol tu phyin pa drug gis nye bar bstan pa'i tshul khrims dang / dran pa nye bar gzhag pa dang / yang dag par spong ba dang rdzu 'phrul gyi rkang pa dang / dbang po dang / stobs dang / byang chub kyi yan lag dang / lam bsgom pa'i tshul khrims dang / byang chub kyi phyogs dang 'thun pa'i chos thams cad yang dag pa sgrub pa'i tshul khrims te/ rnam par 'phrul pa'i rgyal po da ltar tshul khrims phun sum tshogs pa'i byang chub sems dpa' gang smon pa de grub par 'gyur ro// ci zhig smon ce na/ de ltar tshul/ @khrims phun sum tshogs pa'i byang chub sems dpa' ni stong gsum gyi stong chen po sreg pa'i bskal pa chen po'i mes rab tu gang zhing 'dug pa la/ gal te byang chub sems dpas me de rab tu zhi bar gyur cig ces smon lam de skad btab na/ me de rab tu zhi zhing med par 'gyur ro// de 'dod na stong gsum po 'di mas yongs su gang bar byin gyis rlob bo// de 'dod na me tog/ gis kun tu bkram par byin gyis rlob bo// de 'dod na thams cad rin po che rang bzhin du byin gyis rlob bo// de 'dod na 'jig rten gyi khams gang+gA'i klung gi bre rnyed dag gi ri'i rgyal po rabade dag thams cad ri rab gcig tu byin gyis rlob bo/ / rnam par 'phrul pa'i rgyal po de ltar tshul khrims phun sum tshogs pa'i byang chub sems dpa' 'did na/ 'jig rten gyi khams gang+gA'i/ klung gi bye ma dag gi rgya mtsho chen po de dag thams cad rgya mtsho chen po gcig tu byin gyis slob bo// de tshul khrims la gnas pa de dang ldan na/ gang smon pa de 'grub cing / gang byin gyis brlabs pade de bzhin du 'gyur ro/ / rnam par 'phrul pa'i rgyal po tshul khrims la gnas pa'i byang chub sems dpa' de ni rnam par 'phrul pa bzhi po 'di dag dang ldan par 'gyur ro// tshul khrims dang ldan pa de bla na med pa yang dag par rdzogs pa'i byang chub tu sems kyis smon pa de yang 'grub par 'gyur ro// rnam par 'phrul pa'i rgyal po sngon byung ba 'das pa'i dus bskal pa grangs med pa/ shin tu grangs med pa/ rgya che ba tshad med pa dang / bsam gyis mi khyab pa na// de bzhin gshegs pa 'od dri ma med pa'i 'od zer gyi rgyal po zhes bya ba rigs pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du byung bar gyur te/ rnam par 'phrul pa'i rgyal po de bzhin gshegs pa/ 'od dri ma med pa'i 'od zer gyi rgyal po de'i gsung rab la byang chub sems dpa' rdo rje'i lte ba zhes bya ba/ tshul khrims la gnas pa'i stobs dang ldan pa/ tshul khrims shin tu yongs su dag pa zhig byung ste/ rnam par 'phrul pa'i rgyal po byang chub sems dpa' rje rje'i lte ba dgon pa'i gnas na 'chag pa na/ 'di lta ste/ chos 'dul ba la 'phags pa la 'grus shing brtson par gyur te/ sangs rgyas kyi chos la gnas pa na/ tshul bzhin du sbyor ba 'di lta bu byung ste/ gang chos thams cad la mi dmigs pa de ni tshul khrims so// gang dngos po thams cad la mngon par ma zhan pa de ni tshul khrims so// gang nyon mongs pa thams cad rab tu zhi ba de ni tshul khrims so/ / gang lus gzugs brnyan dang 'dra bar shes pa de ni tshul khrims so// gang dag brag cha lta bur shes pa 'di ni tshul khrims so// gang sems la sgyu ma'i chos lta bur so sor rtog pa de ni tshul khrims so/ / gang dge ba dang mi dge ba'i chos rnams la gnyis su mi byed pa de ni tshul khrims so// gang 'dod chags la mi sdug par so sor rtog pa de ni tshul khrims so// gang zhe sdang la byams pa sgom pa de ni tshul khrims so// gang shes rab kyis gti mug gi dra ba rnam par 'joms pa de ni tshul khrims so// gang 'dod chags dang / zhe sdang dang / gti mug gi dbye/ po rnams mi dmigs pa de ni tshul khrims so// gang chos thams cad la mi rtog pa dang / rnam par mi rtog pa dang / mi sems pa dang / mi lta ba de ni tshul khrims so// gang dag tu lta ba med pa dang / sems can du lta ba med pa dang / srog tu lta ba med pa dang / gang zag tu lta ba med pa dang / chad par lta ba med pa dang / rtag par lta ba med pa de ni tshul khrims so// gang chos thams cad la mngon par 'du mi byed pa de ni tshul khrims so// gang sems skrag pa med pa de ni tshul khrims so// gang khams gsum la mi gnas pa de ni tshul khrims so// gang chos mi skye ba la/ yid ches pa de ni tshul khrims so// gang mi skye ba'i chos la bzod pa la mos pa de ni tshul khrims so// gang rnyed pa dang bkur sti don du mi gnyer ba de ni tshul khrims so// gang stong pa nyid kyis mi skrag pa de ni tshul khrims so/ / gang mtshan ma med pa bsgom pa de ni tshul khrims so// gang smon pa dang bral ba de ni tshul khrims so// gang tshul khrims kyi phung po de nyid kyis rlom sems su mi byed pa de ni tshul khrims so/ / gang tshul khrims des bdag la mi stod pa dang / gzhan la mi smod pa de ni tshul khrims so// gang skye mched rnams la mngon par dga' ba med pa de ni tshul khrims so// gang yul la mi 'phro ba de ni tshul khrims so// gang phung po rnams chos kyi phung po dang mnyam pa nyid de ni tshul khrims so// gang khams rnams chos kyi dbyings dang / mnyam pa nyid de ni tshul khrims so/ / gang rtsod pa dang 'thab pa med pa gtso bor gyur pa de ni tshul khrims so// gang dge ba'i chos rnam la brtson pa mi gtong ba 'di ni tshul khrims so// gang chos thams cad shin tu zhi ba dedang / rab tu zhi bar shes shing rab tu shes te/ lus kyi bsgrubs nas gnas pa de ni tshul khrims so snyams so// rnam par 'phrul pa'i rgyal po de ltar na byang chub sems dpa' rdo rje lte ba tshul khrims la rab tu gnas pa de lta bu dang ldan zhing / chos 'phags pa li sbyor ba 'di dang phyin ci ma log par tshul bzhin yid la byed pa 'dis gnas shing/ dge slong de tshul khrims la gnas pa de dang / chos 'phags pa la sbyor ba de dang / tshul bzhin du yid la byed pa de rtsom zhing 'chags na 'chag pa na/ bdud kyi bu rnam par gnon pa zhes bya ba 'khor dang bcas pa/ bdud brgyad khri bzhi stong thams cad kyang dpung dang / g.yog 'khor du bcas pa thams cad kyang go mtshon dang bcas pa sha stag dang lhan cig tu bgegs kyi las byed par 'ongs lus phra mor byin gyis brlabs nas lus mi snang bar byas te/ dge slong de'i sems kyi spyod pa la glags lta zhing lo stong du rjes su 'brang bar gyur to// des lo stong du yang dge slong de'i sems rnam par g.yengs pa gang gis dngang bar 'gyur ba dang / 'tshe bar 'gyur ba de lta bu'i semos rnam par g.yengs pa'i sems skye ba gcig kyang ma mthong ngo // de nas bdud kyi bu rnam par gnon pa po stong 'das nas g.yog 'khor dang bcas te/ lus chen po mngon par bstan nas/ ral gri dang / mda' dang / gzhu dang / mdung thung dang / mda' bo che lag na thogs pa rnams kyi dge slong de'i mdun du 'jigs pa ston par gyur to/ / dge slong rdo rje lte bas bdud kyi 'khor chen po ral gri dang / mda' gzhu dang / mdung thung dang / mda' bo tshe thogs pa rnams kyis 'jig pa ston par mthong ngo / / mthong nas kyang tshig 'di skad smras so// bdag gis bden pa'i tshig gang gis/ bdag chos 'phags pa 'di la sbyor ba na tshul khrims kyi phung po dang / tshul bzhin du sbyor ba shin tu yongs su drug pa lta na/ bden pa dang / bden pa'i tshig des bdud rnams dang / bdud kyi 'khor rnams kyis ral gri dang / mda' gzhu dang / mdung thung dang / mda' bo che la sogs pa ji snyed lag na thogs pa 'di dag me tog ut+pal dang / pad+ma dang / ku mu dA dang / pad+ma dkar po dang / tsam pa ka dang sna ma'i me tog dang / par shi ka dang / mkhan pa'i 'phreng ba rnams su gyur cig/ bdud rnams dang / bdud kyi lha de rnams kyang bdag gi gzugs dang / lus dang / kha dog dang smon lam ci 'dra ba de 'dra ba kho nar gyur cig ces smras so/ / rnam par 'phrul pa'i rgyal po byang chub sems dpa' rdo rje'i lte bas tshig de skad smras ma thag tu bdud rnams dang / bdud kyi 'khor de rnams kyi ral gri dang / mdung thung dang / mda' bo che la sogs pa lag na thogs pa ji snyed yod pa/ me tog kha dog sna tshogs pa'i phreng ba bsung zhim pa/ yid du 'ong ba/ blta na sdug pa de snyed du gnas par gyur to/ / bdud de dag rnams kyang dge slong gi gzugs de lta bu nyid du gyur te/ de dag thams cad rab tu byung ba'i khong su gtogs shing gos ngur smrig bgos la/ skra dang / kha spu bregs par snang bar gyur to// rnam par 'phrul pa'i rgyal po de nas bdud rnam par gnon pas dge slong de'i cho 'phrul rgya chen po mthong nas/ ngo mtshar du gyur te/ g.yog 'khor dang bcas par dge slong de'i rkang pa la gtugs nas 'di skad ces smras so/ / dge slong khyod kyis chos gang dag thob pas khyod la 'di lta bu'i byin gyi rlabs yod par gyur/ de skad ces smras pa dang / rnam par 'phrul pa'i rgyal po dge slong rdo rje'i lte bas bdud rnam par gnon pa la 'di skad ces smras so// grogs po byin gyis brlabs 'di ni rnyed pa las gyur pa ma yin gyi chos thams cad dmigs su med pa las byin gyis brlabs 'di yod par gyur to/ / grogs po byin gyis brlabs 'di ni rnyed pa las ma 'gyur gyi chos thams cad ma rnyes pa las byin gyis brlabs 'di yod par gyur to/ / grogs po byin gyis brlabs 'di ni lus dang ngag dang / sems la gnas pa las gyur pa ma yin gyis chos thams cad la mi gnas pa las/ byin gyis brlabs 'di yod par gyur to// grogs po byin gyis brlabs 'di ni mtshan mar 'dzin pa las gyur pa ma yin gyi/ mtshan ma med pa las byin gyis brlabs 'di yod par 'gyur to/ / byin gyis brlabs 'di ni chos gang la yang gnas pa ma yin gyi/ mi gnas shing gnas pa med pa las byin gyis brlabs 'di yod par gyur to// de nas byang chub sems dpa' rdo rje'i lte ba la bdud rnam par gnon pas 'di skad ces smras so// dge slong khyod kyi sems la kho bos lo ldong du bltas na khyod kyi sems kyi rgyu ba ma mthong ngo // de nas dge slong rdo rje'i lte bas 'di skad ces smras so// gal te grogs po khyod kyis bskal pa gang+gA'i klung gi bye ma snyed du spyod cing / sems yongs su bltas su zin kyang rnyed par mi 'gyur ro/ / de'i ci'i phyir zhe na/ 'di ltar sems ni nang nas kyang mi rnyed/ phyi rol nas kyang mi rnyed/ gnyis ka med par yang mi rnyed pa'i phyir ro// grogs po khyod kyis sgyu ma mkhan gyis sprul pa la sems kyi rgyu ba rnyed dam/ smras pa dge slong de ni mi rnyed do// sgyu ma mkhan gyis sprul pa la sems kyang / sems pa yang med na de na ga la rnyed/ smras grogs po chos thams cad ni sgyu mar sprul pa'i ngo bo nyid du de bzhin gshegs pas bshad de/ de'i phyir de la sems dang / sems dpa' mi rnyed do// smras pa gal te dge slong khyod sems dang sems pa mi rnyed na/ khyod ji ltar 'gro ba 'am/ 'ong ba dang / tshig tu smra ba byed/ smras pa 'di lta ste/ dper na/ sgyu ma mkhan gyis sprul pa'i mi 'ong ba dang / 'gro ba dang / tshig smra bar byed pa de ltar kho bos 'ong ba dang / 'gro ba dang / tshig smra ba yang de dang 'dra'o// smras pa/ dge slong khyod brtson 'grus rtsom pa 'di dang / tshul khrims la gnas pa 'di dang / chos 'phags pa la sbyor ba 'di dang / 'jug pa 'dis ci zhig 'dod/ smras pa gnas med pa 'dod do// smras pa gnas med pa ji ltar 'dod/ smras pa de la 'gro ba med pas 'gro ba 'am/ 'gro bar 'gyur ba gang yang med de grog po gnas med pa zhes bya ba de ni smon pa med pa'i tshig bla dgas so// yang brtson 'grus brtsom pa 'di dang / tshul khrims la gnas pa 'di dang / chos 'phags pa la sbyor ba 'di dang 'jug pa 'dis ci zhig 'dod ces rnam par gnon pa khyod kyis smras pa de gdugs skye bar mi 'dod/ 'gag par mi 'dod/ gnas par mi 'dod/ tshor ba dang / 'du shes dang / 'du byed rnams dang // rnam par shes pa skye bar mi 'dod/ 'gag par mi 'dod/ gnas par mi 'dod/ chos thams cad kyang skye bar mi 'dod/ 'gag par mi 'dod/ gnas par mi 'dod/ rnam par gnon pa 'jug pa gang gzugs so sor mi 'dzin pa dang / tshor ba dang / 'du shes dang / 'du byed rnams dang / rnam par shes pa yongs su mi 'dzin pa de 'dod cing de la blta 'o/ / rnam par gnon pa 'phags pa rnams kyi 'jug pa gang yin pa de/ kho bo'i 'jug pa'o// smras pa/ dge slong ji ltar 'jug/ smras pa/ rnam par gnon pa so so'i skye bo'i chos gang dag yin pa dang / sangs rgyas kyi chos gang dag yin pa de dag thams cad mnyam zhing gnyis su med pa dang / slob pa'i chos gang dag yin pa de dngasangs rgyas kyi chos gang dag yin pa de dag thams cad mnyam zhing gnyis su med pa dang / mi slob pa'i chos gang dag yin pa de dang / sangs rgyas kyis chos gang dag yin pa de dag mnyam zhing gnyis su med pa dang / rang sangs rgyas kyi chos gang dag yin pa dang / sangs rgyas kyi chos gang dag yin pa de dag mnyam zhing gnyis su med pa dang / 'das pa'i chos gang dag yin pa dang / ma 'ongs pa'i chos gang dag yin pa dang / da ltar 'byung ba'i chos gang dag yin pa de dag mnyam zhing gnyis su med pa ni/ skye ba med pa mnyam pa nyid kyis mnyam pa dang / 'byung ba med pa mnyam pa nyis kyis mnyam pa dang / 'gag pa med par mnyam pa nyid kyis mnyam pa te mnyam pa nyid 'asgrims mi spong ba gang yin pa'i mnyam pa nyid de/ bstan pa'i phyir sems can rnams la chos 'char par 'dod do/ / grogs po yang dag par 'jug pa 'di ni 'dod pa'i khams su 'jug pa ma yin/ gzugs kyi khams su 'jug pa ma yin/ gzugs med pa'i khams su 'jug pa ma yinano/ gang dag mnyam pa nyid la gnas pa dag ni chos nyid las mig so// rnam par mi ga sa 'gro ba mi byed/ mi 'gro bar ni byed/ grogs po 'di ni yang dag par jug pa bya'o/ / de bzhin nyid 'jug pa gang yin pa chos thams cad kyi 'jug pa yang de yin no// chos kyi dbyings kyi 'jug pa gang yin pa chos thams cad kyi 'jug pa yang de yin no// yang dag pa'i mtha'i 'jug pa gang yin pa chos thams cad kyi 'jug pa yang de yinano// 'jug pa de lta bu 'dod pa gang yin pa de ni 'dod pa yang med/ 'jug pa yang med la par rjes su mthong ni / mngon par zhen par mi byed do// grogs pa 'di ni ma 'dag par 'jug pa zhes bya'o// de nas byang chub sems dpa' den rjeb 'dud rnam par gnon pas 'di skad ces smras so/ / dge slong khyod yang dag pa'i sbyor ba 'dis chos gang zhig rtogs smras pa/ grogs po yang dag pa'i spyod pa 'dis ni kho bos rnam pa med pa'i chos rtogs so/ / lhag par byed pa med pa dang / rlom sems med pas kyang mnyam pa nyid rdzogs par byas so// yang khyod kyis chos gang rtog so shes gang de skad smras pa yang dag pa'i sbyor ba 'di ni rtogs pas rab tu phye ba ma yin gyi/ yang dag pa'i spor ba 'di ni lhag pa'i nga rgyal med pa'o// yang dag pa'i spor ba 'di ni thob par rab tu phye ba ma yin gyi/ yang dag pa'i sbyor ba 'di ni thob par rab tu phye ba dang bral ba ste/ yang dag pa'i sgor po 'dis chos gang yang rtogs pa med do yang dag pa'i sbyor ba zhes bya ba 'dis ni sbyor ba med pa'i tshig bla dgas so/ / de nas byang chub sems dpa' rdo rje'i lte ba la bdud rnam par gonon pas 'di skad ces smras so// dge slong khyod chu bo khrims yang dag par blangs pa 'dis ci zhig thob par 'gyur/ smras pa/ rnam par gnon pa kho bos tshul khrims yang dag par blangs pa 'dis/ chos thams cad 'gag pa med pa dang / skye ba med par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / smras pa/ byang chub mngon par rdzogs par byang chub pa gang / smras pa/ gzugs mnyam pa nyid du mngon par rdzogs par byang chub pa ni/ byang chub mngon par rdzogs par byang chub pa'o// tshor ba dang / 'du shes dang / 'du byed rnams dang / rnam/ pabar shes pa mnyam pa nyid du mngon par rdzogs par byang chub pa ni/ byang chub mngon par rdzogs par byang chub pa'o// bdud rnam par gnon pas smras pa/ dge slong byang chub gang du btsal bar bya/ byang chub sems dpa' rdo rje'i lte bas smras pa/ grogs po byang chub ni 'jigs tshogs la lta ba'i ngo bo nyid las btsal bar bya'o// smras pa/ ji ltar btsal bAr byA/ smras pa ci nas kyang byang chub dang/ byang chub tu lta ba kun nas mi ldang ba de ltar btsal bar bya'o// de nas bdud rnam pa gnon pas/ dge slong ba la 'di skad ces smras so/ / dge slong khyod kyi ston pa su yin/ sus rjes su bstan pas khyod kyi spobs pa 'di lta bur 'gyur/ smras pa/ grogs po gang 'jigs tshogs ma shig par byang chub thob pa de ni kho bo'i ston pa'o/ / gang nyon mongs pa dang rnam par byang ba la mi gnas pa de ni kho bo'o ston pa'o// glang 'dus byas dang / 'dus ma bas la rnam par shes pa mi gnas pa de ni kho bo'i ston pa'o/ / gang gzhan las ma mnyan par blang ba med pa'i chu bo mi gnas pa brgal ba de ni kho bo'i ston pa'o// gang chos thams cad la rnam par shes pa mi 'jug cing chos rnams la shes pa mi 'pho ba de ni kho bo'i ston pa'o/ / gang sgra thams cad la 'jug pa nye bar sgrub cing brjod du med pa'i chos nyid las kyang mi g.yo ba de ni kho bo'i ston pa'o/ / gang chos thams cad mi skyed pa dang / skye ba thams cad mi 'byung ba'i phyir/ chos kyi 'khor lto ba slong ba de ni kho bo'i ston pa'o// gang tshu rol dang / pha rol dang / dbus na mi gnas pa de ni 'bo'i ston pa'o// gang chos thams cad mi skye ba'i phyir/ skyes pa de ni kho bo'i ston pa'o// gang chos thams cad 'gog pa med pa'i phyir yongs su mya ngan las 'da' ba de ni kho bo'i ston pa ste/ des rjes su bstan pa las kho bo'i spobs pa 'di lta bur gyur to// bdud rnam par gnon pas smras pa de bzhin gshegs pa de chos kyi 'khor lo ji ltar bskor/ byang chub sems dpa' rdo rje'i lte bas smras pa/ gzug par yang mi byed/ ldog par yang mi byed// gzugs kyi de bzhin nyid dang gzugs kyi chos nyid dang / gzugs stong pa nyid dang / gzugs mtshan ma med pa nyid dang / gzugs smyon pa med pa nyid dang / gzugs zhi ba nyid dang / gzugs dben pa nyid dang / gzugs skye ba med pa dang / gzugs kyi rang bzhin dang / gzugs kyi ngo bo nyid 'jug par mi byed ldog par mi byed/ de bzhin du tshor ba dang / 'du shes dang / 'du byed rnams dang / rnam par shes pa 'jug par mi byed/ ldog par mi byed rnam par shes pa'i de bzhin nyid dang / rnam par shes pa'i chos nyid dang / rnam par shes pa'i stong pa nyid dang / rnam par shes pa'i mtshan ma med pa nyid dang / rnam par shes pa'i smon pa med pa nyid dang / rnam par shes pa'i zhi ba nyid dang / rnam par shes pa'i dben pa nyid dang / rnam par shes pa'i skye ba med pa dang / rnam par shes pa'i rang bzhin dang / rnam par shes pa'i ngo bo nyid 'jug par mi byed/ ldog par mi byed de/ de bzhin gshegs pa de ni chos kyi 'khor mo de ltar bskor ro// chos thams cad 'jug pa med par bya ba'i chos kyi 'khor lo bskor ro/ / chos kyi 'khor lo de bskod kyang rung / ma bskor kyang rung / chos kyi dbyings mtha' tshad med pa de nyid spong bar yang mi byed do/ / chos kyi 'khor lo bskor ba de gang dag gis shes par gyur pa de dag thams cad kyang de bskor ba nyid du 'gyur ro// de nas bdud rnam par gnon pa g.yog 'khor dang bcas pa/ dge slong rdo rje'i lte ba de'i slob mar khas blangs nas 'di skad ces smras so// bdag ni dge slong khyod la skyabs su mchi'o// des de la 'di skad ces smras so// khyod kho bo la skyabs su ma 'gro bar de bzhin gshegs pa 'od dri ma med pa'i 'od zer gyi rgyal po gang gis chos 'di lta bu bstan pas khyod de nyid la skyabs su song shig des de la 'di skad ces smras so/ / kyed de bzhin gshegs pa de'i thad du bzhud kyis tshur spyon/ de nas dge slong rdo rje'i lte ba bdud rnam par gnon pa dang / bdud brgyad khri bzhi stong po de dag dang 'grogs te/ bcom ldan 'das 'od dri ma med pa 'od zer gyi rgyal po de bzhin gshegs pa ga la ba der dong nas lhags pa dang / bcom ldan 'das kyi zhabs la mgo bos phyag/ 'tshal te/ thal mo sbyar nas spyan sngar 'khod pa dang / de bzhin gshegs pa des/ de dag la tshul khrims la gnas pa de nyid dang / chos 'phags pa la sbyor ba de nyid las brtsams te/ ci nas kyang de dag thams cad bla na med pa yang dag par rdzogs pa'i byang chub las phyir mi ldog par gyur pa de lta de lta bar chos bstan to// rnam par 'phral pa'i rgyal po de'i tshe de'i dus na/ dge slong rdo rje'i lte ba zhes bya ba de gzhan zhig yin pa snyam na/ khyod kyis de ltar mi blta'o// de'i ci'i phyir zhe na/ rnam par 'phrul pa'i rgyal po khyod nyid de'i tshe de'i dus na dge slong rdo rje'i lte ba zhes bya bar gyur to/ / byang chub sems dpa' sa 'dzin ni de'i tshe des dus na bdud rnam par gnon ces bya bar gyur to// rnam par 'phrul pa'i rgyal po 'di ni/ byang chub sems dpa' rnams kyi tshul khrims kyi rnam par 'phrul pa ste/ rnam par 'phrul pa de la brten nas/ smon lam gyi bye brag bsam gyis mi khyab pa rnams byang chub sems dpa' rnams la ston cing sems can tshad med pa rnams kyang byang chub tu yongs su smin par byed/ bdud phyir rgol ba rnams kyang bcom nas/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / rnam par 'phrul pa'i rgyal po de la byang chub sems dpa' rnams kyi mngon par shes pa'i rnam par 'phrul pa gang zhe nA/ mngon par shes pa'i rnam par 'phrul pa zhes bya ba ni rnam pa lnga ste/ 'di lta ste/ lha'i mig dang / lha'i rlu ba dang / pha rol gyi sems dang 'ashes pa dang / sngon gyi gnas rjes su dran pa dag/ rdzu 'phrul bya ba'o// rnam par 'phrul pa'i rgyal po de la byang chub sems dpa' rnams kyi lha'i mig gi rnam par 'phrul pa'i mngon par shes pa ji lta bu zhe na mig gi rnam par 'phrul pa'i mngon pa dgos pa gang gis byang chub sems dpa'i mig gi dbang po rtsig pa rnams kyis mi sgrib/ shing rnams kyi mi sgrib ri rnams kyis mi sgrib/ nag tshal rnams kyis mi sgrib/ khor yug dang / khor yug chen po'i ri rnams kyis mi sgrib/ ri rab kyis mi sgrib/ 'jig rten gyi bar rnams kyis mi sgrib ste/ de sgrib pa med pa'i mig gis phyogs bcu sangs rgyas kyi zhing dpag tu med/ grangs med pa rnams mthong zhing / de dag thams cad kyang sangs rgyas kyi zhing gcig tu rab tu shes te 'di lta ste/ nam mkha' la tha dad pa med pa'i phyir ro// zhing la zhing spor bar yang mi byed/ tha dad par yang mi byed do// sangs rgyas kyi zhing de dag na/ sangs rgyas bcom ldan 'das nyan thos kyi tshogs dang bcas pa gang bzhugs pa de dag thams cad kyang mthong zhing / chos kyi dbyings dbyer med pa'i tshul gyis sangs rgyas thams cad kyang mthong zhing / chos kyi dbyings da byed med pa'i tshul gyis sangs rgyas thams cad sangs rgyas gcig tu mos so/ / sangs rgyas gcig mthong bas kyang sangs rgyas thams cad mthong ba rnam par spong bar byed do/ / sangs rgyas thams cad mthong bas kyang / sangs rgyas gcig mthong ba rnam par sbyong bar byed do// sangs rgyas mthong ba rnam par dag pa des kyang / bdag mthong ba ma par dag pa la 'jug go/ rnam par dag pa de nyid kyis chos thams cad mthong ba/ rnam par dag pa la 'jug ste/ bdag mthong ba rnam par dag pa 'am/ chos mthong ba rnam par dag pa la 'du shes gnyis su yang mi 'gyur ro/ / sangs rgyas bcom ldan 'das de dag gi nyan thos gang dag mthong ba de dag kyang sangs rgyas mthong ba rnam par dag pa las gzhan ma yin par rab tu shes so/ / de nyan thos mthong bas sangs rgyas mthong la sangs rgyas mthong bas kyang nyan thos mthong ste/ yang dag par mthong bas mnyam par mthong ngo // 'jig rten gyi khams mtha' yas mu med pa dag na 'khod pa'i sems can gang dag sems can du bsgrubs bsdus pa'i sems can dmyal ba pa 'am/ dud 'gro 'am/ yi dgas sam/ lha ma yin nam/ lha 'am/ mi yang rung ste/ gzugs med pa na spyod pa ma gtogs par de dag thams cad kyi 'chi 'pho dang / skye ba dang / kha dog bzang po dang / kha dog ngan pa dang / bde 'gro dang / ngan 'gro dang / ngan pa dang / bzang po rnams mthong zhing sems can de dag gi las kyi rnam par smin pa thams cad kyang rab tu shes shing khong du chud do// de sems can rnams mthong zhing las kyi rnam par smin pa rab tu shes kyang bdag med pa'i mtha' tshad mar byas nas sems can rnams la sems can gyi 'du shes su mi 'gyur ro/ / de lha'i mig/ des gzugs su gtogs pa thams cad mthong ste/ dngos po med pa nyid kyi phyir gzugs su snang ba de dag thams cad kyang snang ba tsam du rab tu shes so// gzugs su snang ba de dag thams cad kyang sngon gyi mtha' skye ba med pa'i phyir yang dag pa ma yin par rab tu shes la/ lha'i mi/ sgrib pa med pa de mngon par mi sgrub pa yang ma yin no// de shes rab kyi stobs dang ldan pas 'dod na/ gzugs nye 'khor du gyur pa dang mtshungs par yang mthong bar 'gyur/ 'dod na mi mthong bar yang 'gyur/ de 'dod na gcu cung zad kyang yong ye mig sngar snang bar mi 'gyur ro/ / de srog chags 'bum phrag du ma'i nang na 'dug kyang / bsam gtan dang / rnam par thar pa dang ting nge 'dzin dang snyoms par 'jug pa rnams kyis gnas te/ sems can gang yang de'i mig lam du snang bar mi 'gyur ro// de ci'i phyir zhe na/ 'di ltar byang chub sems dpa' des bdag med pa'i de kho na shes pa'i phyir ro// / 'dod na gzugs na spyod pa'i lha'i lus phra ba/ lus bzang ba/ lus 'od gsal ba lus mi snang ba/ gang dag yin pa'i lha de dag gi mdun na yang byang chub sems dpa' rang gi lus nye bar bstan to/ / lha'i bu de dag gis kyang de'i lus mthong / des kyang de dag gi lus mthong ngo // 'dod na de'i lus lha rnams kyi mthong la/ rang gi lus mi mthong ngo // de 'dod na lha'i bu de dag rang gi lus mthong la/ de'i lus mi mthong ste/ de lha'i mig de lta bu dang ldan par 'gyur ro// de lha'i rna ba dang ldan par gyur te/ 'di la 'jig rten gyi khams mtha' yas mu med pa dag na sgra ji snyed yod pa lha'i sgra 'am/ klu dang / gnod sbyin dang / dri za'i sgra'am/ lha ma yin nam/ nam mkha' lding dang / mi 'am ci dang / lho'i bye chen po'i sgra 'am/ mi dang mi ma yin pa'i sgra de dag thams cad de'i sgra'i dbang ba da la grag par 'gyur ro// de sna de dag thams cad thos kyang sgyu tha dad par mi byed pa sgra thams cad kyang smrar med par mos so/ / brjod du med par mos so// de sgra de dag thos kyang bdag tu 'du shes sam/ sems can du 'du shes sam/ sgrar 'du shes mi 'jug la sgra thams cad kyang thog ma'i mtha' dang / tha ma'i mtha'i sgrar brjod pa med par rab tu rtogs shingachos thams cad brjod du med par yid ches so// de'i rna ba'i dbang po'i rnam par shes pa'i las sgrib pa med par 'gyur te/ sgra de dag thos nas kyang / sgra de dag gi don gang yin pa de rab tu shes so// sgra rnams kyi don gang zhe na/ sgra thams cad kyi don ni brjod du med pa'i don to/ / smar med pa'i don to// sgra thams cad kyis don ni nye bar zhi ba'i don to// don des don la rton par 'gyur/ sgra thams cad kyang thos la/ chos thams cad ma skyes pa'i phyir/ gang la yang gnas par mo byed do// phyogs bcur 'jig rten gyi khams grangs med pa dag na/ sangs rgyas bcom ldan 'das gang dag bzhugs la 'tsho zhing zhes te/ chos kyang ston pa de dag gis chos bstan pa de dag thams cad kyang de'i rna bas thos par 'gyur ro// de la sgrib pa 'am/ kun nas dkris te 'dug par yang mi 'gyur la/ chos bstan pa de dag thams cad thog+sa gling / ji ltar thos pa yang 'dzin to// zin nas kyang chos gang yang mi byed do// ji ltar na gang mi brjed ce na/ de ni tshig 'ga' yang ma rtogs par 'gag par mi 'gyur bas de ltar na mi brjed do// chos gang dag zag pa dang cas pa dang / zag pa med pa 'am/ 'dus byas dang 'dus ma byas sam/ 'jig rten pa dang / 'jig rten las 'das pa 'am dag pa dang mi dge ba 'am/ kha na ma tho ba dang bcas pa dang / kha na ma tho ba med pa rnams sam/ nyan thos kyi theg pa dang ldan pa 'am/ rang sangs rgyas kyi theg pa dang ldan pa rnams thos sam/ theg pa chen po dang ldan pa rnams thos nA/ 'di lta ste/ dben pa'i dbyings ro gcig nyid kyi phyir/ chos de dag thams cad chos gcig gi ngo bo nyid kyi ro yin par 'jug go// de chos nyan cing 'chad kyang yul thams cad la mi chags so// chos kyang nyan mod kyi/ mtshan ma thams cad dang yang lhan gcig tu mi gnas so/ / de chos la rten pa yin gyi chos ma yin pa la mi rten to// de la chos gang zhe na/ chos shes bya ba ni 'dod chags dang bral ba'o// chos shes bya ba ni mtshan ma med pa'o// chos shes bya ba ni 'dus ma byas pa'o// chos shes bya ba ni mtha' yas pa/ dpe med pa mi 'gyur ba/ dmigs su med pa mi skye ba ma skyes pa ste/ gang chos de lta bu la rlom sems med pa dang / rtog pa med pa dang / 'du shes dang / yid kyi 'du byed spros pa med pa dang / blang ba med pa dang / dor ba med pa de ni chos shes bya'o/ / de don la rton pa yin gyi/ tshig 'bru la rton pa ma yin te/ tshig 'dra spong bas don la rton pa yang ma yin no// de don la 'bab pa'i blos rlos nyan te/ ji ltar mdon la 'bab pa'i blo yin zhe na/ gang stong pa nyid kyis don gyis lta bar mi lhung ba dang / gang mtshan ma med pa'i don gyi mtshan mar mi ltung ba dang / gAng smon pa med pa'i don gyi smon par mi ltung ba ste/ de ltar na don la 'bab pa'i blo yin no// gang las chos nyan pa 'am/ gang las don la rton pa de yang don tu mi dmigs te/ de dmigs su med pa layang dmigs par mi 'gyur ro/ / de sangs rgyas bcom ldan 'das de dag la chos kyang nyan te/ nges pa'i don gyi mdo sde la rton pa yin gyi/ drang ba'i don gyi mdo sde la rton pa ma yin / nges pa'i don gyi mdo sde gang zhe na/ brjod du med pa'i phyir mdo sde thams cad ni nges pa'i don te/ de ltar na nges pa'i don gyi mdo sde la rton pa yin no// nges pa'i don gyi mdos 'di dag la gang dag mi rten pa de dag ni drang ba zhes bya ste/ ci'i phyir drang ba zhes bya zhe na/ 'di ltar nges pa'i don las 'gal ba'i chos la gnas pa yin te/ de dag ni drang ba'i dgra pa yin no/ / gang gis drang zhe na/ sgras drang ngo // nges pa'i don gyi mdo sde la dzin pa dag ni smra ra yin no// de ci'i phyir zhe na/ de dag gis don dam pa brjod du med pa rtogs shing de dag gis 'das pa dang / ma 'ongs pa dang / da ltar byung ba'i chos thams cad la lhag tshad med par shes pa'i phyir te/ rnam par 'phrul pa'i rgyal po don gyi rnam pa 'di la de ltar chos nyid 'di la rton na/ mdo sde thams cad nges pa'i don du 'gyur ro// de de ltar mi ton na mdo sde thams cad dang pa'i don tu 'gyur ro// rnam par 'phrul pa'i rgyal po gzhan yang byang chub sems dpa' sangs rgyas bcom ldan 'das de dag las chos nyan pa na/ ye shes la rton pa yin gyi/ rnam pashes pa la mi rton to// de'i ci'i phyir zhe na/ des rnam par shes pa sgyu ma lta bu dang / dben pa dang / ngo bo nyid med pa dang / gzugs med pa dang / bstan tu med pa dang / thogs pa med pa dang / rnam par rig par ma yin par shes pa'i phyir te/ gang rnam par shes pa de ltar rtogs pa de ni ye shes yin no// de ye shes la rton pa yin gyi rnam par shes pa rjes su mi rgyug kyang / gzhan dag la rnam par shes pa de ston te/ de la mtshan mar yang mi 'dzin cing / de rnam par shes pa la ye shes so zhes kun tu skyed de/ rnam par shes pa 'am/ ye shes la mngon par zhen par yang mi 'gyur ro/ / rnam par shes pa'i de kho na la mngon par zhen pas ye shes kyi de kho na mi brjod do// rnam par 'phrul pa'i rgyal po byang chub sems dpa' gang ye shes la rngon pa de ni/ rnam par shes pa dang lhan cig mi gnas so/ / sems can gzhan dag la rnam par shes pa ma yin par yang chos mi 'chad do// rnam par 'phral pa'i rgyal po 'di ni byang chub sems dpa'i mngon par shes pa'i rnam par 'phral pa yin te/ lha'i rna ba thob pa des ye shes kyi dbyings 'di rtogs par 'gyur ro// rnam par 'phrul pa'i rgyal po byang chub sems dpa' de gang zag gi tshig bla dgas dang / ldan pa'i chos kyang nyan cing / chos nyid la rton gyi gang zag la mi rton to// de ci'i phyir zhe na/ rnam par 'phrul pa'i rgyal po gal te/ legs par gsungs pa'i chos 'dul ba 'di la gang zag yod par 'gyur na/ sems can gang yang shin tu dag pa dang / thar par mi 'gyur ba'i phyir ro// rnam par 'phral ba'i rgyal po de lta bas na chos thams cad gang zag med mod kyi/ de bzhin gshegs pa ni 'jig rten gyi tha snyad du gang zag ces gsungs so// de bas na byang chub sems dpa' chos la ston pa yin gyi/ gang zag la rton pa ma yin no// rnam par 'phrul pa'i rgyal po chos shes bya ba de ni chos kyi dbyings kyi tshig bla dgas so/ / rnam par 'phrul pa'i rgyal po chos kyi dbyings shes bya ba de ni/ skye ba med pa'i dbyings kyi tshig bla dgas so// rnam par 'phrul pa'i rgyal po skye ba med pa zhes bya ba de ni/ 'byung ba med pa'i tshig bla dgas so// rnam par 'phrul pa'i rgyal po 'byung ba med pa zhes bya ba de ni brjod du med pa'i tshig bla dgas so/ / de'i ci'i phyir zhe na/ tshig gang gis chos gang dang gang brjod pa'i chos de gang de tshig de la yod pa ma yin la/ gang yod pa ma yin pa de bla dgas yin pa de'i phyir te/ de'i phyir tshig bla dag sa shes bya'o/ / tshig thams cad ni tshig med pa tshig tu brjod pa med pa'o// de la pas tshig brjod pa gang yin pa de ni tshig med pa ste/ brjod pa ma skyes shing yang dag pa ma yin pa'i phyir brjod/ pa med pa'o// de'i ci'i phyir zhe na/ gang brjod pa'i mtshan nyid de ni sangs rgyas kyi tshig ma yin te/ brjod du med pa ni sangs rgyas kyi tshig yin pa'i phyir ro// de bas na de sangs rgyas kyi tshig ces bya'o/ / gang sangs rgyas kyi tshig la 'jug pa de ni tshig med pa la 'jug pa'o// gal te tshig la 'jug na sangs rgyas kyi tshig la 'jug pa ma yin no// rnam par 'phrul pa'i rgyal po sangs rgyas kyi tshig la 'jug par 'dod pas/ rlig gang gis gang zag ces bya ba 'am/ chos shes bstan par gyur pa de tshig tu blta bar mi bya'o// de ci'i phyir zhe na/ gang la gnyis yod pa de sangs rgyas kyi tshig ma yin pa'i phyir te/ sangs rgyas kyi tshig ni gnyis su med pa'o// gang la sgra yod pa de ni sangs rgyas kyi tshig ma yin te/ sangs rgyas kyi tshig ni sgra med pa'o// gang la / brjod pa yod pa de sangs rgyas kyi tshig ma yin to// sangs rgyas kyi tshig ni brjod pa med pa'o// rnam par 'phrul pa'i rgyal po de lta bas na/ byang chub sems dpa' gang sangs rgyas kyi tshig la zhugs pa de ni mngon par shes pa thob pa zhes bya ste/ de la rna ba de sgra thams cad chos nyid dang 'thun par sangs rgyas kyi byang chub rtogs par byed do// rnam par 'phrul pa'i rgyal po 'di lta ste/ lha'i rna ba 'di ni byang chub sems dpa'i mngon par shes pa gnyis pa'o// // bam po gnyis pa// // rnam par 'phrug pa'i rgyal po gzhan yang byang chub sems dpa' pha rol gyi sems shes pa'i mngon par shes pa 'thob cing / sems can gzhan dag dang / gang zag gzhan rnams kyi sems rab tu shes te / 'khor gang dang gang du chos 'chang du 'gro bar/ de dang po nyid du sems can gang gi bsam pa ji lta bu/ sbyor ba ji lta bu rgyu ji lta bu/ mtshan nyid ji lta bu yin snyam du 'khor gyi sems can rnams la rnam par lta ste/ bltas nas kyang de bzhin du chos ston to// de rang gi sems yongs su dag pas 'khor gyi sems yongs su dag pa rjes su 'jug ste/ rnam par 'phrul pa'i rgyal po 'di lta ste/ dper na/ me long gi dkyil 'khor yongs su dag pa'i phyir/ me long gi dkyil 'khor yongs su dag pa la/ gzugs su snang ba ji lta bu bsnyen pa'i kha dog dang / rtags dang dbyibs ji lta bu yin pa de lta bu nyid kyi gzugs brnyan lhag chad med par snang ste/ me long gi dkyil 'khor de ni rnam par mi rtog mi sems kyang de dag snang ngo // rnam par 'phrul pa'i rgyal po de bzhin du byang chub sems dpa' yang rang gi sems yongs su dag pa dang / chos kyi dbyings kyi dkyil 'khor yongs su dag pa'i phyir/ sems can rnams kyi sems kyi spyod pa ji lta bur 'byung ba de dag thams cad rab tu shes te/ byang chub sems dpa' rang gi sems la sgrib pa yang med/ gzhan gyi sems la sgrib pa yang med do// de na gal te 'khor 'dod chags la spyod pa yin na yang de'i sems rab tu shes so/ / 'dod chags dang bral ba'i sems kyang yang dag par mthong ngo // de ci'i phyir zhe na/ sems kyi rang bzhin chags pa med pa'i phyir ro// gal te 'khor zhe sdang la spyod pa yin na yang de'i sems rab tu shes so/ / zhe sdang dang bral ba'i sems kyang yang dag par mthong ngo // de ci'i phyir zhe na/ sems kyi rang bzhin zhe sdang ma yin pa'i phyir ro// gal te 'khor gti mug la spyod pa yin na yang de'i sems rab tu shes so// gti mug dang / bral ba'i sems kyang yang dag par mthong ngo // de ci'i phyir zhe na/ sems kyi rang bzhin gti mug ma yin pa'i phyir ro/ / gal te 'khor nyan thos kyi theg pa la mos pa yin na yang spyod pa de kho na bzhin du shes te/ chos kyi dbyings chung bar yang mi byed do// gal te 'khor rang sangs rgyas kyi theg pa la mos pa yin na yang spyod pa de kho na gzhin du shes te/ chos kyi dbyings 'bring du yang mi byed do// gal te 'khor theg pa chen po la mos pa yin na yang spyod pa de kho na bzhin du shes te/ chos kyi dbyings mchog tu yang mi byed do/ / de sems can thams cad kyi sems kyi khams kyi spyod pa shes pas kyang chos sngon la/ sems kyi rang bzhin la rnam par rtogs par yang mi byed do// theg pa thams cad rnam par 'jog pas kyang chos ston to/ / chos kyi dbyings tha dad par yang mi byed do// chos kyi dbyings tha dad pa med pas kyang sems can thams cad kyi spyod pa rab tu shes so// de sems kyis sems la rnam par lta la/ sems kyis sems la sbyor bar yang mi byed cing / mi mthun par yang mi byed do// sems can thams cad kyi sems kyi dbyings de dag kyang rab tu shes te/ chos kyi dbyings gang yin pa de sems kyi dbyings yin par rab tu shes so// rnam par 'phral pa'i rgyal po de ltar na// byang chub sems dpa' pha rol gyis sems shes pa'i mngon par shes pa thob ste/ mngon par shes pa des lha dang bcas pa'i 'jig rten gyi khams mngon par shes so// rnam par 'phrul pa'i rgyal po gzhan yang byang chub sems dpa' sngon gyi gnas shes pa mngon sum du byed pa'i mngon par shes pa thob cing / de brjed pa med la/ dbang po mnyam par gzhag pas/ sngon gyi gnas rjes su dran te/ de dag dang gzhan dag gi sngon gyi gnas la bskal pa gang+gA'i klung gi bye ma snyed nas brtsams nas chos ston te/ che ge mo zhig na bdag gi ming ni 'di zhes bya bar 'gyur/ rigs ni 'di zhes bya/ tshe'i tshad ni 'di tsam zhig thub/ bde ba dang / sdug bsngal ni 'di lta bu zhig myong zhes bya ba dang / sems can gzhan rnams kyis yang de bzhin du rab tu shes so/ / de sems can rnams sngon gyi dge ba'i tsA ba rgya la byung ba rab tu shes te/ sems can 'di dag ni rgyu'i stobs can 'di dag na rkyen gyi stobs can / desra can di dag gi rmyi thob kyi thegapa// de drug gi rgyu ni rang sangs rgyas kyi theg pa/ sems can 'di dag gi rgyu ni theg pa chen po'o zhes de sems can rnams kyi sngon gyi shes nas de dag la de bzhin du chos ston to/ / de sngon gyi gnas mngon du byed pas sngon gyis sbyor ba phun sums tshogs pa thob bo// de sangs rgyas rnams la sngon dge ba'i rtsa ba ji snyed bskyed pa byang chub tu yongs su ma bsngos pa de dag rjes su dran par byas nas/ bla na med pa yang dag par rdzogs pa'i byang chub tu yongs su sngo'o// de sngon gyis gnas kyang rjes su dran la chos thams cad sngon gyi mthar 'pho ba med par yang rab tu shes/ gang yang sngon gyi mtha' nas phyi ma'i mthar 'gro ba med par mthong / phyi ma'i mtha' nas sngon gyi mthar 'gro ba med par mthong ngo // chos thams cad gang du yang 'gro ba dang / 'ong ba med par yang rab tu shes so// de sngon gyi mtha' rjes su dran pa na/ sngon gyi mthar lta bar mi 'gyur/ dbyim ni mtha' rjes su dran pa na/ byi ma mthar lta bar mi 'gyur te/ chos thams cad mtha' dang / dpung med par yang rab tu shes so// de sems can thams cad kyi sngon gyi gnas kyang rjes su dran la/ gzugs sngon rgya mthas dben pa nyid du yang rab tu shes/ nor ba dang / 'du shes dang / 'du byed rnams dang rnam par shes pa sngon gyi mthas dben pa nyid du yang rab tu shes twa/ de phung po lnga nar sngon gyi mthas dben pa nyid dang / phyi ma'i mthas dben pa nyid dang / da ltar 'byung ba'i dben pa nyid du rab tu shes so// de chos thams cad sngon gyi mthas stong pa'i ngo bo nyid dang / da ltar byung bas stong pa'i ngo bo nyid dang / phyi ma'i mthas stong pa'i ngo bo nyid du rab tu shes so// rnam par 'phrul pa'i rgyal po byang chub sems dpa' sngon gyi gnas rjes su dran pa ni/ sngon gyi dge ba'i rtsa ba yongs su nyam par yang mi 'gyur la/ las mngon par 'du bya ba sngon byas pa yang yongs su zad par 'gyur ro// de ci'i phyir zhe na/ de chos thams cad skur pa ma yin pa dang / rnying pa ma yin par shes pa'i phyir ro// de shes pa de bya bu dang ldan po'i 'dra byed du gtogs pa rnams rmel ma lta bur mos par byed de/ 'di lta ste/ dperan/ rmig @/ lam na skye ba dang / 'chi ba dang / bde ba dang / sdug snga la rmib de bzhin du 'du byed thams cad la mos par byed do// de de ltar mos pas 'khor bas skyong / bapar mi 'gyur la/ sems can thams cad la yang snying rje bar 'gyur ro// chos thams cad la bcos mar 'du shes su 'gyur te/ de 'di snyam du bdag skal pa stong phrag 'di snyed/ gcig tu 'khor bar gyur pa de yang dag par ma yin zhing med pa'o// 'byung ba chen po rnams ni med pas/ gang na 'byung ba chen po rnams mi srid pa'i sems can thams cad kyi 'khor ba yang de/ bzhin te/ yang drag pa ma yin zhing med pa'o snyams du sems so// rnam par 'phrul pa'i rgyal po byang chub sems dpa'i de sngon gyi gnas rjes su dran pa de 'byung ba rnams dang / 'du byed rnams mi rtag pa nyid du mthong ste/ de ci'i phyir zhe na/ de ni 'khor los sgyur ba'i bde ba rjes su dran la/ de yang mi rtag pa dang / 'gyur ba'i chos can yin/ brgya byin gyi bde ba rjes su dran la/ de yang mi rtag pa dang / 'gyur ba'i chos can yin no// tshangs pa'i bde ba rjes su dran la/ de srung mi rtag pa dang 'gyur ba'i chos can yin no// spro gyi sangs rgyas bcom ldan 'das rnams kyi zhing gi yon tan bkod pa dang / nyan thos kyi yon tan bkod pa dang / byang chub sems dpa'i yon tan bkod pa nye bar spyod pa dang / yongs su spyod pa rjes su dran zhing sangs rgyas bcom ldan 'das de dag gi gzugs kyi sku phun sum tshogs pa dang / chos kyi 'khor lo skor ba phun sum tshogs pa yang rjes su dran no// da de ltar rjes su dran pa na/ 'dus byas kyi dngos po thams cad dang / yongs su 'dzin pa thams cad la/ mi lta ba'i 'du shes pa yin no// de ci'i phyir zhe na/ 'di ltar de 'di snyam du spangs rgyas kyi zhing rgya chen po dang / sangs rgyas kyi gzugs kyi sku de dag kyang zad pa'i chos nyid kyis zad pa yin te/ de bas na bdag gis yongs su gzung ba 'di yang mi rtag go snyam du sems shing / / de dag gi yongs su bzung ba mi rtag pa nyid la yang rton/ 'gyur ba la yang ston to// de 'di snyam du yang sems te/ e ma'o 'du byed thams cad shin tu mi rtag na/ sems can rnams ni rtag par 'du shes so snyam du sems can rnams la de snying rje chen po skye zhing / dngos po thams cad la mi lta bar 'gyur ro// rnam par 'phrul pa'i rgyal po 'di ni byang chub sems dpa'i mngon par shes pa'i rnam par 'phrul pa bzhi pa ste/ dngos po thams cad mi rtag par yang rtogs la/ sems can yongs su smin par bya ba'i phyir/ srid pa rnams su bsams bzhin du skye ba dang / yongs su 'dzin pa med par bya ba'i phyir yongs su gzung ba yongs su 'dzin cing sems can rnams yongs su smin par bya ba 'di nyid kyi phyir/ nye bar len pa med par nye bar len to/ / rnam par 'phrul pa'i rgyal po de la byang chub sems dpa' rnams kyi rdzu 'phrul gyi rnam par 'phrul pa gang zhe na/ rnam par 'phrul pa'i rgyal po 'di la byang chub sems dpa' 'dun pa dang / brtson 'grus dang / sems dang da pyod pa las sems la dbang ba'i rnam pa mngon par bsgrubs pa'i rdzu 'phrul gyi rkang pa thob ste/ de shin tu cher mngon par 'dus byas pa med par/ rdzu 'phrul mngon du thob po// de 'dod na sems bskyed pa gcig gis 'jig rten gyi khams gang+gA'i klung gi bye ma snyed dag tu 'gro zhing der song bar yang shes la/ 'di nas kyang mi g.yo'o// de na chos ston par yang snang la/ 'di ni gtam brjod pa'i rgyun yang mi 'chad do// rnam par 'phral pa'i rgyal po 'di ni byang chub sems dpa'i rdzu 'phrul gyi rnam par 'phral pa ste rnam par 'phrul pa des rdzu 'phrul gyis cho 'phrul gyis gdul ba'i sems can rnams 'dul bar byed de/ lha yang rung / mi yang rung / sems can gang dag rtag par 'du shes pa de dag la sreg pa'i bskal pa nye bar ston te/ de na stong sum gyis 'jig rten gyi khams chag par de dag gis mthong la/ 'jig rten gyi khams de zhig par yang mi 'gyur ro// sems can gang dag lhag pa'i/ nga rgyal can de dag la ni gnod sbyin lag na rdo rje'i gzugs su nye bar ston te/ de rdo rje 'bar la kun tu rab tu mched cing 'bar ba rab tu 'jigs par byed pas de dag 'jig par byas nas de dag nga rgyal med par gyur te/ de la phyag 'tshal lo// gang dag 'khor los sgyur ba'i kha dog la mos pa de dag sa ni/ 'khor los sgyur ba'i kha dog dang / gzugs kyis chos ston gang dag rgya byin gyi kha dog la mos pa de dag la ni brgya byin gyi kha dog dang gzugs kyis rmis ston/ gang dag bdud kyi kha dog la mos pa de dag la ni bdud kyi kha dog dang / gzugs kyis chos ston// sems can gang dag tshangs pa'i kha dog la mos pa de dag la ni tshangs pa'i kha dog dang / gzugs kyis chos ston/ gang dag nyan thos dag dang / rang sangs rgyas kyi kha dog la mos pa de dag la ni de lta bu'i kha dog dang / gzugs nyid kyis chos ston/ sems can gang dag sangs rgyas kyi kha dog la mos pa de dag la ni sangs rgyas kyi kha dog dang / gzugs kyis chos ston te/ de sems can kha gcig la ni nam mkha' la skyil mo krung du 'dug nas/ 'od rnams las 'od gzer phyung ste chos ston to// de sems can rgya chen po la mos pa rnams la ni stod sum gyi stong chen po'i 'jig rten gyi khams thams cad bA re bres/ dar gyi chun kor gyi 'phreng ba sbyangs/ gdugs dang / rgyal mtshan dang / ba dan gyis brtan/ dril bu'i dra bas bskyod/ me tog sna tshogs bkram bdug pas bdugs/ sil snyan 'bum phrag du ma gsil ba stan nas chos ston/ sems can kha cig la ni stong sum gyi 'jig rten gyi khams thams cad rgya mtsho gcig tu byin gyis brlabs te/ me tog ut+pal dang / ku mu dA dang / pad+ma dkar pos khebs par byas nas/ de'i dbus su seng ge'i khri mngon par sprul te/ de la bdag 'dug nas chos ston// sem+ba can kha cig la ni ri rab kyi rtse mor bdag 'dug par bstan nas tshangs pa'i sgrar smra ba'i dbyangs kyis chos ston/ sems can kha cig la ni lus mi snang bar sgra snyan par grag pa'i rnam par rig byed kyi chos ston/ sems can kha cig la ni dri za'i gzugs kyis glu dang / rol mo'i dbyangs sgra dga' ba'i sbyor bas chos ston/ sems can kha cig la ni klu'i dkyil 'khor gyi sbyor bas sprin dang / 'brug sgra dang / klog dang char gyi rgyun 'bab pa bstan nas chos ston/ bkres pa dang / skom pas nyan pa kha cig la ni lha'i bza' ba dang / btung ba sbyin nas bde bar gyur pa la chos ston// sems can dmyal ba pa'i sam+ba can gang dag sdug sngal gyis shin tu gzir ba de dag la ni/ rdzu 'phrul gyi mthus sems can dmyal ba'i me zhi bar byas nas/ spyi'i bu ga thams cad du gzi byin bcug ste/ bde ba thob par gyur pa rnams la chos ston/ sems can long ba rnams la ni rdzu 'phrul gyi mthus mig byin te/ mig dang ldan par gyur pa la chos ston/ sems can gang dko rna ba da bral zhing 'on par gyur pa de dag la ni/ rdzu 'phrul gyi mthus rna ba dang ldan par byas te/ de dag la chos ston/ sems can gang dag nad sna tshogs kyis gzir ba de dag la ni nad med par byas nas/ nad dang bral ba rnams la chos ston/ sems can gang dag gsad du khrid cing srog gi bar chad can du gyur pa de dag gi phyir ni/ rdzu 'phrul gyi mthus de dang 'dra ba gzhan dag sprul te/ bsam nas de dag thar par byas te/ srog gi dbugs byin par gyur pa rnams la chos ston sems can yan lag dang / nying lag nyams shing dbang po drang bral ba/ mi sdug pa/ mi 'jigs pa med pa/ sems rang gi lus la zhum pa de dag la yang rdzu 'phrul gyis mthus yan lag dang / nying lag thams cad dang ldan par byas pa'i 'og tu gzugs bzang po can la chos ston/ sems can mngal gyi gnas na 'khod pa blan zhing mi gtsang ba'i snying pos 'tsho ba de dag kyang rdzu 'phral gyi mthus btul te/ mngal nyid du rin po che bkod pa'i khang pa brtsegs par 'dug nas de dag gi yid kyi blo bskyed de/ de dag la chos ston/ btsas te dbang po yongs su ma smin pa rnams kyang rdzu 'phrul gyi mthus ngag gi las kyi rnam par rigs byed kyis byis pa rnams la chos ston to// rnam par 'phrul pa'i rgyal po byang chub sems dpa' de rdzu 'phrul de lta bu dang ldan pas/ cho 'phrul bsam gyis ma khyab pa gzhan dag gis kyang chos ston/ de zla ba dang nyi ma la mos pa'i sems can rnams 'dul ba'i phyir/ zla ba dang nyi ma'i gzhal med khang rnams ni zla ba dang / nyi ma ltar snang zhing rdzu 'phrul gyi mthus kyang zla ba dang nyi ma'i dkyil 'khor dang / stod sum gyi stong chen po'i 'jig rten gyi khams lag mthil du bzhag ste/ 'jig rten gyi khams mtha' yas par 'gro'o// de 'gro bar yang snang la/ gzhi nas gsos pa yang med do// 'dod na sangs rgyas kyi zhing gang+gA'i klung gi bye ma snyed dag spu'i dra ba gcig tu bcug nas/ tshangs pa'i 'jig rten du 'dug cing / 'jig rten gyi khams mtha' yas par 'phen kyang / sems can gang la yang gnod par yang mi 'gyur la/ slar yang gnas ji lta bu nyid du 'jog kyang sems can rnams kyis bdag cag khyer ba 'am/ slar blangs par mi shes so// kha'i dbugs gcig gis kyang sreg pa'i bskal pa gang+gA'i klung gi bye ma snyed dag zhi bar byed do/ / skyil mo krung gcig tu 'dug pas kyang sangs rgyas kyi zhing gang+gA'i klung gi bye ma snyed dag tu 'gro'o// lag pa gnyis kyi nyi ma dang zla ba bsgribs te/ sangs rgyas kyi zhing de dag kyang snang bar byas nas chos ston to// rnam par 'phrul pa'i rgyal po byang chub sems dpa' de/ gal te de bzhin gshegs pa'i spyan snga na 'dug par 'gyur la/ 'dod na de bzhin gshegs pa la mchod pa'i las bya ba'i phyir/ me tog gi phur ma ri rab lta bu dag de bzhin gshegs pa'i sku la 'thor zhing / me tog gi phur ma de dag kyang gtor ma thag tu de bzhin gshegs ba'i sku'i nang na snang ngo / / stong sum gyi stong chen po'i 'jig rten gyi khams 'din shing ngam/ rtswa gang dag yod pa de dag thams cad de bzhin gshegs pa la mchod pa'i las bya ba'i phyir mar me dang / yon chab du byin gyis rlob ste/ de dag kyang 'bar zhing me dang / yon chab kyi char bab par snang ngo // sems can thams cad kyi mdun du yang bdag gi lus nye bar ston ste/ brgya byin du ston pa 'am/ tshangs par ston pa 'am/ nyan thos su ston pa 'am/ rang sangs rgyas su ston pa 'am/ sangs rgyas su ston pa ji ltar mos pa'i gzugs su ston to// rnam par 'phrul pa'i rgyal po de ni/ byang chub sems dpa' rnams kyi mngon par shes pa'i rnam par 'phrul pa ste/ 'di lta ste/ lha'i mig gzugs lta ba la thogs pa med pa dang / b+ha'i rna ba swA nyan pa la sgrib pa med pa dang / sems can thams cad kyi sems kyi spyod pa shes pa la thogs pa med pa'i shes pa nyid dang / bskal pa grangs med pa rjes su dran zhing bskal pa grangs med par gnas pa la thogs pa med/ sgrib pa med pa dang / thams cad nye bar ston cing len pa med pa dang / dor ba med par byed pa 'di ni mngon par shes pa'i rnam par 'phrul pa zhes bya ste/ rnam par 'phrul pa'i rgyal po sangs rgyas thams cad bstan par bya ba'i mngon par ston shes pa gang yin pa dang / sems can thams cad kyi dbang po mchog dang / mchog ma yin pa shes pa'i mngon par shes pa gang yin pa dang / nyan thos kyi theg pas 'dul ba'i mngon par shes pa gang yin pa dang / rang sangs rgyas kyi theg pas 'dul ba'i mngon par shes pa gang yin pa dang / theg pa chen pos 'dul ba'i mngon par shes pa gang yin pa dang / 'chi 'pho dang / skye ba dang // mdo par shes pa gang yin pa dang / sems can yongs su smin par bya ba shes pa'i mngon par shes pa gang yin pa dang / mngon par 'byung ba yang dag par shes pa spyod pa dag mngon par shes pa gang yin pa dang / thabs la mkhas pa mngon par shes pa gang yin pa dang / sbyin pa yongs su bsngo ba'i mngon par shes pa gang yin pa dang / tshul khrims dang / bzod pa dang / brtson 'grus dang / bsam gtan dang / shes rab yongs su bsngo ba dang / bdud tshar gcad pa dang / dge ba'i rtsa ba la sbyor ba mngon par shes pa gang yin pa de ni mngon par shes pa zhes bya'o/ / rnam par 'phrul pa'i rgyal po gzhan yang byang chub sems dpa' mngon par shes pa thob pa ni gzugs dang / kha dog dang / gzi brjid dang / snyan pa dang / grags pa dang / stobs dang / rigs dang / rus dang / nor dang / g.yo/ 'khor rnams kyis mngon par shes par 'gyur te/ de'i phyir mngon par shes pa zhes bya'o// rnam par 'phrul pa'i rgyal po gzhan yang mngon par shes pa thob pa'i byang chub sems dpa' lha dang / klu dang / gnod sbyin dang / dri za dang / lha ma yin dang / nam mkha' lding dang / me 'am ci dang / lto 'phye / chen po dang / mi dang mi ma yin pa rnams dang / brgya byin dang / tshangs pa dang / 'jig rten skyong ba rnams dang / de bzhin gshegs pa dgra bcom pa yang dag par rdzogs pa'i sangs rgyas rnams kyis mngon par shes par 'gyur te/ de bas na mngon par shes pa zhes bya'o// rnam par 'phrul pa'i rgyal po de ni mngon par shes pa zhes bya ste/ mngon par pa des byang chub sems dpa' sngon dam bcas pa las kyang mi 'gyur la bya ba thams cad kyang ston to/ / rnam par 'phrul pa'i rgyal po de la shes pa'i rnam par 'phrul ba gang zhe na/ 'di lta/ ste/ phung po shes pa dang / khams shes pa dang / skye mched shes pa dang / rten cing 'brel par 'byung ba shes pa dang / bden pa shes pa'o// rnam par 'phrul pa'i rgyal po de la phung po shes pa gang zhe na gzugs stong pa dang / gzugs kyi sngon gyi mtha' stong pa dang / gzugs kyi phyi ma'i mtha' stong pa dang / gzugs kyi dbus stong pa dang / rnam par 'phrul pa'i rgyal po de bzhin du/ tshor ba dang / 'du shes dang / 'du byed rnams dang / rnam par shes pa stong pa dang / rnam par shes pa'i sngon gyi mtha' stong pa dang / rnam par shes pa'i phyi ma'i mtha' stong pa dang / rnam par shes pa'i dbus stong pa yin te/ nye bar len pa'i phung po lnga po de dag stong zhing shin tu stong par shes pa de ni phung po shes pa zhes bya'o// rnam par 'phrul pa'i rgyal po de la khams shes pa gang zhe na/ sa'i khams chos kyi dbyings/ chu'i khams chos kyi dbyings/ me'i khams chos kyi dbyings/ rlung gi khams chos kyi dbyings te/ de ci'i phyir zhe na/ khams bzhi po de dag thams cad chos kyi dbyings su khams gcig ste/ 'di lta ste/ nam mkha'i khams yin la/ nam mkha'i khams de dang / chos kyi dbyings de ni dbyings ma yin te/ de ni sa'i khams ma yin/ chu'i khams ma yin/ me'i khams ma yin/ rlung gi khams ma yin pa'i phyir ro// de ci'i phyir zhe na/ 'gyur pa med pa'i dbyings ni chos kyi dbyangs/ gnyis su med pa'i dbyings ni chos kyi dbyings/ skye ba med pa'i dbyings ni chos kyi dbyings kun nas nyon mongs pa med pa'i dbyings ni chos kyi dbyings/ shin tu rnam par dag pa'i dbyings ni chos kyi dbyings yin pa'i phyir te/ chos kyi dbyings ci 'dra bar dag gi dbyings kyang de bzhin sems kyi dbyings kyang de bzhin/ srog gi dbyings kyang de bzhin/ gang zag gi dbyings kyang de bzhin/ 'khor ba'i dbyings kyang de bzhin// mya ngan las 'dra ba'i dbyings kyang de bzhin te/ mya ngan las 'das pa'i dbyings ji lta ba de bzhin du 'dod pa'i khams kyang de'i khams/ gzugs kyi khams kyang de'i khams/ gzugs med pa'i khams kyang de'i khams/ 'dus byas kyi khams kyang de'i khams/ 'dus ma byas kyi khams kyang de'i khams te/ de bas na mya ngan las 'das pa'i dbyings shes bya'o// rnam par 'phrul pa'i rgyal po khams rnams la de ltar gzhan dring la mi 'jog par shes pa gang yin pa de ni khrims shes pa zhes bya'o/ / rnam par 'brub pa'i rgyal po de la skye mched shes pa ga n+tu/ mig ni dang bzhisas ma skyes zhing ma byung ba/ de la byed pa po gang yang med do// rnam par 'phrul pa'i rgyal po de bzhin du rna ba dang / sna dang / lce dang / lus dang / yid kyang rang bzhin las ma skyes shing ma byung ba ste/ la byed pa po gang yang med do// rnam par 'phrul pa'i rgyal po mig ni bdag po med pa ste/ de la lta ba po gang yang med de// rna ba ni bdag po med pa ste/ de la nyan pa po gang yang med do// sna ni bdag po med pa ste/ de la snom pa po yang med do// lce ni bdag po med pa ste/ de la myong ba po gang yang med do// lus ni bdag po med pa ste/ de la reg pa po gang yang med do// yid ni bdag po med pa ste/ de la shes pa po gang yang med do// rnam par 'phrul pa'i rgyal po mig gi rang bzhin gzugs mi mthong / rna ba'i rang bzhin sgra mi nyan/ sna'i rang bzhin dri mi snom lce'i rang bzhin ro myong bar mi byed/ lus kyi rang bzhin reg bya la reg par mi byed/ yid kyi rang bzhin chos shes par mi byed do// de ci'i phyir zhe na/ mig ni byed pa med pa ste/ dang / shing dang / rtsig pa dang gyo mo lta bu yin pa dang / de bzhin du na pa dang / sna dang / lce dang / lus dang / yid byed pa med pa ste/ rtswa dang / shing dang / rtsig pa dang // gyo mo lta bu yin pa'i phyir ro// rnam par 'phrul pa'i rgyal po mig ni tshigs pa yang ma yin/ chags pa med pa yang ma yin no// de ci'i phyir zhe na/ mig ni rang bzhin gyis chags pa med pa'i phyir ro// rnam par 'phrul pa'i rgyal po rna ba dang / sna dang // lce dang / lus dang / yid ni chags pa yang ma yin/ chags pa med pa yang ma yin no// de ci'i phyir zhe na/ yid ni rang bzhin gyis chags pa med pa'i phyir ro/ / rnam par 'phrul pa'i rgyal po skye mched thams cad la gang de ltar rab tu shes shing / shes nas kyang chags pa med pa de ni skye mched shes pa zhes bya'o// gang phung po dang // khams dang / skye mched rnams la de ltar shes nas skye ba med pa dang / 'byung ba med pa dang / shin tu mya ngan las 'da' bar mya ngan las 'das par gyur kyang skye zhing 'byung la/ phung po dang / khams dang / skye mched rnams kyang yongs su 'dzin cing / phung po dang / khams dang / skye mchod rnams kyang mi spong ba de ni/ de'i shes pa'i rnam par 'phrul pa'o// gang phung po dang / khams dang / skye mched de dag gi mtshan nyid gang yin pa dang / ngo bo nyid gang yin pa de dag rab tu shes la/ de rnams spong bar yang mi byed cing / khams gsum na yang snang la nyon mongs pa dang yang lhan cig tu mi gnas shing / skye ba dang / 'byung ba dag kyang ston la/ skye bar yang mi 'gyur/ 'chi 'pho bar yang mi 'gyur ba de ni/ de'i shes pa'i rnam par 'phrul// pa'o// de la rten cing 'brel par 'byung ba shes pa gang zhe na/ ma rig pa ni 'du byed rnams kyi rkyen yin mod kyi/ ma rig pa yang 'di snyam du/ bdag ni 'du byed rnams skyed do snyam du mi sems/ 'du byed rnams ni rnam par shes pa'i rkyen yin mod kyi/ 'du byed rnams kyang 'di snyam du bdag cag ni rnam par shes pa skyed do snyam du mi sems/ rnam par shes pa ni ming dang gzugs kyi rkyen yin mod kyi/ rnam par shes pa yang 'di snyam du bdag ni ming dang gzugs skyed do snyam du mi sems/ ming dang gzugs ni skye mched drug gi rkyen yin mod kyi/ ming dang gzugs kyang 'di snyam du bdag ni skye mched drug skyed do/ / snyam du mi sems/ skye mched drug ni rig pa'i rkyen yin mod kyi/ skye mched drug kyang 'di snyam du/ bdag ni reg pa skyed do snyam du mi sems/ reg pa ni tshor ba'i rkyen yin mod kyi/ reg pa yang 'di snyam du bdag ni tshor ba skyed do// snyam du mi sems/ tshor ba ni sred pa'i rkyen yin mod kyi/ tshor ba yang 'di snyam du bdag ni sred pa skyed do snyam du mi sems/ sred pa ni len pa'i rkyen yin mod kyi/ sred pa yang 'di snyam du bdag ni len pa skyed do snyam du mi sems/ len pa ni srid pa'i rkyen yin mod kyi/ len pa yang 'di snyam du bdag ni srid pa skyed do snyam du mi sems/ srid pa ni skye ba'i rkyen yin mod kyi/ srid pa yang 'di snyam du bdag ni skye ba skyed do snyam du mi sems/ rtse ba ni rga shi'i rkyen yin mod kyi/ skye ba yang 'di snyam du bdag ni rga shi skyed do snyam du mi sems te/ rnam par 'phrul pa'i rgyal po gang gi tshe/ byang chub sems dpa' de ltar rten cing 'brel par 'byung ba la so sor rtog pa na/ de las chad par lta ba 'am/ rtag par lta ba'i lta ba gnyis la gnas par mi 'gyur ro// de 'di snyam du chos 'di dag thams cad ni rgyu dang rkyen la rag las pa'o snyam du sems shing de rgyu dang rkyen de dag tshol te/ btsal na yang mi rnyed do// de nas de rten cing 'brel par 'byung ba la mnyam par shes pa 'jug go/ shes pa ji lta bu zhig 'jug ce na/ rten cing brel par 'byung ba dang / skye ba med par mnyam pa ste/ stong pa nyid gang dang mnyam pa rten cing 'brel par 'byung ba yang de dang mnyam tshan ma med pa gang dang mnyam pa rten cing 'brel par 'byung ba yang di dang mnyam/ smon pa med pa gang dang mnyam pa rten cing 'brel par 'byung ba yang de dang mnyam mo// mnyam pa de nyid gang gis de bzhin gshegs pas chos thams cad mngon par rdzogs par sangs rgyas pa de/ rten cing 'brel par 'byung ba dang mnyam mo// rten cing 'brel par 'byung ba gang dang mnyam pa de la bdag skye ba med/ sems can skye ba med/ srog skye ba med/ gang zag skye ba med/ de la chos gang yang skye ba med de/ de bas na rten cing 'brel par 'byung ba zhes bya'o// rten cing 'brel par 'byung ba ni/ 'byung ba med par blta bar bya ste/ gang 'byung ba med par shes pa de ni/ rten cing 'brel par 'byung ba shes pa yin mod kyi/ yang ma rig pa dang / rig pa de gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o/ / 'du byed dang / 'du byed ma yin pa de dag gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o// rnam par shes pa dang / rnam par shes pa ma yin pa de ni/ gnyis su med cing gnyis su dbyed med de/ gang de shes pa de ni rten cing 'brel par 'byung ba shes pa'o// ming dang gzugs dang / ming dang gzugs med pa de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o// skye mched drug dang skye mched drug med pa de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o// reg pa dang / reg pa med pa de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o/ / tshor ba dang / tshor ba med pa de ni gnyis su med cing gnyis su dbyer med da / gang de shes pa de ni rten cing 'brel par 'byung ba shes pa'o// sred pa dang // sred pa med pa de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o// len pa dang / len pa de med pa de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o// srid pa dang nying mtshams mi sbyor ba de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o/ / skye ba dang / skye ba med pa de ni gnyis su med cing gnyis su dbyer med de/ gang de shes pa de ni rten cing 'brel par 'byung ba shes pa'o// rga shi dang // rmi lam de ni gnyis su med cing gnyis su dbyer med do/ gang de shes pa de ni rten cing 'brel par 'byung ba shes pa'o// gang rten pa de ni mi gnas pa/ gang rten pa de ni snying po med pa/ gang rten pa de ni mi rtag pa/ gang rten pa de ni stong pa/ gang rten pa de ni song ba med pa dang / 'ong ba med pa/ gang rten pa de ni ma byung ba/ gang rten pa de la ni ril por 'dzin pa med pa/ gang rten pa de ni 'jug pa med pa ste/ gang de shes pa de ni rten cing 'brel par 'byung ba shes pa'o// gang rten cing 'brel par 'byung ba mthong ba de ni ma rig pa mi mthong / 'du byed rnams mi mthong / rnam par shes pa mi mthong / ming dang gzugs mi mthong / skye mched drug mi mthong / reg pa mi mthong / tshor ba mi mthong / sred pa mi mthong / len pa mi mthong / srid pa mi mthong skye ba mi mthong / rga shi mi mthong ste/ de ltar gang chos la tshul bzhin du mthong ba des ni/ rten cing 'brel par 'byung ba mthong ngo // gang rten cing 'brel par 'byung ba des ni chos mthong ngo // chos gang mthong zhe na/ 'dod chags dang bral ba'i chos mthong ngo // ci'i phyir 'dod chags dang bral ba zhes bya zhe na/ 'di ltar de las chos thams cad chags pa'i lta ba dang bral bas de'i phyir 'dod chags dang bral ba'i chos mtho ba zhes bya'o/ / ci nas kyang lhag par yang mi byed/ bri bar yang mi byed pa de ltar mthong / ci nas kyang de kho na las mi g.yo zhing mi chags pa de ltar mthong / ci nas kyang chos kyi dbyings tha dad par mi 'gyur ba de ltar mthong / ci nas kyang yang dag pa'i mtha' skyon med pa de ltar mthong / ci nas kyang mthong bas mthong ba yang mi mthong ba de ltar mthong ci nas kyang sha'i mig gis mthong ba ma yin pa dang / lha'i mig gis mthong ba ma yin pa dang / shes rab kyi mig gis mthong ba ma yin pa de ltar mthong ngo // de ci'i phyir zhe na/ sha'i mig/ ni byed pa med pa ste/ rnam par byed pa med pa'i phyir mi mthong / lha'i mig ni mngon par 'dus byas pa yin pas/ des 'dus ma byas pa mthong bar sla ba ma yin/ shes rab kyi mig ni// rnam par mi rtog pa ste/ rnam par mi rtog pas mthong ba'i phyir ro// rnam par 'phrul pa'i rgyal po byang chub sems dpa' gang chos rnams la de ltar mthong ba des de bzhin gshegs pa mthong ste/ gzugs su mthong ba ma yin/ tshor ba ma yin/ 'du shes su ma yin/ 'du byed rnams su ma yin/ rnam par shes par mthong ba ma yin/ mtshan dang / dpe byad bzang por ma yin/ chos kyi dbyings su ma yin/ tshul khrims su mthong ba ma yin/ ting nge 'dzin du ma yin/ shes rab tu ma yin/ rnam par grol bar ma yin/ rnam par 'grol ba'i ye shes mthong bar mthong ba ma yin/ 'das par ma yin/ ma 'ongs par ma yin/ da ltar byung bar mthong ba ma yin te/ gang de ltar mthong ba de ni de bzhin gshegs pa mthong ba'o/ / de nas bcom ldan 'das la byang chub sems dpa' rnam par 'phrul pa'i rgyal pos 'di skad ces gsol to// bcom ldan 'das gang chos 'di rnams mthong ba des de bzhin gshegs pa mthong bar 'gyur pa'i rnam grangs mchis lags sam/ bcom ldan 'das kyis bka' stsal pa/ rnam par 'phrul pa'i rgyal po yod do// de ci'i phyir zhe na/ gzugs ni zad pa'i mtshan nyid skye ba med pa'i rang bzhin can te/ gang gzugs de ltar mthong ba de ni de bzhin gshegs pa mthong ba'o// tshor ba dang / 'du shes dang / 'du byed rnams dang / rnam par shes pa ni zad pa'i mtshan nyid/ skye ba med pa'i rang bzhin can te/ gang rnam par shes pa de ltar mthong ba de ni de bzhin gshegs pa mthong ba'o// tshul khrims ni mngon par 'du mi byed pa'i mtshan nyid 'dus ma byas pa ste/ gang tshul khrims de ltar mthong ba de ni de bzhin gshegs pa mthong ba'o// ting nge 'dzin ni mnyam par mthong ba rnam par dag pa'o// de ltar ngas de bzhin gshegs pa mar me mdzad kyi tshe mthong ba rnam par dag go/ / der ngas rten cing 'brel par 'byung ba mthong bas kyang de bzhin gshegs pa mthong bar gyur to// byang chub sems dpa' rnam par 'phrul pa'i rgyal pos gsol pa/ bcom ldan 'das kyis mar me mdzad kyi pha rol tu de bzhin gshegs pa dag gzigs pa de dag ji ltar gzigs/ bcom ldan 'das kyis bka' stsal pa/ gzugs kyi mtshan nyid yongs su rtog par mthong bas mthong gi/ chos kyi sku gnyis su med par mthong bas ni ma yin no// rnam par 'phrul pa'i rgyal po khyod mos par bya'o/ / khyod kyi khong du chud par bya'o// ngas byang chub kyi sems bskyed tshun chad de bzhin gshegs pa mar me mdzad ma gtogs par nam yang de bzhin gshegs pa ma mthong ngo/ / de ci'i phyir zhe na/ gzugs kyi mtshan nyid mthong bas de bzhin gshegs pa mthong ba rnam par dag pa ma yin pa'i phyir ro// rnam par 'phrul pa'i rgyal po de bas na// de bzhin gshegs pa mthong bar 'dod pas/ ji ltar ngas chos nyid gcig pa dang / chos nyid gnyis su med par mar me mdzad mthong ba de ltar lta bar bya'o// ji ltar chos nyid gcig pa yin zhe na/ nga'i lus ji lta ba mar me mdzad kyi sku yang de bzhin/ mar me mdzad kyi sku ji lta ba sems can thams cad kyi lus kyang de bzhin te/ de bas na lus gcig pa dang / gnyis su med pa dang / gnyis su dbyer med pa ste/ 'di lta ste/ mtshan nyid med pa'i phyir chos nyid cig pa shes par bya'o// rnam par brtags pas shes par mi bya'o// rnam par 'phrul pa'i rgyal po 'di ni/ rten cing 'brel par 'byung ba mthong ba zhes bya ste/ rten cing 'brel par 'byung ba mthong bas chos mthong / chos mthong bas kyang sangs rgyas mthong ngo // gang yang sems bskyed pa thams cad la 'gog pa mngon du byed kyang / yongs su mya ngan las mi 'da' zhing mi skye ba dang / dmigs su med pa'i phyir thabs shes pas 'khor ba ston pa 'di ni de'i shes pa'i/ rnam par 'phrul pa'o// de la bden pa shes pa gang zhe na/ bden pa mngon par rtogs pa gang gis nyan thos kyi rnam par grol ba la reg par byed cing / bden pa mngon par rtogs pa de nyid byang chub sems dpa'i mngon par rtogs par byas nas/ rnam par grol ba la yang reg par mi byed pa 'di ni/ de'i shes pa'i rnam par 'phrul pa'o// bden pa mngon par rtogs pa gang gis rang sangs rgyas kyi rnam par grol ba la reg par byed cing / bden pa mngon par rtogs pa de nyid byang chub sems dpas mngon par rtogs par byas nas rnam par grol ba la reg par yang mi byed pa 'di ni de'i skye ba med pa'i rnam par 'phrul pa yin mod kyi/ bden pa shes pa zhes bya ba ni gang yang dag pa ma yin pa med pa sdug bsngal yongs su shes pa'o// de'i yongs su shes pa gang zhe na phyin ci log tu skye ba'i phyir/ de yod pa ma yin zhing med la de dngos po yod pa ma yin gyi dngos po med par shes pa ste/ gang gi tshe sdug bsngal skye ba ci/ 'byung ba med par shes pa de ni sdug bsngal yongs su shes pa'o/ / de la kun 'byung ba yongs su shes pa gang zhe na/ chos rnams ji ltar kun tu 'byung ba de bzhin du spong ba'o// ji ltar kun tu 'byung zhe na/ kun tu 'byung ba zhes bya ba ni/ kun tu 'byung ma thag tu 'ong ba med pas spong ba dang / kun tu 'byung ba la 'gro ba med pas spong ba 'di ni chos rnams kyi tshul te/ 'di la spong bar 'gyur ba'i chos gang yang 'byung ba med de/ sred pa'i bag la nyal gang gis sred pa 'byung ba'i sred pa bag la nyal de spangs na/ de ni kun 'byung ba spangs pa zhes bya'o// de la sdug bsngal 'gog pa gang zhe na/ gang sdug bsngal dang / kun 'byung ba gnyis shin tu 'gag cing chos gang yang 'jig pa med pa de ni 'gog pa zhes bya'o// 'gog pa zhes bya ba ni gang mtshan mar dmigs pa thams cad 'gog pa ste/ de ltar chos rnams kyi ngo bo nyid 'gog pas/ skye bar yang mi byed/ 'gog par yang mi byed pa 'di ni 'gog pa zhes bya'o// de la lam gang zhe na/ lam gang gis chos thams cad btsal na/ dge ba dang / mi dge ba 'am/ zag pa dang bcas pa dang / zag pa med pa 'am/ kha na ma tho ba dang bcas pa dang / kha na ma tho ba med pa 'am/ 'dus byas dang / 'dus ma byas sam/ 'jig rten pa dang / 'jig rten las 'das pa dag mi dmigs pa de ni lam zhes bya'o// chos thams cad tha dad pa med pa'i phyir lam mnyam pa nyid do/ / nyon mongs pa thams cad kyi yongs su gdung ba med pa'i phyir/ lam rab tu zhi ba'o// ngan 'gro thams cad dang bral ba'i phyir/ lam nye bar zhi ba'o// zag pa thams cad yongs su zad pa'i phyir/ lam zag pa med pa'o// lam de ni dmigs par lta ba thams cad kyis bgrod par bya ba ma yin pa'o// lam de ni rnal 'byor spyod pa yang dag par zhugs pa rnams kyis rtog par sla ba'o/ / lam de ni sngon gyi de bzhin gshegs pa rnams bzhud cing rjes su bzhud pa'o// lam de ni mtshan mar rnam par rtog pa thams cad spangs pa'i phyir mtshan ma med pa'o/ / lam gang gi sa gnyis dang mtshan mar mi ltung ba de ni lam zhes bya ste/ gang gi tshe byang chub sems dpa' bden pa bzhi po dag la tshul 'dis rtogs pa de ni bden pa shes ba zhes bya'o/ / bden pa bzhi po 'di rnams nyan thos kyi theg pa pa rnams dang // rang sangs rgyas kyi theg pa pa rnams la ston la/ theg pa de dag la yang 'dod par mi byed pa de ni/ bden pa shes pa'i rnam par 'phrul pa zhes bya'o/ / rnam par 'phrul pa'i rgyal po gzhan yang shes pa'i rnam par 'phrul pa ni gang nyan thos kyi theg pa yang shes la/ de la gnas par shes pa yang ma yin pa dang rang sangs rgyas kyi theg pa pa yang shes la/ de la gnas par shes pa yang ma yin pa dang / sangs rgyas kyi theg pa pa yang shes la/ de la gnas par shes pa'i rnam par 'phrul pa zhes bya'o/ / gzhan yang shes pa'i rnam par 'phrul pa ni gang shes pa gcig gis sems can thams cad kyi sems shes pa dang / sems kyi ngo bo nyid gcig gis sem can thams cad kyi sems kyi ngo bo nyid shes la/ / sems dang shes pa la gnyis su yang mi 'jug pa'o// gzhan yang shes pa'i rnam par 'phrul pa ni gang 'das pa la shes pa dang // mthong ba thogs pa med la/ 'das pa la// ma 'ongs pa'i sems 'pho ba yang med pa dang / ma 'ongs pa la shes pa dang / mthong ba thogs pa med la/ ma 'ongs pa la 'das pa'i sems 'pho ba yang med pa dang / da ltar byung ba la shes pa dang / mthong ba thogs pa med la/ 'das pa dang / ma 'ongs pa dang / da ltar byung ba la yang sems spros pa med pa'o/ / gzhan yang shes pa'i rnam par 'phrul pa ni gang zad pa shes pa'ang shes la/ dge ba'i rtsa ba mngon par 'du byed pa la'ang yongs su mi zad par shes pa dang / skye ba med pa yang shes la/ bsdu ba'i dngos po la yang thabs shes pa 'di ni shes pa'i rnam par 'phrul pa'o// gzhan yang shes pa'i rnam par 'phral ba ni gang shin tu yongs su mya ngan las 'das pa'i chos rnams la gzhan gyis dring la mi 'jog par shes/ shes pa'i stobs des kyang 'di lta ste/ sems can thams cad yongs su smin par bya ba'i phyir/ yongs su mya ngan las 'da' ba 'di ni shes pa'i rnam par 'phrul pa zhes bya'o// rnam par 'phrul ba'i rgyal po de la byang chub sems dpa' shes pa'i rnam par 'phrul pa byed par 'dod pas/ ye shes kyis byas pa'i bya ba rnams bya'i/ nga rgyal gyis byas pa rnams ni mi bya'o// nga rgyal gyi las gang zhe na/ ji tsam du yid rgyu ba de tsam du nga rgyal gyis las so/ / ji tsam du rnam par shes pa rgyu ba de tsam du nga rgyal gyis las so// ji tsam du sems rgyu ba de tsam du nga rgyal gyis las so// ji tsam du dge ba'i tsa ba mngon par 'du byed pa la/ mngon par zhen pa de tsam du nga rgyal gyi las so// ji tsam du lta bar lhung ba'i sbyin pa de tsam du nga rgyal gyis las so// ji tsam du 'du shes su lhung ba'i tshul khrims su gyur pa de tsam du nga rgyal gyi las so/ / ji tsam du bdag dang gzhan la gnas pa'i bzod par gyur pa de tsam du nga rgyal gyi las so// ji tsam du lus dang sems la dmigs pa'i brtson 'grus su gyur pa de tsam du nga rgyal gyis las so/ / ji tsam du rtog pa dang / rnam par rtog pa dang / yongs su rtog pa'i bsam gtan du gyur pa de tsam du nga rgyal gyi las so// ji tsam du bdag dang bdag gir byed pas bskyed pa'i shes rab tu gyur pa de tsam du nga rgyal gyis las so// bdag ni byang chub sems dpa'o snyam pa de ni nga rgyal gyi las so// bdag ni byang chub tu zhugs so snyam pa de ni nga rgyal gyi las so/ / bdag ni sangs rgyas dang / chos dang / dge 'dun gyi tshul mi gcod do// snum pa de ni nga rgyal gyis las so// bdag ni sems can gyi don la yang dag par zhugs so snyam pa de ni nga rgyal gyi las so/ / bdag gis sems can ma rgal ba bsgral lo snyam pa dang / ma grol ba dgrol lo snyam pa dang / dbugs ma phyin pa dbugs dbyung ngo snyan pa dang / yongs su mya ngan las ma 'dra ba yongs su mya ngan las bzla'o snyam pa de ni nga rgyal gyis las so// bdag ni sbyin pa'i bdag po'o// bdag ni tshul khrims dang / bzod pa dang / brtson 'grus dang / bsam gtan dang / shes rab dang ldan no snyam pa de ni nga rgyal gyis las so// bdag ni byams pa dang snying rje dang dga' ba dang / gtang snyoms la gnas so snyam pa de ni nga rgyal gyis las so// bdag ni 'dod pa chung ba/ chog shes pa/ rab tu dben pa la dga' ba'o snyam pa de ni nga rgyal gyis las so/ / bdag ni sbyangs pa smra ba/ bdag ni dgon pa po yo byad bsnyungs pa'o snyam du rlom sems su byed cing / rnam par rtog pa de ni rgyal gyi las so/ / bdag ni stong pa nyid dang // mtshan ma med pa dang // smon pa med pa la gnas pa'o snyam pa de ni nga rgyal gyi las so// bdag ni bden par smra ba'o// yang dag par smra pa'o/ / ji ltar smras pa de ltar smra ba byed pa'o snyam pa de ni nga rgyal gyi las so// bdag ni bdud kyi las las yang dag par 'das la/ bdud bzhi dang lta ba thams cad dang bral zhing / skye ba med pa la bzod pa nyams su blang ngo snyam pa de ni nga rgyal gyi las so// bdag gis byang chub rtogs nas chos kyi 'khor lo bskor te/ sems can rnams thar par byas nas/ phung po lhag ma med pa'i mya ngan las 'das pa'i dbyings su yongs su mya ngan las 'da'o snyam du gang rloms sems su byed cing / rnam par rtog pa de dag thams cad nga rgyal gyi lnga te/ rnam par 'phrul pa'i rgyal po ji tsam du yid nye bar spyod pa dang / sems mtho ba dang / dma' ba dang / rnam par shes pa brtags pa de tsam du nga rgyal gyi las so// rnam par 'phrul pa'i rgyal po de la ye shes kyi las gang zhe no// gang la yid kyi nye bar spyod pa med sems kyi med/ rnam par shes pa'i med de ni ye shes kyi las te/ de ye shes kyis byas pa'i las rnams kyang byed do/ / byang chub sems dpa'i las kyang gang zhe na/ gang byang chub sems dpas bya ba ste/ byang chub sems dpa'i las ni rnam pa gnyis so/ / gnyis gang zhe na/ 'di lta ste/ sems can thams cad yongs su smin par bya ba dang / dam pa'i chos yongs su gzung ba'o// de dag ji ltar shes pa de bzhin du sems can rnams yongs su smin par byed de/ bdag kyang ji ltar shes zhe na/ bdag ni gnas med par shes te/ gang dag gnas med par shes pa de la yid med/ rnam par shes pa med/ sems med/ de de ltar sems can rnams yongs su smin par byed do// dam pa'i chos kyang ji ltar yongs su 'dzin ce na/ gang chos thams cad yongs su 'dzin pa med pa ste/ 'di ni dam pa'i chos yongs su 'dzin pa'o// gzugs yongs su 'dzin pa ni dam pa'i chos yongs su 'dzin bla ma yin/ tshor ba dang / 'du shes dang 'du byed dang rnam par shes pa yongs su 'dzin pa ni dam pa'i chos yongs su 'dzin pa ma yin/ de bzhin du khams yongs su 'dzin pa dang / skye mched yongs su 'dzin pa dang / ming dang gzugs yongs su 'dzin pa ni dam pa'i chos yongs su 'dzin pa ma yin/ dge ba dang / mi dge ba'i chos yongs su 'dzin pa ni/ dam pa'i chos yongs su 'dzin pa ma yin// kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa'i chos yongs su 'dzin pa ni dam pa'i chos yongs su 'dzin pa ma yin sbyin pa'i mtshan ma yongs su 'dzin pa ni dam pa'i chos yongs su 'dzin pa ma yin/ tshul khrims dang bzod pa dang / brtson 'grus dang / bsam gtan dang / shes rab kyi mtshan ma yongs su 'dzin pa ni/ dam pa'i chos yongs su 'dzin pa ma yin no// de ci'i phyir zhe na/ ji tsam du mtshan ma dang / dmigs pa 'byung ba de tsam du chos ma yin/ 'dul ba ma yin pa'i phyir te/ gang 'dzin pa thams cad gtong zhing 'jug pa dang / mi 'jug pa dang / smon pa dang / mtshan ma dang / dmigs pa yongs su mi 'dzin pa 'di ni dam pa'i chos yongs su 'dzin pa'o// de ci'i phyir zhe na/ de bzhin gshegs pas chos rnams mtshan ma med pa dang / dmigs pa med par mngon par rdzogs pa sangs rgyas pa'i phyir te/ de mtshan ma dang / dmigs pa dag gis yongs su bzung bar mi nus so// gang de ltar byang chub sems dpa'i las shes pa de ni ye shes so// ye shes des byang chub sems pa'i bya ba thams cad kyang byed la/ gang zad par yang mi 'gyur ba de ni ye shes pa'i rnam par 'phrul pa zhes bya'o/ / // bam po gsum pa ste tha ma'o// rnam par 'phrul pa'i rgyal po de la shes rab kyi rnam par 'phral/ ba gang zhe na/ chos rnams rnam par 'byed pa tshig rab tu dbye ba dang / so so yang dag par rig pa bzhi po// 'di lta ste/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rigs pa nye bar len cing sbron pa'o// de la don so so yang dag par nyid rig pa gang zhe na/ tshig 'bru bshad pa thams cad don nyid la rton pa yin gyi/ tshig 'bru la rton pa ma yin pa ste/ don ces bya ba ni chos thams cad yang dag pa nyid du 'du shes pa'o/ / don ces bya ba ni'adi l+la ste/ brjod du med pa'i don dang / brjed ngas pa med cing tshig 'bru tha dad pa med pa nyid dang / sngon gyi mtha' dang / phyi ma'i mtha' sgra las dben pa nyid de/ de ni don ces bya'o// tshig 'bru bsal ba'i don la ni rten par mi bya'i/ gang tshig 'bru mnyam pa nyid de ni don yin te/ de ni so so yang dag par rig pa zhes bya'o/ / don thams cad yang dag par rig pa ni/ don so so yang dag par rig pa zhes bya'o// de la chos so so yang dag par rig pa gang zhe na/ de chos la rton pa yin gyi// de chos ma yin pa mi rton te/ chos la rton pa la chos ma yin pa snang bar yang mi 'gyur ro// de ci'i phyir zhe na/ des ni chos thams cad ming du brjod pa las dben par shes pa'i phyir ro/ / chos so so yang dag par rig pa zhes bya ba ni theg pa tha dad pa dang / chos tha dad par yang 'chad la/ chos kyi dbyings kyi mtshan nyid tha dad par yang mi byed pa gang yin pa'o/ / de ci'i phyir zhe na/ 'di lta ste/ chos kyi dbyings ni mtshan nyid med par mtshan nyid gcig pa'i phyir ro// de brjod pa gang gis chos rnams brjod/ pa'i brjod pa brag cha'i sgra dang mtshungs pa nyid du 'jug go/ chos gang dag yongs su brjod pa de dag kyang chos kyi dbyings dang mnyam par shes la// shes pa dang tha snyad la thogs pa med pa de ni/ chos so so yang dag par rig pa zhes bya'o// de la nges pa'i tshig so so yang dag par rig pa gang zhe na/ grang lha'i gdags pa shes pa dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / me dang mi ma yin pa'i gdags pa shes pa dang brgya byin dang tshangs pa dang / 'jig rten skyong ba'i gdags pa shes pa dang / tshig gcig dang / gnyis dang / tshig mang po rnams dang / mdor bsdus pa'i tshig bla dgas dang / spoza pa'i tshig bla dgas dang / skyes pa dang / bud med dang / ma ni gri bla dgas dang / 'das pa dang / ma 'ongs pa dang / da ltar byung ba'i tshig bla dgas shes pa dang / chos rnams ji ltar gdags par byas pa dang / gdags pa gang gis sems can gang gis sems kyi rgyud la gdags pa de bzhin du rtogs shing 'dogs so/ / rang gi nges pa'i tshig gis gzhan gyi nges pa'i tshig 'khrug par yang mi byed cing rlom sems su yang mi byed do// de ci'i phyir zhe na/ des chos thams cad nges pa'i tshig med par shes pa'i phyir ro/ / de 'di snyam du gdags pa gang gis chos gang gdags pa'i chos de/ bdags pa de la yod pa ma yin/ gang gis gdags pa'i gdags pa de yang chos de la yod pa ma yin no/ / snyam du sem pa 'di ni nges pa'i tshig ces bya'o// nges pa'i tshig gi sgra 'di gal te yang dag pa'i nges pa'i tshig yin du zin na/ dge ba'i chos kyi nges pa'i tshig la mi dge ba'i chos kyi nges pa'i tshig tu mi'i 'gyur ro/ / de bas na nges pa'i tshig 'di nges par 'byung ba yin par shes par bya'o// nges pa'i tshig so so yang dag par rig pa zhe bya ba ni/ gang gdags pa'i tshig thams cad la chos rtogs pa'o// de ci'i phyir zhe na/ chos thams cad shin tu rtogs pa'i phyir chos rnams mi rtogs so// gang de ltar rtogs pa'i rtogs pa de'i gdags pa dang / bshad pa de ni nges pa'i tshig so so yang dag par rig pa zhes bya'o// de la spobs pa so so yang dag par rig pa gang zhen/ gang gi phyir de la yi ge thams cad so sor snang ba dang / sgra thams cad so sor snang ba dang / ming bstan pa thams cad so sor snang ba'o// ji ltar so sor snang zhe na gsal ba nyid du so sor snang / chos su so sor snang / 'dul bar so sor snang / yang dag par so sor snang ngo // mdo'i sgra dbyangs la mos pa rnams la mdo'i sgra dbyangs so sor snang ngo / / de bzhin du dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / rtogs pa rjod pa dang / de lta bu byung ba dang / skyes pa'i ra ba dang / sha ni tu rgyas pa dang / smad du byung ba dang / chos gtan la phab par bstan pa la mos pa rnams la de bzhin du so sor snang ngo // / sngon gyi sbyor ba la mos pa rnams la sngon gyi sbyor ba rnams so sor snang / sems can thams cad kyi dbang po rnams so sor snang ste/ dad pa rnams la dad pa'i dbang po// brtson 'grus brtsams pa rnams la/ brtson 'grus kyi dbang po/ dran pa dang ldan pa rnams la dran pa'i dbang po// ting nge 'dzin dang ldan pa rnams la ting nge 'dzin gyi dbang ngo po// shes rab can rnams la shes rab kyi dbang po so sor snang ngo // 'dod chags spyod pa nyi khri chig stong yod pa de dag gi dbang po// brgyad khri bzhi stong de bzhin gshegs pa'i ye shes kyi mkhyen te/ de la de bzhin gshegs pa la ni dbang po thams cad so sor snang ngo // de'i rjes su 'brel pa la ni byang chub sems dpa' la so sor snang / zhe sdang spyod pa nyi khri chog stong yod pa de dag gi dbang po brgyad khri bzhi stong de bzhin gshegs pa'i ye shes kyis mkhyen te/ de la de bzhin gshegs pa la ni dbang po thams cad so sor snang ngo / / de'i rjes su 'brel pa ni byang chub sems dpa' la so sor snang ngo // gti mug spyod pa nyi khri chig sbyong yod pa de dag gi dbang po brgyad khri bzhi stong de bzhin gshegs pa'i ye shes kyis mkhyen te/ de la de bzhin gshegs pa la ni dbang po thams cad so sor snang ngo // de'i rjes su 'brel pa ni byang chub sems dpa' la so sor snang ngo // cha mnyam pa la spyod pa nyi khri chig spong yod pa de dag gi dbang po brgyad khri bzhi stong de bzhin gshegs pa'i ye shes kyis mkhyen te/ de la de bzhin gshegs pa la ni dbang po thams cad so sor snang ngo / / de'i rjes su 'brel pa'i byang chub sems dpa' la so song snang ste/ de ni spobs pa so sor yang dag par rig pa zhes bya'o// rnam par 'phrul pa'i/ rgyal po de la don so so yang dag par rig pa gang yin pa dang / chos so so yang dag par rig pa gang yin pa dang / nges pa'i tshig so so yang dag par rig pa gang yin pa dang / spobs pa so so yang dag par rig pa gang yin pa dang / byang chub sems dpa'i so so yang dag par rig pa de dag thams cad ni rtsa ba shes rab yin/ gzhi shes rab yin/ shes rab tu yang dag par 'du ba yin te/ byang chub sems dpa' shes rab can na rnam par 'phrul ba 'di dag dang / gzhan dag kyang rnam par byed/ bcom ldan 'das shes rab kyi rtsa ba gang lags/ gzhi gang lags yang dag par 'du ba gang lags/ rnam par 'phrul pa'i rgyal po shes rab ni rtsa ba thos pas/ gzhi thos par yang dag par 'du ba'o/ / thos pa'i rtsa ba gang lags gzhi lags/ yang drag par 'du ba gang lags/ yang rnam par 'phrul pa'i rgyal po thos pa ni rtsa ba dge ba'i bshes gnyen yin/ gzhi dge ba'i shes gnyen yin/ yang dag par 'du ba dge ba'i bshes gnyen yin no// dge ba'i bshes gnyen gyi rtsa ba gang lags/ gzhi gang lags yang dag par 'du ba gang lags/ rnam par 'phrul pa'i rgyal po dge ba'i bshes gnyen gyi rtsa ba ni gus pa yin/ gzhi ni gus pa yin/ yang dag par 'du ba yang gus pa yin no// gus pa'i rtsa ba gang lags/ gzhi gang lags/ yang dag par 'du ba gang lags/ rnam par 'phrul pa'i rgyal po gus pa'i rtsa ba ni lhag pa'i bsam pa yin/ gzhini lhag pa'i bsam/ ba yin/ yang dag par 'du ba yang lhag pa'i bsam pa yin no// lhag pa'i bsam pa'i rtsa ba gang lags/ ka ni gang lags/ yang dag par 'du ba gang lags/ rnam par 'phrul pa'i rgyal po lhag pa'i bsam pa'i rtsa ba ni rgyu med pa yin gzhi ni rgyu med pa yin/ yang dag par 'du ba yang rgyu med pa yin no// rgyu ma mchis pa'i rtsa ba gang lag gzhi gang lags/ yang dag par 'du ba gang lags rnam par 'phrul pa'i rgyal po rgyu med pa'i rtsa ba ni snying rje chen po yin/ gzhi ni snying rje chen po yin yang dag par 'du ba yang snying rje chen po yin no/ / snying rje chen po'i rtsa ba ni gang lags/ gzhi ni gang lags/ yang dag par 'du ba gang lags/ rnam par 'phrul pa'i rgyal po snying rje chen po'i rtsa ba ni sems can thams cad yin gzhi ni sems can thams cad yin/ yang drag par 'du ba yang sems can thams cad yin no// de ci'i phyir zhe na/ rnam par 'phrul pa'i rgyal po thams cad rab tu dgrol ba'i phyir/ byang chub sems dpa'i snying rje chen po las thams cad mkhyen pa nyid kyi sems skye ba'i phyir te/ rnam par 'phrul pa'i rgyal po 'di yang byang chub sems dpa'i shes rab kyi rnam par 'phrul pa'o/ / rnam par 'phrub pa'i rgyal po gzhan yang byang chub sems dpa'i shes rab kyi rnam par 'phrul pa ni/ gang chos kyi sgo gcig la sra brtsams nas/ bskal pa 'am/ bskal pa las lhag par bshad pa gzhan dang / gzhan dag gis 'chad cing 'dug pa na/ chos gang yang chos nyid dang 'gal bar mi byed de/ de 'dod na lus mi snang bas sems can rnams la chos ston to// spu'i khung bu thams cad nas kyang chos ston pa 'byin/ sems can gyi bsams pa dang / sbyor ba ji lta ba bzhin du de chos ston pa spobs par byed/ de yid kyi tshul ston pas kyang sems can rnams la chos ston te/ phas kyi rgol ba thams cad kyi mi thub pa yin no// phyi rol gyi mngon par shes pa lnga dang ldan pa rnams kyi bstan bcos sam/ nyi ma dang zla ba dang gza' dang / skar ma shes pa'am/ rmi lam dang / mtshan ma shes pa 'am/ rig byed dam/ sngags sam/ rig sngags sam/ sgra 'am/ mngon par shes pa la 'jug pa 'am/ sa g.yo ba med pa'am/ 'gro lding ba'i sngags kyi sbyor ba 'am/ bya rog gi sgra 'am/ ri dgas kyi khyu 'am/ lha dang / klu dang / gnod sprin dang / dri za dbab pa'am/ rgyal po'i rtags dang mtshan nyid dang / mtshan ma 'am/ lo legs pa dang / lo nyes pa'i mtshan ma 'am/ gdon rnam par rtse ba shes pa 'am/ de las gzhan pa 'jig rten gyi gzo shes pa'am/ las shes pa 'am/ yi ge dang / lag brda dang / grangs dang / brtsi ba dang / ri mo bri ba dang / glu dang / gar dang / pi wang dang / rnga dang / 'khar dkrol dang / rol mo la 'jug pa'i shes pa gang dag yin pa de dag thams cad byang chub sems dpa' de tshe brjes na se/ ma bstan par mngon du 'gyur zhing / de dag la de'i shes pa rab tu 'jug go/ shes rab dang ldan pa rnams la yang de dag thams cad ston cing / thams cad la mthar phyin par 'gyur te/ de bstan bcos dang / sngags dang / rig sngags kyi gnas de dag thams cad kyang rab tu shes la sems can thams cad la yang mi gnod par gnas shing / de dag gis dag par yang mi sems so// rnam par 'phrul pa'i rgyal po byang chub sems dpa' de shes rab ma nyams par tshadra pa 'bum phrag bcu dang lhan cig tu gnas shing 'dug la smra'o/ / lta bas kyang lta ba ston la kha dog ston/ smra bas kyang smra ba ston kha dog dang / 'od dang / gzi brjid kyis kyang kha dog dang / 'od dang / gzi brjid ston pa/ tshangs pa de dag la chags par yang mi 'gyur/ tshangs pa de dag kyang byang chub sems dpa' de bsur 'ong zhing / de la gus pa skyed do// de bzhin du lha'i gnas thams cad du yang badrag po yin par ston la/ de la chags pa yang med/ dga' ba yang mi skyed kyis mi rtag pa'i 'du shes nyid skyed/ sdug bsngal gyi 'du nyid skyed/ / bdag med pa'i 'du shes nyid skyed/ nye bar zhi ba nyid la rton/ sems can thams cad grol bar byed panyid la ston/ byang chub kyi snying po nyid la ston te/ rnam par 'phrul pa'i rgyal po 'di yang shes rab kyi rnam par 'phral ba'o// rnam par 'phrul pa'i rgyal po gzhan yang byang chub sems dpa' shes rab kyi rnam par 'phrul ba ni/ bdud kyi gnas bkod pa ci 'dra ba de dag lus bye ba khrag khrig phrag 'bum gyur gyi bkod pa'i khyad par gyis bdud de rnams btul te 'dod par byas nas/ nga rgyal bcag ste/ de dag yang dag par rdzogs pa'i byang chub kyi sems la bkod nas de'i 'og tu chos ston to// rnam par 'phrul pa'i rgyal po byang chub sems dpa'i shes rab kyi ni kun tu 'gro/ bar shes par bya ste/ sbyin pa sbyin nam/ len tam/ yongs su sngo yang rung shes rab ni kun tu 'gro bar shes par bya'o// tshul khrims srung ngam/ gzhan dag kyang der yang dag par 'dzud dam/ yongs su sngo yang rung / shes rab nyid yin par shes par bya'o// bzod pa sgom mam/ bzod pa la yang dag par 'dzud dam/ bzod pa de byang chub tu yongs su sngo yang rung / shes rab nyid yin par shes par bya'o// brtson 'grus rtsom mam/ gzhan dag kyang brtson 'grus la yang dag par 'dzud dam/ brtson 'grus de byang chub tu yongs su sngo yang rung / shes rab nyid yin par bya'o// pas me gtan la snyoms par 'jug gam/ gzhan dag kyang yang dag par 'dzud dam/ bsam gtan de byang chub tu yongs su sngo yang rung / shes rapa nyid yin par shes par bya'o// chos rnams 'dzin tam/ gzhan la ston tam/ ji ltar thos pa'i chos rnams la so sor rtog kyang rung / shes rab nyid yin par shes par bya'o// thams cad 'gro ba dang / 'ong ba dang / sprod lam thams cad du gom pa 'dor zhing 'jog pa na/ shes rab nyid yin par shes par bya'o// byang chub sems dpa'i shes rab kyi stobs can ni thams cad du dge ba'i stobs can du 'gyur ro// byang chub sems dpa'i shes rab kyi dbang por 'gyur ba ni thams cad la dbang phyug gi dbang thob par 'gyur ro/ / byang chub sems dpa' shes rab kyis rnam par 'phral pa ni/ thams cad du/ chos thams cad kyi rnam par 'phrul pa rjes su thob bo// byang chub sems dpa' shes rab kyi mtshon thogs pa ni nyon mongs pa thams cad gcod cing rab tu 'dral lo/ / byang chub sems dpa' shes rab la gnas pa ni chos thaman kyi gnas yongs su 'dzin to// byang chub sems dpa' shes rab 'od byed pa ni sangs rgyas kyi 'od kyi bkod pa thob bo/ / byang chub sems dpa' shes rab dang ldan pa ni dge pa'i chos thams cad lhun gyis grub par rjes su rtogs te/ rnam par 'phrul pa'i rgyal po 'di lta ste/ dper na steng gi bar snang la mda' 'phangs na/ 'phen pa'i stobs ji tsam pa de srid du song nas btsal mi dgos pa kho nar slar sa la lhung ngo // rnam par 'phral pa'i rgyal po de bzhin du byang chub sems dpa'i ye shes shes rab kyi stobs rnam par dag pa de yang btsal mi dgos pa kho nar dge ba'i chos thams cad la yang 'a bab/ stobs gang gis skad cig gcig la sangs rgyas kyi zhing gang+gA'i klung bye ma snyed dag g.yo bar byed pa dang / bdud kyi sde chen po de dag pham par byed pa'i stobs kyang byang chub kyi snying po kun tu ston/ byang chub thob nas kyang stobs gang dag gi lha dang / mi dang / lha ma yin du bcas pa'i 'jig rten gyis mi brdzi ba'i stobs bcu po dag kyang thob ste/ rnam par 'phrul pa'i rgyal po tshul khrims dang / mngon par shes pa dang / shes rab kyi rnam par 'phrul pa 'di dag ni/ byang chub sems dpa' sems dpa' chen po dge ba'i rtsa ba bskyed pa rnams kyi rna lam du grags par 'gyur ro/ / gang dag gis chos kyi rnam grangs 'di thos nas dga' bar gyur pa de dag thams cad kyang rnam par 'phrul pa'i bzhi po 'di dag lhag par byed par 'gyur ro/ / de ci'i phyir zhe na/ 'di dag ni nyan thos dang / rang sangs rgyas thams cad la med pa'i phyir ro// de nas byang chub sems dpa' rnam par 'phrul pa'i rgyal po zhus pa'i lan thos pa dga' mgu rangs/ / yid bde/ rab tu dga' tshim zhing yi rangs par gyur nas/ de bzhin gshegs pa la thal mos sbyar te/ mig mi 'dzum par lta zhing tshig 'di skad ces smras so/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ji ltar rnam par 'phrul pa de bzhin du/ sems can thams cad kyang rnam par 'phrul pa de dag gis rnam par 'phrul par gyur cig/ de nas byang chub sems dpa' sems dpa' chen po rnam par 'phrul pa'i rgyal pos lha dang / mi'i me tog rab tu dri zhim pa/ kha dog rnam pa du ma can rnam kyi phung po byin gyis brlabs nas/ me tog de dag gis de bzhin gshegs pa dang / byang chub sems dpa' thams cad dang / 'khor thams cad la kun tu gtor to// me tog de dag gtor ma thag tu/ gang dag gis lus la phog pa de dag thams cad gser gyi kha dog 'dra la/ mtshan dang dpe byad bzang pos brgyan par snang ngo // bar snang las kyang lha 'bum dag tshig tu smras pa/ bcom ldan 'das sems can gang dag rnam par 'phrul pa'adi la mos nas/ bla na med pa yang dag par rdzogs pa'i byang chub tu sems bskyed par 'gyur ba de dag ni/ sangs rgyas kyi rgyan gyis brgyan pa lags so/ / de ci'i slad du zhe na/ rnam par 'phrul pa 'di dag thams cad ni thams cad mkhyen pa'i sems kyi khengs su gtogs pa lags pa'i slad du'o// gal te bcom ldan 'das kyi sngon byang chub kyi sems ma skyed du lags na/ chos rnam par 'phrul pa bsam gyis mi khyab pa 'di dag 'di ltar thos par ga la 'gyur lags de nas bcom ldan 'das kyis lha'i bu de dag la legs so/ / zhes bya ba byin no// byin nas kyang byang chub sems dpa' rnam par 'phrul pa'i rgyal po la bka' stsal pa/ rnam par 'phrul pa'i rgyal po ngas mngon par dran te/ de bzhin gshegs pa mar me mdzad kyi pha rol na de bzhin gshegs pa bdun cu pa kun nas 'od zer gzi brjid rgya chen zhes bya ba byung ste/ de bzhin gshegs pa des kyang rnam par 'phrul pa bzhi po 'di kho na dag ston pa'i chos kyi sgo'i leru rgya cher rab tu bstan par gyur to// byang chub sems dpa' yul phun sum tshogs pa zhes bya ba zhig kyang yod par gyur te/ des de la zhus pa dang / de bzhin gshegs pa des chos kyi rnam grang+ga 'di bshad pa na/ byang chub/ sems dpa' brgyad stong gis rnam par 'phrul pa 'di dag thob par gyur mi skye ba'i cho sru la yang bzod pa thob par gyur to// srog chags sum khri nyis stong gis kyang bla na med pa yang dag par rdzogs pa'i byang chub tu sems skyed do/ / de dag las kyang rnam par 'phrul pa'i de dag ngas thos te// thos nas kyang bzung ngo // de bzhin gshegs pa mar me mdzad las ngas bzod pa thob nas kyang / / de dag yongs su rdzogs par byas so// rnam par 'phrul pa'i rgyal po de lta bas na/ da ltar yang rung / yongs su mya ngan las 'das nas kyang rung ste/ byang chub sems dpa' gang dgu chos kyi rnam grangs 'di nyan cing thos kyang 'dzin pa dang / 'chang ba dang / klog pa dang / kun chub par byed pa dang / gzhan la yang rgya cher yang dag par rab tu ston pa de dag mi skye ba'i chos la bzod pa myur du thob par 'gyur ro/ / bstan pa 'di bshad pa'i tshe lha dang mi'i srog chags sum khri nyis stong bla na med pa / yang dag par rdzogs pa'i byang chub tu sems bskyed cing lha'i bu de dag gis kyang / bcom ldan 'das la mchod pa'i las bya ba'i phyir/ me tog gi sa nar chen po mas/ bar bab/ si ba stan rnams kyang rab tu dkrol ba dang / sangs rgyas kyi mthus sil stan dengs las chos kyi nas grangs 'di thos nas myos shing 'dzin par byed/ 'chang bar byed klog par byed/ kun chub par byed/ gzhan la yang rgya cher yang dag par rab tu ston par byed pa'i sems can de dag ni mos pa rgya che ba// dbang po rno ba/ sangs kyi chos la mos pa/ shes rab spyod pa dge ba'i bshes gnyen gyis yongs su zin pa/ sngon dge ba'i rtsa ba bsags pa/ sems can thams cad la snying rje chen po dang ldan pa yin no zhes de skad kyi sgra byung ngo / / de nas bcom ldan 'das la byang chub sems dpa' rnam par 'phrul pa'i rgyal pos 'di skad ces gsol to/ / bcom ldan 'das de bzhin gshegs pa la stobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad gang dag mnga' ba de dag lta bu/ bcom ldan 'das byang chub sems dpa' rnams la yang / byang chub sems dpa'i stobs cu dang / byang chub sems dpa'i mi 'jigs pa bzhi dang / byang chub sems dpa'i chos ma 'dres pa bco brgyad kyang mchis lags sam/ bcom ldan 'das kyis bka' stsal pa/ rnam par 'phrul pa'i rgyal po byang chub sems dpa' gang yongs su sbyang ba byas shing / phyir mi ldog pa bzod pa thob pa/ sa brgyad pa la gnas shing / sa dgu la 'phar ba/ shes rab kyi pha rol tu phyin pa dang thabs mkhas pas yongs su zin pa de dag la yod do// rnam par 'phrul pa'i rgyal po byang chub sems dpa' de dag ni stobs bcu dang ldan pa/ mi 'jigs pa bzhi dang ldan pa dang / chos ma 'dres pa bco brgyad dang ldan pa ste/ rnam par 'phrul pa'i rgyal po de la byang chub sems dpa'i stobs bcu po dag gang zhe na/ 'di lta ste/ thams cad mkhyen pa nyid du sems bskyed pa lhag pa'i bsam pa brtan pa'i stobs dang / byams pa yongs su rdzogs pas thams cad gtong ba'i stobs dang / rnyed pa dang / bkur sti dang / tshigs su bcad pa don tu mi gnyer zhing / 'jigs rten thams cad dang 'dre ba la mi lhu bas/ snying rje chen po yongs su rdzogs pa'i stobs dang / sangs rgyas kyi chos thams cad la dad pa bskyed cing / de yongs su rdzogs par bya ba'i phyir/ sems ma zhum pas brtson 'grus chen po yongs su rdzogs pa'i stobs dang / dran pa dang / shes bzhin du spyod cing / spyod lam ma 'khrugs pas ting nge 'dzin gyi sa la gnas pa'i stobs dang / mtha' gnyis rnam par sbyangs shing / rten cing 'brel bar 'byung ba dang / 'thun pas lta ba thams cad spang ba dang / rtog pa dang rnam par rtog pa dang / yongs su rtog pa dang / spros pa dang / yongs su dpyod pa thams cad spang ba'i phyir/ shes rab kyi pha rol tu phyin pa yongs su rdzogs pa'i stobs dang / sems can thams cad yongs su smin par bya ba dang / 'khor ba tshad med pa yongs su bzung zhing / dge ba'i rtsa ba'i tshogs bsags pas ngoms par bya ba'i phyir/ 'du byed thams cad rmi lam lta bur mos te// 'khor bas yongs su mi skyo ba'i stobs dang / chos kyi rang bzhin la so sor rtog pas/ bdag med pa dang / sems can med pa dang / srog med pa dang / gso ba med pa dang / gang zag med pa dang / skye ba med pa dang / 'byung ba med pa'i chos la mos pas mi skye ba'i chos la bzod pa thob pa'i stobs dang / stong pa dang / mtshan med pa dang / smon pa med pa'i chos la 'jug cing rnam par thar pa'i sgo stong pa nyid la lta ba dang / nyan thos dang / rang sangs rgyas kyi theg pa'i rnam par grol ba shes pa las mi reg pas rnam par thar pa thob pa'i stobs dang / chos zab mo la gzhan la rag ma las pa'i shes pa dang / sems can thams cad kyi sems kyi spyod pa la lta ba thogs pa med pa'i ye shes yongs su rdzogs pa'i stobs te/ rnam par 'phrul pa'i rgyal po de dag ni/ byang chub sems dpa'i stobs bcu po dag go/ / rnam par 'phrul pa'i rgyal po de la byang chub sems dpa' rnams kyi mi 'jigs pa bzhi po dag gang zhe na/ thos pa thams cad 'dzin pas gzungs thob ste/ brjed pa med pas byang chub sems dpa' 'jigs pa med par 'khor rnams la chos ston pa dang / chos thams cad rab tu dbye ba dang / spobs pa thogs pa med pa dang spobs pa bar chad med pa dang / sgra thams cad shes pas/ byang chub sems dpa' 'jigs pa med par 'khor rnams la chos ston pa dang / gnas thams cad la mos pa rnam par grol bsam pa ji lta ba bzhin du sman sbyor shes pa dang / sems can thams cad kyi dbang po yongs su shes pa dang / ji ltar so sor 'os par chos 'chad pas/ byang chub sems dpa' 'jigs pa med par 'khor rnams la chos ston pa dang / de 'khor gyi 'jigs pa dang bral ba yin te/ 'ga' zhig shar dang / lho dang / nub dang / byang gi phyogs rnams nas 'ongs shing / bdag la dri ba mi 'dri grang / bdag gis ni de bstan mi nus so snyam pa'i mtshan ma yang byang chub sems dpa' yang dag par rjes su mi mthong // zhing / sems can thams cad thams cad 'dri ba'i skabs kyang 'byed de dri ba ji skad dris pa'i lan kyang 'debs shing / de 'jigs pa dang bral la/ the tsom thams cad gcod pa la mkhas pa yin zhing 'jigs pa med par yang 'khor rnams la chos ston pa ste/ rnam par 'phrul pa'i rgyal po de dag ni/ byang chub sems dpa'i mi 'jigs pa bzhi po dag go/ / rnam par 'phrul pa'i rgyal po de la byang chub sems dpa' rnams kyi chos ma 'dres pa bco brgyad po dag gang zhe na// byang chub sems dpa' ni ma bstan pa'i sbyin pa can yin te/ / sbyin pa byin cig ces sus kyang bsku la mi dgos kyi/ skyes ma thag tu sbyin pa la sems 'jug pa yin te/ gal te 'dud/ rang gi gzugs kyis 'ongs nas de la 'di skad du khyod sbyin pa de byin pas ci zhig bya/ gang sbyin pa byin par byed pa de ni sems can dmyal ba rnams su skye'o zhes zer yang / byang chub sems dpa' de ser sna byed pa'i gnas skabs med kyi/ de bdog pa thams cad yongs su gtong ba la sems 'jug cing / de sbyin pa rnam par 'gyeng pa nyid la sems 'jug la/ de'i sbyin pa de thams cad kyang byang chub la gzhol zhing rnam par smin pa la mi re ba dang / sems can thams cad la yongs su bsngo ba yin to// 'di ni byang chub sems dpa'i chos ma 'dres pa dang po'o/ / byang chub sems dpa' ni ma bstan pa'i tshul khrims can yin te/ de bzhin gshegs pa rnam ma byung ba na yang su las kyang bslab pa dang / so sor thar pa mi nod la/ so sor thar pa'i sdom pas kyang bsdams pa yin// bslab pa la dga' ba yin/ byang chub sems dpa' khyim na gnas pas kyang ji lta ji lta bur bcas pa'i bslab pa srung la/ mngon par byung nas kyang ji ltar bcas pa'i so sor thar pa'i sdom pa la bstan mi dgos par slob pa ste/ 'di ni byang chub sems dpa'i chos ma 'dres pa'o// srog gi phyir yang de bslab pa'i gzhi mi gtong zhing tshul khrims thams cad byang chub tu gzhol la/ sems can thams cad kyi 'chal pa'i tshul khrims spang ba'i phyir yongs su sngo ba 'di ni/ byang chub sems dpa'i chos ma 'dres pa gnyis pa'o// de sems can thams cad kyis brgyad bkag cing spyos la/ yan lag dang / nying lag rnams kyang bcad/ / rab tu dbul ba dang gdol pa dang / rigs ngan dang / smig ma mkhan dag gis spyos kyang / byang chub sems dpa' sems mi 'khrug gi de dag la byams pa nyid kyis khyab par byed la/ slar lan glan nus shing mthu yod kyang lan mi ljon par chos nyid la rton/ sangs rgyas kyis chos kho na la rton cing / sems can ngag nyid dad pa bskyed pa'i phyir go cha bgos pa 'di ni byang chub sems dpa'i chos ma 'dres pa gsum pa'o/ / byang chub sems dpa' de rab tu nyam thag pas kyang brtson 'grus mi gtong zhing / nams kyang zhum par mi 'gyur la/ de gang gi tshe nyan thos rnams yongs su mya ngan las 'das pa mthong ba de'i tshe/ 'khor ba na spyod pa sdug bsngal bar mthong yang / nyan thos kyi yongs su mya ngan las 'da' ba de la sems mi 'jug/ gang gi tshe rang sangs rgyas rnams yongs su mya ngan las 'da' ba mthong ba de'i tshe// 'khor ba na spyod pa sdug bsngal bar mthong yang de rang sangs rgyas kyi yongs su mya ngan las 'da' ba de la sems mi 'jug/ gang gi tshe sangs rgyas bcom ldan 'das don thams cad grub cing / sangs rgyas kyi bya ba thams cad byas pa rnams yongs su mya ngan las 'da' ba mthong ste/ bdag kyang mi nus shing sangs rgyas kyi chos yongs su ma rdzogs pa de'i tshe yang de sems zhum par mi 'gyur gyi/ bsam pa shin tu yongs su rdzogs nas/ 'di 'dra ba'i yongs myang na sras pa/ yongs su mya ngan las 'da' bar bya'o zhes brtson 'grus skyed pa 'di ni byang chub sems dpa'i chos ma 'dres pa bzhi pa'o/ / gang gi tshe 'khor los sgyur ba'i rgyal po 'am// lha'i dbang po brgya byin nam/ bdud dbang bsgyur bar gyur pa de na// de lho'i bu mo gang mang pos bskor / cing lha'i sil snyan dang // gar dang / klu blangs pas bde ba dang / ldan par gyur pa na yang / bsam gtan nyid mngon du 'gyur/ tshad med pa rnams mngon du 'gyur/ de'i sem dben pa nyid la 'jug par 'gyur/ de'i sems 'du 'dzi dag la 'jug par mi 'gyur/ de 'khor bas cher 'jigs par 'gyur/ de 'dod pa la yang mi sdug pa'i 'du shes che po skye bar 'gyur/ de phung po rnams la gshed por 'du shes skye bar 'gyur/ khams rnams la dug gdug par 'du shes pa dang / skye mched rnams grong stong par 'du shes pa bdag gi g.yog 'khor de la bdud kyi g.yog 'khor du 'du shes pa dang / de bud med kyi 'khor de la dur khrod du 'du shes skye bar 'gyur/ de chos kyi g.yog 'khor nyid 'dod cing / sangs rgyas mthong ba dang ldan pa nyid 'dod pa dang / sems can thams cad thar pa nyid la mngon par dga' ba yin te/ de'i sil snyan dang / rgyud can dang / glu'i sgra de dag las kyang bsam gtan gyi yan lag gi sgra 'byung la/ gal te de la bdud sgra de med par byed na yang de'i sngon gyi dge ba'i rtsa ba'i mthus nam mkha' las sangs rgyas kyi sgra dang / chos kyi sgra dang / dge 'dun gyi sgra dang / byang chub sems dpa'i spyod pa'i sgra 'byung ste/ des byang chub sems dpa' rgyal srid de dang / dbang phyug de bor nas nag tshal du gnas par 'gyur te/ rnam par 'phrul pa'i rgyal po'i ni byang chub sems dpa'i chos ma 'dres pa lnga pa'o// de 'jig rten pa'i shes pa rnams la snying/ po med pa'i 'du shes su 'gyur// de shes rab rnam par 'byed pa la mkhas pa yin/ bag la nyal dang / lta ba dang bral ba yin/ don dang chos la rton pa yin te/ byung chub sems dpa' de rmi lam na yang dag tu lta ba dang / gzhan du lta ba mi 'byung / de la bag la nyal dang / lta ba dang / kun tu dkris te 'dug pa thams cad med cing 'gyod pa dang bral ba yin/ de la bdud sdig can 'gyod pa gang gis bsgribs na/ chos dang bral ba 'gyur ba'i 'gyed pa skyed mi nus dgal te sems can yongs su smin par bya ba'i phyir sbyor ba'i tshul khrims las 'das kyang / / de 'gyod par mi 'gyur te/ rnam par 'phrul pa'i rgyal po de ni byang chub sems dpa'i chos ma 'dres pa drug pa'o// de'i tshe/ rjes nas kyang lhun gyis grub pa nyid du lus kyi las yongs su dag par 'gyur te/ de srog gcod pa spangs pa yin/ lag pa 'am/ bong ba 'am/ dbyig pa 'am/ mtshon gyis sems can gang la yang gnod pa mi byed do/ / de mtshon dang dbyig pa bor ba yin/ bdag gi longs spyod kyis chog shes pa yin te/ de tha na rtswa spar gang tsam yang gzhan dag gis mabyin par mi len/ sa gzhi rin po ches gang chags pa mi skyed/ de shin tu nyam thag cing 'chi bar 'gyur ba dang / gos ngan cing rnyings na yang gzhar yang 'tsho ba mi mthun pas 'tsho bar mi byed cing tshangs par spyod pa yin/ / de tha na rmi lam na yang 'dod pa rnams yongs su mi spyod de de 'dod pa dang / 'thab mo dang / nyon mongs pa mong ba yin/ 'dod pa'i phyir las mi mthun pa mi spyod do// de ni byang chub sems dpa'i chos ma 'dres pa ste/ de ye shes sngon du 'gro ba'i lus kyi las de dang ldan pa yin te// rnam par 'phrul pa'i rgyal po de ni/ byang chub sems dpa' chos ma 'dres pa bdun pa'o/ / de dag yongs su dag pa yin te// bden par smra ba yin yang dag par smra ba yin ji skad smras pa de bzhin byed pa yin bdag dang de bzhin gshegs pa rnam dang / lha dang / klu dang/ gnod sbyin dang // dri za dang / mi dang mi ma yin pa rnams mi slu ba yin// phra ma'i chog med cing 'khor mi phyed pa yin/ bdag gi 'khor la rjes su chags shing tshig rtsub po med pa yin// dga' bar smra ba yin// 'jam por smra ba yin/ tshig mi bslang ba yin/ tshig skyon med pa yin/ rig par smra ba yin/ tshig nyung ba yin// gsong por smra ba yin// bzhin 'dzum pa yin te/ gang tshig mi gsal ba dang / gtum pa dang / brlang ba dang chub pa dang / 'jigs par byed pa dang / pha rol po mi dga' bar 'gyur ba dang / bdag dang gzhan la gnod par 'gyur ba'i tshig de dag mi smra/ tshig bkyil par mi smra ba yin te/ gang med pa la ni mang ces smras/ gang yod pa la ni yod ces smra ste// de tshig gang bsal ba dang / lhag pa'i bsam pa yongs su dag pa des ma 'dres pa'i chos 'di rab tu thob bo// tshig smras pa gang gis mad/ parnams dad par 'gyur/ dad pa rnams kyang gong du mchod pa byed par 'gyur/ zhing skye ba thams cad du// 'di lta bu'i chos kyi tshul smra ba'i tshig thob par 'gyur/ lhag pa'i bsam pa ma 'dres pa des kyang bden pa'i rjes su 'jug pa'i tshig thob par 'gyur te/ smra ba gang smras pa de bzhin du 'gyur gyi// gzhan du mi 'gyur te/ rnam par 'phral pa'i rgyal po de ni byang chub sems dpa'i chos ma 'dres pa brgyad pa'o// de bdag gi/ sems la dbang du 'gyur ba yin te/ brnab sems med cing / gnod sems kyi sems med pa yin/ yang dag par lta ba yin// byang chub kyi sems mi mnyam pa dang / mnyam pa'i sems de las nams kyang nyams pa mi 'gyur te/ de sems kyi gya gru thams cad dang / sems kyi g.yo thams cad dang / sems kyi dmu rgod thams cad yongs su dag cing / byams pa'i rjes su 'brang ba'i sems kyis nyin mtshan 'das par byed de/ rnam par 'phrul pa'i rgyal po de ni byang chub sems dpa'i chos ma 'dres pa dgu pa'o/ / de skyes ma thag tu bstan bcos dang // gsang sngags dang / rig sngags dang / sman dang / rtsis shes pa dang / yi ge dang / lag rtsis dang / grangs dang / rtsis rnams ma thos shing // slob dpon dang yang mngon du 'gyur te// de bstan bcos dang / bzo thams cad la mkhwa shing 'jig rten pa dang / 'jig rten las 'das pa'i tshe rnams la gzhan gyi dring la mi 'jo// ba'i shes pa dang ldan la/ gzhan gyi ngor lta ba ma yin gyi/ lha dang bcas pa'i 'jig rten 'di zhig 'chang bdag cag gis mnyan te/ bslab bo snyam nas/ de nyid kyi ngor lta bar 'gyur te/ rnam par 'phrul pa'i rgyal po de ni byang chub sems dpa'i chos ma 'dres pa bcu pa'o/ / gang gi tshe sems can gzhan dag dang / gang zag gzhan rnams la 'jig rten pa'i gso ba sbyor ba de'i tshe/ rnyed pa dang / bkur sti dang / grags pa la mi re bar sbyor zhing / snying rje chen po sngon du 'gro ba'i sems kyis 'jig rten las 'das pa'i chos nyid rjes su dran zhing 'jig rten pa'i gso ba sbyor ba na/ byang chub sems dpa' ni bdag gis nam zhig na/ khams mi mthun pa'i nad 'di las sems can rnams thar par bya ba zhig gu thar par byas nas kyang nyon mongs pa'i nad shin tu spong zhing / sdug bsngal thams cad nye bar zhi ba'i mya ngan las 'das pa la dgod par bya'o snyam pa de lta bu'i dran pa thob par gyur te/ rnam par 'phrul pa'i rgyal po de ni byang chub sem dpa'i tshe ma 'dres pa bcu gcig pa'o// de smon lam ma btab cing re ba med pa nyid du brgya byin nyid dang / tshang pa nyid dang / 'khor los sbyar ba'i rgyal srid kyang mngon par grub cing / byang chub sems dpa' de brgya byin nyid dang / tshang ba nyid don du gnyer ba ma yin/ 'khor lo sgyur ba'i rgyal srid kyang don tu gnyer ba ma yin mod kyi de'i de dag sgrim mi dgos sing / spyan gyis grub pa nyid du mngon par 'grub pa nyid du 'gyur zhing // byang chub sems dpa' de gzugs 'dod pa'i phyir/ tshangs par spyad pa mi spyod/ long spyod 'dod pa'i phyir ma yin/ rgyal srid 'dod pa'i phyir ma yin/ g.yon 'khor 'dod pa'i phyir ma yin/ grags pa dang / brjod pa dang / sgra 'dod pa'i phyir/ tshangs par spyad pa spyod pa yang ma yin la// de'i don kyang lhun gyis grub cing btsal mi dgos pa dang / re ba med par 'grub par 'gyur te/ rnam par 'phrul pa'i rgyal po de ni byang chub sems dpa'i chos ma 'dres pa bcu gnyis pa'o// de rgyal srid kyi dbang phyug la gnas pa na yang / gang snga na sangs rgyas mthong ba'i lha de dag byang chub sems dpa' de'i drung du lhags nas/ dran par byed/ skal ma 'debs te/ de la 'di skad ston to// 'di ni bya ba yin/ 'di ni bya ba ma yin/ las 'dis ni byang chub tu 'gyur/ 'dis ni yongasu nyams par 'gyur ro/ / khyod de ltar spyod cing de ltar gnas na/ dbang po rnams bla na med pa yang dag par rdzogs pa'i byang chub dang 'thun par 'gyur ro zhes lha de dag kyang de la skul la/ de yang rang bzhin gyis byang chub sems dpa'i lam las mi g.yo ste/ / rnam par 'phrul pa'i rgyalo de ni byang chub sems dpa'i chos ma 'dres pa bcu gsum pa'o// ji tsam du khros shing rab tu sdang ba dang / tha ba dang // zhe sdang dang / gnod sems mang ba rang bzhin gyis mi srun pa'i rigs can gyis sems can rnams kyis kyang / / byang chub sems dpa' de la lus dang / ngag dang yid kyis gnod par bya mi nus te/ khros shing tha ba dang / zhe sdang dang / gnod sems mang ba'i sems can de dag kyang de mthong ba tsam gyis dad par 'gyur ro/ / gang dag de la log par byed kyi/ slar yang de dag chos la sbyar ba'i phyir yang dag par dad par byed do// de la log par byed pa'i sems can rnams ngan 'gro log par ltung bar yang mi 'gro'o/ / de ci'i phyir zhe na/ 'di ltar sems can gang dag lus sam/ ngag gam yid kyis bdag la log par byed pa'i sems can de dag gzhi des ngan 'gror ltung bar ma gyur cig ces/ byang chub sems dpa' des thog ma nyid du tshul khrims ma 'dres pa'i chos yongs su dag pa/ yongs su rdzogs par byas pa'i phyir te/ tshul khrims dang ldan pa de'i sems kyis smon lam btab pa yang 'grub par 'gyur te/ rnam par 'phrul pa'i rgyal po de ni byang chub sems dpa'i smon lam las byung ba'i chos ma 'dres pa bcu bzhi pa'o// sems can gang dag ma dad pa/ 'jungs pa/ log par lta ba/ las la mi lta ga las kyi rnam par smin pa la mi rton pa/ / sangs rgyas dang / chos dang / dge 'dun la rgyab kyis phyogs pa/ dge sbyong dang / bram ze gzhan dag lam dad cing / ma gus la/ bsti stang mi byed zhes mi byed/ rim mi byed pa de dag byang chub sems dpa' de mthong ba dang / spyod lam mthong ba 'am/ thos pa nyid kyi dad cing gus par 'gyur/ bsti stang byed// zhes byed/ ri mo byed de/ rnam par 'phrul pa'i rgyal po de ni/ byang chub sems dpa'i chos ma 'dres pa bco lnga pa'o/ / lha 'am/ klu 'am/ gnod sbyin nam/ dri za 'am/ drang srong rnams sam/ tshangs pa 'am/ bdag cag nyid ston par 'du shes shing 'jig rten na ston par grags pa gang dag yin pa de dag gi nang na de nyid rab tu grags par 'gyur zhing / lha 'am klu 'am/ gnod sbyin nam/ dri za 'am drang srong ngam/ tshangs pa ston par 'du shes pa gang dag yin pa de dag byang chub sems dang 'di 'dud rab tu 'dud de/ de la rim gro byed/ bsnyen bkur byed/ de dag sngon bdag gis ston pa yin snyam pa'i 'du shes su mthong nas bsur 'ong gus par byed/ 'di nyid gtso bo// 'di nyid mchog yin no/ / snyam nas/ dad pa thob par 'gyur te/ rnam par 'phrul pa'i rgyal po de ni byang chub sems pa'i chos ma 'dres pa bcu drug pa'o// khyim 'am/ grong khyer gang dag na dge ba'i chos rnams 'phel zhing mi dge ba'i chos rnams spong la/ sems can yongs su smin pa dang / dam pa'i chos yongs su 'dzin par 'gyur ba der/ de lhun gyis grub pa nyid du skye bar 'gyur te/ de der yang dag par song zhing yang dag par zhugs pa'i pha ma dang ldan par 'gyur ro/ / yul lam/ ljongs gang du byang chub sems dpas de skyes pa der ston pa gcig tu 'gyur te/ rjed cing mchod par 'gyur ro// ljongs kyis phyogs de nas sems can gang yang ngan 'gror 'gro bar mi 'gyur ro/ / de ci'i phyir zhe na/ 'di ltar byang chub sems dpa' de'i dge ba'i rtsa bas de dag yongs su zin pa'i phyir te/ de dag shi 'phos nas kyang lha dang / mi rnams su skye bar 'gyur te/ rnam par 'phrul pa'i rgyal po de ni byang chub sems dpa'i chos ma 'dres pa bcu bdun pa'o// de mngon par shes pa dang / rig pa yongs su rdzogs par bya ba'i phyir/ byang chub kyi phyogs dang 'thun pa'i chos thams cad dang 'thun par 'gyur zhing / bdud thams cad kyis kyang de la glags rnyed par mi 'gyur te/ rnam par 'phrul pa'i rgyal po de ni/ byang chub sems pa'i chos ma 'dres pa bco brgyad pa'o// rnam par 'phrul pa'i rgyal po ma 'dres pa rna shes bya ba/ ci'i phyir ma 'dres pa rnams shes bya zhe na/ sangs rgyas kyi chos thams cad yang dag par 'du ba'i phyir ma 'dres pa rnams shes bya'o// de nas bcom ldan 'das la byang chub sems dpa'// rnam par 'phrul pa'i rgyal pos 'di skad ces gsol to// bcom ldan 'das de bzhin gshegs pas/ byang chub sems dpa' sems dpa' chen po rnams la chos kyi snang ba chen po stsal cing / snang ba tshad ma mchis pa mdzad pa ngo mtshar lags so/ / de ltar bcom ldan 'das kyis bshad pa'i don bdag gis 'tshal pa ltar na/ chos kyi rnam grangs 'di byang chub sems dpa' gang gi rna lam du grags pa de phyis gzhan thos na/ de lta bu'i dad pa'i dngos po thob par mi 'gyur lags so// gang gis chos kyi rnam grangs 'di thos nas/ 'dzin pa dang / 'chang ba dang / klog pa dang / kun chub par byed pa des/ sangs rgyas kyi chos thams cad bzung bar 'gyur lags so/ / bzung nas kyang gang gzhan dag la 'chad pa des sangs rgyas kyi chos la yongs su smin par bgyis par 'gyur lags so// gang chos kyi rnam grangs 'di la tshul bzhin du sbyor ba des sangs rgyas kyi chos thams cad la zhugs par 'gyur lags so/ / gang 'di la bzod pa de ni rjes su 'thun pa'i bzod pa lags so// gang 'di la nan tan bgyid pa de ni sangs rgyas kyi chos thams cad la nan tan bgyid pa lags par blta bar bgyi'o/ / bcom ldan 'das gang chos kyi rnam grangs 'di dang ma bral ba'i byang chub sems dpa' de ni/ mngon par shes pa thob cing / byang chub kyi snying po la gnas pa lags par blta bar bgyi'o// bcom ldan 'das kyis bka' stsal pa/ rnam par 'phrul pa'i rgyal po khyod zer ba de bzhin te/ gang chos kyi rnam grangs 'di dang ma bral ba'i byang chub sems dpa' de ni mngon par shes pa thob cing / byang chub kyi snying po la gnas pa yin par blta'o// rnam par 'phrul pa'i rgyal po sngon byung ba 'das pa'i dus na/ de bzhin gshegs pa mar me mdzad kyi pha rol/ de bzhin gshegs pa rab tu gdung ba'i yang pha rol/ de bzhin gshegs pa skar rgyal gyi yang pha rol/ de bzhin gshegs pa rgyal gyi yang pha rol/ de bzhin gshegs pa rab gsal gyi pha rol na/ de bzhin gshegs pa lha'i rgyal po zhes bya ba/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung bar gyur te/ rnam par 'phrul pa'i rgyal po de bzhin gshegs pa lha'i rgyal po de'i sangs rgyas kyi zhing de 'byor pa dang / rgyas pa dang / bde ba dang / lo legs pa dang / nyams dga' ba dang lha dang mi rnams kyis gang bar gyur cing / lag mthil bzhin du mnyam pa/ bai DUrma dag pa la 'dzam bu'i chu bo'i gser gyi pad+mas smras pa/ gos ka tsa lin+di ka ltar reg na bde ba 'jam pa yin no// de'i tshe mi rnams kyi longs spyod ni dga' ldan gyi lha rnams kyi longs spyod pa dang / yongs su spyod pa ci 'dra ba de 'dra bar gyur te/ bza' ba dang / gtung ba rnams kyang yid la bsams pa tsam gyis byung ngo // mi de dag gi kha dog dang gzugs dang / dbyibs dang skyed mos tshal dang / gzhal med khang dag kyang lha rnams kyi dadabye brag med par gyur te/ ming du brjod pa 'ba' shig tha dad du zad do// stong gsum gyi stong chen po'i 'jig rten gyi khams de na/ de bzhin gshegs pa de ma gtogs pa rgyal po gang yang med de/ de'i phyir de bzhin gshegs pa de lha'i rgyal po zhes bya'o// 'di lta ste dper na/ 'khor los sgyur ba'i rgyal po chos kyi 'dun sar 'dug nas chos kho na ston gyi/ chos ma yin pa mi ston to// de bzhin du de bzhin gshegs pa lha'i rgyal po de yang chos kyi stan seng ge'i khri la bzhugs nas/ 'jig rten pa rnams la chos ston par gyur to// de chos ston pa na mdun dang / rgyab na 'khor gyi dkyil 'khor dpag tshad brgyad khri bzhi stong dang / g.yas g.yon na yang dpa' tshad brgyad khri bzhi stong gang bar 'khod te/ de bzhin gshegs pa de chos ston pan/ stong gi 'jig rten gyi khams sgras mngon par khyab par mdzad do// de bzhin gshegs pa de yang lha dang mi de rnams kyis 'di lta ste/ bla na med pa'i sangs rgyas kyi chos nan tan du byed pa'i mchod pas mchod/ rjed bsti stang byas/ bla mar byas par gyur to// de na sems can dman pa la mos pa gang yang med kyi/ de dag thams cad rgya chen po la mos par gyur te/ 'di lta ste/ sangs rgyas kyi chos la mos pa sha stag go// de na nyan thos dang / rang sangs rgyas rnams kyi ming yang mi grag na/ 'jug pa dang / spyod pa lta smos kyang ci dgos te/ bcom ldan 'das de'i g.yog 'khor ni byang chub sems dpa' 'ba' shig tu gyur to// de na bud med du gangag pa yang med/ 'khrig pa'i chos spyod pa'i sgra yang med de/ sems can de dag thams cad pad+ma la skyil mo krung du rdzus te/ skye bar gyur to// lha dang mi de rnams kyang de bzhin gshegs pa mthong ba mgu ba'i dga' ba dang / chos nyan pa'i dga' ba dang / chos so sor rtog cing 'byed pa'i dga' ba dang / dga' ba gsum dang ldan par gyur to// lha dang / mi de dag kyang rtag tu bag yod par gnas par gyur to// phan tshun chos bgro ba la brtson no/ / lha dang mi de rnams tshe dpag tu med de/ shi 'phos na yang / gang na sangs rgyas bcom ldan 'das bzhugs pa'i sangs rgyas kyi zhing rnams su bsams bzhin du skye bar byed do// byang chub sems dpa' gang de nas 'chi 'pho ba de shing ta la bdun tsam du bar snang la 'phags nas/ kye grogs po dag ni sangs rgyas kyi zhing 'di nas 'chi 'pho'o zhes/ 'chi 'pho ba'i sgra 'byin to// sgra des kyang byang chub sems dpa' du ma zhig 'dug 'dus nas/ byang chub sems dpa' de'i chos kyi bzod pa la dpyod cing / de la gang 'chi 'pho ba dang / gang skye ba'i chos gang yin zhes de skad kyang smra'o// byang chub sems dpa' des byang chub sems dpa' rnams la/ 'di skad ces smras te/ grogs po dag chos gang yang 'chi ba dang / skye ba med de/ de bzhin gshegs pas chos thams cad 'chi ba dang / skye ba med par mngon par rdzogs par sangs rgyas so/ / gzugs mi 'chi mi skye'o// tshor ba dang / 'du shes dang / 'du byed rnams dang / rnam par shes pa mi 'chi mi skye'o// de la don dam par bdag gam/ sems can nam/ srog gam/ gang zag gam/ shed las skyes sam/ shed bu 'chi ba 'am/ skye bar 'gyur ba gang yang med do// bcom ldan 'das kyis chos thams cad stong pa nyid dang / mtshan ma med pa dang / smon pa med par mngon par rdzogs par sangs rgyas te stong pa nyid dang / mtshan ma med pa dang / smon pa med pa ni 'chi ba 'am/ skye bar mi 'gyur ro// bcom ldan 'das kyis 'dod chags dang bral ba'i mtha' mngon du mdzad/ bcom ldan 'das kyis mngon par 'du bya ba med pa'i mtha' dang / skye ba med pa'i mtha' dang / 'byung ba med pa'i mtha' mngon tu mdzad de/ 'dod chags dang bral ba'i mtha' nas 'byung ba med pa'i mtha'i bar du 'chi ba dang skye ba yang med do// gang 'chi 'pho ba la 'chi 'pho zhes bya ba de ni/ de'i rkyen rnams dang mi ldan pa'o// gang skye ba zhes bya ba yang rkyen rnams la ni 'chi 'pho 'am/ skye ba med do zhes byang chub sems dpa' des/ byang chub sems dpa'i 'khor der chos kyi gtam de lta bu byas te/ shi 'phos nas kyang thal ba'am/ du ba tsam yang med par gyur to// shi 'phos nas de bzhin gshegs pa mngon tu bzhugs pa'i sangs rgyas kyi zhing gzhan du song ngo // de bzhin gshegs pa de dang / byang chub sems dpa' de rnams gos ngur smrig gyon gyi/ thams cad kyang lha'i gos gtsang ma rnams gyon no// de na bslab pa bcas pa yang med de/ de dag thams cad cang shes pa skye ba med pa la bzod pa'i chos can du gyur to/ / de dag la gtam rgyas par bya yang mi dgos te/ de dag ni zur tsam gyis go zhing dbang po rno ba sha stag go// gang gi tshe de bzhin gshegs pa byang chub sems dpa' rnams la chos ston pa de'i tshe/ sangs rgyas kyi zhing de ni lha dang mi ji skad 'khor ba de dag thams cad kyis bshad pa de kun shes par gyur te/ de la kha cig gis ni bzod pa thob/ kha cig gis ni gzungs kha cig gis ni spobs pa/ kha cig gis ni ting 'dzin thob bo// de bzhin gshegs pa de'i mtshan kyang phyogs bcur grags par gyur to// rnam par 'phrul pa'i rgyal po de ltar de'i tshe/ de'i dus na/ de bzhin gshegs pa lha'i rgyal po de lha dang bcas pa'i 'jig rten gyi mdun na/ chos kyi rnam grangs 'di nyid rgyas par 'chad de/ de nas byang chub sems dpa' bdun khri nyis stong yang dag par rdzogs pa'i byang chub tu lung bstan par gyur to/ / de'i tshe de'i dus na/ byang chub sems dpa' dri meng rnam dag 'od ces bya ba zhig kyang yong par 'gyur ro// de bzhin gshegs pa des/ byang chub sems dpa' de lung yang ma bstan pa dang / de 'di snyam du sems te/ byang chub sems dpa' gang dag lung bstan pa de dag spyod lam 'am/ spyod pa 'am/ nan tan nam/ dran pa 'am/ blo gros sam/ rtogs pa 'am/ shes rab bam/ mngon par shes pa 'am/ gzungs sam/ ting nge 'dzin thob pas bdag las lhag pa 'am/ mchog tu gyur pa ni ma na/ ci'i phyir 'di dag ni lung bstan la/ bdag ni lung ma bstan snyam mo// de nas de bzhin gshegs pa lha'i rgyal po de'i thugs kyis/ byang chub sems dpa' de'i sems mkhyen nas/ byang chub sems dpa' de la 'di skad ces bka' stsal to// rigs kyi bu ma 'ongs pa'i dus na/ de bzhin gshegs pa mar me mdza ces bya ba zhig 'byung ste/ des khyod la lung ston par 'gyur ro// de nas byang chub sems dpa' ji meng rnam ngag 'od kyis tshig de thos nas rab tu dga' zhing mgu bar gyur te/ nam mkha' la 'phags nas gal te bskal pa gang+gA'i klung gi bye ma snyed cig na/ de bzhin gshegs pa mar me mdzad de 'byung du zin kyang / bdag gis thams cad mkhyen pa nyid thob par 'gyur ro// de bzhin gshegs pa rnams ni sho bi mi gsung ste/ de bzhin gshegs pa rnams ni yang dag par gsung ba bden par gsung ba'o zhes tshig de skad smras so// rnam par 'phrul pa'i rgyal po 'di ji snyam du sems/ de'i tshe byang chub sems dpa' dri med rnam dag 'od ces bya bar gyur pa de gzhan zhig yin pa snyam na de ltar mi blta'o/ / de ci'i phyir zhe na/ nga nyid de'i tshe de'i dus na/ byang chub sems dpa' dri med rnam dag 'od ces bya bar gyur to// rnam par 'phrul pa'i rgyal po de'i tshur rol na/ de bzhin gshegs pa rab gsal zhes bya ba ngas mnyes par byas te/ de las kyang chos kyi rnam grangs 'di thos so// thos nas kyang bzung ngo // snang ba'i phyag rgya zhes bya ba'i ting nge 'dzin kyang thob bo// de'i tshul rol na de bzhin gshegs pa rgyal zhes bya ba mnyes par byas te/ de las kyang chos kyi rnam grangs 'di thos so// thos nas kyang bzung ngo // snang ldan zhes bya ba'i ting nge 'dzin kyang thob bo// de'i tshu rol na de bzhin gshegs pa skar rgyal zhes bya ba mnyes par byas te/ de las kyang chos kyi rnam grangs 'di thos so// thos nas kyang bzung ngo // rnam par snang byed ces bya ba'i ting nge 'dzin kyang thob bo// de'i tshu rol mde bzhin gshegs pa rab tu gdung ba zhes bya ba mnyes par byas nas/ de las kyang chos kyi rnam grangs 'di thos te/ thos nas kyang bzung ngo // rjes su 'thun pa'i bzod pa yang thob bo// de'i tshu rol na de bzhin gshegs pa mar me mdzad ces bya ba mnyes par byas nas/ de las kyang mi skye ba'i chos la bzod pa thob ste/ tshul khrims kyi rnam par 'phrul pa dang / mngon par shes pa'i rnam par 'phrul pa dang / shes pa'i rnam par 'phrul pa dang / shes rab kyi rnam par 'phrul pa zhes bya ba/ rnam par 'phrul pa bzhi po de dag kyang mngon sum du byas so// rnam par 'phrul pa'i rgyal po rnam grangs des 'di ltar rig par bya ste/ da ltar ram nga 'das pa'i 'og tu'ang rung / byang chub sems dpa'i theg pa pa'i rigs kyi bu 'am/ rigs kyi bu mo gang su ga chos kyi rnam grangs 'di 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag par rab tu ston pa de dag thams cad yang dag par rdzogs pa'i byang chub kyi phyir/ mngon par shes pa myur ba dang ldan par 'gyur/ chos kyi rnam par 'phrul pa 'di rnams kyi kyang thob par 'gyur/ thob nas kyang chos kyi rnam par 'phrul pa 'di dag gis chos kyi 'khor lo rjes su bskor bar 'gyur/ thams cad mkhyen pa'i ye shes bla na med pa 'di la rjes su 'thun pa'i bzod pa yang thob par 'gyur ro// bcom ldan 'das kyis chos kyi rnam grangs 'di bshad pa na/ byang chub sems dpa' khri drug stong gis bzod pa thob bo// srog chags 'bum phrag bcu gnyis kyis ni byang chub tu sems bskyed do// stong gsum gyi stong chen po'i 'jig rten gyi khams de'ang rab tu g.yos par gyur to/ / lha dang / klu 'bum dag kyang gang na chos kyi rnam grangs 'di spyod pa de na sangs rgyas 'byung bar shes par bya'o// gang dag chos kyi rnam grangs 'di nyan pa'i sems can de dag kyang / dge ba'i rtsa ba ma bsags ma yin na/ gang dag gis bzung ba nas/ kun chub par byed pa'i bar tu gyur pa lta smos kyang ci dgos te/ de dag ni ring por mi thogs par 'phrul pa 'di dag thob par 'gyur ro/ / zhes ched du rjod pa ched du brjod do// de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ rnam par 'phrul pa'i cho 'phrul bstan pa zhes bya bar zung shig/ bcom ldan 'das kyis de skad ces bka' stsal nas// byang chub sems dpa' sems dpa' chen po rnam par 'phrul pa'i rgyal po dang / tshe dang ldan pa kun dga' bo dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rang ste/ bcom ldan 'das kyis gsungs pa la mngon par stod do// 'phags pa rnam par 'phrul pa'i rgyal pos zhus pa zhes bya ba theg pa chen po'i mdo rdzogs s+ho//

CLOSE WINDOW